Skip links

قصة : الوحش وذات القزحتين الجزء 2 ( عشق جبابرة) ج81

 36,612 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°

🔮الجزء 776🔮

(تتمة الجزء السابق)
ساندرا : كانتمنى شينهار تسمح ليا (وحنات راسها كاتشوف فبطنها ) وحتى نتوما… وكنواعدكم غندير كل جهدي .. غاندير كل جهدي ..غاندير كل جهدي …(تنفسات بعمق وتكات مغمظة عيونها وهي كاتردد بهمس )

ساندرا : غاندير كل جهدي …..(سكتات عن الكلام ومن البكاء …وهي كاتفكر حتى داتها عينيها ….ماعقلاتش على راسها امتا أو كيف نعسات..حتى حسات بخبيط خفيف على خدها الشيء لي خلاها حلات عينيها الجهد ..شافت فقردها ^لونا ^ واقف قدام وجهها مباشرة وهو لي كان كايضرب ليها على خدها …تكعدات قافزة وهي تشهق منلي شافت فالساعة كانت تقريبا 2 دالليل أي بقات لهن فقط ساعة ويدخلو لجنوب المحيط الهادئ ….

(ساندرا ناضت كاتجري ولونها صفر وقفات قدام شاشات القيادة داليخت ..وهي كاتتنفس بزربة ماتهدنات حتى شافت أن السائق الآلي بقاتلو فقط دقائق قليلة ويوقّف اليخت بهن ..وهاذشي علاش ولا كايتحرك بهن بسرعة بطييئة….. حيت هي فصباح منلي عرفات لبنات معاها على اليخت بدلات نقطة التوقف من جنوب المحيط الهادئ …إلى نقطة قبل منه بساعة وفعرض البحر بعيدا عن أي يابسة أو جزر …أي ردات اليخت ليكانت برمجاتو غايحبس بها فمكان قريب لمكان الجزيرة ….رداتو غايحبس فمكان بعيد عن الجزيرة بساعة او اكتر ….ساندرا تحركات كاتجري هزات صاكادوها وحلاتو خشات فيه الكتاب وهزات القرد تخشيه)

ساندرا : تعطلت الووونا تعطلت كان خاسني نكون هبطت من اليخت هاذي ساعة قبل مايبدأ يبطئ سرعتو أو يوقف باش مايحسوش بيا البنات …علاش خليتيني ناعسة الونا علاش (سدات عليه صاكادو شويا مخلياه مخرج راسو …دارت الصاكاظو على ظهرها وتحركات …حلات باب مقصورة القيادة غيير بشويا بانليها لحال باقي مظلم ويالاه غاتخرج حتى خرجات عينيها منلي بانت ليها جمانة جالسة على كرسي فمقدمة اليخة ظامة عندها ركبتيها….
سانظرا.. شافت فالبلاصة كاملة مبانت ليها تا شي وحدة من البنات من غير جمانة فا نطقات بهمس )

ساندرا : ك كيفاش هاذي مزالة فايقة …
//

على مقدمة اليخت جمانة جالسة كاتتأمل فالسماء والقمر والنجوم بعيون دامعة…)

جمانة : ماما غاتكوني رجعتي للمغرب ولا مزال (طاحو دموعها ) غاتقهري فاش ماتلقاي تاواحد منا … وجبار وسليم ووسيم غايكونو كايقلبو علينا …ماغاتلقاي تاواحد فولادك أماما (مسحات دموعها ) وماعرفتش باش غايسالي هاذشي ولكني كنواعدك غانحمي راسي وخواتاتي وغارجع ونبوسليك يديك باش تسمحي ليا نتي وبابا (شهقات ودموعها كيطيحو ) ماقاداش نصبر وأنا كانحس بيك كاتبكي دابا بسبابي أماما قلبي حاساه شاعل بالعافيا ( وحطات راسها على ركبتيها ) أما نتا أفارس فا أنا عااااارفة أنني ومرة اخرى جرحتك …آخر مرة درتها بزز سمحتي أما دابا (وسكتات شويا عاد كملات ) …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°

🔮الجزء 777🔮

جمانة : صافي تايلا كاع مابغيتيش تسمح ليا… غانقولها لبابا وديك ساعة اتسمح بسيف علك….حيت بابا كيخلعك اطبوز تاعي (وبدات تبكي بالجهد ) وااا بابا بابا بوحدك الشخص الوحيد لي أنا متأكدة من أنه عمرو يهز فخاطرو من جيهتي شنو مادرت وشكون بحاالك أبابا … (ابتاسمات وسط دموعها ) آه وشحال كانموت عليك يا جاسم….(وهزات تلفونها جبدات صورها هي وباها كاتشوف فالصور وهي مبتااسمة وكاتبكي ….وخلفها بخطواات … واقف ساندرا خلف باب مقصورة القيادة كاتطل عليها ….ماسمعاتهاش بسبب البعد ..كاتشوفها غير كيفاش كاتشهق عرفاتها كاتبكي ….حلات الباب كولو بشويا وخرجات بالحس كاتختل وعينيها غير على جمانة ….ورجعات سداتو بشويييا ضورات الساروت وحيداتو من لباب دارتو فجيبها…وتحركات بالحس وبلا حتى ماتحس بيها جمانة …حتى فاتتها وبعدات عن نظرها بخطوات عاد مشات كاااتجري حتى وصلات لمؤخرة اليخت للبلاصة فين كاينين جوج قوارب نجاة معلقين فآلة خاصة …ساندرا بزربة ضغطات على زر الآلة لي بدات كاتهبط ليها القارب الاول وهي واقفة كاتسناه يتحط على الماء حيت تقريبا اليخت حبس ….)

ساندرا كاتشوف فالقارب ) سربيني سربي سربي….(وغير تحط على الماء ابتاسمات وتحركات كاتجري حطات يديها على حديدات سلوم حديدي باش تنزل من اليخت للقارب …ويالاه تعلات حطات رجلها على السلم …حتى تجرات بقوة من دراعها للخلف لدرجة كانت غاطيح … دورات راسها تشوف شكون لقاتها زليخة شاداها من يدها ومخنزرة فيهاا وبزربة جراتهاا بعداتها على داك السلوم…

زليخة معصبة كاتغوت) فييين غاااااا فييين !!

ساندرا وهي مخنزرة نترات يدها) نتي لي ماااالك غا تابعاااني وحاضياني…..

زليخة غوتات بجهد) واااش يسحاب ليك غاديريها بيااا !!! على من كااضحكي على ممممن غير قوولي واش يحسابليك ماشفتش نظام السائق الآلي وكيفاش بدلتيلو نقطة التوقف …ولا يحسابليك أني ماتوقعتش هروبك بقارب نجاة بعدما قلتي أنه لا أنا لا لبنات غانمشيو معاك !!ولا يحسابلك ماحسييتش أن اليخت أبطئ من وتيرة تحركو هاذي كتر ساعتاين ودابا راه حبس كااااع….
(بغوات زليخة لي حلقها غايخرج …. البنات جاو كايتجارااو عندهم… لي كانت فايقة وسمعاتهم جاات ولي كانت ناعسة فيقوها بغواتهم.. وقفو عليهم بربعة مفاهمينش اش واقع ومالهم كايتغاوتو ..)

جمانة: اش واقع مالكم ؟

ساندرا لي كاترعد ) مواقع واالو رجعو كملو نعاسكم..

(زليخة مزالها معصبة حاولات تهدن نفسها منلي شافت ساندرا كاترعد…فا نطقات بهدوء )

زليخة: واش يسحاب ليك انا مكلخة أ ساندرااا !؟؟ راني شفتك صباح فاش بدلتي نقطة التوقف فالسائق الٱلي يعني بلاصة مايوقف اليخت فجنوب المحيط الهادئ غايوقف قبل مايوصل ليه.. راني شفت الاجهزة وعرفتك اش كاديري ومن هضرتك عرفت علياش نااوية.. واش يسحاب ليك غانخليك تمشي تنتاحري ؟

جمانة شافت حواليها عااد ردات لبال لليخت لي حابس ): كيفاش و قفتي اليخت قبل مانوصلو للمحيط الهادئ يعني كنتي ناوية تسلتي وتخلينا هنا وتمشي بووحدك !!

سماح موجهة هضرتها ل جمانة ) واش مكايبانليكش اليخت حابس فين عقلك ؟ ياك نتي بوحدك لي بقيتي فايقة فينا قلتي تحريسها ؟اودييي يا ودي …🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°

🔮الجزء 778🔮

سماح موجهة هضرتها ل جمانة ) واش مكايبانليكش اليخت حابس فين عقلك ؟ ياك نتي بوحدك لي بقيتي فايقة فينا قلتي تحريسها ؟اوديي يا ودي

(جمانة خنزرات فيها ويالاه غاتجاوبهة حتى نطقات اميرة )

اميرة: ياك قلناليك أ ساندرا غانمشيو معااك علاش مصرة تمشي بوحدك ..ياك حنا واحد…

زليخة وعينيها على ساندرا) حيت هي غادية تنتاحر هادشيلي بغااات ..

ساندرا غير كاتشوف فيهن وصلات للطوب فتحملها فا بدات كاتغوت فوجههن ) نتوماا سبااااب نتوماا لي تبعتووني علااش تبعوني من الاول علاااش.. !! انا ماطلبت المساعدة ديال تاشي وحدة منكم….كووون بغيت المساعدة كون قلتها عالأقل لعمي سام ولسحرة معاشري السبع ..(شدات راسها ) خليوني نمشي بعدو مني بقاو هنا راه بمجرد مانخرج من اليخت تعويذة الحجب غاتبطل ويرجع جبس خواتمكن يخدم ودغيا غايلقاوكم ..

هاندا غوتات ): لا … حناجينا بهدف نعاونوك وكل وحدة مننا جات بإرااادتها الحرة وحنا كولنا مستوعبات الخطر لي كايتسنانا..فا خلينا نعاونوك ويوقع لي وقع نتي ماغاتلاميش على قرارنا و..
ساندراا قاطعاتها وهي كاتغوت) وااش يسحاب ليكم هادشي ساااهل !! راكبين يخت غادي للموت ونتوما ضاحكين وناشطين كاتشطحو وكاتبسطو الامووور كايسحاب ليكم هكاااا غاتتجاااهلو الخطر لي غاديين ليه !! معارفينش اني بمجرد ندخل لجنوب المحيط الهادئ كااااع السحرة لي ضايرين بيا ولي متواجدين فالعالم غادي يعرفو بلاصتي..وااااش معارفينش هاادشي اش كايعني !!! هادشي كايعني انه كااع سحرة السحر الاسود يقدرو يوقفو عليا فظرف ساااعة … واش يسحاب ليكم تقدرو تتعاملووو معااهم او هم غاااايرحموووكن !! (و شافت ف زليخة مخنزرة) واش يسحاب ليك راااسك حيت قوية ونابغة وخضعتي لتداريب حربية صااافي اذن غاتقدري عليهم ؟؟ (شافت فالبنات وكادور عينيها بيناتهم) ونتوماا ديك الجزيرة لي غاديين ليها وااش يسحاب ليكم تقدرو دخلو ليها اصلا ولا تحطو فيها رجليكم !!؟

هاندا : ك كيفاش …

ساندرا :كيييف سمعتي … هاذيك الجزيرة سميتها ^جزيرة المتاهة ^ هي الموطن الأم لقدماء السحرة وفيها تزادت ألكساندرا وكبرات وكتبات كتابها …من بعد الأحداث لي وقعو هاذي ألفي سنة وموت أغلب سحرة معاشر الخير والشر بسبب المجزرة الجماعية على يد المتحولين وموت ألكساندرا …..بعد.كل هاذشي هاذيك الجزيرة حزناات جمعات فيها كل أرواح سحرة معاشر الخير وغلقات نفسها على العاالم كليا مابقاتش فخريطة العالم …كأنها خفية وماكاينااش … حتى مخلوق …عاقل… مايقدر يشوفها او يحس بها …لا بشر لا سحرة لا متحولين لا هجاائن ..الجزيرة تحجبات كليا وماتحلات حتى تحكمت أنااا بعنصر الهواء عاد بينات نفسها باعتبارها المكان لي خاسني ندمر فيه الكتاب (وشافت فزليخة مبتااسمة ) ولكن هي تحلات غير فوجه السحرة فقط أي ساحر سواء خير أو سحر أسود… يقدر يدخل لها حدها باينة حيت بمجرد تدمير الكتاب غاترجع تحجب نفسها… من غير السحرة حتى شخص مايقدر يدخل ليها سواء بشر او متحولين او هجائن …

زليخة مخرجة عينيها ) ك كيفاش يعني حنا انا…🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°

🔮الجزء 779🔮

زليخة مخرجة عينيها ) ك كيفاش يعني حنا انا…

ساندرا قاطعاتها مبتاسمة ) راه قلت ليك صباح وجودك هنا معايا ماعندو حتى معنى أو فائدة حيت مستحيل متحول أو بشري او هجين يقدرو يدخلو ليها أو لمنطقة بحرها …

زليخة خنزرات فيها ) وجباار ياك هو شرط لتدمير لكتاب وهو هجين فاكيفاش غايدخل ليها واش غايكون استثناء ولا شنو …

ساندرا : ماكاين حتى استثنائات (سرطات ريقها ) كاينة شيء كايحل الجزيرة أمام المتحولين ولكنو ماعندييش وحتى كون جبتو معايا مستحيييل نحلها ليكم…

جمانة سرطات ريقها ونطقات) كيفماا كانت الاحوال وكيفما كانت الظروف حنا قلناليك غادي نمشيو معاك هي غانمشيو معااك دخلنا أو لا غانمشييو…

(ساندرا شافت فيها وماتسوقاتش لهضرتهااا ومشااات للسلم باش تهبط فيه للقارب تبعاتها زليخة جراتها من يدهاا وبعداتها مرة اخرى.. فحين اميرة وهانداا وقفو بينها وبين السلوم دوروها بيناتهم….)

ساندرا كاتنهج ) حيدوو…

زليخة : لا …

سماح : أنا عارفة أنه خاسك توصلي للجزيرة قبل 24 ساعة حيت سميحة ماغاتزيدش تتحمل أكتر وقلتي بقاتليها يومان إذا نتي ماكنتيش فمكان تدمير الكتاب هي غاتموت …وها نهار داز … بقاليها غير نهار …فا خلينا نمشيو معاك أساندرا نتي بغيتي تحمي ختي فا خليني انا نحميك…

ساندرا غوتات ) لالا أنااا حبست اليخت بكن بعيييد هنا باااش حتى لاجاو السحرة فقوارب ماااتكونوش فمحيط الجزيرة البحري ومايشوووفوكمش غيير باش نحميكن فا حيدو أحسن لكن …
سماح لي عينيها دمعو ) ماغانخليكش تموتي أساندرا على قبل سميحة ماغانخليكش

(ومشات كاتجري للمقصورة القيادة … وصلات ولكن لقات بابها مسدود بساروت ..فا بقات كاتخبط فالباب بكتفها باش يتحل)

(عند ساندراا استدارت
شافت فالسلم لي خلف أميرة وهاندا وبغات دوز لكنهن منعوها وزليخة شدات يدها فا غوتااات )

ساندرا : حيدو انا مامسالياش لهادشي…الوقت كايضيع مني حيييدووو
(وحاولات تفك يدها من زليخة لي مزالها شاداها مزيرة عليها مابغاتش طلقها…فا نثرات ساندرا يدها و واالو زليخة غا مزادت زيرات عليها.. الشيء لي زاد كعاها وبقات دفع فيها باش تفك يدها ولكن زليخة ماتسوقاتش ليها مخلياها كادفع فيها تا عياات وحبسااات..

ساندرا مخنزرة) طلقي يدي مابغيييتش نآذيك..

هاندا: واخا تطلقك هي حنا غانشدووك مغاديش تمشي بوووحدك.. وبغيتي تآذينا بالسحر تفظلي ليدي ساندرا حتى وحدة منا ماغاتتجاوب مع هجومك بقوانا …
ساندراا غوتات عليهم) علاااش مكاتفهموووش علااااش !! اناا مامساليااااش لهااااادشي غي كاتعطلوووني ونتوما مسهلين الامر ومبسطينو بحال شرييب د المااااء ….خليوني نمشي وكنواعدكن غاندير كل جهدي (بدات تبكي بحرقة ) غاندير كل جهدي فتدميرو واخا مامعاياش جبار غااانحاول المهم أنكن غاتكونو بخير وسميحة حتى هيا …وشنو ماوقعلي هذاك قدري واختيارب وتقببلتهم…

زليخة : قدرك هو تحكمي الصنفين إلى جانب جبار …قدرك هو تحطي قانون موحد للمتحولين ومعاشر الخير ..قدرك هو راجلك وقصرك ومملكتك (شافت فبطن ساندرا ) وتوأمك …قدرك هو جبار يا ساندرا…

(ساندرا جلسات على الأرض وسطهن كاتبكي…فحين جمانة لي غير واقفة كاتشوف فيهن وهي الأخرى كاتبكي…. تحركات كاتجري تبعات سماح لقاتها كاتخبط فباب مقصورة القيادة مابغااش يتحل ليها…. وبلا ماتهضر قربات منها وشداتها من يدهاا وختارقات بها باب المقصورة ودخلو للداخل بجووج..

جمانة شافت ف سماح) واش كاتعرفي تحركي اليخت !؟

(سماح توجهات ديريكت للاجهزة لي تماك ونطقات) ااه.. (وبقات كاتخربق فالبوتونات لي تماك…حتى تحرك اليحت وديماراا بسرعة قصوى ..)

(عند ساندرا لي جالسة كاتبكي وسطهن حتى حسات باليخت كايتحرك وبسرعة وهي تخررج عينيهة ووققات )

ساندرااا وهي كاااااتغوت ) لاااااااااااا
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 780🔮

ساندرااا وهي كاااااتغوت ) لاااااااااااا
حبسووو اليخت لااااا ماايمكنش يدخل لجنوب المحيط الهادئ ماايمكنش غاادي يحسوو بنااا السحرة.. حبسووووه ( ويالاه تحركات كاتجري قاصدة مقصورة القيادة حتى شداتها زليخة )

زليخة : اليخت ماغاايحبسش …

ساندرا كاتحاول تنتر منها ) حيييدي بعدييي منييي (غوتات ) سماااااح وقفييييي ( وبسرعة نطقت بكلمات تعويذة لي بسببها تدفعات زلييخة بقوووة بعيد عنها حتى كانت غاطيح فالبحر …ويالاه تحركات كاتجري ناحية مقصورة القيادة حتى وقفات أمامها أميرة وهاندا وتحاماو عليها شدوها وهي كااتغوت وتنتر منهن حلقها بح )

🍀🍀
داخل مقصورة القيادة ..زعنظ سمااح لي جهداات من سرعة اليخت تحت صراخ ساندرا لي واااصل ليها هي وجمانة )

سماح : نصف ساعة تقريبا (شافت فجمانة ) نص ساعة ندخلو لجنوب المحيط الهادئ بعدها غاننقص سرعة اليخت حتى تشرق الشمس باش تبانلينا هاد الجزيرة

جمانة : وأشنو دابا ..

سماح : خرجي وديري جهدك تمنعي ساندرا دخل عندي …

(جمانة حركات راسها بواخا ومشات كاتجري اخترقت باب مقصورة القيادة وخرجات ..وهي كاتجري حتى لمؤخرة اليخت لقات هاندا وزليخة وأميرة شادات ساندرا لي كاتغوت مزننكة بالاعصاب وصاااعرة )

زليخة: شدووها ألبنات اليخت كان واقف قبل من جنوب المحيط الهادئ بمسافة صغيرة يعني مااشي بزااف ونوصلو..شدووها…

(جمانة مشات كاتجري وقفات هي الاخرى فطريق ساندرا لي غير كاتغوت وهي كاتبكي )

سااندراا: علاااااش مامستوعبينش اش كانقول علااااش وااااش ماخااايفاااتش على حياااااتكم حبسو اليخت مايزيدش .. حبسوووه راه مااغاااانقدرش نحمييكن كلكن حبسوووووه راااه مستحيل نهز على عاتقي روح شيوحدة منكن حبسوه

(البنات ماتسوقوش لغوااتها …كولما تدفعات شيوحدة منهن بتعاويذ ساندرا كاتشدها الأخرى …. وسماح لي داخل مقصورة القياادة كاتزيد من سرعة اليخت..وهي حاضيا الخريطة والساعة بتوتر )

(ساندراا ألقت بتعويذة خلات لبنات بتلاثة يتدفعو بعادات عليها …ويالاه تحركات كاتجري حتى قطع طريقها كرسي تلاح بقوة قدامها …ضورات راسها بزربة لقات أميرة موراها ..وهي لي متحكمة ذهنيا بالكرسي لي قدامها وبتلاث كراسى آخرين خلفها …حركاتهم ذهنيا دازو من فوق رأس ساندرا وتحطو قظامها واحد فوق واحد …غير كاتحرك سانظرا لليسار دوز كايتحركو لليسار يعتارضو طريقها …كادوز لليمين يرجعو لليمين قاطعين طريقها تاني …الشيء لي خلاها شافت فيهن مخنزرة وغوتات )

ساندرا : باااراكاااا من هاااذشي وقفووو قبل مايفوت لفوووت ماااادخلوش لمياه المحيط الهادئ وااا أصلا مستحيييل تدخلو للجزيرة فاا علاش غاااتدخلو لمياهها وتبقاااااو كطعم واااضح لأي ساحر او ساااحرة غايقصدوووها …

أميرة : إيلا ماقدرناش ندخلو ليها فا حتى نتي ماغاتدخليش ماغانخلييوكش …يا كولنا يا تاوحدة مننا

ساندرا حركات راسها بلا ) مستحيل دخلو ليها…

زليخة غوتات )إذن حييدي تعويذة الحجب من على اليخت وخلي جبار يعرف موقعنا بالضبط وهو يجي يحل الجزيرة لينا …

ساندرا : مستحيل جبار لا مابغيتش..

هاندا : علالاش مافهمتش إذا كان هو من شروط تدمير الكتاب علاش نتي ماباغياهش يعاونك؟

ساندرا حنات راسها وغوتات ) حييييت ^تعويذة الإنهاء ^لي خااااسني نطبق باش غاننهي بيها الحصانة لي عند الكتاب ضدد التدمير …هي تعويذة صعبة حتى لمستحييييلة وكاتعادل فقوتها وض
صوعبتها قوة وصعوبة تعويذة ^تحويل بشري لمتحول بقوى^ التعويذة لي أودت بحياة ألكساااندرا …فا كيفاش بغيتوني نطبقها بحضوورو كيفاش بغيتووني نسمح أنه يشوفني كانتسلخ حية قدام عينيه كيفاش بغيتوني نخليه يشوف ولادو كيموتو قدام عينيه (وشافت فيهن بعينيها الحمرين )آه أنا تايقة فقوتي ولكني ماضامناش سلامتي …وآه غاندير كل حهدي نحمي توأمي لكني ماضامناش هااذشي حيت ..وفطور تطبيقي لتعويذة الإنهاء …الكتاب غايواجهني بسحرو ويبغي يمنع عنه التدمير..و يقدر يآذيني …وفوق كل هاذشي غانكون داخل حقل طاقة مستحيل جبار يدخل له يعني (ابتاسمات وسط دموعها ) هوغايبقا واقف كايتفرج فيا بعجز وانا كانموت …فا خليوني نمشي عافاكم …مابغيتوش يعيش هاذ الألم ..أني نموت بعيد عليه أرحملي ألف مرة من الموت قدام عينيه ..(غوتات ) خليوني نمشيي..🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 781🔮

(لبنات شافو فبعض بصدمة وزليخة يالاه غاتهض حتى شافوها كيفاش شهقات مخرررجة عينيها وطاحت على ركبتيها )

زليخة : ساندرا م ماالكي واش..(ويالاه غاتكمل كلامها حتى بانت ليها خلف ساندرا … سماح جاية كاتجري وكاتغوت )

سماح : دخلنااا دخلنااا اليخت دخل دخل لجنوب المحيط الهادئ …

(لبنات كلهن شافو بسرعة فساندرا لي نطقات بهمس وهي كاتشوف فنقطة وحدة )

ساندرااا: صافي وصلنااااا صافي راهم حسووو بياااا..حسو بيا جاية ليها وكلهم عرفو مكانها بالضبك … وأنا حسيت بها …حسيت جزيرة المتاهة قريية قريبة …

(زليخة والبنات تحركن كيجريو لجوانب اليخت كايشوفو فالبحر لي وضاح ليهم حيت الشمس بدات كاتشرق وهن كايحاولو يشوفوها ….)

زليخة : فينها ..

أميرة : ماباين والو ليا ؟

سماح :حتى أنا…

جمانة : والو..

زليخة وققات أمام ساندرا ) فأي اتجاه …

ساندرا لي ساهيا فنقطة وحدة ) الجنوب الجنوب قدامنا قدامنا …

(زليخة مشات كاتجري لليخت تسوقو يدويا فالاتجاه لي قالت ليها ساندرا …فحين جمانة جلسات على ركبتيها قدام ساندرا وشداتليها يديها لي كايترعدو بقوة …)

جمانة : تهدني تنفسي مزيان..

(جلسات جنبهم هاندا وهي كاتشوف فساندرا كيفاش كاترجف وبزز كاتنفس )

هاندا : جماانة جاتها نوبة هلع (وناضت كاتجري فاتجاه مطبخ اليخت )

جمانة وهي كاتمرر يدها على يد ساندرا بحنية ):، تنفسي مزيان تنفسي كل شيء غايكون بيخير ماغاتوقع تاحاجة تهدني حنا معاك حنا هنا نتي ماشي بوحدك نتي عمرك كنتي بوحدك

ساندرا شافت فيها ) غاتموتو كلكن بسبابي غاتمشيو فطريقي غاتموتو …

جمانة حركات راسها بلا وأشارت ليها للشمس لي كاتشرق ) شوفي كيفاش الشمس بدات كاتضوي علينا عتمت الليل راه ديك الشمس بحالك نتي غاتورينا الطريق وحنا غانحميو ظهرك كانواعدك كل شيء غايكون بخير شنو ماكانت الخسائر نتي عمرك غاتكوني مسؤولة عليها…

ساندرا حركات راسها بلا) الخطر كبر مني ومنكم أنا وماضامناش حياتي فا كيفاش غانضمن حياتكن…

جمانة : حتى واحد فالدنيا ماضامن حياتو وحتى واحد مننا ماعارف كيفاش او إيمتا غايموت وأشنو ماكانت أسباب الموت كايبقا قضاء وقدر …ونتي قويا يا ساندرا نتي راك ساحرة كل العناصر ماتنسايش هاذشي أما ألكساندرا فاراه كانت ساحرة غير لعنصر واحد ياك ؟ إذن نتي أقوى منها وغاتقدري على هاذ تعويذة الإنهاء

ساندرا كاتشووف فيها ) هاذي مهمتي أنا وقدري أنا بوحدي فا علاش تجيو معايا علاش…

جمانة ابتاسمات ) الكل للواحد والواحد للكل ..عشيرتنا كلها واحد ولاكتاب نهار كايطيح واحد منا كنوضو كولنا نهزوه شنو مكان غلطو أو ذنبو مكانتخلاوش عليه…وأغلب العشائر متاحدين هكا وأكتر … ونتي وحدة منا بل رئيستنا فا كلنا معاك …

(قاطعاتهم هاندا لي جات كاجري هازة ماء ولوح شوكولا …جلسات جنبهم كاتشوف فساندرا بانت ليها تهدنات ..مع ذلك عطاتها شربات وبززات عليها تاكل بعض من قطع الشوكولا….حتى سمعو صراخ اميرة وسماح لي كايعيطو لهن من مقدمة اليخت ..وناضو بتلاثة كايجريو حتى وقفو جنبيهما )

أميرة أشارت باصبعها ) واش هي هاذيك …

(ساندرا خرجات عينيها منلي بانت ليهم من بعيييييد جزيرة مجهولة لي كاتبان من البعيد كئيبة وموحشة.. و بسبب البعد كتبان صغيييورة …وفوقها مجمعيين الغيوم مشكلين سماء سوداء محيطة بها …وغير بالشوفة فيها رغم البعد لبنات حسو بالخوف …)

ساندرا :، هي جزيرة المتاهة ……🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 782🔮

🍀🍀🍀🍀
…فالجهة الأخرى من الجزيرة …ماشي لي جايين منها البنات بل الجانب الآخر لها ….
و أمام دخلتها لي على شكل جوج تنانين متقابلين مشكلين بوابة للجزيرة.. أمامها حبسو مجموعة من الزوارق المتطورة و السريعة تقريبا أكثر من ثلاثين زورق رساو على شاطئ جزيرة المتاهة …..و على مقدمة أحد الزوارق واقف كايشوف فهاديك الجزيرة بانبهار …كغيرو من السحرة لي معاه .. نعم ثيون لي وصل لشاطئ جزيرة المتاهة.. وموراه واقفين ساحرين معاهم جوليا….وجنب زورقهم يرسو باقي زوارق السحرة المئة الأقوياء لي بقاو من معاشر السحر الأسود لآل جوفر ….وكل السحرة كايشوفو و كيتأملو جزيرة المتاهة وبوابتها باندهاش..]

نطق احد الساحرين لي خلف ثيون وهو حال فمو فبوابت الجزيرة ) واش هادي هي اول جزيرة كانت موطن لأول السحرة ؟

(ثيون لي واقف فالمقدمة مربع يديه وعينيه كايتساراو على الجزيرة لي كاتبانليهم من بعيد نطق وهو ساهي فيها)

ثيون : ااه هادي هي أول موطن سحرة لأول معشر خير مشهور فتاريخنا و هو معشر ٱل بيثروڤا قبل أكتر من ألفي سنة …..و الساحرة ألكساندرا المبتكرة لتعويذة الخلود وللكتاب السحري هنا تزادت ….وهنا كبرات وعاشت وابتاكرات تعاويذ لي من بينها أقوى تعويذتين ..تعويذة تحويل بشري لمتحول بقوى ولي مع الأسف تطبقاات … وتعويذة الخلووود لي مابقااااش بزاف وغاتتطبق …..وهنا فهاذ الجزيرة الضخمة لي قدامكم هي كتبات كتابها السحري للتعاويذ أي هذا هو مسقط رأس الكتاب ….

نطق الساحر الٱخر) كانحس بطاقة سحرية كبيرة صادرة منها وكاتبان مخيفة وضايرة عليها هالة مخيفة …(شاف فثيون ) هي قريبة بزاف لموقع جزيرتنا الجزيرة المنسية لي كنا مخبيين فيها لسنييين…لدرجة ماكملة حتى ساعة دالإبحار بين الجزيرتين …فا كيفاش مكانتش كاتبان لينا وماعمرنا حسينا بيها ؟!

ثيون: الجزيرة متوحشة ماشي غي مخيفة.. إيلا دخل ليها شخص غير الساحر صعيب بزاااف يخرج منها…..فا حاليا أي بشري عادي أو متحول لامشا تادخل ليها صعيب تال مستحيل يخرج منها.. لهذا تسمات بجزيرة المتاهة….. وماكانتش كاتبان لينا حيت هاد الجزيرة كانت محجوبة عن العالم كوولو وعن السحرة والمتحولين لأكتر من ألفي سنة … لكنها نزعت حجابها فاللحظة لي المختارة تحكمت بآخر عنصر سحري لها …وحاليا يقدرو يشوفوها غير أصناف الخوارق بوحدهم (ابتاسم بشر ) ولكن هاذشي مكايعنيش أنه كل بني الأصناف التلاث الخارقة للطبيعة (متحولين _ هجائن _ سحرة ) يقدرو يحطو رجليهم على أرضها …

نطق أحد السحرة لي واقف على سطح قارب آخر ولي كالكل … كايتصنت لكلام ثيون باندهاش) وعلاش حنا عمرنا جينا لهاد الجزيرة وعلاش معارفينش بها وعاد بانت ؟

ثيون: حيت فالقديم ملي كانو جدودنا سحرة السحر الاسود تابعين ألكساندرا على قبل الكتاب …هم صفاوها لكاع سحرة الخير ومنهم معشرها ٱل بيثروڤا.. وألكسندرا باش تهرب الكتاب …هربات منهم وخوات هاد الجزيرة بمرة ….هاذشي أثار سخط جدودنا فا صفاوها لكل السحرة دباقي معاشر السحر الخير لي كانو مستوطنين هاذ الجزيرة واخا هربو منهم قلة …. ومن بعد منلي بانو المتحولين وبداو بقتل كل السحرة بدون تمييز بين سحرة الخير وسحرة السحر الاسود هادشي لي خلى الجزيرة بالسحر لي كان فيها وفأرواح سحرتها …. تغلق أبوابها على نفسها كأنها حزنات… تسدات وحجبات نفسها فوجه الكل ….. يعني مابقاتش قابلة شي كيان حي خارق يسكن أرضها… من غير الحيوانات والنبات أكيد …… وفي كتبنا كانت واحد الأسطورة كاتقول أن روح اي ساحر مات وهو على زمت سحر الخير أي ماباعش نفسو للسر الأسود…روحو كاتستقبلها الجزيرة وحتى طاقتو السحرية …الشيء لي خلا هاذ الجزيرة بحد ذاتها تعتبر كيان خارق ووعاء سحري قوي بحال كتاب التعاويذ لي عند المختارة دياالي ……(حل يديه وغوت) ودااااااباااا هااااهي ذيي جزييرة المتاااهة حلات أبوااابهااا ليينا حنااااا بووووحدنااا ….وللملكة السمرااااء المختاارة لي مابقاليها واالو وتشرفنا بحضوورها……(ضحك بهستيريا ) مااابقاااليك وااالو وتولي بين يدي يااا ساااندرا وآه شحاال توحشتك و أشنوو غانديير فييك…(غوووت ) تحركوووو ياااا سحرة نتوغلو فغااابات هاذ الجزيرة المتوحشة تحركوووو … حيييت لحظات قليييلة فقط لي كاتفصلكم على حضوور أهم حدث فحيااااتكم وفتاااريخكم …لحظاات قليلة غاتوصل مختارتنا ونتووما غاتشهدو على تطبيق تعويذة الخلووود على الكووونت الأول ملككم …لي هو أناااا
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 783🔮

(وغير كمل هضرتو أعطاهم إشارة باش حركو زوارقهم السريعة …فحين جوليا واقفة موراه كاتعاير فيه فخاطرها …دازو من بوابت التنين دالجزيرة لي غير دخلو منها هبط ثيون من الزورق لي كان راكب فيه ولي وصل بيه للشاطئ…حط رجليه على رمال الجزيرة وهو كايتأمل البحر لي أمواجو هائجة كأنها غاضبة وشاف فالسماء لي لونها عكر…..حول نظرو فالأرجاء عاد استدار شاف فسحرته لي مزالهم على الزوارق شي كايشوف فشي وباين عليهم انهم تصدمو من كلام ثيون بل أكثر حيت تخلعو من كون الجزيرة متوحشة وكلها متاهة ولا تقبل أرواح سحرة السحر الأسود …

ثيون كايشوف فيهم وفحوارهم بالأعين لي اكيد فهمو ونطق بصراخ ) مناوينش تهبطو كاتسناو العراضة ؟

(السحرة سرطو ريقهم فثيون لي خنزر فيهم.. تضخم جسدو للضعف وغوت)

ثيون : اهبطووو ال….لاوي راااه هناااا غايشهد علينا التاااريخ بأننا أقوى صنف فالعاالم فاااا هبطوو وهبطوو معاكم الاسلحة والمؤونة.. وأي واحد بدأ كايترعد عليا غااانقتلو …

(السحرة كلهم مرعوبين منو …من شكلو ومن طاقتو السحرية الكبيرة لي كل واحد منهم كايحس بحجمها.. وحيت هو أقوى ساحر فصنفهم وكالعادة طاقتو مخلية كااع السحرة يحنيو ليه الراس …فا ماشي ولاءا له بل خوفا منو.. هبطو من الزوارق وبداو كايهبطو معاهم داكشي لي جابو من الاسلحة …

(جوليا هبطات تاهي وتمشات لعند ثيون تاوصلات لعندو دورات يديها على دراعو مبتاسمة كاتشوف فالسحرة كاينزلو فالأسلحة ويحطوها على الشاطئ شافت فثيون ونطقات..

جوليا: شفتك من قبيلة كتأمل فالجزيرة ..فا اش بان ليك فيها؟

(ثيون وهو مشمئز منها نثر دراعو وشدها من يدها دفعها بقوة تا طاحت على الرملة ونطق..

ثيون: تحركي ال…حبة تخدمي نزلي داكشي لي خاصو ينزل.. مجايبكش باش تحضيني فاش كانتأمل..

جوليا جمعات الوقفة مارضاتش شافت فثيون بغيض..

ثيون ضاغط على الحروف)أشنو ف ^ تحركي نزلي لي خاصو ينزل^ مافهمتيش ؟

(جوليا بالخوف منو مشات كاتعاون السحرة الآخرين ….بقاو تاهبطو كلشي وثيون كايتفرج فيهم تا سالاو عاد تستفو قدامو ..

ثيون: اكما نسيتو شي حاجة ؟

احد السحرة: لا كونت ثيون نزلنا كلشي..

ثيون خنزر ونطق بصرامة) كثر من اسبوعين ونتوما كاتدربو وتعلمتو تشدو السلاح… فكااع داكشي لي تدربتو عليه جا وقت تطبيقو.. انا ونتوما كلكم عارفين ومتأكدين أن ساندرا جاااية لهنا باش تدمر الكتاب…(ابتاسم ) وواخا تجيب كل عشائر المتحولين معااااها هم مستحييل يحطو رجليهم على هاذ الجزيرة حيت هي مغلقة فوجههم ….فا غاااتدخل بوووحدها وحنا غانتسناوها لدااااخل فأدغال الجزيرة .. سواءا جات دبا او بعد شهر او حتى بعد عاام حنا غانتسناوها تجي….. المؤونة عندنا كااافية وسبق لينا وجدنا لهادشي.. وهاد الجزيرة غاتكون مقرنا الجديد …..(السحرة مركزين مع ثيون لي كمل هضرتو) الجزيرة كبيرة وبزااف فا كل واحد ياخد اللاسيلكي ديالو و غااتنتاشرو فكل الجزيرة أحيطو بها وطلعو لجبالها للمراقبة ….نتوما مئة ساحر وساحرة فا خمسين منكم يكونو فنص الجزيرة لي حنا عليه والخمسين الآخرين يكونو فالنص الاخر…..حيت الجزيرة عندها بوابتان وجهتان وحنا ماعرفناش أي جهة غاتجي منها سااندرا …..فا انتشرووو على شكل ثنائيات .. جزيرة المتاهة جزيرة كبيرة و كيما سبقلي قلت لي دخل ليها صعيب يخرج منها حيت هي متاهة فالتواصل بيننا غايكون بواسطة اللاسلكيات لي عطيتكم وبواسطة السحر ….مانبغي تا بلاصة فالجزيرة ماتكونوش فيها … لهذا تمركزو فالجزيرة كاملة ..وأي واحد منكم رصد ساندرا فلبلالاصة يعلمنيييي وركزو على تعاويذ التنقل (شاف فمجموعة سحرة ) سحرة عنصر الحيوانات نبغيكم تجمعو أي حيوانات متوحشة فالجزيرة وتحكمو بها كسلاح …

(السحرة كلهم نطقو فدقة) مفهوم كونت ثيون..

🟣تتمة الجزء 783🟣

ثيون: دبا توغلو فالجزيرة ماتبقاوش فمجموعات كل واحد يمشي بوحدو او ثنائيات … كل واحد يشد شي نقطة مراقبة.. وهزو اسلحتكم وغييير يبان ليكم احد المتحولين فبحر الجزيرة ماتهمتموش لا شكون هو لا اش بغى … وهجمو عليه بالأسلحة القناصة بعيدة المدى …. لامانفعكمش سحركم ينفعوكم الأسلحة…

(السحرة توزعو على الأسلحة كل واحد اش هز معاه هالي هاز مسدس ورصاص هالي هاز سكاكين هالي هاز قنابل.. عاد فرقو المؤونة بيناتهم باش يدخلوها للجزيرة.. يلاه ناويين ينتشرو وهو ينطق ثيون بصراخ..

ثيون: ونقطة اخيرة لي بانتليه ساندرا يعلمني ويشدها حية حتى نوصل لعندهاات ….نبغييها ماتأذاش سمعتووو ….

السحرة نطقو) أمرك كونت..

السحرة تفرقو تنفيذا لأوامر ثيون وتغولو فأدغال الجزيرة.. أما جوليا لي فاش وصى ثيون السحرة على ساندرا عرفاتو وتأكدات انه مفظل ساندرا عليها وفهمات ان ثيون باغي فاش يشدو ساندرا يجيبوهاليه باش تطبق عليه تعويذة الخلود تما نيت وهو بوحدو …ماشي هو وكل السحرة لي معاه كما واعدهم .. لهذا بقات لاصقاه وتابعاه رغم ان ثيون قاليها تشد شي بلاصة اخرى مايبقاوش مجموعين ولكنها بقات تابعاه…….

و كباقي السحرة لي تنشرو فالجزيرة ثيون تاهو دخل للغاباتها لي كلها متاهة وطرقان ديالها كلهم ربيع وكايتشابهو والجزيرة كلها اتجاهات لدرجة جوليا شحال من مرة قالت لثيون انهم عاودو دازو من نفس الطريق.. فثيون بقا غااادي تاوصل تقريبا لوسط الجزيرة عاد وقف كايشووف فكثرة الاتجاهات لي كاتنفاتح عليهم طريق وحدة …هز راسو شاف جبال الجزيرة لي تاهوما كلهم مغطيين بالربيع حتى بان ليه ان واحد الجبل عاالي على قمتو بركان هو لي تمركز فوسط الجزيرة هادشي خلاه يبتاسم ..وتحرك مستهدف هداك البركان حيت هو اعلى نقطة لي غاتمكنو من مراقبة كل الجزيرة ومدخليها وهكذا غاياخد رؤية شاملة للجزيرة ….فذكاءا منه تحرك كايجري طالع مع الجبل فاتجاه داك البركان…فحين جوليا تابعاه كاتجري وهي كاتحاول تواكب سرعتو …..يتبع

⛔ شرح =
كنظن فهمتو أن الجزيرة المنسية ولي هي مقر سحرة آل جوفر …قرييبة بزاااف لجزيرة المتاهة ولي هي مكان تدمير الكتاب …هذاكشي علاش معاشر آل جوفر غير حسو بأن المختارة فطريقها لتدمير الكتاب ..وحسو بمكان تدميرو…تحركوو بسرعة وفلبلاصة حيت أصلا كانو متأهبيين …وبسبب قرب الجزيرتين عن بعض هم ماحتاجوش لساعاات من الابحار باش يوصلو ليها حيت أصلا جزيرة المتاهة كانت غييير حداهم غير كانت حاحبة وخافية نفسها عن العالم …هاذشي عطا لثيون ميزة الأسبقية وكان هو السباق لها وتوغل فأدغالها …
تانيا : ساندرا غير تحط رجليها فالجزيرة الخطر غايزول عن جنين سميحة …حيت نصف الغاية تحقق أنها فمكان تدمير الكتاب ..غايبقالها النصف الآخر وهو تدميره ولكن حدها هي والكتاب على أرض الجزيرة سميحة وولدها غايكونو بخير ..وغير تخرج من الجزيرة غايموتو …وأصلا هي مستحيييل ثم مستحييل تبقا فالجزيرة لمدة طويلة او تعيش عليها حيت غاتبقا طول خياتها طعم لأي ساحر طامع يولي خالد …وولاما شدوهاش السحرة غاتضيع فالادغال …حيت الجزيرة هي أشبه بالموت وصعيب العيش فيها ….
….دمتن بخير ❤

اترك تعليقا

  1. Toooopمعرفتش علاش جبار ولا توأم ولا ساندرا لي غيخدو خلود او موت جبار و رجوع الحياة او ساندرا
    ولا مكرهتش جنين سماح اتنقل زعما بطن ساندرا اعونها 😊😍😍😍 merci

  2. قصة رائعة ومشوقة بمعنى الكلمة. ارجوكي حاولي ان تنزلي أجزاء متتابعة لأننا فعلا لا نقدر على الانتظار. بتوفيق اكملي

  3. عافك كملى دغيا قصة زوينة 😚😚😚😚😚

  4. اختي كتعطلو بزاااف باش تحطو الأجزاء.

    1. منوره ختي… كاتبه عنذها ظروف ذاكشي باش معطله قصه

  5. متحمسة بزاف نقرا الأجزاء الجايين عفاكوم متبقاش تعطلو وكملو القصة زوينة بزاف

    1. منين يكون اجزاء جديده كانحطوها مباشره… الكاتبه لي كاتعطل

  6. من اروع القصص لي قريت صارحة زوينة ❤️😌