Skip links

قصة سادية الحب… ج 4

 6,064 عدد مشاهداات

بقلمي انا..👹👹 #bibaline 🌚🌚
الحلقة 76🌚🌚:
خلصت المواعن ….راحت بدلت قشها ..و بقات تتفرج في تلفونها …حتى داتها عينها رقدت شويا ….و ناضت وقت القهوة ….و هو كان في شمبرتو يدير خدمتو بار بيسي يحبش يخلي الخدمة تتراكم عليه ….راحت توضات …لقات بنت فؤاد الصغيرة في الرواق …شدتها باستها …و سقساتها …
اية :لينا شكون راهو لتحت ؟
لينا :عماتي ..و جات عمتو سهيلة (مامات مروان )بصح راهم مش ملاح سورتو هي …
اية :ممم صحا حبي منبعد نشريلك شيكولا ياخي …
لينا :يااي صحيتي …
خلاتها …دخلت لشومبرتها …لبست لباس الصلاة و هي تخمم برك لواش حا يقولولها كي تهبط …صلات و طولت في السجدة تدعي ..خلصت زادت سبحت …و هبطت لتحت بعد ما وجدت روحها …
غير هبطت جات تدخل لصالون …سمعت الجدة تهدر مع بناتها ….حبست بلاصتها و بقات تسمع …
الجدة :بصح نتي علاه جيتيش قبيل ؟تسما كون معيطتلكش تجيش و لا كفاه ؟
سهيلة و هي تبكي :كيفاش نجي ا يما كيفاش ؟ و وليدي راح عليا …عيطلي بماسكي و قالي لابوس تاعو صاي تمشيش و مش حا يرجع لدار دوك …كيفاش ندير ا يما ؟من وقتاه يدير وليدي هكا ؟من لي دخلت اللفعة هديك لدار هدا …لي بعدتلي وليدي عليا ….
سيرين كانت بحذاهم …تسمع و حابسة البكية …و حابة تسكتهم كامل باسكو صاي عياات من البكا …
ليندة :اسكتي سهيلة نتي مدرتي والو و مروان تاني تخلصيش حاجة درتيهاش و وليدك غير يريح يرجع ليك ..هدا كامل بسباب بنت وليدك يما
الجدة : تبداوش تخلطو في الهدرة كون يسمعلكم كاش واحد مش مليح
كانت تسمع و الهدرة جاتها عادية أصلا واش يجي منهم ..
حتى تسمع صوت من موراها …
فتيحة:ايييييه يااا لالاااااا تتصنتي على العباد ياخي ؟بعد لي درتيه كامل تزيدي تسمعي العباد واش راهم يحكو …
حست بكرشها دارت خلعتها …دارت عندها …لقاتها حاطة يديها على خصرها …
فتيحة :هكا تربيتي ؟ تسمعي لهدرة ناس ؟؟ كون دخلتي تسمعي و تهدري معاهم مش خير ؟
كانت تهدر و كل كلمة تقولها تزيد تزير عليها …لي خلا العمة ليندة تخرج ….و تتبع سيرين ….
حاصروها كامل ….
ليندة:واش كاين ؟
فتيحة:لقيتها واقفة بحذا الباب تسمع ليكم على واش تهدرو ….
بقات اية مشوكية …و رافعة حواجبها …رايحة فيها و مش فاهمة كامل واش يهدرو …و مركزة على خزرات سيرين بعينيها الحومر لي عياو من البكا و يعبرو على كلش ….
هكاك معرفتش واش تقول …حتى يهبط اسلام بشورط و تريكو ابيض بين كامل عضلاتو ….و شعرو كان مكشرد كامل ….سمع لصوتهم هبط…لقاها وسطهم مشوكية ..متعرف واش تقول ….مخلصش دروج و يضربها بعيطة ….لي كامل يخافو منها ….
اسلام :مييينوووووشة …..
اية بفزعة نوضها من سرحتها ….
اية :هااااااااه ….
شافو كامل ليه …و يحوسو على شكون يعيط …..
اسلام :ارواحي نحتاجك بزربة طوليش ….
جا يروح لكوزينة …
اية :انااا؟؟
دار ليها رافع حواجبو يشوف فيهم كامل …
اسلام :و كاينة وحدوخرا من غيرك نعيطلها هكاك ..ازربي نحتاجك ….
حست بالفرحة …خلاتهم مشوكيين من اسلام …و حاقدين عليها …و لحمهم ياكل فيهم …خلاتهم و راحت تجري تبعاتو لكوزينة …دخلت لقاتو مسند روحو لبوتاجي …
اية :هااااه …
اسلام :ادخلي …
قدمت لعندو و بقات تشوف فيه …ولات تقدرش تشوف فيه ..بدات تحشم منو …بصح وقت صح تحشمش …
اسلام :ديريلي قهوة …
اية :صح ؟
اسلام :تبدايش تتمسخري …كون مشي صح علاه نعيطلك ؟
اية :هاااه اوك دوك نديرلك ..كيفاش نديرلها لك ؟
اسلام :قاسحة ..ازربي …
تلبكت …معرفت واش دير فهداك الوقت كي شغل جامي طيبت قهوة …
بقا يشوف فيها و هو واقف عند البوتاجي مربع يديه …أصلا مش حاب مليح يشرب …لقاها سبة برك باش يخرجها من الحصلة لي حصلتها …باسكو يعرفهم كيفاش مدايرين ….
كانت تسنتنا في القهوة طيب ….و جبدت كاس تصبلو …
اسلام :ماه مش هداك …خودي صغير لي منهيه …
جبدت لي قاللها …جات تفرغ القهوة للكاس ..و تدخل عليهم ليندة ….
غير شافها عقد حواجبو ..
اسلام :انعم عمتي واش حابة؟
ليندة: جيت نشوف واش تستحق …
اسلام :سحقيت قهوة راهي دريهالي …
رفعت راسها تشوف فيها و الغيرة تخرج منها ….
ليندة : و من وقتاه كنت تحب وحدة غريبة طيبلك من غير يماك و لا وحدة منا ؟
اسلام :من اليوم …أصلا مهييش غريبة…
دورت عينيها اية ….و داتلو الكاس لعندو يشرب و العمة تشوف فيهم …علاه مع البنات لخرين ميديرش هكاك …أصلا هوما ميقدروش يهدرو كامل معاه ….و زيد كون هوما لي صرا معاهم هكاك مع مروان كون مش هكاك يتعامل مرةةةةة …..
جات اية تخرج ….و العمة قاعدة واقفة برك ….شدها من ضراعها …رجعها ليه….بقات تشوف فيه و هو يشوف للعمة …من بعد رجع عينيه ليها …
اسلام :مزال نحتاجك اصبري…..
ستنا عمتو خرجت بسيف …..باش طلق اية …بعدت عليه شويا …و بدا يشرب في القهوة …
اسلام :مشي قتلك خطيك منهم يا ربييي واش تفهميش نتي ؟؟؟ واش داك تسمعي لواش يهدرو ؟
اية :و الله و الله ما درت والو …جيت ندخل سمعتهم يهدرو عليا …الهدرة لحقت مدرتهاش بلعاني …منبعد كي جيت راجعة شدتني …حسبت كنت نسمع ليهم …
اسلام :تسما كل خطرة تحلفيلي و لا كيفاه …شح فيك ..ان شاء الله يديرو فيك العجب تاخذيش بالراي
اية :اوك امن و لا تامنش انا أصلا بديت نعياا …يخلاصو 3 أيام هدو لي قالي جدي تبقاي فدار تزيدوش تشوفوني …
خلاتو في بلاصتو …و خرجت تجري باش تطلع لشمبرتها …بقلمي انا..👹👹 #bibaline 🌚🌚
الحلقة 77🌚🌚:
غير خرجت ….زاد شويا تبعها …ما فهمش واش كاين حاب تقول !!!وين حابة تروح ؟ دا القهوة معاه …و طلع دروج ..لقا عمتو ليندة شدتها من ذراعها و تهدر معاها ….
ليندة:شوفي يا بنت الناس …وحدة من البنات هنا في دار مدارو واش درتي ..و تاع تتقربي من اسلام غير انسايها …أصلا هو مش حا يشوف ليك …شافش في لخرات يشوف فيك ….و تلعبيش بنار بيديك صينو تتحرقي…و اهبطي تعاونينا نديرو العشا …مش تاكلي و تشربي باطل ….

شحال تقيس كي يحسسك واحد بلي راك ثقيل عليهم …
جبدت يدها منها …
اية :راكي عمتي و لازم نقادرك ياخي تخلينيش نخسر في الهدرة كيما راكي تخسري معايا …باسكو انا نشوفش للقدر و الاحترام كي يخسرلي واحد في الهدرة …روحي دوك نجي نعاونكم …
دخلت لشمبرتها …خلات عمتها تماك …و هو بعد لي سمعو و شافو …طلع لشمبرتو ….لبس قشو …جبد مفتاح تاع طونوبيل …و خرج لبرا …ضاق خاطرو فدار سورتو مع المشاكل هدوك ….و هي هبطت تعاونهم دير كاش حاجة …مدولها دير جاج محمر …يهدرو كامل و يضحكو غير معاها يشنفو ….
اية :
نقنع روحي بواش راه صاري معايا و لا نحافظ على مورالي …نتقوى باش نزيد نكمل مشواري …و لا نضعف باسكو مش قادرة الظلم هذا كامل …جامي تصورت يجي نهار نضعف هكاك كامل …بصح قررت انو نتصرف عادي مام صعيب وحدة مظلومة دافع على روحها ….ما درت والو …مكانش على واش نخلص حاجة درتهاش …الحاجة لي حمدت ربي عليها هي أنو الشخص لي متصورتوش يامنني في هدوك لحظات …امنني ….
كيما تعرفو …مدولي ندير جاج محمر …بديت نطبخ فيه …نحاول نسمعش لهدرتهم و همساتهم عليا …و نسلك من نظرات سيرين لي يحرقوني …كيفاش ندير باش نقنعها و لا نفهمها و انا أصلا مش فاهمة فيها والو !!!! ….خلصت الجاج و حطيتو في الفرن باش يطيب ….بقيت نستنا فيه في جنينة تاع الكوزينة و ندير بتلفون تاعي …..
……
فتيحة :اخرجي منا مش غير وجهك لي خصنا نشوفوه لهنا في هدي سخانة ….
اية :عندي شغل كون راني رحت …
فتيحة :وشمن شغل عندك ..؟
اية :الجاج لي في الفرن شكون يعسو؟
فتيحة:هدا مكان نعس 10 غير اخرجي …نكملو انا ….
اية :مزية …طوليش عليه و شوفيه ادا كشما خصو
فتيحة قاطعتها :روحي برك مش وحدة كيفك لي تعلمني واش ندير …
خلاتها تهدر و راحت لشمبرتها ….تسطحت و داتها عينها رقدت …عيات من سيهران و النعاس لي طيريلها في اليل علاجال التخمام …..
….بعد ما دار برا بطونوبيلو و طريق كامل يحوس كيفاش يلقى مروان …دار كلش بصح مقدرش …لابوس تاعو كسرها … و مهوش عند صحابو ….رجع لدار …و لقا القيامة قامت …أصلا دايمن دار هديك هكاك …و دوك كي زاد البربلام …زادو بانو على حقائقهم ….دخل بعقلو و يدعي متكونش اية فلوسط ….
لقا لايتاج تحتاني يدوخ بريحة الحريق …. و ماماه طايحة على للارض ممدودة يديها للعمات ….ميعرفوش واش يديرولها …و غير شافو اسلام زادو في العياط …
ليندة:هدا كامل بسبة وجه الشر تاع اية نشدها نقتلها سور دارتها بلعاني ….
راح ليماه يجري ….لقا يديها محروقين ….
اسلام ؛وشبيك ما ؟واش بيهم يديك ؟ غير لخير اهدرو؟واش كاين ؟,
ليندة:المسوفجة تاع بنت عمك …مدينالها دير جاج محمر …خلاتو يطيب و راحت ترقد….تحرق …و قريب طرطق علينا الفور …حتى شمت ماماك الريحة و جرات طفي الحريق تحرقت ….
تدنا عند يماه مش فاهم والو …شاف في يديها …و بدا يعيط يجيبولها بوماد يديرولها …و ناض منيرفي ….
اسلام:وين راهي ؟؟؟(بصوت يخلع)
فتيحة خايفة لاتقولو الحقيقة و يندب عليها :قلنالك راحت ترقد …
راح يجري ….طلع دروج 4 درجات 4 …حتى لحق لاشومبر تاعها …راح يحل …لقاه مسكر …بدا يطبطب عليه بكل قوتو ….
ناضت من رقاد مفزوعة شعرها مخربط كامل …شعرة طايرة في السما و شويا طايح على كتافها …قفزت من سرير …و جرات دورت المفتاح …مع الدورة الاخيرة ….حل الباب بكل قوتو … و هي رجعت لور …تحل في عينيها كيما لازم مش فاهمة واش راه صاري ….
خبط الباب ….دور المفتاح غلقو و هي غير تشوف مع المفتاح خايفة …
اية :واش …واش ..واش كاين ….؟
قرب ليها شدها من فكها و زير عليه ….حتى شواربها ترفعو مع بعضاهم ….داها جيهة الحيط …و مع قوتو كي جا يلصقها فلحيط و مع انفعالها هي …راسها تخبط للحيط …
اسلام:واش قلتلك اه ؟ واش قلتلك ؟ تسما تخليني ندمت لي وقفت معاك و امنتك؟؟؟ مشي قتلك تلعبيش معاهم ؟؟ واش درتي ؟ حابة تحرقي دار ؟؟ حاسبة هكا ما تقاوميهم و توري شطارتك؟واش داك ؟؟ واش بلاك ؟؟؟ حسبتي روحك صاي ملكتي دنيا ؟؟ هاه فهميني دوك ادا قدرتي ؟
حطت يدها على ذراعو …تحاول تنحيلو يدو …حست فكها حا يطرطق ….و مكانتش قادرة تهدر ..غير دير في ممم
اية : ممممممممهمممممممم
اسلام:هشششش اسكتي تهدري نكسرلك فمك ….تتمسخري بيا انا ؟؟ واش حسبتي روحك واقيلا ديجا …..غع
درولها راسها بزربة ….و جبد يدو عليها ….بقا يشوف فيها … و هي ثاني مثبتة عينيها على تاعو …مهدرت حتى كلمة …علابالها راهو زعفان …كون تزيدلو يولي وحش كيما متعود …..
اسلام:خسارة عليا انا لي امنتك …و دوك بهدلتي فيا …زيد يما لي تقاست ….
جات تهدر سكتت ….حبت تقتلو بالبارد …و هو تقلق منها …..
بعد عليها …..تنهد تنهيدة طويلة تخوف. ….
اسلام :تخرجي من شومبرة هدي نتفاهمووووش خليقتك منحتاجش نشوفها لتحت اكي فاهمة ……
جبد المفتاح …..غلق الباب عليها بالمفتاح …و داهو معاه ….بقلمي انا..👹👹 #bibaline 🌚🌚
الحلقة 78🌚🌚:
عاود هبط لتحت …لقا جدة تاعو قاعدة وحدها في صالون …و الباقي كامل تجمعو في الكوزينة يعاودو يديرو واش ياكلو و يسڨمو الحالة مع تمنشير و الهدرة على اية …
اسلام :ماني نسقسيك
الجدة فرحت كي راح عندها …و يهدر معاها …
الجدة :انعم سمسومة …
اسلام :شحال من خطرة قتلك تعيطيليش هكا طفلة انا ولا صغير ؟؟😒😒
الجدة:اسكت عليا نعيطلك كيما نحب …
اسلام :نطولش عليك …واش صرا ؟؟ وش بيهم هكا هايجين؟ علاه خلات الحالة شاعلة و راحت ترقد ؟؟ و ماما علاه تحرقت ….
الجدة :اية كانت دارتو و تعسو قالتلها فتيحة روحي انا نكمل ….و نساتو حتى شمت ماماك ريحة الحريق و مع هي تخلع رابيد …راحت مزروبة متعرف واش دير حتى تحرقت ….و لخرين شعلت فيهم كيما العادة …
شدتو الكحة ….بدا يكح ….
الجدة :غير لخير شبيك ؟ شفت واش دارلك دخان ….
اسلام :عاودي برك ؟؟ واش دخل عمتي فتيحة؟؟؟
الجدة :هي قالت لاية تكمل تطيبو و قالتلها نتي روحي عليا ….بصح بلاااااااك دير حاجة جدك يطلقني
اسلام :ماني راكي سوووووور ….
الجدة :😏😏نكذب في سن كيما هدا !!!هدا ما خصني ….
سند روحو على الفوتاي ….و بقا يخمم….
بقا شويا مع جداه ….غير باش متشكش فيه ….هدر معاها شويا …و ناض يجري ….دخل الكوزينة ….
اسلام بصوت قلقان :مكلاه كي يجي جدي تبكيو و تندبو …اني قلتلكم ….و تعرفوني ….مش لازم تبداو تختارعو قصص و تندبو ….اني قلتلكم نعاودش الهدرة …
خلاهم هكاك و راح يطلع دروج راجع ليها ….
لحق عند شمبرتها ….حط المفتاح و دخل عليها …لقاها قاعدة فوق سرير ….ضامة رجليها لصدرها …حاطة حاشرة بيناتهم راسها …و زادت يديها لفوق …يعني راسها يبانش …حسبها تبكي …غلق الباب بالمفتاح …و راح قعد بحذاها ….
بدا يحرك فيها ..و هي تبعدو بيد …
اية :خليني …أخطيني …
اسلام :بلعي شوفي فيا برك ..و لا نخليك تشوفي بطريقتي ….
اية :قتلك اخطييينيييي اووو خليني …
اسلام :1 …2 ..
اية :3. …روح اخطي جدي ….
سڨم روحو ….شدها من يدييها….
اسلام :ياك نتي محبيتيش تشوفي فيا …مالا نستخدم القوة ….
جبدها بكل قوتو ليه …..و رفعلها راسها …..لقاها تبكيش …
اسلام.: 😏😏⁦وجه الهم حسبتك تبكي
اية :قيييو نبكي عليك بلاك …روح اخطي جدي بعد عليا …مش كي تحب تعيط و تندب منعبد تجي تعاود تدخل أصلا هات المفتاح …مش شومبرة تاعك تدخل وقت تحب و تخرج وقت تحب …
سڨمت روحها و ولات بوضعية تاع رضيع كي يمشي على ربعة …و تحوس في يديه على المفتاح و بجانبو تاني
شافت فيه …
اية :اسلاااام هات المفتاح قتلك….
شدها من ذراعها …رجعها راقدة …و قرب منها …
اسلام :اقعدي عاقلة دوك نرجعهولك …
اية :هاتو …و روح اخرج واش دير مع وحدة كيفي هدا لي حاب نفهم ….أصلا قولي واش صرا …دخلت كي لوحش مش فاهمة واش صرا و دوك رجعت عبد تاني …
حطت صبعها على جبهتو ….
اية:,قولي واش عندك لهنا …عندك اضطرابات في قراراتك …مش قبيل كنت تعيط عليا و
خلاهاش تكمل الهدرة بلعلها فمها بيدها ….و جبدها ليه ….قعدها بحذاه …قريب لصدرو …
اسلام :هشششششش اسكتي ….و خليتولي انا العقل ؟؟؟ راني بين نارين ..أصلا شح فيك تاخذيش الراي …و تامني عيباد كيما لي تحت ….
حطت يدها على يدو لي غلقلها فمها ..و تحاول تبعد عليه بصح والو …و حكالها واش صرا …غير سمعت التهمة لي تهموها ….نفضت من بلاصتها … و تحاول فيه يبعد يدو عليها ….كي شافها هكاك ….نحا يدو و بقا يشوف فيها …
اية :هااااه عجب هاد دار و حق ربي عجب …غير نخرج نشوف كاش حل …منيش مضطرة نعيش هاد الكل ….
عاود شدها من فكها و قربها ليه ….
اسلام :واش ناوية ديري ؟شفتي نتي لي جيبي الابتلاء لروحك …نتي ديري رايك و انا ندير رايك …و ديري في بالك نتي لي تجبريني ندير كيمنهك
اية :روح زمر روح خلي فكي …اعععععع …هدرتي قلتها ..غير سكنة لي نحوس وين نكري …المعيشة في هاد دار تاع ذل …واحد يتهمني من جيهة …واحد يضرب مني و يعاقب فيا من جيهة …علاه انا حيوان تاعكم ولا …..ديرو بيا واش تحبو ؟؟ انا لعبة ؟؟بعد عليا ….روح اخرج عندهم …تقلقوش حا تتهناو مني اليوم قبلو غدوا ….
زير على جبهتو …و صيبها من فكها …..بصح بقا شادها من ورا رقبتها ….صوتو ولا اخشن ….
اسلام (كح ):هدرة كيما هدي تزيديش تعاوديها …تخلي دار معمر برجال و تروحي تكري هبلتي ولا ….بلعي فمك خير مندير حاجة نندم عليها ….
اية: بربي نشوفو كيفاش 😁….بعد عليا …
اسلام :تلبسي قشك دوك ….و انا نروح نلبس …10 دقائق نجي …نلقاك واجدة …دبري راسك…
اية :لوين …
اسلام :نخرجو …
اية :و جدي ؟
اسلام :كي نقولك حاجة تخميش لحوايج وحدوخرين ..نوضي وجدي روحك ..رابيد …و تخرجيش حتا نجي رجلي على رجلك …
اية :اوك …
شاف فيها …..منبعد راح خلاها يلبس …و هي تاني ناضت تلبس و مشوكية من واش صرا كامل و هي ماعلابالهاش ….لبست قشها سڨمت شعرها … دارت شويا غيسيل و غوج الافغ ..و بقات تستنا فيه …..
حتى طبطب على بابا شمبرتها …..
حلت …اسلام :هيا نروحو …
جبدت تلفون تاعها و ساك …غلقت الباب تاعها …و خرجت …
اسلام :هاتي يدك …و كلمة متخرج من فمك …
اية :نقدرش هنا. ..يخرجولي بعجب
اسلام :نتي راسك يابس …
شدها من يدها زير عليها ….و زاد قربها ليه …هبط دروج بسرعة فائقة و هي طير معاه ….
لحقو لتحت …خرجو كامل يشوفو فيهم …..
دار عندهم ….اسلام :ادا سقسى عليا جدي قولولو خرج ..منبعد نعيطلو ..و ني قلتلكم نجي نلقا كثرتو هدرة معاه على واش صرا تفراش. .
خلاوهم مشوكيين …حاقدين …
ركبها فطونوبيل ….و بقا يسوق و هي حالة طاقة تتهوا … و تنحي على خاطرها ….
اية :وين رايحين …
اسلام :ندورو برك …مهم خرجنا …
بقا يسوق …و راح لنصف المدينة …وين كاين العيباد بزاف …..هو ساكت و هي ساكتة ….
اسلام :تحبي شوا و لا نو ؟
اية :مممم وي …
اسلام :اوك …
ڨارا طونوبيل لطرف…
اسلام :بلاكي ديري حاجة و لا تخرجي ….
راح شرا زوج سوندويشات تاع شوا …زاد زوج قراعات ڨازوز …و رجع لطونوبيل …
اسلام :هاكي شدي ….علابالي مكراشة …..
اية :يييي ميرسي …
شدتهم و بدات تاكل ….و هو مزال مبداش اصلا ….شاف فيها ابتاسم …و بدا ياكل هو ثاني ….كي خلصو زادو دارو شويا ….و منبعد رجعو لدار. …
اسلام : جدي هدرت معاه مي خرجت نشري …لي يهدر معاك مش كل خطرة نقولك تهدريش معاهم …اضربيهم بالبارد …
اية:اوك ميرسي ربي يخليك على الخرجة ….
اسلام :اخرجي ….
خرجت دخلو مع بعضاهم لحقها حتى لاشومبر تاعها …
اسلام :وجدي روحك للخدمة غدوا ان شاء الله …
اية :اوك تصبح علي خير …
خلاها و راح لشمبرتو هو ثاني …كرونيك سادية الحب
بقلمي انا..👹👹 #bibaline 🌚🌚
الحلقة 79🌚🌚:
اية :
كي رجعنا من برا …راح لشمبرتو….و شويا رجع قالي بلي بعثولو ايمايل من شركة تصوير …تسما رايحين نصورو ..أصلا كان من المفروض لغدوا من داك نخدمش انا ….رقدت ديراكت كنت عيانة …نضت صباح بكري….رحت لدوش دوشت …ورجعت درت شعري …شويا مكياج …لبست و خرجت لتحت نشرب قهوة باش نفيق….كان راسي يوجع …و نفسيتي تعبانة ….ملقيت حتى واحد ….بقيت نشرب في القهوة بكل شغف …غير باسكو كنت وحدي مكانش شكون يديرونجي فيا …حتى نسمع صوت مشي نعرفو …اسلام بيانسور …🙄🙄شكون قال انا لي كنت نخمم ننتاقم دوك وليت نخمم كيفاش نرجع لدارنا و كيفاش نبعد من دار هدي …و شكون قال بلي غير هو لي نلقا قدامي …مام يامنيش من الخطرة لولة ….
…….دخل عليها …تشوكات كي شافتو …كان مدوخ كامل و منفخ …و رغم ذلك يهبل …
جات ترشف قهوة كي شافتو حبست ..
اسلام بصوتو رجولي الخشين خاصة مع الصباح :صباح الخير …
اية بتررد :صـــبااحححح النووور …(😳😂لي يكتب كيمنهك يعرف روحووووو🙄😂)
اسلام :خلاص وجدتي روحك
اية:مممم ..
اسلام :فرغيلي نشرب …
ناضت من بلاصتها …و هو جبد كرسي لطرف و قعد شاد راسو بيديه ….
دارتلو القهوة للكاس تاعو …و قربت ليه …
اية :هاك ….
طلع راسو ..شاف فيها منبعد شد علينا الكاس …
و هي جبدت الما تشرب …
اسلام:تعرفي تسوقي ياخي ؟
اية :ايه علاه ….
اسلام :روحي جيبي بيرمي تاعك …و ارجعي …نقدرش نسوق انا …
اية :علاه بصح واش صرالك ؟
اسلام :اجري تكثريش ليكيستيو ….دقيقة ارجعي …ازربي …
دورت عينيه عليه …و دارت زعما تقلدو في طريقة الهدرة …بعد ما رفعت روحها زعما كيفو …
اية : طاطاطاطا …اجري تكثريش ليكييييستيو (دارت نفس حركة شواربو )…دقيييقة …ارجعي ..ازربيي ..يخخخ ياخي عبد ياخي …
اسلام :نص دقيقة ….
هكاك و طارت خلاتو …راحت جبدت لبيرمي تاعها …و رجعت عندو …غير شافها ناض من بلاصتو …و خرجو مع بعضاهم …
خرج من جيبو المفتاح …حل البيبان …و مدلها المفتاح …
اسلام :هاكي سوقي انا نقدرش …
دخلو و هو من لقدام بكرسي لي بحذاها …بصح الكرسي هداك سطحو …رجعو لور …باش يقدر يتسطح …و هي دارت سانتور …دخل و تسطح …غلق ديراكت عينيه و حط يديه فوق راسو …
اسلام : اححححح
اية :ا مخلوق ربي شبيك …
اسلام :يا و ا طفلة درت نوي بلونش رقدت نص ساعة برك نضت …هاه شوفي شوفي بلعقل باش نزيد نرقد شويا …و كي تلحقي بلاااكي تهبطي …حتى تنوضيني …اني قلتلك …
خلاهاش تهدر حط راسو ..و غلق عينيه …
اية:و شكون خلاك تسهر ..انا لي خليتك بلاك كي راك تشنف علي و الله ….
حل عينيه …
اسلام :علاجالي مالا ياخي ؟ كون مشي علاجالك و علاجال خدمتك علاه نبات سهران نخدم بلبيسي ؟😒
اية : اوووو صحاااا صاي مالا ارقد ..و راني حا نسوق بلعقل ….
غمض عينيه …ديمارات بلعقل …كي شافتو بدا يروح فيها …ابتسمت ابتسامة تاع خبث…..دارت فيتاس قصوى منبعد حبست على ضربة لي تخلي لي داخل يتحرك كامل …
حط يدو على ركبتها زير عليها بكل قوتو …و هي بقات حالة عينيها …
اسلام :مينووووووشة …خيرلك ….
اية :😳😳😳🙄🙄🙄واش دودان برك
اسلام :نيش راقد ..و ني حافظ الطريق و علابالي واش معنتها سياقة مش نتي تعلميني اتعقلي و خليني نغفا شويا صينو ….
قطعاتو …
اية :ما صينو ما والو صاي …ني عاقلة …
بقا شاد من ركبتها …و غمض عينيه …حطت يدها على يدو باش تبعدو …بصح والو كان شاد بكل قوتو …..
كملت سياقة و هي غير تشوف لركبتها …..و تشوف فيه …بقلمي انا..👹👹 #bibaline 🌚🌚
الحلقة 80🌚🌚:
داتو عينو غفا شويا …حتى بدات تنوض فيه كي لحقو ….
اية حاطة يدها على يد تاعو لي حطو فوق ركبتها …و تحرك فيه …
اية :نوووض نووووض
اسلام :بلعي واش راكي تعيطي …رانيش في سبات ..غفيت برك …تقولي نوض نوض علاه العياط هدا كامل …زيد حركتيلي كامل خشخاشي …
اية :شوف شوف …واش تشنف وين عيطت ….
جبدت روحو …سقم روحو ولا قاعد ..و جبد يدو من ركبتها …حست بلي دم ولى يمشي كيما لازم مش كيما قبل ….
حك عينيه و راسو …
اسلام:اسكتي …
اية : هاني سكت …واشبيك من قبل و نتا تسكت فيا ….اووو نقولك تشنفش عليا مع صباح ربي ..
ديجا اهبط رانا وصلنا ..
اسلام : ياك قتلك طولي فطريق علاه تمكري ا جدك علاه …
اية حبت تغزلوا :موسيوا مش محتم عليك تجي هاني هابطة و نتا كمل رڨادك فطونوبيل كي تفض اطلع على روحك يخي عبد يخي
اسلام : تحطي رجلك بلا بيا نكسرهملك …
نحات سانتور تاعها …جات تهبط شدها …
اسلام :اصبري قتلك حتى نفيق من رقاد …نهبطو …
اية :نحي يدك و بركاك تشناف نستنا ….
سكت اسلام …و بقا متسطح يشوف فيها …شافت فيه لقاتو يهديك الوضعية …شدتها الضحكة …حطت راسها على مقود سيارة و ضحكت ….
اسلام:تعرفي بلي مش وقت ضحكة ياخي …ني مدوخ كامل ..هيا نوضي نخرجو ….
طلعت راسها لي حمر من الضحة لي كتمتها ….خرج سڨم الكرسي لي سطحو …و راح بحذاها خدا المفتاح غلق كلش …و بدا يمشي معاها …يشوف لسماء باش تضربو الشمس يفيق شويا …
كي جاو داخلين …شدها من يدها …بكل قوتو …شافت فيه ..و هو يشوف لقدام …بصح شافها بنص عين…ضحك ضحكة من داخل برك مبينش عليها كيفاش تشوف فيه كي تتشوكا ….
طلعو لجماعة …و كيما العادة توجور معاها …ميخليهاش تقعد وحدها …خطرة هدي لازم يشدو فوطو من اعالي الجبال ….
جا الوقت لي يروحو يخيرو القش …عيطلها ادهم كيما الخطرة لي فاتت…جات تروح بلا اسلام ….
هدر اسلام بصوت لي مش شابع رقاد مطنطن كامل …
اسلام:كاش نهار كي ندير بيك حاجة …تولي تفهمي و متيبسيش راسك …اصبري نجي معاك ….
راح معاها عند ادهم لي بقا يشوف فيها برك …و يضحك وحدو …
اسلام :ادهم روح تكمل شغلك دوك نخيرلها قش …
جا يهدر …
اسلام :قتلك انا نخيرلها منبعد عاود شوف ادا شابين …مش كيما لخطرة لي فاتت …المعري كثر من المغطي ….
خيرلها قش قدام ادهم شافهم ملاح راحت لبست …و بعد ما وجدو رواحهم كامل….و الرجال المصورين بدلو …غير اسلام فضل يبقا بسورفات تاعو ….
بعد مدة خرجو كامل كي العادة باش يروحو …و اسلام دا اية معاه …كي لحقو قدام طونوبيل….
اية :تسوق و لا نسوق…
اسلام :اركبي دوك انا نسوق …هنا نقدرش نخليك …
اية :بصح راك مدوخ كامل …
في هديك اللحظة ركبو و غلقو البيبان ….
اسلام :قبيل كي مكنتش قادر مخاطرتش بحياتي و حياتك …دوك صاي فقت من سم هداك تاع رقاد …
اية:اوك كي تعييا قولي نكمل ..
ركبو احزمة الامان …و كي ديمارات الجماعة زادو هوما تاني ….
اسلام :اسمعي نقولك (و عقد حواجبو )
شافت فيه شدتها ضحكة …قاطعاتو …
بدات تهدر تعاندو في الهدرة و تحرك راسها بلعقل و صوتها مخنوق بصوت ضحكة …
اية :اسمعي نقولك …رجلك على رجلي …نتي راسك يابس ..و نتي لي جيبي البلاء لروحك …تتحركي من قدامي رجليك نكسرهوملك ..ادهم ويييلك كون تقربي منو ….بلاااكي ادهم …لي يهدر معاك راني هنا انا نهدر ..تجاوبي لكاش واحد لسانك نحرقهولك …كي تقعدي شوفي مليح ادا مستورة و لا نو …و كل ما تقعدي شوفي لتريكو تاعك ادا مستورة و لا نن …كي نتفاهمو على حاجة ..بلاكي و تكسري الكلمة باسكو ندير حاجة نندمو عليها في زوج …خيرلك اقعدي عاقلة ….المشية المشية امشي عادي …مكلاه تتمايلي كامل …بعدت عليك ما تتحركي لحتى بلاصة حتى نجي عندك …هاني قتلك …
شافت فيه لقاتو يضحك بصح مش مبين …
اية :ههههه هه واش نسيت ؟؟؟🙄🙄🙄
شاف لطاقة لي بحذاه يضحك وحدو باش تشوفوش ….
عاود رجع الملامح تاعو ….و شاف فيها ..
اسلام :حفظتيها بصح يبقى راسك يابس ….
اية :ياو هدا كامل إستعمار ولا ؟؟؟؟
اسلام :مممم استعمار و احتلال هدا مكان ؟؟و تملك تاني ..عندك مشكل ؟؟ غير ديري حاجة بنكرة و زكارة تشوفي …
اية :هفففف حلي طاقة من عندك بلوكيتها …
اسلام :😒كي نهدر تتهربيش …
اية :اوووو ضاق روحي قتلك حل طاقة هدا مكان …أصلا نتهربش ….
تندات تعبز على زر لي قدامو …غير حطت يدها …زاد هو يدو فوقها ….و عبز عليها هو …و هي راحت فيها …حتى فاقت …جبدت روحها حشمانة و متلبكة …خرجت ديراكت راسها فطاقة …..بقلمي انا..👹👹 #bibaline 🌚🌚
الحلقة 81🌚🌚:
لحقو كامل للبلاصة ….و من يدها مفكهاش …ملي لحقو و بداو يمشيو …و هو شاد فيها من يدها … و رجلو خطرة على خطرة تلصق برجلها هي ….كانو يمشو وسط الغابة هديك ….كامل لاتجاه واحد …
اية : صاي دوك طلقني ..مشي زودتها ..شوفو يمشو كامل وحدهم و نتا شادني كي شغل حا نهرب و لا بنتك ..
اسلام :ايه باسكو هكاك ..بلعي عليا دوك …
اية :اي ني نقولك كثرتها واش هدي تاع بلع نهدرش انا ولا ؟
اسلام :باسكو نقولك بلعي خير ما تصرا حاجة وحدوخرا
اية :واش يصرا يعني والو …..
شاف فيها بنظرة تخلع …
اية :كولني كولني ايييي تخلعش فيا ني نقولك …
بعدت وجها عليه …و هو بقا يشوف فيها ….
حتى لحقو وين حبسو كامل …لقاو وجدولهم خيوط هداك تاع تسلق الجبال …و حوايج تاع الامان باش ميصرالهم والو …حلت عينيها بشوك …و بقات تحركلو كتفو …شافت فيه
اية :واش هدا ؟؟ واش نديرو بيهم؟
اسلام 😏😏:نطلعو بيانسور …..
اية :تتمسخر …نطلعش انا …تمسخير هدا …نخاطر بحياتي ولا ؟؟
اسلام :ما تمسخير ما والو ….تطلعي كيما حا نطلعو حنا كامل ….
اية :علاه علاه مشي قتلك نقدرش ندير حوايج هدو بلحبل برك ..كيما الارجوحة …نقدرش …ربي يخليك قوللهم تصورني غير هنا …اي ياخي توجور تعارضهم و تجوز رايك …قنعهم دوك
رسم ضحكة على طرف…
اسلام :كيفاش تصوري لهنا …و موضوع صورة لازم لاطلالة لي فوق …
اية 😟😟: و كيفاه ندير …يا ربي نقدرش ..عندي دوخة …ربي يخليك
زادت تشبكت فيه …كي شافتهم بداو يلبسو في البنات و يثبتولهم الحبل هداك لي يطلعو بيه….(لقاو مختصين تماك يديرو اجراءات باش يطلعو )…..
اسلام :هشششش اسكتي …أصلا مغامرة جديدة نجربوها عادي …انا تاني جامي جربت ..بصح راكي تشوفي كاين مختصين ..ميصرالنا والو …هاه راهم بنات لي كيفك فرحانات باش يجربو….هيا معايا يمدولك واش تلبسي و يشدوك مليح …على الأقل ادا طحتي تموتيش على خطرة …
اية :اوووووووووووووووو علاه علاه تخلع فيا …
داها معاه …مدولها الكاسك …هي تلبس و هو تاني …تشوف فيهم مخلوعة و خايفة ….
شافها ادهم هكاك حب يلقاها سبة يتقدم منها ….
ادهم :وشبيكي اية غير لخير ..
اية :ادهم ربي يخليك لازم نطلعو لفوق ؟
اسلام غير يشوف فيهم ….
ادهم:هيييه لازم …علاه تقوليليش خايفة …
اسلام :ايه خايفة عندها رهبة من حوايج هدو …
ادهم :مممم مكانش مشكل …نطلع مع البنات هدوك ..و نرجع نطلعك نتي …
شاف اسلام فاية تاع واش جيب هدرتك ….
رفع حاجبو اسلام ….
اسلام :و انا واش ندير هنا ؟و لا جيت نتفرج و لا نشطح …روح برك طلع جماعتك هي تاعي ..دوك نطلعها معايا ….
ادهم :من بعد تعرف تطلع باش تزيد تطلعها ؟
اسلام :نعرف و لا منعرفش ..راجل و قادر على شقايا …
دور عينيه ادهم ….
ادهم :ايوتة ادا حتجتي كاش حاجة راني هنا عيطيلي برك ..
ابتاسمتلو برك …خافت من اسلام لي كان يشوف فيها ….
كملو شدوهم مليح …و خلاوهم بداو يطلعو ….
شافت في اسلام ….
اية :نقدرش نديرها …..
اسلام :نعيط لادهم يطلعك 😏
اية :😏نعيطلو انا
اسلام :بلعطك بزاف ..قال يطلعك قال ….نحي برك الخلعة هديك …مش يحبس قلبك نص طريق ….وجهك راهو كي حبة تاع قارص ….
اية :هههه قلبي و قريب يخرج ….ني نقولك منقدرش منييش نتمسخر …و زيد كون نلحق نشوف لتحت ..قادرة نرمي روحي عادي باسكو نقدرش نكمل …
اسلام :هيا صاي …شوفي نطلع قبلك غير بشويا ..و نتي تبعي ….كل بلاصة تلقاي فيها ويين تحطي يدك …حطي و طلعي رجليك …هكاك حتى نلحقو ان شاء الله ….
اية بخنقة :اوك نحاول …بلاك تخليني ربي يخليك …
اسلام:😏😏نرميك من لفوق نتهنا منك …
اية :اووو مش وقت تمسخيرك …
اسلام :نتي لي توقتي بيا و تقولي تخلينيش ..شكون قالك نخليك ؟
اية :😟😏🙄
اسلام :هيا باسم الله …
سڨم روحو …و بدا يتسلق …تقدم بشي 3 ميترات عليها و هي تشوف فيه نص عين مغلوقة لخرا مفتوحة …و حاطة يديها على نيفها ….
ثبت روحو …وشاف لتحت ليها ….
اسلام :ها اطلعي ….ني نستنا فيك ….حطي يديك لهنا (اشارلها بيدو ) و اطلعي كيما طلعت انا …..
دارت كيما قالها …و في كل خطوة تخطوها …تعيط …
حتى قربت عندو ….شاف في عينيه ..و هو يضحك عليها كيفاش مزيرة على وجها ….
شافت لتحت ….
اية :اااااع ربي نقدرش ..هدي غير هنا ..و كون نزيدو نطلعو ندوخ …حا نرمي روحي …مش حا نكمل …باي باي حسبت نتسمخر؟؟..بقلمي انا..👹👹 #bibaline 🌚🌚
الحلقة 82🌚🌚:
جات ترمي روحها من بلاصة هديك ….دنا و شدها من يدها ….
اية:وااااع نحيي نطيححوو في زوج ….
اسلام :شحال شاطرة بسلامتك …اطلعي لعندي برك ..راني شادك تخافيش ….
اية :نقدرش ….
زير على يدها….و شد من الحجرة لي فوق بكل قوتو يشد روحو باش يجبدها ….و ميطيحش ….
اسلام :بديتي تقلقيني …هيا ديري واش قتلك …حطي رجلك وين حاط انا رجلي …و اطلعي …
اية :نديرها بصح بلااااك تصيب يدي …..
عاونها ….حتى ولات معاها ..واقفين على نفس الحجرة ….
جات تشوف لتحت …ضربها بكف خفيف ….
اسلام :تشوفي نرميك انا ….ياخي عقلية ..علاه تشوفي لتحت ….
اية :وش دخل العقلية دوك …أصلا دوك نرجع انا …و الله الواحد يقوللكم نخاف و نتوما تحسبو رواحكم …
اسلام 😏:صونصيبل ا خويا ..واش قتلك انا …ابكي برك ..ابكي ني نستنا ههههههههه
اية :😟😏
اسلام ؛هههه هيا صاي …يدك في يدي و نطلعو …و كي تشوفي تقدريش قوليلي ..هاه شوفي كاين لي مزال مطلعوش …و كاين لي لحقو ….
اية :وين نشوف 😳
اسلام :صاي تشوفيش …هيا ….
بقاو يطلعو …كيما يقوللها دير …عياتو ….و هي صاي ولات متقدرش …غير تشوفو تقدم عليها تضربها بعيطة و تبدا تتخايل بلي طاحت …..
اية :هااااه اسلااام …اسلااام صاي نقدرش …ايما صدري …نقدرش صاي …..اععععععع ربييييي…
اسلام :وشبيه صدرك ما بيه والو …توجعتي كي راكي تطلعي برك هدا زعما سبورتيڤ( هدي لجماعة فرونسي 😌😏😂sportive)
اية :اااا ما خيتي نقدرش نتنفس …حبس اووو ني خايفة نطيح …اني مدوخة …اااا ربي …بلاااك تخليني …بلاك …ني نقولك بلاك و الله نطيح …نيش قادرة نتنفس ….
بقا يستنا فيها …أصلا هو ثاني عيياتو معاها …..
شافت فيه بعد ما تنهدت …
اية :صاي كمل نكملو …حتى نعرقو كامل باش نصورو ياخي خدمة ياخي …
اسلام :زيد مكياج ساحلك كامل …
اية😏:تخدعنيش درتلو فيكسر تاع ماكب …
اسلام :هيا برك الحقي عندي وين راني واقف…
شدت على يدو و شدت من الحجرة لي قدامها …و طلعت عندو ….
حطها في حضنو بلا ما يهدر ….و رجعها للامام تاعو …و هو خلفها ملتاصق بيها ….قلبها بدا يخطب تخلعت ….قرب لوذنها دارلها قشعيرة ….
اسلام :تخافيش هكا باش تصدعيليش راسي و نلحقو رابيد و ادا طحنا نطيحو في زوج ….وين نحط يدي حطي تاعك و وين نحط رجلي حطي تاعك ..حتى نلحقو …
دورت وجها غير بلعقل شافت فيه كيفاش يشوف فيها …
اية تلبكت…حطت عينيها ….
اية ::اوك …..
زاد قربها ليه حتى ولات ملتاصقة بيه باش يحسها بالأمان ….قلبها كان يضرب …مش حاجة ساهلة تصرا معاها و معاه هو …كلش يذكرها بلماضي ….اما هو كان كي شغل فرحان …بصح خايف من الوقت لي تعرف حقيقتو و تروح عليه …بعد ما لقاها ….و قرر يتبدل غير علاجالها …و يكفر عن ذنبو …كل خطوة كانو يخطوها …تعيط ..و يضحكو …بصح عقولهم كانو رايحين في سرحتهم يخممو في زوج في موضوع واحد …..
لحقو و اخيراااا ….عاونها طلعت و شدوها لي فوق …زادو عاونوه هو طلع …..
غير لحقت بدات تعيط على ادهم …
اية :مش خدمة هدي كامل …حتى عرقنا كامل باش نصورو …واش تخمام هدا …نفس راحلي …قلبي خليتو لتحت …قريب متت باش لحقت …هفففف
و راحت خلاتهم …شدت بلاصة وحدها …و اسلام عاحبو الحال و يبتاسم عجباتو كي دارت هكاك …و ادهم ضحك عليها ….
نحا الخيوط اسلام لي شدوه بيهم ….و راح عندها قعد بحذاها ….كانت تسڨم في شعرها و هي قاعدة …و هو يوجد حوايجو باش يصورها ….
اسلام :شبيك مشنفة …
اية :من عاشر قوما 40 يوما اصبح منهم …ورثتها من عندك …😏
اسلام :بديتي داصري فيا غير مكلاه اني قتلك …
اية :علاه سقسيت مالا تسقسيش و الله تحبش تهدر تهدرش…..
اسلام :و الله غير سيريو شبيكي ليوم ….
دورتلو بوذنها …مش حابة تهدر معاه …أصلا من لي بداو و هو يقلق فيها و يعاير فيها …..
اسلام :وذنك نحيها نمدها للقطوطة ياكلو …..
اية :اووو كثرتها صاي خلاص …خليني ترونكيل و الله …واقيلا حسبت صح …..
قرب عندها ….و بدا يتقلق …
اسلام:مينوشة ..من قبيل و انا نسايس فيك …تقلقينيش معاك …علابالي كنتي خايفة و خرج قلبك بصح صاي …
اية:😑😑😑
اسلام :😏😏هاي صاي بركاكي نوضي نصورك باش نريحو شويا و نرجعو ….
ناض و مدلها يدو ينوضها معاه و بقا يحوس على بلاصة شابة باش يصورها فيها …..بقلمي انا..👹👹 #bibaline 🌚🌚
الحلقة 83🌚🌚:
كي خلصو تصوير …كل واحد فيهم شد بلاصة يريحو يستمتعو شويا ….و اسلام كان قاعد لحافة الجبل …وين يهبطو و يطلعو …يعني كون يدزو كاش واحد يطيح لتحت لارض يموت عادي ….و اية كانت قاعدة وحدها بعيد ….شاف فيها لقاها تشوف فيه …دارلها بيدو تاع ارواحي ….
ناضت من بلاصتها و راحت موراه ….
اسلام :اقعدي …
اية :اسلام بزاف تمسخرت بيا اليوم نقول نخاف تقولي اقعدي ….
اسلام :راني هنا مش حا يصرالك والو ….
جبدها من يديها ….و قعدها بحذاها …رجليها هبطهم …ولاو يطيرو في الهواء كيما تاعو …و هي حالة عينيها مقشعرة من المنظر ….
هكاك و حطها في حضنو و هي تشبكت فيه …..
اسلام :صاي دوك….طيحيش ….تخافيش ….
بقاو ساكتين هكاك بالوضعية هديك ….لاول مرة تحس بهداك الدفئ و الامان …..
اسلام :مينوش …علاه عندك رهبة من هدو صوالح …
اية :هكا ..ندوخ منعرف علاه …بلاك كي جامي لقيت واحد معايا نتحدا معاه خوفي ..
اسلام 😏هاني معاك نحيها دوك ….
اية :دوك راح الحال ….كلش في صغر هو الصح …مدة الطفولة قبل البلوغ هي الصح كامل في الحياة ….
شاف في السما …و هو غير شاد فيها لحضنو و حاط يدو على شعرها ….
اسلام :عندك الحق …هديك كامل الصح …و هديك لي تقرر مصير العبد …شحال من واحد راحت حياتو على جال حاجة صراتلو في هديك المرحلة ….
اية :مممم يبقاو صدمات للواحد طول حياتو و مخاوف ميقدرش يجوزوهم ….كل واحد فينا عندو جانب مظلم و مخيف في حياتو و مش حاكيه لحتى واحد خوفا من ناس تهجرو ….و مخليه سر يستنى يلحق هداك العبد لي يرتاحلو باش يحكيلو …يلقاه و لا لالا منعرفوش …..
اسلام :و كيفاش علابالك بحوايج هدو كامل
اية :هههه تنساش انا طبيبة نفسانية …و فوق كلش انا تاني عبد كيفي كيفك …كيف لخرين …يعني انا تاني عشت و عندي أسرار واحد معلابالو بيهم ….كيفي كيفك 😏….
اسلام حس بلي متفكراتو بصح بعد الفكرة ….
اسلام :اهااااه كي شغل علاباليش 😏ههههه بصح تجربة تعبر عن كلش …كيما يقولو سقسي المجرب و تسقسيش الطبيب
اية. :هههههههه ايه و الله ….صحا نسقسيك ادا حبيت جاوب جاوب ادا حبيتش عادي ….كي تعرفت عليا علاه كنت تعيط … و علاه لدوك مزال تتقلب و تولي وحدوخر …
اسلام :احااي ….نتي ديري زكاير …و زيد انا أصلا طبيعتي هكاك …متشوفيش بلي فدار واحد منهدر معاه كيما لازم …يكرهوني كامل …اول وحدة قالتلي منخافش ادا ضربتني …و لا ادا عيطت عليا …و منحكمش عليك من تصرفاتك باسكو عندك سبة مرجعاتك هكا …كانت انتي ….أصلا احمدي ربي راني هكا ….كنت كثر …..
اية :ايه انا قتلك صح ..و منيش نكذب …علابالي كاين حاجة خلاتك ترجع هكا …واش هي منعرف …بصح علابالك بلي مش مليح كي تضرب واحد و دير هدوك صوالح ….
اسلام:مكانش علابالي ههههه …قلتيلي ديجا …بصح مش بيدي …..
اية :😏بيدي انا مالا …..
اسلام :صاي أصلا خلينا …..
اية :علاه نخليك 😟…واش درت ؟
اسلام :ههههه شوفي نقولك مش معنتها نقعد هكا عاقل …ني نتمشا حساب المورال …
اية :بلع عليا علابالي …أصلا هدي معجزة راك قاعد كيما العيباد ….
حط يدو فوق فمها ….و زير عليها …
اسلام ؛قتلك بديتي داصريني و وليتي تقولي بلعي تسما قبل كيفاش كنت نقعد كيما شكون ؟؟
نحا يدو و خلاها تهدر ….
اية.:كي تتقلق و يوليو عينيك حمورة و كامل شوف روحك في المراية تعرف كيفاش ….
اسلام:😏…
اية :و الله ني سيريوز ….تخلع و حق ربي كي شغل وحش …
اسلام:😑😑وحشششش!!!
اية :الله غالب حقيقة لازم تقتانع بيها …و انا منيش مجور لي يكذب ..لي في قلبي على لساني ….زيد ادا مقررتش تتبدل واحد ما يحبك واحد ما يهدر معاك …واحد ما يقصر معاك …
اسلام :منحتاجش يحبني كاش واحد…..
اية :انا تاني كنت نقول كيمنهك. …و مزالني نقولها …بصح ني متاكدة يجي نهار ….ندمنو على العبد هداك لي حبنا صح ….و نوليو نقدروش نقعدو بلا بيه …الانسان لازملو اهتمام ….نتا راجل و انا مرا ….نبانو اقوياء …بصح داخل واش ….داخل العكس ….باسكو ناقصين حنانة و اهتمام من اشخاص لازم يكونو في الحياة ….
زاد زير عليها …و بقاو ساكتين برك …واحد فيهم ما يهدر …يستمتعو بهديك لحظات …و فرحت كي هدرو مع بعضاهم ولو بشوية …و يا لوكان أثرت عليه و لووو بكلمة ….
جابولهم ماكلة تعشاو …..و جابولهم ألات مختصة باش تنزلهم باسكو عيياو …..
و منبعد رجعو لدار و طريق كامل و هوما ساكنين …حتى لحقو لدار ..طلعها حتى لاشومبر تاعها ….باش راح يرقد هو ….كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 84🌚🌚:
جازو يامات ….حالة العائلة كيما العادة ….العمات يروحو و يرجعو ….و اية كل يوم تحاول تهدر مع سيرين بصح ترجعها …متخليهاش تهدر ….الجد خلاها ترجع لخدمتها …و ترجع تخرج ….كل موعد تصوير يديها اسلام ….لي العلاقة معاه بقات برك هكاك …ما تقدمت ما رجعت لور ….غير بدات تجبدو و يرتاحلها …بصح هو واع ….مش بساهل يولي معاها عادي ….مروان مبان عليه حتى خبر …يعيط من تلفون صاحبو بالماسكي يهدر مع يماه و يكوبي ….شعل نار …و خلاها تتلتهب …حبيبة قلب تحترق ….و ابنة خال شوهت سمعتها …..
…….
رجعت مع اسلام من لاكلينيك عيانة ….راحت بدلت صلات …و راحت ترقد….و هو تاني كيف كيف …دوش و راح رقد …..
حتى لحق وقت العشا …تجمعو كامل للعشا …العمات مكانوش فدار ….رجعو لديورهم ……
قعدت اية غير تشوف في سيرين لي حالتها كل يوم تتدهور ….مبينة من وجها ….دير حاجة تقدرش …مكانش اي دليل يثبت براءتها ….صعيبة هجران الحبيب و الخيانة …كانو يتعشاو ….حتى هدر الجد ….
الجد : اية غدوا عيد ميلادك صح ياخي …
غير سمع اسلام بدا يكح حصلتلو الماكلة …..
اية :وي جدي غدوا باذن الله
الجد : زملاءك في الخدمة مقررين يديرولك حفلة صغيرة بالمناسبة هدي …و تاني كي نجحتي في فترة صغيرة و قدرتي تاخذي ثقة مرضا تاعك ….
اية حصلت ملقات واش تقول بقات تشوف فيهم …
اما اسلام شرب كاس كوكا على ضربة و شاف فيها منبعد لجدها ….
اسلام :و شكون هوما جدي ؟ علاه انا نخدم تماك و معلاباليش ؟ علاه انا خبرونيش ؟
الجد :وين علابالي انا ؟….اك قلتها نتا لي تخدم تماك مش انا …..
زير على قبضتو و بقا يطبطب على طابلة طبطبات خفاف ….
اسلام :مممممم و كون نقولكم بلي أنا مش قابل تروح لحفلة هدي واش تقولو؟
الجد:تروح و روح معاها …باسكو عيد ميلادها … و الحفلة صاي نظموها …ميخرجوش في خسارة ….
شاف مع طبسي و شاف مع اية لي فرحانة من الحفلة و خايفة ميقبلش ….
اسلام :يخرجو في الف خسارة يهمنيش فيهم …خطرة جاية يتعلمو يشاوروني انا ….مش انا الغريب هو لي يعرف قبل القريب …أيا بصحتكم انا ني خارج ….
خلاهم في الطابلة مخلاش مامبا واحد يهدر …..
اية :
خلصنا العشا …عاونت سيرين رفدنا طابلة بصح بلا ما نهدر معاها …..جيت نغسل المواعن …جات خداتلي لبلاصة و بقيت نشوف فيها حابة نهدر خايفة ترجعني كيما كل خطرة ….خليتها على راحتها ….و طلعت لشمبرتي ….شديت تلفون لقيت ابالات من عند هيثم …
و خلالي ميساجات خبرني على عيد الميلاد …معرفتش واش نقولو …منعرف واش يقول اسلام ….طفيت تلفون …و جبدت البيسي …نحوس على كاش فليم نتفرجو …نبعد شويا على لي نعيشو و نتمتع في الخيال ….مقدرتش نكونسونطري على والو جاتني القنطة و الضيقة ….منعرف واش ندير …راسي معمر بحوايج …عييت من تخمام …و قلبي معمر ….منعرف كيفاش قادرة على شقايا و شادة روحي على شعرة ….كنت نستنا في وليد عمي العزيز يرجع …نشوف قرارو الاخير واش …أصلا لازم يخليني نروح …هدي حاجة خاصة بيا …بصح ميخليني ندير والو من غيرو …اه يا ربي شكون قال يجي نهار هدا ….
بقيت نستنا ….ساعة تجوز تزيد اختها ….حتى لحقت 2 تاع صباح ….سمعت صوت سكوتور بدا يقرب بصح بلعقل …فقت بلي خايف من جدي …..طليت من طاقة لقيتو هبط من سكوتور ..و بقا يمشي فيه باش ميديرش صوت …..
نشوف فيه منعرف السبة لي خلاتني أصلا نطل عليه من طاقة ….لحق لطاقة وين كنت نطل …شاف لفوق و لقاني نطل عليييه …يا يما كرشي خلات عليا …..دخلت ديراكت بشوك …..
بقيت ندور حتى نسمعو يبسبس ….
اسلام :ستتتتتتتتتتت …..ا بقرة طلي ….
رحت نجري ….عاودت طليت درتلو براسي واش …
اسلام :اهبطي حليلي الباب الصغير …جبتش المفاتح جيت غير تاع لقاراج ….رابيد مش حتى يحس عليك جدي تخلا عليا ….
انا بهمس :اوك ني جاية …
اسلام :اصبري طلعيش هكاك ….البسي حاجة فوق …
……
لبست تريكو طويل …و خرجت تجري عندو تحلو الباب ….سمعت صوت القاراج فاقت بلي دخل سكوتور تاعو ….غير حلت الباب …جات رايحة دخل هو ….
اسلام :وين راكي هاربة …(بصوت تعرفو كيفاه ⁦❣️⁩😌)
دارت لعندو ….كان يدوخخخ بريحة الدخان …كانت فري تكرهها و دوك بدات تتعود عليها
اية :ادخل يع يشوفكش جدي منبعد …
دخلت و تبعها هو موراها ….
اسلام :ديريلي كاش حاجة خفيفة ناكل جعت …حصلتولي الماكلة قبيل …
اية :واش نديرلك انا نص ليالي …
رفع حواجبو …غير دار هكاك …طارت الكوزينة بلا ما تناقشو……
زاد تبعها هو ….راح غسل يديه و هي تحوس واش ديرلو …
اية :مكانش واش نحطلك …
اسلام :تعرفيش تكسري بيض و تقليه ربي يكسرلك راسك ..
اية:و تاعك ياااا ربي …وين كان علابالي بلي تاكل بيض و ما تشرطش عليا ….شحال نقليلك ؟؟
اسلام :3 …
اية:ايهييييييه نص ليالي ….
اسلام :جامي ديري حاجة بلا ما تشركي في فمك لي يجيبلك المشاكل ….رايح نبدل نرجع نلقاك وجدتي كلش …و نلقاك هنا بلاكي تروحي …
اية : تسما ندير كيما تحب ولا …نخلص نروح نبقاش نستنا فيك …
اسلام. 😏😏علاش ستنيتيني لحتى دوك مالا ؟و طليتي من طاقة 😏…استناي و بلعي فمك …قتلك ني جاي ني جاي ….
خلاها رايحة فيها في بلاصتها ….و هو راح يبدل ….كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 85🌚🌚:
وجدتلو ياكل فطابلة لي كاينة فلكوزينة ..وبقات تستنا فيه عند باب لي يخرج للحديقة ….
حتى دخل عليها ….جبد كرسي و قعد ياكل يشوف فيها …
اية :واش تستحق باش نروح …
اسلام و هو ياكل :علاه خبرتينيش على لانيفارسار تاعك هدي لي خرجت في نص …
اية :علاه نخبرك؟كل واحد يهتم بامور تاعو …أصلا واش يخصك نتا …ادا قتلك و لا مقتلكش كيف كيف ….منزيد حاجة منقص حاجة ….كي شغل راك مهتم ….
اسلام رافع حاجبو و يشوف فيها ….
اسلام :هدا منبعد شغلي …كي تقوليلي انا نحكم كيما حاب ….خطرة جاية اي امر يخصك قوليلي …و يا وليك ادا كنت انا لخر لي يعرف كيما نهار هدا …..الحاجة لي تجي حا تصرا لازم تخبريني …مشي سي هيثم عاااارف و انا واش ؟؟؟ حتى حصلتلي الماكلة نص الطابلة ..
ضحكت اية من هدرتو تالمو صاي كرهت توجور نفس الهدرة …..
اسلام زاد زير على نبرة صوتو :نيش نتمسخر …خطرة هدي جازت و الخطرات لي فاتو جازووووو ….زيدي عاوديها نشوفو ….و تقولي لازم تتحكم على روحك و هي تمشي بزكارة ….
اية :وشمن زكارة نمشي ؟؟ انا أصلا موضوع هدي تاع حفلة عرفتها معاك …..على واش نقولك ؟واش نخبرك ؟بركا تمسخير ….
شاف فيها بشوك ….
اسلام :يييييي وليتي تعرفي ترجعي لهدرةةةةةةةةةةةة…..
ناض من بلاصتو و راح ليها …هي غير شافتو ناض من بلاصتو …جبهتها تسطحت …و لونها تخطف …و حست بكرشها تزغرت لداخل ……
قرب ليها حتى ولا لاصق بيها ….بقا يشوف فيها و رافع حاجبو ….
شدها من كفها بكل قوتو ….حتى حست بضروسها حا يخرجو ….
اسلام :راسك يابس …و الله انذار اخير …ني شاد روحي علاجال القدر بيني و بينك برك …تخلينيش ندير حوايج نزيد نندم عليهم ….تعرفينيش ….كي نهدر اسكتي كيما العباد يا لالة ….مشي ترجعيلي الهدرة ب 10 ….ديريش روحك مرا قوية و كذا منا مليهه ….
ضرباتو على صدرو ..باش ينحي يديه …فكها وجعها ….
غير فكها و بعد …..
اية :و نتا شكون باش نرجعش عليك الهدرة و ندير واش تحب بلاك بابا ياخي …بابا لي جابني مهوش يديرلي هكا و نتا تتحكم فيا و تخرج زعافك عليا ….و لا نخليك دير واش تحب و نسكت نبلع فمي …لالا هاك اقتلني خير …دوك نجبد موس نقولك هاك ربي يخليك اذبحني …هدوك لي يخافوك وحدهم …انا يا سي اسلام اية …حبيت هكا حبها …مش حاب اجبد روحك عليا واحد ما قالك تهدر معايا و لا تدخل روحك في حوايجي و الله ما انا لي شديتك من ذراعك و بديت نبكي قتلك تولي هكا ..تسما مكلاه دير هكا في كل خطرة …لساني نقدرش نشدو …مش دير واش تحب و نبقا ساكتة ….
مخلاهاش تكمل عاود دار ليها و قفللها فمها بيدو بكللل قوتوووو …..عينيه كانو قريب يخرجو …حتى نفس راحلها ….
اسلام :ندخل و نزيد …حابة و لا مش حابة …أولا فوق كلشي راكي بنت عمي …ثانيا راكي شرفي …و لخرا كامل واحد ما يتحكم فيك من غيري …باسكو واحد ما مهتم فيك كيما ني مهتم بيك انا ….تقارنينيش بباباك …..خيررررلك اقعدي عاقلة …و لا تشوفي وجهي لخر …..جابك باباك لهنا باش تخدمي …و راكي شرفي افهميها كيما تحبي …ديري في بالك برك تمشي على حساب قوانين تاعي …و كون يجي نهار نسمع بلي راكي مع كاش راجل …و لا درتي كاش حاجة …كوني متاكدة بلي دمك قادر نشرب منو …..
بعد عليها ….مكملش ماكلتو و راح طلع خلاها هكاك ….
بقات مشوكية …و تتنفس بزربة …كي فاقت من سرحتها …سڨمت الكوزينة و راحت طالعة لشمبرتها …لحقت لقات ميساج سماس …من عند اسلام …لاول خطرة يراسلها من تلفون و غير كيما لحق الميساج ….
__اسلام :نوضي بكري تخدمي نص نهار نرجعك توجدي روحك …و بلا تكثار الهدرة ..توجديش حاجة معرية للبسة …و هدرة تاع ليوم تزيديش تعاوديها ….عيد ميلاد سعيد كل عام و انت بالف خير
كانت تقرا و تعاود قلبها يخبط من الفرحة …تسما خلاها تروح ….بدات تخربش برجفة ترجعلو …معرفتش واش تقولو …حطت تلفون و بقات تتلوى فسرير ….و تخمم واش تلبس و واش حا يصرا ادا كتب ربي ….شدت المخدة و غلقت عينيها تحاول ترقد …و بعد عناء طووويييل قدرت تقاوم فرحة و حماس تاعها و غفات في نومتها …..نفس حالتو هو كان يستنى ترجعلو …منبعد بدا يخمم في حياتو …و مصير تاعو كيفاش يكون …..الطفلة لي تفكرو بالماضي الاليم تاعو راهي معاه في سقف واحد …يدير واش يحب و يشفي غليلو مش قادر ….عقلو و قلبو ميخليوهش يزيد يعاود يديرها …..آخر توقعاتو و مكانتش تاع تخرج بنت عمو من شحمو و لحمو……كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 86🌚🌚:
صباح كاي صباح …ناضو كل واحد دار روتينو …و تلاقاو لتحت فلكوزينة مع جدهم لي ناض هو تاني ….قاعدين يستقهواو حتى هدر الجد ….
الجد :عيد ميلاد سعيد اية …..(الجد يتعامل معاها ببرودة برك يهدر معاها في الصح برك ..مش كيما قبل )
اية :ميرسي جدي …
الجد :واش مش حا تروحي للحفلة ؟
اية :ماه نرمالمو نروح …شافت في اسلام و زادت :نخدم صباح منبعد نرجع نوجد روحي ….
اسلام بقا ساكت …و بقا يستنا فيها حتى خلصت باش خرجو ….
ركبو فطونوبيل … و عم الصمت …غير ريحة السجارة لي مدايرة حالة …و الهوا لي يضرب …
اسلام :علاه ريبونديتش على ميساج لي بعثتلك ؟؟؟
اية :ملقيتش واش نقولك …
اسلام :ممم كلاولك لسانك …تعرفي تشركي فمك غير فصوالح لي مش ملاح …
اية :اسلام صاي خلاص ….
جبد جبدة من قارو … و هي دورت راسها لطاقة تستنشق في الهواء ……
هكاك حتى لحقو ….غير جاو داخلين …بداو كامل يجريو ليها يهنيوها و يزيدو ….خلاها معاهم و راح طلع لبيرو تاعو يخدم منبعد يخرج عندو شغل ……
درست حالة المرضى لي عندها نهار هداك ….و لحق الوقت لي لازم تروح …لقات عمها فؤاد هو لي يستنا فيها …راحت ليه تجري ….
اية :عمو وينو اسلام ؟ قالي هو يديني …
فؤاد:راح خرج عندو شغل ….دوك جي معايا ..و قالك وجدي روحك الافونص تباقيش متاخرة …ادخلي لطونوبيل ….
دخلت معاه بلا ما تناقشو …
فؤاد :نسيت …عيد ميلاد سعيد ربي يطولك في عمرك …
اية.:ميرسي عمو ربي يخليك ان شاء الله يا ربي ….
……لحقت لدار …كلات شويا …تلاقات مع سيرين في الدروج ….ابتاسمتلها مام علابالها مش حا ترجعها ….
و كملت طريقها لاشومبر تاعها ….دخلت بدات توجد في القش …و تشوف مع ليغوب لي عندها وين تلقا حاجة شويا مستورة …بعد نقاشات عديدة بين قلبها و عقلها (😂)خيرت زوج و بقات حايرة وشمن وحدة تختار و حطتهم فوق سرير ….جات تحوس في صباط تاعها(حاشاكم )و في ليصوندال …حتى سمعت صوت الباب يطبطب بالعقل ….
اية :انعم ادخل ..
غير شافت شكون دخل شهقت ….
اية :سيريييين ….ادخلي …سڨمت روحها و ستنات تغلق الباب و تتقدم …كانت شادة في يدها بواطة مغلفة ….
رسمت سيرين ابتسامة خفيفة برك على طرف فمها ….
زادت قربت ليها …و مدتلها البواطة ….
سيرين بصوت مخنوق و عيان :هاكي اية شدي …نيش قادرة نجي للحفلة ماما مريضة …عيد ميلاد سعيد ربي يطولك في عمرك و يهنيك ….
اية تشوكات معرفت واش دير …دمعة طاحتلها ….
شدت البواطة عليها بشوك …و معرفت واش تقول ….
سيرين :تسلميش عليا ولا ….
حطت اية بواطة لطرف …و عنقتها ….مش كيما قبل مي مهم تعنيڨة ….
بعدت سيرين روحها عليها ….
سيرين :مقدرتش نخرج …جابوهملي ..طلبتهم بار انترنت …اسمحيلي على كلش …..نخليك توجدي روحك ادا سحقيتي كاش حاجة و لا نديرلك شعرك عيطيلي …
اية بقات مشوكية …ضحكت ضحكة خفيفة سيرين و بعيون عيانة ….
سيرين :انساي لي صرا اية …و نحلو صفحة جديدة …و اسمحيلي على واش صرا كامل و كي محبيتش نامنك …بصح جاتني صدمة …شبعت بكا واحد ماسامع بيا …لي حسبتو يحبني و …(شدتها دمعة )تقوليليش كيفاش بدلت رايي و لا باسكو هدي نقدرش نفهمك فيها …مهم رجعت و ني نطلب منك سماح كي محبيتش نامنك ….
اية :سيرين راكي في عقلك ياخي …
سيرين :هييه هههه ….
زادت عنقتها خطرة هدي بكل قوتها …..
اية :مالا اقعدي معايا وانسيني …كرهت وحدي …
سيرين ؛ههه ني قاعدة …واش حابة تلبسي …
اية :و الله حرت بين هدو زوج …
سيرين ؛ممم روحي دوشي سع ..كي تجربي نشوفو واش خرج عليك ….
اية :صحا …بصح كون جي مش خير …
سيرين :. و الله اسمحيلي نقدرش …نفسيتي تعبانة و ماما مريضة …دوك غفلت عليها برك باسكو راقدة …مزال العوام و نحضر ان شاء الله ؤ
اية :ييي معلش مهم جيتي ههه ربي يخليك ….نروح ندوش و نجي …
سيرين :اوك ني نستنا فيك ….بعقلك …
……
راحت عمرو لابينوار بالماء و دارتلو صابون بريحة لي تموت عليها …نحات قشها و تحطت في الماء …ترتاح شويا …و فرحانة كي رجعت سيرين و لو تبان حزينة و في نفس الوقت فرحانة مي مهم رجعت ..و مع الوقت كلش يرجع كيما كان و كلش يتسڨم …..بعد مدة من التدواش …رجعت لاشومبر تاعها …لبست قشها …و لبست غوب قصيرة …باش دير شعرها و دير مكياج ….
و سيرين كانت خرجت …غير خلصت لبسة …دخلت عليها …
سيرين :صحا عليك …نديرلك شعرك ؟
اية :خلي برك نعييكش ..نديرو انا ساهل ندير ليسور برك …
سيرين :ماه عادي أصلا مكانش واش ندير ….هاتي نديرهولك ……
…..عاونتها دارتلها شعرها …و منبعد دارت مكياج مش قاسح مليح …و جات تلبس و يشوفو واش جا عليها …و بعد شحال من ترددات خيرو غوب حمرة …..
و كان اسلام صاي لحق و طلع ديراكت لاشومبر تاعو ….
كي خلصت قعدت تشوف في روحها لمراية ….منعبد قررت تحل كادو لي جابتو سيرين …حلاتو قدامها لقاتها ريحة و كرام كانت حابة تشريهم بصح مكانش عندها الوقت …
اية :ييااااي ربي يخليك ميرسي بوكو …نديرها دوك ههه
سيرين :ههه بصحتك ديريها وي عادي …تكثريش برك باسكو قاسحة و سي خويا يقتلك ….
اية 😏😏😏…
سيرين :اية مديلي تريكو تاعو لي جمعتو عندك …
اية :😟😟تلقايه في بلاصتو وين حطيتيه خوديه وقت ما حبيتي
سيرين :😟صحا ….
هكاك حتى يسمعو صوت دق على الباب ….
سيرين :يووو هدا اسلام ..
اية:هشش علابالي 😌……..كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 87🌚🌚:
راحت سيرين تحل عليه الباب ….
غير شافها تشوكا و شاف في اية زاد تشوكا و حل فمو …
اسلام :حم حمممم وشمن حمار مات حتى رجعتو تحكيو؟؟
سيرين :علاه نهدرش معاها …كنت مريضة و دوك صاي …
اسلام :ممم وحدة فيكم تجي تخير معايا واش نلبس …رابيد و مانيش نتمسخر …
ضحك في زوج و سيرين فرحانة كي هدر معاها هكاك …
اية :روح جيب نخيرولك …راهي تعاون فيا مزال مخلصتش ….
اسلام :😑😑😑ياو دقيقة ….
اية :ماااه دقيقة هديك منبعد تحاسبني بيها ادا مخلصتش …راهي ديرلي طلاء اظافر روح جيب و نعاونوك تخير….
اسلام :😑😑😑😑ني رايح …متتعاشروش كامل ….
غير خرج حلت فمها سيرين …
سيرين :راني نحلم ولا ؟؟؟اسلااااام يسمع الهدرة ؟؟؟؟؟!!!!!اسلام ميعيطش ؟؟؟ شبيييه من وقتاه …
اية:😏😏واش حنا نطلعو عندو ولا …هو لي سحقنا …علاه يعيط عندي الحق …شوفي كي نديرو حاجة كيفاش يولي ..أصلا تفكرينيش صاي ….أصلا دوك ميرجعش ههه كان حاب برك يقرعج 😏😏
…….جاز الوقت و لحق الوقت لي لازم يروحو فيه …طلعت هي و طلع هو تلاقاو لتحت كانو في زوووح يهبلو …و ريحتهم دوخت لي كاينين فدار …و خزراتو ليها قريب ياكلها بيهم …و هي ميتة بالحشمة …كانو دار مش رايحين غير هوما ….
ركبو طونوبيل ….. و واحد ما يهدر لوخر …غير يتشاوفو بعينيهم …
كي لحقو لبلاصة وين يديرو لحفلة ….كانت صالة صغيرة لهدو صوالح ….هبطو من طونوبيل. ..راح بحذاها و بقا يشوف فيها …جا يهدر ..قطعاتو ….
اية :بلا ما توصي صاي فهمت ………..
اسلام :هههه جيت نقولك جيتي تهبلي مي معلش حمد الله كي فهمتي. …..
ابتاسمت ابتسامة خفيفة ….مدلها يدو باش تشبك تاعها فيه …شافت فيه و شبكتهم ….و راحو يدخلو .. ..
بداو يتلاقاو مع العيباد …و كل واحد يمدلها كادو تاعو ….حطوهم كامل فوق طابلة كاتبين اسمواتهم …
شدو بلاصة وحدهم واقفين و شدو زوج كيسان جو ….و بقاو يشوفو في الحالة …و ساكتين يرشو في الجو …حتى يشوفو ادهم و هيثم جاييين لجيهتهم …
شافت في اسلام و هو تاني شاف فيها …
اية :خلاص فهمت قتلك ….
لحقو عندهم …جاو يسلمو عليها صافحتهم برك و اسلام يبتاسم على طرف…..
ادهم :عيد ميلاد سعيد زينة ان شاء الله كل عام و نتي بالف خير ….
هيثم :عيد ميلاد سعيد يا قمر ….ان شاء الله كل عام نحتافلو كيمنهك …
اية:ربي يخليكم ميرسي بوكو و ان شاء الله ….
هكاك و يسمعو صوت كعب من لور من المتحجبة اميرة …
قدمت ليهم …و بدات باسلام تسلم عليه
و هيثم غير يشوف فيها كيفاش تشوف فيهم في زوج ….
اميرة :اية عيد ميلاد سعيد حبيبتي العمر كلو ان شاء الله ……
(عييت و الله نحطلكم اكسترا و منبعد نكملو ان شاء الله )
اكسترا على الحلقة القادمة :
شاف فيها اسلام بخزرات يذوبو ….دورها …و جبدلها شعرها لطرف ….باش يعلقلها سنسلة …و في هداك الوقت …كانو قد وصلو لاية و مدولها الظرف لي وزعوه على لي جاو كامل ….
حلاتو و اسلام كان يسڨم في سنسلة …و يشهقو العيباد كااامل من واش شافو ….اية قلبها طاح للارض ….و اسلام ولا ميشوفش قدامو ……جبد سنسلة لي غلقها من عنقها بكل عنف ….و دورها ليه بلا ميعرف …جبد يدو و مدلها كف ………..طييييييطكرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 88🌚🌚:
بقا الرباعي الخطير واقف بحذا بعضاهم …يقصرو و يهدرو …كل واحد لشكون يشوف ….و في شكون يتمعن …..الغاشي يزيدو برك…حتى لحق وقت لعشا …جابولهم لطوابل لي تماك يتعشاو …قعد اسلام فكرسي …و زاد جبد اية معاه قعدها بحذاه….و من الجيهة الاخرى قعدت اميرة بحذاه ….و هيثم غير يشوف فيهم في 3 و ادهم يشوف في اية …..حطت رجل على رجل …و بدات تاكل …تحرك بيد وحدة برك …باسكو اليد لخرا حطها اسلام فوق ركبتو و زاد يدو عليها …و هو ياكل باليسرى باسكو ڨوشي ….مزير على يدها كي شغل حا تهرب ….و اميرة تشوف فيهم من تحت لتحت …
اية :كون تاكل كيما العباد باليمين و تصيب يدي نتحرك كيما نحب مشي خير ….
اسلام :مزال ليام ان شاء لله نتعلم ناكل باليمين و نستخدمو …و نتي كولي هكاك و اسكتي ..ني قاعد هك شاد فيك مش عاجبك الحال اندبي…
……
ابري ما تعشاو …نحاو الخدامين العشا …و بقاو العيباد يستناو لحظة القاطو و لحظة يحتافلو …اية كانت ميتة بالحشمة ….واقفة بحذا اسلام لي مربع يديه ليه …و رافع صدرو …يبين في هيبتو …..
اسلام :ياخي هنا حفلة ليك علاه تتلبكي تاني ..نقولو انا تحبينيش و تيصبورتينيش و تخافي مني ….و دوك ؟سبة تاع حشمة تاعك و توتر تاعك واش ؟
اية:تبقا لوقت لي مش لازم فيه الواحد يهدر تبدا تتفلفسف
اسلام :صااااار
اية :هششش ا ربي كرشي ههههه
جابولها طابلة لي فيها القاطو كبير ….و الضو طفاوه خلاو برك الضوء الملون لي فوق ….راحو كامل دارو بيها …و بقات هي و اسلام في الوسط ….بقاو يغينيولها و هي مخبية وجها و اسلام لاول مرة يضحك هكاك حتى تبان ضرسة تاعو تاع العقل ….كان قلبها قريب يخرج من الفرحة …و الدمعة شادتها بسيف …جامي دارت عيد ميلاد توجور ينساوها و باباها أصلا ينساها دايمن …كيما اليوم نساها …..
شافت في اسلام لقاتو يصفق معاهم …و راسم ابتسامة تهبلللل على فمو …..حط يدو داخل جيبو بواحد طريقة …خلات البنات لي كامل لتم يغيرو و يطيحولو …
خرج بواطة …ما صغيرة ما كبيرة …..
بقاو يشوفو كامل فيهم …و هي دمعة صاي طاحتلها….متصورتش كامل تجي منو حاجة هكاك …حلها و خرج سنسلة تاع ذهب ابيض….باسكو روماركا مديرش لاصفر …شراهالها ابيض ….
شدها من يدها …قدمها ليه و دورها باش تواجهو بظهرها…..فهذاك الوقت بداو يفرقو في ظروف مزوقين على الحاضرين (لي يحطو فيها رسالة )
حط يدو على شعرها و رجعو لطرف ….باش يعلقلها سنسلة و يشوف في رقبتها … في هداك الوقت …كانو قد وصلو لاية و مدولها الظرف لي وزعوه على لي جاو كامل ….
شداتو باستغراب و بدات تشوف في العيباد يشهقو و مشوكيين …توسوست تشجعت و حلاتو …. اسلام كان يسڨم في سنسلة …..اية قلبها طاح للارض ….و اسلام غير طاحت عينو على لافوطو لي خرجتها من ظرف ولر ميشوفش قدامو ……جبد سنسلة لي علقها من عنقها بكل عنف …خلالها لاتراس هديك تاع الجبدة …و السنسلة تقطعت ….رقبتها حستها سطرت …بصح لي تحسو لداخل يتعدى كلش ….تشوف في روحها في حضن راجل مريض تاعها يتداوى عندها …و العباد كامل يشوفو فيها ….و زيد يد الراجل محوطها من خصرها ليه …..قلبها طاح لارض …حست بدوخة و حا تطيح ….شافت في العباد لقاتهم كامل يتهامسو و يشهقو ….اما اسلام شد روحو شد …. دورها ليه بلا ميعرف حتى كفاه دورها بلعنف و لوحشية هديك شاف فيها بنظرة تاع خيبتي ثقتي للمرة 2 و خطرة هدي مكانش كيفاش تبرئي روحك …جبد يدو و مدلها كف خلا شعرها يطير …و قرط (منڨوشة)تاعها يطيح مع الكف هداك ….العباد كامل يشوفو …..و هي دموع بداو يسيلو …..كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 89🌚🌚:
بقا يشوف فيها …مزال مطلعتش راسها ….سنسلة لي كانت في يدو قطعها خيط خيط تالمو زير على يدو ….شاف فيهم كامل ..لي يقول شح تستاهل..لي يقول مسكينة و لي ما فاهم والو ….و اميرة من بعيد مشوكية من واش شافت …راجل هداك كان يداوي عندها قبل بصح جامي صرات معاها حاجة هكاك…زيد راجل هداك متعود يتعالج فلاكلينيك تاعهم …..اسلام كان ميشوف والو قدامو ….خبط طابلة وين كاين لقاطو …خلا الموس لي كان فطرف طاح وحدو …..و بدا يعيط بكل صوتو …حتى نفس ضاقلو و يجبدو بسيف ….و يديه يتحركو مع كل كلمة يقولها ….عروق رقبتو قريب يطرطقو ….و صوتو مع كي نفس ضاقلو ولا مبحبح …..
اسلام:لي دااارهاااااا و الله و الله يخلصها و غاااااالية انا اسلاااااام يوسفي حسبتوني راقد على وذني. ..و الله و الله و الله و نلقى لي دار العفسة هدي تاع توزيع الظروف و الله غير حياتو تروح عليه ……هاني قلت …..
عيط الخدامين ….جاو كامل يجرو …و العباد كامل خايفين منو …و اية مخبية وجهها بشعرها غير يهدر و يعيط تنتفض من بلاصتها ….
اسلام :ليفوطو هدووووو كااااااامل لي وزعتو علينا … يتجمعووووو كااااامل كااااامل و يتحرقوووووووو دووووووك قدااامي ازربوووووووو ….
بداو كامل يجمعو فيهم و كاين عيباد محبوس يمدوهم …
اسلام :راااابيييد قلتتت هاااتوووهم مدوووهم …..
جمعو الاغلبية و لي بقى كملو اسلام ……لشكارة كاااامل ….و داوهم يحرقوهم ….
شاف في اية قريب يقتلها …لقاها تشوف فيه و تبكي …
دارلها بيدو تاع منبعد تشوفي واش نديرلك ….خلاها وسطهم …و راح يتاكد بلي صح يحرقوهم …..رجع عندهم يلقا القاطو نصو مكسر طايح للارض ….و اية ذراعها كامل موسخ بلاكرام تاع لقاطو و تبكي في حضن اميرة …و اميرة تسكت فيها …..
راح اسلام ليها يجري …جبدها من حضن اميرة بكل عنف …حتى تزلزلت كامل ….يدها توجع من شدة هديك ….
اسلام :ني حلفت نلقى برك شكون دارها و الله و الله غير حياتو تروح بين يديه …..
بقا يكركر في اية …و شاد في يد لخرا فوطو من هدوك معوجة كامل ……كان تتنفس بالقاوي و تحاول تلحقو و تتوازن في مشيتها …بصح غلبها كي كان يجبد فيها …غير خرجو من لاصال …تلوات رجلها في درجة و طاحت ….بقات شادة في يدو …و شدت في رجلو ….
اية :ايييييييي 😭😭حبسسس ربيي يخليك حببسسسس اييييييييي
مهتمش تدنا ليها جبدها …و عاود نوضها و كمل يجرجر فيها …و هي رجلها متقدرش تحطو على لارض من لوة لي تلواها ….لحق لطونوبيل حل الباب قريب طيرو …رماها لداخل ….و خبط الباب عليها …و هي قررت تشد روحها شويا ….جبد شعرها رجعاتو لور ….و تستنا وقتاه يدخل عليها ….متقدر تهدر متقدر تستوعب واش صرا ….طلعت رجلها لفوق نحات الكعب تزير عليه بلاك يخف شويا …حتى يدخل عليها …..عينيه قريب يخرجو ….حط يدو على مقود سيارة يضرب فيه بكل قوتو و هي تنتفض من بلاصتها من الخلعة و شادة البكية ….و في يد لخرا شاد لافوطو مكرفجة يشوف فيها ……و كل ما يزيد يتمعن فلافوطو يزيد يقوا في ضربات تاعو لمقود سيارة …..
اسلام : انا رخيس و حق ربي انا رخيس لي بقيت نامن فيك …انا رخيس لي درت فيك ثقة عمياء ….انا لي مشي راجل مش نتي لي مشي مليحة …..بهدلتيني …مسحتي بشرفي في الارض ….(ضرب رجلو وين كاين لافيتاس ) دخلتي تخدمي طلعتينا بعجب ….واش جابك واش جابك باش ديريلنا هكا …..ياااااا ربييييي و تقولييي شد رووووحككككك …..و انا لي آمنت صح ……جبد سنسلة المقطعة هديك …..و رماها على وجهها ….و هي غير ساكتة و شادة البكية …علابالها كون تهدر يقدر يرميها من طاقة نرمال …..أصلا متعرف واش تقول متعرف كيفاش تتصرف ….بدا يسوق لارض و قريب تهدر من سياقة هديك …طونوبيل لي يلقاها يدوبليها …الكاميو لي يخرجلو يدوبليه …و اشارات المرور حرڨم و هي مكمشة روحها …تزير على رجلها …و تقوي في روحها بلي مدارت والو مش لازم تبكي و تقنعو ..هي أصلا مش عارفة واش صرا …..كل ما يجوزو من دودان تتزعز من بلاصتها ….و هو يقود و يعيط و معلق لافووطو قدامو غير يزيد يشوفها يقوي في العياط و يعاود غير نفس الهدرة …و هي داخلة في دوااامة من الصمت …غير شهقاتها لي يبانو من الغيضة و دموعها كتمتهم …و غير تشوف في لافوطو تندم لي راحت للحفلة …و تبقا تسمع لهدرتو لي كل جملة يعاودها 10 خطرات ….
هكاك و يصوني تلفونو …شاف لقاه جدو …ضحك ضحكة من زعاف ….
ركب الكابل لطونوبيل و ريبوندا …صوت الجد هز طونوبيل …و اسلام يشوف في اية لي مكمشة متهدر ما والو ….
الجد :واش الفضيحة هدي …واش العجب هداااا ….جوزهااالي ….تعرفو غير تبهدلو فيا …منعرف وقتاه نتهنا …..
خرجت اية عن صمت تاعها و قالت بصوت عيان و مخنوق
اية :جدي مش انا …وعدتك جدي و نا نوفي بوعودي هدا لي نقدر نقولهولك …يجي نهار يتكشف كلش ..و اسمحلي جدي لي جبتلك المشاكل …كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 90🌚🌚:
اية:
طلب من جدي يديني لدار لجبل …مئة سكين طعن في ظهري …لي يخدعني و يصور و لي يكشفني …مريض كان في حالة لا يرثى لها …كيفاش دارو فوطو و انا في حضنو منعرف كيفاش …مريض يديه ميقدرش يحركم من الشلل …كيفاش حتى يشدني ليه في حضنو …عقلي حبس ولى ميخدمش …حرقة لي في قلبي محبتش تطفى …علاه كي نقول نكمل شغلي و نفذ وعد جدي نخلص نبعد عليهم …يخرجلي بربلام آخر ….كنت بعيدة عليهم نعاني من نقص حنان الام و الاب و دوك زادولي المشاكل هدو ….و بين ايدي مغتصبي … نقدرش حتى نرجعلو الهدرة بسبب حقيقتو المرة هو تاني ….كيما نجي ندير نلقا حاجز …لكن الحمد الله الحمد الله الحمد الله …بريئة و مامنة بلي كلش حايبان و يندمو كامل …و قتها يكون كلش متاخر …مش بساهل يجوز كلش ….طريق كامل و انا شادة كرشي نستنى وقتاه نديرو آكسيدو …قالو جدي بلاك تضربها و لا ديرلها حاجة …كنت حابة كون يجي جدي يسلكني منو …قوتي كامل راحت باش نقاومو ….لحقنا لدار لجبل بسييف حتى قلبي خرج…راح ليوم قالو جدي يلقى المفتاح الاحتياطي ….
حاولت نطلع من طونوبيل بسيف ….رجلي توجع …كون ديت خبطة قوية نقول تكسر ….غلقت الباب بشويا برك ..معنديش قوة …هكاك و نشوفو لحق و راح حل الباب …..رجع عندي شدني من ذراعي بكل قوتو ….ضحكت ضحكة بلعقل برك …حسيت روحي مافيا درت كاش جريمة قتل و يديني للحبس …
دخلنا شعل الضوء ….و بدا يكركر فيا بكل قوتو و انا والو لي داخلي كثر من قساوتو ….لحقنا وين كاين لي شومبر …حل باب تاع وحدة و خبطها برجلو ….و دخلني رماني بصح ما طحتش شديت روحي بلقوة هديك لي بقاتلي …..
اسلام :ديري صوووت و لا تخرجي نقتلك و ندير بيك لي ميتدارش …..
خبط الباب و خرج ….وليت نضحك ضحكة تاع غاضتني روحي ….و الله مش منو ….من قدر تاعي برك ….رميت روحي على المطرح …و خليت الفرصة لعيوني لي عياو من شد الدموع …يبكيو ….دموع هدوك لي طاحو و غاضوني …دافئين و يطيحو بغزارة بلا ما نعرف تاع صح يطيحو من الظلم …و يجيو من صميم قلبي ….
صباح ناض بكري خرج ….و يومين جازو …ما ناكل ما نشرب …وحدي فدار ندور ..من لي خرج ما رجعش ..يومين نبات وحدي في فيلا كبيرة …كل ما تتحرك زوج خطوات نشوف مورايا من الخوف ….و رجلي تسطر كل يوم و تزيد تزراق ….الماكلة بعثلي جدي واحد جابلي طبسي كبير تاع كسكس مسقي ناكل شويا و نحبس …لابيتي مكانش …غير جدي لي صبرني في تفلون و قالي اصبري و متخافيش ….ريزو و غير شويا كاين منقدرش مامبا نكونيكتي …رجعتها غير صلاة و رقاد …و كل يوم ندعي ربي يفرج ….خممت شحال ..و خديت قرار …قررت انو غير تتهدن الحالة نبعد على دار و عليهم …ميزيدوش يشوفو خليقتي مرة …ميهمني لا تصوير لا وعد جد لا انتقام …صاي عييت …نشوف حياتي خير من المشاكل هدو …و كاين ربي يديلي حقي منهم ان شاء الله …كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 91🌚🌚:
خلانيش جدي نرجع ليها ….علاجال فقدت اعصابي …درت حالة في سبيطار …الغاشي كامل يهدر عليها ….و على واش صرا ….و يزيدو غير يشحنوني باش نشبعها ضرب ….و جدي مخلانيش نروح ليها …صينو نسمع لهدرتهم و نقتلها …..هداك الوحش لي ينوض يهدرلي و يوسوسلي ندير حاجة مليحة عاود ناض ….ولاتلي الحرقة هديك تاع نتاقم من واش دارولي فيها ….بصح هدرتها بقات دور في راسي …و هدرة جدي تاني ….يومين جازو و كل يوم تزيد هدرة الناس ….الدار و عندي يومين دخلتهاش نروح لوتال باش نسمعش هدرتهم عليها ….كنت نعصر في مخي باش نخدم لي عندي ….حتى نسمع صوت تلفون يصوني …شفت لقيتو جدي ….جبدت تلفون و ريبونديت ….
الجد :اسلام دوووك دوووك تخلي واش في يديك …و تجي لفيلا …
اسلام :جدي ماشي قتلك نقدرش نجي …و زيد راني نخدم ….
الجد: و انا ني نقولك دوك دوك تخلي كلش و جي …تجيش تندم …ني نستنا فيك في حديقة تاع لافيلا …
جا يهدر اسلام سمع طيبيط طيييط …تاع كوبا …نضت من بلاصتي نطيح …هدا ما خصني …راسي مخلط …اعصابي منتحكمش فيهم و نروح نزيد نسمع هدرة تاع دار ….نهبللل و صاااااي …..
جمعت واش كنت ندير باش ادا دخل بابا و لا ميخربش فيهم …..جبدت المفتاح و خرجت ….دخلت لطونوبيل و تخمامي كامل عليها ….كلات ؟مكلاتش؟دارتها ؟ دارتهاش ؟ علاه صرا هدا كامل ؟ واش راهو يدور في راسها ؟…..مسحت على راسي تنهدت و جبد سيجارة نخفف شويا من ستراس و نريح شويا بصح والو …..عيباد كيفي يا ربي استغفر الله ملازمش يجيو لدنيا …غير يتعذبو من عذاب الضمير و ميقدروش يقاومو الطيف تاع الوحش لي راه لداخلهم ……و ميصلحو لوالو ……
لحقت لفيلا ….ڨاريت الطونوبيل ….و خرجت نجري الحديقة تاع لفيلا …شفت جدي من بعيد قاعد فوق المقعد عند الطابلة لي تماك …مع مرا تبان في الخمسينيات متحجبة و تبان مقلقة …و جدي كثر ….صافحتهم مقعد حواحبي …قلت كاشما درت تاني …
الجد :اقعد اسلام …عندها معاك هدرة ….
……
عقد حواجبو ومشن هدرة عندو معاها …مشاكل قريب يقتلوه تزيدلو هديك …حرك يدو خلا الساعة لي في يدو تتزحزح من بلاصتها ….جبد شويا سروالو …و قعد …
اسلام :انعم غير الخير خالتي ….
المرا:منعرف من وين نبدالك ليكم خير ….بصح ليا مش خير …حكيت لجدك مزال غير نتا….
شاف اسلام في جدو …ملقا و لا تعبير في وجهو يمدلو تلميح لواش حا تقول …..
المرا:شوف وليدي توعدني بلي ما دير والو لخويا….مش جيت نخبرك على واش دار باش ديرولو كاش حاجة ربي يخليك وليدي …
اسلام :هاه واش كاين ؟؟
المرا:دوك نمدلك تلفون تاعو جبدتو معايا …تشوف بعينيك واش شفت …و نزيد نفهمك ..بصح اوعدني …
اسلام :هاه هاتي برك نشوف ندير والو ……
مدتلو تلفون …بدا يشوف و يفك حواجبو و جبهتو تتسطح ….يقرا يزيد يشوف و يتمعن ….ركابيه يحركم بزربة ……شاف في جدو و عاود شاف في تلفون ….
اسلام : هدا صح و لا تزويررر؟؟؟؟
المرأ :كيما تشوف …..
ناض من بلاصتو بلا ما يحوس يفهم ……جا رايح حبسو الجد
الجد :اسلاااااام ارجععععع مزاااال مخلصتش الهدرة مزال عندها بزاف صوالح تقولهم اقععععععد
كان حاب يروح ….بصح عياط الجد عاود رجعو …بقا واقف حاط يديه على طابلة هديك …و يستنا في المرا تهدر ……….
………
ركب طونوبيلو ….كان حاب يطير …..يسوق بفيتاس فائقة ….و الدخان يجبد جبدات طواااال …كان حاب يكسر كلمة جدو و يدير لي كان في بالو بصح حلف عليه ….حبس عند الحانوت شرا حوايج …و عاود ركب يسوق بزربة باش يلحق عليها ……كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 92🌚🌚:
لحق لدار الجبل …خلا كلش في طونوبيل …و خرج يجري …خرج المفتاح من جيبو …و حل الباب بزربة …حوس عليها فليتاج تحتاني بلاصة بلاصة لقاهاش …راح يجري لفوق يحوس عليها ….دخل لاشومبر وين خلاها خطرة لخرا ….ملقاهاش …بدا يتقلق…حوس عليها فليشومبر مالقاهاش …..راح لادوش حط يدو على لباص ….جا يحلو تبلوكا …عرف بلي راهي لتم ….تنهد …
اية غير سمعت صوت هداك كرشها دارت …حسبت كاش ما واحد دخل عليها ….كانت غير كيما خلصت الوضوء تاعا و تمسح بسربيتة ….يبست بلاصتها و تستنا واش حا يصرا ….و تشوف لطاقة خايفة كون كاشما واحد دخل تهرب …..تشجعت و هدرت بصوت متلبك و متوتر
اية :ش ..ش ..شكون ؟
كانت تستنى الإجابة بخلعة كبيرة و ترجف من الخوف….
سمعلها اسلام لي كان مسند على الحيط ….تشجع و رجعلها الهدرة …
اسلام بصوت هادئ يخبي القلقة تاعو :انا
تنهدت و في نفس الوقت تفكرت واش صرا تصدمت …و بقات ساكتة ….مخصها غير هو ….
بقات نستنا يروح والو …5 دقائق 10 والو ….كانت حابة تسمع صوت الباب تغلق باش تخرج …بصح والو …حطت سربيتة في بلاصتها …جبدت نفس بالقاوي ….باش تتشجع …حطت يدها على مقبض الباب …و جات دور المفتاح ترددت …تشجعت كثر و حلات الباب …شافت لقدامها مكان حتى واحد ….طمنت روحها …غير خرجت غلقت الباب …لقاتو عند الحيط لي بحذاها مسند روحو …مربع يديه ….و راسو كان مهبطو غير سمعها خرجت رفع عينيه يشوف فيها ….
دارت روحها كي شغل مشافتوش و ما تاثرتش …و كملت طريقها و هي العكس رجليها كانت تحس بيهم حا يتلواو و طيح قدامو ….
تبعها اسلام …و شدها من ذراعها …غير حط يدو بعداتو عليه ….
اية :غير كيما توضيت نروح نصلي تخلينيش نفقد وضوءي …بسلامة كي تروح أقفل الباب مليح …
اسلام :اصبري نهدر معاك عندي هدرة معاك …
اية :كي تستعقل ارواح نهدرو ووكي تولي راجل ميرفعش يدو على مرا …يجي نهار تبان الحقيقة و تندم …
اسلام :عرفتها و ندمت غير حبسي نهدر معاك …..
خلاتو هكاك ما فهمت والو …و راحت لشمبرة وين كانت خدات قش تاع صلاة لي دبرتهم من خزانة لي تم …و بقات تصلي و طول و في كل سجدة تدعي لربي سبحانو …
خلصت بقات قاعدة فوق مطرح …تخمم في واش جابو و حلفت متخرجش حتى يخرج ….غير سمعت صوت الباب تاع دار تغلق ….خرجت تكركر في رجلها لي تلوى باش تزرب تشوف ادا صح خرج ….لحقت لايتاج تحتاني ملقاتوش …
اية :اووووف مشي كنتي حابة يروح واش صرالك دوك ؟ياا ربي ني حابة نعرف علاه جا 😑😑واش جابو ….
دخلت الكوزينة تحوس على واش ناكل مكان حتى حاجة …فطور و مفطرتش
اية:ماكلة و مجابليش يا ربي و يديني جدي في اقرب وقت نجمع قشي و نكري دار وحدي …منيش متشردة باش نعيش حياة كيما هدي منزيد حتى دقيقة عندهم …
هكاك دور في لكوزينة حتى سمعت لصوت الباب عاود تحل و تغلق ….خرجت من الكوزينة نادمة لي هبطت و الخلعة شادتها …و يلاقيها شاد في يديه شكاير لي هبطهم من طونوبيل ….جات رايحة تبعد عليه عينيها بعدتهم عليه …
اسلام:حبسي نهدر معاك ….
دارت روحها مسمعاتوش و كملت مشيتها باش تطلع دروج …
اسلام :صحا حبسي نمدلك قشك ….جبتلك قش تبدلي و لغدوا نرجعو لدار ….
ضحكت ضحكة تاع تمسخير بلعقل ..و دارت ليه تشد عليه القش ….
اسلام شاف فيها بخزرات ياكدلها بلي مش حا يدير والو …كان كي طفل صغير يحاول فيها و ناسي غشو تاع قبيل لوقت آخر ….
قدمت ليه …و هو قدم ليها …مدت يدها باش تشد شكارة …شدها من يدها قربها ليه …..جبدت يدها و مدتلو كف …..دارتها بلا ما تفيق …..و بقات شارعة في عينيها ….و في نفس الوقت نحات الغش هداك لي كان لداخلها منو …ولا احمر و عروق رقبتو يبانو …..
اية :تزيديش تمسني ….و ادا راك راجل كيما تقول قليل و عرفت واش كنت تتفلسف مد يدك و رجعلي الكف ….
خلا الشكارة لي كان شادها وين كاين قش تاعها تطيح للارض ….و جبد روحو عليها …راح بخطى سريعة حل الباب خبطو ….ركب طونوبيل و بكل سرعتو راح يسووق …
أية :ههههه طريق السدكرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 93🌚🌚:
راحت تشوف واش جاب في شكاير لقات حوايج تقدر طيب بيهم …حطت طيب سباڨيتي …و لقات شيبس و شيكولا بدات تاكل ما تخمم في والو غير احساس هداك تاع تشبع كرشها ….
طيب و تخمم ….حتى سمعت صوت تلفون تاعها….مسحت يديها .. و هزت …
اية :انعم جدي …
الجد :ايييية وينييي اسلام ؟؟؟
اية :منعرف جدي جا و راح خرج ….
الجد :شوفي برك ادا راهو غير لتم و لا راح …..
اية :لا جدي راح بطونوبيل ….
الجد :يااا ربييي علاه خليتيه ؟؟؟ يدير مصيبة …و الله تحصلوني ….هدا ادا ميديرش حاجة تخلينا ندورو في الحبس علاجالو و غارقين في اللقضايا …
اية مش فاهمة والو :علاه جدي واش كاين ؟
الجد :واش واش كاين ؟؟ هاد الوقت كامل من لي جا و ما فهمكش؟؟
اية :ما قالي والو ….
طييييط طييييط ….تسمع صوت تلفون تكوبا …بقات ما فاهمة والو و متحيرة ….دور و تزيد …يديها في فمها تخمم ….و تعاود تفرش هدرة جدها بلاك تفهم منها كاش حاجة ….
…….
في لاكلينيك:
غير كيما وصل ڨارا طونوبيل تاعو …..كان يسوق بكل فيتاس باش يلحق عليهم و يلقاهم مزال مخرجوش …..
هبط من طونوبيل …خبط الباب …و راح يجري …غير تحل بابا لاكلينيك …زاد من لافيتاس تاعو ….اميرة كانت غير كيما نحات لابلوز تاعها تروح تخرج …شافتو هكاك …راحت تجري تبعاتو ….
يجري فدروج و هي تبع موراه . ..
اميرة :اسلام اسلام حبش واش بيك …
كان حاط يدو فوق هداك تاع دروج …و يطلع 3 درجات 3 …..
لحق لوين يخدم هيثم …خبط الباب عليه برجلو ….و دخل …..هجم عليه بلا ما يخمم كامل بواش وصاه جدو …غير لكف لي داه من اية …و واش دارلها كامل خلاوه يتعماو ….جبدو من لاشوميز تاعو نوضو من الكرسي …..
هيثم :ههه شبيه السبع هاج ولا ….
هجم عليه يضرب …تعمى يشوف غير اية بين عينيه و يزيد في الضرب ….هكاك و تدخل عليه اميرة ….
تشوكات و عيطت ….
اميرة : اسلاااااام حبسسسسسي اييييي اسلاااام …
راحت ليه تجبدو بصح والو …..و هيثم مقدرش مامبا يدافع على روحو من قوة الضرب لي خداه من عند اسلام …
اميرة :اسلااام اسلااام في خاطري اسلااام حبسسسس اسلااام حا تقتلو ….
بعد محاولات شحال …و بعد كي جاو رجال لي يخدمو لتم دارو باسلام شدوه عليه بعيد …يحبو يخرجوه و هو يزيد يعاود يقرب …و هيثم شاد راسو و نيفو ….و يخزر في اميرة لي تشوف فيه بنظرات حسرة ….
اسلام بصوت يخلع و يتنفس بالقاوي ………..
اسلام :حلفت و قلت بلي كون نلقى شكون كيد المكيدة نكرهلو حياتو …طلعت انتا يا رخيييييس يااا نذل .. نكار الخير ……و الللله و الله لا تندم على واش درت…..
بعد رجال لي شدوه عليه … …و خرج تبعاتو اميرة حابة تبكي ….
اميرة بصوت مخنوق :اس اس اسلام صح هو دارها ؟؟
دور عينيه اسلام عليها …و تنهد …
اسلام :علا وجهك حبست كون دفنتو تحت لارض …هو ايه هو ….
اميرة :اسمحلي بلاصتو ⁦☹️⁩…..
اسلام :روحي جيبي قشك نحتاجك في حاجة …
اميرة :صحا بصح نروح قبل عندي هدرة معاه ……
اسلام :واش ديري عندو ؟تروحيش
مسمعتش لهدرتو …و راحت عند هيثم …عيونها مغرغرين دموع ….
اميرة بنظرات عتاب :علاه هيثم ؟علاه درت هكا ؟مشي هي تاني ولية ؟؟
هيثم :كون قبلتي تكوني معايا شحال و مرحتيش معاه منديرش هدا كامل ….لي درتو كامل باش نتاقم منو …نتي حبيتيها …روحي ليه بصحتكم …خليني اخرجي…..
اميرة :خساارة علييييك …خسااااؤة عليك ..حسبت هكا ترجعني ؟؟؟ واش من رجعة حا نرجع …طحت من عيني …بسلامة ….و ميرسي بوكو على واش درت كثر خيرك …..كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 94🌚🌚:
كانت قاعدة في لكوزينة خايفة …تستنا برك كاش خبر جديد بصح والو …كرشها كانت تتعصر …حتى تسمع صوت طونوبيل تاعو ….حست ولات تتنفس كيما العيباد …غير طمنت بلي رجع تنهدت …سڨمت الحالة باش غير يدخل تشوفو ما بيه والو تطلع لفوق ….
حل الباب و دخل …و تسمع صوت مرا من صوتها فاقت بلي اميرة …تشوكات
اية :واش جابها هدي تاني يااا ربي منيش في حالة كامل تاع تشوفني هكا واش بيهم عيباد هدو يااا ربي ….
جات تدور تجبد تلفونها …باش تخرج تهرب …و تدخل عليها اميرة الكوزينة …لي من وجهها تبان شبعت دموع …
اميرة بصوت عيان :هااااي ايييوووتة …
و راحت تعنق فيها و تسلم …
شدتها اية من وجهها و شافت فيها ….
اية :غير الخير اميرة واش صرا ؟ شكون جابك ياخي اسلام جابك ؟ ياخي ما صرا والو ؟ واش كاين اميرة علاه تباني بكيتي؟
اميرة:هههه راهو هنا حبيبتي تقلقيش ….و خير خير جيت نسقسي عليك و نهدر معاك عندك مشكل ولا ؟؟
اية :هووووف ياخي سور ؟
اميرة :هههه و الله سور …..
كان يسمع لواش يهدرو ….و يستنا غير وقتاه تتدخل اميرة في صلب الموضوع ….
اية :حمد الله هيا لصالون نقعدو و نهدرو .
شدت اميرة كرسي و قعدت …
اميرة :خليك هنا رانا ملاح ….اقعدي ربي يخليك نخلص هدرتي نرجع لدار …صينو يعرشولي ….
قعدت اية بحذاها ما فاهمة والو ….
اميرة :هوووف حبيبتي اية حابة تسمعيني من لول و متقاطعينيش …و متقوليش علاه راهي تحكيلي في حياتها ..أصلا مش حابة نحكيلك ..بصح على جال الخير لي دارو اسلام في جالي ..لازم نرجعهولو …
اية :فهمتش …
اميرة :دوك نفهمك و غير بلعقل ….نهدر ؟
اية :هاه اهدري ….
اميرة :نتمنا يبقا سر بيناتنا باسكو واحد ميعرف بالقصة هدي من غير انا و اسلام و لي سبب فيها ….شوفي اية حبيبتي …انا اسلام كنا جيران قبل ….و كان صديقي الوحيد المقرب …مام تعرفي كيفاش مداير …بصح يعني كنت نهدر معاه غير كيما يكون مليح …المهم هو بدا يخدم و انا كنت نكمل قرايتي و وعدوني دارهم بلي يدخلوني لاكلينيك تاعهم ….المهم قريت و نجحت حمد الله و دخلت نخدم معاهم …هيه من اول الحالات لي درستهم …هي حالة مرض بمرض الذهان …تعرفي واش اعراضو و كامل و تعرفي بلي شخص لي يعاني منو يتعلق بالشخص لي يعشارو و يرتاحلو …ايهيه حبوبتي …الشخص هداك تعلق بيا ….و حبني ..نكذبش عليك انا تاني يعني ولا عزيز عليا …طلب مني نكون معاه و بالفعل خرجت معاه و صاحبتو بصح منبعد بعدت عليه …باسكو مقدرتش نكمل معاه بالتصرفات تاعو ..صح قدرت نبدلو ..بصح حقائق تاعو مقدرتش …كنت خايقة يديرلي حاجة ….الشخص هدا حبيبتي هو هيثم و واعديني جامي تعتارفي لحتى واحد
(يعتقد الغالب الأعم من الناس أن الذهان انفصال عن الواقع، بطريقة ماهو كذلك، ونزيد عليه أن الذهان يتميز بأنه اضطراب في أفكار وتصورات الشخص بحيث تجعل من الصعب عليهم التعرف على ما هو حقيقي وما هو من وحي خيالهم و تصوراتهم وهوسهم، وغالبًا ما تتم مواجهة هذه الاضطرابات على أنها رؤية وسماع وتصديق أشياء ليست حقيقية أو بها أفكار وسلوكيات وعواطف غريبة ومستمرة، في حين أن تجربة كل شخص مختلفة، وعلى كل يتفق الجميع أن الذهان مخيف ومربك للمريض ولمن يتعاملون معه.)
اية بقات مشووووكية و حالة فمها …..
اميرة:ههه تتشوكايش …المهم بقا لاصق فيا …و الشخص الوحيد لي لقيتو قدامي هو اسلام …زعما دار روحو يخرج معايا غير باش نبعد عليه …..و اسلام عندو فوطوات تاع هيثم مع بنات يتمسخر بيهم و يعذب فيهم يهدد فيه توجور بلي حا يوريهملي ادا دارلي حاجة و انا أصلا علابالي غير اسباب باش يبقا بعيد عليا …..المهم حبيبتي …السيد هيثم باش يتنقم واش دار …..
حبست الهدرة و ترشقت بالدموع …و ترجف …….كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 95🌚🌚:
اية بقات مشوكية …و دمعة حصلتلها باسكو علابالها واش معنتها هدا كامل ….
اية:شششش تبكيش حبيتي بلعقل برك زيدي فهميني
اميرة بشهقة :هيييه باش يتنقم من اسلام زعما و مني …يعني كان حاسب صح اسلام سرقني منو و خدعتو معاه …دارلكم مكيدة بلافوطو هديك ….و هو و ادهم لي خرجوها …بهدف نتي يخليك اسلام ادهم يديك …و انا نخلي اسلام و نرجع ليه 😭😭😭😭😭
اية معرفت واش تقول حست لسانها تلعثم ……..
اية :مفهمتش …منيش قادرة نفهم ؟ ياخي راكي تحكي صح ….
زادت فهمتها وحكاتلها كلشششش كلششش من ال @ ل زاد ……
Flash back:
اسلام : هدا صح و لا تزويررر؟؟؟؟
المرأ :كيما تشوف …..
ناض من بلاصتو بلا ما يحوس يفهم ……جا رايح حبسو الجد
الجد :اسلاااااام ارجععععع مزاااال مخلصتش الهدرة مزال عندها بزاف صوالح تقولهم اقععععععد
كان حاب يروح ….بصح عياط الجد عاود رجعو …بقا واقف حاط يديه على طابلة هديك …و يستنا في المرا تهدر ……….
……..
المرا :شوف وليدي هدا خويا …لي فلافوطو مع بنت عمك خويا …وليدي و الله دار آكسيدو فقد اعصاب عقلو ميتحكمش عليهم ..و راهو يتداوى عند بنت عمك …و كي شافوه هكاك استغلوه ….و هاك تشوف بعينيك فليميساج ..و خويا كي عرف بلقصة تاع حلفت لي دارها تعذبو رجعتلو الازمة و لاكريز راهو في سرير مشلول …ميهدر ما يشرب ….فهمني القصة و قررت نجي نصارحك ..خير ما تكشفهم نتا و يروح في الغالط ..وليدي ربي يخليك وعدتني مديرلو والو و الله رفع عليه القلم …حاشاك حاجتو حنا لي ندخلوه يقضيها …و حنا لي نغسلولو …حسبي الله و نعم الوكيل في عيباد كيما هدو ….
اسلام الوحش خرج منو ….
اسلام : و كيفاش نامنك و الراجل راهو يهدر معاه بلفوكال ؟ كيفاش حبيتي نامنك ؟؟
المرا:كون جا يقدر يكتب بيديه كون راه كتب …ني نقولك اعصابو ميتحكمش عليهم …و سوف ليزابال تاعو تسمع المحادثة بيناتهم ….باسكو خويا نديرولو تاع كلش يحفظ في تلفون ني نقولك معندناش ثيقة فيه …..
(لي مفهمش …هيثم استخدم المريض صورو كي كان في لبيرو عند اية يستناها …و مد لادهم يديرلو فوطو شوب …و هدا كامل كاين في الفوكال لي دارو هيثم …..)
كان اسلام جاي يروح لهيثم يقتلو …..بصح جدو حبسو و منعو قالو روح قبل لاية ….الإدلة كامل الاصوات كامل بعثهم لتلفونو و بعثهم لهيثم ….كي صفعاتو اية …و راح يطير ليه …..و صرا لي صرا ….

END FLASH BACK….
اميرة :اية انا و مش فاهمة القصة كيما لازم …اسمعي لاسلام اسمعيه ربي يخليك ..هو لي جابني باش نقنعك ..و جيت باسكو خيرو اولى ….قالي محبتش تسمعلي …و الله شبه هيثم ضرب …
اية بدموع :كيفاش نسمعو اميرة ؟و هو سمعني ؟ و هو كي ضربني كف قدام فريق العمل نرمال؟ و هو كي مشمعنيش نرمال ؟تسما حلال عليه حرام عليا ….عييت اميرة صاي ..قتلو يجي نهار تعرف و يبان كلش بصح هو والو …راني هنا 3 أيام لا ماكلة لا شراب لا قش ..خلاني هنا في فيلا كبيرة و وسط مكانش فيه عيباد …قال تخاف منخليهاش وحدها لازم نسمعها ولا مقالش …أصلا انا مش قادرة نفهم هدي القصة ….كيفاش عرفتو هدا كامل في نص نهار …
اميرة :اني نقولك كان يدير في فوكالات لمريض تاعك و يقنع فيه …قالو عندي صاحبي كذا منا مايهه يخرجلكم فوطو تهبلللل و كان يغري فيه …و المريض هداك نعرفو في زوج حالتو كيفاش ….
حطت اية يديها فوق وجهها و خلات الدموع يطيحو ….
اميرة :حبيتي تبكيش …انا لازم عليا نروح قوي روحك ..انا تاني راني كثر منك ..ديري روحك في بلاصتي ….ني محطمة تحطيم عظيم …و ني نقولك اسمعيلو عيشك ….متكونيش كيفو كوني خيرو ……
كان يسمع لواش كانو يهدرو …و يتوجع اضعافهم ……ميعرف واش يدير باش تسمعلو و تسامحو ….
اميرة :حبيتي صاي …أيا انا نروح يرجعني اسلام لدارنا …و نتي تقلقيش روحك ..ياخي عندك نيميرو تاعي عيطيلي نهدرو العشية نحو على خاطرنا شويا ….
اية بابتسامة حزينة …شادة البكية …
اية :صحيتي اميرة ربي يكثر من امثالك …
اميرة :نطلب سماح منك صباح و عشية و منعرف ادا تسامحيني و الله عذاب الضمير قتلني كون مشي انا كون مصراش العجب هدا كامل ….على وجهي تخربيش علاقتك مع اسلام …ربي يخليك ….
اية :مكتوب ربي اميرة تقلقيش روحك …
اميرة :اسمحيلي حبيتي …أيا انا نروح …
خرجت خلاتها و قالت السلام يرجعها لدار …..كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 96🌚🌚:
اية :
هيثم ! ادهم ! ياا ربييي تشوكيييت …صدمة مورا صدمة 🚫..خرجو خلاوني وحدي ….خليت الماكلة نص طياب و طفيت عليها …مقدرتش نكمل …رحت لفوق ..خليت دموعي يهبطو …عييت عييت …كون مجيتش نعرف بلي الانتحار مش حل كون انتاحرت …بصح واش نربح ؟نربح في آخر نار جهنم …و الانتحااار مش حل مرةةةة….صاي هديك لحظة خليت كلش لربي …كيما حب هو يفريها ..بصح منزيدش نقعد في فيلا هديك تاع جدي ..نروح نكري بعيد عليهم ..و كواغطي دوسيات تاعي نديهم لكاش سبيطار آخر و لا كلينيك اخرى …رانا بقرايتي و بكلش وين نحط روحي يقبلوني …منحتاجش نتذل شحال من خطرة كيمنهك ……مسحت دموعي …و حطيت راسي فوق المخدة و حطيت كيتمان درت سورة الملك …و بقيت نسمع فيها مغمضة عينيا …و نتفكر واش صرالي في حياتي كامل …و مزالني شادة روحي و الحمد الله ……
…..راح رجع اميرة …داها لدارهم و دعها و شكرها كي سمعاتو و راحت معاه باش تقنع اية و لو بشويا باسكو هو ميقدرش يواجهها و هي مش حابة تهدر معاه ….كان يسوق منيرفي …همو كامل زوج رخاس هدوك واش يديرلهم و كيفاش يهدر مع اية ….حبس فطريق شرا ماكلة ….و كمل طريقو لدار الجبل ….
……
في دار الجبل :
لحق كان مزروب يلحق و يهدر معاها و لا حتى يطمن قلبو عليها ….حل الباب …و راح يحوس عليها ..لقا الماكلة حبستها في نص و خلات كلش هكاك …راح طلع لفوق ….حوس عليها …حتى لقاها في شومبرة لي في لخر كامل ….متسطحة فوق سرير …مكمشة روحها …و مجمعة رجليها ..يعني راقدة رقدة تاع جنين ….
اسلام :هوووووف …
خرج خلا الباب نص مغلوق نص مفتوح …راح لشومبرا وحدوخرا …بدل قشو لبس سورفات …و رجع عندها …عاود حل الباب …و راح قرب عندها ….نحالها كيت واحد غير بلعقل …سمع قران ….حار كيفاش ينوضها و لا يهدر معاها ميقدرش أصلا يواجهها ….
حط يدو على كتفها حرك فيها …و مع كي رقدت بدموع ..ناضت مفزوعة و بشهقة معاها …
اية :هاااااه ….
حلت عينيها لقاتو هو …نحاتلو يدو من ذراعها و بعدت عليه ….سڨمت شعرها …و طفات القران …كانت متشوفش فيه …و هو يشوف برك واش دير …
جات تنوض من القعدة و تخرج …
اسلام :حبسي ني حاب نهدر معاك اصبري ….
اية :واش تهدر معايا اه ؟؟؟ واش تهدر ؟ اخطي جدي يا ربي اخطينييي…واش مزالك دور بيا …واش دير مع وحدة جيب غير المشاكل…بلاك تهدر ..و الله نعيط …
اسلام :عيطي ميسمع حتى واحد ..اسمعي نقولك …..
اية:هدرتك خليها ليك باسكو علابالي واش حا تخرط …بعد خليني نروح بعدد….
اسلام :صحا صاي علاه تعيطي …..
اية :غير نتا لي تعيط و تضرب ياخي ..نتا حلال عليك و انا حرااام عليا ياخي …
قاطعها قبل ما تكمل …….
اسلام:هاه صاي هاني سكتت …صاي هاه ….
دورت عينيها …و جات تعدي بحذاه باش تخرج …شدها من كرشها …و قربها ليه ….
شرعت عينيها ….جات تهدر غلقلها فمها بيدو لي مخلطة بريحة دخان و ريحة تاعو ….شداتو من لاڨورمات لي حاطها و جبدت (مش تاع ذهب باش تتفلسفوش عليا تاني )
اسلام :هششش اسمعي و الله كلمة برك و الله …
كانت دير صوت و تتحرك …
اسلام :حبسي اركحي تتحركيش و الله نقولك حاجة و صاي نخليك …
دارت على هدرتو …غير بعد يديه …شاف في عينيها و هي تبعد عليه …
اسلام : شوفي و الله …..
حطت يدها فوق فمها ……و دارتلو :هشششش نحتاجش نسمع و الله منسمع …خليني ياااو نعيفك خليني تضرب وقت ما تحب و تجي تفهم وقت ما تحب …عييت انا عييت فهمت ؟ عييت ادا نتا متعود دير هكا انا مش متعودة …انا نقدرش نظلم كاش واحد نديه لدار يبقا وحدو بلا ماكلة بلا والو …زيد فوق كلش تعرض للضرب و الاهانة …مكانش واش تقولي …شفت واش دار هيثم و ادهم ؟؟نتا لي درتو ضعف واش دارو االاااااف الخطرات نقولك علاه باسكو هوما موعدونيش بلي حا يتبدلو …و موعدونيش بلي حا نكون شرفهم و يحموني …و مغرونيش بالهدرة تاع نكون معاك و رجلي على رجلهم …بصح نتا واش ؟؟ هوما مشي منافقين طلعولي ديراكت في وجهي …و نتا واش ؟؟؟ صاي خليني نروح افهمها كيما تحب تاع تزيد تمسني و لا تقرب مني غير انساها …صاي صح قتلك نتحمل انقلاب تاعك …بصح مش في حاجة تقيس شرف تاعي …
حطت يديها فوق يديه …بعداتو عليها شادة البكية …خرجت و خلاتو رايح فيها…كل كلمة قالتها تتعاودلو شحال من خطرة …صراتلو كيما طفل صغير كي تعاتبو يماه ….زادت رجعاتو ضعيف كثر ….
راحت لتحت مسحت دمعة لي طاحت …لقات شرا هومبرغر ليه و ليها ..محبتش تاكل من حاجة شراها ….قعدت هكاك جايعة …الفشلة و للدوخة يخدمو فيها …..عاودت سڨمت شعرها …حلت الباب و خرجت لبرا …كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 97🌚🌚:
خرج من لاشومبر هديك …يحك في راسو يخمم واش يدير ….
جبد تلفون لقا جدو عيطلو شحال من خطرة …قرر يعاودلو و يطمنو عليهم …غير ريبوندا …
الجد:هكا قتلك اسلام …مشي قتلك الراجل شغلو عليا؟ مشي قتلك روح لبنت عمك اتهلا فيها بقات بلا ماكلة بلا والو …واش داك ليه …مشي قتلك لازم تروح المظلوم مش لظالم …دبر راسك كيفاش ترجعها لدار ..و بلاااك بلاااك تزيد تغلط معاها اني قتلك ….ادا متت نتا لي حا تكون سبة تاعي
جا يهدر اسلام كوبا عليه الجد ….ضرب تيليفون لجيبو ..
اسلام :زمرو كامل تعرفو غير تحصلو فيا …قال نموت بسبتك انا ني حاصل و نتوما كملولي …ياا ربي حا نهبل وين خرجت لخرا تاني ….
حط يدو على شعرو و بقا يجبد فيه ميعرف واش يدير…مش متعود يعتذر و لا يخاف يفقد واحد ….اول مرة خايف هكا على حاجة دارها …
هبط لتحت لقا واش جاب بقا هكاك مكلاتش ….جبد المفتاح حل الباب و خرج ….شاف هكا و هكا ملقاهاش …
اسلام :هففففف هفففففف هفففففف….
راح يدور في الجنان يحوس عليها ….حتى لقاها قاعدة في لارض على الحشيش بصح مغمضة عينيها و يديها محلولين كل واحد في جيهة مرمي ….راح زرب ليها …و قعد فالارض بحذاها ..
جبدها من يدها و حطلها راسها في حضنو …و يضربها ضربات خفاف على خدها …حط يدو على جبهتها لقاها سخونة ….
اسلام :ايي نوضي اييي مينوشة نوضي …ا مصيبة علاه تخلعي فيا …
شدلها ذراعها طلعو و خلاه في الهوا هبط رابيد و وحدو ..بدات تدخلو لخلعة …
ناض و بقا شاد فيها و يجبد فيها باش تنوض ….رفدها و خلاها توقف و عينيها بدات تحلهم ….
شبكلها يديها ورا ظهرو …و بقا شادها من راسها …و هي غير تحل عينيها تعاود تسكرهم ….
اسلام :مينوشة مصيبة بقرة نوضي ..هاه فيقي شبيكي …هاه تخلعينيش ….
اية :همممم …
كان غير يخليها تفقد توازنها ….يعاود يجبدها ليه ..
اسلام :مصيبة حلي عينيك …هاه قوليلي واش بيك اهدري….
اية :ممممممم ….(غير تتمايل مقدرتش تشد روحها )
جبدها لصدرو يمسح على شعرها و يشوف فيها كيفاش ولات …الهالات سوداء قريب يهدرو …و صفرة كي القارص ….
اسلام :مصيبتي حلي عينيك قولي برك راني مليحة و الله معلش ديري واش تحبي ….
زاد شاف فيها لقاها توجور هكاك ….تنهد و رفدها حطها فطونوبيل الجيهة الخلفانية سطحها …راح جبد قشها فدار تلفونها و كلش …و راح يجري راجع لطونوبيل بعد ما غلق البيبان ….حط كلش في لامال و ركب ..غير شاف فيها حط حزام الامان و راح يسوق بكل سرعة ….
كل شويا يشوف فيها لور …يلقاها تحل عينيها و تعاود تغلقهم ….
كي لحق لطريق خالية …قعد يسوق بيد وحدة و اليد لخرا رجعها لور …شدها من يدها غير باش يطمن عليها ….كان خايف تصرالها حاجة بسبتها. ….
غير لحق لاقرب استعجالات في المنطقة ….حبس خرج من طونوبيل خبط الباب …و حل الباب لخلفاني باش يخرجها …شدها من رجليها …خرجهم….زاد جبدها من يديها و نوضها …
شبكلها يديها في رقبتو …خبط الباب …و بقا يمشي فيها …و ضامها لصدرو بكل قوتو ..خايف طيحلو ….
غير لحق جراو ليه الممرضين …دخلوها حطوها في سرير …و جبدو يديرولها سيروم ….و دارولها حقنة رقدت ….
جا الطبيب هدر مع اسلام … و سقساه عليها ….بعد مدة من الزمن و هو يستنا فيها فاقت….راح عندها طبيب و هو غير يشوف فيها من بعيد مش حاب يهدر معاها …أصلا هو السبة ….عاود خرج ليه الطبيب …
اسلام :دكتور طمنني عليها واش بيها ؟
الطبيب :نفسيتها تعبانة زيد جسم تاعها ضعف مهيش تاكل مليح ….و راهي في حالة شوك تسما تكثروش عليها و سايسوها ….و خليوها تريح و تبعد عن كل وسط يقلقها …
اسلام :صحا دكتور و نقدر نخرجها ليوم ؟
الطبيب:وي بصح حتى يخلاص السيروم باش تقدر تديها ….
اسلام :صحا دكتور ميرسي بوكو عطيك الصحة …
الطبيب :بلا مزية اتهلاو فيها برك …
راح الطبيب و دخل اسلام عندها ….غير شافتو دورت عينيها عليه ….راح لفوق راسها يشوف فيها و هي مبعدة عينيه عليها ….
اسلام :علابالي لي جاز فيك مش ساهل …بصح علاه ديري في روحك هكا …ادا صرالك حاجة مش غير نتي لي تنضري ….
بقات ساكتة ….و هو تاني ولى سكت تفكر هدرة الطبيب و قرر يخليها لزمان باسكو زمان يداوي …كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 98🌚🌚:
صباح ناض هدر مع جدو و خبرو بكلشي و العشية مرقدش كامل خدم خدمتو من بيسي ….قبل ما يخرج طلب من باباه يشد بلاصتو اليوم هداك بحجة عندو شغل ….
عند اية :
ناضت صباح مش بكري مع سيرين …لقات روحها ريحت شويا مش كيما البارح ….غسلت كلات شويا متجاهلة لي فدار كامل …تهدر غير مع سيرين …كي سمعت جدها دخل ….
اية :سيرين انا نخليك حابة نهدر مع جدي ….
سيرين :صحا تلقايني في شومبرة تاعي …
راحت اية لعند جدها لي دخل لاشومبر تاعو …طبطبت غير قال ادخل دخلت عليه ….
اية :مسلخير جدي حابة نهدر معاك معلش ؟
الجد :عسلامة اية راكي بخير سافا ريحتي شويا ؟قلقني اسلام عليك
اية :نقولو الحمد الله ….جدي نطولش عليك عييت من الهدرة …أولا جدي كيما قتلك اسمحلي على واش جبتك من مشاكل و ميرسي بزاف كي امنتني من اول مكالمة درتها معايا ….ثانيا جدي مقدرتش نوفي بوعدي ليك …كنت مستعدة نكافح كلش ..بصح جدي مش حاجة تمس شرفي …جدي ضربني قدام الناس …و ذلني قدامهم ..كرامتي كامل راحت …زيد مامنيش …كيفاش نكمل ….جدي اسمحلي منقدرش نكمل و منقدرش نقعد نخدم وين تبهدلت و خدعوني ….و منقدرش تاني نكمل في شركة تصويرررر جااامي جاااامي نرجع لبلاصة وين خدعوني و وين يخدمو الحرام و الحوايج مش ملاح …
الجد :بلعقل عليك اية …علابالي لي جوزتيه …
مخلاتوش يكمل قاطعاتو ….
اية :جدي معلابالكش بواش جوزت واحد ما علابالو …المهم جدي انا نقدرش و قراري الاخير …نقدرش نكمل نخدم في وسط اهانوني …و مع عيباد خدعوني و دارولي مكيدة …
الجد بحسرة ميعرف واش يهدر و مكانش كيفاه يصبرها …تبان بلي محروقة من داخل …
الجد: يااا اية بنتي …علابالك بلي مدرتي والو تسما لازم تواجهيهم …علاه ديري هكا …واش هو الحل زيد ؟
اية: ربي يخليك جدي منقدرش نبقا بين وسط توجور يذلوني …جدي ربي يخليك ني حابة نبعد على وجهي بلاك كي نريح نرجع و نحققلك وعدك ….بصح مش دوكا …لازم نبعد …ربي يخليك جدي قنع وليد وليدك …يخليني نبعد …عييت جدي و الله عييت …
الجد :اية بصح نقدرش نخليك تبعدي علينا وين تروحي ؟ تخلي دار عايلتك و تبعدي هدي كامل ماتصراش …زيد اسلام بلا ما نقولك مش حا يقبل…
اية :؛و على هدي جدي جيتك باش تقنعو …علابالي تقدرلو …كون جا صح حاب يحميني ما يديرش كامل هكاك …جدي وعد نريح نرجع ..بصح كلينيك تاعكم نزيدش ندخل ليها …نقدرش نشوف في عيباد منافقين …و زيد بلاك وليد وليدك يوعي لروحو و كي نرجع نلقاه مستعد باش نوفي بوعدي ليك …
الجد : و المطلوب …؟؟
اية : نكري و لا نريزيرفي في اوتال …و الله جدي ما ندير والو ….وعدتك بلي جامي نطيح بشرف تاعك ..و واش صرا كامل كان مكائد منهم مش مني ….ربي يخليك جدي علابالي بلي مش حا تسمحلي رابيد …بصح خمم و العشية رجعلي بلخبر …خمم فيا جدي …و الله صعيبة عليا …شوف كيفاش وليت ..مانيش حابة نخسر حياتي على صوالح هدو …و الله جدي لي تقولو مرحبا ..بصح نقدرش …خمم كاااامل في واش هدرنا من لي جيت و من لي عرفتك …و تفكر كل كلمة وعدتك و واعدتني بيها ..و دير في بالك بلي ادا ريحت نرجع و نوفي بوعدي ..بصح في حالة كيما هدي امبوسيبل أصلا انا نفسيتي تعبانة و ني محطمة …جدي درتك كي شغل ماما لي معنديش فرصة يكون عندي ياها …و ني فرغتلك كلش …ان شاء الله تقبل برك ….و خمم مليح جدي عيشك …نخليك ترقد و تريح روحك لعشية رجعلي بلخبر ربي يخليك …
….خلاتو متحير ما هدر ما تحرك …خرجت و خلاتو يخمم …و هي كلها امل يقبل …و متاكدة بلي يقبل باسكو علابالو بكلش …..كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 99🌚🌚:
العشية كي تجمعو كامل لطابلة يتعشاو :
كانو كامل متجمعين و متقلقين على اسلام لي خرج صباح بكري حتى لعشية مبانش خبرو …و لي يعيطلو تلفون تاعو مسكر …
كانو يتعشاو كامل بلعقل و واحد ما يهدر كامل متحييرين ….حتى يسمعو صوت طونوبيل لحقت …كل واحد شاف مع لي بحذاه و تنهدو …..
دخل عليهم وجهو كحل يبان عييان ….و على خدو خبش مجروح شويا …..كي شغل تضارب مع كاش حيوان حشاكم …..
اسلام بصوت عيان موجه عينيه لاية لي حاطة عينيها :سلام عليكم …و تنهد
يماه :وين بيك وليدي علاه متريبونديش على تلفون
هجمو كامل عليه بالاسئلة ….
اسلام :كان عندي شغل مع محامي و شويا اجراءات مقدرتش نفري كلش في يوم …و غلقت التلفون
الجد : واش داك لمحامي ؟
اسلام :شغل برك منبعد نقولك …
الجدة :روح وليدي اغسل و اهبط تتعشا معانا ..
اسلام :صحا ….
راح لكوزينة برك غسل يديه …و رجع قعد معاهم …كان حاب يتعشا و يشوفها …..
هي كانت تاكل و الماكلة حصلتلها في نص و هو ياكل بلا معنى شهية مكانش …غير صوت المغارف لي يتسمع و صوت تنهيدات اسلام ….
غير خلصو الماكلة هدر الجد ….
الجد :اسلام و اية نص ساعة نحتاجكم عندي لفوق …
شاف اسلام في اية و هي تاني ….
هي دارت براسها اوك
و اسلام قال أن شاء الله …….
…..هو راح يغسل و يبدل …..و هي راحت تكمل كتيبة لوثيقة لي كانت تكتب فيها (منبعد تعرفو تاع واش )
بعد نص ساعة راحو في زوج لعند جدهم ….
طبطبت اية على الباب حللها اسلام لي لحق قبلها ….
دخلت و في يدها الورقة …غلق الباب و تجمعو قاعدين في 3 ….
الجد :ني موجد روحي لكريز كاردياك لي حا ديروهالي …اسمعو نهدرو بلعقل …و واحد ما يقاطع واحد ..و تاع يتعلا صوتكم ….اسلام نتا فهمتك قبل ما تجي واش هدرت معايا قبيل
اسلام :تتمسخرو بيا ؟ واش هدي جدي تاع تخرج من دار و تخلي خدمتها ؟هدي متصراش
اية : كون حبيت نروحش كون طلعت قد كلمتك …كلمة الاخيرة عند جدي ….نتا معندك مدخلك …
جبدت الورقة حلتها كيما لازم ..و حطتها فوق الطابلة تشوف فيهم ….
شدها اسلام و بقا يشوف فيها ….
اسلام:من نيتك ؟
اية :قرار استقالة باش نستقل من الذل تاعكم …و هاي مكتوبة بيدي و بكتابتي هكا باش تقولش من نيتك …جدي انا قتلك و هدرت معاك و الكلمة الاخيرة تبقى ليك ….
اسلام شاف في جدو …
اسلام :تعرف جدي واش معنتها ا جدي راهي كتبت استقالة …جدي بلاك و تقولها ايه …
الجد : الندامة تجي في لخر …كي نقولك سيطر على روحك و تبقاش تعاتب و تعذب العبياد قدام غرباء لالا ….جات مزال ملحقوش 3 شهر ذاقت المرار بسبتك …توجور تبهدل فيا ….هاه واش جبت بيديك …قتلك انا لي نخلصها مش نتا واش دخلك نتا …؟
مشي قتلك هي مسؤوليتي انا.؟
اسلام بنضرات ميتفهموش :صحا مسؤوليتك نتا ياخي …و انا تاني مسؤوليتي راهي حاملة كنيتي ..و على واش درت قلت غلطت بصح مش لقد لي تخرج من دار فيه رجال لدار وحدها …و لا دير استقالة و الاستقالة علاه ؟
اية :باش منبقاش نخدم مع منافقين كل خطرة مكيدة منبعد انا لي نخلص ….يكفيني همي هدا و نزيد ؟!!!و لا عجبك الحال نتا ؟
اسلام :و شكون قالك مزال حا تخدمي معاهم ؟ ها جدي ها بلاك تخليها …اي ملخر (شاف فيها ) ادا حابة تخرجي من دار علاجالي و الله نخرج انا بلاصتك بصح باش تخرجي نتي لالا ….الوقت صعيب …نتي مرا و انا راجل مش كيف كيف …اي غير مكلاه و الله جدي انا نخرج من دار أصلا صاي راني كبرت برك مكنتش قادر قبل …بصح دوك كي جات سبة و الله نخرج ….هاني حلفتلك علاجالي انا نخرج و انساو هدي تاع تخرجي من دار ….
شاف الجد في اية …
الجد :واش رايك ….بقا يشوف فيها اسلام واش تقول …
اية :انا في الاخير راجعة راجعة لدارنا …تسما مكلاه تخرج و مجيتش لهنا باش نخرجكم من داركم …
اسلام :اووو واش تخرجيني ؟انا لي نخرج روحي مهم تروحيش نتي ….
حشمت تهدر قدام جدها كان يهدر و يحلل فيها كيما طفل صغير …ما عرفت تسمع لقلبها و لا لعقلها ….
اية :جدي قشي وجدتهم قبيل راهم في فاليزاتي موجدين صباح نوض نروح نحوس وين نروح ..و وعد نرجع نشوفك أصلا ديتهمش كامل غير لي نستحق … باش نبقا و لا يخرج هو لالا …أصلا منامنش هكا يقول شحال خطرة ….كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 100🌚🌚:
اسلام : شوفي فيا ني نقولك نخرج انا نتي مكانش خرجة …
اية : و انا هدرتش معاك …كي كنت نشاور فيك كنت دير في رايك تسما دوك انا لي ندير رايي …ني نهدر مع جدي مش معاك …
الجد بقا حاير فيهم و في نفس الوقت كبدتو توجع على احفادو …و على حقائقهم و واش يعانيو و هوما مزالهم غير في البداية ….
اسلام : جدي تعرفني منقدرش نستاسلم بسهولة …ندير واش تحب باش تامن …مهم خرجة تخرجش من دار ….
اية : صحا نمدلك فرصة …شفت واش درتلي كااامل ؟؟؟
اسلام :هيه اهدري وليت انا نتعامل. مع الفرص اهدري ..
اية :ادا رجعت المياه الى مجاريها …و رجعتلي حقي منهم كامل ….و خليتني صح نامن بلي عندي وليد عمي صح كيما تقول راجل و قادر على مسؤوليتو ….و قادر على شقاه ….نبقى عندك يوم واحد و هو غدوا …ابري غدوا ميكون والو نروح انا و وجهي متزيدش تشوفو ….
اسلام :هدا ماكان ؟
اية :ههههه ادا قدرت ديرها …بصح حتى نستشفا صح …و الكف هداك لي ديتو قدام زملاء العمل كيفاش نقابلهم حسبت ساهلة و لا ؟؟؟ دبر راسك …كيما عقدتها بيديك فكها بسنيك …
اسلام :وعد ؟
اية :هههه وعد انا نوفي بوعودي غير نتا اثبتلي بلي صح راجل و ترجعلي حقي و نتا انا لي نرجع حقي منك ….
اسلام :جدي راك تسمع واش راهي تقول ؟
الجد :عندها الحق خليت ما درت نتا ؟
اسلام :ني نقولك اشفا على واش قالت …نديرلها واش حبت يسموها معندها وين تروح ….
الجد :ادا قدرت ديرلها واش حبت و ترجعلها حقها …
ناض اسلام من بلاصتو مزق الورقة تاع الاستقالة …
اية :ياااا علاااااه
اسلام :شغلي هداك ادا مدرتش واش قلتي انا نعاود نكتبهالك ….
خلاها عند جدها و خلاهم خرج …..
……
جاز اليوم هداك …و اسلام مبان عليه حتى خبر …..
عيط لجدو في تلفون قالو منيش جاي ….و اية كملت وجدت قشها كااامل مخلات والو …..و سيرين غير تحلل فيها ….
الصباح على 7 تاع صباح …ناضت اية دارت روتينها لبست و بدات تهبط في ليفاليز تاوعها …..و سيرين دموع يطيحو لها …..
سيرين :ربي يخليك اية ابقاي علاه تروحي و تخليني …
اية :حبيبتي لازم نروح تعرفي بكلش وعد يجي نهار نعاود نتلاقاو باذن الله …..
سيرين :زيدي اليوم برك …
اية :نقدرش نزيد صاي أصلا مش حا يدير والو …البارح مرجعش مامبا لدار …ملقى ما يدير هكا باش خطرة لخرا يخدم بعقلو …
عنقت سيرين اية …و الدموع يطيحو …
اية :تصعبيهاش عليا ….
سيرين :اسمحيلي بلاصتهم كامل ….و ديري في بالك بلي أنا تاني راني محرووقة كيفك ….
………هكاك و ………..

اترك تعليقا