Skip links

قصة : الماو(كافيين) ج 8

 3,747 عدد مشاهداات

✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء21 :
– فلكلينيك ، تجمعو كاملين عند بهاء زينب الخوف باين على عينيها ، شادة فيها سعيدة وسعاد ، سامية واقفة مع جواد وزياد .
– سامية : الطبيب تعطل علينا .

– زياد : هاحنا صابرين ، شوية خرج عندهم الطبيب كولشي وقف ملهوف باش يسولوه .

– الدكتور (مبسم) : الحمد لله الأشعة خرجات مزيانة ماعندوش جروح وكسور داخلية ، من غير اليد ديالو لي وقع فيها كسر بسيط وجرح على مستوى الجبهة ديالو .

– زينب (بترجي) : عفاك واخا نشوفو؟

– دكتور : اه ممكن دخلو دابا ، غير هو ماتعطلوش عندو باش يرتاح .

– زينب (دموعها هابطين) : شكرا بزاف ، دورات الپوانيي ودخلات ، كان ناعس فنموسية دايرين ليه الݣبص ليديه وباندة فالغوز باردة ، دايرين ليه فاصمة على راسو وساهي ، حتى دخلو عاد رد ليهم البال .

– بهاء (بصوت عيان) : الواليدة .

– زينب (كتبكي ، باستو) : ولدي كيف بقيتي شوية باش كتحس ؟

– بهاء (كيحرك راسو) : الحمد لله الواليدة ، دازت فلتنا منها الحمد لله .

– زياد : السبع ديالنا على سلامتك .

– بهاء : الله يسلمك .

– جواد : على سلامتك شوية ؟

– بهاء (بإبتسامة باهتة) : الحمد لله .

– زينب : باباك ماݣلنا ليه والو ، يلاه شي ساعة شد الطريق لعروبية هو وسي علي .

– بهاء : مزيان منين ماݣلتي ليه والو ، مكاين لاش تبرزطيه الحمد لله ماوقع والو .

– إيمان(ببراءة) : على سلامتك

– بهاء : الله يسلمك.

– سعاد : بغيتي شيحاجة تشهيتي شيحاجة ؟

– بهاء (ضحكاتو) : مابغيت والو ، بغيت غير نبقى انا والواليدة .

– سامية : كتجري علينا ؟

– بهاء(كيضحك) : طلعتو ليا فراسي.

– سعيدة (لجواد) : مالحظتيش خوك كيبان هادئ بحال الى فورمطاوه .

– جواد : غير حر الضربة هاديك .

– بهاء (شاف فيهم) : ويلاه الله يرضي عليكم ، خليوني انا والواليدة .

– زياد : ايااه هي لولة ، خرجو وخلاوه غير هو وزينب .

– بهاء (كيشوف فمو ، بيدو صحيحة شد ليها فيدها) : سمحيليا بزاف .

– زينب (بإستفهام ) : مناش أولدي ؟

– بهاء : على كولشي ، عارف راسي غلطت معاك بزاف … فالاوقات لي كايخصني نكون معاكم مكنكونش ، كنت مقابل غير لالة ومالي فكرت بزاف فهادشي ، مامسلكش الواليدة والله … كنضيع غير راسي ومستقبلي ، واحد الانسان فيقني بعيبي ولقيت فعلا عندو الصح ، وزيد عليها هاد الكسيدة بحال الى ربي بين ليا العلامة ، وبلي خاصني نتراجع .

– زينب : اولدي انا كنبقى أم ، والأم كتسامح ولادها كيفما بغا يكون نوعهم ،والحمد لله احبيبي مزال الخال ومزال تبدل شحال من حاجة .

– بهاء : داكشي لي ناوي ندير ، إن شاء الله غير نولي لاباس شحال من حاجة غادي تبدل .

– زينب (بإبتسامة كدوز يدها على شعرو) : الله يرضي عليك .

_____
– براكاتك يا احلام فورماطيتي السيد 😂😂😂✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء22 :
– سيف الدين (فتيليفون) : وي سيدي ، كولشي هو هداك … حوطنا المطار المخارج والمداخل ديالو ، خاصنا نكونو مستعدين من دابا … ماتعرف دور ليه فالبلان ويبدل التوقيت … فبلاصة مايمشي فصباح يمشي فليل اللهم نكونو واجدين ، لا كون هاني هاذ المرة ايطيح على وقفتو ، غادي نطرقو مسمار راس الحربة غير تهنا ، قطع مع جلال كيدور فجنابو كانو مخبيين ومحوطين المطار من كاع الجهات ، رجال الرداخل وعلى برا .

– سيف الذين كان كيحس بواحد الفرحة او واحد الراحة كبيرة بزاف ، واحد الطاقة لداخل ديالو واخيرا هاد الملف لي كان خدام عليه شحال هءا قرب يسدو ، هز التيليفون دور واحد النمرة وبنبرة صوت مغايرة وحنونة هضر :

– حبيبة ديالي ، توحشتك … لا خدام علاش ياك لاباس؟ (غوبش) وايلي وقعات شيحاجة خايبة شنو ݣالو ليكم ؟ ياك دابا مزيان ماشي شيحاجة ݣغاڤ، الحمد لله الحمد لله ، تهلاي فراسك والى كانت شيحاجة علميني صافي … يلاه أحبيبة ديالي حتى نسالي ونسوني ليك ، كنبغيك بزاف … حتى أنا ابب يلاه انا مشيت ، قطع تيليفون … هز كاسو دالقهوة شرب منو .. نزل بالكرسي حاضي الطريق ودراري لي معاه ، خاصو يكون واجد لاي حاجة فأي وقت .

_____
– فجهة أخرى .
– جنيد غادي جاي قدام الدار ، كايتسناها تخرج .. خرجات لاوية عليها واحد ليزار كتقلب عليه بعينيها غير بان ليها مشات عندو .

– شامة : هاني .

– جنيد (وقف وشاف فيها جرها من يدها غادي بيها ماوقف حتى حدا شي شجر بلاصة خاوية ) : الناس فديك الليلة شي نعس وشي لا ، كولشي كيهصر على داكشي لي وقع ، عمر سدو عليه فواحد البيت شبعوه عصا خلاوه مهدود ، سدو عليه وخرجو ، دار العروسة منعسوش ديك ليلة بالفقايص.

– جنيد (ببرودة) : المسرحية لي درتي مغاديش تمشي عليا اديريها فبالك .

– شامة : وحتى واحد ماطلب منك أصلا تيقها .

– جنيد : هي كتݣولي بلي كذوب؟

– شامة : أه كذوب

– جنيد (بشك) : علاش ؟ بلاتي متجاوبيش مايمكنش ظيري بحال هكا لناس حيت كنعرفك مزيان ، هو ياك ؟

– شامة : اه هو .

– جنيد (كارز على يديه) : كان عليا نخلي دار عشتو .

– شامة (ببرودة ) : مكاين لاش ، الناس دارو لازم وحتى انا ماخليتش من جيهتي ، لحمار بلا حشمة كيكولي عاونيني ونرجعو ونعوضك ، عمري شفت شي واحد وجهو صحيح بحالو ، ولكن عرفتي شنو بردت قلبي ، بردت من جيهتو واحد البرود مكاينش بحالو نهائيا ، حسيت براسي تفشيت وفاش شفتو فديك الحالة ، رتاحيت هذا أكبر عقاب ليه ، أما باش دير فيه يديك غير اتخصر طاقتك فشيحاجة ماتستاهلش .

– جنيد (كيطنز) : هي خاصنا نخصرو طاقتنا فشيحاجة لي تستاهل؟

– شامة (كضحك) : بحال هكاك ، شفتي كيف ولا بحال شي كلب

– جنيد (ساهي فضحكتها) : دابا تأكدت بلي مابقيتيش كتبغيه .

– شامة : كان خاصك تأكد من شحال هادي ماشي حتى لدابا … يلاه نرجعو حشومة خلينا الناس ، أجي شفتي السيد ؟

– جنيد : اه هضرت معاه ، غدا فصباح انمشيو معاه نشوفو شنو كاين ونتاكدو ياكما تباع .

– شامة (عطاتو بظهر) : ايوا على الله … تمات غادية حسات بيدو جراتها ودوراتها لعندو ، جاو شفايفها على شفايفو ، غاص معاها فقبلة طويلة .. بوسة كلها شوق وحب غير لي مكايحس هو لي مغايفهمش شنو كاين ورا هاد البوسة هادي ، شامة هاد المرة تجاوبات معاه ، بلاما تحس طلعات يديها ولاوتهم على عنقو شي لي خلاه زاد فوتيرة البوسة . فلحظة إنسجام قاطعهم ثوت دريس كيعيط على جنيد .

– شامة دفعاتو كتنهج وجها ولا سخون .

– جنيد (كيعاير) : هاد الديناصور خارج فعاودي تفو .
– شامة (جاتها الضحكة مجاوباتوش هزات ليزار لي طاح ليها ومشات كتجري) .
#يتبع
____
– لبنات سمحوليا بزاف حطيت ليكم جوج كتبتهم بزز سعيدة ديجا قالت ليكم مريضة ومزال نريضة غير ماقديتش نخليكم بزز بالكشايف باش كتبتهم دعيو معايا ياربي نفيق مزيان ونبرع بناتي اكونو هانيين شلا مايتكتب وشلا أحداث خاص انولي مزيان إن شاء الله ياربي انا معاكم الغد 🌹🌹✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء23 :
– صبح صباح الجديد ، شدات شامة وجنيد مع العطار الطريق راجعين لكازا ، شامة وجنيد ماهضروش نهائيا من الصباح فاش فطرو مجموعين ، غير وصلو لكازا مشاو مع العطار نيشان للمحل ديالو لقاو ولدو كاين تما .

– العطار : دخلو مرحبا بيكم ݣلسو … خلاهم ݣالسين ودخل لداخل كيقلب على الصندوق .

– العطار(كيعيط على ولدو) : منير منير .
– منير : نعام أبا هاني .
– العطار : واحد الصندوق ديال الخشب ، كان محطوط هنا ماشفتيهش، جنيد غير سمع حس الصندوق وقف .

– منير : تباع .

– العطار (مصدوم) : تا كيفاش تباع ؟

– منير : تباع ابا لبارح ، جاو واحد الݣاوري والݣاورية داوه .

– جنيد (قاطعهم) : عاقل عليهم كيدايرين ولالا ؟

– منير : أه عاقل عليهم ، هزيت الصندوق ومشيت معاه حتى لوطيل فين كاينين ، حطيتهم ليهم دورو معايا مزيان وجيت .

– جنيد (مغوبش) : عاقل على الاوطيل ؟

– منير : أه عاقل عليه .

– العطار : سير معاهم أولدي وريهم للوطيل .

– جنيد : شكرا اسيدي سمح لينا عذبناك .

– العطار : الله اودي بالعكس انتوما لي سمحوليا .

– خرج جنيد وشامة معاهم ولد العطار ، خداو طاكسي عطاهم منير إسم الأوطيل ، شدو طريق ليه ، وصلو خلص جنيد ونزلو … دخلو لوطيل مشاو نيشان للإستقبال .

– جنيد (بجدية وصرامة) : عفاك الله يخليك واحد جوج سياح نازلين عندكم فالأوطيل ، جا معاهم هاد السيد الصباح؟

– البنت : سمحليا انا عاد دخلت ، وزايدون مكاينينش غير جوج هنا كاين ربعات دسياح نازلين ، ولكن ممكن نعرف شكون انتوما؟

– جنيد : البوليس .

– البنت : انا اسيدي انعرف ليك من البنت لي كانت هنا فصباح ، سمحليا واحد الدقيقة ، بعدات شوية سونات فتيليفون … بقات كتهضر شوية ورجعات .

– البنت : عرفاتهم ولكن للأسف غير جاو فصباح رجعو خرجو .

– جنيد : معاش كيرجعو ماعرفتيش؟

– البنت : للاسف اسيدي هوما سافرو للمراكش ، واحد 2 جوغ وغادي يكونو هنا … حيت مزال مالغاوش الحجز ديالهم ومزال ماخلصوش ، وحتى من حوايجهم خلاوهم .

– جنيد :داكوغ الى كان ممكن انخلي ليك نمرتي ، وغير يجيو سوني ليا ضروري الله يخليك .

– البنت (مدات ليه ورقة وستيلو) : واخا اسيدي كون هاني، كتب ليها نمرتو ديال التيليفون عطاها ليها .

– عفاك وصي حتى البنت لي كاينة معاك ، فاش يجيو علميني المسألة خطيرة الله يخليك .

– البنت : كون هاني أسيدي.

– جنيد : شكرا .
– خرجو من لوطيل

– منير : سمحوليا انا غادي نمشي وسمحوليا .

– جنيد : مكاين مشكيل انت مدرتي والو، شكرا عدبناك معانا (خدا من جيبو شيحاجة حطها ليه فيدو).

– منير : الله يرحم بيها الوالدين السلام عليكم .
– مشا منير ، وشامة غير ساكتة .

– جنيد (ضار عندها) : مالك انت ساكتة ياك لاباس؟

– شامة (هزات فيه عينيها) : مافيا لي يهضر دابا ، حتى لمن بعد بغيت نمشي غير لدار .

– جنيد : اهاه واخا، شير لطاكسي وقف ليه طلعو عطاه لادريس وشدو طريق .
#يتبع
____
– شفت شامة ماشي هي هاديك !! شنو غادي تكون أتكول لجنيد ؟
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء24 :
– #طنجة
– شمس (مافهمات والو) : مافهمتش انا مال ختك قررات ترجع لفرنسا !! ياك يلاه جات كيفاش وعلاش قررات ترجع ؟!!

– نزار : مارتاحتش هنا وماولفاتش ، خليها بخاطرها لي شافتو مزيان راه غادي ديرو .

– محمود : خلي عليك البنت ، خليها مرتاحة دير لي بغات ، الى كتشوف مستقبل ديالها على برا تمشي .

– شمس : انا مغانشدهاش ، غير هو جاتني عجب … من نهار لي جات فيه من الحفلة ديال صاحبتها وهي مبدلة .

– نزار (عارف لي كاين ) : الواليدة ، اتكون فكرات مزيان … وانت عارفة فرح مايمكنش تاخود شي خطوة وهي مامفكراش ليها.

– شمس (ستسلمات للأمر الواقع) : إيوا ماعندي منݣول وصافي ، الله يسر الامور .

– نزار ومحمود : أمــيـن .
____
– فالمطار ، كولشي كان واجد كايتسناو غير يبان سليمان ، هاد الإسم لي مكان عارفو حتى واحد من غير رشيدة بوحدها ، وصلات طوموبيل ميرسيديس عادة ، وقفات على برا خرج منها لابس سروال دجين تيشورت فالبيض مع ساعة رياضية ونضارات ديال الشوف ، كيبان عليه إنسان عادي ومع الإبتسامة … ماشنش بلي هذا راس الحربة ، الراجل لي باع وشرا فأراضي الناس باش ولات عندو فيلا وفيرمات ، الراجل لي ماخلى فاش بزنز ، فالحشيش فدوايات ماخلى شيحاجة خارجة القانون مدارهاش ، راجل لي شرا مرتو من عند باها ورضها بحال شي خدامة ، الخدم وكيحنو فيهم الناس وهي دايرة كيف شي جفاف ، علاش لا وهو عندو صحاباتو وأولهم هدى ، هدى لي كتسناه فإسبانيا باش تعيش معاه الحياة ، هدى لي ماخلات راجل ماضحكات عليه ومكلاتوش ، تابعة غير المادة واخا يكون هاذ الراجل كيفما بغا يكون .

– خرج الباليزة من الكوفر ، هز البيي او الباسبور فيدو مع واحد ساك صغير ، دايرو على جنب ، جر الباليزة ديالو وتم داخل كايتمخطر بحال الى ماخصو خير .

– سيف الدين (كيهضر) : ألو الهدف كيبان ليا داخل ، طلقو عينيكم مزيان أي تصرف ايخلينا ندخلو كونو واجدين .

– عُلم وينفد شاف

___
– داز من الإجراءات الأولى ، واقف كايتسنى الأوراق ديالو ماحس بالبوليسي حتى وقف عليه :
– موسيو سليمان الكعوة ؟

– سليمان (بتوتر ) : وي هو هذا !

– تفضل معانا عفاك
– سليمان (بإستغراب) : علاش؟
– تفضل معانا بلا شوهة ، وبلاما نتيرو شبهات ونديرونجيو المسافرين الله يخليك .

– سليمان (قلبو تخطف ، مابغاتش تسرط ليه بلي ممكن يكونو عرفوه ، حدر راسو وضار شاف قدامو بانت ليه الطريق خاوية ، دفع البوليسي وهرب كيجري ) .

– عند سيف :
– الهدف عرب من يدينا وهو فطيقو للباب الخريجي سيدي حويل .

– سيف الدين (خارج من طوموبيلتو هاز الفردي كيجري ) : نداء للجميع العناصر ، الهدف هرب وفطريقو للباب الرئيسي ، طرقو جميع المداخل والمخارج للمطار ، ممنوع إستعمال السلاح إلا فضرورى القصوى حويل .

– علم وينفد … البوليس طرق جميع المداخل والمخارج للمطار .

– خرج سليمان كيجري ، مع خرج على برا وقف فاص فاص قدام سيف الدين .

– سيف (كيضحك) : طحتي فيدي أشلاهبي .
– سليمان : معاش لي يطيح راس الحربة اسي سيف .

– سيف (خشا الفردي فجيبو) : مزيان منين مزال عاقل عليا ، عندنا حساب مزال ماخلصتيهش ، وانا مكنحملش يبقى عليا الدين .

– سليمان (كيخنزر فيه) : وحتى انا مكنحملش يبقى يتسالني شي واحد .

– سيف : دابا عجبتيني .(جرو من يدو تلاح عليه ببونية لوجهو ، وقف سليمان وردها ليه ولكن سيف خواليه ، شدو سيف من يدو عوجها ليه وضربو لظهرو طيحو كيغوت ، تلاح عليه ، كيعطيه بونية لجهة ليمنية لحنكو ولجهة ليسرية ، خلى ليه فمو ونيفو كلو دمايا ، نزل عليه براسو بدماغ طيحو ، صافي سخف مابقاش قاد مزال يزيد .

– سيف (وقف كيلهت يديه حمرين ) : هذا خلاص الخلعة ديال الواليدة لي كنتي خلعتيها وبسبابك شدات الفراش ، ومزال اتخلص اراس الحربة (هز راسو فرجالو) :
– هزوه .
– هزو سليمان بحال الحنونة دايخ دارو ليه المينوط وطلعوه لسطافيط .
– سيف الدين (جبد التيليفون سونا لجلال ) .

– جلال : سبع ولا ضبع ؟

– سيف الدين : سبع .

– جلال (حرك قطعة الشطرنج لي قدامو) : إيشيك .
#يتبع
_____
– وأخيرا تهنينا من العتروس ديال راس الحربة هوف هوف زغرتو وغنيو معايا روروروروروروروروروروروروريييييييييييييي 💃🏻💃🏻💃🏻💪🏻💪🏻💪🏻💪🏻✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء25 :
– عند جنيد وشامة لي غير رجعو ، ستاقبلاتهم زينب ، الكل كان ݣالس .. عاودو ليهم كاع لي وقع … وهي بدورها عاودات ليها على بهاء وشنو وقع ليه .
– جنيد (بخوف) : شنو وقع ؟ وعلاش ماعيطوش لينا ؟

– جواد : ماشي شيحاجة لي خايبة غير تقصح وكسر خفيف فيدو .

– شامة : هو مزيان دابا ؟

– زينب : اه ابنتي الحمد لله دابا مزيان … طلعي ترتاحي اتكوني عييتي .

– شامة( وقفات ) : أه عييت ، سمحوليا انطلع . خلاتهم وطلعات لفوق تبعاتها إيمان تحت نظراتهم لي كلها شك .

____
– إيمان (بتساؤل ) : مالكي؟

– شامة (كتبدل حوايجها ) : ماماليش ، علاش اجي فين با ؟

– إيمان : مشا مع عمي توفيق للفيرمة .
– شامة : كاعما ݣالها ليا !!

– إيمان : مشاو يبدلو الجو شوية (بحماس) شامة نݣوليك واحد الحاجة وماضحكيش عليا .
– شامة (كتلبس حوايج الدار) : ݣولي ياك لاباس تاني؟

– إيمان (تنهدات تنهيدة طويلة) : ماعرفتش مالي وحق الله كنحس بواحد الراحة او واحد الفرحة فشكل .

– شامة (ضحكات) : كتحبي اجنية ، هادو علامات الزعكة اخويتي بقى حتى دارها زياد .

– إيمان (حشمات) : باش عرفتيه هو؟

– شامة : بنت ليك مومو ݣغة وراه باينة ، عطيني بعدا داك تيليفون لي حداك .

– إيمان (مداتو ليها) : معامن بغيتي تهضري ؟

– شامة : واحد الحساب مزال مطرقتوش ، وبغيت نطرقو دابا ونكمل معاك.
– دوزات النمرة ، بقا شحال كيسوني حتى تسمع صوت المرأة :
– ألو
– شامة : ألو سلام عليكم
– وعليكم السلام شكون معايا ؟

– شامة : ياك مرات موسيو نور الدين الخطيب ؟

– وي هي هادي شكون معايا ؟
– شامة : انت مكتعرفينيش امدام ولكن انا كنعرفك مزيان ، المهم لي بغبت نكوليك الالة بلي الى بغيتي تعرفي راجلك فين كيتعطل ، مع 9 ديال الليل بضبط اتمشي لمعمل لي هو خدام فيه ، المعمل ديال الاب ديالك علاما فخباري ، الباب لوراني للمعمل ادخلي منو اتلقاي باب ديال واحد شومبر على يدك ليمنة ، وتما اتلقاي موسيو نور الدين

– أش هاد التخربيق وتبرهيش.
– شامة (قاطعاتها) : انا ماعندي منربح ، اغير بغيت ندير فيك خير ، حشومة واحد لقا بنت الناس وكيستغلها ويضحك عليها ، غير هو راه ماشي اول مرة ليه راه كاع بنات المعمل تحرش بيهم ، ولي ماعطاتوش داكشي لي بغا كيجري عليها ، خليت ليك الراحة(قطعات عليها ومسحات نمرة) .

– إيمان : كون سونيتي بعدا غير بريڤي ، اتبقى نمرتك طالعة عندها وماتعرفي توريها ليه .

– شامة : لا راه سونيت بريڤي ، واخا كاع طلع عندها مكايهمنيش ومكنخافش منو ، أصلا مابقى والو وغادي نبدل هاد النمرة ، المهم كملي ليا كيفاش قضيتك ؟

– إيمان : والله ماعرفت ، كيتصرف معايا فشكل ظريف معايا بزاف ، لبارح لقاني حدا لافاك مع كانت عندي حصة ونسيتها ، ومع خرجت بلا فطور داني فطرني مسكين ، سولني شنو بغيت ندير فحياتي ، وداك نهارات كنهضر مع ماماه … عاودت ليها على لي وقع ليا وسمعنا .

– شامة : ايوا كملي ..
#يتبع
_____
– واش غير انا لي بانت ليا شامة ماهياش ولا حتى أنتوما؟؟✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء26 :
– شامة : إيوا كملي .

– إيمان : صافي هو سمعني ،وهضر معايا على هاد القضية جا فصفي وشجعني .

– شامة : إيوا مزيان ، الله يكمل بالخير الالة .
– إيمان (كتشوف فشامة) : مالكي شنو واقع ؟حاسة بيك ماشي حتى لتما ؟!!

– شامة (كتلعب برجليها ، كتفكر فداكشي لي وقع ليها مع جنيد لبارح، ولي وقع ليها جوج ديال المرات قبل ، ماحملاتش راسها بأشمن صفة يبوسها ويقرب منها بحال هكاك، مكانش عليه يدير هكاك واش عند بالو هي وحدة ساهلة غير ترشق ليه يبوسها ولا كيفاش ، من البارح او واحد القرار كيدور ليها فراسها ، كانت باغية تشاور باها ولكن مالقاتوش خاصها تسنى 15 يوم بينما رجع )..

– إيمان (كاتشير ليها) : سولتك أصاحبتي !!

– شامة : عرفتي شنو هي أحسن حاجة عندي ، عماد لقا خدمة دابا انتهنى من جيهتو … وبابا حتى هو شفتو بدا كيتبدل ماكرهتش عمي توفيق يشوف ليه شي خدمة ، عساس ولا شيحاجة باش يعمر وقتو ، وانت رجعتي كتقراي ، وكيبان ليا الحب بدا يدخل لحياتك ، حتى الى خويت دابا انكون مهنية من جيهتكم .

– إيمان : اويلي كيفاش غادي تخوي وفين ؟ واش انت شوية لاباس؟

– شامة : انتسنى با يجي ، ونلقاو داك الكلي ويشدو داك بوزبال وغادي نخوي هاد الظار ، مغاديش نبقى ݣالسة عندهم متقلة عليهم أصاحبتي ، انمشي نقلب على خدمة .

– إيمان : اختي واش ݣلسني انا هنا معاهم ؟! حتى انا انمشي بحالي معاك مكاين لاش نبقى هنا ݣالسة .

– شامة : المهم نشوفو بعدا شنو ايوقع لداك راس الحربة ، كنتسنى غير يش(قاطعهم الباب )
– شامة : دخل ، تحل الباب ودخل جنيد ، شاف فإيمان وفشامة :
– بغيت غير نݣوليك سونا جلال ، شدو راس الحربة

– شامة (بصدمة) : وايلي واخيرا الحمد لله تهنينا ، بقات لينا غير ديك الكليوسبي ونتهناو .

– جنيد (ببرود) : هدا هو البلان ، سد الباب ومشا … كيهضر مع راسو :
– ملامحك بحال حبة القهوة ، صوتك بحال الكافيين كيخدرني وكيسكرني وكيخلي حواسي كلها تفيق ، كتخلي قلبي ينبض شنو غادي يكون واقع ليا ، علاش انت بضبط لي كتخليني نحس بحال هكا ، بغيت نفهم كيخصني نفهم .

– شامة : دابا تهنينا بقات ليا غير الكلي ونرجع فحالي لدارنا، ونمشي إن شاء الله نقلب على الخدمة عند واحد السيد ، ونسى هادشي لي وقع ليا بحال الى عمرو وقع .

– إيمان : واخا ماعرفتش علاش قررتي هاد القرار ، ولكن أنا معاك فأي حاجة بدرتيها .

– شامة : متݣولي والو دابا ، خلي حتى يرجع بابا .

– إيمان :واخا كوني هانية .

_____
– زياد (دق فالباب على مو) .
– زينب : دخل ،، دخل زياد وسد الباب وراه .

– زياد : الواليدة مسالية؟

– زينب :واخا منكونش مسالية اولدي نسالي على قبلك .

– زياد (كيضحك) : كلسي بغيت نهضر معاك .

– زينب : ݣلسات) أياه الله يسمعنا خبار الخير شنو كاين دوي ..

____
– سعيدة : ماعرفتش شكون سكن فالڤيلا لي قبالتنا ؟
– سامية : عرفتي ديك الڤيلا شحال وهي مسدودة راه شي 6 سنين هكاك .
– سعيدة : بحال والو يكونو ماليها رجعو ليها .
– سامية : كولشي ممكن.

– سعيدة : فخبارك جواد لبارح ، كان باغي يسولني شوية ورجع سكت .. داكشي لي كنتي كلتي ليا على سهيلة واقيلة راه بصح .

– سامية : امنين نبقى نݣوليك شيحاجة بقاي تيقي بيا .

– سعيدة : الحمد لله غير منين تهنينا من ديك خيتي . شوية تسمع الغوات عند الباب وصوت ليلى كتبكي .

– سامية (بإستغراب) : شنو واقع صوت ليلى كتبكي .

– سعيدة (ݣمزات من بلاصتها) : ماعرفت مالها ،مشاو بجوج بيهم كيجريو لعندها يشوفو مالها ويعرفو مين جاي هاد الصداع ؟
#يتبع
_____
– فنظركم القرار لي تاخدات شامة صحيح ؟ صحيح انها تخلي هاد العز لي هي فيه وتمشي ترجع لدارهم وحياتها القديمة وتبدا من الصفر ؟ الى ساق الخبار جنيد شنو غادي يدير ؟ يسمح فيها بسهولة ويخليها ولا غادي يتشبت بيها؟
– خليو ليا أرائكم وتعاليقكم وتوقعاتكم بنياتي اجزائنا لهاد الليلة سلاو موعدنا غدا إن شاء الله نعرفو سباب هاد الحيحة لي نايضة وماتنساوش التحدي ديال احسن تلخيص للقصة خليت ليكم الراحة تصبحو على خير ❤️💋💋💃🏻✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء27 :
– مشاو كيجريو ، لقاو ليلى شادة حمكها كتبكي او قدامها صوفيا .

– سامية ( معصبة) : أش واقع ؟ ليلى مالك ؟

– ليلى(كتبكي) : موسيو جواد ݣاليا الى جات مدام صوفيا (كتشهق) منخليهاش دخل وانا مدرت غير لي ݣاليا ، و وصرفقاتني حيت ماخليتهاش دخل .

– هبطات شامة وإيمان كيجريو منين سمعو الصداع ، كلشي نزل من غير جواد لي مكانش .

– زينب : أش واقع ؟ أش هاد الضسارة ؟

– صوفيا (كتغوت) : الالة ولدك عند بالو ايديرها بيا ، قسما بالله لا تفاكيت معاه نوريه بنت جمال بنجلون شنو كتسوى .

– سامية : شنو كتسواي ، مكاتسواي بصلة خامجة … لي كان فرقتوه واش باغية الشوهة؟

– صوفيا : قسما بالله لا تفاكيت معاه ، بيا ولا بيه نوريه انا صوفيا يلاوحني .

– زياد : براكة من ضسارة وحتارمي راسك ةالى مارباوك والديك راه كاين لي غادي يربيك.

– صوفيا (كضحك) : حتى انت البرهوش كبر ليك الشان ؟

– سعيدة : اديك زبلة ، راه زدتي فيه عيقتي كاع وعجبك راسك ، خرجي علينا وعرعري كيف بغيتي .

– صوفيا : والله مخارجة ، نوريه انا يلوحني داير ليا قالب عند بالو ايديرها بيا اه ياكما بانت ليه فشي جهة خرى (شافت فشامة) لا راه باينة نيت ، نهار لي دخلتو لهاد دار وماشفنا ربح .

– شامة (تخطات زينب وزياد ) : شنو ݣلتي عاودي .

– إيمان : شامة
– شامة (سكتاتها بيدها) : بلاتي عاودي شنو ݣلتي ؟ حيت ماسمعتكش مزيان .

– صوفيا : مالي كدبت عليك ، مايكون انت لي بان ليك فيه الولد الكبير ، بحال دوك الافكار كيكونو غير ديال الطبقة الفقيرة ، جايا داخلة مدرمة باغية تجمعي حب وتبن والله لا كانت ليك الجرثومة ، والله لا خليتو ليك .

– شامة (ببرودة ) :أنا جرثومة ؟

– سامية( بالغوات) : صوفيا.

– شامة : ششششش خليها غير خليها انا جرثومة ، ياك اللبوية امو ربعة وربعين يالي عندك عين ساحية وعين كتقلب على الماحية ، ياك اشارفة الهارفة يالي مجبدة وجهك غير بلبوطوكس ، دوي يالي كلك مركبة من راسك حتى لرجليك ، شفتي هوما مايقدروش يديرو يدهم فيك حيت المكانة ديالهم وفاش ترباو مايمكن ينزلو لمستواك ، ولكن انا راه كبرت فحي شعبي وخالطت رجال وعيالات الصباغ والدباغ ، عقلتي نهار دخلت لهاد الدار أش ݣلت ليك ، ݣلت ليك الى حكيتي عليا اتلقايني ياك .

– إيمان (عارفة شامة مغاتسكتش) : شامة .

– شامة : واش عقلتي ؟(مع كملات هضرتها جراتها من شعرها) .

– صوفيا كتغوت ربي لي خلقها .

– شامة : جايا هاجمة ضاربة البنت ، ماحتارمتي لا مرا كبيرة لا حتى واحد ، عند بالك انت هي الاميرة ديانا ولا ، قسما بالله حتى نسوط فيك والله ومزال توصلي لهاد الدار ، قسنا بالله لي خلقني وخلقك(كتديها وتجيبها من شعرها نزلاتها لأرض وݣلسات عليها) قسما بالله حتى نحش ليك ركابي ، الما حرشت عليك لي يخسر ليك كمارتك ويخلي فيك الأمارة مانتسماش شامة ، انخليك دوري فجنابك وتفتفي ، سمعتي افورمة الݣرعة … جراتها من شعرها وصوفيا كتغوت مقادة دير والو … وقفاتها قدامها هزات يدها حتى لسما ونزلات عليها لزجها صرفقاتها .

– شامة : هادي ديال البنت لي حݣرتي عليها ، ومزال تحطي رجلك الكلبة هنا ونتفاهمو .
– حلات الباب ولاحتها كركباتها مع الدرجة وسدات عليها الباب .
#يتبع
____
– كيجاكم التصرف لي دارت شامة مع صوفيا ؟
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء28
– زينب : الله أبنتي كون غير مادرتيش فيها عقلك .

– شامة : خالتي هاد خيتي مكتحتارمش ، وكان خاصها شي واحد لي يوريها شغالها .

– سامية : بالعكس وحق الله الى عبرات عليها .

– سعيدة(كتعنق فليلى) : صافي احبيبة صافي مسحيها فينا حنا .

– زينب : صافي بنتي الله يرضي عليك .

– حدرات ليلى راسها ومشات لكوزينة .
شامة (ضارت عند زينب) : خالتي واخا نهضر معاك ؟

– زينب (شافت فزياد أشر ليها براسو) : واخا أبنتي حتى أنا نيت بغيت نهضر معاك .

– دخلو لصالون وݣلسو .

– زينب : كنسمعك أبنتي .
– شامة : لا أخالتي حشومة انت كبر مني ، هضري أنت .

– إيمان : انخليكم .

– زينب : لالا أبنتي غير خليك ، ومزيان البنات حتى هوما هنا او زياد .

– شامة : هههه شنو كاين ؟

– زينب : ابنتي انا ماعنديش مع الدخول والخروج فالهضرة ، وانت عاشرتينا واخا أيام قليلة … زياد هاهو قدامك(نزل جنيد كيسد فساعتو وقف مع كلمة زياد هاهو قدامك كيسمع ودقات قلبو متسارعة) منحتاجش نشكرو ليك ، هو ماشي بحال خوتو متبت ومرزن وماعندوش مع دخول والخروج ، هضر معايا وراه بغاني نهضر معاك على قبل إيمان .

– شامة(شافت جهة إيمان لقاتها مزنݣة وحشمانة وتالفة) : مزال مافهمت أخالتي !!

– زينب : زياد باغي يخطب زينب ويتزوجها على سنة الله ورسوله ، عجباتو عجبوه أخلاقها وتصرفاتها ، واخا دابا قليل باش سكنتو هنا ولكن كافي او وافي باش يعرفها .

– زياد : وحتى قرايتها تكملها ماعنديش مشكيل ، والمشروع لي دوينا عليه ايتحقق بمشيئة الله سبحانه .

– زينب : شنو ݣلتي ؟

– شامة : شنو غادي نݣول هي عندها 21 سنة دابا ، عارفة لي يصلاح ليها ولي لا … وأنا أخالتي منتفضلش قدامكم ، بالعكس أنكون مرتاحة وانا عارفة بلي إيمان كاينة فإيد أمينة … هكا غادي يبقى بالي مرتاح معاها مغانبقاش مشطونة من جهتها .

– سامية : كتهضري بحال الى اتخوي لبلاد .

– إيمان : راه بغات ترجع لدار .

– شامة (خنزرات فيها) : اللقوة مكاتصيبيش تسكتي ؟

– زينب : لا خليها تهضر كيفاش اترجع ؟!

– شامة (هزات راسها فجنيد لقاتو كيشوف فيها بحال الى مكبوب عليه سطل ديال الما بارد) : دابا حنا فيا ولا فإيمان وزياد ، مبروك عليكم والله يكمل عليكم بالخير ياربي .

– زياد (بجدية) : وبلاما تبقاي تهربي من الموضوع .

– شامة (شافت فزينب) : الحمد لله جلال سونا لجنيد وداك السيد صافي تشد ، والكليوسبي يوماين وغادي ناخدوها ، مكاين لاش نبقاو هنا مزال .

– زينب (جاتها البكية) : متݣوليش هكاك ، ربي شاهد عليا مدرتش بيناتكم الفرق ، وكنحسبك بحالك بحال بناتي وربي شاهد عليا (نزلو دموعها)

– شامة (قربات منها وعنقاتها ، شامة لأول مرة من زمان نزلو دموعها سخان ..
#يتبع
_____
– ها إيمان اتزوج ، دغية زربات على السيد طاق طاق وداكشي 🤣🤣🤣🤣
– شحال عزيزة عليا زينب حنينة .
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء29 :
– نزلو دموع شامة سخان ، شحال هادي مابكات زينب حنينة عليها ، وهي مشتاقة بزاف للحنان الأم ،الأم لي تحرمات منها وهي صغيرة وكانت محتاجة ليها تكون معاها ، لقات غير باها لي كبرها وقراها ورباها ، أترات فيها زينب بزاااف ، شامة ماشي بسهولة تيق فشي واحد ولكن هاد العائلة دارو بلاصة كبيرة فقلبها ، بحال الى عائلتها .

– سعيدة (تأترات) : حتى حنا حسبناها بحال ختنا وكثر الصراحة .

– سامية : مافهمتش انا علاش غادي تمشي ؟ خسر ليك شي واحد الخاطر ولا دار ليك شيحاجة ، بالعكس هانتوما معانا الحمد لله الدار كبيرة … جيتو وعمرتو علينا ودرتو جو فدار .

– شامة : وحق الله ماخسر ليا شي حد الخاطر، بالعكس كنحس براسي فدارنا ، ولكن نهار جابنا جلال لهنا … على أساس كانو دوك الناس تابعينا وتهجمو علينا … ولكن دابا صافي خونا تشد والكلي لقيناه ، مكاين لاش نبقاو هنا .

– سامية : ولاو دابا مزيان كاع ، ترتاحي وتشوفي راسك وتشوفي مستقبلك وانت قارية تبارك ، تبغي تخدمي معايا انا ولا مع سعيدة وجواد فشركة ، وهاحنا مجموعين .

– شامة : لا متقلقوش مني ، ولكن بغيت شيحاجة لي نبداها انا لراسي … أنا عندي ديبلومات الحمد لله ومنهم ديبلوم ديال الخياطة ، واحد السيد عندو محل ديال ثوابات فالمدينة انزل عندو نشوف واش يبغي يخدمني ، نتعلم تقنيات والخرفة مزيان … وداك الساعات إن شاء الله نشوف شي محل نحلو أنا وهكا نبدا … بغيت نعول على راسي مابغيتش نعول على شيواحد … نبني راسي براسي ، درت غلط فحياتي وبسباب داك الغلط وقع ليا هادشي كامل … هو واخا هادشي لي وقع خايب ولكن زوين حيت تعرفت عليكم .. ولكن صافي خاصني نبدل راسي ونبدل حياتي .

– زينب (شافت فجنيد لي واقف بحال شي صنم) : جنيد مغادي تݣول والو ؟

– جنيد (هز حاجب وهبط الثاني) : شنو غادي نݣول ؟ هادي كتبقى حياتها وهي حرة فيها … لي مسلكها راه غادي ديرو ، بالعكس مزيان أنا معاها مزيان الواحد يعتامد على راسو ويبدل حياتو … بحال لي درت أنا ماتنسايش الواليدة بلي كونما خالي مكنتش غادي نكون هنا .

– سعيدة (بحزن) : بغيتي تݣول بلي حتى أنت اترجع للفيرما ؟

– جنيد ( ببرودة) : هادشي تافقنا عليه نهار الأول ، بلي اتسالي هاد المعماعة انرجع للفيرما ..

– سعيدة (طلع ليها الدم ناضت بزعاف كتغوت) : حنا عمرنا نتجمعو الله يستر ، واحد كيدور ومقابل لالة ومالي وتقرقيب السطالي مكنشوفوه على شحال ، زياد كيدخل لبيتو مكايخرجش ، جواد كان مشغول مع مشاكل مراتو … أنت حتى ݣلنا الحمد لله نسيتي الماضي ورجعتي لينا ودابا غادي، غير انا وسامية لي كنبقاو مجموعين … كون غير درتو خير ومشيتو من هاد الدار كاملين وعمركم وريتونا وجاهكم.

– ضربات فيهم وطلعات كتجري متجاهلة جنيد لي كيعيط ليها .

– زينب بقات ساكتة وغير كتشوف .

– زياد : أنا انشوفها ونرجع .

– جنيد (وقفو بيديه ) : لا غير خليني أنا نشوفها . خلاهم وطلع عندها .. هو اقرب واحد ليها واخا صغيرة عليه ولكن كيعاود ليها شي حوايج لي مكايعاودهمش لمو ولخوتو ، وهي كذلك كتعاود ليه الشادة والفادة ، داكشي باش جاتها قاصحة بزاف أنو يخليهم ويمشي .

#يتبع
_____
– شامة اتمشي ترجع لدارهم.
– جنيد غادي راجع للفيرما
– اتزوج بزياد
– بزااف ديال الأحداث غادي يكونو والقصة اتاخود منحنى أخر غيييير ، انسافر معاكم لواحد الجانب أخور من القصة جانب مشوق كوميدي ورومانسي ، خليو ليا أرائكم البنات وتعاليق ديالكم اليوم كتبت ليكم غير 3 هلكني تخمال عييت هههههه وانتوما كاين شي تخمال سفوف شبابك ، خليو ليا حقي عرفتو مديرو جمعو ليا حقي فسطيلة وسيفطوه ليا 🤣🤣🤣🤣 أحبكم حبيباتي خليت ليكم الراحة تصبحو على خير ❤️💋💋✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء31 :
– واقفين فواحد الخلا ، جنيد شعرو طويل ولخيتو طويلة بحال شي متشرد .

– رايمنت (بتساؤل) : علاش معيط عليا هنا ؟
– جنيد : واعدتيني تكون هادي اخر عملية ليا معاكم ، ومزال عند الوعد ديالك .

– رايمنت : اه مزال ، واخا بيني وبينك محاملش البلان .. ولكن عمري عطيت وعد وخلفت بيه .

– جنيد : فكرتي فالبلان مزيان ؟

– رايمنت (كيتمشى) : اه فكرت مزيان ، الفكرة ديالك مدخلاتش ليا لراسي ، ومغاديش تنجح .. ولكن غير تهنى عندي حل حسن .

– جنيد (بإستفهام) : شنو هو؟

– رايمنت : أنك تموت .
– جنيد : فهمت
– رايمنت : انطلعو شهادة وفاة بموت النمرود ، هذا هو أحسن حل وهو لي غادي ينفع … انا غادي نقوم بلازم خاصني الوراق ديالك ، بطاقة ديالك وبطاقة الاقامة … وسنسلة لي فعنقك .

– جنيد (غوبش) : علاش؟

– رايمنت : غير كون هاني ، عندي صاحبي دهيبي خطير فنان ، ايخرج ليا وحدة نسخة طبق الأصل عليها ، هكا ايكونو الدلائل قوية بلي صافي متي فهاد العملية … وديك الساع تقدر ترجع للمغرب وأنت مرتاح بلي ملف العميل جنيد عمرو مغادي يتجبد مزال .

– جنيد (زول السنسلة من عنقو عطاها ليه) : الوراق ايوصلوك بليل لدار .

– رايمنت : صافي تافقنا ، خاصك تبين هاد الايام بلي متأتر وبلي بحال الى كتودعنا .

– جنيد (عطاه بظهر وتم غادي) : كون هاني .

#نـــهــايــة_الفلاش_بـــاك

– جنيد : هادشي لي وقع .

– سعيدة : جنيد خويا ، الماضي صافي مات ودابا خاص تشوف حياتك او مستقبلك … راك باقي صغير مزال تزوج ويتزادو عندك وليدات أخرين ، عارفة بلي وسيم عمرو مغادي يتنسى ليك ، ولكن باش تبقى تمرض فراسك على حوايج انت مدرتيهمش … راه مايبغيها لا ربي لا عبدو ، صافي نسى وتفكر ولدك بدكريات زوينة … اخويا ماتبعدش علينا وماتحرمناش منك ، راه عائلتك محتاجاك وحق الله مني أنا وجبد ، فيك خويا وصاحبي وكولشي … أخويا الى كنتي كتبغي شامة ماتفرطش فيها الراجل هو لي يكافح ويحارب على البنت لي كيبغيها .

– جنيد (جرها عنقها) : هاي هاي وليتي حتى أنت كتعرفي فالحب .

– سعيدة (كضحك) : ومالي ماعلياش الله .

– جنيد (غمزها) : بحال الى شفتك العفريتة قلبك بدا يميل .

– سعيدة (فهماتو وقلباتها غنا هي وياه بحال شحال هذا) :
– وانا وانا قلبي مال وأنت الي شغلت البال ياحبيبي ياحبيبي وانا أنا قلبي مال (عنقها كيضحك باس ليها راسها)
– جنيد : الله يخليك ليا أبنتي .

– سعيدة (تمخشات فيه ) : ويخليك ليا اباباتي .
#يتبع
_____
– اححح شحال كيعجبوني هاد الخوت بجوج .
– شنو بان ليكم جنيد ايكافح ويحارب على ود شامة ولا أيخليها ؟ أرائكم حبيباتي ..
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء32 :
– فبلاصة خرى ، واقف مقابلها حاضية السرجم.
– عبد الرحمان : الله يهديك أعالية واش أتبقاي مقابلة السرجم ليل نهار ؟.

– عالية (مقابلة الڤيلا لي قبالتهم) : ماشي شغلك ، نبات انا هنا كاع ماشي شغلك .

– عبد الرحمان : درت ليك خاطرك ورجعنا للمغرب، درت ليك خاطرك وخدينا دار حدا دار الهاشمي باش تبقاي حاضية حفيدتك ، ݣتليك راه مابقاتش فالخطر والأمور غادية وكتحسن ومكتيقيش .

– عالية(شافت فيه مخنزرة) : ماشي شغلك كتليك ، انت أصلا كيفاش باغيني نتيق فيك تبارك الله على فعايلك الزينة ، عبدو دخل سوق راسك الله يرحم باك … ديها غير فولدك بلا حشمة بلا حيا كادب عليه ، بنت خالتك وجهك مصندل .

– عبد الرحمان : ماقدرتش نكوليه بلي أنت مو ، راه اتجيه قاسحة … بغيت بعدا ابينما تثايبات الأمور .

– عالية : سكتني بهاد جوج كلمات ، الله يرحم جدك خليني عليك … شفتي أنا غير خرج ساحتي ندير مابغيت ، الى يحسابليك مزال جامعينا جوج خطوطة ادير فيها راجلي … غير نسى يلاه جاي دير دورك .

– عبد الرحمان : أنبقاو نهضرو فهادشي بزاف؟

– عالية : أنبقاو نهضرو فيه ديما ، وغير خليني عليك دابا .
– سكتاتو مابقاش قدر مزال يهضر ، عارف ماهما ݣالت ودارت عند الصح فهادشي كامل لي كتݣول ، أيحاول ما أمكن يعوضها ويعوضو عائلتو وترجع عائلة رشدي مجموعة .
_____

– فالقهوة .
– إيمان (ساهية حشمانة مقاداش تشوف فزياد وفنفس الوقت عندها بزاف ديال التساؤلات فراسها) .

– زياد (حاط عليها العين مقابلها من ملامح وجها باين بلي عندها بزاف ديال التساؤلات ) : إيمان .

– إيمان (شافت فيه) : نعام .

– زياد : حاس بيك باغية تسوليني ومقديتيش .

– إيمان : هو فصراحة(مترددة) مازال مافهمتش كيفاش ؟!!

– زياد : شنو لي كيفاش ؟ مافهمتش(ضحك)

– إيمان : كيفاش وعلاش أنا ، مزال مكاملة حتى شهر عاد تعارفنا ، مكنهضروش بزاف مكتعرف عليا والو مكنعرف عليك والو ، كيفاش حتى فكرتي ترتابط بيا ؟!!

– زياد (بتبات ورزانة) : إيمان شوفي فيا .
– إيمان هزات عينيها فيه .

– زياد : مكنحتاجوش بزاف ديال الوقت باش شي إنسان يدخل لينا لقلبنا ونرتاحو ليه ، شحال من واحد كيربط علاقة وكيطول فيها ، عامين 3/4 ممكن توصل حتى ل 10 ولكن فالاخير كيتفرتك كولشي ، وكتحسي بلي داك الانسان عمرك ماعرفتيه … وكاين ناس غير من شوفة الاولى كتحس براسك كتعرفهم من شحال هادي .

– إيمان : أه بصح عندك الحق ، ولكن انا وانت مكناش كنهضرو بزاف .

– زياد : واخا منهضروش بزاف ، لي محتاج نعرفو راه عرفتو كافيني ، ومزال أنزيد نعرفك وتعرفيني فالخطوبة إن شاء الله ، إيمان مابغيتش نتجاوز الحدود داكشي باش دخل من الباب … الخروج ودروج بلا فائدة وبلاما تكون بيناتنا شيحاجة ، ماعنديش معاها وكولشي عارفني هكا ، وكاع لي بغيتي تعرفيه سوليني وأنا غادي نجاوبك الالة ماتبقاي غير على خاطرك .

– إيمان (ضحكات ) : لهلا يحاشم .

– زياد (مامنزلش عينيه عليها) : الله أكبر لالة العروسة ضحكات لينا.

– إيمان : هههه وصافي راه غير كتحشمني والله .

– زياد : هاني الالة مابقيتش نعاود ، شنو تاخدي .

– إيمان (هزات المينu) : واخا أنا نشوف .
#يتبع
_____
– هاح اقلبي الله يجيب ليكم لي يجي لباب نيشان ياربي مايخيط بيكوم دروبة داق داق جاي نخطب قولو امين 😍😍✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء33 :
– #العروبية .
– علال جاي كيجري ، وقف كيلهث .
– واااا با وااا با .

– خرج دريس ) : امالك ساير تنبح بحال بوبي ، أش كاين ؟
– علال (شاد على ركابيه كيلهت) : اج اج اجادرمية ، كيسولو على عمر .

– دريس : أش بغاوه ؟ شاف ورا علال كتبان ليه طوموبيل ديال الجدارمية وقفات .
– خرجو جوندارم .

– سي دريس ، كاين راجل بنتك ؟
– دريس : أه أسيدي كاين ياك لاباس؟

– جيبو لينا .

– دريس : علاش ياك مكاين باس؟
– راجل بنتك اسيدي كيقلبو عليه البوليس ، طلع واحد الشلاعبي واحد المخلوض .

– دريس (شد على راسو ، مكفاتوش الفصيحة لي وقعات فالعرس ، جاتو هاد الفضيحة) : علال سير خرج ليهم الزمر .
– مشا علال دخل للكوري ، شوية رجع فيديه عمر وجهو زرݣ حالتو حالة ، مافيه مايتشاف نازل عليه المسخ .

– (شدوه) الى بغيتي تكلف ليه محامي خاصك تهبط لكازا .

– دريس : ماعندي مانشد ليه ، خلي بوه يتربا وبنتي انطلقها منو .

– طلعو عمر لطوموبيل ، حادر راسو مكايهضر مداير حتى رد فعل والو .. كاع سيناريو ديال حياتو داز قدام عينيه ، ولكن الندامة مكاتنفعش فاش كيفوت الفوت .

_____
– سونات شامة على أحلام ، توحشاتها وتوحشاتهم بزاف هي وعماد .

– أحلام (فرحانة) : حلفي بالله ، ناري يا ختي وأخيرا وإيمتا اترجعي بحالك؟
– شامة : خاص ايرجع با من الفيرما وداك ساع انرجع .

– أحلام : ناري أجي أش بان ليك نخرجو انا وانت وعماد ، نمشيو للبحر الجو زوين

– شامة : صافي واخا ، دوزي عند عماد علميه ونتلاقاو فالمدينة ومن تم نمشيو .. نضربوها على رجلينا أش بان ليك ؟

– أحلام : صافي .

– شامة : فكرتيني ، فخبارك بهاء ولد خالتي زينب دار كسيدة .

– أحلام (تصدمات ) : حلفي بالله ، كيفاش وقع ليه؟

– شامة : ماعرفتش صراحة ، المهم خرج فشجرة جاب الله خرجات ليه طريفة .

– أحلام : ياكما وقعات ليه شيحاجة خايبة ، وإيمتا وقع ليه هادشي اليوم ؟

– شامة (ستغربات لهاد كترت الأسئلة) : لا لبارح بليل ، تهرس من يدو وتضرب فجبهتو .

– أحلام (حسات بدنب منين كالت ليها بلي لبارح وقع داكشي ، هي فاش رجع من عندها ) ..

– شامة (بإستغراب) : مالك سكتي ؟

– أحلام : لا والو ، المهم أنا أنوض نجمع الماعن ديال الغدا نغسلهم ، وندوز عند عماد نعلمو عاد نرجع لدار نبدل عليا .

– شامة(سمعات الدقان فالباب ، حلات لقات سعيدة) : صافي واخا وسيرو تاني تعطلو عليا ماتجيو حتى للمغرب ، نصدقو تاني مانوصلو حتى لنصاصات الليل .

– أحلام (كضحك) : لالا كوني هانية انجيو بكري .

– شامة : عارفة هاد بكري ديالكم ،يلاه تلاحي .

– سعيدة : ياكما برزطك ؟

– شامة (شافت فيها بنص عين) : من نيتك تصدعيني ، ݣلسي .
– سعيدة (بتردد) : خارجة ؟

– شامة : اه انا وعماد وأحلام .

– سعيدة( غير سمعات سيرة ديال عماد ، قلبها كيضرب بجهد مافهمات والو علاش هاد السيد سكن عقلها بزاف) :
– مزيان بصحة وراحة ، سعداتكم .

– شامة : يلاه معانا .

– سعيدة (كتهرب) : بلاش ، انتوما صحاب بعضياتكم مكاين لاش .

– شامة (هزات حجبانها كتشوف فيها) : زعمة كتهضري من نيتك … اويلي على انتوما صحاب بيناتكم ،، سيري سيري وجدي راسك ويلاه نخرجو نفوجو شوية … تشوفي الحماق على أصولو ، غير هو بشرط .

– سعيدة : شنو هو ؟

– شامة : مغاديش نمشيو بطوموبيل ، انركبو فطوبيس لمدينة ومن المدينة انشدوها رجل .

– سعيدة (كضحك) : صافي واخا . ناضت سعيدة بلا عݣز فرحانة … مشات كتجري لبيتها تشوف شنو اتلبس ، كتهز لبسة وتحط لوخرا فالاخير ستقرات على سروال ديال الدجين واسع مع تيشورت فالبيض ، سبرديلة فالبيض مريحة … تجاكيط دجين وساك على جنب ، الاكسيسوارات ختارت سنسلة طوينكات صغار وساعة رياضية فالكحل .
#يتبع
____
توقعاتكم لهاد الخرجة 🚶🏻‍♀️🚶🏻‍♀️🚶🏻‍♀️✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء34 :
– فجهة أخرى ، وبضبط فدار ديال سيف الدين .. واقف فالكوزينة لابس كيطمة فالكحل والحمر .. مخدم الراديو وكيغني معاه … هز زلافة كبيرة ديال شلاضة حطها على الطبلة ديال البالكون ، كانت محطوطة طبلة ضايرة مع جوج ديال الكراسة ، البالكون كان كلو سرجم ديال الزاج انت تشوف المنظر لي قدامك ولكن لي على برا مايشوفش شنو الداخل .
– رجع للبوطاجي حاط شواية ديال الضو كيشوي فيها بروشيت ديال بيبي ، قلبهم ودهنهم بصوص الصوجا … هز تبصيل ديال الفريت حطو حتى هو فوق الطبلة .. حط الخبز المونادا كاع لي خاص حطو .

– شوية سونا الباب ، غسل يديهم مسحهم فالفوطة شاف فالمرايا لي حدا الباب عاد حل .

– طلات عليه براسها وبالإبتسامة ديالها المعهودة ، جرها من يدها دخلها وسد الباب … قبل ماتنطق بحتى كلمة خدا وجها بين يديه حط شفايفو على شفايفها وغاص معاها فقبلة طويلة ، بعد فمو عليها خاشي وجهو فعنقها كيستنشق ريحتها .

– سيف الدين (تنهد تنهيدة طويلة) : توحشتك بزاااف .

– سامية (كضحك) : حتى أنا توحشتك بزااف أحبيبي (حركات نيفها كتشمش) أش هاد الريحة ؟

– سيف الدين (طلقها) : البروشيت ، مشا كيجري للكوزينة عتق الغدا فأخر لحظة .. حط الغدا ضار لقاها كتشوف فيه .

– سيف : مال حبيبو ديالي ؟

– سامية (مشات لعندو عنقاتو) : والو أحبيبي غير توحشتك .

– سيف (بعدها عليه كيشوف فيها) : ماشي هادشي لي كاين ، شيحاجة كثر .. تقدري تخبي على كاع الناس ولكن عليا أنا لا .

– سامية (تبسمات ) : نتغداو بعدا ونهضرو ، فيا جوع .

– سيف : واخا أكبيدة نتغداو ، ݣلسو على الطبلة كيوكلو فبعضياتهم … ساكتين كيهضرو غير بعينيهم حتى سلاو لغدا ، تعاونو بجوج هز الماعن دارهم فالمكينة ، ورجعو ݣلسو شاد ليها فيديها كيشوف فيها ساكتة .

– سيف الدين (بجدية) : سامية شنو واقع ؟ منين جيتي وانت ماهياش واش واقعة شيحاجة معارفهاش ؟

– سامية (تنهدات تنهيدة طويلة) : سيف شحال وحنا مع بعضياتنا ، عامين دابا ياك ؟

– سيف الدين : اه عامين علاش ؟

– سامية : واش عاجباك هاد الحالة ؟ انا وياك كنتلاقاو بتخبية بحال الى سارقين مافهمتش شنو كتسنى ؟ مرة خالك مرة الخدمة مرة باباك مغايبغيش .. باش عرفتيها بالعكس بابا كيخلينا حنا نختارو ، أهم حاجة عندو الانسان لي انكونو معاه يكون راجل ، يصونا ويبغينا ويحتارمنا هادي أهم حاجة .

– سيف (تنهد) : حبيبة سمعي (قاطعاتو)
– سمعني أنت ، خويا زياد جا غير من وراك اعباد الله تعرف على البنت غير شهر هذا ، ماخرج معاها ما والو مابيناتهم حتى حاجة … عجباتو خطبها وانا وانت لي عامين هادي ، ماخلينا تلاقينا سافرنا وحتى خطوبة رسمية مقادة مدرناهاش … جيني نيشان واش كتهرب ولا صافي بان ليك البلان فشي قنت أخور ؟

– سيف الدين ( تعصب) : الق….وي لا
– سامية : ماتخصرش الهضرة الله يرحم باك .

– سيف (وقف ) : وانت لي باغية تجهليني ، كيفاش بانت ليك مالك مريضة عند بالك برهوش ولا .

– سامية (وقفات) : ايوا عطيني شي تحليل لهاد التصرفات ، مابغيتي دير حتى خطوة نهائيا أش كتسنى ؟

– سيف (قرب شد ليها وجها بين يديه) : سمعي حبيبة ، كانو عندي ظروف ، انت عارفة الخدمة ديالنا شحال صعيبة ياك ، ولكن دابا تبدل كولشي دابا خديت كونجي غادي نطلع عند الدار نهضر معاهم باش نجيبهم معايا ونجيو نخطبوك ..

– سامية (تغرغرو عينيها بدموع مامتيقاش) : واش بصح كتهضر ؟

– سيف (كيضحك) : فين عمري كدبت عليك ؟ علاش أنا أصلا فين عمري كنت فهاد الوقت فدار؟ ياك كنكون فالخدمة ماسولتيش راسك ؟

– سامية (حدرات راسها ) : أه عندك الصح .

– سيف (دين كيعيبها ويضحك) : أه عندك الصح ، الفنكوشة ديالي انا أجي أبنتي أجي (عنقها مزير عليها ) .
– سامية : دابا بصح بصح اتجيو ؟

– سيف : اه احبيبة ديالي أمراتي أعويناتي امدامتي هاد سيمانة نكونو عندكم .

– سامية(دفعاتو مصدومة ) : كيفاش؟

____
– هاااح ها سامية حتى هي انا كيبان ليا كولشي ايتزوج اتبقى اديك شاطة ماطة ديال شامة مافيهاش 😂😂
بنياتي فينكم فين تعاليقكم مبان ليا والو 🙂🙂✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء35 :
– سيف (ضحكاتو) : كيف المشماش .

– سامية : سيف ماضحكش عليا كنهضر معاك بصح .

– سيف : قسما بالله مكنضحك معاك ، انا لليلة انشد الطريق لدار سيمانة السبت نكونو عندكم .

– سامية (مشات هزات ساكها وغادية جيهت الباب كتجري) .

– سيف : فين غادية !؟
– سامية : لدار اويلي يلاه كتكولها ليا ، يلاه نوجد ونعلمهم ، ويلي وبابا خاصو يرجع من الفيرما أما مشيت احبيبي .
– سيف (كيعيط ليها) : وغير عنقيني بعدا … مداتهاش فيه خلاتو كيضحك ومشات .

_____

– شامة طلع ليها الدم ، كل شوية كتشوف فساعتها .
– سعيدة : شامة اويلي ياصاحبتي مشا الحال ، تغدينا ومزال مجاو بقا للمغرب اشوية .

– شامة (كدور وتشوف فجنابها) : شفتي الى مجاو دابا انهبطو بوحدنا .

– ماحسو بعماد وأحلام حتى وقفو عليهم .

– شامة اشافتهم ناضت ساعرة : تبارك الله تبارك الله لا كون غير بتو حسن … اش هاد الفعايل ديال زفت؟

– عماد ( عينو على سعيدة ) : راه هاد نص بلاصة لي عطلاتنا .

– أحلام (شافت فيه هازة حجبانها فيه) : أنا ؟؟

– عماد : أه أنت وشكون من غيرك .

– أحلام (شافت فيه وشافت فجهة سعيدة لي كيشوف فيها) : أمممم ، بصح انا انا ختي سعيدة صافا ؟

– سعيدة (بإبتسامة خجولة) :
– الحمد لله مزيان وانت ؟

– أحلام : حتى انا وحتى عماد ياك اعماد ؟

– عماد (عينيه على سعيدة ) : صاڤا مزيان .

– أحلام (قربات لشامة) : هاد الجوج الله يحفظ وخلاص ، شفتيه كيف خرجو عينيه فيها .

– شامة (كتشوف فيهم ) : شااافت .

– سعيدة (حدرات عينيها) : نمشيو ؟

– عماد : يلاه ، سبقهم عماد هو وسعيدة مخليين شامة وأحلام لور .

– شامة (مافهمات والو) : أويـــــــلي واش شفتي السيد كيفاش سمح فينا .. غير شاف سعيدة تقلب 180 درجة

– أحلام : ياك سفتي ݣلتها ليك ولالا وهانتي شفتي بعويناتك.

– شامة : يلاه نمشيو وكان غير انتعطلو .

– عماد (ضار عندهم كيعيط عليهم) : ويلاه واش انباتو هنا .؟
#يتبع
______
– لبنات خليو ليا أرائكم وتوقعاتكم وتعليقاتكم كنت انزل ليكم 10 أجزاء ولكن مزال ماصحيت مزيان خليو ليا أرائكم وبزاف ديال تعاليق كنبغيكم بزاف تباتو فراحة وتصبحو على خير 💋❤️❤️✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء36 :
– فالڤيلا ..
– زينب : جنيد جنيد ..
– هبط جنيد من الفوق كيجري ..
– جنيد : الواليدة ياك لاباس؟

– زينب : يلاه اولدي الى بغيتي نمشيو نشوفو خوك .

– جنيد (كيقلب بعينيه) : فين لبنات ؟

– زينب : سعيدة هي وشامة خرجو ، إيمان وخوك حتى هوما خرجو ، سامية ݣالت غادية عند صاحبتها وخوك مزال كاعما جا من صباح .

– جنيد (بشك) : فين خرجات سعيدة ؟

– زينب : مشاو لبحر ، يتلاقاو مع صحاب شامة … يلاه اولدي باش منتعطلوش على خوك .

– جنيد : معاش خرجو ؟

– زينب : وشي نص ساعة دابا .

– جنيد : واخا بلاتي نجيب السوارت ونجي .

– زينب : سير أولدي أنا أنتسناك على برا .

_____
– عالية (كتخمم فالبنات لي شافتهم خرجو من الڤيلا) : بغيت غير نعرف شكون فيهم لي حفيدتي ؟

– عبد الرحمان : غير صبري انا وصيت لي يسول ليا مابقى والو وغادي نعرفو … انت غير رتاحي .

– عالية : بغيت نجمع بناتي كاملين ، عندك شي خبار على لوخرين ؟

– عبد الرحمان (تنهد تنهيدة طويلة) : أه عندي .. غير صبري عليا شوية نتأكد من شي حوايج ، وديك الساع يكون خير .

______
– شامة كتقلب بعينيها واقفة وكتشوف .

– أحلام (كتحك فشعرها) : هادو فين مشاو؟

– شامة : شفتي على فعايل ؟ ماعرفت فين زاد بالبنت هاد بوراس ، كانو حدانا حتى طارو .

– أحلام (كضحك) : ايوا خلاوها ماليها لي لقى حبابو نسى صحابو .

– شامة (جراتها ) : زيدي ݣاع والله لا قلبت عليهم ، انا جايا نفوج ولا جايا نقلب على ولادي فالبحر ، شوية ويجيو شوفليك راس بوعبولة كنسوني ليه وليها مكايجاوبو .

– أحلام ( كضحك ) : أش بغاو يديرو بيك أنت ؟ زوينة هادي خلينا غير انا وياك … دايرات بحال علال القلدة مجاي معانا حب مجايا معانا رومانسية والو .

– شامة (ضحكاتها) : أجي ناخدو سيكوك على مايجيو ..

_____
– فالجهة أخرى بعيد على الأنظار ، حاطين ظهرهم على الجرف وݣالسين مقابلين مع البحر ، سعيدة كتحس براسها فرحانة وتبوريشة ديال الحشمة والخلعة طالعة معاها ، ماتنكرش بلي فالداخل ديالها مكرهاتش تعنق عماد … ريحتو كداعب نيفها وأحاسيسها .

– عماد (هرس هاد السكات) : شحال هادي ماجيت لهنا .

– سعيدة (تبسمات ) : حتى أنا الصراحة أول مرة غادي نجي لهنا .

– عماد (تبسم وبصوت رجولي حنين) : هي عندي الزهر ولي شرف لي جبتك لهنا ؟

– سعيدة (شافت فيه بعويناتها كيبريو) : انا لي عندي الشرف لي جيت معاك لهنا .

– عماد (تنهد تنهيدة طويلة ، وقف وتقابل معاها) : سعيدة ممكن نݣوليك شيحاجة ؟

– سعيدة : أه خود راحتك كنسمعك .
#يتبع
_____
– ماعرفتش علاش حاسة ايوقع شي بلان فشكل 🤔🤔😂😂
– علم الله عماد أش باغي يݣول لسعيدة ؟؟ شفتهم نساو راسهم ونساو شامة واحلام 🤣🤣
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء37 :
– عماد (كيشوف ليها فعينيها ، ماينكرش بلي من نهار طاحت عينيه عليها سلبات ليه العقل ، شحال نهار على نهار كيحاول ما امكن يحيدها من بالو مابغاتش تحيد ليه نهائيا ، عمرو بغا ولا دق قلبو لشي وحدة … واخا شحال من بنت حاولات معاه ولكن هو مكانش كيتسوق ولا كيديها فشي وحدة فيهم )..

– سعيدة (كانت كتسارع المشاعر باش كتحس ، ماكرهاتش يݣول داكشيلي فبالها واخا مدة قصيرة هادي باش تعرفو أقصر من الخيال ، ولكن عمر حسات هاد الاحساس هذا جهة شي واحد ، كاع لي دازو من حياتها كانو قلال علاقة قصيرة … رابطين معاها علاقة على ود كنيتها ومصلاحتهم ، ولكن عماد كلامو ليها فالحفلة حرك فيها بزاف ديال الحوايج ، ومنين عاودات ليها عليه شامة عجبها بزااف ، كتسناه بفارغ الصبر يݣول داكشي لي بغات هيا تسمع ) ..

– عماد : صراحة عمري تحطيت فهاد الموقف ، ومكنبغيش الناس يفهموني غلط … ولكن مانقدش نخبي ومعروفة عليا مكنخبيش … وأي حاجة ضراني ولا شاغلة بالي كنݣولها ، سعيدة كلامي مابغيتوش يتفهم فشكل ، ولكن بكل صراحة كتعجبيني … من نهار لي شفتك فالحفلة دخلتي لهاد العقل ومابغيتيش تخرجي منو … حاولت ما أمكن نخرجك من عقلي ونوهم راسي بلي انت فين وأنا فين ،، ولكن الصراحة ماقديتش هادشي لي عطا الله كتعجبيني وماشي غير شوية بزاااف ك(قاطعاتو ماحسش بيها حتى جراتو من تجاكيط ديالو وباستو ، فاجأتو تصدم ماعرف مايدير قلبو كيدق بزربة تخلطو عليه ، فالمرة الاولى تشوكى كن بعد دور يديه على ظهرها وزاد لصقها معاه ، كيعطي لكل شفاه حقها … كيبوسها بكل حنان ويرتوي برحيق شفايفها لي كانو بنكهة زوينة طبيعية ورطبين بزااف … عمرو داق بحال هاد الحلاوة ديال شفايفها ، ريحتها لي تخلطات معاه .. وشعرها لي لصق على وجها .. يديعا لي كانو كيتسراو على صدرو … خلاوه يزيد فالوتيرة ديال البوسة كثر وكثر … غريزتو تحركات خلات يديها يتخشاو تحت تيشورت ديالها … كيتساراو على ظهرها الرطب ، لمسة لي خلاتها تحس برجفة قلبها بدا كيضرب بجهد … لاول مرة اتجرب هاد الإحساس لي هزها لعالم اخور ،، يديه لي ستقرو على بوطة وشفايفو لي مزالو كيسقيو شفايفها ، صباعو لي غادين طلعين صطقرو على صدرها لي كان متوسط الحجم .. هنا قلبها بدا كيضرب بجهد خصوصا منين يديه ستقرو على صدرها لي جردو من الصدرية لي مغطياه مابقاتش قادرة تصبر .. هزها لعالم أخور عالم الرغبة ونشوة عالم عمرها جرباتو فحياتها كلها .

– عماد عاق براسو وحس براسو بلي صافي مابقاش قادر يصبر ،، الى بقا هكا ممكن يدير شي حوايج يندم عليهم من بعد … وقف وبعد عليها واحد الشوية وجهو سخون مزنݣ ، هز راسو فيها لقا وجها حمر وطبعة خفيفة فعنقها ، ضحك ومد يدو لشعرها كيقاد فيه نزلو ليها على عنقها … بدون مايهضر جرها لعندو معنقها ، ترخات بين يديه حاسة براسها فرحانة بحال الى أول نرة فحياتي اتكون فرحانة … مكرهاتش تغوت بالفرحة وتغني وتعاود لݣاع الناس على هادشي باش كتحس .

– عماد (على ليها راسها كيشوف ليها فعينيها ، نزل بشفايفو وباس ليها راسها) : نمشيو ؟

– سعيدة : نبقاو واحد الشوية (ضحكات)

– عماد (ضحك) : إلى بقينا انولدو ولادنا هنا …

– سعيدة (كضحك) : إلى هكاك يلاه نمشيو .

– مد ليها يدو حدرات عينيها ليديه تبسمات وشدات فيها .

– عماد (مشادين ليدين) : أنلقاوهم منوضينها علينا ..

– سعيدة : هههه ماشي مشكيل .. طلعو من البحر مشادين ليدين محاسين بحتى واحد من غيرهم هوما ..

______
– عند مول سايكوك ..
– شامة (كتنشوى مع زلافتها) : شوفي انت انخلي عليك تجيبي ليا الخبار ..

– أحلام : كوني هانية ، شفتي كاع الخبار ديال المحال ومولاه ولي معاه ، كولشي خليه عليا انا بغيتي حتى فين ساكنين نضبر ليك فيه ..

– شامة (كضحك حتى رشݣات ليها ) : أش بغيت ندير انا بفين ساكنين انخطبهم ، غير بغيت نعرف واش عندهم سمعة مزيانة ولالا … أختي نعرف فين نحط راسي ماشي بحال داك لوزين زين النايح .

– احلام : شحال عندنا أسيدي ؟

– شامة (كتشوف فيها ) : ضاربة سوشي ، راه غير جوج زلايف ديال سيكوك 3 دراهم لوحدة هي 120 ريال .

– السيد (كيضحك) : داكشي لي ݣالت صاحبتك ابنتي .

– أحلام (كتخنزر فيها ) : كتقمعي الواحد انت .

– شامة : خلصي خلاص ويلاه نشوفو دوك جوج … مابقى والو ل 9 معاش اندخلو مع 12 .

– السيد (من ورا ماشد الفلوس) : الله يسهل عليكم ابنتي الله يخلف ..

– شامة : الله يعطيك الصحة اعمي الله يعاون ..

– السيد : أمين ياربي .

– تحركو من حدا السيد غاديين كيقلبو بعينيهم مرابانا يبانو ليهم ..

– شامة : جاب الله شهر 6 هذا ودنيا مزال عامرة ، كون كان البرد وتشوفي غير حنا والمشاش ..

– احلام : انت نيت مكتحمليش دخلي لدار ، وراه معانا عماد ماعندنا مناش نخافو ..
– شامة : بحال الى انا محتاجة لي يدافع عليا .

– وخوخات فنات كيف ليمونات ..

– شامة ضارت منين سمعات هاد جوج كلمات ، كيبانو ليها جوج ديال دراري طوال عليهم وعامرين ،، من عينيهم باينة فيهم صلاݣط تابعينهم ..

– أحلام (جراتها) : زيدي ديري راسك ماسمعتيهمش ..
– خنزرات فيهم شامة رجعات ضارت بحال الى حتى حاجة ماوقعات ..
#يتبع
______
– بلاتي واش بصح سعيدة جرات عماد وزربات عليه ، عشنا وشفنا ، بقا ليهم غير يولدو الولاد صافي 🤣🤣🤣🤣 وجدو راسكم لواحد الكومبا 🤭🤭💃🏻🔥✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء38 :
– (بصوت ساخر) : زين مخطوب ولا يتسنى فالمكتوب ..
– هانتا مولات الكحل ديالي ، ومولات زرق ديالك .

– وناري على الكحل لي كيدي العمر مي مي ..

– وصاحبي زيد بحالك هادو دافعات كبير ..

– واخويا العوينات قتلوني ..

– وزيد أصاحبي على قلت ال79اب ..

– وقفات شامة ضارت عندهم ، تمات جايا لعندهم ..

– أحلام (بغات تجرها تنطرات منها) : شامة صافي

– شامة (دفعاتها) : أش ݣلتي المرضي ؟

– وقف كيخنزر فيها ) : كيف سمعتي مالكي 79بة ..

– شامة : ياك ال9واد ديالهم ، انت هو لي كضبر ليهم فرجال ، لا باينة كضبر حتى لراسك .. داكشي باش كتميزهم

– غير سمعها وهو يسعر ) أش ݣلتي ال79بة؟

– شامة : كيما سمعتي ال9واد ، طولتك طولت البوطة .. وقشاوشك قد توتة .

– جاي قاصدها شدها من شعرها ، حتات ليه يديه عضاتو .. هزات ركبتها حتى لسما ضرباتو لبين رجليه ، الهبطة لي هبط موعت حيدات سبرديلة من رجليها وبدات كتعطيه ، صاحبو جاي يفك خبطاتو حتى هو معاه .

– أحلام (دارت صباعها فودنيها وحماتها لغوت) : عتقو راه بغاو يقتلوها واكواك عتقو الروح ..

____
فجهة أخرى ..
– عماد (شاف فسعيدة ) : صوت الغوات صوت أحلام هذا ..

– سعيدة : اويلي ، جرها كيجريو … كتبان ليه شامة شابكاها مدابزة وأحلام كتغوت لربي لي خلقها ..

– شامة (ركبات ليه على ظهرو بحال شي ݣرادة حلفات لا طلقاتو) :
– يالكلب يال9واد يحسابليك كاع البنات بحال تريكتكم ، دوي احنطويل (تكنزات عليه تكنزيزة وحدة حاطة يديها بجوج جرا ليه حناكو بظفارها ، كيحاولها يحطها وتݣول واش بغات تحط ليه ..).

– عماد (جا صاعر ، جر لاخور ) : يا ز….ل حاݣر على البنات يابلحم…ار لي ولدك ، نزل عليه للوجه ضربة فيه ضربة فلاخور الناس تجمعو عليهم .. حتى واحد ماحاول يفك كولشي كيفك ..سعيدة مالقات مدير لا هي لا أحلام حاميينها غير لغوات ..

– شامة (كتغوت ربي لي خلقها فاش حسات براسها تهزات من فوق ظهرو ) : طلقو مني طلقو مني نوري الكيدار ديال بوه طلقوني ..

– سعيدة (كتولول) : ويلي ويلي ويلي جنيد جنيد ، اتقتلو جنيد ..

– جنيد (ماهضر ماتكلم حيد شامة ونزل على لاخور هلكو عصا خلاه كلو دمايات ) ..

– عاد تدخلو الناس كيفكو ، حيدو ليهم دوك جوج لي خلاتو شامة كملو جنيد هو وعماد ..

– جنيد (ضار كيخنزر فيها) : واش انت فينما مشيتي منوضاها ..

– شامة مداتهاش فيه كتنهج كلها مشعكة والكلمة لي ݣال هاداك خونا كطلع وكتهبط فيها ، مداتهاش فيه ضربات فيه حفيانة ومشات لهداك كتجري وتغوت ..

– شامة ( كشاكشها خارجين) : اجي اجي أولد الحرام الى مدخلتك لحباسات بتهمة التحرش وسب والضرب والقدف مانتسماش .. ماحسات براسها حتى تهزات وتحطات فوق كتافو ..

– شامة (كتغوت) : جنيد نزلني ونزلني جنيد نزلني .. مابغيتيش تنزلني ياك (حتات ليه على شعرو نتفاتو منو جراه من شعرو بحال الى جارة شي عود بشي لجام ) ..

– جنيد (كيتنطر منها) : طلقي شامة طلقي براكة من تبرهيش طلقي لي خلاه هداك قسما برب الكعبة حتى نكملو انا ..
– شامة (كتديه وتجيبو من شعرو وناس كتفرج وكتضحك) : هاا سر لي مايدخلش سوق راسو هااا سر لي يدخل فشبوقات لي بعاد عليه ، علاش ماخليتينيش نتفو علاش علاااااااااااش(هبطات ليه على عنقو حتات عليه بعضة مكنزة عليه)…

– جنيد (كيحاول يتنطر ويتحمل العضة ديالها ،، غوت بجهد) : حلو الباب اللور ، حلوووووه ..

– مشات سعيدة بجري حلاتو ..

– جنيد (جرها من تجاكيط ديالها دخلها لطوموبيل وسد عليها) : أتبقاي هنا المسعورة … نتفاهمو من بعد .
– عماد ( صدماتو شامة عارفة مكتحملش ظلم ومدام دارت هاد التصرف إذا راه سمعات شيحاجة ماهياش) ..

– جنيد (كيدوز على عنقو وشعرو) : طلعو لطوموبيل نوصلكم … ركبات سعيدة هي واحلام لور عماد القدام وشامة كتفركل فالكوفر لور وضرب فزاج وتغوت ..
#يتبع
______
– ناري ناري ناري الفلفلة الحارة الحراقية ياربي سلامة 🤣🤣🤣🔥🔥🔥✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء39 :
– فبلاصة أخرى ، واقف بطوموبيلتو حاضيها .. منين شافها بصدفة دايزة بطوموبيل ديالها تبعها ، شافها حتى دخلات لواحد الموبل … هبط سول الكونسييرج وعرف بلي تم كاين أستوديو ديال الموسيقى عاد الرتاح … رجع لطوموبيلتو شحال وهو تم كايتسنى عيا … بزربة خدا سوندويتش ورجع لطوموبيلتو لي طمنو كتر هو طوموبيلتها لي متحركاتش ..

– حرك عنقو حيت ضرو شاف فساعة بانت ليك 8:30 ..

– جواد : مشا الحال .. على عينيه بانت ليه هابطة ومعاها واحد .. وقفو كيهضرو عطاها شي وراق شافتهم رضاتهم ليه .. شيرات ليه بيديها بمعنى بسلامة وركبات فطوموبيلتها ..

– غير هي ديمارات تبعها حتى هو ، مانزل عينيه عليها نهائيا حتى بانت ليه ضارت مع واحد الزنقة .. ضار حتى هو وهي تبان ليه وقفات .. وقف كيتسناها تنزل ، شوية نزال سدات باب الطوموبيل وتمات جايا لجيهتو .. وقفات قدام السرجم ودقات .

– جواد (نزل الزاج ديال الطوموبيل) : أهلا سهيلة صاڤا صدفة زوينة هادي ..

– سهيلة (كضحك) : جواد … راه من الصباح وانت تابعني وكتݣوليا صدفة ، واش من نيتك كتهضر ؟؟

– جواد (حيد السمطة ونزل) : بغيتي الصراحة ، صباح شفتك دزتي من حدايا وتبعتك … وبقيت كنتسناك حتى لدابا ..

– سهيلة (بإستغراب) : ولكن علاش ؟
– جواد : بغيت نهضر معاك أسهيلة إلى ممكن ، عطيني غير فرصة نهضرو بجوج ..

– سهيلة : ولكن انت راه (قاطعها )..

– جواد : مزوج ، أنت غالطة مابقيتش مزوج … خلينا نݣلسو فشي بلاصة ونعاود ليك كولشي .. عطيني غير فرصة انا مزال ماتعيشت وانت ؟

– سهيلة (ضحكات) : ههههه حتى انا مزال ..

– جواد : كنعرف واحد المحال واااعر شنو بان ليك ؟؟

– سهيلة : هههه واخا سبقني بطوموبيل وانا نتبعك ..

– جواد (ضحك) : واخا الالة ، ماقلتي عيب خلي عينك عليا(غمزها)

– سهيلة (تبسمات ) : واخا .

______
– فالڤيلا
– زياد (كيشوف فسامية) : هاي هاي على سنفورة باغية تزوج .

– سامية (حشمات حدرات راسها) : وصافي ..
– زينب (كضحك) : وشوفليك هاد سيف الدين ، كاعما كانت باينة عليه .

– سامية : هو صراحة اماما … كان ݣالها ليا شحال هادي غير الوقت وصافي ومع خدمتو ..

– إيمان : الله يكمل عليكم بالخير ياربي ..

– سامية : أمين ياربي ، وحتى انتوما .
– زياد : بقا دابا غير جنيد وبهاء وسيهم جواد.
– سامية(كضحك) : وبحال والو جواد يتبعني .

– زينب (شافت فيها بشك) : كيفاش ؟ هو عاد ناوي يطلق؟!!

– سامية (كضحك) : واخا عاد ناوي … ولكن راه حاط عينيه على جهة اخرى.
– زياد ( بفضول) : شكون؟
– سامية (كتفطح) : غير سمحوليا اسرار المهنة كتحتم عليا منݣولش .

– زينب : انت غير حتى نتوالاك انا لي كنعرف ليك ..
– زياد : وعلى هاد الحساب … الى كانو الناس جايين هاد السيمانة الجايا ، الواليد خاصو يرجع ولالا ؟

– زينب : بصح انهضر معاه فتيليفون نعلمو بعدا ،وحتى يبقى ديك يوماين لناس يجيو ويرجع … مجاتش يقطع العطلة ديالو من دابا … 20 كلم مدات مجابت .

– زياد (كيضحك غمز سامية) : الله على حنانك الالة زينب كتفكري لسي توفيق ..

– زينب (شيرات عليه بمخدة ) : مابقيتيش كتحشم انت والو ، تفلستي .
– زياد (كيغني ليها ) : يا زينب يا زنوبة راني نهبل عليك ، باقية ولا مخطوبة ناوي نتزوج بيك ..
– قاطعهم صوت ديال الباب كيسوني .. جات ليلى بالخف حلات الباب … دخلات سعيدة او وراها جنيد هاز شامة بين يديه وهي كتفركل .. كولشي وقف مبهوض مفاهمين والو ..
– شامة (كتغوت) : خالتي هضري مع ولدك اخالتي كوليه ينزلني ونزلني ياوا نزلني ..

– زينب (مغوبشة) : أش واقع ؟
– جنيد (شاف فيها ببرود مامسوقش) : عندنا واحد ضوبيرمان مسعور الواليدة وكنحاولو نداويوه مديريش فبالك ..
– خلاهم مصدومين مفاهمين والو وطلع ..
#يتبع
______
– كاينة الوحدة لي الى مابردات غدايدها كتطيح بالأعصاب خصوصا الى سمعات كلمة قاصتها ومافداتش دقتها ، كتكنزز خلصها ترتاح عاد تبرد وهكا وقع لشامة ، ودابا وحلة وحلتيها اجنيد .
– خليو ليا أرائكم وتعاليقكم زعماكينات طولت الأجزاء بزاف 🙈🙈
✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء40 :
– فتح الباب ودخلها كتركل ، سد الباب ولاحها على النموسية ..

– شامة (عينيها بحال شي قطة باغية دابز) : واش انت مريض فعقلك ولا مالك ؟

– جنيد (مغوبش كيخنزر فيها) : واش انت مامزݣياش ؟ أي حاجة عندك بضرب والمدابزة اش ديك الشوهة لي درتي ؟

– شامة ( غادية جاية فوسط البيت ، مابغاتش تسرط ليها) : انت راه ماسمعتيهش شنو ݣال .. الكيدار بالحمار ديال بوه … كون غير خليتيني علاش علاش فكيتيني علاش ؟

– جنيد : نخليك باش يقراوها فيك حسيفة ؟ انت مضرابة مع جوج ديال الرجال طول بعرض ، وكون كنتي بوحدك ؟

– شامة : كون كنت بوحدي اندير نفس الحاجة ، واش عرفتي شنو ݣالو ؟ رضونا (سكتات شدات على راسها) أستغفر الله العظيم ياربي ..

– جنيد : واش انت غير لي ݣال جوج كلمات تنوضي معاه ، مال هضرتو غادي تقتلك … لي ماقدو فمو يهضر حتى بز…و ..

– شامة (شافت فيه) : أما ماسميتيش سكت ، هضر تخلط من الاخر … لي سكت على لي ضرو شيطان غرو ..

– جنيد : انت مامعاكش مفاهمة واتبقاي هنا منين تبردي عيطي ليا ،، ضار بزربة خرج سد الباب ودور الساروت ..

– شامة (مصدومة) : اويلي سد عليا (مشات للباب كتدق) جنيد جنيد على الباب … جنيد انا ماشي كلبة عندك تسد عليا جنيد ..

– جنيد (من برا) : اتبقاي تم حتى تبردي ونتفاهمو ..

– شامة (كتغوت) : جنيد وحل وحل جنيييييييد ..

– مداهاش فيها خلاها كتغوت ومشا ..
– شامة : واخا انا تسد عليا بحال شي عبدة عندك والله القسم لا كانت ليك ..

– مشات لجهة البالكو حلاتو كيبان ليها عالي ..

– شامة (ضربات يدها مع الحيط ) : تفو

______
– زينب (كضحك) : سبحان الله شامة بحالها بحال مها ماخلات منها والو
سعيدة : بغيت اماما تشوفي اش دارت ليهم هلكاتهم عصى عمري شفتها فهاد الحالة هادي

– زينب : مغاديش دير هكا كونما كانت شيحاجة لي عصباتها مايمكنش .

– سعيدة : صراحة طيحو المستوى بكلام خايب .

– إيمان : شامة مكتصبرش .. ومايمكنش ليها تسكت ضروري تهضر .

– زياد : واخا انا كنبغي نتفادى الصداع ، ولكن فبلاصتها ندير كتر الصراحة ..
#يتبع
________
– شنو بان ليكم فتصرف جنيد اتسمح ليه على هاد السدة ؟✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء41 :
– هبط جنيد من الفوق ، كيشوفو فيه كيتيناوه يݣول شيحاجة ..

– زينب (كتشوف فيه) : فيناهي شامة؟
– جنيد (ݣلس) : الفوق فبيتها .

– زينب : ياكما درتي لبنت شيحاجة؟
– جنيد : الواليدة واش من نيتك غادي ندير ليها شيحاجة؟!!

– إيمان : أنطلع نشوفها .

– جنيد : من للأحسن بلاش ، غير خليها بوحدها دابا معصبة مكاين لاش .

– سامية : ماحدكم مجموعين بغيت غير نكوليكم بلي ، جايين شي ناس يهضرو فيا .

– سعيدة (متفاجأة ) : وايلي بصح شكون وإيمتا ؟

– جنيد (شاف فيها ) : شكون هاد تعيس الحظ لي اتخرجي ليه فعودو ؟

– سامية (هازة حجبانها) : ياك اخويا ؟ ماخليتي للبراني مايݣول .

– زينب : سيف الدين
– جنيد (حال رجليه كيشوف فيها) : واش سيف الدين سيف الدين ؟!!

– زينب : اه هو
– سعيدة (بإستغراب) : عمرها مبانت عليه الصراحة .

– سامية : المهم بصراحة انا وياه كنهضرو هادي عام ، ومكانش قاد يهضر مع بابا كان خايف لا يرفضو ولا شيحاجة .

– جنيد (على حاجبو) : اياااه العفريتة زيدي وشنو أخور؟

– سامية(ضحكات) : صافي هادشي لي كاين ، ودابا باغي يجي هو او والديه نهار السبت الماجي .

– جنيد (شاف فزينب) : على هاد الحساب خاص الواليد يجي .

– زينب : ماشي دابا أنعلمو بعدا … وراه مزال سيمانة إن شاء الله .

– إيمان : مبروك عليك اختي سامية
– سامية ( ضحكات) : مبروك علينا بجوج ..

– زياد : شفتو بهاء؟
– زينب : اه مشينا أنا وخوك ، نهار الإثنين غادي يخرجوه إن شاء الله .
– زياد : إن شاء الله .
_____
– عيات مدير كيفاش تنزل من البالكو ، فالاخير ستسلمات للامر الواقع ، بظلات حوايجها وتكات فبلاصتها حداها القطة لي ولات ديالها ..

– شامة : والله لا نسيتها ليه بالله غير بلاتي (كتشوف فيها) شنو بان ليك نعطيوك سمية اممم ، همممم(كتفكر) نسميك على سميتي غير هو نقلبها ليك ، نسميك ماشة زوينة ماشة …صغرات عينيها لعنق ماشة كتبان ليها واحد السمطة فالقهوي فعنقها ،، عمرها ردات البال لداكشي لي معلق فيها .. تقادات فالݣلسة هزاتها وحطاتها فوق رجليها كتقلب فديك السمطة، كانت معلقة فيها بحال شي صنديقة صغيرة فالقهوي … عمرها ردات ليها البال من نهار لقاتها فشارع .. حلات ديك السمطة كتقلب فيها مرابانا تكون فيها شي سمية … ولا تكون فيها النمرة ديال مالين القطة … عمرها جات لبالها بلي راه اتكون بماليها … ولكن السمطة مكان فيها والو … كانت ديال الجلد ومعلق فيها صندوق صغير ديال النحاس .. كان ممكن انك تفتحو وداكشي لي دارت ، داكشي لي بان ليها ولي شافت خلاها تهز حجبانها بإستغراب وبصدمة من هادشي لي كيشوفو عينيها …
#يتبع
_____
– توقعاتكم وأرائكم شنو ممكن تكون لقات شامة ؟✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء42 :
– فمطعم ݣالسين كيشربو قهوة ..

– جواد (كيشوف فيها) : هادشي لي كاين..

– سهيلة (كتشوف فيه) : بغيت غير نعرف ،، علاش بضبط انا وعلاش عاودتي ليا هادشي كامل ؟

– جواد : أنا براسي ماعرفتش علاش عاودت ليك هادشي !! سهيلة مابغيتكش تݣولي بلي انا مالف هادشي ومالف كنكول هكا للبنات ، هادشي اول مرة يوقع ليا فيها بحال هادشي ..

– سهيلة ( ضحكات) : صراحة كتوقع .. ماوقعاتش ليا انا بضبط ولكن كتوقع ، جواد نجيك لصراحة وباش نكونو مفاهمين … أنا حياتي كلها عاطياها لخدمتي تقدر تݣول مزوجة بخدمتي ، وفاش رجعت لمغرب ݣاع عندي جوج ناس فحياتي ، ماما وخدمتي أونكوغ … يعني انا صعيب نرتابط بشي واحد .

– جواد : علاش صعيب ؟
– سهيلة : هاد الانسان خاصو يكون متفهم ، يعرف بلي مرة انكون فدار مرة لا ، مرة نكون معاه مرة لا نقدر نسافر نغيب ماعنديش وقت محدد .. وباش يقولي بدلي الخدمة ممكن ولكن ماشي دابا … أيجي نهار ونعتازل فيه ولكن ماشي دابا … خاصو يقظرني ويحتارم المعجبين ديالي … كنا خارجين شحال من واحد أيبغي يتصور معايا … خاص يكون عندو الخاطر فهمتيني .. يعني كاين بزاف ديال الحوايج .

– جواد : هادشي كامل عارفو ، انا براسي بعد المرات مكنحكش راسي … انا مابغيت منك والو دابا ، خلينا أصدقاء نتقربو من بعضياتنا وتعرفيني مزيان … انا كنحتارم حياتك وخدمتك ، وحتى لدابا مطالب منك حتى حاجة مستحيلة ، لي باغي منك هو تعطيني فرصة لي نتعرفو فيها على بعضياتنا .. ومن هنا لقدام ماعرفنا شنو غادي يكون .. شنو بان ليك ؟

– سهيلة (سكتات كتفكر ، تنهدات تنهيدة طويلة ، هزات عينيها فيها وتبسمات ) : واخا أنا موافقة ..

– جواد (تبسم وهز تيليفون ديالو) : ودابا ممكن تعطيني نمرتك ؟

– سهيلة (ضحكات) : هههه واخا ..
_____

– شامة بقات ݣالسة ومفيكسية عينيها على ديك الصنيديقة ، بشوية جبدات منها سلسلة زوينة مذهبة .. وهي ساهية فيها دار الساروت وتحل الباب .
– دخل جنيد كيشوف فيها عاطياه بظهر .. مداتهاش فيه بحال الى كاعما دخل ، جاي لعندها كيطل عليها ، كتبان ليه محنية على واحد صنديقة صغيورة وهازة منها سلسلة مدهبة ..

– جنيد (بإستغراب) : شنو داكشي ؟

– شامة (مشافتش جيهتو) : لقيتها فالعنق ديال المشة .

– جنيد (بإستفهام) : عطيني نشوف !!

– مدات ليه السلسلة ، خداها من عندها كيشوف فيها بعينين خبير ، مكانتش سلسلة طويلة بزاف موايان ، فيها علاقة على شكل قطة مطلية بدهب من الجناب ، والوسط كانت مصنوعة من حجر غريب ..

– جنيد : هاد الحجر سميتو Agate ، هاد النوع غالي منين جاك ؟(شاف فيها)

– شامة (بإستغراب) : لقيتها هنا(أشرات ليه لديك صندوقة لي كانت معلقة فديك السمطة) كانت معلقة فالعنق ديال المشة .

– جنيد (ستغرب ) : مالقيتيش شي سمية مكتوبة ولا شيحاجة ؟

– شامة : لا السمطة مافيها والو خاوية ..

– جنيد (رجعها ليها) : إيوا الى هكاك بصحة وراحة ( عطاها ليها وهو كيحاول يتفكر فين شاف هاد الشكل ديال هاد السلسلة ولكن ماقلش ) بلاتي صبري .

– خداها من عندها من يديها ، هز ليها شعرها شداتو بيديها وركبها ليها فعنقها .. جات نواتية ليها بحال الى مصنوعة خصيصا ليها هي بوحدها ..
#يتبع

_______
– الى فهمتو هاد البلان ديال هاد السلسلة فهموه ليا ، حيتاش انا مافهمتوش 🤔🤔🤔✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء43 :
– جنيد (كيشوف فيها) : بصحة والراحة ..

– شامة : الله يعطيك الصحة ، شوية تفكرات داكشي لي دار ليها … عقدات غوباشتها .

– شامة : لاش جاي عندي ؟ ساد عليا بحال شي جموسة ودابا داخل عندي .

– جنيد : غادي نرجعو لنفس الموال عاوتاني ، مكتقادايش ؟
– شامة (تنهدات ) : أعدى حاجة عندي هو نكون معصبة ، ويقطعها فيا شي واحد خاصني نبرد غدايدي ومنخليهاش فيا .

– جنيد (بصرامة) : شامة هذاك ماشي أسلوب ، زعمة انت قارية او واعية ماشي ديالك .

– شامة : مابقاتش فالقراية ، بقات فالحكرة راه هاد البشر كيبغي علامن يضحك ، بانو ليه جوج بنات بوحدهم عند بالو راه ديال راسهم ، سمحليا منقدرش نصبر ..

– جنيد : انا معاك ، ولكن ماشي بحال هكا صافي فديتي دقتك سالينا .

– شامة : على أساس كون كنتي انت شنو غادي دير ؟
– جنيد : انت شفتي شنو درت .

– شامة : هاااااا ياك بعدا ايوا سالينا ، دابا لاش طيتي لهنا شنو كاين ؟

– جنيد (بجدية ) : علاش باغية تمشي؟

– شامة : جنيد هضرنا فهادشي ، ولي عندي راه سمعتيه .

– جنيد : واش على قبلي ؟

– شامة : عليك وماشي عليك (شاف فيها) بلاما تشوف فيا ، انا صريحة لي كاين كنݣولو ، انت عند بالك انا وحدة ساهلة ، لوقت لي كالها ليك راسك تشدها ولا كيفاش ، وعمري ماتحاسبت معاك ولا ݣلت ليك شيحاجة ، علاش الله أعلم ولكن منين كنفكر كنكول بلي انا لي غالطة ، لي كنخلي راسي ساهلة .

– جنيد (وقف عينيه حمرين ) : انا عمري شفتك ساهلة .
– شامة : قاطعاتو ) اياه الى مكنتيش كتشوفني هكاك ، علاش كل مرة كتبوسني ؟ يلاه هضر واش يحساب ليك بنات لهيه هوما بنات هنا ، كولشي عندهم ساهل لا … كل واحد يشد حدودو .. جنيد سمع انا وانت مابيناتنا والو وعمر شيحاجة مغادي تكون نهائيا ..

– جنيد (وقف مقابل معاها مغوبش، قلبو كيضرب وماحملهاش تكوليه بحال هكا) : وعلاش ؟ شنو لي غادي يمنع مايكون والو ، عطيني شي سبب ؟!!!..

– شامة (وقفات مقابلة معاه) : جنيد منضحكوس على بعضياتنا ، انا عارفة راسي شكون ومنين جيت … مكنكولش هكا محتاقرة راسي بالعكس … كنبغي راسي كيما أنا وكنحماق على راسي ومفتاخرة براسي ، ولكن مندرقوش الشمس بالغربال ، انت ولد سي توفيق الهاشمي صاحب اكبر شركة للتصميم المجوهرات المطرب سابقا ، وانا بنت علي شرف الدين العسكري المتقاعد ، جايا من حي شعبي .. وانت براسك نتافدتي تصرفاتي وكلتي مخاصنيش نكون بحال هكا ، جنيد انا مكنسكتش على حقي … منضمنش ليك اليوم ولا غدا شنو يبدر مني انا مغيارة وكنغير على حاجتي … والى مشيت حتى بغيتك مانبغيش شي وحدة تشوف فيك..

– جنيد (قرب منها كيشوف فعينيها) : وأنا مغيار كثر منك ..

– شامة : نقدر نقتل على قبلك
– جنيد : نقدر ندفن على قبلك
– شامة : نقدر ندابز على ودك
– جنيد : نقدر ندخل لحبس على قبلك..

– شامة (كتشوف فعينيه وكيفاش كيشوف فيها ، دورات وجها) : غير كتخربق ، جنيد انا راه لا يمكن نتبدل ومغاديش نتبدل على قبل شي واحد ، انت تجي معاك شي وحدة بحالك .

– جنيد (ضحك بإستهزاء) : انت راه من ساسك لراسك بحالي ومعايقاش براسك ، واش انت عمية ولا كتعاماي ، واش مكتشوفيش ولا كطنزي ، لا انت كتبغي لي يجري وراك ويطلبك ويرغبك هادشي لي بغيتي ياك ؟ ودوي هادشي لي بغيتي؟
#يتبع

______
– ناري جنيد شعل ناري قفارت الله يستر 🔥🔥🔥🔥✨الــــمَــــــــــــــــــــــــاو✨
✍️بقلمي : سناء_الصنهاجي
🔥الفصل الثاني : كافيين🔥
#الجزء44:
– شامة : عمري فحياتي مطلبت شي واحد يحزرني ، ولا يطلبني ماشي من داك النوع والحمد لله صحابي عارفين هادشي ، كنشوف لوجيك وكتفكر بعقلي ، حيت نهار فكرت بقلبي شفتي شنو وقع ليا ..

– جنيد (كيغوت) : ماشي كاع الناس بحال بحال ، ماشي غير شماتة دار فيك مابغى راه كاع الرجال هكاك ..

– شامة : وحتى انا ماݣلتش بلي كاع رجال بحال بحال ، ولكن راه لا يمكن مانضحكوش على بعضياتنا ، دابا انت باغي تقنعني بلي باغيني ولا كتبغيني ..

– جنيد (قاطعها كيغوت وجهو ولا حمر) : أه انا كنبغيك ، فهمتيها دابا أنا كنبغيك كنبغيكككككك ، صافي تهنيتي بردتي سمعتيها كنبغيك .. ماشي غير كنبغيك شيحاجة فوق الحب … انت انت القهوة بنسبة ليا بحال بحال الكافيين … كتخدريني كتخليني فرحان ومعصب فنفس الوقت … إحساسي كيخدر فاش كنكون معاك مكنلدبقاش عارف شنو كندير ،، دابا عرفتي باش كنحس من جيهتك عرفتي علاش فاش كنكون معاك كنفقد توازن وكنقرب منك وكنبوسك … عرفتي بلي مكنشوفش فيك وحدة ساهلة بالعكس .. كنشوف فيك راسي كنشوف فيك جنيد ماشي شامة … أنت نسخة طبق الأصل مني أنا … فهمتيها دابا ولا نزيد نشرح ليك بالخشيبات ؟؟

– شامة (كتشوف فيه ساكتة مقادراش تيقو مقاداش تسمع ليه بقلبها واصعب حاجة انك تسمع للانسان بودنيك ماشي بقلبك ، حيت كيكون صعيب تيق بيه ) :
– غير كيبان ليك هادشي مكاينش ..

– جنيد (جرها من دراعها دخلها بين ضلوعو، نقض على شفايفها كيبوس فيها ، كيحاول يوصل ليها شوقو وحبو ليها ، كيحاول يقوليها انا كنبغيك حسي بيا مكنكدبش عليك تيقيني ولو مرة وحدة فحياتك ، عطيني فرصة وعطي راسك فرصة ،كيحاول يسقيها من نار حبو ليها ، بعدها عليه بشوية مخلي شفايفها حمرين منفوخين ، حاط راسو على جبهتها إحساسو مخدر) : ودابا حسيتي بيا ، شوفي فيا وغادي تشوفي قداش انا كنبغيك ، غير حاولي ..

– حيدات راسها عليه بشوية وبعدات ، تنهدات تنهيدة طويبة وشافت فيه .

– شامة : غير كيبان ليك اجنيد والله حتى غادي تندم من بعد ، غير كيبان ليك انا وانت بحال العافية والعافية مع العافية كتولد إنفجار ، وداك الانفجار ايحرقنا كاملين ، مابقى ليا والو وغادي نخرج من هنا ، وانت غادي ابدا حياتك … وغادي تضحك على راسك حيت فكرتي فهادشي ، غادي تلقى وحدة تكون بحالك بحال تفكيرك ، تسمع ليك ودير براي ديالك … وانا بعيدة كل البعد على هاد المواصفات … أنا كندير لي قاليا راسي وكنسمع لراسي … وأحسن مثال هو داكشي لي وقع اليوم ..

– جنيد (بقا ساكت كيحس بواحد البرود ، بحال الى خشيتيه فوسط شي ثلاجة ، كاع ديك الطاقة والحب لي كان كيحس بيه برد ، هي دابا رفضاتو وكالت ليه لا رداتو برهوش مراهق ، معارفش باش كيحس … هي دابا هانتو فكرامتو وهانت قلبو والمشاعر باش كيحس ) :
– متأكدة من هادشي لي كتݣولي ؟

– شامة : اه متأكدة ، راه غير (وقفها بيدو)

– جنيد : صافي مكاينش لاش نطولو فالهضرة .. بعد غدا يجيو الناس انمشيو ناخدو الكلي ، وترجعي لداركم .. وغادي تنساي هاد الدار أصلا .. حتى واحد مغادي يمنعك تشوفي بنت خالتك .. وهادشي لي وقع دابا نسايه … وحتى هاد الكمارة غادي تنسايها ونهار لي تشوفيها ديري راسك عمرك فحياتك شفتيها ، فعلا عندك الصح انا وانت نغاديش نتفاهمو ، الله يعاونك ..

– خلاها واقفة مبهوضة فكلامو وكيفاش دغية تقلب وخرج ..
#يتبع

______

– عفاكم شي جويجة نتيري فهاد شامة اويلي وحدي ندب ندب واش السيد عتارف ليها وهي دابا رفضاتو ياكو رفضاتو مكنتخايلس انا 😳😳😳

Leave a comment