Skip links

قصة : عاشقة الدم ج 4

 3,943 عدد مشاهداات

الجزء: 91

كيريس: دابا يفوت هادشي كولو
رعد: وغير افوت شنو ايكون
كيريس: انبدا بلاني لي محبساه هادي مدة

ومشات مخلياه تيفصل ويخيط بوحدو انا بلان موجدة ثاني

خرج فحالاتو حيت الى بقا تما ايدير شي مصيبة

عند لوينا لي رجعات جلسات حدا لوكا
حتى ناض ونوضهم اشطحو معاه كانت غا تقوليبة منو فاش نوضهم بزوج هو بغا غا لوينا ولكن ما اتبغيش بوحدها

بقاو اشطحو على اغاني صالصا ولوينا ضابطة اعصابها حيت طلعلها فراسها

“عند رعد”

سايق راجع فحالو لفينيزيا وتيهضر مع وولف

وولف: تسلمت الشحنة بنجاح
رعد: مزيان، غدا وجد باطو اجي من ليبيا بنفس الطريقة وتكون خاوية من البشار حيث اتقنبل
وولف: ويلا عاقو بيها خاوية
رعد: حتى الى خلاتهم كيريس تعيق
وولف: ههه واييه

رعد: وجد احسن الرجال عندنا وثقة حيث هاد السيمانة انقتاحمو المقر نتاعهم، غدا اتصيفطلينا كيريس بلان المقر
وولف: اك
رعد: تلاح
قطع عليه وكمل سياقتو

“امريكا، نيويورك”

“عند ميري”

كانت قدام باب لينا تادق عليها

ميري: ليناااا فتحي الباب
لا من مجيب
ميري: الى كان شي مشكل بينك وبين خويا هادا ماتيعنيش تقطعي علاقتنا انا وياك
لا من مجيب

تنهدات وتمات راجعة حتى سمعات الباب تفتح
ضارت عندها وهي تبانلها مبهدلة التبهديلة دالكلاب كولها حمرة بالاعصاب والفقصة وشعرها شاد الريزو د انوي ولابسة كيطمة مرونة
غير فتحاتلها الباب ودخلات مخلية ميري دخل

استغربات ميري من هاد الحالة لي فيها ودخلات وهي ضرب فيها ريحة خانزة من دار خسرات سيفتها عايفة

سدات الباب ودخلات للصالة وهي تبانلها الدار كولها مرونة، طروفة دالبيتزا مليوحين تما والحوايج تقول الحرب ناضت هنا

ميري: شهاد الروينة
لينا جلسات: شنو باغا
ميري: بيت نعرف مالك
لينا: مامالي والو
ميري: هاد الحالة ومامالك والو
لينا فقدات اعصابها: انا حمقة وهبيلة وغا نية لي يجا يديرها بيا، خرجي عليا اميري لانمشي نقولك شي حاجة تجرحك
ميري: ما انتحرك تاتعاوديلي
لينا: بيتي تعرفي؟ اوا سمعيني، خوك المصون بقا تيدور بيا كيف الحنش وغير بغيتو مشا دار علاقة مع وحدة لاااا طلب منها حتى الزواج
ميري: الزواج؟؟ نزار مستحيل ابغي اتزوج ومايقولهاليش
لينا: اوا راه دارها
ميري: الى كان بالصح اندابز معاه ديال المعقول، نوضي زيدي معايا لدار اتباتي عندي، وغدا نسيفطو شي وحدة تجمع هاد الروينة
لينا: لا غا سيري نتي
ميري بغضب نوضي خلاص باراكا من البهلان، الى كنتي تاتبغي نزار خصكي تقاتلي عليه ماشي تخليه لوحدة اخرى، اجي بعدا باش عرفتي
لينا: ديك البنت هي جارتي وعاوداتلي البارح بين طلب منها الزواج
ميري: ما اتبقاش فيه غا بلاتي، نتي تقادي باش تفقصيه اعرف راسو تخور، وانوضييي

تأفأفت لينا وناضت معاها بديك الحالة خرجو من الدار وركبو لوطو نتاع ميري ومشا لابارطومون نتاعها

وصلو ودخلو

ميري: سيري للحمام انا انوجدليك ماتلبسي
مشات لينا لحمام عمرات الماء سخون فالجاكوزي وجلسات تسترخي
الجزء: 92

في حين ميري صونات لنزار

نزار: هضرتي معاها
ميري: لا ماجاوباتنيش ومشيت لدارها مالقيتهاش
نزار مخلوع: انا دابا قدان دارها ماكايناش، فين تكون مشات راه الليل هادا وهي ماعندها فين تمشي من غيرك نتي وجنة
ميري: مادويتش مع جنة تقدر تكون عندها
نزار: بدر سولها قاتلو ماكايناش
ميري: خلي حتى لغدا ونقلبو راها ماشي صغيرة
نزار: تاتحماقي عليا، نتي عارفاها ماعندها فين تمشي ويلا وقعاتلها شي حاجة
ميري: هادشي فكر فيه قبل ماتدير شي حاجة حمقة بحال هادي
نزار: شكاتخربقي
ميري: سير فحالك

لاحت الفون معصبة وهو على بالو قطعات حط طيلي هكاك والخط مزال دايز

رجعات تهز الفون تعيط على جنة تقولها تمثل معاهم باش اخرجوليه عقلو حتى لقات الخط مزال مفتوح وسمعاتو تيهضر مع شي وحدة

“عند نزار”

جالس فلوطو قدام باب دار لينا تيتسناها تبانلو مورى ماسالا الهضرة مع ميري
حتى جات عندو كلوفر تاتعوج

كلوفر: أهلا نزار
نزار مكره: ماشفتيش لينا؟ جيت عندك قبيلة مالقيتكش وفونك طافي
كلوفر: لاا ماشفتهاش، واش ماصارحتيهاش
نزار: كنت انصارحها البارح ولكن ماكانتش تاتجاوب وجيت عندها جرات عليا
كلوفر: ماعرفت مالها انا كاع ماشفتها

وحطات يديها على صدرو وبدات تبحلس عليه
نزار ماحملهاش تقيسو وهو يشدلها يديها ولواهالها

كلوفر: أي
نزار: المرة جاية تحطي عليا يديك نعوقك
كلوفر: هادا هو جزائي؟ غير يوماين هادي جيتي طالب نعاونك كيفاش تعرض على لينا الزواج وتاتسولني شنو تيعجبها، ودابا باغي تعوفني
نزار: شي حاجة تما، ما اتجيش غير هكاك وتقلب عليا (وهي ديرلو طنن فراس)

شاف فكلوفر مغدد: الى مشيت حتى عرفت عندك علاقة بهاد شي تانواعدك اندوقك المرار

وكسيرا معصب

“عند ميري”

كانت دايرة سبيكر فالحمام ولينا مزال مخشية فالجاكوزي وسمعو الهضرة بزوج، غير سالات الهضرة قطعات ميري قبل لايحصلو

لينا: دابا هو كان باغي اتقدملي انا؟
ميري: هادشي لي فهمت ولكن شكون هادي
لينا: هادي هي كلوفر جارتي
ميري: بنت الحرااام يعني غير كذبات عليك
لينا: مديلي الفون نتاعي نشعلو ونوريك

مشات جابتلها الفون مداتولها وهي تشعلو

دخلات لواتساب فين كان اوديو وطلقاتو

“نزار: مدة هادي باش شفتك وعجبتيني من النهار الأول، وماغاديش نضيع الفرصة (حنا على رجليه) ل (صوت الكحة) تقبلي تزوجي بيا
كلوفر: اه اه قابلة”

ميري: صدقتي مكلخة يا لينا
لينا: علاش؟
ميري: ماشي فاش جا انطق سميتك ديك الحمارة كحلت، هادا غير ملعوب البهلة دارتها بيك
لينا تفقصت: ما اتبقاش فيها
ميري: اكيد ما اتبقاش فيها، دابا حتى نزار دخلو الشك منها، خلينا نلعبو معاها شوية
لينا: شي فكرة؟
ميري: كيريس هي لي اتنقذنا فهاد الموقف، نوضي دوشي وخرجي عندي نصونيولها
الجزء:93

“إيطاليا،روما”

“عند كيريس”

واقفة حدا البحر وهازة الفون، احساسها قالها واقعة شي حاجة عند الكليكة ومدة هادي ماسولات فيهم وسلتات بالليل تجي تعيطلهم

خدمات الكاميرا لي دايرة لميري تاتخدم بالذبذبات الصوتية يعني واخا تكون الكاميرا بعيدة تاتلتاقط الصوت واخا يكون بعيد

سمعات البلان كامل، وشعلات نمرتها باش غير تصونيلها ميري تلقاها
بقات تسناها حتى صوناتلها

ميري: اهلا كيريس صافا
كيريس: وي انت؟
ميري: مزيان، كيريس محتاجاك
كيريس: فاش؟
ميري: أحم، نزار تعرف على واحد البنت وكان بغا اعرض عليها الزواج، ولكن واحد جارتها تدخلات بيناتهم بغات تفرقهم
كيريس: كيدارتلهم؟
ميري: كان تيدرب معاها وهي سجلات غا اللقطة نتاع عرض الزواج وسافطاتو ليها فواتساب
كيريس: شنو تاتجيها هاد البنت
ميري: جارتها وتاتجلس معاها بزاف
كيريس: سميت هاد البنت لي بغا نزار
ميري: احم سميتها لينا
كيريس: راها حداك؟
ميري: اه
كيريس: دوزيهالي
ميري: راني دايرة سبيكر
كيريس: لينا تاتبغي نزار؟
لينا تزنكات: أه
كيريس: وباغا تزوجي بيه؟
لينا: اه
كيريس: إذن نتي لي تعرضي عليه الزواج
لينا بصدمة: كيفاش؟!
كيريس: فالحب والحرب كولشي موجز، وماكاينش كبرياء فالحب، نتي ضيعتي فرصتك فاش بغا اتقدملك، اذن نتي دابا لي تقدمي ليه
لينا: وكيندير ليه
كيريس: سيفطو ميساج لهاد البنت من الفون دنزار بين ايتلاقاها فشي بلاصة وديرو معاها الوقت، ونتي اميري عيطي على نزار قولو اجي لتما تاهو فنفس الوقت
ميري: اهاه!!
كيريس: ونتي الينا تقدميليه بالزواج قدامها وهو اكيد ايقبل مادامو بغا اتزوج بيك، منها تحرقي قلبها، ومنها اسمحليك نزار حيت ايكون كعا
ميري: فكرة زوينة، نديرو شي عشاء رومانسي
كيريس: اذن خصو اكون لابس مزيان، تافقو مع بدر ايجيبو لتما بحجة شي حفلة باش اتقاد ويلا مابغاش قولي لبدر الصق فيه حتى يوافق احظر
لينا: عجباتني الفكرة
كيريس: عطيت انا فكرتي ونتوما بدعو
ميري: واعرة ههه، وشنو بانلك نفضحو كلوفر
كيريس: ماتخسروليهش فرحتو فنفس الليلة نشطو مع راسكم تالغد ليه وقولوهالو هو اتكلف نتوما بعدو من الصداع
ميري: واخا
لينا: شكرا بزاااف كيريس
كيريس: عيطولي ابيل فيديو نشوف، والباقي تسناو حتى نجي نديرو العرس
الجزء: 94

قطعات عليهم ووقفات ترجع لقصر دراغون، كانت زرعات كاميرا فبيتها باش تا الى جا عندها بلليل بحال داك النهار ماتقولبش ودخل من البالكون، بانلها جا ومالقاهاش وجلس فالفوتوي فالظلام تيتسناها باش افاجأها زعما

مسحات داكشي لي فالفون حيت كانت زرعات فيه فيروس اخبي شنو تادير حيث باينة ايكونو مراقبينو الاحتياط واجب

وتمات راجعة للقصر على رجليها ودخلات عادي من الباب دالقصر طلعات لبيتها وودخلات شعلات الضو وهو يبانلها دارت راسها تخلعات وحطات يديها على صدرها

لوينا: مستر لوكا خلعتيني
لوكا: فين كنتي
لوينا تنهدات مصطانعة الحزن: شفت كوشمار وخرجت نشم الهوى
لوكا: انا كوشمار؟
لوينا: بين رجعت للبلية
لوكا: نتي واعدتي راسك ماترجعيش لداك السم وخصك توفي
لوينا: راني عند وعدي
لوكا تنهد وناض: رتاحي غدا ايكون نهار طويل
لوينا: مستر شكون ايتكلف بالمهمة
لوكا: مونستر والكوبرا
لوينا: اك مستر، بونوي
لوكا: بونوي.

وتم خارج فحالو غير خرج وهي تكشر على نيابها ملات هاد التمثيلية خصها تساليها فأقرب وقت

“أمريكا،نيويورك”

“عند ميري ولينا”

ميري: مزيان ملي صونينا على كيريس
لينا: عجباتني الفكرة ولكن مانقدرش نديرها
ميري: اويلي على مانقدرش، راه قالتها كيريس فالحرب والحب كولشي موجز، هي بدات الحرب نتي كمليها بالضربة القاضية
لينا: هي صافي غير نزعم
ميري: غير زعمي، غدا فالصباح نمشيو لسونطر بيوتي نضورو بالحالة ونمشيو نتقداو لي نحتاجو، فكرت نديرو طبيلة دالعشاء تكون رومانسية فاليخت نتاع بدر تحت ضوء القمر والنجوم ايجي واعر 😍😍
لينا: ههه شفتك متحمسة كثر مني
ميري: هههه اه، وناخدو الخواتم، اه نسيت خصني نتلاقا نزار غدا باش نسيفط الميساج لديك السفريطة
لينا: ويلا ماكانتش عندو نمرتو
ميري: اطط نسولو الى عمرهم دواو فالفون نسيفطلها غا بنمرتي بصفتي نزار ونتهناو
لينا: علاش ليمانعيطلهاش انا
ميري: مالك مكلخة مالك، اتعيق زائد باش تجي مسكسفة على الحالة ومتيقة بين نزار لي معيطلها باش تكون صدمة بالاضعاف دابا عاد عرفت علاش كيريس قالت نسيفطولها من الفون دنزار حسباتها 😍😍
لينا: اذن صافي، يالله عيطي ليه

ميري صونات لنزار لي جاوبها دغيا

نزار: لقيتيها؟
ميري: احم لا، صونيتلك باش تعطيني نيم نتاع صاحبتها نصونيلها
نزار: ماعنديش نمرتها عمرنا دوينا فالفون
ميري: اك صافي باي

قطعات عليه وضارت عند لينا
ميري: ماعندوش نمرتها هه
لينا: اححح حبي تيبغيني

ميري ضرباتها لراسها: لحسك عاد دابا كنتي تخنني عليا وتقولي غدرني
لينا: غرت اختي غرت، تشوفي حبيبك ايتزوج بوحدة اخرى قبيحة حتى لمعاودة
ميري تفكرات كون وولف اتزوج شي وحدة اخرى وهي تقندش تاكل هادي بسنانها
الجزء: 95

“أصبحنا وأصبح الملك لله”

“إيطاليا،روما”

“عند كيريس”

غمضات غا تلاثة دالسوايع حيت دارت روطار فنعاسها باش دوي مع ميري بسباب فرق التوقيت

فاقت مع الخمسة دالصباح لبسات عليها سبور ونزلات تريني فلا صال

دخلات لقات دراغون سابقها وعينيه حومر باين ماناعسش

لوينا: بونجورنو
لوكا: بونجوغ

مشات تاتجري فطابي غولون وهو تيهز الحديد

بقا تيشوف فيها تيحس بيها قريبة ليه، بين ديجا تلاقاو فشي بلاصة، نفض راسو من هاد الافكار ونطق

لوكا: لوينا
لوينا حبسات لاماشين ودارت عندو: نعام امستر
لوكا: كملي جري نتاعك وعطيني وذنك

رجعات خدماتها وبقات تسمع ليه

لوكا: انمشيو للمقر ليوم، عندنا مهمة جديدة بالنسبة لواحد المافيوزي
لوينا: شنو بخصوصو
لوكا: حتى لهيه ونشرحولك التفاصيل
لوينا: اوك، والمهمة داليوم؟!
لوكا: انت مهماتك تيكونو عادة من المكتب، والباقي تيكونو ميدانيين
لوينا: فهمت

سالاو السبور وكل اطلع ادوش

دخلا كيريس للدوش وعيطات على رعد

رعد: بايتة تاتحلمي بيا!
كيريس: مايصلاحليش نحظر الليلة حيت اتكون عندي أميشن (مهمة)
رعد: شنو طالبين ثاني
كيريس: خلينا فالمهم، بيت خدمة
رعد: تاتساليني اصلا خدمة، شنو كاين؟
كيريس: كنت بيت نقتل الكوبرا بيدي ولكن دوماج، بيتك تخطفهالي وتخليها عندك تانجي ليها
رعد: ماشي هي لي اتكون فالمهمة؟
كيريس: اتكون ونتا خطفها من دابا معلوماتها انسيفطهملك دابا شوية
رعد: ههه ملي هاكيتي سيستيمهم وجبتي معلوماتها إذن حالفاها فيها نيت
كيريس: اتنفذ الخدمة ولا لا؟
رعد: اكيد حيت تانتي نفدتيلي وحدة
كيريس: تلاح

وقطعات عليه وتفكرات نهارها الاول فالمقر

⏳فلاش باك flashback⏳

كانت تابعة الكوبرا لي اتديها للمكتب نتاعها وصلاتها وبقات طلع وتنزل فيها
الكوبرا: نتمنى تكوني قد المهمة

ومشات تاتعوج
كيريس تاتكره شي واحد انقص منها (نقطة مشتركة مع رعد 😹)

دخلات هاكات داكشي لي طلبو منها وداتها لدراغون ودارو اجتماعهم فاش تافقو على الخطة

خرجات من الاجتماع وتمات غادا لبيرو تاعها دايزة من حدا الكوبرا

الكوبرا: بلا ماتحلمي
لوينا ضارت عندها: نعام
الكوبرا: داكشي لي فبالك ما ايكونش
لوينا: وشنو لي فبالي؟
الكوبرا: انك دوري بالبوص
لوينا: ويلا كان العكس (غمزاتها) ومشات فحالها خلاتها تاتغلي
اكوبرا: نعرف نقتلك وماتاخديهش
سمعاتها كيريس شنو قالت عليها بغات تلعب معاها شوية

دخلات للبيرو تاعها وهاكات سيستيم نتاع المقر وخدات معلوماتها كاملين وعرفات تا لبلاصة لي تاتسكن فيها لقاتها بنت وزير معروف ومتفاني فخدمتو، تبسمات جنب دابا العكس، اتقتل البنت حيت هي لي مشيبة باها

⌛نهاية فلاش باك end of flashback⌛
الجزء: 96

“إيطاليا،فينيزيا”

وصلوه معلومات الكوبرا من كيريس وصونا لوولف

رعد: خطف هاد ختنا
وولف: شكون هادي؟
رعد: عندها عداوة مع كيريس وبغات تلعب معاها شوية
وولف: وطلبات منك نتا تخطفهالها؟
رعد: كانت اتكون فالمهمة ولكن حنا انفجرو الكوبتير وهي باتها حية
وولف: اك

قطع عليه وتفكر نهار جات كيريس من نيويورك لأيطاليا

⏳فلاش باك flashback⏳

كانو على الطبلو دالماكلة ورا مادوشات

كيريس: غدا رجل اعمال ايدير حفلة و ايكون حاظر هو وبيلا
رعد: وبصفتك اش اتحضري
كيريس: سرباية
رعد: ههه لوينا كاملة تولي سرباية
كيريس: ييس، قريت وخدمت وتطردت بسبب البلية وستيلي الغريب
رعد: بيت منك خدمة ومردودة فاش تبغيها
كيريس: شنا هي
رعد: خصني نعرف واحد الخزانة فين جات فقصر هادا لي اتحضري لحفلتو
كيريس: وبيتيني نعرفلك فين جات
رعد: انوجلك لبسة دالسربايات مجهزة بكولشي نتي غير ضوري القصر كولو والكاميرا لي فاللبسة راها ماتحت الحمراء اتسجل كولشي حتى من ورا الحيوط
كيريس: اك
رعد: تافقنا
ناضت لبيتها: وجد اللبسة

⌛نهاية فلاش باك end of flashback⌛

تبسم جنب حيت دارتلو المهمة على اكمل وجه وعرف الخزانة فين جات ومنها عرف حتى كيفاش تاتخدم جاسوسة بانتلو محتارفة بزاف وباينة ايطلب منها خدمة اخرى

شوية تفكر تمثيلها

⏳فلاش باك flashback⏳

رعد: هاد اللبسة وجدلي فيها كاميرا تاتسجل ما تحت الحمراء وميكرو تيسجل الذبذبات الصوتية
وولف: حنا محتاجين غا الكاميرا
رعد: نعرفو كيريس كيتاتكذب (وغمزو)
وولف: ههه اك

⌛نهاية فلاش باك end of flashback⌛

سمعها كيكذبات على بيلا والقصة لي اختارعات عرفها محتارفة حتى فالكذوب

“امريكا، نيويورك”

“عند ميري ولينا”

فاقت ميري الاولى متحمسة ووقفات عند راس لينا بحال بوغطاط

ميري: هادي هي لي ناوية تخطب اليوم ليناااااااااااااااا (بالغوات)
لينا ماحسات براسها تاتقلبات من الناموسة طلعات راسها عند ميري مدهشرة وهي تشير عليها بكاس ماء بارد

لينا ماعرفات باش تبلات وبدات تغوت
لينا: ماما تانغرق، هئ هئ عاونوني
ميري قربات منها مستغربة: لينا تهدني مالك
لينا غا تاتغوت ماباتش تسكت حتى جمعاتها معاها ميري بصقلة عاد فاقت

لينا باستغراب: مالك؟
ميري: نتي لي مالك جيت نفيقك درتيلي هنا جنازة

لينا: علاه شنو درت؟
ميري: رميت عليك كاس دالماء وبديتي تغوتي راني تانغرق نقذوني
الجزء: 97

لينا بحزن: ماتديش عليا غير كوشمار
ميري: لينا شنو واقع شوفي كي تقلقتي
لينا طلعات عينيها فميري: انا عندي فوبيا من الماء
ميري باستغراب: علاش؟
لينا: فاش كنت صغيرة كنت تانعوم فلابيسين دجدي وكنت انغرق من تما ولا فيا الخوف من العومان
ميري: ماشي مشكل كولنا عندنا مناش نخافو، تا انا وليت نخاف نمشي الحمام ديال الديسكو بوحدي وقعاتلي زوج مرات هههه
لينا ضحكات
ميري: ها ليبغيت، اليوم كاين غا الفرح اما القرح خليناه لشي ناس (كلوفر)، يالله نوضي نمشيو نضورو بالحالة

ناضت كل وحدة دوشات ولبسات عليها خرجو فطرو فكافي وعيطات ميري على بدر

بدر: صباح الخير مون بخانسيس
ميري: صباح الخير عمري، بيتك فشي بلان
بدر: باك لباس
ميري: بيتك تعرض على نزار اليوم اجي لليخت نتاعك وقولو راه كاين شي سهرة باش اجي مأنتك
بدر: ولاش هادشي بالسلامة؟
ميري: لينا اتعرض عليه الزواج تما واتكلف
بدر: اوااااه هههه، واخا على حسابي، نزار ايجي
ميري: وكلف شي وحدة تقادلينا داك اليخت تزينو وتصايب الطبلة دالعشاء
بدر: اك واخا ههه
ميري: يالله تلاح

قطعات عليه

“عند بدر”
غير قطعات عليه حط الفون فالطبلة وهو ضاحك

بدر: وازوييينة هادي
جنة: مالكم؟
بدر: لينا اتعرض على نزار الزواج ههه
جنة: ههه سعداتهم (شوية وهي تقندش) وانا ماعيطوليش!!

هزات ديك الساعة الفون صونات لميري

جنة: لحسك دايرين بلان بلا بيا
ميري: دغيا وصلهالك
جنة: رانا تانفطرو فبلاصة وحدة
ميري: ههه بالصحة، لقيتيني انصونيلك باش نتلاقاو فسونتر بيوتي ندورو بالحالة
جنة: اك نتلاقاو تما
قطعات عليها
جنة: باينة اليوم انشطو
بدر: واييه بالخصوص نزار

“عند ميري”

ميري: بقالنا دابا غا البلان د كلوفر

سافطاتلها ميساج من عندها

✉سلام كلوفر، انا نزار، اليوم كاينة حفلة وبيتك تجي معايا، بالعشية ايجي الشيفور موراك كوني واجدة✉

ميري: هانا سيفطتو
لينا: ماشي زربتي عليها؟
ميري: ماعنديش مع التعبير

شوية وهي يوصلها ميساج

📩منين جبتي نمرتي؟؟📩

ميري: الظاهر كلوفر ماساهلاش كيف ظنينا

✉كنت خديتها من الفون نتاع لينا، لي بغا شي حاجة تيوصل ليها الغزالة✉

ميري: ياععع على خر يامي نتغزل ببنت
لينا: هههه

وصلها ميساج
📩 اك انكون تانتسناك📩

ميري غوتات حتى دارو عندها لي فالكافي: ييس
لينا: اللقوة، نتي مالك
ميري وهي تاتبتاسم كإعتذار ليهم: صافي طاحت فالشبكة

لينا تاهي غوتات: ييس
ميري: اللقوة
الجزء: 98

“السويد، ستوكهولم”

جالسة لوينا جنب الدراغون والفريق كولو حاضر من غير الكوبرا

دراغون: فين الكوبرا؟
تايغر: ماجاتش، وعييت نصونيلها ماتاتجاوبش
دراغون: حتى تجي ونتعاملو معاها على هاد التقصير، تايغر نتا لي اتمشي مع مونستر فهاد المهمة
تايغر: والكوبرا؟
دراغون: اتقصى منها بسباب اهمالها
تايغر: امرك مستر
دراغون: شرحولينا امر داك المافيوزي

ناض مونستر تيشرح

مونستر: أرك بونض، مافيوزي يالله داخل فالضومين وعصابتو تاتكبر نهار على خوه بوثيرة كبيرة، كان ديجا من ضمن فريق علماء وابحاث التكنولوجيا فالصين

صنع رقاقة الكترونية تقدر تختارق نظام الوكالة الفدرالية للاستخبارات (FBI) و وكالة الاستخبارات المركزية (CIA) الامركيتين، روسيا باغا تشري هاد الرقاقة باش تنوض الفتنة فأمريكا، وأمريكا باغا تشريه قبل من روسيا
وأرك بونض ماباغي ابيع احتى وحدة ومستمتع بهاد الحرب الباردة لي خالق بين هاد الدولتين

دراغون: بون، اذن هاد الرقاقة خصها تجي فيدينا حنى اللوالا، ونختارقو سيستيم امريكا ونعرفو دواسا المجرمين لي حابسين ولي مزال مالقاوهم، واتكون مهمتنا نخلصو العالم من شرهم

الكل: امرك مستر

دراغون: خصنا خطة
لوينا: شي واحد ادخل للوكر نتاعو اعرف الرقاقة فين كاينة ويسرقها
دراغون: المهمة ماشي بهاد السهولة خصنا نزرعو جاسوس حتى يولي اثيق فيه وغادي اوريه الرقاقة فين جات بنفسو، حيت اكون مخبيها مزيان
لوينا: روسيا وأمريكا ما يبقاوش مربعين يديهم
تايغر: بيتي تقصدي نزربو قبل مايوصلوليه هما
لوينا: تماما
دراغون: شي خطة؟
لوينا: الرقاقة اتكون مخبية فشي سيستيم لي محمي كثر من القياس وخصو الاختراق، وبما انا هي الهاكر فتانظن انا لي انفذ الخطة
دراغون: لي هي؟
لوينا: ندخل لوكر ديالو وفنهار انعرف بلاصتها ونسرقها
دراغون: وكي غاديري تخليه انطق؟
لوينا: فاش تيوصل لواحد لمنطقة الوعي ولا وعي اي حاجة تطلبات منو تينفذها
مونستر: اتفقديه وعيو باش؟
لوينا: المخدرات والشراب
دراغون: فكرة زوينة واخا نسبة النجاح قليلة
لوينا: الى مانجحتش بهاد الخطة نخليه اثيق فيا حتى يقولهالي بخاطرو (شافت فدراغون) فكرتك هادي
دراغون: وبصفتك اش ادخلي لوكر ديال أرك؟
لوينا: فتاة الليل
دراغون تبسم مغزف: هه متأكدة؟
لوينا: ييس

ناض دراغون ماعاجبو حال ولكن ماعندوش حل آخر
دراغون: الخطة اتنفذ غدا
الكل: امرك مستر
دراغون: تايغر ومونستر وجدو روسكم والقنابل والهيليكوبتير، الليلة اندمرو الحمولة
تاغر&مونستر: امرك مستر

ناضو عطاو التحية وخرجو مخليين دراغون تيغلي بالاعصاب فكرة انها اتبات مع واحد اخور ماحملهاش

في حين كيريس مشات للمكتب نتاعها وهاكات سيستيم المقر وخدات بلانو باش تصيفطو لرعد

حتى عيطلها دراغون من الفيكس قالها تخرج عندو

خرجات عندو لقاتو تيتسناها حدا الباب ديال الدروج

دراغون: انرجعو فحالنا رتاحي بالليل اتمشي للصين
لوينا: انمشي! وانت؟
دراغون: ايمشي معاك مونستر ولا تايغر هما لي تاتعرفي انا ما انمشيش
لوينا: امرك مستر

طلعو فالدروج خارجين من المقر ركبو لوطو متاجهين للمطار
الجزء: 99

وصلو لايطاليا وقصدو القصر غير وصلو كل مشا لبيتو

عند دراغون لي غير دخل للجناح نتاعو وهو غا تيسوط ويحيد حوايجو بالنترة
دخل للدوش دوش وخرج تيلبس فحوايجو وهو مزال تيغلي
ماتيق تافتح قلبو لشي وحدة مورا منار حتى خرجاتلو هاد قضية فتاة الليل من جنب ماباغيش اقيسها شي واحد اخور
هز كارو وخرج لبالكون تيكمي

في حين هي دخلات للحمام وصونات لرعد

رعد: الصين؟؟
كيريس: ييس، بالليل انمشي للصين على حساب شي رقاقة
رعد: نتي مامضطراش تجيبيها، علاش غادا لتما؟
كيريس: الرقاقة اتنفعني انا بالدرجة الاولى
رعد: واخا نعصر فدماغي مانعرف شنو تيدورلك فراسك، دابا شنو الخطة
كيريس: الليلة اتقتل مونستر وتايغر، وانا انمشي للصين، دراغون ايمشي للمقر باش اعرف شنو واقع، نتا هجم، البلان سيفطتولك
رعد: فكرة؟
كيريس: اتفجر الزجاج لي كاين فالمكتب نتاعو وايدخل الماء للمقر، ودوز من المقر كامل قتلهم كاملين، الا دراغون خليهلي بيتو حي
رعد: ههه تاتخلعيني، اك الفكرة مزيانة
كيريس: ثايقة فيك، بإمكاني نحظر تا انا ولكن الرقاقة أهم
رعد: توكلي عليا
كيريس: رد بالك
رعد: تانتي
قطعات عليه وهي متأكدة ما أيغدرهاش ولكن تاهي باغا تشارك فهاد اللعبة اديرها سوربرايز ليهم بزوج
خرجات من الدوش وبدات توجد لافاليز تاعها حيث ظلام الحال ومابقاش بزاف باش تسافر

“أمريكا،نيويورك”

“عند البنات”

كانو فاليخت كولهم ضاربين لي سواغي (الصورة) وتيشوفو الديكور والطبلة كولشي هوا هداك بدر تكلف ديال المعقول ههه
سمعو لوطو ديال بدر جات وجايب معاه نزار غا بالكشايف قالو دايرين حفلة فاليخت نحتافلو بجنة حيث توصلات لشي نتائج فالبحث نتاعها
لدر لابس سروال التوب فالكحل وشوميز فالكري مغلوق والسباط كحل
ونزار لابس سروال توب كري وشوميز نواغ وسباط نواغ

البنات طفاو الضواو ومشاو تخباو طلعو الدراري ونزار مستغرب اما بدر تيحاول اخبي ضحكتو

نزار: فين البنات؟ وعلاش الظلام
بدر: ماعرفت

شوية تشعل الضو وبانت الطبلة بدر انساحب غا بالفن بلا مايعيق
نزار سمع صوت الطالون وراه وضار حتى كيشوفها جاية بكسوتها جات تاتفتن بقا ساهي فيها حتى وصلاتلو وقفات قدامو وبقات تشوف فعينيه وحتى هو تيبادلها نظرات العاشق

لينا: كيف جيتك
نزار شد فيديها وضورها كاملة وهو تيصفر: فتنة
لينا تزنكات: ههه تانت جيتي زوين، نتعشاو!
نزار: نتي وجدتيه؟
لينا: لا ههه بدر
نزار: دارها بيا
جلسو تيتعشاو مع كلمات الغزل من نزار
نزار: بيت نفهم فين مشيتي ولاياش بيتي توصلي بهاد العشاء
لينا: ههه صبر شوية اتعرف

ناضت لينا كباتلو النبيذ الاحمر لي تيعجبو ودارت فيه الخاتم بلا مايعيق ومداتولو
بدا تيشرب منو تالقا الخاتم نتاع الدياموند

نزار: شنو هادا؟
لينا: أحم، نزار أنا أنا تانبغيك
نزار بقا غا مدهشر
لينا: قابل تزوج بيا؟
نزار تلوالو لسانو وبقا تيشوف فيها حتى بدا تيضحك
لينا خاب ظنها ووجدات راسها لشي قمعة

نزار: وتاتسولي واش قابل، فين خاتمك؟
لينا بفرحة مداتلو خاتمها ونزل على ركابيه
نزار: لينا، تقبلي تزوجي بيا

لينا: اه اه
ودموعها تيطيحو، ركبلها خاتمها وركباتلو نتاعو وتعانقو تحت تصفيقات بدر وميري وجنة

طلقو موسيقى وناض كل كوبل تيشطح من غير ميري لي حسات بالنقص تمنات وولف اكون معاها

هزات كاس فيه الصودا ومشات تكات على الحديدات حتى قشعات كلوفر تاتشوف فيهم وتاتبكي لابسة كسوة لاصقة عليها والمعري كثر من المغطي شافت ميري تاتشوف فيها وطلعاتلها الكاس بمعنى نخبك وهي تمشي تاتجري

ميري: بصحتك الصدمة
الجزء: 100

“البحر الأبيض المتوسط التابع لإيطاليا”

جاي باطو من جهة ليبيا خاوي وكوبتير جاية من إيطاليا فيها مونستر وتايغر

وصلو لباطو وطلقو عليه زوج قنابل وتمو راجعين مخليين انفجار كبير وراهم

فواحد البلاصة على الاراضي الايطالية
واقف رعد وحداه وولف اواحد من رجالو هاز روكيط على كتفو (الروكيط هو مدفع الصواريخ ارضجو يعني امكنلك تسيفط صاروخ من الارض وتضرب بيها طيارة)

شافو الكوبتير قربات شوية ورعد عطا الامر لكارد اطلق الصاروخ
ماهي ثواني حتى نفاجرات الكوبتير فالسماء

“ايطايا،روما”

“عند كيريس”

هبطات فاليزتها لتحت فين كان واقف لوكا
لوينا: مستر واجدة
لوكا: مزيان، غير توصلي صونيلي
لوينا: اك مستر
لوكا: فاش توصلي انعطيك واحد الهنوان سيري لتما اتلقاي واحد من رجالي اعطيك داكشي لي بغيتي من المخدرات (وهز صبعو) وعنداك تعاطايه نتي
لوينا: واعد وغانوفي
لوكا: مزيان هاهو جورج ايوصلك المطار

جا جورج هزلها لفاليز حطها فلوطو ركبات لور وكسيرا بيها للمطار

صونالها رعد وجاوبات بلا ماتعيق

رعد: المهمة الاولى نجحات

قطعات عليه وشافت من الشرجم الطريق خاوية شوية وضورات عينييها جهة جورج لواتلو راسو حتى ترطق ومات

وتضربات لوطو مع البوطو

خرجات كيريس واخا شادة فيها شوية الدوخة ولكن مزال شادة فراسها عطاتها لجري حتا بعدات عن الانظار وبدات تمشا بالشوية عليها تاوصلا للغابة فين خبات حوايجها

حيدات الماسك والحوايج كولهم لبسات سروال دجين وكبوط طايح من الكتاف وسباظرين لبسات بصمات جديدة بدلات ملامحها بالميكاب ودارت بيروك هزات هويتها الجديدة والباسبور
حرقات داكشي كامل لي حيدات ومشات تاتجري تاخرجات للطريق خدات طاكسي للمطار

وصلات ومشات ركبات طيارتها الوجهة السويد، جالسة وهي مبتاسمة كل مرة هربات من القصر تاع دراغون تاتوجد شي حاجة لهاد النهار وحتى من السويد وصلاتلها

وصلات وخرجات شدات طاكسي قربها من وجهتها وكملات على رجليها بالجرى لحدا البحر فين كانت مخبية ملابس السباحة وقنينات الاكسجين حيدات داكشي لي كانت لابسة وحرقاتو ولبسات ملابس السباحة وركبات الاكسجين دورات سمطة فخصرها معلقة فيه السلاح وقنابل وواحد الشوكة فيها مخدر وتلاحت فالبحر مستعينة بالبوصلة قربات للمقر وبقات عاسة حتى بانولها رعد وولف رجالهم تاهما لابسين قناع الاكسجين

بقات مخبية حتى طرطقو داك الزاج ودخلو وتبعاتهم دغيا بقات مدرقة حتى فتحو الباب ديال المكتب وخرجو عاد دخلات هي ركبو فجرو السانسوغ وطلعو من طريقو عايمين وهي وراهم تاوصلو للفوق فين كان كولشي مروبل بسباب جرس الانذار
هجمو عليهم بالقرطاس قتلوهم كاملين وحتى كيريس فين ما بانلها شي واحد جيهتها تاتقتلو ولوخرين مغلوبين بالماء مادايرينش الاوكسجين، دراغون بدا تيعوم فين القا باش اتنفس ورعد ورجالو ماشافوهش عكس كيريس لي قشعاتو وتبعاتو دغيا لقاتو بدا تيغيب حيت شرب الماء حيدات الماسك نتاعها وركباتولو حيت هي دربات راسها تقطع نفسها كثر من نصف ساعة غير كذبات على رعد بين تاتصبر ربع ساعة بلاماتنفس

جراتو من يدو جيهة الباب لصقات فيه قنابل وبعدات تانفاجر وتحل عاد تمات جارا لوكا خارجة من تما وصلا للباب لفوق تاهو فجراتو وخرجات للبرى كاع بدات تاتعصر حتى جبداتو بالكشايف ودارتلو التنفس الاصطناعي تارد الماء وهي ضربلو الشوكة باش افقد وعيوو وتسطحات على ظهرها تاترتاح وتسنى رعد اخرج باينة ايكونو سمعو الانفجار

ماهي دقيقة حتى بان هو ورجالو وغير شافوها تصدمو

رعد: كيريس!!
كيريس: سوربرايز
رعد: شنو تاديري هنا
كيريس: نفلت فرصة بحال هادي مايمكنش
الجزء: 101

رعد: ملي بغيتي تشاركي كون جيتي معايا

وقفات بكل هدوء وهي ترمقو بنظرة باااردة بحال روحها لاحت السمطة لي فخصرها فالبحر وهي متأكدة مافيهمش بصماتها

شافت جيهة وولف: هزوه وديوه لديبو نتاعكم قدام عيني

شاف جيهة رعد لي عطالو الموافقة
رعد تنهد: كيريس شنو واقع
كيريس: والو
رعد: مالك معصبة
كيريس: نووو بالعكس فرحانة، ماشي لوكا بين ادي ندير فيه مابغيت
رعد: شنو باغا ديري؟
كيريس: تبعني واتعرف

جاب وولف لوطو ركبات فيها الاولى وركب القدام رعد سايك بيهم وولف

رعد لاحد رجالو: المقر بيتو انفاجر كامل
الكارد: امرك مستر
وكسيرا وولف

كيريس: الصندوق الاسود محيتلو البيانات، هادشي علاش جيت
رعد: وكيدرتي ليها؟

كيريس: فاش فجرتو المكتب نوغمالمون تيكون الصندوق الاسود تما خديت منو الميموار نتاعو
رعد: علاش ماعلمتينيش
كيريس: فين عمرني عطيتك راس الخيط

رعد سكت وحاس بشي حاجة ماشي هي هاديك
وصلو لديبو فين ايديرو لوكا لي هازينو لي كارد وراهم
وقفو لوطويات كاملين ونزلات ناوية على خزيت

شافتهوم جارينو من درعانو مديخلينو بقات تابعاهم من لور وبالحفا مزال لابسة لبسة تاع السباحة

اما رعد اوولف لبسو عليهم كانو موجدينهم فلوطو

مشات جابت كرسي وجلسات قدام فين معلقينو مع الحيط من يديه ورجليه وراسو مدلي لتحت وشعرو مزال سارد

دارت رجل على رجل وبقات تسناه افيق المخدر لي عطاتلو سريع الزولان
نوغمالمون ربع ساعة افيق

حتى جا رعد من وراها: ايضربك البرد

ستوكهولم باااردة وهي ساردة ولحمها زراق بالبرد واخا هكاك ماحاساش
شحال من مرة باتت فالبرد ولفاتو

رعد شافها ماجاوباتوش تنهد وحيد الكوير لي كان لابس وحطهالها على كتافها

هي شمات ريحتو فيها وزادت تمخششات فيها وعينيها حاضيين غا لوكا

عند لوكا لي بدا تيفتح عينيه شوية بشوية وراسو عاطيه الحريق

حتى وعا على راسو فين وهو يشوفها جالسة قدامو وحداها رعد واقف ومربع يديه ومن جهة لاخرى وولف

لوكا: شكون نتي
كيريس: صاحبة دعوتك
لوكا: اهلا مستر العقرب صحابليش مشارك معاك البنات
كيريس: لوينا مشات وخلاتك (بصوت طفولي)
لوكا طرطق عينو وبدا صدرو تيطلع ويهبط: شنو درتي ليها

طرطقات كيريس بضحكة شيطانية وهي تجمعها دغيا
وحقدات فيه عينيها ونطقات بصوت كفحيح الافعى

كيريس: ماتت
لوكا: مايمكنش هي مشات للصين
كيريس: لوينا مامشاتش للصين، لوينا راها هنا معاك
لوكا بدا تيضور فراسو: فينها؟
كيريس وقفات وبدات تمشى ناحيتو: لوينا، كيريس، منار
كولهم هنا

لوكا ماسوق لحتى لعبة من غير سمية منار لي تاضورليه فراسو

نطق وهو تيتمتم
لوكا: م منا منار رر؟!!
كيريس حطات يديها على فكو بحنية حتى زيراتلو على عنقو وخرجو عينيه

كيريس: ييس، منار لي كنتي دايرها لعبة للتسلية فصغرك، منار لي بليتيها بشريب الدم، منار لي بسباب حقدك هربات من القصر ودارت راسها ميتة، هي نفسها منار لي مابغاتش تقتلك مادام كيفن مزال حي باش ماتحرقش كبدتو عليك حيت واحد النهار احسن الي، (زادت قربات من وجهو أكثر ونفسها تيضرب فوجهو، ميلات راسها ونطقات بصوت كفحيح الافعى وعينيها على عنقو) هي نفسها منار لي اتشرب دمك اليوم (ودوزات لسانها على شفايفها)

شافتو بداو عينيه تيتقلبو حيت مزيرة عليه ديال المعقول وظفارها غرساتهم فعنقو وهي طلق منو راجعة باللور

رجعات جلسات على الكرسي بكل برود ودارت رجل على رجل تاتشوف تعابير لوكا المصدومة

لوكا: مايمكنش (شاف فيها) منار ماتت هادي 15 العام تقريبا
كيريس: متأكد؟
لوكا: مايمكنش تكوني نتي هي منار

كيريس حيدات لي لونتي وطلعات وجهها فيه
لوكا خرجو عينيه تاشوية اوصلو للارض

كيريس: ودابا شنو بانلك

لوكا تلوالو لسانو ماعرف راسو باش تبلى، البنت لي بغاها هادي 15 العام مزال حية وهاهي قدامو
الجزء: 102

كيريس: نوغمالمون مانعطيكش هاد الخاطر كامل، ونتقمص هوية جديدة ونكون معاك تحت سقف واحد

(وقفات وقفة مستقيمية وحنات) تانقدمليك لوينا

لوكا كثرو عليه الصدمات مابقا عارف شنو ضاير بيه

كيريس: باش نشوفك قدامي ومانقتلكش تطلب مني صبر، وصبر كبيييير

رعد: شنو اتديري فيه
كيريس: حشومة نقتلو بلا مانعطيه فرصة (شافت فلوكا) عقلتي على لعبتنا؟

وقفات عاد نطقات: كنا مسمينها لعبة الموت حيث واحد لي تايعيش (تبسمات) شحال قتلنا بهاد اللعبة، ولكن هاد المرة واحد فينا لي ايموت وانا عارفة شكون

تمات خارجة: تهلاو فيه بيتو الليلة دغدا راد صحتو وعافيتو
تبعها رعد اوولف مافاهمين والو

رعد:إنا لعبة هادي؟
كيريس: غدا واتعرف، دابا خصني نمشي للصين
رعد: انمشي معاك

نخلاتو وركبات وركبو تاهما مكسيريين للمطار وصلو وركبو فالطيارة الخاصة وكيريس مدرقة وجهها بشعرها حتى من رعد وصا اتخوا الكولوار غا باش مايشوفوهاش ركبو الطيارة ووصلو لايطاليا خرجو بنفس الطريقة وركبو لوطو متاجهين للقصر

كيريس: حوايجي لي فلابارطومون؟
رعد: جبتهوملك للقصر

كيريس تكات راسها اللور ميات مطرقة تاضرب فراسها وخصها تفضي هادشي خلاص، من نهار رجعات من استراليا وهي من خطة لختها بغات ترتاح شوية

وصلو للقصر وهبطو من لوطو

رعد: الخدامة الجاسوسة لقاوها ميتة قبل مانشدو دراغون
كيريس وهي داخلة: فلترقد روحها في سلام
رعد شاف فوولف: قتلاتها!!

تبعوها لداخل
رعد: جناحك حدا ديالي

بلا ماتجاوبو طلعات فالدروج دوش وتلبس عليها تمشي للصين

دخلات للجاكوزي ترخى شوية وغمضات عينيها

⏳فلاش باك flashback⏳

نهار دخل رعد ولقاها فلبالكون وعاوداتلو قصة حياتها

قربات منو وباستو فخدو: نتا الوحيد لي عاودتلك شنو وقعلي
ومشات لبالكون نقزات

جبدات قرعة صغيرة من جيبها ومشات للكوزينة لقات ديك الجاسوسة جالسة تاتغدا بوحدها قرقبات فالجردة وخرجات تشوف شنو كاين

دخلات كيريس غا بالحس خوات من ديك القرعة فطبسيلها وخلطاتو وخرجات تاتسلت

طلات حتى بانتلها الجاسوسة كلات من الطبسيل عاد مشات فحالها وهي عارفاها ما اتموت من هنا لاربع ايام، وماتيبانش فالجسم تيبان بحاليلا ماتت عادي

⌛نهاية فلاش باك end of flashback⌛

حلات عينيها وبانت شرارة طالعة منهم اعدا حاجة عندها هي يغدرا شي واحد
ناضت كملات الدوش وخرجات لبسات ليبة مشبكة مع شورط قصير سيور من الجناب وسمطة مع دوني فوق منو قبية قصيرة تاتبان كرشها
دارت سمطة للرجلها ليمنة وكاط دارت كمامة مشات لفاليز تاعها فيها واحد الجيب سري ماتيبانش كانت مخبية تما فردي هزاتو وخشاتو فالسروال

حتى تدق الباب ودخل رعد

رعد: اتمشي بهويتك؟
كيريس: قلتي اتمشي معايا اذن طيارتك لي انمشيو فيها مانحتاجش نبدل لوك
رعد: اك

كيريس هزات الفردي ووجهاتو ليه فوجهو
الجزء: 103

رعد: مالك؟!
كيريس: اعدى حاجة عندي هي الغدر
رعد: وفاش غدرتك؟
كيريس: المرة الجاية قبل ماتهضر فالفون عرف واش تيسمعلك شي واحد
رعد تبسم: هي سمعتيني
كيريس: علاش بغيتي تخبي عليا لوكا وتقولي هرب
رعد: ببساطة حيت مابغيتكش تشربي دمو
كيريس: نتا عارف الى بغيت نشربو ما اتحبسنيش
رعد: تانحاول نردك طبيعية
كيريس: فات الفوت ارعد
رعد: مافات والو
كيريس: مابيتش نتوقف عن القتل هو فاش تانخرج طاقتي السلبية
رعد: كنت باغي نخليك تخلاي عن شرب الدم اما القتيلة تالمن بعد
كيريس نزلات السلاح: ما انتفاهموش، الطيارة واجدة؟
رعد: واجدة، فين خبيتي الكاميرا؟
كيريس: ماشي كاميرا، وقلب عليها راسك

رداتلو بالظهر غادة لجهة فاليزتها
شاف حتى عيا ومشا، عارف بين اتوجدلو شي مفاجأة كعقاب ليه حيت تدخل فالخطة بلا مايعلم
في حين هي خبات السلاح فالجيب ودارت لي لونتي وهزات غا ساكادو فيه داكشي لي اتحتاج وهبطات عندهم لتحت فين كانو تيتسناوها

شافوها وسكتو تبسمات جنب
كيريس: الكوبرا ودراغون مايتأداوش تانجي (وهي تاترمق رعد بنظرات شيطانية)

ناضو ومشاو لوطو مكسيريين للمطار وصلو وطلعو للطيارة الوجهة الصين

“امريكا، نيويورك”

“عند الكليكة”

جالسين فمطعم تيفطرو مجموعين

بدر: كيريس غبرات ديال المعقول
ميري: غير يومين هادي دوينا انا وياها وهي لي عطاتنا ديك الفكرة
لينا: اه بالصح، واكن قالتلنا نصونيولها ابيل فيديو ونسينا
ميري: سافطاتلي ميساج بين مياصلاحلهاش تعيط ابيل فيديو وقاتلي قريب اتجي
جنة: متشوقة نشوفها
لينا: حتى انا
نزار: كون تشوفو نهار شفتها اول مرة فالمغرب جاتني منها واحد الهيبة خلاتني غا نسكت ونسمع لها
ميري: ههه وايييه بزاف تيغلطو فيها تيصحابلهوم قبيحة ومتكبرة ولكن هي غا منغالقة على راسها اما احن منها ماكاين

“الصين، بكين العاصمة”

فابارطومون فحي راقي ناعسة كيريس حيت الليل كولو مانعساتش والطريق من ايطاليا للصين غا تاتخطط كيفاش دخل للوكر تاع ارك

فالصالة جالسين رعد اوولف

وولف: راني موجد لشي صدمة تاني منها هاد العشية
رعد: حتى انا، صدماتني فاش عرفات بين كنا ناويين نخبيو لوكا منها
وولف: ولكن نيتك كانت زوينة
رعد: هه علاه كيريس تاتعرف شي نية بعدا عاد تكون زوينة، نمشي نطل عليها

مشا لبيتها فتح الباب لقاه مظلم وهي ناعسة قرب منها غا بالشوية لفا خصلة من شعرها طايحة على وجهها
مد يدو باش احيدهاليها وهي تشد يدو وقلباتو على الناموسية وجات فوقو عاد فتحات عينيها

كيريس: شنو كنتي ناوي دير؟

رعد شقلبها وجا فوقها مطلع يديها للفوق

رعد: نيتك ناقصة
كيريس وهي تاتعصر ثقيل عليها: بهاد البوزيسيون لي رانا فيها راها كثر من ناقصة

رعد بانلو بين ناعس فوق منها وباين خانقها هو ينوض فوق منها
رعد: فلوسة شوية نهرسك
كيرس: جميع حيوانات الغابة سميتيهوملي

رعد: ههه شنو موجدالنا الليلة ثاني
كيريس: خرج هانا تابعاك

ناض رعد خارج وهي ناضت غسلات وجهها عينيها حومر بقلة النعاس اتسالي هادشي اضربها بشي غيبوبة
نعاسها خفيف غي تحل الباب فاقت

خرجات عندهم للصالة بشورط ودوني وكلاكيطة ومشات تلاحت على الفوطوي

وولف: ههه بانلي ماعندك خاطر
كيريس: وجدتولي سواغي؟
رعد: ماكايناش شي خطة غير هادي؟
الجزء: 104

كيريس: نو
وولف: راها معلقة تما (وشيرلها بيديه)

ناضت لعندها هزاتها ومشات لبيتها لبساتها كانت فالكحل من جهة العنق غا خيوطة وجناب خصرها تاهما (الصورة) ولبسات بيروك زعر كان معاها لبسات صندالة طالون وغيرات ملامحها على حسب الصورة لي عطاوها وخرجات عندهم

رعد اوولف غير شافوها حلو فمهم جات تاتفتن ورعد ماحس براسو حتى صفر

كيريس: وجدتولي المخدر؟
وولف: وي، داك المخدر تيخلي بنادم غير اطيع الامر
كيريس: مزيان، اذن نفذو خطتنا

هزات المخدر كان فساشي غبرة دارتو بين رجلها وصندالتها لبسات فيرور غطات مفاتنها وخرجو ركبو لوطو ومشاو للديسكو فين تيكون

وصلو اوقفو بعيد شوية من جيهة الباب الخلفي وتيتسناوه اجي

وولف: تيجي يوميا لهنا وتيطلع معاه كل مرة بنت ولا زوج وكانت لارا المفضلة عندو (البنت لي تقمصات شخصيتها) رانا قتلناها ودفناها
كيريس: حتى الى كان الزايد ايموت تاهو
رعد: ردي بالك

شافوه وصل خلاوه حتى دخل وخرجات تاتعوج فمشيتها شافوها لي كارد خلاوها دخل حيت معروفة

شافتو جالس فالفوطوي رجل اسيوي فالاربعينات شايب وكرشو مدلية وزوج بنات جيلسين على ركابيه بزوج ولوخرين تيشطحو قدامو

تبسمات جنب ومشات تاتعوج تاوصلات حدا الطبلة وهزات فريزة بغنج ودارتها ففالشوكولا ومداتها لفمو كلاها وهو تيفرنس
شير للبنات اوخرين امشيو وعيط على كيريس تجلس حداه مشات لحداه وبدات تاضحكلو بميوعة وتاتماصيليه كتافو

حتى هيجاتو بغا ابوسها وهي ديرلو اشارة لا لا وهي تاتشوف فيه ذابلة عينيها

مابفاش قادر اصبر وناض جارها معاه للفوق فين كاينين بيوت الدعارة دخل هو وهي وقفولها لي كارد نتاعو قلبوها من رجليها تالراسها وهما براسهم تشهاوها

خنزرات فيهم وخلاوها دخل لقاتو حيد حوايجو ولابس غا بوكسر

ضحكات بميوعة ومشات كلاتلو كاس وغادة ناحيتو تاتعوج
الجزء: 105

مداتولو شربو كامل وهو تيشوف فمفاتينها مشات طلقات الموسيقى وبدات تعوج على الحانها

جا ابوسها تاني هزاتلو الكاس ومشات كباتلو ويسكي ودارت راسها تاتشطح وجبدات الساشية بلا مايعيق ورداتلو بالظهر وكباتلو المخدر فالكاس خبات الساشية فصدها ودارت عندو تاتفرنس

قربات منو ومداتلو الكاس وناضت تاتشطح وهو تيجغم منو

حتى بداو عينيه تيحوالو والمخدر بدا يشد فيه مشات جيهتو وبدات تحرك صبعاتها على درعانو

كيريس: ياك انا عزيزة عليك؟
ارك: عزيزة وزوينة وغزالة (وهو سكران ههه)
كيريس: و انا بيت منك شي حاجة
ارك: عيني نعطيهوملك
كيريس: واحد الحاجة زوينة عندك بغيتها
ارك: شنو هي؟
كيريس: ماعرفتش كيتاتقول ليها ولكن بغات تشريها منك امريكا
ارك”: اه اه بيتي تقولي الرقاقة
كيريس: اه هي هاديك
ارك: ههه امريكا وروسيا بغاو اشريوها وانا مابغيتش (وبدا يضحك)
كيريس هدنات اعصابها وتبسمات: وانا ماتورينيش فينها
ارك: هي فبلاصة بعيدة وقريبة ههه، كاع ماطيح فبالهم
كيريس: فين جات هاد البلاصة؟
ارك: فداري
كيريس: وفين بالضبط؟ (وهي تاتحرك يديها عليه)
ارك شد يديها باسهوم: تحت الارض
كيريس قربات من وجهو: وفيت الباب؟
ارك وهو ذايب فيها: فالكوزينة وتيتفتح بالبصمة نتاع ابهامي الايمن
كيريس: وشنو آخر؟
ارك: وبعيني ليمنية
كيريس: شكرا بزاااف

ولواتلو عنقو حتى طرطق ومات حال عينيه

هزات واحد ليزار لواتو عليها وزات موس كان لاصق فتفاحة طيراتلو عينو ليمنة غير بالشوية واثقان بتش ماطرطقش وهزات كلينيكس لواتو عليها

وقطعاتلو ابهامو غي بلكشايف حيت العظم وخصو مقدة

لوات عليه تاهو كلينيكس ومشات لقات بواطة تما دارت العين فيها حيت غير اتحرك بالزربة احتمال طرطق

حيدات من عليها ليزار وقطعات منو شوية دارت فيه البواطة والصبع ولواتو عليهم مزيان عاد ربطاتها فيدها

مشات لبالكون طلات لقات البالكونات متقاربين بين هاد البيت وللي حداها والبالكون لي تحت منها طافي الضو يعني ماكاين حد وهي فالطابق السابع طيح من تما ترجع فتات رجعات دخلات هزات ايزار اخور نقي من الدم وخرجات للبالكون

ربطات ليزار مع الحديدات مزيان وتعلقات فيه ونقزات للبالكون لي تحت منها دغيا وهي تجي عينيها على زوج خدامين ماردولهاش لبال ونقزات للبالكون لي حداه ودخلات للبيت كيف توقعات خاوية خدات الصندوقة ربطاتها فعنقها من لور مغطياها بالبيروك والشرويطة دارتها على شكل وردة من القدام

خرجات من البيت عادي وهي حتى خرجات من الديسكو
قصدات لوطو درعد ركبات لور وكسيراو

رعد: عرفتي فين؟
كيريس: وي
الجزء: 106

وصلو لابارطومون ودخلو

كيريس حيدات البواطة من عنقها وحطاتها على الطبلة

رعد: شنو هادشي؟
كيريس: أرك قالي الى بيت تاعينيه ناخدهم وانا ماشي طماعة خديت غا وحدة (بصوت طفولي)
رعد: كيفاش؟!
كيريس: هادو هما مفاتيح الخزنة

دخلات لبيتها دوشات ولبسات سروال لاسق تيتجيد مع كبوط وكاط جمعات شعرها ودارت طربوش بدلات لي لونتي ولبسات كمامة وليكات بلاستيك فالكحل

هزات السواغي وخباتها ففاليزتها فالجيب السري
هزات الحبل وصنارات والبيل دارتهم فسكادو وهزات لاباراي نتاعها

وخرجات لقاتهم بدلو عليهم ولابسين بحالها ولقاتهم فتحو البواط

كيريس: ماعندكمش الصبر
رعد: علاش حيدتيهم
كيريس: هوما لي ايفتحولنا الباب، عارفين عنوانو؟
وولف: وي
كيريس: إذن نتحركو
رعد: شنو باغا الرقاقة
كيريس: سوربرايز

هزات البواطة دارتها فساكادو

رعد تنهد وناض خارج وتبعوه وولف وكيريس
ركبو وكسيراو لدار نتاع أرك

وصلو وسطاسيوناو بعيد، دارو عبارة عن بتي فيلا حيت ماتيعمرش فالصين بزاف

هبطات كيريس وتبعوها تاهما نقزو السور من لور دالفيلا وتكاو على كرشهوم وبقاو ازحفو تاوصلو لباب الكوزينة لقاو تما واحد الكارد وقف موراه رعد سدلو فمو ولوالو عنقو حتى طرطق جرو حطو ورا الباب دالكوزينة

دخلات كيريس غا بالشوية بدات تقلب فالقنوت بالبيل
فتحات البلاكار لقات فيه صندوق دارتلها طنن فراس شنو تيدير صندوق فالكوزينة

حنات ودوزات صبعانها على الارض جناب الصندوق لقات شي شقة تما

دارت عند وولف ورعد لي كانو حاضيين الجناب

كيريس بالاشارة: هزوه

حنا رعد هزو وحطو غا بالشوية
لقات تما بوطونة بيضة بحال الزليج ماتردلهاش البال ولكن كيريس البق مايزهق معاها

كليكات عليها وهي تبان شاشة خصها دير البصمة
جبدات البواطة من ساكادو كانت مزال ملوية فطرف التوب
جبدات الصبع ودارتو فالشاشة عطا لون اخضر وتفتح باب فالحيط بحال السانسوغ
هزات الصبع رداتو بلاصتو وردات البواطو لساكادو وهزاتو

عاد دخلات وتبعوها وتسد من وراهم الباب

بقات غادا مع واحد الممر مظلام تاوصلات لواحد الباب فيه انها تحط البصمة
جبدات الصبع ثاني وحطاتو تما عطا ضوء اخضر وطلبو منها مسح شبكة العين
جبدات العين برفق وحطاتها قدام الالة وبقات تسكانيها عاد اكسيبطاتها وتحل الباب

دخلات ودخلو معاها لقات تما كومبيوتيرات بزااف وشاشة كبيرة فالحيط وطبالي محطوطين عليهم شي وراق مزلعين تما وسبورات عامرين مخطوطات ورفوف فيه شي قراعي

بقات ضور فعينيها حتى بانلها بيسي فالطرف باين هو الرئيسي
برونشات معاه يوسبي فيه واحد لوجيسييل تيسهل الاختراق

وبقات طابي بالزربة حتى خرجات الرقاقة من طبلة لي فالوسط

مشات جبداتها كانت صغيييرة بحال كارط ميموار دارتها فلاباراي وخشات كولشي فساكادو نتاعها وتمو راجعين فحالهم وقتما وصلو لشي باب تيطلبو البصمة حتى خرجو للكوزينة

تسد الباب وراهو وردو الصندوق بلاصتو وخرجو بنفس الطريقة ونقزو السور وصلو لوطو ركبو ومشاو
الجزء: 107

وصلو لابارطومون نتاعهم ومشاو بدلو عليهم كل واحد فبيتو سالات قبل منهم مشات هزات السواغي لي لبسات والبواطة والحوايج لي حيدات دابا

وقصدات بيت رعد ودقات

رعد: دخل
خلات الباب ودخلات
كان لابس غا بوكسر كاع ماهتمات

كيريس: ارا داكشي لي كنتي لابس دابا

عطاهملها بلا مايسول شداتهو وخرجات قصدات بيت وولف عطاهملها تاهو مشات لكوزينة حطاتهم فالافابو وزلعات عليهم ليسونس وشعلات فيهم العافية

بقات حداهم حتى رجعو رماد كولهم حتى من عظم الصبع
زلعات عليهم الماء وغسلات لافابو مزيان

ودازت على اي حاجة كانت تما مسحاتها من بصماتهم بالثلاثة

خرجو من الدار وقصدو المطار وهما تيموتو بالجوع ماكلاو والو نهار كامل

غير ركبو الطيارة طلبو ماياكلو وطاحو نعسو

وصلو لإيطاليا وكسيراو للقصر

كل طلع لجناحو ارتاح من غير كيريس لي هبطات للاصال تاتمدد يديها ورجليها وتاتجري شوية فطابي غواون استعدادا للمواجهة

بعد نصف ساعة طلعات لجناحها دوشات ولبسات سروال ميليتيغ وكبوط بالكول مع كاط جمعات شعرها كوب شوفال مشات لواحد لافاليز صغييرة هزاتها

وخرجات تلاقات رعد خارج من جناحو

رعد: فين غادا
كيريس: انمشي نلعب مع لوكا
رعد باستغراب: مافهمتش انا عاد اللعبة لي قلتي
كيريس: تبعني واتعرف

هبطات وتبعها تلاقاو بوولف لتحت

وولف: فين غاديين

رعد: للديبو
وولف: اواااه هي المواجهة اليوم
كيريس: ديجا قلتهالكم

ركبو معاها ومشاو قاصدين الديبو وصلو
حلولهم الكارد الباب نتاع البيت فين كاين لوكا ودخلو معاهم هازين السلاح ناحيتو حيت مامربوطش

رعد وصا الكارد اتهلاو فيه تنفيذا لكلامها وقالهم مايربطوهش
وكات الديبو بلا شراجم فيه غا ثقابي من السقف تيدخلو الهواء

كيريس: نتمنى تكون واجد
لوكا: غبرتي
كيريس: ما انقابلكش غا انت، واجد؟
لوكا: ديما
كيريس مزيان (وجهات هضرتها لرعد اوولف والكارد) كيفما بغات تكون النتيجة ماتدخلوش ولا انا لي انقتلكم

حطات لافاليز وجبدات منها ربعة دالسيوفة صغار هزاتهم ومشات ناحية لوكا

مداتلو زوج وشدات زوج ووقفو وقفة مستقيمية واحد قدام واحد

لاقاو السيوفة بربعة كتحية وتباعدو مستاعدين للهجوم

هجمو فدقة وحدة وتلاقاو السيوفة غفلها وضربها ليدها تجرحات

تبسمات جنب وبقات تشوف فيه
لوكا: مزال كيف كنتي
كيريس: متأكد؟

لوكا بدا تيحس الالم فظهرو مد بدو لقا فيها الدم
كيريس: دقتي انا ديما ماتاتحسش بيها

ورجعو ثاني تيضاربو مرة اجرحها مرة تجرحو
حتى طيراتلو واحد السيف وبقا تيتقاتل معاها غا بواحد

طيراتولو تاهو وكروازات السيوفة نتاوعها على عنقو مع الحيط وبدا تيسيل عنقو بالدم حيت تجرح

كيريس: حانت اللحظة
لوكا: سمحيلي
كيريس: فات الفوت

وضغطات على السيوفة اكثر حتى اختارقو عنقو ومات
الجزء: 108

جبدات السيوفة وطاح لوكا فالارض غارق فدماياتو

بقات تشوف فيه ببرود

كيريس: تستاهل

ورداتلو بالظهر غادة جهة رعد حتى تقلبو عينيها وجات طايحة قبل مايلحقها رعد وشدها

رعد: كيريس!!
كيريس تاتغمض عينيها فشلانة وتاتكمش وجهها من الالم

هبط رعد عينيه جيهة كرشها بانتلو تاتنزف، عرفها تقاست

هزها وتم خارج بيها بالزربة

كيريس بهمس: ماتدينيش للمشفى

ماسمعهاش ونزل ودنيه لعند فمها

كيريس: ماتدينيش للمشفى

حطها فلوطو لور وركب من الجهة الاخرى حاط راسها على ركبتو اوولف ساك مكسيري

رعد: دينا للقصر
وولف: باينة الجرحة غارقة ضروري نديوها للمشفى
كيريس: ل لااا
رعد: صافي غا دينا للقصر، وعيط للطبيب

كسيرا وولف ورعد حيد كبوطو وحطولها على الجرح تيورك باش ماتنزفش بزاف

وصلو للقصر وهزها رعد طلعها لبيتها وبقاو تيتسناو الطبيب اجي

ماتعطلش وجا حيت الى تعطل غير اودع، راه خدام عند العقرب

الطبيب: مستر
رعد: الجرحة عندها غارقة
الطبيب: اوكي مستر

مشا جلس حداها لبس ليكات بعد ماعقمهم

وقطعلها الكبوط بمقص مسح الجرحة من الدم
لقا الجرح غارق بزااف و الدم لي خسرات كثير

الطبيب: الجرح غارق خصنا ضروري نديوها للمشفى فين كاينين الماطيريال

رعد شاف كيريس تاتحرك راسها بلا ولكن ما يبقاش حتى اخسرها

رعد للطبيب: واحد دقيقة

خرجو لبرى

رعد: دكلها مخدر باش نديوها للمشفى بلا ماتعيق
الطبيب: امرك

دخل عندها الطبيب ودكلها مخدر وهي قوتها فاشلة نزفات بزاف

هزها رعد وركبها فلوطو وكسيرا للمشفى وعيط على وولف

وولف: صافي راني وجدت كولشي الاطباء الثقة ووقفت الكاميرات ولي كارد حارسين المشفى
رعد: مزيان، حيث الى تعرفات كاينة فالمشفى اتوصل لخوتها، وهي اتجعر بالمعقول
الجزء: 109

وصلو للمشفى، تعرضوليه الممرضات بالنقالة حطها تما وهي غايبة، رجعات صفرة وفمها بياض

دخلوها للبلوك وبقا برى حتى لحق عليه وولف

وولف: دخلوها

ومالو رعد غا براسو حاط يديه على نصو وهو غادي جاي

بقاو شوية حتى خرجات عندهم الممرضة

الممرضة: المريضة نزفات بزاف خصنا الدم والفصيلة نتاعها ماعندناش فبنك الدم
رعد: شنو الفصيلة نتاعها؟
الممرضة: O-
رعد: انا عندي O-
الممرضة: ماتاتشربش؟

تنهد رعد نسا هاد القضية وهو عاد شرب الويسكي
رعد: الدم ايوصلكم
الممرضة: بزربا
ورجعات دخلات

وولف: انعيط للرجال الى كاين شي واحد

عشرين دقيقة جا واحد الراجل

الكارد: مستر انا عندي O-
رعد: مزيان

خرجات الممرضة
الممرضة: كاين متبرع؟
رعد: هاهوا

الممرضة: تفضل معايا

مشاو سحبات منو الدم ورتمات راجعة بأكياس ودخلات

دازو ساعتاين ورعد قرب اقرع راسو بكثرت الجبيد

كان جالس وراد راسو لور مغمض عينيه حتى سمع الباب تفتح
ناض ناحية الطبيب لي حيد الكمامة

الطبيب: المريضة قاومات، وقعولينا بزاف دالايموراجي اثناء العملية، ولكن دازت مرحلة الخطر

تنهد رعد بارتياح حتى شافهم جاريينها مشا ناحيتها وشد فيدها

رعد: عارفك قوية

داوها للغرفة دالانعاش وصايبولها السيروم ودقات القلب وخرجو

في حين رعد مشا لعند الطبيب

رعد: دابا ماكاينش خطر على حياتها؟
الطبيب: خصها تبقى تحت المراقبة عاد 24 ساعة
رعد: ويمكنلي من بعد نديها للقصر
الطبيب: بشرط تكون مجهزة الغرفة لي اتكون فيها
رعد: انجهزو بالالات اللازمة واندي معايا زوج ممرضات
الطبيب: امرك مستر، ولكن حتى تفوت هاد 24 ساعة تفاديا للمضاعفات
رعد: ردو البال، توقعلها شي حاجة ندفنكم حيين

وخرج ناحية الغرفة وبدا اطل عليها من الزاج
الجزء: 110

رجع رعد للقصر دوش وبظل عليه حيت تقاس بدمها ورجع عندها بقا تيطل غا من الزاج الليل كولو

“بعد 24 ساعة 24hours later “

جالس رعد اوولف فالمكتب دالطبيب

الطبيب: ماوقعو حتى شي مضاعفات، انخرجوها من الانعاش
رعد: علاش مزال مفاقت؟
الطبيب: لي كالمون دالالم لي تانعطيولها تيجيبو النعاس
وولف: حسن ماتشوفش راسها فالمشفى تقلبو على راسنا
رعد: وجدو لومبيلونص ولفرمليات راني وجدتلها البيت بداكشي لي ايحتاجو انخرجها اليوم
الطبيب: امرك مستر

خرجو من المكتب اتجاه غرفتها

وولف: اول مرة نشوفها ضعيفة
رعد: واخا ضعيفة قاومات، الطبيب قال الجرحة ممكن تقتلها ولكن هي بغا تعيش
وولف: مانكذبش عليك، بدوك الافكار لي عندها تخلع الجن ماشي غا بنادم، ولكن عزيزة عليا
رعد: الشيطان تيدير عندها السوايع غا زيد قبل لاتفيق تقلب علينا المشفى

وصلو للغرفة شافوهم مخرجينها فين لومبيلونص طلعوها فيها وركبو معاها زوج فرمليات

كسيرات وتبعهم رعد اوولف من وراهم حتى وصلو للقصر طلعوها فالسانسوغ ناحية بيتها لي وراتهالهم الخدامة حطوها على الناموسية وعلقولها السيروم والة تخطيط القلب وخرجو

داتهم الخدامة لبيتهم لي كاينة فالجناح دكيريس نيت

فحين رعد مشا جلس حداها وبقا تيشوف فيها تيتسناها تفيق

عند كيريس لي بدات تحل عينيها والضوء عماها ورجعات غمضاتهم، عاودات فتحاتهم لقات يد مضرقة عليها الضوء دورات عينيها بانلها رعد لي مضرقو، بقات تشوف فيه مدة عاد نطقات

كيريس: مستحيل نموت قبل مانلعبو
رعد: ههه غا صحي وانلعبو
كيريس: ثاني مرة تاتلعب ورا ظهري
رعد: شنو درت ثاني
كيريس: قلتلك ماتدينيش للمشفى
رعد: قا قولليلي واش كنتي تاتموتي ولا تاتبرككي
كيريس: حتى واحد

وبغات تنوض
رعد: فين غادة
كيريس: نجلس ظهري طاب بالنعاس

عاونها رعد تاجلسات ودارلها الخديات فظهرها

كيريس: دفنتوه؟
رعد: وي، وحتى من السيوفة غبرتلهم الاثار بلا ماتخممي
كيريس: نتا لي خصك تخمم اما السيوفة مافيهم حتى حاجة تادل بين انا مولاتهم
رعد: ماتايقاش فيا لهاد الدرجة
كيريس: ماشي مسألة ثقة
رعد تنهد: فيك الجوع؟
كيريس: بزاف
رعد: هانا جاي

هبط رعد للكوزينة شافتو رئيسة الخدم وجات عندو

مينة: مستر باغي شي حاجة؟
رعد: صايبي شوربة صحية وماديري فيه حتى منتوج لحري
مينة: امرك مستر
رعد: وطلعيهلي لجناح كيريس

ورجع طلع عندها لقاها تاتجبد توصل لكاس دالماء

رعد: ايتحلك الجرح

رجعات جلسات ومدلها الكاس شرباتو ورجعات راسها لور تاتصنط للالم حيت مشا المخدر

رعد: تاتوجعي؟
كيريس: عطيني شي كتاب نتلف فيه الوقت

ناض رعد جابلها كتاب تقراه وخرج للبالكو اكمي

تادقات الخدامة جايبة الشربة

خداها من عندها ومشا قرب منها مدهالها واخا هو ماكرهش اوكلها

خداتها وبدات تشربها وهي مألمة سالاتها وعطاها دواها تشربو ورجعات تاتقرى الكتاب

وهو خرج ادوش عليه ورجع لقاها نعسات بسباب الدوا غطاها ووصا الممرضات ومشا تاهو انعس
الجزء: 111

“بعد مرور شهر One month later”

واقفة فالجردة لابسة كسوة كحلة تحت الركبة ومفخفخة مع سباط بلا

وشعرها تيديه الريح طوال شوية على شحال هادي

تاسمعات صوتو موراها
رعد: يالله

ضارت عندو ومشات معاه لجهة اللوطو ركبات لور حداه وقدامهم وولف (حيت لوطو كبيرة وفيها فطويات متقابلين بحال دالمشاهير) وسايك بيهم الشيفور

وصلو للمطار ومشاو ناحية الطيارة درعد ركبو وقلعات بيهم لامريكا

فالطيارة جالسة واونفاس معاها رعد اوولف ضورات راسها للشرجم وتفكرات تعاملهم بزوج معاها كانو تيتعاملو معاها كيف الماء القليل

وبالخصوص رعد لي كان مهتم بأدق تفاصيلها وعمرو تجرأ عليها

وتفكرات نهار مشات زارت قبر لوكا

⏳فلاش باك flashback⏳

خارجة من الدوش حانية على كرشها شادة جيهة الجرحة تاوصلات للسرير وجلسات ترتاح

دخل عندها رعد

رعد: بالصحة
كيريس: مزال تاضرني
رعد تنهد: اطط نجيبلك ماتلبسي

جابلها كيطمة ودوبييس وتيشورت
مشا للبالكون تيكمي مخليها تلبسهم عرفها تكون سالات
دخل عندها لقاها مقاتلة مع السروال
مشا عاونها تالبساتو وجلسها وجلس حداها

كيريس: ديني لقبر لوكا
رعد: شنو اديري تما
كيريس: بامكاني نمشي بلا بيك ولكن مانقدرش
رعد: واخا تالعشية
كيريس: دابا
رعد: العكس كون كان بنادم
كيريس: هو انا

تبسم جنب حيت شحال من مرة تعكساتلو فاش تيبغي اعاونها وحفظها هاد الجملة “العكس كون كان بنادم هو انت”

عاونها تاوقفات وبقا مخرجها بالشوية عليها شافها معذبة وهو يهزها

هبطها للوطو ركبها وساك هو ناحية فين دفنو لوكا فواحد الغابة

سطاسيونة لوطو بعيد شوية على الغابة وهبطو
هزها ومشا بيها داخل للغابة ربع ساعة ووصلو
نزلها
رعد: قبرو حدا ديك الشجرة
مشات كيريس غا بالشوية وحنات حظا قبرو

كيريس: كنت عارفاك ماشي نوغمال حتى خليتيني نشرب الدم، وعرفتك داويتي راسك، وعارفاك بين كنتي تاتصورني ديما بالغفلة ولكن تانسكت مخلياك على خاطرك (تنهدات) عقلتي فاش قلتيلي نعلمك واحد اللعبة وسميتيها لعبة الموت (ضحكات) هانتا تقتلتي بلعبتك وعلى يدين تلميذتك
طبطبات على القبر وناضت ناحية رعد لي هزها ثاني راجعين فحالهم
رعد: كون كنتي اتندمي على موتو علاش قتلتيه
كيريس: ماندمتش، ولكن تيبقى نقطة دازت فحياتي

وصلو لوطو وركبو راجعين للقصر

⌛نهاية فلاش باك end of flashback⌛

“أمريكا،نيويورك”

“عند الكليكة”

كانو مجموعين فالفيلا ديال نزار تيتغذاو

تعلقو ببعضياتهم بزاف ولاو تيدوزو معظم وقتهم مع بعظهم وبالخصوص الويكاند

حتى سمعو الصونيط دالباب ومشات الخدامة فتحاتو

ماحسو حتى غوتات ميري قفزاتهوم وناضت تاتجري ناحية كيريس عنقاتها بين نقول قجاتها

بادلاتها كيريس العناق وهي مبتاسمة توحشاتهم وتوحشات هبالهم

ناضو عندها دراري تيعنقو فيها

بدر: غبرتي
كيريس: هانا رجعت
نزار: شوية نديروك فمختفون

مشات ميري جرات لبنات ناحيتها وشيرات ليهم
ميري: هادي لينا هي لي دويتي معاها

لينا مشات عنقاتها: كنت متشوقة نشوفك ونشكرك
كيريس: ماكاين لاش تشكريني

ميري: وهادي جنة

جنة غا تاتشوف فيها مصدومة
جنة: نتي؟!
الجزء: 112

كيريس بابتسامة: اهلا جنة
جنة: شحال من مرة رجعت لديك البلاصة باش نشوفك
كيريس: ماساكناش تما كنت غا فرحلة عمل

مشات جنة عنقاتها مزيرة عليها
جنة: شكرا بزاااف، ماتخيليش كلامك شحال عاوني
كيريس بادلاتها العناق: درت غا الواجب

بعدات عليها وهي مبتاسمة

ميري: تلاقيتو قبل؟
جنة: اه، فواشنطن هادي عامين وانص، كنت جالسة حدا البحر مكتائبة حيت عاد مات بابا، وجات هي بحال الملاك عطاتني جرعة امل وتفاؤل
كيريس: شفتك بوحدك كاتبكي قلت نشارك معاك همك واخا غريبة
بدر بتاسم: ههه شوف القدر لاقاكم مرة اخرى
كيريس: فيا جوع

مشاو للطبلة تيتغذاو فجو زوين ولبنات تيحاولو اتقربو من كيريس، تاهي عارفة بين كل وحدة تاتبغي واحد فخوتها يعني خصها تبغيهم بحال ميري

“عند رعد”

قصد الاوطيل ديالو بعد ماوصلها لحدا فيلا دنزار، طلع للسويت نتاعو دخل دوش وخرج للبالكون اكمي

بقا افكر فكيريس وهدوءها هاد الايام، وهو عارفها تاتسكت على خزيت، باينة تاتوجد لشي موصيبة اخرى

تفكر المذكرة وبغا اعيطلها اقولها تعطيهالو ولكن باينة اتكون جالسة مع خوتها، اتسنى حتى الليل ويصونيلها

دخل فحالو ظلم البيت وطاح نعس

“عند كيريس”

خلات الكليكة ايخرجو اقصرو وهي نساحبات لدارها بحجة بغات ترتاح

دخلات دوشات ولبسات كيطمة مع سبرديلة نشفات شعرها بسوشوار وخلاتو مطلوق
وخرجات لبرى تاتمشى على رجليها

حتى ظلام الحال وتمات راجعة

فتحات الباب وضورات عينيها فالفيلا، تبسمات جنب وقصدات الكوزينة كباتلها كاس دالماء شرباتو

حتا حسات بيه وراها

كيريس: ملي دخلتي للدار بلا ماتسنى حتى نجي شي حاجة مهمة

رعد: بغيت المذكرة

كيريس تنهدات: تبعني

طلعات لبيتها وهو وراها دخلات وقصدات باب الدوش وقفات وهو تيشوف فيها باستغراب

كيريس: رجالك قلبو فكولشي ومالقاوش المطلوب
رعد: كنت عارفك عقتي بين قلبنالك الفيلا
كيريس: نهار عاودتلك على المذكرة، ماقلبتوش فهاد البلاصة

وحنات على الساقطة دالباب حيداتها لقات تما خيط جراتو حتى تجبدات المذكرة

هزاتها ومشات مداتهالو وهو مطرطق عينيه فيها
رجعات ردات الساقطة بلاصتها ومشات هزات كتاب وخرجات للجردة مخلياه وراها اقرى على خاطرو
الجزء: 113

بقات جالسة مدة، شافتو تعطل ودخلات عندو لقاتو تيكمي فالبالكون وعينيه حمرين

كيريس: رعد

شاف فيها ورجع ضار تيشوف قدامو

كيريس هاد الهدوء لي فيه ماطمنهاش

تنهدات ومشات للكوزينة وجدات البابونج ورجعات عندو مداتلو الكاس

شدو بلا مايدوي وجلس تيشرب منو وتيشوف بعيد

كيريس: رعد، شنو ناوي دير

شاف فيها: عرفتيه فين كاين؟

كيريس: فالمغرب

رعد ناض باغي امشي حتى نطقات

كيريس: هو لي مكلف بتسيير فرع شركتي تما

ضار عندها مطلع حاجبو: وبأشمن صفة؟

كيريس: باباين منقذي

رعد رجع جلس قدامها وتبسم مقهور: حياتي كلها كذبة
كيريس: كولنا هكاك

رعد: خصني نمشي نشوفو
كيريس: انمشيو بزوج

رعد: فخبارو؟!
كيريس: نو

رعد: بيت نرتاح راسي حرقني
كيريس: دخل تنعس

ماعطلهاش دخل لبيتها وتسطح على السرير

بقات كيريس تاتشوف قدامها وتاتفكر الماضي

⏳فلاش باك flashback⏳

“قبل اربع سنوات before 4 years”

“اسبانيا، برشلونة”

واقفة فالرملة دالبحر وكسوتها وشعرها تيطيرهم الريح

وتاتشوف قدامها راجل فاواخر الخمسينات جالس فالرملة وتيشوف بعيد وباين مهموم

قصداتو وجلسات حداه

(الحوار بالاسبانية)

كيريس: كولنا عندنا هموم ماكرهناهاش تنزاح

شاف فيها ورجع شاف قدامو

-وعندنا ذكريات عليها تانعيشو
كيريس تنهدات مفكرة منال: ولكن الحياة ماتاتوقفش
-نتي مزال صغيرة عندك بزااف ماديري قدامك، انا كبرت وبلا عائلة ولا مشغلة
كيريس: العائلة شي حاجة ثمينة
-وماتانحسو بقيمتها حتى تانفقذوها

وتم نايض باش امشي وضار عندها
-نتمنى نتلاقاو فظروف افضل

مشا فحالو وهي بقات متبعاليه العين وناضت تابعاه

شافتو مشا لواحد الدار وقدام بابها حوايج مزلعين

جلس على الدرجة وحنا راسو مكتاءب حتى خرج عندو واحد الراجل من الدار وبدا يسب فيه

-هز عليا قشاوشك وسير فحالك، مامخلص كراء ثلث شهور وزايدها بالنفخة

دخل رادخ الباب حتى قفز

مشات وجليات حداه
-علاش تبعتيني
كيريس: بنتيلي محتاج مساعدة
-مامحتاج والو
كيريس تنهدات: انا لي محتاجة مساعدة
-ماعندي فاش نعاونك
كيريس: اك

ناضت مغادرة حتى عيطلها
-هيه
ضارت عندو
-فاش بيتيني نعاونك

رجعات جلسات حداه

كيريس: عندي شركة فنيويورك صاعدة فالميدان
-اهاه
كيريس: انا مغربية وباغا نفتح فرع تما
– وفاش انعاونك
كيريس: الصراحة شفتك هادي مدة فالحانة لي حدا الدار، وسمعتك تاتهضر مع صاحبك بين عندك الماستر فتسيير الشركات
-ماعلموكش واليديك بين ماخصكش تصنتي لبنادم
كيريس: كنتي سكران وتاتهضر بالجهد، الحانة كولها سمعاتك
-ودابا فاش بيتيني نعاونك
كيريس: بحثت عليك شوية وعرفت عندك مصداقية واتقان فخدمتك
-انا لي استاقلت من اخر شركة كنت خدام فيها
كيريس: وانا تانعرض عليك تخدم عندي
-ماموافقش
كيريس: ما اتعاونيش؟
-علاش انا بالضبط
كيريس: نتا مغربي وانا باغا نفتح فرع فالمغرب وماكاين ماحسن منك، وعلى حساب علمي استقلتي من الخدمة بسباب شي وحدة
الجزء: 114

-دابا شنو المطلوب مني
كيريس: انا ماتانمشيش للمغرب اعطيك الوكالة تكلف بكولشي والمساعد الشخصي نتاعي ايجي عندك اعاونك
-هاد الثقة كولها؟!
كيريس: مزال ماتاتعرفني، تافقنا؟
بقا متردد شوية ضورها فدماغو عاد نطق: موافق
كيريس: اذن مرحبا بيك مستر مأمون

وقفو بزوج وتصافحو

كيريس: انعيط لشي واحد اجمعليك داكشي لي باغي مايتلاحش والباقي تخلص منو فالمغرب تاتسناك دار جديدة وحياة جديدة
مأمون: مزال مامتيق
كيريس: غامر، المغامرة بعض المرات تاتنفعنا
مأمون: انا اصلا ماعندي مانخسر ومنها فرصة نرجع لبلادي كنت تانخمم كيفاش نرجع بلا دولار واحد

كيريس عيطات على مساعدها لي جا فالحال

كيريس: تكلف بحوايجو هزو غا ذكرياتو والباقي تخلصو منو تبرعو بيهم للناس لي محتاجين، وحجزلو فاوطيل هاد الليلة ارتاح فيها وعطيه شي حاجة جديدة البسها، غدا تكونو فالمغرب تبداو

المساعد: امرك ميس بلاك
كيريس: مشتر مأمون نتمنى تكون قد ثقتي

ومشات متأكدة بين ما ايغدرهاش، ستاقل من خدمتو بسباب وحدة خدامة تما كاتشبه لملك

⌛نهاية فلاش باك end of flashback⌛

تنهدات وهي تاتفكر بين وقف على مشروعها فالمغرب وبسباب ذكاؤو وخبرتو نجح الفرع لي فالمغرب، وحتى حالتو المادية تحسنات

ناضت داخلة للبيت لقاتو ناعس على كرشو كيف مولف

دخلات دوشات وخرجات لبسات دوني وميني شورط ومشات تخشات حداه غا بالشوية عارفة نعاسو خفيف

ونعسات حيت تاهي عيانة واخا الجرحة برات ولكن عقلها مرون

“اصبحنا واصبح الملك لله”

فاق رعد هو الاول وبدا يحل عينيه
جات عينيه عليها كيف ناعسة، تبسم وقال بينو وبين نفسو

رعد: بقد ماراك بلا رحمة بقد ما نتي حنينة، تاتحني على لي يستاحق وماترحميش لي يستاهل

تنهد وناض للدوش

في حين هي فتحات عينيها حسات بيه فاش ناض

ناضت تاهي وجداتلو ماتلبس من حوايج بدر
ودخلات للدوش دبيت ميري دوش

خرج رعد من الدوش ملوي ففوطتها الكحلة ولقاها موجدالو ماتلبس لبسهم وهبط للكوزينة وجد القهوة

تاهي دوشات لبسات عليها كسوة وهبطات عندو

رعد: تصميم الفيلا زوين واخا بالكحل كولها
كيريس: تانرتاح فهاد اللون

رعد: نمشيو نفطرو؟!
كيريس تبسمات: الكافي لي خطفتيني منها
رعد: ههه اك

وخرجو راكبين فلامبرغيني نتاعها وسايغة هي

غادا ومكسيرية ومحتارفة فالسوكان

رعد: موالفة بالفورمولة
كيريس: شي سباق؟
رعد: الليلة
كيريس: مع العشرة
رعد: اك

وصلو للكافي افطرو
الجزء: 115

“عند جنة”

لي كانت جالسة فالجردة حتى عيطلها وولف

وولف: افين البخوشة
جنة: الو شكون معايا؟
وولف مستغرب: ماعرفتينيش؟!
جنة: لا
وولف: دابا نجي نخشي ليك راسك فشي حيط، دابا عرفتيني
جنة: اوا على السلامة ملي تفكرتي واحد السيدة سميتها جنة، اما رعد خلااااص
وولف: رانا فنيويورك
جنة: حلف
وولف: ولاش انكذب، تاندوز عندكم نشوف جدة
جنة: جر معاك رعد
وولف: ههه واخا

قطع معاها ومشات تاتجري عند جداتها

جنة: جدةةة
الجدة: ابسم الله عليك، مالك
جنة: رعد اوولف فنيويورك
الجدة: بالصح؟! انعيطلهم

هزات الفون صونات لرعد

“عند رعد وكيريس”

كانو تيفطرو فصمت حتى صونا الفون درعد

رعد: وي جدة
الجدة: على سلامتنا ملي تفكرتينا
رعد: عارف بين غبرت
الجدة: هي الى جيتي تغذا معانا
رعد شاف فكيريس: الى صلاحلي انجي
الجدة: ماكاين اعتراض، وجيب معاك داك السايب
رعد: اك

قطع عليها وشاف فكيريس

كيريس: شنو واقع؟!
رعد: جدة بغاتني نتغذا عندها
كيريس: عطيها حقها راك هملتيها

رعد تنهد تاصونا الفون دكيريس

كيريس: وي ميري، صافا
ميري: صافا، احم …جدات جنة عارضة علينا كاملين للغذا فالقصر
كيريس: اك

قطعات عليها وشافت فرعد

كيريس: تا انا عرضاتني جداتك
رعد: علاه فيت تاتعرفك؟
كيريس: جنة وميري صحابات ايكونو دواولها عليا، اصلا البارح كانت جنة مع الكليكة
رعد: شنو دابا انمثلو بين ماتانعرفوش بعضياتنا
كيريس: تلاقينا فحفل نتاع رجل اعمال
رعد: حسن، حيت تانعرفش نمثل بحالك

عيط رعد على وولف اجي وراه

وصل عندهم وخرجو عندو من الكافي

وولف: اهلا كيريس

وماتلو براسها بما انه صاحب رعد وميري تاتبغيه وحتى هوا عاونها وماشافتش منو شي حاجة قبيحة، رجع عزيز عندها

رعد: نتا لي قلتي لجدة جينا
وولف: عيطت لجنة
رعد: عرضات علينا كاملين حتى من كيريس
وولف: فين تاتعرفها
رعد: باينة ميري اتكون قالتها لجنة وجنة خلاص تاتبارطاجي المعلومة، عرضات على خوت كيريس كاملين

وولف غير عرف اتكون ميري حلاتلو العراضة

كيريس: نمشي نوجد راسي

ركبات لوطو وكسيرات
الجزء: 116

وصلات للفيلا نتاعها

واول حاجة دارتها مشات فتحات الكاميرا نتاع وسام، هملاتهم هاد الايام وتشوف شنو وقع وراها

ردات التسجيلات للور وبقات تسمع لكولشي وفهمات بين سالات مدة 15 اليوم لي عطاهم العميد ودخل معاهم الفريق كامل

عرفات بين شي واحد بيناتهم تايوصل الهضرة وهادا لي اينفعها

سدات البيسي وناضت توجد راسها باش تمشي لقصر درعد

“عند الكليكة”

الفوق فالبيت جالسة ميري ولينا تيقيسو شنو يلبسو

ميري: ناريي وولف ايكون تما وخصني نكون زوينة
لينا: نتي ديما زوينة ماشي تاليوم
ميري: شنو نلبس، هادي ولا هادي
لينا: جربي هادي نشوف

بقاو هز حط قيس رمي بالكشايف باش لقاو مايلبشو وهبطو عند دراري لي قربو اياكلو راسهم بالغدايد

بدر: على سلامتنا تقولو معروضي للعرس

مشاو ركبو، ميري مع بدر، ولينا مع نزار

وقصدو قصر سكوربيون
وصلو وخلاوهم لي كارد ادخلو
وقفو وتعرضاتلهم جنة

جنة: مرحبااا، فينها كيريس
ميري: دابا تجي

جنة: زيدو

داتهم للجردة وجلسو فواحد الجليسة جابتلهم رانيا الضيافة

حتى خرجات عندهم الجدة

الجدة: مرحبا بولادي
ناضو باسو على راسها وجلسو تيتحدثو

حتى دخل وولف سلم عليهم كاملين غير وصل لميري غمزها حتى تزنكات وجلس حداها مشبح فالفوطوي

الجدة: فينو رعد؟
وولف: هاهوا جاي

حتى دخلو زوج لوطويات وهبطو منها رعد وكيريس تسالمو عادي وتمو جايين جيهتهم

جنة كانت جالسة وسط الجدة اوميري ولينا قدامهم حدا نزار وبدر

حتى حنات الجدة ناحية جنة: تيبانو متواتيين
جنة نغزات ميري: تاتفكري فداكشي لي تانفكر فيه

تبادلو النظرات بيناتهم والجدة همساتلهم: هاد الزوج عجبوني

لينا تاتشو فيهم تيتهامشو مافهمات والو حتى غمزاتلها ميري جيهة رعد وكيريس عاد فهمات البلان

اما وولف البلان كامل داز قدامو وحبس الضحكة

وصلو رعد وكيريس عندهم باس رعد راس جداتو ومشا اسلم على الباقي باليد

حتى كيريس باست راس الجدة وعطاتها صوابها بابتسامة

الجدة: اهلا بالوردة، كنت متشوقة نشوفك
كيريس: متشرفين جدة

ضارت الجدة عند جنة: نوضي من حدايا خلي كيريس تجلس جنبي

جنة مصطانعة الحزن: ياك ياك، صافي رميتيني ورا مالقيتي كيريس، انبدا نغير

ناضت جلسات حدا بدر لي كانو طالبين عليها بزوج

وكيريس جلسات حدا الجدة تسقسي على احوالها وتقيس وجها وشعرها عجباتها
الجزء: 117

بقاو تيتحدثو حتى جات عندهم رانيا تاتعلمهم بين الغذاء وجد

خرجولهم للجردة تحت طلب الجدة وجلسو

الجدة مترأسة الطبلة من جهة ومن جهة اخرى مترأسها رعد

كيريس جراتها الجدة جلسات فليمن نتاعها وقدامها رانيا

وولف جلس فليمن درعد وقدامو ميري
حداها جنة وقدامها بدر وحداه نزار وقدامو لينا لي جالسة حدى كيريس

تيياكلو فجو زوين خالقينو الشباب والجدة كل مرة تحط قدام كيريس شي حاجة تاكلها

الجدة: كولي هادي اتعاونك تصحاحي شوفي كيف ضعيفة الريح لي تجي تديك

كان وولف تيشرب الماء غير سمعها وهو يشهق حتى تخنق وبدا يكح مداتلو ميري اشرب

ورعد حبس الضحكة وقال بينو وبين راسو: هاديك هي لي تاتدي الريح على هواها

كيريس عجباتها الجلسة وبدات ضور راسها على كل واحد وتبتاسم .حتى شافت فيه لقاتو حاضيها

شيرلها بمعنى كولي ورجعات تاكل

في حين هو عرف باش حاسة دابا حيت ماعاشتش شعور العائلة كاع

كاع لي فهاد الطبلة يتامى وايحاول اخليهم ديما مجموعين على قبلها

سالاو غذاهم وجلسو فالجريدة تيشربو قهيوة حتى نطقات جنة

جنة: ههه نسيت ماقلتلكمش
الجدة: خير؟!
جنة: كنت تلاقيت بكيريس فواشنطن فاش رجعت من جنازة بابا. كانت شافتني تانبكي حدا البحر وجات هضرات معايا شوية ريحاتني بهضرتها وخلاتني نكون ايجابية

الجدة: القدر لاقاكم تما وهنا

وولف مال عند رعد: هادي هي قتلو وسير فجنازتو

نغزو باش اسكت

حتى دخلات عليهم الرعدة

كارلا: هولا

ومشات تاتعوج سلمات عليهم وصلات لكيريس وبقات طلع وتنزل فيها ماعرفاتهاش

كيريس كاع ماسوقات ليها

كارلا شافت ناحية رعد ومشات لعندو بغات تسلم عليه بلا بيز خلاها بلاكة

كيريس طلعات حاجبها شي حاجة تما
الجزء: 118

كارلا: رعد غبرتي شحال من مرة جيت تانلقاكش

رعد نخلها وهو اوولف حاضيين غا كيريس وردة فعلها

في حين كيريس كانت تاتشوف فيها شنو باغا تصنع وقلبات عينيها ناحية الجدة لي دوات معاها

كارلا شافت رعد ساهي وضورات راسها تشوف فين تيشوف، لقاتها كيريس

بدات تقارن راسها معاها

كارلا بينها وبين نفسها: انا حسن منها، علاش تيشوف فيها، مستحيل نخليا تديك

كيريس حسات بعيون مراقبينها ضورات عينيها لقات رعد اوولف وكارلا كولهم تيشوفو فيها

ستأذنات تمشي للحمام لي غادي توريهلها خدامة

بقات تابعة الخدامة وشياطينها تيخدمو

وصلاتها للحمام ومشات فحالها وكيريس دخلات تاتغسل وجها

حتى حسات بالباب تسد وسمعاتها شنو تاتقول

كارلا: بلا مايعجبك راسك، راكي غا نكرة
كيريس ضارت عندها باستفهام: نعام؟!!
كارلا قربات منها وشدات فخصلات شعر كيريس تاتلعب بيهم

كارلا: انا ميكاب ارتيست الاولى فامريكا، ونتي شنو؟! سكرتيرة؟؟!!
كيريس طلعات حاجبها من هاد السطحية في التفكير

نخلاتها وبغات تمشي تخرج

حتى جبداتها كارلا من شعرها مهبطالها راسها: رعد نتاعي بلا ماتحلمي بيه

كيريس لواتلها يدها ولصقاتها مع الحيط وغرسات ظفارها فعنق كارلا تحت الوذنين وديك البلاصة تاتكون حساسة دغيا تيتقج بنادم

بقات تزير فيديها وكارلا تاتعصر ورجعات حمرة تاتحس بروحها اتخرج

قربات كيريس من وجهها ونفسها تيضرب فيها ونطقات بصوت كفحيح الافعى وهي ميلة راسها بحال للفعى نيت

كيريس: تانصحكش تلعبي معايا حيت روحك اتزهق

طلقات منها خلاتها طايحة تاتكح وترد انفاسها

غسلات يديها وخرجات مبردة مخلية كارلا تاتحلف فيها

ناضت تاتشوف عنقها فالمرايا بانلها اثار ظفارها تما وهي تزيد تحقد

رجعات كيريس للمجموعة وجلسات عادي

ورعد مصغر عينيه فيها حيت شاف كارلا فاش تبعاتها
وعارف كيريس ما اديرش شي حاجة هنا حيت اتنوض روينة

تعطلات كارلا باش تجي وسافطات الجدة خدامة تشوف فينها

تارجعات قالتلهم مشات فحالها

ماهتموش كملو على حديثهم حتى ستأذنو كلهم، وكل مشا لشغلو

كيريس وصلات للفيلا تاعها دوشات ولبسات سروال دجين وتيشورت
خلات شعرها مطلوق ولبسات سبادرين

ومشات للبالكون تاتقرى فكتاب على ماتقرب وقيت السباق

“عند رعد”

طلع للجناح تاعو لي فالقصر دوش ولبس عليه تاهو سروال دجين كحل وتيشورت وكويرة مع سبادرين مشط شعرو وركب ساعتو وخرج

مشا لباركينغ اختار انا لوطو ادي

شاف لامبرغيني بحال ديال كيريس عندو هو فالفضي

ختارها باش اكون عدل فالسباق

ركب وكسيرا وسيفط ميساج لكيريس عن مكان السباق

“عند كيريس”

لي وصلها الميساج وناضت ركبات لوطو تاعها وكسيرا لتما

وصلات لقاتو تيتسناها وقفات حدا لوطو تاعو ونزلات

كانت اابلاصة مهجورة والطريق خاااوي
وكان وصا البوليس مايقربوش لتما باش مايزعجوهمش وهما فالسباق

رعد: واجدة؟
كيريس: ديما
رعد: خصنا باش نطلقو اذن الانطلاق

كيريس ضورات عينيها بانلها خيط

هزاتو وبدات تقلب على شي حاجة تنفعها حتى لقات طاسة دالسردين خاوية

خدات كلينيكس وهزاتها بيها ومشات عند رعد

كيريس: ارا كارو وبريكة

مدهوملها وهو تيشوف شنو اتصنع

فرتات الكارو فالطاسة ومشات لوطو تاعها فتحات بلاصة المازوط خشات تما الخيط وجبداتو فازغ بالمازوط

سرحات الخيط فالارض وحطات طرف على داكشي لي فرتات

وشعلات بالبريكة العافية من الجهة الاخرى

ركبو دغيا فلوطو تيتسناو توصل لعافية لتبغ اطرطق الطاسة واينطالقو

ديماراو وتسناوها حتى طرطقات ونطالقو مكسيريين
الجزء: 119

نطالقو مكسيريين محدثين صوت تيسمك الوذنين

كيريس بلا ماتعرف الطريق ولا فين خط النهاية حيت ضربات دويرة خفيفة على البلاصة من بعد ماسافطلها رعد العنوان

شافت زوج برامل كل واحد فقنة وفهمات بين لي فاتهم هو الرابح

ولاحظاتو ماقالها والو واقيلا عرفها اتكون ضربات دويرة

تبسمات جنب وشافت جنبها لقاتو حداها وركات على الكسيراتور وخلاتو وراها وحتى هو زاد فالسرعة ولحقها

بقاو تيتفاوتو مرة هو يسبق مرة هي حتى قربو لخط النهاية

حتى لاحظاتو قلب الطريق ومشا مكسيري ستغربات لفين غادي

حتى عيطلها قالها صوناليه وولف قالو الجدة راها فالسبيطار

قلبات الضورة تابعاه حتى وصلو للسبيطار وقفات لوطو ورا ديالو ودخلات تاتجري تابعاه

لقاو وولف وجنة واقفين مع الطبيب ولحقوهم

الطبيب: المريضة فاقت ، ومزال ماعرفنا سبب الاغماء
خصنا نديرو التحاليل باش نعرفو السبب

رعد: ديروهم اليوم نيت، وغدا اخرجو النتائج
الطبيب: امرك مستر
جنة: امكنلنا ندخلو عندها؟
الطبيب: وي يمكن ولكن ماتعطلوش خليوها ترتاح مزال ماعرفنا علاش سخفات

دخلو عندها لقاوها متكية وتاتستغفر الله

مشاو باسولها راسها كاملين

جنة: على سلامتك جدة خلعتينا عليك
الجدة: هانا معاك احبيبة، ايكون غا طلعلي السكؤ
رعد: وشنو السباب ، شحال من مرة تانقولك ردي البال

الجدة: اولدي راني كبيرة وحاجة عادية اطلعلي

رعد فتح فمو انطق وهي تشد فيديه كيريس تاتقولو غا سكت بعينيها

الجدة وجنة لي قشعوهم وتبسمو

جنة: كنتو بزوج؟! حيت جيتو بزوج بيكم

رعد شاف فكيريس حيت هي لي اتفك البلان

كيريس: كنت غادا فالطريق وشفتو غادي مكسيري وتيضوبل وتبعتو لا توقعلو شي حاجة نكون معاه

الجدة: الله ارضي عليك ابنتي

وولف بدا تيتمتم: السلامة يا ربي الشيطان حاظر ثاني

رمقاتو كيريس بواحد الشوفة خلعاتو

كيريس: على سلامتك جدة، غدا انجي نشوفك، تصبحو على خير

الجدة: وانت من اهلو

خرجات كيريس تاوصلات لوطو تاعها بغات تركب حتى سمعاتو

رعد: ماكملناش السباق
كيريس: تانعاودوها

ركبات وكسيرات مخلياه تيتنهد
الجزء: 120

“أصبحنا وأصبح الملك لله”

ناضت كيريس كيف عادتها مع الخمسة هبطات للاصال دير سبور وطلعات دوشات

لبسات حوايج الخدمة وخرجات ركبات لوطو قاصدة الشركة

وصلات وخرجات… عطات الكونطاكط لسيكيريتي ودخلات

كاع الاعين توجهو ليها، حيت غبرات على الشركة وغا نزار لي متكلف هو ومساعدها الشخصي

طلعات ديريكت للمكتب تاعها ستقبلاتها السكريتيرة

سكريتيرة: كيد مورنين ميس بلاك
كيريس: جيبيلي قهوتي وملفات المناقصة لي كاينة دابا
سكر: حاضر ميس بلاك

دخلات كيريس للمكتب وجلسات ضارت جيهة الشرجم الزجاجي لي تيطل على المدينة

حتى دخلات عندها السكريتيرة حطاتلها قهوتها و ملف وخرجات

ضارت كيريس وبدات فالخدمة على هاد المناقصة لي ضروري خصها تربحها

واخا كانت غايبة على الشركة كانت متبعة اخبارها غا من الفون لقات نزار ومساعدها الشخصي خدامين نيت والشركة غادا مزيان

بقات هكاك حتى تعشات العشية وخرجات قصدات ريسطو تغذا حيت ماكلات والو نهار كامل

حتى عيطلها رعد

رعد: شفتك قطعتي حسك
كيريس: تانتغذا
رعد: فين
كيريس: نتا لي فين
رعد: انا فالسبيطار نشوف نتائج التحاليل
كيريس: هانا جايا

قطعات عليه وناضت خلصات وخرجات ركبت لوطو مكسيريا للسبيطار

وصلات ودخلات بالشوية عليها حتى لمحاتو جالس فجليسة غالجردة

مشات وجلسات حداه ونطقات وهي تاتشوف فدامها

كيريس: شنو عندها
رعد: مالقاو والو ولكن احتمال يكون كونسيغ فمرحلتو الاولى
كيريس: التحاليل دالكونسيغ ايبانو فيومين ولا ثلاثة صبر عليهم تانتأكدوا
رعد تنهد: مصيبة ثاني
كيريس: نتسناو النتائج ابانو نطمنو عليها عاد نمشيو للمغرب تشوف باباك
رعد: كيريس
كيريس شافت فيه: نعام

رعد: المذكرة ناقصة مافيهاش بزاف دالمعلومات
كيريس: بحالاش؟
رعد: بحال فين تعرفات الواليدة على الواليد، وكيفاش تزوجات بنجم
كيريس: المذكرة ماشي سيرة ذاتية، وانما معلومات على كل واحد عرفاتو مدام ملك فحياتها
رعد: وجنة كيفاش تاهي
كيريس: ماماك كانت عميلة سرية فالاستخبارات المغربية وكانت تاتجي عند مستر مأمون بالتخبية حيت ايقتلوه
رعد: باش عرفتيها
كيريس: ختارقت سيستيم تاعهم
رعد: خصنا نجلسو نهضرو هنا مايصلاحش
كيريس: اك
الجزء: 121

كيريس: انمشي للقصر نشوف الجدة
رعد: انا نمشي للشركة

ناضت طبطباتلو على كتفو ومشات ركبات لوطو تاعها وكسيرا للقصر

وصلات ودخلات عندهم لقات جنة والجدة جالسين فالجردة

عطاتهم صوابهم والجدة عجباتها باغاها لرعد

ستأذنات منهم ومشات فحالها لفيلا

طلعات لبيتها دوشات ومشات لكوزينة وجظات سالاد كلاتها

وخرجات للبالكون… طلقات سمفونية بيتهوفن تحت ضوء القمر وجلسات تاتقرى فكتاب

سدات الكتاب وطلعات وجهها فالسماء، وهي تفكر كارلا وهي تقندش واخا ماخرجاتلهاش من البال ولكن مازال مادارتها فبالها

دخلات لبيتها ونعسات

“عند رعد”

شاد المذكرة بين يديه وتيحاول اربط الاحداث بين كل صفحة واخرى وبين كل شخصية

لقا الاغلبية منهم ذوي نفوذ فالبلاد وشي وحدين ماتو

ونجم كان رئيس مافيا، مافهمش الى كانت ماماه عميلة سرية اش زوجها برئيس مافيا

تفكر مأمون، شنو دورو تاهو واش حتى هو عميل سري؟

شاف راسو ايحماق وماكاين ماحسن منها خي لي اتعاونو

هبط من السويت ديالو وقصد لوطو وكسيرا لفيلا تاعها

وصل وبقا عند الباب وصونالها

حتى جاوباتو بصوت نعسان

كيريس: بايت تحلم بيا
رعد: حتى نكون نعست
كيريس طرطقات عينيها: ياكما الجدة؟
رعد: لا
كيريس: وشنو واقع؟
رعد: راني قدام الباب نتاعك هبطي
كيريس: تسنى

ناضت من بلاصتها خاسر فيها النعاس ولكن ملي جا فهاد الوقيتة اذن كاينة شي حاجة

هبطات عندو بحوايج النعاس ركبات ودارت السانتيغ

بقا تيشوف فيها باش جاية وشعرها لي طالع فالسما وعينيها لي حومر باينة مدوخة بالنعاس تبسم حيت ضحكاتو واخا مهموم

كسيرا للجرف لي تلاقا بيها اول خطرة

وقف وطفا الضواو وبقاو وسط لوطو

رعد حيد السانتيغ ورد راسو لور تيتنهد

كيريس تاهي حيدات سانتيغ وشافت فيه

كيريس: شنو كاين؟
رعد: ماترحمنيش خلاص وتفهميني
كيريس: المذكرة ساهل تقرى وعارفاك ذكي واتقراها
رعد: مافهمت فيها والو
كيريس: ماشي مافهمتي والو وانما بيتي ماتفهم والو، مابيتيش تقراها بالطريقة لي اتفهم بيها حيت خايف لاتعرف شي حاجة
رعد تنهد: وي
كيريس: داكشي فات
رعد: بيت نحييه
الجزء: 122

كيريس: ملك كانت عميلة سرية في الاستخبارات المغربية، وكانت معرووفى حتى عند الاستخبارات الدولية وكانو تيعيطولها تعاونهم فقضياهم،كانت فاول عملية اتاخدها هي تكون جاسوسة عند عصابة اسبانية

وكانت منتاحلة شخصية طالبة، وتما تعرفات على مأمون
سالات مهمتها ورجعات للبلاد وخلاتو وراها ومرة مرة تاتمشي عندو حتى ساقولها الخبر، العملاء السريين ممنوع عليهم العلاقات العاطفية وحتى عائلاتهم ابعدو عليهم، اما ازورو موتهم او تيكونو يتامى فالاصل، سو فاش ساقو الخبار مابغاوش وهددوها انهم اقتلوه

رعد: باش عرفتي هادشي

كيريس: التواريخ نتاع كل لقاء ملك مع شخصية وكاينين حتى الاماكن، والشخصيات بحثت عليهم، وهاكيت سيستيم الاستخبارات وفهمت شي حوايج، ولاقيت المعلومات كاملين

رعد: علاش الواليدة كتبات بهاد الطريقة فنظرك
كيريس: هي ختارت ماتهضرش بالتفاصيل وانما تكتب تاريخ وعنوان واسم

بعض الاسماء كتبات عليهم ملاحظات شنو تيعنيولها
ومنهم مأمون وانت وجنة

رعد: كيدارت حملات بيا
كيريس: واخا هددوها كانت تاتجي عندو بالتخبية الى لاحظتي تواريخ اللقاء بعد المهمة لي تذكر فالنظام بسنوات

يعني كانت تاتجي عندو مدة طويييلة وفديك الفترة تزاديتي نتا

رعد: ونجم؟

كيريس: كانت جاسوسة فعصابتو بصفتها سكريتيرتو
وتما فين حملات بيك

رعد: كملي

كيريس: على ما اظن كان طاح فحبها وكتاشف انها جاسوسة ماقتلهاش، حيث تذكر فسيستيم الاستخبارات انها ماتت

رعد: يكون بدلها الهوية يعني ملك ماشي سميتها؟

كيريس: سميتها الحقيقية سارة، وتبدلات هويتها لملك العقرب، ايكون تزوجها بالسيف وكان تيهددها بيك
رعد: الاحتمال الاكثر ارجاحا، وجنة؟

كيريس: جنة ختك من باك ومك، تلقاها هربات منو شي خطرة ومشات عند مأمون

رعد: هادشي مخربق
كيريس: قلتلك داكشي فات

رعد: والاسماء الاخرين؟
كيريس: الاشخاص لي تلاقاتهم فمهماتها، الظاهر ماماك تاتبغي تكتب كولشي وماشي كولشي
رعد: بحالك تاتقولي كولشي وماشي كولشي

كيريس: شنو دابا؟
رعد: صفحة وتطوات وانبقى حتى نشوف نتائج التحاليل نطمن على جدة ونمشي للمغرب

كيريس: اك
رعد: تمشي معايا؟
كيريس: عاد فيها الشك

تبسم ورد السانتيغ وتاهي دارتها ورجعها لفيلا تاعها بقا متبعلها العين حتى دخلات عاد مشا لسويت نتاعو انعس

فهم شي حوايج ولقاهم ماشي كغاف الظاهر ماماه ماكانتش ساهلة
الجزء: 123

“بعد يومين Two days later”

جالسين رعد اوولف فمكتب الدكتور تيتسناو التحاليل
حتى دقات الممرضة ودخلات عطاتوليه وخرجات

فتح الدكتور الورقة وبدا يقرى

الدكتور: مع الاسف مدام اكرام العقرب عندها الثلاسيميا
رعد اوولف طرطقو عينيهم

رعد: كيفاش؟
دك: الكريات الحمراء عندها غادا وتاتنقص بزاف، والنخاع العظمي لي تينتجهم مصاب، خصنا نزرعولها نخاع جديد، حيت المدام كبيرة فالعمر وما اتقدرش الدواء

رعد: انا نتبرعلها
دك: خصنا نديرو فحوصات نتأكدو واش انتطابق معاها فالانسجة
رعد: دابا نيت
دك: اوكي تفضل معايا

تمو خارجين حتى لقاو كيريس واقفة تاتسناهم

شافتهم خارجين وقربات منهم وتاتشوف ملامح رعد مبدلين
كيريس: رعد وولف شنو كاين

رعد مسح على وجهو وفاتها تابع الطبيب
وضارت عند وولف

وولف: الجدة عندها الثلاسيميا

كمشات حجبانها: هو مرض وراثي ومبان حتى لدابا؟
وولف:الدكتور قال خصها متبرع دالنخاع العظمي باش تخلص منو، ومشا رعد ادير الفحوصات واش امكنلو اتبرعلها

كيريس: تا انا اندير هاد الفحوصات

ومشات ناحية ممرضة ووراتها فين كان واقف الطبيب وقصداتو

كيريس: دكتور
دك: اهلا، فاش امكنلي نعاونك
كيريس: تا انا بيت ندير فحوصات واش امكنلي نتبرع لمدام اكرام
رك: اوكي مرحبا

عيط لممرضة
دك: ديها دير نفس فحوصات مستر رعد
ممرصة: اك دكتوغ، تبعيني ميس

(الثلاسيميا هو عبارة عن مرض وراثي في الدم، بسباب اختلال إنتاج جزيء الهيموجلوبين، وهو البروتين المركزي المتواجد بكريات الدم الحمراء، لي تيحمل الأوكسجين من الرئتين إلى باقي الجسم. كيتكون الهيموجلوبين من نوعين من سلاسل بروتينية، سلسلتين من نوع ألفا وسلسلتين من نوع بيتا.

تيكون نقص جزئي في ألفا ثلاسيميا، في كمية سلاسل ألفا، بينما في بيتا ثلاسيميا تيكون نقص كامل أو جزئي بسلاسل بيتا.

و هاذ المرض وراثي متنحي، يتني تيوقع بسبب وراثة جينين مختلين من كِلا الوالدين، للي تيكونو هازين المرض .

ولي هاز مرض الثلاسيمية تيكتاسب مناعة ضد مرض الملاريا، واحتمالات النجاة من الملاريا كاترتفع في المناطق المعروفة بانتشار مرض الملاريا، وهادشي علاش هاذ المرض منتشر في المناطق الإستوائية والمناطق القريبة منها.

كينتشر مرض الثلاسيميا بصورة خاصة بين شعوب حوض البحر الأبيض المتوسط، الوطن العربي وشعوب آسية.)
الجزء: 124

خرج رعد من الغرفة تيهبط الكم تاعو وغادي ناحية وولف لي كان تيهضر فالفون

رعد: فينها كيريس

وولف سالا هضرتو فالفون: مشات تاهي دير الفحوصات، خصني حتى انا نديرهم

ومشا تاهو اهضر مع الطبيب

رعد لمح كيريس خارجة تاتهبط كمها
طلعات وجها فيه وقصداتو

كيريس: النتائج ايبانو من هنا لثلث ايام
رعد: شكرا
كيريس: نمشيو للمغرب فهاد ليام نطقو مسمار باباك، شنو بانلك
رعد: اك، الليلة نمشيو

هبطو لكافيتيريا ايتسناو وولف اخلط عليهم

طلبو كافي وجلسو

رعد: ماعرفت كي اندوي معاه
كيريس: فاش اتلاقاو اتعرف ماتقول
رعد: جدة عارفة هادشي فنظرك؟
كيريس: ماعرفت، جداتك كانت هنا فامريكا فدوك الايام
موحال تكون عارفة هادشي كامل
رعد: جداتي روحها نقية اتكون بعيدة على هاد العالم
كيريس: بيت نعرف جداتك كيدارت تلاقات جدك وهو روسي
رعد: جداتي فياماتها كانت تاتسافر بزاف اتكون تلاقاتو فروسيا

حتى وقف عليهم وولف

وولف: نمشيو؟
رعد: يالله

خرجو وكل مشا لدارو

وصلات كيريس ووجدات فاليزتها باش تسافر
ودخلات دوشات

خرجات من الدوش ولبسات كيطمة وخرجات فحالها قاصدة دار نزار حيت مجموعسن تما

وصلات ودخلات عليهم لقاتهم مجمعين فالصالة

ميري: هاه هاهي كيريس جات واتقولينا رأيها
كيريس جلسات: شنو واقع
لينا: بينا نديرو حفلة زواج غا صغيرة وقالولك بغاوها تكون حفلة كبيرة
كيريس: نزار خويا وبيت حفلة زواجو كبيرة
نزار: العز بيك
لينا: وعلاش انتكلفو هادشي كامل
بدر: ماكاين شي حاجة غالية عليكم راكم خوتنا
كيريس: الكسوة دالعرس على حسابي
بدر: وشهر العسل من عندي
نزار: الشهر الماجي ايكون العرس شنو بانلك لينا
لينا: ماعندي حتى مشكل
الجزء: 125

تعشات كيريس مع الكليكة ومشات قصدات فيلتها هزات حوايجها تاصونالها رعد

رعد: هانا لتحت

خرجات عندو حطات فاليزتها الصغيرة وركبات حداه

كسيرا للمطار وصلو وركبو طيارتو… كل واحد جلس فبلاصة هو تيخمم فلقاؤو مع باه ومرض جداتو

وهي تاتخمم فكولشي حيت بانلها عطات عطلة للبوليس وخصها ترجع تفيقهم

وصلو للمغرب كانت 9 دالصباح تعرضلهوم كارد رعد عطاهم كونطاكط لوطو ركبو وكسيرا رعد

كيريس: ديني لداري
رعد: جيتي معايا اذن اتبقاي معايا
كيريس: على اساس اتقدر تمنعني الى بيت نمشي، اك ماعليش

وصلو للفيلا نتاع رعد كانت جنب البحر
ورالها بيتها وكل مشا لبيتو دوشو وطاحو نعسو حيت مانعسوش فالطيارة

بعد ساعتاين فاقت كيريس فيها الجوع

خرجات كيريس ديريكت للكوزينة مالقاتوالو

طلعات لبيتو لقاتو مزال ناعس مشات غا بشوية ناحية الكونطاكط هزاتو وخرجات

قصدات مارشي شرات ماتحتاج ورجعات للفيلا

وجدات سلاد وعصير وشرائح اللحم
حطات كولشي وطلعات تفيقو

لقاتو جالس فالبالكون تيكمي

تنهدات ونطقات: باغيني نقتلك
رعد: علاش
كيريس طيراتلو الكارو: ديجا قتلك ماتكميش على الخوا دوز تاكل

شاف كيفاش تسيفات عليه وقلب دورة هابط الكوزينة قبل لاتنحرو

لحقات عليه وبداو ياكلو فصمت حتى نطقات

كيريس: انعيط لمستر مأمون نعلمو بين انجيو عندو
رعد تنهد: اك

عيطاتلو
مأمون: وي ميس كيريس
كيريس: مستر مأمون، هاد العشية اندوز عندك لدارك انا وضيف كون واجد
مأمون مستغرب: اك، شي مشكل؟
كيريس: العشية وتعرف

قطعات عليه وشافت فرعد
كيريس: هو لي ايأكد لينا توقعاتنا دالبارح واش صحيحو او لا
رعد: الواليدة ماكانت ساهلة بحالك
كيريس: فاش تيكونو عندنا مانخسرو تايتقصو جناحنا، مبعدة خوتي على هاد العالم باش مانخسرهومش
رعد: ويلا شي نهار حصلتي
كيريس: موجدة مفاجأة لداك النهار، واخا ماتانظنش انحصل

ناضت جمعات الطبلة وغسلات لواني وطلعات لبيتها دوشات ولبسات عليها

عاد نزلات مالقاتوش وماعرفات فين مشا

ماهتماتش وخرجات غا على رجليها حتى وقف عليها بلوطو
الجزء: 126

رعد: فين غادا؟
كيريس: دارنا
رعد: ركبي

ركبلت وكسيرا وهي تاتوريه الطريق

حتى دخلو لحي شعبي
وقفو فراس الدرب وهبطات غادة ومرفوعة تاتشوف فالجناب

ورعد تابعها وتيشوف ردة فعلها

الجيران كولهم طلو من الشراجم ولي برا وقف تيبركك فيهم

وصلات قدام دار عائلتها كانت مهجورة وكولها كحلة ومردم نص فيها

تاواحد ماعاود رممها او طيحها وعاود فيها البني

حتى وقف عليها رعد

رعد: هنا فين كنتي ساكنة؟
كيريس: ييس (شيراتلو بيدها)
هاداك شرجم بيتي انا ومنال

تمات داخلة وهو تابعها… لفاو لداخل ريحة قبيحة واخا هكاك ماهتماتش

غادا وتاتشوف فالحيوط تاوصلات لبيتها هي وختها كانت بلا سقف

كيريس: هنا فين لقيت ختي مرمية فالارض ميتة ودماياتها تاتجري

وهنا فين قتلت بابا

ومشات لواحد الحيط: وهنا قتلت ماما

قلبات الدورة وتمات خارجة وهو تابعها

كيريس: خصك تكون عارف كيفاش دوي مع باباك، علأقل واحد فينا اكون الاب نتاعو حي

ومشات ناحية لوطو تركب حتى لمحات بنت محجبة غادا وباين عليها الحزن

عقلاتها شكون هي، كانت صديقة ختها فالمدرسة، وكانت تاتلاقى بيها هي فاش تاتمشي بلاصة ختها

كانت عزيزة عليها، قصداتها

كيريس: احم سمحيلي
-نعام
كيريس: شفتك مقلقة شي مشكل؟
-لا اختي ماكاين والو، تاتقلبي على شي واحد هنا؟
كيريس: لقيت داكشي لي بغيت، متأكدو ماعندك مشكل امكنلي نعاونك
– لا ماعنديش، شكرا
كيريس: خاطرك

قلبات الضورة تمشي فحالها حتى سمعات شي وحدة تاتعيط

-شيماااء، واااا شيماء، واش تقبلتي
شيماء بحزن: لا
-ماديريش فبالك ابنتي دابا تلقاي خدمة زوينة

ضارت عندها كيريس
كيريس: بيتي تخدمي؟
شيماء (ديديكاس للموديراتور تاعنا 🤗🤗): اختي مالقيت فاش
كيريس: فاش عندك الديبلوم
شيماء: الكونطا
كيريس عطاتها كارط فيزيت: غدا اجي لهاد العنوان، وجيبي سيفي تاعك
شيماء: شكرا بزااف اختي

تبسماتلها ومشات ركبات لوطو لي كان رعد سبقها ليها

وكسيرا مغادر
الجزء: 127

كيريس: دوز نيشان لدار مأمون

عطاتو العنوان وكسيرا

مسافة الطريق اوصلو
كانت دارو فحي راقي دخلو للموبل وطلعو فالسانسوغ حتى وصلو ليطاج فاين كاينة الابارطومون

دقات وهو وراها تيتسنا اشوف باه حتى تحل الباب

مأمون: ميس كيريس مرحبا
كيريس: ميغسي
تسالمو باليدين
وشيرات ناحية رعد

كيريس: مستر رعد العقرب اكيد تاتعرفو
مأمون: وشكون ماتيعرفوش، (مد يدو) متشرفين مستر رعد مد يدو سلم عليه بابتسامة خفيفة

مأمون: تفضلو

دخلو للصالة وجلسو
مأمون: شنو تشربو
كيريس: وجد قهيوة وريح عندنا موضوع كبير
مأمون: اك ميس

مشا مأمون للكوزينة تيوجد القهوة

كيريس: رعد شوف فيا
كان رعد تيشوف فالدار والتصاور لي معلقين، غير سمعها شاف فيها

كيريس: ماتزربش فالهضرة وتحاور نتا وياه باش بزوج تفهمو، ماترضيش غا فضولك
رعد تنهد: انحاول

تم جاي مأمون بالقهوة مدهالهم وجلس

مأمون: ميس كيريس شي مشكل؟!
كيريس بقات تشوف فرعد: مستر رعد لي ايفتح الموضوع تفضل

رعد شاف فمأمون: ماعرفت منين انبدا ولكن بيت نسولك على واحد الشخص
مأمون: شكون؟
رعد: ملك
مأمون باستغراب: ماعرفتهاش
رعد: وسارة؟

هنا تبدلو ملامح مأمون وبدا تيتمتم

مأمون: م ما ماعرفتهاش
رعد: مستر مأمون تا انا مافاهم والو وضايع كثر منك، تعاون معايا، سارة شنو تاتجيك
مأمون: منين تاتعرفها
رعد: انا ولدها

مأمون مصدوم: كيفاش
رعد: ملك العقرب تاتعرفها؟

مأمون رجع السينتة لور: تفكرت واحد النهار سمعت سارة تاتقول ملك العقرب
رعد: ملك العقرب وسارة نفس الشخص

مأمون تلوالو لسانو: مستر رعد ممكن تشرحلي مافهمت والو

رعد تنهد: سارة كانت تاتجي عندك بالتخبية ديما ياك؟
مأمون: وي، على حسب قولها كنا بزوج فخطر
رعد: سارة كانت عميلة سرية وممنوع عليها تكوين علاقات عاطفية
مأمون: فخباري كانت قالتهالي فآخر مرة جات عندي
رعد: شحال باش كانت تاتغبر عليك
مأمون: كانت تاتغبر بالشهورة ولكن مرة غبرات تسع سنين وجات غير ليلة من تما ماعاودت شفتها

رعد: حيت كانت تاتهدد بيا، الى هربات وكانت تاتجي عندك خبية، من اللخر نتا عندك زوج ولاد
مأمون: شنو؟!
رعد: انا وختي الصغيرة ولادك، وملك، بيت نقول سارة كان تيهددها مافيوزي بين ايقتلني داكشي باش بقات معاه، هو لي رباني انا وختي ولكن كاين احتمال بين صحابلو جنة بنتو

مأمون: ك كيفاش، دابا انت ولدي؟
رعد: سي
مأمون: ولاش ماقالتهاليش
رعد: كيفاش اتقولهاليك، عندك ولد وايربيه واحد اخر

مأمون تصدم وناض من بلاصتو ناحية غرفة وسد عليه
خلاهم بزوج وراه

رعد: تاهو ماعارف والو
كيريس: عندك شي طوف دنادية نشوفو واش تيعرفها
رعد: عندي فالايميل

بقاو مدة شي يشوف فشي حتى ملات كيريس وناضت ناحية الغرفة

دقات وسمعاتو قالها دخل
الجزء: 128

دخلات عندو لقاتو جالس فوق الناموسية وهاز صنيديقة فيديه

مشات جلسات حداه ورعد بقا متكي على البال

مأمون: هادي التصويرة الوحيدة لي عندي ديالها، كنت صورتها وهي ناعسة حيت ماكانتش تاتبغي

وهادي رسالة كانت حطاتهالي فوق وسادة قبل ماتمشي فآخر لقاء لينا قبل 22 عام

شداتها كيريس وقراتها

📄 مأمون
انت عارف الوضع لي رانا فيه، تانظن ايكون هادا آخر لقاء لينا، حيت حياتك فخطر ومانقدرش نغامر بيك
نشوفك عايش بعيد عليا حسن مانتحسر على موتك

عندك واحد الحاجة زوينة ولكن مايصلاحليش نعطيهالك، نتمنى الحياة تنصفك وتعطيلك هاد الحاجة.

بغيتك وتانبغيك وغانبقى نبغيك، بليز ماتكرهنيش.

سارة📝

كيريس: اذن كولشي واضح هاد الحاجة لي قصدات هي رعد، وماضرباتش لحساب للبنت لي اتولدها ورا هاد الرسالة.

حطات يديها على كتافو: مأمون عندك زوج ولاد من المرأة لي بقيتي تاتسناها حياتك كولها وماتعرفتيش على شي وحدة وراها.

مأمون جمع راسو بين يديه ودموعو نازلة

ناضت كيريس ناحية رعد عطاتو الرسالة وخرجات تخليهم بوحدهم

مشات وجدات قهوة اخرى وجلسات فالبالكون تاتشوف تسجيلات الكاميرا تاع وسام، غير تفوت عملية الجدة وعرس نزار اترجع لهم

بقات جالسة حتى سمعات الباب تسد

دخلات لقات رعد خرج ومأمون واقف

كيريس: مالكم؟
مأمون: هضرنا عادي وقالك ايمشي ايشم الهواء
كيريس: حتى انا انمشي، غدا اتجي عندك واحد البنت للشركة سميتها شيماء الغافولي قبلها واخا اكون سيفي ناقص
مأمون: اك ميس

خرجات وشدات طاكسي نحو القصر دالعقرب

وصلات ونقزات الصور حيت كاينين العساسة وما ايخليوهاش دخل تمات غادا وتاتفكر نهار كان هازها رعد وداخل بيها

شافت لوطو درعد قدام الباب كانت عارفو ايكون جا لهنا

وصلات لحدا الكوزينة وتفكرات فاش بدلات الكيسان لنجم

طلعات للفوق ناحية جناح ملك وعرفاتو ايكون تما

دخلات ولقاتو جالس فوق الناموسية تاع ملك… مشات وجلسات حداه

كيريس: مالك
رعد: راسي ايطرطق عليا، حتى الواليدة ماساهلاش بحالك تهرب من هنا وتبات هنا
كيريس: وشنو المشكل؟
رعد: علاش ليماقتلاتش نجم وتهنى وترجع للواليد
كيريس: نجم مافيوزي وايكون وصا شي واحد الى وقعاتلو شي حاجة ايصفيها ليك نتا وجنة، نتوما لي كنتو رابطينها
رعد: ونادية؟
كيريس: نادية كانت خدامة مع نجم فالمافيا وكونات صداقة مع ملك، وغير ملك تزوجات بنجم، حقدات عليها وبدات تحرش نجم عليها
رعد: هادشي فالمذكرة؟؟ مالقيتوش
كيريس: قبل ماتقتل نادية كنت سولتها تحت التهديد وقالتهالي.
رعد: كانت قاتلي قتلتها حيت غدراتني
كيريس: ايكون على بالها تزوجان نجم بخاطرها مافراسهاش هويتها، ايني ويي، نوض نمشيو، ترتاح شوية

ناض خارج وتبعاتو حتى قلب الضورة لبيتو

دخلات معاه وبقات تشوف فبيتو فاش كان صغير

شافتو مشا لبيرو تاعو جبد مذكرة وقرب حداها
رعد: كنت رسمتك داك النهار باش مايتلفوليش ملامحك ونلقاك، ولكن ماطولناش فالمغرب ومشينا لروسيا

شدات من عندو المذكرة، فتحاتها ولقات راسها مرسومة باحترافية وبالالوان

مسمي عليها مخربقة العينين

تبسمات وشافت فيه: موهبتك فالرسم روعة خصك ترسمني

خرجات وبقا تابعها تاوصلو لوطو ركبو وكسيرا رعد خارج تاوصلو للباب فتحوها العساسة

رعد: هنا غفلتيني وهربتي من ورا ظهري
كيريس؛ كنتي لابس كيطمة وكلاكيطة وشعرك طايح على عينيك لي حومر وكنتي كاعي، ضحكتيني
رعد: رديتيني ضحكة

كسيرا مغادر تاوقف قدام ريسطو

رعد: نزلو نتعشاو هنا حسن
كيريس: اك
الجزء: 129

“بعد مرور يومين Two days later”

داخلة كيريس للشركة، لابسة سروال توب طالع على كرشحا وشوميز مخشية فيه وطالون عالي

تاتمشى بكل رقة وأنوثة
كولشي تيشوف فيها ماعرفوهاش شكون

حتى عيطلها شي واحد من وراها

مأمون: ميس بلاك
ضارت عندو
كيريس: مستر مأمون
مأمون: نورتينا، تفضلي
كيريس: ميغسي

مشاو لسانسوغ وطلعو للمكتب لي لفوق

دخلو وجلسو فلي فوطوي
مأمون: شي مشكل؟
كيريس: نو جيت نطل على شركتي عمرني جيت لها
مأمون: مرحبا
كيريس: سير لشغلك انا انضرب دويرة

خرجات من المكتب وتاتفحص الممرات والجناب ملي جات جات تشوف ديزاين شركتها مباشر واخا مأمون والمساعد تاعها صافطولها كولشي

هبطات للطابق لي لتحت وكولشي تيشوف فيها

لمحات شيماء داخلة للمكتب تاعها لي كان مفتوح وقصداتها

دخلات وطلع كولشي فيها عينيه حيت المكتب المفتوح تيكون بيرو قدام بيرو شيماء غي شافتها وقفات

شيماء: مادموزيل
قربات منها كيريس عاد نطقات
كيريس: بلاك
شيماء: مادموزيل بلاك شكرا بزاااف على العرض دالخدمة
كيريس تكات على البيرو : هانيا، عجبك البوسط؟
شيماء: بزاف
كيريس: مزيان، اتخدمي هنا مدة حتى تولفي ويلا عجباتني خدمتك احتمال نجيبك للفرع لي كاين فنيويورك
شيماء: بالصح؟!
كيريس: ييس، مستر مأمون لي متكلف هنا فالمغرب تا انا اول خطرة نجي، اني ويي، نتمنى تكوني فالمستوى ومرحبا بيك
شيماء: شكرا بزاف

خرجات كيريس من تما مخلياهم تيوشوشو وراها

صونالها الفون كان رعد

رعد: فينك؟
كيريس: فالشركة
رعد: انا داخل

هبطات للتحت شافتو داخل وعاقدهم
قرب عندها
رعد: كاين هنا؟!
كيريس: لفوق

طلعو عند للمكتب ودخلو على مأمون

وقف مأمون مشا سلم على رعد سلام رجولي حيت تناقشو هاد اليومين وتفاهمو

كيريس: هاد الليلة انمشيو فحالنا كون غا زدتي معانا
مأمون: نسالي شي شغال هنا ضروري نوقف عليهم ونجي
رعد: خاطرك (شاف فكيريس) مشينا
كيريس: اك

وقفو تسالمو مع مأمون وهبطو للتحت خارجين من الشركة

ركبات لوطو معاه حيت جات للشركة غا بطاكسي

وكسيرا رعد للمطار
كيريس: هزيتي الفاليز؟
رعد: وي
الجزء: 130

وصلو للمطار وطلعو للطيارة

مسافة الطريق وصلو للاراضي الامريكية هبطو من الطيارة وتمو خارجين من المطار ولي كارد وراهم جارين لي فاليز

وصلو للوطو ركبو وكسيرا رعد

كيريس: ايكونو بانو النتائج
رعد: مزال ماتاصلو

وصلها لفيلا تاعها دخلات وهو قصد الاوطيل

دخلات دوشات ومشات للكوزينة توجد ماتاكل
حتى صونالها الفون كانت سكريتيرة الطبيب

سكر: ميس بلاك
كيريس: ييس
سكر: النتائج بانو امكنلك تجي وراهم
كيريس: اك

ناضت لبسات عليها وخرجات ركبات لوطو وكسيرا للمشفى

لقات لوطو تاع رعد تما
تمات داخلة قاصدة مكتب الطبيب
دقات ودخلات لقاتهم كلهم مجموعين تما

رعد اوولف والطبيب

دك: ميس بلاك تفضلي

مشات جلسات… دقائق جات الممرضة عطاتو النتائج وخرجات

فتحهوم الطبيب وبدا يقرى

دك: مستر رعد كاين توافق بنسبة 65%
رعد: يعني امكنلي نتبرع؟
دك: وي ولكن بلاتي نشوفو الباقي

فتح نتاع وولف

دك: مستر وولف ماكاينش تطابق نهائيا

فتح نتاع كيريس

دك مبتاسم: كاين تطابق بنسبة 85%، اذن نتي لي اتبرعيلها
كيريس: مستعدة
دك: خصنا نديرو شي تحاليل ليك نتأكدو 100% عاد نديرو الاوبيغاسيون، وخصها تكون فأقرب وقت
كيريس: نديروهم دابا نيت

رعد: كيريس متأكدة؟
كيريس: ييس

دك عيط لممرضة

دك: دي ميس بلاك دير التحاليل حيت هي لي اتبرع
الممرضة: تبعيني ميس

ناضت كيريس تابعاها دير التحاليل

دك: مستر رعد كولشي ايكون مزيان، المتبرعة باين تاتهلى فصحتها مبعدة من الشراب والتدخين او المخدرات، دمها نقي
رعد: منين اتبرع؟
دك: اناخدو النخاع اىعظمي من رجلها، وماكايشكلش خطر على حياتها غا كون هاني
رعد: اك

خرجو تيتسناوها تخرج من الغرفة… حتى تمات خارجة
وصلات عليهم ورعد مد يدو لخصرها جبدها عندو وباس جبهتها بوسة طويلة

Leave a comment