Skip links

قصة : الوحش ذات القزحتين2(عشق الجبابرة) ج 2

 45,720 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 13🔮

خلينا جبار وفارس خرجو من الأوطيل ومشاو يفطرو …
فا في نفس الوقت 10صباحا ولكن …في جزيرة ساو ميغيل São Miguel… ساندرا خرجات من دارهم بسرعة وبتي بانة ففمها …وبيد هازة ساكاضو والأخرى جاكيط

ميبهار تبعاتها ووقفات فالباب وغوتات) أبشويااا عليك

ساندرا كتهضر ولبتيبانة ففمها) : جدة تعطلت ليووم يجري عليا دك شاارف من لخدمة

ميبهار نطقات بصرامة ): سمعييي ترجعيي بكري غااتعطلي تاااني بحال لبارح بربي تانسلخة

ساندرا دارت ساكاضو فكتفها و حيدات لبتيبانة من فمها ونطقات ) وااا جدة وااراه بقاات غير تلث يااام وغااانكمل 19 عااام فااا أشمن تسلخيينيي اجدااا راه معندييش ست سنيين

(ميبهار حيدات سباطها وسيفطاتو لساندرا لي هرباات ولكن جاها فطرمة تانقزات ..وكملات جري وهي كاتجري وضحك ..خلات ميبهار كاتعاير فيها بصراخ ….خرجات من الحي وهي غادة كتجري ومبتسمة حتى فجأة وقف أمامها قاطا عليها طريقها …بموطورو وغير شافتو وهي تزنننك تاني )

ثيون : ههه صباح النور

ساندرا : ص صباح الخير أحم معطلة بزااف عالخدمة أثيون

ثيون : وأنا جيت نيت نوصلك (وهبط من الموطور وقف أمامها بغ يتحنا يبوسها ومازعمش …فا تنهد و قادلها الخودة على راسها ركبات معاه وكسييرة ربع ساعة حبسو أمام مقهى محلي لكنو راقي وغالبا كايستقبل غير السياح ليكايجيو للجزيرة..مقى لي مطل على البحر ..هبطات لقات مول المقهى لي هو شخص عجوز وغلييض واقف مخنزر …)

ساندرا مدات الخوذة لثيون وهي كتشوف بنص عين فمول المقهى لي هي كاتخدم فيه كنادلة ..وحشمانة وخايفة يقمعها قدام ثيون تزنكات وهي كدعي دوز هاذ ساعة بخير محاملاش تحشم قدام حبيبها )

ثيون شاف فمول المقهى بتخنزيرة ورجع شاف فساندرا لي وااضح عليها التوتر ) دخلي وملي تكملي صوني عليا غانجي نمشيو للبحر كيديما

ساندرا : أ أحم لا غانتعطل اليوم امكن مغانقدرش نمشي للبحر (هضرات بهمس ) حيت وصلت معطلة فا مول المقهى غايعاقبني بزيادة ساعة أو ساعتان على دوامي …ديما كايديرهالي فماغانخرج تالتسعود ويلا تعطلت كتر جدة دبحني

ثيون شاف تاني فمول المقهى وابتاسم بشر ) اليوم غاتخرجي بكري وحتى قبل مايسالي دوامك ونزيدك (شاف فيها مبتسم ) غايزيدك فالسالير

ساندرا خرجات فيه عينيها ) ههه كاضحك

ثيون هبط هو الآخر من الموطور ) لا … وأنا مزال مافطرت وقررت غانفطر فالمقهى لي نت خدامة فيه يالاه دخلي لخدمتك لبسي ثياب العمل وأجي خوذي طلبي يا نادلتي السمراء …

ساندرا غير كضور فعينيها مزننكة ..ثيون ابتاسم لخجلها و شد يدها دخلو للمقهى هي مشات للجهة فين كايبدلو وثيون بق واقف .. حتى شاف مول المقهى تبع ساندرا يخاصم عليها على تعطال ..وهو يلحق عليه وبسرعة وقف أمامو …صاحب المقهى معصصب ويالاه غايهضر حتى بدأ ثيون كاينطق بكلام غير مفهوم بالمرة وهو مركز فعيون الرجل … ..

ثيون : فيسماتوس أنتوباس بيفليس..فيسماتوس أنتوباس بيفليس ..فيسماتوس أنتوباس بيفيليس

(صاحب المقهى تبننج كليا وحل فمو وعينيه بجوج ولاو بيضين …وثيون سكت لثواني ونطق …

ثيون : ساندرا بيثروفا غاتمشي عندها وغاتعطيها راتبها دهاذ الشهر و بالضعف.. وغاتمدح عملها وتقوليها أنه بإمكانها تخرج اليوم بكري (ومباشرة دوز يدو أمام وجه الرجل العجوز لي شهق ..وبعدها ابتاسم ومشا …وثيون ابتسم بسخرية وبعدها جلس فوحدة من الطاولات لي فلاطيراس على الشارع المطل على البحر … ودقائق حتى وقفات عليه ساندرا بلباس نادلة ..صاية سوداء فوق الركبة .. وقاميجة بيضاء مع كرافاط سوداء وطالون أسود وشعرها جمعاتو سفينجة … حطاتلو كاس قهوة ونطقات وهي فرحاانة )

ساندرا: هه وعرفتي مول المقهى عطاني رااتبي وبالضعف وشحال مدح وشكر خدمتي هه وقالي نقدر نخرج اليوم بكري

ثيون : شفتي قلتهالك (وغمزها )

ساندرا: آه (سكتات شوية وجمعات الضحكة وكتشوف فيه باستغراب ) الأمر غريب دكشي لي قلتيلي وقع نيت …وهذاك الشارف السقرام ماشي من عادتو يمدح خدمتي وبزز كايعطيني راتبي عاد يعطيهلي مضوبل فاكيفاش مفهمتش ..!؟

ثيون : أمم تقدري تقولي أني ألقيت عليه تعويذة الخضوع وأي شيء قلتوليه خضع له ونفدو بالحرف ..🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 14🔮
ثيون : أمم تقدري تقولي أني ألقيت عليه تعويذة الخضوع وأي شيء قلتوليه خضع له ونفدو بالحرف …
ساندرا حلات فمها مصدوومة )

ثيون : هههه كنضحك معاك غير هددتو شوية يبعد من حبيبتي (وغمزها)

ساندرا ضحكات بزز وهي مزالها مستغربة وحاسة بشيء غير عادي ) هه آه أحم ق قولي أشنو غاطلب باش غاتفطر جبتليك غير القهوة فا أشنو تاكل؟

(ثيون يالاه حل فمو غايهضر حتى تبلووكااا من الإحساس لي اجتاحو بسرعة ضور راسو شاف فالشارع…شاف سيارة حديثة وغاالية حبسات جنب المقهى وخرج منها شاب وسيييم جدا بل كااايقطر بالوسماامة لعسل كاايتقطر…هاذ الشاب هبط من السيارة الفخمة نتاعو وهو كايهضر فهاتفو …ثيون خررج عينيه وولا كوولو كايعراق وصفار وكاينهج وقف بسرعة وشد ساندرا من كتفيها ونطق بحدة ويديه كايترعدو )

ثيوون : مخرج آخر واش كاين شي باب آخر منين نخرج سربييي

ساندرا مافاهمة والو ولكن جاوباتي بسرعة ) ك كاين باب لور (أشارتليه للباب الثاني دالمطعم ) لهيه غات…(سكتات حيت ثيون طلقها ومشا كاااايجري خرج من الباب الخلفي للمقهى …ساندرا بقات واقفة مكانها مبلوكية مافهمات واااااالو …شافت فين كان كايشوف ثيون وهو يبانليها الشاب الوسيم دخل وجلس فوحدة من الطاولات …بقات جامدة كاتشووف فيه باستغراب …حتى شاف فيها وحيد نظارتو الشمسية وأشار لها عاد فاقت ..تنهدات وابتاسمات وتقدمات ناحية الشاب دير خدمتها كنادلة .. تاخد طلبو ..كاتمشا ناحيتو وكلما كاتقرب منو وهي كاتحس بإحساس جد غرييب رهبة وتوتر ولحمها كولو تشوك … حتى وقفات عليه كان كايهضر فالهاتف بالعربية (الداريجة ) وبحكم ميبهار جداتها هي ليعلماتها أهم اللغات وركزاتلها على العربية فا ساندرا كاتفهمها ولكن مكتنطقهاش صحيحة ..بقات واقفة عليه كايهضر فالهاتف وهي كتعراق وكتحس ناحيتو بشيء غرييب مفهماتوش ) …

…. : أوك صاف غدا نجي عندكم ونمشيو كلنا للمغرب من ألمانيا … لا لا زبلتووها أصااحبي وبغيتو تسيفطوني لفم المدفع بوحدي كل شيء إلا عمي ..ليدار الذنب يستاهل العقوبة وديييما أنا ووسيم مجرورين معاكم فزبايلكم واخا مكنديرووو واالو …الواليد عيا يصونيلي ماجوبتوش حيت عارفو غايغسلني بالمعيو فالهاتف … ..آه حتى أنا خاسني ناخدلهما هذيتان مزال ماخديت والو .. لالا خلي أنا ناخد لي بارفان باش منديوش نفس الهذايا …يالاه تلاح غانفطر عاد نمشي عندي تصوير إشهار فهاذ الجزيرة ..أوك باي (وقطع هز عينو فالنادلة ساندرا لقاها مخرجة فيه عينيها ولونها مخطوف يحسابليه عماوها أضواء شهرتو ونطق بالإنجليزية )

…. : أكيد كاتقولي في شفت هاذ الشخص أو كاتقولي واش هو ولا لا..(تنهد) آه هو هذا معاك خليل آل ستارك أشهر مودل عارض أزياء ووجه إعلاني فالعالم

(ساندرا حلات فمها بالصدمة وهي كاتذكر حكاية جداتها لي حاافظاها عن ظهر قلب .. وكاتذكر لقب آل ستارك عشيرة المتحولين لي حسب حكاية جداتها الخياالية بالنسبة لها …آل ستارك هم ليشادين الحكم فجنس المتحولين سرطات ريقها وولات كاتنفس بالجهد عينيها تضببو ..خليل شافها مالت غاطيح ووقف شدها من يدها جلسها مكانو وعطاها كاس ماء )

خليل : هو عاارف أني وسيم لكنك يا آنسة سمراء أول بنت كاتجيها سخفة منلي كاتشوفني …

🚫 تذكير السحرة كاايحسو بطاقت المتحولين ..ولكن المتحولين كايعرفو الساحر غير برمز الثنين على جبينو ..منغير لكان الساحر كايمارس سحرو باستمرار يوميا ..وجد قوي عاد كايولي المتحول يحس بطاقة الساحر ..فا ساندرا حاسة بشيء غريب ومخيف ناحية خليل وهو كمتحول ماحاس بوااااااالو ناحيتهةحيت ساندرا ماعارفاش حتى أنها ساحرة 🚫

ساندرا شافت فيه ونطقات بهمس)

ساندرا: أ أ آل ستارك🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 15🔮
ساندرا شافت فيه ونطقات بهمس)

ساندرا: أ أ آل ستارك

خليل : نعام ! واش نتي بيخير!

ساندرا تنفسات بعمق وشدات فالطاولة ووقفات وهي كاترعد منو وماعارفااش علاش ) ب بيخير ش شكرا أحم أشنو تشرب ت ت تاكل

خليل شافها كترجف شدها من كتفيها و رجع جلسها وابتاسم ) كتباني عيانة غير جلسي غانعيط لنادل آخر يسربيني ونتي سيري للدار ارتاحي

ساندرا سهات فيه وفابتسامتو وفدماغها كضور فكرة أنه متحول وعندو شي قوة …سرطات ريقها ملي خليل دوز يدو أمام وجهها حيت شافها سهات فيه)

خليل جلس فالكرسي أمامها ونطق ) : آنسة …

ساندرا: ساندرا اسمي ساندرا

خليل ابتاسم : ساندرا اسمك زوين وقديم واش عرفتي شنو هو معناه

ساندرا لي مزالها كتسرط فريقها وحاسة بنوع من الذعر من ناحيتو كاتفرك يديها بتوتر…حركات راسها بلا )

خليل على نفس ابتسامتو واخا حاسس بتوترها منو) ساندرا اسم أصلو يوناني وكايعني المرأة الحامية أو المدافعة على الحق… لي كاتوقف دائما فجانب الخير ضد الشر … وساندرا ما هو إلا اختصار لإسم ألكساندرا (سكت مدة وشاف فيها ونطق ) كنت قريت كتاب قديم بزاف عن فتاة مشهورة اسمها ألكساندرا وكانت ساحرة وسمراء

ساندرا خرجاات فيه عينيها )

خليل شافها مصدوومة وتدارك الأمر ونطق ) هه كتاب خيالي بلا ماتهتمي بالأمر أحم واش شوية دابا آنسة ساندرا

(الكتاب لي هضر عليه خليل هو من الكتب القديمة والنادرة لي عند المتحولين وكايهضر على السحرة ..حيت المعلومات لي عند المتحولين عن السحرة قليييلة وألكساندرا مذكورة كساحرة قوية فقط في الكتب لي عندهم ومذكور وصفها أنها سمراء )

ساندرا حركاتلو راسها بآه ووقفات ) شكرا سيد خليل أحم أشنو غاتفطر

خليل على نفس ابتسامتو خذا لموني..و طلب فطور كامل وساندرا خدات طلبو واستأذنات ومشات بخطوات سريعة تجيبليه طلبو غير دخلات لمطبخ المقهى..عطات طلبو للطباخين ..وخرجات وهي تشهق وجلسات فاشلة على كرسي حتى وقفات عليها صاحبتها )

أماندا : أماالك وعلاش تعطلتي اليوم ..شفتك مع ثيون تاغبر و فين كنتي؟ ومالك فيك السخفة

ساندرا شافت فيها )كنت كانسربي الطاولات لي فلاطيراس …أماندا أنا محاساش أني بخير ممكن عافاك تدي للزبون لي برا فلاطيراس طلبو عافاك

أماندا : واخا صاف أنا نديه ليه (ومشات)

ساندرا شدات راسها بين يديها وعينيها دمعو ..فدماغها كايضورو كلمات ثيون وكلمات خليل …تعويذة الخضوع …آل ستارك .. ساندرا هو اختصار لأسم ألكساندرا ومعناه الحامية …كانت ساحرة وسمراء …./// ضغطات على عيونها بقوووة وناضت بسرعة دخلات لحمام وغسلات وجهها بماء بارد ..عاد خرجات )

♠️♠️♠️

بعيدا المقهى بمسافة…. وقف ثيون بموطورو ..هبط صااعر ..خبط الخوذة مع الأرض .. وجبد هاتفو دوز الخط ..ثواني حتى تشد )

ثيون غووت : أشنوووو هاذ اللعب هااا علاش مااقلتييلييش أن هاذ الجزيرة دلق… فييها متحولييييين

….. غوت) : أشنووووو لا واش من نيتك تلك الجزيرة خالية من المتحولين

ثيون غوت ) : آلبرت يااالاه كنت جاالس فالمقهى فين خداامة ساااندرااا حتى حسيت بكم طااقة هااائل طااقة متحوول أ آلبرت ومااشي أي متحووول شفتوووو كاان واحد من آلستااارك

آلبرت غوت ) شنوووو أكمااا شااافك هااا ؟؟ أكما حس بيك كساحر؟؟ واش حس بطااقتك السحرية أشنوو وقع؟؟

ثيون : لا لالا خرجت قبل مايشوفني أو يحس بيااا ولكن خليت ساندرا تما..

آلبرت تنهد براحة ) ساندرا ساحرة غير ممارسة للسحر هي حتى معارفاش طبيعتها …فا معندها حتى طاقة ماغايحسش بيها بمرة ..شكون كان شكون منهم واش جب…

ثيون قاطعو ) لا ماشي هو ..هذا كان هذاك المودل وعارض الأزياء لي مشهور

ثيون : خليل آل ستارك 24 سنة متحول بقوة التجميد وهو ابن غسان آل ستارك واحد من أقوى متحولي عنصر الجليد

ثيون : أشنوو غانديير دابا خااسني نتخبع يقدر مايكونش بوحدو فالجزيرة ويحسو…..

آلبرت قاطعو ) لالالا ماغاااتخباااش سمع تلك الشااارفة دميبهاار مستحييل تكون مستقرة فجزييرة وهي عارفة أن بها متحولين أكيد هذاك المودل جا للجزيرة غير عمل او سياحة أيام وغايمشي فحاالو …ثيوون بقات فقط تلاث أيااام تلاث أيام وميبهار غاتجبد لكتاااب من المكان ليمخبياه فيه وغاتعطيه لساندرا …خاسك تحصل على ساندرا والكتااب قتل ميبهار وجيبلي لبنت والكتاب واش فهمتي ….

ثيون سرط ريقو ) سمع ساندرا كاتبغيني أنا عندي خطة باش نخليها فصفنا بدون مانآذيوها أونقتلو جداها ون….
الصورة: خليل🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 16🔮
ثيون سرط ريقو ) سمع ساندرا كاتبغيني أنا عندي خطة باش نخليها فصفنا بدون مانآذيوها أونقتلو جداها ون….

آلبرت قاطعو بصراخ ) ثيووون وااش كاااضحك على زاامل بووية هااا …؟؟ مييبهاار من أكثر السحرة الخيرين تشددا هي ومعشرهاااا آل بيثروووفااا الجبناااء … في نظرك هي مكاتعااود لساندرا واالو عن معاشرنا دالسحر الأسود ..غاتكوون عمرااتها وحقدااتها عليينا وساااندرااا عمرهاااا غاتكوون فصفنا بخااطرهااا ..وداااكشي دالحب بعد منووو مااسيفطتكش لتمااا تبغييها وتتمعشق .. سيفطتك تجييبهالي هي وكتاب التعااويذ… فهمتيي قبل مااطيح فيد المتحوليين يقتلووها …

ثيون زيير على قبضة يدو ونطق ) واخا

آلبرت : ناتاشا ودريكور غايوصلو للجزيرة بعد تلاث أيام سيفطتهم يعاونوك

ثيون خرج عينيه) شنووو علالاش أنا قااادر نفذ المهمة بوووحدي علالاش مسيييفطهم ليااا

آلبرت : غوت ) ثيووون بااارااكااا نت لحد الآن مزااال مااعاارف قيمت تلك الفتاة وكتااابهاااا …لألفين سنة ومعاااشر السحر الأسود كااايقلبووو على ذلك الكتاااب أثيووون إيييلا طاح فيديين المتحولين هو وساااندرااا عممممرنااا نحلمو بالحرية كااتسمع ..والكتاااب ماعندوو حتى قيييمة بدوون ساندرا هي بوحدها لي تقدر تقيصو وتقرأ التعاويذ لي فيه والساحرة الوحييدة لي تقدر تنفذهم هي سااااندرااا..وإيييلا عرفو المتحوليين بماهية هاذ التعوييذة لي كانجريو موراااها طول هاذ السنين جيل بعد جيييل …التعويذة لي غاتخلينا لا نقهر … كنظمنلك أنهم غااايقتلو سااندرا بلا مايفكرو جوووج مراات ودك لكتاااب غايغبرووه فااا نت تمااا بااش تحضييها وتحمييها حتى لنهار عيد.مييلادها 19 ملي تعطييها ديك الشاارفة لكتاب وتجيبهالي هي ولكتااااب سمعتي بزز منها تجيبهالي وميبهاار بغيتها تموووت

ثيون : ماتنساااش يا آلبرت أننا متقدميين بخطوة… المتحولين كايظنونا انقرضنا وسااندرا مااعرافة واالو عن طبيعتها ونهار عيد ميلادها أكيد غاتعرف وأنا غانكون معاها وغانصارحها أني أنا أيضا ساحر وهي رغم كل شيء كاتبقااا ساحرة ماغاتختاارش المتحولين وتخلي شعبها

آلبرت ضحك بسخرية ) هههه (غوت) وااااش بععقلك هااا علالاش شكووون بنى جنس المتحوليين من الأول هااا ؟؟ ماااشي ألكسااندرااا وحدة من جدااتها هااا ..ومييبهاار وكل معشرها وبعض المعااشر الأخرى للسحر الخير منحاازين للمتحوليين ومكرهووش من غدا يركعوو ليهم ولكن لالا ماااشي معااشر السحرة الأسود مااااشي #آل #جووفر لي يركعوو للمتحولين بل العكس وغيير نشد البنت والكتاااب ديك السااعة بيدي غاانحييهم ونقتلهم كلهم كيما نحااو جنسنا هاذي ألف سنة ونتااااا ..غلطت ملي سيفطتك لهاذ المهمة كان خاسني نسيفط دريكوور .. حيت باانلي بحاالا القطة السمراء عاجبااك

ثيون سرط ريقو ) ل لا أنا غير قلت أنها كاتبقا ساحرة وغاتعاونا

آلبرت : إذن أنت أكبر مكلخ وغبي إيييلا تيقتي هاذشي سمعتيي … سحرة السحر الخير خونة و عمررهم غااااينصاعو لينا ماحدنا كانضحييو بالبشر فسحرنا…والشيء الوحيد فهاذ العالم ليغايخليينا أقوى كفة ولا نقهر هو تلك التعوييذة لي فهذاك لكتااب ولي ساندرا بووحدها ليغاتقدر تلقييها علينا….فااااا عندك تلاث أيااام لبنت تكون عندي هي ولكتااب وميبهااار خلي موتها على ناتاشا ودريكوور… وباقي معاشر السحر الخير كاانقلبو عليهم غايمووتو كلهم ماااااعندي ماااانديير بالخونة فصنفي (السحرة) كاستمع وبصفتي الرئيس الأول لمعاشر السحر الأسود ومعشر آل جوفر كانآمرك باتباع التعلييمات (وقطع الخط)…
♠️♠️♠️♠️
ونرجعو للمقهى عند ساندرا لي بقات مدة جالسة فالمطبخ دالمقهى وماعاوداتش بانت لخليل ..كانت كاتمسح فالكؤوس الزجاجية ودماغها كايفكر فكل هذا علاش ثيون خرج بتلك الطريقة ..وصونات له لقات خطو مشغوول ؟ شكون هو هاذ خليل الغريب وكيفاش لقبو ستارك ..وهي لي آل ستارك عارفاهم فحكاية جداتها الخيالية لحجاية ليكاتعاود لها ميبهار كل ليلة قبل النوم ؟ والأهم شنو هو نوع هذاك الإحساس لي حسات به ناحية خليل ..حسات بالخوف ؟ بل الذعر ؟ إحساس أربكها كليا …ساااهية حتى قفزاتها صديقتها أماندا لي تلاحت عليها معنقاها )

أماندا وهي معنقة ساندرا ) ناااري أختي دبت حماقيت تسطيت تزعطت انصهرت ناري ناري شحال فسر ناااري وجهوو يااختي أنقى من حيااتي

ساندرا: أمالك علامن كتهضري؟

أماندا : أححح الزبوون لي برى خليل آل ستارك ياااختي حمقني كنت نشووفوو غير فالمجلات لكن اليوم أححح شفتو وتصورت معاااه وعطاني توقييعوو نااري على فيم عندو غير تاع لبوسان نااري ماعرفتش مو علاياش توحمات تاولداتو كييكة ياختيي مارشمييلوو بقلاوااا

ساندرا : كيفاش المجلات ؟

أماندا شافت فيها مخرجة عينيها ) وييييلييي واش ماعرفتييهش ؟ ماتقوليلييش ماعرفتييهش

ساندرا : لا اول مرة كنشوفو
الصورة: ثيون♠️تتمة 1/ للجزء 16♠️
أماندا : إوا تسناي (وتحركات لطاولة تما عليها عدت مجلات هزات بعضها وحطاتهم أمام ساندرا وحلاتهم ..ساندرا هزات كتفرج فصور خليل عدت إشهارات وإعلانات وصورو فعدت عروض أزياء لماركتو…)

أماندا : سميتو خليل آل ستارك وعندو 24 ياك وهو أشهر عارض أزياء ونزيدك عندو ماركة ثياب نتاااعو شاب ناجح فعمر صغير وأكتر وجه مطلوب لتصوير الإعلانات الرجالية وعرض عليه بطولة أشهر أفلام هويلود ولكنو كايرفض يدخل فمجال السينما …وهو فرد من أغنى العاائلات نااري وتشووفي خووتووو تاهم واحد ينسيك فلاخر

ساندرا كتشوف باستغراب ) إذن صورو مزلعين فالمجلات وحتى كنيتو (تزلعات بالضحك) هههههه وااع هههه وااع وأنااا نقووول منين جابت جدة كنية آل ستاارك تالسقاتها فهاذيك القصة لي كاضل تعاودهااالي ههههه متحولين قاالك وااع هههه واصدقاات جدة كاتفرج فالمجلات ههههخخ لاهييلا

أماندا مافهمات والو ) شنو كيفاش ؟

ساندرا مزالها كاضحك وهي تظن أن جداتها اقتبست الكنية دلتساركس فالقصة ليكاتحكيليها فليل من المجلات )

ساندرا: ههه والو والو (شافت فيها ) قلتيلي خوتو ههه ماتقوليليش عندو شيخوه سميتو جاسم ههههخ

أماندا كتشوف فيها باستغراب ): ب بلاتي نشوف ها واحد المقال على عائلتو (هزات المجلة كاتقرأ) هو ماشي خوتو لكنهم أولاد أعمام هانت كاين فارس آل ستارك وهو وريث لشركة ستارك هاكرز ومدرب للبوديكارد أحح شحال صحيح ..وكان هذا سليم آل ستارك بشاااخ يالاه عندو 24 سنة وعندو جوووج دوكتورات فهندسة الطائرات وأخرى فإدارة الأعمال وااو وااو وااو مكتوب هنا أنه نابغة ومصمم هياكل طائرات مشهور وااو وبووكووص زعر لعويينات زوورق ..وكاين وسيم آل ستارك مكتوب هنا أنه من أبرز طلاب جامعة هارفرد harvard university في أمريكا في تخصص الفيزياء واااو ..وهذا لاخر عصمان آل توركانوس هذا امكن صاحبهم او ولد خالتهم حيت ماعندوش نفس لكنية ..مكتوب هنا أنه رجل أعمال ومدير تنفيدي لشركة جي آي فلاي ستاك JAflystarck وااو هاذي شركة خاصة بصناعة الطائرات والصوارخ ومؤسسها هو خوهم لكبير وااااو على جسد وااااا ميي على ضحييكة وااانااري على عويينات بشااخ سميتو جب..

ساندرا قاطعاتها ) واا باراكا طبختيلي راسي (وقفات ) المهم هو هاذ اللقب دآل ستارك متداول فالمجلات ياك ههه وأنا نقول جداتي منين جابتو لاهيلا قربت نتيق تلك القصة ههه لابقيت هكا غانحماق

أماندا : أنا كنعاودلك على التيتيز ونتي كتقوليلي جداتي (خرجات عينيها ) نااري عنداك يكون مشا مزال مشبعت منو غير الشوفان

ساندرا : شكون هو؟

أماندا :خليل البقلاوا ..تسناي هنا نرجع باش تعاوديلي مال ثيون مشا كايجري ..وشنو شفتي فحلم اليقضة لبارح تكنتي غاتغرقي ..تسناي غير نشبع من البقلاوا ونرجع ..(ومشات كتجري )

ساندرا ابتاسمات وهزات هاتفها كاتصوني على ثيون بدون رد …تنهدات ورجعات لعملها ..مرت نصف ساعة حتى دخلات عندها أماندا فرحااانة )

ساندرا: ماالك تااني

أماندا مداتليها مقدار من النقود ) هذااك البقلاوا مشى وقبل مايخرج سولني عليك

ساندرا خرجات فيها عينيها )

أماندا : هه عطاني البقشيش وقالي قسمي مع ساندرا … يااختي حمقني غانبق نحلم بيه حياتي كلهااا (شمات الورقة النقدية ) أحلالاه فييها بارفانو غانخبييها دييما نتفكروو بيها أحح كان حلما جميلا وانتهى

ساندرا شدات لفلوس دارتهم فجيبها ) يسمعك حبيبك مايكل غاينحرك

أماندا : أتي فيين يبااان ماايكل قدام هذا أححح… كاين الطون وكاين إيزابيييل

ساندرا ميقات فيها : خائنة

(تقدمات وحدة من العاملات حطات أمام ساندرا وأماندا عشراات الكؤوس والصحون خاسهم يتمسحو..لبنات بداو كايمسحو وهما كايهضرو)

أماندا : ماقلتيش ليا مال ثيون ؟

ساندرا: مانعرف وصلني وقالي يدخل يفطر وحطيتلو قهوة كان جالس تاناض بحالا شاف جن وخرج كايجري

أماندا : وابسييف يهرب منك شوفي إيلا مشا تابغااا يتفارق معاك عرفي المشكل فيك نتي

ساندرا شافت فيها ) علاش اشنو درت

أماندا :وااالو غير فينما يبغي يقرب منك تزنكي يشد يدك تزنكي… قوليلي شهر ونتوما مع بعض عمرو باسك أكيد لا.. غير كايقربليك كتبداي ترعدي واش كاينة شيوحدة فساو ميغل (الجزيرة) او فكل البرتغال عندها 19 سنة ومزالها بنت …أو عمر شي شاب قاصها من غيرك أكيد !

ساندرا مزننكة ) ج جدة متبغيش

أماندا مسحات وجهها بفقصة ) واش من نيتك خاسك تخلييه يقرب ليك وإلا غاتخسرييه حتى لدابا شفتو صاابر معاك

ساندرا : احم أنا مابغيتش يعني منقدرش ندير شيء كهذا جدة من ديما كاتنبهني ن…(سكتات حيت اماندا غوتات تاشافو فيهما كل العاملين)

أماندا : جداا جدااا جدااا واا فووك لهاذ جداك

ساندرا كضور فعينيها )

أماندا خفظات من حدت صوتها ) هانت قوليلي غيير علاش هازة لهم لجدااك نعسي مع ثيوون شكون شافك وشكوون وصلها لجداك المهم علاقتك بثيون ماضيعش .. وهاذ جداك ماالها متشددة لهاذ الدرجة !

ساندرا شافت فيها ) هي كتقولي أول راجل يقيصك خاسو يكون راجلك رسميا وخاسك تبقاي نقية وعفيفة لراجلك فقط♠️تتمة 2 للجزء 16♠️
ساندرا شافت فيها ) هي كتقولي أول راجل يقيصك خاسو يكون راجلك رسميا وخاسك تبقاي نقية وعفيفة لراجلك فقط

أماندا : وليني هاذ جداك بحالا
عايشة فالعهد الحجري

ساندرا خنزرات فيها ) هي ماشي هكا وإنما كتخاف عليا ومتحفظة فأمر الشرف ..هي فقط كتقولي نكون غير لراجل واحد ماشي مئة وهاذ الراجل يكون راجلي بصح عاد نسمحلو يقيصني

أماندا : إوا تبعي جدااك المتخلفة تاطيري ثيون من يديك وأي شب آخر ارتبط بك غير يقرب منك تبعدي تزنكي وتبداي ترعديليه حتى تبقاي باايرة

ساندرا تنهدات)

أماندا : عاوديلي دابا على أشنو شفتي لبارح حتى كنتي غتغرقي ..

ساندرا : طحت من لوح ركوب الأمواج حيت بحالا جسدي جمد عليا وملي غطست حتى الأعماق ..والو مقدرتش بمرة نحرك جسدي نسبح باش نخرج من لبحر …وغير غمظت عيني شفت امرأة سمراء ….(عاودات لها كل الرؤية )

أماندا : ناري هذشي عنك كايخلع

ساندرا : فحلم اليقضة شفت ناس على جبينهم رمز تنين وهم راااهم سحرة

أماندا : وباش عرفتيهم سحرة !؟

ساندرا : من حكاية جدة الخيالية أثرات فيا تاوليت نحلم بيها وأنا فايقة ..

(سكتات قافزة لاهي لا أماندا من صراخ صاحب المقهى): أواااش جابكم لهنااا تشدوولي لحتييييت أتحركووو لخدمتكم

ساندرا بسرعة هزات الكؤوس لي مسحات ستفاتهم فبلاطو كبير وداتهم لفترينة كتستفهم ..ستفات الرف السفلي بالكؤوس ولي فوقو ..والتالث بعيد عليها فا واخا الكعب كاتجبد باش تحط الكؤوس ..حطاتهم كاملين بقا واحد جات تحطو زلق ومشا طايح.. ..ساندرا شهقات بقوة والقلاذة حول رقبتها شعل بها ضوء خفيف مشافتوش والكأس قبل مايوصل للأرض حبس ..كأنو حابس فاللاجاذبية (الفراغ) ..واقف بينو وبين الأرض شويية …ساندرا كتشوف فيه حااالة فمها ..تحنات بشوووية قفازية كتشووووف فيه مخررجة عينيها كيفاش واقف فالهواء فالفرااغ ..مدات يدها لي كااااترعد قاصتو بصبع عاد كمل سقوطو وطاح على الأرض سليم بدون مايتهرس ..حيت كان حابس بمسافة جد صغيرة بينو وبين الأرض …ساندرا ماقدراتش ترمش بل ماتيقاتش عيونها …حتى وقفات عليها أماندا لي شافتها كيفاش حالة فمها فكاس محطوط على الأرض ..وتحنات هزات الكأس عاد رجعات ساندرا للواقع ووقفات حتى هي )

أماندا : زغبية كون هرستيه كون جرا عليك

ساندرا نطقات بصدمة ) ش ش شفتيه..

أماندا : شنو هو ؟

ساندرا : لكاس كان غايطيح ي ي ياك و و وطاح وتاقرب للأرض وهو يحبس بحالا الزمن وقف وغير قصتو بصبعي وهو يطيح …شفتيه؟

أماندا مدات يدها حطاتها على جبين ساندرا ) سخوونة أزغبية عرفتي شنو سيري تخباي على الشارف مايشوفكش ياك وجلسي خلي خدمتك أنا نديرها اصلا بقات ساعتان ونخرجو اليوم بكري ونمشيو للبحر تاني ..ونركبو الأمو…(سكتات حيت ساندرا تخطاتها ومشات …ساندرا مزالها مصدووومة وودنيها كاايصفروو فقط كتشوف أماندا كتحرك شفايفها بدون ماتسمع أشنو كتقول ليها …خلات أماندا كتهضر وتخطاتها مشات دخلات للغرفة فين كايبدلو ثيابهم وتكات فوق فوطوي فااشلة )

♠️♠️♠️♠️♠️
وفي نفس الوقت كذلك 10 صباحا
لكن هاذ المرة في المغرب وبالضبط في قصر آل ستارك ….
جالسة برقي فطاولة الزينة لي فدريسينغ روم الفخم نتاعها …لابسة شوميز فوقو بينوارو الحريري ..طاس قهوة أمامها كاتسبغ فظفرانها وكاترشف منو مرة مرة …جميلة ومازادها الزمن والسنين إلا جمالا ونضوجا…السبور والإعتناء الكلي بالبشرة والشعر ..وغيرهم..خلاوها حافظات على رشاقتها وجمالها …بعيونها القزحية الملونة وشعرها الحريري لي طواال ….شيماء جاسم آل ستارك و التي حاليا.. وبعد 25 سنة من يوم ولادتها لجبار عندها حاليا 44 سنة ولكنها كاتبان في 30 …
جالسة مكوونسونطرية مع ظفرانها ولكن شكوون خلاك واحد الذبانة (ذبابة ) ساعة وهي تزنزن ليها فوق راس …)

……. : واااا ماماتي واش ماشي حرااام هاذ الظلم دابا هئ هئ وااع على حياة كيفداااايرااا ظلم في توزيع الثرواات🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 17🔮

وفي نفس الوقت كذلك 10 صباحا
لكن هاذ المرة في المغرب وبالضبط في قصر آل ستارك ….
جالسة برقي فطاولة الزينة لي فدريسينغ روم الفخم نتاعها …لابسة شوميز فوقو بينوارو الحريري ..طاس قهوة أمامها كاتسبغ فظفرانها وكاترشف منو مرة مرة …جميلة ومازادها الزمن والسنين إلا جمالا ونضوجا…السبور والإعتناء الكلي بالبشرة والشعر ..وغيرهم..خلاوها حافظات على رشاقتها وجمالها …بعيونها القزحية الملونة وشعرها الحريري لي طواال ….شيماء جاسم آل ستارك و التي حاليا.. وبعد 25 سنة من يوم ولادتها لجبار عندها حاليا 44 سنة ولكنها كاتبان في 30 …
جالسة مكوونسونطرية مع ظفرانها ولكن شكوون خلاك واحد الذبانة (ذبابة ) ساعة وهي تزنزن ليها فوق راس …)

……. : واااا ماماتي واش ماشي حرااام هاذ الظلم دابا هئ هئ وااع على حياة كيفداااايرااا ظلم في توزيع الثرواات

شيماء وهي مكوونسونطرية مع ظفرانها ) : جمانة نوض أبنتي سيري تفطري وهزي كتوبك الله يرضي عليك

• جمانة تفقصات ) علاش علاش واااراه عييد مييلادي بقاتليه غير تلث يااام شووفي أماماتي مابغيتش فستان مرصع بالألماس ولا تاج دياموند وقولي لبابا واااا مابغييتش آخر سيارة خرجات فالسوووووق وااا عووك عوووك بغيت غااانفخ لبثوول وااابغييت صدر وبغيت بحاالك أماما

شيماء شافت فيها ) واش باية كتحلمي بلبزازل حتى مصبحة تزنزنيلي فوق رااسي أو واش مكتفهمييش واش بغيتي باباك يدبحك ويتبعني لييك أقنعي بدكشي ليعطاك الله وغبري عليا ..

جمانة : وااا ماما (وقفات كاضور حول نفسها أمامها ) شوووفي أماما واش تاعت الله هاذي فوورمة دبنت بقاتليها تلث يام وتكمل 19 هئ واامااعندييش لبزووول وزايدون بابا مايسخااش بييك كايموت فيك وأي شيء قلتيلو تايديرو واعاافااك هئ مااعندييش صدر أنا بغيت صدر

شيماء : وعندك طرمة كبر من ديالي

جمانة : هاء أش جاب الطرمة للهضرة دابا حنا كنهضرو على لبزوول وشفتي هاد طرمة وبربي كونما رياضة سكوات تاتكون غابرة حتى هي …واش أنا مااشي بنتك ها ؟ وعلالالاش ولدتيني بلا صدر هئ واااع

شيماء : جمااانة واسيري تفطري راك قارية امكن

جمانة : واا مداخلا تال جوج 2 دلعشية (شدات يد أمها باستها ) عااافااك ألحبييبة نتاعي أسلطانة القصر يا امبراطورة جاسم وجبار وسليم ووسيم وجمانة يا نوارة جدي زيدان يا سيدة المتحولين ويا هجينة الهجائن يا…..

شيماء قاطعاها بقبلة فخدها ) نعااام يا قزحيتي تانا كنحماااق عليك ولكن أحبيبتي بلا ماتحلمي تقيصي داك صدير صغيور نتااعك غير نسااي الفكرة نهاائيا..

جمانة جاتها لبكية ) هاانتي قلتييها صدير هئ هئ واااا صدييير حرااام والله تاحراام هئ وااديت منك لعينين والشعر علاش مديتش تالبزووول هئ علالاش أسيدي ربي هئ هئ وااغانفخهم عاافاك هاانتي والله مااايعيق بابا أصلا هو مكايتدخليش فلبسي ومكياجي وعمرو حتى غوت عليا بل كايعاملني كالأميرة وماكايرفضلي حتى طلب وعمرو قالي علاش لابسة هكا ولا درتي هكا … هو حاضيك غااااانتي… فاماغايردش لبال لصدري وتايلا انتابه غايقوول أخييرا بنتي كبرااات وولات امرأة

شيماء : أييه هانتي دوزتيها على باك إوا وجبار وسليم والله أبنتي تايعلقوك من رجليك ونتي عااارفة وخصووصا خوك جباار شحال كايكره لبنات لمنفوخات بالبوطوكس و السيليكون وعمليات التجميل ..

جمانة : دابا أماما نتيي معااياا ولا ضددي (وقفات بعصبية كتمشي وتجي مكانها ) ورااه جباار تصاورو مزلعين مع بنات أشكال وأنواع غير العارضاات و وااا لا وحدة منهم طبيعيية … ودااباا غير قوليلي نهار شافك بابا وحمااق علييك باش طيحتييه هاا ؟ يالاه جاوبيني باش طيحتييه تاطاح وليومنا هذا مزال مناض وغير غادي وكايطيح فيك ؟

شيماء : غانوض نريشك أهياتا بعديلي من جسومتي
الصورة: الليدي الأولى شيماء♠️تتمة الجزء 17♠️

شيماء : غانوض نريشك أهياتا بعديلي من جسومتي

جمانة : جسوومتنا أماما .. بابا راه هو حبيبي الأول …ودابا جاوبيني

شيماء سدات طلاء الأظافر وشافت فيها ) : صدري جاسم أكتر شيء كايتجر له كالميغناطيس فيا هو صدري..

جمانة : أهاااه لعز شفتي (حيدات لبودي بقات غير بستيانات ) وتاعت الله وريني هاذ صدر لي نقدر نضبر بيه تانا على شي راجل بحال بابا

شيماء شافت فيها وتنهدات )

جمانة : شفتييي باااح واالو مكااينش صدري منقااارض غااابر واش بغيتيني نبق بااايرة أماما هااا شكون هاذ راجل لي غايديني بلا صدر؟ هئ وااااع

شيماء : واالحمقااء ماتبقايش تفكري هكا …والراجل لي يبغيك يبغيك كيييما نتي ماتحتاجيش تتبدلي أو تغيري من نفسك وديري التجميل باش يبغيك شي ولد المرأة …

(وقفاة وشدات جمانة من يدها ووقفاتها أمام المرآة طوييلة وعرييضة شادة كل الحائط ..واقفات جنب بعض بنفس الطول نسختان عن بعض نفس العينين والشعر ولون البشرة مع قليل من الاختلافات فالوزن والعمر والملامح …شيماء كتشوف فانعكاسيهما على المرآة ومدات يديها حيدات لجمانة نظاراتها الطبية ونطقات )

شيماء : شووفي هاذ العيوون الوااسعة الملونة غير عيونك حبيبتي كافيين تسحري بيهم أي رجل حتى وإن كان قد تاب عن الحب (فكات لها شعرها لي تطلق ) وشعرك الرطب الطبيعي..و بشرتك دالأطفال وجسدك الرشيق المنحوت .. وبرائتك وصفاء قلبك والطفولة لي فروحك …شفتي غير هاذو مخلينك أجمل بنت فالعالم هكذا خاسك تفكري فنفسك ، وأي راجل غايبغيك خاسو يبغيك لهاذشي ماشي حيت عندك الصدر

جمانة : وا ماماتي وراني عاارفة أني زوينة ولكن بغييت صدر بحال نتاعك

شيماء تنهدات) : جمانة سدي هاذ الموضوع حيت مستحييل نقبل ديري دك تخربيق ودخلي دوك السموم لصحتك غير نسااي الأمر

جمانة : وعلاش زليخة نفخااتو يالاه؟

شيماء: وفيين شفتييها نفخاتو وماشي طبيعي؟

جمانة : واش من نييتك أماما مشاات لأمريكا هي ووسيم يقراو… مشات بلا صدر عاماين جات بيه قدو قداااش ودابا جالسة وضور بيه نااري ولا عندها كايحمق او وااقف بغيت بحااالووو

شيماء: جمااانة ماشي سوقك فيها بنت خالك و أكبر منك احتارميها… وبينها وبين باها ومها تنفخ ولا تفش لي بغات. المهم عندي أنا بنتي حبيبتي جمانتي جوهرتي طبيعية وغاتبقاا طبيعية ودابا سييريي هزي كتووبك راااه خوتك معصبين من نتائجك الكارثية

جمانة : دابا شجاب لقراية للهضرة (كضور فعيونها ) وزايدون أنا تخصصي فتلك الجامعة هو الفنون الجميلة الرسم أماما …أشداني لشي ماط وفيزيك واللغات شغاندير بيهم ؟

شيماء : فاش يجي ليك جبار وسوليه هاذ الأسئلة

جمانة :نااري غايجي تااني ناري

شيماء : جمااانة سيري تفطري وهزي راجعي قرايتك

جمانة : وماما هانت خلي بابا يغوت عليا على لقراية ومتخليش جبار ناري حبساتني لبولة بالخلعة والله بقات غير تلاث يام وغايجي تاني يعيشني فالجحيم

شيماء جلسات كدهن لحمها بكريم غالي ): بيناتكم أبيضاوا

جمانة : واا ماما واراك ماما هئ واا علاش مكاتحاميش عليا قداامووو فاش كايجيي ليااا هئ هئ كاايحكرنييي هئ هو و لحلووف لاخر دسليم هئ وقدهم قدااش هئ

شيماء : حيت تستاهلي أحبيبتي نتي لي جبتي 10 واقفة على رجليها فالبااك …مكايظلمووكش وباراكا من تغبان وسيري لكتوبك راه غاتسقطي فهاذ السوميستر تاني يعلقوك خوتك اوالله منفكك ومنخليش باباك يتدخل غانخليهم منك ليهم

جمانة : اللهم 10 والا 9.99 لي كنتي جبتي نتي أماماتي فلبااااك 😏

شيماء خنزرات فيها 🤨) أيييه تسعووود فااصييلا تسعوود وتسعيين ونزييدك جبتهااا بنقييل وغيير فليسي محرتك د الدولة وكنت نقل وماانحصلش …مااشي بحاالك لي قريتي فأحسن ليسي خاص فكل كاازا والدرووس الخصوصية من أحسن الأسااتذة وباباك و عمامك وخووتك كلهم قرااوك واا تااا من جدي زيدان قراك أوو وااالووو مكلخة أبنيتي… نهاار فكرتي تنقلي فالجهوي حصلوووك الأساتذة وتاجاليك خوك فرشخك قداامهم يعني تااانقيل ماعرفتييش ليه …و شفتي ديك العشرة لي جبتي غير بفلوس باباك أما داك الليسي الخاص لي قريتي فيه مكرهوش يجريو عليك بلحجر

جمانة ☹: ياك أماما🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 18🔮

جمانة ☹: ياك أماما

شيماء : آه أبنتي عالأقل أنا زاااعمة ومسنطحة وكنت لي خرج فيا عينيه نعميه كايندم ألف مرة ماكنخاف من حد… أما نتي تخلطاتليك البرائة مع الكلاخ وعطاونا جمانة

جمانة : نمشي عند تويمياتي سموحاتي .. حسن ليا هئ أما نتي شبعتي فيا معيور

شيماء : سيري تلاقيتو تادوك جوجات حريرتهم حريرة كلكن ضعاف حصوصا فاللغات ..فيكم غير أميرة الذكية وأكيد زوزو النابغة ..وراه غانوظف مدرسة لغات خاصة تبقا معكن هنا فالقصر بربي تاهاذ لعام تطيرو فالإنجليزية الفرنسية والإسبانية والبرتغالية

جمانة مخررجة عينيها ) زعمة منقدرش نكتافي غير بالعربية والله تالغة فنة لابغيتي زعمة

شيماء خنزرات فيها )

جمانة : لالا مابغيت بو مدرسة خاصة تبقا لاسقالي فطرمتي طول اليوم تابعاني ..

شيماء هزات كتفيها ) إذن تايجي جبار وسليم وغايقومو بهاذ المهمة يقريوك هم وديك الساعة غاتعلمي بلهلا يطريه ليك (وابتاسمات )

جمانة صفارت ) ألا ياتا راني غير ضاحكة صاف بغيت مدرسة خاصة والله تابغيتها وغانقرأ وكنوااعدك غانطير فاللغات

شيماء : ههه الوعد المستحيل

(جمانة سكتات مدة وهي كضور فعينيها … لبسات بوديها وجمعات شعرها وتوجهات لكوافوز ماماها هزات العطر الخاص دشيماء لي نفسو عطرها حتى هي ولي قبل منهما كا عطر رببيكا أم جاسم المتوفية ..العطر ليعندو ذكرياات رائعة فالجزء الأول … بحيث شيماء من نهار تلاقات جاسم كاديرو غير هو ..وبحكم جاسم عندو الوسواس القهري فاكاايكره كل العطور النسائية إلا هاذ العطر ..وجمانه وهي صغيرة كان جاسم داائما كايدير ليها منو غير هو ..حتى كبرات مولفاه وولا هو نفسو عطرها الخاص لي مكتبدلوش على قبل الأب نتاعها … فا شيماء وجمانة بنتها كايستعملو نفس العطر …رشات منو ونطقات )

جمانة : لالا دب تشوفي غانتقن اللغات …أحم هانت كيفشتي أماما حبيبتي .. عيد ميلادي بقاتليه تلاث أيام ياك وغاتولي عندي 19 سنة ياك وصدري مسكين …

(شيماء قاطعاتها بأنها حيدات لبانطوفا شيرات عليها بيها وجمانة فعلات قوة الإختراق ولبانطوفة اختارقاتها )

جمانة : هههه

شيماء خنزرات فيها ) غاتعااوديلي نفس دييسك قلت لا لا لا هي لا

جمانة : أماما وعااااافاااك

شيماء : أ والله لا نفختيييه سيري قبل منخسر معاك لهضررة

جمانة : ورااه غنبقا بايرة وتوحلي فيا

شيماء : سييريي نفخييه بلقطن أما سيليكون ولبوطوكس ودكشي والله واخا تسخفي ليا

جمانة : راه غانطاحر

شيماء : سلمي معاك على عزرائيل

جمانة : وااماما واابنتك أنا

شيماء : راه غانعيطلك لجبااار غبري فقصتيني صباح هذا

جمانة : واا عقلي

شيماء : هاااني نعقل خرجي خليني لبس باباك غايجي اليوم

جمانة : هاااح غير لبسي قدامي خليني نتمنظر فبثولك ونتخيلو تاعي

شيماء ابتاسمات وهزات هاتفها وحنات راسها كتخربق فيه) جبار غانصونيلو نقولو أجي…و ساعتاين بالكتيييير غالقاه قدامي واخا يكون فآخر الدنيا فا ..(سكتات وهزات راسها لقات جمانة باااح هربات ) إوا تخااافي متحشمي … (وناضت تبدل)
🍀🍀🍀🍀
عند جمانة لي خرجات من دريسينغ ماماها وهي حانية راسها راسها معععصبة وكتهضر غابوحدها بصوت منخفظ)

جمانة : ومااالي أنااا مااليي ومااعندي صدر هااا ؟؟ وااا ليي شافها وشاافني يحلف ما أنا بنتها… واااش أنا داابا اناا عندييي 19 هااا واانحشم نقووولها ونااري غانموت بلفقصة وااعوك عوك تعقدت وااعلاش أسيدي ربي علاش أنا م..أي …(دخلات فشيء ما ورجعات بلور غاطيح حتى شدها من يديها وهو مبتااسم ..هزات راسها ونظراتها عواجو قاظاتهم ونطقات مزنكة )

جمانة : بابا حبيبي جييتي من سفرك

جاسم أخد يدها باسها ونطق ) عاد وصلت مال أميرتي معصبة

جمانة تزنكاات وحنات راسها وهي كاظنو سمع كل حوارها مع نفسها )

جمانة : أ واالو

جاسم هز ليها راسها بيدو مايشوف فعيونها ونطق ) أكما قلقك شيواحد في غيابي

جمانة ابتاسمات بفرح ) هه عندي نتا شكون هذا لي يتجرأ يديرها

جاسم حط يدو على خدها ) أي شخص قلقك شكون مابغا يكون غير قوليها ليا ..

جمانة ابتاسمات وطارت عليه بتعنيقة ..وهو بادلها العناق ..)

جاسم: وفين وصلتي فدروسك؟

جمانة خرجات فيه عينيها جابتليه الضحك )

جمانة : ك ك كنقرأ أحم كندير جهدي والله والله تكندير جهدي

جاسم : مكايهمونيش النقط العالية او الشوااهد .. بغيتك غير تكتاسبي اللغات وثقافة عامة ..
الصورة: جسومتي حبقلبي💙💙💦💋💋🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 19🔮

جاسم : مكايهمونيش النقط العالية او الشوااهد .. بغيتك غير تكتاسبي اللغات وثقافة عامة ..لاغير فا ماضغطيش على نفسك …كاتعشقي الرسم وأحسن ورشة غانفتحها لك.. وأجدد تقنيات الرسم غاناخدهم لك ..وغاناخد لك معرض تبقاي تعرضي به رسوماتك …فا ماتقلقيش يا أميرتي إيلا جبتي شي نقطة منخفظة .. الأهم عندي أنك سعيدة ومرتاحة

جمانة نظراتها له كلهم حب وافتخار ضحكات له ونطقات ) : ههه بابا فراسك!

جاسم : أشنو يا جميلتي

جمانة : رااني كنحمااق عليك وبزااف أبابا بزاااف

جاسم تحنى تالمستواها باسها فجبهتها ونطق ) وأنا أكتر أميرتي

جمانة شدات يدو باستها ونطقات ) نخليك مع إمبراطورتك ونمشي عند تويمياتي (ومشات كضحك بلا متحل لباب او تسدو فقط اختارقات الحيط )

// جمانة آل ستارك : هي هجينة19 سنة بقوة الإختراق: قوة كتخليها ملي تفعلها كايولي جسدها قابل لإختراق أي شيء أو شخص …أي كاتولي كالشبح كاتختارق الحيط الباب أي شيء … وهي نفس قوة عمتها تارا … ولكن ماشي بنفس الطاقة فا اختراق تارا أقوى…بحيث تارا إيلا شدات فيد أي شخص وفعلات قوتها كايولي الشخص كذلك جسدو قابل للإختراق ..بالنسبة لجمانة ماشي بتلك القوة لي تخلي غيرها قابل للإختراق ….. وفتدريباتها على قوتها ..التدريب لي دربها جاسم باها وعمامها ..مقدراتش تفعل قوتها وتخلي جسد شخص آخر قابل للإختراق ..فقط جسدها هي ..
شخصيتها ..هي نوعا ما غبية وبطيئة الفهم ..(كل الذكاء داوه خوتها النوابغ ووسيم خلاوها بلاش) …عفوية بزاف ومرحة محبة للحياة .. شكلا هي جمييلة ..ذات قزحيتين كأمها كل عين فلون… وشعرها بني طويل ورطب كأمها …فم منفوخ طبيعي كالفرولة جسد منحووت ..نظرها ضعيف شوية هذكشي علاش كادير نظرات طبية ..هي زوينة ولكن غير كتشوف راسها فالمرآة كتزعف ..حيت حجم صدرها صغير ..مشكل لها عقدة ..حيت ماماها صدرها كبيير ..كاتدرس هي وبنات أعمامها سميحة وسماح وأميرة لي كلهن فنفس العمر… فأشهر جامعة خاصة فكل كازا ..جامعة متعددت التخصصات ..وجمانة تدرس شعبة الفنون الجميلة ( Department Art) وبالضبط تخصصت في الرسم والصباغة ….فشغلها الشااغل في الحياة هو الرسم.. وصدرها خاص يتنفخ… و… ( الشيء التالث غاتعرفو فالأحداث)

جاسم علاقتو مع جمانة أكتر من أب .. بل صديق…هي فعلا كاتخاااف منووو وكاااتحشم منووو وبزااااف …لكنو كايعاملها برقي وبعقل متفتح ماهي مدللته الصغيرة …عمرو حتى رفع صوتو عليها ..أو جبرها على شيء أو انتقد لباسها أو توجهها الدراسي …عاطيها حرية الإختيار فهاذ الأمور.. ومن ناحية الدراسة عاارفها ضعيفة فالمواد العلمية ومكاتقراش مزيان وواخا هكاك عمرو حكر عليها أو ضغط عليها تولي ذكية بزز او تقرأ بزز أو يحملها ما لاطاقة لا به….(عكس خوتها لي بغاوها تكون ذكية بزز مكاينش معامن 🤦🏻‍♀️) ….وحتى هي مطيعة له كليا أي شيء قالو لها كديرو ومن صغرها كاتحتارمو بزاف..ومعاملتو الجد رااقية معاها وانو دائما كايحسسها أنها جوهرة… خلاتها كاتحماااق عليه ودائما كاتقوليه كانحماق عليك ..وكاتمنى من أعماااقها ويوميا ما أن يكون نصيبها رجل كأبوها فكل شيء//

جاسم تبعلها العين حتى اختارقات الحيط و مشات … ابتاسم وتوجه للدريسينغ دخل وتكا عالحيط وربع يدو كايتأملها )

شيماء عاطياه بالظهر وكاتلبس فستان راقي أزرف ..وكييديما مستوور..حتى شمات عطرو عرفاتو جاء وسعات ابتسامتها واستدارت شافت فيه ..جااسم آل ستارك ..الملقب بوحش المتحولين الوحش ذو الخمسة والخمسين قوة ..أزعر شيماء أو زعر لمعصب كيما هي ملقباه … رئيس محكمة المتحولين والرئيس الأول لكل عشااائر متحولي العالم … هو الآخر ما زادوه السنين غير وساامة ووقار وكاريزمة …فعمرو الآن 54 سنة مزالو محافظ على جسدو المعظل …. شيماء مباشرة بخطوات سريعة توجهات ناحيتو وتلاحت عليه معنقاه وهو خشا راسو فعنقها )

جاسم : وشحاال توحشتك

شيماء : وأنا أكتر والله هاذ تلاث يام ليكنتي مسافر فيهم بزز دازو عليا …مرة أخرى دييني معاك

جاسم : واخا حبيبتي

شيماء : امتا وصلتي

جاسم بعد وباسها ففمها ) خرجت من الجزيرة مع 7 صباحا وعاد ربع ساعة باش وصلت

شيماء : وكيداز سفرك او واش جاو عدنان و غسان وإيفان ودياب وفيليكس حتى هم (عدنان أب سميحة وسماح / غسان أب خليل/ إيفان أب زوزو / دياب أب فارس/ وفيليكس أب أميرة )

جاسم : آه جينا كلنا من غير فيليكس بقا فجزيرة كارولاين لي بها سجن المتحولين غايبق تما مدة يعاون أمير وسلمى .. و معاه أليشا (مراتو)..

شيماء وهي كاتأمل ملامح وجهو حطات يدها على خدو ) مالك حاسة بك معصب

جاسم شاف فيها بدون رد)

شيماء : جبار ياك
شوشو👇♠️تتمة الجزء 19♠️
شيماء : جبار ياك

جاسم : نساي الأمر

شيماء : أشنو دار هاذ المرة

جاسم تنهد ) واش ماعيطش لك؟

شيماء : لا هضر معايا غير حبيبي وسيم من أمريكا …وسليم ولبارح جا ودعني قالي غايمشي لألمانيا تايجي هو وجبار وباقي الشباب … .. وجباري تلقيت منو غير الرسالة الصباحية ككل يوم قالي صباح الخير وكلامو المعسول (وابتاسمات )

جاسم : ههه سليم عرفني راجع وهرب عند عصابتو ..وشفتي هذاك جبارك راه كونما كان لدي كون قتلتو وشحااااال هاذي

شيماء : ههه مغياار ..دبا قولي أشنو دار راني حاافظاك وكنعرفك مزيان ملي كاتكون معصب منو او من سليم ..

جاسم : مدار والو المهم .. أنا تايق فيه… خلي حتى يجي .

شيماء : غايجي بعد غدا وحتى باقي الشباب ..على قبل عيد ميلاد جوجو ..أخيرا غاتجمع العشيرة تاني
جاسم : ماشي كلهم غايجيو …ماماك الليدي إيميليا ومي هيلدا وعمتي سوزي ماغايقدروش يجيو ..عمي معاذ مريض ماغايقدروش يجيو ويخليوه وحتى عمي ناصر ماغايخليش السيدات وحدهن

شيماء ابتاسمات ) أحسن خليهم بلا مايتعذبو فالسفر والرجوع على نهار ..هم مرتاحين فالفيلة لي فالمالديف ..(تنهدات بحزن ) بعد موت عمي علي (أب تارا ودياب) هاذي عشر سنوات هم استاقرو تما ومرتاحين فاخليهم نبقاو حنا نمشيو نزوروهم

جاسم ابتاسم…وشماء كاتتأمل عيونو الزرق )واقووليا أشنو دار جبار وعلاش سلومتي هرب وأنا لي نقول مالو.. صبح مع ستة دصباح ودعني وهرب أشنو دارو هاذ المرة ؟

جاسم مد يدو كايحل لها الفستان ) أشنو بانليك نقوليك شيء آخر وغمزها )

شيماء: وراه بنتك لمسرفقة تقدر دخل اجاسم بقوتها غير كاتختارق بلا عقل

جاسم : بنتي مامسرفقاش..بنتي اسمها جمانتي جوهرتي وهي ملي كانكون أنا فالجناح مكدخلش بدون اذني (وبدأ كايحيدلها الفستان )

شيماء : أغير صبر خاسني نمشي نشوف جدي زيدان وجدة رجاء واش شربو دواهم قبل ماتجيهم لحالة تاني يبداو يدابزو

جاسم : أنا لول شيماائي أنااا نشبع وديك الساعة نمشيو نشوفوهم
(وهزها بخفة اتاجه بها للسرير….)
🍀🍀🍀🍀
نرجعو عند جمانة لي مزالها معصبة وغادة وكتهضر مع نفسها دازت على صالون حتى سمعات جدها كايعيطلها…دخلات للصالون ولقاتهم جالسين مقابلين مع بعض ..الجد شاد طبسيل دلفقاص وكياكل ومخننزر فالجدة لي مخسرة وجهها وهي كتشوف فيه )

الجد زيدان : بنتي شامة نوارتي جي حدايا نسولك

جمانة : واش نسيتي دواك تاني اجدي أنا جمااانة

الجدة رجاء : أراه شرف وخررف جدك ألحبيبا أجي نبوسك (جمانة تحنات باست جداتها ) رضا يا أميرة

جمانة : واا جدة نسييتي دواك تانتي واا أنا جمانة ماشي أميرة

الجد طلقها بضحكة كايفقص الجدة ) خههه واا قالت لك اميرة ههه شكون شرف دابا هاا أهضري أديك دنجالة لملوية (شاف فجمانة)قولي أبنتي أشامة شكون لي شارف أنا سيد رجال ولا ديك موكة لحولة؟

جمانة تنهدات ) جدي أنا جماانة ..وتاحد ماشارف منكم غير تهدنو مدابزوش

الجد : ياك ألمسخوطة جي نسولك ؟

جمانة قربات منو ): هاااني نعام أجدي

الجد : شكون نتي؟ وشكون هاذيك لي جالسة لهيه (شير لرجاء بصبع )من صباح أبنتي وهي تخنزر فيا خلعاتني ؟ ومعرفتهاش؟

جمانة مسحات على وجهها ) حفيذتك أجدي انا وهاذي لي قدامك مراتك لالة رجاء

الجد : ومنين جيتيني حفيدتي أش هاذ لباطل وأنا باقي تاماتزوجت (شاف فرجاء ) شفتي هاذ الطفلة أشنو كتقول ألالة أش سماك الله

الجدة : ونوض ألحاج تنعس نوض ونت عاصر على دك لفقاص تاسنانو معندكش(شافت فجمانة ) بنت من نتي أبنتي ؟ أكما تجليتي على مك؟

جمانة حالة فمها فيهم …حتى دخلات أيار وتارا ومعاهم الممرضة هازة ادوية الجدين )

أيار (أم خليل) : جدي هاني جبت ليك دواك نتا وجدة

تارا/أم التوأم سميحة وسماح/ شافت فجمانة ) حبيبتي واش فاقو الفوطوكوبي مساليتش نمشي نفيقهم

جمانة : ماشفتهمش أعمتي فقت مشيت نيشان عند ماما هاني نمشي نفيقهم

أيار : فيقي معاك أميرة إيلا مزالها مفاقت ..خاسكم تفطرو راكم قارين

الجد شاف أيار جلسات حداه وتارا جلسات جنب الجدة يعطيوهم دوائهم)

الجد : ياحليلي تجمعو عليا حور العين التيتيز

تارا : أجدي الله يهديك راه حنا خفيداتك

الجد: تي لا راني مزال متزوجت عااد ناوي

الجدة: وشكوون تقبل عليك الشارف

الجد : الشارفة هي مووك أموكة

الجدة: يااك ألحاج يااك أوجه لخنزيير♠️تتمة2 للجزء 19 ♠️
الجد : الشارفة هي مووك أموكة

الجدة: يااك ألحاج يااك أوجه لخنزيير

جمانة كضحك بدموع ) هههه جدي ههه فراسك بابا جاء راه فجناحو

الجد شاف فيها مخرج عينيه ) لمسخووط زعر جا عيطيليه توحشتو لبعلوك لاخر غبر عليا

أيار ابتاسمات ) جدي واخا مرض
بالزهايمر ( الخَرَف الكَهليّ) ينسانا كوولنا لكنو عمرو نسا جاسم وشيماء

تارا : وحتى جبار

الجد : ونسااا رااسي ومنساش نوارتي ودك لمسخوط دراجلها..أييه شحال كان يخنزر فيا لمسخووط كان يخلعني (شاف فيهم ) واا لمسخووط راه أنا لي جدوو ماشي هوا لي جدي .. وولدو لي مسخوط كتاااار منو أييه ألياام نعقل كان غير تربية هزيتو وتقيا عليا جابهالي فيلوجه وقدام قياد العشائر لمسخووط لاخر (شاف فأيار ) واخا معرفتكش أبنيتي عيطيليه توحشتو وخاسني نعاودليه على نهار طحت فلبير

تارا : واخا أجدي شرب دواك بعدا ..

جمانة قربات لجدها باستلو راسو وحتى جداتها )

الجدة : الله يرضي عليك أبنيتي (حققات فيها ) أجي نقولك

جمانة جلسات جنبها): نعام أجدة

الجدة هضرات معاها بهمس ) دب شحال عندك من عام

جمانة : عندي 19 أجدة

الجدة : ومالك أبنيتي بحالا داخلاك لموت مكاتاكليش لخبز ولا ؟

جمانة تنهدات ) وهانتي تشوفي (هضرات بهمس فوذن جداتها ) كيشفتي بغيت نفخ صدري بسيليكون وماخلاتنيش ماما

الجدة طلات فصدر جمانة ورجعات شافت فيها وهضرات بهمس ) ولاش تنفخيه بهاذ سولوكون أنا نعطيك الحل

جمانة : حلفيي شنوو هواا؟

الجدة :هانتي غاتشري زيت لحلبة وبقاي دهنيها لبزيزلاتك دائريا هوك هوك (بدات دوز يديها بمساج دائري على صدرها لي كبير وطايح بحكم سنها كايبان دكشي طايتهز ويتحط …جمانة وتارا وأيار تزنكو أما الجد حال فمو وعينيه كايبرييو)

جمانة شدات يدين جداها ) صاف أجدة فهمت غارصاي

الجدة : وشوفي كل ليلة طلي زيت الحلبة وجلسي دهني دهني وتماصي ونبصم لك عليها سيمانة تولي نتي غادة وصدرك مجرور موراك

جمانة حالة فمها وعينيها كايبريو ) حلفي أجدة

الجدة : إيوحق الله علاش أنا باش كبرت نتاعي وشوفيه دب قظاش

جمانة طارت بتعنيقة على جداتها وباستها وناضت كاتجري فرحانة خرجات وخلاتهم )

الجدة تنهدات ) أييه مسيكينة فرحات واخا معرفتهاش نصحتها زوين دير الخير فالغرباء (شافت قدامها لقات تارا وأيار مخرجين فيها عينيهم أما الجد كايفرنس ونطق )

الجد زيدان : تزوجي بيا ألالة رجاء واخا معرفتكش لكن نتعارفو راني راجل مزيان وناوي لحلالال

رجاء تزنكات : أحم وخاسني نشاور با

تارا شافت فأيار : نعيط لطبيب نتاعهم إمكن

أيار : غير جلسي معاهم أنا لي غانعيط ليه …
🍀🍀🍀🍀
عند جمانة غاديا كتجري فلي كولوار دالقصر حتى وصلات لجناحا اختارقات الباب ودخلات …جناح فاااخر وكبير غالب عليه الألوان الزاهية ..الوردي والأبيض ..دخلات لقاتهم بجوجات جالستان فجلسة راقية فجناحها.. ببيجاماتهم كايتسناوها …

..نفس الشكل ..نفس الوزن ..نفس الطول ..نفس الشعر ..حتى عندهم نفس الصوت ….فوووطوكوبي إيگاليزي…نطقو فنفس الوقت )

سماح سميحة : أفين تعطلتي

سميحة شافت فسماح وسماح شافت فسميحة ونطقو تاني في نفس الوقت ) علاش كاتقلديني ؟

سماح : نتي

سميحة : نتي

سماح : انا تولدت لولا

سميحة : أنا قلاك خرجني بابا أنا لولا بجوج ثواني عاد تبعتيني

/عدنان باهم وهو طبيب هو لي أشرف على العملية القيصرية لولادت توأمو //

سميحة : بابا قالي أنا لولا

سماح : وأنا قالي أنا لولا

جمانة غوتات ) أعووك عووك
سكتو (خنزرات فيهم ) وياك تنقووليكم بقاو سميحة دير شعر بوكلي وسماح مسرح كييغانديييير دبااا أنااا نفرق بييناتكم بغيتو تكلخوني (وحكات راسها)

سميحة : مكنحملوش بزاف بوكلي

سماح : وتانا ..خليك منا وقووولي أشنو قالت لك عميتو شوشو واش وافقات

جمانة : لا حلفات عليا لانفختو وهدداتني بجبار لحلوف

سميحة : إوا تبتي

جمانة : لالا غانفخوو ولقييت الحل عطاتولي جدة رجاء

سماح سميحة في نفس الوقت): شنو هوا🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 20🔮

سماح سميحة في نفس الوقت): شنو هوا

جمانة : تسناو (مشات كتجري لهاتف فيكس دجناحها ..الفيكس الخاص بخدمة الغرف ) فااضو فااضو لعموور لحب أجيي عندي بغيتك دابا

سميحة : أشنو بغيتي فاضمة وراه طلبنا لفطور غايجيبوه لينا لهنا ون..(سكتات حيت تفتح عليهم الباب ودخلات …كيديما هازة كتاب فيديها …تلاحت على الفوطوي جالسة جنب التوأمتين ونطقات وصوتها خفيف ورقييق)

أميرة : صباح لخير مفيقتونيش معاكم (وحلات الكتاب بدات تقرأ)

سماح وسميحة كايشوفو فيها ونطقو فنفس الوقت ) غاتفطري بلكتوووبا تاني (شافو فبعض مخنزرات )

جمانة : أووف فاضو تعطلات ( غير كملات كلامها تحل عليهم الباب ودخلات سيدة زعرة بعيون خضر في الثلاتين من عمرها لابسة طقم خاص بكبيرة الخدم وباين فيها الوقار ..جمانة مشات كتجري شداتها من يدها وجراتها جلساتها وسطهن )

جمانة : فاضو لحب

فاضمة : ياك لباس مالك

سميحة وسماح فنفس الوقت ) آه مالك

جمانة : فاضمة بغيت زيت الحلبة

//فاضمة هي كبيرة خدم قصر آل ستارك هي المسؤولة على كل شيء وعن باقي الخدم …وهي مقربة من جمانة والتوأم وأميرة بزااف حيت كانت بمثابة مربية لهن فصغرهن عاونات بزاف فتربيتهن بربعة كتعتابرهن أخواتها صغارات ..وحتى هن كايعتابروها قرينتهم صااااحبتهم وعشيرتهم عمرهم عاملوها على أساس خادمة …وملاحظة : فاضمة ككل خدم القصر وليكارد وليجارديني…. بشرييين عاااديين ..وماعلابالهاش أنها وسط متحولين ..حيت كيف سبق وذكرت المتحولين مكايبينوش قواهم فالعلن وأمام البشر وهذا اهم قانون من قوانينهم/

فاضمة : زيت الحلبة ! أش بغيتيها؟

جمانة تندهات ) حزرت ماما تااعييت باش نفخ صدري ومابغاتش وجدة رجاء قالتلي نبقا ندهن بمساج زيت الحلبة وغايكباااار ليا صدر ..

سماح وسميحة فنفس الوقت ): يخ يخ

فاضمة : وريحتها مازويناش؟ كون غير درتي بلاش (دوزات يديها على شعر جمانة وهي كتشوف فعويناتها ) والله أبنتي تاراك فنة وتفتني بالجمال (شافت فالتوأم وأميرة ) كلكن فاتنات كالأميرات ماتحتاجوش هذاك تخربيق

جمانة : أفظل أناقتي على رااحتي أفااضووو غاخليوني نخناااز ونوض صدر المهم يكون صدري كبير ولا غانحماقليكم

فاضمة هزات طابليطها باش كاتخدم وأرسلت رسالة لخدم القصر ) ربع ساعة تكون عندك حبيبتي …محتاجة شيء آخر

جمانة طارت عليها ببوسة فخدها ) غير خلي هذا سر بيناتنا ماتوصليهاش لماما

فاضمة : كوني هانية إوا نوض نكمل خدمتي

جمانة : أتسناي مزالة واحد لحاجة

سماح وسميحة : شنو تاني (شافو فبعض مخنزرات )

سماح : أمبقايش تقلديني

سميحة : واراه نتي لي كتقلديني

فاضمة : ههه وراكم توأمتان متطابقتان (شافت فجمانة ) قولي أشنو بغيتي حبيبتي ؟

جمانة : هانت شوفي ماما بغات تجيب مدرسة خاصة تعلمني أنا وسموحات اللغات

سماح وسميحة خرجو عينيهم ونطقو فدقة ) نااارييي

فاضمة : إوا راه خاسكم تقراو نقطكن فاللغات منخفظة راه شفتهم بنفسي ..المهم شنو المطلوب مني؟

جمانة : هانتي فاضو نتاعي .. أكيد ماما لحبيبة هي غاتكلفك نتي بالأمر كيديما ماما كاتيق فيك فاا عااافااك اختااري شي أستاذة تكون صغيرة فالعمر ماشي دوك الشاارفات بحال ديما كنشوف كمامرهم كنكره لقرايا

السموحات ضارو بفاضو وكل وحدة منهما شداتلها فيد )

سماح : فاضو نتاعي لحنينة عافاك كل شيء إلا أستاذة شاارفة شعرها بيض ووجهها مكمش وملسقة سنان إلا هااذ نوووع

سميحة : آه تايكونو مسمووومات ومخنزرات .. اللهم شيوحدة فعمرنا أو أكبر بشوي وتكون حيوية ونشيطة وزوينة بعدة نتلفوها بلمكياج واللبس وماتقريناش

فاضمة خنزرات ) شنووو!

سماح : قصدهااا تقرينا بلخاااطر قرينتنا ومن جيلنا نتفاااهمو معاها وماشي شارفة نص ساعة تزعف وتمشي تشكا لماما ولا عمتي شوشو وحنا ليكاتجي فينا الدقة

جمانة : هانت أفاضو غير سمعيني لي عليك هو كل الأستاذات لي غايجيو على قبل الوظيفة تختاري الصغيرة فيهم سنا وعلاش لا تكون شي أجنبية .. وصااافي

فاضمة : واخا صاف ولكن السيدة شيماء مزال ماعطاتني حتى أوامر !

جمانة : أراه غير حيت جا باباتي وكاعمة غاتسالي ليا دابا ..حتى تكمل وغاتقولهالك ..وعنداك تقولي لها أني طلبت منك هذشي حيت غاتشد معايا الضد وتجيبلي اكبر أستاذة

فاضمة ابتاسمات و وقفات ) صافي مرحبا يا آنساتي كونو هانيات

سماح وسميحة ) لعز

جمانة : أحح أفاضو نتي لحب

فاضمة : فطوركم غايوصلكم فالحال ومتنساوش جامعتكن ..كانظن اللورد عدنان هو لي غايوصلكن اليوم

سماح وسميحة : آه بابا لي غايوصلنا

جمانة : ومتنسايش زيت لحلبة أفاضو

فاضمة استأذنت منهم وخرجات …جمانة وقفات )

جمانة : أشنو لبس ألبنات

أميرة عاد هزات راسها من لكتاب شافت فيها ) ياك نتي مداخلة حتى للربعة أنا والتوأمتان لي داخلين مع جوج

جمانة خرجات عينيها ونطقات) : شووت فضحتيني أزبيلة

أميرة قلبات عينيها ) متقوليليش غاتمشي بكري باش تحضري معايا محاضراتي تبقاي حاضية لكراش نتاعك لي كايقرأ معايا تاني من بعيد ناري غاتفقصيني

جمانة : وتي سووقك أكما ديك لافاك دباك وا نمشي وقتما بغيت

سماح وسميحة نطقو فنفس الوقت ) هاهما غايتشادو تاني
فاضو👇♠️تتمة الجزء 20 ♠️
سماح وسميحة نطقو فنفس الوقت ) هاهما غايتشادو تاني

أميرة هضرات بهدوء ): أنا ماشي سوقي ولكن واش يحسابلك جبار وسليم مكلخين راه تلقاي لومبلوا نتاعك عندهم وعارفين مواعيد محاضراتك والقصر كووولوو كاميرات وسيسطيم أمني لي هو من صنعهم .. وعارفين وقتاش كتخرجي من لقصر ومعاياش كاترجعي ونزييدك تادوك لكاميرات لي فلافاك بحال والو يكونو مهاكينهم ..و بربي ويعيقو بيك كتمشي فأوقات مقارياش فيهم تايدبحوك

جمانة : غير جي ودبح غانقولها لبابا تخنزيرة وحدة منو تايحنيو راس

أميرة : أهاه وعمي جاسم فاش يسولك علاش كتمشي فأوقات ماقارياش فيهم أشنو غاتجاوبيه ها ؟ عندي كراش أباب وكنظل مكراشيا عليه وحاضياه وأنا حالة فمي ونزيدك أبابا راه هو بشري 🙂

جمانة تعصبات ) : دب دب دبا مالك ها مالك واش سوقك فياا

أميرة هزات كتافها بعدم مبالاة ) دبري راسك ولكن نهار يعيقو بك ماتشركينيش معاك سمعتي

سماح : هنيونا ونتوما ديما مشادات (شافت فجمانة ) لبسي لحمر قالتلي واحد لبنت كتقرأ معاه بلي كايعجبو لحمر

جمانة خرجات عينيها وبسرعة جلسات حداها ) جبتيلي معلومات عليه كيما وصيتك ها بلا سميتو #سفيان أشنو كنيتو وشحال فعمرو أو ولد من أححح كايحمقني

سماح : ماعرفتش لبنت لي وصيت تجيبلي المعلومات مزال مجاوبات لكن ليوم تكون عندك كل خبارو كوني هااانية

سميحة : وكااعمة زوين (ابتاسمات وكاتهضر وهي ساااااهية) مااا زعرش

سماح ابتاسمات هي الأخرى وهي ساهية ) وعويناتو ماملونينش أحح

سميحة : مازرقييييينش

سماح : وماااااشي متحول

سميحة : وماااااعندش بووووه ريحة العظلات أو الوشم هاااح أقلبي(شدات قلبها)

جمانة غوتات ): وسووووووقكم نعل بوكم سوووقكم ..وأنا عااجبني رقييوق وسمر احح لكرااش وزايدون ماااابغيت بوعظلات وزعوورية وعينين زورق باراكا عليا لعجولة دخوتي بغيت شاب ملامحو سوداء شعر لحية أححح بغيت سفيااان

أميرة حركات راسها بلاحولا وعينيها غير فلكتاب نتاعها ) كون ديتوها فقرايتكم كيما دايينها فدراري كاعمة تسقطو فلي موديل دهاذ السوميستر (شافت فالتوأمتان هازة حاجب ومنزلة الآخر ) زعر وعيون زرق عظلات ووشم .. أعلامن هاضرين نتوما..؟؟

جمانة : بصح نيت علامن هضرتو عمرني عرفت أن عندكم كراش أو كايعجبك شيواحد

سماح وسميحة كايضورو عينيهم نطقو فوقت واحد ) ماعدنااش !🙄

أميرة : هاذ الوصف لي عطيتو عند تلاث شبان من لستاركس جبار سليم و وسيم .. هم لي زوعر إيلا حيدنا الوشم نحيدو جبار و وسيم إذن عندنا سليمو لي واشم (وابتاسمات )

جمانة حااالة فمها بصدمة وغوتات ) : طااااايحات ليااااا فخوووووية أطحبات

سماح هزات يدها ) أنا قلت : وعينيه ماملونينش ماشي وماازرقيينش (وكضور فعينيها )

جمانة حكات راسها ) : كيفاش؟

أميرة تنهدات بملل وعينيها فكتابها ونطقات ) قصدات وسيم ….سماح طايحة فوسيم وسميحة طايحة ف سليم

جمانة شافت فيها ): طايحالي فخوية أطحبة

سماح : شوية

سميحة :أحم أنا بزاف

سماح : تانا بزاف

أميرة : أصلا كانت باينة عليكم ونتوما غير كتشوفوهم كتنساو سمياتكم راسكم كايتغالطليكم مع بعضياتكم

جمانة : نااري علا بروبليم نفتارضو كاع خوتي قبلو بيكم كيغاييديرو يفرقو بيناتكم لالالا غايصدقو خوتي مقاتلين عليكم تغالطوليهم حتى فالإحتواء نصدقو فحوايج كاارثية (شافت فأميرة ) وماتقوليليش تانتي مكراشية على جبووري ندبحك

أميرة خرجات عينها وصفارت ) لا أختي أنا بالله وبالشرع لا جبار لا غيرو هاذ الساعة طايحة فكتووبي عندي عشرين كتاب خاسني نقراهم..وفتصاميمي وقرايتي خلييوني بعيدة من هاذ تخربيق

سميحة : ونتي لي قلبك بارد حسن عوان هذا لي غايبغيك

إميرة : لعار قوليه مايبغينيش حيت مابغيتوش

جمانة شافت فتويميات ) ونتوما واش كاتبغيو خوتي بصح ولا غير إعجاب ..بلاتي قبل متجاوبوني (ناضت خدات ملقط شعر وجمعات لوحدة من توام شعرها ..عاد جلسات أمامهم ) دب لي شعرها مجموع شكون

سماح : أنا

جمانة : شكون نتي فيكم

سماح : سماح

جمانة : مزيان سماح دسليم وسميحة دوسيم

سماح وسميحة فدقة غوتو ) وااا لا

سماح : أنااا لي كانحمااق على خوك وسيم وعويناتووو

سميحة : أحح أختي وأنا كايهبلني سليم وعظلاتو ووشمو وزعوريتووو

جمانة حكات راسها ) ناري صكعات ملقيتو متبغيو وعلامن تكراشيو أراه خوتي مايسواوش ..أكيد مكنقصدش وسيم هو الطوب فيهم وأحسنتي الإختيار أسميحة ولكن سلييييم ..راك خديتي جلاخة أسماح

سماح غوتات : وااا أنا سماح وديالي وسيم القزخيي

سميحة : وأنااا سميحة و ديالي سليييم اللاقزحي وهو كاايند وبعقلوو مااشي جلاخة بزاف علك راه كايحمق

جمانة شدات راسها ) ناري راسي ناري دخت ..

Leave a comment

    1. قريب ان شاء الله