Skip links

قصة عاهرة الحي… ج 3

 3,811 عدد مشاهداات

لحلقة 51:
_سميحة: هاني لقيته .. مشات جيهته مدتله اسم الدوا ..
_جبل: شوي ونجيبه ..
_سميحة: ماتبطاش ولدي .. لمراة مسكينة مالقات حد جات لينا .. ماتنساش ..
_جبل: صحااا ..
هز روحه خرج طول نزل مع درجات هذوك للتحت .. اول ماوصل للفارماسي .. عطى للي يخدم لتم اسم دوا .. وحكاله على حالة طفل ..
واصر عليه لي يخدم لتم انو لازم يهزو طفل للطبيب وانو دوا هذا ممنوع يمدوه بلاما يعطيهم طبيب لوصفة .. على قد ما اصر عليهم وشي ..
رجع طول للدار يسب بين شفافه ..
_سميحة: جبل جيت ..
وقف عند لباب يحكي …
_جبل: جيبي صغير وارواحي .. ماحبوش يعطوني دوا وقالو لازمله طبيب ..
_سميحة: شفت ولاد لحرام يحبو يجرجرو لعبد معاهم ..
_نادين: لازم نهزه للطبيب ..
هزاته بين يديها وهو باقي يبكي ..
_سميحة: امشي مع جبل .. ماتمشيش وحدك … ونشالله خير ..
_خرجت لقاته واقف في وجها .. قرب يده حاب يهز صغير .. كبست على ولدها في حضنها بمعنى لا .. نفخ وخرج قبلها وتبعاته هي .. نزلو طول تحت. واول ماخرجو برا لحي .. شد طاكسي بطلوع الروح ..
_ركب من قدام وهي من ورا كابسة على اياد وهو مش حاب يسكت ..
_نادين: شحال باقي ونوصلو ..
_جبل: مابقاش بزاف .. ماتتقلقيش ..
_هزتله راسها ودموعها قعدو ينزلو مع ولدها .. غاضتها حالته ..انو قاعد يتوجع وهي تتفرج فيه ومش قادرة تخفف عليه ..
اول ماوصلو نزل هو ونزلت هي وراه تمشي وتزرب ..
_جبل: اعطيهلي ..
_نادين: نخاف ..راه ولدي مانمده لحد ..
_جبل: صحا راكي عصرتيه بين يديك .. بشوي عليه ..
اول مالقاو لممرضة ..حكاو معاها ودلتهم على غرفة طبيب .. دخلت هي وبقى هو برا واقف يستنى فيها …
بعد ربع ساعة خرجت .. وصغير راقد في حضنها .. بعدما عطاوه ابره رقد عليها ..
_جبل: شا قالك ..
_نادين: كيما حكات امك .. جرثومة ..ودوك عطاه براا تنحي النفخ هذاك ..وعطاني دوا ليه ..
_جبل: الحمد لله .. هاتي لوصفة هنا نمشي نشريله دواه. ..
_بقات ساكتة تخزرله .
_نادين: مارانيش هازة دراهم ..
_جبل: لا حمبوك عطيني دراهم ولا مانشريلكش دوا . هاتي لوصفة هنا دوك انا نشريله ..
هزها من يدها وخرج وهي تبع فيه .. مشاو لاقرب فارماسي لقاوها شرالها دواه وخرج معاها يمشو .. هو قدامها وهي وراه تكركر في رجليها …
_اول ماعرضهم طاكسي .. حللها لباب ركبت ونشى من قدام .. طول طريق وهي حاضنة ولدها وتايهة تخزر بعيد ..
عدل لمرايا ورجع رمى عينه يخزرلها … تاع الصح حالتها تشف ..وباينة عينيها مغمضين … غاضه صغير خاطر شاف روحه فيه .. مكانش اب وقاعد يكبر في بلاصة مش مليحة ..وامه يادوب قادرة تهز روحها على رجليها …
_شوي ووصلو .. مد دراهم لمول طاكسي ..ومشى جيهتها لقاها نزلت .. تبعها يمشي ويخزرلها …
_خيرة كانت لفوق تنشر فلقش وقت لمحتهم ..
_خيرة: هاو خرجو للعيب ديراكت طالعين وداخلين مع بعض ..وفليل دخله دارها وتلعبها مسكينة وتحب راجلها ..
_قلب طاهر راجلها لجريدة بين يديه يحكي ..
_طاهر: اخطينا منهم الله يخليك مانحبش تصداع الراس ..
_وقف عيطلها يحكي ..
_جبل: نادين..
_تلفتت تخزرله كأنو كانت شاردة وفاقت ..
_نادين: اااه…
_جبل: دواه .. هاكي شديه ..
_نادين: اااه نسيته …
قربت جيهته مدت يدها شداته عليه .. ورجعت مشات دخلت طلعت مع درجات هذوك وهو بقى واقف جى يتلفت لقاها في وجهه واقفة وعينيها معبيين دموع مفهمش ..
_بشرى: تقولي مانعرفهاش .. تقولي خاطيتني .. هاك طلعت طالع ونازل معاها ..
_جى يحكي دزاته تعيط ..
_بشرى: راح نربيها دوك باش ماعادش تقرب منك ولا تخمم تحط عينها عليك ..
مشات تجري جيهة لبناية نتاعهم ولحقها هو ثاني يعيط وراها ويسب ..
#نورااا🌹🌹🌹لحلقة 52:
طالعة مع درجات هذوك هازة ولدها في حضنها وقت سمعت اصوات تاع زوج من ورااا متجادلين .. كانت راح تطفيهم وتكنل طريقها اما وقت سمعت اسمها في كلامهم وقفت في بلاصتها ورمات عينها للتحت .. لقاته واقف مع مراة والظاهر معصب .. وكلما تجي تطلع يلحقها يشد يدها …
_بشرى: قتلك فكني .. راني ماغلطتش وقت قتلك انو نتا مش كيف قبل وكاين شكون في حياتك … تحبها صح .. عليها قاعد رايح جاي معاها وانا ماتمشيش معايا قدام حد ..
_جبل: يا بنت الناس الله يهديك .. دوك نضرب جدك دوك باش تفهمي .. راهي لمراة ولدها مرض هزيتها للطبيب ..
_بشرى: اااه نتا لخادم تاعها نظن .. مرة سينيما مرة ولدها مرض .. راني مش انا لي تعطيني الحجج هذووو من تالي ..
_جبل: مالا واش تحبي من تالي .. نكذب عليك … اوكي اسمعي مالا واه نبغيها … ومعمر راسي بيها .. أيا تحركي من قدامي دوك مشي ناقصك …
سكتت وبكشت في بلاصتها .. كأنو كلامه صدمها رجعت تأتأ ..
_بشرى: جبل .. واش .. تحكي ..
_جبل: اتحركي من قدامي .. ماتزيديش تخرجي في وجهي لي فيا يكفيني .. ماخصنيش ندخل سوق نسا هذا ..
_بشرى: علاه تجرح فيااا .. علاه تعمل فيا هاك .. مش صح كلامك قول .. احكي ..
رجعت تضرب فيه بيديها زوج على صدره تعيط ..
_بشرى: احكي .. احكي ..
_كبس على يديها زوج راح يحكي وقت جاهم صوتها من وراا ..
_نادين: مابيني وبينه والو ختي .. جوست عاوني…
_جبل: اسكتي نتي شكون قالك بريلها..
_نادين: ونتا كيفاه تقولها تبغيني … مزال ماكفاكش لي صرا من سمانة تحب تزيد تشيعني عند صحبتك ..
_جبل: اطلعي وسكتينا نتي شادخلك بيني وبينها ..
_بشرى: واش صرا من سمانة .. جبل تخون فيا صح .. نتا لي قاعد تلحق ليها ..
_جبل: استغفر الله ..
_بشرى: واش صرا بينكم .. علاه تخبي عليااا
_جبل: صايي انا راسي صدعتيهلي .. نقولك واش اخرجي من حياتي ..
_نادين: علاه مسكينة مش حرام عليك .. يعني بعدما ما تجرجت معاك وناس لكل شافوها معاك .. دوك تقولها صايي ..
_جبل: قتلك ماتدخليش روحك ..
_نادين: تعرف واش المشكل هي مسكينة مزال ماتفيق قاعدة مع واحد كيفك … شوفي ختي روحي شوفي حياتك هذا لعبد راكي تضيعي في روحك معاه ..
هز حاجبه يخزرلها كيفاه تنصح في بشرى باش تبعد عليه ..
_وخمم يعطيها رد حسابها باش تعرف تلزم حدودها …
_جبل: شفتي راهي غايرة عليا ومالقاتش كيفاه تبعدك راهي تقولك هاك ..
_نادين: الله يلعنك .. فوقها كذاب ..
_جبل: هبطي عينيك ..
_نادين: مانهبطش ..
_جبل: هبطيهم ولا نجيك ولمرة هذي صدقيني نعمل شي لي يخليك تدي وقت تنسيه ..
_بشرى: جبل ..
_بقات واقفة وسطهم تخزرله هو وياها يشوفو لبعض بتحدي .. هي لا حبت تهبط عينيها وهو لا حب يسكت ولا ينساحب ..
_جبل: امشي من هنا .. قتلك علاقتنا سي بون خلاصت ..
_بشرى: تكذب ..
_تبسم وكمل يحكي ..
_جبل: هاي سقسيها .. سمانة لي فاتت كنت بايت لعندها واذا ما امنتيش سقسي جارتها شافتنا مع بعض ..
_نادين: الله لا تربحك ..
_تلفت شاف لبشرى يعيط ..
_جبل: قتلك امشي من هنا ..
قفزت في بلاصتها ورجعت دموعها ينزلو … خرجت تجري من تم لبرااا ..
وهو تلفت لنادين لي بقات واقفة تشوف ليه ..
حط يديه في جيوبه ومشى جيهتها طالع مع درجات هذوك … بلعت ريقها وجات تهرب .. نشى يجري جبدها من يدها كبس عليها وحصرها مع لحيط …
_جبل: خسارة الخير لي عملته ا معاك ..
_نادين: بعد عليااا ..
_تبسم وهز يده يعدي فيها على وجها ..
_جبل: هاه شوفي .. لمستك .. هنا .. وهنا ارجعي كولي روحك… عيطي خليهم كامل يشوفونا مع بعض ..
_نادين: نكرهك .. نكرهك لربي .. بعد عليااا ..
_جبد روحه من عليها يتبسم ..ورجع خلاها بعدت من جنبه .. وكمل غمزها يحكي ..
_جبل: اسمعي .. راه الحب الكبير يبدا بكره كبير .. ردي بالك على قلبك وين تعرفي شا مخبيتلنا ليام ..
_قحرتله وطلعت تجري مع درجات هذوك قلبها يضرب .. وهو تنهد في بلاصته وعدى يده بعصب على وجهه وخرج لبرااا ..
#نورااا🌹🌹🌹الحلقة 53
دخلت لدارها وخبطت لباب بقوته راسها يغلي منه .. وعلى تصرفاته لجريئة معاها …
_رانيا: واش كاين .. وجهك حمر ..
_نادين: شدي اياد من يدي ..
_قربت هزاته منها ورجعت تشوف ليها ..
_رانيا: ياخي واش صرالك .. حد ضايقك ..
_نادين: لكلب هذاك .. مانعرف علاه نافخ روحه … رجعت تحكي بطريقة لي حكى بيها “الحب الكبير يبدا بكره كبير ردي بالك على قلبك ” .. على اساس انا ماعندي شي حتى نمشي نحبه ..
_رانيا: على شكون تحكي ..
_نادين: شكون غيره لكلوشار بو نساوين ..
_كتمت رانيا ضحكتها ورجعت تشوف ليها ..
_رانيا: مرة تشريله تريكو .. مرة تدخليه لدارك تعاونيه مره هو يعاونك .. والله حتى انا شاكة انو تصير حاجة بينكم ..
_نادين: هبلتي نتي … تنطبق سما مع لرض غير لكلب هذاك دعوة شر لي مانقربش منه ..
_رانيا: خلاص هدي روحك ماحكيت شي .. راكي شاغلة بالك بيه بزااف ..
_نادين: افففف .. راح ندخل ندوش معليش تبقي معاه شوي ونكمل ..
_رانيا: أكيد خوذي راحتك ..
مشات حلت باب الدوش ودخلت صكراته وهزت غطى حطاته على لمرايا المنحوسة هذيك ..
ووقفت تحت لما هكاك عريانه .. صكرت عينيها وهي تتذكر في كلامه ولمساته عليها ..
_جبل: هاه شوفي .. لمستك هنا وهنا .. ارجعي كولي روحك ..
هزت يدها تفرك في وجهاا وفي يديها ..
_نادين: الله لا تربحك ..
هزت صابون عداته كامل على جسمها .. وكملت شللت روحها وحطت لمنشفة على بدنها وخرجت ..
_رانيا: بصحتك ..
_نادين: مرسي ليك رانيا .. تعبتك معايا ..
_رانيا: معليش .. راح نمشي دوك اذا حتجتي شي قوليلي راني هنا نعاونك ..
_نادين: يكثر خيرك ..
هي خرجت ونادين مشات صكرت لباب على روحها مليح ..
جبدت لكرسي قعدت عليه وهزت ولدها في حضنها تبوس فيه ..
_نادين: حبيب لماما .. ماعادش تمرض ولدي ..ماعادش تخوفني عليك ..
_خذات نفس تحاول تكتم دموعها ورجعت حطاته على جنب ..ومشات لبست جيبة نتاع دار .. ونشفت شعرها .. وهزت لما نسقي فلوردات لي حاطتهم فلبلكون ..
اول مارمات عينها تحت لمحاته قاعد فلقهوة مع صاحبه ..ويضحك ..
اول ماهز عينيه جيهتها لمحها .. رجع غمزها ويضحك كأنو يستفز فيها ..
_نادين: حمار….
قلبت عينيها منه ودخلت…
#نورااا
خالد: واش كاين شكون هذي لي تضحك معاها ..
تلفت يشوف مالقى حد ..
_خالد: خير ..
_جبل: والو .. غير وحدة لسانها طويل ..وحاطة روحها حاجة وانو حنا مشي من مستواها ..
_خالد: شكون قصدك .. مفهمتش .. جارة جديدة ..
_جبل: صايي خطينا منها …
_خالد: لا دقيقة .. صاير شي وانا مافيباليش ..
_جبل: والو .. دخلت دارها سمانة لي فاتت .. بسبة زوج رجال من لبوليس .. رجعت تترعد.. حطيت يدي عليها تقول كليتها .. الله واعلم هذي كيفاه تزوجت نظن عندها عقدة من رجال …
_خالد: قول لبيبي كيفاه جابته ..
_جبل: بلوتوث ههه ..
_خالد: الأشكال لي كيفها نعرفهم .. تلعبها مليحة وبنت ناس وبعدها تلقاها عاملة عفايس كبار ..
_جبل: لا مانظنش .. تبان صح عاقلة .. المهم اخطينا منها واحكيلي ..واش صراا معاك ..وين واصل في خدمتنا ..
_خالد: والو .. قالك سعيد غدوة عامل عرس بنته .. قلت نستفادو ونبيعو شوي سلعة لي عندنا ..
_جبل: بنته تزوجت ..
_خالد: وله تزوجت ..
_جبل: الله يبارك .. الله واعلم شكون نبلى بيها. .
_خالد: كاش واحد امه داعية عليه ..
طرطقو للزوج بلضحك .. ورجعو يترشفو في قهوتهم ..وجبل رجع هز عينه جيهة لبلكون نتاعها يتبسم ..
#نورااا🌹🌹🌹الحلقة 54
شوي وحبست طوموبيل قدام باب لبناية لي عايشة فيها نادين ..
رجعو كامل ينسنسو .. خاطر مش ديما يجو طوموبيلات كيف هذو لحيهم ..
وكيف لعادة مايخفى عليهم شي .. كامل ترشقو عينيهم ينسنسو شكون جى وشكون راح ..
حل حمزة باب طوموبيل ونزل .. صكرها بلمفتاح وتلفت يخزر للحي هذاك مليح .. وعيط لواحد من صغار كان قريب ليه ..
_حمزة: ارواح نسقسيك ..
_قرب صغير هذاك يلحس في حبه حلوة وخنونته سايحة كامل 😂😂
_ميدو: واه عمي ..
_حمزة: تعرف نادين وين تسكن..
_ميدو: دانون .. شكون دانون ..
_قلب حمزة عينيه ونزل عنده يحكي ..
_حمزة: لالا قصدي مراة جديدة رحلت عندكم هنا .. وين عايشة ..
_ميدو: كاين وحدة .. عندها سلبيات شابين سرقتهملها انا وصحابي ..
_حمزة: واش تحكي نتا ..
_ميدو: اعطيني ميادورو نشري حلوة ..
_حمزة: روح روح .. انا أصلا مريض نسقسي فيك ..
تلفت على صوت حد من ورااا يحكي ..
_خيرة: واش خصك ..
_حمزة: خير خالتي ..
_خيرة؛ خير ..
_حمزة: نحوس على دار وحدة رحلت جديد هنا ..
_خيرة: قصدك نادين ..
_حمزة: ايوااه بلضبط ..وين عايشة ..
_خيرة: فلبناية هذي .. مقابلة داري ..
ارواح الحقني ..
_هزلها راسه ا ودخل معاها يتبع فيها .. اول مادخل هز منديل من يده وحطه على يده .. خاطر لحديدة نتاع دروج مغبرة .. كمل يتبع فيها وهي كل شوي تتلفت تخزر فيه مليح مليح ..
_خيرة: هاي عايشة هنا ..
_حمزة: مرسي مدام ..
هزتله راسها ودخلت صكرت لباب وقعدت تشوف من لفتحة تاعه تنسنس شكون هذا وواش جى يدير عندها …
طفل لي سقساه كان تحت يلعب وقت عيطله جبل ..
_جبل: بسسست ..ميدو .. ارواح ..
راح يجري لعنده ..
_ميدو: واه عموو ..
_جبل: شا بغى منك راجل هذاك ..
_ميدو: يحوس على مراة .. ماحبش يعطيني ميادورو مانعتلهش وين تسكن ..
_جبل: شكون مرا ..
_ميدو: جارتنا جديدة ..
_جبل: صحاا روح تلعب مالا ..
رجع بلاصته وين كان قاعد مع خالد .. حط رجل على رجل وقعد يشوف لفوق .. قريب نص نهار .. وزعما هي ماعندها حد شكون هذا ..
_نادين هي الثانية .. كانت فلكوزينة .. شاعلة نار وتطيب وحاطة موسيقى هادية تشغل في روحها بيها وقت سمعت صوت لباب .. ستغربت ..
مسحت يديها ومشات طول حطت يدها على لباب راح تحل بعدها فاقت انو لازم تشوف شكون قبل .. رمات عينها من فتحة لباب .. تشوف شكون .. اول شي ماظهرش وجهه بعدها وضاح مليح ..رجعت تترعد في بلاصتها .. ورجعت خطوات ورا .. وقت سمعت صوته يحكي ..
_حمزة: نادين نعرف راكي ورا لباب حلي هذا انا نحب نحكي معاك ..
#نورااا🌹🌹🌹الحلقة 55
هزت راسها بلا وحطت راسها بين يديها .. لي كانت خايفة منه صرا .. هاو وصل لدارها ومش بعيد يرجع كل مرة يعمللها هدة لهنا ..
_رجع يدق على لباب بقوته .. حتى خرجت خيرة .. تحكي .
_خيرة: واش كاين ولدي .. علاه راك تضرب فلباب قريب تكسره ..
_حمزة: سامحيني ..بصح انا ونادين نعرفو بعض ..ونتوقع راهي داخل .. رجع تبسم وكمل يحكي باش يستفزها ..
_ مانعرفش علاه مش حابة تفتح عليا رغم انو نحبها وعامل معاها غير لخير ..
مشات تزرب حلت عليه لباب وقت عرفاته قاعد يعمل فلشي هذا قصدا ..
_خيرة: هاي حلت عليك ..
دخلت خيرة وضربت لباب وهي شافت ليه مرعوبة ..
_نادين: واش جابك هنا علاه مش حاب تخطيني ..
_حمزة: قتلك تمشي لآخر دنيا نلحقك ..
دز لباب ودخل وهي رجعت ورا ..
قعد يشوف فيها ورجع يدور في عينيه فلدار كامل..
_حمزة: يادرا احكيلي كيفاه لعيشة فلحومة هذي ..
_نادين: راح نشكي بيك ..ولا نقولك راح نحكي مع مرتك ..
_حمزة: راني مانتهددش ونتي عارفة ..
_نادين: واش تحتاج عندي ..
_قرب منها يحكي ..
_حمزة: حاجتي بيك .. بيك نتي وخلاص ..
_نادين: راح تهبلني .. راك متزوج ..
_حمزة: قتلك نتزوجو بلفاتحة …قتلك اذا حبيتي نطلق …
_نادين: صحاا سمعني .. راني مرت خوك .. مايصيرش شي هذا ..
_حمزة: أولا وليد خويا بلتبني .. ثانيا مكانش حاجة فلقران حرمت انو تكون بينا علاقة ..
_نادين: ماعينيش نتزوج .. مانقدرش أصلا نعملها .. الله يخليك امشي من هنا بلا مشاكل ..
_حمزة: كان عيني نخطيك راني خطيتك ..وبربي قوليلي شاراكي تخدمي ..من وين تصرفي على روحك .. عندك شهرية تاكلة عليها .. راكي هاك ولا هاك راح ترجعي لعندي تطلبي وتتذلي اني نتزوجك .. مالا احسن اقبلي دوك بكرامتك ..
_نادين: كاين ربي .. هو لي يكفيني .. وماعندي علاه نتذللك .. لا دار خرجت وخليتهالك واش بقى تحتاج عندي ..
_حمزة: شايفك والفتي جو لحومة هذي حتى رجعتي تحكي كيفهم ..
_نادين: هيا اخرج ..
_حمزة: صدقيني راح تندمي ..واخرتها راح تكرهي وتخرجي من هنا .. وحطي كلامي في راسك .. شهر وتلقي روحك هاربة من لحومة هذي ..
_مشى خرج ولحقاته هي ضربت لباب وراه بأقصى قوتها .. وتركزت عليه تنهج ..
_نزل مع درجات هذوك يتبسم .. اول ماخرج ضربت في راسه حاجة .. هاك ولا هاك هي راسها خشين خلي يربيها .. .
_حمزة: لا عبتها شريفة .. كان ماجيتش نعرفها ..
هز راسه جيهة دارها ركز مليح حتى ستقر نظره على لبلكون نتاعها ..
_حمزة: اول شي تطلبي مني نجيك ..وبعدها تخرجيني ناشف .. قال دراهم قلال .. واش تحتاجي 10 ملاين..
شاف للناس لي تجمعو يخزروله بطرف عين ولعبها منرفز ..
_ حمزة: نسيتي ليام لي فوتناهم مع بعض ..دوك تطردي فيا .. ها صحاا يا نادين .. باينة فيك لقيتي شكون لي يعطيك كثر مني ..
مشى جيهة طوموبيل نتاعه وقت حبسه صوت من ورااا ..
_جبل: خير خويا .. جاي لحومتنا وعامل فيها راجل .. شاكاين …
#نورااا🌹🌹🌹الحلقة 56
تلفت حمزة جيهة صوت لي جايه من ورااا ..ورجع ثبت فيه يحكي ..
_حمزة: علاه مش راجل انا ..
_جبل: حاشا .. راجل ونص .. خير علاه تعيط ..
_حمزة: وحدة بنت حرام .. طيحتني فيها وبعدها وقت جيتها كيف قبل قالت ماعادتش حاجتها بيااا ..
سكت جبل يخزرله .. كأنو يحاول يقرا الصدق من كلامه .. الجيران كامل وقفو يتفرجو .. نادين من صدمتها تاع قبيل مافاقتش بلمسرحية لي قاعدة تصير برااا .. حلت تلفزة وشدت ولدها في حضنها ترضع فيه وتايهة …
_حمزة: باين فيكم ماتعرفوهاش .. ولا راكم طردتوها من هنا ..
_جبل: وقت نبغو نطردو حد ماغاديش نستنوك حتى تجي تقوللنا .. واذا مراة لعبت عليك حنا شادخلنا جاي تعيط هنا وتنوح ..
_سكت حمزة وقت حس باحراج .. ورجع خطوات ورااا ..
_جبل: هيااا اتحرك …
_بقى حمزة يشوف ليه كأنو يحب يحفظ ملامحه ومشى ركب فلطوموبيل نتاعه وخرج بيها من الحي هذاك وهو يتحلف في نادين وفي جبل لي خرج في وجهه ورخسه قدامهم ..
_تلفت جبل شاف جيهة لبلكون نتاعها .. كأنو مش حاب يصدق لكلام هذا .. خاطره شافها بعينيه .. وتعدو عليه نسا بزااف ويعرف شكون لي مليحة وشكون لي لا .. ونادين رغم خلافه معاها متأكد انو لي حكاه راجل هذا مش صح ..
رجع قعد في كرسيه .. ولجيران بداو فلنميمة نتاعهم كيف لعادة ..كل وحدة واش تحكي وواش تحاجي ..
_خالد: اسمع زعما كلامه صح .. قال نادين .. معنتها جارتنا جديدة ..
_جبل: حنا شادخلنا .. امورهم ..المهم مايجيش يعملي فيها راجل في حومتي ..
_خالد: راك عطيته الصرف مانظنش يتجرأ انو يعاود يجي لهنا ..
_جبل: نتغميت من لقعدة هنا .. خلينا نطلعو عندي للدار ..نشوف سميحة شا دايرة للفطور ونفطرو مع بعض ..
_خالد: اوكي كيما تحب ..
طلعو مع بعض فلبناية هذيك .. وجبل يحاول يبعد الافكار لي تدور في راسه .. ماعرفش اذا كلام راجل هذاك صح ولا لا .. اما حاجة داخله تقوله مش صح ..ومن جيهة يخمم هو علاه يخمم في موضوعها ..
_دز لباب ودخل مع خالد رتمى فلصالون .. وشعل تلفزة وقت هدت عليه امه ..
_سميحة: واش كاين .. شكون راجل لي كان تحت يعيط ..
_جبل: حتى حد ..
_سميحة: كيفاه حتى حد ونتا كنت واقف تأخذ وتعطي معاه ..
_جبل: مااا قتلك حتى حد ..
_سميحة: اذا ماحكيتليش راه الجوارين ما يخفى عليهم شي ..
_جبل: امشي مالا سمعي كلامهم لي يزيدو فوقه الف حكاية وحكاية وصدقيها ..
_سميحة: انا مايهمنيش فيهم ..مانزيدش نلقاك دخلت روحك في حد ..
_جبل: صحااا فهمت .. حطيلنا حاجة نفطروها راني جعت ..
_سميحة: لوقتاش تبقى نطيبلك اتزوج وخلي مرتك تحطلك تفطر ..
_جبل: في وجه خالد حطيلنا والله جعنا ..
_شافت لخالد لقاته يذبل في عينيه ..
_سميحة: قلتهالك قبل مادامك مع لهامل هذا موحال تتزوج ولا تعقل ..
قحرتلهم ومشات للكوزينة تحطلهم يفطرووو ..وخلتهم مع بعض .. يحكو ..
_خالد: علاه ماقتلهاش ..
_جبل: صباح برك كانت تعاون في نادين .. مانحبهاش تصدق لكلام لي تقال عليها ..
_خالد: خايف عليها ..
_جبل: مش خايف عليها .. اما شفتها عن قرب يعني راجل يقذف فيها عيني عينك ..
_خالد: تشالله يكون هذا هو الموضوع ..
_جبل: علاه واش كاين غيرو .. علاه اي شئ نعمله تعطوه تفسير .. بشرى مين عاونتها ثاني نحبها ..
_خالد: خلاص ماقلت والو .. أمورك المهم عرف وين تطيح ..
_هزله راسه ورجع ركز مع تلفزة ..
#نورااا🌹🌹🌹
جام+رايكم .. تلحق 100 ونحط لي بعدهالحلقة 57
تعدى نهار هذاك عادي .. مع لمغرب .. كانت قاعدة في فراشها حاطة راسها على لمخدة وشادة يد ولدها تتبسم وتلعب معاه .. جات بين عينيها بشرى صباح وهي تعيط معاه .. رجعت عينيها جيهة السقف وحطت يدها على راسها تخمم .. بعدها ضربت فكرة في راسها .. نزلت من فوق لفراش ولبست شلاكتها ومشات تجري حلت لباب وهزت تليفونها تعيط لرانيا وباقي واقفة قدام لباب .. شوي وهزت عليها رانيا..
_رانيا: الووو ..
_نادين: واش تعملي دوك ..
_رانيا: شي خرجت من الدوش وقاعدة نلبس…
_نادين: تمشي معايا لبلاصة ..
_رانيا: منك صح في هذا الوقت .. شفتي لحال كيفاه برا وراح تبدا تمطر ..
_نادين: مش بعيدة .. نحب نمشي لعند طفلة هذيك لي توشم ..
_رانيا: قصدك صحبة جبل بشرى ..
_نادين: واه هذيك بلضبط .. خاطر مانعرفش وين تسكن ..
_رانيا: صحاا صكري .. دوك نشوف كيفاه ونخرج بلاما تحس عليا أمي ..
_نادين: اوكي راني نستنى فيك ماتبطيش عليااا ..
_علقت عليها ورجعت قعدت في عرفتها تستنى وقتاش تحبها وتمشي لعندها …
#نورااا
قاعد مع خالد مقابل التلفزة فلصالون ..وكل شي مظلم .. مركز مع لفيلم لي يمشي قدامه ..وقت شعل تليفونه .. لقاها هي نفخ ورجع علق عليها ..
_خالد: خير ..
_جبل: والوو ..
_خالد: هاو رجع يصوني .. نتوقع هذي بشرى رد عليها لا تهد عليك فلدار ..
_جبل: راح تجهلني .. حاس روحي باصيت معاها … تقول راني متزوج بلا زواج .. وين كنت علاه هدرت مع هذي وهذي ..وشكون هذي .. وصلت تحاسب فيا على نادين ..
_تلفت خالد يشوف ليه مضيق عينيه ..
_خالد: نادين .. هاك تنطق في اسمها .. وكيفاه هذي تحاسبك عليها .. قتلك راه فايتني شي ونتا ماحكيتليش ..
_جبل: يا ديني .. قتلك مكان والووو ..
_خالد: اوكي فهمنا علاه راك تتقلق هاك… شوف تليفونك رد عليها ولا صكره ..
_نفخ وهز تليفون علق عليها وصكره وكمل ركز مع لفيلم لي مقابله ..
#نورااا🌹🌹🌹الحلقة 58؛
شوي وسمعت صوت دقات على لباب مشات تجري تحل لقاتها رانيا .. سلمت عليها ودخلت ..
_نادين: بصحتك ..
_رانيا: يسلمك هياا احكي ..واش تحبي منها ..
_نادين: نحب نعمل وشم عندها ونصحح سوء لفهم لي صرا بيني وبينها بسباب لكلوشار هذاك ..
_رانيا: متأكدة ..
_نادين: هيه متأكدة هياا خلينا نمشو ..
_رانيا: صحاا هيا البسي واياد واش تعمليله تهزيه معاك ..
_نادين: أكيد نهزه معايا ماعنديش وين نخليه ..
مشات لبست ورمات وشاح تاع صوف على كتافها ولبست مونتوها .. وصباطها ..وصكرت لباب بلمفتاح ورجعت تأكدت منه ..
_رانيا: هياا ازربي ..
نزلو مع بعض فلدرجات هذوك .. حتى وصلو لباب دار جبل ..لقاو لباب نحل .. حبسو بلاصتهم ..
هزت رانيا عينيها لقاته خارج من لباب وهو الثاني وقت شافها وقف يخزرلها …
_رانيا: اهللا ..
_خالد: كيراكي .. قصدي كيراكم ..
_رانيا: ملاح حمد لله ..ونتا
_خالد: مليح ..
تبسم ورجع سكت يشوف ليها .. كأنو مش عارف واش يحكي ..
_رانيا: هيا نادين لازم نمشو .. عن اذنك ..
هزلها راسه ا وبقى يتبع فيهم بعينيه حتى نزلو تحت ..
_نادين: واش كاين ..اول مرة نلقاكم هاديين كيف هاك .. خير ..
_رانيا: من بعد نحكيلك ..وحتى انا مش فاهمة علاه رجع هادي ويحكي بلعقل معايا ..
مشاو يزربو حتى وصلو للبناية لي عايشة فيها بشرى ..
_نادين: وين ايطاج تسكن ..
_رانيا: عندك ماراح تتعبي .. تسكن فلايطاج الاخير .. هيا ..
_كبست على ولدها وطلعت مع درجات هذوك تبع في بشرى …
شوي ولقاو رواحهم واقفين قدام بابها ..
_نادين: هنا ..
_رانيا: واه هنا … نشالله ماتندميش ..
_نادين: مدام وصلت راح نعمل شي هذا معنتها موحال نندم ..
_رانيا: اوكي .. على ربي ..
هزت يدها وحطتها على لباب تاع لحديد هذاك تدقدق ..
الوقت هذاك بشرى قاعدة فلصالون مقابلة تلفزة وشادة تليفون تعيط وتعاود لجبل باش يهز عليها ..
سمعت صوت دقات على لباب حطاته هو .. مسحت دموعها وعدلت روحها قدام لمرايا ومشات تجري جيهة لباب .. اول ماحلت عليه كانت راسمة ضحكة على وجها اما طول ختفات وقت شافتها واقفة ورا رانيا وهازة صغير .. بلاما تعرفها رجعت بلنسبة ليها هذي لمراة اكبر عدوة ومنافسة ليها ..
_رانيا: خير ..
_بشرى: خير .. تحتاجو شي ..
_رانيا: نقدرو ندخلوو ..
_بشرى: شكون هذي لي معاك ..
_رانيا: صحبتي ..وهي لي حبت تجي ليك عندها كلام معاك اذا تقدري تخلينا ندخلو ..
_سكتت شوي ورجعت حلتلهم لباب .. دخلو ودخلت وراهم ..
#نورااا🌹🌹🌹الحلقة 59:
نادين تحكي …
مانعرف علاه جيت لهنا ..ومانعرفش انا وين طحت…. ولا وين هازني قدري .. لي نعرفه انو لي جاي راح يبدل حياتي 180 درجة …
اول ماحلت لباب في وجهنا حسيت بيها كيفاه دخلت بعضها وقت شافتني ..وشفت الحسد ولكره في عيونها تاع وحدة مش حاملتني .. وشي هذا كامل بسبته هو .. خلى طفلة تهز عليا فكرة مش مليحة ..
دخلت نتبع فيها وفي رانيا وولدي في حملتي ..
قعدنا فلصالون هذاك .. وقابلتنا هي على لكرسي ..
بقينا لحظات وحنا نتبادلو فلنظرات مع بعض .. وبعدها كسرت حاجز الصمت هذاك وقت حكات ..
_بشرى: خير .. واش تحتاجو عندي .. بلعادة حد مايجي عندي من لحومة هذي من غير جبل ..
_حسيت بيها وقت نزلت على اسمه وهي تخزرلي كأنو تحب تفهمني انو هو حاجة من املاكها لخاصة لي مايقدر حد يبعده عليها .. تبسمتلها بطريقة نحب نطمنها بيها انو انا ماحاجتيش بيه ..
_نادين: نحبك تعمليلي وشام ..
_حسيت بيها وقت ثبتت معايا وظهر عليها الاستغراب ..
_بشرى: كيفاه ..
_نادين: عندي مدة نحب نجي ليك نعمل وشم .. خاص براجلي الله يرحمه ..
_بشرى: الله يرحمه .. راجلك ميت ..
_نادين: هيه من شهور ..
سكتت بشرى وبقات تشوف ليها ..وضرب كلام الشوافة امينة لي مشاولها ..
“المرأة هذي ضيعت حاجة قبل ماتجي عندكم ” .. رجعو دقات قلبها يزيدو ونظراتها وخزراتها في نادين ماتنحوش .. كأنو بدى كل شي يوضاح قدامها… نادين هي لمراة نفسها .. هي لي ضيعت راجلها قبل ماتجي لهنا .. وجودها مع جبل مشي صدفة .. هي لي راح تاخذه منها ..
_رانيا: بشرى وين سرحتي ..
_بشرى: اااه..راني هنا ..
_نادين: حبيت نحكي معاك في موضوع راجل لي كان معايا صباح .. صدقيني مابيني وبينه شي … جوست عاوني وقت ولدي مرض ..ومانعرف علاه قالك نبغيها .. ماتصدقيهش .. انا وهو مانحملوش بعض ..واصلا مستحيل نحب حد من غير راجلي ..واذا صار وحبيت .. ماراحش نحبه هوو.. مش قصدي نقلل من قيمته قدامك .. بصح راه مافيه شي يصلح ..
_بقات بشرى تشوف ليها تحب تطمن من كلامها .. كل شي يظهر انها صادقة .. المشكل مش فيها هي .. المشكل رجع في جبل .. هو لي قاعد حاطها في راسه .. واذا مالعبتش خفيف وضربت ضربتها راح يمشي من بين يديها ..
_بشرى: واش تحبي توشمي ..
_نادين: شي يدل على انو لحب كبير .. ومايكملش ..
_بشرى: وين تحبي تحطيه .. واش رايك في يدك ..
_نادين: زعما يصلح ..
_بشرى: دقيقة دوك نجيك ..
ناضت خرجت وخلتهم مع بعض ..
_رانيا: برافووو … كون تروح تعاودله كلامك واش راح يعمل فيك ..
_نادين: خلي تعاودله… وصح مافيه شي يصلح ..
_سكتو وقت شافوها دخلت ..
هزت رانيا اياد من حجرها شداته في حضنها وهو راقد هكاك ..
وشافت لنادين تحكي ..
_بشرى: قربي .. راح تتوجعي شوي اما لازم تتحملي ..
_نادين: معليش .. نتحمل ..
_بشرى: راح نرسملك قلب مفتوح .. هذا هو الشي لي يدل على انو الحب ماعندهش حدود … حب كبير مايخلاصش ..
_نادين: اوكي راني واجدة ..
مدتلها يدها وصكرت عينيها .. الوقت هذاك جبل .. كان هز تليفونه وروحه وخرج ماشي لعند بشرى .. لحكاية طولت ..وهي كل يوم تزيد في هبالها وتحكمها فيه .. يحط معاها نقاط على الحروف ويخلص كل شي .. هكا ماعادش تكسرله راسه ..
#نورااا🌹🌹🌹لحلقة 60:
طلع مع درجات هذوك حتى وصل للباب هز تليفون يعيطلها باش تحل ماتردش .. حب يطبطب وبعدها تراجع عارف جارتها نسناسة اول ماستسمع الصوت تحل لباب وتخرج تطل ..
دخل يده في جيبه وجبد لمفتاح دوره فلباب ودخل .. اول شي كان راح يعيط باسمها اما بعدها طول سكت وقت سمع صوت جاي من صالون والظاهر انو مش وحدها .. كان راح يتراجع ويمشي اما صوتها صدمه وخلاه يرجع يقرب كثر وكثر باش يتأكد انو هذي هي صح ..
وقف جنب لباب ورمى عينه وقت شافها قاعدة مهبطة راسها ومادة يدها لبشرى لي عاطياته بظهرها .. طلع حاجبه لفوق وعوج فمه …. من وين تعرف بشرى حتى تجيها ولا كيفاه حتى جاية توشم ..الف حاجة وحاجة خطرت في باله .. رجع خطوات وراا ومشى جيهة لكوزينة جبد كرسي وقعد عليه يستنى وقتاش يمشو ويقعد مع بشرى يحكي ..
#نورااا
_بشرى: توجعتي ..
_نادين: معليش كملي ماتحبسيش أصلا مابقاش بزاف ..
_بشرى: اوكي زيدي تحملي شوي ..
دقايق وكانت خلصتلها الوشم هذاك ..
هزت بعدها تخزر معاه حتى انو دموعها نزلوو ..
_رانيا: رتحتي دوك ..
_نادين: انا حبيت شي هذا وعاجبني خلاص ماتبقيش تلومي فيااا ..
_سكتت بشرى تشوف ليهم ورجعت خزرت للصغير ..
_بشرى: شحال في عمره ولدك ..
_نادين: عام ..
_بشرى: ربي يخليهلك ..
_نادين: مرسي ليك ..قوليلي شحال حقه شي هذا ..
_سكتت بشرى تخمم.. ورجعت ضربت في راسها عفسة وحدة .. بيها تقدر تأكد شكوكها ..
قعدت تخزر للوشاح لي حاطاته على كتافها وعملت روحها عاجبها ..
_بشرى: تحبي الصراحة عجبني لوشاح لي حاطاته .. حتى اني حوست عليهم ومالقيتش .. كان تمديهلي حق الوشم ..
سكتت نادين تخمم ورجعت تبسمت ..
_نادين: مش كبير فيك تفضلي .. مداتهلها وثانية اول ماشداته حطاته على جنب …
_رانيا: هياا مالا نمشو ..
_نادين: دقيقة .. اسمعي بشرى ختي .. راه لكلام لي حكاه جبل مامنهش ..والله لا يحبني لا نحبه لا نحملوو بعض .. كونك مرتاحة من ناحيتي .. وزيد تستاهلي احسن منه ..
_بشرى: كل حد وكيفاه يخزرله .. انا نشوف انو منه مكانش وحاجتي بيه ..واكيد مانسلمش فيه مهما كانت لي قدامي ..
_نادين: براحتك نتي ادرى بمصلحتك ..
هزوو رواحهم خرجووو ورجعت هي راح تصكر لباب حتى شافت جارتها لي مقابلتها حلت لباب وقاعدة تسيق ..
_بشرى: ربي يعاونك ..
_نورية: صاحبك من شوي جى ..
_بشرى: شكون ..
_نورية: لي يظل رايح جاي عندك ..
_بشرى: الله يبارك ماراكي طالقة والو …
_نورية: مدام لعفن ساكن مقابلني لازم نبقى نعس ..
تقلقت بشرى منها دخلت وضربت لباب وثانية قعدت تدعي وراها ..
_نورية: تفووو وجه الشر .. غير حليمة وولدها يوسف ولا كمارتكم ..
دخلت هي ثانية وضربت لباب ..
نزلو مع درجات هذوك للتحت يزربووو .. ولمطر كانت بدات تطيح ونادين قعدت خايفة على ولدها لا يمرض ..
_رانيا: اسمعي نتي .. منك صح مديتيلها غراضك ..
_نادين: هيه عادي أصلا قديم ..
_رانيا: حتى ولو قديم ماخفتيش تعملك حاجة ..
_نادين: كيما واش ..
_رانيا: مانعرف .. اما تاع الصح نتي نية .. ماخفتيش تعملك حاجة في غراضك ..
_نادين: مدام كاين ربي علاه نخاف انا مديتهلها عن حسن نية..
_رانيا: صحا مالا ازربي خلينا نطلعو ..
طلعو مع بعض للداخل ولمطر زادت قوات كثر وكثر ..
#نورااا🌹🌹🌹
تفاااعلوووو توصل 100 ونحط لي بعدهاالحلقة 61:
اول ماصكرت لباب تركزت عليه خذات نفس وحلت عينيها وهي تشوف ليه واقف من بعيد مقابلها ..
_بشرى: من وقتاش ونتا هنا ..
_,جبل: من شوي .. شكون كان عندك ..
_بشرى: زوج نسا جاو وحدة حبت توشم ..
_جبل: نعرفهم انا ..
_بشرى: مادامك تسال معنتها شفتهم ..
_جبل: بلطبيعة واه ..
_بشرى: واه جات توضح سوء الفهم ..وعملت وشم على جال راجلها الظاهر تحبه وماعينها في حد بعده ..
_جبل: امورها الله يسهل .. جيت نهدر علينا .. انا راسي وجعني من كل مرة جاية تحكيلي في حكاية ..
_بشرى: حتى انا تعبت وحابة نرتاح … جبل قولي .. حكايتنا وين راح توصل ..
_جبل: من الاول قتلك .. انا مشي تاع زواج .. قلتي معليش خليني معاك وصايي .. بصح مشي تبقي تقيدي فياا..
_سكتت ورجعت مشات خطوات جيهته حتى وصلت لعنده .. هزت عينيها فيه وحطت يديها على صدره تحكي ..
_بشرى: شي أقوى مني .. اني نكون قريبة وبعيدة في نفس الوقت .. اني نحسك ملكي وفي نفس الوقت بعيد عليا .. راني نحبك .. ولا خلي نحكيها بصحيح العبارة .. راني نعشقك .. كان عيني بقيت في نفس لبلاصة لي كنت فيها .. انا سمحت في كل شي ولحقتك نتا .. حاجتي بيك نتا …
هزت يدها حطتها على خدم عدتها تحكي ..
_بشرى: خليني نحس بيك .. لليلة .. لساعة.. لدقيقة ..
_سكت شوي ورجعت ضربت نادين في راسه .. حتى انو هو نفسه ماعرفش علاه قاعدة تضرب في راسه .. عقد حواجبه .. يحاول يبعدها من باله وشي صورتها حضرت فلدقيقة هذي بالذات ..
_بشرى: خليك معايا .. تسمع فيا جبل ..
شاف ليها ودقق عينيه في عينيها .. تذكر وقت كان معاها في صالة سينيما .. عينيها مايشبهو لعينين حد … حتى تصرفاتها ..
هز راسه يحاول يطرد لافكار هذوك .. مش فاهم علاه هاك فجأة طاحت في باله ..
جات تحكي بشرى حط صبعه على شفافها وركز عينيه مع عينيها ..
_جبل: انا لي حاجتي بيك ليلة .. حاس روحي مشوش وضايع ..
هي ماصدقت كلامه .. ضحكت وعينيها لمعو ..
حاوط يديه على خصرها هزها ودزها مع لحيط وغرس شفافه مع شفافها .. شوي شوي .. لقى روحه غرق معاها وكل ما يحس روحه بدا يخمم بعيد يرجع يقرب بشرى ليه ..
وهي تقول ماصدقت لي قاعد يصير .. ماكانتش متوقعة انو راح يقبل بسهولة هذي ..
كمل هزها ومشى بيها لغرفة النوم .. حطها على سرير ونحى تريكوه وحى فوقها …
لوقت هذاك نادين كانت في فراشها ..الشباك محلول .. وقطرات مطر تدخل منه وتطيح في الارضية نتاع لغرفة … نسمات باردين يدخلووو ..
هزت يدها تخزر مع الوشم هذاك .. وداخلها حاسة انو بشي هذا راجلها راح يكون قريب ليها كثر وكثر …
تبسمت وصكرت عينيها كأنو تحب ترتاح بعد نهار طويل وشاق وبلنسبة ليها .. دوك ماتحبش تفكر في حمزة لكلب ولا غيره ..
جبد روحه من فوقها. .. ورتمى على سرير ..
جبدت لغطى عليها وعليه وحطت راسها على صدره تعدي في يدها وتحكي ..
_بشرى: ماتمشيش خليك ديما جنبي ..
بقى ساكت مصكر عينيه ..
ورجع ينفخ .. نادين ماحبتش تخرج من راسه .. دموعها خوفها وكل شي .. كأنو عملتله شي ..وعلقت في باله .. كيف ريحة عطر خاص وقت تدخل خشمك ومستحيل تمشي منه وتبقى تتذكرها ديما .. هكاك صرا معاه .. نادين علقت في باله .. خزراتها دموعها خوفها وضعفها وكل شي .. جبدوه بطريقة خلاته يخمم هو لواش قاعد حاطها في راسه ..
هز روحه ا طول جبد تريكوه من لرض لبسه ولبس سرواله .. .
_بشرى: واش صرا ..
_جبل: لازم نروح ..
_بشرى: وين تروح .. خليك مزال على صباح ..
_ماردش عليها لبس صباطه ومشى حل لباب ونزل مع درجات هذوك .. حتى وصل قدام لبناية نتاعهم هز راسه يخزر للبلكون نتاعها .. ولمطر هذيك تطيح عليه ..
#نورااا🌹🌹🌹
تفااااعلووووووو
بشرى طحبة 👇الحلقة 62:
لحقاته بشرى تجري راح توقفه اما حبست وقت شافته نزل من درجات هذوك بلاما يتلفتلها . مافهمتش واش صرا ولا واش بدله .. قعدت عند لباب هذاك .. بيها بنويزات نتاعها .. شعرها داخل بعضه .. ودموعها ينزلو .. راح تبقى ديما نزوة في حياة جبل .. مهما حاولت تقرب منه راح يبعدها ويرجع يحط حدود بينه وبينها ..
_عدت يدها على وجها وشهقاتها بداو يزيدو مع لوقت ..
شوي وطلعت راسها على لباب لي مقابلها نفتح ..
مش وقتها كامل هذي ثاني .. لي فيها يكفيها ..
وقفت مقابلتها ورجعت تحكي ..
_نورية: واش كنتي تستني مثلا … افهمي يا بنتي ..رجال كلاب .. يجي يحكيلك زوج كلمات عسل يخليك تغرفي فيهم يهز واش يحب ويمشي .. صاحبك هذا نتي بلنسبة ليه كيف الزطلة يجي يعمر راسه بيك ويمشي ..
_بشرى: راني نحبه ..
_جبل: لي يحبك يعمل معاك ليفري .. صح مانحملكش بصح راكي ولية .. وخصك شكون يقرصك ويفيقك ..
_طرطقت بلبكا ماحبتش تسكت ..
ونورية ماجاهاش في قلبها تخليها فلحالة هذيك ..
مشات جيهتها نوضتها ومشات بيها جيهة دارها دخلتها للكوزينة .. قعدتها وحطتلها كاس ما تشربه وكملت تحكي ..
_نورية: عايلتك وين ..
_بشرى: قاطعة علاقتي بيهم …
_نورية: واش السبة ..
_بشرى: الظروف خلتني نبعد … جبل كان املي لوحيد اني نبدا حياة جديدة ..
_نورية: شحال في عمرك ..
_بشرى: 25 ..
_نورية: بابنتي راكي صغيرة … مزال دنيا قدامك .. مزال لحياة وحاجات بزاف ونتي عاملة في روحك شي هذا كامل .. شوف كيفاه زينة مشاء الله .. اي حد راه يتمناك ..
_بشرى: يتمنى عاهرة ..
_نورية: راهم بزاف مشاو فلطريق هذي وغلطو ولقاو شكون يوقف معاهم ويتمناهم .. وراهي العذرية مشي كل شي .. اذا كان عقلك عاهر واش حاجة الشرف … راهي العذرية شي مجتمعنا رجع يقيس الشرف بيه هذا مكان ..وبسبابه بنات بزاف ضيعو حياتهم .. لي تغلط ترجع مش قادرة توب وتقولك حياتي خلصت . كيف ماقاعد يصرا معاك .. قاعدة تحوسي عليه غير باش تقنعي روحك انو عندك حياة … هو وقت يجي يعمل علاقة معاك علاه مايخافش علاه مايتحاسبش .. يابنتي خلي روحك عزيزة راكي جوهرة والله غضتيني ( اواااه نورية ماعرفتكش 😂😂)
_بشرى: واذا كنت نحبو ..
_نورية: واش من حب .. هاني انا المرحوم كنت نحبه … عام عامين ونسيته .. راه لوقت ينسي ..
_بشرى: مانعرفش اذا الوقت يمشي فيا ..اذا نقدر ننساه ولا لا .. بصح دوك حاجتي بيه مش قادرة نخليه ..
_نورية: واش نقولك .. حبيه .. تخليه يحبك بصح ماتمديلهش روحك بساهل .. راهم رجال كلاب .. اول ماياخذو واش يحبو منك صايي… ماتكونيش متاحة في كل وقت ..
هزتلها راسها ورجعت هبطت عينيها فلكاس تلعب بيه بين يديها ..
_بشرى: ربي يخليك كلامك خفف عليا شوي ..
_نورية: ارواحي لعندي في اي وقت .. اذا حتجتيني ولا حتجتي نصيحتي ..
_بشرى: نشالله .. راح نمشي دوك نحب نرتاح ..
مشات معاها حتى للباب دخلت لدارها وصكرت لباب ورجعت للسرير لي رقدت فيه هي وياه .. بعدها مشات للصالون وبقات واقفة تخزر للوشاح نتاع نادين لي مداتهلها …
#نورااا🌹🌹🌹لحلقة 63:
حاط يديه في جيوبه ويخزر للبلكون نتاعها ولمطر هذيك كامل تبلل فيه .. حرارة جسمه طالعة .. مش فاهم واش يدير ولا علاه جات هاك فجأة بين عينيه … خذا نفس ورجع صكر عينيه يتذكر في اول لقاء بينهم ..وقت كان قاعد على لكرسي تايه وضايع .. اول شي دخل خشمه ريحتها .. ريحة ماعرفش مصدرها اما زعزعت شي داخله .. حتى انو بقى يحوس على مصدرها ..
شوي وكان قريب يوصل للمحطة لي ينزل فيها .. اول ماوقف … طاحت بين يديه وكبس عليها وقتها عرف انو الريحة هذيك ريحتها هي .. عينيها يلمعو .. فيهم لمعة انكسار وخوف ..تاع وحدة ضيعت في حياتها حاجات وين عادت مش قادرة تزيد .. يفصلهم ولدها لي في وسطهم ..
ثاني لقاء جمعهم وهو بيده تصدم انو رجع لقاها في حومتهم .. اول ماشافها ستغرب وجودها بعدها عرف انو تنقلت لهنا … عاونها للمرة الثانية وهزلها غراضها .. ورجع فليوم التالي طلعت في وجهه وضربت فيه وخلت كاس لقهوة يطيح عليه .. تصرفاتها ولقاءاتهم لي مش في وقتها … مش فاهم واش لي علق في مخه .. ريحتها .. تصرفاتها ..ولا هي بحد ذاتها ..
خذا نفس طويل ..ومشى طلع مع درجات هذوك حتى وصل قدام باب دارها .. تركز عليه يخمم هو واش قاعد يدير .. من شوي كان عند بشرى .. وفي حضنها هي .. اما عقله في نادين هذي لي مش فاهم من وين جات .. كأنها نسمة صباح لي تضرب وتمشي وتعلق داخلك ..وتبقى تحوس عليها من جديد …
ماعرفش واش راه يدير ..
كركر روحه ونزل من جديد للتحت .. دور لمفتاح فلباب ودخل .. ومشى طول للدوش .. نحى ثيابه ووقف تحت لما ..
مرات الحب يدخل قلبنا صدفة .. موقف صغير يقدر يخليك تحبي بجنون وتعشقي بجنون .. وترجع افكار غريبة تراودك وماتحبش تمشي من عقلك ..ووين تلفتي وجهك تلقي روحك مزالك تخممي في نفس الموضوع والفكرة هذيك …
الحب هاك.. ماعندهش وقت محدد ولا مكان محدد .. يجي فجأة ..ووقت تحبي ترجعي تتذكري وقتاش بدا شعور هذا ينمو داخلك تلقي روحك مزالك تدوري في نفس الحلقة المفرغة لي ترجعك لنقطة البداية من جديد …
هز صباعه لي تغلغلو وسط شعره .. مع قطرات لما لي ماشي وينزلو مع جسمه …
خزر لذراعه ولما الرسومات لي فيه ..و جع تذكر كلام بشرى وقت حكاتله انها جات تعمل وشم على جال راجلها .. تبسم .. وكمل تركز على لحيط .. مايعرف علاه حاجة خلاته يحس انو شي لي عملاته وجعه .. تذكر صباح ليوم وهو وياها .. وقت حصرها ولمسها ..وهي تخزرله بتحدي …
مش فاهم اذا عنادها هو لي خاله يخمم فيها ولا شي ثاني .. شي جديد ماعملهش حساب …
هز لمنشفة لفها على بدنه وخرج من الدوش ومشى طول لغرفته صكر لباب ووقف قدام لمرايا .. هز منشفة ثانية ينشف في شعره بيها ..
وكمل جبد ثيابه لبسهم ورتمي على سريره يحاول يرقد بأي طريقة ..باش يقتل التفكير هذا لي خلق فجأة وعلق في راسه..
#نورااا🌹🌹🌹الحلقة 64:
حلت عينيها صباح على صوت عياط جاي من برااا .. مشات تجري تشوف لقاتها كيف لعادة بوها وامها متضاربين ياكلو في بعض .. نفخت وعدت يدها على شعرها تعدل فيه ..
_شيماء: واش كاين .. علاه تعيطو ..
_تلفتت ليها امهاا تحكي
_مكان والو .. امشي غسلي وفطري وامشي لقرايتك ..
بقات تشوف ليهم ورجعت مشات غسلت تغيرت ثيابها ..وعدلت صاكها وحطت فراشها لي تحتاجهم .. ومشات للكوزينة لقات لقهوة على طاولة .. ماحبتش تتأخر كثر هزت طرف خبز حطت فيه طرف فرماج ..ونزلت وخلتهم مزال متهاوشين مع بعض ..
هزت تليفونها وسجلت رقم ريم تحكي ..
_شيماء: وينك لدوك .. عندنا دروس خصوصية نسيتي ..
_ريم: موحال نجي .. راني صبحت مريضة شوي ..وعندنا عرس فلحومة .. من عاداتنا نتعاونو مالا مانقدرش ..
_شيماء: راح نكره بلا بيك ..تعرفي ماعندي غيرك نقعد معاها .. صحاا معليش .. وقت نكمل راني نجي عندك .. الله يشافيك ..
علقت عليها وكملت تمشي وتاكل فلخبز هذاك .. شوي وسمعت صوت لموطو من وراا .. تلفتت ورجعت تضحك فرحانه ..
_شيماء: هذا نتا ..
حبس قدامها ورجع يحكي ..
_هواري: صباح لخير .. توحشتك قلت نجي نشوفك ..
_شيماء: حتى انا ..وين ماشي دوك ..
_هواري: شي كنت نستنى فيك تخرجي ونجيك ..
_شيماء: ماشية نقرااا تعرف لباك لازمني دروس نعاون روحي بيهم ..
_هواري: اركبي نوصلك ..
_شيماء: دقيقة
هزت يديها جمعت شعرها ومشات ركبت ورا وحطت صاكها من قدام ودورت يديها عليه ..
_هواري: نمشو ..
_شيماء: هيه امشي راني واجدة ..
شوي وتحرك ..وكلما يزيد فلفيتاس تزيد معاها نسمات الهوا لي تضرب في وجها ..
حطت راسها على ظهره وصكرت عينيها ..
شيماء وحدة من لبنات لي موجودة في الاف لبنات لي عايشين تحت ضغوطات ومشاكل لعائلة .. لي تلقاها تحوس على بصيص انا صغير تتمسك فيه .. تستغل ابسط لفرص باش تحس بفرحة…
مرات الانسان يحس روحها نظلم انو نولد في عايلة من وقت يشفى عليها وهي في خضم المشاكل وعزها .. مايفوتش نهار بلا عياط وبكى ..
ورغم هاك وقت تلقاها ولا تصادفها ماتحسش بلحزن في وجها .. خاطرها تعرف كيفاه تخبيه وماتخلي حد يشوف ضعفها ..
حلت عينيها وهي تخزر مع طريق لي ماشيين منها .. وللشجر وقطرا لمطر لي بدات تطيح عليهم خفيفة …
شوي ووصلت ..
_هواري: وصلنا ..
_شيماء: تمنيت طريق ماتخلاصش .. شعور شباب عشته من شوي ..
_هواري: تحبي تجي نهزك وقت تكملي ..
_شيماء: هيه نستناك بعد ساعة ونص ..
تبسملها وقرب يده عداها على وجها يحكي ..
_هواري: راكي مليحة ..
_شيماء: هيه مليحة .. تهنى ..
_هواري: اوكي راح نستناك وقت تخلصي نرجعو نمشو مع بعض ..
هزتله راسها ومشات دخلت اول ماوصلت قدام لباب تاع الاستاذ لي يمدلهم دروس خذات نفس ودخلت .. لقات لغرفة معبية بقات تدور بعينيها على بلاصة حتى لمحت مقعد فارغ فلاخير .. مشات تزرب وقعدت فيه .. صح مركزة مع الاستاذ وواش يحكي .. اما المشاكل لي عايشة وسطهم ديما حاضرين في بالها وافكارها مهما حاولت تنساهم ..
#نورااا🌹🌹🌹
تفاااعلووووولحلقة 65:
حلت عينيها على صوت لمنبه لي جنبها.. ويدين ولدها لي يلمسو في وجها .. ولعباه كامل لي كان في يديه لطخلها وجها بيه …
تململت في بلاصتها ورجعت حلت عينيها تخزرله وتبسمت ..
_نادين: واش تدير .. اععع ..
هزاته تبوس فيه ورجعت تلفتت للساعة لقاتها 7 نتاع صباح …
عدت يديها على شعرها .. جمعاته لفوق ولبست في رجليها ..ومشات جيهة الخزانة .. هبطت تقلب وسط لقجور .. على ثياب لولدها وتبدله لاكوش ..
وبعدما كملت معاه .. مشات شعلت تلفزة ..وحطت قناة قرآنية عليها سورة الكهف مدام ليوم نهار الجمعة .. حلت شبابك لغرفة خلت هوا نظيف يدخل وسقات لوردات نتاوعها ومشات عملت دوش خفيف سخون … وخرجت لبست كنزة نتاع صوف وسروال ..ونشفت شعرها ورجعت للكوزينة .. شعلت النار وحطت لما يغلي عليها مع لقهوة …
حطت صحن صغير وفيه حبات قاطووو .. وهزت كاسها ورجعت لغرفتها فرشت سجاد في لرض وحطت ولدها قدامها يلعب وقعدت تترشف في قهوتها وتخزر مع لوشم لي رسماته .. عاجبها وراضية عليه .. هذا واش كان لي راسها وقتها …
مع ال 10 لبست وهزت صاكها وولدها ونزلت …
قعدت تستنى فلباص يجي فلمحطة هذيك .. الشمس ليوم طالعة والجو صافي مش كيما لبارح …
قعدت تلعب مع ولدها وكل شوي ترمي عينها تشوف اذا جى لباص ولا مزال .. شوي وحست بوحدة قعدت جنبها تلفتت شافت ليها ورجعت تبسمت هي الثانية هازة صغيرة في يدها .. عمرها يمشي لعمر ولدها …
_قعدو هكاك يستنو شوي وجى لباص وطلعو مع بعض …
شافت مقعد فلاخير قعدت فيه .. وتخزر مع الشباك ..
ولدها ماحبش يسكت وهو عامل فوضى مع بنت لمرا لي قعدت مقابلتها فلباص ..
_نادين: الظاهر فيه عجباته ..
_بيلسان: هههه حب يخطب من دوك .. قداش عمرو ولدك ..
_نادين: غير كيف كمل عام ..
_بيلسان: شهر و 20 يوم وتكمل عام ( عندي ذاكرة قوية بيلسان دارت لعيب فل 1سبتمبر 2019 😂😂)
_نادين: ربي يخليهالك ..
_بيلسان: شفتك قاعدة في نفس المحطة لي كنت فيها تسكني لتم ..
_نادين: اااه نسكن فلحي هذاك لي حنب لمحطة ..
_بيلسان: مالا رانا جيران .. وقتاش رحلتي ..
_نادين: قريب سمانتين مش بزاف ..
_بيلسان: اااه على هذاك ماشفتكش من قبل … متشرفين انا بيلسان ..
_نادين: وانا نادين .. اااه نظن وصلت ..
_بيلسان: حتى انا هذي المحطة تاعي .. ماشية للمول ..
_نادين: مالا نفس طريقي .. مزية لقيتك ترافقيني ..
تبسمتلها ونزلو مع بعض فلمحطة هذيك .. قطعو طريق ودخلو للمول هذاك .. وكل وحدة هازة صغيرها وقصتها داخلها ..
#نوراااا🌹🌹🌹لحلقة 66:
حلت باب الدار وخرجت هازة صاكها ومعدلة روحها .. اول ماتعدت جنب بيت بشرى وقفت لحظات تخمم .. بعدها هزت كتافها هي عملت لي عليها ودوك ثانية تعمل واش تحب ماراهيش صغيرة ..
نزلت مع درجات هذوك حتى وصلت تحت .. حطت يدها فوق عينيها وقت ضربت الشمس فيها …
مشات خطوات حتى عرضوها صغار يلعبو .. وعاملين ضجة ..
_نورية: مفهموش نتوما ماتكم يولدو ويرموكم للزونقة (الشارع) تربيكم ..
وصلت قدام لبناية لي ساكنة فيها سميحة وخيرة ام رانيا .. طلعت مع درجات هذوك ووقت وصلت قدام دار سميحة رجعت عوجت فمها .. من يوم يومها ماتتفاهمش معاها .. كملت طريقها مع الدرجات هذوك حتى وصلت للايطاج لي عايشة فيه خيرة .. عدلت شعرها ..وكبست على صاكها وحطت يدها على لباب تدقدق .. جاها صوت خيرة من ورااا ..
_خيرة: دقيقة راني جاية …
شوي وحلت عليها ..
_نورية: صباح لخير نشالله مانكونش نوضتك ..
_خيرة: لا ارتاحي .. كنت مع لفطور ديجا .. ادخلي عاش من شافك ..
دخلت علقت مونتوها عند لباب ودخلت معاها للصالون ..
قعدو على طاولة لقهوة وبداو ياخذو ويعطو مع بعض ..
_نورية: بنتك مزال عرسها نتي ..
_خيرة: بقاو شهور قلال .. نشالله ..
_نورية: هيه طولت شوي .. ازربي عمليلها عرس خليها تخرج من الحومة المنحوسة هذي …
_خيرة: نشالله من فمك لربي هذاك واش راني ندعي ..
_نورية: ايه احكيلي واش جديد ..عندكم ..
_خيرة: والو .. نتقلت وحدة جديدة ساكنة مقابلتنا .. وليوم عرس بنت فضيلة رانا نوجدو معاها ..
_نورية: واه عرضتني للعرس بصح حلفت غير يدي لي مانحطهاش فلعرس هذاك .. نوض نعاونها ومن بعد تقعد تهدر فيااا ..
_خيرة: حتى انا قلت مانتعبش روحي بزاف نعاون من بعيد وخلاص ..
_هزت قهوتها تترشف فيها وتحكي ..
_نورية: هيه وسميحة كاش اخبار عليها ..
_خيرة؛ تعرفيها من يوم يومها شطبة وعند روحها ..وولدها مصاحب جارتي لي مقابلتني ..
حطت كاس لقهوة وركزت معاها ..
_نورية: تحكي صح .. شوف لكلوشار كيفاه طلع .. وانا جارتي مسكينة لي مقابلتني داخل خارج عندها .. هاي طلع ولد حرام ..
_خيرة: كيف ماراني نحكيلك…ولي تقتلك لالة لي مقابلتني عاملتلي في شريفة وخاطيها وهي دخل فيه عندها نصاص ليالي ..
_نورية: وسميحة على واش نافخة روحها … هاني انا نسيبي الله الله فلدولة .. ومش شايفة روحي ..
شافت ليها خيرة وعوجت فمها تحكي باستهزاء ..
_خيرة: بصح انا ماسمعتش هاك .. مش قالو بنتك وهو تطلقو .. ولدوك ماعاودوش تزوجو ..
_نورية: مكانش منها .. صح تطلقووو بصح مزاله يجري موراها .. مايسمحش فيها ..
_خيرة: والله الجيران ماهمش يحكو هاك .. قالك بيلسان جابت بنت وراجلها مشى مدة وقالو مات وبعدها رجع عادي .. والله واعلم وين كان المدة هذيك ( والله انا وماعلاباليش وين كان 😂😂)
_نورية: شكون يحكي فلكلام هذا ..
_خيرة: سمعت من عند سميحة ووحد لجماعة والله اعلم نتي ادرى .. بصح مادام نسيبك الله الله عليك شا مقعدكم فلحومة هذي ..
_نورية: ريحة المرحوم راكي تعرفي مانقدرش نخليها ..
_خيرة: امممم .. ها صحاا ..
_نورية: نوضي لبسي وخلينا ننزلو عند سميحة ..
_خيرة: علاه ..
_نورية: نوضي .. خلي نعطيها عمايل ولدها لكلوشار .. باش وقت تجي تحكي علياا تتفكر ولدها لخامج لي كل ليلة معلڨ وحدة 🤭🤭
#نورااا🌹🌹🌹الحلقة 67:
راقد على سرير هذاك على كرشه .. شوي وبدا يحل في عينيه ..
تلفت للساعة لقاها قريب 11 .. تفخ وهز تريكوه لبسه .. ومشى حل الشباك يخزر للحومة .. صغار يجرو يلعبو .. وجماعة لعرس بداو يبنو في خيمتهم ..وجايبين لكراسا .. والطاولات ..
حط يده على شعره يحك فيه ورجع يتكسل وتلفت ورا خارج برا لغرفة .. غسل وتعدى على غرفة خته لقاها مزال راقدة ..
_جبل: ماتقريش نتي ليوم ..
وقت سمعت صوته دخلت بعضها ونزلت تليفون تحكي ..
_ريم: اااه لا .. نسيت ليوم عندنا عرس .. وزيد الاستاذ قاللنا مكانش دروس ليوم رتاحو ..
_جبل: اااه صحاا .. بصح راجعي .. عندك باك ماتضيعيش عامك ..
_ريم: تهنى خويا ..
خرج وجبد لباب وراه وهي خذات نفس .. هزت تليفونها بعثتله ميساج فلمسنجر ورجعت نفضت روحها وناضت ترتب في غرفتها ..
دخل للكوزينة لقى لقهوة على طاولة .. جبد لكرسي وصب ليه كاس وقعد يترشف فيه ويخزر للبلكون ويخمم في ليلة لبارح والافكار لي حتلت راسه .. دوك حاس كأنو شي ماكان .. حتى انو نادين طارت وتبخرت من راسه وعقله … شي هذا قنعه انو لي خمم فيه مكانش منو .. غير لي صرا لبارح والصدف لي جمعتهم خلاته يحس هكاك …
سميحة كانت فلصالون مقابلة تلفزة وقت سمعت صوت لباب ..
_سميحة: جبل اذا راك قريب للباب حل .. انا مانقدرش نوض ..
_هز روحه ومشى حل لباب لقاهم في وجهه ..
_خيرة: صباح لخير سميحة راهي هنا ..
_جبل: واه دخلو ..
خلالهم لباب محلول ونشى رجع للكوزينة ..
_بقاو هوما يتمتمو بيناتهم ..
_نورية: ولد لحرام .. لبنت لبارح تبكي عليه دم وهو هنا عادي كأنو ماصاير شي ..
_سميحة: شكووون ..
_نورية: هيا خلينا ندخلو …
نحو صبابيطهم عند لباب ودخلو مع بعض ..
_خيرة: ضياف ربي .. ندخلو ولا نرجعو ..
_سميحة: مرحبا .. ادخلو ادخلو ..
_نورية: كيراكي سميحة لباس ..
_سميحة: لباس .. عاش من شافكم ..
قعدو على لفراش مقابلينها ..
_خيرة: نورية جات عندي ..وتفاهمنا نحو نطلو عليك ..
_سميحة: احسن ماعملتو هاني قاعدة مقابلة تلفزة ..
_نورية: هيه رايحة لعرس فضيلة ..عرضاتك ولا لا ..
_سميحة: حاجة باينة تعرضني ..
_خيرة: مالا ليلة رانا فلعرس كامل ..
_سميحة: نشالله .. هيه احكولي كاش جديد .. كيراكم ..
_نورية: والله حنا اخبارنا باينين .. قلنا نجو نسمعو جديد من عند سميحة ..وقتاش تعمللنا عرس وتفرحنا ..
_سميحة: هيه قريب نشالله .. هاني مع جبل حابة نخطبله بنت خالته سومية اذا تعرفوها ..
_نورية: سومية .. مش هذيك لي كانت تظل تلعب برا وتاكل فلتراب .. هههه
_سميحة: كبرت .. كبرت طفلة وعقلت ..
_نورية: هيه وحنا واش قلنا ..الله يبارك ..
قلبت سميحة عينيها .. خاطر هي وياها بلذات مايتفاهموش ..
_خيرة: هيه وجبل قابل .. وقتاش يعني عرسهم ..
_نورية: والله تحبي الصح يا سميحة .. ولدك مش تاع زواج نظن .. خاطره مصاحب جارتي وجارة خيرة ..
_سميحة: مفهمتش واش تقصدي ..
_نورية: والله كلامي واضح .. بشرى هذيك لبارح بايت عندها … وحتى من خيرة جارتها جديدة .. قاتلك يدخل عندها فليل ..ولدك راه مخلطها بكراع لكلب .. يا تزوجيه يعقل يا يخطي بنات الناس .. راه عنده خته ويخاف عليها .. ولا واش قال خيرة ..
_خيرة: هيه كلامك صح نورية ..
_سميحة: جارة خيرة .. نادين .. قصدك هذيك لي عندها طفل مصاحبة ..ولدي ..
_خيرة: والله شفتهم بعيني لي راح ياكلها دود … دخل عندها نص ليل .. وكان عريان كامل ..
هبطت سميحة راسها وبقات تدعي في قلبها .. هاو طلع مصاحب حتى لهجاجيل مشي غير بنات الحرام ..
#نورااا🌹🌹🌹لحلقة 68:
هز روحه وجى خارج من لكوزينة وقت سمعهم يحكو عليه وعلى نادين .. خرج وضرب لباب ..
_نورية: يالطيف زعما يكون سمعنا ..
_خيرة: ويااا نوضي خليني نهرب لداري .. مرة لي فاتت هددنا انا وراجلي اذا حكينا لموضوع يقلب علينا الحومة ..
ناضو يتجارو لبسو وخرجو ..
_نورية: هيا تبقاي على خير .. نتلاقو عشية فلعرس ..
_صكرت لباب من وراهم وتركزت عليه .. يعني هي دخلتها لدارها وعاونتها وفلاخير طلعت مصاحبة ولدها وهي تقول مسكينة وقاعدة تنصح فيها .. رجعت قعدت فلصالون .. وهزت عصبت راسها .. خاطر ولدها صايي راح يجلطها .. ماعندهش حتى ڨوو فلنسا .. يدور غير بلي دايرين بيها قبله ..ودوك كملت مع لي راجلها ميت وعندها صغير …
_سميحة: رييييم .. ريييم وينك .. ارواحي لهنا ..
خرجت ثانية من غرفتها وحاتها تجري ..
_ريم: واش كاين ماا ..
_سميحة: نادين الجارة جديدة تعرفيها ..
_ريم: واه مشات معانا لمرة لي فاتت للسينيما ..
_سميحة: هي وخوك بينهم حاجة ..
_ريم: لا شكون قالك شي هذا ..
_سميحة: الجوارين راهم يقولو راهي تدخل خوك للدار ..
سكتت ريم تخمم صح لبارح سمعت انو خوها تعارك مع واحد على جالها ..
_سميحة: وين سرحتي نحكي معاك .. انطقي ..
_ريم: مانعرفش .. سقسيه هو يقولك اذا صح ..
_سميحة: مانسقسيه مانحلله لعينين ونخليه يداصرني .. عيطي لبنت خالتك قوليلها تجي تقعد يامات حدانا .. خلي تتقرب منه ويخطبو ونزوجه .. راني مش ناقصة تصداع راس ..
_ريم: صحاا ما هدي روحك ..
_سميحة: واش نهدي .. راح يقتلني خوك بلحياة .. كل مرة حاجة جديدة .. من بشرى بنت لبار .. لنادين هذي لهجالة .. ومع صغير .. نربي ولاد ناس انا ..
_ريم: علاه هو جى قالك نتزوجها ..
_سميحة: علاه نستناه حتى يجيني بيها بولدها ويقولي راح نتزوجها ..
_ريم: صحاا دوك نحكي مع سومية تجي ..
خرجت ريم لغرفتها وامه بقات في بلاصتها تاكل في روحها وتدعي ..
#نورااا
اول ماخرج نزل طول للقهوة جبد لكرسي ..وقعد يتكيف .. لمح نورية خارجة من لبناية نتاعهم .. وقت شافته قلبت عينيها ورجعت تتبسم تستفز فيه ..
مشات جيهة العمارة نتاعها وقعد هو لتم يخمم .. هاي حكايته مع نادين طلعت .. دوك يبدو يحكو .. ويظلمو فلمراة بسبته ..
_خالد: صباح لخير ..
_جبد لكرسي وقعد مقابله ..
_خالد: واش بيك وين سارح ..
_جبل: بديت نكره جد لحومة هذي .. حاجة ماتفوتهم ..
_خالد: علاه واش راك تستنى ..الحلقة 69:
بقات تدور فلمول هذاك تقضي في صوالحها لي لازمينها تاع سمانة كاملة باش ماتبقاش تخرج كل يوم ..
هازة ولدها في حضنها .. وبعدها طلعت لقسم الصغار لقات حتى بيلسان لتم ..
_نادين: كيفاه جاياتك الامومة ..
_بيلسان: يعني فلاول تجيك صعيبة خاصة إذا كنتي وحدك وبعدها تتعودي ..
_نادين: اااه يعني بنتك ماعندهاش اب ..
_بيلسان: لا مش هاك .. قصة طويلة .. كان نحكيلك تقوليلي هذا مسلسل مشي حكاية ..
_نادين: هههه لا نصدق نصدق .. خاطر حياتي ديجا مسلسل ..
_بيلسان: وانتي كيفاه جاتك الامومة ..
_نادين: فلاول جاتني ساهلة وقت كان راجلي جنبي اما بعدما توفى رجعت صعيبة ورجعت حساسة بزاااف ..
_بيلسان: اااه ربي يرحمه .. لا انا عايش اما قصتنا معقدة وخلاص ..
_نادين: يعني مايحوسش عليكم ولا كيفاه ..
_بيلسان: يحوس .. اما انا لي قاعدة نصد فيه .. خليه كيف ماخلاني قبل وعاش بعيد عليا يقدر دوك يكمل بلا بيااا ..
_نادين: اذا كنتي تحبيه ارجعوو .. صدقيني لحياة قصيرة انا رجعت نتمنى يرجع نهار واحد يكون فيه راجلي عايش .. باش نعاود نعيش نفس السعادة لي كنت فيها …
_بيلسان: نادين مش لكل كيف بعض .. مرات حتى الحب يخليك تبعدي احسن .. مش كل زوج حبو بعض لازم يبقو مع بعض … أصلا قصتي انا وهو معقدة … وهو اناني .. وحبه ليا اناني .. يخمم في روحه قبل مني …
_نادين: مانعرفش … نتي عشتي الحاجات هذوك ونتي ادرى بيهم … انا نحكي من وجهة نظري ..
_بيلسان: نعرف .. واش رايك فلقطعة هذي زعما تناسب بنتي ..
_نادين: هيه تهبل خوذيهالها ..
_بيلسان: واش اسمه ولدك ..
_نادين: اياد سيف ..
_بيلسان: وانا كيان ..
_نادين: ههه اسمها يهبل ..
_بيلسان: سميتها بيه وندمت .. هو ختاره ..
_نادين: ههه تعرفي واش حاسة .. انو نتي تعشقيه ..ومن حبك ليه غايضك لحال .. ممكن خاطر خذلك .. الله واعلم ..
_بيلسان: شي هاك .. هياا خلينا نكملو نشرو باش نرجعو فلوقت .. ليوم عندنا عرس فلحومة .. واش رايك تجي ..
_نادين: اااه لا خاطيني ..
_بيلسان: تبدلي حو شوي ..
_نادين: مانعرفش ممكن نجي .. وممكن لا ..
كملو دارو وشراو واش يلزمهم كامل ..ونزلو للكافيتيريا عملو قهوة مع بعض .. وكملو خرجو شدو طاكسي حتى للحومة نتاعهم ..
_بيلسان: هانا وصلنا .. مزية لقيتا هذا وصلنا ..
عطاوه حق تعبه ونزلو مع بعض هازين ولادهم وغراضهم ..
_بيلسان: انا نسكن فلبناية هذيك .. فلايطاج الخامس ..
_نادين: اااه عرفتها قصدك مقابلة بشرى لي توشم ..
_بيلسان: واه لتم ..
_نادين: وانا لهنا . فلبناية هذي للايطاج الثالث ..وقت تحبي ارواحي لعندي ماعندي حد فلدار ..
_بيلسان:, نشالله .. هيا نخليك دوك ..
هزتلها راسها ومشات جيهة لبناية داخلة ..
كان قاعد فلقهوة وقت لمحها من بعيد داخله هي وولدها ..
_خالد: واش كاين ..
_جبل: دوك نجي ..
هز روحه ومشى يجري لحقها ..داخل للبناية نتاعهم ..
#نورااا🌹🌹🌹الحلقة 70:
دخلت للبناية هازة ولدها بيد وليد الثانية هازة بيها الاكياس لي فيهم لغراض .. دخل وراها يتبع فيها ..
وقت حست بشكون تلفتت .. جاتها عينها في عينه .. كبست على شفافها وكملت طالعة تزرب ..وهو وقت حس عليها لحقها يجري وعرض طريقها …
_جبل: دقيقة باغي نهدر معاك ..
_نادين: ماعندي واش نحكي معاك .. بعد من طريقي ..
_جبل: انا عندي …
شاف للاكياس لي في يدها ورجع خطفهم منها .. حلت عينيها على وسعهم تخزرله ..
_نادين: واش تدير ..
_جبل: لازم نهدرو ..
_نادين: رجعلي غراضي ..
_جبل: عطيني خمس دقائق نهدر فيهم معاك وبعدها نمشي ..
_هزت ولدها بين يديهاا زوج .. رمى هو عينه على يدها في بلاصة الوشم لي حاطاته ..وهز حاجبه لفوق ..
_جبل: الله يبارك .. ماكملتيش سمانتين رجعتي توشمي ..
_نادين: أموري وانا حرة واش ندير … واحكي واش تحب وخليني نمشي على روحي ..
_جبل: سمحيلي ..
_نادين: على واش مفهمتش ..
_جبل: على كل شي … خاطر الهدرة بدات تخرج علينا ..
_نادين: مش على اساس حد ماراح يحكي ونحلت ..
_جبل: ام صحبتك نزلت عند مااا وحكاتلها .. ومانعرفش شا غادي دير ماااا ..
_نادين: وجاي تعتذر .. على سمعتي خلاص تشوهت بسبتك .. مدت يدها خطفت الاكياس هذوك وطلعت تزرب .. حطت لمفتاح وسط لباب دوراته .. اول ماتلفتت لقاته واقف وراها .. حل لباب دزها دخلها ودخل وراها ..
_نادين: ياخي هبلت واش راك تدير .. اخرج من عندي ..
_جبل: شكون لي جى عندك ليامس ..
_نادين: على شكون تحكي ..
_جبل: هذاك راجل لي جى عندك ليامس ..
سكتت تخمم ورجعت ضيقت عينيها فيه ..
_نادين: واش دخلك ..
_جبل: ماجاوبتينيش ..
_نادين: لااا جاوبتك وقتلك واش دخلك ..
عدى يده على لحيته ..ورجع مشى جيهتها يحكي ..
_جبل: لا دخلني .. خاطر راجل هذاك نزل تحت وقعد يشوه في سمعتك يا مدام ..ونتي ما فالحة غير تطرطقي في وجهي .. شا يكون ليك .. يقربلك .. صاحبك .. عشيقك جاوبي ..
_حلت فمها وهي تشوفله .. ورجعت طرطقت في وجهه ..
_نادين: عشيقي .. راك في عقلك ..
_جبل: هو الصح تاع ربي حتى انا ماركبتش في مخي .. خاطر لي يمسك ڨد هاك ترجعي ترعشي . .. مالا واش يكون ..
_نادين: قاعد تتمسخر عليا .. اخرج ..
_جبل: الحق قاعد نحوس نعرف شا يكون باش مرة لجاية نعرف نتصرف معاه ..
_نادين: غير أخطيني وماعادش تخرج في وجهي بزاااف عليا ..
_جبل: لا نتي لي راكي تخرجي في وجهيلحلقة 71:
اول ماطلعت من الدروس تاوعها .. لقات لحال مشمس ودافي .. رمات عينها للجيهة ثانية من طريق لمحاته على لموطو نتاعه مكتف يديه ويستنى فيها …
اول ماجات عينها في عينه .. هزتله يدها وعملتله اشارة بيهم ..ومشات تجري قطعت طريق حتى وصلت ليه ..
_هواري: واش خلصتي ..
_شيماء: هيه كملت .. نمشو ..
_هواري: راكي جيعانة ..
_شيماء: لا .. راح نمشي عند ريم .. هزني لعندها ..
_هواري: ماترجعيش للدار ..
_شيماء: لا مانحبش .. راح نكسر راسي بيهم باطل ..
_هواري: اوكي براحتك …
ركب وركبت هي وراه ومشاو مع بعض …
مابطاوش وكانو فلدخلة نتاع الحي ..
_هواري: عسي تليفونك وقت نعيطلك ردي ..
_شيماء: صحاا ..
_هواري: ومانوصيكش .. ردي بالك على روحك .. وقوليلي وقت تحبي ترجعي ..
_شيماء: صحاا ماتخافش .. ماعندي وين ماشية هذي غير ريم ..
_هواري: الحومة هذي هي لي مش مليحة مشي ريم .. هيا نخليك ..
هو مشى وهي بقات تبع فيه بعينيها حتى مشى ..
علاقتهم مش مفهومة .. حاجته بيها ويحبها وفي نفس الوقت تحسه بعيد بعد السما على لرض .. مرة يقرب مرة يبعد .. حتى ماعادتش فاهمة ولا عارفة هذي لعلاقة وين راح توصل …
خذات نفس ورسمت ضحكة على وجها ودخلت للحي هذاك .. لقاتها مكتظ .. ناصبين خيمة كبيرة في وسط ..وكراسى وطوابل محطوطين….
هزت كتافها ودخلت للبناية لي عايشة فيها ريم ..
هزت تليفونها عيطتلها باش تحل عليها .. وثانية مابطاتش وحلت .. جبدتها من يدها ودخلو لغرفتهم ..
_شيماء: واش كاين ..
_ريم: شي .. أمي معصبة خفت تشوفك تنوض تحكي في كاش كلام ونتي تزعفي ..
_شيماء: لا عادي لي نسمعه فلدار مش قليل باش نزعف من امك ..
_ريم: هيه احكيلي كيفاه .. كانو لدروس ..
_شيماء: عاديين .. كيف لعادة .. فهمت شوي وشوي ماركزتش معاه ..
دخلت يدها وسط الصاك رماتلها الدفتر ..
_شيماء: هاو ليك .. انقلي واش فاتك ..
_ريم: هيه واش بيك حاساتك مش مليحة ..
_شيماء: كرهت وخلاص … يعني مهما حاولت نكون طبيعية وعادية ومانخممش وماقدرتش .. مشاكل الدار ماحبوش يخلاصو كل صباح نوض نسمع عياطهم .. شي من ماما ومن بابا ولا مرت بابا ..
_ريم: معليش شيماء .. كل شي يفوت .. حتى حاجة ماتقعد على حالها ..
_شيماء: لا انا حياتي وحدها … وزيد الهم هذاك .. يجي يخليني نفرح دقيقة وبعدها يمشي .. لا يهتم بيا لا والو .. مانعرف اذا هو بارد هاك ولا معايا انا بلذات ..واذا صار وخممت نبعد عليه ينوض ياكل روحه .. يعني لي يهمه انو شيماء تكون مليحة وتضحك ومعاه .. اما انو يحوس واش مزعفني ولا واش خصني مايحوسش ..
_ريم: احكي معاه..
_شيماء: واش نحكي .. نطلب الاهتمام منه قصدك .. غير هذي ماتصراش ..
_قطعت كلامهم سميحة وقت حلت لباب ..
_سميحة: حكيتي مع بنت خالتك ..
_ريم: حكيت معاها وقالت راح تجي ..
_سميحة: ارجعي احكي معاها .. اقنعيها بأي طريقة تجي تقعد يامات عندنا ..
_ريم: صحاا أمي اتهني ..
خرجت وصكرت لباب .. شافت ليها شيماء تحكي ..
_شيماء: واش كاين ..
_ريم: سمعت بلي خويا مصاحب نادين .. هذيك تاع لمرة لي رحنا للسينيما .. لي هازة صغير ..
_شيماء: هيه تذكرتها .. بصح تبان عاقلة .. وزيد هي وخوك مانظنش ..
_ريم: مانعرف جارتنا جات قاتلها ومن وقتها تاكل في روحها ..
_شيماء: الله واعلم .. أيا وزعما بنت خالتك علاه ..
_ريم: تحب تلصقها فيه .. باش يتزوجها وتهنى ..
_شيماء: هههه خوك ثاني مشي ساهل .. ماراه طالق حتى وحدة ..
_ريم:ههههه غير بشرى بزاااف كان تسمع تعمل حالة فيه وفينا ..
#نورااا🌹🌹🌹الحلقة 72:
راقد على سرير نتاعه وحاط يده تحت راسه يخزر للسقف نتاع لغرفة .. ليلة هذيك ماحبتش تتنحى من باله .. الشراب هو موالف بيه .. وماينسى شي وقت يشرب .. يعني مش من نوع لي ينسى اي تفصيل … اما ليلة هذيك بلذات كيما عمل يقنع روحه انو كان ينوم ماقدرش ..
هز يده حطها على صدره … ورجع تقعد في بلاصته ينفخ .. متأكد انو وقت سحبها عنده مابعدتش .. متأكد انو هي حطت راسها على صدره ومارفضتش .. واش يعني شي هذا .. هي قابلة بلي صار .. فاتت سمانة وهو في صراع مع روحه .. خايف يمشي يواجهها تكذبه وتقوله مكانش منها ..
كبس على شفافه ورجع هز تليفون يخمم يعيطلها .. خايف يتهور ..
رجع سجل رقمها خمم يعيطلها بعدها تردد وبعثلها ميساج ..
_خالد: كيراكي ..
_الوقت هذاك كانت قاعدة تقلب في خزانتها تحوس واش تلبس فلعرس .. حتى سمعت صوت ميساج دخلها.. ماهتمتش وكملت لاتية تقلب ..
رجع يعس في تليفونه يستنى وقتاش تجاوب .. ووقت ماردتش عاود رسللها ميساج ..
_خالد: علاه مشنفة .. غلطت معاك بحاجة ..
وقت سمعت تليفونها من جديد .. مشات جيهته تعفس على غراضها لمرميين في لرض ..
حلت لميساج تقرا فيه ومعاه دقات قلبها يزيدو .. بلعت ريقها ..ورجعت تجاوب فيه ويديها يرجفو ..
_رانيا: لا غير ماشفتهش .. مليحة ..ونتا ..
_كان قاعد يهز في رجليه وقت وصله ميبساجها..
_فتحه يقرا فيه ورجع رد ..
_خالد: مليح .. توحشت نحكي معاك ..
كتبه ورجع فسخه وعاود كتبه من جديد ورسله..
_اول ماقرات لميساج ..رجعو خدودها سخنو .. شي واحد جى لبالها انو متذكر ليلة هذيك .. ولا علاه يحكي هاك …
_رانيا: قصدك توحشت تغيضني ..
_اول ماقرا ميساجها سجل رقمها وعيطلها ..
كبست على تليفون وهي تشوف فلابال نتاعه .. خذات نفس وردت عليه ..
_رانيا: الوو ..
_خالد: رانيا نحب نسألك ..
_رانيا: أكيد احكي ..
_خالد: واش رايك فيا ..
_رانيا: كيفاه يعني. .
_خالد: كراجل .. واش رايك فيا ..
_رانيا: نسونجي .. تحب نسا بزاف ..
_خالد: علاه كاين راجل مايحبش نسا ..
_رانيا: لا نتا تحبهم بزاف …
_خالد: معنتها حتى نتي نحبك ..
_سكتت ودقات قلبها بداو يزيدو كثر …
_خالد:, وين رحتي .. الووو ..
_رانيا: راني هنا ..
_خالد: هيه نستنى في ردك ..
_رانيا: نحكي على نسا لي تمشي تعاشرهم ..
_خالد: علاه نتي مشي مراة تتعاشر ..
_رانيا: نظن نتا راك شارب حاجة عليها راك تحكي هكاك ..
_خالد: ماتعلقيش .. راني نحكي وانا صاحي ..وفلحالتين حتى ونكون شارب حاجة نبقى صاحي ..
من كلامه هذا تأكدت 100% انو عارف لي صرا ليلة هذيك ..
عضت لسانها ورجعت تلعن في روحها ..
_رانيا: واش تحتاج .. احكي من تالي ..
_خالد: واش نحتاج .. زعما كان نقولك واش نحتاج راح تتجاوبي معايا ..
_رانيا: شوف عقلك لخامج واش يصورلك ..
_خالد: راح تجي للعرس ليلة ..
_رانيا: واه علاه تسأل ..
_خالد: خلي ليلة نقولك واش نحتاج ..
ماخلاهاش تجاوب وعلق عليها..
_رانيا: الوو الووو .. يا خي حمار ..
هزت تليفون بين يديها ورجعت ترد فلنفس .. كلامه هذا دخلها في حيط وخلاخا مش فاهمة ساسها من راسها .. عدت يدها على شعرها ..
_رانيا: زعما واش قصده ..
_رمات تليفون على جنب ووقفت مقابلة لمرايا وحطت يدها على قلبها … كلما تقول انا خلاص تحررت منه يرجع يدخل حياتها من جديد ويقلبها ..
#نورااا🌹🌹🌹
تفاااعلوووو .. رنوووش ماتنسيش نحكيها ستوري مسموحلك 😂😂😂🤭🤭الحلقة 73 :
وقفت قدام لمرايا وحلت لما تغسل في وجهاا …
هزت لمنشفة نشفا قطرات لما هذوك وبقات تشوف لروحها ..
_بشرى: الا ماندمك على كل شي عملته فيااا… اذا ماكنتش ليا عمرك تكون لوحدة غيري ..
ركزت عينيها مع لمرايا وكره كبير داخلها .. ليلة لبارح خلتها تحس روحها نكره وضعيفة بزاااف .. اما كلام جارتها قواها وفطنها على حاجات بزاااف …
تلفتت على صوت لباب يندق عرفتها تكون ختها ..
مشات حلت عليها وثانية دخلت تطبخ ..
_حورية: واش صرا حتى كركرتيني فلوقت هذا ..
_بشرى: ارتاحي ودوك نحكيلك ..
_حورية: شفتهم ناصبين خيمة تحت ..وحاطين لغنا واش كاين ..
_بشرى: عاملين عرس فلحومة … شفتي جبل في طريقك ..
_حورية: واه شفته لا لابس ومحطط قريب نقول هو لعريس ..
_بشرى: مايضيعش الفرص ..
_حورية: واش صرا .. علاه قالبة وجهك ..
_بشرى: لبارح صرا واش حكات الشوافة .. ودخل فراشي كيف ماقالت ..
_حورية: منك صح .. مالا شي هذا صرا قبل الأحداث لي راح يصرو من بعد ..
_بشرى: طفلة هذيك جات لعندي ةحكات معايا ونكرت انو كاين بينهم شي ..وقاتلي نحب راجلي ومانتزوجش بعده ..وهو عمل هكاك باش يغيضك .. بعدها خرجت لقيته عندي .. كنا متناقشين وفجأة هزني بين يديه وقال انو حاجتو بيا مافهمتش علاه .. لمهم صرا لي صرا بينا وبعدها اول ماخلصنا سكت وهز روحه ومشى .. لحقته نمنعه يمشي ماحبش …
_حورية: هاا بصحتك .. رجعتي عاهرة تاعه .. يجي يهز واش يحب ويمشي ..
_بشرى: كل شي صرا بارادتي .. وحتى انا حبيت ..
_حورية: ودوك واش تحبي ..
_بشرى: نحب نمشي للشوافة هذيك ..
_حورية: وعلاه نمشو مكان في يدنا حتى حاجة ..
_بشرى: دقيقة ..
هزت روحها جيهة القجر حلاته وجبدت وشاح نادين تحكي ..
_حورية: واش هذا ..
_بشرى: وشاح نتاعها … يعني نقدرو دوك نعرفو مستقبلها من لعلاقة هذي ..
_حورية: كيفاه جبتيه ..
_بشرى: ماتحوسيش كيفاه لمهم جبته ..
_حورية: هيه واش ناوية ..
_بشرى: دوك نمشو ..
_حورية: الحومة راهي تغلي .. كيفاه نخرجو ..
_بشرى: مايهمني في شي .. راح نمشو دوك ..
_حورية: صحااا كيما تحبي .. نشالله خير .. ياربي ماتدخلش بينكم ..
_بشرى: نحب نعرف ولباقي ساهل ..
هزتلها ختها راسها وبقات تستنى فيها حتى جهزت ..
ونزلو مع بعض مع درجات هذوك حتى وصلو للتحت ..
_حورية: شوفي لحومة كيفاه راهي ..
_بشرى: مايهمنيش … راح نمشي .. قبل ماتظلام الدعوة .. اذا بطيت راح يطير من بين يديا … راه متبدل وانا نعرف جبل مليح …
_حورية: صحاا ازربي .. دار خليتها هكاك وماعملتش لعشا كون يرجع مسود سعد تاعي يقلبها عليا ..
_بشرى: تهني يكون مع كاش وحدة بايت ليلة .. غير امشي ..
مشاو مع بعض فلطريق هذيك .. تعدت وسط رجال لي قاعدين .. ووقت كان جبل بينهم حتى حد ماحكى معاها ولا نبشها ..
رمات عينها جيهته .. وبقات تخزرله …
_هز روحها ومشى جيهتها جبدها من يدها يحكي ..
_جبل:, وين رايحة ..
_بشرى: ماعندي وين ماشية مع ختي عند وحدة ونجو ..
_جبل: شكون هذي لوحدة ..
_بشرى: راهم يشوفو فينا اطلقني .. قتلك مانبطاش …
_جبل: اوكي عينيا راهم عليك … اذا خممتي ترجعي للبلاصة هذيك راني نعرف كيفاه نجيبك منها وندمك ..
_بشرى: غاير عليا ..
جبد روحه منها يحكي ..
_جبل: في يدك ساعة اذا شفتك بطيتي عندنا خدرة واحداخرا ..
هزت يدها عدتها على وجهه وتعدت مع ختها ..
_حورية: واش تديري نتي وياه… والله لافهمتكم ..
_بشرى: خلي نوصلو عند الشوافة هذيك وهي تفهمنا ..
خرجو مع بعض من الحي هذاك وشدو طريقهم لعند امينة وهوما هازين غرض من غراض نادين ..
#نورااا🌹🌹🌹لحلقة 74:
هزت قلم الحمرا عداته على شفافها وتبسمت وهي تخزر لروحها … خذات نفس ورجعت تتامل فلروب لي لابستها …
_حلت امهاا لباب ودخلت ..
_خيرة: مشاء الله على بنتي .. راكي تهبلي ..
_رانيا: عينيك لي يهبلووو ..
_خيرة: رانيا مانوصيكش بنتي .. لبسة هذي ماتقابليش بيها رجال .. مانحب حد يحكي عليك ..
_رانيا: تهني .. أصلا راح نحط خمار على كتافي ..
_خيرة: صحاا انا دوك راني نازلة عند فضيلة نشوف واش خصها نعاونها ونتي خلي حتى يجي لوقت نزلي مع لبنات ..
_رانيا: صحاا أمي رتاحي ..
_خرجت امها وهي هزت بوشاتها وتليفونها ومشات تزرب لعند نادين تطبطب وتعاود وثانية هذاك وين خرجت من الدوش ..
_مشات حلت عليها لباب ورجعت حلت عينيها تخزرلها ..
_نادين: واو راكي تهبلي واش هذا الزين ..
_رانيا : ههه الله يسلمك .. وهيا جيت نكركرك معايا ..
_نادين: وين ..
_رانيا: للعرس حاجة باينة ..
_نادين: لا مستحيل .. واش خذاني لتم .. مانعرفهمش .. وزيد ماعرضونيش ..
_رانيا: بلا عرضة .. أصلا لحومة كامل يعرفو بعض يجو بلا عرضة .. هيا تحركي ولا والله نزعف منك ..
_نادين: والله مانقدر ..
_رانيا: لا تقدري هيا تحركي قدامي ..
مشات قعدت قدام لمرايا وشدتلها شعرها نشفتها وسشوراته ..وكملت مكيجتلها ..
_رانيا: شوفي كيفاه خرجتي تهبلي .. راكي صغيرة عيشي حياتك ورمي لحزن من قلبك ..وراجلك وقت تتفكريه دعيله بلرحمة مشي تبكي عليه تزيديه عذاب ..
_نادين: بطلت نبكي ..
_رانيا: مالا تحركي جبدي احسن روب عندك لبسيها ..
_نادين: صحااا دوك نشوف ..
مشات لخزانتها تقلب على حاجة سامبل تلبسها ..اما رانيا وقفت على راسها .. وعجبتها روب حمراء مفصلة وتهبل ..
_رانيا: البسي هذي واخطيك من لون الاحمر ..
_نادين: رانيا راني مش لعروس …
_رانيا: ماتناقشينيش وهيا اتحركي .. هزتها ودخلت للغرفة ثانية لبستها وخرجت لعندها ..
_رانيا: اععع دوك راني حاسداتك .. طلعتي تهبلي كثر مني ..وين كنتي مخبية زين هذا كامل ..
_نادين: مش للدرجة هذي ..
_رانيا: هيا البسي في رجليك .. وخلي انا نهز صغرون هذا خليهم يفرح شوي ..
_نادين: رانيا متأكدة انو مكانش ازعاج اذا مشيت معاك ..
_رانيا: أكيد عزيزتي .. هيا تحركي ..
هزتلها راسها .. وهزت بوشاتها وخرجو مع بعض ..
_خذات نفس ورجعت تشوف لرانيا ..
_نادين: وين نمشو دوك …
_رانيا: راح نمشي عند ريم تستنى فيا هي وصحبتها وبنت خالتها باش نمشو كامل مع بعض ..
_نادين: لازم نجي ..
رانيا: واه هيا قدامي ..
تبعتها حتى وصلو قدام لباب ..
_نادين: راح نستناك هنا .. ادخلي نتي ..
_رانيا: صحا براحتك دوك نجو ..
دخلت رانيا عند لبنات وبقات نادين تستنى ..
شوي وسمعت رانيا تعيطلها على جال ولدها ..
_رانيا: نادين وينك ارواحي .. اياد رقد
دزت لباب بشوي ودخلت تحوس عليهم وين راهم ..
_نادين: رانيا .. وينك ..
رمات عينها للصالون بعدها للغرفة لي جنبها ..حطت يدها على لباب وحلاته.. دخلت وبقات واقفة تخزرلها .. جات عينها على تصويرته معلقة فلحيط ..
_نادين: حمار .. شحال نكرهك ..
جات تخرج عاودت ترددت وهزت موس حلاقة كان محطوط ومشات جيهة لفوطو نتاعه .. طاحت فيها حتى شوهتها كامل ..
_نادين: هذي حق لكلام لي ينحكى عليا بسبتك .. قليل اصل ..
الوقت هذاك جبل كان دخل للبناية نتاعهم وطلع مع درجات هذوك ماشي للدار .. دخل طول ومشى لغرفته .. حل لباب ودخل .. على صوته ا تلفتت هي مفزوعة .. وهي الثاني نصدم وقت شافها في غرفته ..
_نادين: ججج … بل ..
_بقى ساكت يخزرلها .. عينيه مابعدوش من عليها وهي ثانية دخلت بعضها لدرجة ماعرفتش تخرج حتى كلمة ..
شاف للموس لي في يدها ولصورته لي تشوهت كامل …
هز حاجبه لفوق ..ورجع حط يديه ا ورا على لمفتاح دوره صكر بيه لباب ..
بلعت ريقها وهزت لموس هذاك في وجهه
_نادين: واش تدير … حل لباب خلي نخرج ..
_جبل: علاه نضيع الفرصة ونتي في غرفتي .. مش قتلك شري دوا نتاع حساسية .. ماتدري واش يصرا فلمستقبل ..
رجعت سخانة لبتها .. وتطرطقت في وجهه ..
_نادين:, حل لباب ..
_جبل:, تفضلي .. حليه واخرجي ..
جبد روحه من لباب ومشات هي تجري حطت يدها على لمفتاح راح تحله …وقف وراها .. ورجع حط يده على يدها ..
_جبل: نتي لي جيتي لغرفتي ..
_نادين،: اطلقني ..
كبس على خصرها يحكي…
_جبل: شا جابك لهنا ..
_نادين: غلطت ..
_جبل: حتى انا لي راح نعمله دوك غلطة ..
_هزت عينيها فيه تحكي ..
_نادين: واش قصدك ..
_جبل: طالعة تهبلي …
رجع نفس نتاعه سخون يضرب في رقبتها مع انفاسها هي لي ماعادتش قادرة تتحكم فيهم مع دقات قلبها لي ماشي وتقوااا ..
_هز يده ثانية حطها على وجها يعدي في صباعه على خدودها ..
_جبل: علاه قطعتي تصويرتي ..
_بلعت ريقها وجبدت روحها منه تحكي ..
_نادين: خاطرني نكرهك ..ونكره تصرفاتك وغرورك وتسلطك وكل شي .. حاط اي وحدة قادرة تنخلع فيك .. كيف المسكينة هذيك …
_بقى مركز معاها ومع كل كلمة تخرجها ويتبسم ..
_نادين: بعد يدك خليني نخرج ..
حطت يدها على لباب راح تعاود تحله .. جبدها بقوة حصرها مع لحيط .. يحكي ..
_جبل: قتلك ماغاديش نضيع لفرصة ..
_نادين: واش قصدك نزل يديك ..
ماخلاهاش كملت كلامها .. شدلها يديها زوج كالاهم مع لحيط وغرس شفافه على شفافها … مش عارف علاه عمل هاك ولا كيفاه .. اما كلامها استفزازاتها خلاوه يتجرأ انو يلمسها .. شي اشبه بين الممنوع والمرغوب .. التناقض هذاك خلاه يتحداها ويتحدى روحه معاها..
شفافه وسط شفافها وبدنه مع بدنها .. ماينسمع غير صوت انفاسهم ودقات قلوبهم ..
#نورااا����
تفاااعلوووو على لحلقاااات لكلحلقة 75:
فاق من سرحته على صوتها وهي حاطة يدها على لقفل نتاع لباب حابة تحله وهو كابس عليها ويخزرلها … حل عينيه على وسعهم ورجع خطوات وراا يستوعب في روحه واش كان يخمم وواش كان يدور في راسه … للدرجة هذي اثرت فيه حتى رجع يخمم انو باسها بطريقة هذي …
نفخ وحط يديه على لحيته عداهم ورجع حللها لباب يحكي بنبرة غضب ..
_جبل: مانزيدش نلقاك هنا ..
_نادين: حتى انا مش مريضة نرجع لهنا .. خرجت وضربت لباب وراها .. تسب بين شفافها ..
_نادين: الله لا تربحك ..
حطت يديها على لباسها تمسح فيهم حتى لقات ريم خته تخزرلها .. بطريقة تاع وحدة فهمت غالط ..
_ريم: نادين .. نتي هنا ..
_نادين: اااه.. غلطت فلغرفة نظن ..
_ريم: هيه هذيك غرفة جبل ..
_نادين: وين الحمام ..
_ريم: هاو قدامك ..
هزتلها راسها ودخلت تجري .. وصكراته ..
_نادين: نشالله ماتكونش فهمت غالط يا ربي ..
قربت من لمرايا تخزر لوجها حمر راح يطرطق ..
حلت السبالة وحطت يديها تحت لما تغسل فيهم وتفرك ..
_نادين: نكرهك .. نكرهك .. نشالله تنحرق يدك قبل ماتعاود تحطها علياا …
هزت عينيها تخزر لروحها وتحاول تطمن نفسها ..
_نادين: مش لازم تبكي .. مش لازم تنهاري بسبة حمار كيفه .. متسلط وحاط روحه حاجة ..وهو كلوشار ودعوة شر …
_تلفتت على صوت دقات على لباب ..
_رانيا: نادين راكي مليحة …
هزت منشفة تنشف في يديها وتحكي ..
_نادين: مليحة .. مليحة دوك نجي ..
_رانيا: اوكي ازربي .. خاطر ولدك ناض وقاعد يبكي ..
_خذات نفس وحاولت تتصرف عادي وخرجت لعندها .. وثانية قعدت تدقق مع ملامح وجها ..
_رانيا: ياخي لباس .. وجهك حمر ..
_نادين: هيه قتلك مليحة .. ممكن اللون تاع لباس نعكس عليا ..
_رانيا: هيه ممكن .. هيا خلينا ننزلو ..
هزتلها راسها وشدت ولدها من عليها … اول ماوصلت جنب غرفته رمات نص عين ورجعت تسب فيه بين شفافها من جديد …
خرجو كامل مع بعض .. هي ورانيا وريم وشيماء الوحيدة لي بقات ولا خلي نقولو تحججت انها راح تلحقهم من بعد هي سومية بنت خالته …
#نورااا
اول ماخرجت من عنده صكر لباب وتلفت يحل في زرار شوميزته .. يحس فلسخانه لباته لكل .. كأنو شي لا ارادي يجذبه ليها .. مشى وقف جنب الشباك وهز عينيه للسما يحاول يرد النفس بأي طريقة … نادين هذي دخلت راسه فجأه وماحبتش تخرج .. ليلة لبارح وليوم ثاني .. وصل يتخيل في روحه انو يبوس فيها .. معنتها تاع الصح هو عنده رغبه جيهتها .. واش تفسير شي هذا من غير انو لمراة هذي قاعدة تخلق في عاصفة داخله .. لي مش عارف من اي طريق ترميه .. كل مرة يلقى روحه في جيهة .. في وقت ومكان خلاف مش عامله حساب … هز يده ورجع قربها من خشمه يشم في ريحتها لي علقت عليه ..
نفخ ورجع عدى يده على رقبته يحكي ..
_جبل: شا راه ڨاعد يصرا معايا انا … علاه نخمم فيها .. شكون هي …
خذا نفس ورجع تلفت مشى جيهة سرير نتاعه هز قرعة البرفان رش منها عليه .. وهز روحها راح يخرج وقت سمع صوت لباب نتاعه نحل ..
دخلت وصكراته ورجعت تشوف ليه .. بنفس النظرات وبنفس الطريقة لي تقابله بيها كل مرة ..
#نوراااا���
تلحق 100 ونحط لي بعدها اراءكم … وكونيكسيون راهي رهج عندي اذا طولت عرفو بسبابها

Leave a comment