Skip links

قصة : ثروات من شجرة الزقوم ج 3

 2,346 عدد مشاهداات

الجزء 81
وقف عماد قدام المرايا وهو كيقاد راسو وضاحك… وسارة حداه كتقاد ليه..
سارة: غانتوحشك بزاف..
عماد: غانرجع دغيا.. كاين ميدار هنا..
سارة: متنسانيش كل نهار عيطلي..
عماد: واخا..(باسها فخذها) بالسلامة..
هز صاكو وخرج.. نزل عند جدو.
اسامة بدورو هز باليزتو وجا خارج حتى لقا ندى.. ارتبكات مللي شافتو..
اسامة: انا غانمشي..
ندى: الله يوصلك على خير..
اسامة: امين.،
بقا كيشوف فيها حتى سمع صوت سعاد وعرف انه ناريمان غاتكون جات .، ونزل وفعلا لقاها طالعة..
ناريمان: ميمكنش تمشي بلا متودعني..
اسامة: اكيد لا..
ناريمان: اش داكشي دارتو ختك فخويا..
اسامة: احم.. حتى نرجع من الامتحانات.. ونهضرو فهادشي..
ناريمان: ماما معجبهاش الحال.. وقالتلي والو خاصك تتفارقي مع اسامة حتى نتي.. ولكن انا كنبغيك.. وعارفاك معندك ذنب فهادشي..
اسامة: اكيد معندي ذنب.. خليني نمشي نسلم على دارنا باش متفوتنيش الطيارة..
ناريمان: اا منسيتي والو..
جبد من جيبو الفلوس وعطاهم ليها..
اسامة: اكيد مغانساش..
فرحات ناريمان وحطاتهن فجيبها..
عماد سلم على كلشي.. وبانت ليه نسيم مشا عندها..
نسيم: الله يوصلك على خير..،
عماد: امين الكتكوتة.. مبغيتي نجيب ليك والو معايا..
نسيم: اه..
عماد: شنو نجيبليك..
نسيم: (بغنج) جيبلي الهادي هه
عماد بدل الضحكة وتأمل شوية وجبد تلفونو..
عماد: هادي مغايرضاش يجي دغيا.. حيت مشغول.. شوفي.. السطوريات ديال داك البنت اللي مصاحب معاها.. كيقيلو يتساراو وينشطو.. رجعو كما قبل..
تبدلات البسمة فوجه نسيم.. وتغوبشات.. مللي شافت داكشي..
عماد: نجيبليك شي لعيبة ضروري.. الكادو ديالي اكيد غايعجبك.. يالله نخليك.. غانبقا نعيط نسول فيك مرة مرة..
خرج وموراه اسامة بعدما سلم.. ومشاو..
نسيم متحيدوش من بالها التصاور والفيديوات اللي شافت.. كان باين فرحان.. ياك قال انه مغايرجعش ليها.. ولا يمكن غا كتتخيل انه داها فيها.. اصلا عمرو قاليها شي حاجة وغا كتتبرهش عليه.. دخلات للبيت.. وتكات حطات يدها على خدها.. وبدات تبكي..
سعاد جلسات وسط عائلتها وبدات تهضر..
سعاد: لا لا اخويا.. النهار الاول دينا البنت وهي مازال كتلبس ليكوش.. علاش معلمتوهاش انه خاص تحافظ على راسها لراجلها.. اش هادشي..
حنان: حنا غانربيو البنت.. ونزيروها.. وخاطركم هو اللي غايكون.. ايوب ولدنا.. الى بغا يدبحها مغانقوليه والو..
سعاد: حتى لدابا.. حتى وقع اللي وقع.. راها ولات مقيوسة.. راها حاملة.. وداك الولد شكون غادي ياخدو.. ولدي كيغايدير .، لا لا.. ولدي انا ميربيش ولد ماشي ولدو.،
الطاهر: يجي ايوب.. وهو اللي غايهضر.. المهم عندي داك الشلاهبي ميدخلش لداري.. والبنت خاص تتربى من جديد..
احمد: عيطو لايوب..
فالفيلا ديال فتيحة.. بقات غادية جاية.. وكتفكر..
فتيحة: مازال ما ساليت.. عادل علاش تسرعتي.. كون غا خليتي نكمل انا… ناري دابا يجي عبد الله يدابز.. اش غانقوليه..
دخل بعد لحظات وجا عندها عنقها.. وهو مبتاسم.،
فتيحة: انا.. معنديش علاقة بداكشي اللي دار خويا..
عبد الله: انا عارف.. ومحاسبتكش..
الجزء 82
عيطو لايوب.. وجا بلا خاطرو.. كيجر فرجليه..
الطاهر: ايوب.. غاتستر عيبنا ااولدي.. وليك عليها… اني نكتبليك دار فسميتك.. وخالك غايعطيك شي بركة تبدا بيها مشروعك..
سعاد: الله يا ولدي على زهرك.. اللي حسابلينا بنت الدار خرجت ..
فاطمة: صافي سكتي.. صافي..
ايوب: انا موافق نتزوج بيها..
تتفس احمد وحنان..
ايوب: ولكن.. بلا داكشي اللي فكرشها..
يامنة شافت فالطاهر وحتى هو شاف فيها حرك عينيه ليها..
الطاهر: يكون خير..
ناض ومدواش.. ويامنة حركات عينيها لحنان اللي ناضت موراها.. ومشاو لبيتها..
يامنة: سمعتي شرطو.. بنتك خاص تصفى.. انا كنت حالفة مندير داكشي فحياتي.. ولكن للظرورة احكام.. غانعطيك اش غاتشرب.. وقابليها تا تصفى..
حنان: واخا اخالتي.. الله يستر..
يامنة: متخافيش.. هادشي غانديرو بالعبار.. وغانقابلوها.. مغايوقع ليها والو.،
مشات الكوزينة وبدات كتخلط وكتقاد داكشي.. وتغليه.. حتى كملات .. دارتو فكاس.. وعطاتو لحنان.. خداتو وهي مرعودة.. جوهرة كانت حداهم وكتشوف كلشي.. مشات مع حنان.. ودقو على ريم..
جوهرة: ريم ابنتي.. حللي الباب متخافيش..
حلات ريم الباب وهي كتبكي.. وخايفة بزاف.. شافت ماماها هازة كاس.. ووجهها صفر.. خافت حتى هي مالي شافتها.. دخلو وسدو الباب..
حنان: هاكي شربي..
ريم: شنو هادا..
جوهرة: شربي ابنتي.. ومتخافيش(بدات تمسح على وجهها) شربي..
خداتو ريم وبتردد.. بدات تشرب..
ريم: مداقو خايب..
حنان: شربي وطلقينا..
خافت ريم من امها.. وبدات تشرب.، حتى كملاتو كله..
جوهرة: صافي نعسي..
دخلات ريم فالفراش وتكات.. غطاتها جوهرة.. وناضت هي وحنان خرجو..
جوهرة: متخافيش.. دغيا غايسالي هادشي..
حنان: هي صغيرة.. نخاف تموت..الجسم ديالها ضعيف..
جوهرة: الى لقيناها عيانة نديرها للسبيطار..
حنان: غانزيدو الفضيحة..
جوهرة: متخافيش.. خالتي كتعرف فهادشي.. نسيتي انه هي اللي ولداتنا انا وياك فالبنات.. مبغاوش يديونا للمصحة مللي عرفو عندها البنات ههه
حنان: رجليا مقادينش يهزوني..
جوهرة: جلسي جلسي.. ولا عرفتي.. سيري تنعسي.. وانا غانقابل ريم..
حنان: عمري ننساليك هاد الخير..
جوهرة: سيري..
دخلات جوهرة عند ريم.. وبقات جالسة حداها.. دازت شي ساعة ونص تقريبا.. حتى حسات ريم بالحريق بحال ديال الريكلا.. بقا هكا غادي وكيتجهد.. حتى بدات الانين.. وكتزير على كرشها.. بقا غادي كيجهد حتى ولات كتعض فالمانطة بقوة الحريق..
ريم: كنموت.. كنموت.. عتقوني.. عتقوني كنموت..
جوهرة: غاترتاحي.. غاترتاحي.. غا صبري.. غاترتاحي..
ريم: اميييي… امي كنموت.. كنموت.. شنو وشربتوني.. باغين تقتلوني… كتعاقبوني.. حرام عليكم.. حرام عليكم.. سمحيلي امي.. والله منعاود.. والله منعاود.. غا متقتلونيش..والله حتى نشد راسي والله منعاود نهضر مع شي حد كاع.. ابا سمحلي.. خالتي قوليلهم يسمحولي والله منعاود.. كنموووت عتقوني..
جوهرة: متخافيش.. دابا يمشي الحريق.. دابا.. متخافيش.. واش كتحسي بشي دم..
ريم: اهو.. اهو.. كيهبط كيهبط… شي حاجة قاصحة… الدم.. وشي حاجة قاصحة..
شافت فراشها لقات الدم غطا الناموسية..
جوهرة: خالتي يامنة.. جري..
ريم كتغوت لربي اللي خلقها.. وكلشي فالدار سمعوها.. وكلشي بدا يتصنت.. وخايف من غواتها…
جرات يامنة ودخلات للبيت.. نسيم وندى وسارة وناريمان كانو خايفين بزاف.. من شنو طاري فالبيت..
نسيم: ماما اش كيديرو ليها..
فاطمة: متخافوش.. غاتكون بخير.. لا حول ولا قوة الا بالله..
الجزء 83
يامنة: صااافي… صافي سالينا.. صافي..
حنان: خالتي شوفيها.. تحت عينيها وفمها زرق انا خايفة تموت..
يامنة: غاتكون بخير.. غادي نعطيوها المساخن.. ونغذيوها مزيان.. غاتكون بخير.،
جوهرة: ريم.. واش كتسمعيني.. شوفي فيا..
ريم:(بصعوبة) ممم..
جوهرة: انا شايفة انه نديوها للسبيطار حسن..
يامنة: نسولو الحاج.. هادشي حساس بزاف.. راكو عارفين..
بدات حنان كتبكي.. وخرجات.. تلقاتها سعاد وفاطمة..
فاطمة: كيف راها..
حنان: (كتبكي)بنتي كتموت.. كتموت ..
فاطمة: نديوها للسبيطار.. ضروري.. واش غانتفرجو فيها..
احمد: واش باغين تفضحونا ولا شنو..
فاطمة: هماتكم غا الفضيحة… الى ماتت باش غاتنفعكم..
ندى: (بدات تبكي)حالتها خايبة بزااف.. واش شفتوها.. عمي عفاك.. نعيطو للطبيب هنا..
احمد (شاف مطول وحنا الراس): واخا انا غانجيبو هنا.. ونجيبليها ممرضة..
فاطمة: الله يحفظك اخويا.. مخاصش نقساو عليها كلنا.. هي مهما كان.. صغيرة.. ومكتعرفش فالدنيا.. تلعب عليها.. وحنا كلنا فينا الغلط ..
احمد: انا غانتصرف..
نقات جوهرة لريم.. وبدلات ليها.. وهي بحال الى ميتة.. صفرا.. ومقادة تهز حتى يديها.. غطاتها.. وخرجات..
مفاتش بزاف حتى جاب احمد الطبيب والممرضة.. شرحو للطبيب انه هي اللي شربات شي حاجة باش تطيح وعتقاتها جداتها باش يوقف النزيف.. وصاوه هادشي ميخرجش من الدار.. جاب معاه كيس ديال الدم ركبو ليها.. وركب ليها السيرو ودار ليها ابر تحتاجها.. ودار اللازم.. خلا الممرضة تقابلها.. ومشا..
حنان بقات حداها كتدوز على راسها وكتبكي.. الغلط حتى ديالها.. متقرباتش من بنتها باش توعيها.. بقات مقابلاها..
كلشي جاو طلو عليها.. وبقات فيهم.. حيت داز عليها عذاب كبير.. وكانت غاتموت.،
صباح الصباح… وفاقت ريم.. لقات راسها بدات تسترجع القوة شوية.. خصوصا بعدما زادولها الدم.. شافت امها اللي متكية حداها.. وبدات كتبكي.. للحالة اللي وصلات ليها.. وعلى داك العداب اللي دوزات.. وكيفاش كلشي مرحمهاش.. ايه غلطات.. وغلطة كلفاتها بزااف.. وكيفاش حبها كان كذبة.. واللي بغاتو صدق ولد الحرام.. اللي استغلها وهي تاقت فيه.. شنو اللي غايدوز عليها من هنا الفوق.. بعدما تفضحات.. سكتات وردات لقلبها.. ومزادتش دوات..
حنان: علاش كتبكي.. واش فيك الحريق..
ريم:(بخوف) لا مفياش.. ماما سمحيلي..
حنان: الله يستر من للي جاي.. حمدي الله اللي ايوب وافق يتزوجك.. وحاولي تنسيه فهاد الفضيحة اللي درتيها.. ولو اني متأكدة انه مغاديش ينسى..
زاد قلبها ضرب بالجهد.. خافت بزاف.. خافت انه ايوب يبغي بنتقم منها حيت صداتو.. وحيت كانت مستقوية بعائلتها قبل.. دابا هداوهالو فابور.. اكيد غاخرج منها الفقايص ديالو.. شداتها الرعدة.. ومدواتش..
لقات نسيم كتدق وتدخل من الباب..
نسيم: صباح الخير.. ريم.. كيبقيتي شوية.. علاش كتبكي.. واش كتضرك شي حاجة..
ريم(مسحات دموعها) : لا.. انا لاباس.. شكرا..
نسيم: على سلامتك.. خفنا عليك بزاف..
ريم: الله يسلمك..
دخلات ندى حتى هي وجات عنقات ريم..
ندى: الحمد لله على سلامتك.. وليتي لاباس دابا هاا.. مافيكش الحريق..
ريم(بهدوء): الحريق عندي فقلبي..
ندى: كلشي غايكون مزيان.. متخافيش.. كلشي غايكون مزيان..
الجزء 84
وصلو عماد واسامة لندن.. وكل واحد مشا لدارو للي كاريها.. رتاحو.. وعيطو لهادي يتلاقاوه..
سحر: غانمشي معاك..
هادي: لا.. نتي جلسي.. بغيت نبقى معاهم بوحدي..
سحر: شحال هادي كان كيعجبك نمشي معاك.. مالك تبدلتي..
هادي: غا حيت مبغيتش يديرولنا مشاكل.. خصوصا عماد..حيت هو تزوج بزز منو.. الحسد دالرجال خايب.
سحر: اه عندك الحق.. اجي واش خلصتي ليكول ديالي..
هادي: عطيني لاكارط ديالك.. والوكالة.. رانا غانتكلف..
سحر: واخا احبيب قلبي.. هاهوما..
هادي: يالله تهلايلي فراسك.. انا مشيت..
مشا ولقا عماد واسامة فالكافي.. مشا عنقهم..
اسامة: فين السبع .. معركها سطوريات.. شفتك شفتك.. مكاين لا حفاظة لا والو..
هادي: غا بروتوكول.. قولولي شنو اخبار الدار..
اسامة: كلشي مزيان..
عماد: لا ماشي كلشي مزيان..
اسامة:عماد.. ماشي وقتو.،
هادي: كيفاش ماشي وقتو.. شنو واقع..
اسامة: ريم..
عماد: ريم حملات بطريقة غير شرعية..
هادي: (حل عينيه) مع ايوب..
عماد: لا.. مع واحد اخور.،
ناض وقف متحملش..
هادي: كون كنت تما.. كنت غانقتلها بيدي..
اسامة: جلس اهادي.. جلس.. نتا بقيتي قريب خمس سنين ونتا عايش مع صاحبتك فالحرام.. وبغيتي تتزوج بيها.. كيفاش بغيتي ختك متغلطش.. ولا حلال عليك حرام عليها..
هادي: متقارنش.. انا راجل.. معندي منخسر..
اسامة: هاد التفكير اللي خلانا اللور..
هادي: هي راه حاملة فالحرام.. فين غادير داك الكرش..
عماد:تهدنو.. قالولي راه طيحوه ليها.. مبقاتش حاملة.. وقنعو ايوب يتزوجها..
اسامة: الله يستر من اللي جاي.. انا خايف من هاد ايوب.. لا يتكرفص عليها.. وينتقم منها..
عماد: الصراحة تا واحد ميبغيها كما وقعاتليه.. خايبة بزااف..
هادي زير يدو قبضة وحطو على فمو وحرك رجليه بالزربة..
عماد: نوضو خلينا نمشيو نتحركو.. غدا الامتحان وانا مشفتش فالكتوبة.. تلاهيت مع شهر العسل..
اسامة: عقبالي.. ههه
فتيحة جابت الصينية لعادل وحطاتها وكبات ليه كاس قهوة..
عادل: مسمعتي والو من عبد الله..
فتيحة: لا مقال والو..
عادل: احمد. كاع معيط.. باش يتافق معايا..
فتيحة: اللي بحالهم.. يقتلوها وميتبتازوش..
عادل: معندهمش حل.. فين غايديرو الحرام.. خاصوم ضروري يزوجوهالي.. باش يتهناو..
فتيحة: ليوما مللي يجي عبد الله.. نجيبليك الخبار الصحيحة..
الجزء 85
هادي بقا غادي وكيلوح رجليه فالدنيا وكيفكر.. صعيبة بزاف يسمع على ختو دارت هاد الفضيحة.. خدا تلفونو.. وعيط لامو..
هادي: مي.. لاباس..
حنان: الحمد لله اولدي.. نتا لاباس..
هادي: الحمد لله.. (تنهد) انا عرفت بشنو طاري عندكم.،
حنان: متشغلش راسك.. باك حل المشكل..
هادي: ايه.. ولكن..
حنان: هادي.. صافي.. سد الموضوع وخرج راسك منو..
هادي: واخا.. عمتي فاطمة لاباس عليها..
حنان: اه.. بخير..
هادي: ممكن تعطيلها التلفون نهضر معاها..
حنان: واخا..
مشات لعند فاطمة وعطاتليها التلفون..
حنان: هادي كيسول فيك..
فاطمة: واخا .. الو ولدي..
نسيم غا سمعاتها جات كتجري..، وبدات تقول لامها عطيني نهضر..
فاطمة: الحمد لله اولدي بخير.. نسيم!! اه كاينة.. تهضر عندها… هاهي..
خدات نسيم التلفون وبعدات لامها..
نسيم: كوكان القرطاس كيدوز فالتلفون كون دوزتوليك..
هادي:امالك البعلوكة..
نسيم: واش محشمتيش.. مشيتي عندها؟؟
هادي(تفاجأ) : شكون!!؟
نسيم: داك الزعتر مولات الشعر خضر.. اللي دايرة حلقة فالنيف بحال الثور..
هادي(حبس الضحكة) : نسيم.. عيطت ليك باش نقوليك باللي الوردة اللي عطيتيني بقا فيها غا شوية دالريحة… كيغاندير وانا ولفت نشمها كل صباح…
ابتسمات ريم لا اراديا.. وحاولات انها متبينش انه عجباتها هضرتو،،
نسيم: قول لهاديك تجيبهالك..
هادي: مغاتعرفش.. غير واحد البنت سميتها نسيم هي اللي كتعرف..
نسيم: باغي دابا تبدل الموضوع زعما..، وتخليني مندابزش معاك..
هادي: لا.. مخاصكش تدابزي معايا.، واجي شكون قالهالك بعدا؟؟
نسيم: شفت سطورياتكم..، خااايبة..
هادي: فين لقيتي سطورياتنا..
نسيم: مااااشي سوقك..
هادي: نسيم…
نسيم: علاش كتعيطلي بسميتي..
هادي: البرهوشة.،
نسيم. نعام..
هادي: عجباتك هادي..
نسيم: اه.. نسيم كنحسك كتكدب عليا مللي كتقولها..
هادي: مللي نجي ونشرحليك شنو كاين واخا.. السيمانة الجاية نجي..
نسيم: واخا.. غير تسارا مع راسك تما..،تجي هنا وتشوف..
هادي: غاتربطيني..
نسيم: غانديرها ونفوت..،
هادي: بالسلامة البرهوشة.. بالسلامة..
سالات وحطات التلفون.. بعدما حسات انها افضل حال ..
فاطمة: ساليتي؟؟
نسيم: اه..
فاطمة: بغيت نقوليك باللي غدا عندي جلسة الطلاق مع باباك..
نسيم غوبشات بعدما كانت ضاحكة..
فاطمة: متغوبشيش.. ولا نعيط لهادي يضحكك تاني..
نسيم: ماما.. عفاك فكري..
فاطمة: متخافيش ابنتي.. انا عارفة شنو كندير.. مامنعتكش على باباك.. ولكن انا وياك سالينا..
فدار ايوب كان غا جالس ونو جاية عندو..
سعاد: بيت النعاس خاصو يتبدل.. غانقول لخالك يجيبليك ديال الخشب الحر.. شوف .، عندك قلبك يرطاب من جيهتها.. هي نجيبوها بحال الكلبة.. مدلولة.. والديها فيدنا..
ايوب: ديري اللي بغيتي.. انا مبقا يهمني والو..
ناريمان: فوقاش غاتجيبوها..
سعاد: مللي تبرا من الحرام.. ديك الساعة نجيبوها.. غايديرولها العرس… ويجيبوها.. وداك الساعة.. انا اللي غانربيها من جديد.. بنت الفشوش..
الجزء 86
جا عبد الله عند فتيحة.. وكالعادة ناشط معاها.. حتى استغلاتها فرصة انها تسولو..
فتيحة: انا بغيت نسولك.. ولكن مديرهاش مني قلة الصواب.. حيت ضميري مأنبني ومكرهتش كون درنا شي حل..
عبد الله: سولي احياتي سولي..
فتيحة: ريم.، شنو درتو معاها.. شو الى بغيتي نزير خويا يتزوجها انا نزيرو..
عبد الله: هههه متخافيش.. كاين اللي غايتزوجها وفابور.. با مكيحيرش..
فتيحة: كيفاش.. وداكشي اللي فكرشها.،
عبد الله: طيحوه..
فتيحة: ولكن..
عبد الله: غايتزوجها ايوب.. وتهلاو فيه..
فتيحة بقات ساكتة.. خوها خرج من لافير خاسر.. دونك هي خاصها بأي طريقة تستغل اكثر واكثر..
بعد ايام.. سالاو الدراري امتحانهم.. وخاصهم يرجعو.،
عماد: غدا كاينة طيارة للمغرب.. نتا اهادي بشوية عليك.،
هادي: لا تانا غانمشي..
عماد: ولمن غاتخلي سحر مسكينة..
هادي: لماليها ههه انا غانمشي بالليل نجمع حوايجي.. غدا نتلاقاو فالمطار..
مشا للدار لسحر..وبدا يجمع حوايجو..
سحر: نمشي معاك..
هادي: لا لا.. غانرجع.. نمشي للدار غا على قبل شي مشاكل.. وغانرجع.. مازال خاص نفوجو شوية..
سحر: واخا احياتي.. كنبغيك بزاف..
هادي: تانا كنبغيك..
جمع هادي حوايجو.. ومشاو يسهرو هو وسحر.. نشطو مزيان.. مرجعو حتى الفجر.. خلاها ناعسة وهز باليزتو وخرج..
فالمطار كانو جالسين وكيستناو..
عماد: مطور نتا اهادي.. اللي يشوفك يقول هادا بالصح مغاديش يرجع ليها…
هادي: واش نتا مصطي نرجع ليها.. نهار الاول كنت ناوي المعقول.. ولكن بعدما لعبات بيا.. تانا غانلعب..
عماد: اش درتي..
هادي: درت اللي درتو ههه نوض خاص نمشيو..
فاقت سحر من النعاس.. ولقات حداها ورقة..
سحر: هادي.. واش مشيتي؟؟؟؟
خدات الورقة.. وبدات تقراها..
هادي: حبيبة قلبي.. شكرا على الوقت الزوين ديالك.. المهم المصاريف ديال ليكول تخلصات.. وحتى الكرا ديال الدار.. والى خاصك شي حاجة كتر.. راه العشية غايجي عندك واحد سميتو كارلوس.. هاداك مفيوزي.. وتاجر مخدرات.. تعرفت عليه بالصدفة فالبار.. بقيت فيه.. مللي عرف قصتنا وخيانتك ليا.. لذلك.. وراقك عندو.. والدين ديالك عندو.. خلصيه كما ولفتي تخلصيه نتي وامك.. ولكن حضي راسك.. هاداك ماشي صبار.. ويقدر يقتلك الى مدرتيش داكشي اللي قالك.. تهلاي الزويونة ديالي.. نتلاقاو فالمغرب هدا الى قدرتي ترجعي ..
سحر ولات صفرا من داكشي اللي قرات.. هادي اللي كانت كتحسابو غبي اهو عطاها ضربة صحيحة.. مكانتش على بالها.. علقها مع تجار المخدرات.. سمعات صوت الباب.. قلبها ضرب… اهو جا.. شافت من الكام.. بانليها مشمكر بزااف.. وواشم.. وقدو قد السخط.. خوفها غا من الهيئة ديالو..
سحر: حرام عليك اهادي حرام..
وصلو الشباب للدار بعد ساعات.. سارة مشات كتجري تعنق فعماد..
حنان: وليداتي.. على سلامتكم..
الطاهر: على سلامة الشباب.. على سلامة..
نسيم بانولها داخلين جات تجري..
نسيم: هاااادي..
عماد غا سمع داك الصوت وهو يتغوبش..
هادي بدا يضحك وعنقها مللي وصلات عندو..
هادي: البعلوكة.. توحشتك.. نجحتي ولا لا(بدا يخربق ليها شعرها)
نسيم: ماززال.. (بدات تجرو) اجي نوريك اجي الجردة..
اسامة: بانليك غا هادي وصاف ياك..
نسيم: سمحولي..اسامة لاباس… عماااد لاباس على سلامة..
عماد كاع مجاوبها وبقا شايف قدامو.. وهي استمرات فانها تجر هادي للجردة وهو سايرها.. كلشي بدا يضحك عليها ويشوفها شوفة الصغيورة ديال الدار اللي كتفشش..
هادي: اش كاين .. اشمن مصيبة درتي..
نسيم: شووف زرعت الورد اللي كيعجبك.. شوف شحال..
هادي: ههه ولايني ماساهلاش نتي… شوفي.. جبتليك كادو معايا..
نسيم: بالصح.. وريني وريني..
هادي: غمضي عينيك..
نسيم: هانا..
غمضاتهم.. وهو جبد شي حاجة حطها فيدها..
نسيم: شنو هادا..
هادي: سكاااتة ههههه
نسيم: حرام عليييك(بدات تضرب فيه) بعد مني..
هادي(جرها):اجي اجي ههههه غامضي عينيك ديال بالصح..
نسيم: مغانغمض..
هادي: ايوا زيدي ولا نغمضهم ليك انا..
حاوطها بيدو وحطها على عينيها.. وبدا يهمس فودنها.. وسرح قدامها سلسلة ..
هادي: هانتي لا تقولي منسيتكش..
نسيم(حل عينيها): وااااو.. زوينة بززاااف..
هادي: ههه اري نلبسهالك..
عماد كان كيطل عليهم واقف حاط يديه فجيابو ومغوبش..
الجزء 87
اسامة دخل لبيتو.. وحط حوايجو.. يالله جا يفتح الفاليز..وهو يسمع الدقان.. فتح لقاها ندى..
ندى: جيت نقولك على سلامتك..
اسامة: الله يسلمك.. انا فرحان حيت شفتك..
ندى: تانا كتر.. كيداز امتحانك..
اسامة: مزيان طبعا..
ندى: مزيان.. يالله نخليك ترتاح.. (جات تمشي)
اسامة: ااا ندى..
ندى: مم
اسامة: توحشت نجلسو بالليل نتهاودو.. شنو بانليك ليوما نجلسو..
ندى: (ابتسمات)واخا..
مشات وهي فرحانة بزااف.. كيعجبها تستغل اي لحظة.. واي فرصة معاه..
دخل عماد لبيتو هو وسارة للي كانت فرحانة بزاف وهو مغوبش..
سارة: توحشتك بزاف..
عماد: انا عيان وخاصني ننعس..
سارة: واخا كما بغيتي..
استغربات من معاملتو الجافةً ليها.. كيفاش كان قبل ما يمشي وكيفاش ولى.. مشات ندى لعند ريم وهي مبتسمة.. لقاتها حاطة يدها على خدها.. ومهمومة..
ندى: كيف حالك احبيبتي..
ريم: كيفاش غانكون.. وانا حياتي تقلبات رأسا على عقب.. كيفاش بغيتيني نكون.. وانا غادية برجلي للموت.. كيستناوني نصفى.. باش يعطيوني لايوب.. باش يستفرد بيا.. وينتقم مني..
ندى: الى كان العكس.. هو كيبغيك.. عقلتي كيفاش كان كيتعامل معاك..
ريم: هه.. يبغيني.. بقا شي حب؟ كاين شي حب؟؟
ندى: علاش لا… شوفي اكيد غاتتعدبي فالاول.. ولكن من بعد غاترتاحي.. سايسيهم..حتى يولي يرجعليك من جديد.. عمتك راكي عارفاها كيدايرا.. غا صبي فالاول.. حتى تتنسى القضية شوية وداك الساعة شكي لجدي..
ريم: انا خايفة بزاف…
بقات نسيم فرحانة بالسلسلة وكل مرة تشوف فالمرايا..
فاطمة: عجباتك!
نسيم: اه بزااف..
فاطمة: قوليلي الصراحة.. ياكما كيطلبليك شي حاجة ماهياش؟؟
نسيم: لا عمرو طلب..
فاطمة: نسيم.. منوصيكش.. نتي صغيرة وانا عاطياك حرية.. ولكن اي حاجة عاوديهالي.. باش الغلط نوعيك فيه.. راكي شايفة ريم فين وصلات..
نسيم: واخا اماما..
بالليل قادات ريم راسها مزيان.. وخرجات من بيتها.. مشات للعتبة فين جالس اسامة.. وجالسات معاه..
اسامة(ابتسم): كنت كنستناك..
ندى: وهانا جيت..
اسامة: اجي جلسي حدايا…
جلسو بقاو كيهضرو فمواضيع مختلفة.. وكيضحكو.. حتى صونا التلفون لاسامة ولقاها ناريمان..شافتو ندى..
ندى: يمكن بغيتي تهضر معاها.. غانخليك.،
اسامة: لا.. بغيتك تبقاي.. انا مغانجاوبش..
ندى: كتبغيها..
اسامة: معرفتش.. احيانا كنحس راسي كنبغيها.. واحيانا.. كنتعصب من علاقتي بيها.. كنحس بيها بحال الى علاقة مصلاحة.. وبحال الى هي عندها حرب وخاص تربح فيها..هاد العائلة فشكل… شي كيحارب شي.. شي معقد من شي..
ندى: وانا! كتحس اني داخلة معاك فحرب..
اسامة: مكنتش غانجلس معاك هنا.. من صغري وانا كنحشم منك.. نتي كنتي كتلعبي مع هادي.. وانا كنت كنحس انه مخاصش نقرب منك ولا نهضر معاك.. كنت خايف لا توقع شي حاجة لا هضرنا ههه ..
ندى: ودابا.. باش كتحس مللي كتهضر معايا..
اسامة: (شاف فعينيها وطول الشوفة) حتى دابا قلبي كيضرب..
قرب من شفايفها ببطئ حتى تلامسو.. وحتى ندى انسجمات معاه.. ومحاولاتش تتوقف ابدا.. بقاو مدة.. حتى شاف فيها..
اسامة: ندى.. واش كنتجاوز حدودي معاك..
ندى:(حركات راسها بالنفي) لا..
رجعات تبوسو من جديد وبشغف اكثر..
من بعيد خرج هادي يكمي حتى بانوليه بجوج… بدا يحقق فيهم.. حتى عرف انه هادا خوه اسامة وهادي ندى.. عض على قنانفو وبقا يشوف فيهم.. لاح الكارو ورجع دخل..
الجزء 88
صبح الصبح.. وندى ناشطة بزاف.. خرجات كتشقى كالعادة وكتضحك.. ولات كتهتم براسها..
جوهرة: اديك اللفعة.. جمعي الدار وسكتي.. صدعتينا..
ندى: خليني نغني.. انا راشقة ليا..
هادي: خليها تغني اخالتي خليها..
شافو بجوج فهادي.. وتفاجأو وهو شاف فيها.. قربات منو ندى.. وهو تحنى بشوية..
هادي: شفت كلشي البارح..
ندى(تصدمات بدات تسد فمو): اششش .. متفضحناش..
هادي: مع خووويا.. نقول لجدي يفسخ العقد للي بيني وبينك.. باش متسمايش خاينة..
ندى: فين عمري قربت ليك.. متفضحناش..
هادي: (بدا يضحك) وااااخا.. ولكن حضي تا نتي منو.. اللي يحسابليك موسى غايصدق فرعون..
ندى: متخافش عليا..
هادي: ولكن عرفتي.. نتي بعدا حسن من داك عود الند ديال ناريمان.. ناري شحال فيها دالفهامااات..
ندى: بالصح.. يعني فرحان لينا..
عطاها خمسة بيديه..
هادي: اكيد طبعا..
فرحات ندى مللي هادي تفهم علاقتها بخوه وهو بدورو مشا لعند جدو وهو حاني الراس.. باس راسو وجلس حداه..
الطاهر: ايوا شنو نويتي.. واش غادي تخدم مع باك ولا ..
هادي: اه جدي طبعا.. احم.. كنت باغي نهضر معاك فواحد الموضوع..
الطاهر: شنو كاين..
هادي: جدي انا درت عقلي واللي قلتوها هي هاديك.. وانا حاولت مع ندى.. بانلي من الاول مباغانيش.. وطلبات مني نقولك نحل الميثاق اللي درتي ليا انا وياها.. انا حاولت معاها ولكن بانلي انه معندهاش ميل ليا.. ونتا عارف اجدي ان الراجل صعيب يتزوج وحدة ماباغاهش..
الطاهر: وشنو غاتبقا باير.. ولا..
هادي ابتسم حيت تفكر انه هادي هضرة نسيم..
هادي: احم.. انا مغانخرجش من العائلة.. مكرهتش تربطني بنسيم.. بنت عمتي فاطمة،. وغانديرها فعينيا ..
الطاهر: (ابتسم باستهزاء) ماموافقش..
هادي خرجو عينيه من ثقة جدو..
هادي: جدي انا عارفك غضبان مني.. ولكن..انا كنواعدك كنواعدك غانتهلا فيها والله..
الطاهر: قولتلك لا.. سير تخدم خدمتك.. وزايدون البنت باقاا صغيرة ماشي ديال الزواج..
هادي: نستناها تا تكبر.. المهم دير داك اللعيبة اللي درتيلنا حنا.. باش ميديها حد..
الطاهر: لا.. مغاندير والو.. وخصاصا ليك نتا.. برهوش فعققلك واخا نتا الكبير فحفادي.. وكتحشم بيا..
هادي: (بانفعال)والله منعاود نحشم بيك.. والله .. والله..
الطاهر: ندى غاتتزوج.. وحتى نسيم عريسها كيستناها تكبر.. نتا بقا باير.. قلة عقلك غاتخليك باير..
هادي: واااجدي.. والليهديك اجدي.. نبوس يديك اجدي.. نبوس يدك..
الطاهر:سير سير بعد مني..
هادي بقا تابع جدو وهر منخلو حتى ملقا فيه امل.. وخاف لا جدو يشد معاه العكس بالمعقول حيت عصا امرو من الاول..
فاق اسامة ونزل يفطر شاف فندى وابتسم وحتى هي ابتسمات وهي حشمانة..
ندى: تفطر..
اسامة: الى بغيتي..
ندى: غانحطلك دابا..
بدات تحط ليه.. اللي تشهى..
ندى: بغيتي شي حاجة اخرى.. مشهي شي حاجة اخرى..
اسامة: باراكة عليا هه منقدرش ناكل هادشي كله..
ندى: بصحتك..
يامنة: حاطة ليه فطور عائلة..
جات نسيم وجرات كرسي وجلسات تفطر تا هي..
اسامة: صباح الخير نسيم.. لاباس عليك.،
نسيم: شوية.،
اسامة: مالك..
نسيم: والو.. غا عيانة شوية…
شافها هادي.. وجا قرب منها.. بدا يلعب فظفيرتها..
هادي: (بهدوء)مالك..
نسيم: والو..
دوز صبعو تحت عينيها..بشوية..
هادي: تحت عينيك كحل.. مريضة!!
اسامة: احم..
عاق براسو وشاف باللي جداتو كاينة ودايرة راسها مكتشوفوش.. وجر الكرسي وجلس..
ندى: تفطر السي هادي.. ولا نتا ديجا فاطر..
هادي: نعاود نفطر.. تفتحاتلي الشهية..
شافت ندى فاسامة وغمزاتليه بمعنى شوف خوك.. وهو فهم وضحك.. وبدا يفطر.. بدات نسيم تاكل غا بشوية..وحاسة راسها عيانة.. قرب من ودنها وهضر..
هادي: مالك اليوما.. واش نديك للطبيب؟؟
نسيم: لا .. بلاش.. انا مزيانة.،
هادي: فين الضحكة.. توحشتها..
نسيم: معنديش الخاطر لشي حاجة.، انا غانمشي ننعس..
هادي(شدها من يدها) : تنعسي دابا؟؟
نسيم: اه.. وشنو فيها.، بعد مني..
نترات يدو ومشات للبيت.. معجبوش الحال.. وبدا يتفكر هضرة جدو.. باللي نسيم كاين اللي كيستناها تكبر ويتزوج بيها.. ياك ما كاين شي معطى جديد فحياتها.. وجدي عارف بهادشي.. هو مكيعرف لا ولاد عمامها ولا ولاد عماتها.. عندك يكون شي واحد منهم.. ناض ومشا لبيتها وبدا يدق..
فاطمة: هادي ولدي ياك لاباس..
هادي: بغيت نهضر مع نسيم..
فاطمة: نسيم اولدي مريضة ليوما..
هادي: مالها.. قولها تجي تهشر معايا واش انا عصبتها بشي حاجة؟؟
فاطمة: لا معصبتيهاش.. ولكن البنات مللي كيكونو هكاك مكيحملوش راسهم فما بالك بواحد اخور..
هادي: كيفاش مللي كيكونو هكاك..
فاطمة: ههه.. سير عند موك تشرحليك..
سدات الباب وخلاتو.. بقا مهول.. كيفاش هكاك.. مفهم والو.. تلفت ولقا موراه اسامة وندى واقفين وكيضحكو..
هادي(تغوبش) : مالكم..
ندى: اجي اجي نشرحليك ههه عارفاك راسك ضرك..
هادي: اه شرحيلي..
ندى: دابا نسيم.. اممم.. راك عارف البنات كل شهر..
هادي(ضحك) : ااااااه.. بالي مشا بعيييد.. هي قولي غا داكشي.. صافي فهمت..احح اجدي ومدرتي فيا ليوما..
ندى: مال جدي..
هادي: جدي حالف يعاقبني حيت متزوجتش بيك.،
ندى: شنو المعمول..(شافت فأسامة) مصيبة..
اسامة: المصيبة حاجة اخرى.. ماشي داكشي اللي كتفكري نتي.. انا غانخرج .. تهلاو..
ندى: شنو كيقصد هادا.. شنو اللي مصيبة..
هادي: (طلع حجبانو)ضرتك.. هي اللي مصيبة..
ندى: اوووف هاديك بوحدها..
الجزء 89
بقا هادي غادي جاي ومهازاه ارض.. توحش نسيم والتشيطين ديالها.. ومقدرش يدوز النهار بلا بيها.. حاس براسو ناقصاه شي حاجة.. شاف قدامو عماد وسارة تابعاه.. كان مغوبش.. ماداهاش فيه تفكيرو كله فنسيم.. علاش ولى كيفكر فنسيم بزاف.. واش صافي طاح فالبرهوشة ودغيا نساتو فسحر.. المشكل فنسيم انه فيها الحياة.. عيونها ينسيوك همومك.. ويخليوك ضاحك بزز..
اسامة مشا لدار عمتو.. ودق.. فتحاتليك عمتو..
سعاد: جيتي..
اسامة: عمتي لاباس؟؟ جيت نشوف ناريمان.. كنت واعدتها نخرجو ليوما..
سعاد: بعد داكشي اللي دارت ختك.. نخاف على بنتي دير ليها كتر..
اسامة: انا ماشي ذنبي اعمتي لاش كتحمليني غلط ..
سعاد: دخل اولد خويا..
اسامة محملش داك المعاملة.. وجلس كيستنى ناريمان.. وباها تاهو كيضرب فالمعاني،. حتى قرب يتقاضى صبرو… جات ناريمان..
ناريمان: انا واجدة.. خلينا نمشيو..
اسامة(تنفس): واخا..
خرجو وهو بقا ساكت هي شدات فدراعو وغادة وكتقرقب فالطالون وكتهضر..
ناريمان: ماالك..
اسامة: من هنا الفوق.. الى جيت عندك نلقاك واجدة ونخرجو.. ماشي نجي باش والديك يصبنو فيا..
ناريمان: اش دارولك..
اسامة: من قبيلة وهما كيسبو فعائلتي وفيا.. وفختي تا هي
ناريمان: ختك دارت علاياش.. وخانت خويا.. وهما خايفين عليا..
اسامة: متدويش على ختي اناريمان.. ختي اشرف من اي واحد يهضر فيها..
ناريمان: مسكييين.. ختك شريفة.. مسكينة..، عليها نعسات مع راجل وهزات منو فالحرام..
اسامة: ناريمان..
ناريمان: شنووو.، شنو خاصك.. اه ختك عاهرة ونقولها بالجهد.. وخانت خويا وهو يكتر خيرو حيت غادي يسترها..
اسامة(سيطر على اعصابو): سيري رجعي للدار..
ناريمان: كيفاش رجعي للدار.. ياك غانخرجو.،
حيد يدها من دراعو وهو مغوبش..
اسامة: مكاين خروج.. ورجعي لداركم.. ولا عرفتي.. سيري خرجي بوحدك..
ناريمان: اسامة اجيي..
خلاها ومشا وهي بقات مفقوصة..
ناريمان: اوساااااامة..
رجعات للدار.. ودخلات..
المعطي: افينو عريسك..
ناريمان: تهنيتو… اهو بقا فيه الحال.. علاش درتولو هكاك علاش..
سعاد: درتليك قيمة الحمارة.. باش يعرف باللي عندك عائلة تخاف عليك..
ناريمان: اهو غضب.. كنت ناوية يشريلي شحال من حاجة..
رجع اسامة للدار ودخل وهو مغوبش.. لقا ندى جالسة..
ندى: مالك..
اسامة: والو غا كيضرني راسي شوية..
ندى: نعطيك شي كينة دالراس..
اسامة: لا بلاش..
ندى: عاودلي..
اسامة: نتي الللي عاوديلي.. نتي معاشرك مزيان مع ريم ختي..
ندى: صاحبتي الانتيم..
اسامة: شنو وقع.. حتى دارت هكاك..
ندى: هاداك ولد الحرام.. قرب ليها بالعاني.. ولعب بعقلها.. ودار داكشي.. هي ندمات.. وتعلمات من الخطأ..
اسامة: انا خايف عليها بزاف من عمتي وعائلتها.. محلفين فيها.. كيفاش غانرتاح وهي غاتعيش وسطهم.. ربع ساعة مقدرت نتحملهم.. كيفاش غادير هي.. تعيش بيناتهم.. انا خايف انه شي نهار يتقادا ليها الصبر.. ودير شي حاجة فراسها.. هادوك ميقدر يتحملهم تا واحد.. مكرهتش يوقف جدي هاد الزواج ديالها من ايوب.. ولا على الاقل.. يجي يسكن هو هنا .. ماشي العكس..
ندى: تانا خايفة عليها.. معرفتش الصراحة كيغادير مع عمتي.. فشكل.. مكاين اللي يتحملها..
اسامة: قلبي ضرني عليها بزااف..
صوناليه التلفون جبدو لقاها ناريمان.. قطع عليها وحطو..
ندى: باينة عصباتك..
اسامة: ممم..
قاطعاتهم جوهرة.. اللي وقفات عند الراس لبنتها..
جوهرة:اديك الكرطيطة.. واش فينما دزت نلقاك مجمعة مع العزارة..
ندى: معندناش من غير العزارة فالدار اماما..
اسامة: ههههههه
الجزء 90
احمد كان جالس مع باه كيقولو اخبار الشركة والخدمة..
الطاهر: مزيان.. وخوك.. شنو اخبارو..
احمد: اش غانقولك الواليد.. عندو نقص بزاف فالميزانية.. مؤخرا خدا مبلغ كبير من الشركة معرفتش شنو دار بيه.. حتى ولى عندو عجز.، والخسارة كتزاد..
الطاهر: مالو لاش خدا داك المبلغ كله.. اش دار بيه ..
احمد: الجواب غاتلقاه عندو..ماشي عندي..يالله انا نخليك..
الطاهر بدا يتعصب.. وعيط لعند الله باش يجي عندو.. وفعلا متعطلش عليه..
عبد الله: نعام الواليد..
الطاهر: فين كتحط فلوسك.. فين حطيتيهم..
عبد الله: اناا..
الطاهر: نتا شنو..ياكما كتلعب القمار..
عبد الله: لا لا لا.. والله مبقيت دزت لداك الطريق..
الطاهر: وشنو.. شنوو.. فين مشاو الفلوس..
عبد الله: دخلت فواحد الصفقة.. وخسرت.. ولكن غانعوض.. كنواعدك.. غانعوض..
تدخل عماد اللي كان كيسمع كلشي..
عماد: جدي.. كنواعدك.. ان الشركة غاتضاعف ارباحها بسبب الاسهم ديالنا.. كنواعدك..
الطاهر: عندك شهر.. الى مبانليش الفرق وزيادة ديك الساعة غانسحب منك الاسهم.. انا مغاديش نستنى تقتل وليداتك بالجوع..
عماد: كنواعدك اجدي..
جر باه بعيد وبدا يهضر معاه..
عبد الله: شكون وصليه الخبار شكون..
عماد: خوك.. مكاينش من غيرو..
عبد الله:(تعصب) احمد!!!! واش حتى لهاد الدرجة..واخا.. دقتي غاتكون قصح.. غا بلاتي..
عماد: خاص نعوضو ابابا.. انا غانبدا معاك من غدا..
عبد الله: واخا اولدي..
فتيحة كانت فالدار تا حا عندها خوها..
عادل: توحشتك اختي..
فتيحة: لا باينة.. غبرتي.. ما بنتي..
عادل: كنت كنفوج شوية.. شنو اخبار عائلة راجلك..
فتيحة: الى قلتلك غايضرك خاطرك..
عادل: غا دوي..
فتيحة: ولدك قتلوك.. وغايزوجوها بولد عمتها.. فضلو يعطيوه هو كلشي على انه يزوجوها ليك.. دايما عندهم كبش فداء.. حسبتيها غالطة اخويا..
عادل(بصدمة): بهاد البساطة؟؟؟ غانمشي نحيح عليهم وندعيهم
فتيحة: غاتدعيهم.. تقول انا تعدبت على بنتهم وحملتها ومبغيتش نتزوجها وهما طيحوه.. وزايدون فين الدليل انه هي ديجا كانن حاملة.. صافي كلشي باح.. مشا..
عادل: ولاد الحرام..
فتيحة: تفرج لختك.. انا اللي غانجيب الربحة انا..
بالليل خرجات نسيم تفوج شوية وتشم الهوا.. حتى لقاتو موراها..
هادي: واش هاكا تخليني موراك النهار كامل بحال الهبيل..
نسيم(ابتسمات) : شنو خاصك..
هادي: خاصني نتي.. ياك قلتي انا هو حب قلبك.. مشفت والو..
نسيم: ياك قلتي انا غا برهوشة..
هادي: برهوشة اه.. ها التبرهيش بدا يبان.،
نسيم: ومالي منمرضش..
هادي: قوليهالي.. وانا غانفهم..
نسيم: دابا لاش كتسول فيا..
هادي: اش هاد السؤال الميتافيزيقي.. توحشتك طبعا..
نسيم: كتكدب..
هادي: انا خطبتك الصباح من جدي..
نسيم(ضحكات): بالصح!؟!
هادي: ورفض..
نسيم: وعلاااش..
هادي: قالي نسيم راه عندها عريسها كيتسناها تكبر.. واش كاين شي حد كيتسناك تكبري..
نسيم: الصراحة كاين..
لوى شعرها على يديه وجبدها..
هادي: شكووون…
نسيم: اي اي واش نسيتي اني مريضة..
هادي: اااا.. سمحيلي احبيبتي..
نسيم: اااح.. كرشي كتحرق..
هادي: فيين.. هنا.. نحطليك شي حاجة سخونة تما يمشيليك الحريق.. نصاوبليك شي عصير؟؟
نسيم: عصير؟؟
هادي: بكاااع داك الليمون اللي تما واللي نتي ملقيتي تعصري غا قلبي ..
نسيم:لاااا فين سمعتيها..
هادي: ماشي سوقك..
نسيم: قولي.. هادي..
هادي: هههه اجي قوليلي.. شكون هادا اللي كيستناك..
نسيم: قالي عليه جدي.. وانا مكنعرفوش..
هادي: وعلاش مرفضتيش..
نسيم: كلام جدي هو الكبير..
هادي: نسييييم..
نسيم: هههههه نتا غاتبقا بايرالجزء 91
نسيم: دابا جيني من الاخر.. واش كتبغيني؟؟؟؟
هادي: مكنحمل فيك الشعرة..
نسيم: ياااااك.. واخا.. بعد مني..
هادي: هاداك اللي كيستناك كيداير.. واش تا هو زوين بحالي!؟
نسيم: علاه شكون اللي قالك نتا زوين.. شكون هادي اللي تفلات عليك..
هادي:(تقمع) ياااااك البعلوكة.. كتعرفي تقمعي..
نسيم: هههه سير خليني عليك.. اه.. هو واش زوين!! زويييين.. وزين بزااف.. وطويييل.. وعصبي ولكن قلبو رهييف وحنين…
هادي: كتشكريه قدامي.. محشمتيش..
نسيم: وعلاش لا.. مالك نتا علاش منشكروش قدامك..
هادي(تعصب):سيري فحالك.. سيري ياك مريضة..
نسيم: اه مريضة بزاااف..
هادي: سرك.. سيري سيري..
نسيم: هانا مشيت..
مشات وهي كتفكر.. مللي مشات كالعادة كتفشش على جدها..
الطاهر: جلسي العزيزة جلسي..
نسيم: جدي بغيت نسولك..
الطاهر: ايه سولي..
نسيم: كيفاش تزوجتو نتا وجدة..
الطاهر: ايييه.. هههه .. انا ويامنة … ههه.. هي بنت عمتي.. من صغرنا وانا حاط عليها العين.. حتى كبرنا .. كانت غاتتزوج واحد اخور.. كنت غانحماق.. متهنيت حتى تزوجت بيها ههه
نسيم: وااااو ههه قصة حبكم زوينة..بحالي انا وهادي..
الطاهر: هاادي..، !!
نسيم: اه.. هادي.. الى متزوجتوش انا غادي يبقا باير.. قررت نحن فيه باش نقذو من العنوسة..
الطاهر ضحك حتى كان غايتقطع فيه النفس..
الطاهر: الله يا بنتي.. الله يجازيك على هاد الضحك اللي ضحكتيني.. قوليلي.، نتي باغية تتزوجي بيه!
نسيم: اه.. ولكن بابا قالي تا تكبري وتكملي قرايتك..
الطاهر: وهو!! واش باغي..؟
نسيم: علاه يقدر يقول لا.. الباير لاخور.. بقا شايط فالعائلة ملقا شكون يجمعو..
الطاهر: هههههههه ولايني نتي شويطينة.. واخا ابنتي.. حتى تكبري. وتكملي قرايتك.. ديك الساعة نزوج هادي الباير..
نسيم: لهلا يخطيك عليا اجدي.. يا احلى جد فالعالم،،
رجعات بيها الذاكرة وهي تدخل لبيتها.. شاف فيه لقاتو متبعها بعينو ومبتسم.. وحتى هي ضحكات.. حسات بقلبها كيضرب بالجهد.. هي النهار الاول بداتها غا عناد.. غا حيت قمعها.. وتحول الامر لاعجاب.. ودابا كتحس انها مقادراش تبقا بلا بيه.. حاسة انها كتبغيه بزااف.. اما هو دخل يديه فجيابو وبدا يحس بالبرد وهو مبتاسم..
هادي: اهيا البرهوشة.. شكون كان يقول انه نطيح فبرهوشة.. ههه ..
فالفيلا ديال فتيحة.. جا عبد الله وهو مغوبش ومكيهضرش.. دخلها الشك.. وبدات تفكر.. مالو ياكما تقلب عليها.. حاولات تبرد عليه عارفاه عزيز عليه الشراب.. حطاتو ليه..!! وبدا يشرب…
فتيحة: مال حياتي.. مالو..
عبد الله:خويا احمد كيدق عليا.. معارفش باللي انا الى دقيت عليه غادي نخرب ليه دارو وعشتو..
فتيحة: اش دار ليك..
عبد الله: وشى بيا للواليد.. باللي خديت الفلوس من الشركة.. انا شاري بيهم هاد الفيلا.. وكلقيت منقول للواليد..
فتيحة: ايوا يستاهل تدق عليه حتى نتا.، مالو هو معندو اغلاط؟؟؟
عبدالله(كيشرب): عندو.. وبزااف.. اولها انه كيمثل على مرتو الحب.. والوفاء.. وهو مزوج فالسر بالسكرتيرة ديالو.. حافظة اسرارو..
فتيحة تصدمات.. وفنفس الوقت نزلات على راسها فكرة جهنمية..
فتيحة: هي قولها.. وعلاش مفضحتيهش؟؟
عبد الله: حيت مبغيتوش يجبدني.. ويفضحني فالدار بللي انا مزوج على مرتي..
فتيحة: ها نتا قلتيها.. مزوج.. ماشي غادي فالحرام.. والشرع عطا ربعة..
عبد الله: انا خايف من ولادي.. ماشي من شي حد اخور.. خايف عليهم..
فتيحة: نتا داير الحلال.. ومعندك مناش تخاف.. وزايدون.. انا غادي نتكلف بأحمد.. نتا متخاف من تا حاجة..
الجزء 92
صبح الصباح.. واسامة فاق من النعاس.. لقا قدامو ناريمان كتشوف فيه.. تفزع..
اسامة: كيفاش دخلتي هنا.. واش مخايفاش يشوفك شي حد.. وينويو غلط..
ناريمان: توحشتك.. وجيت نعتذر منك..
اسامة: داكشي اللي قلتي مخاصوش يتقال..
ناريمان: عارفة.. عليها جيت نعتذر منك.. وبغيت تنوض معايا.. باش نعرف انك سامحتيني..
اسامة: واخا.. متعاوديش تجبدي ختي بالعيب.. الى بغيتيني تانا نتهلا فيك.. تهلاو فختي.. وقولي لخوك يتهلا فيها..
ناريمان: واخا احياتي.. غانتهلا فيها.. نوض..
اسامة: غانوض نغسل وجهي وهانا معاك..
ناريمان: كنستناك..
دخل للحمام.. وهي بقات كتقادلو الناموسية وترتب.. حتى سمعات الدقان فالباب.. ناضت حلات ولقات ندى.. بجوجهم تفاجأو.. ندى مكانتش كتتوقع انها تلقى ناريمان..
ناريمان: ندى!! لاش كتدقي على اسامة.. شنو باغية؟؟
ندى: احم.. قالي هادي غايجي يفيقو.. وتعطل.. مكاينش هادي!!!
ناريمان: لا.. مكاينش.. كاين غير انا وحبي..
داز هادي وسمع وعرف البومبة غاتفركع.. هادي: دندوون.. هاني هاني..
ندى: راك هنا وانا كنقلب عليك..
ناريمان: واش رجعتو لبعضياتكم؟؟ هي شي عراسية قريبة..
هادي: احم.. ماشي سوقك.. ديها غا فالعراسية ديالك.. فينو اسامة..
خرج اسامة وهو كيمسح وجهو بالفوطة.. تصدم مللي شاف ناريمان معوجة وقفتها وقدامها ندى.. شافها وبان فوجهها انه معجبهاش الحال..
هادي: اسي اسامة.. راه كنستناوك الفطور..
اسامة: واخا .. غانلحقو عليكم..
هادي: يالله الزين يالله.. هادا باين مشغول..
اسامة: غانلحق عليكم دااابا..
سد الباب وشاف فناريمان..
اسامة: عجبك الحال… اهما دابا فهمونا غلط.
ناريمان: اش غايفهمو.. راه انا وياك مزوجين وانا من حقي نجي هنا..
اسامة: خلينا نزلو نفطرو..
ناريمان: واجي اش داك الزعامة.. لاش كتدق عليك فبيتك.. تقلب على راجلها فبلاصة اخرى..
اسامة: زيدي زيدي..
ندى وهادي مللي كانو غاديين بدا يهضر..
هادي: المعركة ديالك قوية ابنت عمي..
ندى: ممم..
هادي: ههه كتضحكيني..
ندى:انا اللي فيا الضحك ..
هادي: هههه راه قلتلك معركة..
نزلو ولقاو نسيم كتفطر.. شافت فهادي نازل هو ندى.. وتغوبشات.. شاف فيها وعطاها بوسة هوائية بالخف.. ضحكات لا اراديا.. وجلسو..
حنان: فطرو اوليداتي فطرو.. فين اسامة..
هادي: اسامة مشغول.. (شاف فندى وضحك)
نزل اسامة ومعاه ناريمان شادة فيدو.. ندى ديك الساعة محملاتش راسها.. حنات الراس ومشافتش فيهم..
حنان: ناريمان.. لاباس ابنتي.. كيدايرا ماماك..
ناريمان: مزيانين اخالتي.. ربي يخليك.،
جات نسيم تهز الفرماج حيت كان بعيد عليها سبقها هادي وهزو وعطاه ليها..
نسيم: شكرا..
جات عينين عماد على الجيست وتغوبش بدورو(تريكة هادا يغير من هادا) جلسو هو وسارة للي سلمات على ختها وعنقاتها.. وبدات تسولها على العائلة.. وعماد جلس مغوبش..
هادي بدا يضحك مع هادا وهادا.. وتحنى لعند نسيم..
هادي: شنو اخبار هاداك اللي كيستناك..
نسيم: متسولش بزاف راه كنحن..
هادي: يعطيك غمة.. اكوفريطة ديال درهم..
نسيم: وعااجبني راسي..
جات تاخد معيلقة حيدهالها وهزها هو .. وخنزر فيها..
اسامة بقا كيسرق نظرات لندى.، وهي طول المدة حادرة عينيها ومحاملاش تهضر.،
ناريمان: ندى وهادي رجعتو.. مبروك عليكم.، فوقاش العرس..
كلشي تفاجأ من هضرتها.. ومفهم والو.،
ناريمان: مالكم.. راه هما اللي قالولي باللي رجعو وتصالحو وغايتزوجو..
نسيم شافت فهادي مصدومة.. وعماد شاف فندى مصدوم..
عماد: ندى!!! خاص نهضرو…
ناض وناضت موراه ندى تابعاه.. شوية ناضت نسيم.. وناض هادي موراها..
حنان: واش بالصح تصالحو؟
ناريمان: اه اخالتي شفتهم الصبح مع بعضياتهم.،
اسامة(تعصب): صافي سكتي.. باركة،،
ناض تا هو سمح فالفطور..
نسيم مشات تدخل لبيتها حتى شدها هادي وحبسها مع الحيط..
نسيم: بعد مني..
هادي:غا سمعيني عفاك.. والله مرجعنا.. انا وياها خوت.. صافي..
الجزء 93
نسيم: عطيني طريقي.. باينة.. واش كنبانليك برهوشة تضحك عليا بجوج كلمات..
هادي: والله مكنكدب عليك.. وهانتي سوليها وهي تقوليك.. انا وياها تافقنا نكونو خوت وداكشي اللي كان.. ناريمان غا كتدوي خاوي..
نسيم: دابا مناويش تعطيني الطريق..
جات تبعدو وهو يزيرها عندو وبدا يبوسها.. داك الساعة نسيم ترخات ومقداتش تزير راسها.. حيت جاتها السخفة.، اول مرة شي حد يبوسها… تجاوبات معاه واخا مكتعرفش تبوس،.. شوية وهما يسمعو صوت شي حد جاي.. دفعاتو..
نسيم: غانتفضحو.،
حل الباب دالبيت دخلها ودخل معاها وسدو..
هادي: غانكمل هي غانكمل..
نسيم: واش تسطيتي.. غايحصلونا..
هادي شد وجهها تاني وبدا يبوس فيها بحال شي واحد اللي اول مرة يشوف بنت قدامو.. يبوس ويعصر شنايفها حتى لقاها كتبكي.. ورد بالو..
هادي: مالك.، مالك،، اش واقع..
نسيم: بغيتي تغتصبني.. ااااااااااا..
هاديي اشششش.. والله مبغيت نديرليك شي حاجة.. ناري ليوما تفضحيني.. نسيم شوفي فيا.. (كتزيد فيه) نسيم راه غا بوسة مفيها والو.. نسييم.،، غاتسمعك ماماك.. ولا جدي.. اناري.. ياك قلتيلي كتعرفي اش كيديرو اللي مزوجين،،
نسيم: ايوا انا وياك مامزوجينش.. اش بغيتي تدير..
هادي:نسيم والله مندير شي حاجة.. والله.. واش مكتشوفيش الرومانسية فالافلام؟؟ ها الرومانسية..
نسيم: لااا ماشي هكا.. نتا كنتي.. ااااهاااهاا.. مااماااا..
سد فمها وبدا يحاول يهدنها..
هادي: اويييلي غا بوسة درتيلنا عليها فضيحة..
نسيم: خرج وسير فحالك..
هادي: مغاتقوليها لتا واحد..
نسيم: لااء سييير..
هادي: هانا غادي.. متقوليهاش..
خرج وهي تسد الباب.. وبدات تضحك بمكر.. دارت السبة باش تحبسو ومتخليهش يضسر عليها،، ويزعم..
هادي بقا غادي.. وكيهضر فخاطرو..
هادي: اش داني.. كنت غانتسمى ليوما بيدوفيل.. اش غاندير راها زوينة.. عمري نعاود..
عماد بدا يهضر مع ندى ومقصح.،
عماد: بالصح داكشي اللي قالت..
ندى: لاا.. انا ولا هادي قلنا ليها شي خاجة.،، مكاين والو..
عماد: متأكدة؟؟؟
ندى: طبعا..
عماد: داك التريكة بعديلهم.. هما نقصو من قيمتنا مكاين لاش نزيدولهم فيها..
ندى: واخا..
خلاها ورجع للطابلة وهي مشات لبيتها.. اصلا محاملاش راسها.. بداو دموعها يهبطو وهي كتجري لبيتها.. دخلات وسدات الباب.. وهي تشهق حتى تسدات فمها بيد.. كان اسامة قدامها..
اسامة: شووووت.. متخافيش..
حيد يدو على فمها وبدا يمسح خدها من الدموع بصبيعاتو.. وهي حالة فيه عينيها.. شد راسها بلطف وعنقها حط راسها على صدرو وزير عليها.. هي لوات يديها على ظهرو وزايرات عليه.. بحال الى كانت محتاجة هاد الحضن..بداو دموعها كينزلو بالجهد.. حسات انه الراجل اللي بغات فحياتها ماشي ملك ليها.. حتى نطقاتها.،
ندى:(كتشهق بالدموع) كنبغيك..
اسامة حس قلبو تخترق ديك الساعة مللي سمع كلمة كنبغيك.. طلع راسها وشاف فيها..
ندى: كتبغيها هي ياك.. ماشي مشكل..سير عندها.. وانا غانخبي حبي فقلبي..
جات تبعد منو.. وهو يرجعها عندو.. وغرق فشفاهها.. بوابل من القبل.. كأنه كيروي عطشه من هاد البنت اللي كان كيعتبرها خط احمر وميقدرش يقرب ليها..
اسامة: انا باغي نكسر الحاجز اللي بيناتنا.. واش تقبلي تكوني ديالي.. بوحدي..
ندى: عمري نكون لغيرك..عمري..
هزها وحطها على ناموسيتها.. ورجع سد الباب بالسقطة.. وركبو امواج حرب كتبان هادئة من برا.. وعلى غفلة من الجميع.. عائلتو.. وعائلتها.. وخطيبتوو اللي بقات كتقلب عليه.. ظنا منها انه غضبان.. وكتقلب فكل بلاصة.. واخر مكان تتوقع انه يكون فيه.. هو اللي راه فيه دابا..
الجزء 94
قادات نظاظرها وهي كتشوف قدامها وحدة خارجة من الشركة وغادية تتغدا.. هادي كانت وحدة زوينة مقادة .. باينة فيها دكية ومشيتها بالقانون.. تبعاتها بالطوموبيل .. لقاتها داخلة للريسطورون.. دخلات تا هي..
فتيحة: ممكن نجلس معاك..
حسنا: كتعرفيني؟؟
فتيحة :اه كنعرفك.. ممكن نجلس ونقوليك شكون انا؟؟
حسنا: (بثقة فالنفس) تفضلي
فتيحة: باش منطولش عليك.. انا ونتي نويطات،،
حسنا: نعام!!!
فتيحة: انا مرات عبد الله الزواتي.. وانا عارفة انك مزوجة بالسي احمد.. خوه.،
حسنا سكتات وتوجسات منها..
فتيحة: متخافيش.. مصلاحتنا وحدة انا وياك.. نتي بحالي.. حتى انا مزوج بيها عبد الله غا فالسر،، بحالك.، كما احمد معمرو بينك للعلن.. مزوج بيك غا باش يجي عندك الوقت اللي يكون عندو فراغ فيه.. والاساسية هي مرتو ام ولادو.. اللي كيعاملها ملكة..
حسنا: باش عرفتيني مزوجة باحمد..
فتيحة: شفتكم .. وقلت هادي هي الي غاتكون صاحبتي.. باراكة من عيشتنا فالظل..
حسنا: انا كنبغي احمد.. وحتى لو علاقتي بيه فالظل.. على الاقل هو معايا.. ومغاديش يتخلى عليا..
فتيحة: ومنبعد.. ليوم ولا غدا يقوليك سيري فحالك.. مبقيتش باغيك.. منبن تشديه.، شنو غاتربحي.،ختى انه مانعين علينا الولاد..
حسنا: شنو بغيتيني ندير.. معنديش حل.. انا اللي وافقت النهار الاول نتزوج بيه ووافقت على هاد الشروط.. علاش غانبداها دابا..
فتيحة: شنو بانليك فاللي يفرقو على مرتو.. ويخليه يبعد منها.. ويجي حتى لعندك.. يعيش معاك فالضو.. وماشي بعيد يديك للدار الكبيرة.. لدار خالي.. باش تاخدي بلاصة مرتو..
حسنا: كيفاش غانديرولها..
فتيحة: جاتك مستحيلة يااك؟؟؟ مامستحيلة ما والو.. ساهلة.. الحل بسيط.. ديري يدك فيدي.. ومغادي يعرف كاع انه انا وياك على اتصال.. حتى راجلي مغاديش يعرف..، ومغاديش يعيق انه مرتو التانية هي اللي كتحاربو..
حسنا: مغاتغدريش بيا ياك..
فتيحة: حشوما.. راه قلتلك انا وياك فباطو واحد..
حسنا: موافقة..
ناض اسامة من حضن ندى.. وحتى هي ..
اسامة: انا غانسلت..
ندى: واخا.. عندك يشوفك شي واحد.. هاك لبس حوايجك..
لبساتو وباس يدها.. حلات الباب بهدوء وبدات تشوف واش شي حد دايز.. خرج دغيا اسامة مشا لبيتو.. وسد الباب.. دخل ديريكت يدوش.. وبدا يفكر جديا.. كيفاش يقول لجدو يخطبلو ندى ويفسخ ميثاقو مع ناريمان.. ولكن .. ناريمان واش غاتوافق على هادشي… واش غاتسكت.. كمل الدوش.. وخرج كيلبس حوايجو.. حتى سمع الدقان..
اسامة:دخل..
شاف عماد هو اللي فتح الباب.. قلبو ضرب بالجهد: جا فبالو انه شافو مللي خرج من بيت ندى.. وحالتو كانت باينة ديال شي واحد داير علاياش..
اسامة: عمااد؟!!
عماد: الصكع راه خرجو النتائج.،
اسامة: (تنفس) ايوا..
عماد: نتا ميزة حسن جدا.، خوك الملعوق ممتاز..
اسامة(ضحك) : ونتا..
عماد: حتى انا حسن جدا.. مالنا كنلعبو هنا…
اسامة: هادي كان معركها قصاير وديما امتياز باز ليه..
عماد: معرفتو كيكيدير ليها.. المهم .. مبروك.،
اسامة: الله يبارك فيك.، ندى فبيتها كانت متكية وكتشوف فالسقف.، وكتتأمل بهدوء شديد.، مندماناش ابدا.. حيت سلمات روحها لاسامة.. خوفها كله من انه يكون هو مكيبادلهاش الشعور.. ولكن اليوما شافت اختلاف.. وشافت الحقيقة بالفعل..
الجزء 95
نسيم بدات كتنقز فالدار.. وجات عند جدها..
نسيم: جدي جدي جدي..
الطاهر: شنو كاين..
نسيم: نجحت نجحت نجحت..
الطاهر: هههه مبروووك.. مبرووك..
نسيم: جبت نقطة مزيانة بزااف..
يامنة: حتى الدراري نجحو.، تبارك الله عليكم اوليداتي وخلاص..
نسيم: هادي نجح!!
الطاهر: بامتياز..
نسيم: تبارك الله عليه..
الطاهر: دابا شنو ناوية ديري…
نسيم: ندير بحال هادي..
الطاهر: تقراي برا؟؟
يامنة: اويلي ابنتي تمشي تعيشي برا..
نسيم: متخافوش عليا.. غانشرفكم..
الطاهر: وانا موافق.. غانتكلف بمصاريف الدراسة كلها.. ودارك اللي غاتشديها تما..
ناريمان بقات مخنزرة ومحملاتش الوضع..
يامنة: الطاهر.. راها صغيرة.
الطاهر: انا تايق فيها وعارفها ذكية.. وقادة براسها.. واخا صغيرة.،
يامنة: ايوا تشاوري مع باباك وماماك بعدا..ديك الساعة يحن الله..
هادي: علاياش كتتشاورو..
يامنة: نسيم نجحات..
هادي: بالصح.، مبرووك افليفلة..
نسيم: الله يبارك فيك مبروك حتى ليك..
هادي: الله يبارك فيك.، وفين ناوية تسجلي.. كاين واحد ليكول زوينة نسجلك فيها.. عندي فيها معارف.. وغاتبقاي تنافيطي كل نهار للدار.. نوصلك غا انا ههه.،
الطاهر: نسيم غاتقرا برا.. وفنفس الشعبة اللي كنتي داير نتا..
هادي: شننووو.. تصيفطوها بوحدها؟؟
الطاهر: وشنو فيها.. انا غانتكلف ليها بالمصاريف..
هادي: داك الشعبة كاينة حتى هنا مكاين لاش تمشي حتى لندن..
الطاهر:ومالك نتا مدرتيهاش غا هنا.. وكنتي غاتطير باش تمشي لندن.. ومصاريفها كانو مضوبليين.. بحال الى كنت كنخلص لشي حد معاك هاد لمدرسة…
هادي: احم.. انا راجل.. هي بنت وصغيرة.. متقدرش تمشي بوحدها تما..
الطاهر: (عنقها وضحكات) انا تايق فحفيدتي قادرة تحمي راسها وتدافع على راسها…
هادي: من ناحية قادرة تحمي راسها فراها قادرة وزيادة.. احم.. المهم انا ماموافقش..
الطاهر: مللي تكون نتا اللي كتقريها من جيبك ديك الساعة وافق ولا متوافقش.. ومللي تكون تحت وصايتك نتا ديك الساعة قرر اللي بغيتي..
تقمع هادي ديك الساعة.. وبقا مهازاه حالة.. بقا غادي جاي.. حتى تلاقا عماد..
عماد: اهدا مالك.. انا غانقاد الحالة نمشي للشركة .. احم.. اللي نتا باقي معندكش فيها بلاصة هههه
هادي: سير تا نرتاح ونلحق عليك..
عماد: اش كاين..
هادي: نسيم اصاحبي بغا جدي يصيفطها لندن تقرا ادارة الاعمال.. من امتا كيقري البنات..
عماد: وشنو فيها.. غرتي من درية ولا..
هادي: ماشي هكاك.. ولكن انا خايف عليها.. نتا شفتي كيدايرة العيشة تما.. الفساد مشتت..
عماد: هي غاتمشي تقرا ماشي غاتخرج الطريق.. خليه مادام هداه الله يقريها.. نسيم ذكية وغاتقرا مزيان.. وانا مستاعد كل سيمانة نطير عندها ههه باش نطمئن عليها..
داز من حداه ومشا عندها..
عماد: نسيم.. مبروك.. غاتمشي تقراي فلنذن.. غانمشي معاك تما ونكريليك ونطمئن عليك.. ونبقا كل سيمانة نجي نطل عليك.. ههه
الطاهر: مزياان.. فين غادي مأنتك
عماد: للخدمة.. مكاين راحة..
الطاهر: الله يرضي عليك اولدي..
يامنة: الحاج.. جا الوقت ديال العرس.. وثق العقد ديالهم.، ريم صفات.. وولات نقية من النجاسة..
الطاهر: غانعيط للتريتور.. ونتي عرضي الناس غا الاقربون.. ومتعرضيش داك الجهة.. راكي فاهمة.. اه.. وديو البنت شريوليها ما تحتاج.. ديو معاكم حتى سعاد.. خاص كلشي يكون عادي..
يامنة: يكون خير..
دازت نسيم كتنقز حتى تجبدات وتلصقات مع الحيط.. لقات هادي مخنزر..
هادي: نتي مغاتمشي لتا بلاصة فهمتي.. غاتبقاي هنا..
نسيم: غاتضيع ليا مستقبلي اوو.،
هادي: غاتقراي هنا.. قدام عيني.، انا مغايعطينيش خاطري انه نصيفطك وانا نبقا هنا .. تخيل قرب منك شي واحد.. ونتي كيزعمو عليك غا الشمكارة..
نسيم: غرتي الشعيبية غرتي ههه
هادي: نسيم.. عفاك.، انا غبرتي عليا نص نهار كنتي فيه مريضة كنت غانحماق..
نسيم: وعلااش..
هادي: دابا نتي باغا تحمقي ديلمي ياااك..
نسيم: هههه ومبغبتيش تنطق الباير..
هادي: هضرة وحدة اللي كاينة.. ادرهم دالشكلاط.. قراية براا ممنوووع…
نسيم: غانفكر.. انا مستحيل نضيع مستقبلي على قبل واحد مقادر تا يهضر..
هادي: دابا نشوفو..
الجزء 96
ناريمان دخلات عند سارة لبيتها.. لقاتها كتطوي الحوايج ..
سارة: مالك.،
ناريمان: شفتي جدك.. بدا يحن فالبنت.. وشكون فنسيم… شكون هاد نسيم كاع فملك الله.. شكون.. باش يوافق على قرايتها.. علاش حنايا مقريناش.. خرجنا من الاعدادي.. غا حيت مكانوش الفلوس.. هو دابا كيقوليها نصيفطك تقراي برا.. فين كانو كيقراو الدراري.. ساواها معاهم.. علاااش.. باش هي حسن منا باش..
سارة: حتى انا لاحضت هادشي.. هو مفضلها علينا كلنا… يمكن حيت هي البنت الصغيرة..
ناريمان: انا هاد العائلة طلعاتلي فالراس..
سارة: بردي.. هي واخا هكاك ضريفة..
ناريمان: اودي هاديك حرباية.. كتلوا مخلاتش راجل… دابا توقفي على كلامي.. (بدات تعيط بالتلفون)
سارة: لمن كتصوني من قبيلة..
ناريمان: اسامة .. معرفتو فين غبر من الصباح..
سارة: غايكون خرج..
ناريمان: خرج بلا طوموبيل ؟؟ طوموبيلتو راها برا..
سارة: وزيدي قلبي كتر راه الدار كبيرة..
…………
ريم كانت غا حاطة راسها ومكتهضرش.. فهاد العشرين يوم .. حتى دخلات امها..
حنان: نوضي..
ريم: فيين..
حنان: جدك امرنا باش نوجدوك للعرس.. نمشيو نشريوليك شي حاجة ونديرولك فال ديال العروسة..
ريم: مبغيت والو انا..
حنان: ماشي بخاطرك.. بزز منك.. باراكة غا الشفاية اللي شفيتيها دالعديان فيا.. مغانسمحش ليك حياتي كلها.. ومتسنايش مني الخير.. ولا اني ندافع عليك الى شفتهم كيدبحوك قدامي.. حشمتي بينا.. انا وباك وخوتك.. ولاو كيضربو بيك المثل فالشوهة..
ريم ضرها قلبها وهي كتسمع امها كتهضر هكا.. وزادت خافت كتر.. حيت معندهاش معين .. ومغتقدرش تشكي الى مشاو حتى اذاوها.. عرفات راسها غادة لجهنم برجليها..
حنان: جوج دقايق نلقاك واجدة ولابسة..
خرجات حنان وناضت ريم لبسات وهي معندهاش الخاطر.. حاسة انه النفس مقطوع فيها ومعندهاش الجهد.. وقلبها كيضرب.. يمكن حيت نقصات التغذية ديالها..لبسات وخرجات عند امها لقات اسامة دايز.. شافها.. قلبها ضرب مللي شافتو خافت لا يأنبها تا هي على داكشي اللي دارت..
اسامة: واش لاباس؟؟
ريم:(حنات راسها) اه.. لاباس..
اسامة(عنقها): الى حتاجيتي اي حاجة.. قوليهالي.. انا خوك.. متنسايش هادشي..
ريم: (غرغرو عينيها) الله يخليك ليا..
حنان: خلينا نمشيو.. اسامة زيد وصلنا..
اسامة: واخا..
داز معاهم وهي تشوفو ناريمان..
ناريمان: اسااامة.. فينك النهار كله وانا كنقلب عليك.. ريم!! لاباس.. مالك وليتي ضعيييفة هكا..
اسامة: (تعصب)خليونا نمشيو..
ناريمان: ااا تسناوني.. ديوني معاكم..

مشات معاهم وركبات القدام..واسامة غا ساكت.. محتارمتتش عجوزتها اللي بدورها بقات ملاحظة على تصرف العروس المستقبلية لولدها.. وصلهم لشي محلات وهو بقا جالس..وهي تجلس معاه ناريمان..
اسامة: مغاتهبطيش معاهم..
ناريمان: لا.. بغيت نجلس معاك..
هو ديك الساعة محملهاش.. بقا جالس ساكت..
ناريمان: غضبان مني…
اسامة: لا..
ناريمان: هما عايشين حياتهم وانا كتدابز معايا على قبلهم.. علاش تعصبتي الصباح على هادي وناريمان علاش..
اسامة: متدخليش راسك فاللي معندك فيه مصلحة..
ناريمان: واخا صافي سمحلي..
اسامة بقا ساكت..
ناريمان: ايوا صافي طلق ليا التغوبيشة..
اسامة: وريم..
ناريمان: مالها ريم.. مرت خويا وختي اللي مولداتهاش امي.. وخت حوبي وحياتي وراجلي..
اسامة: غاتتهلاي فيها..
ناريمان: طبعا..
اسامة: مبغيتهاش تجي تشكي..
ناريمان: غانحامي عليها..
اسامة: (جبد الفلوس) هاكي سيري معاهم شري شي حاجة لراسك.. تلبسيها فالعرس..
ناريمان(نقزات بالفرحة) : كنبغيك..
الجزء 97
شرات حنان لريم اللبسات الجداد والقفاطن.. والملابس الداخلية والشوميزات دو نوي.. والبرودويات الدهاز ديالها.. ريم غادية مشايفة تا حاجة من داكشي.. غا هازة.. لقاو موراهم ناريمان.. كتعزل وتتخير فالقفاطن.. محملوهاش..
فالطوموبيل كان اسامة جالس.. وكيفكر.. وكيسترجع كل لحظة من لحظاته الحميمية اللي كانت مع ندى.. كيبتسم احيانا.. وكيتأمل احيانا.. وفالتالي تغوبش.. حيت تفكر كيفاش انه تقربه ليها صعيب بزااف.. مقدرش يقاوم انها تكون قريبة ليه ابدا.. مجرد قربها ليه كانت كفيلة بأنها تشعل فيه العوافي.. ندى بنت بيضة ونقية.. وحروفها كحلين وبشرتها نقية.. وفنفس الوقت جسمها بارز بقوامها الرشيق.. ومشدود بالفطرة.. يخلي اي واحد يكون مشدود ليها.. ولكن الاهم لمن كانت مشدودة هي.. خاف لا يتكرر فنفس الوقت السيناريو ديال ريم.. بحيث انها حملات والحمل مكيتخباش.. عض على قنانفو.. ومسح بيديه بجوج على وجههو.. حتى لقاهم رجعو وحطو الحوايج فالكوفر.. وركبو من تاني وركبات ناريمان..
ناريمان:هانا جيت.. غانوريك قفطاني..
اسامة: تالنهار العرس.. ديك الساعة وريهلي…
ناريمان: واخا..
وصلهم للدار.. ورجع وصل ناريمان حيت نفخاتليه راسو.. ورجع تاني للدار..
دخل وبدا يقلب بعينيه عليها.. مبانتش ليه.. ومشا ينعس..
بعد يوماين.. من التوجاد وكلشي كان روتيني.. بدا العرس.. دخلو العروسة للحمام غا ديال الدار وبداو يغنيو ليها ويحمموها وهي كتبكي.. حاسة انهم كيديروليها طقوس الموت.. بداو يحنيو ليها.. ويغنيو..
العرس كان باهت.. معالم الفرحة مكايناش.. كلشي مالين الدار كانو عارفين شنو كاين..لبسو العروسة الكسوة دالعرس.. والعريس لبس لبستو.. بقات حانية الراس ومرعودة.. ومطلعاتش عينيها ابدا..
دخل ايوب مع احمد لبيتو.. اللي جبد ليه شيك..
احمد: هادشي اللي واعدتك بيه.. وهادو الوراق ديال الدار اللي واعدك جدك بيها.. ايوب.. (ضرب على كتفو) صدقتي راجل.. عمري ننساليك هادشي..
ايوب حرك راسو بالايجاب.. مكانش حامل هادشي.. لاول مرة كيحس طعم الفلوس باسل.. ومجاوش كما كان باغيهم وبالطريقة اللي كان باغيهم.. خبع الوراق والشيك.. عطاهم لامه.. وخرج عند عروستو.. باش ياخدها لدارو.. سعاذ بدات تزغرت وزغارتها واصل لراس الدرب.. ايوب عطا دراعو لربم اللي كانت كتتمشى جثة هامدة.. ركبات فطوموبيل..ورفعات عينيها لدارهم.. الدار اللي كبرات فيها.. خرجات منها مذلولة.. دمعة خرجت منها خفة وخافت لا يشوفوها وتصدق مفهومة غلط.. حالتها حساسة بزاف فهاد الوقت.. مشاو للدار.. وطول الطريق ايوب منطقش ببنت شفة.. محركش فمو يهضر اصلا.. وصلو وخرج من الطوموبيل.. ودخل للدار… شافت فيهم داخلين للدار.. وحتى واحد معبرها.. حتى خلعها صوت ..
المعطي: نزلي واش غاتباتي تما ولا.. راه خاص نسد الطوموبيل..
بلعات ريقها ونزلات.. وهي هازة كسوتها ودخلات لدار عمتها اللي كانت كتدخل ليها غا فشوش.. دابا اهي كتدهل ليها مذلولة..
ناريمان: هااا بيتك.. سيري ليه.. امي انا عيانة غاندخل ننعس..
تمشات ريم للبيت .. بان ليها ايوب كيحيد فالكرافاط.. بلعات ريقها مجددا.. بان ليها كيفاش محاملهاش.. واش هادا هو ايوب اللي كان كيضعاف مللي كيشوفها قدامو.. دخلات وهو شافها بجنب العين.. مقداتش تتحرك.. جمعات يديها عندها.. بحال شي وحدة طايحة من السما..
حيد حوايجو.. ودخل للطواليط.. بعدها خرج بدا يفرش لراسو فالناموسية ودخل ينعس.. وهي بحال الى مكايناش فالبيت كاع..
مقداتش تتحرك بقات مدة وهي فداك الحالة.. وكتحاول تتنفس.. حيت حسات مجددا ان النفس فيها مقطوع.. واخيرا استجمعات الطاقة ديالها.. وبدات كتحاول تحيد الكسوة اللي كانت متقلة عليها..حيداتها.. وحلات الفاليز لقات ان ماماها وجدات ليها الفوق لي شوميز دو نوي.. بدات كتختار حتى هزات وحدة ولبساتها..بدات تشوف فالبيت مكاين حتى حاجة ممكن يجلس فيها الواحد.. مشات للناموسية ودخلات فالكاشة،. وحطات يدها تحت خدها .. وحاولات تنعس..
كانت خايفة بل ومرعوبة.. حيت مازال معرفاش الهدوء ديال ايوب اشنو مخبي ليها.. حاولات تغمض عينيها.. وتتهدن.. الا انها مقدراتش.. حتى وصلات انه التعب فقدها توازنها.. وغمضات عينيها بزز.. وغفات..
كانت مرات عديدة فالليلة كتفيق فيهم.. وكتشوف راسها فين.. وكتلقا نفس الهدوء اللي خلات..، تعدبات فأول ليلة فزواجها.. حتى فاقت الصباح على صوت الباب كيتحل بالجهد.. لقات عمتها داخلة تلفتات جهة ايوب ملقاتوش..
سعاد: تبارك الله على العروسة.. مازال الحال غا زيدي نعسي شوية..
ريم ارتبكات.. ومعرفات تا شحال الساعة..
سعاد: نوضي .. نوضي تعاونيني.. راه غا يدي انا بزاف عليا..
ريم: واخا اعمتي..
الجزء 98
ناضت بدلات حوايجها.. وخرجات عندها..
سعاد: ضوري تعجني..
ريم: ولكن..
سعاد: شنوو..
ريم(حنات الراس): انا مكنعرفش نعجن..
سعاد: اهييييييهي على حنان ومامعلمة بنتها حتى العجين.. اويلي انا شوهتك شوهة.. زيدي تعجني باراكة من الفشوش.. تتعلمي هنا فدار عمتك.. وايلا مشيتي ضيعتي الخبز.. راه اليوم غاتباتي بلا ماكلة..
دازت ريم تحاول تعجن وهي مكتعرفش.. حاولات تعجن ويديها مقادينش يجمعو حتى العجينة.. مكانش عندها داك الدراع ديال الشقا.. جات سعاد شافت فيها لقاتها مرونة الحالة..
سعاد: اويلي على حالة.. واش هاذي هي العروسة اللي كيجيبوها الناس..مفهمتش حنا علاش جايبينك… باركة غا الشوهة اللي دايرة.. ودخلنا العار للدار.. نطمع فيك انا تعجنيلي.. (جراتها من حوايجها ودفعاتها) زيدي من قدامي .. سيري تصبني.. مخسرة ليا العجين.. سيري تما.. ها الفراكة.. منلقاش شي خرقة موسخة..
دموعها بداو يطيحو بلا متحس.. حسات بالحكرة.. ندمات بزاف حيت تقتها خلات اللي يسوى وللي ما يسواش يتجرأ عليها.. كانت بنت الهمة والشان.. لو انها تزوجات ايوب بشانها كانت غاتقدر تاشرط كما بغات.. وتستغل حبه ليها.. وحتى والديها كانت غاتقدر تشكيلهم.. دابا متقدرش تهضر.. وامها قالتهالها صريحة.. واخا نشوفهم كيقطعوك طراف قدامي منهضر.. بدات تصبن وهي خايفة من عمتها.. حيت ورات ليها الوجه الخايب ديالها..وراتها قباحتها.. بدات تتصبن وتحاول تفرك واخا حاسة انه داكشي صعيب حيت مولفاتش كديرو ابدا.. الا ان خوفها ومحاولتها انه متسمع حتى حاجة من النكير ديال عمتها خلاها تدير المجهود باش تصبن.. كانو حوايج كتار.. سمعات عمتها كتدوي وكتكمل العجين.. فاقت ناريمان على خاطرها.. بالسيف هي بنتها.. متهز متحط..
سعاد: ساليتي..
ريم:(بخوف) مازال..
سعاد: واش غاتقيلي النهار كله فالتصبين.. عصري دغيا وطلعيهم للسطح..
ريم: واخا..
سعاد: دغياي راه تابعاك الكوزينة والتسياق..
ريم: واخا..
عصراتها وداتهم للنشير.. مرة مرة كينزلو دموعها وكتمسح دغيا..نزلات عندها..
سعاد: غسلي الماعن وطيبي الغدا.. انا غانرتاح شوية.. حيدت عليك العجين.. اخر مرة.. مرة جاية غاتطلسو ليك للراس.. جيتيني بنت خويا.. ومبغيتش نتكرفس عليك..
بقات كتشوف فيها.. اول يوم جات فيه.. مادارت فيها وكتقوليك جيتيني بنت خويا..دخلات الكوزينة وبدات كتحاول تطيب.. معرفات منين تبدا ولا منين توقف.. تلفات بمعنى الكلمة.. حتى سمعات صوت ايوب جا.. توقعات انه حتى هو يجي يضرب ويدير حقو.. خافت وبداو يديها كيرعدو.. ولكن مجاش عندها.. لقات راسها حارقة الغدا.. جات سعاد كملات عليها وصوتها على تاني.. وبوتيرة اكبر.. وريم غا حانية الراس.. مقدراتش انه تدوي.. مدافعش عليها ايوب رغم انه كيسمع امه كتبهدل فيها.. دفااع؟؟ كيفاش يدافع وهي كتسنى يدير حقو حتى هو قريب..
حاولات تجمع الكوزينة وتغسل الماعن.. داك الساعة حسات ان التنفس مقطوع عليها.. وانها مقاداش تزيد.. رجليها طابو بالوقوف من الصباح.. ويديها حرقوها..
ناريمان: ماما.. قالي اسامة راه جدة وخالتي حنان جايين للصبحية يديرو العادات ..
سعاد: شنوووو جايين.. احم.. ريم.. سيري لبسي قفطانك.. غادي نستقبلو امك وجداتك..
ريم لقاتها سبة باش تفلت من عمتها.. دخلات للبيت.. وطاحت على الناموسية.. وطلقات الدموع اللي حسات انهم على سبة.. ومقداتش تحبسهم ولا توقفهم.. بدات تشهق وهي كتبكي.. وكتحط يدها على فمها.. باش ميسمعها حد.. قلبها حرقها بالجهد.. حيت حساب بالحكرة..
الجزء 99
بدات كتبكي.. حتى حسات انه دموعها سالاو والحرقة اللي فالقلب مسالاتش.. ضرها قلبها بالمعقول.. وصلات لاعلى درجات الحزن.. ناضت بدات تمسح دموعها ودخلات تكب عليها الما باش تطفي العافية اللي شاعلة فيها.. كملات وخرجات خاولات تخفي حزنها بالماكياج.. باش متشوفهاش ماماها ولا جداتها.. مرضاتش.. خافت لا يتهناو مللي يشوفو غلطها كتتخلص.. لبسات قفطانها..جلسات تسنى.. سمعاتهم جاو.. وتسنات شوية.. حتى جات عندها ندى.. شافتها كأنها لقات متنفس فالحبس..
ريم: ندى( طلقات الدموع)
بداو كيبكيو بجوج.. وبداو يتعانقو..
ريم: سدي الباب(بدات تهضر بالحس) انا خايفة يسمعوني كنهضر..
ندى: عاوديلي شنو وقع..
ريم: عمتك.. معيشاني فجحيم من اول يوم ليا هنا..
ندى: محناتش فيك..
ريم: ابدا.. انا خايفة نموت منكمل شهر..
ندى: وايوب..
ريم: محاسش اني كاينة كاع.. بحال شي وحدة مكايناش.. انا حاسة راسي مخنوقة هنا.. وغادي نموت ونطرطق..
ندى: صبري.. كلشي غايفوت.. شوفي صبري بما دوزي عام بعدا.. وديك الساعة نهضر مع جدي.. انا نهضر مع جدي ونقولو راكي معدبة.. ويهضر هو مع ايوب تسكنو بوحدكم على الاقل..
ريم: عاام!! شكون غايصبر عاام.. انا حاسة انه مغانقدر نزيد حتى نهار اخور..
ندى: معندناش حل..
ريم: ثقتي هي اللي دارتها.. اشمن حب واشمن زعتر.. اشمن حب فيناهو وباش نفعني.. الوهم عشتو.. فياش كنت كنفكر نهار عطيتو راسي بالرخييص.. معزش عليا راسي ومدرتش قيمة لراسي.. كيفاش بغيتو هو يديرهالي..
ندى بدات تفكر.. فعلاقتها بأسامة.. وباللي حتى هي دارت نفس الشيء واسوء.. بحيث هي عارفاه مربوط بناريمان.. وصعيب باش يفسخ رباطو بها بسهولة.. ومع ذلك فرطات فشرفها معاه باسم الحب..
ندى: معليش.. الحب مصيبة.. كيعمينا مللي كنبغيو.. كنتعماو.. مكنوليو نشوفو والو..
ناريمان دخلات بلا متدق..
ناريمان: العروسة.. راه كيستناو فيك..
ريم: واخا.. انا جاية..
ناضو بالخف.. وخرجو مشات سلمات على جداتها وعلى امها.. معنقاتهمش ومبكاتش قدامهم.. كانت حاسة انها خاص تترمى فحضنهم وتبكي.. وتطلب العفو.. ولكن حسات فنفس الوقت باللي مرضاتش.. كأنها ليها عليهم عتاب.. علاش عطاوها بداك الطريقة.. وعلاش عاقبوها هكاك.. وعلاش قالولها انهم غايفرطو فيها.. جلسات وبدات تسمع عمتها تهضر..
سعاد: ريم راها بنتي اللي مولدتهاش .. مرت ولدي هي بنتي.. غاتكون مرتااااحة فداري .. كما ولفات فدار باها وحسن.. ياااك اريم..
ريم حنات الراس.. خافت يفضحها بكاءها.. بقاو جالسين حتى جاو يمشيو..وسعاد كتبارك وتهضر.. سدات الباب وتلفتات لعند ريم..
سعاد: يالله جمعي الطبلة وغسلي الماعن.. بغيت الكوزينة نقية..
ريم: غانبدل القفطان ونجي..
مشات لبيتها لقات ناريمان كتبقشش ليها فحوايجها.. محملاتش الوضع.. هي عمر ما خلات حد يدخل لبيتها من غير ندى.. فما بالك يقيص حوايجها..
ريم: شنو بغيتي؟؟
ناريمان: ااااف خلعتيني.. كنقلب على شي بلاك للشعر ..
ريم: معنديش.. وزايدون طلبيني .. ماشي من الاحترام انك تقلبيلي فحوايجي بلا شواري…
ناريمان: احترام.. شلاه امولاي يعقوب.. قالاك احترام.. جري اميمتي تسمعي..
سعاد: اشنو كاين..
ناريمان: لالة ريم قالتك ماشي من الاحترام نقلب فحوايجها.. واش هي احترمات راسها نهار مشات حلات رجليها لواحد براني فالحرام..
سعاد: سمعيني.. لا جاية تتقابحي غانوريك.. انا راني مازالة بصحتي.. وقادة نهرسليك هاد العضيمات..
ريم سكتات ومقداتش تدوي.. بقات حانية الراس حيت فعلا خافت..
ايوب: اش كاين..
ناريمان: اجي تشوف مرتك.. مازال كتهضر.. بغيت غا بلاك تقابحات معايا عليها.. هادي راها خاص تتربى من جديد..
ايوب: ومالك نتي معندك حوايج.. سيري شوفي خطيبك يشريلك.. حوايجها متقربيش ليهم..
ناريمان: يااااك اخويا.. بانلي نسيتي داكشي اللي دارت.. هادي راه خاص تحمد الله اللي قبلنا ندخلوها للدار..
ايوب: خرجي من بيتي.. (زير يدو بونية) ولا ندير فيك يدي..
ناريمان: ماما.. (مشات موراها) شفتي ولدك ولا.. قلباتو علينا فليلة..
سعاد: زيدي قدامي.. ايوب.. محتاجاك .. راني فالبيت كنستناك..
الجزء 100
خرجو وشافت فيه زعمات تهضر.. حيت لمسات بصيص امل من هادشي اللي دار دابا..
ريم: انا والله مقلت ليها شي حاجة.. هي اللي باغا تتقابح.. وكل مرة تعايرني بداكشي اللي درت..
شاف فيها وبعد عينيه عليها..
ايوب: متخرجيش من البيت..
خرج وسد الباب موراه.. ايوب هو المفتاح.. الى قدرات تخليه يسامحها.. غادي تقدر ترتاح من هاد التريكة..
هو مشا لعند مو.. ولقاها جالسة..
ايوب: هانا امي..
سعاد: شفتك بديتي تحن.. نسيتي داكشي اللي دارت.. فين هي الرجلة اولد كرشي..
ايوب: داكشي اللي دارت معندوش علاقة بأنه بنتك تتعدا عليها.. واش نتي يعجبك الحال انه هي يديرولها هكاك.. يا حسرة غاتتزوج خوها..
سعاد: بنتي غاتمشي بعزها.. وتا واحد ميقدر يهضر عندها..
ايوب: امي تخيلي بنتك دارت هاد الغلط.. واش يعجبك الحال يتكرفصو عليها..
سعاد: بنتي مغاديرش هاد الغلط.. انا بنتي مربية..
ايوب: انا غانمشي ننعس..
سعاد: والله ونشوفك كتلين معاها تا نتفاهم معاك.. خاص تتربى مزياااان.. عاد ديك الساعة شوف تشوف.. وليديها راه تبراو منها.. وشنو ما درتي مغايتحاسبوش حيت وطات راسهم فالارض..
مجاوبهاش ودخل للبيت ولقا ريم بدلات حوايجها ولبسات بينوار زوين.. شاف فيها وكيفاش كان كيشوفها زوينة بزاف ودوا..
ايوب: متتوقعيش مني ننسى داكشي اللي درتي.. حيت معمري غاننسى انك هنتيني فرجولتي..
ريم: ايوب.. انا ندمت بزااف.. عفاك خلينا نبداو صفحة جديدة.. وانا كنحلفليك.. اني غانكون تحت رجليك..
ايوب(ضحك باستهزاء): صفحة جديدة!! فين غانلقاو الصفحة الجديدة.. والكتاب كله موسخ.. للاسف اريم.. كنتي فعيني حمامة..ولكن دابا… لهلا يوريك كيفاش كنشوفك..انا تزوجت بيك غا حدا العائلة.. ولكن اللي بيناتنا عمرو يكون اكتر من زواج على ورق.. داك العافية اللي كانت كتشعل فيا مللي كنت كنشوفك طفات.. وولاد رماد خامد..
ريم: عمرك مغاتقدر تسمحلي؟؟
ايوب: عمري.. مغانقدر نسمحليك..
مشا بدل حوايجو وحاول ينعس.. اما ريم بدات كتبكي.. وكتدفع ثمن اغلاطها..
فالدار كانت ندى جالسة وكتفكر فهاد الحالة اللي وصلات ليها ريم.. بسبب الفضيحة.. ناضت مشات لبيت امها بدات كتقلب على موانع الحمل.. حتى لقاتهم.. ولكن معرفاتش كيفاش تستعملهم.. حطاتهم وفكرات انه تستشر اسامة.. مشات عندو دقات الباب.. وحل ليها.. تفاجأ بيها.. طل الكولوار مبان ليه حد.. شد يدها ودخلها للبيت.. وسد الباب..
ندى: جيت نهضر معاك..
اسامة: شووووت.. اول حاجة توحشتك..
تبدلات الجدية فوجه ندى لليونة.. وولات حمرا..
ندى: واش بالصح؟!
اسامة: اه بزااف.. ونتي! متوحشتينيش؟
ندى: انا خايفة بزاف..
اسامة: انا خايف اكتر منك..ولكن منقدروش نحبسو.. ندى وليتي ديالي دابا.. انا مغانضيعكش..
ندى: كيفاش غادير لزواجك.. كيفاش غانديرو لجدي.. كيفاش غانديرو لشحاااال من حاجة فهاد العائلة..
اسامة: (تنهد) معرفتش الصراحة.. اللي كنعرفو اني باغيك ولله.. واحساسي اتجاهك صادق..
ندى: انا مشيت ليوما لعند ريم نشوفها.. راها محنة بزاف.. وكتبكي.. واحلة.. ضرني قلبي.. حتى هي ثقتها هي اللي دارت ليها هكاك.. وحبها عماها..
اسامة: ندى انا مستحيل نغدر بيك،،
ندى: تخيل لو اني حملت.. غانتفضحو..
اسامة: ربي يستر..
ندى: المهم.. بغيتك تعاوني فواحد الحاجة..
اسامة: انا معرفتش واش غانحمل بداك المرة.. وسمعت ماما كتهضر مع مرت عمي داك المرة على شي فانيد كتشربو المرا مور ماشي قبل..
اسامة: واخا غانسوليك..
ندى: واخا شكرا..
اسامة: جلسي معايا شوية..
ندى: ههه مازال واحلين فاللولة.. ونتا باغي التانية.. محشمتيش..
اسامة: وشكون يحشم من الزين.. داكشي كيخرج تلقائي..
ندى: نتا غاتفضحني باينة.. خليني نمشي لبيتي..
اسامة: نجي معاك ههه
ندى: خليك تما..
اسامة: واخا اري بوسة..
ندى:(بغنج) لااء..
اسامة: ابربي لا خرجتي ليوما من هنا.. حتى ناخدها.، زيدي شعلي البريكة عاد تا نولدو التوام..
ندى: ويلي ويلي المسخوط..الجزء 101
خرجات ندى من بيت اسامة وهي حمرا.. ومشات لبيتها.. وبقات كتفكر فيه.. حتى لقات امها دخلات..
جوهرة: فين كتمشي نتي فوقما جيت لبيتك مكنلقاكش.. قبل كنتي تكوني مع ريم ودابا..
ندى: ااا.. انا كنت فالجردة. عاد دخلت..
جوهرة: مالك حمرا؟؟
ندى: والو.. مالي.. عادي..
جوهرة: ياكما كتلاقاي هادي.. عندك يتفلا عليك؟
ندى: لااا.. متخافيش.. عرفتي.. نقوليك واحد السر..
جوهرة: شنو..
ندى: عادي كيبغي نسيم..
جوهرة: ههه هي قولي هكاك..
ندى: ايه..
جوهرة: خليه تا يطيب بالمهل.. داك الساعة عندي ليه كادو زوين..
ندى: اينا كادو..
جوهرة: ماشي سوقك.. خليك نتي بعيدة..
خرجات جوهرة.. اما ندى مفهمات والو.. علاش مها عجبها الحال حيت هادي مع نسيم..
فالفيلا حطات فتيحة الصينية لعبد الله.. وهي جلسات..
فتيحة:عندي ليك مفاجأة ليوما.. كادو غايفرحك بزااف..
عبد الله(تخطف وجهو): ياكما حاملة!!
فتيحة: وشنو فيها لا حملت..
عبد الله: فتيحة.. راه تافقنا..
فتيحة: تهنى.. محاملاش..
عبد الله: اوووف.. خلعتيني.. شنو الكادو..
فتيحة: خوووك.. عندي ليك ضوسي من داكشي..
عبد الله: احمد!!! شنو .. دوي..
فتيحة: شحال تخلص..
عبد الله: ايوا هضري..
فتيحة: مغانهضرش..
عبد الله: واخا.. غانكتبليك شيك..
فتيحة: تيق بيا هاد الضوسي يستاهل..
كتبليها الشيك وهي خداتو فرحانة..
ايوا يا سيدي تصاحبت مع سكرتيرتو.. وتافقت معاها.. باش احمد يطلق حنان وهي اللي تبان قدامو.. عطاتني الضوسي..
عبد الله: شنو هو هاد الضوسي..
فتيحة رجعات بيها الذاكرة.. مللي مشات ضيفة عند حسنا..
فتيحة: دايرليك غا شقة..
حسنا: وشنو ندير..
فتيحة: انا عبد الله دارلي فيلا.. وقليلة.. ماشي هما يعيشو فقصورة.. وحنا يحرموها علينا.. مالنا باش ناقصين.. نتي والله تا بامكانك تمشي تقولي لمرتو راه مزوج بيك ولا تحملي.. وها هو مطلقها.. انا كون ما كانو عزازين عليه ولادو وخايف يخسرهم كون درتها.. وزايدون خويا مخسرلي الضوسي معاهم .. مغايقبلوش بيا..
حسنا: اودي كاين شلا حوايج يقدر ايلا تفضحو تتهدم داك العائلة على قدها.. ولكن.. انا كنفكر ليه.. حيت كنبغيه..
فتيحة: وهو كيفكر ليك.. كيفكر غا فراسو..
حسنا: محارمني من حتا حاجة.. وانا اللي ديما مسافر معاها.. ماشي مرتو،.
فتيحة: شنو الحوايج اللي ممكن تتفرتك بيهم العائلة الى تفضحو؟؟
حسنا: خايفة نقول.. احمد ممكن يخلي دار عشتي الى عرف اني انا اللي خرجت السر..
فتيحة: واش نتي مسطية.. هو معارفش اصلا اني مزوجة بخوه ومعارفش اني كنعرفك..
حسنا: اسامة ولدو..
فتيحة: اها..
حسنا: ماشي ولدو..
فتيحة: شنووو كيفاش.. كيفاش ماشي ولدو..
حسنا: هادشي غا عاودولي.. ولكن داني نشوف بنتو.. هو مازال كيصرف عليها..
فتيحة: تلفتيني.. شرحيلي شوية بشوية.. اشمن بنتو وشنو علاقة هادشي باسامة..
حسنا: الحاج كان كيفرح مللي كيلقاه ولد ولد.. وكان كيكتبليه اسهم بسميتو.. وملي ولد البنت التانية.. مدارلو والو.. محاشاهاش ليه.. مللي حملات بالثالث.. عرفو انه الجنين بنت.. اتافق مع واحد السمسار باش يبدل البنت بالدري.. اسامة ولداتو غا واحد السيدة.. مسكينة شوية فعقلها.. بطريقة غير شرعية.. خدا منهم الدري.. وعطاهم البنت.. وكيصرف على البنت..
فتيحة: ناري التسطية.. وحتى واحد معارف هادشي..
حسنا: مرتو وانا.. الوحيدين اللي عارفين… طبعا واحمد..
فتيحة: وكيفاش عطاه خاطرو يفرط فبنتو.. كبدتو..
حسنا: هو مسمحش فيها.. على يديه كاسيها ومقريها.. هي دابا تزوجات وراها فالسويد..
فتيحة: ولايني ولاد الحاج الطاهر ماساهلينش..
رجعات الذاكرة لفتيحة وهي كتعاود لعبد الله بالتفاصيل.. وهو بدورو فتح عينيه من الصدمة.. مكانش كيتوقعها ابدا..
الجزء 102
ناض عبد الله وهو كيحاول يستوعب..
عبد الله: يعني اسامة ماشي من عائلتنا..
فتيحة: لا..
بقا شحال ساكت وهو كيفكر..
عبد الله: خاصني دليل..
فتيحة: الدليل هو فحص الابوة..
عبد الله: كيفاش غاندير ليه..
فتيحة: نتا تعرف.. شوف شي طريقة تجيب بيها غا البولة ديالهم بجوج.. ممكن نديرو بها التحليل.. ولا الشعر..
عبد الله: حتى لو.. شكون يعرف هاديك شعرة شكون.. انا خاصني الدليل القاطع..
فتيحة: تهضر مع خالي.. وتعاودليه كلشي.. وهو اللي تخليه يحكم..
عبد الله: الى متيقينيش..
فتيحة: على الاقل تكون حفرتيها فراسو.. وتخليه يفكر فيها.. ويتوسوس..
عبد الله: عندك الحق.. عندك الحق..
صبح الصباح وخرج اسامة.. مشا لاقرب فارماسي.. وسول..
اسامة: عفاك.. بغيت نسول على شي فانيد دمنع الحمل كيتشرب مور العلاقة..
الفارماسيان: كاين هادا د 24h وكاين هادا ديال 48h وكاين هادا ديال خمس ايام..
اسامة: مكاينش كتر؟؟
الفارماسيان: شحال باش درتي معاها علاقة؟
اسامة: جاية لعشر ايام..
الفارماسيان: خاصها دير تست.. وايلا كانت حاملة راه مغاديش ينفعوها الادوية..
اسامة: واخا.. عطيني واحد التست..
الفارماسيان: تفضل.. غادير البولة ديال الصباح ودير فيه تلاتة دالقطيرات.. والى بانو جوج شرطات وحدة واخا مواضحاش بزاف ممكن تكون حاملة..
اسامة: واخا شكرا..
خلص ومشا.. وهو مستريسي.. دخل للدار.. ومشا بالحس لبيت ندى.. دخل بلا ميشوفو شي حد.. وسد الباب.. لقاها ناعسة.. جلس حداها فالناموسية.. وبدا يلعب بشعرها.. ويبعدو على وجهها.. حلات عينيها وشهقات..
ندى: ياااي.. اش كدير هنا.. واش مخايفش يشوفك شي حد..
اسامة: شووووت.. نوضي.. جبت ليك تست ديال الحمل..
ندى: ياك قلتلك جيبلي كينة..
اسامة: قالتلي تعطلنا.. وخاص ديري تست باش نتأكدو بعدا واش كاين ولا مكاينش..
ندى:كيغاندير ليه..
اسامة: انا نوريك.. نوضي للطواليط ديري بيبي… خاصك شي حاجة ديري فيها بيبي..
ندى:(حشمات) واخا خليني ندير بوحدي..
اسامة: زعما حشمانة.. ههه غا فهادشي..
ندى: بقا تما…
دخلات وسدات الباب وهو بقا كيستنى وكيدق ..
اسامة: دغيا حلي.. حلي..
ندى: بلاتي..
اسامة: واش مازال..
ندى: هانا( حلات الباب) .. وريني انا ندير..
اسامة: ارى نقرا الورقة.. طريقة الاستعمال.. بلاتي.. خاص ديري تلاتة دالقطيرات..
بدات تدير فالتست.. وبداو يستناو بجوج بيهم..
ندى: شنووو..
اسامة: تانا معرفتش.. خليني نردو لهاداك الفرماسيان يشوفو.. ولا اري هاد البولة نديرها للمختبر..
ندى: كنحشم..،
اسامة: شو كيدايرا هههه.. خلي خلي.. انا غانتكلف. غا ديريلي الطريق.. باش نخرج من هاد الكوخ..
ندى: واخا ههه..
طلات ندى مبان ليها حد.. وخرج هو.. حتى خرج من الدار كاع.. مشا المختبر.. قدم ليهم العينة.. وجلس كيستناها.. جلس على نار..
الممرضة: سيدي.. اا التحليلة ديال الدم كتبين اكثر.. ولكن على حسب التحليل ديال البول اللي جبتيلنا ف واحد النسبة ديال 60% غاتكون مولاتو حاملة..
اسامة: شنوو.. واش متأكدة..
اسامة تصعق.. بحال الى الواقع مخلاهمش ومصر انهم يتفضحو كما ريم.. خاف عليها هي كتر.. خاف من تأنيب عائلتها.. خاف من اذيتهم للبيبي كما دارو مع ريم.. خاف على ندى.. وتبلوكا تفكيرو..
الجزء 103
خرج من تما اسامة وهو كيفكر فهاد المشكل.. وصل للدار وهو عقلو غايب.. تلاقا عبد الله فالباب.. شاف فيه عبد الله بتمعن.. وخاطرو هاز شي حوايج على هاد الدري..واسامة شاف فيه وهو كيفكر فندى.. وكيفاش غاتكون ردة فعل عمو مللي يعرف ان بنتو حاملة من اسامة..
اسامة: عمي.. لاباس..
عبد الله: لاباس بزااف..
اسامة: الحمد لله..
خلاه وطلع للبيت لقا ندى فالكولوار غادا جاية وكتسناه..
ندى: هااا..
اسامة: كاين احتمال 60%..
ندى: اويلي… وشنو المعمول..
اسامة: خاص نفكرو بشوية.. نفكرو..
ندى: ناري مشينا فيها مشينا.. مغاتخلاش بيا ياك..
اسامة: غانمشي نهضر مع ماما… ولا بابا.. هو اللي كيفهمني كتر.. غادي نقولو يحل المشكل.. تهدني.. ندى غانكونو مزيانين.. غا متخاافيش..
ندى: واخا.. واخاا.. (تنفسات)
اسامة: انا غانمشي دابا..
مشا كيقلب على باه.. دق وفتحاتليه امه الباب..
حنان: مالك اولدي..
اسامة: فينو بابا..
حنان: خاارج.. اش كاين..
اسامة(بارتباك) : انا عندي مشكل..
حنان: دخل..
دخل وهو مرتابك خايف لا تأنبو،.
اسامة: عيطي لبابا عفاك..
حنان: هولتيني اولدي اش كاين.. انا غانعيط ليه..
اسامة: انا غلطت.. وخاص نصحح الغلط..
حنان: حتى نتا!! هادي سعاد للي كانت كتشفى فبنتي..
اسامة: ماشي ناريمان..
حنان: اويلي.. واش باغي تخرج علينا..شكون هادي.. واش كتقرا معاك..
اسامة(استجمع القوة ديالو): بنت عمي..
حنان مقدراتش تستوعب..
حنان: نعاام!! شكون بنت عمك.. اينا عمك..
اسامة:ندى..
حنان: ندى!! ونتا شنو علاقتك بندى.. ندى مرت خوك اولدي.. واش تسطيتي؟؟ اكيد كتضحك معايا ياك؟
اسامة: مكنضحكش امي.. ندى راها حاملة مني.. وانا باغي نتزوج بيها.. ماشي غا باش نصححو الغلط.. وانما حيت كنبغيها..
دخل احمد لقا حنان مصعوقة ومقاداش تستوعب..
احمد: اش كاين .. مالكم..
حنان(ضحكات بهيستيرية) : هههههرهههههههه اكيد كيضحك..اسامة كيضحك… ياك اولدي.. كتضحك معايا ياك..
احمد: اش واقع..
حنان: هههههه ولدك جاي يضحك ويقولي .. راه دار علاقة مع ندى بنت عبد الله.. وراها حاملة منو.. هههه واش كيتفلا عليا..
احمد: ندى!!! ندى !!!! واش غلطتي فالسميات ولا شنو..
اسامة: ابا الليهديك.. شوف بغيتك تهضر مع جدي.. يحل الميثاق ديالي مع ناريمان.. ويحل ميثاق ندى مع هادي.. ويزوجنا انا وياها..
احمد: فوقاش طرا هادشي.. ندى!!!!
اسامة: اللي وقع وقع.. وكما قلت لماما انا باغيها ومابغيتش نصحح غا الغلط.. انا ناوي نكمل معاها حياتي..
احمد: وبنت سعاد؟؟
اسامة: معمري بغيتها ولا قربت منها.. وربي غايجيب ليها شي ولد الناس..
احمد: اولدي واش عرفتي راسك اشنو درتي ولا… راه هادي مصيبة.. كيفاش غادي نقولها لجدك.. كيفاش غانقولوها لعبد الله.. اللي لا هو لا عائلتو مبقاو حاملينا من وقت اللي هادي دار داك الشيء.. امالكم اولادي اللي تا واحد منكم مصدق ليا… كلكم عوجين.. كلكم..
اسامة: انا نستاهل كلما قلتو.. ولكن ابابا راه كنبغيو بعضياتنا انا وياها.. وانا مستعد نتحمل الغلط اللي درتو..
حنان: اربي المشاكل منين كيطيحو عليا منين..
الجزء 104
دخل عبد الله لبيتو ولقا جوهرة.. شافتو سرحان..
جوهرة: مالك..
عبد الله: اكتشفت شي حاجة..
جوهرة: شنو هي هاد الحاجة..
عبد الله: اسامة.. ماشي ولد احمد وحنان.. وغا مبدلينو..
جوهرة: هههه كتحلم ولا..
عبد الله: والله حتى معاك بالمعقول..حنان ولدات بنت فداك الوقت.. واحمد مشا بدلو باش يبان باللي ولد دري.. والحاج يعطيه من خيرو..
جوهرة: (بصدمة)شكون قالك هاد الهضرة..
عبد الله: جوادي.. ههه دابا المشكل كيفاش غانفضحهم..
جوهرة: سير ديريكت قولها للحاج.. اش كتسنى.. خلينا نتفرجو فيهم ههه
عبد الله: واخا.. الله يستر توقع للحاج شي حاجة وصاف..
جوهرة: سير.. جري..
خرج عبد الله وداز عماد من حداهم..
عماد: شنو كاين..
جوهرة: دخل دخل اولدي نقوليك.. ناري وتعرف..
دخل عماد وسدو الباب..

عبد الله مشا جلس مع الحاج.. وبقا ساكت شحال..
الطاهر: مالك..
عبد الله: نجيك من الاخر الحاج.. انا عرفت شي حاجة..ضروري نقولهالك.. حيت هادشي خطير.. وهادو انساب.. وورث..
الطاهر: دوي..
بدا عبد الله كيعاود للطاهر بالتفاصيل.. والطاهر تصدم وفنفس الوقت متيقش.. الطاهر:هادشي مكيدخلش للعقل..
عبد الله: بيدك تتأكد.. خود معاك اسامة وديرليه تحليل القرابة معاك.. وديك الساعة تتأكد.. فلوسك فيدك.. ممكن ديرو بلا ما تا واحد يعرف…
بقا الطاهر ساكت ومصدوم… وعبد الله ناض.. حيت عارف راسو لاح القنبلة.. وخلاها ..
فالبيت كان ندى غادية جاية ومهازاها دنيا حتى دخل اسامة.. وسد الباب..
ندى: امضرا.. قلتيهالهم..
اسامة: دارولي تبهديلة الكلاب هههههه
ضحكها بلا متحس ..
ندى: واش وقت الضحك دابا.. قولي شنو قالوليك..
اسامة: غايهضرو مع جدي.. الله يستر..
ندى: انا خايفة بزاااف..
شد يديها بجوج وشبكهم.. وباس راسها..
اسامة: انشاء الله نكونو مع بعضياتنا فالتالي.. واخا تعدبنا فالاول.. ولكن فالنهاية نربيو ولدنا بجوج..
شوية سمعو يامنة كتعيط على اسامة..
اسامة: ششش.. هادي جدة كتعيط.. باينة وصل ليها الخبار..
ندى: سير دغيااا.. الله يخرج العاقبة على خير..
خرج اسامة.. ومشا لعند جداتوً
اسامة: جدة.. عيطتي عليا..
يامنة: اه اولدي.. جدك بغاك تمشي معاه يمشي للسبيطار.. راك عارف كان كيمشي معاه ايوب وهو دابا تزوج.. وجدك ضروري خاصو يدير كونترول ديالو..
اسامة:(تنفس) اهااا.. ماشي مشكل.. انا غانمشي معاه..
يامنة: الله يرضي عليك اولدي..
نزل عند جدو وباس ليه راسو..
جدي: هانا اجدي نمشي معاك للطبيب..
جدو بقا كيشوف فيه وهدوءو داخلو..وناض.. ضرب على كتفو بهدوء..
الطاهر: الله يرضي عليك اولدي اسامة..
مشا معاه.. وبقا كيشوف ويلاحظ كيفاش حرص اسامة عليه.. حل ليه باب الطوموبيل وسدها.. وبقا كيصوك غا بشوية.. وكيهضر ويلطف الجو.. حتى وصلو للسبيطار.. استقبلو الحاج وخداو منو عينة.. واسامة بقا كيهضر حتى هضر جدو..
الطاهر: ونتا.. عمرك طمئنيتي على صحتك..
اسامة: انا مزيااان.. مخاصني خير..
الطاهر: واخا هكاك.. الواحد هو اللي يدير التحليل ديال الدم على الاقل مرة ف عامين واخا صغير.. هانتا عارف فصيلة دمك؟؟
اسامة: ههه الصراحة لا..
الطاهر: راه خاصك تعرفها باش تعرف واش ناقص ولا زائد على الاقل مللي تولد ولادك مايكونش فيهم الامراض..
اسامة: واخا .. هانا غاندير.،
الطاهر: ايوب ديما كيدير..
اسامة: هاكداك.. واخا..
الطاهر: مغاتخسر والو..
اسامة: سير ع الله..
الجزء 105
دار اسامة التحليل.. وعرف فصيلة دمو.. ورجع مع جدو للدار..
اسامة: جدي.. بغيت نهضر معاك..
الطاهر: هضر اولدي..
اسامة: انا نقولك الصراحة وكلامك هو الكبير.. نتا عارف ان قلب الرجل مللي كيميل لشي وحدة وكيتعلق بيها.. صعيب باش يحيدها من راسو ..
الطاهر: ياكما حتى نتا بغيتي دير ما دار هادي..
اسامة: والله منخرج برا العائلة.. انا عندي ميل لوحدة من حفيداتك.. وحتى هي عندها..
الطاهر: ياكما نسيم!؟
اسامة: لا لا..احم.. ندى..
الطاهر:(ضحك) ايوا وشنو غانديرو فناريمان.. راه ممكن تقتلك وتقتلني..
اسامة(ضحك) : اجدي غانظلمها الى تزوجتها..
الطاهر: ياكما درتي معاها شي حاجة..
اسامة: واحق الله مقصتها.. وانا مستعد نراضيها ونعوضها..
الطاهر: يكون خير..
اسامة(وسع ابتسامتو): يعني كاين امل اني نتزوج ندى..
الطاهر: الى وافقو والديها طبعا..
اسامة بدا يضحك والفرحة غاتنقز من عينيه..وبدا يبوس يدين جدو..
اسامة: الله يخليك لينا اجدي.. الله يدومك فوق راسنا..
الطاهر: انا باغي سعادتكم.. مايمكنش نبزز عليكم شي حاجة الى تقابلتو معنديش مشكل..
اسامة: الله يحفظك لينا..
الطاهر: امييين..
مشا اسامة فرحان وطاير.. والطاهر بقا كيشوف فيه.. هو عزيز عليه اسامة بزااف.. اعقل واحد فحفادو.. واطيب واحد.. شنو غايوقع الى تأكد انه بالصح ماشي حفيدو غاتكون مصيبة.. وصعيبة عليه بزااف .. رجع بيه التفكير مللي عيط للمصحة.. وهضر مع الطبيب.. وشرحليه انه باغي تحليل القرابة بلا ميعيق حفيدو.. وانه غايجيبو معاه بلا ميعيق.. والطبيب طبعا وافق واكد عليه السرية دهادشي.. حط يديه على راسو.. وبدا يفكر ..
ناريمان جات للدار.. وهي فرحانة براسها.. ومشات اول شيء لعند ختها.. لقاتها ناعسة..
ناريمان: انوضي احبيبتي.. مالك ناعسة ياكما حاملة..
سارة: محاملاش.. غا معنديش الخاطر..
ناريمان:مالك؟؟
سارة: عماد مبقاش مهتم بيا ابدا.. وهاااملني.. كيجي يبدل حوايجو ويدوش وينعس.. مكيهضر معايا كااع..
ناريمان: الديفو فيييك.. نوضي وريه الوجه الخايب.. انا اسامة كنخرج فيه عيني.. وكيخاف ويدير بحسابي.. اما نتي واطي راسك حتى يدير ما بغا..
سارة: اودي..
ناريمان: خليك فنيتك.. انا نمشي نشوف حبيبي..
ندى كانت فبيت اسامة.. كانت متوترة.. حتى جا اسامة عنقها..
ندى: شنو الجديد..
اسامة: جدي وافق.. ههه
ندى: شنوووو..
اسامة: والله حتى وافق.. قلي الى وافقو والديك انا معنديش مشكل..
ندى: انا مامتيقاش.. واش صافي..
اسامة: صافي صافي ههههه خليني نشبع منك دابا.
غرق اسامة فقبلة عمييقة مع ندى اللي استسلمات ليه …ختى تحلات عليهم الباب… كانت ناريمان … تصدمات ..
اسامة :ناريمان…عفاك متفهميش غلط…
ناريمان : واش من غلط …اش كدير معاك هادي …واش حماقيتو …نتي …واش ملقيتي فيمن تلصقي ..جاية تلصقي فخطيبي …
شدها من يدها كيهدنها وهي تنترها …
ناريمان:سكت نتا حسابك معايا من بعد…نشوفو بعدا هاد بنت #%$# اللي جاية تتلاح عليك …
ندى(كتضحك): انا احبيبة الى تلاحيت عليه عارفة بقيمتو ومحسساه انه راجل …ماشي بحالك حاسة راسك ملكة جمال ونتي مساوية والو…ههئ شوفي راسك فالمراية …
ناريمان شعلات فيها العافية ونقزات عليها باش تضربها ..اسامة شدها وبدا يفكهم .بعد ناريمان بالجهد …وغوت عليها ..
اسامة: بعدي منها راها حاملة …
الصدمة اللي شداتها ديك الساعة كانت اقوى من اي طلق ناري
الجزء 106
ناريمان: حاملة!!! كيفاش حاملة.. فوقاش… فوقاش قربتو من بعضياتكم..
اسامة: ناريمان خلينا ندوييو بالعقل..
ندى(جبداتو) : واش باقي كترغبها.. ايه حاااملة من حياتي وحب قلبي اسامة.. وغانتزوجو بخبار جدي.. وغانربيو ولدنا..
اسامة: (بتوتر)ندى..
ناريمان: (بصدمة)ولاد الحرام..
ندى: واسيري شلليها دابا..
ناريمان: انا غانوريك.. ولله لا تهنيتي بيه..
ندى: للي فجهدك ديريه..
خرجات ناريمان وندى شدات اسامة وهي تضربو لصدرو..
ندى: شفتك كترغبها وباغي تبرر ليها..
اسامة: اش هادشي درتي.. راها غاتمشي تفضحنا.. مخفتيش يديروليك مدارو لريم..
ندى(حطات يدها على فمها): اويلي..
اسامة: مكانش خاصنا نقولوليها.. ناريمان متتوقعيش ردة فعلها.. جدي وقالها..
ندى: شنو خاص ندير دابا..
اسامة:سيري لبيتك.. وسدي عليك ومتفتحيش.. ايا كان.. وانا غادي نحل هاد الموضوع ليوما.. (تنفس) الله يستر..
ندى: واخا.. متخلاش عليا مهما كان واخا..
اسامة: نتخلى على روحي ومنتخلاش عليك نتي..
مشات لبيتها ودخلات يدات الباب وهي خايفة.. اما ناريمان.. مشات لعند جوهرة.. فتحات عليها الباب بلا متدق وهي كتصوت الدخاخن من نيفها..
جوهرة: مالك واش داخلة لزريبة..
ناريمان:(بدات تغوت) بنتك ضارت ليا براجلي .، وبغات تفرقني معاه..
جوهرة: اش كتخربقي..
ناريمان: بنتك ندى حاملة من اسامة..
جوهرة(بصدمة): واش تسطيتي..
مشات سدات الباب.. ورجعات عندها..
جوهرة: بنتي ناريمان واش جاتك السخانة ولا.. بنتي انا فين غاتلقا راجلك..
ناريمان: لقيتهم لجوج كيتباوسو.. تانا تصدمت ومتيقتش.. حتى قالولي راه ندى حاملة… ومن اسامة.. انا غانفضحهم.. غانفضحهم..
جوهرة: ششششوت.. هاكي.. (جبدات الفلوس) شدي.. وانا كنواعدك نجبد ودن بنتي.. ومنخليهاش تهضر مازال مع خطيبك واخا..
ناريمان: هضري معاها اخالتي تبعد مني.. هي ماشي قدي.. وايلا كتضحك عليا بداك حاملة باش تبعدني.. راه غانوريها..
جوهرة: متخافيش.. انا غانهضر معاها..

مشات وبقات جوهرة كتمشي وتجي فالبيت.. وكترعد.، شوية وهي تمشي لبيت ندى.،فتحاتو لقاتو مسدود.. بدات تدق..
جوهرة: ندى حلي الباب ابنتي،،
ندى سمعات صوت مها خافت.، شوية وهي تفتح.. دخلات جوهرة وسدات موراها الباب..
جوهرة: مالك مع ناريمان..
ندى: ااا.. والو..
جوهرة: هي كتقول انك قربتي لراجلها.،
بلعات ندى ريقها ومدواتش..
جوهرة: نتي معندك سوق فداك العائلة وخصووووصا بأسامة.. خصوصا اسامة.، حتى الهضرة متهضريهاش معاه..
ندى: علاااش..
جوهرة: حيت داكشي اللي كنعرفوه حنا مكتعرفيهش نتي.، كوني بنتي اللي كنعرفها.. وسمعي الكلام..
ندى: انا واسامة كنبغيو بعضياتنا..
جوهرة حسات راسها كتحلم مللي سمعات داك الهضرة.،
جوهرة: شنووو… مسمعتش.. يعني هضرة ناريمان صحيحة.. وماشي غا كتهترت.؛
ندى خافت من نظرات امها وتفكرات ماداز على ريم.. خصوصا بعدما شافت الاصرار ديال امها على رفضها.. شداتها من دراعها بعنف وخنزرات فيها.،
جوهرة: انا مغاديش نخلي اللي ولدتها من كرشي تشمت فيا عدياني.. الى عرفو خوك وباك هاد الهضرة ممكن ينحروك.. عرفتي اسامة اللي نتي كتهضري عليه.. ماشي حفيد الحاج الطاهر.. ماشي ولدهم وغا ولد الزنقة.،(نفضاتها) غا ولد الحرام.. غا مربيينو..
ندى تصدمات وفنفس الوقت خافت..
جوهرة: مغاديش نسمح ليك تضيعي عليا راحتي.. نتي مدرتي معاه والو ياك..
غوتات عليا وندى قفزات من جوايجها..
جوهرة: مدرتي معاه والو.. ياكما هضرة ناريمان صحيحة.. زيدي معايا.. غانمشيو للطبيب.. دابا،،
الجزء 107
ندى: (برعب) انا مغادي نمشي لحتى شي بلاصة..
جوهرة: (خرجات عينيها)ماشي بخاطرك.. انا نقطعك طراف وندفنك ولا يكون داكشي اللي فبالي.. زيدي قدامي..
شداتها من يديها ونزلات معاها.. مشات فالطوموبيل مع الشيفور.. قالتلو ديني المصحة.. وداها اما ندى كانت مرعوبة.. وصلو ودخلو لعند الطبيبة..
جوهرة: انا بغيت نقلب بنتي.. ونشوفها واش حاملة..
الطبيبة: واخا اجي..
دارت ليها الايكوغرافي.. وبدات تشوف وندى مرعوبة..
الطبيبة: مباينش ليا شي حمل الالة.. ضروري نديرو التحليل.. باش نشوفو واش كاين شي حمل صغير ربما مكيبانش ويكون فاوله.. ولا يكون شي خمل خارج الرحم.. المهم تحليل غايحيد لينا الشك..
جوهرة: واخا بغيتك تقلبيها..
الطبيبة: تفضلي هنا اندى..
حيدات ندى شروالها وهي مرعوبة.. وجوهرة كتحرك رجلها بتوتر.. شافتها الطبيبة.. وقلباتها وهي تجي عند جوهرة..
جوهرة: هااا.. بنتي باقا عزبة ياك..
الطبيبة: بانلي قرب ليها راجل.. للاسف مبقاتش عزبة.. ولات مرا..
جوهرة ولات صفرا والدم نقص منها.. بدات كتحاول تتنفس.. وتبلع ريقها.. لبسات ندى حوايجها وهي خايفة من امها.، شافت فيها ونقزات عليها كتضربها بالطرشات.. وتنتفها.. الطبيبة فكاتها..
الطبيبة: كلشي بالعقل تهدني الالة.. خاص تهضرو مع السيد وتشوفو حل.، ملشي عندو حل.. اهم شيء دابا تتأكدي واش حاملة ولا لا.. الحمل هو اللي مهم.. وغايبان مع الوقت..
جوهرة: غانقتلها قبل متفضحني .. غانقتلها..
الطبيبة: ديها للمختبر تأكدي من الحمل.. ويكون خير.. الى مكانتش حاملة داك الساعة على سلامتها.. الحمل هو اللي مشكل كبير..
جوهرة: زيدي قدامي..
ندى كانت مرعوبة من امها وخايفة من ردة فعلها فين غاتديها.. داتها للمختبر.. ودارت ليها التحليل.. وهي معصبة.. ولكن شادة راسها قدام الناس.. بقاو شي ساعة وهما كيستناو التحليل.. حتى خرجات النتيجة داتها للطبيبة.. وشافتها..
الطبيبة: الحمل كاين الالة..
جوهرة: (كانت غتطيح) اربي اش هاد المصيبة.. اش هاد المصيبة.. اش هاد المصيبة.. اش غاندير.. اش غانقول لباك.. من رجال العالم كله.. ملقيتي غا هداك.، ملقيتي شكون تعطيه راسك.. قوليلي.. واش بزز عليك!؟ نقتلوه.. واش اغتصبك قوليلي.. قولي اي حاجة.. غا متقوليليش كان بخاطرك..غاتقتليني.. غاتفضحيني..
الطبيبة: هو مازال مابان يعني صغير بزاف يعني متقدرو ديرو والو حتى يتكون.. على الاقل خاص تستناي واحد العشر ايام اخرى..
جوهرة: نووضي.. نوووضي قداامي.. ليوما نشرب من دمك.. ليوم..
مشاو فالطوموبيل.. حتى وصلو وجوهرة مقاداش رجليها يهزوها.. ندى مشات دغيا لبيتها.. وسدات الباب.. حتى باش تتواصل مع اسامة مقاداش.. ولكن بدات كتتعاود فودنيها كلمة هو ولد الحرام.. هو غا مربيينو.. كيفاش هاد القضية..
فالدار ديال سعاد كانت ريم كتخمل وباين على وجهها اثر التعب..
سعاد: جبدي دوك السدادر كلهم …
ريم:ياك جبدتهم البارح …
سعاد:عاودي جبديهم …علاه نتي شنو النفع ديالك فالدنيا ….
ريم:عمتي عفاااك …انا مبقيتش قادة نتحمل …
سعاد:ليك عين تدوي …انا كوكنت بلاصتك كون راه قتلت راسي …
ريم:غانقتل راسي …
سعاد:زيدي شحال تابعك من حاجة …السقف خاصو يتمسح شوفي كيولى كحل بالغمولية …
ريم(بدات تبكي):حرام عليك…
دخلات ناريمان وهي كتنهج.. مشات عند ريم نتفاتها من شعرها وطيحاتها الارض.. وريم كتبكي.. مفاهمة هادي مالها.. شافها ايوب جا فكها وردها موراه..
ايوب: مالك واش تسطيتي.،
ناريمان: (بهستيرية) بغاني نتهلا فختو.. هانا غانتهلا فيها.. غانتهلا فيها..
الجزء 108
ايوب: نعلي الشيطان.. وتهدني.. وقوليلنا مالك..
ناريمان(بغوات): اسامة خاني مع ندى..
ايوب:ندى!!!
ريم: ندى!!! خويا؟؟
ناريمان: قالتلي بوجهها حمر انها حاملة منو.. وحتى هو قالها.. انا غانفضحهم.. غانفضحهم..
سعاد(بدات تندب): اويلي الملعوقة كنقوليك غاتضيعيه من يدك.. غاتضيعيه من يدك.. ها هو قلب غا حداه ولقا.. (بدات تضرب فيها) اش غانديرو دابا.. غاتبقايلي فالراس.. غاتبقايلي فالراس ابنت الحرام..
شافت فريم اللي خافت وزادت تخبات فأيوب..
سعاد: غاتقولي لخوك يدير عقلو.. ولا والله حتى نحرر فيك العيشة مضوبلة بالله..
شد ايوب ريم ودخلها للبيت..
ايوب: كنتي عارفة ان ندى واسامة بيناتهم شي حاجة؟؟
ريم: اقسم بالله مكنت عارفة.. انا بيدي تصدمت.. ندى معمرها عاوداتلي شي حاجة..
ايوب: هادشي ميدخلش للعقل..
ريم: انا خايفة بزااف..
ايوب: الله يستر وصاف.. المهم نتي متخرجي من البيت الا اذا كنت فالدار انا..
ريم: واخا..

فالدار جوهرة حسات بالشمتة.. وبدات كتعصر وتبكي.. كانت ناوية انها تفرح فلوسها.. ولكن.. جات بنتها من الجنب.. وضيعات كلشي.. مسحات دموعها.. وخرجات من بيتها اتجهات لبيت اسامة.. دقات عليه.. هو فتح الباب وتفاجأ مللي شافها..
اسامة: خالتي!!
بدات تضرب فيه.. وتخنزر.. وهو فهم انها عرفات بموضوع حمل ندى..
اسامة: خالتي تهدني.. والله منتخلا عليها.. انا كنبغيها..ومنفوتهاش والله..
جوهرة: والله لا كانت ليك.. بغيتي ترد بنتي بحال ختك.. بغيتي تشفى نتا ووالديك.. والله لا كانت ليك..
اسامة: والله مفبالي الغدر.. داكشي جا بوحدو.. والله.. تهدني.. راه هضرت مع جدي.. وقالي الى وافقو والديها انا موافق..عفاك ميكون غا خاطركم.. غانديرليها احسن عرس فالدنيا..
جوهرة: والله لا كانت ليك اولد الحرام.. الى حسابليك شديتيها بالحمل راك غاتكون غالط.. اسهل ما عندي هو نطيحو ليها.. ولا نزوجهالك اولد الحرام..
اسامة ضرب قلبو بالجهد.. خاف على ولدو ..حيت بانليه كتهضر من نيتها..
اسامة: مغاديريهاش.. مغانسمحش ليكم.. نتي غير كتخوفيني ياك..
مشات جوهرة وهي مرعودة بالاعصاب..هو مشا لعند ندى.. دق عليها..
اسامة: ندى حللي انا اسامة..
حلات الباب دغيا دخل وعاود سداتو.. وهي تعنقو بالجهد..
ندى: ماما داتني للطبيبة.. وعرفات اني حاملة.. والحمل فبدايتو.. كنخاف دير شي حاجة.. كنخاف..
اسامة: حتى انا قالتهالي.. عفاك متحلي الباب لحتى واحد.. واخا تكون ماماك..
ندى: تصرف وهضر مع جدي..خاص نلقاو حل دغيا..
اسامة: غانهضر مع والديا.. يحاولو يقنعو والديك..
ندى: اسامة.. ماما قالتلي شي هضرة مافهمتهاش،. قالتلي راه غا مربيينو وماشي ولدهم..
اسامة: شكون هادا..
ندى: نتا..
تصدم.. ومستوعبش..
اسامة: هه يمكن معصبة بزاف وبدات تهترت..
ندى: يمكن.. المهم دابا خاص نتحركو دغيا.. وتدير حل..
اسامة: انشاء الله احبيبة.. كنبغيك بزااف.. وغاندير المستحيل عليك..
الجزء 109
نسيم بقات جالسة فالجردة كتسقي الوردات.. حتى حسات ببوسة على راسها.. طلعات راسها لقات هادي..
هادي: اش كديري..
نسيم: (مرخية) والو.. كنسقي الوردات ..
هادي: مالك مرخية.. ياكما مريضة عاود..
نسيم: (تنهدات) والو.. غا ماما وبابا عندهم ليوما تاني جلسة الطلاق..
هادي: (بدا يمسح على يدها)تهدني احبيبة.. كلشي غايكون مزيان..
نسيم: (ضحكات) واش سمعت ولا غا جابلي لله..
هادي: شنو سمعتي..
نسيم: حبيبة!!
هادي: احم… هاء نسيت نقولك البرهوشة..
نسيم: لا قلتي حبيبة..
هادي: غا مسمعتيش مزيان..
نسيم: بنادم كيداير..
هادي: غانمشي ليوما نخدم مع الواليد..
نسيم: ايوا هكاك.. متجمعش جوج صفات.. باير وشومور.. جوج راه خايبين.. بركة عليك غا صفة باير..
هادي: ههههه ودابا مغاتقبليش بيا لا كنت شومور..
نسيم: اش ندير بيك.. نخدم عليك انا ولا..
هادي: لسانك متبري منك هههههه
نسيم: ايوا هاء ..رجال دآخر الزمن…
هادي: (شاف فيها مبتسم) واخا هكاك كنبغيك..
وقفات لحظة وشافت فيه وضحكات..
نسيم: هاااااا.. ههههه قلتيها .. زمطتك..
هادي: واش بغيتيني نسحبها؟؟
نسيم: سحب ولا لهلا.. المهم خرجات.. الدفلة مللي كتخرج من الفم ميمكنش ترجع..
هادي(تبدلات صيفتو): حبي ليك دفلة!!!
نسيم: هههههه
هادي: سري انا اللي جاية نعترف لبرهوشة.. تعرفيش تعبري..
نسيم: اش بغيتيني نقول.. علمني..
هادي:( تنفس) مللي كنشوف فعينيك.. كنتلف.. وكنبغي نكون حداك ديما..
نسيم: هاك هاك على هادي الباير.. هاك.. زيد..
هادي: واش كنبانليك كنشطح القعدة… بعدي مني..
نسيم: هههههه اجي اجي.. تانا كنبغيك..
هادي: متأكدة!!
نسيم(حركات راسها): ممم.. واخا معصب ومعقد وفيك شي صفات ديال الشنق.. ولكن واخا هكاك كنبغيك..
هادي تنفس وقرب منها عنقها وزيرها بالجهد..
نسيم: يشوفنا شي واحد .. ونتا على سبة..
هادي: مكرهتش ندير شحال من حاجة.. ولكن دووومااااج.. نتي كيحسابليك..
نسيم: ولفتي اللي جات تفتحليك دراعاتها..
هادي: الصراحة اه.. ولكن نتي.. فشكل..
نسيم: كووولهم كيقولو هاكا.. حقا نتي مختلفة.. وحقا لقيت فيك شي حاجة مكيناش فالاخرينات.. كاع هادشي باش تطيحونا.. واش جاب ميفك..
هادي: اه اه اه.. حارة ولايني حارة..
شافو فالباب بانليهم سعاد بعجاجتها داخلة هي وناريمان..
هادي: مالهم هادو..
نسيم: حقا فكرتيني.. واش كتسول فختك..
هادي: (تعصب) وعلاش غانسول فيها.. على زين فعلتها..
نسيم: (قربات منو) بغيتيني اهادي..
هادي(ابتسم): بزااف..
نسيم: انا مبغيتش..
هادي: ياااك..، وعلاش..
نسيم: حيت متايقاش فيك..
هادي: كتبغيني ومتايقاش فيا.؟؟؟
نسيم: ايه..
هادي: يعني مكتبغينيش..
نسيم: باينة هادشي اللي كان كيقول هاداك لختك.. حتى تاقت مسكينة.. حيت بغاتو.. ولكن هو غا خدا داكشي اللي بغا.. قلب عليها.. ها كيفاش غاديرلي حتى نتا..
هادي: متقارنيش.. ومتعطيهاش مبررات لفعلتها..
نسيم: المشكل انه عندكم انفصام فالشخصية.. خواتاتكم خاص ميغلطوش.. ويكونو راهبات.. ولكن نتوما.. ديرو فبنات الناس مبغيتو.. هادوك معندهمش خوتهم..وماشي راهبات.. حيت ماشي خواتاتكم..
هادي(تعصب) : نسيم.. متعصبينيش..
نسيم: تعصبتي حيت هادي هي الحقيقة.. ماشي غا ديالك..ديال كاع الرجال دالمجتمع الذكوري..
هادي: مصرة تعصبيني .. واش دابا عندها الحق تفضحنا.. وتخون راجلها..
نسيم: الغلط فالرجال.. واللي كيغويو..
هادي: راسك خاوي.. مللي كنقول عليك برهوشة راه مكنهضرش من فراغ..
نسيم: انا غاندخل للدار..
هادي: سيري دخلي.. حيت غانخسرو انا وياك لا بقينا هنا.. اشمن حب واشمن زعتر..
الجزء 110
الحاج الطاهر بقا كيشوف فالجوا..
يامنة: انا عيطت على احمد.. هو جاي فالطريق..
الطاهر: تا حنان معاه.. وحتى اسامة..
يامنة: مقلتيليش شنو الموضوع اللي نتا باغيهم فيه..
الطاهر: دابا تعرفي..
دخل هادي وجا جلس معاهم ولاحظ انه جدو مكاينش فالمود.. وحتى هو ديجا عصباتو نسيم.. اللي دخلات للبيت.. شاف فسعادداللي كانت كتناقش مع حنان وكتقوليها ولدك ولدك.. جات حنان جلسات كتسنى تعرف مال الطاهر معيط عليها.. جات يامنة ومعاها اسامة.. وهو على بالو بافي جدو يهضر معاه فموضوع ندى.. خاف حيت بانلو جدو ماشي فالمود.. وخاف لا يعرف انه ندى حملات منو.. ناريمان شافت الحالة المعصبة ديال جدها على بالها غايشد حقها وباللي معصب بسبب خيانة اسامة ليها..
الفوق كان عبد الله وكيأكد على جوهرة تنزل معاه دغيا..
عبد الله: زيدي تتفرجي ليوم غاتتفركع الرمانة..
جوهرة: راسي كيضرني.. معنديش الخاطر..
عبد الله: زيدي راه ماتتكررش هاد اللحظة زيدي..
جوهرة: اوووف واخا..
مات وهي مرفوعة.. وحريرتها حريرة.. نزلات وبقات كتسنى معاهم الجد يهضر.. كلهم كيستناو احمد.. حتى دخل ..
احمد: السلام عليكم.. كتسناو فيا..
مشا عند باه باش يبوس راسو.. ناض الطاهر وعطاه طرشة تسمعات فجميع اركان الدار.. وكلشي تصدم وشهق من هول المنظر..
احمد: باا.. شنو درت ليك..
دخلات فاطمة وشافت المنظر.. ونسيم خرجات من البيت خافت..
كلشي بقا يستنى الطاهر يهضر باش يبرر تصرفه..
الطاهر: جا الوقت اللي نتمنى اني لو اني مولدتكش.. نتا… تتفلى عليا انا.. وتكدب عليا نتا ومرتك.. واقبح ما درتو.. انكم لحتو كبدتكم..
احمد: مفهمتش ابا.. شنو درت انا ..
الطاهر(لاح عليه الجوا.. حلو وبقا يقرا): يا ريتني ما ولدتك يا ريتني..
احمد قرا مزيان .. هادو كانو تحاليل فيهم اسامة الزواتي والطاهر الزواتي.. ومكتوبة انه تحليل القرابة غير مطابق..
احمد: (بدا يحمار)با.. اكيد كاين شي غلط.. ميمكنش تيق هادشي وتكدبني انا..
عبد الله: السر تكشف.. معندك متنكر
يامنة: اشمن سر.. شي حد فيكم يشرح لينا شنو كاين..
عبد الله: السر الواليدة ان اسامة ماشي ولد احمد وحنان..
كل العيون تقلبات لعند اسامة بصدمة.. هو براسو حس انه كيحلم.. وانه شي حاجة ماشي هي هاديك..
يامنة: اش كتخربق..

حنان حطات يدها برعب على فمها.. السر اللي عدبها كتر من عشرين عام اهو كيتفضح دابا..
عبد الله: احمد بدل البنت اللي تزادت عندو بولد ماشي من صلبو.. باش يورث .. اه باغي يورث..
احمد: سكت..
ندى كانت الفوق.. حاطة يديها على فمها.. وكتشوف فاسامة..حاسة بحالتو ..
عبد الله: اسامة ماشي من دمنا ولا من عائلتنا.. حطوه بيناتنا.. باش يستثمرو بيه..
بدات حنان كتبكي حيت مقداتش تتحمل..
الطاهر:راني ساخط عليك.. ساخط عليكم بجوج..
اسامة حس ديك الساعة انه كيحلم.. بلع ريقو والدموع تحبسو فعينو.. قرب من ديك الورقة وهزها وهو كيرعد… وبدا يقراها.. ديك الساعة نزلات دمعة من عينو.. قربات منو حنان مدات يديها ليه..
حنان:(بالدموع) ولدي.. سمحلي..
بعد منها اسامة.. حط من يدو وجرا لبيتو.. حيت مقدرش يزيد كتر..دخل لبيتو وسد الباب وطاح الارض شد فمو وبدا يبكي ..الجزء 111
قرب هادي من باه وهو مصدوم..
هادي: بابا.. واش بالصح هادشي.. اسامة ماشي خونا.. دوي عفاك.. قول باللي غير كتضحكو معانا.. اكيد كاين شي سوء تفاهم.. اكيد كاين شي غلط..
الطاهر: اشمن غلط.. اشمن غلط.. فيناهي بنتك احمد.. فين لحتيها.. لمن عطيتيها..
عبد الله: بنتو فالسويد.،
ترفع احمد ديك الساعة.، وشاف فعبد الله.. عرف انه هو اللي بقشش موراه.. وهو اللي كشف السر..
حنان: شنووو.. كيفاش.. ياك قلتيلي ميتة.. قلتيلي ماتت..
يامنة:يعني كتأكدي فعلتكم.. لحتو بنتكم بجوج.. كيفاش طاوعكم خاطركم..
حنان: بزز مني.. هو اللي قالي راه ماتت.. هو اللي بزز عليا..
يامنة: عيب وعار عليكم.. عيب وعار..
هادي: واش باغين تحمقونا ولا.. واش بعد هاد العمر كله..جايين تقولو اسامة ماشي خويا..
سعاد: هااا اللي قلنا.. نوضي ابنتي نمشيو فحالنا..
ناضت ناريمان وسعاد مشاو فحالهم.. الحاج دخل لبيتو تا هو وتبعاتو يامنة..
احمد: درتي داكشي اللي بغيتي.. تهنيني..
عبدالله(بهدوء): باش تتعلم تدق عليا.. دقتي انا راه كبيرة..
احمد: واخا..
عبد الله مشا ضاحك وتبعاتو جوهرة وهي حانية الراس.. كتفكر فحريرة بنتها..
اما حنان مسكتاتش من البكا.. كلشي مشا.. وبقاو غا احمد وحنان..
قرب ليها.. وحط يدو على كتفها.. وحيداتهالو..
حنان: بغيت بنتي… ياك مابقاش لينا من اش نخافو.. بغيت بنتي انا..
احمد: (حنا الراس)واخا..
ندى بقات مترددة بزاف حتى دخلات على اسامة.. لقاتو جالس فالارض.. ودموعو مغرقين وجهو.. جلسات معاه وبدات تمسح فعينيه.. طلع فيها عينو وشاف فانكسار شديد..
اسامة: انا ماشي ولدهم.. انا غريب.. (بدا يتخصص بالبكا) .. انا ماشي ولدهم.. شكون انا.. شنو اصولي..
ندى: (بدموع هادئة)صعيبة اه.. ولكن عفاك مديرش فراسك هاد الحالة.. نتا ماشي ذنبك.. هاداك ذنبهم هما ..
اسامة: انا حاس بنفسي مكسور.. ومقهور.. حاس بحريق كبير فقلبي.. حريق كبير…
ندى: عفاااك.. مديرش فراسك هكا.. اسامة.. شوف نوض نعس.. يمكن ترتاح شوية.،
سمعو الدقان فالباب.. شوية وهو يدخل هادي.. جا تحنى على ركابيه.. وعنق اسامة…وبداو يبكيو بجوج.. دخلات نسيم حتى هي وجلسات معاهم..وشدات فيد اسامة كتعبير منها عن تضامنها معاه فمحنته..
فبيت عبد الله كان جالس وحاط يديه مور ظهرو وكيضحاااك..
عبد الله: دابا تهنيت..
جوهرة:(حاطة يدها على خدها) متهنيتي ما والو.. المشاكيل هما اللي جايين..
عبد الله: شمن مشاكل.. غا الضحك والنشاط..
جوهرة: بنتك حاملة..
عطاتهالو فالوجه.. وناض جلس..
عبد الله: شنووو
الجزء 112
عبد الله: مسمعتش مزيان.. شنو قلتي..
جوهرة: بنتك ندى.. حااااملة..
عبد الله: اش هاد البرود كتهضري بيه.. معامن حملات وفوقاش.. ونتي فين كنتي..
جوهرة: مالي انا اللي ولدتها بوحدي.. حسابليك مللي غاتفلا على بنات الناس عادي وتتصاحب .. ربي مغاديش يخرجها فبنتك.، ايوا خود الاسوء.. بنت حاملة من اسامة.. اسامة اللي عاد فضحتيه دابا..
طاح جالس على الناموسية.. من الصدمة.. الفرحة ديالو مكملاتش..
عبد الله: غانقتلها.. ونقتلو..
جوهرة: اشنو.. غانزوجوهم ونسترو الفضيحة.. ولا ناوي تخلي باك يجري على اسامة حيت ماشي من العائلة..
عبد الله: نموت ومنزوجهمش.. بنتي غادي نديها بيدي للمصحة.. تطيح داكشي وترجع عزبة كيف ولدتيها.. وديك الساعة نزوجها لمن بغيت انا.. ولا اني نزوجها لولد الحرام.. ولد الهبيلة.. اللي جابوه من الزنقة..
جوهرة: وهي .. راه قاتلك باغاه..
خرج عبد الله واتجه لبيت اسامة.. لقا كلشي مجموع تما كيواسيه.. بما فيهم بنتو..
عبد الله: سيري لبيتك نتي.. وغانتفاهمو من بعد..
اسامة فعز الحزن ديالو شاف فندى وبقات فيه.. وجا يهضر وهو يقاطعو عبد الله..
عبد الله: بغيتكم كلكم تخرجو وتخليوني مع اسامة بوحدنا..
كلشي بدا يخرج وسد الباب موراه.. واسامة وقف..
عبدالله: مغانديرش فيك شرع يدي حيت قربتي لبنتي.. حيت الصدمة كافية..ولكن انا ممكن نقتلك وغايكون عندي الدافع.. داكشي علاش غاتخرج من الدار ومنعاودش نشوف وجهك فيها تاني.. نتا ولد الحرام ماشي ولد هنا..
اسامة(بصدمة): عمي..
عبد الله: وايااااك.. تدوي على داكشي اللي كان بينك وبين بنتي لشي واحد.. واياك.. نساها ومسح داكشي من دماغك.. وايلا غانضطر نمسحك من على وجه الارض.. (شاف ساعتو) عندك ساعة.. تجمع فيها حوايجك وبرا.. واياااك تمشي لعند با ترغبو انه يخليك..
برا كانت ندى وهادي ونسيم،. وندى كانت غادة جاية وخايفة..
ندى: اش غايدير ليه.. انا خايفة على اسامة..
هادي: اش عندو ما يدير..
ندى: نتوما معارفين والو.. معارفين والو..
تفتحات الباب بالجهد ..وخرج عبد الله.. شد ندى من دراعها وجرها.. دخلها لبيتها.. وسد الباب موراه..
عبد الله: كنت عاطيك الحرية من قبل.. وكنقول بنتي مغاتواطيش راسي.. ولكن.. درتيها قد راسك.. مغانسمحش ليك تشمتي فيا العديان..
ندى:انا كنبغيه،،(ضربها بطرشة).. اااه..
عبد الله: ملقيتي غا ولد الحرام.. ملقيتي فالدنيا تا واحد.. سمعيني مزيان.. اسامة هو اللي مغاتزوجيش.. انا غانجيبليك عريس.. ومتخافيش.. غاندي بنتي لاحسن مصحة.. نحيدو الوسخ من كرشك.. ويردوك بنت.. وتا واحد ميعيق.. ديك الساعة… ندير لبنتي احسن عرس.. والبندير غايتضرب على الدم دالعذرية ديالك..
ندى بدات كتبكي..
عبد الله: الباب غايتسد عليك.. ومتفكريش تخرجي من هنا..
خرج وسد الباب عليها وهي بقات خايفة وكتبكي..
الجزء 113
هادي ونسيم رجعو دخلو لعند اسامة لقاوه هز باليزتو وكيجمع فيها حوايجو..
هادي: اش كدير.. نتا مغاديش تخرج من هنا..
اسامة: عمي جرا عليا.. ومغنستناش حتى يجري عليا جدك..
هادي: اسامة..حط من يدك.. مغاتمشي لحتى بلاصة.. وايلا مشيتي غادي نمشي معاك.. نتا خويا.. وتا واحد مغادي يحيدها ليا من فمي..
اسامة: عفاك خليني نمشي.. انا حاس اني مخنوق ومشتت ..باغي نرتب افكاري .. ونحاول نستوعب اش طاري.. علاقتي بعائلة الزواتي مسالاتش.. مازال كاين امل نكون منها.. ولكن خاصني نرتب افكاري.: ومنبقاش مشتت.. احيانا شي حوايج كتكون مقدرة وعندها حكمة من الله ..داكشي علاش كيوقعو.. خليني نمشي.. باش يعيش واحد اخور..
هادي: اسامة .، انا مفهمت والو.. علاياش كتهضر..
اسامة: غادي تفهم كلشي من بعد.. غادي تفهم..
كمل اسامة جميع الحوايج.. خدا باليزتو.. وشاف فهادي..
اسامة: نوصيك على ندى.. عفاك متبعدش عليها وخليها قدام عينيك.. والتلفون بيناتنا..
عنقو وعنق نسيم.. وخرج.. شافت فيه يامنة اللي كانت كتبكي.. ومشا عندها باس يديها..
اسامة: جدة..، (بالدموع).. قولي لجدي شكرا حيت قراني.. وحيت رباني وصرف عليا.. مننساش خيرو.. مننساش خيركم كلكم،،
يامنة:(بالدموع) ولدي..
اسامة: بقاي تقوليلي ولدي.، حيت انا ولدكم ماشي ولد الحرام..
ناض هز باليزتو وخرج.. بقا جارها ومركبش فالطوموبيل.حيت مبقا عندو والو.. بقا غادي بزاف.. حتى جبد تلفونو.. وعيط لصاحبو..
اسامة: الو.. مراد.. لاباس.. بغيت نطلب منك طليبة.. خاصني فين نبان.. الى بغيتي ممكن تعطيني سوارت اليخت ديالك.. واخا شكرا بزاف انا غاندوز موراهم دابا..
شد طاكسي ومشا لعند صاحبو خدا السوارت.. ومشا للمرسى.. فتح اليخت اللي كانو كيتجمعو فيه غا للرحلات والسهرات.. دخل باليزتو.. وحطها وجلس يبكي.. مقدرش لحد الان يستوعب انه ماشي ولدهم.. بدا يرجع الذاكرة.. مللي قال عمو ولد الهبيلة.. يعني اللي ولداتو مازال عايشة.. حس انه عندو فضول يشوفها ويعرفها شكون..
فالدار ديال سعاد رجعو وهما مصدومين.. لقاو ريم كتجمع فالدار..
سعاد: الخلا.. اش كديري..
ريم: والو اعمتي.. غا كنجمع الدار..
سعاد: كوكانت ختك اللي ديناها لايوب كورانا مزيانين..
ريم: ختي!!
ناريمان: مفخبارهاش شنو وقع.. خوك اسامة صدق ماشي خوك.، وغا مبدلينو مع ختك اللي تزادت..
ريم: مفهمت والو..
ايوب: اش كتقولي..
ناريمان: نهار ولدات حنان.، هي السي احمد.. اللي هو خالي.. ولدات بنت.. مشاو بدلوها بولد اللي هو اسامة.. على قبل الورث..
سعاد : الحمد لله اللي فكنا ربي منو.. اما كون تقولبتي وتزوجتي ولد الحرام..
ناريمان: اه. بالصح.. واخا هكاك كان خاص انا اللي نسمح فيه ماشي هو..
ريم تصدمات من داكشي اللي سمعات.. يعني اسامة ماشي خوها.. بقات مقاداش تستوعب.. جلسات والشطابة فيديها.. ودموعها سبقوها..
سعاد: ودابا غانضيعو غاتبقاي بايرة.. غانقول لبا يزوجك بهادي.. هو اللي بقا تما بلا زواج… ونزيحو بنت عبد الله من طريقنا..
ناريمان: هاادي… اهاا.. تا هو زوين.. واخا شوية عصبي.. وديما مخنزر .. ماشي بحال اسامة.. ولكن.. مهم يدوز..
بداو كيهضرو وريم مرفوعة.. كتفكر لخوها.. وبدات كتبكي..
ايوب: سبحان الله.. مكانتش على البال..
احمد مهزاتو ارض..وبدا يحس انه ضياقت عليه.. خرج واتجه للدار ديال حسنا. غا حلات الباب وشافتو..تلاحت عليه كتعنقو..
حسنا: توحشتك بزاااف..
احمد : حتى انا.. خلينا ندخلو..
دخلو وجلس.. وهي حداه كتعنق فيه..
احمد: السر انكشف..
حسنا: شننوو.. (ارتبكات) اينا سر..
احمد: باللي اسامة ماشي ولدي..
حسنا: اويلي..
احمد: اكثر شيء بقا فيا فالموضوع.. هي نظراتو.. كسراتني.. اسامة ولدي وتا واحد ميحيدو ليا..ولدي..
حسنا: وباك شنو دار..
احمد: سخط عليا..
حسنا: واش غايحيد ليك نصيبك من الشركة!!
احمد: معرفتش.. ومعرفتش كيفاش غانتواجه مع ولادي.. باينة كرهوني.. ومبقاوش حامليني..
حسنا: كلشي غايكون مزيان.. غا صبر..
الجزء 114
كلشي بقات فبلاصتو..وكل واحد مهموم فمشكلتو.. ندى كتبكي وحاسة بقلبها كيضرب.. حاسة بالطاقة ديالها نقصات.. حلات عليها جوهرة الباب وهي كتشوف فيها باحتقار..
جوهرة: غاتمشي معانا انا وباك.. للمصحة..
ندى: ماما عفاك عفاك.. الليهديك.. نبوس يديك..مبغيتش تقتلو ليا ولدي.. عفاك.. عفاك..
جوهرة: زايدة فيهم.. سكتي.. راه غادي ندير فيك يدي..
ندى: اماما عفاك.. اسامة انسان مزيان.. وماشي ذنبو.. اماما عفاك.. هو غادي يتزوج بيا..
جوهرة: سكتي ومتفضحيناااش.. سكتي.. متفضحيناش.. نقطعليك داك اللسان قبل ما يتسمع صوتك.. وتفضحيني.. وتشمتي فيا العديان..
جراتها ولقات باها .. خافت منو.. وسكتات.. مشات معاهم كأنهم كيسيقوها للموت.. وصلو للمصحة.. دخلو كان ديجا متافق مع الطبيب.. قلبها وجا عند عبد الله..
الطبيب: منقدروش نديرو الاجهاض دابا..
جوهرة: غايكون بان الحمل دابا..
الطبيب: اه.. بان.. ولكن عندها التهاب.. وايلا مسيناها ممكن يوقعو ليها مضاعفات خطيرة.. خاص نعالجو الالتهاب هو الاول.. ديك الساعة نقدرو نديرو الاجهاض وترميم البكارة..
تنفسات ندى مللي عرفات هادشي..
الطبيب : غانكتب بيها شي دوايات تستعملهم..
مهضروش ديك الساعة.. وبقاو ساكتين.. خرجو خداو الدوا ومشاو.. وصلو للدار ودخلات ندى للبيت تنفسات.. لاحت الدوا ومبغاتش تشربو.. خافت.. لا يقتلو ولدها.. بقات مهدنة وكتفكر.. حتى خرجات وبقات غادية بالحس حتى وصلات جهة بيت هادي بدات كتدق.. فتح ليها وتفاجأ..
ندى: دخل بغيت نهضر معاك..
هادي: واخا..
دخلو وسدو الباب بعدما تأكدو انه مكاين حد..
ندى: بغيتك تعاوني..
هادي: واخا.. قوليلي باش نقدر نعاونك..
ندى: انا حاملة..
هادي خرج عينيه بالصدمة..
هادي: شنوو.
ندى: من اسامة وهو عارف.. وبجوج بينا بغينا البيبي..
هادي: اسامة عارف!!!
ندى: اه عارف.. وكنا قنعنا جدي بزواجنا.. لو انه متفضحش السر ديال هادشي…
هادي: غلى زهر..واخا فاش بغيتيني نعاونك..
ندى: بابا وماما بغاو يديرولي اجهاض.. ويديرولي ترميم البكارة.. انا بغيت اسامة.. انا غانموت لا زوجوني شي واحد من غيرو..
هادي: وصلو حتى لداك الدرجة؟؟؟
ندى: داكشي علاش.. انا قررت اني نهرب من الدار.. ونمشي لعند اسامة..
هادي: ولكن واش نتي عارفة انهم ممكن يقتلوك لا هربتي.. واش تعيشي حياتك هاربة.. وخايفة نتي وياه..
ندى: راهم غايقتلوني في كل الاحوال الى زوجوني لشي واحد اخور.. اللهم نموت حدا الراجل اللي كنبغي..
هادي: واخا.. انا غادي نعاونك.. وجدي راسك.. وغانديك لعندو..
ندى: شكرا بزاف.. مغاننساش ليك خيرك..
هادي: غير نلقا الفرصة ويخرج باك من الدار.. انا نوريك منين تدوزي.. غاتركبي.. فالطوموبيل راها فالكراج.. وغاتسنايني تما..
ندى: واخا ربي يستر..
هادي بقا حاضي تا خرجو الرجال ديال الدار.. وندى بقات حاضية امها.. حتى تشغلات.. نزلات بعدما وجدات صاكها.. وخرجات مشات ركبات فالطوموبيل ديال هادي.. وتكات باش ميشوفهاش شي حد.. هادي بدورو خلا حتى كلشي تهدن ومشا ركب فالطوموبيل.. وتحرك..
هادي: ندى .. حنا خرجنا من الدار صافي..
ندى: انا غانبقا هكا.. حتى توصلني لعند اسامة..
خدا تلفونو ودوز نمرة اسامة..
اسامة:(بصوت مرخوف) الو..
هادي: اسامة فينك.. غانجي عندك ضروري..
اسامة: شنو كاين..
هادي: عندي واحد الامانة ديالك.. قولي فينك..
اسامة: فالمرسى.. فاليخت ديال مراد..
هادي: هانا جاي..
وصلو لتما ونزلو..
ندى كانت خايفة ومكمشة صاكها عندها وخايفة لا يشوفها شي واحد.. خرج اسامة من اليخت كانو عينيه حومر.. ولكن غا بانتليه ندى تفاجأ.. ونقز عندها..
اسامة: كيدرتي تا جيتي لهنا.،
ندى: انا قلتلكش مغانخليكش.. علاش خليتيني نتا..
اسامة: بزز مني.. على قبل سلامتك..
هادي:احم انا غانمشي.. يستحسن تدخلو.. اسامة لا سولك شي حد عليها متقولوش راها معاك.. والى حتاجيتي شي حاجة عيطلي..
الجزء 115
اسامة: اجي ندخلو..
دخلو لليخت وبقات كتشوف ندى للداخل..بحال شي دار مجهز.. بيت النعاس ..
اسامة: انا خايف عليك..
ندى: متخافش.. حتى واحد ميعرفنا مرا..
اسامة: كون جلستي.. ونقنعوهم شوية بشوية..
ندى: اسامة.. با ومي داوني الصباح باش يديرولي الاجهاض ويردولي البكارة.. هما مكيضحكوش..
اسامة: حتى لهاد الدرجة مستقلين مني.. وماباغينش نكون نسيبهم.. ولد الحرام فنظرهم..
ندى: مبقاوش كيهموني.. انا تبريت منهم..كل واحد فيهم عايش حياتو.. وانا حاكمين فيا..
بدات كتجي الدنيا بيها.. وشداتها الدوخة والتقية..
ندى: مال الدنيا كتتحرك..
حطات يديها على فمها وجاتها التقية..
اسامة: اجي هاهو الحمام..
مشات بدات كتقيا فلافابو.. وهو كيجمع ليها شعرها.. وكيحاول يطبطب على كتفها.. حتى سالات التقية.. غسلات مد ليها الفوطة..
ندى: كنموت بالدوخة..
اسامة: اجي تكاي..
داها للناموسية وتكاها.. وغطاها..
اسامة: راه فعلا اليخت كيتحرك.. حيت واقف على الما.. عليها جاتك الدوخة..
ندى: انا دايخة بزااف..
اسامة: نخرجو شوية تشمي الهوا..
ندى: لا نخاف يلقاونا.. انا مامستعداش نتفارق معاك..
اسامة: كنبغيك بزاف اندى.. عمري كنت كنتخيل اني نبغي بهاد الطريقة.. لولا وجودك فحياتي.. مكنتش عارف اش كان غايوقعلي..
ندى: حتى انا كنبغيك.. ومكنتش عارفة بلا وجودك فحياتي اش كان غايكون..
اسامة: قوليلي.. مشهية شي حاجة؟؟ نمشي نجيبهالك.،
ندى: بغيت نشوفو شي بيت نسكنو فيه.. انا مقاداش نعيش هنا(شداتها التقية تاني ومشات كتجري تتقيا)
اسامة: واخا غانمشي دابا.. ولا عرفتي.. اجي معايا.. نمشيو نشوفو دوك الديور المفرشة.. باش تكوني مرتاحة..
ناضت معاه وهي مروعة.. وشادة فكرشها.. حط ليها اسامة الكاب.. وهز ليها الصاك.. وشد فيها .. وخرج.. شد اقرب طاكسي وركبها..
اسامة: خويا عفاك.. شي ديور دالكرا مفرشين..
الشيفور: واخا..
وصلهم لواحد الدار.. وسولو على مولاها.. شاف فيهم..
مول الدار: اراولي العقد ديال الزواج..
اسامة: احم.. احنا خوت.. ندى اري لاكارت ديالك..،
عطات ليه لاكارت.. وزرب عليه..
اسامة: ها نتا.. اسامة الزواتي.. وهادي ندى الزواتي..
مول الدار: ارا نشوف..
خاف اسامة لا يشوف لاكارط مزيان ويبانليه الفرق فالاسماء دالوالدين.. بقا كيمعن مزيان.. وردهالهم..
مول الدار: واخا هكاك.. الوقت خيابت.. المهم مبغيت مشاكل فالدار..
اسامة: مايكون غا الخير.. مغاديش تسمع حسنا..
مول الدار: نتمنى.. ها السوارت..
دخلو وسدو الباب ديال الدار..
اسامة: هادا بانلي شك فينا..
ندى: شنو نديرو..
اسامة: خاص نقلبو على الكرا فشي دار.. اللي بعيدة.. والكرا لديما..
ندى: واخا شوف كيدير المهم ميلقاوناش..
اسامة: وخاصنا نديرو العقد ضروري.. انا وياك ماشي قاصرين.. خاص نديرو العقد قبل ميبداو يقلبو علينا بجوج.. اجي علاش منسافروش نديرو العقد فشي بلاصة اخرى..
ندى: واش يمكن..
اسامة : غانشوف هادي يجري معايا على الوراق والوثائق.. ونمشيو نديرو العقد ديالنا..
ندى: واخا للي يصلاح ليك.. انا مازال فيا الدوخة غانمشي نتكى..
اسامة: واخا احبيبة..
عاونها وغطاها.. كان حريص عليها بزااف..
اسامة: حبيبة غانخرج نشري الماكلة.. مغانتعطلش..
ندى: واخا..
خرج وهز السوارت.. ومشا اول شيء عيط لخوه هادي وصاه على الوثائق وقاليه انه مبقاش فاليخت..
هادي: مازال معاقوش بيها..
اسامة: غانديرو العقد فشي مدينة اخرى..
هادي: واخا غانشوف كيندير.. اسامة! واش محتاج شي فلوس؟؟
اسامة: هاد الساعة لا.. بغيتك غا تشوفلي شي تلفون بغيت نخليه لندى.. باش نعيط ليها لا كنت خارج ولا بديت شي خدمة..
هادي: واخا.. الى حتاجيتي اي حاجة اخرى قلهالي..
اسامة: دعي معايا اخويا..
الجزء 116
خرج اسامة مشا للسوبر مارشي.. شرا الحوايج اللي والسقاطة اللي ممكن انه ندى تتشهاهم.. وداز للسناك .. شرا الماكلة.. وشرا الما.. ورجع للدار.. دخل ليها..حط الماكلة ومشا ديريكت للبيت..
اسامة: ندى.. حبيبة.. واش فاتتك شوية الدوخة..
ندى: اه شوية..
اسامة: انا غانجيبليك تاكلي هنا الى مقاداش تنوضي..
ندى: لا لا انا نوض.. مكاين لاش..
ناضت وبقا شاد فيها اسامة مشات غسلات يديها.. ورجعات جلسات.. هو بدا يحيد من لي ساشي ويحط..
ندى: انا اللي خاصني نوض نوجدليك..
اسامة: شكون قاليك هاد الهضرة.. نتي خاصك ترتاحي.. وانا نجيليك كلشي حتى لعندك.. حيت نتي اميرتي..
ندى: (شدات يدو)نهار على نهار كنتأكد اني مكنتش غالطة فاختياري.. راني خليت كلشي مور ظهري.. وجيت لعندك..
اسامة(زير على يدها): عمرك مغاتندمي معايا.. غاندير جهدي باش نكون ليك احسن زوج فالعالم..وفالدنيا.. (بدا يوكلها) دابا قوليلي.. شنو البلان اللي نديرو لحياتنا..
ندى: غانديرو العقد.. ونمشيو من هنا..
اسامة: ونقلب على خدمة ونقلبو على دار.. وداك الساعة نولدو ولدنا ولا بنتنا.. اللي غايعمر علينا حياتنا..
ندى: واااه..
اسامة: كنبغيك بزاف.. اه قبل مننسى.. ضروري نمشيو نطمئنو على البيبي ديالنا.. ونطمئنو على صحتك تا هي..
ندى: عرفتي مللي داني بابا للطبيب.. قالو راه عندها التهاب حاد.. مبغيتش نشرب الدوا خفت لا يكون دالاجهاض..
اسامة: يعني خاص من غدا نمشيو نشوفو طبيب .. نخافو بالصح يكون تما التهاب ويأثر عليك..
ندى: واخا..
فالدار مشات جوهرة لبيت ندى ودخلات ملقاتهاش فيه.. بدات تقلب فالدار بلا ميعيق بيها شي حد.. والو.. تقلب تقلب.. والو.. رجعات لبيتها.. جا عندها عماد..
عماد: ماما.. مالكي.. شفتك كتجري..
جوهرة: مصيبة.. عيط لباك..
عماد:اش واقع..
جوهرة: ندى.. مكايناش فالدار..
عماد: فين مشات..
جوهرة: اكيد داك ولد الحرام هو اللي هربها.. اكيد.،
عماد: اينا ولد الحرام.. انا مفهمت والو..
جوهرة:عيط لباك دغيا..
عماد: واخا واخا..
عيط لباه قدامها.. وبقاو كيستناوه يجي حتى جا عبد الله وعماد باقي مفاهم والو..
عبد الله: اش كاين..
جوهرة: ندى ملقيتهاش.. خايفة يكون داكشي اللي فبالي..
عبد الله: (تعصب)ونتي فين كنتي..
جوهرة: واش كتعاتبني دابا.. ولا خاص نقلبو عليها.. اكيد هربات مع اسامة.،
عماد: اسامة!!! علاش غاتهرب مع اسامة.. شي حد يفهمني..
عبد الله: داك ولد الحرام داسامة.. غوا ندى.. وحملات منو.. دابا اكيد هو اللي هربها باش يلوي دراعنا.. والله لا كانت ليه.. غانقتلو..
عماد(بصدمة): انا اللي غانقلب عليه.. ونقتلو ونقتلها
خرج دغيا.. كيجري.. وعبد الله كيحاول يمنعو وجوهرة كتندب..
فالدار ديال سعاد بدات تشرط على ريم وكيعدبو فيها هي وناريمان… شوية وهي تطيح سخفات.،
سعاد: اويلي..، ايوب .. ايوب..
ايوب: مالها.. ريم مالك.. فيقي..
سعاد: ياا الصكع ياكما درتيها وراها حاملة .. مقديتيش تصبر..
هادشي اللي قديت نكتب البنات ليوما.. خليو لينا توقعاتكم..
الجزء 117
ايوب: امي الليهديك.. اشمن حاملة.. خليني نفيقها بعدا..ريم .. فيقي .. جيبو الما..
بدا يضرب على وجهها ويرشها بالما.. حتى فاقت..
ايوب: واش لاباس..
ريم: فين انا..
سعاد: ديها للطبيب.. دغيا..
ريم: انا مزيانة.. مكاين لاش..
ايوب: خلينا نمشيو للطبيب.. ضروري..
ريم: لا مكاين لاش.. انا مزيانة..
ايوب: لا نوضي.. نشوفو هاد السخفة من اش.. ومنها نطمئنو الوليدة باللي مكاين والو..
ناضت ولبسات جلابتها.. ومشات معاه.. شافو الطبيب ودارو ليها التحاليل..
الطبيب: عندها نقص فالمواد الاساسية.. خصوصا الحديد.. وعندها فقر الدم.. واش دارت شي فوسكوش مؤخرا.،
ايوب: اه دارتو..
الطبيب: خاصها الراحة التامة.. ونكتبليها الدوا تتبعو بالحرف..
ايوب: واخا ادكتور..
الطبيب: والراحة ثم الراحة..
خرجو ريم وايوب.: وبقاو غاديين..
ريم: كيغانديرو مع عمتي..
ايوب: نقوليها تبعد منك..
ريم: ايوب عفاك.. ياك كتبوليك دار بسميتك.. خلينا نمشيو نسكنو فيها.. بوحدنا.. عفاك..
ايوب: ونخرج نمشي الخدمة وانا عارف انك ممكن تدخلي شي واحد فغيابي.. انا راه مكنتيقش فيك.،
ريم(حنات الراس مجروحة) : داكشي راه فات.. مناويش تنساه..،
ايوب: اش غاننسى اش.. ثقتي فيك كانت عمية.. عمري توقعت منك داكشي..
ريم: يعني غانبقا فالعداب حياتي كلها تا نموت بشي فقصة ولا بشي شقا..
بقاو غاديين وهما ساكتين.. داز للفارماسي وشرالها الدوا..وداز للمارشي شرا الباربا وشوية دالفواكه..
ريم: نهز معاك..
ايوب: مكاين لاش.. نشدو طاكسي للدار..
ريم: خلينا نتمشاو على رجلينا ..
ايوب:راكي مريضة..
ريم:بغيت نشم شوية دالهوا.. قنطت فالدار.،
ايوب: بغيتي!! زيدي نمشي للدار باش منقمعكش.. اللي بحالك خاص يتسد عليهم تحت الارض. وشوف تشوف واش يستاهلو يطلعو.. قالاك بغات تشم الهوا..
سكتات ومدواتش.. مبقاتش باغا تدوي.. حيت كلما هضرات معاه يقمعها.. ولات تفضل الصمت حسن..
وصلو للدار وحط الحوايج فالكوزينة..
وريم مشات تاهي لبسات الطابلية دالشقا.. وبدات تصاوب كلشي فبلاصتو..
سعاد: ايوا اش قاليكم الطبيب..
ايوب: عندها فقر الدم..
سعاد: وهاد الباربا لمن جبتيها.. انا مكتعجبنيش..
ايوب: جبتها ليها.. باش يعوضها شوية على الدم اللي نقصليها..
سعاد: ممم هي قلتي ليها.. وكولي الباربا احبيبة باش تصحاي..
بقات ريم كتشقى وحانية الراس.. وكتغلي من الداخل على هاد المعاملة ديال الزفت اللي كتدار ليها..
فالدار كانت نسيم كتلعب فظفيراتها حتى بانليها هادي جاي لجيهتها.. وكيضحك..
نسيم: مالك..
هادي: مامالي والو.. غا توحشتك..
نسيم: توحشتيييني..
هادي: ايه.. شنو فيها.. بغيت نقوليك واحد الحاجة..
نسيم: شنو..
هادي: بغيت نتزوجو..
نسيم: انا بابا قالي تا نكمل قرايتي..
هادي: وشكون غايستنى حتى تكملي. قرايتك..
نسيم: لا مبغيتيش كاين اللي يستناني..
هادي(تغوبش): مممم عريس الغفلة..
نسيم: هو هاداك..
هادي: شنو عجبك فيه انا مفهمتش.. وريهلي..
نسيم: ناااء..
هادي: متجنينيش..
ناريمان: هااادي.. هاديي..
تبدلات صيفطهم بجوج.. الى استغراب..
نسيم: مال هادي اش بغات..
الجزء 118
وصلات عندهم وبدات ضاحكة..
ناريمان: اهه.. هادي لاباس عليك.. سولت فيك ملقيتكش..
هادي: شنو كاين..
ناريمان: والو غا شحال هادي مشفتك وقلت نسول فيك.. عندك شي حاجة ليوما .. نخرجو شوية..
نسيم: عند احبيبة.. مامساليش.. عندو بزاااف دالشغل..
ناريمان: ااي… شكون هضر.. سيري حبيبة تلعبي فالمونيكة ديالك..
نسيم: المونيكة؟؟؟ انا نلعب فالمونيكة..؟؟؟
هادي: لا احبيبة ماشي داكشي.. نتي كبيرة..
ناريمان: حبيبة!!! علاه من امتا وليتو تتحابو نتوما..
نسيم: ماشي سوقك..
وقفات واخا قصيرة وردات موراها هادي اللي كيبان طول منها بزاف..
نسيم: اللي معجبو حال ينطح راسو مع الحيط.. انا حبيبي ونموت عليه .. وغانتزوجو عندك شي مانييع..
تصدمات ناريمان وحتى هادي من ردة فعل نسيم.. اللي ولات فجأة بحال شي مشة..
ناريمان: هانا مشيت..
مشات ناريمان ونسيم بقات حاطة يديها على جنابها وهادي عاجبو الحال.. حتى تلفتات عندو وهو ضحكتو كبيرة.. ضرباتو لصدرو..
نسيم: مالك.. عجبك الحال… عجباتك؟؟
هادي: عجبتيني نتي..
جا يعنقها وهي تهرب بقا كيجري عليها حتى هزها بحال الريشة وبقا يضور بيها.. من بعيد كانت كتشوف فيهم جوهرة… وهي حاطة راسها على الجاج.. وكتفكر فبنتها..
فالدار كانت ندى ناعسة فحضن اسامة وكيهضرو.. وكيضحكو.
ندى: الى كان البيبي ولد.. شنو غانسميوه..
اسامة: معرفتش.. نتي شنو بانليك..
ندى: معرفتش تانا.. والى كانت بنت.. شنو غانسميوها..
اسامة: الى كانت بنت .. غانسميوها يمنى.. قريب لسمية جدة ..يامنة..
ندى: عزيزة عليك جدة..
اسامة: بزاااف.. عرفتي.. مللي كنت صغير وكانو كيضربوني الاولاد.. مكنتش كنجري لعند ماما.. كنت كنجري لعند جدة.. هي اللي كنت عزيز عليها.. حتى لدابا عاد عرفت علاش.. حيت انا ماشي ولد حنان..
ندى: نتا ولد عمي.. وحبيب قلبي.. وهادشي عمرو يتبدل..
اسامة: وجودك فحياتي هو نقطة الضوء الوحيدة اللي عندي..
ندى: حتى نتا.. نتا هو الامل ديالي فالدنيا..
تكات على صدرو وهو زير عليها.. ونعسو..
فالدار ديال سعاد.. سالات ريم الشغول ومشات للبيت تنعس.. حيدات الطابلية ودخلات للبيت لقات ايوب جالس مربع رجليه.. دخلات دوشات من العرق.. وخرجات لابسة الفوطة.. وشعرها كيقطر.. شاف فيها.. وهي دازت للماريو حلاتو وبغات تجبد منو الحوايج… حتى ناض عندها.. تفاجأت ملي لقاتو قدامها..
ايوب: بغيتك..
ريم: شنو..
جبدها وطيحها فالفراش.. وبدا يمارس معاها.. وعلى غير العادة اللي عرفاتو قبل.. ممارستو معاها كانت جد عنيفة.. كأنه باغي يثبت ليها رجولتو.. وانه حتى هو راجل مادام فضلات عليه راجل اخور.. سالا وناضت ريم.. وعضامها كيحرقو.. دخلات دوشات تاني وخرجات وهي مقاداش توقف… لبسات دغيا.. وتكات.. وهي مازال مامستوعبة هادشي اللي وقع دابا…
الحزء 119
صباح يوم جديد.. ناض ايوب ولبس حوايجو باش يمشي الخدمة..شاف فريم لقاها مازال متكية..
ايوب: واش مغاتنوضيش …
ريم: مهدودة.. مقاداش..
حط يدو على راسها لقا فيها السخانة..
ايوب: انا غانعطيك الدوا..
ناضت وهو عطاها الدوا.. شرباتو ورجعات تكات..
ايوب: رتاحي.. بلا متنوضي..
فعلا رجعات تنعس حتى حسات بيه خرج عاد بدات تبكي.. ولات لعبة فيديهم كلهم.. واش غلط واحد ممكن يخليها تدفع الثمن كاع بهاد القساوة.. علاش.. واش مو غاتحرر فيها العيشة بالنهار وهو يهرس عضامها بالليل.. بأي حق.. مسحات الدموع وهي خايفة.. سمعات صوت سعاد.. والنكير ديالها..وشوية وهي تسكت..
فالدار رجع احمد للدار.. ومشا عند الطاهر.. جا يبوس يدو وهو يحيدها.،
احمد: انا غلطت ابا… عفاك سمح ليا.. ورضا عليا..
الطاهر: مبغيتش نشوف وجهك.. ضيعتي حياة الدري.. وحياة بنتك.. اش هاد البرود فيك.. بسهولة بغيتي ننسى..
احمد: ابا عفاك..
خلاه ودخل لبيتو جا يمشي وهو يلقا عبد الله.. مشا شنق عليه..
احمد: غاناخد حقي منك.. غاناخدو..
عبد الله: الى لقيت اسامة.. تأكد اني غانقتلو..
احمد: واش تسطيتي.. هاداك ولدي..
عبد الله: ولدك.. ولد الحرام.. المهم غانقتلو.. حيت خداليا بنتي.. شحالما هرب.. غادي نلقاه.. ونلقا بنتي معاه..
احمد: بنتك!
عبد الله: ندى هربات معاه.. غادي نلقاه ونغسل عاري بيدي..
الطاهر: ندى هربات!!!
تلفتو ليه بجوج.. وصدمهم معرفوش من امتا كيسمع..
اسامة خدا ندى للطبيب باش يطمئن على البييبي.. لاول مرة شافو كيتحرك فالايكوغرافي.. دمعو عينيه..
اسامة: ندى.. شوفي ولدنا..
ندى: اه صغييور.. حبيب قلبي.. (شد فيديها)..
اسامة: كيحمق..
الطبيب: البيبي مزيان الله يكمل بالخير..
ناضت ندى باش يقلبها الطبيب حتى سالات.. ولبسات جات تجلس..
الطبيب: اه عندها التهاب.. وخاصها الدوا بشكل مستعجل.. باش ميأثرش لينا على البيبي.. وغادي نكتب ليها فيتامينات على قبل البيبي.. وغانبقاو نشوفوك كل شهرين.. فالكونترول..
ناضو وهما هازين تصاور البيبي فيدهو وشادين فيدين بعضياتهم..
اسامة: انا اسعد واحد فالدنيا..
ندى: حتى انا .. فرحانة بزااف..
غا خرجو وهي ترجع اللور..
اسامة:مالك..
ندى: عماد.. خويا عماد..
الجزء 120
اسامة: فيناهو..
ندى: داز دابا بالطوموبيل اياو قلبي غايوقف..
اسامة: تهدني احبيبة تهدني.. غانكونو بخير.. الحمد لله مشافناش..
شد اسامة الطاكسي ركبو فيها ومشاو..حتى وصلو للدار..
ندى: حاسة بكرشي كتحرق..
اسامة: واش نرجعو للطبيب..
ندى: لالا لا.. فلتنا بزز.. منعاودهاش.. قلبي طاح.. اربي كنموت.. عرفتي باش حسيت مللي شفتو..
اسامة: واش غانبقاو هكا مخلوعين حياتنا كلها..
ندى: قلتيلي غانمشيو من هنا.. فينو هادي.. جابلينا الوراق..
اسامة: غانعيط عليه تهدني..،غانمشي نجيب الدوا.. ونرجع ليك.. كولي شي حاجة.. وتهدني ميكون غا الخير احبيبة..
ندى: (بدات تتنفس) صافي واخا واخا.. غانكون مزيانة.. نتا غا سير دغيا.. جيب الاوراق دغيا..
باس راسها وخرج..
مشا عيط على هادي اللي جا عندو وتلاقاه.. وعطاه الوثائق اللي يحتاجو بجوج.. وعطاه حتى الفلوس.. ورجع لعندها..
ندى: جيتي..
اسامة: نباليو بالدوا بعدا.. شربيه..
ندى: درتي الاوراق..
اسامة: اه درتهم.. خلينا نمشيو .. انا نجمع حوايجنا.. على متشربي الدوا ديالك..
ندى: واخا الله يخرج العاقبة على خير..
شربات دواها على ما جمع اسامة الحوايج.. ومشاو.. قطع اسامة وراق التران.. وركبو حتى قلع عاد تنفسات..
ندى: عايشين فحرب.. اش غايخسرو لا خلاونا نعيشو حياتنا كما بغيناها.. اش غايخسرو..
اسامة: التفكير ديالهم صعيب وحنا تحديناهم.. حيت ختارينا بعضياتنا..
ندى: واش غانبقاو ديما هاربين..
اسامة:حتى تولي لاباس وتولدي على الاقل.. داك الساعة.. نواجهوهم..لا بغاونا مرحبا.. لا مبغاوناش.. الله يعاونهم.. انا قادر نخدم عليك وعلى ولادنا..
ندى: (حطات راسها على كتفو) وغايخليونا هانيين من هنا حتى نولد..
اسامة: مغاديش يلقاونا.. غانرتاحو..
ندى: ياا رب..
احمد كان مشطون وراسو عامر.. حتى قالو عقلو يمشي لعند حسناء.. وقف الطوموبيل حدا العمارة.. فجأة بانليه فتيحة خارجة.. بقا كيمعن فيها.. ركبات فطوموبيلتها ومشات..
احمد: هادي اش كدير هنا..

اترك تعليقا