Skip links

قصة : الوحش وذات القزحتين الجزء 2 ( عشق جبابرة) 91

 5,545 عدد مشاهداات

♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 981🔮
♡°•𝔖𝔦𝔰𝔱𝔢𝔯𝔰•°♡

(تتمة)
(ساندرا شافت فجرح اصبعها لقاتو اختفى بفعل قوة الشفاء دجبار ….بسرعة لاحت السكين لبعين وتكات على الأرض الباردة كاتبكي وهي متكومة حول نفسها …)
🍀🍀🍀🍀🍀
فنفس الوقت
ونرجعو للمغرب ..وبالضبط فحديقة القصر فجلسة راقية بفوطويات امام بيسين ….جالسين البنات ….سماح وسميحة …وجمانة وهاندا …وأميرة ….

سماح لي هي أكتر وحدة منهن تزادت فالوزن فهاذ الشهر …لدرجة وصلات لوزن عمرها توقعاتو ….. بسبب وحمها لي خلق ليها شراهة على الأكل بحيث كتاكل وهي كاتحس أنها مكاتشبعش …وهاذشي مخليها طول الوقت معصبة وكاتشكا ..وخصوصا أنها أصلا مكانتش باغيا تحمل ..

أما جمانة فالعكس ..هي كسميحة الحمل زادها جمالا عن جمالها وهي أكثر وحدة مزالة محافظة على جسدها ولي ماركزش فيها مستحيل يتوقعها حامل حيت كرشها مابايناش ….

….هاندا جنبهم جالسة على كرسيها المتحرك الحديث …من أحدث كراسي ذوي الاحتياجات الخاصة لي جابوليها خليل من أمريكا .. كاتتحكم بيه كيما بغات غير بالأزرار الشيء لي مسهل عليها الحياة بلا الممرضة المختصة لي كايخلصها خليل غير باش تبقا جنب هاندا 24 ساعة تلبي احتياجاتها وأوامرها … …

هاندا على كرسيها جنب الفوطوي فين جالسين لبنات …بفستانها الصيفي الأصفر وابتسامتها لي مكاتفارقهاش …كاتشوف فتلفونها وهي كاتميساجا معاه ..وحتى لو تعطل عليها فالرد ..كاتعاود تقرا المحادثات بيناتهم من لول وهي مستمتعة ….واقفة خلفها ممرضتها …فحين سماح بفستانها الأسود الفضفاض ..جالسة عالفوطوي مخننزرة وكتاكل فالدجاج المشوي وهي كاتهضر مع ختها ..سميحة لي جالسة جنبها وجنبها من الجهة الثانية جالسة أميرة لي ساااهية ولكن مشاركاهم الحديث …أما لفوطوي لي مقابل معاهم ..متكية جمانة لي ساااهية وساكتة كأنها مامعاهمش ..)

سميحة : ركيل ركيل ركيل مكيرصااش ..

أميرة : آشنو متوقعة من جنين كجنينك …(الممرضة البشرية معاهم)

سماح كتغزز فعظام الدجاج ) ياااريت هاذو ليعندي غااايركلوو واايسلخوو دلمي كااع غايحبسو عليا هاذ الشراهة دالاكل راه قربت نطرطق …

سميحة : واييه عرفتي قداش وليتي تباني ( ضحكات) هههه مابقيتيش تباني توأم ديالي وليتي أغلض وحدة فنساء القصر …

سماح شافت فيها مخنزرة ) قووولي ليا شيحاجة جديدة ولا سكتييي (غوتاات وعينيها دمعووو ) أصلا هاااذشي علاش مااابغييتش نحمل من لووول ووسيم قولبني والله ماكنت بااغيا دبااا شيولااد ..قولبني فالزواج ..وقولبني تافموضوع الحمل ..(شافت التاتو لي فيدها ) ماغاندوزهالوش غابلاتي ….واكرشي كلها تشرطااات ولحمي ترخا وظهري كاضرني ألبناااات ..

أميرة : راك هازة توام ..فا اشنو متوقعة !

سميحة : وامتزيديش فيه أصلا غاولدي وديري ريجيم وسبور وهانتي رجعتي فورمتك …

سماح : كنحس انه ماغايوصل وقت ولادتي حتى نولي قد المنطاد ..غايخسهم رموك باش يجيو يهزوني من القصر للمستشفى …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 982🔮
♡°•𝔖𝔦𝔰𝔱𝔢𝔯𝔰•°♡

سماح : كنحس انه ماغايوصل وقت ولادتي حتى نولي قد المنطاد ..غايخسهم رموك باش يجيو يهزوني من القصر للمستشفى …

هاندا هزات راسها من تلفونها ونطقات ) غير مرحلة وحم وغاتفوتك يا سماح ..غير صبري وحاولي ما أمكن تسيطري على الشراهة لي كاتجيك ..مثلا منلي تشهاي شيحاجة كولي منها شويا..لقياس وبعدها باش تحبسي أكل تفكري شيحاجة كاتعافي منها ونفسك غاتروع عليك وغاتحبسي أكل ..

سماح شافت فصحن الدجاط لي فيدها بقاو غالعضام ..ضربات دجاجة فنص ساعة ..الدموع طاحولها ونطقات ) : علاه أنا فاش كانبدأ الدغمة لولا كااانعقل على راسي …

(قاطعاتهم زليخة لي وقفات عليهم وتلاحت بعياء جلسات على لفوطوي لي متكية عليه جمانة وحطات يدها على راسها)

زليخة : الشمس طنطناتلي مخي ..كنحسو كايغلييي…

(جمانة لاحظات قطرات دم على لبودي الأبيض دزليخة ..وتكعدات مخرجة عينيها )

جمانة : أشنو وااقع واش ضاربتي ؟

(زليخة شافت فيها لقاتها تشير لنقط الدم وابتاسمات ..وشافت فالممرضة دهاندا )

زليخة : أنا جيت وغانبقا انا ولبنات مع هاندا…فا تقدري تمشي …

الممرضة : السيد خليل قال..

هاندا قاطعاتها ) غير سيري ترتاحي شويا ..فاش نحتاجك غانعيط ليك …

(الممرضة حركات راسها بواخا…واستدارت مغادرة تحت أنظار زليخة لي حتى تأكدت من مغادرتها عاد نطقات )

زليخة : ماشي دمي … كنت أنا وعصمان فجلسة تعذيب للخائنين تاني (مسحات على وجهها ) ولكن واالو ماقدرنا ناخدو منهم تاحرف…

جمانة حنات راسها ونطقات ) خويا جبار لي غايهضرهم ..(سكتو مع سكاتها ..حتى رجعات نطقات بصوت باكي ) يا ترى فينهم ..وكيبقات ساندرا (هزات راسها بعيونها الحمر لي كينزفو دموع وشدات يد زليخة ) نتي عارفة فينهم ياك قولي ليا ..أنا بغيت نعرف غير وضع ساندرا ..

زليخة : أنا بحالك يا جمانة ..ماعارفة عليها والو ..وجبار كنصونيلو كايجاوبني آه ولكنه كايجاوب غير على أسئلة متعلقة بالخدمة والعشائر فقط كنسولو عليها لا أنا لاغيري كايقطع الخط وراه كتر من أسبوع ماهضرت معاه …ولكن راه باينة قريب يرجع راك شفتي هاذي أربع أيام والعمال فجناحو بدلوه كولو بأمر منو لجناح آخر كولشي فيه تبدل …

جمانة حركات راسها بلا وهي كاتمسح دموعها ) هاذشي مكايدلش على أنه قريب غايرجع…

زليخة: وماتعرفي …قريبا غايرجعو ..

جمانة حطات يدها على قلبها كاتبكي حانية راسها )تاوحدة منكم مافاهمااني .. تيقوني مرة مرة كانحس بحالا عندي جمرة هنا ..بحال دبا فهاذ اللحظة حاسة بقلبي شاعلة فيه لعافية ..وأنا متأكدة أنه إحساسي هذا مرتبط بيها .. منلي كانحس هكا هي كاتكون عندها شيحاجة ..غاتكون كاتبكي ولا فخطر ولا..

(قاطعاتها زليخة منلي جراتها عندها عنقاتها ونطقات )

زليخة : ساندرا تبكي أو فخطر .. ههه مستحيل يا جمانة حتى مايكونش عندها جبار ..راك عارفة خوك …

(جمانة سرطات ريقها منلي حسات بصوت زليخة المرعود …هزات راسها من حظنها وشافت فيها ..كانو عيون زليخة عامرين دموع ..دورات راسها شافت فالبنات وحدة وحدة لقاتهن كلهن بدون استثناء ..كايبكيو فصمت ..فا مسحات دموعها ووقفات )

جمانة : غانمشي لجناحي …

زليخة وقفات وشدات يدها ) مزال لحال أجمانة و ..(سكتات ثواني عاد نطقات ) واش نعيطليك لطبيبتك النفسية…

جمانة نترات يدها من يد زليخة وخنزرات فيها وغوتات كاتبكي ) نتي عارفة مابقيتش كانشووفها انا مامحتاجاهاش ماعندها مادييرليا واش الطبيبة النفسية غاطفيلي لعافية لي عندي هنا ( وأشارت لقلبها ) تاوحدة منكم ماغاتفهم إحساسي حيت تاوحدة منكم ماتولدات فنفس الدقيقية والساعة والثانية واليوم والسنة مع ولادة ساندرا وتاوحدة منكم ماتولدات مرتبطة حياتها بحياة ساندرا و تاوحدة منكم ماعلاقتها وطيدة مع ساندرا بحال علاقتي بيها والظاهر ليا انه تاوحدة منكم أصلا مامسوووقة لييها (وشافت فسميحة مخنننزرة ) فاا نخلييكم كملوو ضحككم وتقشابكم التافه …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 983🔮
♡°•𝔖𝔦𝔰𝔱𝔢𝔯𝔰•°♡
جمانة نترات يدها من يد زليخة وخنزرات فيها وغوتات كاتبكي ) نتي عارفة مابقيتش كانشووفها انا مامحتاجاهاش ماعندها مادييرليا واش الطبيبة النفسية غاطفيلي لعافية لي عندي هنا ( وأشارت لقلبها ) تاوحدة منكم ماغاتفهم إحساسي حيت تاوحدة منكم ماتولدات فنفس الدقيقية والساعة والثانية واليوم والسنة مع ولادة ساندرا وتاوحدة منكم ماتولدات مرتبطة حياتها بحياة ساندرا و تاوحدة منكم ماعلاقتها وطيدة مع ساندرا بحال علاقتي بيها والظاهر ليا انه تاوحدة منكم أصلا مامسوووقة لييها (وشافت فسميحة مخنننزرة ) فاا نخلييكم كملوو ضحككم وتقشابكم التافه …
زليخة شدات يدها مخنزرة فيها ) تهدني واش تسطييتي وهااذي ماشي هضرة ..نتي ماعااالماش آش فقلب كل وحدة منااا ..ومستحييييل مانكونوش حاسين بيها.. و …
(سكتات منلي جمانة نترات يدها تاني من يد زليخة وتحركات بخطوات سريعة مخليا مجمعهن …زليخة جلسات شادة راصها بعصبية ونطقات)
زليخة : وضعها النفسي غادي وكايتراجع والحمل زايد عليها تامن فارس ماقدرش يضبط لسانها كاتبقا تغوت تاتعيا وهو كيبقا ساكت …وكونما الليدي شيماء لي مكاتفارقهاش كون كانت متأزمة كتر من هكا هي راه ماغاتهدن تاتشوف ساندرا …(هزات راسها شافت فلبنات لي كيبكيو ) فا غانقوليكم تاني ماتديوش عليها راه ماشي لخاطرها ..ماتخليوش هاذشي يخرب علاقتنا ..
سميحة وقفات كاتشهق نطقات بصوت مرعود ..كولها كاترعد لدرجة كاتميل ) ل ل لا هي هي راه راها ماقصداتكمش نتوما بهضرتها …هي راه ديما كاتقصدني غا أنا ..كاتقتلني بشوفاتها غا أنا ..وأصلا أنا عارفة أنه كلشي بسبابي أنا البنات… ماغانحتاجهاش هي فكل مرة تفكرني ..أصلا غير كانشد فيد راجلي المبتورة الاصبع كنحس بالقهرة …كولشي بسبابي عارفة..فا قولو ليها ماتبقاش فكل مرة تفكرني .. ( وتحركات كاتجري مغادرة فحين زليخة غوتات )
زليخة : وااااا ياااالاه… غاااتحمقوووني من وحدة لوحدة مابقيتش فاهمة آش واقع ليكم …(غوتاااااات )لعاااار ياااا ساندراااااا فينك …..
🍀🍀🍀🍀
ساندرا حلات عينيها عالجهد ..وناضت قافزة كاتشوف حواليها …. لقات نفسها مزالها بلاصتها ..كانت مستلقية على الأرض الخشبية دالكوخ …بقات كاتبكي تانعسات …وهاهي ذي جالسة كاتشوف فكل أنحاء الكوخ…وقفات بسرعة شافت فالساعة كانت الرابعة مسائا …..يعني من صباح وهي ناعسة على الأرض حتى للمساء ….. …جلسات على السرير ساهية وكل ماوقع صباح وكل كلام جبار كايتعاود فبالها …شافت فيدها لي عليها الدم كارم …دمها ودمو …وقفاات كاتجري للدوش غسلات يدها مزيان من الدم …غسلات وجهها ..فكات شعرها لقاتو نشف فا رتباتو بيديها وخلاتو مطلوق ..ورجعات للمطبخ جمعاتو ونقاتو ووجدات أكل خفيف ..حطاتو فالطبلة وغطاتو …. وجلسات على السرير ظامة رجليها عندها…وهي ساااهية …مرت عليها الساعة الأولى …والساعة الثانية..وهي غير كاتتسناه …وكل شويا كاتتحسس الطاقات فمحيطها …مكاتبانش ليها بمرة طاقتو …يعني هو فمكان بعيد عنها بزااااااف ….الخوف بدأ كايطلع معاها …وفكرة وحدة كاضور فبالها …..وهي أنه ماعالجش الجرح لي فصدرو …وخلا نفسه ينزف …أو وقعات ليه شيحاجة …..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 984🔮
♡°•𝔖𝔦𝔰𝔱𝔢𝔯𝔰•°♡

ساندرا اكتاسحها خوف شديد …وفكرة وحدة كاضور فبالها …..وهي أنه ماعالجش الجرح لي فصدرو …وخلا نفسه ينزف …أو وقعات ليه شيحاجة …..

( شافت فالساعة لقاتها 6 مسائا ولحال بدأ كايظلام …وهي تخرررج عينيها ووقفات صفرا ..تحركات بخطوات سريعة حلاب باب البالكون خرجات ليه كاتشوف فالغابات لي ضايرين بالكوخ وهي تتحسس الطاقات بدون نتيجة …ماقدرات تتحسس حتى ذرة طاقة متحول …سهات فالغابات ونطقات)

ساندرا : لهاذ الدرجة تقلقتي مني يا جبار (حركات راسها بلا ) حتى لو تقلقتي نتا ماتخلينيش بوحدي نتا ماتخلينيش يا جبار ..وبعد كلامك فالصباح أنا فعلا استوعبت أنك مستحيل تخليني إلا إذا متي…..

(وسكتات مخررجة عينيها بصدمة لثواااني ..وهي دخل كااااتجري للكوووخ خشات سبادري فرجليها بلا حتى ماتعقد السيور أو خيوطها ….وخرجات من الكوخ كاتجري بجهالة لدرجة عكلوها سيور وكانت غاتجي على وجهها فالدرج…دخلات للغابة كااتجري وهي كاتشوف حواليها ..لمدة عشر دقائق وهي كاتجري فالغابة عاد وقفات كاتلهث تنفسات بعمق وبدات تتحسس الطاقات فمحيطها تاني …ماحساتش بطاقتو ..وهي تتقدم كاتجري تاني فالادغال وكل شويا كاتحبس باش تتحسس الطاقات ..مكاتلقا والو وترجع تجري حتى قربات تقريبا لنهاية الغابة ..لي موراها الشاطئ والبحر ..

فا بعد ساعة من الجري حبسات كاتلهث تحنات حاطة يديها على ركبتيها ولعرق كيهبط مع جبهتها …تنفسات بعمق وتكعدات كاتشوف حولها ..لخلا وغير الشجر …والظلام بدأ كايصعب عليها الرؤية …سرطات ريقها بعدما سمعات حركة غريبة فالمكان لي هي فيه ..تحسست الطاقات مرة أخرى …وماحساتش بمرررة بطاقتو …الدموع عمرو عنيها …داخت وهي كاتفكر …آشنو غادير…هي وصلات لآخر الغابة وماحساتش بطاقتو …والجزيرة ماكبيراش ونطاق تحسسها للطاقات جد واسع وخصوصا وهي كاتتحرك كاتجري وهي توسع نطاق بحثها عن طريق تحسس طاقته …يعني لو كان على الجزيرة كانت غاتحس ولو بجزء قليييل من طاقتو الهائلة…..

فشلات وجلسات على ركبتيها فوق العشب ..دموعها طاحو حسات بالضياع ….مستحيل يخليها آه …ولكن فينو …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 985🔮
♡°•𝔖𝔦𝔰𝔱𝔢𝔯𝔰•°♡

فشلات وجلسات على ركبتيها فوق العشب ..دموعها طاحو حسات بالضياع ….مستحيل يخليها آه …ولكن فينو …

وهي ساهية فأفكارها كاتبكي حتى قفزات واقفة منلي نقز قدامها فهد بالغ …وبدأ كايضور عليها…..

ساندرا لي بدأ صدرها كايطلع ويهبط ..بتنفس سرييع …مسحات دموعها وبسرعة نطقات بكلمات تعويذة الناار ..وشعلو يديها بجوج بلهيب قوي أضاء المكان ….)

ساندرا وعيونها على الفهد ) سير عافاك.. مابغيتش نآذيك …

(الفهد لي فوضعية الهجوم يتربص بها …رغم النار لي طالعة مع يديها بجوج حتى لكتفيها …مابعدش …وهي ركزات فعيونو محاولة تتواصل معاه بدون نتيجة فا ضحكات على نفسها باستهزاء ونطقات)

ساندرا : مابقيتيش ساحرة كل العناصر يا ساندرا …مابقيتيش مختارة وعنصر الحيوانات مابقاش عندك و ماشي هو عنصرك باش تفهميه الفهد ويفهمك وتتحكمي بيه …(وبسرعة وجهت نار يديها للفهد لي اندفع منقضا عليها لولا النار لي رداتو ..وخلاتو يتراجع وهو يضرب بأطرافه على الأرض بقوة ويصدر أنين قوي عاالي الصوت ..وبعدها يتحرك مسرعا فالجهة المعاكسة لساندرا ليختفي بين الأشجار )…

[الأنين أو الهدر أوالهسهسة
هي أسماء الأصوات التي يطلقها الفهد عنما يتعرض للخطر أو الإزعاج أو الهجوم تكون هاذ الأصوات مقترنة بضربات يقوم بها الفهد بأقدامه بقوة على الأرض،]

(ساندرا أطفئت النار لي فيديها بإبطال التعويذة وهي كاتشوف فالمنحى لي هرب منو الفهد )

ساندرا : سمح ليا ماقصدتش نآذيك …(دورات راسها للناحية الأخرى ويالاه غاتبدأ تاني تتحسس الطاقات فمحيطها حتى سمعات هاذ المرة صوت فحيح.. شافت مباشرة على يمينها فمصدره ..بانليها ثعبان كبيير أسود قااتم اللون خارج من الشجيرات ناحيتها ….وواخا الظلام ..هي قشعاتو بسبب حجمو … وبثقافتها العامة قدرات تميز نوعو غير من شكلو ولونو وطولو .. ….
ثعبان المامبا السوداء. كايتصنف على أنه أخطر ثعبان في العالم، وبطول 4,5 مترا هو أطول ثعبان سام في أفريقيا والثاني في العالم. وهو أكثر الثعابييين شراسة وفي عضة واحدة يمكنه بث حتى 400 ملليغرام من السم…..

(ساندرا الماااء هبط ليها فالركااابي وولات صفراااا …)

ساندرا : لحناش لا ..لا لحناش لا سبع نمر ضبع أي حاجة ولكن لحناش ولعقارب لا …. (وقبل ماتكملها بانليها الثعبان جاي ناحيتها … التعاويذ تخربقولها فالدماغ واللسان باش تنطقهم تربط ليهة ….فا ضارت وعطات رجليها للريح …كاااتجري وتشوف موراها وواخا خلات الثعبان موراها بمسااافة ماحبساتش من الجري توغلات تاني فالغابة…وماحبسات تاعيااات نيت بالجري ..وقفات كاتلهث وهي كاتشوف موراها …. …حطات يديها على قلبها لي غايسكت وصورت الثعبان مابغاتش تحيد من بالها ……حتى حسات بشيء موراها …الدم هرب من وجهها وجمدات مكانها تاني …ومع حسات بحركة خلفها مباشرة ضارت بسرررعة وهي هازة يديها باش تخبي بيهم وجهها كردت فعل لا إرادية …ومع الضورة وهزت اليد لي جات مباشرة فخد جبار جامعة معاه بتصرفيقة تسمع تردد صوتها فالمكان تاضار وجهو…)

(ساندرا حطات يدها على فمها مخررررجة فيه عينيها …وهو حط يدو على حنكو ..وضور وجهو شاف فيها هاز حاجبو ونطق ببرود )

جبار : صفعة رجعات ليا ذكرياااات …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 986🔮
♡°•𝔖𝔦𝔰𝔱𝔢𝔯𝔰•°♡

جبار : صفعة رجعات ليا ذكرياااات …

(ساندرا لي مخررجة فيه عينيها بدون تصديق أنه واقف قدامها بصحتو وماعليه تاخدش …وبلا ماتحس نقزات عليه بتعنيقة مدورة يديها على عنقو بقوووة مغمظة عيونها …وحتى هو دور يد على خصرها هازها ورجليها مواصلينش للأرض …ويدو الأخرى كيحك بيها خدو …..وهو غاطس وجهو فعنقها وعطرها ….ثواني لي استمرو لدقائق عاد وعات على نفسها ..وتكعدات من حظنو وهو حطها كيشوف فيها نطق بحدة ..)

جبار: آش مخرجك ؟

(ساندرا مع هزات عينيها تجاوبو بانليها خدو حمر ..فا نطقات بسرعة )

ساندرا : ماقصدتش نضربك على وجهك (جبار قاطعها )

جبار : عرفت ..!(بانليه سيور سبادري ديالها مفكوكين وتحنى قفازي أمامها كيعقدهم ليها وهي حانية راسها كاتشوف فيه )

ساندرا : راه تخلعت بزاااف ظنيتو هو تبعني …كنكرهوو مكنحملووش …

جبار هز راسو شاف فيها ) : هو !(كمل عقد السيور ووقف ) قصدك ..(وهز راسو كيشوف للأمام أي خلفها …وهي دورات راسها تشوف لاياش أشار ليها …غير بانليها الثعبان خلفها بخطوة وحظة وهو مخرج لسانو …نفسه ثعبان المامبا السوداء الطويل ….وهي تغووووووت ونقزات تاني فحظن جبار كاتفركل وهي كاتغووت )

ساندرا :وااا لا لا لا …

جبار : أتهدني …

ساندرا : وااا لا بعد بعدو بعد…

جبار : أنا متحكم فيه غير تهدنيي…

(ساندرا سكتات من لغوات كاتتنفس بسرعة …دورات راسها بانليها الثعبان بعد عنهما بمسافة وحبس …عاد هبطها جبار ..وربع يديه مخنزر فيها )

جبار : ماجاوبتينيش !

ساندرا حانية راسها كاتهضر وكل شويا تشوف بنص عين فالثعبان) في فين كنتي ..خرجت نقلب عليك ..

جبار ابتاسم باستهزاء ) ظنيتيني مشيت وخليتك ..

ساندرا هزات راسها شافت فيه وحركات راسها بلا ) تيقني مافكرتش هكا ولو للحظة ..بل ظنيتك (وشافت فصدرو العاري ) ماعالجتيش الجرح وبقيتي كاتنزف حتى فقدتي الوعي ..او وقعاتليك شيحاجة حيت طاقتك اختفت من على الجزيرة …

جبار مد ليها يدو ) نرجعو للكوخ مشي ..؟

((ساندرا شافت فيدو الممدودة ليها ..ثواني عاد مدات يدها شابك أصابعه مع أصابعها ..وتحركو كايتمشاو وسط الغابة فمحادات بعض…الصمت طغى عليهم لثواني عاد كسره جبار)

جبار : كنت فالبحر … كنعوم وماحسيتش حتى بعدت بمسافة كبيرة عن الجزيرة ..

(ساندرا شافت فيه وعيونها عامرين دموع ..ويالاه غاتهضر لكنها مترددة ..حتى تراجعات ..حنات راسها ساكتة …وهو كيشوف فيها بطرف عينو …عارفها باغيا تقول شيحاجة …ولكن كعادتها المتأصلة فيها ..فظلت السكوت …وهو كذلك سكت …شعل يدو الأخرى بالنار باش يضوي الطريق إمامهم…..واستمرو فمشيهم وسط الغابة بخطوات عادية ….غادية جنبو خاشية يديها فدراعو وهي حانية راسها ساهية فأفكارها …أما هو فا كيشوف فيها بطرف عينو ..باغيها تهضر ..باغيها تقول لي فقلبها ….ولكن سكاتها خلاه يغلي من الداااخل ..وأسلوب الترهيب والتهديد والصراخ ..ماشي فصالحو بسبب نفسيتها المهزوزة …غير غايزيد يكفسها عليه معاها …فا دوزو الطريق فالسكات …ومع هي ساهية ماحساتش بطول الطريق …حتى وقف ..وهي حبسات ومع هزات راسها لقاتهم وصلو أمام الكوخ ….شافت فيه لقاتو كيشوف فيها سرطات ريقها ويالاه غاتحني راسها حتى حط يدو على خدها مانعها ..وعينيه فعينيها هي لي كاتحاول جهدها تبعد نظرها عنه ..نطق بهدو)

جبار : كانعتاذر على صباح …كنت معصب وماشي منك ..غير جيتيني فالطريق…

ساندراقاطعاتو بسرعة ) :أنا راه صباح ماكنتش كان ..(تداركت نفسها وسرطات ريقها ساكتة لثواني عاد حنات راسها ونطقات )وأنا كانعتاذر حيت رفعت صوتي…

(جبار كيشوووف فيها ببرود ..حرك راسو بواخا وشد يدها يطلعو الدرج …وهي يالاه غاتحرك تاحسات بشيء جنب رجليها …مع حنات راسها لقات الثعبان الأسود بين رجليها وهاز راسو كيشووف فيها مخرج لسانو …..جمدات بلاصتها ..وغوتااااااات حتى جبار حط يديه بجوج على ودنيه ساد عين وحال الأخرى وهو كيشوف فيها ..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 987🔮
♡°•𝔖𝔦𝔰𝔱𝔢𝔯𝔰•°♡

(جبار كيشوووف فيها ببرود ..حرك راسو بواخا وشد يدها يطلعو الدرج …وهي يالاه غاتحرك تاحسات بشيء جنب رجليها …مع حنات راسها لقات الثعبان الأسود بين رجليها وهاز راسو كيشووف فيها مخرج لسانو …..جمدات بلاصتها ..وغوتااااااات حتى جبار حط يديه بجوج على ودنيه ساد عين وحال الأخرى وهو كيشوف فيها ..بالخلعة جات تهرب تطلع مع الدرج حتى تعكلات كانت غاتجي على وجهها لولا جبار لي مد يدو شدها من خصرها جارها عندو وهي مع الجرة طارت عليه معنقاه لدرجة رجليها هزاتهم من الأرض وضوراتهم حول خصرو وهي كاتغووت صفرا )

ساندرا : وااالا لا لااا هو تاابعني تبعني تبعني حرقووو قتلوو ..(وتشير للثعبان لي كيشوف فيهم)

جبار : تهدني ..

ساندرا كااتغوت وبدات تبكي ) وااالا ..مكااانحملهمش قولييه يمشيي علاااش تاابعنييي…..

جبار نطق ببرود ) لا (وشاف فالثعبان خصوصا فعيونو … مفعلا قوة التحكم بعقول الحيوانات …أخضعه بالكامل ..وعطاه الأوامر وبعدها اختفى بساندرا بالتنقل …ظهرو وسط الكوخ …عاد هي تنهدات براحة ويالاه هبطات من حظنو وحطات رجليها على أرضية الكوخ …حتى كايبانليها الباب تدفع ..والثعبان الغليض الطويل أسود اللون داخل ….يالاه حلات فمها طلقها بغوتة حتى بسرعة حط جبار يدو على فمها مسكتها ونطق وهو مخنزر فيها)

جبار : صمكتييني صااف …

(ساندرا كاتفركل تحيدلو يدو على فمها وهي مخرجة عينيها تشير للثعبان ….حتى نطق )

جبار :الثعبان وعجبني …أخضعته بالكامل ماغايآذيكش ..فا ماتخافيش منو..

(ساندرا كاتحرك راسها بلا وهي كاتبكي ..وهو حيد يدو على فمها مخنزر فيها)

ساندرا : مكااانحملهمش خرجووو خرجووو …

جبار تخطاتا وتكا على ظهرو فوق السرير بعياء ) لا …

ساندرا استدارت كاتشوف فيه ) كيفاش لا ..علاش غاتخليه هنا ؟

جبار ساهي فااسقف ) آه …

ساندرا شافت فالثعبان لي جنب الباب ورجعات شافت فجبار ) ك ك كفاش ..علاش آشنو بغيتيه !!آش غادير بيه …

جبار تكعد ووقف شاف فيها ) ثعبان المامبا السوداء. …هو راه أخطر وأشرس وأندر ثعبان في العالم…لي سمه نادر وكايساوي ثمن باهض وأنا عارف مزيان أنواع الحيوانات المفترسة لي فجزيرتي ..ولي بعضهم أنا بيدي حطيتو هنا ……ولكن عمرني ماعرفت أن هاذ الثعبان ساكن جزيرتي …فا (وشاف فالثعبان لي مباشرة تحرك …خرج من الكوخ للبالكون ) فا أنا قررت أنه هاذ الثعبان من اليوم هو حيوانك الأليف الجديد ..اعتابريه صديقك بلاصت قردك المرحوم …او اعتابريه حارسك الشخصي لي ماغايفارقكش فغيابي …. (وتحرك للدوش ) غانحيد عليا ملح البحر…

(ساندرا مخرررررجة عينيها كاتشوف فنقطة وحدة …ثواني وهي تحرك كاااتجري دخلات عليه للدوش وقفات قدامو وشدات يدو ونطقات بترجي )

ساندرا : ه ه هانتا ..عر عرف عرفتي فاش أنا ك ك كنت كانقلب عليك فالغابة ..تعرض ليا فهد ..عرفتي علامزيناتو كييحمق ..كبيير وطوييل وعيونو زرق ..علاش ماتجيبش ليا داك الفهد ..وجري على هاذ لحنش …

جبار مخننزر فيها …) لا ..خرجي..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 988🔮
♡°•𝔖𝔦𝔰𝔱𝔢𝔯𝔰•°♡

جبار مخننزر فيها …) لا ..خرجي..(ونطق بهمس ) وتانسالي لداك الفهد…

ساندرا الدموع فعينيها ) جبار ماديرش ليا هكاا مكانحملش الثعابين والعقارب …عساك ثعبان بداك الحجم والطور واللون والخطورة ..مستحييييييل نبقا أنا وهو بلاصة وحدة ومستحيييييل نقرب ليه أو نسمح يقرب منييي…

جبار حيد سروالو وطلق عليه الماء وهي تزنكاا وبعدات باش ماتفزكش ) خرجي خليني ندوش ولا غانشدك ونعيط ليه يتفرج فينا ….

ساندرا سرطات ريقها ) أنا مانبقااش معاه بلاصة وحدة عافاك مابغيتووش ومستحيل شي حيوان ياخد بلاصت لونا عندي …(القرد ) …مستحيييل أصلا نرجع نربي شي حيوان ويصدق ميت بسببي…

جبار شاف فيها مخنزر وغوت )سااااااندرا ..هضرة وحدة وقلتها …وغير ولفي علييها حيت غاتبقا هنا ….ودبا خرجي ولا عرفتي شنو … اجي دوشي معايا (ويالاه تحرك يشدها حتى هربات خرجات من دوش كتجري …وهو رجع يدوش ….طلات على الثعبان من لبالكون وهي كاترعد منو ..وطرقات عليه الباب من الداخل ..مخلياه برا عاد ارتاحت …وتحركات للمطبخ تسخن الأكل …وفينما سمعات شي حس كاتقفز وتمشي تاطل عليه تتأكد أنه باقي برا عاد ترجع لشغلها ………)

🍀🍀🍀🍀

ونمشيو للمغرب ..قصر لستارك ..وبالضبط جناح سليم ….جالسة سميحة على السرير بوحدها ..ومن وجهها باين فيها شابعة بكاء …تنهدات وهي كاتشوف فالرسالة لي عل تلفونها ولي هي راسلاها لسليم فلواتساب …مسولاه معاش غايجي ….وفلبلاصة وصلها ردو ..أنه هو وخوتو خرجو من محكمة المتحولين للشركة دفلاي ستارك نيشان …عندهم خدمة وماغايرجع تايكمل ..وكايوصيها على نفسها تتعشى مزيان وترد بالها للواد ..

سميحة تنهدات بحزن وحطات تلفون جنب …ويالاه غاتكا بلاصتها حتى تدق عليها الباب …تقادات فالجلسة ونطقات بصراخ )

سميحة : دخااال …

(ومباشرة دخلات أمها ….تارا..مخترقة للباب …. (بطلة من الجزء الأول ومتحولة بقوة الاختراق )

تارا غير شافت وجه بنتها خنزرات ..ودخلات بخطوات سريعة جلسات على السرير قدامها ونطقات )

تارا: علاش مانزلتيش تتعشاي مع باقي أفراد العشيرة !

سميحة حنات راسها مبتاسمة ) ماقديتش أماما ..ماعنديش شهية …

تارا :أهاه ..وغريب حيت حتى جمانة مانزلاتش للعشاء ..راه طلعت أنا والليدي شيماء هي مشات عند بنتها وأنا جيت عندك ..(مدات يدها حطات أصبعين تحت ذقن بنتها هزات ليها راسها ونطقات) ممكن نفهم آش واقع ..

سميحة مبتاسمة ) والو أماما آش غايوقع كاع …

تارا مخنزرة غوتات ) سميييحة …عينيك غايطرطقو شاابعة بكاء مع راسك وتاتسوليني آش غايكون واقع ؟؟ رااه أنا لي خاس نسول ..ودابا بغيت جواب …مالك مع لوستك (جمانة) !♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 989🔮
♡°•𝔖𝔦𝔰𝔱𝔢𝔯𝔰•°♡
تارا مخنزرة غوتات ) سميييحة …عينيك غايطرطقو شاابعة بكاء مع راسك وتاتسوليني آش غايكون واقع ؟؟ رااه أنا لي خاس نسول ..ودابا بغيت جواب …مالك مع لوستك (جمانة) !
سميحة خرجات عينيها ) أماما والو …
تارا قرصاتها فدراعها حتى قفزات سميحة ) راااه أنا لي ولدتتتك فا آخر مرة تكدبي علياااا فوجهي …
سميحة حنات راسها مبتاسمة بعيون دامعة ) ماواقع والو راه غير بقا فيا الحال ..حيت جمانة ولو ماكاتقولهاليش بصريح العبارة ..لكنها ديما كاتبين ليا أنني أنا السبب فكل لي وقع معاهم فتلك الجزيرة …بشوفاتها بدموعها بسكاتها بكلامها …كل شيء فيها كايلومني ..وأنا مابقيتش قادة وليت حاسة بالذنب بزاف قلبي كيضرني أماما خصوصا فاش كانتفكر ساندرا وأنها جهضات وتلعنات و..
(قاطعاتها تارا منلي شداتها من ذقنها ..هزات ليها راسها ونطقات مخننزرة )
تارا : بااراكا مااتخربقي وتوووكضي يااا سميحة …نتي ماشي السبب ..نتي ماعندك دخل فكل ماوقع …..نتي مااادرتي واالو ..والليدي ساندرا ضحات على قبلك نتي حيت هذا هو واجبها ك الليدي الأولى فعشيرتنا ..واللورد جبار حتى هو ضحى حيت هذا هو واجبه ..
سميحة : ولكن…
تارا غوتات ) سكتييي وسمعييني…عيييت نهضر وعييت نشرحليك ونتي مزاااال مامستوعباااش (وحطات يدها على بطن بنتها )فااا باراكا ماتكوني هبيلة …وفيقييي …كلهم ضحاو على قبل ^شهاب ^ ..ولدك أبنتي ..ولدك لي غاتكون عندو قوة غاتطغى وتدمر كل قوى المتحوليين ..(ابتاسمات بحماس ) واش مزاال مامستوعباش هاذشي ها ! ولدك راه غايكون أقوى حتى من اللورد جبار ..وممكن يكون هجين نابغة…ويتولد أذكى من أي هجين آخر ….
سميحة حنات راسها وحطات يدها على بطنها ) أنا عارفة هاذشي أماما علاش فكل مرة كاتقوليه ليا وتعاودي …راني عارفة و…
تارا قاطعاتها ) نتييي ماعارفة وااالو (سميحة شافت فيها وتارا شدات وجه بنتها بين يديها ونطقات) واااش عارفة آشنو هو معنى أنك تكوني نتي هي أم ..أقوى شخص غايتولد فصنفنى !
(سميحة كاترمش فعينيها بعدم فهم ..الشيء لي خلا تارا تنطق بغيض )
تارا بهمس )فييقي واستوعبي كلااامي يا سميييحة …حتى أغبى متحول فصنفنا دابا وفاهم أنه اللورد المستقبلي لعشائر المتحولين ..ولي غايخلف جباار ..هو ولدك …
سميحة وسعات عينيها وحيدات يدين مها من على وجهها ونطقات ) لا راك عارفة القانون ..مدام اللورد جبار ماغايجيهش وريث بسبب اللعنة ..فاراه الكرسي دالعرش مابقاش غايدوز بالخلافة بل مستقبلا غايوقع عليه تصويت و…
تارا نطقات بفقصة ) أهااااه مااقلتي عييب غايوقع تصوييت …ولكن شكووون هاذ المتحول أو الهجيين لي غايقدر ينافس هجين نابغة بقوة الاستنساااخ اللا محدود هااا !
سميحة : ماعرفتش ..ماتنسايش ولاد سماح غايكونو هجائن ..وماتنسايش ولد جمانة راه قوتو نادرة وتاهو غايكون هجين ..وأصلا منهنا لتما ماعرفناش شحال من هجين أو متحول غايتولد ..ونوع قواهم و…
تارا غوتاات صااعرة ونتفات راسها ) ومااااتحمقيينييش وااش من نيييتك …ولاد سمااح ولا ولد جمانة ولا أي متحول آخر غااايتولد …ماعندهمش قوووة ولدك أسميييحة …واش فنظرك العشائر غايخليو ولدك لي غايكون ديك ساعة أقوى واحد فالصنف ..ويعطيو الحكم لمن هو أضعف منه ؟ غاقوولي ليا من نهااار شد خويا جاسم الحكم واش عمر شي متحول تجرأ يترشح ينافسو …ونهار خويا حول كرسي الحكم لولدو ..لجباار لي رفض الحكم وساومنا كوولنا وكل عشائر المتحولين بساااندرا …يا يقبلووها كالليدي الأولى يا يعطيو حكمهم لغيرو هو…. وراجلك وولدي وسيم كانو رافضين يحكمو بلاصتو .. …هاذشي خلا كل القياد تحناااو ليه ولييها وقبلو بييها غير باش جباار يحكمهم …واش عرفتي علاااش !
(سميحة حركات راسها بلا وتارا نطقات)
تارا : حييت جاسم فأيااامو كان هو الأقوى فكل صنفنا ..ورؤسااء العشائر ..جربووو حكم الضعيف دنيكولاي …وجربو حكم القوي جاسم …وداابا جبااار هو الأقوى فصنفنا ..وهم مستحيييل كانو يحيدوه هو وخوتو ..ويعطيو الكرسي لمتحول ظعيف وغبي مقارنة بيهم …باش يدير فالعشائر شرع يديه ويطغى …ونتي عارفة قوة وغنى العشائر .. القائد لمخير فيهم أقوى من لي قبلوووو مستحييل يتخلاو عن حاكم ذكي عليهم وقوي عليهم ..ويعطيو حكم مصيرهم لواحد ضعيف يحكمهم …والحاكم القوي والذكي هو لي يخضع الرعية ماشي الرعية التي تخضعه …كجبار بزز عليهم ساندرا …وخداها هي والحكم …فا واش فنظرك بتصويت ولا بلا تصويت …هم مستقبلا غايستغناو عن جبار باش يحطو بلاصتو برهوش ضعييف …أو غايبدلو جبار بولد خوه لي أذكى ..وأقوى منو ..حتى لو مكانش ولدو من صلبو ..شهاب كايبقا ستارك …ودم جبار وجاسم راه فعروقو …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 990🔮
♡°•𝔖𝔦𝔰𝔱𝔢𝔯𝔰•°♡

(سميحة موسعة عينيها وهي حاطة يديها على بطنها …حسات بالسخوونية طالعة معاها …حسات بحماس كبير ..وحسات بأهمية الطفل لي فبطنها …نطقات بانبهار )

سميحة : ي يعني أنا أنا هي أم اللورد المستقبلي لعشائر المتحولين ..!

تارا ابتاسمات ) برااافو أخييرا فهمتي (شدات يدها ) آه أحبيبتي ونزيدك نتييييي دابا راك فمرتبة الليدي الأولى للعشائر …راك بحالك بحال ساندرا فالقيمة …لالا نتي بفظل شهاب ..راه قيمتك ولات أكبر من قيمتها …ديري هاذشي حلقة فأذنك …سمعتييي ..وماتخليي تاواحد يغلط معاك لا جمانة لا غيرها …

سميحة مخررجة فيها عينيها) ولكن ولكن جمانة راه ماغلطاتش معايا (ابتاسمات) راه أنا فهمتها راه نفسيتها متأزمة و..

تارا قاطعاتها بصراخ ) وااش غاتحمقييني ..تاكانقوول فهمتيني وترجعي تخربقي كوولشييي …ولكن طلعتي لباااك ماطلعتيش ليا أما كون وقفتيييها عند حدها من نهار لول …

سميحة : ولكن..(غمظات عينيها بسبب صراخ تارا)

تارا : مكااااين ما ولكن …ونفسيتها المتأزمة ماشي سبة تبرر بيها لمعاني لي كاااتعطيك….وشوفااتها لييك ….راه لاماوقفتيش الناس عند حدها وعطيتي قيمة راسك ..مكاينش لي يعطيها ليك …(قربات منها ونطقات) ودااابا راه نتي هي أهم سيدة من سيداات سواء العشيرة ديالنا سواء بااقي العشائر يا سميحة ..أهم حتى من ساندرا ومن الليدي شيماء …نتييي يا سميييحة لي هازة طفل خارق لكل الخوارق ..خارق حتى لصنف السحرة …وساندرا عمرها غاتولد أي عمرها غاتجيب منافس لشهااب …وسماح لي أصلا كارهة فكرة انها حامل ….ولادها دابا ماعندهمش الاستنساخ ..فا مكانظنش غاتبغي تزيد تولد ..وجمانة ولدها ماعندوش الاستنساااخ …..زليخة ماعندهاش فرصة تولد ..ومانظنش أميرة ولا هاندا مستقبلا غايجيبو ولد بالاستنسااخ … وحتى ولو تولد شي طفل آخر فعشيرتنا بالاستنساخ مستحييل يوصل لقدرة استنساخ ولدك ..فهمتيني …

(سميحة حنات راسها كاتفكر فكلام أمها بدون رد الشيء لي خلا تارا تنطق بيقين)

تارا : أنا متأكدة أن قوة الاستنساخ تحدات فعشيرتنا ..عند شهاب ..

(سميحة هزات راسها فيها بصدمة ..وتارا كملات كلامها)

سميحة ) ولي غايتولد بالاستنساخ بعد شهاب ..غايكون خلفه هو أي ولدو …يعني يا سميحة من اليوم خاسك تتصرفي وتتعاملي كالليدي الأولى ..ولدك هو لي عاطيك هاذ الصفة ..ماشي أنا أو راجلك أو شيحد آخر …بل ولللدك نتييييي

(سميحة سرطات ريقها وحركات راسها بواخا )

تارا : هاحنا غانشوفو ..ودبا قولي ليا سليم فينو ؟

سميحة : فلخدمة مسكين ..كايبقا فيا حيت كايعيا بزاف كولشي عليه المحكمة والشركة والمصنع و..

تارا قاطعاتها ) مزياااان ألهبيلة راه خاسك تفرحييي ليه…

سميحة :علاش!

تارا : حييييت هو فمقام اللورد جبار ..وأكيد دبا منلي غابر ولدي جبار راه راجلك لي شاد بلاصتو و كولشي فيديه و…

سميحة غوتات مخنزرة ) ماامااا..(نقصات من حدت صوتها ونطقات بهدوء ) كانظن نتي كاتعرفي سليم كتر مني فا هو راه مشاد فيديه واالو ..بالعكس هو كايأجل كولشي تايرجع اللورد ..ومستحيل يشد بلاصتو شينهاار…

تارا :آه عارفة ..ولكن شهاب غايشد بلاصت عمو ..ونتي خاسك توقفي على هاذشي وتخدمي عليه …

سميحة : كيفاش ؟

تارا :بعدما تولدي ..خاسك تركزي على شهاب ..فتربيتو ..فتعليمو ..وفطريقة تفكيرو ..خاسك نتي تزرعي فيه فكرة انه هو اللورد المستقبلي من اللحظة لي غايحل فيها عينيه على الدنيا وتربيه على هاذ الأساس …على العموم مزال لحال على هاذ الهضرة دبا لي بغيتك ديريه هو تقصاحي فطريقة تفكيرك وتعاملك …وهاذشي لي كايضور بيناتنا اصحك تخرجيه لشيحد ..حتى سماح ..

سميحة حركات راسها بواخا … ) ماما…

تارا: نعام ؟

سميحة لي حانية راسها بعيون دامعة نطقات ) ياك أنا ماشي السبب ياك ؟ ساندرا ماتلعناتش بسبابي ..ماجهضاتش بسبابي ؟

(تارا جنووون نقزو فوق راسها ويالاه غاتغوت حتى بزز سكتات مبتاسمة بفقصة ..ونطقات بهدووء )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 991🔮
♡°•𝔖𝔦𝔰𝔱𝔢𝔯𝔰•°♡
(تارا جنووون نقزو فوق راسها ويالاه غاتغوت حتى بزز سكتات مبتاسمة بفقصة ..ونطقات بهدووء )
تارا : واخا قبل لانجاوبك غانسولك سؤال…واش نتي عمرك هضرتي مع ساندرا وطلبتيها تضحي براسها على قبلك…
(سميحة حركات راسها بلا)
تارا : ياك هي أصلا منلي هزات راسها ومشات لتلك الجزيرة هي ولبنات ..كنتي نتي فغيبوبة وكالشبح وماواعياش تا شكون نتي ….
(سميحة حركات راسها بآه)
تارا : اذن آشنو هو ذنك هااا ..آش درتي نتي …واالو ..ساندرا أصلا تولدات باش تدمر هذاك الكتاب هذاك قدرهاااا ….وكونما جبار كون ماتت فمهمتها ..يعني هي راه خاسها تحمد الله وتشكر جبار وباقي لستاركس ليل نهار …. حيت بفظلهم ..هي عالأقل بقات عندها روحها ..وماتنسايش إيلا هي ضحات على قبلك ..راه اللورد جبار وراجلك وزليخة وهاندا و ولدي وسيم مسكين وكل ليكانو معاهم ضحاو على قبلها هي ..حتى من آل سيدريك خسرو رئيسهم ماريو …على قبل مهمتها هي …
(سميحة سااهية كاتفكر فكلام أمها ..حطات يدها على قلبها وتنهدات برااااحة وهي مبتاسمة ..طارت على ماماها بتعنيقة ونطقات )
سميحة : شكرا اماما ..بزاف ريحتيني …حيت فكرة أنني السبب كانت كاتعذبني..ولكن دابا عاد فهمت أنه ماعندي حتى ذنب …
تارا : ماعندك حتى ذنب ..وماتنسايش ..قيمتك من قيمة الليدي الأولى وأكتر ..بفظل شهاب راك سلطانة العشائر يا سميحة ..فا ردي بالك لجنينك وكانبهك ..انتبهي لحملك ..خاسو يتولد بصحة وبخير …
سميحة حركات راسها بواخا وهي مبتااسمة ) هو بخير وصحتو مزيانة كل نهار كتجي الطبيبة تفحصني ..وكل نهار كاتقولي أنه بخير وحتى انها قالت ليا ولادتي غاتكون سهلة …
تارا معنقاها ) مزيااان يا حبيبتي …مزيااان ….
🍀🍀🍀
وماشي بعيد عليهم ..فجناح فارس …جالسة شيماء على السرير كاتلعب فشعر جمانة لي متوسدة فخضيها …فسكات …حتى نطقات شيماء)
شيماء : آشنو قلنا فآخر مرة يا جمانة …علاش ما استقبلتيش الطبيبة النفسية ؟
جمانة : ماعندها باش تنفعني …
شيماء : سيي عندها باش تنفعك ..حيت هي طبيبة متحولة من صنفك ..ماشي بشرية ..ومحترفة فخدمتها وتقدري تحكيليها لي بغيتي براحة …
جمانة تكعدات جالسة كاتشوف فماماها ونطقات ) ماما ..أنا راه مابيا والو أنا راه غانكون بيخير غير حتى ترجع ساندرا …
شيماء ابتاسمات ) الظاهر ليا أنه ماشي غير جبار لي كايعشقها …
(جمانة رجعات تكات على فخضي شيماء وخدات يد مها حطاتها على راسها …وشييماء ابتاسمات وبدات تاني تلعب ليها بشعرها ونطقات)
شيماء : ساندرا غاترجع ..(سرطلت ريقها) عاجلا أو آجلا غايرجعو يا جمانة …فا مابغيتهاش تجي وتلقاك مكتئبة لهاذ الدرجة …باراكا داكشي لي عاشتو البنت بسببنا … ضحات بزاااف على قبل عائلتنا و باش تحمي صنفنا من تعويذة الخلود لي كانت غاتتسبب فمحي أثر المتحولين ..فا …باراكا عليها حزن يا جمانة …
جمانة تكعدات تاني جالسة كاتشوف فمها بعيون دامعة وهي مبتاسمة ) غير ترجع أماما والله مانبكي قدامها أو نخلي شيحد يقلقها بالعكس غاندير جهدي نفرحها غير ترجع …
شيماء ابتاسمات ) مزيان وهكا نبغيك (مسحاتليها دموعها ) ودبا قولي ليا ..مالكي مع سميحة …
جمانة نطقات ببرود ) والو شغايكون مالي معاها …
شيماء : جمانة إيلا نتي ماراداش لبال راه أنا وكل من في القصر كنشوفوك كيفاش كاتشوفي فيها لاهي لا سماح ! فا مافهمتش هوما اش دارو ليك …
جمانة خنزرات ونطقات بغيض ) واالو غا دوك جوجات تحولو للتوأم الشرير..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 992🔮
♡°•𝔖𝔦𝔰𝔱𝔢𝔯𝔰•°♡

جمانة خنزرات ونطقات بغيض ) واالو غا دوك جوجات تحولو للتوأم الشرير..

شيماء خرجات فيها عينيها) شنووو كيفاش !؟

جمانة : واماما فينما كايتجمعو كيبقاو يهضرو بضحك ويقشبو ..بحاالا ماوقع وااالو هاذي تهضر على ولادها ولوخرا تهضر على ولدها ..وتااوحدة منهم ماحاسة بساندرا لي أصلا خسرات ولاااادها على قبل سميحة ..دابا قولي ليا فاش ترجع ساندرا وتبقا تسمعهم كيهضرو على ولادهم ويضحكو باش هي غاتحس ؟ واش ماشي هاذشي أصلا علاش جبار بعدها علينا ……

شيماء سرطات ريقها وابتاسمات ) جمانة حبيبتي سمعيني ..ماتخلطيش الامور ببعضها .. سميحة وسماح قبل مايكونو عيالات خوتك ..راهم خواتاتك ..وهوما فرحانات بحملهم وهذا ماشي عيب ولا غلط ..بالعكس …واش إيلا كانو مكتائبات وغير سادات عليهم وتايبكيو نتي غاتفرحي !

(جمانة حنات راسها وحركات راسها بلا )

شيماء : داكشي لي وقع مع ساندرا ماشي غلط سميحة ..ولا سماح …ولا غلطك ولا غلط شيواحد ..داكشي مكتاب ووقع ..وأنا متأكدة أن سميحة ولا سماح ولاغيرهم ..مافرحانينش بلي وقع مع ساندرا ..وفنفس الوقت أنا متأكدة أن ساندرا ماكاتلومهمش وعمرها شينهار غاتلوم سميحة أو جبار او شيحد آخر ..فا مابغيتكش تعاودي تفكري هكا ..وماتنسايش خوتك… سليم ووسيم عاناو بما يكفي فهاذيك الجزيرة وخصوصا سليم ..تخيلي باش غايحس وهو كيشوف نظاراتك لمراتو ..واش ماشي باراكا عليه الذنب لي هازو فقلبو من جهة خوه ومرات خوه وهو ماداير لا بيديه لا برجليه فهاذشي بحالكم كلكم …

جمانة لي كاتبكي ) ماقصدتش ..

شيماء : عرفت حيت نتي جمانتي ..نتي ماشي دالحقد ..او دالكره بالعكس ..نتي دالحب ..وكيما كاتبغي ساندرا وكاتخممي ليها بغيتك تبغي كل خواتاتك بنفس الدرجة وتفكري فيهم ..وأنا متأكدة أن سميحة وسماح وكل لبنات كيفكرو فساندرا ونهار هي تجي ..هن غايردو بالهم لتصرفاتهم قدامها باش مايجرحوهاش ..خصوصا سميحة وسماح الحوامل …

(جمانة حركات راسها بآه وابتاسمات كاتمسح دموعها )

شيماء : سميحة تحسسات منك ..فا نبغيك تعتاذري منها ياك ..وماتعاوديذ تقلقيها أو تجرحيها ..هي ختك يا جمانة …

جمانة حركات راسها بآه ) وماغانعاودش نقلقها كنواعدك ..

شيماء : برافو حبيبتي (وعنقاتها ) ساندرا محظوظة بيك …
🍀🍀🍀

فالجزيرة …
صباح اليوم الموالي ….الساعة 8 صباحا ….جبار جالس بلاصتو على السرير الواسع ..شاد فيديه أوراق ..وأمامه لابتوب جنبو طاس قهوة …وجنب اللابتوب طابليط وملفين ورقيين …مشغول كايقرأ فالأوراق ..وكل شويا يهز راسو فاللابتوب لي شاشته سوداء عليها كتابات خضراء كل دقيقة يظهر سطر …كايقراه ويخربق فازرار لكلافيي ويهز الطابليط يدون عليها شيء …..وهو في طور ابتكار نظام أمني خاص …ويرجع يقرأ فالأوراق لي فيديه ويهز ملف يكتب عليه شيء ويرجع عينو للابتوب .♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 993🔮
♡°•𝔖𝔦𝔰𝔱𝔢𝔯𝔰•°♡

جبار مشغول كايقرأ فالأوراق ..وكل شويا يهز راسو فاللابتوب لي شاشته سوداء عليها كتابات خضراء كل دقيقة يظهر سطر …كايقراه ويخربق فازرار لكلافيي ويهز الطابليط يدون عليها شيء …..وهو في طور ابتكار نظام أمني خاص …ويرجع يقرأ فالأوراق لي فيديه ويهز ملف يكتب عليه شيء ويرجع عينو للابتوب …….

وعلى الطرف الثاني من السرير الواسع ناعسة ساندرا على ظهرها ..لابسة شورط سبور باج ..قصيير..وميني بوط ديالو فنفس اللون …شعرها مزلع على السرير …وليزار مغطي ليها غير رجل وحدة …….

وفعمق نومها بدات تخسر ملامح وجهها ..الشيء لي أثار انتباه جبار ..شاف فيها لقاها مميلة حواجبها ومزييرة على عينيها …عرفها كاتحلم بشيء …شاف فالساعة ..مزال الحال باكر فارجع لخدمتو بدون مايفيقها ………….أما ساندرا فا فحلمها كاتشوف نفسها غادية حافية فطريق رملي منبسط …رمل كثيير وواخا كاضور راسها تشوف لبعيد كاتلقا حواليها غير الرمل ….والريح لي قوية نوعا ما بحيث شعرها كيمشي ويجي وحبيبات الرمل كيضربو فرجليها …وهي غير غاديا للأمام مافاهمة والو …فين هي ..وفين غايديا ….علاش غاديا …تمشات وتمشات لا إراديا ..كأنها مكاتتحكمش بقدميها غا غاديا …حتى كايبانليها من بعيد فطريقها شيواحد جالس ….ديقات عينيها تقشع شكون ….حتى كاتبان ليها أم جبار …الليدي شيماء ….جالسة فالطريق حانية راسها ….فهاذ اللحظة ساندرا خرجات عينيها …وتحركات كاتجري ناحيتها بسرعة حتى وصلات عندها ووقفات كاتشوف فيها بعدم فهم …..

شيماء هزات راسها شافت فيها وهنا تصدمات ساندرا …حيت شيماء كانت كاااتبكي لدرجة عينيها متورمييين وحمرييين …ويالاه غاتغوت ساندرا …حتى مدات ليها شيماء يدها ..وبمجرد ما شدات ساندرا يدها ..حتى جراتها شيماء جلساتها جنبها وعنقاتها بقوة …والريح زادت قوتها لدرجة الرمل بدأ كايتطاير حولهم …وشيماء ابتاسمات لساندرا ونطقات وهي تبكي ..)

شيماء: وصل لوقت ….

ساندرا كاتشووف فيها ونطقات بعدم فهم ) الوقت !؟

….: (وتسمع صوتها جنبهم )آه ..الوقت وصل يا توأم الروح…

(ساندرا هزات راسها شافت جمانة واقفة خلفها ..وحتى هي تاااتبكي …وقفات شيماء ومدات يدها لساندرا …وقفاتها وسطهم وهي كاضور راسها بيناتهم بعدم فهم …حتى للحظة لي هوما بجوجات شافو خلفهم …فا ساندرا لي وسطهم مافاهمة والو …حتى هي شافت موراها وهي تخرج عينيها منلي بانت ليها سميحة …واقفة موراهم بخطوات قلال ..وكرشها لفمها والريح كايدي ويجيب ففستانها وفشعرها ….

شيماء مدات يدها ناحية سميحة …لي قربات منهن …حتى وقفات أمامهن وشدات يد شيماء ….لتظهر لساندرا ملامح سميحة بوضوح …كانت بحال شيماء وجمانة …عينيها متورميين بالبكاء …ساندرا بقات كاتشوف فيهم بتلاثة مافاهمة والو …شويا حتى حنات نظرها لبطن سميحة سهاات فيه حتى نطقات شيماء )

شيماء : وصل الوقت خاسك تمشي ..

(ساندرا هزات راسها ..لقات شيماء كاتشووف فيها …يتبع

Leave a comment

    1. قريب ان شاء الله

  1. ضرني قلبي على ساندرا و شكون غيكون القوي واش غتمشي

  2. كنت كندره تارا او دابا كتر شحال هادي كان الوحم او دابا شنو طمع فالحكم

  3. الله يخليكم واش كاين شي أجزاء للقصة او امتى غادي نكمل