Skip links

قصة : الوحش وذات القزحتين الجزء 2 ( عشق جبابرة) 82

 32,101 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 786🔮

( ساندرا زيرات على يديها ويالاه رمات الخطوة تزيد تدخل للغابة حتى سمعات صوت قوي كأنه صوت صااروخ متجه ناحيتهم ……الشيء لي خلاها لا هي لا البنات لي مازالات على اليخت … يضورو بسرعة ويهزو ريوسهم للسماء ….حتى خرجووو أعينهم وهن كايشوفو طائرة لي أكييد عرفاتها زليخة…جاية ناحيتهم بسرعة قصوى…هاذ السرعة لي نقصات تدريجيا وهي كاتقرب لهن ….

(هاندا..لي فالبحر بسرعة دفعات جسدها بتحكمها بالماء حتى تهزاات بقوة هازها الماء وجات واقفة على سطح اليخت جنب البنات كاتقطر وكاتلهث وهي هازة راسها كاتشوف فالطائرة لي غير قربات لليخت بدات كاتنخافظ عن علوها شيئا فشيئا بحيث السرعة الجوية ومعدل الانحدار نقصو باش يمكن لجسم الطائرة ينحادر بدرجة كافية استعدادا لهبوط سلس …فا غير بقى بينها وبين الماء مسافة قصيرة بدأت طوافات كاتخرج من الطائرة بدل العجلات..باعتبارها طائرة صاروخية برمائية ..فا هي كاتتضمن خاصية النزول والأقلاع من أو على البر أو الماء ……

البنات كلهن واقفات فحالة صدمة…وهن كايحسو بأقوى سبع طاقات في صنف المتحولين…وبين هاذ الطاقات طاقة أقوى هجين فصنفهم…طاقات لي أكيد ماخفاتش على كل وحدة منهن…لدرجة كلهن سرطو ريقهن منلي استقرت الطائرة على الماء بمسافة ماشي بعيدة على يختهن ……وثواني على استقرارها …تحل الباب وخرج أولا …مخنزر …عروق جبهتو ويديه مطراسيين…وعينيه على لبنات لي كلهن حناو ريوسهم ورجعو خطوة للوراء كايرجفو …وبعدو خرجو باقي الجبابرة الست واقفين خلفو وكلهم كايرمقو البنات بنظرات كلها غضب وسخط …وخلفهم بستة سام حاني راسو جنبو ماريانا كاتطل وتشوف البنات على اليخت وعينيها كايقلبو على ساندرا …..)

جبار تحنا على ركبة وحدة ..ودفع جسدو بقووة باستعمال قوة ^القفز البعيد^ نقز بمسافة كبيرة من طائرته حتى لسط يخت زليخة وجا واقف أمام البنات لي صفارو بالخلعة وتاوحدة فيهن ماقدرات تهز راسها او تتحرك ….
🍀🍀🍀
على الشاطئ واقفة ساندرا مخرجة عينيها فاليخت وفالطائرة التي حطت على الماء خلفو وبمسافة ماشي بعيدة عليه …غير كاتسرط فريقها وهي كاتحرك راسها بلا وقلبها غايسكت … وكاتحاول تشوف شكون خرج من الطائرة مابانليها تاواحد حيت اليخت حاجب عليها الرؤية ومغطي كل مقدمة الطائرة …حولات نظرها لبنات لي مستفات على اليخت عاطيينها بالظهر ….ويالاه ديقات عينيها تشوف شكون واقف قدام البنات …حتى فجأة بانوليها كلهن هربو تخباو خلف زليخة ….مخليين ليها مجال واضح للرؤية …وغير شافتو وعينيها جاو فعينيه وهي تخررج عينيها ورجعات بسرعة خطوة للخلف الشيء لي خلاها تعكلات وطاحت كاتنفس بسرعة وكاتنطق ب )

ساندرا : لا لا لا مايمكنش لا ….(وخرجاات عينيها أكتر منلي بانولها بقية جبابرة آل ستارك مع سام وماريانا خلف جبار ..وكلهم كتيشوفو فيها …)
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 787🔮

ساندرا : لا لا لا مايمكنش لا ….(وخرجاات عينيها أكتر منلي بانولها بقية جبابرة آل ستارك مع سام وماريانا خلف جبار ..وكلهم كتيشوفو فيها …)

🍀🍀🍀

على سطح اليخت …جبار غير وقف قدام البنات بملامح وجهه المرعبة …هن جمدو حتى وحدة منهن مادارت حتى ردت فعل او تحركات او حتى شافت فيه ..فحين وهو كايحول نظرو من وحدة للأخرى بلا حتى مايهضر …حتى ظهر خلفو عصمان بقوة التنقل وهو حاطط يديه وحدة على كتف خليل والأخرى على كتف مالك نقلهم معاه ..وجنبهم ظهر سليم حاطط يدو على كتف فارس وجنبهم ظهر وسيم حاطط يدو على كتف سام وشاد بيدو الأخرى دراع ماريانا نقلهم ….وكلهم ساكتين كل واحد منهم كايشوف فملكة قلبو أمامو بسخط بلا مايهضر حتى واحد منهم مع حتى وحدة من لبنات …. أما ماريانا وسام فا مخرجين عينيهم فالجزيرة وبوابتها ….

جبار لي مابانتش ليه ساندرا معهن ومكايحسش بمرة بطاقة سحرها على اليخت …زيير على يديه و يالاه تحرك خطوة وحدة ناحية البنات حتى كلهن شهقو وتحركو كيجريو برعب تخباو كلهن خلف زليخة ….وهو وقف مكانو كايشوف فنقطة وحدة ولي كانو حاجبينها عليه البنات …..شافها واقفة على رمال الجزيرة و غير جاو عيونو الزرق فعيونها السود هو ضغط على سنانو بغضب … وزير على يديه منلي شافها ترعبات لدرجة طاحة للخلف….نطق وهو ساهي فيها على الشاطىء)

جبار : فارس غير نعطيك إشارة حرك اليخت فاتجاه الجزيرة …

فارس حرك راسو بواخا وتحرك قاصد مقصورة القيادة )

(زليخة لي كغيرها من البنات لي خلفها …خايفة منو ومع ذلك نطقات بسرعة )

زليخة :الجزيرة مكاتقبلش غير السحرة واخا يحرك اليخت مستحيل الجزيرة تسمح نقربوليها ……راه عيات هاندا تدفعو بضخ مياه البحر بقواها ولكن ما…. (سكتات منلي شاف فيها مخننزر )

(جبار رجع نظرو لساندرا التي على الشاطئ … ابتاااسم جنب ومد يدو لجيبو جبد منو سنسلة …وهز يدو للفوق تحت انظار ساندرا والباقين وطلق السنسلة لي تدلات من يدو ووضاحت ليهم …كانت ^قلادة عين التنين^ لي عطات ماريانا لساندرا..ولي كانت رمز لإعلان كل معاشر الخير ولائهم لساندرا …أي هاذ القلادة هي كالتاج لي كل السحرة عطاوه لساندرا باعتبارها كونتيسة عليهم …وليكانت بحاالها عند كونت معاشر آل جوفر المتوفي ^آلبرت ^ ولي بيها كان كايحل ويسد الجزيرة لي ساكنينها سحرة السحر الأسود ..الجزيرة المنسية ^ …وحاليا كاينة عند ثيون …..الإختلاف بين القلادتين هو لون عين الثنين …قلادة ساندرا لون العين لي فيها قرمزي …وقلادة ثيون لون العين لي فيها أزرق…وقلادة ثيون معروف أنها كاتسد وتحل ليهم جزيرتهم …أما قلادة ساندرا فا هي قديمة قدم كتاب التعاويذ السحري وكتقليد مؤكد عند معاشر السحر الخير ..كانت القلادة كاتتوارث من كونتيسة لأخرى عبر أجيال وكايعتابروها كنز مقدس خاس كل كونتيسة تحافظ عليه حتى توصلو للمختارة نهار تتولد …وحتى واحد من السحرة مكان عارف الغرض من هاذيك القلادة وأشنو كاتحل !……ولكن جبار كان استنتج هاذ الغرض نهاار عرف من زليخة التي استجوبت الساحر لي كانو شدو …أن جزيرة آل جوفر ^الجزيرة المنسية ^ كاتتحل وتتسد بمفتاح كالذي تعطى لساندرا … )
🍀🍀
ساندرا لي مزالها جالسة على الرمال بصدمة غير شافت جبار هاز شيء فيدو ومعليه عن قصد كأنه كايوريه لها …ديقات عينيها تشوف أشنو هذاكشي …ومابانليها مزيان حتى فجأة وغير تقابلات القلادة مع جزيرة المتاهة ..توهجت عين التنين القرمزية بقوووة ضوااات باللون القرمزي السااااطع لي بان على بعد أمياااال ….ضوء سااااطع قوي قرمزي اللون كأن المفتاح يصرخ بأنه وجد بابه …..وساندرا غيير شافت القلادة ضوات باللون القرمزي عرفاااتها الشيء لي خلاها شهقات ووقفات وغوتاااات حتى صوتها وصل لييهم )

ساندرا : لااااااااااااا…(وحولات نظرها لعمها سام لي تحرك حتى وقف جنب جبار )
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 788🔮

ساندرا : لااااااااااااا…(وحولات نظرها لعمها سام لي تحرك حتى وقف جنب جبار )

🍀🍀🍀

على اليخت
جبار لي بعد صراخها اختفت نصف الابتسامة لي كان رسم على وجهو …خنننز وعيونو ماحيدووش علييها بمرررة ..كايرمقها بنظرات مرعبة …لاح القلادة لسام لي وقف جنبو… ونطق بأمر )

جبار : حل لق..وي …

(سام …لي منلي شاف القلادة عند جبار عاد فهم علاش قاليه خليتك حي غير حيت محتاجك فشيء …فا بلا مايحتاج لأمر جبار قرب منو حتى وقف جنبو مستعد ينفد لي عليه…ومنلي لاح ليه جبار القلادة شدها ويالاه هزها مقابلها مع الجزيرة وعينيه حتى هو على ساندرا ..يالاه غايبدأ فإلقاء التعويذة باش يحل الجزيرة أمام صنف المتحولين حتى قاطعاتو ساندرا لي غوتات بأعلى صوتهاا )
🍀🍀
على الشاطىء…

ساندرا : لااااااا ساااام لااااا ماااتحلش لالااااا (شافت فخالتها ) ماااريااانا منعييييه هذااا أمر منعيييه …
🍀🍀
على اليخت ماريانا حنات راسها بقلة حيلة وهي كاتفكر تحت صراخ ساندرا لي ماسكتاااتش…فحين سام نطق بصراخ وهو مزالو هاز القلادة )

سام : يااك واعدتيني أنك غير تتحكمي بآخر عنصر تعلميني واااعدتيني أنك ماغاتمشييش قبل ماتقوليهالي …

(ساندرا فمها كاايرجف وبدات تبكي وكاتغوت بحر جهدها عقلها غايخرج )

ساندرا : ياااك نتاا أكتر وااحد كاان عاارف أنه مكاااااينش حل ثاااني… يااااك كنتي عاارف ومتاكد بحاالي وأكتر أنهم كااانو غير كايضيعوو فالوقت ومستحييل يلقااو الثغرة … يااااك نتا دابا حاسس بحاالي بأشنووو داخل هااذ الجزييرة فااااا ماااتحلهاااش ليييهم أساام

سام سرط ريقو وغوت ) ماغاتقدريش يا سااندرا بوحدك ماغاتقدريش …(ويالاه غايبدأ فإلقاء التعويذة حتى غوتااات مزنكة بالأعصاب والعرق لي نازل من جبهتها تنفخ )

ساندرا :كاانعتاااذر صاافي هااني كاانعتااذر منك مااقدصتش نضحك علييك او نكدب أنا درت غير لي كااان خاسني ندييروووو فا كنعتااذر غيير ماتحلهااش كنترجااك أعمي مااتحلش (شافت فكل رجال لستارك من غير جبار وغوتاات حتى صوتها بح ) واااااش بغيتو تموووتو ولا بغيييتو تشووفوهن كايموووتو قدااامكم (وأشارت للبنات )

(جبابرة آل ستارك غير كايشوفو فيها مخنزرين بلا رد …فحين هي شدات راسها بيديها بجوج كاتبكي بقوة ورجعات كاتشوف فجبار وغوتات )

ساندرا : جباااااار مااادخلش عافاك ..ديهم وسيير نسااوني سييرو (شهقات وهي كاتشوف فجبار ) نسااني…
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 789🔮

(جبار كايشووف فيها ببرود …دور راسو شاف فسام بلا مايهضر …هاد الأخير لي حرك راسو بواخا وتقدم خطوة هاز القلادة مقابلها مع الجزيرة….)

(ماريانا قربات حتى وقفات جنب سام ..كاتشوف فساندرا ونطقات بصراخ )

ماريانا : الملكة ماكاتمشيش للحرب بوحدها يا ساندرا …فا أشنو فائدة جيوشك من عاشئرك ومعاااشرك …إذا ماهزوش معاك عبء مهمتك…

ساندرا خرجاات عينيها منلي فهمات مغزى كلام ماريانا ونطقات بهمس ) لا مايمكنش …

(سام غمظ عيونو وماريانا شابكات يدها مع يدو ..وسحرها دمجاتو مع سحرو لتعزيز سرعة تطبيق التعويذة لي أي ساحر او ساحرة يقدرو يطبقوها لفتح أي مكان مغلق سحريا ..التعويذة لي كاتحتاج فقط المفتاح السحري الخاص بفتح هذاك المكان ..وأيا كان من السحرة يقدر يطبقها .. ماريانا زيرات على يد راجلها وبداو بجوج بإلقاء التعويذة تحت صراخ وترجي ساندرا …

ماريانا وسام فنفس الوقت ) هالا.. فالا.. وايوس..هالا..فالا..سكريوس…

(ساندرا شهقات مخررررجة منلي حل سام عينيه ومباشرة هز جبار يدو عاطي الإشارة لفارس لي فلبلاصة ديمارا اليخت بأقصى سرعة فاتجاه البوابة …حتى تدفع اليخت بقوووة وسرعة مضااعفة الشيء لي خلا لبنات لي مكمشات فقنت يشوفو فجنابهم حتى بانليهم سليم ووسيم متحكمين بمياه البحر بقوة التحكم بعنصر المياء بحيث كيدفعو اليخت للأمام بضخ الماء …فحين فارس تحرك شد جمانة من دراعها جرها من وسط البنات ويالاه غاتهضر حتى خنزر فيها ..سكتات حانية راسها …نفس الشيء دارو خليل جر هاندا من وسط البنات لاح عليها فوطة وقال ليها ببرود تنشف راسها …أما مالك فا غير قرب من أميرة بدات تبكي ..خنزر فيها وهي تسكت … فحين وسيم خدام كايتحكم فالماء من الجهة اليمنى لليخت وعينيه على سماح مخنزر فيها وهي غير كاتسرط فريقها ….أما عصمان فاكايشوف عادي فزليخة …..

فحين جبار فا مربع يديه و واقف فمقدمة اليخت وهو كايشووف فيها…اليخت لي قطع بوابة التنين ومتاجه لليابسة بسرعة قصوى…..وجبار يالاه غايتلاح فالماء حتى بانتليه ساندرا عطاتو بالظهر ومشات كاتجري تدخل للغابة زييير على يديه ونقز من اليخت باستعمال قوة ^القفز البعيد المدى ^ بحيث تعلى جسدو ونقز بمسااافة كبيييرة من اليخت حتى للشاطىء…)
🍀🍀
على الشاطئ ..وعند ساندرا لي صوتها بح بكترة الصراخ وهي كاتشوف فعمها وخالتها يلقيان تعويذة الفتح ^ باش يحلو الجزيرة المغلقة في وجه المتحولين والهجائن …حتى خرجات عينيها وجاتها اللقوة منلي بانتليها قلادة عين الثنين القرمزية توقفت عن التوهج ..تطفا النور لي كان فيها بمعنى أنه الجزيرة تفتحات وأي متحول يقدر يدخليها …حركات راسها بلا وهي كاتشوف اليخت تحرك بقوة وسرعة ناحيتها وجبار مخننزر فيها …وبحركة لا إراادية ولا واعية استدارت ومشات كاااتجري هاربة منو في اتجاه الغابة …..كاتجري بأقصى سرعتها وبلا عقل ويالاه غاتدخل للغابة حتى ظهر قدامها بقوة تنقلو وهي مع السرعة باش كانت كاتجري زلقات ليها رجلها مع الرملة وتخبطات بقوة مع صدرو لدرجة رجعات للخلف دايخة يالاه غاطيح حتى بسرعة شدها من دراعها بيد جرها بعنف عندو حتى تقابلات معاه مخرجة عينيها فيه …ويدو الأخرى هزها حتى للسماء ينزل عليها بتصرفيقة قوية…..يتبع
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 789🔮
~~~
■ قالت ..: ،إرحل ، إذهب ،فل تنْسانِي…..
■لكنها هي من نسيت …نعم نسيت أنني بدُونها ..سَأعيش ميتاً وأنا على قيد الحياة … وسَأغدو ملكاً بدون مملكةٍ…وأحيَا جبّاراً بلا جَبروتٍ…. لأَنتَهِي عاشقاً بدون قلبٍ…
فإياكُم و كَسر الخواطِر فإنّها ليست عظاماً تُجبر بل أرواحٌ تُقهر…وما أخطرهُ قهُر روحِ شّيطانٍ عاشقِ وخِذلانُه يا ساحِره…فلا تنتَظِري منّي الرأْفة والغُفران…وأنتِ منْ كنتِ السّبب في الخرابِ الدّاخليِّ لمَشاعِري ..ولا تلومينيِ علَى بثّ الخرابِ في النفوسِ
~~~
《تتمة أحداث الجزء السابق 》

…بعدما فتح سام وماريانا ^جزيرة المتاهة^ في وجه المتحولين تحرك اليخت داخل لنطاق الجزيرة ومتجه لشاطئها ..وبسرعة قصوى مضافة بفظل سليم ووسيم وتحكمهما بماء البحر …اليخت لي عليه كل شباب وبنات آلستارك وسام وماريانا … بالإضافة لجبار لي كان واقف في مقدمتو حاااضي ساندرا الواقفة على الرمال …و ويالاه غايتلاح فالماء يسبق اليخت بقواه حتى بانتليه عطاتو بالظهر ومشات كاتجري تدخل للغابة هاااربة منو الشيء لي خلا سخطو يزيد …. زييير على يديه ودمو كايغلي ..نقز من اليخت باستعمال قوة ^القفز البعيد المدى ^ بحيث بتنقيزة وحدة تعلى جسدو ونقز بمسااافة كبيييرة من اليخت حتى للشاطىء… جا واقف خلفها على رمال الشاطئ ….ومباشرة …اختفى من مكانو بقوة التنقل وظهر فجأة أمامها وهي بالسرعة باش كانت كاتجري تخبطات معاه حتى كانت غاطيح لور لكنو شدها جرها عندو ….وهي هزات راسها شافت فيعينه كاتنهج قلبها غايسكت وكاتتنفس بزربة …شافت فعيونو الظلام والغضب والقهر …من عيونو شافت النار لي كاتنهش فقلبو المجروح… نظراتو الشيطانية لها… كلهم سخط وعتاب وخذلان ملخصين فنظرة انكسار ولوم… .. الشيء لي خلا عينيها دمعو ويالاه غاتهضر حتى هز يدو لي كاترجف للأعلى وهي شهقاات و بسرررعة ولا إراديا حطات يديها بجوج على وجهها برعب …..

(جبار لي شادها بيدو من دراعها …وكايشوف فيها بنظرة مظلمة كأنه جمع لها كل غضب الدنيا فقلبو لدرجة بلا مايوعى على نفسو أو فين هو أو درجة قوتو… هز يدو اليمنى لي منلي عرف ساندرا مشات ..وهي كاترجف ليه بطريقة غير طبيعية …هزها حتى للسماء ويالاه حركها للأسفل غاينزل عليها بتصرفيقة جد قوية حتى وقفو صراخيهما ….)

زليخة وجمانة لي غوتو فنفس الوقت حتى تردد صدى صوتيهما فأدغال الجزيرة ) لااااااااااا….

(جبار خرج عينيه وحبس يدو فآخر لحظة وبفظل صراخ زليخة وجمانة فاق على نفسو وبدأ كايتنفس بسرعة وهو كايشوف فيها كيفاش مغطية وجهها بيديها بجوج وكاتبكي وهي كاترعد فيديه …دور راسو جنب بانوليه كل خوتو وخواتاتو لي هبطو من اليخت ومستفين على الشاطىء بعيد عليه هو وساندرا بمسافة كايشوفو فيه بصدمة …)

(جمانة غير كاتبكي وهي كاتغوت ب^لااا.^.. وكاتحاول تنتر يدها من فارس باش تمشي لعند ساندرا )

جمانة : لااااا مااضربهاااش لاااا هي مادارت والو ماشي هي لي جابتنا حنا لي جيينا …راسنا ..وبقرااارنااا ..تخبينالها فاليخت …مالقاتنا حتى وصل اليخت لعرض البحر …

(زليخة لي كباقي الشباب كاتشوف فجبار بصدمة وهو مزال هاز يدو فوجه ساندرا …فا غوتات )

زليخة : جباار تهدن تهدن فين عمر واحد من رجال لستارك مد يدو على امرأة ماتنساش شكون نتا ومااتنسااش شنو هي بالنسبالك فا تهدن …

سماح لي لونها مخطوف نطقات بصوت مرعود بزز فهمو اش قالت ) ه هيا هيا د دارت ه هاذشي ك كولو على قب قبل سميحة فا ع عذرها لورد وم ماتعاقبهاش و و أ أنا جيت معاها باش نحميها كشكر…

هاندا لي مخبية خلف عصمان ) حتى أنا وكولنا جينا معاها بلا حتى ماتعرف هي بهاذشي وكولنا تعاهدنا باش نحميوها …

جمانة غوتات فوجه فارس وهي كاتبكي وكاتحاول تجر يدها منو بدون فائدة )واااطلق منييي نحيدهاليه راه ايقتلهااا (شافت فجبار ) غاااضربها عمرني نسمح ليك ونتا عارف انه حتى شيماء عمرها تسمح لييك فافيق … لي وقع وقاااع وحنا دابا هنااا وهاذي هي الحقييقة الوحيظة ..وماشي وقت العتاب أو اللوم ….

(ماريانا غارسة ظفرانها فدراع سام وهي مخرجة عينيها فجبار نطقات بهمس )

ماريانا : م ماتخليهش يضربها أسام مات…

سليم قاطعهم كلهم وغووت ) باااراكا تاواحد منكم مايتدخل …
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 790🔮

سليم قاطعهم كلهم وغووت ) باااراكا تاواحد منكم مايتدخل …

(وشاف فجبار بنظرة خلات
هاذ الأخير يطلق من دراعها بعد عليها خطوة ….وعطاها بالظهر كايمسح على وجهو وهو كايتنفس بسرعة وكايحاول يهدئ نفسو ….هز يدو اليمنى لي كاترجف شاف فيها وهو مامتيقش نفسو كيفاش هز عليها يديه …كيفاش عماه الغضب والسخط لدرجة فقد كل وعييو وكان فعلا غايضربها وبقوة لولا صراخ البنات لي فيقو فآخر لحظة …حرك راسو بلا وهو كايسمع غير صوت بكائها …وبسرعة استدار عندها شدها من يديها حيدهم ليها من على وجهها وغووت على حر جهدو )

جبار : سكتييييي….

(ساندرا سكتات من البكاء والتنخصيص مزييرة على فمها وغير عينيها لي كينزلو بالدموع ..وهو غووت )

جبار : أشنوووو هاذشي هاااا أشنووو شرحي لياااا غييير علالاش (غووت ) علالاش للمرة الألف… كاااتخبي.. علالاش كااتكدبي ..وكااتتصرفي من رااااسك ومن مووور ظهريييي … كاطعنييني وكاتستحمرييني … وكاتتصرفي على أسااااس نتي #ديال #رااسك….

(ساندرا حركات راسها بلا وهو غوت حتى غمظات عينيها بالجهد )

جبار : مخلياااا ليااا ورقة أ سااااندرااا ورررقة ..وبغيتيني نقراااها وبكل بروود نكمل حياااتي عاااااادي…مخليا ليا ورقة فيييها هضرة خااوية وجاااايا للمووت برجليييك…لهااااذ الدرجة ماتااايقاش فيا ومستهينة بيا..

ساندرا بزز نطقات ) : لا

جبار غووت ) إذن شنوووو كاتسمي هاااذشي لي درتي هااا ..

ساندرا حنات راسها ونترات يدها منو كاتمسح دموعها ) مابغيتش ندخلك فهاذشي مابغيتكش تحضر لتدميرو …. هاذي مهمتي أنا ونتوووما ماعندكم دخل بها (هزات راسها شافت فيه بعيون حمرين ) فا سير …عافاك سير …

(جبار ضحك
بزز منو وباستهزاء وفلبلاصة تسيف وجرها تاني من دراعها حتى شهقات خبطها مع صدرو ونطق مخننزر فيها )

جبار : أشنو كايحسااابليك راسك (غووت ) هاااا..! شكووون نتي حتى تقرري وااااش نتدخل أو لا ..وواش نحضر أو لا …شكووون نتي حتى تتصرفي من راااااسك (وزير على دراعها حتى شهقات وغوت ) …غااانتدخل وبزز منك …وغانكون أنا الشخص لي غايدمر هاذ الكتاب وبزز منك …(غووت ) أشنووو يحسابلييك نفسك ذكية ! خططتي ونفدتي تحكمتي بآخر عنااصرك وهزيتي نفسك والكتاب وشديتي طريق البحر وحصنتي اليخت بتعويذة الحجب إذن صاااافي راه ماغانلقاااكش…. (غوووت ) رااااك غااالطة ياااا ساااحرة …نتي غبييية وبفظل غبائك لي استهان بذكائي…هاااا أنا قدااامك دااابا وبزز منك ..نتي و سحرك.. وتعاويذك ..ونبوءاتك…أنا هنا …
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 791🔮

((ساندرا كاتشووف فعينيه بحزن … وهي كاتفكر فأنها فعلا كانت غبية …غبية منلي خلات قلادة مفتاح التنين فالقصر …القلادة لي تاواحد لا سحرة لا متحولين مكان عارفة الغرض منها أو ..لاياش كاتصلاح …حتى هي نهار شداتها ماعرفاتهاش ديالاش…واعتابراتها مجرد رمز كايدل على أنها هي كونتيسة المعاشر السبع …. وخباتها …حتى للحظة لي بينلها الكتاب عن كيفية ومكان تدميرو …وأن هاذ المكان هو عبارة عن جزيرة متاهة مغلقة في وجه أي شخص ماشي ساحر …جزيرة لا يمكن لشيطان المتحولين او بني صنفه يدخلو ليها إلا إذا قام ساحر بفتها لهم عن طريق مفتاح عين التنين القرمزي …هنا عااااد عرفات ساندرا الغرض من ديك القلادة ….وبووحدها لي عرفات بهاذشي …ومادامها عولات تمشي لهاذ الجزيرة وتدمر الكتاب بدون تدخل المتحولين …فا مكان عندها علاش تهزها معاها وخلاتها فالقصر …مستهينة كليا بذكاء الشيطان لي مزوجة بيه …وغافلة على أنه أصلا عرف أو استنتج أن هاذيك القلادة غاتكون كاتفتح شي جزيرة خاصة بالسحرة ومادامها ديال ساندرا إذن غاتكون كاتفتح شي مكان متعلق بالكتاب السحري … هاذشي لي هو استنتجو من مدة طويييلة وبالضبط بعدما كان جاء آلبرث لقصر لستارك هو وسحرته …وقدر يهرب منهم لكن لستارك شدو ساحرين من لي كانو معاه وملي استجوباتهم زليخة قال ليها أحدهم أن جزيرتهم لي عايشين فيها دالسحر الأسود ^الجزيرة المنسية ^ كاتفتح غير بمفتاح خاص بملكهم او الكونت الأول عندهم …فا وفهذاك اليوم جبار مباشرة عرف أن لقلادة ساندرا …دور مشابه لدور قلادة توأم آل جوفر ثيون وآلبرت …. والشيء لي أكد له كل هذا هو منلي خلات ليه زليخة رسالة فهاتف عصمان عبارة عن خريطة مضورة فيها على جنوب المحيط الهادئ …..أي جزيييرة ^^….وباش نقربكم من الصورة غانرجعو فلاش باك للحظة لي عرف او فهم فيها جبار أن مفتاح عين الثنين كايفتح مكان متعلق بالكتاب السحري …وبالضبط مكان تدميرو =>

■فلاش باك من الجزء 623■
خليل : اشمن شويا ..وراه دخلت موراك لعندهم لقيت الأسمر فيهم شبه مشوي …

زليخة خنزرات فيه يسكت ) أحم المهم بشويا بزاف دالصعقاات الكهربائية خليت واحد منهم يعطيني بعض المعلومات عن جزيرتهم ولي هي …. اولا جزيرتهم قديمة بزاف يعني كانت من مئات السنين وهي موطن لكل معاشر آل جوفر يعني فيها مخبيين كل سحرة السحر الأسود … وتانيا هاذ الجزيرة محمية ب شي مفتاح سحري يعني حتى لو نجحو معاشر ساندرا دسحر الخير يكسرو تعويذة إخفاء موقع جزيرة ال جوفر ويلقاو لينا بلاصتها وموقعها بالضبط ..فاحنا كمتحولين ماغانقدروش ندخلو ليها او نحطو فيها رجليينا إلا إذا كان عندنا هذاك المفتاح حيت هي جزيرة مكاتتقبلش غير الساحر والمفتاح ديالها تااواحد من السحرة ماعارف مكانو من غير أحفاد آل جوفر التوأمين آلبرت وثيون ..حيت هذاك المفتاح كايتوارتوه آل جوفر حيل بعد جيل ..وتالثا وأهم شيء قدرت نخرجو من هاذ الساحر ..هو اسم جزيرتهم ملقبة ب ^الجزيرة المنسية ^ ….

إيفان لي حال فمو تالودنيه مبتاااسم ونقز ) هاااذي هي قنبلة الجماال دياالي عبقرية باباها شقرائي ذهبية الشعر

زليخة ابتاسمات ليه ) ولكن مع الأسف ماقدرتش ناخد منو معلومات أكتر…

مالك : وهذا شيء متوقع واخا نقطعو ليهم راسهم ماغايعطيوناش موقع هاذ الجزيرة ماشي ولائا لآلبرت هذاك ..بل خوفا على عائلاتهم لي مستاقرين فهاذيك الجزيرة …

(جبار ساهي كايفكر فكلام زليخة ..وملي هضرات على المفتاح تفكر مفتاح عين التنين لي عطات الساحرة ماريانا لساندرا..فا جبار نطق وهو ساهي بآش كايفكر …كأنه يفكر بصوت مسموع سمعوه كلهم )

جبار : مفتاح مستحيل ندخلو للجزيرة المنسية بلا بيه …مفتاح لي كاين غير عند قائدي وكونتات معاشر السحر الأسود …وساندرا نهار اعترفو بها المعاشر السبع دسحر الخير كالكونتيسة عليهم عطاتها ماريانا مفتاح عين التنين القرمزي وهو دليل على أنها الكونتيسة …ولكن هذاك المفتاح لي حتى ماريانا ماعارفاش الغرض منو وأشنو كايحل …يعني عندنا مفتاحين مفتاح عند آلبرت كايحل باب جزيرتو امام المتحولين والهجائن ..ومفتاح عند ساندرا … (وسكت ..فوقت لي كلهم مركزين مع كلامو )

جاسم : كمل استنتاجك فنظرك مفتاح ساندرا اش غايكون كايحل؟

فارس : ممكن يكون حتى هو مفتاح للجزيرة المنسية ..

جبار : لو كان للجزيرة المنسية مفتاحين ..كان واحد غايكون مع آلبرت والتاني غايكون مع هذاك لق..د دثيون ..ماشي عند كونتيسة سحرة الخير يا فارس فا لي متأكد منو أن مفتاح ساندرا غايحل لينا مكان آخر ( وسكت تاني كايفكر )

/_ #واركزوووو معايا ألبناااات باش تفهمووو ركزو معايا خدمو ذكائكم وخيالكم /_
■نهاية لفلاش باك■
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 792🔮

ساندرا نطقات بحسرة ) عندك الحق أنا غبية ملي فكرت أنني بوحدي لي عارفة دور هاذيك القلادة …وغبية اكتر ملي ماحرقتهاش أو غبرتها بل خليتها فوجهك ( تنترات منو ودفعاتو وغوتاات ) وأكتر غبااااءا ملي طلعت لليخت وحركتو بلا مانقلبووو وملي أصلا طلبت مساااعدة زليخة (دورات راسها شافت فزليخة بغضب ) كون سكت كون درت كولشي بوووحدي (ودورات راسها شافت فجبار ) كاااعمة تعرفني حتى أشمن طريق شدييت أو إيييمتا مشيييت…

(جبار يالاه تحرك يشدها تاني صاااعر حتى بسرعة شدو سليم مانعو يقرب ليها فا غوت وهو كايتنتر من سليم )

جبار : ومازاال غير زااايدااا فيه…

سليم : تهدن…

ساندرا شدات راسها ) آه آآه حييت وجودك هنااا غلط (شافت فيهم كاتغوت صاعرة ) كووولكوم وجووودكم هنا غلط سيييرو سيييرووو …علاش مابغيتووش تفهمو أنني مابغيييتش مااابغييتش نشووف دم حتى واحد منكم … ماغااانقدرش نصبر أنه شيحد منكم توقعلو شيحاجة بسباابي…

(جبار دفع سليم بقوة وطار عليها شدها من درعانها كايدي فيها ويجيب وهو كايغوت )

جبار : سكتيييي مااانسمعش صوووتك عااالي…. أناااا لي كانأمر وننهي هناااا سمعتييي…. و إذا كنتي نتي مستهيينة بياااا وبدكائي وبقدراااتي فأنا تااايق كليا أنني قاادر ندمر هذاك الكتاااب وكووونما تدخلتي كووونما تحكمتي بآخر عناصرك…كنت غانطبق حل لي غايهنيييك وينهي كل هذا …حتى على حساب نفسي ومكانتي وقوتي الأصلية (غووت ) ولكن نتيييييي وللمرة الألف تجنبتي تجي تهضري معاايا وتعاوديليا وتتشااااوري معااايا …بل ضحكتي علياااا ودرتي لي فرااااسك…

ساندرا حتى هي كاتغووت ودموعها دايزين ) أنااا هضرت وقلت انك غيير كاااضيع فالوقت ..هضضرت وقلت أن النبوووءة ماعندهااش ثغرة …هضضضرت وقلت ليييك سمييحة غاااتمووت إيييلا ماتدخلناااش فأسرع وقت…. ولكن نتااا ماسمعتييش منييي وبقيتي مقصح راااسك وكاضيع فالوقت ونتا مرااهن على حياة مرت خوك وولدها …فأشنووو كنتي باغيني ندييير نربع يدي ونجلس كانتفرج فيها كاتموووت فالوقت لي أنا عندي ليها الحل

جبار حتى كان غايدفعها بعصبية لكنو امتالك أعصابو وغوت حتى سكتها ) أشمن حل هاااااا ؟ الحل ليعندك يا ساااحرة هو أنك تمووتي نتي وولاديييي … (ضحك باستهزاء ) هه ضعييفة لدرجة أنك دااااااائما كاتلجئي لأسهل حل ولي هو الانتحااار … ولكن ماشي هاااذ المرة ….

ساندرا حنات راسها ) غاندير جهدي وكل جهدي فتدميرو باش عالأقل إيلا مانجحتش مانندمش …

جبار حرك راسو بواخا ) غاديري جهدك (طلق درعانها واستدار كايمسح على وجهو وهو ساكت لثواني كايتسمع فيهم غير تنخصيصها ..عاد استدار تاني وقف قدامها ونطق بكل برود ) بغيت نفهم غير شيء واحد ..ألي بغات دير كل جهدها ….(ساندرا شافت فيه وهو كمل كلامو )

جبار : أشنو هو دوري أنا فكل هذا …؟ على علم أنك قلتي بلي نبوءة الساحرة لا تخطئ ..ولا ثغرة فيها ( وغوت ) وهاااااذي سنيييين ساااحرة ومن سلالتك تنبآت أن هااااذ الكتاااب لي هازة معاك غاااندمرووه أنا ونتي بجووووجنا ..وأناااا متأكد أنني مكتوب فكتااابك كأحد شرووط تدميرو … فاااا بأشمن حق غاتقصيني ؟ وكيييفاااش كنتي عواالة ديري تدمرييه بانعدام أحد الشروط لي هو أنااا…

(ساندرا صفارت وبدات غير كاتسرط فريقها …حتى تقدمات زليخة خطوتان ونطقات ) …

زليخة : غاتجاوبيه ولا نجاوبو ون…(وقاطعها جبار لي هز يدو فوجهها مخنزر بمعنى سكتي …وهي سرطات ريقها حتى جرها عصمان بعدها عليهم …وجبار رجع نظرو لساندرا مخننزر وقرب منها حتى تقابل وجهو مع وجهها ونطق بهمس وبتهديد )

جبار : غاتجاوبيني ولا أقسم بالله حتى غانحيدلك هذاك الكتاب وعمرك تحلمي تحطي يديك عليه مرة أخرى …وغانخلي كل شيء وشخص مورايا.. ونهزك فهاذيك الطائرة نخرجك من هاذ الجزيرة لمكان عمرك تشوفي منو ضوء الشمس طول حياتك … وغاندير كل هذا بلا حتى مانشوف موورايا وبلا أدنى درة تأنيب ضمير..و أشنو غايكون وقع لسميحة او غيرها …#مكايهمنيش…(وقرب حتى لأذنها غمظ عيونو كايستنشق عطرها ونطق بهمس )و كنتمنى يكون عجبك الشيطان لي خرجتي مني ولي غاتكملي معاه حياتك منهنا للفوق …
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 793🔮

(كلهم مخرجيين فيه عينيهم ومن كلامو البارد لي كايدل على أنه فعلا …لبس معاها قناع الشيطان و للأبد…وأنه عنى كل حرف قالو … سليم سرط ريقو وحس بقلبو رجف ….أما ساندرا ولي هي أكتر وحدة كاتعرفو …حسات فعلا أنها بدأت كاتخسر جانبه الحنين معاها … فا مابقاتش قادرة تصبر او تشوف فيه أو حتى توقف قدامو …طاحت على ركبتيها فاشلة ونطقات ) …

ساندرا كاتهضر بصوت مرعود ) ت تذكرتي راك راك تدكرتي كأحد شروط تدمير الكتاب …

(جبار ضحك باستهزاء …فحين ماريانا وسام شافو فبعض باستغراب )

سام : وكيفاش كنتي ناوية تدمري الكتاب بلا…

(قاطعو جبار مخننزر) …

جبار : عطيتك الإذن تهضر …

(سام سكت …فحين جبار شاف فيهم واحد بواحد مخننزر )

جبار : لي غايتدخل مرة تانية بيني وبينها …يشهد على روحو …( ودور راسو شاف فساندرا الراكعة أمامو …وتحنى قفازي أمامها )

جبار : جبدي كتابك الملعون جبدي …

(ساندرا شافت فيه وهي كاتسرط فريقها حتى قفزاات منلي غوت )

جبار : قلت جبدييييه…
طلقيييي … وقراي عليا الشروط ..يا ساحرة …

(ساندرا كاتتنفس بسرعة ومرعوبة من الطريقة باش كايهضر معاها وكيفاش مخننزر فيها ….وبزربة حيدات صاكادو لي فظهرها …حلات على قردها خرج وغير شاف جبار هرب كيجري عند أميرة لي عنقاتو …فحين ساندرا هزات كتاب التعاويذ السحرية أسود اللون …حطاتو على فخاضها وحلاتو على آخر ورقة )

(جبار حنى عينيه شاف فالكتاب بانت ليه الورقة خاوية ونطق ببرود )

جبار : قراي عليا الشروط …

(ساندرا سرطات ريقها مسحات دموعها ..وهزات راسها شافت فيه )…

ساندرا : لتدمير الكتاب خاس حضور خمس عناصر اساسية ….ولي هم (سرطات ريقها ) 1= أنا المختارة …
(وسكتات حتى قفزهااا جبار منلي غووت )

جبار : كملييي

ساندرا نطقات بسرعة ) تانيا 2= جبار المئة قوة…
وتالثا 3=الشجرة و رابعا…(قاطعها جبار )

جبار : أشمن شجرة ؟

ساندرا سرطات ريقها ): الشجرة لي صايبات منها ألكساندرا الكتاب …. أوراقو وغلافو …صايباتهم من أوراق وجدع الشجرة …وهي أقدم وأغرب شجرة كاينة فعمق أدغال هاذ الجزيرة …

جبار : كملي …

ساندرا : رابع 4 عنصر هو الكتاب …
وآخر عنصر هو ^تعويذة الإنهاء ^

(ماريانا وسام شافو فبعض باستغراب حيت هاذي هي أول مرة يسمعو بهاذ التعويذة )

جبار مخنزر فيها ) شرحي …

ساندرا غير كاتسرط فريقها وهي كاتشوف فعينيه ) تعويذة ^الإنهاء ^ هي تعويذة لي خاسها تتطبق فمكان محدد على هاذ الجزيرة ..وهو مكان تواجد الشجرة لي بمجرد ما نلقاها ونحط الكتاب أمام جذعها …خاسني نلقي التعويذة دالإنهاء على الكتاب وهي التعويذة الأساسيى لي غاتنهي ^تعويذة التحصين^ لي مخليا الكتاب منيع ومحصٌن ضدد التدمير ….(حنات راسها أي مابقاتش كاتشوف فعيون جبار ونطقات بصوت مرعود ) .. و و و وبمجرد م ما نكمل أنا التعويذة غايكون كمل دوري وهنا غايجي دورك ..

جبار : أهاه يعني غير تنجحي فهاذ التعويذة …الكتاب غايولي عادي وأنا لي خاس ندمرو …

ساندرا حركات راسها بلا ) بمجرد مانحيد الحصانة على الكتاب غايبقا قدامك عائق واحد أمام تدميرو وهو الشجرة …فا بعد تطبيقة المختارة ^لتعويذة الإنهاء ^ خاس جبار المئة قوة يحرق أولا و بنارو دالمتحول.. الشجرة … (شافت فيه ) خاسك تحرقها كوولها حتى جذورها بنارك حتى تتحرق كليا وتولي رماد …عاااد تدوز للكتاب تحرقو وتجمد رمادو بقوة تجميدك …حيت واخا أنا نحيد الحصانة على الكتاب ونتا حرقتيه بلا ماتحرق الشجرة مناش تصاوب …هو (الكتاب) غايرجع يتجدد وكلما حرقتيه كلما تجدد …فا ضروري تدمر الشجرة أولا وبالحرق ..عاد غايتدمرليك الكتاب نهائيا …. هاذي هي الطريقة الوحيدة لإنهاء حياة هاذ الوعاء السحري الخطير بكل التعاويذ لي هاز سواء لي تطبقو أو لي مزال ماتطبقو كتعويذة الخلود … وبكل النبوءات لي هاز ومنهم النبوءة لي كاتقول أنك نتا أقوى متحول كان او غايكون فصنفكم …

جبار كاشووف فيها حرك راسو بواخا ونطق ) ودابا شرحي ليا كيكنتي غاديري لهاذشي بلا بيا !؟ وأشنو قاليك الغبي ديال مخك دييري منبعد ما تنهي الحصانة على الكتاب ويبقا فقط الجزء لي خاس يتحرق فيه ..؟
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 795🔮

جبار كاشووف فيها حرك راسو بواخا ونطق ) ودابا شرحي ليا كيكنتي غاديري لهاذشي بلا بيا !؟ وأشنو قاليك الغبي ديال مخك دييري منبعد ما تنهي الحصانة على الكتاب ويبقا فقط الجزء لي خاس يتحرق فيه ..؟

ساندرا سرطات ريقها ونطقات بصوت باكي ) كنت غانركع وغانترجا كل أرواح سحرة الخير لي ساكنين الجزيرة (وبداو دموعها يطيحو ) نترجا روح ألكساندرا تقبل تعويذة ناري بدل قوة نارك …ونطلب عون روح بابا وماما وجدة وكل الأرواح الخيرة …غيير تتقبل ناري بدل نار المتحول لي عندو مئة قوة…وغاتسولني في حالة ماقبلووش أش كنت غاندير …

(جبار حرك راسو بآه )

ساندرا : أصلا غير أنا حطيت رجلي على رمال شاطئ الجزيرة…. الخطر زال كليا عن حياة سميحة وجنينها…. وماحدني أنا والكتاب فالمكان لي كاينتامي ليه ولي خاسو يتدمر فيه ..فالجزيرة…غاتبقا سميحة وولدها بخير ..ولو بعد سنيين …(سرطات ريقها ) ولكن غير نخرج أنا والكتاب أو واحد فينا من الجزيرة… (سرطات ريقها ) سميحة غاتموت إذا كانت باقيا حامل أما إيلا كانت ولداتو فا هو غايموت … حد الكتاب ماتدمرش وحدو يخرج هو أو أنا من الجزيرة …جنين او طفل الاستنساخ اللامحدود …غايموت ….فا كنت مخططة أنه إيلا ماتقبلش رجايا فأنني ندمر الكتاب بوحدي …غانبقا مسجونة هنا معاه …

ماريانا غوتات بعصبية ) مسجووونة..مسجوووونة !!! بل قوووولي مقتووولة حيييت يا كونتييسة كييما أنا وسام حسيينا بيك وغير دخلتي لنطاق هاذ الجزيرة عرفنا مكانها بالضضضضبط …راه كل السحرة دآل جوووفر حسووو بيك جاية تدمرييه ..وعرفووو حتى هوما مكان تدميرو لي هو هاذ الجزيرة …وبحال واالو يكونو وصلو او قربووو يدخلو لييها …وأناا متأكدة أنك تموووتي وماتخليهمش يشدووك أو يعذبوك حتى تطبقي عليهم تعويذة الخلوود ..فا نتي كنتي ناااويا إذا ماتقبلاتش تعويذة نااارك لتدمير الكتاب… تنتااحري يااك….

(ساندرا حنات راسها وسرطات ريقها مزييرة على يديها… فحين جبار شاف فماريانا مخننزر حتى سكتات وبسرعة شاف فساندرا…مد يدو حط اصبع تحت ذقنها هز ليها راسها حتى شافت ..وحط يدو على خدها وبإبهامو مسح لها دموعها ونطق بهدوء )

جبار : علاش ؟

(ساندرا هزات راسها شافت فيه وعيونهم فبعض )

جبار : علاش درتي كل هذا غير باش أنا مانحضرش ؟ علاش مابغيتينش نكون هنا رغم أنك عارفة درجة قوتي ؟ علاش مابغيتينيش نأدي حتى أنا مهمتي فتدميرو ؟ علاش من أشنو خايفة؟ بل الأصح … أشنو مابغيتينيش نشوف !؟

ساندرا صفارت وبدأت كاترمش فعينيها بلا ماتنطق بحتى حرف … ومن ردت فعلها ..هو عرفها مغاتجاوبش والخاطر باش يعاود يسولها مابقاش عندو ……فا وقف ودور راسو شاف فالبنات وحدة بوحدة وهو متأكد من أنهن غايكونو عارفين جواب سؤاله مدامهن اختارو يجيو معاها بغرض حمايتها إلا وغاتكون هي قالت لهن كل شيء ..وهن غير شاف فيهن حناو راسهم حتى من زليخة…من غير جمانة لي عيات تجر يدها من قبضة فارس بدون نتيجة حتى فعلت قوتها..اختارقات يدها قبضته وتحركات فاتجاه جبار مخليا فارس كايتغدد ….)

(جمانة وقفات أمام خوها وهي كاتشوف فساندرا لي مزالها راكعة على الأرض وكاتشوف فيها بترجي وهي كاتحرك ليها راسها بلا ودمووعها كايطيحو ….جمانة سرطات ريقها من نظرات ساندرا وابتاسمات لساندرا ابتسامة ريحاتها…من بعد شافت فجبار لي كايشوف فيها ببرود )

جمانة : بكل بساطة هي مابغاتكش تجي حيت هي مابغاتكش تتقابل مع المدعو ^ثيون لي مانعرف شحال من طاقة غايكون استنزف حتى للآن …أي هي مابغاتش تشوفك كاتتآذى قدامها بغات تهز كل الدقة بوحدها وااا لا تتآذى نتا أو شيواحد فينا ..

(جبار كايشوووف فيها وهي سرطات ريقها وكملات )

جمانة : ماخاسكش تلومها أخويا بالعكس هي راه…(قاطعاتهم منلي نطقات بصراخ وهي كاتمشا ناحيتهم)

زليخة : جبااار (جبار ساندرا وجمانة شافو فيها ..وهي وقفات أمام جبار مخنزرة …وحولات نظرها لساندرا …هاذ الأخيرة لي خرجات عينيها فزليخة ووقفات )

جمانة هي الأخرى مخنزرة فزليخة وغوتات ) زوووليخااا
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 796🔮

جمانة هي الأخرى مخنزرة فزليخة وغوتات ) زوووليخااا

زليخة شافت فيها ) من نيتك…! راه حافظك وعارف مزيان امتا كاتكدبي وامتا لا …

ساندرا مخننزرة فيها ) زليخة …

زليخة شافت فيها ) تهضري ولا نهضر ؟

ساندرا سرطات ريقها وهي كاتشوف فيها بترجي وكاتحرك ليها راسها بلا ) زليخة …

هاندا قربات منهم ): زليخة ..

أميرة وسماح مخرجين فيها عينيهم …أما هي فاساطت بعصبية وشافت فعيون جبار لي واقف بجمود ونطقات بسرعة وبالحرف بكل ماقالته ساندرا بالتفصيل الممل كأن عقل زليخة نسخ كلام ساندرا لجبار )

زليخة : غاندمرو بوحدي بوحدي…ومستحيل نسمح جبار يدخل فهاذشي مستحيل نسمح أنه يشوفني كانتسلخ حية …غاندمرو وحتى إيلا ماقدرتش غاندفنو فقاااااع أرض هااذيك الجزيرة ونبقا معاه فيها تماااا حيااتي كوووولها …(وشافت فساندرا لي صفارت ) هاذشي قالتو ليا فمقصورة قيادة اليخت وقبل ماندخلو لجنوب المحيط الهادئ..منلي سولتها عن كيفاش هي غاتدمر الكتاب بدون خضور شرط جبار…(وشافت فجبار لي مخننزر )

جبار : تتسلخ حية !

زليخة : منلي بقالينا ساعة تقريبا على دخول اليخت للمحيط الهادئ ساندرا غفلاتنا وحبسات اليخت وكانت ناوية تكمل بوحدها على قارب نجات ومنلي منعناها هي أصرت تمشي بوحدها و قالت …(وقاطعاتها جمانة منلي غوتاااات )

جمانة :زووووليييخااا …

(جبار حول نظرو لجمانة وبسرعة جرها من دراعها بيدو لي كاترجف وحط يدو الأخرى على خصرها النحيف هزها بكل خفة بيد وحدة حتى شهقات ولاحها تهزاات فالسماء كاااتغوت وجات طايحة بين يدين فارس وهي شادة قلبها ومخرجة عينيها …)

(فارس حطها على الأرض مخننزر فيها ونطق )

فارس : غاتزعزي مرة أخرى من حدايا غاندمك …(جمانة عينيها طرطقو بالدموع وشافت فساندرا بقلة حيلة ..فحين كل البنات تراجعو خوفا من جبار ….وزليخة شافت فساندرا مخنزرة )

زليخة : تكملي ولا نكمل …

ساندرا عينيها شلال وفمها كايرجف وهي كاتشوف فيها …واش لهاذ الدرجة ولائها خالص لجبار …ونطقات ) واش هاذشي علاش جيتي معايا ..باش تسجلي ليه كل شيء قلتو أو درتو ..(ديقات فيها عيونها الدامعة وحركات راسها بلا ) نتي…نتي كنت عاارفة ..نتييي لي وريتيهم البحر لي أنا متاجهة ليه ..نتي وقبل ماتركبي فاليخت خليتيليهم مكان وجهتي بالضبط … وأنا لي كانتسائل كيفاش حتى وصل عليا بهاذ السرعة …

(قفزهن جبار لي غوووت )

جبار : زليييييخااا !

(زليخة سرطات ريقها وهي مزال كاتشوف فساندرا )

زليخة : تهضري ولا نهضر …

ساندرا حطات يديها على عينيها مسحات دموعها ونطقات بحرقة ) عمرني غانسمح ليك يا زليخة …عمرني…

زليخة تنفسات بعمق وشافت فجبار ونطقات بسرعة وبدون مقدمات عاودات كلام ساندرا بالحرف كأنها كاتعرض شيء هي حافظاه عن ضهر قلب ) حييييت ^تعويذة الإنهاء ^لي خااااسها تطبق باش غاتنهي بيها الحصانة لي عند الكتاب ضدد التدمير …هي تعويذة صعبة حتى لمستحييييلة وكاتعادل فقوتها
صوعبتها قوة وصعوبة تعويذة ^تحويل بشري لمتحول بقوى^ التعويذة لي أودت بحياة ألكساااندرا … (سرطات ريقها ) ساندرا قالت لينا …: كيفاش بغيتوني نطبقها بحضوورو كيفاش بغيتووني نسمح أنه يشوفني كانتسلخ حية قدام عينيه كيفاش بغيتوني نخليه يشوف ولادو كيموتو قدام عينيه (جبار وباقي الشباب خرجو فيها عينيهم…فحين ساندرا عطاتهم بالظهر وهي مزييرة على يديها )..وقالت : آه أنا تايقة فقوتي ولكني ماضامناش سلامتي …وآه غاندير كل جهدي نحمي توأمي لكني ماضامناش هااذشي حيت ..وفطور تطبيقي لتعويذة الإنهاء …الكتاب غايواجهني بسحرو ويبغي يمنع عنه التدمير..و يقدر يآذيني …وفوق كل هاذشي غانكون داخل حقل طاقة مستحيل جبار يدخل له يعني هوغايبقا واقف كايتفرج فيا بعجز وانا كانموت .. ..(وسكتات ..حنات راسها وتراجعات وقفات جنب عصمان )

((جبار لي بقا واقف مكانو بجمود لثواني كايستوعب …عاد عرف …عاد فهم سبب هروبها بهاذيك الطريقة …عاد استوعب علاش قررات تخليه بدون رجعة …دور راسو شاف فيها وهي عاطياهم بالظهر ….اختفى من مكانو ..ظهر قدامها حتى ققزات شدها من كتافها مزيير عليها حتى غوتات وهو غووت فوجهها )

جبار : نااااويا تموووتي هااااا …جيييتييي تنتااااحريييي …جييييتي تقتلي ليااا ولاااااادييي….
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 797🔮

((جبار لي بقا واقف مكانو بجمود لثواني كايستوعب …عاد عرف …عاد فهم سبب هروبها بهاذيك الطريقة …عاد استوعب علاش قررات تخليه بدون رجعة …دور راسو شاف فيها وهي عاطياهم بالظهر ….اختفى من مكانو ..ظهر قدامها حتى ققزات شدها من كتافها مزيير عليها حتى غوتات وهو غووت فوجهها )

جبار : نااااويا تموووتي هااااا …جيييتييي تنتااااحريييي …جييييتي تقتلي ليااا ولاااااادييي….

(ظهر جنبهم سليم وعصمان لي بسرعة جروه عليها هي طاحت على ركبتيها فاشلة …وهو صاااعر كاايغوت بدون عقل حتى بح )

جبار وهو كايتنتر من واحد ويشدو آخر من خوتو ) : جاااايااا تموووتي وتقتلييني معااااك…جييييتييي تلوووحي ليااا ولادي للمووت…. جيييتي تحرقي قلبييي عليييهم وعلييك…

(سام تحرك بسرعة تحنى عند ساندرا )

سام : قولي ليا أشنو هوما مقادير وكلمات تعويذة الإنهاء …

(ساندرا لي تعابيرها وجهها جمدو ..حتى من الدموع توقفو عن الهطول..هزات راسها شافت فعمها حركات راسها بلا ونطقات ببرود )

ساندرا : مقاديرها عاديين ..وكلماتها واخا نقولهم ليك ماغاتفهمهمش حيت هي تعويذة خاصة بالمختارة …

سام سرط ريقو ) وأشنو التضحية لي كاتحتاج هاذ التعويذة ؟

جبار لي سمع سؤالو …وغووت صاعر ) ولالادييي هي ناااويا تقتليا ولالادييي باااش تدمر هذااك الكتاب

(ساندرا شافت فيه ووقفات كااتغوت فوجهو صاااعرة )

ساندرا : ولالادي ولادي ولادي … واا رااه ولادي حتى أناااا وأنااا ماااعمرني ولو لحظة وحدة فكرت نضحييي بيييهم …. (شافت فسام وغوتات ) التعوييذة خاسها تضحية كبييرة تضحية المختاارة خاس تعطييها فسبيل إنهاء الحصانة على الكتاب (شافت فجبار ) ولكن هاذ التضحية مااااشي بالدم مااااشي تضحية بروووح بل التضحية بعناصري (شافت فسام ) باش تنجحلي خاسني نتخلا عن كل عناصري السحرية التسع حتى يبقالي غير وااحد …أي بعد انتهاء الحصانة على الكتاب غانولي ساحرة عادية بعنصر واحد وبطاقة عنصر واحد…. ولي ممكن حتى هااذ العنصر الوحيد لي غايبقاالي …غايبقا مستنزف الطاقة وضعييف ….

جبار مسح على وجهو ) وأشنووو قصدتي بأنك مااابغيتينيش نشووف ولادي كايموتو قداامي…أو نتي كاااتتسلخي هااااا؟؟؟ أشنوووو ؟

ساندرا سرطات ريقها ) غ غير ق قلت …ح حيت التعويذة ص صعيبة بزاف …

سام حط يدو على كتفها ) ونتي غاتقدري عليها غاتقدري…حيت أنا وماريانا وباقي سحرة الخير لي غايكونو فطريقهم لهاذ الحزيرة غاندعموك بكل طاقتنا السحرية…

(جبار غير شاف يد سام تحطات عليها …دفع فاارس بقوة وطار على سام هزو من كول لبودي وبيد وحدة وغوووت )

جبار : لهاااااذ الدرجة زربااان على عمرك هاااا…

(سليم ووسيم بسرعة جروه بعدوه عن سام …هاذ الأخير لي جراتو ماريانا ونطقات )

ماريانا وهي كاتشوف فساندرا ) التضحية بأحد عناصرك التسع بحد ذاتها ماغاتكونش سهلة حيت هاذ العناصر السحرية تولدو فيك ومعاك باعتبارك مختارة راهم قطع منك ..عساك تضحي بيهم كلهم ..

ساندرا شافت فيها ) عناصري لي ماعرفت أصلا بوجودهم حتى لعيد ميلادي 19 …ولي بصعووبة تقبلتهم وتحكمت بيهم (ابتاسمات ) تيقيني التضحية بيهم غاتكون أسهل شيء غاندير فحياتي ولي عمرني غااندم عليه حيت أنا مامتعلقاش بيهم و بكوني ساحرة ولو تعطاني الاختياار عمرني كنت نختار هاذ الطريق …

(جبار وقف قدامها صاااعر حيد لفيست لي لابس وبدأ كايمسح ليها كتفها …)

🔥🔥 غاتسول شيوحدة علاش مسح ليها كتفها …غنبلوكيها 🤨
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 798🔮

(جبار وقف قدامها صاااعر حيد لفيست لي لابس وبدأ كايمسح ليها كتفها … وهي رااصية مخلياه وفخاطرها كاتطلب غير يتهدن..مسح ليها كتفها بعصبية وتحرك بعد منها ووقف كايفكر )

ماريانا شافت فسام ) واخا …إذن سحري كولو غانسخرو لك أنا وسام وباقي السحرة دالمعاشر السبع لي يقدرو يوصلو فأي لحظة حيت كلهم حسو بيك فالجزيرة وكلهم غايبغيو يعاونو الكونتيسة ديالهم فمهمتها …

(ساندرا شافت فجبار …لي كايشوف غير فيها ..و من ملامحو كايبان معصصصب وخوتو جنبو…سرطات ريقها وقربات منو ..فحين كل خوتو بعدو ..وهي وقفات أمامو )

ساندرا : درت كل جهدي نبعدك عن كل هذا ( سكتات شويا وكملات ) ولكن للقدر رأي آخر …فا هانتا هنا ..وأنا هنا ..ومانقدرش نتراجع …. فا خاسنا نتحركو ندخلو للأدغال بحثا عن الشجرة …

جبار تحنى حتى تقابل وجهو مع وجهها ) أنا…. لي كانقرر هنا …ماشي نتي أوكتاابك …فا ماغاتحركيش من بلاصتك يا ساندرا …

ساندرا خرجات فيه عينيها ) ك كيفاش ؟

جبار : كييفما سمعتي …أنا مكاندخلش لحرب عارف راسي غانخسر فيها …(شاف فسليم ) ياك بقائك هنا بكتابك كافي يخلي سميحة وجننينها فأمان …(رجع نظرو لساندرا ) فا هانتي وكتابك وأنا غانبقااو هنا ( وغووت ) والباقوون غاتحركو دابا للطائرة ترجعو فحالكم…(كلهم خرجو فيه عينيهم فحين ساندرا شدات يدو ونطقات بسرعة )

ساندرا : كييفاش نبقاو غير هنا وأشمن حرب غااتخسر …

جبار غووت فوجهها ) ماااغانغااامرش بييك وبولادي.. وانتهى …(واستدار شاف فسليم ) سوق بيهم طائرة ال x-15 ..ورجعو للمغرب …

سليم : نتا عارف انه لا أنا لا شيواحد منهم غانخليوك …

ساندرا جات قدامو تاني وشدات يدو ) جبار ..(سرطات ريقها ) راه ممكن ثي ثيو.. (وبسرعة سكتات منلي حنا راسو شاف فيها مخننزر كيتسناها تكملها وهي بسرعة نطقات ) سحرة آل جوفر يوصلو فأي لحظة و…

جبار قاطعها ) راه أصلا بداو كايصلو وأنا غانرحب بيهم مزيان كوني هانيا …(وشاف فسليم )كل أمور رئاسة المتحولين.. وأش غاتقول للواليد …فيديك ..

ساندرا غوتات ) جبااار …

سليم : حتى أنا كانحس بطاقات سحرة آخرين فمحيطنا من غير الليدي وسام وماريانا …

ساندرا نطقات بهمس ) : إذن بداو كيوصلو …(شافت فجبار وغوتات ) جباار عافااك خاسنا ندخلو للغابة نقلبو على الشجرة

جبار ماجاوبهاش بل شاف فسليم مخنزر ) تحركووو…

سليم سرط ريقو ) هوما يمشيو أنا نبقا معاك …

وسيم : مستحيل نخليكم (شاف فجبار ) واخا تأمرني وتعاود …

جبار : ماغانأمرش غانستعمل العنف ..

ساندرا غوتات ) جبااار …

(جبار شاف فيها وهي قلبها غايسكت خنزرات فيه ونطقات )

ساندرا : هكا راك كاتحكم علينا بالسجن فهاذ الجزيرة…

جبار : السجن أحب ليا من اني نشوفك كاتموتي …

ساندرا : وولادك حتى هوما …

جبار : عادي… عالأقل غايتولدو وغايعيشو ..

ساندرا : وأنا سجن كهذا مابغيتووش ..وباش نولد ولادي هنا لا ومستحيل ..(سرطات ريقها ) أنا قادرة نفد هاذ التعويذة قادرة تيق فيا …

(جبار سكت كايشووف فيها حتى تدخلت ماريانا )

ماريانا : وحنا كسحرتها …غانوهبوها جزء من طاقاتنا السحرية لي غاتكون بمثابة تعزيز لقوتها وقوة مضافة لها …وأنا متأكدة انه إذا أنا وسام ..وشي أربعين ساحر آخرين من سحرة الخير وهبناها سحرنا …هي تقدر تنفذ أي تعويذة بكل سلاسة …والسحرة دمعاشرنا راه غايكونو فطريقهم لهنا على قبل هاذشي …

ساندرا حركات راسها بآه وهي كاتشوف فعيون جبار …ومزيرة ليه على يديه …وهو سكت ثواني ونطق وعيونو فعيونها ….

جبار : إيلا كنتي تعطيني وعد حر.. ومضمون ….أنه ماغاتوقع ليك او لولادي حتى حاجة …انا مستعد دابا ندخل معاك لعمق هاذ الجزيرة وبنفسي نلقاليك هاذ الشجرة …

《تذكير :الساحر إيلا وهب طاقتو كلها كيموت + صعب حتى لمستحيل أصلا ساحر يقدر يوهب بخاااطرو كل طاقتو السحرية = تماما كالساحر لي كاتتحيدلو طاقتو السحرية بزز منو عن طريق الاستنزاف ^ وهي خاصية كيتميزو بها توائم السحرة فقط ^ الاستنزاف كايكون بالغصب عكس الوهب ..وأي ساحر استنزفت طاقته للحد كيموت 》
🟣الجزء 2 من قصة 🟣
♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 799🔮
جبار : إيلا كنتي تعطيني وعد حر.. ومضمون ….أنه ماغاتوقع ليك او لولادي حتى حاجة …انا مستعد دابا ندخل معاك لعمق هاذ الجزيرة وبنفسي نلقاليك هاذ الشجرة …
((ساندرا سكتات وفقط كايتسمع صوت تنفهسا وقلبها كيضرب بسرعة … كلهم كايشوفو فيها …وهي حنات راسها كاتفكر كيفاش غاتعطيه وعد كهذا وهي فأعماقها ماضامناااش حياتها بعد تطبيقها لتعويذة الانهاء..وعااااد اللعنة لي غايخلفها عليها تدمير الكتاب … تنفسات بعمق طاردة هاذ الأفكار … هزات راسها شافت فيه و نطقات فووق خاطرها )
ساندرا : أنا لي تختاريت لهاذ المهمة (ابتاسمات ) وما اتختاريت ليها إلا وغانقد عليها ( سرطات ريقها ) آه فعلا فاش كنت كانفكر فكل هذا بوحدي كنقول صعيب حتى لمستحيل نخرج منو بلا والو ..ولكن بدعم باقي السحرة ليا (شافت فماريانا ) أنا فعلا غانخرج منو بلا والو (رجعات نظرها لجبار ) كنواعدك والوعد وعد …
جبار كيشووف فيها ) واللعنة شنو هي ؟
ساندرا زييرات على يديهت ولكنها مزالها محافظة على ابتسامتها أمامو ) ماغاتتطبقش عليا حيت ببساطة (وحطات يدها على بطنها ) هوما غايحميوني منها ..كنواعدك …..
(جبار كيشووف فيها …وحسم قرارو …دور راسو شاف فمالك وخليل )

جبار :مالك وخليل غاتتكلفو ترجعو البنات فاليخت …
جمانة غوتات ): أشنووو …
زليخة مخرجة عينيها ) : ك كيفاش واش حتى أنا اجبار ..لا أنا راه…
جبار قاطعهم وغووت ) بااااراااكا ماكاااانتشااورش معااكم هناااا …تاااوحدة منكم ماغاتبقا وهذا أمر …
فارس شاف فجمانة ) غير نرجع وغانتفاهمو مزياان…. ودابا سيري عند باك …
زليخة لي عينيها دمعو ..حتى حط عصمان يدو على كتفها ) درتي لي عليك وبالزايد…. كونما حددتيش لينا المكان لي خاس نقصدو ..كون مانوصلو تايفوت لفوت …ودابا خلي الباقي علينا …
مالك شاف فأميرة ) لليخت وتما غاتشرحي ليا أشنو كاديري هنا …
( أميرة لونها تخطف سرطات ريقها وهي كاتشوف فساندرا مكرهاتش تهرب تخبا موراها ولكنها ماتقدرش تخالف أمر جبار )
خليل شد يد هاندا وهي نتراتها منو مخنزرة فيه …فا تنهد ببرود ونطق ) لليخت وتما نهضرو باش نعتادر منك ..
وسيم وقف قدام سماح ) ملي نساليو كل هذا ونرجع غانتفاهم معاك وبطريقة غاتندمك ….ودابا غاترجعي للقصر وتتكمشي حدا باااك
(سماح خنزرات فيه وهي ماقاداش تجاوبو حيت خافت من ملامح وجهو )
خليل شاف فجبار ) أكتر من مئة متحول بقيادة مارال غايكونو فطريقهم ليك لورد ..وحتى أنا غير نوصلهن بأمان غانرجع …
جبار شاف فيه ) ماترجعهمش من خط مستقيم عبر جنوب المحيط …بل تحركو شمالا باش تتفاداو مصادفة أي ساحر فطريقو للجزيرة …
خليل حرك راسو بواخا …
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 799🔮

جبار شاف فيه ) ماترجعهمش من خط مستقيم عبر جنوب المحيط …بل تحركو شمالا باش تتفاداو مصادفة أي ساحر فطريقو للجزيرة …

خليل حرك راسو بواخا … و تحرك هو ومالك.. وخلفهم البنات فاتجاه اليخت …. وغير قربو يحطو رجليهم في مياه البحر ….جبار وسليم ووسيم خرجو عينيهم وغوتو فدقة )

جبار سليم ووسيم ) حبسوووو …
(ومباشرة اختفاو من مكانهم بسرعة الضوء ظهرو أمام البنات …جبار جر عندو زليخة وجمانة واختفى ..وسليم شد أميرة وهاندا واختفى ..ووسيم عنق سماح وشد خليل من يدو واختفى فحين مالك ظهر جنبو عصمان شدو من يدو واختفى به … وغير ظهرو كلهم جنب ساندرا وسام وماريانا وفارس ….تسمع صوت قوي لإطلاق نار ..وثواني حتى بانت ليهم قذيفة قنبلية ضربات اليخت لي فلبلاصة انفاجر ….. لبنات غوتو وكل وحدة تخشات فراجلها …أما ساندرا فا بدات كاتتنفس بسرعة وهي كاتشوف فاليخت لي كاتاكل فيه لعافيا ..ويالاه شافت فجبار حتى تسمع صوت لإطلاق قذيفة تانية وهاذ المرة ضربت جناح الطائرة الأيمن …..جبار زيير على يديه وشاف فسليم ونطق بحدة )

جبار : سليم ..

(سليم شاف فيه وبسرعة تحرك وقف جنب ساندرا )

سليم : كون هاني …

(ومباشرة اختفى جبار من مكانو …وساندرا خرجات عينيها يالاه غاتتحرك حتى وقف سليم فطريقها مخنزر )

سليم : ثواني وغايرجع …فا ماتتحركيش من مكانك …

(ماريانا مخرجة عينيها فاليخت والطائرة لي شدات فيهم العافيا )

ماريانا : لا آل ج جوفر ..

سام : وصلو …

ساندرا شافت فيهم وهي كاتتنفس بسرعة ونطقات بصوت مرعود ) ط طبقو الت التعويذة لي كاتسمح لينا نعرفو شحال بالضبط من ساحر فمحيطنا دغيا ….

(سام وماريانا حركو راسهم بواخا ويالاه هم وساندرا غايغمضو عينيهم يبداو في إلقاء التعويذة …حتى ظهر أمامهم جبار يديه بجوج كايقطرو بالدم وهاز سلاح تقيل من نوع بندقية إطلاق قذائف مضادة للدروع أو التحصينات ….لاح البندقية قدامهم وساندرا شهقات مشات كتجري يالاه غاتشدليه يديه حتى هزهم للأعلى باش ماتقيصهمش تتوسخش بالدم ونطق وهو مفعل قوة النار كيحرق الدم لي فيديه )

جبار : ماشي دمي …دم جوج سحرة …كانو حاضيينا من أعلى التل ..وهوما لي سيفطو القذائف لليخت والطائرة …

فارس هز البندقية كيشوف فيها باستغراب ) السحرة والأسلحة ؟

سام : هاذشي غريب عمر السحرة استعملو أسلحة البشر فحروبهم حتى قبل ألفي سنة …كل مواجهاتهم مع المتحولين كانت غير بالسحر …

جبار : هذا غير ل9..وا..د لخواف دثيون ..(ابتاسم ) جاي موجد …

ساندرا سرطات ريقها ) و وصلو قبل قبل مني .. م مايمكنش ك كيداروليها ؟

ماريانا : كنت عارفة (كلهم شافو فيها وهي نطقات ) آخر ماوصلناليه فمعاشر الخير السبعة حول البحث عن موقع الجزيرة المنسية جزيرة آل جوفر…أنها كاتتواجد على بحر المحيط الهادئ ..ومدامهم وصلو لهنا قبل حتى من وصول المختارة هاذشي كايدل على أن جزيرتهم وهاذ الجزيرة قراب من بعض …

ساندرا شدات راسها ) شحال بيهم و…(قاطعها جبار )

جبار : اكتر من تسعين …

وسيم مغمض عينيه كايتحسس الطاقات حولو ) كنحس بعشر سحرة فمحيطنا لكن بعاد بزاف …

سليم كذلك مغمظ عيونو ) بل عشرين …

ساندرا تنفسات بعمق غمظات عيونها ونطقات ) لوكباروس سيهاروس بيفاروس لوكباروس سيهاروس بيفاروس لوكباروس سيهاروس
//تعويذة تسمح لها برؤية كم ساحر متواجد فمحيطها //

(حلات عينيها عالجهد…وبسرعة ضورات راسها للأشجار لي فشمالهم ويالاه غاتغوت حتى اختفى جبار من مكانو فنفس اللحظة لي تسمع فيها صوت إطلاق النار … وبسرعة الضوء غير ظهر أمام هاندا تضربات فصدرو رصاصة كانت قاصداها … تضربات بقوة مع صدرو الفولاذي وطاحت الرصاصة معوجة على الأرض ……هاندا شهقات وجرها خليل بسرعة دورها عندو عنقها ….وفنفس اللحظة اختفى وسيم من مكانو ثواني حتى ظهر أمامهم شاد الساحر من عنقو …الساحر لي كان مخبي خلف الاشجار ولي تيرا فهاندا ..لاحو أمام رجلين جبار ..
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 800🔮

(تتمة )
هاندا شهقات وجرها خليل بسرعة دورها عندو عنقها ….وفنفس اللحظة اختفى وسيم من مكانو ثواني حتى ظهر أمامهم شاد الساحر من عنقو …الساحر لي كان مخبي خلف الاشجار ولي تيرا فهاندا ..لاحو أمام رجلين جبار ..هاذ الأخير حنا عينيه شاف فالساحر لي كايترعد على الأرض ….فعل قوة جسده الفولاذي للحد وهز رجليه وحدة عفط بيها على ظهر الساحر لسقو مع الأرض حتى شهق كاايغوت ..وجبار برجله الأخرى وجه ركلة قوييية لرأس الساحر حتى طاااار تلاح بعيييد فالبحر …وبقا غير جسدو بدون رأس …قدامهم ….
البنات من غير زليخة وساندرا …مخرجااات عينيهم بصدمة اول مرة غايشوفو جسد بدون رأس …فارس تنهد وغمظ لجمانة عينيها وهي والو كاتحيدلو يدو باغيا تشوف ..فحين أميرة جاتها لفاكة أو الحازوقة بالخلعة…وسماح مبتااسمة عاجبها منظر الدم ووسيم هاز فيها حاجبو باستغراب …فحين هاندا مخررجة عينيها فالجسد دالساحر حتى حسات بيدين كيلعبو فصدرها …حنات راسها بانليها خليل حاط يديه على صدرها كل يد على بزولة ..فارقهم ليها …ومحني كيطل …)

خليل ببرود ) ياك بيخير ماجاتش فيك الرصاصة …

(هاندا تزنكاااات وبسرعة بعداتلو يديه وتحركات هاربة منو وققات جنب خوها عصمان )

(جبار كيشوف فالجثة دالساحر وببرود…تحنا هز السلاح لي كان عند الساحر ولي بيه تيرا فهاندا ولي عبارة عن مسدس اوتوماتيكي …قلب الذخيرة لي فيه لقاها عامرة رصاص وابتاسم … حتى قربات منو زليخة )

زليخة : دابا ماعندنا فين نرجعو اليخت وتفركع ..والطائرة وتدمر جناحها الأيمن ومستحيل تطير ..فا غانبقاو معاك ياك …وغاندخلو للأدغال حيت بقائنا هنا خطر ..ومايمكنش نبقاو غير جالسين كانتسناو مارال وفرقة العدالة وباقي سحرة ساندرا حتى يوصلو

جبار استدار شاف فيهم ) غانتحركو فخط واحد مجموعين…(نطقات ساندرا لي قربات وقفات جنبو أمام باقي آل ستارك )

ساندرا لي كلها كاترجف لكن مبينة ليهم العكس ) : كل واحد منكم يركز فحماية نفسو والبناات ..ونسااوني حيت السحرة دآل جوفر مستحيييل يآذيوني بل غايبغيو يشدوني حيية على قبل نطبق عليهم تعويذة الخلود …وغايديرو كل جهدهم يمنعوني من الوصول ^للشجرة…ولكن نتوما ماغايترددوش بمرة فمحاولة قتلكم …(شافت فجمانة ) فعلي اختراقك للحد وردو بالكم وأنا بدوري غانحميكن

جبار : ل9..واد ورباعتو خايفين منا وها الدليل (وهز المسدس أمامهم ) ماتايقش فراسو وسحرو وجاي يواجهني بأسلحة البشر …وخوفهم منت غايخلي هجومهم مستهدف البنات أولا …(وأشار لهاندا ) كان ممكن يوجه رصاصتو ليا او لواحد من خوتي لكنه اختارها حيت عارفها ضعيفة وغاطيح برصاصة وحدة (غووت وهو مخننزر فخووتو ) فااااا كل واااحد منكم غايركز كلياااا فحماية مرااتووووو (لاح المسدس لي فيديه لخليل) قوة تجميدك ماكافياش فا استعمل السلاح فهجومك وأي ساحر طاح خودليه سلاحو ( وهز بندقية القذائف لاحها لمالك …) نفس الشيء بالنسبة لقوة تنويمك الميغناطيسي….

ساندرا : استعملت تعويذة وراتني كل السحرة لي فمحيطنا …(أشارت للجثة التي بدون رأس ) كان هو أقرب ساحر الآخرين بعاد وغانبقا كل نصف ساعة نتناوب أنا وماريانا وسام فتطبيق التعويذة… هكا ماغانتفاجؤوش بهجومهم ولكن واخا هكاك بقاو رادين البال …

جبار : لبنات يبقاو وسطنا ويوقع لي وقع ماترخيوش دفاعاتكم (شافت فالبنات ) اللحظة لي غاتتحط شيوحدة منكم فالخطر وغاتتردد فالقتل ..هي نفس اللحظة لي غاتمووت فيها …حيت الساحر ماغايرحمكش فا مابغيتكش ترحميه (خنزر فيهن ) ماتترددوش فالقتل …

سماح نطقات بحماس ): كون هاااني…

زليخة : راك عارفني …

جمانة : أ أنا خليو ليا الدفاع باختراقي ماغايقدر حد يقيصني ونتوما قتلو خودو راحتكم … (بانتليها اميرة كاترعد قربات تسخف وهي تشد يدها ) غانبقا شاداها هي وهاندا وفينما فعلت الاختراق غانردهم حتى هم قابلات للإختراق فا كون هاني أخويا ….

ساندرا : هاذ الجزيرة كلها متاهة فا بقاو مجموعين …
و…(قاطعها جبار )

جبار : في حالة وقع شيء وتفرقنا …تبعو فقط طاقتي دالمتحول …

(جبار شاف فالشباب …لي حركو ريوسهم بواخا …وهو نطق بعصبية )

جبار : يالاه نقلبو على هاذ الشجرة الملعونة ونساليو هاذشي …

(ساندرا هزات صاكادو ديالها دارتو فظهرها …وتحركو داخلين للغابة …هي وجبار وسليم فالمقدمة بحيث دايرينا وسطهم …وخلفهم لبنات كلهم جمانة شادة أميرة من يد وهاندا من يد …فححين زليخة وسماح خلفهم …أما باقي الشباب فا مضورين البنات ….. يتبع

Leave a comment