Skip links

قصة : عاشقة الدم ج 2

 4,364 عدد مشاهداات

الجزء: 31

اصبحنا واصبح الملك لله

“عند كيريس”

فاقت فالخمسة دالصباح حيت ذاتها مبرمجة على لفياق بكري

حلات عينيها وهي مكمشا حجبانها تاتحس بداتها كلها
مهلوكة حتو كاتجي عيناها عليه وهو ناعس على كرشو ووجهو جيهتها ضارب فيه ضو د الشرجم حيت بدا تيصبح الحال

شعرو طايح على وجهو ورموشو الكثاف والطوال وفمو الحميمر ماباينش فيه كاع واش تيكمي او تيشرب

بقات تشوف فيه مدة وهي مبتاسمة تيحمقها تيجيبلها التمام

ناضت من بلاصتها بالشوية لاتفيقو لقات الفوطة والوعاء محطوطين فوق الكوافوز

واخا كانت دايخة بالسخانة ولكن كانت حاسة بشنو ضاير بيها

خايفة من لي جاي هادشي لي تيوقع دابا ماتيبشرش بالخير وهي ديما توقعاتها تيكونو صحاح حيت تاتحسبها

نفضات راسها من هاد الافكار ماخصهاش تعكر ميزاجها على الصباح وهي صبحات على حبقلبها

مشات تيجاه الدوش دوشات باش تخفاف وخرجات لابسة بينوارو دالحمام جاها عريييض غادا وتاتعكل فيه ههه

لقاتو حال عينيه وتيكمي، حس بيها فاش ناضت وفاق تاهو نعاسو خف من الريشة

مشات طايرة طيراتلو الكارو من يديه

رعد: سبحنا على الله
كيريس: صحابليش مكلخ لهاد الدرجة، تاتكمي على الخوا اتهلك صحتك
رعد: شفتك تيقتي راسك
كيريس: ماتيقت والو ولكن تاندير داكشي لي بانلي صحيح

رعد زفر وناض للدوش ادوش حسن لايخلطها على الصباح

ضفات الكارو فالطفاية ومشات تقلب على ماتلبس بانولها شي سيكان تما عرفاتهم حوايج البنات غا من اسم الماركة

مشات تاتقلب تبسمات بجنب فاش بانلها كولشي فالكحل
مابغاتش دخّل لراسها فكرة انه معجب بيها حيت الى طلع العكس اتقتلو وتقتل راسها وراه اصلا مستحيل اتجمعو بزوج حيت النار والماء ماتيتافقوش وحتى الى التافقو تيدخل بيناتهم عنصر ثالث افرقهم لي هو العاصفة اتطفي العافية واتخوض الماء (رجان 😹😹)

لبسات دوبييس وبدات تختار واش تلبس من داكشي لي جابلها

تاخرج من الحمام بانتلو رادالو بالظهر وهي بداك المنظر وبدا يتمتم

رعد: هييه نتي واش تاتعمدي ديريها؟
كيريس ضارت عندو وهي تبان شقة صدرها ومزال شعرها فازغ جات سو سيكسي

بدا اقرب منها تاوصل حدا وجهها: ماخفتيش نغتاصبك
عضات على شفتها وهي تاتشوف فلي زابدو : ماكرهتش

خرجاتو من سهوتو غا بصوتها خنزر فيها وقلب وجهو امشي البس حوايجو قبل لايدير شي حاجة اندم عليها

عرفاتو بين مابغاش اقربلها ماحساتش بالاهانة بالعكس مابغاتوش اطيح فيها حيت اتوقع كارثة.

لبسات تاهي ميني شورط وكبوط صوفي طايح من كتف واحد مع تقاشر طالعين تاقربو لركبتها نشفات شعرها بسوشوارو لقاتو تما جمعاتو كعكة مهملة بدا اطوال ليها

تاتعمد اكون قصير باش اسهال عليها دير الباروكات فاش تكون تاتنكر داكشي باش تاتقطعو واخا كان عندها طوييييل فصغرها بحال ختها

غير تفكراتها واخا ماتاتنساهاش وهو يطيح عليها الضيم ومشات لبالكون جلسات فالجليسة تما وطلعات راسها فالسما وبقات تفكر داك الوقت لي دوزاتو مع توأم روحها

هو لبس عليه كيطمة ماناويش اخرج ايبقا معاها ليوم تايعرف واش تحت راسها بدا يضور فعينيه مابانتلوش عرفها تكون فالبالكون.

خرج هندها ولقاها تاتشوف فالسماء وباين طايح عليها الضيم

رعد: كيبقيتي
كيريس فاقت من سهوتها واخا هكاك بقات تشوف فالسما: مزيان
رعد: ماكانش فخباري بين عندك حساسية كون وصيتهم
كيريس: تاواحد مافخبارو من غير الكليكة
رعد جلس حداها وشاف تاهو فالسما: شفتك متعلقة بهاد الكليكة بزاف.
كيريس: كانو عائلتي فاش بقيت بلا عائلة
رعد: فينها عائلتك الحقيقية
كيريس: ماتت
رعد: وكيدارو ماتو
كيريس شافت فيه: قتلتهم وشعلت العافية باش مانحصلش وكانت معاهم تا ختي (ضحكة شيطانية)
رعد ماقال عليها مختلة عقليا تاااا كانت نيييت

رعد: علاش؟
كيريس: قتلو ختي وقتلتهم انا

العين بالعين والسن بالسن والبادئ اظلم

رعد: حالتك صعيبة بزاااف واخا نبغيو نداويوك انعانيو معاك

كيريس ضحكات بالجهد تادمعو عينيها ونطقات: المرض لي فيا منتاشر كيف فالسم فعروقي كاملين مستحيل نداوا غا الى قتلتيني
رعد: علاش ماقلبوش عليك البوليس حيت ايلقاو غا ثلاثة دالجثث ونتي الرابعة مفقودة
كيريس: ههه منار مامذكوراش فالقانون
منار ماكايناش فالوجود عند العامة.
ولكن كيريس ودراكولا كاينين 😈😈😈

رعد عرفها يا اما تادخل وتخرج فالهضرة يا اما بالصح هادشي لي قالت ناض مشا دوموندا على الفطور.
الجزء: 32

“فنفس النهار -مطار TEB- امريكا، نيويورك – 6:00”

(توحشت هاد التواريخ 😹😹)

غادة بمشيتها الموزونة وابتسامتها المشرقة وعينيها لي تيبريو ببراءة لابسة سروال كحل مع تجاكيط فالكرونة ويديها كوير فالكحل مع طالون فالكحل شعرها القهوي المفتوح واصل تحت كتافها وعكر كرونة مزين فمها الصغير وعاطي منظر زوين بحكم بيوضيتها

وكارد وراها جار لي فاليز تاعها
خرجات من المطار تعرضلها الشيفور وهو حاني حلها باب لوطو ميرسيديس كحلة ومزينة بالذهبي ورمز العقرب فوق الماطريكيل.

ركبات لور وساق الشيفور فحين الكارد دار لي فاليز فلوطو تاعو وتبعهم هوا وسيارة اخرى للحراسة

وصلو للقصر دعائلة العقرب فتحولها البواية العاااالية ومزينة برمز العقرب دخل بيها تالحدا النافورة لي فالساحة ضار عليها ووقف قدام الباب دالقصر

هبط الشيفور فتحليها الباب وهبطات بكل انوثة وهي تبتاسم فاش بانتلها تاتسناها قدام الباب

جنة: جدة

ومشات ناحيتها معنقاها

الجدة: حفيدتي الغالية توحشتك اكبدتي
جنة: تا انا الميمة توحشتك بزاااااف

طلقات منها وضارت عند رئيسة الخدم لي كانت تاتشوف فيهم مبتاسمة

جنة: رانيا لباس
رانيا: بيخير وانتي
جنة: فرحانة بشوفتكم
جدة: يالله ندخلو البرد برى

دخلو معانقات تاللصالون وجلسو

رانيا: انمشي نوصيهم احطو الضيافة

جنة: ياكي وليت ضيفة دابا
رانيا: حاشة الالة غير اوكان الصواب
جنة: تانقولك قوليلي ختي، مانيش لالاك تاتحسيني بين كبرت
الجدة ورانيا بداو اضحكو تامشات رانيا تعلم الخدامات احطو اتاي ودوازو واخا فامريكا محافظين على الثراث المغربي

الجدة: درتيها مزيانة ابنتي فاش جيتي توحشتك بزاف
جنة: تا انا احبيبة قلبي، ماكانش صالحلي نجي للذكرى الثانية تاع المرحوم راني مفقوصة
الجدة: نتي ابنتي عندك عذر حيت القراية دارتهاليك، خوك لي شي نهار ايطرطق فيا المرارة
جنة: مزال مصمم انتاقم
الجدة: قالك مايحضر للذكرى والا يزور قبر باه حتى بنتاقم
جنة: اوووف تاهو زاد فيه، بابا كانو عندو اعداء بزاف يعني فالعالم نتاعهم ياقتل ياتقتل، تا بابا قتل شلا ناس يتم ولادهم
الجدة: *واذكروا امواتكم بالخير*
جنة: ونعمة بالله

جات رانيا : لالة الطبلة واجدة
الجدة: نوضي ابنتي نفطرو باينة اتكوني جيعانة
جنة: توحشت ماكلة بلادي، فهاد الصيف انمشي للمغرب ضروري توحشتو
الجدة: ان شاء الله

مشاو جلسو على الطبلة الجدة مترأساها وجنة فليمن تاعها ورانيا فليسر (تاتاكل معاهم حيت الجدة ساكنة عا بوحدها خصها الوناسة) كولشي محطوط على الطبلة اتاي قهوة، بغرير ملاوي الشهيوات المغربية حاضرة 😻😻

(جاني الجوع🤦‍♀️🤦‍♀️)

جنة: فينو رعد؟
الجدة: شكون عرف، مرة مرة تايجي اطل ويمشي عمرو بات هنا
جنة: ايكون فالاوطيل تاعو، طول فامريكا هاد المرة
الجدة: ياخوفي غا ديك دراكولا تكون هنا تنوض الحرب لا هي ساهلة لاهو ساهل
جنة: ياربي احضر السلامة.
الجزء: 33

الجدة: لصقت فيه باش اتزوج غا ياكما ايدير عقلو ويبعد على الانتقام وحتى داك الحرام لي عايش فيه ساعة راسو قصح من الحجر
جنة: دابا يتلاقا بلي تهرسلو راسو

(تلاقاااااها 😹😹😹)

الجدة: سمحيلي ياغاليتي شديت الحديث على خوك وماسقسيتكشي، كيغادا مع قرايتك وابحاثك
جنة: مزيان الميمة، راني تانعتابر اصغر عالمة فالوكالة
الجدة: الله ارضي عليك ذكية الله احجبك من العين
جنة: آمين، انا نطلع نرتاح شوية
الجدة: طلعي يابنيتي راني وصيت اوجدولك بيتك

طلعات جنة لبيتها لقاتها نقية واخا غابرة عليها مدة لقات تما فاليزتها طلعوهالها الخدامات

دخلات للدوش دوشات وخرجات لبسات بيجامة خفيفة فالغوز نشفات شعرها

ضلمات البيت ونعسات

“عند رجان”

كان راجع من برى بالجرى كان تيدير سبور طلع للابارطومو نتاعو باش ادوش ويمشي لمقر الشرطة

غير دخل مع الباب جاتو شي حاجة غريبة، كاينة شي ريحة تاضور هنا

دار راسو ماعاقش دخل عادي ناحية الدوش وهو يبانلو فالمرايا شي واحد ورا الخامية ديال الشرجم

مد يدو لظهرو جبد الفردي لي ماتيخطاهش د بالتخبية ومشا تخبة ورا باب الكوزينة من الجهة الاوخرى

خرج هاداك لي كان مخبي غا بشوية ناحية منين داز وهو هاز الفردي فيديه
ولابس الكحل من راسو لساسو ماتاتبان فيه تالعبة تامن وجهو مغطي بماسك

تاحس بفردي موجه لراسو

رجان: حط السلاح وهز يديك

دار هاد خينا ضغيا باش اضربو ساعة رجان سرع منو ضربو ليدو برصاصة تاطاحلو الفردي وضربو بظهر الفردي لقرداقتو فقدو الوعي

رجان: شكون هادا لي مسيفطلي قاتل مأجور

هبط عندو ربط ليه يديه بالمينوط وعيط على البوليس تسناهم تاجاو هزوه ووصاهم اكون هادشي فسرية تااامة ويردو البال لا يسيفطو اقتلو شي واحد باش مايعتارفش تايجي ويستوجبو

دخل لدوش دوش وخرج لبس عليه سروال ميليتيغ فالخزي مع كبوط صوف فالكحل وكاط كحل هز سلاحو وزاد عاقدهم ناحية للوطو
ركب وكسيرا ناحية مقر الشرطة

وصل وهبط تم داخل ماتيقشعش قدامو تعرضلو واحد من الشرطة لي وصاهم

البوليسي: الشاف راه فاق وكاين فغرفة الاستجواب لي لتحت تا واحد مافخبارو

رجان: مزيان
وقلب الضورة لجهة الدروج هبط معاهم تاوصل لقاعة فين كاين دخل وسد الباب لقاه جالس فوق الكرسي ويديه منيطين

رجان: مرحبا بيك
– الصمت

جلس اونفاس معاه وتكا على ظهر الكرسي ودار رجل على رجل وشعل كارو نتر نترة طويييلة وساط الدخان فالسما

رجان: شكون سافطك؟
– الصمت
رجان تبسم بالجنب عارفو ما يانطقش بسهولة

بحركة سريعة قرب منو وطفا الكارو فعينو

غوت غوتة من اعماق قلبو وهو تيتالم طرطقاتلو عينيه بالدم

رجان: فاش نكون تاندوي معاك هبط عينيك، شكون سافطك

– غا تيغوت مابغاش انطق

رجان شعل كارو اخور وطفاه ففمو
عاود غوت تيتالم
جاب الله الغرفة عازلة للصوت اما المدينة كاملة تسيق الخبار ماشي غا البوليس

رجان: فاش نكون تانسول تبقى تجاوب، شكون سافطك

– غا تيتالم

رجان هز فردي ووجهو ناحيتو: ترحم على روحك

– صافي صافي هانا انهضر

رجان هبط السلاح تيتسناه انطق
– سافطني….
الجزء: 34

“عند رعد”

فالفون:
وولف: راني صيفتك داكشي لي بيتي
رعد: مزيان

قطع عليه وفتح الايميل لقا دواسا كاع الناس لي تعامل معاهم باه قبل اموت

ضار وراه لقاها تاتفرج فتيفي ومامسوقاش

مشا للبيرو تاعو وسد الباب بدا تيقرا فدوك الدواسا منهم حتى التحويلات المالية البنكية
لقا بين مبالغ كبيرة تاتحول لواحد الحساب
مشا قلب دغيا على دوسي داك الشخص صاحب الحساب
عارف بين وولف مايزكلهاش وكيف توقع لقاه سافطوليه

بدا تيقرا وهو عاقدهم كانت شي مراة لي تاتستافد من دوك الفلوس، زاد قرا وهو يتصدم لقاها مرت باه، تزوج بيها سرية، تصدم ماكانش متوقعها
واخا ماتاتفلتلو تا حاجة ولكن الناس لي قرابين ليه ماتيدخلش فامورهم ويبحث

خرج كاعي ناحية كيريس لقاها كيف خلاها

رعد: عارفة لواليد كان مزوج بالتخبية
كيريس: وي
رعد: من فوقاش
كيريس: نهار هربت من القصر
رعد: كيفاش؟
كيريس: كان ديك الساعة دايرين علاقة ولكن من بعد تزوجو
وقلبات لكانال فاش كانت تاتفرج وكملات لفراجة تاعها مخلياه تيغلي

عيط على وولف

رعد: الليلة تكون نادية شادلي فالديبو
وولف: اك

قطع عليه ومشا عمرلو كاس ومشا للبالكون شعل كارو وجلس فديك الجليسة تيحس براسو مخربق

دخلات عليه كيريس غا بالروينة منهار عرفها وهو تيكتاشف غا المصايب

(مزاااااال المصايب دبصح ماعرفتيهمش)

بقا هكاك مدة طوييييلة سمع حسها مقطوع ناض اشوف انا كاريثة دارت

ساعة لقا غا يديه والريح، فينها مشااااات

قلب السويت كولو مالقاهاش ديك الساعة عيط على لي كارد لي فباب الاوطيل سولهم واش ماشافوهاش قالوليه لا

خرج اقلب عليها مشا لمكتب الامن تاع الاوطيل دخل بلا دقان

رجل الامن: مستر
رعد: رجع الكاميرة لنصف ساعة قبل

دار داكشي لي قالو

بدا تيتفرج مالقا والو
تما حار كيفاش هربات ماجا فبالو غا انابيب التهوئة

طلع للسويت وهو معصب مشا لجهة الانبوب تاتكون فالطواليط لقاها خرجات من تما ضرب يدو مع الحيط تاقربات تهرس يدو

عيط على لي كارد باش اطوقو الاوطيل لاتكون مزال ماخرجات منو وسافط لوخرين اقلبو فالنواحي
مالقاو والو تقول بلعاتها الارض

رعد: بهاكا ماتازيدي غا تحقديني عليك اكيريس

ومشا ناحية الدريسين باش ابدل عليه اخرج تالمح شي حاجة فوق الكوافوز
كانت ورقة فتحها وقراها

📝قتلك ديجا يا اما قتلني ولا طلقني اما تحبسني مستحيل
كنت باغا نزيد نبقى معاك نشبع عويناتي ولكن عندي شي حوايج نكملهم.
مزال اتلاقينا ليام انا متاكدة نتمنى تكون الظروف تغيرات

تهلا فراسك ووجد راسك للصدمة حيت دائما تانتصدمو من لي قراب لينا
باي

كيريس.📝

مافهمش على انا صدمة قصدات

رعد: اكيييد انتلاقاو امخربقت العينين

ومشا لبس حوايجو وخرج مكالمي ماتقولش هادا لي دارتها بيه شي وحدة

“عند جنة”

فاقت مع 12 شابعة النعاس طلعات الريدويات وبانلها الجو زوييين اليوم

طاح فبالها رعد وعيطاتلو

جنة: حبيبي
رعد: كيف وصلتي؟
جنة: بيخير لقيتيني عاد فقت من النعاس، توحشتك
رعد: هانا جاي
جنة: اك قلبي تانتسناك

جنة تاتعتابر رعد كتر من اخ تاتحسبو باها وامها حيت ماتت ماماها وهي مزال صغيرة خصها الحنان وباباها ماتيسوقش ليها
مالقات فجنبها غا خوها وجداتها ولكن تاتميل لخوها بزاااف تقيسيها فعينيها وماتقربيش لرعد تاتولي متوحشة

(واخا توحشي تاتعياي ماتوصليش لديك الكارثة كيف سماها خوك 😹😹)

ناضت دوشات ولبسات كيطمة فالكري وهبطات عند جداتها

جنة: ميمتي
الجدة: الحبيبة فاااقت، رتاحيتي؟
جنة: بزاااف، رعد جاي انتغداو مجموعين ييييس
الجدة: ههه نتي لي جبتيه راكي فرختو كيف مسميك
جنة وهي مبتاسمة: الله اخليه ليا
الجدة: امييين
ماهي الا دقائق تاتم داخل وهو مبتاسم الابتسامة لي ماعمرها بانت

جنة: حبيبيييي
ومشات تاتجري عندو ونقزات عليه ملوية رجليها على خصرو وهو شدليها رجليها لاتزلق
رعد: فرختي
جنة: توحشتك توحشتك توحشتك.
رعد: ههه تا انا احبيبتي
جنة هبطات من عندو ونزلات شفتها بغنج: عليها تاتسول فيا وتاتجي عندي
رعد عنكشلها راسها: الخدمة يا حبيبتي مزيرة
جنة: رعععد شحال من مرة تانقولك ماتعنكشليا شعري
رعد: ههه تيعجبني نشوفك معصبة
جنة حطات يديها على خصرها وطلعات حاجبها: وهاد الخدمة عندك اهم من ختك
رعد تنهد وباسها فراسها: صافي اخر مرة فوتيهالي غا هاد المرة
ومشا سلم على جداتو

رعد باسلها راسها: جدة
الجدة: ايييه كون ماكانت جنة موحال نشوفك
رعد: شفتكم ضورتوني بيناتكم
جنة عنقاتلو يدو: صافي احبي ماتقلقش، جدة كاين شي غدا فيا الجوع
الجدة: رانيااا
رانيا: نعام الالة
الجدة: الغداء واجد؟
رانيا: اه الالة نحطو؟
الجدة: غانزليه نتغداو مجموعين قبل لا تخرج لرعد شي حاجة من الجنب
يالله كملات هضرتها صونا الفون درعد
الجدة: هاااا ليقلنا
رعد جاوب: وي وولف
وولف: راني جاي للقصر
رعد: جيتي مع الغداء، مرحبا
وولف: صافي خمسة دقائق نوصل
قطع عليه
رعد: وولف جاي
الجدة: مرحبا بيه اذن نتسناوه
رعد: غا نزلو خمسة دقايق تلقاوه وصل
جنة: تاداك المزغوب عمرو سول فيا
رعد: حسن عوانو بانلي نعيطلو نقولو غا قلب الدورة
جنة ضرباتو ليدو: اوا باز.
الجزء: 35

وصل وولف لقاهم يالله جلسو على طبلة دلغداء باس راس الجدة

وولف: جدة كيبقيتي
الجدة: الحمدلله اولدي ، عليها تاتسول
وولف: قوليها لهاداك كل مرة معيطلية جيبلي جيبلي ماتيخليلي تافين نحك راسي
رعد شاف فيه: سمحلي المرة جاية نخليلك شوية دالوقت فين تمشي لسونطر بيوتي دور بحالتك شوية

جنة: ههه وولف صافا
وولف باسلها راسها تيحسبها ختو الصغيرة: صافا ابخوشتي
جنة: ضروري مادلعوني بفصيلة من الحيوانات ها الفرخة ها البخوشة

ضحكو كاملين وبداو تيتغذاو فجو زوين خالقينو وولف وجنة

“عند ميري”

خرجات من الكلية تاعها ومشات لابارطومون نتاعها دوشات وطاحت نعسات

تاتعشات العشية وناضت لبسات عليها سروال دجين زرق مع كبوط صوفي فالاخضر مع سباضرين بيضة طلقات شعرها وخرجات تلاقا بليندا امشيو اديرو شوبينغ

خرجات ركبات للوطو وعيطات على ليندا

ميري: فين نتلاقاو
ليندا: نتلاقاو فمانهاتن مول
ميري: اك
قطعات عليها وكسيرات ناحية اكبر مول في نيويورك

“عند جنة”

كانت جالسة فالصالة تاتكونيكطا ودراري فالصالة لوخرى تيتناقشو على الخدمة تاملات بالجلاس

جنة زفرات: الدراري يالله نخرجو
رعد: هالباب خرجي
جنة: ولا بيتكم نتوما عفاك عفاك عفاك
رعد عرفها اتبقا تغنغن فوق راسو: وولف سير معاها
وولف: لاااا تقولهاشي
رعد: واغاسير مالك تاتنكر بحال نسا
وولف: اوووف اك
جنة: ييس
وولف: فين انمشيو
جنة: نمشيو نديرو شوبينغ
وولف: واااات، نو ويي، مالي بنت ندير شوبينغ معاك شوفي شي صاحبتك
جنة: نتا عارف ماعنديش صحابات بلييييييز
ودبلات عينيها
وولف تنهد: اك ولكن مانتعطلوش
جنة: مانتعطلوش اي سويير باستو فخدو وطلعات بالجرى باش تبدل

ربع ساعة هبطات لابسة سروال دجين تقاطع مع بيل فالباج وتجاكيط قصيرة ومنفوخة فالنواغ، مع سبادرين بيطة وهازة ساكها فالكحل

ركبو فاللوطو وولف لي سايق

وولف: انا مول
جنة: مانهاتن مول

وكسيرا لوجهة نتاعهم وصلو وتمو داخلين وهي شادة فيدو بحاليلا راجلها والضحكة واصلالها لودنيها

بقاو اخيطو من هنا وهنا تامرضاتو تشري ويهز هو هههه

“عند ميري”

تلاقات بليندا وقيلو تاهما اخيطو ويقيسو ويشريو

تانطقات ليندا

ليندا: اووووه صدق عندو حبيبة
ميري: شكون
ليندا: شوفي وراك
ميري ضارت وهو يبانلها وولف مع جنة شادة فيدو وهو هاز سيكان دالحوايج وباينة فيهم ناشطين
تصدمات وعمرو عينيها بالدموع ماكانتش متوقعة تكون عندو حبيبة
ليندا: وااااا ميري
ميري فاقت من سهوتها: يالله فحالنا عييت
ليندا: مزال ماسالينا
ميري: تالمرة الجاية جراتها من يديها وزادت
تاسمعات صوتو من وراها
وولف: ميري

ميري ضارت عندو مبتاسمة باش ماتعيقش: فرصة زوينة هادي
يالله جا انطق نطقات جنة لي جات هازة فيديها كسوة
جنة: حبي شوف هاد الكسوة
ميري زيرات على يديها: نخليكم زربانة
جا انطق ثاني وهو يصوني الفون: نعام ارعد
رعد: اجي لديبو
وولف: هانا جاي

قطع بانتلو مشااات
وولف: جنة انوصلك للقصر ونمشي عندي شي شغل
جنة: اووووف واخا
خلصات الكسوة ومشاو ردها للقصر وقصد هو الديبو

الجزء: 36

وصل للديبو هو ورعد فدقة تلاقاو عند الباب

وولف: شنو ادير معاها
رعد: ندخلو ونشوفو

دخلو لداخل وصلو لواحد الباب واقفين زوج دلي كارد عند الباب عطاو التحية وحلو الباب

تم داخل هو و وولف لقاوها مربوطة فالكرسي ومغمضين ليها عينيها وسادين فمها
غير سمعات الحس نتاع شي واحد دخل بدات تمتم وتزعزع الكرسي

حل على فمها وحيد عليها العصابة بدات تاتفتح عينيها غا بشوية الضو عاميها تاشافت شكون قدامها وهي طرطق عينيها وبلعات ريقها

رعد: اهلا بمرات با
نادية: شكون نتا
رعد: تو تو تاتعرفيش تمثلي امرت الواليد
نادية: شنو بغيتي مني
رعد قرب من وجها: اي حاجة تاتعرفيها
نادية: شنو انعرف
رعد: كيفاش تزوجتي بالواليد
نادية: هاء من حقو اتزوج ورا ماماتت ملك
رعد شدلها فكها وزير عليه: ماتنطقيش اسمها على فمك، مانصحكش تلعبي معايا

طلق من فكها عاد هضرات
نادية: قتلك بغاني مور مور مور ماماتت ماماك، وتا انا بغيتو وبقا فيا الحال فاش مات، ومزالة حرقتو تاتاكل فقلبي (دموع التماسيح)
رعد: اممم بقا فيك الحال، وباقا محروقة من جهتو، عليها تزوجتي موراه بشهر
نادية عرفات راسها حصلات: وشنو بغيتيني نبقا لا حنين لا رحيم نجم لي كان تيحن فيا
قرب من وجها
رعد: مسكينة، كنتي دايرة علاقة معاه قبل ماتموت (غمض عينيه) ماما؟
نادية: ء لا لا ماكنتش تانعرفو ديك الساعة
عرفها تاتكذب حيت كيريس ما اتكذبش عليه

طرشها تاتقلب بيها لكرسي وعاود هزها من شعرها مجندرها: تانبانلك دري صغير ديريها بيه
بدا نيفها تيسيل وهي مزال مدوخة من الطرشة: هئ هئ
بعد منها وهو تيمسح وجهو ورجع عندها ضاربها بركلة تاعاودات تقلبات: نطقيييي
نادية: اه اه كنا فعلاقة قبل ماتموت ماماك هئ هئ
هنا تشوكا كان باغيها تقولو لا وتكون تا كيريس كذبات ولكن صدقات قالت الحقيقة، الحقيقة المرة.

رعد: شنو تاتعرفي على الواليد
نادية مزال تاتوجع: هئ هئ والو والو
رعد: والو، واخا، قتلوها وعطيوها للكلاب
وتم غادي جهة الباب
نادية: نجم لي قتل ماماك
ضار مشوكي ونطق: كيفاش؟
نادية: قالي غادي اعطيها واحد السم و اتعذب عاد تموت
رعد قجها مع الحيط: وعلاش ايقولها ليك نتي من غير الى كنتو متافقين
بقا تيقج فيها تاقرب اخرج روحها

وولف: اتقتلها

طلق منها ورجع اللور
طاحت فالارض تاتكحب: هئ هئ اه اه انا لي حرضتو وقتلو اقتلها الحقد عمالي عيني حيت غدراتني، شافت فيه، وانا لي حرضتو باش اقتلك فاش كنتي فالحبس وسافطلك قاتل ماجور ساعة تقتل قبل اوصلك موراها بنهار تقتل باك
رعد طاحو عليه الصدمات كيف الشتا بدا صدرو تيطلع ويهبط وقلبو تيخبط

مشا عندها وعاود قجها: علاش علاااش، كيفاش غدراتك
نادية: طلق ط طل ل لق

رعد فقد اعصابو مابقا اشوف والا يحس بقا قاجها تاتقلبو عينيها وماتت

(كانت اتقولك جزء من المذكرة الكلاخ 🤦‍♀️🤦‍♀️)

خرج معصب مخلي وولف اجمع الروينة

بانتلو غا الجرف لي مشا ليه اخر مرة قصدو هبط من لوطو وبقا يشوف فالبحر

جات فبالو فاش قاتلو

“دائما تانتصدمو من لي قراب لينا”

رعد: عندك الحق، ضرب ادو مع لوطو تابجغها، كان عندك الحق، شنو مخبية اكيريس شنو واش بالصح نتي لي قتلتيها بالرصاصة

بقا تما حتى حس براسو تكالما وقلب الدورة باش امشي تاجات فبالو فاش قاتلو

“رد البال كاين البرد”
تبسم ونطق: فين اتكوني دابا امخربقت العينين

الجزء: 37

“عند رجان”

كان فالبالكون نتاع لابارطومون نتاعو تيكمي وهو عاقدهم وتيفكر ماطرا هاد الصباح

⏳فلاش باك flashback⏳

-صافي صافي
هبط سلاحو تيتسناه انطق
– سافطاتني دراكولا
رجان: هممم دراكولا مزيان
ناض من بلاصتو وضار موراه قرب من وذنو ونطق: ودراكولا ماعندهاش القدرة تقتلني بنفسها
– مامسالياش عندها شي ضحية اخرى ونتا تاتشكل خطر عليها سافطاتني نقتلك
رجان رجع جلس: اخر فرصة عندك، شكون سافطك
– قتلك دراكولا

ديك الساعة ضربو برصاصة جابهالو وسط عينيه
رجان: تانكره الكذابة

خرج من تما وصا الشرطة اغبروليه الشقف وبحكم سلطة تاعو نفذو الامر

⌛نهاية فلاش باك end of flashback⌛

رجان: تا واحد ماعارف بين دراكولا بنت من غير البوليس ودراكولا بنفسها، تامن الصحافة وهمناهم بين الالبينو مجرد مساعدة لدراكولا.

هادا لي باغي العب معايا من البوليس، خصني نعرف شكون تيقة شكون لا.

طفا الكارو ودخل دوش خرج الدوش لبس بوكسر وشورط طفا ضو وتلاح نعس

“عند ميري”

جالسة فبيتها تاتبريباري تاتحاول تنسى داك المنظر

ميري: صافي اميري نسايه هو اصلا ماواعدك بوالو والا لمحليك

سمعات الدقان ومشات فتحات
غير شافت شكون شهقات مخرجة عينيها

ميري: شنو تادير هنا؟
وولف: انبقا فالباب
ميري تسوخرات لور: دخل
دخل ومشا لصالة جلس ودار رجل على ختها: صافا
ميري: صافا، تشرب شي حاجة؟
وولف: قهوة تكون قاصحة
ميري: اك خمسة دقايق توجد

وجدات القهوة وتمات غادة لعندو حطاتها فالطبلة وجلسات: شنو سر الزيارة؟
وولف: والو جيت غانشكرك حيت داويتيلي يدي
ميري طلعات حاجبها: تانظن شكرتيني قبل
وولف: ماعنديش مع الشكر بالقول تانشكر بالفعل، بيتك تعاونيني
ميري: فاش؟
وولف: بعد غدا ختي الصغيرة عندها عيد ميلاد، وبغيتك تقوليلي شنو ممكن نعطيها فالكادو
ميري: شحال فعمرها؟
وولف: هاديك لي كانت معايا قيلة صغر منك بعام
ميري بلا ماتحس تبسمات: ختك؟
وولف لي لاحظ الابتسامة هو اصلا تعمد اجي عندها باش اوضح سوء التفاهم: وي تربينا فدار وحدة هي خت صاحبي لي وصلتيني لعندو لبارح تربينا بالثلاثة فدار وحدة
ميري: ماعرفتش الصراحة شنو تيعجبها.
وولف: مولعة بداكشي دالعلوم، راها باحثة فوكالة النازا.
ميري خرجو من عينيها القلوبة: واااو اذن خصنا نلقاولها شي حاجة رمزية
وولف: اك غدا ندوز وراك فالعشية نقلبو
ميري: اك غدا مع الخمسة واخا
وولف: اك
ناض غادي حتى نطقات
ميري: من الصواب تعرضني للحفلة
وولف ضار عندها: ههه ماتحتاجيش عراضة حيت عاونتيني فالكادو اكيد اتحضري
ميري: ييس متشوقة نتلاقى بوحدة مولعة بالعلم
وولف: ههه بالسلامة
وصلات معاه للباب فتحو ومشا
سداتو وتكات عليه وهي عاضة على شفتها السفلية: ختو
ياااااي ومشات تاتنقز تكمل حفاضتها

الجزء: 38

“جزيرة كانغارو، استراليا- 6:00”

راجعة من الغابة ناحية الدار وصلات عرقانة تاتلهت حيت كانت تاتجري
حلات الباب ودخلات ناحية الدوش دوش من عرق السبور
دوشات وخرجات ملوية ففوطة كحلة لبسات كسوة صيفية بحكم استراليا فيها الصيف جرات كلاكيطة فرجليها وهبطات لكوزينة صايبات سلاد بالخص والفواكه و صايبات عصير ليمون
حطات فالطبلة تاتفطر وهي تاتشوف اخبارو فالفون

كيريس: نتمنى تكون بيخير امنقذي

سالات فطورها جمعات داكشي وخرجات للجردة تاتشم الهوى
وتاتفكر نهار داها للسويت نتاعو

⏳فلاش باك flashback⏳

نهار مشا وخلاها سخفانة ودازو ربعة دالسوايع بدات تحس براسها تاتقدر التحرك ناضت تادور فالسويت وتاتفليه قاعدة فيها

مابانتلها تا حاجة تنفعها دخلات للدوش وهو يبانلها انبوب الهواء حلاتو ودخلات معاه بقات غادة وتاتحاول تخيل لخريطة ديال لاوطيل حيت ديجا جاتليه بزاف دالمرات تاخرجات فسويت من الجهة الخلفية دالاوطيل

هبطات تاتبقشش نتاعمن السويت لقاتو نتاع شي رجل اعمال قطري لقات فالدريسينغ تاعو نقاب فالكحل خداتو ورجعات الانبوب حطات النقاب تما ورجعات فحالها
لقات راسها توسخات بالغبرة وديجا مادوشاتش نهار
دخلات دوشات بعد ماردات كولشي بلاصتو
قلبات دريسين تاعو لقات شوميزتو فالكحل لبساتها مع السترينغ وسوتيان تاعها بعد ماصبناتهم ونشفاتهم بسوشوار
وخرجات للبالكون تاسمعات حسو جا وتيقلب عليها

في الغد
فاش بانلها ايبقا فالسويت دارت راسها مامسوقاش ليه باش تاهو مايبقاش حاط عليها
تاخرج للبالكون وباين معصب عارفاه ايبقا مدة تما حتى يتكالما
مشات كتباتلو ديك الرسالة
ومشات لطواليط طلعات فالانبوب وبقات غادا معاه مزال عاقلة على الطريق تالقات تما النقاب هزاتو ونزلات غا بالحس تاكدات ماكاين حد فالسويت لبسات النقاب ومسحات بصماتها وخرجات
دازت من حدا الكاميرات والكارد ماداو ماجابو

بقات غادا غا على رجليها ودارت اطو سطوب من زهرها طاحت فراجل كبير مسلم
هضرات معاه بالخليجية باش مايشكش قربها من وجهتها
وهبطات بقات غادا على رجليها تاوصلات لواحد الموبل خاوي حيت شارياه كامل باسم مزور وتاواحد ماكاري فيه
طلعات لابارطومون دوشات وبدلات عليها حيت هاد لابارطومون موجداها لحالات الطوارئ نهار تحصل

هزات هوية مزورة وبدلات ملامح وجهها بالميكاب رجعات نفس البنت لي فالهوية
هزات فلوس كاش وكارط بونكيغ بالاسم المزور

هزات حوايجها ومشات للمطار قطعات لبيي لاستراليا ركبات فالطيارة وقلعات
وصلات لاستراليا خدات طاكسي قربها من وجهتها وكملات على رجليها تاوصلات لواحد البحيرة لقات تما واحد عندو باطو قطع بيها للجهة الاخرى ناحية جزيرة الكانغارو وصلات وكملات على رجليها تاوصلات للغابة بقات غادة فيها تاخرجات من الجهة الاخرى البعيدة عن الانظار كاينة تما دار بالكحل تاهي موجداها دخلات دوشات تحيد دوك كيلويات الماكياج وبدلات عليها وطاحت نعسات .

⌛نهاية فلاش باك end of flashback⌛

كيريس: مزال بزااف دالحوايج تابعيني ارعد ولكن تانواعد انرجع

الجزء: 39

اصبحنا واصبح الملك لله

“عند ميري”
دوزات نهارها غا فالكلية تاوصلات الثلاثة مشات لدارها دوشات وبدلات عليها
بقات تسنى فوولف حتى دق عليها

حلاتلو الباب
ميري: كون غا عيطتيلي نزل عندك
وولف: ماعنديش نمرتك (الله امسخك)
ميري ضربات راسها: ههه نسيت ماعطيتهالكش يالله باش مانتعطلوش تابعاني البريباراسيون
وولف: شنو دايرة فالتخصص (الله امسخك رقم 2)
ميري: الطب العام الخامس
وولف: كوغاج تانتي تاتحماقي على العلوم
ميري: تانحماق وسكتي ههه تانقيل نطلب فخوتي نمشيو لمعارض دالعلوم غير كيريس لي عندها معا داكشي خوتي لا
وولف: فينها كيريس شفتها مابقاتش تبان فسوشل ميديا
ميري: مسافرة ولكن بيني وبينك باينة مشات ترتاح شوية فشي بلاصة لي خالية من البشار حيت تاترتاح بوحدها
وولف: اه مزيان هاحنا وصلنا
بقاو اضورو اضورو بالكشايف باش لقاو تذكار نتاع رجل فضاء واقف فوق مجسم المريخ وعجباتها لي شافتها تقول لا ههه

وولف: نمشيو نتعشاو وديك الساعة نوصلك لدارك
ميري: ابعدا باش عرفتي داري
وولف بقا غا ادور فعينيه: الصراحة شفتك واحد النهار فالسطوب وتبعتك تاشفت دارك
ميري: وعلاش تبعتيني؟
وولف: مجرد فضول ههه
ميري: زيد زيد نتعشاو باش نمشي نحفض

مشاو لريسطو تعشاو وصلها لدارها ومشا فالطريق عيط على رعد

وولف: مافراسها والو
رعد: فين اتكون مشات
وولف: قاتلي فاش تاتبغي ترتاح تاتمشي لشي بلاصة لي بعيدة على البشار
رعد: كثارين البلايص المهم تلاح

“عند جنة”

قيلات نهارها كولو فالدار ملات وقررات تخرج بوحدها ركبات لوطو تاعها رانج فالبيض وخرجات من القصر بقات الدور وهي ممزكة

نزلات تاخد الكلاص تيعجبها اكل الشوارع بقات تبنن وضور فعينيها حتى
شافت قطة فالشاريع كانت اضربها لوطو لاحت الكلاص من يديها ومشات تجري هزاتها فاللحظة الاخيرة وطاحة فالارض

مول لوطو ضرب فران سيك وهبط

– واش تقصحتي؟
جنة: لا لا انا بيخيير سمحلي خرجت فطريقك ولكن كنتي اضرب قطة
– شفتها وكنت انوقف المهم نتي بيخير
جنة: اه بيخير شكرا
– العفو ماي ليدي

ومشا طلع فلوطو تاعو وكسيرا مخليها متبعالو عينيها عجبها بالجنتلمانية ديالو كون واحد اخور ابدا اسب ويعاير

شافت القطة هربات من يديها ناضت مشات لوطو تاعها ركبات ومشات فحالها للقصر

الجزء: 40

اصبحنا واصبح الملك لله

“فقصر عائلة سكوربيون”

الخدامات والكارد تيتجاراو باش ايصايبو الجردة للحفلة دعيد ميلاد جنة

وهي لفوق جالسة على الفوطوي ببينوار دالحمام سيقانها البويض تيبرقو وملوية فوطة على شعرها
تاتقرى فمجلة وتاتهضر فالفون دايرة سبيكر

جنة: وولف اتحضر للحفلة؟
وولف: اكيد كيفاش مانحضرش لعيد ميلاد بخوشتي
جنة: رعد ماعندو والو ياك ايحضر
وولف: ايحضر غا تهناي
جنة: وجدتيلي لكادو 😻😻
وولف: ههه لا
جنة عبسات: يااك
وولف: الالة وجدتولك، بالله باي انمشي نسالي شغالي باش نحضر بكري
جنة: بااااي بيزوو 😘

جنة تاهي تاتعتابر وولف اخ ليها، مامعمراش راسها بالعلاقات والحب وتاتقول مستحيل طيح فحب شي واحد

(اطييييييحي يالحبيبة وطيحة قبيحة)

تدق الباب

جنة: دخل
الخدامة: لالة ميكاب ارتيست جات
جنة: دخليها
دخلات واحد البنت طويييلة وزعرة معرفة تاع العائلة

كارلا: اهلا زين
جنة: اهلا كارلا
وتبعوها ثلاثة دالبنات كل وحدة باش مختصة

دارو بجنة مزيااان ماوصلات العشية تاكملوها

جنة تاتشوف راسها فالمراية ميكاب خفيف
وشعرها بوكلي من لتحت رداتو لجهة وحدة مع حلقات طوال فالبيض جاو مواتيين لكسوة لي لابسة فالقهوي باااارد طويلة تاتجرجر فالارض بسميطات مع خيط فكرشها وطالون فالباج مغلوق جات تاتفتن

هبطات لتحت للجردة لقات المدعويين بداو اجيو وكلهم من صحاب رعد ولا الجدة ولا لي قراو معاها فالثانوية وحتى كارلا حاضرة اما هي ماعندهاش صحابات

قصدات الكوزينة تاكل شي حاجة حيت جاعت على مايجيو خوتها

“عند ميري”

كانت موجدة راسها على قبل الحفلة لابسة كسوة مشبكة فالحمر طايحة من الكتاف مع ميكاب خفيف مواتي لكسوة وجمعات شعرها بمشيطة وسنطالة طالون فالكحل جات فنة

بقات تسنى وولف ايجي وراها حيت قالها من الاحسن تكون مرافقتو فالحفلة

لحظات تا صونالها
وولف: راني لتحت نزلي
ميري: اك
شافت راسها فالمرايا عجبها راسها هزات بوشيط فيه الفون وخرجات عندو ركبات
ميري: هاي
وولف: صافا
ميري: سا ماغش
وولف: جيتي زوينة
ميري تزنكات: ميغسيي، تانت

كان لابس سروال دجين فالكحل مع كبوط فالكحل ومونطو فالقهوي وسباط فالماغون

كسيرا وولف ناحية القصر
وصلو ودخلو وهي مبهورة بالمنظر حيت كان روعة فديزاين نتاعو

فرانا ونزلو مدلها يدو شدات فيها وهي مبتاسمة وتمو داخلين للمكان الحفل

جنة لي كانت واقفة مع كارلا
تالمحاتو جاي هو وميري: ايهاي سيد ماساهلش
مشات لعندو عنقاتو

جنة: تعطلتي
وولف شاف فميري: دزت ورا الانسة
جنة سلمات على ميري بلا بيز: صافا الغزالة
ميري تزنكات: صافا انت
جنة: سوبير، ماقلتيليش اوولف فين تعرفتي على هاد الزين
وولف: ههه سميتها ميري، تلاقيتها صدفة
وشاف فميري: وكانت احسن صدفة
جنة: اوووه، تعلمتي تخبي عليا
جرات ميري من يدو رزادت بيها دير معاها لونكيط هههه

“عند رعد”

كان سايق ناحية القصر تاصونا ليه الفون لقا نيم مجهولة

رعد: ويي؟؟
كيريس: كيدازت الصدمة
رعد فرانا بلا مايحس وسط الطريق شوية تقلب بيه لوطو
رعد: كيريس؟
كيريس: خرج من وسط الشاريع لاتمشي دير اكسيدون
بقا يدور فجنابو: فينك؟
كيريس: فبلاصة لي متاكدة ما اتلقانيش فيها
ديمارا وخرج من الطريق وعاود وقف
رعد: كان عندك الحق نجم لي سافط اقتلني، نتي لي قتلتي القاتل الماجور
كيريس: ييس، قتلتو فالغابة لي حدا السجن، وجيت طليت عليك ساعة جريتي عليا (بصوت طفولي)
رعد: كيفاش؟
كيريس: نسى، ميري بلا ماتبقاو دورو بيها مافراسها والو وقول لوولف الى ناوي ابقا معاها مرحبا، الى غير اكون جاسوس فغير اقلب ستة تسعود ميري بعيدة
رعد: ماسيفطتوش باينة معجب بيها
كيريس: تا انا غا قلت، باي، اه بالمناسبة قول لجنة عيد ميلاد سعيد الكادو ديالها ايوصلها من هنا لنصف ساعة

وقطعات عليه
ديك الساعة عاود عيط على الرقم لقاه طافي صونا على احد رجالو

رعد: انسيفطلك واحد الرقم عرفلي فين كاين مولاه (من نيتك علاه هي اتقولك هاني)
الكارد: امرك مستر
قطع عليه وتمتم: فينك، وباش عارفة هادشي، ماقلت ذكية حتى فتي الذكاء لهيه
الجزء: 41

ديمارا وكسيرا للقصر

وصل ودخل ناحية الجردة

بانتلو ختو مع ميري بقا احقق فميري مدة طويييلة وتيحاول افهم كيفاش كيريس عرفات اليوم عيد ميلاد ختو وشنو هو الكادو لي موجداه ليها

عارفها ماغاتاديش ختو ولكن منين تاتعرفها

يالله غادي امشي عندهم تاوقفات عليه كارلا تاتعوج

كارلا: اهلا مستر رعد
رعد دفعها: مامساليش ليك

ومشا خلاها تاتغلي

كارلا: الى كنتي مامساليش ليا دابا، من بعد اتولي نتا لي تابعني (من نيتك الاخت)

مشا رعد قصد وولف لي كان واقف مع شي رجل اعمال
وبقا واقف معاهم

ظلمات الجردة وبقاو غا ضواو خفاااف وتطلقات موسيقى دعيد الميلاد وتمات رانيا جاية جارة طبلة فيها الكيكة كبيييرة بسبعة الطبقات وشمعة برقم 22 مشعولة

وصلوها لوسط وقربو المدعوين تيغنيو مع الاغنية

مشات جنة فرحانة قطعات الكيكة وتاتصور وكلات جداتها رعد وولف وحتى ميري حتى قرب منها وولف
وولف: المهم هاهوا الكادو تاعي نتمنى اعجبك
فتحاتو فالبلاصة
جنة: ههه زوييين انديرو فالبيرو تاعي
ميري: تا انا ماجيتش بيدي خاويين جبتلك سنسلة فيها رمز (ADN) حيت عرفت بين تيعجبك العلوم بزاااف
جنة: شكرا ازين

الجدة: وانا احبيبتي جبتلك هاد اللبيسة بغيتك تلبسيها نهار تكتاشفي داكشي علاياش تاتقلبي
جنة: هههه ان شاء الله هاذا الى لقيت العينة المطلوبة للدراسة عليها
رعد مدلها بطاقة نتاع شي باب: وهادا مختبر هنا فنيويورك ديري فيه ابحاثك فخاطرك
جنة طارت عليه بتعنيقة: يااااي نت احسن اخ فالعالم

الكارد: مستر هادا باسم الانسة الصغيرة عاد وصل دابا

رعد شدو من عندو وهو تيشوف فيه عرفو من كيريس تمنى افتحو ولكن ختو اتشك
جنة: هههه مانساتنيش حتى هاد العام
رعد: كيفاش؟
جنة: واحد البنت كل عام تاتسيفطلي كادو فعيد ميلادي
فتحاتها وهي تشهق وغوتات: لاااا مايمكنش
قربو اشوفو شنو كاين لقاو واحد الحجر حمر مايل للموف

الجدة: شنو هادشي
جنة لقات ورقة وبدات تقراها ضحكات بفرحة: ههه هادا واحد الحجر نتاع نيزك طاح فالبحر الميت هادي سنوات علماء الاثار والتنقيب كاع مالقاوه لا هو لعينة صغيرة منو

لقاتو وسافطاتولي هههههه يييس كنت محتاجاه فالبحث نتاعي، ديما تاتسيفطلي شي حاجة ناذرة واخا ماتانعرفهاش، شكرا بزاااااف اختي الى كنتي تاتسمعيني

فرحو لفرحتها حتى تطلقات موسيقى هادئة جر وولف ميري لوسط ارقصو ورعد جر جنة لي لصقات فداك الحجر ماباتش طلقو

رقصات معاه غا شوية ومشات طلعات لبيتها تنفارد مع الحجر ههه

عند وولف وميري لي عايشين الرومانسية هههه
وولف: جيتي زوينة
ميري: هه قلتيهالي قبيلا
وولف: مافيها باس نعاودها حيت بالصح جيتي تاتفتني
ميري: وولف صافي راك تاتحرجني هاكا
وولف: اك سوييتي ام سوري
وكملو الرقص تاعهم

عند كارلا
لي الحفلة كاملة وهي حاطة على رعد غير شافت جنة مشات فحالها مشات عندو تاتمختر
كان رادلها بالظهر واقف بوحدو هاز كاس فيديه وساهي تيفكر كيفاش كيريس تاتسيفط لختو كادويات هادي اعوام
هنا عرفها ماساهلاش

تاتحطات يد على كتفو فيقاتو من سهوتو ضار عندها وهو يعقدهم

رعد: شنو بيتي
كارلا قربات منو: بيت رقصة معاك
وبدات تاتطلع يديها مع يديه
شدلها يديها ولواهالها تادارت ورجعات رادالو بالضهر حنى عند وذنيها

رعد: غادي تمشي تقودي من حدايا ولا ليوم اياكلوك كلابي

بلعات ريقها من صوتو المبورش تيدخل الرعب فالنفوس

طلقها ومشات تاتعكل فكسوتها لي تاتجرجر مع الارض
حتى طاحت وعاودات وقفات مكملة مشيتها

غادا وتاتمتم
كارلا: اتندم امستر رعد على هادشي (غا قربيليه اتكددك كيريس وتشرب من دمك)

الجزء: 42

سالات الحفلة وكل مشا لدارو
وولف وصل ميري لدارها طلعات دوشات ولبسات بيجامتها وتسطحات نعسات

“استراليا”

“عند كيريس”

جالسة فواحد الجليسة معلقة مع سقف الدار تاتقرى كتاب وطالقة سمفونية بيتهوفن فغرامافون والفراشات والعصافير تيتحركو من حداها حيت عندها النهار

شوية سدات الكتاب ورجعات راسها لور وغمضات عينيها

وتفكرات هاد النهار فاش فاقت

⏳فلاش باك flashback⏳

فاقت هاد الصباح ودارت روتينها ولبسات حوايجها وخرجات على رجليها تاوصلات لباطو ركبات ودازت لجهة الاخرى مشات على رجليها مدة طويييلة تالواحد الصحراء

جبدات البيسي تاعها وخدمات تطبيقات اغطيو فين هي وربطاتو مع الفون عاد صونات على رعد
غير سالات معاه طفات طيلي وهرسات لاكارط رجعات كولشي لساكادو ديالها ورجعات فحالها بنفس الطريقة
حيث عارفاه غادي اقلب عليها

⌛نهاية فلاش باك end of flashback⌛

هي عارفة بين وولف تيدور ب ميري ولكن بغات توصلهم تهديدها بطريقة غير مباشرة باش الى كانو ناويين ياذيوها اتوقف فطريقهم واخا عارفة رعد ماياذيهاش وهي عارفة ميري حساسة خافت لاتعلق بوولف ويكون هو غا تيتفلا.

كانت مركبة كاميرا فالدار تاع ميري وشافت نهار جا عندها بانلها ماشي تعرف عليها باش تجيبلو خبارها وانما بانلها بلي فغيمون عجباتو، هي ما اتوقفش فطريقهم ولكن الى اذاها ولو غا شوية اتجبد روحو.

وناضت دخلات للدار ناحية واحد القبو هبطات فيه وسدات الباب

فلداخل ديال القبو كاين بيرو وبيسي وبلازما كبييرة فالحيط
وسبورة فيها تصاور نتاع شي ناس مضروبين بفوتخ حمر
هنا فين تاتخطط للضحية الجديدة 😈😈

“امريكا”

اصبحنا واصبح الملك لله

“عند جنة”

فاقت ودارت روتينها ولبسات حوايج الخروج تمشي للمختبر لي عطاها رعد هزات معاها الحجر لي شكيت واش بات معاها فالفراش معنقاه 😹

هبطات بالجرى متحمسة لقات جداتها تاتفطر هي ورانيا باست جداتها هزات زيتونة وخرجات

الجدة: واتي غافطري وسيري، المختبر والحجر ما ايهربش
لا رد
بداو اضحكو عليها عارفينها مولعة بالابحاث

في حين هي ركبات لوطو تاعها وكسيرات للمختبر لي سافطلها رعد لوكاليزاسيون تاعو

وصلات فتحات بلاكارط ودخلات
لقات لبيبان تاع الغرف بالبصمات ولكن مزال مافيه تابصمة خدمأت بصمتها وبرمجات المختبر على ذوقها وبدات فالابحاث تاعها بحكم المختبر مجهز باحدث الالات والاختراعات

دوزات نهارها غافالمختبر تاتعشات العشية سمعات كرشها تاتغوت بالجوع وهي تجمع شطايطها وسدات على مختبرها وخرجات لوطو تاعها ركبات وقصدات مطعم
دخلات وطلعات للفوق وجلسات فطبلة حدى الشرجم

حتى شافتو داخل للمطعم بمشيتو الرجولية وطلع تاهو الفوق جلس فطبلة قدامها وخشا وجهو فالفون مارادلهاش البال

جا عندها السيرفور طلبات شنو بغات ومشا فحالو
تاصونا الفون تاعها وكان مجهد شئ لي خلاه اطلع وجهو فيها شافت فيه وتبسمات تاتعتاذر وجاوبات كانت ميري

ميري: كوكو صافا
جنة: صافا انت
ميري: سوبير نتلاقاو غدا؟
جنة: اك الليل ونعاود نعيطلك
ميري: اك
وقطعات شافت جهتو وهو يبانلها ناض وجا عندها

– ميس ممكن نتغذاو اونسومبل الى ماعندكش رفقة؟
جنة: اكيد مرحبا
مد يدو ووقفات سلمات عليه
– انا بدر
جنة: متشرفين انا جنة
بر: الشرف ليا
وجلسو جا السيرفور حطلهم طلباتهم ومشا
خلاهم تيتعرفو على بعضياتهم
تبادلو نيميغو دالفون وكل مشا لشغلو

الجزء: 43

“بعد اسبوع”

“اليابان، طوكيو- 3:00”

جالس راجل اسيوي (مجبدين ليه عينيه 😑) مربع رجلو فالارض لابس اللبسة اليابانية التقليدية ( الكيمونو وهو لباس تقليدي رسمي يعني فالمناسبات)
قدامو طبلة عامرة بإبر ومواد طبية واعشاب وراجل اخور عاري الظهر ناعس على كرشو ومغمض عينيه تيتسناه اوخزو بالإبر (العلاج بالإبر)

سالا خدمتو وناض فحالو حنى للشخص ليكان مريض احتراما له ولمقامه وخرج فحالو تعرضاتلو خادمة تاهي لابسة الكيمونو توصل معاه للباب دايزين من الجردة دازو من حدا شخص لابس لكحل من ساسو لراسو ومعلق سيف قدو قد السخط فظهرو

تمشا ناحية الغرفة لي خرجو منها جر الباب حيت تيتجر لجنب ودخل لقا داك الشخص المريض يالله ناض وتيلبس اليوكاتا (لباس تقليدي من الثوب الرقيق صالح للنوم)

الهضرة باليابانية
-اهلا ماساهيرو (Masahiro)
ضار مفزوع ناحية الصوت
ماساهيرو: ش شكون نتي؟
بصوت مبحبح: دراكولا

توسعو عينيه ماقدرش اغوت بالخلعة بدا تيرجع لور ودراكولا غادي لقدام

دراكولا: تيحصليك الشرف انك اتموت على يدي بسلاحكم النزيه “سيف كاتانا” لي تيطير رؤوس الخونة والاشرار

هزاتو تالسما بزوج ادين (بحكم السيف الياباني تيتشد بزوج ادين) وقطعاتلو راسو

ردات السيف لغشا تاعو ورداتو فظهرها وخرجات فحالها تاتسلت تاوصلات لصور دالجردة نقزات منو ومشات على رجليها مدة ساعتاين وصلات لواحد البحيرة لاحت السيف تما ومتاكدة ماكاين لي يوصلو حيت ديك البحيرة مذكورة فالاسطورة اليابانية بين فيها الاشباح (دراكولا هاديك ههه)

ودخلات للغابة بدلات حوايجها وحرقات لي كانت لابسة وزادت على رجليها ثاني تابعدات على الغابة ودخلات المجال الحضري خدات طاكسي ناحية دار من ديور اليابان القديمة غا كراتها بهويتها المزورة
رجعات دارت الميكاب تاعها بدلات ملامح وجهها وهزات حوايجها ورجعات فحالاتها لاستراليا

“عند رعد”

لي تفرج فالاخبار تيهضرو على ماساهيرو لي تلقا مقتول وماعرفوش شكون ماشكوش كاع فدراكولا

رعد: رجعتي لخدايمك ثاني
تبسم: متوحشة
عيط على وولف فالفون: المدعو ماساهيرو جيبلي معلوماتو الشخصية
وولف: اك

وقطع عليه
بغا اتاكد واش هي ولالا غا من خلال علاقاتو مع ولادو (صافي عرف سيستيمها 🤦‍♀️🤦‍♀️)

الجزء: 44

خرجات من الشركة وهي تاتسوط وباغا غا فيمن تشد دابز
لابسة سروال دجين وكبوط فالباج مع سباضرين بيضة شعرها القهوي قصيير
عينيها القهويين تغرغرو بالدموع تاع الفقصة والحكرة فمها الحمر غا تيترعد بالاعصاب
غادا فالشاريع وهي ساهية تاتفكر فحريرتها تاعيات خدات طاكسي وصلاتها لدارها هبطات خلات الباب ودخلات لاحت الساك عند الباب حيدات السباضرين وكل فردة فين لاحتها ومشات لبيتها تلاحت على الناموسية تبكي وتشهق
– دابا انا شنو ذنبي الى بابا تخلا عليا وماما ماتت تاقبل مانشوفها؟
شنو ذنبي الى جدي لي كنت تانحسبو عائلتي مات وخلاني ؟
تامن خدمتي غادا لور انا مابيتش نكون صحفية فاشلة باغا مواضيع ملموسة ماشي غا التفاهة اوف اوف تاهاد الهورمونات دالزفت
ناضت جالسة مسحات عينيها من الدموع ونطقات: انوض اليوم نتسارى ونتحرر من القيود ونضرب الدنيا بركلة

ناضت دوشات وخرجات ملوية فوطة تيبان جسمها ممشوق ومنحوث
نشفات ذاتها ودهنات بكريم برائحة الشوكولا لي تاتسطى عليه نشفات شعرها بسوشوار
لبسات سروال دجين كحل مع كبوط فالحمر وسباضرين فالكحل خلاات شعرها مسرح ووجها بدون ميكاب
هزات ساك دارت فيه فونها

وخرجات من الدار بشخصية مرحة ماتقولوش هادي لي عاد كانت تبكي

خدات طاكسي وصلها لوجهتها وخرجات تتسارى على رجليها تاطابولها مع السباضرين مزال جديدة تفرعات فرجليها كانت تاتمشى وسط الطريق حتى تحنات عند رجليها خلات هاداك لي وراها اتزادح معاها تاطاحت
-اي، واش ماتاتشوفش؟
وطلعات عينيها فيه غير شافتو وهي تبلوكا
كان واقف وتيشوف فيها ساهية فيه حنحن تاخرجات من سهوتها
– نتي بيخير؟
– بيخير سمحلي انا لي وقفت فطريقك (وكملات بالداريجة) وزايداها بتخراج العينين، ناري على تيتيييز
– ههه باشمن لغة تاتهضري؟
– سمحلي غا ماتديش عليا
تحنى عندها وعاونها توقف
-مالك فرجليك؟
– سباضرين ضبراتني
وبدات تعرج
عاونها تاجلسات على واحد الكرسي وتحنى عند رجليها وهي تخطفها
-لا حشومة
– اري رجليك نشوف مالها؟
خداها بلا مايتسنى جوابها حيدلها السبادرين وتقاشر طل جهة الكدم لقا البلاصة طايبة ودم سايل
– تسناي هنا انا جاي
ومشا ناحية لوطو تاهو وهي متبعالو العين خدا علبة الاسعافات الاولية
رجع عندها وعقملها الجرحة ودارلها الدوى فالقطن وسبارادرة رجع لبسلها سبادرين ووقف
– دابا مزيان
-شكرا بزاف
– هانيا
وتم غادي
تاعيطاتلو
-هيه نتا
ضار عندها
– نزار
– نعام؟
– سميتي نزار
– اه نزار نسيتي العلبة تاعك
نزار: اه شكرا
ورجع باش اجيبها
شافها جالسة وباينة مافيها لي يتمشا
نزار: نوصلك؟
– لا بلاش انعذبك (بالداريجة: ماكرهتش رجلي ضاراني)
نزار: باينة عيانة غا خليني نوصلك
شد فيدها تاوصلها للوطو ركبات ودار جهة الشيفور خبا العلبة وكسيرا
نزار: فين انديك أ
-لينا
نزار: اه متشرفين، فين نديك الينا
لينا: حي بروكلين رقم واحد
نزار: اك
وصلها وعاونها تنزل تاوصلها للباب
سمعو صوت من وراهم
– لينا
ضارت عندها
لينا: اهلا كلوفر غبرتي
كلوفر تاتشوف غا فنزار: كنت مسافرة، سمعت بين جدك مات
لينا: اه 15 اليوم دابا باش مات
كلوفر: سمحيلي ماكنتش معاك فدوك الظروف ونتي غا بوحدك بلا عائلة كان جدك هو عائلتك
لينا تقرصات وتغرغو عينيها: اه ماشي مشكل يالله باي نخليك
وفتحات الباب دخلات وسداتو فوجه نزار
عرفها بين تقصحات من هضرت جارتها خنزر ف كلوفر ومشا ركب فلوطو وكسيرا

الجزء: 45

“عند رعد”

فالفون
وولف: راني سيفطتلك دوسيي ديال داك خينا
رعد: مزيان
وولف: واش شاك ففف؟
رعد: شاك فدراكولا
وولف فهمو بين مابغاش تجبد سميتها واخا حتى فالفون
وولف: كاين اجتماع ضروري خصك تحضرليه غدا فروسيا
رعد: وجدلي الطيارة من هنا ساعتاين
وولف: اك
قطع عليه وفتح الايميل لقا دوسي تما فتحو تيقراه

رعد تبسم بالجنب: كيريس كيريس كيريس، حسبتيها لمرة اخرى مزيان، حتى من تزوير الهويات وتغيير الملامح تاتقنيهم، نتي تزاديتي تقتلي لا لشيئ اخر

وخرج من الاوطيل ناحية القصر اتغذا مع عائلتو باش امشي لروسيا.

“عند كيريس”

تاتفرج فالكاميرا لي مركبة فدار ميري سمعاتها تاتهضر فالفون مع نزار وبدر بين اتجمعو فالغذا فدار بدر

قررات تهضر معاهم ماحدهم ايتجمعو باش مايشكوش حيت غبرات بالمعقول.

لبسات سروال لاصق فالنواغ مع دوني فوق البوط معري من العنق وقبية قصييرة جات فوق صدرها مبيناه معلقة فيها سنسلة من زوج جوايه ضوراتهم على خصرها وكاط طالع بالسيور دارت بيروك فالكحل وطويل شوية رمات عليها القب وهزات ساكادو فيه البيسي والفون وفلوس كاش وخرجات من الدار تاتمشا على رجليها باش توصل لباطو

تاتبان كولها كحلة من غير بوطها وبيض عينيها تامن العدسات رداتهم نهار هربات من رعد حيت مميزين ايعقلو عليها الناس وهادشي لي مابغاتش حتى من هاداك لي دارتلو اوطو سطوب مابيناتلوش عينيها غا حانية راسها تقنات دور الملتزمة

وصلات للباطو قطعات لجهة الاخرى وكملات على رجليها تاوصلات للصحراء برونشات الفون مع البيسي بعد ماشعلات تطبيق اغطي فين هي ودارتلهم لوكاليزاسيون مزورة بين راها فسويسرا

عيطات لبدر جاوبها فالبلاصة تقولو كان تيتسناها

بدر: هيلوو
كيريس: شكون كنتي تاتسنى؟ (حيت عيطاتلو بنيم ماشي ديالها)
بدر عقلها من صوتها: اهلا كيريس غبرتي
كيريس: حداك الكليكة (دارت راسها ماعارفاش)
بدر: اه رانا مجموعين تانتغذاو
ودار سبيكر
ميري: كيريييييس توحشتك
كيريس: كيف راكم؟
ميري: بيخير ما اتجيش؟
كيريس: قريب، كاين شي جديد؟
نزار: ههه لا تانتسناوك عاد باش اكون.
كيريس: اك يالله باي تانعاود نعيطلكم.

وقطعات عليهم هرسات لا كارط جمعات شطايطها وزادت شوية فين مخبيا موطو اخور تاهو من نوع tmax وزادت لمدينة سيدني العاصمة
تاتسارى بالليل فاحياء المدينة حيت ملات الدار

“فرنسا”

“عند رجان” (توحشتو 😹😹)

جالس فالبيرو نتاعو لي كاين فمقر الانتربول فليون

مع نفسو
رجان: عندي احساس بين دراكولا لي قتلات ماساهيرو
ولكن علاش البوليس ماشكوش فيها ؟
الجزء: 46

دقان فالباب

رجان: دخل

دخلات وسام كاعية
وسام: هلاش شي حاجة كبيرة بحال هادي خبيتيها ارجان
رجان: شنو خبيت؟
وسام: بين دراكولا سافطات قاتل مأجور تقتلك
تنهد مفقوص عرف بين وصلات لهضرة
رجان: ونتي تيقتي بين هي لي سافطاتو؟
وسام جلسات فالكرسي قدام بيروه: هي عندها القدرة تجي عندك بنفسها ماشي تسيفط قاتل ماجور يالله بادي فالضومين

رجان: تماااما، داكشي باش خليت القضية سرية نعرف شكون
وسام: لي بيت نعرف، كيفاش عرف دراكولا بنت
رجان: خممي شوية
وسام شهقات: الا اذا خرجات الهضرة من البوليس
رجان حنى جيهتها: او البوليس لي سافطو
وسام مستغربة: وشكون هادا لي من البوليس ايبغي اقتلك؟
رجان رجع تكا على الكرسي: ماعرفتش، دابا مركز مع دراكولا
وسام: غبرااات ماعرفت لاش تاتخطط
رجان: تانقول بين هاد ماساهيرو هي لي قتلاتو
وسام: لقيتيني تساءلت علاش ماشكيناش فيها هاد المرة
رجان: حيت ستعملات السيف الياباني وهو ماتيتقنو غا اصحاب الساموراي
وسام: احتمال تكون هي، نتوقع منها اي حاجة
رجان: وي، دراكولا الة قتل بشرية
وسام: تغذيتي؟
رجان: مزال
وسام: اذن نمشيو نتغذاو بجوج
رجان: تحركي

هز كونطاكط لوطو والفون وخرجو بزوج من المكتب دايزين من حدا عينين حاقدين ومظلمين

كاي: مزااال ماستسلمت امستر رجان، طلعتي مكلخ فاش قتلتي القاتل الماجور، تدفن معاه السر

“عند نزار”

جالس فالبيرو تاع الشركة تيخدم على شي ملفات تاعيا وهز راسو ماجات فبالو غا هي

عارف مزياان حق العائلة الاب لي مات بالسرطان والعائلة لي رباتو ماتت وحتى الام نتاعو لي تخلات عليه لقاها ميتة (هل تفكرون فيما افكر 🤔)

هز الفون والكونطاكط وخرج من الشركة في اتجاه حي بروكلين
وصل قدام دارها نزل من لوطو وصل عند الباب يالله جا ادق سمع صوتها وراه

كلوفر: هاي مستر
نزار ضار عندها: هاي، بغيتي شي حاجة؟
كلوفر: لينا خرجات لخدمتها ماكايناش
نزار: عندك رقم فونها؟
كلوفر تاتفكر فكذبة: كانت بدلاتها وماعطاتنيش الجديدة
نزار: اك، فاش تجي قوليلها سولت فيها
كلوفر: شكون نقولها امستر
نزار: نزار
كلوفر: اك مستر نزار

زاد ركب وكسيرا مخليها وراه

كلوفر: من نيتك نقولها سولتي فيها

(هادي تاتقلب على شي نتفة)
الجزء: 47

“عند جنة”

خارجة من المختبر تاعها اتجاه لوطو ركبات قاصدة مطعم دخلات وجلسات فبلاصتها د اخر مرة وهي تفكر بدر
ضربات جبهتها: نارييي نسيت ماصونيتلوش وهو ماعندوش نيم تاعي

صوناتلو فالبلاصة جاوبها
بدر: وي؟!
جنة: اهلا بدر
بدر: جنة؟! على سلامتي ملي تفكرتيني
جنة عضات على شفتها باحراج: سمحلي تلهيت مع ابحاثي وماسولتش فيك، انا تانعرضك للمطعم لي جلسنا فيه هادي اسبوع تكفيرا عن غلطي
بدر: ههه اك هانا جاي

دقائق تاوصل عندها شافتو ووقفات

تسالمو باليدين وجلسو
بدر: تانظن الطبلة والمطعم لي فكروك فيا
جنة: ههه الصراحة اه، عندي بحث مهم وجاتني عينة تانخدم عليها، غير تانسالي تانمشي مهلوكة باغا غانعس
بدر: عاذرك تاتوقع، تا انا هاد ليام كنت مشغول (الله امسخك)

دومونداو ماياكلو وجلسو مجمعين سالاو وتمو خارجين

بدر: احم شنو بانلك نضربو دويرة خفيفة على رجلينا
جنة: اك

تمو غاديين تيتحدثو فشتا المواضيع عرفها باحثة وعالمة فوكالة الناسا فواحد المركز سميتو مركز هارفارد-سميثونيان للفيزياء الفلكية

(ناسا (Nasa) هي الحروف الأولى لمصطلح (national aeronautics and space administration) وتاتعني الوكالة الوطنية للفضاء والطيران تابعة للادارة الامريكية مقرها في واشنطن العاصمة،ومهامها الأساسية: الأبحاث، وتطوير البرامج،وعمليّات الطيران للحكومة الفدرالية الأمريكية، وكذلك اكتشاف الفضاء الخارجيّ. أنشِئت هذه الوكالة عام 1958 بأمرٍ من الرئيس الأمريكي إيزنهاور صاحب مبادئ الحرية، والديمقراطية، والحرية الفكرية، وسبقات نشءات هذه الوكالة كيان صغير سماوه باللجنة الوطنية الاستشارية في علوم الفضاء، وكان تيتعرف باسم (ناكا))

(مركز هارفارد-سميثونيان للفيزياء الفلكية (بالإنجليزية : Harvard–Smithsonian Center for Astrophysics CfA) هو أحد أكبر مراكز أبحاث الفيزياء الفلكية في العالم تيقومو فيه علماء الفيزياء بالبحث العلمي موسع كينضمن علم الفلكوفيزياء النجوم وأبحاث الأرض وعلم الفضاء وتعليم العلوم . وكاتجلى أهمية المركز في البحث فتقدم المعرفة وفهم الكون من خلال البحث العلمي وتعليم علم الفلك وفيزياء النجوم ).

بقاو غاديين تيتمشاو تاشافت محل تاع لاكلاص خرجو من عينيها القلوبة جرات بدر من يديه ناحيت المحل
خداو الكلاص وتمو غادين تاضحكات جنة

جنة: ههه تفكرت نهار كنتي اضربني انا والقطة بلوطو كنت تاناكل الكلاص وغير شفتك قربتي للقطة لحتو وتميت تانجري لعندها
بدر: كنت شفت القطة وغادي نفراني تاخرجتيلي من الجنب وطحتي خفت لاتكوني تقصحتي
جنة: لا ماوقعلي والو، ولكن صدفة زوينة ملي عاودنا تلاقينا ورا داك النهار
بدر بتاسم: وي صدفة زوينة

وتمو راجعين فحالهم ناحية لي لوطو تاعهم كل ركب فلوطو تاعو وكسيرا

(دابا عرفتو علاش فاش صوناتلو كيريس جاوب دغيا كان صحابلو جنة وتا كيريس عاقت بيه هههه)
الجزء: 48

“استراليا”

“عند كيريس”

عرفات بين رعد مشا لروسيا وهنا فين اصلاحلها ترجع لامريكا ولكن عارفاه ايكون شاك بين غير اخوي امريكا هي اتجي

داكشي باش ما اتمشيش لتما ولكن غادي تبدل البلاصة

هزات لبسة فساكادو والميكاب والبيروك والهوية الجديدة لي صايبات، هزات فلوس كاش وكارط بونكيغ بالاسم دالشخصية لي اتقمصها، خلات تما لبيسي تاعها فالقبو وطرقات مزيااان عليهم وغبرات الباب تاع القبو باش الى جاو شي فضوليين مايلقاوهش مسحات بصماتها فالدار كاملة
خرجات الحوايج كاملين والماكلة للغابة حرقاتهم، الغابة كثيفة ما اتبانش العافية، خبات اي حاجة توصل ليها

ومشات فحالها بنفس الطريقة تاوصلات فين مخبية الموطور ركباتو وقصدات مدينة سيدني

وصلات ومشات نيشان لواحد الدار مهجورة جات فالخرجة دالمدينة خبات تما الموطور بعد مامسحات بصماتها باش تا الى تلقا مايتعرفش مولاه

دخلات وبدلات حوايجها بديك اللبسة لي جابت بدلات ملامح وجهها ودارت البيروك
خرجات وحرقات لحوايج والميكاب لي ستعملات تامابقا اثر ومسحات بصماتها عاد تحركات من تما على رجليها

دخلات للمدينة وشدات طاكسي للمطار وصلات ودخلات نيشان دارت اجراءات المطار حيت ديجا قطعات البيي نهار كانت تاتسارى فالمدينة وركبات الطيارة الوجهة فرنسا 🛩🛩 (هل تفكروووون فيما افكر🥴🥴)

“عند رعد”

خارج من غرفة الاجتماعات هو و وولف ناحية المكتب دخلو وجلسو فالفوطويات لي تما

وولف: دابا شنو ادير مع كيريس، مزال مصمم على الانتقام
رعد: كيريس عندها عقدة نفسية يعني ماشي لخاطرها، حتى من الواليد دار علاش.
وولف: هي صافي تراجعتي
رعد: تراجعت من لعبة الانتقام، ولكن هي عارفة بزااااف عليا كثر ماتانعرف راسي، خصني نلقاها باش نفهم شنو وقع
وولف: بيتي تعرف شنو وقع ولا بيتيها هي
رعد تنهد وغمض عينيه: بزوج، باغي نعرف شنو وقع ديك الليلة، باغي نعرف شنو وقع ليها، باغي نداويها، باغيها هي
وولف: هي طحتي
رعد: على اساس نت وقفتي
وولف: واييييه طحنا بزوج فدقة
رعد: كيريس حاطاك فبالها، الى اذيتي ميري اتصفيها ليك
وولف: اواااه قلتهالك
رعد: هي ناوي تفلى
وولف: لا باغي ميري بالصح، ولكن باش عرفات
رعد: مزااال قضية باش عرفات قضيتكم مسلكة، باش عرفات بين كنت تانسوك فاش هضرات معايا وبين وقفت وسط الطريق، لا والزوينة كانت تاتسيفط لختي كادويات كل عام.
وولف: ههه شكيت فيها واش جنية
رعد: نوض نتلاحو من هنا

وخرجو من الشركة.
الجزء: 49

“فرنسا،باريس”

“عند كيريس”

خدات طاكسي من المطار قربها من وجهتها دائما تاتفادى تبين منين دازت وفين كملات على رجليها ناحية الموبل لي كرات فيه اباغطومون حلات الباب ودخلات كانت ابارطومون مجهزة كاملة مشات ستفات الحوايج لي شرات فاستراليا وعمراتهم ففاليز باش مايكوش اقولو كيفاش هادي مسافرة بلا حوايج وقاطعة لبيي للالي و روتور بيناتهم شهر يعني اتحتاج حوايج

ستفاتهم وتمات خارجة تاتحفض فقنوت الموبل شحال من درجة شحال من سانسوغ، شحال من طابق، شحال من باب….

كملات وخرجات تقدا رجعات هازة التقضية فيديها وصلات ستفات داكشي وصايبات ماتاكل

كلات غسلات اللواني ومشات تكمشات فبلاصتها تنعس حيت اتخرج بالليل

“عند رجان”

خدا روبو فيه سيمانة ومشا لابارطومون نتاعو تيجمع الحوايج باش اسافر، باغي ابدل الجو ويحاول اجمع افكارو باش يكمل رحلة البحث عن الدراكولا

سالا ومشا دوش وخرج لبس حوايجو نتاع الميليتيغ فاش تيرتاح وكسيرا للمطار وركب فالطيارة🛩🛩 الوجهة اكوادور بلده الام (ايييوا شفتي المكلخ دراكولا جات تالعندك ونتا خويتي🤦‍♀️🤦‍♀️)

“عند نزار” (نشوفو حريرتو ثاني)

تم خارج من شركتو زربان باغي امشي عند ميري حيت خسراتلها لوطو فالطريق (وولف لي تعيط ليه مسافر) تاتزدح مع شي واحد حنا عينو وهو يشوفها مخسرة سيفتها وتاتحك فالضربة حيت صدرو قاصح يالله جات تعرعر وهي تشوكا

لينا: نتا؟!!
نزار: مالك شفتي جن
لينا بالداريجة: ماحنى على فالك بسم الله الرحمان الرحيم تف تف
نزار: ههه مالك ثاني زعما تاتخافي من الجنون
لينا: فهمتيني؟!
نزار بالداريجة: هاء واراني مغريبي
لينا: ههه وايلي، شوية عبسات، نتا داك النهار هضرت بالداريجة وقلتيلي بإنا لغة تانهضر
نزار: ماكنتش باغي نحرجك
لينا: تحرجني؟! وردات السينتة لور “وزايداها بتخراج العينين، ناري على تيتيييز”
تزنكات وبدات تحنحن: ماشي كنتي زربان؟
نزار ضرب جبهتو وجرها من يديها ركبها فلوطو وهي غا حالة فمها دار جهة الشيفور ركب وكسيرا: ناري اليوم ميري تاكلني
لينا: ميري؟!
نزار: اختي خسراتلها لوطو عيطاتلي نمشي نجيبها وتلهيت معاك

وصلو عند ميري لي كانت راكبة فلوطو تاعها غا شافت نزار جا نزلات كاعية باغا تصبنو حتى تشوكات فاش شافت شكون معاه

نزار: صوري صوري بلا ماتغوتي راني تعطلت غا فالطريق
ميري: همم غا فالطريق، شكون هاد الفنة
لينا: احم سميتي لينا، وانتي ميري؟
ميري: ههه وي
وشافت فنزار بتعجب حيت ماتيعمرش مع البنات
نزار: اتكوني عييتي يالله نوصلك، فين باغا تمشي.
ميري: قصر سكوربيون.
لينا حلات فمها: ها؟!
نزار: شنو اديري تما؟
ميري: صاحبتي تاتسناني تما.
نزار: جنة؟
لينا غوتات: جنة العقرب؟
ميري باستغراب: اه مالك
لينا: ناريييي نا من اشد المعجبين بها، وتانتمنى غا نشوفها، بليييييز ديني معاك بليز بليز
ميري: ههه اطط نقولهالها
عيطات عليها
ميري: جنتي صافا
جنة: تانتسناك تعطلتي
ميري: خسراتلي لوطو عاد جا خويا اوصلني
جنة: كان عليك تصونيلس نسيفطلك الشيفور ولا نجي موراك
ميري: هانيا دابا، احم جنة واحد البنت من المعجبين بيك بغات تشوفك نجيبها معايا؟ (وقالت بالشوية: صديقة خويا)
جنة: اه غا جيبيها بلا ميتشاوري، يالله باي تاتجي ماتعطلوش
قطعات عليها
ميري: يالله نمشيو تاتسنانا
لينا بالفرحة نقزات على ميري: شكرا شكرا
وركبو ميري تعمدات تجلس لور ولينا بالفرحة جلسات حداها
نزار: شي وحدة تجي لقدام مانيش شيفور
لينا: ههه هانا جايا
وعاودات ركبات القدام ونطالقو لقصر سكوربيون
الجزء: 50

وصلو للقصر حلولهم لي كارد الباب حيت وصاتهم جنة
دخلو لداخل ولينا غا مطرطقة عينيها

دار على النافورة وفرانا هبطات ميري ولينا اما نزار قلب الدورة مغادر

تعضاتلهم جنة
جنة: اهلا الزيونات
ميري: اهلا غزالتي توحشتك
لينا: سلام جنة
جنة: مرحبا اختي تفضلو
وتمو داخلي للقصر لقاو الجدة تاتقرى القرآن غا شافتهم وتبسمات

الجدة: صدق الله العظيم
باست القرأن وناضت تسلم عليهم باسولها بزوجهم راسها وجلسو جابت رانيا الضيافة وجلسات معاهم مجمعات
ميري ديجا تلاقات بالجدة ورانيا يعني ولفاتهم اما لينا دايرة بحال السكر فينما حطيتيها تاتعطي الحلاوة

خرجو لجريدة جلسو فواحد لجليسة تما تيتحدثو

“عند كيريس”

فاقت من نعاسها وناضت لدوش دوشات وخرجات تقلب على ماتلبس

لبسات سروال دجين مع كبوط بالعنق مع جاكيط كوير وكاط طلقات البيروك تاعها وهبطات لافخونش على عينيها ودارت كمامة هزات فونها وفلوس كاش وخرجات تسارى فشوارع مدينة الرومانسية

وصلات للتور ايفل طلعات تالفوق كانو الناس قلال تما مشات تكات على السور تاتفرج فاضواء المدينة

تاهي باغا فترة راحة تصفي تفكيرها، تاتفكر واش تعطي المذكرة لرعد ولالا، واخا تعطيهالو بالنسبة ليها ما ايتبدل والو، حيت هو مابقاش باغي انتاقم منها وباغي ايداويها، هي مامستاعداش داوا دابا مرتاحة هاكا، واخا تبقى بعيدة عليه ماشي مشكل ولفات.

بقات تما حتى ملات وتمات راجعة فحالها بدلات الحوايج ولبسات ميني شورط ودوني نتاعو حيدات البيروك لبسات فيزت صوفية وجدات اتاي بالبابونج تيرخي الاعصاب طلقات سمفونية بيتهوفن “ضوء القمر” وهزات كتاب وخرجات لبالكون جلسات فالكرسي تحت الكمرة وبدات تقرى

“روسيا،موسكو”
“عند رعد”

جالس تاهو فالبالكون وعينيه حومر حيت ماناعسش كان عندو الفجر بحكم بين فرنسا وروسيا بيناتهم خمس ساعات

تيشرب فقهوة وتيفكر جا اهز كارو وهو يتفكرها فاش نتراتولو “ماصحابليش مكلخ لهاد الدرجة، تاتكمي على الخوى”
تبسم: لحد الساعة مافهمتكش بقد مافيكش الرحمة بقد ماحنينة

رجع حطو وتم داخل تلاح فبلاصتو ونعس

“الايكوادور،كيتو”

“عند رجان”

لي كان وصل لابارطومون نتاعو، لقا مو يالله صبنات وجلس معاها تاتبوسلو راسو وتعاود حيت توحشاتو وتادوي بالهندية

انيثا: حبيب قلبي توحشتك اولدي
رجان: تا انا الميمة
انيثا: انوض نحطلك ماتاكل باينة اتكون جيعان.
رجان: ههه توحشت طياب يديك، غا نزلي

نزلات الماكلة وبداو اياكلو فجو حميمي
رجان متعلق بالم نتاعو بزاااف وتيحتارمها كثر من القياس حيت صبرات للغربة وتزوجات ولد ماشي ولد بلادها وتغربات معاه وولدات رجان غير كمل سبعسنين مات الاب نتاعو، والام هي لي ولات اب وام ليه تقاتلات مع الزمان قراتو وكبراتو تاولا راجل.
الجزء: 51

“بعد مرور اسبوع”

“فرنسا، ليون”

“عند رجان”

سايك لوطو وحداه وسام بحكم هي ليجابتلو لوطو للمطار

رجان: ماكاين حتى جديد؟
وسام: لاحظت حاجة غريبة بالنسبة للضحايا لي واخدة
رجان: شنو لاحظتي؟
وسام: شي وحدين تخلاو على ولادهم، شي جهضوهم، شي عذبوهم.
رجان باستغراب: حتى انا لاحظتها
وسام: يكون هادا هو السباب لي تيخليها تقتلهم؟
رجان: ممكن حيت دراكولا مريضة نفسيا عندها عقدة غا من خلال طريقة القتل
وسام: تا انا فكرت فيها، ولكن علاش البورجوازيين والمشهورين بالضبط
رجان: البورجوازيين والمشهورين تيكونو معروفين وفضايحهم ديما فالجرائد، عكس الطبقة الفقيرة خبارهم ماتاتسمع.
وسام: بيتي تقصد بين تاتجيب الخبار غا من فضايحهم وتمشي تقتل؟
رجان: غير اتشوف شي واحد دار شي حاجة لولدو تاتصفيها ليه
وسام: تانحس بين هادا هو راس الخيط
رجان: وخصنا نخدمو على هاد الاساس
وسام: خصنا نعلمو الفريق باش نبدلو لبروجرام
رجان: لا، انخدمو غا انا وياك وهادشي ايبقى هنا، مزال ماعرفنا شكون الخائن
وسام: كاي تانثيق فيه
رجان: وانا لا
وسام: اك، ولكن العميد خص اكون فخبارو باش اعطينا الموافقة
رجان: انا انتكلف

وصلها لابارطومون نتاعها وقصد هو نتاعو دوش وبدل عليه وقصد مقر الانتربول

وخلطات عليه تا وسام مشاو نيشان لمكتب العميد

العميد: دابا بيتو تقولو بين كاين شي خائن وسطنا؟
وسام: وي
العميد: وشكون؟
رجان: مزال ماعرفنا، انا ووسام قادين بالقضية وثقة يعني بيناك تعطينا الموافقة نخدمو بزوج، بلا مايحس الفريق، تانعرفو شكون الخائن
العميد تنهد: اك، ثايق فيكم

عطاو التحية وخرجو من المكتب دالعميد

“فرنسا، باريس”

“عند كيريس”

جالسة فواحد الجرف فغابة بعيدة عن الانضار هازة بيسي فحجرها خدمات ليزابليكاسيون اغطيو بلاصتها، تيعطيو الف موقع ليها فالدقيقة ومنهم الموقع الحقيقي وبهاكا الى كان شي واحد متبعها مايلقاهاش (الى لاحظ شي موقع ماتيتذكرش كاع غادي اشك فيه داكشي باش تاموقعها تذكر ولكن غا المدينة اما لبلاصة بالضبط لا)

خدمات ابليكاسيون بدلات صوتها لراجل وبرونشات الفون مع البيسي لي ركبات فيه كارط جديدة

وصونات للشخص لي بغات جاوبها فالبلاصة

كيريس: شي جديد؟
– رجان ووسام لاحظو بين الضحايا كان دوسيهم موسخ مع ولادهم، وراهم خداو الموافقة باش اغيرو مجرى التحقيق بلا مايعلمو الفريق حيث بينهم شي خائن على حد قولهم

كيريس: مزيان، خلي عينيك عليهم.

قطعات عليه هرسات لاكارط حطات داكشي جنب وتكات على ظهرها دايرة يديها تحت عنقها وغمضات عينيها

⏳فلاش باك flashback⏳

“النهار لي ورا ماجات لفرنسا”

كانت تاضور فلابارطومون نتاع وسام حيت كانت خارجة، قلبات ملفات الضحايا لي خدات والملاحظات لي نوطات، لقاتهم مزاااالين متأخرين فالتحقيق، مشات لبيت النعاس لقات تما بارفان رجالي ستغربات شنو تادير عندها فالبيت هزاتها شماتها، وعقلات على ريحتها بدات تقلب وتاتحاول ماتغير والو فاماكن الاشياء باش ماتردش البال
مالقات والو تنفعها ركبات كاميرا كحلة صغييييرة فعين واحد اللوحة كانت معلقة فالبيت نتاع شي بنت عينيها كوحل بهاكا ما اتبانش لكاميرا

وخرجات من لابارطومون من الشرجم كيف دخلات كانت معلقة حبل من السطح ربطات سمطة على نصها نتاع الحبل وتعلقات فيه تاوصلات للسطح كان الظلام تاحد ماشافها اصلا العمارة عااالية وهي لابسة لكحل حيدات الصنارة لي كانت غارسة فالحيط وبرداتو باش مايبقاش باين الاثار
الجزء : 52

ونقزات من العمارة لسطح وحدة حداها وهي هكاك تابعدات عاد هبطات فالدروج نتاع عمارة خاوية وصلات للتحت ومشات على رجليها تاوصلات لواحد الغابة مخبية تما موطور جديد وكسيرات لباريس حيت وسام ساكنة فليون وصلات وخبات الموطور فغابة وكملات على رجليها تاوصلات لوسط لمدينة

خدات طاكسي قربها من لابارطومون لي كارية ونزلات مكملة على رجليها

وصلات دوشات وبدلات عليها
خدمات لبيسي تاعها وفتحاتو على الكاميرا لي ركبات
لقات وسام مزال ماجات خلاتو مفتوح ومشات تقاد ماتاكل على ماتجي

“عند وسام”

كانت سايقة لوطو تاع رجان حيت عيطلها قالها تخليها عندها على مايجي وعجباتها وخرجات الضرب بيها دويرة
خلاتها فلباركينغ وطلعات لابارطومون نتاعها دخلات مشات ديريكت لدوش لي عندها فبيت النعاس دوشات وخرجات لاوية فوطة عليها نشفات ذاتها ولبسات بيجامة خفيفة دالنعاس

جات تطفي الضو تا صونالها الفون كان رجان جاوباتو

وسام: هاي
رجان: قتلك تخلي لوطو عندك ماشي ضوري بيها كل مرة طالعالي فجي بي اس راك تاتخيطي بيها الشوارع
وسام بحرج: سمحلي ولكن عجباتني
رجان: ماشي مشكل وردي لبال للتحقيق ماشي انا سافرت ونتي ترخاي
وسام: اكيد التحقيق ماناسياهش، وقتاش ترجع
رجان: سيمانة نكون تما
وسام: اتجلس مع ميمتك سيمانة كولها (بغات تجبد لسانو واش عندو خطيبة ولا حبيبة)
رجان: وي، انديها نديرلها تحاليل شاملة نطمن على صحتها
وسام: اك مزيان، كيداير الجو تما فكيتو
رجان: مصيفين عكس تما، يالله تلاحي

قطع عليها وهي تبتاسم بدات تاتقرب منو وتاهو مابقاش تيقمعها

وسام: تانحماق عليك
ومدات يديها لبارفان لي فوق الكوافوز شماتو

وسام: ههه كاع ماعقتي بين شفرت بارفانك من بيتك
رشاتها عليها ورداتها بلاصتها طفات الضو ونعسات

“عند كيريس”

لبلان كولو شافتو من الكاميرا وعرفات بين رجان مسافر مايرجع تالبعد سيمانة (الصكعة دوسام جابتلها الخبار تالبين يديها)

وعرفات بين داك البارفان نتاعو وهادشي ايعاونها حيت رجان ماشي هو وسام لي ماعاقتش كاع بين شي واحد دخل لدارها

لاحظات فاش كانت تاتلبس حوايجها طاطواج تحت صدرها من جهة ليسر على شكل R
عرفاتها طاحت بالمعقول وتاهادي اتعاونها (كيفاش ايعاونها هادشي زعما🤔🤔)

في الغذ بالليل

خدات موطورها ومشات لمدينة ليون وصلات وخباتو فنفس البلاصة وكمات على رجليها

دخلات لابارطومون نتاع رجان بنفس الطريقة باش دخلات لديال وسام

بدات تبقشش فحوايجو وماتاتغيرش اماكنهم حيت عارفاه نزقة ذبانة ماتفلتلو
تامن الريحة دارت بارفانو بعد ماشراتها كانت عقلات عليها باش مايشمش ريحة غريبة

قلبات فملاحظاتو لي كاتبهم فسبورة هو ووسام مامختالفينش بزاف من غير ملاحظة وحدة هي انه شاك فدراكولا هي لي قتلات ماساهيرو

مالقات تاحاجة مشكوك فيها، داكشي لي وصلوليه ما ايوصلهمش ليها، وخرجات بنفس الطريقة بعد ماطرقات الشرجم طلعات لسطح محات اثار الصنارة ومشات تاتنقز من سطح لسطح تابعدات عاد هبطات فالدروج بعدات على رجليها لموطورها ورجعات لباريس خبات الموطور ثاني ومشات تالوسط المدينة تقدات وخدات طاكسي قربها من وجهتها ومشات لاباغطومون نتاعها.

⌛نهاية فلاش باك end of flashback⌛
الجزء: 53

حلات عينيها وهي مبتاسمة

كيريس: دابا جات مرحلة جديدة وهي “اللعب مع الشرطة” ضحكات ضحكة شريرة 😈😈

رجان اوسام جاوها على كانتها

كانت باغا تلعب شوية ملات بوحدها

هزات قشاوشها وناضت غادة على رجليها مستمتعة بالجو تاوصلات للمدينة خدات طاكسي قربات وكملات على رجليها للابارطومون نتاعها دوشات ولبسات شوط ودوني ومشات للبالكون تقرى كتاب

“روسيا، موسكو”

“عند رعد”

جالس فلبالكون دالجناح نتاعو لي فالقصر تيكمي وتيشوف منظر غروب الشمس لي قدامو

رعد: عندي احساس بين تاتخططي لشي حاجة مغايرة هاد المرة امخربقة العينين
نتر النترة اللخرة دلكارو وطفاه فالطفية ودخل لداخل دايز من حدا الناموسة وتفكر اللقطة فاش كانت تادير اليوغا

تبسم: حتى من طريقتك فاليوغا مختالفة عن الباقي

هبط للتحت فين تيتسناه وولف

وولف: كولهم فالديبو
رعد: مزيان
وتم خارج كارز على سنانو ونطق: انخليكم تشوفو شنو تيوقع لي تجرأ وبغا يلعب مع سكوربيون

ركب فلوطو وحداه وولف ومشاو لديبو
وصلو نزلو من لوطو فتحوليهم الكارد الباب وتمو داخلين

كانو ربعة دالناس مربوطين من رجليهم ومدليين راسهم
لتحت وكلهم دمايات وصوت نبيح الكلاب مجهد تيفرع الودنين

رعد: اهلا اهلا اهلا
وولف: بانلي تهلاو فيهم وعطاوههم الضيافة

رعد: ولكن الوليمة عاد جايا
جلس على كرسي تما: شنو كنتو تاظنو، بين اتلعبوها عليا

واحد فيهم: انا غا مزطم معاهم امستر سكوربيون مادرت والو
راجل2: تا انا امستر كانو تيهددوني ايقتلو عائلتي الى مادرتشليهم داكشي لي بغاو
رعد: ماتيهمنيش واش تجبرتو لي تيهمني هو خنتو وانا تانكره الخونة

رعد: شكون سافطكم؟
رجل3: دراغون (الثنين)

وقف رعد ونطق موجه هضرتو لوولف: وجد الطيارة
وولف: لين؟
رعد: إيطاليا

وتم غادي تاوصل للباب: طلقو عليهم الكلاب عظم واحد مايبقاش فيهم
وخرج من تما هو وولف ركبو لوطو ومشاو
مخليين لي كارد لي طلقو دوك الكلاب الجائعة متعطشة للحم تينهشو فيهم وصوت غواتهم مسموع جاب الله ديبو بعيد على البشار

“إيطاليا، فينيزيا”

جالس رعد فمكتبو لي كاين فالقصر تيخطط لمواجهة دراغون لي بانلو بدا تيلعب معاه وبغا تاهو ادير بلاصتو فعالم السوق السوداء

حتى عيا وتم طالع للجناح نتاعو حل الباب وهو يوقف مصدوم

كيريس جالسة فالفوطوي ودايرة رجل على رجل : هولا
رعد: كيريس!!
كيريس ناضت تاتمختر فمشيتها تاوصلات حدا وجهو قصيرة عليه شوية واخا هي عندها الطول المثالي 170cm غير هو طويييل كثر من القياس ههه

كيريس: توحشتيني؟
رعد حنا عند وجهها: شنو جابك لعندي ياك هربتي؟
الجزء: 54

رداتلو بالظهر راجعة لفوطوي جلسات

كيريس: جابتني الحرب لي علنتيها على دراغون

رعد حل فمو بالصدمة قرب اوصل لركبتو

رعد: شكيت فيك واش جنية خلاها وولف
كيريس: نجيب خبار ناس تيهومني حاجة عادية

رعد جلس قدامها ودار على رجل وتكا ظهرو على ظهر الفوطوي

رعد: وعلاش جابتك هاد الحرب؟
كيريس: الدم 😈
رعد: شنو دابا اتكوني فصف من، فالطرفين؟
كيريس: انكون طرف ثالث
رعد: بصفتك اش؟
كيريس: مساعدة الشرطة (ضحكة شيطانية)
رعد: تأكدت بين راك مختلة عقليا
كيريس: ومرتاحة هاكا
رعد: كيف درتي دخلتي بلا مايشوفوك لي كارد؟
كيريس: عارف السليت حاجة ساااهلة بالنسبة لي
رعد: وكيفاش هاد الحرب ثارت اهتمامك وخلاتك تجي تالعندي
كيريس: حيت فيها نتا وتيعجبني نلعب معاك

وناضت غادا لبالكون: فيا الجوع
رعد بقا غاتيشوف فهاد المخلوقة ماباتش تفهملو نهائيا

مشا لانترفون طلب من الخدامة طلعلو العشا لشخصين خلا الخدامة مستغربة شكون معاه فالبيت

طلعاتلو العشا وخرجات ماشافتش كيريس لي فالبالكون

تمات داخلة بمشيتها الموزونة

كيريس: ديك الخدامة عينيها تيضورو
رعد: دراغون صافطها تجسس عليا وتا انا تانعطيها غا داكشي لي بغيت توصل ليه
كيريس: ونتا شكون اتجسس ليك
رعد: نتي
طلعات حاجبها فيه
كيريس: بصفتي اش؟
رعد: مساعدة سكوربيون
كيريس تبسمات بجنب: نفكر ونجاوبك

وجلسو على الطبلة اتعشاو

“عند جنة”

خرجات من مختبرها ناحية المطعم وتاتصوني لبدر ماتيجاوبهاش

جنة: فينك وعلاش ماتاتجاوبش
وصلات للمطعم وطلعات الفوق وبقات واقفة مصدومة.

“عند الكليكة ومعاهم لينا”

جالسين فمطعم تيتغذاو حيت مزال عندهم النهار، كانت ميري جالسة حدا بدر واونفاس معاها نزار حدا لينا ناشطين بيناتهم حتى وقفات عليهم جنة وتاتشوف فبدر وميري بغيض

جنة: سلام
ميري: اهلا حبيبة
جنة بضحكة صفرة: صافا
ميري ناضت عندها سلمات عليها بلابيز: صافا
ناضت تالينا سلمات عليها
وسلمات على دراري غا باليد وتاترمق بدر بشي شوفات كون كانو قرطاس كون خركاتو بحال الغربال

جنة: ميري ماعرفتيناش على الشباب
ميري: اه ههه هادا نزار وهادا بدر خوتي
جنة عاد تفتحات بشرتها: متشرفين
تبسمات: نتغذى معاكم؟
بدر: عاد فيها الشك جلسي

ميري ونزار بقاو تيشوفو فيه كيفاش دوا معاها
جلسات حدا بدر من الجهة الاخرى وحنى عند وذنها

بدر: كيفاش قضية شرفيني بالشباب بحاليلا ماتاتعرفينيش؟
جنة تاهي حنات عند وذنو وهضرات كارزة على سنانو: واحد الفون فين لايحو

مد يدو لجيبو فتح الفون لقاه السيلونس وخمسة دليزابيل من عند جنة

عاود تحنى عندها: كان السيلونس من اخر اجتماع درتو هاد الصباح
حتى من الدراري جاو مورايا للشركة باش جينا هنا داكشي باش ماجبدتوش

ميري: احم احم

رجعو تقادو فالجلسة وبقا شي يشوف فشي

لينا: تاتعرفو بعضكم؟
نزار زطم عليها من تحت الطبلة تاغوتات

لينا: مال حسك؟
نزار: سكتي يالفضيحة

جنة: الصراحة ديجا تلاقيت بيه ومجاوبنيش فاش عيطتلو داكشي باش درت راسي ماتانعرفوش

(الغيييرة عاديك احبي دابا عرفتي احساس ميري نهار شافتك مع وولف 😹😹)
الجزء: 55

“ايطاليا،فينيزيا”

جالسة كيريس فوق الفوطوي تاتقرا كتاب ورعد فلبالكون تيكمي

تاسالا وتم داخل

كيريس وهي تاتقلب الصفحة: خصني هوية جديدة
رعد: هاء علاه صعيب عليك
وجلس قدانها
كيريس: ما انبانش لدراغون بوجهي
رعد: هي قبلتي العرض
كيريس: بشرط
طلع حاجبو رعد: شنو هو
كيريس: مورا هاد الحرب تكون هدنة بيني وبينك باش نرجع لحياتي فنيويورك مع الكليكة
رعد: انا ماحاصركش تابلا هدنة
كيريس: ختك ولات صاحبة ميري يعني انبقاو نتلاقاو بزااااف مابيتش اشكو فشي حاجة
رعد تنهد: اك، شنو فكرتك؟
كيريس حطات الكتاب جنب وشافت فيه: نبدل وجهي
رعد: عملية تجميل؟
كيريس: نو ماسك، بالمواصفات لي بيت
رعد: خصنا مختبر وعلماء
كيريس: انعطيك غا اسماء الالات والمواد لي انحتاج وانا انصايبهم ونتا تكلف بالهوية وكيفاش نتلاقى بهاد دراغون
رعد تنهد: ماعرفتش علاش تانتيق فيك وفافكارك
كيريس ناضت ناحية الدوش: حيت قنعتك بمهارتي

ودخلات للدوش دوش باش تنعس (ناوية تبات معاه 😳)

عند رعد صونا لوولف

رعد: تكلف بهوية جديدة باسم بنت منين تزادت لدابا فعمرها 25 سنة، ويكون داكشي مضبوط دراغون ماساهلش

وولف: اك، واخا ماعرفتش علاش
رعد: غدا اجي للقصر واتفهم.

شافها خارجة من دوش لابسة بينوارو فالابيض اول مرة اشوفها لابسة لون غير الكحل، تامن المرة الفايتة فاش كانت فالسويت كان البينوار كحل

رعد ناض ومشا تاهو ادوش
هي نشفات ذاتها ولبسات شورط ودوني مانت جابتهم معاها (كانت ناااوية تبات 😹)

خرج لاوي على نصو فوطة شافها تسطحات فوق الناموسية ضهرها وتاتشوف فالسقف وباينة تاتفكر عرفها تاتخدم شياطينها ثاني
مشا للدريسينغ لبس بوكسر وشورط وخرج عندها طفا الضو وتلاح حداها على كرشو تاتهزات لفوق

رعد: فاش تاتفكري؟
كيريس: دراغون عندو مساعدة شخصية هي لي اتكون المفتاح

رعد: اهاه وكيفاش اتلاقايها
كيريس: فكرت نقتلها ونسايب ماسك على وجهها نتقمص دورها، ولكن ماعارفاش طبعها كيتاتكون مع دراغون وهو ايعيق بالفرق
رعد: اذن؟
كيريس: هاد المرة فعوط نقتل انقذ
رعد: اوكي يعني نشن هجوم وتكون هي فخطر وتنقذيها
كيريس: ماشي نتا لي اتشن الهجوم
رعد: علاش؟
كيريس: نتا هجمتي وانا ظهرت كمنقذة باااينة راني من طرفك
رعد: يعني مانبينش هويتي فالهجوم
كيريس: دير صفقة مع شي مافيا هي تهجم وفاش تقضيلنا الغراض صفيها لها كاملة من الطرف باش ماتوصلش الهضرة
رعد: تالغدا ونكملو مابيتش نبات مع الشياطين، لعفو
وغمض عينيه
كيريس تقلبات جيهتو: بونوي منقذي

وغمضات عينيها في حين هو فتحهم وبدا يشوف فيها

تاتبان بريئة وهي ناعسة اما فاش تاتحل عينيها الشيطان تيحني

ماينكرش انه فرحان بشوفتها، لا وناعسة حداه
غمض عينيه تاهو ونعس
الجزء: 56

“امريكا،نيويورك”

“عند الكليكة”

“قصر سكوربيون”

جالسين كولهم على الطبلة دالعشاء حيت جنة عرضات عليهم

الجدة لي دخلولها لخاطرها وعطاتهم حنانها لي كولهم فاقدينو كولهم ايتامى

جنة: ناقص رعد وولف وتكمل اللمة
ميري بحزن تا هي ماكرهاتش وولف اكون: وحتى كيريس ناقصة
جنة: شوقتيني نعرف كيريس كل مرة تاتجبديها
ميري تيخرجو القلوبة من عينيها: هي الصراحة واحد الانسانة لي ناذرة، واخا تبانلك باردة فتعاملها وسكوتية، ولكن احن منها ماكاين

الجدة: وفينها هاد البنيتة؟
بدر: مسافرة اجدة لشي خدمة فاوروبا
نزار: عيطاتلي واحد النهار وصاتني على الشركة
ميري: قتلكم باغا تبعد على البشار ترتاح
الجدة: علاه مالها مسكينة؟
ميري: ماعرفتش اجدة منين كنا فالميتم وهي سكوتية كانت تاهي فاقدة ذاكرتها ماعرفت شنو وقعلها
الجدة: مسيكينة، فاش تجي وعيطيلها اجنة بيت نتلاقاها (نتي لي مسكينة اجدة 😹😹 اصلا رعد ايجيبها تالعندك بلا ماتحتاجي توصي جنة)
جنة: اكيد انعاودو شي جلسة بحال هاكا ومعانا رعد وولف وكيريس.
الكل: ان شاء الله

“ايطاليا،فينيزيا”

فاقت كيريس مع الخمسة كيف عادتها وناضت من بلاصتها

رعد: فين غادا؟
كيريس: ندير سبور
رعد: تسناي نمشيو بزوج
ناض لبس كيطمة

رعد: تسناي نجيبلك شي حاجة نتاع جنة

مشا تيقلب فدريسينغ دجنة مالقاش شي حاجة كحلة كاين غا الالوان
خدا كيطمة فالكري لاصقة وجابهالها

رعد: مالقيتش الكحل
كيريس: ماتيهمش

شداتها ومشات لبساتها وتمو خارجين من الجناح

وصلو للتحت لقاو الصقيييل مزال ما فاقو الخدامات

خرجو لبرا وشدوها بجرية

واخا هي انثى كان عندها السوفل ومشات معاه فريتم نتاعو
بقاو تيجريو تاوصلو لواحد الغابة ووقفو تيرتاحو
تابدات كيريس تاتجبد فيدها الفوق وتلوي عنقها
تابدات تاتشقلب باللول وتاتلوي ظهرها ورجليها
تابعدات عليه ورجعات تاتشقلب بالقدام تاوصلاتلو

رعد: ههه من دراكولا لافعى
كيريس: شكون حسن؟
رعد: كيريس (اوووووه تيتغزل بيها 😹😹)

كيريس كاع ماسوقات ليه طلعات راسها جهة الشجر ونقزات تاضرب فشجرة برجل ناحية شجرة اخرى وهي تاتطلع تاوصلات للفوق وجلسات على واحد الغصن وهضرات بالجهد باش اسمعها حيت الشجرة عالية

كيريس: تانصحك طلع تشوف هاد المنظر
تاهو ماكانش من العاجزين تاهو طلع بنفس الطريقة تاوصل عليها وجلس حداها وشاف فين تاتشوف

كان شروق الشمس واحد المنظر واعر بقاو هكاك غير ساكتين تانطقات

كيريس: وجدتي الهوية؟
رعد: كلفت وولف
كيريس: اذن نرجعو باش نوجدو الماسك

رعد: وصيت على واحد المختبر هنا فيه كولشي
كيريس: مزيان وقفات ونزلات بنفس الطريقة وتبعها ورجو تيجريو تالقصر

دخل هو عادي من الباب دالقصر وهي دازت تاتسلت من السور
رادين البال لايكون احد لي كارد تاهو جاسوس او نفس الخدامة تشوفهم

وصل للباب لداخل تسناها تخلط عليه تاشافها عطاتو اشارة باش ادخل

دخل وطلع لجناح نتاعو لقاها سبقاتو

رعد: كيدرتي طلعتي؟
كيريس وراتلو الحبل: تسلق الجبال من هواياتي
رعد: متعددة المواهب

وتم داخل لدوش
الجزء: 57

بقات تسناه تاخرج من الدوش (واخا ماكرهاتش دخل عليه 😹😹)

عاد دخلات هي

عند رعد لي صونا لوولف

رعد: شدرتي؟
وولف: واجدة القضية حتى المختبر واجد
رعد: مزيان تسنانا تما
وولف: نتا ومن
رعد: كيريس
وولف: اواااايلي شنو تادير عندك
رعد: تا غا سكت دايرة كيبوغطاط
وولف: هههه اك انا نتسناكم

قطع عليه وسمع صوتها من الحمام

كيريس: شفتك كل مرة عاطيني اسم
رعد: سكتي لاتشيري (بينو وبين نفسو: واخا بانلي نتي راك كثر من جنون ما ايديو منك لاحق لاباطل)
كيريس: سمعتك
رعد: هاهو ساكت

عند كيريس لي سالات الدوش وتاتشوف راسها فالمرايا

تبسمات هو الوحيد لي تاتاخد معاه راحتها وتاتخرج من عزلتها، وحتى هو لاحظاتو بين عاطيها الخاطر

كانت جات عندو لايطاليا غا باش تعاونو حيت باتلها القضية اتكون مسلية مع دراغون حيت تاهو ماساهلش

ولكن عارفة بين رعد ما ايقبلش المساعدة داكشي باش قاتلو ادخل كطرف ثالث وتعاون البوليس تفضحهم
غاباش تاهو ضد فيها اطلب تعاونو، وطاح فالشبكة

تبسمات بجنب وقوصات حجبانها وتاتشوف فالمرايا بنظرات شيطانية ونطقات بصوت كفحيح الافعى

كيريس: اللعبة اتزيان امستر دراغون

(حالفاها فدراغون شكون متشوقة تعرفو شكون؟؟؟)

خرجات لابسة بينوارو كيف العادة ورثاتو فحوايجو وبيتو

لقاتو جابلها لبسة تاع جنة شورط وبيل نتاعو فالبيض مع ساك فالباج وطالون فالباج تامن دوبييس مانساهمش فالبيض

لبسات دوبييس ولبسان نفس اللبسة لي جات بيها وهزات هاديك دارتها فساكادو

رعد: علاش؟ ماعجباتكش؟

كيريس: انهبط بالحبل انتجرح زائد الطالون ايعذبني، سبقني هانا نازلة، ووجد لوطو باش غي نجي نركب دغيا

رعد تنهد: اك

وخرج مشا ديمارا لوطو
هي غير سمعات ديماراج هبطات من البالكون تالتحت وخبات الحبل وزادت تاتسلت تاوصلات للوطو ركبات وكسيرا كان الزاج فيمي مابانتش لي كارد

خرجو من القصر ورجعات لور رحيدات حوايجها خلات غا دوبييس ولبسات داكشي لي جابلها قادات شعرها ورعد متبعلها العينين من لمرايا
سالات ورجعات جلسات لقدام

وصلو للمختبر ودخللها لباركينغ لقاو وولف تيتسناهم تما بعد مارد البال بين ماكاين تا جاسوس تما

وولف كان اول مرة اتلاقاها فاص تامن المرة الفايتة فاش خطفها رعد ماكانش معاه

دخلو لداخل لبسات طابلية وقصدات البيسي نيشان بدات تاطابي فيه بسرعة كبيرة وهما حاضيين معاها شنو تادير
تابانت شاشة كبيرة فيها وجه خالي من الملامح، طلبات من وولف صورة الهوية لي وجد
وبدات تاترسم داك الوجه على حسب الصورة تا سالات جابتها هي هاديك

ومشات هزات جلد بلون البشرة تاع الانسان برداتها تاولا لونها بحال لون الصورة حنطية شوية
وهزات ميترو عبرات الضورة دعنقها، الضورة دوجهها وطولو، طول انفها خدات القياسات ورسماتهم على الجلد وحددات بلاصة الشعر وحطاتهم

وحطاتو على واحد الالة تاتخدم بليزر وخدماتها بعد دقائق بان الملامح ديال الوجه فالجلد وزيناتو بالنمش فالوجه كولو، بحال الصورة

وولف كان تعمد ادير وجه منمش باش اكون مميز وتحفر فذاكرة دراغون

جبداتو وبدات تلصق فيه الشعر زغبة بزغبة تاسالاتو

جا طبق الاصل للصورة

رعد اوولف غا حالين فمهم كانت بارعة فالخدمة تاعها سالات ودارت عندهم ركباتو على راسها تصدمو

جات هي البنت المطلوبة
رعد: ههه ابهريني يا انستي بالمزيد
وولف: شحال من موهبة عندك؟؟

كيريس: دراغون ما ايتسناش، تافقتو معامن اديرو الهجوم؟

رعد: كولشي واجد اليوم بالعشية اندوزو للمرحلة الثانية
كيريس: مزيان
الجزء: 58

“فرنسا،ليون”

“عند رجان و وسام”

جالسين فلابارطومون نتاعها تيخدمو على لي دوسيي

وسام: ضاربة لحساب لكولشي مافهمتش انا كيفاش تاديرلها

رجان: اول مرة نحير فشي حاجة، تاهي شفتها غبرات مور آخر جريمة
وسام: تكون مريضة؟
رجان: وباش عرفني

صونا الفون د رجان كان العميد

رجان: مون شاف
العميد: الضابط رجان، كاين شي جديد؟
رجان: لا، لحد الساعة ماتوصلنا لوالو
العميد: تانظن نعلمو الفريق باش تعاونو
رجان: خاصنا شوية دالوقت تانتمنى تمهلنا غير شوية دالوقت
العميد تنهد: اوكي، عندك 15 اليوم الى ماكان تاجديد انعلمو الفريق
رجان: وي شاف
وقطع عليه

وسام: شنو بغا؟
رجان: بغا اعلم الفريق وطلبتلو مهلة عطانا 15 اليوم
وسام: مزال مالقينا تا لخائن باش نقصو علينا مسمار
رجان: بانلي نخليو قضية دراكولا ابار واحد السيمانة ونقلبو على الخائن نتفكو منو
وسام: فكرة زوينة، منها نيت نفرقو المهمة على باقي الفريق نتعاونو
رجان: اك مزيان

“إيطاليا، روما”

جالسة كيريس لور ورعد او وولف القدام فلوطو

كانت لابسة سروال كوير وكاط مع بيل مبين صدرها لي منمشاه بحال الماسك لي دايرة وكويرة من الفوق
ودارت عدسات فالازرق مغلوق مع عكار موف
دارت ستيل دالروك، شعرها القهوي المغلوق جامعاه كعكة كخربقة ولابسة بصمات مزيفة نتاع الهوية مع ليكات كوير

وبرى كانو زوج طوموبيلات نتاع لي كارد حاضيين الجناب

كيريس شافت فالساعة: بقات عشرين دقيقة، وجدو روسكم
رعد: كود لاك (حظ موفق)

خرجات من لوطو وركبات فموطور تاع صحاب الروك
وكسيرات للموقع تاعها

وولف: متأكد اتنجح؟
رعد: متأكد من السؤال؟
وولف: الصراحة تاتخلعني
رعد: عيط لداك القوم اوجدو روسهم، الى مانجحوش فخطتهم اتكددهم كيريس قبل مانوصلهم انا
وولف: ههه اك

وولف: وجدو روسكم مانبغي تا خطأ
-واجدين

وقطع عليه
وولف: ودابا لي رجالنا لي خليناهم واجدين باش غي اكونو راجعين فحالهم هاد القوم اقتلوهم
رعد: تفاديا للخيانة
وولف: عندي احساس بين كيريس مولات الفكرة
رعد: وشكون من غيرها

“فنفس الوقت، روما، الطريق الرابطة بين مدينة روما وفينيزيا”

غادا ثلاث سيارات زوج رانج روفر فالاسود تاع لي كارد وفالمقدمة تاعهم سيارة ميرسيديس كحلة تاتلمع فوق الماطريكيل رمز الثنين، جالسة لور فتاة ذات شعر بني فاتح وطويل، بشرة بيضاء، عيون زرقاء كيف السما
كانت تاتهضر فالفون
-كون هاني نستر دراغون، ساعة نكون عندك
دراغون: ردي لبال ابيلا
بيلا: كولشي تحت السيطرة
دراغون: مزيان
وقطع عليها

شوية تسمع صوت القرطاس فرانا الشيفور وبيلا حنات راسها لتحت لاتجي فيها شي قرطاسة خرجو لي كارد تيطاكيو عليها ولكن كانو قلال تقتلو كاملين ولكن قتلو تامن لي هجمو

جا عندها واحد فرع عليها الباب وقتل الشيفور وجرها هي من قردافتها، شوية تسمع صون موطور مجهد جاي من البعيد
الجزء: 59

هاداك غير سمع الموطور جر بيلا دغيا ناحية لوطو ولوخرين ركبو ومشاو

لحقات عليهم كيريس دغيا ووقفات على هاداك لي جر بيلا كيف قباض الرواح ضرباتو من قردافتو دوخاتو وجرات بيلا من يديها وصلا للموطور وركبات تاتسنى بيلا تركب موراها

كيريس: ركبي
بيلا بقات مترددة فالتالي ركبات وكسيرات كيريس بعيدة على البلاصة

تادخلات للمدينة عاد وقفات

كيريس: نتي بيخير؟
بيلا: وي بيخير شكرا بزاااف
كيريس: هانيا، كنت سمعت صوت القرطاس وجيت قاصدة المساعدة يعني بلا ماتشكريني
بيلا: تانعاود نشكرك أ؟
كيريس: لوينا
بيلا: سمية زوينة، متشرفين لوينا انا بيلا
لوينا(كيريس): الشرف ليا، فين بيتي تمشي نوصلك
بيلا: صافي بلاش انصوني على واحد تانعرفو اجي ورايا
لوينا: على خاطرك باااي
وركبات الموطور مغادرة

خلات بيلا تاتصوني على دراغون
دراغون: فينك
بيلا: هجمو علينا شي وحدين وماتو لي كارد كاملي وانا كانو ناويين اخطفوني ولكن منعت.
دراغون: ماعرفتيش شكون؟
بيلا: عندهم وشم الجمجمة
دراغون كارز على سنانو: ستيفن مولاها، ليوم وقعتي وثيقة موتك (سناتها كيريس قبل منك وطبقها رعد غاااا بلا ماتعذب راسك)
دراغون: فينك دابا؟
بيلا: ماعرفتش بالضبط انخدم جي بي اس
دراغون: هاهو جورج ايجي وراك
بيلا: اك

“عند رعد او وولف”

لحقات عليهم كيريس

كيريس: كولشي هو هاداك
رعد: مزيان تا حنا تفكينا من ستيفن ورجالو
كيريس: الخطوة الموالية بعد ايام تفاديا للشكوك
رعد: تافقنا

وركبو فلوطو راجعين للقصر وخليين رجال رعد اجمعو مخلفاتهم

وصلو للقصر ودخلو للداخل اوقف فالجردة خرجات تاتسلت ثاني جهة بالكون درعد وطلعات بنفس الطريقة مخلية رعد او وولف وراها

وولف: شامبانزي لعفو
رعد: سكت لاتسمعك عندا وذنين الخفاش
وتمو داخلين تيضحكو
كل نهار دايرالهم ميزاجور

في حين هي كانت تاتبدل حوايجها فبيتو

عند رعد لي سالا هو او وولف اجتماعهم طلعو كل واحد للجناح تاعو بحكم وولف عندو جناح فقصر رعد مرة مرة تيبات عندو

وصل للجناح تاعو ودق عاد دخل عارفها تاضور زبطة الى شافها هكاك ما ايزكلهاش يكفي انهم جمعاتهم ناموسية وحدة زوج ليالي وماقاسهاش

تالقا يديه والريح، دارتها بيه ثاني وهربات.

مشا لكوافوز لقا تما ورقة كاتبالو بين بعد يومين يترجع

رعد: لاياش تاتخططي عاود؟؟
الجزء: 60

“بعد ثلاث ساعات”

“فرنسا، باريس”

“عند كيريس”

جالسة فالجاكوزي وهازة كاس البابونج فيديها، مغمضة عينيها وتاتفكر

⏳فلاش باك flashback⏳

“قبل ثلاث ساعات”

غير طلعات لجناح رعد بدلات عليها بلبستها باش جات اول خطرة وجمعات الماسك فساكادو تاعها

مسحات بصماتها كاملين وخلاتلو رسالة بين اترجع بعد يومين
وخرجات نقزات من البالكون وفكات الحبل، مشات تاتسل تانقزات الصور ومشات تاتجري تاوصلات موطورها tmax ركباتو وكسيرات ناحية دار مهجورة قريبة شوية للمطار خبات موطورها بعد مامسحات بصماتها
ودخلات تما كانت موجدة لميكاب غيرات ملامحها للشخصية باش جات الايطاليا وهزات وراقها ومشات على رجليها تالمطار وركبات الطيارة حيت ديجا كانت قاطعة بيي الي وروتور ومشات لفرنسا

غير وصلات لباريس خدات طاكسي قربها من وجهتها وكملات على رجليها حتى الابارطومون

حيدات الميكاب ودخلات للحمام كبات زيوت تاترخي فالجاكوزي ودخلات تسترخى بعد ماصايبات كاس البابونج وطلقات سمفونية بيتهوفن.

⌛نهاية فلاش باك end of flashback⌛

حسات بالما برد وناضت دوشات من الزيوت وخرجات لبسات دوني وميني شورط وتلاحت على الناموسية نعسات

“امريكا،نيويورك”

“عند الكليكة” (الكليكة الجديدة: نزار لينا، بدر جنة، ميري)

جالسين فديسكو بلاك فلامينغو ناشطين بيناتهم تا استاذنات منهم ميري تمشي للحمام

مشات للحمام وصونات على وولف ماتيجاوبهاش كيف العادة تمات خارجة تاتسوط تاتجرات من عنقها

Leave a comment