Skip links

 5,226 عدد مشاهداات

▪️حصريـــاً على قصص ستار▪️

✨ الــــمَـــــــــــــــــــــــــــــاو ✨

▪️✍️بقلمي : سناء الصنهاجي

🌒 في منتصف الليل تغير قدري 🌒

هو يقول : أشهد ألّا امرأةً مارست الحبّ معي بمنتهى الحضارة ، وأخرجتني من غبار العالم الثالث إلّا أنت ، أشهد ألّا امرأةً قبلك حلت عقدي وثقّفت لي جسدي ، وحاورته مثلما تحاور القيثارة ، أشهد ألّا امرأةً إلّا أنت ، فأنت مثل حبة الكافيين تخدر حواسي ..

هي تقول : أنا امرأة لست ككل النساء ، خلقت من الكبرياء علمت الرجال معنى البكاء ، وكبريائي وصل حدود السماء…

هو يقول : تبتسمين فيفقد الليل وعيه ، ويكتم القمر تنهده ، ويسقط من السماء نجم…

هي تقول : لا تسألني عن الندى فلن يَكون أرق من صوتك، ولا تسألني عن وطني فقد أقمته بين يديك، ولا تسألني عن إسمي فقد نسيته عندما أحببتك…

هو يقول : أيتها الأنثى التي في صوتها تمتزج الفضّة بالنّبيذ وبالأمطار ، ومن مرايا ركبتيها يطلع النّهار ، ويستعدّ العمر للإبحار، أيتها الأنثى التي يختلط البحر بعينيها مع الزّيتون ..

هي تقول : التمرد شعاري و الكبرياء سلاحي و الذكاء قوتي…
فكيف يمكن لدخيل.. أن يهدّمني؟؟؟؟

🍃للقارئة

عزيزتي القارئة خُلِقتَ لنَفسِك أولاً وليسَ للعَابِرين ، فيَجِب عَليك أنْ تتَلذّذي بنِعمَةِ الإكتِفَاء بذَاتِك.. لأنك تستحقين الافضل .

تذكري دائما ان كـــرامتكي و عزة نفسكي فوق الجميع . . . . فلا أحد يستحق ان تذلي نفسكي ولو للحظه من اجله .. فكوني أنثى ليست ككل النساء .

.
“إهداء” ❤
القصة هي إهداء لأي لهجاتية متفاعلة معانا … لأي وحدة داخلة لعالم القصص تكتاشف الخبايا…. لأي وحدة باغا تنسى معاناتها و الغوص في عالم الإثارة و الغموض .. عالم التشويق و الحب الأبدي …

– اللحظات الجميلة كتكون سريعة وقصيرة وقد لا تتكرر،
فدعونا نعطر أيامنا بقصة لا يمحوها الزمن لتترك داخلنا أجمل وأعذب الأوقات…

⛔⛔ هاد القصة بالذات مزيج من الجرأة ، كتحمل خليط من التشويق و الكوميدية، و أكيد جرعة كبيرة من الحب و الرومانسية.

– وأخيرا حبيباتي اللهجاتيات نبغيكم تعطيوني كل ذرة حب كتملكوها ، وتوفيو القصة حقها.. هيا نبذة من الواقع ديالنا .. فيها غنستافدو و نعيشو مع أبطالها قصص و أحداث لي غناخدو منهوم عبر و ناقشو بزاف ديال المواضيع ..#المقدمة
#سناء_الصنهاجي
– وأخيرا ، ها أنا أخاطبكم من مدينة الدار البيضاء، وبضبط من داخل دار التقافة للنشر ، اليوم أحتفل بأبنائي 11 ، أجل رواياتي فهم بنسبة لي أبنائي الصغار، بعد أن أتممت روايتي الحادي عشرة ، التي شهد عليها موقع التواصل الفيسبوك، حضيت بإعجاب الجميع، كيغرها من رواياتي التي كانت تكلل بالنجاح ، اليوم يشهد على نجاحي ، فأنا لم احن اعلم أنه سيأتي يوم واكون متواجدة داخلة هذا المكان، اليوم هو إحتفال لي ولابنائي ، لم أكن اظن أني سأخطو هذه الخطوة ، من بعد عناء طويل وجهد كبير ، من بعد السقوط مئات المرات ، ها أنا أقف هنا ، وأستمتع بطعم النجاح ، كيف لا ، وانا اليوم كاتبة طبع إسمها على رفوف الروايات العاطفية ، بعد عناء طويل ، بعد دموع وأهات ، بعد نزاعات داخلية وخارجية ، بعد غضب وقرار بالإعتزال، أجد نفسي كل مرة وأنا أفكر في رواية جديدة ، لا أدري ماذا أفعل، ولكن حبي للكتابة يتغلب على كل شيء ، اليوم هو يومي ، دار النشر تفتح أبوابها اليوم لزوار ، والمعجبين بقصصي ، منهم من إستمتع بقصصي التراثية، ومنهم من إستمتع بالكوميديا ، ومنهم من وجد نفسه في قصصي العاطفية، منهم من أحب تسلسل أحداثي، وعشق أسلوبي المتواضع، منهم من وجد نفسه في أبطالي رواياتي ، ومنهم كذلك من إنتقد أخطائي، فالكمال لله وحده ، وأي إنسان على وجه الكرة الأرضية ليس معصوما من الخطأ ..
– – قاطع تفكيري طفل صغير ، يحمل في يده قصة من قصصي، على وجهه إبتسامة رائعة تذكرني بشخص ما ، أخدت منه القصة وضعتها أمامي، وعدت له قبلته على خده، وحملته بين يدي ..
– سناء :
– حبيبي شنو سميتك؟
– – جاوبني صوت أنثوي :
– محمد أمين
– – هزيت عيني ، وترسمات على وجهي إبتسامة كبيرة ، حطيت محمد امين من إيدي او وقفت ..
سناء :
– شيماء ..
– شيماء(ضحكات ضحكتها المعهودة، لي عمري مانسيتها) :
– – هي هادي ، عنقتها بجهد ، حيت فعلا توحشتها، كانت اول بطلة ليا، وبيها فتاتحت مساري الكتابي ..
شيماء :
– مبروك عليك ، عرفتي فرحت ليك بزااف، تستاهلي ، كلما كنقرا وحدة من قصصك كنكول ، إيمتا نشوفهم على أرض الواقع ، صبرتي ونلتي ..
– سناء :
– – هههه أه الحمد لله ، فين عصام مجاش معاك؟
شيماء :
– راكي عارفة عصام ، غير وصلنا ومشا ..
– – هاي هاي هاي كتحابو بلا بيا ، مع ضرت لقيت حبيبتي ، شويطينة لي حمقاتني ..
سناء :
– جيتي ، كنا كنتسناو فيك غير أنت ..
– – خزامة :
– مايمكنش نضيع فرصة بحال هادي ، أبدا شديت الطيارة لبارح وهادي هي رجلي من المطار، اتولي تنافسيني فساحة يالالة …
– سناء (كتضحك) :
– – لالا منتقدموش قدامك، قاطعهم صوت ديال العساس، كان هاز واحد البرة فيدو عطاها لسناء او نساحب ..
سناء :
– سمحوليا ، خلاتهم وبعدات، فتحات الرسالة وكانت مبعوتة من ياقوت ، قراتها بكل حب ، كتأمل كلماتها لي كلهم حب ومتمنسات بنجاح وإعتذار على عدم الحضور ، حيت كان شهرها داكشي باش ماقداتش تجي، طوات الرسالة فتحات ساكها وحطاتها فيه ، مع كتضور كيبانو ليها جانا او نجمة جايين مع بعضهم، مشاو عندها نيشان عنقوها، الفرحة لي حسات بيها مع شيماء وخزامة، حساتها معاهم ، نهار كبير ومتميز بنسبة ليها ، وماوقفش غير هنا ، الفرحة زادت ، فاش جات ماريا او وليداتها ، وجات أليف وجسور ، شريهان حبيبة قلبها او مالك لي جاو خصيصا من فرنسا على قبلها، كاع البطلات لي كتبات عليهم سناء كانو حاضرات فهاد النهار المميز ، كانت كتجاوب على أسئلة الصحافة، وعاطية وقتها لمعجبين بقصصها ، كتمضي على روايات لي تم البيع ديالهم ، ومرة مرة كترمي عينها لباب ، بحال إلى كاتسنى فشي شخص، وفعلا داك الشخص هو لي كان ناقص هاد المجمع …
– #يتبع#سناء_الصنهاجي
– تقريبا دازت ساعتين ، ودار النشر كتعمر وتخوى ،وكان ولا بد سناء تاخود صورة تذكارية مع بطلات قصصها، ولكن كانت مزال كتسنى بفارغ الصبر حضور الشخص المميز ، وماهي إلا ثواني معدودة، وقفات جيب فالخضر قدام الباب ، سناء تبسمات والفرحة باينة فعينيها، وقفات وكاتسناها تخرج ، غير بان ليها شعرها الأحمر الناري طل، وهي تمشي تلقات ليها عند الباب ..

– سناء(بعتاب) :
– – كنت خايفة متجيش ..
إيثار(متبدلاتش هي هي) :
– أنت حمقة منجيش ، واخا يوقع لي يوقع نجي(عنقاتها بجهد وباستها) :
– متصوريش قداش فرحت ..
– سناء(كتقلب بعينيها) :
– – فين أسر؟
إيثار :
– لداخل كيهضر فتيليفون دابا يجي ، ندخلو حنا ويتلحق بينا ..
– سناء :
– – كنت عارفاك مغاديش تجيب معاك دراري ..
إيثار ( كتضحك) :
– راه لصقو فبابا وبقاو معاه ..
– سناء :
– – مابقاش الواليد ، ولا بابا هههه

إيثار :
– لا صافي درنا عقلنا دابا، جاوبها صوت رجولي من اللور، وحط يديه على كتافها ..
– غير كتبان ليك مدارت لا عقل لا جوج هي هي، محمقانا لا هي لا ولادها ..
– سناء :
– – زعمة انت مطفرو ..
إيثار :
– أوحو فيك ، هاهيا عطاتك علاش كتقلب ..
– أسر (بضحكتو المعهودة) :
– مبروك عليك أسناء تستاهلي ..
– سناء :
– شكرا بزااف، واتبقاو هنا دخلو، سبقاتهم وتبعوها هوما ، دخلو سلمو على الجميع ، واحد الجو حميمي وزوين بزااف ،واقفة سناء كتشوف فيهم فرحانة ، وهي أهم إنجزاتها وخدمة ديال سينين ، كتشوفها قدامها ، احسن حاجة غادي توقع ليها هيا هادي ، جا وقت ياخدو صورة تذكارية ليهم ، دارو ءماء الوسط ، وهوما ضارو بيها سناء وإنجزاتها 11 ، سورة تذكارية لي اتبقى للابد تفكر بيها هاد النهار لي عاشتو ، وكان من أجمل أيام حياتها .
– وقفات مقابلة معاهم والضحكة على وجها فرحانة بزااف ، وكتمنى من الله يدومها عليها فرحة ..
– شكرا بزاف حيت كنتو معايا، وحتى لي ماحضرش وتفكرني شكرا بزاف، كان أحسن نهار فحياتي صراحة ..
– إيثار :
– بالعكس كونماشي انت ، مغاديش نكونو هنا ، ومغاديش نكونو مجموعين، الشكر والفضل لكبير كيرجع ليك انت ، وبإسمي وإسم أسر والبنات كاملين لي حضرو بغينا نعطيوك هاد الكادو(شدات ليها فيديها، سناء الدهشة وترقب على وجها) ، خرجاتها على برة وكانت واقفة رونج فلون البوردو ..
– سناء (بدهشة) :
– لا كتفلاو عليا واش ديالي ليا ؟
– إيثار :
واش حنا كنتفلاو هنا ههههه بصحتك وراحتك ، ضارت سناء عندهم ، كتشوف فيهم بحب ونظرات الشكر والإمتنان على وجها ، عطاتها السوارت إيثار وعنقاتها، شكراتهم وحدة بوحدة ، وجا الوقت لي كل وحدة فيهم ترجع ، بدا الحضور كيمشي واحد بواحد ، وأخر وحدة بقات ، هي إيثار :
– الإتصال بيناتنا بوسي لي رؤية
سناء :
– ضروري
– إيثار :
– وخرجي لينا شي تحفة من دوك ليديدات، بغيت نقرا الجديد

سناء :
– كوني هانية، قريب .
– سونا ٱسر لإيثار كان خاصهم يمشيو ، عنقاتها سناء وشكراتها حيت جات وكانت معاها فهاد النهار هدا، وبقات هي آخر الحضور ، صراحة قريبة منها بزاف وغلاوتها خاصة ، مشات إيثار، رجعات سناء لورا المكتب لي كانت ݣالسة عليه فللأول ، تنهدات تنهيدة طويلة وتبسمات إبتسامة فرح وإفتخار ..
#يتبع#سناء_الصنهاجي
– ركبات إيثار مع أسر ، دارت السمطة، وشدو الطريق ، ضار عندها كيشوفها ساكتة على غير العادة ديالها …
ٱسر :
– سبحان الله شفتك ساكتة!!
إيثار(ضارت شافت فيه بإستغراب) :
– هههه علاش مالي؟!

أسر :
– حيت مراتي غير كتركب حدايا مكتزݣاش، ومكتݣلسش، هادشي لي دخلني فيه الشك ..
إيثار (ضحكات) :
– غير حيتاش فرحانة وصافي ، فرحانة بزااف حيت شفت سناء وصلات ، تستاهل ، عرفتي شحال داز عليها ، والحمد لله حققات أحلامها ..

أسر (كيشوف قدامو) :
– حاجة مزيانة هادي ، حتى انا صراحة فرحت ليها ، تستاهل ..

إيثار(عقدات غوباشتها كتخنزر فيه ) :
– أداك الشلاهبي ، كنتي غادي تنسيني، دوزني ناخود ناموسية لتوم ..

أسر :
– كنت عارف بلي مايمكنش تكلسي وديري عقلك أبدا، ضروري تخرجي بشي (قاطعو صوت تيليفون ديالو لي بدا كيسوني) ، هز التيليفون ، شاف النمرة غريبة نيݣاتيف ديال أمريكا ..

إيثار (بإستغراب كتشوف فيه) :
– مالك جاوب شكون؟

أسر (بإستغراب) :
– ممقيداش عندي هاد النمرة ..
إيثار :
– جاوب ماتعرف ياكما معيطين ليك من الخدمة ..

أسر :
– حبيبة واش كتبغي تكلخي ولا كديريها بلعاني، كنكوليك نيݣاتيف ديال أمريكا كتكولي ليا الخدمة ؟!

إيثار (صغرات عينيها) :
– دابا أنا مكلخة ياك ، إيوا سبحان لي مايسهى وماينسى، بقا حاضيني وهاهو قطع ..

أسر :
– لي بغاني ايرجع يعيط ، إيثار قلبات وجها مجاوباتوش ..
أسر :
– هاهيا هزات زنافرها لسما تاني ، صافي ضحكنا معاك مديريش من الحبة قبة ..

إيثار (ضارت شافت فيه بنص عين) :
– ديرها يغرق فيها جمل ، وݣوليا أضحكت معاك أحبيبة، قاطعهم سونيت ديال التيليفون من جديد ..

إيثار :
– جاوب شوف شكون ، خليه يسوني تاني حتى يقطع ، من غير الى كنتي داير عليا شي وحدة فأمريكا وخايف لا تحصل ..
أسر (مداهاش فيها ، دار للكيت فودنو وفتح الخط) :
– ألو .. ، إشراق نقصات من الموسيقى وطلقات ودنيها لا تكون شي وحدة ..
أسر (كيضحاااك) :
– النمرووود ، فين أصاحبي توحشناك(كيشوف فإيثار بنص عين) كيفاش بلانك من نهار دفنوه مابقاو زاروه ، (بإستغراب) واااايلي متݣولهاش؟!!!

إيثار(ضرها راسها كتأشر ليه بيديها بمعنى شنو واقع، خنزر فيها أسر مداهاش فيها، دورات وجها لزاج وطالقة ودنيها) ..
أسر :
– هي ݣول درتي بحالي وصافي ..
– أواااه (ضحك ) ولايني راك نمروود نييت ، إيوا خويا بصحتك شاپو ليك ، ضروري نشوفك ضروري يلاه بيناتنا تيليفون يا أخي ، قطع الخط وهو كيضحك ..
#يتبع ..#سناء_الصنهاجي
– شافت فيه إيثار ، مارضاتش تسولو ..

أسر (كيشوف فيها بنص عين) :
– غير سولي ، من عينيك باين بلي ضارك راسك وبغيتي تعرفي شكون ..

إيثار (كتعيبو) :
– باين بلي ضرك راسك وبغيتي تعرفي شكون ، زعمة انا برݣاݣة وفضولية هادشي لي بغيتي تݣول؟

أسر(بإستغراب) :
– حبيبة جاتك حق الشهر هاد الشهر ولالا؟

إيثار (علامات التعجب على وجها) :
– لا علاش كتسول؟
اسر(ضحك وضرب بيدو على الڤولون) :
– وانا كنكول مالك غير معصبة، حبيبة ديالي خاصك ديري تيست بحال والو تكوني حاملة ..

إيثار :
– وايلي على (سكتات ، كتفكر بلي هاد الشهر فعلا تعطلات عليها لغيݣل ، ولات فشكل وغير كتلاحظ زعمة تكون بصح حاملة ) …

أسر :
– شفتك سكتي !!
إيثار (شافت فيه) :
– زعمة يكون بصح ..

أسر(فرحان وعاجبو الحال) :
– كولشي ممكن أحبيبو ، مخاسرين والو غدا نديك ابب لطبيبة ونشوفو …
– إيثار خنزرات فيه ودورات وجها كتبغم :
– على هاد الكره لي فيا من جيهتك هاد الساعة وماحملاك باينة غير أنتسخر ليك ونرجع …
////
وقفات طوموبيل فالكحل قدام باب دار النشر ، واقفة سناء هازة كتاب او واحد الملف وساك ديالها ، شافتو نزل من طوموبيل ، تبسمات بعتاب ..
– تعطلت عليك ياك ؟(خداها فحضنو وعنقها) ..
سناء :
– شوية وصافي ..
– سمحيليا أحبيبة ديالي أخر مرة وعد ، أمع طريق وزحام راكي عارفة ، مشينا ؟

سناء :
– لا بلات(جبدات سوارت من ساكها ومداتهم ليه ) ..
– ديالاش هاد سوارت
سناء (كضحك) :
– ديال طوموبيلتي(أشرات ليه براسها لجيهت رونج)
– واووو مبروك عليك أحبيبة، ومنين جاتك؟

سناء :
– إيثار ولبنات خداوها ليا كادو ..

– دابا طوموبيلتي غادي ترتاح منك حمدتك ياربي وشكرتك (كيضحك)
سناء(ضرباتو لكتفو) :
– باااز دابا كاعما انبقى نطلبك عليها عندي ديالي ولون لي كنبغي ..
-(شاف فيها وعينيه كلهم حب) :
– تستاهلي ماكثر احبيبة ديالي ، أنت غالية وقلبك بيض وتستاهلي كل حاجة زوينة فهاد الدنيا ..

سناء (تبسمات) :
– وأنت من بين الحوايج لي زينات حياتي ودنيا ديالي ، ويلاه نمشيو راه توحشت بنتي ..
– (مد ليها سوارت) :
– هي الالة الى سݣتي أنت بينا وديتينا لدار ..
– ضحكات سناء شدات من عندو السوارت وركبو فطوموبيلتها الجديدة ..
سناء :
– وطوموبيلتك ؟
– انرجع ليها اغير هنينا ، دارو سمطة بجوج ، ديمارات سناء وشدات الطريق لدار ..
/ / / /
من بعد نهار طويل ، ومن ورا مارجعات لدار وطلات على بنتها ونعساتها ، ستأدنات منو بكل حب ، ودخلات لخلوة ديالها الركن فين كترتاح وكطلق لمخيلتها العنان ، وكتسرح بخيالها ، كلسات على الكرسي ديالها المريح ، الضو ديال القمرة مع الضو ديال الڤيوز لي حداها عطات إضاءة هادئة ، تحسسات عنقها لي كيتدلا منو سنسلة مدهبة على شكل ٱلة كاتبة ، جاتها كادو فعيد زواجها الأول ، تنهدات تنهيدة طويلة وصباعها قادو الأوراق على الٱلة الكاتبة لي قدامها ، وبخبطات هادئة بدات كتكتب :
– بداية ولادة إبنتي الثانية عشر ..
بقلمي أنا : سناء الصنهاجي
بعنوان : الــــمَــــــــــــــــــاو …
#نهاية_المقدمة

الاجزاء القصة :

قصة : الماو (ميدنايت) ج 1

قصة : الماو (ميدنايت) ج 2

قصة : الماو (ميدنايت) ج 3

قصة : الماو (ميدنايت) ج 4

قصة : الماو (ميدنايت) ج 5

قصة : الماو ( نهاية الفصل1 : ميدنايت) ج 6

قصة : الماو(كافيين) ج 7

قصة : الماو(كافيين) ج 8

قصة : الماو(كافيين) ج 9

قصة : الماو(نهاية الفصل 2: كافيين) ج 10

 

متجددة لحين انتهي من اعداد جميع الاجزاء. 

اترك تعليقا