Skip links

قصة : الوحش وذات القزحتين الجزء 2 ( عشق جبابرة) 89

 17,945 عدد مشاهداات

♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 955🔮

جبار جالس فسيارتو لي واقفة فوسط الشارع والدخان يخرج من عجلاتها …كايتنفس بسرعة وهو مخنننزر فسليم الواقف مباشرة أمام سيارة جبار….

سليم لي بعدما ظهر من العدم وسط الشارع والفاصمة ملوية على يده اليسرى …غير شاف نظرات جبار له حنى راسو …أما هاذ الأخير لي مزالو داخل سيارته .. يده اليمنى لي على المقود ترتجف بقوة… جبار تحرك خرج من السيارة صااعر لدرجة خبط الباب حتى طار مقلع من مكانو …وسليم رجع خطوات للخلف ..أما جبار فا تحرك بخطوات سريعة صاااعر حتى وقف مقابل معاه مخننزر فيه )

سليم سرط ريقو وهز راسو غير تقابلو عيونهم …جبار ابتاسم باستهزاء ونطق )

جبار : إذن هاذي هي النظرة لي غاتبقا تشوف فيا بيها طول حياتك…

(سليم مباشرة حنا راسو ودموعو طاحو ..وثواني حتى بدأ كايبكي بقوة ومانطق بحتى حرف ..فحين جبار ماقدرش يشوف فيه فا استدار عطاه بالظهر ونطق بصوت متقطع )

جبار : كان قرار ساندرا ..وكان اختيارها هي ..ماشي أنا ..(سكت كايمسح عينيه ونطق ) ولكن من بعد ما وصلنا لتلك الجزيرة ولا القرار قراري ..ولكن ماشي اختياري…ماغانقولش ليك أنني مانادمش يا سليم ..أو كون رجع بيا الزمن كنت غاناخد نفس القرار ولكن..(واستدار شاف فيه ) لي وقع وقع .. وفالأخير كان ضروري واحد فينا غايخسر يا سليم….وأنا مستحيل نخلي واحد من خوتي يخسر وأنا كانتفرج …

(سليم هز راسو شاف فيه بعينين حمرين كاينزلو بدموع ساخنة ..بزز نطق )

سليم : سمحليا…

جبار سكت ثواني كاايشووف فيه ونطق ) إيلا فكل مرة غايتلاقاو فيها عيوننا مستقبلا غانشوف فعينيك نفس هاذ النظرة يا سليم ..من الأحسن مانتلاقاوش مرة أخرى …. (واستدار غادي فحالو فاتجاه سيارتو …أما سليم فا تنفس بعمق وحنا راسو كايمسح دموعو..عاد هز راسو شاف فجبار لي جالس على مقعدو فسيارتو مديماري السيارة وكايشووف فيه..

سليم سرط ريقو وتحرك مبعد من وسط الطريق ..ومباشرة جبار كسيرا بسرعة قصوى…مخلي خلفو غير لعجاج ..وباب السيارة لي طار ليها ..وسليم لي بقا واقف مكانو ..لثواني لي تحولو لدقائق ..وهو فقط واقف فلخلا ساهي فأفكارو بجمود … حتى حنا عينو ليدو اليسرى الملوية فلفاصمة لي بدأ التخدير كايزول له عنها ..قدر يحركها حتى أنه هزها أمام نظرو كايشووف فيها ونطق )

سليم : على أساس غانقدر نسمح لراسي ..باش نتا تسمح ليا يا جبار .. (واختفى من مكانو كليا …..)

🍀🍀🍀
مر الوقت ..ومع أسدل الليل بساطه الأسود على الأرض ..أقلعت طائرة لستارك الخاصة ..من أرض مطار واشنطن أمريكا …فاتجاه مطار الدار البيضاء المغرب ….الطائرة لي كانت كبيرة بحيث ركبو فيها كلهم … ومجهزة بعدت غرف طبية كافية لكل المصابين …زليخة لي مامفارقينهاش واليديها وعصمان ..هاذ الأخير لي شويا معاها فغرفتها شوية مع ختو فغرفتها ..هاندا لي لحد الساعة مافاقتش وباها جوكار مافارقهاش …أما وسيم فا معاه سماح وباها عدنان..وهو لي فاق وفحالة صدمة ماشي أقل من سليم ..خصوصا فاش سمع بكل ماوقع مع ساندرا ولعنتها .. ..فحين سليم فامنلي رجع من لقائه مع جبار وهو ساكت ..فغرفته الطبية فالطائرة ومعاه سميحة وأمها تارا لي صدعوه بالهضرة فالوقت لي هو ..ماهضر مع حد …
ماريانا لي مافارقهاش سام …
شيماء وجاسم لي كل شويا مع واحد منهم ..كل ساعة فغرفة …
مالك أميرة ..وفارس وجمانة وخليل ..وباقي لستارك من الجيل الأول …كل واحد فمقعدو والصمت كان سيد كل الرحلة بالنسبة لهم ….
أما جبار…♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 956🔮

أما جبار… فا تاحد ماشافو لا امتا وصل للمطار …لا امتى دخل ساندرا للطائرة …فقط كايحسو بطاقتو دالمتحول..وطاقتها السحرية صادرة من آخر غرفة فرواق الطائرة لي بابها مقفل من الداخل ..وفقط جاسم من يدخل عنده ويخرج بالاختراق ….

هكذا مرت كل ساعات الرحلة وماجا يصبح الحال حتى كانت الطائرة قد حطت فالمغرب …وزليخة الواعية هي و وسيم وهاندا الغايبة عن الوعي نقلو مباشرة من المطار لمستشفى لستاركس …فحين سليم وماريانا رفضو يبقاو فالمستشفى وتوجهو مع البقية للقصر …ومرة أخرى تاحد ماشاف جبار أو ساندرا …حتى لمن بعد عاد عرفوهم فالقصر وأنه قبل حتى مايتحرك جبار من مدينة واشنطن أمرهم فالمغرب بتجهيز كل اللوازم والاجهزة الطبية فجناحو……
🍀🍀🍀

الساعة 10 صباحا …وفمستشفى لستارك …بدات كاتحل فعوينتها الزرق.. ..وهي غير كاتسرط فريقها ..وحلقها كاتحسو نااشف …مع الاحساس بعطش شديد ..وألم أو حريق أسفل ظهرها …بزز كاتسرط الريق وهي كاتبلل حلقها باللعاب ماقاداش حتى تهضر ..ومع وضاحت ليها الرؤية دورات راسها جنب بانليها جالس على فوطوي جنب سريرها الطبي وناعس عوج بحيث راسو مايل ..وكايتسمع فالغرفة صوت شخيرو الدال على مدى تعبو … وهي غير كاتسرط فريقها حلات فمها بزز كاتهضر كاتعيط ليه بصوت باح )

هاندا :ب ب با با ….

(ماتحركش مزالو يشخر وهي ماقدراتش تعلي صوتها.. فا بانتليها فوق لكوافوز لي جنبها قرعة أو قنينة ماء ..مدات يدها تتماطا ليها ولكن بعيدة عنها ويدها أصلا تقيلة عليها بسبب المخدر لي مزالش كليا من جسدها … فا حاولات تستعمل قواها وتتحكم بالماء لي داخل تلك القنينة تقربها ليدها ولكن قواها خائرة … الماء فقط يزعزع داخل القنينة ومع عنكشها خيط الصيروم حركات يدها للأعلى ..وبسبب قواها تهزات القنينة بالماء لي داخلها حتى طاحت مخبوطة مع الأرض ومع صوت ارتطامها ..جوكار فاق قافز ..وغير شافها فايقة ناض مخرج عينيه فيها )

جوكار : حبيبتي.. (شد وجهها بين يديه ..اما هاندا غير كاتسرط فريقها وعينيها غير على قنينة الماء..جوكار فهمها وبسرعة هز لقرعة حلها دار فيها لاباي وكعد ليها راسها وهي بدات كاتشرب بشراهة …حتى كملات كل تلك المياه ..عاد تنفسات بعمق )

جوكار حط القرعة الفارغة جنب وضغط على زر فسريرها لي بدأ كايطلع أوطوماتيكيا حتى كعدها شويا بحالا جالسة ) واش بيخير …

هاندا ابتاسمات وهي تتذكر آخر الاحداث لي وقعو فساحة المعركة قبلما تفقد اتصالها بالعالم وتغيب) : م مامتيقاش أني باقية حية …

جوكار لي عينيه دامعين كايدوز يدو على شعرها المبعثر فوق الوسادة )فخور بيك يا هاندا …

(هاندا شافت فيه ..وهو نطق بعينيه لمغرغرين بالدموع )

جوكار : وسيم وزليخة عاودوليا كيفاش قاتلتي فساحة المعركة ..كايفاش عاونتي وسيم وحميتي ظهرو …وكيفاش قاتلتي جنب زليخة ….القوة باش كنتي متحكمة بقواك …والحكمة فتحركاتك…. (خدا يديها باسهم ) تيقيني أنا فخور بيك …وبزاف ..

هاندا ابتسامتها اختفت ..ولونها تخطف ونطقات بسرعة) : زليخة..هي تضربات زليخة ..

جوكار قاطعها )تهدني.. هي بخير كلهم بخير ..وحتى نتي غاتكوني بخير…

هاندا : وساندرا …

جوكار ماقدرش يجاوبها ..ابتاسم ليها فصمت …….♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 957🔮

جوكار ماقدرش يجاوبها ..ابتاسم ليها فصمت …….

هاندا كاتشوف فيه سهى )وا بابا..

جوكار سرط ريقو ) كل شيء غايكون بخير …

هاندا تنهدات براحة وشافت حواليها ) علاش أنا فسبيطار (شافت فيه) أشنو هو وضعي بالضبط (سرطات ريقها ) حسيت برصاصتين اخترقو ظهري قبل مانغيب و ..(سكتات منلي تحل عليهم الباب ودخل عصمان لي غير شافها فايقة تحرك كايجري عنقها وبدأ كايبوس فخدودها وكل ما حركها هي كاتخسر ملامح وجهها بألم ..رغم ذلك ابتسمت له وهو خدا يديها بجوج جمعهم بين يديه وهو حاني راسو ماقادش يشوف فيها ..ونطق ودموعو كاينزلو)

عصمان : كلو بسببي ..ماقدرتش نحميك ..خليتك بعيدة عليا فأرض المعركة ..تشغلت عليك …كان خاسني مانفارقكش…واجبي كأخ مادرتوش… …كولو بسببي…

هاندا كاتشوف فيه باستغراب )أنا راه بيخير أعصمان ماوقع والو غير رصاصتان و…….(سكتات مخرجة عينيها …لأكتر من دقيقتان وهي على وضعها ..ساكتة..وتعابير الصدمة مكتسحة وجهها كأنها ساهية فأفكارها ..وباها وخوها غير كايشوفو فيها ويشوفو فبعضياتهم وتاواحد ماقاد يهضر ..حتى سرطات هاندا ريقها وجرات يديها من بين يدين عصمان …بدأ تنفسها يعلى ونطقات بهمس)

هاندا: رصاصتان فمنطقة العموذ الفقري…. (طاحت دمعتها الأولى ..لتتسابق بعدها الدموع منهمرة من عيونها والصدمة خرسااتها ..مخرجة عينيها لي كايبكيو بوحدهم ..مكاترمشش وفعقلها كاترجع كل ماقراتو فسنوات كلية الطب …. سرطات ريقها وزيراات على ليزار بيديها بجوج وهي كاتحاول تحرك رجليها بدون أي نتيجة ..مكاتحسش بيهم بالمرة …أما عصمان وباهم جوكار غير كايشوفو فيها بقلة حيلة ….
عيات تحاول تحرك رجليها ووالو ..فا مدات يديها كاتمسح دموعها ونطقات بصوت يرجف)

هاندا : أنا ب ب بيخير الأهم أنني بقيت حية ياكو ؟

(جوكار لي مابقاش قادر يحبس دموعو قدام ولادو ..وقف عطاهم بالظهر ونطق وهو كيمسح دموعو )

جوكار : ماماكم وضعها الصحي فتراجع من بعد ماسمعات اش وقع ليك يا هاندا وهي مريضة ..أمرت أفراد من العشيرة ديالنا يجيبوها لهنا ولكنها رفضات تحط رجلها فالمغرب ورفضات قطعا تخلي قصر التوركانوس…

هاندا كاتمسح دموعها ) علاش مابغاتش تجي تشوفني ؟

جوكار استدار شاف فيها) : ماعرفتش ..لكن من آخر مرة كانت هنا وهي مبدلة ..وغير كنجبد ليها المغرب كاتخلع ..وواخا سمعات بكل ماوقع لك …مابغاتش تجي …

عصمان : غير رجع عندها لتركيا ألواليد ..أنا هنا مع هاندا…

جوكار حرك راسو بلا ) خاسني نعرف سبب نفورها من المغرب أو من لستاركس ..غانهضر مع اللورد جاسم فالموضوع …

هاندا مدات ليه يدها ..وهو ابتاسم وشدها وهي نطقات ودموعها كايطيحو) ماما من ديما وهي باغياني نكون خارقة الجمال ..من صغري وهي مهتمة بهاذشي فتربيتي وواخا كنت كندير كاع داكشي ليي كانت كاتقوليا ..كانت ديما معصبة مني وكنحس أنها مامقتانعاش بيا وكنحشم بيها (هزات راسها شافت فيهم مبتاسمة وهي كاتبكي ) فاكيفاش غاتشوف فيا دابا وأنا م م مش مشلول..(وسكتها عصمان منلي حط يدو على فمها مخننزر فيها ونطق)♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 958🔮
عصمان : ديما كنت كانقوليك وغانعاود نقوليها ليك دابا..نتي مامضطراش تعجبي شيحد أو ديري المستحيل باش تقنعي الغير بأنك زوينة ..حيت نتي زوينة أهاندا ….(شد يدها) .وبزاف فكل حالاتك زوينة وكل شيء فيك زوين ..ونتي ماشي مشلولة أو مقعدة ..نتي مريضة وغايجي الوقت لي غاتبراي فيه وغاتوقفي تاني على رجليك …
جوكار جلس جنبها الآخر وشد يدها الأخرى ) الأطباء كلهم أكدو على أنه خاسك غير عملية تانية ..وغاترجعي توقفي على رجليك (سرط ريقو) فا مابغيتكش تفكري على أساس أنك وليتي مقعدة …
(هاندا لي غير كاتشوف فيهم وهي غير كاتبكي حيدات يد عصمان من على فمها …وحنات عينيها ساكتة كاتفكر …واش هوما غايشرحو ليها وضعها وحالتها ..واش هوما غايفهمو فالطب أكتر منها هي لي طبيبة ومحترفة فمجالها ..وهي أكتر وحدة عارفة صعوبة هاذ العملية لي كاتسناها ..ونسبة نجاحها الجد منخفظة …هي أكتر وحدة كاتحس حاليا بالألم الحارق لي فظهرها كلها …هي أكتر وحدة عارفة الأدوية لي مزال خاسها تبعهم وشحال قاصحين…والأهم هي بوحدها لي مكاتحسش بمرة برجليها ………هزات راسها شافت فيهم …ركزات نظرها على عصمان وغير كاتبكي )
هاندا : خ خ خليل(شافت فباها) غاي غايكون فسخ الخطبة ياكو..
(عصمان خننزر فيها ويالاه غايغوت حتى بزز تدارك نفسو ونطق بهدوء )
عصمان : هاندا واش من نيبتك ممكن عفاك ماتجبديهش قدامي وتديها حاليا غير فصحتك …
(هاندا ماداتهاش فكلامو ..شدات يد باها مزييرة عليها ونطقات وهي كاتبكي)
هاندا : فسخها ياك أبابا ..أصلا آش غايدير بوحدة ولات مقعدة (حنات راسها كاتبكي بحرقة وكاتهضر بدون وعي ) هو بغاني تافاش كنت برجلي بقا غير دبا..(حركات راسها بلا) الدليل لي طلب كان غير باش يصدرني حيت هو أصلا ماعندو لاش يبقا معايا حيت التمثيلية سالات نهار مشات ماما فحالها لتركيا ..هو خطبني غير باش يحميني منها ويحمي علاقة العشيرتين هو مكايبغينيش ماعمرو بغاني وكان غايخليني قبل تلك الحرب غير مالقاش الفرصة …
(جوكار لي مافاهم والو شاف فعصمان ..هاذ الأخير لي مخررج عينو فهاندا ونطق بعصبية)
عصمان : ك ك كيفاش مافهمتش آش دخل لواليدة فالموضوع
هاندا هزات راسها شافت فيه غير كاتبكي بحرقة ) خليل صافي عمرني غانشوفو ياكو …
جوكار تنهد بعصبية وشد يدها ) تهدني أبنتي ..
هاندا غوتات): هو خلاني ياك ؟
عصمان غووت حتى قفزات ) :بارااكا أهااندا مااتهضري عليييه وهو أصلا سباب حالتك ..ودابا قوولي ليا أشنو كاتخربقي شرحي هضرتك لي قلتي ..
جوكار شاف فيه مخنزر ) من الأحسن تنتابه لنبرة صوتك فوجه ختك لي مريضة…

عصمان شاف فيها مخنزر) سمعي بخليل ولا بلا بيه حنا ديما معاك و نتي خاسك تديها غير فصحتك حاليا وهو شمااتة يمشي يقو..(وسكت متدارك لنفسو قدام باه )أحم المهم ماعندك ماديري بيه وأنا مستحيل نخليه يقرب منك مرة أخرى ..فا من الاحسن تنسايه عليك بمرة ..

جوكار (لي مخنزر فعصمان شاف فهاندا وابتاسم) تهدني وماديري فبالك والو ..عندك أنا وعندك خوك وحنا بجوج مستاعدين نعطيوك حياتنا و….
(سكت منلي تحل عليهم الباب بدون سابق إنذار ..بتلاثة بيهم دورو راسهم للباب …بانليهم داخل ..متأنق ب بودي كول مونطي أسود ..مع سروال سيرفيط أسود وسباط رجالي فخم فنفس اللون …هاز فيدو مونطوه الرجالي البني ..مع حقيبة رجالية بنية ….مع حل الباب ..وقف مكانو شاف فيهم بنظرتو الباردة المعتادة ..وبدون اكتراث دخل سد الباب دار يدو فالجيب وتحرك بخطواته المثيرة ..خطوات عارض الأزياء المحترف..حتى وقف عليهم ..شاف فيها … جنبها ليمن فالسرير الطبي جالس خوها ..وجنبها ليسر جالس باها…دور راسو ببرود بانليه كرسي وتحرك قاصدو ..تحت أنظارهم …هز الكرسي بيد وحدة ..وتحرك حتى لجنبها ..دفع رجلي عصمان بالجهد خواليه لبلاصة حط الكرسي بالمقلوب وحط جنبو حقيبتو ولمونطو ..وجلس دار يدو تحت ذقنو ونطق ببرود)

خليل : فقتي الحب …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 959🔮

خليل : فقتي الحب …

(هاندا مخررجة فيه عينيها الحمرين الدامعين ..جاتها الساكتة ..فحين جوكار وعصمان كيشووفو فيه بصدمة )

(خليل ماتلقى منها تارد ..مد يدو مسح ليها دمعة نازلة مع خدها ونطق تاني)

خليل : كيبقيتي ….

عصمان بسرعة دفع ليه يديه عنها ونطق مغدد بصرااخ) واااااااااااسي واش حنا مابناش ليك هنا ؟ وكيفاش دخل بلا ماطلب الاذن ؟

خليل شاف فيه ببرود وحول نظرو لجوكار ) عمي غير سير ترتاح الليل كولو ونتا معاها (وشاف فهاندا ونطق) أنا هنا دابا …

(عصمان يالاه غايغووت حتى وقف جوكار ونطق)

جوكار : غدا فصباح غانرجع عندك يا هاندا..

خليل شاف فيه ونطق) ماكاين لاش اعمي ..أنا هنا …

جوكار : واخا اولدي…

عصمان مخرج عينيه فباه) ألوالييد واش من نيتك…

جوكار : عصمان راه مزالو خطيبها..

عصمان وقف صاااعر) الخطبة تفسخااات ألوااليد وأنا لي غانفسخهاااا

جوكار : عصمان ممكن تتهدن …

عصمان كاايغوت) : لااا أنااا ماغانخليييش ختي معاااه ولو دقييقة وحدة ألوااليد غانهزها غدا فأول طائرة لتركيا مستحييل نقبل علاقتها مع هاذ شمااتة …

جوكار خنزر فيه ) عصمااان رد بالك لهضرتك..

عصمان لي مكشكش ) راااك مافااهم والو ألوااليد هو مايلييقش ليها …

(وفهاذ الأثناء ..لي جوكار كايحاول يهدن ولدو لي صااعر وغواتو واصل حتى لخارج الغرفة …خليل كايشوف فيهم ببرود ..تنهد بملل ودور راسو شاف فهاندا لقاها حالة فيه فمها مكاترمشش ..ابتاسم وقرب وجهو من وجهها حتى تقابلو عيونهم ونطق بهمس )

خليل : بغيت منك طلب…

(هاندا ..سرفقاتها رائحة عطرو لدرجة غمظات عينيها بنشوة ..وسرطات ريقها من قربو …أما هو فا ابتاسم ثاني وهو مستمتع بكل ردت فعل كاتصدر منها وكادل على مدى تأثيرو عليها ..بعد ونطق تاني بهمس ..أما عصمان فامازالو كايغوت بعصبية وهو كايحاول يقنع باه جوكار بفسخ هاذ الخطبة )

خليل :هاندا

(هاندا قفزات وحلات عيونها شافت فيه مزززنكة )

خليل : بغيتك تعطيني شيء ..

هاندا سرطات ريقها ونطقات هي الأخرى بهمس )ش ش شنو؟

(خليل ابتاسم للمرة التالثة ..وببرود تحنى خدا حقيبتو جبد منها ملف حلو ومدو ليها ..عطاها ستيلو وحط اصبع على مكان فالورقة ونطق )

خليل : وقعي هنا …

هاندا حركات راسها بواخا ويالاه حطات الستيلو على الورقة توقع حتى جات عينيها على أول جملة مكتوبة …خرجاااات عينيها وبلا ماتحس طلقاتها بغوتة خلات خليل يحط يديه بجوج على أذنيه ببرود …وعصمان وجوكار يسكتو ويضورو عندها بسرعة…صرخة تسمعات فكل ذلك القسم من المستشفى …..)♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 960🔮

هاندا صرخت صرخة تسمعات فكل ذلك القسم من المستشفى …..)

وعصمان لي شافها شادة ملف مخرررجة فيه عينيها وكااااتغوت..تحرك بسرعة نترو ليها من اليد ..ومع النترة سكتات مطلعة فيه راسها …أما هو غاقراه ..دور راسو شاف فخليل )

عصمان : واش كاطنز لدلمك…

خليل حيد يدو على وذنيه ونطق ببرود) : واخا ماسمعتش آش قلتي ولكن فكل الأحوال …ماشي سوقك …

(عصمان لاح الملف بعنف فوق السرير وطار عليه شدو من لكول مكعدو من كرسيه كايغووت فوجهو وهو كايدي فيه ويجيب)

عصمان : واااش دايرنا ضحكاااا قدامك ولاااا شنوووو هااا واااش ختي شااايطة تبغيها وماتبغيهاش بكااانتك هااا واااش يحساابليك راااسك ملك زمااانك ولاااا شنوووو…

خليل كيشووف فيه ببرود ) غانعاود نقوليك وبكل احترام …ماشي سوقك…

(جوكار لي مافاهم والو شاف فالملف لي كاتحاول هاندا تتماطا ليه ..وتحرك هزو من فوق السرير قبل ماتوصل ليه يدها …غير قرأ محتواه وهو يخرج عينيه)

عصمان دفع خليل وغووت) رااااه نتاااا لي مااشي سووقك سمعتي راااه نتااا الشخص الوحيد لي براااني فكل هااذ الغرفة وختيي ماشاااايطاش علياااا ودااابا هز ملفك ودووور تق….د

جوكار غووت) عصمااان …

(كلهم شافو فيه وهو شاف فهاندا لي كاتبكي)

جوكار : كلمتي غاتكون من كلمتك ..يا هاندا…(ومد ليها الملف)

(هاندا سرطات ريقها وحنات راسها على الملف فحين عصمان شاف فباه )

عصمان : لوااليد سمح ليااا ولكن واخا نتا توااافق أنا مستحييل نواافق ( وتحرك بسرعة جلس جنب ختو وشد يدها ونطق بهدوء) هاندا شووفي فيا …

(هاندا هزات راسها فيه وهو باس يدها ونطق)

عصمان : فين عمرو بغاك ها ؟ ياك قلتيها بنفسك …مكانش كايبغيك ..فا علاش دابا ها علاش جاي وجايب معاه أوراق الزواج أشنو وقع غيرلو رأيو هكا ؟

(هاندا حولات نظرها لخليل هاذ الأخير لي واقف فوسط الغرفة ..ولكن تعابيرو الباردة تحولت لتخنزيرة بينات على أنه تعصب …سرطات ريقها منلي تحرك حتى وقف عليها مربع يديه ومخننزر فعصمان بهدوء )

عصمان :أنا نقووليك علاااش يا هاندااا ..حيت هو ولا كايحس بالشفقة جيهتك ..آه الشفقة حييت بسبابو وفطريق حمايتو تضربتي بالرصاص …إحساسو بالذنب هو ليجابو ..وإحساسو بالشفقة ناحيتك هو ليخلاه يجيب معاه عقد الزواج باش توقعيه ..والشفقة عمرها كاتتحول لحب يا هاااندا حيت غايجي واحد نهار هو غايمل ..(رد بالو أنها آه كاتسمع ليه ولكنها كاتشوف غير فخليل فا بسرعة شد وجهها بين يديه دور ليها راسها حتى ولات كاتشوف فيه هو ونطق مكمل كلامو ) ..فا ماتوافقيييش ماعندك ماااديري بيه نتي زوينة بل فاااتنة ومتحولة كاملة وقوية ومن عشيرة غنية وعريقة ودولة قوية ونتي قارية وطبيبة محترفة أي متحول فأي عشيرة يتمنااك ..وغايجي نهار غاترجعي توقفي فيه على رجلييك ..مامحتاجاااهش يااا هاندااا ..(وسكت منلي نطق خليل)

خليل : لآخر مرة غانقولها …ماشي سوقك …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 961🔮
خليل : لآخر مرة غانقولها …ماشي سوقك …(وشاف فهاندا وبالضبط فالملف لي بين يدها ) خليت مبلغ صداقك مفتوح كتبي الرقم لي بغيتي..
(عصمان مع كمل خليل كلامو طلق يد هاندا ووقف مقابل معاه صااعر وغووت)
عصمان : إيييلا أنااا ليخوها ومااسوقيش فااسوق من هااا (ابتاسم باستهزاء ) نتااا مثلا …ماضحكنييش وسير فحالك يا خلييل بلا مانغلط فيييك …وهاندا ماغاتكونش ليك …
خليل لي كايشوف فيه ببرود نطق بهمس سمعو غير عصمان ) على أرض تلك الجزيرة أنا قلت ليك ..يا عصمان ماتحطهاش فموقف الاختيار بيني وبينك…حيت غاتخسر يا ..غبي …
(عصمان يالاه غايطير عليه حتى غوت جوكار)
جوكار : عصماااان …
(عصمان شاف فيه ..وجوكار أشار ليه براسو لهاندا ….)
(عصمان غير شاف فيها …جمد بلاصتو منلي بانتليه كاتوقع على الأوراق بيدها لي كاترجف ..وهي مبتااسمة ومتحمسة وعينيها دامعين بالفرحة لي باااينة على وجهها .. ..فا طلق من خليل فاشل وبعد خطوة للوراء …فحين خليل لي ابتاسم وجلس جنبها جبد من جيب مونطوه علبة خاتم ونطق )
خليل : عارف عندك خاتم ليكنت جبت فالخطبة ..ولكن صراحة كنت خديتو غير عبثا ..هذا أحسن ومابغيتوش يتحيد من يدك (حل العلبة أمام عيونها لي وسعاتهم منلي شافت شكل الخاتم ..وخليل نطق وهو مبتاسم) اسمو خاتم حورية البحر ..تصمم خصيصا بطلب مني لأجمل حورية بحر فكل عشائر المتحولين (حيد الخاتم من علبتو ..الخاتم ليكان من الذهب الأبيض يبدأ بدياموندة زرقاء دائرية الشكل ناعمة صافية كلون المحيط ..وينتهي على شكل ذيل حورية بحر ….خدا يد هاندا تحت أنظار خوها المصدوم ..وباها المبتسم ..وركب ليها الخاتم ..وتحنى طبع قبلة رقيقة على يدها …قبلة جابت ليها الدوخة…تبهضات لدرجة بدات غير تاضحك وهي كاتشوف غير فخلليل مزززززنكة …وهو الآخر كايشوف فيها مبتاسم وساهي ..وفأفكارو كايتسائل …واش هي لهااذ الدرجة كلها هي كاتبغيه ….أشنو هاذ الحب لي خلاها من قبل تفظل حياتو على حياتها ..وآشنو هاذ الحب لي خلاها دبا توقع بكل ثقة وبكل إيمان وبكل تأكيد ….)
(خليل فاق من أفكارو على إثر جوكار لي قرب منها وباسها فجبينها ونطق )
جوكار : مبروك حبيبتي …
(هاندا …فينها هاندا ..كاتشووف غير فخليل ساااهية مسمقلة مبنجة قدامو وهي مبتاااسمة وداخلها كاتنقز وتشطح بالفرحة …جوكار حبس الضحكة وشاف فخليل وحط يدو على كتفه وغمزو )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 962🔮
جوكار حبس الضحكة وشاف فخليل وحط يدو على كتفه وغمزو )

جوكار : نخليكم غانرجع عندها غدا …

(خليل ابتاسم ليه …وجوكار قصد عصمان وقف أمامو ونطق بهمس )

جوكار : عصمان ..قُضِيَ الأمر وهي اختارت (ابتاسم) أصلا هي منهار حلات عينيها عليه وهي مختاراه هو ..(طبطب على كتفه ونطق تاني بهمس)مابغيتكش تفكر بطريقة سلبية و كانظن ماتحتاجش تخاف على ختك من #رجل #ستارك يا عصمان …..(وتحرك خرج ….أما عصمان سرط ريقو وهو كايشوف فيهم بغضب وتحرك تاهو يخرج حتى وقف مكانو منلي نطق خليل )

خليل : عصمان ( طلق من يد هاندا ووقف …تحرك قاصدو حتى وقف أمامو ونطق ببرود )

خليل : عمرني عرفت أشنو هو إحساس الشفقة يا عصمان …ديرها فبالك …وكانظن أنك كاتعرفني ومزيان ….(ابتاسم وهو هاز حاجبو بمكر ) حاليا يالاه كانتعرف على إحساس الحب …

(عصمان مخننزر فيه قرب ينفاجر بالاعصاب …ضربو بالكتف تخطاه بلا ماينطق بحتى حرف يالاه حل الباب يخرج حتى سمعها كاتعيط ليه بصوت باكي ..لمرة ولجوج لكنه حتى ماشافش فيها خرج وخبببط الباب موراه حتى قفزات )

(خليل مبتااسم استدار ورجع جلس أمامها وهي كاتسمح دموعها)

هاندا : هو تقلق مني بزاف …

خليل حرك راسو بلا) دابا يبرد …

(هاندا حركات راسها بواخا ..ولحظات من الصمت هي متوتتترة كليا كاتفرك يديها مع بعض مزننكة ..كاتشوف فيه شويا وتحني راسها وهي مبتاسمة ببلاهة و تشوف فخاتمها لي حمقها وترجع تهز راسها تشوف فيه تاني وتحك عينها كأنها كاتحاول تقنع نفسها أنها ماشي فحلم …أما هو ساهي فيها مبتااسم…حتى نطق )

خليل: قولي..!

هاندا هزات فيه راسها) ها ؟

خليل : كانظن عندك بزاف دالأسئلة ؟

(هاندا حركات راسها بلا)

خليل هز حاجبو) واش ما أثراتش فيك هضرة دخوك وكاع داكشي لي قال عن الشفقة ومنعرف اش ..

(هاندا مبتاسمة حركات راسها بلا )

خليل : واش لهاذ الدرجة كاتيقي فيا …

(هاندا حركات راسها بآه )

(خليل ابتاسم كايشووف فيها لثواني ..وبدون سابق إنذار حط يدو خلف راسها وتقدم هو تحنى عندها …وجهو مقابل مع وجهها ونطق )

خليل : أقسم بمن خلق كل هذا الجمال ..أنني عمرني غانخذل ثقتك وحبك ..ليا …
( ومباشرة فمو على فمها مغمظ عيونو ….فحين هي خرجات عينيها)
🍀🍀🍀

اليوم الموالي …الساعة 9 صباحا وبالضبط فالخرجة دلمدينة فين كاتتواجد بناية مقر محكمة المتحولين الضخمة …
فقاعة المحاكمة جالس فكرسيو دالحكم ….الكرسي الذهبي ذو القبضتين لي على شكل رأس أسد ….وفيديه طابليط عليها تقرير كايقراه مخنننزر …وجنبو واقف عصمان وباه جوكار…. وجنبو الآخر واقف فارس وباه دياب …مع الخال إيفان …وأمام العرش واقفين خمسين متحول فصفين …50 متحول من فرقة العدالة ..بقوى مختلفة ..كلهم حانيين راسهم أمامو …..)♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 963🔮

جبار وعينيه على الطابليط نطق ببرود قاتل ) داني آل مانغوليانا …وأورهاان آل مانغوليانا (هز راسو من على الطابليط وشاف جنب وبالضبط شاف فيه …جاسم لي عاطيهم بالظهر وهو واقف بعيد عليهم أمام إحذى النوافد مربع يديه …جبار نطق بصوت مرتفع ضااااغط على الحروف )
جبار : عشييرة آل مانغوووليانا مرة تااانية ….

عصمان : الهجينين لي حرضو السجناء وسببو فالفتنة بينهم واختارقو النظام الأمني للسجن وهربو السجناء وقتلو بعض من الحراس وخربو لي هيليكوبتر وهربو ..آه من عشيرة آل مانغوليانا لورد ..وراه كانو ظمن طاقم حراسة السجن ..

جبار ابتاسم باستهزاء وشاف فساعة يدو وغوت ) اسماعيل آل باشا…

(تقدم من الصف المتحول إسماعيل آل باشا .. من العشيرة اللبنانية وتحنى على ركبة وحدة )

جبار شاف فيه ) غاتتحركو حااالا لدولة ماليزيا …دولة عشيرة آل مانغوليانا ..غاتقتاحمو قصرهم وتجمعو ليا كل رجل بالغ من تلك العشيرة مع رئيسها ^نيك آل مانغوليانا ^ وتجيبوهم ليا لهنااا وحيين ..وباقي نساء العشيرة غاتطوقو قصرهم بعشرين متحول قوة الجسد الفولاذي ..ممنوع يعتبو باب القصر حتى نأمر بالعكس…

(اسماعيل حرك راسو بواخا …فحين إيفان نطق)

إيفان : ملي شديناهم بجوج حاولو ينتاحرو ببلع السم لي كانو مخبينو تحت ألسنتهم لورد …ولكن منعناهم

جبار ابتاسم تاني باستهزاء وغوت) : فارس …

(فارس تقدم وقف أمام جبار جنب اسماعيل وتحنى على ركبة وحدة )

جبار شاف فساعة يدو تاني ونطق) : آش أخبار ضيوفنا…

فارس : كون هاني مهليين فيهم مزيان لورد …

جبار شاف فساعة يدو تاني 9 والنصف سرط ريقو ونطق) : تهلا براحتك ولكن ممنوع يموتو…غير تشرفنا لكمالة ديال طريكة ليوجين^ وغانعلن على محاكمتهم علنا …أمام باقي العشائر …

فارس : أمرك لورد …

(جبار اشار لفرقة العدالة بالانصراف …غادرو القاعة كلهم …فحين هو وقف ونطق )

جبار : نظام السجن الأمني الجديد ..بكل آلياتو ..عليا غانخدم عليه بنفسي من الصفر تاني …

إيفان : جبار ..خاسك هاذ المرة تحط حد نهائي لتلك العشيرة…ماديرش نفس الخطأ تيقني دم تلك العشيرة عمروو غايعرف الولاء …

جاسم استدار وشاف فيهم مخننزر ونطق ) قصدك ماخاسوش يكرر نفس خطئي يا إيفان ….

إيفان شاف فيه مخننزر ) الخطأ أنسيبي ماشي فنهار خليتي ولاد الشماتة دليوجين (بوكا ودانييل) حيين ..تاناضو تسببولينا فكاارثة …بل الخطئ الحقيقي أنك خلييتي كل افراد تلك العشيرة يبقاو حيين وعطيتي لجوج منهم الفرصة يكونو حرااس فسجننا …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 964🔮
إيفان شاف فيه مخننزر ) الخطأ أنسيبي ماشي فنهار خليتي ولاد الشماتة دليوجين (بوكا ودانييل) حيين ..تاناضو تسببولينا فكاارثة …بل الخطئ الحقيقي أنك خلييتي كل افراد تلك العشيرة يبقاو حيين وعطيتي لجوج منهم الفرصة يكونو حرااس فسجننا …
جاسم غووت صاااعر ) خاااضو اختبار الحراس كبااااقي المتحولين ..بعدل ونجحو فيه كباااقي الناجحيين ..ولهذا ولاو من الحراس …وتلك العشيرة من نهار شديت كرسي العرش وأنا حاط عيني علييهم يكفي أنني منعتهم نهائيا من الخروج من دولتهم منغير دوك الجوج لي كانو من الحراس ..ويكفي أنني خديت كل أملاكهم فباقي الدول ويكفي أنهم ولاو منبوذين من طرف باقي العشائر …(شاف فجبار ونطق صاااعر) كنقولها وغانعاود نقوولها مااشي أنا لي نعااقب شخص على ذنب ارتكبه غيره ..فا كرسي العرش لك دبا نتا هو اللورد الأول ونتا حر فقانونك بغيتي تقطع نسل تلك العشيرة عن الوجود كليا بنسائها وأطفالها (حل يديه ) ديرها ولكن عول تبرر لضميرك ولباقي العشائر أن هاذ التصرف عادل (واختفى من مكانو)
(جبار مسح على وجهو بعصبية ورجع شاف فساعة يدو …فحين إيفان نطق )
إيفان : جبار تيقني عدل باك مايستاهلوهش فتلك العشيرة ..هم حتى مايستاهلوش ينتاميو لصنفنا مايستاهلوش يكونو متحولين حيت حنا أساسنا الولاء وهوما رااه عمرهم ماغاينساو المجزرة لي دار فيهم جاسم..وكيفاش طيح عشيرتهم من القمة للحضيض وجيل عبر جيل غايبقا صنفنا كايشهد الغدر غير منهم ..فا فكر مزيان …
جبار لي حاضي غير ساعة يدو نطق ) أنا ماشي هو جاسم أخالي ..وفنفس الوقت أنا ماغانظلمش …
إيفان : م مافهمتش ؟
جبار تنهد وهز الطابليط ديالو كايخربق فيها وهو كايهضر) الهجينين منلي تشدو ..حاولو ينتاحرو ..وهذا أكبر دليل على أن كل ماقامو بيه فجزيرة كارولاين مع السجناء و حتى انتحارهم ..كانو مجرد أوامر هما كايطبقوها …أوامر من مَن وعلاش …هاذشي يا غانعرفو يا فعلا غانصفيها لكل نسل تلك العشيرة باش نقطع الشك و ..(سكت مخرررج عينيه فالطابليط لي حلها على كاميرات جناحو …فحين كلهم كايشوفو فيه كيفاش تبلوكا أمام الطابليط ..حتى نطق بسررعة)
جبار : لا لا لا ….(واختفى من مكانو )
🍀🍀🍀
قبل ربع ساعة بالضبط ..وفقصل آل ستارك وبالضبط فجناح جبار …على السرير الفخم الواسع لي ضاير بعدت أجهزة طبية …مستلقية ساحرتنا الجميلة النائمة ..ولي طول هاذ الأيام لي مرو ..وجبار منعسها بالأدوية وبالتخدير عمدا…كلما كان كيوصل وقت فياقها ..كيرجع يحقن الصيروم بمخدر يرجعها للسبات …وكل هذا باش ترجع شويا من صحتها وتتعافى جسديا ولو شوية ..وباش هو يكون مستعد للتعامل مع ردت فعلها لي هو بذكائه ..متوقعها….
ساندرا على السرير ملبسها شوميز حريري سميطات بني اللون مفتوح من الصدر ..وطويييل لكن فيه فتحة طالعة مع الفخض ..وشعرها مبعثر فوق الوسادة …خيط الصيروم معلق فيدها ….بداو رموشها كايتحركو وهي كاتفتح عيونها بثقل وترجع تغمظهم وهي تحدق في السقف ..لثولني وهي على نفس الوضع ..فقط كاتسد عينيها وتحلهم وهي كاتشوف فالسقف بدون فهم…سرطات ريقها ودورات راسها يمينها وبعد ذلك شمالها ..وهي كاتشوف فأنحاء الجناح باستغراب كأن ذاكرتها مسحت ..سرطات ريقها تاني وبزز هزات يدها لي كاتحسها ثقيييلة عليها كسائر أجزاء جسدها ..وهذا بسبب المخدر لي مزال شاد فيها …مع هزات يدها أمام وجهها وشافت خيط الصيروم ..بقات متبعاه بعينيها حتى شافت كيس الصيروم و الأجهزة الطبية المعلقة فوق راسها … الشيء لي خلاها تخرج عينيها وبحر هائج من آخر ذكريات ما وقع معها فتلك الجزيرة …أغرق عقلها ….بدأ تنفسها كايعلى وجسدها يرتعش بقوة ..وهي غير كاتسرط فريقها ..ومع جات تتكعد حسات بألم قوي فكل جسدها ..ألم خلاها ترجع تتكا بلاصتها وهي مزيييرة على ليزار بيديها بجوج وكاتشوف يمينها وشمالها بحيث كاضور راسها بسرعة فكل أنحاء الحناح وبهستيريا … عينيها بداو كاينزلو بدموع ..عظات على شفايفها وهي كلها كاترجف …هزات يدها باش تحطها على بطنها ولكن ماتجرآتش …صوت بكائها كايرتافع ..وشهقاتها كايعلاو ..وداخلها أفكار تتصاع لتأخذ القرار ..واش تتحسس طاقتي توأميها أو لا …
وفلحظة توقفت عن البكاء وبدات تاخد شهيق وزفير ..وبعدها ورغم الألم تكعدات جالسة ..وبسرعة حيدات ليزار لي ساتر جسدها ..شافت ففخضيها وتحسست بيدها كتفها وصدرها وجبهتها …كل تلك الجروح البليغة لي سببهم لها كتاب التعاويذ السحري …اختفت كليا من جسدها كأنها عمرها تغرزات فيه ….عرفات أنه استعمل قوة الشفاء عليها ..حيت هي القوة الوحيدة لي كاتشفي الجرح بحيث كاتخفي حتى أثره …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 964🔮
ساندرا سرطات ريقها ونزلات راسها كاتشوف فبطنها .. وهزات يدها لي بها خيط الصيروم …يدها لي كاترجف بقوة …عينيها كينزلو بدموع ساخنة بلا خاطرها ….تنفسات بعمق وحطات يدها على بطنها ..وركزات فتحسس طاقة المتحولين ….لكنها ماحسات بوالو …أصلا منلي فاقت واستوعبت فين هي وآشنو آخر شيء وقع معاها …وحسات بألم فكل جسدها ..ماحساتش بيهم …ودابا وهي مركزة فتحسس الطاقات ..مكاتحسش بيهم …..
جالسة وسط هذاك السرير الواسع ..خدودها فازكيم بالدموع ..وهي حاطة يدها على بطنها ..ومخرررررجة عينيها فصدمة كاتشوف فنقطة وحدة أمامها …مكاترمشش والدم هرب من وجهها …
بقات على نفس الوضع لدقائق ..عاد رمشات بسبب الدموع لي عمرو عينيها ونزلات نظرها للجلسة دلفوطويات لي أمام سريرها ..ولي محطوط على طاولتها صحن كبير من الفواكه …ركزات نظرها فهذاك الصحن وشدات خيط الصيروم طيراتو من يدها بعنف وبلا مبالات حتى جرحاتها الابرة …ورغم جسدها لي ثقيل عليها والألم ..وقفات كاتميل ..ومع وقفات ضارت بيها الدنيا …ولكن شدات فلكوافوز لي جنب السرير ونظرها مزالو موجه غير لهذاك الصحن دالفواكه …بقات واقفة مكانها ثواني حتى فاتتها تلك الدوخة ..عاد تحركات بخطوات ثقيلة وهي كاتميل كالثملة …فاتجاه صحن الفواكه لي ساااهية فيه لدرجة مكاترمشش…نطقات بصوت ثقيل ودموعها كيطيحو)
ساندرا : ماتو ..هوما ماتو إذن أنا تلعنت ….ماتو..إذن أنا خسرت ..(وقفات مكانها بسبب الدوخة تاني ليكانت غاطيحها لولا أنها شدات توازنها بصعوبة ..غمظات عينيها بقوة كاتبكي بحرقة ونطقات بصوت مقهور ) ..ما ماتو ..إذن أنا خ خلفت العهد……(حلات عينيها كاتشهق ..وكملات الخطوتين لي بقاوليها للطاولة ….وقفات أمامها وعينيها على صحن الفواكه …هزات يدها مسحات دموعها ببرود ..عاد تحنات للصحن ..خدات منو سكين …كاتشوف فيه ببرود ..قلباتو فيدها بحيث قبضتو لفوق والنصل (الجزء الحاد منه) للأسفل …وبدون ماتتردد ..بدون ماترمش أو تفكر جوج مرات هزاتو للأعلى وبكل مالها من قوة فهاذ اللحظة …نزلات به موجهاه مباشرة لقلبها ….
النصل الحاذ يالاه غايتغرس فصدرها حتى وقفاتو يد جبار …لي ظهر خلفها فلمح البصر ..يد ضورها على بطنها ملصق ظهرها مع صدرو حاكمها ..ويدو الأخرى تعرض بيها للنصل شدو فآخر لحظة حتى تشركاتليه يدو …)
جبار بسرعة جر النصل حتى حيدلها السكين من يدها لاحو بعصبية لبعيد وحاوطها بيدو المجروحة…حط ذقنو على كتفها وهو كاينهج ونطق بهدوووء)
جبار : شششت أنا هنا ..أنا معاك.. ..واعدتك تفيقي تلقايني جنبك وتعطلت فا كانعتاذر ..ولكن أنا هنا دبا ..أنا معاك ..
( …أما هي لي مخرجة عينيها بصدمة كاتشوف فنقطة وحدة …غير تحيدلها السكين من يدها شهقات …وغير حسات به خلفها ومعنقها …وغير سمعات كلامو …بداو دموعها كايتسابقو تاني على خديها تاني …سرطات ريقها وبسرعة حطات يديها على يديه باش معنقها كاتحاول تحيدهم ..لكنو عاد مزاد زييير عليها الشيء لي خلاها بدات كاااتغوت وتغوووت بأعلى صوتها وهي كاتبكي وكاتنتر فحظنو باش يطلقها …ماتزعزع مانطق مدار والو فقط غمظ عينيه وحاكمها فحظنو …خلاها كاتغوت وتغووت لدقائق ودقائق…ومع بالكون وبعض نوافذ الجناح مفتوحين …فا صراخها اجتاز جناحو ليصل لأغلب أركان القصر…..لدرجة أغلبهم تجمعو أمام باب جناحو بقلة حيلة …كايسمعو لصراخها لي أدمع عينهم ..ولي وصل لعمق قلب كل واحد منهم …أما جبار ..فصراخها أدمى قلبو مرة وألف مرة ….مابقاش قادر يسمعو ..وصل لحد صبرو وتحملو فا دورها عندو بسرعة يد خلف ظهرها ويدو الأخرى شد راسها من الخلف خاشيها فحظنو .. الشيء لي خلاها تسكت عن الصراخ بصدمة ..وبزز نطقات )♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :

▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°

📜الكاتبة•: °chaymae ouaj°
🔮الجزء 965🔮

ساندرا : ع ع علاش عتقتيني ؟ ..علاش …

جبار مزييرها فحظنو ) شششت تهدني ..

ساندرا تخنقات بدموع وبزز كاتهضر ) علاش ..علاش مصر تعتقني علاش ؟

(جبار حل عينيه لي حمرين ودامعين ..تفكر مو ..شيماء ..فا ابتاسم ..ونطق بهدوء )

جبار :Cause I love you for infinity لأنني أحبك إلى الما لا نهاية

(ساندرا سرطات ريقها بصدمة..بقات جامدة فحظنو ..لثواني حتى ظنها هدأت ..ويالاه حط يدو السليمة على خدها يعلي ليها راسها تشوف فيه ….حتى بسرعة حاولات دفعو وبدات كاتغوت تاني بأعلى صوتها لي بااح …وكاتحرك راسها بهستيريا بلا…واخا رجع حكمها تاني عندو مزير عليها هي مزالها كاتدفع وتقمش فيه يطلقها ..صدرها كايهبط ويطلع بسرعة.. ..حتى فشلات ليه فيديه دايخة مابقاتش قادرة توقف حاول يهزها ولكنها كاتترطا ليه فيديه فا جلسها وجلس معاها على الأرض فنفس لبلاصة لي كانو واقفين فيها ..ومزالو معنقها واخا كل ظفرانها غرساتهم فدرعانو باش تبعدو مابعدش …)

جبار لي كاتنفس بسرعة ..وهو كايحاول يهزها من الأرض ولكن هي غير كاتبكي دايرة جهدها باش يطلقها وهي حانية راسها ومضورة وجهها عليه ..)

جبار : ساندرا (يالاه جا تاني يحط يدو على خدها يدور راسها ناحيتو تشوف فيه حتى بعدات ليه يدو تاني ..فا غووت)

جبار : سااااندرا ( ويالاه حط يدو على خدها حتى غوتااات مغغغمظة عينيها وهي كاتهضر بسرعة وكاتغوت بهستيريا )

ساندرا: وااا ماابغييتش ماااتشووفش فيااا ماتعتقنيييش علااش تعتقنييي مااااتشووفش فيااا علااااش تعتقنيييي ياك هوما مااتو ياااك أنااا تلعنت فااا أشنوو بغيتي منيي مزال علاااش عتقتينيييي مابقااا عنديي مااانعطيييك مابقاالي علااش نعيش فااا علااش تعتقني علااااش أناااا مابغييتش مااابغييتش نبقا هناااا أنااا مابغييتش نبقا هناااااا مااابغيييتش ماتشووفش فيااا مااتشووفش فيااا أجبااار مااتشووفش فوجهي مابغيييتش علاااش نعيش ع ع ع ( وبدات تتقج وجسدها بدأ يتهز بقوة عينيها تقلبو وجسدها كايتخبط وبدات لكشكوشة كاتخرج من فمها بسبب لاكريز لي دخلات فيها …جبار غوووت صااعر وبسرعة اختفى بها ظهر مباشرة جنب السرير …حطها عليه وهي كاتتلوا وجسدها كايرتاعش بقوة وكاتتقج…بسرعة حل لمجر دلكوافوز تاقلعو من مكانو ..جبد قنينة محلول زجاجية صغيرة وإبرة عمرها حتالفم بهذاك المحلول وبسرعة غرسها فعنق ساندرا فرغها كلها ..وماهي إلا ثواني حتى هدأ جسدها عن الاهتزاز وغمظات عينيها مغيبة ….جبار غمظ عينيه وحط يديه بجوج على السرير محني وهو كاينهج … حتى حس بطاقتهم خلفو … حل عينيه وبسرعة هز ليزار غطاها بيه..وبقا على نفس وضعو ..عاطيهم بالظهر بلا مايهضر ……..

جاسم لي ظهر بالتنقل وشيماء شادة يدو …وظهرو جنبو ولادو بجوج وبنتو لي اخترقت الحيط دخلات وعصمان …سليم لي لفاصمة مزالها فيدو ..ووسيم لي واقف وهو حاط يدو على بطنو وجنبو جمانة لي حاطة يديها بجوج على فمها كاتمة صوت بكائها ..وعصمان جنبها …ظهرو بخمسة بيهم فنفس اللحظة وسط جناح جبار …♥︎الجزء 2 من قصة ♥︎
♡#وحش_ذات_القزحيتين ♡
والذي بعنوان :
▪︎قصة :
༊෴✿#عِڜْڦُ_ٱڷﭳٻَٱٻِږه✿〄࿐
°° ️#أَحمِـلُ قَلبكٍَ مَعــــيِ : متحولينVsسحرة °°
📜الكاتبة•: °chaymae ouaj°
🔮الجزء 966🔮

كلهم عينيهم غير على ساندرا بصدمة …وسيم مكايرمشش فحين عصمان حنى راسو بحزن ..أما جاسم فا عينيه غير على ولدو

أما سليم للحظة حنى عينيه للأرض كايشوف أمامو …وتحنى هز السكين .. نفسه السكين لي كان حيد جبار لساندرا ولاحو …
سليم وعينيه على السكين لي كيقطر بدم يد جبار …زييير عليه فيدو وهو مغمظ عينيه لي نزلو بدموع ….

أما شيماء لي نظرها موجه غير لساندرا ..يالاه غاتقرب خطوة ناحيتها حتى منعها جاسم … شافت فيه بعيون دامعة وهو حرك ليها راسو بلا …..
حتى من جمانة ماقدراتش تقرب واقفة بلاصتها غير كاتبكي …

جبار لي عاطيهم بالظهر كاينهج …استدار شاف فيهم كلهم…شاف النظرة لي فعيون مو وباه لي كايشوفو فيه ..شاف النظرة لي فعيون خوه الصغير ليهو الآخر كايشوف فيه بصدمة…وشاف فسليم ليحاني راسو كايبكي وهو مزييير على لموس لي عليه دم جبار ..حتى غرسو فيدوو ..شاف فختو لي ماقدراتش على النظرة لي فعيونو وحنات راسها وأخيرا شاف فصاحبو…عصمان لي بمجرد ماتلاقاو عيونهم حنى راسو …
جبار لي كولو كايرجف و بلا مايهضر …خنزر فيهم ..وفلبلاصة اختفى وسيم من مكانو …تبعو عصمان لي بسرعة شد جمانة من دراعها واختفى بها …أما جاسم فا بقا كايشوف فيه لثواني ..عاد حرك راسو لجبار بواخا ..وشد فيد مراتو واختفيا…بقى فقط سليم واقف فمكانو وعلى نفس الوضع …لموس فيدو لي كاتقطر بالدم …وجبار مخننزر فيه …

سليم للحظة هز راسو شاف فجبار بعيونو الحمر الدامعة سرط ريقو ..وبعدها حول نظرو لساندرا لي باين غير راسها ..زاد زير على السكين فيدو ونطق بلا مايشوف فخوه)

سليم وهو ساهي فساندرا) : غانتكلف بكل شيء …حتى ترجع ..خود وقتك …(وحول نظرو لجبار لي مخنزر ..وبعدها حنى راسو وتحنى على ركبة وحدة بولاء …وبعدها اختفى من مكانو )

جبار تنفس بعمق ..مسح على وجهو واستدار شاف فيها …وبعدها اختفى من مكانو ظهر فدريسينغ ديالو …بسرعة جبد حقيبة كبيرة أو فاليز حلها وحط فيها بعض من قطع الثياب ديالو ودساندرا …كيهز عشوائيا ويحط فالحقيبة بقوة الجري السريع ..وحط حتى حاسوبو وطابليط وعدت أجهزة و أغراض أخرى سد الحقيبة وبدل عليه بسرعة ..لبس جينز أسود وبودي أسود وجاكيط كوير وحذاء رياضي …وهز مونطو فرو طويل وواسع وتقاشر وبوت…بحكم فصل الشتاء … اختفى من مكانو ظهر جنب السرير … لبس لساندرا المونطو وسدو ..لبسها تقاشر ولبوت ..وهزها بين يديه وهو شاد لافاليز …واختفى من جناحو ..ومن القصر ككل ……………..بعد مرور شهرين كاملين …يتبع….

اترك تعليقا