Skip links

قصة عاهرة الحي… ج1

 5,859 عدد مشاهداات

#بقلم_نوراااا🌹🌹🌹
#الحلقة_الأولى

صوت الريح يضرب على الشبابك وخالهم ينخبطو مع لحيط … و فوقها المطر قاوية براااا .. الحال وحدو مايخلي حد يتجرأ يخرج لبرااا … لحليب على النار قريب يفيض ..وصوت صغير يبكي بحرقة على سرير …
تصاور مفروشين في لرض … قرعة نتاع برفان مضروبة مع لحيط مكسرة … لفاليزات محطوطين على جنب … لغرف كامل فاضيين وتحسهم باردين … وحدها هي قاعدة في نص قاعة الغرفة … شعرها هابط على وجها .. رموشها مبلولين بالدموع .. والرجفة شادتها … تبلع في ريقها وغصتها ..وزايدها صوت الصغير لي يبكي … والشبابك لي ينخبطو مع لحيط .. عاملين ضجة قوية .. لي يشوف الدار وحالتها يقول مهجورة … كل شي ميت ومافيه حياة .. لا الجدران ولا السقف ولا الاثاث .. كل شي كأنو طفى فجأة .. هذا شي لي كان يبانلها وهي تخزر لكل شي داير بيها ….
هزت يدها وحطتها على قلبها تحس فيه يضرب بلقاوي … قريب تختنق .. شي أقوى منها .. تحب تعيط باعلى صوتها .. تحب العالم لكل يسمعها ويسمع صياحها .. تجينا لحظة من اللحظات فلحياة نحسو انو كل شي ظلمة .. وانو حياتنا توقف على حد واذا مشى هذا الحد كل شي يرجع ظلمة … هذا واش نحسو .. انو ماعادش كاين حياة بعد الانسان هذاك … اذا غاب لازم حتى حنا نغيبو نمشو .. اما وقت تفيقي انو كاين شكون يستنى فيك تعيشي على جاله وتحاربي على جاله تتراجعي .. تخافي … واش ذنبه تعيشيه نفس الشعور لي نتي عشتيه …
هزت روحها هكاك ترعش ..ومشات جيهة الشباك لي كان مفتوح على وسعه .. يدخل في قطرات من مطر لي تسللت وطاحت على أرضية الغرفة ..
خذات نفس وحلت عينيها تخزر للسما لي مغيمة … تخزر للشجر لي ماعادش قادرين يصلبو طولهم بسبة الريح القاوية …
هزت يديها بشوي وخرجتهم من الشباك وقت لسعتها نسمة باردة وبعدها قطرات مطر قاويين قعدو يغسلو فيهم … ويغسلو فلجرح لي قعد ينزل منه الدم بعدما جرحت روحها بدبوزة البرفان ….
رجعت صكرت عينيها من جديد و جعت بيها الذاكرة لشهور قبل وقت حياتها كانت عادية .. وقت كانت اسعد مراة .. وقت كل شي كان كيف الحلم بالنسبة ليها … ضحكاتها معاه .. فرحتها .. مشاعرهم لي مامنهاش … صغيرهم لي بلنسبة ليها هو اسعد شي صرالهم مع بعض … وفجأة بين ليلة و نهار تحول كل شي لعتمة … سرقت الحياة منها نفسها سلباته هو منها. وعانقااته تحت التراب.. وخلتها هي تعفس برجليالحلقة 2: 🌹🌹🌹

عدت يدها على رقبتها ورجعت تلفتت تخزر من العين نتاع لباب تشوف اذا مشى ولا مزال يستنى .. لقاته صح قاعد وسط طوموبيل نتاعه ومصكر الشبابك من المطر …
نفخت ومشات داخل هزت تليفونها وسجلت رقم الراجل لي راح يهزها .. قالها انو راح يزيد يتعطل نص ساعة بحكم الحال ليوم مقلب والطرقان مغلوقين وكاين عرقلة ..
هبطت تليفون ورجعت ترضع في ولدها وبعدما تأكدت انو رقد ناضت غيرت ثيابها ومشات غسلت وجها بطرف صابون حتى مابقى حتى أثر لأي شي …
تنهدت وطلعت شعرها كعكة لفوق .. ولمت لغراض لي بقاو فلدوش حطتهم داخل فاليزتها … طفت لضواو تاع لغرف كامل ..ومشات للكوزينة … وقفت عند العتبة نتاعها .. تتذكر في صوته كل صباح وقت كان يصبح عليها .. وقت كانو يفطرو مع بعض ويطيبو مع بعض .. ضحكاتهم .. احاديثهم لي ماتخلاصش وقصصه فلخدمة لي ماكانتش تمل منهم .. واش بقى .. مشى وهز كل شي حلو معاه وخلالها شوي ذكريات لبستهم تحت ثوب الحداد تصبر في روحها بيهم …
شحال دنيا صعيبة .. وشحال لحياة ظالمة .. ليوم تعطيك كل شي وغدوة تهز منك كل شي … تحطمك وتكسرك .. وتتعدى عليك وتخليك وسط خيبتك …
أصعب شي انك تبقي تقاتلي وحدك .. ماكانش حد يشد يدك ولا ينورلك طريقك ..
جبدت لكرسي وهزت الكاس لي كان يشرب فيه هو … تتحسس فيه بين يديها .. كان يعشق الكاس هذا خ
وديما يقولها مايحس بطعم القهوة غير وقت يشرب منه … ياما حاولت تسرقه منه وتشرب فيه باش تفهم سر كلامه … ودوك وقت جات لفرصة انها حصلت عليه وسرقاته .. لقات الحياة سرقاته هو منها بالذات .. نزلو دموعها من جديد كأنو مش مكتوبلها تنسى .. مهما حاولت تهرب ذكرياته راح يبقو محاوطينها ويمنعوها من انها تنساه …
قربت الكاس هذاك من شفافها وباسته كأنو قاعدة تبوس فيه هو .. وتستحضر في قربه منها …
_نادين: كل شي كنت تلمسه كان عنده طعم … حتى حياتي بيك كان فيها طعم .. اما دوك .. مابقى شي .. مشيت وخليتني … خنت وعدك بأنو مستحيل تخلي شي يفرقنا .. ونسيت تعمل حساب للموت .. نسيت تخليني نجهز روحي للشي هذاك …. عيشتني فلسعادة لدرجة اني نسيت انو الناس يجي وقت وتموت وتمشي من الدنيا هذي … علاه ماهزيتنيش معاك .. علاه خليتني وراك ونتا عارف انو قدرة احتمالي قليلة وقت يكون الموضوع نتا …
كبست على لكاس بين يديها كأنو خايفاته يضيع ..ولو كأنو حياتها واقفة عليه …
_نادين: راح نخرج من الدار هذي … راح نمشي لبلاصة جديدة مافيهاش ريحتك .. مافيهاش ذكرياتك .. مش عارفة كيفاه راح نعيش بلا بيك .. زعما نقدر نتنفس من الهوا جديد .. غير الهوا لي كنت نتنفسه هنا … زعما نقدر نرقد ليل وانا في غرفة غير غرفتنا …
جبدت لكرسي ورااا وهزت تليفونها لي بدا يصوني بلقاوي ..
_نادين: الووو ..
_اهلا مدام راني برااا قدام الدار ..
_نادين: اوكي خمس دقائق ونخرج ..
علقت عليه ورجعت لكرسي لبلاصته وهزت لكاس بين يديها وخرجت من المطبخ ومشات لغرفتها .. هزت لفاليزات تكركر فيهم لبرااا حلت لباب لمحاته فلطوموبيل نتاعه يترقب فيها من بعيد ..
خزرت لمول طاكسي لي نزل شد عليها لغراض ..
حطهم ورااا .. وهي رجعت داخل .. لبست شوميز نوار طويلة للتحت ومعاها سروال ..وهزت خمار كحل رماته من فوق على راسها … وقربت هزت ولدها لصدرها حضناته .. ومشات جيهة لباب وبقات تتفرج مع غرفتها لآخر مرة … تحفظ فيها جزء بجزء ..وتبلع في دموعها انهم يطيحو من جديد … عدت لسانها على شفافها وكملت هزت لكاس حطاته وسط الصاك وخرجت لقاته في وجها واقف في نص لحوش …
_حمزة: آخر قرار .. راح تمشي ..
_نادين: واه .. تفضل مفاتح الدار ..
_شدهم عليها متردد … يعني هاك ولا هاك مش قادر يفرط فيها .. وين عندها تمشي .. وحتى هي هازة خشمها بزاف .. كانت قادرة تقبل بلا شي هذا كامل …
كبست على ولدها وتعدت جنبه خارجة لبرااا .. وقت وقفها يحكي
_حمزة: اذا صار وبدلتي رايك راكي تعرفي رقمي وتعرفي وين تلقيني ..
_جاوباته بنبرة تاع حد واثق من قراره ..
_نادين:مانبدلش رايي … تبقى على خير …
خرجت لبرا ومع لوقت ضربت شمس دافية في وجها … خلتها تصكر عينيها لا اراديا وتتحسس دفأها … يقولك بعد ليل يطلع نهار ..وبعد العسر يجي اليسر … وانتهاء الليل بداية لطلوع النهار … وانقضاء الشتا دليل على انو الربيع فلطريق … وبعد العتمة يطلع النور … وبعد كل انكسار .. ترجع الحياة … الانسان الضعيف هو لي يختار انو يرضى يعيش وسط خيباته ..ووسط ماقدرله يعيش .. اما الانسان القوي هو لي ينفض الغبار ويرجع يفك حقه من جديد بلاما يهرب ولا يرمي كل شي ورا ظهره … هذا واش كانت تعمل نادين … بلنسبة ليها واقعها ماراحش يتبدل اذا صكرت على روحها وخلت لي يجي يعفس عليها .. يا تنوضي وتكملي من النقطة لي طحتي منها ولا تبقي عمرك لكل عالقة فلبلاصة هذيك …
خذات نفس وتلفتت خزرت لبيتها لآخر مرة … الشجرة لي جنب لبيت اوراقها لكل طاحو وتساقطو مع فصل لخريف … وارض تبللت وخلت ريحتها تعبق فلمكان لكل وتعبيه … تنهدت وهي تودع في بيتها لآخر مرة بعينيها .. البيت لي دخلاته عروسة بالثوب الابيض قبل عامين ودوك خارجة منه ارملة بصغير ..ومتلحفة بالثوب الاسود … هذي هي الحياة يوم ليك ويوم عليك ..
ركبت ورااا وصكرت لباب وتركزت على زجاج الشباك وعينيها عالقين مع طريق ..لي ممكن هذي آخر مرة تجي ليها ولا تمر عليها …
#نوراااا🌹🌹🌹
جام+كمنتار نحب اراءكم لبناااات شوي ونحط لي بعدها تفاااعلووووالحلقة 3: 🌹🌹🌹
هزت عينيها تخزر لولدها لي قريب يكمل عام يدخل في راسه لصدرها .. رجعت هبطت خمارها تخبي في صدرها …طلعت راسها لقات مول طاكسي يخزرلها قحرتله وهو طول بدل عينيه من عليها …
مسحت على ظهر ولدها تهدي فيه ورجعت تخزر مع الشباك .. شمس خارجة ورغم هاك رشات مطر خفيفة قاعدة تطيح .. حتى أنها بللت بلار الشباك …
هزت يدها حطتها عليهم تعدي فيها .. مش عارفة كيفاه راح تكون حياتها بعد ليوم .. مكان مجهول وبلاصة مجهولة وناس ماتعرفهمش .. وحدها مع صغير … خو راجلها طمع فيها وستغل ضعفها .. بقات فلبراني .. الناس لي ماتعرفهمش …
الفكرة وحدها خلتها تخاف كثر وكثر …
تنهدت تدعي داخلها انو ربي يشوف فيها ويعاونها … لي قدرت عليه عملاته .. جاب ربي كان عندها سلسلة نتاع ذهب خاطر خاتم زواجها رغم كل شي ماحبتش تفرط فيه وتبيعها .. باعت العقد وكان عندها شوي دراهم لمدتهم هي وراجلها لوقت الحاجة ..ودوك جى وقتهم … قلبت وهران كامل تحوس على كرية ولي تعجبها تلقاها بسعر اغلى … فلاخير طاحت في بلاصة ماتعرف علاه مارتاحتلهاش اما الشقة توالم دراهمها … وكانت مضطرة تخرج سمانة هذي ..ولا سلفها كان خرجها …
فاقت من سرحتها على صوت مول طاكسي ..
_مدام ..
_نادين: اااه..
_رجعي ذكريني لبلاصة وين ..
_رجعت عطاته لعنوان لي ماشيتله .. جاوبها يحكي ..
_مانقدرش نوصلك لتم … ياخي نتي عايشة فلبلاصة هذيك ..
_نادين: لا اما رحلتلها جديد ..
_خسارة تباني محترمة على انو تعيشي لتم ..
_نادين: علاه واش كاين ..
_لبلاصة هذيك مشبوهة ..وفيها السراقة ولكلوشارة … ربي يكون في عونك ..
_قلبها رجف بين ضلوعها وخافت .. حتى شفافها نشفو …
_نادين: كان مش مضطرة راني مانمشيلهاش ..
_معليش مدام انتي ردي بالك على روحك خاطر معاك صغير …
_نادين: ماتقدرش تقدمني شوي ..
_راح نحطك عند موقف الباص .. لتم اركبي يوصلك حتى دخلة نتاع الحي هذاك ..
_نادين: معليش … خسارة عند بالي تحطني قدام العمارة ..
_مانقدرش مدام آخر مرة وصلت واحد لقيته متفاهم مع صحابه .. سرقولي دراهم كامل ..
بلعت ريقها .. يعني تاع الصح ماشية للهاوية …
شوي وحبسها مول طاكسي عند المحطة لي حكالها عليها … عطاته دراهمه ونزلت وعاونها نزللها فاليزاتها ومشى .. بقات واقفة لتم تستنى مع شوي عباد … الباص مابطاش ووصل … مالحقتش حتى تركب ولقاتهم بداو يتدافعو ..
جاب ربي عاونها لي يخدم لتم حطلها فاليزاتها ورا وطلعت هي من قدام مع ولدها كابسة عليه …
لباص راح ينطق من كثرية لي تعبى .. بقات واقفة كابسة على لحديدة .. وقت مشى .. تفرعصت ورجلها قريب ماتجيبها على فمها صكرت عينيها وكبست على ولدها بيديها زوج مستسلمة للطيحة …. اما طول حست بيدين تلفو على خصرها هزوها وجبدوها قريب ماتطيح …
حلت عينيها مفزوعة تخزر لولدها لي كابس فيها بيديه زوج .. هزت عينيها للراجل لي قدامها ومع الوقت هو هبط يديه من عليها يحكي ..
_جبل: اقعدي بلاصتي انا راح ننزل ..
هزتله راسها بلاما تحكي شي .. ومشات قعدت كابسة على ولدها
ربع ساعة وحبس الباص … وبدا يفرغ كامل ستنت شوي نزلو ونزلت بعدها هزت فاليزاتها تكركر فيهم بيد وحده وليد ثانية هازة بيها ولدها …
وقفت عند دخلت الحي هذاك … وصكرت عينيها ورجعت حلتهم … حياة جديدة وواقع جديد يستنى فيها هنا .. زعما واش مزال مخبيتلها لحياة الايام الجايين ..
#نوراااا🌹🌹🌹
جام+كمنتار لبنااات نحب اراء بزاااف … قاعدة نكتب نوجد لحلقة لي بعدها ونحطها 😘😘😘لحلقة 4:🌹🌹🌹
دخلت تمشي مع الزقاق هذاك ضيق شوي .. حتى وصلت لساحة كبيرة شوي وين متقابلين العمارات … بقات واقفة تخزر للوجوه تحوس على شي وجه مألوف يريحها ويريح بالها .. آخر مرة حكات مع وحدة هي لي عرفتها على لي كراتلها الدار هذيك وتفاهمت تتلاقى معاها باش توريها الدار وتمدلها المفاتح…
هزت عينيها تخزر مع وحدة قاعدة تنشى فلقش لفوق … وتحكي مع جارتها لي مقابلتها ..وتحت رجال كبار متلمين على طاولة الدومينو … وفلجيهة ثانية صغار متلفين على راجل كبير يخدملهم في لحية بابا (غزل البنات ) تنهدت وقت حست انو الحي هذا عادي فيه عباد يشبهو لاي عباد ممكن تصادفهم في لي بلاصة …
كركرت فاليزاتها ورجعت جبدت تليفونها راح تعيط حتى سمعت صوت جاي من لفوق تاع مراة قاعدة تعيطلها …
خيرة: شوفي هنا ..
_عملتلها اشارة بيدها …
_خيرة: نتي لي كريتي جديد صح ..
_نادين: واه ..
_خيرة: دقيقة نجيك .. مفاتح دارك راهم عندي ..
هزتلها راسها وكركت فاليزاتها بعيد وبقات واقفة تستنى .. شوي ونزلت عندها لمراة هذيك ..
_خيرة: اهلاا .. لباس ..
_نادين : لباس .. انتي هي صاحبة الشقة ..
_خيرة: صحابها مسافرين ومكلفيني بيها .. لي كانت كارية قبلك خرجت منها .. ومادام نتي جديدة دوك تبعيني نوريهالك ..
_طلعت قدامها وبقات هي داخلة راح تبعها ورجعت تذكرت فاليزاتها ماقدرتش تطلعهم حتى هوما .. خلتهم على جنب لبرااا ..وكبست على ولدها وتبعتها لفوق ..
طلعت مع الدرجات هذوك وتخزر فلحيوط كيفاه مخرمطين بكتابات نتاع قلة حيااا .. عوجت فمها ورجعت سكتت تبع فلمرأة هذيك حتى وصل. لباب الشقة لي راح تقعد فيها …
حلتلها لباب ودخلت قبلها تبعتها نادين تخزر مع الشقة كيفاه مظلمة ..
_نادين: ياخي من وقتاش مصكرة ..
_خيرة: من شهرين …
_نادين: شكون كان هنا قبل ..
_خيرة: كانت وحدة هنا كاريتها مع صاحبها .. ومن زهرهم شدوهم يبيعو فلزطلة مالا حبسوهم للزوج ..
شهقت نادين وعينيها نحلو على وسعهم ..
_نادين: الزطلة ..
_خيرة: شبيك مفزوعة .. ياخي الامور هذو في كل بلاصة ..ولا راني غالطة .. الظاهر فيك عينيك مغمضين نتي ..
_نادين: مانعرفش ..
_خيرة: مادام سكنتي هنا حلي عينيك .. لمراة لي عرفتني عليك .. قاتلي راجلك مات الله يرحمه ..
_نادين: الله يرحمه … صح ..
_خيرة:, مالا ماتبينيش ضعفك قدام الناس .. راه المجتمع لي ساكنين فيه مايرحمش .. مراة بلا راجلك ياكلوها … مادام عندك صغير ضربي على روحك وتقاوي بيه ..
_نادين: علاه كاين حاجة مش مليحة هنا..
_خيرة: انا مطلقة ونعرف شعور هذاك .. وعندي تجارب قد شعر راسك .. هذا واش ننصحك بنتي ..
مدتلها المفتاح تحكي ..
_خيرة: اذا تحبي تعاودي تدهني لحيوط راه كاين واحد هنا ويدهنلك بسومة مليحة .. بلنسبة الما السبالة شوي ضايعة … اذا حبيتي تصلحيها ولا تعودي تشري لما .. أمورك .. راه كاين غرفة نتاع نوم وصالون وكوزينة ودوش وتوالات … تقدري تشوفيهم براحتك … يلاااه دوك انا نخليك …
هزتلها راسها وتبعتها لبرااا صكرت لباب ورجعت حطت ولدها على سرير لقاته لتم بيلاما نقلت غراضها …
مشات حلت شباك الغرفة ..وخزرت مع السما وهبطت عينيها تحت تخزر مع الحي لي عايشة فيه … رغم انو يبان هادي وطبيعي غير انو كلام ناس عليه علق في راسها …
هبطت عينيها شوي للتحت ورجعت حلتهم على وسعهم وقت لقات صغار يجرو فارشين فاليزاتها في لرض ..وهازين ملابسها الداخلية يجرو بيهم … ويضحكو ..
مشات تجري بلاما تخمم مرتين … درجتين تعملهم في مرة .. حتى خرجت لبرااا .. جبدت فاليزاتها صكرتهم وفكت غراضها من يديهم تسب فيهم بين شفافها .. كركرت وحدة منهم هزتها وماقدرتش تهز الثانية .. خاطر شفتها فلايطاج الرابع …
دورت عينيها تحوس على شي حد يعاونها وحتى واحد منهم ماجذبها كامل يبان عليهم دعوة شر … هزت عينيها للطرف الثاني وقت لمحاته داخل يضحك مع زوج من صحابه ضيقت عينيها فيه .. ورجعت تذكراته .. نفسه لي مدلها بلاصته فلباص … وعاونها انو ماتطيحش …كانت راح تطلب منه لعون ..وقت شافته جات عينه في عينها ورجع بعدها تلفها كأنو مايعرفهاش …
كركرت فاليزتها حطتها تحت الدروج وهزت اول وحدة .. تزرب تسابق فلوقت باش تهبط تهز الثانية …
اول مادخلت وحطت فاليزتها خرجت تجري راح نهز الثانية من التحت .. لقاتها عند لباب تاع شفتها محطوطة .. تلفتت راح تشوف شكون عاونها .. لقاته هو .. حطها ونزل بلاما يخليها حتى تشكره …
تنهدت وصكرت باب دارها بلمفتاح .. وهزت خمارها حطاته على لكرسي .. ومشات تمدت على سرير هذاك جنب ولدها .. باست يديه وبقات تخزرله وتخمم في كل شي …. لبلاصة هذي باردة وموحشة … حتى لعباد لي فيها يخوفو … خزرت مع لحيط تاع لغرفة منجر كامل وداخل بعضه … حضنت ولدها لصدرها وصكرت عينيها تحاول تغيب على الوعي ولا ترقد ماتنوضش .. المهم تمشي بخيالها لبعيد للايام لي كانت حياتها فيهم مثالية ..ومافيهمش قطرة نتاع دموع ..
#نورااا🌹🌹🌹
جام + كمنتار فيه اراءكم لبنااااتالحلقة 5: 🌹🌹🌹
هز يده يخزر مع الوقت وهز كاس القهوة لي قدامه يترشف فيه ويخزر للصغار لي قاعدين يلعبو مقابلينه …
_خالد: وين شارد ..
_جبل: شي ..
_هز خالد الكرسي عدله وقعد مقابله يحكي ..
_خالد: ياخي واش صرالك نتا ليوم … قالب وجهك على غير لعادة ..
_جبل: روح خطيني ماعينيش نهدر ..
_خالد: احكي احكي فلاخير ماراح تلقى بيها وين غير انك تفضفض ..
_جبل: هذا رايك نتا … انا لي داخلي يبقى داخلي مش بساهل يخرج …
_خالد: راك صاحبي ونعرفك .. هذي ماتكون غير امك موضوع العادة .. روح نحي الوشم لي حاطه كامل ..والقى خدمة محترمة وحبس سهرات مع ولاد الحومة الهاملين ومنهم خالد هذاك بالذات بعد عليه ..
كتم على الصحكة بين شفافه ماحابهاش تخرج .. ضحكه وهو ماعينهش ..
هز كاسه كمل شربه على دفعة وحدة .. يحكي ..
_جبل: وزيد معاها خليني نخطبلك بنت خالتك قارية ومثقفة …
_خالد: وعلاه لا .. اتزوج ممكن حابة تفرح بصغارك ..وزيد ممكن تفرج عليك مع زواج ..
_جبل: واش من زواج يرحم باباك … لا خدمة لا والو ..و فوقها انا مشي تاع مسؤولية .. نعرف روحي نغبن بنت الناس معايا .. اللهم خليني كيما راني في حالي ..
_خالد: في هذي عندك الحق .. اخطيك من الهم تاع زواج ..واش رايك نمشو نسهرو ليوم … (يحكي ويتكيف فلدخان)
فكه جبل من شفافه خذا منه جبده ورجع نفخها فلهوا يحكي ..
_جبل: عندي خدمة ليلة … مانقدرش نجي ليكم خليها نهار وحداخر …
_خالد: نتا تعرف …
هز جبل روحه وقف وضرب على كتف خالد يحكي ..
_جبل: هيا انا نخليك ..
_خالد: لوين ..
_جبل: مقلق وخلاص ..
_خالد: وقت تقول مقلق نعرف واش راح تعمل .. بقات بلاصة وحدة رد بالك توشم فيها .. غمزه يضحك .. والثاني رد عليه يحكي ..
_جبل: هههه ماتخافش هذاك واش يصلح فيا ..
جاوبه وكمل يحكي في وسط الزقاق هذاك حتى وصل لآخر بناية فلحي… دخل مع دروج نتاوعها طالع حتى وصل للايطاج الخامس .. حط يده على لباب يطبطب عليه … مابطاتش وحلت لباب .. جبداته دخلاته ورجعت ضربت لباب .. تعرف الجارة لي مقابلتها نسناسة وتكون تعس شكون دخل وخرج ..
_بشرى: ياخي دوك باش تتفكرني ..
تمشي وراه وتحكي وهو باقي يدور ..
مشى حل لبراد جبد لما يشرب فيه وهي واقفة على راسه تحكي …
_بشرى: ياخي نحكي معاك لالا ..
_جبل: نسمع فيك .. هدري ..
_بشرى: من سمانة وانا نعيط وماتردش .. نحوس عليك مانلقاكش ..
_جبل: هاني واقف قدامك دروك ..
_سكتت ورجعت تشوف ليه .. تعرفه ماراحش يجاوبها ..ولكلام بزاف مايجيبش نتيجة ..
قربت جيهته تمشي حافية ورجعت لفت يديها على جنابه وحطت راسها على صدره تحكي ..
_بشرى: توحشتك بزاااف … ياخي لازم نبقو هاك ..
_جبد روحها منها ورتمى على لكرسي … ونزل يديه ينحي في صباطه ويحكي ..
_جبل: مفهمتكش ..
كبست على شفتها تحكي ..
_بشرى: علاقتنا هذي .. مش عاجبتني .. نستناك بسمانة باش نشوفك .. ووقت نعيط طفيني …
_جبل: علاه هذي حاجة جديدة عليك .. من لبدية قتلك انا مانصلحش للزواج ونتي كبشتي ..وقلتي معليش المهم خليني نشوفك … اذا مش عاجبك الوضع هذا ثاني خليني نروح …
_نزلت لعنده شدت يديه تحكي ..
_بشرى: لا .. خليك عاجبني الوضع هاك .. المهم نشوفك حتى ومرة فلسمانة …
_جبل: شادرتي سمانة لي فاتت ..
_بشرى: والو .. جاو بنات من الحومة عملو وشم عندي … وجات ختي باتت عندي ليلة و رجعت مشات … قصيت الوقت نتفرج ولا نطيب ونرقد نخمم فيك ..
_جبل: ماخرجتيش ..
_بشرى: لااا آخر مرة خرجت تعرف واش صرااا من وقتها حلفت مانخرجش ونعمل لفضايح لروحي وليك .. أصلا امك عارفة انو تجي تبات لعندي آخر مرة تلاقيتها فلحمام ماخلت ماحكات حطتلي سعدي في يدي .. حتى يأست انو تقبل بيا كنة ..
_سكت ماردش عليها .. رجع راسه ا ورااا… نهار ليوم بالذات كاره جد حياته فيه … من صباح هز روحه يحوس على خدمة بلديبلوم لي عنده زعما .. قراية خمس سنين جامعة وماجابت حتى نتيجة … وين تروح يطلبو منك يكون عندك عرف .. حتى يأس .. كل مرة يمشي يحوس على خدمة يعمل عركة ويرجع …
_بشرى: ياخي شبيك ليوم …
_جبل: بشرى والله كاره جد حياتي ..جيت زعما نريح عندك .. كون كان علابالي بلي تبقي تطبخي كيما هاك كون ماجيتش من الأصل …
_بشرى: نعمل قهوة تقعد راسك ..
_جبل: من شوي شربتها وماجابتش نتيجة ..
هزت روحها وقفت ومشات للجيهة ثانية ورا لكرسي .. ووقفت هكاك فوق من راسه وهو مصكر عينيه … حطت صباعها على راسه حل عينيه شاف ليها يحكي ..
_جبل: شاراكي ديري ..
_بشرى: ارجع صكر عينيك .. دوك ترتاح ..
صكر عينيها ورخف بدنه كامل وخلاها هكاك تعمله في مساج …
خمس دقائق وحس روحه رتاح بلكامل … تقول كان يكذب .. شد يدها وحل عينيه يحكي ..
_جبل: صايي حبسي .. حاس روحي مليح …
_تبسمت ومشات قعدت على حجره ولفت يديها على رقبته تحكي ..
_بشرى: واش رايك نتعشو مع بعض ليلة ..
_جبل: عندي خدمة ..
_بشرى: وقتاش..
_جبل: نبدا 8 …
_بشرى: خلاص مالا خليني نوض من دوك نعملو حاجة ناكلوها مع بعض وبعدها تمشي واش رايك ..
_جبل: قبل لعشا .. ارواحي معايا ..
شدها من يدخا ومشى للقجر يحوس على الابرة نتاع الوشيم .. جبدها ورجع يكركر فيها هي الثانية لغرفة النوم ..
_بشرى: واش راح تدير …
_جبل: اعمليلي واحد جديد ..
_بشرى: من سمانة برك عملتلك واحد وقتلي تالي .. امك دعات عليا دعوة شر كان جيتني وعملتلك ..
ماردش عليها نحى تريكوه رماه في لرض ورقد على كرشه فوق من سرير يحكي …
_جبل: اذا راكي على هدرت ماااا .. ماتخمميش .. نتي ديجا راكي في دعوة شر مين راكي معايا ..
#نوراااا🌹🌹🌹🌹
جام+كمنتار .. نحب اراءكم يللااااه لبناااات توصل 100 جام نحط لي بعدها 😘😘الحلقة 6:
كبست على شفافها ورجعت هزت شعرها كامل لفوق .. وقربت منه قعدت فوق من ظهره وهزت الابرة هذيك قربتها من ظهره تحوس على بلاصة فاضية … مدلها هو التليفون وراها واش يحب ترسمله ورجع صكر عينيه .. يحاول مايحسش بالالم هذاك … ماتعداش وقت بزاف وكانت كملت .. جبدت روحها من فوقه ومشات جابت بومادة نتاع الحرق .. حطتله بصباعها بشوي .. تحكي ..
_بشرى: نشالله ماتهدش عليا للدار وخلاص .. رجعت نخاف منها .. بربي ماتخليهاش تشوف الوشم هذا ..
_جبل: تهني ماتشوفهش …
هز روحه تقعد في بلاصته وكبس على تليفون بين يديه يضيع فلوقت بيلاما طاح ليل ومشى يخدم ..
هي الثانية هزت روحها ومشات للكوزينة .. تخمم واش تعمله للعشا .. ووقت لقات مكانش وقت بزاف باش تطيب عملت سوندويشات ليهم مع بعض …
كبست على شفتها وتركزت على طاولة تخمم كيفاه تقنعه بموضوع الزواج .. يعني صح هي لي دخلت حياته بسيف من عليه ..وهي لي لصقت فيه .. اما فوق من طاقتها من وقت عرفاته ماعاد يحلى في عينها غيره … ودوك مش قادرة تخليه يبعد .. الايام لي تمضيهم بلا بيه تحسهم قرون …
هزت السكينة تقطع فلخيار تعمل في سلاطة ..وتخمم في كلام اختها ..
_حورية: اذا تحبيه يتزوج بيك احملي منه … وفلحاله هذي امه هاك ولا هاك راح تقبل بيك على جال حفيدها ..وهو مانتوقعش يقبل يرمي ولده وراح يتحمل المسؤولية …
_بشرى: ياخي قتلك عملت معاه علاقة مرتين وحدة وقت تعرفت عليه والثانية انا رميت روحي عليه .. حتى انو مركز فلموضوع هذا .. يعني يستخدم الواقي المرة الاولى والثانية انا ستخدمت الحبوب .. مكانش حل ..
_حورية: يا بهيمة خممي .. أمي ديجا عارفة خدمتك العوجة .. ولا علاه ماتجيش عندك .. مادام راكي تقولي حبستي وهو جابك لهنا وعاونك باش كريتي .. معنتها يهمه موضوعك … شوي حنانة وشوي كلام معسول ..وجيبيه للفراش وبعدها ساهل .. تحملي بسيف من عليه .. واذا صار وحملتي كبشي في ولدك وماتعلميهش حتى توصلي للمرحلة لي ماتقدريش تعملي فيها اجهاض …
فاقت من سرحتها على صوته يعيط عليها ..
_بشرى: دقيقة راني جاية ..
هزت سوندويشات هذوك حطتهم على طاولة ومشاتله .. لقاته لبس تريكوه ولفاست نتاعه وقاعد يلبس في صباطه ..
_بشرى: راح تمشي ..
_جبل: راه الوقت ..
_بشرى: السوندويشات واجدين كان تحب كول وارجع امشي ..
هزلها راسه وقعد معاها على نفس الطاولة .. قعد ياكل بلزربة وهي تتفرج معاه وتخمم في كلام ختها… زعما تقدر تعملها بلاما يفيقلها انو تقصدت تحمل منه .. بصح هي تحبه ولا علاه راح تجازف وتعمل هكاك …
طلع عينيه لقاها تخزر فيه ..
_جبل: مالكي تشوفي فيا .. كاش ما صرا ..
_بشرى: كنت نخمم وقتاش نرجع نشوفك ..
_جبل: حتى نعيطلك ونقولك وقتاش نجي ..
كمل هز كاس ما شربه على دفعه وناض رجع لكرسي وراا ..
_جبل: راني رايح دوك .. اذا خصك كاش مصروف قوليلي باش ندير حسابي ..
_بشرى: لا كلش كاين .. غير نتا ماتطولش الغيبة ..
هزلها راسه ا ومشى خرج نزل مع درجات هدوك وبقات هي تبع فيه بعينيها حتى غابو خطواته… صكرت لباب وتركزت عليه .. ريحته مزال في خشمها وفي دارها كامل .. تنهدت ودخلت تجمع فلكوزينة وتخمم كيفاه تقدر تقنعه يتزوجها … هو الوحيد لي حاباته … وباش تخاف انو يبدلها مستحيل خاطر ماعينوش فلزواج هذا هو المشكل .. مشكلتها مش بنت .. المشكلة انو راجل مش حاب يتزوج من الأصل ..
#نورااا🌹🌹🌹
جام + كمنتار نحب اراء بزاااف شوي ونحط لي بعدهاالحلقة 7:
حلت عينيها مفزوعة .. العرق ينزل مع جبهتها ..وجها حمر .. صوت اذان المغرب وهي كانت مزال غاطسة فلنوم ..مش عارفة كيفاه رقدت بلاما تفيق .. عدت يدها على رقبتها ..وتلفتت تخزر للغرفة لي هي فيها .. كأنو تعاود تستوعب هي وين .. عدت لسانها على شفافها تبلل فيهم .. ورجعت قربت من ولدها باست جبهته .. بعدها عقدت حواجبها .. هزت يديه تمس فيهم .. لقات سخانته طالعة بطريقة غير عادية …
هزاته في حضنها تمسح على راسه .. نفخت وقت ستوعبت الموضوع أكيد سخانته طلعت بسباب نسمة صباح لي خرجاته فيها …
بقات تمسح على راسه وتبوس فيه .. غصة واحلة وسط حلقها … كلام حمزة بقى يتعاود في راسها .. وقت قالها وين هازة صغير تمرمدي فيه هاي من اول نهار مرض …
حضناته بقوتها ونزلو دموعها ..
_نادين: وين رحت وخليتني انا وولدك .. علاه رحت .. علاه .. حرام شي لي رانا نعيشو فيه .. حرام ياربي حرام … ماعنديش القوة الكافية .. ماعنديش .. يادوب نهز في جسمي الميت .. يادوب نحرك فلجثة هذي .. كيفاه راح نكمل بيها قبل ماتتعفن داخلي …
كأنو ولدها حس بيها وبكلامها رجع هو الثاني يبكي .. قاعدين هكاك على سرير هذاك وسط الغرفة المظلمة والباردة .. مافيها حتى روح .. ولا طعم …
_نادين: خلاص حبيبي سكت .. خلاص .. امك قوية.. راح تكمل على جالك …
_فاقت على صوت لباب نتاع برا يندق .. ترعبت في بلاصتها .. بلعت ريقها وبقات ساكتة… شكون راح يجيها فلوقت هذا مثلا .. حطت شفافها على راس ولدها تهدي فيه ..
_نادين: خلاص ماما سكت …
_رجع لباب يندق من جديد .. كأنو لي واقف برااا مصر على انها تحل عليه …
بلعت ريقها وحطت ولدها على جنب .. ولبست في رجليها ومشات بشوي جيهة الباب هذاك .. قربت وذنها منه تحكي ..
_نادين: شكووون ..
_هذي انا ختي جارتكم لي مقابلتكم …
_بلعت ريقها .. ورجعت تحكي حشمانة ومترددة في نفس الوقت ..
_نادين: تحتاجي شي ..
_لا أمي بعثتلك لعشا .. مادام ليلتك اولا أكيد مالحقتيش تطبخي ..
تنهدت ورجعت خذات نفس وحلت عليها لباب بشوي وخرجت راسها تحكي ..
_نادين: سامحيني على طريقة استجوابي ليك .. اما مانعرف حد هنا على هذاك خفت ..
_لا عادي ختي نعرف .. اي حد في بلاصتك كان عمل هكاك .. معليش تشدي عليااا هذو ..
_نادين: اااه وله تفضلي ..
حلتلها لباب على وسعه وخلتها تدخل ..
_دخلت وصكرت هي لباب تشوف ليها ..
_نادين: دقيقة نشعل النور ..
شعلت لضواو وشافت ليها بتمعن .. طفلة ماتبانش صغيرة بزااف ممكن أصغر منها بعام ولا عامين ..
_رانيا: انا رانيا ..
_نادين: وانا نادين ..
شدت لصينية هذيك عليها حطتها على طاولة وشافت ليها تحكي ..
_نادين: والله كان ماتعبتوش رواحكم ..
_رانيا: لا معليش رانا جوارين … اذا حتجتي شي تلقينا فلشقة لي مقابلاتك..
_نادين: ربي يخليك ختي .. غدوة نرجعهملكم معليش ..
_رانيا: أكيد براحتك … هيا تصبحي بخير ..
مشات خارجة رجعت وقفتها نادين تحكي ..
_نادين: ختي .. قصدي رانيا ..
_رانيا: واه ..
_نادين: نلقى عندكم دوا نتاع حمى .. ولدي حرارته طلعت وخفت ..
_رانيا: اااه عندك ولد .. شحال في عمره ..
_نادين: عام..
_رانيا: دقيقة دوك نرجعلك ..
خرجت ومابطاتش ورجعت هازة دوا يناسب عمر ولدها ..
_رانيا: تفضلي … حطيله منه ..وزيدي حطيله كمادات نظن احسن ينزلو الحرارة ..
_نادين: واه راح نحطله … نرجع نشكرك تعبتك معايا ..
_رانيا: لا عادي.. ختي .. هيا تصبحي بخير ..
صكرت لباب وراها ومشات تجري شربت لولدها دوا ..وجبدت غيرتله ثيابه .. وعملتله كمادات باش تنزل حرارته .. وماتهنت حتى لقاته رجع رقد …
رمات عينها جيهة الماكلة لي جابتهالها .. جبدت الطاولة لي محطوط عليها وهزت لغطى من فوقه .. تلقاها باعثة صحن فيه طاجين الزيتون .. وسلاطة ومعاه زوج حبات بنان .. تبسمت والله حتى هي جيعانة جى في وقته .. هزت لخبز وغطست تاكل بشراهة .. نهار ليوم كان طويل بزاااف وزيد لازم تاكل على جال ولدها .. خاطر مزال صغير ولازم ترضعه …
مافاقتش بلوقت كيفاه تعدى … جنعت صحون هذوك وحطتهم فلكوزينة .. وجاب ربي كان عندها قرعة نتاع ما شربت منها ولي بقى غسلت بيه سنانها ويديها بيلاما طلع نهار وشافت حد يصلحلها السبالة …وتنقل ثاني الاثاث نتاوعها .. تنهدت ورجعت جنب ولدها تفقدت حرارته لقاتها نزلت وبقى غير شوي .. باسته وصكرت عينها حتى هي ..
#نورااا🌹🌹🌹
جام + كمنتار نحب اراءكم مزال باقي حلقتين تفاااعلوووالحلقة 8: 🌹🌹🌹
مع نص ليل الشتا بدات تطيح ماحبتش تحبس … صوتها قاوي يضرب على بلار الشبابك لكل .. مكانش حد لبرااا .. حتى من لقطوط لي يظلو لبرا تخبو كامل منها …
هز يديه نفخ وسطهم … وطلع سلسال لفاست نتاعه لفوق يحاول يدفي روحه … الطرقان لكل خاويين .. لكل متخبي في بيته راقد دافي وسط شتا هذي من غير هو واقف لبرا … طاحتله خدمة انو يحرس فليل ..
المطر هذيك لكل بللاته حتى شعره رجع يقطر … نفخ ورجع ورا تخبى تحت لحيط هذاك … عينيه ماتصكروش .. حتى جوايه 4 تاع صباح جى شكون يناوب في بلاصته …
هز روحه ورجع من نفس طريق لي جى منها … المطر كانت حبست اما رغم هذاك ثيابه لكل مبللين وحالته حالة … نفخ يسب بين شفافه … في عمره 32 ولدوك لا خدمة لا والو .. شهاداته فلدار مرميين .. وهو ضايع لا مستقبل لا والو .. نهار يخدم ونهار قاعد .. وقف عند الدخلة نتاع الحي نتاعهم يخزرله … لبلاصة هذي زاد فيها وكبر فيها ولدوك ماخرجش منها .. من وقت صغير يقول لامه انو اول مايكبر ويخدم يخرجو من هنا وفلاخير لقى روحه ا عالق فيها وضايع وسطها .. لي يشوف جسمه بالوشام والجماعة لي يمشي معاها يقول دعوة شر وخلاص .. جبد باكي الدخان نتاعه يحرق فيه ا واحد مورا خوه … بعدها رماها في لرض عفس عليها ومشى دخل في نفس البناية لي عايشة فيها نادين .. طلع مع الدرجات هذوك حتى وصل للايطاج الثاني .. جبد المفتاح دوره ودخل .. اول ماصكر لباب سمع صوت جاي من الكوزينة ..وريحة القهوة .. عرفها امه نايضة على جاله .. تنهد .. وتركز على لباب .. ماحارق قلبه غيرها .. غايضه تعبها عليه .. غايضه الحال علاه لدوك مزال امه وخته فلبلاصة هذي … سمع صوتها من الداخل تعيط عليه ..
_سميحة: جبل هذا نتا ولدي ..
_ماردش عليها .. مشى لعندها وتركز على باب الكوزينة يحكي ..
_جبل: علاه مبكرة على صباح … كون ريحتي مشي خير ..
_سميحة: مش خسارة فيك ولدي .. ارواح اقعد معايا.. نشربو لقهوة وتحكيلي .. ياخي راك مبلول .. نسيت كامل شتا لي طاحت تكون فاتت كامل عليك ..
مشات جيهته تمسح على وجهه وتتفقد في ثيابه ..
_سميحة: ياخي راك مبلول كامل .. جسمك كامل يقلي بسخانة .. ازرب دخل بدل وانا نعملك اعشاب شربهم قبل ماتزيد تمرض ..
تبسم وشد يديها للزوج قربهم من شفافه باسهم يحكي ..
_جبل: ماتخافيش عليا عندك راجل .. كيفاه هذي نمرض ..
_سميحة: نعرف عندي راجل وسيدهم .. بصح المرض خاطي .. امشي ولدي غير ثيابك هيا ..
_جبل: صحاا مايكون غير خاطرك .. نبدل ونجي نتقهواا معاك ..
مسح على راسها ومشى لغرفته ورجع صكر لباب … هذا نفس ورجع تنهد ..
هز يديه نحى الفاست هذيك ..وطلع يديه نحى تريكو .. وهبط سرواله ..هز المنشفة وخرج دخل للدوش وقف تحت لماا دافي … بقى شي ربع ساعة وهو تحته حتى حس روحها رتاح .. خرج لف المنشفة عليه ودخل لغرفته .. غير ثيابه .. ونشف شعره ونشى لعندها يلقاها منظمة الطاولة وحاطة كل شي فيها جبد لكرسي وقعد يترشف في قهوته ..ويخمم الموعد نتاع ليوم .. عنده شهر من وقت حط سيفي نتاعه ولبارح عيطوله .. ممكن على ربي يخدم ..
قاطعت تفكيره سميحة تحكي ..
_سميحة: وين شارد ..
_جبل: والو كنت نخمم فلخدمة وصايي ..
_سميحة: بربي تفرج ولدي هاني ندعليك في صلاتي .. حاطني فرحانة مين راك تتغبن من بلاصة لبلاصة .. وزيد لبلاصة هذي دعوة شر .. ختك لدوك حد ماخطبها ولا تقدملها ..
_جبل: مااا ختي مزالها صغيرة وتقرا عاد .. لباك ومزال ماكملاتهش .. كيفاه هذي يخطبوها ..وحتى ويخطبوها مانخليهاش تتزوج دروك …
_سميحة: نشالله حتى انا حابتها تقرا ربي يشوف فيها وخلاص … قولي نتا .. واش جديد .. علاه مزال ماقتليش اذا قابل نخطبلك .. هاي بنت خالتك .. قرات وكملت وراهي تخدم .. تتعاون نتا وياها ..
حط كاس لقهوة وربع يديه مع بعض عرفها راح تعمل هاك وهاك وتوصل للنقطة هذي …
_جبل: ياسيدي هاني تزوجت ..أيا ومن بعد … بنت ختك وين نسكنها. … من وين نوكلها وانا نهار نخدم ونهار لا …
_سميحة: كل شي ينحل على ربي … نتا خطبها ولباقي ساهل ..
هز روحها ترشف آخر قطرة بقات فلكاس ..ورجع حطه يحكي ..
_جبل: ماا من تالي .. انا مانتزوجش ..وبنت ختك ڨوليلها جبل مشي تاع زواج وتخطيني ..
خرج مشى لغرفته وامه بقات تاكل في روحها من وراه ..
_سميحة: هذي ماتكون غير بنت الكلب لي تظل عندها .. جسمك وشماته كامل .. حتى عدت نحشم وقت يقولولي شبيه ولدك هاك ..ونتا تبعلي في بنات الحرام لي كيفها … وراني قتلها والله ماتدخل داري ..
صكر لباب ومشى رتمى فلسرير غم راسه بيلاما جات 8 ويمشي للموعد هذاك…
#نوراااا🌹🌹🌹الحلقة 9: 🌹🌹🌹
حلت عينيها على صوت زوج عصافر حطو في شباكها وماحبوش يحبسو من صوتهم …
عدت يدخل على وجها تحك في عينيها ورجعت فاقت بولدها تلفتت بلزربة جيهته تلمست جبهته لقات حرارته معتدلة تنهدت براحة ..ونزلت لبست في رجليها وهزت لقرعة نتاع لما غسلت وجها وسنيها ورجعت لولدها لقاته فاق حتى هو .. مسحت على راسه ورجعت رضعاته حتى شبع .. باسته وكملت تشم في ريحته وتخزر مع الدار وتحكي ..
_نادين: ليوم عندنا خدمة بزاف .. لازم ندهن الدار كامل ونشوف واحد يعدل السبابل .. ونجيب الاثاث نتاوعنا … نشالله ربي يكون معانا ..
جبدت تليفونها سجلت رقم الراجل لي تفاهمت معاه يجيبلها اثاثها .. جاب ربي كانت مدتلهم نيميرو خالد سلفها يتفاهمو معاه ويجيبوهم بلاما تضطر هي تقابله ..وقالولها انو العشرة يكونو عندها .. نزلت تيليفون من وذنها وهزت روحها مشات جيهة الشباك لقات قطرات مطر عالقين عليه .. حلاته على وسعه وبالوقت طارو العصافير هذوك .. تبسمت وبقات تبع فيهم بعينيها ماشي ويبعدو … تنهدت وهزت شعرها حطاته على جنب .. وغزرت مع يدها وخاتم زواجها عليه .. تنهدت .. قد ماحاولت تنسى وماقدرتش ..وكيفاه تنسى .. اذا دخل حد قلبك موحال يخرج بلساهل .. وكيفاه يخرج وهو السند الوحيد لي كان في حياتها وسرقاته منها … قربت الخاتم هذاك باسته ورجعت تخزر مع الحي … لفت انتباهها المقهى لي محلول لتم لبارح ماركزتش معاه …
عدت لسانها على شفافها .. ماتقدرش تقضي نهارها بلا كاس قهوة .. وحتى باش تطيب مكانش الإمكانيات دوك …
مشات جبدت بوشاتها لي فيها الدراهم وهزت لفاست نتاعها حطتها فوقها ونزلت مع الدرجات هذوك تخزر مع الوقت 7:30 … ماعرفتش اذا تقدر تشري منها ولا لا .. خاطر الظاهر نتاع رجال برك لي يدخلولها …
اول ماوصلت للتحت ضربتها نسمة ولسعتها من خدودها … لفت يديها على روحها ومشات تزرب جيهة المقهى هذاك .. لقات طاولات لبرا وكاين طاولات داخل ..وراجل فلخمسينات هو لي واقف فيها ..
رمات عينها داخل لقات شوي رجال قاعدين يتكيفو ويتقهوو .. بلعت ريقها ماعرفتش واش تدير …
جات ترجع ضربت في واحد كرشه قدامه ..
_ياخي ماتشوفيش .. بعدي على جني خليني ندخل ..
بعدت من عليه مرعوبة وجهه مشرط كامل وكرشه قدامه .. دخل وبقات هي واقفة مترددة .. بعدها عفست على خوفها ودخلت …
_نادين: خويا نحب على كاس قهوة ..
رجع الراجل هذاك يشوف ليها من لفوق للتحت ولي لتم يضحكو ..
نطق واحد منهم يحكي ..
_اذا تحبي ارواحي نعملولك بلاصة وسطنا وتكيفي معانا ..
_تلفتت قحرتله ورجعت شافت فلي قدامها ..
_نادين: معليش تزرب ..
هزلها راسه ومدلها كاس قهوة سخون..
_تفضلي ..
_شداته من عليه ومدتله دراهمه .. بعدما رجعله الصرف .. هزت لكاس وخرجت هكاك تزرب هاربة من كلامهم لي قاعدين يضايقو فيها بيه ..
من زهرها لقات واحد داخل ضربت فيه بلاما تحس القهوة كامل جات على تريكوه .. من صدمتها ماقدرتش حتى تهز عينيها .. حطت يدها على فمها تخزر مع لقهوة لي رسمت خريطة على كامل تريكوه ..
لا اراديا وبلا ما تخمم هزت تريكو من على كرشه باش ماينحرقش .. لقات لبلاصة ديجا رجعت حمرا .. قربت شفافها تنفخ .. خايفة يعيط ولا يعمللها حاجة ..
_نادين: الله يخليك سامحني خويا ..والله مش بلقصد ..
بقى واقف جامد يستوعب فلي قاعد يصرا .. بعدها كأنو فاق وقت لقى جماعة يتفرجو معاهم ويضحكو .. نطر تريكوه منها هبطه .. يحكي ..
_جبل: ياخي هبلتي نتي ..
_طلعت عينيها كأنو الصوت مش غريب جات عينها فيه .. هو نفسو لي عاونها قبل ديجا ..
_نادين: نتا … مش قصدي .. كنت خارجة نزرب .. هات نغسله اذا تحب ..
_نفخ خاطر بسبتها راح يتعطل صح على لخدمة ..
__جبل: ماعادش تخرجي في وجهي بربي مش ناقصك على صباح ..
تلفت راجع للدار يغير ثيابه .. وحتى هي نسات موضوع لقهوة ورجعت طالعة لدارها لقاته ماشي حتى جيهة نفس البناية … دخل هو وبعدها دخلت هي …
بقى طالع وهي وراه عرفاته يسكن هنا حتى هو ..
حست باحراج جيهته ..وزيد اول مرة تطيح في موقف كيف هاك ..
_نادين: سامحني الله يخليك .. والله مش قصدي ..
_جبل: خلاص فهمت ..
وقت وصل لباب دار …وقفت وراه تحكي ..
_نادين: اعطيني نغسله ممكن عام نعوض شي لي صرا ..
نفخ وتلفت شاف ليها دخلت بعضها .. خاطر تاع صح نظرته ترعب ..
كبس على شفته ورجع هز راسه تاع واحد فد منها …
طلع يديه نحى تريكوه ورماه جيهتها … حلت عينها على وسعهم من الموقف المبهدل لي طاحت فيه .. شداته ورجعت حطت يديها على وجها وبقات جامدة .. ماتحركت غير وقت عرفاته خلاص دخل وضرب لباب ..
كبست على تريكو وطلعت تجري لدارها .. تحاول تستوعب فلي صرااا ..
#نوراااا🌹🌹🌹
جام+ كمنتار نحب اراءكمالحلقة 10:
دخلت يدها وسط جيبها هزت مفتاح الدار .. دوراته فلقفل ودزت لباب دخلت وصكراته بلزربة ترد فلنفس .. شافت مع تريكو ورجعت رماته من يدها في لرض .. وكملت تمسح في يديها .. كأنو تحب تمحي اي أثر ولا ريحة رجال ثاني من عليها … كأنو ولا حد عنده حق يخلي اثاره عليها من غير راجلها …
خلاته هكاك مرمي في لرض ومشات جيهة الشباك وقفت لمحاته ماشي يزرب بعدما غير تريكوه … نفخت .. ماتعرفش علاه تصرفت هكاك .. اما ماتحب تبني حتى عداوة مع اي حد هنا .. من خوفها انو يحطها في راسه طلبت تريكوه تغسله .. وزيد هو عاونها قبل ممكن تحتاجه فلمستقبل .. مش لازم تضيع معاه .. تنهدت وخزرت لولدها لي راقد كيف ماخلاته ..
فاتت ساعة وهي قاعدة هكاك على لرض متركزة مع الحيط وتخزر مع كل شي داير بيها .. شوي وسمعت صوت دقات على لباب ..
هزت روحها ومشات جيهته ستغربت من انو شكون ممكن يجيها في هذا الوقت … قبل ماتسقسي جاها صوتها من ورا لباب ..
_رانيا: نادين هذي انا رانيا حلي عليا …
عدلت شعرها ورجعت هزت تريكوه من لرض حطاته فلدوش ورجعت لعندها حلت عليها ورسمت تبسيمة على شفافها ..
_رانيا: صباح لخير ..
_نادين: بونجور ..
_رانيا: هههه نعرف ماعندكش قهوة .. قلت نجيب نشربو مع بعض ..
_نادين: اااه أكيد ادخلي ..
دخلت رانيا هازة صينية فيها زوج كيسان حليب سخونين مع نيسكافي .. وصحن فيها حبات كوكيز ..
حطاته على طاولة وجبدت لكرسي قعدت وقابلتها نادين ..
_رانيا: راح تجيبي غراضك ليوم صح …
_نادين: نشالله حكيت مع رجال لي راح يجيبولي قالو 10 يجو .. باقي ساعة ..
_رانيا: وقت تحبي ترتبي قوليلي نعاونك ..
_تبسمت نادين وهزتلها راسها ..ورجعت حلت ساشي صغيرة لي وسطها نيسكافي حطتها كامل وسط لحليب هذاك وحركتها وكملت تترشف فيها ..
_رانيا: عايشة وحدك .. يعني ديزولي على فضولي ..
_نادين: لا عادي … زوجي من اشهر توفى .. على هذاك كاين غير انا وولدي ..
_رانيا: ربي يرحمه نشالله ..
_نادين: امين ..
_رانيا: وقت شفت لخاتم حطيتك متزوجة على هذاك سألت ..
هزتلها راسها ودورت راسها للجيهة ثانية تخزر مع لحيوط ..
_نادين: ياخي شكون كان ساكن هنا قبلي ..
_رانيا: واش نحكيلك ..وحدة عليها دعوة شر وخلاص .. كانت عايشة مع صاحبها وعاملين الدار هذي دعارة .. يباتو فيها كانت تكريها للرجال يدخلو النسا هنا .. لي عنده صحبته يجيبها ويجي هنا ..
_نادين: يالطيف وعلاه ماشكيتوش بيها ..
_رانيا: شكون يشكي لربي .. هنا كامل كيف بعض يعني كل واحد وعنده عيب ساتره خوه عليه ..
_نادين: وكيفاه خرجت ..
_رانيا: تحبي صراحة مانعرفش .. بصح كاين شكون شكاهم للشرطة بلي عندهم الزطلة .. صدمو عليهم ولقاو صح .. مالا هزوها هي وعشيقها ..
_نادين: تعرفي والله خايفة من العيشة هنا.. مانعرف حد هنا وفوقها دار هذي تخوف ..
_رانيا: ماتخافي من شي .. المهم ماتكونيش ضعيفة خاطر يستغلوك .. حتى وتمثلي القوة معليش المهم ماتبانيش مسكينة قدامهم .. وبلنسبة للدار تاخذي رايي ادهنيها ترجع تبان جديدة ..
_نادين: حتى انا خممت هاك … تعرفي حد يدهن هنا ..
_رانيا: الصح ماكانش لي يدهن هنا .. اما كاين واحد اذا قتيله يدهنلك وبسومة مليحة …
_نادين: تعرفيه .. تحكيلي معاه ..
_رانيا: صحا مكانش مشكل دوك نقوله .. نشالله يقبل ..
_نادين: مرسي مزيتك ماننساهاش ..
_رانيا: هيا كملي اشربي قهوتك قبل ماتبرد ..
هزتلها راسها وكملت تتشرف في قهوتها وباقي غاطسة في افكارها وشاردة ..
#نورااا🌹🌹🌹
جام+ كمنتار نحب اراءكم .. شوي ونحط لي بعدهالحلقة 11:
اول ماوصل للدخلة نتاع الحي لمحها من بعيد واقفة فلبلكون وتخزرله .. شعرها يلعب بيه الريح .. لافة يديها لصدرها وتخزرله … ماحطتش عينيها من عليه …
مشى خطوات جيهة العمارة نتاعهم ورجع حط يده في جيبه وقت سمع صوت تليفونه .. وكيما توقع لقاها هي ..
_جبل: الووو…
_بشرى: واش راك ..
_جبل: مليح ..
_بشرى: الظاهر حساباتك لكل طاحو فلما كيف كل مرة …
_جبل: معليش نحكو من بعد ..
_بشرى: براحتك .. اذا بدلت رايك وحبيت تجي لعندي مرحبا ..
_جبل: اوكي .. هبط تليفون حطه في جيبه ودخل للبناية نتاعهم .. طلع مع الدرجات هذوك حتى وصل قدام باب دار خالد …
هز يده طبطب عليهم شوي وحلت عليه ام خالد ..
_سكينة: اهلا ولدي .. ادخل ادخل راك مبلل كامل ..
سلم عليها ودخل نحى لفاست نتاعه علقها ونحى صباطه ودخل عند خالد لقاه فلصالون متكسل ومتلحف بلحاف ومطفي الضو ومقابل تلفزيون …
_خالد: جيت .. ارواح ارواح تشوف لفيلم معايا ..
_جبل: الله يعطيني الطاقة لي عندك .. ماتمل ما تكره ..
_خالد: ههه .. خليهم على ربي وخلاص .. تحبني نموت بحسرتي .. الخدمة على ربي .. ارواح ريح راسك ..
عوج راسه ومشى رتمى على لكرسي يخزر للتلفزة ..ويخزر لصاحبه لي مركز مع لفيلم ..
نفخ وجبد تليفونه يقلب فيه ..
_خالد: اسمع تمشي نسهروو ليلة ..
_جبل: ماعينيش …
_خالد: ارواح كلشي على حسابي ..
_جبل: قتلك ماعينيش ..
شوي ودخلت سكينة هازة صحن كبير فيه بركوكس .. حطاته على طاولة وخرجت ..
_خالد: هياا خلينا ناكلوو .. وقلب وجهك عليااا
#نوراااا
كملو شربو القهوة هذيك .. وهزت رانيا روحها تحكي ..
_رانيا: راح ننزل نحكي مع راجل لي قتلك عليه ..يجي يدهنلك واذا تحبي تتفاهمي معاه على السومة ..
_نادين: رانيا معليش تتفاهمي نتي معاه … يعني انا ممكن ندخل بعضي ومانعرفش واش نحكي .. خاصة انو مانعرفهمش ولا نعرف عقليتهم كيفاه يمشو هنا …
_رانيا: ههه اوكي كيما تحبي مع انو مانحملهش بصح نحكي معاه على جالك ..
_نادين: مرسي والله كون مش نتي مانعرف واش ندير ..
_رانيا: مابيناتناش ختي … اااه نادين اسمعي عندك لما ولا لا .. اذا ماعندكش تقدري تهزي من عندنا .. خاطر نعرف انو سبالة هنا ماتخدمش ..
_نادين: تعملي مزية والله ..
_رانيا: تعرفي واش دوك نزيد نحكيلك مع واحداخر يعرف لللحاجات هذو يجي يصلحهالك ..
_نادين: اوكي راح نستناك ….
تبسمتلها وخرجت طلعت للفوق .. اول ما وصلت قدام لباب .. رجعت شعرها على جنب وخذات نفس .. طبطبت وبقات تستنى شوي وحلت عليها سكينة ..
_رانيا: صباح لخير خالتي كيراكي ..
_سكينة: مليحة بنتي .. ادخلي ..
_رانيا: لا غير من لباب .. نحتاج خالد اذا هنا دقيقة معليش ..
_سكينة: هيه صحا ادخلي دوك نعيطله ..
_رانيا: مزروبة راني .. نستناه هنا …
هزتلها راسها ودخلت تعيطله ..
_سكينة: خالد ولدي وينك .. رانيا بنت جارتنا هنا قالت تحتاجك ..
كان ياكل حبس اللقمة وحط الملعقة من يده يحكي ..
_خالد: رانيا قصدك لي تسكن تحتنا ..
_سكينة: واه ازرب طفلة عند لباب تستنى …
امه مشات وهو شاف لجبل يحكي ..
_خالد: كان تخرج وتخليني ندخلها هنا مش احسن .. زعما علاه حبت تشوفني ..
_جبل: وين نعرف انا امشي سقسيها ..
هز روحه يزرب.. عدل تريكوه قدام لمرايا وخرج ليها يلقاها واقفة تستنى….
_خالد: مرحبا بعروستي علاه واقفة قدام لباب ادخلي لدارك ..
_رانيا: الف مرة قتلك بطل لكلام سامط هذا .. كيفاه عروستك هذي ..
_خالد: عروستي يعني زوجتي المستقبلية…
_رانيا: ياخي سامط … راني مخطوبة ..
_خالد: مخطوبة مشي متزوجة .. نحولك الخاتم تمشي الخطبة ..
_رانيا: كاين وحدة سكنت جديد مقابلتنا تحتاج واحد يدهنلها وقتلها عليك .. اعمللها سومة مليحة …وشوف صاحبك يجي يعدللها السبالة ..
_قحرتله ومشات نزلت وهو باقي يحكي وراها ..
_خالد: اذا بدلتي رايك قوليلي ..
_رانيا: ياخي صامط ..
صكر لباب ودخل يضحك ..
_جبل: مزالك عقابها طفلة نتا ..
_خالد: نستمتع مين نطلعلها لا طونسيون ..
_جبل: حطيتك تبغيها صح ..
_خالد: علاه انا وجه زواج ..
_جبل: لا …
خالد: اسمع قاتلي انو كاين وحدة جديدة ىحلت تحتنا .. تحبني ندهنلها الدار … ونتا تمشي معايا تصلحلها السبالة …
_جبل: شكون قصدك ..
_خالد: مانعرفش قالت جديدة نظن كرات في بلاصة لي كانت عايشة مع صاحبها ..
ضيق عينيه وضربت نادين في راسه مكانش غيرها نتقلت جديد هنا ..
#نوراااا🌹🌹🌹
جام + كمنتار نحب اراءكم تلحق 100 جام ونحط لي بعدها 😘😘😘الحلقة 12:
مع جوايه العشرة وصلت شاحنة كبيرة وفيها كامل الاثاث الخاصين بيها … كانت واقفة عند الشباك وقت لمحتهم … هزت مفتاحها ورمات وشاح على كتافها ونزلت تجري مع الدرجات هذوك للتحت … لقات كامل يطلو عليها ينسنسو .. هبطت عينيها من عليهم وشافت مع رجال لي جابولها غراضها …
_نادين: نسكن فلطابق الثالث الشقة رقم 63 ..
_طلعت قبلهم حلتلهم باب الدار وبقات تراقب فيهم وهوما كل شوي يتعاونو على حاجة يطلعوها جابو ساعة وهوما مع لغراض يحملو … فلاخير خلصتهم ورجعت للدار لقاتها تعبت كامل … جاب ربي دخلو كل شي للصالون .. بقات تستنى في رانيا تحبها والثانية مابطاتش وجات …
_رانيا: نادين وينك ..
_نادين: جاباتك دقيقة برك ..
حلت عليها لباب تحكي ..
_تفضلي ..
_رانيا: لا اذا حبيتي هزي ولدك وارواحي لعندي وخليهم يجو يصلحولك ..
سكتت مترددة وبعدها تشجعت تحكي ..
_نادين: لا نخاف على غراضي لي هنا ..
_رانيا: ماتخافيش نعرفهم مايقربو من حتى شئ ..
_نادين: لا معليش نحب نكون هنا باش نشوف .. اذا تقدري خليك معايا …
_رانيا: اوكي كيما تحبي …
خالد وجبل مابطاوش وخرجو مع بعض براا للحومة وين نهار كان طلع والعباد لكل برااا …
مشات رانيا وقفت قريب من الشباك تخزر للتحت .. جات عينها في عينه قعد يضحك وهز يده يبعثلها في بوسة مع الهوا ..
قلبت عينيها منه تسب فيه ..
_رانيا: ياخي حمار ..
_نادين: حكيتي شي ..
_رانيا: لا نحكي على لصقة لي راح يجي يدهنلك .. عندي عام نقوله راني مخطوبة وهو يظل يقولي مرتي ..
تبسمت نادين تحكي ..
_نادين: ممكن يحبك …
_رانيا: اسمعي رجال الحومة هذي كامل مش تاع حب .. اذا غلطتي وخرجتب مع حد منهم يرجعوك عاهرة …
_نادين: بعيد الشر أصلا خاطيني شي هذا ..
_رانيا: نعرف اما ردي بالك حد يلعبلك بعقلك .. كاين وحدة هنا عشقت في واحد اسمه جبل .. لحقاته من البار لهنا وعايشة فلحومة هذي على جاله .. وفوقها لكل يعرفها بلي عاهرة ومش تاع زواج .. يعني حرقت روحها معاه … انا حمد لله سلكت منهم خطبني ولد خالتي ومابقاش على زواجنا ..
_نادين: ربي يفرحك نشالله .. تهني باب الدار مانحلهش ..ومانحكي مع حد منهم ..
_رانيا: واه نادين هاني نبه عليك .. الظاهر عليك بنت ناس .. ماتطيحيش في فخهم راهم مايرحموش ..
هزتلها راسها وقربت وقفت قريب من الشباك تخزر للتحت ..
_رانيا: ياخي حمار ..لدوك يشوف فيا ويتبسم ..
_نادين: وينه ..
_رانيا: شوفي هذاك لي لابس تريكو بيض .. يشوف لينا ..
هبطت عينيها جات عينها في خالد لي يتبسم ويخزرلهم ..
_نادين: والله تصرفاته تضحك ..
_حمار: هيه مهرج .. دعوة شر وخلاص .. تاع سهرات وشراب .. وشوفي لي معاه ..
هزت عينينا تخزرله عاطيها بظهره .. ماقدرتش تلمح وجهه مليح ..
_رانيا: لي قاعد معاه في نفس الطاولة وعاطينا بالظهر .. هذاك صاحبه لي حكيتلك عليه جبل .. دعوة شر كثر منه .. جسمه غير وشيم .. ويزطل ويسرق ويدير كلش .. هو صح اي وحدة تقدر تطيح فيه من القالب .. بصح صدقيني الطابع غالب على القالب …
_هزتلها راسها وبقات تشوف ليهم .. وتخمم وين طيحت روحها .. حد مايصلح هنا .. يعني حتى باش تخرج لازم تخمم وتعمل الف حساب .. كلام رانيا خوفها ورعبها وخلاها تعاود حساباتها كامل …
#نورااا🌹🌹🌹
جام +كمنتار نحب اراءكم شوي ونحطالحلقة 13:
مع نص نهار كانت قاعدة ترضع في ولدها .. وتخزر مع الاثاث الدايرين بيها … قريب لاتهزها عينها حتى سمعت صوت دقات على لباب .. حطتها رانيا خاطر تعودت عليها ..
حطت وها على جنب ومشات تثاوب حلت لباب .. بعدها تصدمت وقت لقات زوج رجال واقفين مقابلينها .. واحد مقابل وجها وواحد وراه يشوف بعيد ..
_خالد: نتي لي حابة تدهني دارك …
_صكرت لباب في وجهه بلاما تجاوب خلاته مصدوم من ردة فعلها ..
_خالد: ياخي هذي مريضة .. واش بيها ..
بقى جبل ساكت متركز على الحيط .. هاز صندوق حاط فيه لغراض لي يخدم بيهم ..
_تركزت على لباب تستوعب في واش عملت .. بعدها فاقت انو هذو لي حكاتلها عليهم رانيا باش يجو يصلحولها ..
جاب ربي سمعت صوت رانيا جاي من برااا …
رانيا: نادين حلي لباب .. هذو لي حكيتلك عليهم ..
عدت لسانها على شفافها وهزت شعرها جمعاته وعدلت لبسها وعاودت حلت لباب من جديد ..
_نادين: سامحني .. خويا ماعرفتكمش .. جبتو فجأة ..
_خالد: بصح قتلك انا لي راح ندهنلك ..
_رانيا: وهي قاتلك سامحني ..
دخلت معاها وحلو لباب خلوهم دخلو ..
شافت نادين لخالد لي حط غراضه لي يصبغ بيهم وشافت لجبل لي دخل بلاما يخزرلها .. مشى دوك للدوش ..
هز عينيه جيهة السبابل لي راح يعدلهم … نحى لفاست نتاعه حطها على جنب وحط لغراض لي راح يخدم بيهم .. جات عينه على تريكوه مطيش فلبانو .. هز حاجبه لفوق وقت تذكر انو هو مدهلها صباح وبسبابها هي تأخر على الموعد نفخ .. وهبط راسه يصلح فلي يقدر عليه ..
خالد هو الثاني فرش لرض ..وحط الالوان لكل بعدما ختارت هي لون لي تحب تصبغ بيه .. ولدها على سرير يلعب بيديه وياكل فيهم بفمه …
_ رانيا: ياعمري يهبل ..
_خالد: نعرف ..
_رانيا: نحكي على صغير مشي عليك .. كمل خدمتك ونتا ساكت ..
تبسم وكمل يصبغ ..
_نادين: رانيا ..
_رانيا: واه ..
_نادين: كون نطلبك عشية تنزلي تقضي معايا تقبلي … خصني نصرف للدار ..
_رانيا: أكيد مكانش مشكل .. أصلا عندي مدة حابة نخرج ومالقيتش مع شكون ..
_خالد:, كان قتيلي ..
_رانيا: أخر واحد نخرج معاه هو نتا ..
_خالد: بصح صحبتك تهبل عليك نظن راح نبدل رايي ونتزوجها هي ..
_رانيا: ماتحلمش حتى بيها .. شوف شكلها وشوف شكلك ..
_خالد: ياخي واش نعيطلها واش اسمها ..
_رانيا: علاه تحوس نتا على اسمها اخطي المرأة ..
_جبل: خالد وينك .. نحتاجك …
_خالد: راني ندهن مانقدرش نحط من يدي شوف وحدة منهم تشد معاك ..
_رانيا: نادين تمشي تشوفيه نتي واش خصه .. وانا ندير بالي على صغير ..
هزتلها راسها وناضت.. قربت جيهة الدوش حافية هكاك .. لقاته عاطيها بظهره وشاد بزوج يدين لما مطرطق .. كان يبعد يديه يفيض كامل ..
_نادين: واش تحتاج ..
_جبل: هزي تريكو لي فلبانو حطيه هنا نحبس بيه لما ونعاود نكمل نعدلها ..
رمات عينها جيهة لبانو لقات تريكوه .. عرفاته شافه مرمي وسط الغبار والوسخ كامل لي لتم ..
_نادين: ديزولي ماتولهتش بلي لبانو مسخ ..
_جبل: حتى انا ماغاديش نلبسه .. ازربي ..
مشات هزت تريكو ونزلت لعنده .. قعد كابس هكاك وعمللها بعينه اشارة وين تحط تريكو .. هزتله راسها وقربت تريكو من لبلاصة لي فايض فيها لما .. اول ماحرك يديه لامسو يديها .. من الفزعة بعدت يديها بلزربة وطرطق لما كامل عليهم ..
#نورااا🌹🌹🌹الحلقة 14:
هزت عينيها فيه .. شعرها مبلل كامل وحتى من تريكو لي لابساته رجع يقطر .. شافت ليه ورجعت وراا وهو بقى يهزر فلتريكو هذاك ويحط فيه فلبلاصة لي قاعد انا يخرج منها يحاول يحبسه ..
_نادين: اسفة .. مانعرفش كيفاه زلقت يدي ..
_جبل: ازربي حطي يدك لهنا ..
هزتله راسها وقربت حطت يدها فلبلاصة لي حط فيها تريكو ..وهو نزل للتحت يعدل ويحاول يزيرها باش ماعادش تطرطق …
بقات ساكتة وكابسة على لبلاصة .. تنعل في روحها .. اذا بقات هاك ماراح تفلح في والو .. غير يده لامست يدها تفزعت …
هز عينيه فيها لقاها شاردة بعيد .. قلب عينيه منها وكمل خدمته .. كلما تخرج في طريقه لازم تصرا حاجة .. في وقت لي كان لازم يعيط عليها خاطر بسبتها تأخر على الموعد نتااع الخدمة قاعد هنا يعاون فيها …
_شوي وجبد روحه رجع ورا ..
_جبل: نزلي تريكو ..
_نادين: اااه… اوكي
هبطت تريكو من لبلاصة هذيك لقات لما حبس .. ضحكو عينيها وتلفتت ليه تحكي ..
_نادين: مرسي .. خلاص حبس ..
هزلها راسه وهز روحه يحكي..
_جبل: تقدري تخرجي لباقي نكمله وحدي ..
هزتله راسها وخرجت لعند رانيا ..
_رانيا: واش صرالك راكب تقطري بلما ..
_خالد: بصحتك الدوش ..
_نادين: لما طرطق علينا ..
_رانيا: امشي غيري ثيابك ..وهيا خلينا ننزلو نقضو للدار ..
_نادين: دوك ..
_رانيا: هيه دوك .. خلينا نربحو الوقت ..
_نادين: والدار ..
_رانيا: ياخي راح نباتو برا .. ماتخافيش على الدار .. هوما هنا ..
_نادين: هيه متاكدة هيا ..
هزتلها راسها وشافت لخالد .. تتأكد من ملامح وجهه باش اذا صرا شي تعرف ملامحه وتشكي بيه .. هذا واش بقى يدور في راسها .. كلام صاحب الطاكسي مزال عالق في راسها .. مستحيل تتامن لحد هنا ..
هزت فاليزتها ومشات لغرفة خلاف .. حيطها لاصق مع حيط الدوش ..وفيها مرايا كبيرة تنعكس مع الدوش .. كانت عاملتها لي قبلها هي وصاحبها باش وقت تكون تلبس يتفرج عليها … ونادين مانتبهتش للشي هذا ..
دخلت وصكرت لباب وهزت لفاليزة جبدت منها ملابس داخلية وكنزة نتاع صوف وسروال …
وقفت مقابلة لمرايا .. هزت منشفة حطتها على شعرها تنشف فيه .. وكملت هزت يديها طلعت تريكو هذاك رماته على جنب ..ونزلت سروالها ..
جبل كان مركز مع خدمته ..وكل شوي يحبس يشوف واش لازم وواش باقي يصلح .. بالصدفة طلع عينيه لمحها واقفة مقابلة لمرايا .. ضيق عينيه مافهمش علاه تشوف فيه وتنشف في شعرها … اما طول وقت شافها نحت ثيابها عرف انو لمرايا تنعكس وين يقدر هو يشوف وهي لا ..
دور راسه من عليها يسب بين شفافه .. يعني وقت قال انو كل ما يتلاقاها تصرا حاجة ماغلطش ..
ماقدرش يبقى مهبط عينيه كثر من هاك .. يعني اي حد في بلاصته كان راح يسرق النظر ليها ..
هز عينيه بشوي راح يرجع يشوف وعاود نفخ ورمى واش في يده وخرج لبرااا ..
_خالد: كملت ..
_جبل: راح نخرج نتكيف شوي ونرجع نكمل ..
_خالد: ماتبطاش عليا ..وتعرف واش جيبلي معاك كاس قهوة نقعد بيه راسي ونكمل ..
هزله راسه وخرج يزرب نازل مع الدرجات هذوك ..
اول ماخرج برا رجع بتنفس طبيعي … هز تريكوه يحرك فيه يحاول يهدي روحه …
مشى طول للقهوة وقعد يحاول يمحي المنظر هذاك من راسها باش يقدر يخدم عادي …
نادين مابطاتش وحلت لباب خرجت تحكي ..
_نادين: وينك رانيا راني واجدة ..
_رانيا: حتى انا .. هيا هزي ولدك وخلينا نخرجو..
_خالد: نادين عسيهالي اذا راح تتلاقى بخطيبها ولا لا ..
_رانيا: واش دخلك ..
_خالد: مش قتلك مرتي المستقبلية ..
_رانيا: كمل دهن وخليك ساكت ..وتبوس عينك ومانقبلش بيك ..
_خالد: وين تعرفي ليام واش مخبية .. ممكن ترجعي نتي تجري ورايا ..
_رانيا: مالا نقولك غير ارمي من راسك الافكار هذو .. خاطر مستحيل تصرا .. واذا نتا صامط انا صامطه كثر منك .. وماتخربش في غراض لمراة مانبطوش ونرجعو ..
_خالد: خسارة كنت راح نقولك نوصلكم بصح كيما راكي تشوفي قاعد نصبغ ..
_رانيا: هيه اصبغ وابقى ساكت ..
_ضحك وكمل ينرفز فيها حتى خرجت وضربت لباب وراها ..
نزلو مع الدرجات هذوك يحكو ..
_نادين: ياخي متاكدة مايخربوش في غراضي ولا يسرقولي شي ..
_رانيا: تهني هوما يسرقوك وقت هوما يتعبو على سرقة مش وقت نتي تحليلهم دارك ..
_نادين: مالا يسرقو …
_رانيا: واه ..
_نادين: اففف رانيا علاه هاك خلينا نرجعو..
_رانيا: ياخي ماعندكش ثقة فيا .. هيا تحركي قتلك مايقربوش من غراضك ..
كبست على. شفافها ورجعت مسحت على ظهر ولدها ومشاو خارجين برا الحي هذاك ..
جبل كان قاعد فلقهوة ..اول ماشافهم خرجو رجع طلع لفوق ..
#نورااا🌹🌹🌹
جام+كمنتار نحب اراءكم تفاعلووو توصل 100 جام نحط لي بعدهاالحلقة 15:
وصلو لسوق شعبي وين تدور عينك تلقى لعباد .. حتى ماتلقاش وين تحط الخطوة ..
_نادين: ياخي كيفاه راح نمشو هنا وانا هازة اياد معايا ..
_رانيا: اذا تعبتي هاتي نشده عليك ..
_نادين: لا مايسكتلكش كان تهزيه …
_رانيا: معليش دوك بلعقل ونشرو غراضنا ..
_نادين: هيا مالا على ربي …
#نورااا
دز باب الدار ودخل .. صكره وتركز عليه يحكي …
_جبل: وين راحو ..
_خالد: نزلو للسوق نظن خصهم غراض ..
_دور عينيه يخزر مع الدار كيفاه مدهونة ورجع مشى جيهة السرير يخزر للغراض لمحطوطين ..
_خالد: واش رايك فيها ..
_جبل: شكون ..
_خالد: جارتنا جديدة قصدي ..
_جبل: شا دخلني فيها…
_خالد: تبان عاقلة .. سمعت انو راجلها توفى من شهور …
_رمى عينه على لكادر المحطوط على طاولة لي جنب سرير .. قرب منه وهزه بين يديه .. يخزر لوجها ووجه راجلها ..
_جبل: الله يرحمه … باين عليهم كانو يبغو بعض …
_خالد: دوك ضهور وتنساه .. مايغركش وجها .. نسا كامل هاك ..
_جبل: الله يسهل عليها ..
_حط لكادر هذاك على طاولة وقعد على طرف سرير هذاك يحكي ..
_جبل: مزالك باغي تروح تسهر ..
_خالد: واش بدل رايك …
_جبل: مشي نتا قتلي نروحو …
_خالد: هيه بصح شايفك مصر .. عكس صباح ..واش صراا
_جبل: شي بانتلي نروح نسهر عندي شحال مارحتش ..
_خالد: اوكي مكانش مشكل .. حتى انا كاره خلي نمشو ..
هزله راسها ومشى رجع للدوش ..وقف في وسطه يخزر للمرايا .. جات صورتها بين عينيه وقت نحت ثيابها .. رجع يستغفر ونزل هز تريكوه لي رجع مبلل كامل واثار الغبار عليه ..
رماها فلبانو وخرج لعند خالد يعاون فيه باش يكملو ليه ليه …
_نادين: افففف خلاص تعبت خلينا نرتاحو ..
قعدو في اقرب كافيتيريا لقاوها وحطو غراضهم كامل لي شراوهم …
_رانيا: تعرفي كان مش اياد معانا كان ماتعبتيش ..
_نادين: مانقدرش نخليه وحده فلدار …
_رانيا: معليش ارتاحي …
شوي وحسو على شكون جبد لكرسي وقعد معاهم .. قرب باسها من خدها وحط وردة قدامها ..
_نادين: شكون هذا ..
_رانيا: هههه ياي هذا نتا … هزت الوردة تخزرلها وكملت تحكي ..
_رانيا: نادين هذا خطيبي تامر .. تامر هذي نادين جارتنا جديدة ..
_شاف ليها وتبسم يحكي …
_تامر: متشرفين …
_تبسمت ولتهات بصغيرها وخلتهم براحتهم يحكو ..
_نادين: راح نوقف برا نشم شوي هوا .. شوي ونجي خليكم براحتكم ..
_رانيا: اوكي ماتطوليش ..
هزتلها راسها وخرجت بولدها وقفت لبرا تخزر مع لعباد لي يمشو .. الحال ليوم على غير لعادة صباح يمطر ومع الظهر الشمس طلعت …
_شافت مع يدها خزرت للوقت وقعدت تمشي قريب من لكافيتيريا هذيك تضيع فلوقت وتسكتشف فلبلايص جدد …
_حمزة: ماتوقعتش نرجع نشوفك ..
تلفتت على صوته تخزرله.. حتى هي آخر شي كانت تتوقعه انو ترجع تشوفه ..
حبت تطفيه وتمشي حبسها يحكي ..
_حمزة: نادين دقيقة .. نحب نحكي معاك ..
_نادين: ماعنديش وقت ..
_مشى يجري شدها من ذراعها يحكي ..
_حمزة: خمس دقائق ماتديش من وقتك ..ونظن ماعندك والو ..
نطرت يدها منه تحكي
_نادين: واش تحتاج ..
_حمزة: وقتاش ناوية ترجعي للدار ..
_نادين: مانرجعش ..
_حمزة: قتلك نقرو الفاتحة انا ونتي وابقي فلدار .. وزيد حلال تتسمي مرتي قدام ربي ..
_نادين: لا والله كيف تخمامك مكانش … يعني تحب تتزوجني تخبية على مرتك .. واصلا كلامك ماكانش كيف هاك قبل … نشفى انو حطيت عينك عليا فلحرام .. خليني نذكرك ولا نسيت ..
_حمزة: بدلت رايي ..
_نادين: لا قول وقت ماقدرتش قلت خلي نقرا عليها الفاتحة وهكا تقبل .. اما نسيت شي واحد انو بعد خوك مايحلى حتى حد في عيني … لا نتا لا غيرك ..ولي في راسك انساه …
_حمزة: صدقيني راح تندمي .. حاطة روحك عايشة دوك في قصر .. حومة تاع سراقة وكلوشارة … ولدك يتربى لتم هذا هو تخمام صح بلنسبة ليك ..
وجها رجع صفر وشافت ليه تحكي ..
_نادين: ونتا من وين عرفت انو عايشة لتم .. قاعد تراقب فيا ..
#نورااا🌹🌹🌹لحلقة 16:
هزت لوردة بين يديها تلعب بيها وتشوف ليه ..
_رانيا: تعرف انو توحشتك بزاااف ..
_تامر: حتى انا … هاني عامل مجهودي باش نعرسو العام هذا …
_رانيا: نعرف حتى انا قاعدة نخيط في غراضي على مهلي …
_تامر: لي كانت معاك صحبتك ولا غير جيران ..
ضيقت عينيها فيه ورمات شعرها ورا تحكي ..
_رانيا: واش عجباتك حتى نتا .. قاعد تسال عليها ..
_تامر:ههه علاه غرتي …
_رانيا: أكيد نغار .. ولا كيفاه هذي تسال عليها ..
_تامر: اتهني عينيا مايحوسو كان عليك .. جوست نحب نعرف مرتي مع شكون تدور .. نخاف عليك مع نتي نية لي يجي تصاحبيه ..
_رانيا: تهنى طفلة عاقلة .. حبيت نعاونها خاطرها جديدة وممكن يضروها …
هزلها راسه وهز كاس لما يترشف فيه وهي باقي تلعب بلوردة بين يديها ..
#نوراااا
_تبسم بخبث وقرب منها يحكي ..
_حمزة: علاه واش تخيلتي .. راح تمشي بلاما نعرف ولد خويا وين هازاته ..
_نادين: الله يخوي جنابك نشالله .. خوك كان جيت تحبه .. ماتخرجش مرته وولده برا وتستغل ضعفهم … وهو لي كان حاط عنده خوت صح وحياته يحكي عليكم بلخير طلعتو ماتتعاشروش …
_حمزة: لا غالطة … الدار مش من حقك وانا عملت لي شفته صح ..ودوك قتلك نتزوجو بلفاتحة وحد مايعرف ونخليلك الدار ..نتي لي مكبرة راسك …
_نادين: واش نقولك .. ما نتا حكيت كل شي … ربي يخلص فيك وخلاص …
قحرتله ومشات وخلاته واقف يتبسم … ثقته بروحه ديما زايدة ..وديما حاط انو مهما طول الشي يجي نهار ويوصله …
رجعت هي تزرب من نفس طريق لي جات منها حتى وصلت للكافيتيريا لي فيها رانيا .. مشات قعدت معاها وتامر سلم على رانيا ومشى ..
_رانيا: واش صرااا …
_نادين: شي .. معصبة وخلاص ..
_رانيا: حد ضايقك ..
_نادين: شي هاك … هيا نمشو خلصتي ..
_رانيا: هيه هيا ..
هزو غراضهم وشدو الدار للدار …
_نادين: خلي نشدو طاكسي احسن ..
_رانيا: اذا لقيتي .. ارواحي نركبو لباص وخلاص ..
_نادين: هيه نسيت لي كيفنا مايهزوهمش فلطاكسي ..
_رانيا: ههه شايفاتك بديتي تتأقلمي .. خايفة من بعد نلقاك توشمي في جسمك ولا تضربي فلزطلة …
_نادين: مشي للدرجة هذي .. هبلتي .. مستحيل نعمل شي هاك… نحكي على حاجات لي شفتهم ..
_رانيا: تعرفي نادين انو اما عاملة وشم .. نتي اول وحدة نحكيلها عليه ..
حبست بلاصتها وشافت ليها تحكي ..
_نادين: منك صح ..وين ..
_رانيا: تحت سرتي .. صغير .. ولدوك مزال مانحيتهش .. قلت وقت يقرب عرسي نحيه .. خفت يشوفه تامر ويقلب دنيا عليا ..
_نادين: ياخي ماتوجعتيش وقت عملتيه ..
_رانيا: لا عادي … يعني وقت يكون عندك شي تحبيه تحبي توشميه عليك .. كأنو تحبي ترسخيه عليك ..
_نادين: علاه نتي واش حاطة ..
_رانيا: ههه سر ..
_نادين: يعني ماراحش تحكيلي ..
_رانيا: شي من الماضي … وقت مراهقتي كنت نحب طفل .. ومن حبي ليه رحت وشمت اول حرف من اسمه .. وقت نشوف الوشم هذاك نتذكر المشاعر الصادقة لي كنت نحس بيهم ..
_نادين: وتامر .. يعني ماتحبيهش ..
_رانيا: مش قضية مانحبهش ..اما وقت تكبري فلعمر وتفوتي مرحلة المراهقة .. نظرتك للامور تتبدل ترجعي تخممي في صلاحك في اولويات حياتك .. ترمي الحب على جنب …
_نادين: مانعرفش .. انا حبيت عينيا على راجلي ولدوك ماقدرتش نتجاوز حبي ليه ..
_رانيا: ممكن خاطره كان يستاهل حبك ..
_نادين: قصدك هذاك مايستاهلش ..
_رانيا: ممكن طريقي وطريقه مش كيف كيف .. ولا ممكن مانشبهوش بعض ..
_نادين: صح .. أصلا زوج متناقضين عمرهم يجتمعو مع بعض .. انا ووليد كنا نشبهو بعض بزاااف … في كل شي
. اختياراتنا .. حتى اولوياتنا ..
_رانيا: معليش نادين هذي هي الدنيا الله يرحمه .. هيا هاو جى لباص خلينا نرجعو .. نشوفو الصبغة كيفاه خرجت على الدار ..
هزتلها راسها ومشات ركبت معاها و رجعو مع بعض ..
#نوراااا🌹🌹🌹17:
هز باكي الدخان نتاعه ومشى جنب الشباك تركز عليه وقعد يتكيف ويخزر للحال برا .. هبط عينيه تحت وقت شاف خته تمشي وواحد لاحقها ويقلق فيها … ضيق عينيه وشاف ليه مليح .. شافه جبدلها صاكها وهي تفك فيه منه ..
_جبل:### ..
رمى الدخان في لرض عفس عليه ومشى يجري ..
_خالد: ياخي واش كاين ..
_جبل: دوك نجي وحد لفرخ يقلق في ختي ..
_خالد: تحب نجي معاك ..
_جبل:, لا خليك هنا دار خاوية ..
نزل يجري مع درجات هذوك للتحت جاب ربي لقاه مزال عقابها .. مشى يجري جيهتهم .. خته وقت لمحاته شافت للطفل تحكي ..
_ريم: اهرب راح يقتلك ..
قبل مايلحق طفل يفهم واش كاين .. حس يضربة جاته على لوجه جابته في لرض .. وقبل مايفيق ويهز روحه هبط عليه جبل طاح فيه للوجه يضرب فيه ويسب ..
_خته مالقات ماتدير هزت صاكها وهربت طلعت تعيط لامها تنزل تحبسه قبل مايقتله ..
_رجعت تضرب فلباب برجليه ويديها تعيط ..
_ريم: ازربي حلي ..ماااا ..
_حلت عليها سميحة تسمي ..
_سميحة: واش كاين ..
_ريم: اجري أمي … جبل طايح في طفل لقاه يضايق فيا .. راح يقتله ..
_سميحة: مليون مرة قتلك اخطيك من لبسة مزيرة لي تلبسي فيها .. تحبي تباصي خوك نتي ..
_ريم: ياااو ازربي من بعد ولوميني ولومي لبستي ..
بعدتها من قدامها ونزلت مع درجات هذوك تدعي …
حتى وصلت لبرا لقات الجوارين يتفرجو ..ولي يحاول يفكه منه ..
_سميحة: جبل بعد يديك من عليه .. خلاص راح تقتله ..
الوقت هذاك رانيا ونادين كان حطهم لباص عند الدخلة نتاع الحي نزلو مع بعض وداخلين وقت سمعو لاصوات وضجة كبيرة .. شوي ووضاحت الصورة قدامهم … دنيا مقلوبة .. عينيها جاو طول في جبل لي طايح الطفل يضرب فيه ..
_نادين: ياربي الطف .. واش يدير هذا ..
_رانيا: هيا خلينا نطلعو .. ماعندنا مادخلنا فيهم ..
_نادين: راح يقتل طفل شوفي كيفاه وجهه ..
_رانيا: ماضربهش من راسه يكون عمل حاجة ..
_نادين: أيا وهو يحاسبه هام قصدك .. بالضرب والعنف ..
_رانيا: مادخليش روحك نادين .. حتى وتشوفي ماتشوفي اعملي روحك ماشفتيش .. هذا والو من لي يصرا هنا ..
جبدتها من يدها تكركر فيها .. اما نادين راسها كان يابس ..ماحبتش تطلع .. غاضها طفل بقات واقفة تشوف ..
شوي ولقاته بعد من عليه بعدما جبداته امه ..
_سميحة: قتلك خلاص ..
طفل ماصدق ربي لقى فرصة يهرب .. هز روحه ومشى يجري خارج الحي هذاك ..
_تلفت جبل عيط ..
_جبل: كلب فيكم نلقاه قرب من ختي يصراله كيفه وكثر ..
_بشرى هي الثانية اول ماسمعت الضجة هذيك نزلت تحت وبقات تتفرج من بعيد .. تستنى فيه يحبس ووالو ..
_رانيا: شوفي … نادين ..
_نادين: واش ..
_رانيا: هذيك لي واقفة لهيت ..
_نادين: شكون قصدك ..
_رانيا: لي واقفة بعيد وتشوف لهنا ..
_نادين: هيه عرفتها ..واش تكون ..
_رانيا: هذيك هي صاحبته ..لي قتلك عليه جات تسكن هنا على جاله ..
_تلفتت نادين تخزرلها من بعيد .. طفلة بومبة تاع زين ..
_نادين: حرام وحدة كيفها مع واحد كيما هذا كلوشار وتاع مشاكل ..
_رانيا: مش كامل يخزرو للناس بلطريقة لي تخزريلها نتي .. كاين بزاف بنات يحبو النوع هذا نتاع رجال .. ممكن خاطر عندهم شي مايلقاوهش عند غيرهم من رجال ..
_نادين: يكون لعب بعقلها .. شوفي كيفاه واقفة وتخزرله ..تقول عامللها حاجة ..
_رانيا: اصبري دوك يمشي لعندها .. بعد كل عركة يهرب لعندها ..
_نادين: كون جيت نعرفها راني نصحتها تبعد عليه ..
_رانيا: زعما راح تسمعلك مريضة نتي .. راني نقولك طفلة كانت رقاصة في بار سمحت في كلش ولحقاته هنا .. باين فيها تعشقه ولا علاه صابرة عليه ..
_نادين: مانعرف .. يعني تبان بنت ناس . شكلها خاطي شي لي تحكي فيه .. شوفي ليه هو كيفاه ..
هزت عينيها تشوف ليه وقت جات عينها في عينه .. وكملت تمتم مع رانيا ..
_نادين: يعطوني مال دنيا كامل ومانتخيلش روحي مع واحد كيفه .. دعوة شر ..
#نورااا🌹🌹🌹
جام+كمنتار فيه اراءكم على حلقاااات ليلة ملتقانا غدوة نشالله وتفاعلو طلعو لحلقاااات كلما طلع تفاعل يزيد معاه عدد لحلقات لي نزلهم 🤗🤗 بونويالحلقة 18:🌹🌹🌹
شوي وبدات الحالة تهدى وكل حد رجع لداره ..
تلفت هو يشوف لأمه لي مقابلاته تحكي ..
_سميحة: كون يروح يشكي بيك تعشي داخل للحبس من والو ..
_هز تريكوه يمسح في آثار الدم لي علقت في يده ويحكي ..
_جبل: لحبس للرجال ..
_سميحة: وشكون لي يتمرمد في جرتك انا … امشي قدامي ..
تلفتت لمحت بشرى من بعيد واقفة تخزرلهم ..
_سميحة: شوف بنت الحرام كيفاه تخزرلك من بعيد .. كان مش عيب دوك نمشي نشنشف بيها لرض ..
_نفخ ومشى طلع للبناية نتاعهم وامه وراه تدعي على لي ماتتسمى ..
حل باب الدار ودخل .. لقى خته في وجهه ..
_ريم: راك مليح ..
_جبل: تعرفيه هذاك ..
_ريم: لا مانعرفهش .. من وقت ماخرجت من ليسي وهو يمشي عقابي وماحبش يفهم ..
_جبل: اذا رجع دار بيك ولا قلقك قوليلي ..
_سميحة: بنت لكلب حابة ترزيني في خوك نتي ..
_ريم: بابا الله يرحمه .. علاه تقولي عليه كلب .. وانا واش دخلني اذا طفل لحقني .. راه شي هذا يصرا في كل بلاصة ..
_مشى دخل هو لغرفته وخلاهم ياكلو في بعضهم ..
نحى تريكوه طيشه على جنب .. وشاف مع يده شوي نجرحت .. خزر لتليفونه لقاه شاعل .. دقق مليح لقاها هي تعيط ..
علق عليها رجعت تعيط من جديد .. ووقت طفاها رسلتله ميساج ..
_بشرى: راني قدام باب الدار .. حل عليا
ما جى يعيطلها سمع صوت عياط من برااا ..
مشى يزرب لقى امه واقفة قدام لباب وطايحة على طفلة تسب فيها ..
_سميحة: مش قتلك ماتدوريش بولدي .. ياخي نتي مش حابة تحشمي ..
مشى يزرب فكها من يدها يعيط ..
_جبل: ماا هبلتي خلي طفلة ..
_سميحة: لا وتزيد تدافع عليها ..
جبدها خباها ورا ظهره يحكي ..
_جبل: قتلك الف مرة خليها .. انا لي جبتها هنا .. وانا لي راني نروح عندها مشي هي ..
_سميحة: عليها دوك جاية للدار .. تحب تدخلها لداري بسيف ياك .. مالا انا لي راح نخرج ونخليهالكم ..
نفخ وجبد بشرى من يدها وخرج بيها براااا ..
_جبل:, خليك ماااا في دارك حنا لي غادي نخرجو ..
نزلو مع درجات هذوك وهي كابشة فيه بيدها تحكي ..
_بشرى: والله تقلقت عليك .. ماقدرتش نرجع بلاما نطمن عليك ..ونتا ماتردش على اتصالاتي ..
_جبل: صايي اسكتي ..
_بشرى: يدك مجروحة صح …
وزيد صدرك عريان راح تمرض …
نزل بيها تحت للحي نتاعهم جوارين من لفوق ينسنسو .. من وقت سمعو عياطه هو وامه ..
_رانيا: بسسس نادين اجري ..
_كانت تفرز فلغراض لي شراوهم وقت تلفتت تشوف ليها ..
_نادين: واش كاين ..
_رانيا: ارواحي تتفرجي على روميو وجولييت تاع الحومة ..
_هزت يدها طلعت شعرها لفوق وقربت منها تحكي ..
_نادين: شكون قصدك ..
_رانيا: نحكي على جبل وصاحبته ..
مشات جيهتها وخزرت للتحت لمحاته هو وياها ماشيين وطفلة كابشة فيه ..
_نادين: ياخي يحبو بعض .. نتوقع هو ثاني يحبها ..
_رانيا: واش حكيتلك ياخي .. واش من حب .. لي هنا مايعرفوش يحبو …
_تبسم وهبط الصباغة من يده .. ونحى القفازات لي كانو في يده يحكي ..
_خالد: علاه تحرشي فلطفلة .. وتقطعي في رحمة ربي ..
_رانيا: كذبت يعني .. نتوما ماتصلحوش للحب .. اول ماتقربو من طفلة تعملوها تيكي لي يجي يرجع يحكي فيها .. مزية فقت بيكم قبل مانطيح ..
_ خالد: علاه شكون لي طيحك وحنا ماعلابالناش ..
_رانيا: ارجع ركز مع كلامي .. قلت قبل مانطيح مش طحت .. وهيا اذا كملت تفضل رانا نسا وحدنا ..
خلتهم نادين هكاك متضاربين هي وياه .. و رمات عينها تحت وقت لمحاته مع طفلة ماشيين بعيد ودخلو لآخر بناية من الحي هذاك ..
#نورااا🌹🌹🌹الحلقة 19:
طلع معاها فلبناية هذيك حتى وصلو للايطاج الخامس .. هزت مفاتح الدار حلت دخلت ودخل هو وراها .. مشى طول رتمى فلصالون ..
_بشرى: ياخي هبلت نتا .. دوك راح تكرهني كثر امك ..
_ماردش عليها … مشات تقلب وسط لقجور جبد علبة نتاع الاسعافات ورجعت لعنده .. هبطت ليه وشد يده بين يديها تحكي ..
_بشرى: علاه ضربت طفل ..
_جبل: قلق ريم ..
_بشرى: قلقها كنت تقدر تخوفه مايزيدش يقرب منها علاه عليك هذاك كامل ..
_جبل: بشرى راني هربت من عياط مااا وجيت معاك ماتزيدينيش نتي ثاني ..
_بشرى: خلاص اسكت .. خليني نعقملك الجرح ..
كملت لفتله يده بلشاش .. وناضت تحوس وسط خزانتها على قطعة من ثيابه يلبسها ..
_بشرى: شد تريكو هذا تاعك البسه … الدار باردة مش حاباتك تمرض ..
_شده عليها ورجع لبسه وجبد لحاف عليه وصكر عينيه نهار ليوم كان طويل بزاف .. والعتمة بدات تطيح …
بقات واقفة قدام باب الصالون تخزرله وتتأمل فيه كيفاه راقد .. مايشبهش لروحه وهو فايق خلاص … كأنو الجبل هذاك يكون هادي ..واول ماحد يقربه يرجع يهيج .. ويعمل فوضى كبيرة …
مشات للكوزينة .. شعلت على النار وبقات تعمل فلعشا وكل شوي ترمي عينها جيهة الشباك .. الظلمة طاحت وشتا رجعت تطيح من جديد …
شوي وسمعت صوت لباب نتاع دارها .. ستغربت شكون يكون جاها فلوقت هذا مشات تزرب تشوف شكون .. قررت عينها من فتحة الباب تخزر لقاتها ختها ..
حلت عليها طول ..
_حورية: تعرفي تبللت بلكامل .. بعدي هاك .. مشات ديراكت جيهة الصالون لقاتها راقد لتم تلفتت لختها تقحرلها …
_حورية: هذا واش يدير هنا ..
_بشرى: اششش من شوي رقد ارواحي للكوزينة نحكو …
_مشات تبعتها دخلو للكوزينة وصكرت لباب عليهم ..
_بشرى: اقعدي على لكرسي .. راني مع لعشا ..
_حورية: واش يدير عندك .. عملتي واش قتلك ..
_بشرى: لا ماعملتش خاطر مش بلساهل يصرا في بالك … ومانقدرش نعاود نرمي روحي عليه .. قاعدة نحاول نكون ثقيلة باش نبقى عزيزة .. وتتبدل نظرته ليا ..
_حورية: وعلاه راقد عندك ..
_بشرى: صرات عفسة وتعارك مع امه وجى معايا ..
_حورية: والله ماعدت فاهمة حاجة .. ياطفلة فيقي على روحك .. راه اي واحد يتمنى وحدة كيفك ..واذا عليك خاطر عذريتك مشات .. روحي خيطي وعملي دار وبدلي لحومة هذي ..
_بشرى: مانحبش .. لي نحب عليه هو جبل ..
_حورية: جبل تاعك ..اول مايلقى وحدة بنت ناس يرميك للريح يديك …. ..
_بشرى: مش صح .. ماعنده حتى وحدة في حياته .. مكانش من غيري والحومة لكل تعرف … بقى نقنعه بفكرة زواج وخلاص ..
_حورية: ياختي .. يا بهيمة .. رجال كامل كيف بعض .. يعمل لروحه وحدة للدار تجيب صغار وتربيهم ويطبق سلطته عليها ويعمل عشيقة تزهيه وتعمله لي ماتعملهش مرته … نتي دورك دوك العشيقة وراح يبقى هذا الدور مهما فات لوقت ..واشفي على كلامي ..
_كبست على شفتها .. وبلعت دموعها وبقات مركزة مع لعشا قدامها تحرك فيها على النار .. وتحاول ماتسمعش لختها وتنجرح بكلامها…
#نورااا🌹🌹🌹الحلقة 20:
بعدما خرج خالد صكرو لباب على رواحهم وقعدو مع بعض ..يفرزو في لغراض ويحكو ..
_رانيا: شوفي هذي روب لي شريتها كيفاه جاتك ..
_نادين: انا عجبتني .. ارجعي جربيها وشوفي …
_رانيا: عندك مرايا هنا ..
_نادين: هيه كاين فلغرفة هذيك ..
_رانيا: مالا خليني نمشي نقيسها .. هزت روحها ومشات تزرب للغرفة هذيك صكرت على روحها ووقفت قدام لمرايا تشوف مع روحها .. وقربت هزت تريكوها لفوق رماته في لرض .. ورجعت حطت يدها على الوشم لي تحت سرتها تعدي في يدها عليه .. صرا فيها العجب وقت حطاته .. دمعتها طاحته مع كل خرزة نتاع لبرة ..
واول ماكمل الوشم هذاك خرجت فرحانة كأنو ملكت دنيا بين يديها وملكت قلبه حتى هو ..
ودوك كل شي تبدل … ماتعرفش اذا هي تبدلت ولا زمان لي تبدل .. حتى نظرتها واولوياتها تبدلو ..ورغم كل شي ماحبتش تفرط فلوشم هذا … كأنو حابة تقلعه من جذوره غير وقت تمشي وترجع باسم غيره .. مرات الحب يوصلك تعمل حاجات نتاا بيدك ماكنتش تتصور انك راح تعملهم ..ويرجع عندك مبادئ تمشي عليهم فلحب هذا …
هبطت سروالها ومشات هزت لباس من فوق لكرسي .. ووقفت تشوف ليه عليها كيفاه راح يكون …
لبساته وبقات تدور في بلاصتها ..
تبسمت وقت حساته يوالمها صح …
خرجت لعند نادين لي كانت قاعدة شادة ولدها ترضع فيه ..
_رانيا: شوفي واش رايك ..
_نادين: والله جاك يهبل .. بصحتك بيه ..
_رانيا: خلي من بعد نعمل لاكام مع تامر ونخليه يشوفه ..
_نادين: ههههه يبان عاقل خطيبك ..
_رانيا: ماتغركش المظاهر يا بنت الناس … انا مانصدقش واش تشوف عينيا حتى نعاشر لبنادم مليح ..
_نادين: مانعرف انا نحكي ديما على اساس اول انطباع نشوفه ..
_رانيا: خلي مع لوقت ترجعي تعرفي لمليح من الدوني ..
_نادين: هيه نشالله … اسمعي كيفاه جاتك الصبغة .. طلع سي خالد تاعك يعرف يدهن ..
_رانيا: هههه .. شايفة عاجبك ..
_نادين: خدمته عجبتني .. من بعد نشوف شحال ونخلصه هو وصاحبه ..
_رانيا: خلي انا نحكي معاه يعملك سومة فلمعقول ..
_نادين: يخليك ليا .. أيا ازربي بدلي وارواحي ناكلو البيتزا هذي قبل ماتبرد وبعدها نبدو نرتبو ..
_رانيا: اوكي خلي نعمل فطوات بلباس نحطهم فلانستقرام ونجيك ..
رجعت دخلت وصكرت لباب ونادين هزت روحها حطت ولدها على جنب .. وجبدت الطاولة حطت البيتزا هذيك وزوج فرع كوكا صغار .. ورجعت مشات للدوش تحب تغسل يديها وتتاكد انو كل شي معدل والسبالة تمشي ..
جات عينها على تريكو طايح في لرض هزاته ..وخزرت للمرايا ورجعت هبطت عينيها بعدها طول هزت عينيها تخزر للمرايا مصدومة …
#نورااا🌹🌹🌹

Leave a comment