Skip links

 4,240 عدد مشاهداات

‏🔥 Exclusively 🔥

⛔قــــصـــــة قــــــصـــــيـــــرة ⛔

⚖️ تـــحـــت عـــنـــوان ⚖️
🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

‏If I had been able to give you my eyes, I would place them in your hands, and if I had the right to give you my heart, I would take it from my chest to you, and if I had to give you my life I would put my days under your feet

لو كُنتُ أملكُ أن أهديكِ عيناي لوضعتهما بين يديكِ، ولو أملك أن أهديكِ قلبي لنزعته من صدري إليكِ، ولو أملك أن أهديكِ عمري لوضعت أيّامي تحت قدميكِ ….

‏laytani kula shay’ tahibuh ‘ant
‏It does not matter how long I have left, the important thing is that the whole life is with you. I want to be a beautiful thing in your life that puts a smile on your lips whenever it crosses your mind. I wish everything loved you

لا يهم كم يبقى لي من عمر المهم أن العمر كله أبقى معك. أريد أن أكون شيء جميل بحياتك يرسم على شفتيك الابتسامة كلما خطرت على بالك. ليتني كل شيء تحبه أنت ….

‏One day, you may gain what you lost in your entire life. As for after you, I will not love anyone after you, but before, I basically did not know love except for you. It is nice to be a valuable thing for someone who fears losing you one day

قد تكسب في يومٍ ما شخصاً يعادل ما خسرته في حياتك كلها. أما بعد فلن أحب أحداً بعدك، أما قبل فأنا أساساً لم أعرف الحب إلّا بك. جميل أن تكون شيء ثمين لدى شخص يخاف فقدانك يوماً …

‏The important person in your life is not the person you feel exists but the person you feel absent. If I saw how to tell strangers about you, I would have tried to stand in strangers’ queues to love yourself from my talk. You have bound me with you even if you are not present.

الشخص المهم في حياتك ليس الشخص الذي تشعر بوجوده ولكنه الشخص الذي تشعر بغيابه. لو رأيت كيف أحكي للغرباء عنك لحاولت أن تقف في طوابير الغرباء لتحب نفسك من حديثي قيدتني بك حتى وإن لم تكن موجوداً أستشعر طيفك معي مهما كنت بعيداً …

‏Love is to be satisfied with you and never be satisfied with you. I loved you so much that when you are away from me you miss everything. If love were words to be written, my pens would have ended, but love was souls that were granted, so is my soul sufficient for you?

الحب أن أكتفي بك ولا أكتفي منك أبداً. أحبتتك جداً لدرجة أنّه عندما تغيب عني يغيب معك كل شيء. لو كان الحب كلمات تكتب لانتهت أقلامي لكن الحب أرواح توهب فهل تكفيك روحي …

‏All I want is for you to stay in my life forever. I loved you if it turned into water, it would flood the entire world. With you, I can be myself without making or complimenting you, love me as I am and love you as you are. I keep you because you are my most valuable thing. How can I not love you more than myself and every beat of my heart beats in your name

كل ما أريده هو أن تبقى فى حياتي للأبد. أحببتك حباً لو تحول إلى ماء لأغرق العالم بأسره. معك أستطيع أن أكون على طبيعتي بلا تصنع أو مجاملة تحبني كما أنا وأهواك كما أنت. أحتفظ بك لأنّك أثمن أشيائي. كيف لا أحبك أكثر من نفسي وكل نبضة من نبضات قلبى تخفق باسمك ..

‏If only I had a bigger heart to love you as befits you, the joy of life would be near a person whom I have loved for years, so it becomes your share. My heart does not want anyone else to love it. I do not see anyone as I look at you, for you possessed my eyes before you possessed my heart

ليت لي قلباً أكبر لأحبك كما يليق بك فروعة الحياة تكون بقرب شخص أحببته سنين فأصبح من نصيبك. قلبي لا يريد غيرك حبيباً له. أنا لا أنظر لأحد مثلما أنظر إليك فأنت امتلكت عيني قبل أن تمتلك قلبي …

‏I do not want anything from the world, as I feel that I took my share of joy when I loved you. Love is seeing hundreds of people and feeling nothing but your beloved. When they ask me about you, I will say happiness entered my life and I do not want it to disappear

لا أريد شيئاً من الدنيا فأنا أشعر أنّني أخذت نصيبي من الفرح حين أحببتك. الحب هو أن ترى مئات الأشخاص ولا تشعر إلّا بحبيبك. وحين يسألوني عنك سأقول سعادة دخلت حياتي ولا أريد أن تزول …

‏He is the only one who, if I start talking to him, will not be satisfied nor end. Life is wonderful in the presence of those we love, so do those we love know that they are the splendor of life? Love leaves us crucified in front of our astonishment. We are neither able to flee nor able to touch

هو الوحيد الذي إذا بدأت الحديث معه لا أكتفي ولا أنتهي. الحياة روعة في وجود من نحب فهل يعلم من نحب أنّهم روعة الحياة. يتركنا الحب مصلوبين أمام دهشتنا لا نحن قادرين على الفرار ولا نحن قادرين على المس …

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 1 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بعض الناس لي عاشو الحب كيقولو عليه زوين فواحد اللحظة كيدوزوها بخير وفرحانين ولكن من بعد ما كيوقعو بزاف ديال المشاكل والصداع والغوات كيولي الحب غير عذاب … وبعض الأشخاص عند بالهم أي وحدة تصاحب معاها رآه كيبغيها وراه حس وعاش الحب وهاكدا غادية الحياة عند هاد الفئة ولي معارفينش البعض انو الحب تضحية ووفاء ومشاعر صادقة ….وكاينين بعض الفتيات معارفينش شنو هو الحب من غير داكشي لي كيشوفوه فالمسلسلات التركية …

هادشي مكيعنيش انك نتي خايبة ولا ما فيك ما يتشاف بالعكس خاص ثقتك فراسك عمرها تهز وكلشي بالمكتاب ولكن احاسيسنا ميمكنش لينا نتحكموو فيها ونسكتوو داك الصوت لي فالداخل ديالنا لي كيبعث لينا الأمل باش نبقاو ايجابين فالحياة … طبعا هي احاسيس متمردة وطاغية كنصاعو ليها فوقت من الأوقات ولكن كرامتنا كتوقف حاجز لهاد الأحاسيس وكتخلق ثقة فالنفس وأهم شيء كتعطيك هبة لي كتخلي أي واحد بعيد يحترم حدودو وهنا كنهضرو على كرامة الأنثى

_______________________________

ليس الحب فكرة، إنه عاطفة تسخن وتبرد وتأتي وتذهب، عاطفة تتجسد في شكل وقوام، وله خمس حواس وأكثر، يطلع علينا أحيانا في شكل ملاك ذي أجنحة خفيفة قادرة على اقتلاعنا من الأرض. ويجتاحنا أحيانا في شكل ثور يطرحنا أرضا وينصرف. ويهب أحيانا أخرى في شكل عاصفة نتعرف إليها من آثارها المدمرة …

وينزل علينا أحيانا في شكل ندى ليلي حين تحلب يد سحرية غيمة شاردة، للحب تاريخ أنتهاء كما للعمر وكما للمعلبات والأدوية. لكني أفضل سقوط الحب بسكتة قلبية في أوج الشبق والشغف كما يسقط حصان من جبل إلى هاوية …

هل في وسعي أن اختار أحلامي، لئلا أحلم بما لا يتحقق. أمّا أنا، فسأدخلُ في شجر التوت حيث تُحوّلني دودة القزّ خيطَ حريرٍ، فأدخلُ في إبرة امرأةٍ من نساء الأساطير، ثمّ أطيرُ كشالٍ مع الريح. والتاريخ يسخر من ضحاياه ومن ابطالهم…

يلقي عليهم نظرة ويمر!. أتيتُ ولكني لم أصل.. وجئتُ ولكني لم أعد. سنصير شعباً حين لا نتلو صلاة الشكر للوطن المقدَّس، كلما وجد الفقيرُ عشاءَهُ.. سنصير شعباً حين نشتم حاجبَ السلطان والسلطان، دون محاكمة …

أحببتك مرغماً ليس لأنك الأجمل بل لأنك الأعمق فعاشق الجمال في العادة أحمق … سأَصير يوماً ما أُريدُ.. سأصير يوماً طائراً، وأَسُلُّ من عَدَمي وجودي.. كُلَّما احتَرقَ الجناحانِ اقتربتُ من الحقيقةِ، وانبعثتُ من الرمادِ..

أَنا حوارُ الحالمين، عَزَفتُ عن جَسَدي وعن نفسي لأُكمِلَ رحلتي الأولى إلى المعنى، فأَحرَقَني وغاب.. أَنا الغيابُ.. أَنا السماويُّ الطريدُ. عام يذهب وآخر يأتي وكل شيء فيك يزداد سوءاً يا وطني.

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 2 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

الساعة كتشير للعاشرة صباحا وفزنقة عريضة واقفة بنت جذابة بإطلالتها المعتادة مقابلة مع واحد الدار وكتهز فراسها وتعيط بشوية وتنزل عاوتاني و تشوف فالساعة لي فيديها : فاتي …… فاتي ….. فاتي

على إثر مناداتها كتنوض فاتي على سعدها ووعدها من بلاصتها مخنزرة بحالا خليتيها بلا عشى وفطريقها هزات الطيلي ديالها لقاتوو شاعل والمنبه صونا شحال من مرة وماسمعاتووش تنهدات بعدم رضى ومشات كتجر فرجليها للحمام ….

بعد مرور 30 دقيقة …..

هابطة فالدروج وهازة فيديها الوثائق لي اتحتاج باش تسجل فالكلية ومع حلات الباب لقات فوجهها صاحبتها ولي بدورها ما عطلاتهاش وقالت : نص ساعة غير باش تهبطي وزعما راني قلت ليك نوضي بكري

فاتي خسرات ملامحها وقالت : مريم مناقصنيش صداع الراس رآه منعست ما شفتوو خليني عليك هاد الساعة
مريم كتعيبها : نيني نيني شحال فيك ديال التبوحيط يالاه نمشيو للسيبير نتسجلو فالسيت ومن بعد نمشيو للمقاطعة وغير نساليو نطلعوو للكلية …

فاتي هزات راسها باه وزادت غادة وجبدات تيليفونها والليزيات وشعلات الموسيقى وبقات كتسنط ومريم غادة فجنبها وكتكونيكطا … حتى وصلوو للسيبير المعلوم ودخلوو حانين راسهم

مريم هزات راسها وبان ليها جوج دراري جالسين حتى هوما باغين يتسجلوو وهي تغمز فاتي لي كانت كتقلب فطيلي ديالها باغي تبدل الأغنية …

فاتي شافت فيها بنص عين وقالت : مالكي الزمرة متخليناش هانين غير جوج دقائق

مريم قربات لوذنيها وهمسات : شوفي دوك الجوج لي مقابلين معانا واحد فيهم من صباح وهو حاضيك

فاتي مهزاتش فيهم الراس دخلات للداخل وهي تلقا واحد الكرسي خاوي وجلسات علاما توصلها النوبة وديك الساعة تبعاتها مريم وجلسات حداها وقالت : شوفي اززمر على زين والعوينات الزورق

فاتي طلعات راسها وشافت قدامها وبان ليها واحد الشاب أية من الجمال كلشي فيه كامل الطولة والفورمة ولي يسالي معاك هوما عينيه الزرقين لي كيضربو على الشعا وفجنبوو كان شاب آخر وكيشووف ففاتي بابتسامة …

متسوقاتش لابتسامتوو وبقات حاضية داك الشاب لي جذبها بعدم مبالاتوو لبنادم دازت ثواني وهي غير حاضياه معرفاتش علاش …

مريم نغزاتها من كتافها وهمسات بشوية: راك كليتيه بعينيك اصاحبتي كديري الشوفة معيقة

مع هاد الجملة ضارت فاتي لعندها وهي لاعنة راسها على هاد الموقف لي حطات فيه راسها ومع الضورة مع هز الشاب راسوو وبقا كيشووف فيها وهي كتهضر مع مريم

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 3 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

هز راسوو بثقالة وبقا كيسكاني ففاتي بعينيه الزرقين ماشي نضرات إعجاب ولا حب فقط نضرات فضول باغي يعرف شكوون هادي لي مبغاتش تنزل عينيها وبقات حاضياه … قرب ليه صاحبوو وقال : ناري اياسين ديك البنت سطاتني

ياسين نطق باستهزاء : بلاما تعيق بالشوفات رآه غادي تعيق بك وغادي تحسب ك** شيء حاجة

يالاه جا يجاوبو حتى تسمع صونيط مجهد بجوجهم هزو راسهم لقاو فاتي حابسة الضحكة ومريم كتحاول طفي تيليفونها لي دايرة فيه أغنية بلاما تبكي …

مريم ناضت ساخطة من بلاصتها وخرجات لبرا تهضر بينما فاتي بقات جالسة وكتبقش فطيلي وعينيها كيبغيو يشوفو اش كيدير وفظل هاد السكوت تكلمات البنت لي خدامة فالسيبير مخاطبة الشباب : الدراري هاكو ها ورقة التسجيل ديالكم

فاتي بقات مهبطة راسها كتشوف فتيليفونها و ملاهية به بينما في الحقيقة راسها ضرها باغا تشوفو مرة أخرى ولكن غادي غير تشوه راسها وهادشي هو لي مبغاتش …

دخلات مريم فاش سالات لابيل ورجعات جلسات بلاصتها وقالت : هاد إيمان مكيجيها تهضر غير فالأوقات لي كيكون فيهم تيتيز

فاتي وأخيرا هزات راسها وبان ليها عاطيها بالظهر وكيخلص ودوات مع مريم وهي كضور فعينيها : اش بغاات

مريم ناضت بزربة وقالت : كتسول واش تسجلنا ولا مزال نوضي نووضي راه نوبتنا
فاتي بلعات ريقها وناضت كتفرك فيديها بينما الدراري خرجو من السيبير …

مريم جلسات فالكرسي لي كانو جالسين فيه الشباب وشافت فالبنت لي خدامة تما وقالت : ختي جينا نتسجلوو فكلية الحقوق

البنت جبدات جوج وراق فيهم مجموعة من المعلومات خاصهم يتعمروو ومداتهم لمريم وقالت : عمرو ليا المعلومات لي هنا
مريم خدات الورقة وشافت ففاتي : واش مغاديش تعمري الورقة

فاتي ببرود وعقلها باقي كيدوز فيه تصويرة ياسين : ديجا عمرتها ابب
مريم همسات ليها بشوية : اجي شنو نكتب هنا

فاتي تحنات لعندها وقالت : مالكي مكلخة اصاحبتي غادي تكتبي البريد الالكتروني ديالك
حطات صبعها فواحد الاتجاه وقالت : وهنا غادي تكتبي CNI

مريم حنات راسها وبدات تكتب بينما فاتي شافت فالبنت وقالت : ختي راني ديجا عمرت هاد المعلومات وهاهي الورقة

جبدات الورقة من الساك ومداتها ليها : دابا بقا غير نتسجل فالسيت ياكي صافي
البنت : واخا صبري هاني انسجلك ومن بعد اتمشي للمقاطعة باش تكاليزي هاد الالتزام لي عمرتي

فاتي شدات ورقتها عندها وشكراتها وشافت فمريم لي هزات راسها وبدات تغمز ليها … فاتي عقدات غوباشتها وحركات راسها بمعنى شنو كاين وماجات فين تجاوبها حتى سمعات صوتوو العصبي وهو كيخاطب البنت لي خدامة فالسيبير …

ياسين من بعد ما مشى شاف فورقة التسجيل ديالو ولقا أكفس غلط وبلاما يفكر رجع لسبير معصب ودخل بحال شيء عجاجة وصاحبوو تابعوو ونطق بعصبية : واش اختي أنا قلت ليك ديري ليا قانون

البنت كانت خاشية راسها فالبيسي وكتعمر فمعلومات البنات حتى سمعاتوو كيخاطبها هزات راسها وقالت : علاش اخويا ماشي قلتي ليا ندير ليك شعبة القانون

ياسين دوز يدوو على شعروو وقال : لا اختي قلت ليك اقتصاد ماشي قانون
البنت ببرود : صافي حتى دابا ما وقع حتى شيء مشكل غادي طلع للكلية وهوما يتكلفوو

مريم شافت ففاتي وفاتي شافت فمريم وهوما يطلقووها بضحكة عالمية وباش ميبانووش بلي كيضحوو عليه بداو كيقولوو : واااااااااااااع على نكتة

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 4 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

ياسين دوز يدوو على شعروو وقال : لا اختي قلت ليك اقتصاد ماشي قانون
البنت ببرود : صافي حتى دابا ما وقع حتى شيء مشكل غادي طلع للكلية وهوما يتكلفوو

مريم شافت ففاتي وفاتي شافت فمريم وهوما يطلقووها بضحكة عالمية وباش ميبانووش بلي كيضحوو عليه بداو كيقولوو : واااااااااااااع على نكتة

ياسين ضور وجهو نيشان لجيهة فاتي وبدا كيخنزر فيها وصاحبو دخل وقال : دابا واش ضاروري نطلعوو للكلية عاد يبدلوو هاد الغلط

البنت جاوباتوو ببرود : غادي تكمل الإجراءات عادي ومن بعد غادي طلع للكلية وغتقول ليهم بلي بغيتي شعبة الاقتصاد

ياسين شد ديك الورقة ديال التسجيل وزير عليها فقبضة يدو وقال بهمس : خدمة الناقصة

فاتي بقات كضور فراسها والضحكة مبغاتش تحبس ليها ومريم كضور فعينيها وكتشووف فياسين كيف معصب بينما صاحبو حاضي غير الضحكة ديال فاتي …

خرجوو الدراري مرة أخرى وبقاو البنات كيكملوو فشغلهم حتى كملوو عاد خرجوو وهو كينممو : شفتيه كيف ولا مسكين ههههههههه
مريم شدات على قلبها : اححح على زين تعصب ههههههههه ولكن تيتيز
فاتي معجبهاش الحال من الحركة لي دارت ومعجبهاش الهضرة لي قالت عليه وباش كملات عليها هي فاش قالت ليها : شفتي اساطة بزيني انا طيحتوو برووجولة بقا كيشوف فيا

فاتي بلعات ريقها بصعوبة وقالت : اه كان كيشووف فيك دابا خلينا من هادشي ويالاه نكملوو شغلنا

مريم زادت قدامها وهي كتلعب فشعرها وفرحانة حيث شاف فيها ياسين وفكرات بلي صافي رآه عجباتوو بينما الواقع غير ذلك ….

طلعوو للمقاطعة وفاتي كتأكد من وراقها بينما مريم كضحك وتبتاسم غير بوحدها وزادت توسعات ابتسامتها فاش شافتوو مرة أخرى هو وصاحبوو كيكاليزيو وراقهم وبلاما تقولها لفاتي لي ملاهية مع وراقها

مريم واقفة قدامها مدرقة ليها الرؤية باش متشوفش وقالت : فطوش سيري كاليزي ليا وراقي الله يحفظك

فاتي جاوباتها وهي باقية حانية راسها فالوراق : واش أنا خدامة عند ط**ن مك از**

مريم بهمس اويلي ازمر حشمي ومتبقايش تخسري الهضرة 🙄😐

فاتي شافت فيها ديك الشوفة ديال من نيتك وقالت : كتهضري ازين بحالا راك أميرة الحشمة والوقار ونتي نووضي راني عاجناك 😑

مريم ضارت شافت فياسين لي كيشوف ففتاتي وكيهضر مع صاحبوو وهي تقوول بشوية : باينة أنا لي عجبتوو

فاتي هزات راسها ومجات غير على ياسين لي كيشوف فيها وضارت شافت فمريم لي كتشوف فنفس الجهة وقالت : واش هادو تابعينا حتى لهنا

مريم عاقت براسها وهي ضور عند فاتي وميلات شفايفها لجنب وقالت : اش غادي يشوف فيك الله يهديك

تخنزيرات فاتي لمريم خلاوها تضحك وتقول : هههه بغيت نقول شكون غادي يشوف فينا بجوج ههههه

فاتي مرضاتش على هضرتها ونطقات بعصبية : اري الباك ديالك بلا هضرة خاوية
مريم بدات كتقلب فشكارتها وقالت : واقيلا نسيتوو فدار

فاتي غمضات عينيها مزيرة عليهم وقالت : واش نتي واكلة الخرا رآه قلت ليك البارح بليل وجدي كلشي

مريم مجاوباتهاش وجبدات الساشي لي فيديها وبدات كتقلب حتى لقات الباك ديالها عاد جبداتوو ومداتوو لفاتي وقالت : هاهو لقيناه غير بشوية قربتي تاكلينا

فاتي خداتوو من عندها وهزات وراقهم بجوج وزادت غادة تكاليزي وفدماغها باقي كتحفر كلمة شكون ايشووف فيك … واش هي ماشي بشار بحالهم علاش لواحد خاصوو غير حاجة بسيطة باش ينقص منك والمشكل كتجي الهضرة من ناس القراب ليك وكتقول هادي صاحبتي مغاديش تقول فيا شيء كلمة خايبة أو بالأحرى مغاديش تجرحني ولكن الصدمة من بعد كتكون قوية …

اش بان ليكم فتصرفات مريم 🌝
فينكم ابنات الحاج 🙄
🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 5 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

مدات دوك الوراق للسيد لي خدام فالمقاطعة وقالت بصوت رقيق : كاليزي ليا معاك هاد الوراق

السيد حرك راسوو باه وخدا الوراق كيكاليزي فيهم وحدة بوحدة حتى كمل عاد مدهم لفاتي ولي بدورها خداتهم وقاداتهم فيديها ومشات لعند مريم لي بقات جالسة فالدروج كتقاد فشعرها

فاتي بانت على ملامحها الصرامة ونطقات وهي كتمد لمريم وراقها : هاكي وراقك خليهم عندك

مريم شداتهم وخشاتهم فالساشية لي عندها وقالت : شتك مغندفة (قالبة وجهك) ياك لباس 🤔

فاتي خرجات من المقاطعة بلاما تجاوبها حيث حسات بلي الطاقة باش تفسر هادشي لي كتعيشوو مكايناش عندها …. عمر شيء حد مافهمها وعمر شيء حد قدر يوصل ليها داك الاهتمام لي بغاتوو …

واخا كتقول هادي صاحبتي ومغاديش تجرحني ولكن كتلقا أنها مكتفهمهاش وهمها الوحيد هو تعاود شنو كيضرها هي فقط أما باش تسمع لشيء حد آخر لا يمكن …

وهنا فاتي فين حبسات النقاش ومقدراتش تقوول شنو ضارها ولا شنو بغات أو بالأحرى مقدراتش تقول ليها أنها عجبها ياسين وبقا معشش فذاكرتها لدرجة طريق كلها وهي كتعاود تعقل على اللقطات لي جات عينيها فعينيه وهضرتوو الحرشة وتخنزيرتوو يمكن يكوون حب من أول نضرة ولكن هادشي مامعتارفاش به فاتي حيث حسبها هي كتقول بلي هادشي غير تخاريف وكاين غير فالمسلسلات التركية ولكن السبب هو أنها عمرها عاشت الحب ولا جرباتوو داكشي باش ناكرة هاد الشعوور …

ركبو البنات فالطاكسي لي غادي ياخدهم للكلية والطريق كلها ومريم غير كتموسق مع راسها بينما فاتي ضراتها معدتها مع مول الطاكسي كيضرب الفران بالجهد وكل شوية كتقول فخاطرها بلي دابا اتقيى وفعلا ماجاو فين يوصلوو حتى هبطات فاتي زربانة من الطاكسي وخلات مريم كتخلص ومشات لأقرب بلاصة خاوية وجلسات على شكل قرفصاء وبدا كتقيى وكتحس بقلبها غادي يسكت ومصارنها كيتعصروو

وقفات عليها مريم وهي مادة ليها كنينكس وقالت : واش ضراتك المعدة
فاتي وقفات وخدات كنينكس مسحات به فمها وجاوبتها بزز : لا … غير حيث كيضرب الفران مجهد … وحسيت بمصارني تقلبوو

مريم شدات فيها وقالت : اجي نكملوو على رجلينا اصلا قربنا ودخلي شربي الماء ودابا يفوتك الحال

فاتي حركات راسها باه وزادت غادة بزز غير كتجر فرجليها والحريق فالمعدة ايقتلها وبعد المرات كتجيها الدوخة

وحيث الحالة الصحية ديال فاتي زادت تكفسات شيء لي خلا مريم هي لي اتكلف بالتسجيل وبالخلاص بينما فاتي بقات جالسة فالجردة ديال الكلية وحاطة راسها على ديك الطابلة لي باردة ومغمضة عينيها باستسلام وماحسات حتى نزلات دمعة حارة من عينيها وتبعوها دمووع من بعد

شكون يشوف فيك ؟؟ شكون ايديها فيك ؟؟؟ شوفي وجهك فالمراية ؟؟ شوفو على فورمة عندك ؟؟ واش مكتاكليش بحال ناس ؟؟ اش هادشي لابسة جيتي خايبة ؟؟

كاع هاد الجمل سمعاتهم بوذنها وجرحوها فالداخل ديالها شحال بينات بلي هي قوية ومغاديش تهرس من هاد الهضرة ولكن اليوم فاض ليها الكاس ومقدراتش تصبر ووكلات أمرها للخالق أو واسات راسها بدموعها لي ديما كيكونو على حافة السيلان

تعلموو واحد الحاجة انك متجرحش الواحد حيث واخا عند بالك بلي نتا غير كضحك يمكن داك الشخص لي قلتي ليه ديك الهضرة كتبقا محفورة فعقلوو ✌️❤️

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥
⛔قــــصـــــة قــــــصـــــيـــــرة ⛔
🦋 الـــبـــارت 6 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

لمحات مريم جاية من بعيد شيء لي خلاها تمسح دموعها بالخف واخا باين بلي كانت كتبكي غير من عينيها الحومر ولكن حاولات تبين بلي مواقع والو

جلسات جنبها مريم وهي كتنهج وقالت : ناري النوبة تابعانا فكلشي ياختي اوووف عيييت

فاتي ضورات وجهها لجيهة الأخرى باش متشوفش فيها وقالت : ايوا لي بغا شيء حاجة خاصو يصبر اولا لا

مريم شافت قدامها الطلبة غادين يتسجلوو وقالت : صافي منين تسجلنا خلينا نمشيو

فاتي ناضت جامعة الوقفة وهي فاشلة وكرشها كضرها وقالت : غادي نمشي على رجلي المعدة ضاراني مافيا اختي ما يعاود يمخضني شيء طاكسي

مريم ناضت حتى هي وشافت فوجهها وقالت : مالك فعينيك واش كنتي كتبكي اساطة

فاتي حركات راسها بلا وقالت : لا غير دخلات ليا الغبرة لتما وبقيت كنحك فيها حتى ولات هاكا

مريم تيقاتها وزادت هازة ساكها وغادة كتهضر وفاتي شادة ليها فذراعها وساكتة كتصنت لعظامها حتى خرجوو من الكلية وهي تلمح مريم الدراري جايين ودغيا ضورات وجهها لعند فاتي وقالت : تقادي تقادي رآه تياتز جايين

فاتي بلامبالاة قالت : واش أنا معدتي كتقطع ونتي بالك غير مع تيتيز باااز اختي بااز

بقات فاتي مهبطة راسها للأرض باش متشوفش فيه وتبقا حاضياه بينما ياسين شاف فيها بنص عين وضور وجهوو لعند مريم وقال : واش باقين كيتسجلوو اختي

مريم هزات راسها والقلوبة ايخرجوو من عينيها وقالت بابتسامة : اه باقين
فاتي جمعات يديها على شكل بوكس وزادت قدام مريم ماحاملاش توقف وشاداها البكية ومعارفاش علاش أصلا هاد الأيام ولات على سبة واي حاجة كتبكيها … شوية لحقات عليها مريم وحتى هي فهمات راسها ومهضراتش فالموضوع نهائيا …

صدفة غريبة لي تجمعك بشخص مكتعرفيهش ويعجبك من أول لقاء وتعاود تشوفيه فنفس النهار هادشي كولو دخل شك لفاتي واش هادشي زعما غير صدفة عادية ولا الموضوع فيه إن ؟؟؟ وحتى لو كانت صدفة واش حتى هي عجباتوو كيف عجبها ولا لا ؟؟ والأهم من هادشي كولو الا كانت صاحبتها حتى هي كيعجبها واش تقدر تخلي أحاسيسها مدفونة فالداخل ديالها وماتعاودها لحد ولا تصارحها وتقول لي كاين ؟؟؟

اش بان ليكم فهاد القضية 🤔

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 7🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

جا نهار جديد …

فاقت كل صباح مخنزرة تقول ضاربينها بمقلة ومشات لبسات أرقى لبسة عندها وعلاش لا وهي اليوم أول نهار فكلية وخاصها تبان فأحسن حلة … هزات ساكها ودارت فيه ماكياج وكتاب واحد وستيلوو وجلسات فطبلة الفطور وبدات تاكل بزربة وكلشي حاضيها

الأم : ابشوية عليك ياهاد البنت رآه غادي تووحل ليك

فاتي كتاكل وتهضر : امي الله يهديك هممم همم رآه الجووع لي كيوحل لينا فالقرجوطة

الأب هز كاس ديال الأتاي وبدا يشرب وقال : فاطمة شوفي نقول ليك ديك ضسارة ديال بنات لفاك ماعندنا منديروو بيها

فاتي خسرات سيفتها وقالت : الواليد شحال من مرة كنقول ليك قول ليا غير فاتي بلاما تقوول فاطمة كلها

الأب : على أنا دابح خروف قدو قد السخط على فاتي (شاف فالأم وقال) وشوفي على جيل كيف داير ولاو حتى سمياتهم كيحرفو فيهم

الأم : اودي هاد الوقت مابقيتي تعرف من الدجاجة من الفرووج ومن الفلوس

فاتي وحلات ليها على هاد النوطة وبدات كتكحب بجهد ووجهها ولا حمر : كح كح كح كح كح كح

الأب هز يدوو على للسماء وعطاها للظهر بضربات متتالية وقال : حلال حلال

فاتي ظهرها حسات بيها تقسمات وهي تنوض دغيا : والوااليييد راااك هرستي ليا ظهري اووو

الأم خشات يديها فجيبها وجبدات 10 دراهم ومداتها ليها : شدي ها فلوس طاكسي

فاتي شداتهم وقالت : الله يخلف عليك
وعاود مدات ليها يديها : زيدي شيء لآخر

الأم : اش نزيد 🙄
فاتي لاحت ساك على كتافها وقالت : فلوس الغدا أمي واش انبقا بجووع

الأب : هانتي كليتي دابا الوحشة واش اتبقاي كل مرة تخشي فوجهك سيري الله يهديك

فااااااااااااااااتـــــي

الأم ناضت جامعة الوقفة وقالت : انووضي المسخووطة هالبنات جااو

فاتي مشات دغيا هزات كلاكيطة ديال صبع خشاتها فصاكها ولبسات صبرديلة بالخف وهبطات كتجري من بعد ماباست لباها ومها راسهم …

هبطات للزنقة وهي تلقا جوج بنات ومريم واقفين كيجمعوو ويضحكوو … سدات لباب ديال دارهم وزادت معاهم كتهضر وتضحك …

مريم قربوو لمحطة الطوبيسات وهي تقوول : البنات نطلعوو سالتين فالطوبيس

فاتي بسرعة قاطعاتها : النبگ الكحل أنا عندي 10 دراهم لا ركبت باااح لفلووس وغادي نتخور لا غدا لا زمر واش انبقا انا بجووع …

شافت فواحد البنت لي فجنبها وقالت : هند جبتي سوكور

هند ضحكات بفقصة : ههههههههه أنا بلاما تعولي عليا والله حتى جيبي خاوي رآه عرفتكم جايين على رجليكم داكشي باش جيت أما أنا ماسوقيش لا فقراية لا فزبل

فاتي ميلات شفايفها لجنب وقالت : نتي غير سكتي خاصك غير تنعسي وتخراي تفوو على تريكة

هند بدات كضحك وقالت : ههههههههه شوفي زهيرة واش جابت معاها شيء حاجة تصوفيك

زهيرة دايرة بحال الأطرش فالزفة مع معندهاش تيليفوون كتجي حتى تجمع مع البنات وكتخون لوحدة فيهم طيلي وتجلس تصنت لموسيقى طريق كلها وايلا هضر معاها شيء حد والله ما تسمعهم شنو كيقوولوو

مريم : ههههههههه زهيرة ريزو عندها منعدم هههه غير بعدوو عليها
فاتي : ماعرفت الناس فاش كانوو كيتصاحبوو مع صحابات مرفحين فين كنت أنا

هند : ههههههههه كنتي معانا احبي 😒
كملوو البنات طريقهم مرة يضحكوو مرة يتناقشو ومرة ينممو فشيء حد دايز حتى وصلوو للكلية بلاما يحسوو وكل واحد دخل للونفي لي عندو

زهيرة عندها شعبة الإقتصاد مشات لونفي 7 بينما البنات مريم وفاتي وهند دارو القاانوون باللغة العربية وكل وحدة واشمن لونفي جات …

اش بان ليكم فعلاقتهم 😇🙈

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 8🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

غير سالات كل وحدة حصتها خرجوو مفقوصين شيء فهموه وشيء لاخر لا تلاقاو فجردة تاع لفاك وتجمعوو مجموعين من غير زهيرة لي باقي مخرجات سيدة داخلة مجهدة وبغات تقرى …

فاتي جالسة فواحد الطبلة وضارين بيها البنات و كتشوف فالبيڤي بنص عين وترجع تشوف ف 10 دراهم لي فيديها وكتقول مع راسها لا مشيت بغيت نشري شيء حاجة من تما غير غادي نتشوه حيث داكشي لي كيبعيوو زايد نغزة فالمصروف …

هند حطات يديها على حنكها وقالت : هادشي غير فريع الراس وحقرب … ناري راسي ايتهرس البنات

مريم هضرات وهي كتبقشش فالطيلي ديالها : اختي والله حتى ظالمينا فهاد البلاد

فاتي ببرود : البنات شيء حاجة نشريها ب 5 دراهم وتشبعني ويكون فيها الخبز 🙄

هند ضارت شافت فمريم ومريم شافت فهند ورجعوو بجوج شافوو ففاتي مخنزرين وهي تقوول : وانتوما مالكم 10 دراهم ماشي فلوس 😏

هند هزات يديها وقالت : لي غادي تمشي على رجليها تهز يديها 😒
مريم جبدات لاكارط ديال طوبيس من جيبها وقالت : لا ياختي الطرونسبوور كاين وانا نتمحن

فاتي مصغرة عينيها فمريم : يااك الق…حبة صايبتيها وبقيتي ساكتة
مريم بضحكة صفرة : والله احبي حتى مشات من بالي نقولها ليك

هند وهي ميقة فمريم : فاتي دوزي خلينا نمشيو عند زهيروو للونفي نحمقوها
فاتي ضحكات بشر وهي تنووض وشافت فهند : نوضي نوضي طاحت عليا فكرة مق..ودة

مريم بقات جالسة وقالت : البنات انا شوية وغنمشي للدار بلاما تسناو فيا

هند ناضت ومشات لعند فاتي ولي بدورها ضارت عند مريم وقالت : راك كتعرفي الطريق ابب 😉

مريم ابتاسمات بزز ورجعات خشات طيلي فوجهها بينما البنات مشاو لونفي لي قارية فيه زهيرة وجلسوو كيقطعوو فالوراق ويشيرو عليها بهم من شرجم …

زهيرة كانت جالسة في أمان الله كتسنى البروف يجي باش تقرا على راسها حتى بدات كتحس بالوراق كيضربوو فراسها …

بدات ضور راسها بحال الحمق وكل شوية تقول لبنت لي حداها : واش نتي لي كضربيني

فاتي كمشات واحد الورقة كبيرة وهي تشير عليها نيشان للعين ورجعات تخبات وكتموت بالضحك : ههههههههه وحقرب حتى حنا هبال

هند جبدات طيلي ديالها وبدات تصور فيها كيفاش كتقلب على شكون كيضربها والبنت لي حداها عايقة بالقالب وحابسة الضحكة بزز

فاتي دارت إشارة لهند باش تبقى كتصور ومشات دخلات عليها لونفي وهي دايرة فيها الثبات وغير وصلات لعندها قالت : الحب يالاه نمشيو

زهيرة كضور فعينيها وتشوف شكون ضربها ساعة لقات كل واحد خاشي راسو فطيلي ديالو ولا فالكتاب موت حيى شكون تسوق ليك الحريرة نهار العيد وقالت : ماعرفتش شكون كيضربني

فاتي تحنات عندها ودوات بهمس : المسخوطة عنداك يكونو داك جنون لي كنتي كتفرجي فيهم هوما لي كيضربووك

زهيرة طلعات معاها الخلعة وقلبها بدا كيرجف : اويلي لا رآه مكنت كندير والو غير كنتفرج فالفقيه كيفاش كان كيصرعهم

فاتي همسات ليها بشوية : ضبرتي عليها الساطة راهم جاو يصرعووك … كلشي تلعبي معاه الا الجنون

زهيرة وهي مصطانعة القوة : سيري سيري باراكا من لعبك لباسل عارفاك باغا تخلعيني والله لا كانت ليك

المراهقة المتأخرة 😂😂😂
ديديكاس للبنات لي كيقولو غير نطلعوو للكلية نديرو عقلنا 😂✌️

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 9🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

فاتي غمزات هند من شرجم بلاما تعيق بينما هند كمشات واحد لورقة وسيفطاتها لزهيرة للراس حتى قفزات : تسليم تسليم تسليم تف تف تف أعوذ بالله من الشيطان الرجيم حنا بالله وبالشرع معاكم تسليم

فاتي بحدة : نوضي نخرجوو رآه يمكن لونفي مسكوون نووضي

زهيرة بدات تجمع فكتوبها بزربة والا مشا حتى ضربها ريح فشعرها كيتساحب ليها شيء جن كيقيس فيها شيء لي خلاها تسربي وتخرج بلاما تسنى فاتي لي حابسة الضحكة بزز …

البنت لي كانت جالسة جنب زهيرة بدات كضحك وقالت : ههههههههه حرام عليك خلعتي لينا لقراية ديالنا

فاتي رجعات شعرها مور وذنها وقالت بنخوة : شتي لآلة حووباي ميصلاح معاها غير القوالب مهم خليها بيناتنا

جات ضايرة تمشي هي تقشعوو هو نفسو جالس وكيخربق فطيلي مامسوقش … قلبها بدا كيضرب بجهد وهي حاضياه ومع زادت خطوة مع ضربات رجلها مع طبلة بجهد حتى كلشي هز فيها راسوو وحتى هو …

البنت تكرشخات عليها بالضحك وقالت : ههههههههه ها جنون عوجوك ههههههه

فاتي ضارت عندها بابتسامة بلهاء وزادت خارجة وحاسة بذاتها غادي تفشل عليها …

مع الخرجة كتلقى هند وزهيرة واقفين عليها … زهيرة بخوف : مالكي مخطووف فيك اللون ياكما شيء جن عوجك

فاتي جراتها من يديها هي وهند وقالت : مقلتيش ليا ابنت الحرام كيقرا معاك غير تياتز

هند بعدم استعاب : تياتز
فاتي قاطعاتها ببرود : تياتز جمع تيتيز فهمتي دابا

زهيرة : دابا انا شكون يبات معايا راني خفت يجيو ليا يصرعووني
هند : هههههههههههه وغادي يبقاو يعيطوو ليك

غلضات صوتها ونطقات بصوت مرعب : زهييييرو اجي لهنا
زهيرة : سيري سيري باراكا من الضحك الباسل ديالك

فاتي ميلات شفايفها لجنب وقالت : واش مكتعرفيش تقولي شيء جملة مفيدة من غير هادي

هند خلاتهم حتى خرجوو من لفاك وفاتي حيدات سبرديلتها ولبسات ديك الكلاكيطة لي جابت معاها عاد خرجات طيلي ديالها ومداتوو لزهيرة : هاكي الحب تفرجي

زهيرة بسرعة : لا لا احبي مبقيتش باغا نتفرج

فاتي خشات صبرديلتها فساك وقالت : وتفرجي فالفيلم ديالك البغلة واش نتي من نيتك تيقتينا

زهيرة عقدات غوباشتها وخدات طيلي كتفرج فالفيديو لي دارو ليها حتى كملات وهي تهز الحجر لي لقات فالطريق وبدات تشير عليهم وتغووت : يالحماااارااااات عارفيييني خواااافة وكتبقاااو ضحكووو عليااا

شافت فجيهة هند لي كتجري وكضحك وهزات واحد الحجرة جابتها ليها فرجلها : خوودي البقرة تهجريه

ضارت لجيهة فاتي لقاتها راجعة بلوور وكتقول : لا لا وشتي ها تبرهيش اسميتك

شكون كتخاف من جنون بحال زهيرو 😂😂😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 10 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

من بعد ما تفارقات مع البنات مشات لدارهم وصورة ياسين كتزيد تعشش ليها فدماغها للحد الآن عارفة غير سميتوو فاللحظة لي كانو فالسيبير صاحبوو بلاما يرد البال عيط ليه بسميتوو وهوما خارجين وتما عرفات …

دخلات لبيتها وبدلات حوايجها بالخف وجات مع وقت الغذاء تغدات بزربة وسط جو عائلي من بعد جمعات الطبلة وغسلات المواعن ودماغها مشوش باغية دوي معاه بلاما تنقص من راسها وطيح بكرامتها للأرض ولكن معارفاش كيفاش …

وفور ما سلات نزلات عليها واحد الفكرة ومشات بسرعة هزات طيلي ديالها ودخلات للفيس بووك وكتبات سمية ياسين فروشيرش وبدات كتقلب ولكن بدون جدوى ملقاوش

فاتي تنهدات بسخط وقالت : اشنوو يكوون كاتب هاد زمر فسميتوو يخخخ تفقصت … اش هاد الزعطة اسيدي ربي …. اعععععع خرررج من عقلي خرررج

ردخات طيلي مع السداري وهي مفقوصة باغا واحد الحاجة ديريها ولي قلبها كيقول ليها ديريها وفنفس الوقت مباغاش احساس بالضياع وفقدان السيطرة على النفس … تنهدات تنهيدة طويلة عاد مشات دوش وهي عوالة تخوي راسها من التخربيق

🏆 عـنـد يــاســيــن 🏆

هابط من الطاكسي بكل نخوة وعينو مكيهزهومش فالبشر حدو شاد طيلي ديالو وكيتكونيكطا مع صاحبوو حتى وقفات عليه واحد خيتي لابسة كلشي مزير وضاربة عكار على الجهد …

ياسين هز فيها راسوو وعينيه الزرقين ضاربة فيهم الشمس شيء لي خلا لونهم يبرز كثر … وغير المنظر خلا البنت تحل فيه فمها وتبتاسم بينما هو غير شافها كحل بالعمى وقال : كاين ما نقضيوو

*** وهي كتمضع فالمسكة ومرة مرة تعض على شفايفها عن قصد : شتك مبقيتيش كتسول وبلوكيتيني من الواتساب وانا مدرت ليك والو

ياسين بحدة : سمعي نقول ليك الأخت تصاحبنا معاك نهار وسالينا الفيلم ماشي كل مرة نلقاك فوق راسي وزايدون الزبل فاش كنساليو منو كنلوحوه …

بلاما يزيد معاها فالهضرة ضرب فيها وزاد وكاره سيفتها كيقول مع راسوو فين كان عقلي فاش تصاحبت مع هادي وغير زادت شوية بانت ليه واحد البنت ضربات صبعها مع بوطو ديال الضوء أو واقفة كتنقز بحر الألم فجأة تفكرها هي فاش ضربات رجلها مع الطبلة وتبسم بجنب وزاد مع الطريق

هانتوما اخوتشي تبسم فاش تفكرها 😌😌

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 11 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

طاحت الظلمة وثلاثة ديال الأشخاص مرض التفكير ايقتلهم منهم فاتي لي فينما غمضات عينيها كتشوفو حتى كرهات الوضعية وباش تعرف شنو هوما هاد الأحاسيس المتمردة قررات تسول واحد البنت كتعرفها وتاخد برأيها حيث هي مخطوبة …

هزات طيلي ديالها وصونات عليها وحتى هي ماشي من العاكزين جاوباتها فالبلاصة وقالت : فتوووش عاش من شافك

فاتي : حووباي يسرى شفتك كاع مكتسولي فيا ولا الخطيب خدا ليك وقتك …

يسرى وهي كتشوف فالشخص لي قدامها وكضحك : والله ما كذبتي فهادي عندك الحق

فاتي بتردد : يسرى واش نتي بوحدك
يسرى شافت فخطيبها ولي فهم انو بغات تبقا بوحدها وخرج بينما هي كملات كلامها : وي حبيبة شنو عندك

فاتي جمعات رجليها عندها ومغطية بالكاشة وقالت : بصراحة ماعرفت مالي واقيلا تزعطت زعطة خايبة

يسرى انفاجرات بالضحك وقالت : هههههههههههههههههههه خلعتيني الله يعطيك موصيبة تسحاب ليا وقعات شيء كارثة

فاتي : وراه هادي كارثة وليت مخربقة نفسيا باغا ندير واحد الحاجة وماباغاش

يسرى بهدوء : عاودي ليا من الأول باش نفهم
فاتي تنهدات فصمت وقالت : اول مرة شفتوو كان فسيبير بصراحة بحال أي بنت عجبني شكلوو وكاريزمة تاعوو وغير تخنزيرتوو تعطيك العربوون

يسرى بدون ما تقاطعها قالت : كملي
فاتي تحمسات وهي كتعاود عليه وعينيها بداو كيضورو وكل شوية تبتاسم حتى عودات كلشي عاد قالت : تخيلي اصاحبتي شفتوو ثلاثة ديال المرات فنهار واحد متقوليش ليا هادي صدفة وزيد عليها شفتوو غير اليوم كيقرى مع صاحبتي … ياختي وليت فوق ما نشوف كنتصدم وكنبغي نبقا غير حاضياه

يسرى بلعات ريقها وقالت : فاتي نتي عارفة بلي عادي تشوفيه رآه طالب فالكلية وحتى هو كيقرى يعني كلشي عادي

فاتي بحالا داك الأمل لي كان عندها مشى وتبخر وبيأس قالت : اه عرفت ولكن مفاهماش شنو هادشي كنحس به

يسرى ببرود : يقدر يكون إعجاب ويقدر يكون حب ولكن هادشي على حسابك نتي باش كتحسي

فاتي تنهدات بسخط وقالت : عرفتي تصبحي على خير غير فقصتيني فهاد ليل

يسرى قلباتها ضحك وقالت : ههههههههه هي المرجلة ديالنا ولات كتبغي ههههه

فاتي : تصبحي على خير وسلمي على خطيبك

قطعات الخط وهي مترددة من واحد الخطوة ولكن دارت يديها فيد الله ودارت انسطا وهمي غير ديالها الأصلي ومشات كتقلب على سميتوو حتى دازت ساعة كلها عاد لقاتوو وبلاما تشعر بدات كتنقز بالفرحة بحالا دارت شيء إنجاز عضيم ….

وبسرعة دخلات لصفحتوو لقاتوو حاط تصاورو بقات كتمنظر مع راسها وتسكريني لي بغات حتى سالات عاد دخلات للميساجات وبدات كتكتب وهي كتموت بالضحك وغير كملات سيفطاتوو من بعد دقائق ديال التفكير ….

اش كتبات ياترى 🤔🤔
فنظركم فاتي كتبغي ياسين ولا غير إعجاب وغيدوز 🙄😌

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 12 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

من بعد ديك الليلة لي سيفطات ليه ميساج دازو ثلاثة ديال السيمانات وملقات حتى شيء رد من عندو شيء لي عصبها وقررات تنساه … وفعلا تناساتو حيث كل وقتها مركزة فيه على قرايتها والخروج مع البنات …

ومن ديك النهار مشافتووش فالكلية حتى لليوم واقفة هي ومريم عند مول البريوات وكيتسناو نوبتهم توصل …

مريم كتقلب فالبزطام باش تجبد الفلوس ديال البريوات وكتهضر : هانتي ضربي الحساب كاين ختي سناء وختي نجلاء وماما غادي ندي ليهم البريوات رآه حمقوهم اساطة وحسبي ليا رآه اندي جوج لواحد وفيها كفتة ودجاج

فاتي همسات بشوية : نتي واش اتاكلي ولا اتهاجري ومالكي مكخلة فالحساب 4 دراهم لواحد ونتوما 3 اذن ضربي 4×3 شحال اتعطيك

مريم حطات الفلوس فيديها وقالت : هاهي اتبدا تفلسف عليا وقولي شحال من لخر
فاتي بميوعة قالت : اتجيك ابب 16 درهم يالاه طلقينا لفراجة

كان واقف بوحدو جنبهم وحذيثهم كولو سمعوو باقي عاقل عليهم من نهار سيبير …. خشا راسوو فتيليفوونوو وجات فوذنو آخر جملة قالتها فاتي وهو يضرب الحساب فمخوو لقا المجموع غير 12 درهم وديك 4 دراهم غير زايدة تبسم بجنب على التطويرة لي فيها وهمس بينو وبين نفسو : قوالبية

مريم هزات راسها باه وهي كتقول : وعلاش 16 درهم راني واخدة غير جوج بريوات لوحدة
فاتي حطات يديها على خصرها وقالت : وفين نسيتيني انا وياك ولا حنا غير مهاجرين وا شري لا باغة تشري عصبتيني

مريم مدات ليها الفلوس : لعاار قوليها ليه نتي
فاتي بعصبية قالت : ونتي زيزونة از** استغفر الله متخليو حد شاد فموو

ياسين بلع ريقوو وحس بالصهدة طالعة معاه لي يشوفها من بعيد يقول هاد البنت كيووت ومكتعرفش لتخسار الهضرة ولايني صدقوو لي قالو المزوق من برا اش خبارك من لداخل

فاتي مشات لعند مول لبريوات وزربات عليه : هانتا جمع ليا فميكة ثلاثة ديال البريوات ديال دجاج وخمسة ديال الكفتة

السيد جمع ليها داكشي لي بغات وخلصااتوو ورجعات لعند مريم بلاما ترد البال لياسين لي ضاير راسوو كيشوف فتيليفون هو رآه حاضيها ومع وقفات على مريم ضور وجهو ودار راسو كيشوف لبعيد

فاتي مدات ساشية لمريم وقالت : شدي ازمر تفووو ماتعرفي حتى تسخري كيف ناس

مريم يالاه شداتهم من عندها وهي تشوف واحد الحشرة خضرة وكبيرة فوق شكارتها ومع هي كتموت فالماء من الحشرات غوتات بجهد حتى ضاروو كاع الطلبة يشوفو مالها : واااااااااااااع دووودة حيديها نااري حيديهاا فاااتي حيدي الزمر حيديه

ياسين ضور وجهو لجهتهم بحالو بحال ناس يشوف شواقع حتى كيبرق عينيه فاش سمع هضرة فاتي

فاتي لي تعصبات حيث شوهاتها قدام لبشرية وهادشي على قبل دودة وبلاما تشعر همسات ليها بعصبية فقط لي قريب ليهم بحال ياسين هو لي غادي يسمع : الله ينعل ز**ل بووك ابنت الق*بة شوهتينا قدام بنادم ال*لاوي وسير انا بغيت ليك الساحق واللاحق والرصاص المتلاحق يفرعوو ليك داك رااس

وبنترة شدات فاتي ديك الدودة بيديها ولاحتها فالأرض ومع هزات راسها بان ليها الكراش الغزال كيشوف فيها ومبرق عينيه البريسطيج ضااع وحسات بالأرض كضوور بيها وقبل ما تفرش كثر حيث عرفاتوو سمعها مشات كتزرب فخطواتها دخل للكلية

اراو عليها شيء موال 😇🚶

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 13 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

وبنترة شدات فاتي ديك الدودة بيديها ولاحتها فالأرض ومع هزات راسها بان ليها الكراش الغزال كيشوف فيها ومبرق عينيه البريسطيج ضااع وحسات بالأرض كضوور بيها وقبل ما تفرش كثر حيث عرفاتوو سمعها مشات كتزرب فخطواتها دخل للكلية مخلية مريم من موراها كتبرق فعينيها وتشوف فياسين لي متبع العين لفاتي …

وفطريقها تلاقات بزهيرة جاية شداتها من ذراعها وجراتها وقالت : زيدي زيدي ويلي ويلي على شوهة ضاع البريسطيج ديالي تفووو على نهاار

زهيرة مفاهمة والو : امالكي الهجيج شنو واقع
فاتي بزربة وهي كتفتف : خسرت الهضرة قدام الكراش تاعي مكاين غير لق**وي وطق طق وداكشي

زهيرة وهي كضحك : ههههههههه شكون هاد تعيس الحظ
فاتي جراتها غادين لجيهة البيڤي وقالت : كاين شيء تعيسة الحظ من غيري فهاد البلاد … لا لا انا واقيلا ساحرين ليا باش نبقا بوحدي خاصني نزور الفقيه

زهيرة جبدات 5 دراهم ومشات لعند الدري لي خدام فالبيڤي وهي تبدا ضور فعينيها سيد زين ولي يشوفو يبقا حال فمو غير هو صحتوو قد السخط ….

فاتي وقفات جنبها وشافتها مضهشرة وهمسات ليها بشوية : مالكي ازمر تكوانسيتي
زهيرة نعلات شيطان وبدا كتعيط ليه باش يسربيها : خوويا معاك واحد رايبي

الدري ضار شاف فيها وضور وجهوو يشوف البنات الآخرين اش بغاو الشيء أي عصب فاتي وهي تغووت ليه بجهد : وااااخوووويااا واش مسمعتيهااش

تقدم واحد الطالب آخر ووقف جنب فاتي وقال : كاين شيء مشكل
فاتي ضارت لعندو مخنزرة وماجات عينيها غير على ياسين لي جالس حاضي الفيلم … ضوراتها فراسها مزيان وهي تبتاسم للطالب لي فجنبها وقالت : بصراحة هاد الأخ عاجبوو زينوو ومن الصباح البنت لي معايا بغات تشري وهو داير راسو مكيسمعش …

الطالب بابتسامة عريضة كحاز حداها حتى ولا قريب ليها ومع الزحام فاتي ملقات كيفاش تبعد وبدا كيهضر مع الدري لي خدام تما : يونس صاحبي واش مغاديش تسربي البنات لي من صباح وهوما واقفين

ياسين لي فاش كان برا وفاتي مشات تبعها بعينيه حتى دخلات وبلاما يشوف فمريم لي حاضياه دخل حتى هو وعرف وجهتها هي البيڤي وسبقها لتما وماعارفش علاش وجلس فواحد الطبلة قريبة وتسناهم حتى دخلوو وبقا حاضيهم وهو كيضرب صباعوو مع الطبلة بشوية حتى للحظة لي قرب الطالب لفاتي … بلع ريقوو بصعوبة وضور وجهوو وهو كيقول : ماشي سووقك اياسين ماشي سوقك متشوفش لجيهتهم متشوفش

فاتي نغزات زهيرة باش تاخد داكشي لي بغاو حيث داك خونا قرب يتلاصق معاها ولكن هي عينيها غير على يونس لي كيصاوب القهوة للطلبة وبلاما تشعر غوتات : واخووووياااا

يونس عند بالو كتهضر معاه وهو يمد القهوة لواحد البنت وضار عندها مربع يديه ومبتاسم وصوت عالي قال : وسمعناااك اختي .. اشنوو بغيتي

فاتي خنزرات فيه وضارت لعند زهيرة ونغزاتها : اش بغيتي الموصيبة
زهيرة وهي ساهية فيونس : رايبي جميلة كيعاودو عليه زوين للهضم وحلوو ومعاه واحد ميريندينا ياسلام الحياة السعيدة

فاتي برقات عينيها ويونس عقد غوباشتوو وقال : نعاام

ياسين لي مقدرش يصبر كثر وناض غادي لجيهة داك الطالب لي باقي واقف جنب فاتي ومبغاش يبعد وغير وصل لعندوو نغزوو بشوية حتى ضار لعندوو وقال : طلبتي داكشي لي بغيتي الأخ

الطالب حرك راسوو بأه وقال : اه اخويا علاش
ياسين بحدة : ايوا رآه نوبتي دابا خليني نطلب شنو بغيت

الطالب فهم راسوو وشاف بنص عين ففاتي لي عاطياه بالظهر وزاد بحالو بينما فاتي شافت زهيرة غير كتخور وهي دخل وقالت ليونس : اري واحد رايبي (ضورات وجهها شافت فزهيرة ) ولحرشة تكون قاصحة غيكون حسن

يونس حرك راسوو بلا حول ولا قوه الا بالله العلي العظيم ومشا يجيب الطلب بينما ياسين بقا واقف فجنبها وهي كاع مشافتوو حتى ضارت زهيرة وقشعاتوو وهي تقوول : اش هاد نهار اسيدي ربي واش بغيتوو الهورمونات تاعي تزعزع

فاتي وهي حابسة الضحكة : واش دين مك عندك شيء عقل بقا ليك شوية وتقولي لدري اجي تصاحب معايا ههههههههه نتي كثر مني سطاج لخر

زهيرة قربات لفاتي وهمسات ليها بشوية فوذنها : بيناتنا هاد يونس مخزز ولكن الدري لي من موراك مق**ود متشوفيش ليا معاه

فاتي ضارت غير بوجهها وجات عينيها فعينيه وهي تبرق عينيها وضارت ابتسامة بليدة : هيهي

شافتوو كيشوف فيها باستغراب وهي ضور عند زهيرة وقالت بحدة : والله ماتعطي للكراش تاعي التيساع حتى نجبد لمك عينيك ونلعب بهم البي

زهيرة شافت فيونس لي حط ليها رايبي والحرشة وقالت بهمس : صافي اللهم العور ولا العمى

خدات داكشي وخلصااتوو وجرات فاتي لي مكرهاتش ضوور عندوو ومشاو خارجين وكيبردو على راسهم بداك رايبي حتى شافوو مريم غادة أو واحد خونا لا فصالة لا زين تابعها وهي معفرة عليه

فاتي غمزات لزهيرة ومشاو كيجريو جبهتها وكيقولو بالجهد : وحمااادي طلق دجاجة لماليها

طلقوو الدجاجة لماليها 🤦😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 14 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

وقفوو عليها كيف الشياطين بينما مريم قفزات بلاصتها وقالت : اش كاين خلعتووني

زهيرة كطلع وتهبط فالدري لي واقف كيشوف فمريم وقالت : الأخ كاين ما نقضيوو

مشافش فيها حتى الشوفة وعينيه غير على مريم وقال : واش ماعطيناش دقيقة من وقتك

فاتي نغزات زهيرة وقالت : قاليها تعطيه دقيقة من وقتها بحالا وقتها عامر ههههههههه

زهيرة بهمس : مال هاد ولاد لق*اب ديما معفرين عليا وعلى جمالي

مريم شافت فالدري وقبل ما تهضر قاطعها مشرفها براسوو : سميتي بلال ونتي ؟؟

فاتي شافت فيه ببرود : سميتها عيشة
زهيرة دوات موراها وهي حاطة يديها على حنكها : وكنيتها قنديشة وايلا محشمتي اولدي على عظامك غادي تشيرك وتبقا معوق حياتك كاملة

بلال شاف فيهم مخنزر وقال : صافابا نووو
مريم بعصبية قالت : شووف اخوويا انا مكنتصاحبش ومكنعطيش نوامر بغيتي نمرة سير عند اورونج رآه دايرة بروموو

فاتي بميوعة : ومنعاودش ليك من داكشي الرفيع 10 دراهم للكارطة اش بان ليك تشري

زهيرة طلعاتوو ونزلاتوو وقالت : اش غيشري وجه الزلط باين عليه معندوو حتى درهم

بلال ضار لعند فاتي وزهيرة ساخط وقال : باغدوو راني مدويتش معاكم نتوما سوو حسن ليكم تمشيو تشوفو ليكم شيء شغل تقضيوه

مريم شافت البنات مخنزرين فيه وهي دخل ناقدة الموقف : شوف اخويا سير بدل ساعة بأخرى
فاتي ربعات يديها وهي كتشوف فيه باستهزاء : يالاه اسااط روول

زهيرة خدات طيلي ديال فاتي من جيبها وطلقات ديسك ديال l’artiste شوكولا وبدات تفقص فيه وهي كتغني : شو شو شو شوكولا شو شو شوكولا

بلال ابتاسم بسخرية وقال : اصلا باينة فيهم مستوى منحط غير من الأغاني لي كتسنطوو ليهم

فاتي عرفاتوو كيحشي ليها الهضرة وقالت بعصبية : على بالسلامة كيف جاوك اغانينا

بلال بتحدي : مكيتسنط ل l’artiste غير العاهرات
مريم قاطعاتوو بحدة : شفتك داخل دخلة صحيحة

زهيرة بميوعة : ماعجبووش لاغتيسط اطط
قلبات الأغنية وهي طلق أغنية elgrand toto وجهدات ليها فالصووت

فاتي العصافير بداو كيرقصوو فوق راسها وديك الكلمة ديال العاهرات كتعاود فوذنها : شووف اولد ماما وبابا اضوور تق**ود فحالك ولا نوريك خيزوو ماحلاه

مريم شافت ففاتي لي معصبة وهي تشدها من يديها : اصاحبتي واش دابا نتي من نيتك غادي تدي عليه

زهيرة شادة طيلي على شكل ميكروو وكتغني : مغيااااار ااااااااااااااا مغيااااااااار ااااااا

مريم شافت فيها بفقصة وقالت : واش من نيتك الخرا
فاتي استغلات فرصة مريم مشغولة وبغات تنقز على دري تريشوو حتى تشدات من دراعها وبلاما تشوف شكون شادها قالت : وطلقي الخرا طلقي نوريه العاهرات كيفاش دايرين

بلال ضرب فيهم وزاد مبقا باغي نمرة حد وأصلا ندم على النهار لي وقف على مريم وشاف جيهتها … فاتي ضارت شافت فمريم وزهيرة لقاتهم واقفين وعاد طلع معاها الفيلم وشكون شادها ضارت بالعرض البطيئ وهي تصعق من شكون حداها وبتردد قالت : و و و والله مادرت شيء حاجة هو لي جبدني

شكون ياترى 🤤🙄

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 15 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بلال ضرب فيهم وزاد مبقا باغي نمرة حد وأصلا ندم على النهار لي وقف على مريم وشاف جيهتها … ضارت شافت فمريم وزهيرة لقاتهم واقفين وعاد طلع معاها الفيلم وشكون شادها ضارت بالعرض البطيئ وهي تصعق من شكون حداها وبتردد قالت : و و و والله مادرت شيء حاجة هو لي جبدني

سفيان مخنزر فيها تخنزيرة ديال المووت وقال : لا نتي كون غير ريشتيه حسن

فاتي بميوعة : وراه هو لي جبدني ماشي أنا وزايدون لاش يقول ليا …

زهيرة طفات الموسيقى وقالت : شوفو شكون جا لحيبان ديالي اجي علاش متخطبني من دارنا ونديرو الكحل فالأبيض

سفيان : سبحان الله تلاقيتوو غير الحمقة على ختها
فاتي جراتوو من حناكوو : وينوو على لخوينز كبر ولا كيعرف يخنزر

مريم غير كضور فعينيها وتشوف فهاد السيد لي همة وشان غير من وقفتوو قربات لوذن زهيرة وقالت : شكون هادا

زهيرة بصوت عالي : ويلي اصاحبتي معرفتيش الحيبان ديالي هادا رآه سفيان زين تاع الحومة وكنكراشي عليه من صغر

مريم طرطقات عينيها على الجهد وقالت بهمس : واش من نيتك سمعتيها ليه

سفيان شاف ففاتي وقال : شكون هادي
فاتي جرات مريم وقالت : مريم هادا سفيان ولد خالتي (شافت فسفيان) سااط هادي مريم صاحبتي 😉

سفيان شاف فمريم وببرود قال : متشرفين
مريم بابتسامة : شرف ليا
سفيان ابتاسم ابتسامة بزز باش تشوفها وضار عند فاتي لي كترمش بشفارها وقال : انلقاك دايرة شيء زبلة مرة أخرى انعلقك من وذنيك

فاتي يالاه جات تهضر حتى سمعات شيء حد كينادي ليها ضارت بثقالة وهي تلقا هند جاية كتجري ودايرة لوك جديد وجات قرطاسة

زهيرة ومريم وفاتي شافو فيها فدقة وقالو : ارررررررررررعد 😳
سفيان ضار هو الآخر وشاف فيها ببرود وقال بصرامة : اتاكلوو البنت بعينيكم اقووم لوووط

هند وصلات لعندهم وهي كتنهج وشافت فسفيان وقالت : شكون هاد توت البري

سفيان : لاواه كالامار
زهيرة ميلات شفايفها لجنب وقالت : اهياوينا بعدي ليا من حبي قبل ما نصدق عاطبة فيك شيء قنت ها وذني

هند رجعات شعرها مور وذنها وقالت : مصاحبة اختي غير تهناي
زهيرة ميقات فسفيان وقالت : سير نتا شوف ليك شيء شغل تقضيه ونتا مجمع وسط قوم ديال دريات

سفيان بطنز : واش أنا تزوجتك بك اختي باش تلصقي فيا 🙄
زهيرة : ايواا وقف عند حد رآه خطبوني سياد سيادك و ها منين دخل 👌 وها منين تخرج 👌

هاد الحركة خلات سفيان يبدا يضحك على جهدوو ويجرها من دراعها ويعنكش فشعرها : حقرب حتى حمقة هاد البنت

زهيرة كتجر فراسها : وطلق مني ازمر طلق ناري على باسل

هند : عرفتوو شنوو يالاه نمشيو نلعبو

كلهم ضارو شافو فيها وهي تكمل كلامها بابتسامة غبية : نلعبوو كارطة مع ديك المجموعة ديال الطلبة لعاار

فاتي ميلات شفايفها لجنب وقالت : وحقرب حتى مليت يالاه نمشيو
مريم : من نيتكم رآه كيلعبوو بالحكيم

فاتي شافت فيها بنص عين وقالت : خوافة
زهيرة شافت فسفيان وقالت : امتى اتجي تخطبتي رآه جا غير البارح خطبني بيلوط ومبغيتش

سفيان جرها وتموو غادين وقال : ديك السبة حامضة اانسة
فاتي شافت فيهم غادين لجيهة المكتبة وقالت : شوف ليك للسفريط شافها وتسيف عليا

هند جراتهم بجوج وقالت : زيدو نلعبوو مطالعاش مطالعاش فهاد لفاك

بقاو كيضحكوو ويشدوو فلي جا فطريقهم ومجاو فين يوصلوو لعند المجموعة حتى وقفو عند واحد خونا حكموو عليه يحيد سروالو ومع البنات معارفين والو بقا كيتسناو فيه شنو يدير وغير بان ليهم حل السمطة ديال السروال وهبطوو وهوما يهربوو فاتي شادة فهند وهاربة لواحد القنت ومريم مشات لجيهة معاكسة كتجري وتقول ما جرات حتى دخلات فواحد السيد وطيحات ليه طيلي فالأرض حتى تهرس وسمعات صوتو كيغووت عليها

_ وااااش عووورة نتي مكتشووفيييش

كيحيد سروالو الخووت 😂😂😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 16 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بدات كتفتف غير بوحدها وهزات ليه طيلي من الأرض وقالت : سمح ليا والله ماشفتك سمح ليا

منير تنهد بعصبية وقال : فين كانوو عينيك حتى مدرمة عليا كيف الثور

مريم عقدات غوباشتها ونطقات بحدة : شووف الله يرحم باك رآه طلبت السماحة وزايدون رآه مشفتكش حيث داك خونا كان على شوية يحيد علينا سروالوو أستغفر الله العظيم

منير هز حاجب ونزل لاخوور وقال : نعام مسمعتش
مريم حركات راسها بلا حول ولا قوه الا بالله العلي العظيم وكملات كلامها بتردد : شوف دابا حنا ناس واعين مكاين لاش نبقاو فشد ليا نقطع ليك وقع سوء تفاهم وطلبت منك السماحة والسلام وعليكم

منير قبل مايجاوبها دازت بحالها وهي كتجري تقلب على البنات بينما دوك جوجات بقوة الصدمة بقاو كيجريو حتى دخلوو للطواليط بلاما يردو البال بلي هاديك طواليط ديال دراري …

فاتي حطات يديها على ركبتها وهي كتنهج وقالت : الله يتبعوو البلا كنا شوية وانشوفو المنكر افففف ناري سخفت بالجري

هند كتقاد فشعرها وتنهج : ناري مي شحفت اشداني نتبعك اشداني
فاتي بدات كتشمشم بنيفها وهي تكمش ملامحها وقالت : اجي هادي ماشي ريحة البول

هند تقادات فوقفتها وبدات كتشم ومخرجة عينيها : وايلي اساطة ريحة البول ديال دراري

فاتي بعدم فهم : وباش عرفتيها درتي ليها تحليلة
هند قبل ما تجاوبها سمعوو هضرة ديال الدراري غادي يدخلوو … وبزربة فاتي زربات على القضية ودخلات لطواليط وجرات معاها هند ويالاه بغات تسد الباب ولكن ملقاتش الساقطة

هند : ناري مك مك ليوم يح*ويونا جملة
فاتي بقلة صبر : سكتي أز*ي سكتي انلقا الحل

☄️ نمشيو عند ياسين ☄️

لي من بعد ما سالا المحاضرة ديالو تلاقا بيونس فالطريق وتسالمو بيناتهم وبقاو كيهضروو : ايوا كيف غادي مع دراسة

ياسين : اودي غير سكت راني بدلت الشعبة كلها داكشي عندهم معقد
يونس : صراحة أنا غير مبريكولي بهاد الخدمة علاما يعيطوو ليا لبوليس

ياسين : داكشي بالمكتاب اسااط اجي مالك مع ديك البنت لي جات عندك قبيلة

يونس : واش ديك الهبيلة لي بغات رايبي ههههههههه واقيلا درية حمقة

ياسين عرفو كيهضر على زهيرة وهو يبدا يضحك وقال : ههههههه نمرة واشمن نمرة اجي نمشيو للطواليط تزيرت الخراا

يونس : فيليندرا طلقي النموورا هههههه

دخلو الدراري للطواليط وياسين مشا لأول طواليط مع دفع الباب مع عاود تدفع عليه … شاف فيونس وقال : واش شيء حد كاين للداخل

يونس مشا لباب طواليط ومع دفعها حتى هو رجعات تدفعات وغوتات هند على حر جهدها : والعدااااواااا خرررجووو قووو*وو عليناا

يونس شاف فياسين وياسين شاف فيونس وقالو دقة وحدة : صوت بنت هادا

توقعاتكم وأرائكم ابنات الحاجة 🙄 فينكم واش نعستوو 🥺😢

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 17 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

يونس شاف فياسين وياسين شاف فيونس وقالو دقة وحدة : صوت بنت هادا

ياسين تقدم مرة أخرى ودق فالباب : واش شيء حد لداخل
فاتي كان سادة الباب ولايحة كاع ثقلها عليها باش متحلش وهند من الجيهة الأخرى حتى هي مكالية بذراعها وهمسات لفاتي بشوية : واش نحلوو الباب

فاتي نطقات تحت سنانها : حلي ليهم الباب باش يحو*و بوك وتصدقي لا ديدي لا حب ملوك

فظل هاد النقاشات رخاو على الباب وفنفس اللحظة يونس دفع الباب برجلوو حتى تحلات وطااحوو البنات فالأرض

فاتي غمضات عينيها وطاحت على مسعوودة وفنفس الوقت قالت بالغواات : واااااالخراااا

هند حتى هي طاحت على جنبها وقالت بصوت عالي : ارسووول الله

ياسين دوز يدو على شعرو فاش شافها يكفي هاد الصدمات لي صدماتوو هاد نهار زادت ليه بهادي صافي هنا سي سيد هز الراية البيضة

يونس حبس الضحكة وقال : رايبي جميلة اش كديري هنا
هند بحر الألم لي فجنبها نطقات بعصبية : كنكفت سووق ز*..مل بووك اححح اجنبي واقيلا تهرست

فاتي حلات عينيها على مصرعهم وغير شافتوو ثاني تنهدات بسخط وقالت : أقسم بالله حتى شيء ولد طيط ساحر ليا باش نتشوه مع البشري

🔥 عـنـد سـفـيـان وزهيـرة🔥

جالسين فالمكتبة وسفيان كيشرح ليها التمارين وهي مركزة معاه وكتخرج وهو كيتسناها تسالي وساهي فيها كيفاش مركزة مع التمرين وشعرها نازل على عينيها …

سفيان رجع واحد الخصلة من شعرها مور وذنيها وقال : دابا لا قلت ليك تزوجي بيا باش تجاوبيني

زهيرة طيحات ستيلوو من يديها وضارت عندو وهي مصدومة وحناكها تزنكوو وقالت : وايلي احووباي هي حلمي ايتحقق وتجي تخطبتي

سفيان جر الكرسي حتى تقابل وجهوو مع وجهها وقال : ودابا واش واخدة الموضوع ضحك ولا بجدية

زهيرة وهي كتلعب فشعرها : دابا نتا عارفني حمقة ومسطية وكنتزعط فتيتيز ب …

شافت تخنزيراتوو وهي تجمع راسها وقالت : هههه ولكن رآه واحد لي كاين فالقلب هو نتا احوبااي 😁😁

سفيان بحدة : شحال ونتي كتعرفيني
زهيرة شدات ستيلوو وبدات كتغزز فيه وكملات هضرتها : الصراحة ديال الله ماعقلتش ولكن عشرة سنين احبي دابا من لخر واش باغي تخطبني ولا لا

سفيان حيد ليها ستيلوو من فهمها وقال : كنت جاي باغي نقول ليك بلي خدمت فواحد الشركة وغدا انبدا معاهم وصراحة لله فكرت تستاقر حتى انا وملقيتش شيء حمقة فحالك

زهيرة وهي مخنزرة : شكرا على المجاملة …. ودابا اجي شرح ليا راني تكلخت فهادشي ونزيدك لا بغيتيني دوز عند الواليد وتفاهموو تافقنا احووباي

سفيان بحب عنكش ليها شعرها وقال : كنحماق عليك البرهووشة

الحب والرومانسية 😂😂 بمناسبة عيد الحب ❤️😍

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 18 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

ياسين دخل لعندها وشدها من يديها منوضها ويونس دار نفس الشيء وخرجوو من الطواليط بربعة جاب الله مشافهمش شيء حد أما كوون فهموها عوجة …

مشاو لأقرب كرسي وجلسوو البنات والدراري واقفين ليهم عند راسهم وكيشوفو فيهم بإستغراب

فاتي تنهدات تنهيدة طويلة وقالت : الله يحفظكم الخووت حيدوو من قدامنا درقتوو علينا الرؤية ..

هند وهي حاطة يديها على جنبها وقالت : خليو الشمس ضرب فينا رآه عظامنا مزعزعين

ياسين شاف ففاتي ولأول مرة ايهضر معاها : اش كنتو كديرو فالطواليط

يونس شاف فهند مخنزر وقال : وبلاما تقولو لينا كنتوو كتكفتوو

ياسين خنزر فيونس وقال : من نيتك المررض متيق ديك الكذبة

فاتي دوزات يديها على شعرها بعجرفة وقالت : غير تهدنوو الخووت غادي نعاودها ليكم بحال الخرافة كنا غادين نلعبوو

شافت ملامحهم لي تغيروو وهي تنقز هند كملات بلاصتها : نلعبوو كارطة مع طلبة وفطريقنا شفنا واحد خونا كيدير المنكر نضنا انا وفاتي أو واحد كحلة العفطة ماعرفت فين هرباات بدينا كنجريو حتى لقينا راسنا عندكم

فاتي ناضت جامعة الوقفة حتى ولات مقابلة مع ياسين لي مخنزر فيها وقالت : اسبحان الله شتك بحالا باغي ضربني

هند ناضت حتى هي وشافت فيونس بتخنزيرة وضورات وجهها وهي تبان ليها مريم جاية كتجري وتشير ليها …

هند قربات لفاتي وهمسات : هاهي المدوخة الثانية جات

فاتي هزات راسها وهي تلقا مريم التاحقات بالمجمع وبلا سلام وبلا كلام قالت : اودي ليوم كنت غادي نخلص الخطية دخلت فواحد تراكتوور حتى طاح ليه الأيفون تاعوو كون خسر كون قو…د…تها

فاتي وهند دارو ابتسامة عريضة ومريم بقات كتشوف فيهم باستغراب وعاد ردات البال للدراري لي كيتفرجوو رمشات بشفارها الكحلين وقالت : كاميرااا كاااشي

هند زادت غادة وقالت : دوزو بخير
جات فاتي تبعها وهو يشدها ياسين من مرفقها وقال : خليك نتي

يونس حرك راسو بلا حول ولا قوه الا بالله العلي العظيم وقال : سااط نمشي نكمل خدمتي نتشاوفو من بعد

ياسين حرك راسوو باه وجر معاه فاتي لي غادي طير بالفرحة من لداخل ولكن مبينة ليه بلي معصبة : اشرررييف فين غادي بيا والعمالة

هند تبعات ليها العين هي ومريم حتى غبروو عاد ضاروو غادين … وهي تلمح مريم منير جاي لعندها وعاقد غوباشتوو

مريم طلعات معاها الصهدة وبتردد قالت : باينة ايفونو خسر وجا بغاني نخلصوو ليه وقوا…….دت احمادي

هند يالاه جات تستفسر منها حتى لقاتها طارت كتجري مخليها مفاهمة والو ومع الضورة مع كتلقا منير واقف عليها ومد ليها بزطام مريم وقال بعصبية : قولي لديك الحمقة ديال صاحبتك دير النظاظر

هند حركات راسها باه وهي ساهية فهاد كتلة الرجولة لي فهاد خونا وغير مشا من قدامها بقات متبعاه بعينيها حتى قفزات مخلوعة من مريم لي رجعات عندها كتجري وقالت : اش قال ليك نخلص ليه طيلي ديالو ياااك

هند ضرباتها لراسها بالبزطام ديالها وقالت : هاد تووت قال ليك ديري النظاظر

مريم شدات بزطامها وبلعات ريقها وقالت : مغاديش نخلص ليه الخطيبة

هند جراتها من يديها غادين لبرا : كاين شيء خطية قدك زيدي زيدي

لوك جديد ديال هنودة ❤️🌝

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 19 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بقا شاد فيديها وجارها حتى وصلو لساحة الرياضة وجلسها فوق الكرسي وقال : جوج كلمات منعاودهمش تبتي للأرض وبلا ديك طيرة ديال والو

فاتي بطنز : نعام نعام اخويا واقيلا وذني ثقالوو عليا ومبقيتش كنسمع مزيان عاود اش قلتي

ياسين مد ليها يدو وقال : اري تيليفونك
فاتي ببرود : ماعنديش
ياسين خنزر فيها بتخنزيرتوو المعهودة وقال : بلاما تصعري ربي طلعي تيليفوون

فاتي ناضت جامعة الوقفة وزادت غادة حتى جرها من يديها وتزدحات مع صدروو وقال : فين غادة مزال ماكملت

فاتي يالاه جات تجاوب حتى وقف عليهم سيكيريطي ديال لفاك وقال : الله ياربي الله …. واش مبقيتووش تحشموو ياهاد لجيل باقا ليك اوليدي غير تقنتها فشيء قنت وتهنى …. نووضوو تهزو عليا من هنا الله ينوض ليكم الجلد القوم الكافروون احتارموو غير لي فوقكم وكيشووف فيكم

فاتي صعرات بالبيان وتنترات من ياسين بالفن : شتك دايرة ليا فيها شيخ داعية ونتا تلقاك غير كتكفت فالدروج اولد طيط سير سير حسب الطريق قبل ما نحسب لعمي سنانوو

ياسين جرها من دراعها بعنف وغووت فوجهها : سدي فمك نتي

شاف فسيكيرطي وقال : اشرريف ديك المحاضرة دريها على شيء حد وزايدون هادي مراتي نقنتها نكو*..يها نتا اش مشا ليك

سيكيريطي : اييه اولدي مراتك ولايني ديرو داكشي فدار هادي راها كلية وفيها قوانين

فاتي بصوت عالي : وسير شوف ليك شيخات لي مع سواعدة فطواليط عوض متقابلني انا

ياسين سد ليها فمها بيدو : راك قلت لعدوو ربك سكتي واش مكتفهميش

سيكيريطي ميق فيهم وزاد بحالو بينما فاتي دفعات ياسين وزادت فحالها مكشكشة وعلى نغزة تنفاجر

وصل ليل ….

من بعد نهار طويل ديال العذاب ياسين دخل لبيتوو يرتاح واخا باقي كيفكر فالكلام لي قال وكيفاش خرج ديك الجملة من فموو بلاما يحس

تنهد تنهيدة طويلة بحيث مجاهش النعاس وبقا كيتفرج ففيلم Lucifer حتى جاه الملل وخرج بلاما يكملوو …

دخل لأنسطا طالع نازل كيشوف شنو الجديد حتى شاف بلاصة الميساجات لي فيهم رقم 1 بالأحمر … عقد غوباشتوو ودخل يشوف شنو كاين حتى طلع ليه كونط انسطا ديال بنت مسيفطة ليه وبدون مبالاة دخل وبدا كيقرى وهو باقي على نفس الملامح

” خويا سمح ليا على الإزعاج ولكن واحد البنت سيفطاتني عندك وقالت ليا بلي رآه عندك دروس ديال الإقتصاد سوميستر 1 ايلا كان ممكن واخا تسيفطهم ليا ”

ياسين تفكر راسوو فاش بدل الشعبة حيث جاتوو معقدة وشاف تاريخ الميساج شيء ثلاثة سيمانات ملي تسيفط وهو يجاوب ببرود :

✉️ معنديش اختي دروس ديال الإقتصاد … وزايدون شكون هاد البنت لي سيفطاتك لعندي

رسل الميساج وبلان هاد الأخت ضروو فراسوو … شوية طلعات ليه اولاين وكتكتب هز حاجب ونزل لاخوور فاش وصلو الميساج

✉️ واحد البنت كتقرى معاك هي لي سيفطاتني عندك وانا بغيت غير دروس لاكانوو عندك باصيهم ليا

ياسين جاوبها فجوج كلمات : واش كتعرفيني
فاتي بقات كضور فعينيها وكتفكر بلان صباح وهي تبدا تكتب : لا مكنعرفكش علاش

ياسين بدا كيكتب وشاك بلي هاد خيتي تكون هي هاديك لي فبالوو
🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 20 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

ياسين بدا كيكتب وشاك بلي هاد خيتي تكون هي هاديك لي فبالوو وغير سالا سيفط لميساج

✉️ باص تصويرتك

فاتي طلعات vu وبدات كتهضر بهمس : شووف ليك لصوبيص كلمة جوج سيفطي ليا تصويرتك واخا هانا انوريك تسنى بلاتي

خرجات فاتي من الأنسطا ودخلات للفيس كتقلب على شيء بنت تيتيزة تسيفط ليه تصويرتها حتى لقات وحدة وهي تهز تصاورها وسيفطاتهم ليه وحتى هو ماشي من العاكزين جاوبها ديك الساعة

‏✉️ Passe autre

فاتي قلبات شفايفها لجنب وقالت : والله حتى طلع مكبووت هاد لميكروب

ضربات فمها ضربة خفيفة وقالت : متعايريش ليا حووبااي اسميتك 🙄

هزات تصويرة ديال ديك البنت غير هي مختلفة وعاودات باصاتها ليه وجاوبها ديك ساعة

✉️ متأكدة هادي نتي

فاتي عقدات غوباشتها وقالت : ياكما يكون تزعط ليا فهاد خيخان ونصدق انا مخورة اويلااااااي

ضربات جبهتها ضربات خفاف وجاوباتوو : اه انا هي علاش

ياسين ضحك باستهزاء وكتب ليها ميساج : حيث هاد البنت كنت مصاحب معاها ويا للعجب عندي لكونط ديالها الأصلي دابا بلا دوران شكون نتي

فاتي وهي كتقرا فالميساج كتبلع فريقها وبدات كتنش على راسها بيديها وقالت : تهدني افاتي تهدني رآه معاقكش بك غير تهدني اوووف اربي اووف اش غندير اربي اش غندير

شدات طيلي بين يديها بزز وبدات كتكتب وعينيها كيضورو

✉️ نتا راني غير بغيت نضحك معاك … سمح ليا اخاي ولايني مكنسيفطش تصاوري

ياسين ديك الساعة جاه النعاس وهاد خيتي مرضااتوو فراسوو خسر عليها جملة وحدة من بعد بلوكاها بدم بارد

✉️ ايوا قو…*..دي عليا

فاتي يالاه قرات ديك الجملة وهي تسيف ومجات فين تسبوو حتى لقاتوو بلوكاها … وبالفقصة شدات طيلي وعضاتوو وقالت : اعععععععععع

🌊 عـنـد مـنـيـر 🌊

جالسين فبار وهو صحابوو سهرانين وكل واحد شاد كاس كيشرب فيه حتى جات لعندو واحد خيتي لابسة كسوة قصيرة وبدون مقدمات جلسات ليه على رجلو وضورات يديها على عنقوو وقالت بغنج : بب مالك ساهي ياك لاباس

منير راسو ثقيل عليه وزيد عليها المسؤولية لي خلا ليه باه ديال تسير الشؤون الطلابية بغات تسطيه وبلاما يشعر دفع ديك خيتي من فوقو بعنف وقال بحدة : سيري بحالك ممساليش ليك هاد ساعة

البنت تصدمات فيه حيث تسيف عليه بالمعقوول بقات كترمش بشفارها ودمعة حارة واقفة ليها فطرف عينيها وبلاما يتسوق ليها ناض خارج من لبار كولو من بعد ما ودع صحابوو وسوارت ديال لوطو فيديه كيلعب بهم …

خشا يديه فجيابوو وهو يلقا واحد سنسلة فيها مالانهاية … عقد غوباشتوو وتفكر فالصباح فاش طاح البزطام لمريم وتشتت فالأرض وهو يجمعو ونسى مارد ليها سنسلة …

منير ركب فلوطو ديالو وهو شاد ديك سنسلة فيديه وقبل ما يديماري نطق بتعب : هادشي لي بقا ناقصني غير ديك الحمقة

بلووكاها لاهيلا 😂😂😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 21 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

دازت الليلة على خير وصبح الصباح واحد الرباعة ديال البنات صبحوو ناعسين وحتى واحد ما مشا للقراية حيث مكاين غياب والدراري كل واحد وشنو دار سفيان مشا يبدا خدمتوو فالصباح بكري …

يونس لي عيطوو عليه البوليس ومشا يدوز لونطخوتيان بينما منير مشا لفاك وعيى يقلب على مريم يعطيها زمرها وكل مرة يدعي فيها حيث خرجات ليه من الجنب … أما سي ياسين فهو بقا مجبد ناعس حتى جات أمو فيقاتوو عاد ناض كيجر فرجليه غسل وجهوو وسنانو وخرج يفطر …

عند فاتي لي الفرطة ديال البارح مبغاتش تنسى ليها وحلفات ترد دقتها ومع شافتوو حط نمرتوو فأنسطا طاحت عليها واحد الفكرة وحلفات حتى طبقها

هزات طيلي ديالها وشعلات لويفي وانسطالات واتساب غير ديالها ودخلات نمرتها الثانية وبلوكات كاع لكونطاكط لي فواتسابها الأصلي وخلاتوو غير هو …

وبالفقصة كتبات عليه المخزز وبدات تكتب فميساج وتبتاسم بشر

_ جيت قاصداك والمقصود الله متخاف ما دهش فخاطر الوالي الشريف بويا رحال من هنا حتى لخميس زمامرة شايلاه مولاي قبتين نسيب لآلة عيشة البحرية وقف عليا جدي فالمنام أو وراني تصويرتك وقاليا هادا زمانك ابنتي

سيفطات الميساج وهي كتموت بالضحك وكتسناه يجاوبها …

عند ياسين لي سالا فطورو وهز معاه كاس ديال الحليب ومشا لبيتوو هز طيلي ديالو باش يديرو فلشارج حتى كيشوف ميساج جاه فالواتساب

دخل للواتساب ديالو وبدا كيقرى فالميساج ومافهم والو شكون هادي عاود … وحيث فاق مشابعش نعاس جاوبها ببرود

_ شكون معايا 💬

فاتي صغرات عينيها وبدات تكتب

💬 طلب التسليم وقول شايلاه مولاي دريس

ياسين خسر سيفتووو وكتب ليها

💬 ابلا تبرهيش تاع والو وقولي شكون نتي

فاتي حبسات الضحكة وطلعات ليه vu واحد خمسة ديال الدقائق خلاتوو فيها ايحماق باغي يعرف شكون هادي عاد كتبات ليه

💬 خوك خوك وفنفس الحرفة عدوك … جرتك مسگدة جدي وقف عليا فمنامي بحالا خارج من جهنم وقالي منك نخلاق ونتا هو زوجي قرة عيني

ياسين : اش هاد الخرا على صباح واشمن زوجي قرة عيني ولا نم واش هادي حمقة

طلع ليها vu وخلاها كتسنى فيه على نيتها ايجاوبها ساعة فقدات الأمل ديالها ومشات تشقى وتعجن على قلبها

🌊 عــنــد مـريـم 🌊

حتى هي زهرها عوج مع فاقت من نعاس مع لقات مها كتخمل وحيث هي البنت الوحيدة لي فالعائلة ناضت كتطلع فالوسايد للسطح والطلامط تشمش فيهم على سعدها ووعدها ومع هبطات للدار حطات يديها على عنقها وملقاتش سنسلة ديالها وبجهالة بدات كضور فعينيها وتقلب فاي بلاصة وكاع البيوت قلباتهم أو والو وحيث ديك سنسلة هدية من جدها لي مات دمعوو عينيها وبدات تبكي كيف شيء بنت صغيرة : بغيت سنسلتي … جيبو ليا سنسلتي

الأم ديالها سمعات حس شيء حد كيبكي وهي تخرج من الكوزينة وقالت : مريم مالك كتبكي

مريم وهي كتشهق بالبكى : سنسلة دجدي الله يرحموو مشات ليا

الأم : خلعتيني يابنتي تصاحب ليا طرات معاك شيء كارثة … ايوا صافي تمشي سنسلة وتجي سنسلة

مريم جلسات فالأرض وبدأت كضرب يديها مع الأرض بعنف وقالت : هادي سنسلة عطاها ليا قبل ما يموت أو وصاني عليها مسووقيش أنا بغيت سنسلتي تررجع ليا … رجعوها ليا

الأم نوضاتها من الأرض وقالت : نعلي شيطان ابنتي غدا انجيبها ليك صافي

مريم شاف فيها ببراءة وقالت : غدا اتجيبيها ليا يااك

الأم دوزات يديها على شعرها بحنية وقالت : غدا نجيبها ليك وعد
مريم عنقات ماماها بجهد وقالت : مغاديش يتقلق مني جدي حيث ضاعت ليا من يدي

الأم باست على راسها وقالت : مغاديش يتقلق منك وسيري كملي معاك نشير لدوك طلامط وباراكا من الفشوش

مريم مسحات دوك الدميعات ومشات كتجر فرجليها تكمل الشغال بينما الأم بقات كتنهد عارفة بلي ديك سنسلة هي نقطة ضعف بنتها لدرجة تشفري ليها تيليفونها ومتاخديش ليها سنسلتها …

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 22 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

جا نهار جديد …

☄️ عـنـد مـنـيـر ☄️

فمكتب الشؤون الطلابية جالس كيخدم على بعض الوثائق وفيديه ديك السنسلة مزير عليها قبضتوو وخدام على شغلوو حتى كيدخل عليه سيكيريطي ماد ليه القهوة وقال : سي منير سيادة العميد كان كيسول عليك وبغاك طلع للكلية تاع الرباط ضاروري

منير عقد غوباشتوو ونطق بحدة : علاش بالسلامة

سيكيريطي : كاين واحد المشكل فالبيانات وكيتسناوك تمشي تحلوو

منير جمع الوقفة ساخط وقال : ولاش جايب ليا القهوة غادي نديها معايا للرباط مثلا

بلاما يتسنى الرد ديالو خرج بحالو وهو كيلبس تجاكيط ديالو من البرد … خرج لبرا الكلية كيقلب على طونوبيلتوو حتى قشع شيء حد من بعيد طالع فوقها وكيتسيلفا بحالا طونوبيلة ديال باه

منير كلما كيقرب كتوضح ليه صورة ديال بنت وشعرها الأسود طويل مطلوق على راحتوو … وبدون مقدمات تقدم لعندها مخنزر وقال : ساليتي

مريم يالاه جمعات شفايفها على شكل بوسة وجات تصور حتى لقات صاحب دعوتها واقف من موراها وداير فيها تخنزيرة ديال الموت …

هبطات طيلي ديالها بشوية وبلعات ريقها لي نشف وقالت بتردد : ياربي منكونش كنحلم

منير ببرود : لا لا راك كتحلمي غير تهزي من فوق الطونوبيل

مريم ضارت لعندو مخسرة سيفتها وقالت : رآه مغاديش نشفرك غير تهنى

منير مشا حل لوطو تاعوو باليد لي فيها سنسلة حتى قشعاتها مريم وهي تبرق عينيها ومشات لعندو طايرة شادة فيديه وكتغووت : طللق طلق اشفاار باغي تهرب بسنسلتي والله لاكانت ليك طلق

منير تنهد بعصبية وقال : ضوري قو…دي فحالك
مريم شافتوو طالع وهي يدمعو عينيها من سنسلها لي غادي ضيع منها لثاني مرة وبصوت باكي قالت : وعطيني سنسلتي

منير عاد سرا معاه البلان وبقا غير كيشوف فهاد الخليقة لي لاصقاه بحال لكولا وبسرعة شد ليها يديها بعنف وحط ليها سنسلتها وزير على يديها حتى غمضات عينيها مزيرة عليهم وقال : مرة جاية نلقاك قدامي مغاديش نعقل عليك

مريم بقات مغمضة عينيها حتى حسات بيه طلق من يديها وحلات عينيها بشوية لقاتوو ركب وغير ضور وجهوو لعندها عطاتوو فاكيوو وهي تهرب ….

منير كيهز فراسوو ويتحلف عليها : بلاتي على مك البرهوشة لاما نربيك راني مسميتيش منير

دار سانتير بجهالة وديمارا وزاد …

🌊 فالجيهة الأخرى 🌊

هند جالسة ناشرة رجليها فوسط الكازوو وكتسليفها ولي داز من حداها كيبقا يشوف فيها عاد يكمل طريقوو وهي كاع ما مسوقة الشمس ضاربة فيها وعينيها كيبرقوو كتبان كيوت رغم كلشي …

هند هزات طيلي ديالها عالي شوية وتقابلات مع الشمس ويالاه جات تاخد تصويرة حتى وقف قدامها مدرق عليها رؤية وقال : ناس مكيجلسووش فالكازو اانسة

هند هزات فيه عينيها وقالت : علاش واش كاين شيء مشكل

يونس دوز يدو على عنقوو ونطق ببرود : حيث دايرينو غير ديكور ماشي تخيمي فيه

هند ناضت جامعة الوقفة وكتسوس فحوايجها : ماحدك جيتي جيتي كون غير جبتي لينا معاك شيء بيبسي وشيء كيكة نسكتوو بها جوع

سكتات شوية ورجعات مكملة كلامها : واجي نتا علاش جاي عندي

يونس بحدة : كنسول على صاحبي وملقيتش شيء سمسار حسن منك

هند شافتوو غادي وهي تبعوو كتجري : الكلاخ المبين سمسارة كيقلبوو ليك على ديور ماشي صحاب

يونس ضار عندها وهي مصطانع ملامح الصدمة : واو مكانتش فخباري حلفي بالله

هند ملامحوو جابت ليها الضحكة وجلسات كضحك : ههههههههه شووف ليك بينوكيو كيف ولا ههههههههه

يونس : هيهي حامضة
هند قاطعاتوو بسرعة : لحموضة موضة وتر..مة طاسيلتك معضوضة

تخنزيراتوو فيها كانت كفيلة تخليها ترجع بلور وهي كتقول : غير كنضحك معاك … راني هبيلة وخارجة من 36 مديرش فيا عقلك هالعاار

يونس جا قاصدها يوريها اش كيسوى حتى لقاها علقات من حداه بحال زواق … مسكين بقا غير كيشوف ماعرف شنو يدير …

وفطريقها تلاقات مع مريم كتجري حتى هي جاية لجيهتها … هند وقفات كترد النفس وقالت : علاش كتجري نتي

مريم كتسووط بجهد : حتى تقولي علاش كتجري نتي

هند ضورات عينيها وقالت : حيث خسرت الهضرة مع واحد الأخ وخفتوو يتبعني

مريم ضورات عينيها حتى هي وقالت : انا عطيتوو غير فاكيو وهربت

هند شافت قدامها وهي تقوول : هاهو موراك اساطة

مريم بلاما ضور غوتات بصوت عالي وكملات كتجري وتقول ماجريت : اويلاي

هند بدات تموت عليها بالضحك : ههههههههههههههه تريكة لكارطون ههههههههه ماما غطيني وبابا دلعني هههههههه تشجعنا بكري مع البشري

مريم الهبيلة 😂😂😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 23 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

فاتي لي هاد المدة لي جلسات فيها فدار … كاع دوك لي كتعرفهم بغات تشد فيهم داكشي باش دوات معاهم فواتساب جديد ومنهم سفيان لي غير سيفطات ليه ديك الجملة الشهيرة ديالها قشعها وسيفط ليها ميساج

💬 واش مزال مبغيتي توبي وديري عقلك 🙄

فاتي جمعات شفايفها بفقصة وقالت : هاد خيخان كيعيق دغيا اجي نديرها للبنات

سيفطات لهند ميساج وهي كتخرا بضحك بجهد وأمها فلكوزينة كتقول ليها : وانعلي شيطان ياهاد البنت

💬 شلونك حبيبتي والله انا شفت صورتك حبيتك كثير كثير وايد وايد

هند كانت كتقرا على ولادها حتى سمعات حس ميساج جبدات طيلي وسط المحاضرة وصغرات عينيها وبدات كتكتب

💬 وسير القريشي تاع بووك عطيني تيساع تبغيك لفعة مسموعة انشاء الله اخانز البيطان سير شوف وجهك داير كيف شيء خرية لاوية عاد دوي

فاتي كلما كتقرى طتخرا بالضحك وكتكتب والدموع كينزلو من عينيها

💬 شو قلتي حبيبتي والله مافهمت عليك

هند طلقات اوديو وبدات تسجل وقالت : وضور تح..وى از…ام….ل ينعل تريكة حس بووك ياقووم لوووط از….ا….مل

مع هاد الكلمة الاستاذة سكتات وتسمعات ديك الكلمة الجميلة فلونفي كامل وكاع الطلبة ضارو عندها وشيء كيضحك وشيء باغي يفهم شنو طاري وهي بغات تموت فحوايجها من الحشمة

لبروفة دارت ليها اشارة تخرج تكمل هضرتها على برا وهي ناضت حانية راسها وكدعي فهاد سعودي لي ماعرفاتوو شكوون …

دازت الأيام والأسابيع البنات عاقوو بفاتي وكل وحدة واش دارت ليها حتى للنهار لي مشاو البنات عند مريم للدار وبداو يسطوريو ومنهم فاتي لي نسات بلي داك الواتساب فيه ياسين وايلا لاحت فيه تصويرتها غادي يعرفها ديك الساعة

ولكن فاتي نزل عليها الكلام وبدات تلوح سطوري مور سطوري بلاما تشوف شكون شافهم …

ياسين كان كيتكونيكطا كيف العادة حتى طلع ليه سطوريات واحد نمرة مقيد عليها ” السلامة ياربي ”

دخل لمحادثات هو لوالة عاد عرف شكون هي ومشا يشوف سطوريات وغير بانت صاحبة دعوتوو وقال : وانا نقوول شكوون هادي واخا صبري عليا نوريك

دوز ابيل فيديو وجلس كيتسنها تجاوب ساعة والو وهو يخرج من واتساب وصونا ليها … فاتي شافت نمرة غريبة حيث مسحات نمرتوو وقالت بلي غير مراهقة وادوز وتنساه …

وغير شافت نمرة دوزات الخط وقالت : شكون معايا

ياسين حابس الضحكة وقال : جيت قاصداك والمقصود الله متخافي ما دهشي فخاطر الوالي الشريف بويا رحال من هنا حتى لخميس زمامرة شايلاه مولاي قبتين نسيب لآلة عيشة البحرية وقف عليا جدي فالمنام أو وراني تصويرتك وقاليا هادي زمانك اولدي

فاتي : واش شتي تشالنج داروه للدراري وانا مفخباريش

ياسين : لا غير هو كيفما جدك خرج ليك فمنامك ووراك تصويرتي حتى جدي خرج ليا فمنامي أو وراني تصويرتك

فاتي طلعات معاها الصهدة وقال : ي ي ياسين يااك

ياسين : شايلاه مولاي تهامي طلبي تسليم
فاتي بابتسامة غبية : تسليم تسليم

البنات كيشوفو فيها وزهيرة لي مرعودة من الجنون خافت وبدات تكحز مبعدة عليها

فاتي ببرود قالت : رآه غير تشالنج متخاف مدهش ومتيقش
ياسين : سيري نعلي شيطان راك بعق ..

يالاه بغا يكملها وهو يتفكر نهار لي خسرات فيه الهضرة مامرة ماجوج وقال : لا لا موحال نتي واش عندك لعقل

فاتي جمعات شفايفها منفخة وقالت : بزاف عليك انا يالاه

قطعات عليه وشافت فالبنات كيشوفو فيها وقالت : ياك لباس علاش كتشوفوو

جوج أجزاء ونساليو 🌊🌊

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 24 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بعد مرور سنة ….

واقفين عند مول الذهب وكيشوفو فالخواتم وهو ضروه رجليه بالضوران فقصاتو ديال بصح حتى تنهد بعصبية وقال : واش اتشري لويز نتي ختاري الكادو دغيا

فاتي بميوعة : دابا لا بغيت نشري ليها خاتم ديال ذهب غادي نلقا راسي انا ومشريتووش شريتيه ليا غير نتا احبي سوو نشري كورميط

جراتوو من يدو وقالت : زيد زيد تشوف الذهب وخضر عينيك

ياسين وكل أمرو لله وتبعها حتى وقفو عند مول شيء وقال ليهم : خاتم خطبة زواج ولا بلاكيو

فاتي : ما خطبة ما زواج ما بلاكيو بغينا كورميط

مول المحل جبد ليها واحد الكورميط ثقيلة وقال : هانتي شوفي وخضري عينيك

ياسين شاف فيه بحدة وقال : هي لي اتخضر عينيها ماشي نتا الحاج

فاتي شدات لكورميط فيديها وقالت : وشحال هادي الحاج

مول المحل قال : وعلى قبلك ابنتي حيث بنتي ليا ضحوكية

ياسين زير على فكوو وقال : احم احم
مول المحل : غادي نخليها ليك ب 60

فاتي بفرحة : صافي صافي اعمي ناخدها ويلي حتى 60 درهم تغلبنا … ناري غادي نطرطق ليهم المرارة بهاد الكادوو

ياسين شد شعرو ناتفو وقال : رآه أنا لي غادي طرطقي ليا المرارة قبل ماتمشي لهاد العرس واش نتي واخدة ليها كاشة وبلاطوو ديال الكيسان وباغا تزيدي تشري واش من عقلك كدوي

مول المحل : لابنتي ماشي 60 درهم بغيت نقول 60 الف ريال وراني كنت كنبيعهم ب 80 وغير ليك نتي خليتهم ليك ب 60

فاتي : شناهوا 60 الف ريال مالك داير ليا فيها لعنبر رآه غير جوج بولات حمرين وجوج خضرين ونص غرام ديال الذهب

ياسين حيد ليها لكورميط ومدو لمولاه وجرها من يديها وزادو خارجين … فاتي بفقصة : هاكيلي هاكاوا قال ليك 60 الف ريال لاهيلا من نيتوو

ضارت شافت فياسين لقاتوو مخنزر وقالت : زوجي قرة عيني مالك غضبان

ياسين بدون رد غير ساكت
فاتي ميلات شفايفها لجنب وقالت : غرتي عليا احبي من شارف يااك

ياسين ضار لعندها مخنزر وهي تكمل كلامها : اش بان ليك فواحد ستون نتا تاخد شيء وحدة شارفة ولباس عليها وانا ناخد

ياسين بعصبية : اقسم ليك بالله وتكمليها حتى نخشي ليك راسك فهاد زاج

فاتي ببراءة : ماعزيش عليك لميمات احبي ههههههههههه

ياسين وصلو للبلاصة لي بلاصاو فيها طونوبيل وركبو شيء مكيهضر مع شيء … حتى وصلوو لقاعة الحفلات

فاتي نزلات بزربة بلاما تسناه وعلاش لا وهي شافت صحاباتها كل وحدة نزلات من طونوبيلة خطيبها ولا راجلها …

فاتي مشات عند هند وتعانقوو وتلاحت عليهم زهيرة وقالت : والهجيج توحشتكم

ياسين نزل حتى هو وسلم على يونس وسفيان ودخلوو لقاعة لي كانت كتجهز بالطوابل والكراسا والورد وجلسوو فأول طبلة جات قدامهم عاد تبعهم البنات كيضحكوو ويتفكروو يماتهم من بعد مشاو لبيت العروسة وبداو فالتجهيزات …

كل وحدة كانت واخدة تكشيطة لي غادي تلبس والميكاب موجود بقا ليهم غير يوجدوو …
دازت شيء جوج سوايع ووصلات الخمسة عاد دخلات للعروسة للبيت لقاتوو عامر ومرون وقالت : اويلي اش هاد الحالة واش أنا لي غادي نتزوج ولا نتوما

زهيرة كانت سالاه ميكاب ديالها ولبسات جرات مريم من يديها وبدات تصفق وتغني : امريم ياقطيب اللوز خليوها دووز امريم اقطيب البنان خليوها تبان

فاتي ناضت بتكشيطتها وهزاتها من جناب وبدات تشتف وتغني : والقمرة علي علي وديري دارا لالا لعروسة ويانوارة

هند كتصايب فوجهها وتحركوو زعما راني حتى انا كنشطح معاكم ومرة مرة تزغرت حتى دخلات نكافة وبدات كتوجد فالعروسة

على برا ….

الناس بداو كيدخلوو وكل شد بلاصوو وفالطبلة لي مقابلة مع جلسة ديال العرسان جالسين دراري وكل واحد مخلي لخطيبتوو ومراتوو كرسي حداه خاوي …

يونس لي كيسيفط لخطيبتوو ميساج باش تخرج لعندو وشكون من غيرها الحمقة ديال هند لي نساتوو كاع فاش شافت النشاط وما بيدو حيلة رجع كيجمع مع دراري …

أما واحد سفيان وياسين عارفين عيالاتهم لاشافوو بعضياتهم والله مايعقلوو عليهم داكشي باش بقاو جالسين بلايصهم بحال داك دري صغير لي كتديه معاك للعرس وتهددو باش ممنوع يتحرك من بلاصتوو ….

وأخيرا عفى الله عما سلك وتم خارج منير بكوستيم كحل ومريم جنبوو كتبتاسم وموراه البنات كيزغرتوو مع نكافة لي قالو ليها مكتعرفي والو …

كل واحد شد بلاصتوو وكل من أبطالنا شد مراتوو عندو وايلا بغات شيء وحدة فيهم تنوض تشطح كينغزها راجلها تشد الأرض وكتبقا مسكينة غير ضور فعينيها

بقاو على نفس الحالة لي كيتغير هي مريم لي كل شوية تنوض تبدل لبسة وتعاود دخل حتى للحظة لي دخلات بالكسوة البيضة وطلقو موسيقى هادئة …

بداو البنات كيصفقوو وهوما متبعينها بالعين حتى وصلات للبرزة وجلسات كتصور هي ومنير وسرباي دافع لحلوة جيهتهم

زهيرة .. هند .. فاتي شافوو الحلوة ونساو راسهم بغاو غير فوقاش يبداو ياكلوو ولكن العرسان معطلين فالتصاور وهادشي عصب البنات وبلاما يشعروو نطقوو بثلاثة بهم فدقة وحدة : وطلق دجاجة لماليها انمي

كلشي يتبدل الا البنات 😂😂😂

🔰 أحــــــــاســــــيـــــــس مـــــــتــــــمــــــردة 🔰

🔥 بــقــلــم ✏️ : YouSra AnGeL 🔥

⛔ قــــصـــــة قــــــصـــــيـــــرة ⛔

🦋 الـــبـــارت 25 🦋

♣️ وسألوني عن الحب ❤️ فابتسمت بسخرية وقلت أنه احساس متمرد ليس له مثيل الا مع الرجال وليسو أشباههم ♣️

بدات كدوز يديها على التصاور ومع كل تصويرة كترجع ذاكرتها لور بحال شيء شريط قصير وكل شوية تبتاسم بفرحة الحمد الله هي دابا الآن امرأة مزوجة بالراجل لي بغاتوو من اول مرة شافتوو واخا كان عاجبوو راسوو بلا قياس مي بذكائها حداتهم ليه

تحل لباب ديال البيت ودخل كيحل فالكرافاطا وكيهضر بزربة : ماعرفت هاد نم فين كيكون عقلهم فاش كيخدموو … بنادم دينموو مرفووع عليه القلم

فاتي سدات البوم تصاور وناضت عندو وهي كترمش بشفارها ببراءة : مالك مخلوع مالك ممرتاحش بالروجولة متخلع ماوالو غادي تهدن بكل رجولة

ياسين تنهد بقلة صبر هو فين كيدوي وهادي فاش كدوي : فاطمة بلا ضحك دابا راني داوي من نيتي

فاتي وقفات اونفاص معاه وضورات يدها على عنقوو وقالت : اولا ازوجي قرة عيني عيط ليا غير فاتي كافية أو وافية تقضي الغرض 😉

ثانيا فاش كندخلوو لعش الزوجية كنلوحو من مورانا كاع العصبية وكنحلو المشاكل بالحوار والمناقشة (باستوو جنب فمو وقالت ) تفهمنا احبي

ياسين جرها من خصرها وهمس بشوية : بعض المرات كتجيني بعقلك وكنقول مع راسي تزوجت وعرفت اشنوو تزوجت وبعض المرات منقولش ليك لا حول ولا قوه الا بالله العلي العظيم

فاتي ببرود : ساهلة احبي انا نفسرها ليك ديك الأيام كتشدنا واحد دودة منعاودش ليك عليها

ياسين سكتها بقبلة حنينة وبعد كيشوف فيها وقال : اش بان ليك نخرجوو

فاتي يالاه جات تفرح وتقول اه حتى سمعات صونيط مجهد والدقان بحال ديال لبوليس … ياسين بسخط : والله حتى عيقتوو

فاتي هزات كتافها بلامبالاة وقالت : اش ندير راهم خواتاتي صبر عليهم

ياسين باسها فحنكها ومشا متجه لجيهة الحمام وقال : مبقا خروج نمشي نعس

فاتي ضحكات ومشات حل الباب وهي تلقاهم كل وحدة جاية ومقادة … حطات يديها على فمها وقالت : امالكم عاوتاني اقوم لووط

بلاما يجاوبوها دازو فيها ودخلوو لدار وهي سدات الباب وبدات تنكر : واش دينكم عندي الحضانة هنا … وفين هوما رجالاتكم

البنات دقة وحدة : خدامين
فاتي ببرود : بزعطة ولايني انا زوجي قرة عيني ماخدامش ليوم وزعما ماخليونيش شيء نهار ندير طق طق وداكشي

هند بميوعة : اصلا خويا ياسين حنا عزازين عليه
مريم وهي كتلعب فشعرها : ومكيخصرش لينا الخاطر
زهيرة وهي كتهز فحجبانها وتقلي سم لفاتي : وتيتيز

فاتي هزات مخدة شيرات عليها بها وقالت : متخافيش احبي اعترافك غادي يوصل فلبلاصة لسفسوف

زهيرة بلعات ريقها وقالت : غير ضاحكة معاك احبي 😒

فاتي : خودو راحتكم الهجيج هاني طالعة نشوف زوجي ونجي عندكم

البنات حركو راسهم باه وشعلوو تلفازة ودارو فيلم ديال الرعب واخا نهار … بينما فاتي دخلات لبيتها لقاتوو مزال فالحمام كيدوش وهي تهز ليه طيلي ديالو وهزات ورقة بيضة وكتبات فيها شيء لعيبات ولصقاتها فالباب عاد سدات البيت ونزلات عند البنات …

ياسين سالا دوش ديالو ولبس كيطمة سبورتيف فالكحل وكينشف شعروو بالفوطة وخرج كيقلب على تيليفونو وملقاهمش يالاه جا يحل الباب يخرج وهي يشوف فالورقة لي ملصقة فالباب وكلما كيقرا كيضحك بوحدو

جيت قاصداك والمقصود الله متخاف ما دهش فخاطر الوالي الشريف بويا رحال من هنا حتى لخميس زمامرة شايلاه مولاي قبتين نسيب لآلة عيشة البحرية والله وتمشي تخرج من البيت قبل ما يمشيو البنات حتى نعوجك وطلب التسليم وسير تنعس لووفيووو

الــنــهايــة ❤️🔥