Skip links

قصة : الوحش ذات القزحتين2(عشق الجبابرة) ج 4

 43,978 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 31🔮
أماندا كاتشوف فساندرا وهي كاتبكي) هى هئ عتقيني هئ ماعرفتش مالي مكنتحكمش بجسدي هئ هئ هيء ماكانتحكمش بيدي هئ

ساندرا كاترعد ويالاه تحركات تمشي عند صديقتها حتى شد ثيون يدها وردها خلفو وغوت)

ثيون غووت ): واااش نت مكلخ هاااا كون كان عندها الكتااب كنت غانجيبها تحتااافل هااا كوون رااه دييتها للمعشر ألمكلخ

ساندرا شافت فيه بصدمة حالة فمها …
🍀🍀🍀
في المغرب …لستاركس كلهم مع عصمان آل توركانوس وأمير آل ناميكخ …مجمعين فحديقة القصر لي مزينة بديكورات جد راقية …موسيقى خفيفة ..وبوفي من أطباق متنوعة ومشكلة ..ومشروبات كذلك ..وكعكتان كبيرتان على واحدة صورة جمانة والأخرى صورة أميرة مزينتان ب 19 شمعة فكل كيك …
الشباب واقفين بكل أناقتهم جبار وجنبو أخوين وسيم وسليم ..وجنبهم خليل لي مقابل معاه مالك ومخنزرين فبعض ..عاد عصمان لي جنبو زليخة وكايهضر غير معاها ..وجنبهم فارس لي هو الاخر باين فيه معصب وعيونو غير عليها …

ولبنات واقفات حتى هن مجمعات بوحدهن…

سميحة كتشوف فسليم بنص عين نغزات سماح وهضرات فودنها بهمس) باينة جبار ماقاليهم والو شفتي كاعمة دارو حتى ردت فعل

سماح مفقووصة ومرة كتشوف فوسيم مرة فأمها تارا لي واقفة مع شيماء وباقي عماتها وكايهضرو ويشوفو فلبنات ويضحكو…شافت فسميحة ونطقات بهمس )

سماح : إييلا ماقالهااش ليهم جباار أكيد ماما ولا وحدة من عماماتي غايوصلووها ليهم حيت كييشفتي بحاالك بحال ماما مكتسكتووش راها فرشااتنا قدام عماتي كلهم شووفي كيكايضحكوو ناري مركت قدام عمتي شيماء وهااذشي كووولو بسباب شكوون ها

سميحة أشارت لراسها )

سماح كتصفق لها ) براافو ذكية

جمانة : أماالكم كاتهامسو

سميحة وسماح : واالوو

عند الشباب لي معاهم زليخة …لي كايهضر معاها عصمان تنهدات بملل وشافت فجبار ومداتلو يدها )

زليخة : رقصة مع قنبلة الجمال شرف لك يا لورد جبار آل ستارك

جبار ابتاسم وشد يدها باسها وجرها يرقصو وهي استدارت شافت فباقي الشباب )

زليخة : أمايبقاش فيكم لحال غانرقص معكم كلكم (وغمزاتهم وزادت مع جبار .. خلاتهم كايضحكو وعصمان تنهد …)

مالك عيونو على أميرة وتحرك ناحيتها حتى قطع خليل طريقو بخطوات سريعة زرب عليه ووقفو عليها بجوج ..وهي ولبنات شافو فيهم …)

خليل ومالك مدولها يدهم فنفس الوقت )

خليل : تشرفني أميرة برقصة

مالك :كانظن أنني الأسبق

أميرة كتشوف كل مرة فواحد اما السموحتان وجمانة حالات فامهم …)

أميرة شافت فباها لي واقف مع أعمامها ونطقات ) ب ب بابا غ غانرقص معاه (ومشات كاتجري فاتجاه باها فيليكس….خليل خنزر فمالك وشاف فجمانة ومد لها يدو )

خليلي : جوجو شي رقصة

جمانة ابتاسمات ومدات يدها يالاه غاتشد يدو حتى سبق فارس وشد يدها وشاف فخليل …)

فارس : هه سوري برو ولكن جمانة غاترقص معايا (وجرها موراه لوسط الحديقة وقفو جنب جبار وزوزو لي كايرقصو ..وأميرة وباها فيليكس كذلك …..فارس حط يد فخصرها والأخرى فيدها وبداو الرقص …)

خليل ومالك بقاو واقفين مع التوأم لي كايضورو فعينيهم ..وخليل يالاه غايطلب رقصة من وحدة فالتوأم تاوقفو عليهم تارا وأيار )

تارا شدات يد خليل ) تيتيز حبيب عمتك غاترقص معايا أنا

خليل : أ ا احم واخا اعمتي

أيار شافت فمالك ) وماتطلبش من عمتك رقصة يا مالك

مالك ابتاسم وأخذ يدها قبلها برقي )

تارا شافت فبناتها وحولات نظرها لسليم و وسيم لي واقفين جنب عصمان وعيطات )

تارا: وسيييميي

وسيم شاف فيها وابتاسم)

تارا : أجي نت وسليم

وسيم وسليم تمشاو تاوقفو جنبهم ..أما السموحتان صفارو)

تارا : أحم وسيمي (شافت فلبنات ) شوف شكون منهما سماح رقص معاها وسليم أنت و سميحة

وسيم : أهاه مرحبا

تارا جرات خليل ..وأيار جرات مالك وبقاو التوأم واقفين كايعراقو ..وأمامهم وسيم وسليم )

وسيم: ههه وا وحلالا هاذي دابا فين سماح وفين سمييحة !!

سماح يالاه غاتهضر تقوليه أنا سماح حتى نطق سليم)

سليم : بلاتي أنا عارف (وقرب منهما تحنى قابل وجهو مع سماح أولا ودغيا بعد وقابل وجهو مع سميحة لي سرطات ريقها النفس تقطع فيها ..سليم بعيونو الزرق بقا كاايشووف فيها عيونها أنفها فمها …ومد يدو ردلها الشعر خلف أذنها ونطق بهمس )

سليم : سميحة

سميحة حلات فيه فمها )

وسيم : وباش عرفتي

سليم بعد وجهو على وجهها وشاف فخوه ) بيناتهم فرقين اثنين وغير تتمعن فيهما وغايبانليك (شاف فسميحة ومد لها يدو ) تشرفيني بهاذ الرقصة

سميحة مبلووكية وهو ضحك وشد يدها جرها لحلبة الرقص ..

وسيم شاف فسماح ) إذن هي سميحة ونتي سماح

سماح حركاتليه راسها بآه وهو مد يدو شداتها وتحركو لحلبة الرقص ..والتاحقو بهم شيماء وجاسم ..إيفان وباربرة ..وجاكلين ودياب…

فارس لي كايحرك جمانة بين يديه كالريشة نطق وهو كايشوف فوجهها)

فارس : كيغاديا قرايتك

جمانة : وااع بلا ماتفكرني

فارس : أكما كايضايقك شيحد فتلك الجامعة

جمانة : لا

فارس : أحم كايقراو معاك ذكور بزاف

جمانة شافت فيه بعدم فهم ) ذكور قصدك درااري أمم هو لكلاس فيه حنا بعشرين مخلطين بين دراري وبنات

فارس : عندك أصدقاء منهم

جمانة حركاتلو راسها بلا ) غير زملاء قسم وصاف

فارس : وبلا هم عندك أصدقاء من تخصصات أخرى

جمانة : لا غير السموحات وأميرة

فارس : فقط ؟♠️تتمة الجزء 31 ♠️

فارس : فقط ؟

جمانة : آه ونت علاش كاتسولني هكا بزاف أكما غاتزيدلي على جبار وسليم نااري أفارس لا راه عندي غير نت ووسيم فخوتي لي ماكايضغطوش عليااا فاماتوليش بحال جباار وسلييم تانت

فارس ابتاسم بزز ونطق ) لكني ماشي خووك (حبس من الرقص وطلقها تحنى حتى تقابل وجهو مع وجهها ونطق ) ماااشي خووك أجمانة دخليها لراسك (واستدار مشى وخلاها)

جمانة كتشوف فيه غادي تنهدات ) ماشي خوية ولكن كانعرفك راك ولد عمي ألمكلخ ..(هزات كتفيها بعدم اكتراث ومشات كاتجري عند أبويها لي كايرقصو ..وبقات تنقز عليهم حتى طلق جاسم شيماء وشدها هي كايرقص معاها …وجبار شاف مو أخييرا طلقهالو جاسم واستأذن من زوزو خلاها واقفة ومشى بسرعة هز شيماء كايضور بيها حطها وسط حلبة الرقص وبدأ كايرقص معاها وجاسم كايتغدد….زليخة تنهدات بعصبية يالاه استدارت لقات عصمان خلفها )

عصمان : من عصبيتك واضح مزال بغيتي تزيدي ترقصي (مد لها يدو )

زليخة شافت فيه وابتاسمات ومداتلو يدها …)
🍀🍀🍀🍀🍀
نرجعو لجزيرة لساو ميغيل..وداخل المقهى لي تحول لمجزرة … عند ساندرا لي قلبها كايضرب بسرعة غايسكت ..تنفسها سريع وفمها كايترعد …وهي كاتشوف فصاحبتها حاطة السكين على رقبتها … ودريكور كايغوت فوجهها تعطيه لكتاب …و هي ماعارفاش حتى علاياش كايهضرووو ..وكلام ثيون لي صدمها)

ثيون غووت ): واااش نت مكلخ هاااا كون كان عندها الكتااب كنت غانجيبها تحتااافل هااا كوون رااه دييتها للمعشر ألغبي

ساندرا شافت فيه بصدمة حالة فمها …

دريكور ابتاسم بشر وعيونو غير على ساندرا ونطق بصراااخ ) :أمااااندا دبحييي نفسك

ثيون غوت ) لالالا ( وبسرعة ركز نظرو على أماندا حاول يلقي عليها تعويذة ولكن تعطل حيت أماندا دوزات الخنجر على كل رقبتها دبحات نفسها من لودن للودن وطاحت كاتخرخر وجسدها كايتركل ..وعينيها غير على ساندرا …)

ساندرا حلات فمها وبداو ودنيها كايصفرووو وماكاتسمع واالو يالاه كاتشوف .. فأماندا على الأرض لي كاتخرج الروح.. … حركات راسها بلا والصرخة وحلات ليها فالحلق …ويالاه هزات راسها حتى بان ليها دريكور جاي بسرعة ناحيتها ..حتى دفعها ثيون بقوة حتى طاحت على الأرض ..وتعرض لدريكور بداو كايتقاتلو وثيون كاايغوت ..ولكن ساندرا فقط طايحة على الأرض وكاتشووف فأماندا لي دمها سايح مع الأرض .. وكاترمش عيونها بصدمة ..حسات نفسها فكابوس بشع وداخلها صوت كايتردد ب…كابوس كابوس وهاني غانفيق منو …

ثيون ضرب دريكور ببونية حتى رجعو لور وطار بسرعة عند ساندرا شدها من كتفيها وقفها وهو كاايغوت فوجهها عاد فاقت من صدمتها )

ثيون : سربييي سيييريي لدااار عند جدااك غااانلحق علييييك سربييي (ودفعها حيت هجم عليه دريكور ثاني … ساندرا بقات ثواني واقفة كاتشوفهم كايتقاتلو وصدرها كايطلع ويهبط ..شافت مرة أخيرة فأماندا ومايكل …طاحو ليها دموع وشهقات بقوة وخرجات كاتجري وهي كاتغوت وتطلب النجدة …ولكن دنيا خااوية ..مشات مع الشارع كاتجري وتشوف خلفها كاتجري بجهالة وبأقصى سرعتها وهي كاتشهق وكاتبكي بصراخ …يالاه ضارت تدخل للحي لي ساكنة فيه حتى قاطعت طريقها السيدة لي شافتها صباح )

ناتاشا : لفيييين

ساندرا عقلات عليها هي ودريكور كانو قطعو طريقها فصباح …شهقات ورجعات خطوة للخلف )

ساندرا: هى ب بعدي م م م مني

ناتاشا : للأسف منقدرش نقتلك فا فيين لكتاب !؟

ساندرا : خ خليني ندوز.

ناتاشا جبدات سكين من جيبيها وبدأت في إلقاء تعويذة )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 32🔮
ساندرا : خ خليني ندوز.

ناتاشا جبدات سكين من جيبيها وبدأت في إلقاء تعويذة )
ناتاشا : فيسماتوس لوبوريس أنيبيلوس فيسماتوس لوبوريس أنيبيلوس (وبدأ السكين يطففو فالهواء فوق يد ناتاشا ) غاتهضري فين لكتاب ولا هذا غايتغرس فقلبك

(ساندرا حالة فمها فالسكين كيفاش واقف مباشرة فوق يد ناتاشا فالهواء وموجه لها ..عاد الكلمات دالتعويذة لي بلغة السحرة ولكن سااندرا فهمااتهم كلهم وفهمات أنا تعويذة تجعل الأشياء تطفو والساحر يتحكم بها…)

ناتاشا غوتات ) وااالكتااااب

(ساندرا فقط كاتشوف بصدمة …
ناتاشا تعصبات ووجهات السكين بقووة لفخض ساندرا لي واقفة بدون حراك ويالاه غايختارق السكين فخضها حتى تغير مسارو ورجع على نتاشا لي تجنباتو بسرعة ..ناتاشا شافت خلف ساندرا بانليها ثيون …

ثيون جاي ناحيتهما بخطوات سريعة وماد يدو ويتمتم بتعويدة )

ثيون : فيسماتوس فيخماروس لوهاريس فيسماتوس فيخماريس لوهاريس …
أنهامروس بيفوليس فيسماتوس أنهامروووس بيفوليس

ساندرا شافت فيه مخرجة عينيها ودماغها كايفهم كل كلمة كايقووولها رغم أنها لغة عجيبة ..فهماتو كاينطق بتعويذة رد الهجوم على صاحبه وبعدها نطق بتعويذة الألم …وطاحت ناتاشا شاادة راسها غاينفااجر من الألم … ثيون وقف جنب ساندرا لي مخرجة فيه عينيها وشاف فيها ونطق بسرعة )

ثيون : سربييي دخلي لداركم جيبي لكتااب وأجييي سربي

ساندرا سرطات ريقها وفمها كايترعد جاتها السخفة بالخلعة .. تحركات كاتجري بعدات بخطوات على ثيون حتى سمعات صرختو استظارت بانليها دريكور خشاليه سكين فظهرو وثيون طاج على ركبتيه كايغوت …ساندرا وقفات مكانها وغوتات بلا …وثيون شاف فيها وغوت )

ثيون : هربييي جريي

ساندرا شافت دريكور جاي ليها كايجري وكملات جري دخلاتليه مع زناقي دحيها حافظاهم وحيدات كعبها لي منقص سرعتها لاحتو وكملات جري حافية كادخليه بين زناقي باش تجليه … لكنو سريع وتابعها ..كاتجري بكل قوتها ودموعها شلال وهي كاتغوت … حتى خرجات فزنقتهم ..وبسرعة مشات لدارها تحنات هزات الساروت من تحت لفاز ويديها كايترعدو خشاتو فساقطة وشافت موراها باين ليها جاي كايجري حلات الباب دخلات وسداتو ودورات ساروت وطاحت فاشلة فالأرض…دريكور تبعها ويالاه حط رجلو على الدرج غايدخل فالباب حتى جمد مكانو ..بسبب تعويذة ميبهال القوية لي محصنة للمنزل بحيث مستحيل ساحر من غير دم بيثروفا يقدر يدخل …

دريكور صعر وغوت) فوووك مييييبهااار خرجيي عندييي المختااارة والكتااب يكوونوو عنديي حاالا وإلا غاانقتل كل بشري فهااذ الحي …
🍀🍀🍀
ساندرا غير دخلا وسدات الباب وطاحت جالسة فاشلة وشهقات بقوة ..حتى غوت دريكور قفزات حاطة يديها على أذنيها وبقات كاتغوت برعب…حتى تحل باب غرفة جداتهاا ..وخرجات غير شافت ساندرا وأيضا سمعات صراخ دريكور شهقات ..ومشات كتجري عنقات ساندرا

ميبهار : تهدني تهدني شووت

ساندرا فقط كاتبكي بقوة وكلها صفراء شافت فجداها ) جدة ج جدة أ أ م أماندا و ع وع م مايكل ث ثيون و و

ميبهار : تهدني تهدني يااك قلت لك ماتخرجيش علاش ماسمعتيش مني علاش

ساندرا: ث ثيون أم أماند دا

ميبهار صرفقاتها تاضار وجها وغوتات ) سكتيي وتهدنيي ماعندنااش الووقت (وقفات طلات من النافذة بانليها دريكور مزال برا واقف قدام باب المنزل وكايحاول بسحرو يكسر تعويذة التحصين دميبهار باش يدخل..رجعات عند ساندرا وهزاتها من الأرض بزز حيت فاشلة ركابيها خواو … دخلاتها لبيتها وجلساتها على سريرها ) سمعيني شوووفي فياا ساندرا

ساندرا كلها كاترجف بقوة صوت سنانها كايتسمع ودموعها شلال ) : أ أم أماندا و ومايكل و و ث ثيون

ؤميبهار غوتاات) ساااندرااا فييقييي(ومشات بسرعة هزات كأس ماء خواتو على وجه ساندرا تاشهقات ) معشر آل جووفر برااا كاين واحد منهم كايحااول يكسر تعويذة تحصيني للمنزل ونصف سااعة غاتلقا كل المعشر وااقفين برااا

ساندرا شافت فيها ) ج ج ج جدة

ميبهار شدات وجه ساندرا بين يديها ) سمعي عقلتي على القصة لي حياتك كلهااا وأنا كانعااودليك كل ليلة هاا ؟؟ هي مااشي قصة خياالية هي حقييقة نتيي سااندرا بيثيووفا وألكساندرا بيثرووفا الساحرة هي جداتك الأوولى..ولبنت لي قلت لك تولدات فنفس اليوم الساعة والثاانية مع ولادة الهجينة أخت جبارر هي نتيي أسااندرا نتي هي المختاارة لحمل الكتااب وحماايتوو نتي ليعندك مهمة تدمييرو قبل مايطيح فيدين آل جوفر يدمرو بيه العاالم

ساندرا فقط كاتشووف وتسرط فريقها …ميبهار تحركات بسرعة لصندوق كبير فبيتها حلاتو وجبدات لكموسة حطاتها فحجر ساندرا )

ميبهار : هاهي أمانت جداتك لك هنا الكتاب السحري

ساندرا شافت فلكموسة فيدها وسهاات مكترمشش )♠️تتمة الجزء 32♠️

ساندرا شافت فلكموسة فيدها وسهاات مكترمشش )

ميبهار : سااندراا (شداتها من كتفيها بقوة ) واافيقي سمعييني هربيي (طلقاتها وتحركات بسرعة لفوق لكوافوز هزات القلادة دساندرا ورداتهاليها حول عنقها ) هاذ القلاذة هي لييكانت كابحة سحرك طوول هاذ الوقت كانت كاتمنع قدراتك السحرية من الظهوور ولكن الآن حيت كملتي 19 مابقات عندها حتى فايدة ولكني رديت منها وعاء لتعويذة إخفااء الموقع حدها فعنقك عمر السحرة بسحرهم يقدرو يحددو موقعك علاما تتعلمي إلقاء التعاويذ باش تبقاي تخفي موقعك بنفسك

ساندرا : ج ج جدة

ميبهار : سمعيني عافاك خاسك تهربي ماتنساايش كل كلامي لك هربي سيري عند المتحولين ماحدك مرتبط حياتك بحياة الهجينة عمر المتحولين يقدرو يحطو عليك اصبع وااحد ولكن إييلا طحتي فيدين آل جوفر أساااندرا راه غايردو منك سلاح يدمرو بيه هاذ العاالم هربي طلبي حماية المتحولين ..ومساعدتهم فتدمير الكتاب ..ماتخليش التعويذة تطيح فيدين أي ساااحر أساااندرا

ساندرا لي دموعها شلال ) ج جدة

ميبهار : الكتاب فأمانتك دمرييه سمعتي ..طريقة تدميرو غاتلقايها داخلووو نتي بووحدك لي تقدري تقيصيه وتحليه وتقراي لغتوو دمرييه وإلا غايدمر العاالم

ساندرا : هئ هئ جدة

ميبهار : ماتخلييهمش يستااغلووك سمعتي ماتنسايش كلامي مصيير كل ساحر خير وكل متحول وبشري فهاذ العالم بين يدييك ماااعمرك تييقي بسااحر سحر أسود… عمممرك سمعتييي .. تيقي فالمتحولين ومااتيقييش فبني جنسك ..وطلبي عونهم أسناادرا

(خلاتها وخرجات كاتجري من البيت ثواني حتى رجعات هازة حقيبة وسبرديلة عطات لساندرا الحقيبة وتحنات كاتلبسها السبرديلة )

ميبهار : فلول غاتخافي منهم المتحولين حيت غاتكوني كاتحسي بطاقتهم ..لكنو إحساس فطري لاغير (شافت فيها ) تيقي بيهم وذكري اللورد ستارك بنهار عاونتو يلقاا مراتو قوليلو ميبهار حطات فيديك ساندرا أمانة ماتفرطش بها

ساندرا حركات راسها بلا ) جدة هئ

ميبهار كملات ليها تلباس ووقفات ) سمعي فهاذ الحقيبة فلوس وباسبورك وأوراقك كلهااا وبعض الثياب .. كل ماغاتحتاجي (خدات لكموسة لي بها الكتاب ودارتها وسط الحقيبة ) ماتنساايش فاللحظة لي غاتحلي بها الكتاب وتقراي أول كلمة منو تعويذة الربط بينك وبين الهجينة غاتتفعل .. (نوضاتها جراتها موراها حتى دخلو للمطبخ وميبهار كحزات طاولة للجنب وتحنات حلات باب فالأرض لي ماكانتش ساندرا عارفة بوجودو عمرها شافتو …

ميبهار وقفات ) لكتااب تهزييه معاك فيينما مشيتي سمعتي راه أي شخص قااصو غايتحرق فيدو ..من غيرك ..هبطي مع هاذ الدرج وبقااي زايدة فالطريق تحت الدار حتى تلقاي باب حليه غاتخرجي خلف الدار وجري بأقصى سرعتك سمعتي مااتشووفيش مووراك جريي للمينائ ركبي أول باخرة أو عبارة متجهة للمغرب كازاا سمعتي كااازاا وشدي طاكسي لقصر آل ستارك سمعتي

ساندرا غير كاتبكي وهي كاتحرك راسها بلا

ميبهار غوتات وشدات وجه ساندرا بين يديها وباستها فخدودها ) ساااندرا ككووني قوية سمعتيي قويية ومااتخاافيش نتي بيثروووفا ماعندك مناااش تخافي …ماتنسايش شحاال من ساحر كايتسناك وحياتهم واقفة عليك تموووتي وماتخلييش معشر آل جوفر ياخدوووك نتي والكتاب سمعتي إييلا خداو التعويذة غايدمرو عاذ العاالم

ساندرا : هئ يالاه معايا

ميبهار : ماغانقدرش نجري وخاس نبقا هنا نعطلهم علاما تبعدي
(سمعو صراخ دريكور فالخارج وقفزو بجوجات )

ميبهار : يالاه سيري

ساندرا : لا هئ لا مابغيتش هاذشي هئ مابغيتش أجدة هاذ المصير مابغيتش هئ هئ مابغيتش

ميبهار : تهدني شووت (مسحات لها الدموع ) ماغااتكونيش بووحدك تيقيني ماغاتواجهيش هاذشي كولو بووحدك (وشافت فالحقيبة ) لكتاب خاسو يتدمر أساندرا سمعتي دمرييه بأي ثمن ..ولكن فالمقابل ماتنسايش أي شيء غاديريه خاسو يكون في صااالح معاشرك

ساندرا : م معاشري هئ

ميبهار حركاتلها راسها بآه ) من بعدي غاتولي نتي هي رئيسة معشر ال بيثروفا وباقي معاشر الخير أكتر من سبع معاشر يا ساندرا وكل معشر به أكثر من عشر سحرة حياتهم بين يديك يالاه سيري

ساندرا : ماغانخليكش هئ أجدة ماغانخليكش هئ نتي حياتي وشكون عندي غيرك هئ

نيبهار : مهمتي ودرتها وباش تكمل خاسك توصلي للمغرب بخير …سمعيني وسط المتحولين مستحييل يقربولك السححرة مستحيل يتواجهو مع المتحولين حد مزال ماعندهم القوة الكاافية لهذا والقوة هي فالتعويذة لي باغيين

ساندرا كاتشهق ) هئ أشنو هي هاذ التعويذة ؟

ميبهار : غاتحسي بيها بمجرد فتحك للكتاب حيت هي أقوى تعويذة شهدها صنف وتاريخ السحرة غير غاتحلي الكتاب غاتعرفيها (عنقاتها بقوة وباست خدودها ) أنا فخورة بك وأنجلا ماماك وهابيك باباك غايكونو حتى هما فخورين بك كملي مهمتك أساندرا (ودفعاتها تاهبطات مع الممر تحت الأرض ..ساندرا غوتات )

ساندرا : لالا أجدة هئ يالاه معايا

ميبهار : ساااندرااا ماتنساايش كل توصياتي لك سمعتي ماتنساايش نتي بيثرووفا تولدتي تكوني أميرة على عرش الصنفين سمعتي ماشي العكس (وسدات عليها الباب الأرضي )♠️التتمة 2 للجزء 32♠️
(ساندرا بقات واقفة فالظلام كاتشهق وكلها كاترجف حاسة نفسها فكابوس وكل عالمها انقلب رئسا على عقب ..جبدات هاتفها شعلات لفلاش وشافت الساعة كانت 11 ليلا …شافت مرة أخيرة فالباب فوقها ..من بعد مشات كاتجري مع الممر تحت الأرض …حتى وصلات لباب حلاتو ..لقات نفسها خلف المنزل وكملات جري في اتجاه المينائ …
🍀🍀🍀
عند…دريكور خارج المنزل كايحاول يفك تعويذة تحصين ميبهار لمنزلها ..حتى وقفات عليه ناتاشا )

ناتاشا : كاتنهج ) فييينهااا

دريكور شاف فيها ) عاد فقتيي راااهم داخل المنزل

ناتاشا شادة راسها بألم ) كان غاايقتلني الزاا..ل دثيون ويمتص كل سحري

دريكور : واش مات

ناتاشا : ماشفتوش راه مغيب(مدات يدها ) أراا يديك خاس نوحدو قوتينا وإلا مستحيل تكسر التحصين وتفك التعويذة بوحدك

دريكور شابك يدها مع يدو وبدأو في ترديد نفس ال تعويذة )

دريكور : فيسماتبيزان ألموري فالاري فيسماتبيزان ألموري فالاري
فيسماتبيزان ألموري فالاري

ناتاشا : فيسماتبيزان ألموري فالاري فيسماتبيزان ألموري فالاري
فيسماتبيزان ألموري فالاري

(حتى تحرك ريح قوي في المكان عاد سكتو وشافو فبعض بابتسامة ماكرة ..تقدم دريكور وبركلة وحدة فرع الباب ودخل هو وناتاشا لقاو ميبهار قدامهم …)

ميبهار كتشوف فيهم ب بروود ) آل جووفر واش ماعييتوش

دريكور : عطيينا المختارة ولكتاب أشاارفة

ميبهار : غير كاضيعو فطاقتكم الشيء لي باغيين توصلوو ليه مستحييل وماشي عن طريق آل بيثروفا

دريكور تقدم بسرعة بقجة وحدة هزها من على الأرض ..أما ناتاشا تحركات كاتقلب على ساندرا فالمنزل …

دريكور : حفييذتك غاانشدها وعن طرييقها غانتحكم بكل المعااشر والعااالم

ميبهار كاتخنق بين يديه ابتاسمات ونطقات ) بهاذ الغدر لبعضكم ووالشر عمررركم طفرووه يا معاشر السحر الأسود

دريكور زيير قبضتو على عنقها وبدأت ميبهار كاتفركل حتى وقفات أمامو ناتاشا )

ناتاشا: ماكاايناش فكل المنزل أكييد الشارفة هربااتها من شي قنت خاسنا نديرو ليها تعويذة تحديد الموقع

دريكور لاح ميبهار على الأرض لي النفس تقط فيها وماقاداش تتنفس

دريكور : جيبي بعض من أغراضها الشخصية باش نخدمو التعويذة وسربييي قبل مايعيق آلبرت ويسيفط سحرته (شاف فميبهار) أنا غانتكلف بها

ناتاشا مشات لغرفت ساندرا …ودريكور شد ميبهار من رجلها وجرها مع الأرض حتى للمطبخ لاحها على أرضو وهز خنجر…♠️التتمة 3 للجزء 32♠️

دريكور : سنيين ونتي هاااربة سنيين وحنا كانقلبووو ..وشكوون أبرع من الساحرة ميبهاار في إخفااء الموقع …ولكن مؤخرا حفيذتك زوينة سحرها بدأ كايباان وعن طرييقووو عرفنا مكانكم ..ولكن داك لمكلخ دآلبرت بدل ماايسييفطني أنا سيييفط خوووه ثيون (وجلس قفازى أمام ميبهار لي بزز كاتنفس ومخرجة فيه عينيها )

دريكور : شهرااين ودك لمكلخ دثيوون كايضوور بحفيذتك خخه وحاضيك ولكنك دكية وماعرفش فين كنتي مخبية لكتااب ..فاتسنينا حتى تجبدييه بنفسك حيت كون بينا نفسنا قدامك من قبل كنتي عمرك تجبديه واخا نقطعوك طراف نتي وحفيذتك (ودوز الخنجر على جبهت ميبهار حلها ليها وهي كاتغوت )

دريكور : لكنك جبدتيه اليووم حيت عيد ميلاد القطة دحفيذتك

ميبهار كاتغوت بألم والدم طلا كل جبهتها …

دريكور : غااانشدهااا سمعتي وغاانغتاصبها مرة وجوج وعشرة حتى تقبل تنفذ التعويذة (هز راس ميبهار من شعرها تا قابل وجهو مع وجهها ونطق بهمس ) وغير تطبق عليا التعويذة ونولي لا أقهر غانصفييها لكل بيثرووفا وباقي المعااشر وندوز للمتحوليين ..

ميبهار مخرجة فيه عينيها ووجهها كولو دم جمعات تفال ففمها ودفلات عليه وهو هز الخنجر تاللسماء وبحركة قوية وسريعة ضربها للعنق حتى طار ليها راسها ..ووقف كاينهج …وكووولو دم

🍀🍀🍀
ساندرا كاتجري وهي كلها كاتشهق ..حتى وقفات مكانها وحسات بألم فظييع فصدرها جهت قلبها …طاحت على ركابيها كاتغوت وتبكي حسات بموت ميبهار …بقات دقائق هكاك كاتبكي بجهالة حتى فجأة سكتات ..مسحات دموعها ووقفات..كملات جري حتى للمينائ لي كان خاوي ..بقات كاضور بين السفن لي مركونة تما ظلالام وهي كاترعد…حتى شافت بعض الصيادين ..ومشاف كتجري وقفات عليهم …

ساندرا: ب بغيت ل لمغرب

الصيادين شافو فبعض ) واش هجرة سرية

ساندرا فقط كاترعد وكاتشوف فيهم ..

واحد من الصيادين وقف وشاف فيها ) تبعيني …
وتحرك وساندرا تبعاتو …بقاو كايتمشاو مدة حتى لأمام باطو كبييير ..وقف وصفر وماهي إلا دقائق حتى هبط رجل كبير فالسن من لباطو وشاف فيهم

الرجل : هاذ لبنت بغات تهاجر للمغرب

العجوز شاف فساندرا ) لفلوس

ساندرا لي مصدومة وكترعد خشات يدها فالحقيبة جبدات رزمة دلفلوس ماعارفاش شحال فيها …وعطاتها للرجل كوولها..هاذ الأخير لي ابتاسم وشاف فيها )

العجوز : تبعيني ولكن بدون صوت …(وتحرك للباطو طلعو ليه والعجوز كايتختل …هبطها حتى لغرفة لتحت وكحز بعض لكراطن لكبار وقاليها تجلس ..جلسات وبدأ كايهز لكراطن ويخبيها بيهم ..

العجوز : هاذ الباطو خاص بنقل البضائع ممنوع يهز مسافرين سمعتي فا غاتبقاي هنا وبدووون صوت حتى نوصلو للشاطئ ويكون الوضع آمن وغانجي نخرجك سمعتي الرحلة غاتستغرق تقريبا ثمان ساعات

ساندرا حركاتليه راسها بواخا وحضنات حقيبتها عندها …الراجل مشا وخلاها بووحدها ..جالسة على الأرض فظلام …وسط لكراطن…تكومات على نفسها كالجنين ودموعها بداو يدوزو وهي ساهية ….
🍀🍀🍀
فالمغرب …بقاو آل ستارك سهرانين فالحفل حتى لل 00:00 ..عاد طفات جمانة وأميرة شموعهما ..وهما كايضحكو فرحانين ..وختمو الليلة بألعاب نارية ..🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 33🔮

عند ساندرا لي متكومة على نفسها في ظلام لباطو ..وكل جسدها كايرجف ودموعها غير كايطيحو…حسات بالباطو تحرك وشهقات بقوة وهي كاتحس بنفسها كاتبعد على جزيرة ساو ميغيل …الجزيرة لي دوزات فيها اجمل خمس سنين فحياتها مع جداتها ..ومع أماندا صديقتها ….خلات موراها كل شيء وأهم شيء وهو جداتها … وكل ما وقع معاها فهاذ الأربع ساعات ..كايتعاود أمامها ..وعقلها كايستوعب كل هذا شوي بشوي ..تذكرات كل حكاية جداتها الحكاية لي طول عمرها كاتسمعها كل ليلة قبل ماتنعس .. وكاتستمتع بسماعها كقصة خيالية …صدقات حقيقة ..حقيقتها وحقيقة واليديها وجدودها وبني صنفها .. الحكاية التي عن السحرة قبل ألف سنة …عن كلارك بيثروفا الساحر مبتكر التعاويذ لي صدق واحد من جدودها …وبعدو بنتو ألكساندرا بيثروفا الساحرة مبتكرة التعاويد وكتاب التعاويذ السحري لي عند ساندرا حاليا … كان نتاعها وهي ليكتباتو بيدها ..وأنها هي السبب في ظهور المتحولين ..ساندرا شدات راسها بين يديها لي غايتفرع عليها بالألم ودموعها مكايحبسوش ..وبدات تتذكر النبوءة لي كاتقول أنه جبار والمختارة هما معا ليغايبرمو السلام بين السحرة والمتحولين … شهقات بقوة وهي تتذكر كلام جداتها بالحرف عن هذه النبووءة …
#فلاش_باك ___/

ميبهار خنزرات فيها تاسكتات ) ساحرة عجوز من سلالة آل بيثروفا شافت رؤية ۔۔۔شافت شخص معين غايتربع على عرش جنس المتحولين وهاذ الشخص ملقب بوحش المتحولين حيت عندو قوة الاستنسااخ لي هي قوة جد ناااذرة عندهم وصاحبها عبر التااريخ كايكون متسم بالقوة وبصفة الرئيس أو القاائد الليدر …أي المتحول لي كايتولد بالإستنساخ كايكون مقدر له يكون رئيس على جنسهم … وفتلك الرؤية هاذ وحش المتحولين لي غايتولد بقوة الاستنساخ بالذات غايتزوج بهجينة وهاذ الهجينة غاتولد الجبار ولي غايكون هو أقوى متحول غايعرفو العالم… لا حاضرا ولا فالماضي والا مستقبلا يعني عمر غايتولد شيمتحول آخر بحال جبار ..وبالضبط غاتكون عندو 100 قوة… وفالرؤية كذلك الساحرة العجوز شافت السلام..والتعايش… شافت السحرة والمتحولين عايشين فسلام بقيادت جبار وشخص آخر

ساندرا نقزات تاني ) الساااحرة لي من سلالة الكساندرا

ميبهار : #جبار #ماهو #إلا #عنصر #أول… فا لتحقق النبوءة خاس تتولد الساحرة حامية الكتاب لبنت لي تقدر تقيص لكتاب ولي تقدر تقرأ لغتو ولي تقدر تطبق تعاوييذو .. طفلة لي غاتولد بعد عقم أكتر من عشرين سنة ولي غاتتولد من دم آل بيثرووفا هي المختارة …وباش هاذ لبنت تتولد خاس الهجينة أم الهجين (جبار) تولد بنت ..(ابتاسمات ) لربما الساحرة الاولى ألكساندرا هي السبب فبناء جنس المتحولين ولكنها عطااتهم هاذيك القوة لخدمة غرض معين ولسبب معين وهو #يحميو #البشر و #أيضااا #يحميو #جنسها من #السحرة #الخيرين …ماشي ينحييوهم من على وجه الأرض …ولسخرية القدر التعويذة لعبات دورها وبقوة …فا ربطات حياة #هجينة #بساحرة #عبر #نبووءة … فااا باش تتولد الساحرة المختارة خاس الهجينة أم جبار تولد طفلة وتكون بنت ..هاذ الطفلة الهجينة والساحرة تولدو فنفس نهار فنفس الساعة فنفس الدقيقة وفنفس الثاااانية … الشيء لي خلا البنتين مرتبطتين … فا بمجرد ما تاخذ الساحرة المختارة لكتاب بمجرد ماتحلو وبمجرد ما تقرأ أول كلمة منو …مباااشرة الكتااب دالسحر غايفعل أول تعويذة مكتوبة عليه وهي تعويذة #الربط …غاتولي الفتاة الهجينة والساحرة المختارة حياتهم مرتبطة ببعض ..أي جرح تعرضاتلو الساحرة غايظهر بنفس الشكل وفنفس المكان على جسد الهجينة و #العكس.. مثلا إيلا الساحرة جرحات يدها غايظهر نفس الجرح فيد الهجينة … ويلا الساحرة ماتت غاتموووت الهجينة ..(ابتاسمات) ألكساندرا ماكانتش غبية وإنما قوتها وذكائها فاقو الحدود …باش تحمي الكتاب والساحرة المختارة ربطات حياتها بحياة الهجينة أخت الجبار ..وكيف قلتلك المتحول تقيصيه فعينو وماتقيصيهش فعشيرتو… عندهم العائلة والولاء أهم شيء فا باش ألكساندرا تظمن حياة الساحرة المختارة ربطاتها بحياة أهم هجينة والتي هي ابنة وحش المتحولين ورئيسهم.. وأخت الجبار لي هو الرئيس المستقبلي لجنس المتحولين …بهكا المتحولين عمررهم يقدرو يآذيو الساحرة المختارة .. لي عندها دور مهم وهو تدمير الكتاب نهائيا
…#نهاية_لفلاشباك///🍀تتمة 1 للجزء 33 🍀
ساندرا فقط كاتبكي وتتذكر كل هذا وعقلها كايحلل كل شيء ويطرح تساؤلات من قبيل …. : جبار آل ستارك ..شكون هاذ الشخص ؟ واش غايكون كأبوه شخص حكيم و نبيل كما حكات ليها جداها ؟؟ وكيغاادير تقنعو أو تقنع المتحولين يعاونوها ؟ أشنو غايكون مصيرها وسطهم ملي يعرفو راه حياتها مرتبطة بحياة بنتهم ….وكيفاش هي وجبار غايوحدو بين سحرة الخير والمتحولين ؟ …..والأهم أشنو هي هاذ التعويذة التانية لي السحرة غايديرو المستحيل باش يحصلو عليهااا ؟؟ شنوو نوعهااا شنو هي هاذ التعويذة الجد قوية لي كاتهدد وجود المتحولين ..ولي غاتخلي السحرة أقوى مخلوق فالوجوود ؟؟؟… أشنو هي هاذ التعويذة بالضبط ؟؟ …شهقات ملي تذكرات خليل آل ستارك ..وإحساسها نايحتو فذلك اليوم فالمقهى .. إذن هو واحد من المتحولين …..حيت جداها قالت ليها غاتحسي من ناحيتهم بالخوف وهو إحساس فطري ناتج عن الإحساس بكم طاقتهم دالمتحول ….. غمضات عينيها كاتبكي وهي حاطة يدها على فمها باش مايخرجش صوتها … حيت كاتسمع أصوات البحارة لي على الباطو …. سهات وكلها كاترجف وتفكيرها مشا لميبهار ..وأماندا ومايكل لي كانو ضحية فكل هذا .. هي عااارفة مستحييل يكونو خلاو ميبهار حية …زائد أنها حساات بموتها ….شهقات مرة أخرى ملي تذكرات ثيون ..لي فهمات أنه صدق ساحر من آل جوفر ليقالت لها جداها أنهم معشر من سحر السحر الأسود …يعني كان كايتفلا عليها وكايمثل الحب طول هاذ الوقت دخلها بنية الغدر ….ولكن علاش عاونها؟ علاش مخلاهاش لدريكور ؟ …واش فعلا كان باغي يديها ليهم بنفسو أو شنو كانت نيتو ؟ ….شدات قلبها وهي كاتشهق ودموعها شلال حسات بقلبها كاينزف … هي لربما مكاتبغيش ثيون ذلك الحب الأعمى العميق ..لكنو كان شخص متميز فحياتها …. شخص نادر باعتبارو أول رجل سمحت له الدخول لحياتها …حيت من نهار عقلات وهي عايشة غير مع جداتها فقط …وثيون اول جنس ذكر اقتحم حياتها … وبصفتو حبيب …وكان كايعاملها مزيان ومهتم بها كليا .
. وكانت كاتحس بمعاملتو لها حقيقية ..واش كان غير كايمتل تايتفلا علييها ….إذن فاراه كان ممثل بااااارع …..

ساندرا بقات طول وقت الرحلة وهي كاتبكي وتتذكر جداتها ..صديقتها وحبيب صديقتها … وثيون … وقصة السحرة والمتحولين ..والنبوءة …وكل ماوقع معها اليوم … ومصيرها المجهووول …بقات تاتبكي لساعات حتى عيات وتكات كاتبكي حتى نعسات ….

🍀🍀🍀
قبل ساعات أي فاللحظة لي تحرك الباطو بساندرا …

على جزيرة ساو ميغيل ..وفي غرفة صغيرة ففندق عادي…
جالسة نتاشا على الأرض مربعة رجليها وسط دائرة رسماتها بالرمل الأبيض …وعلى الذائرة محطوطين تلاث شموع 🕯🕯🕯 كبيرة الحجم محطوطة فشكل مثلث ..وأمامها حاطة خريطة للعالم …وفوق الخريطة حطات ملقط شعر صغير (مقبط) هزاتو من غرفة ساندرا وعليه بعض من خصلات شعرها ..ناتاشا مادة يديها فوق الخريطة مغمظة عيونها وتتمتم بكلمات تعويذة تحديد الموقع ..أما دريكور كايمشي ويجي فالغرفة وكل شوية كايطل من النافذة …

ناتاشا : فالا لاهارا فيسماتوس لوكاجيس لاهاريس فالا لاهارا فيسماتوس لوكاجيس لاهاريس
فالا لاهارا فيسماتوس لوكاجيس لاهاريس

(تعويذة بفظلها يقدر الساحر يحدد موقع أي شخص طبقت عليه التعويذة واخا يكون فآخر الدنيا ..الساحر فقط يحتاج لخريطة العالم وشي غرض شخصي للشخص المراد إيجاه ..والشموع هي مركز طاقة هاذ التعويذة… //كلمة لوكاجيس أخذتها من location /localisation )

ناتاشا مزييرة على عينيها مغمضاهم وكاتعاوذ فالتعويذة عدت مرات …دريكور شاف فيها وغووت)

دريكور: وااا طلقييينااا نصف ساااعة ونتي كاتعااوذي فالتعوييذة

ناتاشا خنزرات فيه ) واا مابغااتش أعععع (ضربات الخريطة بالجهد ووقفات صاعرة ) أكييد الشااارفة خبات موقعهااا

دريكور شد راسو ) لالالا خاسناا نلقاوها ون…(وسكت مخررج عينيه وناتاشا شهقات وشافو فبعض وبجوجهم ولاو صفرين )

ناتاشا مخخرجة فيه عينيها ) أ أ آلبرت ح حسيت به

دريكور سرط ريقو ) حسيت به عاد حط رجليه فالجزيرة

ناتاشا غمظات عيونها وبدأت تتمتم بكلمات تعويذة )لوكباروس سيهاروس بيفاروس لوكباروس سيهاروس بيفاروس لوكباروس سيهاروس

//تعويذة تسمح لها برؤية كم ساحر متواجد فمحيطها //

وحلات عينيها لي ولاو بيضين ونطقات ) ماشي بوحدو معاه عشرين ساحر من أقوى سحرة آلجوفر أدريكور (سدات عينيها وعاودات حلاتهم ورجع لونهم عادي) خاسنا نهربوو

دريكور سرط ريقو ) لا خاسني نلقااا المختارة قبل مايلقاها هو

ناتاشا غوتات ) وااش حماقييتي راه غايلقاو ثيوون غايعرفو أنك نتا لي قتلتيه

دريكور غوت ) غااانقوليه ان ثيون تمرد ضدنا

ناتاشا: وغايتييقك هاا راه هو وثيون توام مستحيل يتيقك سمعتي راه ذكي غايعرف أننا تمردنا عليه وبغينا المختارة وكتابها لنفسنا …(هزات صاكها ) بغيتي تبق تايجيليك نت حر لكني غانمشي وأصلا مستحييل تكون المختارة مزالة على جزيرة ساو ميغيل ..أكيد غاتكون بعدااات وخاسنا نوصلو ليها قبل منو وقبل من المتحولين (وخرجات كاتجري ..دريكور تنهد بعصبية وتبعها هاربين …🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 34🔮

🍀🍀🍀🍀

الثامنة صباحا ..على مينائ الدار البيضاء رسى الباطو لي هاز داخلو المختارة حامية الكتاب على رصيف المينائ…وبداو العمال كاينزلو منو السلع ليكان محمل بها …و في غرفة فالأسفل ساندرا ناعسة على الأرض وسط لكراطن حتى بدات كاتزعزع ناضت طاافجة ومخرجة عينيها لقات الرجل العجوز لي حاط يدو على كتفها كايزعزع فيها وبسرعة بعداتلو يدو من عليها وخنزرات فيه)

الرجل : وصلنا سمعي غانخرج نلهي الرجال لي برا ربع ساعة وخرجي بدون ماتلفتي الإنتباه سمعتي

ساندرا حركاتلو راسها بواخا وهو خرج …تنهدات وعينيها عمرو دموع وبداو ينزلو تاني …..مسحاتهم ..وبسرعة حلات الحقيبة قلبات كل أشنو فيها لقات بعض الثياب لي كلها جديدة ..وجوج رزمات أخرين من النقوذ …وملف فيه كل أوراقها الدراسية والشخصية وباسبورها … .. بقات كاتشوف فداكشي ..الثياب الجديدة ولفلوس لي معرفاتش منين جابتهم جداتها ….جبدات جينز أسود مع سوفيطمة ميني سوداء وجاكيط كوير سوداء .. حيدات فستانها الأحمر ولبساتهم بسرعة عليها ..هزات شوي من لفلوس دارتهم فجيبها ..وجمعات حقيبتها ..ووقفات بغات تشعل هاتفها لقاتو طافي ….هزات حقيبتها وخرجات كاتختل بالحس ..طلات بانليها العجوز واقف مع بعض الحمالين والعمال ورجال أمن المينائ ..ملاهيهم العجوز بالهضرة ..وهبطات من الباطو بالحس … ومشات كااتجري بأقصى سرعتها حتى فاتتو بمسافة..خرجات من المينائ عاد وقفات كاتلهث أمام شارع كبير ..شافت حوليها الناس شي غادي شي جاي …والسيارات …مدينة غريبة ثقافة غريبة كل شيء غريب عليها … لكن لحسن حظها كاتفهل للعربية … سمعات المارة كايهضرو بالعربية وابتاسمات بحزن ونطقات ..)

ساندرا: هاذشي أجدة علاش كنتي صارمة معايا نتعلم اللغات وخصوصا العربية (عينيها دمعو ) لفلوس ليماعرفتش من إيمتا ونتي كاتجمعيهم ..والثياب الجديدة وكل وراقيا ..موجدالي الحقيبة هئ كنتي كاتوجديني لكل هذا هئ كنتي موجدة كل شيء لليوم هئ ولكن أنا لي غبية هئ هئ

(انفاجرات كتبكي وسط الشارع وناس كايشوفو فيها ..باين عليها أنها غربية … بقات مدة واقفة تاتبكي تابردات على نفسها ..شافت حواليها تالفة أشنو غادير خاسها توصل لقصر لستارك …شيرات لطاكسي حبس ليها وركبات …

مول الطاكسي كايشوف فيها ونطق بالداريجة ) فين أمدام

ساندرا فهماتو وجاوبات بعربية فصحى ) أحم أريد الذهاب إلى قصر آل ستارك

مول طاكسي جاتو الضحكة …وهي تزنكات ..وكسيرا وشاف فيها من المرآة ) نتي ماشي من هنا ياك منين نتي كاتهضري بحال المسلسلات

ساندرا شافت فيه بلا ماتجاوب …وهو عاود سولها ..طريق كولها وهو كايسول وبدأ يعاودليها على حياتو وولادو ومرتو لي منكدة عليه حياتو ..أما هي فقط سااهية ومتوترة كاتفكر فأشنو غادير هاهي وصلات للقصر أشنو غاتقوليهم …شافت من النافذة بانليها الطاكسي خرج من المدينة وغادي فطريق غابوي وحسات بالخوف )

ساندرا نطقات بالبرتغالية ) لفين دايني

مول طاكسي شاف فيها ) نعام !

ساندرا تنهدات وجمعات الجملة ففمها ونطقات ) إلى أين تأخذني؟

مول طاكسي تاني حبس الضحكة وشاف فيها حاول هو الآخر يجاوبها بالفصحى ) للقصر أمدام هو جاء في لخرجة دكازا

ساندرا تنهدات وجبدات هاتفها كاتحاول تشعلو تشوف غير شحال فالساعة لكنو طافي …ربع ساعة وقف الطاكسي فالطريق الغابوي وشاف فيها )

مول طاكسي : هذا حدي أمدام منقدرش نزيد أكتر وإلا غاندخل فالملكية الخاصة للستاركس وممنوع (وأشار لها للافتة مكتوب عليها ملكية خاصة starck)

ساندرا شافت الطريق …شانطي وسط الغابة وطويييييييل ..)

ساندرا: ولكن أين القصر؟

مول الطاكسي : خخههه أحم هانتي أمدام غاتزيدي مع هاذ شانطي نيييشان ومع الضورة غايبانليك القصر راه كبييير ..

ساندرا جبدات ورقة نقدية من فئة 200 اورو عطاتهاليه وهو خرج فيها عينيه )

مول طاكسي : وايلي معندكش الدرهم

ساندرا حركاتلو راسها بلا )

مول طاكسي شاف الأورو يحسابلو راهي شبعاانة ) واش نتي من عائلة ستارك؟

ساندرا تنهدات وهو بدأ عليها بالأسئلة تاني ..ماجاوباتوش …حلات باب الطاكسي وخرجات هازة حقيبتها وزادت مع الشارع لي خااااوي ..حيت خاص بلستارك كايخرج غير فالقصر فقط ماعندوش وجهة أخرى … كل المنطقة والغابة لهم فاماكايدوزوش السيارات بمرة …بقات غادا لربع ساعة وهي كاتفكر وساهية …حتى وقفات مكانها ونطقات…)

ساندرا: أنا مامتأكدااش أنهم غايعاونووني باش عرفت أنا انهم ماغايقتلوونيش باش عرفت أنه يمكنلي نتيق فيهم …..وخاسني نعرف شنو هي هاذ التعويذة لي باغيين السحرة دالسحر الأسود ولي إييلا عرفو المتحولين بوجودها غايقتلووني ..دكشي علاش ألكساندرا دارت الربط بيني وبين الهجينة ( شافت حواليها وتنهدات ..خرجات من الشارع ودخلات للغابة تمشات وسط الغابة حتى لصخرة كبييرة وجلسات عليها حلات حقيبتها وجبدات الكموسة وسرطات ريقها ومدات يديها كايترعدو حيدات الزيف لي مغطي الكتاب تاتحيد ..وبقات كااااتشووف فيه باستغراب ..كان كتاب فلموف او بنفسجي اللون ..ووسط غلافو صورة غريبة لطيف أنثى … ساندرا كاتسرط فريقها وهي كاتشووف فيه وحاسة بشيء غريب …

ساندرا: دابا غير غانحلو غانعرف التعويذة لي باغيين السحرة دآل جوفر يوصلو ليها !🍀تتمة الجزء 34🍀
ساندرا: دابا غير غانحلو غانعرف التعويذة لي باغيين السحرة دآل جوفر يوصلو ليها !

تنهدات وعينيها دمعو ومدات يدها كااااترعد حطاتها عليه وغمظات عيونها لي عمرو دموع …حسسات به حسات بطاقتو وحسات بكل مايحمله من تعاويذ سواء القوية منها أو الضعيفة …حلات عيونها وهي كاتشوف فيه ..وببطئ حلاتو على أول صفحة وبقات مبلوووكية كاتشوف فأوراقو الفارغة …

ساندرا باستغراب ) خاوي ! كيفاش خاوي ! هاء (وبدات تدوز ورقة بعد ورقة ولكن كل الأوراق فاارغة تماما

حطاتو ووقفات كاتشوف فيه ) قصتو وماحرقليش يدي إذن كيفاش خاوي أشنو هاذشي ياك الكتاب أنا بوحدي لي نقدر نقيصو وقصتوو .وبوحدي لي نقدر نقراه ونفد مافيه من تعاويذ حيت انا هي المختارة ودمي دم بيثروفا و… (سكتات مخرجة عينيها ورجعات شافت فلكتاب لي محطوط فوق الصخرة ) الدم آه الدم …

تحنات قفازية أمامو وشافت حواليها هزات عود او غصن شجرة وهرساتو على جوج.. وجرحات به صبعها…هزات الكتاب وجلسات على الصخرة وحطاتو فحجرها ومسحات شوي ددم ليخرج ليها فأول صفحة منو …وبقات كتشووف فيه …وثواني حتى تحرك ريه قوي فالجو رعبها …والكتاب بدات تبان عليه عدت جمل جملة مور الأخرى حتى عمرو كل صفحاتو ..وساندرا حالة فمها .. وبسرعة غمظات عيونها باش ماتقرأ حتى كلمة منو باش ماتتفعلش تعويذة الربط ..وحطات يدها على صفحتو ..وغير حطاتها شهقات مخرررجة عينيها ووقفات تاطاح لكتاب …شدات راسها وولا لونها صفر وفمها كايترعد …

ساندرا : لالا هئ هئ لا هاذشي أخطر منلي كنت كانتوقعوو لا هئ لا ماشي لهاذ الدرجة يا ألكساندرا لا لالا (شهقات) علالاش ابتاكرتي هكذا تعويذة أ ألكساندرا علاش هىء هىء لالا هئ المتحولين إييلا طحت فيديهم أنا ولكتاب وعرفو بالتعويذة ماغايرحموونيش هى المتحولين ماغايرحموونيش أ ألكساندرا هئ مستحييل يخليوني عايشة لاعرفو ماهية هاذ التعويذة لي باغيينها سحرة السحر الأسود هئ لا غانموت هئ غايقتلووني بلا مايفكرو جوج مرات هئ (جلسات على ركابيها فالأرض كاتبكي وهي كاتشوف فلكتاب ..ويديها مزال كايترعدو )

ساندرا: هئ حسيت بيها هئ وبقوتها هئ و أكييد السحرة كلهم فكل العالم غايكوونو حسو بيها بحاالي هئ وعرفو لكتاب تحل هئ لابقيت هنا ياربي غايجيوليا السحرة هئ ويلا مشيت عند لستاركس وعاودتليهم عن ماهية هاذ التعويدة غايقتلووني هئ هئ جدة هئ هئ علاش أنا علاش أجدة علاش هئ أنا مابغيتش هاذشي هئ مابغيتوش ماغانقدرش عليه هئ اجدة غايقتلووني المتحولين غايقتلووني هئ (شدات راسها بين يديها كاتبكي بهستيريا وكاترعد بقوة ..حتى شهقات ملي تفكرات تعويذة الربط..هي الأمل الوحييد ليعندها هي ظماانتها الوحيدة لحياتها وهي ورقة نجااتها ..ماحد حياتها مرتبطة بالهجينة عمر المتحولين يآذيوها ..وقفات بسرعة هزات لكتاب حلاتو على اول صفحة وسرطات ريقها …)

ساندرا: غانقرأ أول كلمة غاتتربط حياتي بحياتها ..واخا مكنعرفهاش وماعرفتش أشنو غاتكون عواقب هاذ الربط ..لكنني عالأقل غانظمن سلامتي وسطهم وغانظمن أنهم يحميوني من السحرة هئ أنا ماعرفتش الهجينة كانتمنى تسمحليا ولكن راه مصير الصنفين بين يدي وماعنديش حل …(تنهدات وشافت فأول كلمة فالكتاب لي مكتوبة بخط غريب مستحييل غيرها يقدر يقراه لا ساحر لا متحول لا بشري ..ونطقات …)

ساندرا : فلارماتيراسبوهالينك

(وسكتات سرطات ريقها وحسات بالدوخة ..وطاحت على طولتها مغيبة وسط تلك الغابة )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 35🔮
فقصر آل ستارك..فجناح جمانة لي فاقت نااشطة اول شيء دارتو هو حلات باب البالكون واستنشقات هواء الصباح ..حتى بانتليها فاضمة كبيرة الخدم ..واقفة فالحديقة وواقفين جنبها صف من السيدات كلهن عجائز …جمانة خرجات عينيها واستدارت هزات فيست لبساتها ..وخرجات كاتجري اختارقات حيط جناحها صدقات فجناح أميرة ..ودازت كاتجري اختارقات حيطو صدقات فجناح السموحات ..من بعد اختارقات حيطو صدقات فجناح زليخة ..ومن بعد اختارقات الحيط صدقات أمام المصعد ..ركباتو بسرعة نزلها للأسفل ومشات كاتجري دازت على الشباب لي كانو جالسين كايفطرو ..جبار وسليم وفارس وعصمان ومالك ..وخرجات ..
فارس خنز حيت شافها غير بشورط قصير دنعاس ): مالها

جبار : مانعرف غايكون غاضربها حمار صباح

فارس وقف : غانشوف مالها …
🍀🍀
عند جمانة وقفات على فاضمة مخنزرة وكاتلهث ) ياااك أفااضو يااك هذا منسوا عندك

فاضمة شافت فيها ) أمالك

جمانة أشارت لها للشارفات ونطقات بهمس ) يااك قلت لك بغيتها صغيرة حشومة عليك

فاضمة هي الأخرى جاوباتها بهمس ) أوالله تاغير هاذو لي تقدمو للوظيفة عشرين أستاذة أصغرهن فالأربعين اشنو بغيتيني ندير؟

جمانة : هانتي رفضيهم ياك وتسناي مزال يجيو لخرين راه يالاه تمنية دصباح هاذي مزال نهار طويل حميمتك أفاضو هاذو لا

فاضمة تنهدات ) واخا صاف كنواعدك غانختار أصغر وحدة غير تهدني

جمانة تنهدات براحة ) واخا أنا نمشي ندوش غانتعطل على لافاك …(وتحركات داخلات وهي تساطح مع فارس ليكان خارج ..شدها من يدها باش مطيحش

فارس كايتفحصها بعيونو وهو مزال شاد يدها ): واش لباس ومالك؟

جمانة شافت فيه وحيدات يدها من بين يديه ) أ لاباس

فارس شاف فيدها الخاتم ماحيداتوش وابتاسم ) أحم علاش خرجتي كاتجي هكاك واش محتاجة لشيء ؟

جمانة : هه لا غير حلمت بفاضو توحشتها ومشيت عنقتها عزييزة عليا لمسخوطة

فارس ضحكاتو ..بقا كايضحك …أما جمانة بدات كاتحس بشيء غريب حتى شهقات بقوة وتقلبوليها العينين وطاحت سخفانة بين يديه …فارس شدها بسرعة وتصدم ..وجبار بسرعة ناض كايجري شدها كايضرب فحناكها بشوية ..
مافاقتش ليه وشاف ففارس وغوت )

جبار: عيط لطبيبة القصر بسسرعة (وهزها كالريشة ومشا كايجري دخل للمصعد واختفى بها بقوة التنقل ..ظهرو فجناحها ..حطها على سريرها وكايحاول يفيقها ..ثواني حتى دخل فارس لي مخلووع ومعاه الطبيبة ..وبعدها دخل جاسم وسليم و وسيم …وبقاو واقفين على الطبيبة ليكاتفحصها …

جاسم : أشنوو مالهاا ؟

الطبيبة شافت فيهم باستغراب ) ماعرفتش

فارس غوت تانقزها ) آش ماااعرفتيش هااا وااش نتي ماشي طبيبة ولا شنووو

الطبيبة : أ أ أحم ض ضغطها طبييعي دقات قلبها طبيعين فا مافهمتش سبب إغمائها

جمانة حلات عينيها عالجهد ..وتكعدات جالسة كاتشوف فيهم )

جمانة : مالكم!؟

فارس تنهد براحة وجلس جنبها ) كنتي واقفة تاسخفتي !

جاسم قرب منها وشد يدها باسها ) أشنو وقع احبيبتي اشنو كايضرك

جمانة : والو ماعرفتش !

جبار شاف فسليم) خبر عمي عدنان غانديهالو لمستشفى العائلة تدير فحص شامل

سليم : واخا (واختفى بقوة التنقل )

جمانة : أشمن فحص ألا راني بيخير

وسيم : غاديري الفحص ضروري نعرفو سبب هاذ الإغماء

جمانة : وا راني بيخير وزايدون راني قارية

جاسم : حبيبتي غاديري الفحص نتأكدو أنك بخير وبعدها نوصلك للجامعة

فارس : أنا وجبار نتكلفو أعمي

جاسم وقف ) واخا غانمشي عند شيماء ماقلت ليها والو باش ماتترعبش ..(شاف فجبار) علموني بكل شيء ( اختفى )

جبار جلس جنبها ) واش كايضرك راسك

فارس : واش هاذ الدوخة كاتجيك دائما

جمانة ابتاسمات وعنقاتهم بجوج ) أراني بيخير يا أحسن إخوة ..

فارس تنهد بعصبية وحيد يدها من عليه ووقف معصب ونطق ) جبار غانبدل ثيابي باش نديوها للمستشفى (ومشا بخطوات سريعة خرج)

جمانة : هاء مالو تعصب هكاك

جبار وقف ) حيت نتي مكلخة يا أختاه

جمانة خنزرات فيه)

جبار : نوضي بدلي شويا غانرجع نمشيو (واختفى)
🍀🍀🍀🍀

عند ساندرا لي حلات عينيها عالجهد..(فاقت هي وجمانة فنفس الوقت) وناضت جالسة شافت حواليها غير الغابة وجنبها لكتاب ..بسرعة هزاتو )

ساندرا : دابا شنو واش تعويذة الربط تفعلات ؟! وكيغاندير نعرف واش نجحات ؟

(شافت فلكتاب تاني اول كلمة مكتوبة منو وبدات تقراها وتعاود …)

ساندرا : فلارماتيراسبوهالينك
فلارماتيراسبوهالينك..فلارماتيراسبوهالينك…فلارماتيراسبوهالينك
(اللينك link هو الربط= )

ساندرا: اووف باش غانعرفها تفعلات (وقفات وجمعات لكتاب رداتو فالزيف لي كان ملوي فيه ..من بعد رداتو فالحقيبة نقرات ثيابها وخرجات كاتجري من الغابة حتى للشارع وكملات جري فالشانطي وبدأ كايبانليه القصر الضخم من بعيد ..بأسوارو العاالية …وغاديا وكاتهضر

ساندرا: غاتكون تعويذة الربط تفعلات ..أكيد فا غاندخل للقصر ونقوليهم ساحرة انا سااحرة ياك وغا غان غان (وقفات شدات راسها) أووف وييلا منجحاتش التعويذة دالربط غير نقوليهم ساحرة غايصفيوهاليا سكتات ملي بانتليها سيارة بيضاء كاتشعل جديدة جاية بسرعة مع الشارع وكلما هي كاتقرب وساندرا كاتحس بالرعب متغلغل داخلها …🖤تتمة الجزء 35🖤
🍀🍀🍀🍀
// ركزو إغماء جمانة وساندرا فنفس الوقت هو مجرد دليل على فعالية التعويذة لاغير أي خدماات وولاو حياتهم مرتبطة ببعض …الربط متجسد فالجرح ..واالموت //

عند جمانة لي لبسات سيرفيط بيضاء ..سروال وقبية مينيبوط ..طلقات شعرها وخرجات لقات جبار وفارس كايتسناوها فالخارج وكايهضرو وغير شافوها سكتو …

جمانة : ورااني بيخير غير غاتعدبو راسكم وتعطلوني على لافاك

جبار : زيدي بلا هضرة (وشد يدها جرها ومشاو وهي وسطهم)

جمانة : واخا إذن سربيو راني داخلة مع لعشرة

فارس: مكايناش الجامعة اليوم

جمانة شافت فيه مخرجة عينيها ) شنوو

خرجو برات القصر وفارس حل لها سيارة جبار ركبات لور ..وركب هو وجبار لي سايق كسيرا ..)

فارس: غاديري تحاليل عامة لي كايديو وقت…فا محاضراتك عوضيهم غدا

جمانة تنهدات بعصبية واضحة… ماغاتشوفش سفيان تاني الشيء لي عصببها …)

جبار سايق خرج من أسوار القصر واستدار غادي مع الشارع حتى بانتليهم فتاة سمراء جاية من بعيد …

فارس : شكون هاذي

جمانة كتشوووف فيها )

جبار أيضا عيونو عليها شافها وقفات ملي لمحات السيارة وبقا كايشووف فيها ) غاتكون تالفة (وكسييرا بسرعة كبيرة حتى دازو عليها ومشاو )

جمانة ضورات راسها كتشوف فساندرا لي خلاو موراهم ) واكون وقفتي نشوفو إيلا تالفة نوريوها طريق حيت راه ديك طريق غاتوصلها غير لقصرنا..

جبار : مامساليش عندي نتي أهم إيلا تالفة ليكارد غايوريوها الطريق

🍀🍀🍀

ساندرا بقات جامدة مكانها وركابيها كايترعدو حتى دازت السيارة . ..جلسات على طروطوار بزز كاتنفس …كم الطاقة الهائلة لي حسات بها خلاوها كاترعد من الداخل …هي مشافتش شكون داخل السيارة حيت زاج فيمي ودازو من جنبها بسرعة ..لكنها حسات بطاقة هااائلة عمرها حسات بها فحياتها..تتجاوز طاقت خليل بأضعااف الأضعااف …وقفات صفراء ولونها مخطوف وكملات جري للقصر لي قربات له ..ربع ساعة حتى وقفات أمام بوابتو العملاقة لي كانت مفتوحة وأسوارو العاالية ..بقات حالة فمها ويالاه زادت تدخل مع البوابة حتى وقفو عليها أربع كارد

الكارد بالدارجة ) شكون نتي يا آنسة هاذي ملكية خاصة وممنوع يدخلو الغرباء

ساندرا حالة فمها شافت فيه بدون ماتجاوب ..وهو ظنها مفهماتوش حيت شكلها واااضح ماشي مغربية ونطق بالإنجليزية )

الكارد: آنسة هاذي منطقة ملكية خاصة بلستاركس ممنووعة على الغرباء

ساندرا يالاه غاتنطق حتى وقفات جنبها امرأة جميلة بلباس خدم كتشوف فيها ونطقات بالإنجليزية )

فاضمة : آنسة واش جيتي على قبل الوظيفة

ساندرا غير حالة فمها ) أ أ أنا م م

فاضمة طلعاتها وهبطاتها ) شحال فعمرك؟

ساندرا جاوبات بالإنجليزية ) ت تسعة عشر !

فاضمة : ومنين نتي (مداتلها يدها ) ممكن نشوف اوراقك؟

ساندرا سرطات ريقها وجبداتليها الباسبرو وبطاقة تعريفها عطاتهم لها ..فاضمة كاتقرأ فالمعلومات وابتاسمات )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 36🔮
فاضمة : إذن أجنبية برتغالية (ابتاسمات ) ممكن نشوف اوراقك الدراسية

ساندرا : ع علاش ؟

فاضمة : على قبل الوضيفة!

ساندرا فهمات أن هاذ الخادمة فاهماها غلط ..وخافت إيلا قالتهاليها مايخليوهاش حتى تدخل للقصر ..فاجبداتلها كل أوراقها الدراسية الباكالوريا وشهادات أخرى عندها فاللغات …عطاتهم ليها ..وفاضمة كاتقرأ ومنبهرة بنقط ساندرا الجد العالية ..شافت فيها )

فاضمة : واو برافو أشمن لغات كاتقني

ساندرا : ب بزاف!

فاضمة : بحلاش ؟

ساندرا: الكورية الفرنسية الإنجليزية الإسبانية البرتغالية الصينية الروسية الألمانية التركية التايلاندية العر..

فاضمة قاطعاتها وهي حاالة فمها ) صاف باراكا تقبلتي فالوضيفة

ساندرا كاتجاوب غير بالإنجليزية) : أحم م ممكن ت تقولي ليا أشمن وظيفة؟

فاضمة شداتها من يديها وجراتها داخلين للقصر وهي فرحااااانة..حيت حصلات على أستاذة صغيرة فالسن كيما طلبت جمانة … فاضمة غاديا وكاتهضر بالعربية )

فاضمة: أخييرا هاهي أستاذة عارفة كل لغات العالم كيما بغات السيدة شيماء ..وصغيرة فالسن كيما بغات آنستي جمانة وآنساتي الصغيرات (السموحات)

ساندرا فقط غاديا موراها حيت فاضمة جاراها ….وحالة فمها فيها وملي سمعات كلامها لي بالداريجة عاد فهمات ..إذن غاتدخل للقصر كأستاذة لغات ..ابتاسمات براحة حيت هكذا تقدر تبقا وسطهم بلا مايعرفوها أشنو هي بالضبط (ساحرة) ..وأيضا حدها فالقصر عمر السحرة يقدرو يشدوها ….غاتبق وسطهم حتى تعرفهم وتعرف واش ممكن تيق فيهم عاد تقولهم على حقيقتها …ومنها نيت يكون عندها الوقت لي تقرأ فيه كل تعاويذ الكتاب ….)

فاضمة دخلاتها حتى لداخل القصر …وساندرا حلالات فمها فجمالو أثاث ديكور ..كل شيء راااقي …)

فاضمة كاتشوف فيها ) مرحبا بك كيفما قلت لك يا آنسة سانا

ساندرا: ساندرا

فاضمة : باردون آنسة ساندرا…غاتبقاي هنا فالقصر كأستاذة مقيمة للغات لتدريس تلاث آنسات من سكان القصر …غايكون عندك راتب جيد وأيضا غرفة جيدة فالقصر والمطلوب منك هو تعلمي الآنسات للغات يضبطوهم جيدا

ساندرا لي واضح عليها التوتر والعياء حركاتلها راسها بواخا

فاضمة : أولا خاس السيدة شيماء تشوفك

ساندرا سرطات ريقها ) ش شكون
/ملاحظة كل حوار ساندرا وفاضمة بالإنجليزية ..وفاضمة كايحسابلها ساندرا مكتعرفش وماكاتفهمش العربية /

فاضمة يالاه غاتهضر حتى شافت جاسم وشيماء جايين ناحيتهم ….وساندرا عاطياهم بالضهر ..لكن غير حسات تاني بطاقتهم وهي تخررج عينيها واستدارت بسرعة …شافتها … شافت شيماء…حلات فمها وهي كاتتأملها نفس السيدة لي شافتها فالرؤية ..شافتها ملي كانت حامل بجبار ..ومخطوفة …نفس العيون نفس الملامح نفس الشعر … عينيها عمرو دموع وحولات نظرها لجاسم ..وسرطات ريقها ..نفس الشخص لي وصفاتلها جداها ..بقات واقفة مببلووووكية حتى دازو من جنبها جاسم واضح عليه زربان ومن ملامحو معصب ..وشيماء جنبو وغير كاتهضر وبالعربية …

شيماء : أقولي مالك وفينها جمانة وعلاش ماغاتمشيش للافاك اليوم وفارس وجبار لفين داوها

جاسم وقف وشاف فيها أخذ يدها وباسها بحب ونطق بهدوء )حبيبتي امبراطورة قلبي تهدني ..جبار ختو هاذيك وراه كايحماق عليها فايديها لفينما بغا وفارس معاهم فاماعندك منآش تخافي

شيماء: جاسم نت عارف شحال كايتعصب منها خصوصا على قرايتها ولباارح شاف كل نقاطها وتعصب

جاسم : حياتي جبار وحتى سليم و وسيم ..وكل رجال هاذ القصر ممنوع عليهم يحطو صبع واحد على البنات والنساء فاماتخافيش يتعصب تايشبع عمرو غايآذيها (باسها فخذها ) عندي عمل مهم فالمحكمة غانتعطل اليوم

شيماء : واخا

جاسم ابتسم لها وحول نظرو لفاضمة لي حانية راسها كيديما ..وجنبها فتاة سمراء ..مخرررجة عينيها فيه هو وشيماء ..الشيء لي خلاه خنزر فيها ..وساندرا مع خنزر فيها مع شهقات بقوة ..خلات شيماء استدارت شافت فيها باستغراب عاد رداتليها البال…

جاسم حول نظرو لشيماء ) هاني مشيت (وخطف قبلة جنب فمها وخرج بخطوات سريعة )🖤تتمة الجزء 36 🖤
شيماء مبتاسمة بحب تبعاتو بعينيها تاخرج عاد استدارت شافت ففاضمة وساندرا باستغراب …خصوصا ساندرا لي لونها مخطووف ومخرجة عينيها فيها…شيماء يالاه غاتهضر تاشافت رجال العائلة جايين …
إيفان…دياب…غسان ..وفيليكس..
حتى وقفو جنب شيماء كايضحكو معاها وإيفان طار عليها بتعنيقة وهي كاتفركل يطلقها ..

شيماء : أطلق طلق طلق ألحمق طلق لكاميرات لكامييراات وااع طلق جاسم واش بغيتو تحمقوه ليا نت منجيه وولادي من جيه

إيفان : خهه هاااح ولادك تربية يديييي خصووصا جبووري

شيماء تنترات منو وطارت عليه شداتو من شعرو كاتدي فيه وتجيب ) أخمسة وعشريين عاام وأنا تااانقوولك ماتبقااش تعيطلوووو جبووور سمييتو جبااار جبااار واش عااجبك هاذ زغيبات ليكانطيرلك فكل مرة

إيفان كايفركل : وييع إفليين أطلقي طلقي بربي منعاود وا جبوور هاء جباار جباار

شيماء كاتنتف فيه ..ودياب فيليكس وغسان كايضحكو بدموع …حتى من فاضمة حابسة الضحكة…أما واحد ساندرا مخررجة عينيها فيهم …كاتشوف فيهم واحد واحد وكاتحس بطاقة كل واحد منهم أقوى من التاني … وفدماغها كاتقول واش هاذو كلهم متحولين ..وهاذ العشيرة شحال فيها من واحد..وكاترعد منهم…

شيماء طلقات إيفان ..وودعاتو هو وباقي الرجال خرجو لأعمالهم ..عاد شافت في فاضمة وكذلك في الفتاة السمراء الغريبة )

شيماء: فاضمة

فاضمة عاد هزات راسها مبتسمة وقربات تاوقفات أمامها ..وكايهضرو بالداريجة …)

شيماء: شكون هاذ البنت ؟

فاضمة : هاذي هي الأستاذة لي وصيتي عليها أمدام

شيماء شافت فساندرا باستغراب ورجعات شافة فكبيرة الخدم ودائما حوارهم بالداريجة )

شيماء: ويلي أفاضمة لبنت كتبان صغيرة قد لبنات

فاضمة: راها قدهم نيت امدام عندها 19 سنة وهي أجنبية برتغالية وكاتتقن بزاف داللغات

شيماء شافت فساندرا هاذ الأخيرة لي بااين فيها مرعوبة وجد متوترة ..وقربات منها حتى تقابلو ..ساندرا حققات فعيون شيماء الملونين ..ومرة أخرى تذكرات كل الرؤية لي شافت عليها والعذاب لي شافتها فيه كل كتافها وفخاضها مشرطين وكرشها لفمها حامل وكاتغوت ..ساندرا عينيها عمرو دموع وبزز كبحاتهم مايطيحوش فوجه شيماء لي مبتاسمة لها )

شيماء كتشووف فيها ولاحظات دموع فعينيها ..ابتاسمات ونطقات بالإنجليزية ) سلام أنا شيماء ونتي؟

ساندرا سرطات ريقها وابتاسمات بزز ) ساندرا بيثروفا

شيماء: واو اسمك زوين ساندرا بيثروفا قالت ليا كبيرة الخدم أنك خبيرة فاللغات

ساندرا حركات ليها راسها بآه ) كانتقن بزاف داللغات

شيماء :بحالاش !

ساندرا ابتاسمات بحزن ونطقات ) منلي بديت كنهضر وجدة كاتعلمني اللغات ..فكل سنة كانتعلم لغة جديدة ….الكورية الفرنسية الإنجليزية الإسبانية البرتغالية الصينية الروسية الألمانية التركية التايلاندية ..الهندية .. البلغارية ..وبعض اللغات القديمة كالإغريقية والرموز الرومانية والفرعونية القديمة كانعرف نقرأ معانيهم و..

شيماء لي انباهرات قاطعاتها ) وااو هاذشي كولو فعمرك الصغير بصراحة كانحييك وكانحيي جداتك الله يخليها لك

ساندرا سرطات ريقها وحنات راسها )

شيماء ملاحظة الحزن لي مرسوم على وجه ساندرا)

شيماء: إيمتا جيتي للمغرب وشكون عندك هنا ؟

ساندرا كلها كاتعراق نطقات ) : أحم ج جيت فل لبارح و جيت لهنا يعني أحم عند صاحبتي هي هي مغربية

شيماء: وشكون دلك على القصر وقالك أنني طلبت توظيف مدرسة؟

ساندرا قلبها غايسكت حيت في حالة الكذب ماكااتعرفش كاتفضح نفسها بسهولة ..سرطات ريقها ونطقات عالله )

ساندرا : من الجرائد أكيد أمدام أنا ككل الأستاذات لي تقدمو للوظيفة شفت الإعلان وعنوان القصر فالجريدة

شيماء شاف ف فاضمة ونطقات بالداريجة ) عجباتني لبنت أفاضمة واخا صغيرة..لكن باينة بعقلها ومربية فا وجدي ليها بيتها ..أو واش خديتي أوراقها ومعلوماتها ؟

فاضمة: أمرك مدام هاني ناخدهم

شيماء شافت فساندرا ونطقات بالانجليزية ) قلتي صديقتك مغربية واش كاتفهمي اللغة العربية ؟

ساندرا خرجات فيها عينيها وبسرعة حركات راسها بلا ) ماكانفهمهاش ومكنعرفش نهضر بيها .. أما باقي اللغات نقدر نهضر بيهم ونكتبهم بطلاقة

شيماء : مزيان ممكن تعطي لكبيرة الخدم بطاقتك الوطنية وأوراقك ضروري نسجلو كل معلوماتك

ساندرا سرطات ريقها وجبدات وراقيها عطاتهم لفاضمة )

شيماء: فاضمة غاتوجدلك عقد لمدة خمس أشهر قابلة للتجديد غاتكوني يا ساندرا مكلفة بتدريس تلاث بنات لي هن فسنك ..أربع لغات غاتبداي معاهم بالإنجليزية الفرنسية الإسبانية والبرتغالية ..وبعد خمس أشهر إيلا ضبطولي البنات غير لغتين من هاذو غانجددليك لكونطرا إيلا بغيتي طبعا

ساندرا بسرعة حركات راسها بآه)

شيماء ابتاسمات ) القصر اعتابريه قصرك تحركي بحرية فهاذ الطابق السفلي …فقط ممنوع تطلعي لطابقين لي لفوق بوحدك ..من غير لكانو معاك البنات … غاتكون عندك غرفة خاصة بك … وصالير ممتاز

ساندرا : و و واخا

شيماء : مرحبا بك فقصر آل ستارك ساندرا بيثروفا (ابتاسمات) فاضمة غاتديك لغرفتك ارتاحي وخودي راحتك ..غير يجيو لبنات من الجامعة وغانجي ناخدك نعرفك عليهن ..(شافت ففاضمة وهضرات بالداريحة ) تهلاي فيها وأي شيء احتاجتو عطيه لها وفهميها ممنوع تطلع لفوق بوحدها ..التدريس غايبق يتم فأجنحة لبنات ..

فاضمة : أمرك ماي ليدي (شافت فساندرا ) تبعيني آنسة ساندرا

ساندرا سرطات ريقها وشافت فشيماء لي ابتاسمات لها وتحركات تابعة فاضمة )

شيماء تنهدات ) كاتبان حزينة🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 37🔮
🍀🍀🍀

عند ساندرا لي تابعة فاضمة )

فاضمة : آنسة ساندرا أهم شيء هو تلتازمي بقانون القصر ممنووع منعا باتا على الخدم او موظفي القصر يحطو رجلهم فالطابقين لي فوق هذا ..الطابقين خاصين بالأجنحة ..الطابق الاول اجنحة اللوردات اللورد جاسم والليدي شيماء زوجته ..اللورد دياب وزوجته الليدي جاكلين ..اللورد فيليكس وزوجته الليدي أليشا ..اللورد عدنان وزوجته الليدي تارا ..اللورد غسان وزوجته الليدي أيار ..والنبيل إيفان وزوجته الليدي باربرة ..وجناح الجد زيدان والجد رجاء وأجنحة أعمامهم لي ماكاينينش حاليا فالقصر وباقي الأجنحة الفارغة خاصة بالظيوف ..والطابق التالث خاص بأجنحة اولادهم ..فا يا آنسة ممنوع منعا باتا تحطي رجليك لفوق بوحدك بدون ماتكون معاك وحدة من آنسات ستارك
// ممنوع على الخدم يطلعو للطوابق لي لفوق ..حيت لستاركس أحرار فاستعمار قواهم فالطابقين التاني والتالث ..الطابق الأول لي كايكون عامر بالخدم //

ساندرا كاتسرط فريقها وكاتحسبهم فدماغها ..العشيرة كبيرة بزاف الشيء لي مرعبها )

فاضمة نزلات مع درج للطابق الأرضي دالقصر لي كووولوو غرف ..كالفندق ..وداتها للغرفة رقم 6 ..جبدات كارط حلات بها الباب ودخلات وتبعاتها ساندرا ..كانت الغرفة صغيرة لكن نقية وزوينة وجديدة

فاضمة : غرفتك ولي جنبها غرفتي وغرفة طبيبة القصر وغرف البنات المختصات بالمساج ..ولي فالجهة الاخرى غرف الخادمات والطباخات …

ساندرا حركات لها راسها بواخا )

فاضمة : خوذي كل راحتك فهاذ الطابق مكايدخلوش له الرجال ..أصلا الرجال الوحيدين ليكايدخلو للقصر هم اللوردات وضيوفهم أما ليكارد لي برا عندهم مكان إقامة مستقل عن القصر ..

ساندرا: و واخا

فاضمة ابتاسمات ) شيء آخر وأخير وهو ردي باالك لتعاملك خصووصا أمام رجال القصر ممنوع تهزي فيهم عينيك

ساندرا سرطات ريقها )

فاضمة : أي خادمة كاتتجاوز حدودها فلبلاصة كايجريو عليها فهمتي قصدي؟

ساندرا حركات راسها بآه)

فاضمة : القصر كولو كاميرات خاصة بمراقبة الخدم فا إلتازمي بعملك وبالمطلوب منك

ساندرا: و واخا

فاضمة : إذن ارتاحي ..غايوصلك فطورك ومعاه الكونطرا قرايها و وقعي عليها ..غير يرجعو الآنسات من الجامعة خدمتك تبدأ

ساندرا : واخا

(فاضمة خرجات وغير سدات الباب ساندرا جلسات فاشلة على السرير وشادة قلبها لي كااايضرب بقوة ..جلسات مدة حتى تهدنات ..عاد وقفات طرقات عليها الباب من الداخل ..وحيدات حوايجها بسرعة ودخلات للدوش الصغير ليعندها فلبيت ..طلقات الشرشار وجلسات على الأرض وانفاجرات بالبكاء ..وهي كاترعد حاسة بالرعب من مصيرها المجهول وهي الآن وسط عدوها الفطري ..بالضياع ….بالألم والذنب لي كايدبحها من جهة أماندا ومايكل ..وبالإفتقاد والإشتياق لجدتها … وبالكره تجاه ثيون …بقات كاتبكي والماء كاينزل عليها …
🍀🍀🍀🍀

فالدخلة دالقصر وقفات سيارة جبار وخرج هو وفارس وجمانة ليكاعية )

جمانة : هااه قلت لييكم مابياا واالو كل التحااليل خرجوو جيدة غير ضيعتولي حصصي وصااف

جبار شدها من لقرفادة تاتهزات وخنزر فيها تاصفارت ونطق بعصبية ) طريق كوولها ونتي لوك لوك لوك لوك لووك ماكاتقااادايش هااا لافاك لافااك أليي سمعك يقوول عليك عبقرية زماانك وكااتموتي فلقرااية ونتي غير مكلخة مجلللجة

جمانة كتفركل وهي كضور فعينيها ونطقات بهمس ) أطلق طلق نتفاهمو

فارس كايضحك وحيدها له ردها خلفو )

جمانة شافت فارس لي كالحائط حاميها من جبار ونطقات بشجااعة ) : يااالحگار ياا النسونجي بوعياالات

جبار خرج فيها عينيه وبدأ كايتماطاليها ليها بقوة يشدها وفارس كايحامي ويطاكي عليها وهو كايضحك …تاهربات ليه دخلات للقصر )

جبار غوت ) : وااازييديها على قمعة نهار جييت وقيديي عندك

فارس : ههه تهدن

جبار طرطق عنقو وأشار لواحد من ليكارد ليجاء كايجري وقف أمامو )

جبار : فالصباح ملي كنت خارج كانت بنت سمراء جاية فاتجاه القصر ؟ واش شفتو أشنو باغية

الكارد : هي وحدة من الأستاذات لي تقدمو للوظيفة لورد ستارك

جبار حركلو يدو ولكارد مشا ..ودخلو هو وفارس لقاو مالك وعصمان وخليل جالسين فجلسة راقية وجلسو جنبهم وبداو يهضرو فأعمالهم …)🖤تتمة الجزء 37🖤
🍀🍀🍀
عند ساندرا ..لي كملات دوش وخرجات بشعرها كاايقطر وحناكها مزنكين قلبات راسها لقات حرارتها مرتفعة ..تنهدات وجلسات وهي غير بفوطة قلبات فصاكها جبدات من الثياب لي عندها.. جينز أزرق وسوفيطمة بيضاء خشاتها فالجينز ..وجلسات كضارب مع شعرها تنشفو ..حتى تدق عليها الباب حلاتو لقات خادمة جابت ليها لفطور ولكونطرا ..سناتها وجلسات تفطر وهي مزننكة بسبب حرارتها لي ارتافعات ..وبقات هكاك نصف ساعة ..حتى جات عندها فاضمة علماتها بلي لبنات جاو وشيماء كاتسناها تعرفها عليهم ..لبسات سبرديلتها وخبات صاكها لي به الكتاب السحري فلبلاكار ..وخرجات تابعة فاضمة ..بقات زايدة حتى بانو ليها شباب آل ستارك لي جالسين فجلسة فطريقهاااا …وهاذ المرة كانو كووولهم ..سليم ..وسيم ..خليل ..جبار ..فارس ..عصمان ..ومالك …
صفاارت وهي كاتحس بكم طاقتهم إحساس صعييب تتعود عليه ..زايدة تابعة فاضمة وعينيها عليهم وقلبها غايسكت كاتشوف فيهم واحد واحد ماعرفاتهمش وكاتتسائل شكون منهم هاذ الجباار ..حتى شافت خليل وهي تخرج عينيها ..وهم كايهضرو وكايضحكو بيناتهم ..سرطات ريقها وحنات راسها حيت وصلات جنبهم …دازت فالأول فاضمة ..وهي يالاه غاتفوتهم حتى وقفات على إثر سماعها لإسمها …

… : ساندرا

وقفات مبلوكية وغمظات عيونها وبدات كلها كاتترعد …الشباب كانو كايهضرو تاحد ما اهتم ملي دازو من جنبهم ..ولكن خليل شافها واستغرب ووقف وعيط باسمها خلاهم كلهم شافو فيها )

خليل : ساندرا

جبار والباقون شافو فيه وبعدها حولو نظرهم لها وهي عاطياهم بالظهر ..)

خليل : ياك ساندرا !

ساندرا كاترعد استدارت ببطئ وشافت فيه وفيهم وحناكها حمريين وجسدها كايرجف )

ساندرا : أ أ

خليل ابتاسم وتمشا تاوقف أمامها ) كنت متأكد أنك نتي ماعقلتيش عليا ؟

ساندرا سرطات ريقها ) ب م م من المقهى

خليل : تماما فجزيرة ساو ميغيل ! أشنو كاديري هنا (وشاف ف فاضمة )

فاضمة وهي حانية راسها ) لورد خليل الآنسة ساندرا بيثروفا هي معلمة اللغات الجديدة الخاصة بالآنسات

جبار ضحك باستهزاء ووقف ..تمشى تاوقف عليها جنب خليل وهي مخرجة عينيها فيه …جبار نطق وعيونو كايتساراو فوجهها كوولو نزولا واستقرارا على صدرها المنفووخ )

جبار نطق بالداريجة ) أستااذة ها ! وقلتي اللغاااااات وهي كتبان بعلوكة مافايتة حتى 18

فاضمة : أحم لورد عندها 19 سنة

جبار : أهاه شفتي معلوماتها الشخصية ..؟

فاضمة : أكيد لورد وحتى المدام شيماء شافت ووافقات عليها والآنسة ساندرا وقعات العقد دالعمل

جبار وعيونو غير عليها هي لي النفس تقطع فيها والدوخة جاتها )

خليل لاحظ الأمر وحط يدو على كتفها العاري ) واش نتي بخير

ساندرا شافت فيه وابتاسمات ) بيخير سيد خليل

جبار مد يدو حطها على يد خليل حيدهالو من عليها وخنزر فيها ونطق ) لشغلك

ساندرا : شافت فيه وكم الطاقة ليكاتحس بها ناحيتو خلاوها مبلووكية ..وغير من طاقتو الهااائلة عرفاتو هو جبار الملقب بشيطان المئة قوة )

جبار شافها تبلوكات ودوز يدو أمام وجهها ماتحركاتش …شاف فخليل لي كايشووف فيها مبتاسم وهو يغوووت فوجهها ومخنننزر ) وااا تحركيي

ساندرا وفاضمة قفزو ..وساندرا بالخلعة استدارت وهي تعلق ..مشات كااااتجري طالعة مع الدرج بأقصى سرعتها ..وفاضمة مخرجة عينيها فيها مالقات مادير وتبعاتها كاتجري)

دراري حبسو الضحكة من ردت فعل ساندرا …أما خليل تعصب وشاف فجبار )

خليل : علاش غوتي على لبنت هي مدارت والو !

جبار تنهد ومزالو متبع لها العين بنظرات كلهم شك جبد هاتفو ورسل رسالة ..)

🍀🍀🍀

عند ساندرا لي بقات طالعة مع الدروج كاتجري برععب ماحبسات تاللطابق التالث عاد وقفات شادة قلبها وكاتشوف موراها برعب نطقات بالبرتغالية )

ساندرا : ناري قلبي هئ ناري أجدة هئ شكون هذاك هئ لاكان هو جبار هئ كايخلع أكتر من طاقتو أجدة كيغاندير حتى نتفاهم معاه هئ هئ هئ

فاضمة عاد وصلات عليها وجلسات على الدرج شادة قلبها وكاتنهج )

فاضمة : أمي أمي رجلي غانموت (شافت فساندرا) مالك على ديك الجرية ناري سخفتيني موراك هاح رجلي

ساندرا يالاه غاتهضر تاوقفات عليهم شيماء شافت فساندرا وابتاسمات )

شيماء : ساندرا اجي نعرفك بتلميذاتك

ساندرا مسحات عيونها … واستدارت شافت فشيماء ..وابتاسمات وتبعاتها ..تمشاو حتى لأمام باب جناح التوأم ..حلات شيماء الباب ودخلات وساندرا جنبها ..🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 38🔮
تتمة لأحداث الجزء السابق )

جبار لي بقا واقف تابعها بعينو وهي هااربة تاغبرات …رجع جلس مكانو مع الشباب وهو ساهي ودماغو خداام …وخليل معصب …..

وسيم شاف فخليل ) شكون ديك لبنت ومنين كاتعرفها ؟

خليل : ساندرا تلاقيتها تقريبا هاذي أربع أيام فجزيرة ساو ميغيل ليكان عندي فيها تصوير إعلان

جبار شاف فيه حاط حاجب وهاز لاخر ) هي قول دوزتي معاها وقيت (وغمزو)

خليل : لالا ماشي دكشي لي فبالكم تلاقيتها فكافي مشيت نفطر فيها وكانت هي نادلة وكانت عيانة فهذاك اليوم وعاونتها هضرنا فقط لربع ساعة لاغير خدات طلبي للفطور ومشات ومعاودتش شفتها نادلة أخرى لي جابتي الفطور

سليم الذي هو الآخر نظراتو كلهم شك) من نادلة لأستاذة لغات كيدارت ليها !؟

خليل: لبنت ضريفة ونية وزوينة وبري…

جبار قاطعو بأنو وقف وطرطق عنقو ) هاحنا نشووفو هاذ آنسة سمراء (شاف فخليل ) النية (ومشا فاتجاه باب الخروج من القصر ووقف سليم تبعو )

خليل : كيفاش أشنو قصد؟

فارس : خليل بنت فسن 19 عارفة بزاف داللغات وكانت خدامة نادلة تلاقيتيها هاذي تلاث أيام فجزيرة وغير اليوم كلقاوها قداامنا كأستاذة ههه وطبعا بوسامتك وشهرتك تلقاها عمدا تبعاتك لهنا !

خليل: من نيتك هاذ البنت هي الوحيدة فلبناات لي ملي شافتني مجاتش كاتجري وبغات تتصور معايا وتاخد توقيعي ..هاذشي كايدل على أنها نهار شافتني ماعرفاتنييش المودل المشهوور خليل آل ستارك

وسيم :عادي راك عارف جبار وسليم كايشكو فكل شيء مستحيل يخليوها وسطنا وقريبة من البنات وهم ماعارفينش عليها الصغيرة والكبييرة !
🍀🍀🍀
خارج القصر واقف جبار وجنبو سليم ..وإلتاحق بهم عصمان وفارس ومالك …وأمامهم كارد …

جبار : المعلومات لي طلبت

الكارد هاز طابليت وكايهضر ) : ساندرا بيثروفا عندها 19 سنة عندها جنسيات اسبانية وبرتغالية ..يتيمة الأب والأم ..عاشت حياتها كلها مع جداتها لي هي سيدة عجوز فأواخر الثمانين ..حياتهم كانت غريبة شيئا ما بحيث مكانوش كايستاقرو فمكان واحد هي وجدتها بل كل سنتين فدولة ..وآخر هاذ الخمس سنوات عاشوها فجزيرة ساو ميغيل البرتغالية

جبار نطق بحدة ) حياااااتها الشخصية !؟

الكارد : ماعندناش معلومات كثيرة لورد بخصوص حياتها الشخصية ولكن من حيث الدراسة تفحصنا كل أوراقها الدراسة هي ماشي مزورة فعلا نقطها جد مرتفعة فكل المواد..وعندها شهادات فعدت لغات وخدات الباكالوريا بميزة مرتفعة حتى أن جامعة برينستون فأمريكا عيطات ليها تكمل دراستها عندهم وبمنحة لكن لبنت رفضات …

جبار خنزر فيه ) بغييت معلوومات أكثر عن حيااتها الشخصية سييفطو مخبرين لساو ميغيل يتحرااو عنها صحابها عائلتها جدااتها خدمتها كنادلة كل شيء نبغي نعرفو وعندك يومااان فقط

الكارد : أمرك لورد (وانساحب )

مالك شاف فجبار ) فأشنو شاك بالضبط؟

جبار كايشوف أمامو بتركيز ومضيق عيونو)

جبار: ماحسيتو ناحيتها بوالو !؟

كلهم خرجو عينيهم وشافو فيه باستغراب )

فارس : باياش مثلا أنا ماحسيت بوالو

سليم : وحتا أنا !

عصمان :وحتى أنا

مالك : بوالو !

جبار : ماعرفتش (شاف فيهم ) لكني قربت منها كانت خايفة بزاف دقاات قلبها وسمعتهم وكلها كاترعد

مالك : كانظن حيت غوتي عليها اولا !وخافت

جبار : قباال منغوت

سليم : تعابيرها وكل خوفها هي راه تصرفت كأنها حااسة بطاقتنا دالمتحولين

جبار : بيينگو🖤تتمة الجزء 38🖤
جبار : بيينگو

فارس : وايلي كيفاش زعمة !

سليم : كيفاش وعلاش وشكون ديك تيتيزة السمراء ؟… غانعرفوو كل شيء !

جبار : وحسيت تجاهها بشيء غريب وأنا متأكد (خنزر فيهم ) تاحد مايقرب منها أمرها خليوه عليا ولواليد مانبغيه يعرف بوالو منكم.. حتى نتأكد من الشكووك لي فبالي (وشاف فالسوار لي عندو فيديه .. ولي عليه عقيقات مصنوعين من حجر خاص ..وسليم ووسيم وكل الشباب عندهم فيدهم واحد مثلو ومن صغرهم ..وحتى لبنات لكنهن ماكايديروهش )
🍀🍀🍀

فالأعلى ..شيماء حلات باب جناح التوأمتين ودخلات وجنبها ساندرا ..لي حلالات فمها فالجناح ..كبييير وأي شيء محطوط فيه بالدوبل ..سريرين فوطوكوبي كل شيء فوطوكوبي …

شيماء كتشوف فيها كيفاش منبهرة… ولاحظات حناكها حمرين بحالا واكلا تصرفيق …)

شيماء: ساندرا بنتي ؟

ساندرا شافت فيها )

شيماء : واش نتي بخير؟

ساندرا : أ آه أحم

شيماء ابتاسمات ..وثواني حتى خرجو السموحتان من دريسينغ نتاعهم سلمو على شيماء وباسوها .. وبقاو كايشووفو فساندرا لي كاتشووف فيهم )

شيماء نطقات بالداريجة )سموحتي هاذ لبنت هي معلمة اللغات الجديدة

سميحة : واايلي (ابتاسمات ) هه زوينة وصغيرة

سماح : آه وااو شعرها شحال كتير

شيماء ابتاسمات وهي كاتشووف فيهم ) هااح على ولادي غايديو زيين

سماح وسميحة خرجوو فيها عينيهم وتزنكوو)

سماح : عم عم عتي شوشو احم راه والله بيلاه مادرتها بلعاني تالقيتني مزعوطة فولدك وسيم بوعوينات

سميحة : عمتي شوشو وأنا سليم أعمتي كايحمقني عطيه ليا زوجوونا أعمتي

شيماء كضحك بدموع وعنقاتهم ) هه علاه نلقا أنا حسن منكم لولادي (شافت فيهما) غير هو خاس الشباب يبغيوكم اولا ..وهاذي مهمتكم فهمتوني؟

سماح وسميحة حركوليها راسهم بلا)

شيماء تنهدات ) هانتووما خاسكم تبقاو تقربو منهم باش نشوفو ردات فعلهم …وكنواعدكم أنا غانشوف ولو نظرة إعجاب وحدة فعيون سليم أو وسيم ليكم غانهضر مهاهم وعد ..

سميحة طارت فرحانة شدات يد شيماء باستها ) عمتي بييلاه تاسليم كانعجبو هانتي عرفتي لبارح فحفلة عيد ميلاد جوجو وأميرة … هو بسرعة عرفني أنا سميحة ماشي سماح وكيدار ماعرفتش ..وملي طلب مني نرقصو ياك أحم هو كيشفتي عرفتي أشنو دار ملي كنا كنرقصو ؟

شيماء : أش دار؟

سميحة سرطات ريقها ) كان حاط يدو مور ظهري وأخرى شاد بها يدي وكانرقصو ويدو لي على ظهري (نطقات وهي مزننكة ) كان كايحركها.. كايتلمس فظهري والله

شيماء بزز حابسة الظحكة ) هه هانتي أحبيبتي هاذشي ماكافيش ممكن يدو كانت تتحرك بسبب حركات الرقصة ..خاسهم يبديو إعجابهم وإهتمامهم بيكم باش نقدر نتدخل فهمتوني ..بقاو تهضرو معاهم أكتر ..وتضحكو وتتجمعو وتزعمو عليهم …ماشي فينما شفتوهم كاتهربو بحالا غاياكلوكم …!

سميحة وسماح حركوليها راسهم بواخا …)

شيماء شافت فساندرا لي غير ساكتة وكاتشووف فيهم وفهمات كل كلمة نطقوها..وفهمات أن هاذ البنتين ماشي بنات شيماء وإنما هي عمتهم وكاتتسائل فينها الهجينة إبنة شيماء لي هي وياها مرتبطيتين … أو واش الربط تفعل ؟)

شيماء هضرات بالإنجليزية ) ساندرا هاذو سماح وسميحة تلميذتيك ومزال جمان..

(سكتات مخررجة عينيها هي والتوأمتان ملي شافو جمانة اختارقات لباب ودخلات …ولكن ساندرا عاطياها بالظهر فاماشافتش اختراقها للباب …جمانة دخلات صاعرة وكاتهضر )

جمانة : لحكااار تفوو على زهر تاني ليووم مامشيتش لافاك🍀الجزء الثاني من قصة #وحش_ذات_القزحيتين 🍀
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 39🔮
جمانة : لحكااار تفوو على زهر تاني ليووم مامشيتش لافاك

(ساندرا على إثر كلام جمانة عاد استدارت شافت فيها ..وخرجات فيها عينيها ..غير من عيونها القزحيتين عرفاتها هي الهجينة )

شيماء بسرعة شدات جمانة من يدها وهضرات معاها بهمس وبالداريجة ) واش بعقلك هاا جهلتيي ياك عاد كنت معاك فجناحك وقلت لك أجي لجناح لبنات تتعرفي على أستاذتك يعني ألمكلخة فهمي انك غاتدخلي تلقاي بشرية فالبيت وني مختارقة لباب وداااخلة

جمانة : غير نسيت أماما

شيماء : غااتحمقييني بهاذ الذكاء المبهر نتاعك ..لحس حظك لبنت كانت عاطياك بالضهر وماشافتش اختراقك ..

ساندرا حالة فمها فيهم…شيماء جرات جمانة حتى تقابلات هي والتوام مع ساندرا )

شيماء : ساندرا وهاذي بنتي جمانة هي ولبنات تلاميذك لي غاتكوني مكلفة بتدريسهم

جمانة حالة فمها فساندرا طلعاتها من راسها لرجليها ..وعقلات عليها هي لبنت ليدازو عليها فالطريق)

جمانة : واااو على فورمة عندها

شيماء مسحات على وجهها بفقصة ) جمانة هنيينا وركزي

سميحة شافت فجمانة ): شفتي بشرتها كيكاتبري ورطبااا

جمانة : والنمش ورقوولي على النمش هاحاااي

سماح : وفمها ويلي كيغايجي فيه لغوز

جمانة : شفتو بزازلها قداش نافخاهم

سماح : تي لا قلاك نافخاهم باينة طبيعين وأصلا شوفي وجهها ماحاطة تانقطة مكياج

جمانة ميلات فمها ) طبيعي هئ وعلاش أنا لا علالاش

سميحة : أنا عجبني شعرها عرفتو لسرحاتو كيغايجي مع قوي وطويل لاتسرح وشحال غايطواال

سماح :أ لبنات مجاتكمش كاتشبه لموانا moana الأميرة دالجزيرة ..

سميحة وجمانة نطقو فدقة ) لالاهييلا

سميحة : وأنا نقوول فين شفتهااا

شيماء غوتات ) أهنيييوني وااش أنا جبتليكم مونيكة تلعبوو بييها ..ورااها أستااذة

لبنات سكتو كايضورو فعينيهم )

شيماء: سمعووو لبنت قدكم فلاج آه لكن عقلها كايساوي عقولكم بتلاثة ذكية ومثقفة نبغيكم تحتارموها كأستاذة ..وتسمعو لكل شيء قالتو (شافت فساندرا وهضرات بالإنجليزية) هاهم تحت تصرفك بداي معاهم حصة اليوم ..وكانتمنى تصبري عليهم حيت استيعابهم للغات تقييل وأي شيء احتاجيتيه علمي الخدم

ساندرا وعينيها غير على لبنات ) : كوني هانية مدام

شيماء : بالنسبة لساعات التدريس نتي حرة صايبي جدول محدد متماشي مع أوقات ليغايكونو لبنات فلافاك..

ساندرا حركات راسها بواخا )

شيماء شافت فلبنات ونطقات بتهديد وبالداريجة باش ساندرا ماتفهمش) سمعوووني مزيان ردو بالكم لقواكم (شافت فجمانة مخنزرة) سمعتوو ماتنساوهاش وسطكم ..وكااانصحكم تستاغلو الفرصة وتقراااو وإلا غانخليكم منكم لجبار وسليم

كلهم بسرعة حركوليها راسهم بواخا …أما ساندرا سمعات اسم جبار وخرجات عينيها …وشيماء خرجات )

ساندرا بقات واقفة وقدامها لبنات …كايشوفو فبعض ..وهي كل جسدها كايضرها وراسها أيضا حاسة بالعياء …يالاه غاتهضر حتى تحل الباب ودخلات أميرة كاتجري ومزنكة …لبنات خلاو ساندرا واقفة وضارو بيها )

جمانة : أمالك

سميحة : هاي هاي هاي عمرني شفتك مزنكة أش وقع

أميرة : لب لب لبنات أنا ضايعة

سماح : واهضريي مالك ..

أميرة شافت فيهم وسرطات ريقها … وبدات تعاوذ …
=====
#فلاش__باك …قبل نصف ساعة:

وأمام بوابت القصر وقفات سيارة فيليكس ..ليجالسة جنبو أميرة …وداخل السيارة فيليكس خدا يدها باسها ونطق )

فيليكس : فخووور بك وبزااف يا أميرتي

أميرة ابتاسمات ) هه شكرا باباتي

فيليكس : نقطك جيدة وأساتذتك كلهم كايشكروك وتصاميمك بهرات أستاذتك هذا كايدل على دكائك حبيبتي برافو عليك ولهذا عندي لك هذية (وخشا يدو فجيبو جبد علبة حلها كان بها خاتم عليه دياموندة زرقاء كلون عيونها )

أميرة : وااو زوين

فيليكس ابتاسم وخذا يدها يركبو لها لكن كانت لابسة الخاتم لي لبسها مالك .. ..فيليكس شاف فيها باستغراب )

فيليكس : شكون هذاك هاذ الخاتم …

أميرة سرطات ريقها ) ز زليخة جابتولي من أمريكا

فيليكس ابتاسم ورد الخاتم لي خداليها فعلبتو وعطاها العلبة وباس جبينها ) إذن خلي خاتمي تاتحيدي هذا ولبسيه

أميرة : و واخا

فيليكس : يالاه هبطي أميرتي خاس نرجع لمحكمة المتحولين خليت عمامك وسط محاكمة مهمة …وماتمشيش تاني تخشاي وسط الكتب ..ارتاحي شوية من لقراية و ديري شوي سبور أو السباحة فلبيسين المغطى

أميرة : واخا باباتي (باستو فخدو وخرجات من السيارة شادة قلبها وفيليكس باها كسيرة …)

أميرة بقات واقفة مكانها ) علاش كذبت علاش خفت منلي سولني بابا على الخاتم وكدبت عليه قلت زليخة ليجابتولي … (سرطات ريقها ويالاه غاتحرك تدخل حتى وقفات جنبها سيارتو وخرج منها مبتسم بكل وسااامتو . …)

مالك : أميرة

أميرة سرطات ريقها ..ومالك تمشا تاوقف جنبها ) كيداز اجتماع أساتذتك مع عمي فيليكس

أميرة : م مزيان بابا فرحان من كل نقطي

مالك شاف فيها بفخر وخذا يدها باسها برقي وبقا شادها لها ونطق ) وحتى أنا ومفتخر بك

أميرة سرطات ريقها وبسرعة جرات يدها من يدو ) خاس نمشي

مالك : بلاتي أميرة بغيت نهضر معاك فموضوع مهم

أميرة : أحم م مالك ماشي دابا وأنا خاص نطلع لبنات أحم عم عمتي شيماء جابت أستاذة جديدة خاس نمشي نتعرف عليها غاتبدأ ليهم حصة بلا بيا وأنا بغيت نتعلم لل…
مالك قاطعها ) كنبغيك🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 40🔮

مالك قاطعها ) كنبغيك

أميرة سكتات حالة فمها ومخرجة فيه عينيها )

مالك عيونو غير على عيونها ونظراتو كلهم حب) يا أميرة المالك ..مالك كايبغيك يا أميرتي الزرقاء ..مالك كايبغيك يا ذات التحريك الذهني (قوتها)..كنبغيك ومن نهار عقلت على نفسي كانبغيك وغير نتي … وقريبا غاتولي مراتي وحلالي ..فاواش تسمحي ليا نهضر مع عمي فيليكس فالأمر ؟

أميرة جمدات مكانها وهي كاتشوف فيه هو لي عيونو غير عليها وملامحو جدية …مافاقت حتى وقفات جنبهم سيارة وخرج منها خليل ليغير شافو موقفها صعر …خبط باب سيارتو بقوة وتمشى تاوقف عليهم )

خليل : أمييرة دخلي

مالك : أميرة غانتسنا جوابك

خليل : أشمن جواب هااا

مالك شاف فيه ببرود ويالاه غاينطق يقوليه كايبغيها حتى تدخلات أميرة )

أميرة غوتات ) ماالك

مالك وخليل شافو فيها )

أميرة :أحم الموضوع بيناتنا بجوج فقط أحم كانستأذن(ومشات داخلة )

خليل تنهد بعصبية وخنزر فمالك ) أشمن موضووع هااا؟؟

مالك على نفس ابتسامتو وهو ساهي فيها تادخلات عاد شاف فخليل )

مالك : بيني وبينها (طبطب على كتفو وتمشى دخل..رن هاتفو وجبدو شاف شكون وابتاسم وشد الخط )

مالك : لواليد

أمير : أنضرا اعتارفتي لها وافقات ؟ هي نجي نخطب لولدي

مالك : هه مزال ألواليد ماخذيت منها حتى جواب (شاف فخليل لي داز من جنبو صاااعر وطلع مع الدرج ) وعندي منافس على ما أظن

أمير : سمع يا مالك من صغرك ونتا كاتبغيها وكان هاذشي واضح للكل وفيليكس وجاسم عاارفين فالشيء المهم لي ماتنساهش.. هي أميرة خاستها تتعامل…

مالك قاطعو ) كالأميرة عرفت ألواليد وأصلا مستحيل نقدر نعاملها بقل من هكا وهي روحي

أمير : كنتمنالك حظ موفق ويلا رفضاتك بعد سمعتي بعد ..حيت الحب ماشي بالغصب فهمتي

مالك تنهد وقطع )

// للبنات ليماعرفوش مالك… … هو إبن أمير من الجزء الأول …أمير المتحول الباكستاني من عشيرة الناميكخ …أمير هو رئيس فرقة العدالة إلى جنب فيليكس ..وهو وفيليكس صحاااب بزاف ولاو كالإخوة ..
في الجزء الأول أليشا ليهي زوجة فيليكس وأم أميرة حاليا …كانت غاتتخطب لأمير ..ليكان كايبغيها من الطفولة لكن هي كاتبغي فيليكس ..واختارتو هو … وفواحد الوقت دابزو أمير وفيليكس عليها …وفنهار عرس لبنات ملي دانيال وعماد وأنجلا خطفو شيماء …دانيال ضرب أليشا بالرصاص ..وكانت غاتموت بحيث خسرات كلا كليتيها …وأمير هو لي تبرعلها بكلية ..وأنقذ حياتها ..من تما هو وفيليكس صحاب بزاف وماكايتفارقوش ..أمير من بعد تزوج بسلمى ليهي أقوى فرد في فرقة العدالة وولدو مالك …وفيليكس حاسب مالك ولدو …
مالك متحول بقوة التنويم الميغناطيسي كالجدة رجاء ..وعندو 23سنة )

#نهاية_لفلاش باك____
أميرة جالسة وقدامها التلاثي الغبي جمانة والسموحتان ..وساندرا جالسة بعيد كاتشووف فيهم وتبعات معاهم كل الحكاية )

سميحة : يااااه

سماح : يااااه

جمانة : هاااح لحوب شحال زويين

أميرة غوتات ) وااا أشمن حب ولا حبلملووك وماكانبغي أنا حد كانبغي غير كت..

لبنات بتلاثة نطقو فدقة ) كتوووبي🖤تتمة الجزء 40🖤

لبنات بتلاثة نطقو فدقة ) كتوووبي

جمانة : أختي مالك زوين ووسيم وقوي غيرلامابغيتييش زعمة

أميرة : المشكل ماشي هنا

سماح : وشنو هو المشكل ؟

أميرة تنهدات ) خليل

كلهن : ماالو

ساندرا : أحم

شافو فيها بأربعة ..وأميرة ابتاسمات ووقفات وتمشات تاجلسات جنبها وهضرات بالفرنسية )

أميرة : سلام أنا أميرة مرحبة بك

ساندرا ابتسمت لها ) هه وأنا ساندرا (شافت فلبنات ) خاسنا نبداو الحصة يا بنات

سميحة سماح وجمانة خرجو فيها عينيهم ووقفو كايجريو جروها وجلسوها وسطهم فوق ناموسية )

سماح نطقات بالإنجليزية) : شوفي ساندرا هانت أنا وجمانة وسميحة راه كانعرفو نهضرو بالإنجليزية ولكن باش نكتبوها لا ودكشي دلگرامير وكونجيگيزون لا …ولكن لهضرة هاني كنهضر معاك بيها

جمانة نطقات بإنجليزية لكن كلها أخطاء ) : آه فا لي عليك هو تكتبيلينا المحاضرات بالإنجليزية والفرنسية وصاااف بلا ماتعدبي راسك تقرينا راه غير غاتخوي الماء فالرملة

سميحة : هانت وأنا كنعرف نهضر بالفرنسية والإنجليزية… فالإسبانية والبرتغالية لالالاش ؟

أميرة تزادت عليهم ) قاتلي فاضمة كاتعرفي تقراي الرموز الإغريقية والرومانية والمصرية القدييمة علمييني عافاك

ساندرا كاتشوف فيهم وحدة بوحدة ويالاه غاتهضر تاقفزات ملي جمانة حطات يديها بجوج على صدر ساندرا وبعجات )

جمانة مخرجة عينيها فصدر ساندرا ونطقات بالداريجة بالداريجة ) باش غانعرفهم طبيعيين ألبنات

سميحة : باااينين

ساندرا قفزات وحيداتلها يديها )

سماح : آه رااه باينين طبيعيين

سميحة : ساندرا

ساندرا شافت فيها )

سميحة : هاذا كولو شعرك ولا ملسقاه

ساندرا مسحات على وجهها ووقفات وخنزرات فيهم ) بنات مدام كاتهضرو زوين بالإنجليزية فا مشكل الإملاء والكتابة والصرف والتحويل غانحلوه بسهولة فا غانبدأ معاكم حصة إملاء اليوم (شافت فأميرة ) ونتي يا آنسة أميرة غانبدأ تعليمك الرموز المصرية أولا

أميرة عينيها كايبريو …أما سميحة وسماح وجمانة شافو فبعض)

سميحة : ياك قلتي أستاذة صغيرة فعمرنا ونتلفوها وماتقريناش

جمانة : وراه غير حيت نهارها لول دابا نتصاحبو ونتلفوها

ساندرا هزات أوراق وستيلوات فرقاتهم عليهم ) غانفتي عليكن نص حافظاه من كتاب الكاتب روبرت ويليام تشامبرز ..ولي هو واحد من أشهر كتاب أمريكا

أميرة نقزات وكاتهضر بحماس وعينيها كايبريو ) واااااع كاتبي المفظل وقريتلو كل كتبووو

ساندرا : ابتاسممات ) كاتبي المفظل حتى أنا وممكن لك تشاركي في الدرس لابغيتي

أميرة حركاتلها راسها بواخا …وساندرا شافت فالتلاثي لي كايضورو فعينيهم )

ساندرا : تبعو معايا و كتبو النص وأنا غانصحح أخطائكم الإملائية ومنها غانشوف فاياش عندكم ضعف بالضبط ..ونحدد دروس داللغة لينبدأ معاكم فهمتوني …؟

جمانة : أحم ماتجيش نديرو المكياج غانقادلك مكياج واعر

سماح : وأنا نسرح لك شعرك

سميحة : عندي فستان أبيض يجييك طووب

ساندرا تنهدات )المدام شيماء عطاتني حرية التصرف معكن فا غانبدأ بإلقاء النص ولي ماكتباتش غانعطيها تكتبو ألف مرة من هنا للغذ ولي ماطبقاتش العقوبة غانضطر نعلم السيدة شيماء وهي تتصرف (وابتاسمات)

سميحة وسماح شافو فجمانة مخنزرات ونطقو فدقة ) أ بفووووو عليك

جمانة جاوباتهم بالداريجة ) وبااش غانعرفها أنا قاصحة هاا باش غانعرف!.

ساندرا : يالاه يا بنات هاني نبدأ (وبدات تفتي عليهم شابيتر حافظاه من رواية مشهورة للكاتب
روبرت ويليام تشامبرز )

ساندرا واقفة كاتمشي وتجي وهي كاتفتي على لبنات ..ليكلهم كايكتبو ..كاتمشي وهي حاسة بالدوخة وراسها ضارها بزز واقفة وحناكها مزنكيين وكاتشوف فجمانة وداخلها كاتتساائل واش تعويذت الربط تفعلات ..خاسها تتأكد …. كاتفتي عليهن النص حتى فجأة سكتات كاتنهج وهي كاتحس بكم طااقتو الهااائلة …ولبنات كذلك هزو راسهم حيت حسو به ..وثواني حتى تحل عليهم الباب …ودخل بابتسامتو …وتبعوه فارس وسليم …جبار تمشا تاوقف جنب ساندرا لي حانية راسها وبدات تترعد …

Leave a comment