Skip links

قصة : الوحش وذات القزحتين الجزء 2 ( عشق جبابرة) ج80

 32,792 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°

🔮الجزء 770🔮

‏■°من لم يطرق بابنا والروح ترتجف ، ‏فلا مرحباً بهِ والنبض منتظم….ومن لم يعشقنا في عز تهورنا ، فلا عشق له والقلب مستقم …..■°

بعد مرور 12 ساعة بالضبط ….12 ساعة والبنات شاقات طريقهن بحرا… في حين الشباب تابعينهم جوا غاديين فمسارهم لي توقع جبار أنه هو لي اختارت ساندرا تسلكو ….حيت النقطة لي لا البنات لا الشباب متوجهين ليها ولي هي ^جنوب المحيط الهادئ ^ مكان تواجد جزيرة المتاهة …هاذ النقطة عندها طريقين ….

■الطريق الاول وهو الطريق الصحيح لي رسمو الكتاب لساندرا فخريطة على آخر ورقة منه … ولي كان خاسها تدوز منو هو بالتحديد باش العالم السحري أي كل السحرة يعرفوو أن مختاراتهم فطريقها لتدمير الكتاب السحري لي هاز داخلة تعويذة الخلود … الطريق لي خاس دوز فيها من المديق لي بين باناما وكولومبيا عااد توصل لجنوب المحيط الهادئ …

■والطريق التاني المعوّج لي هي اختارت انها دوز منو باش تتجنب باقي السحرة يحسو بيها وتتعرض حياتها للخطر فالطريق … ..ولي سيرا فيه هي نزلات جنوبا للمحيط الاطلسي عاد غاتدوز تحت الشيلي والأرجنتين باش توصل لجنوب المحيط الهادئ ….لي غير تدخل لمياهه ديك الساعة غايحسو بها باقي السحرة …ويعرفو مكان الجزيرة فين غايتدمر الكتاب بالضبط ….يعني غايعرفوها جايا وغايعرفو وجهتها بالضبط

(….فا جبار متحكم بطائرته فأقصى سرعة لها وعلى علو ماشي بعيد عن البحر …أملا انه يلحق باليخت وهو عارف انه امر صعب حيت ساندرا سابقاه بأكتر من خمس ساعات …فحين سليم لي جنبو … طول هاذ 12 ساعة لي مرو وهم فالجو …هو حاضي غير البحر بمنظار رقمي متطور أملا يبانليهم يخت زليخة لي ماغايخفاش عليه … ..)

(سليم تنهد وشاف فجبار ونطق كاسر للصمت لي دام ل 12 ساعة )

سليم : نتا عا ف ان جنوب البحر الهادئ عندو مساريين…. فا واش متأكد من انك سلكتي المسار الصحيح لي هن مشاو فيه ؟ …

(جبار ماجاوبوش حتى انه ماشافش فيه الشيء لي خلا سليم يسرط ريقو وهو كايشوف فتعابير وجه جبار لي عروق جبهتو مطراسيين حتى أنه رد البال ليده اليسرى كيفاش كاترجف بطريقة واضحة وغير عادية عاد تنفسه المسموع..الشيء لي خلاه حنا راسو ونطق )

سليم :كانعتاذر…. كل هاذشي كايوقع بسببنا أنا وسميحة..ساندرا دارت هاكا باش هي تحميها وأنا متأكد من هاذشي فا كل شيء وقع هو بسب الج…

جبار قاطعو ونطق بأمر ) ركز فمراقبة البحر يا سليم حد الشمس مزال ماغربات …

(سليم حرك راسو بواخا ورد المنظار على عينيه …..خارج غرفة القيادة …باقي شباب لستارك مع ساحري السحر الخيير …جالسين بهدوء كل واحد فمقعدو وكل واحد ساهي فجهة …#فارس حاني راسو وساهي فنقطة وحدة وكل تفكيرو طول هاذ ال 12 ساعة كايتمحور حولها غير هي ….رجع الذاكرة لكل أغلاطها ولكل تصرفاتها اللامبالية لي دارت معاه ولعدد المرات لي واعداتو أنها ماغاتعاودش ولشحال من مرة حطات نفسها فالخطر …لدرجة حس براسو غايحماق وهو كايتخايل فسيناريوات بشعة واقعين لها حاليا …وأشنو غايقول لجاسم إيلا وقعات ليها شيحاجة…عاد هي حامل …. عاد باقي بنات أعمامو وساندرا …مسح على وجهو بعصبية وحيد السمطة دالأمان لي خنقاتو…ساط بعصبية وغمظ عينيه محاولا يطرد هاذ الأفكار لي غايحمقوه …..جنبو جالس #عصمان الذي لا يقل عنه عصبية …من جهة حبيبتو لي كاسرة قلبه لي عاااارف طبعها كيفاش دايرة عاارفها فحالة الخطر هي مستحيل تخلي وحدة من البنات تتآذى لدرجة تضحي بنفسها وتحط راسها كدرع بشري باش تحميهن وواخا هي قوية إلا أنها إذا تحطات وسط اكتر من ساحرين غاتكون هي الخاسرة ….فا قلبو كايرجف وهو كايفكر فأنه ممكن يوصل ليها معطل…ومن جهة أخرى ختو لي هو عارف شحال هي ضعييفة وعمرها خدات شي تدريب للقوى أو تواجهات بقوتها مع متحولة أخرى ….يعني فحالة الخطر هي ماتقدرش تحمي حتى نفسها حسب ظنه ومن جهة ت🟣الجزء 2 من قصة 🟣

 

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

 

📜الكاتبة•: °chaymae ouaj°

🔮الجزء 771🔮

 

جنب عصمان جالس #وسيم لي وجهه البشوش المبتسم اختفى ليتحول لوجه مزنك بالأعصاب ومخنزر مشابك يديه مع بعض والتوتر بااين عليه دماغو مشغول …حتى هو من جهة على مراتو لي حاااار وعياااا يفكر ماااالهاااا باش يفهم سبب تقلبها وتغيرها معاه مؤخرا …ومن جهة خوفو على ختو جمانة وباقي بنات أعمامو …..جنب وسيم جالس #خليل لي هاز راسو كايشوف فسقف الطائرة وهو ساهي ….كايتذكر آخر لقاء له مع هاندا وكيفاش جرحها كيفاش خرجات من عندو كاتبكي … لام نفسو وفكر فأنه لو لقا وقت من قبل ومشا شافها واعتذر منها ربما مكانتش تهرب مع البنات…أي هي مشات بسببو واي شيء وقع ليها فهاذ الهربة لي هربات منو غايكون بسبابو..وأيضا كايجيو فبالو صور البنات وحدة بوحدة وهاذشي مخلي قلبه الجامد شعل بالنار …. غمظ عينيه وتنهد وهو عازم فنفسو غير يتلاقاها يعتاذر منها وغير يشوف لبنات يضور فيهم وهو لي دون الشباب عمرو حتى رفع صوتو عليهن رغم انهن كبرو قدامو وشحال دزبايل دارو …..وجنب خليل ….جالس #مالك مغمظ عينيه محاولا يهدئ نفسو …حيت الخدلان لي كايحس به بسببها شعل نار قوية فقلبو….دائما كان معتبرها هاذيك لبنت المثااالية المطيعة الواعية الراقية لي أي رجل فاادنيا كايحلم بها ..و لي مستحيل تطيح بكلمتو للأرض رغم أنها دارتها مرة من قبل نهار مشات مع باقي البنات لعيد ميلاد صاحبتهن ليكان فخ من البشري سفيان ….ورغم انها فهذاك الوقت غلطات …هو عمرو للآن لامها او حاسبها على هاذيك الغلطة او حتى جبدهاليها ..بالعكس دار فوق جهدو يتفهمها ….لكن هاااهو الآن ناااادم حيت ماحاسبهاش المرة الأولى عن غلطها …ظنا منه انه لو ردعها ديك المرة وعاقبها بطريقتو مستحيل كانت تعاودها او تخرج بلا إذنو ….عاد باقي البنات لي بالنسبالو ضعيفات وإيلا تجمعو عليهن السحرة غاينهشوهن حياااات …. حل عينيه وهو كايحلف ويعاود فخاطرو ماغايدوزها لها بالساهل…..وفالكراسة لي قدام شبابنا ….جالس سام حاني راسو بتعابير غير مفهومة …وجنبه ماريانا لي بالتعب كانت كاتنعس وتفيق طول هاذ 12 ساعة متوترة لدرجة شدها لوجع بالخلعة من كل ما يحصل … حظنات بطنها بيديها بجوج مزيير عليها كاتلوا بلاصتها وهي كاتتنفس بسرعة ……شافها سام لي جنبها ويالاه حط يدو على يدها حتى دفعاتليه يديه وغوتات لدرجة كل شباب لستارك شافو فيهم )

 

ماريانا :مااتقصنيييش …

 

(سام بعد يدو عنها ورجع حنا راسو اما هي فا بحالا كانت كاتسناه غيير يجبدها بدات غير كااااتغووت فوجهو لدرجة صوتها واصل لغرفة القيادة )

 

ماريانا : أشنو درتييي هااااا علالاش غييير قوووليا فااااااشنو كنتي كااتفكر كيفاش عاونتييها ووريتيها طريقة التدريب على عنصر الهواء وااش حماقييتي كيفاش عطاك خاااطرك تخليييها تمشي ونتا سااااكت لا وهي دااااايا معاها لبنات …

 

سام حرك راسو بلا ) ماشي هاكا … آه بصح عاونتها بزز مني ماتنسايش انها الكونتيسة وأوامرها مجبرة لكل ساحر فمعاشرها فأوامرها كاتجي فالرتبة الأولى بالنسبة لنا ….وعاونتها حيت كنت بحالها مآمن ومتأكد أن النبوءة مافيهاش ثغرة وأن البحث عنها ماهو غير تضياع وقت….(حنى راسو وبدأ كايعاودليهم كل شيء بالضبط نهار استعملت ساندرا تعويذة التواصل باش تطلب منو يتلاقاها فقاعة الرياضة فالقصر …كيفاش طلبات منو ،او آمراتو يعاونها واشنو قالت ليه بالضبط حتى قبل …وكيفاش تواصلو المرة التانية بنفس التعويذة وشرح لها طريقة التدريب عن طرق حبس التنفس لأكتر من ربع ساعة بلا ماتحس بالاختناق ..وكيفاش هي استعملت اليوغا كستار لتدريبها وكانت فكل مرة كاتتواصل معاه بتعاويذ تواصل باش تعلمو فين وصلات فتدريبها ) الثة كايفكر فباقي البنات وساندرا لي إذا وقعت لهن شيحاجة جبار وباقي صحابو غايخرج ليهم لعقل ……🟣تتمة الجزء 771🟣

سام : عاونتها ولكن شرطي لمساعدتها ولي هي واافقات عليه … كان أنها نهار تتحكم بعنصر الهواء تعلمني ونهاار تبغي تمشي لتدمير الكتاب تعلمني من قبل ….ومستحييل كنت نسمح ليها تمشي بوحدها مستحيييل نسمح أنها تتعرض لبحال هاذ الخطر ….(شاف فباقي لستارك ) تيقوني كنت غير غانعرفها تحكمت بعنصر الهواء والكتاب صافي بين لها طريقة ومكان تدميرو …كنت فلبلاصة غانعلمكم ونعلم اللورد جبار بكل شيء … عمرني فكرت انا غاتضحك عليا ..( شاف فماريانا ) ومانظنش أنها دات معاها لبنات حيت هي كانت كاتدرب فسرية …ومستحيل تديهن للخطر بيديها غايكونو تبعوها بإرادتهن الحرة …

وسيم غووت ) هاذشي ماكايبدل والو أساام … نتا نهار وريتيها كيفاش تتدرب على عنصر الهواء راك بحالا سيفطتيها للموت …

خليل غوت ) : ومن عقلك تيقتي انها نهار تتحكم بآخر عناصرها غاتجي تقوولهالك باش نتا توصلها لجباار …هي اذكى من هاذشي بل هي أذكى ببزاااف لدرجة طول هاذ الأيام وهي كاتتدرب وحتى واحد مننا ماعاق حتى من جبار …وبصراحة (شاف فيهم ) بهراتني …

مالك غوت صاعر ): وفوق هاذشي راك كدبتي على اللورد الاول فوجهو يا ساااحر وإيلا كان ولائك الاول للكونتيسا فاراه جبار أسد هو اللورد الأول عليك وعليها حتى هيا باعتبار المتحولين هو الصنف الأول من حيث موازين القوة والعدد … ونتا عارف مزيااان عاقبة هاااذشي ..

فارس الذي لا يقل عنهم عصبية نطق مخننزر فسام ) لو جيتي من لول قلتي لينا على أشنو الليدي ناويا..كنا غانتدخلو وغاانلقاو حل ..و ماكناااش نطيحو فكل هااذشي وماكانووش لبنات دابا فخطر لي مستحيييل يتعاملو معاه ونتا عاارف انه غير عشر سحرة قادرين بسهولة يشدوهن وي… ي…. ( وسكت مزيير على يديه وغوووووت ) كانقسم ليك إييييلا تقاست شعرة وحدة من شعرها… أو السحرة شدو ساندرا أو وحدة من البنات غاااانقسمك قبل مايديرها جباار….

 

ماريانا لي كاتشوف فيهم واحد بواحد …وترجع تشوف فسام لي حنا راسة مزيير على يديه وساكت…. رجعات شافت فيهم وغوتات ) أصاااااااافي…

🟣الجزء 2 من قصة 🟣

 

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

 

°° ️#أَحمِـلُ قَلبكٍَ مَعــيِ :

متحولينVsسحرة °°

 

📜الكاتبة•: °chaymae ouaj°

 

🔮الجزء 772🔮

 

ماريانا لي كاتشوف فيهم واحد بواحد …وترجع تشوف فسام لي حنا راسة مزيير على يديه وساكت…. رجعات شافت فيهم وغوتات ) أصاااااااافي

(ووقفات كاتبكي وكااتغوت فوجههم ) آه هو غلط غلط غلط وبزاااف فانه عاونها ولكن ماتنساوش انه بفظلو تمنعات كااارثة كانت غاتوقع (مسحات دموعها وغوتات ) وااااش مازال ما استوعبتووووو أن ساندرا تحكمت بعنصر الهواء والكتاب بين ليها طريقة وشروط تدميرو وهاااذشي راااه وقع قبل بزاااااف مايقرر اللورد جبار يتخلص من استنساخو باش يكسر النبوءة …..(زاادت غوتاات ) ……يعني ياااا ستااااركس جبااار هجين المئة قوة راااااه تكتب فآخر ورقة من الكتاب على انه احد أهم شروووووط تدمير الكتاب… وااااا فهمووو راااه هو بقواااه المئة تحدااااااااااد كشررط أساااسي ….. وكون هو نجح فحقن نفسو بدم متحول كامل وخسر الاستنسااخ…. كنا غانطيحو فموصيييييبة كبييرة حيت هو بفعلتو وووو ماغايكونش كسر غير النبوءة لي كاتقول انه اقوى كيان خارق فصنفو بل غاااااايكون كسر واحد من شروط المختارة فأنها تدمر هذاك الكتاب ….. وهااكا الكتاب مستحييييل يتدمر بغيااب شرط الجباااار ….فا الكتاااااااب كان غايقتل ساااندرا حيت ولات مختارة غير صالحة للمهمة …واااش فهمتووو كونمااا سااااام لي منع جباااار كووون راااه بمجرد تخلصه من قوة الاستنساااخ الكتاب غايلعن أو يسمم سااااندرا لدرجة الموت غايقتلها بااااش يحط شروط ولادة مختارة جديدة…يعني جبااار بلا مايقصد كان غاااايقتل ساندرا بيدييه وسام لي منع هاذشي و أ أ أ (غوتات منلي مالت بيهم الطائرة لثواني عاد رجعات توازنها ..وسام بسرعة عنقها قبل ماطيح ورجع جلسها بلاصتها دايخة ….

 

أما الباقين فا مخرجين عينيهم من كلامها لي كان صادم لهم ….حيت مكانوش عارفين أن فاللحظة لي جبار كان غايحقن نفسه بدم الهجين لكسر النبوءة ….كانت سااندرا واااهوااا تحكمت بعنصر الهواء والشروك بااانو ولي عطا الله عطاااه ….لكتاب كتب لها فآخر اوراقو شروط تدميره ولي أهم شرط منها هو جبااار كما كان جاء فالنبوءة …يعني أن جبااار تأكد حضورو بقواه المئة كشرط وكون هو تخلص من الاستنساخ كأنه كايمسح شرطه… وهكا الكتاب كأنه غايسخط على ساندرا وباش يكتب شروط جديدة لتدميرو خاسو مختارة جديدة لي باش تتولد خاس موت المختارة القديمة …..)….

 

الشباب كلهم شافو فباب غرفة القيادة وهم متأكدين من أن جبار سمع كل شيء و هاذشي علاش فقد السيطرة على الطائرة لثواني) …

وفعلا ..داخل غرفة القيادة سليم دور راسو مخرج عينيه فجبار حيت حتى هو سمع كل حوار خوتو مع الساحرين …وحتى هو مكانش عارف أن تحكم ساندرا بآخر عنصر ولكتاب بين شروطو لها كان قبل بزاااف مايقرر جبار يحقن نفسو بدم الهجين ….. أما جبار لي غير كايسرط فريقو ومكايرمشش…. قلبو رجف أكتر من الرجفة لي كان فيها و ولا كايبانليه شيء واحد ….وهو يدمر هذاك الكتاب ……..))🟣الجزء 2 من قصة 🟣

 

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

 

°° ️#أَحمِـلُ قَلبكٍَ مَعــيِ : متحولينVsسحرة °°

 

📜الكاتبة•: °chaymae ouaj°

 

🔮الجزء 773🔮

🍀🍀🍀🍀

 

فنفس الوقت 6 مسائا وعلى يخت زليخة …..

 

جالسة سماح فالأرض على مقدمة اليخت مخننننزرة وشعرها البوكلي ،مع الريح لمجهدة بسبب سرعة اليخت القصوى ، كووولو طالع للسماء….وجالسة جنبها أميرة دايرة قب القبية على راسها وهاندا حاظنة عندها ركبتيها وكلهن ساكتات….وبعيد عليهن جالسة جمانة على كرسي مربعة رجليها كتاكل فاللوز وتشووف فيهن ….

 

جمانة : دبا …(قاطعاتها سماح )

 

سماح : شششششت

 

جمانة : واغير …(قاطعاتها تاني بعصبية )

 

سماح : ششششتتتتت

 

جمانة خنزرات : أبغيت غير نقول..

 

.(قاطعاتها تاني )

سماح : شششششتتتتت

 

جمانة ساطت بعصبيا وغوتات ) أباش غاينفعكن تركييز الطاقة لي كادييرو بغييتو طاقة قواكن تتضاعف (مدات لهن كمشة داللوز ) كوولو المقويات …

 

سماح شافت فيها مخخخنزرة وغوتاات ) بغيييتي تركزي وتعلي مستوى طاااقتك استعداادا لاي هجوم جلسي حدااانا مابغيتيش نفعيينا غير بسكااتك بلا فهامتك لخاااويا وداك لوووز طلعيه قويلباات وسكتيينا أخت لحول ….

 

جمانة وقفات دايرة يديها على جنابها وغوتات ) أشفتك من صباااح ونتي هازة شوكتك عليا ياك لباااس أراه ماشي أنا لي حو..تك تاحملتي وا راه وسيييم …

 

سماح: أسييييري تلعبي مع كرانك نتي ويااااه وخليييني نعلي مستوى طاقتي ….

 

( وتنفسات بعمق ورجعات كاتركز طاقة قوتها كلها بهدف مضاعفتها وهو نوع من التدريب )

 

جمانة ضحكات ) : هااااااااه ( وبدأت كاتغني وتشطح وهي واقفة عليها ) شحااال من وااحد واااحلو مرضتي بيااا ولا شنو لاوحلت ليييك شربي الخل وزيديه السكااار يجيك حلو عاااارفا راااسي هبييييلا وأنا باالي عاااااجبني ولالاعندك شي موووشكيلا طلعيييي للبراط وشكييي

 

سماح غوتات ) جمااااانة لحمقااااا

 

جمانة :اولا وسييمي بزاااااف علك ….وتاااانيا أنا حمقاااا وبصحتي حمقة وكانبقا لالاك بنت وخت سيييدك لي نعطيك فالطرش ونزيييدك ويييلا ماكفااكش ونزييدك أنا الوردة المسقية ونتي الخرية المطلية لي طلاها خووويا مسكين …. تاالثا بربي واخا تخدمي على تركيز الطاااقة حتى للعام جاااي غاتبقاي ضعييفة حيت عندك غييير نصف طاااقة فا خلاها مولاها لي عندوووو عندووو..🟣 تتمة الجزء 773🟣

 

جمانة :اولا وسييمي بزاااااف علك ….وتاااانيا أنا حمقاااا وبصحتي حمقة وكانبقا لالاك بنت وخت سيييدك لي نعطيك فالطرش ونزيييدك ويييلا ماكفااكش ونزييدك أنا الوردة المسقية ونتي الخرية المطلية لي طلاها خووويا مسكين …. تاالثا بربي واخا تخدمي على تركيز الطاااقة حتى للعام جاااي غاتبقاي ضعييفة حيت عندك غييير نصف طاااقة فا خلاها مولاها لي عندوووو عندووو…

 

سماح غوتاات صاعرة ) واااا قو..دي من وجهي قبل مانوض نفرشخك هنا نيييت ونوريك ألوردة المسقية شحااال أنا خريا مطليا و شحاال انا ضعيييف وداك خوووك غاربحي بيييه خليتو لك …

 

جمانة : إوا عندااااك من غدا نشووفك حالة فمك فيه ومليوحة عليه كيلبهلة ولانسيتي يامات كنتي تموتي على تراااب رجليه وتاابعاااه كيعزرايل أناااا نفكرك أزاين…

 

سماح : كناااا وكنتووووو وخوك كااان دايرلي طلاميييس أما دبااا رييحتو هي لخرااا أووولات تخنقنيييي ونزييدك خليييل حسن منوو…

 

(هاندا خنزرات فيها ويالاه غاتهضر تاغوتات جمانة )

 

جمانة : إوا عقليييي على هضرتك بربي تاانقوولهاالو ونشريهاليك مععااااه …لابقا معاك هذاك الوسيم المبتسم اجي عكريلي ابنت عمي …وخليل ديال هاندا أخطاافت رجال …

 

سماح : أسيرو طخرااو كاملييين كللك خطافت رجال غابعدي من وجهي ونتي دوك لعينين عندك كيفكروني غافيه لحول لاخر

 

جمانة : لحولا هي مك …

 

سماح : وناااااري ماتجبديش مي ولا غانوض نوريييك (وبعصبية حيدات خصلات من شعرها لي كايضربو فوجهها الشيء لي خلا جمانة كاضحك )

 

جمانة : أش غاتوريييني ونتي غاشعرك دايرليك العذااااب وهو هكاك مقيم كيموسطاج سراق زيت ههه ماعرفتش فين كانو عويناتك لفنييين احبيبي وسيييم ولكن كووون هااني ( وخبطات صدرها ) ختك كاااينا بربي تانطلقك من هاذ زمرة ونجيبلك أجمل متحولة تليق بمقااامك

 

سماح وققات وغوتااات لدرجة هاندا وأميرة بعدو عليهم ) يااااااااااك !!!!إوا أجي نوريك (وطارت ليها على شعرها حتا طاحت جمانة وسماح فوقها وجمانة غوتااات وهي تشدها حتى هي من شعرها …وبداو كايتناتفو وهن كايتكركبو على سطح اليخت )🟣الجزء 2 من قصة 🟣

 

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

 

📜الكاتبة•: °chaymae ouaj°

🔮الجزء 774🔮

 

أميرة : أويلي أويلي غايقتلو بعضياتهم …

 

(هاندا يالاه غاتحرك ناحيتهم تفكهم حتى وفجأة تفرقو عن بعض وكل وحدة تكحزااات بقوة وسرعة عن الأخرة و بقووة تهزو بجوجات فالهواء مكوانسيااات أمامها …ساااندرا…..لي واقفة وجنبها زليخة مربعة يديها …أما ساندرا فاااا مخخخنزرة فيهن وهي مادة يد وحدة أمامهما وتتمتم بهمس بتعويذة لي بها فرقات سماح عن جمانة وهزاتهم بجوجات أمامها فالهواء وهما مشلولتي الجسد وكاتحكم بهما بكل سهووولة )

 

ساندرا نطقات بتهديد ): آآآآخر مرة نشوووف هااااااذشي (غوتاات) وآآآخر مرررة نسمع غوااااتكن…. أناااا ماجااياش هناااا نتبحر…. وماااجااياش ندوز عطلة … (غوتااات ) فاااا بااااراكا عليا ليييي أنا فيييييه …وااااش ماااكفااااكمش أنكن تبعتووووني وزدتووووني بعبء حمااايتكن (غوتات ) رحمووووني شوياااااا ….فااااا ياااا غاتجلسو ساكتاااات …. ياااا غانزلكم داااابا فقوارب النجاة و بزز منكن مشلووولات الجسد نخليييكم فعرض البحر ونزيييد فطرييقيييي(شافت فهاندا وأميرة ) والله يعميييها لشيوحدة منكن وتتحداني …. (وغير جرات يدها عندها مبطلة للتعويذة …حتى نزلو جسدي سماح وجمانة بشويا حتى تحطو متكيات على الأرض مشلولات ….وغير هي استدارت راجعة لمقصورة القيادة …شهقات جمانة وسماح وتكعدو جالسات كايتنفسو بزربة وأميرة وهاندا تحركو كايجريو تحناو عندهم وبربعة بهن تاوحدة ما تجرأت تنطق بحرف واحد ….. اما زليخة فاابتاسمات وهي كاتشوف فيهن ..واستدارت تبعات ساندرا …دخلات لمقصورة القيادة لقاتها جالسة حانية راسها على آخر ورقة فكتابها السحري )

 

زليخة طلات على ورقة الكتاب بانتليها كولها خاوية ) واش نتي بخير …

 

(ساندرا هزات راسها شافت فيها مخنننزرة )

 

(زليخة هزات يدها بمعنى هاني ساكتة …وتحركات وقفات أمام شاشة الخريطة لي فاليخت ونطقات بهمس )

 

زليخة : 7 ونصف بقات غير ثمنية دسوايع ونوصلو لجنوب المحيط الهادئ (شافت فساندرا ) بغيت نفهم شيء …

 

ساندرا : خرجي …

 

زليخة جلسات قدامها ) إيلا جاوبتيني كانواعدك غانخرج ….

 

(ساندرا هزات راسها شافت فيها بمعنى سولي )

 

زليخة : النبوءة لي تذكرتي فيها نتي وجبار ولي تنبأت بها ساحرة هاذي ألفي سنة ، ولي ذكرات شروط ولادتك نتي كمختارة وشرط وزواج وحش المتحولين بالهجينة باش يتولد جبار المئة قوة…باااش نتي وجبار غاتوحدو الصنفيين وبجووووجكم تدمرو هذا الكتاب …

 

ساندرا : مالها ؟

 

زليخة : النبوءة ما قالتش أنك نتي تدمري الكتاب بوحدك يلك ..بل نتيييي وجبااار (وأشارت للكتاب لي فوق ركبتي ساندرا ) واش جبار ماتدكرش فشروط تدميرو ولا شنو ؟

 

ساندرا سرطات ريقها ودورات وجهها جنب ) تدكر…🟣الجزء 2 من قصة 🟣

 

♡#وحش_ذات_القزحيتين ♡

والذي بعنوان :

▪︎قصة : #عِڜْڦُ_ٱڷﭳٻَٱٻِږهﮧ▪︎

°° ️#أَحمِـلُ قَلبكٍَ مَعــيِ : متحولينVsسحرة °°

 

📜الكاتبة•: °chaymae ouaj°

🔮الجزء 775🔮

 

ساندرا سرطات ريقها ودورات وجهها جنب ) تدكر…

 

زليخة خرجات عينيها ) كي كي كيفاش ي يعني جبار فعلا وكما جاء فالنبوءة هو أحد الشروط…

 

(ساندرا حركات راسها بآه )

 

زليخة : وكيفاش مافهمتش كيفاش هو أحد الشروط ونتي غاديا باش تدمريه بوحدك بلا بيه …

 

(ساندرا ماجاوباتش وزليخة غوتات )

 

زليخة : سااااندرااا واش ممكن تدمريه بدون توفر كل الشروط ولا شنو ؟

 

(ساندرا تنهدات ووقفات عطاتها بالظهر كاتطل على لبنات لي جالسات بعادات عن بعض ….جمانة مخننزرة فسماح لي كاتبادلها التخنزير وتاااوحدة منهن مكاتهضر…)

 

ساندرا : لتدمير الكتاب خاس يتوفرو أربع شروط أساسية ولي هم …#أنا …و#جباار … و#الشجرة…..و#كتاب التعاويذ … وخاسني نطبق #تعويذة خاصة سميتها ^^تعويذة الإنهاء ^^ وهي تعويذة صعيبة بزاف بواسطتها غاننهي الحصانة لي عند الكتاب ضدد التدمير… وهنا غايكمل دوري وغايجي دور جبار …

 

زليخة : ك كيفاش …

 

ساندرا : جاوبتك إذن خرجي…

 

زليخة وقفات وغوتات ) أكييفاش غادييري لييييها بدووون جباار واااش حمااقيتي و…(سكتات منلي قاطعاتها ساندرا منلي استدارت بزربة شافت فيها مخنننزرة وغوتااات )

 

ساندرا : آآآه حمااااقيت (وشيرات عليها بالكتاب حتى تخبط بقوة مع الحيط لي جنب زليخة ) وغاااااندمروووو غااااندمروووو واااخا نعرف نترجا روووح ألكساااندرا ونطلب عون كل أرواااااح هاااذيك الجزييرة باااش يتلغى شرط الجباار …غااااندمرووو بووووحدي سمعتي بوووووحدي…مستحيل نسمح جبار يدخل فهاااذشي مستحيل نسمح أنه يشوفني كانتسلخ حية …غاااندمرووو وحتى إييييلا ماااقدرتش غاااندفنو فقاااااع أرض هااذيك الجزيرة ونبقا معاه فيها تماااا حيااتي كوووولها …حيييت غيير أنا نخرج منها بلا مانكون دمرت الكتااااب ….. غاااايموت ولد سميحة واخا يكون تزااااااد بخيير و دااار حتى عشرين عااام …غيير نخرج من الجزيرة هو غااايموووت …… فا حدني أنا والكتاب على أرض المكان لي خاسو يتدمر فيه …سميحة وولدها غايكوونو بخير …فا يا ندمرو بلا جبااار يااا نبقا تماااا ونتحبسو أنا والكتاب فمتاهة هاذيك الجزيرة….

 

زليخة : ونتي عارفة انه إيلا ماقدرتيش تدمريه بسبب غياب شرط جبار … مستحييل تبقاي عايشة على هاذيك الجزيرة حيت غايوصلو ليك سحرة آل جوفر وتما بزز منك تطبقي عليهم تعويذة الخلود ..يعني نتي كاتفكري ف ف…

 

ساندرا حركات راسها بآه ) إيلا أنا نجحت فتطبيق تعويذة^الإنهاء^^^و طلبي فإلغاء شرط جبار ماتقبلش (واستدارت عطاتها بالظهر ) فا غاندفنو وندفن راسي معاه …

 

(زليخة سرطات ريقها مخرجة عينيها …وساندرا نطقات )

 

ساندرا : خرجي ….

 

(زليخة خرجات مصدومة …مخليا موراها ساندرا لي جلسات كاتبكي بصراخ …دموعها كينزلو بغزارة سخان على خدودها …..وفبالها وأمام عيونها كاتشوف غير وجه جبار … حظنات بطنها بيديها بجوج ونطقات وفمها كايرجف )

 

ساندرا : كانتمنى شينهار تسمح ليا (وحنات راسها كاتشوف فبطنها ) وحتى نتوما… وكنواعدكم غندير كل جهدي .. غاندير كل جهدي ..غاندير كل جهدي …(تنفسات بعمق وتكات مغمظة عيونها وهي كاتردد بهمس )

 

ساندرا : غاندير كل جهدي …..يتبع

اترك تعليقا

  1. Waaaw l9issa wa3ra w Les actions ghadyin w Homa kayezyano so kanetmena Ana kom tkemloha❤️❤️❤️❤️