Skip links

قصة : ثروات من شجرة الزقوم ج 4

 2,403 عدد مشاهداات

الجزء 121
نزل من الطوموبيل عيط على العساس..
العساس: السي احمد لاباس عليك..
احمد: داك المرا اللي خرجت دابا.. عندمن كانت فالعمارة..
العساس: كتجي ديما عند لالة حسنا..
احمد: ديما..!!
العساس: اه وكيخرجو مرا بعض المرات..
احمد: مم.. واخا شد..
عطاه عشرين الف ..وطلع.. وبقا فراسو كيفكر علاش.جات عند حسنا وشنو العلاقة بيناتهم..
حسنا: حبيبي .. جيتي..
احمد: توحشتك وجيت نشوفك..
هزات الصينية وداتها للكوزينة..
احمد: كان معاك شي حد ولا..
حسنا: اا اه صاحبتي..
احمد: هاد صاحبتك كنعرفها؟؟
حسنا: لا.. مكتعرفهاش سميتها نهى..
احمد: ممم.. داك الساعة عرفينا عليها..
حسنا: واخا.. اكيد.، دابا توحشتك.. اش درتي مع الواليد ديالك…
احمد: والو.. مبغاش يسمحلي..
حسنا: حاول معاه شوية بشوية..
احمد: انا اللي ضرلي راسي.. هو كيفاش عبد الله عرف بهادشي.. السر كان تدفن مخليت مورايا حتى حاجة ممكن تفضحو..
حسنا(ارتبكات): ربما تكون مرتك هضرات بدون شعور.. مع مرتو.. وقالتهالها..
احمد: تفضح راسها؟ منعرف..
حسنا: كلشي ممكن.. علاش لا..
احمد: غانتفاهم معاها.. دابا جيت نرتاح معاك.. حيت نتي الوحيدة اللي كنتيق فيها.. وكنلقا راحتي معاها..
فالدار بقات نسيم هازة وراقها حتى تزدحات مع هادي..
هادي: فين غادية بهاد الوريقات
نسيم: لعند جدي.. باش يعطيهم للي غايصاوبلي الوراق باش نمشي لندن نقرا..
هادي(تغوبش): قرايا برا ممنوووعة.. غانحرق باها داك الطيارة اللي نتي غاتمشي فيها..
نسيم: واش غاتوقف فوجه مستقبلي.. فيق.. نتا نهار مشيتي تقرا كاع موقف حد فطريقك..
هادي: (شدها من كتافها)نسيم عفاك.. راه والله منقدر نتحمل انك تكوني بعيدة.. عفاك فكري فالموضوع.. عفاك…
نسيم: جدي هو اللي اقترح سير قنعو نتا باللي نبقى هنا..
هادي: انسيم متجعرينيش.. نتي قادرة تقوليلو لا..
حيدات منو وكملات طريقها وهو يمسح على وجهه.. وهو معصب..
مشات لعند جدها وجلسات معاه.. لقاتو معصب..
نسيم: مالك اجدي..
الطاهر: الراس عامر ابنتي..
نسيم: طلقها تسرح اجدي.. مكاين لاش تهز الهم.. كل واحد عايش حياتو وكيدير مبغا.. وخوفك كيبان ليهم تحكم..
الطاهر: كلكم راع ابنتي وكلكم مسؤول عن رعيته..
نسيم:ولكن كاين شي حوايج نتا معندكش ذنب فيهم.. بحال قضية اسامة..
الطاهر: حيت مربيتش مزيان.. وحيت رمب فيهم الطمع.. انا اللي طمعتهم.. وبيه دار مادار..
نسيم: جدي .. واش دابا اسامة غايخرج من العائلة!!
الطاهر: اسامة حفيدي.. ومعمري منشوف فيه نظرة الغريب.. هو محتاج دابا يرتب افكارو.. داك الساعة نهضر معاه..
نسيم: كنحماق عليك اجدي.. اا واش عرفتيه فين كاين..
الطاهر: عارفو فين كاين ومعامن.. خليه مرتاح.، مدامو لقا اللي توقف معاه فهاد المحنة..
نسيم: نتا عظيم اجدي..
الجزء 122
بقات نسيم جالسة مع جدها حتى جا هادي جلس معاها.. وهو منرفز.
نسيم: جدي.. كاين جوج مدارس حرت شكون نختار فيهم..
الطاهر: ختاري اللي عجباتك.. واللي حسن..
نسيم: (بدات تغني)يا ربي باش نبدا هاادي ولا هادي.. صاحبتي هي هادي.. (تعاودها) يا ربي باش نبدا هادي ولا هادي.. صاحبتي هي هادي.. جوج مرات كتخرجلي هادي اجدي.. شنو نختار انا.. هادي ولا هادي.. بجوج بيهم زوينين حرت..
الطاهر: ختاري هادي..
هادي بدا يغلي حيت باينة كيضحكو عليه بجوج..ناض مزنفر وطلع لبيتو… وبداو يضحكو الطاهر ونسيم.،
نسيم: ههههه شفتيه..
الطاهر: ههه راه كمليك السيد تسجيلك كما طلبتي.. وغادي يوصلك الشيفور كل نهار الى خلاه داك القرد ههه
نسيم: هههه شكرا بزاف اجدي.. راك عارف اني ميمكنش نبعد على ماما..
الطاهر: عارف ابنتي عارف.. الله يسرليكم..
فالبيت كانت سارة حاطة يدها على خدها.. حتى عيطات ليها ماماها.،
سعاد: متسوليش فمك..
سارة: هانا امي..
سعاد: مالك مرخوفة..
سارة: غا مليت..
سعاد: حاملة ولا باقي..
سارة: والو امي والو..
سعاد: خاص تمشي للطبيب.. باش لا كانت شي حاجة ماشي هي هاديك تعالجي بكري..
سارة: اجي نمشي معاك..
سعاد: واخا..
دخل عماد وضرب الباب بالجهد وهو معصب..
سارة(برعب) : مالك؟؟
عماد: (غوت) والو،، بعدي مني..
بعدات ليه وهو كيغلي..
سارة: (بخوف)كنت باغا نقوليك غانممشي مع ماما للطبيب.. نشوفو سبب تأخر الحمل..
عماد: سيري ولا زعتري… بعدي مني هاد الساعة.. ولا حتاجيتي الفلوس هاهما.. لاحهم فوجهها وهي معارفاش علاش..اما هو كان كيغلي.. مخلى فين قلب على ختو وعلى اسامة.. مكاينش خبارهم..
اسامة وندى اللي طول الطريق وهما كيتفرجو فالمناظر الطبيعية.. وهو شاد فيديها مكيطلقهاش..
فالشركة رجع احمد.. عيط على احد عمالو اللي كيتيق فيهم..
عزيز: امرك اسي احمد..
احمد: بغيتك فواحد المهمة.. ولكن النملة متعرفهاش.. لا عبد الله.. ولا حتى حسنا.. مخاص يعرفو بيها…
عزيز: كون هاني..
احمد: واحد السيدة من العائلة.. بغيت نعرف خطواتها كلها.. تتبعها.. وتكلف اللي يتبعنا ويجيب خبارها.. انا بغيت نعرف شنو علاقتها بيا.. وعلاياش كتبقشش مورايا..
عزيز: كلشي غايوصلك بالحرف..
احمد: سميتها فتيحة.. ها تصويرتها… هي كتجي للحاج .. بغيت نعرف عليها كلشي.. وحتى على خوها.. اللي حسابو تقيل معايا.. انا بغيت نعرف كاع لاياش كيخططو.. بغيت نتغدا بيهم قبل ميتعشاو بيا..،فهمتي طبعا..،
عزيز: اكيبيد.. كاع خبارهم غاتوصلك كلها..
احمد: (جبد الفلوس) خود.. تستاهل..
ريم كانت فالدار.. مازالة متكية.. حتى دخلات عندها سعاد..
سعاد: شفتك ليوما استحليتيها.. حسيتي راسك مريضة ديال بالصح..
ريم: مريضة وكنموت..
سعاد: انا غادية عند بنتي.. نوضي شمري على دراعك.. وخملي الدار.. عطيتك الصبح كله باش ترتاحي.. دابا توكضي..
خرجات وخلاتها.. وهي محاملاش راسها.. ناضت بزز.. وهي مقاداش تتحرك.. ضلوعها كلهم كيحرقو.. حاسة بضربات فكل انحاء جسمها.. حاسة راسها مهلوكة.. بدات كتجمع وتسيق.. بشوية عليها.. صوت انينها بسباب الالم كيتسمع.. مع هي بوحدها اللي كاينة فالدار.، حتى سمعات صوت موراها..
ايوب:(بمكر) واش باقي مبريتي..
ريم: عيانة.. وفيا الحريق..
ايوب: داك الحريق شربيلو دوليبران.. واجي تبعيني للبيت.. حيت باغي نمارس حقوقي الزوجية..
ريم حسات نفسها مقطوع وطاحت جالسة على السداري.. وهي مامصدقاش انه باقي غاتعيش نفس المعانات..
الجزء 123
ريم: انا عيانة ومنقدرش.. منقدرش..
ايوب: وتقدري مع الغريب..
ريم(بدات تبكي): علاش كدير معايا هكا.. لوكان قتلت منتعاقب بهاد الطريقة..
ايوب: لوكان قتلتيني.. كان غايكون اهون من انه ديري ما درتي.. نوضي تكعدي.. والله لا رحمتك..
شدها من دراعها.. وبعنف دخلها للبيت.. وسد الباب..
مشات نسيم لبيت هادي وبدات تدق.. حتى حل وهو مغوبش..
هادي: شنو خاصك..
نسيم: ااا واقيلة غلطت فالبيت.. واقيلة..
جات تمشي وهو شدها من دراعها..
هادي: اجي واش دخول الحمام بحال خروجو.. اجي فين غادة..
نسيم: غادا بحالي..
هادي:(كتفلتليه الابتسامة) شنو بغيتي.. وعلاش جيتي..
نسيم:حيت توحشتك..
هادي: ممنم بالصح؟
نسيم: اه وبغيت نقوليك.. انه مغاديش نمشي نقرا فلندن.. غانمشي نقرا غا فليكول اللي قلتيلي نتا..
هادي: بالصح.. غانمشي نسجلك..
نسيم: ديجا سجلني جدي..
هادي: انا فرحان بزاف.. شكرا حيت سمعتي لهضرتي..
نسيم: مسمعتش لهضرتك.. انا باغا نبقا هنا حدا ماما.. حيت حالتها خايبة.. منقدرش نبعد عليها..
هادي: وانا؟
نسيم: نتا شنو..
هادي: انا،.
صوناليه التلفون شاف فاللي كيصوني وهو يولي صفر… قطع دغيا..
هادي: شنو انا..
نسيم: شكون صوناليك وعلاش قطعتي..
هادي: والو غا الدراري صحابي وصاف..
نسيم: ممم وجاوبهم..
هادي: مكاين لاش.. منبعد ونصونيلهم..
نسيم: ممم وصونيلهم.. منبعد ونتلاقاو..
هادي: نسيم.. اجي مازال مكملنا الهضرة..
نسيم:(مشات) منبعد..
مشات وهو دخل البيت خدا التلفون.. لقا سحر كتصوني.. جاوبها..
هادي: نعام..
سحر: مبقيتيش تسول فينا.. صافي مبقا فينا نفع..
هادي: نتي اللي درتيها لراسك وانا مالي..
سحر: بغيت ننساو كاع اللي فات.. ونرجعو حبنا..
هادي: فات الفوت.. خلاص..
سحر: خلينا نتلاقاو نهضرو..
هادي: عندي بزاف ما يدار.. الخدمة بزاف..
سحر: غا نص ساعة..
هادي: داك الساعة نشوف:. ومتصونيش تا نصوني انا..
سحر: واخا احبيبي..كنبغيك..
قطع معاها وشاف فالتلفون..
هادي: يخخ على لصقة..
خرج ومشا يقلب على نسيم فيناهي.. حتى ملقاهاش.. ومشا لبيتها.. وبدا يدق..
هادي: نسيم.. نسيم..
حلات الباب فاطمة..
فاطمة: ولدي.. كتقلب على نسيم ولا؟
هادي: اه اعمتي.. فيناهي..
فاطمة: هاهي غاتجي دابا..
هادي: واخا انا غانستناها..
دخلات فاطمة شوية وهي تخرج نسيم..
نسيم: شنوو..
هادي: مشيتي دغيا..وانا مازال مكملت معاك هضرتي..
نسيم: كملتي المكالمة!
هادي: اه(خاف لا تكوش شافت)
نسيم: مزيان..
هادي: بغيت نخرجو شوية .. ناخد اذن من عمتي..
نسيم: احم.. بغيت نمشيو نشوفو ريم.. نطلو عليها.. من نهار تزوجات مسول فيها شي حد..
هادي(تعوبش):وعلاش غانمشيو عندها..
نسيم: وهاد العقوبة مغاتساليش؟؟ راه كوكانت قتلات كون تحكم ومشات تعيش فالحبس عادي.. ولا هاد الحكم.. تخيل معايا نتاا كوكنتي كتعاقب بنفس الطريقة حيت عشتي مع داك البنت كاع داك المدة وكنتي كتصرف عليها وجيتي وقفتي فوجه عائلتك كلها عليها.. وخرجتي من الدار كما وقع.. ومللي رجعتي وطلبتي السماحة وعرفتي غلطك باقيين كنعاقبو فيك ومسمحناش ليك.. غايعجبك الحال.. كوكنا درنالك هكا راه كاع متتجرأ تجاوبها ولا تشوف فوجهها ..
هادي تقرس حس بحال الى عاقت بيها هي اللي صونات..
سمحولي ليوما كنت فعراسية عاد جيت وبديت نكتب
الجزء 124
هادي: اانا..
نسيم: تا واحد مغايقبل انه غادي يبقا معاقب حياتو كلها على غلطة وحدة..
هادي: راها عايشة مزوجة ومع راجلها اشمن عقاب..
نسيم: نمشيو نشوفوها..
هادي:واخا..
نسيم: زيد يالله..
هادي: وتسنايني دقيقة نمشي نجيب سوارت الطوموبيل ونجي..
نسيم: واخا..
ايوب دخل يدوش وريم مقداتش تتحرك.. زادت كتر من الاول حتى تخنق الدمع فعينيها.. خرج وهو كيغني..
ايوب: نوضي دوشي المعفونة..
ناضت بزز وضهرها تقسم.. دخلات للدوش وطلقات عليها الماء وهي كتتنفس بتقطع كتحس هاد النفس مخنوق ومكبوت من داخلها.، حسات ان الموت قريبة.. غسلات بزز ولبسات بينوارها.. خرجات ملقاتوش فالبيت.، بدات كتلبس شوية بشوية.، حيت عرفات انه تابعها الشقا.. وعمتها لا جات لقات الدار مرونة.. غاتكمل لداكشي اللي بداه ولدها.. من ضرب.. لبسات غا بززز وكملات.. حتى سمعات الصوني ديال الباب.. شكون غايجي.. اكيد غاتكون عمتها نسات السوارت..
ايوب بدورو تفاجأ.. مشا فتح وتفاجأ كتر مللي لقا نسيم وهادي.. هما اللي جاو..
ايوب: هادي!! اا مرحبا..
هادي: كيداير انسيب الهم.،
ايوب: اا بخير تفضلو.،
نسيم: فيناهي ريم.. نمشي نشوفها..
ايوب: راها فالبيت.. سيري عندها..
دقات فالباب ودخلات..
نسيم: ريم..
ريم غا شافت نسيم بداو الدموع ينزلو ..
نسيم: اش هاد الحالة.. ريم نتي بزز باش كتتنفسي.. مالك واش مريضة..
ريم: انا قريبة نموت.. انا صافي انتهيت..
نسيم: بشوية عليك.. وعاوديلي.،.
ريم:تا واحد مبغا يرحمني.، والله حتى توبت.. خلاص تبت.، ومعمري نفكر ندير شي حاجة غالطة.. عييت.. حاسة انه الموت قريبة ليا.. وفاي وقت غاتخطفني..
نسيم(عنقاتها): متقوليش هكا.. نتي غاتولي لاباس.. شوفي فيا.. واش بغيتي تمشي من هنا.. تمشي لدار جدي..
نسيم: مكرهتش نرجع كيكنت.. نرجع لبيتي.. وميتسمعش صوتي والله..
جمعي داكشي اللي غاتحتاجيه.. وغادي تجي معايا..
ريم:( مرخوفة) مغاديش يخليني .، غايمانع..
نسيم: خلي هادشي عليا..
ناضت وخرجات عند ايوب..
نسيم: ايوب.. بغيت ناخد معايا ريم للدار.. تفوج معانا شوية.. توحشناها وهي توحشاتنا..
ايوب: لاا.. خليها هنا وبقاو تجيو عندها لا توحشتوها..
نسيم: جدي غايبغي تمشي تما..
مخلاتوش يكمل الهضرة.. حتى هزات التلفون ديالها وصونات لجدها..
نسيم: الو… جدو لاباس.. نتا مغاتمانعش نجيب معايا ريم للدار.. توحشناها.. واخا اجدو.. شكرا بزاف..هاهو غايهضر عندك..
عطات التلفون لايوب اللي ارتبك.. وهضر مع جدو..
ايوب: واخا اجدي.. واخا..
رد التلفون لنسيم..
ايوب: غا يوماين.. بركة…
نسيم: واخا.. رييم سمعتي.. يالله زيدي..
ايوب: واحد الدقيقة نهضر معاها..
دخل وسد الباب.. ونسيم شافت فهادي..
هادي: علاش بغيتيها تجي عندنا..
نسيم: لا شفتي ختك كيولات يضرك خاطرك..حشومة عليكم خليتوها فيديهم ..
هادي: (تنهد) واخا.. تجي ونهضر معاها..
فالداخل ايوب مشا عند ريم.. لقاها كتجمع..
ايوب: تجلسي غا يوماين.. وتجي للدار.. ومتبقايش تهضري بزااف.. اصلا شكون غايسمعك تما.، الى شافو فوجهك اصلا..
ريم(حنات الراس بحكرة): واخا..
ايوب: واش نتي اللي قلتيلها تمشي..
ريم:(بخوف) لا والله هي اللي قالت..
ايوب: متبقايش تشكي بزاف حيت تا واحد مغاتبقاي فيه.. انا غانبقى نجي عندك تما.. وايلا زدتي كتر من يوماين نساي انك ممكن تخرجي من الدار مرة اخرى..
ريم: (بضعف)واخا..
جات تجمع وحيد من يدها…
ايوب: نتي راه غاتمشي غا زيارة.. لاش هازة معاك الحوايج..
حطات ومهزات والو غا بدلات حوايجها.. وهو كيشوف فيها.. وخرجات.، غا شافها هادي وهو يتصدم.. واش هادي هي ختو.. كان وجهها يشع بالحياة.. وعندها الحناك.. دابا ولات هيكل عضمي كيتمشى على الارض.. تحت عينيها كحل بزااف وعينيها باينين منفوخين بالبكا.. ويديها كيرعدو.. بقا فيه الحال من نفسو.. علاش يخلي ختو فأيد غير امينة.. كان خاطرو كيقوليه داك الساعة ينقز على ايوب ويضرب حتى يفرغ طاقتو.. ولكن والو زير نفسو حيت الكبار طلقو يديهم.. ريم حنات راسها وزادت معاهم.. حتى ركبات فالطوموبيل عاد تنفسات.. وتطلق فيها النفس..ومشاو..
نسيم: ريم.. الى مبغيتيش ترجعي نهضر ليك مع جدي..
ريم: انا خايفة ميبغيوش.. ويوصل لخبار ليهم.. ويزيدو على داكشي اللي كيديرو..
هادي(تعصب): الى مبغيتيش ترجعي حتى واحد ميبزز عليك.. نتي اللي غاتختاري ..
الجزء 125
ريم متيقاتش انه بالصح ممكن تختار.. حنات راسها.. حيت تا واحد مرحمها بالمعقول.. وصلو للدار وخرجات.. شافتها يامنة وفتحات ليها دراعاتها.. ريم مشات كتجري بدات تبكي..
ريم: سمحيلي اجدة.. سمحيلي والله منعاود نغلط.. والله.. سمحيلي..
يامنة: اه يا ريم.. يا الكبدة.. نتي اول فرحة دالبنات.. كيف بغيتيني منسمحش ليك..
بدات ريم كتبكي وكتتخصص.. كأنها متيقاتش انه جداتها عفات عليها.. وانه تسمع صوتها.. ودارو بخاطرها.. اما نسيم دخلات عند الجد..
الطاهر: بنتي..
نسيم: جدي.. كما توقعنا..ريم راه كانت فالجحيم.. عرفتي التنفس مكانتش كتطلعو..
الطاهر(زير على عكازو): كنت عارف ان سعاد مغاتكونش امينة على اللي من دمها..
نسيم: وحتى ايوب.. تخيل مكانش باغي يخلينا ناخدوها معانا..
الطاهر:ايوب كيحب.. هو انسان مجروح.. كيصارع نفسو قدامها.. مباغيش يبين ضعفو.. حيت فنظرو هي استغلات ضعفه معاها المرة الاولى.. بدا يجرب الحرب.. ضد مشاعره قدامها.. وهاد الحرب كتترجم على شكل عنف..
نسيم: هي مقاداش تصبر.. كتهضر غا على الموت..
الطاهر: عقابها سالا.. وكنظن انها تعلمات مزيان من هادشي اللي وقع ليها.. لذلك.. هي دابا غايتعطى ليها الحرية الكاملة فاختيار انه تبقى معاه او تتطلق منو.. وترجع تعيش فدار جدها.. معززة مكرمة..
نسيم: الله يخليك لينا اجدي.. الله يخليك لينا..
فالطبيب كانت سارة ومعاها سعاد.. بعدما سالاو الفحص والتحاليل..
سعاد:علاش تعطلات محملات..
الطبيب: الصراحة معرفتش شنو غانقوليك.. ولكن.. سارة نتي هرموناتك ناقصة بزاف.. مكايساعدوش على انه تحملي.. والصراحة حالتك صعيبة شوية ممكن تدي لينا سنوات على ما تحملي..
تصدمو بجوج خصوصا سارة.. وفكرات ديك الساعة فعماد وشنوغاتقوله..عرفات انه ممكن يديرها ذريعة باش يطلقها حيت علاقتو بيها باردة بزااف.. ماشي ديال شي راجل ممكن يضحي مع مرتو ويبقى معاها.. خداو وراقهم.. وخرجو.. وسارة دموعها فعينيها..
سارة: اش غانقوله دابا..
سعاد: متقوليلو والو.. متقولي والو.. خليه ياك هو مكيسولش فالاولاد.. خليه..
سارة: علاش اربي علاش.. انا مطلبتهاش غالية.. انا بغيت غير نعيش بحالي بحال الناس..
سعاد(عنقاتها): مكتابك ابنتي… مكتابك..
بدات سارة تبكي وامها كتواسيها.. حتى رجعات للدار.. دخلات ديريكت للبيت ديالها ومهضرات مع حد.. سعاد رجعات للدار ودخلات.. لقات ايوب وباه جالسين كيتفرجو..
سعاد: انا جيت.. اش هاد الحالة.. فين داك الزغبية..
المعطي: الزغبية عرضها للباك لدارو تمشي تفوج مع عائلتها..
سعاد: باا!! ونتا اولد كرشي.. واش خليتيها..
المعطي: هو واش يقدر يهضر مع جدو.. خليه فاللي هو فيه.. راه توحش مرتو مسكين..
ايوب بقا ساكت ومدواش..
سعاد: وانا شكون يعاوني.. شكون.. مشات ومجمعات حتى الدار..
ريم دخلات لبيتها حسات النفس مقطوع فيها.. مازال كلشي كما خلاتو.، سدات الباب.. وتكات على ناموسيتها.. وتكمشات وعنقات المخدة ديالها.. دموع بداو كيهبطو على المخدة.. كأنه بغات تشبع منها ومن الراحة عليها.. وهي عارفة انه غا يوماين وترجع للجحيم من تاني.. داك الجحيم اللي كانت غاتموت فيه بقوة القهرة.. حاولات تنعس.. وتحيد من بالها كلشي.. حيت حتى النعاس مشبعاتو..
الجزء 126
ندى واسامة عاد وصلو.. نزل وهو هاز الصيكان بيد وبيد الاخرى شاد فندى..مشا شد طاكسي.. ومشاو الاوطيل تاني.. هي تكات… حيت الوحم شداد عليها..
اسامة: حياتي انا غادي نقاد هاد الاوراق ونمشي ندفعهم عند العدول.. ويكون خير..باش يوجد لينا العقد ونمشيو نسنيوه..
ندى: واخا سير..
اسامة: نقوليهم يطلعوليك الماكلة.. واخا..
ندى: واخا..
اسامة: متخافيش هنا.. ولد مول الاوطيل صاحب هادي وصاه علينا وشرحلو كلشي.. مغايدخل عليك حد.. ومغايخرجش ليك عماد من شي قنت ههههه
ندى: ههه وغا سير انا مغانتهدن حتى ندير العقد..
اسامة: غانديروه غانديروه.. (باسها) انا مشيت..
ندى: واخا احياتي.. تهلا فراسك..
مشا لواحد المكتب دالعدول.. ودفع ليه الاوراق ديالو.. وطلب منو يزير دغيا ويوجدهم.. رجع دخل لواحد المحل دالقفاطن بدا يشوف..
البنت: سيدي مرحبا بيك.. شي عراسية للمدام شي خطبة..
اسامة: اه اناومرتي غانديرو العقد وبغيت ليها قفطان.. تلبسو ويكون زوين..
البنت: تفضل هاد الموديلات.. وهادو زوينين تاهما.. يعجبوك اسيدي..
اسامة: واخا غاناخد هادا..
البنت: معاه البلغة ديالو..
اسامة: تا هما عطيهملي.. شحال الثمن..
البنت: بجوج 850 درهم..
جبدها وعطاهالها خدا القفطان وهو فرحان.. داز على ذهايبي.. شرا خاتم.. وشرا براسلي دالدهب.. خداهم حتى هما.. ورجع الاوطيل..
العامل: معاك اسي اسامة..
اسامة: بغيتكم توجدولي شي جلسة سوكخي.. فين نجيب العدول يكتب لينا.. وبغيت تقدو هاد الخاتم وهاد البراسلي.. مع داكشي اللي كيتقدم العروسة.. بغيت داكشي ناضي..
العامل: كون مهني..
طلع هو بالقفطان.. ودخل لعند ندى..
ندى: اسامة.. جيتي..
اسامة: اه.. حبيبة العدول غايجي العشية يكتب لينا.. راه وصيتو يوجد الوراق دغيا.. هانتي شوفي شنو جبتليك..
ندى: واااو ههه حبيبي شكرا بزاف كنحماق عليك..
اسامة: تانا كنبغيك بزاف.. الله يقدرني ونخليك اسعد وحدة فالدنيا..
ندى:الله يخليك ليا يا رب..
عماد كان جالس فالشركة وهو مخنزر وكيفكر حتى جات اتصال..
عماد: وي..
السيد: سي عماد.. راه بانو فمكناس بجوج بيهم.. دافعين الوراق للمحكمة باش يديرو العقد..
عماد: وفينهم بالضبط..
السيد: معرفتش.. شنو بانليك نتبعو العدول فين غايمشي..
عماد: واخا.. انا غانشد الطريق دابا..
فنفس الشركة كان احمد جالس حتى دخل عندو عزيز..
احمد: كاين شي جديد..
عزيز: الضوسي عامر..
احمد: كنسمع..
عزيز: فتيحة امرأة متزوجة من رجل تعرفه.. دارليها فيلا ودارليها طوموبيل وحساب بنكي.. نزيد..
احمد(ضحك):زيد اودي
عزيز: هاد الراجل اللي مزوجة بيه سميتو….
احمد: مممم
عزيز: عبد الله الزواتي..
ناض احمد وقف بصدمة..
احمد: شنووو..
عزيز: ايه خوك الحبيب خوك..
احمد: كاين شي حاجة اخرى ولا غا هادشي..
عزيز: خوها .. انسان فاشل عاد بادي حياتو.. وداخل فمشروع..بدا يكون بيه راسو بمساعدة اختو اللي كتكب ليه السيولة..
احمد: بغيتو يدخل الحبس.. كيغاندير..
عزيز: نفكرولو فشي مونتيف..شنو بانليك نورطوه فتجارة المخدرات..
احمد: سير ع الله.. حتى نباليو بختو.. ع الله نبرد شوية كية بنتي..
الجزء 127
حنان دازت من بيت ريم وهي تفتحو باش تنظفو كالعادة حتى بانت ليها ناعسة ومكمشة عندها المخدة.. سدات فمها بيدها ودموعها دغيا نزلو.. بنتها اللي شحال هادا مشافتهاش.. اللي كانت غضبانة عليها.. كبدتها.. لامت راسها حيت عاشت حياتها كتفكر فالبنت الاخرى.. حتى ضاعت من يديها هادي.. حتى ولات هزيلة بزاف.. ولات بحال شي وحدة هازة هموم الارض كله فوق ظهرها.. مشات غطاتها.. وسدات السرجم من البرد.. وخرجات بهدوء..
عماد شاد الطريق وهو مزير على يديه بجوج.. وكيتحلف انه يقتلهم بجوج.. خدا تلفونو وصونا لباه..
عبد الله: الو..
عماد: لقيتهم.. لقيتهم.. غانقتلهم ليوما..
عبد الله: (تصدم) عماد متتهورش.. انا غانجي.. غانجي.. فينك.. عندك دير شي حاجة خليني نجي نتفاهم انا معاه..
مسمعش منو وقطع.. كمل صوكانو..
فالاوطيل وجدو الجلسة لندى واسامة.. وجا العدول.. فرش كتابو.. باش يكتبو العقد..
العدول: ندى الزواتي.. واش قابلة بهاد الزواج..
ندى: قابلة..
العدول: اسامة الزواتي.. واش قابل بهاد الزواج..
اسامة: قابل قابل..
العدول: ندى واش شديتي صداقك..
ندى: اه شديتو..
العدول: سنيولي هنا بجوج..
بداو يسنيو على الوراق اللي فيديهم.. بجوج وهما فرحانين..
العدول: مبروك عليكم..
ناض اسامة باس راس ندى وهي فرحانة..
اسامة: وليتي مرتي شرعا وقانونا..
زغرتات واحد البنت من العاملات..وجابت الصينية فيها الدهب.. وبدا يلبس لندى الخاتم والبراسلي..
ندى:(بفرحة) هادشي بزاف عليا والله..
اسامة: الى لقيت الدنيا كلها نجيبها ليك..
مشا العدول وهو شد فيدها وبغاو يطلعو حتى بان قدامهم عماد.. داك الساعة اللون ديالهم تخطف بجوج..
اسامة: (بارتباك)طلعي البيت عفاك.. بغيت نحافظو على البيبي ديالنا.. عفاك مبغيت يوقع ليهم والو.. متخلعيش احياتي .. دابا وليتي مرتي.. ومغايوقع والو..
بدا يحاول رغم ارتباكه باش يهدنها هي.. ولكن الشرارة اللي كانت فعيون عماد داك الساعة كانت توحي بان مجزرة على وشك انها تترتكب دابا..حاول يقرب منو بوحدو..
اسامة: عماد.. خلينا نتفاهمو بالعقل..
عماد: (ضربو ببونية) طعنتينا فشرفنا وكتقول العقل… (بدا يضرب فيه)
اسامة:احنا تزوجنا.. وحتى حاجة متمس شرفكم..
ندى: عماااد عفاك .. عفااك باركة.. عفاكم شي واحد يعتقنا..
عماد بدا يضرب فاسامة بشراسة.. حتى خلى وجهه كله دمايات.. واسامة مبغاش يشد معاه.. خايف على ندى لا توقع ليها شي حاجة وكان كيحاول يخليه يتهدن.. عماد سالات من ضربو.. وناض .. مشا عند ندى اللي كانت مرعوبة.. شدها من دراعها وبدا يجر فيها بحال البهيمة.. ومشا ركبها فالطوموبيل وركب تا هو..
اسامة ناض وهو مهدود.. وكيحاول يتحرك.. والضربات مزوقين وجهه.. خدا تلفونه.. وعيط لهادي..
اسامة: هادي.. عتق ندى..
هادي: اش واقع..
اسامة: عماد لقانا وخدا ندى(كيتحرق)
هادى: (تعصب)ونتا !!! ضربك ؟؟؟
اسامة: انا ماشي مهم.. عتق ندى.. انا خايف على كرشها..
بدا كيعاونو الدري باش يوقف..
هادي: عطي التلفون للدري اللي عاونك تما..
عطاه التلفون.، وهضر..
هادي: عماد ضرب اسامة ياك..
الدري: فرشخو هو مقادر تا يوقف.. وجههو كله دم.،
هادي زير على يدو.. وكمل هضرتو..
هادي: غاتشد فيه وتسوك بيه لعندنا للدار.. خاص توصل قبل من عماد..
الدري: غانحاول..
هادي: خف..
الجزء 128
هادي حط التلفون وبدا يتحلف..
هادي: بربي لا خليتها فيك اعماد..
نزل وبدا يستنى فالجردة غادي جاي.. الجد كان جالس فالبيت حتى بانليه وعرف انه ماشي هو هاداك.. وانه شي حاجة كاينة فالموضوع.. دازت ساعة وهو هكاك.. والجد كيشوف فيه.. حتى سمع الطوموبيل دعماد دخلات.. وبان معاه ندى وهي كتبكي.. نزل عاد بغا يضور يحل الباب باش يضور يدخل ندى حتً تجبد.. جبدو هادي وضربو بونية حتى طاح الارض..
هادي: ها اللولة حيت ضربتي خويا ومديتي عليه يدك..
عماد(جعر): هاداك ولد الحرام.. هاداك ماشي خوك..
هادي زادو بونية اخرى..
هادي: هاداك خويا.. ومكاينش اللي يحيدهالي.. خويا(كيضرب) خويا.. ومتعاودش تمد يدك عليه سمعتي..
بدا يضربو وعماد ردلو بونية حتى هو طيحو بيها نقز عليه وبدا يضرب فيه.. ركلو هادي وزاد ضربو حتى ولاو بجوج بيهم مجلقين بالدم.. ووجههم منفوخ..
ندى كانت خايفة واستغلات داك الدباز.. خافت يدخلوها للدار ويحكمو على ولدها بالاعدام .. نزلات من الطوموبيل وخرحات كتجري وهي بالقفطان..
الجد كان كيتفرج فالكومبا بثبات.. ومكيتحركش.. رفع نظرو لندى للي نزلات من الطوموبيل وخرجات.. هز تلفونو.. وهضر فيه..
الجد: جيبهم بجوج..
كل من فالدار سمع صوت العراك اللي بين عماد وهادي اللي تضرر كل واحد فيهم بسبب هادشي.. جرات جوهرة.. وحنان.. وحتى ريم وفاطمة ونسيم اللي غا شافت هادي جرات كتحاول تفكهم.. حتى ضربها شي واحد فيهم طاحت عاد وقفو.. وجراو عندها بجوج..
عماد: نسيم.. سمحيلي.. مقصدتش..
هادي: حياتي لا كنت انا اللي ضربتك سمحيلي..
نسيم: ااااه نيفي كيجري بالدم.. مبقيتش كنشم.. تهرس..
عماد: نتا السبب.. نتا..
هادي شد عماد من الكول ديالو ورفعو..
هادي: بغيتي تاكل شي سلخة تاني..
نسيم: باراااكة..
الجد داك الساعة ابتسم ابتسامة جانبية.. وبدا يصفق.. حتى كلشي انتبه ليه..
الجد: فعلا واحد العرض شهوة منو.. معندي منتسالكم.. دخلو..
دخلو كلشي بما فيهم هادي وعماد.. اللي مخنزرين كلهم.. نسيم بوحدها اللي مشات جلسات حدا جدها.. ودخلو الجميع.. عماد عاد انتبه لعدم وجود ندى..
الجد: فين غادي..
عماد: جبتها معايا.. نغسل عارنا..
الجد: اشمن عار عندك نتا اهاد البز.. مللي تكون والدهم داك الساعة خاف عليهم.. مازال غانحاسبك على هادشي اللي تدخلتي فيه بلا شواري..
ندى بعدما هربات وكانت خايفة.. شافها اسامة من الطوموبيل .. اللي كانت قريبة
اسامة: حبس الطوموبيل..
خرج وجرا عندنا بصعوبة..
اسامة: ندى..
ندى: اسااامة…
مشات تخشات فيه وهي خايفة..
ندى: خلينا نمشيو دغيا..
اسامة: واخا.،
جاو يمشيو حتى لقاو جوج رجال.. هادو كيعرفهم مزيان اسامة.. رجال جدو.. اللي كيستاعن بيهم وقت الشدة..
اسامة: شنو بغيتو..
الراجل: تمشيو معانا بهدوء.. جدك باغيكم بجوج..
زاد اسامة زير على ندى.، وخايف عليها..
اسامة: ندى.، نمشيو نقولو لجدي راه تزوجنا رسميا.. يمكن يعفو علينا..
ندى: انا خايفة.. متطلقش من يدي عفاك..
اسامة: متخافيش.. مغايوقع والو..
ندى: انا حاسة انه رجليا مبقاوش هازيني..
اسامة: نموت ومنخلي تا واحد يقرب منك.. نتي ديالي.. حلالي.. وانا. اللي مسؤول عليك..
الجزء 129
الجد جالس كيزير على عكازو وكلشي كيستناه يهضر.. عماد كتمسحليك سارة الدم من وجهه كيخنزر فهادي.. وحتى هادي كيخنزر فيه بدورو امه هي اللي كتحاول تمسح ليه الدم.. بجوج بيهم كيسوطو الدخاخن من نيفهم بحال الثيران.. شوية وهما يدخلو اسامة شادة فيه ندى بالقفطان وخايفة.. وهو بالقاميجة البيضة اللي توسخات كلها بالدم.. شافتو حنان وناضت غوتات..
حنان: ولديي..
هو غمض عينيه ومبغا يدير حتى ردة فعل حيت هاز فقلبو من جيهة هاد السيدة اللي اكتشف انها ماشي امه..
حنان: (شافت فعماد)اش هاد الحالة درتي فولادي..
جوهرة: واش نتي مشايفاش حالتو هو..
ضرب الجد عكازو مع الارض بالجهد.. وكلشي شاف فيه..
اسامة: جدي.. انا وندى تزوجنا.. على سنة الله ورسوله..
الطاهر: واش هكا كيديرو الرجال.. علاش مجيتيش تتطلبها مني.. رسميا.. ونديرولكم العقد هنا..
اسامة: انا.. جرا عليا عمي عبد الله..
الطاهر: حتى تكون هادي دارو ديك الساعة يجري على اللي بغا..
اسامة: جدي عفي علينا عفاك..حنا مطالبينش شي حاجة كبيرة.. غا نعيشو فالهنا.. وانا غانتهلا فيها.. الا اذا مرضيتوش بيا(حنا الراس) حيت ولد الحرام..
الطاهر: شنو كنيتك..
اسامة:( ارتبك) ااا الزواتي..
الطاهر: ها نتا قلتيها بدون شعور.. حيت منقوشة فالداخل ديالك.. كيفاش بغيتينا حنا ننساو انك ولدنا..
اسامة غرغرو عينيه بالدموع.. والطاهر ناض وقف..
الطاهر: اسامة وندى غايدار ليهم اكبر عرس.. ونفرحو بيهم .. واللي معجبو حال ينطح راسو مع الحيط.. ومن اليوم.. اللي خدش اسامة بكلمة وحدة.. كأنه كيسبني انا شخصيا.. اسامة حفيدي.. وغايبقا هكاك..
ابتسمات حنان وهادي فرح.. وجتى نسيم.. ولكن جوهرة وعماد غوبشو ومعجبهم حال… اما ندى واسامة بحال الى تحكم عليهم بالبراءة وجا الفرج من السما.. عنقاتو وهي كتبكي.. وحتى هو.. انسحب عماد من المجلس.. وجوهرة بقات.. مغاتكدبش وتقول انه مفرحاتش لبنتها.. ولكن مقدراتش انها تكبح غضبها منها.. وانها خرجات عن طوعها.. اما اسامة وندى طلعو لبيتهم.. وسدو الباب..
اسامة: واخيييييرا..
ندى(بدات تبكي): مامتيقاش راسي.. انا حاسة اني كنحلم…
اسامة: مكنحلموش.. غاتلبسي كسوة العرس.. وغانلبس الكوستوم هههه
ندى: ولكن خاص نداويو هاد الضربات شوية.. باش تجي فالتصاور زوين…
اسامة: هههه واخا.. قوليلي.. انا بغيت نمشيو للطبيب نطمئنو على البيبي ديالنا.. حيت داك الخلعة وداك العنف اللي تلقيتيه ليوما خالعني عليه..
ندى: واخا..
اسامة: اجي ناخدو دوش.. ونرتاحو.. واخا..
ندى: واخا..
ريم كانت من ضمن اللي شافو شنو وقع كلشي.. كتشوف فصاحبتها اللي دارت نفس الشيء بحالها.. ولكن.. هي ختارت انسان صح.. ماشي بحالها.. ختارت انسان غلط.. وندمات على كاع مدارت.. فرحات لصاحبتها الانتيم حيت تحل ليها المشكل كله.. دخلات لبيتها وهي كتحسب عدد الدقائق اللي بقاو ليها من الراحة.. باش ترجع موراه للمعتقل ديال ايوب وامه..
الجزء 130
نسيم قربات من جدها..
الطاهر: ارى نشوفليك داك الضربة..
نسيم: اللي ضربني يدو صحيحة..
الطاهر: انا فخور بيك.. حيت قدرتي توقفي هاد الصداع..
نسيم: اجدي خطاتني غا الصحة.. اما هادوك الجوج كان خاصهم سلخة للواحد.. تخليهم يسكتو .. ويرصاو خلاص..
الطاهر: هههه كبرو وولا كل واحد فيهم قد البغل.. مللي كانو صغار راه كنت كنجمع حب وتبن..
نسيم: ههههه غزيتي فيهم..
جا هادي وجلس حداهم..
هادي: نسيم..
نسيم: شنووو
هادي: سمحيلي.. حيت ضربتك..
نسيم: منسمحش ليك.. كتضربني من دابا فين عاد..
هادي: انسيم.. عفاك.. والله ما بالعاني..
نسيم: ماشي سوقي… بعد مني..
الطاهر: الشوهة اللي كيضرب المرا ماشي راجل..
هادي: الله اجدي..
الطاهر: كنقولك..
هادي: هانتي ضربيني تا نتي.. عطيتك الضوء الاحمر..
الطاهر: الاخضر المكلخ..
هادي: اجدي خليني انا ومدامتي نتفاهمو..
الطاهر: مدااامتك؟؟؟ فوقاش خطبتيها وانا مفخباريش..
هادي: منك.. منك..داااك النهار نسيتي..
الطاهر: عقلت.. وعقلت حتى انه قلتلك بللي عطيت الكلمة لواحد اخور..
هادي(ندب حناكو): اجدي واش غاتقتلني فقصة..
الطاهر: غانوض نصلي المغرب..
ناض الطاهر داك الساعة نقز هادي بجلس حدا نسيم وهي تبعد هو مزايد كيقرب..
هادي: والله حتى كنبغيك بالله.. كنبغيييك اعباد الله.. كنبغيييك..
نسيم: حيد مني.. اللي كيبغي كيضرب..
هادي: اجي يمكن لاخور هو اللي ضربك ماشي انا..
نسيم: نتااااا اللي ضربتي.. انا يدك كنعرفها مزيان.. وكنشوف فيها وهي اللي شديت باش نبعدك وضربتيني بيها انا عماد كاع مشديت فيه..
هادي: (تنهد) نديرلك اللي حبيتي.. ولكن سمحيلي ونساي .. اجي.. علاش شديتيني انا بالضبط.. خايفة عليا..
نسيم: واش نتا حمار ولا غا كديرها.. واش منيتك..
هادي: خايف غير نكون كنحلم..
نسيم: واللهيلا.. والحمار البغل.. راني كنبغييييك.. وكوماكنت كنبغيك كوراه خليتك باير..
رفع يديه وهو يزيرهم.. ومسح وجههو..
هادي: ها العار خليني نكون حلالك راه عييت..
نسيم: (باستفزاز) اللي بغاني يستناني.. ويصبر عليا..
هادي: اربي صبرني.. واخا قوليلي مرة اخرى كنبغيك.. نروي قلبي..
نسيم: (بدلع)كنبغيك..
فاطمة: تبارك الله على بنتي كتحب..
ناضو دغيا مخلوعين بجوج معرفوش من امتا وهي كتصنت عليهم..
هادي: عمتي متفهميش غلط.. راه والله مكنتفلا عليها.. انا خطبتها من جدي..
فاطمة: هادي راه برهوشة ونتا قد البغل.. واش باغي تسطيني.. واش وليتي بيدوفيل..
نسيم: اويلي اعمتي الله يا ربي.. هاهي فهمات غلط.. اعمتي راه كاين اللي كيتزوجو بفرق عمر بحالنا..

فاطمة: بنتي صغيرة تركز فقرايتها.. ونتا كتغويها.. زيدي نتي قدامي..
دازت نسيم وهي كتشوف فهادي وخايفة ودخلات البيت ..ودخلات موراها فاطمة..
هادي: عمتي متضربيهاش عفاك.. عفاك .. ناري الحوب مشا..الجزء 131
رجع احمد للدار وطلع لبيتو داز على بيت اسامة بانليه الضو.. سمع شوية صوت نسوي وصوتو.. تفاجا.. كان غايدق عليه وهو يوقف.. مشا لبيتو..
احمد: حنان.. واش اسامة رجع..
شافت فيه بابتسامة..
حنان: اه هو ومرتو.. وعمي قال انه غايدير ليهم عرس كبير..
احمد: الحمد لله ان هاد الولد لقا بنت الحلال.. اللي تبغيه..
حنان: انا فرحانة ليه بزاف..
حيد احمد حوايجو.. وبدا يفكر فالمعلومات اللي وصلات ليه ليوما..
“عبد الله مزوج فتيحة.. وفتيحة كتعرف حسناء.. وحسنا هي الوحيدة اللي كتعرف سر اسامة..اكيد هي اللي وصلات لعبد الله المعلومة.. وعبد الله فضحني.. واخا.. غانضور بيكم واحد بواحد.. هي السي عبد الله على قبل فتيحة كتخوي راسمال باك.. واخا.. غانلعب معاك لعبتك.. الى مخرجتك من الشركة.. منكونش انا احمد”…
فدار ايوب وصل الليل ونعس لاول مرة بعد شهور بوحدو فالبيت.. مبغاش يديه النعاس.. بقا كيتقلب..ومهازاه دنيا.. كيفكر بدون شعور فريم.. اللي كانت معمرة عليه البيت.. وكان كيحس بوجودها.. حس انه مشتاق ليها بزاف..
ايوب: اوووف .. كون غا مشيت معاها.. ياك دار جدي حتى انا ..،

صبح يوم جديد.. والطاهر ويامنة جالسين كيفطرو.. حتى لقاو ايوب جا..
الطاهر: تفضل تفطر..
ايوب: واخا غانجي دابا.. نمشي نشوف ريم هو الاول..
يامنة: سير اولدي راها فبيتها..
مشا طلع عندها..
الطاهر: (شرب رشفة من قهوتو) شفتي اللهفة.. مقدرش يبعد حتى نهار..
يامنة: الله يفرحهم..
الطاهر: اشمن فرحة.. مشفتيش البنت كيدايرا..
يامنة: وشنو غانديرو..
الطاهر: انا عارف اش غاندير..
يامنة: ياكما ناوي تفارقهم.. الدري كيبغيها وكيحماق عليها.. متكسرش قلبو .. باراكة ما داز عليه..
الطاهر: كيبغيها .. ويحكر عليها.. مجاتش…خاصو يعرف ان الامور ماشي هكا كتحل..
يامنة: الله يستر..
طلع ايوب لبيت ريم وحل الباب..دخل لقاها ناعسة ومعنقة المخدة.. تفكر الايام اللي كان كيدخل فيهم عليها وكيلقاها خاملة.. ولكن دابا هاد المرة.. لقاها هادئة بزاف حتى فنعاسها.. بحال شي وحدة كاتمة حتى حس نعاسها.. وخايفة انه يتسمع.. توحشها.. وبدا يدوز يدو على وجهها حتى فاقت.. تصدمات حيت شافتو قدامها.. ركب فيها الرعب وعرفات انه جا يديها ومقدرش يخليها تزيد يوم اخور.. ناضت جلسات وحنات الراس برعب..
ايوب: صباح الخير.. متوحشتينيش!
ريم: (حدرات عينيها)اه..
ايوب: نوضي لبسي نزلو نفطرو مع جدي وجدة..
ناضت دخلات الحمام.. جات تسد الباب باش تاخد راحتها.. وتتنفس.. وجودو قربها ولى كيقطع فيها النفس..
ايوب: متسديش الباب.. انا راجلك حتى هنا نسيتي ولا…
تزيرات قضات حاجتها وغسلات.. بدلات حوايجها.. وهو كيشوف فيها.. حاولات تزرب.. باش متبقاش معاه اكتر ويستفرد بيها حتى هنا..
ريم: خلينا نزلو.. جاني الجوع..
ايوب: واخا..
خرجات وهي طول الوقت مكتشوفش فيه.. ولات حتى كتبعد عينيها حيت مباغاش تشوف فيه.. نزلو لقاو جدهم وجداتهم كتفطر..
ايوب: جدي لاباس..
الطاهر: صباح الخير اريم.. نعستي مزيان..
ريم: (تفاجآت حيت جدها وجه ليها كلام)الحمد لله اجدي..
الطاهر بدا يشرب رشفة برشفة من قهوتو حتى كيتسمع صوت الفنجان فالطبسيل ديالو مللي كيحطو..
الطاهر: ايوب.. حنا ظلمناك.. واي واحد فبلاصتك ميرضاش بداكشي اللي جبرناك عليه..
تفاجئو ريم وايوب بهضرة الجد.. وريم تقرصات كتر.. حيت كتكره يتجبد هاد الموضوع.. زيرات على راسها..
ايوب: جدي..
الطاهر: داكشي علاش خاص نصححو الغلط.. زواجك من ريم كان غلط..
ايوب: احم..
الطاهر: ليوما غاتصحح غلطك .. طلق ريم ايوب.. وسير تقلب على رزقك فبلاصة اخرى..
ايوب خرجو عينيه بالصدمة.. وريم تنفسات شوية.. حيت مكرهاتش ايوب هاد الساعة يطلقها..
ايوب: جدي.. انا.. نتا مغلطتيش..
الطاهر: انا شايف انكم مامرتاحينش مع بعضياتكم.. لا نتا مرتاح.. ولا عمرك تقدر تنسى.. ولا هي مرتاحة.. شوف فيها كيولات.. خلصات بزاف.. اول بنت فالعائلة تزادت كانت ريم.. كنت ديما كنشوفها زوينة بزاف.. وخدات من شبه جداتها.. كانت كتفكرني بشبابها..ومعمري كنت كنتمنى نشوفها هكا.. كتدبال.. كيضرني خاطري.. حيت كيبانلي فيها يامنة وهي حزينة.. (شد يد يامنة) وانا حلفت ليها اني عمري نخليها مغوبشة ولا حزينة ابدا.. هادشي كيضرني فخاطري…
ريم بدات كتبكي وهي كتسمع هاد الهضرة.. ايوب تفعفع..
ايوب: جدي.. ريم مخاصها خير معايا(شاف فيها) قولي شي حاجة.. وماشي انا سبب حزنها..
الطاهر: شوف فيها ايوب..واش نتا اعمى.. طلقها اولدي.. وخليها ترتاح وترجع ليها البسمة فدار جدها.. ونتا سير قلب على رزقك..
ايوب:(ارتبك وقرب يحماق) مغانطلقهاش..ريم.. نتي مزيانة معايا.. قوليها لجدي..
الطاهر: ريم..
رفعات ريم نظرها والدموع عامرين وجهها.. وشافت فجدها بأمل..
الطاهر: واش بغيتي تبقاي مع ايوب ولا تطلقي منو.. الاختيار كيبقا ليك..
ايوب كان كيشوف فجوابها ومصدوم من هاد العاصفة اللي مكانش داير ليها الحساب.. بدا يتمنى تقول انها بغات تبقى وانها عايشة معاه مزيان.. بقا يشوف بعينيه اللي كيقولو ياك سترتك.. ياك قبلت عليك رغم خيانتك.. اما ندى فحسات ان الفرج جا لعندها..
ندى: بغيت نتطلق..
ايوب طاحت عليه الصدمة.. مامتيقش انه هي مبغاتش تبقى معاه.. كان ضامنها فيدو وعمرو توقع انه توصل لهاد الدرجة..
الطاهر: مرحبا بيك فدار جدك تاني ابنتي.. ونتمنى هادشي يكون غا درس داز فحياتك.. وتتعلمي منو..
الجزء 132
ايوب:(بغا يحماق) لااا… لااا.. مستحيل.. انا … ريم.. غادي نعاملك مزيان.. مغانوليش نعاملك خايب.. شوفي فيا… قوليلو انك باغا تبقاي معايا.. قوليهالو نبوس يديك.. ريم انا كنبغيك ومنقدرش نعيش بلا بيك.. جدي واش غاتحمقوني.. ياك درت داكشي اللي طلبتو مني.. انا سترتها.. ياك تزوجتها ..
الطاهر:(علا صوته) زوجتهالك حيت كان يحسابلي غاتكون فايد امينة.. ماشي باش تتكرفص عليها.. هادي حفيدة الحاج الطاهر الزواتي.. ماشي وحدة جايبها من الزنقة.. باش تتكرفص عليها.. وتخليها تتمنى الموت.. غلطات.. تعلمات من غلطها.. ماشي تعيشها فجحيم نتا وامك..
ايوب(كأنه فحلم): جدي…
الطاهر: طلقها دابا..
ايوب (حرك راسو بالنفي): مغانطلقهاش.. مغانطلقهاش.. انا كنبغيها بزاف.. ريم.. عفاك شوفي فيا..، نبوس يدييك.. نبوس رجليك.. كنتي باغا نعيشو بوحدنا.. خلاص غانمشيو نعيشو فدارنا.. وميكون غا خاطرك.. كنترجاك..
بدا يترجاها حيت عارف جدو وكلمتو.. جدية ومفيهاش اللعب..
ايوب: جدي(بانو دموعو) نبوس يديه.. والله منخسر خاطرها مرة اخرى.. مغانقدرش نطلقها..
الطاهر: لا مبغيتيش تطلقها.. غادي ترفع عليك دعوة دالخلع.. وانا غانعاونها.. منرضاش لحفيدتي انها تتكرفص وتعيش مع انسان ولات كترعد بوجودو قريب منها..
ريم كأنها جاها الفرج وتطلق سراحها..
ريم: مبغيتش نرجع اجدي.. مبغيتش ابدا نرجع.. حيت عطيت لنفسي وليه فرصة الف مرة وهو قمعني.. حكرني.. وعاملني بلا قيمة.. مبقيتش قادرة نزيد نعيش معاه..
جات تمشي وهو كيشد فيها وتابعها..
ايوب: ريم.. ستناي.. ريم عطيني فرصة.. نبداو صفحة جديدة ياك هادشي اللي قلتيلي.. ريم كنترجااااك رييم..
كلشي خرج يطل شنو واقع.. ومكانش كيتوقع ان الجد غاينصف ريم وغايرجعها للدار من جديد.. والكل تفاجأ من ردة فعل ايوب معاها وكيفاش ولى.. دخلات لبيتها.. وسدات الباب.. وهو كيحاول يدق ويبكي فبابها..
ايوب: رييييم.. رييييم كنترجاك فتحي نتفاهمو.. واش باغا تحمقيني.. واش بغيتيني نموت… نهار مقدرتش ندوزو بعيد عليك.. اريييم.. مقدرتش ننعس اقسم بالله.. حسيت اني مخنوووق.. رييييم غانتسطى بلا بيك اريم.. حللي الباب نتفاهمو.. وميكون غا خاطرك.. اللي بغيتي هو اللي غايكون.. انا كنبغيك.. كنحماااق عليك.. ومغاديش نقدر نعيش بلا بيييك..
صوتو تسمع فالدار كلها.. حالتو تقلبات فجأة.. كلشي بقا فيهم حيت حسو بيه غايحماق ديال بالصح.. جات سارة حطات يدها عليها وكتبكي على الحالة اللي وصل ليها خوها..
ايوب: (كيبكي)سااارة ..، عفاك هضري معاها قنعيها..قوليلها بأني مبقيتش غانغوت عليها.. مبقيتش نضربها.. مبقيتش نتعدا عليها.. قوليها باللي كنبغيها بزااف.. ومنقدرش نشوف غيرها.. عفاك قنعي جدي…
سارة: تهدن عفاك.. غادي نهضرو معاها.. غا سير للدار دابا.. وخليها ترتاح شوية..
ايوب(بهيستيرية): مغاديش نطلقها.. انا نموت ومنطلقهاش..
سارة: خليها تتهدن.. خليها.. سير عفاك للدار.. سير.. وخليها تتهدن.. وغانهضرو معاها نقنعوها.،
شدات فيها وهو حالتو خايبة.. وهبطات معاه..
اسامة: انا غانوصلو..
ايوب: (فشل)اسامة هضر مع ختك.. هضر معاها عفاك.. قوليها راه كيبغيك والله ومدار داكشي غا حيت كان مجروح منك.. قوليها باللي انا نسيت الماضي صافي وسمحت ليها.. ومبقيتش غانفكرها بيه.. قوليها تسمحلي كما سمحت ليها انا..
اسامة: يكون خير.. غا تهدن دابا نتا.. وخليها ترتاح كما قالت سارة.. وشوية بشويةغاترجع الامور كما كانت قبل..
خرجو وركب يوصلو.. والجد ويامنة كانو كيطلو عليه..
يامنة: ضرني فقلبي.. قلتلك كيبغيها بزاف..
الطاهر: كانت بين يديه.. ومحافظش عليها.. كانت عندو فرصة..
يامنة: خاص نهضر مع ريم تسمحليه.. حيت انا خايفة يدير فراسو شي حاجة.. حالتو مكتبشرش بخير..
الطاهر: متخافيش.. مغايدير فراسو والو.. غايتعدب شوية .. وغادي يتعلم يدير القيمة لللحاجة اللي بين يديها خلاص..
الجزء 133
ريم تنفسات وكتضحك فالبيت وفنفس الوقت دموعها كينزلو..عاشت فترة صعيبة بزاف.. دوزات العذاب.. للحظة كان كيحساب ليها باللي غاتبقى فالعذاب الى الابد.. سمعات الدقان فالباب ومسحات دموعها.. ومشات حلات الباب.. لقات جداتها.. وندى.. شافت ندى عنقاتها..
ندى: توحشتك بزااف..
ريم: حتى انا.. صافي رجعت.. ههه انا فرحانة..
يامنة: دخلي اريم نهضر معاك..
دخلو وجلسو..
ريم: هانا اجدة..
يامنة: قوليلي.. واش نتي متأكدة انك باغا تطلقي..
ريم: اه متأكدة.. واش جدي باغي يرجع فكلمتو.،
يامنة: جدك عمرو يرجع فكلمتو..ولكن.. شفتي ايوب كيفاش كان.. انا بانلي انه جبدنا ليه ودنو بهادشي.. وايلا رجعتي ليه غايديرك فعينو.. اولا اندى؟؟
ندى: اه كان غايحماق.. انا بقا فيا..
ريم: وانا.. علاش معمري بقيت فيه.. انا ترجيتو اكتر من مرة.. حاولت نرغبو.. حاولت نراضيه.. حاولت نبدا معاه صفحة جديدة.. ولكن هو مرحمنيش.. استفرد بيا.. وقال فخاطرو هادي مغايسول فيها حد.. حتى لقا جدي دابا وقف فوجهه.. عاد بدا يدير راسو تأثر وكيبغيني.. كيكدب.، مكيبغينيش.. وعمرو بغاني.. انا اللي كنعرف ما دوز عليا.. كنت كل مرة كنقول انه هادي التالية ليا.. وغادي نموت..اجدة عمرو رحمني.. لا هو لا عمتي.. اللي من دمي.. كيفاش بغيتيني انا دابا.. ننسى ونتيق انه غايرجع يعاملني مزيان…
يامنة: هازة فقلبك من جيهتو بزااف..
ريم: ربي بوحدو اللي شاهد .. على ماداز عليا وانا معاه.. مبغيتش نتفكر دوك الايام.. كلشي سالا.. مباغياش نشوف وجههو تاني.. وانا كنواعدك اجدة.. وغانواعد جدي.. انه عمركم تشوفو مني حاجة دالعيب… وغانحافظ على نفسي وعلى العائلة.. واللي بغاها جدي هي اللي غاتكون.. نفضل نكون خدامة تحت رجليكم.. ولا اني نرجع نعيش يوم واحد فدار عمتي..
يامنة ملقات متقول.. وناضت.. وبقات ندى..
ريم: مبروك عليك امرت خويا هههه..
ندى: الله يبارك فيك… انا قريب نولي ام.. ههه غاندير الكسوة.. عندك غا تبان ليا الكريشة..
ريم: لا مازال صغيرة..
ندى: ههه انا تمنيتك تعيشي كما عايشة مع اسامة.. ربي عوضني بيه..
ريم: تستاهلي.. حتى نتي انسانة مزيانة..
ندى: غانديرو العرس.. ههه.. شوفي بغينا نمشيو للطبيب ليوما نشوفو البيبي ههه واش غاتمشي معانا!!
ريم: اه نمشي ههه بغيت نشوف ولد خويا.. حبيب عمتو ههه
ندى: ههه واخا..وجدي راسك.. وانا غانوجد راسي ونمشيو مللي يرجع اسامة..
ريم: واخا..
اسامة وصل ايوب وهو دموعو فخدو..
اسامة: وصلنا..
ايوب: ضاعت من يدي.. واش صافي؟؟ هي معمرها بغاتني.. ولقاتها سبة تبعد مني..
اسامة: هي مجروحة ايوب.. انا شفت كيفاش كنتو تعاملوها.. عمتي.. ناريمان.. كلكم كنتو كتعاملوها خايب.. كيفاش بغيتيها تبقا وترجع..
ايوب: انا قلت ليها غانعيشو بوحدنا.. وعمري نخسر ليها الخاطر..
اسامة: خليها تتهدن.. وانا متأكد انها غاتتاخذ القرارالصحيح..
ايوب: كيفاش غاندخل للدار وهي مكايناش فيها.. كيفاش
اسامة: صبر اصاحبي.. صبر.. الى حسات باللي نتا كتبغيها.. غاترجع ليك.. ماشي بالخوف والغصب..
ايوب: انا تعديت عليها بزااف.. كان كيحسابلي كنربيها.. وباللي غاندمها ونخليها تبغيني..
اسامة: سير رتاح.. واللي فيه الخير يديرو ربي..”
الجزء 134
دخل ايوب للدار.. شافتو امه بداك الحالة..
سعاد: مالك..
ناريمان: مالو هادا.. كيبكي.. واش وقعات شي حاجة…
سعاد: ولدي.. عفاك قولي مالك..
ايوب: جدي بغا يطلق ريم مني..
سعاد: شنووو.. كيفاش يطلقها.. مستحيل.. هاديك مرتك.. ياك سترناها.. انا غانمشي نشوفو شنو باغي يدير.. ناريمان عطيني جلابتي..
دخل ايوب لبيتو.. اول حاجة مشا لحوايجها وبدا يشم فيهم ريحتها.. ويبكي حسرة.. حيت فلتها من يديه.. هو تمادى مؤخرا بزاف.. وزاد فيه.. كان كيتعدا عليها نيشان.. وكان كيعنفها..
فالدار كان التجهيز على اشده للعرس ديال ندى.. اللي لحد الان مازال امها وباها مكيهضروش معاها.. رجع اسامة ومشا عندها..
ندى: حياتي نمشيو للطبيب.. وتمشي معانا ريم.. باش تشوف ولد ولا بنت خوها..
اسامة : واخا.. منها نفوجوها شوية..
خرجو ومشاو للطبيب وريم فرحانة حيت كتتنفس من جديد.. حتى وصلو.. وشافت الايكو بانليها البيبي كيتحرك.. نغزها قلبها.. حيت بان ليها .. وتفكرات ما داز عليها.. نهار دارت الاجهاض..
الطبيب: غانعطيك مثبتات للحمل.. بانلي تعرضي لضغط ومجهود مؤخرا..
ندى: اه.. واش البيبي ديالي بخير..
الطبيب: كنشوفو النبض وكلشي.. ولكن مهزوز شوية.. كنفضل انه تستعملي المثبتات..وخاصك الراحة..
اسامة: اكيد غانعطيها الراحة التامة..
ريم: الله يكمل ليكم بالخير..
دازو للدار ديريكت وشراو الدواء..
ريم: حبيبة عطي الراحة لراسك.. وكلشي غانجيبوه ليك حتى للبيت..
ندى: ربي يخليك ليا احبيبتي.. الله يفرحك..
وصلو للدار ولقات سعاد.. وهو يضرب قلبها من جديد..
سعاد: ابا.. هاديك راها مرتو.. وهو كيبغيها..
الطاهر: راها جات.. عندها الحرية الكاملة تختار اللي بغات.. مغاديش نبزز عليها..
سعاد: اريم.. ابنتي.. انا راني عمتك.. على رقبتي ما يخصك خير معانا.. غانعاملك مزيان.. ومغانخليهش يرفع صوتو عليك ابدا..
بقات ريم كتشوف فيها.. هادي اللي مرحماتهاش ابدا.. وكانت كتشوفها كتموت قدامها ومكانتش كترمش..
ريم: عمتي.. اللي بيني وبين ايوب سالا.. الله يجيبلو شي بنت الناس.. اللي تكون بنت دارهم ديال بالصح..ومعندهاش ماضي بحالي..
سعاد:(بدات تبكي) لا شفتي حالتو كتشفي العدو.. احنان هضري مع بنتك.. ولدي الوحيد كيضيع من بين يديا.. كنتقطع قدامو.. انا خايفة يحماااق..
ريم طلعات لبيتها ومبقاتش دوات.. دخلات للبيت باش تبعد من الضغط اللي كيتمارس عليها.. قرارها خداتو.. لا رجعة فيه.. سالا كلشي بينها وبين ايوب.. بقات متكية حتى سمعات الدقان فالباب.. خافت لا تكون سعاد .. بقات كتسمع حتى زعمات تحل الباب.. لقات نسيم.. وسعات ابتسامتها.. وعنقاتها..
ريم: دخلي انسيم..
نسيم: مجلسناش من داك النهار..
ريم: شكرا بزاف على كلشي.. نتي اللي عتقتيني..
نسيم: ماشي انا.. وانما جدي..
ريم: ولكن نتي اللي جيتي الاول.. وقلتيهالو..
نسيم: لا.. هو اللي صيفطني..
ريم: هو!!
نسيم: امم هو..
بدات تتعاود ليها وهي رجعات فلاش باك..
الطاهر كان سرحان.. ونسيم جات باست راسو.،
نسيم: مال جدو مهموم..
الطاهر: حفادي.. هما اللي خلاوني هاكا.. ريم.. معرفتها كيفاش عايشة ..
نسيم:ياك مزوجة.. وايوب كيبغيها..
الطاهر: الزواج بحال هاداك اللي دارت سميتو زواج الذل..خايف من سعاد.. تحكر عليها وتظلمها.. وهي صغيرة.. معندهاش تجربة فالدنيا..
نسيم: شنو ناوي دير..
الطاهر: سيري طلي عليها.. بلاا موعد.. وشوفيها كيدايرا.. وداك الساعة نشوفو اش غانديرو..
نسيم: واخا اجدي.. ميكون غا خاطرك..
كملات نسيم التعاويد لريم وهي مصدومة.. وعرفات ان جدها نصفها..
ريم: مسكين جدي.. الله يطول لينا فعمرو..
نسيم: بان ليا ان ايوب مهووس بيك.. بداك الحالة اللي وصل ليها البارح.. دغيا بان ضعفو..
ريم: ولكن حكر عليا بزاف.. ومامستعداش نسامحو.. ونعاود نرجع ليه تاني..
نسيم: اكيد نتي تعرفي.. المهم راكي حرة دابا.. ونتي اللي فيدك تختاري..
ريم: خليك مني وقوليلي.. ههه نتي وخويا بيناتكم شي حاجة يااك.. متنكريش..
نسيم: ههه باش عرفتيها..
ريم: نظراته ليك.. ونظراتك نتي ليه..
نسيم: ههه واخا غانقوليك.. انا كنبغيه .. والصراحة مازال مامتأكداش من حبه… خاصني نتأكد.. عاد نقدر ندير شي حاجة..
ريم: الله يدير ليكم التاويل دالخير انشاء الله.. ربي كيبغيه حيت طاح فبنت بحالك… انا فرحانة ليكم بزااف..
الجزء 135
الاستعدادات للعرس هي هاديك.. وصل اليوم اللي غايدار فيه العرس.. حضرو العائلة كلها.. ولبسات ندى كسوة العرس.. ومعاها اسامة..
اسامة: حبيبة تمشاي بشوية عليك.. بشووية.. واخا.. متفورصيش على راسك،،
ندى: خايفة تكون باينة الكريشة للناس…
اسامة: كريشتك صغيرة.. الناس معارفينها شحمة ولا ووليد ههه.. وغا جابليك الله كتبان هي كاع مكتبان..
ندى: حشمانة والله…
بداو الصلا والسلام.. والشطيح والرديح والنكافات.. بعد لحظات جا احمد لعند اسامة..
احمد: تكلم لجدك..
اسامة: واخا..
مشا اسامة لقا جدو فالبيت..
الطاهر: اسامة ولدي..
اسامة: اوامرك اجدي..
الطاهر: بغيتك عمرك تنسى انك حفيدي.. وفنفس الوقت.. بغيتك تكون امين على مالي.. انا غاعطيك حصتك من الاسهم فالشركة.. تخدم فيها.. وباش نطمئن عليك بعد عمر طويل انك متتاكلش فحقك.. وتبقى بلاش..
اسامة غرغرو عينيه بالدموع..
اسامة: جدي.. الله يطوليك فعمرك..
الطاهر: هادي سنة الحياة اولدي.. ولازم نطمئن عليك..
باس راسو وعنقو…
الطاهر: يالله مسح دموعك.. نتا ليوما عريس.. وخاصك تبان ضاحك.. وفرحان..
اسامة(مسح دمعته): واخا اجدي.. هه
هادي كان كيشطح هو ونسيم وفرحان… جات حداه فاطمة..
فاطمة: ها ودني منك..
هادي: والله مكنتفلا عليها بالله..
فاطمة: المهم انا دويت..
هادي: نسيم.، ناري ماماك حاضيانا بزاف..
نسيم: حيت الصراحة وجهك غا ديال الغدر هه ..
هادي: حشومة عليك..
بقاو يشطحو.. وايوب كيشوف فريم.. وعينيه غارقين.. مكرهش يعنقها .. ويطلب منها السماحة قدام الناس.. شافها مشات تطلع لبيتها.. داز بسرعة من الجهة الاخرى باش يلحق عليها قبل متشد الباب مع وصلو قد قد.. مشات تدخل وهو يدخل موراها وسد الباب..
ايوب: سمعيني الله يرحمليك الوالدين…سمعيني.. انا والله حتى ندمت.. اقسم بالله.. كنت غانعاقبك شوية ونرجعو نعيشو حياتنا عادي.. والله..
ريم: سمعني نتا مزيان.. اللي بيناتنا سالا.. ونتا اللي قلتيلي بفمك انا غانبقا فنظرك ديما موسخة.. وعمري نكون نقية..سير اولد الناس تقلب على اللي نقية.. سير.. انا منليقش ليك..
ايوب: اريم عفاك..
ريم:خليني راسي كيضربني بزاف .. غانعس.. خرج ولا نغوت نجمع عليك الناس ونخسرو هاد العرس..
ايوب: صافي تهدني.. عفاك فكري شوية… معمري غادي نمل من الامل ديال انه ترجعي ليا شي نهار..
نزل وهو حزين ورجع للعرس تاني…اما سعاد فهي دخلات هي وسارة لبيتها.. ولكن جوهرة تبعاتهم باش تتصنط على الباب..
سعاد: مقلتيلو والو ياك..
سارة:لا..اش غانقولو؟؟ اني مكنولدش!؟
سعاد: غانمشيو لواحد المرة كتحيد التابعة من العيالات اللي كيولدو.. وداك الساعة تحملي..
بقات كتصنط حتى سمعات داكشي.. ورجعات للحفل.. اللي سالا بعد قليل.. طلعو العرسان لبيتهم… وبدا اسامة يحالو يحل المشطة لندى.. شوية بشوية..
اسامة: غا رتاحي انا غانحيد ليك كلشي..
ندى: اسامة..
اسامة: شنوو..
ندى: واش غانديرو الدخلة
اسامة: نديروها احبيبتي نديروها..
ندى: ههههه ديال اول مرة كانت فبيتي..
اسامة: وشكون ينسى… ههه
ندى: انا بيتي غانسورتو.. ومرة مرة نمشيو نسترجعو الذكريات فيه..
الجزء 136
ناريمان بقات مغوبشة حتى جات جلسات مع جدها..
الطاهر: مالك ابنتي..
ناريمان: جدي انا تظلمت..
الطاهر: عارف ابنتي.. ولكن.. كنتي غاتظلمي كتر كوكنتي تزوجتي واحد مكيبغيكش..
ناريمان: ايوا زوجني بهادي..
الطاهر: ايلا كان كيبغبك منعندي انا الله يجيب التيسير.. انا معمري نغصب عليكم شي حاجة مباغينهاش..
ناريمان: واخا.. غايبغيني.. وهانتا غاتشوف..
الطاهر: (فخاطرو) لا خلاتك نسيم.. (بالجهد) تصبحي على خير ابنتي..

صبح الصباح.. يوم جديد على عائلة الحاج الطاهر.. فاق هادي وهو مكسل.. وجا يفطر مع جدودو..
الطاهر: اش داك الخدمة كدير نتا..
هادي: مالي اجدي.. مالي..
الطاهر: مقابل غا النعاس والشركة كتمشي ليا جوج دقايق فالنهار..
هادي: كنمشي اجدي.. كنمشي..
الطاهر: اوقف على رجليك.. شوف تبارك الله عماد.. كيفيق بكري وخدام على جهدو.. وواقف مع باه..
هادي: واخا اجدي كنواعدك.. اني نكون عند حسن ظنك..
الطاهر: فطر وسير تخدم..
فطر.. وناض مشا بدل حوايجو.. ولبس حوايج الخدمة.. وخرج لقا نسيم عاد فايقة.. وخارجة من البيت استغلها فرصة جا موراها وعنقها خشا وجهه فعنقها..
نسيم: (شهقات) اايه.. مالك.. منين خرجتيلي..
هادي: كناخد جرعة ديال الاكسجين اللي تخليني نقدر نعيش مزيان النهار كله..
نسيم: عنيبة من درجة موظف..
هادي: ايه عنيبة ايه.. يالله انا مشيت.. كنبغييك..
نسيم: غاتدوز النهار فالشركة..
هادي: لا بغيتي ندوزو معاك معنديش مانع.،
نسيم: انا نمشي ليوما عند بابا.. توحشتو بزااف..
هادي: واخا احياتي.. تهلايلي فراسك الغزالة ديالي..
خرج ومشا الطوموبيل ديالو وخرج بيها من الدار وهي تبانليه سحر.. تبدل فيه اللون.،
هادي: اش كديري هنا.. ركبي دغيا قبل ميشوفك شي حد..
ركبات وهي كتضحك..
سحر: كاع مصونيتي.. وقلت نسول انا..
هادي: واش تسطيتي جاية لهنا.. تخيلي يكون شافك شي حد..
سحر: توحشتك بزاف..
هادي: سحر ياك سالينا اش باغا تاني..
سحر:مساليناش.. قلبك نساني.. مستحيل..
هادي: انا نسيتك.. ومحيتك من بالي وداك الحوب مبقاش خلاص.. عيشي حياتك.. ياك ديبلومك خديتيه.. لا بغيتي نشوفليك كاع خدمة فالشركة معنديش مانع..
سحر: اه شوفلي حداك.. باش نكون قريبة ليك.،
هادي: واخا جيبيلي سيفي ديالك نعطيه RH ويكون خير.. وانا غانوصيه عليك..
سحر: واااجد.. هااهو..
هادي حس راسو مخنوق وخايف لا يشوفو شي حد.. ولا تشوفو نسيم.. حاس راسو معندوش المقدرة انه يخسرها.. وصلو للشركة ونزل وهي موراه.. دخل لمدير مكتب الموارد البشرية وعطاه السيفي وخلاها معاه.. عاد قدر يمشي هو للبيرو ديالو…
فالدار خرج عماد من بيتو باش يمشي للشركة.. وهي تلقاه امه..
جوهرة: عماد اولدي.. بغيت نهضر معاك…
عماد: هانا امي..
دخلو البيت وهي سدات الباب وجلسات.. وهو قدامها..
جوهرة: واش مشيتي نتا وسارة للطبيب.. علاش مازال محملاتش..
عماد: مكنفكرش فهاد الموضوع.. واش انا ديال نربي الوليدات الصغار وانا راسي عامر..
جوهرة: كنظن ان مرتك مشات..
عماد: سوقها هاداك.،
جوهرة: ومقالتش ليك شنو قاليها الطبيب…
عماد: مهتميتش…
جوهرة: سارة كنظن مكتولدش..
عماد: شنو..
جوهرة: سمعت امها كتهضر معاها.. تأكد من هادشي.. الى مكتولدش اولدي نقلبو على الحل بكري..
الجزء 137
عماد بدا كيفكر وسكت..
جوهرة: نتا دابا مباغيش الاولاد.. ايوا ومنبعد.. راك غاتكبر.. وتبغي يكونو عندك.. داك الساعة عاد غاتبدا تقلب على حلول من جديد..
عماد: واخا غانشوف كيندير..
ناض ومشا لبيتو ديريكت.. دخل ولقا سارة ناعسة.. شاف فيها وهي هادئة.. بقات فيه.. هي سكوتية ودرويشة.. وهادشي ماشي ذنبها.. مشا جلس حداها وبدا يدوز على راسها .. حتى فاقت.. ابتسمات ليه..
سارة: حبيبي..
عماد: نوضي بغيت نهضر معاك..
ناضت جالسة وهي مرتابكة..
عماد: مشيتي للطبيب.. شنو قالك..
سارة: (ولات صفرة)ماقالي والو..
عماد: كيفاش مقالك والو.. سارة.. متخبي عليا حتى حاجة.. اللي كاين قوليه..
سارة:(خافت وبدات تبكي) قاللي راه صعيب نحمل دابا..
عماد: صافي متبكيش… (عنقها) صافي.. غانمشي لعند الطبيب يشرحلي كلشي.. وايلا كان شي حل واخا فاخر الدنيا.. غانحاولو نديروه..
سارة: (كتمسح دموعها) واخا..
ناض ونزل عند جدو.. وبدا يفطر..
الطاهر: مالك..
عماد: جدي منخبيش عليك.. ولكن ..
الطاهر: شنو كاين..
عماد: سارة مشات للطبيب.. وقاليها راها مكتولدش..
الطاهر: لا حول ولا قوة الا بالله.. متشوفوش شي طبيب اخور.. الطب تقدم اولدي.. واكيد كاين حل..
عماد: وشكون غايستنى.. العلاج راه ممكن يدي سنين طويلة..
الطاهر: اولدي متفقدش الامل.. كلشي عند الله قريب..
عماد: جدي.. واش انا فهاد الحالة حرام نتزوج مرا اخرى..
الطاهر:(بأسى) حلال اولدي.. ولكن متكسرش قلب المرا اللي بغاتك وحافظات عليك..
عماد: حتى لو وافقات هي.. هادشي من حقي..
الطاهر: متتسرعش اولدي.. متتسرعش.. وجرب بعدا ديها لاطباء اخرين.. التاني والتالت والرابع والخامس.. الى اكدوليك كلهم انه مكاينش امل.. داك الساعة.. منحقك انه تنزوج وحدة اخرى بما يرضي الله.. بشرط انك تعدل بيناتهم.. ومتحسسش مرتك انه فيها عيب بسبابه تزوجتي عليها ابدا.. بالعكس.. حاول تخليها ام لولادك.. وتا هي تحس انه عندها امل فالدنيا ودافع تعيش على قبله..
عماد: واخا اجدي.. واخا..
ناض ومشا للشركة.. وهو عقلو مشطون كيفكر.. واش لقاها سبة باش يخطب نسيم من جدو.. واش غايتزوج بيها… دخل للشركة وهو كيفكر.. حتى بانتلو سحر.. تفاجأ اشنو اللي جابها للشركة.. واش جات تقلب على هادي.. مشا لواحد الموظف.. ووقف عليه..
عماد: قولي..
الموظف: وي السي عماد..
عماد: شفتي هاديك..
الموظف: توظفات جديدة فالشركة.. من طرف السي هادي..
ضحك ضحكة شر.. وداز.. مشا للبيرو ديالو..
عماد: مرحبا بيك الالة سحر… مرحبا بيك..
فدار محمود دخلات نسيم بدات تخمليه الدار وتوجد ليه كلشي..
نسيم: بابا كلشي مرون… ومبقيتيش تتهلا فصحتك.. اش هاد الحالة..
محمود: اللي كانت كتتهلا فيا مشات..
نسيم: مامشات لاين.. مازالة كاينة.. ومازالة كتبغيك.. وكتفكر فيك.. وانا متأكدة انه غايجي النهار اللي غادي ترجع ليك.. ونتجمعو من جديد..
محمود: منظنش .. موك نفسها عزيزة..
نسيم: ابابا.. قولي الحقيقة.. واش خنتيها؟؟
محمود: عمري فحياتي.. مشفت غيرها.. الموضوع كبر من داكشي..
نسيم: مغاديش نخرج من هنا حتى تقولي شنو كاين.. يالله هضر..
محمود: الموضوع.. هو..
نسيم: ممم هوو.. شنو..
الجزء 138
محمود: نوضي.. كملي داكشي اللي كنتي بادياه..
نسيم: ياك ابابا..
محمود: داكشي اللي بين المرا والراجل الى خرج.. راه فيها جهنم..
نسيم: انا بنتكم..
محمود: جوج بينا اللي تزوجنا.. بجوج.. ماشي ثلاثة.. نتي غا من النتائج..
نسيم: ياااك ابابا..
محمود: دابا نشوفوك مللي تتزوجي واش غاتعاودي لشي حد..
نسيم: (كتلعب فصبيعاتها)واخا.. بابا… انا بغيت نتزوج هادي.. هو طلبني للزواج..
محمود حط يدو على خدو وشاف فيها مصغر عينيه..
نسيم: هو ولدي خالي.. وغايحافظ عليا.. وجدي فصفي..
محمود: فوقاش غاتبداو القراية..
نسيم: (بلعات ريقها)نهار الاربعاء..
محمود: الى خصاتك شي حاجة فالقراية اجي عندي..
نسيم: والزواج..؟
محمود: نسيم؟ فخبارك انك فالقانون ممنوع تتزوجي؟
نسيم: وايلي؟
محمود: ممم ممنوع.. حيت قاصر..
نسيم: وفوقاش غايمكنلي نتزوج..
محمود: حتى تاخدي شهادتك..
نسيم: مستحيل.. ندى هاهي عندها 19 عام وتزوجات.. انا راه الشهادة غاناخدها مللي غاتكون عندي 22 عام..
محمود: مغاتتزوجي حتى تولي عندك 23 .. داك الساعة راه شوف تشوف.. ممكن نوافق وممكن لا.. على حسب لا بقيتي برهوشة هكا ولا درتي عقلك..
نسيم: شنووووو.. ولكن.. ست سنين بزاااف.. اوو.. ولكن هادي غايحماق..
محمود: لا مكان هادي غايكون واحد اخور.. غا بلا متزربي على صلاحك.. واش كاين شي برهوشة فعمرك تتزوج.. هادا اللي غايديك دابا راه بيدوفيل..
نسيم: واش حتى نتا كتقول عليه بيدوفيل بحال ماما..
محمود: يعطيها الرضى.. انا ها علاش تزوجت ماماك..
نسيم: وشحال كان عند ماما مللي تزوجتيها..
محمود:احم.. داك الوقت ماشي بحال دابا..
نسيم: هاااا يعني كانت قدي..
محمود: نسيم.. نعلي الشيطان ابنتي.. داك هادي لا كان كيقلب ليك عقلك هاكا غانهضر معاه يبعد لطريقك ولا ميعجبو حال..
نسيم: لا لا.. متهضرش معاه.. غا خليه..

فالفيلا ديال فتيحة كانت جالسة كتتفرج حتى سمعات الصوني فالباب..
فتيحة: شكون غايجي فهاد الوقت.. ما يكون غا عادل يمكن..
حلات الباب وهي تتفاجأ..
فتيحة: نتا؟؟ اش كدير هنا..
احمد: جيت نطل على مرت خويا.. واش خاصها شي حاجة..
فتيحة: مرت خوك!؟ يعني نتا عارف اني مزوجة بعبد الله..
احمد: اه عارف..
فتيحة: وشكون قالهالك..
احمد: قالتهالي العصفورة..
فتيحة: تفضل..
احمد: زوينة هاد الفيلا.. معدرو خلص فيها كاع داك المبلغ..
فتيحة: شنو بغيتي السي احمد..
احمد: بغيت نتفاهم معاك..
فتيحة: اهلا وسهلا..
احمد: فتيحة.. بغيت تمشي للدار.. وتدخلي وتفضحي زواجك من عبد الله..
فتيحة دارت ضحكة مطولة..
فتيحة: وعلااش بالسلامة.. راجلي عايشة معاه مزيان الحمد لله ومخاصني تا خير.. (حطات يدها على كرشها) ومتعرفش اللي جاي فالطريق.. غايجمعنا كتر.. علاش انا نخرب عشتي بيدي..
احمد: باش منخربهاش ليك انا … احم.. واحد السيد سميتو .. يا ربي شنو نتفكر.. مشاتلي سميتو.. بلاتي بعدا واش تزوجك عبد الله عزبة؟ غريب؟ اه تفكرت الصالحي سليمان.. هادا راجل.. ضرتيلو على فليساتو..وجمعتيها.. وخليتيه هو طايح.. مريض.. حتى مات.. وحاالفين فيك ولادو.. شكون رأيك نوريهم طريقك..
فتيحة ولات حمرا.. حيت هاد المعلومات مكيعرفها حد الا هي..
الجزء 139
ناضت وقفات وهي مصدومة.. ومحملاتش راسها..
فتيحة: هادشي كدوب.. شكون قالك هاد الهضرة..
احمد: الى حسابليك بقششتي مورايا.. وتعرفتي على حسنا باش تكسريني..وتفشي السر المدفون هادي سنين.. غاتكوني غالطة.. هههه ها اسامة.. تزوج بنت عبد الله.. بزز على عينو.. والحاج عطاه نصيبو فالشركة.. شنو ربحتو لا نتي لا عبد الله.. واالو.. عرفتي علاش.. حيت بجوج بيكم خاويين.. مكتفكروش…
فتيحة:(بخوف) ماشي انا اللي فضحتك.. ماشي انا.. خليني فالتيقار عفاك.. انا مبغيت والو.. غير نعيش مهنية مع راجلي..
احمد: نتي اللي جبدتبني.. ولقيتيني واجد.. الى عندكم سلاح واحد انا عندي خزان اسلحة.. دابا بسهولة غاديري داكشي اللي قلتلك.. باش تانا نميك على شي اخور..حيت لا مدرتيش.. غانقول لعبد الله على الماضي ديالك باش يعرف راسو غا فيكتيم.. ونقول لولاد سليمان على بلاصتك.. راهم مشحرين من جيهتك.. خصوصا بعدما خليتيهم على الضس.. فكري مزياان ونفذي..
خرج وهي بقات كتعض فجنابها.. اش داها تهضر..اش داها تتدخل.،
ركب احمد فالطوموبيل.. ورجع ذاكرتو لمللي مشا لحسنا..
حسنا(عنقاتو): حبيبي توحشتك..
هو مدار حتى ردة فعل.. ودخل جلس..
حسنا: حبيبي .. واش نتا لاباس..
احمد: علاش خنتيني..
حسنا(تصدمات): اشمن خيانة..
ناض شدها من شعرها…
احمد: السر اللي نتي الوحيدة اللي امنتك عليه.. الوحيدة فالدنيا.. مشيتي عطيتي رقبتي بسهولة لعبد الله.. ولفتيحة.. حسابليه هادوك غاينفعوك..
حسنا: عفاك سمحلي.. كان غايحسابلي انه غاتفارق مع حنان باش تجي عندي انا.. كانت نيتي حسنة والله..
احمد: خرجتي عليا وعلى راسك.. مبغيتش نشوفك مرة اخرى.. وحطي استقالتك فالشركة..،
طلق منها وجا خارج وهي تبعو..
حسنا: ستنى عفاك.. حتى انا غانعطيك رقبة فتيحة وعبد الله..
وقف فجأة.. ورجع شاف فيها..
حسنا: انا قلبت مور فتيحة.. ولقيت موراها الحوايج اللي يخليوها تركع لينا.. خوفا من انه يتفضحو..
احمد: هضري…
حسنا: سليمان الصالحي.. عقل على هاد السمية… هادا كانت مزوجة بيه فتيحة.. ومللي قلبت على هاد السيد مزيان عرفت انه مات.. وفتيحة كانت مزوجة بيه غا حيت باغا تكشطو..خدات فلوسو.. وولادو لحد الان كيحلفو فيها لا لقاوها غايقتلوها..
احمد: شكون قالك هاد المعلومات..
حسنا(مسحات دموعها): قلبت حيت نتا معلمتينيش انه نبقا كنتفرج فلاخور.. ونقلب موراه نعرف شنو تحتو..
احمد: ومعلمتكش الغدر تا هو..
حسنا: انا مستعدة نعاونك تدمرهم.. وتخرج عليهم.. ولكن متتخلاش عليا.. احمد.. انا معنديش من غيرك فالدنيا.. وكنبغيك.. متتخلاش عليا..
رجعات بيه الذاكرة وهو كيديماري الطوموبيل وكيشوف جهة الفيلا وكيمشي.. بدا يفكر بمبدأ اللي قلب عليا يلقاني.. ومصلاحتي هي الاولى واخا تكون ضد خويا اللي من دمي..
فالدار كانو اسامة وندى فبيتهم.. والرومانسية على اشدها بيناتهم..
اسامة: حب قلبي.. عمري..
ندى: شنو زعما منمشيوش ندوزو شهر العسل..
اسامة: خاصك الراحة… نسيتي شنو قال الطبيب..
ندى: وكيفاش غانحس راسي عروسة.،
اسامة: نعوض حبيبتي على كلشي.. غير تولدي.. شوفي الكريشة بدات تبان.. شوف شوف..
ندى: انا متحمسة بزااف.. ااه ولدي ولا بنتي..
اسامة: نوضي خاصك تاكلي..
ندى: هه حبيبي را عاد كليت.، راه غانغلاض الى بقيت ناكل هاكا..
اسامة: مبغيتش ولدنا يبقا بالجوع..
ندى: حبيب قلبي..متخافش عليا.. انا وجودك معايا عاطيني الروح والحياة..
الجزء 140
رجعات نسيم بالليل للدار.. ودخلات وهي تلاقا هادي.. كانت مرخية.. وقف ليها فالطريق ودار يديه فجيابو.، جات تفوتو وهو يوقف ليها فالطريق.. جات تدوز من الجهة الاخرى وهو يوقف تاني..حنات الراس وهو يحيد يديه من الجيب.. وعنقها…
هادي: توحشتك بزااف..
نسيم: بابا ماوافقش على الزوااج..
هادي:علاااش..
نسيم: قالي باقا صغيرة.. وحتى هو قال عليك بيدوفيل..
هادي: ههه هو الصراحة تانا كنحس راسي بيدوفيل.. ههه (ضرباتو لصدرو) احح.. يدك صحيحة..
نسيم: شنو المعمول..
هادي: المعمول نديرو ما دارو ندى واسامة..
نسيم:(ضرباتو) محشمتيش.. كتطلب مني حاجة بحال هاديك..
هادي: شنو طلبت انا.. شنو طلبت.. انا قلتلك اسامة وندى وقفو قدام العائلة كلها وقالوليهم احنا كنبغيو بعضياتنا وغانتزوجو،.
نسيم: هادي..
هادي: عيوون هادي..
نسيم: واش نتا ممكن تستناني..حتى نكبر شوية..
هادي: نستنا حبيبتي.. عام عامين.. معليش..
نسيم: ست سنين..
هادي(خرجو عينيه) شناهوااا..
نسيم: بابا قالي الزواج قبل ست سنين ممنوع..
هادي: حرام عليك انسيم.. واش انا مازال غانستنى ست سنين.. علاااش.. واش خايفة نقتلك دابا ولا..
نسيم: هادشي اللي قالي بابا..
هادي: سيري تنعسي.. قالك ست سنين..لا حول ولا قوة الا بالله.. انا اللي درتها لراسي…
فبيت ريم كانت كترتب حوايجها.. وكتحاول تلملم حياتها من جديد.. وتبدا.. شوية وهي تجيها الدوخة.. ومشات تكات.. هاد الدوخة سبق جاتها.. بقات متكية شوية حتى فاتتها وهي تنوض.. مشات دقات على ندى..شوية خرجات عندها بالبينوار.،
ندى: اش هادشي اختي كتدقي علينا فنصاصات الليل وحنا ناعسين..
ريم: الله يرحم الايام اللي كنتي تدخلي بلا متدقي ..
ندى: هههه كانت ايام..
ريم: بغيت نتشاور معاك فواحد الحاجة..
ندى: امريني..
ريم: دابا انا جاني شي وسواس.. فشكل.. انا ايوب نعست معاه جوج مرات.. هادشي تما عندهم.. وركب فيا الوسواس ديال انه ممكن نكون حاملة تاني..
ندى: هادي حاجة زوينة علاش تتوسوسي..
ريم: لا مستحيل.. اويلي مازال غانتشد معاه بشي ولاد.. لا احبيبة لله يعاونا ويعاونو..انا مبغيتش..
ندى: شنو غاديري..
ريم: انا جاتني الدوخة وصاف.. منكونش حاملة ياك..
ندى: نمشيو نديرو التحليل.. انا عندي التحاليل ديال الحمل خاص نديرهم هاد الايام.. لا بغيتي نمشي معاك غدا وديري ديال الحمل.. ماشي مشكل
ريم: ربي يخليك ليا يا احبى اخت فالدنياالجزء 141
صباح يوم جديد.. عماد ناض كيقاد حوايجو باش يمشي يخدم وسارة ناعسة.. بدا يدير الصوت باش تفيق.. وفعلا فاقت..
سارة: كتقلب على شي حاجة.. نقلبليك عليها..
عماد: سارة نوضي نهضر معاك..
ناضت وجلسات وهي خايفة..
عماد: هضرت مع الطبيب وقالي ان نسبة حملك ضعيفة بزاف..
سارة(حنات الراس): ماشي لخاطري..
عماد: عرفت ماشي لخاطرك.. ولكن اسارة راه من حقي انا يكونو عندي الاولاد.. علاش لا.. تانا من حقي نعيش ويكونو عندي يقولولي بابا..
سارة(نزلو دموعها): من حقك.. لا بغيتي تتزوج.. معندي منقولك..
عماد: متخافيش.. نتي غاتبقاي فوق راسي.. ومعمرك تحسي انه كاينة وحدة اخرى.،
سارة: الله يكمل بالخير..
عنقها وزير عليها.. باس راسها وناض باش يمشي الخدمة..اما هي حطات يدها على فمها وطلقات دموعها.. وطاحت على مخدتها كتبكي..
تجمعو باش يفطرو.. وعماد جا جلس مع جدو.،
عماد: جدي.. انا هضرت مع سارة.. هي موافقة على زواجي.. وراضية بالقدر.،
الجد: مازال كتفكر فداكشي.،
عماد: جدي.. انا باغي نتزوج نسيم.. ومنها تتاقي الله فمرتي وتكون حنينة عليها..
الجد: نسيم!! نسيم لهادي..
عماد: هادي معندو الكلمة..
الجد: هي باغاه.، وموافقة عليه.. لا جات قالتلي غادي نتزوج عماد مرحبا..
عماد: واخا غانهضر معاها..
ريم ناضت ع النبوري… ومشات كتستنى ندى.، حتى جات..
ريم: نتي مقلتي والو عليا لاسامة ياك..
ندى: سرك فبير.. ولكن عندك الكريشة تفضحك..
ريم: الله يستر اش وصلنا لداكشي… هادا غا الشك،.
مشاو وصلهم اسامة،، حتى وصلو المختبر.. حيدو الدم لندى وطلباتهم يحيدو لريم على قبل تحليل الجمل…
ريم: نستناو ولا..
ندى: متخافيش..
بقاو كيسناو شحال .. حتى جات عندها الممرضة..
الممرضة: مدام ندى الزواتي.. التحاليل ديالك خاصهم ساعة اخرى باش يخرجو..
ريم: وديالي؟
الممرضة: مدام ريم الزواتي ياك.. ها التحاليل ديالك .. مبروك..
ريم خدات التحاليل وتصعقات.. حطات يديها على راسها..
ندى: قدر الله.. ربما هادا سبب باش ترجعو ويقرب بيناتكم..
ريم: مبقيتش باغاه.. منقدرش ننسى شنو دوزو عليا هو وامه.. منقدرش.. انا كنكرههم بجوج.. ومحاملة فيهم شعرة وحدة..
ندى: تهدني دابا.. وفكري بشوية.. ضروري تقوليهالو.. واخا ماشي دابا ولكن خاصو يعرف…
ريم: مفهمتش انا اش هاد الزهر.. واش العيالات كيدوزو سنوات باش يحملو.. وانا اللي بزق عليا نحمل..
ندى: ههههههه مت ..
ريم: ضحكي جات معاك اختي.. نتي راكي حاملة من حب قلبك..
ندى: ههههههه مقادراش نحبس الضحكة اقسم بالله..
الجزء 142
بقاو حتى خداو تحاليل ديال ندى ومشاو وندى كتضحك عليها مرة مرة وتفقصها.. غا وصلو لقات ايوب.. وهي تهمس لندى..
ريم: واياك تقولي شي حاجة.. واياك..
ندى: انا ماشي سوقي.. نتي وراجلك ضبرو راسكم..
دخلات ندى.. وايوب جا عند ريم.. كيشوف فيها بشوق..
ايوب: ريم.. والله حتى مقهور وانا بعيد عليك…
ريم: متكملش.. انا راه مغانرجعش معاك.. نسيتي هضرتك.. وشنو قلتي ليا.. والله لا رحمتك.. قلتيها بفمك.. وفعلا مرحمتينش.. كيفاش بغيتيني ننسى انا ونرجع بحال الى عمر كانت شي حاجة..مستحيل ايوب.. سير فحالك وعيش حياتك..انا صافي نسيتك..
قصحات فيه وهو بقا يسمع ضرو راسو.. ومشا.. وهي طلعات..
نسيم بقات مع امها.. وغادة جاية فالدار كدير الحس.. حتى تجمع كلشي الغدا.. تغداو.. وهادي كيضربها برجليه مرة مرة..
الطاهر: فين سارة.. كاع مجات تتغدا..
عماد: قالت معندهاش الخاطر للماكلة..
الطاهر: وغاتخليها بالجوع.. نوض ديلها الماكلة.. حتى لعندها..
جوهرة: غانديلها انا..
ناضت جوهرة.. وكلشي كمل غداه.. عماد حاضي نسيم مللي تبقى بوحدها.. ولكن هادي ديما لاصقها وكيضحك..
هادي: صافي انا غادي نرجع الخدمة.. .انا مشيت..
نسيم: تلقا الخير..
خرج ونسيم جات تنوض.. ناض تبعها عماد.. حتى كانت غاتدخل للبيت..
عماد: نسيم..
نسيم: عماد.. !!
عماد: بغيت نهضر معاك فواحد الموضوع..
نسيم: اهاه.. مرحبا..
عماد: نمشيو نجلسو فالجردة؟
نسيم: واخا..
مشات معاه وجلسو.. وبقات كتنتظر يهضر..
عماد: نتي عارفة انه القلب كيبغي ولكن القدر كيختار بوحدو.. جدي اختارلي سارة.. ولكن القلب فيه وحدة اخرى..
نسيم: ولكن سارة كتبغيك ودايرة مجهودها..
عماد: عارف.. وحتى انا مظلمتهاش.. عايش معاها كما بغات.. ومعمري فكرت نخونها.. ولكن ارادة الله.. انها متولدش..
نسيم: مسكينة.. اكيد كاين حل الطب دابا تقدم..
عماد: انا اتفقت معاها اني نتزوج.. وهي تبقى.. الشرع عطاني هاد الحق..
نسيم: شوف معاها.. هي والله حتى كتبغيك.. بلاش من هاد الحل دالزواج..
عماد: نسيم… انا كنبغيك نتي.. وباغي نتزوج بيك..
نسيم(تصدمات) : شنو!!
عماد: اه باغي نتزوج بيك من اول يوم شفتك فيه.. قبل منهم كلهم..
نسيم: انا!!
عماد: كنبغيك.. نسيم نتي مغايخصك معايا حتى خير.. حيت كنبغيك.. وزواجي من سارة مغاديش يأثر على علاقتنا..
نسيم: انا غانتزوج هادي.. حيت كنبغيه وكيبغيني..
عماد: هادي!! هه.. هو مكيبغيكش.. وغا بغا حاجتو منك..
نسيم: هو كيبغيني..
عماد: لوكان بالصح كيبغيك كاع ميجيب داك البنت يخدمها حداه .. نتي كيتلاقاك جوج دقايق فالنهار كيقوليك جوج كلمات زوينين تيقتيه.. هي راه النهار كله وهي معاه..
نسيم شداتها الصدمة.. وقفات ومقداتش تيق..
نسيم: اكيد غا كتكدب.. ياك..
عماد: تجي معايا تشوفي بعينيك؟
حركات راسها بالايجاب.. واشار ليها على الطوموبيل ومشات ركبات.. مشاو بجوج للشركة وطول الوقت نسيم كتبلع ريقها.. ومامتيقاش.. حتى وصلو..
عماد: باش منجيش معاك.. غانخليك تشوفي كولشي بعينيك.. دخلي وقلبي على بيرو السي هادي.. وغاينعتوه ليك..
دخلات وهي مترددة.. مشات للامن..
رجل الامن: فين غادية ابنتي..
نسيم: انا حفيدة الحاج الطاهر.. جيت نشوف هادي..
رجل الامن: واخا نقولهالو..
نسيم: لا متقولوش.. غا وريني البيرو فين..
عماد شارليه من موراه يخليها تدخل…
رجل الامن: ثالث بيرو فالطابق الثاني على الليمن..
مشات وهي كتبلع ريقها.. وصلات لفين نعت ليها.. وبدات تطل على البيرويات.. داز واحد..
نسيم: عفاك.. فين بيرو هادي..
الموظف: هاداك اللي قبالتك..
حركات راسها شكرا ليه.. وبقات مترددة.. حتى حلات الباب.. وشافتو كان منغمس فالوراق وفوقو سحر واقفة عند راسو دافعة صدرها.. وحاطة يدها فوسطها.. واليد الاخرى كتقيصو فشعرو.. هادي رفع عينيه بانتليه نسيم.. اخر وحدة كان يتوقع انه يشوفها فهاد البلاصة.. ناض دغيا.. ونتر يد سحر.. وجا عندها.. هي كانت جامدة.. ومتحركاتش.. حيت متيقاتش داكشي اللي شافت.. هادشي جديد عليها بزاف..
الجزء 143
هادي: نسيم.. انا..
نسيم: شنو اللي جاب هاد البنت االي الشركة..
هادي: متفهميش غلط.. هادي غا موظفة عندي..
سحر: كيفاش غا موظفة.. قوليها اللي بيناتنا.. شكون هاد الكتكوتة..
هادي: سكتي.. وخرجي من هنا..
سحر: (ضحكات باستهزاء) واخا.. هانا فالبيرو ديالي لا حتاجيتيني..
هادي تعصب من البرود ديال سحر وعاد طلعات معاه اللي مخدمها فالشركة.. معرفش علاش دار هكاك لحد الان..
هادي: نسيم..
نسيم: (بجدية)شنوو.. هانا كنستناك تبرر ليا..
هادي: سمحيلي..
نسيم: انا نقول بلاصتك.. مقدرتيش تسخى منها.. باقي عاجباك.. باش كتفكر ايامها.. واخا عارفها اوسخ عباد الله.. ومناويش معاها المعقول.. الا انك كتحن للوساخة ديالها.. مباغيش تضيعها من يدك.. وفنفس الوقت باغي دير دارك..
هادي: نسيم انا كنبغيك..
نسيم(غوتات) كتبغي النبك.. انا اللي برهوشة عاطياك نيتي.. اما نتا راك ثعلب.. وكتعرف تحوم حول فريستك وتطيحها.. نقوليك هضرة وحدة.. نتا من ليوم غاا ولد خالي.. اللي بيني وبينو غا السلام.. لا اكتر.،
هادي: نسيم.. لا عفاك.. حكمي عليا بأي حاجة الا انه علاقتنا تسالي..
نسيم(حمرات عينيها) : مبغيتش نشوفك كتحوم جيهتي مرة اخرى..
خلاتو وخرجات من الشركة وهو تابعها.. خرجات وعماد كيشوف فيها من بعيد مبغاش يبان باللي هو اللي جابها الهنا.. خلات هادي غايحماق وركبات فالطاكسي.. هو مشا دغيا لطموبيلتو وركب.. ومشا تبعها..
عماد داك الساعة هز تلفونو وعيط..
عماد: هكاك نبغيك.. العشية دوزي عندي البيرو ديالي تاخدي حسانتك..
سحر: حسانتي هو يرجعلي هادي.. ويبعد لداك القطة الصغيورة..
عماد: القطة ديالي.. تقربي ليها ميعجبك حال.. تلاحي..
بقات نسيم غادية فالطاكسي وكيخونوها بعض الدمعات.. عاد عرفات قيمة هضرة والديها ورفضهم لزواجها المبكر.. عندهم الحق.. حيت نظرتها هي للامور ماشي بحال نظرة وحدة اخرى.. وحدة اكبر منها.. مسحات دموعها باش ميبانش ضعفها.. وصلات للدار.نزلات وهي تلقا هادي.. موقفها وصل قبل منها.. مبغاتش تشوف فيه..
هادي: نسيم.. عفاك نبوس رجليك والله منخليها معايا فالشركة.، والله منهضر معاها.. بالله.. عفاك عطيني فرصة.. اول واخر غلط غانديرو.، عفاك انسيم.. سمحيلي .،
نسيم: غاتبعد من طريقي ولا والله حتى نشوهك..هانا فين قلتهالك..
هادي: نسيم عفاك..
بعدات منو ودخلات دغيا للدار.. وانجهات لبيتها وسدات الباب..
فاطمة: مالك..
نسيم: ماماليش اماما..
فاطمة: واش انا نخفى على بنتي.. مالك..
نسيم: هادي.. اكتشفت انه رجع مع داك البنت اللي كان معاها فالاول..
فاطمة: وشنو بغيتيه ينساها.. راكي نية والله وما قريتي قرايتك اللي تنفعك ونتي تابعاه ليا هنا.. خليتك تحلمي على خاطرك باش تفيقي لراسك هكا.. وباش متقولي ماما قمعاتني..
نسيم: عندك الحق.. قرايتي اللي غاتنفعني.. اما الرجال كلهم بحال بحال… واخا يكون مزوج بيك كاع..
الجزء 144
هادي دخل لبيتو اول حاجة دارها خدا تلفونو وعيط لسحر مخلالهاش بالسبان وطردها من الشركة.. واخا هي عارفة انه واخا يطردها هادي غايردها عماد… بقا غادي جاي فالبيت.. وبدل حوايجو وهو غايحماق.. مامتيقش انه نسيم مبقاتش غاتهضر معاه.. كان كيحس بالحب الطاهر معاها.. الحب النقي الذي لا تشوبه شائبة.. كان كيحس معاها بأنه طفل صغير داوات جروحه.. وقدرات تخرجو من الجو الخايب اللي كان عايش فيه.. علاش يعطي فرصة لشي وحدة مساوياش بحال سحر تدخل بيناتهم.. علاش.. خرج من بيتو ومشا لبيتها وحاول يدق رغم التردد الا انه دق على بيتها فالاخير.. حلات فاطمة الباب وشافت فيه..
فاطمة: شنو كاين اهادي..
هادي: (بحشمة) بغيت نسيم..
فاطمة: سمعني اولدي.. انا مبغيتش نتدخل حيت قلت ربما يكون حب حقيقي.. ولكن.. مللي عرفت شنو درتي.. سير اولدي تعيش حياتك بنتي انا ماشي ديال التفلية.. خليها عليك تديها فقرايتها.. متبقاش تجي جيهتها ولا نشكي لجدك..
هادي: والله اعمتي مكنتفلا عليها.. انا باغيها.. وباغي نكمل معاها حياتي..
فاطمة: باين العربون.. هانا قلت كلمتي… مكابن لا حب لا زعتر.. خلي عليك البنت ترانكيل…
دخلات وسدات الباب.. هو فشل بالمعقول وحس بالقهرة.. ومشا لبيتو..
وصل الليل.. عماد رجع للدار وهو مبتسم.. دخل لبيتو عند مرتو.. لقاها متكية.. وعينيها حومر.. تبدلات ضحكتو ومشا عندها..
عماد: كتبكي!
سارة: لا.. مكاين والو.،
عماد: نوضي قادي الحالة .. خلينا نخرجو شوية..
سارة: واخا..
عماد: وطلقيلي التغوبيشة.. باغي نتعشى مع مرتي هاد الليلة..
سارة: واخا..
ناضت وهو بقا يشوف فيها كأنه كيحس بالذنب اتجاهها وكيحاول يصلح شيئا ما ما كسرو فيها.. بدلات حوايجها وخرجو..
ريم كانت فبيتها وكتخمم فهاد الحمل اللي جاها على غفلة.. حتى سمعات سميتها…
ناصت تطل من البالكون.. بانليها ايوب غادي وتوازنه مختل..، باينة فيه سكران.. وكيهترت بسميتها.. خافت يسمعو جدو.. خرجات من البيت دغبا نزلات عندو..
ايوب:(بسكر) حياتي نتي..
ريم: شووووت.، صافي.. صافي.. سمع.. زيد منسمعش حسك.. شووووت..
طلعاتو لبيتها بالحس وهو كيعنقها ويطيح عليها .. حتى دخلاتو بزز للبيت.. دخلاتو للدوش دوزات راسى تحت الما..
ايوب: احح.. باردين.. باردين..
ريم: ايوا سكوت.،
مسحات راسو باش ميضربوش البرد.. طاح جالس على الناموسية.. بزا يشوف فيها بضعف.. حيدات ليه الجاكيط ديالو.،
ايوب: كنبغيك بزاف.. بغيت نموت الى غانعيش بعيد عليك..
ريم: صافي سكت دابا.. غاتنعس اوك.. ومنسمعش حسك..
ايوب (مازال سكران): واخا.. غاننعس .. ولكن نعسي حتى نتي..
ريم: واخا.. غا نعس..
تكى حيدات صباطو.. وغطاتو.. وبدات تشوف فيه.. وهو مغمض عينيه..
ريم: اش هادشي.. واش الوحم كيخليك تشوف الواحد زوين ولا شنو..
الجزء 145
بقات كتشوف فيه.. ومبتسمة.. ومرة مرة كتدوز بشوية على تفاصيل وجهه.. وهو غارق فنعاسو.. حتى تخشات فالمانطة ونعسات..
نسيم بقات ناعسة وطول الليل وهي كتبكي ودموعها مبغاوش يحبسو.. حسات فيها فاطمة وخلاتها تبكي.. بغاتها تكتسب المناعة بهاد الصدمة.. وتتعلم انه تديها فقرايتها ومستقبلها اللي ينفعها.. دموع نسيم كانو حارقة.. حيت حسات بالحب الحقيقي اتجاهه.. مكانتش كتتوقع ابدا انه غايرجع لهاديك.. وللحظة بدات تقارن نفسها بيها.. وبشنو عجبو فيها حتى رجع عندها.. هي كاملة ونسيم باقا برهوشة.. وجسمها باقي ما كمل حتى.. بقات هكاك ومغمضش ليها جفن..
فبيت هادي بقا حتى هو حاط يدو مور راسو.. وكيشوف فالسقف وكيفكر فيها.. البنت اللي بغاها.. خانها.. وخان ثقتها.. هو جرب شعور الخيانة شحال خايب.. بقا كيفكر.. كيفاش غادي يقنع نسيم بأنها ترجع ليه.. وانه عمرو يشوف فشي وحدة ابدا.. واللي بغاتها هي هو اللي غايكون.. ناض جالس وهو كيتنهد.. حل المجر وجبد باكية دالكارو.. هادي شحال ما كما.. من ايامات سحر.. من نهار بانت نسيم فحياتو وهو بعد عن اي نوع من الموبقات.. وبدا يتقاد.. كانت كتعرف كيفاش تقادو.. الباير والبيدوفيل.. والبيطالي… كانت كل مرة كتعيطليه بلقب.. بدا يكمي ويسوط هو متأسف على الحالة اللي وصل ليها معاها..
صبح الصباح .. وتجمعو كلشي للفطور.. نزل عماد وحتى هادي.. نشيم خرجات وهي هازة شكارتها وجلسات تاكل بلا خاطر.. هادي مراقبها وقلبو ضارو عليها..
الطاهر: ليوما غاتمشي تقراي ابنتي..
نسيم: اه اجدي..
الطاهر: غايوصلك الشيفور..
هادي: نوصلها انا اجدي..
نسيم(بحدة): لاء..
عماد: احم نوصلك انا انسيم..
هادي: نسيم..
الطاهر: تمشي معايا ومع الشيفور.. غا جلسو بجوجكم..
نسيم: لهلا يخطيك عليا اجدي..
محملوش بجوج تدخل جدهم.. هادي كان كيستناها تختارو وعماد كيستناها تختارو..، ناضت هزات شكارتها وناض جدها مشا.. ركبو بجوج وانطلقو..
الطاهر: اش دار تاني..
نسيم: مخدم ديك البنت فالشركة..
الطاهر: ممم مخدمها وصاف ولا وجع ليها..
نسيم: لقيتها معاه فالبيرو..
الطاهر: متبكيش.. بغيتيني نطردو حتى هو من الشركة باش ناخدليك حقك..
نسيم(ضحكات) : ههه اجدي
الطاهر: هكاك ضحكي.. مبغيتش نشوف دموعك.. غالية بزاف عليا.. حفيداتي مقدرتش نزوجهم برا .. وفضلت نزوجهم بيناتهم.. حيت محملتش انه شي قمقوم يرفع صوتو عليهم.. كيضرني خاطري عليهم… راكي شفتي ما درت فايوب.. وراه حفا باش ترجعليه.. واش كتتخيلي انه نخلي هادي يبكيك واخا حفيدي..
نسيم: اللي يشوفك النهار اللول.. يقول انه كتفضل الدراري..
الطاهر: الدراري كندفعهم يخدمو ويعياو.. اما البنات عندو.. بحال الجواهر.. خاصهم يتخبعو ويتحافظ عليهم.. ونتي انسيم.. جوهرة من النوع النادر والغالي.. وخايف عليك كتر… حيت عندك العقل كيفكر.. ونتي اللي شفت فيك الامل فتريكتي كلها.. لذلك طلبي اي حاجة..
نسيم: الله يخليك ليا اجدي.. ديما كتفوج عليا..
الطاهر: ويخليك ليا.. اي حاجة طلبتيها غاتتنفذ.. بدون نقاش.. يالله ها حنا وصلنا.. سيري تبداي قرايتك.. واي حاجة بغيتيها عيطي عليا.. نجيبها حتى لعندك..
نسيم: الله يخليك ليا يا احلى جد فالدنيا..
نزلات ودخلات للمدرسة.. ومشات لاول حصة.. حيت كلشي وصل ليها من قبل.. التوقيت وجدول الحصص وكلشي.. دخلات تعرفات على بزاف دالبنات والدراري.. اغلبهم كان من عائلات غنية.. دوزات اول يوم بنشاط.. ونسات شوية الفقصة ديال هادي..
نادر: انا نادر الطلقي ..ولد صاحب شركة talki grop تشرفت بيك انسيم..
هنا: انا هنا السراج.. بنت صاحب سلسلة مطاعم سراج..
نسيم: انا نسيم العوني..
نادر: باك عندو شركة؟؟
نسيم: لا انا بابا موظف..
هنا: موظف؟ غريب.. هاد المدرسة راه تكاليفها غالية بزاف.. كيفاش قدر باباك يخلصهالك..
نسيم: خلصهالي جدي..
نادر: جدك شنو كنيتو..
نسيم: الطاهر الزواتي..
هنا: عرفتو.. ديما كيهضرلي بابا عليه.. جدك trop riche
نادر: عرفناه .. ولادو عبد الله والسي احمد معروفين بزااف.. واش نتي بنت بنتو!
نسيم: اه..
هنا: وكيفاش زوج بنتو لموظف..
نسيم: ماما كتبغي بابا .. وهي اللي ختارتو..، ماشي مهم المظاهر..
نادر: نسيم.. واش تجي معايا نديرو شي tour يعجبك الحال.،
هادي: نسيم..
نادر: شكون هادا..
هنا: شحال زوين..
هادي: السلام.. انا هادي الزواتي.. ولد خال نسيم..
نادر: تشرفت بيك اولد ولد سعيد الطلقي..
هادي: كنعرفو اكيد.. متشرفين.. نسيم.. نمشيو..
نسيم ملقاتش كيفاش دير تتفك من هادوك.. ومشات مع هادي.. ركبات معاه.. وركب حتى هو..
الجزء 146
فاق ايوب.. وشاف لقا ريم ناعسة حداه.. ابتسم وشحال هادا محل عينيه عليها.. بدا يدوز على وجهها مامتيقش.. حلات عينيها لقاتو هو..
ريم: فقتي..
ايوب: صباح الخير احبيبة..
ريم: نوض..
ايوب: خليني شوية..
ريم: وتا نووووض.. خليني نكمل نعاسي.. وسد الباب موراك..
ايوب: نجلس ولله مندير الحس..
ريم: ايوب.. نووض.. راني وليت كنتعصب دغيا.. عتقتك من الشوهة البارح باركة.. كان جدي غاينحرك لوكان شافك سكران.،
ايوب: خفتي عليا يعني مازال كاين امل..
ريم: الامل والله حتى كان.. نهار قلتهاليك وقلتيلي لا..دابا مبقاش..
ايوب: انا حمار وبغل.. ونتمنى تحني عليا وتعطيني فرصة..
ريم: الاء.. نوض خليني نكمل على النعاس ولا والله حتى نقول لجدي راك جيتي سكران البارح..
ايوب: صافي.. صافي هانا ماشي.. يااا ربي تحن عليا شي نهار يااا ربي…
خرج وهي تكمش تنعس..
نسيم بعدما ركبات مع هادي.. بقات ساكتة.. وطول الطريق وهي ساكتة.. شاف فيها.. وحط يدو على يدها بغا يشدها وهي تحيدها..
هادي: نسيم.. عفاك..
نسيم: شفتك مشديتيش طريق الدار..
هادي: غادي نوقفو شوية غا قدام البحر ونمشيو..
نسيم: ديني للدار ولا غادي نعيط لجدي يجي مورايا.. ولا عرفتي.. غادي نشد طاكسي.. وقفني..
سد الطوموبيل كما متقدرش تخرج منها.. وهي بدات تغوت.. اما هو خلاها على خاطرها..
نسيم: حل الباب.. هادي حل..
هادي: ها حنا وصلنا.. تهدني وسمعيني..
نسيم: اش غانسمع اش..خليني عليك..
هادي: نسيم والله حتى جاتني فواحد الوقت معرفت مندير فيه.. سمعيني..
نسيم: مغاديش نسمع..
هادي: انسيم شوفي.. انا اناقمت من سحر وورطها مع واحد تاجر مخدرات.. عطيتو الفلوس باش يربيها.. هادشي فلندن.. مللي رجعات ووصلات حتى للدار.. عرفت انه هي باغا ترجع تنتقم مني.. وخليتها قريبة باش نعرف شنو تحت راسها ولكن والله مكنت ناوي نرجع ليها ابدا اقسم بالله.. انا مستحيل نرجع ليها تاني.. اقسم بالله حتى نويت معاك المعقول نتي انسيم.. وكنبغيك نتي..
نسيم: وداكشي اللي شفت داك النهار..
هادي: والله متجاوبت معاها.. هي راه كتحاول بجميع الطرق تصيدني.. وانا والله مكنتجاوب معاها.. شوفي.. هانتي جبتليك تسجيل الكاميرا اللي فالبيرو ديالي باش تيقيني… تفرجي.. جمعت كاع اللقطات اللي كتكون داخلة عندي فيهم البيرو..
بقات نسيم كتشوف وفعلا .. كيكون جالس كتجي عندو سحر.. كتبغي تقيصو كينتر يدها.. فجميع المشاهد.. كيبعدها عليها.. وحتى فمشهد النهار اللي جات نسيم.. كان مبعد يدها عليه.. وركز مع الوراق.. وهي تحطها تاني.. تما فين دخلات هي..
نسيم: فين غانعرفك غا مختار الفيديوات ومقطع منهم..
هادي: تمشي معايا للشركة ونوريهمليك كاملين.. بالتفاصيل..
نسيم: (عضات على قنانفها) انا صافي حيدتك من الليستا بقا باير.. جاو فيا الخطاب.. وكنفكر نوافق..
هادي: (قرب عندها) شكون هاد الحمار اللي تجرأ..
نسيم: عماد..
هادي تصدم.. وتلفاتليه الهضرة..
هادي: كيفاش عماد.. واش كتضحكي.. عماد ديالنا ولا شي عماد اخور..
نسيم: عماد اللي مزوج سارة.. قالك مرتو مكتولدش.. وبغا يتزوج بيا باش يولد معايا.. باش تعرفني فيا النفع..
هادي زير يدو على الفلون وسكت مصغر عينيه بالشر…
نسيم: كنفكر نوافق.. نكون ضرة علاش لا..
هادي(خنزر فيها) : مبقاش خاصك ست سنين عاد تتزوجي..
نسيم: اييه.. دابا عماد ميقدرش.. دونك ضاع من يدي.. خاص نشوف شي واحد اخور..
هادي داك الساعة جاتو الضحك وحبسها.. بعدما كان معصب حيت عماد عارفو مع نسيم وحاط عينو عليها.. قرب من نسيم وطبع قبلة رقيقة على شفاهها.. وتلاقاو عينيهم.. بقات كتشوف فيه وهي حاسة بالضعف اتجاه هاد الرجل.. حطات يدها على وجهه كتدوز صبيعاتها عليه.. وغرقو بجوج فقبل متتالية.. نساو فيها كل شيء..
الجزء 147
بقاو غارقين فالبوسان.. حتى سمعو الدقان فالطوموبيل.. طلع هادي راسو وهو يخرجو عينيه..
هادي: الى سولوك على لاكارط قوليلهم معنديش.. وايلا سولوك على عمرك قوليلهم عندك 20 عام واخا..
نسيم: علااش نكدب زعما..
هادي: واش باغا تسطيني .. البوليس على راسنا..
زاد الدقان.. حتى حل هادي الباب وخرج..
هادي: الشاف.. كنا غانمشيو..
البوليسي: لاكارط ديالك وديال البنت اللي معاك..
هادي: ويلي.. هادي خطيبتي.. ونسات لاكارط فالدار..غانمشيو من هنا دابا..
البوليسي: معندك فين تمشي.. نتوما متهمين بالاخلال بالحياء في الطريق العام..
هادي: عفاك والله منعاودو..
البوليسي طل على نسيم لقاها جالسة..
البوليسي: عجبك الحال… فين لاكارط ديالك..
نسيم: نسيتها فالدار..
البوليسي: كتقراي؟؟
نسيم: اه كنقرا ادارة الاعمال..
البوليسي: عطيني بطاقة الطالب..
جبداتها نسيم وعطاتهاليه.. هادي ديك الساعة ضرب على وجهو..
البوليسي: الله الله.. مزيودة ف 2004 .. قاصر.. (ضرب على كتفو)زيد تشرفنا ليوما بجوج تهم.. زيد عليها التغرير بقاصر.. ونتي معيطو لولي امرك يجي يستلمك.. اجيو معايا..
نزلو ونسيم غا ضاحكة.. وكتشوف فهادي.. وهو مغوبش ومعصب.. سد الطوموبيل ومشاو طلعو فالسطافيط بجوج…
نسيم: اول مرة كنطلع فيها..
هادي: سكتي.. سكتي.. اش قلت ليك انا..
نسيم: قمة الرومانسية نكون معاك هنا..
هادي: وراه غاندخل الحبس.. داك الساعة شبعي رومانسية..
بداو يطلعو فالمجرمين معاهم والشمكارة.. وهادي حاضيهم بعينيه.. بحال هاداك اللي كيقوليهم هاد البنت ديالي اللي قرب منها نقتلو.. وصلو ونزلوهم.. وهي طول الوقت شادة فهادي وكتموت بالضحك فرحانة… داوهم ودخلوهم لبيرو الشاف..
الضابط: نتي معندك عائلة ؟
نسيم: راه هو عائلتي.. ولد خالي..
الضابط(لهادي): والله مكتحشم… ملقيتي فالدنيا شي وحدة تتفلا عليها غا بنت عائلتك.. اريلنا نمرة باك نتي الى بغيتي تخرجي من هنا ليوما..
نسيم: واخا.. 06******
عيط الضابط.. وهي كتشوف فيه..
الضابط: السي محمود هادا.. كنعيطى عليك من الكوميسارية.. خاصك تجي باش تستلم الابنة ديالك نسيم..
هادي: مشيت فيها.. مللي تمشي للدار عيطي لبابا يجي يخرجني.. ولا لجدي..
نسيم: يخرجك بابا حتى نتا..
هادي: اش هاد السعادة راكي فيها باغي نفهم..
نسيم: ونتا مفرحانش..
هادي: فرحان بزااف… بزاف.. ومفقوص.. حيت نسيت راسي مع قاصر.. ونسيت انه حنا ماشي فالدار.. حبك وصلني الكوميسارية ههه
نسيم: باش تعرف انه حبي ماشي ساهل..
جا محمود وهو مصدوم.. وغا شاف هادي مع نسيم تغوبش..
الضابط: اسيدي بنتك لقيناها فوضع حميمي مع هاد السيد اللي قالت انه ولد خالها..
نسيم: اشمن وضع حميمي.. غا بوسة..
هادي: (تفقص)سكتي اللينعل…
محمود: نسيم.. مللي نمشيو للدار داك الساعة نتفاهمو..
عطاهم لاكارط وسنا المحضر.. وشاف فيها يمشيو..
نسيم: بابا خاص نخرجو حتى هادي..
محمود: سمعني مزيان.. جيتيني فهاد البلاصة اما انا كون وريتك شناهي تستفرد ببنتي.. ولكن الهضرة مع والديك ماشي معاك.. ولكن والله ونشوفك قربتي لبنتي مرة اخرى.. حتى ندير فيك شرع يدي..
شد نسيم من يدها ومشات وهي كتشوف فيه.. حتى خرجو..
محمود: اش هادشي كديري.. لا مبقيتيش بعقلك غانقول لامك تجي تعيشي معايا.. من نهار مشيتي لدار جدك تفلستي..
نسيم: ابابا مدرنا والو..
محمود: على اخر ايامي نجي ناخدك من الكوميسارية.. هادي هي تربيتي فيك..
نسيم: (حنات الراس)سمحلي..
محمود: مبغيتش نشوف داك خونا كيضور بيك مرة اخرى.. اللي بحالو راه الفلوس حيدوليه العقل ومقابل غا التفلايس.. وغايضحك عليك ويلوحك.. مبغيتش نعاود الهضرة.. زيدي نوصلك..

الجزء 148
وصلات للدار ومشات لعند جدها…
الطاهر: بنتي.. شكون وصلك..
نسيم: جدي.. عتق هادي راه فالكوميسارية..
الطاهر: شنو دار..
نسيم: لقاوه معايا.. وقالوليه التغرير بقاصر.. جا بابا خرجني ومبغاش يخرجو هو.. قالو بعد من بنتي..
الطاهر: هههههه.. واخا انا غاندير اتصالاتي غنخرجو..
خرج هادي .. وشد طاكسي لطوموبيلتو.. ومن تما جا للدار.. دخل ولقا نسيم مع جدها..
الطاهر: اجي المحابسي.. اجي..
نسيم: ههههههه زوينة هادي.. نزيدها عندي..
هادي:ههههههه (كيضحك كيعيبها) جات معاك..
الطاهر: والله حتى تستاهل… انا قلتلك جيبها للدار ماشي ديها للبحر..
هادي: ومتعاودش اجدي..
الطاهر: المرة الجاية نخليك تباتو فالكاشو.،
هادي: واخا..
بقا كيشوف فنسيم وكيحرك عينيه.. كيفكرها بداكشي اللي وقع وكيبتسم حتى دخل عماد.. وهو يغوبش هادي..
عماد: بونجووووغ..
هادي: بففف.. جدي.. بغيت نتزوج.. ونخطب منك نسيم.. واش موافق ولا لا..
الطاهر: نسولوها هي بعدا..
نسيم: انا موااافقة..
ضحك هادي.. اما عماد عرف ان المعنى عليه.. ناض واستأذن وطلع لبيتو..
نسيم: مور ست سنين..
هادي: واخا تكون بعد عشرين عام.. غانستناك..
الطاهر: غانتغداو كلنا مرا ليوما..
ريم كانت فبيتها.. كالعادة حتى جاتها لنيفها ريحة.. فكراتها بالنوا.. اللوز اللي مطايبش.. حسات انها باغاه.. وباغا تاكلو.. تشهاتو بشدة فهاد اللحظة.. ناضت وهبطات الكوزينة.. لقات جداتها.. وامها وحنان كيوجدو الغدا..
ريم: جدة.. فين ممكن نلقا النوا..
يامنة: مكايناش ابنتي.. ماشي وقتها.. علاش كتسولي..
ريم: والو غا جات لعقلي.. حسابني ديما كتكون..
يامنة: لا ابنتي.. مازال وقتها موصل..
خرجات مشات للجردة.. كتشوف وحاسة ريقها جرا على النوا فهاد اللحظة.. حتى شمات ريحة برفان ايوب.. كتعرفها.. ضارت لقاتو جاي.. وصل لعندها..
ايوب: توحشتك بزاف..
ريم:بعد مني متعصبنيش …
ايوب: صافي متعصبيش..متعصبيش…
جا يمشي وهي وقفات كتشوف فيه…وحاطة يدها على فمها ….
ريم: (بتردد)ايوب..
ايوب حس راسو كيحلم…سمعها كتعيط..ورجع بسرعة..
ايوب:حياتي حياتي…عيطتي عليا
ريم:بغيتك تجيبلي واحد الحاجة
ايوب:اللي بغيتي نجيبوليك …اللي حبيتيه …
ريم:ممم تشهيت النوا
ايوب(تفاجأ): نعام؟
ريم: داك اللوز الخضر ..ويكون حامض فمداقو …
ايوب: ولكن فين غانلقاه كنظن ماشي وقتو دابا !!
ريم (تعصبات): صافي متجيبلي والو …
دخلات وهو وقف متفاجأ لانه ضيع الفرصة ..
ايوب:غا ستناي …واخا يكون تحت الارض نجيبوليك …والله حتى نجيبوليك …هادي فرصة ومغانضيعهاش …واخا نعرف نزرعو وينبت ونجيبوليك ….
الجزء 149
يامنة: زيد دغيا نحطو الغدا.. ليوما راه عيد المولد النبوي..
حنان: الحاج كيعجبو نحتفلو بهاد المهار مع بعض..
يامنة: واه.، الحاج مكيفلتوش.. زيدو نحطو..
اسامة رجع من الشركة.. ومشا لعند ندى.. اللي لقاها حاطة يدها على كرشها..
اسامة: مال حبيبي.. (باس خدها)
ندى: مقادراش ننسجم فالاسرة.. انا وياك فشكل.. كيفاش تزوجنا وحملت.. كنخاف من نظراتهم..
اسامة: ما نظرات ما والو كلها خدام شغلو.. نوضي كيستنانا جدي الغدا..
ندى: واخا..عاوني نوض.. اجي نتا مالك بوكوص بحال هكا.. ياكما عندكم تما بزاف دالبنات فالشركة.. كيشوفو فيك ويتعنبو عليك.،
اسامة: واخا يكونو انا كاع مكنشوف فيهم .. انا عندي لالاهم..
ندى: ايوا عنداك..
نزلو بجوج.. اما ريم بقات فبيتها حتى سمعات الدقات..
ريم(مرخية) : وي..
دخل ايوب وهو ضاحك وجاب معاه ميكة ديال النوا.. سالو ريوك ريم داك الساعة مللي شافت داكشي..
ريم: فين لقيتيها.،
ايوب: كون عرفتي مداز عليا.. وشحال خلصت فيها..
بدات ريم كتاكل بشراهة.. وهي تعوج صيفتها..
ريم: اووو مر بزاااف..
ايوب: معجبكش.، نتي كنتي مشهياه هكا.. لا كنتي باغا اللوز طايب نجيبوليك.،
ريم: مبغيتش.، غانخبعو.. يمكن يطيب من بعد ..
ايوب: نمشيو نتغداو.. كيستناو فينا..
ريم: واخا،.
مشات معاه وهو حريص عليها.. حداهم نسيم وهادي.، كيضحكو وعماد وسارة مغوبشين بجوج.. حداهم احمد وحنان وقبالتهم عبد الله وجوهرة.. وحداهم اسامة وندى اللي كانو كيضحكو..

كانت العائلة كلها تجمعات حتى بانت قدامهم فتيحة… ناض عبد الله بارتباك ..
فتيحة: بونجووووغ …
عبد الله بدا يغمزها وولى حمر…
فتيحة:كتحتافلو بلا بيا …
حنان:اش كدير هادي هنا …واش مكفاكمش داكشي اللي دار خوها….
احمد ابتسم بشر.. وبدا يتفرج..
عبد الله: فتيحة..
فتيحة: مالك خليني نحتافل مع عائلة راجلي
جوهرة:راجلك؟ شكوناهو راجلك…
فتيحة:راجلك اضرتي …
جوهرة(بصدمة):شنوو
عماد: بابا ..اش كتخربق هادي ….
فتيحة: كما هو باباك…هو بابات ولدي تا هو…وغايتشارك فالورث معاه ..بعد عمر قصير اخالي
جوهرة(لعبد الله): تزوجتيها؟
عبد الله:باراكة عفاك ..خلينا نمشيو نتفاهمو …نهضرو ونتفاهمو …
فتيحة: طلق من يدي.. اه اجوهرة.. تزوجني .. ومسكني فيلا.. ومعيشاه الحياة.. ماشي بحال عايش معاك ميت،،
عبد الله: (غوت) فتيحة..
——–
باراكة عليكم غا جزء ليوما راني عييييت من الخدمة.. شنو رأيكم فهاد الدخلة دفتيحة.، وشنو غايدير عماد باش يفرق نسيم وهادي.. واش ريم غاتقول لايوب واها حاملة.. وشنو غادير جوهرة بعدما عرفات انه راجلها تزوج عليها..
الجزء 150
ناض عبد الله شد فتيحة..من دراعها وخرج..
عبد الله: اش درتي .. اش هادشي..حماقيتي.. شنو ناقصك.. شنو طراليك حتى جيتي تفضحي اللي بيناتنا..
فتيحة: (بدات تبكي)سمحلي.. معرفتش علاش درت هكا..ولكن.. حسيت بالنقص.. نتوما كلكم مجموعين كعائلة… وانا بوحدي.. بين اربع حيوط.. علاش انا زعما منكونش بيناتكم.. علاش.. شنو ناقصني.. انا حاملة..
عبد الله: شنوو تافقنا نهار اللي تزوجنا.. انا شرطت عليك انه مكاينش ولاد.. يحسابليك انه الولاد غايخليوني معاك.. جري طوالك.. اسهل ما عندي نطيحو ليك.،
فتيحة: غاتخلى عليا وعلى ولدنا..
عبد الله: انا عندي بنت وولد.. صافي… معنديش وحدين اخرين..
فتيحة: عبد الله عفاك.. انا والله حتى عييت..اجي معايا.. وخليك منهم.. غانربيو ولدنا بجوج…
عبد الله:سيري فحالك.. خليني نشوف كيفاش نحل هاد القنبلة اللي لحتي فوق راسي.. قالاك الحمل اللي دارها.. وداك الساعة غانتفاهم معاك مزياان..
مشات ركبات فطوموبيلتها..
فالدار بعدما خرج عبد الله كلشي بقا مصدوم خصوصا جوهرة.. محملاتش حسات بالشمتة.. صحيح انها مكانتش قريبة لراجلها الا انها معمرها كانت كتتوقع ان الفصيحة تكون هكا..نظراتهم كانت قتلاها.. ناضت ومشات لبيتها وسدات الباب..
ندى: مامتيقاش.. كيفاش بابا قدر انه يتزوج على ماما.. كيفاش..
اسامة:(هدنها) حبيبة متعصبيش.. نتي راكي حاملة..
عماد: هي اللي تلوات عليه.. غانقتلها..
سارة: تهدن،، تهدن.. يجي خالي نفهمو منو كلشي..
نسيم شافت ففاطمة وشافت فهادي حداها.. لقاتو كيلعب بصبيعاتو كيتمشى بيهم حتى وصل ليدها وبدا يلعب بيهم عليها.. حبسات الضحكة حيت الموقف ما يستاهلش.. يامنة حطات يدها على راسها وبدات تحركها.. الطاهر ساكت.. احمد كيبتسم بشر.. اما حنان ناضت ومشات لعند جوهرة.. ودخلات عليها.. لقاتها كتبكي..
حنان: متبكيش.. ومتقارنيش راسك بيها.. نتي ام الاولاد.. هي اكيد غير نزوة.. داك النوع كيضورو بالرجال..
جوهرة: جرحني.. ومحملتش راسي قدام الاولاد.. حسيت بالقهرة..
حنان: ميستاهل دمعة وحدة من عينيك.. اكيد عمي الطاهر غاياخدليك حقك..
دخل عبد الله للدار وكل العيون متجهة ليه.. وكيستناوه يعطي مبرر لداكشي اللي دار..
الطاهر: طلع لعند مرتك..
عبد الله كأنه لقاها فرصة باش ميجلسش حداهم.. ومشا طلع عند جوهرة.. حل الباب لقا حنان كتواسي فيها..
حنان: احم.. غانخليكم تهضرو..
ناضت حنان خرجات.. اما عبد الله.. سد الباب ومشا جلس مع جوهرة.. وحط يدو عليها..
عبد الله: انا عارف اني جرحتك…
جوهرة: نتا جرحتيني فصغرنا وسالينا.. ماشي حتى ليوما.. ماشي انا هي داك الانسانة اللي عجباتك وقدرتي تبغيها.. مخليت مدرت معاك.. معمرك عطينيني فرصة.. نكون زوجة او حبيبة.. ديما بعيد.. وكتزيد تبعدني.. متخافش.. انا مامتفاجآش.. انا عارفة انه طال الزمان ولا قصار غادي تديرها… وها نتا درتيها.. معندي مندير.، انا اللي بقا فيا حاجة وحدة.. انه شمتو فيا العديان.. ومعمرني تمنيتها..ضحكو حتى شبعو.. وفرحو فيا..
عبد الله: مفرح فيك حد.. نتي ..
جوهرة : داك الوجوه اللي شفتي حسابليك حقيقية.. لا.. ماشي حقيقية..هادوك وجوه الانتصار.. باغينها فيا وفيك.. وفولادنا.. اللي ضحكو على وحدة فيهم.. وبقا التاني يتشمتو ويضحكو نهار يعرفو انه معندوش الاولاد..
عبد الله: شنو!!
جوهرة: كما سمعتي.. مرت ولدك عاكرة.. ومغاتولدش..ونتا غادي فرحان .. باغي تولد ولد اخور اللي يتشمتو فيك حتى هو بيه..
عبد الله: جوهرة.. انا اسف.. مكنتش باغي نوصلو لهاد المواصل..
جوهرة: نتا اللي وصلتينا.. من زمااان.. دابا ضبر راسك.. وضبر حياتك.. اللي بغيتيه ديرو..
حنا الراس ما لقا ما يقول ليها..
جوهرة: كوكنت بنت الحرام.. اول حاجة نديرها هي ندعيك.. حيت تزوجتي بلا موافقتي.. ولكن.. تلاقيتيني بنت الحلال.. ومباغاش نحشم بوليداتي..الجزء 151
كلها مشا لبيتو.. والصدمة ماسالاتش.. ريم مشات لبيتها.. ومشات لداك الخنشة ديال النوا وجبداتها.. ربعات رجليها على الناموسية.. وجلسات كتاكل فيها.. وكتتبنن.. عجباتها داك المرورية.. وبقات كتاكل فيها وكتتبنن.. حتى كملات الخنشة كلها.. تكات وحطات يدها على كرشها..
ريم: بيبي ديالي.. كنحماق عليك.. وكنبغيك.. مللي غاتزاد.. غانديرو بزاف دالحوايج مرة.. وغانتهلا فيك بزاف.. لا كنتي بنت.. مغاديش نخليك تتعدبي كاع.. غادي نهليك تقراي ومتجلسيش غا فالدار.. غاتقراي.. وتمشي للمدرسة.. ونوعيك ونوقف معاك.. ونكونو صحابات انا وياك.. ومغاتطيحيش فالاخطاء ديالي.. (بدات تدمع) غانخليك تختاري.. تختاري بنفسك.. مغانبزز عليك حتى حاجة.. اللي حبيتيها نتي غاديريها.. طبعا غانوقف معاك فالصح والغلط.. ونبهك.. مغاديش نوصلك تتمناي انك تموتي.. كما ماماك.. مغاديش نوصلك انك تعيشي حتى تولي تقبلي بأي شيء كان باش غير تغيري الوضع اللي نتي عايشة فيه.. نخليك تعيشي كل مراحل عمرك.. كما كانو بحال بحال..
مسحات دموعها ولقات باب البيت تحل عليها.. كانت ماماها.. باينة جدا انها كانت كتسمعها..
ريم: ماما.،
حنان: واش نتي حاملة!!
ريم(حنات الراس) : اه.. متخافيش فالحلال.. من راجلي..
حنان: وهو فخبارو.،؟
ريم: لا.. مازال..
حنان: وشنو كتسناي.. حتى يفوت الحال وينكرك!
ريم: داكشي اللي همك..
حنان: عييت من المشاكل.. مخاصنيش شي هم..
ريم: متخافيش.. نتي مغاديش تشوفي شي مشكل ديالي مازال..
حنان: بنتي انا..
ريم: متقولي والو اماما..
حنان: انا عارفة اني قسيت عليك.. ولكن ظروفنا نتي شايفاها.. ونتي حطيتيني فموقف خايب بزااف.. الى ولدتي بنت غاتفهميني..
ريم: انا دفعت تمن غلطتي.. ووليت كنفكر بزااف قبل منخطي اي خطوة.. اولها واش غانقول لايوب اني حاملة ولا لا..
حنان: خاصك تقوليهالو.. ضروري.. (حطات يدها على خدها) مبروك ابنتي.، غاتولي ام.. وغانولي جدة..
ريم: (بدمعة) الله يبارك فيك..
حنان: رتاحي.. انا غانمشي لبيتي.. وايلا حتاجيتي شي حاجة قوليهالي..
ريم: واخا..
مشات حنان.. وريم جلسات وبدات تمسح دموعها وقطرات دموعها كتزيد.. فالاخير تخشات فالمانطة تنعس..
عبد الله بقا فالدار غادي جاي.. حتى عيطليه باه ومشا عندو وهو كيرجف..
الطاهر: انا حسابلي ولدت الرجال.. ساعة ولدت المكلخين..
عبد الله: سمحلي ابا..
الطاهر: هاديك راه جاية تكشطك.. حسابليها كترجع حق امها..
عبد الله: عاد فهمت حتى انا.. ولكن نتا عارف الانسان ضعيف..
الطاهر: الكلاخ كيداير.. جوهرة مرتك عندها ورث كتر منك بعد عمر طويل من والديها.. ولكن نتا تابع الزلط.. مفهمتش مرتك شنو ناقصها…
عبد الله: منقصها والو .. غا انا اللي انسان خايب..
الطاهر: الله يخلي ها سلعة… هاديك راه تزوجات قبل منك.. وكشطات واحد الراجل.. ودابا جا الدور ديالك.. باش تكشطك حتى نتا..
عبد الله: كيفااش؟؟ ولكن .. انا تزوجتها عزبة..
الطاهر: داكشي شوف كيدارت ليه..
بقا كيفكر ويشوف..
عماد مشا عند مو وباس راسها..
عماد: متعصبيش راسك.،
جوهرة: متفكرش فهادشي اولدي.. عادي.. ولفت.،
عماد: شمت فينا العديان..
جوهرة: اه شمتهم ووفا..
عماد: انا خطبت نسيم.. ومبغاتش.. قالك بغات هادي.. مكرهتش نفارقهم..
جوهرة: ههه ساهلة..
عماد: كيف غاندير..
الجزء 152
جوهرة:(ناضت كتمشى) كاين اسرار لا تكشفو.، مشاكيييل..
عماد: غا قوليلي وانا نفذ..
جوهرة: هادشي من زمااان.. قبل متزاد نسيم.، مخلاوش فاطمة ومحمود شي طبيب.. بغاو الاولاد.. مجابش الله… حتى نعتات ليها شي مرا واحد الراقي..
عماد: ايوا ..
جوهرة: مشات عندو.، رجعات من عندو حملات..
عماد: داواها…
جوهرة: ممم.. بعدها تشد بتهمة الاعتداء الجنسي على النساء.. كان كيشربهم شي حاجة كينعسو.. وكيغتصبهم..
عماد: بلاتي بلاتي.. نسيم!!!
جوهرة: اه.. ماشي بنت محمود.. وهادا هو السبب اللي تطلقو على قبلو..
عماد: هي عارفة.. ؟؟
جوهرة: تا واحد معارف.. من غير فاطمة ومحمود.. ودابا انا وياك..
عماد: هادا سر خطير..
جوهرة: استثمرو.، هه
عماد: اكيد.. هادي مغايرضاش يتزوجو بنت الحرام..
جوهرة.. نتا وشطارتك..
عماد بقا مصدوم وكيفكر فهاد السر الي طاح فيدو.، وكيفاش غايقدر يفضح السر.. رجع عند امه.. وسولها..
جوهرة: شنو نسيتي…
عماد: بغيت سمية هاد الراقي..
جوهرة: سميتي عبد الهادي الباهري..
عماد: (ضحك)حافظة حتى سميتو معمدي ميتسالك..
جوهرة ضرها قلبها حيت تفكرات داكشي اللي دار فيها حتى هي.. وسكتات..
عماد: ماما.. فاش كتفكري..
جوهرة: والو.. دير اللي عجبك.. ومتبانش فالصورة..
عماد: متخافيش..
خرج عماد وبانوليه نسيم وعماد.. خارجين كانت نسيم غادية للمدرسة وهادي باين غايوصلها.. مشا حتى هو ركب فطوموبيلتو واتجه للشركة.. عيط للمساعد ديالو..
عماد: بغيتك تقلبلي على واحد.. كان راقي شرعي.. سميتو عبد الهادي الباهري..
المساعد: محتاج شي راقي شرعي ولا.. نقولك واحد مشهور..
عماد: الله يخليهم بالخلا.. ههه قالك شي حد عندي الجن العاشق.. انا بغيت هاد خونا.. عندي معاه شي حساب..
المساعد: اه واخا.. غانقلب عليه..
عماد: عندك ساعتين بالتحديد.. يكون عندي خبارو..
المساعد: هي اللي متعاودش..
مشا وعماد حط يدو مور ظهرو.. وبدا يضحك بحماس..
فالطوموبيل كان هادي طالق الموسيقى مع نسيم وشاد فيدها… وكيغنيو مع الاغنية…
حبيبي بالبنط العرييييض .. غالي واقرب مي لوريييد..اااه لقيت الطبطبة..هههه
نسيم: كنبغيك بزااف.. هادي عفاك.. معمرك تتخلى عليا..
هادي: (تنهد)ااااه يا نسيم.. نتي اللي عمرك تتخلاي عليا.. كنبغيك بزااااااف.. وعمري ظنيت اني نعيش هاد الحب هادا..
نسيم: ها حنا وصلنا.. صافي انا مشيت.. ونتلاقاو مللي نخرجو..
هادي: ممنوع تهضري مع شي واحد.. كوني حدودية.. انا راني كنغير على مرتي..
نسيم:هههه واخا .. نلقاك نتا هضرتي مع شي وحدة فالشركة وتشوف..
هادي: كوني هانية.. عينيا عمرو خلاص بيك.،
نسيم: باي باي..
دخلات المدرسة وهو رجع بالطوموبيل.. ومشا للشركة..
وصل الليل.. وعماد وصل للراقي الللي عاد خرج من الحبس.. مشا بالطوموبيل لدارو.. ودق عليه..
الراقي: شكوون.،
عماد: قريب..
الجزء 153
بدا الراقي كيعبر عماد من فوق لتحت وشاف الطوموبيل مزيان..وعماد واقف داير يديه فجيابو ورافع حاجب بمكر..
الراقي : شكون نتا.،
عماد: راه قلتلك قريب..عندي ليك حوايج غاينفعوك..
الراقي: تفضل..
دخل عماد وجلس ..
عماد: كنتي شابع عيالات .. معندي ميتسالك..
الراقي: وتجازيت بهادشي..ودخلت الحبس.. وتطلقات مرتي مني وخدات الوليدات.. ووليت منبوذ..مكنلقا مناكل..
عماد: علاش متلقا متاكل ونتا بنتك مرفحة..
الراقي: اشمن مرفحة وانا بناتي مزلوطة لختها..
عماد: كنقصد بنتك.. الللي فابريكيتيها بالروحانيات وبالرقية ههه
الراقي: ههه اشمن وحدة فيهم..
عماد: فاطمة الزواتي.. اللي جات عندك حيت معندهاش الوليدات.. وبعدها مباشرة حملات بعد الرقية الغير الشرعية اللي درتي ليها..
الراقي: فاطمة الزواتي!! هاد السمية مغريباش عليا.. هاد الزواتي ماشي هو هاداك اللي لابااس عليه وعندو النص فالبلاد..
عماد: هههه هو.. راك مدوز على بنتو..
الراقي: بلاتي نعقل شكون هي فالعيالات.. غريب.. عمر كان يحسابلي انه جات عندي بنت شي حد لاباس عليه،،
جبد عماد تلفونو وقلب على تصويرة فاطمة ووراهالو..
عماد: هادي هي..
بقا الراقي كيشوف فيها مزياان.. وتصدم ..
الراقي: هادي هي بنت الزواتي؟
عماد: عقلتي عليها..
الراقي: معمري نسيتها.. كانت زوينة بزااف فصغرها.. وحتى دابا.. تهز قلبي مللي شفتها.. ولكن نتا شكون.. وشنو علاقتك بيها..
عماد: انا من العائلة.. وبقات فيا نسيم تعيش بعيدة على باها..
الراقي: نسيم؟
عماد: سميتها نسيم.. بنتك..
ناض الراقي وحط يديه مور ظهرو..
الراقي: كاع داكشي اللي درت ندمت عليه.. الا على فاطمة.. مندمتش كاع.. وكون طاحت بين يدي مرة اخرى.. نعاود نفس الشيء.. كانت زوينة بزااف.. درت معاها تلاتة دالحصص.. دالرقية.. ولا ديال… كنت كنتمنى انه نزيد عاد ندير ليها حصص اخرى هه.. ولكن مبقاتش جات.. تما عرفت انه يمكن صافي حملات.. ولكن عمري عرفتها شكون ولا بنت من.. من تما جات عندي مرة اخرى جابت معاها واحد المرا.. وحتى هي… ولكن فاطمة هي اللي بقات فالبال..وتمنيت لو انها تجي مرة اخرى.. ولكن مجاتش..
عماد: شكون هاد المرا اللي جات معاها..
فاطمة: معرفتهاش..
عماد:المهم بنتك راها موجودة.. لا بغيتي تطالب بيها.. متعرف بعد عمر طويل تاكل حتى نتا من الزردة..
الجزء 154
الراقي: كيغاندير وهي بنت الزواتي.. راه ممكن يقتلني..
عماد: خاصك تدعيهم.. وتثبت انها بنتك.. باش تورث بعد عمر طويل حتى نتا بحكم انك باها..
سالو ريوكو وهو كيفكر فالفلوس اللي غايولي يشد من بعد..
الراقي:ولكن خاصني المصاريف ديال المحامي..
عماد:المحامي على حسابي ما تخممش.. نتا غير هز بنتك عندك… هادشي اللي بغينا..
الراقي:كون مهني.. قلبي حن لبنتي.. اللي مشفتهاش ومهزيتهاش.. غلطة دالصغر.. ولكن البنت معندهاش ذنب.. وخاصها تتربى مع باباها..
عماد:سبحان الذي يحيي الموتى هههه كان قلبك ميت عاد صحى على بنتك..
الراقي: نسولك.. نتا علاش كتعاوني..
عماد: راه قلتك على قبل نسيم.. وحيت بصراحة باغي نتزوجها.. ونكون نسيبك..
الراقي: منلقاش راجل لبنتي حسن منك هههه..
….
صبح الصباح.. وكلها ناعس فدارو.. ريم فاقت.. ومازال كتجبد.. حتى سمعات الدقات فالباب.. عرفاتو ايوب..
ريم: دخل الباب مفتوح..
حل الباب ودخل وهو هادئ.. جا وجلس حداها.. وكيشوف فيها.. خايف من ردة فعلها..
ريم: فين لقيتي النوا داك المرة..
ايوب: عند واحد الفلاح.. خلاني نضور على الشجيرات ديالو كلهم.. ههه وكنجبد فينما كانت شي وحدة.. تسخسخت داك المرة..
ريم: عرفتي علاش طلبتو..
ايوب: علاش..
ريم: حيت توحمت عليه..
ايوب مفهمش.. بقا كيحاول يستوعب داكشي اللي قالت.. وهي ناضت جلسات وقادات شعرها..
ريم: انا حاملة..
ايوب: (ضحك) حاملة!! بالصح.. ههه واش تأكدتي.!
ريم: اه.. ومتخافش .. منك نتا ماشي من شي واحد اخور.. عقلتي مللي كنت مريضة ومتعاتقتيش معايا؟ ديك الساعة وقع الحمل.. الى بغيتي نمشيو للطبيب ويحسبها لينا…
ايوب(ضرو قلبو): واش مناوياش تنساي.. انا مقلتلكش ماشي ولدي.. بالعكس انا تايق فيك.. وعارف انه الولد ولدي..
ريم: غا كنقولك.. حيت داك المرة قلتيلي ميمكنش تسكني بوحدي حيت ما فياش الثقة..
ايوب: انا عايش كنستنى يجي داك النهار اللي تنساي فيه ونفتحو فيه صفحة جديدة..
ريم: تضررت بزااف..
قرب منها.. وحط يدو على راسها..
ايوب: واعطيني غير فرصة.. ها نتي .. عايشة فدار جدك.. فبيتك.. نعيشو هنا مع بعض.. كلشي غايشهد عليا لا خسرتليك خاطرك.. عفااك..
ريم: (دمعات) خايفة..
ايوب: متخافيش..والله منعاود نعصبك فشي حاجة.. وغاندير جهدي باش تكوني فرحانة.. ريم انا والله حتى كنبغيك وكنحماق عليك.. غا عطيني فرصة.. (مسح دمعتها) عفاك.. عطيني فرصة.. هاا..
حنات راسها وحركاتو بالايجاب وهو بحال الى تفتحات عليه باب الجنة.. تنهد وهو فرحان وعنقها وزير عليها..
ايوب: كنبغيك بززاف .. كنقسم ليك بالله.. قوليلي.. مشيتي للطبيب..
ريم:(حركات راسها بالنفي) لا..
ايوب: نمشيو.. نطمئنو على البيبي ديالنا ههه غانوليو اب وام.. واش كتخيلي هههه غايكون عندنا هاداك اللي نخافو عليه ونفرحو معاه.. ونشريولو الحوايج والالعاب ..
ريم: هههه اه..
ايوب: غايقولي بابا هههه،.
ريم: ويقولي ماما.. ههه انا مغاديش نربي ولادي كما رباونا والدينا(بدات تبكي)
ايوب: (توشاتو بدا يبكي تاهو) غانربيوه مزيان.. وغايرتاح.. غايكون مزيان..
ريم: اه.. مغانبززو عليه تا حاجة ونوفرو ليه كلشي.. ونكونو قراب ليه ..
ايوب حط راسو. على راسها.. وبداو كيبكيو بجوج.. حتى فتحات ندى الباب فجأة..
ندى: نوضي من النعا… (تصدمات) امالكم..
ايوب: نتي اللي مالكي.. راجل ومرتو فبيتهم.. اش جاية ديري نتي هنا..
ندى: (ضحكات)تصالحتو…؟
ريم: اه.. ايوب غايجي يعيش معايا هنا..
ايوب: ونربيو ولدنا بجوج..
الجزء 155
ندى: لا هادشي يستاهل حفلة هههه
ريم: سيري عند اسامة.. خليني مع راجلي.. عندنا امور عائلية مهمة خاص ناقشوها..
ندى: واخا الالة.. جاتك… ابصحتك اسي ايوب..
ريم: هههه سيري..
خرجات وسدات الباب موراها..
ريم: سد الباب واجي..
ناض سد الباب ورجع عندها.. تجبدات مزيان وشافت فيه كان ملهوف بزااف عليها..
ريم: انا بغيت ايوب ديال شحال هادي.. ولكن ناخد راحتي معاه.. منخافش يحصلنا شي واحد بجوج..
ايوب: شحال وانا كنستنى هاد اللحظة تجي.. توحشتك بزااااف..
ريم: حتى انا.. توحشت ناخد راحتي.. وها الفرصة جات.. (قرب ليها كيبوس فيها)ولكن..
ايوب: ولكن شنو!!
ريم: حاول على ولدنا .. ههه
ايوب: متخافيش.. ههه،،
…….
فتيحة بقات فالفيلا ديالها قنطانة.. حتى جا عبد الله عندها…
فتيحة: توحشتك بزااف..
عبد الله:جمعي حوايجك.. وسيري من هنا..
فتيحة: شناهو!!!
عبد الله: كما سمعتي.. مبقيتش بغيتك..
فتيحة: انا حاملة..
عبد الله: سيري شوفي فيمن تلصقيه..
فتيحة: شناهو احياتي.. انا راني مزوجة بيك احنيني.. ولا بغيتي تطلق عطيني حقوقي..
عبد الله: حقوقك فالجنة.. الى دخلتي ليها اصلا..
فتيحة: عبد الله.. متقابحش معايا..
عبد الله: اللي فجهدك ديريه.. دابا خرجي عليا من داري.. وحطي سوارت الطوموبيل.. وباراكة ما استغليتي فيها..
فتيحة: عبد الله عفاك.. سمع مني.. عفاك.. علاش يدخل الشيطان بيناتنا..
عبد الله: نتي اللي دخلتيه.. نتي.. من اول يوم باش تفتخيني.. مشيتي درتي عملية ترقيع باش منكتشفش انك مزوجة قبل مني.. وباللي فتختي قبل مني شي فيكتيم اخور..
فتيحة: شكون اللي قالك هادشي.. خوك احمد.. هاداك من امتا خوك.. هاداك عدوك وبغا يشمت فيك ويضحك عليك.. متيقوش..
عبد الله: ماشي حمد.. انا عرفت من بلاصة اخرى.. ودابا بغيتك تخرجي من داري يا هاد المدلولة.. خرجي من داري.. واش مكتفهميش.. مبقيتش باغيك..
جرها وخرجها من الفيلا برا وهي بقات كتدق وتغوت.. حتى سوارت الطوموبيل مهزاتهمش..
فتيحة: والله لابقات فيك… والله لا بقات فيكم اتريكة الطاهر.. والله لا بقات فيكم..
مشات وشدات طاكسي.. ومشات كاع..
….
داز داك النهار وريم فحضن ايوب اللي ما سخاش منها ابدا .. بحال الى كيروي منها عطشه.. ومامتيقش انها فحضنه.. وانها رجعات ليه..
ريم: ايوب..
ايوب: عيون ايوب..
ريم: ايوا خلينا نوضو خلاص نمشيو للطبيب..
ايوب: ههه مسخيتش..
ريم: نوض..
ناضو بجوج ودوشو وبدلو حوايجهم..
ايوب: مشتاق نشوف البيبي ديالنا..
ريم: تانا..
خرجو ومشاو للطبيب.. ستناو نوبتهم.. ربم فرحات بزاف حيت جا معاها راجلها..محساتش بالنقص ابدا.. دخلو للطبيب ودوز ليها وشاف فيهم..
الطبيب: بغيتو تعرفو شنو عندكم..
ايوب : ولد ولا بنت..
الجزء 156
الطبيب: ههه باقي الحال باش نعرفو بنت ولا ولد.. ههه عندي ليكم مفاجأة..
ريم: خير.. خلعتيني ادكتور..
الطبيب: متخلعيش! عندكم توأم..
ايوب: شنووو (بدا يضحك) متأكد..
ريم: توأم!!
الطبيب: ركز معايا هانتا.. شفتي جوج النقطات.. هادا الكيس دكل واخد فيهم.. عانتا شفتي كيقاش كيتحركو لداخل.. النبض باين..
فرحو بجوج.. وبدا ايوب يبوس ريم.. الفرحة تكبات عليه ليوما كاع مدار الحساب لهاد الفرحة كلها..
ايوب: حمدتك يا ربي وشكرتك.. حمدتك يا ربي وشكرتك..
ريم: جوج ايوب ههه جوج..
ايوب: هههه جوج..
الطبيب: خاصك تتهلا فيها مضوبل..
ايوب: فعينيا.. ربي شاهد اني غانتهلا فيها بشكل مضاعف..
فالدار جلسات نسيم مع جدها وكتضاسر عليه وهو ضاحك… جا هادي بداو يقشلو عليه بجوج.. حتى جا العساس..
العساس: عمي الطاهر.. كاين واحد الراجل كيسول فيك..
الطاهر: شكون هادا.. واش بغا شي صدقة.. بغا ياكل.. شوف خالتك يامنة يطيبوليه ياكل ويعطيوه اللي كتاب..
العساس: لا عمي.. هادا بغاك بالاسم.. قالك بغاك فشي موضوع شخصي..
هادي: نشوفوه اجدي اش بغا..
الطاهر: واخا دخلو..
مشا العساس دخلو.. كان الراقي.. جا وهو حاني الراس..
الراقي: السي الطاهر.. سمحلي.. (بدا يبكي) ولكن عرفتك عادل وغادي تعاوني..
الطاهر: مالك اولدي.. ياك لاباس.. جلس..
الراقي: انا اعمي كنت كندير الرقية الشرعية.. والشيطان كان عامييني.. كنت كندير حوايج خايبة.. خصوصا للعيالات.. وتجازيت على هادشي..
دخل عماد.. ومعاه عبد الله.. وبقاو كيشوفو فالراقي.. وعماد كيستنى..
الطاهر: لاحول ولاقوة الا بالله..
الراقي: الشيطان غواني.. ومن كانو كيجيو عندي .. بنتكم السي الطاهر.. الطاهر: شنووو
هادي(تعصب) : اش كتخربق.. كيفاش كتتجرأ..
الراقي: انا ندمت بزاف ودفعت الثمن.. ولكن بنتي مقادرش اني نعيش وانا عارف انه كيربيها راجل اخور..
هادي: بنتك!!!! اش كتخربق نتا واش جاي تلوح على عيالاتنا الباطل…
بدا يعلي صوتو وبدا يضربو وكلشي تجمع لعندو حتى من احمد وحنان.. واسامة وندى.. كلشي تصدم.. وكيشوف .. اينا صدمة غاتكون تاني.. وشكون فعيالات الدار ولدات بنت مع هاد الفقيه..
عماد: خليوه يهضر.. خلينا نفهمو…
الطاهر: دوي..
كلشي بقا خايف.. حتى جوهرة.. بقات كتتفرج من بعيد وخايفة تتجبد سيرتها حتى هي.. ضرها قلبها حيت تفكراتو وحسات بالعار.. وخرجات فاطمة تشوفو.. وهي تتصدم.. هاد بنادم اللي حياتها تقلبات بسبابو وتصدمات مللي شافتو.. هادا اللي بسبابو تفارقات مع راجلها.. محساتش براسها حتى مشات عندو كتضرب فيه وكتقمشو.. وكتغوت..
فاطمة: اولد الحرام.. اولد الحرام.. اولد الحرام…
كلشي شاف فيها وتصدم حتى من نسيم متيقاتش راسها وبدات كتجمع الاحداث.. وتحاول تستوعب.. علاش والديها تطلقو..
شد عماد فاطمة وتحكم فيها وهي كتغوت..
الراقي: سمحيلي افاطمة.. سمحيلي.. عفاك متحرمينيش من بنتي..
كلشي داك الساعة تصدم وشاف فنسيم.. تمنات تنشق الارض وتبلعها.. حسات باحساس خايب.. كيفاش هي بنت هاد الراجل.. لهاد السبب تفارقو باها وامها.. لهاد السبب..
هادي: خرج برا( مشا كيجرجر فيه وكيخرجو) خرج ومتعاودش ترجع لهاد الدار .. سمعتي..
الجزء 157
فاطمة كانت كتبكي ومقاداش توقف .. نظرها مشا لنسيم اللي كان باينة فيها الصدمة.. قربات منها وهي كتبكي..جات تقيسها وهي تبعد.. وزادت بعدات وخرحات كتجري من الدار..
فاطمة: نسيييم..
الطاهر: خليها..
فاطمة: باباا.. ماشي بخاطري.. انا والله مخنت راجلي..
الطاهر:(بغضب) غاناخدليك حقك منو… كنواعدك.. معاش اللي يقرب ليا من بنتي ولا يمسها.. غانقطع يديه..
فاطمة: بنتي ابا.. بنتي غاتضيع ليا..
الطاهر: غاتكون بخير.. غاتكون فأيد امينة..
خرجات نسيم كتجري.. ولقات هادي كيجري على هاداك الراجل.. شافت فيه وعينيها كيغرغرو.. الفقيه كان مشا.. هادي شاف نسيم مشا عنقها.. وزير عليها..
هادي: متبكيش.. عفاك متبكيش..
نسيم: انا بنت الحرام..، بنت الحرااام..
هادي: متقوليش هاد الهضرة.. نتي حفيدة الحاج الطاهر..نتي من دمنا..
نسيم: علاش انا.. علاش يوقع لينا هكا.. علااش.. انا مقاداش نستوعب.. كيفاش تزاديت .. انا بنت هاداك.. عليها بابا طلق ماما.. ومكانش باغي يقولي علاش.. كان كيشوف فيا بنظرة بنت الحرام.. بنظرة ماشي بنتو..
هادي: محمود هو باك.. الاب هو اللي كيربي.. ماشي اللي كيولد..
نسيم: ديني من هنا.. حاسة راسي كنموت.. ديني لشي جايحة كما كانت.. مبغيتش نبقا هنا..
هادي: واخا تهدني عفااك.. اجي معايا..
مشات ركبات معاه فالطوموبيل.. ومشاو.. هي دموعها محبسوش.. وهادي كيشوف فيها ضارو خاطرو عليها.. هي بقات هكاك مشا عقلها لنهار كانت مع باها..
{{{نسيم: ههه ولكن.. علاش باغيين تتطلقو..
محمود(تنهد) : شي حوايج مكديرش بحسابهم.. ولكن بغيتك توصلي ليها.. هاد الهضرة اللي نقوليك.. قوليلها انها عمرها مغاتنزل من نظري.. وغاتبقا ديما هي لالة البنات.. كما شفتها النهار الاول..
نسيم: غانقولها ليها.. }}}
معمرها تنزل من نظري.. هاد الهضرة..بقات كتعاود فودنيها.. هو اللي ضحية.. هو اللي عرف انه مرتو قاسها شي واحد اخور..
نسيم: كنموت.. حاسة راسي غانتطرطق..
هادي: رخفي على راسك.. عفاك.. نتي ماشي ذنبك..مديريش فراسك هاد الحالة..
نسيم: بغيت نموت.. حاسة اني مبغاش نعيش .. كلما كنفكر اني بنت داك الراجل اللي تعدا على ماما.. مبغيتش نعيش..
وقف هادي الطوموبيل وركز معاها..
هادي: نتي حفيدة الحاج الطاهر وغاتبقاي حفيدتو…
نسيم: انا بنت الحرام.. بنت الحرام.. بغيت نموت.،
شد وجهها بين يديه وبدا يمسح دموعها باصبح الابهام..
هادي: نتي القلب .. نتي الروح..انا منقدرش نعيش بلا بيك.. بدلتيني ورديتيني واحد اخور.. كنت ضايع وتايه فالدنيا.. حتى جيتيني نتي.. وعطيتيني حافز نعيش على قبلو فالدنيا..اختياري فالاول كان غلط.. حتى جيتي نتي لحياتي.. وعرفت اني غادي فالطريق الصحيح..عفاك.. مبغيتش نشوفك مقهورة.. نسيم تتزوجي بيا..
نسيم: (ضحكات بالدموع)واش نتا ديما اختياراتك ديما غلط.. دابا ختاريتي بنت الحرام..
هادي: عمري كنت متأكد من اختياري بحال دابا.. كنبغيك بزااف.. وكيشرفني تكوني ام لوليداتنا..
نسيم: اش غانقول ليهم.. مللي يعرفو اني تزاديت فالحرام..
هادي: ولادنا غايفتخرو بيك.. كما انا مفتخر بيك..
نسيم: هادي انا حاسة راسي عيانة.. (طلقات دموعها) خلينا نتزوجو.. ونبعدو.. انا مبقبتش باغي نعرف شي حد من العائلة.. وايلا سولوك عليا قوليهم معرفتش فيناهي ولا ماتت ولا اي حاجة..
هادي: هما كلهم كيبغيوك كما كنبغيك انا..
نسيم: بعدما عرفو الحقيقة ديالي.. موحال واش يبغيوني..
الجزء 158
هادي: نسيم نتي هي الضو ديال الدار واللي منوراه.. كيفاش بغيتيهم يكرهوك..
نسيم: كيفاش غايشوف فيا جدي دابا بعدما عرف اني بنت الحرام..
هادي: جدي نتي عزيزة عندو بزاف ومغاديش يفوتك.، هانتي هادي داري.. اجي دخلي معايا..
نسيم: مكانش يحساب ليا انه عندك دار بوحدك.. اش كنتي كدير فيها وشكون كنتي كتجيب هنا..
هادي: معمري جبت شي حد لهنا.. غا تهدني.. عاد شراهالي بابا .. نتي اول بنت كتحط فيها رجليها ..
نسيم: ممم..
هادي: هادشي راكي فايقة فيه ياك..
نسيم: فوقاش غانتزوجو..
هادي:نتي عندك لاكارط..
نسيم: اه.. هاهي..
هادي: نمشي نسول على الوثائق اللي نحتاجو(كيضحك) كنبغيك بزااف.. واخيرا غانتزوجو..
نسيم(حنات راسها حزنا) : كنت كنتمنى نتزوج بعزي..هادي: حتى واحد مايحيدليك عزك.. انا متحمس اه نتزوجو.. ولكن لا كتزوجي بيا غا حيت باغا تهربي من الواقع بلاش..
نسيم: سير سول على الوثائق.. حيت انا مناوياش نبقا معاك هنا بلا زواج..
هادي: هههه خايفة مني..
نسيم: سير ابوبريص اش غاتخوفني..
هادي : بوبريص؟ انا بوبريص!!!! هادي فورمة بوبريص؟؟؟؟
نسيم: هههههههههه..
هادي: الحمد لله اللي ضحكتي.. توحشتك الضحكة ديالك.. (باس يدها) قلبي كيرعد من حبو ليك..
نسيم: سير اهادي سول على الوثائق ولا نرجع فكلامي..
هادي: هاهو غادي..
خرج وهي بقات جالسة وطلقات دموعها تاني.. للحظة تقلبات حياتها.. واكتشفات سر قلب حياتها كلها.. باها ماشي باها.. وباها هو راجل خايب استغل امها..
هادي مشا لاقرب مكتب عدول.. ودخل..
هادي: عفاك.. بغيت ندير العقد.. شنو الشروط وشنو الوثائق اللي خاصني..
العدول: خاصك شهادة الخطوبة وشهادة طبية.. والتصاور..ونسخة الكاملة لشهادة الازدياد.. ولاكارط ناسيونال..
هادي: واخا.. وبالنسبة لخطيبتي نفس الشيء.. !
العدول: نفس الشيء..
هادي: مغانحتاجوش شي حد.. غا انا وياها نقدرو نديرو العقد ياك..
العدول: شحال فعمرها..
هادي: 17
العدول: اولدي هادي راه قاصر خاص تدير طلب للمحكمة وتدوز الخبرة الطبية.. عاد يوافقوليك على الزواج..
هادي: مشكيلة.. نقدر نديرو انا..
العدول: طبعا يديرو ولي امرها.. ابوها او امها او الوصي عليها الى مكانوش الاب والام..
هادي: بففف..
العدول: الزواج من قاصر مسؤولية..
خرج هادي من تما خائب.. بزز باش وافقات على زواجها منو دابا وقف هادشي فوجههم.. مشا للدار لقاها خاشية وجهها فيديها وكتبكي..
هادي: حبيبة..
نسيم:جبتي الوثائق..
هادي: قالولي عاديك قاصر.. ميصلاحش تتزوج بيها بدون ولي الام..
نسيم: معنديش ولي الامر انا..
الجزء 159
فاطمة مهزاتها دنيا.. كتفكر فين مشات بنتها.. عارفة انها مع هادي.. ولكن مقداتش تطمئن.. وخايفة لا تضيع منها.. هزات تلفونها وعيطات لمحمود.. هو غا شاف نمرتها ناض جالس..
محمود: فاطمة…
فاطمة: محمود.. انا فورطة كبيرة..
محمود: اش واقع..
فاطمة: نسيم عرفات كلشي..
محمود: شنووو.. شكون اللي قالهالها..
فاطمة: معرفتش منين خرجلي داك ولد الحرام.. وبغا قالك البنت.. انا خايفة عليها… راها خرجات ومبغات حتى تسمعني.. راها مع ولد خالها..
محمود: انا غانهضر معاها..
فاطمة: عفاك رد ليا بنتي.. هي اللي عندي فالدنيا..
محمود: غاندير مجهودي..
فالدار ديال هادي كانت نسيم جالسة مسندة راسها وكتفكر وهادي حداها.. كيلعب ليها فشعرها.. وملهوف بزااف عليها..
نسيم: شنو غانديرو..
هادي: نتزوجو بالفاتحة..
نسيم: ميصلاحش.. الى شدوك غاتدخل الحبس..
هادي: هاك الشنيولا ولات تفهم فالقانون..
قرب ليها وقرب وجهه منها وهي كتشوف بعيد.. بدا يداعب خدها بالنيف ديالو..ومرة مرة يبوسو..
نسيم:شاعلة العافية فقلبي..
هادي: كون شفتي العافية اللي شاعلة فيا انا..
شافت فيه مصدومة وناضت قادات الجلسة وكتشوف فيه بجنب عينها..
هادي: متفهمينيش غلط.. قصدت العافية اللي شاعلة فقلبي من جيهتك..
نسيم: بانلي نتا ماشي نورمال.. والى بت معاك غا ليلة غانخرج حاملة من هنا..
هادي: كنبغيك بزاف.. بزااف..
نسيم: هاادي..
هادي: انسيم حسي بيا.. انا بحال شي واحد كيشوف الزردة قدامو وهو ميت بالجوع ومقادرش يقرب ياكل خاص يصوم..
نسيم: والافطار فوقته زوين كيجي واعر..
هادي: اربي علاش نتي بعقلك بزااف..
نسيم: لا معجبكش الحال بعد مني..
هادي: كنموت عليك شمن معاجبنيش الحال.. غانصبر.. نصبر.. تا يجي النهار اللي نتي تبغي فيه .. معمري نبزز عليك شي حاجة..
نسيم: (ضحكات بزز) اودي يا هادي.. شفتي الدنيا.. مازال زايدة فيهم كنعزز عليك راسي..
هادي: تعززي راسك وتفوتي.. نتي لالة البنات..
نسيم: فنظرك داك الراجل كيفاش عرف طريقي..
هادي: غايكون سول..
نسيم: واش بالصح زعما غايكون باغي نرجعليه.. ويكون ندم ..
هادي: تسمعي مني انا.. !! هاداك حيوان استغلالي.. استغل الثقة دالعيالات فيه وباسم الدين .. خدا منهم شي حاجة ماشي بخاطرهم.. داكشي مكيكونش بزز انسيم..
نسيم: ماشي بزز.. بالخاطر..
هادي: تا يكون عندك الخاطر وباغاني.. داك الساعة نكون فرحان..
نسيم: عقلك موسخ…
هادي: وراني معدب.. ههه اجي متحنيش فيا.. والله حتى نتزوج بيك..
نسيم: بيدوفيل..
قادات الجلسة وشدات فيه تخشات فحضنه.. وهو زير عليها..
هادي: كوكنتي عارفة شحال كنبغيك..
سمعو الدقان بالجهد.. وقفزو بجوج بيهم من بلاصتهم..
نسيم: شكون جاي لعندنا..
الجزء 160
ناض هادي حل الباب وهو يتصدم مللي لقا جدو مخنزر فيه..
هادي: جدي!!!!
الجد: اللي يخليك بالخلا.. حيد من قدامي..
هادي: اجدي متفهمش غلط..
الجد: استفردتي بالبنت بوحدها.. وقلتي معندها حد.. تفو عليك الحمار.. لعنة الله وعليك..
نسيم شافت جدها وهي تنوض تعنقو وتبكي..
نسيم: جدي…
الجد: تهدني ابنتي.. واش دارليك هاد الحمار شي حاجة.. دوي…نقطع لبوه الجدر ليوما..
هادي(توتر) : اااه اجدي اش غاتقطع.. الله يهديك..
الجد: الجدر.. لا قالتلي باللي نتا قربتي ليها..
نسيم: كان باغي يتزوج بيا.. ومشا يسول فالعدول قالوليه خاصها ولي الامر..
الجد: ياك اولد الحرام.. كنتي ناوي تستغل الفرصة..
هادي: والله اجدي.
الجد: سكوووت..
حنا الراس وسكت والجد بقا يطبطب على نسيم وكيحاول يهدنها..
الجد: بنتي.. نتي راكي عمري.. وقطعة مني.. من دمي.. شفت فيك نفسي ..ميمكنش نخليك تضيعي.. نتي ماشي ذنبك هاداك.. ذنب داك ولد الحرام اللي غانربيه(خنزر) للي مد يدو على بنتي.. متقسايش على ماماك ابنتي..هي ولداتك حتى شحفات..دابا كتشوفك كتضيعي من بين يديها..عفاك .. رجعي معايا راه حالتها حالة..
نسيم: واخا اجدي..
هادي: والزواج..
الطاهر ضرب هادي بالعكاز ديالو..
الجد: سير الله يقطع لباباك الحس.. واش هادا وقت الزواج..
هادي: مقلت والو..
ناضت نسيم ومشات مع جدها وهادي تابعهم حاس براسو غايتفركع.. حيت جدو ضيع عليه اللحظات الرومانسية مع نسيم.. اللي مكيلقاش ليها فرصة ديما.. مشات نسيم مع جدها وهادي فطوموبيلتو.. حتى وصلو للدار.. نسيم كانت خايفة وكترعد.. غا دخلو شافتها فاطمة جات كتجري وكتبكي.. عنقاتها..
فاطمة : بنتي.. نسيم واش نتي لاباس.. واش فيك شي حاجة..
نسيم: انا مزيانة.. كنت مع هادي.. كيهدني وصاف..
هادي داك الساعة تنفس.. حيت عارف نسيم كتحط الحاجة هكاك ومكتحشمش..
فاطمة: شووفي شكون جا على قبلك..
تلفتات لقات محمود .. غرغرو عينيها .. حل ليها دراعاته..مشات بلا متشعر عنقاتو..
نسيم(بالدموع) : بابا.. اهئ اهئ انا بنتك ابابا.. متقوليش العكس.. انا بنتك نتا.. مبغيتش نسمع حاجة اخرى..

اترك تعليقا