Skip links

قصة : الوحش وذات القزحتين الجزء 2 ( عشق جبابرة) 93

 17,811 عدد مشاهداات

♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1014💎
(تتمة)

جبار دار نصف ابتسامة ..شد يدها وتحركو يطلعو للطائرة ……جلس هو فكرسي السائق أما ساندرا فا ربطات الثعبان بسمطة الكرسي لي خلفهم وجلسات هي فالكرسي لي جنب جبار …هاذ الأخير لي أقلع بالطائرة لي كانت من الحجم الصغير تقدر تهز فقط تلاث أشخاص جوج فالمقدمة والتالث فالخلف ..وماهي إلا ثواني حتى طارو فالجو )

ساندرا وهي كاتشوف فالجزيرة لي بقات تحتهم ..عينيها دمعو لكنها كبحاتهم …نطقات وهي مبتاسمة)

ساندرا : ملي كنت صغيرة وأنا كاننتاقل من مكان لآخر مع جدة مييبهار ^ …عشت فبزاف دلبلايص وفبزاف دالجزر …ولكن هاذ الجزيرة الخضراء هي أحسن بلاصة عشت فيها أو زرتها …(وشافت فيه) واعدني غاتعاود تجيبني لهنا ..

جبار دار نصف ابتسامة ونطق ) نفس الشيء بالنسبة ليا …درت العالم كولو وكل الجزر… وكاتبقى هاذ الجزيرة أحسن مكان عندي…(شاف فيها) الجزيرة ولات ديالك ..غانجيبك فأي وقت بغيتي …

(ساندرا وهي كاتشوف فيه مبتاسمة ..دورات راسها للنافذة لي جنبها تاني كاتتأمل السماء ..والشمس لي قربات تغرب ….هزات ساشية محطوطة جنبها عامرة سقاطة ..وبدات كتاكل وهي كاتوكلو كاتعطيه لفمو ..كايشد منها بدون اعتراض وهو مركز فسياقتو…ومرة مرة كاضور تلوح شيء للثعبان لي مزالها بلاصتها ماتحركاتش….حتى انزل الليل بستارو الأسود …تعشات من داكشي لي هازين معاهم وهي كالعادة كاتوكل جبار بيديها ….بعدها هزات كتاب كاتقراه حتى غلب عليها النعاس ..ونعسات بلاصتها ..تكاليها جبار الكرسي وغطاها ..ورجع هو مركز فسياقتو للطائرة ….)

🍀🍀🍀🍀
اليوم الموالي الساعة 9 صباحا ….

عند سليم فسيارتو ..كايسوق بسرعة متوسطة فالشارع الغابوي لي كايتعتابر ملكية خاصة للستارك ..الشارع لي كايخرج ققط للقصر …كايسوق وهو شااارد …من اللحظة لي غوت فيها ..فوجه سميحة… قبل أسبوع… للآن…. لدابا وهو قالب عليها..مكاايهضرش معاها أسبوع كامل ماخاطبها أو قرب منها …عيات تتمسكن عليه لكنه كيبادلها بالبرود وتنخال …وقليل فين كايجي للقصر حتى أنه فهاذ الأسبوع قليل فاش بات فجناحو …كايدوز معظم وقتو ومعظم لياليه بين محكمة المتحولين …وبين شركة فلاي ستارك …..وكل العشيرة لاحظو عصبيتو الغير طبيعية …وهجرانه للقصر ….حتى من مو شيماء كانت سولاتو عدت مرات… وماقاليها والو …وفكل الشباب… فارس لي كان ديما مرافقو حتى انه شحال من ليلة بات خدام معاه ومارجعش للقصر غير باش مايخليهش بوحدو ….

فا حتى ليلة الأمس سليم وفارس دوزوها كولها فلخدمة …فمحكمة المتحولين ..تاصبح عليهم صباح عاد هاهوما راجعين فطريقهم للقصر … سليم سابق فارس بمسافة …وعينيه غير على ااقصر لي كايبانليه قدامو فالطريق ..مابقاليهش بزاف ويدخل بسيارتو مع بوابت أسوار القصر ..لي خنزر منلي بانتليه مفتوحة على مصراعيها …وخمس سيارات سوداء كبيرة الحجم ..كاتدخل مع البوابة …..)♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1015💎

سليم خنزر منلي بانتليه بوابة القصر مفتوحة على مصراعيها …وخمس سيارات سوداء كبيرة الحجم ..كاتدخل مع البوابة …..)

سليم نطق مخننزر وبعصبيية ) شهاد لق… شواقع تاني ..(كسسييرا بسرعة …حتى دخل بسيارتو مع أسوار القصر ..وفرانا فحديقته الواسعة وقدام الخمس سيارات السوداء لي دخلو قبلو …خرج من سيارتو وخبط بابها وهو كايشوف باستغراب فالسيارات الخمس لي كل سيارة نزلو منها خمس متحولين كلهم لابسين أسود بنظارات سوداء …ووقفو أمام سياراتهم مربعين يديهم بدون حراك …

(فارس فرانا بسيارتو خلف سيارة سليم ..خرج منها بسرعة ووقف جنبو ونطق باشتغراب)

فارس : اش واقع ؟

(سليم مخنزر ..يالاه غايجاوبو حتى سمعو لغوات خلفهم ..استدارو وبانت ليهم حافلة من النوع الكبير مركونة وكايطلعو فيها ليكارد كور البشريين لي كانو مكلفين بحراسة القصر سواء من خارج الاسوار او من داخلهم ..حتى ليكانو مهمتهم أنهم كايديرو مناوبات حراسة فغابات لستارك المحيطة بالقصر ..وحتى ليكارد لي حاضيين كمرات المراقبة
….. كلهم كايطلعو بالتتابع للحافلة ..ودياب (أب فارس) واقف كايغوت فوجههم صااعر وهو مفاهم والو ..وجنبه كل من جاسم وإيفان …فحين لي كارد كور البشريين كايطلعو بسكات وبدون رد عليه…)

دياب وقف أحد الكارد البشرين بيدو وغوت)نقدر نفهههم معامن تشاااورتو ها ؟ (شاف فالحافلة) وآش جاب حافلة شركتي لهنا ؟ وفيين غاديين مخليين بلايصكم وخدمتكم …

نطق الكارد البشري مجاوب عليه ) هاذو الأوامر لي جاونا من الرئيس يا لورد دياب (وحيد يد دياب منعلى كتفو وتحرك طالع للحافلة بسرعة ..)

دياب ضحك بفقصة ونطق )هههه من الرئيس (غووت)وااا رااااه أنا هو رئيسكم راااكم كارد كوور مجندين فشركتي الأمنية (ومباشرة ديمارا السائق ديال لحافلة ..محركها فاتجاه بوابة أسوار الخروج من القصر..)

جاسم : دياااب تهدن ..غانفهمو ..(وتحرك قاصد بسرعة الخمسة وعشرون متحول من فرقة العدالة ..وتبعو دياب صاعر وإيفان خلفهم …وبسبب صداعهم فاقو أغلب أفراد العشيرة ..شيماء وسيدات القصر وقفو أمام الباب كايتفرجو..والرجال خوت جاسم وقفو خلفو وشباب لستارك وقفو جنب سليم وفارس ….. والكل مفاهم والو …..)

(جاسم وقف أمام الخمسة والعشرون متحول هو ودياب وإيفان ..والتاحقو بيهم كل من عدنان غسان وفيليكس ونطق)

جاسم : آش واقع آشنو كاديرو هنا…

نطق اولهم فالصف ) أوامر اللورد ..

(جاسم شاف فيه وبعدها …حول نظرو لسليم هاذ الأخير لي خنزر فالمتحول وتحرك تاوقف قدامو ..وخلفو فارس ووسيم وعصمان وخليل)

سليم : أنا ماعطيتهم حتى أوامر ألواليد وبحالكم أنا مافاهم والو …..

(جاسم شاف فوسيم هاذ الأخير لي خرج عينيه ونطق بزربة )

وسيم :والله ما أنا …

(جاسم خنززر وشاف ففارس لي تزنك ونطق )

فارس :أنا بحال سليم وراه عاد رجعنا من المحكمة وكل الأمور تما تمام …مافهمتش الوضع هنا …

(جاسم رجع نظرو للمتحولين ويالاه غاهضر حتى سبقو سليم لي أصلا على أعصاابو وقف قدام أولهم فالصف ونطق )

سليم : آخر مرة غايتطرح السؤااال ..فا كانصحك تجاوب ..علاااش نتووما هنا ..وعلاش انساحبو ليكارد البشريين لي من شركة اللورد دياب …؟؟

المتحول شاف فيه ونطق ) أوامر اللورد .♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1016💎

المتحول شاف فيه ونطق ) أوامر اللورد …

(سليم ديق عينيه وهو كايشوف فيه ويالاه غايهضر …حتى تسمع فالمكان صوت قوي خلا كل من في المكان يهزو راسهم ويشوفو فالسماء …صوت قوي لدرجة ان لي مزالها ناعسة من لبنات فجناحها ..فاقت …والصوت هو لطائرة تقترب من محيط القصر الجوي ….وماهي إلا دقائق حتى كانت الطائرة …مباشرة فوق سماء القصر وبدات تنزل /وفقط للتذكير الطائرة جد صغيرة من نوع هيليكوبتر قادرة تهز فقط تلاث أشخاص ../…وتحت ذهشة الكل …الطائرة حطت باتقان أمامهم بمسافة كبيرة …على أرض حديقة القصر الواسعة ….كل لستارك الحاضرين بدون استثناء ..وسعو ابتسامتهم منلي حسو بطاقته الهائلة الغنية عن التعريف ..وأكيد بطاقتها الغريبة عن طاقتهم كيف لا وهي الساحرة الوحيدة فعشيرتهم …

فهاذ الوقت تحل باب القصر وخرجو التوأم سميحة وسماح موسعين عينيهم فالطائرة ..وخرجات خلفهم زليخة دافعة كرسي هاندا المتحرك وأميرة جنبهم …وكلهن بلباس النوم …..أما شيماء لي دموعها كايطيحو …تحركات بخطوات سريعة ناحية الطائرة ….وهي تتخطى كل ستارك أمامها …حتى سرعات من خطواتها و تحركات كاااتجري منلي تفتح باب الطائرة وخرج جبار أولا ..وهو متأنق ببودي كول مونطي فالأبيض ..مع سروال كلاص فالأسود وحذاء رجالي غالي فالبني … واقف فباب الطائرة العالي عن الأرض …

ابتاسم ملي شافها جاية ناحيتو كاتجري …فا مد يدو لداخل الطائرة حتى كاتبانليهم ساندرا شدات يدو وتقدمات وقفات فالباب جنبو …لابسة بحالو تقريبا ..بودي بيض بليدين وطالع من لعنق ..مع سروار سبور كري وكونفيرس فالأبيض ..شعرها لبوكلي مطلوق براحتو ووجها خالي من أي مكياج ..حاطة فقط عقد خفيف من الألماس مع حلقاتو صغار ..وخاتم زواجها….جبار جرها مدور يدو حول خصرها وتحنى حط يديه خلف ركبتيها هزها ..ومباشرة نقز بخفة جا واقف على الأرض امام طائرته ومباشرة حط ساندرا جنبو وهو شاد يدها …حل يدو الأخرى لترتمي شيماء فحظنو خاشية وجهها فعنقو مدورة يديها ومزييرة عليه وهو هزها بيد وحدة منعلى الأرض مزيرها فحظنو أخذ نفس عمييق ونطق بهمس فأذنها )

جبار : أحتار في اشتياقي لك …هل ما أفتقده أكثر هو عطرك ..أو حظنك ..أو ربما النظر في صحراء عينك القاتلة و محيط الأخرى ..(وباسها بقوة فخدها)

(جاسم الواقف بعيد كايشوووف فيهم وكيفاش جبار معنق شيماء ..ابتاسم واختفى من مكانه بقوة التنقل …ومباشرة ظهر أمام ساندرا هاذ الأخيرة لي كانت ساهية فجبار وماماه شيماء وهي مبتااسمة ..حتى ظهر جاسم قدامها من العدم ..قفزات مخلوعة ويالاه غاترجع خطوة للخلف …لكن جبار لي شاد يدها مزير عليها جنبو …فا هزات راسها وعينيها شافت فجاسم لي عينيه غاعليها …الشيء لي خلاها تزنكااات ويالاه غاتحني راسها حتى حط يدو على خدها مانعها …ومباشرة تحنى طبع قبلة على جبينها وهو مغمظ عينيه وهي مخررجة عينيها ..ونطق)

جاسم : مرحبا بك فقصرك ..ماي ليدي …

(ساندرا هزات فيه عينيها مزننكة جات تهضر خرجوليها الحروف مقطعين وشي داخل فشي عطاتو جملة غير مفيدة فا سكتات ..أما جاسم حول نظرو لجبار لقاه مخنننزر فيه )

جبار وهو مزاله معنق شيماء لي تاتبكي فحظنو ) آييه زيد آش تاني أ ..لوااليد..زيد زيد خوود راااااحتك …

(جاسم ابتاسم وبدون اكتراث رجع نظرو لساندرا حط يدو على كتفها ونطق )

جاسم : كيبقيتي ؟

(ساندرا جاتها الدوخة بالتوتر ..سخانة طلعات معاها ولات كولها حمرة ..هزات فيه عينيها وشافت فعينيه ..وللحظة سهات فيهم حتى أن توترها خف ..ولا إراديا ابتاااسماااات وضحكات وهي ساهية فعيون جاسم …الشيء لي خلا جبار يخرج فيها عينيه ……. وبعد صمت وهي ساهية نطقات )

ساندرا : وليت بخير…

جبار غووت ) آييييييه ..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1017💎

ساندرا : وليت بخير…

جبار غووت ) آييييييه ….

(جاسم ابتاسم ليها ..خدا يدها باسها ويالاه حط يدو على خدها تاني غايهضر حتى جات شيماء بينو وبينها وعنقاتها بقوووة …وشويا تكعدات كاتبوس فحنيكاتها وتررجع تعنق فيها …ماقداتش تهضر ……فا جاسم حول نظرو لجبار تاني لقاه كايشوف فيه مخنننزر)

جاسم : مرحبا برجوعك يا ..لورد (وغمزو)

جبار ابتااااسم بفمو ومخننزر فيه بعينيه نطق كايرجف بالأعصاب ) جوكيرك أنك نتا هو ….لوااااااليد ….ألوااليييد ..

(جاسم قابلو بتخنزيرة ويالاه غايجاوبو
…حتى قاطعاتهم صرررررخة قوييية خلاتهم كلهم يشوفو فمولاتها …من غير جبار لي غمظ عينيه بعصبية ونطق بهمس)

جبار : ياربي راه غانقتل شيحد ….

(جمانة خارجة من باب القصر بثياب النوم …شورط قصير وسوفيطما ديالو مبينة كرشها …دايرة فوقهم كاب طويل ولكن ماساداهش …ومع مخرججة عينيها وكااتجري بكل جهدها …..الكاب كايلعب بيه ريح موراها وكولشي باين ….فارس خرج فيها عينيه كالبقية حيت كاتجري وكرشها كاتهز ..وهي مامسوقاااش كادوز عليهم تختارق فيهم واحد بواحد وتزيد لدرجة اخترقت سميحة وبعدها خالها إيفان ..وامامهم الشباب ..فارس يالاه غايهضر حتى دازت عليه مختارقاه كااتغوت ب …

جمانة : وااااااآآآآآ ….

(جبار هز راسو شاف فيها جاية عندهم ابتاااسم وتقدم خطوة للأمام وحل ليها يدو اما الأخرى ..شاااد بيها ساندا لي خلفو …حتى وصلات عندو جمانة …اخترقته بدون اكتراث ونقزات معنننقة ساندرا بقووة لدرجة كونما جبار لي شاد يدها كون رجعات بلور وطاحو بجوجات )

جبار مبتااسم بفقصة وهو مزال حال يدو للريح …نطق بهمس ) لبرهوووووشة ….

(جمانة مزييرة على ساندرا … سكتات من الصراخ …وهي تبدأ تبكي بقوة وبصراخ …وساندرا مبتاسمة وهي معنقاها )

جمانة : مرة أخرى ديني معاك…..

ساندرا : مرة أخرى ماغانغيبش وحتى إيلا مشيت لشي بلاصة ماغانطولش …

جمانة حركات راسها بلا ) واخا تغيبي غالنهار ديني معاك …

(ساندرا وسعات ابتسامتها ..بعداتها من حظنها شافت فوجهها ونطقات)

ساندرا : مابغيتش دموع أجمانة …

((جمانة خرجات عينيها وبدات بزربة تاتمسح دموعها))

جمانة : أمرك ليدي..هانا هاه والله لعاودت بكيت .. ..

(…أما جبار فا بانوليه الباقين جايين ناحيتهم … عاد مزاد خننز…. وصلو عليهم كل عماتو كل وحدة عنقاتو بترحيب ودازو لساندرا ..حتى من تارا عنقات جبار ونطقات )

تارا : كعادتك ..كلمتك هي كلمتك لورد ..واعدتني ووفيتي..ودرتي كل واجبك (حطات يدها على خدو ) شكرا بزاف …

(جبار اكتفى انه يبتاسم ليها نصف ابتسامة ..وبعدها هي دازت عند ساندرا ..وبلا ماتهضر عنقاتها فقط …كباقي النساء …عاد جاو أعمام جبار وخالو إيفان رحبو بيهم واحد بواحد وبمجرد مكايقرب شيحد منهم من ساندرا كايردها جبار خلفو ويخنزر فيهم …عاد جاو عندها لبنات كايتجاراو حتى من هاندا حركات كرسيها بسرعة ناحية ساندرا …من غير سميحة لي بوحدها بقات واقفة فالباب ….)

سماح عنقات ساندرا بقووة ونطقات ) تعطلتييي ماتخيلييش حالتنا كيكانت بلا بيك …خليتينا لجمانة لي دوزاتنا فالسراط …

جمانة واقفة خلف ساندرا خنزرات فيها ونطقات ) السراط دوزي فيه نتي بعدا ونتي وليتي قد لفيلة …دزتي مع لباب بقاليك غالسراط …

أميرة كاتبكي …عنقات ساندرا بقوووة ونطقات ) أخيرا حنيتي فينا …خليتينا كيلهبيلات وجمانة زادت هبلاتنا بنفسيتها …

جمانة خنزرات فيها ونطقات ) لهبيلة هي نتي أنا رجعليي لعقل…

زليخة هي الأخرى عنقاتها ونطقات) مرحبا بك فقصرك ليدي ساندرا (نطقات بهمس فأذنها ) اختي مرة أخرى تمشي لشي قنت دي معاك بناتك خصوصا لمفضية د جمانة ولا بناقص من ذهابك ..

((جمانة سمعاتها قربات منهم ونطقات بهمس موجهة كلامها لزليخة )

جمانة : لمفضية هي موك… ألمنفوخة♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1018💎

جمانة : لمفضية هي موك… ألمنفوخة ..

(زليخة لي مزالها معنقة ساندرا خنزرات فيها أما ساندرا مبادلاها العناق فصمت …حتى بعدات زليخة ..وساندرا شافت ليها فعينيها عاد ابتاسمات ..نفس القوة فنظرتها ..ونفس الشموخ فوقفتها ..زليخة هي زليخة وهاذشي خلا ساندرا لي قلبها تاواحد ماعارف آش طاري فيه حاليا …يبتاسم ولو لثواني ….حتى بعدات زليخة و قربات من جبار وعنقاتو وهو بادلها عناقا ولكنه كايشوف بطرف عينيه فساندرا …هاذ الأخيرة لي تبلوكات منلي وقفات امامها هاندا بكرسيها المتحرك )

ساندرا كاتشوووف فيها …صفارت وهاذشي كلهم لاحظوه تنفسها ولا مسموع ….وجبار لي مزال شاد يدها ..حس بيها بدات كاترجف فا بسرعة بعد عليه زليخة…و يالاه غايجر ساندرا عندو حتى بسرعة شدات هاندا يديها وجراتها عندها بقوة حتى تحنات ساندرا لمستواها وهي دور عليها هاندا بيديها بجوج معنقاها ونطقات وهي مبتااسمة )

هاندا : أخييرا يا ليدي رجعتي لبلاصتك …

(ساندرا مخرجة عينيها وكاتتنفس بزربة ..وهاندا غير كاتزيد تزير عليها معنقاها ونطقات)

هاندا : بعدما شفتك واقفة وبخير ماتخيليش شحال ارتاحيت …(وسعات ابتسامتها ونطقات بهمس فأذن ساندرا ) ماعندك علاش تتوتري ..ماعندك علاش تتهزي هكا بعدما شفتيني على هاذ الكرسي بالعكس ..أنا بغيتك تفرحي ليا يا ساندرا فرحي ليا ووريني فرحتك على ملامح وجهك (زادت خفظات من صوتها ونطقات) أنا أخيرا تزوجت بيه أساندرا اخيرا حققت حلم حياتي وخديت الرجل لي منهار تزاديت وأنا كانحلم بيه …وماشي غير هاذشي هو مبين ليا على قدر كبير من العشق ….واهتمام عمر شيحد عطاني حتى نصو …حتى من واليديا وخويا …وهاذشي هو كايطبقو بالفعل …ماشي غير بالقول …فا إيلا كان هاذ الكرسي لي انا جالسة عليه هو الثمن ..فا أنا كانبغي حتى هاذ الكرسي وكانعشقو وماعنديش مشكل يرافقني طول حياتي …(بعداتها من حظنها وشدات وجهها بين يديها وعيونهم متقابلة نطقات بصوت مسموع ) مرحبا بك فقصرك ليدي ساندرا …

(ساندرا لي دموعها كيطيحو ..ركزات نظرتها فعيون هاندا ..وفعلا شافت فيهم الفرحة الشيء لي خلاها تبتاسم ..تكعدات وبزربة مسحات دموعها …ولبنات ضارو بيها كايهضرو فدقة وهي وسطهم …..أما جبار فا تنهد براحة وحول نظرو لخوتو لي وقفو مباشرة أمامو …خنزر فيهم …فحين فارس لي مربع يديه ابتاسم وعصمان كذالك ابتاسم وغمزو …أما وسيم فا ضحك بفرح …خليل لي يديه فجياب سرواله هز فيه حاجبو ببرود …أما سليم فا غيرهم كلهم تقدم وبدون سابق انذار عنق جبار عناق رجالي ولكن بقوة وتنهد براحة …أما جبار لي خلاه على رحتو رغم أن شياطينو كلهم كايشطحو فوق راسو بالاعصاب فا بمجرد مابعد سليم ووقف جنبو مبتاسم …هو شاف فخوتو كلهم وشعل يدو بالنار ونطق بتهديد مخنزر فيهم )

جبار ) زيدو شكون باغي يعنق تاني …

((كلهم رجعو خطوة للخلف حابسين الضحكة …من غير وسيم لي فعل الدرع وهو كايضحك بشر وتحرك بسرعة حال يديه ونقز على جبار بقوة معنقو ..حتى طلق يد ساندرا )

/الدرع هو قوة تبطل كل قوى المتحولين / …..

(أما سليم فا استغل انشغال جبار بإبعاد وسيم لي لسق فيه …وقرب من ساندرا حتى وقف قدامها …هي ابتاسمات ليه وهو سرط ريقو ونطق)

سليم :ليدي ..

ساندرا كاتشوف فعينيه) سليم …

(سليم يالاه غايهضر حتى تجرات ساندرا بقوة من قدامو بسبب جبار لي ردها موراه ووقف قدام خوه مخننزر ونطق)

جبار نطق بغيض ضاغط على حروفو ) نعااااام آش بغيتييها ؟

((سليم ابتاسم ) احم واالو …

جبار :لا لا غاقوول …

(ساندرا كاتقرص فيه من ظهرو مزننكة ..تنهدات بقلة حلية ودورات راسها جنب وهي تخرج عينيها منلي بانتليها سميحة من بعييد واقفة فباب القصر وهي شادة فيه …هي الاخرى بثياب النوم بيجامة سروال واسع وسوفيطمة قصيرة مبينة شويا من كرشها وفوقهم هي لابسة بينوار طوييل ….ساندرا لي ضارو بيها لبنات تاني هي عينيها غير على سميحة ساهية ….وجبار مشغول فحديثو مع باه وخوتو )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1018💎
♡°•𝔖𝔦𝔰𝔱𝔢𝔯𝔰•°♡

فالوقت لي ساندرا ساهية فسميحة ليواقفة جنب باب القصر …جبار مشغول فحديثو مع باه عمامو ..وخوتو …)

جاسم الواقف أمام جبار) : إذن نتا لي أمرتيهم يجيو لهنا..؟(وأشار للخمسة وعشرون متحول من فرقة العدالة لي واقفين بلاصتهم)ولكن علاش ؟

جبار شاف فالمتحولين مخنزر ونطق) وفنظرك هوما غايسمعو لأوامر كهاذه ..من شخص غيري ألواليد ..لا ويعتبو باب قصري بذون اذني شخصيا ؟…(وحرك راسو للمتحولين ومباشرة تحركو بسرعة كيجريو خداو أماكن ليكارد البشريين لي نساحبو …كل واحد وقف فموقع حراسة محدد …وعشرة منهم خرجو من القصر بقواهم بعضهم الاختراق اخترقو السور وبعضهم القفز البعيد المدى بقفزة وحدة اجتازو السور والقصر… والبعض الآخر متنقلين تنقلو بغيرهم..وكلهم متجهين للغابات والأراضي التابعة للستارك المحيطة بالقصر ياخدو مواقعهم تما للحراسة … )

دياب ليعينيه عليهم نطق ) : ولكن علاش اولدي ؟ (وشاف فجبار) حنا أصلا كنا حاطين ليكارد البشر دشركتي غير بروتوكول أمام المجتمع البشري..باش نبانو كعائلة طبيعية غنية عندها قصر..حيت الطبيعي أن قصر كهذا ضروري وطبيعي خاسو حرس …ماشي حاطينهم هنا بغرض حمايتنا …حنا اه مامحتاجينش حماية بشر ضعاف مقارنة بينا ولكن راه تواجدهم حولنا ضروري منو باش نبانو طبيعيين فنظر البشر … ومنه كإشهار لشركتي ..حيت راه قصرنا كايزوروه حتى شخصيات مرموقة صحابنا من البشر وكاينباهرو بنظامنا الأمني فالقصر …فا علاش استغنيتي عليهم ؟

جبار مخنزر اكتفى ينطق ) : هكاك أعمي …

عصمان: ولكن حنا محتاجين أعضاء فرقة العدالة فمهام أهم من الحراسة يا جبار ! قواهم وطاقاتهم أقوى من أنك تعطيهم مهمة بسيطة كالحراسة ……..

وسيم : وأصلا حنا أقوى منهم ! ومامحتاجينش حراستهم ؟

سليم شاف فوسيم) :القصر حنا مكانبقاوش فيه طول اليوم ..فا هم إيلا كانو هنا فراه بغرض حراسة نساء العشيرة (شاف فجبار) والسؤال الصح هو ..من آش غايحرسوهن وعلاش يا جبار آشنو واقع ؟؟

جبار تنهد بعصبية ونطق ) بدلت شحال من حاجة…من بعد وتعرفو علاش بلاصيتهم بالبشر ….آشنو واقع ..شكوكي وكل شيء غاتعرفوه …منبعد …ماشي داابا

خليل نطق ببرود ) أحسن مادرتي (شافو فيه وهو نطق) أصلا بزز حنا كنا كابحين نفسنا وقوانا قدام بشر عاديين عايشين معانا طول الوقت …سواء لي كارد كور او الخادمات ….وباش نبقاو كولا مرة شافو شيحاجة حنا نوموهم ميغناطيسيا نسيوهم ..راه حل ماخدامش …(شاف فسليم ونطق ببرود) حيت ماشي كولنا عندو مع التنويم ميغناطيسيا ومع الكبح …داك نهار لي فقتي فيه صاعر راه ضيعت عليك 36 دقيقة من حياتي وأنا كانشرح لليكارد البشريين أن باب سيارتك لي طيرتي بجرة وحدة ..كان رااشي وقدييم ..وواخا هكاك واحد منهم بانليا ماتيقنيش حيت فاش كنت راجع ديك الليلة للقصر دزت عليه كان كيهضر مع راسو مسكين ويصرفق فراسو …

((سليم خنزر فيه ..وجبار مخنزر فيهم بجوج ..حتى نطق إيفان …)

إيفان :مزيان منلي رجعتي يا شيطان ..وفوقت مناسب حيت بزاف دل…

جبار قاطعو ) عارف أخالي …فخباري كولشي ..ووجدت كولشي …

(وماشي بعيد عليهم شيماء والسيدات لي واقفين مع ساندرا والبنات كايهضرو …كلهن فرحانات وكلهن كايعاودوليها فدقة طرائف من اش وقع فغيابها … أما هي لي ساااهية فسميحة من اللحظة لي شافتها فيها فصلات عن العالم ..عيونهم فبعظ ..ساندرا ساااهية دخلات فحالة من اللاوعي والتساؤلات بينها وبين نفسها …أما سميحة مخنننزرة بعيون دامعة وهي ميلة فمها كاتشوف فساندرا ……..حتى تحركات ناحيتهم خطوات وهي حاطة يديها على كرشها الظاهرة …حتى وصلات لمنتصف الطريق ووقفات … الشيء لي خلا ساندرا…. تستغرب وسرطات ريقها من نظرات سميحة لها لي مافهماتهمش …. …حتى فاجآت لبنات والسيدات منلي خلاتهم وتحركات بخطوات سريعة خرجات من وسطهن غاديا فاتجاه سميحة …الشيء لي خلا جمانة تعيطلها بصراخ خلا كل الشباب والرجال يشوفو ناحيتهن …..
جبار شافها كاتمشا بخطوات سريعة قاصدة سميحة ..خنزر باستغراب حيت عاد لاحظ أن الكل كان حاضر منلي هبطو من الطائرة منغير سميحة …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1019💎
♡°•𝔖𝔦𝔰𝔱𝔢𝔯𝔰•°♡
جبار شافها كاتمشا بخطوات سريعة قاصدة سميحة ..خنزر باستغراب حيت عاد لاحظ أن الكل كان حاضر منلي هبطو من الطائرة منغير سميحة …..أما سليم لي حتى هو عاد تفكرها منلي شافها …الشيء لي خلاه خرررج عينيه من التخنزيرات لي هي دايرة فساندرا …جمد بلاصتو ركابي فشلو عليه وحس بالخوف من ردت فعلها قدامهم …شاف فجبار لقاه مخنزر فسميحة …الشيء لي خلا سليم بدأ كايتنفس بسرعة وهو كاايشووف فيها مخنزر وهو يحرك راسو بلا ..كايتسناها غاااتشوف فيه..كايدعي غييييييير تشووف فيه باش هو يرسل لها تهديد بعيونو …ولكن هي نظرها غير على ساندرا مخننزرة وهي تاتبكي …حتى وقفات ساندرا قدامها ونطقات بسرعة )

ساندرا : سميحة (شدات يدها وهي كاتفحصها بعينيها من رجليها لراسها) وليتي بخير ياك (شافت فوجهها لي مافهماتش تعابيرو ولكن واخا هكاك ابتاسمات بحزن ونطقات) رجعتي صحتك ووزنك (حنات عيونها لكرش سميحة ..سرطات ريقها ونطقات بصوت مرعود ) و ول ولدك واش بخير ياك …؟

(سميحة مخرجة فيها عينيها …تلفات ماعرفات باش تجاوب لهضرة وحلات ليها… …أما ساندرا منلي ماتلقات منها حتى رد ….عنقاتها بقوة وتنهدات براحة …. خلات سميحة تزيد تخرج عينيها ودموعها يطيحو ..فمها كايرجف وهي كاتحس بالقوة باش ساندرا معنقاها …..حولات نظرها وشافت فشخص واحد وهي تارا ..أمها ….وجهت ليها نظرة قاصحة …..هاذ الأخيرة لي كاتشوف فيهما بنظرة عادية…ومنلي شافت نظرة بنتها ليها …قلبات وجهها ببرود ….حتى نطقات ساندرا وهي معنقة سميحة )

ساندرا ودموعها كايطيحو) : نتي هي انتصارنا فهاذيك المعركة يا سميحة …واخا كاع داكشي لي خسرنا ….نتي وولدك لي ربحنا … ماتصوريش شحال كنت خايفة على وضعك .. ماتصوريش شحال كنت خايفة أنني نكون تعطلت عليك فتدمير هذاك الكتاب وتوقعليك شيحاجة بسبابو …ولكن دابا ارتاحيت (بعدات منها وحطات يديها بجوج على كرش سميحة لي ظاهرة وهي مبتااسمة كاتتفحصها نطقات بسرعة ) واش هو بخير ياك ..؟

(سميحة لي مزال لاعبة عليها الصدمة ….لدرجة جمدات بلاصتها …حتى أن ساندرا كررت ليها السؤال الأخير أكتر من تلاث مرات ..عاد استوعبت سميحة فين هي واش واقع …. ابتاسمات وهي بزز حابسة بكاها ..حركات راسها بآه ونطقات بزز بصوت مرعود)

سميحة :بيخير .. و بفظلك نتي..(وحولات نظرها لجبار لي مخنزر ..وهي ابتاسمات ليه رغم دموعها حنات راسها ونطقات كاتبكي ) وكنعتاذر على كل ماوقع ليك بسببي …بفظلك أنا وولدي حيين ….( سليم لي عينيه غييير عليها …حط يدو على قلبو ليكان غايسكت مخافت تسببلو سميحة شي إحراج أو مشكل مع خوه و قدامهم بأنها تجرح ساندرا بشي كلمة …فا تنهد برااحة وهو مبتاسم وغير حول نظرو لجبار .. لقاه كايشوووف فيه …فا جمد مكانو حتى أن التنفس تقطع فيه ..حيت هو أكثر شخص عارف قدرة جبار على قرائة عيون وردات فعل الاشخاص ……..وبالرجوع لسميحة و ساندرا لي يالاه غاتهضر مجاوبة على كلام سميحة حتى اختارقاتها جمانة وجات وسطهم وغوتات فوجه سميحة )

جمانة : بفظلهااا عاااااد بفظلهااا وكل الفظل لييها هي…. أنك نتي وشهابك لي خونتيلي سميتو بيخير..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1020💎
♡°•𝔖𝔦𝔰𝔱𝔢𝔯𝔰•°♡

جمانة : بفظلهااا عاااااد بفظلهااا وكل الفظل لييها هي…. أنك نتي وشهابك لي خونتيلي سميتو بيخير..

سميحة زيرات على قبضة يدها ويدها الأخرى شادة يد ساندرا … مبتاسمة ونطقات) : واش نفكرك أنني سبقتك للإسم… نتي لي سمعتيه مني ولسقتيني عليه …وأنا ما تنازلتش ليك وبقافييك لحال ..

جمانة : واربحي بيه حيدر حسن من شهاب …وليام غاتوريك…

زليخة : هااهوما غايبدااو تاني …(شافت فجمانة مخننزرة ) واش نتي لوحم ديالك ردك متنمرة سليطة لسان

سميحة : بالسيف وهي كانت ظل تعلف فالتراب تادفنات داك لسان ..

أميرة : واش مكاتعياوش

سماح عنقات ساندرا ): لاعيات جمانة اذن الكرة الأرضية مسطحة…

جمانة : لا هي غليضة ومكورة بحالك(شافت فزليخة ) ومنفوخة لفم وصدر بلبوطوكس ولفلر بحالك ..(شافت فأميرة ) ومطرمة لحناك بحالك ….(شافت فيهن) بحالا ضورتوني لا ؟

هاندا مزننكة وهي كاتشوف بنص عين فالشباب والأعمام نطقات بهمس) :تهدنو ألبنات راه رجال كيتفرجو فينا

جمانة: أنا مكندير وااالو نتوما لي تاتجبدووني..

(ساندرا كاضحك وهي مستمتعة بجدالهن لي توحشاتو …حتى غوت جبار قفزهن كلهن )

جبار : ساندراا …

(جمانة قفزات وطارت تخبات مور ساندرا لي شافت فيه هي والبنات وهو نطق )

جبار : خرجيها من الطائرة ..وديها للجناح داابا هانا غانجي …(وشاف فباه حل الملف لي فيديه وبدأ كايجبد منو بعض الاوراق .. وكايعطيهم ليه)

(ساندرا خرجات عينيها حيت كانت ناااسياها …وشيماء نطقات )

شيماء : شكون هي واش جبتو معاكم شي ضيفة أبنتي ..

ساندرا شافت فيها ) ها .. آه قصدي لا هي ماشي ضيفة زعما ماشي شخص هي راه ريتشارد …

(لبنات والنساء شافو فيها)

زليخة : ريتشارد؟

ساندرا : آه أنا غانجيبها …

(وتحركات بخطوات سريعة وقفات أمام الطائرة ومدات يدها ونطقات بصراااخ)

ساندرا : ريييتشااارد …

(كلهم حتى الشباب والأعمام شافو فيها …وجبار لي سمعها غمظ عيونو بعصبية وفقصة …تنهد وعطا الأوراق لباه )

جبار : قراه ورد عليا ..

(جاسم شدهم وحرك راسو بواخا ..وطرف عينيه على ساندرا …..حتى كايبانليهم …ثعبان أسود طويييل وغليض الجسد …خارج من الطائرة …لبنات والنساء كلهن غوتووو من غير شيماء ..جاكلين . وجمانة …… ..خصوصا منلي نزل الثعبان وتلوى على رجل ساندرا بسرعة قصوى وهو طالع مع جسدها حتى وصل ملوي على بطنها معلي راسو قدام راسها..غوتو يحسابليهم غايعصر جسدها حتى شافوها باستو بين عينيه وهي مبتاسمة …حتى طلقاتها جمانة بغوتة تااني وتحركات كاااتجري ناحية الثعبان وكرشها كاتهز وتحط ….فارس مخرج فيها عينيه .. يالاه حل فمو يغوت عليها ماتجريش هكاك …حتى شاف جاسم وجبار مخنزرين فيه …)

فارس كايشوف فيهم سد فمو لمحلول ونطق بتردد ) بغيت غانقوليها ماتجريش وصافي ..

جاسم مخنزر فيه) خليها …

فارس: احم واخا …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1021💎
♡°•𝔖𝔦𝔰𝔱𝔢𝔯𝔰•°♡

فارس: احم واخا …

(شيماء وجاكلين تبعو جمانة بخطوات عادية…أما هي غاوصلات للثعبان لي نزل منعلى جسد ساندرا حيت ثقيل..وبقى على الأرض جنبها ….جمانة تحنات عنقاتو بقوووة تاخرج لسانو مقجوج …وفارس مخرج فيها عينيها )

جمانة :وااااو كايحمق كااايحمق فسر فسر…

ساندرا مبتااسمة ) عرفتووو غايعبجك …

جمانة هزات راسها شافت فيها) : حمممقنييي وااش دياالك …

ساندرا :ديااالنا …

جمانة : أححح(وقفات وعنقاتها) أنا كنت مشهيا نربي دب قطبي صغير واحد بيض ولاخر قهوي بحال لوز وسكر عرفتيهم؟ ولكن تهاذ لحنيش زوين غانربيوه بجوج…

(وصلات شيماء وتحنات تاهي باستو)

شيماء : كايحمق واخا كحل ..(عندها فوبيا الظلام)

( ..وجاكلين تاهي تحنات عندو و بدات كاتهضر معاه حيت هاذيك هي قوتها …مخاطبة والتحكم بعقول الحيوانات ونطقات )

جاكلين : المامبا السوداء أندر وأخطر فصيلة ثعابين فالعالم …(ابتاسمات وشافت فجبار ناحية الشباب وعلات صوتها ) صيد موفق كعادتك لورد (وققات وشافت فساندرا ) راها أنثى ثعبان يا ليدي .. ..

ساندرا : وراه عرفت ..

شيماء كادوز يدها على رأس الثعبان) : اذن علاش سميتيه ريتشارد ..

ساندرا مزنكة ) : هه سميتو قبل منعرف راه أنثى …

جمانة محنية قفازية كااتشووف فعيون الثعبان الخضراء سااهية ) : تيعنداااك أحسن سمية كون أنا كون سميتو سراق زيت…غاحيت كحل وتايبري ..

ساندرا مخرجة عينيها) : آش كاتعني هاذ سمية…

جمانة وقفات ) أنا نشرحهالك ..دبا سراق زيت هو بخوشة دلقوادس ياكي لي كاتسرق زيت …

(وبقاو هوما بربعة كايهضرو والشباب ولبنات مخرجيين فيهم عيونهم …. جبار تنهد بعصبية وغوت تاقفزهم )

جبار : سااندراا …للجنااح داابا …(شاف فباقي لبنات والسيدات وغوووت )وأنتن دخلووو للقصر تحرركو ……

(ساندرا مباشرة تحركات هي ولبنات والسيدات داخلين للقصر ..والثعبان تابعها …. أما جبار والأعمام والشباب باقين فحديقة القصر ….جبار بعدما عطا الاوراق لباه … جبد تلاثة كلي يوسبي عطا واحد لفارس والتاني لسليم والاخر لوسيم)

جبار شاف ففارس ) نظام السجن الأمني الجديد بغيتك تضطالع عليه نتا والعم دياب بغيت رأيكم (وشاف فخوتو بجوج ونطق) ونتوما بغيتكم ديرو كل جهدكم وأكتر فمحاولة تهاكيوه..بأي طريقة اختراق ممكنة …

وسيم :أمم بغيتي تشوف واش غانلقاو فيه شي ثغرة واش نقدرو نختارقوه …

جبار ابتاسم وشاف فيه ) إيلا لقيتي فيه ولو خلل واحد وقدرتي تختارقو …طلب لي بغيتي …

وسيم وسع ضحكتو ونطق بحماس )اذن من دابا ودع سيارتك البرتقالية وهاذ الطائرة ديالك حتى هي (وأشار للطائرة ليجا بيها جبار وساندرا…غمز جبار واختفى من مكانو )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1022💎
♡°•𝔖𝔦𝔰𝔱𝔢𝔯𝔰•°♡

وسيم وسع ضحكتو ونطق بحماس )اذن من دابا ودع سيارتك البرتقالية وهاذ الطائرة ديالك حتى هي (وأشار للطائرة ليجا بيها جبار وساندرا…غمز جبار واختفى من مكانو )

فارس شاف فباه دياب ) نمشيو للشركة الأمنية ديالك تما ندرسوه …

دياب خدا منو لكلي ) ليل كولو ونتا خدام مع سليم فا سير ارتاح شويا ..غاندرسو أولا بوحدي دراسة اولية …من بعد دير نتا دراستك ليه ونقارنوهم …
//للتذكير دياب عندو شركة أمنية كبيرة مختصة ف الهاكرز وتدريب ليكارد كور ..وهو خبير فنون قتالية وهاك ..وكل هاذشي ورثه منو فارس //

(فارس حرك راسو بواخا ..والعم دياب استأذن وانساحب ومشا معاه كل من فيليكس عدنان وغسان )

جاسم لي قرأ المقدمة لي فوراقو ابتاسم و نطق وعينيه على جبار ) غانكملهم نجاوبك…

(إيفان لي خلف جاسم كايتهز على صبعان رجليه باش يشوف اش فالاوراق …غير قرأ اول سطر خرج عينيه ونطق بسرعة )

إيفان : أخييرا حطيتيه يا جبار ..(شاف فجبار ) حتى أنا بغيت نضطالع عليه قبل ماتعلنو ..

(جبار حرك راسو بواخا ..وجاسم لي مخننزر فإيفان اختفى وخلاه واقف )

إيفان ابتاسم : نسيبي لعزيز شحال ضريف (شاف فيهم) …غايكون فمكتبو غانمشي عندو (وتحرك كيجري داخل للقصر )

عصمان :أنا غانمشي للشركة كاين اجتماع مهم على تجديد عقدنا مع الألمان ..بغاو عدد أكبر من المحركات ..

خليل : وأنا للمحكمة …

(جبار حرك راسو بواخا…ومباشرة عصمان وخليل تحركو كولا ركب سيارتو … )

جبار شاف فسليم وفارس …مركز نظرو على سليم ونطق) واش لخدمة كتيرة لدرجة أسبوع ونتوما تاتباتو خدامين ومكاتجيوش تنعسو جنب نسائكم الحوامل !

(فارس سرط ريقو وحول نظرو لسليم بدون مايهضر …أما سليم بعد عينيه عن عيون جبار ونطق)

سليم : كانت شي خدمة متراكمة …فكيتها أنا وفارس …وعاد السجينين …كنت كل شويا كنزورهم بدون مانهضر كيما قلتي بالضبط …

جبار : أمم خمدة متراكمة …والسجينين (سكت شويا ونطق) ..إذن سيرو ترتاحو
اليوم ..حتى أنا غير نرتاح ..وغانجمعكم (واختفى من مكانو )

(فارس تنهد وشاف فسليم لقاه جامد مكانو مكايرمشش ..استغرب وحط يدو على كتف سليم )

فارس: أشنو واقع ؟

سليم ابتاسم باستهزاء ونطق ) والو …فعلا ماوقع والو حيت ليكانت غاتقتلني حي وغاتضرب كل مادرناه فتلك الجزيرة فالزيرو لحسن حظي هي مادارتهاش …ولكن خويا عندو ذكاء مخليه مايحتاجش يتسنى من الشخص يعبر عن اش فداخلو أو يهضر عاد يفهمو لا (وشاف ففارس ) هو راه كايفهم كولشي غير بالشوفة وعقلو مكايحبسش عن الاستنتاج …وهاذشي لي خالعني…

فارس كايشوف فيه ابتاسم ونطق)امكن فهمت هضرتك صح ..وامكن لا ..ولكن لي غانقوليك أنه سميحة فمرحلة وحام لي مأثر عليها …ماتنساش ..(طبطب على كتفه) دخل ترتاح ..(وتحرك داخل مخلي سليم واقف مكانو للحظات …عاد اختفى )

🍀🍀🍀

(نرجعو عند لبنات والسيدات ليبعدما دخلو للقصر تفرقو ..شيماء والسيدات تحركو للمطبخ بطلب من شيماء لي بغات توجد غذاء خاص بيديها على شرف رجوع جبار وساندرا …
أما لبنات لي كلهن أصلا بثياب النوم تحركو مع ساندرا للطابق التالث ليفيه أجنحتهن …غاديات وكايهضرو حتى وقفو أمام باب حناح جبار ..جمانة شدات يد ساندرا ونطقات )

جمانة : غاتنعسي !

سماح : واش من نيتك خليها ترتاح راه ليل كولو وهوما فالسماء…

(جمانة خنزرات فيها ويلاه غاتهضر تانطقات ساندرا)

ساندرا: غاندوش ونرتاح …بعد لغذاء نتجمعو ..

أميرة حركات راسها بواخا) عندي بزاف مانعاودليك …

سماح : وحتى أنا …

ساندرا : واخا اذن مور لغذا نجلسو فالحديقة …

(هاندا لي عينيها على جسد ساندرا..مدات يدها تشد يد ساندرا ولكن ماوصلاتش ليها ..الشيء لي خلاها حنات راسها شافت فرجليها المشلولين لي أصلا مكاتحسش بيهم ..للحظة دمعو عينيها ولكنها تداركت نفسها وبزربة مسحاتهم وابتاسمات …كادير فوق طاقتها باش تحسس ساندرا أن الإعاقة شيء عادي بالنسبة ليها …..هدنات نفسها ونطقات مقاطعاهن )

هاندا : واش كتاخدي شي دواء اساندرا !

(كلهن شافو فيها حتى ساندرا لي نطقات)

ساندرا: جبار كل ليلة كايعطيني جوج حبات أدوية ..

هاندا : ديالاش !

ساندرا سرطات ريقها) م ماعرفتش امكن دالاكتآب …أو دنعاس حيت كنت كنعاني من الكوابيس والأرق بزاف فلول …

زليخة شافت فهاندا ) علاش وباش عرفتي ؟

هاندا مديقة عينيها فساندرا باستغراب ) لاحظت أول ما شفتها ..وزنها زاد وشعرها كيلمع و..(سكتات كاتهضر بينها وبين راسها / هاندا : الاكتآب… مستحيل هي مافيهاش علاماتو ..وحتى ولو كانت عانات منو فلول بعد نهاية المعركة …فاراه مابقاش …..والأدوية ديالو قاصحة ومضرة كتر ماكاتنفع كاتخلي الشخص ديما مخدر وفخمول وسهو وكاتنقص من الوزن ماشي العكس ..واللورد مستحيل يعطيها هاذ الادوية لفترة طويلة ..وهي أصلا كاتبان نشيطة وتركيزها عالي… ومستحيل أيضا اللورد يعطيها منومات بشكل يومي ….(تنهدات ونطقات ) /♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1023💎
♡°•𝔖𝔦𝔰𝔱𝔢𝔯𝔰•°♡

هاندا مديقة عينيها فساندرا باستغراب ) لاحظت أول ما شفتها ..وزنها زاد وشعرها كيلمع و..(سكتات كاتهضر بينها وبين راسها / هاندا : الاكتآب… مستحيل هي مافيهاش علاماتو ..وحتى ولو كانت عانات منو فلول بعد نهاية المعركة …فاراه مابقاش …..والأدوية ديالو قاصحة ومضرة كتر ماكاتنفع كاتخلي الشخص ديما مخدر وفخمول وسهو وكاتنقص من الوزن ماشي العكس ..واللورد مستحيل يعطيها هاذ الادوية لفترة طويلة ..وهي أصلا كاتبان نشيطة وتركيزها عالي… ومستحيل أيضا اللورد يعطيها منومات بشكل يومي ….(تنهدات ونطقات ) /

هاندا : المهم ارتاحي يا ساندرا حتى للعشية …

(زليخة مديقة عينيها فهاندا …أما ساندرا مدات مجابت ..ابتاسمات لهن ويالاه غادخل حنات راسها تاتقلب بعينيها على الثعبان حتى كايبانليها مشكل دائرة حول سميحة لي خلفهن … جامدة لوسط صفرا بلخلعة ..وهو هاز راسو مخرج فمو …فا ساندرا غوتات)

ساندرا : ريييتشاااارد ..

سميحة فمها كايرجف شافت فيها) حي حي حيديهاا ع ع عليا غ غا غانسخف…

(ساندرا بسرعة شداتو من لسانو جراتو حتى بعد من سميحة …وتحنات قدامو كاتغوت عليه وهي تهدده بجبار …فحين جمانة شافت فسميحة لي دوروها لبنات ونطقات)

جمانة : سبحان الله الحنشة خلاتنا كوولنا وشنقات عليك غانتي..باينة محملاتكش…

(سميحة شافت فجمانة مخنزرة ودموع تايطيحو من عينيها وصفرا بلخلعة نطقات بعصبية وبصرااخ)

سميحة : مااااحملاتنيش كيشفتي أناا مت علييها أصلا ثعبان كهاذي ماغايبغيها غاشي سيكوباطية بحالك …

(جمانة يالاه غاتعطيها تاوقفات ساندرا بيناتهم ونطقات بحدة)

ساندرا : لبنااات بارااكا تهدنو (شافت فجمانة ) فارس بانليا عيان سيري شوفيه(وشافت فسميحة) حتى سليم من الأحسن تمشي تشوفيه ..

سميحة مسحات دموعها ونطقات مخنزرة ) سليم أصلا متايهضرش معايا ..مانشوفو مايشوفني ..غانمشي نتكا تايوصل وقت لغذا..كملو جمعتكم مع ثعبانكم (وتحركات غاديا)

(ساندرا تبعاتها بعينيها ..كاتشوف باستغراب حتى نطقات سماح)

سماح شافت فساندرا): غادة وتاتميل دايخة خلعاتها ثعبانك..فا عافاك ردي بالك ..

ساندرا ابتاسمات) كنواعدك مغانخليهش يعاود يقرب منها ..كنعتاذر …

سماح حركات راسها بواخا) غانتبعها عنداك طيح كانستأذن لييدي(وغمزات ساندرا وتحركات كاتجري تابعة توأمها ومع حجمها ووزنها الزائد كولها كاتهز وتتحط وصوت خطواتها كيتسمع بقوة )

جمانة : واااابشويا شوووري غاطيحي بينا هاذ الطبقة ..ونقصيي من دردك …

زليخة خنزرات فجمانة و دفعات بهاندا الكرسي غاديين فاتجاه المصعد ونطقات) حنا لتحت ليدي ساندرا تاتنزلي …

(ساندرا ابتاسمات وشافت فجمانة دارت ليها باي باي ..ويالاه غاتحط بصمة يدها على اللوحة الالكترونية تحل لباب دالجناح تدخل حتى شدات جمانة يدها)

جمانة: آجي رتاحي فجناحي نتي وريتشارد مرحبا بيكم ..ومنها نتعاودو …

ساندرا : ولكن جبار قاليا..

جمانة قاطعاتها) آش غايقوول آش..واش شهر وهو خاطفك ماشبعش !!أصلا داك التوت عنخمون دزمانو لي حاس برااسو غايكون وهواااا طلع ليك فراس ياك …

ساندرا مخرجة فيها عينيها) ل لاا…

جمانة : وغا أجي معايا لجناحي …

ساندرا : وفارس ؟

جمانة :غانخرجوو…باش ناخدو راحتنا أنا وياك …وأصلا هو سيمانة وهو تايخليني بووحدي متايباتش معايا فا مكنهضرش معاه راه غايشوفك يخرج رااسو من الجناح …غاازيدي ولاغوت عليك جبار غانقولها عليه لبابا …

(ساندرا يالاه غاتهضر حتى خرج جبار مخترق لباب جناحو وحيد يد جمانة منعلى يد ساندرا ….تحنى لمستوى جمانة وبيد وحدة شدها من فكها وبعج ليها حناكها بجوج بقووة حتى دخليها فمها فنيفها فعينيها ونطق مبتااسم )

جبار : غاااتمشي فحالك لعند راجلك ولا هاذ التوووت عنخموون ماغايعقل لا عليه لاعلا باك لاعلا جدك و غايخرجك فحييط(وخننزر فيها)

(جمانة مخرجة فيه عينيها لي كل وحدة فلون ..ومع باعج ليها فكها نطقات بكلام غير مفهوم)

جمانة :اطخلعنيش انقو لغا لبافا ..

جبار لي فهمها و نطق بهمس ) قوليها تالجد جد جدك زيداان وطريكتو أبا عن جد … ودبا غبري من قدااامي ولا غانقلبك نتي ودكشي لي فكرشك …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1024💎
♡°•𝔖𝔦𝔰𝔱𝔢𝔯𝔰•°♡

جبار لي فهمها و نطق بهمس ) قوليها تالجد جد جدك زيداان وطريكتو أبا عن جد … ودبا غبري من قدااامي ولا غانقلبك نتي ودكشي لي فكرشك …(طلقها وشد يد ساندرا يالاه استدار يدخل تاتفكر شيء فا رجع شاف فجمانة تحنى لمستواها حط اصبع واحد على جبهتها ونطق وعيونهم متقابلة ) راه بربي ونشوووفك اليوم مختاارقة جناحي وداخلة عندي…. حتى نحيدليك قواك ..وننفيك غانحطك فسجن منفرد حتى تولدي …… ….اوا تحدايني نشوف ..(ومباشرة تحنى هز الثعبان بيد وتحرك جار يد ساندرا لي مخرجة عينيها فيهم ..اخترق باب جناحو بساندرا والثعبان …مخليين جمانة واقفة مخننزرة )

جمانة كاتماصي فكها بيدها ) : حگار …(جاتها لبكية فا تحركات بخطوات سريعة فاتجاه جناحها كاترعد بلخلعة من تهديدو ….دخلات وخبطات لباب تاقفز فارس ليكان عاد خارج من دوش لاوي عليه فوطة …وقف كايشووف فيها ..تحركات بزعاف جلسات على سريرها مخنزرة )

فارس قرب منها ..وقف قدامها ونطق) مالكي !؟

جمانة هزات وسادة عظاااتها عاد نطقات): واالو غييير جبار حيد ليا ساندرا وهددني …

فارس : اه اوا مزيان منلي جات غير فالتهديد ..كنت كانتسنا نسمع غواتك باش نجي نفكك منو …

جمانة خنزرات فيه ) أصلا بحاللك بحالو بابا حسن منكم بجوج …

فارس تنهد وجلس حداها ) دابا أنا آش درت تاني؟

جمانة مخنزرة فيه) فيين بتي لبارح تاني ها !

فارس خدا يدها باسها) راه قلت ليك فمسجات أنني مع سليم ..

جمانة جرات يدها منو) :أهاه سليم تااني سيمانة ونتا كل مرة بايت برا وكل مرة تقولي سلييم..

فارس : حيت هاذي هي الحقيقة …ماعرفتش مالو وماقدرتش نخليه بوحدو ..

جمانة مخنزرة فيه …وقفات و عينيها دامعين ..جات قدامو وحطات يدها على كرشها) واش مابقيتش كنعجبك حيت ولات عندي كرش ياك ..ولا حيت وليت كنعس بزااف بسبب الاكتآب لي دخلت فيه بعد المعركة …

(فارس خرج فيها عينيه ويالاه غايهضر حتى نطقات)

جمانة : ولا حيت مابقيتش كنخليك تقيسني حيت كنتوعت وخايفة علبيبي ؟

فارس خنزر فيها ووقف ) جمانة نعلي شيطان و..(نطقات مقاطعاه)

جمانة :كاتخوني ياك ؟ شكون هاذي..

فارس كيشوف فيها بصدمة ) واش بعقلك (حط يدو على جبهتها )واش هاذشي كولو حيت بت تلاثة دليالي برات القصر …

(جمانة حيداتلو يدو مخنزرة فيه …مجاوباتوش وتحركات تكات بلاصتها ..وهو تنهد بهصبية وتبعها جلس حداها يالاه مد يدو يعنقها حتى اخترقت يدو جسدها )

فارس: تاني يا جمانة !

(جمانة مجاوباتوش …زير على يديه كااابت غضبو كلما تقلقات منو تفعل اختراقها وتتجاهله ..ورغم ذلك ابتاسم ..وناض للدريسينغ لبس عليه شورط …ورجع تكا حداها بعيااء وهي عاطياه بالظهر .. جرب يقيصها تاني ..ولكنها مفعلة اختراقها …تنهد وتقلب على ظهرو و حط يديه على عينيه ..)

🍀🍀🍀

(أما سميحة لي وصلاتها سماح لأمام باب جناحها …)

سماح : واش وليتي بخير ؟

سميحة حركات راسها بواخا ) طيرها مني لحنش …

سماح : مرة أخرى ماتخافيش حيت اللورد متحكم فدماغه كليا راك سمعتي العمة جاكلين قالت لينا أنه أخطر أنواع الثعابين …كانظن اللورد حاطو لحراسة الليدي ساندرا فا الثعبان ماغايآذيناش ..

سميحة شافت فيها سرطات ريقها ونطقات بصوت جد منخفظ ) واخا نسولك..

سماح شدات يدها مخنزرة ) مالكي تاني أسميحة ..كتر من أسبوع ونتي مبدلة وأنا كانسول ونسايس فيك تقولي ليا ووالا بغيتي تهضري …آشنو عندك ومالك مع راجلك..

سميحة عينيها دامعين سرطات ريقها وحطات يدها على كرشها وشافت فكرش ختها ونطقات ) واش عمرك مافكرتي أن واحد من التوام لي نتي حاملة بيهم يقدر يكون هو اللورد المستقبلي لصنفنا♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
💎الجزء 1025💎
♡°•𝔖𝔦𝔰𝔱𝔢𝔯𝔰•°♡

سميحة عينيها دامعين سرطات ريقها وحطات يدها على كرشها وشافت فكرش ختها ونطقات ) واش عمرك مافكرتي أن واحد من التوام لي نتي حاملة بيهم يقدر يكون هو اللورد المستقبلي لصنفنا (هزات نظرها لوجه ختها لي مخررجة فيها عينيها وكملات كلامها) أنا وليت كانفكر غير فهاذشي طول الوقت …يعني دبا ساندرا تلعنات اذن هي ماغاديش تولد ياك ولات عاقرة إذن راه اللورد جبار عمرو يولد اذن اللورد المستقبلي غايكون هو شهاب و ..(وسكتاتها سماح منلي حطات يدها على فم سميحة …)

سماح مخررجة عينيها فعيون ختها وهي ضاااغطة ليها على فمها كاترجف بالأعصاب نطقات بهمس) شششششت وااش تسطيتي ولا مالك آشنو كااتخربقيي نتي آش دااك لهاذشي (شافت فجنابها وكل كلامها بهمس ولكن بعصبية) واش واش باغيا تخرجي على راسك و(خرجاات عينيها أكتر ونطقات بسرعة) سلييم سلييم قلتي ليه هاذشي يااك قلتي ليه هاذ تخربيق ديالك داكشي داااكشي باش هو مكيهضرش معاك ؟ داكشي باش هو أسبوع وهو غابر عالقصر قول نتي قهرتيييه بهاذ لهضرة (حيدات يدها منعلى فم سميحة وشداتها من كتفيها كتدي وتجيب فيها وكاتهضر بعصبية)وااش هرب لييك لمخ ولا شنو كييفاش أصلا تتجرئي تفكري هكاا بعد هاذشي كوولو …

(سميحة لي كاتبكي ..ضراتها سماح حيت ضااغطة ليها على كتفيها ..حركات راسها بلا ونطقات)

سميحة:، غ غ أنا غاكنسول و..

سماح غووتات ) ماااتسولييش ماااخاسكش أصلا تفكرييي فهاذشي ماخااسكش تهضري هكاك على سااندرا قداام تواحد يا سميحة وخصووصا سلييم ..وهي ماشي عاقر وحشوومة عليك أصلا تهضري هكا بعد كل مادارتو هي على قبلك..

(سميحة حنات راسها تاتبكي وسماح لي كاتهضر مصدومة)

سماح : مافهمتش نتي ماشي هكا مستحيل نتي تفكري هكا !نتي عمرك ماكنتي هكا

سميحة هزات راسها شافت فتوأمتها ) أنا ماقصدتش و ..

سماح قاطعاتها بصراخ) سكتييي يا سميحة سكتيي سدي فمك ونصيحة …خوي مخك من هاذ الأفكار فمرة وإلا راك غاتجيبيها غير فرااسك والمشكل غاتخرجي على راجلك تاهو …..سليم يا سميحة مستحيل يسمح ليك واخا كايعشقك بهاذ الأفكار ديالك نتي غاتخسريه هو مستحيييل يقبل يتحط مكان خووه عسااك يفكر أن ولدو شينهار غايتحط بلاصة اللورد جبار خصوصا أنه بسباب سليم وعلى قبلك نتي اللورد والليدي تحرمو من لولاد تيقييني لابقيتي كاتفكري هكا والله ماغايسمح ليك …غايهجرك (حركات راسها بلا مصدوومة ) ولامشا اللورد جبار تاعرف طريقة تفكيرك …تيقيني ماغايعقلش عليك لانتي لولدك …فيقي أسميحة ماتخسريش برائتك بهاذ الأفكار…

سميحة حانية راسها )أنا ماقصدتش العيب أو..

سماح قاطعاتها ) أصلا أنا مامستوعباش انك كاتفكري هكا نتي ماشي هكاا شكون دخليك هاذ الافكار لراسك ؟ …

(سميحة ماجاوباتش …
الشيء لي خلا سماح طلقاتها بزعاف وتحركات غاديا فحالها مع لكولوار مصدومة وتالفة وكتهضر غاراسها )

أما سميحة لي حانية راسها نطقات بهمس) مالكم كلكم كاتتجاهلو الحقيقة …تاواحد ماباغي يستوعب تاواحد ماباغي يتيق تلك اللعنة (مسحات دموعها) ولكن راها حقيقية ..وكلكم عايشين فوهم …(هدنات نفسها عاد حلات باب جناحها ومباشرة دخلات حانية راسها وغادية فاتجاه سريرها ….حتى دخلات فيه رجعات باللور وكانت غاطير لولا أنه شدها غير خدات توازنها هزات راسها شافت فيه …هو مباشرة عنقها بقووة خاشيها فحظنو وصدرو العاري المبلل …خاشي وجهو فعنقها تنفس بعمق ونطق بهدوء)

سليم : ماتيقيش شحال فرحت من ردت فعلك ..قد ماكنت خايف…قد مافرحت…

(سميحة مافهمات والو فا بقات ساكة …هو تكعد من حظنها وشد وجهها بين يديه)

سليم : كنعتاذر على داك نهار امكن بالغت فعصبيتي ..ماغاننكرش أنه فكرت فيك بطريقة غلط ..ظنيتك طامعة فبلاصة الليدي أو فرحانة أنها أجهضت ..

سميحة خرجات فيه عينيها) أ أنا مستحيل نفرح حيت هي خسرات ولادها و..

سليم قاطعها) عارف ..عرفت اليوم من ردت فعلك معاها ان قلبك صافي وأن كل شكوكي غلط (عنقها تاني مزير علييها وهي مع حطات راسها جهة قلبو سمعات سرعة دقاتو ميلات فمها بحزن) كنعتاذر حيت بالغت داك نهار وغوت وهددتك وتجاهلتك طول هاذ الأسبوع (خدا يديها بجوج باسهم) كنعتاذر …

(سميحة مكتفية أنها كاتشوف فيه ..ماعرفات ماتقول …حتى هزها بخفة بين يديه ..)
■■■■

نرجعو لجناح جبار لي بعدما دخل ساندرا …تحنى حط الثعبان على الأرض ..عاد وقف شاف فيها مخنزر فحين هي حلات فمها فالجناح لي ………

يتبع

Leave a comment

  1. جبار عارف سميحة فاش كتفكر ميمكنش يفوتها غي ساكت كيخطط لشي حاجة

  2. ايمتا غتحطو الأجزأء و تكملوها 🚨 🚨 تباركلاه عليكم

  3. اختي فوقاش لكمال راه من شحال هادي او انا كنتسنا