Skip links

قصة : الوحش وذات القزحتين الجزء 2 ( عشق جبابرة) ج79

 33,241 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 765🔮
(زليخة لي جالسة كاتشوف فيهن حالة فمها مابقاتش قادة تصبر فا وقفات وغوتات )

زليخة : واااااااااااااااالقحب..ااااااات …

(لبنات قفزو ولي واقفة جلسات ولي ضاحكة جمعاتها …تخشاو فبعضياتهن متقابلات معاها )

زليخة : واااااا لبكرااااااات واااااا لباطروناااات …

جمانة همسات لهاندا ) اول مرة نسمع تخسارها للهضرة …

زليخة سمعاتها وشافت فيها وغوتااات ) غااااااانجي نخسرليك وجهك اديك لبهلا واااا لحماراات نووووضووو تحركووو قدااامي لقوارب النجاااة بربي وتزيد تصعرني شيوحدة فيييكن حتى نغيبها ونلوحها فالبحااااااار وااااش يحساب لديلمكم غاديين فرحلة أنووووضو تحركووو قداااامي ..(سكتات كاتنهج …وهن حتى وحدة ما تحركات …ويالاه هي غاتحرك تنوضهم بزز حتى تسمع صوت ارتطام قوي …زليخة بزربة ضورات راسها بانت ليها ساندرا وقفات بجهد تاطاح الكرسي خلفها …و تحركات حتى وقفات جنب زليخة وعينيها على البنات ونطقات ببرود )

ساندرا : تهدني يا زليخة تهدني …هن فأمان على اليخت … و أصلا لا هن لا نتي مستحيل تحطو أرجلكن فهاذيك الجزيرة او حتى تدخلو لبحرها (ابتاسمات ) غانبقا فمقصورة القيادة فرقو بيناتكم الغرف…أقل من 22 ساعة غاندخلو لمياه المحيط الهادئ …… (وتحركات وقردها تابعها….مخلية موراها البنات تابعينها بعيونهم )

زليخة تنفسات بعمق وشافت فالبنات ) نتي (اشارت لجمانة) هاااذي لخرة لنبل فارس معاك بربي تايوريك وجه عمرك شفتيه …ونتيي (وأشارت لسماح )خرجتي على رااسك بالطيرااان لي فيك مابقيتيش باغياه هااا إوا هاحنا غانشوفو من بعد هاذ الفعلة نتاعك وااش هو غاايبقا باغيك …..ونتييييي (وأشارت لأميرة ) لاكنتي كيحسابلك تقبتي لورقة معاه حيت تسببتيلو فالافلاس وراك طفرتييه منلي هربتي منو لهنا فا راااه بهاذ لفعلة ديااالك تقبتي كااع لوراااق وداابا يفرجني فييك غاصبري ….. ونتيييي (هاندا ) إيييلا كان خليل مامسوقليكش فا بربي عصمان لادوزها ليييك ونتي اكتر وحدة كاتعرفييه فاااا (غوتات ) غاااتبتوووو هنااا حتى نعرف ساندرا لأشنو كاتخطط …(وتحركات تابعة ساندرا خلات لبنات موراها كايشوفو فبعض )
🍀🍀🍀🍀

فنفس الوقت ولكن فمحكمة المتحولين …حل صاحب القزحيتين عيونو لي كل وحدة فلون … وكعد راسو كايتفوه بانليه سليم جالس وقهوة فيدو وعيونو على جبار النائم …فحين فارس واقف مربع يديه جنب نافدة كايتأمل الشمس الساطعة ….)

وسيم حك عينو ونطق ) واش مزال مافاق …؟ ياك سام قال لينا غاينعس غير عشر ساعات..ومن سبعة دعشية لبارح وهو ناعس وراه كان خاسو يفيق هاذي ساعة تقريبا ولا اكتر ..🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 766🔮

وسيم حك عينو ونطق ) واش مزال مافاق …؟ ياك سام قال لينا غاينعس غير عشر ساعات..ومن سبعة دعشية لبارح وهو ناعس وراه كان خاسو يفيق هاذي ساعة تقريبا ولا اكتر …

فارس استدار شاف فيه) : سام قال مفعول تعويذتو المنومة غايدوم #عالأقل عشر ساعات …(وغير كمل كلامو تحل الباب ودخل سام وجنبو ماريانا كايتحركو بخطوات سريعة حتى وقفو أمامهم )

سام : واقع شيء غريب …

سليم وقف : اشنو وااقع ؟

سام : لبارح كان جاني إحساس غريب إحساس صعب نوصفو ولكنو مرعب وبشع … ونفس الاحساس قالت ليا ماريانا حسات بيه الشيء لي جاني غير طبيعي…. فا هاذي نصف ساعة باش تواصلت مع بزاف من سحرة معاشر الخير سولتهم … وكلهم جاهم هذاك الاحساس وفنفس اللحظة …

(ماريانا عينيها على جبار النائم ..ولي عاودليها سام على كيفاش نومو باش يمنعو من انه يتخلص من قوته الاساسية ^الاستنساخ^ بهدف كسره للنبوءة لي كاتقول انه اقوى متحول ظنا منه انه بكسر النبوءة غايحمي حياة سميحة وجنينها وغايعطي الوقت لكافي لساندرا حتى تولد عاد تدمر الكتاب على خاطرها …فا سرطات ريقها بخوف وشدات سام من دراعو وهي كاتفكر فردت فعل جبار منلي يفيق ..وبزربة دورات راسها شافت فسليم ونطقات )

ماريانا : لبارح فليل مشيت لجناح ساندرا نسولها على واش عارفة سبب هاذ الاحساس ولقيت غير زليخة لي حاولات تقنعني انه إحساس عادي بسبب الحمل …وهاذ صباح فاش فقت لقيت سام حدايا فيقتو قلتهاليه حيت هذاك الاحساس ماحيدش من بالي بمرة … ماظنيتش انه حتى كل السحرة حسو بيه فنفس اللحظة وهاذشي عندنا كسحرة مستحيييل يكون عادي…. فا أنا وسام اتاجهنا بزربة لجناح ساندرا و انا عييت ندق عليها …

سليم مخنزر : ك كييفاش عييتي دقي ؟

ماريانا : راه راه منلي ماحلاتش ليا خفت تكون سخفانة ولا شيحاجة وتنقلت بتعويذتي لداخل جناحها نشوفها ولكن مالقيتهاش لا هي لا زليخة وبجوجهم ماكايناتش فالقصر كولو …وحتى الطاقة السحرية الصادرة من لكتاب ولي طول الوقت لي جلسناه فقصركم كنا كانحسو بيها كسحرة … اختفت ….

(الشباب شافو فبعض مخرجين عينيهم ويالاه غايهضر سليم حتى تحل الباب ودخل مالك وعصمان وخليل كايجريو…)

مالك : أمييرة أمييرة ماكايناش …نعسات حدايا لباارح و فقت دابا مالقيتهاااش قلبت فكل القصر فكل الاجنحة مالقيتهاش لا هي لا لبنات كاينة غير سميحة ..

عصمان : وحتى زليخة وهاندا ماعرفتش فين مشاو …(وسكت كايتذكر ..أنه فاق على ريحة عطرها لي كانت مالية كل جناحو لدرجة شك انها نعسات جنبو …جبد هاتفو ) غانصوني على زليخة …

خليل نطق بكل برود ) : وديك ختك هيا فين غاتكون زادت بلا شوار واش ماعليها حكام ولا ..و واش رجعات لتركيا ؟

عصمان غووت فوجهو صاعر ) ماااعرفتش نسولك نتاااا نيت يا خطيبها …( وغير حل تلفونو خرج عينيه )

وسيم لي واقف كايشوف فيهم مخرج عينيه) : ك كييفاش وسمااح …( وماتسناش جوابهم اختفى من مكانو بقوة تنقلو قاصد جناحو فالقصر )

فارس لي هو الآخر واقف كايتنفس بسرعة وكايدعي يكون دكشي لي فبالو غلط ) جمانة لا ….

سليم غوت )أ فييين مشااو أشنوو واااااااااقع ..و…… (وسكت ملي شاف خلف سام ..وبالضبك فلفوطوي لي كان ناعس عليه جبار …هاذ الأخير لي غير حل عيونو عالجهد تكعد جالس …دور راسو شاف فيهم واحد بواحد لدرجة كلهم حتى سام استدار كايشوف فيه …وفثانية اختفى من مكانو ووقف امام سام هازو بقجة بيد وحدة لدرجة صباعو غرسهم فعنق سام ……

ماريانا غوتاات برعب وبعدات عليهم بخوف … أما الباقين فا تحركو بسرعة يفكو سام من قبضة جبار ولكن أي واحد قرب مكايحيرش فيه جبار كايصدهم بعنف )

جبار مخننزر فسام ويدو باش قاجو كاترجف وكل شويا كايزيير ليه على عنقوو) غاااانقتلك ماغاانرحمكش..🟣الجزء 2 من قصة 🟣
♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°
📜الكاتبة•: °chaymae ouaj°
🔮الجزء 766🔮
جبار مخننزر فسام ويدو باش قاجو كاترجف وكل شويا كايزيير ليه على عنقوو) غاااانقتلك ماغاانرحمكش..
(فارس فعل جسدو الفولاذي للحد باش يبعد جبار عن سام ولكن غير جا يقيصو يديه اختارقو جسد جبار وحتى جسد سام… لي ردو جبار قابل لإختراق بحالو…..)
فارس غوت ): جبااار …
(جبار ماتسوقش ليهم ولكل محاولاتهم الفاشلة فإنقاذ سام …وا لا لصراخ ماريانا لي طاحت على ركبتيها كاتبكي وتغوت و كاتترجاه مايقتلوش …ويالاه غايزير على عنق سام بأقصى قوته باش يفصلو الرأس عن الجسد حتى ظهر قدامو وسيم وغوووت )
وسيم : جباااار ساندرا مشاااات….
(جبار بسرعة شاف فيه مخرج عينيه …طلق من سام لي طاح شاد عنقو كايتلوا وماريانا جات كاتجري عندو كاتقلب فيه بهستيريا…. )
جبار غووت ونطق بدون استيعااب ): أشنووو؟
سليم : جبار تهدن نفهمووو…
(جبار ماجاوبوش تحرك بسرعة خدا تلفونو من فوق الطاولة وحلو على كاميرات الجناح مابانتش ليه وبزربة رد الكاميرات للخلف ..وبالضبط ل ليلة البارحة ….شافها منلي كانت متكية على السرير كاتبقشش فتلفونها وهي كاتفرج فصور العائلة بفستانها الاسود المثير …بقا واقف كايتفرج وتتفسو مسموع فحين قرب منو سليم كايعاودليه كل ماوقع فلحظة انعدام وعيو ..عاودليه كل شيء بدءا بنوع التعويذة لي ألقى عليه سام بهدف ينعسو ويمنعو من آش كان ناوي يدير …مرورا بأن ساندرا عيطات ليه واضطر سليم يجاوبها وأشنو قالت له وهو بأشنو جاوبها بالضبط …مرورا لإتصال مارال وكل ماقالت فيه وعن الهجينيين الخائنين لي هربو والاوامر لي عطاها سليم نيابة عنه….هاذ الأخير لي انهى كلامو بآخر ما قال ليه سام وماريانا عن الاحساس لي جاهم و وأن كل لبنات باستثناء سميحة اختفين من القصر …سليم كايعاود وجبار كايتفرج حتى شافها كيفاش… ناضت دخلات للدريسينغ وماشي بزاف باش خرجات لابسة سبور وهازة صاكادوها …وتوجهات للكوافوز هزات كتابها السحري و كتبات شيء على ورقة حطاتهاليه تما .. …كايتفرج وهو حاسس نفسو كايحلم لدرجة غمظ عيونو بقوة لثواني منلي شافها حيدات خاتم زواجهم .. قلب الأبدية…. وحطاتو على هاذيك الورقة … وبقات ثواني كاتتأمل فالجناح بنظرات وداع …
(جبار واقف كااااايتفرج …وهم كلهم كايشوفو فيه وحتى واحد من غير سليم …ماقدر يقرب منو …حتى خرررررج عينيه منلي شافها كيفاش اختفت فالهواء بتعويذة التنقل بكل سهووولة وسلاسة ..الشيء لي خلاه فهم كل شيء ..ودور راسو شاف فسام )
جبار : إذن طول هاذ الوقت كنتي كاتدربها على عنصر الهواء ؟🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 767🔮

جبار : إذن طول هاذ الوقت كنتي كاتدربها على عنصر الهواء ؟

(سام لي مزالو جالس مكانو حاطط يدو على عنقو لي زراااق وبزز كايطلع النفس …خررج عينيه فجبار لي خبط تلفونو مع الحييط وهز الطاولة لي قظامو تبعها ليه وغووت )

جبار : كنتيييي كااتعااونهااا عااونتييها موور ظهري حتى تحكمت بعنصر الهواااااء ومشاات …كنتييي عااارررف….

(سام وماريانا شافو فبعض ولونهم بجوج مخطوف )

ماريانا غوتات ):اوييييييلي هيااا تحكمت بآخر عنصر … إذن إذن سبب هذاك الاحساس بالرعب لي حسينا بيه هو أن الكتاب بين ليييها طريقة ومكان تدمييرووو ؟

جبار لي فقد كل أعصابو غووت هو كايخبط فاي شيء امامو لدرجة كلهم بعدو عليه ) مشااااات هي مشااات مشااات ….( واختفى من مكانو ظهر قدام سام هزو تاني من كول لفيست وغووت فوجهو ) غاااندفنك بيدي غيير صبر عليااااا حتى نرجع ( ولاحو بعنف و بسرعة الضوء اختفى تاني من مكانو مخليهم كايشوفو فبعض ….)

(فارس مابقاش قادر يوقف …وجلس على كرسي كان جنبو )

فارس : مشات …

(سليم تحرك كايجري خدا حاسوب حلو كايحاول يتبع جبس خواتم لبنات…ووسيم ومالك كايشوفو معاه على امل يطلع ليهم موقع البنات فخريطة العالم …أما ماريانا جنب سام وغير كاتبكي فحين عصمان شاد تلفونو كايشوف فيه أما خليل فا كايصوني على هاندا ويعاود كايلقاه خارج التغطية )
🍀🍀🍀🍀

فقصر لستارك …ظهر جبار بقوة التنقل داخل جناحو وتحرك بسرعة خذا الورقة لي خلاتليه سانظرا وبدأ كايقراها ….ولي محتواها ^^^..ستمضي الأيام ، و ستكتشف أنه من السهل التخلي عن أشياء أدمنتها ، وأنك لم تمت حين تركك أحدهم ، بل تغيرت و غيّرت أحلاماً كثيرة ، وتقبلت واقعاً مراً ومضيت قُدماً…فما أسهل النسيان الناتج عن جرح أدمى القلب … وما أسهل العيش بلا ثقل يقتل العقل …فدمت لي عشقاً كان وسيبقى دائما أبدياً …ودمت لي حبيباً جبارا يحمل قلبي معهُ حتى لو انسلت روحي من الجسد …ساحرة الجبار ^^

((جبار غير كمل قرايتها ..طلق ضحكة تسمعات فكل الجناح …جلس على سريرو كايضحك ويعاود …. حتى فجاة سكت بملامح جدية ومرعبة كايتنفس بسررعة وكل عظلات جسمه كاتتضاعف …..وعينيه كايشوفو فنقطة وحدة وهي خاتمها العلى لكوافووز …وقف هاز الورقة فيدو كايشووف فيها حتى أشعلها كلها بالنار لتتحول لرماد فيديه …ساس يديه …واختفى من مكانو ظهر فالدريسينغ لاح عليه قبية بسرعة ورجع اختفى ظهر جنب لكوافوز خدا خاتمها دارو فجيبو ..وبسرعة حل لمجر الاول وابتاسم باستهزاء منلي جات عينو على الشيء لي عمدا خلاتو ساندرا تما …هزو بين يديه كايشوف فيه وهو متأكد كليا من الغرض منو… ومن السبب علاش ساندرا ماهزاتوش…دارو فجيبو وفلبلاصة اختفى من مكانو رجع ظهر فوسط محكمة المتحولين ….ومع ظهورو كلهم وقفو كأنهم كانو كايتسناوه …وهو يالاه شاف فسام حتى تحرك عصمان بسرعة اختفى من مكانو بقوتو التنقل ظهر امام جبار وعطاه تلفونو …)

عصمان :خلاتها ليك زليخة …🟣الجزء 2 من قصة 🟣
♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°
📜الكاتبة•: °chaymae ouaj°
🔮الجزء 767🔮
عصمان :خلاتها ليك زليخة …
(جبار خدا منو تلفون لقاها رسالة من زليخة خلاتها لجبار على تلفون عصمان …فيها خريطة العالم لي ضورات فيها على منطقة محددة وهي جنوب المحيط الهادئ…..)
سليم : جنوب المحيط الهادئ … إذن مكان تدمير الكتاب هو عبارة عن جزيرة ؟ ولتما مشاو ؟…
(جبار بنفس الهاتف لي فيدو ودوز الخط لي مباشرة تشد )
جبار : فينكم ؟
مارال قفزات من نبرة صوتو ) : الأربعين متحول من فرقة العدالة وصلو بلي هيليكوبتر كيما أمرتي لورد احم ..سيدات ولوردات لستارك ركبو وشويا غايتحركو للرجوع للمغرب و..
جبار قاطعها وغوت ) خليهم يرجعو للقصر…. ونتي وماريو شدو هيليكوبتر وتحركو حاالا لجنوب المحيط الهادئ …بدوووون ماتعلمي جاسم او احد لستااارك بوجهتك …واستعملي ختمي فأمر كل أعضاء فرقة العدالة المئة يتحركو حااالا لنفس النقطة .. وملي توصلي لسماء المحيط الهادئ بقاااي تابعة جبس تلفون عصمان ….(وقطع وخشا التلفون فجيبو )
وسيم : منطقة جنوب المحيط الهادئ وااسعة فا كيفاش غانلقاوهن ؟
جبار : زليخة …
(واستدار شاف فسام لي حاني راسو )
جبار : حمد ربك صدقت محتاجك فشيء ولكن غير تقضيه لياااااا و غانساليو كل هذا مغانرحمكش ديييرها فباالك … (شاف فخوتو ) لسطح شركةflystark حالا (شاف فسليم) ودااابا تتحط عليه ال X-15 واهتم بكل الإجرائات للإقلاع … (واختفى من مكانو )
سليم شاف فوسيم وعصمان ) نقلو البقية بزربة لسطح الشركة …وإلا ماغايتسنا تاواحد منكم…..
(واختفى من مكانو ….فحين وسيم وعصمان تكلفو بنقل الباقين بقوة التنقل ….وفأقل من 10 دقائق كانو كلهم على سطح شركة جبار وسليم وفارس …flystark …السطح لي تحطات عليه الطائرة الصاروخية x-15 ولي هي عبارة عن طائرة تعمل بالقوة الصاروخية كاتستخدم محرك دفع صاروخي بالإضافة إلى محركات نفاثة وهي آخر ما اخترع جبار فالمحركات الكبيرة الحجم ولي أخدلو سنوات دالبحث والدراسة والتصنيع …بلا أنه استثمر فيها ملايين الدولارات …هاذ المحرك لي رسمو ووقف على تصنيعو … أعطى للطائرة بزاااف دالامتيازات لي منهم انها مناسبة او مثاالية للطيران على ارتفاعات عالية جدًا. وعندها قدرة كبيرة على تقديم تسارع أعلى بكثير وإقلاع أقصر وتعايش مع المناخ حتى لو كان عاصفي مستحيل الطائرة تخرج عن مسارها أي انها كالصاروخ …بلا الأجهزة المتطورة لي داخلها ….لي خلا هاذ الطائرة كاتعتابر أهم إنجازات جبار باعتباره مهندس ومخترع في مجال الطيران والفضاء …..🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 768🔮

الطائرة الصاروخية X-15 حطت على سطح الشركة أمام جبار لي وااقف على أعصاابو مخننزر…..وغير تحطات الطائرة خرج منها سليم لي كان سايقها ووصلها للسطح …. وقف أمام جبار لي واقفين خلفو باقي شباب لستارك معاهم سام وماريانا لي حاالة فمها فالطائرة )

(سليم وقف أمام جبار ونطق بصراخ باش يسمعو حيت صوت محرك الطائرة مالي كل المكان )

سليم : الطائرة وااجدااا …

(وقف جنبهم فارس لي شاد تلفونو ..شاف فجبار ونطق حتى هو بصراخ )

فارس : البنات والليدي ساندرا مشاو فيخت الخال إيفاان لي عطاه مؤخرا لزليخة…شفت كل كاميرات القصر والشيء الغريب أنهن ماخرجووش فوقت وااحد بل كل وحدة منهن خرجات كاتختل بوحدها… وكلهن خرجو مابين 12 و 2 دليلة الأمس

سليم : كاااين طريقين بحريين لجنوب المحيط الهادئ باش غانعرفو أي طريق منهم خداو ؟…

(جبار واقف مربع يديه وعينيه غير على الطائرة….ماجاوب تاواحد منهم …تحرك بخطوات سريعة دخل ليها..ومباشرة لغرفة القيادة …جلس على كرسي الطيار ودار الكاصك وبدأ كايجهزها للإقلاع …حتى جلس جنبو سليم ….فحين باقي الشباب تبعوه وتوزعو على مقاعد الطائرة لي مخصصة انها تهز عشرين شخص على الأكتر …بسبب حجمها لي مكانش كبير الشيء لي عطاها امتياز الخفة والسرعة…..وثواني على ركوبهم أقلعت طائرة جبار في سماء المغرب …..)

🍀🍀🍀🍀🍀
نرجعو لليخت …وبالضبط لمقصورة القيادة عند ساندرا لي بعدما قالت كلامها دخلات …سدات موراها الباب وتوجهات للسائق الآلي …بدلاتلو لبروكرام دنقطة التوقف ….بالخف وتحركات متوجهة للفوطوي وجلسات …دقائق حتى تحل الباب ودخلات زليخة هازة صحن فيه فواكه ومكسرات مع عصير …حطاتهم قدام ساندرا ونطقات )

زليخة : كولي باش تشرحي ليا …

ساندرا :خرجي…

زليخة غوتات ) سااااندرااا ماتزيدييش عليا باراكا غادوك رباعة لمكلخاات لي برااا ..فا دابا شرحي لياا اشنو قصدتي بانه لا انا لا لبنات غانحطو رجلينا على هاذيك الجزيرة أو حتى ندخلو لبحرها أشنو ناويا ديري كيفاش ناوية تبعديهن عن كل هذا …؟؟؟

ساندرا :غاندير لي خاسو يدار (وشافت فزليخة مخنزرة ) خرجي….

زليخة تنهدات وجلسات أمامها مربعة رجليها ) ماخارجاش وهانا معاك تانشوف لاياش كاتخططي …(ودورات راسها كاتشوف فالاجهزة ) غانوصلو لجنوب المحيط الهادئ مع 3 دصباح (شافت فساندرا ) وغير ندخلو لبحرو غاتتسماي شديتي الطريق الصحيح فمسار الجزيرة بنية تدمير الكتاب وتما كل السحرة غايحسو بك ….🟣الجزء 2 من قصة 🟣
♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°
📜الكاتبة•: °chaymae ouaj°
🔮الجزء 769🔮
زليخة تنهدات وجلسات أمامها مربعة رجليها ) ماخارجاش وهانا معاك تانشوف لاياش كاتخططي …(ودورات راسها كاتشوف فالاجهزة ) غانوصلو لجنوب المحيط الهادئ مع 3 دصباح (شافت فساندرا ) وغير ندخلو لبحرو غاتتسماي شديتي الطريق الصحيح فمسار الجزيرة بنية تدمير الكتاب وتما كل السحرة غايحسو بك ….
ساندرا تنهدات ) شيحاجة داخلي كاتقولي انهم حسووو ولي عطا الله عطاه …
زليخة خرجات عينيها ):ك كييفاش …
ساندرا شافت فالكتاب لي بين يديها ) : منلي بين ليا طريقة تدميرو …أنا حسيت برعب كبير وهو إحساس لي كل السحرة فالعالم حسو بيه…
زليخة تفكرات ماريانا ) اه فعلا راه كلهم حسو بيه وأنا بعيني شفت حالة خالتك كيكانت (ووقفات ) إذن غايكونو آل جوفر عارفين ولا شنو …
ساندرا : ماعرفتش حيت هو مجرد إحساس صعيب يعرفو سببو او مصدرو (سرطات ريقها ) وماعرفتش واش ثيون ذكي كفاية يستنتج السبب ….وفكل الأحوال حتى لو دارها وهو دابا مدرك ان سبب هذاك الاحساس هو أن الكتاب وراني طريقة تدميرو …مستحيل لا هو لا غيرو من السحرة يعرفو لا فين لا إيمتا غايتدمر …حدني مزال ماوصلت لجنوب المحيط الهادئ وتحطيت فالمسار لي راسم ليا الكتاب وخطيت اول خطوة فيه …. حتى ساحر فالعالم ماغايعرف موقع هاذيك الجزيرة …فا نتوما دابا فأمان…
زليخة تنهدات براحة) ولبنات كيغانديرو معاهم …خاسنا شي حل قبل مانوصلو لجنوب المحيط الهادئ …
ساندرا : غانوصل ليه بوحدي كوني هانيا …
زليخة : أشنو كاتقصدييي ؟
(ساندرا ماجاوباتهاش وهزات الصحن كتاكل منو وتعطي للقرد )
زليخة زيرات على يدها ) بقاي ساكتة غير هو ديري فبالك تقدري تتخلصي من كل البنات أما أنا فا مستحيل ديريها بياااا مستحيل نخلييك …. (ووقفات كاتطل على لبنات من نافذة تما مجمعات كايفطرو وكايهضرو بيناتهن بجدية …لساعات عاد ناضو توزعو عل الغرفتين ينعسو…. أما زليخة تنهدات وهي كاتفكر فواش جبار وصل للخيط لي خلات ليه …سرطات ريقها وخشات يدها فجيبها جبدات جهاز صغير كان عبارة عن جهاز تتبع لي ربطاتو مع هاتف عصمان ونطقات بحسرة وبهمس )
زليخة : ما حد تعويذة الحجب دساندرا سارية المفعول فاراك مابقيتيش نافعني…كانتمنى غير جبار يلقا الموقع لي خليت ليه فهاتف عصمان …واخا هو موقع واسع غاياخد منهم ساعات فالبحث ولكن عالأقل وريتهم فين يقلبووو بالضبط ..ووريتهم فين كاينة هاذيك الجزيرة ( تنهدات ودورات راسها بانتليها ساندرا متكية على الفوطوي عاطياها بالظهر وناعسة ……وجلسات على كرسي امامها )
🍀🍀🍀🍀
بعد مرور 12 ساعة بالضبط ……يووتبااع 😌
يالاه وريوني إشهاراااتكم بغيت الاشهاارات والتوقعااات نشوفهم على شكل اشهار كل وحدة تكتب سيناريو الاحداث لي كاتظنهم غايوقعو ..وشكون فنظركن غايوصل هو لول ..ساندرا …ثيوون …أو جبار …شكون غايموت وكيفاش وعلاش …بغيت نشوف هاذشي فبيباتكم وبغيت التعاليق بزاف هنا يطلع الجزء …
لي عليا هو توصلو ل 1300 نحط متحولات دمتن متألقات ❤

اترك تعليقا

  1. واختي دابا القصة طووب و نعودها كون داك لَولد لي عندو الاستنساخ الامحدود هو ولد ساندرا غاتكون القصة أحلى مفهمتش لاش خربقتيها هاكا