Skip links

 2,692 عدد مشاهداات

قصة حقيقية😍😍

الجزء الأول من قصة ” أنا و هي”

9سنين وانا مزوجا وراجلي تيحماااق عليا بزاف وانا كدالك لكن ربي معطاناش لولاد وراجلي كيموووت على دراري صغار فينما كتجي عندنا ختو ديما كيلعب معا ولادها وكيبقا يشري ليهوم وكيفرح بزاااف كيبقا فيا الحال بزااااف وكتتقلق حيت مقدرتش نولد ليه شي ولد ولا بنية وخا هكاك كان كيحس بهاد النقص بزاف وخا مكيحاولش ابين مي كنحس بيه قررت نطلقو قلت ليه طلقني وتزوج موااافقش قاليا لا منقدرش قلت ليه نتا غادي كتكبر بلا ولاد ونتا غتبغي ملي تكبببر تلقا لي يعاونك ويشد بيدك قاليا لا ميمكنش صافي سدي الموضوع
هيا هديك قلتها للواليدة قلت ليه بغيت نزوجو شوفي ليا شي بنت معقولة لواليدة مسكينة تحسرات و لكين ختي فرحات ولواليدة قتارحات عليا واحد البنت كتعرف مها عاودات ليا عليهوم الله يعمرها دار صافي مشيت شفتها عجابتني مأدبة وكتبان ضريفة صافي هيا هديك دوينا معها هي ومها و وافقو وتبارك الله اشمنك ياشعر واش منك يا بيوضية تبااارك الله انا سمراااا عليها مشيت عند راجلي قلتلو لقيت ليك لمرا بدا كيغوت عيا وقاليا علاش درتي هادشي وبديت كنبكيييييييييييييييييييي وغوووووووووت وقلت ليه صافي عيييت منشوفك كتتحسر على دراري صغار وساكت مقداش نتحمل وقلت ليه ماشي لخاطري عنقني وقاليا صافي غندير داكشي لي بغيتي من بعد سيمانة مشينا نخطبوها دخلنا رحبو بينا كلسنا شويا ها هي الدريا دخلات لصالون وجايبة ليا اتاي معا هزات عينيها شافت فراجلي تصدماااااااااااااات حتا هو تصددددددددددددداااام مفهمت واااالو بقا كيشوف فيها بإستغراب وهي كدالك حطات اتاي وخرجات بزربة من البيت حسيت بيه لونو تبدل لمهيم شوية رجعات البنت وبان ليا فيها بحال الى كانت كتبكي وبقا كيشوف فيها وعينيه كيبريو بحال الى بغى يبكي حسيت بيه فرح وانا شاعلة فيا لعافيا وربي لي عالم صافي وسولنا البنت واش موافقة بدات كتمتم وكتدخل وتخرج فالهضرة مبقيت فاهما والو صافي كولشي داز مزيان وانا غنفاااجر ماشي ساهل تزوجي راجلك لوحدة خرى قاليا بغيت نقوليك شي حاجة على ديك البنت

الجزء اثاني

قصة “أنا و هي” 💔💔💔💔💔 💥💥💥

المهيم كيف عاودت ليكوم قاليا راجلي ديك البنت لي خطبتيها ليا وهو يسكت وحدر راسو أنا حسيت كاينة شي حاجة و نا نقول ليه كمل قاليا هاديك لبنت كانت كتبغيني بزاف ولكين عمرني نويتها للمعقول وكنت غير كنضحك عليها حيت كنت باغي فيها غير حاجتي وتفليت عليها ملي تزوجت بيك ضميري أنبني بزاف وقاليا منكدبش عليك ملي شفتها تصدمت وفرحت حيت غنصحح الخطأ ديالي انا بقيت كنشووف فيه ودموع دايزين مشيت سديت عليا بيت النعاس وبقيت كنبكي ومبقيت عارفة اش ندير فقت صباح عينيا منفوخين بالبكا صافي جا عندي قاليا غنتزوج بيها باش ضميري يرتاح والعرس غيكون من بعد 15 يوم تصدمت شفتو مبين ليلة ونهار تبدل ومخداش راي ديالي امتا غيكون العرس صافي تقبلتها وصل نهار العرس دار العرس فالقاعة وكنت حاضرة وقلبي كيحرقني وفيا البكية مي مبكيتش قدام الناس اخيب حاجة تشوفي راجلك كيتزوج قدامك صافي سالينا العرس ديناها لدار هو موجد ليها بيتها ومقادو فيه ناموسية وكلشي دخلو للبيت وسدو عليهوم ودخلت انا لبيتي وسديت عليا ومنعستش بالبكا كنتخايل راجلي ناعس معا مرا خرا كنتفقص صافي الغد ليه نضت وجدت الفطور شوية وهي تخرج من البيت لابسة شوميز دونوي فالحمر وطالقة الشعر قالت ليا صباح الخير قلت ليها صباح الخير قالت ليا ختي دوش موجود بغيت ندوش راكي عارفة وحتا راجلي غيفيق غيبغي يدوش قلت ليها دوش موجود قالت ليها اه مشات جابت بينوار ديال دوش دوشات خرجات وراجلي مزال ناعس دخلات للبيت ومسداتش الباب و نانمشي حدا الباب سمعتها كتقوليه حبيبي يلاه فيق مشا لحال وهو يقوليها اجي حدايا مزال مشبعت منك وهي تقول ليه لا ماشي دبا يلاه نوض وهو يقول احسن ليلة دازت فحياتي هي لبارح وبداو كيضحكو وبقا فيا الحال ومشيت للكوزينة وبديت كنبكي جا هو قاليا صباح الخير وقلت ليه كي صبحتي قاليا مزياان مشا دوش خرج لبس حوايجو جاو بزوج بدينا كنفطرو فطبلة وحدة كلينا انا لي جمعت لماعن وهو خرج جات عندي هيا قالت ليا منقدرش نشقا مقداش قلت ليها راكي عروسة سيري نعسي داكشي لمشات دارت حتى جا راجلي مع دخلة تلاحت عليه باستو قالت ليه على سلامتك سلم عليا عادي قلت ليه فيك جوع قاليا لا هي هاديك مشاو دخلو للبيت تبعتهوم كنتصت عليهوم قالت ليه حشومة عليك خليتيني بوحدي وقاليها فرحت بزاف ملي تزوجنا سمعتهوم بداو كيتقربو من بعضياتهوم😘😘😘😘 مشيت بحالي دازت 3 شهور وهي تحمل عرفتو راجلي ملي عرفها حاملة نااري عنقها و باس ليها راسها قدامي وانا بقا فيا الحال صافي راجلي تبدل عليا معمرو جا عندي لبيت من نهار حملات كينعس عندها غير هيا ومفششها وكايجيب ليها لي بغات وكيخرجها ومخليني بوحدي فالدار واحد نهار قلت ليه علاش تبدلتي عليا قاليا والو عادي وبدينا كنتزايدو فالهضرة وهي تجي عندي وقالت ليا قدامو الى معجبكش الحال هزي قلوعك وغبري علينا كمارتك وهو يقوليها سكينة سكتي وهي تقوليه صافي انا لي غنمشي شد ليها فيديها قاليها هي لي غتمشي وقفت…

الجزء الثالث

قصة “أنا و هي” 💔💔💔💔💔

ايييه تبدل عليا بزااف لدرجة شوفة مبقاش كيطولها فيا أو ولاو مديرين ليا حتى اعتبار قدامهم من نهار عرفات راسها حاملة السيد ولا غير داير بيها مفششها كلمتها هي لتكون لبغاتها تحضر و أنا هي ديك لغير زايدة فدار الصراحة مبقيتش كنتحمل سلوك ديالو معايا لدرجة قلت نصارحو أو نقوليه مالك تبدلتي ولكن هيهات هيهات كندوي معاه أو سيد مبرد كيجوبني غير بلي حتى حاجة متبدلات حتى معرفتها منين خرجات ليا اييييلا معاجبكش الحال جمعي قلوعك أو هوا يقوليها سكينة سكتي أنا فرحت زعما غيجي مني أو هي تقوليه هيا نمشي أنا أو هوا يشدها من يديها أو قال ليا عينو فعيني نتي لغادة تمشي 😢😢😢 فهاد اللحظة كنحس بكرامتي كتمرمد في الأرض مشيت كنجري لبيتي سديت عليا أو بديت كنبكي 😢😢😢😢 مبغيتش نبكي قدامهم حتى بردت و نا نبدا كنجمع في شراوطي او بديت كنقول أنا لدرتها راسي دخلت لفعى لداري و لكن هادشي كان غادي يوقع غير أنا مبغيتوش يخوني إلا كانت شي حاجة أنا نعطيه الموافقة أو قدامي نزوجو ولكن مكنتش متوقعة بهاذ السهولة نولي فتوش معليناش كنجمع حوايجي أو كندوي مع راسي بلي ماشي هنا غادي توقف حياتي مزال قادرة نكمل أو ربي غادي يشوف من حالي شي نهار صافي منين جمعت حوايجي كاملين حليت الباب بشوية بانو ليا دخلو لبيتهم أو سدو عليهم بديت كنخرج بشوية بلا حس باش منمشيش قدامهم أو تسمعني شي هضرة حليت الباب بشوية أو خرجت و نا هابطة فدروج أو كنتفكر النهار لكنت طالعة فيهم عروسة و لكن الدنيا هي هادي الواحد ضروري يدوز من وقيتات صعاب صافي خرجت لشارع شديت طاكسي ديريكت لدار وصلت دقيت في الباب حلات ليا الواليدة أو هي ضرب على باليزة أو هي تقوليا درتيها لراسك دخلي صافي لقيت خواتاتي مجموعين عند الواليدة مشيت لبيت حطيت فيه الباليزة أو خرجت عندهم بداو عليا بالأسئلة ونا نعاود ليهم على كلشي كلهم قالو ليا حسن ليك الطلاق حيت معمر مغادي يقدر يعدل بيناتكم أو نتي غادي تبقاي تردي لخاطرك كل مرة أو تفقصي اللهم قطعي الورقة أو بداي من جديد شفت بلي عندهم الحق ولكن قلت مندير والو هاد الوقيتة حتى نبرد بالنسبة الواليد عندي متوفي أو عندي غير الخواتات لمهم بقيت شي سيمانة بان ليا مدار حتى محاولة باش يسول عليا فقت واحد النهار مقررة نمشي عندو نقوليه طلقني حتى كنسمع باب شي حد كيدق حليت ونا نلقاه واحد السيد جاي من المحكمة جايب ليا ورقة بلي راجلي طلقني هنا الدنيا دارت بيا أو تلفت ديال بصح بقيت مصدومة 😢😢😢😢😢 …..

الجزء الرابع

قصة “أنا و هي” 💔💔💔💔💔

ايييه ا ليام فأي لحظة تقدر تقلب حياة الواحد من وحدة بداري مستقرة بصح كاين نقص بأني مكنولدش ولكن هادشي ديال الله لوحدة مرمية برا دارها أو دارتها لراسها ولكن معليش هادي هي دنيا معليناش كيف وصلاتني برية الطلاق الدنيا وقفات فوجهي أو ولات كحلة بقيت مصمرة في الباب غير ساهية حتى جات عندي الواليدة قالت ليا مالك شكون دق قلت ليها بدون شعور لحمار طلقني أو بديت كنبكي عنقاتني أو سدات لباب دخلاتني لداخل مشيت طواليط كملت البكية غسلت وجهي أو خرجت لقيت خواتاتي جالسين بداو عليا مديريش فراسك هاد الحالة نتي باقة صغيرة صراحة ديك الهضرة لكترجع الروح لواحد كاينة الصدمة ولكن ماشي نهاية العالم صافي دازت شي سيمانة كملنا ديك المسطرة ديال الطلاق من المحكمة ديريكت البحر جلست في الرملة أو تقابلت مع الموااااج أو سهيييت بزاااف أو بديت كنرجع السيناريو ديال حياتي أو قلت مع راسي دبا أنا عاد بديت حياتي أو غادي نتحدى راسي أو نجرب راسي فغاع لدومين أو نتقاتل باش نجح أو يكون النجاح ديالي هوا أكبر جواب على لوحة للاحني راجلي بهاد السهولة أو الحمد لله لقيت جنبي واحد العائلة لحضناتني أو سنداتني باش نتجاوز هاد المرحلة أو فعلا جمعت النوضة أو رجعت الدار دوشت أو نعست بكري باش نفيق بكري غير حليت عيني مشيت لواحد سونطر ديال تعلم الطبخ أو الحلويات تقيدت فيها أو بديت فنفس النهار أو صراحة لبنات خالقين جو زويييين أو أنا أصلا دايرة هادشي عن حب راسي خفيف دغيا كنتعلم من بعد ستة أشهر ديال تمارة لقيت راسي عندي منقول أو خواتاتي بداو كيديرو ليا دعاية لبغات تصيب الحلاوي و لا عندها شي مناسبة كنمشي عندها أو كنشد لكوموند من عند الناس أو الحمد لله ربي يسر ليا أمري أو لكليان ولاو كيطيحو عليا كيف شتاء من بعد مدة جلست أنا أو زوج خواتاتي أو قررنا باش ندخلو لهاذ العالم ديال طريطور ولكن على قد الحال هوما بتسير أو لمعارف أو تنظيم أو أنا الماكلة لمهم ولينا كنشدو عيد ميلادات حفل خطوبة فدار مناسبات في الدار أو الحمد لله لخير دفق علينا أو درنا كليان أو مبغيناش نزيدو نكبرو المشروع خفنا يغلبنا الشغل قلنا حتى نزيدو كثر نتبتو رجلينا و الحمد لله الفلوس دخلات أو أنا ديما الحلم ديالي نسوق طوموبيلا أو فعلا دوزت بيرمي أو نجحت فيه مقداتني فرحة أو شريت طوموبيلا زوينة درتها طريطات بنك إسلامي أو منبعد كرينا واحد الدار كبيرة أو بدينا كنصيبو فيها البساطل أو داكشي زوين أو أنا كندير لفريزون بطوموبيلتي الحمد لله نهار على نهار كنكتشف فراسي بزاف الحاجات أو كنزيد نفرح براسي أو منين كنبدا نتفكر كيف كنت كنتفقص هههه من بعد مدة غادي طرى حاجة زوينة فحياتي……

الجزء ما قبل الأخير

قصة “أنا و هي”

من بعد مدة ديال الإجتهاد أو الخدمة أو دمير ربي يسر ليا أمري أو عاوني باش نكون راسي أو نكون مرأة مستقلة بخدمتي أو خلصتي أو مكنتسنى حتى حد يعطيني أو ربي عطاني خواتات لعاونوني أو قدرنا بثلاثة نديرو مشروع لولينا بيه كندخلو فلوس صحيحة من بعد مدة جاتنا واحد الخديمة نوجدو لماكلة فواحد الخطوبة غادة تكون فدار صافي وجدنا كلشي أو أنا لكنت واقفة على الشغل وجدات الماكلة أو مشيت نوصلها أنا صافي سالينا الخدمة أو بغيت نركب في طوموبيلتي أو هوا يوقف عليا واحد السيد أنيق أو كبر مني كان حاضر فديك المناسبة أنا شفتو لداخل قاليا التبارك الله عليك كلشي كان زوين قاليا بغيت لكارط فيزيت ديالك لكان ممكن دخلت طوموبيلا أو عطيتها ليه قاليا شكرا أو مد ليا يديه قاليا سميتي مهدي قلت ليه متشرفين أنا اسماء صافي رجعت أو مدايرة والو في بالي دخلت الدار معطلة كان ليوم عندي عامر لغد ليه عيطات ليا واحد النمرة جاوبت بحكم الخدمة قلت سلام قاليا أنا مهدي لدوينا البارح قلت ليه أهه عرفتك كيداير بخير قاليا نجيك صراحة معيطتش ليك على قبل الخدمة قلت ليه أو علاش قاليا بغيت نتلاقا معاك بغيت ندوي معاك فواحد الموضوع قلت ليه واخة درنا وقت مناسبنا بزوج قطعت معاه لقيت خوتاتي كيشوفوني قالو ليا شنو كاين بديت كنضحك قالو ليا جلسي أو بداو كيقولو ليا بلي نتي نجحتي فهاذ شي لكديري أو وريتي لناس بأن أسماء قادرة على بزاف ديال لحوايج أو حنا فرحانين بيك ولكن فنفس الوقت الحياة موقفاتش فوجهك باش متكونيش عائلة ديالك نتي باقة صغيرة أو ألف واحد يتمناك قلت ليهم يكون خير صافي جا الوقت حاولت نمشي في الوقت وصلت لقيتو كيتسناني التبارك الله الأناقة أو احترام أو طريقة الهضرة عجبني بزاف أو هضرة تجيب هضرة حتى قاليا أسماء نكون معاك صريح عاود ليا على حياتو أو بلي مطلق أو عندو زوج ولاد عايشين مع مماهم أو بلي علاقتو معاهم بحال لساكنين معاه أو بلي أنا عجبتو أو بغا يتزوج بيا حتى أنا عاودت ليه على حياتي أو تفاهمنا بزاااف أو قال ليا بلي هوا كيبيع الذهب أو عندو قهاوي ميسر عليه الله بزاف صافي ولينا كنخرجو مدة ديال شهر أو نصف أو لي ناوي المعقول راه باين حتى واحد النهار قاليا غادي نجي لداركم ناري طرت بالفرحة أو وليت مفتاخرة بلي وليت مرأة أو نصف أو المهدي شافيا مرأة مستقلة أو خدامة على راسي حسن من زواجي اللول كنت دمدومة أو مرأة غشيمة معارفاش الدنيا معليناش قررنا نهار السبت يجي عندنا الناس لغادي يسولوني على راجلي الأول وصلاتني لخبار بلي طاح ليها لبيبي لكانت حاملة بيه او مزال مزوجين مع بعضياتهم ولكن ولاو المشاكيل شوية …

الجزء الأخير

قصة “أنا و هي”

• صافي جا النهار السبت أو فرحانة مقاداني لبست أو تقاديت أو خواتاتي وقفو على كلشي مخلاوني نهز لهم لوالو من الماكلة حتى زواق ديال الدار ردو الدار كتشعل الله يخليهم ليا صافي جا المهدي أو زوج عمامو أو خالتو أو خوه أو حتى أنا عيطت على عمامي أو خالي حيت معندناش الراجل في الدار صافي داز كلشي بخير قرينا الفاتحة أو درنا تاريخ باش نديرو العقد أو فنفس النهار نديرو حفلة على قدنا أنا مبغيتش شي حاجة كثيرة أو فعلا جا النهار لعيطنا غير على الحباب لقراب أو تزوجنا على سنة الله و رسوله أو مشيت لداري تبارك الله زوينة بزااف أو كبيرة أو كان من بين شروطي هوا نبقى خدامة حيت خدمتك هيا لكدير ليك القيمة أو هادي تعلمتها من زواجي اللول الحمد لله بخدمتي أو برزقي عاد الزواج كيجي من بعد او هادشي لخاصو يكون في الصراحة معليناش مشروعي مع خواتاتي غادي مزيان أو حسن مع المعارف ديال راجلي ولينا كنشدو مناسبات كبار شوية الحمد لله صافي دازت ثلاث سنوات على زواجي حتى لواحد النهار كنحس براسي ماشي مزيانة أو آخر حاجة نفكر فيها هي نكون حاملة حيت من زواجي اللول قالت ليا الطبيبة نتي لعندك المشكل أو شي لعيبات ديال الهرمونات يعني نيست من الولاد أو هاد القضية كنت قلتها راجلي أو هوا معندوش مشكل باغيني أنا أو هوا اصلا عندو زوج وليدات صافي فقت واحد الصباح مشيت لطبيبة بلاما نقولها لمهدي دخلت عند الطبيبة أو كلي كنترعد متوترة قلباتني أو المفاجئة طلعت حاملة منين سمعتها بقيت مصدومة أو بقوة الصدمة بكيييت 😢😢😢 تفكرت شنو دوزت تخلطات عندي الأمور أو بديت كنبكي أو الطبيبة لمشيت عندها هي نفسها لكنت فايت جيت عندها في زواجي اللول فرحات معايا بزاااف فديك ساعة عيطت المهدي جا طاير قلت ليه شنو كاين طار بالفرحة مشيت الدار عائلتي فرحو بزاف أو ماما بدأت كتبكي أو كتقول ليا ربي مخيبكش صافي بالفرحة بديت كنفكر إلى كان ولد شنو نشري ليه أو بيتو كيف غيكون ولا كانت بنت نفس الشيئ أو خواتاتي نقصو عليا الخدمة وليت قليل فاش كنجهد على راسي حتى جا واحد النهار لغادي يكون أحسن نهار في حياتي كانت كرشي بانت بزاااف أو قالت ليا طبيبة خاصك تولي تمشاي فعلا مشيت جيهت البحر تمشيت أو تميت راجعة قلت ندخل نفطر فواحد البلاصة لديما كناكل فيها فعلا فطرت منين ساليت الماكلة مرديتش البال درت ونا نلقى راجلي اللول أو مرتو لكنشكرهم بزاف كون غعما كانو هوما كون غعما وصلت لهادشي لوصلت ليه الحمد لله مناقشين مع سيرفور واقيلة زاد عليهم و نا نسمع كيقول ليه سيرفور راه زدنا في هادي أو هادي واقيلة هوما مولفين على ثمن أو لقاوه تزاد أو معندهمش الكمالة جمعت الأنفاس ديالي أو مشيت قاصداهم سيرفور شافني عرفني قلت ليه شنو المشكل قالي معندهمش الكمالة عطيتو لكارط تخلص أو هوما مصدومين أو مشيت أو هوما يتبعوني زعما شكون نتي لتخلصي أو خصوصا هيا و نا مكنجوبهمش حتى وصلت لطوموبيلتي رونج شراها ليا راجلي حليتها منين شافوني فيها تصدمو و نا نردخ عليهم الباب أو مشيت أو الفرحة مقاداني صدمتهم كيف وليت أو بلي حاملة أو بطوموبيلا الله حسيت براسي نتاقمت منهم أو غير بالفن…. الخلاصة هي معمرك تحغر راسك أو إلى عندك شي هذف تقاتل على ودو حتى توصل ليه أو ديما متنساش تحمد الله على أي حال زوين و لا خايب…… النهااااااااية ❤❤❤❤❤❤

القصة سلات خليو ليا الأراء ديالكم أو خليو كليمة زوينة فليكومونطير ❤❤❤❤ 🔚