Skip links

قصة : عاشقة الدم ج 3

 4,150 عدد مشاهداات

الجزء: 61

“فرنسا، باريس”

“عند كيريس”

جالسة فالجرف دآخر مرة وهازة بيسي فحجرها مبرونشيا معاه الفون وتاتصوني على الشخص لي بغات تاتفتح الخط

“ايطاليا، فينيزيا”

جالس رعد اوولف فالمكتب دالقصر تيتحدثو

وولف: علاش تكون مشات زعما وفين؟
رعد: دايرة بحال السيف تاضرب فزوج جوايه
وولف: بيتي تقصد تاتوجد لضحية جديدة
رعد: ماشي بعيد

تاصونا الفون دوولف لقا نيم ماتيعرفهاش وفتح الخط

وولف: ويي؟
كيريس: عندك مهمة
وولف: كيريس!!

رعد تكعد من بلاصتو ودارلو حركة شنو واقع
كيريس: ميري مارجعاتش لابارطومون نتاعها بالليل والكليكة ماعارفينش بلاصتها

وولف ناض من بلاصتو: شنو وقعلها؟
كيريس: هادشي نتا لي خصك تعرفو، الى واقعالها شي حاجة نقذها
وولف: اك هانا غادي دابا

وقطعات عليه

رعد: مالكم؟
وولف: ميري مختافية انمشي نقلب عليها
رعد: اك سير

ومشا تيجري وتيصوني على رجالو باش اوجدوليه الطيارة

“فرنسا،باريس”

“عند كيريس”

لي جمعات قشاوشها ورجعات فحالها لابارطومون نتاعها، مشات فتحات البيسي على الكاميرا لي دايرة ف ابارطومون ميري، تاتشوف الكليكة كولها مجموعة وميري ماكايناش، هنا فين سمعاتهم تيقولو ميري مختافية وجاو تيقلبو فلابارطومون نتاعها حيت نزار وبدر عندهم السوارت مالقاوهاش

“امريكا، نيويورك”

“عند الكليكة”

جالسين فابارطومون دميري كلهم مثوثرين ونزار غادي جاي

نزار: فين تكون مشات؟
بدر: ماموالفاش ليها تفارق معانا فالملهى
جنة: مافهمت والو تامن الفون نتاعها طافي، وكان شارجي قبيلة فاش هزيتو لقيتو 90%
لينا: نعيطو لبوليس؟
بدر: ماعندهم مايديرو البوليس ايقولو تاتفوت 24 ساعة على اختفاءها
نزار: اووف اووف.

“فالمطار TEB”

خارج وولف من المطار وهو معصب وتيهضر فالفون

وولف: نصف ساعة تجيبولي بلاصتها
الكارد: امرك مستر

“نيويورك، فاحد الفيلات”

تاتحل عينيها ببطئ وهي معبسة من الحريق لي فيها
تاحلاتهم بصدمة وتفكرات فين هي

ناضت من بلاصتها حيت كانت ناعسة على الارض ومشات ناحية الباب تاتدق وتغوت

ميري: فتحو الباب، فتحوووو، انا مادرت والو طلقوني هئ هئ
الجزء: 62

بقات دق لا من مجيب وتكات على الباب بظهرها وبقات نازلة تاوصلات للارض كمشات رجليها عندها وخشات راسها بين ركابيها وتفكرات شنو وقع ليها

⏳فلاش باك flashback⏳

كانت خارجة من الحمام تاتسوط تاتجرات من عنقها

خنقها هاداك من عنقها ملصقها مع الحيط

-اهلا الغزالة
ميري: طل ط طلق لقني
-فيناهو ميخي تاعك؟
بدات تاتخنق وتزنك تاشافها تاتقلب عنيها وطلقها طايحة فالارض تاتكحب

تحنى عندها وشدها من شعرها مقرب وجها ليه
-صوني عليه ايجي
ميري بالم وتاتشد فيدو باش ترخف شعرها: ماعرفتكش علامن داوي

زدح راسها مع الحيط تاتداخت

-تاتحماقي عليا، ياك صعصع ديالك تهجم على خويا ضربو من تما ماعرفت فينو

ميري والميكاب تجلطخلها بالدموع: ماعرفتش، ماعارفة والو.

وقف هازها من شعرها تاوقفات معاه وتحنى عند وذنيها: غادي تزيدي معايا عادي الغزالة، ولا اليوم ترحمي على روحك نتي وحبيب القلب

حركات راسها بالايجاب

-قادي حالتك باش مايشكوش الناس

بدات بالزربة تاتمسح دموعها والميكاب لي ساحلها، صايبات شعرها، ويديها تيرجفو

ضور يدو على خصرها وتمو غاديين

-بتاسمي
ميري تبسمات خافية خوفها ودموعها وتاطلب توقع شي حاجة تمنعها

ركبها فلوطو لور وركب حداها سايق الشيفور ناحية الفيلا

وصلو وهبطها بنترة وغادي بيها تالواحد البيت خاوية فيها غا شي وراق دجورنال مليوحين فيها ومغبرة

لاحها تما وسد عليها الباب

بقات تبكي وتغوت وضرب الباب تاحد ماسوقلها ومشات لواحد القنت وتكمشات من البرد بقات هكاك تاداتها عينها

⌛نهاية فلاش باك end of flashback⌛

فيقها من سهوتها الحلان دالباب
ناضت بالزربة من تما
وتم داخل مخنزر
-الظاهر حبيب القلب كاع مامسوق ليك

ميري: شنو بيتو منا حنا مادرنا والو

شدها من فكها وتزير عليها: فينو خويا
ميري: ما ماعرفتش.
ضربها بصقلة تارعفات طايحة فالارض نوضها من سماطي الكسوة لي لابسة تاتقطعو وبان صدرها
بقا عليها بصقلات تاقربات تسخف وجها كولو زراق وتنفخ

-غادي نعطيك الفون وتعيطيليه ايجي لهنا ولا نقتلك وحد مايجيب خبارك

ميري غا تاتبكي بصمت وتاتبلع ريقها
شدها من شعرها وزعزعها
– مفهوم!
ميري: م مف مفهوم

عطاها الفون وصونات على وولف ودارتو على ودنيها وذاتها كولها تاترجف

“عند وولف”

كان سايك تيتسنا اسيفطوليه رجالو بلاصتها تاصونالو الفون شاف شكون لقاه ميري جاوب دغيا

وولف: ميري!
ميري: وولف هئ هئ
وولف فرانا وشد الفون مزير عليه: ميري مالك، فينك نجي عندك
ميري: هئ هئ انا

تاطارلها الفون من يديها

– اجي لهاد العنوان**** ولا اليوم ترحم على حبيبتك

قطع عليه وطفا الفون وتم خارج مخلي ميري اتحماق بالبكا
الجزء: 63

وولف صونا على رجالو اطوقو الموقع من البعيد وكسيرا العنوان مزير على الفولون

وولف: تانواعدك تانذوقك المرار حيت قربتي لحاجتي وزاد مورك على الكسيراتور

قرب من العنوان ونزل من لوطو هاز فردي فيديه
تم غادي على رجليه تاوصل حدا السور وعطا تعليماتو لخمسة دالرجال ايدخلو تاهما بالسليت
نقز السور وتم داخل جهة الباب تاع الكوزينة ورجالو عاطيينو الحماية

دفع الباب ودخل وراد البال لايخرجلو شي واحد من الجنب خرج من الكوزينة طالع فالدروج ورجالو وراه تاوصل لواحد الباب وسمع الهضرة

دار اشارة لرجالو باش اوقفو وقرب تيسمع

-ماخفتيش اكون عيط على البوليس
– داك النوع تيبغي اكون بطل ما ايعيطش على البوليس
-نتمنى
-شكرا بزاف على اقوالك كون مانتي لي قلتيلي شنو شفتي موحال نعرف خويا شنو وقعلو
-انا قلت غير لي شفت، كان وقف عليها خوك حتى هجم عليه داك خينا ماخلا فيه عظم صحيح من تما ماعاود بان
-اليوم نردلو الصرف

تاتم داخل عليهم وولف ورجالو منيشين عليهم السلاح
وولف: تانظن ماخليت عندكم تاشي صرف لي تردولي

وتيراليه فرجليه
رجالو مشاو شدو ديك المراة وزوج اخرين شدو الراجل جارينهم البرى
وولف: ديوهم لديبو

وهداك غير تيعرعر
-دابا تندم، غا صبر (نتااا لي خصك تصبر حيت ما ايدوزش عليك القليل)

ومشا تيقلب البيوتا لوخرين مالقاهاش هبط لتحت لقا واحد الباب تحت الدروج ومسدود فرعو برجلو ودخل

لقاها ناعسة على وضعية الجنين وتاتشهق
ضرو قلبو ومشا عندها لقاها بحاليلا مصدومة

وولف: ميري
ضورات عينيها ليه وبقات تاتشوف فيه مدة تانقزات عليه معنقاه تاتبكي وتشهق
عنقها وتيحرك يدو على ظهرها وتيبوس راسها: ششش هانا معاك، صافي ماوقع والو

لقاها باااردة بغا ابعدها باش احيد تجاكيط تاعو البسهالها ساعة هي زادت لصقات فيه شادة من الكول نتاعو وتاتحك وجها مع صدرو

وولف: ميري، ميري، صافي ماوقع والو ششش

وزاد ضمها ليه تيحاول ادفيها تاحس بيها رخاتلو على الكول طل عليها لقاها سخفات

شاف وجهها كولو كدمات والدم جنب فمها وتحت نيفها وهو يقندش

هبط عينو لعنقها لقا اثار الصبعان تما زوورق ولي كمل طين بلة لقا سميطات الكسوة مقطعين وصدها باين
هنا القرودة بداو العبو فوق راسو

وولف: انذوقك عذاب عمرك شفتي بحالو نخليك طلب الموت الرحيم

حيد الكويرة نتاعو لواها عليها وهزها خارج بيها

لقا رجالو قربو ليه لوطو لحدا الباب حطها فالكرسي وضار ركب وكسيرى لدارو

وفالطريق صونا على رعد

رعد: لقيتيها؟
وولف: وي، الى صوناتلك كيريس طمنها
رعد: اك، تلاح

وقطع عليه وصل لفيلا نتاعو دخل لوطو لباركينغ هبط ودار جيهتها هزها طالع بيها لفوق

وصل لواحد البيت وحطها على الناموسية وجلس حداها تيشوف دوك الضربات لي فوجهها

مشا جاب فوطة والما والاسعافات الاولية وبدا تينقيلها وجهها وعنقها صدرها
عقملها الجروح ودارلها سبارادرا
ودهنلها بوماضة تاتحيد لي طخاس

ماعندوش الجراة ابدلها حوايجها خلاها هكاك غطاها وباسلها راسها ومشا لبيتو ادوش
الجزء: 64

“أصبحنا وأصبح الملك لله”
“عند وولف”

فاق وولف من النعاس وناض ناحية البيت لي فيها ميري فتح الباب وبقا واقف تيشوف فداك المنظر لي قدامو

كانت كيريس جالسة حدا ميري لي مزال ناعسة وتاتحرك يديها على راسها شافت وولف دخل وهي تنوض دايرة اشارة “خرج انا جاية”

قلب الدورة وهو مستغرب كيفاش دخلات لفيلا تاعو بلا مايحس وكيفاش عرفات راها عندو

مشا لبيتو غسل وجهو باش اصحصح وهبط لتحت جلس فالصالة تيتسناها

تاتمات هابطة عندو وجلسات قدامو بجلستها المعهودة رجل على رجل والظهر مستقيم

كيريس: مزيان ملي تكلفتي
وولف: علاش عيطتيلي ملي بامكانك تجي
كيريس: امريكا مامسجلاش عندها بين خرجت منها هادي مدة حيت خرجت منها بهوية مزورة، وخاصني نرجع بنفس الهوية ولا بهوية جديدة وغادي ناخد وقت، نتا اتجي بهويتك والطيارة نتاعك يعني اتسبقني وهادشي من مصلاحة ميري
وولف: مزيان ملي علمتيني، حالتها ماكانتش عاجباني
كيريس: عارفة الموضوع حيت اختارقت كاميرا دبلاك فلامينغو
وولف: مزال ماصفيت حسابي معاه
كيريس: تو تو، مزااال ماصفيت انا هاد الحساب
وقفات وتمات خارجة: عطي تعليماتك لرجالك بين انمشي لديبو نتكلف، ونت بقى مع ميري، ما انبانش ليها

وخرجات وتمات راجعة: اه، فاش تسولك قولها تعاونتي مع البوليس مزال مامستاعدة تعرف هوياتنا
وولف تنهد: اك

وخرجات تاوصلات موطورها ركباتو ناحية الديبو وصلات وتمات داخلة خلاوها رجال وولف دخل حيت علمهم

دخلات عندهم لقاتهم مربوطين من يديهم ورجليهم بسناسل فالحيط

ورجال وولف تهلاو فيهم كلهم دمايات قربات تالعندهم ونطقات بصوت تيبورش اللحم
كيريس: هولا
الراجل: ش شكون نتي، تخبا داك ميخي وراك
كيريس قربات لوجهو بابتسامة شيطانية: : تو تو، ماحسبتيهاش مزيان هاد المرة
قلبات الدورة ناحية قنت من قنوت الغرفة كينة تما طبلة فيها جميع الات التعذيب
هزات لقاط ورجعات عندو
بقات تشوف فيديه: هاد ليدين هما لي ضربوها

وطيراتلو ظفر من ظفارو وكملات هكاك تاسالاتهم ب 10

الدم تيقطر وداك الشخص تيتالم والسخفة بدات تشد فيه

مشات جابت سطل عامر ماء وقربات عندو
كيريس بصوت طفولي وميلات وجهها: تيعجبنيش نعذب الواحد ومانسمعش صوتو تيتعذب
وزلعات عليه داك الما
كيريس: توكض معانا مزال ماساليت اللعب

ومشات جابت مقدة كبيييرة غادا وتاتجرها فالارض محدثة صوت تيخلع

قربات من ديك المراة وهي تاتشوف فيها بنظرات تيخلعو وديك المراة غا تاتفركل

ضرباتها لراسها فلقاتولها على زوج نصوصا

داك الراجل خرجو عينيه من داك المنظر وطلقهم فحوايجو تيترعد

-ع عافاك، رحميني، ما انعاودش نقرب ليكم عفاك، رحميني

شافت فيه بنظرات مظلمة وقربات ليه وهي تاتبتاسم
كيريس: ماعنديش الرحمة فقاموسي مع لي غلط فحق عائلتي

وبدات ضربو فين ماجات الضربة هي هاديك
تاتفكر منظر ميري تاتزيد تجنن تاسالات ولاحت المقدة من يديها
رجعات كولها دمايات
الجزء: 65

“إيطاليا، فينيزيا”

جالس رعد فالمكتب داير رجل على رجل مبتاسم، كان تيتفرج فكيريس حيت مركب كاميرا فديبو وعيطلو وولف قالو راها غادا لتما، تفرج فالبلان كامل شافها كيفاش تاتبرد جنونها فيهم غير حيت قربو لميري

يعني عندها جانب زوين هو انها تاتحب من أعماق قلبها، واخا تاتبان شريرة

هز الفون وصونا على احد لي كارد

رعد: عطيها الفون
الكارد: امرك مستر

ومشا داك الكارد ناحية كيريس لي كانت يالله سالات من مجزرتها

الكارد: ميس، مستر سكوربيون على الفون

مدات يديها كانت لابسة ليكات وخدات الفون دارتو على وذنها

رعد: المتوحشة
كيريس: الليلة نكونو عندك

وقطعات عليه وخرجات تاوصلات لموطور تاعها ركبات تاوصلات للغابة فين خبات حوايجها بدلات عليها وحرقات هادوك لي لابسة مع ليكات

هزات البيسي هاكات كاميرا ديبو ومحات الفيديو من الكاميرات تفاديا لشي استفزاز من عند رعد حيث ماتاتيق فحتى واحد

ومشات لفيلا نتاعها خدات حوايجها ووراقها ومشات للمطار وشدات الطيارة لايطاليا وهاد الخطرة بهويتها الحقيقية

كانت طلقات الكراء نتاع الدار لي فباريس من بعد مانظفاتها مزيان
وحرقات لحوايج كاملين عاد تحركات من تما

“ايطاليا، فينيزيا”

خدات طاكسي من المطار وصونات لرعد

رعد: واخيرا بنتي بهويتك
كيريس: بيت ابارطومون هنا، ماشي كل مرة نسلت من خدامة
رعد: وجدتهالك هانا انسيفطلك لوكاليزاسيون
كيريس: نوصل نلقاك تما، ورد البال من الجواسيس
رعد: اك

قطعات عليه صافطلها رعد العنوان وعطاتو لمول طاكسي لي كان تيشوف فيها من المرايا مافهمش شنو كانت تاتقول فالفون حيت دوات بالداريجة

رداتلو لبال وهي تخنزر فيه تاحدر عينيه

وصلات للوجهة نتاعها وخرجات طالعة للابارطومون، لقات الباب مفتوح دفعاتو ودخلات لقات رعد تيتسناها

رعد: شرفتينا
كيريس حطات لي فيديها وتلاحت فالفوطوي مرجعة راسها لور

رعد: مالك
كيريس: مدة مادقت الدم
رعد: من نيتك؟
كيريس: نتا ما اتفهمش، الدم بحال لادروك بالنسبة لي
رعد: عاوديلي شنو وقعليك
كيريس: ماعندي خاطر

ناض رعد ناحية الكوزينة وتم راجع هاز كاس فيديه ومدو لكيريس

رعد: شربي
الجزء: 66

“امريكا،نيويورك”

“عند ميري”

عاد بدات ست الحسن تاتفتح عينيها ببطئ

بدات تستوعب فين هي حتى غوتات

تم داخل وولف مخلوع عنها لقاها تاتشوف جنابها وباينة مخلوعة
هي غير شافتو ناضت عنقاتو
ميري: كانو باغيين اقتلوك
وولف ضمها عندو: صافي مشاو
ميري شافت فيه وشفارها فازكين وفمها حميمر جات كيوت
ميري: ف فين مشاو
بدا تيمسحلها دموعها: داوهم البوليس غير تهناي

عاد فطنات على راسها بين معنقاه بعدات من عليه وتزنكات
ميري: شكرا حيت جيتي نقذتيني
وولف عرفها تحرجات ماباش ازيد عليها

سيري دوشي وتاصلي بخوتك ايكونو مشوشين عليك

ميري شهقات: ويلي ويلي، ايكونو قربلو الدنيا، ناريييي شنو نقولهم
وولف: سيري دوشي ولبسي واجي نفكرو شنو تقوليلهم

“ايطاليا، فينيزيا”

“عند رعد وكيريس”

مدلها الكاس
رعد: شربي

حلات عينيها فالكاس ومدات يديها شداتو وطاحت عليه عميا

رعد: كنتي محتاجة عصير ماشي الدم

نخلاتو ومشات تقلب على الحمام دوش

في حين هو صونا لوولف

رعد: العشية تكون هنا
وولف تنهد: راني ناوي نجي

وقطع عليه

مشا لبالكون تيكمي تيتسناها تخرج عندو باش اتافقو على الخطوة الموالية
الجزء: 67

“عند كيريس فالحمام”

تادوش وتاتفكر فشنو كانت موجدة من خطط بغات تنفذهم ففرنسا، ولكن خرجاتلها ميري من جنب تافاتو يومين وخصها تكمل اللعبة لي بداتها مع رعد

سالات ولوات عليها فوطتها ومشات ناحية المرايا

كيريس: قريبا جدا انتلاقاو مستر دراغون
وهي تحقد عينيها وخرجات نيابها الماضيين بحال دراكولا تماما

وخرجات من الحمام ولبسات شورط وتيشورت طويلة جرات كلاكيطة وخرجات عندو

لقاتو جالس جلستو المعهودة وتيشوف فالفون

كيريس: كاين مايتكال؟
رعد: كولشي فالكوزينة

مشات للكوزينة وجدات الكوتي
حطاتو على الطبلة وبدات تاكل

رعد: من الصواب تعرضي عليا
كيريس: وقتاش كنت مصوابة؟

رعد تبسم جنب: خصكي تعاودلي كولشي
كيريس: ماشي دابا
رعد: اوقتاش
كيريس: نهار نشرب دم دراغون
رعد باستغراب: شفتك متحمسة تقتلي هاد دراغون كثر مني
كيريس: ثقتلك دابا نعاودليك كولشي، دابا خصنا ناقشو لقائي بيه
رعد: افكار؟
كيريس: غدا رجل اعمال ايدير حفلة و ايكون حاظر هو وبيلا
رعد: وبصفتك اش اتحضري
كيريس: سرباية
رعد: ههه لوينا كاملة تولي سرباية
كيريس: ييس، قريت وخدمت وتطردت بسبب البلية وستيلي الغريب
رعد: تافقنا
ناضت لبيتها: وجد اللبسة

ودخلات تنعس تاتحس براسها مشتتة، ماموالفاش تخطط مع شي واحد، ولكن كولشي عندو اول مرة

“فرنسا،ليون”

“عند رجان او وسام”

جالسين فمطعم تياكلو

وسام باحباط: مالقينا الخائن، مالقينا دراكولا
رجان تيمسح فمو: بلاما تحبطي
وسام: ولكن المهلة قربات تسالي والعميد ايدخل الفريق للتحقيق والخائن ايخرج الهضرة
رجان تبسم: هادشي لي بغينا
وسام: كيفاش؟
رجان: خصنا نلقيو الطعم ولي لتاقطو هو الخائن
وسام: شي فكرة؟
رجان: مزال مالقيتها
وسام: اك، نفكرو بزوج.

“امريكا، نيويورك”

“عند الكليكة”

بدر: دابا بيتي تقولي شي واحد مختل عقليا هارب من مشفى المجانين خطفك ؟
ميري تغرغرو عينيها: اه، شبهتلو فشي وحدة، شبعني ضرب ولكن البوليس نقذوني
نزار عنقها: على سلامتك
ناضو كلهم عنقوها
لقاوها مزال متاثرة وقررو اتغذاو مجموعين باش اخرجوها من مودها

في حين وولف لي كان غادي جهة المطار بعد ماوصل ميري للدارها وتافقو شنو تقول ووصا لي يتكلف بالتزويير في حالة نزار ولا بدر بغاو اقلبو

وصل للمطار وركب طيارتو الخاصة الوجهة ايطاليا

الجزء: 68

وصل وولف لايطاليا ومشا نيشان لقصر العقرب وصل وتم داخل على رعد لي كان فالمكتب

وولف: هانا جيت
رعد: على السلامة

ومشا جلس قدامو
وولف: ياكما تعكساتلك ثاني
رعد: كولشي غادي مزيان،دابا اتمشي تلاقا بيلا
وولف: بصفتها اش
رعد: سرباية فالحفل نتاع بويتا
وولف: ههه كيريس على اخر يامها تولي سرباية

تاصونا الفون درعد وجاوب

كيريس: وجدتي اللبسة؟
رعد: حسيت بيك تاتلمحيلي بين انا مامسوقش وماغاديش نمشي على الخطة
كيريس: تانلقى سبة باش نسمع صوتك
رعد: الله الله، كيريس بمقامها ولات تغزل بيا
كيريس: هاد الكاميرا لي مركبلي فالدار اتحيدها بخاطرك ولا انحيدها انا
رعد: ههه كنت عارفاك ما اتزكليهاش
كيريس: دابا انا لي حسيت بيك تاتلمحلي بين ماثايقش فيا (بصوت طفولي)
رعد: ماحد عندك مصلحة فهاد الحرب ومزال ماعارفهاش ماغانثيقش 100%
كيريس: مزيان هادشي لي بيت، باش تعرف علاش تا انا مراقباك من البعيد مستر رعد
رعد: ملي ولينا فالرسميات بديت تانحس بالخطر
كيريس: عليك؟
رعد: لا عليك
كيريس: انا ماعندي تا مشكل نبداو الحرب ديالنا انا وياك لي خمدناها فهاد الهدنة
رعد: تيبانلي تانشوفو قضية دراغون عاد ندوزو لهاد المرحلة
كيريس بضحكة شيطانية: ديك الساعة اتقلب المعادلة 😈😈
رعد: كيفاش؟
كيريس: كولشي فوقتو زوين مستر رعد نخليك دابا انمشي ندير شوبينغ باااي

وقطعات عليه خلاتو مافاهم تالعبة

وولف: مالكم
رعد: قتلك راها كيف السيف تاتخطط لشي حاجة اخرى
وولف: ثايق فيها ما اتغدركش؟
رعد: الغدر ماشي من صفاتها حيت تاتجي فاص
وولف: وانت
رعد: مالي
وولف: ما اتغدرهاش؟
رعد: انا تانقلب غير على الفرصة غين نتقرب منها ثيق فيا وتعاودلي ضارني الفضول وانت تاتقول نغدرها، معامن مثلا البوليس؟
وولف: انا غا سولت
رعد: وجدتي اللبسة؟
وولف: وي راها فلوطو
رعد: مزيان نمشي نرتاح، تلاح
وولف: بونوي

مشا رعد مخلي وولف وراه
وولف: لي يشوف ميري كيف خافت البارح، وكيريس كيف قتلات البارح، مستحيل اقولو راهم كيف الخواتات

نفض راسو وطلع انعس تاهو
الجزء: 69

“عند كيريس”

خرجات تاتسارى على رجليها بشوارع فينيزيا بالليل وتاتقلب على شي حاجة محتاجاها

حتى لقاتها وشراتها ورجعات فحالها ترتاح حيت غدا ايكون نهار طوييل

“أصبحنا وأصبح الملك لله”

عند كيريس لي كانت تاتلعب سبور وتمات راجعة لابارطومون نتاعها دخلات وسمعات لهضرة

تنهدات عرفاتهم بزوج كاينين
دخلات عليهم لكوزينة لقات وولف تايصايب الفطور و رعد واقف عند راسو تايشرب قهوة

تبسمات حيت ضحكوها وحنحنات تاشافو فيها

كيريس: بايتين تاتحلمو بيا
رعد: ديما
وولف نفاجر بالضحك: تانقرى المعوذتين قبل مانعس
كيريس: ماتيشدوش فيا

ومشات دوش خلاتهم وراها شي تيشوف فشي

وولف: هاد الهدنة تاعها وراها شي موصيبة
رعد: عاد فيها الشك

وبداو اخرجو الفطور جلسو تيتسناوها تا خلطات عليهم

كيريس: خصني دابا نمشي لروما نتمسكن على رئيسة الخدم نتاع داك خينا باش اخدموني غا اليوم
وولف: متأكدة ما اتعيقش من سوبير هيرو لسرباية
كيريس: ماعيقتش فالقتال فاش نقذتها، غفلت لي كان جارها وضربتو لعنقو وجريتها هي، يعني اي بنت عادية امكنلها دير هكاك خصها غا تكون شجاعة وهادشي لي ايجذبهم ل لوينا
رعد: فكرتي فكلشي ماخليتيلنا والو
كيريس: اذن نوض نمشي دابا، فين الموطور
وولف: ايجيبولك واحد من الكارد حدى طريق روما
رعد: و انا نوصلك
كيريس: تسناو نلبس

مشات لبسات جلدة بحال سالوبيط فلون لحم حنطي ومنمش شويية بحال وجه لوينا جا بحاليلا لحمها حيث باينة اتلبس مقزب وخص اكون الجسم بحال لوجه عاد لبسات سروال كوير موف مع دوني كوير تاهو موف لبسات بروطكال طالع بالسيور فالكحل وهزات كويرة كحلة فيديها وساك دارت فيه الماسك والميكاب
دارت كاب طوييييل كحل عليها في حالة ما يشوفها شي واحد اولا ماتبانش اللبسة نفسها، ثانيا لاطاي تاعها اتبان وايعقلو عليها واخا دير ماسك

وخرجات عندهم وخرجو نيشات للوطو وكسيراو فين مخليلهم الكارد الموطور داخل واحد الغابة حدا طريق روما

وصلو وهبطو للغابة تاوصلو الكارد عطاهم الموطور ومشا

وهي جبدات الماسك والميكاب وحيدات الكاب علقات مرايا فالشجرة لبسات الماسك وبدات تماكي دارتو غامق، فوق العينين فالكحل والعكر موف مغلووق، وجمعات الشعر كوب شوفال وصلها حدا عنقها حيت دارتو قصير

لبسات بصمات مزيفين وليكات سالات وضارت عندهم لقاتهم تيشوفو فيها

كيريس: مالكم؟
وولف: وقتاش نمشتي لحمك
كيريس: شريت سالوبيط البارح فواحد السوق شعبي كوير حنطي وانا صايبت عليه تعديلات
وولف: هههه معلمة
رعد غير تيضور راسو مبتاسم الظاهر مفاجآتها ماتيتقاضاوش
الجزء: 70

كيريس: اراو اللبسة
مشا جابهالها وولف من لوطو كانت اليونيفورم دالخدامات جيب قصيرة فالاحمر والشوميز فالابيض حيت معروف على بويتا (مول الحفلة) تيعجبو البيض والاحمر
واللبسة كانت مصممة فيها كاميرا وجهاز تنصت مخدومين باثقان ماتيبانوش حيت صايبوهو فالوان اليونيفورم

لبسات الكويرة وهزات الساكادو دارت فيه اللبسة وركبات الموطور

كيريس: سي يا (تانتشاوفو)
رعد وولف: بون شونص (حظ موفق)
كيريس: ماتانآمنش بالحظ، تانآمن بالتخطيط

وكسيرات غادا لروما وصلات ومشات فين كاين القصر تاع بويتا
وصلات عند الباب ومنعوها لي كارد تدخل

لوينا: بيت نتلاقا برئيسة الخدم
الكارد: شنو بيتيها
لوينا: تانقلب على خدمة
الكارد: تسناي

وبعد عليها تيهضر فبلوتوت عند وذنو تارجع عندها دخلي
من بعد التفتيش
بداو تيتفتشوها من رجليها تالراسها وقلبولها الساكادو لقاو غا الميكاب لي فيه رجعو لور

وفتحولها الباب وتمات داخلة
الكارد: هيه!!
وقفات وضارت عندو
الكارد: دوزي من هاد الجهة اتلقايها تاتسناك حدا باب الكوزينة

ومأتلو بالايجاب ومشات فين نعتلها
وصلات فين واقفة رئيسة الخدم وهبطات
بدات ديك المراة تاتشوف فيها وستيلها
(للهضرة بالايطالية)
لوينا: ستيلي روك ماي ليدي، ولكن انلبس اليونيفورم تاعكم
روزا: علاش قصدتينا للخدمة بالضبط
لوينا: شفت فالاخبار بين كاينة حفلة اليوم وجيت باش نخدم غا هاد الليلة
روزا: ديجا خدمتي سرباية؟
لوينا: وي فبزاف نتاع الحفلات دالبورجوا
روزا: مزيان حيت مانبغي تا خطأ، تبعيني

دخلات معاها لواحد البيت بحال الفيستييغ
ودارت جهة لوينا تاتعبرها وهزات يونيفورم جيب فالاحمر وشوميز فالابيض

روزا: هادي اتجيك قريبة لطايتك، لبسيها وخرجي عندي

شداتها لوينا وتسنات روزا تاخرجات عاد فتحات ساكادو وحلات واحد الجيب سري فين خبات اللبسة تما جبداتها وردات هاديك تما وسدات عليها وخبات ساكادو فواحد الخزانة
لبسات اليونيفورم لي جابت وخرجات عند روزا

لقاتها تاتسناها حدا واحد الصف دالخادمات وقفات حداهم مطلعة راسها كيف ديما

روزا: الحفلة ايحضرو فيها غا رجال الاعمال والطبقة الارستوقراطية مانبغي تا خطأ مفهوووم

الكل: مفهوم
روزا: يالله كل واحد امشي لشغلو

مشات لوينا للجردة تادير راسها تاتوجد الطبالي وعينيها تيضورو فالقنات
اي بلاصة تاتكون فيها تاتفليها في حالة ما خرجاتلها شي حاجة خارج مخططاتها تكون عندها خطة بديلة

بقات هكاك حتى عيطاتلها واحد الخادمة

-هيه نتي
لوينا ضارت عندها
-اجي تغداي
لوينا: مابيتش
– خاطرك
ومشات فحالها
مابغاتش تاكل شي حاجة ايبقا فيها اللعاب نتاعها بالخصوص الكيسان

“بعد مرور ساعات”

بداو المدعوين تيجيو والقصر والجردة تيعمارو بالبشار

وبداو السربايات تيخدمو المدعووين ومنهم لوينا وتاتسنا غا وقتاش اوصل دراغون

تاوصلات لوطو مازيراتي كحلة مزينة بالاحمر فالاطارات وفيها لوغو تاع الدراغون
الجزء: 71

وقفو موراها زوج لوطويات دلي كارد هبطو تيتجاراو طوقو المازيراتي وواحد منهم حل الباب

تمات نازلة بيلا هي الاولى لابسة كسوة حمرة مع سندالة طالون فالابيض وجامعة شعرها بمشيطة جات زوينة

وكارد اخور حل الباب من الجهة الاخرى

وهبط رجل بان سباطو اسود لامع تبعلها راسو وهبط كامل شخص ذو بنية رياضية بامتياز واشم راس دراغون من تحت وذنو كبير وهابط مع ضهرو ملامحو السوداء القاسية وعينيه الزورق كيف البحر تيضورو هنا ولهيه

تكبو عليه الصحافة تيسولوه ولي كارد تيدفعوهم جات عندو بيلا درعاتو وتمو داخلين مع باب القصر للداخل

بقات لوينا متبعالهم العين وهي تاتسربي للناس

بقات شي ربع ساعة ورادة معاهم البال عاد مشات قاصدا شي رجال واقفين حداهم

سرباتلهم داكشي لي بغا وتعمدات دوز قدامهم بلا ماتعيق

تمات راجعة فحالها حتى سمعات سميتها من وراها

ضارت وهي تلقا بيلا لي عيطاتلها دارت راسها تفاجأت

لوينا: بيلا!!
بيلا: لوينا شنو تاديري هنا
لوينا وراتلها لبستها: سرباية
بيلا: تاتخدمي عند مستر بويتا؟
لوينا: نو، غا هاد النهار، نخليك دابا

ومشات تاتسربي

دراغون: شكون هادي؟
بيلا: هادي هي لي نقذاتني نهار الهجوم
دراغون: مزيان

دور وجهو جيهتها وبقا متبعلها العين جاتو فشكل
شافها غادا هند شي مجموعة حداهم خلاها تاكانت راجعة وشيرلها

جات لعندو ومداتلو لبلاطو باش اهز الكاس لي بغا وهي مبتاسمة ابتسامة راقية، تعليمات من روزا فاش تكون تاتسربي للناس خصك تبسملهم

دراغون: بيت الفودكا
لوينا: حاضر مستر

ومشات جابتلو كاس فودكا شدو من عندها وعينيه تيختارقوها

مشات فحالها وهي تحقد عينيها وزيرات على سنانها ماكرهاتش تاكلو

عند بيلا لي كانت تاتشوف فدراغون متبع لوينا بعينيه

بيلا: شي مشكل مستر
دراغون: جيبيلي اي حاجة تاتخصها
بيلا: امرك مستر

سالات الحفلة وبداو المدعويين تيمشيو ومنهم دراغون

مشات لوينا لفيستييغ بدلات عليها وجبدات ليونيفورم نتاعهم علقاتولهم وخبات نتاعها لاحت مصاصة ففمها وخرجات عند روزا خلصاتها فخدمتها

روزا: عطيني نمرتك في حالة ما احتاجيتك
لوينا: انمشي من روما وما انرجعش كنت محتاجة هاد الفلوس باش نمشي
روزا: اك ماشي مشكل

خرجات ناحية موطورها ركباتو ووصلات للباب حلوهلها لي كارد وخرجات مكسيرية

طول الطريق حاسة بشي لوطو تابعاها وقفات حدى واحد سوبير ماركت وهبطات من الموطور

دارت راسها دخلات تقدا بقات ضور من رف لرف وتاتجمع فشبيكة

حتى وقفات عليها بيلا
بيلا: لوينا

ضارت عندها
لوينا باستغراب: بيلا!! شنو تاديري هنا
بيلا: قاتلي روزا بين اتمشي من روما، عندك شي مشكل
لوينا: لااا، كنت باغا نمشي لميلانو نقلب على خدمة
بيلا: يمكنلي نساعدك، شنو المشكل بنتيلي ماشي غا الخدمة لي شاغلة بالك
لوينا: قصة طويييلة بلا مانعذبك
بيلا: نتي نقذتيني وانا خصني نردلك الجميل، ممكن نهضرو؟
لوينا: اكيد

وخرجو من سوبير ماركت بعد ماشرات لوينا داكشي لي جمعات فالشبكة بالفلوس لي عطاتلها روزا
فيها البيرا وسقاطة

كانت غادا بيلا جهة لوطو وهي تنطق لوينا
لوينا: نمشيو للبحر
بيلا: دابا
لوينا: ييس
بيلا: اوكي ركبي معايا، موطورك ايجيبوه لينا
لوينا: لا، انا نسبقك فموطوري وانتي تبعيني
بيلا: اك واخا

ركبات لوينا الموطو وكسيرات وتبعاتها بيلا من وراها

وصلو للبحر فواحد الجرف تما مظلم هبطات لوينا ومشات جلسات مدلية رجليها فداك الجرف هازة فيديها قراعي دشراب تبعاتها بيلا وتاهي جلسات بحالها

مداتها لوينا قرعة ورفضات تشدها هزات كتافها ووفتحاتها وشرباتها

بيلا: شنو المشكل
الجزء: 72

لوينا: فاش كنت فسن 17 تبليت بالمخدرات بجميع انواعها، واليديا كانو باغيين ادخلوني لمصلحة الاقلاع عن الادمان
ورفضت الفكرة وهربت من الدار
كنت مرتابطة بواحد الشاب هو لي سكنت معاه (شربات من القرعة) واخا هكاك كنت قراية، كنت تانقرى الاعلاميات والبرمجة، تخرجت من الجامعة وخدمت فواحد الشركة، ولكن ماطولتش فيها بسبب سلوكي لا اخلاقي وسط الشركة حيت ستيلي روك وهما تيبغيوني نلبس كلاس
تفارقنا انا وداك الشاب وجرى عليا من دارو، رجعت لدار واليديا لقيت بابا مات والام تاعي تزوجات وولدات وماقبلاتنيش، قررت ندخل لديك المصلحة باش نتعالج
داز عام وخرجت منها متخلصة من البلية، كنت جمعت شي فلوس كريت بيهم شقة وخرجت نقلب على خدمة مالقيتهاش

ولكن الديون زادو عليا وحتى من الكرى شهرين ماخلصتو، كل مرة فين تانبريكولي باش نصرف، وبيت نبدل المدينة ياكما نلقى خدمة فضومين لي قريت فيه هادي هي حياتي

شربات الباقي من القرعة ولاحتها

بيلا تنهدات: حياتك صعيبة، ولكن راكي قوية حيت مزال صامدة، بلا ماتمشي لين اجي معايا وانقلبليك على خدمة
لوينا: فين؟
بيلا: تسناي شوية

ناضت من حداها وبعدات عليها صونات لدراغون
بيلا: مستر دراغون، لوينا راها معايا وماعندها فين تبات نجيبها معايا؟
دراغون: تحققتي من هويتها؟
بيلا: عاوداتلي قصتها طلع متطابق مع المعلومات لي جبت
دراغون: اك جيبيها، خصنا نردولها الجميل
بيلا ضارت جيهة لوينا لي كانت تاتشرب ومامسوقاش: امرك مستر
قطعات ورجعات عندها
بيلا: اتباتي عندنا اليوم مرحبا بيك
لوينا: قلتلك بلا مانعذبك
بيلا: ماكاين عذاب نوضي خلاص

ناضت لوينا ولاحت القرعة وزادت معاها

ركبات فموطورها شافت فيها بيلا وتنهدات عرفاتها راسها قاصح ولكن ما اتخلاش عليها حيت نقذاتها من شي حاجة قبيحة ممكن توقع ليها
ركبات لوطو وسبقات هي تابعاها لوينا من لور

وصلو وحلولهم الكارد الباب ودخلو لقصر دراغون 🐲

لإقل مايقال عنده روعة
طريق طوييلة رابطة بين الباب الخرجي والداخلي دالقصر ونافورة مزينة الساحة لي قدام الباب على شكل ثنين
ضربو الدورة على النافورة ووقفو هبطات بيلا من لوطو ولوينا من الموطور
بيلا: يالله
تمو داخلين مع الباب تعرضاتلهم رئيسة الخدم: مرحبا ميس بيلا
بيلا: فينو مستر لوكا (اسمو الحقيقي)
اماندا (رئيسة الخدم): فالصالة

دارت بيلا لعند لوينا: تبعيني
وتمو غادين للصالة وهو يبانلهم جالس تيقرى الجورنال غير شافهم وصلو طواه وحطو جنبو ووقف
دراغون: شرفتينا ميس لوينا
لوينا: الشرف ليا مستر
دراغون: مرحبا بيك حيت اتكوني فرد منا
لوينا باستغراب: مافهمتش
دراغون: بيما انك نتي تاتقلبي على خدمة، وانا امكنلي نخدمك فقررت انك دخلي معايا للعالم نتاعي
لوينا بفرحة: شكرا بزاااف مستر
دراغون موجه كلامو لبيلا: وريلها بيتها خليها ترتاح
وشاف فلوينا: غدا ونتشاوفو

ومشا فحالو، جرات بيلا لوينا من يديها وتمو طالعين للفوق داتها لواحد البيت كبيييير متوسطها سرير دائري وحمام فالجنب وحداه دريسينغ ومن الجهة الاخرى بالكون

بيلا: مرحبا بيك فدارك الجديدة
لوينا: شكرا
بيلا: اتجيبلك خدامة بيجامة تنعسي بيها هاد الليلة تالغدا ونمشيو نشريو حوايج
لوينا: اك
بيلا: رتاحي تالغدا ونتشاوفو، الحمام واجد الى بيتي تحممي
لوينا: اك شكرا، بونوي

ومشات فحالها مخلية لوينا تاضور عينيها فالبيت متظاهرة بانبهارها وانها ماموالفاش بهاد الخير حيدات الكويرة لي كانت لابسة
حتى قشعات كاميرا فالقنت دالبيت وهي تبسم جنب كانت عارفاها
تدق لباب حلاتو لقاتها الخدامة لي جابتلها البيجامة خداتها ومشات
مشات ناحية ساكادو نتاعها دارت راسها تاتجبد الميكاب نتاعها هزات اباراي صغييرة بلون اللحم تاتلصق فليدين لصقاتها فكفها
ومشات ناحية الحمام
طلقات الماء فالجاكوزي وخدمات ديك الابراي بلا ماتعيق كانت اباراي تاتكشف عن وجود كاميرات
عطاتها بين كاينة كاميرا وحدة فهاد الموقع
اذن دارولها غا كاميرا وحدة فالبيت والحمام آمن
حيدات حوايجها تامن الماسك والجلدة ودخلات لجاكوزي

قلبات بروكرام الاباراي ورجعاتها فون
وصونات لرعد
الجزء: 73

“عند رعد اوولف”

كانو جالسين فالمكتب وتيتسناو اتصالها حتى صونا الفون درعد

رعد: وي؟
كيريس: نمرتك حفظتها ونتا ماحافظش نتاعي
رعد: كل مرة مبدلاها شحال خصني نحفظ
كيريس: كولشي هوا هداك، تقنت دور المسكينة والبئيسة تامن البيرا درت راسي تانشربيها وانا تانزلعها بالظلام ماعاقتش
رعد: ههه عارفك قدها وقدود
كيريس: راني فالقصر نتاعو، واخا هكاك مزال ماتايق فيا دايرلي كاميرا فالبيت
رعد: كولشي بالمهل كوني صبورة
كيريس: غدا انمشيو انا وبيلا نتشريو الحوايج مانلبس كون واجد غير نعرف سميت المول نسيفطولك كون تما نتلاقاو
رعد: اك
كيريس: تلاح
رعد: هاديك كلمتي
كيريس: ولي ديالك ديالي

وقطعات عليه مخلياه مبتاسم
وولف: غير من ابتسامتك كولشي هو هداك
رعد: وكثر كاع

وناضو كل واحد انعس فحالو كانو مثوثرين فاش ماصوناتلهمش دابا ملي علماتهم بين كولشي هو هداك عاد ايرتاحو

“امريكا،نيويورك”

جالسة ميري فبيتها لي عند نزار من نهار تخطفات ولات تخاف بوحدها سيغتو وولف مسافر خارج البلاد

تاصونالها الفون شافت شكون وجاوبات طايرة

ميري: الووو
وولف: اخليلي الصويت
ميري تزنكات: ههه صافا
وولف: بيان، نتي كيبقيتي
ميري تنهدات: مزال شبح ديك الليلة مطاردني، رجعت تانعس عند خويا مانقدرش نبات فلابارطومون نتاعي

وولف منزاعج: ميري، الخطر مشا ماعندك مناش تخافي، عنداك تهملي قرايتك بسباب حاجة دازت
ميري: تانحاول
وولف: مابيتش محاولات بيت نتائج
ميري تنهدات: اكون خير
وولف: اك نخليك دابا انمشي نعس
ميري: بونوي

قطعات عليه وضمات الفون عند صدرها وتكات على الناموسية
ميري: توحشتك، توحشت نضمك فاش نخاف، محتاجاك دابا ا وولف

“عند لينا”

كانت خارجة من دارها تاصونالها الفون كان نزار جاوبات

نزار: فينك
لينا: عاد خارجة من الدار
نزار: 5 دقايق نكون عندك
لينا: اك

قطعات عليه، ضورات وجهها وهي تبانلها كلوفر تاتشوف فيها تبسمات ليها

لينا: اهلا كلوفر
كلوفر: اهلا، خارجة؟
لينا: اه
كلوفر: بانلي درتي علاقة؟
لينا: بحال هكاك، مزال مادرنا علاقة مجرد اصدقاء
كلوفر: تاتحبيه؟
لينا: تيعجبني، مزال ماعرفت واش تانبغيه
كلوفر: اه مزيان يالله نخليك دابا باي
لينا: باي

تاسمعات الكلاكصون دارت لقاتو نزار
تم نازل من لوطو بطلتو المعهودة ديما تيتيز
تيجيبلها التمام تبسماتلو ومشات قاصداه
تسالمو بلا بيز وركبات معاه مغادرين المكان
في حين كلوفر متبعالهم العين من الشرجم

كلوفر: ما انخليكش فرحانة الينا
الجزء: 74

“ايطاليا،فينيزيا”

“عند كيريس”

كملات التدواش نشفات ذاتها وشعرها مزيااان

وردات سالوبيط والماسك مسحاتهم باش تبان بين دوشات ويتحيد الميكاب وفزكات الشعر
لوات عليها فوطة وخرجات من الحمام

مشات لساكادو نتاعها ردات لاباراي تما

لبسات البيجامة قدام الكاميرا باش ماتعيقش كانت ميني شورد ودوني ونشفات شعرها بسوشوار وطفات الضوء ونعسات

“عند دراغون”

لي كان متبعلها العين منين دخلات، شي حاجة فيها جذباتو، وزاد تجذب ليها فاش شافها عريانة

دراغون: حطيتك فبالي (قربلها اكزرك رعد راه لحد الساعة ماورالكم وااالو علياش قاد)

“أصبحنا وأصبح الملك لله”

فاقت كيريس وناضت من بلاصتها تاتكسل وتفوه

تاتمات داخلة عندها بيلا

بيلا: فقتي بكري
لوينا: مولفة
بيلا: اك، يالله نفطرو
لوينا: سبقيني، نغسل وجهي ونجي
بيلا: اك

خرجات بيلا وناضت لوينا للحمام غسلات وجهها وخرجات هابطة فالدروج تاوصلات للتحت

تلاقات اماندا تما
لوينا: فينها بيلا
اماندا شافت فيها مدة عاد نطقات: تبعيني

وبقات تابعاها تاوصلات لغرفة الطعام عاد مشات

بيلا: زيدي
لوينا: بونجورنو
دراغون: بونجورنو
وجلسات معاهم تيفطرو وهي رادة البال ماتخليش لعابها فالكاس والفرشيطة

دراغون: لعشية سيرو للمول تشري ماتلبسي، دوزي النهار فالقصر رتاحي
لوينا: امرك مستر
دراغون: بيلا تكلفي اليوم بالاجتماع مسافر
بيلا: امرك مستر

وناض مخليهم تيكملو فطورهم
بيلا: العشية نجي وراك باش نمشيو نتسوقو، انمشيو لميلانو مول غاليريا فيتوريو

(مول غاليريا فيتوريو إيمانويل الثاني – ميلانو ، إيطاليا
هو أقدم مركز تجاري في إيطاليا وأحد المعالم الرئيسية في ميلانو (الصورة))

لوينا: اك

ناضت بيلا مشات فحالها وتبعاتها لوينا غادا لبيتها

طلعات لبيتها ومشات لساكادو نتاعها هزات لاباراي ودخلات للحمام طلقات الماء عاد صونات لرعد

رعد: بونجوغ
كيريس: نتلاقاو لعشية فمول غاليريا فيتوريو
رعد: معاش
كيريس: ماعرفتش بالضبط
رعد: اك
كيريس: اه وجيب معاك ماناكل
رعد: ههه خلاوك بالجوع
كيريس: مابيتش نخلي شي حاجة تاتخصني فلواني نتاعهم
رعد: اك

قطعات عليه وسدات الماء وخرجات للبالكون
حتى شافت ليندا تاضور فراسها وغادا تاتسلت

هبطات دغيا وتبعاتها فين غادا حتى شافتها وقفات بعيدة وتاتهضر مع واحد فلي كارد وهما حاضيين جنابهم
قربات غا بالفن بلا ميعيقو وبدات تاتصنت ليهم
الجزء: 75

“بعد مرور ساعات”

كانت لوينا فلبالكون حتى شافت بيلا داخلة من باب القصر
كانت لبسات اللبسة باش جات البارح، وصونات لرعد

كيريس: قربنا نخرجو من القصر
رعد: انا تما من قبيلا
كيريس: اك

قطعات عليه ونزلات عندها تلاقاتها يالله باغا طلع عندها

بيلا: ههه كنت باغا نجي نقولك توجدي راسك، ساعة بانلي واجدة
لوينا: قلتي العشية نخرجو، العشية وصلات
بيلا: اذن نمشيو

خرجو وركبو ففيراري نتاع بيلا حمرة ولي كارد تابعينهم
مسافة الطريق ووصلو لميلانو امام المول

تمو داخلين ولوينا غا تاضور فعينيها تشوف رعد مابانلهاش

بيلا: نمشيو نشوفو داك المحال انلقاو فيه ستايلك
لوينا: اك

مشاو لداك المحال وبقات بيلا تختار وتعطي لمكلفة بالمحل تشد حتى جمعات جوطية

بيلا: سيري تقيسي
المكلفة: تبعيني
تبعاتها لوينا حتى وصلات لفين تيبدلو ودخلات وهي تلقى تما رعد تيتسناها

رعد: اهلا
كيريس: علاش ماقلتيليش بين زرعتي زوج جواسيس فالقصر
رعد: عارفك ما اتزكليهمش
كيريس: دابا بقالي غا نلقا كيف نفضحهم باش نتقررب من دراغون
رعد: اكزاكتلي

بدات تاتحيد فحوايجها قدامو وتاتلبس الكسوة لي اتقيس باش ماتعطلش على بيلا
وخرجات عند بيلا لي كانت جالسة على الفوطوي دايرة رجل على رجل وتاتشوف فواحد لكاطالوغ

طلعات فيها عينيها
بيلا: اممم ماعجباتنيش شوفي لوخرى

لوينا رجعات بلبسة جديدة

كيريس: جبتيلي داكشي لي قتلك
رعد: وي
ومدلها سوندويتش عضات عضة وداتولو شدو وبدات تبدل ثاني
رعد: بانلي انتعلم الصبر ديال المعقول معاك
كيريس: لواحد لي يصبر على رزقو
رعد: ههه جريئة مع راسك

عضات ثاني وشدولها كملات لباس وبلعات عاد خرجات

بيلا: مابيهاش، نيكست
رجعات ثاني
رعد: اتهليتي فيا اليوم
كيريس وهي تاتبدل: ماخصناش نطولو هاد القضية غير تانشوف دراغون تانبغي نشرب دمو
رعد: نموت ونعرف مالك معاه
كيريس بعد مابلعات الضغمة: اوا موت باش تعرف

وخرجات ثاني
بيلا: هادي زوينة، زيدي جربي هادي

رجعات ثاني
كيريس: ماكرهتش نقتل هاد ختنا طلعاتلي فراسي
رعد: ههه صبري
عضات ثاني وبقات تمضغ وبقات تاتشوف فرعد حتى نواتو
رعد: مالك
كيريس: غدا طلب شي حاجة من ليندا والكارد باش اتجمعو ثاني ونصورهم
رعد: اك

سالات وخرجات
بيلا: بورفيكت، عجباتني هادي
هضرات مع المكلفة: جمعيلي هاد الزوج وهادي اتبقا لابساها
لوينا: اطط نجيب حايجي لي خليت تما
بيلا: اك

مشات لعند رعد لقاتو مزال تما
كيريس: باي، شكرا على سوندويتش
رعد: ردي البال
قرباتلو كيريس تالحدا وجهو وبقات تشوف فعينيه ورجعات لور خارجة
مخلياه مستغرب من هاد التصرف لي دارت

خرجات عند بيلا لقاتها خلصات الحوايج ومشاو اكملو شوبينغ نتاعهم

بيلا: ماعندكش فون؟
لوينا: لا بعتو البارح
بيلا: اذن نمشيو نشريو واحد

مشاو خداو ايفون 11 فالنواغ ماط ورجعو فحالاتهم للقصر

الجزء: 76

“امريكا،نيويورك”

“عند جنة”

جالسة هي وميري فكافي

جنة: مزال مافاتك الحال؟
ميري: جنة
جنة: نعام
ميري: انا كذبت عليكم
جنة: كيفاش!!
ميري: واحد النهار فالديسكو كنت مشيت لحمام وفاش كنت راجعة تحرش بيا واحد، ونقذني وولف وضربو، هاد المرة خطفني اخ داك الدري باش انتاقم لخوه من وولف حيت صحابلو بيناتنا شي حاجة
جنة: اويلي، اوا كملي
ميري: بقا تيهدد فيا ويضربني وعطاني نعيط على وولف، هو لي جاب البوليس ونقذوني
جنة: الزغبية لوخرى وعلاش ماقلتيهاش لخوتك
ميري: اتكبر القضية وتقدر اتعكسو مع وولف، كون كانت كيريس كاع مانضرب هم لشي حاجة
جنة: صافي ماوقع والو، حتى انا مانقولش شي حاجة خلي هادشي هنا حيث دابا كذبتي الى قلتي الحقيقة غا مانزيد تكبر القضية
ميري: اول خطرة نكذب على خوتي
جنة: دابا يجي وولف ونشوفو هادشي عاود
ميري ببراءة: توحشتو
جنة: هاي هاي على الزغبية هي طحتي
ميري: حتى نتي تاتبغي بدر
جنة تنهدات: الصراحة حبيتو من اول مرة شفتو
ميري: كيدرتو تلاقيتو
جنة: حتى تعاوديلي كيف تلاقيتي وولف
ميري: عاوديلي نعاودلك
جنة: ههه اك

“فرنسا،ليون”

“عند رجان”

كان يالله خارج من الدوش ملوي على نصو فوطة
تاسمع الصونيط فالباب مشا حل لقاها جارتو لي فوق منو غير شافت داك الخير قدامها وهي تحل فمها وعينيها

رجان: نعام!!
سندس: احم، سمحلي على الديرونجمون، نسيت ساروتي فلاباغطومون وسديت عليه الباب ممكن تفتحولي؟
رجان مطلع حاجب: تانظن كاين لي متكلف بهادشي
سندس: ايتعطل باش اوصل و انا زربانة حيت خدامة بليييز
رجان تنهد: اك اطط

ودخل لبس عليه بوكسر وشورط وخرج عندها

وهي غا مبلقة عينيها فيه والمشكل كبيرة عليه

سد بابو وطلع معاها الفوق وبقا مقاتل مع الباب حتى فتحو
سندس: شكرا بزاااف
رجان: هانيا
وتم غادي
سندس: تشرب قهوة؟
رجان ضار عندها: واقيلا قلتيلي مزروبة

بقات تاضور فعينيها ودارت ضحكة مبهللة ودخلات مطرقة الباب
حرك راسو بالله استر ونزل لتحت لقا وسام عند الباب

وسام غا شافتو بداك المنظر وهي دوخ من عضلات بطنو شوية وهي ديرلها طنن فالراس وهي تجمع حجبانها

وسام: شنو تادير الفوق
رجان مد يدو للجيب اجبد السوارت مالفاهمش
رجان: اوه شيت

وسام: مااك؟
رجان: نسيت الساروت لداخل
بقا مقاتل مع الباب حتى تمات نازلة سندس وغير شافتو مزال تما وهي تفرنس مامسوقاش للوسام

سندس حطات يديها على كتفو: شنو واقع؟
رجان شاف جهة يديها وهي تجمعها: حتى انا سديت الباب على الساروت

سندس: اوه، اطط نعيط لكونسيرج تيكونو عندو ضوبل دالسوارت
رجان طلع حاجبو: وعلاش ماعيطتيليهش فاش سديتي على ساروتك

بقات تاضور فعينيها ثاني وبقات تسلت حتى وصلات لدروج وتمات هاربة نسات السانسوغ

رجان طلعاتلو القنديشة للسطح وعيط على الكونسيرج جا حلو الباب وتم داخل ووسام تاطنطنلو فوق الراس

وسام: دابا هادا لباس تخرج بيه عندها، شنو درتو؟
رجان: شكاتخوري نتي
وسام: قولي تيعجبوك العيالات الكبار ياك
رجان حس بيهم ضوروه ماعندوش مع هاد التخربيق

شدها من دراعها ووصلها للباب
رجان: ت*ودي عليا
وسد عليها الباب
الجزء: 77

“إيطاليا،روما”

“عند كيريس”

جالسة فالجردة هي وبيلا

بيلا: تاتعرفي تهاكي؟
لوينا: ييس، حبيبي السابق كان هاكر وعلمني
بيلا: مزيااان، اذن اتنفعينا
لوينا: شنا هي الخدمة لي انخدم معاكم
بيلا: حتى يجي مستر لوكا ونتناقشو
لوينا: شفتو مزال ماجا
بيلا: ايجي معطل

احدى الخادمات: ميس بيلا العشاء واجد
بيلا: اك، نوضي نتعشاو
لوينا: شبعانة، مافيا لي يتعشا
بيلا: خاطرك
لوينا: بالصحة، انطلع نرتاح
بيلا: اك بونانوطي (تصبح على خير بالايطالية)

طلعات لوينا لبيتها ومشات للحمام دوش حيدات كولشي ودوشات نشفات ذاتها مزيان ورداك سالوبيط والماسك عاد خرجات ملوية ففوطة وبدلات ثاني قدام الكاميرا وطفات الضوء ونعسات

“عند لوكا”

لي كان راكب لوطو والشيفور تيسوق
كان تيتفرج فلوينا من الكاميرا، حتى شافها لثاني مرة عريانة، شافها طفات الضوء ونعسات

وصل للقصر وطلع للجناح نتاعو دوش ولبس عليه بوكسر وشورط وخرج لبالكون تيكمي جات عينو فالبالكون نتاع بيتها حيت بيتها فالطابق الثاني وهو الثالث

حط الكاس وتم نازل عندها فتح الباب عليها ودخل
لقاها ناعسة على كرشها وظهرها باين حيت دوني سميطات وهابط

بقا تيدوز يدو على ظهرها ويشم ريحتها عجباتو

شافها تاتحرك وجمع الوقفة لاتفيق وتحصلو

خرج وسد الباب وهي تفتح عينيها حسات بيه فاش دخل للقصر
وفاش دخل عليها للبيت ودارت راسهة ناعسة كاع ماشك فيها

ظلامو عينيها بنظرات شيطانية وهي تاتكرز على سنيها

كيريس: تانجمعليك الوكا

“عند رعد”

لي كان تيهضر فالفون وماحدو تيسمع داكشي وهو تيكرز على سنانو ويجمع قبضة يدو

ليندا: دراغون دخل عند ديك البنت الجديدة سميتها لوينا، كان خلا الباب مردود وشفتو تيشم ريحتها ويدوز يدو على ظهرها غير شافها تحركات جمع الوقفة وخرج

رعد قطع عليها وهو يضرب الفون مع الحيط
وبدا صدرو اطلع وينزل
ماتسرطاتلوش انه تقرب منها وهي ناعسة
هو لي نعس حداها زوج خطرات ومادارهاش وهادا تجرأ
انا لي عندي الحق اناااا

حتى تم داخل وولف حيت سمع الغوات

وولف: مالك
رعد بقا غادي جاي ومزال مابرد
رعد: ولد ال*حبة، غير زيد ثقل الميزان ادوق المرار
الجزء: 78

مشا كب لو كاس ويسكي وخرج للجردة
وولف خلاه على خاطرو حتى ابرد وغايعاودلو

“فرنسا،ليون”

“عند وسام”

غادا فالشاريع والدموع تينزلو من عينيها بغزارة

حتا بدات الشتا تاطيح فزكات كولها وماراداش لبال حيت مرفوعة
بقا فيها الحال على تصرف رجان معاها

مافطنات على راسها حتى تحط موس على عنقها

وسام تاتبلع ريقها: ش شكون نت
– عطيني داكشي لي عندك

بدا تيورك على الموس حتى جرحها

مدات يديها لجهة الموس اوركات عليه حتى تجرحات وضربات داك الشخص براسها حتى رعفاتو

طرلق الوس وشد نيفو وبدات تاتركل فيه كاع الجنون لي ركبوها من جهة رجان برداتو فيه

رداتو شرويطة حيث كان ضعيف فالبنية نتاعو

عيطات على البوليس جاو هزوه وهي مشات لدارها داوات جروحها ونعسات مفقوصة

“أصبحنا وأصبح الملك لله”

ناضت وسام طايحلها المورال دوشات ولبسات عليها وداوات جروحها
وقصدات المقر وصلات ومشات ديريكت للمكتب نتاعها بدات الخدمة حتى سمعات الدقان

وسام: دخل

تم داخل كاي تيفرنس هاز فيديه شي دوسيات غير شاف جروح وسام حط داكشي ومشا عندها تيشوف مالها

وسام: والو
كاي: كيفاش والو ونتي مشروحة فعنقك ويدك
قرب لعنقها يشوف مزيان
حتى دخل رجان حيت لقا الباب مفتوح شاف داك المنظر فهمها عوجة

رجان: احم
ضار كاي عندو غير شافو وهو يكعا
تما وسام كاع ماعبراتو
رجان: تانظن المكتب نتاع التحقيقات ماشي نتاع شي حاجة اخرى (وهو تيشوف فوسام)

كاي: وسام فاش تسالي شغلك نمشيو نتغذاو بزوج
وسام: اك

تم خارج وتلاقاو عينيه مع عينين رجان وبقاو تيتبادلو القرطاس

حتى خرج وسد الباب
وسام: وي الضابط رجان، شي مشكل؟
رجان طلع حاجب من الطريقة باش دوات: بيتك تعطيني الملف نتاع وزير الدفاع الكندي

ناضت من بلاصتها ومشات تجبدو كان عالي عليها بقات تجبد تاحسات بصدرو على ظهرها ومد يدو جبدولها وبعد

وسام وهي متوثرة: شي حاجة اخرى
رجان: لا (وهو تيشوف يديها المضروبية وعنقها)

حتى تم داخل شرطي دار التحية

الشرطي: الضابطة وسام، الشفار دالبارح قيد التحقيق، تحققي معاه ولا نكلفو شي تحد المحققين

وسام: غا عطيو المهمة لشي واحد
رجان باستغراب: انا نحقق معاه

الشرطي عطاه التحية وخرج
رجان: انا شفار
وسام: تعرضلي البارح وجبتو لهنا
رجان: هو لي ضربك؟
وسام: وي

تم خارج رجان مشربن ناحية غرفة التحقيق دخل على داك الشفار كيف العجاجة ومشا شنق عليه

رجان: شكون معاك؟
الشفار: غا بوحدي مامعايا حد مزال مبتدئ
رجان ضربو عوجلو فكو
رجان: وتاتعلم فالعيالات

عطاه فالصقلات حتى يكون الشفار نسى على سميتو
وتم خارج للمكتب نتاعو دايز من حدا كاي لي شافو هكاك ستغرب
قرب لواحد الشرطي

كاي: مالو؟
الشرطي: عطى قتلة دالعصى للشفار لي تعرض للضابطة وسام لبارح بالليل
كاي وهو معصب: فينو هاد الشفار؟
الشرطي: داوه لمشفى حيت سخف
كاي: عندو الزهر
الجزء: 79

“ايطاليا،روما”

“عند كيريس”

فاقت فالصباح ولبسات شورط وتيشورت وهبطات دير سبور فلاصال دالقصر حيت الشتا تاطيح برى

دخلات للاصال وبدات تجري فطابي غولون حتى دخ لوكا

لوكا: اوووه الناس نشيطين
لوينا وقفات وضارت عندو مبتاسمة: بونجورنو

لوكا: بونجورنو
ومشا تاهو لطابي غولون اخر وبدا يجري

بقاو تيجريو في صمت تام بعد نصف ساعة وقفات دايرة راسها عيات

لوكا: عندك السوفل ضعيف
لوينا: كانو هلكوني المخدرات
لوكا: عمرك قلتي ترجعي ليهم
لوينا: صفحة وتقلبات وانا تانرجعش للماضي
لوكا: مزيان برافو عليك، ورا الفطور اجي عندي للمكتب
لوينا: اك

وخرجات طالعة لبيتها دوشات ولبسات سروال دجين مع كبوط وبروطكال ورجعات هبطات لقات بيلا فايقة ولابسة وتاتهضر فالفون

تسناتها حتى سالات
لوينا: بونجوغ
بيلا: بونجوغ، سمحيلي ما انفطرش معاك عندي شي شغال
لوينا جاتها من الجنة والناس: اك غير سيري هانيا

مشات بيلا زربانة في حين لوينا قلبات الدورة وهي تلقا ليندا تاتشوف فيها

لوينا: شي مشكل؟
ليندا: لا
لوينا: فين جا مكتب مستر لوكا
ليندا: شنو بغيتيه
لوينا دارت فيها الشوفة دمن نيتك
ليندا: كاين فالطابق الثالث على يديك ليسر فاش طلعي فسانسوغ

لوينا بلا ماتجاوبها مشات ناحية السانسوغ
وصلات لمكتب لوكا ودقات

لوكا: دخل
دخلات هازة خنافرها كيف ديما: مستر لوكا
لوكا شافها وهو يتبسم: جلسي
جلسات: فاش بغيتيني مستر
لوكا: اك، بما انك اتخدمي عندي، فخصنا نوضحو بزاف دالحوايج
لوينا: تانسمع
لوكا: انا عضو من العصابة البيضاء
لوينا دارت راسها تصدمات: كيفاش!
لوكا: ييس هادي مدة باش داخل معاهم
لوينا باستغراب: وعلاش مادخلتيش للبوليس حسن
لوكا تنهد: قصة طويلة، كنت ديجا مافيوزي ومن بعد دخلت لهاد العالم
لوينا: ولكن هاد العالم أخطر من عالم المافيات، تاتكون عندك عداوة مع البوليس ومع المافيات
لوكا: وي، وهادشي باش خاصني العوين وثقة
لوينا: انا عند أمرك مستر
لوكا: مزيان، اذن مستعدة دخلي لهاد العالم يا قاتلة يا مقتولة
لوينا: مستعدة
لوكا: اك، امكنلك تفضلي

ناضت لوينا خرجات من البيرو ناحية بيتها

(العصابة البيضاء white mafia, هي عصابة تاتلعب دور الشرطة ولكن بطريقة اخرى، يعني تاتشد القتلة المأجورين، العصابات اي واحد خارج على القانون، وتاتعاقبو بنفسها (تاتقتلهم)، هاد العصابة واخا كونها هدفها نبيل وهو قتل المجرمين الا انها تاتعتابر غير قانونية والبوليس بنفسهم تيقلبو على افراد هاد العصابة
العصابة كبيرة بزاف ومنتاشرة فالعالم كامل)
الجزء: 80

عند لوينا لي كانت تاتهضر مع رعد

كيريس: صافي راه دخلني لعصابتو
رعد تيحاول اخبي عصبيتو: اك، مزيان
كيريس: بقى غير نفضح ليندا ونزيد نتقرب منهم باش اقولولي مخططهم
رعد وقتما تاتقوليه نتقرب منهم تايكرز على يديه: مزيان، انعيطلهم من هنا لنصف ساعة كوني واجدة
كيريس: اك

وقطع عليها خلاها مستغربة حيت مامولفش اهضر معاها هاكا عرفاتو معصب ولكن شنو لي عصبو (الغيرة هاديك احبي هههه غار عليك)

دازت عشرين دقيقة ونزلات لوينا دايرة راسها اتشرب ودخلات للكوزينة

شربات وغسلات الكاس وخرجات لجردة حتى لمحات ليندا تاتسلت ثاني

تبعاتها حتى شافتها وقفات مع الكارد
جبدات الفون تاتصورهم

ليندا: قلبت هاد الصباح فالمكتب لقيت غا هاد الملف لي فهاد اللون
الكارد: احتمال اكون هو، مستر سكوربيون تايتسنى
ليندا: اك

تخبات لوينا ورى شجرة حتى مشاو عاد خرجات من تما مبتاسمة بشر

مشات تاتمختر تاوصلات لمكتب لوكا ودقات

لوكا: دخل
لوينا تمات داخلة وهي عاقداهم: مستر بيت نسولك
لوكا مستغرب: سولي
لوينا: شكون سكوربيون
لوكا طلع حاجبو: فين تاتعرفيه
لوينا سمعت ليندا تادوي مع واحد من الكارد: تاتقولو هاد الملف لي طلب سكوربيون

وقف متفاجئ: شكون هاد الكارد
لوينا: ماعرفتوش ولكن صورتهم حيت بانلي تيخططو لشي حاجة
وعطاتو الفون تفرج فالفيديو وهو يقندش

لوكا وهو معصب: خرجي وخلي هادشي هنا
لوينا: امرك مستر

خرجات وهبطات للتحت لجردة تستمتع بالهدوء قبل العاصفة

حتى شافت لي كارد داخلين ناحية الكوزينة خرجو ليندا لي تاترطى بيناتهم وخرجوها قدام لوينا لي كانت تاتشوف فيها باستفزاز حيت كانت تاتحس بليندا تاتستافزها من نهار جات

داوها للجردة الخلفية لقات تما الكارد لاخور تاهو جارينو
عرفات بين صافي تفضحو

عند لوينا لي شافت لوكا خارج مشربن

لوينا: مستر
لوكا: مزيان ملي راكي هنا تبعيني

تبعاتو لديبو لي ورا القصر فين كانو رابطينهم

دخلو ومشا لوكا ديريكت لعند ليندا عطاها بونية
لوكا: لقيتك تاتاكلي فمزبلة وجبتك عندي وخدمتك احسن خدمة وهادشي باش تجازيني

دار اشارة لرجالو مشاو علقوهم من رجليهم مدليينلهم الراس وتحت منهم ساريج عامر ما طااااايب والفوار تيخرج منو تيحرق

لوكا: خليكم تبخرو فالبخار دالما سمعت بين تيرخي
وخرج مخليهم تيغوتو بالالم

حيت الفوار كان تيحرق والراس تيكون حساس
بقاو هكاك حتى ماتو
عاد خرجات لوينا دايرة راسها مصدومة

لقات لوكا تيتسناها
لوكا: هدا جزاء لي يفكر اغدرني، وفيقي من الصدمة هادشي اتشوفيه ديما، هاد العالم فيه يا قتل يا تقتل
ومشا فحالوالجزء: 81

لوينا طلعات لبيتها خدمات لاباراي باش تحبس الكاميرا على الصورة لي فيها
وعيطات على رعد

كيريس: تمة المهمة
رعد: واخيرا
كيريس: نتسنى دابا غر احيد الكاميرا انعرف بين وصلت لهدفي
رعد: ردي البال، راه عصابتو حالفاها حتى فيك
كيريس: ماعندو مايصور مني

قطعات عليه ورجعات لكاميرا تخدم
ومشات لبالكون جالسة على مايعيطولها

“امريكا، نيويورك”

“عند ميري”

كانت خاجة من كليتها حتى شافتو متكي على لامبرغيني فضة

تبسمات ومشات تاتجري وشعرها تيديه الريح
شافها جايا تبسم وحيد النظاظر

وصلات ليه وهي تاتفرنس
ميري: ماقلتيليش رجعتي
وولف جبدلها حناكها: جيت غير تشوفك ونرجع
ميري عبسات: شحال دالوقت
وولف: هاد النهار ديالك كولو
ميري: ههه ييييس

فتحلها الباب ركبات ومشا ركب وكسيرا طالقين الزدحة

وولف كانت عيطاتلو جنة وقاتلو بين ميري محتاجاه تنسى ماداز عليها وجا عندها اعطيها نهارها احماقو فيه

قصد مدينة الملاهي وهبطو
ميري: ههه ييس ييس، شحال من مرة بغيت نجي لهنا
وولف: عمرك جيتي؟
ميري: لا، خوتي ماتيبغيوش وكيريس عمرني قلتهالها
وولف: علاش؟
ميري: منين كنا فالميتم وهي عمرها لعبات غير تاتمشي تجلس وتقرى كتوبة
وولف: ماعليش انلعبو انا وياك اليوم حتى انا عمرني جيت لهنا

ومشاو تيلعبو دوزو نهارهم زوين تصورو وكلاو

حتى داز النهار وصلها وولف لابارطومون نتاعها
حيدات السانتيغ وضارت عندو عنقاتو
ميري: شكرا
وباستو فحنكو وهبطات تاتجري
وولف ضحك عليها، شافها دخلات و كسيرا للمطار

“ايطاليا،فينيزيا”

كان رعد ناعس حتى بدا يصونيليه الفون

رعد جاوب بلا مايشوف: شنو واقع
كيريس: توحشتك
رعد توكض: ياكما تاتوحمي
كيريس: قريبا
رعد: ياك لباس
كيريس: مالك قبيلة
رعد: كنت معصب
كيريس: مناش؟
رعد: ماشي شي حاجة مهمة نساي
كيريس: غدا نتلاقاو فنفس المول، وجيب ماناكل تانحس بالسخفة
رعد: ههه قلتلك تاتوحمي، اك معاش؟
كيريس: الصباح مع العشرة
رعد: اك

قطعات عليه وتقلب مكمل نعاسو مبتاسم خرجاتو من عصبيتو غا بهضرتها

“ايطاليا،روما”

خرجات من الطواليط وطاحت نعسات كانت حسات بيه معصب داكشي باش صوناتلو ضحكو شوية
تاتبغي تطلق معاه وتستمتع من فترة الهدنة
الجزء: 82

“أصبحنا وأصبح الملك لله”

ناضن لوينا دارت سبور ودوشات واستغربات حيت مالقاتش لوكا فلاصال

هبطات للتحت ومعدتها تاتغوت حيت ماكلاتش نهار تاتشرب غا الماء
لقات بيلا فطرات وغادا خارجا

بيلا: اهلا الزين
لوينا: اهلا، خارجة؟
بيلا: وي، خدامة، مستر لوكا مسافر
لوينا: اه، بيت نقولك انمشي نتسوق محتاجة شي حوايج وبغيتك تخرجي معايا ساعة خدامة (دارت راسها تقلقات)
بيلا عطاتها كارط بونكيغ تاعها: الكود هو 1995، سيري تقضاي ايمشيو معاك الكارد
لوينا: شكرا

وخرجو بزوج بيلا ركبات فيراري تاعها وخرجات تابعينها لي كارد
ولوينا ركبات ميرسيديس كحلة وساق بيها الشيفور
وتبعوها لي كارد

وصلات لميلانو لنفس المول ودخلات تادير شوبينغ والكارد تيهزلها
تا وصلات لمحل لي جات ليه أخر مرة

خلات الكارد برا دالمحل ودخلات تاتجبد لي بانلها فالحوايج ودخلات لفين تيبدلو لقاتو تيتسناها

رعد: تعطلتي
كيريس: خصني نتقن الدور لي كارد معايا
مدلها سلة فيها سالاد وعصير وطوسط فيه العسل
بدات تاكل وهي تاتلبس

رعد: ما اتسالا هاد التمثيلية حتى تموتي بالجوع
كيريس خرجات للمرايا تشوف راسها حيت لي كارد تيطلو والمحل كولو زاج تيبان كولشي

ورجعات ثاني تاتبدل وهي تاتاكل

رعد: خصنا نعرفو الخطوة الموالية نتاعو
كيريس: اليوم انجلس مع بيلا نجبد منها الهضرة حيت لوكا مسافر
رعد غير نطقات سميتو وهو يعقدهم قشعاتو وهي تبسم

تعلات على صباع رجليها تاقربات حدا وجهو وهي شاداه من الكول
كيريس: بلا ماتغير منو حيت ايموت قبل منك
رعد على حاجبو فيها نزل وجهو اكثر حتى قربو شفايفهم : اخرتي على يديك

بعدات منو وكملات تاتلبس
كيريس: دابا نتا لي تاتغزل بيا
رعد بدا يضحك

“السويد، ستوكهولم العاصمة”

“عند دراغون”

مترأس طاولة الاجتماع مع عناصر العصابة البارزين

او واحد تيشرح وصورة رعد فداتاشو

مونستر (الوحش): العقرب هو زعيم السوق السوداء ورئيس مافيا روسيا وأيطاليا (حرك الصورة) وهادا وولف يدو ليمنى وصديقو المقرب تيتكل عليه فكولشي

الكوبرا: خصنا كيفاش نطيحو المافيا كولها العقرب حاضي سواريه

تايغر: خاصنا نعرفو خططهم المستقبلية، وخصنا نهاكيو مواقعهم

دراغون: الهاكر واجد غدا انجيبو معايا، القضية الموالية

مونستر بظل الصورة وبانت صورة بيانكا: بيانكا نوريس مشتبه فيها هي الدراكولا

الكوبرا: مدة هادي ما نشطات

دراغون: اذن نتسناوها حتى عاود تبان ردو البال
وناض فحالو باغي ارجع لعندها تيحس براسو توحشها حتى زرب على الاجتماع

ركب لوطو وكسيرا للمطار ركب طيارتو الخاصة راجع لايطاليا
الجزء: 83

وصل لايطاليا ومشا نيشان للقصر
غير وصل دخل وهو يشوفها جالسة مع بيلا فالجردة تييتحدثو

كانت لابسة ميني شورط مع تيشورت طويل وشعرها طالقاه تيديه الريح بقا تيشوف فيها ساهي حتى نطقات بيلا

بيلا: مستر! شي مشكل؟!

فاق من سهوتو: لا، تبعوني للبيرو

ومشا مخليهم مستغربين
ناضو وتبعوه دخلو للبيرو لقاوه جالس فجهة لي فوطوي

لوكا: جلسو
جلسو قدامو تيتسناوه انطق

لوكا: قلتي الوينا تاتعرفي تهاكي
لوينا: وي
لوكا: مزيان حيث الهاكر نتاعنا تقتل
لوينا: وقتاش نبدا
لوكا: غدا اتمشي معايا لستوكهولم
لوينا: ممكن نعرف شنو نهاكي
لوكا: تانخدمو على زعيم السوق السوداء او المدعو ب العقرب وبغيناك تهاكيلنا النظان نتاعو
لوينا: ولكن خصني نعرف النظام نتاعهم
لوكا: كولشي عندنا
لوينا: اوكي
بيلا: لوينا هادي فرصة جات حتى لبين اديك باش تخدمي فالضومين لي بغيتي وتكوني عنصر فعال في القبض على شخص خطير
لوينا: اه فهمت
لوكا: مزيان، غدا فيقي بكري كيف عادتك انمشيو فالصباح
لوينا: امرك مستر
لوكا: وانتي ابيلا تكلفي بالامور هنا
بيلا: امرك مستر
لوكا: امكنلكم تفضلو

خرجو من البيرو

بيلا: اتوحشك
لوينا تبسمات
بيلا: يالله سيري ترتاحي غدا نتلاقاو فالصباح قبل ماتسافري
لوينا: اك سي يا

وكل وحدة مشات لبيتها
دخلات لوينا للبيت لاحظات الكاميرا مابقاتش تبسمات جنب واخا هكاك خدمات لاباراي تأكد وأكداتلها بين ماكاينة كاميرا

ومشات للحمام عيطات لرعد
كيريس: غدا انمشيو لستوكهولم
رعد: ايدخلك للمقر نتاعهم
كيريس: طلبو مني نهاكيلك سيستيم
رعد: وشنو اديري
كيريس: انعطيهم داكشي لي بغيت انا
رعد: اك مزيان
قطعات عليه

دوشات وردات سالوبيط والماسك وفزكاتهم لوات عليها فوطة وتمات خارجة

سمعات دقان فالباب على بالها بيلا
لوينا: دخل
وتم داخل لوكا هاز فيدو فونها

لوكا شافها بالفوطة وشعرها سارد بقا مبهوض فيها

لوينا: شي مشكل مستر
لوكا: احم، نسيتي عندي فونك من ول البارح
لينا شداتو من عندو: اه ولكن ماحتاجيتوش داكشي باش ماقلبتش عليه
لوكا: اه مزيان (وهو تيخضر عويناتو)
لوينا: بونوي
لوكا: بونوي وتم خارج

مشا هو للجناح نتاعو وخرج لبالكون يكمي ويجغم من الكاس حتا لمحها تاطل من البالكون وشعرها تيديه الريح شافها ساهية وبقا تيحقق فيها

“عند لوينا”

تاتشوف بعيد وتاتفكر فين ولات
كان بامكانها تقتلو هادي سنوااات و لكن كان واحد العائق لي خلاها ماتقتلوش
ودابا داك العائق مابقاش وبإمكانها تقتلو ولكن بغات تلعب معاه شوية ولقاتها فرصة تقرب من رعد

دخلات من البالكون طفات الضوء ونعسات.
الجزء: 84

“أصبحنا وأصبح الملك لله”

فاقت لوينا الاولى دوشات ولبسات عليها سروال كوير نواغ مع دوني مبين الصدر وكويرة وبروطكال طالون طالع بالسيور جمعات شعرها كوب شوفال ودارت ميكاب غامق ونزلات للتحت

تلاقات لوكا غادي جهة صالة دالماكلة

لوكا: بونجوغ
لوينا: بونجوغ
ومشاو للصالة حتى خلطات عليهم بيلا

فطرو وكيف العادة لوينا رادة البال سالاو وناضو مغادرين

خرجات لوينا ولوكا ناحية للوطو مرسيديس ركبو وساق بيهم الشيفور
وصلهم المطار ودخلو ناحية الطيارة الخاصة نتاعو ركبو وقلعات بيهم الى ستوكهولم

فالطيارة جالسة لوينا ودايرة راسها اول خطرة تركب الطيارة شافها لوكا مزيرة

لوكا: اول مرة تركبي الطيارة؟
لوينا: ييس
لوكا: ترخاي وكولشي ايدوز بيخير
لوينا: اك
وردات راسها لور ومرخية مغمضة عينيها
دارت راسها نعسات وهي طالقة بارابولاتها

ساعة ماقال والو لي تنفعها وصلو للسويد هبطو من الطيارة وركبو مرسيديس وزادو ناحية المقر ديغيكت

وصلو لواحد الجرف تيطل على البحر وقفات بيهم لوطو وتمو نازلين، ماتيبان والو
لوينا: فين المقر
لوكا: تسناي

مشا ناحية حجرة كليكا عليها وهو يتفتح باب من الارض

كانو فيهم الدروج مد يدو ناحيتها بجنتلمانية وشدات فيها بلباقة وتمو نازلين حيت الدروج صغار وهي لابسة طالون غير فاتو شوية تسد الباب وشعلو الضواو

وصلو للتحت عند واحد الباب دار البصمة نتاعو وتطلق واحد الليزر ناحية عينو تاتأكدو من هويتو عاد تفتح الباب
تمو داخلين ولوينا تاضور فعينيها وتاتحفض القنوت
حتى وصلو لقاعة الاجتماعات دخلو لقاو الفريق كلو تيتسناوهم
وقفولهم ودارو التحية بحال العسكر لدراغون

دراغون جلس مترأس الطاولة وشير للوينا تجلس حداه عاد جلسو لوخرين

رداغون: تانقدملكم الهاكر الجديد نتاعنا
لوينا وقفات وحنات شوية كتحية مبتاسمة ورجعات جلسات

الكوبرا: مرحبا بيك معانا فالفريق
تايغر: نتمنى تكوني اهل الثقة والخبرة حيت فغيمون محتاجينك
لوينا: في الخدمة

لوكا: شرحتلها الوضع قبل مانجيو، دابا خص التنفيذ ضيعنا وقت بزاف، الكوبرا وريلها المكتب نتاعها وعطيها سيستيم تهاكيه وخليوها فراحتها الاختراق خصو التركيز
الكوبرا: اك مستر

ناضت الكوبرا وتبعاتها لوينا تاوراتها البيرو تاعها
الكوبرا وهي تاطلع وتهبط فلوينا: نتمنى تكوني خبيرة كيف قال البوص
ومشات تاتعوج
دخلات لوينا البيرو خدمات الابراي طلعلها ماكاينة حتى كاميرا وجلسات مرتاحة
فتحات البيسي وطرطقات يديها وعنقها برونشات يوسبي فالبيسي وخدمات اي زابليكاسيو لي يغطيو شنو تادير في حالة ما حاطين على البيسي

عاد بدات تاطابي بالزربة، 15 دقيقة وصلات لداكشي لي بغات
ديبرونشات ليوسبي وخشاتو فجيبها وهزات يوسبي كان فوق البيرو برونشاتو تيليشارجات داكشي لي وصلاتليه وخرجات من البيرو
تلاقات مونستر دايز سولاتو

لوينا: مستر دراغون فينو؟
مونستر: تبعيني

تبعاتو لسانسوغ طلعو فيه وزادو هبطو حتى وصلو وخرجو مكملين تاوصلو للمكتب نتاع دراغون كليكا فاحد اللعيبة بحال السرسار عاد تفتح الباب
مشا مونستر فحالو ودخلات هي للمكتب
كان المكتب تيطل على البحر والحوت تيبان تيسبح فالماء

دراغون: شي مشكل؟
لوينا: لقيت المطلوب
دراغون تفاجأ: بهاد السرعة
لوينا: ييس، لوجيسييل لي خدمت عاوني دغيا هاكي سيستيم
مداتلو لكلي برونشاه مع البيسي وبدا يقرى مبتاسم
لقى داكشي لي بغا
دراغون: برافو لوينا برافو

وناض وقفات تاهي
دراغون: زيدي معايا
الجزء: 85

خرجات معاه من المكتب ورجعو فالسانسوغ تاوصلو وكملو غاديين تاوصلو لغرفة الاجتماعات

دخلو وجلسو وعيط على باقي الفريق من الفيكس
دقائق حتى تجمعو

دراغون: لوينا لقات لا ليست لي غادي عليها العقرب هاد الشهر، المهمة ديالنا نحبطو مخططاتو ونلقيو القبض على اكبر عدد من عصابتو وبالخصوص لي تيعتامد عليهم بزاف، بهاكا انفشلوه
الكوبرا: بوص عندي سؤال
دراغون: شناهو
الكوبرا: علاش مانقتلوهش هو من الاول
لوينا: الى قتلنا العقرب الاول العصابة ايجيلها زعيم اخور، خصنا نطيحو العصابة وهي لي اطيح الراس المدبر
دراغون: تماما لوينا عندها الصح خصنا نفككو العصابة بهاكا انطيحو العقرب
مونستر: اوامرك بوص
دراغون: الاثنين غادي تجيهم شحنة كبيرة دالكوكايين لايطاليا من ليبيا عبر البحر الابيض المتوسط مهمتنا نحبطو هاد التسليم
تايغر: اك الخطة
لوينا: فرأيي، نتعرضو للباطو لي ايكون جايب السلعة ونحرقوهم السلعة بناسها
دراغون متفاجأ: فكرة زوينة
مونستر: تا انا متافق معاها
تايغر: انا موافق
ضارو عند الكوبرا(بعدم رضى): حتى انا

دراغون: مزيان، إذن نوجدو الباطو نتاعنا نهار الاثنين
لوينا: من الاحسن كوبتير ونلوحو عليهم قنابل
دراغون تاتزيد تصدمو: وي وي فكرة مزيانة
وشاف فالباقي: وخصها تنفذ
الكل: امرك بوص
دراغون: امكنلكم تفضلو

دارو التحية بداو تيخرجو واحد واحد، كانت خارجة لوينا حتى عيطلها دراغون

دراغون: شفتك دغيا تأقلمتي مع الوضع
لوينا: خدمتي هادي وبسيف عليا نتأقلم
دراغون: مزيان بهادشي باش عجبتيني، امكنلك تخرجي

خرجات وتمات غادا لبيرو تاعها دايزة من حدا الكوبرا

الكوبرا: بلا ماتحلمي
لوينا ضارت عندها: نعام
الكوبرا: داكشي لي فبالك ما ايكونش
لوينا: وشنو لي فبالي؟
الكوبرا: انك دوري بالبوص
لوينا: ويلا كان العكس (غمزاتها) ومشات فحالها خلاتها تاتغلي
اكوبرا: نعرف نقتلك وماتاخديهش

“بعد نصف ساعة”

كانت جالسة فالمكتب نتاعها تاتخربق فالبيسي حتى دخل عليها دراغون

لوينا وقفات: بوص
دراغون: يالله نخرجو نتغذاو ونرجعو فحالنا
لوينا: امرك بوص

خرجات معاه تحت انظار الباقي على بالهم بيناتهم شي حاجة حيث لاحظو اهتمامو بيها

خرجو بنفس الطريقة لقاو لوطو تاتسناهم ركبو ومشاو اتغذاو

وصلو لواحد ريسطو وخداو طبلة بعيدة عن البشر
جا عندهم السيرفور
دراغون: ممكن نختارلك لوينا؟
لوينا: اكيد
دراغون: جيب سلاد فخوي دميغ وزوج بلا دالحوت
الجزء: 86

لوينا: احم مستر
دراغون شاف فيها: ماعجبكش ذوقي؟
لوينا: لا، ولكن انا عندي حساسية من المأكولات البحرية
دراغون بان الحزن فالملامح نتاعو ووجه هضرتو لسيرفور
دراغون: جيب لحم مبخر، وسلاد بلا مواد بحرية
سيرفور: حاضر
ومشا فحالو

لوينا: سمحلي مستر
لوكا: ماوقع والو من حقك
لوينا: بان فوجهك الحزن
لوكا: تفكرت واحد البنت تاهي كانت عندها حساسية من المأكولات البحرية
لوينا: بصح؟؟ وفينهي
لوكا: ماتت
لوينا مصطانعة الحزن: مسكيينة كيفاش وقعلها
لوكا: كنا صغار ديك الساعة كانت عندها 11 العام وانا كبير عليها ب 6 سنوات، كانت معانا فالقصر خدامة مع الواليد جاسوسة ليه، صافطها فواحد المهمة وماتت فيها
لوينا: جاسوسة واخا صغيرة
لوكا: واخا كانت صغيرة كانت ذكية كثر من القياس وكانت عزيزة على الواليد بزااااف
لوينا: وانت كانت عزيزة عليك؟
لوكا: بزاااف
لوينا: فلترقد روحها بسلام

جاب السيرفور طلباتهم تغذاو فصمت ودراغون غا تيلعب فطبسيلو تسداتلو الشهية

قشعاتو لوينا ودارت راسها سالات واخا ماكلات تاهي والو
لوينا: ساليت يالله نمشيو

وقف بلا مايجاوبها مشا خلص وخرجو متاجهين للمطار
وصلو لايطاليا وقصدو القصر

غير وصلوليه طلع هو دغيا للجناح نتاعو فتح الباب ومشا قاصد واحد اللوحة معلقة فالحيط حيدها وبانت خزانة فالحيط فتحها وجبد البوم ومشا جلس فقنت الناموسية وفتحو

بانت الصورة الاولى نتاع بنت فعمر 10 سنوات شعرها الاسود الطويل وعينيها لي فريدين من نوعهم كل وحدة فلون الازرق والاخضر وملامحها زوينين وباينة صورة دالغفلة

بدا تيقلب صفحة بصفحة وفيهم نفس البنت كل مرة فوضعية مختالفة ولبسة مختالفة وكلهم دالغفلة

“عند كيريس”

كانت فالجاكوزي وتاتهضر مع رعد

كيريس: قتلهم الاثنين اتجي الحمولة وانتعرضولها بالكوبتير ونلوحو قنابل عليها

رعد: اك، اتجي الحمولة الاحد، والاثنين ايجي باطو خاوي للتمثيلية، واخا دابا عارفين المقر فين جا نهجمو عليهم ونتهناو
كيريس: مزال لوقت لهادشي، صبر
رعد: كليتي؟
كيريس: ييس كلينا برى
رعد تعصب ثاني: اك
وقطع عليها خلاها مبتاسمة عارفاه ماعاجبو حال

شوية وهي تفكر دراغون فاش تقلب مورالو قبيلا عارفاه مزال مقصح من الماضي ولكن هي لا ما اتطيحش فنفس الفخ، دابا هي لي متحكمة فاللعبة ماشي هو

“امريكا،نيويورك”

“عند نزار”

تيصوني على لينا لي مابغاتش تجاوبو كاع هاد النهار حتى تعصب وخرج من الشركة ركب لوطو وقصد دارها

دق عليها تسنا شوية حتى فتحات الباب غير شافتو وهي تسد الباب ساعة نزار سبقها وكالا برجلو

دفع عليها الباب تارجعات لور
نزار: مالك تاديري هاكا
لينا: مامالي والو، غامابيتش نبقا نشوف وجهك
نزار: علاش، درتلك شي حاجة
لينا: لا، مادرتيلي والو، عفاك خرج من داري
نزار: تهدني وخلينا نهضرو راني مافاهم والو
لينا: ماعندك ماتفهم خرج قبل مانعيط للبوليس

شافها معصبة وماشي دالهضرة وتم خارج غير وصل للباب وضار عندها اقولها تايرجع وهي طرقو فوجهو

مشا لوطو نتاعو وركب مغادر

في حين لينا تكات على الباب وبدات تزدح فيه بلكمتها وتبكي
لينا: علاش درتي فيا هادشي علاش
الجزء: 87

“عند ميري”

جالسة فبيتها لي فالابارطومون نتاعها، تحسنات حالتها بزااف ورى ماجا عندها وولف وكل مرة تيهضر معاها

كانت تاتبريباري حيت عندها اكزامان لغد ليه حتى تدق الباب
مشات فتحات لقاتو نزار وباين فيه كاعي

ميري: نزار!!

تم داخل للصالة وجلس
مشات جلسات قدامو

ميري: ياك لباس
نزار: ماهضراتش معاك لينا
ميري: لا مدة ماشفتها والا هضرت معاها
نزار: ماعرفت مالها اليوم تقلبات عليا
ميري: نعيط نسولها؟
نزار: خليها تالغدا، عاد دابا كنت معاها راها معصبة
ميري: اك
نزار: انبات معاك اليوم
ميري: اطط نوجدليك البيت
نزار: غاسيري كملي شغلك انا نصايبو راسي
ميري: معشي؟
نزار: ماعندو منين ادوز بونوي (وناض مغادر)
ميري متبعالو العين: بونوي

دخل لبيتو انعس طاحلو مورالو، عاد كانو بيخير وكان باغي اتقدملها بالزواج وهي تقلب كيف الزمان

“أصبحنا وأصبح الملك لله”

“إيطاليا،فينيزيا”

كان راجع رعد من الشركة وتيهضر فالفون مع وولف

رعد: ماعيطاتليش هاد الصباح حدها صوناتلي البارح بالليل
وولف: اكون ماصلاحلهاش، دابا تصوني
رعد: اليوم تسليم الحمولة وغدا اتكون التمثيلية
وولف: راني غادي للمرسى نتاكد بين كولشي هو هداك
رعد: رد بالك

وقطع عليه، وصل للقصر وطلع للجناح نتاعو حل الباب ودخل ديغيكت للدوش دوش وخرج لبس وخرج للبالكون اكمي حتى كيشوفها جالسة تما وحاطة رجليها على الطبلة

كيريس: هولا
رعد: مرحبا
كيريس: لوكا سافر وبيلا خدامة وانا سلت وجيت شنو نبقى ندير تما
رعد: وعلاش قاصدا داري وكاينة لابارطومون نتاعك
كيريس: هاء نتا هنا ونمشي لهيه
رعد غا تيضور فراسو ديما تاتحدهوملو
رعد: واكلة؟
كيريس: نوو تانتسناك ناكلو بزوج
رعد: اك

مشا طلب الغدا ورجع عندها تيكمي حداها وهي تاتقرى فالكتاب
رعد: وقتاش اسالي هادشي
كيريس: هاد الاسبوع، وجد باش نقتاحمو المقر نتاعهم
رعد: خص البلان نتاع المقر
كيريس: غدا اوصلك

جابت الخدامة الغذاء مشا وقف عليها تاخرجات باش ماتشوفش كيريس واخا ماشي الجاسوسة ولكن الهضرة تاتكون بين الخدامات

بداو تيتغذاو فصمت حتى نطق رعد

رعد: ماعوالاش دوي خلاص
كيريس (فهماتو شنو قصد جاوباتو وهي مكملة ماكلتها): علاياش؟
رعد: تقادا صبري، عاوديلي شنو وقع فهاد السنين كولها، وعلاش حاقدة على دراغون كثر مني

كيريس حطات داكشي لي فيديها وبقات تشوف فيه حتى نواتو وناضت للدوش

رعد تنهد ولكن ايلصق فيها اليوم حتى تعاودلو بقى تيتسناها تخرج ولكن تعطلات بزاااف

مشا للدوش وبدا يدق لامن مجيب
الجزء: 88

صحابلو تكون هربات ثاني من الدوش فتح الباب وهي تبانلو فالجاكوزي مرخية

قرب منها لقاها مغمضة عينيها ومستحلياا الماء الدافي

مشا جلس مقابل معاها وتيسكاني وجهها والفضول قاتلو

حتى فيقاتو من سهوتو فاش نطقات وهي مغمضة عينيها

كيريس: بابا كان طبيب نسائي وماما ربة بيت، بابا ترفعات ضدو دعوة بسباب خطأ طبي وكلفاتو خدمتو جراو عليه، تراجعات الحالة المادية ديالهم بزوج وزادت كملات فاش حملات ماما بينا انا وختي

(سكتات مدة عاد كملات و رعد تيتصنت ليها ومابغاش ايقاطعها لاتسكت وماتكملش)

كان تكلف بالفحوصات هو نيت ماعمرو داها للطبيبة وعرف بين كانت حاملة بالتوام، فاتت مدة وولدات وسماتنا منال ومنار، كنا بزوجنا تانتشابهو لدرجة هي راسها ماتاتعرفش تفرق بيناتنا، حتى منال كانو عينيها بحال دياولي (تنهدات)، ماكانوش عندنا اقارب من غير جدة من الام وماقالولهاش بين حنا توام فراسها تولدات غا بنت وحدة وسماوها منال، حيث بابا ماكانش ايقدر على المصاريف وخبا وحدة فينا باش حتى الى بغا اتخلص منها مايحصلش وسجل غير وحدة فالحالة المدنية لي هي منال، دازو سنوات وكبرنا ورجعو تيفرزو بيناتنا من خلال تصرفاتنا حيت ختي كانت هادئة ومطيعة عكسي انا لي كنت قبيحة فصغري
،وصلنا لسن الدراسة فالراوض وختارو منال لي تقرى حيت مطيعة وبغاو اوصلوها لشي مركز كبير باش تخرجنا من ديك الحالة.
(حلات عينيها) الماء برد

تنهد وناض من تما خارج اخليها دوش فخاطرها.
مشا عيط على الخدامة جابتلو زوج كيسان دالبابونج وجلس على فوطوي تيتسناها حتى خرجات لابسة بينوارو دخلات لدريسينغ لبسات ورجعات عندو هزات سوشوار تاتنشف شعرها، سالات وناض عندها مدلها الكاس

رعد: وانتي؟
كيريس شدات الكاس ومشات جلسات تبعها وجلس قدامها هاز كاسو، الظاهر ايحتاج تاهو ارخي اعصابو حيت على مابانلو القصة طويلة ومعقدة

كيريس: وانا جلست تانعون ماما فشقا الدار واخا صغيرة، كانت تاتعاملني كيف الخدامة وختي تيضغطو عليها تقرى بزوجنا مكرفصين ماعشناش كيف الدراري قدنا، وصلنا لخمس سنوات ودخلوها للمدرسة وزاد الضغط عليها، كانت تاتجي عندي بعض المرات وطلبني نمشي بلاصتها، كنا تانتبادلو البلايص دالنعاس وفالصباح جات ماما تفيقني نمشي نقرى من تما تعلمت التمثيل، كنا بعض الخطرات تانتعرضلها للمدرسة ونخرجو نتساراو ونرجعو قبل مايرجعو هوما حيت بزوجهم تيبريكوليو فاشما، دازو سنوات كلها نفسها حتى ولا فعمرنا عشر سنوات، ختي لصقاتني نمشي نقرى بلاصتها داك النهار ومشيت
فاش رجعت فالعشية لقيت بابا تعدا عليها وهي كانت خرجات روحها كانو صحابلهم انا وكانو ناويين امشيو ادفنوها (شربات من الكاس) بلا مانحس هزيت جنوي وقتلتهم وشعلت العافية فالدار باش البوليس اصحابلهم ماتو محروقين وحيث انا مامذكوراش فالقانون يعني ما ايقلبوش عليا، بت ديك الليلة فمحطة مهجورة وغير صبح الحال مشيت تانقلب على فين نبريكولي ومالقيتش، داز النهار وفديك الليلة تلاقيتكم نتوما (تنهدات)

رعد مصدوم: وشنو وقع؟
كيريس: فاش مشيتو وخليتوني ناعسة ماجانيش النعاس وخرجت للجردة وسمعت باباك تيهضر فالفون وتيقول بين ايسمم ماماك وداك السم تيعذب عاد تيقتل، خليتو تادارو فالكاس وقرقبت فالجردة مشا اشوف شنو واقع ومشيت بدلت الكيسان وتخبيت، رجع وهز الكاس مطلعو لماماك ورجع خرج مشا عندك تما فين سمعتك عيطتيلي مخربقة العينين، كان عندي تخوف بين باباك اتعدا عليا كيف بابا تعدا على ختي داكشي باش مشيت نعست فالجردة فواحد القنيتة.

رعد: كملي
كيريس: صبح الحال ودخلت تانقلب على نعيمة تعطيني نفطر مالقيتهاش ومشيت تانقلب البيوتة حتى لقيتها تاتوجع وكشكوشة خارجة من فمها جات فبالي ماماك طلعت لبيتها تانجري لقيتها تاهي طايحة فالارض تاتوجع (شافت فيه) عرفت بين باباك عاودلها السم فالماكلة وفطرو منو نعيمة وماماك، طلباتني نعاونها ولكن واخا نعاونها ما اتعيش قلبت فالمجورة ولقيت سلاح وهزيتو بلا مانفكر ووجهتو ليها وقلتلها راجلك لي سممك تصدمات وقاتلي بين واعدها ايتبدل وقاتلي نقلب على واحد المذكرة ونخبيها عندي لاتشوفها نتا

رعد: مذكرة؟؟ وفينها
كيريس شافت فيه وكملات: لقيتها تاتوجع وعزات عليا حيث حنات فيا وعيطاتلي بنتي الكلمة لي عمرني سمعتها من واليديا، تيريت فيها ومشيت تانقلب على المذكرة وهربت تلاقيتك عند الباب خليتك تاتغوت على لي كارد هربت من وراك حتى واحد ماشافني.
الجزء: 89

رعد: المذكرة مزال عندك؟
كيريس: وي
رعد: شنو فيها؟ عطيهالي
كيريس: ماعنديش هنا مخبياها ولكن انجيبهالك

رعد تنهد: كملي
كيريس: هربت من عندكم ودفنت المذكرة، شفرت واحد اللبسة كانت معلقة فخيط النشير دشي ناس لبستها وخبيت الكيطمة لي عامرة دم، وبقيت غادا مع واحد الشاريع سمعت شي غوات فواحد البلاصة وتبعت المصدر ديالو حتى خرجت فشي رجال منيشين السلاح على واحد الراجل طايح على ركابيه وتيطلب فيهم ارحمهم وتيشد فرجلين واحد الراجل باين هو رئيسهم، قالهم داك الراجل اجمعو سلاحهم وتمو غاديين ولكن هداك ستاغل غفلتهم وبغا اقتل الرئيس غوت قتلو عنداك ودارو فاللحظة الاخيرة وقتلوه.

جا لعندي داك الراجل وشكرني قالي فين تانسكن اوصلني قتلو ماعنديش دار وداني عندو، بقيت معاه مدة كان تيسيفطني نتجسس ليه على اعداؤو حيت كان تاهو مافيوزي ايطالي وعايش فالمغرب، شي شهر تقريبا جا ولدو من المانيا صغر منك بعام (شافت فيه) هو لوكا.

رعد توكض من بلاصتو: كملي
كيريس: كان فالمانيا تيتعالج حيت عندو مشكل فعقلو، كان غريب فتصرفاتو، عشت معاهم وعتابرني باه بحال بنتو كنت عزيزة عليه وبالخصوص فاش تانجيبلو داكشي لي بغا، من بعد عام فواحد النهار سافطوني نديرلك السم فماكلتك وعارفة الى رجعت ومانفذتش الامر ايقتلوني ولا اينفيوني وانخسر علاقتي بكيفن (اب لوكا)، كانت واحد البنت اسيرة قزمة قدي فالطول وبحالي فلا طاي كانو تيتعداو عليها لي كارد كل مرة، خدرتها وهربتها من تما ركبتلها واحد الخاتم عطاهلي كيفن نتاع العصابة وركبتها فواحد لوطو نتاع واحد فلي كارد ايسافر ديك الليلة تسنيتو حتى خرج من القصر وتبعتو بموطوري تابعدنا وضربت لوطو بقرطاسة وتشعلات فيها العافية تأكدت بين ماتو بزوج وتوشوهو ماباينينش شكون خليت خاتمي فيديها وهربت وبدلت المدينة حيت جمعت شي فلوس، درت اكسيدون وتضرر راسي دخلت فغيبوبة قصيرة وفاش فقت سمعت الممرضات تيقولو كاين احتمال نفقذ الذاكرة ومثلت عليهم بين فقذتها باش نتفادا التحقيق
داوني البوليس للميتم على مايلقاولي عائلتي، تما تلاقيت ميري وبدر

رعد: وعلاش حاقدة على لوكا شنو دارلك؟
كيريس: كان تيغير منك وهو لي حرض باه باش اقتلك، زائد هو لي بلاني بشريب الدم
رعد: كيفاش؟!!
كيريس تنهدات: كيف قتلك كان غريب فتصرفاتو كان تيطلب طلبات فشكل من لي كارد ومني وطلب مني نشرب الدم وانا ملزم عليا نخضع لامرو وشربتو، من تما كل مرة تيجيبلي كاس حتى تبليت بيه.

رعد: اهاه كملي
كيريس: تربيت فالميتم وسميت راسي منار، كان بدر كبر منا ماماه ماتت فاش كانت تولدو وباه مات فاش ولا فعمرو خمس سنين غير وصل للسن القانوني باش اخرج من الميتم كان شد الباك بالمونسيون ومشا كمل قرايتو فامريكا موراه بثلث سنين تا انا شديت الباك بالمونسيون وتبعتو لامريكا وتخرج من جامعتو ودار اوطيل نتاعو وعاوني ماديا نكمل قرايتي حتى تبعاتنا ميري ورا ماشدات الباك تاعها، انا غير تخرجت بدلت سميتي لكيريس بلاك و صايبت ماركة نتاعي للمجوهرات تحت سميتي انا وختي وبعد عامين دخلات للاسواق العالمية.

رعد: وفوقاش بديتي تاتقتلي؟
كيريس: فاش جيت لامريكا لاحظت بزاف دالمراهقين تيتشكاو من واليديهم وبديت نقتلهم حتى بداو تيدخلوني الفلوس وخرجت تانقتل برى دامريكا

رعد تنهد وناض: نوضي ترتاحي
كيريس: خصني نمشي

مشات قربات منو باستو فخدو وقالت
كيريس: نتا الوحيد لي عاودتلك شنو وقعلي

ومشات للبالكون نقزات ومشات فحالها
الجزء: 90

رجعان كيريس للقصر تاع لوكا بعد ما لبسات سالوبيط والماسك ودخلات تاتسلت تالبيتها دخلات من البالكون عاد هلطات من الدروج لتحت مشات للجردة وجلسات تاتسنى شي واحد فيهم ايبان

“عند رعد”

مشا لبالكون تيكمي وتيشوف بعيد وتيفكر هضرتها، كان فكر بين اتكون عاشت شي حاجة لي كبيرة خلاتها تولي هاكا، ولكن ماصحابلوش هادشي كامل، عذرها وقال استاهلو هادوك لي قتلاتهم، تفكر لوكا وشنو دار فيها هو لي بلاها بشريب الدم ردها ماشي طبيعية زاد حقد عليه، شوية تفكر أمر المذكرة وضرو راسو اعرف شنو فيها.

دخل فحالو بدل عليه وشد الطريق لروما لواحد الديسكو تما

وصل ومشا شد واحد القنت وطلب فيدكا وبقا جغمة ورا ختها ثقلاتو كيريس، هي لي قتلات مو وباه وبزوجهم قتلتهم لمصلاحتو حيث ما ابغيش مو تعذب

“عند كيريس”

بقات فالجردة حتا تمو داخلين بزوج بيلا ولوكا

بيلا: لوينا بقيتي بوحدك اليوم
لوينا: عادي ماشي مشكل
لوكا: وجدو روسكم الليلة انمشيو نقصرو
بيلا ولوينا:اك مستر

ومشاو دخلو ابدلو عليهم دقائق تمو هابطين

كان دراغون واقف لابس قميجة فالازرق وسروال دجين فالكحل وبادرين بيضة ومطلع شعرة بطريقة زوينة حتى سمع الطالون ودور وجهو وهو يشوفها لابسة كسوة كحلة لاصقة عليها حد الفخاض وصدرها باين طالقة شعرها بوكلي من لتحت مع ميكاب صارخ كيف العادة وسندالة طالون عالية فالكحل وحداها بيلا لابسة كسوة حمرة لاصقة عليها معرية من الظهر وصندالة طالون فالفضي ومصايبة مشيطة وميكاب صارخ جاو بزوجات فنات

بقا نتبع العين غا لوينا عجباتو لحقو عليه ومشاو ركبو لوطو فيراري ولوكا لي سايك وحداه بيلا ولو لوينا وموراهم زوج لوطويات تاع لي كارد

الطريق كولها وهو متبعلها العين من المرايا وهي عايقة بيه دايرة راسها تاتشوف من الشرجم

وصلو لديسكو ودخلو مخليين لي كارد ايسطاليو لوطو

وصلو لواحد الجليسة وجلسو لوينا غير جلسات طلعات عينيها ماجات غا فرعد لي منين دخلات وهو متبعلها العين

كان لوكا الوسط متكي ظهرو لور وطالق يديه على الفوطوي طلبو شنو بغاو اشربو لوكا طلب ويسكي وبيلا ولوينا صودا
جابلهم السيرفور شنو بغاو ومشا بدا لوكا تيجغم من كاسو وتيشوف فرعد لي قدامو بقاو تيتبادلو نظرات القرطاس ولوكا بلا ماتيحس تيحرك صبعانو على كتاف لوينا
رعد عينو غير على يدو لي ندتاتحرك على لوينا وتيحس بصدرو تيطلع ويهبط والدم تيغلي فيه ماكرهش انوض افرشخليه راسو

لوينا ملات الوضع وناضت
لوكا: مالك
لوينا: نمشي للحمام ونرجع

وناضت ناحية للحمام لقات تما رعد تيتسناها حيت هو لي غمزها وناض قبل منها

كيريس: مالك؟
رعد: الى بقا تيحط يدو عليك انقتلو قبل الوقت
كيريس: اهووو رعد تيغير، وياك ضيع الخطة لي راسمينها
رعد: تانتحكم فأعصابي غي بزز

Leave a comment