Skip links

قصة : بنات الخضار ج 1

 14,931 عدد مشاهداات

⁦♣️⁩بــــــنــــــات الــــــخــــــضــــار⁦♣️⁩

بــــــأنـــامل: imane Talẞi

⁦♠️⁩الــــــبــــــارت الأول⁦♠️⁩

فواحد البيت متوسط المساحة اللي فيها جوج ناموسيات وكل وحدة ناعسة عليها بنت حتى كيقفزو على صوت الدقات مجهد فالبيت ناضت البنت الأولى وهي كتدابز مع شعرها الكيرلي وعينها القهوين ومخنزرة حيت فايقة مخلوعة هي وختها ككل مرة حلات الباب بالزعاف وهي تلقا قدامها راجل كبير فالعمر دا وجاب فيه الزمان لحيتو وشعرو غادين وكيبان فيهم الشيب اما كرشو الكبيرة اللي كاينة قدامو ولابس فوقية وديك الهيبة وتخنزيرة

…: با حميد ياك لباس مالك على هاد الدقات المجهد

حميد كيغوت : لا لا وزيدي خرجي فيا عينيك فيناهو الفطور اديك السلكو طة

رضات شعرها مورا ودنيها وشافت فالساعة لقاتها لقاتها 6:00 تاع الصباح ونطقات وهي مبردة : با راه ضاربك حمار ليل راه باقي ليك ساعة باش تفيق وراك مكتخرج من الدار تال 7:30 غير رجع نعس

حميد هز عصا دالشطابة وعطاه ليها لراس بشوية ونطق: الفطور يكون واجد دابا وياويلك لملقيتوش اندوز عليك دكاكة نتي وديك ختك اللي مخبية تما ها ودني منكم(ومشا)

سرطات ريقها بعصبية و وهي تسمع ختها ناطقة

…:فتون ختي واش نتي بيخير

فتون شافت فيها وبالضبط فعينيها المدمعين وتجاهلات سؤالها: نوضي فطري وقادي امورك باش تمشي تقراي ولا ياكما ناوية ترجعي نعسي تا تفوت عليك الوقت

سليمة ابتاسمات وناضت من بلاصتها وقفات قدامها نطقات: لا اختي صافي انا طار النعاس من عيني انا انمشي نوجد لفطور لبابا ونتي قادي البيت صافي

فتون تخطاتها بدون متجاوبها وبدات كتجمع فالبيت شافت فيها سليمة بيأس على برودة ا
تعامل اختها معاها مكتحسش معاها لا بالحنان ولا بالعطف تنهدات طاردة هاد الافكار وتمشات للحمام غسلات وجها وونضفات حالتها ومشات الكوزينة وبدأت كتوجد الفطور عمراات اتاي وسخنات الخبز وحطات ليدام(زيت،العسل،الزبدة،الزيتون…)
وجدات الطبلة عاد جا باها مخنزر شافت فيه ونطقات: با صباح الخير

حميد بنفرة: صبحنا على الله ناس يصبحو على بنادم وانا مصبح على الخلا غبري عليا

تنهدات بقلة صبر وهي تمشي لبيتها لقات فتون كتلبس حوايجها بعدما جمعات بيتهم جبدات قبيتها الكحلة واسعة وسروال بوي فراند مع سبرديلة بيضة وخشات شعرها فالقبية مفيها اللي يمشطو هزات ساكادو تاعها قدات كتوبتها وهي تنطق لختها اللي ممسوقاش ليها : هانا مشيت

فتون كتشوف فيها تا غبرات من قدامها وهي ضور عينيها بعصبية قادات امورها تاهي لقات باها يلاه خرج وتبعاتو تاهي خرجات غادا للفاك

يتبع….⁦♣️⁩بــــــنــــــات الــــــخــــــضــــار⁦♣️⁩

بــــــأنـــامل: imane Talẞi

⁦♠️⁩الــــــبــــــارت الثـــــانـــي♠️⁩

سليمة كتمشى وعقلها ممعاهاش كتشوف حياتها كيف غادية 18 عام دازت دغيا كاع محسات بيها لدرجة مدارت تاحاجة زوينة فحياتها حتى الضحكة الى ضحكات من قلبها فاش كيفاجيها عليه شي حد من صحابها تنهدات بضيق وهي كتفكر كون كانت مماها عايشة كون راها بيخير كاع ميحقد عليها باها بزاف وكاع متحقد عليها تا ختها اللي معتابرها سندها حطات يديها على قلبها كتحس بيه مزير غمضات عينيها بضيف وبدأت كتستاغفر الله شافت فالساعة لقات باقي الوقت اصلا خرجات بكري وتاحد مرد ليها البال عايشة كي المنبودة فديك الدار ضارت غادية تقطع الشانطي تمشي للفاك حتى هي بحكم مكتلامش مع ختها هي فتون مكتبغيش تمشي معاها حتى فراناات واحد الطموبيل بالجهد حدا رجليها لولا لطف الله كون راه مشات عندي ربي مع السهو والخلعة والصدمة سخفات طايحة فالأرض

قبل دقائق عند فتون كانت غادا هي وصاحبتها الأنتيم وكيتناقشو اش غيديرو فالويكاند

سلمى (صاحبتها: اش بأن ليك نمشيو نسافرو لشي مدينة خرا

فتون قلبات عينيها: غا نساي الوليد ميخلينيش

سلمى ضرباتها على كتفها ونطقات: منخافش عليك افتون ديري كبحال كل عام ضربيها بشي كذبة بيضة ومالكي غتبقاي فهاد المدينة الزحلة حياتك كاملة عيشي حياتك بالطول والعرض وتعرفي ليك على شي حد بوكو حبة تعيشي الرفاهية مع راسك

فتون ضحكات ليها ونطقات: وخطيرة مع راسك بالليل نرض عليك احح تحمست لهاد الخرجة فراسك؟

سلمى: زيدي زيدي قدامي نمشيو ندخلو نقراو

بدأت كتحل عينيها على اتر الماء اللي كيترش على وجها شافت حواليها لقات راسها كالسة فوق الرصيف وضورات عينيها لداك الشخص اللي كان كيرش عليها الما غير شافتو. وهي تسرط ريقها لدرجة عينيها مقدراتش تغمضهم من قوة الصدمة كان راجل حجبانو معقودين وعينيه قهوين وقوي البنية كان كيسحاب ليها هاذ الاشخاص كاينين غا فالافلام تا لقات واحد بحالو قدامها فيقها من سوهتها ملي طرطق صباعو قدام عينيها

الشخص نطق: آنسة واش نتي بيخير

سليمة وهي دايخة فيه: آه آه بيخير ونتا زعما شكون نتا

الشخص ابتاسم ليها ونطق: على سلامتك وسمحي ليا حيت بسبابي كنتي اديري حادث

سليمة خرجات عينيها ووقفات بالزربة بواحد الطريقة كضحك وشافت الساعة لقات فاتها الحال نص ساعة وهي مغيبة بدون متجاوبو مشات كتجري وقفات ورجعات عندو ونطقات:

سليمة: نسيت مشكرتك (تفكرات :اشنو سميتك

الشخص: يوسف سميتي يوسف

سليمة ابتسمات من قلبها وهي تنطق: وانا سليمة متشرفين

ورجعات كتجري حتى وصلاات للفااك

يتبع…⁦♣️⁩بــــــنــــــات الــــــخــــــضــــار⁦♣️⁩

بــــــأنـــامل: imane Talẞi

⁦♠️⁩الــــــبــــــارت الثـــــالـــث♠️⁩

كالسين فالمراح ومجموعين على الطاجين بالسكات وفتون كتضور عينيها معرفاتش باش غتبدا وهي تنطق بعدما تشجعات: بابا بغيت ندوي معاك

حميد خنزر: سباحاتو لله اش باغا راه مكاينين بو فلوس

فتون نطقات بالزربة: لالا ماشي داكشي هو الصراااحة حنا دايرين رحلة على قبل الدراسة

سليمة هزات فيها حجبانها زعما منيتك خنزرات فيها فتون باش تسكت وهي تكمل كلامها: وبغيت ناخد اذنك باش نمشي لمدة جوج سيمانات وها متخافش على قبل الفلوس حيت عندي كنت كنجمعهم

حميد سرط الدغمة ونطق: ودي معاك هاد المنحوسة دختك مبغيتش نشوف كمارتها ونتي مكيناش

فتون شافت فسليمة اللي سرطات الدغمة بزز وحبسات دموعها وضحكات ليه ضحكة صفرة ونطقات: صافي واخا

حميد: امتا غادين

فتون: اليووم مع الصباح

حميد دار ابده فجيبو وجبد 400 درهم لاحها لسليمة على وجها ونطق: شدي باش تمشي تانتي (وناض من الطبلة)

سليمة مسحات دموعها وهي تنطق فتون وهي حاطا يديها على كتافها: مديريش فبالك هو هكا داير قاسح

سليمة ابتسمات بمرارة: ولكن معايا كتر (تفكرات وقرصات فتون تا نقزات) تاعاش هاد الرحلة الكذابة

فتون: ايي مال حسك جهلتي راه دايرينها بيناتنا حنا البناات خاصك تشكريني حيت انديك معايا تضوري شوية وتبدلي الجو

سليمة : لا انا مغاداش

فتون ناضت وشدات ليها يديها وهادي اول مرة كتديرها: عفاك راه لممشيتيش مغيخلينيش نمشي

سليمة تنهدات وناضت بلا متجاوبها تا وصلات البيت وهي تنطق: فاش تفيقي فيقني معاك باش نوجد راسي لهاد الحماق تاعكم

فتون ناضت كتنقز فرحانة وسفطات ليها بوسة فالهوا شي اللي فرح سليمة بزاف كتحس بختها ولات كتبغيها شوية شوية تنهدات براحة غمضات عينيها وهي تجي فبالها عينين يوسف(الشخص اللي ضربها باللوطو) حلات عينيها بالجهد ونطقات: اويلي حي اسليمة اش هادشي كتفكري فيه

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــرابــــع⁦♠️⁩

كالسة سليمة كتبكي بحرقة هي وفتوون وكيتخنصصو والدنيا مقربلة تا جات عندها وحدة من الجارات ونطقات :

البراكة فراسكم من جيهة باباكم مسكين كان راجل مزيان

ناضت فتون قافزة على أثر هاد الحلم سرطات ريقها وقلبها كيضرب فالتسعيين غمضات عينيها واستغفررات الله شافت فالساعة لقاتها الخمسة ديال الصباح ناضت من بلاصتها ومشات للحمام وغسلات وجها حطات يديها على قلبها مزير عليه تنهدات بصوت مسموع وهي تمشي للبيت لقات سليمة ضرباتها الفيقة وكتشوف فيها باستغراب حيت حالة فتون مكانتش طبيعية

سليمة: مالك اش واقع ليك علااش كتلهثي

فتون ضحكات: والو ااسليمة غا كابوس خايب زارني. وصافي نوضي وجدي راسك انا غنمشي نجهز راسي راسي

سليمة جمعات حجبانها ونطقات: صافي واخا هانا غادا

فتون ضوراات عينيها وهي تمشي بالزربة لبييت باباها لقاتو ناعس تنهدات براحة وهي تمشي لعندو بغات تغطيه ردات ليه البال ليديه قاداتها ليه فوق كرشو وهي تلقاها كاارمةةة بكل معنى الكلمة يديها بداو كيترعدو وعينيها بداو كيضلامو قلبها بدا كيضرب بالجهد بتوتر حطاات راسها على صدرو وهي تغمض عينيها فمها بدا كيترعد محسات براسها الا وهي مغوتة بالجهد لدرجة سليمة جات كتجري بالخلعة فاش سمعاتها

سليمة مخلوعة : فتون مالكي كتغوتي خلعتيني اش طرا مالكي كتبكي

فتون تتحرك حميد وتتخنصص هضرات وهي تتبكي: قولي قولي ليا علااش بابا نااعس قولي

سليمة: اويلي اسليمة راه الفجر هذا راه غير ناعس

فتون كتحرك راسها بالنفي ناطقة: لالا كون كان ناعس كون فاق فاش غوووت وااع قولي ليه يفييق اسلييمة راه منقدرش نكمل بلا بييه

سليمة فقصاتها : وراه غير ناعس انا نفيقو هانتي شوفي على عينيك

سرطات ريقها مخنزرة وقربات ليه قاستو فكتفو وهادي كانت اول مرة تحط يديها فوقو لدرجة التبوريشة شداتها وهي تحركو ناطقة:

سليمة: بابا بابا فيق فيق راه الفجر هذا نوض تصلي بابا بابا مالك نااعس بابا

فتون كتبكي : مغيفيقش

سليمة بعصبية: سكتي عليا ازمر هاهو غيفيق شوفي(تلافتات عند حميد كتحرك فيه بالجهد لدرجة كبات عليه الما ومفاقش ركابيها فشلوو علييها وقلبها بدا كيضرب شافت ففتون اللي كتبكي : مبغااش يفييق

فتون : بابا باباااااا وااا بابا بابا مشااااااا اربيييي بابا حبيبي خطاني اش غندير انا دابا فالدنيا وااااع⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــخامــــس ♠️⁩

بدات فتون كتبكي بالجهد عكس سليمة اللي كتشوف فباباها غي هو مبكاتش بقات غا واقفة مصدومة ومقدراش تحرك واش لهاد الدرجة حقدات لدرجة مطيحات حتى دمعة من عينيها يمكن حيت مكانش عاطيها الحب والحنان يمكن مكانش كيعاملها كيما كيعامل فتون كان غيكون عندها تردة فعل بحالها تاهي منهارة وكتر يمكن كون كان كيبغيها ويحميها وفاش تمرض يواسيها ويقابلها ويدللها كيما كان كيدير لفتون كانت غيكون عندها نفس الاحساس ولكن لا هو معطاها والو من غير الكره والالم والحقد بسباب انها هي عاشت وماماها ماتت

فتون شافت فيها وهي تجرها بعنف ونطقات: صافي تهنيتي فرحانة دابا نتي ياك؟

سليمة جمعات حجبانها ونطقات: كيفاش فتون اش كتخرفي

فتون كضحك: كنخرف ياك كنخرف (غوتات عليه فوجها) راه بابا اللي مات وهادشي كاملو بسبابك

سليمة : ب بسبابي ؟ ولكن انا اش درت

فتون كتبكي مخنزرة ونطقات: نحسك النحس ديالك اللي منكدها عليا فحياتي ملي حليتي عينيك على هاد الدنيا وانا هازا جبل من الحقد من جيهتك كل ما كنشوف وجهك وعينيك كنتفكر المرحومة ماما نتي وحدة حقيرة فهمتي انا كنكرهك ولكن دابا زدت كرهتك حيت بسبابك انا تفرقت على بابا حبيبي (زادت وحطات راسها على صدرو ونطقات: بابا حبيبي عفاك فيق فيق عارفاك نتا كتبغيني ومستحيل انك تخليني فيق عفاك انا مغنخليش هاد المنحوسة تخسر لينا حياتنا نتا راك كولشي فحياتي عفاك فيق

سليمة: علاش هادشي علاش كتكرهيني

فتون ناضت مخنزرة وشدتها من شعرها بالنتير
ودفعاتها تال برات الغرفة ونطقات: من اليوم عمري بغيت نشووف وجهك مرة أخرى انا كنكرهك يخخ تفووو على منحوسة قتلتي ماما ومكفاكش هادشي وزدتي تبعتي ليها بابا السند ديالي الوحيد نتي دمرتيه الحاجة إلي كنت متكية راسي عليه هدمتيه من اليوم مانتي ختي ما انا ختك واي. حاجة خايبة طرأت ليا فحياتي كنحملك كامل مسؤوليتها وغنبقا نلعنك حتى لاخر نفس فحيااتي كاملة تيقي بيا يلاه برا جمعي شطايطك وخرجي عليا ديكاج.

سليمة: راه واقية تانا بنتو من حقي نبقا فهاد الدار

فتون: كنت عارفاك طماعة وبابا كان عايق بيك

سليمة بدأت كتبكي: ختي حرام عليك علاش كتعامليني هاكا

فتون كملات كلامها: خودي الفلوس اللي عطاك بابا وهزي حوايجك (شافت فيها بكره) وهزي تا دوك الفلوس باش كنت انسافر فالماريو مبغيتش نشوف كمارتك مرة خرا كنتمنى عمرني نتلاقا بوحدة بحال مزال واش فهميتيني

سليمة: ف فتو( قبل متكمل كلامها سدات عليها الباب ومشات تكات حدا حميد وهي كتبكي وقلبها محروق بينما سليمة تمشات

يتبع…
#التتمة_بعد_400__تعلييق_داخل_الرد
#موعدنا__غداا⁦♣️⁩⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــسادس♠️⁩

سليمة: ف فتون

( قبل متكمل كلامها سدات عليها الباب ومشات تكات حدا حميد وهي كتبكي وقلبها محروق بينما سليمة تمشات لبيتهم كلسات فوق الناموسية وهي كتفكر فكاع الهضرة اللي سمماتها بيه فتون اشنو ذنبها هي اللي تزادت وماماها ماتت من يوم يومها وهي نحس على حياتهم بدأت كتبكي بحرقة شافت حواليها ماباليد حيلة فتون مبقاتش بغاتها معاها فنفس الدار لذلك غتمشي من هنا تنهدات جبدات باليزتها وهي كتفكر حتا باباها مغتحضرش لكنازتو جمعات اي حاجة كتخصها ولبسات مونطوها وهزات فلوسها وتيليفونها وضارت خارجة مخلية جثة باباها وقلب ختها المكسور واي حاجة كانت عندها علاقة بالماضي قسحات قلبها ومسحات دموعها بعجرفة وخنزرات وهي ضور شافت فالدار منبعد تمشات فالطريق خدات طاكسي نيشان للمحطة وبدون متسول ركبات اول كار بان ليها تنهدات بضيق دابا هي بوحدها وحياة جديدة وهوية جديدة غتبدل كولشي فحياتها ومتخلي تاحد يلعب بيها ويستغلها تكات على الكورسي وعقلها خدام كيفكر للمجهول واشنو غدير وكيفاش غتعيش من هنا للقدام وكيفاش كانت البارح بدأت كاحس بأنه كائن امل ان حياتها تحسن وتولي حسن من اللي هي عليه ولكن الييوم وبسباب موت باباها كاع احلامها تبخرات دابا هي كتعتابر يتيمة الابوين معندها تاحد من غير الله غمضات عينيها مبغااش تفكر فهادشي دابا هي باغا غاترتاح بعد 6 ساعات ديال الطريق اخيرا حطات فمدينة مراكش هبطات من الكار وهزات باليزتها وضورات عينيها فالمكان دابا غتبني حياتها من جديد

خدات طاكسي ونطقات: عفاك ديني لاقرب سمسار الله اخليك

مول طاكسي: نتي بوحدك ابنتي؟

سليمة : آه علاش

مول طاكسي: موحالش ابنيتي يسكنوك ونتي غا بوحدك خاصك رفيق واش نتي هنا جديدة

سليمة: آه انا جديدة أن هنا باش نقرا ونخدم فنفس الوقت

مول طاكسي: شوفي انا مبغيتش يضحك عليك شي واحد من هاذ الدياب انا غنديك عند مرتي راحنا خدامين عند شي ناس فواحد القصر هوما راه كيقلبو على خدامة جديدة فهمتيني ياك

سليمة: وقرايتي؟؟

مول طاكسي: متخافيش انا ندوي ليك مع مراتي تحل ليك هاد المشكل

سليمة ابتاسمات: ربي يخليك شكرا عمري غنسا ليك هاد الخير شكرا شكرا بزاف

مول طاكسي : مقلتيش ليا سميتك ابنيتي

سليمة: سليمة اعمي…

مول طاكسي(ضيمارا ): عباس عباس سميتي ابنيتي باينة فيك هازا هموم الدنيا فوق راسك

سليمة شافت فالزاج ونطقات بحزن: غا خليها على ربي اعمي هوما شلا مطارق فوق راسي مكرهتش نعس ونرتاح

عباس: لاواه يابنيتي راكي باقا صغيرة ومزال مجربتي فالدنيا والو راه خاصك تعرفي بلي كاينين ناس عندهم مشاكيل كتار فحياتهم وكيحمدو الله اوا عاودي ليا على حياتك ابنيتي باش نعرفك بعدا

سليمة ( تنهدات وبدات كتعاود ليه…

يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــسابــــع⁦♠️⁩

بعد نصف ساعة وصلو للمكان المحدد حط الطاكسي فالجنب وهبط وتبعاتو سليمة وهي تحل عينيها على وسعهم اذا راه مقال قصر الا وانه قصر نيت بكل معنى الكلمة هزات صاكها وجرات باليزتها وتبعات عباس اللي دخل من الباب الوراني ديال الخدم دخل وهي تابعاه كتضور عينيها مزال معرفاش علاش تاقت فيه وعطاتو نيتها وجات معاه سمات ربي وهي توقف فاش شافتو كيدوي مع شي مرآة كبيرة فالعمر باينة هي مراتو تقدمات للامام بعدما شافتو كيلوح ليها وهي توقف قدامو ونطق

عباس: هادي مراتي زاينة وراه قلت ليها عليك وقالت ليا غتولي تخدمي غير وقتما عندك الوقت خاوي تافقنا وهي غتوريك اش غديري وكيفاش غتصرفي

سليمة: سلام خالتي

زاينة : سلام بنتي(شافت فعباس ونطقات: غير سير كمل شغلك انا انوريها اشنو غدير

عباس : طهلاو فراسكم (ومشا

زاينة ضحكات لسليمة ونطقات: يامولات العيون الزورق فكريني فسميتك الحبيبة

سليمة ضحكات ليها: سليمة اخالتي سليمة

زاينة: ماعلينا ازينة البنات تعالي نقول ليك اش غديري

سبقاتها زاينة وبدأت كتدوي : فهاد القصر ساكنين ناس لاباس عليهم وديك لاباس عليهم ملي تسمعيها ديري فبالك راهم نااس ملعقيين نيييت وهذا ماشي موضوعنا نتي غتكلفي بتنضيف البيوت كاملين تافقنا وندوزو التالي هاد العائلة ممنوع تخالطي معاها حيتاش صارمة اي تصرف مغيعجبهومش متلومي غا نفسك

سليمة سرطات ريقها بخوف بينما زاينة كملات كلامها: كائن الجد محمد والجدة يطو والأب الكبير زيدان ومرااتو زهرة عندهم جوج ولاد وكاين خو زيدان عثمان ومرتو ليلى عندهم بنت وولد تفاهمنا هادو كاملين راكي نتي خدامة عندهم

سليمة حركات راسها بالايمائة وهي تدخلها زاينة لبيت ديال الخدمات

زاينة: حطي حوايجك ورتاحي شوية حيت غدا غتبداي الخدمة اليوم غادي غير نوريك القصر باش متجلايش فيه تافقنا

سليمة : صافي واخا

زاينة خرجات وسليمة مشات حطات صاكها وهي تحس بتليفونها كيڤيبري طلات لقات سلمى كتصوني ليها هزات حجبانها وجاوبات: الو سليمة واش نتي بيخير

سليمة: انا بيخير واحسن وهانية وكنعيش مزيان لاش معيطة

سلمى : غا حيت فتون مكتجاوبش تخلعت عليها ياك كولشي بيخير

سليمة خنزرات : معرفتش وسوليها هي حيت نتوما صحبات وعفاك متبقايش تصوني ليا

قطعات عليها مخنزرة وهي تمسح نمرتها وبلوكاتها

حيدات سلمى تيليفونها من ودنيها وشافت فيها ناطقة: هي لاباس عليها

فتون : الحمد لله

سلمى: ملي هي كتهمك لاش درتي هادشي كامل وجريتي عليها

فتون : هادشي مكيخصكش المهم انا غادا بسلامة (ومشات)

سلمى: عجيب امركم نتوما الخوت معرفتكم كتبغيو بعضياتكم ولا كتكرهو بعضياتكم

#يتبع⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــثامــــن♠️⁩

أصبحنا وأصبح الملك لله يوم جديد وحياة جديدة بالنسبة لسليمة فاقت وحالتها مابيهاش رغم ان تفكيرها باقي عند باباها اللي مات ترحامت عليه فخاطرها وتنهدات مبغات تفكر فوالو اليوم حتى تحل عليها الباب ودخلات عليها زاينة ابتسمات ليها ونطقات

سليمة: خالتي زاينة صباح الخير

زاينة: صباح الخير النويويرة ومولات العيون الزرقيين

سليمة ابتسمات ليها وخدودها حمارو ونطقات: خالتي اليوم اول نهار ليا فالخدمة اشنو خاصني ندير

زاينة: انا جبت ليك حوايجك دوشي ولبسي عليك واجي على اليمين غتلقاي الكوزينة غنكون تما

حركات ليها سليمة راسها بواخة وهزات الحوايج ومعاها الفوطة ودخلات دوشات ونشفات حالتها ولبسات الملابس الداخلية عاد لبسات صاية كحلة تال ركبة وقميجة بيضة جاتها اللبسة ايفازي دارت شعرها ديل حصان ونقات دوش عاد لبسات الصباط تاعها وتمشات فين قالت ليها زاينة بقات كدور عينيها وهي منباهرة بالمكان حتى وصلات للكوزينة لقات زاينة كتفتي على كل وحدة اشنو غدير شافتها زاينة وجات عندها ونطقات

زاينة: بنتي سليمة اليوم خدمتك بدات واليوم راجع ولد هاد العائلة اللي هو الولد البكر يعني بيتو مسؤوليتك خاصك كولشي تقاديه على اتم وجه وبلا متحشميني الله ارضي على بنتي

سليمة حركات راسها بواخا ونطقات: كوني هانية اخالتي كولشي غنديرو كيما طلبتيه مني ولكن فين جا البيت

زاينة مدات ليه المعداة اللي غتحتاج وسليمة هزاتهم من عندها ونطقات: سيري طلعي مع الدروج. تاني بيت راه تاعو يلاه سربي مخاصناش نضيعو الوقت

تمشات سليمة بخطوات سريعة وزادت طالعة مع دروج وهي حانية راسها تا تساطحات مع شي بنت وهي تنطق

البنت: غا بشوية عليك العورة مكتشوفيش ولا شنو

بغات سليمة تجاوبها وهي تفكر انها تقدر تكون بنت العائلة وهي تجمع فمها مرضياش ونطقات: سمحي ليا ا انسة مقصدتش

البنت باستهزاء: مكيهمنيش اعتذارك ومرة أخرى شوفي قدامك ولا

قاطعها صوت انثوي من وراها : ولا شنو أكاميليا

كاميليا: لا والو احبيبتي جنات غا هي مكانتش دايرة خدمتها وانا عطيتها درس

جنات جات وقفات على سليمة اللي حانية راسها مرضياش بهاد الدل ونطقات: هي عتاذرات منك زائد نتي مكبرة الموضوع على والو ونتي هنا غير ضيفة ماشي شغلك فالناس اللي خدامين هنا

كاميليا سرطات القمعة مرضاتش قدام سليمة وهي تهبط مخنزرة وكارهة الوضعية اما سليمة هزات عينيها فجنات ونطقات: شكرا بزاف اانسة حيت انا بصح مقصدتش انني ندفعها ولله

جنات: نتي ممطراش انك تبرري لشي حد ا…

سليمة: سليمة سميتي سليمة ويلي تعطلت نخليك ا انسة خاصني نجمع واحد البيت حيت غايجي اليوم

جنات: نتي جديدة هنا ياك تعالي نوريك بيت ولد عمي اجي معايا

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــتاســــع♠️⁩

كاميليا سرطات القمعة مرضاتش قدام سليمة وهي تهبط مخنزرة وكارهة الوضعية اما سليمة هزات عينيها فجنات ونطقات: شكرا بزاف اانسة حيت انا بصح مقصدتش انني ندفعها ولله

جنات: نتي ممطراش انك تبرري لشي حد ا…

سليمة: سليمة سميتي سليمة ويلي تعطلت نخليك ا انسة خاصني نجمع واحد البيت حيت غايجي مولاه اليوم

جنات: نتي جديدة هنا ياك تعالي نوريك بيت ولد عمي اللي هو مولاه اجي معايا نوريه ليك فين جا

سبقاتها جنات وتبعاتها سليمة من اللور تا وقفو عند واحد البيت وهي تنطق جنات

جنات: هاهو البيت ولكن رضي بالك راه ولد عمي كيبغي كولشي كيما خلاه متحركي تاحاجة من بلاصتها حيت هو عصبي ودغيا كيطلع ليه الدم تافقنا

سليمة: صافي واخا انا اندير هادشي اللي قلتي ليا بالحرف

جنات ابتاسمات ليها وهي تمشي اما سليمة شافت فالباب وهي تحلو وهي تبان ليها الدنيا مضلمة حلات الريدوات وهو يدخل الضو تاع النهار وبانت ليها الديكور تاع البيت اللي كان كبيير والوانو عبارة عن اسود ورمادي وشكلو راقي تنهدات وهي تبدا تمسح الغرفة من الغبرة ثم رتبات الاثات ونضفات الدوش تا رجع كيشعل وجففات الارض تنهدات بعياء وهي تهز داكشي اللي جابت معاها وخرجات وبدون مترض البال طاحت ليها الكورميط تاعها وسدات الباب وهي تهبط التحت بانت ليها كاميليا كتدوي فالتليفون وهي تلمحها وهي تجي قاصدها تا وقفات على سليمة

كاميليا : بلاما يعجبك الحال على تصرف جنات ويتصحابك راكم وليتو صحابات حيت نتي غا وحدة محشرة وفقيرة فهمتيني

سليمة: مفهمتش هاد الحقد منين جبتيه ولا علاش كتعاملي معايا بهاد الوضاعة واللي نبغي نقولو ليك انا مجيتش باش نكون صداقات انا جيت باش نخدم

كاميليا خنزرات فيها وهي تهز صبعها فوجها ناطقة: بعدي من طريقي ومتخلينيش نشوف وجهك المنحوس

زادت متخطياها مخلية سليمة وراها حزينة حيت فكراتها بكلمة”وجهك المنحوس” بكاع الهضرة اللي قالتها ليها فتون البار ح تنهدات بضيق وهي تكمل طريقها للكوزينة وتشوف اشنو غدير اليوم وصلات وهي تلقا الكوزينة خاوية حطات داكشي اللي فيديها وهي تهز شوية الخبز كلاتو حيت مفطراتش وزادت خارجة من الباب تاع الكوزينة كتقلب على زاينة ضورات عينيها بان ليها بنادم غا كيجري وزربان وكيقادو كولشي وشي مراة كبيرة فالعمر شوية وانيقة كتوريهم اش يديرو ميلات راسها وهي كتعبر فيها من رجليها تال راسها قدرات تعرف من خلال لبسها انها شخصية مهمة فهاد العائلة جمعات عينيها قبل مترض ليها البال وهي تمشي راجعة للكوزينة تا لقات زاينة عاد داخلة ليها

سليمة: خالتي زاينة واخا نسولك

زاينة وهي كتقشر الخضرة : نعام ابنيتي

سليمة: علاش هادشي كامل واش ولدهم لهاد الدرجة مكانتو عالية

زاينة: سكتي ياالجنية دابا يسمعك شي حد اوا سمعيني ابنيتي هذا راه الحفيد ديال اكبر رجال الأعما واللي فعمرو 30 عام وخوه حيت هوما توأم غير هو توأم ماشي حقيقي يعني ميكشبهوش لبعضيات يععني اللي غيتزوج اول واحد غيتولى هاد الامبراطورية من بعد باباه خاصو

سليمة: و خاصو يتزوج باش تنقل ليه جميع الاملاك بسميتو ونزيدك راه الضيفة كاميليا هي اللي غتولي خطيبة واحد فبهم منبعد ميجي (نطقات بهمس)وراها واحد اللفعة رضي بالك تجاحدي ولا تخالطي معاها غادير ليك غا المشاكيل

#يتبع….⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــعاشــــر♠️⁩

فمكان اخر راجعة من لفاك مهدودة وعيانة وصلات وحلات الباب وهي تدخل حيدات سبرديلتها وتلاحت فالمراح مغمضة. عينيها تنهدات وهي تنوض من بلاصتها وتمشات للكوزينة صايبات ليها متاكل وتمشات لبيتها يلاه اتكلس وهي تسمع ضقان تاففات بغيض وناضت حلات الباب غير شافت الشخص الي قدامها وهي تبتاسم ونطقات :

با على سلامتك

حميد بابتسامة: الله اسلمك ابنتي

فتون: دخل دخل

دخل حميد للدار وهي جلسات. فجنبو شافتو ساهي وهي تنطق

فتون : با مالك اش بيك

حميد تنهد: سليمة معرط اشنو اخبارها

فتون بدون اهتمام: تانتا ابا هادي يخافو عليها الناس انا اللي عارفاها اش كتسوى وياك درنا حنا هاد التمثيليه غير باش نتهناو منها وها هي نجحات خطتنا لذلك نساها علينا دابا

حميد تنهد: ماعلينا نوضي وجدي ليا منااكل يلاه

فتون هزات كتافها وتمات داخلة لبيتها ونطقات: نوض طيبو لراسك اسي حميد

الـــــمســـــاء عـــــند سليـــــمة🍷

الحفل بدا وكاع الناس اللي لاباس عليهم واش كاينين فديك الجردة الكبيرة اللي تقامت فيها الحفلة والعائلة بدأت كتجمع وكولهم كيتسنااو على احر من الجمر باش يشوفو الابن البكر والوريث تاعهم بينما سليمة اللي لابسة بدلتها
و هازا صينية فيها مشروبات وكتوزع على الضييوف الكيسان رغم بساطة حوايجها الا أن عينيها الزرقين وابتسامتها المشرقة كتخلي كولشي يرض ليها البال

فجيهة اخرى كاميليا اللي كتشوف بحقد وغيرة فسليمة حاسة انها غدير شي حاجة اللي تخسر ليها اللحظة اللي كتسناها بعدات عينيها عليها وحولات نظرها الباب الدخلة ابتسامتها توسعات وعينيها بداو كيبرييو بالفرحة وهي كتشوف حبيبها داخل العيون كاملة تحولات لباب لشخص اللي نازل منها بهيبة كبيرة وحجبانو معقودين وعينيه الخضريين وبنيتو وشكلو الوسييم والكوستار اللي لابس كيفاش جا معاه

ضورات سليمة وجها تشوف فين كيشوفو وهي تصدم حلات عينيها مرارا وتكرارا وهي تتحاول تأكد واش هو نيت ولا كتحلم كان يوسف بلحمه وشحمه(الشخص اللي ضربها باللوطو تاعو) شافتو وقلبها بدا كيضرب بدون سبب لدرجة عينيها حسات بيهم تحجرو ومبقاوش كيشوفو منغيرو

ابتاسمات كانت غتزيد خطوة للقدام وهي توقف شافت فحالتها وهي تدارك الموضوع متقدرش تمشي وتوقف عليه بحال الى كتعرفو من زمان وهو مجرد حادث اللي جمعهم شوية تفكرات إذن يوسف هو الوريث تاع هاد العائلة وزوج كامليا المستقبلي ضارت عاطياه بالضهر وزادت كتمشى وهي خاطرها ضارها لانه اول مرة تطيح فحب شي حد بدون متعرفو رغم انه مكيجمع بينو وبينها والو الا انها حسات بالغيرة وهي كتفكر انه غيتزوج تنهدات هي فاش كتفكر دابا هو ماشي من مستواها ولا هي من مستواه شوف غا الضيوف يعطيك العربون وقفات على طاولة المشروبات والأكل اللي كانت كبيرة وحطات الصينية ووقفات قبالتها كتستف القراعي والمؤكولات فالصينية مع بقية البنات

#يتبع….⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــحادي عــــشــــر♠️⁩

فجيهة اخرى يوسف اللي داخل وهو يتعرضو ليه عائلتو فرحانين برجوعو وقف معاهم وكل من الجد والجدة فرحانين بروجوعو وماماه زهرة اللي كتبكي بقوة الوحش اللي شدها لولدها وباباه وخوه عمران اللي واقف فجنبو وعمو ومراتو وبنتو ولدو بجوج معاهم تقدمات جنات وعنقاتو ناطقة:

جنات: خويا يوسف توحشتك بزاف غبرتي علينا

يوسف ابتاسم ابتسامة خفيفة وعنقها بالجنب ونطق: الفنيكيشة الصغيرة اش خبارك

جنات غوبشات: تزيد تقولي فنيكيشة نقربلها مع خويا

يوسف غوبش: ياك الالا..

مزال مكمل كلامو حس بكامليا تلاحت عنقاتو بالجهد لدرجة جنات تزعزات من مكانو وبقات كتشوف فيها مغوبشة ونطقات

جنات: ايه نتي واش مكتشوفيش قدامك

ليلى(ماماها):جنات احتارمي مرات خوك راه غير توحشاتو داكشي علاش دارت هكك

يوسف بعد كاميليا عليه وهو مكره اعدا حاجة عندو هو الحركات الصبيانية ونطق: متبقايش تعاودي هاد التصرف اكاميليا ولا غيكون ليك تصرف مكنضنش انه غيعجبك

كاميليا بحرج من هضرتو: سمح ليا احبيبي غير توحشتك ومقدرتش منعنقكش

زيدان(باباه): ماشي موشكيل ابنتي مطرا والو هادشي كيوقع

يوسف : انمشي نجيب شي مشروب نشربو

كاميليا دارت يديها فيديه ونطقات: انا جاية معاك

حرك ليها راسو وهي زايدة كتمايل بجسمها بإغراء كمحاولة باش يشوف فيها ولكن شكون داها فيك العصيدة نهار العيد ضورات عينيها بغيض وهي تقشع سليمة دوزات لسانها على شفايفها وابتاسمات بخبث وهي توقف. عليها بحكم انها كانت عاطياهم بالظهر نطقات كاميليا بتعجرف:

كاميليا: ايه نتي عطيني شي مشروب انا وحبيبي يوسف

خنزر فيها يوسف من ديك حبيبي اما سليمة ضارت وهي هازا كاس بدون مترض البال كباتو عليها وهي تغوت كاميليا

كاميليا: آه وااش نتي عمية واش عارفة اش درتي ولا شنو

سليمة تصدمات من وجود يوسف اللي ميل راسو وهو كيشوف فيها كيحاول يتفكر فين شافها غير شاف عينيها وهو يتفكر ديك الحادثة اللي وقعات ابتاسم ابتسامة خفيفة بالكاد كتبان اما هي شافت فيه مخرجة عينيها وهي تحولهم لكميليا اللي عينيها ولات شرارة من الغيرة : سمحي ليا مشتكش

كاميليا بغيض: فالصباح مشتينيش وتا دابا مشتينيش واش لهاد الدرجة قتلاك الغيرة مني ولا شنو

سليمة: ولكن انا علاش انغير منك ا انسة

كاميليا: بسهولة حيت انا غنية عليك ونتي مجرد خدامة فهاد القصر معندك تا قيمة

صوتها تعالا وكولشي رد ليهم البال ويوسف غمض عينيه وهو يحيد يده من يديها اللي اصلات مرداتش ليه البال بقوة الحقد اللي شدها فهاد الوقت

كاميليا: واش عارفة هاد الكسوة شحال كتساوي راه نشريك بيها نتي كاملة

#يتبعع__غداا
⁦♥️⁩⁦♥️⁩⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــثاني عــــشــــر♠️⁩

كاميليا: واش عارفة هاد الكسوة شحال كتساوي راه نشريك بيها نتي كاملة واش واعية بهادشي ولا (باستهزاء: يمكن مدخلاش للمدرسة المتشردة

يوسف اخر ذرة صبر كانت عنده صافي تقدات نضف حلقه باش يجاوب على قلة ادب كاميليا الا انه سبقاته سليمة اللي مبقاتش قادة على هاد الإهانة وخصوصا قدام الشخص اللي قلبها ضرب ليه من اول لقاء شافت فيها بعينيها الخضرين اللي عامرين جرأة وتحدي ناطقة وكاسرة تمرد كاميليا اللي تجاوز الحدود:

سليمة : انا معارفاش السبب اللي مخليك حاقدة عليا اانسة ولكن انا كنضن انك تجاوزتي كامل حدودك معايا سلطتك والمال اللي عندك معطاوكش الحق انك تهينيني وتنقصي من قيمتي قدام كولشي فلوسك انا مكيهمونيش وتا المظاهر وحتى هاد الكسوة الغالية اللي كتبهاي بيها ماشي من دوقي حيت كيما انا بسيطة وبنت الشعب حتى احتياجاتي بسيطة ومنحتاجش شي حد يوفرهم ليا حيت انا من يوم يومي وانا معتادمة على راسي ودايرة ثقتي فربي اللي انا بفضلو كناخد الصبر اللي محتاجة ويمكن انا متربيتش بين القصور والمربيات واي حاجة طلبتها كناخدها ولكن انا ربيت راسي براسي تاحد موقف جنبي وانا مقتانعة ومكنغير مكنحسد حتى شي واحد ولكن اليوم نتي تجاوزتي كامل حدودك معايا وانا منبغيش اللي ينقص مني واخا تكوني مالكة النص فالأرض والنص فالسما واجب عليك تحتارميني وحاجة أخرة(حيدات الطابلية وعطاتها ليها) انا مخداماش عندك باش تبقاي تصرفي بتعالي عليا والى كنتي غتصرفي معايا هكا كل مرة فبناقص من هاد الخدمة انا غادي نخرج منها

تنهدات وهي ضور عينيها لجيهة يوسف اللي كان مراقب كلامها وملامحها وثقتها فراسها وكيفاش كتدوي حيت فعلا بهراتو ويمكن صدامتو كاميليا ضغطات على يديها بغيض عطاتها جوابها لدرجة مقدراتش تهز عينيها فيوسف اللي اصلا ممسوق ليها كاع واش كاينة حداه كامل تركيزو مع سليمة وزادت حتى وقفات قدامها جنات

جنات: سليمة فين غادا واش منيتك غتخلي الخدمة شوفي بصح شفتك غير اليوم ولكن ولله اعتابرتك صاحبتي عفاك متخليش الخدمة

#يتبع….⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــثالث عــــشــــر♠️⁩

سليمة: انسة جنات انا ماشي من مستواك كيف قالو شي ناس زائد انا نفسي عزيزة عليا منبغيش اللي ينقص مني

تقدم الجد محمد وهو مخنزر جيهة كاميليا وشاف فسليمة ونطق: بنتي كنعتاذر منك على هادشي اللي دارت عروستنا المستقبلية غير لحظة غضب وانا كنقول ليك وكنأكدها انه مستحيل يتكرر هاد الموقف وها هي بنفسها غتقدم اعتذار قدام كولشي

شافت فيه كاميليا مصدومة اما جنات ابتسمات حيت بهاكا غيترض اعتبار لسليمة من الموقف اللي طرا ليها

كاميليا: ولكن اجدي…

الجد محمد مقاطعها: مكاين ما ولكن غتزيدي تعتاذري لسليمة باش نساليو هاد الموضوع ودابا

كاميليا مرضاتش شافت فيوسف زعما باش ادافع عليها ولو غير بكلمة لقاتو كاع مكيشوف فيها ومبرد حماروو عينيها وهي حاقدة على الوضعية وممتيقاش انها غتعاذر امام الملىء ومن شكون من خدامة زادت تال قدام سليمة ونطقات وهي كارزة على سنانها لدرجة عروقة جبهتها بانو بالاعصاب الشي اللي خلع سليمة حيت منضرها كان كيخلع كاميليا تنهدات كتحاول انها تظبط اعصابها وقالت وهي كتشوف فعينيها ونطقات:

كاميليا: آنسة سليمة انا كنقدم اعتذاري ليك على ما بذر مني من تصرف وكنأكد ليك ان هادشي مغيتعاودش

هزات عينيها لقات كولشي كيشوف فيها وكيوشوشو وشي كيضحك عليها فسرو وزادت للقصر وعينيها كيدمعو وهي تتجري. تقدمات جنات لحدا ودن سليمة ونطقات:

جنات: راها عتاذرات ليك غير حيتاش مبغاتش انه يتعصب عليها جدي ويفسخ هاد الخطوبة اما كون بنت الحرام كاع مطلب منك سماحة

سليمة بهمس : ماشي موشكيل المهم ان كرامتي رجعات (نطقات كلامها وهي موجهاه للجد: سمح ليا اسيدي على هاد الفوضة اللي ناضت بسبابي وكنقدم. ليك كامل الشكر حيت وقفتي جنبي

الجد ابتاسم: عادي ابنتي حنا كنوقفو مع الحق غير سيري نتي ترتاحي الخدمات لآخرين غيتكلفو بالباقي

سليمة حركات راسها ونطقات: شكرا ليك (شافت فجنات: نخليك ا انسة

جنات شدات ليها فديها ونطقات بفرح: سميتي جنات انا غنمشي معاك مدام ولينا صحابات خاصنا نتعارفو كتر اجي معايا

بدون متسنا جواب من سليمة جراتها معاها مخلية الكل كيشوف فيها منبينهم سارق قلبها اللي غير ضورات عينيها لقاتو كيشوف فيها زادت غادية وهي تضور عاطياه بالضهر تابعة جنات الي كتمشى بالزربة وهي متحمسة تعرف على سليمة

يوسف شاف فيها حتى اختافات من انضارو وقال بهمس بين شفايفو اسمها اللي حس بقلبو كيضرب فوق ما نطق بيه: سليمة

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــرابع عــــشــــر♠️⁩

دخلات جنات لبيتها وهي شادة يد سليمة ومطلقاتش منها وهي دخلها معاها وسدات الغرفة وجراتها وجاو كالسين فوق الناموسية وسليمة غير تضور عينيها ونطقات

سليمة: انسة علاش جبتيني هنا

جنات: وااعباد ربيي راه جنات جنات سميتي نطقيها يلاه جنات

سليمة جمعات حجبانها: صافي بلا متغوتي جنات راه عرفتها سميتك

جنات: اوا هكك (بحماس):اوا عاودي ليا على راسك شوية باش نتعرفو

بعدات سليمة نضرها من جنات وحولاتو للمكان اخر ونطقات بعد تنهيدة حارة كتبرد بيها النفس المحروقة على قلبها: وااه حيااتي مافيها تاشي حاجة زوينة (شافت فيها مبتاسمة: انا متأكدة انني تخلاقيت غير باش نتعذب فحياتي

جنات حسات بيها مهمومة وفقلبها كلام كبير وهي تنطق: عاودي ليا مالك

سليمة: معرفتش انا براسي معرفتش مالي كنولي نفكر فالانتحار ولكن انا ماشي ضعيفة لهاد الدرجة باش منواجهش مصيري عيييت من هاد الحيااة المزفتة معطاتني والو من غير القهرة وليديا ماتو وانا وختي تفارقنا رغم انه علاقتنا مكانتش كيف ا الخواتات كانت كتعاملني بعدائية ظنا منها انني انا سبب موت الوالدين ديالنا

جنات عنقاتها حيت بقات فيها: عاودي ليا احبيبتي معرفتي ترتاحي

فور ما نطقات جنات بكلامها كانها عطات الضو الاخضر لسليمة باش تبدا تحكي ليها على حياتها وكيفاش عاشت معاناتها مع باباها اللي مبري منها وماماها اللي غير ولداتها وماتت وايضا ختها اللي تتكرها ملي حلات عينيها على الدنيا وعلى الصحاب اللي متتكسابهومش ومع كل كلمة كتنطقها قلبها كينزف الف مرة وعينيها ماليهم الدموع لدرجة مقدراتش تخبي شهقتها العالية وجنات فجنبها معقنها ودموعها بداو يهبطو بقوة مابقات فيها من كثرة المعاناة اللي عاشتها واللي باقي كتعيش كفس منها بعد الفراق غفات سليمة وهادي هي عادتها وقتما بكات كتهد و كيغلبها النعاس ومكتبقاش عاقلة على العالم الخارجي قادتها جنات فوق الناموسية وغطاتها بدلات حوايجها وراحت نعسات حداها معنقاها وبينما سليمة حسات بيها زادت تخشات فيها كانت اول مرة شي واحد يحسسها بأنه مساندها وواقف فجنبها وهادشي لقاتو فجنات اللي طيبة قلبها ماليها حدود وغفاو فحضن بعضياتهم وسليمة كتسنا الغد يكون افضل

وهاد الكلام النابع من قلب سليمة مسمعاتوش غير جنات والحيوط لالا سمعهم شخص ثالث اللي بالصدفة كان دايز من حدا بيت بنت عمو وهو يسمع كلامها وشكون منغيرو يوسف رغم انه ماشي من الاشخاص الفضوليين ولكن فاش سمع صوتها وشهقاتها فضولو قادوه تال حدا الباب وحلو بشوية بدون مينتابه ليه تاحد وبقا واقف حدا الباب كيسمع كل كلاام سليمة تنهد بحيرة بعدما شافها غفاات وسد الغرفة وكمل ادراجو متاجه لغرفتو

دخل البيت وهو يشم عطر خفيف وجديد فبيتو كان اول مرة يشم بحال هاد العطر اللي كيدخل للرئة بحال النسمة غمض عيونه وهو كيشمو حتى تفكر انه شم نفس العطر فالحفلة وبالقرب من سليمة هادشي اذا هذا عطرها مفكرش انه يمكن يكون عطر كاميليا ولا جنات حيت هو عارف دوق كل وحدة فالعطور كيداير لذالك تأكد من أن سليمة دخلات لبيتو واللي أكد ليه هادشي هو غرفتو المرتبة

شوية لمح شي كيبري فوق الزربية تحنا وهزها وهو يلقاها نفس الكورميط اللي طاحت لسليمة ضورو حول اصابعه وهو يقرا سميتها بالخط العريض “SALİMA” هاد الاسم فور ما كيرددو ففمو قلبو كيبقا يضرب تلقائيا من نفسو راحت بيه ذاكرتو لاول يوم تلاقاها فيه وهو يوم الحادثة ابتاسم وبعدها غوبش ونطق فنفسو

“انا اشنو كندير ولاش شاغل بالي وتفكيري بوحدة مكنعرف عليها والو ،اشمن انا سمعت حياتها كاملة من فمها وهي اللي نطقات بهادشي،والى كانت كتكذب وغير كتمثل ، ” تنهد طارد الافكار الكثيرة على راسو باغي يرتاح حيت عياا بزااف اليوم كان يوووم شاق بالنسبة لييه

#يتبع….⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــخامس عــــشــــر♠️⁩

فالغرفة المجاورة وفنفس الوقت اللي كانت فيه سليمة مزال فايقة واقفة كاميليا بشوميز حمرة مشبكة مع بنوارها كتمشي وتجي مفقوصة وعينيها كيطلقو الشرار نطقات وهي كارزة على سنانها

كاميليا: انا انا كاميليا المسعودي اللي الف شخص كيضرب ليا الحساب تجي خدامة تمرمد. بيا الارض وتخلي حبيبي ساهي فيها اشنو فيها زوين (بحقد: كنقسم ليك اسليمة المحشرة الى ما ندمتك ودوقتك العذاب على هاد التبهديلة اللي درتي ليا اليوم قدام كولشي منتسماش كاميليا وهاد العائلة اللي قدرتي تاخدي محبتهم فنهار غادي نخليهم يكرهوك حياتك كاملة لدرجة اتمناي الموت ومتلقايهاش غا صبري عليا نتزوج بحبيبي يوسف

(سهات وهي هازا واحد الموس كبير فديها كتدوزو حول اصابعها ثم نطقات بخفوت
: انا غنتزوج بحبيبي يوسف ههه حبيبي اللي منصغري وانا كنبغييه هه حياتي غتحسن وانا غندم هاد الحقيرة حيت جات لهاد القصر غندمها ومغنخليهاش فحالها وااااع

(هزات واحد الفاز كان حداها وشيرات بيه على المرايا حتى تشتتات كاملة )شعرها تشعكك وعينيها ولاو حمرين غمضات عينيها وهي تكلس على ركابيها جنب الناموسية وبقات كتمتم بكلام بينها وبين نفسها الى ان غفاات وقلبها عاامر من جيهة سليمة اللي عمرها اداتها ولا قربات منها فقط الغيرة اللي خلات كاميليا تحقد عليها وهادشي بالضبط ايدمر حياة شحال من شخص…

أصبحنا وأصبح الملك لله فاقت سليمة وهي كتحس بالدفا حلات عينيها لقات راسها ناعسة هي وجنات ناضت من حداها بشوية وراسها ضارها كتحاول تذكر الى أن تذكرات كولشي

تنهدات وهي ضور عينيها وخرجاتهم بالجهد وهي كتشوف ان الحال فااات علييها ناضت كتسلت غير خرجات وهي تبدا تمشا بالزربة وفنفس الوقت كاميليا اللي جايا فالاتجاه المعاكس وبجوج قاصدين الدروج لاحضاتها كاميليا وهي توقف تا شافت سليمة غتهبط مع دروج وهي تسارع فخطواتها وهي مقررة خطتها اللي غتدير ما ان حطات سليمة رجلها فالدرجة الأولى حتى حسات براسها تدفعات من ظهرها بالجهد….

#يتبع….⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــسادس عــــشــــر♠️⁩

ما ان حطات سليمة رجلها فالدرجة الأولى حتى حسات براسها تدفعات من ظهرها بالجهد….

غوتات بصوت عالي وهي تحس براسها تجبدات من خصرها بالجهد وتخشات فواحد الحضن دافئ كتسمع للقلب اللي داخلو كيضرب فالتسعيين غمضات عينيها بالدوخة حسات براسها شافت الموت ورجعات منها

خرجات كاميليا عينيها تصدمات وتلبكات منين شافتو واقف قدامها وكيفاش جر سليمة من حافة الدروج بسرعة سرطات ريقها بخوف ومعرفات متدير من غير انها تهرب جرات ومتلفتاتش وراها

بينما سليمة باقا مغمضة عينيها فحضنو ما ان حسات براسها رجع توازنها رجعات جوج خطوات للور وقلبها ضرب بالجهد علات عينيها الزرقين وهي متلبكة رضات خصلات من شعرها ورا ودنيها وهي تنضف حلقها باش تبدا تهضر حسات بالكلمات هربو من لسانها بقوة الصدمة حلات فمها وهي تنطق

سليمة: شكرا اسي يوسف عتقتيني كون مكنتيش كنت غنمشي فيها

ميل راسو بشوية وحجبانو باقين معقودين دار ابتسامة استهزاء وتخطاها بدورها هي حسات بالإحراج بسبب تجاهل شكرها ليه بطريقة مباشرة وبدون مراعاة ليها ضورات عينيها مبانتش ليها كاميليا جمعات شفايفها بغضب تم تمات نازلة مع الدروج مشات بدلات حوايجها وهزات كرتابلها وخرجات بالزربة للفاك

في مكان آخر وعند فتون الاخت الكبيرة اللي تخلات على ختها وحرماتها من حنانها وعطفها واللي حقدات عليها اول ما فتحات عينيها على الدنيا وهي كارهاها غادا فالطريق خاوية وحادرة راسها تتفكر فسليمة واشنو غيكون طاري ليها رغم انها كتكرها الا انه احساس الاخوة راه كيكون اقوى اضعاف الكره تنهدات بضيق

حسات بشي ضل كبير واقف عليها هزات عينيها فالشخص اللي امامها وهي جامعة حجبانها ماهي الا ثواني حتى فقدات وعيها وطاحت مغمى عليها فالأرض بسبب المخدر اللي تحط على نيفها

بعد ساعة كتحل عينيها وهي دايخة شافت حواليها لقات راسها فبيت راقي وطاغي عليه الالوان الغامقة الظاهر انها لراجل ناضت من بلاصتها وهي باقا تتمايل دقائق حتى استوعبات نفسها انها كاينة فمكان مكتعرفوش

غمضات عينيها فاش تفكرات انه شي شخص نومها حلات عينيها على الجهد ومشات تتجري بغات تحل الباب ولقاتو مسدود جراتو بالزعاف ووالو مبغااش بدأت تضرب فالباب وصرخاتها مالين الغرفة وهي تتنجد بشي حد يعتقها وكضربتتـــمة الــجــــــزءء الـــســـادس عـــشـر 🍂

بدأت تضرب فالباب وصرخاتها مالين الغرفة وهي تتنجد بشي حد يعتقها وكضرب فالباب بجنون الى أن عياو يديها وضروها شداتهم كتبردهم وهي تتسوك عليهم

مشات كلسات فوق الناموسية وهي خايفة كتضور عينيها معارفاش فين هي واسنو كتدير هنا وسبب تواجدها فهاد المكان تنهدت بضيق هزات راسها فاش حسات بالباب كيتحل وناضت واقفة الى أن تحل ودخل من خلالها شخص وهو كيربصها بكل انش فيها وعينيه الحادين شافتو وهي ترجع للور بهلع ونطقات

فتون: ش شكون نتا

ابتاسم ابتسامة استهزاء ونطق بعدما كمل الشوفة فيها ونطق ببرود تام : جلادك….

#يتبع….🙄💔⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــسابع عــــشــــر♠️⁩

ابتاسم ابتسامة استهزاء ونطق بعدما كمل الشوفة فيها ونطق ببرود تام : جلادك….

فتون رجعات خطوة للوراء ونطقات: م م مفهمتش اش كتقصد

شاف فيها شحال عاد نطق: باقي الحال باش تعرفي كولشي ولكن الحاجة اللي نبغيك تعرفيها انني شريتك بفلوسي ونتي وليتي عبدة عندي

فتون سرطات ريقها بغضب ونطقات: واش نتا مريض فkرk ولا شنو كيفاش شريتيني انا راه عندي بابا وغيكون مشطون عليا الى مرجعتش للدار لذالك كنصحك مديرش هاد التبرهيش معايا

بتخنزيرة قوية ركبات الرعب فقلبها وخلاتها ترعد قرب منها ونطق باستهزاء واضح وهو كيشوف الخوف فعينيها القهويين:.

هو كاع مغيكون كيقلب عليك ولا حاسب وجودك هو حاليا كيحسب العرام داالفلوس اللي عطيتهم ليه باش ناخدك

فتون بصدمة غير مصدقة كلامو: كي كيفاش دابا نتا بغيتي تقنعني ان بابا باعني ولمن؟ لييك نتااا(غوتاااات فوجهوو بالجهد: واشش عااارف اش كتkhرا عليا ولالا راك غير كتخربق

بنفاد صبر زير على فكها وهو كيشوف فعينيها المدمعين واللي كتقابلو بتخنزيرة قوية ونطق ببرود خطير فكلامو:

ماشي حيت كندوي بالهداوة تطلعي ليا فوق kري راه برب ونحط فيك يدي متبقايش عايشة وخليك هادئة ونفدي داكشي اللي كنقول ليك بالحرف قبلما ندير فيك يدي ومنخليكش تندمي وحاجة خرا باباك صافي باعك بااح دابا نتي وليتي عبدة عندي وغديري كاع داكشي اللي قلت ليك

دفع ليها وجها وهي هزات فيه عينيها شافت فالباب وهي تجري باتجاهو محسات براسها الا وهي مخبوطة مع الحيط بعدها طاح مغمى عليها فالأرض شاف فيها وبعدها تحنى قفازي وكلس كيشوف فيها وهي مغيبة حيد شعرها الكيرلي اللي على عينيها وبدا كيضورو على يديه ثواني حتى هزها بخفة بين يديه ورضها للناموسية وخرج قافل عليها الباب باش متحاولش تهرب

#عند سليمة رجعات للقصر وبسرعة مشات بدلات حوايجها ولبسات بدلتها ديال الخدمة وهي هابطة تلاقات بكاميليا سارعات فخطواتها حتى وقفات عليها بينما هي قفزات مخلوعة فاش شافتها قدامها مخنزرة فيها

شداتها سليمة من يديها بعنف وجبداتها للبيت عندها تم دفعاتها ونطقات مغددة

سليمة: نتي اش كتحاولي ديري باغا تقتليني اصحابليك مشفتكش ولا شنو

كاميليا: نتي اش كتخربقي واش عارفة اش كتخرجي من فمك ولا شنو ولا ياكما دوخاتكتتـــمـــة البــــارت الـــسـابع عــشـــر 🍂

كاميليا: نتي اش كتخربقي واش عارفة اش كتخرجي من فمك ولا شنو ولا ياكما دوخاتك التعنيقة اللي عطاك خطيبي فاش عتقك

سليمة جمعات حجبانها وهي تطلقها بضحكة ونطقات باستفزاز:هادشي اللي ضرك فخاطرك واش يسحاب ليك هادشي وقع غير صدفة ولا شنو

باستغراب جمعات حواجبها ونطقات: ك كيفاش ؟؟

ابتاسمات ليها سليمة ابتيسامة استهزاء وهي توقف قدامها راسمة على ملامحها ملامح خبيثة ونطقات: انا اللي خليتك تدفعيني باش يشدني يوسف حيت شفتك كنتي جاية وانا نكمل فالخطة تاعي

كاميليا بصدمة: كيفاش درتي هادشي باش تغري حبيبي ياك

سليمة حطات صبعها على فم سليمة وحيداتو ونطقات: تؤتؤ ماشي هكاك غير خطة جاتني فبالي صدفة فنفس الوقت اللي كنتي جاية تدفعني وقلت علاش منديرهاش بصح محدك حاقدة عليا راك اكيد خاصها تبان للعامة وخصوصا قدام يوسف حبيبك آء نسيت اللي غيكون حبيبي انا

كاميليا مصدومة: كيفاش تديري هكا يعني شكي كان فمحلو نتي وحدة طماعة

سليمة بهمس: وكتر كاع لذلك كنبهك انك تبعدي من طريقي احسن ليك وليا حيت لعبي خايب وراك غتشوفي الويل فيا احسن ليك متبقايش تضوري بساحتي

خلاتها مصدومة وخرجات لبرا البيت وهي راسمة ضحكة انتصار على وجها

يتبع…
#الأجزاء كنقسمهم حيت مكيبغيش يتحط ليا كامل💛🍂⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــثامن عــــشــــر♠️

خرجات وقلبها كيضرب بالجهد أول مرة تهضر بثقة قدام شي حد لا وهدادتها مزال هي اصلا كانت غا معصبة داكشي علاش قالت ليها راه هي اللي خططات باش تلوحها من الدروج ويبدو أن كاميليا صدقات كذبتها هادي تنهدات وتم هابطة للتحت ومشات للكوزينة وبدأت كتقاد شغالها حتى جات عندها جنات

جنات: حوبي صافا عليك

سليمة: بيخير نتي اش كديري هنا

جنات كلسات فوق الكورسي وهي كتاكل فواحد التفاحة ونطقات: والو غير ملقيت مندير وانا نجي عندك ابب اش كديري

سليمة: هانتي كتشوفي اشنو كندير كنقاد الغدا

عند كاميليا خرجات وهي متوترة وكتضور عينيها بانت ليها مامات يوسف كالسة تتقرا فالجريدة وهي تمشي عندها وكلسات ناطقة

كاميليا: حماتي العزيزة اش خبارك

زهرة هزات فيها عينيها وهبطاتهم بدون مبالاة وجاوبات بهدوء: بيخير حمد لله

كاميليا بدأت كتضور عينيها ومعرفات متقول حتى سبقاتها زهرة ناطقة: قولي اش عندك بالزربة

كاميليا: بصراحة بيت نعرف امتا غتم خطوبتي مع يوسف حيت راه بصح تعطلنا راني تسنيت بزااف ونتي عارفاني كنبغي يوسف من صغري عفاك راني باغا نتزوج بيه فأقرب وقت وانا غنعيط على واليديا باش تحددو اليوم المناسب

حيدات زهرة نضاضرها برقة وشافت فيها وهي كتفكر تكذب على راسها الى قالت راها عاجباها ليوسف حيت مكتشوفش فيها العروسة والكنة المناسبة لهاد العائلة رغم انهم تاهم من نفس الطبقة البرجوازية بحالهم الى أنها طائشة وانانية وكتفكر غير فراسها وهي مباغاش عروسة بهاد المواصافات

تنهدات وهي ضور عينيها بانت ليها سليمة كتقاد فالطبلة بدون شعور بدأت كتقارن بينها وبين كاميليا لقات لاعلاقة بالمقارنة وحدة أنانية وسليمة لا وحدة حقودة وسليمة لا كاع الصفات الزوينين تجمعو فسليمة ابتاسمات وهي كتفكرها عروسة لولدها يوسف قاطعاتها من كاميليا من افكارها فاش حطات يديها على كتفها وهي تنطق

كاميليا: حماتي فين سهيتي

زهرة: لا والو(سكتات لمدة ونطقات) غدا غادي تم الخطوبة ديالكم

بدون سابق انذار ترمات كاميليا فحضنها مزيرة عليها ونطقات : شكرا شكرا اخالتي

ناضت بالزربة: انا خاصني نوجد راسي خاصني شحال من حاجة نديرها واولها نمشي نشري الحوايج اللي خاصيني والمكياج باش نبان فاحسن حلة (صيفتات ليها بوسة فالهوا ومشات كتجري)

ابتاسمات زهرة ابتسامة استهزاء وهي ضور عينيها لسليمة وهي تنطق: سيري قادي حتى تعياي داكشي اللي بغيت انا هو اللي غادي يكون

فالليل مجتامعة العائلة حول الطاولة تاع الماكلة وكايكلو فهدوء وكاميليا كتغمز زهرة باش تهضر حنحنات باش كولشي يشوف فيها وشافت فالجد ونطقات

زهرة: عمي سمح ليا خديت واحد القرار بلا إذنك ولكن راه خاصنا ضروري نفدوه

الجد : الله اسمعنا خبار الخير

زهرة رسطات ريقةها تم نطقات: قررت انه غدا بالليل غادي تم الخطوبة ديال كاميليا ويوسف

يوسف جمع حجبانو بعصبية ونطق: الواليدة اش كتقولي علاش مخديتيش الإذن تاعي فهاد القرار

زهرة : هادشي اللي خاصو يوقع حيت اصلا نتوما مخطوبين من زمان غير هو كولشي خاصو يولي رسمي وراه دويت مع سي جميل (بابات كاميليا) وراهو فرحان بهاد القرار وغدا جاي باش يحضر للخطوبة تاع بنتو

ابتاسمات كاميليا بفرح وشافت جيهة يوسف اللي ناض معصب وهي تسرط ريقها عاد حطات المعلقة وهي تبعو كتجري

الجد: ولكن راه مغاديش يكفينا الوقت باش نوجدو كولشي

زهرة: متخافوش وجدت لكولشي نتوما غير طمأنو

فجيهة أخرى سليمة اللي واقفة مصدومة وقلبها كيضرب بجنون مشات لبيتها وهي تكون على وضع بيبي صغير غمضات عينيها بيأس معرفاتش علاش مصدومة هي كانت عارفة عاجلا ام اجلا راه غادي يتزوج ولكن معرفاتش اش وقع ليها غمضات عينيها بدون ادراك واستسلمات للنوم

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــــتاسع عــــشــــر♠️⁩

كيمشي ويجي فالبيت ديالو معصب اعدا حاجة عندو هو اللي يدخل ليه فحياتو غير مبغاش يقمع كامله قدام العائلة تنهد بغيض باغي ينطح راسو فهاد اللحضة هادي مباغيش يتزوج وخصوصا بكاميليا ما ان تفكرها حتى دخلات لعندو بدون اذن ووقفات عليه

كاميليا: حبيبي مالك نضتي من الطبلة (حطات يديها على صدرو) واش معاجباكش فكرة اننا قريب غنكونو مع بعضياتنا

شاف فيها يوسف وهو يحيد ليها يديها من صدرو ونطق: خرجي مباغيش ندوي دابا

كاميليا: ولكن…

قاطعها بصراخو حتى خافت: خرجي عليا قلللت ليييك

بدون متلفت خرجات من البيت وهي معصبة وهايفة انه يخليها غدا وخصوصا فاكتر نهار كانت كتسناه من قلبها باش يجي تنهدات وهي تمشي لبيتها بدلات حوايجها وغسلات وجها ومشات تنعس غدا خاصها تكون واجدة

أصــبحــنا وأصــبح المـــلك للـــه

فمكان آخر بدات كتحل عينيها وراسها كيضرها حتى حلاتهم بالجهد ناضت كتنهج فاش تكفرات راسها فين هي وهي ضور عينيها بان ليها كالس كيشرب فالكاس تاعو زكيشوف فيها بدون ميرمش غمضات عينيها بغيض ونطقات: تڤو على زهر عندي

شاف فيها باستهزاء ونطق: فاروق سميتي فاروق

فتون باسفزاز: مسولتكش اسي فاروق

رجع تكا على ضهرو فالكورسي ونطق: غا قلت انه خاصك تكوني عارفة سمية راجلك وصافي

فتون: نتا راجلي(بدأت كتضحك بالجهد: لالا عربيه ليا مستحيل نقبل بيك غاتهنا

فاروق: انا غا قلت ليك باش تعرفي وصافي مسولتكش واش قابلة ولالا حيت انا اللي كنقرر هادشي تافقنا؟؟ ماعلينا (لاح عليها شي وراق) شدي وقعي على هادو

فتون: شنو هادشي

فاروق: وراق زواجنا

فتون: هء كتحلم وبالألوان مزال

فاروق: اش بان ليك نمشي نفجر راس ختك الصغيرة باش توقعي

فتون: اش جاب ختي الهضرة

فاروق: صراحة كنحيي باباك اللي قدر يعمرك على ختك لدرجة كرهتيها وهي مدايرة والو

فتون: نتا سكت راها هي سباب..

فاروق : سباب فموت ماماك هادشي غا كدوب باباك كدب عليك (تنهد وشاف فيها كيفاش مصدومة باتستفزاز ابتاسم وكمل كلامو ناطق: ماماك كانت مريضة قبل متولد ختك يعني سوى أنها ولداتها ولا جهضاتها كان مصيرها الموت لذلك ختك معندها تا دخل فهادشي

فتون : ممتيقاكش علاش بابا غيدير هكا

فاروق: حيت سليمة ماشي بنتوتتـــمة البــــارتـ الــتــاســـع عــشــــر 🍂

فاروق: حيت سليمة ماشي بنتو ماماك خانتو مع واحد اخر وهذا سبب اللي مخليه حاقد عليها لهاد الدرجة

فتون: م ميمكنش ماما مديرهاش ونتا باش عرفتي هادشي كامل

فاروق: راني شاريك بعدما عرفت كولشي عليك وباباك باعك ليا بمقابل 25 مليون دولار

فتون بصدمة :كيفاش

فاروق بعصبية: فرعتي ليا kري وقعي ولا ختك اللي غتدفع الثمن غالي وديك ساعة غتقضي حياتك كاملة ونتي كتبكي على فراقها اش قلتي

بدون متخليه يكمل كلامو هزات الوراق وقعات عليهم بالزربة

فاروق ابتاسم بانتصار ونطق: مبروك علينا امرأتي العزيزة

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـــــعــــشــــرون♠️⁩

هز دوك الوراق من عندها وهي غير كتشوف فيه مخنزرة كون لقات تطحنو بسنانها نطقات فنفسها”حقير” تا تم راجع لعندها ونطق وهو كيشوف فيها: الليوم بالليل خطوبة خوويا نبغيك تكوووني واجدة(تفكر واحد الحاجة) آه وحاجة اخرا غنصيفط لبك كساوي مستورين ونتي ختاري انا ماشي ديوث باش نخلي مراتي تلبس العرا قدام للي يسوى واللي ميسواش ومشا وخلاها

ناضت من بلاصتها معصبة وطالع ليها الدم مراضياش كيفااش يعاملها بحال الى هي عبدة عندو تفكرات باها غرغرو عينيها بالدموع قلبها حاسا بيه كيضرها كتر من القياس حطات يديها على صدرها وهي كتبكي على زهرها هزات راسها للسما وغمضات عينيها وهي تجي فبالها سليمة ختها اللي مأداتها بوالو كرهاتها من كل قلبها وحرماتها من حنانها

بدأت كتشهق وهي مقهورة على حالها كيف كانت وكيفاش ولات تنهدات بضيق وهي تمسح دموعها ناضت من بلاصتها وهي تحس بالوجع غمضات عينيها بغيض نسات انها وقت ليغيكل هادي وهي مدايراش تا احتياطها

بدا كيجيها وجع خفيف ضورات عينيها مبان ليها والو بغات تهبط عندو وحشمات كيفاش غتقول ليه عطيني باش نصوفي راسي رجعات تطات فوق ناموسية وهي معصبة وحاسة بالرضاان غمضات عينيها وهي تتسناه يدخل وتكونات على شكل بيبي ناعس ومشات فسبات عميق

في مكان آخر عند سليمة

اللي كاينة فالغرف كتنضفهم رغم انه حفلة خطوبة سارق قلبها كاينة التحت ولكن تحت طلبات زهرة هي مغتهبطش لتحت حيت مهمتها هي الغرف وصافي تنهدات بضيق ونطقات فنفسها
“براكة اسليمة براكة متقهري فروحك براكة”
تنهدات بضيق وهي تخرج من الغرفة وهي تدوز من حدا غرفة كاميليا دخلات وهي تلقا زهرة وجنات فالبيت ونطقات:

سمحو ليا دخلت غاباش ننظف الغرفة

زهرة شافت فيها شوفات فشكل ونطقات: واش مبانتش ليك كاميليا

سليمة: مشفتهاش من الصباح (بتساؤؤل): علاش واش مكيناش

جنات بتوتر : مكيناش اش غنديرو دابا الى مجاتش غادي نتشوهو مافيهاش

زهرة: ماغاديش نخلي كرامة عائلتنا تضيع هكاك (شافت فسليمة اللي غير كتشوف فيهم ونطقات بجدية تامة: سليمة تقبلي تزوجي بولدي يوسف

سليمة: كيفاش

#يتبععع…__🙂😅⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــواحـد والعــــشــــرون♠️⁩

زهرة: ماغاديش نخلي كرامة عائلتنا تضيع هكاك (شافت فسليمة اللي غير كتشوف فيهم ونطقات بجدية تامة: سليمة تقبلي تزوجي بولدي يوسف

سليمة: كيفاش مدام زهرة اش كتقولي ميمكنش هادشي

زهرة شافت فيها وبدات كتنزل من عينيها دنوع التماسيح: الله اخليك ابنتي قبلي على طلبي راه سمعة العائلة تاعنا فالمحك وأكيد غتبقا سيرتنا على كل لسان تزوجو غير على الوراق اللب اخليك ملي دوز شهرين ولا شهر تطلقو عفاك ابنيتي

سليمة بحيرة: ولك…

جنات مقاطعاها بترجي تاهي: عفاك وافقي على طلب مرات عمي راه الى كنت عزيزة عليك

سليمة : ولكن انا باقا صغيرة عندي 18 عام صافي وباقا كنقرا ميمكنش نحط حياتي فالمحك

زهرة : كنواعدك قرايتك اتكملبها فأحسن الجامعات ومغاديش تضيعي فيها الله اخليك وافقي تلبسي الكسوة البيضة

سليمة باستغراب: ولكن راه اليوم غير الخطوبة

زهرة بدات كتبكي : كنت جبت العدول وكولشي باش نزوج يوسف وكاميليا اليوم بيت نديرها ليهم مفاجأة ولكن كاميليا هربات الله اخليك متخلينيش نتشوه

سليمة غرغرو عينيها بالدموع بقات فيها وهي كاع معارفة انها مجرد تمثيلية لا غير كامليا ما هربات ما والو فقط اختاطفاتها زهرة باش تقدر تخلي الساحة خاوية لسليمة باش تدخل عليها عروسة لقصرها وتولي كنتها …بعد صمت طويل جاوباتها سليمة بقرارها

…داخل للدار وضور عينيه فالمكان بان ليه الهدوء فيها طالع فالدروج تا وصل البيت فين خلاها حل الباب ولقاها خارجة من الحمام وهي كتلهث الظاهر انها كانت كتقيا وهادشي واضح على ملامحها قوس عينيه باستغراب وهو يلمح شوية الدم فسروالها رفع حاجبو وهو يحل المجر اللي حداه عاد ردات ليه البال انه دخل حشمات وتزنكات من الوقف اللي هي فيه انا هو بدون اكتراث تقدم لعندها وهو هاز ساشية كحلة ونطق:

.._كاع اللي غتحتاجيه غتلقايه هنا شربي ليك الكينة مغتبقاي حاسة بوالو ملي تخرجي غتلقاي اشنو غتلبسي باش منتعطلوش على خطوبة خويا لذالك سالي دغيا وخرجي عندي حيت عندي منقول ليك

خنزرات فيه ونترات منو ديك الساشية وهي ترجع للحمام خابطة فوجهو الباب غمض عينيه بعصبية ونطق : برهوشة

واقف بالبدلة السوداء ديالو فواحد القنت من الجردة اللي فيها الحفلة اللي من المفروض تكون خطوبتو ومعصب لأقصى درجة حتى بان ليه العدول متقدم جيتهو ونطق مغزز

يوسف: نتا اش كديير هنا

العدول: مدام زهرة عيطات ليا وقالت ليا راه عرسك اليوم داكشي علاش جيت

يوسف: اليوم خطبتي ماشي عرسي اش كتخربق نتوما

كيدوي معصب حتى جا الجد كيهدن فيه ونطق: مالك اولدي معصب

يوسف: نسولكم نتوما كتلعبو مورا ضهري اجدي مورا ضهري كيفاش عرسي اليوم وانا اخر من يعلم

نطقات زهرة من وراه مبتاسمة: يوسف انا اللي خططت لهادشي

يوسف تلفت ليها معصب : الواليدة نتي عارفة معتزك عندي لاش كتستاغلي هادشي دابا

زهرة: دابا غتعرف انني درت هادشي كامل غير على قبلك وعلى قبل مستقبلك ودابا جا وقت زواجك

بعدات شوية من قدامو منبعد مخلات عينيه يتجمدو بالصدمة وهو مفيكسيهم عليها كيشوفها جاية وحادرة راسها باللبسة البيضة وجنبها جنات اللي شادة فيها كتبتاسم جمع حواجبو باستغراب وتلفت عند زهرة اللي نطقات قبل مايهضر

زهرة: كاميليا مختافية داكشي باش اضطريت انني نخلي سليمة تولي بلاصتها سمح ليا اولدي ولكن بالنسبة ليا السمعة دالعائلة ديالي هي الأولى

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــثانـي والعــــشــــرون♠️⁩

زهرة: كاميليا مختافية داكشي باش اضطريت انني نخلي سليمة تولي بلاصتها سمح ليا اولدي ولكن بالنسبة ليا السمعة دالعائلة ديالي هي الأولى

ضور وجهو لسليمة اللي وقفات قدامو وهي كاع مكتشوف فيه حاسة براسها كتحلم اش هادشي واقع ليها قربات ليهم زهرة ونطقات

زهرة: بدون ردود أفعال ديالكم شدي فيه اسليمة باش تمشيو لمنصة خاصكم تزوجو قبل ماتجي كاميليا وتطرا شي شوهة

شاف يوسف فسليمة ومد ليها يدو بينما هي بدورها شدات فيه وتمشاو لعند العدول والضيوف رغم صدمتهم لأنهم مكيعرفوش سليمة إلى أنهم بداو كيصفقو ليهم جلسو وبدأ العدول فالسؤال

العدول: السلام عليكم اليوم تجمعنا باش نتمو زواج سي يوسف وسليمة ….

_يوسف السباعي واش نتا قابل بسليمة تكون زوجة ليك على سنة الله ورسوله وتكملو حياتكم مع بعضياتكم

يوسف شاف جيهة سليمة اللي كانت كتسرط فريقها بتوتر ونطق بعد مدة: موافق

العدول: سليمة الأشقر واش قابلة بسي يوسف السباعي يكون الزوج ديالك بدون ضغوطات على سنة الله ورسوله وتكملو حياتكم مع بعضياتكم

سليمة شافت فزهرة اللي كتغمزها باش توافق وضورات عينيها ليوسف اللي مركز مع اشنو غتقول وهي تنطق: م موافقة

مد ليهم العدول الملف ونطق ممكن توقعو هنا خدا يوسف القلم ووقع ومدو لسليمة اللي يديها كانت كترعد خدات نفس عميق ووقعات وتعالات التصفيقات وبين هاد التصفيقات تسمع صوت طالون وتجنبو تصفيق قوي

كان جاي بابتسامة عريضة وكيصفق جنبو فتون اللي شادة فيديو وكتمشا جنبو ما إن توقفت بالصدمة فاش بانت ليها سليمة اللي العروسة وسليمة بدورها فاش سمعات التصفاق هزات عينيها وهي تصدم فاش شافت ختها بدون شعور منها توقفات ووقف جنبها يوسف باللي كيشوف قدامو

فتون شافت جيهة سليمة وهوما يغرغرو عينيها حسات براسها يتيمة فهاد اللحضة وهي كتشوف ختها بغات تعنقها وتشم ريحتها هزات عينيها ففاروق اللي شاف فيها وغمض عينيه كانه كيقول ليها تهدني طلقات منو وتمشات بخطواات سريعة لجيهة سليمة والكل مستغرب واللي زاد استغرابهم هي سليمة اللي نازلة بالزربة من منصة العدول ومتقدمة لعندها بخطوات سريعة قربات منها فتون وبدون تردد او تفكير عنقاتها بالجهد وسليمة بدورها بادلاتها العناق

سليمة كتبكي وقلبها حاسة بيه غيخرج ماشي أقل من فتون اللي مقهورة والندم كياكل فيها من الداخل وهي كتفكر كيفاش بعدات راسها على ختها شدات ليها وجها بديها وبدات كتبوس ليها فحناكها وجبهتها بشوق كبير نطقات: س سمحي اختي سمحي ليا

سليمة كتبكي: عفاك مطلبيش مني سماحة نتي اغلا ما كنملك⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــثالـث والعــــشــــرون♠️⁩

سليمة كتبكي: عفاك مطلبيش مني سماحة نتي اغلا ما كنملك

وهوما كيبكيو والحضور كيشوف فيهم زهراء لاحضت أن كاميليا جايا ووجها كامل عامر بالغيس و حوايجها كذالك تمشات بالزربة لوسط الحضور ونطقات : سيادنا شكرا على الحضور ديالكم الحفلة سالات

بدا الحضور بالإنصراف ما إن خوات الجردة من المدعوون وبقات فقط العائلة حتى تمات داخلة كاميليا كتغوت

كاميليا: يوسف يوسف فينك شافتهم وهي تلاحظ سليمة بالكسوة البيضة قلبها بدا كيضرب بالجهد تمشات بالزربة تا وقفات قدام يوسف وعنقاتو

كاميليا: يوسف متخيلش اشنو داز عليا اليوم شي وحدين خطفوني وهوما اللي دارو فيا هاد الحالة (هزات فيه عينيها كتبكي بينما هو مدار حتى شي ردة فعل ضور عينيه لماماه اللي كانت كتحك عنقها بتوتر عاد فهم البلان كيداير هادشي كامل من تخطيطها هي تنهد ونطق: نتي بيخير

كاميليا هزات راسها باه: انا بيخير حبيبي سمح ليا تعطلت ومجيتش لخطبتنا ولكن معرفتش شكون خطفني ولكن نتا متهزش الهم حنا اكيد غنعاودو نديرو الخطبة ديالنا ياك نتا باقي باغيني

يوسف: انا منقدرش

كاميليا ببكاء: ول ولكن ع علاش

يوسف: انا راجل مزوج دابا انا وياك سالينا

كاميليا بصدمة ضورات عينيها مبانتش ليها سليمة والبنت اللي معاها شافت فيه مقهورة ونطقات: يوسف علاش درتي هكا انا راني كنبغيك

يوسف: كاميليا نتي عارفاني مكنبغيكش ومستحيل نبغيك هادشي درتو على قبل ماما ولكن دابا كولشي سالا انا وسليمة دابا مزوجين انا غنتكلف بقضية رجوعك عند باباك لألمانيا غدا غتمشي عندو ميمكنش ليك تبقاي هنا (ومشا خلاها كتغوت)

كاميليا بالغواات : مستحيل مستحيييل نقبلل انني نمشي واش فهمتيني غندمكم كاملين مغااداش نمشي واش كتفهمو

عند سليمة فالصالون كالسة هي وفتون وزهراء حداهم بعدما حيداتهم من حدا صداع كاميليا

فتون: سمحي ليا احبيبتي تيقي بيا الحقد عما ليا عيني ولكن ولله تا راه كنبغيك من قلبي اختي

سليمة عنقاتها: عارفة افتون هادشي كامل عارفة نتي كان مغشي على قلبك وهادشي كيوقع لأي واحد

فتون عنقاتها وهي تبعد عليها عاد لاحضات الكسوة اللي لابسة سليمة: خ ختي واش

سليمة مقاطعاها: اه آه انا تزوجت

فتون: ولكن كيفاش

سليمة: ماشي مهم الحبيبة ديالي

زهراء تفكرات واحد الحاجة ونطقات بالزربة : بنتي فتون قولي ليا منين كتعرفي ولدي فاروق

سليمة: شكون فاروق

فتون: الراجل اللي جيت معاه لهنا (شافت فزهراء اللي كتسنا جوابها ونطقات : مدام الصراحة فاروق

قاطعها صوتوا من وراها اللي نطق : انا وفتون تزوجنا

سليمة وزهراء فنفس اللحظة: كيفاش

فاروق اللي جا وقف قداهم وجنبو يوسف اللي كلس فوق الفوتوي ونطق: انا وياها تزوجنا اليوم

سليمة وقفات ونطقات: ولكن من امتا نتوما كتعرفو بعضياتكم انا عارفة ختي مزيان وعارفة جمع اصدقائها إلا نتا منين عرفتيها

فاروق : تلاقينا صدفة وتطورات الأمور بينتنا تا وصلنا للزواج

سليمة ممتيقاش هضرتو تلفتات لعند فتون ونطقات: هادشي بصح افتون

فتون : آه بصح انا وفاروق تزوجنا وانا مندماناش

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــرابـع والعــــشــــرون♠️⁩

فتون : آه بصح انا وفاروق تزوجنا وانا مندماناش على هاد القرار

سليمة:فتون انا راه كنسول غير حيت نتي ختي وانا مدخلاتش ليا هاد القضية لراسي

فتون: تانا مدخلاتش ليا هاد القضية لراسي كيفاش تزوجتي ونتي عمر عرفتي شي راجل ولا دخل لحياتك.

سليمة بتوتر بغات تهضر وهي تسبقها زهراء ناطقة: واش غتبقاز سؤال مني منك زعما راه يلاه تلاقيتو وخاصكم تكونو فرحانين لبعضياتكم عاد ان كل وحدة فيكم مزوجة وللصدفة نتوما مزوجين للخوت

فتون: واش هوما خوت

زهراء : آه هوما خوت

هزات فتون عينيها ففاروق لقاتو كيشوف فيها وهي فهمات من نظراتو انها مخصهاش تدوي على سبب زواجها بيه تنهدات وهي تنطق سليمة

سليمة: باينة فيك عيانة وواقفة غا بزز واش نتي بيخير

فتون : آه انا بيخير غا العيا هذاك

زهرة: تقدري تطلعي لبيت فاروق راه ولا بيتك تانتي ابنتي فاروق دي مراتك لبيتها

تنهد بملل وهو يمد ليها يدو شدات فيه وتمشاو وهو ينطق بهمس: برافو عليك الى بقيتي هكا اكيد تعيشي معايا مزيان

جاوباتو بنفس نبرة الهمس ناطقة: دير فبالك انا هادشي كامل دايراه على قبل ختي وانا مزال مقلتش ليها اننا ماشي اخوات من نفس الاب عنداك تخليها تعرف

فاروق: انا ماشي شغلي فيكم نتوما الخواتات

وبالعودة الى سليمة اللي واقفة بكسوتها البيضة تا نطقات زهرة طلعي لبيتك نتي ويوسف دابا نتوما مزوجين

سليمة: كيفاش واش

زهرة مقاطعاها : ختك دابا عايشة معانا ولالا من الاحسن متخليهاش تعرف انه زواجكم على الوراق يلاه ايوسف دي سليمة لبيتها

يوسف شاف فزهرة ونطق لسليمة : يلاه زيدي (شدها من يديها وتمشا غادي بيها لبيتو)

زهرة بقات واقفة بلاصتها حتى وقفات عليها جنات ونطقات: فين سليمة وختها

زهرة بابتسامة: هاد الخواتات دخلو لعائلتنا دغيا كل وحدة فيهم تزوجات بواحد من خوتك

جنات بصدمة: كيفاش واش ختها تزوجات بخويا فاروق

زهرة ضحكات :اه اكيد ربي دارهم فطريقنا لسبب معين واللي هو الحب اكيد هانتي غتشزفي كيفاش كل واحد من خوتك غيتبدلو ومغيبقاوش صارمين وهمهم غير الخدمة كولشي غيتبدل (شافت فجنات: فين باقي العائلة

جنات : كل واحد فين مشا جدي مشا ينعس وبابا وماما كذالك خويا سمير خرج وانا هاني قدامك

زهرة: وزيدان

جنات: عندو شي خدمة فالشركة

زهرة: يلاه ابنتي الليل هذا سيري ترتاحي تانتي

جنات صيفتات ليها بوسة فالهوا ونطقات: يلاه تصبحي على خير

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــخامـس والعــــشــــرون♠️⁩

#عند سليــمة جارها يوسف وهي غادا وراه جرجر بيها وهي و كسوتها كامل القصر عاد وصل لبيتو حل ودخلها وهو يطلق من يديها

سليمة: واش مكتعرف دير تاحاجة بشوية

يوسف : علاش قبلتي تزوج. بيا

سليمة : نفس السؤال موجه ليك

يوسف بعصبية: انا كنت محطوط امام الأمر الواقع ولكن نتي نتي شنو السبب اللي غيخليك تزوجي بيا متلا

سليمة بعصبية تاهي: متيقش فراسك بزاف ماماك ضمنات ليا مستقبلي وهذا هو سبب زواجي بيك

يوسف ابتاسم بغيض: الفلوس ياك الفلوس اللي خلاوك تزوجي بيا

سليمة: متنساش انني نقدتكم من الشوهة اللي دارت ليكم كاميليا

يوسف: كاميليا مدايراش هكا علاش غتهرب من الخطبة اللي حياتها كاملة وهي كتسنا انها تدار

سليمة: واشنو عرفني انا

يوسف: قبل منغلط فيك انقلب بساعة خرا (تمسا وهو يرجع عندها ناطق: وبلا متحاولي ديري فيها ممهمتماش بيا حيت باينة من عينيك طايحة فيا(وغمزها ومشا

سليمة بعصبية غوتات: راك كتحلم واصلا نتا ماش نوعي المفضل

ضربات رجليها مع الارض بالفقسة ضورات عينيها فبيتو كانت كتجي غير تنقيه صدقات هي عايشة فيه تنهدات وهي تبان ليها باليزتها ونطقات: تباركلاه عليك الآلة زهرة موجدة كولشي

تمشات هزات حوايجها ودخلات للحمام

وفنفس الوقت عند فتون اللي وقفة فجنب الناموسية وفاروق فالجنب لاخر ونطقات: انا غنعس الفوق ونتا نعس فوق الفوتوي

فاروق : كتحلمي هذا بيتي وهادي ناموسيتي وانا اللي كنقرر

فتون باستفزاز: ونسيتي انني مراتك منحقي تانا نعس فيها

فاروق: اش بان ليك نتبث ليك انك مراتي وبطريقة اخرى

فتون تزنكات ونطقات بعصبية ولاحت عليه مخدة كانت حداها: واحد منحرف انا غنعس هنا ونت طرطق وهي تلاح فوق الناموسية ونعس جنبها فاروق مخلين مسافة بيناتهم

فتون: تقرب ليا ندمك راه عارفة فنون القتال

فاروق : مغاديش نقرب لحمقة بحالك كوني هانية

فتون: ملي انا حمقة لاش مزوج بيا

مسمعات تاشي رد وهي ضور عندو لقاتو ناعس تنهدات وهي ضور لجيهة لاخرا وغمضات عينيها اما هو غير ضارت حل عينيه بقا شحال لمدة ساعة وهو وكيشوف فيها ناعسة تاحس بيها مبقاتش كتقلب وصافي عليها النعاس وهو يعنقها عاد غمض عينبه بنعس فنفس اللحظة هي ضارت عندو مبادلاه العنناق بدون شعور منها فور ماحسات بحضنو الدافئ رخفات حواجبها براحة ونعسات

#يتبع…

Leave a comment

  1. بعد إذنك لو سمحتي أريد أن أنشر قصصك على قناتي في يوتيوب 😘