Skip links

قصة : طبيب الحومة ج2والاخير

 5,464 عدد مشاهداات

💉طبيب الحومة💉
❄الجزء26❄
💐منال برنيش💐
سمع الدقان فالزااج ضار كان شي صاحبو
الشخص:دكتور فركلتي ولا مالك
أنيس حل ليه:طلع طلع
طلع معااه وقلعو
فليل
سهام:عرفتي اساطا راه هاد الأيام فينما كنلقا راسي فشي مشكل مكنعرفش مين كخرج وكعتقني
سلمى تنهدات:اه مزيان ابب
سهام:عرفتي راه ضريف وزوين ومأدب ياختي ولكن فاش مشى لداك خينة راه هزيتي الدكتور وحطيتي واحد آخر
سلمى:سهام نسولك
سهام:إلا كان على الدكتور سولي باش منخرجوش على الموضوع
سلمى نيشان:واش كتبغييه؟
سهام بتاسمات وهي حشمانة واخا بوحدها فالبيت:يمكن راه وليت فينما نضور يبانلي ومكحيدش من دمااغي
سلمى قاطعاتها:هادي غير المراهقة اسهام متعمقيش بزاف باش متصدميش معرفتي هو فشنو كفكر
سهام دغيا تقلبو ملامح وجها:عرفت اصحبتي مكاينش احتمال أنه يكون كفكر في حيت اصلا معندوش علاش ديما كلقاني غفلمشاكيل ولكن راه بصح اسلمى تقدر نكون كتبغييه حيت عاوني وكنحس بيه معاايا
سلمى:فهمتك
سهام:احم سلمى زعما يكون مزوج؟
سلمى بلا مانحس:لا لا ممزوجش
سهام:ونت باش عرفتي؟
سلمى حسات على راسها:راه شفتو نهار كان فليسي مدايرش لخاتم مهم عندي فرض من بعد ونكملو
سهام:تانا يلاه بب باي باي
سلمى:بسلامة
وقطعات نيشان وهي تتفكر هادشي عاد مزايد على حدوو معرفاتش كيف تصرف وشنو دير اصلا داكشي فات من طفولتها يعني شحال هدا دابا هي كبرات مكايناش شي اهمية فحياتها دابا على لفات ولكن سهام هي لمشكل دابا مكتحملهاش مين تتهضر عليه ولكن فنفس الوقت صاحبتها وعزيزة عليهااا بزاااف تنهدات وهزات طيلي ديالها دخلات سكرينات لفايس تاعو وانستا تلعب ودخلات سيفطاتهم لها ديك ساعة جاوباتها باوديو شبعان حب كتشكرها وشبعاتها قلوبة بتاسمات وتنهدات تتلقى أفضل صديقة عندها
سهام نيشان لاحت لكتوبة ومقاظاها فرحة تتقلب حتى دخلات لانستا ظيالو تتشوف فتصاورو محساتش حتى ظارت جيم وهو يطفا طيلي تقلقات مخلاهاش تتسقي عويناتها مزيان خخخ

💉طبيب الحومة💉
❄الجزء27❄
💐منال برنيش💐
كانت خارجة تسخر خدات شنو بغات من بعد ماهي راجعة هزات عينيها وهي تشوفو واقف متكي على لحيط وساهيي مشات عندو نيشان
سلمى:سلام أيمن
أيمن شاف فيها بتاسم شوية:سلمى لباس
سلمى:الحمد الله ونت
أيمن:حمدالله اختي
سلمى:مالك ياك لباس؟
أيمن:والو اختي غواقف
سلمى:واش عندك شي مشكل بنتيلي ماشي حتى لهيه
أيمن:لا لا اختي الحمدالله على كل حال
سلمى بتاسمات:الحمدالله يلاه اخويا تهلا فراسك
أيمن:الله يحفظك اختي
مشات وهو تنهد بقا شحال تفكر حتى نزل عندو أمين وتحركوو
دازو ساعات
يلاه غتنعس شعلات طيلي دخلات لواتس كروب لقسم غيتفركع بلميساجات مين قراتهم حلات عينيها بالدهشة شي حد ضبر فلفرض ظلماط ودوك الساقطين قالو لهم بلي لبروف مكبدلش لفروض دغيا جبظاتو بقات تتشوف وتقرا عرفات لشي حاجة ولكن أكثرية لا هي ضعيفة شوية فلماط وحاليا معندهاش باش دير ليكوغ خرجات لعرفات وتنهدات وهي جالسة تتفكر دخلات عند سلمى ملقاتهاش بقات شحال جالسة وهي تدخل لانسطا وهي تصظن قلبها بدأ تضرب كان هو مسيفط لها ميساج تكات ويدها على قلبها كان كسولها كيف بقات وداير لها ابوني واخا مدارتهاش ليه ديك لايك لظارت فرشاتها حسات برأسها وعاد زيد عندو 10k فليزابوني وهي 500 حسات برأسها أنه دار لها ابوني من بين بزااف كمومونطيو ليه وهي من دوك شوية لكتابع دخلات جاوباتو وخرجات تتقلب على شكون يفكها من حريرة الماط أيمن مكاينش من نهار جاز لعند خالتها بقا غيومين من بعد خرج كرا مع شي دراري واخا مبغاتش حليمة ولكن لحالة لفيها هما دابا معندهم ميديرو زفرات وهي جالسة ملقات ليعاونها ةبغات نجيب نقطة زوينة وهادي فرصة لفرض جا تالعندها شافت لميساج ديالو دخلات جاوباتو وهو يطيح لها فبالها متردظاتش وهي تسيفط ميساج
سهام:دكتور واش مسالي دابا عفاك؟

💉طبيب الحومة💉
❄الجزء28❄
💐منال برنيش💐
كان جالس قدامو لبيسي خدام غير كسمع شي ميساج كدخل يجاوبها مكحسش تكلقا راسو ككتب لها
أنيس:مالك شنو عندك ياك لباس؟💬
بعد خمسة دقائق
سهام:راه الأستاذ يلاه سيفط لنا واحد لفرض منزلي بغاه غدا ومفهمت والو ادكتوور إلا كنت مسالي دابا واخا تشوفو عفاااك😢💔💬
ختاماتها بقلب مقسم ودموع ضحك فنفسو وجاوبها:واخا سيفطيه نشوف💬
بتاسمات فرحانة وسيفطاتو ليه قرااه دغيا وجاوبها:فوقاش بغيتيه؟💬
سهام:غدا😧💬
أنيس:صافي انشاءالله💬
سهام هنا صافي تقاداو لها هادشي لكخليها تزيد تعمق فيه حيت كطلقاه ديما هكااا راه بعيدا على هادشي اي وحدة دير معاها غير جيست صغير وتعاونها عمرها تنساه محساك مراهقة دارت اوديو تتشكرو فييه وجاوبها بقلب❤وخرج سد لبيسي على وعدو وسعدو وجلس يعصر فلماط مبغاش يردها لها فوجها وكحس أنه هو باغي يعاونها ماشي حيت تتبقا فيه ولكن شي حاجة أخرى من نهار شافها اول مرة هاد لبنت شي حاجة بزاااف واخا طبيب واحد لمكانة زوينة وكاين الناس لكشوفوهم متكبرين ولكن هو لحتاجو يلقاها ومعناها هي بالذات هادشي ميمنعوش يدير بحال هاد ليجيست الصغار يخرج لها ولا يفكها فلمدابزة خخخخ كحس أنه تاهو شي حد كقرا معا هو فينما يحضر لها مشانقة ولا فشي مشكل سمع الدقان غيكون غعشيرو هدا
انيس:غدرم راه محلول
دفع لباب برجليه ودخل هاز معاه بيتزا طلاح فوق لفوطوي ودار رجلو فوق الطبلة
انيس:فين معاد؟
سعد:راه مريض قالك
انيس:غيكون غير مع شي بنت وطلقها علينا
سعد:دااكشي
بقا ككتب وسعد تتفرج ضار عندو شافو عاصر ومركز وهو يضرب طليلة ورجع شاف فيه:دابا غنبداو نعيطو لك الدكتور لبروف أنيس اختصاصي فأمراض القلب والشرايين والرياضيات؟
أنيس هز راسو شاف فيها وعاود نزلو ككتب حتى كمل دغيا فنص ساعة كملو السيد علمي قح نييت خخخخ صورو وسيفطو من بعد دار لها اوديو
أنيس:ها هو اسهام إلا مفهمتيش شي حاجة سيفطيها لي نشرحها لك يلاه بون كوغاج
جاي يمسح لفرض ورك على الاوديو ديالها تطلق صوتها وهو يبدأ سعد تضحك
سعد:ابعد من لقاصرات اساط راه فعايلهم خايبين فآخر يامك تخلي لعيادة وتمشي تعصر عليها قدام الليسي
أنيس تنهد:اودي راه فكيناها من لمشانقة قدام الليسي نييت تولينا حنا لمشنوقين
سعد شاف فيه وجمعها:وايلي شكون هادي
انيس:اودي نسى نسى
سعد:لا و الله حتى داوي معاك انشوفها
انيس خنزر فيه ولكن مجاوبوش شاف شي ميساج وصل

💉طبيب الحومة💉
❄الجزء29❄
💐منال برنيش💐
ميساج وصل كان هي دخل جاوبها وخرج دار رجل على رجل فوق الطبلة تاهو وبدأ تتفرج بقاو شحال تتفرجو حتى ناض سعد غيمشي
سعد:يلاه تهلاا
انيس:تصبح على خير
سعد سلم عليه:بعد من لقاصيرات نصيحة ابا أنيس
أنيس:تراه مكاين والو اصاحبي
سعد:هانياا ضبر ليا فشي صاحبتها واخا هكاك ككونو حنانات
أنيس:داركم داركم هاظشي مفيهش اللعب
سعد:هي ناوي لحلال
أنيس داخل لبيتو:وسير يلاه توصل وسد من وراك الباب
مشى سعد كضحك وهو طلاح ينعس ولكن بقا شحال تفكر ومزيااان بصح مزال صغيرة وزوينة مينكرش أنها عجباتو وتتبقا فيه مين تشوف تتبكي متنساش اول مرة فاش كانت تبكي حيت مبغاتش والديها يطلقو هادي لخلاتها فبالو وكان كقول أنه محال يعاود يشوفها من غير لرجع لظيك الليسي ولكن من بعد كاع الاحذات لوقعو ولا ديما كشوفها ولا كقول هاظشي بزاف على الصدف وعاد مين ولا يخرج لها ويضرب لبشري على قلبها راه شي حاجة كبيرة هادي تقلب على جنبو ينعس اشغايدير راه هي قدامو لدارها الله هي لكاينة يشوف هادشي فين غيوصل
حليمة تنهدات:لجلسة ليوم عطلاتني على سهام تمشيت لقيت شي حد ملقي ليها حمدالله لقات الطبيب بقات معاه حتى جيت
فاطمة:اه الدكتور أنيس مسكين اختي الدنيا كلها ذئاب راني تانا مساليتش مندوز من وراها قوليلي شدار لقاضي
حليمة:وتراك عارفة قالك مين مكاينش الصلح راه القضية مغطولش والله ياختي بغيت غفوقاش نتفك من داك جلاخة كرهتووووو
فاطمة:هانت مبقا قد مافات انشاءالله
حليمة تنهدات:انشاءالله اختي منكظبش عليك من غدا غنقلب على خدمة بغيت نهز بنتي راك عارفة نشري ليها لحوايج لبغات ندير لها السوايع راك عارفة هاد لعام لباك
فاطمة:انشاءالله كلشي غيتقاد اختي سهام راه بحال بنتي لخصاتها انا كاينة
بتاسمات حليمة وباقة جالسين شوية تنهدات ورجعات لبلاصتعا وتكات بقات تتفكر محساتش حتى طاحت دمعة على خدها سخونة ماماها وباباها قريب يتفارقو حياة أخرى ونمط جديدة بصح مدار فيها كيصلاح ولكن كبقى باباها عاد سمعات ماماها مسكينة اكتحس بيها ضعيفة ومقاسية عاد الطعنة لعطاها محمد صعيبة زادت تأثرات من جيهتها تكمشات وهي تتبكي حتى نعسات وسط دموعها💔

💉طبيب الحومة💉
❄الجزء30❄
💐منال برنيش💐
دازو ايام طايرين
غادية فالساحة منزلة راسها ضارت تخالفات مع شي حد وهي غادية هزات راسها وهي تشوفو غير جات عينيها فيه بلعات ريقها وقلبها بدأ كضرب هو شافها ديك ساعة وقف
أنيس تنهد وبتاسم:سلمى لباس
سلمى معرفات باش تبلات شحال مشافتو واخر مرة جبدات سميتو باها دار حالة وحلف عليها تتفكر ومخلياه واقف قدامها هو عرفها حيت الأوضاع بيناتهم ظابل مثوثرة فعادي يكون ردها هاكا
أنيس:ميمكنش نشوفك ومنهضرش معاك كتبقاي بنت خالي الله يهديه
وختمها بتنهيدة شافت فيه وبتاسمات شوية:نت لباس وعمتي كدايرة
أنيس:حمد الله كلشي بيخير جي عندنا شي نهار بلاما يعرف خالي الوليدة توحشاتك
سلمى:انشاءالله
ودعاتو وتمات غادية وهو يوقفها:سلمى بغيت نسولك على سهام
تلفتات عندو ووجها تبدل وقفات مقابلة معاه ونطقات:مبقيتش تنطلاقا معاها وحتى الواتساب مبقاتش كدخل ليه
أنيس حرك راسو باه:صافي داكشي علاش حيت غبرات يلاه بسلامة ردي لبال لراسك
بتاسم لها ومشى بقات متبعاه تدخل للإدارة شافتو جا قبيلة وتحاشات طلاقاه بقات حاضياه غير من بعيد ولكن دابا هاهي طلاقاتو من بعظ شحااال مشافتو جاي لشي تلت سنين بسبب المخاصمة لوقعات بين باها ومامات أنيس لهما خوت على ود الورث شي لخلاهم يقطعو الصلة بيناتهم تنهدات وبقات متبعاه حتى ظخل للإدارة ومشاات
فبلاصة أخرى
جالسة معنقة مخدة وساهية تتشوف فالسرجم المحلول ساهية فالضو لداخل هادي سيمانة وهي هكا طفات طيلي ديالها مبقات بغات والو من نهار سمعات أنهم بداو فالجلسات تاثرات واخا كانت عارفة غيتفارقو جاتها عادي فالأول ولكن فاش تحققات جاتها صعيبة حيت ماشي صغيرة حتى كبرات عاد تفرتك الشمل وخرج العيب
تفتحات الباب شافت حليمة وهي تجلس

💉طبيب الحومة💉
❄الجزء31❄
💐منال برنيش💐
حليمة:مالك اسهام راك حالك معاجبنيش
سهام:والو إماما غير لغيكل
حليمة جلسات حداها:قوليلي ابنيتي مالك عندك شي مشكل فلمدرسة
سهام حركات راسها بلا:لا والو اماما والله مكاين والو
حليمة بتاسمات:بصح
سهام بتاسمات تاهي شوية:والله اماما غير لقنطة
حليمة:يلاه نوضي سلمى تتسناك فالصالون
سهام لاحت الغطى:بصح؟
ناضت عندها شافتها بتاسمات وهما يتعانقو
سلمى:توحشتك شهاد لغبرة
سهام:حتى انا والو غير الدار
سلمى شافتها حيدات الكبص:على سلامتك احبي
سهام:الله يسلمك ايوا؟
سلمى:والو ياختي مهم راه جيت نقوليك أميرة بنت قسمنا عارضة علينا لانيف ديالها
سهام تنهدات:محال واش نمشي
سلمى عبسات:علاش اصاحبتي بغينا غير نشطو شوية ود
حليمة:سيري مالك
سهام:مافياش
سلمى:احيظي منك العكز اصاحبتي غدا غير السبت وااه
سهام:صافي تنشوف
سلمى:لا راه غتمشي
بتاسمات شوية وبقاو شحال تهضرو من بعد جا وقت فين تمشي سلمى نزلات معاها للتحت
سهام:فراسك هاد الأيام غير مدرسة للدار مخرجتش
سلمى:مالك اساطا ويلي علاش
سهام:وغير قنطت وصافي والله مليت كلشي
سلمى تنهدات:صافي احبيبة كلشي غيتقاد
سهام خشات يدها فجيبها:اودي انشاءالله
سلمى:احم راه سول عليك الطبيب
سهام:بصح فين طلاقيتيه؟؟
سلمى:اه فلمدرسة جا عوتاني على حسب داكشي دكورونا قالي بلي مظاخلاش فواتساب واش تتهضري معاه
سهام بتاسمات:زيدي نزيد معاك شوية ونعاودلك
بقاو تتمشاو وهي تتعاود ليها سلمى تتسمع وتجمع فظاخلها وش هام تعاود وتضحك وتبتاسم:وهاظشي لكاين شنو بانلك
سلمى:معرفتش بنادم متعرفيش شنو ناوي
سهام:عادي اصاحبتي ماشي على شي حاجة كنعضرو ولكن بصح اسلمى واقلة احم كملي كن رأسك
سلمى:متنسايش نت مزال صغيرة وهو راه طبيب راه سالا داكشي ليلاه بادية نت واصلا الناس مفيهمش الثقة
سهام:ابشةية ابشةية راه غير قلت لك شنو كنحس ماشي تصاحبت معاه اويلي
سلمى تنهدات:نت راك عزيزى عليا راك عارفة شحال من وحدة فليسي معانا شتتعاود ايوا اختي لواحد يخاف
سهام:بصح يلاه بسلامة هاهو طاكسي
ودعاتها ومشات وهي راجعة ويديها فجياب المونطو حتى قربات توصل محساتش حتى وقفات تتشوف وتقرا فشنو لاصق ديال فلحيط ظيك لبلاصة فلان محامي فلانة دكتورة حتى جات عينيها فيه وتنهدات وهي مبتاسمة
أنيس قاسمي أخصائي فامراض القلب والشرايين ولتحت مكتوب رقيق أنه حاصل على الشهادة فرانسا شي لخلاها تعاود تنهد وتعاود تضور هضرة سلمى فراسها بصح بعيد عليها فراق السن بزاااف وكقالت الناس مفيهم ثقة ولكن هو تتحسو بحالة مكاينش بحالو فينما تفكر تبدأ تقول هكا تفكرات فاش قالت لها سول عليك وهي تعطي رجليها للريح وطلعات تحسب فالدروج

💉طبيب الحومة💉
❄الجزء32❄
💐منال برنيش💐
طلاقات بواحد السيد وهي تسولو:عفاك العيادة ديال الدكتور أنيس
الرجل:الطابق الرابع ابنتي
سهام:صافي شكرا
مشات كملات الظروج غير طالعة والا سولها مالك شغتقول ليه جيت نشوفك ازين ههههه وصلات وهي توقف قدام الباب ودقات وهي تخرج عندها واحد خيتي
خيتي:وي شخاصك؟
سهام:بغيت نشوف الدكتور أنيس
السكريتيرة:عندك موعد؟
سهام:لا ولكن راه غادي يعرفني غير قولي ليه
السكريتيرة:لا اختي سمحيلي خاصك رونديفو واصلا هو قريب يخرج كونجي غتصبري حتى يرجع يدخل هاد الأيام عامرين
سهام ففصاتها تتزرب عليها فلهضرة:وغير سمعي انا راه ممريضاش غير
السكريتيرة وقفات وتمات جاية عندها:ايوا اختي هنا بلاصة لمريض سيري أختي مرة أخرى واجي الدكتور أنيس ممساليش
سهام هنا صافي تنترات منها:صافي طلقي مني اويلي ابشوية عليك تنفسييي تنفسيي
السكرتيرة:شنو دابا باغية ضاربي
سهام:مبيني وبينك والو باش نضارب معاك ولكن شوفي رأسك كيفاش كتهضري
تحل لباب وخرج حيد النظاظر يلاه قالها شواقع هو يبتاسم حتى بانو ضراسو خخخ جاي عندها نيشان
السكرتيرة:معرفتش ادكتور شنو بغات قالت ممريضاش
أنيس كشوف فسهام وهو يضور عندها؛صافي أسمهان غير سيري دابا تلغدا
وضار تهضر معا سهام قالها تجي معاه وهي غادية ضارت عندها تتقلي لها السم وسد موراه الباب
انيس:لفين غبرتي ياك لباس؟
سهام:لا والو غير مكانش عندي لخاطر لطيلي وعاد لفروض
أنيس:اه ايوا مزيان كدوزتي
سهام:مزياان حمد الله نتمناو تكون شي نتيجة زوينة
انيس:انشاءالله اه على سلامة
ونعت لها فرجليها بتاسمات ةظاخلعا غيطير بالفرح كعجبها الحال فاش تسولها كيف دايرة مطتبغيهش يسكت
هو ستيلو تكتب وهي خدات راسها تتشوف فجنابها وتبركك ومرة مرة تبقى تشوف فيه وهو ككتب وديك اللبسة دلخدمة كيف جاتو سالا معاها بقا لها غشوية تنوض تبوسو وتعامل ديالو الضريف معاها هو لمخليها تزيد تتعلق فين تفلق أخيرا وقفات غتمشي:يلاه نخليك دابا غنمشي
أنيس:بلاتي شوية حتى انا غنخرج تسناي

💉طبيب الحومة💉
❄الجزء33❄
💐منال برنيش💐
سهام جلسات:واااخا مغتعطلش
أنيس حط ستيلو:صافي ساليت
ناض هز لافيست ديالو لبسها وتهضر معاها من بعد هز بيسيه وتماو خارجين يلاه اتحل لباب فنفس الوقت حتى هو حط يديه وهي تقفز وضارت عندو كان قريب لها لدرجة أنها تقرب غير شوية تعنقو هادشي مكانش مخطط ليه يعني غير هكاك تلقائي ومين دابا قراب فحتى حد فيهم مقدر يبعد وهاظشي كاكد على أن كل واحد كعني للآخر شي حاجة تلفتات كاملة وتكات على لباب قلبها كضرب عويناتها عليه هو حط يدو على لحيط وليد لوخرا حطها لها على شعرها كدوز عليه بشوية حتى وصل لعنقها وغرس صباعو بشوية فشعرها بلعات ريقها وغمضات عينيها غتسخف فهاد اللحظة وهو قريب لها بزاااااف غتضعف غيعرف بلي قلبها كدق ليه غيعرف بلي تعلقات بيييه بزاااف من نهار بان فحياتها حيت لقاتو فجنبها فلوقت لكانت فقدات الذرع الحامي ليها لهو الأب ديالها حلات عينيها وقلبها وقف مين حسات بقبلة دافئة تحطات على راسها رمشات بشوية وهزات راسها فيه غير طلاقاو عينيهم وهو ينطق:كنبغيك❤
سهام عويناتها دمعو حيت تخلط عليها كلشي دابا وفرمشة عين مكانتش متوقعاها وش حال زوين داك لفقلبك يعتارف ليك حتى هو بشنو كحس شي لفوووق زوييينة بزااااف دمعة كانت نازلة ولكن حبسها ومسحها لها طلاحت عليه عنقاتو وهي تتبكي تتعنق فيه بحالا غادي يهرب وتتبكي فرحة مخربقة حتى هو عنقها تتبان صغيورة وهي مخشية فيه اصلا هو طويل عليها وحتى قصيرة خخخ بعد شوية وشد لها وجها بين يظيه كمسح لها دموعها
أنيس:شووو متبكييش حتى حاجة متستاهل دموعك
سهام بتاسمات وسط دموعها:واش هادشي بصح
أنيس حرك راسو باه مبتاسم:اه بصح انا معاااك ودي ما معااك ونت ديالي تافقنا؟
تمالكات دموعها وسط ابتسامتها وعنقاتو تاني جلسة حب وعشق بينهم مبقاوش القلوب تبقى ساكتة وتفتحات وخرجات شنو فداخلها تتحس بيه وكل واحد بين انا لآخر ساكن فيه ومتعلق بييه بمحض الصدفة تنسج حب زوين هادئ صااافي بين القلوب

💉طبيب الحومة💉
❄الجزء34❄
💐منال برنيش💐
كانو نازلين من بعد مخرجو من العيادة خرجو من لسانسور بقاو شي تلاتة دريجات صور يدو على خسرها حيت تتعرج شوية من بعد الكبص وشد فيها ونزلو وهي ربي لعالم بفرحتها هاد الاهتمام لمفرحها بالزااايد وهو معارف فاش كانت طالعة واخا تتعرج طلعات طيارة عندو خخخخ ركبات معاه دغيا وحيدو من تما هي عيطااات لحليمة قاتلها انا مع سلمى عيطات لسلمى باش دمص لقضية لسولك انا معاك ولكن مقالتش لها علااش بغات تبقى معاه غير هو دااابا وتنسا كلشيي
ساهية تتفكر و عينيها فالبحر متكية على طوموبيل وهو حداها ضارت عندو لقاتو كشوف فيها بتاسمات شوية وتنهدات
أنيس رجع لها شعرها بشوية ورا وذنيها:مالكي؟
سهام شافت فيه وربعات يديها:نت عارف دابا شنو كندوز منو انا وماما يعني راع حياتنا عامرة مشاكيل وصداااع
قبل تبدأ تعبر سكتها وقرب لعندها وشد فيها:شووو سمعيني دابا مين نت معايا أي حاجة تتخصك تتخصني حتى انا انا معاك مكهمونيش لمشاكيل حيت طال الزمان ولا قصار كتحلو أما هذا(نعت فقلبو)معمرو شنو فيه مكتمحا أنا معاك اسهام
بتاسمات شوية مخلا لها متقول دابا حطات راسها على صدرو وهو ضور يدو على كتافها محساتش حتى بتاسمات ابتسامة عريضة فرحانة ولات بحال لهبيلة غير تتفرنس خخخ بعد شوية ونطق
انيس:عندي واحد العملية بعد غدا غير ندوزها وغادي نجي نهضر مع ماماك قوليها لها
سهام تصمكاات بقات غير تتشوف فيه بحال واكلة عجينة😂وهي تهضر:واش انا؟
انيس:لا لمن وراك فيقي اسهاام راه مكتحلميش
سهام حطات يدها على قلبها:اييي قلبي كضرني وكجري أنيس:عمرني فحياتي سمعت بحال هاد لحالة ياربي سلامة
بدأت تضحك وحتى هو تلفتات غير شافتو وهي تلصق فيه خاشية وجها فصدرو:ناااريي خبيني خبيني ويلي
أنيس مفهم والو:شنوو مالك؟
سهام:وخبيني خبيني خووياااا
أنيس تشوف فجنابو:فين هو؟
سهام تتحاول تعطي بالضهر لجهة فين شافتو ومع كانت لابسة تجاكيطة أنيس تتمخشش فيها وجاية قدامو باش تخبى على أيمن إلا شافها يقلب الدنيا عليها

💉طبيب الحومة💉
❄الجزء35❄
💐منال برنيش💐
بقات شحال هكاك وهو مرة مرة يضور يشوف واش زاد ولا كان أيمن وشي دراري مبيهش هو على قبلها هي لايتجبظ لها ذي صداع عارف بحال هاد لمواقف طلات شوية وهي تزفر
سهام:صافي مشى مهم تانا خاص نمشي
حرك راسو باه وركبو حطها شوية بعيدة كيف بغات ودعاتو ومشات طالعة وتضحك تضحك و فرحانة خلات حليمة تشك سيمانة وهي مطرقة عليها خرجات ساعتين رجعات وحدة أخرى ليه وعلاش لا وهي كانت مع حبيب القلب خخخ اصبري احليمة راه جايبة ليك النسيب بسيف متكون طايرة سدات لباب وطلعات تتنقز فوق الناموسية وتضحك وتضحك فرحتها مقاظاها
نهار جديد
سلمى:صافي جيتي فنة
سهام تتشوف فلمراية:وحتى نت ابب يلاه باش منتعطلوش
هزو سيكانهم وخرجو كانو فظاى سلمى باها باقي خدلن ومها مشات عند خالتها هي لجابتها بزز حيت غتظخل للدرب ولكن لصقاتها تجي تلبس عندها لاحو عليه مونطوات على لكسواي وخرجو شدو طاكسي نيشان للدار
سهام:ياربي ميكونش شي حد متنحملوهش
سلمى:وإياه مبغينا لمورال يخسر
دخلو سلمو على مولات لانيف وباركو لها ودخلو كانت الدار عامرة بنات الليسي فين كانت تتقرا لمن عائلة لبنت شي صحاباتها متعرفوهمش لبنات وشي دراري من عائلة لبنت سهام تتسلم على بنات قسمها وجلست كهضرو موسيقى خفيفة مطلوقة والدنيا غطرطق الدار كبيرة وعامرة بشري تقول عرس ماشي انيف بقاو تقريبا شي ساعة غير كهضرو سهام تلفتات غير شافتها وهي تعبس نعتات لسلمى لضارت تاهي شافتها خنزرات
سلمى:اصلا هي فين مكانت شي حاجة بحال هكا تكون
سهام:مهم انا غتحك عليا غنوريها شغلها
عاوظات ضارت لقاتها واقفة مع واحد زوج دراري ونيت تاهي تتشوف فيها ضربات فيها تخنزيرة وضارت عند لبنات جا وقت تقطاع الحلوى ضحكو ونشطو مزيااان واحد خينة لصقها لصقة ليهود عيات متحاشاه ولا بغا يحشم فالاخير قاتلو مخطوبة خخخ اييه سبقو الدكتور
هما جالسين كضحكو وهي تنقز واحد بنت قسمهم:سهاام غني لينا شي حاجة
بنت 2:اه ياختي طربينا
سهام:لا لا اويلي
مولات لانيف:عفاك عفاك مكاين تاحد براني
بظات تتضحك حشمانة شافت فسلمى تاهيا قالت لها نوضي تشجعات وهي تنوض هبة شافت فلقالت لسهام نوضي غني غمزات وضارت عند واحد خينا مين دخلات وهو معاها دوات ليه فوذنيه وحرك راسو باه

💉طبيب الحومة💉
❄الجزء36❄
💐منال برنيش💐
بدأت تتغني وتمايل مع الأغنية وصوتها حساس كطرب الوذنين محاساش بلي حاضينها وكصوروها هبة تطبع وتنزل فيها غتاكلها بعينيها كتكرهاا بزاااف كملات وهي تبتاسم وبداو كصفقو عليها بتاسمات ورجعات جلسات
سلمى:الشهب غياكلك بعينيه صراحة تيتيز
سهام:معندي مندير اختي
سلمى:بقاو متبعة طبيب يدير ولادو وتيتي على قالب سكر النمر
سهام:غير خليني اختي
سلمى سكتات اصلا معرفة والو معاوداتش ليها شنو وقع سالات لحفلة وكلا ناض لدارهم عاةظ تبعها داك خينة خدات نمرتو غير باش يبعد منها ولكن غير زاد مسحاتها شدو طاكسي ومشاو كانت اتبات مع سلمى
الولد:لاش بغيتيه اصلا راه عادي ماشي شي حاجة خائبة فيه
هبة:ماشي سوقك سيفطو لي
سيفط لها لغيديو لقاتلو يصورها وهي تتغني من بعد مشى وحتى هي وهي غادي مبتاسمة نطقات فخاطرها:ياك مباغيكش تغني هاحنا غنلعبو معاه شوية ونزيدو نسخنو الطرح مزياان مكاين ميدار
دازو ايام طايرين
حليمة:كيفاش شكتقولي؟
سهام:هادشي لكاين
حليمة وقفات:لخانزة يلاه عالماني نوضي تهزي للحمام
سهام ضحكات وناضت عنقاتها جات فاطمة قالتها لها فرحو واخا مزال مفاهمين والو ولكن خبار زوينة هادي على صباح ناضو كقادو الدار عيطات ليه فرحانة قالتها ليه
من بعد مشات للحمام وزادت للصالون قاظات وهي خارجة شدات طاكسي مشات عند سلمى بغاتعا تكون معاها فهاد النهار
سلمى بلعات ريقها:بصح؟
سهام حركات راسها باه وهي مبتاسمة:تانا متيقتش ولكن راه بصح نوضي لبسي خاصك تكوني معايا
سلمى تصمكات بقات غير تتشوف وهي تنطق:سمحيلي اسهام منقدرش فيا لوجع اختي
سهام:وفير نوضي عفاك عندي كينة نعطيها ليك
سلمى:و الله اختي سمحيلي منقدرش ومهندي خاطر سمحيلي والله يكمل بيخير
زربات عليها عنقاتها سهام مبغاتش تحكر عنقاتها تاهيا بقات معاها شوية ومشات بحالها غير سدات لباب دخلت لبيتها وجلسات وهي تتفكر

💉طبيب الحومة💉
❄الجزء37❄
💐منال برنيش💐
دابا هادشي زاد على حدو بزاااف معرفاتش شنو دير كانت تتقول من بعد وغاظي يغير ولكن دابا عرفات أنه بغاها كااع صاحبتها نييت أكيد غتقلق منها إلا عرفات حيت مدة طويلة وهي تتعاود لها علييه ولكن مدواتش فأكيد غتقولها تتكذبي عليا وكدا وغيبقى فيها الحال عاد من جيهة أخرى قبل ميوقعو المشاكيل كان عندو مكانة فقلبها اه كانت تتبغيه وهو اصلا ضريف كان تتعامل معاها زويين شي لخلاها تاهيا تعلق بيه وتبغيه ومن بعد لمشاكيل وباها قطع لعلاقة مع عمتها لهي ماماه آخر مرة جبظاتو على فمها باها دار حالة باش متبقلش تحبظهم وهاهي ضارت الدنيا والاقدار وعاوظ طلاقاتو وهاد لمرة مع أقرب صديقة ليها خافت أنها تقلق منها فنفس الوقت كانت باغياه هي ودابا مكتابش ليها تنهدات وتكات تتشةف فسقف وبالها شارد
لبلاصة أخرى
واقفة ومتوترة تتسمع كلامهم قلبها كضرب وكتفرك يدها بزوج فرحانة وخايفة فنفس الوقت كانت لابسة قفطان غوز مطرز بخيوط رمادية تتبري طالقة شعرها مكياج خفيف جات كيوت تتسنا تعيط لها مها نجيب صينية دخل عندها خوها تنهد وبتاسم وباسها على راسها
أيمن:مقلتي ليش فين عرفتيه؟
سهام:هو راه طبيب كان جا عندها واحد النهار للمدرسة
أيمن مخلاهاش تكمل:أي حاجة تخليك فرحانة انا قابل مبروك عليك
سهام بتاسمات وعنقاتو سمعات حليمة تتعيط هزات الصينية وتنفسات بعمق وخرجات عندهم محدها تتقرب وهي تتقول غنسخف حطات الصينية ودازت تتسلم جا هو وماماه وباباه أكيد نجاة تتعرف حليمة وفاطمة جلسو على لحتيت وانيس وباباه وأيمن ولحاج راجل فاطمة مجمعين بحدهم كانت جالسة حدا نجاة هزات عينيها فيه غمزها بتاسمات وضارت عند نجاة تتهضر معاها سمعات طيلبفونها صونا وهي تنوض كانت سلمى
سهام:اول ختي
سلمى:سهام دخلي شوفي فلفايس لفيديو ديالك تتغني راه تبارطاجا

💉طبيب الحومة💉
❄الجزء38❄
💐منال برنيش💐
سهام خرجات عينيها:كيفاش اويلي شمن فيديو
سلمى:وفلانيف اساطا معرفتش شكون صورك وراه بزاف مبارطاجينو معرفتش شكون لاحو الأول
سهام ندبات وجها:اويلي قطعي قطعي وسيفطيه لي
سلمى:صبري
قطعات وسيفطاتو لها دخلات شافتو وهي تترعد تتشوف ليكومونطير بنادم كشكر صوتها هنا بقات يشوفو باها يقتلها من ديما محلف عليها تغني يقتلها ممخليش صوتها وموهبتها تبان وتخرج عاد خوها وانيس تكات على لبوطاجي تترعد فيها البكية هزات راسها فاش شافتو داخل جا عندها بزربة
أنيس:مالك شنو واقع
سهام فمها كرجف وفيها البكية:أنيس راه ماشي لخاطري معرفتش شكون دارها
أنيس:شنو اشواقع قولي
وراتو لفيديو وهي تترعد وخرجو دموعها وهي تتشوف فيه وتتسنا ردة فعلو هز فيها راسو وهي تبلع ريقها ونطقات وهي تتبكي وتهضر بشوية باش ميسمعوهاش:أنيس راه و الله ما ناوية هادشي يوقع راه كنا فعيد ميلاد او
أنيس قاطعها:صافي علاش تتبكي علاش؟
سهام:سمحيليا بزاف والله هئ هئ هئ
انيس:هادشي عادي موقع والو متبكيش
سهام خرجات عينيها فيه:ما ما متقلقتيش ولكن عرفتي بابا راه غيقتلني وأيمن تاهو
تلفات حطات يدها على وجها شد فيها صورها عندو قابلها معاه ومسح لها دموعها:شووو هادي موهبتك عادي إلا خرجتيها وماشي شي حاجة خايبة لتخليك تبكي راك غير تتغني انا بالنسبة ليا عادي ونت دابا محسوبة عليا باباك معندو ميقول
مخلا لها متقول عنقاتو وهي تتبكي وهو كسكتها بعدات شوية وتمسح لها دموعها ويطمنها بلي عادي فرحات فنفس الوقت حزنات حيت باباها لهو لخاص يشجعها كان قامعها وقامع موهبتها لمن حق أي واحد يخرجها ولكن مخاصش هاظشي يأثر عليها حيت ربي عوضها بواحد الشخص لمعاه مبقاتش تتحس بنقص الحنان معاه كتحس راسها آمنة وفرحانة غادي طير ومبقا والو وتولي معاه وظيالها بوحدها
انيس:انا غنسبقك غسلي وجهك خسرتي الزواق
سهام ضحكات وسط دموعها:لميكاب هدا
انيس:صافي الالة يلاه متعطليش
خرج وهي تنهدات ورسمات ابتسامة صغيرة على وجها غسلات وجها ومشيت للبيت قادات ظغيا ورجعات عندهم
نجاة:ايوا اللالة حليمة راك عارفة علاش جاية والا قبلتو علينا راه بغيت بنتك لولدي ومنلقاش محسن منك
حليمة بتاسمات ابتسامة عريضة:راه انا لمنلقاش محسن منكم تبارك الله ناس الله يعمرها دار ولدكم الله يرضي عليه ويكثر من امثالو
الحاج أب انيس:ايوا اشقلتي ابنتي
سهام تزنكات وبتاسمات ونزلات

💉طبيب الحومة💉
❄الجزء39❄
💐منال برنيش💐
ونزلات راسها وحركاتو بآه وقلبها غيطير باس لها راسها أيمن وحليمة وفاطمة بركو على الزغاريت مقاداهم فرحة أما سهام قالت لهم متعرفوش
الحاج راجل فاطمة:سي الحاج ولدي أنيس نقراو الفاتحة
الحاج:بسم الله
قراو الفاتحة مجموعين تعشاو ضحكو فرحانين تافقو على كلشي بلي فلخر ظالشهر غيديرو العقد أنيس قالهم بلي يديرو لعقد يديها معاه والعرس فالصيف علاما تسالي الامتحان سالاو ومشاو بحالهم سهام دخلات لبيت فرحتها مكاينش لها سطااج تكات نسات قضية الفيديو مخلاتوش يعكر مزاجها مخلاتوش ينسيها أنها فآخر الشهر غتولي مراتو حلالو غتولي معاه مع الشخص لفينما طلاقاه تكون غارقة مشاكيل تبدأ تضحك فرحانة
حليمة:انا قبلت يديها معاه من ورا لعقد حيت راكم عارفين شنو كاين مبغيتهاش تجرجر معايا فهادشي لانا فيه غيكون بالي مرتاح من جيهتها غتكون مع راجلها وحتى هو بانلي ولد الناس
فاطمة:لا هو الله يعمرها دار ضريف ويشد الخاطر عزيز على لحاج هو لمتبع عندو ايوا الله يدير لفيها لخير
حليمة:ميهم العرس حفلة وغدوز لمهم هو معامن نت
فاطمة:واياه داكشي
نهار جديد
سلمى عنقاتها:مبروك احبيبة مبروك
سهام:الله يبارك فيك عرفتي راه مقالي والو فقضية لفيديو
سلمى:تانت راه عادي غير باباك الله يهديه اصلا راك غير تتغني
سهام وهي تتفكر:واياه عرفتي شنو عرفت واقلة مول لفعلة
سلمى:شكون يكون زعما؟
سهام:تبعيني
نزلو من دار سلمى وهما غادين بانت ليهم حسنة خارجة من الصالون تتهضر مع هبة لرجعات دخلات فاش وصلو مشافتهمش حسنة زادت وهما دخلو عليها
هبة ضارت:اشكاين سدينا
سهام:واخا نخلي شعري مخبل ومانجي نقاد عندك نت
هبة:شباغية؟
سهام:نت لصورتيني ياك ولحتيه
هبة ضحكات:هههههههه يلاه وصلاتك ههه درت لك شوية الإشهار
سلمى:وعلاش ماعندكش الحق تصوريها
هبة:سيري سيري باباك كقلب عليك شرا سمطة جديدة على قبلك قفرتيها
سهام قربات عندها:ياك بعدا غير تنغني ماشي تنمشي نهز رجليا حتى تصيدت فالاخير غادية مطيحاه مفكرت لا فربي وشنو نقوليه نهار نوقف قدامو
هبة خرجات عينيها وهي مصدومة وبلعات ريقها:شتتقولي شتتخربقي نت سيري بحالك خرجي
سهام:ايوا شكون لقاسحة فيها الشوهة والا عرفو دارهم علام الله شغيوقع وحدة تتغني ولا وحدة حملات وطيحاتو
سلمى:ايوا هضري مالك سكتي
هبة غوتات:خرجوو تw9ظو عليااا خرجوو
سلمى:ايوا شبانلك دابا نقصدو حسنة هاا

💉طبيب الحومة💉
❄الجزء40❄
💐منال برنيش💐
هنا هبة تفركعات عليهاااا:تتحاماو ياكو نت بعدا لدايرة فيها صداقتي سر سعادتي قايلة لها بلي داك طبيب لنهار كامل وهي لاصقة راه ولد خالك هااا
سهام:انوضي ديها فالجيهة ضاراك براكة من تخرميز خاصك غير لاش تشعلي لعوافي بأي طريقة
هبة:ونوضي رآها مخوراك سوليها سوليها نت نيت اهضري ازين لاش سكتي
سلمى بلعات ريقها وشافت فسهام عيات متخبي هاهي تفرشات ومن عند لعديان ولكن ماشي لخاطرها سهام ضارت عندها:سلمى واش هادشي لتتخربق هادي بصح؟
هبة:بوذني سمعتو تقوليها راك بنت خالي وميمكنش منسلمش عليك كاين هادشي ولا لا
حسنة دخلات:اشهاد الصداع بسم الله الرحمن الرحيم نت مك متفكينا منها فالمحكمة خرجتي نت هنا
سهام هزات ساكها:هانا غادية عباد الله وارثة الفلوس ونتوما عندكم النكير سلالة ايخ
حسنة:سيري الله يغبرك
خرجات مكسيريا وتابعاها سلمى وهي توقف قدامها:عارفة كان خاصني نقولها لك ولكن مقدرتش
سهام:علاش ظيما كنعضرو وكنعاود لك عليك مخلياني داوية غير هكاك
سلمى:راك عارفة شنو عندنا راه لمشاكيل لكنت كنعاود ليك بين بابا وعمتي سالاو بلمخاصمة عارفة عارفة كان خاصني نقولها لك إسهام ولكن سمحيلي راه شي حاجة كانت تتخليني نتراجع سمحيلي
سهام:كانت غير تانية لغتكلفك باش تقوليها لي اسلمى وانا مكنخبي عليك والو اصحبتي
سلمى قربات وعنقاتها:عارفة عارفة غير سمحيلي والله حشمانة منك سمحيلي
سهام تنهدات وطبطبات لها على ضهرها:صافي موقع والو
سلمى:نت راك ختي ميمكنش أمثال هبة يفرقونا
سهام بتاسمات لها وحتى وهي تنطق:صفارت فاش عرفاتنا عارفين بلانها
سهام:الله يستر ياختي هاديك بوحدها الله يهديها
يلاه غتهضر سلمى وهي تشوفو بقات مجمدة وهي صور سهام شافتو وهي تنهد ظاز من حداها مدواهاش غير فاتها شوية محساتش حتى تبعاتو
سهام:بابا
سمحمد وقف وضار:اشبغيتي؟
سهام عينيها مغرغرين:بابا لباس؟
سمحمد:سيري لعندك شي شغل قضيه
سهام زادت زطمات على قلبها وزادت هضرات معاه:بابا انا راه تخطبت وقريب غادي نتزوج ههه
ضحكات وسط حزنها ودموعها ليغنزلو طلع ونزل فيها وضار غيمشي:شكون نت بعدا مسوقيش فيكم ديرو لعجبكم نت وطريكتك ونزيدك واخا نشوفك عريانة فالتيليفون منديهاش فيك ممم قاتلك الزواج داعية فيه مو هظا لظاير راسو فيكم ايضرب معاك شهر وتهربيه كيف مك
لاح عليها هضرتو كالسم كالقرطاس زاد وخلاها واقفة مسمرة قلبها كتقطع كقطعو كلامو لكيف الخنجر قطعها من الداخل عينيها كيف الروبيني كسيلو بالدموع شافت فسلمى لبغات تنطق وهي تزيد وخلاتها

💉طبيب الحومة💉
❄الجزء41❄
💐منال برنيش💐
أسبوع وهي سادة عليها كانت العطلة مخرجات موالو غير ناعسة وغيؤ تتفكرو تتبدا تبكي حيت قاسحة بزاااف وباها من الفوق لقات لخير فلبراني وملقاتوش فيه هو تقلبات ودموعها دايرين طريق فعويناتها سمعات الدقان مجاوباتش تحل لباب وتشعل الضو ضارت غير شافتو زادت فالبكى جلس عندها وعنقها
أنيس:شووو شووو انا معاك صافي
سهام تتبكي:عين هانيس والله حتى عيت
أنيس:مالك شواقع علاش مكتجاوبيش
سهام تتمسح دموعها لمبغاوش يحبسو وتتعاود ليه حتى سالات وشافت فيه بعويناتها الدامعين:واش انا خايبة الهاد درجة حتى يسمح في بابا هئ هئ
عنقها وخشاها فيه وهو كتنهد صعيييبة بزاااف كانت واقفة حدا الباب وسمعات كلشي عينيها غرغرو ومشات لاحت عليها كاب وزيفها وخرجات وقفات قدام باب العمارة ودارت نمرتو ودوزات الابيل تتسنا على أحر من جمر باش يجاوبها وتفركع ليه نيت فوجهو
سمحمد:الو سلام عليكم
حليمة:مكاين سلام شوف غنقول زوج كلمااات ابقا بيني وبينك المحكمة دابا ونتفكو منك سكت ليك بزاااف ولكن باش تبقا تلوح لبنتي هضرة كيف السم تبقى تفقس فيها هادي لمنقبلهاش إلا بنتي ناكلك عليها مالك ياك لباس شكون نت فملك الله تدير هاد الحالة
سمحمد:سيري بعدي مني صباح الحال وبنتك سيري شو فيها مليوحة فالتيليفون تتغني
حليمة:وسير يلمعقد ياك غير تتغني مالها شكدير جنس كداير كتير فلقمع وباغي تزرعو تفولادك
سمحمد تغوت:بغيتيها تشوهني يااك
حليمة:وسير شكون داها فيك لقات لخير فولد الناس واقف معاها اما باها لمن لحمها ودمها معقلش عليها وقالك تشوهني وسير راك نت داير الشوهة فراسك لاسق فh9بة وبنتها هربات مع شمكار بحالها سيررر راك غارق شوهة تلودنين تفوو
قطعات عليه وتنفسات تفركعات عليه مزيااان سكتات ليه بزاف حتى ركب عليها طلعات بحالها وهي تتدعي فيه
انيس:واخا راه باباك ولكن حياتك متخليهاش توقف عليه إياه بصح صعيبة ولكن تخلقنا باش نطيحو ونعاودو نوقفو تاني
سهام تتحرك راسها غير باه وهو كهضر معاها حتى فالاخير ختمها ببوسة على راسها وجرو بشوية وحطو فوق صدرو وهي بدأت تتلعب ليف الصدفة دلقميجة وساكتة

💉طبيب الحومة💉
❄الجزء42❄
💐منال برنيش💐
انيس:يلاه نوضي جبدي الكتوبة باش يدوز الوطني مزيان مبغيتيناش نعرسوو
ضحكات وناضت جبداتهم وجلسات تراجع معاها بتاسمات وتنهدات ورجعات باللور وهي تتحمد ربي سيفط لبنتها هاد ولد الناس واقف معاها وبالها هاني من جيهتها وهي معاه بصح ربي مكياخد منك حاجة حتى كعوضك بأخرى واخا مكانة الأب صعيبة تبقا خاوية إلا كان ميت فلازم الصبر والا هو لخواها فنت لازم عليه تنسى وتصير حيت الحياة ممتوقفاش عند شخص بصح العائلة خاص تكون مجموعة والا بغا شي حد يخوي فمكاين لاش تحبسو مغتموتش فغيابو

💐💐💍💍
ليلة ليلتي يانا واش مزال نتسنا❤
قلبي بالفرحة غنا حبيبي جالس حدايا❤
حب بالزغاريت كمل حبي الأول واللخر❤
نحطو انا فعينيا يلااه غنو معايا يلااه❤
كلشي معايا يفرح حبيبي معايا وانا معاه❤
داخلة هي وياه شادة فيه وليد لوخرا هازة بيها شوية طرف من لاغوب ومبتاسمة للوجوه لضايرة بيهم غطير بالفرحة ليلة ليلتها مع حبيبها لمن اول نظرة عشقاتو وكان معاها متخلاش عليها الشخص لبغاها واخا كانت غارقة مشاكيل تشبت بيه ووقف معاها وساندها فلوقت للقريب لها تخلا عليها غمضات عينيها وهو كطبع قبلة على جبهتها وعنقها تحت تصفيقات الحاضرين حليمة عينيها سالو بالدموع دموع الفرحة لبنتها لحمدالله ربي عوضها ومتخلاش عليهاا ضارت عندها سهام وعنقاتها وحتى هي دموعها مصبروش باش يخرجوو حتى بكات فحضن ماماها دموع الفرح وحتى لفراق واخا مغييعدوش ولكن الحياة تتبدل دوزو آخر لحظات زفافهم لشهد على الفرحة والدعاء الحاضرين لهم بالحياة السعيدة والهناء سلمات على كلشي أكيد تاني الدموع وحتى هو سلم على صحابو وعائلة لمخلاو مدارو فعرسهم العائلات بزوج كلشي ناشط كلشي فرحااان كان واقف وتصفق حتى هو ومبتاسم فرحان كيف فرحانة هي كان كتمنى هو ليعيش معاها ختد اللحظة كان كتمنى يكون هو فبلاصة أنيس ولكن مكتابلوش وكل كدي شنو مكتب تنهد وهو كشوف فيها أهم حاجة أنها فرحانة وكضحك هادشي لبغا وهاظشي لكان باغي ديما سواء كانت ليه ولا لا

💉طبيب الحومة💉
❄الجزء الأخير❄
💐منال برنيش💐
❤بعد خمس سنوات❤
طالعة فلاسانسور فيديها وراق الامتحانات ارا متصحح هادي هي سهام دابا استاذة ديال الفرنسية فسلك الثانوي وأم ديال زوج وليدات توأم عندهم سبع شهور🍀جاد ومعاد🍀عائلتها الصغيرة كبرات وزاظت دخلات الفرحة نهار تزادو وعليها هي نيت وحسات بحنان الام وعرفات أن ماماها علاش ديما كانت تتحكر عليها فشي حاجة لكانت تتقول عليهم هي راهم والو فعلا الله يسمح لينا من الواليدين حلات لباب نيشان حيدات الطالون ودخلات طلاحت فوق الفوطوي ضارت شافتو خارج كل واحد هازو فيد شافوها بداو يزقزقو
سهام ناضت هزاتهم وجلسات:هانا ماما توحشتوني
أنيس حل لبيسي:وانا شيبوني
سهام ناضت:ايوا باش تعرف بحقي
انيس:وايااه
دخلات نعساتهم كانو راضعين فغيابها انيس إلا سالا بكري كمشي يجيبهم من عند حليمة ويقاد لهم الرضاعة ويبدل لهم لداروها وهي مكايناش معلم منها شي لعيبات خخخ رجعات وجلسات حداه وهو خدام وهي تعنقو وباستو فخدو
سهام:عيد ميلاد سعيد احبي
ودارت يدها وراه ضهرها وعطاتو الكادو منساتوش خداه وحطو فوق الطبلة وضور يدو على ضهرها وباسها تاهو
سهام:34عام شرفتي شرفتي
أنيس:واخا شرفت مزال عندي الجهد ليك
ناضت جلسات على ركابيه وضورات يدها على عنقو
أنيس:تنوضي راني غارق خدمة تلوذنين
ببدات تجبد وهي على ركابيه وتضحااك قلبها وجا فوق منها وهي ميتة بالضحك دفعاتو وناضت ضرباتو:حاابة فيك وهربات هو وقف وهز راسو للسما ياربي تصبرني وهي واقفة بعيدة وتتضحك شوية وهي تقلز ليه وميتة بالضحك هنا كسيرا ليها هي شافتو دخلات سدات لباب فين هو الجهد باش تدير الساروت بالضحك طلاحت فوق الناموسية وهو فوق منها:مبغيتيش تديري عقلك
سهام ضورات يدها على عنقو:كنكون بعقلي غير كنكون معاك كهرب ليا
بدأ تحل لها صديفات القاميجة وهي عاضة على شفايفها غتعيش اللحظة دابا هو باسها بوسة خفيفة فعنقها يلاه غتردها ليه وهما يسمعو صوت البجاغط ناضو كبكيو هو دغيا ناضو شي كجر فشي لغيتغطا اللخر هو لغيمشي عندهم
انيس:ونوضي عندهم نوبتك
سهام دغيا تخشات:مسوقيش ولادك هااادوك
أنيس:نوضي تهزي ولا غادي ننن
حيدات عليها شوية الغطا حتى بان راسها تتقلي ليه السم وعاود تغطات حتى حسات بدقة نيشاان لعلياش تتجلس غوتااات وناضت لقاتو خرج بزربة
أنيس:ايوا حابة فيك نت دابا
بقات تتشوف وتتحك فقعدتها وتضحك لاحت دغيا المانطة وناضت بزربة نقزات

🌸التتمة🌸
بقات تتشوف وتتحك فقعدتها وتضحك لاحت دغيا المانطة وناضت بزربة نقزات غادية ترد ليه دقتها
ايوا هكا هما مرة مخاصمين مرة مصالحين مرة حابة فيك مرة يقلبوها خبيط مرة سمينة على عسيلة لشافهم بفعايلهم ميقولش هدا طبيب وهادي أستاذة واخا فارق العمر بيناتهم ولكن حبهم كسر هاد الحاجز وحيدو ولاح المشاكيل ورااه حيت بصح لقاتو راجل معاها ساندها وعوضها على كاه لفااات واخا جرحة الاب صعيبة ولكن ستنتجات فالاخير ان ربي عوضها وقواها ومخلاهاش تضعف وتطيح حيت هو لختار يخليها فهي علاش تحزن من وراه همها ولادها دابا لمعاها وماماها وخوها لكانو معاها وقاساو بحالها ومتخلاوش عليها
وراجلها لكان سند ليها كيف ديما تتقول وزيد طاح الحك وصاب غطاه هي وياه😂❤
النهاية🌹
هنا وصلنا لنهاية قصتنا ورحلتنا البنات🌸كنشكركم على تتبعكم ودعمكم ليا😍كنبغيكم نتمنى قصتنا 👑طبيب الحومة👑تكون عجباتكم وعشتو معاها ومع احداتها واي وحدة قراتها تكون شافت راسها فسهام بروحها الطفولية وشنو عانات وهي مراهقة كنتمنى نكون رضيت اذواقكم🍀🍀كنشكركم بزاف وحدة وحدة والله يعطيكم تانتوما شي طبيب😂متنساوش ارائكم فلقصة وراها محللة للنشر بعد إذني🌹
إلى اللقاء💐
💎طبيب الحومة💎
النهاية❤
💄منال برنيش💄

اترك تعليقا