Skip links

قصة : ثروات من شجرة الزقوم ج 2

 2,770 عدد مشاهداات

الجزء 41
جا ايوب للدار ولقا جداتو..
يامنة: ولدي لاباس..
ايوب: شوية اجدة..
يامنة: مالك اولدي ياك لاباس..
ايوب: احم جدة انا درت بخاطر جدي.. ماشي بحال هادي.. واللي ختارها ليا من الصغر هي اللي خديتها وبغيتها.. ياك
يامنة: الله يرضي عليك اولدي.. متلقاش حسن من بنت خالك.،
ايوب: ولكن.. ريم شنو مدرت ليها مكيعجبهاش.. وقالتهالي نيشان.. قالتلي كاع مكتجيب ليا الكادوات .. خوها ابسط مثال اسامة.. مغرق ختي كادوات.. وكتقارن..ومللي كنبغي نخرجها حتى كيعطيها باها الفلوس.. كنحس براسي ناقص قدامها.. واش انا ذنبي اجدة ان مي مخدات والو من جدي.. واش انا ذنبي انه معنديش الفلوس..
يامنة: لا ماشي ذنبك.. انا غانهضر مع ريم وغانرد ليها عقلها…
ايوب: لا لا لا.. غاتزيد تحقد عليا الى عرفاتني شكيت عليك.. لا متقولي والو.. انا اجدة غا كنفرغ ما فقلبي ليك.. صافي.. حيت معندي لمن نشكي..
يامنة: ستنى.. اني جاية..
دخلات للبيت.. شوية وهي تخرج حطات فلوس فيد ايوب..
يامنة: شري لمرتك اللي بغات.. متخليها مخصوصة من حتى حاجة.. وفوقما بغيتي شي فلوس اجي لعند جداتك..
ايوب: الله يخليك لينا يا احسن جدة فالعالم..
ناض فرحان.. وباس ليها راسها ومشا.. مشا ختار ليها تلفون .. وداز شرا ليها سنسلة.. ورجع للدار.، ورا لجداتو السنسلة.. عجباتها.. وطلع لعند ريم.. حل الباب ولقاها مجمعة مع ندى..
ريم: ايوب بقا تدق..
ايوب: ندق على مرتي..
ريم: تخيل ريم كتبدل حوايجها..
ايوب: عندك الحق سمحيلي..ندى.. (غمزها وهي فهمات راسها وناضت)
ندى: انا غانخليكم..
خرجات وهو سد موراها الباب بالساروت..
ريم: اش ناوي دير..
ايوب: ناوي ندير بزاااف دالحوايج..
ريم: نتا ناوي تفضحنا مافيهاش..
ايوب: فوقاش بغيتي تفهمي انك مراتي.. وحتى لا شافونا مغايقولو والو.. اصلا حنا اللي غانديرو العرس مور عماد وسارة..
ريم: العرس .. بشوية علينا.. مالنا مزروبين..
ايوب: وعلاش لي منزربوش.. شوفي.. غمضي عينيك.. عندي ليك مفاجأة..
غمضات عينيها وهو يبوسها..
ريم: ايوا صاااف.. هادي هي المفاجأة..
فجأة سكتات مللي شافت قدامها التلفون حلات فمها.. وشهقات بالفرحة.،
ريم: وااااو.. تلفون..
ايوب: باش تعرفي شحال كنبغيك..
ريم: (عنقاتو) هادا هو ايوب اللي كنبغي..وريني كيفاش نخدمو.. وريني..
ايوب: واخا نوريك احياتي.. شوفي عندي مفاجأة اخرى..
ريم: بالصح..
ايوب: دابا شنو.. غانمشي ولا؟؟
ريم: لاا.. بقا ووريني المفاجأة الثانية..
ايوب: شنو المقابل..
ريم: اللي بغيتي..
ايوب: اللي بغيت..
ريم: اه..
ايوب: متأكدة اللي بغيت..
ريم: ههه اه اللي بغيتي..
طلع السنسلة وهي شافت فيها حطات يدها على فمها بجوج.. ونقزات بالفرحة خداتها ليه..
ايوب: عجباتك..
ريم: كتحمق.. غانمشي نوريها لندى..
ايوب:(شدها من دراعها وخشا راسو فعنقها) ماشي دابا .. دابا محتاجك.. ……………
فدار فاطمة.. دخلات نسيم.. رجعات من المدرسة.. ولقات باها حاط يدو على خدو..
نسيم: بابا.. لاباس..
محمود: لاباس ابنتي..
نسيم: فين ماما..
محمود: راها فالبيت..
حلات نسيم باب البيت على فاطمة ولقاتها ناعسة.. مشات عندها.. وبدات تفيقها..
نسيم: ماما.. ماما..
بدات تحرك فيها وهي مكتحركش..
نسيم(غوتات) : بابااا… ماما مكتحركش..
الجزء 42
جرا محمود لعند فاطمة وبدا يفيقها وهي مبغاتش تفيق.. هزها دغيا وهو مخلوع عليها ونسيم كتبكي.. ومشا حطها فالطوموبيل.. جراو بيها للسبيطار.. ومحمود غايخرج ليه العقل.. وصلو بزز.. عيطو على الفرملية جاو هزوها.. دغبا ودخلوها.. محمود فشلو عليه الركابي.. مالها يا ربي ..
نسيم: انا خايفة عليها.. مالها اش وقع ..
محمود: تهدني.. غاتولي لاباس.. انا وياها شحال دوزنا ديال المحن مرا.. غاتكون لاباس.. غاتولي لاباس…
بقاو كيستناو ساعات.. حتى خرج عندهم الطبيب..
الطبيب: السلام عليكم.. نتوما عائلتها..
محمود: انا راجلها..وهادي بنتها..
الطبيب: واش كتعاني من شي ضغط ولا شي صدمة..
محمود: (حنا راسو)اه.. شي مشاكل..
الطبيب: للاسف.. مرتك حاولات تنتاحر..
نسيم حطات يدها على فمها وشهقات.. اما محمود حنا راسو..
محمود: واش غاتولي لاباس…
الطبيب: درنا ليها غسيل المعدة.. الحمد لله مللي جبتوها بكري..
مشا الطبيب .. ونسيم محبساتش من البكا.. ومحمود حط يديه على راسو.. وخايف على فاطمة اكتر من اي شيء..
………
فتيحة مشات مع عبد الله.. وجر ليها الكرسي تجلس..
فتيحة: شكرا بزاف..
عبد الله: ليا الشرف.. شنو تشربي…
فتيحة: عصير ..
عبد الله: واخا غانطلبو..
طلب ليها عصير وطلب لراسو قهوة..
عبد الله: صدفة زوينة.. عائلتنا فرحات بيك..
فتيحة: نتا مزوج.. مرتك ظريفة..
عبد الله تبدل فيه اللون.. وحاولت يتدارك الموقف..
عبد الله: اه.. ولكن.. ماشي اي واحد مزوج مرتاح…
فتبحة: وعلاش مراكش مرتاح اسي عبد الله..
عبد الله: ملقيتش المرا اللي تاخدلي عقلي.. وتعيشني كأني مزيود من جديد.. وو..
فتيحة: (حطات ذقنها تحت طية يدها وكتبتاسم بمكر) ولالة جوهرة مكتعيشكش هادشي؟؟
عبدالله: لا.. للاسف.. انا ومرتي بعاااد على بعضياتنا.. ومازال عندي الامل اني نلقا حب حياتي..
فتيحة: غاتلقاها غاتلقاها..
بقاو كيهضرو ومنسجمين مع بعض.. حتى جات تنوض فتيحة..
فتيحة: شكرا بزاف على الدعوة..
عبد الله: نتمنى نعاودوها.. شكرا ليك حيت قبلي الدعوة.، مككن ناخد النمرة ديالك..
فتيحة: واخا اكيد.،
الجزء 43
الطاهر: عماد.. انا وصيت على كلشي.. انشاء الله مور جوج سيمانات غاديرو ليكم العرس..
عماد: انشاء الله اجدي..
الطاهر: قالتلي الحاجة انكم خاص تسافرو مور العرس.. ختارو اي بلاصة.. وانا غانخلص ليكم فلوس التسفيرة..
عماد: الله يدومك فوق راسنا الحاج.. نمشيو غا لمراكش كنظن..
الطاهر: ايوا مزيان.. اجي شنو ناوي دير.. تمشي تكمل قرايتك.. غاتدي معاك مرتك طبعا.. واش غاتكري دار مفروشة.. اكيد مغاتديهاش لهاديك اللي كنتي فيها..
عماد: جدي انا مغانتعطلش تما.. شي شهراين ونجي.. بلا متتعدب سارة وتمشي معايا.. تبقا هنا فالدار..
الطاهر: حتى هادا نظر.. مزيان.. خليها..
بقاو كيهضرو حتى جاهم التلفون..
الطاهر: الو.. شنو .. بنتي..
عماد: جدي شنو كاين..
الطاهر: بنتي فاطمة.. فالسبيطار..
عماد: تهدن اجدي.. غاتكون بخير.. نديك عندها.. متخلعش.. صحتك كتهمنا..
مشا الطاهر ومعاه عماد.. وهو مهموم.. حتى وصل للسبيطار لقا نسيم.. ومعاها محمود..
الطاهر: مال بنتي.. مالها..
محمود: راها مزيانة..
الطاهر: نتا سكت.. اكبر غلط درتو فحياتي اني زوجتك بنتي.. فيناهي..
دخل عندها ولقاها متكية وحالتها تقطع فالقلب.. بقا يبكي..
الطاهر: بنتي.. الصغيورة ديالي.. مالك ابنتي شنو فيك..
فاطمة: بابا.. انا مزيانة..
الطاهر: لا.. مامزياناش.. علاش درتي هادشي فراسك..علاش..
فاطمة: انا بخير ابابا.. عفاك.. مللي نوض.. بغيت نمشيو انا ونسيم للدار عندكم..
الطاهر: واخا ابنتي.. دار باك مفتوحة.. نهزك فوق راسي.. نتي غا كوني بخير.. وبراي دغيا.. ومغايخصك حتى خير..
فاطمة: شكرا بزاف ابابا..
خرج الطاهر وهو معصب شاف فمحمود..
الطاهر: بنتي غاتمشي معايا.. هي وبنتها.. دار باها مفتوح ليها.. واللي مسبب ليها فهادشي.. مغاديش نسكت ليه..،
محمود: السي الطاهر.. انا كنب…
الطاهر: عليها حاولات تنتاحر بسبابك.. بسباب الضغط اللي كتضغطو على راسها بسبابك.. نسيم.. ماماك طلبات انه تمشيو هي ونتي معايا..
نسيم: ولكن علاش..
الطاهر: محمود.. دخل عندها هي بغاتك..
دخل محمود وهو متردد،، لقاها حلات عينيها..وفيهم الدموع..
فاطمة: محمود..،(الدموع) اقسم بالله الى عمري خنتك وشفت شي واحد اخور.،
محمود: عارف والله..
فاطمة: واخا عارف… خاصنا نتفارقو…
محمود: علااش..
فاطمة: مبقيتش ذاك النقية اللي عرفتيها النهار والاول.. ومن الافضل نتفارقو.. نموت على انه نتمنى انه يوقع ليا هادشي.. الله ياخد فيه الحق..
محمود: هو الله ياخد فيه الحق.. هو اللي دارها.. حنا ماشي ذنبنا.. وماشي ذنب نسيم.. مغاديش تعرف تيقي بيا.. مغاديش ندمرو حياتها بهاد الخبر.. عفاك.. خلينا نحاولو نبداو صفحة جديدة.. عفاك..
فاطمة: ميصلاحش .. مايمكنش.. انا غانرجع لدار با.. وعفاك بهدوء طلقني.. والخير اللي غادير فيا.. انه متقول لحتى شي حد هادشي..غا تناقشنا انا وياك.. عرفتي.. متقول لحتى شي حد شي حاجة..عفاك عيط لنسيم…
محمود مسح دموعه.. قلبو كان كيضرو بزاف.. معمرو كان كيتوقع هادشي.. معمرو كان كيتخيل انه غايوقع بحال هاكا.. وانه غايتفارق شي نهار مع فاطمة.. اللي كانت بالنسبة ليه اغلى من روحو.. ناض وخرج وهو كيبكي.. لقا الطاهر جالس ومعاه عماد.. وشاف فنسيم.. قاليها دخلي.. وهو انسحب..
دخلات نسيم لعند امها..
نسيم: ماما(كتبكي) حبيبتي علاش ديري هاكا.. علاش.. واش بغيتي تخليني بوحدي فالدنيا.. علاش..
فاطمة: بنتي.. سمعي.. انا وياك غانمشيو نعيشو فدار جدك واخا؟؟؟ باباك وانا غانطلقو..
نسيم:شنووو
فاطمة: مبغيتش يأثر عليك هادشي احبيبتي.. متخافيش.. غادي نكونو بخير.. ونتجاوزو هادشي.. عادي شحال من كوبل.. كيتفارقو.. هادشي ديال الكبار.. نتي مازالة صغيرة.. بغيتك تقراي قرايتك.. وتشرفيني بيها..
نسيم: واخا اماما
فاطمة: (كتخصص) باباك راجل مزيان بزاف ابنتي ..انا فرحانة حيت عشت معاه هاد المدة كلها.. كتر من عشرين عام..، عمرو فحياتو مرفع صوتو عليا.. وديما كان كيخاف عليا لا تقلقني شي حاجة ولو تكون بسيطة..
نسيم: مادام هاكا علاش باغيت تتطلقو..
فاطمة: المكتاب سالا… كاين شي حوايج كيوقعو .. خارجة عن ارادتنا.. متسوليش بزااف.. المهم نتي.. نوارتي.. اللي كنبغيها بزااف.. واللي غاندير المستحيل.. باش تولي فخر ليا ولراسها..
الجزء 44
دازت حنان من حدا بيت ريم.. وسمعات شي صوت.. ودخلات.. لقات ايوب حداها على الناموسية..
حنان: يا ولاد الحرام.. واش محشمتوش..
سدات الباب.. وبدات تهضر بشوية لا تتفضح..
ايوب: اخالتي حنان.. متفهميش غلط.. حنا مزوجين..
بدات تضرب فأيوب..
حنان: مزوجين.. مزوجين.. حتى ديرو العرس.. حتى ديرو العرس.. ياك هادي هي التقة.. والله ويسيقلسك الخبار خالك.. يا حتى يقتلك ويدفنكم بجوج.. ونتي.. هادي هي تربيتي… يااك..
ريم: (برعب) ماما والله حتى هو شدني بزز..
حنان: شدك بزز… هااا شدك بزز (كتضرب) ونتي استحليتيها.. عجبك الحال.. يا بنت الحرام هادي هي تربيتي.. سمع.. نوض ..
بدا يلبس حوايجو.. وهو خايف لا تضرب بيه الطر،. وهي كتزيد تضرب فيه..
حنان: نوووض منشوفش وجهك هنا.. متضورش ليا ببنتي.. ولا والله حتى نقولها لجدك يتفاهم معاك..
ايوب: جدي لاا… لا جدي لا..
حنان: الحشمة مبقاتش..
خرج ايوب بعدما كلا ما كلا الحمار.. وسدات حنان الباب..
حنان: واش نتي مسطية.. واش باغا تشوهيني.. واش مشايفاش الحالة كيدايرة.. قوليلي.. قولي الصراحة.. وليتي مرا؟ هضري..
ريم: لالالا.. مخليتوش..
حنان: اياك تكدبي.. راه غانديك للطبيب..
ريم: لا اماما كنحلفليك.. مكنكدبش..
حنان: ابنت الحرام.. واش مشايفاش اش واقع.. تخيلي دار مادار خوك.. كلشي مغدد منا بسبابو.. مخفتيش يحفرولنا بيك.. باش يشوهونا.. مخايفاش .. تخيلي ليوم غدا قال لجدك مغانتزوجاش
ريم: عمري نعاود ندخلو للبيت..عمري..
حنان: الى شميت خبارك دخلتيه راه غانخلي دار بوك سمعتي..
ريم: واخا عمري..
ناضت حنان وهي منرفزة.. وخرجات من بيت بنتها.. ومشات لبيتها وهي تلقا احمد قدام المرايا.. كيقاد جاكيطو.. وخدا البرفان كيرش..
حنان: تبارك الله عليك.. لا بوكوص.. لمن كتقاد راسك هكا.. ياكما غادي تتلاقا شي وحدة..
احمد: هه غادي لواحد الاجتماع.. وفيه عيالات ههه باغي ندوخهم بيا باش يسنيو وعينيهم مغمضين ( غمزها)
حنان:لا بوكوص.. ومن ناحية يدوخو غايدوخو..
احمد: هانتي عرفتيني فين غادي.. نتي.. منين جاية..؟
حنان: احم.. تلاقيت هادي..
احمد: مازال مبغا يدير عقلو..
حنان: لا.. كيبغي البنت بزاف.. ولدنا طاح على زنافرو..
احمد: خليه.. دابا يتسالاو فلوسو ويرجع..
حنان: انا خايفة يدير ما دار عمو.. حيت متزوجش اللي كيبغيها.. غايبقا حياتو كلها من هادي لهادي.. وحتى وحدة متعمر دارو..
احمد: انا كنحمد الله.. حيت معمرة عيني غا وحدة فالدنيا.. ومكاينش غيرها(باس يدها) الله يخليك ليا يا اجمل مرا فالكون.،
حنان: ويخليك ليا..
شوية سمعو بجوج صوت.. كانت الحاجة كتبكي..
حنان: ماشي صوت خالتي هادا..
احمد: امي.. مالها..
مشاو دغيا.. ولقاو الحاج داخل وموراه عماد ونسيم شادين فاطمة.. وباينة فيها عيانة..
يامنة: مال بنتي.. قولولي مالها..
فاطمة: انا بخير امي.. بخير.. متخافيش..
الطاهر: ديوها لبيتها ترتاح.. تهدني الحاجة.. راها مزيانة.. غاتكون بخير.. متخافيش..
يامنة: مشايفهاش كيفاش صفرا ..
الطاهر: قلتليك غاتولي لاباس..
دخلو فاطمة لبيتها وشاف احمد فباه..
احمد: اش واقع الواليد..
الطاهر: فاطمة غادي تتطلق.. تناقشات يمكن مع محمود.. وكانت غاتنتاحر بسبابو..
يامنة: الله يا بنتي الله..
الطاهر: غاتولي لاباس.. متخافيش عليها..
الجزء 45
احمد: غريب.. عمرها مشكات منو.. وهو ديما كيعاملها بحال الما القليل..
حنان: غريبة بزاف.،
جوهرة اللي كانت كتتصنط عليهم. سدات باب بيتها بضحكة خبيثة..
جوهرة: هاه.. وها دقتك الالة فاطمة.. عقبال السي هادي.. ومو لالة حنان.. غاندير ليكم دقتكم حتى نتوما تليق بمقامكم.. باش نعلمكم تقربو من بنتي.. وتكسرو قلبها..
……
فبيت فاطمة كانت متكية.. وحداها نسيم..
نسيم: واش لاباس شوية اماما..
فاطمة: لاباس ابنتي.. وغانكون لاباس كتر.. الى مبقيتش شايفة فيك هاد الخلعة.. متخافيش عليا انا وليت بخير..
نسيم: كيفاش منخافش.. وانتي كنتي غاتقتلي راسك..
فاطمة: ماشي بالعاني.. غا كان راسي كيضرني بزاف وشربت بزاف دالكينات.. مكانش يحسابلي غادي يضروني..
نسيم: مغاتعاوديهاش ياك..
فاطمة: لا ابنتي.. متخافيش…..
عماد: عمتي.. واش نتي لاباس ..
فاطمة: اه اولدي عماد لاباس.. الله يخليكم ليا..
نسيم: حاولي تنعسي..
غطاتها وناضت..
عماد: منخافيش.. غاتولي مزيانة..
نسيم: انا خايفة بزاف عليها.. معرفتش شنو صابهم بجوج..
عماد: متعصبيش راسك.. بغيتي تخرجي تشمي شوية الهوا؟؟
نسيم: لا غانبقا هنا مع ماما..
عماد: اذا غانمشي نجيبليك شي كاس العصير يهدنك شوية.. باينة فيك مواكلة ما شاربة..
مشا يجيب ليها.. وهي بقات جالسة.. حتى جاب عصير وكاطو فطبسيل..
خدات منو العصير.. وبدات تشربو.. هز الكاطو ومدو لفمها..
عماد: كولي غا هادي..
نسيم: مباغاش..
عماد: ديريلي خاطري.. غا هادي..
داز حداهم ايوب وهو كيتسلت باش متشوفوش حنان.. وهو يبانليه عماد ونسيم.،
ايوب: بشاخ على الرومانسي..
شوية دخل عليهم..
ايوب: احم.. كيف راك انسيبي..
حط عماد داك الحلوة وارتبك مللي شاف فايوب..
عماد: فين كنتي..
ايوب: كنت مع مرتي.. ونتا فيناهي مرتك..
نسيم: سمحولي..
خلاتهم وناضت.. عماد ضرب ايوب لصدرو..
عماد: اش هاد الزمر كديرو.. مشايفش حالتها كيدايرا.،
ايوب: علاه مالها.. انا شفتك غا كتتعنب..
عماد: عمتي فاطمة كانت غاتموت والبنت مخلوعة عليها.. وانا كنت غا كنواسيها..
ايوب: اااه.. ايوا سبحان الله.. يقولك عقلك دير فختي ما دار هادي فختك.. انا راه منتفاكش.. كله الا ختي حبيبتي..
عماد: باراكة من التخربيق.. خليني عليك الهضرة معاك كتفور الدم..
كلهم جاو يطمئنو على فاطمة.. ويشوفو مالها.. بعدما اطمئنو عليها وكلها مشا لحالو.. نسيم بقات مع امها ونعسات معاها.. اما فاطمة بقات الليل كله وهي كتبكي فصمت..حشمانة منو.. هو اللي عاش حياتو كلها.. وهو وفي ليها.. وحبو ليها كان قوي وصادق..محملاتش راسها.. مقدراتش تسرطها.. مرضاتش انه يوقع ليها هكا.. وهي اللي كانت طول حياتها وفية ليه بزاف وصاينة حبها.. ومعجبهاش يبان هو قدام عائلتها بهاد الشكل.. محملاتش انها تسمع كلمات جارحة على حب حياتها خصوصا ووانها تحداتهم كلهم على قبلو.. محملاتش يظلموه بأنه هو السبب فالفراق وفحزنها.. والعكس صحيح.. هي السبب.. بدات تسب فخاطرها فالفقيه.. وتلعن النهار اللي مشات فيه عندو.
الجزء 46
عماد محملش الطريقة باش هضر معاه ايوب.. وبعد منو.. حتى كيجيه ميساج.. حلو واتفاجأ.. وبدا يدوز فالتصاور..
عماد(كيضحك): لا لا هادي زوينة…
……
هادي كان منهمك فخدمتو بعدما مشات سحر.. وكل مرة كيطمئن عليها بالتلفون.. كيتوحشها بزاف.. داير كل ما فجهدو.. باش يلحق عليها دغيا.. وباش يجمع الفلوس باش يتزوجو..ولكن الموضوع صعيب بزاف.. هو دابا كيبدا من اللول.. ومعندو والو.. ومعندوش اللي يساعدو.. وفالدنيا.. غاتلقا اللي كيحاول يصعبها عليك بزاف.. واللي كيحاول يدير العثرات فطريقك والشوك..بعد ايام من الخدمة والحريث..كيعيط ليه عماد..
هادي: عماد لاباس..
عماد: واخا مدرتي فيها ميصلاح.. ولكن الدم كيحتم عليا نقوليك شنو وصلني..
هادي: شنو وصلك..
عماد: قبل منصيفطليك بغيتك تعرف انه مكنصيفطليكش هادشي باش تحن فختي وترجع عندها حيت واخا رجعتي انا اللي غانوقف ليك فالطريق..
هادي:(تعصب) دوي شنو كاين
عماد: هانتا غايوصلوك التصاور.. وواحد الاوديو..
قطع عليه وصيفطلو.. وهادي حلهم وبدا يحماق.. لقا تصاور سحر مع شي واحد فالبواط.. كايشكرو ويشطحو.. ونفس الشخص معاها ماشي فبلاصة اخرى..لقا الاوديو وحلو.. كان صوت ديال شي واحد مكيعرفوش..
الشخص: اولا عماد.. كيف حوالك بخير هانية.. المهم هانا غانصيفطليك شي تصيورات ديال داك البنت اللي كيتمشا معاها ولد عمك.. اللي كان عايش معاها هنا..عرفتي راها محيحة مع واحد خينة هنا.. باينة فيه ولد شي حد مهم.. مكتخليش معاه شي بلاصة وعايشة معاه تا هو فنفس الدار اللي كان معاها ولد عمك.. هاد البنت مقطرة.. قولو يحضي منها..
كمل الاوديو وعروقو غايتفركعو ولا حمر ضرب يدو بونية بالجهد مع الحيط وبدا يمشي ويجي وكيسوط الدخاخن من نيفو.. بدا يعيط ليها وهو كينهج.. مجاوباتوش.. خرج واتجه لدار امها..وفنفس الوقت كيعيط ليها.. حتى وصل للدار وهي مكتجاوبش.. دق على امها وحلات الباب..
الام: اش كاين اش هاد الدقان..
هادي: شوفي بنتك.. شوفيها.. واش اتسطيوني.. شكون هادا.. مشات تما وبدلاتني صافي!؟؟ واش غاتحمقوني،،
الام: ايه ايه ايه.. تبت راسك.. وعرف كيفاش تدوي معايا.. ايه كتمشى معاه.. ونتا ما راجلها ما خطيبها باش تتحكم فيها.. نهار تدير معاها العقد ديك الساعة اجي دوي وحاسب.. ونتا اولدي جراو عليك عائلتك وعايش مكرفص.. باغي تكرفص معاك بنتي.. لا احبيبي.. فيق.. نهار تكون قاد تعيش بنتي فمستوى زوين.. ديك الساعة اجي مرحبا بيك.. نهزوك فوق راسنا..
هادي: تهضر هي.. وتقولي مبقاتش باغاني.. ديك الساعة مغاتشوفش وجهي..
الام: واش نتا مذلول ولا شنو.. متخافش.. غاتقولهالك.. حيت لقات ما حسن منك.،
خدات تلفونها.. وصونات لبنتها..
الام: اسحر.. داك خينا هنا..
خطف منها التلفون وهضر وهو معصب..
هادي: اش هاد اللعب.. سحر.. واش نسيتي وعدك ليا..
سحر: مبقيتش باغاك اهادي.. فرق عليا ومتعاودش تسول فيا..
قطعات وهو كيغوت..
هادي: سحر.. سحر… انا غاندمكم.. انا بعد عائلتي على قبلها.. فالاخر ديرلي هاكا.. شكون حاسبة راسها شكووون..
الام: سير فحالك.. ولا نعيط للبوليس نقوليهم تهجم عليا.. واياك تقرب لبنتي مازال..
الجزء 47
حس هادي بانكسار وبقا غادي فالزنقة.. وهو كيبكي.. مصدقاتش.. هادي اللي ضيع حياتو على قبلها ووقف فوجه عائلتو.. كيفاش كان حمار ومكيشوفش.. هي كانت باينة انها بنت زنقة ومتصلاحش تكون بنت الدار.. كيفاش قدر او فكر انه يعطيها قيمة ويديرها مرا فدارو ويفكر انه فيوم من الايام غاتكون ام ولادو..
… …
فالدار مشات ريم لعند ندى.. وودخلات..
ريم: مشيت فيها اصاحبتي مشيت..
ندى : مالك اصاحبتي..
ريم: ماما دخلات للبيت علينا انا وايوب.. ولقاتنا…
ندى: متقوليهاش.. وشنو دارت..
ريم: مخلاتش ليا.. وكتقولي غانديك للطبيب يقلبك..
ندى: ونتي،،. واش؟؟؟
ريم: معرفتش.. شفت شوووية ديال الدم.. زعما يكون؟؟
ندى: شنو بانليك نمشيو للطبيب انا وياك..
ريم: مغانمشي لحتى بلاصة.. ماما مغاديش تعاود تخليني نخرج..
ندى: تهدني.. مغاديش تتفضحي.. غا حضي راسك من الحمل.. باش ميعيقش شي واحد..
ريم: حاضية حاضية.. تخيلي ماما داتني للطبيب؟؟
ندى: تحججي بأي حاجة.. وقوليلها انا بنتك واش مكتيقيش فيا..
ريم: واخا.. انا مرعودة..
ندى: عيطي لايوب.. وقوليلو مايبقاش تاني يجي .. عرف العتبة ولى باغي يسكن معاك فالبيت..
ريم: لوكان مشافناش مع عادل.. كاع مكنت نخاف ونخليه يجي..
ندى: الفوت ديالك.. نتي اللي وافقتي نجلسو معاه..
ريم: اللي وقع وقع.. صافي… الى سولاتك ماما.. متقوليلهاش راه كيجي عندي ديما..
ندى: باينة اصاحبتي واش تسطيتي..
ريم: الله يخرج العاقبة على خير..
رجعات لبيتها.. وحداها كان بيت اسامة اللي مقابل غا الحفاظة.. امتحاناتو قربو.. وفظل هادشي كله.. منساش ناريمان..
ناريمان: مني دفنوه ما زاروه..
اسامة: كنفكر فيك ديما.. ولكن الحفاظة كتيرة عليا.. ومقدرتش..
ناريمان: توحشتيني..
اسامة: بزاف..
ناريمان: شنو بانليك نخرجو.. انا قنطت..
اسامة: واخا.. انا واحد النص ساعة غاندوز موراه.. وجدي راسك..
سالاو المكالمة وهو ناض بدل حوايجو.. وخرج.. ركب فالطوموبيل.. وخرج وهو يبانليه هادي..عرفو غا من ظهرو.. مشا عندو..
اسامة: هادي..
تلفت عندو وهو كيمسح فدموعو..
اسامة: مالك..
هادي: عياان..
اسامة: ركب..
مشا هادي ركب مع اسامة.. وكان باين جدا دموعو فعينو.. داه لجهة لبحر باش يقدر يتنفس.. ويهضر..
اسامة: عاودلي..
هادي: صدقات متسواش.. باعتني بأرخص ثمن.. وبدلاتني بواحد تاني مللي لقات معندي تا ريال..
اسامة: متستاهلكش.. ومتستاهلش حبك.. متعصبش راسك عليها.. مازال غاتلاقا اللي تحبك وتحبها..
هادي: الى قدرت ننساها.. ديك الساعة نعاود نحب شي وحدة اخرى..
اسامة: خاصك ترجع للدار.. باش تقدر ترجع لقرايتك..
هادي: فنظرك جدي غايرجعني بعد داكشي اللي درت.. وبعدما وقفت فوجهه.. وقلت لا..
اسامة: متقولش ليهم راها مصدقاتش.. قول انك فكرتي ولقيتي انه مقادرش تبعد على عائلتك.. الا بغيتي انا نقدر نهضر مع جدي..
هادي: هضر معاه.. وغانرجع.. وغانتزوج ندى.. انا مبقاش فيا الجهد ديال التكرفيص.. اللي كنت مستعد نتحمل على قبلها مبقاتش.. اللي بغا يكون يكون..
الجزء 48
بقا اسامة كيواسي فهادي.. وناريمان كتصوني ليه ويقطع عليها.. وهي فالدار كانت مفقوصة بزاف..
ناريمان: كيقطع عليا..شفتو التفلية كيدايرا.. كيقطع..
سارة: تهدني.. يمكن واقعة شي حاجة..
ناريمان: مواقع والو.. واخا اسي اسامة.. انا غانوريك..
سعاد: اش غاديري الصكعة..
ناريمان: غاتفرجي..
اسامة بدا يعيط لامه.. وجاوباتو..
حنان: الو..
اسامة: ماما.. بغيت نقولك راه هادي معايا..
حنان(بلهفة): بالصح.. فين .. نجي عندكم..
اسامة: ماما سمعي.. هادي بغا يرجع للدار.. واش تتكلفي تقنعي جدي بهادشي..
حنان: اه بالفرحات عليا ولدي يرجع.. ندير المستحيل..
اسامة: انا غانجيبو ونجيو…
حنان: واخا اولدي واخا.،
ناضت حنان دغيا.. ومشات لعند الحاج الطاهر..
الحاج: بنتي لاباس عليك..
حنان: بنتي.. شحال زوينة هاد الكلمة..انا جيت نطلبك طليبة.. وبوجه هاد الكلمة الزوينة متردها فوجهي..
الحاج: طلبي ابنتي..
حنان: هادي بغا يرجع للدار.. عفاك وافق..
الحاج: انا مخرجتوش منها.. هو اللي خرج لراسو..
حنان: طيش شباب راك عارف..
الحاج: عارف.. ولكن.. بشرط.. يحيد ديك البنت من عقلو.. ويتزوج بنت عبد الله..
حنان: (ارتبكات)ميكون غا الخير الحاج..
الحاج: الله يرضي عليك ابنتي..
ناضت حنان بحماس بقات كتطل واش تشوف اسامة وهادي جايين.. حتى بانوليها… ومشات كتجري غا نزل هادي من الطوموبيل وهي تعنقو..
حنان: الحمد لله يا ربي.. رجعتي ليا الحمد لله..
هادي: (بعيون ذابلة) جدي مغايقبلنيش..
حنان: قالي غانقبلو بشرط.. الى غايتزوج بنت عبد الله..
هادي: (حنا راسو) واخا نتزوجها..
حنان: (تفاجات) شنو ؟؟؟واش بالصح؟؟؟ متأكد من هادشي اللي كتقول..
هادي: اه .. فكرت مزيان ولقيت انه مغاديش نلقا حسن منها..
حنان: الله يحفظك ليا اوليدي.. هادا هو ولدي اللي كنعرف. دخل دخل..
دخلات ولقات نسيم.. شافت فهادي لقات دموع فعينيه..
نسيم: مالك..
هادي مجاوبهاش.. نخلها وداز..
نسيم: مغرور كيداير..
دخلو ومشا لعند جدو.. تحنى. عندو وباس يدو..
هادي: سمحلي اجدي.. انا تحت امرك.. لللي بغيتيها نتا هي اللي غاتكون..
الحاج: ايوا الحمد لله مللي درتي عقلك.. الحاجة عيطي لعبد الله وبنتو..
يامنة: واخا…
.. مشات عيطات ليهم.. وجات حتى جوهرة.. وتفاجإو مللب لقاو هادي..
عبد الله: اش كاين ابا..
الحاج: غانعرسو لهادي.. ولكن خاصنا موافقة بنتك..
ندى: ماموافقاش..
الحاج: دار عقلو..
عبد الله: بنتي عندعا كرامتها..
خرج ليهم عماد..
عماد؛ جاي باش يبان مطلوم .. وللي توحشنا.. حتى سمحات فيه داك الحمارة.. عاد تفكرنا.،
الجزء 49
كلشي تفاجأ من هضرة عماد..
عماد: سولوه.. سولوه واش مبقاش باغي يتزوجها.. اللي كان كيتحدانا كلها على قبلها..
هز التلفون وبدا ويوريهم التصاور ديالها..
عماد: شوفو مزيان.. شوفو اللي كان باغي يدخلها وسطنا كيدايرا.. سمحات فيه بعدما ولى معندو حتى ريال فالجيب..
هادي تعصب وناض عندو طيحلو التلفون وشدو من الكول..
هادي: متدقش عليا والا مغايعجبك حال.. انا مكنجبدكش.. متخلينيش نقوليهم نتا اش كدير.،
عماد: مكايناش على راسي ريشة بحالك..
شدفيه حتى هو بداو يتقاتلو حتى سمعو صوت جدهم خلاهم يبعدو من بعضياتهم.. وكل واحد يقاد حوايجو وهو مخنزر..
الحاج: واش محشمتوش.. مدايرينش اعتبار لوجودي..
حنان: سمحليهم الحاج عفاك.. طيش مراهقة.. (شافت فندى) بنتي.. عفاك وافقي.. واللي حبها خاطرك نديروهالك..
ندى: سمحيلي اخالتي.. خاطرك على الراس والعين.. ولكن هو مغاديش نتزوج بيه.،
الحاج: سدو علينا هاد الموضوع دابا.. هادي رجعتي .. نتمنى دير عقلك من هنا لفوق.. عماد.. ركزليا اولدي فعرسك…
عماد: عرسي اجدي غايكون كما قالك خاطرك.. واللي بغاها جدي هي اللي غاتكون..
حنان(لهادي): اجي اولدي تطلع لبيتك.. ترتاح شوية.. غاتكون عيان.. شوف كيف ضعافيتي.. مكتاكلش..
مشا مع امه وطلع لبيتو.. ولكن الشمتة مبغاتش تتحيد ليه.. الشمتة ديال انه سحر دارتها بيه.. وبدا يفكر.. علاش.. واشنو كان ناقصها معاه هو..
شوية سمع الدقان فالباب.. مشا حل لقا نسيم..
نسيم: السلام.. ممكن نهضرو..
هادي: دخلي..
دخل وهو حاط يديه فجيابو.. وكيحيرك راسو بالفقصة..
نسيم: بغيت نقولك متعصبش راسك.. ماشي من حق عماد يهضر معاك بديك الطريقة.. ولكن.. حتى نتا.. مكانش خاص تجرح ندى.. هي ماشي ذنبها.. الى بغيتي نهضر معاها .. تتصالحو..
هادي: نسولك؟؟
نسيم: اكيد سول..
هادي: شكون نتي؟
القمعة كانت ثانية لنسيم.. وهي كتتلقاها منو.. مقدراتش تتحملها..
نسيم: معرفتينيش.؟؟ انا بنت عمتك.. عمتك فاطمة..
قرب منها حتى تواجه وجهو مع وجهها..
هادي: متبقايش تدخلي راسك فشي حاجة مكتخصكش.. حسن لك.؟؟
ناضت نسيم وخرجات..، وسدات الباب.. جرات لبيت امها..
نسيم: كنكرهو.. كنكرهو.. انا يقمعني.؟؟ كنكرهو..
الجزء 50
دخلات نسيم للبيت وشافتها مها كتلعن وكتسب..
فاطمة: مالك؟؟ شنو واقع..
نسيم: والو اماما..
فاطمة: شكون عصبك..
نسيم: تا واحد..
فاطمة:شنو واقع سمعت الصداع..
نسيم: داك الزمر ديال هادي.. رجع للدار.. وهو اللي دار داك الروينة..
فاطمة: متقوليش على ولد خالك هكاك..
نسيم: اودي يستاهل.. مغرور.. حتى واحد مكيحملو فالدار..
فاطمة: واخا هكاك.. حنا خاص نكونو محايدين.. سيري تحفظي.. امتحاناتك قربو..
نسيم: واخا اماما..
ناضت ومشات خدات كتابها.. ومشات للجردة.. بدات تقرا.. طلعات راسها فجيهة البيت ديال هادي.. ولقاتو فالبالكون كيكمي.. وراسو حااطو جهة الحيط.. بحال شي واحد هاز هموم الدنيا .. بقا فيها.. وهي تتفكر القمعة ديالو.. تعصبات وخشات راسها فالكتاب تاني وبدات تقرا..
…………
فبيت ريم كانت كل دقيقة كتسمع ايوب كيصوني.. وكتجاوبو..
ايوب: توحشتك بزززااف.. مكرهتش ترجع ماماك تميك تاني علينا.. نهار تخرج قوليهالي نجي.. ولا اجي نتي شي نهار مع اسامة..
ريم: واخا.. انا غا خايفة تديني للطبيب.. تقلبني ولا شي حاجة..
ايوب: معليش.. الى قالت لينا شي حاجة نقولو لجدي يدير لينا العرس.. انا مزروب عليه..
ريم: مبغيتش الفضيحة..
ايوب: مكاين فضيحة.. نتي راكي مرتي.. وغانديرو وليدات..
ريم: يالله خليني ننعس دابا.. انا غانطفي التلفون واخا.. باش ميعيقش بيه شي واحد..
ايوب: واخا ولكن غدا غير تفيقي.. صونيلي.،
ريم: واخا.. تصبح على خير
ايوب: كنبغيك بزاف
فطعات معاه.. وبلوكات نمرتو… وخدات الورقة اللي مكتوب فيها نمرة عادل.. وكتباتها وصونات.. شوية جاوبها..
ريم: الو!
عادل: يااااه.. واخيرا.. شحال وانا كنستنى تصوني.. حتى قربت نيأس من انه غاتعيطيلي..
ريم: غا ملقيتش فرصة..
عادل:توحشتك..
ريم ضحكات بخجل.. ومجاوباتش..
عادل: حشمتي،؟؟ متحشميش .. انا بغيتك تاااخدي راحتك معايا..
ريم: واخا..
بقاو كيهضرو الليل كامل.. ومسخاتش.. وفجهة اخرى.. كان عبد الله كيهضر مع فتيحة ولكن كان فطوموبيلتو.. وكيقصر بالرومانسية.. ولقا راسو طايح فيها.. هادي هي المرا اللي مان كيقلب عليها من زمان.. كتفهمو وكتحس بيه.. وفبيت اسامة كان كيحاول من الصباح باش يصوني لناريمان وهي كتقطع عليه.. وكيصيفط فالميساجات كيشرح ليها شنو وقع.. وهي مكتجاوبوش.. مبغاتش تتسرط ليها..
…………
صباح الصباح.. فاقت نسيم ومشات تقرا وهي مبغاتش تتسرط ليها القمعة.. دخلات القسم وهي كتفكر ومركزاتش مع الدرس ابدا.، علاش دار هكاك.. علاش حاس براسو حتى لداك الدرجة.. غايكون كيكرهها زعما؟؟ ولكن هو كيتعامل خايب مع كلشي.. حالتو خايبة اصلا.. ماشي ديال شي واحد نورمال..
دق الجرس وخرجات من المدرسة.. وهو يبان ليها باها.. فرحات مشات كتجري عندو.. عنقاتو..
نسيم: بابا توحشتك،،الجزء 51
محمود: بنتي.. حتى انا توحشك بزاف..
نسيم: حتى انا ابابا.. توحشتك بزاف..
محمود: خلينا نمشيو نتغداو مرا..
نسيم: واخا…
مشات فرحانة وجلسات مع باها..
نسيم: انا فرحانة بزااف..
محمود: شنو اخبارك.. وشنو اخبار ماماك..
نسيم: ماما مزيانة.. بدات كتتحسن.. اما انا..
محمود: شي حد كيتعدى عليك فالدار..
نسيم: كلهم معايا زوينين.. الا هادي..
محمود: ولد احمد؟؟
نسيم: اه..
محمود: شنو دارليك؟؟
نسيم: تخيل كنهضر معاك كيقمعني.. مغرور.،
محمود:(تنفس) مشا بالي بعيد هه.. وعلاش كيقمعك!
نسيم: دابا هو مكانش باغي يتزوج بينت خالي .. ومن بعد رجع دابا ووافق.. يمكن كان مع شي بنت وخانتو.، وندى مبغاتش..
محمود: فهمت.. يعني هو اصلا مضرور نفسيا..
نسيم: يمكن ولكن انا شنو دنبي..
محمود: فخبارك اصعب حاجة هي يبزو عليك تتزوج شي واحد.. ماماك مكانوش باغينها تتزوج بيا.. وكانو غايزوجوها لواحد اخور..
نسيم: ههه ولكن.. علاش باغيين تتطلقو..
محمود(تنهد) : شي حوايج مكديرش بحسابهم.. ولكن بغيتك توصلي ليها.. هاد الهضرة اللي نقوليك.. قوليلها انها عمرها مغاتنزل من نظري.. وغاتبقا ديما هي لالة البنات.. كما شفتها النهار الاول..
نسيم: غانقولها ليها..
… … فالدار كان الحاج جالس ومعاه الحاجة..
يامنة: فين وصلنا الحاج..
الطاهر: نعرسو لعماد وبنت سعاد.. داك الساعة يحن الله..
يامنة: ياك موافقين على بعضياتهم بعدا..
الطاهر: اه موافقين..
يامنة: هادي وندى الى مبغاوش يتزوجو بلا متبزز عليهم..متعرف شي نهار يجيو يقولولك هما بغاو يتزوجو من راسهم.. غايكونو كبرو شوية ودارو عقلهم..
الطاهر؛ كاينة الحاجة..
شافو بجوج بيهم فاطمة خرجات.. وغادة جاية.. ومهازاها ارض.. وشافو هادي نازل
يامنة: هادي.. اجي اولدي..
جا باس راسها وباس يد جدو.. ومكترش الكلام..
يامنة: جلس اولدي نهضرو معاك شوية..
الطاهر: فاطمة.. مالك ابنتي..
فاطمة: نسيم تعطلات بزاف.. معرفتهاش فين اتكون مشات..
الطاهر: هادي نوض سير سول فالمدرسة عليها.. هاديك بنتنا وامانة فرقبتنا.. ها علاش قراية البنات مكتجيب غا صداع الراس.. كون غا جلستيها حداك..
هادي بدا يسوط وناض.. خرج من الدار،. وفاطمة موراه كتقولو المدرسة فين كاينة وكتوصيه يصوني ليها ..ركب فالطوموبيل.. ومشا وصل للمدرسة لقاها مسدودة.. جا يرجع.. وهي تبان ليها غادا فالطريق وهازة شكارتها.. وصل عندها حتى سمعتت الروايض تحبسو ودارو الصوت بسبب الفران القوي.. شافت فيه تصدمات اخر واحد كانت كتتوقع انها تشوفو..
نسيم: هادي؟؟
هادي: ركبي..
مشات ركبات حداه .. وهي معارفاش اش جابو..
هادي: من قرايتك للدار ماشي نتي تتبرهشي وتتساراي وانا يزيروني نجي نقلب عليك.،
نسيم: ولكن!!
هادي: سكتي.. بقالي غا البراهش نتبعهم نجيبههم من الروض..
نسيم: انا ماشي برهوشة..
هادي: سكتي.، متدويش..
نسيم كمشات فمها وخرجات شوية الشفا السفلية تعبيرا عن الغضب.. وهو صايك وشايف قدامو.. حتى وصل للدار.. نزل من الطوموبيل ومشافش فيها لقات امها..
فاطمة:(تعصبات) فين كنتي؟؟؟
نسيم: مع بابا..
فاطمة: وعلاش معيطيش ليا تعلميني..
نسيم: نسيت..
فاطمة: حرام عليك تخلعيني.. دخلي.. مرة اخرى بقاي تعلميني..
نسيم:(حنات راسها) واخا اماما..
الجزء 52
بدات فاطمة كتخاصم على نسيم..
نسيم: كنت معا بابا.. وقالي انا ماماك عمرها تنزل من نظري.. وغاتبقا ديما هي لالة البنات كما شفتها النهار الاول..
هنا فاطمة تهزات وتأثرات وسكتات..
نسيم: ماما.. علاش مترجعوش. مدام كتبغيو بعضياتكم بزاف.، قوليلي.. واش لقيتي بابا كيخونك مع شي وحدة؟ .. قوليلي.. انا غانهضر معاه ونعاتبو..
فاطمة: (بدمعة)عمرو شاف غيري فحياتو..
مسحات الدمعة باش متشوفهاش نسيم.. وبدات تخبي تأثرها..
نسيم: اذا علاش باغين تتفارقو علاش.. الى كنتو كتحماقو على بعضياتكم..
فاطمة: قلتلك متعاوديش تخلعيني عليك.. من هنا الفوق بقاي تعيطي عليا.. انا غانجيبليك تلفون..
نسيم: واخا اماما..
فاطمة: سيري طمأني جداتك وجدك.. تا هما تخلعو عليك قبيلة.. وقوليلهم مغاتعاوديش.. هنا ماشي بحال دارنا..هنا خاصك تحتارمي شي قواعد..
نسيم: واخا..
خرجات نسيم وعينيها كتقلب بيهم على هادي باش تاهو يسمع المبرر ديالها .. ماشي يظن فيها حاجة خايبة.. مشات عند جدها وياست يدو..
نسيم: جدي، جدة، سمحولي خلعتكم عليا.. كنت غا مع بابا.. متخافوش عليا.. انا عمري مغانواطي راسكم..
الطاهر: الله يرضي عليك ابنتي..
يامنة: نقول البنات يطيبولك شي حاجة تاكليها؟؟؟
نسيم: كليت مع بابا.. شكرا..
جا عماد.. وجلس وهو كيضحك..
عماد: نسيم، لاباس..
نسيم: الحمد لله ونتا.. اش اخبارك..
عماد: انا مزيان بخير.. شوفي.. الى بغيتي اي مساعدة فقرايتك.. انا موجود.. نعاونك فيها.. متحشميش..
نسيم: الى حتاجيت شي حاجة نقولهالك..
عماد: مرحبا..
الطاهر: عماد.. كلشي واجد.. السيمانة الجاية غايكون العرس..
عماد( ارتبك) : اللي بانليك اجدي..
الطاهر: عندي ليك واحد المفاجأة..
عماد: اها.؟؟
الطاهر: هدية زواجك.. غاتكون واحد النسبة من الاسهم فالشركة.. منها تبدا تخدم حتى نتا على وليداتك..
عماد: بالصح اجدي،. شكرا بزاااف.. ههه فرحتيني..
الطاهر: الله يرضي عليك اولدي.. ويفرحك..
…………
فالشركة كان خدام عبد الله.. وهي تعيطلو السكرتيرة..
عبد الله: وي..
السكرتيرة: كاينة واحد السيدة كتقول انها من العائلة.. سميتهت فتيحة..
عبد الله(ارتبك) : بالصح!؟ شوفي.. خليها شوية وصاف ودخليها..
ناض دغيا وشاف فالمرايا.. وبدا يقاد راسو.. ومشا هز من المجر البخاخ ضربو ففمو.. ورش البارفان.. شوية وهي تدخل..
فتيحة: خاص ندوزو للديوانة باش نشوفو اسي عبد الله..
عبد الله: سمحيلي احبيبتي… سمحيلي بزاف.. مكيعرفوكش.. ولكن من هنا لفوق نوصيهم يعرفوك..
فتيحة: نتغداو مرا؟؟
عبد الله: واخا.. تفضلي..
خرجات هي وياك ومشاو ركبو فالطوموبيل وبدا يهضرو.. ويشوف فيها.. شوية وهو يحط يدو على فخضها..
فتيحة: احمم.. حيد يدك..
عبد الله: كتحشمي مني؟؟
فتيحة: لا.. ولكن انا ميحطش عليا راجل يدو الا فالحلال ..
عبد الله: ترخاي معايا ومايكون غا خاطرك…
فتيحة: خاطري هو اللي غايكون.. ايلا حسابليك انا بنت الزنقة وغاتدوز بيا وقتك كما كدير الاخرينات وتلوحني راك غاتكون غالط السي عبد الله ..
جات تنزل من الطوموبيل وهو يشدها من دراعها..
عبد الله: بلاتي عفاك..متفهمينيش غلط..
فتيحة: وشنو بغيتيني نفهم بهاد الهضرة ديالك.. واش حسابليك انا طماعة ولا.. وخارجة معاك باش نرخص راسي ولا..
عبد الله: عفاك سمحيلي.. شنو ممكن ندير باش ترضاي عليا..
فتيحة: خاصني نمشي للدار.. وصلني ولا خليني نشد طاكسي..
عبد الله: ياك قلنا نمشيو نتغداو..
فتيحة: (غوتات عليه)غاتوصلني ولا نمشي نقلب على طاكسي..
عبد الله: صافي صافي.. انا غانوصلك.. تهدني..
وصلها ومدواتش معاه.. نزلات من الطوموبيل وزدحات الباب وطلعات للدار..
فتيحة: اما خليتك تغلي بنارك منتسماش انا فتيحة..
الجزء 53
اسامة مشا للدار عند عمتو ودق الباب..
اسامة: عمتي لاباس؟؟؟
سعاد: مزيااانة اولد خويا.. دخل دخل..
اسامة: فين هي ناريمان.. كاع مكتجاوبني..،
سعاد: نعيط ليك عليها.. ناريمان.. نارييمان..
مشات دخلات لعندها.. واسامة كيسمع..
ناريمان: مبغيييتوش.. قولى يمشي بحالو..
خرجات سعاد لعند اسامة..
سعاد: هانتا تشوف اولد خويا.. مبغاتش.. اش درتي ليها.. علاش راها معصبة منك..
اسامة: والله اعمتي مدرت شي حاجة.. راه داك النهار درت معاها نخرجو.. فالاخر جا هادي للدار واظطريت نمشي نقنع جدي باش يرجع.. ولكن والله حتى كنت غانعوضها ليها..
ناريمان: قفرتيها.. راك عارف ناريمان كتتعصب دغيا.. بدل الساعة وانا غانهضرليك معاها..
اسامة: عفاك اعمتي قنعيها .. والله مدرتها بالعاني..
خرج من تما اسامة وهو مقهور.. رجع للدار وهو كيفكر انه يقول لامه تمشي معاه باش تحاول تقنعها واسمع ليه.. تمشا فالكولوار باش يمشي لبيت امه وهو يتساطح مع شي حد..
ندى: اااااي.. اااح راسي..
اسامة: سمحيلي بزاااف.. والله مشفتك..
ندى: الله يا اسامة.. واشنو درتي.. ناري.. فلقتيني..
اسامة: اري نشوف..
بدا يمس بيدو البلاصة ديال الضربة وهي كتشوف فيه.. حسات براسها توترات..
احمد: اش كاين..
ندى حشمات ومشات دغيا.. واسامة شاف فيها..
احمد: اش كدير هنا فكولوار العيالات هههه
اسامة: احم.. جيت نشوف ماما..
احمد: اش كاين..
اسامة: (بتردد)الصراحةة..
احمد: دوي ومتحشمش..
اسامة: عندنا واحد السوء تفاهم انا وناريمان.. وبغيت ماما تهضرلي معاها باش تقنعها..
احمد: نتا مشيتي رغبتيها؟؟
اسامة: اه ومابغاتش تسمع مني..
احمد: راها غا كتتفشش عليك.. وما حدك كتجري موراها وهي غاتزيد تهرب منك.. المرا الى حسستيها بانك مقادرش تعيش بلا بيها ديك الساعة غاتزيد ترفع قنانفها عليك.. دونك خليها هاد السيمانة متسول متعيط.. ومتمشي ليها.. وغاتشوف كيفاش غاترجع ليك..
اسامة: متأكد ابابا؟
احمد: جرب وتشوف..
اسامة: شكرا بزاف.. مكنتش عارف بلا بيك اش كنت غاندير..
احمد: في الخدمة.. ههه
…………
دخلات ندى على ريم اللي كانت ناعسة.. وكانت حمرة.. شافت فيها ريم بنص عين..
ريم: مالك اصاحبتي.. هاجمة علينا..
ندى: واش مازال ناعسة حتى لهاد الوقت.. نوضي.. فيقي اصاحبتي..
ناضت ريم بززز وشافت فندى..
ريم: مالك حمرة..
ندى: انا!! علاش مالي..
ريم: اش كنتي كدييري..
ندى: والو.. انا شكون قالك حمرة..
ريم: حمرة حمرة.. حمرة.. كري اش كنتي كديري.. مالك متوترة..
ندى: مامالي والو.. قوليلي نتي.. علاش ناعسة حتى لدابا.. راها التلاتة دالعشية..
ريم: (تجبدات) مممم… كنت كنهضر مع الحوب..
ندى: ايوب؟
ريم قلبات وجهها..
ريم: بففف،،
ندى: ياكما عادل؟؟؟؟
ابتسمات ريم من جديد..
ريم: كيحمق اصاحبتي.. فارس احلامي اللي تمنيتو..
ندى: دابا نشوفو .. ومخايفاش يحصلك ايوب.. ولا يقلب ليك التلفون.. ولا يكون حاط ليك جهاز تصنت فيه..
ريم( ندبات) : اويلي.. واش ممكن يديرها؟؟
ندى: شكون شافو..
ريم: خوفتيني..
ندى: تهدني تهدني.. كوكان سجليك راه كان غادي يديرليك فضيحة من داك النهار..
ريم: عندك الحق.. غانبقا نهضر معاه فيه باش يتيق فيا ومنخليهش يفكر فداكشي..
ندى: مزيان..
ريم: الله يخرج العاقبة على خير..
ندى: قوليلي فين وصلتي معاه..
ريم: رومانسي بزززاااف.. حاسة راسي طايرة معاه..
ندى: الحب احساس زوين..
ريم: باينة فيك طايحة.. قولي اصاحبتي.. كتخبي عليا.. واخا فيك..
ندى: مكاين والو.. اويلي فيمن نتزعط انا اودي..
الجزء 54
بقات نسيم كتنقز من هنا لهنا حتى طلات من الجهة الاخرى للحديقة اللورانية.. بانليها هادي هاز كتوبتو وجلس فطابلة تما.. وكيكتب.. مشات كتجري ورجعات لبيت ماماها..
نسيم: ماما..
فاطمة: نعام..
نسيم: عندي مشكل فواحد المادة.. خاص اللي يعاوني فيها..
فاطمة: نشوفليك مع ولاد خوالك…
نسيم: يااااه.. كيعاودو على هادي كان هو اللي قراي فيهم..
فاطمة: ياك مكتحملهش.. علاش عزيز عليك الضد .
نسيم: هانتي قلتيها.. عزيز عليا الضد… يالله قوليلو يوريني.. بزز منو..
فاطمة: ايلا بغا.. اما الى مابغاش مغاديش نبزز غليه.. غانرغبو ونطلبو.. على وعسى يوافق..
نسيم:(فرحات) سيري دغيا قوليهالو.. راه فالجردة اللورانية كيحفظ..
فاطمة: حشومة.. والله حشمت.. الدري امتحانو قرب وغايكون كيحفظ.. وانا غانزيدك نتي عليه..
نسيم: سيري سيري دغيا..
مشات فاطمة لعند هادي وموراها نسيم هازة كتابها.. طلع راسو وشاف فعمتو.. وابتسم.. نسيم فخاطرها غا شافت الابتسامة وهي تتنهد.. ياااه كيضحك..
فاطمة: ولدي حشمت منك.. بغيت نطلبك واحد الطليبة وحشمت..
هادي: الله اودي اعمتي.. طلبي..
فاطمة: نسيم عندها شي تمرين مقدراتش تجاوبو ومكرهتكش تعاونها وسمحلي بزاف….
شاف فيها مور امها وهو يرجع شاف فاطمة..
هادي: واخا اعمتي.. مايكون غا خاطرك.. تجلس نعاونها فالتمرين..
فاطمة: الله يرضي عليك اولدي.. نسيم.. جلسي ابنتي..
نسيم: واخا اماما..
جلسات وهي فرحانة وفاطمة مشات…
هادي: اري نشوف الدرس..
نسيم: هادا..
جا يقراه.. وهي تنقز..
نسيم: لا لا بلاتي… ماشي هادا..
بدات تقلب فالاوراق.. وتدير راسها كتقلب..
نسيم: هاهو.. بلاتي؟ هو صاف..
شاف فيها بتخنزيرة وخدا الكتاب وشاف الدرس.. وخدا ورقة من عندو طواها وبدا يكتب..
هادي: شوفي ركزي معايا..
بدا يشرح ليها ويخطط فالورقة ويكتب ويدوي وهي كتشوف فيه ومطولة فيه الشوفة..وهو كيشرح..
هادي: فهمتي..،
نسيم: اه..
هادي: عاودي شنو قلت..
نسيم: اا لا لا مفهمتش.. عاود شرح ليا..
هادي: بففف استغفر الله(تنفس) شوفي..
بدا يشرح تاني.. ولكن بسرعة اقل..
نسيم: اه فهمت..
هادي: هاكي خرجي هاد التمرين..
دار ليها تمرين بسرعة وهي معجبة بذكاءه.. كيفاش حتى تكلخ فالحب..
خدات التمرين وبدات تخدمو غلطات فيه بالعاني.. وعطاتوليه.. بدا يقراه وهو يضرب جبهتو ومسح بيدو على وجهه..
هادي: واش مكلخة ولا شنو.. راه غانصمك طاسيلتك.. فين عقلك فين..
كمشات فمها وشافت فيه ببراءة..
نسيم: متغوتش عليا.. ولا نقولها لماما..
هادي: ياااا رب صبرك يا رب..
نسيم: بشوية وانا غانفهم.. بشوية..
هادي: سمعي.. هاد الارقام منين جايباهم من عقلك.. هادو شنو هادو..
نسيم: متغوتش عليا..
كمش دوك الوراق بيديه كلهم وشد الكتاب ولاحو فالارض..
هادي: نوضي من حدايا.. نوووضي..
نسيم: صافي غانفهم..
هادي: نتي مكلخة ومغاتفهميش.. نوضي.. سيري تعلمي شي صنعة وها وجهي لا طفرتيه..
نسيم: وشرح ليا غا اخر مرة وانا غانركز معاك ونفهم..
هادي: معنديش الخاطر للبراهش نوضي..
نسيم: اخر مرة.. اخر مرة..
هادي: نوووووووضي.. ولا عرفتي…
سد كتوبتو وهز الوراق ديالو جمعهم وناض مشا هو.. بقات كتشوف فيه نسيم ومكمشة فمها..
نسيم: علاش كيدير هكا..
شافت شي يد تمدات لكتابها وهزاتو كان عماد.. جا جلس حداها..
عماد: ياك قلتي انك غاتجي عندي الى حتاجيتي شي مساعدة..
ارتبكات ومعرفت متقول..
نسيم: ماما هي اللي طلبات منو يوريني التمرين..
عماد: عمرك تذلي راسك عندو.. هانتي.. انا مستعد نبقا نشرحليك حتى تفهمي.. وغا بالخاطر..
بدا يشرح ليها وهي واخا كتشوف فيه عقلها مع هاداك اللي ناض..
عماد: فهمتي؟؟
نسيم: ممم..
عماد: نديرو تمرين نشوفو واش فهمتي..
نسيم: واخا..
عطاها تمرين وهي شداتو وجاوباتو كله..
عماد: براافو عليك،، شفتي.. الدرس ساهل.. كان خاصك غا الخاطر وتفهميه..
شافت فيه.. ومعرفاتش كيفاش تشرحليه باللي هي من الاول كانت فاهمة الدرس.. وباللي غا دارتو ذريعة باش تجي تجلس مع هادي اللي لحد الان معارفاش راسها اش باغا منو كاع.،
الجزء 55
خدات نسيم كتابها ورجعات للبيت..
فاطمة: ايوا فهمتي الدرس..
نسيم: اه.. هادي غوت عليا وعماد هو اللي فهمو ليا..
فاطمة: ايوا نتي اللي غادة عند هادي..
نسيم: حمار..
فاطمة: كتوقع ابنتي..
نسيم: اش كيوقع..
فاطمة: تهدني وبشوية عليك.. نتي مازااالة صغيرة على هاد الطيحة الخايبة.،
نسيم: اينا طيحة..
فاطمة: ياك نتي بنتي!؟ وانا اللي عاجناك وخابزاك..
نسيم: اويييلي.. شنو كتقصدي اماما..
فاطمة: مقصدت والو.. الحمد لله اللي بعدا راكي قدام عيني ومامشيتيش للبراني..
نسيم: ماماا..
فاطمة: مقلت والو.. سيري تكملي حفاظتك..
خلاتها نسيم وبدات كتفكر لداكشي اللي قالت ليها.. واش زعما بالصح؟؟؟
………
دخلات ندى للبيت ديالها وهي غادة جاية .. شوية وهي تخرج.. مشات دقات على اسامة فبيتو وخايفة يشوفها شي واحد…وملقاتوش.. خرجات للبالكون بانليها فالجردة جالس قدام ضوء القمر.. مشات كتجري ونزلات عندو..
اسامة شافها وابتسم..
ندى: ممكن نجلس معاك؟
اسامة: طبعا.. ومنها نعتذر ليك على الصباح…
ندى: اعادي عادي.. حشمت من عمي..
اسامة: مدواش عليك.. متخافيش..
ندى: قولي اش كدير هنا فهاد الوقت..
اسامة: كنتأمل.. مع الستريس دالحفاظة.. حتاجيت شوية ديال الهدوء والتأمل فضوء القمر.. باش نتهدن..
ندى: اه بالصح.. يمكن ميولاتنا متشابهة انا وياك.. القمر.. النجوم.. الهدوء..
اسامة: نسولك..
ندى: اكيد..
اسامة: واش بقا فيك الحال حيت مغاتزوجيش هادي.؟؟
ندى: بغيتي الصح؟
اسامة: اه..
ندى: انا فرحت حيت مغاديش نتزوجو وتهنيت.. كانو غير غايظلمونا بجوج..
اسامة: مكنتيش كتبغيه..
ندى: لا.، من الصغر كنعتبرو بحال خويا..
اسامة: عندك الصح.. فهاد الدار كبرنا خوت.. صعيبة بزاف ..
ندى: احم.. ونتا .. كتبغي ناريمان؟؟
اسامة: اه.. بزاف.. ومكرهتش نجيب ليها الدنيا كلها..
ندى: تصبح على خير.،
اسامة: اجي.. مالك ؟؟
ندى: جاني البرد.،
اسامة: فايناهو البرد.. مكاين برد.. اجي جلسي.. انا رتاحيت حيت كنهضر معاك ونتي باغا تنوضي..
ندى: هانا جالسة.. عاودلي على قرايتك.. وكيفاش كنتي عايش فالغربة..
اسامة: (تنهد) اااه.. اش غانقولك.. الغربة صعيبة.. واخا كتكون عندك حرية.. الا انه كتحس براسك مليوح فبحر.. وخاصك تعوم وتعتق راسك.. والا غاتغرق…
ندى: ونتا غرقتي ولا عتقتي راسك..
اسامة: هاد الساعة مكاين غا الغرق هههه
الجزء 56
ندى: ههه ناري عليك..
اسامة: هههه معرفتش علاش مخلاوكمش تكملو قرايتكم.. ظلموكم الصراحة..
ندى: مكتابنا..
بقاو كيهضرو بزاف فجميع المواضيع.. وفمختلفها.. حتى ناض كل واحد فيهم لبيتو ينعس..
……………
جوهرة: مالك؟
عبد الله: والو..
جوهرة: من قبيلة ونتا كتتقلب..
عبد الله: شي خدمة وصاف..
جوهرة: ياكما هاز الهم لعرس عماد..
عبد الله: اه..
جوهرة: ولدنا غايكبر بينا ويعلي راسنا.. متخافش..
عبد الله: يا رب..
عبد الله كان كيفكر داك الساعة وشاغلة بالو انسانة وحدة.. هاديك اه.. فتيحة اللي خاصه يتزوجها.. باش يمتلكها.. حس انها هي اللي باغي وهي اللي غاتعوضو على سنين عمرو اللي فاتو.. وهي اللي غادي تعيشو فالسعادة اللي افتقدها هادي سنين طويلة..
الغد ليه ناض وبدل حوايجو قاد راسو وتأنق كالعادة.. وخرج.. داز على محل كيبيع الورد وشرا بوكيه دالورد.. ومشا حدا دار فتيحة.. بدا يصوني.. وهي تقطع.، كرر المحاولة اكتر من مرة.. ولكن دون جدوى.. صيفط ليها ميساج.. {{انا حدا داركم.. خرجي عندي نهضرو فموضوع مهم بزااف..}}
هي بزات تقرا الميساج وعرفاتو طاب على كل الجوانب.. قادات راسها وخرجات .. مشات ركبات معاه.. وهو غا شافها ابتسم وفرح..
عبد الله: واخيرا.. كنت خايف لا متجيش..
فتيحة: انا جاية غا باش مديرليش هنا فضيحة..شنو بغيتي.. قولتيلي عندك موضوع مهم باغي تهضر فيه معايا..
عبد الله: بغيت نهضر معاك اه.. ولكن قبل هاكي قبلي مني هاد البوكي دالورد اعتذارا مني..
خداتو وشماتو وتعابير وجهها متبدلوش..
فتيحة : قول شنو عندك..
عبد الله: انا لقيت معاك راحتي.. وفرحتي.. الصراحة نتي هي الانسانة اللي كنت باغيها من شحال هادي.. وليت كنتسطى عليك.. ولقيت انه مقادرش اني نعيش بلا بيك..
فتيحة: ومن بعد..
عبد الله: باغيك للحلال طبعا..باغي نتزوج بيك..
ابتسمات فتيحة لا اراديا..
فتيحة: بالصح!؟؟
عبد الله: اه بالصح..
…….……
يامنة: جوهرة… عيطي على سارة وسعاد.. وسيرو تقداو داكشي اللي يخص العروسة.. هي صغيرة مغاديش تعرف لداكشي..
جوهرة: واخا اخالتي..
يامنة: الله يرضي عليك ابنتي..
عيطات جوهرة ليعاد ووجدو راسهم هي وسارة.. مشات بطوموبيل عماد.. اللي مكانش حامل راسو يضور مع العيالات ولا يستناهم.. ركبات سارة وهي حشمانة.، وسعاد ركبات حداها..
سعاد: ولد خويا،. لاباس عليك ..
عماد: عمتي لاباس عليك..
سعاد نغزات سارة وهي حشمانة.. وهي مقداتش تدوي.. اما هو مهضرش..وصلو لشي قيساريات ونزلو.. بقاو كيشوفو.. جوهرة دارت فيها حماة.. وبدات تقلب.. وسعاد كتعاند.. ندير لبنتي هادي وندير هادي..
جوهرة: هاد الخواتم التقال مبقاوش فالموضة..
سعاد: خاصها تهز اللي تقيل راه هاز الدهب..
جوهرة: اويلي على شوهة..
سارة: ماما.. احم عجبني هادا اللي ختارت خالتي جوهرة..
سعاد: سكتي نتي.. بالسيف تجي من جيهتها.. راها حماتك..
جوهرة: حتى البنت عجبها.. ياك هي االي غاتلبسو..
الجزء 57
فالطوموبيل كانو جالسين.، وعبد الله كيشوف فيها بحنان وشغف..
فتيحة: وغادي ديرلي اي حاجة بغيتها..
عبد الله: مغايخصك خير..
فتيحة: انا صغيرة.. ومن حقي نضمن مستقبلي..
عبد الله: واش انا مقصر معاك فشي حاجة.. اللي حلمتي بيها نجيبهالك..
فتيحة: سمحلي.. نتا مزوج.. وولادك كبار.. وكلشي ليهم..
عبد الله : شوفي.. طلبي اي حاجة.. انا مستعد نديرهالك.. ها.. ؟؟ طلبي ..
فتيحة: بغيتك تديرلي عرس كبير..
عبد الله: زواجنا غايكون فالسر..
فتيحة: لا ماشي فالسر.. فالعلن.. وكلشي خاص يكون فخبارو.. متنساش اني عزبة.. وخاص يدار ليا عرس كبييير..
عبد الله: منقدرش احبيبة ديالي.. انا نديرلك اي حاجة.. ولكن غا بيناتنا..
فتيحة: متنساش اني كنضحي معاك بزاف الحوايج.. منها انه انا شابة عشرينية.. ونتااا..
عبد الله: راه مغاديش نحسسك بالفرق ديال السن.. مغاتحسيش..
فتيحة: واخا.. دابا نشوفو.. ايوا اسيدي الى مغاديش نتزوجو فالعلن..شري ليا فيلا.. وديرها بسميتي.. وبغيتك ديرلي طوموبيل.. وتحط ليا فلوس فالبنك.. باش نقدر نصرف على خاطري..
عبد الله: فيلا بزااف.. نديرلك شقة.. وبالنسبة للصرف انا غانصرف عليك مغاديش تحتاجي يصرف عليك شي حد..
فتيحة: بغيت فيلا.. الى مبغيتيش.. نمشي نتزوج شي واحد قدي فالعمر..والله يعاونك.،
حلات باب الطوموبيل وجات تخرج وهو شدها وحاول يسد الطوموبيل..
عبد الله: تهدني.. صافي واخا.. واخا..نشريليك فيلا.. فرحانة؟
فتيحة: (ابتسمات بكيد)الله يخليك ليا اعبودة ديالي..
عبد الله: الشوفة فعينيك كتنسيني الدنيا وما فيها..
فتيحة: وانا غانعيشك فالنعيم..
~~~~~~
رجعات نسيم من المدرسة وهي كتقلب بعينيها عليه.. حتى بانليها.. وهي مازال بشكارتها.. كان مسرح رجليه بجوج وجامعهم فوق طبلة وهو جالس فالجردة.، مشات عندو..
نسيم: هااادي..
هادي: صباح البراهش تاني.،
نسيم: علاش كتكرهني..
هادي: حيت.. كتستفزيني..
نسيم: انا باغا منك غا الخير.،
هادي: كيداير الخير اللي غايجي منك نتي..
نسيم: (ابتسمات بمكر) نعصرليك جوج ليمونات تشربهم.، سخن الحال وغاتبغي تبرد حلقك..
هادي: سيري واخا.. نتي غا ديال داكشي .. ع الله غا تقيليني..
نسيم مشات كتنقز ومشات الكوزينة.. حيدات الطابلية ولاحتها.. هزات الليمون وبدات تعصر.. شافت فالليمون..
نسيم: (تنهدات) كاع هاد الليمون وملقيتي تعصر غير قلبي..
كملات العصير وخدات التلج حطاتو فيه.. وداتو ليه.. وصلات عندو لقاتو فتح شكارتها ومجات عينها غا فواحد المذكرة كتكتب فيها.. والمشكلة انه عامرة غير بهادي..
نسيم: لااااا..داك الكاس تكب على هادي كله.. وهو معرف باش تبلى.. مشاف والو اصلا..
هادي: ششششششششات..
شافت فيه غمض عينيه بقوة الاعصاب وزير على قبضة يدو..
نسيم: والله حتى كنت ناوية نشربى ليك ماشي نكبو عليك..
هادي:اش هاد الزعتر.. بالله حتى نهرس عضامك..
طلقاتها بجرية..
نسيم: مامااااااااا..
دخلات البيت وهي كتنهج.. وهو طلع لبيتو.. وحيد التيشرت.. وبدا يضحك.. ويشوف العصير اللي تكب على جسمو.. مص يدو وداقو وهو يبتسم تاني..
هادي: لديد من يد البرهوشة.. كنت حاكرها..
الجزء 58
كملات جوهرة السخرة وجاو ركبو مع عماد اللي كان غا جالس..
سعاد: عماد ولدي.. خاص نوريوليك اش شرينا… باش تعطي رأيك.. وايلا بغيتي تمشي نتا وسارة تشريو لخاطركم داكشي اللي يعجبكم نتا وياها..
جوهرة: اه اولدي.. اللي بانليك..
عماد: داكشي اللي شريتو نتوما كافي..
سارة حنات راسها كانت عندها امل انها تخرج غا هي وياه.. مشا وصلهم.. ونزلو.. سارة ديما كتتقمع من عماد.. وحتى بالسلامة مكتسمعها منو.. دخلو للدار ولقاو ناريمان..
ناريمان: مسمعتو منهم والو على اسامة؟؟؟
سارة: لا..
سعاد: مسولش فيك؟؟
ناريمان( بحزن) : لاا..
سعاد: ايوا ها شنو كنقوليك ابنت الحرام.. غاتضيعيه من يدك.. غايكون مشا يشوف شي وحدة..
ناريمان: لا لا.. مستحيل… مغاديش يديرها..
سعاد: وشنو اللي غايمنعو.. فاطمة واش حسابليك بالصح جات تما حيت مخاصمة مع راجلها،؟؟؟ راه بغات غا تجوج بنتها. وكتقلب فيمن تلصقو..
ناريمان: لااا.. غانعيط ليه..
اسامة نزل ياكل جاه الجوع ولقا ندى فالكوزينة..
اسامة: اهلين..
ندى: بغيتي تاكل مادام دخلتي الكوزينة..
اسامة: ايه.،
ندى: جلس انا نطيب ليك شي حاجة من يدي..
اسامة: تسلم يدك..
بدات تطيب وهو كيهضر معاها.. حطاتليه..
اسامة: شكرا بزاف.. (بدا يدوق) ممم طيابك زوين بززااف..
دخل هادي.. ولقا اسامة كياكل وندى معاه كتبتاسم… شافتو وهي تغوبش وجات تخرج.. شدها من دراعها..
هادي:عفاك.. ستناي نهضر معاه.. عفاك..
ندى: شنو كاين..
اسامة: عفاك سمعيه.. باش الامور توضاح..
ندى: اوك.، هضر..
هادي: انا حاس اني ظلمتك.. ولكن.. فداك اللحظة كنت غادي نظلمك كتر كون تزوجت بيك وانا حاسك بحال اختي.. ندى نتي راكي ختي بالصح.. انا ماشي قصدي اني نهبط من قيمتك بالعكس.. نتي راكي تاج على راسي..
ندى: صافي..هادي انا مهازاش منك فقلبي..عفاك نسى.. ومتفكر فوالو..
هادي: من قلبك؟؟
ندى: من قلبي..
هادي: خوت؟؟
ندى: خوووت..
ابتسم هادي وفرح.. وحتى اسامة معاهم…
اسامة: جلي جلس تاكل من يد ندى.. ماكلتها زوييينة..
هادي: بسم الله..
ناريمان كانت تصوني وتصوني ومكانش اسامة كيجاوب حيت تلفونو مخليه فبيتو..
ناريمان: مكايجاوبش.. واش بالعاني؟؟؟ زعما مكيبغيش يجاوب بالصح..
سعاد: ضيعتيه من يدك المسخوطة.. ولله ويشوف غيرك حتى نقجك ليوما… ونتا.. شفتك عاصر ليا فالدار هنا.. كاع مابقيتي تمشي لعند ريم..
ايوب: كنخاف جرات عليا خالتي حنان..
سعاد: علاش تجري عليك ياك جدك هو اللي مزوجكم.. سير وشوف مرتك..
الجزء 59
دخلو عماد وامه للدار.. وهي تدوي..
جوهرة: ولدي شنو رأيك..
عماد: مزيان مزيان..
جوهرة: بانليا غا كدير الخاطر وصاف..
عماد: هانتي هضرتي… بابا محاولش يحافظ ويشد بلاصتو.، حنا خاصنا نديروها.. خصوصا انا..
جوهرة: انا فرحانة حيت كتفكر فالنفع ديالنا..
بقاو هادي وندى واسامة فالكوزينة ضاحكين ناشطين.. حتى دخل عليهم ايوب ومعاه ناريمان..
ناريمان: نتا هنا كتكركر وانا عييت نصوني ليك.. انا نحماق ونتا كاع مراك فهاد العالم..
ايوب: الدراري لاباس.؟؟
هادي: جلس.. توحشناك كاع مبقيتي تبان.،
ايوب: نتا اللي كنتي فغيبوبة..
هادي: هههه واه ايوا كتوقع..
خرجات ندى ومبقاتش حيت اسامة جات عندو ناريمان..
ناريمان: صافي.. سخيتي .. وانا اللي كان كيحسابلي باللي كتبغيني..
اسامة:(بركاتك اسي حمد) ايوا نتي اللي مجاوبتينيش.. قلت نخليك على خاطرك تا تتهدني.. بانلي تهدنتي مزيان..
ناريمان: عطاك خاطرك متسولش فيا.. ومتهضرش معايا.. ومتعرفني ميتة ولا عيانة.. ولا محتاجاك تكون معايا..
بدات تهضر وتأنبو.، وهو غا كيسمع.. ومدواش.. اصلا النكد ديالها مل منو وبدا يعصبو..
اسامة: الى جاية غا تدابزي غا رجعي لداركم..
ناريمان: تبدلتي عليا.. واش عندك شي وحدة اخرى فحياتك.. ياخوفي منكم ياحفاد الحاج الطاهر.. كلكم بحال بحال..
اسامة: لا حول ولا قوة الا بالله.. معنديش ولكن الى بقيتي هكا غايكون عندي..
ناريمان: غانقتلها ونشرب من دمها..
اسامة: بففف انا مشيت..
شداتو من يدو..
ناريمان: اجي عفاك.. صاقي كاع منبقاش ندابز.. راك عارف الهرمونات كتتبدل..
اسامة : هرموناتك تخربقو وانا تخربقيلي الفيزيبلات.. تكايسي..
ناريمان: خرجني وانا نتهدن..
اسامة: واخا.. خلينا نخرجو..
دخلات ندى لعند ريم لقيتها غا كتتمعشق قالتلفون…
ريم: ههه انا مخاصمة معاك هه
ندى: ايوب راه لتحت..
طيرات التلفون من يديها وبدات تطفيه دغيا..
ريم: فين فين..
ندى: راه مع خوك.. كوراه دخل دابا.. باينة مقدرش يطلع غا حيت لقاه تما..
ريم: خاص نخبي التلفون.. انا غاننزل عندو.،
ندى: سيري..
ريم: مالك معصبة..
ندى: داك الزبل دناريمان جات.. معرفتكش كيفاش غاديريها لوسة.. بففف شحال سوسة..
ريم: وشكون قالك غانديرها لوسة.. الحوب ديالي واعدني انه غايقدر يقنع جدي بزواجنا..
ندى: ههء.. نتي كتحلمي..
ريم: وعلاش..
ندى: فنظرك جدك غايخسر الخاطر لايوب ولد بنتو اللي ديما حداه وغايرضي ولد ختو.، مسطية نتي.. خاص ايوب يفرط فيك الاول ديك الساعة يمكن يمكن..
ريم: متهبطيليش فالمورال.. الى قلت لايوب يبعد مني.. نهضر معاه بعقلانية نقولو راه كنبغيه.. ومكنبغيكش نتا..
ندى: عقلانية!!! مسطية نتي يمكن..
تحلات الباب عليهم كان ايوب..
ايوب: توحشتك… ندى.. طيري ههه
ندى: هانا طرت عندكم تحصلو تاني..
ايوب: متخافيش..
ندى: كيدرتي فلتي من هادي..
ايوب: خرج.. ههه دغياي خرجي تا نتي..
خرجات وهو سد الباب..
ريم: لا لا.. منعاودهاش.. ماما مخلاتليش بالسبان والمعيور.. كانت غاتديني للطبيب يقلبني..
ايوب: مستعد نعتارف بغلطي. اوو..
ريم: لاا عفاك لا..
ايوب: عندك واحد الفورمة تطيح الزرزور من فوق السور..
ريم: بالصح؟؟
ايوب: وشنو حسابليك كنحماق عليك غا هكاك..
ريم: شوف.. ايوب خاص نفكرو فعلاقتنا.. يمكن مامواتيينش بعضياتنا..
شاف فيها مغوبش وطلع حاجب..
ايوب: شنووو
ريم(بارتباك): كنقولك زعما نخاف ديرلي بحال ما دار هادي لندى.. قالتهالي ماما..
ايوب: متخافيش.. انا كنبغيك بزاف… ونتي ديالي من الصغر..
.…………
خرجات فاطمة بقات غادية فالدار حتى عيط ليها باها..
الطاهر: اجي ابنتي افاطمة جلسي معايا..
فاطمة: نعام ابابا..
الطاهر: غانهضرليك مع المحامي.. يرفع دعوة الطلاق..
فاطمة(بحزن) : واخا ابابا..
الطاهر: غانهضر معاه باش كلشي يكون بالزربة..
فاطمة: واخا
الجزء 60
بدا التوجاد للعرس .. وكلشي كيوجد.. البنات كيوجدو تكاشطهم والدراري كيوجدو كوستوماتهم..
عبد الله: غاتجي لعرس ولدي..
فتيحة: غانجي طبعا.. الحاج عرض علينا..
عبد الله: راكي عارفة غاتكون مرتي وولادي.. تعاملي عادي..
فتيحة: متخافش..
عبد الله: كنبغيك بزاف.،
فتيحة: كون غا درت عرس كبير تانا نبان بيه قدام صحاباتي..
عبد الله: راه هضرنا فهادشي.. ونتي مغاتحتاجيش عرس.. شفتي الفيلا اللي شرينا..
فتيحة: شفتها.. زوينة بزااف.. الله يخليك ليا.. بقات ليا الطونوبيل..
عبد الله: قريب.. حيت شاري الفيلا غالية.. ومبغيتش نزيد نهز من الشركة كتر.. باش منعيقش..
فتيحة: واخا.. ولكن قبل شهرين تكون عندي..
عبد الله: يكون خير..
……
بدا العرس وكلشي فرحان وناشط.. يامنة وفاطمة وسعاد وجوهرة وحنان لابسين التقليدي.. وكلشي ناشط.. والدراري لابسين الكوستومات.. كيبانو باكص. والبنات طالقين شعرهم.. وكيشطحو كيحيدو غبينتهم..

ندى: العروسة مالها حشمانة..
ريم: زوينة شكون هاد النكافة اللي قادات ليها.. نجيبها فعرسي..
ندى: عرسك نتي ومن ههه
ريم: اللي فبالك.. معرفتو جا ولا لا..
ندى: غايكون جا.. شوفي مع الرجال..
ريم: ياااه.. راهو.. غانلقا شي طريقة نهضر معاه..ضروري…
ندى: حضي من ايوب.. راه حاضيك..
ريم: واخا.. كوني هانية..

نسيم تاهي كانت كتقلب بعينيها على هادي.. جات تقلب عليه وهي تلقا العريس..
نسيم: مبروك.. الله يكمل عليك..
عماد: كيجيتك..
نسيم: بوكوص الصراحة..
عماد: حتى نتي جيتيني بوكوصة.. ههه جا معاك القفطان..
نسيم: بالصح؟؟؟
عماد: اه بزااف.. كتباني فنيونة هه
نسيم: حتى نتا..
اسامة: عماااد.. افين.. راه كيقلبو عليك تتصور مع العروسة..
عماد: اجي ديري معايا شي تصويرة.. شوف اسامة.. صورنا انا ونسيم..
اسامة: هي اللولة.،
صورهم وهما واقفين بجوج وعماد حاط يدو على نسيم..
نسيم: جري تتصور مع العروسة جري..
عماد ههه واخا..
مشا وهي بقات تتقلب على هادي باش يقوليها الاطراء ديالو.، خرجات لقاتو فالجردة كيكمي..
نسيم: التدخين مضر بالصحة..
هادي: هادشي اللي علموكم فالتحضيري البرهوشة..
نسيم: واش كنبانليك برهوشة؟؟
هادي: اه..
نسيم: علاش زعما.. انا كبييرة..
هادي: وريني سنانك.،
وراتهم ليه ببراءة..
هادي: شفتي هادو غا سنان الحليب..
نسيم: علاش كتكرهني علااش.. (جات تمشي وهو يهضر)
هادي: جا معاك القفطان البرهوشة..
استوقفتها هاد الجملة.. وابتسمات.. هادشي اللي كتقلب عليه..
نسيم: حتى نتا.. جيتي بالكوستوم زوين.. المعقد..
هادي: معقد!!!
نسيم: من الجملة كلها مسمعتي غا المعقد؟!!!
هادي: ايه..
نسيم: علاش مكيعجبكش تهضر معايا..
هادي: اش غانقولو انا ونتي.. نلعبو القاشقاش ولا..
نسيم: لا نهضرو ونتشاركو الحديث..
هادي: ايه الحديث على المونيكات والباربي ولا على البيسو..
نسيم: (غمضات عينيها)على الحوب..،
هادي: هاي هاي هاي على البرهوشة ولات تعرف الحوب.. واش شربتي الحليب ديالك،؟؟؟ يمكن نسيتيه.. االبرهوشة.. راكي مازال صغيرة على هاد الهضرة..
نسيم: كبيرة والله..
هادي: عرفتي شنو كيديرو فالحوب ولا لا..
نسيم: اه كيبغيو بعضياتهم وكيتزوجو..
هادي: محشمتيش المسخوطة؟؟ وليتي باغا تخرجي الطريق.. انقولها لجدي.. وهو يتفاهم معاك…
نسيم: جدي الى قلتيهالو غايزوجك بيا حيت وليتي دابا باير…
هادي: باير!!! (حبس الضحكة) دابا كنبانليك انا باير ياك.، واخا على حسك يا البرهوشة.، انا راه هارب من البنات اللي لداخل.. واجمل وحدة كتسنى غا اشارة مني..
نسيم: براد بيت نتا..
هادي: عاد كنتي كتعنبي عليا غا دابا.. نسيتي راسك…
نسيم: مغرور كيداير.. مبقيتش باغت نتزوج بيك.. بعد مني.،
هادي: شديتك انا!!الجزء 61
النشاط كان شايط والحاج لابس جلابتو ومشغول مع الناس.. فمكان سلتات ليه عادل وريم وهي مرعوبة باش تتلاقاه..
عادل: توحشتك
ريم: تانا وبزززاف..
عادل: مكرهتش نتلاقاو.. ونجلسو براحتنا..
ريم: راك عارف كنخاف يشوفني شي واحد..
عادل: نتلاقاو فداري..
ريم: ويلي لا..
عادل: شنو فيها نتي مكتيقيش فيا ولا.. وزايدون انا باغي مصلاحتك اللي خايفة لا يشوفوك..
ريم: منقدرش نخرج اصلا..
عادل: شكون شافك… غاتخرجي وكاع ميشوفك شي واحد.. هما غايحسابليهم راكي فالدار.. انا نتلقى ليك نهزك حتى واحد ميعيق.. المهم نهضرو فهادشي ونتافقو عليه فالتلفون..
ريم: صافي واخا.. انا غانمشي دابا.. وعندك يشوفك شي واحد..
عادل: واخا..

احمد: مرتي الزويونة كاتباني زوينة بزااف.. نخاف يشوفيك شي واحد نخور ليه عينيه..
حنان: متزيدش فيه.. شوف ليها عبد الله كاع مراه فداك العالم.. معرفتو فاش كيفكر..
احمد: فشي زبلة تاني..خايف يكون رجع للقمر.. خدا مبلغ كبير من الشركة..قريبة ل ربعمية مليون.. معرفتو فين حطها كاع.. هادشي غايخلق ليه مشكل بزاف.. ولكن هادشي حسن ليا انا.. نشري حصتو بعدا الى بغا يتفك..
حنان: غايخليك الحاج فنظرك،؟؟
احمد : الحاج مبقاش تايق فيه.. وغايدير اي حاجة باش يربيه.. ومنها انه يحيد ليه حصتو فالشركة..
حنان: المهم نتا متبانش فالصورة.، باش ميقولو علينا حنا اللي غرقناه.. جوهرة كتسنى السبة..
احمد: متخافيش على حبيبك..

فاطمة: فين كنتي..
نسبم: غا هنا..
فاطمة: مالكي مغوبشة..
نسيم: ماماليش…
فاطمة: رساي.. تهدني..
نسيم: هانا مهدنة..
فاطمة: شوفي ولد خالك كيكايبان بوكوص..
نسيم:اه بوكوص قلتهالو.،
فاطمة: تسمعك سعاد تقولينا راه باغين نخطفو راجل بنتها ههه..
نسيم: هههه اجي نخطفوه..
فاطمة: نتي مسخوطة..
بالجوار كانت نريمان شادة فاسامة.. اللي كيصفق غا بيدو.. وندى كتراقبو من بعيد.. حتى بانليها هضر فودن ناريمان ومشا جهة بيتو وتبعاتو..
ندى: اسامة.. نتا اللي هنا؟؟؟
اسامة: اه جيت نهز تلفوني وصاف خليتو فالشارجور..
ندى: اه مزيان.. خفت مللي لقيت الباب محلولة.،
اسامة: جيتي زويونة..
ندى: بالصح؟؟
اسامة: اه بزااف..
ندى: عينيك اللي زوينين.. تا نتا جيتي زوين..
اسامة: خلينا نزلو للعرس..
الجزء 62
كلشي كان كيشطح .. وفرحان.. حتى دخلو العرسان للبيت..
جوهرة: يالله اولدي اعماد..
ايوب: ورينا حمرة يديك اعماد..
بداو الشباب يضحكو.. وعماد كيشوف فيهم مصدوم..
عماد(لامه): شنو كاين..
جوهرة: غاتعطينا السروال..
شاف فسرواله ورجع شاف فامه..
عماد: علااش؟؟
يامنة: اولدي.. خاصك تدخل على مرتك.. وتعطينا سروالها..
البنات كيضحكو ويغطيو فمهم ..
يامنة: سكتو نتوما هادشي مافيه حشمة.. ولدي اعماد.. باش نثبتو للعائلة باللي بنتنا سارة باقا عزبة.. وشريفة ونسدو فوامهم..
عماد: بففف.. اش هاد التقاليد.. واش عايشين فالعروبية..
جوهرة: سكت ودخل دير داكشي اللي كنقولك.. والى بغيتي ندخلو معاك انا وجداتك غاندخلو..
عماد: فين غاتدخلو فين..
عبد الله: خليوني نهضر مع ولدي.. انا اللي كان خاصني نفهمو قبل.. غلطي هادا.،
جبدو بوحدو وبدا يهضر..
عبد الله: شووف.. هادي فرصتك باش تبين باللي نتا راجل.. وما خاصك خير.. سمعتي.. ولا كلشي غايولي يهضر عليك..
عماد: راااجل والله..
عبد الله: يالله ورينا.. جري.، ومتنساش السروال.،
دخل عماد وسد الباب.. لقا سارة خايفة ويديها مزيراهم عن بعضياتهم.. شاف فيها ومسح على وجهو..
عماد:معرفت مالهم مزروبين..
سارة سكتات ومدواتش..
فالخارج كان كلشي كيستنى.. وجوهرة وسعاد غادين جايين..
ناريمان: واش انا وياك غايديرولنا هكاك..
اسامة: منعرف.. اول مرة كنشوف هادشي.. ولكن.. متخافيش..
ناريمان: انا مخايفاش منك احياتي..
بالقرب منهم كانت ندى كتسمع لهم.. وبنظرة تقزز شافت فناريمان ومشات حدا ريم..
ريم: شفتي شنو شفت.. خوك ليوما غيرونها ههه..
ندى: تخيلي جوجوك بايوب.. وبقاو كيستناو السروال اللي فيه الدم؟؟
ريم(تصدمات): ويلي.. نسيت على هاد القضية..
ندى: اويلي يا ويلي.. نسات الدرية.. من الافضل وجدي المداد قبل.. ولا شي جرحة ديالك..
حداهم كانت فاطمة ومعاها نسيم… هاد الاخيرة اللي كانت متحمسة تشوف شنو غايوقع..
فاطمة: هداي.. نتي صغيرة.. مخاصكش تشوفي هادشي..
نسيم: خليني نشوف.. دابا غايخرجو السروال ياك.. شنو فيه.. واش غايدبحها..ههههه
فاطمة: سكتي المسخوطة.. سكتي..
نسيم: ههههه خليني نشوف.. انا مبقيتش صغيرة.. انا عارفة مزيان شنو كاين..
فاطمة: والله مكتحشمي..
قربات من هادي.. وهو كيضحك مع ايوب..
نسيم(بهمس) : شفتي.. كون راك دابا بلاصة عماد.. وكنستناو فيك..
هادي: والله وما بعدتي عليا على السروال ديالك هو اللي غايهزو ليوما.. ماشي بداكشي اللي فبالك.. لا غايهزو فيه طرافك بعدما نقتلك..
نسيم: وجه الاجرام…
هادي: قيليني عليك البرهوشة..
ايوب: خلي البنت كتضحك… دابا انا اللي بعدو ياك(قاد الكوستوم ديالو) ..
هادي: حتارم راسك راك كتهضر على ختي.. اهيا..
ايوب: ختك اللي هي مرتي.. وحيدهالي من فمي..
هادي: ولايني هاد الناس مكيحشموش..
شوية تفتح الباب.. وتعطا ليهم السروال اللي فيه الدم.. بداو الزغاريت وبدا البندير كيتضرب.. الزغاريت ديال سعاد هو اللي كان قوي حتى تقطع بيها النفس وهي فرحانة ببنتها العزبة .. اللي دخل بيها عريسها..
الجزء 63
الاحتفال على برا كان على اشده.. ولداخل كان عماد جالس وحداه سارة كتمسح دميعاتها..
عماد: سمحيلي.. هما اللي ضغطو عليا..
سارة: معليش.. نتا راجلي.. واللي درتيها من حقك..
عماد: متبكيش..
سارة: مكنبكيش..
عماد: هادو دموع شنو؟
سارة: هادي دموع الفرحة.. شحال وانا نستنى هاد اللحظة..
عماد: كنتي كتسنايها؟
سارة: اه..
حل المجر وجبد منو بواطة صغيرة..
عماد: هادا كادو صغير ليك.. تستاهلي كتر..
شداتو سارة وحلاتو.. تفاجآت حيت لقات سلسلة ديال الدهب..
سارة: شكرا بزززاف.. انا فرحانة .. ومسايعاني فرحة.. لبسهالي عفاك.. عمري غانحيدها من عنقي..
بدا يلبسهالها وكيفكر.. مللي عيط عليه جدو.. ودخل عندو لبيتو..
الحاج: جلس اولدي عماد نهضر معاك..
عماد: هانا اجدي..
خدا الحاج ملف وعطاه لعماد
عماد: شنو هادا اجدي..
الحاج: هادي نسبة من الاسهم.. فالشركة.. ولات ديالك.. تقدر غا تسالي امتحاناتك.. وتاخد شهادتك.. تبدا تخدم فمالك،،
فرح عماد بزاف بيها وناض باس راسو..
الحاج: سارة امانة عندك اولدي.. نبغيك متخسرش ليها خاطرها.. مهما كان.. وديما تفرحها.. ومتغبنهاش.. معمرك تفرط فيها.. وحتى هي غاتكون امينة ليك..
عماد: كنواعدك اجدي.. كنواعدك..
الحاج: هاك هاد الكادو عطيه ليها بعدما تدخل عليها.. كتجبر بيها خاطرها.. حسسها انك حاس بيها ماشي كتاخد منها اللي بغيتي وصاف… حسسها انك كتعطيها.. وانك باغيها.. ماشي غا هادا اللي تعطيها.. بقا تدير ليها مفاجآت.. وتفرحها خصوصا فالاول.. حتى تولفك.. حيت البنت فالاول كيتبدل عليها الحال.. حتى تولفك.. ديك الساعة عاد تقدر تعيش عادي..
عماد: عندك خبرة اجدي ههه
الحاج: هادوك بناتي.. وحاس اني باغي نعوضهم على شحال من حاجة حيدتها ليهم..
عماد: ميكون غا خاطرك الحاج..
رجعات بيه الذاكرة.. وهو كيسالي العقدة ديال السلسلة فعنق سارة.. تحنى لعند عنقها وباسو.. وهي تغمض عينيها .. ذابت من حبها ليه.. وحسات انها كتبغيه بزااف فهاد اللحظة..
سارة: كنبغيك بزااف..
مقدرش يقولها وحاول يشغل بأي حاجة.. حيت هو مكيحسش بنفس الاحساس.. هو تفرض عليه الزواج وصاف..
عماد: مفيكش الجوع؟؟ تاكلي شي حاجة؟
سارة: ههه واخا..
عماد: انا غانوصيهم يجيبولنا شي حاجة..
هز تلفونو وصونا لامه.. وطلب منها ياكلو..
………
كلشي مشا لبيتو وايوب وصل امه وناريمان للدار..فبيت هادي كان جالس وهز تلفونو،، مشا للسطوريات اللي كتحط سحر.. بدا يشوف ويدوز.. ويزير على يدو..تخطفات دمعة من عينو ومسحها دغيا وهو كيزير على سنانو،، عايشة حياتها عادي.. مع واحد اخور.. وكتخرج معاه كما لو انها عمر مقالتلو انها كتبغيه وانها باغا تكمل معاه حياتو.. دغيا بانت على حقيقتها بانت على انها كانت باغا غير فلوسو.. ماشي باغاه لشخصو.. كيفاش كان غبي حتى لهاد الدرجة.. كانت باينة.. واصرارها فانه يفرضها على والديه.. تربيتها وطريقتها فالعيش هي وامها.. انتهازية..
خرج ومشا لقا باه جالس فالتيراسة..
هادي: بابا.. ممكن نجلس معاك؟؟
احمد: جلس..
هادي: انا غانرجع نكمل هاد الامتحانات .. ونجي فحالي.. نخدم معاك فالشركة..
احمد: فخبارك انه جدك عطا نسبة من الاسهم لعماد.. كوكنتي داير عقلك.. كانت غاتكون هاد النسبة من نصيبك نتا.، ولكن عقلك صغير..
هادي: انا فيدك دابا.. اللي بغيتوها هي اللي غاتكون.. خلاص تربيت.. وعرفت انه كنت غادي فطريق خاطئة.. دابا اللي بغيتوها هي اللي غاتكون..
احمد: شوف كيدير تقنع بنت عبد الله.. ضبر راسك معاها..
هادي: واخا..
الجزء 64
بقا جالس عبد الله وهادي حتى شافو نسيم خارجة للجردة.. ومشات لواحد الشجرة دالمشماش.. تعلقات فيها وجبدات منها واحد المشماشة..
هادي: مال هادي كتمشى فنعاسها ولا..
ناض وبدا يعيط..
هادي: هاااي البرهوشة.. سمعي .. واش راكي ناعسة وكتمشاي فنعاسك؟؟؟ لبستي ليكوش ديالك قبل متنعسي.. هاهاهاها.. شوفليك البرهوشة..
شافت فيه نسيم وتعصبات.. شيرات عليه بداك المشماشة جاتو فالراس..
هادي: ااااح… ضربة صحيحة هادي.. ااا والله لا بقات فيك.. لا كنتي مرا بقاي تما هاني جاي ليك..
شاف فيها مشات كتجري ودخلات دغيا للدار..
احمد: برداتلي خاطري فيك.. اش داك تضسر عليها..
هادي: ههه غا كيعجبني نشد فيها.. ههه برهوشة..
احمد: داك البرهوشة ممكن تكون مصدر استثمار لينا.. ولكن ندى كتر..
هادي: شنو كتقصد..
احمد: هي البنت الوحيدة لفاطمة.. وجدك.. كتب لفاطمة الفيرمة .. هاديك الفيرمة راه كتجيب الملايير للعام..
هادي: شكون قاليك هادشي؟؟
احمد: باك مكيحيرش.. كيجيب اي خبار.. بسهوولة.. واخا جدك مقالها لحتى واحد.. وحسابلو خبا علينا.. هو من ديما نقطة ضعفو فاطمة..
هادي: ولايني ماساهلش.. ولكن مقلتيش ليا.. نسيم كيفاش غاتكون استثمار لينا..
احمد: الى ملقيتيش الطريق لندى.. نسيم غاتقضي الغرض.. الى تزوجتيها غاتربح من جوج نواحي.. من جهة جدك غايرضى عليك ويعطيك شي بركة.. حيت فاطمة عزيزة عليه.. ومنها… غاتربح الفلوس اللي مور امها..
هادي: كيفاش غانتزوج برهوشة.. هادي راه مازالة برهوشة..
احمد: والله مابانلي شي برهوش قدك… نوض تصبح على خير..
بقا هادي كيفكر فهضرة باه.. وبدا يفكر انه العاطفة مدات منو والو.. ومنفعاتوش.. ولكن خاص يفكر فالهضرة بعقلانية اكثر..
………
صبح الصباح.. وسارة ناعسة حدا عماد.. اللي كيشوف فالتلفون.. وفالخصوص فتصويرتو مع نسيم.. وكيبتسم.. كيفاش راها عفوية وضحوكية.. وديما ابتسامتها مكتفارقهاش.. فاقت سارة وهي كتبتسم.. طفا التلفون دغيا وشاف فيها وابتسم..
سارة: صباح الخير..
عماد: صباح النور.. نعستي مزيان؟
سارة: اه.. مزيان بزاف..
عماد: نوضي خاصنا نمشيو لمراكش باش ندوزو شهر العسل..
سارة: انا فرحانة بزززاف.. الله يخليك ليا اعماد.. معمري كنت فرحانة بحال دابا.. مفاجآتك كلها زوينة..
عماد: وانوضي نوضي تابعنا الطريق.. نوضي..
سارة: ههه واخا..
دخلات تدوش وهو يتنفس..وخدا الملف اللي عطاه وبقا كيشوف فيه.. وفيه طاقة كبيرة باش يبدا ..
عماد: غانكمل دغيا الشهادة ديالي.. ونجي نجد ما طلق منو الواليد.،
……
مشا عبد لله للفيلا اللي شرا لفتيحة وهو مشتاق ليها..
عبد الله: حبيبة قلبي.. توحشتك ..
فتيحة: بعد مني.. انا مخاصمة معاك.،
الجزء 65
عبد الله: علااش.. اش درت ليك..
فتيحة: شفتي على عرس درتيه لولدك شفتي.. وانا شنو ناقصني تا ندير العرس كبير ونفرح بحال العروسة.. شنو ناقصني..
عبد الله : ياك دوينا فهاد الموضوع.. دوينا خلاص..
فتيحة: اه ولكن… محسيتش براسي حتى هبطولي الدموع.. شنو ناقصني انا.،
عبد الله: انا غاندير اي حاجة باش متحسيش بالفرق..
فتيحة: غا هضرة.. ها نتا قلتي ليا غادي تجيب ليا طوموبيل.. كاع مشفت والو(دارت راسها كتبكي)..
عبد الله: غاتمشي لاجونس ديال الطوموبيلات.. وغاتختاري احسن طوموبيلة بغيتيها…
فتيحة: بالصح؟؟؟؟
عبد الله: باش تعرفي شحال كنبغيك..
فتيحة:حتى انا كنبغيك بززاااف.. ً
عبد الله: شنو دابا نفطرو ولا شنو..
فتيحة: نوجد لحبيبي الفطور..
عبد الله: اجي لهنا.. انا باغي نفطر بيك نتي..
………
فالطابلة الفطور نزلو يفطرو العرسان.. وسارة حشمانة.. وحتى عماد معاها..
يامنة: (زغرتات) الله يشيبكم مع بعضياتكم..
جوهرة: هههه الله يا خالتي..
حنان: الله يكمليكم بالخير اوليداتي..
فاطمة: الزواج مسؤولية.. وخاصكم تكونو قد المسؤولية..
جوهرة: يييه.. ماشي حتى تشرفو وتنوضو تطلبو الطلاق..
فاطمة معجباتهاش الهضرة..
فاطمة: سمحولي ..
يامنة: فاطمة جلسي.. واللي مقاد هضرتو هو اللي ينوض..
جوهرة: علاه انا اش قلت اخالتي.. كنهضر مع ولدي.. وكنوصيه..
نسيم: ماما.. بغيت نفطر..
فاطمة : جلسي ابنتي.. اش بغيتي.. القهوة.. ولا اتاي.. تاكلي البيض..
جاتها ضربة للراس قصحاتها.. بواحد البيضة اللي مازال متقشرات..
هادي: بغات البيض اعمتي..
نسيم: ااااه… شداتني الدوخة.. يمكن كينزل مني الدم..
فاطمة: متزيديش فيه تا نتي..تكعدي..
نسيم: لا خليتها فيك.. منكونش نسيم..
هادي: نسيتي داك المشماشة اللي جاتني للراس لبارح…
نسيم: ردهالي متستاهلهاش..
هادي: كليييتها..
نسيم: وحش..
هادي: عمتي كيفاش طاح على بالكم انكم تسميو هادي نسيم.. راه اسم على غير مسمى.. كان خاصكم تسميوها اعصار.. عاصفة.. ماشي نسيم… ههه
فاطمة: هههه معرفتش الصراحة..
نسيم: يا سلام.. نتا اللي كان خاصهم يسميوك هادي.. نتا راه زمهرير .. هايج.. اي حاجة كانت غاتجي معاك.،
عماد: نسيم..
نسيم: نعام السي العريس..
عماد: باراكة من الصداع.. راسي كيضرني..
نسيم: واخا سمحلي..
عماد بقا يشوف فيها بواحد البرود.. كان كيستنى غا امتا يسالي هاد الحوار النشيط بينها وبين هادي..
دخلات سعاد كتزغرت..
سعاد: سعدي ببنتي..
حشمات سارة ومقداتش تطلع راسها..
سعاد: تهلاي فراجلك.. ونتا اعماد تهلا ليا فبنتي،، هانا فين وصيتك..
عماد دار ضحكة جانبية.. باردة.،
سعاد: فينو راجل بنتي لاخور.. فينو.. قريب تا نتا نوصيك عليها.. نوصيك..
بقاو كلهم كيضحكو عليها.. وهي كيف الهبيلة.. بعد لحظات ودعو عماد وهو شد الطريق مع سارة.. باش يقضيو شهر العسل.. طول الطريق وهو ساكت.. ومرةز فالسوكان..
فالدار كانو كلشي مجموعين كالعادة.. وايوب سلت لعند ريم.، لقاها ناعسة.. كانت دايما كتثيرو..حيت هي عندها طاية مثيرة.. مشا جلس حداها… وبدا يدوز يدو على خدها..
ريم: ممم عادل
ايوب(تغوبش) : شكون هو عادل.. !!!
الجزء 66
فاقت ريم وعاقت بداكشي اللي اللي دارتو داك الساعة.. وبدات تاتقفقف..
ايوب: دوي.. شكون هاد عادل اللي دكرتي دابا..
ريم: مقلتش عادل انا .. شكون عادل..
ايوب: قلتيها..
ريم: اجي نتا واش مخايفش يشوفوك.. خرج اش كدير هنا..
ايوب: متحاوليش تقلبي عليا الموضوع.. شكون هاد عادل اللي دكرتي..
ريم: متغوتش عليا.. انا غانقولك..
ايوب: دوي.. ولا نقلب عليك هاد البيت على راسك..
ريم: عادل هو خو فتيحة.. ندى كتبغيه.. عليها مبغاتش ترجع لهادي.. وحتى هو كيبغيها.. متقول هادشي لحتى واحد..
ايوب: ونتي علاش تدكري سميتو وكنتي ضاحكة..
ريم: حيت ولفتها هي اللي كتجي تفيقني.. وقلتهالها ضاحكة معاها.. محسابليش نتا..
ايوب: (تنهد) يقولك راسك تشوفي فشي قمقوم غانعميهاليك..
ريم: منقدرش(عنقاتو) انا من صغري وانا موالفاك.. وانا معاك.. مكنعرف تا واحد من غيرك..
ايوب: كنبغيك بزاف.. نوضي.. توحشتك.. مالك نعاسة.. مالك .. كلشي فايق بكري الا نتي.. مللي غانتزوجو غا نساي هاد النعاس.. عمتك راه غاتفيقك ع النبوري.. ههه
ريم(بضحكة صفراء): ههه ونتا غاتطيرلي النعاس بالليل وموك تطيرولي بالنهار.. فوقاش غانعس انا؟؟ الى كان هاكاك غا خليني نبقا فدار با..
ايوب: انا غانقول لجدي يسربي ما حد الطرح سخون.. ويدير لينا عرس انا وياك..
ريم: خليني نوض.. نغسل وجهي ونفطر.. بعد من طريقي زيد.،
ايوب: ناري كتقتليني ونتي عاد فايقة من النعاس.. ناااكلك..
ريم: جلس تما.. غاتشوهنا ليوما.. غاتشوهنا.. ولا عرفتي.. سير.. هاني جاية موراك..
ايوب: واخا اريلي غا بوسة.. غا وحدة..
ريم: سير واخا غير نص لا..
بدات كتخرجو من البيت عاد تنفسات.. وشافت فالتلفون اللي كانت ناسياه تما.. كون دخلات للحمام وخلات ايوب اكيد كان غايفرشها .. وبشوف الميساجات كلهم..
.…………
بقاو كلشي مجموعين.. واسامة جالس حدا ناريمان اللي كتهضر معاه وتضحك.. ندى كانت حداهم غا كتشوف.. ومغوبشة.. بدات كتفكر.. علاش هي معصبة ومحاملاش هاد الساعة ناريمان.. علاش.. علاش حاسة انها واخدة منها شي حاجة اللي ماشي ديالها.. بقات مطولة فيها الشوفة.. حتى بانليها ايوب نازل سالت.. شاف فيها شوفة فشكل وجا جلس.. كأن شيئا لم يقع..
ايوب: جدي..
الطاهر: نعام اولدي..
ايوب: شكون غايعرس مور عماد..
الطاهر: اسامة.،
ايوب: الله يا جدي الله.. علااش اش درت ليك.،
الطاهر: ههههههه.. عندك يوقف ليك قلبك،،
يامنة: راه غا ضاحك معاك.. اللي كبير طبعا..
نسيم: وهادي غاتخليوه يبور.. حتى هو كبير..
هادي حبس الضحكة وشاف فيها..
هادي: ونتي مالك.. ديها فالجهة اللي ضاراك..
الطاهر بدل الموضوع ومجاوبش نسيم..
الطاهر: غادي يكملو امتحاناتهم.. وديك الساعة نديرو عرسك ايوب.. ومنها نكونو رتاحينا شوية من عرس عماد.. وفنفس الوقت توجد راسك على خاطرك..
ايوب: انا راني واجد اجدي.. وااااجد..
هادي: باش واجد… دوشتي؟؟
اسامة حبس الضحكة وايوب غوبش فهادي..
هادي: غا ضاحك هههه اصاحبي مالك..
ايوب: الضحك فيه وفيه..
الجزء 67
داز النهار عادي وكلها دايها فشغالو.. عماد وصل هو سارة.. وبقاو فالاوطيل..
سارة: عماد خلينا نخرجو نتساراو..
عماد: انا عيااان بالطريق.. خليني نرتاح.. وديك الساعة غدا نمشيو نتساراو.. مشتينيش كاع المسافة اللي بقيت صايكها..
سارة: واخا.. كما بغيتي..
عماد: بقاي تسمعي الهضرة.. باش نتفاهمو انا وياك..
سارة: واخا..
عماد: يالله ضوري تنعسي..
سارة: ونتا مغاتنعسش.. ياك عيان..
عماد: شوية وننعس.. غا سيري نتي..
سارة: واخا.. تصبح على خير..
دخلات سارة تنعس.. وعماد بقا كيفكر..
عماد: علاش ولى كيضحك معاها.. وحتى هي عاجبها الضحك..واش غاتنسى الماضي الموسخ ديالو.. اكيد كيضحكو عادي.. ماشي شي حاجة.. عقلك ميمشيش بعيد.. نسيم.. تكبري غا شوية.. تكوني هي هاديك.. باش تكوني ليا..
………
فاقت ريم الصباح بكري.. كان كلشي ناعس.. وقادات حالتها.. خرجات من البيت.. وسداتو.. هي كل نهار كتعطل فالنعاس.. وتا واحد مكيعيق بيها.. ولا يسول على غيابها..، خرجات كتسلت.. وحتى واحد مشافها.. وخرجات من الباب اللورانية.. ركبات دغيا فالطوموبيل.. ونزلات راسها باش ميشوفها حد.. وانطلق عادل..
عادل: متخافيش.. مشايفك حتى شي واحد..
ريم: انا خايفة بزااف.. خايفة يشوفوني..
عادل: متخافيش احياتي.. نتي راكي معايا..
ريم: خايفة بزااف..
عادل: تهدني..
وصلو لدارو.. وطلعات معاه للشقة ديالو..
عادل: هانتي امولات الدار.. هادي دارك..
ريم: انا خايفة..
عادل: ايوا صافي.، واش متايقاش فيا.. انا كنواعدك.. انه مغادي يوقع والو.. تيقي فيا خلاص..
ريم: انا تايقة فيك.. والله كنرعد بزز مني..
عادل: تهدني.. انا غانصاوبليك شي حاجة تشربيها .. باش تتهدني..
ريم: خاص نرجع للدار دغيا.. تخيل ماما مشات لبيتي ومالقاتنيش..
عادل:صافي خلاص.. صافي..
دوزات معاه الصباح غا بالقفقفة.. وردها للدار بعد ساعتين ..دخلات وقلبها كيضرب بالجهد.. ودخلات لبيتها.. لاحضات انه تا واحد معاق بغيابها..
ريم: اووووف.. ضيعت اللحظة معاه على والو..
………
فالدار كان محمود جالس وحاط يدو على خدو.. حتى جا محضر من المحكمة.. عطاه استدعاء لجلسة طلاق.. شدها بين يديه وقلبو ضرو بزاف.. حتى بدا يبكي.. وينعل اللحظة اللي خلات هادشي يوقع.. شي حاجة معمرو دار بحسابها..خدا تلفونو وعيط لنسيم..
نسيم: بابا.. توحشتك بزااف..
محمود: بديتي امتحاناتك ولا باقي..
نسيم: غدا نبدا..
محمود: غدا.. الله يوفقك ابنتي.. ماماك حداك.. خاصني نهضر معاها..
نسيم: اه كاينة ندوزهالك.، (بدات تحرك وجهها لامها وفاطمة كتحركها بالنفي حتى حطاتها على ودنها) هاهي ابابا..
محمود:واخا ابنتي.. الله يرضي عليك..
فاطمة بدات تسمع صوتو.. مقداتش انها تصبر.. وبدات تبكي .،،
محمود: فاطمة..
فاطمة(بقهر) : ممم..
محمود: توحشتك بزااف..
فاطمة(بزز باش هضرات): هاد الهضرة معندهاش داعي..
محمود: عفاك..حاولي تنساي.. وانا غاننسى.. ومغانتفكروش داكشي..
فاطمة(فاضو دموعها): منقدرش.. منقدرش.. سمحلي.. ولكن كنتمنى انك تلقى شي بنت الناس.. اللي تعوضك.. سمحلي بزاف.. مكنتش داك الانسانة اللي تصورتيها..
محمود: غاتبقاي فبالي ديما الطاهرة الشريفة والعفيفة.. اللي عرفت حياتي كلها،. مغايتبدل والو.. ولكن.. انا مقادرش نعيش بلا بيك.. رحميني عفاك..
فاطمة: مقادراش.. سمحلي..
قطعات التلفون.. وطلقات دموعها.. ونسيم كتشوف فيها.. ومقادراش تواسيها.. حيت معارفاش شنو اللي بينها وبين باها،.
(ااااه يا البنات.. بكاني هادشي.. واثر فيا.. ونتوما)
الجزء 68
بقات فاطمة كتبكي.. ومقدارتش نسيم تتحمل انه تشوف ماماها بداك الحالة..خرجات للجردة وبدات كتبكي.. ودموعها كيقطرو حتى الحالة اللي وصلو ليها والديها.. داز من حداها هادي.. وجا كيضحك باش يشد فيها حيت ولى كيستحلى انه يشوفها شادة معاه..ويغاننها..جبدها من شعرها ومدارت حتى ردة فعل حاولات تخبي وجهها باش متبانش باللي كتبكي.. شافها وشاف دموعها وهو يبدل الضحكة..
هادي: مالك!! شكون عصبك؟؟
نسيم: والو..
هادي: كتبكي؟؟
نسيم: مكنبكيش…
هادي (مسح دمعة على عينها) : وهادي شنو !!
نسيم: (طلقات العنان لدموعها) بابا وماما غايتطلقو.. معرفتش علاش.. وبجوج بيهم كيتعدبو وهما بعاد على بعضياتهم.. كيبغيو بعضياتهم.. ولكن علاش باغين يطلقو.. كنا مزيانين..
هادي شافي فيها وفدموعها اللي محبسوش.. قرب منها وخشاها فحضنه.. عنقها وحط وجهه على راسها ..
هادي: متبكيش… غادي يكونو مزيانين.. وغادي يرجعو.. نتي صغيرة.. ركزي غا فقرايتك.،
نسيم: تمنيت نشوفهم مرتاحين كما كانو قبل..
هادي: غايرجعو.. طولو ولا قصرو.. الى كيبغيو بعضياتهم.. راه غادي يرجعو.. حيت اللي كيبغي بصدق.. مكيقدرش يبعد على حبيبو.،
نسيم:( تنهدات) ونتا .. مازال كتبغي داك البنت!؟
بعد منها وبعد وجهو.،
هادي: ياك كنا مزيانين..علاش تجبدي هاد الموضوع..
نسيم: جااوبني..
هادي:سري انا اللي جاية نواسي برهوشة.. بعدي مني..
نسيم: هااادي… اجي .. كمل على التعنيقة..
هادي(مشا) : بعدي مني عطيني التيساع..،
نسيم: كنت مرتاحة والله.. هاك افمي..،
.……
داز النهار عادي وباللي بقات ريم كتهضر مع عادل..
ريم: توحشتك بزاف..
عادل: تانا.. ولكن خسارة.. منقدرش نشوفك..
ريم: نتلاقاو فالدار..
عادل: الى كنتي غاتجي وديري بحال اليوما،، غا بقاي فالدار.. حسيت اني فمهمة استعجالية.. والقرطاس فوق مني..
ريم: لا لا.. منعاوش.. كنواعدك.. غانتهدن.. اصلا كما قلتي.. تا واحد معايق بيا..
عادل: غدا نشوفوك.. يالله نوضي تنعسي.. وغدا نتلاقاو.. فنفس الوقت..
ريم: كنبغيك..
عادل: حتى انا…
الغد ليه.. فاقت نسيم.. ووجدات راسها تمشي لامتحاناتها..
فاطمة: حاولي متستريسيش.. حاىلي تجاوبي مزيان.. الله يوفقك..
نسيم: امين اماما..
خرجات لقات جداتها.. وباست يدها.. وخدات منها براكتها.. وخرجات.. بقات غادية بشكارتها.. حتى سمعات طوموبيل موراها.. شافت لقات هادي..
هادي: ركبي البرهوشة..
بحماس ركبات وهي فرحانة..
نسيم: فين غادي..
هادي: لا والو غا بقيتي فيا البارح.. وقلت علاش لماتصبحش عليا باش ترتاح.. وتجاوب مزيان..
نسيم: هرمون السعادة نتا..
هادي: ايه.. معجبتكش.،
نسيم: من نهار عرفتك ونتا مغوبش.. منين جاتك السعادة..
هادي: كيشفتي انا راني السعادة بعينها.. غا مكنلقاش معامن..
نسيم: ها انا.. غانسيك فكاااع المشاكل اللي دازو عليك.،
هادي: كتبغيني البرهوشة؟
نسيم:(بابتسامة واسعة) اه..
هادي: وايلي على البرهوشة كتعرف الحوب..انا راه كبير عليك بزااف..
نسيم: ربيني على يدك..
هادي:(طلق الضحكة) نخاف منك نتي اللي تربيني..
نسيم: علاش لا هههه..
هادي: نتي عارفة انه فالاوراق اللي دار جدي.. انا مزوج بندى..
نسيم: يحيدها.. يديرني فبلاصة ندى..
هادي: وفخبارك باباك معاجبوش هاد القضية.. وقال زمان لجدي بنتي مكنبيعهاش.. وبغيتها تقرا ودير مستقبلها..
نسيم:( غوبشات) انا بغيت نتزوج بيك..
هادي: مكتحشميش.. عرفتي الزواج اش كيديرو فيه؟؟؟؟ راه كيديرو الكلام الخايب..
نسيم:(بنظرة مكر) عارفة..
هادي: جيل قيمش.. ميحشم ميريمش…. نزلي مشي تدوزي امتحاناتك..

الجزء 69
ريم سلتات كالعادة.. ومشات ركبات مع عادل داها لدارو.. وتما خدات راحتها معاه.. وقدمات ليه كلشي على طبق من ذهب..
بدات كتلبس حوايجها.. وجا يعنقها..
عادل: كنبغيك..
ريم: غاتجي تخطبني ياك..
عادل: طبعا..
ريم: فوقاش..
عادل: الوقت اللي بغيتي..
ريم: مكرهتش من دابا.. تمشي تهضر مع جدي.. هو كيعزك.. وغايوافق..
عادل: فنظرك غايعطيك ليا وغايخلي حفيدو.،
ريم: مشكلة.. ولكن نتا واعدتيني غادير المستحيل باش تقنعو..
عادل: واخا.. غانجي نهضر ليوما مع جدك.. مزيان؟؟
عنقاتو وهي فرحانة..
ريم: الله يخليك ليا..
عادل: زيدي نديك للدار قبل ميعيقو بغيابك.. ريم: واخا..
وصلها للدار.. ونزلات سالتة كالعادة.. طلعات وبان ليها ايوب كيحاول يدخل لبيتها اللي كان مسدود.. عضات على قنانفها بالخوف وتخبات.. حتى نزل وهي تجي بالخف حلات الباب وسداتو دغيا.. دخلات دوشات وقلبها كيضرب.. حتى كملات وخرجات لبسات حوايجها.. ووحاولات تنعس.. حيت طار ليها النعاس.. الليل كله وهي كتهضر مع عادل والصبح بكري مشات عندو.. داها النعاس حتى حسات بشي حد فيقها.. حلات عينيها لقاتو عادل.. شافت فيه بارتباك خوفا من انها تكون ذكرات اسم عادل تاني.. شافت فيه مبتسم..
ايوب: نووضي النعاسة.. باراكة من النعاس.. مالكي..
ريم: فيا النعاس بزاف..
ايوب: حبيبة واش مريضة؟ (حط يدو على جبهتها) كتنعسي بزاف.. هادشي ماشي نورمال.. بالليل كتقوليلي غانعس.. وكتقطعي معايا.. وبالنهار كتعطلي متفيقي.. واش هادشي طبيعي..
ريم: عادي.. غا حيت مكنلقا مندير..
ايوب: نوضي نمشيو نخرجو.. نشريو شي حوايج نوجدو للعرس.. واش مناوياش تبرعيني؟؟ نوضي نوريك شي محلات ديال الشوميزات دو نوي(غمزها) نشريو شي جوج ولا تلاتة..
ريم: عقلك موسخ..
ايوب: واخا نوضي نمشيو نشوفو المحلات ديال الفراش.. نفرشو بيتنا.. على دوقك.. جدي قالي خود الفراش اللي عجبك.. وهو غايتكلف.. بغيتو يكون على دوقك.. (بهدوء)نوضي خلاص.. راني توحشتك بزااف..
ريم: عياانة.. ومكرهتش ننعس.. ونزيد ننعس..
ايوب: راكي خمرتي بالنعاس.. غانلقا مشكل معاك غا فالنعاس هه.. نوضي عفاك.. واجي علاش وليتي كتسدي بيتك..
ريم: حيت كنعس عريانة.. وندى كتحل عليا الباب فجأة.. وشحال من مرة كيكون دايز بابا ولا عمي..
ايوب: (بمكر)عرياااانةةة…وريني كيكتنعسي..
ريم: والله حتى عيانة.. خليني نزيد ننعس شوية.. حاسة راسي مريضة..
ايوب: واخا غانخليك ليوما.. ولكن.. راه غدا بكري غاندوز موراك نمشيو لفين قلتلك..
ريم: واخا..
باسها من جبهتها وزاد غطاها.. وناض خرج.. وهي عاد تنفسات.. شوية وهي تدخل ندى لعندها.، ونقزات لعندنا..
ندى:ليوما نقجك..
ريم: شنو كاين..
ندى:كتخبي عليا.. فين مشيتي .. هااا دوي الكلبة دوي ولا ليوما نفرشك..
ريم: صااااف.. انا غاندوي.. خرجت مع عادل..
ندى:(شهقات ) مسخوطة؟؟؟؟ زعمتي..
ريم: كنت غانموت بالخلعة… ولكن هو عطاني وعد انه غايجي يخطبني..
ندى: ويواعدك كاع… جدك غايوافق؟؟
ريم: شنو المعمول… نقوليهم غاننتاحر..
ندى: شكوون داها فينا.. شكون داها .. حنا تزاديها منبوذين.. نسيم بوحدها اللي كتمشي المدرسة.. حنا مشينا لشي مدرسة؟؟ عمر سول فينا شي واحد شنو خاصنا،؟؟ شنو بغينا؟؟ موتي ولا ديري اللي بغيتي..شكون داها فيك..
ريم: وعلاش نتي.. مللي مبغيتيش تتزوجي هادي بعدما رجع..علاش دارو داكشي اللي بغيتي؟
ندى: داكشي اللي بغيت؟؟قولي داكشي اللي بغاو هما.. شدوها ضد..حيت هو نقص منهم من الاول.. وخداوها ضد لا اكتر..
ريم:فشلتيني..
الجزء 70
رجعات نسيم من المدرسة.. وهي فرحانة..
نسيم: جاوبت .. مزيان..
فاطمة: برافو عليك..
نسيم: غانمشي نطل على هادي..
فاطمة: ابنتي هادي ماشي قدك.. متبقايش تضسري عليه..
نسيم: واخا..😈
مشات سالتة ودقات على بيتو..
هادي: دخول..
حلات الباب وشافت فيه بتشيطين ولكن دغيا تقلبات ابتسامتها..
هادي: دخلي البرهوشة..
نسيم: اش كدير..
هادي: كنرحل.. هههه
نسيم: كندوي بالصح..
هادي: كنقاد باليزتي باش نمشي..
نسيم: فين غاتمشي؟؟
هادي: ماشي غا نتي اللي عندك الامتحانات..
نسيم: غاتمشي تدوز امتحاناتك وترجع.. واش غاتطول..
هادي: على حسب.. يمكن نمشي ندوز الامتحان ونخدم تما..
نسيم: كتفلا؟؟
هادي: غاندوز امتحاناتي.. ونجي.. معندي فين نمشي..
نسيم: غاتعطل.. فوقاش غاتكمل.. شحال من نهار غاتبقا تما..
هادي: على الاكتر جوج سيمانات؟؟
نسيم: نيشان؟
هادي: اه البرهوشة.. نتهنى منك شوية ومن صداعك..
نسيم: الى مجيتيش غانلحق عليك..
هادي: وزعامة هادي..
نسيم: اه السي هادي..
هادي: سوحليفة… كيدوزتي امتحانك..
نسيم: زوين.. كملتي الجميع.. بغيتك تجي معايا.. نمشي نشوف بابا.. توحشتو..
هادي: كملت.. يالله نمشيو..
حنان: هادي.. كملتي.. نسيم!! اش كديري هنا..
هادي: كتدوي معايا.. (جبد شعرها) سيري هاني تابعك..
نسيم: اااح.. واخا..
مشات وشافت فيها حنان..
حنان: علاش مضسرها عليك..
هادي: عادي.. غا بريهيشة كنضحك معاها..
حنان: هادشي غايزيد يبعد منك بنت عبد الله.. عرف راسك اش كدير .. وهاد الضحك ضحكو معاها هي..
هادي: بنت عمي عمرها مشافت فيا اصلا.. غا نتوما اللي معرفتكم كيفاش كتفكرو.. هانا وجدت لافاليز.. غدا الصبح غانمشي..
حنان: عماد فوقاش خاصو يدوز..
هادي: بجوج بينا غانبداو حتى للسيمانة الجاية. غاا انا باغي نمشي بكري شوية باش نبريباري..
حنان: وعنداك تمشي عند داك البنت تاني…
هادي(بآسى) : لاا..
حنان: الله يرضي عليك..
نزل هادي ولقا نسيم كتسناه.. ناضت ومشات معاه.. وركبات.. وصلها وهما ضاكحين فالطريق.. حتى وصلات لعند باها..
نسيم: اااه الحومة ديالي ااه..
نزلات وهو يوقف عليها الشمكار..
الشمكار: بربي ليوما تشا غاتشموتشي.. راكبة مع راجل..
هادي معطلوش..مشا ديريكت عطاه بونية.. وطيحو الارض.. مشا نزل عندو القرفصاء..
هادي: والله يا ربك نشوفك قربتي منها حتى ندبحك ونشرب من دمك..، شفتي عينيك غانكلعهم ليك من بلاصتهم.. عنداك نبان ليك نقي هكا ويحسابليك ولد عائلة.. راه انا وسخ منك..
ناض وقاد حوايجو وشد فيد نسيم.. ودخل للدار..
محمود: بنتيي توحشتك..
نسيم: بابا.. تانا توحشتك.. بزاف..
محمود: ولدي لاباس عليك..
هادي: بخير اعمي بخير.. ونتا لاباس..
محمود: عايشين فالدنيا مسلكين.. واخا مكاين حياة بعيد على عائلتي..
نسيم: قولي كيفاش نقدر نعاونكم.. ونقنع ماما باش تتراجع على قرارها.. بابا واش نتا خنتي ماما عليها دارت هكا..
محمود: عمري مشفت وعمري منشوف غيرها..
نسيم: وعلاااش مبغاتش ترجع.. مفهمتش..
هادي: نسيم.. هادو اسرار ديال المزوجين.. متدخليش بيناتهم..
نسيم: (بأسى)واخا..
محمود: كيدوزتي امتحاناتك..
نسيم: كالعادة… كيكتعرفني..
محمود: قراية بنتي العزيزة..
نسيم: بابا.. واش ممكن البنت تتزوج وتقرا فنفس الوقت..
هادي خرج عينيه بالصدمة.. نسيم عوالة نيشان..
محمود: لا.. اما تقرا واما تتزوج.. حيت الى دارتهم بجوج غاتكون كتقصر فشي واحد منهم على حساب لاخور..
هادي(تنفس): ياهاد البعلوكة نساي عليك الزواج واش كتهضري من نيتك؟
محمود: اكيد كتضحك،. هه بنتي باغا تقرا باش تشرف باها.. ياك انسيم..
هادي: عاد عرفت علاش عمتي غامرات وتزوجات بيك.. ووقفات فوجه جدي.. هه لوكان بابا ولا جدي فبلاصتك كوراه طيرها بشي سقلة ههه..
نسيم: انا بابا كيفهمني ..
محمود: التربية مكتكونش بالعنف… حيت كتولد العناد وبالتالي الاخطاء..
هادي: عندك الحق.. كما دارو لينا حنا.. والنتيجة انه كلنا مشينا فطريق خاطئة..
محمود: ماشي عيب الانسان يغلط..العيب هو انه ميعترفش لراسو انه غادي فغلط.. وميتعلمش منو..
هادي: انا معجب بزاف بشخصيتك اعمي.. وانشاء الله نتعلم منك بزااف..الجزء 71
ندى: ريييم… نوضي بانلي عادل جا… هو وختو فتيحة..
ريم: بالصح… جاي يخطبني.. يااااربي..
ندى: جايب الورد فيدو.. اجي نطلو..
كانو عادل وختو فتيحة جالسين فالصالون.. حتى شافهم عبد الله وتخلع.. مشا عندهم.. ناضت فتيحة بلباقة..
فتيحة: السلام اولد خالي.. لاباس عليك..
عبد الله: لاباس..
عادل: كيداير اولد خالي.. فين هو خالي.. جايين نشوفوه.. وحتى السي احمد..
عبد الله حاول يدير اشارة لفتيحة.. حيت مفهمش شنو اللي جايبهم..
جا الحاج الطاهر.. وجا حتى احمد..
فتيحة: خالي لاباس؟؟؟
الطاهر: لاباس ابنتي.. مرحبا..
فتيحة: ليوما جايين وناويين الخير.. وطالبين القرب منكم..
عبد الله العرق كان فزكليه كاع حوايجو.. وبدا يمسح بالكاغيط..
الطاهر: مرحبا..
فتيحة: جايبن طالبين فيد حفيدتك لخويا عادل..نتمناو متردوهاش فوجهنا..
عبد الله تنفس.. ولكن فنفس الوقت ارتبك.. واش كيهضرو على بنتو..
الطاهر: شكون فيهم.. ولا للي كانت؟؟
عادل: ريم.. بغيت نخطب ريم اخالي.. بنت السي احمد..
ريم بدا قلبها كيضرب وفنفس الوقت فرحات.. حيت عادل وفى بوعدو..
الطاهر: بنت احمد؟؟ ولكن ريم مزوجة..
عادل: انا عارف اخالي انك زوجتيهم فصغرهم.. ولكن داكشي كان بلا رضاهم.. سولها .. ربما تبغي تبدل رأيها؟؟ وتبغي تتزوج بيا..
الطاهر: (ضرب عكازو مع الارض تسمعات الدقة) ايوب حفيدي كيوجد العرس.. من ريم بنت احمد.. وانشاء الله قريب غانعرضوكم لعرسها.. سمحولنا.. ولكن طلبكم مرفوض..
فتيحة: واااخا اخالي.. على خاطرك.. مكتابش اخويا.. يالله.. خليناكم فالخير.. بالسلامة..
ناضو وخرجو.. واحمد غا كيشوف..
احمد: جايين يخطبو.. واش مواصلش ليهم الخبار باللي بناتنا محصنات..
عبد الله: مقال عيب اخويا.. شاف البنت وجا يخطب من الباب..
احمد: ايوب الى ساق الخبار غادي يحماق..
ريم دخلات للبيت ودموعها على خدها.. وندى كتواسي فيها..
ندى: مديريش فراسك هاد الحالة..
ريم: كنبغيه.. غانحماق الى متزوجتش بيه.. انا غانهرب معاه كما دارت عمتي فاطمة.. وهاهما فالاخر تقبلوها..
ندى: ولكن عمتي مكانتش مكاتبة مع شي واحد اخور.. كيغاديري تتزوجي عادل ونتي مزوجة بأيوب..
ريم:اكيد كاين شي حل اكيد.. اكيد..
شوية تحلات عليهم الباب بعنف كبير… لقاو ايوب وعينو فيهم شرار.. عرفات ريم انها قفارت عليها ولكن ختارت توقف هاد المرة.. كما كيوقفو كلهم..
ايوب: نتيي .. تضحكي عليا انا وتكدبي.. كيفاش كنبان ليك ها؟! كنبان ليك حمار!!! دوي..
ندى سلتات وهربات.، وهو سد الباب.. وبقات ريم كترجع اللور.. وخايفة.. طايح منها النص..
ريم: شنو درت انا؟؟ مكدبتش ..
ايوب قبل ذلك.. جا للدار.. وكان ضاحك لقا الجد وخوالو كيهضرو..
عبد الله: كنتي علاين تتحرم من عرسك.. ههه جاو الخطاب فخطيبتك..
ايوب: كيفاش؟؟
الطاهر: ولد ختي.. اللي سميتو عادل.. جاي بغا يخطب ريم.. ولكن انا حفيدي اقرب ليا.. جرينا عليهم..
ايوب بدا يدورها فدماغو.. كيفاش هي كانت كتقوليه راه ندى هي اللي كتبغيه.. وهو جاي يخطب فيها..
ايوب: سمحولي..
ناض واتجه لبيت ريم..
ريم: طلق من يدي.. راك قصحتيني..
طلق منها ولاحها على الناموسية..
ايوب: مخليت مدرت ليك.. ونتي .. ميعمر عينك غير التراب.. انا ماشي راجل؟؟؟ (غوت) واش انا ماشي راجل.. واش عاجبك هو؟؟؟ واش هو راجل عليا ..
ريم: بعد مني.. بعد مني خرج من بيتي..
دخلات حنان عليه لقاتو كيغوت عليها..
حنان: مالك.. اش خاصك..
ريم:(تخبات موراها) ماماا.. عتقيني..
حنان: شوف اش كيدير ليها دابا.. نتا اللي نأمن على بنتي معاك؟؟ نتا؟؟ اش غادير مللي تكون بعيدة علينا.. غاتقتلها يمكن باينة.. الى حسابليك راها ولات ديالك راك غاتكون غالط؟؟ الخطاب عليها بزااف كما كتشوف.. وغانزوجها باللي بغيت انا..
شاف فيها وكان معصب.. وخرج وزدح الباب..
ريم: ماما.. عفاك مبغيتش نتزوج بيه.. بغيت نتزوج عادل.. عفاك..
حنان: جلسي على قاعك.. انا درت هاكاك باش ميضسرش عليك.. ويحسابليه باللي معندك حد ويتمادى.. غاتزوجيه هو.. حيت جدك بغا..سمعتي.. جلسي الارض..
خرجات حنان وبقات ريم كتبكي.. حيت كان باقي ليها واحد الامل.. ومشا..
الجزء 72
بعدما خرجو عادل وفتيحة من الدار وبقاو غاديين بالطوموبيل..
فتيحة: ها حنا سعفناك.. ودرنا خاطرك.. واخا نتا عارف وهما عارفين انهم غايرفضوك..
عادل: ايوا درنا هكا باش تزيد ريم تيق فيا كتر شوية.. حتى نفذو الخطة..
فتيحة: كون شفتي بنت عبد الله بعدا هو اللي ساهل.. اما احمد دكي بزاف وحاضي راسو..
عادل: ريم هي اللي ساهلة.. ندى دكية.. ريم هي اللي مهزوزة.. وخاصها غا فيمن تلصق..
فتيحة: بشوية عليك.. حتى نشوفو فين غانوصلو معاهم…
…………
فدار محمود بعدما دوز هادي ونسيم معاه النهار ودعوه وجاو خارجين.. مشاو للطموبيل ولقاو الروايض مفشوشين..
هادي: ولد*****
نسيم: ناااري كيخسر الهضرة..
هادي: غانعيط للاسورانس يجيو يهزو الطوموبيل.. وغادي نمشيو انا وياك فطاكسي للدار..
نسيم: واخا..
هادي: فينو ماع مابانليا نقطع لمو الرجلين..
نسيم: البطل ديالي..
هادي: يا داك البعلوكة رخفي شوية من الافلام .،
نسيم: كيشفتي انا كيتسطاو عليا غا انا كنبغيك نتا..
هادي: شكون كيتسطا عليك.. حميدة الشمكار..
نسيم: احم.. حتى فالمدرسة..
هادي: (شدها من جيهة عنقها ) زيدي قدامي بلا منرتكب فيك شي جريمة..
شدو طاكسي.. ووصلو للدار.. لقاو ايوب جالس فالجردة.. مشا عندو هادي.. ضرب على رجلو وجلس حداه..
هادي: مالك اصاحبي.. مهموم..
ايوب: بسبب ختك..
هادي: ايوا هضرنا معاك بديتي تحشي الهضرة..
ايوب: ريم جاو فيها الخطاب..
هادي: ربي ربي..
ايوب: والمشكل انها باغية.. وموافقة.. بحال الى عمري كنت فحياتها.. استصغراتني بزاف..حسيت راسي مساوي والو.. ضرني قلبي ..
هادي تأثر بهضرتو وحس بيه انه كيهضر من اعماقو..
هادي: نهار كنبغيو شي بنت من قلبنا.. كنوليو بحال الحمير ههه .. وكنديرو المستحيل عليها.. ولكن.. صعيب بزاف تحس ان البنت اللي عطيتيها قلبك وحياتك مكتبغيكش..وغير كتدوز بيك الوقت.. (تنهد) نهضر معاها ونعرف شنو كاين؟؟
ايوب: لا لا عفاك لا.. خليها.. انا مغانبقاش نجي عندها.. نريحها من وجهي.. الى لقيت انها مبقاتش باغاني كاع.. غانضطر نقول لجدي يوقف هاد العلاقة.. حيت اي واحد.. مغاديش يرضى انه يتزوج شي وحدة مباغاهش..
هادي: يكون خير.. يكون خير..
فمراكش.. كانت سارة كتسارا.. وكتحل فمها على اي حاجة شافتها جديدة..
سارة: زويينة بزاااف.. شحال زوينة.. شنوو هاداكشي…
عماد: صافي متبقايش ديري بحال الى عمرك شفتي الدنيا.. راه كيشوفو فينا الناس..
سارة: انا فرحانة بزااف.. والله.. فرحانة..
عماد: ممنعتكش تفرحي.. ولكن ردي بالك.. الناس كتفرج فينا.. المهم بغيت نقولك.. انه غدا غانرجعو للدار..
سارة: عاد يالله سيمانة مكاملاش باش جينا.،
عماد: سمعتي شهر العسل حسابليك بالصح غايكون شهر.. راه سيمانة وبزاف.. خاص نمشي نقرا.. ونكمل امتحاناتي..
سارة: واخا كما بغيتي.. ولكن واعدني انك غاتجيبني هنا .. مرة اخرى.،
عماد: واخا..
الجزء 73
سعاد:صلااااااة والسلاااااام علىىىىى رسول الله.. يووووويووويوي … تبارك الله على بنتي.. تبارك الله..
عماد: ضراتني ودني بزغارت موك..
سارة: ههه فرحانة لينا..
جوهرة: على سلامتك اولدي.. مرحبا بعروستي..
سارة: الله يسلمك اخالتي..
يامنة: تساريتو شوية..
سارة: اه.. بزاف.. عماد مخلى بلاصة مداني ليها..
جرات سعاد بنتها..
سعاد: قوليليا.. كيفاش كيعاملك..
سارة: مزيان بزااف..
سعاد: يووويويوي.. قوليلي.. مكتحسيش بالدوخة ولا التقية..
سارة: لااا.. علاش..
يامنة: باااقي الحال اسعاد… خلي بنتك فالتيقار..
عماد: انا غانمشي نرتاح شوية..
جوهرة: واخا اولدي..
دخل عماد لبيتو.. وتنفس.. دخل دوش.. وداز ينعس..
فبيت مجاور جمع هادي صاكو وهز باليزتو وحط جاكيتو على يدو.. خدا باسبورو فيدو.. وفيه ورقة الطيارة.. وخرج من بيتو..
حنان: الله يوصلك على خير اولدي..
هادي: امين اماما.. امين..
حنان: بلا منوصيك.. وبقا تعيطلي كل مرة.. واخا..
هادي: واخا اماما.. جدة.. تهلاي فراسك..
يامنة: الله يسر ليك اولدي.. وينجحك..
حنان: اسامة وصل خوك اولدي..
اسامة: زيد قدامي.. سيمانة وتلقاني لحقت عليك انا وعماد..
هادي: واخا.. احم.. فين عمتي فاطمة..بغيت نسلم عليها قبل منمشي..
حنان: غاتكون غا فبيتها.. هي وبنتها..
مشا دق على عمتو وحلات ليه..
هادي: عمتي جيت نقولك بالسلامة عليك.. انا غانسافر..
فاطمة: الله يوصلك على خير اولدي.. والله ينجحك..
هادي: اميين اعمتي.. اا فين نسيم.. نودعها..
فاطمة: خرجات للجردة يمكن..
هادي: واخا غانشوفها مللي نكون خارج.. يالله خليتكم على خير..
بداو الدعوات موراه.. حتى خرج.. وبدا يقلب بعينيه على نسيم.. حتى لقاها بين الورد..
هادي: اش كديري يا هاد البعلوكة..
نسيم(جمعات فمها حزنا) : صافي غاتمشي..
هادي:اه واخيرا غانتهنى من صداعك..
نسيم(حركات اصبع السبابة) : واياك تتعطل..
هادي: وايلا تعطلت؟!
نسيم: غاتلقاني تزوجت…
هادي: على الله.. نتهنى منك..
نسيم: والله لا تهنيتي مني.. هاااك.. شد هادي..
مدات ليها وردة..
هادي: فين لقيتيها!
نسيم: ماشي شغلك.. نتا شدها.. وبقا تشم فيها ريحتي..
قربها لنيفو..
هادي: ااااف.. على ريحة خايبة فيها..
نسيم: ياك.. والله وتلوحها حتى تشوف..
هادي: الله يا ربي اش درت فحياتي.. يالله بالسلامة عليك..
نسيم(كتلوح بيديها) : بالسلامة.. وبقا تعيط ليا تسول..
مشا ركب مع اسامة ومشاو.،
اسامة: ضحوكية نسيم.. عزيزة عليا..
هادي: اه بزااف.. كتفوج عليا..
بقا غاديين شوية وهو يهز داك الوردة.. بدا يشمها.. ويبتسم.. ويعاود يشمها.. حتى خباها فكتاب من كتبه.. وسد الصاك ديالو..
الجزء 74
عادل: ماوافقوش.. اش غاندير..
ريم: كوكنتي كتبغيني.، كنتي غادير المستحيل..
عادل: اش غاندير مثلا.. غانحارب عائلتك كلها…
ريم: ايوب مبقاش غايقرب مني.. انا قلتلو فوجهو باللي مبقيتش باغاه.. وهو عرف كلشي..
عادل: كنتي ديجا ناعسة معاه؟؟
ريم(بارتباك) : لا..
عادل: كتضحكي عليا ولا شنو..
ريم:علاش حبيبي علاش..
عادل: ريم.. نتي مكنتيش فيغج.. صحيح انه باينة فيك مامارستيش بزاف دالمرات.. ولكن انا عارف مزيان انه ديجا قاسك.. ايوب ولا غيرو..
ريم(بخوف): قبل منتعرف عليك.. شدني بزز مني والله..
عادل: حبيبة ديالي انا مكنحاسبكش.. ولكن اي حاجة قوليهالي.. منخبيو والو على بعضنا.. انا عارفك كتبغيني انا..
ريم(تهدنات) : عمري نخبي عليك شي حاجة تاني..
…….،..،…
وصل هادي لعند صحابو فلندن.. وجلس معاهم.. وعطاوه الضوسي ديال سحر كله.. وفين كتعمر وقتها ومعامن.. وقالولها هاد الايام كيعمرو فواحد الكوان ..لقاها فرصة.. مشا للكوان اللي كتكون فيه .. ولقاها جالسة معاه وكيعمر ليها البرمان كاسها.. جا حداها وطلب كاس.. شافت فيه متيقاتش عينيها.. واش كتحلم ولا غا سكرانة.. جاها الخوف من انه يدير شي حاجة.. خدا كاسو وجلس حاضيها.. وهي ارتبكات مقدراتش تتحرك.. ولاخور من نيتو جالس حداها وناشط.. وكيضحك معاها..
شاف فيه مطول هادي.. حتى هو كان بحالو.. عندو غشاوة على عينو..مكيشوفش بحبو ليها.. كانت جاراه بحال شي بهيمة.. ناضت للطواليط باش تقاد الميكاب ديالها.. وهو تبعها.. عاد جات تدخل.. وهو يجرها وسد على فمها..
سحر: ممم..
كانت فاقدة قوتها بسبب الشراب..
هادي: شنو دابا.. حسابليك مغاديش نوصل ليك ولا شنو.. (طلق فمها)
سحر: انا توحشتك بزااف…
هادي: زوينة هادي.. وشنو كديري مع هاداك خينة..حتى هو بغيتيه يخلصليك ليكول كما كنت كندير انا..
سحر: انا كنبغيك اهادي.. مكنتش طامعة.. غير ماما اللي مبززاه عليا..
هادي: الى قلتلك دابا سيري تفارقي معاه.. غاتفارقي؟؟
سحر: اه.. وغانرجعو انا وياك..
هادي: مزيان.. سيري قوليلو معمرك تعاود تقرب مني.. وانا غانستناك فالطوموبيل..
سحر: واخا..
هادي كان الغل معمر قلبو هاد الساعة كتر من اي حاجة.. مشات هزات صاكها من هدا هاداك وتمات خارجة..بقا تابعها حتى جات ركبات فالطوموبيل مع هادي.. بقا كيدق عليها وهي مشافتش فيه..
سحر:درتي طوموبيل جديدة؟
هادي: عجباتك؟؟؟
سحر:بزاف.. شنو درتي مع عائلتك؟؟ اكيد رجعتي ليهم وهما اللي شراوهالك.. واش تزوجتي؟
هادي: لا.. جدي قالي دير اللي بغيتي..
سحر: يعني نقدرو نتزوجو دابا؟؟؟
هادي: اه وشنو اللي يمنعنا.. وبلاصتي فالشركة كتسناني..
سحر: وااااو… انا فرحانة.. غانوجد راسي..
هادي: خاص نفاليديو.. باش ناخدو الديبلوم هاد العام.. وداك الساعة نخدمو فالشركة..بجوج بينا…
سحر: انا مستعدة..
هادي: ياكما رشيتي لي بروف..
سحر: لااا.. كنقرا بدراعي..
هادي: كنعرفك.. بنت اصل.. وماشي ديال داكشي..
سحر: فين غانمشيو دابا..
هادي: لداري..
سحر: دارنا..
هادي: هههه دارنا.. دارنا..
الجزء 75
هادي بقا عايش مع سحر.. كما الاول.. وهي فرحانة وقالت لامها باللي هادي يقدر يتزوج بيها دابا.. وهضرات معاه حتى هو.. الاخور بقا كيجي يصدعها ويطلبها وهي كتقولو انا مغاديش نرجع ليك.. وكنت غا كندوز بيك الوقت.. ً
عماد بقا فالدار وهو مهموم وكيفكر..
سارة لبسات بينوار ديالها وجات جلسات حداه..
سارة: حبيبي.. فاش كتفكر..
عماد: فيك..
سارة: يخليك ليا.. عارفاك كتفكر فالقراية..
عماد: ممم
سارة: نمشي معاك؟؟
عماد: لا.. بقاي هنا..
سارة: واخا كما بغيتي..
عماد: انا غانمشي غدا،،
سارة: واخا.. غانجمعليك حوايجك..
اسامة كان فبيتو كيجمع حوايجو حتى هو.. حتى دقات عليه ندى..
اسامة: اذخل.،
ندى: انا..
اسامة: دخلي اندى دخلي.،
ندى: غاتمشي صافي؟؟؟
اسامة: اه..
ندى: كنتي كتديرلي الطاقة الايجابية.. ودابا غاتضلام عليا الدنيا..
اسامة: متخافيش.. خمسطاشر يوم على الاكثر.. غانجي بعدها للدار..
ندى: (حنات راسها)! واخا هكاك.. بزاف..
طلع دقنها.. وشافت فيه..
اسامة: بغيتي نبقى..
بدون شابق انذار طبعات قبلة مطولة على شفايفو خلاتو مصدوم.. مكانش متوقع منها هادشي.. كسرات الوقار اللي كان بيناتهم..صحيح انه كان يحس بالراحة مللي كانت كتجلس حداه وتدوي ولكن انها توصل لهادشي مكانش كيفكر فيه ابدا..
ندى: سمحلي.. محسيتش براسي..
خرجات ومشات.. وهو بقا مصدوم ودايخ.. اشنو هادشي اللي وقع دابا.. كيحلم يمكن.. حيت مستحيل انه تكون وصلات بيناتهم لهاد الدرجة فجأة.. جلس وتوقف عن الجميع..
ندى دخلات لبيتها وهي كتنهج.. وحطات يدها على قلبها..
ندى: ناري قفرتها.. عمرو يشوف فوجهي مزال.. ولكن.، راااه كنت باغا نديرها.. بزز ولا بالخاطر.، اووف قفرتيها اندى.. تخيلي مشا فضحك وقالهالهم.. ناري مصيبة..
ريم فبيتها كانت متكية.. حتى حسات بالترويعة.. ناضت للطواليط وبدات تستفرغ..
ريم:اوووف اش هادشي.. كليت شي حاجة ماشي هي هاديك..
بقات شادة على كرشها ونزلات لقات ماماها فالكوزينة..
حنان: مالك نتي..
ريم: فيا التقية.. وحاسة بالترويعة.. يمكن كليت شي حاجة دارتلي تسمم..
حنان: شنو كليتي..
يامنة: هاكي كولي هاد الليمونة.. غاتحيدليك الترويعة..
ريم: اووووف.. زادتلي التقية.. بعديها مني اجدة.. انا غانمشي ننعس..
مشات وبقات يامنة كتشوف فيها..
يامنة: حنان..
حنان: نعام اخالتي..
يامنة: شوفي بنتك..
حنان: التبوحيط..دابا تكون مزيان.،
يامنة: هاداك ماشي تسمم احنان.. وانا كنعرف فهادشي.. متنسايش ان امي خدمات قابلة لكتر من خمسين عام.. بنتك حاملة… هضري معاها.. وشوفي شنو دارت هي وولد عمتها.. الى كانت شي حاجة نعرسو ليهم دابا.. ماشي حتى يهضرو فينا الناس..
حنان(ضربات على قلبها) : اويلي لبنت الحرام..
يامنة: انا جاية نشوفليها البولة.. متخلعيهاش.. حتى نتأكدو..
طلعات ودخلو عليها لقاوها متكية..
حنان: نوضي من تما… نوضي.. ً
يامنة: شوووت بشوية لا يسمعونا.. ريم.. حطي شوية دالبولة فهاد الطويسة.. دغيا..
ريم: خليوني نرتاح.،
يامنة: تكعدي..
ريم:هانا..
خدات الطاسة من جداتها مشات بالت فيها وهي مفاهماش علاش.. خداتها جداتها وكبات عليها جافيل.. وهو يتفشفش بزاف حتى فاض من الطاسة..
شافت يامنة فحنان اللي حطات يدها على فمها..
يامنة: لا حول ولا قوة الا بالله..
حنان: ياااك ابنت الحرام..
الجزء 76
ريم هربات وتخبات مور جداتها..
ريم: عفاك اماما.. عفاك عفاك..
حنان: اويلي يانا.. فضحتيني يا بنت الحرام.. ياك كنقوليك بعدي منو… عجبك الحال.. فضحتيني..
حنان طاحت للارض وبقات كتضرب فجنابها…
حنان: اويلي غاتشفي فيا العديان.. اويلي غاتضحك فيا اللي يسوى واللي ميسواش.. اويلي انا.. اويلي..اويلي غايتشفاو فيا انا.. غايضحكو عليا.. غايتشفااااو فيا.. ها اللي تولد البنات.. هاللي تولد البنات..
يامنة: سكتي احنان.. غانهضرو مع ايوب.. ونزيروه.. ونلقاو حل..
ريم: ايوب؟!! لا لا متقولوهاش.. لا.. لا ..
يامنة: سكتي نتي.. متهضريش..
حنان: الله يا ربي.. الله.. غاتقتلني هاد البنت غاتقتلني..
يامنة: فوقاش جاتك الدم اخر مرة.. خاص نعرفو بعدا واش الكرش كبيرة ولا صغيرة..
حنان: دوي ابنت الحرام..
ريم(بخوف) : غا الشهر اللي فات..
يامنة: فوقاش قرب منك.. هضري اريم..
ريم: معرفتش..
حنان: هاد البنت غاتصطيني.. غاتسطيني.. غاندفنك قبل متفضحيني.. غاتشمت فيا جوهرة.. وغاتشمت فيا سعاد..
يامنة: سكتي.. تا واحد مغايشمت فيك.. سكتي نحلو المشكل..
ريم: كاع رباو بناتهم.. الا انا.. ديما ساكتة.. كنقول عليها دريويشة.. وهي اللي خرجات ليا من الجنب.. هي اللي غاتفضحني..
يامنة: احنان سكتي.. غانهضر مع ايوب انا.. وغانزيرو..
ريم: لااا.. لااا..
حنان(طرشاتها) سكتي..
خرجو من البيت بجوج وهي خدات تلفونها دغيا.. وبدات تصوني لعادل..
ريم: جاااوب دغيا جاوب…
عادل: الو..
ريم: عادل .. عتقني عفاك.. عتقني..
عادل: شنو كاين..
ريم: انا حاملة…
عادل: شنووو
ريم: المصيبة انه جدة وماما عرفو.. وحسابليهم من ايوب.. وغايمشيو يقولوليه يتزوجني.. تصرف عفاك.. عتقني..
عادل(ابتسم): واخا تهدني.. انا غانتصرف..
ريم: عفاك عتقني..
عادل: متخافيش.. تهدني وما يكون غا الخير..
فالدار ديال سعاد كان متكي ايوب وحاط يدو مور راسو..
سعاد: اولدي.. واش مغاتاكلش.. شوف كيوليتي؟ راه جدك موافقش على داك العريس… قالهالي..
ايوب: واخا امي..
صوناليه التلفون ولقا نمرة جداتو.. جاوب..
ايوب: الو.. جدة..
يامنة: ولدي ايوب فينك..
ايوب: فالدار اجدة ياك لاباس؟.
يامنة: اجي اولدي بغينا نهضرو معاك..
ايوب: واخا.. اني جاي دابا..
قطع معاها وهو مستغرب..
سعاد: يمكن غاياخدو بخاطرك.. ويصالحوك مع ريم..
ايوب: غانمشي نشوف ..
لبس حوايجو ومشا.. وصل للدار لقا جداتو ومعاها حنان.. اللي كانت كتحرك رجليها بالاعصاب وكتغلي..
ايوب: السلام عليكم..
يامنة: جلس اولدي…
ايوب: خالتي حنان لاباس عليك..
حنان:كون ما حشمت من جداتك.. كون وريتلك خالتك.. والامانة اللي خلينا ليك..
ايوب: مالي شنو درت..
يامنة: ايوب.. ريم راها حاملة…
ناض وقف من الصدمة..
ايوب: شنووو… مستحيل.. انا مدرت والو..
حنان: كتنكر قدامي يا الشماتة.. كون غا مشفتكش بعيني..
ايوب: خالتي كيفاش غانفهمك..داكشي داك المرة ماشي ديال الحمل..
يامنة: اولدي شوف.. انا جداتك متحشمش مني.. ولكن كاين العيالات اللي دغيا كيحملو.. وريم منهم..
ايوب: ولكن..
حنان: طلقيني عليه اخالتي..
يامنة: سكتي ومتزيديش الفضيحة..
ايوب: واخا.. اللي درتوه انا معاكم..
يامنة: الله يرضي عليك اولدي.. انا غانقول لجدك يعرسليكم باش ميعيق تا واحد ونسترو هاد الفضيحة..
ايوب: واخا.. انا غانمشي نهضر معاها..
حنان: سير الله يلكيها ليك..
يامنة: صافي حلينا المشكل.. بلا فضيحة.. صافي تهدني..
الجزء 77
دخل ايوب على ريم.. ولقاها مكمشة يديها.. شافت فيه وهي خايفة.. جا جلس حداها بهدوء..
ايوب: رييم..
ريم: ممم
ايوب: انا معرفتش كيفاش طرا داكشي.. انا متأكد انه رميت برا.. ولكن اللي فهمت من جدة انه كاين عيالات كيشربو واخا من برا..
حطات ريم يدها على فمها..
ايوب: انا مستعد نتحمل الغلط ديالي .. ولكن.. خاصني نتي تكوني فعلا باغاني.. ماشي غا تصحيح غلط.. يعني ماشي حتى نتزوجو وتولدي.. وتقوليلي مبقيتش باغي نبقا معاك.. ريم انا كنبغيك.. وبززاف.. ولكن مغانتحملش تعيشي معايا بزز منك..
سكتات ريم ومدواتش.. حيت هي كتسنى عادل يدير حل..
ايوب: ريم.. واش مغاتجاوبينيش..
ريم: انا مقادراش نهضر دابا… ماما حالفة حتى تقتلني.. عفاك خلي نهضرو من بعد..
ايوب: متخافيش.. ماماك انا غانهضر معاها ومغادير والو..
ريم: (كتبكي) عفاك سير دابا.. بغيت ننعس..
ايوب: واخا .. كما بغيتي.. نعسي ورتاحي..
خرج وخلاها .. لقا حنان فالباب.. ومخنزرة فيه..
ايوب: خالتي.. اللي درتوها انا معاكم.. ووعد مني تا واحد ميسيق الخبار..
حنان(تنهدات) : واخا.. دابا نشوفو..
ايوب: عفاك اخالتي متقسحيش عليها.. انا كنتحمل جزء من المسؤولية.. هي صغيرة ومكتعرفش..
حنان: ممم.. واخا…
نزل ايوب وجلس مع جدو وجداتو…
يامنة: الحاج.. خاص نعرسو لايوب وريم..
الطاهر: بشوية علينا مالنا..
يامنة: راك عارف الشباب.. والصغر.. قلة العقل..
الطاهر: ياكماا..
حنا ايوب الراس وحشم من جدو..
يامنة: المكتاب..
الطاهر: الحشمة مبقاتش..
يامنة: المكتاب.. الطيش دالصغر هو هادا..
الطاهر: لاحول ولا قوة الا بالله.. السيمانة الجاية نديرو ليهم العرس.. مزروبين على صلاحكم.. معرفتش اش كنتو غاتخسرو كون تسنيتو غا شهرين..
ايوب: لافوت ديالي اجدي.. هي معليها والو..
الطاهر:عندك الوجه اللي يهضر..
حنا ايوب الراس.. ومهضرش.. بقاو هكاك ختى تجمع كلشي للغذا.. عبد الله وجوهرة.. وندى وعماد ومرتو واسامة واحمد وحنان وايوب اللي كان حاني الراس..
الطاهر: غاتمشيو ليوما بالليل..
اسامة : اه اجدي..
عماد: قطعنا ورقة الطيارة..
الطاهر: الله يوصلكم على خير..
يامنة: اميين..
بقاو كيتغداو حتى دخل عادل.. شافو ايوب وناض وقف..
ايوب: اش جاي دير هنا نتا.. خرج برااا…
الطاهر: شنو كاين..
عادل: خالي..بغيت نهضر معاك..
الطاهر: شنو كاين اعادل.. ياك داك الموضوع سديناه..
عادل: بغيت نهضرو بوحدها.. ومعانا سي حمد..
الطاهر: حفيدتي غاتزوج السيمانة الجاية بأيوب.. الموضوع تسالا..
عادل: مادام معطيتونيش فرصة نهضرو بوحدنا.. ماعليش.. غانهضر قدام كلشي.. ريم حاملة.. ومني..
الجزء 78
لحظات صمت سادت المكان قبل بالصدمة.. كلشي بدا يحاول يستوعب داكشي اللي سمع.. خصوصا ايوب.. الصدمة كانت قوية عليه.. هادا اعتراف صريح انه ريم دارت علاقة حتى مع عادل..
ايوب:(بصدمة)شنو..اش كتخربق.. واش تسطيتي.. راه هادي اللي كتهضر عليها غاتكون مرتي اشريف.. واش بغيتي نقتلك ولا..
عادل: ريم حاملة مني.. وانا وياها على علاقة.. وايلا بغيتوني نستر بنتكم.. سولو فيا.. هه.. طبعا بشروطي اللي بغيت انا.. والا.. الفضيحة ديالكم غاتكون كبييرة..
حنان طاحت ومقداتش تتحمل..
ندى:خالتي..
فاطمة: جيبي كاس دالما دغيا..
عادل خرج ومازادش كتر.. لاح القنبلة .. ومشا.. كلشي بقا كيشوف فبعضياتو.. ريم اللي كانت كتستمع تصدمات.. من داكشي اللي دار عادل.. مكانتش كتتوقع انه يكون بهاد البرود.. لاحها فالعافية.. وهي اللي كانت كتسنى انه يعتقها.. شافت فاحمد اللي مشا الكوزينة وجاب جنوي.. وتم جاي عندها .. دخلات دغيا للبيت وسدات الباب وقلبها كيضرب بالجهد.. احمد جا وبدا يهرس عليها الباب.. وهو كينهج جا من موراه. عبد الله وعماد وبداو يشدو معاه ..
عبد الله: نعل الشيطان.. نعل الشيطان.. تهدن.. كلشي غايتحل بالعقل.. كلشي بالعقل..
احمد: غانقتلها.. غانقتلها ونغسل عاري..نغسل شرفي.. ها اللي يولد البنت.. كان خاصني ندفنك.. نوأدك مللي تزاديتي للدنيا.. ونتهنى.. غانقتلها.. كون متي ولا هاد العار.. غانقتل الزانية.. غانقتلها..
عبد الله: نعل الشيطان.. اجي الليهديك.. اجي.. غانلقاو حل غا بالعقل.. غانلقاو حل..
هبطو معاه.. ايوب كان جالس.. ومصدوم ومقدرش يتحرك ولا يدير ردة فعل.. حنان ويامنة كيبكيو.. والطاهر مزير يدو على عكازو.. وساكت وباين العيون ديالو كتقطر غضب.. احمد كان كيرعد بالاعصاب..
احمد: غانقتلو ونقتلها..
جوهرة: هادشي مكانش على البال.. ريم السكوتية يخرج منها هادشي.. وهاد ولد الحرام شنو باغي..
عماد: راكي سمعتيه شنو باغي.. تفلا عليها باش ياخد الفلوس.. والله لا كانت ليه..
يامنة: اش غانديرو فكرش الحرام.. اش غانديرو ليها..
احمد: غانقتلها..
حنان: الله يا ربي.. الله.. مقاداش نتحمل..
اسامة: تهدنو..
يامنة: نوضو ترتاحو اوليداتي.. وخليو الكبار يحلو المشاكل.. تابعكم السفر ليوما بالليل..
ناض اسامة وعبد الله وسارة.. وحتى نسيم وندى.. اللي طلعو لعند ريم.. دقو عليها..
ندى: ريم.. حلي الباب.. انا ندى.. متخافيش..
سمعاتها ريم اللي كانت غاتموت بالخلعة.. حلات ليها الباب.. دخلو وسدات دغيا.. لقاوها صفرا..ومقاداش تهضر..
ريم: مشيت فيها.. غايقتلوني..
ندى: ربي يدير تاويل دالخير..، متخافيش.. متخافيش..
ريم: شفتيه شنو دار.. جاي كيضحك..
ندى: عيطتي ليه؟؟؟
ريم: طفا تلفونو.. اربي… اش غاندير.. غايقتلوني باينة.. با شفتيه.. شفتيه هز الجنوي باغي يدبحني..
ندى: مغاديش يخليه بابا.. متخافيش.. اكيد غادي يلقاو حل..
الجزء 79
شد عماد فيد سارة.. ودخلو لبيتهم..
سارة: مسكينة.. بقات فيا.. شفتي خالي.. وحتى خويا ايوب بقا فيا..
تكى عماد وحط يدو مور راسو.. وهو ضاحك..
عماد: عرفتي شنو تشهيت..
سارة: شنو. ..
عماد: تشهيت تنوضي تشطحي ليا.. ونمتع عويناتي قبل منمشي..
سارة: وايلي.. حشومة الحالة اللي راه فيها الدار وحنا نشطحو.. عندك الخاطر..
عماد: عمر مكان عندي الخاطر بحال ليوما.. النشاط ديال ليوما بوحدو.. خاصو احتفال.. نسول فهادي يمكن.. ولكن بلاتي.. خلي حتى نتلاقاه.. نوضي.. تحزمي وشطحي..
سارة: واخا.. ولكن غنقص الجهد..باش ميسمعوناش..
عماد: برعيني.. محدي فكانتي..
تحزمات سارة.. وبدات تشطح الشعبي.. وكتلوز.. وعماد حاط يديه مور راسو وكيضحك..
الجو كان مكهرب.. فالدار.. وفاطمة كتحاول تلطف الجو..
فاطمة: ركزو معايا.. حاولو تفكرو بالعقل.. هو راه تفلا على البنت حيت صغيرة.. وعندو علاش دار هكاك.. بغا يوصل لحاجة معينة..
الطاهر: داكشي اللي باغيه هو اللي عمرو يكون… ريال واحد مغاياخدو.. ايوب.، نتا غاتتزوج بنت خالك..
شاف فيه ايوب وهو مكسور..اي واحد فبلاصتو مكانش غايقبل انه يتزوج وحدة داز عليها شي واحد اخور.. وخصوصا انه ريم تفلات عليه.. حنا راسو ومهضرش..
احمد: (بغضب)غايتزوجها.. وغانتهلا فيه..
حنان:(بهدوء ودموع) عفاك اولدي.. سترنا.. وستر عارنا..عمر نانساو ليك هاد الشيء..
الطاهر: سير للدار دابا فكر بشوية عليك.. ومتخافش.. خاطرك هو اللي يكون..
ناض وهو مكسور.. ومشا فحالو.. بقا غادي فالزنقة وهو مكسور.. وكيلوح رجليه.. والتنفس مقطوع فيه.. كيمسح وجهو وكيحاول يتنفس.. وميطلقش دموعه.. حاول يكبح نفسو.. مجروح فرجولتو.. والجرحة صعيبة بزاف.. وموحال واش تبرا..
طلعات حنان ومعاها احمد للبيت.. وسدو الباب..
احمد: شفتي.. البنات اللي ضارباك النفس عليهم.. تربيتك امدام… البنت راها فيدك.، وصدقات خارجة وقاضية غرض مع راجل غريب وجايبة الربحة.. فين لقاتو هادا.. فوقاش خرجات.. فين كنتي..
حنان: متزيدش عليا.. عفاك.. متزيدش..
احمد: ضحكات فيا العديان.. ضحكات فيا وشمتات..
فبيت عبد الله جوهرة.. دخلو وسدو الباب..
جوهرة: هههيه..ويا حنان.. وراني فيك الله الشمتة.. ههه بنتها جابت ليها كرش.. الشوهة.. هانتا.. داكشي اللي داروه فبنتي خرجو الله فيهم فبنتهم.. حسابليهم غايخليو بنتي.. ويضحكو عليها ويشمتو.، هانا فرجني فيهم الله.. ضربة صحيحة.. ومضوبلة..
عبد الله: ههه ايو عندك تمشي بنتك دير بحالها..
جوهرة: انا بنتي مربية.. وماشي بحالها..
عبد الله: منعرف..
فبيت ريم.. بقات نسيم معاها وندى خرجات.. مشات عند اسامة..
اسامة: اش كدير ريم.. واش راها لاباس..
ندى: قلبك حنين.. واخا داكشي اللي دارت خايف عليها..
اسامة:هي غلطات اه.. ولكن بقات فيا حيت كلشي تجمعو عليها.. صعيبة بزاف..
ندى: اه.. صعيبة بزاف.،
الجزء 80
دخل ايوب للدار و زدح باب بيتو..
سعاد: واااا مالك.. كتهرس علينا البيبان..
ناريمان: ماالو…
سعاد: اويلي ياكما جدك مبغاش يزوجو ريم..
ناريمان: راه سد الباب مغاديش يبغي يدوي.. نصوني لاسامة نعرف شنو كاين..
بدات كتصوني.. والو مكايجاوبش..
سعاد: صوني لسارة..
بدات تصوني ليها.. فين هي سارة.. راه عاطياها للزدكزدك.. وعماد واقف..حداها.. كيعلق ليها.. وكيضحاااك.. حتى عيات وطاحت جالسة على الكانابي.. وكتلوح بالشال ديالها كتهوي راسها.. جلس حداها وحاوطها بيدو..
عماد: ليوما خاصو احتفال..
سارة: راك غاتعيا ونتا تابعك السفر ليوما.. (شدات فقاميجتو) غانتوحشك غاتغبر كاع داك المدة عليا..
عماد: تانا غانتوحشك… خصوصااا…
قرب منها.. وهي توقفو..
سارة: راني عرقانة بالشطيح.. ستناني ندوش وراجعالك..
عماد: ديني معاك.. راني ليوما فرحاااان.. تكمل الفرحة.. (بصحتك الالة سارة الصاليح بصحتك..ديديكاس ليك عاوديلنا البيتيز اللي دارليك سيدك عماد😂)
ناريمان بقات تصوني ولا مجيب..
ناريمان: مكيجاوب تا واحد.. مالهم..
سعاد: عيطي لجوهرة.. سوليها..
ناريمان: واخا..
سعاد: زيدي.. نشوفو اش واقع..
عيطات وجاوباتها جوهرة..
ناريمان: خالتي جوهرة الزوينة.. لاباس عليك..
جوهرة: مزيااانة… ونتي..
ناريمان: بخير.. اخالتي.. احم بغيت نسولك.. كنصوني للدار ومكيجاوبني حد.. وايوب معرفت مالو.. ياكما واقعة شي حاجة..
جوهرة: واقع وواقع واقع بزززاف.. مسكين يا ايوب تصيد وطاح فبنت الحرام اللي كتلعب مور ظهرو وهو على نيتو..
ناريمان(دارت اوط باغلوغ): وايلي… ايوا..
جوهرة: ريم حاملة.. من واحد الراجل كيجي لعمي الطاهر داك عادل عرفتيه.. جا ضاحك وقاليهم الى بغيتو نسترها ونتزوجها عندي شروط .. بغا الفلوس.. ايييه.. ايوا وتشوفي احمد وحنان.. ومسكين بغاو يلصقوها بكرشها فايوب مسكين..
سعاد: ياوالله لا كانت ليها.. ولدي انا يتزوجها عزبة وبشانها..
جوهرة: باينة.. مال ايوب ناقصو شي حاجة.. باش يتزوج المعيوبة اللي حلات رجليها اللي يسوا واللي ما يسواش..
ناريمان: ريم يخرج منها كاع هادشي..
جوهرة: ايه .. داك السكوتية اللي مكيتسمعش ليها حس.. هاهي خرجو رجليها الشواري..
سعاد: يا والله ولدي حتى نزوجو لالة البنات.. تا تشوفو.. وتشوفو الدم يعينيكم.. علاه مالو ولدي معجبهاش..
سالاو المكالمة.. وزاد القيل والقال..
ريم طول الوقت كانت كتحاول انها تتصل بعادل.. حتى جاوبها اخيرا..
عادل: الو..
ريم: (بالدموع)اش هادشي درتي..حرام عليك.. لحتيني فالعافية.. وخليتيني فيها بوحدي..
عادل: شنو بغيتيني ندير.. الى بغاوني نتزوجك يوافقو على شروطي.. وزايدون.. انا فين عرفت داكشي اللي فكرشك مني انا ولا من ولد عمتك..
ريم: مامتيقاش.. واش نتا اللي بغيتك وعطيتك كلشي..
ريم: نتي احبيبة كنتي ساهلة بزاف.. والريح اللي جات تديك.. انا منقدرش انه نتزوج وحدة اللي خفيفة بزاف بحالك.. وما امنات عائلتها عاد تأمني انا.. نتي خنتي ثقة والديك.. كيفاش بغيتيني نثيق فيك..
ريم: حرام عليك.. انا بغيتك.. ومبغيت تا واحد من غيرك..
عادل: سيري ابنتي تلعبي اشمن حب.. شوفي.. باك الى بغاني نتزوجك انا موافق.. ولكن بشرط..يدخلني معاه شريك .. وديك الساعة نقدر نتزوج بيك.. ونديرليك عرس زوييين..
قطع عليها وهي طاحت فالناموسية بدلت تبكي.. على هادشي اللي دارت فراسها.. هبيلة ودغيا تيقات.. اشنو اللي كيتسناها من هنا الفوق..

اترك تعليقا