Skip links

قصة قدر اليتيمات ج1

 7,136 عدد مشاهداات

🍁رواية:قدر اليتيمات🍁
🌸جزء:1
كاتبة:فاتي

نعرفكم على بطلتنا ألماس عمرها 18 عايشة بدار ايتام ملي كانت عندها 3 سنين كانت وحيدة امها وابوها ولاكن ماتوا في كسيدة وكبرات في ميتم عنيدة ومكتبغيش ليغلط معاها واذا دار معاها شي حد غلط كتنتاقم منو ولاكن ضريفة بزاااف وحساسة دغيا كتبكي وزوينة بزااف لدرجة نقدر نقول عليها ملاك .

في أحد بيوت جالسة ألماس بعينيها زرقين كلون لبحر وفيهم واحد لمعة غريبة كتمشط في شعرها بني وفيه خصلات بذهبي وحريري جمعات على شكل كعكة وناضت من بلاصتها بإبتسامة مكر قربات لواحد سرير في نفس غرفتها

ألماس (قربات لودنها وغوتات):فدووووووى عتقيييي زلزااال جااا نوضييي

ناضت فدوى من بلاصتها وبقلبة نعاس لاحت فراش وناضت قافزة حتا طاحت في ارض جات على وجهها

فدوى (غوتات حتا تسمع غواتها في كل ارجاء):اععععع فين شنو هنننن واقع موصيبة

ألماس(بنظرة برائة):والو غير شفتك تعطلتي وقلت نفيقك

فدوى:أويلي واش هاكا كنفيقوا ناس حتا انا بان لبا خاصني نفيقك

ألماس:لا لا فايقة مافيا منفيق على عضان وقريص ديالك اربي سلامة تقولي لفعة

فدوى(كتشمر كمايم بيجامة):لا غتشوفي نوع جديد على لفعة ماشي كتبدل جلدها

فدوى كدور وتشدها وهي كدور من اطراف سرير حتا حالات باب وكتجري
ألماس:وعفاااك اعععع عوك عوك عباد الله غتقتلني

فدوى:شكون قالك فيقيني يلاه غوتي

ألماس(كتعيب فيها ):شكون قالك فيقيني

فدوى:كتعيبي

مشات فدوى كتجري تابعاها و ألماس كتجري وهبطات في دروج وكتشوف من وراها في فدوى لتشدها

ألماس:حمباك وعفااك مضربنيش هنننن

فدوى:ألماااس عندااك

محسات فدوى غير تسطحات مع شي حاجة بحال حجر…..

#يتبع

🍁رواية:قدر اليتيمات🍁
🌸جزء:2
كاتبة:فاتي

دوى:ألماااس عندااك

محسات فدوى غير تسطحات مع شي حاجة بحال حجر

هزات راسها حتا شافتها قدامها كيف كيسميوها هوما “موكا” ألماس شافت في فدوى بنضرة غير بلاتي عليك كتحلف وضارت دارت ضحكة صفرة وهي كترعد

ألماس:اااام م مدام سليمة انا انا غير كنت كن لعب والله

سليمة(غوتات):عندي سيرك هنا راكم في ميتم هنا غير كترباو وكتقراو وكتاكلو ولمععجبها حال براااا كتسمعو

فدوى:مدام سليمة راه مدرنا والو

ألماس بدات غير كتبكي بهضرة لسمعات وحسات في هاذ لحضة بليتم لعايشة بانها معندهاش سند حامي ليها معندها حد في هاذ دنيا من غير الله بقات كتنخصص بكية قطعات فيها نفس قربات ليها فدوى وجراتها

سليمة:تحركو من قدامي لغذا تحت تحط

كانت جايا من وراهم حتا سمعات سليمة وجات قربات ليهم

سكينة:سليمة مالك معاهم

ألماس:والو ماما غير كنت كنجري في دروج حيث فدوى تابعاني

سليمة غوتات:سكتي حتا كلمة متقال هنا خاص تلتازم

سكينة :صافي سليمة بلا غوات مافيها بااااس غير بنات مزال صغار عادية يلعبو

سليمة خنزرات فيهم :يلاه انا عندي خدمة نخليكم

سكينة:سليمة دوزي عندي لمكتب ضروري

سليمة:واخا ختي سكينة

مشات سكينة وتبعاتها سليمة ولبنات بقاو من وراهم مشات فدوى بألماس لواحد قنت كتمسح ليها دموعها ماشي حيث هي مبكاتش ولاكن فدوى كتبقا كتبين قوة واخا من داخل كتنزف وكتبكي غير داخليا اما هي مكتبينش كتقول خاصني نقوي ألماس حيث هي وياها دخلو في نفس اسبوع لميتم دايراها بحال ختها و حيث ألماس حساسة لدرجة كبيرة

فدوى:ألماستي متبكيش هاء غتدي على موكا هههه لا منديوش عليها ياك روحي

ألماس:لا هنننن هى هى هي قالت حقيقة حنا هنا مهمتنا كيف حيوانات غير نطبق اش بغاو

فدوى(مسحات لالماس دموعها) :صافي روحي متبكيش راه غير كتهضر ديك مسمومة وراك عارفة كيف كتدير مع كلشي هاكا الا راك عارفة شكون والله يخلي لينا ماما سكينة

الماس:اودي هي نوارة هاذ ميتم كون ما هي كون من شحال هاذ ديك موكا كلاتنا

فدوى:هههههه تخيلي دابا شنو غيوقع ليها

الماس:تكون غتجري عليها

فدوى:فدوى مال وجهك صفار ههههه واعععع خوافة

الماس:توء توء ونتي لضربتي طم شوية وتموتي هههه

فدوى :تسناي تسناي ناخد ليك سيلفي لذكرى هههههه

الماس:تشيييز صوري خلاص هههههه

فدوى:ويك ويك شكون خاف واااعععع خوافة

الماس :ياك تسناي انا نوريك

مشات الماس كتجري وفدوى هاربة وكيضحكوا في دروج حتا تلقاو بيها أكثر وحدة كيكرهو …..

#يتبع

🍁رواية:قدر اليتيمات🍁
🌸جزء:3
كاتبة:فاتي

أمال:إيوا أشمن موصيبة درتوا عوتاني ههههه طاتي سليمة حصلاتكم كديرو شي حاجة مهياش

فدوى:اووووف صبر ياربي

بغات تلاح عليها فدوى بنتفة كون مشداتها ألماس ودارت ضحكة إستهزاء

ألماس:أووووه حبيبة لا حنا مدرنا والو كية لكتلحس كابا لطاتي سليمة

فدوى:ونتي اصلا اش دخلك نضاربوا نموتوا نتقاتلوا نضحكوا ونتي اش دخلك

امال:اذا اتت ملائكة ذهبت شياطين

الماس:هضرتك ديريها في مخك حنا مهضرناش معاك ولبغيتي تلصقي راه حيط سطحي راسك معاه ولصقي يلاه نمشيو فدوتي

مشاو لبنات طالعين لبيتهم فدوى:اووووف اش هاذ لصقة فينما ضرنا نصيبوها ماعندها لاشغل لامشغالة

الماس:تي اشمن هي اصلا كل شوية خاشية داك تيليفون في ودنها مكتحطوش

فدوى:خلينا منها كتعصبني

الماس:اه والله عندها مية وجه وحتا ديك سليمة كتصحابها هي احسن وحدة في ميتم هي راه غير 16 عام اصغر وحدة في ميتم وكطير

فدوى:واييه بصح نساوها

مشات الماس هزات بلاطو حقهم من لفطور وحطات فوق طبلة كلات هي وفدوى حتا شبع تلاحت الماس فوق سرير

الماس:ااااه كنحس بكرشي غتفركع

فدوى:ههههه وراه كليتي كلشي اش خليتي

الماس:ههههه قولي ماشاء الله كون ماتلاقينا بدوك كمارات صباح كون كليت كثر

فدوى:الماستي شنو كتوقعي تكون قالت طاتي سكينة لسليمو هههه

الماس كتحرك في صباعها وراسها كتفكر:اول حاجة ماما سكينة ضريفة بزاااف كنتمنى تقول لشيخة(ناضت ووقفت تقلد سكينة)
اتفضلي سليمة خدمتك سلات معانا ومبقيتش باغا نشوفك

فدوى ماتت بضحك على تقليد الماس:والله الا راك خطيرة ولاكن كتوقعي طردها

الماس:اتوقع انو ماما سكينة قلبها طيب وضريفة بزااف وهي كتحسبها ختها ولاكن ديك موكا مافيها امان

قفزوا بنات على حلة باب ……

#يتبع

🍁رواية:قدر اليتيمات🍁
🌸جزء:4
كاتبة:فاتي

تحل باب :شكون هي موكا شيطانات

فدوى:هههههه هاجر

(هاجر هي صديقتهم في ميتم ضريفة بزااف وقلبها بيض بنت اخت سكينة هي ماشي من بنات ميتم ولاكن كتعيش معاهم يعني مع بنات ميتم وكتعرفهم كلهم عفريتة بحال الماس وفدوى وسليمة تحترمها )

الماس:وهيا ميمتي نتي كنتي حدا لباب

هاجر:صرحة لا غير مشيت لكوزينة نشرب ماء ودزت من حدا باب سمعت موكا قلت ضروري نعرف شكون ياكما خالتي

الماس:اويلي انا نهضر في ماما بلخايب يتقطع لساني

فدوى:تقصد سليمة

مشات هاجر كلسات في ناموسية :هههههه اي والله عندكم حق

فدوى :فاتك اصلا شنو وقع شوية دابا

الماس: هههه الله موت ضحك

فدوى:ههههه والله ماكاين مكيضحك قد شكل الماس وهي خايفة وتبكي

الماس تربعات:ياك يا وجه نحس ……وعاودت لهاجر اش وقع

هاجر:هههههه اه وشنو توقعوا تقول خالتي لسليمة

الماس:انا قلت ممكن (ناضت تقلدها ثاني)اتفضلي ياسليمة خدمتك سلات معانا وصافي مابقيتش باغا نشوف وجهك

قاطعتها هاجر طايحة في ارض كضحك:ههههههه صافي صافي

الماس:اووووه شنو واقع

هاجر:هههه ماشفتيش راسك شكلك كيضحك ههههه

فدوى:هههههه توحفة

الماس: ههههه كنعرف نقلد

فدوى+هاجر:هههههه اااااه خطيرة

الماس:خليكم مني دابا ماجاكمش فضول تعرفو شنو كيوقع لسليمة دابا

فدوى:اه انا بغيت نعرف شنو غتقول طاتي سكينة لموكا

هاجر:ههههه واش كتسناو نوضوا يلاه نمشيوا نتصنطوا من ورا باب

الماس:ههههه نوضوا يلاه

ناضوا بثلاثة ومشاو عند باب يتصنتوا شنو كيوقع

سليمة:والله حتا دوك جوج بنات شياطين

الماس من خلف باب :نتي شيطانة يا موكا

فدوى:اششششش غيسمعونا

داخل مكتب سكينة:لا والله بلعكس بنات صغار باغين يعشيوا حياتهم واصلا كنخرجوهم غير مرة في اسبوع

سليمة:بعد هاذشي غيزيدوا فيه

سكينة:لا مغيوقع والو وعلى ضمانتي

ورا باب:احححح على ماما سكينة والله موااااح وهاذي بوسة من ورا باب

هاجر ضرباتها لكتفها:واش مكتسمعيش سكتي لا يحسوا بينا

الماس:صافي هانا ساكتة

داخل مكتب سكينة جلسات على كرسي كتقلب فشي وراق:اه وبغيت نقوليك بموضوع مهم

سليمة:شنو هو هاذ موضوع

سكينة:كاينة واحد مرا بغات تتبنى …..

#يتبع

🍁رواية:قدر اليتيمات🍁
🌸جزء:5
كاتبة:فاتي

سكينة:كاينة مرا بغات تتبنى …..

امال:شنو كديرو هنا هاا

الماس:وتي سكتي الله يعطيك موصيبة سيري حسن منتفك ليوم

امال:ماساكتاش شنو غديري كاع

هاجر هزات حاجبها:وتيا اش دخلك فينا سوقك ودخلي سوق راسك وكتعايري من فوق

امال كضرب لهاجر مية حساب ومكتبغيش تقلقها:ها لا والو غير بغيت نجلس معاكم ونتحدث معاكم

فدوى:وحنا مابغاينش وضروري وصفري

الماس:لبنات واقلة سمعت سليمة غتخرج هربوا

ناضوا لبنات كيجريو غير وصلوا لبيتهم سدو باب وامال مشات لبيتها

دخلوا ثلاثي بيت وجلسوا على ناموسية كيشوفوا في بعضياتهم

الماس:ايمتا وصلنا لهنا ههههه

هاجر: وااااو خههخه جوج دقايق ماشاء الله حتا وصلنا لبيت

فدوى:ماتستغربوش هذا غير خوف وعوايد هههه

الماس بحزن مصطنع:بنات شكون لجاو يتبناوها هئ هئ

فدوى حطات يديها على وجهها :اه والله ما عرفناش كلشي من ديك زرمومية امال

هاجر:ايوا شكون غيكون

الماس:ماشي انا

فدوى:ولا انا

هاجر:اكيد ماشي انا ولاكن وحدة منكم بجوج وعلاش ماشي وحدة منكم

الماس:لا لا لا لا لا لا لا اما مانمشي حتا لقنت بلا فدوى

فدوى:وانا خطوة مانخطيها بلا الماس

هاجر:وانا مكاين حد يخطي بلا بيا

الماس:هههههه حنا بجوج

فدوى:والله لبنات واخا تكون هاذ لمرا تموت عليا منمشيش معاها

الماس:اه وحتا انا

هاجر:يعني هاذ حزن كامل على والو ياك مالكم شفتوا خالتي قالت ليكم نوضوا يلاه وجدوا حوايجكم

الماس:ههههه اي والله

ناضت فدوى وهزات كفوفها لسما :يااااااربي قولوا معايا لبنات

الماس:وتا تقولي علاش هاذ يااااربي

فدوى:وغتبغيو هاذ دعوة غير قولوا ياربي

هاجر+الماس:ياااااربي

فدوى:ياخدوا امال ويفكونا منها

الماس+وفدوى :ااااااااااميييييييييييييييين

فدوى:واعجباتكم دعوة

الماس نقزات فوق ناموسية:كثر ماتصوري هاذ بنت كتفقصني

هاجر:والله متبقايش معاها حتا دقيقة

فدوى:اه والله

الماس:لبنااات جاني جوووع

فدوى هزات وسادة خبطاتها بيها:وتي ماكتشبعيش ياربي سلامة ياك عاد تعشينا غير كتاكلي

هاجر كملات:وماكتغلاضيش

الماس:تبارك الله عليا ناكل وميبانش عليا عندكم شي مانع

البنات:اه عندنا ودابا غتشوفيه

طلعوا فوق الماس كيخبطوا بوسايد حتا عياو ونعسوا وحتا هاجر نعسات معاهم بنفس بيت……

#يتبع

🍁رواية:قدر اليتيمات🍁
🌸جزء:6
كاتبة:فاتي

أصبح صباح جديد🌞

ناضوو لبنات دوشوا ولبسوا ونزلوا تحت يفطرو في دروج وهوما هابطين

فدوى:لبنات اشنو غيكون فطور ليوم

هاجر:غيكون اشياء كثيرة حيث ليوم لخميس وراك عارفة كيكون غير داكشي لذيذ

فدوى:ااووووف هاذ دروج طوال بغيت ايمتا نوصل نفطر

هجار(ضحكات)ما طويل ما والو غير نتي فيك جوع

الماس:واش معندكومش شي حاجة تهضرو فيها من غير ماكلة روعتوا خاطري

هاجر وفدوى تصدموا:اويلي شكون كيهضر

فدوى:تقدمي ختي شوفي واش هاذي الماس ولا بدلوها انا تصدمت

هاجر تقدمات كتشوف في الماس:لا هي بشحمها ولحمها الماس

فدوى:واقلة مخها تسوطا مبقاتش عاقلة على راسها

الماس:وتوما شمن تسوطيت راه نتوما لمسوطين انا بيخير نورمال غير لفقت من نعاسي مكيجينيش جوع فدوى نتي عارفة هاذشي غير باغا تمازحي معايا

فدوى:(ضحكات)اه والله حتا عارفة غير نسيت

هاجر:يعني مغاتاكليش لاش نازلة

الماس:واش تي حماقيتي نخلي فطور لخميس يمشي

فدوى+هاجر:ايوا هاذي الماس لكنعرف

الماس:يلاه زيدو راه وصلنا ولا بغيتو نرجعو

فدوى:لا لا لا تي راه كنموت بجوع

الماس:يلاه زيدي

دخلو لصالة فطور :صباح الخير

الكل:صباح نور

الماس مشات عنقات سكينة وباستها:صباح الخير ماما

سكينة:صباح النور حبيبتي جلسي تفطري

هاجر:خالتي ماعرفتيش

سكينة:شنوو

هاجر:ست حسن وجمال الماس قالت مابغاتش تفطر حتا تفيق مزيان

سكينة:الماس حبيبتي عادي سيري رجعي نعسي حتا ترتاحي ونخليو ليك حقك

الماس طارت من فرحة حيث فيها نعاس:يااااي ماما يخليك ليا

مشات كتجري باغا طلع تنعس ولاكن حسات بشي يد شداتها …..

#يتبع

🍁رواية:قدر اليتيمات🍁
🌸جزء:7
كاتبة:فاتي

فدوى شادة الماس من يديها :تي فين غاذة

الماس:وتي ضربك صمك راه قلت غاذة نعس

فدوى:لا انا فايقة اذا نتي غتبقاي فايقة دوزي تفطري …..جلستها على كرسي

الماس:وتي خليني عليك

فدوى:غتجلسي تفطري ونعاس مكاينش

الماس بحزن:الله اكبر

الكل :(ضحكو)

سالاو لفطور وطلعو لبنات لبيوتهم دخلت الماس مقلقة

الماس:عاجبك لحل مكليت ما نعست والله نتي ماخت ماوالو

فدوى:اه والله لنعستي انا فقت حتا نتي تفيقي تصحابي كنسا مللي كتفيقيني

هاجر(ضحكات)صافي تصلاحو تقدموا في مسرحية كوميدية

فدوى:لا انا مكنبغيش نمثل كنبغي عزف على الجيتار بنات كذكروا ملي كانت عندي 10 سنين نهار مشينا للمستودع وشفنا جيتار وعزفت عليه

الماس:اه وتي باقا عاقلة

هاجر:ايه واش دكرك فيه

فدوى:اول حاجة ذكرت اني باغا نعزف على جيتار (ابتسمات )يلاه بنات ماخد جيتار وعفاكم عفاكم متدوهاش في وجهي

الماس:اويلي حاي باغا تخرجي علينا تلقطنا سليمة مشينا فيها

فدوى بحزن:دابا غتقلقوني ياك صافي

الماس:يلاه نمشيو صافي

هاجر:اه يلاه

ناضوا لبنات ومشاو لمستودع دخلو لمستودع ……

#يتبع

🍁رواية:قدر اليتيمات🍁
🌸جزء:8
كاتبة:فاتي

دخلو لبنات لمستودع

الماس:(كتكحب)اويلي اش هاذ غبرة هند كعما كتشطب

هاجر:كتشطب ولاكن غير 2 مرات في اسبوع واصلا شرجم كبير كدخل منو غبرة

فدوى:وكعما تمساي راه حنا تحت لارض

الماس:اووووف بلا تفلسيف هزي جيتار وتحركو نطلعو

فدوى:تي كيفاش نطلعو انا غنعزف على جيتار هنا

هاجر مشات جلسات على كرسي حتا طاح بيها(تهرس حيث قديم واصلا كان شوية ويتهرس)

الماس(غتموت بضحك):هيييه انتي نقصي وزنك راه هرستي كرسي

هاجر:قالتها لتاكل متشبع انا مغليضاش

الماس:لا واضح واضح

فدوى:لقيتو لبنات صندوق لفيه جيتار

مشاو لبنات لصندوق كيقلبوا فيه لقاو(جيتار،مانطة وردية ديال قطن،سنسلة ….)

الماس (خدات قلادة):واااو كتحمق غناخدها

فدوى:الماس ماتاخدي والو يقدرو يحسو بينا

الماس:لا لا مغيحسوش كينين بزااف حوايج هنا واصلا غناخدها واخا متبغيش (هزاتها دارتها عنقها وغطاتها بتيشورت)

فدوى:صافي صافي صبت جيتار يلاه

هاجر:يلاه دغيا تخنقت بلغبرة

ناضوا لبنات طالعين حلو لباب حتا شافوا شي حد واقف قدامهم بقاو غير كيشوفو في بعضهم

…….:شنو كيديرو هنا …..

#يتبع

🍁رواية:قدر اليتيمات🍁
🌸جزء:9
كاتبة:فاتي

الماس بخوف:ها لا لا والو غير فدوى بغات جيتار تعزف عليه وجينا معاها

هاجر:خالتي راه ماخدينا والو ومامسينا والو

سكينة:واخا حبيباتي طلعو فوق راه هنا غبرة ونخاف توقع ليكم شي حاجة

الماس:كنبغيك ماماتي يخليك ليلي

سكينة:ههههه يلاه بناتي طلعو فوق لبيوتكم وفدوى شوية ونجي نسمعك كيف كتعزفي على جيتار والماس بغيتك فشي حاجة

طلعو لبنات لبيوتهم وحمدوا الله حيث ماشي سليمة لحصلاتهم

وصلو للغرفة ودخلوا فدوى:يااااي طاتي سكينة غتسمع لعزف ديالي
نجرب نشوف واش باقا كنعرف

الماس:سمعتو ماما بغاتني فشي حاجة

هاجر:اه والله شنو تتوقعين تكون

فدوى:شنو غيكون شي حاجة خايبة ولا حزينة طاتي سكينة اي حاجة من عندها غتكون غير خير يلاه سمعو عزفي

هزات جيتار وخدات شهيق زفير وبدات في عزف حتا كملات

فدوى:ايوا رأيكم

الماس(كتصفق):وااااو كيحمق عزفك خاصك تشاركي فمسابقة أراب كود طالنت ههه

فدوى:بلا مزاح دابا

هاجر:لا والله روعة بلا ضحك دابا

فدوى:احم احم كنت عارفة راسي موهوبة

الماس:شوف ليك لبرهوشة ياختي قلبات وجهها والله نتي بحالك نهار لول بلوك

سمعوا صوت دقان في باب وناضت الماس تحل لباب

الماس:ياااي ماما جات نورتي

دخلت جلسات فوق سرير وحداها الماس وجنبها هاجر وفدوى فول سرير لاخر

سكينة:يلاه فدوى حبيبتي ورينا اش عندك

بدات فدوى كتعزف حتا كملات:رأيكم

سكينة:برااافو حبيبتي عزفك يهبل

فدوى:شكرا طاتي

الماس:مامي ماشي خاصها تشارك في اراب كود طالنت

فدوى هزات وسادة خبطاتها :سكتي من ضحك

الماس:ماما فكيني منها وحوليني لبيت هاجر

فدوى:في احلامك انا ديما غنبقا معاك

الماس:ماما سمعي هاذي ضحي بيها في عيد لكبير

فدوى:لا نتي خاصك شي خبطة ياك

فدوى بغات تهز وسادة باش ضربها الماس:هزي زرقة راه هاذيك نسيتي ضربيني بيها ليوم

هاجر:اودي ضربوني انا غير سكتو

الماس:يخليلي تضحية ههههه

سكينة:ربي يحفظكم والله انكم ديما خالقين جو

هاجر:خالتي شنو حاجة لبغيتي تقوليها لالماس

الماس:اه شنو ماما

سكينة:ماشي شي حاجة غير الماس غيولي عندها دار ثانية وخوت اخرين ……

#يتبع🍁رواية:قدر اليتيمات🍁
🌸جزء:10
كاتبة:فاتي

كلهم مافهموا والو وبقاو غير كيشوفو

سكينة:هههه واقلة مافهمتو والو

فدوى:والله مافهمنا

هاجر:خالتي شنو واقع

الماس:كيفاش دار ثانية وخوت اخرين

فدوى بدات كتبكي:يعني الماس بانو والديها

الماس:ماما هضري واش عندي عائلة ولا شنو

سكينة:لا لا ماشي عائلتها كدكرو مرا لجات داك نهار

الماس سرحات في تفكيرها كدكر

🎬فلاش باك🎬

كانوا لبنات كيطلو بعد ماكانوا من شرجم وقفات طونوبيل بلكحل بورش لاخرة

الماس :وهياااا مي توما هذا ماشي داك بطل لقرينا في رواية هذا غيكون غير عهد ياكو

فدوى:لا لا هذا غيكون غير مغني سعد لمجرد

هاجر:والله ماهو هذا غيكون هذاك ممثلين لكنتفرجو فيهم في دار سلعة

إكرام:لا والو هذا غير هذاك مافيوزي لكنحلم بيه جا يخطفني

امال:اووووف مالكم راه هذا فارس احلامي

تصدموا لبنات كاع لبنات ملي هبطات مرا تكون عندها شي ربعين عام ولاكن كتبان مزال صغيرة وفورمتها مقادة وهبط واحد تيتيز كيتمشا بخطوات ثابثة واخا باينة مزال صغير تكون ديك 20 عام عندو وبلا منوصف لزابدو وعضلات وجسم رياضي(بلا منكمل وصف رمضان هذا😹)

هبطات هدايا وكل واحد تقدم يشوف شكون

سكينة:هاذي مدام خديجة علامي جات ليوم تشوفكم وعندها ليكم هدايا ديرو صف كل يعرف براسو وياخد هديتو

بقاو لبنات يعرفو براسهم وياخدو هدايا حتا وصلوا لفدوى

فدوى:انا فدوى عمري 18 احب عزف لحد ان مقررت شنو مهنتي (قربات خدات هديتها)

ومن بعد شي بنات حتا وصلوا لالماس بدلع عفوي:انا الماس عمري 18 احب اغني ولاكن مهنة مزال معرفت

خديجة بتاسمات بلا متشعر:ربي يحفظك قولي امين

الماس:رتاحت لمرا:أمين

مشات الماس عند فدوى:شفتي مرا كيفاش حباتك دغيا

الماس:ايوا ياحبيبة ضروري هههه كلشي يبغيني

🎬نهاية فلاش باك 🎬

قطع عليها تفكيرها اصواتهم …..

#يتبع

🍁رواية:قدر اليتيمات🍁
🌸جزء:11
كاتبة:فاتي

قاطع تفكيرها هضرتهم

سكينة:الماس بنتي من قبيلة وانا كنهضر معاك فين سهيتي

الماس:لا انا معاك كملي شنو كنتي باغا تقولي

سكينة:ذكرتي حبيبتي ديك مرا لجات ديك نهار وجابت ليكم هدايا

الماس عينيها غرغروا حيت حسات بشي حاجة:اه دكرتها

هاجر:اه خالتي شنو واقع

سكينة:ماواقع والو بغات تتبنى الماس

بقاو غير كيشوفوا حسو بحال دنيا صرفقاتهم عشرة سنين غتمشي غيتفرقو

فدوى ودموعها على خدها :شنو زعما خالتي كتقصدي

هاجر تبكي:شنو كتعني خالتي هئ هئ

ألماس:لا رد

سكينة:شنو فيها ألماس غتولي عندها عائلة ثانية وديك مرا غتولي ماماها وتمشي معاها لدارها

فدوى:هئ لا لا وألف لا أنا وألماس عمرنا نتفارقوا

سكينة:فدوى حبيبتي شنو عندك

هاجر:خالتي كيفاش شنو عندها راه ألماس غتخلينا

سكينة:اه واشنو فيها انا فرحانة حيث غيولي عندها أهل أخرين وعائلة جديدة

الماس:يعني شنو بغات مني واصلا نتوما عائلتي مابغيت حد من غيركم هئ هئ هئ ……

#يتبع

🍁رواية:قدر اليتيمات🍁
🌸جزء:12
كاتبة:فاتي

سكينة:فكري حبيبتي لانو هاذ قرار غيغير حياتك

ألماس:لا لا مابغيتش هئ هئ

فدوى:قالت ليك لا يعني لا ماغتمشي حتا بلاصة

سكينة:هاجر خودي فدوى وخرجوا بغيت نهضر مع ألماس

فدوى:ماغنخليهاش ولا هي غتخليني مفهوم

سكينة:فدوى حبيبتي ماتبكيش وهاجر اش قلت خرجيها

هاجر تبكي:فدوى تعالي معايا

فدوى :ألماس متخلنيش عنداك تخليني ياك مواعدين بعضنا عمرنا نتفارقوا لا تسمعيش ليها عفاك

هاجر:خلاص فدوى تعالي ………..خداتها وخرجوا وفدوى طاحت في ارض وهاجر ما أحسن منها حالا

داخل بيت سكينة: ألماس سمعيني انت خاصك تقري شنو غديري

الماس ودموعها على خدها:ماما سكينة انا مانقدرش نعيش بلا فدوى …..ضمت راسها بحظنها

سكينة:ولاكن يجي نهار وكل وحدة فيكم تلقى نصيبها وتزوج

ألماس:لا حنا متافقين عمرنا نتزوجوا وحنا حلينا عينيا في دنيا بجوج عمرنا نتفارقوا

سكينة :هاذشي ماشي بيديك الا وغيجي شي نهار …..

#يتبع

🍁رواية:قدر اليتيمات🍁
🌸جزء:13
كاتبة:فاتي

ألماس:شنو

سكينة :حنا شاكين انو فدوى والديها حيين وللأن معارفينش انو عائلتها ميتة

الماس:شنوووو

سكينة:مثل شنو قلت ليك يعني باي وقت يقدر يبان ويديوها معاهم يمكن غذا ولا بعدو ولا بعد شهر كلشي ممكن

واصلا خاصك تكوني عاقلة وتشوفي مستقبلك واصلا هاذيك مرا طيبة وضريفة ولو رفضتي غتمرض لانو ولدها قال بنتها ضايعة هاذي 15 عام وهي للأن كتقلب عليها ومن مفترض يجيها شلل ونهار شافتك صابت فيك شبه لبنتها بدلعك وعفويتك بكلاك وحتا غمزاتك وهي باغياك واخا تعرف تبقا على ضس

الماس:يعني يمكن نكون بنتها قلتي كنشبه ليها ونفس لعمر

سكينة:لا نتي اهلك توفوا انا كنت بمكان كسيدة وجبتك معايا للميتم

الماس:يعني عائلة فدوى غياخدوها مني

سكينة:حبيبتي كيفاش ياخدوها منك راه بنتهم

الماس:لا هئ هئ فدوى أختي انا بوحدي

سكينة عنقاتها:حبيبتي ماتفكريش هاذ لمرا قلت ليها راك متعلقة بدار وقالت ليا تقدر تخليك تجي جوج مرات بأسبوع وماغتحرمكش منهم والماس فكري مزيان

ناضت وخرجات من بيت مخلية من وراها قلب ضعيف ومكسور ومحتارة بقرارها غير خرجات سكينة دخلات فدوى كتجري . …..

#يتبع

🍁رواية:قدر اليتيمات🍁
🌸جزء:14
كاتبة:فاتي

فدوى:الماس نوضي نوضي قلتي ليها لا ياك هضري

الماس مدايرة راسها ناعسة ولاكن عينيها فضحوها حيث كانت كتبكي

فدوى:انا عارفة انك مانعساش غير حلي عينيك قلتي ليها لا ياك ماتخلنيش ياك (كتحرك الماس بهستيرية ) هضري هضري

الماس جمعت قوتها كلها ومسحت دموعها:شنو بغيتي اشنو وبعدي مني …..رجعت تكات

فدوى هزات اقرب مخدة ليها وضرباتها:نوضي نتي كاعما ناعسة وعلاش كتهضري هاكا

الماس ناضت:ياك قلتي ليوم بغيتيني نمشي ايوا لالة بقاي على راحتك انا غادية ……رجعات تكات وخلات فدوى مقهورة وكتبكي 5 دقايق عاد فاقت من صدمة

فدوى:ياك كنا كنضحكو

الماس ناضت:لا لالة انا مكنتش ضاحكة

فدوى:وغتخليني

الماس(بنفسها الا ماخلتكش انا راه نتي غتخليني ولا والديك غياخدوك وعمرنا نعيش مجموعين سمح ليا):اه خنليك ايوا خرجي برااا خليني نعس

ضرباتها فدوى بمخدة وخرجات وخلات من وراها الماس غتموت بلبكا وكل مرة كتخرج شهقة كتعبر على مدى حزنها ورجعت نعسات

ببيت اخر عند سكينة دخلات فدوى بلا مادق باب وهي كتبكي: شنو قلتي ليها علاش بغيتي تفرقينا هي كانت كتعتابرك ماماها ونتي فرقتينا …طاحت على ارض تبكي

سكينة:حبيبتي

فدوى:اناا ماشي حبيبتك مفهوم انا كنكرهك انا وليت كنكرهك علاااش فرقتينا ههههه على فلووووس اااه على فلوووس وطمع

ماحسات براسها غير بلبرق ضربها ……

#يتبع

🍁رواية:قدر اليتيمات🍁
🌸جزء:15
كاتبة:فاتي

حست فدوى غير بتصرفيقة من عند سكينة ولاول مرة تضرب شي بنت من ميتم

سكينة:انا كنبغيكم وكعما كنعايركم ولا كنجرمكم من شي حاجة ولاكن ماشي توليو بهاذ قلة ادب

فدوى حاطة يديها على وجهها :انا قليلة ادب ولا نتي لباغا تبيعي بنت من ميتم

حسات غير بتصرفيقة اخرة وهاذ مرة من الماس

الماس:سكتي ولا نقطع ليك داك لسان من جدر منسمحش ليك تهضري على ماما سكينة بهاذ طريقة والله حتا تشوفي مني لميعجبكش

فدوى مصدومة:الماس

الماس:اه لالة الماس والا سمعتك هضرتي مرة اخرى مع ماما سكينة بهاذ طريقة اقسم برب كعبة حتا ندمك واش نسيتي شكون كبرك وكان ام واب ليك كيف كيقولوا باش عشتي بلارج حتا جاك جراد
ويا حصرة ختي لكانت قدوة ليا كتهضر بهاذ طريقة مع مامانا

فدوى خرجات ودموعها على خدها محطمة وجرا من وراها ذيول خيبة وانكسار

الماس:ومرة اخرى نشوفك هنا نهارك ماطلع فيه شمس

سكينة:الماس

الماس لصارت دموعها شلال:نعام ماما

سكينة عنقات الماس:علاش بنتي علاش درتي لختك هاكا

الماس:هاذي ماشي ختي هاذي وحدة اخرى كعما كنعرفها

سكينة:ولاكن حبيبتي راك جرحتيها

الماس:شنو ندير راه هي غلطات معاك واصلا هاكا تفهم اننا غنتفارق وحسن تكرهني

عنقات سكينة الماس وكيبكيو وبيت كتسمع غير صوت بكاهم وشهقاتهم حتا قطع صوتهم دخول خبر لم يكن في حسبان……..

#يتبع

🍁رواية:قدر اليتيمات🍁
🌸جزء:16
كاتبة:فاتي

هاجر:خالتي فدوى خرجات من ميتم

الماس:شنووو

سكينة:ايمتا ووقتاش خرجات

هاجر كتبكي:ماعرفتش لها وقت وعاد استوعبت انها خرجات

الماس:اااااااااه وختي وفين مشيتي وفين عطيتي راس ولمن خليتيني

سكينة:صافي غنعيط لشرطة دابا وهوما غيصيبوها

الماس:لا لا انا نخرج نقلب راه انا سبب

سكينة:الماس منشوفكش خارجة ونتي هاجر ديها وسيرو لبيتكم

هاجر خداتها لبيت ودخلو

الماس غتموت بلبكا:عفااك هاجر خليني نمشي نقلب على ختي

هاجر:الماس راه لخرجتي حتا نتي تقدري تودري ومن بعد فين عندك تقلبي

الماس:في شوراع احياء في كل بلاصة

هاجر:انا حاسة بيك ولاكن راه ماغنخليكش تمشي

الماس حسات على انو واخا ظل تهضر راه ماختخليهاش تخرج وجات على بالها فكرة:كح كح كخ هاجر جيبي ليا ماء ولا نوض راسي

هاجر:لا جلسي انا نجيبو ليك

خرجات هاجر وتيعاتها الماس كتسلت حتا خرجات لشارع كتغوت غير بسمية فدوى:فدوى فدوى فدوى فينك رجعي انا ختك ماديريش هاكا

وبقات غاذة حتا بعدات على ميتم وسمعات شي صوت …..

#يتيع

🍁رواية:قدر اليتيمات🍁
🌸جزء:17
كاتبة:فاتي

……:زين مانشوفوكش

الماس:اش بغيتي بعد مني

…..:اوووه زين مكشر اش معصبك اجي عندي انا باغيك

الماس:واعععع بعد مني عتقوووني عبااد الله

ماحسات غير بشي دقة طيحاتها في ارض سخفانة هزها راجل وداها لبلاصة كلها ظلام بعد شوية بدات كتحل عينيها

الماس:انا فين فين انا

…..:فاق زين

الماس وهي تبكي:شكون نتا واش بغيتي عندي بعد مني

ولا كيقرب منها وهي خاف ولات غير كتجري ولاكن كان اسرع منها شدها

الماس كتبكي وشهقاتها كاسرين صوت :خليني بعد شنو بغيتي هئ هئ ااااه بعد

……:اوششش ياك كنتي بعقلك اش تبدل سكااات

الماس:واخا واخا انا ساكتة خليني عتقوووني عتقوووني. :::::::::::

رجعات هاجر لبيت وبصدمة طيحات كاس

سكينة جات كتجري:شنو فيك مالكي

هاجر يديها كتنعت لناموسية:مشات وخرجات …..ولات كتهلوس

سكينة بحزن:ياربي حتا هي خرجات

عند الماس :::::::::::

……..:اششش يلاه اجي قربي

الماس:لا لا هى هى بعد مني مادرت ليك والو خليني عليك

……:لا لا انا غنديك معايا…..هزها على كتفو

الماس:عتقوووني نزلني ونزلني

بقات حتا قدرات ينزلها

……..:يعني غتعدبيني معاك

الماس بقات كتجري وهو يجري حتا تخبطات مع شي حاجة ……

#يتبع

🍁رواية:قدر اليتيمات🍁
🌸جزء:18
كاتبة:فاتي

حتا حسات براسها تخبطات مع شي شاب وجا داك راجل شدها من يديها

……:واخا تجري تتعياي غنشدك

ماحس غير ببونية على وجه طاح على ارض

……:يوسف ديها

يوسف :ماعرفناش اسلام منين نديوها

يوسف هو صديق اسلام هو شاب لتخبطات معاه الماس وشخص لخطفها غتعرفو سميتو مع رواية

الماس:انا من ميتم

اسلام:ياحيوان تحطف بنت من ميتم ….عادو بوكس على كرشو

……..:وانتا اش دخل جد بوك اش حرق شطاتتك زين حلوة اجي عندي^اخ سكران^

يوسف:اسلام سيد دايخ انا غندي بنت ونتا فيقو

الماس شدات في روسف شدت لعما في ظلمة

يوسف:نتي اش مخرجك

الماس:كنقلب على صديقتي

يوسف:دابا 2 صباح وكتقلبي عليها

الماس:اه

يوسف:اه واهاذ صاحبتك فين

الماس ……لا رد

يوسف :واينا ميتم نتي

الماس :لارد……..

#يتبع

🍁رواية:قدر اليتيمات🍁
🌸جزء:19
كاتبة:فاتي

دار صابها طايحة في ارض مغمى عليها رجع عندها كيجري وهزها في لوطو وكسيرا لسبيطار

طبيب:اش كتجيك

يوسف:لا هي من ميتم وملي تفيق تقوليكم

طبيب:وهي اش جابها عندك

يوسف:انا خدام بميتم هي دابا فاقت

طبيب:اه دخل عندها

يوسف :اوكي

دخل وكان اول مرة يشوفها شاف ملاك قدامو خدودها مزنكين وفم غوز وكيبري وشعرها مليوح فوق مخدة ورطب كلحرير وجلس كيشوف فيها

في ميتم :::::::::::::::::

هاجر:خالتي الماس ضاعت منا هئ هى مشات

سكينة:لا ماضاعتش حبيبتي

فدوى عاد وصلات لميتم:شكون لضايعة

هاجر:فدوى هئ هئ هئ …..عنقاتها

فدوى:شكون لضايع هضري فيناهي الماس

هاجر:فدوى الماس ملي خرجتي خرجات تقلب عليك وللأن مرجعات

سكينة:فدووووووووووى……….

#يتبع

🍁رواية:قدر اليتيمات🍁
🌸جزء:20
كاتبة:فاتي

فقدت وعيها وجات على ارض هزوها وحطوها فوق ناموسية وعيطو لطبيبة بقات ناعسة بمهدئ 4 سوايع حتا فاقت

فدوى:الماس فين هي الماس فين لقيتوها

سكينة:بنتي حالتك مكتسمحش تغوتي غير بسوية عليك

فدوى:وابغيت الماس الماااااس هئ هى فينك المااااااس

عند الماس :::::::::::::::::::::::::::::::::

فتحت عينيها شافت يوسف في بيت وبعيد عليها هو ساهي فيها

الماس:يوسف انا فين

يوسف عاد فاق من سهوت:ها نتي في سبيطار

الماس:فدووووى فدوووووى فين هي صابوها

يوسف:شكون فدوى شكون للصابوها

الماس:عفاك ديني لميتم نشوف فدوى هئ هئ عفاك

يوسف:واخا ولاكن حتا يقبل طبيب

الماس:وماسوقيش انا فشي طبيب

يوسف:زيدي لالة يلاه

وداها وركبوا في لوطو وكسيرا……..

#يتبع🍁رواية:قدر اليتيمات🍁
🌸جزء:21
كاتبة:فاتي

يوسف:افين كاين ميتم

الماس…..لارد

يوسف:واخا اشنو سميتك

الماس:الماس

يوسف:واخا فين ميتم

الماس:ماعرفتش اصلا كنخرجوا يوم واحد هو جمعة وانا ماعرفاش طريق

يوسف: وتي اش خرجك في هاذ وقت

الماس: ……عاودات ليه كلشي

يوسف:اه وعلاش هاذشي

الماس:منين كتفهم راه خرجت نقلب عليها

يوسف:ياك شرطة وخدامة كيقلبو نتي مالك اش خرجك

الماس:يوسف انا سبب ومن بعد ديني لميتم متبقاش تحاسبني

يوسف:وانا قالو ليك عليا خريطة ظنين غنعرف هاذ ميتم

الماس:هئ هئ واعععع بغيت ماما وختي فدوى وهاجر

يوسف:كيفاش ماماك على نتي عندك ماماك واش داك لميتم

الماس:لا مديرة بحال ماما واصلا دخل سوق راسك ومتحلش معايا تحقيق

يوسف:واش رايك ياحلوة ندور شوية……..

#يتبع

🍁رواية:قدر اليتيمات🍁
🌸جزء:22
كاتبة:فاتي

الماس:يوسف سير لكوميسارية وسول على ميتم غتلقاه

يوسف:مخيفاش مني

الماس:وعلاش غنخاف

يوسف:وممكن نكون بحال هذاك

الماس:هئ هئ اويلي على ولد لحرام متقولوش ليا مشاركين معاه

يوسف:ناري سكتي غير ضاحك سكتي

الماس:وعباااد الله ديني لميتم

يوسف:وصافي سكتي انا غنديك

الماس:واااعععع ديني ودابا

يوسف:وصافي سكتي…..كسيرا لوطو وبقا يسول حتا لقا دار

الماس:شنو غنبقاو هنا

يوسف:صافي راه عرفت عنوان

الماس:يلاه تحرك دغيا

يوسف:ياكما قالو ليك عليا شيفور بشوية

الماس:وصافي متبقاش تهز وتحط راه غير خرشاشة راكبين فيها

يوسف:دور راسو كيشوف في طونوبيلتو لكانت رونج روفر لاخرة باسود

يوسف:يااااه بصح راه خرشاشة لركبات فيها وحدة حمقة بحالك هبطي وصلتي

الماس:ايوا كون موصلناش كون وريتك حمقة

يوسف:استغفر الله

هبطات الماس كتجري وتبعها يوسف:فدوووووى فدووووى……..

#بتبع

🍁رواية:قدر اليتيمات🍁
🌸جزء:23
كاتبة:فاتي

غير سمعاتها فدوى خرجات كتجري وتبعاتها هاجر وكيجريو حتا وصلو عند الماس غير شافت فدوى رتاحت ولاكن ماعرفاتش لخلاها تمشي تجري تعنق هاجر وخلات فدوى مصدومة ومعرفاتش شكون هاذي لقدامها واش الماس ولا غير وحتا لفي ميتم كاع تصدمو

الماس:هاجر بغيت نموت هئ هئ

هاجر:بعيد شر عليك يموت عدوك

فدوى بقات مصدومة وغير كتشوف في الماس وهي كتحس بخسرنها لختها حتا طاحت في ارض كتبكي كلشي مشا يجري عندها والماس طلعات لبيتها

ودفعات لباب وجلسات تبكي بكل مافيها حتا كيتسمعو غير شهقاتها
وهزات حوايج وكتهرس وكتغوت وهوما كيدقو ولا بغات تحل

وجات هند وجابت ساروت حلات لباب ودخلات سكينة كتجري عنقاتها كتهدن فيها

سكينة:اششش تهدني حبيبتي

الماس:ماما سكينة انا خايفة

سكينة عنقاتها وبقاو كيبكيو حتا رتاحت الماس وعاودات ليها كلشي

الماس:ماما انا خايفة انا خايفة بزااف ماتخلنيش

سكينة:انا معاك اششش

الماس:شنو فيها فدوى؟؟

سكينة:علاش خليتيها وعنقتي هاجر

الماس:انا مابغيتش نعنقها واصلا خاصني نحسسها انني ماعنديش مشكل تخليني باش حتا لجاو عائلتها تمشي معاهم

سكينة:تبارك الله عليك ابني واللهكبرتي وليتي تفكري ومشات ايام تحرميات ولعب وتقليد هههه وكنتي كتهزي نضارتي وتقلديني

الماس:ههههه ماما سكينة نضاضر كحلين ولا قهويين هههه حتا وحدين مخليتهم

سكينة:وكنتي كتحطيهم فول مكتب بحال ماواقع والو

الماس:هههههه اه وماشي انا

سكبنة:انا كنت عارفاك نتي ولاكن كنبغيك تحسي بالفوز

وبقاو يتحتو على ماضي حتا نعسات الماس في بيت نورة وفي حظنها…….

#يتبع

🍁رواية:قدر اليتيمات🍁
🌸جزء:24
كاتبة:فاتي

صباح صباح جديد🌞

سكينة:صباح خير بنوتي

الماس:صباح ورد ماما

سكينة:كيصبحتي

الماس:مزيان فدوى كيبقات

سكينة:دوشي وهبطي شوفيها

ناضت سكينة مشات لمكتبها وناضت الماس مشات دخلات لدوش ودخلات تحت رشاشة ماء سخون وغسلات شعرها وعقله غايب كتفكر في لي جاي تشلات وخرجات لبسات صاية طويلة بابيض وتريكو باحمر وفولار باسود وسبادري باسود وخرجات تفطر وصلات لطبلة جلسات حتا جات امال جلسات في بلاصة فدوى

امال:صباح لخير لحب

الماس:صباح نور علاش جلستي في بلاصة فدوى

امال:هي بغات تجلس تما واصلا لمبغنا من ناقص منو

الماس:تجمعي قالا لمبغانا مانبغيوه

امال:صافي سمح ليا

بداو لفطور وكلشي مصدوم من تقرب امال من الماس وفدوى كتقلى

فدوى:هند عطيني ملح

ملح كان حدا الماس وهي حسات بفقصة وقهرة على صاحبتها جان هند بغات تهز ملح مخلتهاش الماس

الماس:مكاينش ملح

هند:ولاكن راه فدوى بغاتو

الماس:وانا قلت مكاينش هي مكاينش

فدوى ناضت خبطات طبلة:لا غتعطيني وبزز منك

الماس ناضت خبطات طبلة:لا والله لشفتيه

سكينة:هند صافي سيري جيبي ملح اخر

فدوى:لا انا بغا هذا

الماس:والله لشفتيه واخا تموتي

فدوى:وعطيني نم

الماس:ومعطيااااش زفت

فدوى:ومغتعطنيش انا

الماس:وشكون نتي

حتا تسمعات صوت تصرفيقة تردد صوتها في مكان

ياترى واش الماس وفدوى علاقتهم خلصات ؟؟؟؟
وشكون عطا تصرفيقة لاخر؟؟؟؟……..

#يتبع

🍁رواية:قدر اليتيمات🍁
🌸جزء:25
كاتبة:فاتي

تسريع احداث داز اسبوع وهاذ اسبوع علاقة فدوى والماس من بعد ماصرفقات فدوى الماس وغير مكيزيدو يبعدو
غير كدهور وليوم نعار لغتمشي فيه الماس لدار ديال خديجة من بعد ماجات وعطاتها كارط بونكير وقالت ليها شري لبغات وفي لعشية
غيجي شيفور يديها

الماس:ماما سكينة انا خارجة حيث خاصني نشري شي حوايج

سكينة:اه بنتي راه في خباري لتحت كتستناك خدامة وشيفور

الماس:غندي معايا امال

سكينة:لعجب اش هاذ تقارب

الماس:عادي ولينا قراب

سكينة:يلاه وجدو ريوسكم

طلعات الماس لبيت وفرحانة هي وامال يوجدو ريوسهم المالس لبسات سروال باج بوي فريند وتريكو احمر وحشات في سروال ودار فولار اسود ودارت كمامتها ولبسات سبادري طالعة من نوع اديداس ودارت ميكاب خفيف كتفات غير بغلوز وماسكارا برز شفارها طوال

اما امال فلبسات سروال جينز فيه رسوم وتيشورت ابيض فيه كتبة وسبادري برمادي وطلقات شعرها ودارت ميكاب خفيف

امال:شكرا حيث خليتيني نمشي معاك

الماس:لا اصلا خفت نشوف هذاك وثاني حاجة خرجتك عادي

امال:انا حمقة نصحابك كتبغيني

الماس:عادي نتي بحال ختي

امال:ههههه مهم شكرا

الماس:هانية يلاه نوضي تعطلنا

هبطو من بعد شوية جات سيارة سوداء وكتلمع من نوع مرسديس S500 برابوس نوع 2021 لبنات من شرجم هبلو عليها ركبات الماس وهي غطير من فرحة اما امال عقلها طار…….

#يتبع

🍁رواية:قدر اليتيمات🍁
🌸جزء:26
كاتبة:فاتي

فردوس كطل من شرجم:وااااو كتحمق سعداتها ياختي

إيمان:اه والله كتحمق

فدوى:مشاء الله ربي يسعدها سميو بالله لتوقع ليها شي كسيدة

فردوس:ماقلنا والو

هاجر:هاذشي كامل وماقلتو والو

سارة:يلاه نمشيو لبنات

لبنات:يلاه

#عند الماس

امال:واااو الماس:هاذ كرسي ديال طونوبيل رطب تمعسي عليه

الماس:اه بحال ريش نعام

تحركات لوطو وطريق كاملة وكيشوفو في طريق وفرحانين

الماس:شنو سميتك

خادمة:فاطمة

الماس:اك فاطمة دينا لمول لكتمشي ليه ماما خديجة

امال:والله انك ذكية

الماس:هههه سكتي خفت نتحشم

حتا وصلو لأكبر مول في كازا morocomoll هبطات الماس وامال من طونوبيل ودخلو وهوما يتلفو وفاطمة من وراهم

الماس:فاطمة لتلفنا تعرفي تخرجينا

فاطمة:اه مدام

دخلو لمحل لول كان كلو زاج وفيه ملابس بنات واولاد

الماس:امال شوفي هاذ لبسة كتهبل وديال محجبات

امال:كتحمق خوديها

بقاو يدورو ويقيسو ويهزو حتا شراو لعجبهم

الماس:فاطمة كيفاش نعرفو شحال ههاذشي لشرينا

فاطمة:سولي هاذ رجال

الماس:عفاك بشحال هاذي

راجل:لحساب ب40000 درهم

امال:اشنووووو مالنا شارين محل كامل

الماس:سكتي فضحتينا

امال:اصلا هي ميمكنش تخلي ليك هاذ ثمن في كارط

الماس:تخلص خويا

تخلص وعطاها بطاقة :شحال لباقي

راجل:10,000,000 درهم

امال:هاويلي واش بدوك نظاظر بحال قاع كاس شفتيها

راجل:لا كنضحك راه بصح

الماس:زيدي قدامي فضحتينا……..

#يتبع

🍁رواية:قدر اليتيمات🍁
🌸جزء:27
كاتبة:فاتي

الماس:يلاه نمشيو لدار

امال:لا واش حماقيتي لعندها عشرة مليون ديال درهم غتمشي

الماس:اه واشنو ندير تلفت

امال:زيدي شري عطور وكساوي محجبات و3 تليفونات وايباد وكلشي لباغا

الماس:يلاه زيدي

ومشاو دخلو لمحل ملابس داخلية شراو وخرجو

فاطمة:مدام انهز عليك

الماس:اك خودي

مشاو من محل لمحل حتا عياو وفاطمة مبقاتش كتبان بصاكدوات لفي يديها جا شيفور خدا كلشي

الماس:انا جعت يلاه ناكلو

امال:على فين كاين هاذ مطعم

الماس:هنا ياك فاطمة

فاطمة:اه مدام

دخلو مشاو لواحد مطعم راقي وفيه جلسات خاصة وكولو زاج وداك زاج كيبان هابط مع لما وحوت كيعوم منظر أكثر من رائع اما امال والماس تلفو

الماس:سيرفور عفاك ……جات عندها سيرفور كان لبناني حيث مطعم لبناني

سيرفور:شو بتحبو تاكلو انسة

الماس:بغيت …..فتحات قائمة ماعرفات اش داكسي

امال:شنو هو ين تم

الماس:هههه واقلة شي ماكلة تكون لذيذة …….

#يتبع

🍁رواية:قدر اليتيمات🍁
🌸جزء:28
كاتبة:فاتي

امال:نطلبو اسم لعجبنا وناخدوه

خداو اش بغاو وتسناو شي دقايق جا سيرفور

الماس:واااو شوفي هاذ اطباق تحل شهية

امال:لوحة فنية

كلاو حتا شبعو وخداو ايس كريم

الماس:كلشي كان بنين

امال:لجينا مرة اخر نطلبو اسم زوين

الماس:الا اذا هههه يم تم هذاك مذاق بحال لبزق ماعرت علاش طيبوه

امال:والله مافيه شي مداق

ناضو ومشاو ركبو وتاجهو لميتم حتا وصلو وهبطو

لبنات تلقاو ليها وكلهم فرحانين ليها

فردوس:ايوا زين تستاهلي راك ضريفة واصلا طونوبيل كتحمق

هاجر:حوايج غير خزنيهم غتلقاي تما

سارة:شفتي طونوبيل ملكية كتحمق

سكينة :تستاهلي حبيبتي

قاطع هضراتهم صوت تيليفون سكينة :ماماك كتعيط

سكينة:الو خديجة

خديجة:سلام سكينة قالو ليا الماس وصلات

سكينة:اه حمد لله

خديجة :دوزيها ليا

عجاتها تيليفون:الو

خديجة:حبيبتي كيوصلتي

الماس:حمد لله

خدبجة:كفاوك كارط

الماس:اه واصلا بقا

خديجة:هي مشرتيش مزيان

الماس:لا شريت بزاااف

خديجة:لا غذا غندوز عليك ونمشيو غنشري ليك انا

الماس:واخا باي……..

#يتبع

🍁رواية:قدر اليتيمات🍁
🌸جزء:29
كاتبة:فاتي

الماس:بنات عرفتو

لبنات:اشنو

الماس:قالت ليك باغا تزؤدني لفلوس وكاع داكشي لشريت كيف والو

سارة:اصلا ناس بحال خديجة مكيدسوهاش في ملايين

الماس:تبارك الله منين عرفتي هاذشي

سارة(قدات نضاضرها لحال دكتورة😹):هاء طبيعي راه غنولي دكتورة

بقاو لبنات ضاحكين حتا وصلات 11 ليل وكل طلعات لبيتها وعم ظلام في جميع ميتم الا غرفة هاجر وفدوى

فدوى بحزن:هاجر الماس عمرها غترجع ختؤ كرهاتني

هاجر:لا غير لحضة غضب

فدوى:لا وحتا طاتي نورة مقلقة مني اوووف انا حرت

هاجر:راه عادي كيجي نهار وغتارقو كيف نتي ولاهي حسن تعطي امرك لله وتمناي ليها سعادة

فدوى:غذا غنطلب منها سماحة هي وطاتي سكينة

هاجر:اه حسن حيث بعد غذا غتمشي غتمشي

نعسو لبنات وفدوى كتفكر في فراقها هي وصاحبتها وقلبها كيضرها بحس لفراق

أصبح صباح جديد🌞

فاقت الماس بإبتسامة ساحرة ولاكن ممسخياش بميتم ليوم اخير نهار معاهم لبسات من حوايج لشرات كانت تريكو ابيض وصاية طويلة باسود وفيها وريدات بابيض وكعب عالي ابيض وفولار اسود ومدارتش مكياج غير مرطب شفاه ديال كوك (جربوه لبنات زوين ) وهبطات هي وامال حتا عيطات ليها فدوى…….

#يتبع

🍁رواية:قدر اليتيمات🍁
🌸جزء:30
كاتبة:فاتي

فدوى:الماس

الماس:لارد

فدوى:ربي يفرحك مع طاتي خديجة كنتمنى ايامك كلها تكون فرح في فرح معاها

الماس(خانوها دموعهاوبدات تبكي):هئ هئ كلشي بسبابك لبقرة هئ

فدوى:قالتها دحشة هههههه انا بقرة ياك اصلا انا ضعيفة عليك

الماس:توء توء على شكون حوايج صغار علينا انا طايتي حوتة

سكينة :ايوا هاهونا بداو

لكل:هههههه هاذو هو توم وجيري

كملو ماكلتهم في جو كل ضحك وماخليش من طرائف فدوى والناس سلاو وناضو لبنات يلبسو حيث ليوم جمعة ولكيخرج فيه في اسبوع
ركبو في كار ميتم ومشاو يدورو في سوق ويشريو شي حوايج خاصينهم هاكدا سكينة ممخلياهم مخصوصين من والو كتقطعها منها وتعطيهم وسالاو مشاو لسينيما وتفرجو في فيلم كوميدي وخرجو تعشاو ولاكن الماس لخلصات من بعد مغفلات سكينة قالت ليهم هذا اخير نهار نضحكو فيه ودارت لعشا على حسبها رجعو لبنات عيانين دخلو كل لبيت وطاحو ناعسين

اصبح صباح جديد 🌞

في لباب ميتم واقفة الماس تريكو اسود طويل وسروال اسود ودارت سميطة على خصرها باش تبين قوامها وصاك وردي وسبادري بابيض فولار موفي براد جات كيوت كتسلم على لبنات متفارقو غير بلبكا اما فدوى وهاجر غيحماقو خصوصا فدوى حتا ركبات لوطو وجات فدوى كتجري

فدوى:عنداك مترجعيش هئ هئ واعديني

الماس:غنرجع هئ هئ وعد راك نتي ختي

توادعو ومشات لوطو وفدوى كدير بايباي لالماس وتبكي حتا ختافات لوطو …….

#يتبع
🍁رواية:قدر اليتيمات🍁
🌸جزء:31
كاتبة:فاتي

دخلات فدوى ومشات لبيتها عيات تصبر ولاكن مقدراتش بقات تبكي وتقول مابكات دخلات هاجر عنقاتها وكيبكيو بجوج على رفيقتهم لمشات

هاجر:وسكتي لهبيلة راه غترجع تشوفنا من بعد يومايين

فدوى:وتي لاش كتبكي تسكتيني غير انا هى هئ

هاجر:ماعرفتش دموع غير على سبا ههههه

فدوى:واييه ههههه مدايرين بحال شي روبيني مفوري غير كنبكيو بلا منحبس

نرجعو عند الماس بكات حتا شبعات وهي تسكت شوية حسات بلوطو وقفات هزات راسها وحلات فمها في لقصر لكتشوف كان بعيد شوية على مدينة وكالم وكبير بزاااف هي حالات فمها هانافورات هاورد اشكال والوان قدامها هبطات بخطوات ثقال وفاطمة من وراها هازة لحوايج وهي حالة فمها تقول كتحلم

…..:انسة الماس مرحبا

الماس:ترحب بيك جنة شنو سميتك

مريم:اسمي مريم انا مرافقة ديالك غنكون معاك ديما

الماس:اك فين باب لقصر بغيت ندخل

وراتها فين لباب وخدم لابسين لباس موحد خداو شناطي وخديحة واقفة تتسنى فيها في صالون

خديجة:مرحبا والف مرحبا نورات دار

الماس:ترحب ييك جنة

خديجة:اجي كبيدتي ترتاحي جلسي مالكي حشمانة

جلسات الماس وبداو خدمات جايين اش منك يا حلاوي هاكعب غزال هاحلوة لوز ماكغون ها كيكات ها لطاغط صغار بلكريمات فريز حامض وعواصر فيهم طبقات خوخ وفريز وكرز ولفوق مزين بلفريز مقطع على شكل زخرفي ديك طبلة لوحة فنية خدات الماس كاس ورشفات منو شوية وحطات

الماس:كدير لباس عليك

خديجة:حمد لله بنيتي بشوفتك

الماس:حمد لله

خديجة:بنتي راه دار دارك كلشي ديالك

الماس:انشاء الله

شوية بدا هابط من دروج سليمان كيتاوب عاد فاق

سليمان:واليدة بغيت نشوف ختي فين (حل فمو)واااعداااو هاذي هي ختي

الماس تصدمات قالت راني خايبة ولا فيا شي حاجة ولات تشوف في جنابها

خديجة:يعطيك دقة مالك على هاذ غوتة هاذي ختك

سليمان:وااااو وانا اسعد واحد واش هاذ ملاك كل ختي……..

#يتبع

🍁رواية:قدر اليتيمات🍁
🌸جزء:32
كاتبة:فاتي

الماس حشمات وهبطات راسها

سليمان:شوف ليك ختي زينة كتحشم

خديجة:اويلي كليتي بنت بقشورها كون تحشم

الماس:وهانتي تشوفي هههه

سليمان:ختي واصلا غرتي خدوج غير كري

خديجة:ايوا علاش نغير على بنتي من ولدي كون تحشم

سليمان:زيونات كتقراي

الماس:اه هاذي اسبوع شديت لباك دوزنا امتحان وخرجات نتائج

سليمان:ايوا زيونات كاين شي ولا غير فرشي

الماس:لا لا جبت باك ب 19 انا لولة وفدوى لولين في ليسي

سليمان:شكون فدوى

الماس(بحزن):ختي

سليمان:ايوا كتكوتة برافو عليك عائلة الزيداني كلها غير عباقرة هههه

الماس:هههه ايوا نشوف

الماس عجبها لحال حيث خوها طلع ظريف بحال هاكا وعاملها مزيان

خديجة:يلاه حبيبتي طلعي ترتاحي في بيتك حتا يتحط لغذا راه قرب(طبعا راه مريم حداها)

مريم:انسة الماس يلاه نوريك بيتك

سليمان:لا انا لغنديها

الماس:واخا

سليمان:انسة الماس تفضلي

الماس:ههههه حمق زيد……..

#يتبع

🍁رواية:قدر اليتيمات🍁
🌸جزء:33
كاتبة:فاتي

طلعو في لاسانسور وطلعو لطابق مكتوب عليه حبايب قلبي وهوما كيضحكو حتا وصلها لبيت لونوا وردي ومنقوش عليه بذهبي وعليه ملصق لولو كاتي مصمم عليه ماشي ملصق كيحمق غير لباب مع ذخلات حلات فمها من بيت كلو بوردي وبني وناموسية دائرية محطوطة وسط ومحطوط عليه لفراش بطريقة عشوائية تجذب إنسان لنوم ومجورة بوردي ومجر كبير فوق مراية وفيه كلشي عطور ومكياج وكلشي مستف في مكان ومجر ديال سبابط فيه كلشي شوز رياضي وكعب عالي أحذية تقليدية وشوز ركوب خيل وكان مراية كبيرة قربات ليها تشوف راسها فيها بانت ليها واحد بوطون على شكل لولو كاتي وركات عليها تحل باب كان دريسينغ فيه حوايج اشكال والوان رياضية جلالب وحوايج سهرات كلشي للمحجبات وكاين بيجامات كلشي كيحمق الماس غير كتكتاشف مكان وشافت بلازما كبيرة وهي شكلها عجيب

الماس:سليمان شنو هذا

سليمان متواضع بزاف ولكان حتا شيفور يجلس معاه في ارض وياكل معاه معندوش مشكل متواضع لاخر درجة

سليمان:هاذي ختيتو بلازما على هاذ شكل كتشعل هاكا وكتبقاي تبدلي قنوات بهاذ تيليكوموند(كان على شكل لولو كاتي)

الماس عجبها لحال حيث خوها كعما ضحك عليها ولا استهزأ منها

سليمان:اجي نوريك بيتي

خرجو ومشاو في نفس طابق ثالث لكانت مصمماه خديجة لولادها بنتها وولادها

كانوا خارجين ماوجهين لبيت حتا جذب نظر ديال الماس واحد بيت

الماس:بيت من هذا

سليمان:بيت صقر

الماس:اه……..كان باب غرفة فيه طابع ملكي لون بني ومزخرف

كملو طريقهم للبيت سليمان وكلما قربو كيسمعو صوت موسيقة مجهد ……

#يتبع

🍁رواية:قدر اليتيمات🍁
🌸جزء:34
كاتبة:فاتي

الماس:اشنو هاذ اصوات

سليمان:صوت موسيقى نسيت في بيتي ملي سمعتك جيتي

دخلو لبيت كان لا يقل جمالا على غرفة الماس وكانت كلها صور جاستن بيبر

الماس:سليمااان

سليمان:نعام

الماس:وطفي موسيقة هاذشي عندك غريب

طفا موسيقى ومشات الماس لواحد صندوق ديال سيديات وكتقلب

سليمان(بحزن):الماس نتي كتشبهي لختي بزاف بغمازات وضحكتك وكلشي ولاكن نتي احلى منها

الماس:ههههه على شوية حسيتك غتبكي

سليمان:كنبغي نضحك بزااف

الماس:هاذ شريط عجبني

سليمان:هذاك خاص رقص عليه

الماس:اه كنعرف نشطح (اخت كتصحاب شريط ديال احيدوس ولا شعبي)

سليمان شعل شريط كان لاغنية فرنسية لرقص سولو

سليمان:يلاه انسة رنيم

الماس:هاذي كيفاش يشطحو عليها

سليمان:انا نعلمك ……حط يديه على خصرها ويد على كتفها

الماس:وبعد

سليمان:تحركي يمين ويسار وبشوية وبرومانسية

بقاو كيتحركو ويرقصو الماس مرة مرة تعفط على رجل سليمان حتا تعلمات مزيان وكانوا مركزين حتا تحل لباب ……

#يتبع

🍁رواية:قدر اليتيمات🍁
🌸جزء:35
كاتبة:فاتي

تحل لباب كاع عاطيه سليمان بظهر والماس قدام التفتات

صقر:وبناادم ونقص عليا زفت

الماس خرجات من ورا سليمان وصقر تلف كانت كتبان كيوت بزااف (ميمتي واش هاذ من انس ولا جن ها ملاك)

الماس حسات بنظرات وحشمات وحنيكاتها زادو حمارو وطاح عليها سر وابتسمات

صقر في نفسه(لا هاذي ناوية تذبحني ماضحكيش علاش كتحشمي)

سليمان:احم احم كح

صقر لا حياة لمن تنادي سيد داخ

سليمان:ايوا عارفين بنت ملاك وزوينة صافي كليتي لبنت بعينيك

صقر عاد حس على راسو:احم شكون هاذي؟؟؟

سليمان:هاذي اختك الماس

صقر ملامح تغيرات من ملامح معجب ولهان لملامح غضب وكتخوف

صقر:قول ليا الماس بنت لخيرية ياك ……خرج وخبط لباب بجهد حتا كان غيهرسو ……..

#يتبع

🍁رواية:قدر اليتيمات🍁
🌸جزء:36
كاتبة:فاتي

سليمان حس بخنقة:الماس

الماس:لارد

سليمان:حييبتي متقلقيش عتابريه مكاينش وهو ماشي خويا واخا

الماس:لا انا كعما تقلقت

سليمان (عنقها):ماتقلقيش هو اصلا كعما كان باغيك ولاكن ماما ملي طاحت لينا باعصاب وسكر وافق على قبلها

الماس:اه عادي

سليمان:يلاه نزلو نتغذاو

الماس:مزال ماعيطو علينا

كانت واحد الة شاعل فيها ضو لازرق وكل غرفة كتشعل على لون لفيها وقت لغذا ولعشا وفطور وغوتي وشار ليها بيديه

سليمان:الة علماتنا

هبطو في لاسنسور لغرفة طعام

خديجة: مرحبا بحبايبي اجيو

الماس +سليمان:مرحبا ماما

صقر بصوت منخفض:والله قالت ليك ماما سيدة ذكية باغا تلعبها بنت لخيرية

الماس سمعات وجلسات صابرة

خديجة:ها حبيبتي عجبك بيتك

الماس:اه عجبني بزااف ماما

صقر:علاش ميعجبهاش وهوما في خيرية كينعسو كسردين مستفين في بيت كلقفص

خديجة تعصبات:صقررررر شنو هاذ لهضرة

الماس:عادي ماما خليه

صقر مبغاش يعصب مو وهو ينوض لبيتو

خديجة:ماتديش عليه بنتي يلاه بداو بسم الله

كلات الماس وناضت طلعات لبيتها وعيطات لفدوى في تيليفون كانت شراتو ليها

الماس:الو لحب توحشتك

فدوى:حتا انا كديرين اجواء

الماس:عاودات ليها كلشي من غير قصة صقر

فدوى:سعداتك عندك خوك بحال سليمان

الماس:اه عندي سليمان عندو 20 انا اصغر منو بعاميين وكاين صقر عندو 25 عام وعندو ثلاث شركات وعندي مرافقة اسمها مريم وغتعلمني كلشي وهي اصولها فرنسية يعني لغتها معكلة

سمعات دقان في لباب …….

#يتبع
🍁رواية:قدر اليتيمات🍁
🌸جزء:37
كاتبة:فاتي

مريم:انسة الماس

فدوى:اه هاذي هي ههه

الماس :اه هههه

مريم:انسة الماس عندك جلسة

فدوى:اويلي ياكما جلسة مع رشيد والي تي اش درتي مسخوطة

الماس:وعداااو هههه تي اش درت غتكون شي جلسة مع rauf&faik مغنيين هخههه جابوهوم يغنيو ليا

ومشات معاها ركبو مصعد وهبطو لطابق مكتوب عليه Anagueti
والماس شافت طابق كيحمق فيه بزااف لبيوت

وكانوا واقفين لبنات لابسين نفس طقم لياس و

مريم؛انسة رنيم بشنو بغيتي نبداو

الماس:تي هاذي باش غنبداو

فدوى:شوفي نتي

مريم:كنصحك بداي بسونا

دخلوها سونا شي ساعة ونص وكلها ضحك ونكت وكملو ليها وخرجوها

مريم:دابا غندوزو لشعر

الماس:زيدي هههه

دخلوها لغرفة كبيرة وفيها كاع ليحتاج شعر و4 لبنات وحدة لقص شعر وحدة لصباغات وحدة لتصايب شعر بقا معاها قطعو ليها شعر متضرر ودارو ليها ماسك شعر عاد صباغة وكان لونها ذهبي ومع شعر الماس كان عسلي جا لون خطير حتا لصيباتو ليها حمقها……..

#يتبع

🍁رواية:قدر اليتيمات🍁
🌸جزء:38
كاتبة:فاتي

مريم:انسة دابا خاصنا نمشيو عند اخصائية عناية ببشرة

فدوى:الماس خطيرة اخصائية ههههه

الماس:احم احم ههههه

ومشات الماس مع مريم لغرفة مجهزة بكل مايخص وجه بدات ليها في اول بفتح مسام ببخار ومن بعد تنضيف رؤوس سوداء وازالة شعر وجه ودارو ليها ماسكات ومطبات وكملو ليها أخصائية نباهرات ببشرتها كيولات كيف بيبي

مريم:انسة الماس كتحمقي

أخصائية اه تبارك الله

الماس:فدوى كنحس بحال وجهي عاد ولا من جسدي

فدوى:اديك قردة شوقتيني عيطي مكالمة فيديو نشوف

الماس:لولاه نم سيري سيري قالت ليك مكالمة فيديو

شوية شافت مكاملة فيديو وحلات خط مع حلات طيحات فدوى تيليفون

الماس:اويلي فينك ياكما وجهي فيه شي حاجة

فدوى:وموصيبة ووليتي قرطاسة بحال عارضات ازياء ولا ملكات كتحمقي بزين

الماس زاد برز جمالها فيروزتيها لبلون ازرق كيف لون لبحر ورموشها بانوا كثاف كثر اما خدودها حمارو كثر كحبات كرز اما شفايفها ولاو حمرين ورطبين كثر وكيلمعو بحال حبة فراولة

مريم:انسة الماس دابا نمشيو لغرفة تبديل

الماس:ياك حوايج لفوق

فدوى:واقلة هبطوهم ليك هنا

مشات الماس مع مريم حتا حلات فمها في بيت لكل أزياء على موضة وكلشي مستف

الماس:فدوى شوفي بحال انا فشي بوتيك

فدوى:هاذي راه مصمم ليك اشمن بوتيك

الماس:مريم علاش هاذشي كامل

مريم:مدام خديجة لبغات

الماس:اه

فدوى:ضريفة مدام خديجة

الماس:اه حبيتها حنينة بزااف ……..

#يتبع

🍁رواية:قدر اليتيمات🍁
🌸جزء:39
كاتبة:فاتي

مريم:اختاري شنو بغيتي تلبسي

الماس:نختار انا

فدوى:لا انا وتي ختاري

بقاو شي ساعة يختار هذا مضيق هذا قصير طويل حتا ختارو اش بغاو ومشات لبسات ونباهرو من جمالها ودارو ليها مكياج ناعم جات كتحمق وطلعات لبيتها ومشات كتشوف في مراية

الماس:فدوى جيت زوينة

فدوى:اصلا نتي زوينة غير زدتي جمال

الماس:عارفة عارفة ههههه

فدوى:وهذا جزائي ثقة في نفس

الماس:واثقة ههه يالاه حتا ليل

فدوى:باي

الماس:سي يو

كان صقر دايز من حدا بيتها وهي خلات نص محلول ونباهر بشكلها بقا ساهي وكملات باهية بدات تغني وتحرك وتشوف في مراية

الماس:وشحال من واحد دنيا داتو بدلاتو نساتو بعداتو على لحباب وملي جا يعوض كاع لفاتو خلاتو ياو فحياتو تايه ماليه جواب بويا وشحال محتاجة ليك ونحط راس عليك شكون ظهري في دنيا غيرك ربي يخليك

مع اخر مقطع حسات بطعم انه ميكونش عندك اب ولا عائلة وطاحت دمعة حارة على خدها وصقر غير زايد تايه في عيونها زورق لي ملي غرغرو ولا كيف لبحر عاصف …….

🍁رواية:قدر اليتيمات🍁
🌸جزء:40
كاتبة:فاتي

مسحات دمعتها وكملات كتغني وتشطح حتا ضارت صابتو واقف قدامها

الماس:كح كح

صقر عاد حس براسو :واش نتي كتصحابي راسك بقا فداك ميتم بنت خيرية راه دار هاذي سدي عليك لباب

الماس:ونتا اش دخلك نسد لباب نهرسو سوقك

صقر غوت حتا طابق كتحسي بيه مشا وجا:برب كعبة وتعاودي تهضري بطريقة هاذي نقطع ليك داك لسان

خرج سد لباب حتا كان غيهرسو وهي هزات تيليفون وهبطات في لاسنسور لتحت

الماس:كجيت

خديجة:بسم الله تبارك الله كتهبلي

الماس:ماما علاش هاذشي كامل

خديجة:بنتي خلاتك وحتا عماتك بغاو يشوفوك ملي عرفوك جيتي

الماس:اك ماما

طلعات هزات صاكها وخرجو ركبوا لوطو وشيفور سايق بيهم لدار غزلان وهي اخت خديجة لكبيرة وكل لفي بيت هم :

اولاد خالة غزلان(وسيمة 18 عام +إقبال 15 سنة اخير عنقود +فهد 25 سنة عميد شرطة)

اولاد خالة الغالية (عثيقة 22 سنة متزوجة ووالدة بنت سميتها عشق عندها عام +وختها كوثر 18 سنة دلوعة ومفششة +واخوها بدر 25 سنة شريك مع صقر في شركة من شركات صقر+خوه جواد 19 سنة ثانية جامعي

(عمة ديانا جنسية روسية تزوجها عم أركان نهار سافر لروسيا) بنتها نسيمة مغرورة +خوها قصي 25 سنة كيسير شركات باه لفي مراكش وروسيا

وعمة سحر مامزوجاش عندها 24 عام وهي صغيرة في خوتها

عمة ميساء عندعا بنت وحدة ولاكن إختافات سرقاتها مرافقة ديالها …..

#يتبع🍁رواية:قدر اليتيمات🍁
🌸جزء:41
كاتبة:فاتي

هبطو من لوطو والماس متخوفة كيفاش غتقبلوها كانت قصر كبير واقفين يستنتوها

وسيمة:لووووولوووولووووييي بنت خالتي جات

كوثر:مرحبا والف مرحبا

الماس حشمات وعجبها لحال كيسميو بالله على جمالها

سحر:تبارك رحمان على جمالك مشاء الله

غزلان:اه جمال واخلاق وعفة كاملو مكمولة سبحان الله

نسيمة:ايوا سنو حنا زأما مزونينيش(سيدة لغتها مدعوقة بروسية بحال مها)

ميساء:لا زوينين

خديجة:ولاكن ماشي بحال بنتي

ميساء:حبيبتي نسينا كدير لباس

الماس:حمد لله

كوثر:حبيبتي غنعرفك على كلشي

بقاو توريها ويتعارفوا ويضحكوا

وسيمة:حبيبتي شنو سميتك

الماس:الماس

سحر:تبارك الله سميتك زوينة بحالك

نسيمة:اوووووف

كوثر:علاش كأتأفي علينا

نسيمة حسات على راسها:والو غير ماليت وبغيت نرقص

إقبال:ايه والله نوضوا

شعلو موسيقى شعبي وناضوا الا الماس…….

#يتبع

🍁رواية:قدر اليتيمات🍁
🌸جزء:42
كاتبة:فاتي

كوثر:نوضي تشطحي

الماس:لا غير

خديجة:نوضي وريهم بنتي رقصك

ناضت كتشطح بكل رقة واناقة وخدمو اغنية شرقية والماس كتحرك بخفة وكلشي كيصفق ويصفر لبنات حتا دخل فهد

فهد:واليدة ساعة وانا(شاف في الماس وهو يتجمد)

غزلان:نعام ولدي بغيتي شي حاجة

وسيمة:نتا اش بيك داخل مدرم ماعرفتيش راه ليوم بنت خالتي كاينة

فهد:وانا اش عرفني

غزلان:اش بغيتي ولدي

فهد:جيت نسول على خالتي وبنتها ايمتا غيجيو ساعة هوما جاو انا غادي نقولها لشباب يجيو يسلموا عليها

خرج ومشا عند دراري

قصي:اشنوا ايمتا غيجيو

فهد:وقول جاو

بدر:ايمتا اوااه

فهد:وجاو وطلقوها شعبي

قصي:زيدو نسلمو

دخلو دراري

جواد:فين هي بنت خالتي

خديجة:هاهي

مع دارو دراري تصدمو …….

#يتبع

🍁رواية:قدر اليتيمات🍁
🌸جزء:43
كاتبة:فاتي

كل وكيشوف فيها بإعجاب ويعبر بنضرات وانا غنمشي ليكم لعقل بدر لحل فمو كثر (اربي واش كنحلم هاذي ملاك ولا انسان انا تلفت واش هاذي بنت خالتي اش هاذ لقمر)

نسيمة(غارت):كح كح كح عواطف جيبي ليا ماء

دراري حسو بريوسهم تقدم قصي وسلم عليها

قصي:مرحبا ببنت عمتي

الماس:ترحب بيك جنة

قصي:انا قصي ولد عمتك ديانا اخو نسيمة

تقدم جواد حال فمو وهو يسبقو بدر شد يديها وسلم عليها

بدر :انا بدر ولد خالتك الغالية

وجلس وهو ساهي فيها ويديه محيدهاش

صقر:سلام عليكم

سي بدر عاد حس براسو

الكل:عليكم سلام

خديجة:تعطلت ولدي

صقر:غير شريكة وخدمة

خديجة :اه وفين خوك

صقر:يقول مريض وماقدرش يجي

الماس:اشنو بيه باش مريض

خلاها بلاكا وزاد

خديجة:مال خوك هضر واش مكتسمعش

ضقر :مافيه والو غير سخانة

الكل:ربي يشافيه …….

#يتبع

🍁رواية:قدر اليتيمات🍁
🌸جزء:44
كاتبة:فاتي

الماس:امين

وسيمة:ههههه الماس ثيقتي سليمان ران عندو سبعة رواح

وجلسو دراري ولبنات كيضحكو ويعادوا نكات حتا جا دور ألماس

ألماس:قالك هذا واحد محشش عيط على مطعم قالهم عندكم ماكلة قالو ليه اه قاليهم يا ولاد لحرام علاش ماعرضتونيش

الكل:😂😂😂😂

وسيمة:جواد كتعرف لمحشش شنو هو

جواد:هو لبحالك

الكل 😂😂😂

الماس:لا وسيمة ممحشاش

بدر:كتعرفر محشش شنو هو

الماس:اه ههههخ

صقر (بصوت منخفض سمعات الماس لقريبة ليه):هي بنت خيرية راه كتعرف حتا لح*ا ومحشش متعرفوش

إقبال:اوووف مليت ايمتا غنسافرو

نسيمة:اه ايمتا غنسافرو راني ماليت من دال

كوثر:دار هههه ماشي دال

نسيمة:بحال بحال

بدر:نهار الاربعاء

كوثر:لا راه بزااف

خديجة:لا مزيان نوجدوا

قصي:اه مزيان عمتي

نسيمة:على سنو ساغلكم علينا قبل لاربعاء

بدر:صافي لاربعاء…. ….

🍁رواية:قدر اليتيمات🍁
🌸جزء:45
كاتبة:فاتي

وسيمة:بنات خليكم منهم نوضو نوريكم حوايجي لشريت

ناضو لبنات وكاع دراري حاضين ألماس الا صقر حتا ركبوة سانسور وطلعو لييت وسيمة وراتهم خوايج ونكات وضحك وحتا دراري مجمعين وهبطوا لبنات قبل لا يدخلو صالون

الماس:فين هي لمراية

وسيمة:قمر وغتشوفي في مراية تغير منك

كوثر:اش بغيتي بلمراية تهبلي

الماس:هههه صافي حشمتو تواضعي

نسيمة:على هاذشي كامل تواضع

كوثر:صافي زين راهم لمرايات

دخلات الماس لواحد لبلاصة فيها لمرايات

الماس:والله انك قمر يا ألماس ههههه …….الماس واقفة قدام لمراية

الماس:ياكون تشوفوا حالي يابعدو واش جرالي🎶واااه على لي بيا جيت نحيدو من بالي🎶ياميمتي زاد هبالي واااه 🎶على لبيا ولا راح لنبغيه🎶وشكون يبقا ليا لبغا يحب نوصيه🎶مايأمن لدنيا وانا لقلت حبيبي عمرو ماينساني🎶🎶(تحية لقراها بلحن ههه)

كانت كتغني بصوتها لبحال شي رنة كتخليك ترتاح

بدر:ودار فيا كثر من لي دارو فيا عدياني ميمتي حياني ومي حياني🎶

الماس:خلعتيني

بدر:سمح ليا

الماس:عادي

بدر:مراية لخاصها تشوف واش زوينة ماشي نتي

الماس حمارت ولات كيمطيشة بحشمة وسيد داخ بقا غير كيشوف حتا فيقوه من سهوتو …..

🍁رواية:قدر اليتيمات🍁
🌸جزء:46
كاتبة:فاتي

صقر(غوت):اش كديري هنا

الماس:ونتا مالك

صقر:اشنو كديري

الماس:واش بان ليك مثلا كنقاد راني كنقاد راسي

صقر:تحركي حيدي من هنا

بدر:شنو فيها ساط لاش كتغوت

صقر:واش واقفة معاك وممدايرة والو

بدر:ونتا اش دخلك

صقر حسن على نفسو وهو اصلا لاش مداير هاكا:لا مبان ليك والو راني خوها سي ولا بنت ليك ماشي راجل باش نخليها مع رجال بوحدها

بدر:اصلا عادي جيت وبلا اعصاب

جات الماس تخرج شدها صقر من يديها وزير حتا كتحس بيدها غتهرس

صقر:انا ماقلتش ليك خرجي مفهوم

الماس عينيها غرغروا وحسات بيديها مشات :ااااي طلق من يدي

بدر:ايه ايش فيك واش حماقيتي طلق من بنت

صقر:ونتا اش دخلك دخل سوق راسك …….

🍁رواية:قدر اليتيمات🍁
🌸جزء:47
كاتبة:فاتي

بدر:كيفاش مالي راك شوية وضربها

صقر:بدر

خديجة:اويلي نتوما مالكم صوتكم مسموع

الماس:ههههه والو ماما غير دراري مراهنين وصافي

خديجة:زعنا راكم كبرتوا

الماس:عادي ماما هههه

بدر بقا ساهي فيها (سبحان الله شوف كيفاسش كتخاف على خالتي لا صافي بزااف)

خديجة:يلاه بنتي غنرجعو لدار

الماس:يلاه ماما

مشاو خرجو والماس دارت كان شيئا لم يكن ودخلات طلعات لبيتها
لبسات بيجامة ببني فاتح وتكات دارت لكيت وعيطات على فدوى شدو لحتيت وهي وياهة في نميمة حتا وصلات 11ونص ليل

الماس:سيري راه طلع صباح بونوي

فدوى:بونوي قردة لتبعك ماينعس وذنوب فوق راسو

الماس:ياربي تسمح لينا ماهضرنا في حد

فدوى:اه غير شوية باي

الماس:سي يو ……

🍁رواية:قدر اليتيمات🍁
🌸جزء:48
كاتبة:فاتي

ناضت وهي تنقز من فوق ناموسية ومشات دقات لباب ودخلات لبيت سليمان

الماس:حبيبي مالك باش مريض

سليمان:غير مرضت مع 5 وصافي

الماس:كيفاش هههه

سليمان:طحت من فوق لعود كنصحاب راسي مزال مزيان فيه ولاكن مدة مركبت

الماس:ماتشوف شر ياروحي

سليمان:وركي على داك بوطون

الماس:علاش

سليمان:بغيت شي واحد يجيب ليا عصير ليمون هو لنزل ليا حرارة شوية

الماس:انا نوجدوا ليك حتا تبقا كل نهار باغيه هههه

سليمان:اك زين ههه

ناضت الماس هبطات في مصعد دخلات لكوزينة وصيبات عصير وخدات معلقة كتحرك وتغني

الماس:وقتاش نولي تانا كيفي كيف ناس 🎶رجعات حياتي لور نشالله نولي لباس🎶وقتاش نولي تانا كيفي كيف ناس🎶وقتاش قلبي يحيا ليا إحساس🎶نفرح تانا في دنيا🎶راني مليت خلاص🎶وفين غاذي بيا ياقلبي🎶فين غاذي بيا🎶(تحية لغناها بلحن هههه )

صقر:اش كديري هنا واش عندنا هنا كباري كتغني……

#يتبع

🍁رواية:قدر اليتيمات🍁
🌸جزء:49
كاتبة:فاتي

الماس:شنو بان ليك مثلا كنصايب عصير ليمون

صقر:ونتي اش دخلك فين هوما خدم

الماس:عصير وبغيت انا نصايب كاين شي مانع

صقر:قولي باغا ديري لينا فيه شي سم راه فعايلك مكشوفين بنت خيرية ولي بحالك راه باينين همهم غير لفلوس وطمع كيعمي وراك تقتلي وتفوتيها لهيه

الماس ولات كترعد وحسات بهضرتو كسم وولات كتغزز في شفايفها باش تبرد على راسها ماقدراتش تصبر طاح كاس من يديها وعينيها غرغروا ودموع بداو ينزلوا وتنخصص طلع صقر وخلاها هكاك خلات كاس طايح وطلعات لبيتها كتجري هزات تيليفون وعيطات لخدامة

الماس:وجدي كاس ليمون وطلعيه لسليمان دابا وكاين كاس طايح في كوزينة نضفي مكان

قطعات ولاحت تيليفون ولدات تبكي من كل قلبها حسات بحكرة وضعف في هاذ لحضة وحسات بكل كلمة كتحرقها خدات تيليفون وشغلات اغنية بلا عنوان ديال حاتم عمور

ياكون تشوفوا حالي يابعدوا واش جرالي🎶و اااه على لبيا جيت نحيدو من بالي ياميمتي زاد هبالي 🎶واااه على لبيا وبقيت كشي استوار مكتوبة بلا عنوان بابور ضايع في بحور يستنى🎶بر يبان وراح لنبغيه وشنو ويبقا ليا🎶لبغا يحب نوصيه مايأمن لدنيا وانا لقلت حبيبي عمرو ماينساني وماينساني وما ينساني ودار فيا كثر ملي دارو فيا عدياني ميمتي حياني ومي حياني🎶

بقات الماس تصنط وتبكي وتفكر كاع ايامها حزينة حتا نعسات

#يتبع

🍁رواية:قدر اليتيمات🍁
🌸جزء:50
كاتبة:فاتي

أصبح صباح جديد🌞

فاقت ألماس مع 8 حيث اصلا بزز باش نعسات ناضت دخلات لدوش دوشات وخرجات لبسات صاية طويلة مع تريكو ومشطات شعرها ودارت فولار وخرجات

مريم:صباح لخير انسة

الماس:صباح نور

مريم:قالت ليك مدام خديجة راه تحت لبغيتي ديري رياضة

الماس:اك يلاه

مريم:ولاكن ماشي بهاذ لحوايح

الماس:وزيدي وريني اش نلبس

دخلو لدررسينا لبسات لباس رياضي كلو بوردي مع فولار وشوز رياضي هزات الماس ايبود وخرجو مشاو لحديقة صابو خديجة حتا هي لابسة لباس رياضي

الماس:صباح لخير ماما

خديجة:صباح نور بنتي

مريم:مدام خديجة انسة الماس واجدة

خديجة:يلاه نوضي نجريو بعدا عاد نمشيو لصال سبور

ناضو ومشاو كيدورو على حديقة لكانت كبيرة وبزز باش كملو جوج دورات ومشاو صال سبور كانت مجهزة بجميع اجهزة رياضية بقاو شي ساعة ونص كيترنيو حتا عياو

خديجة:انا غنطلع ندوش تبغر تبقاي

الماس:لا حتا انا طالعة

طلعو لفوق كل مشات لبيتها ودخلات الماس دارت زيوت في بانيو وتخشات ترتاح وخرجات كتبري ومزنكة بدلات لبسات جينز بكوير وشوميز باسود وشوز بابيض جات مرة كلاسيك وانيقة ودارت فولار في ابيض وخرجات تلقات بصقر ……

#يتبع🍁رواية:قدر اليتيمات🍁
🌸جزء:51
كاتبة:فاتي

خرجات الماس من بيتها ودازت من كدا صقر معبراتوش كانه كعما كايين ومشات لسانسور

مريم:صباح لخير انسة سمح ليا

الماس:علاش

مريم:حيث خاصني نكون معاك

الماس:عادي وحيدي ديك انسة انا الماس دوريني بلقصر بغيت نشوف

مريم فرحات لانو الماس ضريفة وهي لفارقات لكانت خدامة عندهم كيعايروها :امرك انسة الماس

طلعو في سانسور وركو على Anagueti وتحل سانسور

مريم:هذا طابق التجميل و

الماس:اه عرفتوا

سدو مصعد وركوا على Music وهو كان صالة كبيرة وفيها جميع الالات موسيقى وشاشة كبيرة في حيط فيها بنات كيغنيو

الماس:باب لاخر ديالاش

مريم فتحات:هاذي صالة رقص

كانت صالة كلها اضواء وفيها مسجل ومكبرات صوت وكل بشكل انيق خرجات الماس ورجعات لغرفة موسيقى كان مايك بكل الوان ويفتح نفس للغناء وهزات مايك لون وردي

مريم:انسة الماس كتعرفي تغني

الماس:اه تبغي نغني ليك

مريم فرحات من تواضع الماس:اه لبغيتي

هزات مايك ودارت اغنية وردة على وردة

الماس:وردة على وردة🎶قالوا مدى جرا🎶قلت انا لميما قلبي مجروح🎶كيا على كيا🎶قلوا لكواني🎶لمشا وخلاني 🎶علاش قلبو هاني🎶دمعة على دمعو🎶قلوا لحبيبي 🎶لمشا بلا رجعة🎶هذه هي دنيا🎶

حطات الماس مايك بعد ماسلات

مريم:واااو صوتك واااعر……

#يتبع

🍁رواية:قدر اليتيمات🍁
🌸جزء:52
كاتبة:فاتي

الماس:شكرا من دوقك يلاه نكمل

مريم:يلاه تفضلي

مشاو خرجو من غرفة وركبوا في لاسانسور ونزلوا لطابق مكتوب عليه Party

مريم:هاذي صالة حفلات

كانت صالة كبيرة وروووووعة وكلها اضواء وراقية والماس بقات غير كتشوف اول مرة تشوف كيف هاذ صال حيث بحال لكنشوف في احلام وااعرة وفيها بوفيه محطوط بشكل راقي وكراسي وكل شي على حقو وطريقو

خرجو من صال وطلعو في لاسنسور وخرجو لجردة حتا وصلو لواحد بلاصة فيها 4 ديال بيبان باب لول عليه وردة وكانت على باب مصممة ماشي ملصق وباب ثاني كان ديال صقر وعليه صورته محفور وكانت مرة نااااايس ونسيت نقوليكم صقر جماله فتان لمعنى كةمة عينيه واعري وكريزمة وعضلات كيحمق الماس بقات كتشوف ننا كيبان برئ عكس حقيقة لشافتو بيها وكان باب ثالث عليه صورة جاستن بيبر محفورة ومصممة بشكل خطير وباب رابع فيه صور لولوكاتي

مريم:باب لول ديال مدام وثاني لسيد صقر وثالث لسيد سليمان ورابع ديالك

دخلات الماس لباب مخصص ليها كان مسبح وجدار ديالو بوردي وعليه لولوكاتي وكان ماريو محفور في حيط وكل بوردي ولولوكاتي وفتحات كان فيه مايوهات ودوبياس وسترينغات وسوتيامات وشوزات للسباحة وكل مايخص سباحة ومرة داكشي وااعر …….

#يتبع

🍁رواية:قدر اليتيمات🍁
🌸جزء:53
كاتبة:فاتي

خرجوا من تما ومشاو لبلاصة ركوب خيل حتا تار انتباه الماس واحد لياب

الماس:مريم شنو هذا

مريم:نسيت هذا عتابريها حديقة حيوان

مشات وركات على جرس وحل ليها باب واحد راجل كبير ودخلو وهنا الماس دخلات لعالم ثاني كلو حيوانات كان مقسم في اول لقسم طيور جميع طيور لقلاق ونسر وصقر وغراب وهدهد وطاووس كلشي وقسم ثاني كان للزواحف تماسيح وحنوش ولفاعي وكلشي وقسم ثالث كان لارانيب وقطط وكل مايخطر على بالك من حيوانات كاينة تما ومشاو ركبو واحد طونوبيل صغيرة متاجهين للخيول لانو مسافة شوية طويلة ووصلوا لمزرعة صغيرة للخيوى وفتحت مريم باب لإسطبل وكانوا خيول كبار صغار والماس عجبها واحد واحد بابيض

الماس:بغيت نركب على هذا

مريم:اك اجي لبسي حوايج ركوب لخيل

مشاو لواحد بيت كان بلون بني وذهبي وفيه حوايج ركوب خيل لبسات الماس حوايج كان سروال اسود ضيق شوية وبلوزة سوداء وبوط طويل حتا للركبة وكاسك ودارت فولار بطريقة عشوائية جات كيوت وجابو ليها خيل لبغات وبقا مدة وهي كيعاون فيها واحد راجل في مزرعة حتا تعلمات وخلاها تدور بحودها وهي فرحانة

في فيلا

صقر كيفكر(انا علاش تعصبت ملي شفتها مع بدر لا لا انا مزيان انا كعما تعصبت اوووف شنو سبب)

تخنق وناض حل لبالكو بغا يشم لهوا وزاد تخنق مسكين😂😂…..

#يتبع

🍁رواية:قدر اليتيمات🍁
🌸جزء:54
كاتبة:فاتي

كان بيت ديال صقر كيطل على مزرعة خيول وبقا ساهي حتا ساف الماس راكبة فوق لخيل وكضحك ومرة كيوت

مريم:انسة مزيان عجبك لحال

الماس:اه وخيل ضريف

مريم:لا راه انثى

الماس :وانا كنقول مالها رزينة ههههه

حسن:كون كعما رتاحت ليك كعما تكون رزينة

مريم:اصلا بقا شي حد محبش الماس

الماس:ههههههه اه والله

مع دورة تلقات عيونها مع صقر لحاضيها بعينيه لكيف سهم وهي استغرابات لاش حاضيها لاش كيشوف فيها رتابكات وهو يدخل وسد بالكو وتكا على باب وحط يديه على قلبو حس بخنقة ناض دوش وخرج لاوي عليه فوطة وهو غير ساهي لبس ورش من عطر رجولي sauvage

عند الماس

الماس:حبيتها قررت نسميها

مريم:اه شنو غتسميها

الماس:غنسميها أماليا ومعنى هاذ إسم حاجة لكيبغيها جميع حيث كتكون ضريفة وزوينة بحال أماليا

مريم:زوينة سمية والله

هبطات الماس من فوق اماليا ومشات بدلات ورجعوا لدار

الماس:هههه داز نهار زوين

مريم:اه تبارك الله عليك

حلات الماس باب حتا زلقات وفقدات توزانها …….

#يتبع

🍁رواية:قدر اليتيمات🍁
🌸جزء:55
كاتبة:فاتي

الماس:زوينة بزااف والله

محسات براسها غير جات مخبوطة مع صقر وفقدات توازنها كتا شدها من خصرها وبقا ساهي

الماس:سمح ليا ماكنتش قاصدة

صقر دفعها:ومال مك عمية بنت خيرية من فوق اوووف

الماس:قلنا ليك سمح لينا بنادم

زادت وخلات واقف ومريم تبعاتها وهو بقا غير كيشوف هاذي بحال دابا مشات وخلات واقف بلاكة خرج وردخ باب .

دخلات ألماس وبقات مع مريم كيتحتوا حتا وصلات 9 ليل وطلعات الماس لبيتها سيريفيت ببني فاتح وخلات شعرها مطلوق على راحتو وهزات كاvر تيليفون بنفس لون وفتحات مكاملة مع فدى

الماس:حبي توحشتك

فدوى:دوبا توحشتك حتا انا غبرتي

الماس:تدوم رشاقتك ياعمري هههه

فدوى:شنو درتي ليوم

الماس:عاودات ليها كلشي من لي خرجات حتا دخلات الا حركات صقر معاها معاودتاش ليها

فدوى:وااو واعر ركبتي خيل سعداتك

الماس:اه والله فرحت

فدوى:نسيت سميتها اش قلتي

الماس:أماليا سميتها

فدوى:اه سمية زوينة توحشت قردة نضربك بلمخاد

الماس:اوووف عاد تفكيت منك

فدوى:كيفاش راه غذا نتي عندي غنشوفك

الماس:اه نسيت غذا إثنين مايمكنش…….

#يتبع

🍁رواية:قدر اليتيمات🍁
🌸جزء:56
كاتبة:فاتي

فدوى:علاش شنو نسيتي هضري

الماس:غذا مسافرين لتركيا

فدوى بحزن :نسيتيني ياك دغيا واخا يلاه بسلامة

الماس:وااااع وقردة غير ضاحكة غذا كعما مسافرة حتا لمن بعد هههه

فدوى هزات وسادة ضرباتها مع لارض:كون غير كنتي نوريك كضحكي

الماس::اااااي فدوى رصاي ههههه

فدوى:اه الماس كيبقى سليمان

الماس:اه كان مريض بسخانة وصايبت …..تفكرات صقر وسهات

فدوى:والماس كيبقى

الماس:لارد

فدوى:ولبعر والماس وكيبقا

الماس:ها حمد لله (شافت جهاز لحدا راسها كينور بوردي)حبيبتي باي غنمشي نتعشى ماما عيطات ليا

فدوى:بصحة روحي باي

هبطات الماس في لاسنسور صابت سليمان وخديجة

الماس:مساء نور

خديجة:حبيبتي جلسي

جلسات وبقاو مدة حتا دخل صقر …….

#يتبع

🍁رواية:قدر اليتيمات🍁
🌸جزء:57
كاتبة:فاتي

دخل صقر وبدر لغير شاف الماس مشا نيشان عندها وغير شافت جاضت بتاسمات حتا بانو غمازاتها وهو زاد قرب وساهي

بدر:الماس صافا

الماس:حمد لله

خديجة:يلاه حبايبي جلسو تعشاو

صقر:اه والله غنموت بجوع

سليمان:الماس بارح تسنيتك ترجعي كعما رجعتي بلعصير

الماس توتراث بعد ماشاف فيها صقر وتفكرات لبارح:احم احم والو غير صيفطتو ليك مع خدامة

سليمان:ولاكن راه نفس عصير لموالف نشرب مافيه حتا جديد

الماس:حيث حسيت بدوخة وماقدرتش نصايب وطلبت خدامة تصايب

بدر كان كيستنا وقتاش تكمل وهو باين فيه خوف عليها حتا لفت انتباه كلشي

بدر:مايكون عندك باس

الماس:حمد لله

سليمان قرب لالماس:مال هذا اقول خبطوه بسطل ملي سمع بلي راك (كيقلد الماس)حسيت بدوخة

الماس:هههه واش نتا كضحك عليا وانا اش عرفني

سليمان يوشش ليها:سيد طاح على زنافرو باينة

الماس:شنو كيبغيني راه اثرات عليك سخانة

سليمان:شوفي نظراتو ليك

الماس هزات عينيها كان غيكولها بيهم وهو دايخ في نظراتها …..

#يتبع

🍁رواية:قدر اليتيمات🍁
🌸جزء:58
كاتبة:فاتي

الماس:حمد لله شبعت

خديجة:لا بنتي شنو راك مزال مكليتي والو

بدر:جلسي بارح دوخة عاد كنتي مريضة

صقر:خليوها

الماس حسات بحا كيجري عليها:صحة دايمة حمد لله

ومشات وكل متبع ليها عين وبدر كون صاب يتبعها ودخلات لبيتها تلاحت فوق ناموسية وهي كتفكر هزات تيليفون

الماس:الو

فدوى:فيك نعاس

الماس:بزااف اوووف

فدوى:ولاش معيطة

الماس :بغيت نسولك

فدوى:سولي لعرفت جوابك نجاوبك

الماس:لشفتي شي حد وملي كتشوفيه كتحسي بدقات قلبك كيتسارع وكتشدك سخفة وكرشك كضرك

فدوى:الماس هاذي سميتها زعطة لحوووب باضاض

الماس:اويلي لا مايمكنش نكون انا وهو

فظوى:شكون هذا ………..

#يتبع
🍁رواية:قدر اليتيمات🍁
🌸جزء:59
كاتبة:فاتي

الماس:ولا اصلا مكنبغي حد

فدوى:هاذشي لقلتي هو لقالت لينا نوال واش نسيتي هههه

الماس:دوزيها ليا ياك مدايرة مكبر صوت

الماس:مو نضاضر توحشتك

نوال:تف تف الله يستر نضاضري في عار الله

الماس:شنو هاذي قالت ليك كنبغي ماكنبغي

نوال:اه هاذي اعراض لحب

هاجر:وضرباتك زعطة هههه

خلود:الماس طاحت على زنافرها

الماس:سيرو سيرو اش من حب مايمكنش نكون تزعطت فيه

نوال:هذاك لحب من اول نظرة

خلود:تزعطتي هههه

الماس:ناري كرا يديك عامرين صابون دابا هههه

خلود:لا عاد كملت غسيل لماعن ……

#يتبع

🍁رواية:قدر اليتيمات🍁
🌸جزء:60
كاتبة:فاتي

الماس:ايوا كدير لباس

إكرام:والله فوق سلك

الماس:اكرامو درتي خلود فشي بيت من دوك بيوت لكترسمي هههه

اكرام:لا كلهم سديتهم نمشي نشوفها لا تاكل صابون

الماس:هههه فينكم تلفت

امال:هانا كدير لباس

الماس:حمد لله ونتي

عبير خدات تيليفون:والله انا مزيان

الماس:عوك عوك طايرتو نعاسي هههه .

هبة:على نتي كان فيك نعاس

الماس:هههههه نتموا غتحمقوني عطيوني فدوى

فدوى:هانا

الماس:سلمي على لبنات وراكم دوختوني باي

فدوى:باي حبي
🍁رواية:قدر اليتيمات🍁
🌸جزء:61
كاتبة:فاتي

قطعات تيلي بقات كتفكر واش بصح هي ولات كتبغيه ولا يمكن غير نوال بغات تفلسف حتا نعسات

أاصبح صباح جديد🌞

فاقت ألماس دوشات وخرجات دارت شعرها كيرلي وجمعات كعكة لبسات سروال تجينز بوي فريند مع شوميز بيضة وفوقها فيست برمادي مع سانتير وسبادري بيضة وفولار اسود ودارت كمامتها بأسود ومايكاب خفيف وخرجات مشات هبطات تفطر لقاتهم مجمعين على طبلة

الماس:صباح لورد

خديجة:صباح نور روحي

سليمان:صباح لخير حبيبتي

خديجة:فقتي متأخرة بنتي

الماس:بلرح بقيت كنهضر مع لبنات

صقر:بنات خيرية

الماس:اه بنات خيرية

خديجة تفقصات ولاكن ملي حسات الماس ممقلقاش سكتات

الماس:غنمشي ليوم عندهم

سليمان:مزيان روحي

الماس:تمشي معايا بلييز …….

#يتبع🍁رواية:قدر اليتيمات🍁
🌸جزء:62
كاتبة:فاتي

صقر:لا مغايمشيش نخاف يضربوه بنات خيرية بلعين وحسد لفيهم وهوما نصهم عاهرات

سليمان:لا غنمشي

خديجة:صقررر.حتارم ولا غنسخط عليك راك عيقتي

الماس بقا فيها لحال وماصت مكلات والو وطلعات طرفات حالتها وخرجات مشات لبيت سليمان دقات لباب

سليمان:صقر راني غنمشي بلا متصدع راسك

الماس:كات هاذ رقة وانوثة سميتها صقر

سليمان:ههههه لا

الماس؛زيد نمشيو

خرجو ومشاو ولوطو لكانت لمبرغيني بأسود وطلع سليمان لغيسوق

سليمان:كيجيتك ختي

الماس:تهبل مشاء الله ولاكن راه غاذي غير لمبتم

سليمان:ماعرفتي نجيبو شي عروسة

الماس:هههه زين راك حمق

كسيرا سليمات ومشاو اول حاجة لمول شراو كادوات وتوجه للميتم وبقاو يتحتو حتا وصلو دخلات الماس كتسلت حتا لقا غير ظلام ……

#يتبع🍁رواية:قدر اليتيمات🍁
🌸جزء:63
كاتبة:فاتي

الماس:فينكم واش مشيتو اويلي

محسات الماس غير ضواو شاعلين وولبنات لاحو عليها ورد وفدوى جات تجري عنقاتها حتا طاحو في ارض وكيبكيو حيث توحشو بعضهم اصعب حاجة هي تكون صداقة قوية وتفتارقوا خير مثال في لقرياة ملي كيفرقوكم غير في قسم

الماس:توحشتك هى هى

فدوى:انا كثر دوبا

هاجر:حيدي نعنق ختي

دغعات فدوى وجات عنقاتها وتعانقوا لبنات وتستلموا وفي اجواء شوق ووحش لبعصياتهم حتا شافت الماس سكينة مشات تجري عنقاتها وتنخصص

الماس: ماما توحشتك هئ هئ توحشتك بزااف

سكينة:حتا انا بنتي ياك فرحانة

الماس:فوق ماتصوري ماما

الماس:علاش طفيتو ضو

امال:قلنا نديرو مفاجأة

الماس:شكرا حيبانات

هاجر:زيدي ندخلو

جرو الماس وبغات تدخل

سليمان:كح كح

الماس:نسيتك ههههه

امال:شكون هذا

الماس:هذا خويا سليمان كبر مني ب عاميين

هاجر:مرحبا بيك

فدوى:كنعرفك بكثرة ماعوادات عليك …..

#يتبع🍁رواية:قدر اليتيمات🍁
🌸جزء:64
كاتبة:فاتي

دخلو وسليمان دغيا ندامج معاهم بحال كيعرفهم وبقاو ضحك وسوالف حتا ل9 ليل.

وفدوى غمزات الماس وطلعو بلا مايحس بيهم لبيت حيث اصلا كانت ملهيين مع سليمان

الماس:توحشت بلاصتي

فدوى:حنا ماشي في بلاصتك شكون هو لكتبغي الماس هضري

الماس حمارت ولات مطيشة:صراحة ماعرفتش ولاكن هو بدر

فدوى:لشفتيه غير جوج مرات

الماس:اه هو ولاكن ممتاكداش

فدوى:راك تزعطتي بنتي وصافي

بمكان أخر وبضبط بأكبر قصور في مدينة مراكش في بيت خالة الغالية

كوثر:بدر الله يعطيك برود

بدر:لا غير كمليها باش نهرس لمك داك لفم

كوثر:ارا ليا تليكوموند

بدر:لا والله لشفتيه

كوثر شافت في تليفونها كيصوني:الو وسمتي

وسيمة:لحب بغيت رقم الماس كعما خديتو من عندها

بدر:وسيمة وكوثر تجمعو شياطين

وسيمة:قوليه الله يعطيك برود جنسي

كوثر:ههههه خويا بقيتي بلا ولاد اه شنو بغيتي رقم الماس في ليل ……

#يتبع🍁رواية:قدر اليتيمات🍁
🌸جزء:65
كاتبة:فاتي

وسيمة:غير بغيت نسول فيها

بدر:كتهضري مع الماس

كوثر:لا ونتا اصلا اش دخلك في بنت

بدر:والو وااو

كوثر:هاكي قيدي 0781425690 اك يلاه باي

بدر قدا خدمتو وقيد رقم وكتب عليه “ملاكي”

بدر:مكاتساليوش ياربي سلامة

كوثر:وعطيني تيليكوموووند

بدر:هاكي

كوثر بصدمة حلات فمها وطلع بدر وخلاها لمشا لبيتو دخل وسد عليه وهو متردد يعيط ولا لا

في ميتم عند الماس

فدوى:والله حتا كتبغيك

الماس:مكنبغيهش

فدوى:كتبغيه قلت كتبغيه

الماس:ولااا لااا

فدوى:كتلغسه يالقردة

الماس:والله ماكنبغيه

شوية حسات المتس بتليفون كيفيفري……

#يتبع🍁رواية:قدر اليتيمات🍁
🌸جزء:66
كاتبة:فاتي

حدرات عينيها تليفون بان ليها رقم غريب وبقات مدة كتشوف في تليفون

فدوى:شكون كيعيط ليك

الماس:ماعرفتش رقم غريب

فدوى:جاوبي يقدر تكوني كتعرفيه

جاوبات الماس:الو

بدر ملي سمع صوت ذاب صوتها رقيق وكيوت

بدر:الو سلام عليكم

الماس:وعليكم سلام

بدر:كدير لباس عليك

الماس:حمد لله شكون معايا

بدر:اوااه ماعرفتنيش

الماس:لا شكون نتا خويا

بدر:انا بدروشي

الماس؛شنو نتا امريكي ولا شنو

بدر:انا بدر ولد خالتك الغالية

الماس غير سمعات سميتو ولات كترعد وخدودها ولا كمطيشة ودقات قلبها كانها في ماراتون …….

#يتبع🍁رواية:قدر اليتيمات🍁
🌸جزء:67
كاتبة:فاتي

الماس:صافا لباس عليك بدر

بدر:انا مزيان بسماع صوتك

الماس:سوري والله ماعرفتك

بدر:هانية ولاكن نتحاسب عليها من بعد ايوا صافا

الماس:حمد لله على كل حال

بدر:عرفتي صوتك كيذوب

واجيو بناتي تشوفو فين الماس فين هي واختافات من حشمة سيدة ولات حمرة كثر من مطيشة

الماس بصوت خافت :ربي يخليك

بدر:والله نتي منين جاية رقة وجمال وطيبة واخلاق مكاينش بحالك

الماس:والله حشمتيني

بدر: وملي كتحشمي كتزيدي تحمقي انا ذبت

الماس:ربي يخليك من دوقك

بدر:ونتي هي مولات دوقك

الماس:….لارد

بدر:الماستي

الماس:هاء نعام

بدر:هاذ اغنية هدية ليك

الماس:شكرا

خدا بدر تيليفون لاخر وقرب لتليفون وخدم اغنية

حبيبي بنط عريض غالي واقرب من وريد🎶حالتي تتشخص جنون بيقولوا انا فيك مريض🎶 اتاري كل ماحب فيك بدمنك وبقيت مزاج🎶أتلحق وبقا يدي في يديك مانت في لقاك علاج🎶آه لقيت طبطبة واقوى لو مانتش بعيد 🎶ضحكتك فيها كهربا بابقى زي وحيد جديد🎶…….

اترك تعليقا