Skip links

قصة : الماو (ميدنايت) ج 5

 5,101 عدد مشاهداات

✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء68 :
– #الڤيلا
– تجمعو على الطبلة ديال الغدا … الطبلة فيها أشكال ديال المأكولات كيشهيو … علي واخا عاش على قدو او واخا قمار … ولكن النفاخة عندو فنيفو واخا عمرو كلا بحال هادشي… كان ݣالس ومامبينش بحال الى عمرو كامل وهو كياكول هادشي .

– توفيق (بتساؤل) : بهاء مغاديش يجي؟

– زياد : موحال .. ݣاليا بلي راجع لرباط عندو مايدار ..

– زينب : هاد الولد غادي يشهمني … مكايعمرش معانا نهائيا ..مكتشدوش الدار ..

– صوفيا(ݣالسة بنخوة بواحد الكسوة لاصقة عليها فالبيض) : خالتو زينب من الأحسن منهضروش فهادشي دابا ولالا … حتى تكون العائلة بوحدها (كتشوف فشامة وعلي وإيمان) ..

– شامة(قربات لإيمان كتهضر من تحت سنانها) : هاد طرمت الݣرعة ديال الهالوين كتقلب عليا مافيهاش … شحال تعطي مغادي نخرج من هاد الدار حتى نفشها ..

– إيمان (ضحكات ) : نااري ياختي نخاف عليها منك … ولكن بيني وبينك مارتاحيتش ليها ..ومنزلاتش ليا من قراجطي وحق الله ..

– زينب : شامة بنتي سي علي … مرحبا ماكليتو والو اتبقاو تشوفو فطباسلكم ..

– صوفيا (بهمس) : تلقايهم حارو ماعرفو باش يبداو جاهم هادشي غريب ..

– جنيد (مغوبش) : الواليدة شوية ديال الخبز حداك … مدات ليه زينب الخبز .. بعد الفراشط عليه شد اللحم خشاه وسط طرف ديال الخبز … وݣلس كيعض عضات ݣدهم ݣداش وكياكل … كيهز من الفريت مكايخليش الوقت لي ينزل دغمتو كيزيد يدخل الفريت لفمو .. صوفيا كتشوف فيه بإستغراب وتقزز ..

– صوفيا(بهمس لجواد) : مال خوك على هاد الماكلة … شفتي كيفاش كيعمل ؟

– جواد(عصباتو) : كل واحد كياكول كيف بغا … ماسي شغلك فناس كيفاش كياكلو .

– شامة كانت مراقبة جنيد وتصرفاتو … جاتها فشكل واحد من طبقة فنية كياكل بهاد الطريقة … طريقتو فالماكلة ريحاتها واحد شوية وخلاتها تزيد تاكول … هز عينو فيها ورجع كياكول وهو مرتاح … توفيق كان عاجبو الحال حيت فهم تصرف ولدو بلي بغاهم يحسو براحة … ويحسو بلي بحالهم بحال لوخرين … وحتى دار كيفما دار ولدو ..

– سعيدة : بابا بصح كيݣولو بلي اليد فيها البنة … حسن منين كتاكول بلفورشيط ؟

– توفيق : اه أبنتي … جدك فاش كنا كنتجمعو على طبلة نهار كنكونو دايرين كسكسو … ولا الرفيسة العمية ممنوع شي واحد فينا ياكل بالمعلقة … كيضربو ليديه كناكلو بيدينا … والماكلة ديال اليد فيها البنة .

– سعيدة (نزلات لفورشيط وبدات كتاكول بيديها حتى هي، هزات عينها فصوفيا لي كتشوف فيها بشوفات ديال الاشمئزاز … ضحكات فخاطرها وكملات ضد فيها) .. :
– فعلا الماكلة ديال اليد بنينة ..

– سامية : شفتكم كاملين كتاكلو بيديكم … مانخرجش من الجماعة … حتى هيا دارت بحالهم ..

– صوفيا( وقفات) : نونو هادشي بزااف .. سمحوليا (عطاتهم بظهر وطلعات) ..

– سعيدة او سامية( طلقو الضحكة دقة وحدة)

– زينب : بنات حشومة ..

– جنيد :. متكبريش الموضوع الواليدة … مدارو والو غير هي لي مقروصة بوحدها … مهم بصحة وراحة سمحوليا عندي مايدار ..

– جلال : ماتنساش بلي خاصكم تبداو غدا ..

– جنيد : ماسمعتكش مزيان … خلاهم وكلع نيشاان لبيتو ساد عليه ..
#يتبع
_____
كيجاكم تصرف جنيد وعائلتو؟ وكيجاكم تصرف صوفيا وكيفاش اتعامل مع هاد الوضع ؟ شنو بان ليكم فالعلاقة الزوجية لي بين جواد وصوفيا؟ خليو ليا تعاليقكم💃🏻💃🏻✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء69 :
#اليونان
– فوحدة من الڤيلات لي كيطلو على البحر … واقفين 2 ديال الرجال على برا … وجوج رجال الداخل ، تحلات البوابة لي كانت من حديد ومصبوغة بالبيض … دخلات طوموبيل نوع فورد كحلة … وقفات ونزل منها واحد قرع وطويل لابس تيشورت فالكحل وسروال كحل … مع ݣاط فنفس اللون وساعة رياضية … حل الباب ديال الڤيلا ودخل … الڤيلا من الداخل كانت كلها مصبوغة بالبيض مع فراش عصري بسيط .. مشا نيشان خرج من الباب ديال الصالون … خرج لجهة لابيسين والجردة ، غادي بكل ثقة وغرور مبسم حتى وقف حدا صالة مونجي … كان ݣالس فوق الكرسي هاز فيديو كتاب شعرو شايب … نازلة من عنقو سنسلة فالفضي .. لابس تيشورت فالݣري مع ڤيست زرقاء وسروال فالݣري … مع صباط على شكل صابو مريح … تحنا ليه على راسو باسو ليه … ضار من جنة ليمنية ليه ݣلس وتقابل معاه ..

– (بصوت تقيل ورجولي نطق وماهزش عينو على الكتاب) :
– لقيتوها؟

– مالقيناهاش … غبر ليها الأثر ماخلينا فين قلبنا عليها مالقيناهاش ..

– سد الكتاب حطو على الطبلة، دار رجل على رجل وتقابل معاه ..

– فؤاد خاصك تلقاها اليوم قبل غدا ، ماتجيش عندي يديك خاويين ..

– فؤاد(وقف) : كون هاني أبابا (باس ليه يدو ومشا ) ..

– هز الكتاب وحلو … قلبو صفحاتو وجبد منو صورة كيشوف فيها … كانت فيها بنت زوينة سمرة شوية .. ملامحها بين إيطالية وعربية … عينيها خضرين ، لابسة كيوة حمرة بلا يدين وضاحكة … تنهد تنهيدة طويلة رجع سد الكتاب … هزو فيدو ودخل .

_____
#الڤيلا
– واقف فالبالكون ، هاز فيدو طاس ديال القهوة .. هز التيليفون ودوز النمرة ..

– جنيد : فين العود ، مزيان ؟ … مزيان مزيان بغيت نشوفك ضروري .. وايلي ايوا مبروك أسيدي (ضحك) سلم عليها بزااف صافي حتى ترجع .. يلاه أبا تايغر تهلا حتى لمن بعد .. بسلامة(قطع التيليفون .. بقا كيفكر رجع هز التيليفون ودوز نمرة أخرى) ..

– وفين الزهواني .. أمالك مصدوم بحال الى سمعتي شي ميت ناض من القبر … فرعتو ليا مخي بحال الى هابط من زحل … شنو تما العود مسالي نشوفك ولا مخشي فشي بريتشة … وشريه حتى لغدا .
– قطع التيليفون وهو كيضحك بإستهزاء .. مشا جيهت الدريسينغ .. تقابل مع المرايا ، مشات عينو نيشان لجنب كرشو .. وبضبط للحفرة لي كان باينة ، حط عليها يدو ومشا بالو بعيد ساهي، فاق من سهوتو مغوبش .. هز اول تريكو كان قدامو دارو عليه ، هز التيليفون ديالو وسوارت طوموبيل وخرج …

_____
#طنجة
#فالڤيلا
– تحل الباب ودخل واحد السيد فالأواسط الستينات … معاه بنت لابسة سروال دجيت مقطع مع تيشورت فالبيض وتجاكيط .. طالقة شعرها مصبوغ بالصفر وجارة باليزة فيدها ..

– مامي ..
– وقفات شمس الفرحة على وجها (ترمات فحضنها وعنقاتها) الحبيبة ديالي … على سلامتك ابنتي ..

– الله يسلمك ويخليك ليا … توحشتك بزااف بلات بلات .. بعدات عليها دوراتها كتشوف فيها(ضحكات وغمزاتها) :
– اش هاد الجمال كلو ، بابا خاصك تخاف عليها ..

– محمود : أنا ديما خايف على ماماك ..

– (كضحك) وهكاك … الله شحال زوين ترجع لدار (بدات دور فعينيها وتقلب) ..

– بحال الى كتقلبي عليا .. ضارت لجهة الصوت .. طارت لعندو ..

– نزار(هزها كيدور بيها) : فروحة المشة ديالي ..

– فرح : خويا وحبيبي الغالي نزار توحشتك .. عرفتي كونما لقيتك مانهضرش معاك حياتي كاملة ..

– محمود (زعفان) : ماعرفت كيفاش طرا وجرا حتى جيتي ..

– فرح(بهمس) : قفرتيها من عندو .. غير حاول تصالحو مشيتي فيها .

– نزار(جبد ليها حنكها) : انت غير خرجي هاد السوق .. أنا كنعرف ليه تفرجي وشوفي ..

#يتبع
_____
شكون هو فؤاد وشكون هاد باه وشكون هادي لي كيقلبو عليها؟ وشكون هاديك لي فصورة ؟ شكون هوما نزار وفرح وشمس ومحمود ؟وشنو اتكون علاقتكم بهادشي كلو ..؟ ✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء70 :
– #كازا
– خرج سيف من الخدمة .. ركب فطوموبيلتو وشد الطريق لدارو .. قبل مايوصل لدار نزل حدا الكتبية … خدا الكفتة ، داز لعند مول الحانوت خدا الخبز وسقاتة او واحد القرعة ديال كوكا … عاد مشا لدار ، دخل طوموبيل لكاڤ وطلع فلاسنسور لدارو … حل ودخل ساد الباب برجلو … مشا للكوزينة حط داكشي لي جاب .. خارج من الكوزينة كيحيد فتجاكيط ديالو لاحها .. مشا نيشان لبيتو دخل للحمام زول حوايجو طلق عليه الما كيحيد العيا .. خرج نشف راسو ولبس حوايج دار .. دخل لكوزينة جبد البيض ومطيشة .. قاد لراسو طاجين ديال الكفتة .. خلاه كيطيب ومشا لصالون شعل تلفازة وݣلس كيرتاح .

– سونا عليه التيليفون .

– سيف : ألو الواليدة .. لابلس الحمد لله يلاه كنت غادي نسوني عليك .. قسما بالله مانسيتك راه يلاه دخلت لدار ، دوشت ورضيت العشا يطيب وݣلست نرتاح .. أنت مزيانة الواليد .. الحمد لله(بدل سيفتو) الواليدة الواليدة ، واش غادي نبقاو نهضرو فهاد الموضوع بزااف … واش انا لاقي الوقت حتى لراسي بقا غير نقلب على المرا … أنا مرتاح بحال هكا الماكينة راه كتصبن الحوايج .. وكاينة مكينة كتغسل الماعن .. وانا راه كنطيب راسي وكتحي لمرا من سيمانة لسيمانة كتضربها بتخميلة لدار وهاحنا ناضيين .. انت ديها غير فراسك وصحتك .. امين ياربي أمــــين ، يلاه الواليدة سلمي على الواليد وعلى لي سول فينا .. أمين أمين تصبحي على خير احبيبتي .

– تنهد تنهيدة طويلة ، شوية تفكر طاجين ناض كيجري … لقاه نشف بقا ليه شوية ويتحرق .

– سيف : شفتي الواليدة شنو كنتي اديري .. كنتي اتخلينا نباتو بلا عشا .. طفا على طاجين خلاه محلول باش يبرد ورجع لصالون ..
______

– خرجات شامة من الدوش … نشفات شعرها مزيان حسات براحة … لبسات سروال ديك بيجامة مع تريكو وقبية … هزات تيليفونها دارتو فشارجور ، خدات واحد الزيف ديال حياتي دارتو على شعرها … لبسات تقاشر عاد خشات رجليها فبانطوفة .. حلات الباب كتشوف فالبيبان ، بغات تهضر مع باها ماعرفاتش أشمن بيت عطاوه … دقات على إيمان ، شوية وحلات ليها ..دخلات عندها :
– بيتك زوين اجنية ..

– إيمان (تلاحت على نموسية) : ماسخيتش أختي نخرج منو ..

– شامة : اجي نݣوليك ، ماعرفتيش فين بيت با ..

– إيمان : ماعرفتش وقيلة شي واحد من دوك البيوت لي لهيه .. بلاتي نلبس بانطوفتي ونجي معاك .
– لبسات إيمان بانطوفتها ودارت عليها بينوار ديال بيجامة .. حلات الباب وخرجو بجوج غاديات كيقلبو على بيت علي … تحل الباب وخرجات منو صوفيا ، وقفات كتخنزر فيهم .

– إيمان(همسات لشامة) : ديري راسك ماشتيهاش .. داكشي لي دارت شامة غادية دايرة راسها مكايناش ، حتى وقفاتها صوفيا شداتها من دراعها وقفاتها ..

– صوفيا (السم والحقد باين على عينيها) : ياكما كيحسابليك راسك كاينة فحومتكم ، اش هاد الحالة لي دايرين فراسكم ، بحال نوع ديالكم خاصو يكون فالكوزينة ، مدايرين والو عاونو ليلى ، متقلين علينا بلا فايدة ، شفتك عجباتك الڤيلا غادية جاية فيها، ياكما يحسابليك شراها ليك باك ..

– شامة صافي وصلات بيها لطوب ، كتحس بسخونية طلعات معاها، وزادت وعتاتها فيديها ، ماحسات براسها حتى شداتها من عنقها رجعاتها لور زادياها مع الحيط ..

– شامة(كلها كترعد) : شوفي اهاد المونيكة ديال جوج دريال ، قسما بالله وماتخطي ساحتي وترولي وتعطيني تيساع ، لا ليا لا لي معايا كنقسم ليك بلاه (جرات ليها صدرها) هاد جوج نفاخات لي مداهم حتى نفشهم ليك، كنقسم ليك بالله حتى نسيفطك عند تازي يعاودك من جديد وفوتيني حسن ليك (وعتاتها فصدرها حتى تزيرات ودموعها هبطو) .

– شامة (دفعاتها) : وخطيني حسن ليك ، يلاه دردبي (غوتات) تلاحي ، صزفيا صدرها كيطلع ويهبط كتشوف فيها ماقدرات تݣول والو ، مع عطاتها بظهر حسات بصلية جاتها لترمتها نيشان حتى غوتات (ضارت شافت فيها مخلوعة) ..

– شامة(غمزاتها) : وحضيها لا نطرطقها ليك (بخوف مشات هابطة مع دروج كتجري ) …
– إيمان (كضحك) :
– ناري شفتيها كيولات ؟

– شامة : وتقلب عليا تلقاني ، جاو يدورو بجوج وقفو جامدين فبلاصتهم ..
#يتبع
____
شكون هذا لي شافو خلاهم يجمدو بلاصتهم؟ صوفيا واش غادي تدوزها لشامة ولالا ؟ كيفاش غادي تكون علاقة جنيد وشامة من هنا لقدام ؟ هادشي كلو أنعرفوه فالأجزاء الجايا إن شاء الله خليت ليكم الراحة حبيباتي خليو ليا ارائكم وتعاليقكم تصبحون على خير 💋💋💋✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء71
#إسبانيا
#مدريد
– فواحد من المعارض الإسبانية … وقفات طوموبيل بيضة صغيرة ، نزلات منها بنت فتلاتين من عمرها ، لابسة سروال فالكحل كلاص مع لاڤيس ديالو فنفس اللون … كيتدلى من الصدر ديالها حجيرات فنقري ، مع سنسلة فعنقها فالفضي مع الختم ديالها ، ظفارها كانو مصبوغين بالأحمر … هزات ساكها لي حتى هو كان فالكحل … سدات الطوموبيل وتقادات فالوقفة ، كتقاد فشعرها لي كان رطب ولونو فالعسلي فايت كتفها شوية .. شفايفها كانو عامرين شوية ، عندها ملامح متميزة بعينيها لي كون لونها شبيه لزيت الزيتون … كتبان مختالفة بزاف ومثيرة للإنتباه ، خلات السوارت للسيكيريتي لي كان قدام المعرض ودخلات .. المعرض كان عامر بناس غير الفنانة ودواقة ولي عندهم عين فنية ، جا عندها صاحب المعرض ستقبلها إستقبال زوين وكان فرحان بالمجية ديالها ، دارت معاه على المعرض كلو ، حتى وقفها عند واحد الكليكة …
– خوان (بالإسبانية) : سعاد بغيت نقدم ليك سينيور سعد فنان فوتوغرافي ، هز فيها علي راسو بإبتسامة شد يديها بين يديه وباسها ..

– سعد (بالإسبانية) : مشرفين مدموزيل .

– سعاد (ببرودة زولات يدها من يدو) : مشرفين

– خوان : سعاد فنانة فوتوغرافية بحالك ، غير هو مختالفين فبعض الحوايج ..

– سعاد : فأشمن مجال؟

– سعد : الإعلان

– سعاد : بعاد بزاااف .

– سعد (بفضول) : بحالاش؟

– خوان : سعاد كتصور كلما هو فني ، وطبيعي ..

– سعد (هز حجبانو) : أه مزيان ..

– سعاد (ستأدنات) : سمحو ليا ، تخطاتهم ومشات كملات الجولة ديالها ، كتفرج على اللوحات بإهتمام كبير عجبوها بزاف ، خصوصا بعض اللوحات كانو من تصويرها الخاص .. كانت واقفة ساهية فواحد اللوحة حتى فيقها صوتو :

– معبرة بزاف .. وقف بجنبها لدرجة ريحتو وصلاتها ، من المظهر ديالو كان من داك النوع لي باين فيه ، بلي مامسوقش وعندو كولشي لعب ، واخا وسامتو لي كانت باينة لكولشي ولكن بنسبة ليها جاها ضاسر ، غير من تطفل ديالو عليها ماعجبهاش الحال ..

– سعاد : كانت معبرة .. ولكن فاش كيقتاحم الواحد الخلوة ديالك مكتبقاش معبرة ..

– سعد : امممم ، صريحة بزااف .. هادي حاجة مزيانة .

– سعاد (ببرودة) : سمحليا خاصني نمشي .

– سعد : سمحيليا على التطفل ، ولكن ماكرهتش نتعرف على فنانة بحالك ، من خلال كلام خوان عليك (قاطعاتو) ..
– جاك الفضول ، (هضرات بدارجة) ولايني لصقة(رجعات هضرات بالإسبانية) سمع ..

– سعد (ضحك ، ضحكتو كان ساحرة وجدابة) : تقدري تهضري بدارجة خودي راحتك ..

– سعاد (تقرصات) : مزيان ، غادي تنقص عليا بزااف … انا جايا لهنا دوجوغ خدمة وغادي نمشي بحالي، مجاياش نضيع وقتي فتعارف وفهضرة مغادي تنفعني فوالو ، عرفتي سميتي وادخلني بديك الهضرة ديال التعارف ، نتعشاو اونسومبل … نمرتك ديال تيليفون ونبقاو نهضرو بسوايع ويبدا الإعجاب ، شوية كنبغيك شوية تبدل شوية ماتبقاش تجاوب على تيليفون ، من هادشي كلو انا مكانتعارفش ومابغياش نتعارف ، دابا هليت ليك الراحة ، خلاتو واقف داير يدير فجيابو ومتبعها بالعين بإهتمام هضرات مع خوان سلمات عليه بالحنك وخرجات ، تبس كيحرك الخاتم لي فصبعو وكيردد سميتها مع راسو .
#يتبع

_____
شكون هاد سعد لي خرج لينا من الجنب تاني؟شنو بان ليكم فتصرف سعاد ؟ واش مزال القدر ايلاقيها بيه ولالا ؟ هنا انكتاشفو جانب أخور من القصة وانهضرو فالأجزاء الجايا على واحد الجانب لي كاين وحاضر خليو ليا أرائكم حبيباتي 💃🏻💃🏻✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء72
#الڤيلا
– زياد (جاتو الضحكة) : من ورا هادشي لي درتي ليها موحال مزال دور بيك .

– شامة ( حشمات فالأول ولكن فاش ݣال ليها هكا رتاحت) :
– هي لي جبداتني ، وانا مكنردش على شي واحد الما جبدني ..

– زياد (بإبتسامة ورزانة فالهضرة) : مامحتاجاش تشرحي ليا ، عارفها مزيان وعارف تصرفاتها ، وإلى سكتي ليها غير مغادي تزيد تضصر عليك كثر ودير مابغات ، اللهم وقفيها عند حدها … ومديريش فبالك مرحبا بيكم معانا مرة أخرى .. سمحوليا ، تخطاهم وهبط لتحت ..

– إيمان (بقات ساهية فيه ختى فيقاتها شامة) : أشريفة أختي الالة ، تبعيه وكوليه انت ݣاع شنو بان ليك ؟

– إيمان : ناري ياختي شحال ظريف ، ومتواضع شفتيه … كيفاش كيهضر ..

– شامة : ݣاع لي فهاد الدار ظريفين بان ليك غير هو … سبحان الله مسكينة تعمات ليها البصيرة ، بان ليها غير سي زياد زيدي احنينتي زيدي لا تبقايش تحلمي بزاف ، جراتها ومشاو لبيت باها نيشان ..

______
– خرج من دوش ، نشف راسو لبس حوايجو لي كانو عبارة على كيطمة … حتى دخلات عليه بحال العجاجة ، مخنزرة وماعجبهاش الحال ، طلعها ونزلها مداهاش فيها ..

– صوفيا (غادية جايا ) : تربية ديال الأحياء الشعبية ، أنا أنا صوفيا بن جلون دير ليا هكا ، مزال ماعرفاتنيش شنو كانسوى ، والله حتى نوريها غير بلاتي باش تولي تحتارم لالياتها … هزات راسها فيه بان ليها ݣالس فوق الفوتوي شاد كتاب وداير رجل على رجل ..

– صوفيا(جات وقفات ليه على راسو) : تقدر تݣوليا علاش عمي جاب دوك الاشكال لدار وأنا اخر من يعلم ؟ واش أنت ماعندكش كلمة فهاد الدار ولا كيفاش ؟ ولا حيت خوك لي صغر منك هو الكل فالكل (كتخنزر فيه) ..

– جواد (ببرود مامسوقش ليها) : أه تقظري تݣولي بحال هكاك ..

– صوفيا : جواد انا هاد الحال مابقاش عاجبني ، ݣتليك ناخدو ڤيلا نكونو فيها غير أنا وأنت ، نرجس غير لاسومين لي دازت خدا ليها كريم ڤيلا فباريس ..

– جواد (ماطلعش راسو على الكتاب) : إيوا ݣولي لكريم ياخود ليك وحدة بحالها(هز راسو فيها) حاجة قليلة يديرها معاك ولالا ؟

– صوفيا (تنيرڤات) : جواد أغيت ، بديتي تجاوز حدودك ماتنساش شكون أنا وشنو ممكن ندير فيك ،(وقف وخنقها بيدو ملصقها مع الحيط) :

– شنو غادي تكوني ؟ أم شكون انت وحدة قح…ة رخيصة ، كانت تجري دايعة فليبواط باش تصبد واحد من عائلة كبيرة ، ترمي شبكتها عليه وتلصق فيه مونتيف ، وحيت لقيتيني انا لي كنت حمار بغيتك وتقت فيك ، باش تجي فالاخر تݣولي ليا أنا حاملة منك ، غير باش نتزوج بيك ونستر الفضيحة ، أه بلاما نساو خوك لي هددني بلي أيفضحني عند الصحافة ويفضح عائلتي ، فالاخر كنلقاك انت أصلا مكتسوايش وبلي من ورا زواجنا بيوماين درتي الإجهاض لولد لي أصلا كاعما كاين ، وهادشي كلو خطة منك انت وخوك وصاحبك القديم موسيو كريم ، نزيدك ولا براكة … كنكره راسي فاش كنشوفك وديريها فبالك طوال الزمان ولا قصار .. غادي تخرجي من هاد الدار بحال الكلبة غير صبري شوية على رزقك (دفعها كتنهج ولات كلها حمرة ) ..

– جواد (رجع شاف فيها) : ماتنسايش شكون هي عائلة الهاشمي ، تفكري هاد السمية وخليها فبالك وقبل ماديري شيحاجة ، ضربي ليها ألف حساب ، فتح الباب خرج وزدحو من وراه حتى نقزات من بلاصتها
#يتبع

______
بنت الحرام هاد صوفيا صدقات ماسهلاش .. شنو بان ليكم فكلام جواد ؟ وشنو لي خلاه صابر عليها وماطلقهاش لحد الساعة ؟✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء73
– العشا كان جو كالم بزااف ، غير سلاو العشا مشاو لصالون ݣلسو فيه ..

– علي ( ݣالس حدا توفيق) : ݣولي أسي توفيق عندك شوية مع اللعب؟

– شامة : وحلات ليها ) خنزرات فيه ونطقات :
– بااا وقيلة هضرنا ݣبيلة ..

– توفيق : علاش خليه خود راحتك أسي علي ، اه كنلعب الشطرنج كتعرف ليه؟

– علي : أودي لعب لعب فيه شي رباح ولا والو ، راه خلاونا مقطوعين زريعت القنب ..

– توفيق(كيضحك) : وهو الشطرنج فيه الرباح ، اغير أنت وشطارتك ..

– علي : إيوا سيدي على بركة الله ..

– توفيق : اجي ندخلو المكتب ناخدو راحتنا ..

– ناضو بجوج وشامة متبعة باها كطلب الله مايحشمهاش مع السيد ..

– سعيدة (لشامة وإيمان) : نخرجو شوية لجردة ، أنا وسامية غير كنتعشاو يوصل هاد الوقت ، قبل النعاس كنخرجو لجردة ..

– شامة : واخا لي بغيتيو ، ناضو بتلاتة بيهم وصوفيا متبعاهم بالعين ..

– جواد : زياد اجي معايا بغيتك ، مشا جواد وزياد لبيرو لاخور وبقات غير صوفيا وزينب ..

– زينب : عييت هاد النهار انمشي نرتاح ، تصبحي على خير ..

– صوفيا (كتغدد ) : بون نوي ، بقات بوحدها كتفقص وتكردد ، تحل الباب ودخل جنيد ..

– صوفيا : اوهو موسيو جنيد ، عاد جيتي شفتك كاعما حضرتي لعشا ..

– جنيد (تنهد تنهيدة نفاد صبر وضار عندها) : ياكما سميتك زينب وانا مافخباريش ؟ ياك تعشيتي انت ايوا بصحة ..

– صوفيا : ماعرفتش شنو خلاك ترجع تݣلس فهاد الدار ، من طبعك كتبغي تبعد وكتبغي تبقى ݣالس فالفيرما ؟ علاش زعمة شنو تبدل ..

– جنيد (كان طالع ورجعو كلامها ، نزل الدرجة لي حط فيها رجلو وجا لعندها مقابل معاها كيخنزر فيها) :
– صوفيا ، تعلمي دخلي سوق ك….ك شوية ، ياكما والداني وناسياني … خليك بعيدة عليا حسن ليك ماتجبديش الغول لي ساكني … ولا كنقسم ليك برب الجليل انخلي دار بوك ، سمعتيها دار بوك ودوري تقو….ي وديها فجهة ضراك شوية .
– بقات مصدومة فيه وكلامو وقلت إحترامو ليها … مكانتش ضناه ايعايرها ولا يݣوليها هادشي .

– حدرات راسها وتخطاتو طلعات كتجري فدروج ..
– جنيد : دوز على راسو ولحيتو ، عصباتو مكايحملهاش خصوصا من ورا داكشي لي عاود ليه خوه عليها ، كتبان ليه بحال الظلام قدامو ، وكونما جواد كون ساط فيها …. ولكن خوه لي مخليه يتراجع ويسكت ولكن الى مشات حتى جبداتو …. اتعمى ليه البصيرة ويدير فيها شرع يديه ، ضار كان طالع حتى سمع الهضرة على برا … قرب لسرجم كيبانو ليه خواتو ݣالسات ومعاهم هي لابسة قبية وسروال ديال بيجامة مع بانطوفة .. جامعة رجليها مربعاهم شعرها خارج من القب … وضحكتها واصلة لفين … لي شافها كيفاش منساجمة معاهم ،، يݣول هادي سينين وهي كتعرفهم … رجع باللور وطلع نيشان لبيتو .
#يتبع

_____
شنو غادي يكون السر لي مخبيه جواد؟ ولي عاودو لجنيد ؟ وشنو مخليه مزال صابر على صوفيا ومزوجين لحد الساعة ؟ ✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء74
– #العروبية
– سمع الدقان فالباب ، طل من الشقة ديال السرجم مبان ليه حتى واحد ، حل الباب غير بشوية خايف ، مالقى حد من غير واحد الطبݣ ، فيه طاجين وخبزة ديال أفارنو … طل براسو مبان ليه حتى واحد الدنيا خاوية وغير صوت الكلاب كيتنابحو ، هز داك الطبݣ ودخلو لداخل … الدار كانت فيها نموسية وطبلة ، الكوزينة كانت صغيرة … مع تلفازة صغيرة وپرابول ، حل داك الطاجين لي كان بزبيب والبصلة وزيتون ودجاج … كيبان معسل عجبو الحال وتبسم ..

– عمر : ضحكات ليك الدنيا اودي يا عمر ، وا موك موك موك …

_____

سعيدة ( كضحك) : قسما بالله ماعرفت باش تبليت ، مع جنيد كان كيسوݣ بواحد الزربة وكنا عاد واكلين، صافي حسيت بدوخة جاتني ودنيا كدور بيا ، وفاش شفتك كنگوليه اويلي شكون هادي ، فاش جينا لدار كاعما بغا يعاود ليا حتى حسيت براسي بحال الى غير كنحلم ..

– شامة : حتى هو راه تخلع ، هبطت عليه بحال الرعدة ..

– سامية : بغيت انعرف كيفاش درتي ليها ، سعداتك اختي ..

– شامة : فاش كدوزي من بزاف ديال التجارب ، كيقصحوك مكاتبقايش تخافي ، خصوصا فاش كتكبري بلا ام ، واخا بابا رباني وكان معايا ، ولكن كتكبري حرشة ماشي بحال الام ، كتربي فيك ديك الأنوثة .

– إيمان (تنهدات تنهيدة طويلة) : أودي هاحنا بمنا وربينا راسنا براسنا ..

– سعيدة (تبسمات ليها) : شوفو نݣوليكم ، ماتحسوش براسكم برانيات ، واصلا ماما عاودات ليا على طاتي فوزية ، فخبارك شحال وهي كتعاود لينا عليها ، صدماتنا فاش قالت ليا انت بنتها ..

– سامية : وي عندها الحق ، ومديوهاش فصوفيا وشوفي الى جبداتك عطيها هاديك راه واحد اللفعة مكتسواش ..

– إيمان : متخافيش عليها هههه ݣبيلة وتشوفي شنو دارت ليها ، مخلاتش ليها ..

– سامية (هزات حجبانها بصدمة) : العااااار !!

– شامة (كضحك) : ياختي تاعنداك هي لي جبداتني ولي جبدني يلݣاني قلبات عليا ..

– سعيدة (رجعات شعرها لور) : عبرتي عليها تستاهل تفو منها مكنحملهاش ، أصلا خسارة فيها خويا ݣاعما تستاهلو ..

– إيمان : جبد الكلب او وجد العصا ، راه كطل علينا من الفوق ..

– سامية : خليها تسمع ..

– سعيدة(غوتات بجهد) : جنيد اجي ݣلس معانا ..

– شامة (غير سمعات سميتو تقرصات بوحدها) ..

– جنيد اشر ليها بلا ..

– سعيدة : واجي أصاحبي ..
– شامة : خوك مكايرضاش يݣلس مع ناس بحالنا

– سعيدة بغات تجاوبها حتى قاطعهم صوتو :

– وعلى هضرتك غادي نݣلس (جر الكرسي وݣلس بينها وبين سعيدة كيشوف فيها بكل تحدي) ..

– إيمان(همسات لشامة) : سمعك من لهيه بحالو بحالك ، مالحظتيهاش بجوج عندكم حاسة السمع قوية تقولو غير خوت ، حتى لباسكم بحال بحال تقول اتوام ..

– شامة (قرصاتها تحت طبلة) : شوية غادي تݣولي علي هو باه تجمعي لا نجمعك ..

– سامية (بإستغراب) : شامة ، شنو خلى هادوك الناس يتبعوك ويبغيو يوصلو ليك ؟

– جنيد ( ضار عندها) : اه بصح نيت عاودي لينا ؟ ضارت شامة كتشوف فيه وبضبط فعينيه لي كانو فيهم واحد الغموض ، كيخليك تبغي تختارقهم وتعرف شنو تحت منهم ..

– جنيد : عاودي لينا نسمعوك ، شنو خلاك دخلي لهاد المعماعة كلها .؟

– شامة ( بدون تفكير) : الغدر .
#يتبع
______
كيفاش شامة وجنيد عندهم نفس التفكير ونفس التصرفات ونفس القوة ونفس الحاسة؟ كيجاكم تصرفات سامية وسعيدة ؟ وكيجاتكم الكيمياء لي بين جنيد وشامة واش هاد الكمياء أتخليهم يتقربو من بعض ولا غادي تبعدهم على بعض؟ حبيباتي اجزاءنا سلاو ميعادنا غدا إن شاء الله كنحبكم تصبحو على خير 💋💋💋✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء75
– تقادات سعيدة فالݣلسة دارت يدها على وجها كتشوف فشامة :
– بحالاش عاودي لينا ؟
– جنيد حس بتردد ديالها ، نطق بلاما يشوف فيها كيشوف نيشان ..

– الإنسان باش ينسى الماضي خاصو يعاود ، منين كتعاود كتحس براحة كبيرة … وهاد الراحة كتخليك تنسى ݣاع لي فات ..

– شامة ( تنهدات تنهيدة طويلة) : عمر تعرفت عليه فاش كانت عندي 19 سنة ، داك الساع كنت كنقرا فلافاك ، مع كان ولد الحومة وكنت كنشوفو مع دراري ، بغيتو بلاما نفكر واخا ناس نصحوني نبعد عليه … حيت ماشي راجل ورعواني وماعندوش الدراع ، ولكن انا عمري ماتسنط ليهم كندير لي بغيت ، ولي ݣالها ليا راسي ، واخا عندي صحاب وقراب مني بزاف تربينا من الصغر ، ولكن كنت كنشوف فيه واحد الجانب فشكل ، وقيلة واش جاتني مراهقة متأخرة عليه ، الله اعلم ماعرفتش بضبط ، بقيت معاه واخا الضروف تحديتهم وكملت معاه ، كملت قرايتي وكنت ديما ناجحة فالمستويات الدراسية ديالي كلهم ، واخا الحب وديك العلاقة ماخلاتنيش نتراجع على قرايتي كنت بغيت نوصل لداكشي لي كانت باغية ماما الله يرحمها ، ولكن واخا وصلت فقرايتي مالقيتش خدمة ، وخدمت فواحد لوزين ، وخدمت عند واحد السيد فالفيرمة ديالو ، ومع ذلك ماتفرقتش على عمر بقيت معاه ، وكنجمع الفلوس وكنخبع عندو ..

– سامية (تعصبات) : أويلي أشامة واش انت حمارة ، سمحيليا على هاد الكلمة ولكن اختي راه عصبتيني .

– سعيدة : علاش ماتخبعيهمش فالبنكة ولا تخبيهم فدار مالقيتي فين تخبيهم .. غير عندو هو ؟ وكون سرقك ولا طب فيهم ؟

– شامة : وراه هادشي لي دار ..

– سعيدة : هالي ݣلنا .
– جنيد غير ساكت وكيسمع ..

– شامة : كانت حدانا واحد جارتنا.. كتدي الناس للخليج طاح معاها، السيد كيݣوليا راه مسافر خدمة ، وهو راه كاين معاها … وفديك الفترة كانو جراو عليا من الخدمة هاديك حريرتها بوحدها .. مزال مامسيتهاش وحالفة حتى نفدي ضقتي فلي كان سباب، فاش قلت ليه على شي فلوس كنت عاطياهم ليه وعلى الفلوس لي مخبية عندو ، كاليا بلي بدل الساقته حيت سافر وخاف يشفروه ولا ماعرفت ليه … تما جاتني الخبار بلي كاين مع شي بزناز مافكرتش جوج مرات ودرت لي درت ..

– إيمان : اختي صراحة انا مانقدرش ندير لي درتي ، نخشي فواحد موس ونضرب لاخور بقرعة لراسو ..

– سعيدة(مصدومة) : اويلي كيفاش؟

– شامة (كضحك مامسوقاش) : مالكي مصدومة ، مافكرتش جوج مرات ، هزيت قرعة ضربت عمر لراسو طيحتو ، وداك لي كان معاه كان باغي يضربني … بانت ليا جنوية خشيتها ليه فكرشو .

– سامية(حالة فمها مصدومة) : وماتو؟

– شامة : لا ، منين مشيت سلمت راسي … ومشينا لبلاصة لي خليتهم فيها مكانوش … واقيلة رجال ديالهم هزوهم ولا الله أعلم ..

– سامية : شامة كنتي غادي ضيعي حياتك على واحد مايستاهلش ..

– جنيد(ببرودة) : الغدر كيخليك دير أي حاجة ، فاش كيطعنك شي قو….د فظهرك … كيتعماو ليك العينين كدير الحاجة لي كتبان ليك صحيحة ..

– سعيدة(شافت فخوها) : جنيد دابا أنت كون وقع ليك هكا … مع شي بنت زعمة تصرف بحال شامة .

– جنيد (هز حاجب وهبط الثاني ، ضار شاف فختو) :
– هو عندو الزهر خلاتو حي ومشات ، أنا مغادير نخرج من تم حتى نكون دفنتها بيدي ، مكنحملش لي يلعب ليا ورا ظهري ، ويكون كيحفر ورايا وكيضحك عليا ، ندفنو بيدي ومنبردش .

– شامة : وهادشي لي درت انا ، ومزال مابردتش حيت من وراه جاوني غير المشاكيل وصداع الراس .

– سامية(مدات ليها يديها) : مديريش فبالك ، حنا كلنا معاك ، ومغاديش نخليوك نهائيا ياك أسعيدة؟

– سعيدة : أه حنا معاك ، واخا أنت تبارك الله ماتحتاجيش لي يكون معاك ، ولكن حنا معاك اوووف ناري ونشوف هاد عمر قدامي ، نشتف عليه برجليا ومانبردش .

– جنيد (وقف ودفع الكرسي) : نخليكم تصبحو على خير .

– الكل : تصبح على خير ، تحنا على خواتاتو باسهم ومشا .
– بقات شامة متبعاه بالعين حتى غبر ، مافهماتش التركيبة ديال هاد السيد كيفاش دايرة ، غامض لدرجة كبيرة بحال شي لغز صعب يتحل ..
#يتبع
_____
شنو بان ليكم فهضرة جنيد؟ واش شامة ممكن تفك اللغز لي ضاير بيه ؟
✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء76
– صباح بكري ، خرجات هي اول وحدة قبل مايفيق كولشي … لبسات سروال فالكحل ديال الجلد مع صبرديلة تيشورت فالݣري مع تجاكيط كويرة … خرجات حل ليها العساس ، شدات واحد الطريق طويلة غادية بزربة ساهية باغية توصل بزربة ، مع بغات دور مع جاية واحد طوموبيل ، بسهوة ديالها مرداتش ليها البال ، كانت غادي تخرج فيها شي لي خلى ليسايݣ يتحكم ويطلع فوق لاصيرة ..

– شامة وقفات قلبها كيضرب بجهد ، كلها كترعد .. شوية تحل الباب ونزلات منو بنت ..لابسة سروال جلد كحل مع سمطة وتريكو كحل .. طالقة شعرها كورلي ، ماطويلة ما قصيرة ، خرجات مخلوعة جايا بزربة عند شامة .

– ياكما وقعات ليك شيحاجة ؟ ياكما قستك ماقستكش ياك مابيك والو؟

– شامة (بدات الخلعة كتحيد منها شوية بشوية) : لا لا ماكاين والو ..

– شوفي حالتك لونك مخطوف .. نديك لوبيتال … ولا عرفتي شنو داري غير قريبة يلاه معايا نشوف واش فيك شيحاجة ..

– شامة : لا راه مافيا والو ، انت لي واش بيخير وماوقع ليك والو ، سمحيليا انا لي عقلي مكانش معايا ..

– لا راه انا لي عقلي مكانش معايا ، سمحيليا بزااف ..

– شامة (بقات كتشوف فيها بواحد الشك) : كتشبهي ليا بزااف لواحد البنت ، أجي بلاتي ماشي أنت لي كتغني ، بلات أسميتك ..

– (ضحكات حتى بانو سنيناتها بيضين، ضحكتها كانت زوينة وملامحها كانو زوينين كترتاح ليها ودخل ليك لخاطرك) : سهيلة ، سي انا هي ..

– شامة : مشرفين وتبارك الله عليك أغانيك واعرين ، واحد صاحبتي كتحماق عليك بزاف ، الى ساقت ليا الخبار تلاقيت معاك اتجيها الجلطة ..

– سهيلة (كضحك) : لهاد الدرجة ݣاع ؟

– شامة : وتبارك الله انت مغنية زوينة واغانيك زوينين ، وايكونو عندك معجبين بطبيعة الحال ..

– سهيلة : ولكن انت ماشي منهم ؟

– شامة(كضحك) : لا بالعكس كنسمع لأغاني، ولكن بيني وبينك فان ديال مغني واحد الشاب يونس كيحمقني ، تمنيت نتلاقى بيه ..

– سهيلة( كضحك) : براكة عليا غير صاحبتك فان ديالي ماشي مشكيل الى مكنتيش حتى انت فان ديالي ، ياك بعدا انت مزيانة ؟

– شامة : أه لا أنا مزيانة .

– سهيلة : ماقصدتش والله ، هانتي عطيني نمرتك ضروري نهضر معاك نسول فيك كيف بقيتي ، حيت مابغيتي لا تمشي معايا لا والو ،، ومنها شي نهار نتلاقاو وجيبي صاحبتك شنو بان ليك ، صراحة انا كنت عايشة ففرنسا يلاه 6 شهور هذا باش ستقريت فالمغرب ، ماكنعرفش الناس هنا ..

– شامة(كتشوف فهاد البنت كيف دايرة، مغنية وزوينة وطوموبيلتها كيدايرة ، تخرج هي وياها شوف غير هي شنو لابسة ولوخرا شنو لابسة ) :
– نمرتي أنا؟

– سهيلة : اه الى ماعندكش شي مشكيل زعمة ؟

– شامة : لا ماعنديش ، واخا قيديها عندك ..

– سهيلة : اطون نجيب تيليفون ديالي ، مشات خدات تيليفونها ورجعات .. ملات عليها شامة النمرة قيداتها وداك الساع سونات عليها ..

– سهيلة : أطلع عندك نمرتي سجليها (طبطبات على دراعها) تهلاي فراسك ، جوسوي فغيمو ديزولي ..

– شامة (ضحكات) : ماوقع والو انا لي غير مݣدمة ..

– سهيلة : أنا مشيت باي باي ..

– شامة : بسلامة ، بقات شامة متبعاها بالعين حتى ركبات فطوموبيلتها ومشات ، حسات بواحد الاحساس زوين من جيهتها كدخل لخاطر دغية ، تفكرات بلي دايرة مع عماد مشات طايرة كتجري .
#يتبع

______
اباش تعرفو راه كاينين ناس من طبقة الغنية قمة فتواضع ، وشحال من واحد مايكساب والغرور لي فيه والسم لي فيه مافحتى واحد كل إنسان كتحكم فيه تربيتو وأخلاقو ، أرائكم حبيباتي💋
✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء77
#طنجة
– خرج من البيت لابس ومقاد ، كيحاول ما أمكن مايديرش الحس باش مايفيقهمش ، هبط مع الدروج سالت … حل باب الڤيلا وتم خارج ، جا يسد الباب وهي تبان ليه واقفة كتشوف فيه، جامعة يديها هازة حاجب ومهبطة التاني ، جات بخطوات سريعة وقفات قدامو :

– فرح : واش أنت القاعيدة هي القاعيدة ، ديما سالت بحال الشفار ؟

– نزار : فروحة حبيبة خوها ، خليني نمشي قبل مايفيقو ، عارفاك باباك عاوتاني اجا مايتفاك معايا ، وأنا صالحتو غير بزز .

– فرح (كتدبل فعينيها بحال الى باغية تسول على شيحاجة) : نزار بغيت نسولك .

– نزار : وي ݣولي .

– فرح : ماعندك حتى شي خبار على(قاطعها ماخلاهاش تكمل ) ..

– نزار(بصرامة) : نسايه أفرح ، صافي نسايه وحاولي تبداي حياتك من جديد ، ديري صحاب جداد ضحكي لعبي ، خوي راسك أختي من داك الموضوع ، هو عمرو واعدك بشيحاجة وانا شاهد ، حاولي تفيقي شوية الله يرضي عليك ، عند بالي سافرتي باش تبداي حياتك من جديد ، ديري عقلك أختي داكوغ(باسها فوجها) أنا مشيت ، ركب فطوموبيلتو ديمارا ومشا ، بقات واقفة مقابلاه حتى غبر ..

– فرح(ربعات يديها وغوبشات) :
– عمري مغادي نساه ولا غادي نخرجو من بالي ، واخا تعياو مغاديش نحيدو من قلبي .
_____
قدام بناية عالية ، كلها زاج من التحت للفوق .. الموظفين كيدخلو واحد بواحد ، كاين لي داخلين جوج ولا تلاتة ضاحكين .. هازين فيديهم كيسان ديال القهوة .. كتحس بيهم جايين فرحانين للخدمة ، فوق من الباب الكبير للبناية مكتوب بخط عريض مدهب El-Hachemi éclat d’or design ، وقفات طوموبيل نوع رونج فالبيض قدام الشركة ، نزل جواد بكامل أناقتو عطا السوارت لعساس يتكلف بطوموبيل ودخل ، كيسلم على كاع الموظفين بإبتسامة … طلع فلاسانسور لطابق الفوق ..

– أميمة(لاسوكريتير) : بونجوغ موسيو جواد ،قهوتك بحال العادة .

– جواد : بونجوغ أميمة ، وي بحال ديما ومدخلي ليا حتى واحد عفاك .

– أميمة : داكوغ موسيو كون هاني … دخل جواد للمكتب ديالو ، كان مكتب مصبوغ بالون الازرق والأبيض ، على الحيوط ديالو كانو معلقين لوحات عارضات بمجموهرات ذهبية وبالألماس ، سراجم ديالو كبار ، أما البيرو كان بلون الازرق حتى هو ، حيد لاڤيست ديالو علقها وݣلس ورا المكتب ، كيقلب فشي وراق حتى تدق الباب، ودخلات أميمة حطات ليه القهوة وخرجات ، مع خرجات هز التيليفون ديالو ، دوز النمرة وبقا كيتسنى الاجابة ، حتى سمع الخط تحل .

– وي .. أمضرا شنو ݣلتي ؟ سمع سمع بلاما نضحكو على بعضياتنا ، انا وانت عندنا نفس الغرض ، بلاما تبقى دوخ عليا الله يرضي عليك ، قضي تاخود فلوسك ، مابغيتش هادشي يزيد يطول حيت طلع ليا فراسي ، دابا غادي تقرر ، ولا نشوف قنت أخور لي يقضي الغراض وبنص ثمن ، شنو ݣلتي؟

– هكاك نبغيك مزيان ، وراه مزيانة ليك حتى أنت ، ماشي شيحاجة لي غريبة عليك .. وماشي اول مرة ديرها فايت درتيها بلاما نفكرك ، دابا تفاهمنا بغيت هاد البلان يسالي فهاد الشهر ، شوف كيدير ليها ماشي شغلي ، نطرقو هاد المسمار وفلوسك تاخوهم تالي ومتلي ، وحتى الحبيبة ديالك ترجع ليك شكون بحالك ، الفلوس وفوقهم كادو من الفوق ، نتسناك تعيط ليا (قطع التيليفون لاحور ، ورجع بظهرو على الكرسي ، تنهد تنهيدة طويلة بحال شي جبل هازو فوق كتافو) ..

#يتبع
_______

بغيت انا انعرف جواد لاش كيخطط ، وشكون هذا لي سونا عليه وهضر معاه ؟ بنات أجزاءنا لهاد الليلة سلاو كنت عوالة نزل ليكم 6 ولكن مكانش عندي الوقت غدا إن شاء الله انزل ليكم تعويض والى وعدت كنوفي، خليو ليا أراكم حبيباتي 💃🏻💃🏻💃🏻خليت ليكم الراحة💋💋✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء78
– تدق الباب ودخلات أميمة ..

– أميمة : ديزولي موسيو جواد ، مي موسيو جمال بنجلون باغي يشوفك ،(جواد تبدلو الملامح ديالو ماحاملش راسو ومحاملش يشوفو ، براكة عليه غير بنتو لي نابتة ليه فدار، منين خرج ليه هاد الزمر ) ..

– جواد (تنهد) : داكوغ أميمة خليه يدخل ، خرجات أميمة ودخل رجل فستينات من عمرو شعرو كيتخللوه بعض الشيبات ، موستاجو طويل كحل ولحيتو بيضة ، باين عليه الغرور وعاجبو راسو لأقصى حد ..

– جمال (بضحكة صفرة وعجرفة) : نسيبي لعزيز ، توحشناك من نهار دفنوه مابقاوش زاروه .

– جواد : عمي صاڤا كولشي مزيان ؟ واقيلة إلى ماخفت نكذب أنت شريك فهاد الشركة ، ومن نهار عطيتي المسؤولية لولدك مكانشوفوه لا هو لا أنت .

– جمال(ݣلس داير رجل على رجل) : راك عارف الشباب ديال اليوم ، كيبغي يخرج وينشط مع جيلو ، كيما كنتي أنت ولا زواج نساك .

– جواد (صابر غير بزز) : كيف ݣلتي شحال هذا ، وكنت كنسهر غير الوقت لي ماعندي فيه مايدار ، وقت الخدمة راه الخدمة اعمي .

– جمال : ݣوليا خبار صوفيا ، شحال هادي مجات عندنا … ياكما مقلقها العفريت وياك تقلق ليا بنتي بلاما نوصيك ونݣوليك … الخبار فراسك .

– جواد (ورك على يديه) : صوفيا فعينيا بجوج اعمي …. ولا عاليك مزال تسمع علينا غير الأخبار الزوينة .

– جمال(وقف) : داكشي لي بغيت نسمع ، مهم نخليك من بعد ونتشاوفو، جيت غير نطل على الأسهم ديالي ونمشي(غمزو) .

– جواد : غادي نتشاوفو ضروري أنتشاوفو .

______
– جايا هي وياه مرافقين ، داير يدو على كتفها وهي حادرة راسها :

– هادشي لي كاين ، أنت متأكد حتى واحد مشافك؟

– عماد : كتعاودي فالهضرة بحال ديك لي خدامة فالݣار ديال تران ، راه دوينا زعمة … ماݣلتيش ليا عمي علي كيداير ، ولف يوماين بلا قمر ؟

– شامة : بزز منو يولف … ولا غادي ينعس فالبنيقة وأنت عارف با .. مكايحملش شي بلاصة تكون مظلمة عليه … وحق الله اعماد الى مرݣت منو على وديت يحبسوه … ولكن راه كونما درت ليه بحال هكاك والله حتى يبقى يقمر … ويبيع كاع لي فدار ، يخلينا على برد الأرض … الله يسمح ليا منو وصافي ..

– عماد : راه هو عارفها فراسو حق … داكشي باش مݣاليك والو ، وراه المصلاحتو ماشي على شي حاجة، مالكي انت هبيلة دخلي باك لحبس مسطية انت .

– شامة : وا على الله ايجمع راسو ، مهم سير انت وبيناتنا التيليفون صافي .

– عماد : ديريني فبالك على داكشي لي دوينا عليه ..

– شامة : وصافي راه هضرنا ، خليني اندير بلاصتي بعدا محاتش من دابا فهمتيني.

– عماد : عارف مالي بنت ليك مكلخ، يلاه تلاحي بوسي ليا إيمان وسلمي على عمي علي .

– شامة : سلم على خالتي ، بيناتنا التيليفون .
– مشا عماد ودخلات شامة للڤيلا ، بان ليها جنيد خارج بخال الى كيقلب على شيحاجة ، عاقد غوباشتو وشعرو كلو على وجهو ، جاي نيشان لعندها كيشوف وراها .

– جنيد (بالغوات) : فين كنتي ؟ ومعامن كنتي؟

– شامة (ماعرفات باش تبلات) : كنت مع .. وأنت مالك بعدا كتحقق نعايا كاينين فالكوميسارية حنا ، نكون معامن بغيت .

– جنيد(دخل صبع ديال يدو (الإبهام وسط يدو كرز عليه بصباعو لوخرين وطرطقو)) :
– شوفي الله يرحم جدك ، مدامك كاينة فهاد الدار وجلال موصي عليك ، متخرجيش بلا شواري الله يرحم باك ، بلاما تصعري جدي فهاد الصباح ، بغيتي تلاقاي مع صاحبك ولا زبل علمي أبنادم علمي.

– شامة (دخلات صبع ديال يدها الإبهام وسط يدها كرزات عليه بصباعها لوخرين وطرطقاتو) :
– شوف شوف شوف ، الله يرحم جدك تبقى ترطى عليا هنا ، راه با لي ولدني عمرو هز عليا صوتو تجي انت تهز عليا(مع راسها ياربي تسمح ليا با سليخ سلخني) ، اش هاد المستوى صاحبك، يكون عشيقي ݣاع انت شغلك همك سوقك ، ديها فراسك شوية ، لا جيبليا البيبي سيتر تݣابلني وتعطيني الماكلة فالوقت حسن شنو بان ليك ؟
#يتبع

______
شكون فيكم شافت جلابتي نخرج ونسلت بعضامي حسن ليا🏃🏻‍♀️🏃🏻‍♀️🏃🏻‍♀️✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء79
– بلاصات الطوموبيل ديالها وخرجات منها ، غادية بزربة طالعة فدروج ، سونات فالباب وهي تحل الخدامة ، دخلات كتقلب بعينيها .

– سهيلة (بتساؤل) : وصال فين ماما؟

– وصال : لالا ثورية فجردة ، قبل ماتخرج هاجر خرجناها لجردة ، وديت ليها الفطور لتم … الجو زوين بزاف داكشيݣلنا ماتبقاش فدار .

– سهيلة : علاش فين مشات هاجر؟

– وصال : يلاه خرجات غير دابا، مشات تجيب ليها واحد الدوا من الفارمسيان وتجي .

– سهيلة : صلفي واخا انا انمشي نشوفها

– وصال : نجيب ليك تفطري معاها؟

– سهيلة ( بإبتسامة) : واخا الى مغاديش نعدبك معايا ..

– وصال (ضحكات) : بالعكس عذابك راحة ، مشات وصال لكوزينة ، وسهيلة خرجات لجردة … بانت ليها ݣالسة فوق الكرسي المتحرك ، شعرها مطلوق كحل .. كانت غليضة ففراشة بالألوان الربيعية … عينيها كبار ومكحلين .. وجها مافقدش الجمال ديالو نهائيا … يدياتها غلاض فيهم 2 خواتم فاليد اليمنى وجوج فاليسرى ، قدامها الطبلة محطوط فيها الفطور كرواصة خبز … زبدة فرماج قهوة وعصير ، ساهية ماحسات بيها حتى عنقاتها من اللور وباستها .

– ثورية (كضحك) : فين كنتي حتى لهاد الوقت ؟

– سهيلة(عنقاتها باستها وجات ݣلسات حداها) :
– فيقوني مع 6 ديال الصباح ، مشيت لأستوديو على قبل الاغنية الجديدة ، والله اما حتى كنحس براسي مبوقة بنعاس .

– ثورية : فطرتي بعدا ولا والو؟

– سهيلة : ݣلت لوصال تجيب ليا نفطر معاك ، خديتي دواك بعدا ؟

– ثورية : خديتو ، هاجر الله يرضي عليها عطاتني ݣاع الدوا ديالي ، واحد راه سالة مشات تجيبو . قاطعاتهم وصال حطات الفطور لسهيلة ومشات .

– سهيلة : عرفتي أماما اش وقع ليا فاش كنت جايا؟

– ثورية (كتشوف فيها) : أش درتي تاني؟

– سهيلة(كضحك) : لي سمعك أماما يݣول ديما كندير الفعايل ، المهم انا نعاود ليك بلاتي غير نلوح شيحاجة فكرشي، فيا الموت ديال جوع ..

– ثورية : أنت ديما فيك الجوع وحتى حاجة مابينة فيك ..

– سهيلة : هاد القضية اماما باغيينها البنات بريق الناشف ومالقاوهاش ..

– ثورية : واخا واخا كولي كولي وانت مكتقدايش بالهضرة ، بقات سهيلة كتضحك .. ولفات على النݣير ديال مها وتقشاب ديالها … مكاتشبعش منها وعندها غير هي بوحدها ،، باها مات وخلى ليها ديك الڤيلا وشي فلوس فالبنك ، هوما لي نفعوهم حتى ولات سهيلة مغنية ومعروفة ، جابت هاجر بنت متمكنة من خدمتها لي تقابل مها لي زحفات من رجليها بصدمة ديال راجلها ، سهيلة كانت عايشة ففرنسا ، عاد قررات ترحع لمغرب وتستقر فيه وتبقى مع ماماها لي بقات ليها .

_____
جنيد (طلعات ليه الدم كيحس براسو كيغلي) :
– اتزيدي تهضري أنقودو السوايع أنا وأنت ، حسن ليك بدلي ساعة بخرى ..

– شامة : نقودوهم ݣاع ، فين باغي توصل انت من نهار حطينا رجلينا فهاد الدار وأنت هاز شوكتك لسمى ، أبشوية عليك رخي فيك النفس الشوية وأنت باغي الطير مع الطيور .

– مجات فين تكملها حتى كان واقف حداها ، جمع ليها وجها كلو فيدو .. هو كيلهت بالاعصاب وهي كثر منو ، عاقد غوباشتو مغوبش ، وهي كذلك كتشوف فيه بتحدي وتشوف ليه فعينيه لي كانو مغطيينهم رموش طوال ، وشعرو الرطب جاي على جبهتو .
– مانطقش بكلمة وحدة ، كيشوف ليها فعينيها لي كانو بحال القهوة ، كتبان بحال شي قطة باغية دافع على ولادها ، داكشي لي كان باغي يݣول ولا باغي يدير تبهر مع عينيها .

– جنيد جنيد ، فيقو صوت مو من السرحان ديالو … دفعها بيدو حتى كانت غادي طيح ومشا صاعر راجع لدار .
#يتبع

______
أودي سعداتها شاد فيها ديكالشدة بحال هكاك، الله يجيب لي يشد فيكم حتى انتوما بحال هكا 😢😢😢😢✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء80
– هو يقول لكم :
– مهما كانت تحدّيات الحياة التي تواجهك، تذكر دائماً أن تنظر إلى قمة الجبل، فأنت بهذا تتذكر العظمة وتنظر إليها. تذكر هذا، ولا تدع مشكلةً ما أو أمراً ما مهما بدا لك خطيراً، أن يثبط من عزيمتك، ولا تدع شيئاً ما مهما كان، أن يصرفك عن القمة. هذه الفكرة هي الوحيدة التي أريدك ألا تتخلى عنها .

– هي تقول لكم :
– دون أن نقلل من شأن الشجاعة التي تؤدّي إلى الموت، يجب ألّا ننسى أعمال الشجاعة التي يمارسها الناس في حياتهم العادية، شجاعة الحياة، غالباً ما تكون أقلّ إثارة من شجاعة اللحظة الأخيرة، فهي ليست أقلّ بهاء، إنّها مزيج من النصر والمأساة، فالإنسان يفعل ما يجب عليه، رغم الأخطار، والعقبات، والعواقب، والضغوط، إنّ هذا هو أساس كل الفضائل البشرية.

– هو يقول لها :
إني عشقتك واتخذت قراري.. فلمن أقدم يا ترى أعذاري؟ لا سلطة في الحب تعلو سلطتي فالرأي رأيي والخيار خياري.. هذي أحاسيسي فلا تتدخلي أرجوك بين البحر والبحَّار.

– هي تقول له :
رباه أشياءه الصغرى تعذبني فكيف أنجوا من الأشياء رباهُ.. هنا جريدته في الركن مهملة هنا كتاب معا قد قرأناه.. على المقاعد بعض من سجائره وفي الزوايا بقايا من بقاياه.. مالي أحدق في المرآة أسألها بأي ثوب من الأثواب ألقاه.. أدعي أنني أصبحت أكرهه وكيف أكره من في الجفن سكناه.. وكيف أهرب منه إنه قدري هل يملك النهر تغييرا لمجراه.. أحبه لست أدري ما أحب به حتى خطاياه ما عادت خطاياه.. الحب في الأرض بعض من تخيلنا لو لم نجده عليها لاخترعناه.. ماذا أقول له لو جاء يسألني إن كنت أهواه إني ألف أهواه.
______

– تجمعو على الطبلة ديال الفطور ، من غير صوفيا لي طلبات فطورها يجسبوه ليها لبيتها .

– توفيق : رتاحيتو بعدا نعستو مزيان ؟

– علي (فرحان ومرتاح كياكل عاجبو الحال) :
– والله الى بيخير، مرتاحين فرحانين هو هداك .

– زينب (موجهة كلامها لشامة) : وأنت أبنتي ؟

– شامة : الحمد لله أخالتي بيخير .

– إيمان (بهمس) : خاصني نخرج ، خاص نبدا من دابا نقلب على الخدمة .

– شامة (خنورات فيها) : واش انت شوية لاباس ؟ هضرنا فهادشي من بعد ، واش بغيتي شي واحد يتبعك نصدقو واحلين ، ريحي لأرض .

– زياد(شاف فيهم او وقف) : سمحوليا خاصني نمشي دابا .

– جنيد (بصرامة) : مزال ماكملتيش فطورك !

– زياد : ضروري اخويا خاصني نمشي لرباط ، الدراري خدامين على اللمسات الأخيرة ديال لاتوليي، خاصني نكون تم .

– توفيق (ماعجبوش الحال) : شي واحد فيكم يݣوليا فين هو بهاء ؟ يوماين هادي مكاينش ، هادشي بزاف هذا الدري ايخرج ليا عقلي .

– جنيد (بحنان) : غير رتاح انت الواليد ، انا غادي نشوف فين كاين . سونا تيليفون لجنيد … هز التيليفون طلعات ليه نمرة جلال .

– جنيد : صباح زين هدا باين من لول ( شاف فيه شامة مغوبشة ، خنزر فيها او وقف مشا يجاوب) ..

– شامة (بالهمس ) : ياربي تصبرني منديرش يدي فشي واحد من خلقك ياربي .

– سعيدة (وقفات) : خاصني نمشي لشركة ، جواد مشا قبل مني كاعما شفتو ، مغاديش نجي لغدا غير تغداو النهار عندي عامر ( شافت فشامة) تقدري تجي معايا تفوجي شوية .

– شامة : خ(قاطعهم صوتو) .

– خليها مرة خرى ، خاصنا نخرجو انا وياها .

– سعيدة : صافي ماعليش مرة اخرى ..

– سامية (موجهة كلامها لإيمان) : إيمان تمشي معايا لصونتر ؟

– إيمان(بدهشة) : صونتر ديالك ؟

– سامية(ضحكات) : اه ديالي ، مكاين لاش تبقاي فدار … ماما خاصها تمشي لجمعية معامن أتبقاي ، يلاه معايا راه شعرك نيت بان ليا خاصو واحد السوان ، او وجهك حتى هو شنو بان ليك ؟

– إيمان : صافي واخا .

– جنيد(موجه كلامو لشامة بصرامة) : 10 دقايق نلقاك واجدة .

– شامة (جاوباتو بنفس النبرة) : أنا واجدة خاصك غير انت تكون واجد(خلاها مزال كاعما سلات هضرتها ومشا طلع لبيتو) .

– زينب ( لشامة) : ماتديش عليه أبنتي ، راه هو هكاك داير ولكن واخا هكاك حنين بزااف ، فاش اتعرفيه أتبغيه .

– شامة (غير تبسمات ليها ، أما بينها وبين راسها كتݣول بلي هادي غير فترة وغادي دوز لاش اتبغيه ولا غادي يبغيها) … طلعات إيمان تلبس حوايجها ، وجدات وهبطات كتجري مقادها فرحة، علاش لا وهي اتمشي مع سامية لأحسن صونتر بيوتي ديال سامية كيمشيو ليه اناس لي هوما هوما ، عجبها الحال بزاف من بعد هادشي لي داز عليها ، جات شيحاجة فرحاتها وبدلات ليها المود ديالها .
#يتبع

_______
فيقووووووووووووووو💃🏻🤔✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء81
– فايق كيتكسل ، غسل وجهو لبارح حيد الفاصمة … بقات ليه غير واحد الجرحة صغيرة كتفكرو فداكشي فداكشي لي وقع . حل السرجم وحل الباب وخرج ، مع خطوة أول خطوة على برا بانت ليه دايزة ، شافت فيه وضحكات حشمانة ، ضحك وعجبو الحال رض الباب شوية ومشا تبعها .

– وصل لحداها وهو ينطق :

– عمر :صباح الخير ، وانا كنݣول مال الصباح زين والجو غزال، والشمس مضوية .

– جاوباتو حشمانة وحادرة راسها : صباح الخير اسيدي ، كيف بقيتي .. ݣالينا الشيخ بلي عيان وجيتي ترتاح هنا فالعروبية .

– عمر : سيدي ، ويلي ويلي على سيدي ، سميتي عمر وأنت شنو سميتك ؟

– (ضحكات) : سميتي شادية .

– عمر : هاح مي ݣلبي على شادية ، أنت شادية وأنا عبد الحليم .

– شادية(ضحكات) : سمح ليا خاصني نمشي .. الى شافوني معاك غير يقتلوني .

– عمر (شدها من يدها) : إيمتا نشوفك؟

– شادية (تزنݣات وحيدات يدها من يديه) : فاش يبغي الله (خلاتو ومشات كتجري) .

– عمر (كيدوز على موستاجو ، حط يدو على قلبو كيضحك) : هااح على التوت البري ، زين زين كلك زبدة ومنين نبدا مي مي كايبان ليا غادي نطول الݣلسة هنا مافيهاش .

______

– خرجات شامة على برا كتسناه ، حل الباب وتم هابط مع الدروج ، لابس سوفيطما طويلة فالكحل مع سروال ديال الدجين فالكحل ، مع ݣاط كحل … لاوي على يدو واحد النيڤية كحلة … داير نظارات فالقهوي وخصلات من شعرو مغطيين جبهتو ، ماهضرش معاها ولا شاف فيها حل الطوموبيل وطلع ، حتى هي ماتسوقاتش ليه ، ضارت وطلعات اللور ديال الطوموبيل . سمعاتو حل الباب وجا وقف عليها ، لقاها ݣالسة ودايرة رجل فوق الرجل .

– جنيد (بصرامة) : هبطي ..

– شامة : مكاين لاش ، كي شتي انا جاية من حي شعبي ، وكيعجبني نركب فالپيكوپات ، كنحس براسي بحال شي معزة غاديين بيها لسوق .

– جنيد (جاتو الضحكة حابسها غير بزز) : شامة براكة من تبرهيش وطلعي لقدام ، يقدر يشوفك شي واحد ونصدقو واحلين لي فيا كافييني ، بلاما تزيديني حتى أنت . مزادتش معاها الهضرة نقزات من طوموبيل وطلعات حداه ، رجع حداها ديمارا طوموبيل كسيرا وخرج .

– شامة : فين غادي نمشيو ؟

– جنيد ( مركز مع الطريق) : سوق مينا .

– شامة ( بإستغراب) : علاش ؟

– جلال سول على مول لافيراي لي كيدوز عندكم ، ݣالو ليه بلي عندو المحل فسوق مينا .

– شامة : عرف سميتو بعدا؟

– جنيد : لا خاصنا نسولو .

– شامة(كضحك) : أويلي ويلي على البوليس ديال تواخير الزمان ، واش هاد جلال عمرو شاف تما ولا كيضحك علينا ، سوق مينا راه كبير فين غادي نقلبو ، خاصنا براح معارفين حتى سميتو ، أنبقاو ندورو على مالين لافيراي؟!!

– جنيد (شاف فيها ورجع شاف فطريق) :
– بحال داكشي .

– شامة : أويلي ويلي معامن حنا ، البوليس ديال ميريكان ديك الساع كيجيبوه .

– جنيد : أش كيجيبو؟

– شامة : الشفار والدباح الخطاف ، داك الساع كيجيبوه سيس دوص مكاينش تخرشيش .

– جنيد (جاتو الضحكة) : علاش انت كنتي فميريكان؟

– شامة (كتعوج فمها) : لا ، ولكن كانشوفهم فتلفازة .

– جنيد(دار مع الشارع بزربة خلاها تمشي جيهت السرجم وترجع) : ماتبقايش تيقي بزاف داكشي لي كتشوفي فتفازة(ضار عندها وغمزها) .

– شامة : بغيتي تݣول بلي كيكدبو علينا ؟

– جنيد : أنا ماݣلتش ، أنت لي كتݣولي (رمى عينو لجهة المرايا، صغير عينيه كيحقق ، ملامح وجهو تبدلو)

– جنيد(ضرب الڤولون بيديه) : تفو على مرض .

– شامة (بإستغراب) : مالك شنو واقع ؟ ضارت كتشوف وكتحقق مغوبشة ؟

– شامة : ماتݣولس ليا ؟

– جنيد (بأمر) : قادي سمطة وهبطي راسك ماتبانيش .

– شامة ( دارت داكشي لي ݣاليها) : واش عرفوني معاك ؟

– جنيد (زاد كسيرا) : تابعيني انا ماشي أنت؟

– شامة(بإستغراب) : كيفاش؟

#يتبع

_____
شكون هادو لي تابعين جنيد ؟ وشنو بغاو منو ؟ يقدر يفلت منهم كيما فلت المرة لي فاتت ؟ عمر يقدر يطيح شادية ويلعب عليها كيما لعب على غيرها؟ أجزاءنا سلاو الغزالات ديالي خليو أرائكم وتوقعاتكم وتعاليقكم أنقوليكم دابا خليت ليكم الراحة تصبحو على خير 💋💋💋✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء82 :
جنيد(بصرامة) :
– واخا تسكتي شوية ، سكتها بكلامو تكمشات لتحت … زاد كسيرا وشد طريق لي هي طويلة كتبان ليه نفس الطوموبيل مزال تابعاه ، كيزيد فسرعة غادي مكسيري ، بانت ليه طريقة وحدة لي يقدر يسلت منهم ، هي وسط المدينة … ضار مع أول زنقة عين على المرايا كيشوفهم واش تابعينو .. وعين على الطريق … شد طريق المدينة كان الزحام فطريق … تبسم بمكر وزاد فالكسيراتور تخطا ݣاع الطوموبيلات لي كانو قدامو … شاف فالمرايا بانت ليه طوموبيل بقات اللور حابسينها طوموبيلات ، جبد واحد تيليكوموند فيه 3 .يال البوطونات ،، وحدة فالحمر وحدة فالخضر وحدة فصفر ، مع فات إشارة المرور برك على البوطونة الحمرة ، تشعلات فالإشارة خلات كولشي يوقف .. ضار شاف وراه كيضحاااك … ضرب الڤولون علامة النصر، عاد خفف السرعة .

– جنيد : تقدري طلعي دابا ، مجاوباتوش شاف فين ݣالسة مالقاهاش ، غوبشم جا يضور راسو لقاها مخشية بين رجليه كتشوف فيه .

– جنيد (بإستغراب) : شنو كديري تم؟

– شامة : لا والو ، غير درتي بيا رالي ودوختيني وكركبتيني من داك الكرسي لهيه لهنا ، مادرتي والو انت ظريف .

– جنيد : جاني جوع اندوزو ناكلو شيحاجة هو الأول .

– شامة : ويلاه فطرنا اويلي دغية جعتي؟

– جنيد : مافطرتش مزيان ومكايعجبنيش داك الفطور ، مكايدير ليا والو .

– شامة (نشرات رجليها قدامها) : والله الى بصح ، هاداك الفطور المكلمن ماعنديش معاه حتى انا.

– جنيد (كيشوف فيها ويشوف ليها فرجليها لي ناشراهم بلا حشمة ) :
– هبطي رجليك .

– شامة(بإستغراب) : علاش نهبطهم راه عييت وانا مربعة ، كنحس بعظامي تغزو عليا .

– جنيد(كيصبر فراسو) : صبر من عندك ياربي المعبود ، كتشوفيه وقف قدام مرجان ديال الحي الحسني فالباركينݣ؟

– شامة : أنمشيو على رجلينا ؟

– جنيد : لا أنخلي طوموبيل هنا ، انسيفط لي يغبرها .

– شامة : علاش ؟ أصلا ماݣلتيش ليا شكون كان تابعنا ؟

– جنيد (حيد سمطة وتقابل معاها) :
– نهار لي هزيتك ، بغيت نكول نهار لي نقزتي عليا بحال تشيتة ، خداو نمرة ديال الطوموبيل ، منين مابقاوش لقاوكم اوبليجي غادي يطيح ليهم مول طوموبيل فالبال ، فبحال هاد الحوايج كيشكو فأي واحد ويراقبو أي واحد .

– شامة(ربعات وتقابلات معاه) :
– أجي وشنو ادير دابا ، خاصك تغبر طوموبيل .

– جنيد(كيشوف ليها فعينيها) : داكشي لي غادي ندير ، يلاه نزلي ، انفطرو فواحد المحلبة هنا وديك الساع نكملو ، هبط من بعدما بلاصة طوموبيل فبلاصة مخبعة ، سبقها وهي وراه دايرة سكادو على ظهرها ، دخل لواحد المحلبة جر كرسي ݣلس فيه … ݣلسات قبالتو حتى هي ، أغلبية ديال البنات لي كيدوزو من تم كيكونو عينيهم عليه .

– شامة (وقفات) : راه خاصنا نݣولو ليه شنو بغينا .

– جنيد (وقف) : ݣلسي انت . رجعات لبلاصتها هي وهو مشا لعند مول المحلبة :
– براد ديال أتاي بنعناع عفاك ، وجوج مسمنات بالفرماج والعسل .

– واخا اسيدي ، رجع عندها لقاها كتشوف فيه مصدومة .

– جنيد(جر الكرسي وݣلس عليه بالمقلوب) :
– مالك ؟

– شامة : باش عرفتي عزيز عليا المسمن؟

– جنيد : باينة ، مامحتاجاش لبزاف ديال الدكاء ، بغيتي شيحاجة أخرى زيديها .

– شامة : لا براكة .

– جنيد (جبد تيليفون) : أنعلم جلال يوجد لينا طوموبيل خرى ، أنا جاي … ناض جنيد يهضر فتيليفون بقات شامة ݣالسة حايرة فتصرفات هاد السيد لي ݣالس حداها.

______
كيف كتبان ليكم علاقة جنيد وشامة ؟ زعمة أيتفاهمو بجوج وينساجمو خصوصا عندهم نفس الكراكتير ، ونفس الحوايج لي كيبغي هو كتبغيهم هي!!!.✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء83 :
– المديرية
– جلال : صافي خليكم تما ، شوية وطوموبيل اتكون عندكم .
– سيف (تسناه حتى قطع التيليفون) :
– شنو كاين ؟

– جلال : طوموبيلت جنيد ، تبعوها الرجال ديال المرة لي فاتت ، خلاها فالباركينݣ ديال مرجان الحي الحسني ، سيفط شي واحد فدراري يجيبها ويغبرها .

– سيف : واخا ، فخبارك داكشي لي وقع فمصر؟

– جلال (ݣلس) : الملكة ؟

– سيف : أه .. تخايل معايا صندوق عامر بالأثارات يغبر غبرة وحدة .

– جلال : المشكلة الكبيرة ، هوما الناس لي داخلين فهادشي عينهم على الملكة ، أما داكشي لي معاها غير أثريات بسيطة .

– سيف : القضية داخلين فيها حتى لمغاربة .

– جلال(هز فيه عينيه) : هادشي ديال تهريب ، كيكون داخل فيه ݣاع البلدان ،ولكن هدا عليا منين جبتي بلي قضية الاثار داخلين فيها مغاربة؟

– سيف : حتى منكونش تربيتك ، كيعجبني نبقشش ، باش حتى الى طاح فيدي شي ملف ، نكون عارف كيفاش نتصرف .

– جلال : حتى لدابا مزال مبان والو ، من هنا لقدام ماتعرف .

– سيف (تبسم) : غادي نشوفو .

_____
سامية (كضحك) : مالك مصدومة؟ واش ماعجبكش؟

– إيمان(حالة فمها فالمرايا) : أويلي على ماعجبنيش … عمر شعري مكان كيبري بحال هكا ، فن فن واعر بزااف ، وشوفي وجهي … كيبان بحال ديال دراري الصغار .

– سامية (كضحك) : بصحة وراحة ، أنت أصلا فنة متحتاجيش بزاف .

– إيمان (وقفات وضارت عندها) : شكرا بزاف (عنقاتها) .

– سامية : ويلي بالعكس متݣوليش هكاك ، سيري لبيرو انا نشوف لبنات ونجي عندك .

– إيمان (تبسمات ليها) : واخا .

_____
#اليونان
– واخا كيبان مبرد ، ولكن من الداخل ديالو كيغلي :
– كانت فسما اتحضرها كانت فالارض أتحضرها … فؤاد مدخلش عليا الى مالقيتيهاش منبغيش نشوف وجهك … مكايهمنيش لا لملكة لا زفت ، بغيت عالية تكون عندي هنا ولا قسما بالله نهارك مطلع فيه شمس .

_____
خرجات من الصالون ، حلات طوموبيلتها بغرور يلاه اتسد الباب وبدا تيليفونها كيسوني :

– صوفيا (بعجرفة) : وي .
– جاها صوت رجولي جداب ولعوب :
– دغية نسيتيني؟

– صوفيا(غوبشات منين عرفاتو شكون هو) :
– شنو بغيتي ؟

– توحشتك بزاف .

– صوفيا : نسيتي راسك بلي راك مزوج ، وببنت خالتي ولا نفكرك .

– انت لي وقيلة نسيتي بلي أنت اول حب ليا ، ونسيتي بلي فضلتي ولد الهاشمي عليا ،وضد فيك تزوجت ببنت خالتك ولا نفكرك .

– صوفيا(تنهدات) : شنو بغيتي دابا فاش عينك؟

– عيني فيك انت وبغيتك أنت .

– صوفيا : واش حماقيتي؟ نسيتي بلي حنا بزوجنا مزوجين .

– وبزوجنا مافرحانينش فهاد الزواج .

– صوفيا(كتحاول ماتأترش بيه) : كريم أنا (قاطعها)

– عيون كريم وروح كريم .

– صوفيا : هادشي لي كدير فيه ماشي هو هداك .

– كريم : صوفيا ، نساي راسك واخا … هاد سيمانة انكون فالمغرب بغيتي ولا كرهتي أنشوفك منقبلش تݣولي ليا لا ، بغيتك توجدي ليا راسك ، كنبغيك بزاف …جوتومبغاس ماشيغي .
– قطع معاها خلاها ساهية ، تبسمات بلاما تحس .. حطات تيليفون ديالها جنبها ديمارات طوموبيل ديالها مخدمة الموسيقى وساهية فكلام كريم ليها .
#يتبع
_____

– وهالاحبة أيرجعو يتلقاو ، حتى صوفيا مساهلاش؟ شكون هذا لي باغي يلقى عالية ومعتمة بيها حتى لهاد الدرجة؟ أرائكم كبيداتي زعمة ماتوحشتونيش والو 😟✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء84 :
– شامة ( شدات لجنيد فدراعو كتلهت) : واخا نسولك؟

– جنيد ( كيشوف ليها فيدها) : حيدي يدك وهضري .

– شامة : شنو درت فحياتي حتى نتبلى بهاد البلوة ؟

– جنيد (طلق من يدها وكمل المشية) : حتى نعرف انا براسي اش درت فحياتي ، حتى بلاني بيك ربي عاد نجاوبك .

– شامة (هزات حاجبها ) : علاش كيجيتك بسلامة(بزربة وقفات قدامو) علاش كيجيتك ، مافهمتش انت مالك من نهار شفتيني وانت ماهواش ، ماعرفتش علاش مدايرش بحالك بحال خوتك(ڤيبرا حاجبها جوج مرات) .

– جنيد (ببرودة كيشوف فعينيها) : ما فرق ربي الريوس حتى كل واحد وكيفاش كيفكر ، دابا غير كتعطلي فينا (ڤيبرا حاجبو جوج مراتو، تخطاها وكمل طريقو) ، وقفات متبعاه بعينيها .

– شامة : أستغفر الله العظيم وأتوب إليك ياربي تصبرني .
– حدرات راسها وتبعاتو ، جنبها جنبو من محال لمحال كيقلبو على السيد مول لافيراي .

– جنيد : شنو سميت خونا ؟

– شامة : العطار
– جنيد(شاف فيها) : كيفاش العطار ماشي هادي هي سمية لي عطاني جلال ؟

– شامة : هكا كنعيطو ليه فالحومة ، وهادشي باش معروف .

– جنيد (مجاوبهاش وقف عند واحد السيد عندو محال ديال لافيراي) :
– سلامو عليكم .

– وعليكم السلام أسيدي أش حب الخاطر ؟

– جنيد : الله يخليك واحد السيد عندو محل هنا ديال لافيراي ، سميتو العطار كتعرفو؟

– الرجل(ماعجبوش الحال) : لا مكنعرف حتى واحد بهاد السمية .

– شامة(غوبشات) : راه عارفينك عارفو ، اخايف لا يدي ليك الكليان ، باز راه كل واحد ورزقو مالكم فيكم كترت السم الله يستر ، مكتبغيوش الخير لبعضياتكم .

– الرجل : الالة سيري فحالك عطيني التيساع ، صباح زين هذا .

– شامة : على هاد السم لي فيكم ، داكشي باش ربي مامسهلش عليكم ، وكتݣولو الحركة ميتة كون كانو قلوبكم صافية ، كون ربي فاتحها فوجهكم ..

– جنيد (كيجر فيها ) : واش انت فينما مشيتي كديري شوهة ، صافي براكة .

– شامة(هزات عينها فيه) : واش شفتيه ، بنادم محسوس أبوحدو اصلا كداب(ضارت لعندو واخا فاتو) أنت كذاب كاين شي واحد مكايعرف خوه فالحرفة وفسوق واحد ،زرعو فقلبكم شوية ديال المحبة ونتوما أحاضيان بعضياتكم ، تفو على بشار كيف داير ( نطرات يدها منو) صافي أطلق مني حتى أنت .

– جنيد(كيخنزر فيها بصرامة نطق) : قسما برب المعبة وتزيدي كلمة وحدة ،أنهزك من رجليك نلوحك فالكوفر نتهنى من صداعك .

– شامة (كتخرج فعينيها) : واش نسكت على الحق ، راه هذا هو طبع البياعة وشراية الله يحسد ، تكول أيتقداو الكليان من الدنيا . كتهضر وتهضر فالاخر لقات راسها كتهضر غير بوحدها .

– شامة (كتركد بوحدها) : ديرها فين تجيك أمنخار السلوݣي.

– جنيد(لواحد السيد ) : سلامو عليكم أسيدي عفاك واخا نسولك ؟

– أه أسيدي مرحبا .

– جنيد : واحد السيد كيبيع هادشي ديال لافيراي ، راه قديم هنا كيݣولو ليه العطار .

– خلطات عليه شامة وقفات حداه .

– أه العطار الحانوت ديالو اللور ، ولكن راه مكاين ساد هادي يوماين .

– جنيد : ماعرفتيش ايمتا ايحل ولا شي حاجة بحال هكا؟

– مشا باش يزوج البنية ديالو ، موحال واش يحل هاد الأيامات .

– شامة : ماعرفتيش فين جات دارو الله يرحم بيها الوالدين ؟

– أبنتي دارو هو ماشي هنا فكازا ، دارو فقنيطرة فالعروبية الغرب أبنتي .

– جنيد : واش العروبية بضبط ؟

– أه فالعروبية بضبك ، راه اتوصلو تما تسولو على العطار معروف بزاف أيوريوه ليكم يديوكم حتى لدارو .

– جنيد : الله يرحم بيها الوالدين أسيدي .

– خرجو من عند السيد غاديين :
– شامة : شنو انديرو دابا خاصنا نمشيو لعندو؟

– جنيد : أنݣولها لجلال بعدا هو الأول نشوفو شنو أيكول ، واخا راه باينة أيبغينا نمشيو .

– شامة : سوني ليه سولو .

– جنيد : بلاتي ماشي دابا ، خرجو من السوق بانت ليهم طوموبيل ضاسية عادية واقفة ، او واقف حداها سمير . جا نيشان عند جنيد مد ليه السوارت ومشا .

– ركب جنيد وشامة حداه ، قبل مايضيماري جبد تيليفون وسونا لجلال :

– جنيد (من صوتو طالع ليه الدم) : قسما بالرب العالي نشوفك ݣدامي ندفن حي اخالي .

– جلال : أش واقع؟

– جنيد : لا ماواقع والو ، هاد الق…..وي كامل وماوقع والو ، باغي نرتاح مع ك…ي نوض قلب على العطار ولا لخرا .

– جلال : جنيد براكة من الالغاز طلقني مامساليش .

– جنيد (عاود ليه كولشي) : ضبر لينا كيفاش نمشيو ، حتى لبلان ديال هاد طوموبيل مامسوݣرش .

– جلال : كون هاني سمعني غدا إن شاء الله ….

#يتبع
______
جنيد صافي بدات طلع ليه الجنية لسطح ، شنو غادي يوقع وكيفاش حتى غادي يمشيو وممكن يكونو مراقبينهم من كاع الجوايه ؟ أرائكم حبيباتي✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء85 :
– #الڤيلا
– ݣالس جنب لاپيسين ، هاز واحد الألبوم ديال تصاور كيشوف فيه .

– هبطات من الفوق كتقلب عليه ، تلاقات مع ليلى :
– زينب : ليلى ماشتيش توفيق ؟

– ليلى : كاينة فجردة .

– زينب : صافي ابنتي سيري الله يرضي عليك ، خرجات زينب لجردة بان ليها ݣالس ، مشات عندو نيشان … تحنات باس ليها راسو وݣلسات حداه .

– توفيق (تبسم وباس ليها يدها) : إيمتا جيتي ؟

– زينب : يلاه دابا واحد الشوية ، مكانتش شيحاجة مهمة نديرها فالجمعية ، فين سي علي ؟

– توفيق : كان معايا وطلع لفوق يرتاح .

– زينب (شاف الألبوم) : علاش جبدتيه ؟

– توفيق ( ضحك) : وعلاش كتسولي ، بغيت نوجد واحد الحاجة لنور حياتي ، عند بالك نسيت ؟

– زينب (كضحك حشمانة) : عارفاك مناسيش وعمرك مانسيتي ، ولكن مزال الحال باقي 10يام .

– توفيق : حلي عينيك سديها ها 10 يام دازت .

– زينب (تنهدات تنهيدة طويلة) : سبحان الله اتوفيق ، شوف شحال قلبنا على فوزية حتى عيينا ، ومالقيناهاش … ودابا بنتها وراجلها هاهوما عندنا .

– توفيق (تنهد) : وياااه الصدف ازينب ، والمكاتيب … حاجة وحدة لي كنتمنى والله ، كنتمنى الله يحفظ هاديك البنت ، طاحت فبالي وحد الحاجة وماعرفتش شنو رأيك فيها .

– زينب : انا قابلة ، بلاما تسولني .

– توفيق (بإستغراب) : شنو بغيت نݣول يلاه؟

– زينب : بغيتي تݣول يبقاو معانا ، هنا مزال راضين ليهم البال … مغايقيسهم حد اقل حاجة بعدا كاين جنيد وجلال ودراري … واخا تبارك الله شامة كتبان واعرة ومكتسمحش فحقها ولكن هادي أقل حاجة ..

– توفيق : بصح هادي أقل حاجة نديروها على قبل فوزية الله يرحمها ، غير بينما دازت هاد الموجة وهاد الصداع لي نايض دابا … نعرفو بلي لا لبنت لا باها راهم بيخير وعلى خير .

– زينب : هادشي لي فكرت فيه حتى انا ، شامة كتفكرني غير ففوزية عقلتي ، تلصراحة توحشتها بزاف(تحجرو ليها الدموع فحلقها حابساهم غير بصح) .

– توفيق (شد ليها فيديها) : كنحمد الله لي جابك فطريقي ، كتفهميني كتر من أي واحد خور ، وحنينة وقلبك مكاينش بحالو ، لهلا يحرمني منك .

– زينب (تنهدات ) : أمين ياربي ، ولهلا يحرمنا منك لا انا لا ولادك .

– توفيق : أمين أمين .
______

– راكب فطوموبيلتو كايهضر فتيليفون :

– هي دار عمرات وصافي ، كاين شي زين ولا والو؟

– زياد : بهاء نقص شوية من ضسارتك أصاحبي، راه ريحتك عطات .

– بهاء : ضسرتي البعلوك ، هكا ناس كيهضرو مع خوتهم الكبار ..

– زياد : لي سمع كبر مني يبات هربان ، راه فايتني أبعماين أساط ولا نسيتي ، من الاخر شوف شي بلان كيفاش دير … شري شي ورد ولا شي شكلاط ولا شي تخربيق باش تراضي الواليدة ، راه مقلقة منك وبيني وبينك ، مدرتي فيها مايتلبق …خوك شحال ماشفتيه اجيتي سلمتي عليه وانت تعلق ، يوماين وانت غابر على دار ، قسما برب حتى ايخرجو عليك ..

– بهاء : صافي صافي صدعتيني فك….ي ، انا نشوف كيفاش ندير الله يعاون تلاح . قطع معاه لاح التيليفون وقف الطوموبيل قدام واحد البوتيك ديال الورد ،نزل هز معاه البزطام وتيليفون ، ودخل .

– بهاء : بونجوغ .

– وي بونجوغ

– بهاء(كيشوف فيها بإعجاب) : اول مرة فحياتي كنشوف ورد كيبيع الرد (مشات عينو للبادج لي نازل من عنقها) أحلام ، أحلام او الورد والجمال ، صراحة عندي الزهر .

– أحلام ( كتبرد فراسها كتحاول ماتعصبش وهي مالقات هاد الخدمة غير بالكشايف) : وي سيدي شنو حب الخاطر؟

– بهاء : أنا لي خاص نݣوليك لالة الغزالة ، صراحة كون فخباري بلي بحالك خدامة فهاد المحال كون جيت من شحال هادي .

– أحلام ( بدات القردة كطلع ليها) : الى ساليتي ممكن تكول ليا الطلب ديالك ؟ ورد بيض أحمر ولا ميلونج ؟

– بهاء (مزال مستمر فالغزل ديالو) : الصراحة فاش كنت جاي كان فبالي نوع معين ، ولكن فاش شفتك صراحة دخت ومابقيتش عارف شنو ناخود .

– أحلام : مكاين باس أسيدي ، حتى تفكر على خاطر خاطرك وانا فالخدمة ، رجعات لخدمتها دايراه مكاينش ..
– بهاء : عرفتي شنو ، عطيني على دوقك شنو بان ليك .

– أحلام (رجعات وقفات) : يقدر دوقي مايوالمكش أسيدي .

– بهاء (كيطلعها ويهبطها) : هاد الجمال كلو ومايوالمنيش ، بالعكس أيولمني وبزااف ، (قرب لعندها) معاش كتخرجي من هنا؟

– أحلام (بإستغراب) : علاش؟

– بهاء : قلت نعرضك لعشا شنو بان ليك ، نسهرو فبلاصة زوينة أتعجبك بزاف شنو بان ليك؟

– أحلام(بصرامة) : سمحليا مكنخرجش

– بهاء : أيعجبك الحال بزاف

– أحلام(صعرات) : شوف أخونا فزيتونة ولا ماعرت أش كتكون كاع ، الى كنتي انت ولد بابي ومامي انا راه بنت حي شعبي ، وسير ݣلب عليا ولا مغاديش يعجبك حال ، يحسابليك أضحك عليا بجوج كلمات بالفرونسي راه اندوخ ، يا تݣول أش بغيتي … يا دور مع الباب .

– بهاء(ماعجبوش الحال) : لباس عليك لي واحد بحالي شاف فيك ، تقح….ين ديال والو ، دايرة فيها شريفة العفيفة .

– أحلام (بان ليها ڤاز عامر بالما هزاتو وخواتو ليه على وجهو) : كيجاك التقح…ن دابا واعر ، وشريه قبل ماتشوف شيحاجة ماتعجبك.

– بهاء(مارضاش ولا كلو كيقطر بالما) : الى ضربتي مزال ضربة فهاد الخدمة منتسماش .

– أحلام : لمخير فعودك سرجو وركب عليه ، وضور بيه مع دورة .

– بهاء : عقلي على هاد الوجه مزيان .

– أحلام : واه واه سمعناك ، خرج بهاء من عندها ماراضيش كولو كيغلي وكيتحلف عليها .

– أحلام : تفو على صباح كيف داير ..(خرجات من الكونطوار هزات الجفاف وبدات كتمسح فالما لي كبات ) .

#يتبع
____
بغا يديرها بأحلام قدييييمة 😂😂✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء86 :
– #مصر
– ݣالسة فوق كورسي هزاز ، كيمشي بيها ويجي … مقابلة مع واحد الصورة قديمة بزاف .. حداها كانت شاعة العافية فواحد المجمر صغير … راجعة براسها اللور ومبسمة كتمشي وتجي بالكرسي وساهية ، ملامحها كانو زوينين بزاف ، كتبان عليها واحد النخوة او واحد الهيبة فشكل ، تنهدات تنهيدة طويلة … تسمع صوت الدقان فالباب .. دقات متابعة بكل هدوء ناضت هزات ديك الصورة باستها بوسة طويلة ، ورماتها فداك المجمر بقات واقفة حداها متجاهلة الدقان حتى مابقاش كيبان صورة غير الرماد ، تنهدات بمل راحة ومشات جيهت الباب تحلو .

_____
#طنجة
#الڤيلا
– فبيتها ، فوق نموسيتها حاطة الپيسي قدامها … عينيها كيبريو وهي كتشوف فتصاور لي قدامها .. قفزها صوت الباب لي تدق وتحل ، بزربة سدات الپيسي وهي متوترة .

– فرح (بإبتسامة متوترة) : ماما

– شمس : بنتي ، هبطي ݣلسي معانا ، لاش ݣالسة بوحدك هنا ؟

– فرح : لا والو ،كنت ناعسة يلاه فقت واحد الشوية دابا .

– شمس(بشك) : انت مزيانة أحبيبة ؟

– فرح : اه علاش؟

– شمس(ݣلسات حداها) : والو ابنتي غير سولتك وصافي ،حيت بنتي ليا فشكل وصافي .

– فرح ( شدات ليها فيدها) : أنا بيخير وعلى خير ماديري والو فبالك أمامي .

– شمس(طبطبات ليها على يدها) : الله يزيد فرحاتك أحبيبة ديالي ، يلاه ماتبقايشاي بوحدك هنا … نزلي لتحت عاونيني على باباك .

– فرح(كضحك) : واخا صافي ، يلاه أتخرج شمس ورجعات وقفات ، ضارت عندها .

– شمس : فرح (سكتات ) صافي والو ابنتي يلاه متعطليش باش نتعشاو اونسومبل .

– فرح : واخا انا جايا . هبطات شمس ، غير تأكدات انها مشات ورجعات حلات الپيسي ، تنهدات تنهيدة طويلة كدوز يديها على الشاشة بحب وشوق .

– فرح : قريب نشوفك أحبيبي قريب …
_____

راكبة معاه وشادة حناكها :

– شامة : وقتلنا اجوع ، شد لينا أسايكوك وناري ياربي … من صباح وانت كتخيط بيا الدروبة ، اخويا بغيتي تقضي صوالحك ، حطني نشد الطوبيس وسير انت .

– جنيد ( وقف بجهد حتى مشات وجات ، ضرب الڤولون بيدو ، ضار عندها كيشوف فيها شعرو مغطي عينيه، جرها من وجها شدهم بيديه ، مقرب وجها لوجهو ، كيهضر من تحت سنانو) : واش مكايناش شيحاجة تسكتك انت ، واش مكتقاداياش وطلعتي ليا فك…ي الخرا وا س ك ت ي ن ا ، ق ط ع ي الحس (صدرو كيطلع ويهبط) ، سكتات مجاوباتوش حدها كتشوف فيه ، هو كيشوف فيها وهي كتشوف فيه ، شوية بشوية بدا كيرخي يديه وكيقرب وجهو من وجهو ، شفافو كتهبط شوية بشوية لجهة شفايفها ، يلاه أيبوسها كيسمع الدقان فزاج ديال الطوموبيل ، طلقها دغية تقاد فالݣلسة ،ضار مغوبش كيبان ليه واحد الإفريقي كيطلب … حمد الله وشكرو ألف مرة لي قاطعهم ومدارش شي حاجة لي يندم عليها ، هز شي صرف من جيبو حل الواج مدو ليه وديمارا مكسيري ..

– شامة مانطقاتش باقي ماستوعباتش شنو كان غادي يطرا ، ساهية ومغوبشة كتهضر مع راسها ، ( كان غادي يبوسني الحمار الحمار الحمار كان باغي يبوسني ) ..

– جنيد ( كيحاول يتلف ، رجع للبرود ديالو) : انشوفز شي بلاصة ناكلو فيها .

– شامة : لي بغيتي ديرو ، مجاوبهاش نهائيا ومشافش جيهاها كيحاول يتفادة الشوفة فيها ، كيلوم راسو على التسرع ديالو ، كولشي بسبابها هي لي خلاتو يخرج على طوعو بصداعها ، كان عارف بلي الى قبل ودخل فهاد المعماعة مغاديش يرتاح ، وهادشي لي وقع دابا كيبين ليه بلي كلامو صحيح ، كان عليه يرفض مكانش عليه يقبل ويدير بكلام جلال ، مكانش عليه يرجع نهائيا لهنا مابغاش يعاود نفس الغلط مابغاش الماضي يتكرر الماضي لي هرب منو ونساه ومات بنسبة ليه ، خاصو يشوف شي حل ولا غادي يندم طول حياتو .

#يتبع
_____
اشمن ماضي هذا لي مأتر على جنيد ؟ شنو السر لي مخبيه وخايف المستقبل يرجع يفكرو فيه ، هادشي لي وقع دابا واش أيأتر ايجابيا ولا سلبيا عليه هو وشامة ، واش ايخليهم يزيدو يقربو من بعضهم ولا ايزيد يبعدهم ؟ أسرار واحداث جديدة جاية فطريق حبيباتي خليو ليا أرائكم وتعاليقكم ، أجزائي الخمسة هاهوما ميعادنا غدا إن شاء الله حبيباتي خليت ليكم الراحة أكبيدات 💃🏻💃🏻🔥🔥❤️✨الــــمَــــــــــــــــــــــــاو✨
✍️بقلمي : سناء_الصنهاجي
🔸الفصل الأول : ميدنايت
#الجزء87 :
– #الڤيلا
– إيمان : تعطلات شامة .

– توفيق : يلاه يساليو شغالهم ، واحد سي علي لي منين طلع بنهار لبيت مابقاش نزل .

– إيمان : عمي علي كتعرف ليه غير شامة .

– زينب (شافت فإيمان) : إيمان جاك شعرك غزال أبنتي ، تبارك الله عليك .

– إيمان (ضحكات) : لهلا يخطيك اخالتو زينب

– توفيق : إيمان سمعتك كتهضري مع شامة على الخدمة ، علاش مكملتيش قرايتك مزال صغيرة ؟

– إيمان (تمحات الضحكة من وجها) : خديت الباك اعمي وقريت وراها عامين فلافاك ، ولكن الظروف مخلاتنيش نكمل .

– توفيق : علاش أبنتي ، مهما كانت الظروف مخاصهاش تحبطك ، بالعكس خاصك تكملي .

– إيمان(شافت فتوفيق) : عمي فاش مكتلقاش السند لي يوقف معاك ، والوالدين لي يكونو معاك مكتقدش تكمل .

– زينب : ابنتي الوالدين واخا يديرو لي يديروه .. كيبقاو والدين يقدرو يخاصموك يخافو عليك يغوتو عليك هاديك راه غير من محبتهم ليك .

– إيمان (ضحكات بإستهزاء) : والوالدين اخالتي لي مكاينصفوش ولادهم ، الوالدين لي مكايدافعوش على ولادهم ، الوالدين لي ولادهم تعرضو لتحرش او وقفو ساكتين ومتيقوهومش .

– توفيق(غوبش) : كيفاش أبنتي؟

– إيمان(بحسرة) : والديا اعمي ماتيقونيش فاش ݣلت ليهم بلي عمي حاول يتعدا عليا .

– زينب (شهقات)

– إيمان : فاش ݣلتها ليهم ، ضربوني وتكرفصو عليا … ماتيقونيش تيقوه هو لي حط عليا الباطل بلي سراقة … حط عليا الباطل بلي كنسرقو وكندي لشي واحد معارفة معاه .. وانا عمري دخلت شي واحد لحياتي ، هلكوني عصا وهو معاهم ، عمي لي من لحمي ودمي حاول يتعدا عليا وغير ربي جا من جهتي ، اما كون وصل لداكشي لي بغا ، اتار الضرب مزال على لحمي .

– توفيق : لا حول ولا قوة إلا بالله العلي العظيم ، اش هاد الزمان ولينا فيه ، العم يا حسرة لي يكون هو الاب الثاني لولاد خوه، يولي هو الذيب لي باغي ياكول ولاد خوه .

– زينب (بأسف) : أبنتي صراحة ماعرفت منݣوليك وحق الله ، حاشا هادو يكونو والدين .

– إيمان : الى مالقيتيش الأمان فداركم ، ومالقيتيش والديك فجنبك يدافعو عليك فين غادي تمشي .

– توفيق : سمعي أبنتي ، مي الله يرحمها فاش كانت بالحياة … كانت دارها بحال الزاوية داخل كتر من الخارج … وكانت كتݣول فينما تحطات يد يتحطو عشرة … حسبي راسك فداركم ماعجبكش داك البيت بدليه … وقرايتك أتكمليها وعلى حسابي ، قولي ليا الوراق لي اتحتاجي (على عينو بان ليه زياد داخل) هاهو زياد ايتكلف .

– زياد (وجهو باين عليه ماعجبوش الحال مقلق) :
– فاش أبابا؟

– توفيق : إيمان اترجع تكمل قرايتها ، شوف معاها اولدي الوراق لي غادي تحتاج ، وسير معاها ونضي الأمور .

– زياد : واخا كون هاني

– إيمان : عمي(قاطعها)
– توفيق : يلاه قلتيها بفمك عمي ، وصافي ديك الهضرة ديال لا ولا بلاما تعدب راسك مكاين لاش . سكتها بكلامو .

– توفيق(بصرامة) : عندك شي خبار على خوك ؟

– زياد : أه يلاه(جا يكمل كلامو وهو يدخل بهاء فيدو بوكي ديال الورد وبوات ديال الشكلاط .

– هاهو جا .

– توفيق مع دخل مع وقف (بصرامة) تبعني .

– بهاء : بابا(قاطعو توفيق)
– كتليك تبعني .

– زياد (كيحرك ليه راسو بمعنى قفرتيها).

– بهاء (مد الورد وشكلاط لماماه باس ليها يدها) (شاف فإيمان) انا بهاء من بعد ونتعارفو ، مشا كيجري تبع باه قبل لا يسمع كلام كتر من داك لي أيسمعو ليه .
#يتبع
_____
علم الله شنو أيكول توفيق لبهاء؟ وعلاش زياد مقلق ومعاجبوش الحال؟ …

Leave a comment