Skip links

قصة عاهرة الحي… ج 4

 3,930 عدد مشاهداات

الحلقة 76 :
قاعدة في غرفتها .. على طرف سرير هازة بنتها في حجرها وتخزر للعتمة دايرة بيها … قبل 4 شهور رجع .. وقت وصلها مكتوب منه .. ليلة هذيك ماتنساهاش .. وقت هزت روحها هي وبنتها ومشات للبار هذاك .. في نفس لبلاصة لي لقاته فيها .. بلاما تخمم تعرف اجوبة على اسئلتها رمات روحها في حضنه وستسلمت ليه ليلة هذيك من جديد .. نسات العادات نسات التقاليد واش يقولو نسات كل شي … اسد لي من وقت دخل حياتها وهي كل شي داخل بعضه .. اسد لي حبها بأنانية وخلاها تبكي ليالي بسبابه … اسد لي القدر جمعها في ليلة من ليالي الخريف الباردة .. في صالة قمار كانت هي الهدف فيها …
تنهدت وهزت يديها تعدي فيهم على بنتها لي تخزرلها كأنو تحب تفهم امها في واش تخمم .. البنت لي على جالها قبلت ترتبط بأكثر رجل مغرور فلدنيا هذي .. كيف ماسمحت في شرفها على جال خوها…
نزلت دمعة سخونة مع خدها .. رجعت مسحتها بلزربة تحكي ..
_بيلسان: ماراحش نبكي عليك ..وماراحش نسمعلك بعد ليوم .. عمرك راح تحس بلي عشته انا فل 6 اشهر هذوك .. عمرك راح تضمد جروحي لي نتا كنت سبابهم .. ببساطة خاطرك .. انسان اناني .. مايفكر غير في روحه ..
هزت عينيها على باب غرفتها لي نحل على وسعه ..
_نورية: خير يا لالة قاعدة فلعتمة كلبومة .. نوضي عندنا عرس .. روحي هزي فيه شوي بلاك زهرك يعاود يفطن ..
_بيلسان: ماراحش نمشي ..
_نورية: نوضي .. راهم لجوارين ديجا بداو يهدرو فينا .. لي تقول طلقها ومشى ولي تقول بيلسان تهجلت ببنت ..
_بيلسان: يحكو واش يحبو واش دخلني فيهم انا .. الله يخليك امشي وخليني ..
_نورية: والله وماتنوضيش تتحركي وتقلبي هذا الوجه لا ما نقلب عليك الدار ..
_بيلسان: يعني بلزور هكا ..
_نورية: واه تحركي .. وهاتي صغيرة هنا .. بركي ما نهار ونتي مقابلتها وتنوحي .. حابتها تخرج كيفك ..
مشات فكتها منها وخرجت بيها ..
_بيلسان: وين ماشية بيها ..
_نورية: ماتخافيش راهي عندي .. راح ننزل للحومة نسا كامل وصلو بقينا غير حنا .. واسمعي عدلي روحك ..
_بيلسان: علاه .. واش تخططي
_نورية: مانخطط ماوالو عدلي روحك وخلاص ..
_هزتلها راسها وتبعتها راح تمشي تصكر لباب ..
_نورية: راه عندي لمفتاح .. نصكره وحدي .. غير امشي عدلي روحك ..
هزتلها راسها وبقات في غرفتها على طرف سرير .. ورجعت تلفتت للقجر لي جنبها حلاته وهزت خاتم زواجها تخزرله .. تبسمت وهي تتذكر نهار هذاك وقت مشاو البيت لي فتحلهم فيه الشيخ .. كل شي تعدى بسرعة .. عامين فاتو بلخف .. تبدلو حاجات بزاف فيها .. اما علاقتهم مزالها ضايعة كيف اول نهار .. وقت تتلاقي براجل من جليد .. مايعرفش واش راكي تحسي نتي … يعرف غير هو واش يحب ..
تنهدت وناضت رمات لخاتم هذاك وسط لقجر ..ومشات نحت ثيابها ودخلت تحت لما ..
الوقت هذاك نورية كانت هازة كيان بنتها في يدها وتستنى فيه .. شوي وسمعت صوت خطواته طالع مع الدرجات هذوك …
اول شي عمله .. هز كيان لي عينيها لصقو فيه كأنو عرفاته .. كبشت فيه بيديها زوج .. ورجعت تمس في لحيته ..
_نورية: عاش من شافك .. توحشناك ..
_ضحك وقعد يمسح على راس بنته ..
_اسد: قلتيلها بلي راني جاي ..
_نورية: لا عملت كيف ماطلبت مني .. وحتى لمفتاح عندي هاو ليك .. دبر راسك نتا وياها .. حكو لي لازم ينحكى .. وبعدها خوذو قرار مع بعض .. انا عن نفسي حابتكم ترجعو ..مانحبش كيان تربى بعيدة على بوها ..
_اسد: نعرف .. وحكيت معاها فلموضوع .. وهي ميبسة راسها …
_نورية: المهم نسيبي هاني وصيتك مهما حاولت تصدك ماتسمعلهاش ..وماتخرج منا حتى تكون قنعتها ..
_هزلها راسه يضحك .. كلامها ديما مدخله في حيط هو وتصرفاتها ..
_اسد: اعطيني لمفتاح ….
مداتهله ورجعت طبطبت على كتفه ونزلت وخلاته هو وبنته واقفين قدام لباب هذاك ..
نفس لباب ونفس العمارة لي جاها قبل من قريب عامين .. اما المرة هذي الظروف خلاف … هاز بنته .. بنتهم مع بعض .. وواقف على بابها متأمل انو يقدر يصلح واش هدم بيديه هو ..
#نورااا🌹🌹🌹
تفاعلوووو تلحق 100 نحط لي بعدها .. حلقة هذي لجماعة عشيقتي بالقمار باش تعرفو واش صراااالحلقة 77:
نزلت مع درجات هذوك هازة ولدها بين يديها .. ورغم انها مع لبنات الا انو عقلها شارد بعيد عليهم .. مش حاسة على واش يحكو ..
_رانيا: نادين .. نادين .. يا خي وينك ..
_نادين: اااه.. هاني هنا ..
_رانيا: واش كاين من قبيل كنتي مليحة ودوك تقول في عالم ثاني …
_نادين: شي .. غير حاسة روحي تاعبة ..
_رانيا: معليش ..هيا خلينا ندخلو للخيمة مع نسا ..
اول ماوصلو .. لخيمة هذيك كانت تغلي .. كراسا وطاولات ونسا ولغنا .. حد مايسمع حد ..
فلجيهة ثانية كانت قاعدة خيرة ونورية ومعاهم سكينة وجارة خلاف ..
_خيرة: قبيل شفت طوموبيل قدام لبناية نتاعكم .. تاع شكون زعما ..
_نورية: هااا نسيبي .. تاع نسيبي .. مش قتلك راه يظل يجري وراا بيلسان .. يحبها ترجع وراكي عارفة نسا يحبو يشنفو شوي جى يرضيها ..
_خيرة: هممم مالا صح يحبها ..
_نورية: غير يحبها .. راني نقولك يعشقها ..
_خيرة: والله زهرها وحده بيلسان هذي .. بنتي مسكينة مزالها معلقة هنا تستنى وقتاش يفرح ربي وتدير عرسها …
_سكينة: رانيا متربية الله يبارك .. دوك تتزوج وتفرح ..
_خيرة: هيه .. حاجة باينة .. المهم يبقاو ولاد الحرام بعاد عليها ..
_سكتت سكينة وقت فهمت انو ترمي فلكلام وتقصد في خالد ..
_خيرة: نورية زعما بيلسان مامشاتش لكاش وحدة .. والله انا كنت نقول طفلة لحقت 30 ماتتزوجش .. بصح هاي تزوجت وبراجل مش اي واحد ..
_نورية: واش تقصدي .. زعما انا مشيت للشوافات .. باش تزوجت بنتي ..
_خيرة: لا حاشا .. بصح كاش ما ضربتيلها خفيف ولا .. خلي نضرب لرانيا ثاني باش تخفاف وتطير من هنا ..
_نورية: لا مادرتلها والو … واذا تحوسي على شوافة نحوسلك وننعتلك وحدة .. سمعت بلي عقارها قاوي ..
_سكينة: يا لطيف .. تفووو من لسانكم هذا شرك ..
_خيرة: علاه رانا نكفرووو ..وزيد غير رانا نحكو ..
_نورية: خلينا منها هذي لاعبتها شريفة مكة .. وولدها مايصحاش من الشراب ..
_سكينة: الله يهديكم .. انا خلوني نبدل الطاولة .. الواحد اذا حب يكسر راسه يقعد معاكم ..
هزت روحها وخلتهم . وهوما كملو يحكو ..
_نورية: شوف كيفاه نافخة روحها ..
_خيرة: طريق السد نشالله …
_نورية: هذي مشي بنتك ..
_تلفتت خيرة تخزر لمحت رانيا وجنبها نادين واقفين يحوسو على بلاصة يقعدو فيها …
_ خيرة: هذا لا وصيتها ماتدورش ببنتي …
_نورية: واش كاين ..
_خيرة: لي حكيتلك عليها .. جارتي جديدة ..
_نورية: اااه قصدك .. لي مصاحبه ولد سميحة ..
_خيرة: واه هي … شوفي كيفاه دايرة ….
_نورية: الله يبارك شابة .. تبان عاقلة .. الله واعلم ولد سميحة كيفاه لعي بعقلها ..
_خيرة: حاجة باينة … يكون لعب بعقلها بصح حتى هي مشي قليلة .. تكون قاتلك راجلي ميت .. ومانكسرش راسي بزواج .. ندبر راجل ونهني راسي ..
_نورية: علاه تفكري فيااا يا خيرة جارتي علاه .. انا من وقت مات لمرحوم وانا محرومة حنانة .. وقت قلت راح تصدقلي مع بو نسيبي مات هو ثاني وقعدت فلحومة هذي لمنحوسة ..
_خيرة: مشي زعما راكي قاعدة فيها خاطر ريحة المرحوم فيها ..
_نورية: واش من ريحة حمبوك .. درتي عليااا 😂😂😂😂
#نوراااا🌹🌹🌹🌹
(لحلقة هذي للضحك 😂😂😂)الحلقة 78:
تلفت ليها وبقى واقف يخزرلها يحب يفهم واش قاعدة تدير هنا ..
_جبل: خير .. علاه مانزلتيش معاهم ..
_سومية: حبيت نشوفك قبل ..
_جبل: وعندك نورمال تقعدي نتي وراجل وحدكم في نفس لغرفة …
_سومية: جبل .. ماتقعدش تحاول تجرحني بلكلام .. راني ماننجرحش منك ..
_جبل: اوكي .. أمورك .. دوك اخرجي من غرفتي ..
_تبسمت ورجعت قربت تمشي جيهته وتحكي ..
_سومية: واش رايك فيااا .. زعما مانصلحش نكون مرتك … ولا كاين شكون في حياتك ..
_جبل: لا حاشا ختي .. انا لي مانصلحش ليك ..
_سومية: مارانيش ختك .. انا بنت خالتك ..
_جبل: والله انا لي نعقل عليه انو من وقت وعيت وانا نقولك ختي .. شاتبدل دوك ..
_سومية: تبدلو حاجات بزااف .. منهم انو انا كبرت ورجعت مرة مش صغيرة .. وخالتي قالت انو انا ونتا راح نتزوجو .. قلت نجي نشوف رايك فياا ..
_نفخ وهز تليفونه رسل ميساج لخالد .. وكمل يعيط لبشرى ..
_سومية: واش تدير ..
_جبل: مشي قلتي اذا كاين حد في حياتي .. واه كاين وهاني نعيطلها .. اخرجي ..
_سومية: تكذب .. خالتي قالت ماكان حد ..
_جبل: خالتي خالتي ..واش دخلني بخالتك انا .. نتزوجك بسيف ..
_سكتت وقت حست كلامه جرحها المرة هذي ..
_سومية: علاه تحكي هاك…
_جبل: راح نخرج انا وخليك نتي هنا .. خاطر راني نحاول نحكي باحترام معاك .. بصح باين عليك تبغي لي ينشعك .. باش تفهمي ..
هز روحه جيهة الباب خارج .. عرضت طريقة تحكي ..
_سومية: واش ماعجبكش فيا نصلحه ..
_جبل: يا بنت الناس .. راكي مليحة ومافيك حتى عيب .. يا انا مارانيش باغي نتزوج .. حابين تجهلوني . نتزوج بسيف .. ولا نقولك حاجة ..خاطر دوك وصلت معايا للفوق .. اخزري تحت ..
_سومية: واش ..
_جبل: والله ماتتحرك فيا شعره وقت نشوفك .. كيفاه حابتني نتزوجك ..
حلت عينيها على وسعهم وهزت يدها راح تضربه .. كبس عليها ولواها رجعها ورا يحكي ..
_جبل: عاودي رفدي يدك وتشوفي شا ندير .. ودوك نظن بعد لهدرة هذي اذا ماعندكش قيمة عاودي لحقيني ..
دزها ومشى خرج ..وخلاها لتم تستوعب فلكلام لي حكاه معاها … حساته نقص من انوثتها وقيمتها …
عدت يدها على خمارها .. ورجعت تحاول ماتبكيش .. مشات خطوات جيهة الشباك وبقات واقفة لتم .. تحكي بينها وبين روحها ..
_سومية: الا ماندمك على كل كلمة حكيتها معايا .. وليام بيناتنا يا جبل ..
#نورااا
خرج برا وخبط لباب ..
_جبل: ياخي مصيبة .. مانعرف من وين يخرجو لي كيفها ..
_خالد: واش كاين .. علاه تاكل في روحك ..
_جبل: والو .. غير شوي تقلقت .. قولي السلعة عندك ..
_خالد: واه عندي .. وليلة نبيعوها وحد مايحس بينا ..
_جبل: رد بالك .. اذا فاقولنا نعشو فلحبس ..وانا ماعينيش ننحبس دوك ..
_خالد: مشي الحبس للرجال صاحبي ..
_جبل:واه بصح بدلت رايي …
_خالد: خير واش لي بدلك رايك ..
_جبل: والو. .. والوو .. هيا خلينا ننزلو ..
نزلو مع بعض فلدرجات هذوك للتحت ..وين كانو رجال .. ولجيهة ثانية قاعدين نسا ..
#نورااا🌹🌹🌹
تلحق 100 نحط لي بعدها .. تفاعلووو لبنات راكم راقدين ليلة غير لخير 🙄🙄الحلقة 79:
تمشي هي وختها .. خطوة لقدام وعشرة وراا .. خايفة من لي ممكن تسمعه ليلة .. ممكن هذا شي راح يقلب حياتها للاحسن ولا للاسوء …
_حورية: يعني ناس تمشي فالنهار وحنا ماشيين فليل … ماراكيش خايفة يضربنا كاش جن من جنونها ..
_بشرى: من واش نخاف وانا حياتي ديجا راهي مرنكة .. خلينا نمشو ونقطع الشك من راسي ..
_حورية: بصح هذي صح مريضة كيفاه عطاتك غراضها …
_بشرى: انا لي مريضة مشي هي … خلينا نمشو ازربي ..
_حورية: والله كان يفيق بيا راجلي بلي راني نمشي للشوافات في عقابل ليالي غير يقلب الدار بيااا .. هاني قتلك نتي سبابي اذا طلقني ..
_ماردتش عليها وكملت تمشي حتى وصلو للبناية لي عايشة فيها امينة ..
_حورية: كون مانلقوهاش .. ولا تخمم تطردنا …
_بشرى: مانعرفش نجربو ونشوفو ..
دخلو للبناية هذيك معتمة وظلمة تقطع فيها .. وصوت قطط برااا .. الوضع يرعب ..
طلعو مع درجات هذوك شادين في يدين بعض ..
_حورية: الله لا تربحك يا بشرى .. حابة تقتليني وانا صغيرة ..
_بشرى: مشي نتي ختي .. اتحملي على جالي ..
_حورية: جايبتني فلوقت هذا وحابتني مانخافش .. اذا خرجنا من هنا رانا ملاح ..
وصلو قدام لباب مترددين ..وخايفين ووحدة تطلب من ثانية تتشجع وتدق لباب …
_حورية: والله مانحط يدي على لباب .. دبري راسك هذو صوالحك طبطبي نتي ..
_خذات نفس وحطت يدها على لباب تدقدق … شوي وسمعو صوت خطوات جايين ..
شوي وحل عليهم لباب .. لابس شورط وصدره عريان وكرشه مدفڨة قدامه ..
_حورية: خير ..
_صمدو: خير بلزينات .. نتوما مشي لي جيتو قبل ..
_بشرى: واه حنا هوما ..وين راهي امينة ..
_صمدو: شا بغيتو ..
_حورية: محتاجينها .. اذا تقدر تعيطلها ..
_صمدو: راهي شوي مريضة .. بصح معليش ادخلو ..
حللهم لباب ودخلو ورا بعض شادين في يدين بعض .. ويخزرو مع الدار يتأكدو اذا كاين شكون فيها ولا راهم معاه وحدهم ..
دخلو لناس لغرفة لي قعدو فيها لمرة لي فاتت .. وصكر هو عليهم لباب ..
_حورية: راني خايفة ..
_بشرى: راني كثر منك .. بصح ماحبيتش نبين قدامه ..
شوي وسمعو صوت عياط من برا .. حلو عينيهم على وسعهم ورجعو يترعدو ..
صوت مراة تعيط باعلى صوتها .. الدم جمد فيهم وقعدو يخزرو لبعض بخوف ..
_حورية: بشرى ختي نوضي نهربووو ..
_بشرى: وين نهربوو .. لعياط جاي من برااا .. غير اذا رمينا رواحنا من الشباك ومتنا …
قعدو يبلعو في ريقهم ومشاو جيهة لباب حلوه بشوي يحلولو يشوفو واش قاعد يصرااا .. حتى لمحوها واقفة مقابلتهم .. من رعبتهم رجع. يجرو لبلاصتهم ..
حلت لباب على وسعه عليهم ..
_امينة: واش جابكم فلوقت هذا …
_بشرى: انا .. انا ..
_امينة: انطقي ..
_بشرى: جبتلك واش طلبتي .. نحب نشوف واش راح يصرا ..
_امينة: جاييني فليل .. راني نخدم فلنهار ..
_حورية: والله حتى انا قلتلها .. هيا نوضي خلينا نمشو ..
كبست على يد ختها بمعنى اقعدي ونطقت تحكي ..
_بشرى: مادام جينا نظن ماراحش تردينا .. ولي حاجتك بيه جبته معايا .. شوفيلي هذي لمراة اذا هي لي راح تبعثر حياتي ولا لا …
_حورية: واش راكي تديري …
_امينة: باين عليك ماتفهميش …
_بشرى: نحب نعرف ليلة قبل غدوة ..
_سكتت امينة وبقات تشوف ليها ..ورجعت طفت الضو هذاك ونطرت الوشاح من يدها وقعدت في لرض وشداته بين يديها … حاكة يدها على قلبها وتدعي انو مايصيرش لي في بالها ..ومايكونش شعورهم متبادل هي وياه…
#نوراااا🌹🌹🌹
تفاعلوووو حلقات شابين جايين فلطريقالحلقة 80:
تعبت وهي واقفة تستنى تلقى طاولة فارغة .. فلاخير جاب ربي زادو جابو طاولات وكراسى ثانيين .. مشات قعدت مع رانيا وريم وشيماء على نفس الطاولة .. حاطة ولدها في حجرها ..وتخزر للاجواء كيفاه .. ممكن هذا اول عرس تحضره في حي شعبي .. بلعادة الأعراس لي تحضرهم كامل فلي صال …
_رانيا: كيفاه جاك الجو ..
_نادين: هههه هاني نستكشف …
_رانيا: حتى من اياد راه فرحان شوفي كيفاه يضحك ..
_نادين: هههههه الحمد لله مزال مابكاش ..
_شيماء: شحال في عمره ..
_نادين:عام ..
_شيماء: ربي يحفظهلك ..
_نادين: امين ..
تلفتو على صوت خيرة واقفة على راسهم تحكي ..
_خيرة: رانيا ..
_رانيا: اااه أمي ..
_خيرة: ارواحي معايا دقيقة نحكي معاك …
هزتها على جنب في بلاصة وين لموسيقى ناقصة فيها تحكي ..
_رانيا: واش كاين أمي ..
_خيرة: شا مقعدك مع نادين …
_رانيا: علاه كاين مشكل ..
_خيرة: واه كاين مشكل .. لمراة هذيك سمعتها مش مليحة .. من سمانة مدخلة ولد سميحة عنده للدار .. وليامس جايبة راجل مدخلاته عنده شفته بعيني والله واعلم شا مخبزة ثاني ونتي قاعدتلي معاها .. راه عرسك قريب مانحبش يحكو عليك …
_رانيا: الله يهديك أمي .. من وين تجيبي فلكلام هذا .. وزيد انا واش دخلني فلناس واش يحكو .. وزيد نادين مليحة معايا علاه نحوس على ناس ..
_خيرة: يا طفلة ماتهبلينيش ولا نعيط لبوك يتفاهم معاك .. وهاني وصيتك .. نادين وولد سكينة السكارجي مانلقاكش درتي بيهم ..
_رانيا: واش بيه ثاني خالد .. حطيتيه في راسك هو الثاني ..
_خيرة : شدي فمك راني امك ..وتحركي قدامي ..
__رانيا: راح نطلع للدار .. حاسة روحي تقلقت ..
فكت روحها من امها وطلعت تزرب مع الدرجات هذوك لدارهم وهي تلعن بين شفافها ..
_رانيا: الله لا تربحهم .. لسانهم طويل مايتقصش .. حد ماسلم منهم ..
هزت تليفونها لي بدا يصوني .. ورجعت نفخت وردت عليه ..
_رانيا: واه ..
_تامر: وين راكي ..
_رانيا: علاه .. دقيقة نسمع في صوت الموسيقى عندك .. راك هنا ..
_تامر: واه راني تحت نحوس عليك بعينيا مالقيتكش ..
_رانيا: دوك طلعت للدار شوي وننزل ..
_تامر : اوكي ..
علقت عليه وكملت طلعت حلت لباب ودخلت تاكل في روحها ..
_رانيا: ياربي نخلص منكم .. مراة مسكينة ماخطيتوهاش ..
دخلت للكوزينة وحلت لبراد .. جبدت قرعة مااا شربت منها ورجعت تركزت على طاولة تخمم تذكرت خالد لدوك مابانش .. مش كان يقوللها ليلة نتلاقاك زعما واش حب يحكي ..
هزت كتافها وصكرت لقرعة هذيك ورجعت بلاصتها .. اول ماتلفتت قفزت في بلاصتها ..
_رانيا: خلعتني .. واش جابك هنا ..
_تامر: قلت مادام تحت عباد بزااف نجي عندك باش نقدر نشوفك براحتي ..وزيد لقيت لباب مفتوح ..
_رانيا: اااه صحاا .. هياا خلينا ننزلو ..
_تامر: علاه مزروبة خلينا مع بعض ..
_رانيا: لبنات تحت يستنو فيااا ..
جات تمشي شدها من يدها جبدها يحكي ..
_تامر: طالعة تهبلي ..
_تبسمت طرف تبسيمة وهزتله راسها ..
_رانيا: الله يسلمك .. كيفاه حتى جيت ..
_تامر: امك حكات معايا ..
_رانيا: اااه مالا هي لي طلبت منك تجي ..
_تامر: علاه مافرحتيش…
_رانيا: لا فرحت اكيد .. اااه مش كأنو حد يعيط برااا راح نمشي نشوف ..
جات تمشي لحقها جبدها حصرها مع الزاوية ..
_رانيا: واش راك تدير .. نزل يديك ..
_تامر: طالعة تهبلي .. ماقدرتش نضبط روحي …
_رانيا: بعد عليا ..
رجعت تضرب فيه وشي كابس على يديها ويحاول يبوسها وهي تحرك في راسها من كل جيهة ..
_الوقت هذاك خالد كان خارج من دارهم صكر لباب ونازل مع درجات هذوك .. تعدى جنب الدار .. وبعدها سمع صوت ستغرب اما صوتها يعرفو ويميزوو ..
تلفت لدارهم لقى لباب محلول .. ضيق عينيه وقرب خطوات جيهته ودز لباب على وسعه وقت قابلوه للزوج فلوضع هذاك ..
#نورااا🌹🌹🌹لحلقة 81:
بلعت ريقها وهي تخزرله شعرها داخل بعضه وعينيها معبيين بلدموع ..
_رانيا: خخخ.. الد ..
_جبد روحه تامر منها يحكي ..
_تامر: الظاهر فيا نسيت لباب محلول .. ديزولي رنوشتي ولا راني صكرته ..
بقى خالد يخزرلها يحاول يتاكد انو صح هي فلحالة هذي مع خطيبها .. وهي تقول لسانها بلعاته .. دموع تحجرو في عينيها وماقدرت تحكي حتى حرف .. تبلع في ريقها وتستنى فلي جاي .. تستنى في ردة فعله على لي قاعد يصير .. اما شي .. امالها تحطمت وقت خرج ورجع جبد لباب عليهم ..
_تامر: غبي .. ماعجبنيش من آخر مرة فلسينيما .. حسيته يخزرلك بنظرات مش ملاح ..
حطت يدها على قلبها ونزلو دموعها .. وكملو رجعو شهقات .. تبكي على زهرها ..وحبها ليه لي ماعادتش قادرة تتحكم فيه ..
متركزة مع لحيط ودموعها ينزلو بحرقة …. هو الثاني واقف فلطرف الثاني من لباب .. كابس عليه ويحاول يتمالك اعصابه ومايعملش حاجة يندم عليها .. هذا خطيبها ومن حقهم يصرا اي شي بينهم .. وهو ماعندهش الحق باش يحكي كلمة ..
حط صباعه بين عينيه يحاول يهدي اعصابه وشي .. حاجة داخله تقوله ادخل اعطي للكلب هذا طريحة خليه يندم على دقيقة لي قرب فيها ليها ..
دز لباب على وسعه .. ومشى يزرب جيهته خطفه من تريكوه كبس عليه يحكي ..
_خالد: واش تدير هنا نتا .. واش مجيبك فلوقت هذا ..
_تامر: ااااووو .. واش دخلك نتا .. دار خالتي وهذي خطيبتي ولا نحتاج اذن منك …
كبس على طرف شفته يحكي بين شفافه ..
_خالد: ياربي عطيني الصبر ..
_تلفت ليها لقاها تبكي ..
_خالد: طفلة تبكي باين عليك قاعد تجبر فيها …
_تامر: رانيا احكي معاه مايتدخلش بينا … واش نتوما تاع الحومة هذي كامل هاك …
كبست على بوشاتها وخرجت تزرب هاربة منهم للزوج ..
شاف ليه خالد ورجع ضربه براسه جابه في لرض .. وخرج يجري لحقهاا .. جبدها من ذراعها قبل ماتنزل ..
_خالد: وين هاربة نتي ..
_رانيا: اطلقني ..
_كبس عليها يكركر فيها وشي ماحبتش .. كبس على يديها الزوج وهزها على كتفه وهي تضرب فيه .. طلع بيها حتى لحقو لباب دارهم .. جبد لمفتاح حل لباب ودزها للداخل ..
_جات تجري جيهة الباب عاود شدها وصكره بلمفتاح ..
_رانيا: واش تدير نتا .. خليني نخرج ..
_خالد: خليك ..
_رانيا: مانحبش .. اطقلني ..
_خالد: منك صح هذي لبسة لابستها .. مين ما #### كامل مليح ..
_رانيا: واش دخلك نتا .. خطيبي وانا حرة وحل لباب .. خليني نخرج علاه حابسني هنا ..
مشات تحل لباب لحقها وقف وراها وكبس على يدها يحكي ..
_خالد: خليك ماتمشيش .. راني لدوك مش عارف كيفاه قدرت نتحمل نشوف لمنظر هذاك ..
_رانيا: ماتصعبش الموضوع عليااا .. خليني نخرج ..
_صكر عينيه ورجع قرب خشمه من شعرها يحكي ..
_خالد: خليك .. خليك هنا .. وقت تكوني بعيدة كل شي يصعاب عليا ..
هزت عينيها مقابلين لباب وتلفتت ليه وقت جات عينها في عينه ..
_رانيا: ماتحكيش شي أكبر منك … ماتحكيش كلام مامنوش وجود .. ماتخلينيش نعيش شي هذا من جديد …
بقى يشوف ليها .. وكمل شبك يديه مع يديها يحكي ..
_خالد: مكانش شي أصعب من انك تكوني بعيدة …
هز يده حطها على خدها عدى صباعه يحكي ..
_خالد: ماتخليهش يقربلك مرة ثانية .. خليك كيف ماعرفتك .. ماتخليش الأمور هذوك يجو قبل زواجكم ..
هزت عينيها فيه .. ورجعت دزاته بكل قوتها ..
_رانيا: الله يلعنك ..
تلفتت حطت يدها على لباب تحل فيه .. جبدها من خصرها كبس عليها
_رانيا: اطلقني يا خرااا .. اطلقني ..
بقى يشوف ليها .. عينيه حامو على كامل وجها .. بعدها حط شفافه على شفافها بقوة ..وخلاهم يغوصو ويعيشو اول تجربة معاها … و كلما كانت تدزه يرجع يكبس عليها كثر بيديه ويخلي شفافه يتطبعو على شفافها … فلاول قعدت تقاوم فيه .. اما طول بعدها رتخفت بين يديه ويديها رتخفو على صدره ..
#نورااا���لحلقة 82:
دور المفتاح وسط لباب ودخل هاز بنته بين يديه .. دور راسه لقى كل شي هادي .. مشى طول لغرفتها ووقف قدامها … على قد ثقته بنفسه الا انو المرة هذي خايف .. خايف يواجهها من جديد ..وتذكره بكل شي خلاها تعيشه … خذا نفس وحط يده على لباب حله ودخل .. مالقاهاش .. شاف للسرير لقاها حاطة غراضها لي راح تلبسهم ..ووقت سمع صوت لما لي جاي من الدوش عرفها داخل ..
حط بنته على سرير .. ومشى قرب جيهة لباب نتاع الحمام …
عدى يده على لحيته .. و جع حله .. اول مادخل لقاها متلفتة وواقفة تحت لما لي قاعد ينزل على كامل بدنها … البدن نفسو لي عشقو من شهور .. هذي بيلسان نفسها لي دخلت حياته فجأة وقلبتها وخلاته مايحوس غير عليها .. بيلسان نفسها لي خلاته يعيش الحب بطريقة جديدة .. بيلسان نفسها لي عذبها معاه ورغم كل شي خلت الوحش داخله يهداا ويموت … على قد خوفه من حبها هو حبها .. على قد خوفه من وجودها في حياته خلاها دخلت … اسد وبيلسان .. نفس الشخصيات لي دخلوو عقلي وخلوني نسهر ليالي معاهم وانا نحاول نفهم ونفسر علاقتهم لي انا بيدي مزال ماعرفتش واش تفسيرها .. اكثر زوج متناقضين ومتوالمين ..وقت تحكي على بيلسان الانسانة لي كلها مشاعر وعاطفة وتفهم .. تلقى فلمقابل اسد .. اسد البارد المغرور لي مايخمم غير في روحه .. اسد لي خلاها تعيش من اول ليلة معاه عذاب .. اسد نفسو لي قبل عامين للتالي ربحها في لعبة قمار وخلاها تذوق اول علاقة كانت نتيجتها بنتهم … وين كانت هي تحارب على جال بنتها هو كان يتصرف بنفس الغرور لي عنده ويحاول يكسرها في كل فرصة … ممكن اكثر ثنين تليق عليهم عبارة الجميلة والوحش هوما هذو زوج .. بيلسان كانت المرأة لي دخلت حياته وقلبتها وخلاته يستسلم قدام حبه ليها … ورغم انو لدوك باقي يكابر ويحاول يبينلها انو يقدر يكمل طريقه بلا بيها الا انو مش قادر …
كل شي تعدى بين عينيه وهو يخزرلها هكاك …وهي واقفة عاطياته بظهرها .. صكر عينيه وهو يستحضر في كل لحظة عداها معاها …
هز يديه حل زرار شوميزته نحاها وبقى هكاك ومشى خطوات جيهتها .. اول ماتلفتت لقاته واقف مقابلها تحت لما هذاك … حلت عينيها على وسعهم وهزت يديها حطتهم على صدرها تحاول تغطي روحها ..
_بيلسان: واش راك تدير هنا ..
_اسد: جيت نرجعك ..
_بيلسان: حكايتنا خلاصت ..
_اسد: تشفاي نهار جيتي لعندي للدار ووقفتي برا وقطعتي طريق عليا …
ضيقت عينيها تتذكر وينه نهار يقصد .. اذا على نهار بعد شهر من لقاءهم فلبار المنحوس هذاك ..
_بيلسان: نتذكر .. واش بيه ..
_اسد: وقتها عملت روحي مانعرفكش ورغم عام اصريتي وقلتي انو انا ونتي تلاقينا قبل شهر … وقتها ماجيتيش وحدك جيتي ببنتي في كرشك …
_بيلسان: بنتي انا مش بنتك يا عديم الاحساس ..
_اسد: وقتها قلتيلي البنت بنتك رغم انو نكرت ..
_بيلسان: واش ثاني .. علاه تفكر فيا ..
_اسد: نتي اصريتي انك دخليني في حياتك وقتها رغم انو قتلك تقدري تنزلي صغير ..
_بيلسان: واش تحب مني ..
_اسد: مادام وقتها جيتي ليااا كنتي مستعدة انك تدخلي حياتي نتي وبنتي .. وقبلتي كل شي حتى شروطي قبلتيهم … ماتقدريش دوك تجي فجأة تطلبي مني نخرج …
_بيلسان: 6 اشهر وانا نتعذب .. كرهت فيهم بنتي وحياتي .. نبكي ونندب عليك وفلاخير طلعت عايش ..
_اسد: علاه مافرحتيش .. علاه ماجيتيش عندي تجري ورتميتي في حضني من اول فرصة .. ولا راني غالط ..
_بيلسان: الله يلعنك .. ماعادش تفكرني .. واخرج من وجهي ..
_اسد: بيلسان انا ونتي نعرفو بلي راكي تكابري باطل .. وقتهالك قبل حتى عذابك حلو .. يعني حتى ونتي تحكي هاك انا تدخل من تخرج من ..
_بيلسان؛معنتها نتا بلوة وموحال نتخلص منها ..
تبسم وهز يده عداها على وجها يحكي ..
_اسد: صدقيني ماتبدل شي .. اسد هو نفسو اسد لي عرفتيه من اول نهار وبيلسان هي نفسها لي عرفتها من اول يوم …
_بلعت ريقها ونزلت عينيها على صدره .. حتى وصلت الوشم لي على ذراعه .. ممكن هذيك اكثر حاجة عمرها تنساها انو حط اسمها .. المغرور المتكبر لي كان يكسرها في كل فرصة حط اسمها هي ..
_طلعلها راسها يحكي ..
_اسد: خلينا نرجعو من جديد .. انا ونتي اكثر زوج متناقضين ومتوالمين ..
_بلعت ريقها وعطاته بظهرها ماتحبش تشوف ليه باش ماعادش تضعف كثر وكثر ..
اما هو الثاني كان يعرف كيفاه كل مرة يخليهاا تحس بوجوده في حياتها .. وحتى بحبه لي لدوك مش عارف كيفاه يوصلهلها ..
حط شفافه على رقبتها .. وهبط يديه على خصرها ..
_صكرت عينيها وحاولت ماترعش وتتحكم في روحها اما شي … اكثر حاجة ماكانتش تقدر تقاومها هي لمساته عليها ..
تلفتت بلوقت وحطت يديها على صدره وغرست شفافها وسط شفافه وهوما واقفين تحت لما هذاك لي بللهم بلكامل …
حصرها مع لحيط .. وكمل يبوس فيها .. ويديه مشبكين مع يديها …الحلقة 83:
شدت الوشاح هذاك بين يديها وكملت صكرت عينيها ..
_امينة: نوضي نتي جيبيلي الشمعة لي فلقجر .. ناضت حورية تجري جابتها والثانية شعلتها وحطتها قدامها وكبست على الوشاح هذاك بين يديها ..
_بشرى؛ واش راكي تشوفي ..
_امينة: ماتحكيش ..
_حورية: اسكتي بشرى ..
رجع. يتبعو فيها بعينيهم .. شوي وملامح وجها بدات تتبدل .. وعينيها يتصكرو ..
حطو يديهم على قلوبهم خايفين من الوضع .. خاصة انو راه ليل …
_امينة: واش اسمها ..
_بشرى: نادين .. نادين اسمها ..
سكتو للزوج يستنو فلي جاي .. مرة دقائق وهي هكاك .. بعدها حلت عينيها على وسعهم وطفت الشمعة هذيك ..
_بلعت بشرى ريقها وشافت ليها تحكي ..
_بشرى: واش كاين .. واش شفتي …
_حورية: خير امينة ختي .. كاين بشارة ولا لا ..
_امينة: نتي راكي بلحمل ..
_حورية: شكون .. هي ..
_امينة: راح تحملي منه ..
_حلت بشرى عينيها على وسعهم وحطت يدها على كرشها .. معنتها لي صرا لبارح بينا .. راح نحمل .. مش مصدقة ..
من فرحتها نسات تحوس على نادين وواش كاين .. شافت لختها تضحك ..
_بشرى: سمعتي .. قاتلي راح تحملي .. معنتها ليلة لبارح جابت نتيجة ..
_حورية: شفتي قتلك .. رجعت سكتت وشافت لأمينة تحكي ..
_امينة: ياخي .. الوشاح هذا تاع نادين .. مش تاع بشرى .. واش شفتي غيره ..
هزت الوشاح هذاك طبقاته ومداتهلها ..
_بشرى: واش كاين ..
_امينة: كلامي نفسو ماتبدلش .. المرأة هذي هي نفسها ..
_حورية: وواش راح يصرا ..
_امينة: لي قدرت نشوفه مش واضح قليل ..
_بشرى: واش كيفاه مش واضح ارجعي شوفي ..
_امينة: تقدرو تمشو دوك كملت خدمتي ..
_حورية: صحااا ودوك مادام ختي راح تحمل .. راح بتزوجها ..
_سكتت ورجعت شافت ليهم تحكي ..
_امينة: قتلكم لمراة هذي جات من بعيد وضيعت شي وراح تلقاه في حومتكم … وراجل لي تحكي عليه راح يعشقها …
_بشرى: وهي هي .. راح تحبه ..
سكتت ماجاوبتهمش…
هزو حطولها دراهمها وجاو خارجين جيهة لباب .. نطقت تحكي وهي تخزر للقدام .. كأنو للحظة حد حكى في بلاصتها …
_امينة: نادين راح تحب جبل .. نادين راح تعشق جبل … نادين راح تموت بسبة جبل ….
لحمهم شوك ووقفو في بلاصتهم يرعشو … حتى انو صوت تاع لمراة لي تشوف تغير تقول راجل يحكي في بلاصتها .. خرجو مرعوبين يرجفو .. شعر جسدهم واقف .. رجفة ماحبتش تحبس … يمشو نازلين ومش حابين يتلفتو ولا يخزرو ورا .. جملة وحدة تتعاود بين شفافهم …
_نادين راح تحب جبل .. نادين راح تعشق جبل … نادين راح تموت بسبة جبل …
#نوراااا🌹🌹🌹لحلقة 84:
قاعدة على لكرسي هازة ولدها تتبسم .. فرحانة بجو الحومة .. شوي شوي حست روحها وحدة منهم وفيهم وماعادتش خايفة كيف قبل …
دورت عينيها تحوس على رانيا لي بطات عليها مالقاتهاش .. شافت لشيماء تحكي ..
_نادين: شيماء معليش نخلي اياد عندك .. راح نشوف رانيا وين ..
_شيماء: هيه هاتيه خلي نشبع منه ..
مداتهلها وناضت خرجت تحوس على رانيا كابسة على بوشاتها بين يديها .. اول مادورت راسها جات عينها في عينه واقف بعيد يحكي ويضحك وهو الثاني اول ماشفها غمزها يستفز فيها .. قلبت عينيها منه ودخلت للبناية بقات واقفة عند لباب وتعيط لرانيا لي وقتها كانت في عالم ثاني ومش ترد ..
عاودت جات تعيطلها لقات لكلب تاع سلفها يعيطلها .. علقت عليه .. وجات تعاود تعيط لرانيا .. رجع رسللها ميساج ..
_حمزة: الحزن على راجلك تمثليه غير عليا .. هادي طلعتي باربي تاع العرس .. نستنى فيك برا الحومة ارواحي ولا نجيك ..
قلبها رجف بين ضلوعها .. هزت تعيطله وهي ترعش ..
_حمزة: هكا نحبك وقت تفهمي عليااا ..
_نادين: واش تحب مني .. علاه قاعد ورايا أخطيني ..
_حمزة: قتلك واش عندي واعملي لي يريحك ..
_نادين: ماراحش نحي واعمل واش تحب ..
علقت عليه ورجعت تلفتت لقات الهم الثاني في وجهها ..
_جبل: علاه مقلقة ..
_نادين: مكان مادخلك .. وبعد من طريقي ..
تعدت جنبه وخرجت رجعت وين كانت قاعدة. .. حطت يدها تحت رقبتها تحاول تهدي روحها خايفة يجي يعمللها فضيحة وهي مش ناقصة ..
بقى جبل واقف من بعيد يتفرج عليها .. حسها مقلقة من حاجة ..
ستغرب .. اما طول فهم لحكاية وقت شاف نفس لعبد تاع لبارح داخل لحومتهم المرة هذي على رجليه .. تركز على الحيط وحط يديه في جيوبه يتفرج واش راح يدير ..
لمحه حكى مع زوج من الرجال حومتهم .. بعدها تعدا جنبه وجبد تليفون حطه في وذنه .. رمى عينه جيهتها لقاها شادة هي الثانية تليفونها فهم انو قاعد يعيطلها ..
الوقت هذاك نادين هزت روحها وناضت ماشية تزرب للبناية راح تهرب .. عرضها جبل يحكي ..
_جبل: قتلك شا كاين … هذا لكلب لي واقف لهيت يقلق فيك ..
_نادين: على اساس نتا مش تقلق فيا .. على اساس نتا مشي كيفه .. اخطوني كامل .
كبس على يدها قبل ماتمشي رجعها لعنده يحكي ولمرة هذي يعيط .. حتى بداو ينتبهو عليهم الحاضرين …
_جبل: مين نحكي معاك ردي .. راه يقلق فيك ..
_هزت عينها في عينه حابسة دموعها وهزتله راسها بمعنى واه ..
_جبل: اوكي اقعدي تفرجي فيه هنا ..
جبد روحه منها وتلفت ماشي جيهة حمزة لي كان هذاك وين لمحها من بعيد .. قبل حتى مايخطي خطوة حس بضربة جات على وجهه ..
طاح في لرض ..ونزل جبل هزه وقفه ودزه مع لحيط حصره وقرب من وذنه يحكي ..
_جبل: لمراة هذيك .. تزيد نلقاك درت بيها ولا قلقتها .. يشهد عليا ربي ..وحياة مااا غير مانعقلك .. وتراب تاع لرض نوكلهلك ..
رجع حمزة يتعصر في بلاصته وجهه حمر .. يحاول يدزه وشي ..
_حمزة: من وين تعرفها .. كحكح .. راهي ديجا هي لي تدور بيا ..
_جبل: ايااا بلع .. راني نعرف لي كيفك مليح .. جاي لاعبها رجله .. تحوس عليك . عليها جاي لعندها هنا وتعيطلها ..
لي كانو فلخيمة هذيك كامل خرجو يتجارو… حاجة ماتفوتهم قاعدين يتفرجو ..نورية: خير واش كاين ..
_خيرة: شوفي شوفي ..هذا هو نفس الراجل لي جى عندها .. باين متعارك معاه على جالها ..وين راهي سميحة تجي تتفرج …
_نورية: شوف لمراة هذي زهرها وحده … دخلت رجال في بعضاهم …
_صحا لحومة هذيك لكل خرجو يتفرجو فلعرض لي قاعد يمشي قدامهم من غيرها هي لي نحصرت فلزاوية وقعدت تشوف ليهم والخوف باين من وجها .. لي خافت منه صرا وتفضحت ..
_سميحة اول ماشفات حالة ولدها لي ماعادش في عقله وقاعد يضرب على مراة خاطياته . مشات جيهتها جبدتها من يدخل وكركتها وسط الحومة وين رجال وهي بلبستها هذيك ..
_سميحة: جبل .. نزل يديك من على الراجل …
_ تلفت يخزر لأمه ولحالة نادين …
_جبل: مالا شاراكي تديري ..
_سميحة: نتا لي شاراك تدير … هبط يديه من على الراجل مكان مادخلك … ونظن هي كبيرة مشي صغيرة .. وديجا قولي واش دخلك نتا .. من وين تعرفها ..
_جبل: بنت حومتي .. لي يضرها يضرني
_سميحة: تكذب عليا ولا على روحك .. وحدة من سمانة جات مانعرفو عليها والو جاي تقولي بنت حومتك ..
_نادين: سمحولي ..
_سميحة: أكيد تطلبي سماح .. ماراكي قلبتي حومة على حالها .. وولدي ماعادش تدوري بيه ..
هبطو دموعها وهي تسمع فيهم وقت بداو كامل يتهامسو عليها ..
قعد واقف يخزرلها .. خايف يعمل شي تروح هي تضيع كل شي وتخليه يندم انو عاونها ..
حمزة ماصدق طلقه جبل كركر روحه وهرب برااا لحومة ..
_نورية: مسكينة تبهدلت .. هاو هي ثاني جايبة صاحبها فلوقت هذا ..
_خيرة: باينة جبل فاق بيها عليها تعارك مع راجل ..
_جبل: نادين ارواحي ..
_قفزت في بلاصتها على كلامه … شافت ليه مصدومة ..
_سميحة: وين تجي… لمراة هذي مانلقاهاش قربت منك ..
_نفخ ومشى جبدها من يدها جيهته .. حط كوستيمه عليها فوق من كتافها .. وشاف لأمه وليهم كامل ..
_جبل: نلقى واحد فيكم حكى عليها كلمة ولا جبد سيرتها .. ولا ضايقها بحاجة وقلقها .. نحرق بيكم لحومة كامل … ومن ليوم لي يدور في طريقها يعمل حسابه .. وراني مانعقل حتى حد فيكم ..
_شافت ليه مفزوعة .. دقات قلبها يتسارعو .. سميحة تخزر لولدها مصدومة .. ولي لتم كامل سكتو .. وبكشو .. الوقت هذاك وصلت بشرى هي وختها. وهي الثانية نصدمت وهي تشوف في جبل .. شاد يدها ويعيط عليهم كامل ..
_اول ماكمل كلامه كركرها وراه ومشى بيها جيهة البناية نتاعهم وهي تبع فيه بلاما تزيد تحكي حرف ..ولا تجبد روحها منه .. تمشي وخلاص مش عارفة لاي طريق ماشية .. ولا عارفة واش لي قاعد يصير .. دخلو للبناية وخلو الناس حايرين وواقفين يتفرجو يحاولو يعرفو واش لي صرا من شوي …. هذا جبل ولا حد ثاني ولا شكون هذي نادين لي خلاته يوصل يوقف في وجوهم كامل ..
#نورااا🌹🌹🌹الحلقة 85:
نادين تحكي …
وين كنت ووين رجعت .. حياتي قبل عام للتالي ..وحياتي فلحظة هذي .. مانعرف في أي مستنقع طحت ..ومع شكون طحت … نمشي وانا مش عارفة وين رايحة ..
نخزرله ونرجع نهز عينيا نخزر في يدي لي متشابكة مع يده .. شكون هذا ومن وين طلعلي .. علاه ديما نلقاه وقت نكون طايحة في مأزق كبير … لحياة هي لي رماته في طريقي ..ولا قدري لي هزني ليه ..
صكرت عينيا ورجعت وقفت في بلاصتي وسط الدرجات هذوك والعتمة لي دايرة بينا ..
تلفت يخزرلي هو الثاني … واول ماجات عينه في عيني نزل يده من يدي يحكي ..
_جبل: ماتخافيش راني معاك ..
_رمشت عينيا مرتين ورا بعض ..وبقيت نشوف ليه ..اول لقاء لينا كان فلباص هذاك .. لقفني بين يديه قبل مانطيح … ودوك للمرة الثانية واقف مقابلني .. بعدما وقف في وجوهم كامل وهو يضرب عليا … شكون هذا جبل .. علاه قاعدة نحس بشي هذا .. واش قاعد يحاول يعمل .. وين حاب يوصل ..
_نادين: جبل ..
نطقت اسمه بين شفافي وشفت ليه نحكي …
_نادين: واش قاعد تدير …
_حسيته دخل بعضه وسكت يشوف ليااا ..
_نادين: جاوبني ..واش قاعد تدير … اذا لي في راسي .. نحب نقولك راك ماعندك وين توصل معايا…
_جبل: مفهمتكش ..
_نادين: كلامي واضح … ماتعبش روحك معايا .. لي واقفة قدامك تقدر تقول جثة بلا روح .. روحي مشات وقت فارقت راجلي … اذا متأمل شي مني ..
حسيت بيه وقت هز يده في وجهي يحكي ..
_جبل: دقيقة .. حاطتني بلي أنا عيني فيك ..
_نادين: مانعرفش … مش متعودة انو ناس تعاوني بلا مقابل …
صكرت عينيا وخذيت نفس نحكي ..
_نادين: الكلب هذاك لي كان تحت .. يكون سلفي .. تعرف واش معنتها سلفي .. يعني شرفي من شرفه .. ورغم هاك حب يستغلني ..وقاعد يفضح فيا قدامكم كامل … واش حبيتني نعمل .. نوثق في حد مانعرف عليه شي .. حد قبل سمانة هز يده وخنقني…. وقريب لا يضربني …
_جبل: صاايي سكتي .. ماكنتش في عقلي .. وكل شي جى هاك ..
_نادين: مرسي على كل شي ..ومرسي على لي عملته على جالي … اما خلاص ماعادش تتدخل فيا …
_جبل: علابالك راني حاير فيك .. موسوسة فوقها مريضة تحبي الدراما في بالي … يعني لي يعاونك يبغيك … قتلك ماتعجبنيش …
_تبسمت ونزلت لكوستيم من كتافي ومديتهله نحكي ..
_نادين: تفضل ..
شده من يدي وعوج فمه يحكي ..
_جبل: تاع الصح ماتعجبينيش … و فوقها موسوسة نخاف نجي نمسك تتغاشيلي وانا نبغي لي تتجاوب معايا …
عرفته ا قاعد يحكي هاك باش يغطي شي لي حكيته من شوي ويقنعني انو كلامي مش صح …
هزيتله راسي وطلعت مع الدرجات هذوك .. وخليته ورايا .. مش عارفة علاه حاسة كأنو حاجة جديدة نبضت داخلي .. وقت تحسي انو مزال كاين حاجات ملاح فلحياة…وانو كاين شكون يقدر يوقف في وجه اقرب الناس على جالك ..
وقفت في نص طريق وهبطت عينيا للتحت نخزرله كيفاه واقف يلبس في كوستيمه…. وبعدها هز عينيه لفوق .. جبدت روحي بلزربة قبل مايشوفني .. طلعت وخليته تحت ..
كأنو حابة نهرب لعالمي .. لي مافيهش جبل ..ومافيه حد .. نحب نقعد مع روحي ونخمم في كل شي .. غير شي لي صرا من شوي .. المشهد هذاك ماحبش يتنحى من بالي ..وهو واقف كابس على يدي ويضرب عليا .. رغم انو مايجمعني شي بيه .. الا انو داخلي حسيت بفرحة مش عادية … فرحة ماحبيت نقاسمها مع حد ..
#نورااا🌹🌹🌹
تفاااعلوووو شوي ونحط لي بعدهاالحلقة 86:
جبد روحه من عليها .. يعدي في لحيته على خدها .. يحاول يرد النفس .. مش مصدق انو قدر يتحرأ ويعمل شي هذا ويوصل يبوسها ..ولي صدمه كثر تجاوبه معاها … مفهمش واش لي خلاها تتجاوب معاه .. هز يده لي كانت ورا شعرها .. حطه على جنب وقرب باس رقبتها .. صكرت عينيها بلوقت وكبست على يديها زوج بقوة … شي لي تحس بيه دوك صعيب عليها … صعيب بزاف ..لدرجة انو ماعادتش حاسة برجليها لي هازينها ..
رتخفت بين يديه … جاب ربي لقفها قبل ماتكمل تطيح ..
_خالد: رانيا .. رانيا تسمعي فيا ..
حلت عينيها بشوي وخزرتله وهي مستسلمه بين يديه ..
_رانيا: هزني ماعدتش قادرة نوقف ..
مالقى حل غير انو يهزها بين يديه .. ويمشي بيها لغرفته .. دز لباب وحطها على سرير يحكي ..
_خالد: رانيا تسمعي فيا .. ..
حلت عينيها تخزرله ورجعت حطت يدها على جبهتها تتحسس في حرارتها …
_رانيا: علاه عملت هاك ..
_خالد: يهمك الجواب …
_رانيا: أكيد يهمني .. مادامها اول قبلة ليا نحب نعرف لاي هدف كانت ..
_خالد: رانيا اسمعي .. مانحبكش تفهمي بلغالط .. انا وقت شفتك يعني .. شفتك هاك ..
سكتت وضيقت عينيها فيه كأنو كلامه دخلها بعضها وخلاها تركز كثر وكثر …
_رانيا: كمل ..
_خذا نفس يحاول ينقذ روحها من الموقف لي طاح فيه .. خاطر شي لي عاشه معاها من دقائق التالي خلاه يراجع حساباته .. واهم شي تجاوبها معاه … هو وهي عمرهم تفاهمو … كيفاه مشاعرهم كانت قوية للدرجة هذي …
بلع ريقه وكمل يحكي. …
_خالد: لبستك خلتني نسخن هذا هو الموضوع … ديزولي اذا كنت اول واحد خطف منك القبلة هذي ..
اول ماخلص كلامه حس بكف على وجهه …
صكر عينيه وكبس على يديه يحاول مايتهورش ويعمل شي غالط .. خاطر من الاول هو لغالط ..
_رانيا: الله يلعنك ..
هبطت رجليها في لرض وكملت تلفتت ليه تحكي ..
_رانيا: الغلطة فيا مش فيك … انا لي خليتك تتمادى معايا .. ماعادش تخرج في وجهي .. وماعادش تحط يديك عليا ..
ووقت تسخن امشيي لل ### يبردوك ماتجيش عندي ..
خرجت وخبطت باب غرفته وخلاته قاعد على طرف سرير هذاك ..
خرجت تزرب حتى وصلت للباب نتاع برا تركزت عليه وحطت يدها على فمها تحاول تكتم دموعها … ماصدقت لربي انو علاقتهم تطورت .. وانو عطاها امل وهزها لسابع سما .. طول رجع خبطها مع لرض .. وحكالها شي لي ديما تخمم فيه .. انو خالد يخزر للمرأة على اساس شهوة وموحال يحبها .. وكيف ماباسها دوك غدوة يبوس غيرها …
اكثر شي يوجع .. انك تبني احلام وامال في شخص .. وطول بعدها يرجع يحبطك .. ويكسر كل أمل بنيتيه جيهته ..
دموعها نزلو يحرقو مع خدودها .. حتى كحلها ساح .. ونزلت مع درجات هذوك مهدودة….
الوقت هذاك سكينة امه طالعه لدارها حتى لمحتها نازلة من فوق حالتها حالة .. ستغربت .. حتى انو ماقدرتش تحكي معاها خاطر طفلة تبان في عالم ثاني ..
طلعت تجري لعند ولدها ودزت لباب عليه .. لقاته ا قاعد على طرف سريره مكسر كل شي في غرفته ..
_سكينة: واش عملت للطفلة … احكيلي .. ياك ماعملتلها والو .. رانيا راهي بنت حومتك .. ماتضرهاش ..
_خالد: تهني مارانيش رخيس للدرجة هذيك ..
_سكينة،: ولدي انساها .. انساها وخليها تعيش حياتها .. راهي مش ليك .. مهما حاولت معاها راهي مش مكتوبتلك ..
ماجاوبهاش هز روحه وخرج .. مش قادر حتى يتنفس بعد شي لي عمله .. هو قضى على كل فرصة كان قادر بيها يكون معاها …
#نورااا🌹🌹🌹
تفاااعلووووولحلقة 87:
حلت باب الدار ودخلت .. تركزت عليه بعدما صكراته وتبسمت .. تاع الصح فرحانة ومتشمتة في سلفها لكلب .. لآخر دقيقة كانت حاطة راح يجي ويفضحها قدامهم .. اما كل شي تقلب في آخر دقيقة وجبل مرمد بيه لرض ..وخرج هارب ..ودوك ماعادش يضايقها … هزت يدها لرجليها نحت الكعب لي كانت لابساته … وبقات رايحة جاية فلغرفة … وين ترمي عينيها تتذكر لي صرا من شوي تحت …
_نادين: فيقي .. خلاص كل شي وفى .. علاه قاعدة تتبسمي وحدك كلبهلولة …
مشات للكوزينة حلت لبراد وجبدت لقرعة نتاع لماا ترشفت منها ورجعت حطتها على طاولة وجبدت لكرسي قعدت عليه .. وحطت راسها بين يديها …
_نادين: زعما هو عاوني خاطر غلط معايا قبل سمانة … هو قال اني مانعجبهش معنتها ماعندهش غاية ثانية ولا راه ستغل لوضع … اففف
نفخت ورجعت رايحة جاية تستنى في شيماء تجيها وتجيبلها صغيرها ..
_مشات خطوات ثقال جيهة الشباك لي يطل على لحي .. وقفت قريبة منه وقربت عينيها بشوي تطل عليهم ..
لقات الدعوة هدات ولعرس رجع يمشي وين وقف .. رجال متجمعين على جنب ..ونسا فلخيمة …
وقفت حطت يديها على لورود تمرر فيهم ورجعت خزرت للسما… صافية ونجوم ساطعة فيها … حست بنسمة باردة تضرب على وجهاا .. تبسمت لا اراديا وخزرت للتحت .. تحوس عليه بعينيها ممكن تشوفه نزل ..
شوي وسمعت صوت تليفونها فلبوشات مشات جبداته .. لقاته لكلب هذاك .. خذات نفس .. وردت عليه بنبرة صوت ثابتة عكس ليام لخرين …
_نادين: الوو …
_حمزة: ماراحش ننسالك لي صرا نادين .. نتي وصاحبك لكلب هذاك …
_نادين: هذا واش فالح غير تتقاوى عليا .. بصح تستاهل واش دار فيك .. وبصحتك بصفعاات لي كليتهم ..
_حمزة: تشمتي دوك فيااا بصح صدقيني ماراحش نخليك تهني … وليام بيناتنا ..
_نادين: لي تقدر عليه عمله .. اما حط في بالك لحومة هذي اذا رجعت دخلتها مانضمنلكش واش ممكن يصرالك ..
_حمزة: لاعبتها معايا شريفة ..وهاكي من اول سمانة لقيتي صاحب ليك ..
_سكتت ورجعت خذات نفس .. مهما عمل مش لازم تخليه يستفزها خاطرها تعرف روحها واش تكون ولباقي مايهمش ..
_نادين: واش جاب لجاب ..
_حمزة: واش قصدك .. تقارني فيا بيه ولا انا لي نستخايل ..
_نادين: افهم كيف ماحبيت
علقت عليه ورمات تليفون على جنب وحطت يدها على قلبها .. ماعادش دوك واش يخوفها … بلنسبة ليها من ليلة هذي ماعادش حد يقربها ولا يضرها وحتى لحومة هذي كل حد راح يلزم حدوده معاها .. وكل شي بفضله هو .. مرات نحتاجو في حياتنا حد واحد ..واحد فلالف يعمل شي يخلينا نكملو طريقنا بلاما نتلفتو وراا .. تحس انو داخلك قوة ماعند حد .. انو حياتك راح تكون احسن … ممكن شي هذا مايتفسرش وماينشرحش .. ممكن نادين الوحيدة لي تعرف شعور هذاك .. وقت تضيعي اغلى انسان في حياتك ..وسندك الوحيد ..وبعدها تبقي وحدك مكسورة ومجروحة ..وحتى يد ماتمدتلك .. بلي عمله جبل ليلة هذي .. مش غير عاونها لا .. خلق نادين جديدة .. نادين لي تعلمت انو لحياة تحتاج الانسان القوي لي يضرب على حقه .. مش الضعيف لي يتخبى ورا احزانه … وحتى الحزن ماراح يبدل شي ..ومادام هي قررت تحيى فلحياة هذي بعد وليد لازمها تكون جاهزة لكل شي ..وتمسح دموعها ..وتخلق من ضعفها قوة …
تلفتت على صوت دقات على لباب .. مشات تزرب حلاته لقاتها شيماء وهازة اياد في يدها ..
_شيماء: من قبيل يبكي يحب عليك ..
شداته من بين يديها وتبسمت..
_نادين: مرسي ختي .. ربي يخليك تعبتك معايا ..
_شيماء: لا لا عادي بلعكس ستمتعت بيه .. غير وقت علا صوت لغنا بدا يبكي نظن مايحبش الضجة ..
_نادين: صح يحب الهدوء .. تفضلي اذا حبيتي ..
_شيماء: اااه لا لازم ننزل لبنات يستنو فيااا ..
_نادين: اوكي براحتك ..
جات تصكر لباب حبستها تحكي..
_شيماء: نادين ..
_نادين: واه ..
_شيماء: بصحتك .. يعني انا وحدة من لبنات لي حسدوك على لي صرا تحت ..
_نادين: كيفاه ..
_شيماء: انو يشد يدك ويتحداهم كامل شي كبير .. ماكنتش نشوف الموقف هذا غير فلافلام … حتى جى جبل وخلاني نشوفه فلواقع ..
_دخلت بعضها وماعرفتش واش تحكي ..
_نادين: ماكاين شي بيني وبينه ..
_شيماء: نعرف .. اما الظاهر انك تعنيله .. هيا نخليك ..
نزلت وخلتها واقفة مبهمة فلي حكاتهلها … هو انكر انو عنده شعور جيهتها .. بفمه قال لامه انها بنت حومته على هذاك عاونها …
صكرت لباب ومشات حطت ولدها على سرير لي رقد من تعب مسكين …
مشات من جديد جيهة الشباك ورمات عينها تحت وقت لمحاته قاعد مع صاحبه ويضحك ..
حطت يدها تحت خدها وبقات تثبت فيه .. هزت راسها تخمم…. أكيد هو عاونها خاطر غاضاته وشفق على حالها … أصلا عنده حبيبته وكان يضرب عليها من قبل .. بقات متعاركة مع افكارها وقت رجعت هزت عينيها من جديد جيهته .. لقاته مطلع راسه يخزرلها … عمللها باشارة بيده …
رجعت ورا بلزربة ووجها رجع حمر تلعن في روحها على الموقف لي حطت روحها فيه ..
#نورااا🌹🌹🌹
تلحق 100 نحط لي بعدها 🤗🤗 اراءكم وتوقعاتكملحلقة 88:
تحت الجو كان مشحون .. سميحة قاعدة فلعرس وقالبة وجها .. لي عمله ولدها من شوي خلاها تجهل .. يعني وين ماتقول عقل وراح تقدر تقنعه يتزوج ببنت خالته يخرجلها بخرجة ماتكونش متوقعتها … ودوك طلع حاب هجالة وعندها صغير و فوقها عايشة فوقها .. على الأقل بشرى كانت في بناية خلاف ..
وجها حمر راح يطرطق .. معصبه راسها وقالبة وجها ..وكلما تجي عينها في وحدة تلقاهم مركزين معاها .. ولا يتهامسو ما بينهم ..
_خيرة: صايي سميحة .. علاه تزعفي في روحك ..
_نورية: انا كون جيت في بلاصتها نهبل .. انا عندي ولد واحد وهاني مزيراته ..
_خيرة: نورية اسكتي ..
_نورية: نكذب عليها ..ولدها من شوي عمل فضيحة ووقف في وجهنا كامل على جال وحدة راكم تقولو ماعندهاش سمانتين من وقت جات لهنا ..
_خيرة: هو الصح في هذي ماغلطتيش .. بصح سميحة موحال تسكت ..
_نورية: اذا سكتت راهي بهلولة … ولدها معلڨ زوج بيه … بصح لولا نقولك صح خارج فيها مسكينة تظل تندب عليه .. بصح هذي حساب خبرتي بانتلي هي مطيحاته على راسه ..
_خيرة: خبرة يا نورية .. رجعت عندك الخبرة .. من وقتاش ..
_نورية: ماشفتي والو ..
_سميحة: راح نطرطق .. شوفو بنت خالته كلوردة .. زين وتربية مفهمتش علاه مايعجبوه غير العوجات العايبات ..
_نورية: تساعفيني اجري عليه … شوفي ممكن كاش ماعملوله وقت كان صغير .. تعطيل ولا ..
سكتت سميحة وشافت ليهم .. كأنو ضربت في راسها حاجة ..
_سميحة: صح .. ولدي عنده 7 سنين متخرج وديما وقت تحب تصدقله ويخدم تصرا حاجة تعطل ..
_خيرة: يالطيف … شفتي كيفاه .. هاي نورية جابتها ..ولدك عنده التعطيل باينة .. عليها زهره عاطل ..
_سميحة: واش ندير ..
_خيرة: اااه في هذي شوفي مع نورية ..
_نورية: ماتدخلونيش خاطيني الشعوذة ..
_خيرة: علاه شوفي سميحة مسكينة وجها كيفاه… عاجبك حالها.. دوك ولدها تطيرلها بيه الهجالة جارتي ..ولا العاهرة جارتك ..
_نورية: واذا ولدها دعوة شر هوما شادخلهم ..
_سميحة: نووووريةة ..
_نورية: مشي قصدي .. بصح حتى ولدك مشي كامل ..
_خيرة؛ خلاص اسكتوو .. دوك المفيد .. انا الجارة هذي ماعدتش قابلتها وخايفة على بنتي .. يعني يا نورية نعتيلي وحدة نمشي تعملي الحريڨ ( والله خاطيني الامور هذو 😂😂) باش تهج من الحومة هذي ..
_سكتت نورية وقعدت معوجة فمها … ورجعت نطقت وهوما مركزين معاها ..
_نورية: قربووو ..
قربو منها وهي تحكي تحت نيفها
_نورية: والله ونسمعكم قلتو نورية هي لي نعتتهالنا غير نقلب الحومة بيكم وراكم تعرفوني ..
_خيرة: ياااو غير قولي وكونك هانية سرك في بير ..
_نورية: صحاا .. هو الصح نعرف وحدة ..
_سميحة: هاك تعجبيني كملي رانا نسمعوو ..
_خيرة: صبري نحل خماري مع الغنا هذا ماراني نسمع والو ..
_نورية: شوفو هذي الوحدة تخدم كلش .. لي عندها تعطيل زواج لي عندها مشاكل فلدار .. اي حاجة تخدمها ..
_خيرة: وانا نقول بيلسان كيفاه وصلت 30 تزوجت ..
_نورية: ااااه هذا اللعب لي مانحبوش .. مالا مانحكيش ..
_سميحة: انا وراسك احكي .. حلقي نشفتيهلي معاك ..
_خيرة؛ خلاص نورية احكي ..نعرفك خاطيك شي هذا ..
_سكتت ورجعت كملت تحكي ..
_نورية: راح نمدلكم عنوانها .. امشولها وماتقولوش انا لي رسلتكم …
_خيرة: اوكي اتهني .. من غدوة نبكر مع سميحة ..
_نورية: اسمعي هزو غراض ولادكم تكون ريحتهم فيها .. باش تعطيكم الصح ..
_قلبت خيرة عينيها ورجعت سكتت ماتحبش ترجع ترميلها لكلام ..
_نورية: وكيما قتلكم راني جامي مشيتلها غير نسمع بيها ..
_خيرة: واه صدقناك نورية ..
_نورية: واه أصلا زهري باين .. كون رحتلها راني براجل .. يشد يدي ويقولكم نقلب لحومة عليكم … بصح واش نحكي .. الدنيا حظوظ ..
#نورااا🌹🌹🌹
شوي ونحط لي بعدها تفاااعلوووو ورداتي 🌹🌹🌹الحلقة 89:
نزلت تزرب ورجعت للطاولة لي كانو قاعدين فيها مع بعض ..
_ريم: عطيتيهلها ..
_شيماء: واه وصلته لامه ..
_سومية: هذي هي لي قاعد يبعد فيا على جالها صح ..
_ريم: مانعرفش سومية كيفي كيفك .. هاني نتفرج ومافاهمة والو ..
_شيماء: والله واضحة وضوح الشمس خوك ضارب عشقة فيها ..ولا علاه يعمل شي هذا كامل .. كان قادر يبعد راجل عليها وخلاص … لا هو حط يده في يدها … مالا بنات لحومة كامل وقت يضرب عليهم يحط يده في يدهم ..
_شدت سومية راسها بين يديها وتعبو دموع في عينيها …
_سومية: مالا مكانش أمل .. وقاعد يكذب عليا ويقولي ماعينيش فلزواج ..
_ريم: انا واش دخلني ياخي .. انا قتله شدها وعيط على جالها .. راني قتلكم كيفي كيفكم واول مرة نفيق انو كاين علاقة بينهم ..
_سومية: والله لا نخليهلها … وليام بيناتنا ..
_شيماء: احشمي لمراة أصلا ظاهر فيها مشي مهتمة بيه ..
_ريم: لبنات وين راهي رانيا … من وقت جات امها هزتها ريحتها مكانش … وزيد امها هنا وهي لا … وحدة منكم شافتها ..
_شيماء: ممكن تعبت طلعت ..
_ريم: مانعرفش .. كانت متحمسة للعرس واش صرا ..
_هزت ريم روحها ومشات للطاولة لي فيها امها تحكي ..
_ريم: خالتي خيرة شفتيلي رانيا وين ..
_خيرة: حطيتها معاكم ..
_ريم: لا مكانش تحيرت عليها ..
_خيرة: تكون لفوق .. تعملي مزية كون تقوليلها تنزل ..
هزتلها راسها ومشات طالعة ..
_شيماء: وين ..
_ريم: نشوف رانيا ونجي ..
هزتلها راسها وثانية طلعت مع الدرجات هذوك حتى وصلت .. لقات لباب محلول ستغربت ..
دخلت تحوس عليها
_ريم: رانيا وينك …
سمعت صوتها جاي من غرفتها ..دخلت لعندها لقاتها وسط العتمة هذيك على سريرها …
ريم: واش تعملي ..
شعلت الضو عليها … ورجعت حلت عينيها على وسعهم ..
_ريم: ياخي شبيها حالتك هاك ..
مشات تجري قعدت جنبها وثانية دموعها ينزلو وجها حمر ولكحل سايح كامل …
_ريم: رانيا واش صرا ..
هزت يدها عدتهالها على وجها تبعد في خصلات شعرها لي تبللو بدموع ..
_رانيا: والو ..
_ريم: كيفاه والو هذي شوفي حالتك كيفاه .. علاه تبكي ..
_رانيا: مشكل هرمونات دوك نرتاح ..
_ريم: هو صح ..
_طرطقت بلبكا وثانية جبدتلها لحضنها تسكت فيها ..
#نورااا🌹🌹🌹
لبنات تفاعل ليلة يفشل .. ياك تفاهمنا كل 100 جام نزل حلقة .. اتفاعلو خلونا نكملو ليه ليه 🤷🤷الحلقة 90:
جبدت روحها منها وكملت تحكي …
_رانيا: كارهة روحي لاقصى درجة .. كارهة الحب لي دخلته لقلبي .. كارهة وجهه وكل تفصيل فيه .. كرهت اني عايشة .. لو تشوفي ريم ختي واش عمل فيا …
_ريم: قتلك الف مرة رانيا .. قتلك اخطيك نتي هاك ولا هاك ماراحش تكوني ليه .. قتلك حتى ويحبك هو ثاني ماتتوالموش وراح يتعبك معاه باطل ..
_رانيا: كنت مستعدة نشد يده ونوقف في وجه اي حد يعارض علاقتنا .. لو لقيت في عينيه نفس الشي لي عندي … تصدقي اني وصلت ستسلمت بين يديه وخليته يلمسني …
كملو دموعها ينزلو وهي تحكي ..
_نعلبوه الحب لي يذل الواحد .. نعلبوه لقلب لي مايحسش بيك … تعرفي واش خسر عليا .. فلاخير تعرفي ولا ماتعرفيش .. انو انا نوضت شهوته هذا مكان .. انو انا كيفي كيف اي وحدة موالف يسهر بايت معاها … تعرفي هذاك الإحساس وقت حد تكوني متأملة منه شي وبعدها فجأة تحسي بلخنجر هذاك خترق قلبك هكاك حسيت .. ماعرفت نضحك ماعرفت نبكي … وماكلفش روحه ا انو يعتذر ..
_ريم: نعرف رانيا ..ونعرفه خاطر كبرنا في حومة وحدة …وامي أصلا ماتحبهش وتظل تشكي منه وتبعد جبل عليه وشي …
_رانيا: لي يقهر فلموضوع .. انو من رجال دنيا كامل ماحبيت حد غيره ..عندي الف سبب وسبب باش نكرهه وماقدرتش …
هزت روحها وقفت وكملت تشوف لريم وتحكي …
_رانيا: نحب نرجع لورا .. سنين لوراا وين كنت مانعرفش شي اسمه لحب ..وقت كان قلبي نظيف ونقي .. طازج ومافيه حد ..
حطت يدها على قلبها ودموعها ينزلو
_حاسة قلبي ميت دوك .. حسيت روحي كبرت سنين للقدام بسبته .. كأني عبدة ثانية تعيش في عمر ثاني .. عكس عمري …
حطت راسها بين يديها تضرب فيه ..
_خرجيه من عقلي ريم .. قوله يمشي .. خلوني نكرهه .. اكذبو عليا وقولولي راه خالد شيطان مايتحبش .. قولولي انو عفس على قلبك الف مرة وخلاك تنزفي .. ونتي بهيمة مزالك تحوسي عليه … راني تعبت والله تعبت ..
صحبتها وين كانت تواسي فيها رجعت تبكي معاها على حالة لي وصلت ليها .. عمرها شافتها هاك كيف لمرة هذي ..وشي هذا اكدلها انو خالد لمرة هذي مش غير كسرها …
_رانيا: هزني لعالم ثاني .. باسني هنا وهنا .. حطت يدها على شفافها وعلى رقبتها وكملت تحكي ..
_رانيا: حطيته غار عليا … حطيته حب يقولي انو مايحبش حد يقربني .. اما لا .. هو عمل شي هذاك خاطر عينيه شافولي بنظرة ثانية .. كرهت روحي ريم .. حاسة حاجة تضغط على صدري .. حابة نرتاح .. أعطوني شي يخليني نفقد الذاكرة ونوض ومكانش في حياتي شي اسمو خالد … راني نتوجع كل يوم .. قاعدة نموت صدقيني .. وين يمشي يسهر مانرقدش ليل وانا نتخيل فيه مع وحدة خلاف … وين يرجع سكران نبقى نتخيل شحال من وحدة قالها نحبك ..وين انا ولا مرة سمعت لكلمة هذي منه حتى وبلكذب …
تعرفي واش شي لي يحطمك فلاخير .. انو كل شي قاعدة تعيشي فيه مايحسش بيه هو …
نزلت مع لرض وقعدت تكح حتى وجها رجع حمر ..
ناضت تجري ريم جابتلها كاس ما مداتهلها وقربت تشرب فيها ..
_ريم: الله يخليك ارحمي روحك .. علاه تعملي فلشي هذا كامل … راه مايستاهلش ..
_خزرت ليها ورجعت تحكي ..
_رانيا: نعرف .. نعرف انو مايستاهلش .. اما كيفاه نخرجه من راسي وقلبي ماعرفتش .. العبد هذا ملك كل شي فيا .. حتى انو باش نقدر نتعافى منه مانقدرش .. عايش فوقي .. تعرفي واش .. انو كل يوم في وجهي .. مقابل خلقتي .. ومش حاس بيا ..
_ريم: رانيا نحكيلك شي ويبقى بينا …
_رانيا: واش كاين ..
_ريم: اوعديني يبقى بينا ..
_رانيا: احكي .. اذا شي يقدر يخليني ننسى احكي ..
_ريم: مانعرفش اذا صح ولا لا .. مرة من شهور هاك .. ممكن فلصيف لي فات.. نضت فليل نشرب .. ووقت كنت راحعة لغرفتي .. سمعته يحكي مع جبل كانو بايتين مع بعض ليلتها .. ..
_رانيا: هيه ..
_ريم: سمعته يحكي على بنت .. مانعرفش خاطر لحقت في آخر الحديث .. هو قاله نحبها ومانقدرش ننساها .. وانو هي لي وصلاته للحالة هذي .. انو يهرب من روحه باش مايفكرش فيها .. وسمعت جبل يقوله دوك تنسى .. يعني يا رانيا ختي .. راجل ديجا عنده شكون في قلبه … حتى وماكانش يعمل لحاجات هذوك ماكانش راح يكون ليك .. ماحبيتش نحكيلك باش مانحطمكش .. وزيد كنتي نخطبتي قلت خلاص راح تنسيه ..
_بقات ساكتة وتشوف ليها .. وثانية كملت تحكي ..
_ريم: اعطي لروحك فرصة مع حد ثاني … خالد مش ليك رانيا .. امحي حب الصغر من راسك وشوفي للقدام ..
#نورااا🌹🌹🌹

10 حلقات ليلة وفاو رايكم و توقعاتكم، وسامحوني ع تأخير 💔 ملتقانا غدوة ان شاء الله، ليلتكم زينة 💖💖💖💖

#خالد لي مجرجر رنوش 🤧🤧🤧الحلقة 91:
خذات نفس ورجعت وقفت مسحت دموعها تحكي ..
_رانيا: راح نرتاح دوك .. معليش تخليني وحدي ريم ..
_ريم: متاكدة رانيا ..
_رانيا: واه متاكدة نحب نحي ثيابي ونعمل دوش ونرتاح ..
_ريم: واش نقول لامك اذا سألتني عليك ..
_رانيا: قولها عندها وجع ماقدرتش تنزل رقدت ..
_ريم: صحاا خلي تليفونك شاعل نحب نطمن عليك ..
_رانيا: اوكي ارتاحي ..
هزت روحها معاها حتى للباب صكرت وراها ورجعت تلفتت تخزر للدار .. وتخزر لحالها فلمرايا لي مقابلتها فلكلوار ..
_رانيا: اااه يا رانيا .. يا بهيمة .. ضيعتي سنين عمرك تجري ورا حب مكانش منو فلوجود … حرقتي روحك على جاله وهو مش سامع بيك من الأصل ..
مشات هكاك تتمايل منهارة .. صكرت باب غرفتها وشعلت النور …
حلت سلسال لباسها هبطاته مع لرض .. ومشات وقفت مقابلة لمرايا تخزر مع الوشم لي حاطاته .. وتضحك على روحها ..
_رانيا: رانيا التافهة .. رانيا المراهقة .. اخرجي مني .. راكي نتي السبب لي خلانا نوصلو للحالة هذي .. تحملتي وجع قلبك وجسمك وروحك ..واعصابك لي نهارت الف مرة في الف ليلة .. خليتينا نمشو ورا السراب ..وين انا ووين هو … الراجل خرج في قلبه شكون وانا متعبة قلبي ..
هزت يدها حطتها على قلبها .. تخزر لعينيها لزرق لي صورتهم نعكست مع دموعها لي يلمعو ..
_رانيا: يا بهيمة .. يا مسكينة .. فيقي فيقي ….
نحت لمساسك لي كانو على شعرها خلاته نفرد على كتفها تحكي ..
_رانيا: فقدت ثقتي بنفسي ..و جعت نقارن روحي بيه بسبتك نتي .. نتي لي خليتيني مراهقة مانكبرش .. شي لي يعجبه نلبسه وشي لي مايعجبهش نروح نرميه … حتى وقت يقولي شعرك ملموم يجيك مليح نروح نلمه … وصلت نتفرج في اي شئ يخليه يتعلق بيا ونتبع في نصائح مكانش منهم .. نطبق في امور وفي داخلي عارفة انو صاحي ولا سكران يخزرلي بنفس الطريقة …
وين شخصيتي وين رانيا .. ضيعت روحي بسبته .. ضيعت سنين من عمري وانا نجري وراه ..نستناه وقتاش يرجع ووقتاش يجي .. هبلت هبلت .. نشرب في دوا الاعصاب بسبته .. نعس ليه وين مشى وين رجع .. وهو . هو مش شايفني من الأصل .. وقت قرب مني .. خسر عليا كلمة وحدة .. انا شهوة .. تبسمت بمرارة .. ورجعت شافت لروحها تحكي ..
رانيا: دوك خلاص كل شي ..
مشات حلت خزانتها وجبدت صندوق كان مصكر ..
خطاته في وسط لغرفة وقعدت مقابلاته .. فردت كل شي في لرض .. ورجعت هزت دفتر .. حلاته وقرا اول صفحة .. ” يوميات قصتنا ” .. تبسمت على سذاجتها ورجعت قلبت الصفحة ..
” اليوم ولأول مرة خفق قلبي .. لا اعلم ماذا حدث وكيف حدث .. فجأة وجدت نفسي احدق فيه .. ضحكته .. عيناه .. كل شي يجذبك بطريقة لا تشبع من النظر اليه .. ” ..
خذات نفس ورجعت قلبت الصفحة ..
” اليوم الثاني من حبي .. استيقظت على صوته .. لا اعلم ماذا يحدث لي ..وكأن الحياة بسطت لي بساطا من الورود .. أشعر ان فراشات قلبي تحلق “
“اليوم الثالث من حبي له .. لا اعلم ان كان هذا مجرد اعجاب ام أنه حب .. قرر دخول إلى قلبي فجأة .. صادفته اليوم في طريقي الى المدرسة .. لم اتجرأ ان انظر اليه لذلك ختبأت وبقيت اراقبه من بعيد .. “
خذات نفس ورجعت قلبت الصفحات ..
” مر عام من حبنا .. اليوم تكلمت معه وجها لوجه لاول مرة .. لم يتوقف عن التبسم .. حتى انني شككت انه يوجد خطب ما بي .. وفي الاخير ظهر أنه يضحك على وجنتاي اللتان احمرتا .. قال أنه لم يصادف فتاة لديها عيون تشبه عيوني .. من اليوم قررت ان أحب عيوني ” ..
كملت تقلب فلصفحات ..
“مر عامين .. أنه يقول في كل مرة انني زوجته المستقبلية .. لكنه حبيب فتاة اخرى .. ربما يفعل هذا لأنه ينتظر ان اكبر بسرعة ويتزوجني ” ..
ضحكت على تفاهتها .. وكتاباتها البريئة ..
“مرت 3 سنوات .. كبرت بسرعة والان انا ادرس في الجامعة … لم استطع ان أحب احدا غيره .. اليوم صباحا طلب مني ان اجمع شعري الى فوق .. لا اعلم لماذا ولكنه قال أن شعري جميل ولا يجب ان يصاب بلعين .. لم اناقشه وجمعته بسرعة ..ونزلت على صوت ضحكاته .. “
“مرت 4 سنوات على حبنا … أشعر بضيق في صدري .. تقول أمي إن خالد رجل غير جيد .. لا اعلم لماذا ينعتونه بسكرجي ونسونجي .. لم ارى شيئا منه الى الان .. أنه شخص لطيف للغاية .. كما انه حبيبي “
” مرت خمس سنوات على حبنا .. اليوم قررت ان انقش اسمك على جسمي … فلا احد يستحقني غيرك .. سانتظر لحظة اعترافك بحبك واجعلك تراه ..”
_”مرت 6 سنوات على حبنا … كلام أمي صحيح .. خالد كما يصفونه .. لكنني أحبه “
_”مرت 7 سنوات .. لا أستطيع التحمل ..انهم يبعدونني عنك .. اليوم يوم خطوبتي .. لا اعلم ماذا سيحدث … ربما هكذا تحس بوجودي وتطلب مني فسخ الخطبة .. أكيد ستفعل هذا الشيء “
_” خالد لم يفعل شيئا من اجل .. انا خطيبه شخص آخر .. لا يشبهه أبدا … وحتى هو لا يشعر بي .. قصة حبنا من طرف واحد .. “
مسحت دموعها وهزت قلم .. ومشات لآخر صفحة تكتب ..
_” اليوم ادركت ان حبي لك اكبر كذبة …وقد انتهت اليوم ” .
صكرت الدفتر هذاك ورجعاته في بلاصته وصكرت لخزانة .. ومشات تمدت على سرير وصكرت عينيها ..
#نورااا🌹🌹
تلحق 100 نحط لي بعدها
#رنوش المغبونة لي ماعندها زهر 😩😩😢😢الحلقة 92:
مع طلوع الفجر العرس كان خلاص .. والخيمة فرغت من النسا .. وحتى رجال بقاو غير جماعة قليلة يجمعو فلكراسا والطاولات …
طلعت مع درجات هذوك وتسب بين شفافها ..
_نورية: لشكون نشكي .. صحتي طاحت غير فلدرج هذو .. كل يوم طالعة للايطاج الخامس ونازلة … الله يرحمك ويسمحلك على لغبينة هذي ..
جبدت المفتاح من صاكها .. جاب ربي كان عندها واحد خلاف .. خاطر كلات لباب بطبطيب ومكانش لي حل ..
_نورية: زعما راهم راقدين هي وياه ا حتى ماسمعونيش ..
دورت المفتاح ودخلت ..لقات كل شي معتم ..
_نورية: بيلسان وينك ..
مشات جيهة غرفتها ورجعت مترددة اذا تحله ولا لا ..
نزلت عينها للثقبة نتاع لباب تطل مالقات حد .. دزت لباب ودخلت لقات لغرفة مرتبة ومكان حد ..
قلبت عينيها ومشات للغرفة ثانية لقات ولدها راقد على كرشه ..
_نورية: يوووه هذي وين مشات ..زعما نسيبي اقنعها وهزها معاه .. ياربي نكون رتحت منها ومن سلبياتها تاع كل يوم ..
نحت الكعب لي لابساته حطاته على جنب ومشات للكوزينة حلت البراد وجبدت لمااا ..
_نورية: اااه يااا ماا خيتي راسي راح يطرطق .. قعدت وتخمم فلي حكاته قبيل مع خيرة وسميحة .. دوك غدوة يصبحو يهدرو فيها انها تعرف شوافات .. قلبت عينيها تحكي ..
_نورية: هيه يمشو يتغمو خلي يقولو نورية تعرف العرافات باش هاك يبقو يخافو مني ..
هزت روحها تتكركر للدوش نحت لمكياج وغسلت وجها ومشات غيرت ثيابها ورتمات على سريرها ورقدت تغمت ..
#نورااا
غدوة صباح فاقت على صوت عياط من عند جارتها لي مقابلتها هزت روحها وخرجت تنسنس لقات لباب مصكر بصح اصواتهم طالعة ..
_نورية: زعما هذا ولد سميحة راه يعمل هاك ولا شكون .. اخخخ يا ربي راسي راح يتكسر على صباح مزال ماشبعتش نوم .. رجعت صكرت لباب من جديد ومشات للصالون صكرت شبابك ولباب وغمت راسها رقدت ..
فلدار لي مقابلتها كانت دنيا مقلوبة ..
بشرى قاعدة فلكوزينة شاعلة نار وتطيب فلقهوة … وختها حورية فلصالون شادة ولدها في حجرها ومقابلة راجلها لي من وقت وصل وهو يعيط ..
_حورية: صحااا هدي روحك .. عندبالي ماراحش ترجع للدار كيف عادتك جيت بن عندها..
_كمال: لا والله .. هذا مالقيتي تجاوبيني .. دار فارغة حتى لعشا مكانش ..ونتي نهار كامل هاملة عند ختك ووقت نوض نعيط تقوليلي راك نتا ماترجعش للدار .. وين نرجع عند وحدة فلاصل مش لاتية بيا ولا حاطة عندها راجل ..راكي نتي سباب مشاكلنا… ببرودك هذا وقلة اهتمامك ..
_حورية: مش صح .. نتا ديما تحط الاسباب هذو وتطلعني غالطة ..
_كمال: ماتكذبينيش… نرجع مانلقاكش ..واذا رجعت نلقاك في عالم ثاني نحكي معاك ماتهتميش .. وين حابتني نمشي .. أكيد نهرب لغيرك ..
كبست على ولدها لي يبكي في حجرها تحكي ..
_حورية: أمورك … امشي عند شكون تحب .. اما ماتجيش تلومني…
شد راسه بين يديه .. تاع واحد خلاص فد وكره منها ..
هز روحه قعد جنبها يحكي ..
_كمال: يعني نتي هاك عادي عندك .. اذا كنت مع غيرك ماتغيريش .. ماتحسيش .. يااا ماااا وبويا فات على زواجهم 30 سنة وتلقيها تبع فيه وتحوس عليه نتي عادي ..
حاولت تحكي عادي وماتظهرش ضعفها من نبرة صوتها ..
_حورية: حنا من اول زواجنا هاك .. لا حبيتني لا حبيتك .. تعدو 3 سنين ومزالنا فلحالة هذي .. انا في جيهة ونتا في جيهة .. لي يجمعنا هو صغير هذا .. لي مانعرف واش ذنبه انو طاح في زوج كيفنا ..
خطف ولده من حجرها يحكي ..
_كمال: ولدي وانا فرحان بيه ..
هز يده راح يحطها على يدها جبدتها منه ..
_حورية: نشوف بشرى ممكن تحتاجني ..
_كمال: مزال ماكملتش كلامي ..
_حورية: واش باقي نحكو .. علاقتنا لي مامنهاش أمل .. ولا انا ونتا لي كل حد فينا في جيهة … نتا تعرف مليح انو انا نجبرت نتزوج بيك .. وبلي كليت صوط وزوجوني سيف بيك .. واذا تحب نذكرك بأهم شي .. نتا دخلت بيني وبين صاحبك بعدتنا بكذبك وخداعك ..
_وقفها يحكي ..
_كمال: لي يحب يعمل اي شئ ..
_حورية: قصدك لي كل ليلة بايت في حضن مراة خلاف وقلبه معايا هذا هو الحب … ماعادش تلومني ..
هزت روحها وخرجت وخلاته ضايع في افكاره ..
#نورااا🌹🌹🌹
بصحتك حورية هاو جى فارسك المغوار وبدات قصتك 😂😂😂الحلقة 93:
دخلت عند ختها وصكرت باب لكوزينة وقعدت بعدما جبدت لكرسي ..
_بشرى: واش صراااا ..
_حورية: نفس الاسطوانة نتاع كل يوم ..
_بشرى: حورية ارحمي الراجل .. راكي خرجتيه من رحمة ربي ..
_حورية: يحمد ربي اني ماقتلتهش لدوك .. هو سباب تعاستي وكل شي قاعدة نعيش فيه دوك ..
_بشرى: مزال مانسيتيش يعني ..
_حورية: عمري ننسى لي كان سبب في انو دموعي تنشف وقلبي يبطل يدق .. هو السبب .. دخل بيناتنا وخلانا نفترقو وبعدها جى على اساس يخطب ..
_بشرى: بصح كون جى الاول يحبك مستحيل يخليك ..
_حورية: بشرى نتي آخر وحدة تعطيني دروس ونصائح فلحب ..وخلي يرجع للرقاصات تاوعه لي كل ليلة معاهم لا عيني فيه لا حابة نقابل وجهه ..
_بشرى: حرام عليك .. راجل تعبتيه معاك ..
هزت ختها صحن حطت فيه القهوة ومشات لعند نسيبها ..
_بشرى: راك مليح ..
_هزلها راسه وباقي يلعب مع ولده في حضنه ..
_كمال: وينها ..
_بشرى: فلكوزينة…
_كمال: عيطيلها راح نمشو ..
بشرى: اوكي اشرب قهوتك ودوك تجي هي ..
هز كاس القهوة ترشف منه ..وستناها حتى جات
_حورية: راني واجدة هيا ..
هزت ولدها من حضنه ومشات نزلت وهو وراها يتبع فيها ..
ركبت جنبه فلطوموبيل ومشاو .. طريق كاملة وهي ساكتة .. وتحاول تركز مع ولدها بعيد من عليه ..
_كمال: مشتهية شي نروح نشري …
_حورية: مش على اساس دراهمك خلاصو على شراب وبنات الحرام ..
_سكت ماجاوبهاش يعرفها تستفز فيه .. تبسم تبسيمة صغيرة ..وكمل مركز مع طريق ..
_حورية: مش خايف نخونك ونعمل واش تعمل نتا ..
كلامها خلاه قريب يدخل فلطوموبيل لي قدامه .. جاب ربي قدر يشد لفولون بيديه ..
حبس على جنب وجهه حمر وشاف ليها .. الدخان يخرج من عينيه ..
_كمال: واش قصدك .. مفهمتش واش تحكي ..
سكتت ماردتش عليه ..
_كمال: ختك هي لي تعلم فيك فلحاجات هذو صح .. شوفي ليا وقت نحكي مع راسة تاعك ..
_تلفتت شافت ليه وتحكي بتحدي ..
_حورية: اااه نسيت حنا مجتمع شرقي .. الراجل يعمل واش حب حلال عليه ..وانا مراة ضعيفة لازم نصبر على خيانتك ..
شد يدها كبس عليها يحكي …
_كمال: حسي بوجودي بلاول وبعدها لوميني … متذكرة آخر مرة رقدنا على فرش واحد .. ولا خلي انا نذكرك .. من ليلة لعرس ..وبعدها مرتين .. يعني 3 سنين رقدت معاك فيهم 3 مرات ..وين نقربك تبعديني …. يعني نتي سباب كل شي ..
_حورية: اااه نسيت الراجل عنده شهوة لازم يفرغها المرأة تكبت روحها ..
_كمال: بلعي فمك ..
_حورية: الصراحة ماتعجبكمش ..
_كمال: اذا عندك كبت ارواحي نوصلو للدار وفرغيه ..
لفتت وجها منه ماتحبش تدخل معاه فلموضوع هذا كثر ..
حرك طوموبيل يسوق ورجع يشوف فيها يحكي ..
_كمال: خممي تعملي واش حكيتي من قبيل وتشوفي واش يصرا …
_ماردتش عليه بقات مركزة مع طريق وافكارها مشاو بعيد .. بعيد لبلاصة وزمان خلاف ..وقت كان الحب هو الشي الوحيد لي في قلبها ..
#نورااا🌹🌹🌹
تفاااعلوووو حلقات هايلين فلطريق 😍😍😍

#كمال_راجل_حورية الزين والعين 😂😂الحلقة 94:
حبس طوموبيل على جنب قدام الدار ..ونزلت هي هازة ولدها في حضنها وتبعها هو الثاني يمشي وراها .. حلت لباب ودخلت .. دخل وصكره تركز عليه يخزرلها كيفاه مشات تزرب لغرفتها صكرت لباب .. مشى خطوات جيهة غرفته ورجع بعدها قرب من غرفتها ..حط يده على لباب تاعها وبعدها بطل … هي الثانية كانت واقفة ورا لباب سمعت خطواته وقت قرب قعدت تستنى واش راح يعمل .. شوي وشافت الظل نتاعه بعد .. حطت يدها على المفتاح دوراته هكا مايقدرش يدخل عليها .. كان راح يدخل غرفته بعدها وقف وقت سمع صوت لمفتاح .. كبس على يديه يحاول يهدي روحه وحل باب غرفته دخل وضربه .. كانت قاعدة على سرير تبدل لولدها فلكوش وقت سمعاته .. قلبت عينيها ورجعت تنهدت ..
حطت يدها على لفاست نتاعها نحاتها وحطتها على جنب ومشات جيهة البلكون تخزر للسما .. الجو ليوم صافي وربيعي على عكس ايام الخريف الثانية …
نسمات باردة يضربو على وجها .. هزت يدها تخزر لخاتمها ..
_حورية: الله لا تفرح لي كان سبب تعاستي … مانسمحلكمش ..
رجعت جيهة خزانتها جبدت بيجامة وهزت شعرها لماته كعكة لفوق وغيرت ثيابها ومشات حلت لباب لقاته هو الثاني خارج ..
_كمال: وين صغير ..
_حورية: فلغرفة .. تقدر تهزه عندك راح نمشي نعمل حليبه .. مشات تجنباته ودخلت للكوزينة تجري …
دخل للغرفة وهز ولده من فوق سرير ورجع يبوس فيه ويلعب معاه .. مع الوقت صونا تليفونه جبده يشوف لقاه رقم جديد .. عوج فمه ورد ..
_كمال: الووو ..
ماردوش عليه يسمع غير في صوت انفاس ..
_كمال: شكون معايا ..
وقت ماجاتهش الإجابة رجع علق ..وحط تليفون في جيبه وكمل يلعب مع ولده .. تلفت على صوت خطواتها وقت قربت وقعدت على طرف سرير جنبه ..
_حورية: صار وقت حليبه ..
هزاته من يده ورجعت ترضع فيه .. بقى ساكت ورجع هز عينيه يتأمل في ملامح وجها.. شعرها عينيها خدودها .. شفافها .. كل شي فيها يجذبه ليها بطريقة مش عادية ويخليه يعشق فيها كثر وكثر .. هذا نفس ورجع هز روحه وقف ..
_كمال: راح نمشي ..
_حورية: اذا ماراحش ترجع ليلة قولي ..
_كمال: اذا قلتيلي ابقى نبقى ..
سكتت ماجاوباتهش وهو خرج وضرب لباب كيف كل مرة تعمل فيه … برودها جيهته يخليه يتمرد .. كأنو ديما في كل مرة تنقص من رجولته وتخليه يمشي لجيهة خلاف وين يحس روحه مرغوب …
وقت تكون تحب حد وتدعي انو يكون ليك ..ووقت يستجاب دعاءك وتقول .. خلاص ربي حققلي واش في قلبي ..والعبد لي حبيته وتمنيته راه معايا تحت سقف واحد .. بعدها تنصدم وقت تلقى روحك دخلت في متاهة اكبر من لي قبلها .. هذا واش كان عايش كمال معاها … عمرها حياتهم كانت طبيعية … ليلة عرسهم وقت حسها متقززة من كل لمسة منه .. وقت جبدت روحها من حضنه ومشات وخلاته وحده .. حملها واعصابها لي عمرهم هداو .. حياتهم لي عمرها كانت طبيعية .. كل شي ولد انفجار داخله وخلاه يلجأ للشراب.. كيف مايسميه هو المنفذ نتاعه الوحيد من الهم لي هو فيه …
خرج لبرا ركب فلطوموبيل نتاعه وصكر لباب ..وكمل رجع راسه ورا وصكر عينيه ..وقت رجع تليفونه يصوني من جديد .. هزه رد بلاما يشوف شكون ..
_كمال: شكون معايا ..
_جاه صوت مرا من ورا تليفون تحكي ..
_نسيتني ..
_حل عينيه ورجع بعد تليفون من وذنه يشوف شكون لقاه نفس الرقم نتاع قبيل ..
_كمال: شكون نتي….
_ جوري: انا السحر لي يخليك تنسى كيف ماسميتني … ولا نسيتني .. كملت كلامها بضحكة بقات ترن في وذنه وعلقت عليه وخلاته قاعد مستغرب شكون هذي ومن وين جابت رقمه ..
#نورااا🌹🌹🌹🌹
حورية بنتي وجدي روحك للحرب 😂😂 ضرتك تعرفيها مليح🔪🔪الحلقة 95:
حلت عينيها على يدين ولدها لي يلعبو على وجها .. تبسمت وشافت ليه ..
_نادين: صباح لخير ماما ..
_بقى يحكي في كلام مش مفهوم ..
كملت هزت روحها باسته ونزلت لبست في رجليها ..ومشات للحمام … غسلت ورتبت شعرها ومشات طول شعلت تلفزة وحطت قناة Fm ( الزمن الجميل ) .. ومشات تتمايل ودخلت للكوزينة .. شعلت النار وحطت لما يغلي .. ومشات حلت البراد جبدت الزبدة ومعجون الفراولة ..وفرماج .. رتبت الطاولة وعملت حليب لولدها ورجعت ليه .. غسلتله وغيرتله ثيابه وكملت شرباته حليبه .. ومشات حلت شبابك الدار خلت نسمة نقية تدخل .. شوي وسمعت صوت دقات على لباب ..مشات تجري ورجعت شافت من العين لقاتها رانيا حلت عليها طول ..
_نادين: صباح لخير جيتي في وقتك .. طيبت قهوة وراح نشربها ارواحي معايا ..
هزتلها راسها ودخلت ..
_نادين: رانيا شوفي ليا ..
خزرت فيها ..
_نادين: واش بيها حالتك هاك .. عينيك منفخين ..
_رانيا: شي .. غير تاعبة سهرت ..
_نادين: معليش .. امشي معايا للكوزينة نقعدو مع بعض ..
جبدت لكرسي وقعدت مقابلتها …
_رانيا: هيه احكيلي كيفاه فات لعرس ..
_نادين: علاه نتي وين كنتي ..
_رانيا: لبارح تعبت طلعت طول للدار ..
_نادين: اااه حتى انا مشيت كيفك ..
_رانيا: بلاما تخبي عليا .. حكاتلي أمي لي صرا لبارح .. باين فيه يبغيك …
_نادين: كيفاه .. لا مش هاك هو عاوني خاطر قال انا بنت حومته .. غير هوما فهمو الموضوع غالط ..
_رانيا: المهم ردي بالك دوك من سميحة امه .. وخاصة بشرى .. والله ماراح تخطيك ..
_نادين: مالا رجع حطني في مشكل كبير ..
_رانيا: حكيتلك حساب مانعرف .. امه قبيحة ..
_نادين: بلعكس المرة لي فاتت عاونتني ..
_رانيا: عاوناتك وقت ماكانتش تعرف علاقتك بولدها .. راهي حابة تزوجه بنت خالته ونتي دوك رجعتي عقبة في طريقها ..
_نادين: بصح خاطيني شي هذا كامل ..
_رانيا: نعرف لذلك حاولي تتجنبيه .. خاطر ماراح يجي منه غير تصداع الراس ..
_هزتلها راسها وهزت طرف فرماج حطاته في فمها وتاهت بعيد في افكارها ..وين كانت فرحانة خاطر تهنت من حمزة لقات روحها طاحت في مشكلة اكبر ..
#نوراااا🌹🌹🌹
شوي ونزل لي بعدها تفاعلوووو ورداتي 🌹🌹🌹الحلقة 96:
حلت عينيها على صوت امها براا تمشي فلكلوار وكل شوي تدق فلباب باش ينوضو …
نزلت شيماء لغطى من على وجها تحكي ..
_شيماء؛ ريم راكي قاعدة … امك من قبيل تنوض فينا …
_ريم: واه راني نضت … شوفي المصروعة لي حداك نوضيها راه قريب نص نهار …
شافت شيماء لسومية لي راقدة ةماحاسة بشي ..
_شيماء: سومية نوضي .. رجعت تحرك فيها وشي ..
_ريم: اخطيك منها هذيك لازمها لبراح باش تنوض …
مشات ريم حلت الشباك خلت هوا نظيف يدخل ..ورجعت تلم فلفراش ..
_شيماء: واش رايك نخرجو ليوم عندنا مدة ماخرجناش..
_ريم: وين حابة تمشي ..
_شيماء: واش رايك نمشو للمول جديد لي فتح فلمدينة ..
_ريم: ماعنديش دراهم أخطيني ..
_شيماء: معليش نمشو نتفرجو ونرجعو .. الله يخليك مانحبش نفوت نهار هذا ثاني قاعدة غير هاك ..
_ريم: صحاا خلي نكملو نرتبو الدار ونشوف امي اذا ماعارضتش ونمشو ..
_شيماء: خلاص مالا ..
كملو رتبو لغرفة ومشاو غسلو وشربوو قهوتهم مع بعض ..
#نورااا
فلغرفة لي مقابلتهم .. بلضبط على سرير .. جبل كان راقد على كرشه .. وغام راسها بلمخدة .. لبارح مارقدتش حتى مع طلوع الفجر ومدام ليوم سبت ماعنده مايعمل .. اما اصواتهم العالية لي براا ماخلاتهش يرتاح بلنومة …
رمى لمخدة من فوق راسه ومشى صكر الشباك غمه ورجع ظلم لغرفة وكمل راح يرقد .. اما طول اول ماحط لمخدة على راسه دزت لباب عليه تحكي ..
_سميحة: واه سبع تاعي راقد .. راقد بعد المصيبة نتاع لبارح .. نوض عندي واش نحكي معاك تحرك ..
_ماردش عليها مشات حلت شبابك الغرفة وخلت الشمس تسطع فيه ..
_سميحة: نوض ختك وبنت خالتك خارجين .. هزهم وصلهم وشوف واش يحتاجو ..
بعد لمخدة من فوق راسه وتركز مع لحيط وجبدها لصدره ..
_سميحة: واش راك تخبي .. على اساس ماشفتهمش .. مايهديكش ربي وتروح تنحي الرسومات هذو لي على جسمك .. راهي هي سباب مشاكلك..
_جبل: ماااا مزال ماكرهتيش .. مزال تلصقي فيها فيا .. راني قتلك الف مرة انا هذيك مانتزوجهاش ..وماعينيش فلزواج ..
_سميحة: أكيد ماعينكش فلزواج مادام عندك زوج صحبات معمر وقتك بيهم زواج علاه تخمم فيه ..
_جبل: بشرى فهمنا بصح زاوجة شكون .. اذا راكي على نادين انعلي شيطان لمراة مابيني وبينها والو ..
_سميحة: جبل انا مانحكيش مرتين .. نوض غسل ولبس ومشي وصلهم راح يشرو ..ومنها تحكي مع سومية .. جرب ممكن تعجبك .. مفهمتش واش لي ماعجبكش فيها ..
قلب عينيه ورجع دور راسه جيهة الشباك ..
#نورااا🌹🌹🌹
تفاااعلوووو احداث هايلين فلطريق 😍😍😍الحلقة 97:
سمعو صوت دقات على لباب قريب لا يتكسر .. هزت سميحة روحها ومشات تحل تشوف شكون .. لقاتها بنت جارتهم ..
_سميحة: خير بنتي شا كاين على صباح ربي ..
_اميمة: خالتي وين راه ولدك .. عيطيله نحتاجه…
_سميحة: خير كاش ما صرا ..
_اميمة: لا والووو .. غير عفسة تاع خدمة ..
_سميحة: صحاا دخلي ..
مشات دخلت طول لغرفته .. دزت لباب ودخلت لقاته يلبس في تريكوه .. اول ماشافها تلفت يخزرلها ..
_جبل: شا كاين ..
_اميمة: مشي خدمة هذي ..
_جبل: شا صرااا ..
_اميمة: كيفاه هذي نمدلكم سلعة تبيعوها .. من بعد نلقى نصها رجع
_جبل: دقيقة .. نتي عطيتينا سلعة ..
ضيق عينيه ورجع كبس على يده ..
_جبل: خالد صح ..
_اميمة: واه صاحبك .. اذا مش تاع شي هذا يقولي مايخلينيش ندبرله سلعته ومن بعد نلقى نصها راجع ولازم انا نخلصها ..
_جبل: صحاا دوك نهدر معاه .. مشي موالف تصرا معانا …
_اميمة: واه صحاا خويا شوفه .. أنا ماعنديش مين نخلص .. أصلا سلعة هذيك بلكشايف باش جبتها فلاخير يرجعها ..
_جبل: صحاا دوك نهدر معاه ..
_اميمة: دوك نطلع نهدر معاه وهدر معاه نتا ثاني ….
هزلها راسه وهي خرجت .. شوي ودخلت عليه امه شادة راسها ..
_سميحة: جبل ولدي … ماتقوليش المسترجلة هذي ثاني عندك علاقة معاها .. راني دوك ندير طارفة ونقتل روحي …
_جبل: شا راكي تهدري ماااا .. هذي اميمة شاداني ليها انا ..
_سميحة: ازرب لبس وهيا راهم يستنو فيك تحت..
جبد صباطه يلبس فيه ويعقد في خيوطه ..ومستغرب كيفاه عمل خالد هاك مش من عوايده شي هذا ..
#نورااا
طلعت مع درجات هذوك تزرب حتى وصلت لباب دارهم ..عدلت لبسها وشافت مع لفاست نتاعها نزلتها شوي .. وحطت يدها على لباب تدقدق .. شوي وحلت عليها سكينة امه ..
_سكينة: صباح لخير بنتي ..
_اميمة: خير .. خالد راه هنا ..
_سكينة: واه راه راقد .. تحبي نوضه ..
_اميمة: لا خلي عليك دوك انا نمشي نحكي معاه .. حلتلها لباب خلتها دخلت ورجعت للكوزينة ..
قربت اميمة من غرفته ..دزت لباب بشوي ودخلت راسها .. لقات كل شي مظلم ..وريحته برك لي معبية لغرفة مع ريحة الشراب ..
_اميمة: اعععق ..
حطت يدها على خشمها ودخلت .. تركزت على لباب تحكي ..
_اميمة: خالد نوض .. والله رضا خويا ليوم ياكلني بسبتك …
_رجع يتقلب في بلاصته .. رجع لحاف نزل من عليه .. صدره كامل يبان ..ونصه تحتاني قريب لا يخرج 😂😂( بصحتك اميمة)
دورت وجها منه .. ورجعت تحكي ..
_اميمة: يا خرااا نوض .. اعطيني دراهمي .. خالد لخرااا ..
مشات جيهة سريره وحطت يدها على كتفه تهز فيه ..
_اميمة: ياخي راك ميت .. نوض اعطيني دراهمي ..
_كمل تقلب حتى لحافه نزل .. يبست في بلاصتها ودورت راسها كامل ..
_اميمة: ياربي انا كيفاه نصبح على المناظر هذو … بقات عاطياته بظهرها وقربت من سريرها هزت لحاف طلعاته عليه ..ولقات كاس ما على جنب .. هزاته ورماته كامل على وجهه .. ناض مفزوع .. يرد فلنفس ..
_خالد: واش صرا ..
شوي وستوعب الموضوع شاف ليها لقاها واقفة مقابلاته ..
_خالد: ياخي لباس نتي .. مريضة ولا .. جاية لغرفتي شكون دخلك ..
_اميمة: وماتعطينيش دراهمي نقلب دار بيك .. ونحي قشي ونقولهم راه غتصبني ..
_خالد: مكانش لي يصدق أصلا اني غتصبتك .. مشي شايفة مظهرك .. باين مسترجلة ..
_اميمة: لا والله نحي ثيابي نرجع مراة ..
_خالد: بلا لعب صامط هذا واش تحبي ..
_اميمة: دراهم نص سلعة لي رجعتها … خدمتنا شد مد .. وانا رحت شريت سلعة من عند خويا وعطيتهالك ودوك نحب دراهمي ..
_خالد: ارجعي لعشية وتلقيهم ..
_اميمة: لااا ماتحشيليش .. هات دراهم هنا ..ومشي قود مانحبش نزيد نخدم معاك ..
_ماردتش عليها ورجع حط راسه على لمخدة راح يرقد ..
_اميمة: مالا نتا لي حبيت ..
قبل مايفهم كلامها لقاها مشات للشباك نتاع غرفته وبدات تعيط ..
#نوراااا🌹🌹🌹
تفاعلووو ورداتي مزال كاين حلقات 😍😍😍

#أميمة الزين والرجلة 🤫🤫🤭🤭الحلقة 98:
مافاتوش دقائق والخومة بدات تسمع في صوت عياط جاي من دار سكينة ..
خالد كيف ماعمل يحب يسكتها وشي … هبطت سروالها ونحت تريكوها وفرفشت شعرها كامل وباقي تعيط ..
_اميمة: يا ناس جرولي ..ولد سكينة حاب يتعدى عليا على صباح ربي ..
_خالد: ر## اسكتي .. دوك نعطيك دراهمك .. صبري علياا ماعنديش دوك ..
_اميمة: كون خممت قبل .. ماعنديش خيار خلاف ياتعطيني دراهمي يا نفضحك .. ومن بعد لهدرة مع خويا ..
_رانيا كانت مع نادين تحت وقت سمعت صوت لعياط جاي من لفوق ..
_رانيا: يالطيف واش كاين زعما .. خرجت تجري تطل لقات حتى أمها مخرجة راسها تنسنس ..
_خيرة: واش كاين ..
_رانيا: مانعرفش .. خلي نطلع نشوف ..
_خيرة: أبقي بلاصتك .. دوك نطلع انا نشوف ..
هزت خيرة روحها وخرجت طالعة لفوق .. لقات جماعة نتاع جيران ثاني واقفين قدام لباب ..
سكينة مسكينة تضرب في خدودها ورا لباب .. وخالد مصكر على لمصيبة هذيك في غرفته كيما عمل باش يسكتها وشي ..
_خالد: ماراكيش خايفة على عرضك ..
_اميمة: دراهم قبل .. كون مانمدهمش لخويا يعطيني طريحة بسبتك ..
_خالد: شكيت نتي تضربيه مشي هو ..
_اميمة: اذا تحب نجرب فيك ..
خطف شورط نتاعه من لرض لبسه وقرب حصرها مع لحيط وكمل دزها وسط لغرفة ومشى يصكر فلشبابك وقت لمح الجوارين لي مقابلينهم يتفرجو ..
_خالد: واش تتفرجو عندي .. ضرب شباك صكره وتلفتلها ..
_هزي قشك وهيا برااا ..
_اميمة: دراهمي قبل ..
_مشى جبد دراهم لي عنده مدهملها يحكي ..
_خالد: الباقي من بعد ..
_اميمة: تكذب .. اعطيني دراهمي ..
_عض شفته وهز غراضها من لرض وجرها يحكي ..
_خالد: نتي ماتفهميش بلسياسة .. واذا حابة لفضيحة خرجي برااا وكملي المسرحية تاعك ..
تعدى جنب امه يكركر فيها .. حل لباب ودزها برا وصكره ..
_خيرة: يالطيف .. واش هذا العفن لي عايشين معاه .. الله لاتربحك يا خالد ولد سكينة .. وسختولنا الحومة بخماجكم ..
نزلت تدعي عليه ..ونزلو وراها جوارين هذوك يتمتمو بين شفافهم ..
شافت اميمة ليهم ورجعت هزت سروالها وتريكوها لبساته مع لفاست ولمت شعرها لفوق وضربت لباب تحكي ..
_اميمة: من بعد نتفاهموو ياخالد .. اذا ماندمك على شي هذا .. ووجد روحك وقت تنزل للحومة نخليهم يتفرجو فيك ..
#نورااا🌹🌹🌹
طفاااعلوووو مزال كاين حلقاااات 😍😍😍الحلقة 99:
واقفة شادة لباب بيدها وتستنى في امهاا تنزل تفهمها واش صراا .. حتى لقاتها نازلة وجها مايتفسرش ..
_رانيا: واش كاين .. خالتي سكينة مليحة ..
_خيرة: حنا لي ماراناش ملاح .. ولدها لكلب مدخل المسترجلة تاع اميمة عنده بايت معاها ودوك حل لباب ورماها برااا ..
سكتت رانيا مازادت حتى حرف .. حتى لقات اميمة نازلة هي ثانية تنفض في ثيابها وتحكي في كلام مش مفهوم ..
_اميمة: صباح لخير رنوش ..
_رانيا: خير ..
_خيرة: الله يلطف ..
دخلت وضربت لباب واميمة هزت كتافها ونزلت ..
رانيا مالقات شي تحكيه بخلاف انو تصكر لباب وترجع جنب نادين ..
_نادين: راكي مليحة ..
_رانيا: واه اطمني راني مليحة …
مشات هزت اياد في حضنها تحاول تنسي روحها شي لي شافته وسمعاته من شوي ..
الوقت هذاك خالد كان في غرفته يرحي من داخل .. هز باكي دخان نتاعه ووقف يتكيف ..لمحها خرجت تحت تمشي ..شوي وهزت راسها شافت ليه وهزتله صبعها 🤭 ..
_قلب عينيه منها وكمل يتكيف ..
سمع صوت امه تحكي من وراا ..
_سكينة: علاه تعمل فيا هاك .. عاجباتك حالتي .. علاه ماتعقلش ولدي ..
_خالد: مادرت والو ..ونتي علاه تدخليها عندي .
_سكينة: قالت محتاجاتك وحطيتك قاعد ..
_خالد: ماتدخلي حد عندي .. وخلوني بحالي ..
_ضربت امه رجلها مع لرض تحكي ..
_سكينة: لا مانخليكش .. راني وصلت لسن وين ماعدتش قادرة نتحمل .. راني تعبت .. وين نقول كبرت راجل نلقاك مزال طايش ..
_خالد: قصدك ولد حرام ..
كلمته ضربت على الوتر الحساس وخلت عينيها يتعبو بدموع ..
_سكينة: ماتحكيش هاك ..
_رمى دخان من يده عفس عليه وتلفت ليها يحكي ..
_خالد: كذبت .. اعطيني كواعطي .. اعطيني الشهادات تاوعي .. اعطيني الدفتر العائلي ..
_سكينة: حبس خالد .. حبس كلام هذا ..
_خالد: راهي لحقيقة مااا .. انا ولد حرام ونتي ام عزبة .. وينو بويا ..
_سكينة: ماتحكيش عليه هاك ..
_خالد: مزالكي دافعي عليه ..مزال لدوك تضربي عليه قدامي .. راني بسبته عايش المعيشة الكلبة هذي … لاقدرت نقرا كلعباد لا قدرت نخدم .. لاقدرت نستقر ..ماعنديش مستقبل .. خاطرني ولد حرام .. كبرت وسط الذل ..وانا نشوف فيك تتمرمدي ليل ونهار وناس مش عاملتلك حساب .. كبرت قدرت نوقفهم عند حدهم بصح عمري قدرت نرجع ولد حلال ..مش عارف روحي واش نكون ..
صكر عينيه وكمل يحكي ..
_خالد: احكي شي .. علاه سكتي دوك … واش تستني من واحد ولد حرام .. يكون مليح .. راه المجتمع ماراحش يخليني نرجع انسان مليح .. كون مانبيعش زطلة مانعيش .. كون مانمشيش نشرب ماننساش .. واش تحبيني نرجع مليح .. راني اذا رجعت لعقلي ممكن نهبل ..الواقع مر ماااا ..واقعنا وحقيقتنا صعيبة …
_سكتت وقعدت على طرف سرير نتاعه وشدت راسها بين يديها ..
_سكينة: واش ندير ولدي باش نرجعلك حياتك ..
_خالد: ماتعملي شي .. حتى نتي مشي قل مني. .. المهم خلوني براحتي ماعادش تدخلو فياا ..
_هزت روحها هكاك شادة دمعتها بسيف جبدت لباب وخرجت مشات للصالون صكرت لباب وكملت تبكي وحدها .. المرأة لي كيفها يحقروها .. لعباد يعفسو عليها .. المجتمع الشرقي مايعطيهاش فرصة ..من اول غلطة يمحيها وينبذها .. مسحت دموعها ومشات جيهة القجر جبدت منه صورتها وهي صغيرة فللتسعينات ..وقت كانت في شبابها وجنبها واحد محضنها ويتبسم .. نزلو دموعها وهي تعدي في صباعها عليه .. حبيبها وخطيبها لي كان راح يكون راجلها مات فلعشرية السوداء .. وخلاها وحدها .. هازة صغيرهم في كرشها .. لا قدرت تقاوم عايلتها ولا قدرت تقاوم المجتمع .. خاصة فلوقت هذاك .. مالقات شي من غير انها تهرب من مدينتها لمدينة خلاف وتخدم باش تكبر ولدها .. كبر خالد وعرف كل شي بلاما تحكيله هي .. فهم من عينيها واش يكون هو ..وعلاه بوه مش موجود وماعندهم حد فلدنيا .. كانت تشوف الانكسار في عينيه .. كانت تشوف حزنه كل ليلة وقت يرجع مش في وعيه .. شافت ولدها وهو ينهار ويتدمر كل يوم قدامها ..ودوك مزالها واقفة مش قادرة تعمل شي على جاله .. خاطرها هي سبب شي هذا كامل .. تبعت لحب وتبعت مشاعرها ونسات انو المكتوب مايتبدلش ..وانو كلشي بيد ربي ..وقادر يمد حياة ويهز حياة ..
#نورااا🌹🌹🌹الحلقة 100:
هز روحه وخرج لبرااا لقاهم يستنو فيه ..
_ريم: جبل تقدر تقعد نمشو وحدنا ..
_جبل: مدام نضت خلي نوصلكم ..
نزل ونزلو وراه للثلاثة …
شد اول طاكسي عرضه ركب من قدام وهوما ورا متهامسين ..
شوي وكانو قدام المول هذاك ..
_جبل: راح نقعد فلقهوة لي مقابلة وقت تكملو عيطولي ..
_ريم: صحااا مانبطوش ..
هزلها راسه ا ومشى للقهوة هذيك .. جبد لكرسي قعد في طاولة على جنب .. وطلب كاس قهوة يقعد بيه راسه ..
الوقت هذاك نادين قاعدة مقابلة رانيا لي وجهها مايتفسرش وبلين لحكاية اثرت فيها ومش حابة تبين ..
_نادين: رانيا واش رايك نمشو نخرجو مع بعض ..
_رانيا: اااه وين ..
_نادين: مش عرسك مابقالهش ..واش رايك نمشو تشري مكياج .. راني نعرف حاجات بزاف نعاونك تخيري واش تشري ..
_رانيا: واه فكرة مليحة علاه لا ..
_نادين: اوكي مالا نوضي وجدي روحك وانا ثاني نلبس ونخرجو مع بعض ..
هزت روحها تكركر في رجليها فوق من قلبها ..
دخلت لبست وشافت مع وجها صفر .. ماحبتش تمكيج خلاته هكاك .. فردت شعرها على كتافها وهزت صاكها ..ومشات كسرت الحصالة نتاعها جبدت واش فيها دراهم ومشات لنادين لي كانت تستنى فيها عند لباب هازة اياد في يدها …
نزلو هوما ثانيين مع بعض .. وبقاو يستنو فلباص حتى جى ركبو .. شي نص ساعة فلطريق باش وصلهم للمحطة لي حابين عليها ..
_نزلو يتمشو ويحكو .. الحال مشمس… وعباد بزاف براا مدام ليوم السبت ..
_نادين: رانيا ..
_رانيا: هممم ..
_نادين: حاساتك مش معايا ..واش صرا لبارح .. كنتي فرحانة ومتحمسة للعرس وفجأة تقلبتي ..
_رانيا: لي كيفي انا مشي تاع فرحة .. هيا خلينا ندخلو ..
دخلو للمول هذاك يدورو .. ويشوفو واش كاين جديد ..
_شيماء: ريم شوفي .. هذي مشي رانيا ..
هزت ريم عينيها جيهتهم ورجعت شافت لنادين .. .
_ريم: واه هي ..
_سومية: هذي مشي المصفارة ليابسة لي كان شادها جبل لبارح ..
_ريم: سومية اخطينا من المشاكل ..
_بدلو طريق باش مايعاودوش يصادفوهم .. وسومية تاكل في روحها ..
_شيماء: ريم تليفونك يصوني ..
جبدت شافت شكون ورجعت علقت عليه ..
_شيماء: واش كاين .. علاه ماترديش ..
_ريم: شي هيا خلينا نطلعو للطابق هذا .. لازمني مكياج جديد .. لي عندي فديت منه …
طلعو مع بعض ..ومن زهرهم لقاو نادين ورانيا لتم مالقاوش كيفاه يتجاوزوهم ..ولقاو رواحهم مضطرين يسلمو عليهم ..
_نادين حست روحها تعبت قعدت على لكرسي وشدت ولدها في حجرها ..ورانيا بقات تقلب فلمكياج لي لتم وكل شوي تختار حاجة بعدما توريها لنادين …
_سومية صبرت صبرت بعدها مشات قعدت جنب نادين وشافت ليها تحكي ..
_سومية: واش علاقتك بجبل ..
_نادين: كيفاه ..
_سومية: جبل ولد خالتي واش علاقتك بيه .. لاي درجة وصلت علاقتكم ..
_نادين: مكاين والو بيني وبينه .. جيران وخلاص ..
_سومية: حبسي الكذب .. حومة كامل شافتكم حابتني نكذب عينيا ..
_نادين: ديزولي ختي بصح واش دخلك ..
_سومية: دخلني خاطرني نحبه ..وناويين نتزوجو ..
_نادين: هاتزوجي شكون شادك واش دخلني فيكم انا ..
_سومية: خليك بعيدة عليه احسنلك .. واصلا واش راح يشوف فيك يعجب .. مراة وبصغير .. أكيد يستغلك شوي ويضيع وقته معاك وبعدها ينساك ..
_نادين: الله يهديك .. انا وين ونتي وين ..
هزت نادين روحها ومشات لعند رانيا وخلت ثانية تاكل في روحها …
#نورااا🌹🌹🌹

Leave a comment