Skip links

قصة : diabla ج 1

 7,224 عدد مشاهداات

الكــاتـبـة :amina elmaadi🌹
الــعـنـوان:DiaBla🩸
الــحـلقـة الــــــاولـــــى🔥
بـين جـدران الـطـبقـة الـمخـملـيـة صوت كـؤوس النـبـيـذ ضجيج المحادثات عـن الـمـشـاريع حـفـل بمـوسيقـى هادئـة الـتائهـة فابـحـر اخـتلاف طـبـقات نازلـة بـخطـوات تابـثة بافـستـان اسـود انـيق نـضراتها عـلى زوجها كتشوفيه بابتسامة خفيفة وحتاهوا كيبادلها نـفس نـضرات محيدش عينو عليها حتى وصلات حداه باسها وقدم ليها ضيوفو جداد كيف ديما مشاريع جداد ناس جداد خلاتهوم كيهدرو ومشات لطاولة اخرا خاوية و وقفات جابليها سرباي عصير خداتو وبقات كتشوف حياتها لي تقلبات 45 درجة فوقما كتشوف لخير لي عايشة فيه كتفكر لمعانات ديالها قبل متعرف عصام المنصوري كتشوف يديها لي مزينينهوم خواتم الالماس ولي كانو ناشفين وباهتين وهيا كتجفف جمعات يديها وعلات راسها لقات عصام حاضيها بعينيه وعارفها فاش كتفكر بتاسمات ليه ولاحت ليه بوسا فالهوى بقات كضور تما وكترحب بناس باضحكة صفرة تحت انضار عائلة المنصوري لي تاحد محاملها طبعا حيت عمرها مكانت من مستواهم كيشوفو فيها باحتقار طلعات للفوق مشات لبيت ولادها تؤام دخلات لقاتهوم ناعسين باستهوم وغطاتهوم وخرجات مشات لبيتها دخلات الحمام شعلات ضو. بقات كتشوف فالمرايا غسلات وجها وحيدات المكياج دوشات دوش خفيف وخرجات لبسات بيجامة ديالها ونعسات فابلاصتها شربات مهدئ ونعسات من بعد ساعات دخل عصام بدل حوايجو وقرب حداها كيمسح بيدو على شعرها شاف لكوافوز لي عامر دوايات تنهد باسليها على راسها ونعس حداها
#اصبحنا واصبح الملك الله
فوق مائدة الإفطار
لعائلة كاملة مجموعة على طبلة لي كتبدا بالاب ديال عصام لي هوا الكبير دالعائلة محمد المنصوري كالسة بجنبو مراتو زوليخة سالمي وباقي أفراد لعائلة من خوتو وعيالاتهوم و ولادهوم
زوليخة:لالة لعروسة ديالك معياتش من نعاس ماشي بزاف اش هاد الحالة وهيا بحالا ميتة لبارح شوهاتنا مع ضياف وجها صفر تقول داخلاهاا لموت
عصام:مي خليني كنحتارمك ياك بعيدة عليك خليها دير لي بغات
زوليخة:هادي عائلة كبيرة وعندها قوانين ويلا هيا معندها لا اصل لا مفصل هادشي ماشي شغلنا حنا تزوجات بيك خصها تعيش بالقوانين ديال لقصر
عصام:كيباليا غادي ندي ولادي ونخرج من هاد دار ومن هاد القوانين
محمد:اش هاد الهدرة كنسمع هادشي عمرو مكان فعائلتنا وعمرو مغايكون
عصام:من هاد الهدرة كاملة هادشي هوا لي سمعتي انا راه عيت بصحة فطوركوم ناض معصب وخرج ركب فطونوبيلتو وكسيرا هيا فبيتها ناعسا ومهبطا ريدوات وضلما فابيتها طلعات عندها الخدامة دقات ودخلات هزات ريدوات دخل ضو وهوا يعنكشها وناضت
…….:سلوى شحال من مرة قلتليك متبقايش تجي عندي
سلوى:خصني نخمل لبيت راه ل10 دابا ويلا خليتك مغاتفيقي حتال 16
……:ونتي مالك اش مشاليك
سلوى:زوليخة بحال كل نهار نكداتها على سي عصام
…….:ماعرفتينيش علاش كنعس نهار كامل انا كنهرب من ديك الهدرة عيت💔يتبع…….الكـاتـبـة:amina elmaadi🌹
الـعـنـوان:DiaBla🩸
الـــحــلــقـة الــثـانــيـــة🔥
فاقت دخلات لحمام غسلات وجها دارت مكياج خفيف خرجات لقات سلوى موجدة ليها حوايجها لبساتهوم كانو عبارة على كسوة طويلة ايڤازي فالكحل ومونطو طويل فنفس لون معا بوط قهوي وصاك فنفس لون هزات سوارت ديال طونوبيلتها ونزلات كانت زوليخة كالسا فصالون معا صحاباتها شافت فيها بنص عين
زوليخة:بان عـليك خـيرنا تاوليتي عاطيـاها غالنعاس معـدورا ضـصرك ولدي اما كون راك كتفيقي مع 5 تسيقي وتجففي كيف موالفا مشات وخلاتها دخلات طونوبيلتها وزدحات لباب ضيمارات ومشات كتبكي وكتزدح راصها مع لڤولون ديال طونوبيل ومكسيريا على جهد حتا سمعات تيليفونها كيصوني جاوبات كان عصام صاعر
عـصـام : نقصي سرعة وش مريضا مال مك مالك راه سيستيم ديال طونوبيل كيطلعليا بشحال غادا سراب وقفي فشي قهوة انا جاي لعندك
سراب:مكين لاش تجي غاخليك فخدمتك
عصام:شنو قلت انا گلسي فشي قهوة انا غانجي عندك
سراب:واخا صافي. انا غانتسناك
بلاصات طونوبيل ونزلات دخلات لقهوة وكلسات فبلاصة معزولة غابوحدها طلبات كاس ديال لما وشربات مهدئات ديالها وهيا شادا راسها بيديها طلبات قهوة كحلا قاسحة بلاسكر باش تفيق مزيان بقات شوية وهوا يجي عصام باس راسها وكلس حداها هز دوك لقراعي ديال دوا وزدحهوم معا الارض
عصام:معيتيش من هاد الحالة لي دايرة فراصك و ولادك كيشوفو فيك ميتة ونتي حداهوم
سـراب:عيت وش نتوما مكتحسوش بيا عائلتك كتقتلني كل نهار يتعامل ديالها
عـصـام : نتي كيقتلك هاد دوالي كتشربي شوفي كيفاش وليتي
سـراب:عـصام طلقني
عـصـام : هههه عاوديها لا واش من نيتك داويا ماتحلميش ابنتي صافي فين عصام منقدش نعيش بلابيك صافي هادشي مبقاش
سـراب: مكتشوفنيش كيفاش وليت انا ماغانقدش على هادشي
عصام:سـراب انا تحديت عائلتي على قبلك مغاتجيش تقوليلي دابا طلقني وحنا عندنا جوج ولاد
صافي داك دوا ماباقيش غاتشربيه من الاحسن سيري دوزي شي سيمانا فهاواي ولا فشي بلاصة ترتاحي فيها اه دي معاك سلوى وبدلي لجو ورجعي باش ترجعي لخدمتك والجمعيات ديالك ولولادك وليا سراب لي كنت كنعرف قوية
سراب عنقاتو وبقات كتبكي ومزيرا عليه
سراب: ااعصام هئ هئ سمحليا معدباك معايا كل مرة كتسمح فخدمتك على ودي
عصام:انا غانسمح فحياتي كاملة على قبلك
حجات صبعها على فمو
سراب:شششششوت ماتعاودش تقول هكا فهمتي
عصام :انا عيطت لسلوى باش تجمع حوايجك وطيارة راها كتسناكوم باش تمشيو صافي رتاحي وخوي راصك
سراب:كتفكر لكلشي اعتصام لهلا يخطيك عليا
عصام :يالله نمشيو
خرجو ركبو فسيارة ديال عصام
ومشاو لقصر كانت سلوى فاطونوبيل حل شيفور اسراب لباب ركبات وداهوم كانت طيارة كتسناهوم وركبو فيها
سراب:راصي بدأ كيضرني عاوتاني جبدي ليا لمهدئ ديالي
سلوى:مجبتهومش
سراب:كيفاش مجبتيهومش وش نتيا مريضة علاش مهزيتيهومش
سـلوى:سي عصام قالي مانجيبوهومش حيت مابقيتيش محتاجاهوم
سراب:لا محتاجاهوم راصيغايتفرگع علاش مجبتيهومش علااااش نتي غا خدامة خصك تسمعيليا انا هدرتي قلتلك لمهدئات ديالي كنشربهوم علاش علاش مجبتيهومش قوليه يحبس عليا هاد طيارة لله يجعلها طيح مغاداش نمشي راصي كيضرني
سلوى: نعلي شيطان اسراب راه ميمكنش طيارة تحبس هاكي شربي هاد لقهوة غاتخفف عليك
خواتها عليها وحرقاتها
سلوى:اي حرقتيني حرام عليك
مشات سراب لبيت صغير فطائرة فيه ناموسية وتكات ونعسات بعد ساعة فاقت وتفكرات شنو دارت كانت سلوى كالسا كتفرج سراب:سمحيليا اسلوى بزاف سمحيليا 😭 عفاك انا ولله ماقصدت دكشي لي درت وقلت انا معرفتش مالي وليت هاكا سمحيليا عفاك
سلوى:شكتقولي ماشي مشكل انا مولفا على هادشي
سراب:ولاكن ماشي مني انا مكنعاملكش هكا 😭💔
سلوى:مديري فبالك والو عفاك صافي نتي مزيان دابا
سراب:شوية وصافي فيا جوع
سلوى : اه واخا انا غانحط ليك تاكلي مشهيا شي حاجة
سراب: غالي كان
سلوى:واخا
فاقصر المنصوري
كان عصام فاجردة مع ولادو أوس و أويس
أويس:بابا فينهيا ماما
عصام :سافرات من هنا سيمانة غاتجي
أوسع:علاش مامشيناش معاها
عصام:هيا مغاتعطلش مشات تجيبليكوم حوايج زوينين
أويس:انا عندي كولشي بغيت ماما
عصام: ولدي ماماك راها مغاتعطلش هيا مشاتلطبيب باش ماتبقاش مقلقة
أوس: اااه بصح ماما ولات مقلقا
دييييما
أويس:تاانا بغيت ماما تكون فرحانة جداتي هيا لي كتقلقها
عصام :متقولش هكاك هادشي ديال لكبار مكيدخلوش فيه صغار
أوس:هوا قال غير الحقيقة
عصام:يالله نخرجو الملاهي تبغيو تمشيو
أوس: اه نمشيو
أويس:نمشيو نمشيو
ركبو فطونوبيل ومشاو
زوليخة:شوف كيفاش مفشش ليا لخدامة و ولادها ولا غير حال فمو
خديجة(مرات خو راجلها)
خديجة: راه تريكا دسحارة لخدامات كاملين هكاك أنا كون مزربتش وزوجتو لبنت ختي كون راها لصقات فيه واحد خيتي قالك حاملة منو ساعة وريتها شكانسوا خليتها لايحا حوايجها فزنقا
زوليخة:ههه وكيسحابلك انا ساهلا ليها ماشفتيش سراب كيف ولات
خديجة:متقوليليش نتي لي رديتيها هكا
زوليخة:ههه وش كيسحابلك بدلتليها دوا ليكتشرب ولاكن ولدي مزال مابغا يسمح فيها واخا ولات. عايشا معاه غالكسدا بلاروح
خديجة:هه خصنا نخافو منك
زوليخا:ههه مزال غاتندم على نهار لي هزات راسها فسيادها يتبع….الكـــاتــبــة:amina elmaadi❤‍🔥
الـــعــنــوان:DiaBla🩸
الــحـــلـــقـــة الـــثـــالــــثـــة🔥
اصبحنا واصبح الملك الله
فوصط الجزيرة فا دار مصايبة بالخشب زوينة ناعسا سراب فازعلولة متكيا كتاكل لفريز وحداها سلوى كتقاد طبلة دلفطور
ســراب:التي اراصي غايتفرگع
ســلـوى:غاصبري باش تولي تعيشي بلاداك دوا
سـراب :هانا صابرا حياتي كاملا وانا غاصابرة
سـلـوى :أجي تفطري
سـراب:غافطري نتي
سـلوى:واخا
كلسات كتفطر
سـراب:توحشت ولادي
سلوى:عاد جينا لبارح وتوحشتيهوم
سـراب: ماعمري ماخليتهوم
سلوى: عايني نجيب لپيسي ديالك نعيطوليهوم
سـراب:اه جيبيه
عيطو عليهوم كانو كالسين فبيتهوم جاوب اوس
أوس:مااامي فينك توحشتك
سراب: تاانا احبيبي توحشتك فين خوك
أوس: أويس اجي تشوف ماما
أويس:ماما (باس لكاميرا)توحشتك بابا قالينا مشيتي باش تبراي وترتاحي وحنا مشينا لملاهي معا بابا ولعبنا فبزاف دالالعاب وكاينة همبرگر ولماكلا لي ماشي صحية لي مكتخليناش جداتي ناكلوها كليناها كاملا ههه
أوس:سكت غادي تسمعنا
سراب:بصحتكوم احبيبي فاش غانرجع غانمشيو فين ما بغيتو وغادي ناكلو گاع دكشي لي بغيتو
أويس:وييي ماما اه
جات زوليخة شافتهوم كيهدرو معاها
زوليخة:شنو كدير يالله سيرو لبسو حوايجكوم باش تكونو مع 7 فطابلة دلفطور طفات لپيسي
سراب لي كانت ابتسامة ديالها على وجها جمعاتها شوية بشوية
سلوى:ناري على ساما معندهاش لقلب
سراب: معرفتش علاش هاد لكره كامل فاقلبها وش هادوك ماشي ولاد ولدها مكتحمل تاحد
سلوى:مديهاشفيها
سراب:مليوم مغانديهاش فيها عرفتي أجي نعومو
سلوى:واخا
مشاو لبسو لمايوات وخرجو كيعومو
سلوى:دابا لاغرقنا شكون غايعتقنا وحنا غير بزوج😂
سراب: ههه الى غرقنا غايكون احسن نهار عند زوليخة غادير الحفلة
سلوى: تخايليي معايا تصيفطلينا شي قرش 🦈 لهنايا ياكلوا ولاشي تمساح
سراب:ههه مغاديش نستغرب ديرها وتقد بيها
سلوى:هاد لمغيار دراجلك ماشي صيفطنا نفوجو نفانا فهاد الجزيرة مافيها تاحد كون غاخلانا فشي قنت فيه تيتيز نضبر على راصي
سراب:ههه نتي راكي حمقة 😂 بغيتيه يتصطا غايعرفني كنعوم وحدايا رجال
هوا دابا يمكن تلقايه داير ليا شي كاميرا هنا فشي قنت راه حاضيني من كل قنت
سلوى :لله يجيب من يحضينا تاحنا 😂😂يتبع……الــــكــــاتـبــة:amina elmaadi❤‍🔥
الــــعــنــوان:DiaBla🔥
الــــــحـــلــــقــــة الــــرابـــــعــــة🌹
عصام كيدوز وقتو فالخدمة وعقلو كامل مع سراب حتا هوا توحشها بزاف دازت 4 ايام من لي مشات مشا لدار هز أوس و أويس و مشاو لطيارة لي كانت كتسناهوم باش يمشيو عند سراب لي حالتها تحسنات فاش قطعات دوا وفاش قطعات حتا زليخة من حياتها ليومية بعد ساعات كانو وصلو ومشاو عندها بالباطو كانت متكية فازعلولة ديالها حتا بأن ليها لباطو ديالهوم جاي سلوى : واش شيفور جاي باش يدينا عيطتي عليه
سراب:هادا لباطو ديال عصام
سلوى:عصام غايخلي لمشاريع ولخدمة وغايجي
سراب:ماعرفت اااااااا وش أويس هداك
سلوى :اه راه حتا عصام
نزلو من لباطو مشات كتجري تلاحت على عصام كتبوس فيه وكتعنق ونزلات عن ولادها عنقاتهوم وكتبوس فيهوم أويس:ماما غاتقتلينا بالبوسان
سراب:واش انا لخاطري راه توحشتك الغزال دمامي
ناضت شدات لعصام فيديه بزوج يديها
سراب:نتا احسن حاجة طرأت فحياتي نتا هوا كولشي فحياتي كنموت عليك
عصام:هادي هيا سراب لي كنعرف شوفي وجهك ولا منور شفتي والمك الجو واقيلا خصنا نبقاو هنا
سراب:ههه احسن حاجة تقدر توقع
عصام: عجبك لحال هنا
سراب: اه الجو زوين ورتاحيت بزاف
عصام :مزيان يالله نگلسو
أوس:واو غانمشي لزعلولا
أويس:بلاما لي غانصبقك
سلوى:بشويا عنداكوم طيحو على سلامتك اسي عصام
عصام : تقدي تهزي شي حوايج راهوم لداخل
سلوى :واخا اسيدي
عصام هز سراب ومشا بيها جيهت لبحر
سراب:ههه عصام شكدير لا هههه عصام دخلها لاحها
سراب:حمق
عصام :نتصابقو شكون غاوصل لصخرة
سراب:مشات واحد زوج تلاتا
مشاو كيتصابقو وصل عصام علا راصو مالقاهاش بقا كيعيط ليها و والو سحابليه واش غرقات. هبط كيقلب عليها مالقاهاش صفار وكيعيط بجهدو كامل
عصام:ســـرااااااااااااااااااااب
سراب:عصام هههه مالك مخلوع
دار لقاها واقفا موراها حالا يديها وكضحك عنقها بجهد
عصام : وش حماقيتي شهاد لعب للاسف
سراب:هههه باش تعلم تسابق معايا نتا عارف راصك غاتصبقني وكتقوليا نتصابقو
عصام:غالي بغا يضحك معاك قلبي حبس
سراب:اممم سي عصام كيحبني
عصام :عندك شك
سراب : عارفاك كتبغيني
عصام : وانتي
سراب:نفكر ونقولك
عصام : نتي دابا ديالي كيف بغيتيني كيف لا معندك مديري نتي سجينة ديالي وتهمة ديالك سرقتي قلبي
سراب: نتا لول لي سرقتي قلبي وانا سرقت قلبك باش نقدر نعيش
عصام :لجو بدا كيبرد أجي ندخلو باش ماتمرضي هزها وداها لدار دوشو وبدلو حوايجهوم وخرجو تجمعو على طبلة دالعشا فجو زوين وعائلتي دوزو تما 4 ايام اخرا تحسنات سراب مزيان ورجعو دخلو لدار لقاو ضيفة جديدة فدار
ميليسا بنت خو زوليخة عارضة أزياء مشهورة ونقدرو نقولو نسخة المصغرة ديال زوليخة كانو گالسين معاها لعائلة كاملا تاحد ماداها فاسراب و ولادها بالي جاو ميليسا شافت عصام وناضت عندو كتجري تلاحت عليه عنقاتو سراب بقات غاكتشوف
ميليسا: عصام توحشتك شحال هادي ماتلاقينا
عصام:اه نتي بيخير
ميليسا:اه الحمدلله وانت شكتعاود هادي هيا سراب مراتك سمحوليا مقدرتش نجي لعرس ديالكم كنت خداما
سراب: ماشي مشكل
ميليسا: وسبوع دهاد لفنيكيشين راني جبتليكوم بزاف دالكادوات
اجيو عنقوني مشاو باسوها ورجعو حدا ماماهوم
سراب:سمحوليا غاندي أويس و أوس ينعسو عياو بطريق
ميليسا:عصام أجي كلس معانا
عصام :غانمشي لمكتب عندي بزاف ديال لخدما حيت مخدمتش هاد ليامات لخرا
ميليسا:اه خدمتك هيا لولا من بعد وارا مانگلسو
عصام:نشاء لله
طلع وخلاهوم
سراب نعسات ولادها ومشات لبيتها دوشات ولبسات كسيوة خفيفة دارت سيشوار لشعرها وجبدات اجوندا توجد الخدما ديال غدا وكتدير جتماعات مواعيد باش تقدر ترجع لخدمتها بحال شحال هادي سدات دفتر ومشات گلسات فالبالكون كتشرب لقهوة ديالها #يتبعالــــكــــاتــــبـــــة:amina elmaadi❤‍🔥
الـــــعــــنـــــوان:DiaBla🔥
الـــــحــــلـــقــــة الــخـــامـــسـة🌹
اصبحنا واصبح الملك الله
ناضت من نعاس ناشطة لبسات صايا كحلة وقاميجا فالبيض مع مونطو طويل فالكحل
وصباط طالون قادات مكياجها وجمعات شعرها ديل لحصان هزات صاكها ونضاضرها نزلات بكل تقة فنفس كانو كيفطرو بدات كتهدر زوليخة ومداتهاش فيها ضحكات فوجها ضحكا مستفزة ولبسات نضاضرها وخرجات ركبات سيارتها ومشات لجمعية دخلات لجوج جتمعات واحد من مور لاخر وصيفطات شيفور جاب حوايج والعاب باش يديوهوم الميتم مشاو لميتم كانو لوليدات كيتسناوها حيت شحال هادي مجاتش لعندهوم فرحو بيها عطاتهوم لحوايج والالعاب لعبات معاهوم شوية وخرجات مشات لمدرسة لي كيقراو فيها ولادها ستناتهوم تاخرجو وهزاتهوم
أويس:مامي جيتي تدينا لدار
سراب:لا غانمشيو لاي بلاصا بغيتو حديقة الحيوانات و نمشيو لملاهي ولسينما داتهوم لحديقة الحيوانات تصورو معاهم ولعبو وضحكو فالملاهي تاعياو ومشاو يتفرجو فالفيلم ديال الاطفال شراو كاع دكشي لي بغاو ياكلو ودخلو تفرجو فالفيلم ورجعو لدار كيضحكو ضحك ديالهوم مسموع فالقصر كامل
وكان كولشي كالس كيتعشا ناضت زوليخة كتخبط فطابلة
زوليخة : ولاد عائلة لمنصوري كيترباو بالقوانين ديال دار اش هاد لحالا مسح فمك من لحلوى كنقولكوم متاكلو تاحاجة ديال زنقا اش هاد ترابي الآلة سراب وداخلا كضحكي مكتحتارمي تاواحد
ميليسا:بصح اش هاد ترابي كتعلمي لولادك حشوما ودكشي لي كتوكليهوم راه ماشي صحي
سراب: حتا تولديهوم وربيهوم كيف بغيتي و وكليهوم لماكلا صحية لي كتاكلي فاش كتكوني فالكباريات مغانتسناكش تاتجي من اخر دنيا باش توريني اش نوكل لولادي شدات ولادها من يديهوم و طلعاتهوم خلاتهوم غاكيشوفو يتبع……الــــكــــاتــــبــــة:amina elmaadi❤‍🔥
الــــعـــنوان:DIABLA🔥
الـــــحـــلـــقــــة الــــســـادســــة 🌹
طلعات عندها سلوى كتجري كانت فبيتها كدير مساج لراصها
سلوى:ناري اصگعا قفرتيها سي محمد تعصب وناض من طبلة ديال الفطور وزوليخة كولهوم كيتغامزو عليها ولات حمرة
سراب:انا ماجبدت حد داخلا صوق راصي هوما لي غاكيحكو عليا وش انا عمرني قلتليهوم اش كتاكلو واش مكتاكلوش
فين تمشيو وفين تجيو فين عمرهوم بغاو ولادي دابا عاد بانوليهوم ليهوم ولادي شكياكلو
سلوى:ايوا راه سي محمد لله ينجيك من شرو راه معصب
سراب:ههه كيسحابليك انا عاد غانشوف شرو قبل منولد فاش عرفوني حاملا كلف رجالو باش يديوني ندير الاجهاض وقبل منتزوج كان غايقتلني كون مكانش عصام فحياتي كون راني مت شحال هادي شي مرات كنقول معا راصي كون غير معمرني ماعرفت هاد لعائلة ولاخدمت عندهوم ولاكن كنموت على عصام هوا مخلا مدار على قبلي وانا كنصبر على قبلو
سلوى: ايوا حضي راصك راهوم مناوينش ليك على خير
دخل عصام فرحان جايب معاه لورد لسراب سلوى خرجات وخلاتهوم
عصام:قالوليا لحبيبة ديالي دوزات نهار زوين وبغيت نختم ليها نهار بهاد لوريدات الوريدا ديالي
سراب: هههه جاو فوقيتهوم
عصام: توحشتك
سلوى:سيدي عصام سيدي محمد بغاك فالبيرو ديالو
عصام :ههه لله يسمعنا خبار لخير ضحكات فوجهو ومشا عندو
محمد كالس فالكرسي ديالو
عصام دخل باس ليه يديه وكلس
مـحـمـد: هادشي زاد على حدو هادشي ماعمرو ماوقع فعائلتنا شوهتينا مع ناس صحافة حالا فمها علينا كل مرة مشكل واقع فهاد العائلة من نهار تزوجتي بديك الخداما دنحس عروبية و ولادها كتربيهوم كيبغات مكتحتارم حد
عصام:كون حتارمتوها كون حتارماتكم متخلينيش نخرج من هاد دار ونخليهالكوم باليفيها وانت عارف اشنو درت باش تبقا سميتكوم لفوق فاش كانت قريبا تهدم هاد الإمبراطورية لي بنا جدي بسباب الغباء ديالك نتا وعمامي كان الافلاس كيعيط عليكوم كون ماانا انا مكانمنش عليكوم هادشي انا كنقوليكم خليوني غانعيش حياتي معا دك سيدة بعيدة عليكوم مأداتكم فتاحاجة
محمد:شوف كيفاش وليتي كتهدر رداتك بحالها صوقيا راها مزوجة بيك على قبل فلوسك مزال غاتقول قالها با لي كتقلل الاحترام على مك وباك وانت حال فيها فمك راه مافيها خير
عصام:انا عارف وشايف كلشي بعينيا وساكت مامحتاجش شي حد يعاودليا شكيوقع من ورا ضهري جاي عيان وباغي غانرتاح هادشي لي كنلقا كل نهار يتبع…..الكـــاتــبــــة:amina elmaadi❤‍🔥
الـــعـنــوان:DIABLa🔥
الـــحـــلـــقـــة الــــســـابـــعــــة🌹
عصام: هاد لموضوع يتسد هنا عفاك
محمد: واخا خرج سير كتجري عندها
خرج وخلاه
محمد:هاحنا غانشوفو ديالمن الكلما لي كتمشي وش ديالي ولا ديالك خرج مشا لبيتو
زوليخا:مداهاش فيك كيف ديما
محمد:راك عارفا ولدك راصو قاصح
زوليخا:شوفلينا شي حل هنينا منها انا باغا نزوج بيه ميليسا ماحدها هنايا
محمد:هادشي كون درتيه شحال هادي كاعما نوحلو فهاد لمسخا
زوليخا:تادابا بكلما منك غانتهناو منها
محمد:غاتهناي هوا بيدو غايهنيكوم منها
زوليخا:كيفاش
محمد:من ليوم بغيت كولشي يعاملها مزيان لكترية فاش يكون عصام فدار
زوليخا :ايوا صافي انا نكبر شان لدك لعروبية دكشي لي بقاليا
محمد: الى بغيتي تهناي منها ديري هادشي لي كنقولك وشوفي كيفاش غاتفيقي واحد نهار ومغاتلقايهاش هوا لي عطاني منين ندوز ليه
زوليخة : صافي كلامك هوا لكبير لي قلتيها هيا لي غاتكون.
#اصبحنا واصبح الملك الله
ناضت سراب كتمسح لعصام على شعرو
سراب :صباح لخير
عصام :كيف صبحتي
سراب:مزيان وانت
عصام: لي كيصبح على وجهك كيف يدير ميكونش بيخير
سراب : غانمشي نبدل حوايجي نهبطو نفطرو
مشات خدات دوش خفيف ولبسات سروال بيض مفضفض و تيشورت كحل خشاتو فيه ولبسات صنيديلا كحلا دارت ضفيرة وخرجات رشات بارفان ديالها
سراب:غانمشي نوجد دراري لمدرسة علاما دوش وتلبس باسها ومشات

دخلات عند ولادها عاوناتهوم يلبسو حوايجهوم
ومشطات ليهوم شعرهوم
جاعندهوم عصام ونزلو مجموعين كلسو فطابلة دلفطور حتى تجمعو كاملين وبداو كياكلو فاصمت سراب تسالا ليها لخبز وكان حدا زوليخة وهيا تعطيه ليها ولبتسامة على وجها كلشي تفاجئ ومابينوش حتا من سراب باقا تحت تاتير صدمة
خداتو من عندها وبادلاتها نفس الابتسامة
سالاو فطورهوم. ناضت سراب دات ولادها لشيفور باش يوصلهوم وهزات قهوتها ولپيسي وكلسات فاجردة كتخدم جات عندها ميليسا كتبحلس عليها ميليسا:سمحيليا على لبارح راني مقصدتش نقلك
سراب:ماشي مشكل تانتي سمحيليا حتا نتي الى قلت شي كلما قلقاتك بلاما نرد لبال
ميليسا:نن متقلقتش عارفا قلبك بيض
سراب:ربي يخليك
ميليسا :شنو كاديري علاش خداما
سراب : غير كنحاول نتواصل مع قافلات طبية باش نمشيو لبلايص لي صعيب فيهوم تطبيب ومفيهومش صبيطارات
ميليسا:اه مزيان ايوا نخليك تخدمي فخاطرك
سراب:😊
سراب:شهاد تغير المفاجئ هادشي ماشي طبيعي غالله يحفظ من لي جاي
بقات خداما حتا بانو ليها زوليخا و ميليسا خارجين وهيا تعيطليها زوليخة
زوليخة:حنا خارجين نديرو شوپينغ الى بغيتي تمشي معانا نتسناوك
سراب:لا مافياش لي يخرج غابصحة
زوليخة:اه ايوا على خاطرك
يتبع……الــكــــاتـــبـــة:amina elmaadi❤‍🔥
الـــعــنـــوان:DIABLA🔥
الـــحـــلــقــــة الـــثـــامـــنـــة
بعد ساعات ديال دوران تفارقات زوليخة وميليسا ميليسا مشات عند عصام الخدمة كان فالبيرو ديالو دخلات عندو
ميليسا:عصااالم
عصام:ميليسا اش هاد المجيا على غفلة
ميليسا:كنت دايزة من هنا وقلت ندوز نشرب معاك شي قهوة
عصام:لقيتيني غادي لدار نخرجو نگلسو فشي كافي ومن بعد نمشيو لدار
ميليسا:اهاه علاش لا خرجو مشاو لكافي
ميليسا:ايوا عاودليا كيف غادي مع الخدمة
عصام:مزيان راك عارفا مع المناقصات وانا لي شاد الخدما كاملا
ميليسا:اه لله يعاونك
عصام:ونتي
ميليسا:راك عارفني بديت من زيرو ودابا درت ثروتي الخاصة ماعولتش على فلوس بابا
عصام :اه مزيان انا كيعجبني الانسان لي كيخدم
ميليسا:حتا سراب كتباليا كتخدم
عصام:اه هيا عاطية وقتها كلو لعمل الجمعوي كتعاون ناس بزاف
ميليسا:عارفا الجرائد كيهدرو عليها قريت بزاف دلمقالات
هيا ختارت البساطة فالحياة ديالها
عصام:هيا مامحتاجاش دير مشاريعها لخاصة مخاصها والو انا كتعجبني كيفاش كتفكر لناس لي معندهومش
ميليسا :عادي تحس بيهوم حيت هيا منهوم
عصام:نمشيو غاتكون كتسناني حيت قلتليها غانجي بكري
مشاو فطونوبيل وهوا يوقف حدا واحد لمحل ديال لورد خدا بوكي
ميليسا:سعداتها بيك
عصام:وعلاش متقوليش سعداتي بيها
ميليسا:لله يخليها ليك
عصام:اميين
وصلو لدار دخلو كانت سراب كالسا فصالون داليها لبوكي سلم عليها
سراب:واخا خدمتك وديما مشغول مكتنساش لبوكي انا عارفاك كتبغيني متبقاش تبرزط راصك كل نهار
عصام :شوووت انا غانبقا نجيبليك لورد كل نهار الوردة ديالي قاطعاتهوم زوليخة
زوليخة:خرجنا ليوما وشفت هاد لكسوة جاتني غاتجي معاك وخديتهاليك
سراب:اه بصح زوينة شكرا حيت تفكرتيني
زوليخة :نتمنا تعجبك لبسيها ليوما فالعشا
سراب:واخا
طلعات سراب لبيتها هيا و عصام لبسات لكسوة كانت بالكمام طويلة فالخضر ملكي عصام:جاتك زوينة كيباليا ماما تبدلات
سراب:اه يمكن الحمدلله
عصام: حتى ميليسا هدراتعليك شوية مزيان فاش كنا فالقهوة
سراب:مشيتو القهوة
عصام:جات عندي الخدمة وانا كنت خارج دك ساعا دكشي علاش قلتليها نشربو قهوة فشي بلاصة وجينا دغيا
سراب:اه مزيان حتا انا كلسات وهدرات معايا شوية
عصام :ايوا الحمدلله منين تهدنات الاوضاع
يالله نزلو نتعشاو
هبطو لتحت كانو مجموعين على طبلة دالعشا
زوليخة: جات عليك زوييينة بصحتك
محمد: اه نتي لي خديتيهالها بصحتك ابنتي
سراب:لله يعطيك صحة اعمي
يتبع….الــــكــاتـــبــــة:amina elmaadi🌹
الـــعـــنـــوان:DiaBla❤‍🔥
الــــــحــلــقــة الــتـاســـعـــة🩸
اصبحنا واصبح الملك الله

خرجات سراب كتجري ليوم السبت بدات كتعيا كان واحد راجل كيجري شافها وهوا يقرب ليها شدها كلسها فوق واحد الكرسي

…..:ختي وش لاباس

سراب:بيخير اخويا غير بعد مني
……..:راك عيانة واش خاصك شي حاجة

بدا كيتقرب منها
وكان شي حد من بعيد كياخد ليهوم صور

سراب :راني قلتليك مابغيتش بعد مني

شافتهوم واحد سيدة من بعيد وجات عندها

…..:ختي مالو معاك

…….:راه غابانتليا عيانة وبغيت نعاونها

….:بغيتي تعاونها ايوا صافي سير لله يكتر خيرك انا معاها

…..:واخا الآلة
مشا وخلاهوم

….:ختي وش تبغي نوصلك لدارك

سراب:اه الى جات على خاطرك
وصلاتها لبنت حتى لدار شكراتها ودخلات
طلعات لبيتها دخلات لدوش وطلقات عليها لما بارد باش تفيق

سراب:مالي وليت هكا غايكون طاح ليا طونسيو حيت شحال هادي ماترينيت

خرجات من دوش لابسا بينوارها لقات فطور فالبيت فطرات
وبدلات حوايجها لبسات كسوة فوق ركبة فالحمر
مع مونطو طويل كحل
وليبوط طويل تالركبة كحل
قادات مكياجها وهزات صاكها
كان عصام كيتسناها حدا طونوبيل طلعات سلمان عليه بقا كيشوف فيها

عصام :هاد الكسوة ماشي قصيرة شي شوية

سراب:ههه عصااااام

عصام: فين نمشيو

سراب:ريسطو ديال ديما ريسطو ديالنا
مشاو مسافة طريق وكانو وصلو دخلو وعصام محاوطها بيدو كانو كيقول هادي ملكي ديالي بوحدي وياكم تشوفو وباتفكرو فيها
كلسو حيد ليها لمونطو حطو على الكرسي طلبو دكشي لي بغاو وكياكلو فاهدوء وكيتبادلو نضرات لحب
سراب:سمحليا نمشي الحمام وانرجع
هزات صاكها ومشات لحمام دخلات لطواليط وخرجات كتقاد مكياجها فالباب فاش كانت خارجا تلقاليها نفس شخص لي تلاقات بيه فاش كانت كتجري
…..:كيبقيتي شوية

سراب:شكون نتا

…..:تلاقينا صباح فاش كنتي دايخا معقلتيش

سراب :اه اخويا شكرا لله يكتر خيرك خليني ندوز

…….: فين غاتمشي احبي
شدها من خصرها وجرها لعندو
ولكامرا كتصور من بعيد

سراب:طلق مني ولا غادي نغوت ونجمع عليك ناس راني مزوجة
…….:اش بينا وبين شي شوها سيري دابا تلاقينا ليام
سراب حمارت غادا تالفة وصلات عند عصام هزات لمونطو ديالها

سراب: عصام مكنحسش براصي مزيانة بغيت نمشي فحالي

عصام:مالكي عاد كنتي مزيانة وش قلقك شي حد

سراب:لا صباح قلتلك كنت دائما ودابا رجع ضرني راصي

عصام:واخا نمشيو لصبيطار
سراب :بغيت نمشي غير لدار عفاك
عصام:واخا واخا لي بغيتي
حاوطها بيدو وخرجو ركبو فطونوبيل ومشاو يتبع…….الكـــــاتـــبــــــة:amina elmaadi❤‍🔥
الــــعـــنـــوان:DiaBla🩸
الــــحـــلــقـــة الــــعـــاشــرة🌹
سراب عاطية راسها لزاجة ديال طونوبيل وكتفكر

سراب:شكون هد راجل ومنين خرج ليا غير لله يحفض وصافي كون شافو عصام كون ناضت روينة

وصلو لدار نزلو كان اوس و أويس
فاجردة كيلعبو مشات عندهوم

سراب: حبايبي صڤا كيف داز نهاركوم

أوس:زوين
أويس: اه زوين بزاف مامي لعبات معانا وخرجاتنا وشرات لينا الالعاب
عصام: جداك دارت هادشي كامل لعجب

أوس: اه بصح جاتنا غريييبة

عصام:يالله سيرو تلعبو انا نبدل حوايجي ونجي لعب معاكوم شي ماتش

مشاو كيجريو
عصام:الحمدلله لعائلة تبدلو وتقبلوكوم

سراب:هادشي بسبابك نتا لي فرضتيني عليهوم

عصام:نفرضك على العالم نتي معارفاش شحال كنبغيك

سراب:حتاانا كنبغيك بزاف

فاغرفة ميليسا
زوليخة:لخطة غادا كيفما بغينا

ميليسا: هههه كنتسنا نهار لكبير بافارغ صبر
زوليخة: لازربا على صلاح كل حاجة فوقتها زوينة سي محمد عارف اش كيدير

ميليسا: نشاء لله تكون هادي لخرة ليها فها دار ونتهناو

زوليخة:سكتي هنا راه لحيوطا بودنيهوم. ودوك جنون ديال ولادها غاكيضورو
ميليسا:ههههه صافي هاهيا سكتات

سراب دخلات لبيتها لبسات حوايج خفاف ديال دار ونزلات لكوزينا
سلوى:ناري اسراب راني مشاكيل

سراب:علاش غاتصدمي مالك

سلوى :ماشتيش كيوالو كيتعامل معاك ومع دراري

سراب: وش انا 7سنين وانا هنا ومزال مابغاو يتقبلو لوضع راه. معندهوم ميديرو

سلوى: زعما لقلوب صفات غير هكاك
سراب:علمي علمك معرفتش
سلوى: ايوا حضي راصك
سراب: لاش
سلوى: يمشيو يصفيوهالك
سراب: انا راصي ضارني وجايا نرتاح ونتيا كتزيدي ديريليا شقيقا غانمشي لجردة حدا ولادي يتبع…….الـــكــاتــبــــة:amina elmaadi🌹
الــــعــنـــوان:DiaBla🩸
الــــحــلــقــة الــاحدى عــشــر❤‍🔥
ميليسا:بغيتك تحاول تلاقا معاها فأي بلاصة ارشيد الى مكملتيش خدمتك حتى لخر مغاتاخد لاريال لا زوج

رشيد:انا ما بقيتش قابل باداك تمن انا غادي نخاطر بحياتي وحنا فالول تافقنا غاعلى تصاور ماشي لخطة تانيا

ميليسا:وش عارف معامن كتهدر كتشرط عليا انا قادا باكلما مني نغبرك

رشيد:غاتعطيني 50 مليون باش نغبر وجهي من هنا فاش نساليو

ميليسا: جاتك ولاكن حتا تنجح لخطة مغانعطيش فلوس على لخاوي يالله سير

رشيد:باي ازين

زوليخة:هدا بدا كيتعوج من دابا

ميليسا:ههه غاتسناي نساليو غانغبرليه الاتار

زوليخة: خلي هادشي على محمد هوا غايتكلف نتي بلاما دخلي راصك فهاد صداع والمشاكل

عند سراب
عصام كان كيلعب مع توام عيا وجا گلس حدا سراب

عصام:كيف بقيتي شوية دابا

سراب:طول مانتا حدايا انا بيخير

عصام:لله يخليك ليا شتي دابا كولشي غايولي مزيان كولشي ولا كيعاملك مزيان

سراب: اه الحمدلله

عصام :نتي دخلتي قلبي وعمرك مغاتخرجي منو كنبغيك بزاااف
أويس:بابا باركا من تعناب
أوس:نوض نوض تلعب

سراب:ههه انا نيت غانوض تفكرت شي خدما فالجمعية غانمشي
عصام:واخا نوصلك حيت عيانة

سراب:وليت بيخير متخافش عليا

عصام:تهلاي فراصك
باسها وطلعات لبيتها لبسات سروال طويل كحل وڤيست ديالو معا كعب عالي فنفس لون دارت كوپ شوڤال لبسات كسيسوراتها ودارت مكياجها هزات صاكها و وراقها ولپيسي ديالها وهبطات شيرات لعصام و ولادها بيديها وركبات فطونوبيل ومشات
مسافة قصيرة من مور مامشات
وقفات ليها طونوبيل فطريق خاوية
سراب:اش هاد زهر
شوية حبسات طونوبيل لي من وراها كان فيها رشيد

رشيد: زين واقفا هنا بوحدك كاين فاش نعاونك

سراب:واش نتا كتبعني ولا كيفاش

رشيد: علاش متقوليش سيدي ربي كيلاقينا وش بغيتيني نشوف هاد زين كامل محتاج مساعدة ومنعاونوش

سراب:واش تشكيت عليك اخويا
بدا كيتقرب منها

رشيد :انا كتعجبيني وبغيتك

سراب: انا مزوجة وش مكتفهمش وعندي ولادي

رشيد:مغاديش يعرف راجلك حتى حاجة

سراب : نتا مريض

رشيد:نتي دوايا احبي
سراب:بعد مني متقربش ليا بقا تابعها تازلقات وطاحت فالارض طاح عليها وصور كيتخادو بكميرا من بعيد …..يتبعالكــــاتــــبــــــة:amina elmaadi🌹
العــــنــــوان:DiaBla🩸
الــــــحـــلــقـــة:الــــثــانـــي عــشــر❤‍🔥
👋🏻👋🏻👋🏻سرفقاتو ودفعاتو
سراب:حمار وقليل الاداب غاتبعد مني ولا غاتجمع عليك أمة محمد
بانت ليها واحد القرعة ديال زاج فالارض هزات و ضرباتها مع الحيط
سراب:غاتبعد مني حسن ليك
حمار

رشيد :مالكي حمقة انا خديت دكشي لي بغيت هانا غادي تانتلاقاو

مشا وخلاها
سراب:خصني نقولها عصام ولاكن عصام غايدير شي مشكل مانقدرش نقولهالو اخر مرة قلتليه شي حاجة بحال هكا غادي غايتجبد صداع ويسيقو دارهوم لخبار ويرجعو يهدرو عليا وحنا عاد بدينا كنقادو لعلاقة بيناتنا
جبدات تيليفونها كترعد
صيفطات ميساج لاجونس باش يصيفطولها مكانيسيان جا قاد طونوبيل ومشات لخدمتها
بقات خدامة مدة طويلة فالبيرو ديالها وكتفكر حتى فالمشاريع لي باغا دير بقات كتخدم وكتخطط حتى مشا لحال طلات على ساعة لقات 23:00. هزات تيليفونها لقاتو طافي
حطاتو فسارج شوية وبدات كتجمع فحوايجها باش تخرج
وهزات تيلي وهيا خارجا كتشعلو واخا خاوي لقات بزاف المكالمات من. عصام. عيطات ليه لقاتو صاعر

عصام: سرااااب علاش طافياتيليفونك ياك كنقولك ديما يكون شاعل واش هاد تعطيلا
يالله بغات تجاوبو وهوا يطفا ليها تيليفون

سراب: قفرتها غايسحابليه قطعت عليه

مشات بزربا ركبات فطونوبيلتها وكسيرات عفطات عفطا وحدة وصلات تال00:00
دخلات لدار كان كل واحد فبيتو لقصر خاوي طلعات لبيتها
لقات عصام مكشكش
عصام:وليتي كتقطعي تيليفون
سراب:راه طفاليا
عصام: اه طفاليك فين كنتي لعشيا كاملا جايا تا12. فاش خرجت انا وياك ضرك راصك فاش خرجتي بوحدك بقيتي تما

سراب:عصام شهاد لهدرة عمراتك زوليخة عاوتاني

عصام:هاديك لواليدة ماشي زوليخة انا واقيلا تعميت بالحب دكشي علاش مكنتش كنشوف اغلاطك انا مفاهم معاك على قضية لخروج انا مشيت تالجمعية ومالقيتكش
سراب:انا خدامة فابزاف دلجمعيات. وانت مسولتينيش فاش كنت خارجة فين غانمشي بضبط

عصام:كنقصم لك بافمي بالله وعرفت عليك. شي حاجة خايبا حياتك غاتولي جحيم وماغانكونش انا سباب

سراب:عصام مالك غابشوية راك غاتفيقهوم

عصام: هادو ماشي فعايلك تبدلتي
سراب: على وديت هادشي درتي لي هاد لحالة
عصام مزير على يديه وعلى سنانو

عصام:شنو كنقولك انا تيليفون ديما يكون مشارجي ونعرفك فين كنتي وفين غادا وفين جايا نفس فاش تبغي تنفسي غاتشاوري معايا

سراب: فين دوا ديالك
مشات لمجر جبداتو
وعمرات ليه كاس ديال لما ومداتوليه
ضرب ليها يديها. تاطاح لكاس وبدأ كيهرس ودگدگ وهيا شادا راسها بيديها تا حسات بتصرفيقا فوجها. عربات لحمام وسدات لباب
بصاقطا وكلسات فالارض فجنب الباب كتبكي
هوا برا كيغوت ويعاير
خرج لتحت لكوزينا جبد قرعة دشراب كيشرب ومعصب و كيسب هز ساروت وخرج ضيمارات طونوبيل خلا غالعجاج وراه
سراب بقات كتبكي تاداها نعاس تما بحال دراري صغار❤️🩸يتبع…….الــــكـــاتـــبـــة:amina elmaadi❤‍🔥
الـــعــنـــوان:DiaBla🩸
الـــحـــلـــقــة الــثــالثــة عــشــر✨
زوليخة كضحك وتقول ماضحكت
وهازا كاس ديال شراب فيدها
ميليسا:برد ليا قلبي فيها

زوليخة:دوا لي عطيتو زاد عصبو

ميليسا:عمتي نتي خطيييييييرة

زوليخة:غانخليها كتلوح حوايجها

فزنقا هادشي سي محمد هوا لي قاليا نديرو لهلا يخطيه عليا

اصبحنا واصبح الملك الله❤‍🔥
دخل عصام لبيتو مابانتليهش سراب حل لباب لقاها ناعسة شدها باش يحطها فافراشها وهيا تفيق قافزة
وبعدات عليه
عصام:مالك

سراب:احم والو

عصام:خائفا

سراب:شويا

ضرب بيدو مع لباب تاقفزات
عصام:كون كنتي بديت ملاك كتخافي كاعما تجيني معا 00:00 ديال ليل
قربات ليه باش تحاول تهدنو دفعها وخرج
سراب:عصام شرب دوا عفاك
علاش رجع معصب
بحال هكا انا موالفا كنتعطل
ومكيقول والو غسلات وجها ونشفاتو بالفوطا وخرجات
هزات لبيسي كتخدم فيه عيطات على سلوى جابتليها قهوة باش تفيق مزيان

سلوى:عصام لبارح

سراب: مابغيت نسمع والو لله يرحم باك انا هربت من هاد لهدرة مابغيتش نزل

سلوى :هاهيا غادا
سراب
ضوراات وجها لقات واحد رسالة
مكتوب فيها بالي عصام موجد ليها مفاجئة كتب ليها عنوان دالوطيل والغرفة
سراب:غايكون بغا يتصالح معايا على لبارح عصام ومفجائاتو مكيساليوش كانت حداها وردة هزاتها كتشم فيها ناضت حلات دريسينگ كتقلب على شغاتلبس
حطات حوايجها لي غاتلبس فاليل دخلات لحمام دارت لي ماسك وسوان لوجها ودارت حمام بلدي دوشات وخرجات عيطات على لكوافورا ديالها قداتلها شعرها وضفارها منكير بدكير قدات مكياجها نهار داز طاير لبسات كسوة قصيرة ومونطو طويل فالكحل و كعب علي هزات صاكها وخرجات فرحانة يتبع……الـــكـــاتـــبـــة:Amina elmaadi❤‍🔥
الـــعــنــوان:DiaBla🩸
الــحــلــقــة الـــرابــع عــشــر✨
21:30
قدام لوطيل سراب كتشوف فالورقة وكتشوف فالوطيل دخلات وصلات خدات لكارط ديال لغرفة لي كانت بسميت عصام المنصوري
وطلعات دخلات كان جناح خاص بحال ديال شهر العسل
ناموسية عامرة بالورد وشوميز دونوي فوق منو حمرة لون لي كيعجب عصام ورقة و وردة فوق منها مكتوب عليها غايجي معاك الحمر
لبساتها سراب وبقات كدور تما كتسناه بعد دقائق قلال كتسمع لخبيط فالباب قريب يتهرس مشات كتجري حلات كان عصام حمر وزاد عروقو خرجو فاش شافها دخل عندها
وهيا مزال مفاهما والو زادت صدمة فوق صدمة فاش شافت رشيد خارج من دوش لاوي على نصو فوطا
رشيد:حبيبة هانا ساليت
عصام مصدوم ومزير على يديه
دفل ليها على وجها
عصام :هدا هوا لمستوى ديالك مغانوسخش يدي فيك
سراب:عصام كاين شي غلاط انا متأكدة انا جيت عندك راه غير كيكدبو عليك هادي خطة داروها عائلتك باينا وش مكتيقش فيا
سراب كترجف وتخلطاتليها لبكية معا صدمة مع لخلعة معرفات باش ابلاتي عصام دار خارج وهيا تشد ليه فيديو
سراب:عصام بلاتي غير نفسر ليك
نتر يدو بجهد تدحات وجات على واحد شاريو عامر بامواد تنضيف تقلب كولشي تهرسو لقراعي وطاحت عليهو وتهرسات لقرعة ديال الاسيد مخفف وحرقات ليها نص ديال وجها سراب غوتات لربي لي خلقها
سراب:ااااااااااااااااااااااااااااااااااععععععع ايييييييييييي عصاااااااااااااااااااااااااااام
عصام بقا ضاير مضارش عندها باش ميضعافش قلبو كيقوليه سير عندها وعقلو كيقوليه معندك علاش دور زير على يديه وكمل طريقو وهوا كيسمع فصوتها لي قلب لوطيل سفاه على علاه
رشيد دوز مكالمة هاتفية
رشيد: لامور مشات حسن من كيف كنتي باغيا
لبس حوايجو وخلف على سراب وخرج#يتبعالـــكــــاتــبـــة:Amina elmaadi🍷
الــــعـــنــوان:DIABLA🩸
الــحـلـقـة الـخـامـسـة عــشــر✨
فـَجـْوَة كـَانـَتْ مـُجَـرَّدَ فَـجـْوَة ✨
مـَاضـَنَنْـتُ الـْفَـجـْوَةَ تُـصْبـِحَ شِـقً وَ شِّقُّ اَنْ يُصْبِحَ كَسْراً✨ وَالكَسْرُ اَنْ يَكْبُرَ وَيُخَرِّبَ جَمَالَهَا ذَاك ✨
تِـلـْكَ ٱلْـعَـلاَقـَة✨
كَـانَتْ جَـمِـيلَة كَمْ كَـانَـتْ سَـعِـيدَة✨
كَـانـَتْ فَـرِيدَة كَـمْ كَـانَتْ بَـصِـيِطـَة ✨
كَـانَـتْ مُتَحَمِّلَة كَـمْ كَـانَـتْ قـَوِيَّة✨
لاَكِنْ هَيهَاتَ عَـلَى تِـلْـكَ ٱلْفَـجْـوَة✨ لَـوْ لَـمْ اَتْـرُكـْهَا مَـا تَـرَكـَنِـي ✨
سراب بعدما كانت كتفقد وعيها شوية بشوية وتشوف خطوات عصام كيبعدو عليها وكتشير بيديها لجيهتو بقات كتسنا شي حد يجييعاونها تا حد ماداها فيها
كولشي كيدوز من حداها ويمشي بقات كتزحف وكتخلي طريق من وراها عامرة بادم بقات كتزحف وكتستراح حتا قدات تنزل لتحت وخرجات كان لباب عامر بصحافة كولشي كيصور فيها وهيا كتسنا شي حد يعاونها فقدات لامل متاسمات بتسامة خفيفة وطلقات يديها فالارض وغمضات عينيها
#اصبحنا واصبح الملك الله
كانت غرفة فالمستشفى
سراب بدات كتحل عينيها كان وجها مضور عليه لفاصمة كانو جوج رجال واقفين عند راصها فاقت مزيان
الطبيب:على سلامتك تصابيتي بالبزاف ديال لجروح و لحروق على مستوى لوجه ديالك
المحامي : تقدر تكمل هدرتك من بعد
الطبيب:تفضل
المحامي :سي عصام صيفطليك وراق طلاق قالك من الاحسن توقعي وتبعدي عليه بلا مشاكل
هوا راه وقع خاصنا غير توقيع ديالك
سراب تعلات باش تگلس
سراب:ع ع عصام مجاش هنا
المحامي:لا كيف قلت ليك هوا طلب مني نجيب ليك الوراق
سراب:ولادي بغيت ولادي
المحامي: الحضانة غاياخدها سي عصام مكنضنش بلي غاتقدري على المسؤولية ديالهوم غايعيشو معاه
سراب: الى وقعت غانقدر نبقا نشوفهوم
عصام:للاسف لا سي عصام غادي قال بالي غاتقطعي ثلة ديالك معاهم بصفة نهائية
سراب:ستيلو بغيت ستيلو
المحامي:هاكي وقعي
وقعات على لوراق وعطاتهوم ليه بلاما تشوف فيه
سراب حيدات سيروم وناضت بحوايج صبيطار خارجا وكتشد فالحيط
الطبيب:الآلة راك مزال مريضة من الاحسن تباتي هنا
مداتهاش فيه وكملات طريقها فاش نزلات جات عندها سكريتيرة
سكريتيرة: خصك تعمري وراق لخروج وتخلصي
سراب: هههه نخلص
مشات معاها عمرات لوراق بقات كتشوف فخاتم زواج لي فيديها
#فلاش باك
عصام :تقبلي تزوجي بيا
سراب:سي عصام😳
عصام:سراب انا عارفك كتبغيني بلاما تنكري هادشي مغاديش نضيعو لوقت وش قابلة
سراب: احم الى مكنتيش كتفلا اه انا قابلة
عصام: هاد الخاتم تصمم خصيصا ليك فيه سمياتنا
سراب: ولاكن نتا خططتي هادشي كامل وعمرك ماقلتيليا بلي كتبغيني
عصام:لي كيبغي كيدير مكيقولش
سكريتيرة : الى ساليتي عطيني لورقة
سراب حيدات الخاتم من يديها وحطاتوليها
سراب:خودي هاد الخاتم بيع وخلصي صبيطار من عندك
دارت ومشات
سراب: نتا تخليتي على كلشي لخاتم مابقا عندو تامعنى
بقات غادا على رجليها طريق طويلة حيت معندهاش فلوس طاكسي كلسات فالارض وتكات على واحد لحيط كتستراح
دازو ناس من حداها هالي حط ليها 5دراهم ها 2 دراهم صارت كتشوف لقات دك لفلوس هزاتها ومشات موراهوم
سراب: انا مكنطلبش
كانو مشاو
ضحكات بستهزاء على وضعها
سراب:مكتسعايش ايوا هانتي غاتولي تسعاي
مشات خدات طاكسي بزز باش بغاو يركبوها وصلات لواحد لبلاصة خارجة شوية على لمدينة نزلات كتمشا رجليها ولاو كحلين كانت دار قديييمة وصغيرة باب مصدي جردة مسخة ولغبرة فكل بلاصة مشات تحت واحد لمحبق وجبدات ساروت حلات لباب كانت دار كلها عليها يزور بويض ولغبرة وخيوط لعناكب فكل بلاصة
دخلات وكلسات فواحد لقنت وتكات داتها عينها فاقت من بعد على اتر الحريق لي بداو كيعطيوها لجروح حيت خاصها مهدئات لداك صداع ناضت شافت لبراصلي لي فيديها
سراب: لحمدلله لي لبستك لبارح
حيدات وخرجات باعتو با 20000درهم واخا ماشي تاربع ديالو تمانو شرات حوايج ولماكلا ودوا ورجعات لدار جمعاتها وسيقاتها وخرجات كتجمع جردة كتحاول تنسا و الاهلي راصها باش ماتفكرش سالات ودخلات كانت كتشوف وجها فالمراية هزات موس وقطعات لفاصمة وبدات كتحلها تا تحيدات
وهيا تغوت لربي لي خلقها
سراب :اععععهئهئهااااااااااااااا
هزات لمراية ولاحتها فالارض وهيا كترعد يتبع…..الكــــاتـبــة:Amina elmaadi✨
الــعــنــوان:DIABLA🩸
الــحــلــقـــة الـســادســة عـشـر🌹
عصام: علاش دارت هاكا علاش ضيعات كولشي علاش عنداكوم تكونو نتوما من ورا هادشي
ميليسا:سلوى بغات تقولك شي حاجة
سلوى:سيدي عصام لالة سراب كنت كنشوفها ديما كتهدر معا شي واحد فتيليفون بزاف البارح بصح كانت دايرة معاه باش تلاقاه كانت كتقول كتبغيه وكنت كتهددني بلي غاطردني من لخدمة الى قلت شي حاجة

مـحـمـد: شفتي لفضيحة صحافة على برا وصحف كاملين مطلين بتصاور ديك قليلت ترابي شوهاتنا تيليفونات مسكتوش
زوليخة:فضحاتنا معا ناس

عصام هز طابلة دلفطور وقلبها خلا كلشي كيشوف خرج ركب فسيارتو ومشا عند صاحبو لبار
طلب قرعا ديال لڤودكا وبدا كيشرب

منعم:مفهمت والو اش هادشي لي طالي دنيا هاد صباح اش واقع فين سراب اش دك لحالة فوجها

عصام:شووووووووووو متخلينيش نزيد نتعصب كتر من هكا راصي غايطرطق 7 سنين وانا عايش دمدومة حال فمي كي الحمار مع لفعة ضحكات عليا هاد سنين كاملة وهيا دايرة عليا دور دلملاك وانا ماخليت مادرت على قبلها

منعم:وش متأكد كتهدر على نفس سيدة لي كتهتهت بسميتها ولي عندك معاها زوج ولاد

عصام:عاد عرفت علاش مكانتش باغا تولد معايا قول هيا عينها غافلفلوس
منعم:نتا لي درتي فيها دك لحالة

عصام :ههههه انا فين عمرني قصتها ياك كنت كنخاف عليها من الهوى نهار صرفقتها ليل كامل وقلبي ضارني عليها
كان غير حادت ولاكن كتستاهلو
منعم:صراحة الى كانت بصح دارت هادشي راه غايكون هادشي لي وقعليها اكبر عقاب ليها
عصام:ههه انا لي كنتعاقب اخويا
شير ليه بيديه جيهت قلبو
عصام:قلبي كيتحرق❤‍🔥
منعم:هاد ليلة نصهرو غانعطيك لشي بنات

عصام:ماتبقاش تقوليا لبنات انا مكرهتش نمحي لبنات من دنيا
منعم: مديرش فبالك راه هيا لي خسرات
عصام: مزال ماتصرطاتش ليا كانت كتمتل عليا اش غانقول لولادي دابا شغانقوليهوم كيسولوني على ماماهوم
منعم:وهيا سمحات فيهوم بهاد سهولة
عصام: عطيت لمحامي لوراق ديال طلاق كانت فيهوم لوصاية خديت انا لحضانة ديال دراري مغانخليهومش معا وحدة بحالها وقعات لوراق بلاتامشكل
منعم:سمحات فيهوم
عصام:سمحات فينا يتبع…….الكــاتــبـــة:amina elmaadi🩸
العـنـوانـ:DIABLA✨
الـحــلــقــة الســابــعــة عـشـر🌹
ميليسا: هادا حسابك تقدري تمشي بحالك مابقيناش محتاجين لخدمة ديالك

سلوى:ولاكن نتي قلتي بالي الى قلت دك لهدرة لسي عصام مغاديش تجري عليا

ميليسا :مكين ما ولاكن ها فلوسك وسيري لله يعرضك سلامة
سلوى:للالة ميليسا لله يخليك راني ماعندي فين نمشي

ميليسا:هههه سري عند لالاك سراب ونسيها وحطو راص على راص

سلوى:عفاك

زوليخة: هدرة وحدا تقالت صلي على نبي وهزي حوايجك وخرجي

مشات سلوى كتبكي

ميليسا:هههههه انا فرحانة

غانطير بالفرحة

زوليخة:تهنينا منها

ميليسا:بقا خاصاني حاجة وحدة نكسب قلب عصام

زوليخة: متخافيش هادشي حالو ساهل
ميليسا: شنو لخطة هاد لمرة

زوليخة:غاتقربي من ولاد دك لخدامة خصك تخليهوم يبغيوك وحنا غانقنعوه بالي احسن حل ليه هوا انه يتزوج بيك باش دراري يقدرو يعيشو مسافرين

ميليسا:امم حالها ساهل

محمد:هههه لالة زوليخ
ة فرحانا دابا على خاطرك

زوليخة:فرحانة وخا تشوهنا مع ناس

محمد: خصنا نديرو شي حذت

ينسيهوم فهادشي لي وقع
زوليخة:لحدت هوا زواج ميليسا من ولدنا عصام
محمد: فكرة زوينة منلقااش حسن منها مرا لولدي
#عند عصام
منعم :نعل شيطان راك غادي تقتلو
عصام مدابز معا شي واحد كان دايز من حداه ولاحليه لهدرة على دكشي لي دارت مراتو
كيضرب فيه معصب وعروقو خارجين وجهو ولا كلو دمايات بقا كيضرب فيه محاسش براصو كيبرد فيه الاعصاب ديالو بقا كيضربو تاسخف عاد طلقو

منعم:شنو درتي اصاحبييي سير غسل حالتك فالحمام
مشا عصام وهوا مرفوع دخل لحمام قدام المرايا
فلاش باك🩸
سراب:عصام متبقاش دير هاكا متبقاش تعصب
عصام:وش بغيتيني نشوفو كيشوف فيك ونضحك ويعجبني لحال
سراب:انا كنبغيك نتا ويلا بقيتي كتعصب بحال هكا غاتبقا طيح فالمشاكل انا كنموت عليه واخا هوما يشوفو فيا انا عمرني مغانشوف فاغيرك
عصام ضرب يدو معا لمرايا وبدات كتنزف دخل عندو منعم حيتاش تعطل
منعم: صاحبي شنو درتي اياياي حيد حيد جمع منعم بزاف ديال كلينيكس وحطو على يد عصام لي شد كلينيكس من عندو وخرج يتبع….الـكـاتـــبـــة:amina elmaadi🩸
الــــعـــنوان:DIABLA✨
الـــحــلـــقـــة الـــثــامــنـــة عــشــر❤‍🔥
سراب جامعا رجليها وكالسا فطرف ديال لبيت وكتشوف وجها فزجاج المراءة لي فالارض وكتبكي وكتزدح راسها معا الحيط جمعات شعرها ومسحات وجها من دموع وناضت شطبات داك جاج حيداتو لاحتو وداوات جرح ودارت فاصمة جديدة على جرح خرجات كلسات فجردة

مقدراتش تصبر على ولادها لي كتشوف تصاورهوم غافتيليفون
لبسات سروال مفضفض كحل وتريكو فنفس لون ولبسات مونطو باج وسبرديلا
طلقات شعرها ودارت ماسك كحل على نص وجها
وخرجات شدات طاكسي ومشات وصلات بقات مقابلة مع لقصر وگالسة شافوها لگارد وعلمو عصام لي كان فدار ساد عليه فبيتو وطافي ضواو بيتو عامر بريحت الگارو ولقراعي ديال شراب هبط خرج شافها
قلبو ضرو عليها وعلى حالتها
مشا جيهتها وكيصارع قلبو هيا شافتو خافت رجعات جوج خطوات لور

عصام:علاش جيتي سمح فيك حبيب لقلب فاش عرفك مابقا عندك والو
سراب:(بصوت فيه بحة وخوف) بغيت ولادي
عصام:معندك ولاد هنا
سراب:بغيييت ولادي😭عطيني ولادي وخرجنا من حياتك فمرة
عصام: انا خرجتك نتي من حياتي هادوك ولادي معندك فين غاتديهوم
سراب:ياك نتا مكتيقش فيا شكون قالك بالي هادوك بصح ولادك ومن صلبك
محسات براسها حتا لقات تصرفيقا ملصقا فوجها حتا رعفات
شافت فيه وعينيها مغرغرين ومسحات نيفها بيدها
عصام:كل نهار كتزيدي تكرهيني فيك كتر
سراب: حتى انا شعور متبادل يتبع……🩸الـــكــاتــبـــة:Amina elmaadi✨
الــعــنــوان:DIABLA✨
الـــحــلــقــة الــتـاســعـة عـشـر✨
عصام:براڤو عليك قدرتي ضحكي عليا

سراب:هوما لي قدرو يضحكو علينا كيستاهلو الاوسكار عائلتك

عصام: ماباقيش تجبدي عائلتي على فمك المسخة
سراب:عرفتي علاش مابغيتش نهدر معاك وماجيتش اصلان باش نهدر معاك حيت عارفا عينيك مغمضين ومكتشوف والو
كتعايرني وساكتا

عصام:ساكتا حيت عارفا راصك شنو دايرة
لاحليها تصاور لي كانو فيديه على وجها
عصام:عائلتك عائلتك عائلتك شنو دارو عائلتي ياكما صوروك باش يحلو ليا عينيا هادا علاش عائلتي مامزيانينش
سراب كتشوف تصاور ومصدومة وكتشوف فيه عينيها مغرغرين الارض مهازاهاش بالصدمة رجليها كيرجفو جاتها سخفة ستاندات على شجرة لي حداها وكتوميليه براصها با لا لا
سراب: هادشي راه ماشي حقيقي كنقسم بالحياة ولادي
عصام:ولادك فكرتي فيهوم بقا غاتحلفيليا لولادي
سراب:غاتندم على هاد لهدرة اعصام راك كضلمني
عصام:سلوى عاوداتليا كولشي عليك مغانزيدش نعطيك كتر من وقتك
سراب: (بحرقة وبغضب وبحة بصوتها)الى عطيتيني بضهرك ماعمرني مغانسمح ليك انا بغيت ولادي بغيت غير ولادي نتا معندي مندير بيك وبعائلتك
كانت غلطت حياتي نهار جيت الهاد لقصر المنحوس كنكرهااااااااك
عصام: (بغضب وعينيه حومر)مابقيتش بغيت نشوفك فحياتي مووووتيي
مشا وخلاها بقات كتهبط شوية بشوية وهيا متكية على ضهرها ودموعها فعينيها
سراب:قلبي اييييي عليك اسراب علاش كتشوفي لفوق كنتي غاخدامة وبغيتي تعيشي فمسوى كبير عليك ومتقديش على مواجهو
بقات كالسا فابلاصتها حتى ضلام لحال وبدات كطيح شتا وهيا عينيها على بيت ولادها لمحات عصام لي طل من لبالكون وشافها تما كالسا زدح سرجم ودخل لبس مونطو ونزل عندها
عصام: مغاتمشيش فحالك
وقفات وكترجاه بعينيها
وشتا كطيح عليها حابسا لبكية فحلقها وكتهدر
سراب:(صوت مبحوح بالكاد يسمع) ع ص ام ولادي عافاك. ولادي مغايعيشوش مزيان مع عائلتك راه مكيبغيوهومش
عصام:مجيتش نسمع تخربيق ديالك سيري بحالك حسن ليك مابغيتش ولادي يشوفوك فهاد لحالة خلي عليك صورة مزيانة عندهوم على. الاقل اما انا عرفتك على حقيقتك
صور راصو وهوا غادي قلبو كيقوليه رجع مزير على يديه فكل مرة كيحن قلبو عليها كتجي صورتها مع وحدة خور بين عينيه وكيكمل طريقو بعد عليه وسمعها. طاحت فالارض وغوتااات بجهدها كامل
سراب: بغيييييييييييييييييت ولاااااااااااااااااااااادي يتبع……🩸الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـــعــشــرونـ✨
بقات كالسا بوحدها تحت ديك شجرة ليل كامل وشتا كطيح عليها تجمدات بالبرد وزراقت كتقفقف تابدات كتشرق شمس بدات كتحس شوية بدفئ كتفرك يديها فابعضهوم وكتنفخ فيهوم باش تدفا بقات كتسنا حتى بانو ليها ولادها خارجين تخبات من مور شجرة وبقات كتشوف فيهوم من بعيد وكتبكي زادت جوج دلخطوات لقدام تفكرات وجها حطات يديها على وجها وشافت حالتها كيف دايرة رجعات لور وكتفات بأنها تشوفهوم من بعيد بقات حاضياهوم حتا مشاو عاد مشات كتجر فرجليها حتى وصلات بلاصت طاكسيات خدات طاكسي ومشات لدارها حلات لماريو وجبدات لكساوي لي عندها
سراب:غانلبس هادي لا لا هادي احسن بقات كتقلب وحايرا وكضحك لبسات كسوة طويلة فصفر خلات شعرها مطلوق
سراب:(بهستيريا) ههه جاتني زوينة اه ولادي غايشوفوني وغايفرحو اه نسيت خصني نوجد ليهوم لغدا غايجي فيهوم جوع بزاف
دخلات لكوزينة وبقات كطيب وتقاد وتحط فوق طبلا فرحانة وكتهدر معا راسها هادي كيبغيها اوس هادي كيبغيها أويس حتا سالات وقادات دكشي وبقات كتشوف
سراب: هههه مخاص والو كولشي مقاد غانمشي نجيب ولادي من لمدرسة خرجات خدات طاكسي ومشات لمدرسة كانو مزال مخرجو بقات كضور تما حتى بانولها لوليدات كيخرجو مشات بزربا شدات فولادها تخلعو فاش شافوها نعرفها
سراب:شوووت شوووت انا سراب سراب ماماكوم
أوس:(غوت بجهد) ماما توحشتك بابا قالينا ماباقيش غاترجعي
أويس:بابا قال نتي متي مالكي فوجهك اماما
أوس:وش وقعاتلك شي حدتا وبابا سحابليه متي بابا غايفرح خصنا نمشيو لدار
سراب:شوووووت شوووت متغوتوش غانمشيو غانمشيو يالله قبل ميجي شيفور
جراتهوم من يديهوم وشدات طاكسي وداتهوم معاها لدارها
اوس:حنا فين جينا ماشي هادي دار

سراب:وجدت ليكوم لغدا غاتفرحو يالله
دخلاتهوم كلسو على طبلة

سراب: كولو كولو كولو غايكون فيكوم جوع ياك

أويس:ماما علاش كتهدري بحال هاكا

أوس: أويس صافي قالتلك ماما كول كول وسكت
بداو كياكلو لماكلة مكانتش بنينة
هيا كتشوف فيهوم فرحانة حيت هوما معاها

سراب:عجبكوم لغدا

اوس: زوين اماما حيت نتي لي طيبتيه حيدي داك لماسك من وجهك قرب ليها باش يحيدو وهيا تكحاز
سراب:لا لا لا غاتخلعو لا (كتشرح ليهوم بحال شي بنت صغيرة)حيتاش انا وليت خايبة اه خايبة بزاف الى شتوني غاتخلعو
اوس: كنواعدك اماما كاعما نتخلع
بقات كتفكر بزاف وحيداتو
قربو ليها كيقيسو ليها فوجها لي محروق
بقات كتبكي
سراب: قلت لكم وليت خايبة هئ هئ هئ
أويس:شووت لا إماما نتي زوينة شوفي عينيك شحال زورق وزوينين بحال لون سما

اوس:ماتبكيش اماما عافاك
عنقاتهوم كتبوس فيهوم وكتشم ريحتهوم

سراب: انا كنبغيكوم ياك نتوما عارفين شحال انا كنبغيكوم بدات كتهدر بشوية
سراب:شوووت تاحد ماخصو يعرف نتوما معايا لوحش باباك غايجي ياخدكم ليا اه مخصوش مخصوش يعرفنا هنا
دوزات معاهوم نهار كامل وهوما مسايرينها وكيضحكو معاها باش متبقاش حزينةيتبع…..🩸الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الــواحـــد والــعـشـرونـ✨
سراب: عرفتو شغانديرو حنا غادي نسافرو غانمشيو من هنا باش باباك ميلقاناش
اوس: وعلاش انا كنبغي بابا بزاف
أويس:حتاانا
سراب:الى جا باباك ماعمرك مغادي تشوفني
أويس:يالله نمشيو معا ماما ا اوس
اوس :اه نمشيو يالله خرجو من دار سراب كانت مغطية وجها حيت محروق

دنيا مقلوبا فالقصر كيقلبو على لولاد البوليس عصام عيا مايقلب ومشاو شافو الكميرات لقاو بلي مشاو ومعا شي مرا عصام عرفها مشا هوا ولبوليس لدارها لقديمة
وصلو لقاوها غاديا بيها ضارو بيها لبوليس بطونوبيلات لاحت صاك من يدها وطلقات اولادها من يديهوم جاو لبوليس شدوها هبط عصام مشا عند ولادو
لي مفاهمين والو غير كيبكيو تخلعو اكترية فاش شافو لبوليس كيديرو لمينوط لسراب
وهيا عينيها كتشوف فاعصام ليتاهوا كيشوف فيها وهوما جارينها محيداتش عينيها عليه نزلوليها راسها ودخلوها لطونوبيل عصام دا ولادو لدار
ومشا لكوميساريا

لمحقق:علاش خطفتي دراري
سراب:مخطفتهومش انا ديتهوم معايا هوما ولادي قراو وانا جربته م غير يتغداو
لمحقق :وش هاد سيدة مراتك
عصام:طليقتي ولاكن لحضانة عندي
لمحقق:سيدة مريضة وحتا صحة نفسية ديالها متدهورة بزاف من الاحسن تسحب شكاية ديالك وتحاولو تحلو مشاكلكم وديا
شافت سراب فالمحقق بالحزن وهدرات بصوت طفولي
سراب: غادي تجيبوليا ولادي ياك
عصام مضا على تنازل
وخرجو سراب مرفوعا غادا مكتشوفش قدامها وعصام غادي لطونوبيلتو وعينو عليها كانت غادا ضربها طونوبيل قفز من بلاصتو وكان غادي كيجري حتى شاف طونوبيل حبسات زير على يديه

عند سراب
لي محسات براسها قفزات حتى سمعات صوت ديال شخص لي كان فطونوبيل كيغوت عليها
……:وش عمية مكاتشوفيش كنت غانضربك بقات كتشوف فيه وكملات طريقها بلاما تهدر كتشوف لوليدات معا واليديهوم فاطريق وكتبتاسم بقات غادا على رجليها مسافة طويلة حتى وصلات لدار دخلات بانت ليها جاكيطة ديال ولدها فوق لكناپي هزاتها بين يديها كتشمها وعنقاتها بحال شي بيبي
وبدات كتغني وكتزهد عليها
سراب:عندي واحد واحد عندي زوج زوج عندي واحد عندي زوج عندي واحد لفرييخ عندي واحد واحد عندي زوج زوج عندي واحد عندي زوج عندي واحد لوليييد يتبع…..🩸الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الــواحــد والــعـشرونـ✨

وكآن عشقنا كان ارهف من شعرة
باكلمة انقطعت❤‍🔥
كدبتني وصدقت عيونك وانت من قال انني انا عيونك❤‍🔥
اولا تعلم ان سكر يشبه الملح عند النظر ❤‍🔥

داز اسبوع كيف البرق داز طوييل على سراب لي غارقة فابحر احزانها واخا تبغي تنسا

ندبة لي فوجها كتفكرها فجراحها لفلوس كتسالا ونفسية مقاداش على لخدمة قررات تخدم قلبات دغيا لقات خدمة فديور حيت مازويناش او بالأحرى ندبة لي

فاوجها ساعداتها رجعات لجفاف لي بينها وبينو سنييين كتخدم وعقلها مامعاهاش فكل مرة كيجريو عليها ويلوحوليها 50 درهم فيديها عرفات بالي هادشي لي كدير ماخدامش وبالي

خصهاتفيق ومتبقاش تفكر صباح جديد فاقت كلها امل تقاد حياتها لبسات سروال فالكحل وقاميجا بيضة كونفيغسا كحلة مقطعة شوية جبدات لصقات

ولفاصما دارتها جرح دارت كوپ شوڤال وخرجات مشات لواحد لمقهى كتعرف ماليه بحكم مكانتها قبل مايوقع هادشي هدرات معا مول لمقهى

ومردهاش فوجها خدمات سيرڨورا فيه بدأت لخدمة فنفس نهار دوزات نهارها عادي واخا نضرات ناس ليها حيت كلشي

كيعرفها هالي شفق عليها هالي كيتشفا فيها هالي نضراتهوم كاملا على وجها لمحروق كملات

نهارها بزز واخا نفسيتها مضمرة وهاد الخدمة كتزيد التكمل ض عليها خرجات خدات متاكل ومشات لدارها
فالقصر
عصام ولا سكايري ونسا خدمتو ولا مريض وساد على راصو لي هدر معاه كيغوت عليه كالس فبيتو حداه طابلا صغيرة وكيشرب طالق موسيقى كلاسيكيا خافتة كانت أغنية سراب المفضلة قدامو تصاورهوم بزوج فوق طبلا كاملا عامرة تصاور وهوا كيشرب هز لقرعة ديال شراب وخواها على تصاور وهز بريكا شعلها ورماها وصط صور شعلات لعافية وهوا باقي كالس فابلاصتو متزعزعش كيشوف فصورها كيتحرقو وحدة من مور وحدة يتبع……الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـثـانـي والــعــشــرونـ✨

خسئت عدد شعر رأسك خسئت🩸
ملكتني بالهوي وقلت انني🩸 سجينتك وبعد سبع سنوات🩸 تخبرني انه تم طلق سراحي🩸
وكم تمنيت ان تكون مدة عقابي🩸 مؤبدا في سجن عشقك لو تركت🩸 مفتاحه لي ما فتحت🩸
ولو هجرتني ما فتحت 🩸
لاكنك فتحت واخرجتني غصبا🩸 انت اخترت وانا راضية بحكم🩸 سجاني🩸
ميليسا كتقرب من ولاد سراب ماشي حبا فيهوم قدرات تقربهوم ليها شوية رغم ان فراغ الام ماعمرو مغادي يعمار

اصبحنا واصبح الملك الله نهار جديد واحدات جديدة
ناضت سراب باش تمشي لخدما لبسات ملابس بسيطة وخدات طاكسي ومشات لخدمة

فنفس لوقت كان عصام لبس حوايجو وخرج بكامل اناقتو ركب فسيارة ديالو ومشا لشركة
كان عاقد جتماع فنفس المقهى بعد 3 ساعات دازو طايرين

ومشا. لقا سيد لي غايتلقى معاه تما كلسو دور عينيه فالمقهى وهوا يلمحها جات لعين فالعين مقدروش يحيدو عينهوم على بعضياتهم شوفات فيهوم فراغ

فيهوم عشق مدفون قلوب مكسورة كره مبرر وكره غير مبرر
بعدو عينيهوم فنفس لحضة

مشات دخلات سراب لحمام وهيا هازا لبلاطو عنقات لبلاطو وعطات لفرصة لدمعة لي حاصلة فاحلقها تهبط بكات

ومسحاتدموعها وخرجات تكمل خدمتها بقات خدامة حتى

عيطات عليها كليانة كتشكا معجباتهاش لقهوة شوهاتها بقا كلشي كيشوف عصام مزير

على يديه و وجهو حمر كبات ليها لقهوة على وجها فزگات لفاصمة وطاحت كلشي وقف كيشوف
نقطة فيضات لكاس خرجات كتجري من لقهوة تلاقات معا

طونوبيل دايزة ضرباتها عصام

حس بقلبو تقبط عليه فاش سمع صوت عرف غاتكون وقعات لها شي حاجة خرج كيجري كاملة

عامرة دمايات وناس مجموعين زير على يديه عض بسنانو قبضة يدو ضرب يدو مع لحيط دور

وجهو وهيا عينيها عليه للمرة تانية عطاها بضهرو ومشا ركب

سيارة ومشا لبار عند صاحبو
عصام:دارت كسيدة قدام عيني

مافهمتش علاش كيطرى لينا هكا علاش دمرات كلشي كانت عايشة بيخير علاااااااااش

منعم: خليتيها وجيتي
عصام:شنو بغيتيني نديييير شنو كان خصني ندييير ومدرتش

كنت معيشها ملكة كنت كنخاف عليها من راصي ماعمرني

ماضريتها يمكن هادشي لي كيوقعليها كتخلص بيه دكشي لي كانت كدير يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـثـالـثـة و الـعـشـرونـ✨
غطصات فدمائها للمرة ثانية لبسات ثوب الدم ولات كشوف ادنيا حمراء بكترت دم
غمضات عينيها للمرة ثانية وهيا عارفا راصها بوحدها تاحد مقادر يعنقها تاحد مقدر يحس بيها كانت بحدها دك طفلة لي فيها لداخل محتاجة حضن دك طفلة صغيرة محتاجة كلمة محتاجة يضمضو جراحها❤‍🩹 جات سيارة الإسعاف هزاتها جثة هامدة شخص لي ضربها مشا معاها دخلوها لغرفة العمليات ساعات وساعات وشخص لي ضربها كيتسنا برا مخلوع خايف عليها ماشي على راصو من بعد جا شخص من طرف عصام وبقا بعيد كيتسنا
داخل غرفة لعمليات سراب كتصارع لموت

سراب وصط طريق لابسة فستان ابيض بصيط وعلى رأسها تاج مرصع بالالماس نور منها صاطع كتشوف فولادها كيعيطو عليها وهيا غادا نحوهوم

لممرضة:دكتور ضغط
ديال لمريضة كينخافض غانفقدو ها

دكتور: غانديروليها صدمات كهربائية
وجدوليه لجهاز

دكتور:3 2 1. 3 2 1. 3 2 1

طييييييييييييييييييط

سمعات سراب صوت كيعيط عليها دارت مشافتش شكون بقات مترددة كتشوف فاولادها وكتسمع صوت كيعيط عليها

الممرضة:دكتور فقدنا لمريضة

دكتور: ميمكنش طلعي لڤولط

دكتور:3 2 1….. 3 2 1

الممرضة: نبض ديال لمريضة رجع
سالات لعملية ونقلو سراب الغرفة
مع منع زيارة

دكتور:نتا الاب ديالها اسيدي

…..:اه كيبقات

دكتور: لعملية كانت صعيبة ولمريضة فقدات الجنين كان ممكن نفقدوها حتا هيا عندها جروح وكسور على مستوى رجل ديالها وضربة فارأس هادشي لي نقدر نقولك دابا لرتجاج لي وقع
ليها فرأس يقدرو يكونو عندو مضاعفات يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـرابــعــة و الـعـشـرونـ✨
ناض شخص من عند طبيب ومشا نحو غرفة سراب بقا مراقبها من نافدة مدة طويلة
وجلس فوق الكرسي جاعندو واحد من لي گارد ديالو
لگارد:سيدي وش بغيتي شي حاجة من الاحسن تمشي لدارك باش ترتاح

…..:كيغاندير نرتاح ولبنت معارفش اش واقع ليها خلينا نطمنو عليها عيطتي على عائلتها
لگارد: على ما عرفت سيدة معندها حد ساكنة بوحدها مطلقة العلاقة بينها وبين طليقها مامزياناش

…..:ايوا لله يهدي مخلق جيبليهاشي حوايج ماتلبس انا راه غانبات هنا هاد ليلة غدا يحن لله
عند عصام
عصام:الو شنو

…..:راها كانت حاملا دارو لها اجهاض وحالتها خطيرة مزال معارفينش كيفاش غاتكون حالتها فاش غادا تفيق
عصام قطع ولاح تيليفون

منعم: شنو كاين يسرنا اخويا شنو وقع
دار راصو بين يديه

عصام: كانت حاملا ماعرفت وش يبقا فيا لحال ولا شنو ندير حالتها خطيرة قالك

منعم:لله واكبر اش هاد لحالة وصلتو ليها اخويا
عصام:يقد يكون دك لولد ماشي ولدي

منعم:نعل شيطان اخويا لولد مات دابا

عصام:راصي كنحس بيه غادي يتفرگع مابقيتش قاد على هاد لمصايب كاملين حتا كنقول غادي تبدا نرجع سيستيم ديال حياتي شوف شنو وقع

منعم: مالقيت مانقولك أخاي لله يديرلكم لي فيها لخير
اصبحنا واصبح الملك لله
لغرفة مجهزة بالأجهزة طبية سراب وصط سلوكا وصوت لجهاز فودنيها
…..:دازت 24 ساعة ومزال مافاقتش
طبيب:دخلات فاغيبوبة معارفينش فوقاش غادا تفيق اسي سعد
سعد:ديرو لي فجهدكوم الله يخليك انا غانخلص تكاليف كاملا غير. عفاكوم حاولو تعالجوها
دكتور:راحنا دايرين جهدنا وكتر ولممرضات ديما معاها باش لا قدر لله الى وقعات شي حاجة
سعد: نتمناو تفيق دغيا
دكتور: لله يخليها ليك باينا هيا لي عندك
سعد: امين
خرج دكتور ودخل سعد كلس حداها
سعد شد فيديها
سعد:سمحيليا ابنتي مكنتش ناوي نضربك نتي لي جيتي قدامي علم لله اشمن هم هازا فقلبك حتى كنتي كتجريبلا عقل لله يشوف من حالك ابنتي يتبع……الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـخـامـسـة و الـعـشـرونـ✨
زوليخة جالسا كتشرب لقهوة ديالها فبيتها وكطل من لبالكون دخلات عندها ميليسا
ميليسا:جيت نبشرك ااااخر الاخبار ديك لفقيرة لمسخة

زوليخة: مالهاعاوتاني
ميليسا: دارت كسيدة

زوليخة ناضت من بلاصتها ولبتسامة على وجها
زوليخة:وش ماتت

ميليسا: على هيا تقدر ديرها وتهنينا منها لمصايب كاع لي وقعوليها ومزال مانتاحراتش
زوليخة:اهاه وش وقالها

ميليسا:غيبوبة

زوليخة:مزيان حسن ياربي تنعس متنوض

ميليسا: امييين ولاكن عصام رراه فراصو هادشي ديالنا تعطل وانا خصني يااما يتزوج بيا ولاغادي نمشي بحالي لكندا
زوليخة:مالكي مزروبة دكشي لي صعيب ودوزناه بقا غاهادشي لي ساهل مغاديش نوحلو فيه عصام راك شفتيه كيف دايرة حالتو مزال منساش ديك لويلة

ميليسا:انا راه ولاد ديك لويلا طلعوليا فراصي بقوة لي كنديرلهم لخاطر و عصام وخا عارفني كنهتم بيهومم معاطينيش هتمام

زوليخة:اذن ندوزو لخطة الثانية

ميليسا: زعما غاتنجح
زوليخة:مية فالمية
ميليسا:كيباليا هادا ماشي هوا لوقت لمناسب خصنا نخليوه حتى يتهدن عاد نديروها
زوليخة :ايوا نتي لي مافيك صبر
ميليسا: باغا غير ايمتا يوصل نهار لي نتزوجو فيه
زوليخة مبقا قد لي فات

عند سراب🩸
لحزن مخيم فغرفتها وسعد ماحيدش عينو عليها بقا مقابلها مخلاها حتى دقيقة شاد يديها وكيمسح بيدو على شعرها لي ملوي عليه لفاصمة مغمضة عيونها لبريئة و تيو وصط فمها عايشة فحلم جامعها باولادها هيا عايشة فيه حسن من حياتها لحقيقية لدرجة أنها تقدر عمرها ماتفيق منو ولاكن كاين بزاف دلحوايج كيتسناوها هنا يتبع…….الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـثـالث والـعـشـرونـ✨
كان سعد جالس حدا سراب حتا بدات كتحرك يدها لي كان شادو بين يديه حس بيها وفاق
سعد: بنتي كتسمعيني
سراب:ا
(بصوت خافت)اوس اوس أويس
سعد دار عند لممرضة
سعد: بنتي عيطي على طبيب
مشات عيطات لطبيب
جا كشف عليها
دكتور:الحمدلله فاقت من الغيبوبة
سعد:حالتها نفسية مزيانة
سراب:فين انا

طبطب سعد على يديها وقاليها رتاحي
غمضات عينيها راسها كيعطيها صداع بزاف

سراب:كنحس بالصداع فالجزء ليصر ديال راصي

دكتور :عادي هادشي بسباب لحادت عندنا ليك خبر سيئ لجنين ديالك توفى باسباب لحادت

سعد:سمحي ليا ابنتي راك نتي لي جيتي قدام طونوبيل
سراب ولفات صدمات كتافات بدمعة وحدة حارة هبطات من عينها كتعبر على كلشي غمضات عينها بحرقة
بعد اسبوعين فالعناية المركزة قرر سعد يديها معاه لقصر ديالو وجد ليها غرفة مجهزة باكولشي
ومشا عندها لسبيطار

سعد:بنتي كيف بقيتي

سراب:بخير الحمدلله بغيت نخرج فحالي ماخلاونيش نمشي عفاك اسيدي غاقولهوم يخليوني نمشي انا راني مسامحة ليك

سعد:غاتمشي ليوم ولاكن انا عارف بالي معندك فين تمشي ومعندك حد انا غانديك معايا لدار عندي راك بحال بنتي

سراب:لا حشوما براكة عليك غير هادشي لي درتي معايا لله يكتر خيرك

سعد:معندك ما تقولي غادا تمشي معايا انا وجدت لك لبيت ديالك فيه حوايج وكولشي ليگارد تكلفو بكولشي على لله فايعجبوك وغادي نتكلفو بالعملية. لجراحية لوجهك نشاء لله

سراب:انا مابقات كتعجبني حتا حاجة اعمي بغيت غير نرتاح ايييي راصيييي ايييييييي راصي ضربات دكشي لي كان محطوط فوق طابلة بيديها وهزات موس خرج عليا خرج قربات ليه وحطات لموس على عنقو ليگارد سمعو صداع وهوما يدخلو جبدو سلاح عليها

سعد:وقفو ماديرو والو

سعد:بنتي حاولي تهدني

سراب:غانقتلك ايييييييي راصي راصي اييي
بقات كضرب فراصها بيديها
جاو لممرضات ودكتور ديالها نفسي

دكتور نفسي: سراب كتسمعيني حاولي تركزي معايا سراب شوفي فيا هنا ايهو هنا شوفي فيا تنفسي مزيان تنفسي مزيان عفاك يالله
بدات كدير دكشي لي كيقوليها

دكتور نفسي: يالله اري لموس اري لموس عطاتو ليه وبداو كيتبدلو ملامح وجها لغاضبة لملامح طفولية وعينين مغرغرين
سراب:عمي سمحليا سمحليا معرفتش مالي جاطبيب عطاها مهدئ
وخرج هوا وسعد
دكتور:كيف ما صبق وگلت ليك ضربة لي فراصها اترات عليها زيادة على لكتآب لي كانت فيه عندها حالة زدواجية شخصية فمراحلها الأولى تقدر تاخد دوا غادي يهدنها ولاكن تواجدها معاك غايكون خطير عليك
سعد: انا مصمم على قراري هيا خصها رعاية وانا غادي نوفر ليها اي حاجة غاتحتاجها يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـرابــعــة و الـعـشـرونـ✨
فاقصر سعد بنيس
كانت سراب جالسا فلبيت لي جهز ليها سعد وكتشوف فاسرجم
كان بيت مافيهش مرايات
سمعات دقان فالباب
سراب: تقدر تدخل
دخل عندها سعد
سعد:ههه بنتي شاربا دوا متأكدة غير ندخل
سراب:اه متخافش هانتا عاد شربتو
سعد :غادي تمشي ليوم تشوفي طبيب تجميل باش ديري العملية فأقرب وقت
سراب:وش ماشي بزاف هادشي لي كادير معايا
سعد:مابزاف والو انا هنا ساكن بوحدي مساعدتك مغاتأترش عليا بتاحاجا انا بغيت نعاونك
سراب: انا بغيت ولادي وش نتا غاتقدر تجيب ليا ولادي
سعد:نشاء لله كولشي قريب عندلله نعالجوك وتصحي وتوقفي على رجليك وديك ساعة غادي نشوفو لمشكل ديال ولادك
سراب:ولادي زوييينين وضريفين. مؤدبين مكيأديو تاحد الى بقاو معا ديك العائلة غايأديوهوم ليا بزاااف وانا منقدرش نشوف ولادي كيتعدبو
سعد: رتاحي انا غانتكلف بكلشي عاودي ليا شوية عليك
سراب:هههه حياتي عامرة بالمأسي
بدات فاش كنت فالميتم بالمعانات وفاش درت 18 سنة خرجت كنخدم فديوور حتى بقيت خدامة عند عائلة المنصوري راك غاتكون كتعرفهم
سالات خدمتي تما فاش قرر ولدهوم يتزوج بيا هاديك كان اخيب قرار تاخدتو فحياتي فاش تزوجت بيه من دك ساعة وانا فالمعانات ولقهر ولمكائد لي كيوصلو حتى لمحاولة لقتل
بقاو كيحاولو ومن بعد 7 سنين نجحو يهدمو ديك لعلاقة
احسن حاجة خرجت بيها من هادشي هوما ولادي وماخلاونيش نفرح ليهوم
سعد:حسبيني من ليوم بحال باك وحسبي دار هادي دارك هادو لي كارط ديال لبانك الى كنتي محتاجة شي حاجة متحتاجيش طلبيها من شي حد
نتي خويتي عليا قلبك وحتى انا غانقربك مني كتر باش تقدري تاخدي راحتك
سعد: انا ماشي بزاف باش جيت لمغرب كنت ساكن معا ولدي فااسبانيا وقع هجوم غادار لي كنا فيها تما ماتت فيه مراتي وبنتي مابقيتش قادر نعيش تما
سراب:مبقا عندك حتى حد
سعد:ولدي هوا لي عندي وهو سبب فداك للهجوم لي وقع مزوج ولاكن هوا رئيس مافيا حياتو كاملة فالخطر وناس لي كايكونو ضايرين بيه ديما حياتهم مهددة قطعت علاقتي بيه
سراب: لمافيا😳
سعد:هوا كنا فقدناه فاش كان صغير تلف ماخلينا فين ماقلبناش عليه حنا فداك لوقت كنا فالمغرب ولاكن لي خطفوه داوه لسپانيا من بعد 18 لعام عاد قدر واحد شخص كلفتو يقلب عليه انه يلقاه كان دك ساعة مع لمافيا فاش مات زعيم ديالهوم خدا بلاصتو هوا ضريف وقلبو بيض ولكن لوصط لي عاش فيه خلاه مجرد من الأحاسيس هوا لي قرر يبعدني عليه باش ميأدينيش كتر
سراب:فراصك نقدر نكون غالطا ولاكن ولدك هوا لي عرف شنو خاص. تكون فهاد لحياة هانا متال فاش كتعيش وانت ملاك وصط شياطين كيعفطو عليك ولاكن الى كنتي نتا هوا شيطان كتولي مصدر خطر بالنسبة ليهوم يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـخــامــسـة و الــعـشـرونـ✨
سعد: متفكريش هكدا ابنتي نتي قلبك بيض ومعرفتي لخير فين مخبيه ليك سيدي ربي
سراب:انا بغيت غانعيش بخير انا و ولادي اما دوك ناس صعاب عليا
سعد:انا غانمشي غانخليك ترتاحي
بعد شهر
سراب فغرفة خاصة فالمستشفى ولفاصمة مدورة على راصها كامل كان سعد جالس قدامها على الكرسي وكان طبيب معاها
طبيب:مستعدة تحيدي لفاصمة
سراب:اه مستعدة
بدا كيحيد ليها لفاصمة وهيا شادة لمراية بين يديها وكتسنا حيدهاليها غمضات عينيها وكطلع لمراية جيهت وجها وهيا كترعد فتحات عينيها كانت هيا كانت هيا لي كانت قبل شهور نزلات دمعة من عينها تحسسات وجها برفق باناملها رقاق حطات لمرايا ومشات كتجري عنقات سعد بگاع جهد لي فيها
سراب:شكرا شكرا شكرا ماعمرني غانقدر نوفيك حقك ماعمرني غانقدر نرجع ولو طرف من هادشي لي درتي
سعد:ماشي بجميل ابنتي ماشي بجميل الحمدلله وجهك رجع كيف كان
طبيب:لالة سراب تقدري ترجعي لبلاصتك
دهن ليها مرهم لوجهها
عند عصام كان انسان بلا روح مقادرش يركز فتاحاجة كيتعاطى المخدرات وكيشرب
كيدوز نهار ديالو كامل فهادشي
جانهار لي غادي تنفد فيه خطة زوليخة و ميليسا
تاحد مكان بايت فدار
كانت لوحدة ديال ليل ميليسا كتسلت لبيت ديال عصام من بعد ماشافتو رجع سكران معاقلش على راصو وطلع لبيتو قطعات حوايجها وخصرات شعرها ديعات لمكياج لي فوجها خوات قطرات ديال دم فوق فراش عصام وتكات حداه كتقيص شعرو وكدوز صبعها على وجهو وهوا ناعس
ميليسا:نتا من ليوم غاتولي ديالي ستنشقات ريحتو وغمضات عينيها نعسات
فاقت قبل منو كتغوت لربي لي خلقها وكتبكي
عصام فاق مفزوع وهيا كتحاول تغطي جسمعها بالفراش عصام مافهم والو كيدوز يدو على شعرو ومصدوم
عصام :ميليسا شكديري هنا شواقع
تحل لباب كولشي دخل يشوف اش واقع ومصدومين
زوليخة :بنتي شنو واقع عصااام شنو درتي لبنت خالك عصام رجع لور وكيشوف داير يدو فشعرو لعيالات دارو با ميليسا كيشوفوها وهيا حطات راسها على صدر زوليخة وبتاسمات بتسامة خبيتا بتسامة نصر يتبع…..🩸الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـسـادســة والـعــشـرونـ✨
محمد مشا عند عصام وصرفقو
عصام :مدرت والو
محمد:نتا عاقل على راصك بعدا عاد تعرف راصك اش درتي ريحتك كي لكلب سكايري
زوليخة: حشوما هادشي لي درتي شغانقولو لخالك دابا غلطتي غادي تصلح لغلط ديالك
عصام:اش غادي تصلح الواليدة راه ولله مادرت شي حاجة
محمد:لعرس غايكون من هنا اسبوع انتهى الكلام يالله خرجو عليا من هنا خليو لبنت بوحدها زوليخة بقاي معاها نتي
عصام مافاهم والودخل لحمام وردخ لباب كيشوف راصو فالمرايا حل روبيني وبقا كيخوي لما على وجهو رد شعرو لور
عصام :مكافينش هاد لمشاكل لي عندي شنو درتي اعصاااام
عند ميليسا لي مشات هيا وزوليخة لبيتها طلعات فوق ناموسية وكتنقز
ميليسا:ههههه من هنا اسبوع لعرس مامتيقاش راصي واخيرا غانتزوج بعصام
زوليخة:نزلي وسكتي بشما يسمعنا شي حد
نزلات وشدات يدين زوليخة بيديها بزوج
ميليسا:اسبوع دغيا غايدوز خصنا نوجدو كولشي لعرس خصو يكون اسطوري وناس كاملا تبقا تهدر عليه
زوليخا:اكيد غايكون احسن عرس علاش نتي رخيصة عندي
عند سراب جالسا فبيتها وتفكيرها كولو فولادها لي باغا تردهوم ليها بأي تمن
نزلات كدور فدار سمعات صوت ديال تيليفون كيصوني فلبيرو وتاحد ماجاوب دخلات وجاوبات
سراب:الو شكون معايا
……:قولي لسعد ولدك
سراب:عمي سعد مكينش
……:كيفاش عمك مفهمتش
قطعات ليه تيليفون فوجهو
سراب:شنو درتي اهاد لهبيلة علاش قطعتي على سيد
نزلات لتحت لقات سعد داخل
سراب:عمي ولدك عيط عليك وجاوبتو سمحليا
سعد: علاش ابنتي جاوبتيه راه واحد لمعكس ومعرفكش شكون نتيا دابا غايتنوا يقد غدا يصبح هنا
سراب:كيفاش ايصبح هنا (مع راسها )ناري غايقتلني حيت قطعت عليه هادي لخرة ليك اسراب كتعيشي ساعة زوينة وعشرة مكفسين يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـســادســة و الــعـشـرونـ✨
سراب:وش غادي يقتلني
سعد:شكتقولي ابنتي لله يهديك علاش
سراب:انا فاش عرفتو هوا بالخلعة قطعت عليه
سعد:مغايديرليك والو نتي راك بنتي مغانخلي تاواحد يآديك
گلسي بغيت نهدر معاك
سراب:واخا اعمي
سعد: انا كبرت فسن وعندي مرض القلب ونقد فاي لحضة نموت
سراب:لله يحفضك اعمي
سعد: خليني نكمل هدرتي الى مت نتي غاتخرجي لزنقة وانا ميمكلياش نخليك تخرجي لزنقة
سراب: انا مابغيت منك والو نتا عارف هادشي
سعد: انا باغي نخلي ليك الاملاك ديالي فاش نموت انا عارف ولدي مغايخليكش فحالك الى كتبت ليك الاملاك حيت كيحسبك غريبة هوا اصلان مكيعرفكش هوا ديما كيحس بالخطر من ناس لغراب حيتاش عندو بزاف ديال الاعداء
سراب: ولاكن علاش كتقولي هاد الهدرة انا ولله ماباغيا منك شي حاجة كنحلف ليك املاكك ولدك اولا بيها
سعد: لا هوا عندو لفلوس ممحتاجش هادشي لي عندي نتي لي محتاجة لهاد لفلوس باش تقدري تواجهي عائلة المنصوري
سراب:ولاكن
سعد:تقبلي تزوجي بيا
سراب ناضت ومصدومة من هادشي لي سمعات
سراب:م مسمعتكش مزيان
سعد:غايكون هاد زواج غير فالوراق وقدام ناس اما نتي غاتبقاي ديما بنتي
سراب:لا ميمكنش ميمكنش منقدرش
سعد:فكري فولادك هادشي لمصلاحتهوم
سراب: موافقة
سعد:هاكي تقدري توقعي انا وقعت وفحالة لموت ديالي غادي يتاقلو املاكي ليك
سراب :علاش كدي معايا هادشي كولو
سعد:حيت كنشوف فيك راصي حتى انا فصغري قاصيت وعانيت ومالقيت حتى واحد يحن فيا حيت انا ولد لميتم
سراب:بحالي💔
سعد:انا غانكون سند ديالك من هنا لفوق…يتبعالـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـســابـعـة والــعـشـرونـ✨
سراب:صافي وقعت
سعد:بغيتك تكوني متأكدة بالي معندي حتا شي نية سيئة من جيهتك
سراب:عارفة اصلان اش غايوقعليا كتر من هادشي لي عشت
مشا سعد عند المحامي ديالو
سعد:هادو لوراق ديال زواج ديالنا تقدر تعلم صحافة باش ينشرو الخبر
لمحامي:واخا
مشا لمحامي
سراب جالسا فالغرفة ديالها راسها بدا كيعطيها لحريق
سراب:ايييييي راسي وقفات قدام لمرايا لي فبيتها وطيحات كاع داكشي لي كان فوق منها
كان واحد لموس زوين محطوط قدامها هزاتو وبقات كتخطط فاطاولة لي كانت ديال لخشب كتخرج لغضب لي فيها لداخل دخلو عندها لگارد ودگوليها ليبرا ديال لمهدء حطوها فابلاصتها وخرجو
لگارد: بنتك اسي سعد جاتها لكريز عاوتاني
سعد ناض من بلاصتو
سعد:شنو وش وقعات لها شي حاجة
لگارد :لاعطيناها مهدئ
سعد:اه ايوا عفاك لله يرضي عليكم متغفلوش عليها ديرو بالكم معاها ديما
لگارد:متحتاجش توصينا اسيدي
لخدامة:سيدي وصلاتك هاد دعوة
حداها منها
سعد:هاد دعوة ديال لعرس ديالمن حلها وعرفها من عائلة لمنصوري عرس عصام وميليسا

سعد:اش هادشي عاد طلق مراتو ودابا غايتزوج على أساس هيا لي غدراتو وهوا كيبغيها زعما لله يهدي مخلق هاكي ابنتي لوحي هاد دعوة فازبل عنداك تشوفها بنتي هنا
مشات لخدامة كتجري لكوزينة
لخدامة:ههه فهم تصطا معا هاد ناس لي لاباس عليهوم هوا عاد عقد عليها وكيقولك بنتي ههه واهادا لعجب

لخدامة2:حشوما تدوي فسيد نصرف فينا غالخير اش دكشي فيديك

لخدامة:هادي دعوة مصيفطينهالو ناس الألبة سحابليك بحالنا حنا موالفين لعراسات فصطح

لخدامة2: واشنو علا
ش ماعطيتيهالوش

الخدامة:عطيتهاليه ولاكن علاما فهمت سيد لي غايدير لعرس هوا طليق ديال ديك سراب لي دايرة علينا لملكة فهاد لقصر ولاعباها كتعصب انا عيت بجميع زاج

الخدامة2:ياك انا لي كنجمعو سكتي

الخدامة:ايوا لمهم كتفشش علينا. قاليا سي سعد نلوحها وماشي هبيلة حتى نلوح هاد سهرة لي جابهاليا لله غادي نمشي بيها أنا

الخدامة2:اويييييلي ويلا حصلتي

الخدامة: فين غايشوفوني هوما كيكونو عندهوم بزاف ديال ضياف غادي ناخد شي كسوة من ديال الأميرة نائمة لي ديما مدوخا بالمهدأت ونمشي
الخدامة2:غاتبقاي طيري حتى تجيبيها فراصك

فالعشية ناضت سراب مدوخة نزلات لكوزينا باش تشرب وهيا تلمح ديك لورقة هزاتها فيديها وخرجات كتفتحها تلاقات مع سعد فطريق
سعد:منين جبتي ديك لورقة
سراب:هادي كانت فالكوزينة علاش
سعد:بلاما تصدعي راصك وتقرايها
سراب:ااا هادي مكتوب فيها بالي لعرس ديال ميليسا و عصام ليوما
سعد:اه ابنتي مديريش فبالك
سراب:شنو غاندير فبالي اعمي هههه عرضو عليك وش مغاتمشيش انا باغا نمشي شحال هادي محضرت لشي عرس
سعد:وش بصح باغا نمشي
سراب:اه ايلا بغيتي نمشيو بزوج نمشيو بحرا تقدم ليهوم مراتك او لا مراضيش بيا ههه يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الــثــامــنـــة والــعــشــرونـ✨
سعد:ناويا على شي حاجة
سراب:انا لااا
سعد:انا ماعمرني مغانكون ضدك ولاكن مديريش شي حاجة تادي بيها راصك
سراب:متخافش عليا لحمي قصاح
طبطبات على ضهرو ومشات طلعات لبيتهاكتشوف تصاور ديال ولادها
سراب:قريب غادي نشووفكم لله يحفضكم ليا من كل شر يارب
عند عصام لي حتى هوا وصلو لخبر بالي سراب تزوجات بامالك اكبر شركات فالمغرب رجل الأعمال سعد بنيس
عصام: كنتي كتقلبي غاعلى لا لي يخرجك من الفقر لي كنتي فيه كنتي باغا اي واحد كيفما كان
شارف صغير مريض لمهم يكونو لفلوس
جات عندو ميليسا
ميليسا:حبيبي ختار معايا ديكور لي غانديرو فالعرس
عصام :خرجي عليا لله يرحم باك ليفيا كافيني وغاتزيديني تانتي
ميليسا:شنو درت اناغاكنحاول نتاقلم مع لوضع جديد عارفاك مكتبغينيش ولاكن شنو دنبي لي تكتاب عليا نتزوج بيك بزز مني
عصام:انا مغلطتش معاك علاش كتكدبي
ميليسا:نتا مكنتيش عارف راصك اش كدير
عصام:دكشي لي بغيتيه هاحنا غانديروه ولاكن متسنايش مني نبغيك مفهوم
ميليسا:خرج غير حسن وبدل هاد الحالة شوف كيف وليتي هيا عايشا حياتها وتزوجات ونتا بقا هنايا كتخرج على مستقبلك خدمتك ونسيتيها وليتي عاطيها غالمخدرات وشراب
خرجات زدحات لباب ومشات عند زوليخة كانت كالسا كتشرب قهوتها
زوليخة:مابغيت نسمع تاكلمة راصي غادي يتفرگع عليا اش هاد زهر عند دك لمسخة كيفاش دارت ليها تزوجات باملياردير مور شهورا من طلاقها
ميليسا:حنا ديجا صيفطناليه لانڤيطاسيو باش يجي يحضر لعرس
زوليخة:عنداك غير تجي معاه دك وجه نحس
ميليسا:خليها ج
تجي باش تشوفني خديت منها كولشي
زوليخة:موحال وش غادا تقدر تحط رجليها هانيا يتبع…..الـــكــاتــبــة:AMina elmaadi✨
الـــعـــنــوان:DIABLA✨
الـــحـــلـــقـــة الـتــاســعـــة والـعـشــرونـ✨
ناض عصام دخل خدا دوش وحسن وخرج لبس كوستيم ورش ريحتو وخرج ركب سيلتو ومشالشركة لخدمتو
ميليسا كتوجد لعرسها لي بقاوليه أيام قليلة لعائلة كاملا كتوجد باش يكون احسن عرس
سراب كالسا قدام لمرايا هزات ميكا بيضة فيها لاضروگ قادات صطر بابطاقة بنكية وشماتها وطلعات راسها لفوق طلقات موسيقى (INKONNU_KNZ)وبقات كتمايل مع لموسيقى جبدات لباكيا ديال لگارو كتكمي وكتبخ فالهوى
دخل عليها سعد حيد ليها لگارو وطفا لموسيقى
سعد:شنو هادشي اسراب
سراب:اععععععععععع بعد منيييييي بعد راسي كيضرني علاش وش مبغيتينيش نفرح انا كنت فرحانة وانت كتقلقني متبقاش تقلقني قربات لودنيه وهمسات
سراب:راه نقدر نقتلك الى قلقتيني راصي كيقولهاليا اه
سعد: شربي دوا مشربتيهش ليوما
سراب:لا لا انا مابغيتش نشرب دوا فاش كنشربو كنولي ضريفة بزااف اه اه راصي كيقوليا متشربيهش نتا كضحك عليا بغيتيني نشرب دوا باش نولي ضريفة انا مخصنيش نشرب دوا باش نقتلهوم
سعد:لله يهديك ابنتي شربي دواك
مشات طلقات ديسك ديالها وكتشطح
سراب:شطاااح معايا راه عرسنا ليوما زعما اعمي شطح معايا
بقات كتمايل معا لموسيقى
سعد: هههه لله يهديك ابنتي الى مشربتيش دواك غايجيو لگارد يعطيوك ليبرا ديال لمهدء ضارت عندو هازا يديها لفوق مستسلمة وضحك هزات دوا ديالها
سراب:هاهوا صافي خدات حبا خداتها وشرباتها زادت لما وحلات فمها
سراب:ههه صافي خديتها
سعد:بقاي تاخديها ديما الوقت
سراب:واااخا اسيدي دابا نقد نتصنت لموسيقى فخاطري
سعد:خودي راحتك خرج وسد لباب
بقات كتمايل معا لموسيقى وحلات يديها وطاحت فوق ناموسية يتبع……الـــكــاتــبــة:AMina elmaadi✨
الـــعـــنــوان:DIABLA✨

الـــحـــلـــقـــة الـثــلاثــون✨
ليوم الاسطوري يوم لعرس
لقصر كان كولو ورود كانت كل حاجة فابلاصتها كيبان كلشي متناسق كانو لخدامة كيقادو طوابل ولي حاجة مامقاداش قبل مايبداو يوصلو ضيوف كانت زوليخة هيا ومحمد كتقاد ليه لگرافاط
زوليخة:هادا هوا احسن قرار
محمد:حنا خسرنا عصام
زوليخة:مع لوقت غادي يولف ميليسا من مستوانا و ولادها هوما ليغادي يورتو لعائلة ماشي ولاد هاديك لخدامة
محمد:نتي تعرفي
زوليخة:غادا نمشي نطل على ميليسا
مشات عندها
ميليسا:انا خايفة
زوليخا:مناش غاتخافي
ميليسا:عصام مكيقول تاكلمة خالعني
زوليخا :وراق زواج وسنيتو عليهوم هادا غير العرس متوتريش بغيتك تكوني اجمل وحدة فهاد لعرس
ميليسا:مغانتوترش ههه انا فرحانة بزاف كولشي كيفما خططت ليه ديكور ديال لقصر كيفما تصورتو
داز لوقت بداو ضيوف كيوصلو
عند سراب
خرجات من لحمام كان لمايكاپ ارتيست ولكوافور كيتسناوها قادوليها شعرها
ومكياجها
سراب:تقدرو تخرجو

فاش خرجو لبسات فستان احمر دموي (لي فصورة) كان جريئ وكعب عالي هزات صاكهاحلات لمجر ديال لكوافوز وجبدات لادروگ قادات صطر وشماتو وطلعات راسها لفوق سمعات خطوات داخلين لبيتها مسحات طبلة من لغبرة وحطات لادروگ فصاكها دخل سعد
سعد:جيتي بحال شي اميرة نقدرو نمشيو
سراب:شكرا اه انا واجدة نقدرو نمشيو
سعد :شربتي دواك انشوف مخديتيش لحبة ديال ليوم
سراب :نسيت هانا غانشربها هزاتها حطاتها فمها وشربات لما وبتاسمات ليه كان خارج قدامها وهيا دفل لحبة لي شربات فالارض
سراب:(بهمس) سمحليا منقدرش نكون ضريفة هاد نهار يتبع…..

اترك تعليقا