Skip links

قصة : أميرتي المفقودة ج1

 18,219 عدد مشاهداات

‎🍷أميرتي المفقودة🍷
‎بقلم:Fatima Zohra EL.
‎البارت:1.
‎في المغرب وبضبط مدينة طنجة الشمالية وفواحد الخيرية كانت بطلتنا كالسة شادا فسنسلة باينة ديال الدهب مكتوب فيها إلسا آل جوهري باينة كانت ديالها فاش كانت صغيرة شحال من واحد حاول يسرقها ليها مي مكيقدرش رغم انها عمرها 17عام ولكنها قوية بزااف لدرجة شحال من وحدة قربات تقتلها.
‎🔱فلاش باك🔱
‎كانت بطلتنا كالسة والشتا كطيح بالجهد مغمضة عينيها ومحشية فكاشتها تا فيقها صوت كتعرفو مزيان كانو تلاتة البنات لي موالفين يضربو لي صغر منهم.
‎إلسا(البطلة):نعام.
‎كاليسي:نوضي الزوينة راكي ناعسة فبلاصتي نتي بلاصتك حدا ديك البقرة تما شفتيها(وبقات كتشير ليها.
‎إلسا:(الصمت).
‎كاليسي:مكتسمعيش ياك رولا جيبي الما لالسا.
‎رولا(بنت اخرى):اوكي كاليسي.
‎ومشات جابت ليها سطلة دلما وكباتها على السا.
‎كاليسي:اوو بلاصتك وسخات وهادشي ماشي من مسوانا ابرنسيسة السا.
‎🍷أميرتي المفقودة🍷
‎بقلم:Fatima Zohra EL.
‎البارت:2.
‎السا ناضت بالاعصاب لي فيها شدات فيد رولا وعوجاتها ليها تا هرستها اما رولا بدات كتغوت وشدات السا كاليسي راسها وحشاتو مع الحيط تا بدا كينزف راس كاليسي وشدات يد البنت الاخيرة وركلاتها لكرشها دفعات مع الحيط وبدا الدم كيخرج من نيفها.
‎البنات فقدو الوعي والسا رجعات نعسات.
‎🔱باك🔱
‎من بعد لي حاول يأديها كضربو.
‎ولا كولشي عاطيها التيساع مي هي بنت واخا هاكاك ضريفة تقدر دافع عليك.
‎دابا نعرفكم على البطلة ديالنا.
‎إلسا آل جوهري :بنت فعمر 17 عام شعرها شقر وكيرلي وعيونها خضرين قصيرة شوية مي طايتها وااعرة لي كتخلي اي واحد يطيح فيها هي ضريفة مي عصبية وفيها تخراج العينين مي دكية بزااف ديما كتجيب نقط زوينين فمدراستها.
‎ودابا عرفناكم على السا.
‎❤️أميرتي المفقودة❤️
‎✨بقلم:Fatima Zohra EL.✨
‎📓البارت:3.📓
‎تكات إلسا وبقات حانية راسها شحال كتفكر وسدات عينيها ونعسات.
‎✨بعد عام✨
‎الغوات والهراج هالي كيضحك فرحان هالي شاداه البكية حيتاش عاود كولشي شاد الزحام كيشوف النقطة ديال الباك ومن بين دوك الناس والزحام كاينة السا لي مبجوغة كتحاول تشوف نقطة ديالها حتا جات مدفوعة على الأرض طاحت وبقات شادا ركبتها ناضت بزز وجرات رجليها غادا لبيت ديالها.
‎سدات الباب وبقا كالسة فوق الناموسية وكتفكر واش غتنجح ولا لا شوية تحل الباب ودخلات منو واحد الاستادة تما خدامة فداك الميتم هازا واحد الملف وجايا عند السا وهي مغوبشة.
‎السا كتشوف فيها:مالكي استادة ليندا.
‎ليندا زادت غوبشات:اهاه معرفتيش شحال جايبة.
‎السا تخلعات:شش شحال.
‎ليندا مقلقة: خيبتي ضني االسا جبتي 17ونص.
‎السا: علاش ااستادة تتخلعيني.
‎ليندا قرصاتها:علاش ماشي نتي لي كنتي باغا تجيبي 18 باش دخلي كلية الطب ايوا دابا سرك سيري تزوجي وخمري فدار راجلك نتي وولادك.
‎السا:هههههه علاش كتقولي هاكاك.
‎دفع عليهم الباب.
‎سارا خنزرات فالسا حيتاش ليندا كدوي معاها:ماما نوضي عرفتي شحال جبت فالباك.
‎ليندا مخنزرة:عرفت وغادي تاكلي قتلة دالعصا على ديك 14 ونص لي جايبالي الكسولة غبري من قدامي.
‎سارا:ولكن…
‎ليندا:خرجيي.
‎ضربات سارا تخنزيرة فالسا ومشات مفقوصة.
‎❤️أميرتي المفقودة❤️
‎✨بقلم:Fatima Zohra EL.✨
‎📓البارت:4📓
‎ليندا:بسلامة السا دابا غادي نمشي نقضي واحد الغاراض.
‎السا:بااي.
‎✨بعد مرور اسبوع✨
‎المدير:احم دابا نتوما عارفين انكم كملتو 18 عام يعني انكم وليتو راشدين وقادين بريوسكم ودابا كل واحد فيكم يسيني فهاد الورقة انه ولا راشد ومبقاش مسؤول تحت هاد الميتم .
‎المدير:اه نسيت بخصوص شي بنات عندنا شافوكم شي عائلات وقررو تبنيكم وهاد البنات هوما :
‎لارا_كيرالا_لين_جوليت_السا.
‎السا بقات حالا فمها تا جدر.
‎السا مع راسها:واو هي دابا انا غنتبنا من طرف شي عائلة وتولا ليا عائلة ومستقبل رائع واااو.
‎المدير:هز حقائبكم ولي سمعو سمياتهم يجيو عندي للمكتب.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:5📓
‎تبعوه البنات وهوما فرحانين غا دخلو كل وحدة كتبان ليها شي فقيرة(شارفة) وراجلها كالسين كيستناو.
‎كل وحدة شدات مقعد كالسة فيه وكيشوفو فيهم .
‎(بعد التعارف وكل وحدة عرفات العائلة لي غتنتامي ليها وتا السا ناضو كل واحد وطريقو)
‎ركبات السا طوموبيلة دداك السيدة(مريم) ورجلها(عثمان).
‎السا كتشوف فالشرجم والطريق محسات بالوقت تا لقات راسها قدام دار كبيرة وفيها جريدة من برا كانت كلاس.
‎حلات مريم الباب لالسا ودوات:بنتي السا مرحبا بيك فدارك الجديدة.
‎السا:شكرا عميتو.
‎مريم خنزرات:قولي ليا ماما.
‎السا:واخا ماما.
‎عثمان:ياله ابنتي مرحبا بيك.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:6📓
‎دخلات السا لدار وهي حالا فمها من الصدمة اول مرة دخل لفحال هاد الديور.
‎مريم:كي جاك دارك الجديد.
‎السا:ميممكنش انا غنسكن هناا وااااو.
‎مريم:مزال ما شفتي بيتك راه كاين فالفوق زيدي نطلعو ليه.
‎السا:ياله ياله.
‎طلعو للبيت لي كان مضلم ولكن فيه ضويوات خفاف بالذهبي والاحمر وشي ضواو خفاف فالسقف شعلات الضو وبقات حالا فمها كان واحد الغرفة لي كبيرة بالحمر بالذهبي وفيها حمام من الداخل وباركو كبير بالزاج كيطل على طنجة كولها من الفوق وفيها تصويرت السا عطاها ليهم المودير.
‎السا:وااو ميمكنش هادي بيتي.
‎مريم:اه بيتك من دابا ولي حتاجيتي قوليها ليا انا ولا باباك صافي.
‎السا عنقاتها:شكرا شكراااا بزاف.
‎مريم:متبقاش تقولي ليا شكرا ولا نسخط عليك.
‎السا:واخا مامي.(وتعانقو)
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:7📓
‎في مدينة نيويورك كالس شاد راسو وخوه حداه وقدامهم جوج دراري.
‎ليل:مزال ملقيتوها.
‎ايدر(خوه):لا والو.
‎ليث(ولد عمهم):13 عام 13 والسا مزال مختافية.
‎جاسر(ولد عمهم):الموشكيلة قلبنا كوولشي والو غابرة وكنا نقدرو نحسو غي بطاقتها.
‎ليل:من نهار ختافات وهي طاقتها مختافية بحالا كاعمة موجودة.
‎ايدر:غدا غنمشيو انا وليث لتركيا نقلبو.
‎ليل:صافي سيرو دابا ترتاخو باش غدا يكون فيكم الجهد.
‎مشا ايدر وليث وبقا جاسر وليل.
‎ليل:اوف فين غنلقاها كانت امانة من عند مي.
‎جاسر:متخافش غنلقاوها غنلقاو السا.
‎هز جاسر واحد التصويرة كانت فيه مو(سيلينا)باه(اسد)خوه(ايدر)وخواتاتو التوام (السا وإليسا)وهو.
‎رجع التصويرة لبلاصتها وسد عينيه.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:8📓
‎⚡فلاش باك⚡
‎اليوما حفل عيد ميلاد السا واليسا بمناسبة عندهم خمس سنين كولشي فرحان وناشط ايلا شخص واحد لي هو اليسا.
‎كان تما واحد الشخص لي سميتو اليكس ولي هو ولد عمهم ولي كان كيبغي السا ولي كيميزها بينها وبين ختها هادشي علاش اليسا حقدات على ختها وتافقات مع عمها انه يخطف ختها ويديها بعيد اولا يقتلها.
‎هادشي مكانش عارفو ايلا اليسا وعمها وريان لي عودات ليه اليسا بعد مدة.
‎من بعد اختفاء السا مات اسد بكسيدة وهو كيقلب على بنتو ومن بعد شهر ماتت سلينا بصدمة قلبية.
‎⚡باك⚡
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:9📓
‎عند السا لي كانت كالسة حدا مريم وكتوريها شغل الدار وفرحانين.
‎عثمان:اهلا حبيباتي.
‎مريم غوبشات:دغيا بدلتيني.
‎السا:هههههههه راه غي ضاحك.
‎مريم:اممم باينة.
‎عثمان:وصافي ياله سيرو تلبسو نتعشاو فبرة.
‎السا:ياااااي هاني غادا.
‎طلعات السا لفوق وهزات كسوة من لي لقات تما كانت قصيرة وبالكحل.
‎لبساتها ومشات لمراية كتشوف تا بانت ليها مرا شارفة شوية وراها.
‎ضارت السا دغيا ملقات والو عاودات ضارت لمراية مبان ليها والو.
‎السا:يمكن غا تخايل ليا.
‎مريم:الساا بنتي هبطي.
‎السا:واخا ماما.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:10📓
‎السا:واخا ماما.
‎هبطات السا بعد ما تقادات كولشي وسدات باب بيتها.
‎غي هبطات وفبيت السا بقات كالسة واحد المرا شارفة فوق الناموسية ديك المرا لي شافت نيت السا.
‎اينور:باقا غترجعي الاميرة لبلاصتك الاصلية ولي مغيحيدها ليك حد لا ختك ولا تاواحد حيت نتي هي الاميرة الاصلية نتي هي الاميرة المفقودة.
‎بدات الشارفة كتختافي بشوية بشوية وكتحول لضباب صافي ختافات بحالا عمرها كانت اصلا.
‎اما عند السا فالتحت.
‎السا:هانيي جيت.
‎مريم:تعطلتي.
‎السا:سمحولي والله.
‎عثمان(فطوموبيل):يالهو واش مزال معطلين.
‎مريم:لا هاحنا جاين.
‎طلعات مريم للقدام والسا للور.
‎بعد خمس دقايق.
‎السا مثوثرة:سمحولي واخا نسولكم واحد السؤال غي من باب الفضول.
‎مريم: وي مرحبا بنتي قولي.

‎❤️أميرتي المفقودة❤️
‎✨بقلم:Fatima Zohra EL✨
‎📓البارت:11📓
‎السا:نتوما عارفيني اني عندي 18 عام وكبيرة وماشي قد التبني علاش تبنيتوني.
‎مريم:منكدبش عليك انا فاش تزوجت عثمان كنت حملت ثلاثة دالمرات وديما كيوقع ليا اجهاض وملي كنت حاملة المرة الرابعة طحت فالدروج وطرالي اجهاض ومبقيتش قادرة نولد مزال تا بنتي لينا واحد المرة كنتي كالسة فالميتم بوحدك وسولت عليك وختارتك تكوني بنتي.
‎السا:ااه عاد فهمت 😢.
‎مريم:مالكي كتبكي.
‎السا:قصتك مؤثرة.
‎عثمان:صاافي نساو الماضي الله يخليكم خليونا ندوزو نهار زوين.
‎🍷في مكان اخر🍷
‎كان كالس وكورسيه مقلوب كيشوف فالباركو لي قدامو المدينة كاملة وفيديه كاس شراب ويديه التانية كارو.
‎دق دق دق.
‎اليكس:دخل.
‎دخلات اليسا وريان.
‎اليسا:مسيو هاهوما الوراق لي قلتي لينا.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:12📓
‎اليكس:اوكي حطوه وخرجو.
‎اليسا: احم ريان ممكن تخرج.
‎ريان:واخا.
‎خرج ريان وبقات اليسا واليكس.
‎اليسا: غا ضور احبيبي بقينا غا بوحدنا.
‎بدات اليسا كتحيد فالكسوة ديالها ومشات عند اليكس كلسات فوق حجرو ويديها مورا عنقو.
‎اليسا بشوية:مالك عيان.
‎اليكس: (الصمت).
‎دورات اليسا راسها وهي تبان ليها تصويرت ختها وهي صغيرة.
‎هزات التصورة وضرباتها لرض تا تهرسات.
‎السا بالغوات:اش كدير هادي هناا.
‎اليكس دفعها:اش كتقصدي.
‎اليسا:ا..ا قصدت انها ماتت علاش باقا تصويرتها هنا.
‎اليكس بشك:شكون قال ليك انها ماتت.
‎اليسا: راه دازت 13 عام واخا تكون ماتت.
‎اليكس شدها من الفك ديالها:كنحلف ليك االيسا وتكون ليك يد فغبورها اولا وقعاات ليها شي حاجة بسبابك غي شهدي على روحك غنقتلك بهاد اليدين سمعتي(بدا عينيه كيحمارو).
‎اليسا:و..واخا.
‎دفعها اليكس وخرج من المكتب.
‎ناضت اليسا وشدات تصويرت ختها فيديها وبدا عينيها وشعرها كيتلونو لحمر وبدات التصويرة كتحرق بين يديها تا تحولات لرماد.
‎اليسا:الله يرحمك اختي ههههه اليكس ديالي ديالي بوحدي وانا لي غنكون الاميرة واخا عائلتنا عطاوك القوة ديالهم باش تكوني اميرة مي مكتابش ههههههههه.
‎كان هادشي كولو تحت مسامع اليكس لي عرف انها عندها دخل ولكن ناوي يقتلها بشوية بشوية ويلقا السا.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:13📓
‎بعد مرور عاماين دازت بنسبة لالسا احلا عامين ولفات عائلتهاا مريم وعثمان.
‎بنسبة ليل والدراري دوزو عامين كاملة كيقلبو السا ولكن والوو اليوما قررو يمشيو المغرب.
‎بنسبة لاليكس دوزها عادي فخدمتو ومهاماتو فالصباح والقصار فبيران فليل.
‎صباح جديد باحدات جديدة ومختالفة.
‎مريم:السا السا اجيي.
‎السا جايا كتجري ويديها عامرين بالطحين وتا شعرها:ها نعام امي.
‎مريم عطاتها ورقة:هاكي هادي فيهل مقادير البسطيلة سيري جيبيهم نقادوها ليوما العشا.
‎السا شدات الورقة:واخا الواليدة انا غنمشي نلبس.
‎طلعات السا لبيتها لبسات سروال تجين فالتحت وبودي كحل فالفوق نصو معري وطلقات شعرها ولبسات بونضو.
‎السا:هاني غادية.
‎خرجات السا وهي متمسة وكتغني مع كانت غتقطع الشانطي ضرباتها واحد الطوموبيل.
‎السا:وااااع.
‎طاحت السا الارض وهي عامرة بالدمايات وجها كولو ولا حمر وتا شعرها.
‎ايدر:اش درتييي اليل.
‎ليل:ناااري واقيلا ماتت.
‎ايدر:هبط هبط امسخوط الواليدين.
‎هبطو ايدر وليل ومعا ليل طبيب بدا كيقيص فعنقها يشوفها واش عايشة.
‎ايدر:امدرا.
‎ليل:باقا عايشة زيد نديوها لكنينيك.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:14📓
‎ايدر:واخا واخا ياله.
‎هزها ليل وهنا لاحض ايدر ان لون شعرها بدا كيتبدل.
‎ليل خنزر فيه:هيه فين كتشوف طلع تسوك.
‎ايدر:اه اه واخا هاني طالع.
‎طلع ايدر وكسيرا لكنينيك وكل دقيقة كيشوف فالسا ليل بدا كمسح وجها لي وسخ بالدم غي كمل غوت.
‎ليل:ااااااااع.
‎ايدر وقف بالجهد تا تحكو الروايض مع اللرض.
‎ايدر:مااالك.
‎ليل:شووف.
‎شاف ايدر وبقل حال فمو مصدوم.
‎ايدر:اليساا اش جابها هنا.
‎ليل:موستحيل تكون هنا حيتاش كون كانت كون علماتنا.
‎ايدر اطط.
‎ترن ترن ترن ترن…..
‎اليسا:وي.
‎ايدر:اليسا نتي فين.
‎اليسا:فين الحمق فداري.
‎ايدر:وفيين.
‎اليسا: خويا ايدر سير تق**ود.
‎قطعات.
‎ايدر:اععع الكلبة.
‎ليل: جاوباتك.
‎ايدر:اه وسباتني وقطعات.
‎ليل:يعني ماشي اليسا هادي.
‎ايدر:لا.
‎ليل:كمل الصوكان.
‎❤️أميرتي المفقودة❤️
‎✨بقلم:Fatima Zohra EL✨
‎📓البارت:15📓
‎وصلو الدراري لكنينيك وحطو السا فواحد من دوك الباياص ودخل ليل لغرفة العماليات.
‎اما ايدر بقا كالس برا فرحان حيت لقا ختو ومقلق حيتاش دابا هي ناعسة فسبيطار.
‎ليل:ياله ياااله قلبو دابااا.
‎ايدر سمع الصداع ودخل عندو.
‎ايدر:مالك.
‎ليل:خاصنا دم خسراتو بزاف.
‎ايدر:عطيها من دمي.
‎ليل:ولكن ايلا مكانتش ختنا وايلا قوتك اترات فيها وقتلاتها.
‎ايدر:شوف انا متاكد مليون فالمية انه هادي السا قبيلة شفت لون شعرها كيتبدل وهادشي السا لي تقدر ديرو ودابا باراكا ما ضيع الوقت وعطيها من دمي.
‎ليل وخا.
‎⚡بعد مرور تلت ساعات⚡
‎ليل خارج من الغرفة مشا لبيرو وتبعو ايدر.
‎ايدر:امدرا.
‎ليل:ولات بيخير(وضحك).
‎ايدر: وااخيرا لقيناها ولكن واش غتكون عارفة بقوتها.
‎ليل:معرفتش ومعرفتش ردة فعلها ملي تعرف انها عندها عائلة.
‎ايدر:شوف نتا شرح ليها كوولشي وانا غنعلم الدراري بلي غدا انرجعو.
‎ليل:صاف اخويا.
‎ايدر:😊
‎ ❤️أميرتي المفقودة❤️ ✨بقلم:Fatima Zohra EL✨. 📓البارت:16📓
‎بداات كتحل عينيها بشوية ولونهم كيتبدل قلبات وجهها وشافت واحد الراجل كيشوف فيها وكيفكر.
‎السا ناضت بالجعر:فين انا.
‎ليل شاف فيها:شوفي تهدني هو اللول.
‎السا: وقولي فين انا فين مي وبا ايكون مشطونين عليا.
‎ليل حرك يديه:سكتي.
‎السا لصق ففمها واحد السكوتش.
‎حيداتو وناضت مخلوعة
‎السا:كي كي درتي ليها.
‎ليل كلس قدامها:انا غتشرح كولشي.
‎(…..عاود ليها على انها واقيلة تخطفات ملي كانت عنها خمس سنين وانها عندها عائلة وبلي عياو ميقلبو عليها عاد دابا لقاو)
‎ليل:السا شوفي فيا.
‎السا شافت فيه.
‎ليل:اراي يدك.
‎عطاتها لو.
‎ليل:تخيلي يدك كيخرج منها عافية.
‎السا:هههه كيفاش.
‎❤أميرتي المفقودة❤
‎👑بقلم:Fatima Zohra EL👑
‎🍺البارت: 17🍺
‎ليل:ديري داكشي لي قلت ليك.
‎السا:واخا.
‎غمضات السا عينيها وبدات كتخيل العافية خارجة من يديها.
‎حلات عينيها تصدمات حيتاش بصح.
‎ليل هز مراية حداه ورا ليها وجها كانو عينيها تحولو الحمر وشعرها ولا حمر.
‎السا:وااااو ميمكنش.
‎ليل:لموهيم شوفي انا غادي الكوميسارية نقاد ليك وراقك انمشيو امريكا عند العائلة.
‎السا وقفات:ومريم وعثمان.
‎ليل:ودعيهم االسا معندك ما ديري.
‎السا بحزن:واخا.
‎ليل:انا مشيت غيجي الشيفور يديك عندهم وغتعلمك الطبيبة.
‎السا:اك.
‎خرج وكولشي بقا كيشوف فيه باعجاب حيتاش تيتيز ومهلي فراسو ومن دوك البنات كانت وحدة باسم دكرى بقات كتشوف معجبة.
‎❤أميرتي المفقودة❤
‎👑بقلم:Fatima Zohra EL👑
‎🍺البارت:18🍺
‎دكرى:واو زوين.
‎ممرضة حداها:انوضي تكعدي هادا كاعمة يديها فيك سيري المكتب المدير المكلخة.
‎ديكا بحزن:واخا.
‎ممرضة2:شوفيها شحال تيتيزا وكتعايريها.
‎ممرضة1:راها دكية وغتولي دكتورة وفقسم الطبيب ليل خليوني باش نخليها متقربش ليك.
‎الممرضة2:ههههههه بصحتك.
‎مشات ديكا بحزن عينيها مدمعين وفطريق تلاقات بالسا.
‎السا شافتها عيطات ليها.
‎السا:بس بس.
‎ديكا مشات عندها.
‎ديكا:نعام انسة.
‎السا:جاني الجوع بغيت ناكل.
‎ديكا:واخا انسة ستناي.
‎❤أميرتي المفقودة❤
‎👑بقلم:Fatima Zohra EL👑
‎🍺البارت:19🍺
‎جابت ليها ديكا الماكلة.
‎السا بدات تاكل ودوات:اجي تاكلي.
‎ديكا:فيا الجوع ولكن داكشي قليل ههههه.
‎السا:اطط طاحت فراسي فكرة.
‎غمضات عينيها بدات ديك الماكلة مستنسخة.
‎ديكا:واااو نسيت كون درتها من قبيلة.
‎السا وهي كتمد ليها الماكلة:علاش مكليتيش معاهم.
‎ديكا:انا باقي مخدمت ولكن انولا طبيبة هنا حشومة ناكل 🙂.
‎السا:واتي كولي ونتي بحال الخشبة.
‎ديكا ناضت كتوريها فطايتها:شوووفي زين هاي هاي.
‎السا:امم باينة (وغمزاتها)باينة انديك لخويا تكونو كوبل واعر طبيب وطبيبة.
‎ديكا حمارت:احم.
‎السا:هههههههه مالك.
‎ديكا:شكون خوك.
‎السا:ليل.
‎ديكا:الدكتور ليل🙂🙂🙂🙂
‎❤️أميرتي المفقودة❤️ ✨بقلم:Fatima Zohra EL✨. 📓البارت:20📓
‎ديكا:هههههه اويلي اتزوجيني خوك.
‎السا:رتاحت ليك ونتي تيتيزة اندير جهدي كولو.
‎ديكا:واااو ليل ال جوهري مول هاد الكنينيك كولو غنتزوجو وااااااو.
‎السا:ههههه ايوا من دابا اتولاي لوستي.
‎واحد الممرضة سمعاتهم دخلات بجهد.
‎الممرضة:هههههه تيقتو كر**كم(معرفاتش بلي السا خت ليل).
‎السا وقفات:مالنا ياك لباس علاش هاجمة علينا.
‎الممرضة:نتي سكتي نتي(شيرات لديكا)خرجي بحالك.
‎السا:مالو كنينيك باك ادوري تق**ودي.
‎الممرضة:تفو حميرة.
‎ديكا بالاعصاب:الحمارة هي موك.
‎الممرضة:هاي هاي تحل ليك الفم.
‎السا:اتخرجي الكلبة ولا ضاروري نقاد ليك كمارتك.
‎ايدر دخل:اش واقع هنا.

‎❤️أميرتي المفقودة❤️ ✨بقلم:Fatima Zohra EL✨. 📓البارت:21📓
‎الممرضة تتمسكن:والو امسيو ايدر غا هادو كانو تيسبوني تيقولو عليا قح**بة.
‎السا:الحمارة متا قلناها يالكلبة.
‎ديكا:تفو ماركة داخر الزمان يخ.
‎الممرضة:هئ هئ شفتيهم.
‎ايدر شاف فالسا وشاف فالممرضة قرا افكارها:نتي مطردة.
‎الممرضة تصدمات:كيفاش.
‎السا وديكا كيجمعو الضحكة بزز.
‎ايدر:اولا نتي كتكدبي تانيا هادي ختي لمكنتيش تتعرفيها تالتا خدمتك ناقصة حمعي حوايحك والباب الحباب.
‎السا وديكا:ههههههههههه.
‎الممرضة خارجة حانية راسها.
‎السا: واش نتا ايدر لي عاود ليا عليه ليل.
‎ايدر:اه.
‎ديكا:احم انا خارجة.
‎السا غمزاتها.
‎❤️أميرتي المفقودة❤️ ✨بقلم:Fatima Zohra EL✨. 📓البارت:22📓
‎ايدر كلس قدامها:ايوا كي بقيتي.
‎السا:مزيان دابا.
‎ايدر :شوية ايجي شيفور ونعلمك تهبطي عندو.
‎السا:واخا.
‎خرح ايدر وبقات السا بوحدها تتفكر تا شافت واحد المرا (نفس المرا الشارفة اينور)قدامها وهي تغوت.
‎السا:وااااااع.

‎🔥في مكان اخر🔥

‎كانت كالسة وحداها ختها كيغوتو.
‎لينا: اولي اولي اولي ياله اويس اولي.
‎كارلين:ياااله اوييس غتربح بقا غي شوية.
‎تسمع صوت الابواق.
‎وطبعا لي كات رابح هو اويس حبيب لينا ولي هو متسابق كبير ولباس عليه هبطات لينا بزربة عندو وباستو ففمو قدام كوشي وختها فرحانة ليها.
‎كارلين:بصحتتككم.
‎لينا بتاسمات ليها وهي فرحانة
‎❤️أميرتي المفقودة❤️ ✨بقلم:Fatima Zohra EL✨. 📓البارت:23📓
‎خرجو كل من لينا واويس من تماك وهوما فرحانين تا وصلو عند كارلين لي باركات لي اويس وهوما يمشيو.

‎❤نرجعو عند السا❤

‎السا:جنوون.
‎اينور شافت فيها:متقوليش احفيدتي مخلوعة مني.
‎السا:كيفاش حفيدتك ياله قالي ليل بلي ماتو جدي وجدا.
‎اينور انا غنعاود ليك بالتفصيل.

‎👑فلاش باك👑

‎اليوما كولشي فرحان والضحكة واصلة ليهم لودن بسيف واليوما غيتزاد عندهم جوج توام (السا واليسا) اليكس كالس حدا الدراري(ولاد عمو) كانو عايشين ديك الساعا اينور وادم(جد السا).
‎غي تزادو التوام كولشي فرح واولهم اسد وسلينا.
‎اليكس كان كيشوف فوحدة فيهم وشد فاسد.
‎اليكس:عمي ممكن طلب.
‎❤️أميرتي المفقودة❤️ ✨بقلم:Fatima Zohra EL✨. 📓البارت:24📓
‎اليكس: عمي ممكن طلب.
‎اسد شاف فيه وهبط عندو:نعام ولدي.
‎اليكس:بغيت نسمي وحدة.
‎اسد:شكون فيهم.
‎اليكس:هاديك(وشير بيديه).
‎اسد:شنو بغيتي تسميها.
‎اليكس وهو فرحان:السا بحال سميتي.
‎اينور كانت تتشوف فيهم وعلاش ختار وحدة وماشي التانية.
‎اسد لسلينا هز السا ودوا:هادي بغيت نسميها السا.
‎سلينا:صافي واخا والتانية نديرو اليسا باش السميات يتشابهو.

‎👑باك👑

‎السا:كملي.
‎اينور:لمهم اليكس كان الوريث حييتاش عندو قوة كبيرة يعني غيولا الملك مورا باك وملي ختارك نتي يعني كولشي غيعطيك من القوة ديالو وهادشي دار مشكلة ليك علاش هاكاك تخطفتي باش مثكونيش الملكة.
‎السا ناضت:واات.

اترك تعليقا