Skip links

قصة : الوحش وذات القزحتين الجزء 2 ( عشق جبابرة) 90

 4,609 عدد مشاهداات

♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 967🔮

بعد مرور شهرين كاملين
الساعة 9 صباحا وفوحدة من جزر الأوكلاند …..الجزر لي لي فجنوبي المحيط الهادئ التابعة ل نيوزيلندا …الجزيرة النائية الصغيرة التي فملك جبار أسد آل ستارك …الجزيرة لي شهدنا فيها على عدت أحداث من قبل ..الجزيرة لي شهدات لأول مرة على اجتماع الهجين الجبار قبل مايولي اللورد الأول لصنفه والساحرة المختارة قبل ماتتعلن على أنها كونتيسة صنفها …تحت سقف واحد لأسابيع …..وهذا حيت جبار كان خطفها لكي تبطل تعويذة الربط ليكانت رابطة حياتها بحياة جمانة …….الجزيرة التي عشق فيها جبار ساندرا حتى النخاع .. …..الجزيرة لي تلاقا فيها جبار وثيون لأول مرة وجها لوجه في هجوم قوي للسحرة عليه هو وخوتو بجوج وفتلك اللحظة جبار خير ساندرا بينو وبين ثيون ….وهي اختارتو هو ومنعاتو من أنه يقتل ثيون ..(هاذ الأحداث غاتلقاوهم بداية من الجزء 60)……

((نعم مرحبا بنا مرة أخرى في #الجزيرة #الخضراء ….))

مغمظة عيونها ومستلقية على ظهرها فوق مياه البحيرة النقية والهادئة وهي شبه عارية ..لابسة غير مايو دوبياس منمر كولو خيوط … جسدها مستقيم فوق الماء وهي حالة يديها بجوج وشعرها المموج الطويل موزع هو الآخر فوق سطح البحيرة …حلات عيونها البنية على السماء الزرقاء وسهااات بجمود فلغيوم وهي تتأمل أشكالها …وللحظة سرطات ريقها وحركات أصابع يدها شويا وهو يغطس جسدها أكتر فالماء لدرجة غير نيفها لي بقا خارج من الماء …صدرها كايطلع ويهبط بقوة ..وأفكار سوداء كتيرة هاجماتها تاني ….

وماشي بعيد عليها ..واقف مربع يديه عاري الصدر … على قمة تل عالي مطل على البحيرة لي هي فيها….حاااضيها من اللحظة لي وصلات فيها للبحيرة وحيدات حوايجها وتلاحت كاتعوم حتى للحظة لي بدات تعوم على ظهرها وهدئات فوق الماء مغمظة عيونها …لدرجة مرو ساعات حتى قال أنها نعسات على سطح البحيرة …حتى بانتليه دبا حركت يديها تاني لتحرك الماء بسحرها خلات البحيرة تسرط جسدها …خنزر وهو مركز نظرو عليها …حتى بانت ليه غطساات بقوووة فالأعماق ومباشرة اختفى من مكانو ……….

فقعر البحيرة ….نزل جسد ساندرا لي مغمظة عينيها وفقعات الهواء تخرج من أنفها …حتى للقعر .. تكات على الأرض طااالقة يديها وشعرها يلعب بيه الماء دهابا وإيابا …وهي مسترخية كليا …حسات بطاقتو وثواني حتى حسات بيدو أحاطت خصرها وتهز جسدها حتى تلاقا صدرها بصدرو وهو كيعوم بها حتى للسطح …بمجرد ماخرجو ريوسهم من الماء هو تنفس بعمق وشاف فيها مخننزر ..فحين هي تنفسات عااااادي وحلات عينيها شويا وهي حانية راسها وكاتحس بيدو لي على ظهرها كيفاش كاترجف …)

جبار رغم ملامح وجهو وكيفاش مخنزر فيها نطق بهدوء) لبارح نبهتك يا ساندرا ماتتحركيش فالجزيرة بوحدك تاني وقلتي واخا ..وماجيت نفيق حتى خرجتي مع باب الكوخ..

ساندرا وهي حانية راسها ) مابغيتش نفيقك …

جبار نطق بحدة ) : سااندرا ..(سكت مغمظ عينيه وهو كايحاول يهدئ نفسو ثواني عاد شاف فيها وحط يدو على خدها يهزليها راسها تشوف فيه ولكن وللمرة المليون ..كادور وجهها عليه وتحني راسها …طول هاذ الشهر لي دوزوه فهاذ الجزيرة عمرها شافت فيه أو تقابلو عيونها بعينيه ولو بالغلط …وهو مخليها على راحتها ..ابتاسم وخشا وجهو فعنقها ونطق)

جبار : ياك كنقوليك منلي نفيق نبغي نلقاك حدايا ..وماتحركيش بوحدك ..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 968🔮
جبار : ياك كنقوليك منلي نفيق نبغي نلقاك حدايا ..وماتحركيش بوحدك ..
(ساندرا لي مزال كاتحس بيدو فظهرها كاترجف ..عينيها عمرو دموع ونطقات بدون مقدمات)
ساندرا : ماغاندير فروحي والو كون هاني ..فا مكاين لاش تبقا فكل مرة حاضيني من بعيد ..
جبار تكعد من حظنها مخنزر فيها) ماشي هاذشي لي قصدت …
(ساندرا حاولات تبعد من حظنو لكنو عاد مزاد زيرها عندو ونطق مغير للموضوع )
جبار : علاش جيتي تعومي هنا فهاذ البحيرة الصغيرة ومامشيتيش للبحر ككل يوم …

ساندرا : منلي فقت حسيت بطاقة سحري أن البحر اليوم هائج ..غاضب …وفعلا الأمواج اليوم خطيرة ..وأنا بغيت الهدوء هاذشي علاش جيت للبحيرة …

جبار باسها فخدها وهي حنات راسها )باراكا عليك من الاستلقاء فالماء وأجي استلقي فحظني شويا فيا جوع..(وبدون مايتسنى ردها… اختفى بها من وسط البحيرة ..وظهرو بجوج
فكوخه أسود اللون ..لي على نفس الجزيرة …..نفس الكوخ لي على شكل مثلث ..ومرتفع على الأرض بمسااافة عن طريق أعمدة …وبينو وبين الأرض درج على شكل أسطوانة ..(الصورة) …ومن الداخل مافيهش غرف ..بل مراح واحد واااسع .. عليه سرير واحد واااسع أسود ..وجنبو مطبخ صغير أسود…وفي جنبو الآخر دريسينغ صغير ..مفتوح أي بدون باب …. وجنبهم حمام عصري كله من زجاج هو الاخر أسووووود وطواليط حديثة بوحدها ليعندها الباب …..وشوميني سودااء….والكوخ عندو بالكون واسع فيه جلسة ….

بمجرد ماظهرو لاحها على السرير وتحنى عليها وبجوجهم كيقطرو …قابل وجهو مع وجهها وهي كالعادة مغمظة عيونها مكاتشوفش فيه الشيء لي خلاه تنهد ونطق)

جبار بصوت عادئ) سمرائي …
(ساندرا سرطات ريقها بدون ماتحل عيونها فيه او تهضر وهو كيفك خيوط الستيانات بشويا وعينيه كايتساراو فجسدها المزين بحبات الماء ..وكلامو بصوت هادئ)

جبار : لصوتك ..ونظرتك ..وضحكتك اشتياق …(ابتاسم منلي شافها دورات راسها جنب مزنكة ومزالها مغمظة عينيها ولكنها ابتسمت له ابتسامة خفيفة وباهتة فانطق ) ورؤيہ مَبسَمكِ الآن وكٲننيٌ مَلكتُ مَٱ مَلكتْ مُلوك المَمَالك كٌلها…(تحنى طبع قبلة على جنب فمها وهو كايلعب براحتو فخصل شعرها المموج الطويل وهي نطقات بهمس بلا ماتشوف فيه..السؤال لي كاتسولو ليه تقريبا يوميا طول هاذ الشهر …نفس السؤال لي فكل مرة هو كايعطيها جواب فشكل )

ساندرا بنبرة تدل على أنها بزز حابسة دموعها ) : علاش هاذ الحب كولو …علاش مزالك مصر بهاذ الطريقة تتشبت بيا ولهاذ الدرجة ..(بداو عينيها كينزلو بدموع ) علاش أجبار أنا باش غانفعك فحكمك باش غانفعك فمستقبلك …ومستقبل صنفك .باش !؟ ..آشنو عندي مانعطيك …!

جبار لي كايشووف فيها وهو كيمسح كل دمعة كاتنزل من دموعها ..)عندك العشق والعشق هو نتي …عندك قلبي ومستحيل نعيش بلا قلب …عندك راحتي الجسدية والنفسية فا واش باغيا تحرميني الراحة ..عندك ضعفي وموطن قوتي وروحي واتزان عقلي لي بلا بيهم جسدي ماعندو معنى …عندك كل شيء فيا يا ساندرا …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 969🔮
جبار لي كايشووف فيها وهو كيمسح كل دمعة كاتنزل من دموعها ..)عندك العشق والعشق هو نتي …عندك قلبي ومستحيل نعيش بلا قلب …عندك راحتي الجسدية والنفسية فا واش باغيا تحرميني الراحة ..عندك ضعفي وموطن قوتي وروحي واتزان عقلي لي بلا بيهم جسدي ماعندو معنى …عندك كل شيء فيا يا ساندرا …
(ساندرا وهي كاتبكي يالاه غاتهضر حتى سكتها بقبلة وحيد ليها الستيانات …..)
🍀🍀🍀🍀
نمشيو من الجزيرة الخضراء ..للمغرب فقصر لستارك …..
دخلات لجناحها كالعادة وهي هازة فيدها بلاطو فيه الفطور…وقفات مكانها كاتشوف فيه كيفاش جالس على لفوطوي لي مقابل مع لبالكون وهو سااهي كعادتو …طول هاذ الشهر مانزل فطر او اكل مع باقي أفراد العشيرة على طبلة وحدة …بل طول هاذ الشهر ما تلاقا شيواحد منهم ..حابس نفسو فجناحو …مكايخرجش ..قليل فين كايهضر ..وحتى مهامه فمحكمة المتحولين باعتباره أحد العظماء الأربع ..مكايديرهم …حتى من باه ومو ليجاو شحال من مرة فهاذ الشهر للقصر ..ماقبلش يشوفهم …….
تنهدات وبعدها ابتسمت وتقدمات حتى لقدامو ..حطات لفطور على الطاولة قدامو وجلسات جنبو وشدات يدو )
أميرة :مالِك !
مالك شاف فيها ونطق) مافياش الجوع غير ردي داكشي …
أميرة : مالِك …
(مالك مجاوبهاش …ساهي كيشوف فالسماء من لبالكون )
(أميرة مابقاتش قادة تصبر فا شافت فهذاك لبلاطو وبقوتها التحريك الذهني …حولات نظرها للسقف فا تهز لبلاطو بقوة للأعلى حتى لسقف الجناح وبعدها حولات نظرها للأمام وبقوووة اندفع لبلاطو حتى تخبط مع الحيط لي قدامهم وطاح مشتت بكل ماكان فيه ….حركة خلات مالك يشوف فيها وهي وقفات عينيها عامرين دموع ونطقات )
أميرة : شهر أمالِك ..شهر ونتا فهاذ الحالة …(تحنات راكعة قدامو وشدات يدو كاتهضر وهي كاتبكي ) اعتاذرت ألف مرة ..كنت ناوية غير نعاونك ..ماقصدتش والله ماقصدت نتسبب ليك فالإفلاس ..واش كاتظن أني نبغي ليك الضرر…
مالك : نوضي من الأرض …
أميرة حركات راسها بلا ) أنا غلطت كنعتارف غلطت ومغانعاودش نتدخل فعملك أو نخشي راسي فحوايج كبر مني كنواعدك ولكن ..واش نتا ماكاتغلطش دابا أمالك ..واش مكاظلمش نفسك بهاذ الحالة لي داير فيها ..(مسحات دموعها ) علاش ماقبلتيش مساعدة بابا وباقي لستارك باش أنك تأسس شركتك من جديد ..عالأقل قبل مساعدة باباك وعشيرتك …
(مالك تحولو نظراتو ليها لتخنزيرة ..حيد يدو من يديها ووقف وتحرك بخطوات سريعة للدريسينغ روم ديالهم …دخل وهي تابعاه كتجري )
أميرة : مالك (وقفات جنبو كتشوف فيه كايبدل بيجامتو فاخرجات فيه عينيها ) غ غ غاتخرج !
مالك وهو كايلبس نطق بلا مايشوف فيها) تيقيني آخر همي حاليا الشركة يا أميرة ..(شاف فيها) آه ضيعتيلي خدمة سنين من حياتي ..وخدمة كنت كانعشقها ..ولكن ماصعيبش نعاود من لول وأنا مامحتاجشش مساعدة باك المالية أو با أو شيحد آخر♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 970🔮

مالك وهو كايلبس نطق بلا مايشوف فيها) تيقيني آخر همي حاليا الشركة يا أميرة ..(شاف فيها) آه ضيعتيلي خدمة سنين من حياتي ..وخدمة كنت كانعشقها ..ولكن ماصعيبش نعاود من لول وأنا مامحتاجشش مساعدة باك المالية أو با أو شيحد آخر…
أميرة لي واقفة مخرجة فيه عينيها ) ك ك كيفاش م م مافهمتش واش مابقاش فيك الحال على الشركة ….

(مالك ابتاسم باستهزاء وهو ساهي وحرك راسو بلا ..وتخطاها خرج من الدريسينغ ..وهي تبعاتو كاتجري موراه وكاتهضر )

أميرة : كيفاش إذن مالك هاذ الشهر كولو منغالق على نفسك ..مافهمتش ..(وقفات مكانها فصدمة منلي شافتو حل باب الجناح ) واش غاتخرج ؟

مالِك : آه ياك باغياني نخرج هانا خارج ..

(أميرة لي كاترمش عينها بعدم فهم ..مافهمات فيه والو شهر ماخرجش من جناحهم ..منهار رجعو من واشنطن للمغرب وهو ساد على راسو ..وكان باين عليه كل معالم الاكتئآب..وهي لي طول هاذ الوقت كانت تظن أن السبب بالاضافة للحرب لي أثرات فيهم كلهم..هو الشركة لي فاش رجع لقاها تصفااات والمصنع كذلك وبقاوليه غالحيوط …لكنه اليوم كايفاجئها انه حتى مامسوقش لشي شركة أصلا ..وهاهو ذا غايخرج من عزلة دامت شهر كامل..فا سرطات ريقها ونطقات )

أميرة : واش غاتمشي لمحكمة المتحولين و..
مالِك قاطعها ) لا (استدار شاف فيها) غانخرج ننهي شي أعمال ونرجع …(ويالاه غايضور يخرج تابانوليه دموعها..فا تحرك عندها وقف قدامها وشد وجهها بين يديه ساهي فزرقة عيونها ونطق )فهاذ الشهر فكرت بزاف يا أميرة ..وفبزاف دلحوايج (سكت وسرط ريقو وهي خرجات عينيها منلي بانوليها دموع فعينيه ونطقات بصوت باكي )

أميرة : أشنو عندك أ مالِك ..عافاك قوليا …

مالِك : خاسني نقضي بزاف دالأمور فهاذ اليوماين ..بعدها كانواعدك نقول ليك كل شيء وديك الساعة …الإختيار غايكون فيديك نتي..منهنا لتما عافاك ..ماتسوليني والو (طبع قبلة فجبينها وخرج مخليها موراه ..كاتشوف فمنحى واحد ….)
وثواني ..حتى تحركات كاتجري هزات هاتفها فتحاتو على رقمو …وبقات ثواني ساهية فالرقم عاد دوزات الخط …لي تشد فلبلاصة )

جبار : أميرة ! …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 971🔮
جبار : أميرة ! …
🍀🍀🍀
وماشي بعيد عليهم ..فصالة سبور لي فالقصر نيت…الصالة الكبيرة الواسعة المجهزة بأحدث وأهم أجهزة الرياضة …
سليم كايتريني بقوة وبسرعة ..كولو عرقان وعاري الصدر ..وجنبه جالسة سميحة على أرضية الصالة بفستانها الأسود القصير .جامعة شعرها اسفنجة ..وهي شادة فيديها باكية شيبس كبيرة كاتاكل فيها بشراهة وهي حااضية حركاته ……سميحة لي هاذ الشهر كان كاافيها ترد صحتها وأكثر ..بحيث وزنها تضاعف عمارت وشعرها زاد فالطول ..الحمل عاد مزادها جمالا عن جمالها بشرتها ولات صافية أكثر ورطبة ..صدرها تنفخ والزيادة فالوزن خلاتها تبان اكثر إثارة …
(وهي كاتخشي فوجهها قفزات مخرجة عينيها و لايحة باكية الشيبس على الأرض بقوة حتى تزلعات ..حطات يديها بجوج على بطنها الظاهر…وسليم لي كايدير فتمرين الضغط رد ليها البال وحبس وابتاسم )
سليم : ركلك تاني …
سميحة كاتتنفس بزربة شادة كرشها) آه مع كل ركلة كيقطع فيا النفس(شافت فيه بعيون دامعة ) وا بزاف هاذشي عليا الركلة العاشرة فساعة وحدة واش هاذشي طبيعي …
سليم لي كايضحك وقف وهز فوطة كيمسح عنه العرق ) ههه ماعرفتش ولكن توقعي أي حاجة من جنين معجزة ..(مد ليها يدو يعاونها توقف ..)
(سميحة وهي مبتاسمة سهات فيده الممدودة لها ..يده المبتورة الأصبع ..حنات راسها بحزن وشداتها تاوقفات ..وهو حط نفس اليد على بطنها و وتحنى قابل وجهو مع بطنها ونطق )
سليم : مابقاش بزاف وغاتجي أبابا أقل من أربع أشهر وهانتا وسطنا فا تأدب وحاول من ركيل …(ومجا يكعد راسو حتى اهتزت بطنها مرة أخرى بركلة خلاتها تقفز وبدل التألم أو انها تتشكى تهزات بالضحك ..تاخرجو دموعها )
سميحة : هههههه باينة هاذ ولدك ماغايكون كايسمع كلام حد ههه عطاك ركلة فوجهك هههه
(سليم لي مبتاسم تكعد كيشوف فيها ..وتحنى باسها ففمها ..حتى قاطعه صوت رنين تلفونو …هزو ومباشرة دوز الخط)
سليم : عصمان !
عصمان : سليم واش مزال معطل !
سليم : أشنو وقع !!
عصمان : ديك الشارفة غير مزايدة فيه خاسك تجي …
(سليم تعابير وجهو تبدلو ..قطع الخط وشاف فسميحة )خاس نمشي ..
سميحة بزربة شدات يدو ) واش مغاترتاحش حتى اليوم …
سليم : جبار مكاينش فا مكايناش الراحة ..(اختفى بها ظهرو فجناحهم ) غاندوش ونمشي وكيديما ماغانجي حتى لليل فا ماتتسناينيش …..
سميحة تنهدات بحزن ) واخا ..
سليم : أشنو غاديري اليوم
سميحة : دبا غانهبط نجلس مع ختي وجمانة لتحت ..ولعشيا عندي أنا وياهم حصة مع مختصة يوغا الحوامل ..
سليم :مزيان ..(باسها وتحرك للدوش حتى بانتليه هزات تلفونها وغاديا خارجة ..فا غوووت)سميييحة ..
سميحة قفزات على غواتو وعلى ركلة جاتها تاني …فدقة ..شدات قلبها كاتشوف فيه ) شنووو…شنووو شنووو نتا وولدك غااتحمقووني شنووو …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 972🔮

سميحة قفزات على غواتو وعلى ركلة جاتها تاني …فدقة ..شدات قلبها كاتشوف فيه ) شنووو…شنووو شنووو نتا وولدك غااتحمقووني شنووو …

سليم كيطلع ويهبط عينو فيها فستانيا لي يالاه فايت خصرعا بشويا ) واش نيت غادية خارجة هكاك!! بعقلك !!

(سميحة تنهدات وبلا ماتزيد معاه لهضرة تحركات للدريسينغ روم تبدل عليها وهو دخل يدوش ….)
🍀🍀🍀

ونرجعو للجزيرة الخضراء …. قبل دقائق …جبار وساندرا خارجين من الدوش بجوج ..هو لاوي فوطة على خصرو …ووحدة كينشف بها شعرو وصدرو ….وهي لاوية فوطة على جسدها وأخرى على شعرها …توجهات نيشات للدريسينغ الصغير تخشات فيه تلبس ..أما هو تكا مجبح على ظهرو فوق السرير حاطط يديه تحت راسو وحاااضيها…عاطياه بالظهر ..لبسات فستان سميطات فالأزرق فايت خصرها بشويا ..وشعرها المبلول مشطاتو وجمعاتو اسفنجة للخلف…وتحركات فاتجاه المطبخ وهي حانية راسها باش ماتشوفش فيه ..ومع دازت جنب السرير جمع معاها بصلية لمؤخرتها حتى قفزات مزنكة..عاد ناض يلبس عليه …الكوخ مافيهش غرف…فقط مراح واحد فيه السرير ومطبخ صغير …هي وقفات فالمطبخ ونطقات )

ساندرا : آش نطيب اليوم ؟

جبار كيلبس ) لي درتي ..المهم بغيت قهوة ..

ساندرا : واخا

(خدمات ماكينة القهوة …أما هو لبس عليه بسرعة سروال سبور أسود ..وبقا عادي الصدر ..يالاه تحرك قاصدها حتى تسمع صوت رنين تلفونو ..الشيء لي خلاه هزو غير شاف المتصل ..وتحرك حل باب البالكون خرج عاد شد الخط …أما ساندرا فا شافت فيه من زجاج باب البالكون عاطيها بالظهر كايهضر فتلفونو ..عمرات ليطاس بالقهوة حطاتهم على الطاولة ..وخدات بيض دارتو يتصلق ..وبعدها خدام الخيار حطاتو فوق لاطة وهزات سكين باش تقطعو …دورات راسها بانليها جبار لي كان سالا مكالمته..جاي ناحيتها وبسرعة بعدات عينيها عليه بدات تقطع فالخيار …ثواني حتى استغربت منلي مجاش عنقها من الخلف كعادته …دورات راسها لقاتو رجع للبالكون بسبب مكالمة تانية جاتو ..وهاذ المرة بانليها معععصب وهو كيهضر فالهاتف لدرجة كايغوت وهو كيمشي ويجي …الشيء لي خلاها شافت قدامها ونطقات بهمس )

ساندرا : فلابيوس هيرين فلابيوس أرمانيوس…. (وغمظات عينيها وهي تتصنت بتعويذتها عن كل كلمة تقال فمكالمتة ….)♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 973🔮

ساندرا : فلابيوس هيرين فلابيوس أرمانيوس…. (وغمظات عينيها وهي تتصنت بتعويذتها عن كل كلمة تقال فمكالمتة ….)
🍀🍀🍀
ونرجعو للحظات قبل ..وفمحكمة المتحولين وبالضبط …فالسجن تحت أرض المحكمة ….فارس واقف عاري الصدر وبدون تفعيله قوة جسده الفولاذي ..يلكم بدون انقطاع بقوة فالشخص لي قدامو ولي يديه المعظلة المكسوة بالشعر .. بجوج مكبلين بسلاسل ..وعينيه مغمظين ببانظة سوداء … شخص فأواخر العشرينات عاري الصدر..مفتول العظلات وضخم الجسد ..يعادل تقريبا ضخامة وطول جسد فارس بدون تفعيله لقوته الجسد الفولاذي…..
يتميز بلحية سوداء كثيفة تتخللها بعض الخصلات البيضاء ..الشيب المبكر …. نيفو وجنب فمو ينزفان ..وكل صدرو مطبع بكثرة الضرب وواضح عليه علامات التعذيب …وجنبو شخص آخر هو الآخر شابع عصا مكبل اليدين بسلاسل ومعصوب العينين ببانضة سوداء إلا أنه حاني راسو للأسفل مما يدل أنه فاقد الوعي ….

(فارس حبس من اللكم وهو كاينهج ..والشخص لي قدامو تفل الدم فالأرض ونطق )

…… : هذا هو جهدك يا ..صنديد …

فارس ابتاسم باستهزاء ونطق ) نتا وأنا عارفين أنه لو كان غرضي فقتلك ..ماغانخسرش عليك أكتر من ضربة يا هجين.. أورهان آل مانغوليانا …

أورهان هز راسو ونطق ) إذن حيد البانضة على عيني…وديك الساعة نتواجهو ونشوفو شكون غاينهي الآخر ..واش بنظرة وحدة ب قوة تفجيري ..أو بضربة قوة جسد الفولاذي …

فارس : ماكرهتش بحرا نطحنك كفتة ولكن ..راك عارف اللورد الأول وأوامره ودبا قول ليا واش ماعيتوش (شاف فداني آل مانغوليانا ..الشخص المكبل جنب أورهان ) نتا وهاذ ولد خالتك ولا شكايجيك ..شهر ونتوما كاتسلخو يوميا بطريقة مذلة ….واش مامليتيش اصاحبي ..(قرب منو ) تقدر ببسااااطة تتفك من هاذ الحالة ..يكفي أنك تعتارف ..وديك الساعة غاتدخل لسجن المتحولين معزز مكرم والا هاذشي …

أورهان ضحك باستهزاء)هههههه( وبعدها جمع الضحكة وغوت ) حلموووو يا ستااارك ..تاواحد منكم ماغايقدر يأثر فيا لا أنا لا داااني ..واخا تضغطو علينا لا جسديا لا نفسيا ماشي غير لشهر ..بل لسنييييين وإييلا يحسابلكم راكم مطورين ..كنحب نبشركم راني أنا وداني هجينين نوابغ ..عندنا من الذكاااء لي عندك هذاك اللورد دياااااالكم وأكثر فا لاغاتقتلوونا ..ديروها ..غير هذا ما ..(وسكت منلي حس بطاقتين دمتحولين ثانيين فالمكان غير طاقة فارس ..ووحدة من هاذ الطاقتين …جد مرتفعة الشيء لي خلا اورهان يسكت ويسرط ريقو حتى سمعو نطق )

(سليم لي ضهر هو وعصمان أمامو جنب فارس قبل ثواني وسمعو كل كلامو الأخير نطق باستهزاء )

سليم : مالك صفاريتي …غير تهنى هذا أنا ماشي اللورد ديااالنا ..جبار ..♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 974🔮
سليم : مالك صفاريتي …غير تهنى هذا أنا ماشي اللورد ديااالنا ..جبار …
(أورهان يالاه غايهضر حتى خشاليه سليم بونية قوية فكرشو حتى تهز وغوت …بعدها سليم حط يدو على وجه أورهان ..ودفعليه راسو للخلف حتى خبطوليه مع الحيط لي موراه ..قرب لأذنو ونطق بهدووء)
سليم : اللورد ديااالنا ..وديااالك وبالسيييف علييك يااا خائن..يا حثالة صنفنا …
(أورهان كيتنفس بسرعة ..طلق ليه سليم راسو بأنه دفعو بقووة حتى تهز وكونما السلاسل لي شادينو كون تخبط من الحيط الآخر …سليم استدار ويالاه تحرك يخرج هو وعصمان وفارس …حتى وقف مكانو على صوت ضحك قوي …الشيء لي خلاهم يدورو يشوفو فصاحبه ..ليكان هو داني الشاب الهزيل نوعا ما مقارنة بيهم كلهم ..الشاب الوسيم لي فمقتل العمر ..بحيث مكايتجاوزش 23 سنة ..وجه جميل هادئ يدل على مذى ذكاء ورزانة صاحبه ..حاجبين سوداوين كثيفين و ولحية جد خفيفة ..عيون عسلية براقة وشعر كثيف رطب ….
داني لي كلهم ظنوه كان مغيب ….حاني راسو وهو كيضحك بدون انقطاع ..حتى سكت وهز راسو ناحيتهم ونطق )

داني : كانعتاذر من اللوردات ستارك ومن الآغا التركي عن كلام اورهان منلي هضر على …اللورد ديالكم باحتقار ههه….
(فارس و عصمان شافو فبعض بدون فهم …كيدار تاعرف بوجود عصمان بالضبط وهو معصوب العينين وخصوصا أن عصمان ماهضرش…مستحيل يكون عرف بوجودو غير من طاقتو حيت طاقة فارس وطاقة عصمان تقريبا متعادليتين فالقوة ومن الطاقة فقط ماتقدرش تحدد شكون المتحول لي قدامك بالذات بدون ماتشوفو ..من غير المتحولين لي متميزين بطاقات هائلة …كوحوش الاستنساخ جبار جاسم سليم ووسيم …فا في كل صنف المتحولين غير هوما بربعة لي يقدر أي متحول يعرفهم غير بتحسس طاقاتهم بلا مايحتاج يشوفهم …غير هو يقدر يخلط بيناتهم يعني غايعرف أن لي قدامو واحد من المستنسخين بسبب حجم طاقتو ولكن صعب يميز شكون منهم بالضبط بدون مايشوف بعينيه خصوصا سليم وجاسم وجبار لي استنساخهم أقوى …فا واش هذا كله ذكاء من داني خلاه يستنتج أن الشخص الخامس فالغرفة من غيره هو وأورهان ..وفارس وسليم ..هو عصمان ))
سليم ابتاسم وقرب منو وقف قدامو ونطق ) آشنو هاذ الكره كاملو للستارك يا آل مانغوليانا !
داني مزالو مبتاسم نطق بهدوء )ماعرفتش آش بان ليك نسولو باك …!♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 975🔮

داني مزالو مبتاسم نطق بهدوء )ماعرفتش آش بان ليك نسولو باك …!

(سليم ضحك وحط يدو على خلف رأس أورهان شدو من شعرو ورد ليه راسو للخلف حتى تأوه ونطق )

سليم : حتى لنهار محاكمتكم …وديك الساعة غانطلب جبار يعطيك الفرصة تسولو بنفسك..قبل مايطير راسك …

(وهز سنسلة بحال لي مضورة على يديهم مكبلاهم ..ضورهالهم بجوج على لعنق بحيث هازة ليهم الراس للأعلى باش مايحيدوش البانضات على عيونهم بكتافهم …حيت قواهم بجوج لا التفجير قوة أورهان …والا تحويل الصلب لسائل قوة داني ..هما قوتين لي كايعتامدو أساسا على النظر ……من بعد سليم تبت ليهم رجليهم بجوج بيهم بالسناسل ..عاد وقف سد ليهم فامهم مزيان باش مايهضروش مع بعض وقبل مايختافي من مكانو نطق )

سليم : تيقوني منلي يرجع جبار وتشوفوه …غاتعرفو ان هاذ الشهر لي دوزتوه معايا أنا ..راكم دوزتوه فالجنة ..حيت مع جبار غاتشوفو وتعرفو معنى الجحيم على الأرض …(واختفى ..وبعده مباشرة اختفى عصمان …)

فارس تنهد ونطق وهو خارج ) راه قلت ليكم …وفرو على راسكم عناء تشوفو وجه الشيطان …واعتارفو …(وخرج سد الباب الحديدي …مخليهم فالسجن المظلم لي كايتسمع فيه غير اصوات تنفسهم ))

🍀🍀

(فقاعة المحاكمة …القاعة الكبيييرة لي فيها كرسي العرش الذهبي لي جنه كراسى العضماء الأربع … وأمامهم اكتر من مئتي كرسي ..كل كرسي منهم محفور عليه اسم رئيس عشيرة ……..جالس خليل على الطاولة الكبيرة دالاجتماعات وأمامه لابتوب ديالو خدام فهدوء …..ظهر سليم ومباشرة ظهر جنبو عصمان ونطق)

عصمان : هاذيك الشارفة راه سيفطات بلاغ للمرة الستين هاذ الشهر ..

سليم :تجاهلوه كيديما …

(وسيم ظهر جنبهم ..وخليل هز راسو من حاسوب ونطق )

خليل : مابقاتش ف ..تجاهلوه ( كلهم شافو فيه ..وهو وقف من مكانو وتمشى حتى لأمام سليم ونطق) هي كاتسيفط رسائل استعطاف لكل قياد باقي العشائر ..عشرات الرسائل فاليوم كاطلب فيهم النجدة والعون آخر رسالة رسلاتها لرئيس العشيرة الصينية كاتقول فيها أنا اللورد الاول احتاجز كل رجال عشيرتها لي ذنبو منهم وحتى لي مدارو والو ..وهي وباقي نساء عشيرتها حبسوهم إجباريا فقصرهم تحت تعسف وحراسة مشددة …كاتقول ان هذا ظلم وحتى لإيمتا ..وكاتسول علاش لدابا ماتحاكمووش لي ذنبو .. …

عصمان هو الآخر شاف فسليم ) بالتركية نقدر نقولكم أنها بطريقة غير مباشرة كاتحرض علينا باقي القياد …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 976🔮
عصمان هو الآخر شاف فسليم ) بالتركية نقدر نقولكم أنها بطريقة غير مباشرة كاتحرض علينا باقي القياد …
فارس لي دخل وقف جنبهم ونطق) جاتني تلك العشيرة كادير جهدها باش تبين جبار بصورة خايبة قدام الباقين …
وسيم ابتاسم باستهزاء ) شكون داها فيها …
خليل شاف فيه ونطق ببرود ) غلط ..ماخاسش نستاهنو بحركاتها حيت حتى لو الرؤساء لدابا مزالهم ساكتين …هاذشي مكايعنيش أنهم مامهتامينش بهاذشي او هضرتها مكاتأثرش عليهم ….كل المتحولين عارفين تاريخ لستارك مع آل مانغوليانا وكل مادارو ليوجين ..وآشنو كان رد اللورد جاسم عليه …. ..وباعتبارنا العشيرة الحاكمة وهم العشيرة الخائنة …فا أي حركة درناها ضددهم كاتحسب علينا كقياد لباقي العشائر …
جاسم لي ظهر جنبهم قبل ثواني حط يدو على كتف خليل ونطق ) بصيغة أخرى يا خليل …باقي العشائر حاليا كايمتاحنو حكم جبار ..غايشوفوه واش غايعدل فالحكم على هاذ العشيرة …أو غايطغى ويدوز على الأخضر واليابس فيها…
عصمان شاف فسليم ) خاسنا نعلموه بكل هذا و…
قاطعو سليم لي غووت ) لاااا (شاف فيهم مخنزر ) جبار يبقى بعيييد على هاذشي حاليا …حتى يرجع على خاااطرو …وحتى يكون مستاااعد لهاذشي وغايرررجع وديك ساعة غانحطو كل شيء فيديه والقرارت كلهم ليه ..حااليا خلييوه بعيد واجلو كل شيء . …
جاسم حرك راسو بآه ) كل نهار كنتواصل أنا وإيفان مع أكثر من تلاثين رئيس …فا ميرفيت آل مانغوليانا …مستحيل تقدر تأثر فيهم كلهم ..ماشي لكثرتهم ..بل حيت اغلبهم تايقين فأن جبار غايعدل …ولكن واخا هكاك كيما قال خليل ..ماتستاهنوش بها ..(واختفى )
عصمان سرط ريقو ) سليم …تيقني هاذيك الشارفة مستغلة الوضع كوولو لمصلحتها ..كاتمسكن على باقي العشاىر وتثير شفقتهم باش تقلبهم على جبار وهاذشي باين للعمى من رسائلها فا راااه خاس نعلموه دغيا …
سليم شاف فيه مخننزر ) راه هضرت يا عصمان ..(وشاف فخوه ) فين وصلتي مع ولد ديك لعقروشة لكبير و رئيس عشيرتها ..نيك آل مانغوليانا …
وسيم حرك راسو بلا ) ماقال تاشيحاجة جديدة ..كايأكد ويعاود أنه لا هو لانساء وباقي رجال عشيرتو ماعندهم دخل بخيانة أورهان وداني ومكانوش عارفين بيها ..ولكن ياسليم عطيني الاذن باستعمال العنف وغانخليه يعتارف و…
سليم قاطعو ) لا ..اوامر جبار كانت واضحة العنف فالاستجواب نستعملوه مع المذنبين فقط …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 977🔮
سليم قاطعو ) لا ..اوامر جبار كانت واضحة العنف فالاستجواب نستعملوه مع المذنبين فقط …
خليل نطق ببرود ) عمرهم غايخرجو شي حرف ..غير كضيعو وقتكم ..(تحرك راجع لكرسي يكمل خدمتو ) جبار لي غايهضرهم …
سليم كايتنفس بسرعة مخنزر ..مسح على وجهو وشاف ففارس و وسيم) واخا هكاك ماتوقفوش استجواب ..زيدو ضغطو عليهم نفسيا …
(وسيم وفارس حركو ريوسهم بواخا ..وسيم اختفى من مكانو ..وفارس تحرك يخرج…….)
(عصمان مخنزر فسليم …هاذ الأخير لي شاف فيه حتى هو مخنزر )
عصمان :اربعين متحول جدد سيفطو ترشيحاتهم للإنضمام لفرقة العدالة …
سليم : نتا عارف أن قبولهم من عدمو هو قرار جبار بوحدو …
عصمان مسح على وجهو وغووت ) ونتاااا عارف أن تأخر جبار عن الحضور ..غير كايزيد يأزم الامور ..
سليم غووت ) : عصمااان ماتخلينيش نتبلا بيك هاذ الصباح …
عصمان :هاهو غادي… ( واختفى من مكانو ظهر مباشرة فسطح بناية المحكمة وجبد تلفونو ..وبقا ساهي فيه لثواني ….عاد دوز الخط لي تشد فلبلاصة ….وتسمع…: )
جبار : عصمان !!
عصمان سرط ريقو ونطق) لورد…
جبار : آش تم..!
عصمان تنهد ونطق ) خاسك ترجع فأسرع وقت ..
🍀🍀
جبار لي بعدما أنهى مكالمته الأولى دخل من لبالكون وغادي ناحيتها حتى جاتو مكالمة تانية …خلاتو يرجع يخرج للبالكون ويشد الخط ….وساندرا التي استغربت منلي مجاش عنقها من الخلف كعادته منلي كاتكون كاطيب …دورات راسها لقاتو رجع للبالكون بسبب المكالمة التانية ..وهاذ المرة بانليها معععصب وهو كايهضر فالهاتف لدرجة كايغوت وهو كيمشي ويجي …الشيء لي خلاها شافت قدامها فلاطة لي كاتقطع عليها الخيار ونطقات بهمس )
ساندرا : فلابيوس هيرين فلابيوس أرمانيوس…. (وغمظات عينيها لتتفعل التعويذة وسمعات .)
عصمان تنهد ونطق ) خاسك ترجع فأسرع وقت ..
جبار غووت ) رااااه سولتك …
عصمان : الوضع غادي وكايتكفس ..وسليم منعنا نوصلوليك شي رابور أو معلومة ولكن ..وبصفتي أحد العضماء الأربع بحالو ..كنشوف أنه خاسك تعرف..حيت هاذشي ماكايتسكتش عليه…
جبار كيمشي ويجي بلاصتو غوت ) عصماااان بارااكا ماتزوق فلهضرة ….♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 978🔮
جبار كيمشي ويجي بلاصتو غوت ) عصماااان بارااكا ماتزوق فلهضرة ….

عصمان : ميرفيت آل مانغوليانا ..أخت ليوجين وكبيرة عشيرة آل مانغوليانا و..

جبار قاطعو ) عررررفتهاااا ..مالهااا…
عصمان : بعد مرور أسبوع على ذهابك ..وعلى القبض على كل رجال عشيرتها كيما امرتي وحبسها هي وباقي نساء عشيرتها فقصرهم ..هي بدات كاتسيفط بلاغات ورسائل ليك ..بغات تعرف سبب قبضك على رجال عشيرتها وسبب حبسها هي ونساء عشيرتها ….رسلاتليك أكثر من عشرين بلاغ بغات تتلاقاك ..وبغات اجوبة لأسئلتها …..ولكن سليم وحتى اللورد جاسم قالو لينا نتجاهلو أسئلتها وبلاغاتها وهاذشي لي درنا ماجاوبناهاش ..وبعد أقل من أربع أيام ..هي بدات ترسل رسائل استعطاف وشكايات لباقي رؤساء العشائر فدولهم …كل نهار كاتسيفط عشرات الرسائل خطية وإلكترونية بنفس المحتوى ..كاتقول فيهم أن هاذشي لي تدار فحقها وفحق افراد عشيرتها ظلم وتعسف واستعباد ..ونتا ظلمتيها …وكاتعدب كل رجال عشيرتها سواء لي أذنبو ولا مدارو والو وأنها هي وباقي أفراد عشيرتها ماعندهم علاقة بخيانت الهجينين …

جبار مسح على وجهو ) : أهاه …

عصمان : الرؤساء حتى لدبا ساكتين ولكن راه بعضهم كايتواصلو مع اللورد جاسم والنبيل إيفان واغلبهم كيسولو علاش لدابا مزال ماتعلن عن يوم محاكمة الخائنين… ..وفين اللورد الأول ؟ وعلاش لدابا مزال ماتحط قانونك الجديد لي غاينظم علاقة صنفنا مع صنف السحرة رغم أن الحرب بين الصنفين سالات ..
جبار نطق ببرود عكس العافية لي داخله ) دوك الجوج اعتارفو بشي حاجة ..!

عصمان : لا ..شهر دالتعذيب ماقدر سليم او فارس أو زليخة يخرجو منهم حتى حرف …هضرة وحدة لي قالوها وكايعاودوها ..أنهم ارتاكبو الخيانة بنفسهم ..بتخطيطهم وبدون علم أي شخص من عشيرتهم ..والسبب هو انتقامهم على الحكرة لي موجهة لعشيرتهم من طرف العشيرة الحاكمة ….وفهضرتهم عصبية كبيرة ناحية حكم لستارك …

جبار مسح على وجهو ) أهاه ..أوك ..شيحاجة أخرى ؟

عصمان : جبار خاسك ترجع راه بزاف دالأمور متوقفة ..عناصر جدد من فرقة العدالة كايتسناوك تقبل طلباتهم يبداو فالتدريب ..سحرة الخير بقيادة سام وماريانا كايتسناو القانون الجديد لي غاينظم علاقاتنا بهم باش يعرفو واش يرجعو لجزيرتهم أو فين يستقرو …والعشيرة الأمريكية مزالها لدابا بلا رئيس ..وماتنساش سحرة معاشر آل جوفر الفارين ..راه العشيرة الرومانية حددت موقع ساحرتين فدولتهم وملي مشاو يشدوهم هربو وقالو أنهم صادفو طاقة سحرية لأكثر من ساحرتين ..زليخة كانت غاتمشي تتبعهم وماخليتهاش و…

جبار قاطعو ) فهمت …

عصمان : غاتجي ..؟

جبار : زليخة أو غيرها ماتتحركوش بذون اذني ..وحاليا تكلفو غير بدوك جوج بغيتهم يهضرو يا عصمان ..الباقي خليوه ….
عصمان خرج عينيه) كيفاش واش مزال ماغاتجي ..(جبار قاطعو )

جبار : مزاال ..حيت ساندرا مزاال ماتحسنت ..فا يا تتسناوني ..يا ديرو لي عبجبكم …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 979🔮

جبار : مزاال ..حيت ساندرا مزاال ماتحسنت ..فا يا تتسناوني ..يا ديرو لي عبجبكم ….

عصمان مخررج عينيه ) ك ك كيفاش و.
…..(سكت منلي قطع عليه جبار …شاف فالهاتف ..وتنهد واختفى من مكانو بقوة تنقلو )

🍀🍀🍀🍀

نرجعو للجزيرة عند ساندرا لي تصنتت على كل شيء ومع قطع جبار الخط …هي حلات عينيها وهي تخررررجهم منلي بانليها الخيار ليكانت تقطع فيه واللاطة كلهم دم ..والسكين مغروس فاصبعها بالطول …الدموع طارو من عينيها من ألم يدها لي كلها دم و كاترجف .. كيفاش وقع هاذشي امتا تغرس السكين هكا فاصبعها بلا ماتحس…يالاه هزات يدها تخرج لموس من اصبعها حتى ظهر خلفها وشدها من دراعها وضورها عندو بقووووة شد يدها وحيد منها السكين لمغروس فاصبعها ..نترو نترا وحدة حتى غوتااات …وهو زير ليها على اصبعها بين يديه بقوووة …

جبار مخننزر فيها وهو كاينهج نطق) آشنوو ….(غووووت) آشنوووو وااااش لهاااااذ الدرجة مكاااانسوا عندك وااالو …

(ساندرا لي كاتبكي من ألم يدها..وكاترجف من الموقف لي هي فيه… وهي حانية راسها حركات راسها بلا ..ويالاه غاتهضر حتى غووووت لدرجة صوتو تردد صداه فكل مكان فتلك الجزيرة الفارغة )

جبار : بااارااااكااا أسااااندرااا …بااااراااكا ….

ساندرا غوتات وهي كاتشهق بالبكااء ) وا ل لا راه راه ما م ..

جبار قاطعها وكل كلامو بصراااخ) وااااش مكااااتفلتي حتى لحظة هاااا واااااش نغفل عليييك دقااائق نجييي نلقاااك كاتحااولي تنتااااحري وااش لهااذ الدرجة سااااخية بيااا لهاااذ الدرجة مستهترة بمشاااعري…

(ساندرا مابقاتش قادرا على غواتو …نترات يدها من بين يديه ودفعاتو كاتغووت بلا ماتشوف فيه ..كاتغوووت بحرقة وهي فاقدة لأعصابها )

ساندرا :منلييي عارف هاااذشي علاااش مصر تعتقني فكل مرة هااا علاااش مصر تتشبت بيااا علااااش تابعنييي فكل خطووووة علاااش كاضيع وقتك معاااياااا هنااا فالوقت ليعندك آلاف دالمتحولين كايتسناوك لقيادتهم …علااااش ماتخلينييش نمشيييي خلييني وسيير عيش حيااتك آش بااغي منيييي (خبطاتو فصدروو) نتاا ملك على صنف كلهم كااايتسناااوك …نتاااا مالك خاسو وريث يا جباار ..(غوتاات كاتبكي )فاااا آش باااغي من وحدة ملعوووونة وعاقر بحالي …

(جبار سرط ريقو …هز السكين لي عليه دمها …وشد ليها يديها حط فيها السكين وزير ليها قبضتها على السكين وتحت أنظارها المصدومة حط السكين على صدرو جهة قلبو بدون مايفلت يدها ونطق )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 980🔮
(جبار سرط ريقو …هز السكين لي عليه دمها …وشد ليها يديها حط فيها السكين وزير ليها قبضتها على السكين وتحت أنظارها المصدومة حط السكين على صدرو جهة قلبو بدون مايفلت يدها ونطق )
جبار : كاتظني أنه لامتي ..أنا غانعيش بعدك ياك …(زير على قبضتها باش شادة السكين وغرز راس السكين فصدرو حتى غوتااات وهي كاتحاول تخليه يطلق يدها وهو غووت) وااااش فعلا كاتظني أنه إييلا انتاحرتي أنا غانعيش دقيقة وحدة بعدك !
(ساندرا فهاذ اللحظة غاتهز راسها وتشوف فيه …ولأول مرة بعد شهر كامل من نهار فاقت..لأول مرة غاتشووف فعينيه ….شافت فوجهو الشاحب …شافت عينيه الحمر المدمعة المتعبة ..وهالاتو السوداء … شافت النظرة لي على وجهو لي كلها هم وذنب الذي لو ألقي على جبل لهده ..شافت الحزن العميق ..وشافت الغموووض ..الشيء لي خلاها تهدئ …وفقط كاااتشووف فيه وهو كذلك عينيه فعينيها وكمل كلامو )
جبار : واش فعلا كاتظني أنه نقدر نمشي ونعيش حياتي كيما كاتقولي ونخليك ! ..واش كاتظني أنه نقدر نمشي ونحل مشاكل المتحولين (وابتاسم باستهزاء) فالوقت لي ماقادرش حتى نحل مشكلة مراتي ! (ساندرا دموعها طاحو وسرطات ريقها وهو نطق ) آشمن مُلك كاتهضري عليه يا ساندرا وآشمن عرش ! …تيقيني مكايهمونيش حيت هاذ الملك والعرش ..خديتهم ونتي معايا ..خديتهم على قبلك كساحرة …ونقدر نخسرهم ببساطة على قبلك كزوجة …(وزاد زير على قبضتها بالسكين و غرسو أكثر فصدرو حتى شهقات وهو كمل ) فا مامنحقكش ..مامنحقكش تنهي حياتك ..هاذ القرار ماشي ديالك وقلتهاليك نهار تلاقينا …حياتك ديالي آه…ولكن قلبي بين يديك…فا إيلا بغيتي تموتي… ( وزاااد خشا السكين فصدرو حتى تخشا تقريبا نصو …وهي غوتااات لكنو غوت بأعلى صوووتو ) بغيييتي تمووووتي إذن قتلييييني قبل ..وديك الساعة نتي حرة فحياتك….
(ساندرا لي قربات تسخف بالبكاء عينيها على صدرو لي كينزف بقوة بحكم دمو سخووون …حركات راسها بلا وهي كاتحاول تجر يدها باش شادة لموس من قبضتو ..ولكن واالو …هزات راسها شافت فعينيه ونطقات بترجي )
ساندرا : لا ..عافاك …لا ..
جبار : ياك بغيتي تموتي (وزاد غرس السكين فصدرو وهي غمظات عينيها بقووة و غوتااات )
ساندرا :لااااااا…(وسكتات ملي بعد قبضتو عن يدها ….حلات عينيها شافت فيه كوولها كاترجف ..بزربة طلقات لموس لي بقا معلق مخشي فصدرو …رجعات خطوة للخلق وهي صفرا وصوت ارتطام أسنانها مع بعض مسموع ….وهو واقف كايشوف فيها ببرود ..مزادش هضر ..نتر السكين من صدرو تاطوش الدم ..وقرب منها حطوليها فيدها وعينيه فعينيها …واختفى من المكان كله ..ومن محيطها كله لدرجة مابقاتش بمرة كاتحس بطاقتو …شهقات وطاحت على ركبتيها …هزات يدها لي كاترجف شافت فلموس لي عامر بدمو …وشافت فجرح اصبعها لقاتو اختفى بفعل قواه ….بسرعة لاحت السكين لبعين وتكات على الأرض الباردة كاتبكي وهي متكومة حول نفسها ….. يتبع

اترك تعليقا