Skip links

قصة : الوحش وذات القزحتين الجزء 2 ( عشق جبابرة) 85

 3,924 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 836🔮

خليل : وا هو واخا غاتتكمش ليا لفيسط ولكن نقدر نهزك …

(هاندا شافت فيه مزنكة وسكتات مدة عقلها كايتحارب مع قلبها واش تجاوبو بالايجاب أو تقمعو …وهو كيشوف فيها حتى غايعاود يسولها عاد جاوباتو )

هاندا : هز غير راسك ….

(وطلقات من دراع زليخة وتحركات كاتجري هاربة منو حتى وصلات للمقدمة عند عصمان شدات فيدو وهو غير شاف فيها هزها بين يديه الشيء لي خلا خليل يخنزر بعصبية ويسوووط سااخط الشيء لي حسات بيه زليخة لي جنبو ونطقات )

زليخة : نتا لي درتيها لراسك …

خليل شاف فيها ومع معصب نطق بدون تفكير ) على أساس نتي مطفراه ولا كاتعرفي تبيني أنك كاتبغيه غير فاش كايغبر ومايكونش أو حتى كاتخافي عليه عااد كاتفركعي نتي وكهربائك ..ولكن وهو قدامك مكاتسوقيش حتى لواش حي…

(زليخة سرطات ريقها وحنات راسها بدون ماتجاوبو الشيء لي خلاه وعى على نفسو ونطق)

خليل : زليخة ماتديش عليا أنا…(وبلا ماتسناه يكمل كلامو …سرعات فخطواتها متجاوزاه حتى وصلات لجنب جبار …هزات راسها شافت فيه لقات ساندرا مخننزرة فيها ..زليخة بادلاتها بابتسامة ..ولكن سانظرا قلبات وجهها …فحين جبار حنا راسو شاف فزليخة بمعنى شنو )

زليخة نطقات بهمس ) كنعتاذر على قبيلة ماقصدتش بمرة ونتا عارف …

(جبار شاف عيونها الزرق لامعين بالدموع لي هي مستحيل تطلق سراحهم ينزلو …فا ابتاسم وجاوبها بهمس )

جبار : عادي حيت لو كنت بلاصتك كنظن كنت غانفقد السيطرة ماشي غير على قواي بل على ذاتي ككل…

زليخة ابتاسمات ليه ..) كنستأذن لورد ..(وتخطاتو للأمام حتى قربات كاتتمشى بمحادات عصمان وشافت فيه مخنزرة )

(عصمان شاف فيها وحرك ليها راسو بمعنى مالكي ..)

زليخة جاوباتو بهمس ) شويا وغانوريك مالي غاصبر…

(عصمان هز فيها حاجبو وشاف فهاندا لي هاز بين يديه …وابتاسم حيت فكر فأن زليخة غارت حيت هز ختو وماهزهاش هي …فا يالاه غايقول لهاندا يهبطها باش يهز زليخة شويا حتى شاف هاذ الأخيرة رجعات للخلف خطوات كاتتمشى جنب جبار …الشيء لي خلاه فلبلاصة عقد حجبانو مخننزر )

جبار شاف فيه كيفاش مخننزر فزليخة وغوت) طلقنااا أعصمان…

(عصمان حناليه راسو بواخا وتحرك أسرع ….وماهي إلا عشرون دقيقة حتى خرجو من لغابة ومن تحت ظلال الأشجار …لبلاصة خاوية من الاشجار …وبالضبط وصلو لأمام الكوخ المعلوم …ووقفو كايشوفو فيه …

كان كيما وصفوليهم عصمان كوخ صغير الحجم باين فيه قديييم بجدران صخرية ناابت عليهم ربيع مخزز …باب الكوخ كان خشبي رث تقيسو يطيح ..ونوافذو كانت مسدودة بلحجر ..أما سقفو فحتى هو خشبي أكتر من نصو طاير ….وجنبو بمسافة متواجدة بحيرة متوسطة الحجم هاااادئة كايتسمع منها فقط صوت الضفاضع….

أميرة حالة فمها فالكوخ لي باين ليهم بفظل ضوء القمر )م م م مستحيل ندخل ليه (وشافت فجمانة لي جالسة جنبها على كتف فارس الآخر ) باينة غايكون مسكون …

جمانة مخرررجة عينيها فالكوخ نطقات بحماس ) ندخل نستكشفوليكم …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 837🔮

فارس هز راسو شاف فيها مخننزر وهي سكتات …فحين تحرك جبار أولا حتى وقفو مبااشرة أمام باب الكوخ …حط ساندرا على قدميها جنب خوه سليم وبلا ماينطق تحرك قاصد باب الكوخ ..لي غير قاصو طاح الباب لداخل الكوخ …وسقوطو خلف تناثر الغبار فالدخلة دالكوخ…وبدون اكتراث للغبار …جبار دخل ومع كل نوافذ الكوخ مسدودة بالحجارة ..فماكايبان لأبطالنا واالو من غير الظلام …حتى من جبار شعل يدو بقوة النار للإضائة..وبعدها نطق بصوت مرتفع )

جبار : تقدرو تدخلو …

(وتحركو كلهم وأولهم ساندرا ..ودخلو للكوخ المضاء بنار يدي جبار …الكوخ لي بزز استوعب عددهم ب15 … كان عبارة عن مراح وغرفة صغيرة …لمراح كوولو غبرة وخيوط عنكبوت …فيه بعض الأثاث الخشبي لي باين عليه قدييييييم …جبار تحرك دخل للغرفة فحين شعلو سليم ووسيم يديهما بالنار لتعزيز الاضائة …أما جبار فا غير طل فالغرفة نطق )

جبار : عصمان وسليم …

(عصمان وسليم قربو منو وهو نطق بهمس مشيرا براسو لما داخل الغرفة )

جبار : خرجو داكشي بالتنقل …

(عصمان وسليم شافو اشنو قصد ويالاه تحركو حتى نطقات ساندرا )

ساندرا : بلاتي (وبدون ماتتسنا ردهم قربات من الغرفة ودازت من بين جبار وعصمان وسليم ودخلات للغرفة وهي تشوف هيكلين عظميين نصهم متآكل…متكيين جنب بعض على الأرض ووضعية الجمجمتين كاتدل على أن الشخصين ماتو كايشوفو فبعض )

ماريانا لي واقفة على أصابع قدميها كاتطل من خلف ظهل سليم ..على الهيكلين نطقات )

ماريانا : ساندرا ..

ساندرا لي تحنات قفازية أمام الهيكلين نطقات مقاطعاها ) عرفت أخالتي (ومدات يدها حطات أصابعها كاتلمس برفق إحدى الجمجمتين ) بقايا لساحرين سحر الخير (ابتاسمات بحزن ) أشنو وقع ليكم وشكون قتلكم …و(قبل ماتكمل كلامها جرها جبار كعدها ..مخرجها من هذيك الغرفة مخنزر )

جبار : ماشي سوقنا …. نساليو قصتنا ونبحتو فقصتهم…. (شاف فسليم وعصمان مخنزر وهما بسرعة تحركو كيخرجو العظام من الغرفة باش يدفنوهم …فحين فارس ومالك كيخرجو الاثاث الرث من لمراح كيلوحوه برا)

جمانة شافت فجبار ) :واش عظام بشرية انشووف انشووف …

(جبار خنزر فيها وهي سكتات فحين وسيم شعل أعوواد بالنار وعلقهم فلقنات باش يتضوا كل لمراح …فحين رجعو سليم وعصمان بعدما نقاو الغرفة )

خليل لي حاطط موشوار على أنفو وفمو من الغبار نطق ببرود ) الكوخ قذر ..وأصلا صغير يالاه يجلسو فيه البنات براحتهن (وخرج ….وتبعوه كل الشباب من غير جبار)

جبار : ممنوع تخرج شيوحدة منكن من الكوخ بدون إذن (وخرج خلا البنات كيشوفو فبعض )

ماريانا تحنات على ركبتيها حاط يديها بجوج على أرضية الكوخ مغمظة عينيها وبدأت تلقي بتعويذة بصوت مسموع )

هاندا كاتشووف فيها ) أشنو كادير…

ساندرا نطقات وهي كاتحل صاكادوها ) كاتفرش لينا الكوخ …

زليخة حنات راسها كاتشوف فأرضية الكوخ المتربة ) كيفاش ؟
(وغير كملات كلامها …بدأ العشب كاينوض تحت أقدامهن فكل أركان أرضية الكوخ لي فغضون خمس دقائق تلبدت بطبقة سمييكة من العشب …كعشب الملاعب (گازو ) …

ماريانا حلات عيونها تحت اندهاش البنات وضحكات منلي بداو كيسفقو ليها لدرجة …وبعدها كلهن تكاو بعياء …على ظهرهن فوق العشب ..مستفات وجدة جنب وحدة )

/////
خارج الكوخ ….
الشباب تجمعو أمام جبار لي مغمظ عينيه كايتحسس الطاقات حولو…حل عينيه ونطق )🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 838🔮

جبار : المنطقة آمنة ولكن دفاعنا ماغايترخفش غاتتوزعو لثنائيات حول الكوخ و ..(سكت منلي سمع تصفيق وضحك البنات ..حتى هدأت أصواتهن عاد رجع كمل ) ..غانتحركو مع شروق الشمس …

(كلهم حركو راسهم بواخا وهو يالاه استدار حتى نطق سليم )

سليم : فين غاتمشي لورد ؟

(جبار اختفى من أمامهم بلا مايجاوب ..وهم تفرقو مطبقين لكل ماقاله …سام وفارس جلسو أمام باب الكوخ المربع الشكل ..فحين عصمان وخليل فالجانب الأيمن ..ووسيم ومالك فالجانبه الأيسر ..فحين سليم جلس بوحدو متكي على الحيط الخلفي للسور ….هز راسو كايتأمل فبساط السماء الأسود ..ونجومها اللامعة …ابتاسم للحظة منلي تفكر ضحكتها له وخجلها منو وحتى خوفها منو ….سرط ريقو وهو حاطط يدو على قلبه ماكرهش يختفي من مكانو ومن كل هاذ الجزيرة المرعبة ويظهر فحظنها ولو لدقيقة ..غير دقيقة…

سليم بلا مايحس عينيه دمعو … وأكتر شيء قاهرو أنه حتى ماودعهاش وماشافهاش قبل انطلاقه لهاذ الجزيرة …حتى أنه مدة ماشافهاش حيت مكانش قادر يشوفها فالحالة لي كانت عليها مؤخرا … ولكن عالأقل بالو مرتاح من ناحيتها حيت ساندرا أكداتليه وعاودات أن سميحة غاتكون بخير حيت بمجرد مادخلات هي والكتاب للجزيرة ..سميحة زال عنها كل الخطر وغاترد صحتها شويا بشويا …

سليم تنفس بعمق ودوز يدو على وجهو ماسح الدموع لي كانت فعيونو …آه هو مامتأكدش من أنه غايخرج من هاذ المكان حي …لكنو مرتاح كليا حيت متأكد أن عشقو غاتكون بخير ….مد يدو بسرعة لجيب سروالو جبد هاتفو لي مافيهمش الريزو أو التغطية ..وبدأ كايتفرج فصورهم مع بعض ..حتى أنه دخل لتطبيق الواتساب وبدأ كيسمع فرسائلها الصوتية له ومرة يضحك ومرة يسهى وهو مستمع بكل نغمة من صوتها …..

///

وجنب الحائط الأيمن للكوخ جالس عصمان مخننزر …حيت جالس جنبو خليل هاذ الأخير لي حاااااس بأن عصمان ماحااملش فيه الشعععرة ..منلي حطو رجليهم فهاذ الجزيرة وهو حاسس بهاذ الإحساس لي ما أثرش فيه بالمرة بالعكس …الشيء لي خلاه ينطق ببرود وبدون مقدمات )

خليل : أنا عارف ..

عصمان دور راسو شاف فيه مخننزر ) أشنو ! …

خليل تنهد ) عارف علاش نتا ماحاملنيش ….

عصمان هز فيه حاجبو ) ياك ..إوا ملي عارف علاش لاسق فيا ! علاش تبعتيني لهنا ؟

خليل : كانظن اللورد عطانا أوامر واضحة نحرسو الكوخ كثنائيات !

عصمان استفزو برود خليل المعتاد ونطق بنوع من الصراخ ) سمع يااا خليل بلا مانعلبو هنا لعب لبراهش ونزوقو فلهضرة نتا عارف أني ماحاااملكش ومع ذلك تبعتيني لهنا إذن قول أشنو عندك وسير قو… من كمارتي …

خليل تنهد ببرود ونطق وهو ساهي أمامو ) لهاذ الدرجة صعيب عليك تتقبل جمالي….

عصمان هز فيه حاجبو مخرج فيه عينيه بمعنى واش من نيتك )

خليل كمل كلامو بكل برود ) مانكدبش عليك تانا كون كانت عندي ختي الصغيرة وجا خطبها شيواحد لي أجمل مني واخا أنا متأكد أنه مزال ماتزاد فهاذ العالم شيواحد أجمل مني …المهم تانا كنت مانحملوش وعمرني نتقبلو …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 839🔮

عصمان مسح على وجهو بعصبية وطار على خليل شدو من كول لفيست مخررج فيه عينيه ونطق ضااغط عالحروف ) عرفتي كون مكانش جبار خووويا هو اللورد الأول للعشائر … وكون ماكنتش تربيت على يد الليدي شيماء أقسم بالله كنت غاندخل عليك لسجن المتحولين وأنا مفتااااخر براسي (ودفعو ووقف ) غانتبادل موقع حراستي مع وسيم(ويالاه غايختافي بقوة تنقلو حتى تراجع منلي نطق خليل )

خليل وهو كايقاد كول لفيست ديالو ) كانبغيها غير كون هاني…

(عصمان زيير على يديه بجوج وماكرهش يجمع معاه بركلة للفم يهرسليه فكو بطريقة تخليه عمرو يقدر يحركو مرة اخرى حتى باش ياكل …حاول جهدو يهدن نفسو …ورجع جلس جنب خليل ونطق بعصبية )

عصمان : تقدر تعطيني مفهومك للحب ؟

خليل نطق بعدما سكت لثواني وبكل برود ) ماشي سوقك …!

(عصمان شاف فيه ثاني مخرج عينيه ويالاه غايغوت حتى نطق خليل)

خليل : آه ماكنتش كانبغيها فالأول وكنت باغي أميرة وهاذشي راكم كوولكم عارفينو (وشاف فيه مخنزر ) أنا ماشي من النوع دالرجال لي غانبغي أي امرأة يا عصمان ..عمرني بغيت شيوحدة أو أتارث اهتمامي شيوحدة ( وسكت شويا سااااهي ونطق ) حتى للنهار شفت ساندرا فالمقهى ليكانت خدامة فيه فجزيرة ساو ميغيل …

عصمان خرررج فيه عينيه ونطق بسرعة ) خليييييل واااش حماقيتي واش…

خليل هز راسو للسماء كيشووف في
نجومها و قاطعو) كانت الليدي ساندرا هي ثاني امرأة فهاذ العالم تثير انتباهي بعد أميرة …(ابتاسم وهو ساااهي فالسماء ) ماغانكدبش أنني فرحت منلي شفتها مرة تاني فقصرنا فهذاك اليوم…ولكن منلي شفت كيفاش جبار تعلق بيها من أول نظرة… أنا بعدت ونسيت الأمر كليا (ضحك باستهزاء ) حيت أنا عارف عمرني غانغلبو…تما رجعت تفكيري كولو على أميرة ومانكدبش عليك فكرة أن مالك حتى هو يغلبي ماتسرطاتليش وبلاصت ما ناخد الأمر بمحمل الجد ونركز فأني نبين ليها حبي الصادق ..خديتو كتحدي بيني وبين مالك لي هدفي منو أنني نكون أنا الرابح ..ماشي أنني نوصل لقلب أميرة وهاذشي أصلا علاش خسرت أمام مالك …(تنهد ودور راسو شاف فعصمان ) عرفتي علاش أميرة وعلاش ساندرا !

عصمان غير سمع اسم ساندرا تاني خرج عينيه ودور راسو يمين وشمال كيشوف حولهم ونطق بسرعة ) وااش تقدر تهضر بصوت منخفظ…

خليل لي كايهضر بكل برود ماااامسوقش ) حيت هما الوحيدتان من النساء فكل هاذ العالم لي ماشافونيش وحلو فامهم (ضحك باستهزاء ) أميرة لي منلي كانت صغيرة وهي كاتقول أنني قبيح ..وعمرها ولو مرة وحدة قالت أن وجهي كايعجبها أو بانتلي شادة مجلاتي كاتتفرج فصوري وكاتفتاخر أن النجم خليل آل ستارك هو ولد عمها كباقي البنات …أما ساندرا..

(وقاطعو عصمان مخننزر فيه)

عصمان نطق بهمس مععصب ) الليييدي ساااندرا وماتعاودش تهضر عليها قبل ماتلقا راسك شاد راسك بين يديك ياخليل …

خليل كمل كلامو بدون اكتراث ) قلت ليك ..أما ساندرا ..(وسكت وهو كيضحك باستهزاء )ملي شفتها أول مرة هي حتى مااعرفاتنيش أنا شكون … وحتى منلي عرفاتني مشهور ماطارتش عليا كباقي البنات نتصور معاها أو نعطيها توقيع ….وليومنا هذا عمرها شافت فيا باعجاب لوجهي أو لشهرتي أو حتى اهتمات للأمر … ولكن ختك يا عصمان (وشاف فيه ) منلي خرجات من كرش مك وهي مهووسة بيا ونتا وأنا عارفين هاذشي ..

عصمان قاطعو بعصبية مخنزر فيه ) مشكلتك أنك عاطي تقييم عااالي لنفسك ويحسابليك راسك..

خليل قاطعو ) أجمل رجل فالعالم🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 840🔮

خليل قاطعو ) أجمل رجل فالعالم
(وحرك راسو بآه ) ماشي يحسابلي بل أنا متأكد وهاذشي لي خلا ختك تبغيني فا إيلا كان حبها غير لوجهي أنا مابغيتوش …

عصمان : إذن علاااش خطبتيها من لول ها ؟ علاش؟

خليل تنهد وشاف قدامو ساهي ) كان خاسني نديرها ..

عصمان غوت ) علاااش …

خليل : على قبلك ..وعلى قبل العم جوكار (أب عصمان وهاندا ) …..وقبل كل شيء على قبلها هي…

عصمان ديق فيه عينو ) مافهمتش ؟

خليل تنهد ) مكايهمش (وشاف فيه ) هدفي كان نحافظ على العلاقة بين العشيرتين التركية والمغربية وماغانجيش دابا ونخسر هاذ العلاقة بأني نشرحليك بالتفصيل…ولكن لي بغيتك تعرف أنه مؤخرا من بعد خطبتنا أنا (وسكت شويا عاد نطق ) بديت كانميل لهاندا ..(حرك راسو بلا ) ماشي كانميل… بل أكتر لدرجة منلي كنشوفها قريبة ليك كاتجيني داخلي واحد الرغبة قوييية فأنني نقتلك (عصمان خرج فيه عينو ) هاذ الإحساس لي عمرني حسيتو من قبل فكل حياتي حتى مع أميرة …(حط يدو على قلبو ) كانحس هنا كايضر ..وملي بحثتت أكتر عن هاذ الشعور وقريت بعض الكتب لقيت أنه مفسر على أنه الغيرة ..(ابتاسم باستهزاء ) عمرني تخيلت نفسي غانطيح فهاذ النوع من الشعور وهاذشي علاش قلت ليك أنا آه كانبغيها …

عصمان مسح على وجهو ونطق ) مزيان …

خليل حرك راسو بلا ) ماشي مزيان حيت هاذشي ماكافيش..

(عصمان شاف فيه مخنزر ..وخليل كمل كلامو )

خليل : خاسني نتأكد أنها هي كاتبغيني لشخصي لصفاتي لشخصيتي ….ماشي لوجهي ….وإلا عمرني نقدر نتزوج بها حيت راك عارف الزواج عندنا هو رابطة مدى الحياة…

عصمان كايشووف فيه) : أممم وكيدير تتأكد يا سيد خليل…

خليل ابتاسم) أصلا بديت كانتأكد …

عصمان هز فيه حاجبو ) كيفاش …

خليل : عالأقل مابقاتش غير كاتشوفني كاتحل فمها وتسها ..أو غير كانقرب منها كاتتوتر …

عصمان مخنزر فيه ) دابا بغيت نعرف ..إيلا فرضا ماتأكدتيش من صدق مشاعرها واش غاتفسخ الخطبة؟..أو ناوي تكمل فهاذ الخطبة طول حياتك

(خليل ماجاوبوش الشيء لي خلى عصمان يفقد أعصابو ويوقف ونطق بتهديد)

عصمان : السبب لي خلاكم نتا وهي توهمو الكل بخطبة مزيفة مكايهمنيش ..حتى لو كان بغرض حماية الصداقة بين العشيرتين مكايهمنيش …لي بغيتك تعرف أنه إيلا خرجت من هاذ الجزيرة حي …أنا بنفسي غانفسخ خطبتكم يا خليل وبنفسي غانرجع ختي لعشيرتها …فا كانصحك تتأكد من أش بغيتي وتحسم قرارك وتهضر معاها هنااا وقدامي تقوليها أنك بااغيها ……حيت منلي نرجعو ماغانخلي ختي تعيش حتى نهار واحد زايد وهي كاتسمى خطيبتك المزيفة …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 841🔮
خليل وقف مقابل معاه ومخنزر فيها ) وأنا عمرني غانسمح ليك ولا لغيرك تفرضو على هاندا العيش فتركيا تحت استعباد مك …بزز منها (وحل يديه ) إيلا هي بغات تمشي معاك بخاطرها بيناتكم ولكن بزز منها ماتحلمش يا آغا …

عصمان مخننزر فيه) : أشنو كاتقصد أشنو دخل لواليدة فهاذشي …

خليل رجع جلس مكانو بهدوء ونطق ) هاندا كاتعتابر خطيبتي وعمرني نآذيها كون هاني …

عصمان زير على قبضتيه منلي شاف تجنب خليل لسؤاله ونطق بعصبية ) خطيبتك فهاذ الجزيرة الملعونة …غير نخرجو منها بنفسي غانعلن أن خطبتكم سالات وهاندا غاترجع لعشيرتها (ونطق وهو ضاغط على الحروف ) وماتعرف تتخطب لآخر
وأنا بيدي نعطيها كأجمل عروس…

(خليل وقف بكل برووودة دم ..دار يديه فجيابو مبتااسم وتحرك حتى قابل وجهو مع وجه عصمان ونطق بصوت هااامس وباااارد وهو كايشووف ليه فعينيه )

خليل : هاندا كاتموت عليا لدرجة عمرها غاتعطي راسها لغيري واخا تقتلووهااا …وكانتحداك تديرها…. أو غير تمشي تقتارحها عليها وديك ساعة تفرج فردها بعينيك …أنسيبي لعزيييز (وغمزو )

عصمان ضااااغط على سنانو ..بزز ابتاسم ونطق ) غانتبادل موقعي مع وسيم (واختفى من مكانو )

خليل ابتاسم ورجع جلس ببروود ) نسيبي لعزيز (ضحك باستهزاء ) ماعليكش أعم إيفان …

////
ونمشيو عند فارس وسام لي جالسين على العشب أمام باب الكوخ بخطوات قليلة …فارس تنهد بملل من الصمت لي ضاير بيه وشاف فسام )

فارس : بغيت نعتاذر ..(سام شاف فيه وفارس كمل كلامو ) كانقصد على قبل كل كلامنا لي قلناليك فالطائرة منلي كنا جايين …كانعتاذر وبالنيابة عنهم كلهم …

(سام رجع كيشوف قدامو بدون رد فحين فارس كمل كلامو)

فارس : نتا عارف أنه إيلا خرجنا من هنا حيين جبار ماغايدوزهاش ليك

(سام رجع شاف فيه)

فارس : فقانوننا ..نتا خالفتي أوامر اللورد الأول ..تواصلتي مع الليدي ساندرا فالسر ومور ضهرو دربتيها …يعني تقدر تقول أنك غدرتي ثقة اللورد ..واخا شنو ماكانو أسبابك أنا كانعرف جبار مزيان ..ماغايدوزهاش بالساهل…

سام نطق بهدوء ) وأنا مستعد …

فارس ابتاسم ) عندي فضول نعرف واش خوك ..قصدي أب الليدي ساندرا …كان بحالك يعني فالطباع ؟ …

(سام سهى لثواني … كايسترجع بعض ذكريات طفولتو مع خوه لكبير ^هابيك^ …شاف ففارس ونطق )

سام : لا …كانت طباعو كطباع اللورد جبار …

فارس خرج عينيه )….🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 842🔮
فارس خرج عينيه
فسام ..ويالاه غايهضر حتى حسو بحركة قريبة ليهم …الشيء لي خلاهم بجوج وقفو واستدارو حتى بانتليهم زليخة خارجة من الكوخ مخنزرة)

فارس : كانظن سمعتي الأوامر !

زليخة نطقات بدون مقدمات ) بغيت نبوول …

سام حنا راسو ورجع جلس مكانو فحين فارس تنهد ) نتي عارفة أنه مايمكنش تتحركي بوحدك…

زليخة : عارفة يا عملاقي (وشافت يمين ويسار ) فين عصمان ؟

فارس أشار ليها لليمين …وهي غمزاتو وتحركات ضارت مع الحائط الأيمن للكوخ وهي تلقا وسيم وخليل جالسين حنب بعض …وهوما غير شافوها وقفو )

وسيم : واش ماسمعتيش الأوامر …

زليخة قلبات عينيها بملل ونطقاتها ملحنة أي باللحن ) وااا بغييت نبووول …

خليل ببرود ) بولي …

زليخة : فين عصمان قاليا فارس غايكون هنا …

خليل : علاش أكما غاتبولي عليه

(زليخة خنزرات فيه وهو بدأ كيضحك بدم بارد فحين وسيم نطق مجيبا على سؤالها )

وسيم : فالجهة اليسرى من الكوخ ..تبادل معايا الأماكن

زليخة : ثانكس (وغمزاتو واستدارت مشات )

(وسيم تنهد وجلس …وخليل جلس جنبو مكملين حديثهم )

خليل : إذن قلتي غاتولي أب …

وسيم ابتاسم ونطق بحماس ) آآه ولتووأم كانتخيلهم قزحيين وزعرييين أو نوابغ (وضحك بصوت مرتفع ونطق بفخر) وسيم أب النوااابغ …صغااار وزوينين واحد يكون غامغوبش بحال مو وواحد غير ضاحك بحالي (وشاف فخليل موسع عينيه ) غانبقا نهزهم ومنلي يكبرو شويا نعلمهم كرة ااقدم …

خليل نطق ببرود ) أمم عرفتي أنا أشنو كانتخيل ؟

وسيم : أشنوو…

خليل ببرود) : كانتخيلك وليتي حمق وكاتضرب بلحجر وتقطع حوايجك ونتا تابعهم …ماتجي فين تشد واحد حتى يوصليك الثاني لتركيا …ماتجي فين تتبع الآخر لتركيا حتى يصدق لول فاسبانيا …وتبقا تابعهم هكاك من دولة لأخرى كيلحمق …(وشاف فيه) واش نسيتي أنه فعشائرنا أطفال قوة الجري السريع من أصعب الأطفال تربية وتدريبا … حدهم يبداو يتمشاو بربي لاشديتيهم وماغايكونش عندك غير واحد بل جوووج (وابتاسم) تفكر غير راسك أول مرة استنسختي القوة كانت عندك 11سنة ياك …

وسيم حرك راسو بآه )

خليل :شديتيها بجرية وحدة حتى ل جمهورية الموزمبيق لي هي وحدة من آخر الدول فقارتنا …جنوبا …

وسيم خرج فيه عينيه ) لاااا ماااشي أنا راه سليم هذااك لي استنسخ وتحكم بالقوة وكانت عندو 10 سنين هو لي أول مرة جرب القوة جرى جرية وحدة ماحبس حتى للموزمبيق وماعرفش يرجع لقاه لواليد ناعس وسط أسود كلها متحكم فيها باش ماتآذيهش ..ولقاوه فمحمية طبيعية عن طريق جهاز التتبع لي كان دايرلينا لواليد فلبراسلي لي كنا كولنا لابسين بحالو فطفولتنا

خليل : أممم ونتا فين كان لقاك العم جاسم بعدها ؟🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 843🔮

وسيم : وا هوا بصرااحة ماالقانيش ماشي هو لي كان لقاني ….

(خليل هز فيه حاجبو ووسيم تنهد ونطق )

وسيم : لقاوني متحولي عشيرة آل محمود العشيرة المصرية جنب الأهرامات بعد نهار كامل من اختفائي بسبب ضعف إشارة جهاز التتبع فهاذيك المنطقة وهوما لي علمو لواليد بمكاني وجاليا …

خليل : أمم عقلت جيتي كحل بشمس الصحراء …

وسيم حبس الضحكة ونطق بهمس ) وجبااار عقلتي هو منلي تحكم بالقوة وأول مرة طبقها فين صدق …

خليل قلب عينيه بملل ) ماتفكرنييش حيت نسا سميتي وعمرني ننسا أن العم جاسم خلاه أسبوع كامل تما …مانعو من أنه يرجع يعتب القصر… حتى عيط ليه جبار كايبكي (وتزلعو بالضحك بجوج )

وسيم :كانت عندو غير 8 سنوات ..

خليل : أمم شيطان عندو 8 سنوات بأفكار شيطانية قاليك مشا بقوة الجري السريع للقطب الشمالي المتجمد باش يأكد نظريتو لي استنتجها ولي كاتقول أن مثلث برمودا كاين فالقطب الشمالي ماشي غرب المحيط الأطلسي…وقبل مايمشي حيد لبراسلي ليفيه جهاز التتبع من يديه زعما ماغايلقاوهش …

وسيم لي كيموت بالضحك ) أربع أيام وعشااائر العالم كايقلبو علييه باستنفااار فكل الدول بزز لقااوه ومنلي سمع لواليد أسبابو عن أشنو كيدير تما قاليه براافو كمل بحتك هههخ ورجع لواليد بوحدو للمغرب مخليه كيتكرمل بلبرد منعو يرجع للقصر حتى عيط جبار كايبكي (وتزلع بالضحك)

خليل مبتاسم ) مكانش كايبكي بالبرد ولا حيت بقا تما بوحدو…بل كايبكي حيت توحش الليدي شيماء..قاليه ردني ولا سيفط ليا ماما ديالي

وسيم لي طاح على ظهرو بالضحك عينيه دمعو ) ومنلي سمع لواليد تاني سبب رغبته فالرجوع زادو أسبوع آخر ..

خليل لي تاهو كايضحك ) حيت كولنا ظنيناه بغا يرجع حيت تردع وتعلم الدرس (وشاف فوسيم ) وعقلتي فاش زادو العم جاسم أسبوع تاني اش دار جبار…

وسيم مابقاش قادر يسكت من الضحك كايهضر وهو كايضحك) كعااا هددووو ههههه جباار هدد لواليد أنه غايخطفليه لواليييدة هههه كانت اول مرة وآخر مرة يهدد فيها الوالييد هههه…

خليل تاهوا تكا داير يديه خلف راسو كايشووف فالسماء ) بسيف تكون آخر مرة …حيت اللورد جاسم ديك ساعة شد طريق تاوقف على جبار وعطاه عقاب أسوء من النفي …

وسيم لي سكت من الضحك تنفس بعمق ونطق ) سنة كاملة من التدريب القاسي والنفي فالقطب الشمالي …كانت جزاء لجبار غير حيت هدد لواليد انه غايخطف ليه لواليدة …من تما عمرو دارها …

خليل ابتاسم باستهزاء ) هه وسير نتا دبا هددو أنك غاتخطف ليه ساندرا …

وسيم : ههه راسك يلعب ليك بيه كورة ومايبردش …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 844🔮
(تتمة)

وسيم : ههه راسك يلعب ليك بيه كورة ومايبردش …

خليل شاف فيه ) وعقلتي على جمانة منلي كانت عندها أربع سنوات ..وهزها فارس بلا مايرد ليه تاواحد لبال خرجها من القصر حتى شدوه ليكارد البشريين فلخرجة دباب أسوار القصر ..حيدوهاليه ……متحول بجسد فولاذي فعمر 11 سنة سلخ أربع من ليكارد بشرين وجمانة طفلة حامياها غوات …حتى عيطو ليكارد على العم جاسم والعم دياب ..لا وزوينة هيا منلي مابغاش يقول فين كان دايها وعلاش … واخا عاقبوه …

وسيم لي شاد كرشو كيموت بالضحك ) قااليهم ولكن ماشي للواليد ولا للعم ديااب ..بل بزز گر لمو وللواليدة وهو حشماااان قاليهم أنه كان دايها للعدوووووول باش يكتبهاليه فسمييتو حيت جبار كان كيقوليه عالطالعة والنازلة ^عمرك تحلم بييها (وسكتو كيموتو بالضحك )

خليل : ههه وجبار منليعرف سيمانة وهو فينما شافو كيسلخو لبوكس تعلمو فوجه فارس … حتى تقلقات منو الليدي شيماء وقطعات معاه لهضرة عاد تصالح معاه…

وسيم : وامكن نسيتي راسك نهار عيطتي على صحافة أشهر المنابر الاعلامية فالمغرب وفاسبانيا ..وقلتي ليهم جرييو راه قصر آل ستارك لي كايتعتابر واحد من أكبر القصور فالمغرب …شاعلة فيه لعافيا …وحنا نااااعسين تكانفيقو على صداع دعشرات الصحفيين ورجال الاطفاء مطوقين القصر ونتا بكل برود ضارب كوستيم وخارج عندهم كايصورو فيك ونتا فرحااان …وهاذشي كووولشي علاش غير باش تتشهر وتبان ف tv ويصورووك …

خليل : كانت عندي غير 7 سنوات ماتنساش هاذ النقطة …وكل شيء كنت درتو باش ننشر جمالي …

وسيم هز فيه حاجبو ) آه جمالك ليكان لواليد غايحرمك منو بسبب العقاب أنه يعلقك نهار كامل تحت الشمس وكان الصيف كنتي غاتولي عزي وتتقعدلينا مدى الحياة ..منلي سمعتي العقاب ونتا لي كاتكره الشمس ومغرور ببياض بشرتك وتخيلتي راسك تبرونزيتي ونتا تسخف …حتى تدخلات العمة أيار (أم خليل) ساعة وهي كاتبكي على لواليد عاد قرر يلغي عقابك وغير على قبلها … ونتا بووحدك فينا لي فصغرك خديتي غير الانذارات حيت فينما دير شي موصيبة كيسمحليك لواليد حيت كاتتدخل العمة أيار بدموعها … أما حتى من العم غسان (أب خليل) كان كايظل يقول للواليد يعاقبك بحالنا باش يتحيد منك البرود والغرور لي تولدتي بيهم …

خليل نطق ببرود ) : لا أنا ماعمرني درت شي موصيبة بل ديما كنت مجرور فمصايبكم والعم جاسم كان كيسمح ليا حيت هو عارف هاذشي وهو غيركم كلكم مقدر جمالي …

وسيم ابتاسم سااهي ) وعقلتي على الرحلة لي مشينا كولنا فيها لغابات الأمازون بلا خبار لواليد أو شيواحد ههه كان جبار أكبرنا عندو 15 سنة وهو لي خطط لكل شيء …

خليل تنهد ) آه عقلت عقلت ودينا معانا زليخة ..الخال إيفان كان غايخرجليه لعقل أسبوع وحنا عايشين حياة طارزان ورجال الغاب..(وشاف فيه مخنزر ) وأنا وجهي الجميل عمر غير بلذغات الناموس … بسببكم

وسيم هز فيه حاجبو ) وكان لي ضربك على يدك تمشي معانا بزز …..نتا لي غير لاسق فينا ..🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 845🔮

وسيم هز فيه حاجبو ) وكان لي ضربك على يدك تمشي معانا بزز …..نتا لي غير لاسق فينا

خليل حرك راسو بلا ) نتووما لي كاتجرووني معاكم فمصايبكم حتى لو مامشيتش كنت غانتعاقب معاكم (وهز كتافو ) اللهم نمشي عالأقل نكون درت علاش نتعاقب…

وسيم ضحك وهو ساهي كايتفكر ) زليخة كانت صغيورة وكيوت كتر من دابا وكوين (ملكة ) دباباها ههه الخال إيفان لي كان حاضيها من نسمت الهواء ومكايتفارقش معاها ..فاق مالقاهاش هههخ عاشت معانا أسبوع كملكة الغابة ماخليناها دير والو وخصوصا عصمان عقلتي على لكوخ لي بناليها بأوراق الأشجار … قالك باش ماتنعسش وسطنا ..وكان كيظل عساس على كوخها بالليل حارسها … تكيديه نعاس وصباح يفيق طافج منلي مايلقاهاش فالكوخ ..كيطل فكوخنا كيلقاها كل مرة مخشيا فحظن واحد فينا وخصوصا جبار وفارس كانت تجي تخشا بيناتهم … وغير يشوفها عصمان يبدأ يسب ويعاير وينوض ليه جبار يسلخو عاد يسكت ….

خليل ضحك باستهزاء ) هو ليكان مكلخ كون جا تلاح ينعس حدانا كون هي فاقت فليل وجات تمخشش فيه هو ماشي فجبار أو غيرو …

وسيم : وخالي إيفان مسكين لي كان كيغزز سنانو باش يلقاها كان غايتسطى لدرجة دوزها فكل برامج الاختفائات فالعالم …جهل وتاهو ناض حيح على لواليد قاليه شياطينك لي خطفولي بنتي هههخ وناض لواليد سلخو …

خليل مبتاسم ) ونهار لقاونا هو ولواليد والعم جاسم وباقي الأعمام فعمق الغابات كنا كنعومو فالشلالات تاوقفو علينا …هي لسقات فجبار ومابغاتش ترجع للقصر قالت للخال إيفان بغيت نعيش هنا مع الحيوانات وخوتي غاسيرو … إوا وخدينا على هاذيك الرحلة أحسن عقاب فكل عقاباتنا …

وسيم تنفس بعمق وهو سااهي ) طفولتنا كانت رائعة ومشوقة وكلها مغامرات …كان بالنا هاني ..وماهازين الهم لوالو من الغير العقاب دلواليد اشنو غايكون …

خليل : حتى دابا مابقا والو ونتهناو من كل مشاكلنا ونرجعو لحياتنا المعتادة ..(وشاف فيه )عالأقل حنا أما نتا كيف قلت ليك ..وجد راسك حيت دوك جنون لي غاتولد ماغايكبرو حتى يسطيوك

(وسيم بدأ كايضحك وبقاو كايهضرو ويسترجعو ذكرتاهم دالطفولة ….. فحين مالك وعصمان كانو جالسين فصمت …حتى وقفات عليهم زليخة …الشيء لي خلى عصمان يوقف )

عصمان : أشنو كاديري هنا واش ماسمعتيش أوامر جب…

زليخة قاطعاتو ونطقات بملل وهي مخنزرة ) بغيت نبوول …

(عصمان خنزر فيها …ودور راسو شاف فمالك… هاذ الأخير لي وقف ونطق )

مالك : غانمشي نشوف لبنات أكما محتاجات لشيء (وانساحب)

(زليخة لي تسنات حتى غبر مالك …وقربات من عصمان حتى تقابلات معاه مخنننزرة فيه بطريقة خلاتو استغرب ونطق)

عصمان : مالكي !؟

(زليخة بلا ماتهضر جرات رجلها للوراء وبعدها للأمام بسرعة موجه ضربة على غفلة بركبتها لحجر عصمان … ضربة خلاتو خررررج عينيه …وجمع رجليه مقوص ظهرو وحاطط يديه بجوووج على عضوو الذكوري ..وهو مزيير على فمو كاتم صرختو حتى تزنننك ….ولكن زليخة غوتات بلاصتو )

زليخة : هااااذي بااااش عمرك تخاااالف الأواامر ….

عصمان هز راسو شاف فيها مزززنك ..وبزز وبعصبيية نطق ) علااش…أ أ أشمن أوااامر …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 847🔮

عصمان هز راسو شاف فيها مزززنك ..وبزز وبعصبيية نطق ) علااش…أ أ أشمن أوااامر …

(زليخة مع محني …تحنات بنفس الطريقة حتى قابلات وجهها مع وجهو ونطقات بعصبية وبسرعة ) جبااار قاليكم ربع سااااعة …ربع ساااعة ترجعووو …رجع سليم ورجع وسيم ونتاااا لااااا ….أكتر من نصف ساااعة مااابنتييش قلبيي يا عصمان حسيت بيه تعصصصر لدرجة فقدت كل تركييزي ومابقيتش قادرة نتحكم بقواي وحسيت بالدنيا ضارت بيااا ..فا استمتع بحر هاذ الضربة مزيااااان باش يترسخليك هاذشي فمخك وعمررك عمررك تعاودها …

(عصمان لي منلي ضرباتو …وخصوصا لمنطقة حساسة كتلك عند الرجال …تعصب وتقصح لدرجة كان غايختافي من قدامها بقوتو غير باش مايغلطش فيها ويصدق بلاخاطرو حاط فيها يدييه تاني…ولكن غير سمع كلامها …كعد راسو ناسي لعافيا دالألم لي شاعلة فخصيتيه …ونطق )

عصمان : مكانحلمش ياك قولي مكانحلمش ..واش بصح خفتي عليا ؟و لهاذ الدرجة …

زليخة شنقات عليه شاداه من كول لبودي مخنزرة فيه) سميييها لييي عجبك مكايهمنيش ..حنا هنا وسط خطر ضاير بيينا من كل الجهات فا بلا لعب لبراهش ديااالك …ماتحطش نفسك فالخطر يا عصمان وإلا غاندمك …

(عصمان ساهي فعيونها الزرق لدرجة ظهرت على وجهو ابتسامة العاشق الأبله …ونطق )

عصمان : على قبل هاذ اللمعة دالخوف والاهتمام والحب لي كانشوف دابا فعينيك تجاهي …أنا مستعد نخالف الأوامر ألف مرة ..ونعرض نفسي للخطر ألفي مرة…

زليخة لي معصصبة طلقات منو وهزات أصبعها أمام وجهو كتهديد ) كنبهك يااا عصمان من أنك تحرق قلبي علييك وإلا غانقتلك وغان…..

(وقاطعها عصمان مسكتها بأنه جرها بقوة عندو حاطط فمو على فمها وهو شاد وجهها بين يديه باش ماتفلتش منو …كيبوس فيها بسرعة وبشغف والأهم برفق وحب ..وهي مخرجة عينيها وكتحاول تبعدو عليها بدون نتيجة …وثواني حتى دورات يديها حول عنقو كاتتجاوب معاه ..الشيء لي حمسو أكتر وخلاه يهبط يديه مع ظهرها حتى لمؤخرتها ..حركة لي بورشاتها و فيقاتها و وعاتها على المكان والوضع لي هوما فيه…فا فصلات القبلة مبعدة منو استدارت كاترتب شعرها بارتباك …أما هو فا واقف مكانو مبتااسم ونطق )

عصمان : وصلتي لمرحلة ..مابقيتيش حتى قادرة تخبي يا زليخة

زليخة شافت فيه مخنزرة ) أش بالضبط ؟

عصمان نطق بكل ثقة وفخر) حبك ليا ؟سنين وأنا كانتسناك تشوفي فيا ولو لمرة وحدة بهاذ النظرة لي شفت فعيونك البلورية اليوم ..وأخيرا شفتها …

زليخة هزات فيه حاجبها ) ماعمرني خبيت شيحاجة أعصمان ….ونتا عارف …مكانخاف من تاواحد…ونظرتي ليك دابا هي نفسها لي كانت شحال هذا راه نتا لي كاتشوف غير لي بغيتي …

عصمان خنزر فيها ) أشنو بغيتي تقولي بالضبط …

زليخة تنهدات ) كون شحال هذا كنتي مركز فنظرتي ليك نتااا …ماااشي فنظرتي لباقي رجال لستارك …كون كااعمة نضيعو كل هاذ الوقت فشد ليا نقطع ليك … (وحطات أصبعها على صدرو )نتا أعصمان السبب ماشي أنا …

عصمان زيير على قبضتي يدو ) : آه يعني الغلط ديالي ياك ..ونتي لي كنتي تابعاني كل هاذ السنين وأنا هارب منك وتابع جبار والباقين ياك …

زليخة قلبات عينيها بملل ) هاحنا غانرجعووو لنقطة الصفر…(تأفأفات وشافت فيه ) سمع أعصمان …أنا حلفت ليك من قبل أنه ماغانكون ليك حتى تركع قدامي وتطلبها ونتا راكع وماغانتراجعش …ولكن دابا دير فبالك راه واخا تركع لياااا ماغااانكونش ليك #إييييلا ماادخلتييش جبااار وسليييم ووسييم وفااارس وخليل ومااالك ل هنااااا (وحطات أصبعها على جبهتو جهة مخو )….حيت آآآآه أنااا كانبغييهم كلهم…. وحدك ماتقبلتيهاش ونتا ضاااحك …فاماتسنا مني والو …(واستدارت غاديا مخلياه حال فمو حتى عيط باسمها بصراخ الشيء لي خلاها وقفات واستدارت وشافت فيه وهو نطق بجدية )🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 848🔮

عصمان : عالأقل تقدري تقولي ليا ولو عمدا ولو تكدبيها فوجهي ولو غير باش ديريلي خاطري …أن مكانتي عندك مختالفة ..و أكبر وأهم منهم كلهم …..

زليخة : أنا قلت أنه مكانكدبش أعصمان وماغانكدبش عليك غير باش ندير ليك خاطرك ونتا طول عمرك غبي … عرفتي علاش …؟

عصمان مكتفي بالصمت وهو كيشوف فيها)

زليخة ابتاسمات ) حيت لدابا مزال كاتقارن نفسك معاهم ..ومكانتك فقلبي …بمكانتهم ….

(واستدارت مشات فاتجاه بعض الاشجار ….فحين عصمان جلس وهو كايفكر فكل كلامها ..وتذكر حوارو مع جبار فشركتهم..وبالضبط بعدما شد جبار الحكم وعين عصمان أحد العضماء الأربع رؤساء محكمة المتحولين… فاش قاليه جبار

^^^جبار : واش كاتسنى من زليخة تقطع علاقتها معايا أو مع سليم أو مع وسيم ومالك وخليل (ابتاسم باستهزاء ) من نيتك …هي من نهار حلات عينيها وهي وسطنا.. قالت اسمي واسمك قبل ماتقول اسم باها ومها…أول نهار ليها فالمدرسة داها فارس ..وفالتدريب رفضات يدربها لواليد ولسقات فيا وفيك وفمالك ..وعقلتي نهار عيا فيها خالي إيفان تكمل قرايتها فالمغرب باش تبقا حداه ومابغااتش خلاتو وتبعات وسيم لأمريكا تقرأ معاه… فا ياعصمان من نيتك كاتسناها تولي تتعامل معانا بحدود وكالغرباء ..أو من نيتك كاتغار عليها مني يا عصماان ومن سليم لي عينيه غير على مراتو ولا وسيم حتى هو ولا من فاارس ياعصمان ..^^^^^^^

( عصمان حط يديه على وجهو مغممظ عيونو بقوة و كلام زليخة لي عاد قالت ليه دابا… كايتعاود فراسو … ^^^واش لدابا مازال كاتقارن نفسك معاهم ومكانتك فقلبي بمكانتهم ))) …..الشيء لي خلاه ابتاسم بفرح حيت فهم مغزى كلامها …. تكا على ظهرو فوق الأرض وهو ساهي فالقمرة …وكل تفكيرو غير فواش غايقدر يصبر أنه يشارك وقتها واهتمامها وشويا من حبها…مع ست رجال آخرين ….. وواش غايقدر يتقبل هاذشي من أعماقو ))

أما زليخة فا بعدما قضات حاجتها رجعات للكوخ دخلات لقات أميرة لي فحظنها القرد .. وهاندا وجمانة جالسات فجهة متكيات على الحيط وكيهضرو بهمس وهن كاياكلو داكشي لي بقا عندهم دسقاطة ليهازين معاهم …فحين ساندرا عاطياهن بالظهر متكية على جنبها الأيمن موسدة صاكادو ديالها ومعنقة كتاب التعاويذ وهي مغمظة عينيها …وجنبها متكية ماريانا على ظهرها وهي ساهية فالسقف الرث…زليخة تنهدات وتحركات متكية على ظهرها جنب ساندرا ….بحيث ماريانا وزليخة فالجانبين وساندرا لوسط)

ساندرا نطقات بلا ماتحل عيونها ) مخاسكش تنعسي على ظهرك فالأشهر الأولى من الحمل ..الجنين غايتقلب …

ماريانا استدارت على جنبها مقابلة مع ساندا ) كاننسى راه قالتهالي الطبيبة آخر مرة زرتها …ومع مولفة كنعس على ظهري جاني صعيب ندوز ليل كولو على جنبي (ابتاسمات ) ولكن سام راد معايا لبال شحال من مرة وأنا ناعسة كنحس بيه هزني بشوويا دورني منلي كنتقلب على ظهري …

(ساندرا ماجاوباتهاش …فحين ماريانا سكتات لثواني وهي كاتتأمل وجه ساندرا)

ماريانا : واش نعستي …

ساندرا حلات عيونها لي تقابلو مع عيون خالتها ونطقات) فنظرك غانقدر ننعس فهاذ الظروف ؟

ماريانا ابتاسمات ) ماتخافيش حنا معاك..

ساندرا ابتاسمات باستهزاء ) أصلا هاذشي لي خالعني…

ماريانا : ماغانكدبش عليك حتى أنا وليت خايفة وبزاف عرفتي علاش ؟

(ساندرا مكتفية بأنها كاتشوف فيها)

ماريانا نطقات بهمس ) حيت ثيون بين على مستوى عالي من الذكاء …ونتي عارفة علاش …لدرجة سبقنا بخطوة شفتي الضباب لي خلالينا فالطريق …وكيفما قال راجلك اللورد راه ثيون بحالا كيقولينا ^أنا دزت من هنااا^ بغيت نعرف غير كيفاش قدر يعرف طريقنا ..🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 849🔮

ماريانا نطقات بهمس ) حيت ثيون بين على مستوى عالي من الذكاء …ونتي عارفة علاش …لدرجة سبقنا بخطوة شفتي الضباب لي خلالينا فالطريق …وكيفما قال راجلك اللورد راه ثيون بحالا كيقولينا ^أنا دزت من هنااا^ بغيت نعرف غير كيفاش قدر يعرف طريقنا ..

نطقات زليخة لي كاتتصنت على حديثهما) هاذشي خاس الكونتيسة تجاوبنا عليه ياك هي قالت أنها الوحيدة لي عارفة الطريق لهاذيك الشجرة !

(ساندرا نطقات مجيبة على كلام ماريانا بدون اكتراث لاستفزازات زليخة)

ساندرا : ثيون عمرو مكان ذكي أماريانا ..(ابتاسمات باستهزاء)من نهار عرفتو ..واخا كان مبين ليا شخصية غير شخصيتو الحقيقية حيت هو من النوع لي عندو مئة وجه …ولكن عمرني حسيت بيه ذكي …و إيلا كان شينهار ظن أنه ذكي فهذاك غير غرورو الغبي …ولكن هو ماااكر وفرق كبير بين الذكاء والمكر …

ماريانا تنهدات وحطات يدها على بطنها ) ولكن أساندرا (وشافت فيها ) أحيانا كايكون المكر أخطر من الذكاء …

وبسرعة نطقات زليخة ) وجبار أخطر منهم بجوج …

ساندرا تنهدات ورجعات غمظات عيونها ….
///
ونرجعو عند سليم في الخارج ….لي مزالو على وضعيتو …جالس كيشوف فصورها على هاتفو وهو مبتاااسم …كيدوز وحدة بوحدة حتى وصل لفيديو دسميحة …حلو كيتفرج فيه …حتى حس به من طاقتو واقف عليه …هز راسو بانليه جبار واقف أمامو ومخنننزر ..وهو هاز بيد وحدة غزال مذبوح ومسلوخ الجلد …)

جبار لي حنا عينو على هاتف خوه كيشوفو فاياش كايتفرج …هاذ الاخير لي وقف وعينو على الغزال )

سليم : اذن ليلة شواء …

(جبار لاح ليه الغزال بدون مايهضر وتحرك فاتجاه البحيرة يغسل داتو ويديه من دم الغزال لي سلخ..وغير وصل للبحيرة تلاح كيعوم بعدما لاح قبيتو وفرغ ما فجيوب سروالو …فحين سليم توجه لأمام الكوخ و صفر..بعدها جاو باقي الشباب ….شعلو نار و بسهولة جهزو الغزال باش يتشوا فقواهم مسهلة عليهم هكذا أمور بسيطة ….وجلسو ضايرين بالنار ….)

سليم عينيه على جبار لي كيعوم ..كيشوف فيه باستغراب ونطق ) جبار ماشي فطبيعتو …

مالك : علاش …

سليم شاف فيه ) ماعرفتش لكنو معصب بزاف …

(عصمان لي غير سمع كلامهم خرج عينيه وشاف فخليل هاذ الأخير لي مربع يديه شاف فعصمان ببرود)🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 851🔮

(عصمان لي غير سمع كلامهم خرج عينيه وشاف فخليل هاذ الأخير لي مربع يديه شاف فعصمان ببرود)

فارس عينيه غير على الكوخ ) امكن خاسنا نعيطو على لبنات خلينا الكوخ بدون تطويق …(حيت كانو ضايرين بيه أي مطوقينو بغرض الحماية)

(ومع كمل كلامو نطق جبار لي وقف عليهم كايقطر وهو كيلبس قبيتو …)

جبار وعينيه غير على خليل بنظرات كلهم شر ) :غانستدعيهن

(واختفى من مكانو ظهر واقف عليهن وسط الكوخ …حتا وقفو طافجات ..من غير ساندرا لي وقفات بشويا عليها)

جبار وهو كايحول عينيه بيناتهم ) لعشا واجد (وأشار لهن براسو يخرجو ..وهن مشاو بهدوء متابعات ..غير فاتوه وخرجو من باب الكوخ وشافو النار والشباب ضايرين عليها والغزال كايتشوا…جمانة أميرة وسماح مشاو كيجريو ….فحين هاندا زليخة وماريانا تبعوهم بخطوات عادية)

جبار مخنزر فوجهها الشاحب ) مالكي !

ساندرا ابتاسمات ) والو غير التوتر …

جبار وقرب منها دور يدو حول خصرها وحط جبهتو على جبهتها ) علاش أنا حاس أن هاذ التوتر أو الخوف بصفة عامة لي نتي فيه…ماشي من المعركة أو من تدمير الكتاب أو (وضغط على الحروف بطريقة خلاتها تسرط ريقها ) من هذااك ثيوون ليمن نهااار عرفتييه ماعمرك حسيييتي بيه ذكي بل ماااكر بمئة وجه ……بل كل خوفك وتوترك مني أنا !

(ساندرا خرجاات عينيها عالجهد …ماشي من حقيقة انها فهمات أنه سمع كل كلامها بقوة التنصت …بل غير سمعات آخر كلامو حسات بالدنيا ضارت بيها لدرجة هو حس بالرجفة فجسدها ..ومن ردت فعلها …خذا جوابو بدون مايحتاجها تهضر الشيء لي خلاه ينطق )

جبار : نتي عارفة شحال كانبغيك ياك…؟!

(ساندرا ماجاوباتش …و واخا حاطط جبهتو على جبهتها ومركز فعيونها …هي مهربة بؤبؤ عينيها للجنب متقادراش حتى تشوف فيه …حيت بذكائه لي كايصدمها للمرة المليون …هي عارفة أنها واخا تجاوبو جواب غلط باش تحاول تخبي حقيقة مشاعرها …هو مستحيل يطيح ففخها ودوز علييه …وهو منلي شاف سكاتها طول ..ضغط شويا على خصرها باش يثير انتباهها ونطق )

جبار : كانظن سولتك ؟

(ساندرا سرطات ريقها وحركات راسها بآه…)

جبار : مزياان ..وعارفة أنه مستحيييل نخليك !؟واخا ديري لي درتي !

(ساندرا حركات راسها تاني بآه)

جبار نطق وهو مبتاسم )وعارفة أنني مستحيل نآذيك بوعيي ..عالأقل جسديا!؟

(ساندرا سرطات ريقها وحركات راسها بآه)

جبار : شوفي فيا ..

(ساندرا حركت بؤبؤ عينيها البنيين حتى تقابل مع بؤبؤ عيونو الزرق ونطق )

جبار : إذن هاذشي كافي يخليك مرتاحة البال او لا ؟

ساندرا : أنا بيخير…

جبار حط يدو على خدها كيلمس فيه ونطق ) أشنو ما كانت نتيجة …أو مخلفات المعركة ….غاتحلي عينيك يا ساندرا غاتلقايني حداك …

ساندرا شدات يدو لي على خدها وبسرعة نطقات ) ماغاتتبدلش معايا ياك ؟

(جبار ديق فيها عينيه بدون رد وهي نطقات ودموع طاحوليها )

ساندرا بصوت باكي ومرعود وفيه نوع من الترجي ) : إيلا كنت فاش غانحل عيني غانلقا قدامي جبار آخر مكانعرفوش …قاسي معايا وغير مبالي …فا أنا مابغيتش نحل عيني مرة أخرى أجبار …

Leave a comment