Skip links

قصة : ثروة فقير عاشق ج1

 2,725 عدد مشاهداات

#ثروة_فقير_عاشق 💸

بقلم : حنان فارس
تعديل :hajar benhaimed

بارت : 1

فعز اشعة الشمس الحارقة .. كانو العمال كيهزو خناشي د سيمة فوق كتافهم .. و يدخلوهم المعمل ..كان ملامح تعب باين عليهم .. و قطرات العرق كتسب منهم .. هادي هي الحياة .. كاين لي كتعطيه و كاين لي كتاخد منو .. كاين لي تزاد و في فمو ملعقة من ذهب .. كلشي موفر ليه و لي بغاها كتحضر بدون تفكير .. و كاين لي تزاد و الحياة ما عطاتو والو من غير العداب ..كخدم و يعرق و يتعب باش يحصل على لقمة عيش .. فنفس جماعة كان هو سالة الاكياس د سيمة ديالو .. و كلس كنهج .. تيشرت البيض ولا كحل .. و مقطع عليه نتيجة عضلاتو لي تضخمو ..و قطرات العرق كتسب منهم نتيجة الحرارة لي كخدم فيها .. العضلات لي ما خداهمش من رياضة و لاصال .. بل كتاسبهم من هز الخناشي د سيمة فوق كتافو و العذاب كل نهار .. كانت اشعة شمس منعاكسة على عينيه .. لي شرارة الغضب خارجة منهم .. كشوف في هاد دنيا لي ما عطاتو والو .. و حلمو ما حققوش .. تاهو كان مراهق حلمو يقرا .. و يخدم و يهز ميميتو من الفقر .. ولكن اظطر انه يتخلى على حلمو الوحيد و يرميه موراه .. و يجي ل هاد البلاصة .. يتعذب باش يجني لقمة عيش .. عيون سودااء .. مرمشين و كبار .. نيف منقاد و بشرة سمرا .. شفايفو صغار كانو بينين مشقيقن ناشفين اكيد عطشان حيت نهار كولو وهوا خدام..مسح بيديه على لحيتو. .لحية كثيفة سوداء ..رجع شعرو لور ب يديه لي كان قوي كحل ..وقف حداه محمد كسوس في سروالو .. كان تاهو شاب في العشرينات ..
محمد؛ سااط ساليتي
حديفة:(بصوت خشن مخلط ببحة رجولية خطيرة) عاد ساليت
محمد؛ اوا اش عوال دير
حديفة؛ غنمشي لدار نشوف الواليدة و نرتاح شوي نتا عارف .. في ليل عاود خدام
محمد؛ دابا انا والله ما كنفهمك .. نتا لي لايح راسك العداب ا العشير .. تشا نكون في بلاصتك .. برب ما تلقاني هنايا .. نكون شي مودل .. نربح زبابل د الفلوس و نهني راسي
حديفة؛ (بتاسم و شاف فيه ) منيتك؟ شتي نبقى نهز على كتافي الخناشي تا نموت .. ولا نولي كي الولية
محمد؛ برب تانتا ما فاهم الحياة ..

حديفة دور راسو و هو لقى با حمد .. كهز الخناشي و كتعافر معاهم .. راجل كبير في سن .. و تجاعيد ظاهرين في وجهو .. و شيب كتاسح شعرو بالكامل .. وقف حديفة و نطق

حديفة؛ شفت با حمد مزال حاصل مع لخناشي نمشي نعاونو
محمد؛ وياك هزيتي معاه نص
حديفة؛( ضرب فكتفو) دير لخير تلقاه
محمد؛ وا سير ا وجه العذاب .. هه قالك تلقاه .. بان لي انا اتجيبها ا في عضامك
حديفة؛ ههههه وسير سير
محمد؛ هاهوا غادي نتقاشعو غداا
حديفة؛ وخا اساط
مشا حديفة كعاون با حمد في الخناشي رغم انه عيان .. و باغي يرتاح .. مي خاطرو ما يسمحش ليه يكلس و يشووف راجل قد باه .. كا يتعذب ..
با حمد ؛ ولدي حديفة معرفتش اش نقول ليك حديفة؛ بغينا غا دعيوا مع لميمة ابا حمد كافياني باحمد؛ سير اولدي الله يحفضها لك ويشافيها و يخليها لك .. حتى تشوفك كيف بغات
حديفة؛امين ياربي .. (باس ليه على راسو ) ربي يحفضك لينا ا با حمد وكنقولك متبقاش تهز هاد لمرض راك كبرتي عليهم
باحمد؛ اوا اش دير اولدي هادشي لي عطا الله حديفة؛ مدير فبالك والو ابا حمد غير يجي سي بن جلول ولا واحد من لمسؤلين نهضر معاهم على ودك يعطيوك شي بوسط لداخل وجهك ماشي دهاد تمارة
باحمد؛سير اولديي بغيت اي حاجة بغاها قلبك تجي تا لعندك
حديفة؛(تنهد ورسم ابتسامة على شفايفو.. ابتسامة سخرية من لقدر) هه زعما لي بغيناها تجي لعندنا؟ وش يقدر يوقع هكدا فهاد دنيا صعيبة
با حمد؛ (ضرب فكتفوو) كولشي عند الله قريب

فجأة كلشي قفز فاش سمعو صووت كلاكسوون قوي عند باب المعمل .. جا الحارس كيجري حاني راسو حل ليها باب لوطو .. هبطات يله باغة تمشي و هو يتسد ليها الباب على ساكها .. بداات كتجرر فيه بالعصاااب .. و كتخسر ملامح وجها معاها .. و شعرها الدهبي الحريري كيتحرك معاها في اي حركة كدير .. قوامها ممشوووق .. بنت تكون في العشرينات .. و عينيها زمررردية الجذابة .. تخلي اي واحد غرقان فيهم.. نيف منقاد و شفايف كيف حبات الكرزز .. اما حديفة ف كان مصغر عينو فيها .. ساهي في هاد لوحة الفنية لي بدع فيها الخالق ..

#ثروة_فقير_عاشق 💸

بقلم : حنان فارس
تعديل : hajar benhaimed

بارت : 2

كتجر في ساك بكل قوتها و ما بااغايش يتحيد .. ساطت ب جهد خابطة رجلها مع الارض .. كانت لابسة ديباردور ديال الموبرة في صفر .. مع سروال جين كحل .. و سبادري بيضة .. و كتسووط من اشعة شمس الحارقة ..
فجأة حسات باشعة شمس تحجبات..وبشخص وراها دارت بشويا هزات عينيهافيه..

جات عينوو فعينهااا.. عيونوو سودا غرقات فعيونها زمردية.. سهااو للحظة كيشوفو فبعض.. سرطات ريقها من جاذبيتو و وساامتو .. هبطات عينيها كتشوف فهاد لجسم ضخم لي واقف قدامها قليل فاش تلقا شي راجل فايتها فطول.. ركزات مزيان فيه.. عرفاتو عامل من عمال لمعمل.. طلعات حاجبهاا ودارت تحيد صاك.. سعاا كاع ملقاتوو
دوراات عينيهااا
كاميليا؛ فييين مشااا هدااا عاد كان هناا
حديفة؛ هدااا
كاميليا؛ دارت عندو بزربة.. شافتوو هاز صااك.. نتراتو منو بزربة
كاميليا؛ امتا حيدتيه من لوطو
حديفة؛ (ابتسم وحط يدوو فشعروو) منين كونتي ساهيا فيا
تم غاديي عاطيها ب ضهر .. تاا سمعها تتعيط
كاميليا؛ نتااا ايي نتا وقف
حديفة؛ (دار يدو فجيبو ودار) حديفة سميتي حديفة
كاميليا؛ حديفة ولا جعفر كتبقا واحد من لعمال ولعمال هنا مفيهومش تيقة! متحركش من هنا تا نتأكذ بلي كاع حوايجي فصاك
حديفة؛ (طلع حاجبو و ابتاسم ببرود) اها قلبي

كامي حلات صاك وبدات تقلب.. اصلا مكانت هازا تا حاجة غاليا.. ماكياج وفوطة صحية.. غي بغات تكسر غرورو.
كاميليا؛ صافي تقدر تمشي كولشي بلاصتو

جات تسد صاكهااا وهيا طيح ليها لفوطة صحية ..
خنزرات نشان فيه.. حسات بسخونية طالعا من رجلها
حنا ت بزربة رضاتها لصاك.. وتمات غادة طايرا
حديفة؛ (بصوت مسموع) هوا صارحة وخا نكون شفار مغاديش نحتاج داكشي لي فصاك
دارت مخنزراا فيه
حك حاجبوو ابتاسم وزاد
كاميي؛ (ساطت بجهد على خصلات شعرها) اششش هاااد شووهة اسيدي ربي مع واحد فقير ومغرور

شويا بان ليها لمدير خارج.. تماات غادة عندوووو.. بنفس لعصبية

حسين؛ بنتي اش تديري هنااا؟
كاميليا؛ (نطقات بعصبية موووركة على سنانها ) ب اشمننن حققق ا باباااا تقرر تزوجنييي ب صهيب ااا ..نتااا عااارف مزيااااان بليي انا وياااه ما كنتفااهمووووش .. و باغي تزوووجنيي بيه .. هادي حياااتي .. حياتيي انااا .. انا لي نقرر شنوو نديررر فيها .. ما كلفتيش نفسك حتى تاخدد رأيي .. هادااا راا زوااااج زواااج ماشيي لعب

#ثروة_فقير_عاشق 💸

بقلم : حنان فارس
تعديل : hajar benhaimed

بارت : 3

مشا حديفة طريق كلها و هو كفكر في كامي .. البنت الغريبة لي ضهرات هاد نهار .. تفكر غرورها و هضرتها .. و ضحكة فلتات ما بين شفايفو بلا ما يحس .. وصل دربهم ب حكم دار ما بعيداش بزاف من المعمل .. و كان هادا اختيارو باش ينقص مصروف الطرنسبور .. داز من حدا صحابو حتى سمع حمزة كعيط .. جا عندو كجري
حمزة؛ حديفة وفين اسااط؟
حديفة ؛ غا فدنياا الخاوة
سمير؛ وكداير مع لخدمة
حديفة؛ صافا مسلكين ونتوما مبقيتوش فلمعمل
سمير؛ داااك الكلب دلمدير صدرنا من لبوسط لدخلاني وبغانا نهزو لخناشي برا ولموت حسن لنا من ديك تمارة
حديفة؛ اوا يجيب الله ما حسن
حمزة؛ بغيت نقول اجي تلعب معانا شي ماتش مي باينا عاد جاي من لخدمة
حديفة؛ هانتا قولتيهاا برب تا مدكوك نمشي نطل على الواليدة و نرتاح لي مع راسي
حمزة؛ اوا الله يعاون
حديفة ؛ تهلى

خلاهم وزااد لداار .. يله بغا يحل و هو يلقى راسو ناسي سارووت .. دق و هي يتحل الباب .. كمش عينو كشووف في بنت في سن المراهقة .. دايرا درة فوق راسها .. و عيونها عسلية و واسعة .. بشررة بيضة .. و شفايف صغيورين .. هو ما عرفهاش .. اما هي كانت غي كتشوف فيه ساهية فيه

حديفة؛ يكما غلطت فلعنوان؟؟
رحمة ؛ (عضات على شفايفها ب طفولية ) برب تاا مراد لي كيجي ف2m محطوط قدامي
حديفة ؛ وختيي وشكون نتيي

مزال مسالا هضرتو معاها تا وقفات عليهم فاطمة ماماين حديفة .. كانت مرا تكون في الاربعينات .. ملامحها نفس ملامح حديفة .. رغم سن باين فيها .. او تعطيها كثر من عمرها .. بحكم تمارة لي دووزت صعيبة .. و خاصة فاش مات راجلها .. اظطرات تخرج تخدم في ديور باش تكسب لقمة عيش ..
فاطيمة؛ رحمة بنتي شكون
رحمة؛ دارت عندها غي مراد اخلتي أا قصدت حديفة
حديفة ؛ الواليدة
دخل باسها من يدها
حديفة: شكون هاد البنت
فاطمة؛ بنت خالتك اولدي رحمة وش نسيتيها
حديفة؛ البرهوشة كبرات
رحمة؛ بزاف عليك قالك برهوشة عندي 19لعام وبطولتي وتجردتي لحمد الله
حديفة ؛ مزال لسانك صريط
رحمة؛ جوابي عند لساني ا حبي
فاطمة؛ وش نتوما مغتسكتوش ولدي حديفة لبنت عندها لجامعة هاد لعام.. غتسكن معانا منها تقرا منها تونسني نتا خدام ليل ونهار كنقنط بوحدي
حديفة؛ صافي خليها تكلس وقلها تسرط لسنها
رحمة؛ (عيباتو) تسرط لسانها
حديفة؛ خنزر فيها ولا انطيرو لهاا
رحمة ؛ جمعات ضحكة
فاطمة؛ دخل اولدي دوش وانا نحط ليك لغداا
توجه ل حديفة دوش .. اما رحمة مشات البيت كلسات مربعة رجليها .. و كتفكر في حديفة .. و بتسامة مرسومة على شفايفها .. رحمة بنت مراهقة .. كبرات في العروبية .. و بحكم العروبية ما فيهاش لافاك .. ف جات المدينة عند خالتها تسكن معاها و تكمل قرايتها ..بنت طمووحة و باغة توصل و تولي مستقلة ب ذاتها .. حب حديفة كبر معاها من صغر .. كانت اول مرة شافتو فاش كانت طفلة .. كانت طاحت و عاونها .. من داك نهار عمرو ما زاح ليها من البال .. ديما كانت كتفكر فيه و عمرو ما غاب عن بالها .. هو فارس احلامها و الولد لي بنات عليه كل امنياتها

#رحمة❤️

#ثروة_فقير_عاشق 💸

بقلم : حنان فارس

تعديل :hajar benahaimed

بارت : 4

خرج من دوش داير فوطة على نصو .. توجه ل بيت لبس تيشرت بيض جاي مزير عليه مخلي عضلاتو يبانو و كتافو العراض .. و سروال د كيطمة .. و شعرو فازك طايح على عينيه .. خرج عندهم .. اما رحمة شافتو تصعقت و حلات فمها .. حديفة لاحظها و جاتو ضحكة و نطق

حديفة ؛ سدي فمك لموت كتدور
رحمة ؛ دخلتي مراد خرجتي مهند غا هوا لحيتو زعرا ونتا كحلا
حديفة ؛ (بطنز) بصااااح
رحمة ؛ وليتي جديد اساط
حديفة ؛ عنيبة مع راسك
فاطمة؛ ههههه مكتقاداوش ميقولش يلاه تعارفتو كلس اولدي تاكل كلس
رحمة ؛ اه سرط سرط ..اصلا راه من زمان تنعرفو
حديفة؛ مي انا مكونتش تنعرفك شفتك شي مرة فشي عرس يمكن كونتي برهوشة ووتبكي.. ومزال برهوشة غي دابا تضحكي
رحمة؛ (ابتسمات حابسة البكية ب سنانها ) اصلا هكدا انا مكنساش ناس دغيا.. وتا إلى نسيت دغيا كنكون علاقات احم معاك بنت شعبية شخصيا
حديفة؛ قصدتي شعيبية؟
رحمة؛ لواه كبور

كلس كياكل وهوا شاد ضد مع رحمة سالا لماكلا ناض توضا و مشا صلا .. و تكا يرتاح ..

اما رحمة ف كي سالاو الغدا ناضت كتغسل الماعن و البكية واحلة ليها في حلقها .. ديما كشوفها داك البنت صغيرة .. حضرات عينيها و دمعة طاحت .. و تبعوها دموع .. كتعض في شفايفها .. كاع جرحاتهم .. غسلات داك الماعن كلهم .. غسلات وجهها و مشات تنعس

تعشات العشية و فاق حديفة .. توضا و صلا صلاتو .. عمرو ما نسا صلاتو .. ديما كبغي يكون قريب من الله .. دعا مع باه برحمة .. لي عمرو شافو غي كسمع عليه .. لبس سروال دجين و زاد عليه جاكيط

وخرج عندهم لقاهم كيديرو كسكروط
فاطمة؛ ولدي فين غادي
حديفة ؛ انمشي لقهوة نشوف صحابي ومنها ندوز لخدما
فاطمة؛ اوا كلس غا تاكل كسكروط
حديفة؛ عاد تغديت الوليدة يهديك الله
فاطمة؛ اوا دوق غي لمسمن رحمة لي دارتو
رحمة؛ احم احم دوق دوق حداكتي
حديفة؛(هز غير طرف كلاه) هاي هاي لبرهوشة كبرات وولات تعرف طيب(بضحك) راه لن اتزوجك غي ديريها فبالك
رحمة؛ شفتيني معاشاقة فيك وخاا تبقا غي نتا وجنون على هاد لكوكب ندي جن ونخليك نتاا

فاطمة؛ اوا الله يجيب ليها ولد ناس علاش مالها حادكة ومتعلما
حديفة؛ راه غي ضاحكين الوالدة الله يجيب لها ولد ناس مي تا تكبر مزال صغيرة

يلاه نخليك. وشربي دواك الوالدة. لبرهوشة متقلقيش غا ضاحكين
رحمة؛ متنتقلقش ابب غا سير
خرج حديفة و فاطمة شافت في رحمة
فاطمة؛ شنو هيا بب ابنتي؟
رحمة ؛ (ناضت قافزا) نوض اخالتي نغسل هادشي
فاطمة؛ غي حطي انا نهزهم
رحمة؛ لا والله متقيسيهم غير شربي دواك ورتاحي
ناضت جمعات طبلا وبدا تغسل ف ماعن وهيا تتبكي
رحمة؛ عند بالو مزالا برهوشة صحابو ديما انبقا بنت12عام عمرو ايشوف فيا بنت بعقلها عمروووو عمرووو اصلا هوا مكانش كيعرفني .. (حطات يديها على قلبها لي كضرب ب جهد ) كلشي ب سبابك كلشي .. عمرو ما ايكون ليك فهمهاا .. فمهما و هينينيي من هاد العذاب

و بدات كتبكي.. عادة على يدها

* **

#ثروة_فقير_عاشق 💸

بقلم : حنان فارس
تعديل :hajar benhaimed

بارت : 5

كانت تتغوت وتعبر بحراكاتها على رفضهاا.. لانصياع لهاد لقرار رفضها لزواج بصهيب.. اخر حاجة تخيل هي انها تكون مرت صهيب شخصيتو وشخصيتها لاا علاقة

حسين؛ كامي كامي رولاكس بنتي
كامي؛ كفاااش رولاكس أبابا ونتا قررتي بلا متسولني.. نتا عارف اناا وصهيب مستحيل نجيو مع بعض(نزلات دمعة من عينها و مسحاتها دغية)
حسين؛ انا مقولتش لك تزوجيه
كامي؛ كفاش؟؟
حسين؛ (شدها من كتفها) هواا صراحة قرار زواج جات من عند خوياا ونتي عارفاا انا منقدرش نعصب محسن.. زيد على هادشيي غادي يكتب ليك نص دلاملاك إلى وافقتي على زواج..
كامي؛ وسعات عينيها حاطة يدها على فمها
حسين؛ يعني منين يكتب لاملاك ونتخلصو من تبعية ليه تقدي تفسخي
كامي؛ يعني انا غادي نوافق غي على لخطبة ومنين نخادو لاملاك نفسخ؟
حسين؛ اييه ابنتييي
كاميي؛( نقزااات عنقااات باباها) اووَه من لخر قولها كن كاع متعصبت تا لهاد درجة اووف وخاا غنصبر على لخطبة بهااداك صهيب وليني من بعد انقولوو باي باي(طبعات بوسة فخد باباها) نتااا ديما تتفكر غي فمصلاحتي يا احلا اب
حسين؛ والى مفكرت فبناتي فاش انفكر.. مستحيل نخلي بنتيي دي شي حد مبغاهش.. نهار بنتي اتبغي شي حد اديه كيف مبغا يكون يكون حيت هيا لي اتعيش معاه ماشي انا.. نقدر نفكر بانانية فاي حاجة إلى فحياتك وحياة ختك
كامي؛ (حطات يدها على فمها) ختييي ختييي واعدتها نجيي نديها من لفاااك َنسييت اكيييد هيااا كتعاينيييي نااارييي
باي بابا (سفطت ليه بوسة في الهوا )

مشااات طايرااا ركبات فلوطو فاتجاه لفااك.. خلات باباها غيي كيشوووف مبتاسم

فجهة خراا وبضبط فقصر محسن بن جلوون واحد من أغنياء لمغرب.. بناا ثروة ديالوو بعرق كتاافووو كان مجرد مهندس عاادي حلمو يسافر ويخدم فديار لاوربية.. جاتو لفرصة سافر لفرانساا وخدم فشركة احد أغنياء لبلد..كسب تيقتوو وولا يديه ليمنا.. وأثناء وفات جيمس مااثروو وصا محسن بااش يتكلف بثروتوو ويتزوج كارمن ماثروو وفعلاا تزوج بهاا وجاااو استقرو فلمغرب رغم ان كارمن كتعاني من سرطان فلمراحل لاخيرة إلى انه مزال واقف معاها..
بناا شركات ومصاانع كتيرة اغلب مصانعو مسيرهم خوووه امااا ولدوو فعالموو بوحدو..

كان شاد لجريدة كيتصفح اخبار لبورصة.راجل فاواخر لخمسينات.. . كولو هيبة ونخوة.. مركز مع لجريدة تااا سمع لفراااان مجهد دلووطووو شتت تركيزووو.. عرفووو سيي صهيب شرف

نااض مبتاسم باش يستقبلو عارف انه ايفرح بخبر خطوبتو بكلامي

#ثروة_فقير_عاشق 💸

بقلم : حنان فارس
تعديل :hajar benhaimed

بارت؛ 6
دخل صهيب كي شاف باه قدامو غوت ب اعلى صوت
صهيب؛ عشيييرييي
محسن؛ خنزر فيه
صهيب؛ مااال زييين مقلق
محسن؛ مغااديش تبعد من هااد زبل ديما طاير شييي نهار تجيبها فعضامك
صهيب؛ (دور فعينوو) هاااد نويطة عندك وليت حافضهاااا كترر من ديسك دحياتي ومع دلك واقف قداامك سبع ولد فيل مواقع لي والو
محسن؛ (جروو من ودنوو) عاود اش قولتيي
صهيب؛ طلق طلق غاااا ضاحك نتااا سبع واناا ضبع غااا طلق
محسن؛ (طلق منو) ههههه اوااا هكداااك
صهيب؛ اوااا نمشيي نشد فمام تلاااح
محسن؛ بشوياااا على ماماك راه عيانه

صهيب؛ (تم غادي) كن هانيي (وقف)
صهيب؛ دار عند باه تيحك فشعروووو
محسن؛ قول اش تم
صهيب؛ هوااا ماما هضراا..
محسن:هههه اودي عشت تا شفتك تزنكتي.. هضرت مع عمك وبنت عمك اتكون مرتك ان شاء الله
صهيب؛ (وسع عينو مصدووم) ولك ..ولكن كيفاش .. كيفاش قبلات و هي ديما .. ديما كتبين ليا بلي ما كتحملنيش
محسن؛ عمك قالي وافقات
صهيب؛ حلاااااف
محسن؛ (ضربوَو راسو) كااميي اتكوون مرتك اولديي
صهيب عنق بااه بجهد.. شوياا بعد مصدوم وتلاشت ابتسامتو
صهيب؛ قولتيي كاميليا؟
محسن؛ (باستفهام) اه
صهيب؛ يعنيي ماشييي حفصة؟؟؟؟
محسن؛ كفاااش حفصة على نتا بغيتي لبنت لكبيرة ولا صغيرة!! ؟

#ثروة_فقير_عاشق 💸

بقلم : حنان فارس
تعديل : hajar benhaimed
بارت 7

عند رحمة
كانت كالسااا قداام تلفازة.. كيف صنم .. تلفازة شاعلة مي مادياهاش فيها .. مسافرة ب تفكيرها .. كتفكر فحديفة كفااش كتصرف معاه تعايروو تشد ضدد معاه وهياا كتموت فهواه.. مكتفهمش تصرفاتها مي مستحيل تعتارف ليه.. كرامتها لاعبا دور فكبت مشاعرهاا

فيقها من سهوتهاا صونيط تيليي
هزاتووو بزربة
رحمة؛ الووو
هي؛ اخيرااا جاااوبتيييي .. دزززت عندك داخلية كاعما لقيتكك .. فينننك ا زمرررررة .. واش عائلتك ما خلاوكش تجيي ؟؟
رحمة؛حفصة حوباي رولاكس بب وحدا وحدا اولاا مبقيتش فداخلي جيت نسكن عند خالتي عائلتي هكداا بغاو تانيا تيلي كان شاعلا غيي انا كنت مطفياا
حفصة؛ مطفيا؟؟ اش واقع
رحمة؛ انااااا فدااارووو
حفصة؛ فدااار من؟
رحمة؛ حووداااااايفاااا
حفصة؛ صمت
رحمة؛ الوووو حفصة
حفصة؛ عاااودي اش قولتي
رحمة؛ فدار حديفة
حفصة؛وااااااات (بدات تنقز كيف لحمقة) متقوووليهااش متقووَليهاااش نااريييي لاااا بزاااف اح قلبييي صغيير لا يتحمللل
رحمة؛ الا نتي قلبك ما تحملش انا شنوو نقووول
حفصة؛ سيفطيي لي لعنوان دابا نكون عندك منهااا نشوفك مباشرا
رحمة؛ مباشرة على اساس عمرك شفتيني
حفصة؛ كاين فرق بين ابل فيديو وبين حداك و قووولي لعنوان
رحمة؛ نسيفطو لك فلفايس مساج
حفصة؛ ينعل جد باين لفاايس لي عرفني علييييك.. طزط ختيي وصلات غداا انجيي عندك يلاه تلاحي ليل ندويو(قطعات)
رحمة؛ الووو

فجأة حسات بنغزاات في كرشها و غادين و كجهاادو .. حطات يديها على كرشها عاضة على شفايفها كتوووجع .. و نادت توجهات الكوزينة غادة ب شوي .. تصيب ليها شي حاجة سخونة تشربها

اما عند كامي ف وصلات قدام الجامعة .. نزلات من لوطو بكل لباقة كتقاد في شعرها .. و تمات غادة عند ختها حفصة .. ختها حفصة بنت شعبية بزااف رغم انها غنيه..كتبغي ديما تكون على طبيعتها و تعيش .. متوسطة طول.. شعر كحل ..حروووف سوداا.. عينيها متوسطين و زوينين .. و نيفها صغير و زوين .. رغم ان جمالها بسيط .. ولكن جذااابة .. و كتخلي اي واحد يبغيها ضحوكية وقت ضحك وجدية وقت الجد .. كتكره رجال زهوانيين و الخفاف وعلى رأسهم صهيب .. تعرفات على رحمة غي فلفايس عامين دازت على صداقتهم من لفايس لوااتس ولاو كتر من لخوت وحداا تتفهم لخراا غي من شوفة.. وخا ديجا تشاوفو مي كانت مدة قصيرة.. ودابا اخيرا جاتهم لفرصة يقراو مع بعض.. بجوج بيهم طالبات حقوووق..

حفصة؛على سلامتك تفكرتيني
كاميي؛ سووووري بب غييي كنت عند بابا كان عندنا موضوع مهم
حفصة؛ اشمن موضوع؟
كامي؛ هوا قرر نتزوج ب صهيب
حفصة؛ صهيب؟؟
كامي؛ اه
حفصة: (بقد ما تصدمات بقد ما جاتها ضحكة ) وات ؟ نتي نتي كامي مع صهيب ؟نوو ههههه

#ثروة_فقير_عاشق 💸

بقلم : حنان فارس
تعديل : hajar benhaimed
بارت 8

واقف و شرارة الغضب كتخرج من عينيه .. صدرو كطلع و يهبط .. ما قادرش يتقبل هاد الفكرة .. كيفاش يقدر يكون مع بنت اخرى من غير حفصة!!؟ .. حفصة اول حب في حياتو .. حفصة اول بنت خلاها تستوطن قلبو .. ما يمكنش .. ما يمكنش يتخيل نفسو اسمو مربوط مع شي وحدا من غير حفصة .. رجع شعرو لور بنترة و شاف في باه
محسن؛ حطيتيني فموقف خايب اولدي من لخر كن جيتي عندي متمشيش عند ماماك نتا عارف كتنساا.. مهم انهضر مع عمك نشرح ليه على الله يفهم
صهيب؛ لا لا عساااك نخاف لا هاد لمرا تخطب ليي خالتي.. اناا انمشيي نهضر مع ديك لمبعككة نتاا غي رتاااح

خرج معصب رادخ الباب .. و مشا نيشان ركب في لوطوو و كسيراا ب سرعة ..
محسن؛ هاد الوولد شي نهار ايقتلني

طريق كلها و هو كفكر في هاد الحريرة .. كيفاش وقع هاد الغلط .. ناوي يمشي عند كامي و يشرح ليها الغلط باش ما يساليو هاد لعبة هنا .. كي وصل قدام قصر عمو كانت حتى كامي وقفات

تمات نازلا من لوطو معصبة طريق كلهااا وحفصه شاداا فيهاااا.. كتثير غضبها .. هي براسها را ما حاملاش صهيب .. ما كيتافقوووش ابدا .. مي كدير هادشي على ود .. فلوس و ثروة ..

حفصه؛ مدااام صهيب
كامي؛ اقو^^دي لااا
حفصة؛اووووو ما يكااااد كامي خسرات الهضرة

كان فلوطو كيشوف فضحكة حفصة محسش براسو تا بتاسم.. بضحكة منها قدرات تطفي جمرة الغضب لي شاعلة ليه في قلبو ..حس ب ضحكتهها كيف المرهم لي جروحو .. هدا هوا لحب

نزل من لوطو خابط الباب و توجه عندهم و نطق

صهيب؛ سلام
كامي؛ هاي
حفصة؛ (دارت ضحكة صفرة ) اووه العريس شرفنا
غمض عينيه مزير على يدو و شاف في كامي
صهيب؛ كامي خصنا نهضروو على هاد لموضوع
حفصه؛ من الاحسن انا نصارف .. (يله غادة و هي دور عند صهيب ) صراحة نتا محظوظ حيت ختي قبلات بيك .. كون كنت في بلاصتها ما نقبلش ب واحد همو كلو في دنيا هما البنات

بتاسم سارط غصتو .. حس ب خنجر تحفر ليه في اعماق قلبو .. كيفاش قللات منو ب هاد سهولة .. و هو كون لقى تاج كون حطو ليها فوق راسها ..

صهيب؛ بصااااح
حفصة؛ اييييه والله
صهيب؛ شكرا على لمعلومة
حفصة؛ واجبييي

دخلااات لفيلااا مخنزرة و طلهات نيشان كي رعدة ل بيتها

كامي؛ اشنو كونتي باغي تقول
صهيب؛ والووو غيي لحفلة دخطبة خصك تفاهمي مع ماما عليها ومن لاحسن نديروها سيمانه جاية قبل وحد تسافيرا عندي.. يلاه نخليك

و مشا نيشان ركب في لوطو مخليها واقفة نا فاهمة والو

#ثروة_فقير_عاشق 💸

بقلم : حنان فارس
تعديل : hajar benhaimed
بارت 9

في القهوة كان كالس حديفة و محمد .. كهضرو
محمد؛ مكونتش عوال تجي
حديفة ؛ غي ضربت دويرا
محمد؛ أوا اش عندك ليوم فداك ريسطو
حديفة؛ ماشي شي حاجة معندناش لخدمة مزيرا ليوم
محمد؛ اواا الله يعاونك
حديفة ؛ اه ونتا مغتمشيش ليوم
محمد؛ ههههه لا خديت عطلة يوماين مي ليوم اخر نهار غدا نجي راك عارف صباح فلمعمل وليل كارسون هادشيي بزاف لواحد خصوو عطلة مرا مرا
حديفة؛ لبغيتي تعيش في هاد البلاد سعيدة خصك تقااتل باش تعيش مهم تهلا انمشي
محمد ؛ باي نتاقشعوو غداا فلمعمل

حديفة؛ ان شاء الله

مشا حديفة لخدمتو كيف ديما كيدوز تما ليل كولو فلمطعم يقدم سيربيس لضياف دلمطعم وكيرجع مع لفجر .. رغم انه كعياا بزااف .. تمارة في ليل و في صباح .. مي يقدر يدير اي حاجة على ود الواليدة ديالو باش يجيب ليها لقمة عيش بالحلال و ما يخليها مخصوصة من والو .. دخل لدار كلشي كان ناعس .. يلاه بغا ينعس وهوا يسمع لفجر كيودن
مشا الكووزينة رد الما يسخن .. و توجه عند الواليدة ديالو .. فيقها ناضت تا هيا توضاات
حديفة ؛رحمة ما غاديش تصلي ؟
فاطمة ؛ (عارفاها غيكلي) كاع مفيقتهاا خليها تنعس..
لبنت غدا قاريا فصبح
مشات فاطمة تصلي وهوا يدخل عند رحمة لقاها ناعسا مكمطا فلكاشة ريوكها سايلين نعسا ..بدا كحرك فيها
حديفة؛ ررحمة رحمة
رحمة؛ ممم
حديفة؛ لفجر
رحمة ؛ ماالوو (كتهضر وعينيها مغمضين)
حديفة ؛ بغا يخطبك
رحمة؛ قولوو كتقراا
حديفة؛ قالك يجيي فاستراحة(غوت تا زعزعها)
قالك مالو وتيي نوضيي تصليي
رحمة؛ (قفزها) سيبحالك ازبل خليني نعس
حديفة ؛ والله ومنضتي تصلي تا نهرس حسك
رحمة ؛ ناضت تتهضر بالغوات ودايخا بنعاس شتييي دييك صلااا والله منصليهاا مكنصليش ابنادم وغيييكليي وش فهمتي يلاه خليني نعس
رجعات نعسات وغطات راسها ومشاات
حديفة ؛( تصمر بلاصتو)قاريا غدا ههه

خرج ضاحك عليها حيت عارفاا كتهضر وهياا دايخااا.. وصل لباب تفكر سوجي لوقع لكامي كفاش حشمات فاش طاحت ليها فوطة صحية من ساك .. و رحمة كيفاش قالتها ب العلالي ما حشماتش منو .. ضحك حاك لحيتو من شقاوتها
حديفة؛ ههههه برهوشة
سد لباب عليها وتوجه الصالون صلا .. و مشا تكا في بلاصتو.. يله سد عينه باش ينعس و هي تجي ليه ما بين عينيه .. و شكون من غيرها .. البنت الغريبة لي ضهرات هاد نهار .. ما زاحتش ليه من بالو ولو لي لحظة .. بقا كي فكر غدا نهار جديد في المعمل واش غيعاود يشوفها ولا لا ؟ بقا كفكر حتى غاس في احلامو

#ثروة_فقير_عاشق 💸

التتمة

فقلب لمعمل كااان شاااد خدمتو كيف لعادة.. لاهي بحمل لاكياااس.. جااات استراحة لغدا لاغلبية مشااو تقنتوو باش يتغداو.. فحين هوا غسل وجهووو وتم داخل لقلب لمعمل. سمع صوت باا حمد كيعيط له

با حمد؛ فيين غادي اولديي اجي تاكل
حديفة؛ واااعدتك لبارح نهضر معاهم يبدلو لك لبوسط.. غنمشيي ندوي ونرجع بصحا اعميي

دخل لمعلم.. فحين با حمد تبعوو بنضرات كلها لمعة

دخلل لقلب لمعمل.. وصل لحدااا مكتب لمدير

مشاا لاستقبال كيسول
حذيفة؛ لمدير كااين؟
سكرتيرة؛(طلعات فيه عينيها جاتها وسامتو جدابة.. ركزات على ملابسو عرفاتو وحد من لعمال نطقات ببرودة) ا عندوو اجتماع
حديفة؛ ممم ومكينش نائب ديالو
سكرتيرة؛ لاا بنتوو مزال مجاات
حديفة؛ اووك نعاينو يسالي
سكرتيرة؛ وخاا تفضل كلس وخاا كنضن ايتعطل
حديفة؛ هانيا تا انا ممزروبش

دازت 15 لدقيقة وهوا مزال تيعاين.. ناض من بلاصتوو متوجه لسكرتيرا

حذيفة؛ وش مزال مغايسالي هاد لاجتماع؟
السكرتيرة؛ راني قلت لك مطول
حذيفة؛ غنزل نكمل خدمتيي.. ومنين نسالي انرجع اكيد ديك ساعة ايكون سالا
سكريتيرة؛ اووك

تم نازل بحالووو.. رجع لبلاصة خذمتو

فحين سكرتيرة حطات يدها على خدهاا.. خرجات تنهيذة طويلة ونطقات
السكرتيرة؛ اههه شحااال زويين وعلى بحة اقلبي فداك صويت.. ههه مي دوماج (دورات عينها بسخرية) واااحد مزلوط

سمعات تيلي كيصوني.. هزات بزربة

السكرتيرة؛ الووو نعام اسيدي.. وخاا اسيدي قهوة كحلا دابا اتكون عندك فلمكتب..

بسرعة طلبات قهوة… ودخلات ها لَو

المدير؛ (كان مشغول مع لحاسوب) وشش بنتي مزال مجات
السكرتيرة؛ لااااا اسيدي.. غي هواا جا واحد من لعماال. َومدخلتوش عارفات متتبغيش تشوف بحال دوك لاشكال

المدير؛ ممم مزيان… منين تجي بنتي قلها دوز عنديي
السكرتيرة؛ وخاا اسيديي

با حمد؛ ولديي وش هضرتييي معاه
حذيفة؛ لااااا ابا حمد عندوو اجتماع؛ منين نسالي لخدمة اندوز عندو اكيد ايكون سالا لاجتماع
با حمد؛ داكشيي اولدييي..

مشا حذيفة يكمل خدمتو.. فحين با حمد تنهد
با حمد؛ اه اولدي كن تعرف ان اجتماعاتهم عمر تسالي

#ثروة_فقير_عاشق 💸

بقلم :حنان فارس
تعديل : hajar benhaimed

بارت 10
عند رحمة
كانت غادة على رجليها لافاك .. و كتفكر هضرة البارح .. حطات نفسها في موقف محرج .. وخا بدوون قصد .. ما عارفاش نفسها كيفاش اتشووف في وجهوو .. عضات على شفايفها و دمعة محجرة في عينيها

هزااااات راسها .. لقات راسها في شارع كبيرر .. معرفات اشمن طريق تسلك.. هي مزال محفضاش لمدينة بزااف.. بقات واقفة دايخة ما عارفة فين تمشي .. حتى وقفت عليها واحد لوطو

في المعمل

كانو اغلب العمال خارجين بعد ما سالاو خدمتهم .. كان هو غادي متوجه عند المدير ككل مرة .. باغي يهضر معاه .. مشا عند سكرتيرة و نطق
حذيفة؛ ختييي وش لاجتماع مزال مسالا
السكرتيرة؛ (هزات عينيها فيه وعودات نزلاتهم بعدم اهتمام نطقات ببرودة) نن مزاال

حذيفة :(كرز على سناانوو و غمض عينيه ب نفاذ صبر ) ختي را باغي نشووفوو ضرووووري .. قوووليه باغي نشوووفوو
هي؛ (بقات حانية عينيها ب عدم اهتمام على الوراق و نطقات ب ملل) را قلت ليك مزال ما سالة الاجتم…
مزال ما كملتش جملتها حتى خبط داك البيرو .. و كشاكشو خاارجين
حديفة ؛ وااااش كطنزييي على مييي ولا كيفااااش .. الاجتماع من العام لي فات مزال ماا باااغي يسااالي .. دابااا ا دخليني عندووو دابااااا .. واااش فهمتييي
سكرتيرة تخلعات ولات غي كتمتم ما عارفة ما تقووول .. حتى نطق حديفة و هوو ظاغط على الحروف
حديفة:قولي ل مديرك بغيت نشووفو
هي؛ ولكن اخوياا
حذيفة ساااط و تاجه ل مكتب المدير و سكرتيرة ناضت تابعااه ..
هي؛ وقف اتخرج لي على خدمتيي وقاااف

يلاه جااا يحل لباب ديال البيرو وهواا يسمع صوت رقيق و انثويي من موراهم

كامي؛ اشنووو واقع هنااا؟؟

تتمة البارت 10

سكرتيرة؛ انيسة كاميليا هاااد سيد من لعمال وبغااا يشوف لمدير
كامي؛ لمدير ممساليش لطلباتكم كل نهار راه عندو خدمة اهم من طلباتكم لي مكتقاداش

جمع يدووو على شكل لكملة.. تنفس بجهدد.. و دار عندها

غي شاافتووو خرجات عينها مصدومة
حذيفة؛ (زاااد عندهااا وقف أون فاص معاها) لمصلحتكم تسمعو وو ليناا حييت الى ضربتووَ حقوقناا ف 0كنقسم لك تااا لمعمل ديالكم ايتضرب ف0 وششش فهمتيي امدموزيل
كامي؛ واشمن حق عندك عندنا؟؟
حذيفة؛ ماااشيي حقيي اناا.. وحد من لعمال رااه فاواخر ستينيات مغاديش يقدر مزال يخدم.. خصوو تقاعد او على لاقل بوسط لداخل
كامي؛(طلعات حاجبها)ونتاا داروك لمحامي ديالو؟
حذيفة؛ (خنزر فيهاا) تقدي تقولي لمحامي ديالكم.. تخيلي شي نهار يكون خدام ويموت.. موتووو كيعنيي دمار معملكم و داك ساع يكون عنوان صحف (موت عامل اثناء ممارسته لأعمال شاقة لا تناسب عمره في معمل بن جلون) فكريي فهاد لخبر مزيان ا زوينة قبل متنطقي
كامي شافت فيه سارطة ريقها و كدووور الهضرة في راسها .. اما حذيفة داار يدوو فجييوو.. بتسام ليهاا وهوا مطلع حاجبوو.. وتم زايد عاطيها ب ضهر و هو متأكد انها غادي توقفوو

يلاه فاتها بخطوة وهي تشدوو من يدوو ..خرج عينوو من ملسمها على يدو .. ما تووقعش نهائيا تشدوو من يدووو

دار عندها بتقالة.. شاف فيها َشاف في يديها عاد
انتبهات لراسهاا.. نترات يدها دغيا ونطقات بتمتمة

كامي؛؛ صاافي انا غنتكلف وهاد سيد اياخد تقاعد ديالووو..
حذيفة؛ (حرك راسوو) مزيان
كامي؛ غيي هواا بلا متزيدنا بصداعك.. فهمتيي بلا مدير فيها محامي امتعلم
حذيفة؛ (ابتسم ابتسامه جانبية)ديجاات قلت لك محامي ديالكم امتعلمة

دار يدووو فجيبووو و عطاها ب ضهر ..غادي خارج
اما كامي ف خبطات رجلها مع الارض كتنفخ .. كتشوفوو كيفاش كستفززها نطقاات بكررره

كامي؛ فقير ومغرور هادشييي لي بقااااا

كامي؛ (موجهة هضرتها لسكرتيرة) جيبيلي لملف ديال دااك شارف..

شوياا تحلات لباب.. دلمدير
المدير؛ اشش واقع هناا
كامي؛ والوو بابي غا مشكل دلخدامة وحليتووو..
المدير؛ اشمن مشكل؟
كامي؛ خليني من رباعة لفقرا.. ويلاه ندخلو نشربوَ شي قهيوة ونهضروو
المدير:هههه هي لي متعاوذش

#ثروة_فقير_عاشق 💸

بقلم:حنان فارس
تعديل : hajar benhaimed

بارت 11
رحمة زيرات ساك عندها .. و الخلعة ركباتها و هي كتشوف راسها في شارع كبير خاوي .. حداه غا الخلا و ديورا مريبين .. بقات غادة نيشان مهم تهرب من هنا و خاصة فاش شافت لوطو فيها دراري .. حتى سمعات صوت من موراها
هوا؛ وشش ناويا تجي ولا نجيو

زادت دقات قلبها .. و هي كتشوف راسها غا في الخلا .. لا شدوها هنايا ما كاين لي يفكها .. سرطات ريقها .. و عطات رجليها ريح كتجريي .. مبغااااتش تشوووف موراهاااا لمهم هوا تهرب ..و تنفذ بروحها .. سمعات صوت موسيقى مجهد من ديك لوطوو.. عرفات انهم ما غاديش يبعدو منها ..بقات كتجري بكل جهدها.. حتى بعدات على صوت لموسيقى.. جرااات تبدا لعرق ينزل من جبينهاااا..و قلبها كضرب ب جهد كلها كتررعد .. دارت تشوف من موراها واش مزالين تابعينها ما بانوش ليها .. حطات يدها فوق قلبها لي كضرب ب جهد .. كملات جرا كتجري بكل جهدها .. ما شافتش الحجرة لي قدامها و هي تعكل ..طاحت على يديها لي كاع تجرحو .. تأوهات ب ألم .. و هي متلعن هاد زهر لي عندها .. شويااااا سمعااات صووت لموسقى قريييت.. مجااايش موراااهااا انماا من قدااامهاااااا هزات عينهاا قشعاات لووووطووو.. نفسهااا بدات طلع وتهبط وداتهاا كلهااا كترعدددد..

بغغات تنووض تهرب من جديد لكن رجليهااا فشلووو مقدوش يهزوهاا .. الخلعة اثرات عليها ب شكل كبير و خاصة

منين شافت بليي ربعة ددراري نازلين من لوطو ومتوجهين عندهااا وابتسامة شر على وجهم.. و عيونهم كلها مكر و شهوة

وقفوووو على راسها نطق واحد منهم

هوا؛ مااال زين كااان هربااان وتعدب لينااا أاا دوييي وش خلعناك
رحمة؛ (بدات كترجع ب لور و دموع هوادين) عافاكم بعدو مني

زاد واحد اخر ونطق
هوا؛ دراري اليوم نزغرتو
لولد3:ااشش باان ليكم نبداو دقة وحداااا ههههههه

لولد2:حبيت فكرتك

زاادووو عندهااا بربعة وهيااا كالساا و راجعا بلورر

#ثروة_فقير_عاشق 💸

بقلم :حنان فارس
تعديل : hajar benhaimed

بارت 12
ناضت غادا باغا تجري و تهررب .. ساعا شدها واحد ل واحد من كتفهااا جارها عندووو .. غوتات بجهد مخلووعة
هوا؛ وش بااغي تعدبينا عاود ا الغزالة(عض على شنايفو)
رحمة؛ (كلهاا كترعد) خخخوووويااااااا عففاااااك بعددد انااا مضريتكم فواااااالووووو عفااك الله يخلي ليك ما عزيز عليك حسبني ختتك الله يرررحم ليك الواااليدين
هواا؛ هههههههه معنديش ختي ازين
رحمة؛ (شماات فيه ريحت شرااب مجهداا عرفاتهم سكرانين) الله يخلي ليك ميمتك ا خويا
هواا :ميمتي ماتت ازين اول حاجة حيديي هداااا نشووفووو زين
نتر ليهااا زيفهااا بجهد ورماااه فلهوااا.. خلاا شعرهااا لكحل يتطلق و ينزل ليها على وجها .. قووي و طووويل .. حسات برووحهاا لي تنترات ماشيي زيف.. حسااات بموس تغرس فقلبهااااا ..عرفات بلي طاحت في يدين وحوش ما في قلبهمش ذرة رحمة .. غوتااات بأعلى صوتهااااا
رحمة؛ عااااوووونوووونييييي
هواا؛ شووو شووووو ..
صحابو؛ وارااا نقشرور لبقية
هوا؛؛ خوووود
دفعهاااا بجهد لواحد اخر
زادو نزلو دموعها و رتافعو شهقاتها و هي كتشوف راسها بين يديهم كي سلعة واحد يلوحها ثاني .. بدات كتضررب فيه و تقمممش .. و كتغوت ب اعلى صووت .. طانعك يدوىز شي واحد من هاد الخلا و يعاونها
هواا؛ سكتييييي القح*** مكين لي يسمعك هناياتا
نزل عليهااا بتصرفيقة تاسيل ليهاا دم من فمهاا ومع دلك حاربات بكل قوتهااا حاربات وحوش ادامية..وحوووش بلااا قلب.

بدااا واحد يرميهاا لواااحد.. كل واحد كينزل عليها بتصرفيقااا.. ويردهاااا لااااخر… كأنهم شكلوووو رقصة خاااصة رقصة كلهااا عنف رقصة غواتهااا هواا لايقاع ديالهم.. ردووروهاااااا لعبة بينهم.. كأنها دمية مااشي بنادم.. غواتها محركش فيهم شعرااا… خارت قواااهاا امامهم صوتها بح مبقااش قاادر يخرج

شدهااا واحد من شعرهااااا… وتم نازل عندهاا هوا؛ وداباا منين سكتيي جاااا وقت لمعقووول
جبد ليهااا كسوتهااا بجهد تاا قطعهاا من جيه لكتف
هوا؛ دراري بعدو شوياا نسالي واجيو
هما رجعوو لوطووو فحين هيااا بدات ضاارب معاااه وتبكيي لكن بلا جدوااااا.. نزل عليهاا تصرفيقااا جابهااا طايحاااا.. وتم نازل عندهاا.. و عيونو كلها شهوووة

#ثروة_فقير_عاشق 💸

بقلم : حنان فارس
تعديل : hajar benhaimed

بارت 13
كان متكي في طاكسي ساد عينيه .. كحس براسو عيان د بصح .. و عضامو كلهم ضارينو .. ولكن فنفس الوقت فرحان ملي با حمد ايشد تقاعد و ما ايبقاش يتكرفس .. باغي غير امتى يلوح عليه الخبر و يشوف الفرحة في عينيه

و هو وسط افكارو .. تفكرها .. و شكون من غيرها .. البنت المغرورة .. الجذابة .. بتاسم بدون ما يحس .. و تكا على زاج ..بانت ليه طريق خاوياا
حذيفة؛ منين دايزين؟
مول طاكسي؛ شفتك عيان قلت ناخد طريق لمختصراا
حذيفة؛ شكرا بزااف
تكااا على زاااج.. ومشاا بالوو لبعييد

كااان كيقرب ليهااا وهيااا مزيراا علي حوايجها صوت شهقاتهاا مسموع و كطلب الله يحميهااا ..و رضات الواليدين توقف معاها

فجأة ناااضت عجاجة قويااا.. ورملاا لي فلخلااا تهزااات بجهد… سدد على عيينوووو حيت رملة دخلات نشااان فيهممم فلوقت ليي غطااا عيينوووو ناااضت هيااا بزربااااا..دفعاتو وشذاااتهاا جريااااا…

موول طاكسيي شد لفرااان بجهد.. اثر المياكي و زبل لي تضربو في زاجة القدامية..شي لي خلا حديفة يتهز
حذيفة؛ اش واقع؟؟
مول الطاكسي؛ لعجاجة هزات قدام طاكسيي..شي ميكات منقدرش نش
حذيفة؛ غييي بقااا نتاا انا انزل نحيدهم
نزل ومشا قداام طاكسي.. حيد لميكات لي لصقات لعجاجة على زاجة..

مول طاكسي؛ طلع اولدي قبل متشدناا شي شتاااا
حذيفة تممم غااادييي باااش يطلع وهوا حاس شي حاجة واقعا ماشي تا لهيهة قلبو هكدا قالو وقلبو كان صادق معاه

كانت كتجريي فوسط لعجااج…بكل جهدها باغية تنجا بروحها ..شوياااا باااان ليهااا طاكسيي وشخص متوجه ليه غوتات بأعلى صوتهاا
رحمة؛ خوياا عاونييي عففاااااك ..عتقنيييي اخوياااااا عتقنييييييي الله يخلي لك ميمتك عتقنييي

وصلاات حداه وطاحت على ركابيهااا

صوتهااااا تعااااااود فودنووو صوووت مغريبش عليه.. دااار بثقااالة.. شاااف بنت طايحة على ركابيها شعرهااا لاسود مغطي وجهاااا ..و كلها كترعد

شوياا سمعات صوت لموسيقي نفس لموسيقى لي كانوو طالقين.. عرفتهم تبعوهااا.. خرجات عينها وناااضت بزربا مع نوضة تهز شعرهاااا على وجها .. و جا نيشان وجهو في وجهااا شي لي خلاه مصمر و مصدوم

#ثروة_فقير_عاشق 💸

بقلم :حنان فارس
تعديل : hajar benhaimed

بارت 14

حديفة؛ (خرج عينووو بصدمة) ررااحمممةة

رحمة ذااتهااا كلهااا تترعد.. دموعها نازلين شلال.. بقااات تشوف فيه.. نطقاات اسموو بتمتمة وترمااات فحضنوووووو
حذيفة شااااف قداامَوو بانت ليه لوووطووو وولد لي كان يجريي مووراها.. قامجتو محلولاا.. شاااف شعرهااا.. وكتفهاا لمعريي.. وصوت شهقاتهااا لعاليي.. غمض عينووو وزير عليهاا بجهد
حذيفة؛ ششش انااا معاك…. شويااا بداات تغوت كيف لحمقة منين سمعات صوت قريب
رحمة؛ حذيفة عاااونييي عفاااك متخليهمش يقيصونييي عفااااك عاونييي عفااااك

تخبعاتت موراه شادة فضهروووو تم جاي عند حذيفة وصحابو نزلو من لوطو توجهوو عندووو

هوا؛ ساااط ديك لحلواا ديالنااا.. لوحها هنااااا رحمة؛ (زيرات على حذيفة) متخليهش يديني عفاك

حذيفة دار عند رحمة كحاول يطمنها و نطق : ركبي في طاكسي اني جاي

مشات كتجري ل طاكسي ركبات فيه .. و صدرها كطلع و يهبط ما قادراش تصدق انها تعرضات ل محاولة اغتصاب..

فحين هواا زاد عندهم
واحد من دراري؛ لاااش خليتيهاا طلع.. مناويش تقسمهاا

حذيفة؛ ناويي نقسم ديلمك يا الق.و.ا.د
جمع يدووو على شكل لكمة ونزل عليه فحين عطا لاخر ركلة طيحووو.. ولكمة تانية لتالت.. كانو سكرانين طاحو مناضو.. شي لي ستغلو مول طاكسي هز زرواطة.. ونزل كيضرب فيهم..
حذيفة شاف فمول لقاميجة لمحلولا لوحيد لي مزال واقف وناوي يهرب
نطق عروووق راسووو بارزين ايتفرركعووو.. : شفتيييهاااا بنت بوحدهااا ونتا تحكرهاا دويي الكلب
بقا منزل عليه ب البانت حتى ولااا شرويطة ددم مرميا فلارض حذيفة وقف على رأسهم .. كاملين تيتوجعو

حتى سمعو صوت سطافيط جاي بحكم مول طاكسي عيط عليهم .. هبطو البوليس جمعهم كاملين .. و هما دايخين جا المحقق عند حذيفة و نطق
المحقق : خاصنا اقوال البنت
حذيفة:دابا راها عيانة غدا نجيبها
حرك ليه راسو بالايجاب و مشا .. اما حديفة رجع شعرو لور كسوووط.. ما قااادرش يتخيل كون مت كانش هنا شنو كان ايسرا ليها .. شاف مول طاكسي واقف برا
حذيفة؛ فين رحمة
مول طاكسي؛ لبنت راها لداخل

توجه لطاكسي حل لباب ..كيف حل الباب جات رحمة طيحة ..وسع عينيه مصدوم .. و قبل ما طيح شدها دغييا .. وغوت باسمهاا
حذيفة؛ رحمممممة

#ثروة_فقير_عاشق 💸

بقلم :حنان فارس
تعديل : hajar benhaimed

بارت 15

موول طاكسي؛ ماااالهاا
حذيفة؛ سخفاااات.. ركب ركب عفاك نديوها ل سبطار
مول؛ وخاا اولديي..
ركب حداها شد ليها راسهاا .. الخوف ركبوو عليها .. كشوفها مزالة بنت صغيرة .. و كعتابرها ختو صغيرة
حذيفة حط رااسهاا على صدرووو.. وهوا حاضيي طريق باغي غي امتا يوصل لسبيطار

رغم ان سبيطار قريب ولكن جاتو طررريق طوووويلة و صعيبة .. و هو كشوفها سخفانة وجها بيض .. و شفايفها بيضين ..ما كتبانش فيها قطرة حياة .. دخلووهاا .. فحين هوا بقاا براا

شويا خرجات عندوو طبيبة

حذيفة؛ (بخوف) كييف بقااات رحمة
الطبيبة؛ لبنت تعرضاء لنوبة عصبية دغطهاااا عالي اكيد تعرضات لشيي صدمة.. من لاحسن دابا ترتاح وتاخد دوااا ونفسية ديالها مخصهااش تعرض لشي حاجة ضرهاا حيت تقدر تنفاجر ودخل فصدمة كبر.. اما جروحها فسطحية وعلجناهم

حذيفة؛ وش نقدر نشوفهاا
طبيبة؛ داباا راها ناعسة .. فاش تفيق تقدر تدخل تشوفها .. و فاش يسالي سيروم تقدر تخرجها
حذيفة؛ شكرا
طبيبة؛ واجبي

كانت ناعسة كيف الملاك .. يدها طايحة من فوق نامسية فيها سيروم .. و يد للخرا حطاها على كرشها .. العرق نازل ليها من جبينها و كتحرك راسها بنفي .. و كتبكي حتى في نومها .. صوت الموسيقى المززعج كتسمعو في ودنيها .. صدرها كطلع و يهبط .. حلات عينيها مطرطقاهم في سقف .. تهزات ب جهد كالسة .. كتشوف في جانبها كتحاول تستوعبب فين هي .. عرفات راسها في سبيطار و تفكرات فاش عتقها حذيفة .. بدات تردد فصمت ودموعهاا نازلين
رحمة؛ الحمد لله… الحمد لله
ريحة دوايات و سبيطار ما حملاتهاش .. ناضت نترات داك سيروم حتى سال دم .. و لوات شال فوق راسها و خرجات .. مسندة على الحيط .. كتمشي ب شوي

كان كالس براا لغرفة كيعاينها تفيق باش يدخل يطمن عليها.. شويا بان ليه مول طاكسيي جاي عندو

مول طاكسي تم داخل متوجه عند حذيفة

مول طاكسي؛ كيف بقات اولدي
حذيفة؛ حمد لله .. شكرا بزاف ا عمي اليوم عاونتني وخا ما كتعرفنيش
خشا يدو في جيبو جبد 200 درهم و كمشها ليه في يدو
مول طاكسي : حاشة ا ولدي انا درت غي واجبي ..عاونتك في وجه الله
جبد صرف من جيبو و رجع ليه الفلوس تخلص غي في المركوب .. خشا ليه صرف في جيبو ..
حذيفة: خودها را رزقك هادا
مول طاكسي؛ اولدي لحسنات حسن من لفلوس.. خلينا ناخدو لحسنات فوجه ديك لبنية.. فاقت ولا مزال

كانت رحمة قريب ليهم .. و طاح حديثهم في مسامعها

حذيفة؛ ان شاء الله تفيق
مول طاكسي؛ فين. كتعرف هاد البنت اولدي
حذيفة؛ تقدر تقول بحال ختيي
مول طاكسي؛ اوا الله يحفظكم .. تهلى فيها
عطاه مول طاكسي ب ضهر و مشا .. في حين حذيفة حدر راسو كي فكر .. اما رحمة ف كانت مصدووومة شادة على فمها .. من الكلام لي سمعات .. كيفاش ختو ؟ .. و هي لي كتعتابرو حبيب روحها .. و فارسها المغوار .. و خاصة بعد الجيسط ديال اليوم .. حبو في قلبها زاد كبر .. رجعات الغرفة .. دخلات و سدات الباب .. تحنات عليه و بدات كضرب في راسها ب شوي .. و دموع هوادة .. عاضة على شفايفها .. و كلمة وحدا كتعاود ..: ختو .. ختوو

#ثروة_فقير_عاشق 💸

بقلم :حنان فارس
تعديل : hajar benhaimed

بارت 16

سمعات صوت الخطوات جيين جيهة الغرفة .. مسحات دموعها و رسمات ابتسامة مزيفة كتخبي بيها حزنها .. سمعات الباب تحل ..هزات عينيها لقاتو هواا حديفة.. حديفة سد الباب و شاف فيها ب استغراب
حذيفة : رحمة .. علاش ندتي و نتي مزال عيانة
رحمة؛ بغيت نمشي من هنا احذيفة عفاك هاد ريحة كتخنقني.. ذيني لدار الله يخليك.

حذيفة؛ (حط يدوو على كتفها) صافي لي بغيتي .. غي خاصك تعرفي بلي انا معاك
رحمة؛ شكراا ليك كن مكونتيش نتا معرفتشش اش..
حذيفة؛ مكان ايوقع واالوو كن ربي صيفط غيري يعاونك
رحمة ابتسمات فوسط دموعهاا.. كتشوف كيفاش خاف عليها .. و عتقها من ذياب البشرية .. كانت كتشووفووو ديما داك الفارس المغواار .. و باقة كتشوفوو
حذيفة؛ (حيد تجاكيتو حطها عليها) لبرد عليك.. يلاه

خرجووو من لوبيطال شدوو طاكسيي وصلهم لدااارر

غي حلات ليهم لباب ماماه شافت فرحمة مصدوما.. وب دات كتمس فيها مخلوووعة عليها

فاطمة؛ مالكيي ابنتيي رحيمو.. مال حوايجك موسخين اش وقع لك ؟
رحمة سرطات ريقهاا .. و الخوف بدا كتسلل ليها .. مبغاتش خالتها تعرف شنو طرا ..إلى عرفات اكيد اتوصل لباها والى وصلات اكيد ايرجعها بحالها

حذيفة؛ واالوو ا الواليدة .. طاااحت ووسخات حالتهاا

فاطمة :الله على بنيتيي الله..
رحمة؛ انا بخير اخالتي موقع واالوو …

توجهات ل بيتها ترتاح .. و حذيفة مشا خرج داير سبة باش يشووف صحابو و هو مشا يجيب دوا ليها .. عارف بلي لي طرا ليها ما ساهلش ابدا .. و اي بنت وقعات ليها نفس الحاجة اتكون في هاد الحالة دخلات لبيتهااا.. هزات حواايج نقيين وفوطة.. وخرجات لدووووش ..دووشاااات دغياا ورجعات لبيتهاا.. وقفات قدام لمراية كتنشف شعرهاااا

تفكراات لقطة ليي حيد لييهااا زيفهاا على شعرهااا

مشات مرفوعاا هزاات مقس قداامهااا

و وقفات قدام المرااية كتشوف في راسها ..اليوووم حسات برااسها اوووسخ وحداا ..حسات ب راسها لعبة لعبو بيها كيف بغاو ..حسات براسها جفاف كيتمسحو فيه رجلين ..بدات كتمس في شعرها و كتشووف فين .. تا بدات كضرب في راسها كي الحمقة و تبكييي .. و تضحك في نفس الوووقت
رحمة؛ وسخووووه وسخووووووه وسخووووووه

كيف لحمقة هزات مقص وبدات تتقطع فشعرهااا…بلا ما تحس .. حتى تحل الباب

#ثروة_فقير_عاشق 💸

بقلم :حنان فارس
تعديل : hajar benhaimed

بارت 17

حذيفة شاافها تصدم .. و لاح ميكة دوا و مشا عندها ..
حذيفة : وااااش حمااقيتي اش كديرييي
رحمة :همااا وسخوووه وسخوووووه
حذيفة؛ رحمة هاااري المقققص

شد ليها يديها باغي ياخد المقص …و هيي تدوروو حتى جرحااات ليها يدو و دم طوووش ..

رحمة؛ (حطات يدها على فمهاا.. عاد رجعات لوعيها) يدييييك
حذيفة؛ مااشي شي حااجة..شعررك كنتيي اتقطعيه على والو

رحمة؛ (حطات يدها على راسها) هاا زييييفي.. مشات تتجري دارت زيف على راسهاا.. وجابت معاها دوا لحمر وفاصمة
حذيفة؛ هه عاد دايرا زيف .. صافيي رانيي شفتو
رحمة؛ ابتسمات فعز دموعهاا
حذيفة؛ (ابتسم ليها) ضحكة كاتجي معاك حسن
رحمة؛ ( سرطات ريقها و حسات بالفرشات في كرشها ) عطيني يدك

حط يدوو على يدهااا.. دارت لو دواا ولفاصمة.. وهي كلهاا خوف عليهااا فحين هواا مترقب حركااتهااا..بدات كتلوي ليها الفاصمة ب حذر .. و مخرجة لسانها كي البنية صغييورة و هوو حادي حراكتها طفوولية مبتاسم .. سلات و هي تشوف فيه مبتاسمة

حذيفة؛ شكراا
رحمة؛ سمحلي
حذيفة؛ بين الخووت مكاينش سمحلي..انا غنمشي الخدمة ..
تم غادي و رجع دار
حذيفة : ما تنساايس تشرربي دواا قبل من العشاا

رحمة؛ صافي وخا..

خرج هواا فحين هي تخشات بلاصتهااا..و دارت ابتسامة استهزاء على حالها : ههه ختي ..

و غمضات عينيها كتحاول تنعس

تتمة الجزء 17

جااا صباااح جديد… فاق كيف لعادة توضا صلاا ماشي من عادتوو يدوز لفجر ولكن لبارح كان عيان بحكم نعس معطل ليل كولو كيفكر كفاش رحمة اتخرج من هاد صدمة شي لي عطلو فنعاس ودوز عليه لفجر…

لبس سروال جينز كحل.. تيشورت كري وتجاكيط دجلد كحلا وصبارديل كحلة.. سمع تقرقيب جاي من وسط داار.. جااتو غريبة حيت ماماه كتشرب دوا دنعاس وممولفاش تفيق بكريي..

خرج لوسط دار وهوا يحل عينوو مصدوم… شافهاا كالساا تتاكل راسما ابتسامة على وجهااا.. لابسة كسوة كحلا وشال كريي.. دايرا مايكب خفيف..
حذيفة؛ رحمة؟
رحمة:(هزات فيه عينيها و نطقات ) وي
حذيفة بقاا غا كيشوف مصدوم وش نفسهاا دلبارح.. امتا ضمضات جروحها هادي.. حط يدو فشعرو ونطق متساءل) وشش نتي بيخير؟؟
رحمة؛ انا مزيان .. اجي تفطرو

كلس مقابلهاا.. كياكل مصدوم

رحمة؛ عرفتي ليوم خصني نمشيي لفاك انا متشوقااا نتلاقا بصحبتييي عامين وحنا صحابات على لفايس بووك وكتحس بيا كتر من اي واحد(كتهضر وهيا كتلعب بيدهاا وراسما ضحكة على وجها) وش خبارك ديجا جات شافتيي عاقلا نهار ليجات دوار دار حالة اول مرة يشوفو بنت صايكا لوطو وجايااا عندها حسيت بلفخر ديك لحظة هههههه اودابا انتجمعو فلفاك وحدا
حذيفة؛ (بابتسامة) وهيا مناوياش تقراي
رحمة؛ لالا انا بغاا نقراا ونوليي محامية ولا شي حاجة فهاد لمجتمع نتا عارف ناس لي بحالنا معندهومش شي حاجة من غير لقراية توصلهم.. اجي ونتاا كانت قالت لينا خالتي بلي دفعتي لمدرسة لخاصة لمهندسين اشنوو وش متقبلتيش
حذيفة؛ مردووش علياا وتا إلى ردوو مناويش نمشيي ندوز امتحان لولوج
رحمة؛ هاااء وعلااش؟
حذيفة؛ نوضييي نوصلك لفااك خصني نمشيي لخدمتي
رحمة؛ نقدر نمشيي بوحديي
حذيفة؛ (خنزر فيها) منيتك
رحمة؛ صافي هاني انوووض

ناضوو بجوووج خرجووو.. شدووو طاكسيي وصلهم لباب لفاااك..

رحمة؛ يلاه الله يعاون..
حذيفة ؛فلعشية ندوز عندك خص نمشيو لكوميساريا تعطي اقوالك
رحمة؛ (تغرغرو عينها بدموع وكيف لعادة لابتسامة غطاتهم) وخاا ان شاء الله يلاه تلاح ابب هههههه
حذيفة؛ ههههه برهوشة

نزلات وعاينهاا تا دخلات عاد مشى

مسافة طريق وصل لخدمتووو

تم نازل فرحان بااش يشوف با حمد ويعلموو بتعااقد

مع دخلة تلاقاا معاها نازلاا من لوطوو ديالهاا.. لابسااا سروال تجينز طاي هوت كحل وقاميجا صفراا ودايرا شعرها كوب شوفال غي شافتوو تماات جاياا لجهتوو

#ثروة_فقير_عاشق 💸

بقلم :حنان فارس
تعديل : hajar benhaimed

بارت 18

كانت واقفة في لافاك .. كدور في عينيها ما عارفاش فين تمشي .. دنيا عامرة و طلاب بزاف .. و حفصة كتعيط ليها ما كتجوبش ما عارفاش حتى جناح الحقووق فين
شافت مجموعة دلبنات واقفاات.. و توجهات ل عندهم

رحمة؛ السلام عليكم
زادت عندها واحد البنت .. كتعوووج و تمضغ في المسكة :وعليكم السلام وش جديدا
رحمة؛ اه.. ختي عفااك فين لجناح دصحاب لحقوق
لبنت؛ سييريي كوود مع لكولوار اضربي دورا اتلقايه
رحمة؛ شكرا اختي
لبنت؛ مرحبا ازين

مشات رحمة.. فحين لبنت طلقااات ضحكة هيااا وصحاباتهاا..

زادت مع لكولواار.. دربات دورة لقاات باب قدامهاا حلااتهاا ب شوي كطل براسها حتى بان ليها ولد قدامها بقا صهيب غي كشوووف فيها .. اما هي مركات و حناكها حمارووو ب الحشمة .. و حنات راسها و تمات داخلة .. اما هو بقا واقف قدامها كشوف .. دار ليها بيديه اشارة فين غادة
رحمة؛ بغيت ندخل لجناح الله يخليك
صهيب؛ اشمن جناح؟
رحمة؛ صحاب لحقوق
صهيب؛ لا اختي هدا جناح دصحاب svt
طلق ضحكة مجهداا مخلي سنيناتو البيضين يبانو
رحمة؛ مالك
صهيب؛ هنااا اختي اتلقاي غي صلب وسائل.. وش منيتك لاقيا سكات وكتفكري ان لحقوقيين لداخل..

هز صبعو الفوووق و هي متبعة صبعوو حتى لقات بلاكة مكتوب فيها (مرحاض للأولاد )
رحمة جاتها البكية مخلطة مع ضحكة ما عارفة ما دير .. صهيب شافها كيف تزيرت و نطق
صهيب؛ عاديي حنا بلد لمساوات تقديي دخلي بلاصت رجال هيا دلعيالات

رحمة شافت فيه مطولا و تمات غادا .. و هو تبعها و شعرو كتهز معاه
صهيب؛ سطوووب حبسي مال زين كاعي بلا متخلي دوك رباعة لي صفطوك يتشفاو فييك ويوصلو لداكشي لبغاو.. على كل نتي حالتك حسن مني اناا حيت انا اول مرة كليت دق بسباب لبنات اما نتيي طحتي فولد مأذب بحاليي

رحمة؛ (بدات تضحك من هضرتووو) ناري متتقداش
صهيب؛ مرض عائلي مهم انا صهيب اخر سنة eco
رحمة؛ متشرفين انا رحمة اول سنة حقوق

صهيب؛ مهم تقدي ديريني خووك.. فهاد لفاك.. ويلاه نوريك لجناح ديالك

ابتسمات ليه وتمات غادياا معااه دازوو حداا نفس لبنات.. خنزر فيهم صهيب ورحمة ودازوهم

لبنت؛ صفطناها لطواليط صدقات دايا تيتيز دلفااك

بقاات غادة تتسمع لهضرتوو.. جاها ولد حباب شخصيتوو دغياا تدخل لقلب مفيهش صباغة واجتماعي.. بدات تدور فراسهاا هاد شخصية لمن تشبه..
رحمة؛ تتشبه لحفصة
صهيب؛ كفاكفاش؟
رحمة مجات فين تجاوبو تا قشعات حفصة جااياا.. غوتات بأعلى صوتها ومشات تتجري عندها.. فحين صهيب بقا واقف مفاهم والو

#ثروة_فقير_عاشق 💸

بقلم:حنان فارس
تعديل : hajar benhaimed

بارت : 19
حفصة شافت رحمة لي جاية كتجري عندها .. و تلاحت عليها معنقاااها .. كتشبع حنينها منها .. هي صديقتها صدوقة .. لي كتشكي عليها .. و تخوي عليها قلبها .. بعدات عليها
رحمة : تروووووحشتك بزاااااف
حفصة:تااا اناااااا اخيرااا تلاقيناااا
رحمة :عيط عليييك حتى عيتتت..
حفصة؛ اواا ليمسخك اعنيبة عاد هضرنا ول بارح مي لبارح تيلي ديالك كان مطفيي لاش طفتيه حسك
رحمة؛ واالوو من بعد ونعاود لك… مي والله تا فرحانة واخيراا تجمعناا
حفصه؛ اه امدامتي تجمعنا ومكاين لي يفرقنا
رحمة خنزرات فيها ..مطلعة حاجبها:الله يعطيك عقل
حفصة؛ اوا خلينا نعيشوو تا حناا دور مال حنا معليناش الله
رحمة؛ لااا احوباي من حقنا
حفصة؛ ههههههه

بداااو يضحكوووو خالقينهااا بناتهم.. فحين صهيب بقاا واقف مطلع حاجب وكيشوف مكوانسي فبلاصتو

حفصه؛ كيق جاتك لفاك اا
رحمة؛ غيي سكتي شي كلبات سيفطوني لطواليط ددراري
حفصه؛ وايلي وايلي على بنات لكلبة نديرها بيك ومنخلي لي يديرها بعشيرتيي وريهم لي نغتاصب ديلمهم
رحمة؛ اودي هانيا كن مدروهاش بياا كاع منتلاقا بعشيري جديد
حفصه؛ عشيرك؟

رحمة؛ اه صهيب هااااهوااا (زادت موراها جرات صهيب من يديه) زيد مالك مصمر

حفصه؛ (طلعات حجبها) داباا هداا عشيرك
رحمة؛ اه مالوو كيف جاك ولد ضريف وكيوت
صهيب؛ (دوز يدوو على شعرو) سوَو كيوووت
حفصه؛ تيقتي راسك
صهيب؛ ضروري احبي إلى متيقت راسي شكون انتيق نتي متلاا
رحمة؛ بان لي بحال تتعرفو بعضكم؟
حفصه؛ للأسف اه
صهيب؛ هااادي ومع كامل لاسف بنت لعم
حفصة؛ زيدها
صهيب؛ اشنوو
حفصه؛ وخطيب ختيي
رحمة؛ وااايليي طلعتي خاطب وانا كنت ناويا نضرب معاك لكحل والبيض
صهيب؛ مستعد نفسخ على قبل تيتيز هانيا

وبدااو يضحكوو.. بجوج بيهم غي طالقينهاا.. حفصة خنزرات وزادت بحالهاا

رحمة؛ هادي مالها تقلقات
صهيب؛ (ابتسم باستهزاء) عادي متتحملنيش
رحمة؛ ولكن علاش؟ (بغوات) حفصااا عاينيي
صهيب؛ اراي نمرتك وسيري
رحمة؛ متنعطيش نمرتي لدراري اساط
صهيب :(خنزر فيها) مناويش نخطبك غا اراي نتعاودو
رحمة؛ قيد 06**** هوا كن شفت فيك طيرا مغاديش تاخدها مي بنتي لي ولد كيوووت
صهيب؛ سيري قبل منشير على ختي بهاد تيلي نوريك كيوت.. بغيتي تعرفي طيرتي سيري عند حفصة تعاود لك جيتيني تايب

رحمة؛ هاني غادا….. حفصة وقفييييي

تبعاتها تتجري

صهيب؛ (بالغوات) متيقيهاش

رحمة؛ كون هاني متنحكمش على لكتاب من غلافوو

صهيب(بقاااا واقف شافهوم بعدوو نطق بصوت مبحوح) حفصة علاش تتكرهيني علااش

تتمة الجزء 19

حذيفة؛ (شاف فيه مصدوم و نطق ب صوت متقطع ) كيفااااش .. اششش كتخووور ا محمد
محمد:هادي سنة لحياة اخويا
حذيفة؛ (شد محمد من كولو كيديه و جيبو )براااكة من طنرزز دياااالك ا محمددد .. رااجل عاد شفتووو الباااارح .. كيفااااش كتقووولي دابااا مااات
محمد؛ لمكتاب اخوووياا ..قدررر الله خاصنا نرضاو بيه
حذيفة طلق منو .. كحرك راسو بنفي راجع بلور .. و دموع محجررة ليه في عينيه .. با حمد كان كحسبوو باه .. كان ساكن حداهم في الحومة لي كانو فيها .. كان ديما كدافع عليه فاش كحكروه دراري .. كان ديما هو هاداك الحضن دافئ لي كلجئ ليه .. و كعاوضو على حنان الاب لي فتاقدو .. كان ديما كيعاونو في قراايتو و يحفضوو القرآن .. و ينصحوو حتى جعل منوو راجل .. قلبوو كحس بيه تهرس ل اشلاء .. و هو كشوف انه كفقد كاع ناس زوينين لي في حياتو ..

عطا ل محمد ب ضهر غادي .. ما عارفش فين .. مهم يبعد .. مهم ما يبقاش بين هاد ناس .. في هاد ضجيج .. باغي يمشي شي بلاصة بوحدووو .. يغوووت و يبكي .. و يخوووي كاع لي في قلبووو .. سمع صوت محمد من موراه ..
محمد : اليوم مور ضهر اندفنوه عنداك ما تجيش

خرج ل شارع غادي .. بالنسبة حذيفة كان اقل حاجة يديرها على قبل با حمد هي هاد تقاعد .. هز الملف قدام عينيه و ضحكة استهزاء ترسمات ليه .. كشوف في هاد الحياة شحال قدرة و مسخة .. في لوقت لي هو ريي لي عالم ب حالو .. كاين لي كي ضحك و فرحان .. علاش الحياة ماشي عادلة .. علاش الحياة ما عطاتوش قد ما خدات منوو .. كحس براسو من نهار تخلق و هو غي في تمارة و العذاب .. كان كتمنى يعطيه هاد الملف و يشووف الفرحة في عينيه .. نزلات من عينو دمعة حارة .. دمعة كي جمرة حرقات خدو .. شد داك الملف بين يديه و بدااا كقطع فيييه .. حتى طير رياح اشلاء للورق

حذيفة؛ (بتدمر ) مشيتي قبل منشوف لفرحة فعينيك

فلوقت لي كان حديفة فوسط شانطي كااانت جايااا سيارة بسرعة عالياا وموسيقى مجهدااااا..يلاااه هز عينووو وهواااا يلقااهااا قريبااا .. وتسمع صوووووت لفران مجهد

‏‎#ثروة_فقير_عاشق💸

بقلم :حنان فارس
تعديل : hajar benhaimed

بارت : 20

نزلات قلبهااا كضرب في تسعيننن .. وقفات قدامو و غوتات ..:وااااش نتااااا بعقلللك .. غااادي وسططط شاررررع كنتتتت غااا نقتتتللك

غوت ليها في وجها حتى عروووق عنقووو برزو .. و عينيه حمرااات كي جمر: و علااااش ما درتيهااااش علاااااش ما قتلتييينش اااا
كامي؛ (شافت دموعو عوجات وجها) ماالك اشش واااقع.. اه دابا فهمت هوا سمعت بلي شي حد مات فلمعمل لقيتيني غادا نعزي وش كتعرفوو باينا غي من وجهك
حذيفة؛ (ابتسم بسخرية) اشمن قلب عندك نتييي ااا غادااا تعزييي بلموسيقى عاليا وشش نتيييي بشررر نتييييي… هدااك ليي مات نفسووو بااا حمد هدااك كاان كتر من بابا .. اصلااا معرفتش علاش تنهضر معاك ونتيي اصلا معندكش قلب حياتك بين طمووبيلات ولمعمل وشوبينك اش فهمك فلاحاسيس ولعلاقات اش فهمك ان لقراان ليي خصوو يتطلق مااشي لموسيقىيي اششش
فهمممك في هاادشي
كامي محسات تا شداات لييه يديييه..
كامي؛ .. َتيقني كنت مخدما غي راديو لموسيقى خدمات بوحدهااا.. كنحلف لك ان باا حمد بقااا فيااا… وخا مكونتش عارفا بلي هوا تيقني اناا حاسة بيك
حذيفة؛ (نتر يدو منها) عمرك اتحسيي تاتفقدي شيي حد عزيز
تم غاديي وهوا يوقفوو صوتها
كامي؛ اشنووو و وش عند بالك ان عمر خصرت شييي حد عزيييز اااا وش عند بالك حياتيي انا كيف كتبان لالا حتاااا انااا خصرت وخصرت بزاااف تااا انا تحرمت من حضن ماما واناااا صغيييرة تاااا انااا عشت معاناة تااا انا انساانة وعندي احساس وقلبييي تدمر منين مشات ماما
داار عندهااا.. كيشوف فعيونهاا ودموعها نازلين شلال… زاد عندها
حذيفة؛ صااافيي مكين لااش تبكييي

بلاا سابق اندار ترمات فحضنووو.. وعطات لعنان لدموعهاا
حذيفة؛ ششش صااافي لموت حاجة مكتابة وحنا كاملين ليهاا

كاميي؛ (حطات راسها على كتفوو وهيا معنقااه) اه ولكن جرح كبيرر
وزادت بصوت شهقاتهاا

حذيفة اعدى حاجة عندو بنت تبكي ولا باغيهاا غي تسكت .. كدوز يدو على ضهرها .. ندم على الهضرة لي قااال .. لانو ظن انه جرحها بيها .. بعدات عليه كامي كتمسح في دموعها ..

كامي؛ سمحلي نفاعلت شوياا
حذيفة؛ عاادي نتمنا تكوني بخير
كامي؛ اه اناا بخير
حذيفة؛ يله بسلامة
تم غادي عاطيها ب ضهر حتى نطقات .. :البركة في راسك ا حذيفة
حذيفة؛ ممشا معاك باس

مشاا حذيفة فحين هياا توجهات لوطو.. وقفهاا صونيط دتيليي..شافت سمية “mamatii جوبات

كامي؛ الوو ماما.. صافاا
الام؛ بنتييي كامي صافا
كامي؛ بيخير ونتي كيف دايرا عطلتك فباريس
الام؛ وقت زوين مع خوالاتك بغيت غي نقولك راه انجي سيمانة جاية مديرش لخطبة قبل ما نجي
كامي؛ صافي كوني هانياا مهم ماما نمشي دار و نعيط ليك راني كنصوووك
الام :اك حبيبة تهلاي في راسك

قطعات ولاحت طيلي .. زادت لوطوو وركبات شعلات موسيقى مجهداا بدات تضحك بجهد
كامي؛ هههههه سمحيلي اماما حيت قتلتك قبل موتك مي مشكل وحلينااه وخاا تعنيقاا ديال داك لفقير زوينا ههههه

قلبات طريق كسيرات بجهد ضاحكا وفرحانا بانتصارها

#ثروة_فقير_عاشق 💸

بقلم : حنان فارس
تعديل : hajar benhaimed

بارت21

واذا سألوك عن البداية قل صرخة ودمعة عند خروجي من بطن أمي
وإذا سألوك عن النهاية قل صرخة ودمعة من أحبابي عند دخولي إلى بطن الارض💔

بعد ساعات
فمكاان كيتجمع فيه صمت والكلام.. فمكاان كيتجمع فيييه لهدوء والعاصفة.. فنهاية اغلب لبداياااا.ت. وَوفبداية حياااة جديدة.. فمعبر بين الحياة الدنيا وحياة الاخرة….. كان كالس قدااام قبر.. مزااال تراااابووو فاااازك… قبر مزااال جديد..دفنوووه بعد مصلاو عليه..اغلبية مشاو وخلا وه بوحدوو يواجه عملوو.. خلاوه بوحدوو من بعد ما فرقوه حبابو بدموع.. حبابو لي يقدوو ينساوه بعد يوم.. شهر.. عام.. ويقد كتر
. ولكن هواا مستحيل ينساه هز بين يدووو تراااب قبرووو لفااازك.. بااغي يهضر باااغيي يغوت باااغيي يبكيييي ولكن مقدرش.. حاااس بغصة فقلبووو مستحيل تخرج بلهضرااا ..انك تكون جاي باش تفرح وااحد وتلقااه مااات.. بلاصت متشوووف لفرحة فعيينووو اتشووف عينوو مسدودين شي حاجة صعيبا وبزااف .. ما تمنو لهاد الحاجة تا واحيد ..

حذيفة؛ (بعد صمت طويل) اشنووو داباا اباا حمد وش مبقيتش نشوووفك أاا وشش صافيي عمر نسمع نصاايحك ااا شكووون من بعدك ايعتبرنيي ولدووو اااا صافيي حتا نتا تبعتي بابا.. عاديي انا ممحقيش نقول بابا لشيي حد(نزلات دمعة سخونة ومسحها) وش خباارك شديتي تقاعد كنت جااي نعلمك سعااا كتااب نعلمك هنااااا (هزززز راااسووو لسماا) تضلمتيي فدنيااا ولكن كن هاني ربيي عمررو يضلمك فلاخرااا..
(حطط يدوو على وجهووو) وحنااا رااسووو..تااحس بيد تحطات على كتفوو

حديفة دور راسو لقا كامي بقا كشوف فيها
كاامي؛ البركة فراسك
حذيفة؛ ممشا معاك بااس
كامي؛ صراحة دزت لدار دبا حمد.. باش نعاون عائلتوو لقيت عندوو غي جوج دلبنات وكاملين مزوجين.. وهوا كان ساكن بووحدو.. على داكشي تكلفت غي مراسم دفن.. هادشي باش قدرت نعاون مهم غي بغيتك تعرف تا حنا فقدناا اب ليناا ماشيي غا نتاا راه بانا كاملين
حذيفة؛ (تم وااقف) شكرا لك هادشي كافي .. خصني نمشيي
كامي؛ وشش غادي لدار نقدر نوصلك
حذيفة؛ لا انمشي لافاك شكرا

كامي؛ تا انا خصني ندوز عند ختيي لجامعة.. دوز اناا غنوصلك وبلااا متقووول لااا هاااد لمراااا (بتحلوين) عفاااك
حذيفة بتاسم على هضرتها..و زاد تابعها ..
تتمة الجزء 21

كااانووو خارجين من لفاااك.. كهضرو .. و يضحكو .. الكل حاديهم .. و هما ما مسوقينش
حفصه ؛اشنووو وش دابا ادوزي لكوميساريا أاا(عودات ليها رحمة كولشي)
رحمة؛ ااه حذيفة قاال ايدوز عنديي
حفصه؛ خليني نمشييي مععاك عففاااااك
رحمة؛ لااااا عارفااك اديري شيي مصيبة
حفصه؛ والله مندير شيي حاجة غيي انغتاصب ديلمهم ونطير ليهم داك لي مدودهم
رحمة؛ تخافيش طيروو ليهم حديفة
حفصه؛ ههههه اح كنتخايل فلقطة منين عتقك داكشي دلافلام..
رحمة؛ هه هوا معتبرنيي غيي اختوو.. قد مفهمتي هادي دغياا قد ماا عونتيني نفهم.
حفصه؛لاااااا ا صاحبتي .. لولد منين كيخاف ليبغي شيي بنت كيقول ليها ختي.. وعقليي على هضرتي هااد حديفة لي كالس يبوزي عليك ايجيي نهاار ويبغيك ويتشرشم عليك
رحمة؛ (خنزرات فيها باستهزاء) خيالك وااسع
حفصة؛ و دابا تشوفي و تقولي قالتها حفصة الباطرونة
رحمة؛ حلمي .. ما غتجيش ليك ختك؟
حفصه؛ لااااا مدرتش معاهاا.. اصلا مبقال والوو ونرد بيرمي دياليي ونرد حديدتي و نتسركلووو .. يله نووصلك
رحمة؛ لاا انعاين حديفة
حفصه؛ (عيباتها) انعاين حذيفة نينينينين .. بقااي تعايني فيه تتمشي على رجلك
رحمة؛ سيريي سيريي

مشااات حفصة فحيين رحمة بقاات تتعاين حذيفة

كاانوو جاايين.. شويااا وقفاات بيهم لووطوو..كامي بدات كتحاول تخدمها والو .. خبطات يدها مع الفولوون ..

حذيفة؛ مالهااا هاديي
كااميي؛ معرفتش يمكن شيي مشكل فلمتوور انا انزل نشوووف

نزلاات تتشوف لوطوو.. ونزل تابعهاا

كامي؛ خص ليي يصلحهاا
حذيفة؛تسناي نشووف
كااميي؛ بلااش راانيي شفت انااا مغاديش تقااد
حذيفة؛ خليني نجرب مالكي معاندا
كامي؛ هانتا اسيدي دووز شوف لرااسك

حذيفة؛ (حلل لووطوو وبداا يخربق فيه) عندك شي قرعة دلماا
كامي؛ وش بغيتي تشرب
حذيفة؛ لا لوطو لي بغات تشرب
كامي؛ هههه حمق اط (زادت لوطو جبدات قرعة دلماا)
حذيفة؛ دخلي جربيي رااه لموتور سخون انبردوو

كامي؛ اوووك

طلعاات بداات تجربب فلووطوو تاا خدماات
حذيفة؛ اواا على سلامتناا(شاااف فسااعتو و خرج عينيه) ناري تعطلت على رحمة هادي سااعة بااش خرجاات

كامي؛ يلاااه مشينااا
حذيفة؛ دغياا عفاك رانيي تعطلت على لبنت
كاامي؛ امم حبيبة القلب
حذيفة؛ لاا غي من لعائلة ومسؤول عليهاا
كاامي؛ اوا مزياان اسيدي يلاه دير سنطة
حذيفة؛ بلمناسبة علااش تتسولي
كامي؛ من حقيي نسول اا باعتباري صديقة (شافت فيه مبتاسمة وهزات يدها) اصدقااء

حذيفة بقا كشوف فيها هاز حاجبو مصدوم ما عارفش هاد تغير المفاجئ منين جا .. هو نظرة لي واخذ عليها انها حاسة براسها .. و مستحيل تهبط ل ارض
كامي؛ مالك تصدمتي
حذيفة؛ لاا والوو غي تبدلتيي
كامي؛ ياك اوا دغيا يدي ضراتني وانا هزاها
حذيفة ابتاسم ليها ومد يديه :أصدقاء (شدات فيديه مبتاسما)

‏‎#ثروة_فقير_عاشق 💸

بقلم : حنان فارس
تعديل : hajar benhaimed

بارت : 23

كاانت وااقفاا تتشم لهواا.. تا حساات بشيي حد جرهاا من كتفهاا بجهد

رحمة؛ ايي قصحتيني مالك اش واقع
حذيفة؛ (حط يدوو فشعرو) علااش مقولتيي ليي واالوو
رحمة؛ اش انقوول لك
حذيفة؛ هاادووك… ونتي… وهادوك.. علاش خبعتيي
رحمة؛ شوياا لبااس بنتي لي غا كتركع هادوك انا وهادوك شكون هدوك ومالي انا
حذيفة؛ مكانش خصكك تخ(وقفووو صونيط تيليي)

حذيفة؛ من بعد ونهضرو دااباا دوزي تركبي لواليدا تتعيط خصنا نمشييو دغيااا مخصهاش تعرف علاش تعطلنا

رحمة؛ الله يستر

فجهة خرااا

وقفااات لوطوو حدا باب لفيلااا نزلاات كتمختر كيف عادتهاا.. راسما ابتسامة على وجهااا

يلاه دخلات وهوا يبان ليهاا باباها كالس فجردة شااد لجريدة.. مشات عندو نشان طبعات بوسة فخدوو

كامي؛ بابي
حسين؛ بنتي كااميي صافا

كلساات حداه
كامي؛ I’m ok
حسين؛ اوا اش درتي فقضية موت داك سيد..
كامي؛ كن هانيي تاواحد فلمعمل مغادي يهضر.. وسيد لي متعلم فيهم وعندو فهم فالقانون تكلفت به شخصيا
حسين؛ اواا مزيان كنت خايف ليديروو ليناا شوهة فدااك لمعمل.. حيت تعطلنا.. معطينا تقاعد ليه وحتا لي سبقوه.. وإلى ناضت روينا اكيد اتوصل لعمك ديك ساعة ايعرف بليي فلوس تقاعد حناا لي كناخدوهم.. وراكي عارفاا اش يقدر ينتج هادشي

كامي؛ كوَون هانيي ا بابا هااد ناس همهم غيي يخدموو ويعيشوو.. وتا هداك لي كان كيحسبوو بحال ولدووو بينت لييه بجميع طرق بليي حناا معااه.. وداك نووع عمر يقطع ليد لي تمدات ليه.. هههههه راااك عارف لمبادئ ديال لفقراء
حسين؛ مبادئهم لي رجعاتهم لووور

كامي؛ يلاه نخليك ابابيي انطلع نبدل ونتكا شوياا.. باش فليل نخرج مع صحابي
حسين؛ اوكي بنتي

طلعااات لبيتهااا… دخلات وترماات على سرير..كتشوف في سقف
كامي؛ ههه ودابا منين أمنت جنب حذيفة جاا لوقت لي نتهناا منووو ونقشر صباغتييي بففف قبل ميتيق رااسوو بليي بصح درتوو صديقييي..

‏‎#ثروة_فقير_عاشق 💸

بقلم:حنان فارس
تعديل : hajar benhaimed

بارت : 24

بعد ساعات.. كااان كاالس فبيتووو.. متكييي كيفكرر فشيي لي وقع مععااه ليوم من جيهة لموت ومن جيهة لاغتصاب.. اش ايوقع إلى باباين رحمة عرف بلي بنتوو تغتاصبات اكيييد ايدفنهاا وهي عايشاا.. عندهم في دوار عار الى البنت فقدات عذريتها قبل زواج .. وخا تكون ب اي طريقة .. مصيفطهاا لهنا إلى وهوا تايق ان حذيفة ايحميهااا.. ولكن مقدرش.. شد على رااسو تنهد بجهد
حذيفة؛ هااااد لمشكلل خصنيي نحلوو

سمع دقاان فلباب.. ناض من بلاصتوو

حذيفة؛ دخللل
رحمة تمات داخلا.. عندوو
رحمة؛ اجيي تاكل رااه حطيناا لعشاا

حذيفة؛ غي كولوو معنديش نفس

رحمة زاادت عندووو كلساات حدااه..
رحمة؛ شوف اناا عارفاا شيي لي وقع لك ليوم خايب بزااف.. ماما فاطمة عودات لي على علاقتك ببا حمد..وشي لي وقع لوو.. شيي حاجة صعيباااا انك تفقد انساان عزيز ولكن هااد دنياا ضروري متعطيناا حواايج وتاااخد حواايج وحناا معليناا غيي نصبروو حيت كولشييي ايدوز

حطات يدها على كتفووو.. مبتاسمة ليه .. و عطاتو ب ضهر غادة .. حتى سمعاتو نطق

حذيفة؛ ونتيي وشش قدرتيي تصبريي.. كن كاانت وحدا بلاصتك مستحيل تصبرررر
رحمة؛ (دارت عندوو) علااش ماليي انااا
حذيفة؛ نتيي راااك…

قاطعهم صووووت ماماه

فاطمة؛ حووووذيفة رحييموووو اجيييو دغياا لعشااا ايبرد
رحمة؛ سميتيي رااحمة اخالتيي رااحمة (ابتسمات ليه وتمات خارجة)

حذيفة؛ عمري ما تصورت شيي حد يكوون كيصبر بحالك عمري

جااا صباح جديد… وكييف لعادة فلمعمل.. قبل ميبدااو لخدمة توقفووو وقراو الفاتحة على روح باا حمد.. ودعاو لييه بلجنة ولغفرااان

تحلاات باب. لمعمل.. ودخلاااات بلوووطوو دياالهااا..

تماات ناازلاا كتمخترر.. لاابساا كسوة كحلاا حد ركبة وطالقاا شعرهاا شهب.. زادت بكل شمووخ وتكبرر.. شااافت فلعماال ابتسمات باستهزااء.. من صوت دعاوتهم.. يلاه جات باش تكمل طريقهااا وقفهاا صوت حذيفة

حذيفة؛ (موجه هضرتو لعمال) ليوووم كاااان ممكن نبداااو خدمتنااااا
وبا حمد يكوون معااناا.. ولكن لمكتاب ممنوو هروب..ولكن شي لي تيضر بزاف ان باا حمد كاان عندوو حلم واحد هواا يحصل على تقاعدو فهاد لخدمة لي فنااا فيهاا حيااتوو.. وحيت كاان كيشوف هاد لحلم بعيد وشبه مستحيل كان كيتمنا ولو جزء منوو.. و يحصل على بوسط لداخل مناسب لعمروو.. وتاا هدي مقدرش يحصل عليه للأسف لمعمل لي فناا حياتوو فييه مقدوش يفرحوه فحيااتوو تاا ماات عاااد تكلفووو بمراسم دفن…

كاميي خرجات عينها من هضرتوو شيي لي خافت منوو قرب يوقع.. تمات زايدا عندهم وهي معصب

تتمة الجزء 24

واحد من لعمال؛ هااااذشيي راااه ظلم هااااد لمعمل خصوووو يتحرق
العماال؛ اه اه
حذيفة؛ اش اتستافد إلى تحرق من غير مئات دلعائلات لي ايتشردوو.. حناا مبغيناش نخرجوو على ناس بغينا غي تقاعد يرجع ولي عمروو فوق لخمسين يحصل على بووسط لدااخل ولي فوق ستين يتقااعد وكنضن اانسة هاادشي حق مشروووع

كااميي؛ نتاااا رااااك حمق هااادشيي عمروو يكوون لك فهمتيي… طلقانالكم لحبل ونتوما تعلقووو ضسرتوو ضسرتوو

حذيفة؛ وحيت اناا ضاسر بزاااف.. فانااا مغاااديش نخدم تا تسمعو لمطالبنا
كامي؛ خدم ولا عمرك تخدم زايد نااقص

حذيفة كحز جنب.. وبدااو لعماال تابعينوو واحد واحد

كااميي؛ ونتوووماا لاااش تبعينوووو
واحد من لعمال؛ تااااا حناا معااه تا واحد مغادي يخدم.. لا صحاب لخناشيي لصحااب لمكينات تتسمعوو لطلباات ديالنااا

كاااامييي؛(شااافت فحذيفة بعصبية )عقاال على هااادشي لي دررررتي

تمات داخلة توجهات نيشان ل مكتبها .. خبطات الباب .. و بدات كتهرس اي حاجة لقاتها قدامها..لي خافو منو طرا ..و الا عمها مشا حتى عرف ان ناس ما كشدوش تقاعدهم .. اكيد ايفقد ثقة فيهم .. و داك ساع ايوليو في مواصل لي خايبة

كاامي؛ اششش هاااد روينة ضيعت تحلويني غي هكداااك..

صونات على باباها تواني معدودة جاوبهااا

حسين كان جااي فلوطووو مع خوووه لمعملل

محسن؛ شكوون كيصوني ؟
حسين؛ هاادي كامييي… (جاوب) الوووو بنتيي كامي
كامي؛ بابا مصيبة وااقعاا فلمعمل خاصك تجيي دابا.. لعمال توقفوو على لخدمة… بسباب مشكل تقااعد
حسين؛ كفاااش
محسن؛ اش وااقع؟
حسين؛ ما واقع والو
كامي؛ الوو متقولش لي عمي معاك
حسين؛ تماما ابنتي اناا وعمك جايين لمعمل.. نبغيي نلقاا ترحيب يلييق بعمك منلقاا تا مشكل خااص بترحيب
كامي؛ اه فهمت اناا انحاول نحل لموضوع بسياسة.. وإلى مقدرتش؟
محسين؛ اه اه من عادتنا نسمعوو لطلبات ابنتي… طلباتك اوامر
كامي؛ وخا فهمتك

هزات تيلي دلمكتب دورات لسكرتيرا
كامي؛ شوَفي بغيت حذيفة دااابا عنديي

قطعات تيلي..
كامي؛ هاحنا نشوفوو اسيي حذيفة زعامتك وش اتنفع..

لحظات معدودة… سمعات دقاان ..ناضت دغيا وقفات قدات شعرها وعرات شقة دصدرها
كامي؛دخل..

حذيفة؛ (تم داخل) قاالوليي بغيتيني..
كامي؛ (زادت عندووو مبتاسمة) اشنوو وش مغاااديش تسلم على صديقتك هي لولى

يلاه جاات تقرب لخدووو.. سبقهااا ومد يدووو

كامي حسات بتصريفقة نزلات عليها نتيجة تصرف لي دار مدات يدهاا مبتاسماا بزز
حذيفة؛ وذابا تقديي تقولي اش واقع
كامي؛ نتاا لي قوليي اش واقع يااك حناا اصدقااء.. (بتحلوين) ولاش درتي هكدا آه

#ثروة_فقير_عاشق 💸

بقلم:حنان فارس
تعديل : hajar benhaimed

بارت : 25
حذيفة؛ اناا درت لي خصوو يدار اانسة ولعلاقات بعيدا على لخدمة.. نتي هنا باطرونة وانا عامل لي عليا ندير واجباتي ولي عليك تعطي لحقوق لماليهاا
كامي؛ بغيتيي لفلوس يااااااك؟
كن بغيتي زيادة ولفلوس.. كولها ماشي ضروري هااد شوهة براا (مدات ليه شييك) هداا ليييك(مبتاسمة)
حذيفة؛ (دار يدووو فجيبووو شد شييك و ابتاسم بغرور)وشش خبارك امدموزيل بلييي هاااد شيييك مغاديش يقدر يشريني
كامي؛ كفاش؟؟
حديفة لاح ليهااا شيك على لمكتب.. و خنزر فيها.. :ماشيي كاع ناس بحال بحال الا نتي همك لفلوس اناا لااااا… همييي لوحيد.. لحق دهاد لمضلومين ليي كيخدمووو بقلبهممم ومتتعطيوهمش حقهم واناا مستحيل نبيع حق شيي حد وخا تعطيني فلوس دنياا كاملين..

تم خاارج وقف حداا لباب

حذيفة؛ بالمناسبة صدااقة مكدخلش فلخدمة.. شيي حاجة سامية بزااف على هاد تخربيق ديالك.. بلااا متحاوليي تستاغليها حييت كنكره لي كيستغلهااا… خليت لك راحة اصديقتيي… ونتمناا تقبليي طلبات دلعمال.. حيت هداا لحل لوحيد بااش يوقف لاضراااب

لحظات موور
لخررجة ديالووووو غوتاااات بأعلى صوتهااا
كامييي؛ حوووووذاااايفة غااادي ندمك غييي بلاااتييي

هزااات فااز دلورد وشيراات على لباب

حطات يدهاا على شعرهاا.. كتنفس بجهد كتفوور بلعصب..عرف كيف يستفزها و يلعب ليها على الوثو الحساس
كامي؛ خصنيي نحل هااد لمشكل قبل ميوصل عمييي.. مبقاا لي تا شيي حل غي نسمع لطلبات لعمال.. ليوووم اول مرة فحيااتي نتنازل وبسبابك اسيي حذيفة فحين نتاا مرضيتيش تتسلم علياا بلوجه اناا انا لي دراري تيتاخطفوو علياا فقيرر دلخلاااا يقطع ليااااا .. وخااا اصديقييي وخاااا طلعتي مسيوهلش لبارح مشيتي معايا فلخط حيت بكيت عليك لعبت لك على نقطة ضعفك..اوااا هانتاا اتشوف امول لقلب لحنين اشش ايووقع لككك كنحلف لك بليي غاادي ندمككككككك

هزاات تيليي بزعااف دورات لخط لسكرتيرا
كامي؛ حلوو دابا لمشكل مع لعمال.. سمعوو لطلبات
. .

اترك تعليقا