Skip links

قصة : عاشقة الدم ج 1

 3,976 عدد مشاهداات

الجزء 1

” 01/01/2018 – كندا، اوتاوا العاصمة- 00:00″

الناس كولها برا تاتحتافل بالسنة الجديدة بالرغم من الثلج لي تايطيح بكثافة

في احد الاحياء الراقية في فيلا وزير الدفاع كان فبيتو ناعس ماجايب للدنيا خبار عكس مرتو وبناتو لي برا تيحتافلو
سمع شي تقرقيب حداه فاق مفزوع تاشاف شي خيال تيضور فبيتو
– ش ش شكون هنا؟
-الصمت
– لينا؟ هادي نتي
– لا!
– ششكون انت وشششنو بغيتي مني؟
– روحك

ناض مفزوع يالله بغا يغوت تسدليه فمو بسكوتش وتربطو ليه يديه ورجليه مع الناموسية

تسمع تدندين خفييف فالبيت نتاع اغنية ديال دراري الصغار هو وخطوات غاديين بثبات تاوصلو لواحد المقدة ورجع بنفس الخطوات تاقرب لناموسية والوزير غير شاف المقدة خرجو عينيه تهزات المقدة تالفوق ونزلات على عنقو تاتفرق راسو على الكسدة ديالو تمدات يد للدم لي كان نازل من العنق وقربو للفم لحسو وهو تيتلدد هز الراس والماطيريال ديالو كاملين ومسح اي دليل اخليه وراه وزاد مع الطريق وصل لباب ديال الفيلا وعلق الراس تما وكتب تحتو هابي نيو يير Happy New Year
وخرج غادي بكل ثبات تابعد وصل لواحد الغابة مشا لواحد الشجرة حفر حفرة تاجبد بلاستيكة حيد الحوايج لي كان لابس وحيد اثار الدم لي كان لاصق فوجهو ولبس لحوايج لي كانو فالبلاستيكة وشعل العافية فداكشي وبقا واقف تاتاكد من ان الاثار مابقاش عاد مشا بقا غادي مدة طوييلة تاوصل لواحد الحجرة كبيرة وملاصق معاها شجر قصير حيد داكشي تاجبد موطور من نوع tmax ركب وزاد مع الطريق.
الجزء 2

” 02/01/2018 – أمريكا، نيويورك- 05:00 “

فاقت تاتكسل وتجبد وهي مرتاااحة وناضت من بلاصتها فالتجاه الحمام غسلات سنانها ووجهها باش تصحصح ومشات لدريسينغ روم لبسات شورط حد الركبة مع بيل سماطي وسبادرين كولشي فالكحل وجمعات شعرها الكحل القصير كوب شوفال ومشات لاصال دسبور لي كاين فالطابق التحتاني ترينات تاعرقات وطلعات فحالها لبيتها خدات دوش تحيد عليها العرق وخرجات ملوية ففوطة كحلة لبسات لباس العمل سروال توب طالع لكرشها فالكحل وشوميز كحلة مخشية فالسروال وطالون عالي تاهو فالكحل نشفات شعرها وخلاتو مطلوق مشات لمراية كثفات رموشها مع ايلاينر جبدات عينيها وعكر حمر خفييف شافت راسها راضية على لوك ديالها هبطات الكوزينة خدات عصير الحامض وهزات مونطو كلاس نوار لبساتو وخرجات لكراج فين كانت طوموبيلتها لامبورغيني كحلة ماط وخرجات

وصلات لشركتها مكتوبة عند الباب اسم الشركة
“Manal & Manar”

تعرضلها السيكيريتي خدا الكونطاكط ودخلات للشركة كولشي تيعطيها التحية وهما تيرمقوها بإعجاب ماهي فاتنة مواقع السوشل ميديا تحت اسم “زوجة الاسود Black’s wife”
بحيث كولشي عندها فالكحل من المكتب الفيلا الطوموبيل الحوايج حتى من الشعر والعينين وحروفها كولشي فالكحل
مشهورة باسم زوجة الاسود ولكن قلة دلقلة لي عارف اسمها.
الجزء 3

وصلات للمكتب ديالها دخلات وموراها سكريتيرة تاتعطيها فجدول اليوم
السكريتيرة: كود مورنينغ ميس بلاك(black)
بلاك: كود مورنينغ
السكريتيرة: ميس اليوما عندك اجتماع مع مجلس الادارة بخصوص الشريك لي انساحب مع 14:00 هادشي لي عندك فجدول اليوم
بلاك: اوكي، جيبيلي قهوتي
السكريتيرة: اوكي ميس
خرجات ورجعات هازة فيديها قهوة كحلة قاصحة بلا سكر ورجعت خرجات
بلاك نزلات راسها على شي ميلفات ومكونسونطرية تاتحلات الباب ودخل كيف العجاجة
– اوووووه الناس شرفونا بعد غياب طويل
بلاك: المرة الجاية دخل بلا دقان راسك نفرعولك
– كالم داون ماي سويتي توحشتك وجيت نشوفك ورا ماقالولي راك جيتي
بلاك: سالات خدمتي تما ورجعت كيف دايرة امورك انت؟
– مزيانة فوق السلك. اممم كيريس
بلاك: نعام ابدر
بدر: شفتي المقال لي كتبوا عليك ” زوجة الاسود لديها معجب سري” هههه شكون قال كيريس بلاك ولاو اكونو عندها معجبين
كيريس: مجرد هراء نتا عارف ماكاين لي يطيحني فالشبكة
بدر: هههه واييه. اجي حقا شفتي الاخبار قالو بين وزير الدفاع الكندي مات مقتول فليلة راس العام
كيريس: وي شفت الجرائد البارح
بدر: البوليس شاكين فدراكولا حيت الطريقة باش مات وحشية
ولكن دراكولا تيقتل وتيسرق دم ضحاياه وهاد المرة الدم ماناقصش
كيريس : ولكن ماتنساش فقط الدراكولا لي تيستهدف منطقة العنق
بدر: هادي عندك ، مافهمتش مالو مع الناس البورجوازيين وصلات ل 250 ضحية وبطرق مختالفة فالقتل تاعهم طيلة هاد 5 سنوات لي فاتو
كيريس: ماتيهمنيش هادشي شنو درتي فقضية مريم
بدر: ماعرفتش مالها الليل كولو وهي تبكي وتنوح وتقول بغيت نمشي لدارنا
كيريس: فالعشية ندوزو وراها نشوفو مال طاسيلتها على هاد الجنازة لي دايرة. وعلى إنا دار تاتهضر؟
بدر: ماعرفتش
كيريس: اتكون تاتفكر شي حاجة من الماضي ديالها؟؟
بدر : ممكن. عندك شي حاجة لعشية؟
كيريس: وي عندي اجتماع قبل نمشي نتغدا عاد نرجع
بدر: اوكي يالله نمشيو نتغداو بجوج وكل واحد اشد طريقو
كيريس: نوض

خرجو بجوج تحت انظار الموظفين عارفين العلاقة لي بين هاد الجوج صداقة عميقة ومتينة
مستحيل تكون كيريس بلا بدر او بدر بلا كيريس واخا هو كبر منها ب اعوام ولكن بيناتهم صداقة زوينة

ركب كل واحد فلوطو ديالو وسبقاتو وهو تبعها
مشاو تغداو فريسطو راقي من بعد كل مشا لشغلو هي رجعات للشركة تحضر للاجتماع وتسني شي ميلفات وهو مشا لاوطيل ديالو اشوف واش كولشي هو هداك

بدر شاب فأواخر العشرينات ملامحو زوعر شوية وعينيه زورق بحال لبحر ولحية مطراسية خفيفة عندو بنية رياضية وطولة والتجريدة ههه

دازت العشية تاصونالها تيلي
كيريس: وي بدر
بدر: الا ساليتي نوضي نمشيو نشوفو ديك العجوزة دمريم فين وصلات فروينتها
ميريس : اوكي هانا خارجة نتلقاو عندها

قطعات ولبسات مونطوها وخرجات ركبات اللوطو وزادت بالشوية بحكم الثلج تايطيح والارض تاتزلق
وصلات لحي راقي فيه عمارات زوينين نتاع ناس لهاي وقفات حدا واحد العمارة ونزلات من لوطو دخلات من لباب وصلات لمصعد بركات على الطابق الاخير 30 وصلات ومشات قدام برطمة ودقات تسنات دقيقة وتفتح لباب
كانت بنت فآية الجمال فأوائل العشرينات شعرها طويل واصل لنص فظهرها فالقهوي وجه مستدير عيون كبار وعسليين نيف منقاد وصغيور فم صغير حمر و منفوخ ورموش كثاف فالقهوي وفازكين بالدموع غير شافت كيريس تلاحت عليها تاتبكي وتشهق وحتى كيريس بادلاتها العناق وخلاتها تفرغ دموعها دفعاتها لداخل وسدات الباب وتكات عليه مخلية مريم فحجرها.
الجزء 4

بقاو هكاك حتى بردات وتيتسمع فقط غا شهقات خفاف بعداتها من حجرها وشدات فوجها بين يديها ومسحاتلها دموعها

كيريس: شنو واقع اميري شنو كاين
ميري: هئ هئ تفكرت تفكرت كولشي
كيريس: شنو تفكرتي عاوديلي
ميري: كان فعمري 10 سنين فاش درنا اكسيدون انا و ماما و بابا وماتو بقيت غا انا وخويا لي كان غارق فدمو من بعد جا شي واحد جرو من يديه وخرجو من لوطو في حين خلاني انا تانغوت ونقولو نقدني
خلاني بلاكة ومشا داي معاه خويا
هادشي لي تفكرت علاش هاداك ماجبدنيش وفين دا خويا فين خويا دابا واش عايش واش ميت
هئ هئ انحماق
كيريس: تهدني اميري تهدني لبكا ماعندو فاش انفعك
ميري: خاصني نرجع للمغرب بغين نرجع نقلب على خويا
كيريس: ميري شوفي فيا قتلك تهدني انا معاك اوكي انعاونك تا بدر معاك نتي ماشي بوحدك انقلبوا معاك حتى نلقاوه صافي ام؟
ميري: انلقاوه زعما هئ
كيريس: اكيد نتي عارفة فاش تانحطو شي حاجة فبالنا تانوصلولها اصلا دابا نتي تفكرتي سميتك وكنيتك ياك؟
ميري: آه سميتي منال دكالي
كيريس : اوكي سويتي انقلبلك على خوك غير ماتبكيش اوكي؟

سمعو صونيت فلباب حلات كيريس كان بدر عاد وصل لقاهم مزالين واقفين
بدر: شنو واقع هنا؟
كيريس: داكشي لي قلتلك تفكرات ماضيها
بدر عنقها وبدا يطبطب عليها وغمز كيريس
كيريس عاوداتلو بالمختصر المفيد
بدر: كيف قالتلك كيريس انعاونوك تانلقاو خوك ونشوفو شكون هادا لي تجرء وداهلك
ميري: انمشيو للمغرب ياكو. توحش بلادنا الى كنتو نتوما نسيتوه ف انا لا
بدر: تا انا توحشتو
شافو فكيريس بزوج
كيريس: وجدو راسكم غادي نمشيو غدا للمغرب

خلاتهوم ايطيرو بالفرحة وهي تاصلات بالسكريتيرة علماتها تقطعلها 3 تيكي درجة واحد لرجال ونساء الاعمال، للمغرب وقطعات دارت عندهوم

كيريس: نوضو نتعشاو برا

ناضت ميري لبسات بالخف رجعات دغيا لحيويتها ماهي تاتموت فهاد جوج لي حداها وخرجو ركبو فلوطو وحدة وصلوا لريسطوا كبيير تايدير الماكولات البحرية تحت طلب ميري ودخلوا خداو بلاصتهوم دومونداو على البلا لي بغاو من غير كيريس لي طلبات فقط سلطة مغدية بدون منتوج بحري

بدر: ميري بغيتي فكيريس لخدمة نتي عارفها عندها حساسية من الماكولات البحرية
ميري: عارفة ولكن تشهيتوا
كيريس: هانيا ماوقع والو خليها تفشش كيف بغات
ميري خرجات لسان لبدر
بدر: اييه البرهوشة تفششي كيف بغيتي نتي لي عطاتك

تعشاو فجو زوين خالقينو بدر و ميري حيت دايرين كيف المش مع الفار عكس كيريس لي راها تخطط منين تبدا حريرت ميري لي خرجاتلها من الجنب.
الجزء 5

سالاو خلصات كيريس بحكم هي لي عرضات عليهم وخرجو وصلو ميري لدارها وكل واحد ركب فلوطو تاعو وشدو الطريق لديورهم
وصلات كيريس دخلات لوطو لكراج ودخلات لقات الخدامة نقات الدار ومشات فحالها
طلعات لبيتها ديريكت للدوش خوات زيوت طبيعية للاسترخاء مع الخزامة والحامض حيدات حوايجها وتخشات فالبانيو غمضات عينيها واسترخات
تاتجمع افكارها وترتبهوم
بدا الماء تايبرد عاد ناضت من البانيو ناحية الدوش طلقات لما وخلاتو ينزل على جسمها لي تايصرخ بالانوثة صدر واقف ومتوسط الحجم لكرش لي لاصقة على الضهر لي هونش لي بارزين بشكل فتااان والمؤخرة لي واقفة ومنفوخة خرجات من بعد ماسالات ملوية ففوطة كحلة و وحدة اخرى تاتمسح شعرها نشفات داتها ودهناتو بكريم برائحة الياسمين ولبسات بيجامة حريرية تاع النعاس من قطعتين سروال وشوميزة سوداء عاد مشات قدام لمراية وبانت فتاة فالعشرينات تسحر العين بشعرها الاسود كسواد الليل لي فايت ودنيها بشوية وحجبانها الكتاف على شكل هلال وعينيها الكبار المشفرين فالاسود ونيفها المنقاد وفمها الصغير والمنفوخ بلون الدم رقبتها الطويلة البيضاء كانت فاتنة ماهي لي حمقات رجال وتيتسناو فقط اشارة منها
نشفات شعرها بسوشوار ودهنات وجها بمرطب وشفايفها ويديها ومشات تخشات فبلاصتها طفات الضوء وخلات غا ضوء خفيف صالح للقراءة دارت نظارات كبار ومضورين و هزات كتاب وبدات تقرا فيه كان كتاب تاع الروائي المشهور دوستويفسكي بعنوان الجريمة والعقاب بقات هكاك لنصف ساعة سدات لكتاب وحيدات النظارات وطفات الضوء ونعسات.
الجزء6

” 03/01/2018- المغرب، بني ملال- 17:31″

مطار BEM الدولي حطات الطائرة القادمة من نيويورك سيتي رحالها نزلات منها ميري وبدر من وراها الضحكة واصلالهم تالودنيهم وهما تيستنشقو رائحة بلادهم لي غبرو عليها تقريبا ست سنوات عاد تبعاتهم كيريس بملامح ممحية وسبقاتهم باش تكمل اجراءات المطار تبعوها وخرجو من المطار مشات كيريس خدات الكونطاكط تاع بورش كحلة من عند واحد الراجل مكلفاه يحضي ممتلكاتها فالمغرب وركبوا وشدو الطريق لكازا مسافة الطريق وصلو لفيلا اقل مايقال عليها روعة تاهي بالكحل سطاسيونات لوطو ونزلو ودخلو لفيلا لي كان تصميمها عصري مئة بالمئة

ميري: واو وقتاش كريتي هاد الفيلا
بدر: مابانليش واش كراتها حيت تاهي فالكحل
ميري: ماتقوليش ديالك؟
كيريس: ديالنا
بدر: وقتاش بنيتيها، كنتي تجي المغرب بلا خبارنا؟
ميري: خائنة وهي تاتقيل تقول المغرب نسيتو كيف نسيت الماضي
كيريس: ماتاتقاضاوش، كلفت شي وحدين باش تبنى على دوقي وكتبتها بسميتنا ب 3 واصلا عندي اسهم من مختلف شركات المغرب او واقف واحد تيسيرهم
بدر: بشااااخ قولبتينا فهادي الشعيبية
كيريس: بيوتكم راه الفوق بدواقكم سيرو ترتاحو انا نخرج نجيب مانقصيو ونجي
ميري: غا رتاحي نتي حيت مانعستيش فالطيارة ماشي بحالنا حنا جبدنا عليها وخلي هاد العتروس هو يتسخر
بدر: لواه ثور
كيريس: اصلا باغا نخرج غير رتاحو
بدر: الى عيانا نمشي انا
كيريس: الصمت
وخرجات وخلاتهوم بلاكة
هزو كتافهم ومشاو ارتاحو فبيوتهم مولفين بغموضها وتكتمها
فحين كيريس مشات تلاقات واحد الراجل كلفاتو باش ابحث على عائلة ميري باش تعرف منين تبدا تقلب.
الجزء 7

فكافي جالسة كيريس دايرة رجل على رجل وفخاضها كولهم باينين بحكم لابسة كسوة فوق الركبة مع كاط ومونطو معلق فالكرسي لي جالسة عليه وساك صغير تاهو معلق وتاتشرب قهوتها بكل لباقة وهي تاتسمع فهداك لي قدامها

راجل: لالة راني قلبت وجمعت المعلومات لي بيتي نتمنى انفعوك
كيريس: طلقني
راجل: لمهم عزيز دكالي كان معرووف فالبلاد حيت عندو اراضي فلاحية وكان تيبيع منتوجاتو لاسواق الجملة وكان مزوج ولكن ماولدوش فتبناو دري يالله تزاد وكان تخلات عليه الام ديالو نتيجة علاقة غير شرعية فالسبيطار تبناوه وسماوه عاصم بعد ست سنوات ولدو بنت سماوها منال لكن بعد عشر سنوات بان اب عاصم وطالب بيه من عزيز ولكن عزيز مابغاش اتنازل داكشي باش قطع الفران لوطو لعزيز ومرتو وبنتو حيت كان عاصم ماكاينش معاهم ساعة جا فاخر لحظة ركب معاهم ودارو اكسيدون وجا دا ولدو وخلاهم تما تيموتو
كيريس: ودابا فينهم
راجل: راهم هنا فكازا الاب سميتو مجد سلطاني وقدر اقنع ولدو بين هو باه اوسخ صورة عزيز وعائلتو فعينيه وبدل سميتو لاسم نزار وهو لي مكلف بشركة النسيج ورثها من الاب ديالو حيت مجد مريض حاليا بسرطان الرئة فمراحل متقدمة وايامو معدودة وراني سيفطتلك الادلة د التحاليل وتسجيلات الكاميرا فالايميل

كيريس وقفات وهي تاتلبس مونطوها وهزات ساكها: خلاصك ايوصلك ، خلصات الكونسوماسيون وزادت
كانت عارفة بين هادا لي كلفاتو ايجيبلها الخبار لي جن الازرق مايجيبهاش وراه نفعها

مشات لريسطو دوموندات العشاء اومبوغطي وزادت لفيلا دخلات لقاتهم حاميين السوق تاني
بدر: راه قتلك تعاودي تقولي عتروس نقجك
ميري وهي تاتجري: ههه وراه حيت نتا عتروس

زلقاتلها رجلها وجات مزدوحة على الطرماحة وصلها بدر
بدر وهو تيهرها: ذنوبي هادوك
ميري وهي تاضحك: صافي صافي حبس مانعاودش نقولهالك هههه
بدر: نوضي نوضي راه جات كيريس نقصيو فيا لموت دجوع
كيريس فاش كانو تايتطايفو حطات العشا فوق الطبلة مشاو غسلو يديهم وجاو اتعشاو.
الجزء: 8

ميري: كيريس مشيتي ماوليتي تاقلنا تلفتي ههه
بدر: حامضة
ميري: برقوووقة
كيريس: الى بغيتو تخرجو هاكونطاكط لوطو فوق الطبلة
بدر: العززز
كيريس: ماتعطلوش، بونوي

وطلعات لبيتها دارت روتينها الليلي كيف العادة وطاحت نعسات

في حين داك طوم اند جيري لبسو عليهم وخرجو اتساراو غاديين بالزدحة وتيخيطو فشوارع كازا
ويوقفو هنا اتصورو ويوقفي لهيه اياكلو شي حاجة من اكل الشوارع توحشو ماكلت بلادهم
مرة هاهما مناكرين مرة ضاحكين حال واحوال تاتهدو ورجعو كل مشا لبيتو طاحو دودة

اصبحنا واصبح الملك لله

فاقت فالخمسة كيف عادتها دارت السبور فلاصال ودوشات ولبسات عليها سروال دجين و شوميزة وطالون طول من حياتي جمعات شعرها كوب شوفال ودارت ميكاب خفييف وهزات فيديها مونطو وساكها هبطات لتحت لقاتهم مزال ناعسين (هادو لي ناويين اقلبو على شي واحد)

خرجات ديريكت لكافي شربات قهوتها الصباحية وجلسات تفكر خدات موعد من السكريتيرة ديال نزار ولكن باغا تلقى شي طريقة باش تخرج هاد القضية بأقل الخسائر باغا تكون ميري فرحانة وباغا خوها وغادي دير اي حاجة باش تفرحها

وصلات 09:00 ناضت في اتجاه شركة سلطاني للنسيج
وصلات ودخلات وهي هازة راسها فالسماء طلعات للطابق الاخير اكيد تما مكتب نزار تأكدات منها السكريتيرة بين واخدة موعد وخلاتها دخل للمكتب واخا نزار مزال ماجا

دخلات حيدات مونطوها حطاتو فكرسي هو وصاكها ومشات جلسات فالكرسي المقابل جلسة مستقيمة ورجل على رجل هازة الفون تاتخربق فيه تادخل بمشيتو الرجولية وبارفانو الغالي تيتشم على بعد اميال من الصواب وقفات وضارت عندو هو يبانلها انسان ذو بنية رياضية قوية طويل و الكتاف عراض لابس كوستار نوار شعر كحل رطب مرجعو لور بتسريحة جد راقية ولحيتو لمطراسية كحلة خفيفة وفمو المائل للازرق لي تيوحي بأنه من عشاق النبيذ الاحمر
هادشي كولو لاحظاتو فزوج ثواني قبل ماتبسملو ابتسامة لبقة

نزار: احم مادموزيل كيريس مرحبا
كيريس: ميغسي

وتسالمو باليد ومشا الكرسي ديالو قدام المكتب وجلس

نزار: تفضلي جلسي
عاد جلسات وباشرات فكلامها

كيريس: بلا شك تاتساءل شكون انا وشنو بغيت منك
بلا مانطول ماعنديش مع المقدمات انا جاية باش نحل عينيك على شي امور ونخليك نتا تصرف
نزار: ياك لباس
كيريس: عارفة قصتك منين تزاديتي فالمشفى وعارفة حتى اسمك لي كان قبل والعائلة لي تربيتي معاها ما انقولكش ماغلطوش سي غلطو حيت فاش جا مجد سلطاني وبغا بديك مابغاوش حيت رباو عليك الكبدة وهادا اكبر غلط داروه حيت كلفهم حياتهم بالمختصر مجد هو تخلى عليك فاش الام تاعك كانت حاملة بيك وهي كانت خايفة من العار وخلاتك فالسبيطار فاش تولدتي وعزيز تبناك وموراك تولدات منال
مجد كان مريض ديجا بكونسير وكان خايف يموت ومايورتوش شي واحد وراه داكشي باش قلب عليك وقتل عزيز ومراتو وداك نتا مخلي منال تاتموت وراك
نزار: ككيفاش، شنو تاتخربقي
كيريس: دوسي كامل ايوصلك فالايميل ديالك بالادلة
(حطات عنوان دارها) بالمناسبة اختك تاتسناك ولكن كون متأكد غير تدخل لداري ماعندكش لحق تجرح منال الى كنتي باغي تولي خوها مرحبا ماباغيش من الاحسن نقولها مالقيتكش

وناضت هازا قشاوشها وخلاتو مخرج عينيه مافهم تالعبة زربات عليه

مشا فتح الايميل لقا لي دوسي تما بسميت كيريس دخلهم وتوسعو عينيه تحاليل باباه فاش كان مريض بكونسير قبل 11سنة وتسجيل الكاميرا فاش تقلبات لوطو دعزيز وفاش جا مجد داه معاه عاد بانت منال فالتسجيل مغلفة بالدم وهي تاتبكي فاش جاو البوليس والاسعاف داوها معاهم
غمض عينيه وهو مفقوص كيفاش تاتخلى على عائلتو وهما ماصرفو فيه غا الخير لا ودغيا رجع يكرههوم وشنو ذنب منال فعوط مايكون معاها ويساندها كاخ تخلى عليها.
الجزء: 9

ناض مشا ديريكت لفيلا ديال باه ودخل كيف العجاجة لكن لقا الدنيا مرونة وقف مستغرب وسول خدامة دازت قدامو
نزار: شواقع ؟
الخدامة: البراكة فراسك اسيدي موسيو مجد مات هاد الصباح

نزل عليه الخبار بحال الصاعقة وقف مدهشر لثواني عاط طلع بالجرا لبيت باباه لقاهم كفنوه صافي مشا عند راسو باسو وقالو الله ارحمك انا مسامحك

هذا طبع نزار دغيا تيتقلق من بنادم ودغياا تيسامحو
خرج من البيت تلاقاتو خدامة اخرى: سيدي هاد الورقة خلاهالك المرحوم

شدها من عندها وهو تيمسح دموعو ومشا للجردة جلس فواحد لجليسة تما وفتحها باش يقراها
لقاه عتارفلو بكولشي شنو دار فماماه وكيفاش قتل عزيز وشنو دارلو هو وختمهالو بين تيبغيه ومابغاهش احقد عليه طاحو دموعو بغزارة ماهو عاش فكذبة تفكر منال جمع الوقفة ركب لوطو وخرج مكسيري في اتجاه فيلا دكيريس

في حين هيا وصلاتها الخبار حيت رشات خدامة توصلها كولشي وهي نيت لي عطات لورقة لنزار بعد ماصيفطاتها ل كيريس

تاصل نزار ب سكريتيرة تاعو قالها تعطيه نمرة د كيريس صيفطاتهالو وصونالها ديك الساعة جاوباتو

نزار: احم مادموزيل
كيريس: وي موسيو
نزار: راني جاي دابا لعنكم بغيت نتلاقا بختي
كيريس: مرحبا ولكن هي ماسميتهاش منال دابا سميتها مريم
نزار: اوكي ميغسي مسافة الطريق نكون عندكم

قطعات معاه وضارت عند ميري لي كانت تاتفرج فالصالة
كيريس: ميري ماباغاش تشوفي خوك
مريم دغيا ضارت عندها
ميري: كيفاش؟
كيريس: خوك جاي عندك دابا نوضي وجدي راسك تلاقايه
ميري ناضت طايرة شدات فيد كيريس: لقيتيه امم؟ باقي عاقل عليا؟
كيريس: وي عاقل عليك
ميري: وعلاش ماقلبش عليا؟
كيريس: هو الوحيد لي يقدر ايجاوبك

فهاد الاثناء دخل بدر لي كان تيلعب سبور
بدر: شتم مالكم واقفين

ميري مشات عندو عنقاتو وبدات تنقز: كيريس لقات خويا وهو جاي دابا هههه ومشات طايرة للبيتها توجد راسها
بدر: هادشي بالصح؟
كيريس: وي واعدتها ووفيت
بدر: دغيا لقيتيه
كيريس: الجلسة فالمغرب تاتخنقني داكشي باش زربت باش نمشيو فحالنا
بدر: لي بانلك لمهم نطلع ندوش

كيريس مشات لكوزينة تعلم لخدامة لي جابت توجد شي غدا ويكون فمقام الضيافة عاد مشات بدلات عليها لبسات ميني شورط دجين وقبية طويلة غطات شورط مع سبادرين
وهبطات لتحت جلسات وبقات تسناه اوصل تاخلطات عليها ميري لابسة كسوة ماغون حد الركبة مع صبادرين بيضة وبدر لابس كيطمة سخونة فالكري وبقاو تيتسناو

ومريم كول مرة تافاف وتقول مالو تعطل تاجات الخدامة قاتلهم وصل مشات ميري طايرة حلات الباب وبقات تشووووف فيه وعينيها تيبريو بالدموع تانقزات عليه معنقاه بادلها العناق فالبلاصة وخشا وجهو فعنقها تيشم ريحتها الطفولية ممزوجة بريحة الشكلاط بقاو هكاك مدة عاد تباعدو شد وجها بين يديه وبدا يمسحلها دموعها
نزار: طيبتي هاد لعوينات
ميري: توحشتك اخويا بزاااف
نزار: تا انا توحشتك (ورجع عنقها) من دابا الفوق انبقا لاصق فيك تاتملي مني
ميري: (تاتحك وجها فصدرو) عمرك تطلعلي فالراس
طلع نزار وجهو شافهم تيشوفو فيهم
احم: حبيبتي خليني نسلم على الناس انا هنا ماهاربش ههه
طلقات منو وهو مشا سلم على بدر
بدر: انا بدر بمتابة اخ ميري الكبير
نزار (تبسملو) متشرفين شكرا بزاف حيت عتانيتو بيها فغيابي
بدر: راها خنفوستي الصغيرة هاديك ضروري مانتهلا فيها
ومشا سلم على كيريس وجلسو فالصالة

جلسات ميري مخشية فيه: عاصم قولي فين كنتي وفين غبرتي وعلاش ماقلبتيش عليا

كيريس تاتسناه واش ايقولها الحقيقة ولا ايكذب ولكن نزار اختار الصراحة صارحها بكولشي وطلب منها السماحة وحتى مريم سمحاتلو قلبها بيض بحال الحليب

تعارفو بيناتهم ووصل وقت الغداء تغداو مجموعين وهما ناشطين واخا نزار باين عليه مقصح من جيهت باباه طلبو منو احضرو معاه فالجنازة ومارفضش

بعد مرور 15 اليوم

” 19/01/2018- روسيا، موسكو، 03:30″

راجع من الملهى لي كان قصار فيه جايب الكاو غادي وتيكابري بلوطو وسط الطريق تاخرج على المجال الحضري وتضربات لوطو بقرطاسة فالرويضة داكشي باش ختل توازنها وخرجات على الطريق ودخلات فشجرة

مشا بخطوات تابثين تا وصل للباب جيهة الشيفور فتح الباب وجبدو من قردافتو.
الجزء: 10

جبدو من قردافتو وهو دايخ بالسكرة والاكسيدون طاح منشور فالارض عند رجلين لابسين كاط كحل سمييك ضرب بيه يهودي يسلم

جاب جنوي قدو قد السخط وذبحو من عنقو خلاه تيغرغر فدماياتو مد كاس حطو عند عنقو تاعمر دم وغطا الكاس هز ماطريالو وزاد فحالو ماخلا وراه تاحجة لي تخلي للبوليس انقيو سنانهم مشا على رجليه لمدة ساعتين تا بدا الصباح اصبح عاد وصل لوجهتو حيد الحوايج وحرقهم ولبس حوايج نقيين وزاد بعد شوية عاد حفر حفرة ودفن السلاح تما بعد مامسحو مزيااان واخا مامخلي تابصمة ولكن الاحتياط واجب
زاد بعد على ديك البلاصة تالقى tmax ديالو وزاد

“19/01/2018- المغرب، طنجة- 10:00”

بدر: ميري واتحركي خلاص ساعتاين باش تلبسي
ميري: هانا جايا بلا غوات صوتك تيضرني فراسي
بدر: تزيدي شوية نطلع عندك نهزك من جلايلك

كان نزار واقف حداهم وهو تيضحك على هبالهم ولفهم وعرفهم هاكا دايرين و ولا بدر عزيز عليه شافو كيف تيعامل ميري بحال ختو تماما

ميري: هانا جيت ماتخليو لواحد اتأنق فراحتو

كانت لابسة سروال دجين زرق بتقاطع مع شوميز فالخزي مدخلة نصها فالسروال و طالون كحل وهازة فيديها جاكطة كوير كحلة وحتى هما لا يقل عنها اناقة بدر لابس سروال كحل تقاطع مع سباضرين بيضة وتيشرت كحلة وكويرة فالماغون
ونزار لابس سروال كري و وكبوط بيط وسباطرين بيضة مع جاكيط كري
خرجو وركبو فلوطو د نزار في اتجاه مطار TNG وصلو دارو الاجراءات اللازمة وركبو فالطيارة الوجهة نيويورك

بعد 7 ساعات و 21 دقيقة تحطات الطيارة فمطار TEB

هبطو وكملو اجراءات المطار وخرجو كانت كيريس بانتظارهم حيت سبقاتهم ( جلسات غا يوماين ورا الجنازة ورجعات) ركبو فرانج روفر كحلة وكسيرات في اتجاه الفيلا تاعها

“19/01/2018- النرويج، هالدن- 02:00”

“سجن هالدن، مقاطعة اوستفولد”

(تيتعتابر من افخم السجون فالعالم حيت النرويج تاتعطي الاولوية لحقوق للانسان ومدام السجين او المجرم انسان فمن حقو اتمتع بحقوقو حيث كل غرفة فيها جميع وسائل الراحة حمام تلفازة سرير… والسجن فيه جميع المرافق: ملاعب صالات الرياضة والرقص….، قدرته الاستعابية 252 سجين وكان اول سجين تيتسجن فيه سنة 2010 هو هالدن الخامس ملك النرويج انذاك)

في احد الغرف، كان ناعس على كرشو لابس شورط فقط مخلي ضهرو العريض عريان لي مزين بطاطواج على شكل عقرب شد من عنقو حتى لاسفل ضهرو بشكل زوين خاشي راسو تحت المخدة منزاعج من صوت الفون لي ماحبسش من الصونيط.الجزء: 11

هز الفون وجاوب وهو مزال مغمض عينيه

– مستر scorpion (العقرب) ليك خبار خايبة
– شواقع؟
– مستر (x) تلقى مقتول هادي ساعة
حل عينيه وناض بسرعة مصدوم: كيفاش؟
– للاسف منع البوديكارد امشيو معاه لديسكو وفاش كان راجع تعرضلو دراكولا وقتلو

قطع عليه وهو مزال مصدوم صونا على مساعدو الشخصي باش اتكلف بخروجو من السجن ويوجدلو الطيارة لي يمشي فيها لموسكو

“05:00- مطار (RYG ) Halden Otsfold, Nord”

راكب فطيارتو الشخصية تيتسناها تقلع
بعد 10 دقائق قلعات في اتجاه موسكو

“بعد ساعتين و 24 دقيقة في مطار SVO بموسكو”

خارج من المطار تيزرب فخطواتو تعرضلو مساعدو الشخصي بلوطو لامبرغيني كحلة واطاراتها فالذهبي ورمز العقرب فوق لماطريكيل تاهو فالذهبي
صاك هو، ومساعدو راكب جنبو كسيرا تاخلا لي طخاس دلبنو فالارض وصل للقصر ديالو فتحوليه لي كارد لباب الحديدي المذهب العااالي ودخل ضرب الدورة على نافورة قدام الباب وقف بفران سيك شوية تقلب بيه لوطو هبط معصب وتم داخل مع باب القصر لقا الدنيا مرونة الخدامة غادين جايين تيضايفو الناس وتيوجدو للجنازة، البوليس تياخدو اقوال صحاب مستر (x) وعائلتو دخل سلم عليهم وهو عاقد حجبانو وجلس مقابل مع البوليس

العقرب: شكون تجرأ وقتل الواليد؟
الشرطة: دراكولا على الارجح حيت ستهدف منطقة العنق
العقرب: وهاد دراكولا ايبقى مشطحكم كيف القرودة خمس سنين وهو ناشط وماقديتو تاتحددو هويتو
الشرطة: تيعرف كيفاش مايخلي تا دليل وراه
العقرب: امكنلكم تمشيو
الشرطة جمعو الوقفة وغادرو شكون هادا لي يتجرأ ويجادل العقرب واخا بوليس
العقرب عيط على مساعدو الشخصي وفنفس الوقت يدو ليمنة وصاحبو الانتيم: walf (الذئب) شنو الجديد؟
وولف: قلبت فالبلاصة وفالغابة كولها ماكاينة تا حاجة توريلنا شكون هادا
سكربيون: ماتيهمنيش عاود قلب، بغيت هادا قبل تشرق الشمس
وولف: دراكولا موسخ دواسيه لا مع الشرطة الدولية ولا المافيات العالمية كولشي باغي اعرفو شكون ويشدو مطلوب دوليا وديجا قلبو طول خمس السنين مالقاو تاحاجة حافض صواريه
سكوربيون: وانا انطيح كواريه
وولف: رعد البراكة فراسك
رعد: مامشا معاك باس

ومشاو اكملو اجراءات الدفن وديرو الجنازة

“رعد العقرب” زعيم السوق السوداء العالمية ورئيس مجموعة من المافيات الايطالية والروسية كلمتو مسموعة والشرطة الدولية عارفين نشاطاتو ولكن ماعندهمش الحق اقربوليه بحيث عندو مدعميه من الناس الكبار تاع الدول العضمى، ملامحو شرقية حيت تينحادر من ام مغربية واب روسي عيون كيف الصقر فالازرق لحية مطراسية مايل للقهوي شعر قهوي ورطب بنية رياضية قوية وطويل

وولف او الذئب هو صديق الطفولة تاع رعد حيت كبرو فدار وحدة بعد مماتت الام تاع رعد حيت كانو عايشين فالمغرب وفاش ماتت رجعو لروسيا، وولف هو يتيم الابوين مغربي وكان عايش غا فالشارع حيت هرب من الميتم قبل مايلقاه اب رعد وداه معاه رباه مع ولدو فروسيا اسمو الحقيقي ذئاب تاهو بحال رعد غير هو حروفو كحلة ومطول الشعر شوية.

“Two years later بعد مرور سنتين”

في شركة “Manal & Manar”
18:00

واقفة ميري بكسوة حمراء عكسات لون بشرتها البيضاء الصافية مع طالون كحل بأرضية حمراء ومشيطة وميكاب مواتي لكسوة جات كيوت و بدر لابس كوستار كحل مع شوميز بيضة وسباط كحل ونزار بكوستار كري مغلوق وشوميزة كحلة مع سباط كحل حدا طبلة عالية وفيديهم مشروباتهم وهما تيشوفو كيريس فوق المنصة تاتلقي كلمتها لافتتاح الحفلة

كيريس: تانشكر جميع الحظور لي لباو الدعوة وجاو اشاركونا فرحتنا لاستكمال شركة منال & منار للالماس 4 سنوات على افتتاحها لاول مرة ونتمنى تبقى الشركة محافظة على الصدارة ديالها وتألقها بلا مانطول عليكم نخليكم تستمتعو

هبطات من المنصة تحت التصفيقات ومشات في اتجاههم وهي تاتمختر لابسة كسوة كحلة حد الركبة مع طالون وطالقة شعرها كيف العادة مع ماكياج هادئ تايعكس شخصيتها.
الجزء: 12

وصلات كيريس للمجموعة سلمات عليهم خدات مشروب صون كوحول تاتشربو وهما تيتناقشو مع بعضياتهم
فهاد العامين تداخل معاهم بزاااف نزار تاولاو رباعي، أصدقاء، بيناتهم صداقة زويينة، كل واحد فين تربا وجمعاتهم الدنيا، معروفة صداقتهم على مواقع سوشل ميديا رغم اختلافهم فالعمر واعمارهم كالتالي:
ميري 23 عام
كيريس: 25 عام
بدر: 28 عام
نزار: 29 عام

“فنفس الوقت- ايطاليا، فينيزيا- 13:00”

جالس فلمكتب ديالو لي غالب عليه الكحل والكري وسط مملكتو لي هي قصر سكوربيون وجالس اونفاص معاه وولف تيهضرو على امور الشركة لي تيغطيو بيها اعمالهم غير القانونية على العالم حتى نطق وولف

وولف: البارح كانت الذكرى الثانية لموت سكوربيون ستار (نجم العقرب او مستر اكس) علاش ماحضرتيش لثاني مرة؟
رعد: كيف بغيتيني نحضر لهاد الذكرى و انا مزال ماخديت حقو؟
وولف: عاماين ونت تابع دراكولا من قنت لقنت واش مامليتيش؟
رعد: ما انملش خصني نلقاه ونتفنن فعذابو دراكولا نهايتو على يديا.
وولف: لي بانلك.
رعد: وجد راسك والطيارة انمشيو لأمريكا غدا نشوفو داك كارلوس مالو سخن عليه راسو
وولف: اوكي وعطي شوية الراحة لراسك راك هملتيه
ناض كل واحد مشا لشغلو .

“24 hour later بعد 24 ساعة”
(18:00)

غادي فسيارة جاغوار سوداء ورمز العقرب مزينها مبعد من المطار و وولف من وراه فمرسيديس كحلة كسيراو في اتجاه اوطيل سوفيتل Sofitel من افضل الفنادق في نيويورك سيتي خمس نجوم five stars من املاك سكوربيون، وصلو وطلعو للجناح تاع رعد فالطابق الاخير لي عبارة عن جناح فخم باللونين الاسود والذهبي دخلو ومشاو لي فوتوي تما جلسو وفاتحو حديثهم

وولف: علاش مابغيتيش تمشي للقصر؟ جداتك قالبة عليك الدنيا حيت ماحضرتيش للذكرى دالمرحوم.
رعد: هانتا جاوبتي راسك مافيا لي يسمع نكيرها.

*ترن ترن ترن صونا الفون تاع رعد*
رعد: هاهي تاتصوني (جاوب) وي جدة
الجدة: ليا الشرف ملي جاوبتيني، فين غابر؟
رعد: باغاني فشي حاجة؟
الجدة: عرفتك راك فنيويورك اجي للقصر دابا
رعد: انا جاي (قطع)
وولف: اتمشي؟
رعد: وي باينة كاعيا ايطلعلها السكر مافيا لي يخسر شي حد آخر
وولف: اوكي يالله نخليك انا نمشي لداري نرتاح شوية
رعد: دوز تعشا معانا
وولف: لا خليها تالغدا
رعد: على خاطرك

تفارقو كل مشا لدارو
رعد مشا للقصر ديال جداتو لي عايشة فنيويورك وبالضبط “مانهاتن” وصل عند البوابة دالقصر حلوليه لي كارد ودخل دايز من ممر جنابو كولو شجر درب ضورة على النافورة لي قدام لباب الرئيسي عاد وقف كانت رئيسة الخدم تاتسناه عند لباب استقبلاتو
رانيا (رئيسة الخدم) : مرحبا مستر رعد.
رعد: فين جدة؟
رانيا: راها فالصالة

مشا بخطواتو الهادئين تاوصل للصالة لقا جداتو شادة القرآن بين يديها وتاتجود بصوت رنان تيدخل للقلوب جلس حداها تاسالات عاد ناض باس راس جداتو تيحتارمها بزاااف.

الجدة: على سلامتك اولدي طولتي الغيبة
رعد: راك عارفة غا الخدمة تاتلهي
الجدة: وماشي لهاد الدرجة اولدي اتهلك راسك تامن الذكرى ديال باباك ماجيتيش
رعد: جدة نتي عارفة موضوع بابا مزال ماتسد بلاما تزيدي تحكي على الضبرة
الجدة: مابيتيش خلاص تحيد هاد الحقد لي فقلبك هلكك وهلكنا معاك تامن حياتك هملتيها.
رعد: ماهملت والو اجدة
الجدة: لا هملتي شوف شحال فعمرك دابا 32 عام قراناتك ولدو الولاد ونتا مقابلي الانتقام الله اهديك اولدي
رعد: هاحنا بدينا عاود، شحال من مرة تانقولك ماتبقايش تجبديلي سيرة الزواج على فمك انا ماباغيش نتزوج

وناض زاعف خرج من الباب ركب للوطو وخرج مكسيري لوجهة مجهولة.
الجزء: 13

“عند كيريس”

دوزات هاد النهار كولو فالخدمة وتاتسنا بفارغ الصبر وقتاش خلاص ادوز النهار حاسة بالخنقة لطالما هاد التاريخ تيعدبها نفسيا **21/01 **

سالات خدمتها مع السادسة مساءا خرجات من الشركة وهي مرفوعة ركبات لوطو وكسيرات في اتجاه اكتر مكان تاترتاح فيه
وصلات لواحد الجرف عااالي تيطل على البحر
تلاح من تما اسمرك البحر مع الجرف اردك طروفة داللحم فرانات وطفات الفار تاع لوطو وخرجات تكات على لوطو من القدام وهي تاتشوف لبعييد وتاتفكر فالماضي

⌛ فلاش باك FlashBack ⌛

*قبل عشرين عاما Before 20 years*

غادا تاتجري وهي فرحانة وشعرها الاسود واصل لخصرها تيتراقص وراها وصلات للمدرسة الابتدائية تاع دربهم لقاتها تاتسنا قدام الباب طارت عليها بتعنيقة
و لي داز من حداهم تيبتاسم ليهم تيبانو كيوت بزوج واي واحد تيحماق على التوام وخصوصا التوام الحقيقي

منال: تعطلتي قلت ما اتجيش
منار: علاه انا مانجيش باش نباركليك العيد الميلاد، عيد ميلاد سعيد يا احلى اخت فالعالم بغيت ربي مايفرقناش كيف تزادينا بزوج فنفس نهار نموتو بزوج فنفس النهار

منال: تانتي عيد ميلاد سعيد حبيبتي تا انا مابغيتش نتفارقو وبغيت نبقاو بزوج ديما

منار: يالله نرجعو قبل ماتجي ماما وبابا ومايلقاوناش فالدار

منال: حقا شريت سنسلة تاع الفضة مكتوب عليها
^منال & منار^ كانت عطاتني جدة فلوس وكنت نجمع فيهم تاجمعت ثمنها

منار وعينيهاا تيبريو بالدموع: ولكن جدة عطاتك الفلوس باش تشري الكتوبة

منال: اه بالصح ولكن انا تانتبع مع البنات فالقسم وبغيت نشري لختي شي حاجة يالله ضوري نركبهالك

ضارت منار وركباتلها السنسلة كان الشكل ديالها زوين

منار: سمحيلي انا ماشريتلكش شي حاجة ولكن وجدتلك كيكة فالدار نمشيو وناكلوها

منار: احح وشحال تاتعجبني الكيكة ديالك

مشاو معانقين وهما فرحانين تاوصلو للدار

⏳نهاية فلاش باك End of FlashBack⏳

حسات بالبرد ديال يناير تيدخل لعظامها قلبات الدورة باش تركب لوطو تا كاتسمع احتكاك لوطو مع الارض وصلات حدا ديالها وفرانات بقا لداخل ماخرجش عندها تاهي ماهتماتش ركبات ودازت جيهة الشرجم تاعو لقاتو تيشوف فيها ومهبط الزاج

كيريس: رد لبال كاين البرد

وزادت مع الطريق مخلياه مستغرب من اهتمامها ليه

انفض راسو وخرج من لوطو وتكا عليها تاهو بدورو وبقا يفكر كيفاش يلقى هاد دراكولا ويندمو

وصلات كيريس للفيلا تاعها وطلعات لبيتها مشات لواحد لمجر حلاتو وجبدات بواطة صغيرة شوية فتحاتها وجبدات السنسلة بقات تأمل فيها لدقائق ورجعات سداتها وناضت مشات للدوش فتحات الماء وتخشات تحتو وهي تفكر داك الشخص لي تلاقاتو عند الجرف اكييد عقلات عليه حيت
هادا كان ثاني لقاء ليهم منذ 17 سنة هي عرفاتو وعقلاتو وهو لا
ماهتماتش وكملات دوشها وخرجات كملات روتينها الليلي ونعسات.
الجزء: 14

*بعد مرور شهر*

“21/02/2020- تركيا، أنقرة – 18:30”

غادا بمشية موزونة داخلة لاوطيل سويس “SwissÔtel” لي فيه الحفلة السنوية لتاسيس الاوطيل تاتفحص جنابو بكل دقة تاتعبر كل واحد داز من حداها ماشي تبركيك وانما
قاعدة فيها خصها تعرف كولشي وصلات لقاعة الحفلة كانت مزينة بطريقة راقية تاتعبر على فخامة ورقي الاوطيل خمس نجوم وتيحجز فيه غا شكون وشكون ولي داز من حداها تيحل فمو فيها حيت كانت فاااتنة بكل المقاييس واخا هي”ألبينو albino”

(ألبينو اسم تيتطلق على مرضى المهق ولي تيكون عندهم خلل فالصبغيات تينتج عليه عدم تدفق صبغة الميلانين، وتيكونو معروفين بلونهم الابيض تامن شعرهم والحجبان والرموش، هما اكثر وحدين معرضين لسرطان الجلد وتيكونو تيعانيو من اشعة الشمس داكشي باش تطلق عليهم لقب “اعداء الشمس” بحيث ماتيخرجوش لبرى بالنهار نهاااائيا ولا اتكون حياتهم معرضة للخطر)

كانت لابسة فستان فالاحمر طوييل تيتجرجر فالارض مع صندالة طالون فالابيط وشعرها الطويل مطلوق و بوكلي من لتحت وكتفات بعكر حمر بغييون ومصبغة ظفارها فالاحمر مغلوق وقفات فالطبلة بوحدها وهي تاتفحص الغادي والجاي مرة مرة تيدوز السيرفور تيمدلها تختار ماتشرب تاترفض

دازو دقائق تادخل صاحب الاوطيل شاب فالثلاثينات تركي الاصل تاهو مصاب بالمهق مشا فتاتح الحفلة وهو تيضور عينو على المدعوين لي فيهم حتى الناس لي صادف انهم حاجزين عندهم فالاوطيل حتى لمحها واقفة بوحدها وتاتشوف فيه كمل الكلمة ديالو ونزل قاصدها تاوقف عليها

– هاي ميس
وباس يدها بلباقة
– هاي (وهي مبتاسمة)
– ممكن نتشرف باسم الانسة الزوينة
– ههه بيانكا (أبيض او بياض بالايطالية)
– اسم على مسمى، انا امير
بيانكا: متشرفين مستر امير
امير: بلا رسميات بليز
بيانكا : اوكي صوري

تطلقات موسيقى كلاسيكية وضار عندها ماد يدو وحاني بجنتلمانية
امير: ممكن رقصة؟
بيانكا: اكيد

ومدات يديها شدات فيدو ودخلو للوسط
رقصو بزوج بكل احترافية سالات الموسيقى ورجعو مشاو للطبلة تاعهم

الحفلة كاملة ماتفارقش معاها تايتلاقا بصحابو والناس لي تيعرف وهي جنبو تاسالات الحفلة وتمو طالعين للسويت تاعو الفوق
دخلو ومشا هو ديريكت للدوش وهي بقات الضور فالسويت قنت بقنت وابراي فيديها صغييرة كانت تاتكشف عن اي كاميرا كاينة تاتاكدات بين ماكاينة تاوحدة عاد جلسات وهي مرتاحة

خرج لاوي على نصو فوطة ناضت فاتجاهو وعنقاتو تاقرب للناموسية عاد دفعاتو جا منشور فوقها وطلعات فوق الناموسية بغنج وهو متبع معاها وهو ذايب فيها قربات لوجهو تابدا نفسها تيضرب فوجهو وقربات تالعنقو وهي مطلعة مع يدو ظفرانها بكل حنية تابدا تينهج
وهي تكشر على نيابها الماضيين وعضاتو من عنقو تاسال دمو وهو تيتركل تحت منها وتيقمش فيها، بقات تجبد تاجبدات كرجوطتو من بلاصتها حتى تقلبو عينيه وودع

لاحتها من فمها ورجعات غطسات تاتمص الدم وهي متلذذة واخا ماكانش ذو جودة على حد قولها، سالات وناضت من فوقو مسحات فمها و مسحات ضفارو من adn تاعها و لاحت محلول على عنقو تيحيد اثار اللعاب باش مايبقاش دي ان اي تاعها وتاكدات بين ماكاينة تازغبة والا شي حاجة تاعها غطاتو وبقششات البيت كاملة بين ماخلات تا دليل واخا منين دخلات وهي رادة البال تا سالات وخرجات من السويت بحاليلا ماوقع والو غادة وتاتمختر فمشيتها تاخرجات من الاوطيل.
الجزء:15

خرجات من الاوطيل واخا كانت حاجزة فيه ولكن هي حجزات فقط باش اكون عندها الحق تدخل للحفلة شدات طاكسي قربها من وجهتها وخرجات بقات غادة على رجليها وهي رادة البال لايشوفها شي حد
تاوصلات لواحد الحي راقي ودخلات مع واحد الموبل تاوصلات لابارطمو نتاعها ودخلات
مشات ديريكت للحمام حيدات الحوايج جمعاتهم فواحد بلاستيكة وحيدات الباروك لي كانت دايرة تاهي خشاتو فالبلاستيكة حيدات لي لونتي لي كانت دايرة بلون ازرق فاتح حتا هما دارتهم مع الحوايج عقداتهم مزيان عاد دخلات للدوش دوشات حيدات الصبغة البيضاء لي كانت لاصقة فيها تابداو ملامحها يبانو شعر اسود وشفار سوداء فتحات عينيها وهم يما يبانو عينيها لي لونهم فريد من نوعو العين اليمنى فالازرق بحال لون البحر ووسطهم صفر
واليسرى بالخضر بحال الربيع ووسطهم صفر
(تغاير لون القزحيتين أو
(Heterochromia Iridum

heterochromia**)
مشتقة من الكلمة اليونانية Heteros وتعني مختلف
و chroma تعني لون**
هو نتيجة اضطراب جيني وغير مؤذي)

غسلات مزيان وخرجات لوات عليها فوطة نشفات راسها ولبسات حوايجها سروال دجين فالكحل مع كبوط بالعنق وكويرة كحلة مع كاط غسلات الحمام مزيااان هزات الفوطة وكلشي جمعاتهم فبلاستيكة اخرى مسحات اي حاجة قاستها تاكدات بين ماخلات تالعبة عاد خرجات وهازة البلاستيكات فيديها وهي عارفة بين تا واحد ماكاين تما حيت الموبل خاوي والعساس دارتلو منوم فالكاس دالقهوة مايفيق تادوز 24 ساعة خرجات من الموبل وتمشات ساعة دالمكانة تاوصلات لواحد الغابة دخلات ليها وبعدات على الطريق عاد لاحت داكشي لي فيدها ولاحت معاهم تا البصمات المزيفة لي كانت دايرة وشعلات فيهم العافية بقات تاتكدات بين تحرق كولشي عاد تحركات شي نصف ساعة عاد وصلات لموطورها لي كان مخبي وكسيرات وهي شبعانة حيت تعشات باكلتها المفضلة “الدم”

اصبحنا واصبح الملك لله

” نيويورك”

عند الكليكة جالسين فالصالة دفيلا دكيريس تيتفرجو فتيفي وتيتناقشو

بدر: ياربي السلامة واش هاد دراكولا بنادم ولا مصاص الدماء
نزار: واييه بالوحشية ديالو شكيت واش هو بشر
ميري وهي مغطية عينيها: ععع بدلو هاد العجب راه انرد

طفاو التيفي وضارو عند كيريس لي النهار كامل وهي ساكتة وتاتشوف فيهم

بدر: مالك نتي ليوم فشييي شكل
كيريس: مامالي والو غا تانحس براسي ماشي مزيان
نزار: نديوك لطبيب؟
كيريس: نو نو مايحتاجش انطلع لبيتي نرتاح شوية

وطلعات لبيتها وخلاتهم لتحت تيتناقشو على الدراكولا

*عند رعد*

جالس فالبيرو دالشركة هو و وولف تايشوفو فالطابليط

*الكل يتساءل من تلك الالبينو التي كانت مع الضحية قبل موته وما علاقتها بالدراكولا*

وولف: هاااا الروينة عاود شكون هاد ختنا؟ تكون عاوناتو تادخل للسويت حيت داك امير ديما ملصق الحراس فجنابو
رعد: تانظن ديك الالبينو هي الدراكولا
وولف: لاااا ماتقولهاش بنت تكون تاتقتل بديك الوحشية الرجال واتجيهم صعيبة
رعد: تاحاجة ماصعيبة كيف الراجل كيف المراة

*تقول الشرطة ان الالبينو كانت قد حجزت غرفة في الفندق وكانت قد رافقت الضحية طيلة الحفلة وقد اختفت بعدها، كما تقول الشرطة انها لاحظتها في الكاميرا الخاصة بالفندق انها قد خرجت من جناح الضحية بشكل طبيعي وخرجت من الفندق مستقلة سيارة اجرة….. بعد تحقيق مع سائق سيارة الاجرة اتضح ان المتهمة المدعوة ب بيانكا موريس او الملقبة بالالبينو قد نزلت من السيارة في شارع لا يوجد به منازل*

رعد: داكشي لي قتلك الالبينو هي الدراكولا ولكن لي بيت نفهم علاش ماتلقاتش كيدارت تا هربات
وولف: بانتلي هاديك جنية

* الشرطة تقول ان الضحية ماتت بطريقة وحشية تشبه طريقة الدراكولا…. وهنا السؤال هل الالبينو هي الدراكولا ام انها تاثرت بطرقه في القتل وتبنت اسلوبه الوحشي*

رعد: بيت هاد المدعوة بيانكا ضوسي ديالها كامل عندي ولا شفتي شنو بيتها هي نيت
وولف: اندير مافجهدي باش نلقاها والضوسي يوصل من هنا ل 3 سوايع.
الجزء: 16

خرج وولف وخلا وراه رعد فالمكتب.
رعد: هاحنا انشوفو ا ميس دراكولا فين انوصلو على بالك ماعقتش بيك ولكن ذكية مع راسك ههه رديتي راسك البينو باش تلفتي انتباه ضحيتك برافو مانكرش انك ذكية ولكن معايا ما اينفع معك لا شطارتك ولا الذكاء تاعك.

“22/02/2020-فرنسا،ليون – 10:00”

“في مقر الانتربول Interpol”

(الانتربول وهي اختصار لكلمة “international police او الشرطة الدولية” والاسم الكامل هو “منظمة الشرطة الجنائية الدولية International Criminal Police Organization” وهي اكبر منظمة للشرطة الدولية تاسست سنة 1923 مقرها في ليون الفرنسية مكونة من عناصر قوات الشرطة ل 194 دولة منها المغرب الذي انضم سنة 1957)

في غرفة الاجتماعات.
العميد: كيفما كاتعرفو مدة سبع سنوات وحنا تابعين المدعو دراكولا بدون نتيجة ولكن هاد لمرة ظهر شبح الامل لي هو هويته…. دراكولا امراة وخاصنا من هنا القدام نخدموا على هاد الاساس.

احد المحققين: واخا عرفناها امراة مالقينا حتى دليل اوصلنا ليها.
العميد: الاكوادور قررات انها تسيفط لينا احسن محقق عندها وغادي اوصل اليوم، خليه تايوصل ونعاودو الناقشو.

داخل بهيبتو المعتادة ومشيتو الموزونة لي تاتخلي الخطوات تعزف سمفونية الرعب او الموت، انفوا تسمعها يقشعر البدن تاعك، عيونو لي كيف الصقر تيدورو هنا ولهيه ماتاتفلتليه تالعبة بنيته الرياضية 100% تادل على لونطريما والتداريب القاسية لي تايرتاكبها فحق جسدو دون ان ننسى ملامحه القاسية السوداء وعيون خضراء كيف الربيع تخليك تسهى فيها.

وصل لغرفة الاجتماعات دق ودخل دار التحية وهضر

-الشاف معاك محقق وضابط ممتاز رجان.
العميد: كنا تانتسناو فيك سيادة الضابط تفضل باش ناقشو قضية دراكولا

مشا جلس فبلاصتو وبقا يسمع فالعميد واقتراح باقي المحققين

رجان: قضية دراكولا باينة هي قاتلة مأجورة حيت مكاينة حتى علاقة بين الضحايا
محققة من روسيا (وسام): وقضية الدم لي تيكون ناقص بزاف فشي حالات وشي حالات تاتخليه كيف هو
محقق النمسا: شنو ممكن تكون تادير بداك الدم. حيت ماكاينة حتى اثار ديال الابرة لي تاتدي بيها الدم وهو تيتختر
رجان: الضحية الاخيرة راه عضاتو من عنقو
وسام: نفهم من كلامك بين تاتشرب دمهم؟
رجان: وعلاش سمات راسها دراكولا
وسام: تسمات حيت ديما تاتستهدف العنق
رجان: وعلاش ليماتسميش راسها قاطعة الرؤوس، فكري شوية بيما انها تاتستهدف العنق والدم ناقص والضحية تالية تاتكد هادشي فراه دراكولا اسم على مسمى
وسام: باينة عندها مرض نفسي حيت كون كانت نورمال ما اتشربش الدم
محقق بريطانيا: كونتيسة الدم بحلة جديدة
رجان: تماااما، تكون تاهي مولعة بالجمال ديالها ويغات تقلد كونتيسة الدم
وسام: والضحايا لي دمهم ماناقصش؟
رجان: اكون ماعجبهاش
محقق ايماراتي: وعلاش ماتقولوش بين تاتستعمل داك الدم فالشعوذة
رجان: كولشي ممكن، المهم انعاودو من الاول 350 ضحية انعاودو لي ضوسيي ديالهم من الاول
وسام: ماعرفت واش صدفة ولا متعمدة ولكن كل سنة تاتقتل خمسين
محقق الامارات: هادشي تيحير
العميد: كيف قال رجان انعاودو من الاول، الاجتماع سالا ووزعو لي ضوسيي بيناتكم باش تساليو ضغيا
دارو التحية وكل خرج للمكتب تاعو

وسام: مال هادا عاود حاسب فراسو شكون تكون فملك الله

دخلات للمكتب تاعها غا تاتسوط جاها رجان فشكل واخا تيقمعها ولكن جذبها الفضول من جيهتو طابات الاسم تاعو فبيسي وطلعلها الضوسي تاعهو

(“رجان روان” مزداد بالاكوادور في مدينة كيتو العاصمة
الاب من الاكوادور والام هندية
معنى اسمه رجان هو king او الملك
من احسن المحققين والضباط في امريكا الجنوبية
حيث قام بفك اصعب الغاز عالم الجريمة)
امممم رجااان اسم زوين ولكن حبيت الكينغ اكثر
صوت من وراها: كون كنتي تخدمي هادشي فخدمتك كون وصلتي بعيد
ضارت مفزوعة ناحية الصوت لقاتو قارن حجبانو وتيشوف فيها.
الجزء: 17

ضارت عندو مفزوعة لقاتو قارن حجبانو وتيشوف فيها
مابغاش ازيد احرجها ونطق

كاي (محقق امريكي) : جيت ناخد لي ضوسيي لي انخدم عليهم

هزهم وخرج وهو ماعاجبوش الحال لطالما تبع وسام ورفضاتو مامرة مازوج ورجان ضغيا لانت ليه واخا تيقمعها

وسام بدات تافاف حيت تيجيها ثقيل على القلب : مال هادا ثاني افف

“فبلاصة اخرى هاد المرة ما انقولش فين ههه”

جالسة فوق ناموسيتها المريحة وتاتفرج فالخبار الحصرية لي تاتهضر عليها

دراكولا: كان راجل مزيان (امير) ولكن غلط غلطة مستحيل نغفرهالو
وناضت تاتكسل لجهة الدوش شافت راسها فالمراية

ماحاسة بحتى شوووية د الذنب ضميرها قتلاتو داك النهار واي واحد غلط من قريب او بعيد تشرب دمو بالمعنى الحرفي

“عند كاي”
تايشوف تصاور وسام لي حاطة فانسطا تاعها
شعر قهوي واصل لنص ظهرها وعينيها الزورق كيف البحر طاح فيها منهار الاول لي شافها
كاي: تانقسمليك اوسام بين انا لي انكشف هوية دراكولا باش نكبر فعينيك وتبعدي من رجان

( كولشي حالفها فدراكولا 😂😂)

اصبحنا واصبح الملك لله

*عند كيريس*

فاقت كيف عادتها فالصباح مع الخمسة دارت الصبور ودوشات ولبسات وخرجات في اتجاه الشركة
في طريقها صوناتلها ميري
ميري: كيريس كيبقيتي من البارح
كيريس: بيخير بلا ماتشوشي، قارية اليوم؟
ميري: وي قارية بيتي شي حاجة؟
كيريس: العشية جي عندي لدار انعيط على الكليكة نمشير لشي بواط نزهاو
ميري باستغراب: واخا، متاكدة ماواقع والو؟
كيريس: لا واش ضروري تكون واقعة شي حاجة باش نشطو
ميري: لا، صافي واخا بالليل نتقاشعو

قطعات عليها وكسيرات للشركة قيلات نهار كامل تما بلا غدا
وفالعشية مشات وجدات راسها دوشات ولبسات كسوة كرشها تاتبان (الصورة) مع صندالة طالون مشبكة وماكياج هادئ كيف ديما مع عكر حمر ماط وشعرها خلاتو على راحتو كيف ديما
تاخلطات عليها ميري لابسة كسوة باج من العنق بدونتيل

ميري: هانا جييييت
كيريس: فيناهما بدر ونزار
ميري: راهم جايين

شوية سمعو صوت زوج لوطويات دخلو للساحة وخرجو من لوطو ووقفو تما تيتسالمو على مايخلطو عليهم البنات
بدر لابس سروال كحل تقاطع وتيشورت بيضة فوقها قبية حمراء تاتبان تيشورت من لتحت وع كويرة كحلة وصباضرين بيضة
ونزار لابس سروال بيض مع شوميز ماغون كلير مع صباط قهوي
تيتيز تايتشاير

نزلو عندهم البنات وكل وحدة ركبات مع واحد فالدراري
كيريس مع بدر و ميري مع نزار ونطالقو للابواط black flamingo ماتيدخلها غا شكون وشكون سطاسيوناو تعرضولهم لي كارد خداو الكونطاكط اديو ليلوطو للباركينغ وهما دخلو كثنائي للابواط مشاو لواحد طلعو للفوق حيت لتحت خاص غا بالشطيح، ريحو فواحد الجليسة تاع لي فوطوي كيريس وميري جلسة لبقة والدراري نشرو لي زابدو هههه شير بدر من سيرفور جا وخدا طلباتهم الدراري ويسكي والبنات كولا واخا عايشين فامريكا تيشربوش الشراب

ميري: هادشي زين مدة ماجينا تا انا تخنقت بكثرة القراية
بدر: قالالك تخنقات بالقراية وماتجيبي معدل طالع وتخرجي طبيبة فالمستوى حتى نشتف عليك
نزار: عندو الحق بيت ختي تكون اكبر جراحة فالعالم
ميري: بدينا عاود نتوما عارفين شحال تانموت على الضومين نتاعي يعني بلا ماتحتاجو توصيو
كيريس: قيلو عليكم البنت راني رادا معاها البال

جا سيرفور عطاهم طلباتهم ومشا

ميري: انمشي الحمام

ناضت مشات للحمام فاش كانت راجعة فالضورة تضربات مع شي حاجة كانت اطيح كون ماشدها من خصرها علات عينيها العسليين فيه حيت طويل وهي تحل فمها من هاد التوتوز لي قدامها حنحن عاد وعات على راسها سلتات من يدو تاهو طلقها ووقفات تاترد شعرها ورا وذنها

ميري: صورري ماشفتكش
وولف: مزيان ملي عتارفتي بين عورة
ميري: راه عتاذرنا ابنادم تخطاتو وبدات تمتم بالداريجة المرض تاهو عاجبو مخو
وولف: مغربية؟
وقفات وضارت عندو: عندك شي مشكل؟
وولف: هه لا غي تانقول كيفاش مغربية عورة جات حتى لبلاك فلامينغو
ميري: ومن بعد
ومشات فحالها خلاتو مبتاسم تيعجبو اعصب لواحد من غير رعد خلاص الا عصبو ايتيري فيه
مشا للحمام ورجع عند رعد

ميري رجعات للكليكة وهي تاتسوط
بدر:امالك ؟
ميري: والو والو غا كنت انطيح

كيريس تاتحس بشي عيون تيختارقوها من دخلات وهي صابرة فالتالي ضارت وهما يتلاقاو عيونهم
كان رعد لي منين دخلو وهوا حاضيهم وبالخصوص هي حيت عقل عليها فاش قاتلو رد البال كاين البرد شفها كيف جالسة مع الكليكة هما ناشطين وهي قليل فاش تاتشارك
طلعات فيه حاجبها ورجعات قلبات عينيها السوداوتين
رعد بتاسم وجاه فضول من جيهتها تا جا وولف بعجاجتو كيف ديما
وولف: افين سرحتي
رعد: تاتعرفش تجلس بالسكات
وولف: اوا هادي لي مانعرفش. شنو لقيتي فدوسي تاع ديك الالبينو
رعد: تا حاجة
وولف: عييت نقلب عليها والو
رعد: ما اتلقاهاش
وولف: علاش
رعد: حيت ماشي البينو كيف تيسحاب ليك هي بحالي وبحالك كانت خطة منها باش تير انتباه ضحيتها
وولف: مسخوطة اوا وعلاش قلتيلي نجيبلك دوسي تاعها؟
رعد: ضروري ما اي واحد اخلي ولو دليل صغييييير اوصل لمكانو ساعة حاسبة بحساب كولشي.
الجزء: 18

وولف: بسيف ماتشطح البوليس والمافيات سبع سنين
رعد: نهايتها قربات وغاتكون على يدي
قلب وجهو جيهتها لقاها مزال كيف خلاها
رعد: جيبلي اي حاجة تاتخص هاديك
دار وولف جهتها: كيريس؟؟
رعد وهو معلي حاجبو: تاتعرفها
وولف: وشكون مايعرفهاش ملقبة فسوشل ميديا بزوجة الاسود
رعد: ماتانتيقش فسوشل ميديا تانتيق فيك نتا
وولف: واخا الليلة اوصلك كولشي عليها
وولف وعينيه على ميري: وكولشي عليها ايكون عندي
رعد: نعم؟
وولف: والو نسا

ناضت ميري وبدر تيشطحو خالقين السعادة ونزار خرج البرا اهضر فلفون بقات كيريس بوحدها تاوقف عليها

– ميس ممكن تشرفيني برقصة؟
كيريس: باغدون مستر ولكن مافيا لي يرقص
– سمحيلي على ديرونجمون
صوت من وراه: مزيان ملي عرفتي راسك ديرونجيتيها
ضار وهو يبلع ريقو شكون لي ماتيعرفش مستر سكوربيون: سمحلي مستر صحابليش مرافقتك
ومشا تيتخطى فجلايلو
رعد: ياكما قلقك؟
كيريس: لا طلب غا ارقص معايا ورفضت
رعد: اوكي، ليلة سعيدة
كتفات بابتسامة

مشا فحالو وهي تاتفحص ظهرو، كبر وكبر بزاااف حتى ماعقلش عليها

⏳ فلاش باك flashback⏳

* قبل خمسة عشر عاما before 15 years*

كانت غادة بالليل جهة الغابة ويديها ورجليها الصغيورين تيقفقفو بالبرد الشتا كانت خيط من السما وهي ساااهية تاشوية ماضربها طوموبيل وقفات لوطو عند رجليها بفران سيك وخرجات منها امراة انيقة لابسة كسوة حد الفخاض وطالون عالي وهازة مضلة مشات عندها وبدات تسولها: واش قستك نديك للطبيب؟
منار: الصمت
فين واليديك تلفتي عليهم؟ شنو تاديري هنا؟
منار: الصمت
صوت وراها: ماما شنو واقع
الام: هاد البنت باينة وقعاتلها شي حاجة هزها ارعد للوطو نديوها لدار
رعد تحنا عندها لمس وجها كانت جامدة واثار الدموع فخدها هزها بحال الريشة بحيث كبير عليها سبع سنين
وهي ماعارضاتش حطها اللور وركبو هوما القدام والام لي تاتسوق
تاتشوف غا بعويناتها وهي مرفوعة والعيا قضا عليها بالسيف هاد النهار ماكلات تالعبة ولا شربات وصلو للقصر تاع مستر اكس دخلو هزها تاني رعد تالبيت تينعسو فيها الضياف حطها على النموسية
الام: نعيمة نعيمة
نعيمة: نعام الالة
الام: دوشيلها وبدليلها انا نمشي نصابلها شي شوربة سخونة دفا البنت اتموت بالبرد
نعيمة: واخا الالة
رعد: الواليدة انا طالع لبيتي حتاجيتيني عيطيلي

دخلاتها نعيمة دوشاتليها ونشفاتلها ولبساتلها الكيطمة نتاع رعد فاش كان صغير جاتها هي هاديك حيت فعمرها عشر سنين وقليولة فصحتها مابايناش فيها
جات عندها الام بالاسوب تاتشربها وتمسحلها على شعرها وتاتشوف هاد الزين قدامها كانت واخا عندها بنتها الصغيرة ولكن بانتلها منار فنة على بنتها

الام: قوليلي ابنتي سميتك
منار: الصمت
الام: زعما تكوني ماتاتسمعينيش ولا ماتاتهضريش؟؟ المهم ابنتي نعسي تالغدا ونقلبو على عائلتك
باستلها راسها ومشات

تكمشات منار فبلاصتها تاتشوف فنقطة وحدة وتاتفكر شنو داز عليها هاد النهار بين ليلة وختها تقلبات حياتها

ماجاهاش النعاس وخرجات من البيت تجاه الباب خرجات ولقات تما جليسة فالجريدة والشتاء وقفات مشاتلها وجلسات بقات مدة حتى سمعات حس للوطو داخلة للقصر دارت تشوف وهي تشوفو غادي وتيهضر غابشوية فالفون بالانجليزية واخا فعمرها عشر سنين تاتفهمها مزيااان فهماتو شنو قال تسناتو تادخل وتبعاتو
ما اتخليهش ادير داكشي لي قال واخا تموت هي

⌛نهاية فلاش باك end of flashback⌛

بدر: وااااااا كيريس
كيريس فطنات براسها: نعام
بدر: فين سهيتي
كيريس: فوالو نوضو نتعشاو راني مواكلاش
ميري: تا انا فيا الجوع
نزار: مزال ماكملناش السهرة
كيريس: تانعاودوها

وناضو ماشيين فحالهم

رعد لاحظها ساهية وتاتفكر شي حاجة لي كبيييرة غير من مالامح وجهها قبل مايكون زعيم السوق السوداء راه قاري على علم النفس

رعد: هاد البنت عندها شي سر كبيير وتاتبانلي مالوفة، دابا نعرف شنو وراك

(ايتفكرهاا؟ 🤔🤔).
الجزء: 19

مشات الكليكة تعشاو وكل رجع لدارو

كيريس اول حاجة دارتها فاش وصلات لبيتها مشات نيشان للبلاكار جبدات نفس الكيطمة لي لبساتها نعيمة هادي 15 عام ولكن ماشي كيف عطاتهالها هادي فيها اثار الدم

تنهدات مابغاتش تفكر فداكشي حيت صافي داز
دخلات دوشات وخرجات كملات روتينها ونعسات

*عند رعد*

رجع للسويت نتاعو فالاوطيل من داك النهار لي تناقش مع جداتو مابات فالقصر تيمشي غا اطل عليها ويرجع طيباتو بفكرة الزواج.
مشا كبليه ويسكي وجلس على فوطوي وسرح رجليه فوق طبلة زجاجية مرجع راسو لور
عندو الف مطرقة فالراس ماحيلتو لخدمتو ماحلتو لانتقامو ماحلتو لجداتو
طاحت فبالو الام نتاعو فاش كانت حية كانت حنينة عليه بزاااف كان فوقما ضاقت بيه الدنيا تيمشي عندها دابا 15 العام باش ماتت ديك الليلة مابغاتش تخرجليه من بالو

⏳فلاش باك flashback⏳

*قبل 15 سنة before 15 years*

كانت صافطاتو ماماه باش اقلب على ديك المجهولة حيت هربات من القصر بالليل ماعرفوها فين عطات

وفاش رجع باش اقوليها مالقاهاش لقا الام نتاعو غارقة فدمها جاتها رصاصة وسط راسها وطايحة فبيتها

تهز قلبو كانت ارعب لقطة شافها فحياتو لحد الساعة واخا قتل رواح وعادي عندو مزال هاد اللقطة تاتهز كيانو مشا طاير عندها وهو تيغوت ويبكي تاجا باباه شاف داك المنظر طاح على ركابيه

عيطو للبوليس لقاو حتى الخدامة مقتولة فبيتها ولكن باينة مسمومة داوهم بزوج لقسم التشريح لقاوهم بزوج مسمومات وداك السم تيعدبك مزيااااااان عاد تاتموت وكاين فرق فساعات الموت بين الام والخادمة بحيث الام ودعات قبل

عياو اقلبو البوليس شكون مول الفعلة تالقاو واحد من اعداء مستر اكس هو لي صافط قاتل ماجور سممهم بزوج حيت كلاو من نفس الماكلة واعتارفلهم بين عزات عليه السيدة وقتلها برصاصة باش ماتعذبش.

⌛نهاية فلاش باك end of flashbak⌛

لدابا مزال الحرقة دماماه تاتاكلو من لداخل وكملو تا باه لي مزال مانتاقم لو

شوية تفكر ديك الطفلة لي مشا اقلب عليها كون ماهربات كانو اياكل هو وياها الماكلة المسمومة ويموتو جملة

نقذاتو واخا مانقذاتش تا الام نتاعو
عيا يقلب عليها حيت كانت عزيزة على ماماه مالقاهاش .
الجزء: 20

فتح عينيه الحومر فالسقف وهي تجي فبالو
كيف تاتجلس كيف تاتهضر لباقتها والاهم تيشوف فعينيها الغموض وشي سر لي كبيير وحتى قلبو محسسو بين هاد السر تيهمو
وصلو ميساج فالاميل تاعو فتحو لقاه من وولف فيه معلومات كيريس دغيا دخل اقرى
رعد: الاسم الحقيقي منار مجهولة الهوية بسبب فقذانها الذاكرة هي من سمت نفسها منار، ترعرعت في “قرية SOS للاطفال” اليتامى بإمزورن، حيث وجدها رجل في طريق الى الغابة ملطخة بالدم وفاقدة الوعي اثر تعرضها لحادثة سير وقام باخذها الى المشفى وعندما استيقظت اكتشف اها فاقدة لذاكرتها فتكفلت بها منظمة SOS،
في سن 17 سنة حصلت على شهادة الباكالوريا بميزة حسن جدا في العلوم الرياضية خيار فرنسية فحصلت على منحة للدراسة بامريكا واختارت مجال تصميم المجوهرات وفي سن العشرين تخرجت مصممة ونشات شركتها الخاصة Manal & Manar للمجوهرات حققت نجاحا كبيرا بعد سنتين وصنفت افضل ماركة للمجوهرات في الاعالم .
الحياة الشخصية: هي عزباء لم ترتبط ابدا بشاب في حياتها ملقبة في سوشل ميديا بزوجة الاسود لانها لا ترتدي سوى الاسود
اصدقاؤها المقربين بدر ومريم اللذان كانا معها في الميتم ونزار اخ مريم ظهر في السنتين الاخيرين.

اذن نتي بنت الميتم ولكن علاش تاتبانيلي مالوفة بزاف وشكون عائلتك الحقيقية؟؟

نفض راسو لي بدا احرقو ومشا للدوش دوش وخرج لاوي عليه فوطة لبس البوكسر وشورط وتلاح فالناموسية نعس.

اصبحنا واصبح الملك لله

“عند رجان”

فايق مع الخمسة ومشا ترينا فالغابة ورجع بالجرى ناحية لاباغطومون نتاعو لي عندو فليون دوش ولبس سروال ميليتيغ فالكحل مع كاط فالكحل وشوميز فالخزي هز السلاح دارو فظهرو رش ريحتو وقاد شعرو وخرج ركب ف جيب كحلة ماط حربية وكسيرا ناحية مقر الانتربول.

وصل وتم داخل عاقدهوم كيف ديما تاوصل للبيرو تاعو دخل وجلس وبدا فالخدمة
تادخلات عليه وسام بعد مادقات

وسام: هاي، فين وصلتي فالتحقيق؟
رجان: مزال ماوصلت لشي حاجة مؤكدة
وسام: عندك شكوك؟
رجان: وي، بانتلي دراكولا ماتاتقتلش بعشوائية ولكن مزال ماعرفت السلسلة لي واخداها
وسام: يمكن كيف قلتي قاتلة ماجورة
رجان: ماتانظنش حيت القتلة الماجورين تيكونو دايرين بلاصتهوم فديب ويب ودارك ويب وقلبت ماكاينش اسم دراكولا تيدور تما
وسام: كيدرتي نتا دخلتي لديب ويب واش مسطي
رجان: شفتك واخدا راحتك سيري لشغلك
وسام: غير قولي فين كان عقلك فاش دخلتي لتما دابا انزيدو طين بلة حيت ايكونو حاطين عليك
رجان: ماكاين والو خديت احتياطاتي ماعندهم منين اوصلوني
وسام: نتمنى هانا مشيت
رجان: كون درتيها من قبيلة
وسام: متعجرف

ردخات الباب وزادت ماراداش لبال للكاي لي كان عند الباب وسمع كولشي
كاي: اممم ديب ويب ههه درتيها بيديك امستر رجان.
ومشا للمكتب تاعو تيفكر كيفاش استاغل هاد الفرصة لي جات تالبين يديه.
الجزء: 21

“عند كيريس”

فاقت كيف عادتها فالخمسة دالصباح دارت سبور ودوشات لبسات سروال وكبوط سخون مع سبادرين خلات شعرها مطلوق خلات وجهها طبيعي اليوم الاحد عندها روبو خرجات على رجليها تاضور فشوارع نيويورك حتى عيات ودخلات لواحد لكافي تفطر طلعات لفوق حيت لكافي كبيرة وشادة 5 الطبقات طلبات سلطة وعصير ليمون.

“عند رعد”

فاق هاد الصباح كاعي دخل للدوش دوش وخرج لبس سروال كحل تقاطع مع كبوط كحل و مونطو كري صايب شعرو وخرج ركب فلامبرغيني نتاعو قاصد لكافي لي تيفطر فيها ديما ماتبغيش افطر فلوطيل
دخل وطلع لفوق فسانسوغ وجلس تاجابو ليه فطورو حافضين شنو تيطلب بقا يضور فعينيه تابانتلو قدامو تاتفطر وتشوف من الشرجم لي حداها تيطل على المدينة
سالات خلصات وزادت ناض من وراها تابعها شي حاجة تاتجذبو ليها بقات غادة تاوصلات لواحد الجردة فيها العائلات جايبين ولادهم تيلعبو معاهم مشات جلسات وهي تاتشوفهم .
مزاااال النار لي شاعلة فقلبها مابغات تطفى 15 العام وهي تاتحاول تنسى والو.
تاجلس حداها رعد
هي حسات بشي واحد حداها ماهتماتش ماهضرات ماهضر تاكسرات الصمت

كيريس: ماتابعني من لكافي لهنا الا وباغي مني شي حاجة مستر سكوربيون
رعد تبسم : ماصحابليش رديتي لبال
كيريس ضارت جيهتو: محتاج شي حاجة
رعد وهو تيشوف فدوك العائلات: تا انا بحالك ماعنديش عائلة
كيريس: ولكن عايش بلا بيهم.
شاف فيها ونطق رعد: مزال مارجعات ذاكرتك
وقفات: وهاهي رجعات فاش اتنفعني
كانت اتمشي لولا مالفت انتباهها واحد المنظر قدامها

ولد تيغوت: هننن بابا عفاك ما انعاودش اي سوير
الاب: نتا ميؤوس منك ما اتعلم ما اتكون كيف الناس
الام: زيدو لدار وتناقشو بلا شوهة
الولد: ماما قنعي بابا بين انصلح راسي وانقرى ونجيب نقط مجهدين عفاك
الام: عارفة احبيبي عند وعدك انقنع باباك
الاب: نتي لي تاتفششيه وهز يدو تالسما وضربها وزاد لدري تاهو ضربو تارعفو
الولد: هننن نتا ديما تاضربني واخا ماتاندير والو

طول هاد المنظر وهي كارزة على يديها وماحيداتش عينيها من عليهم
رعد رد البال لردة فعلها ومافهمش مالها

كملات طريقها بملامح ممحية

رعد صونالو الفون جاوب كان وولف قالو اجي للشركة ضار شاف فيها ومشا فحالو لخدمتو

فحين هي رجعات للدار لبسات كيطمة تاتكون من شورط و والفوق تاعو بالقب ومشات شعلات التلفازة تفرج.

هاكا داز النهار بدون شيئ يذكر.

“بعد مرور اسبوع”

فديبو قدييم ومهجور مربوطة من يديها رجليها وسادين ليها فمها وهي غااايبة عن الوعي

حتى بدات تحل عينيها غا بشوية وهي تاتحاول تعرف راسها فينها تانطق

رعد: مرحبا بميس دراكولا

الجزء: 22

دراكولا: ههه كنت تانتسناك
رعد: اوووه هيا عقتي براسك ماحسبتيهاش مزيان هاد المرة
دراكولا: الصمت
رعد: تقاضاولك؟
شعل كارو وساط الدخان لفوق
دراكولا: ممكن تبدا ففقرة التعذيب ديالك مامسالياش مزال خاصني نصفيها لشي وحدين
رعد تبسم بغل تيحاول اتكالما: وواثقة بين اتخرجي من هنا حية
دراكولا: الى قتلتيني اتكون سالات قصتي ويلا قتلتك اتكون عاد بدات
رعد شدها من شعرها مقرب وجها لوجهو تيهضو ودخان تيضرب فوجها: لدابا مزال مكالمي، علاش قتلتي الواليد؟
دراكولا زادت قربات لوجهو وتاتشوف فعينيه مباشرة: حيت يستاهل
هنا فاض كاس رعد ونفاجر صرفقها تاتقلب بيها الكرسي للجنب وتنجرات من وجهها عاود قاد الكرسي وشدها من فكها مزير: ماتختابريش صبري اكيريس راه انقتلك.
كيريس: ما اتقدرش ولكن انا نقدر
وتاتشوف فيه بشر
رعد طلقها ووقف تيمسح على راسو هو عارف بين شي حاجة كاينة وهي مابغاتش تنطق ما اتجيش غير هكاك وتقتل باباه

ضار وفكلها يديها ورجليها وردلها بالظهر خارج تاوقفات قدامو مربعة يديها

كيريس: ياقتلني ياطلقني باش تحبسني مستحيل
رعد قرب تالوجها: ما انقتلك تانعرف شنو كاين وديك الساعة انتفنن فعذابك.
وزاد فحالو تاوقف مشوكي من هضرتها.
كيريس: الصراحة طلعتي نية بحال ماماك.
ضار عندها بسرعة: كيفاش؟؟
تمشات تاتمختر تاكلسات على الكرسي ودارت رجل على رجل: النية لي كانت فماماك وقلبها الكبير هو لي قتلها.
رعد قرب تالعندها وشد فكها: فين تاتعرفيها؟
كيريس نترات يدو دفعاتو تابعد عليها وقربات منو وحطات يديها على فكو فحنية: تانعرفها، وعارفة تاشكون قتلها.
شد يديها لي على فكو وضورها ليها تاتزدح ظهرها مع صدرو وقرب لوذنيها ونطق بصوت كفحيح الافعى: فين تاتعرفيها.
كيريس دغيا فكات يديها زربات عليه ووقفات عادي حيدات العدسات وبانو عينيها الملونين الفريدين من نوعهم

رعد طرطق عينيه مصدوم: نتي ديك البنت المجهولة
كيريس: وي لي كنتي تاتقول عليها مخربقة العينين
رعد وهو مستغرب: هاديك الجملة قلتها للواليد ونتي كنتي ناعسة
كيريس تنهدات: مانعستش وتمنيت كون نعست
رعد: شنو وقع ديك الليلة فين مشيتي
كيريس: مستحيل نبقى فدار ضحية من الضحايا تاعي.
رعد: شكاتخربقي
كيريس: بكل بساطة انا لي قتلت ماماك، قتلك نية ديال ماماك لي خرجات عليها.
هنا رعد بدا يفور وشدها قجها مع الحيط: كان فعمرك يالله تسعسنين ولا عشر سنين فين اتشدي نتي السلاح بانليا بغيتي نقتلك قبل الوقت.
شافها تاتشوف فيه وهي مبتاسمة واخا ولات حمرة طلقها وهي مزال مبتاسمة: كيفاش امكنلك تقتل واحد وهو ديجا ميت؟
رعد بعد منها وهو تيغلي تيحس بيها تاتلعبلو على اعصابو شافها مشات جلسات وردات راسها اللور: انا مت نهار ماتت ختي وتوأم روحي نهار قتلوها الناس لي ولدونا حاشا واش اكونو واليديا
عمضات عينيها وتفكرات ديك الليلة.
الجزء: 23

⏳فلاش باك FlashBack⏳

*قبل 15 سنة before 15 years*

كانت راجعة من المدرسة وقلبها مامطمنهاش دخلات للدار بسليت ماحدها تاتقرب وقلبها تيزيد اتقبط عليها لاحت لي فيديها ومشات تاتجري لقات باباها تيلبس فحوايجو وختها عريانة وكل رجل فقنت عينيها مقلوبين وكلها دمايات وكدمات شهقات وسدات على فمها وهي مصدومة شوية شافت ماماها جات تاتجري وتاتقولو صافي نوض نديوها ندفنوها راك قتلتيها قبل لاتجي منال ولا شي واحد فجيران ومشات تاتلوي عليها ايزار بيض باش اخرجوها
منار ديك الساعة مشات للكوزينة هزات جنوية ومشات تاتجري تاوصلات على باباها كان حاني باغي اهز منال ماحسات براسحا غير هيا ضارباه بالجنوي فعنقو مات فاللبلاصة لطالما منار واخا صغيرة كانت تاتريني باش تكون قوية اصلا تمارة قواتلها عظمها ضارت جيهة ماماها لي كانت عاد جايا شافت داك المنظر خرجو عينيها منار ماعطلاتهاش ضارت جهة باها خدات الجنوية وغادا جهة مها بشوفات شيطانية.

منار: نحب نقولك اماما الغزالة لي قتلتو ماشي منار هاديك توأم روحي منال لي نفديها بحياتي ونتوما قتلتوها اذن اتبعوها
ماماها بالصدمة فشلات نزلات عليها منار بالطعنات فين ماجات الدقة تاخرج روحها

مشات عند ختها وتحنات عندها

منار وعينيها مدمعين: كون عرفت ايوقع هادشي كون ماطلبتش منك ناخد بلاصتك اليوم نمشي نقرى بلاصتك سمحيلي احبيبتي انا السباب ولكن خديتلك حقك
منار ماتت فاش ماتت منال كيف تزادو بزوج ماتو بزوج كنتي نتي هي عائلتي
باستلها راسها وناضت من فوقها هزات الجنوي باش قتلاتهم ومشات للدوش دوشات بماء بارد واخا لموت دالبرد ماحاساش وخرجات بدلات عليها هزات الجنوية لواتها فميكة ودارتها بينها وبين السروال

مشات للكوزينة طلقات الغاز تاع البوطات كاملين وسدات الشراجم والبيبان وهزات بريكة وخرجات من الدار تاتسلت لايشوفها شي واحد بعدات شوية وبقات تاتاكدات بين الغاز ايكون ضار الدار كاملة عاد شعلات العافية فواحد العصى ورماتة جهة الشرجم ومشات تاتجري تاطرطقات الدار من وراها والجهد ديال الانفجار تهوزات تالسماء وتخبطات تنجرات كوولها واخا هكاك ناضت وكملات الجري ديالها وصلات لواحد الغابة حفرات حفرة دفنات الجنوية تما وغطاتها وصايباتلها باش مايلقاها حد وبعدااات بزاااف وعاودات حفرات حفرة دفنات السنسلة خايفة لا تمشيلها تاتقاد اومورها وترجع ليها.

مشات لواحد المحطة مهجورة تما فين باتت ديك الليلة تاصبح الحال ومشات تقلب شنو ممكن دير باش تاكل وفين تبات دوزات النهار كولو بلا فايدة لا ماكلة لا شراب تاظلام الحال وبدات الشتا الطيح هنا فين كانت اضربها لوطو تاع ام رعد وخرجو عندها هزها رعد وداوها للدار .
واخا كانت تاتسولها الام على سيميتها فضلات تسكت حيت ماعندها جواب شافت الحنان فعينيها لي مفتاقداه من نهار حلات عينيها وكانت تاتعيطلها بكلمة بنتي لي عمرها سمعاتها من واليديها.
فاش خرجو وخلاوها بوحدها فالبيت وخرجات للجردة وسمعات اب رعد تيدوي بالانجليزية وبالشوية وهي عندها وذنين الخفاش السمع عندها مجهد

نجم: راني جبت السم انديرو فكاس دالما ونطلعو ليها………. ماتخافيش ما تعيق بوالو وانخرج نقولها عندي خدمة ونخليها تموت بوحدها فالبيت حيت السم تيعدب عاد تيموت كيق طلبتي مني……… صافي يالله بالسلامة.

خلاتو تادخل عاد تبعاتو مستحيل تخليه ادير داكشي لي فبالو واخا تموت هي، ديك السيدة حسباتها بنتها.
واخا قتالة قتلات عائلتها غي هادي نهار ما اتنكرش خيرها.
الجزء: 24

شافتو داخل للكوزينة الخدامات كولهم نعسوا حل الثلاجة وجبد عصير الليمون عمرو فكاس وكب السم فيه خلطو مزياان رجع كولشي بلاصتو يالله بغا اهز الكاس وهي طيح شي حاجة سمع الحس ومشا اشوف شنو داكشي خايف لايشوفو شي واحد هي دارتلو من الجهة الثانية حيت الكوزينة مفتوحة على زوج جيهات عمراك كاس اخور ضغيا وخبات المسموم وتخبات قبل مايجي
تم راجع فاش مالقا والو هز الكاس وتم طالع دخل للجناح تاعو وهي بقات مراقبة الوضع من البعيد تا خرج بيديه خاويين ناحية بيت ولدو لقاه مزال سهران مع الفون قربات تسمع لقاتهم تيهضرو غا على المدرسة تا عاودلو رعد علة مخربقة العينين لي لقاو فالطريق.

مشات تخبات فالجردة دابا ملي جاب لخبار بين كاينة خافت لايجي عندها اكون بحال باباها ويتعدا عليها تاهي مشات زلعات العصير ورمات الكاس ورادة لبال لايشوفها شي حد ورجعات تخبات وتكمشات من لبرد داها النعاس فالجردة تاصبح الحال من عوايد ملك (الام) تاتفيق بكري اول حاجة مشات طلات على بنتها لي صغر من كيريس بثلث سنين وطلات على رعد مزال ناعس وهبطات لتحت تشوف المجهولة كيف صبحات دخلات مالقاتهاش مشات تاتقلب عليها فالجردة والو مابانتش طلعات فيقات رعد

ملك: رعد نوض اولدي قلب معايا على البنت راها ماكايناش
رعد تقلب لجهة لوخرى: شكون هادي، خليني النعس
ملك: وانوض اولدي راه البنت باينة مصدومة لاتمشي توقع فيها شي حاجة

ناض بزعفة غسل وجهو ولبس القبية تاع السروال كان ناعس غا بالبيل جر كلاكيطة ونزل خاسر تيقلب فالجناب كاملين تامالقاهاش وخرج برى كاع اقلب داي معاج زوج من لي كارد بعد ماصبنهم حيت ماردوش البال

ملك مشات قلبات تسجيل الكاميرات لقاتهم طافيين فالليل مافهماتش شنو وقع ليهم ( رااااجلك الالة لي طفاهم 🤦‍♀️🤦‍♀️)

فاقت منار معطلة جوايه العشرة لقات راسها فالجردة لي ورا القصر كانت مخبية مزيان شحال دازو من حداها ماشافوهاش

ناضت ودخلات ناحية الكوزينة لقات غا الخدامات لي تيضورو تما قلبات على نعيمة مالقاتهاش بغات تقولها تعطيها تاكل حيت هي لي تاتعرف قلبات البيوتة كاملين تالقاتها تاتوجع فبلاصتها وكشكوشة خارجة من فمها ماجا فبالها غا ملك طلعات تاتجري لجناحها ودخلات بلا دقان لقاتها منشورة فالارض تاهي وتاتوجع والكشكوشة خارجالها من فمها مشات تحنات عندها

ملك: حبيبة عافاك عاونيني راني تانموت
منار عارفة واخا تبغي تعاونها اتموت حيت باينة عاودلها نجم السم وسمعاتو قال بين هاد السم ماعندو دوا يعني ميتة ميتة

خلاتها منشورة تما وناضت تقلب فالبيت حتى لقات فردي هزاتو بلا ماتفكر ومشات ناحية ملك بقات تشوف فيها كيفاش تاتعذب

ملك: شنو تاديري نتي حطي داكشي من يديك
منار: راجلك لي سممك واخا نبغي نعاونك ما اتعشيش هاد السم ايعذبك عاد ايقتلك
ملك: هئ هئ كذب عليا قالي بين ايتبدل، حبيبة قلبي فالبلاكار اتلقاي مذكرة وسط الحوايج غبريها حيت الى لقاوها اتنوض كارثة بالخصوص الى لقاها رعد ايحقد على باباه وخايفة على ولدي عافاك

منار بقات تشوف فعينيها وقالت: سمحيلي

وضغطات على الزناد جاتها الرصاصة وسط راسها وترش الدم على منار وبالجهد درصاصة طاحت تاهي فالارض جمعات الوقفة ومشات تاتقلب على المذكرة قبل مايوصلوا من زهرها كان الفردي سيلونس لقاتها هزاتها دارتها بينها وبين السروال لقات تما جونسون دخت رعد كباتها فاي حاجة قاستها ومسحاتها بزيف ولواتو فيديها وخرجات تاتسلت تا واحد ماردلها البال تاخرجات وصلات للباب دالقصر لقات لي كارد كتار بقات مخبية تاشافتو راجع وكاعي حيت مالقاهاش بقا يسب فلي كارد وهما حايين راسهوم بقات تسلت تاخرجات هما ماشافوهاش وهو كان رادلها بالظهر

جرات تا بعدات مشات حفرت حفرة خبات السلاح وعاودات بعدات وعاودات حفرات حفرة وخبات المذكرة وردمات عليها التراب والزيف دارتو فجيبها

لطالما تيعجبها الضومين دالبوليس وكانت فضولية وذكية كولشي تاتفكر فيه زائد الافلام اعلموك الفضايح تما تعلمات الانجليزية والفرنسية، وكيفاش تخبي الدلائل، كانت ذكية على ختها وتاتعجبها القراية كانت باغا تكون محققة مشهورة بحال كونان ولكن للحياة رأي آخر.

⌛نهاية فلاش باك end of flashback⌛

حلات عينيها الحومر وهي كارزة على سنانها وشافت فرعد لي من الوقت فاش كانت ساهية وهو تيشوف فيها

كيريس: سميت راسي كيريس حيت تاتعني الالهة التوأم للقتل العنيف فأسطورة الاغريق ومثلث دور الالهة على اكمل وجه
ختي عايشة معايا فينما كانت منار منال معاها متنا بزوج وحيينا بزوج.

رعد: موتي ولا عيشي تانواعدك انذوقك المرار وخرج مكره حيت ماصور منها لاحق لاباطل متاكد بين مخبية شي حاجة سد الباب وحط حراسة مشددة عارفها تاطير مع الطيور ارجع عندها القا يديه والريح

الجزء: 25

“عند الكليكة”

كانو كلهم فالفيلا ديال بدر تيتسناو كيريس تخلط عليهم حيت دايرين اتلاقاو

بدر: اوف فونها طافي ومالضواو فالفيلا طافي فين تكون مشات
ميري: عمرها مشات لشي بلاصة بلا ماتقولها لينا على الاقل تاتعلم بين اتسافر
نزار: تانتوما زدتو فيه كيريس ماشي صغيرة باش تخلعو عليها هاكا

وصل ميساج لبدر:
📩 كيريس: راني سافرت بلا ماتشوشو عليا📩

ديك ساعة صونالها لقاه طافي

بدر: كيريس مسافرة باينة راها فالطيارة طيلي طافي
ميري: فين
بدر: ماقالتش صافي خليها على خاطرها نتوما عارفين ماتاتقولنا والو
نزار: نوضو نوضو نمشيو للا بواط نسهرو تاتعاود تهضر
ميري: اوا تسناو نلبس
بدر ونزار: اوا سيري وباتي

ناضت ميري لبيتها لي كاينة ففيلا دبدر بعض المرات تاتبات عندو فاش تيسهرو مجموعين هي والكليكة كل واحد عندو بيتو عند لوخرين

لبسات كسوة فالخضر بكمام طايحين وجيهة الصدر على شكل قلب مع سنطالة طالون فالباج جمعات شعرها مشيطة زوينة وميكاب مواتي الكسوة وخفيييف وهبطات عندهم لقاتهم لبسو وتانتكو واحد انسيك فلاخور كون ماخوتها كون تزوجات بواحد فيهم

ركبو فلوطو وحدة ومشاو انفس البواط بلاك فلامينغو

طلعو لبلاصتهم كيف العادة وريحو

جلسات مريم وهزات راسها ميتجي عينيها غا فيه تيشوف فيها خرجاتلو لسانها وقلبات عينيها

وولف ضحك تابانو سنانو وقال بينو وبين نفسو: برهوشة

رعد البلان كولو داز قدامو تبسم جنب فاش تفكر كيريس كانت معاهم ماتاتبانش فيها كاع واش قتالة تيقول واش هاد الكليكة عارفين حقيقتها ولكن بانلو مقلوبة عليهم القفة

جا باش انساها ماشي اتفكرها باغي ابرد باش ارجع بنفس جديدة للحوار معاها باغي اعرف شنو واقع وهي تاتقول غاداكشي لي باغا ماشي لي باغي

رعد: وولف غدا جيبلي دواسا دضحايا دراكولا كاملين
وولف: فالصباح اوصلوك

وناض رعد امشي ارتاح اليوم ترهق بزاااف حيت مافرغش غضبو فشي واحد

مشا ديريكت للاوطيل وطلع للسويت نتاعو دوش وخرج لاوي على نصو فوطة اول حاجة دارها مشا لبيسي فتحو على كيريس لي مركب كاميرا فالديبو بانتلو متكية ظهرها على الحيط ومسرحة رجليها ورادة راسها للور باينة تاتفكر فشي حاجة عيط لواحد الكارد لي حداها

رعد: عطيوها تعشا ومادخلو تاحاجة حادة ليها عطيوها غا فالبلاستيك وردو البال نعرف هربات حفرو قبركم
الكارد: امرك مستر سكوربيون

قطع عليه وسد البيسي ناض لبس بوكسر وشورط وتلاح ناعس

“عند رجان”

فلابارطومو تاعو لي عندو فنيويورك واقف فبيتو وتيشوف فالسبورة لي معلق فيها تصاور الضحايا التسعود وخمسين ضحية لي متكلف بيها فقضية دراكولا وتيشوف شنو العلاقة بينهم مور اخر جريمة نتاع دراكولا لي قلبات الموازين

رجان: الضحية التالية من الطبقة المتوسطة ماشي بورجوازي شنو سر؟؟

سمع الدقان فتح لقاها وسام: هاي جبت العشا عارفاك اتكون هملتي راسك ثاني
رجان محملهاش تقاطعلو افكارو ومابغاش اخسر معاها رجع اللور مخليلها منين دوز وهو عاقد حجبانو دخلات تاتفرنس تالوسط الدار

وسام: فين الكوزينة
رجان: لهيه
وشيرلها بيديه
مشات تاتمختر للكوزينة حطات كولشي فوق الطبلة وجلسو تيتعشاو فصمت تام

الجزء: 26

وسام: الضحية التالية قلبات حسابنا كامل
رجان: مزال مالقيت تاشي نقطة توصلني لراس الخيط
وسام: نتعشاو ونعاودو نفكرو

“عند كيريس”

كانت مزال على جلستها لي شافها بيها رعد تادخلولها الماكلة تبسمات جنب وهي تاتشوفهم كيف خايفين منها ورادين البال قلبات وجها ماعندها خاطر تقتل شي واحد ردات راسها لور وغمضات عينيها ورجعات بيها الذاكرة لقبل اسبوع

⏳فلاش باك flashback⏳

*قبل اسبوع before a week*

قلبات وجهها من داك المنظر وزادت فحالها فحين رعد مشا فاش جاه اتصال فالفون من عند وولف خلاتو تاغبر على عينيها وقلبات الطريق اتجاه ديك العائلة بقات تابعاهم تاعرفات فين ساكنين عاد رجعات لدارها بدلات عليها ومشات تاتفرج وهي تاتفكر كيفاش تصفيها لهاداك لي تجرأ وضرب ولدو

بقات حاطة عليه العين تاخرج واحد النهار بوحدو بالليل تبعاتو على رجليها تاوصل لواحد الزنقة خاوية وهي توقف عليه كيف قباض الرواح دايرة ليكات وقب مغطي وجهها وعارفة داك الحي شعبي مافيهش كاميرات مدات يديها ورا ظهرها وجبدات جنوي ذبحاتو من الوريد للوريد خلاتو غارق فدمو ومشات فحالها

مشات لواحد الغابة دفنات السلاح بعد مانظفاتو مزياااان وبعدات شوية فين خبات حوايجها بدلات عليها وحرقات هادوك المطليين بالدم ومشات جهة الموطور تاعها ركبات وزادت

⌛نهاية فلاش باك end of flashback⌛

كانت متأكدة بعد ما قتلاتو رعد ايعيق بيها حيت عارفاه تيقلب عليها وشافها فاش كانت محقدة عينيها فالضحية فاش كان تيضرب ولدو وبقات تسنى وقتاش اضرب ضربتو تاجاها اليوم دارلها منوم فالفطور فنفس الكافي لي فطرات فيه وهي زكلاتها هاد المرة ماحسباتهاش وخطفها من تما.
ناضت كلات حيت جاعت وتسطحات نعسات

“عند الكليكة”

ناضت مريم تجرب تعيط لكيريس ياكما فتحات الفون مشات ناحية الطواليط فين كاين شوية الكالم بقات تصوني وتعاود والو الفون طافي بغات ترجع تاوقف عليها

– الزين من قبيلة شفتك وعجبتيني
ميري ميقات فيه: اومن بعد حيد من طريقي ندوز
بدا تيقرب من عندها وهي راجعة باللور وتيشوف فيها بشهوة تالصقات على الحيط ماعندها فين تزيد قرب من وجهها يالله بغا ابوسها وهو يتجر من الكول
نزل عليه وولف بالدق ماخلا فيه عظم صحيح مافيقو من غضبو غا غواتها

ميري: صافي اتقتلو
وولف طلع وجهو فيها: بقا فيك؟
ميري: بلا ماتوسخ يديك فحثالة
وولف: راه كان تاتحرش بيك
ميري: ولكن وقفتيه عند حدو
وولف ناض تيمسح على وجهو: نتي بيخير اذاك؟
ميري: لا جيتي فالوقت شكرا
تبسماتلو ومشات خلاتو

وهو مزال تيغلي عيط على رجالو اهزو داك الحثالة تايرجع اكمل عليه وهو دخل للحمام غسل وجهو باش اتكالما طلع وجهو فالمرايا

وولف: وكون ماتبعتهاش كان ايبوسها الزامل لاخور
ضرب يدو مع المرايا تاتشخشخات ويديه سالت بالدم

وولف: ما انفوتهالكش تسنى موتك.

عند ميري لي رجعات صفرة عند الكليكة

نزار: مالك تاترجفي وصفرة بحاليلا مخلوعة
ميري: تحرش بيا واحد الحثالة كون مانقدني واحد السيد
بدر ونزار: شنو؟!
وبغاو انوضو امشيو اخليو عشتو
ميري: صافي غا جلسو السيد تكلف عطاه ماكلة الطبل نهار العيد
دورات وجهها جيهتو فين كان جالس بانتلها بلاصتو خاوية تنهدات بخيبة امل كانت باغا تشوفو

فحين وولف مشا للديبو الثاني فين رابطين داك الحثالة

دخل عليه كيف العجاجة كمل مابدا تاخرجات روحو ومشا فحالو مخلي رجالو اجمعو الروينة
الجزء: 27

اصبحنا و اصبح الملك لله

“عند كيريس”

فاقت وهي دايخة تالقات راسها مقلوبة ومربوطة من رجليها.

رعد: صباحووو، صحابلي اتعلمي من غلطك وماتاكليش ساعة ثاني مرة تانديرها بيك
كيريس: ههه انا درتها بيك قبل وشحال من مرة
رعد كرز على يديه لطالما تيكره الواحد لي يقلل منو ولا يستحمرو

كيريس: عقت بيك درتيلي منوم ولكن باش نخليك تيق كليت الصراحة تا انا كان فيا الجوع وخصني نعرف شنو اديرلي
الى شفتيني ماتخدرتش اتكعى وماتيعجبنيش تكون كاعي تاتجي قبيح (ضحكة شيطانية)
رعد: كنت عارفك مختلة عقليا ولكن صحابليش لهاد الدرجة، يالله قوليلي الزوينة شنو تيبانلك تحت راسك
كيريس: زيت مغلي، وعوجات راسها ، بيتي تقليني نحب نقولك مذاقي مر بحال روحي
رعد: تمااااما غير هوا كلابي لي اياكلوا وهما عندهم عادي تكوني حلوة ولا مرة ماحدك لحم
كيريس: قتلك ديجا ماتيهمنيش الى مت عندي فقاموسي ياما الموت او الحياة اما الحبس ماواردش
رعد: علاش قتلتي الواليد؟
كيريس: قتلك حيت يستاهل

رعد رخف القنبة تانزل راسها شوية ناحيت البرميل

رعد: ماحدك تاتماطلي ونتي تاتقربي لموتك

كيريس: نتا باغي تعرف شنو السر ديال ديك الليلة اكثر ماباغي تعرف علاش قتلت مستر اكس يعني ماحدني ما قلت والو انبقى عايشة

هنا صافي حداتهوملو شداتو من يدو لي توجعو

رعد موجه هضرتو للكارد: فكوها

فكوها وهبطوها تقادات فالوقفة وميلات راسها تاتشوف فيه بشر

كيريس: سمعت بين قريتي علم النفس وكنتي باغي تكون طبيب كون مابزز عليك باك تدخل للمافية، مافيها باس الى درتيلي تنويم ميغناطيسي وامرني نسا الماضي حيت رهقني

رعد: ماشي نتي لي تامري ازين انا لي عارف اش ندير فيك

زاد جهة الباب: تبعيني

تاهي تبعاتو بدون معارضة معوالاش تغدرو حيت عاونها واحد النهار زائد ولد اكثر انسانة حباتها ورى ختها منال والاكثر حيت مادارش علاش باش تقتلو غير تاتقولو هكاك باش تلبكو تيعجبها فاش تيكون تالف تيجي كيوت واخا عصبي
اتقولو عليها حماقت ولكن هي حباتو من نهار لي حط يدو على وجهها وهزها للوطو كانت متبعة اخبارو طول السنوات لي مرو شحال من مرة نقداتو من لي كانو باغيين اقتلوه

خرجو من ديبو وضار عندها بقا تيقرب منها وهي تاتشوف فيه عارفاه شنو باغي يدير

مدات يديها ونطقات: غا دقها بلا مادوخني

تبسم بغل: شي بعض المرات تاتصدميني بتوقعاتك الصحيحة
كيريس: وانا تيعجبني نشوفك صريح وتاتمدح فيا اوبس تاتعاير فيا

جر يديها بنترة ودكلها ابرة بقاو واقفين تابدا مفعولها تيعطي

ولاو عينيها نايميين وفشلااانة هزها وحطها فللوطو
داك المخدر غي رخاها مانعسها مافيقها تشوف كولشي وتسمع كولشي ومادير والو

ضار جهة لوخرى وصاك مكسيري تاوصل لاوطيل تاعو هزها عاود وتم مطلعها للسويت نتاعو حطها على الناموسية

رعد: مفعول الابرة ايزول بعد ربعة دالسوايع رتاحي تانجي حيت تابعك بزااااااف امخربقة العينين

وخرج فحالو حاير مشا للمكتب وعيط للوولف
وولف: فين داكشي لي قتلك البارح؟

وولف: يالله ساليتهم هاهما ايوصلوك فالايميل

فتح اليميل نتاعو فاش وصلوه لي دوسي السيرة الذاتية تاع كل ضحية قيل نهارو كولو وهو تيقرى ويحاول احدد العلاقة لي بيناتهم

شاف ناحية الساعة: اوه شيت
وناض طاير ناحية الاوطيل نسا راسو تافاتت ربعة دالسوايع اتكون دارت شي كارثة على هاد الفكرة كسيرا تاتحكو الروايض فالارض

وصل وهبط طاير مخلي لباب دلوطو مفتوح طلع بالزربة بالتلفة نسا سانسوغ تاوصل للسويت نتاعو فتحو ودخل لقا الناموسية خاوية

الجزء: 28

“عند ميري”

كانت فالكلية ديالها، يالله خرجات من واحد المحاضرة
تاعيطلها شي واحد

ليندا: هاي ميري
ميري: هاي الزين غبرتي
ليندا: واييه كان عندي سطاج فواحد المشفى
ميري: سعداتك اختي هاد العام اتخرجي انا مزالي عاماين
ليندا: تانتي دغياااا ادوزو، انا بقالي عام وانتفرق عليكم الصراحة انتوحش يامات الكلية
ميري: انا مزالي انبقا تاورا عاماين باش ندير تخصص
ليندا: عندك الحق انا غا طبيبة عامة باركة عليا
ميري: ههه وايييه انا لي باغا تمارة قالك باغة نولي جراحة
ليندا: هاء وستصغرتي راسك راك ذكية مع راسك، فين كليكتك صافا عليهم
ميري: صافا
ليندا: اختي تاتحمقني كيريس ديريلي معاها شي ميتينغ بليز
ميري: ههه اك دابا مسافرة تاترجع
ليندا: ييس تانحبك، يالله نمشيو نتغداو فيا لموووت دالجوع والربعة دالعشية هادي
ميري وهي غادا جيهة طوموبيلتها: تبعيني بلوطو نوريك واحد المطعم تفتح جديد تاع الماكولات البحرية
ليندا: اك هانا انتبعك
ركبات ميري فرانج روفر فالحمر وتبعاتها ليندا تاوصلو للريسطو نزلو ضاحكات خداو طبلة وريحو جا عندهم السيرفور خدا طلباتهم ومشا
بقاو مجمعين ضاحكين تاجابولهم طلباتهم تغداو تانطقات ليندا

ليندا: اححح اقلبي تيتيز داخل
دورات ميري عينيها جيهة الباب وهي تلمحو داخل بكل شموخ لابس سروال كحل وكاط مع كبوط كحل (مكحلها بحال كيريس 😹😹)

ليندا: وولف اسم على مسمى
ضارت عندها مستغربة: وولف
ليندا: تاتعرفيهش؟؟ سميتو وولف تيتيييز اختي 😻😻

ميري محملاتش لبلان ورجعات دورات عينيها جيهتو لقاتو جالس بكل رجولة تيهضر مع شي واحد معاه تاشاف فيها مركات ودورات وجهها دغيا
اما هو تبسم ورجع كمل هضرتو

لاحظها خرجات وبقا متبعلها العين

تاسالا غداه وخرج فحالو تاسمع صوت وراه

ميري: مالك فيديك؟

كانت صدرات ليندا وبقات تسناه

وولف شاف جهة يدو لي ملوية ففاصمة: مجروح
ميري: عقمتيها؟
وولف: شي ساعتاين تقريبا
ميري: واش حمق كيفاش ساعتاين خصك كل نصف ساعة تعقمها
ومشات لوطو تاعها جبدات علبة الاسعافات الاولية ديما معاها
شيراتلو بعينيها ناحية الكرسي دلوطو زعما جلس
تاهو ماخسرلهاش مشا وكلس

ميري: يديك
مدلها يدو وبدات تحيد فالفاصمة غا بشوية باش ماتوعتوش وهو تيشوف فيها كيفاش خسرات ملامحها فاش بانولها الجروح غارقين شوية

ميري: عندك واحد الجرحة غارقة بزاف خصها تخيط واش مامشيتيش لمشفى
ماجاوبهاش فييينو السيد راه سهى فيها وفشعرها لي يديه الريح

ماتسناتوش اجاوبها دغيا دقاتلو مخدر وبدات تخيطلو الجرحة وتاتعقمهومليه سالات ولوات عليه فاصمة.

ميري: ساليت

عاد فاق من سهوتو: شكرا
جا نايض امشي فحالو

ميري: هييه فين غادي؟
وولف مستغرب: للوطو تاعي
ميري: وشكون ايسوك ونتا يديك مضروبا خليني نوصلك
وولف: بلا مانعذبك
ميري: تخافشي ما انغتاصبكش ، بيت نرد الجميل لي درتي فيا البارح طلع نوصلك

وولف تاهو كان طالب عليها ههه
ومشا ركب ضارت هي جهة الشيفور ركبات خبات العلبة وديمارات مكسيرية

ميري: فين نوصلك
وولف: اوطيل سوفيتل
ميري باستغراب: ساكن فاوطيل؟
وولف: نو غا صديق
ميري: اااه لي كان معاك داك نهار
وولف: وي، صحابلي كاع ماشفتينا
ميري: داك السيد عاون ختي فاش تقرب منها واحد فالبار
وولف: وي عزيز عليه ادير الخير، بينو وبين نفسو، كون تشوفي شنو داير فيها
ميري: نعام قلتي شي حاجة؟
وولف: لا، ديك البنت ختك؟
ميري: كثر من ختي هي عائلتي عليها حليت عيني وماتخلاتش عليا واخا فاصعب ظروفها.
وولف: علاه مالها؟
ميري: ماعرفت ديما تاترد لقلبها ماعارفة والو، هاحنا وصلنا
وولف: شكرا
ميري: هانيا باااي.
دارلها باي ومشا

حاول اجبدلها لسانها ياكما تنفعو ساعة بانتليه ماعارفة والو
الجزء: 29

“عند رعد”

مشا طاير للحمام تاهو خاوي قلب والو ماكاينش حسها

خرج البالكون هو يشوها واقفة تاطل لتحت لابسة شوميزة نتاعو فالكحل واصلالها للفخاض وشعرها فارغ باين دوشات

رعد: دخلي ايضربك البرد
كيريس: صاحبك جاي

ديك الساعة عيطلو

رعد: فينك
وولف: طالع عندك للسويت
رعد: قلب الضورة مامساليش
وولف: و انا نفهم (صحابلو مع شي بنت الليل حيت على بالو كيريس فالديبو)

قلب الدورة مغادر

كيريس: شنو بينو وبين ميري تاوصلاتو
رعد: مافراسي والو دخلي

دخلات ورجليها حفيانين تاتبان كيوت بقا غا متبعلها العين

مشات جلسات دارت رجل على رجل

كيريس: شنو هي نيكست ليفل (next level) فلعبة الانتقام ؟

رعد جلس اونفاس معاها طالق يديه على ظهر الفوطوي: سوربرايس، صحابليش صبرك قليل
كيريس: الكليكة ايكونو سولو فيا
رعد: سيفطت ميساج من الفون نتاعك قتلهم مسافرة
كيريس: مزيان حيت بانلي انطول معاك
رعد: لاخر مرة انسولك، علاش قتلتي الواليد؟
كيرس تنهدات: مالقيتي والو فلي دوسي لي سافطلك وولف
رعد بصدمة: باش عرفتيني طلبتهم
كيريس: حاجة باينة حيت تا انا كنت انديرها
رعد: لاحظت نقطة مشتركة الضحايا كولهم عندهم مشاكل مع ولادهم كاين لي جهضات كاين لي تخلات او تخلا عليهم، شنو علاقة الوالي…
قبل مايكملها دارتلو طنننن فراس

رعد: الا اذا كان ناوي اقتلني انا ولا ختي

كيريس: على سلامتك ملي فهمتي، كاع هادوك لي قتلت كانو عذبو ولادهم او قتلوهم و انا خديت حقهم حيت يستاهلو

رعد: كان لواليد ناوي يقتلني؟
كيريس: فاش كنتي فالحبس تاع النرويج

هنا عرفها تاتهضر بالصح حيت جلستو فالحبس كانت سرية، دخل للحبس غاباش اصفيها لواحد من اعداؤو بيديه.

رعد: باش عرفتيها
كيريس: اي حاجة تاتخصك تانعرفها قبل منك
رعد: لا نتي فري مختلة عقليا، علاش غا البورجوازيين لي تاتقتلي
كيريس: حيت هما لي تيكونو باينين، معروفين على مواقع سوشل ميديا غا تانشك فيهم تيعذبو ولادهم تانحط عليهم لي تاكد شكوكي فيه تانقتلو
رعد: والدم؟ علاش تاتشربيه
كيريس: باش نتلذذ بموتهم، حتى طريقة القتل تاتختالف على حسب درجات تعذيبهم او قتلهم لولادهم

بنظرات شرانية: يستاهلو

وناضت في اتجاهو تاتمختر وجلسات جنبو قربات من وجهو وهو تيشوف شنو غاتصنع
عينيها غا على عنقو وتاتلحس فمها

كيريس: فاش قتلت باباك هزيت كاس من دمو وشربتو من بعد، الصراحة كان لذيييذ ندمت حيت ماخديتش كثر

وقربات لعنقو تاتشمو: باينة دمو تيجري فعروقك

هنا عرفها ناوية خزيت دفعها تاجات منشورة فوق الفوطوي تحنا عندها مكالي بيديه

رعد: ما اتوصليش لداكشي لي بيتي حيت رعد العقرب ماشي هو نجم العقرب

تبسمات وحاوطات عنقو بيديها: وحتى انا ماشي بحال ملك العقرب

هنا وركاتلو على الجرح حيت مزال ماعارف شنو وقع ديك ليلة زائد مزال ماتاكد من هضرتها بخصوص باه

شدها من عنقها وهو تيورك ناوي اصفيها ليها صافي عصباتو

وهي كاع ماقاوماتو خلاتو تاتهدن الراسو وطلق منها

كيريس: نبشرك امكنلي نقطع نفسي تالربع ساعة يعني خصك تزيد طول مزال

رعد: صافي سكتي قبل مانقتلك
كيريس: قتلك ماتقدرش

مشا لبالكون كب كاس دلويسكي وشعل كارو وصدرو طالع نازل بقا هكاك حتى تكالما ورجع دخل عندها
لقاها جالسة فوق الناموسية بالمقلوب راسها لتحت ورجليها لفوق مربعاهم وسترينغ نتاعها باين

قرب منها غا بالحس لقاها قاطعة فيها النفس ومكونسونطرية تادير اليوغا

مشا غا بالشوية جلس اونفاس معاها تيتسناها تسالي

هو عارف بحكم دراستو فعلم النفس انها عندها عقدة وباينة تاتقتل نتيجة مرض نفسي

عارفها ماشي لخاطرها ولكن تاتعصبو فاش ماتاتبغيش تجاوبو

كانت ديجا جذباتو فاش شافها فالديسكو داكشي علاش مابغاش افوت فيها شي دقة لي تقتلها على هاد الفكرة سعر تاني

رعد بينو وبين نفسو: هي قتلات باك وتقدر تكون قتلات تا مك وماناويش تقتلها

خرجو من سهوتو غا صوتها

كيريس وهي مزالة على جلستها ومغمضة عينيها: انبقا بالجوع؟! هادي هي ضيافتك؟!
الجزء :30

رعد تنهد وناض عيط على المطعم تاع الاوطيل جاوبو شاف كويزينيي

رعد: صايب غذا على ذوقك وسيفطو للسويت
الشاف: امرك مستر

ناض هو للدوش دوش خرج لاوي على نصو فوطة لقاها جالسة تاتقرى فالجورنال طلعات عينيها فيه ورجعات نزلاتهم عارفة الى بقات تشوف فيه اتنوض تغتاصبو وهو تيبان سو سيكسي بعضلات بطنو الستة وشعرو المبلول لي تقطر على كتافو

مشا لدريسينغ لبس بوكسر وشورط مخلي نصو لفوقاني عاري ( تيقلب عليها هادا) ونشف شعرو بفوطة وخرج عندها لقاها مزال كيف خلاها
جابتلو التناوي بهاد السكوت ديالها عارف راها تاتخطط لشي حاجة تاتنطابق عليها مقولة الهدوء قبل العاصفة

تاسمع الدقان فتح لقا روم سيرفيس لي جابو الغذا حطو الطبلة وخرجو حانيين روسهم شكيت واش شافو كيريس.

رعد: نوضي تاكلي

ناضت جهة الطبلة لقات مالذ وطاب كولشي فيها
جرات كرسي وجلسات
تاهو جلس قدامها بداو اياكلو

رعد: علاش هاد المرة خرجتي من سكوتك وعاودتي جزء من حياتك
كيريس: سولتيني وبامكاني نجاوبك، السؤال لي ماعنديش الحق نجاوب عليه تانسكت
رعد مافهمش قصدها

شافها ماقرباتش كاع للبلا دالحوت ماهتمش ليها تاوقفات على الماكلة وشافت فيه

كيريس: هاد السلاد باش سقاوها؟
ديك الساعة عيط على الشاف: باش سقيتو السلاد؟
الشاف: بماء طايب فيه المحار
قطع عليه
رعد: الماء دالمحار

ناضت طايرة جيهة الطواليط تاترد تاكاتبغي تخرج روحها تبعها لقاها خارجة من الطواليط صفرة كانت اطيح كون ماشدها
هزها فيدو لجهة الناموسية وسطحها

رعد: مالك؟!
كيريس: عندي حساسية من الماكولات البحرية

شافها مرخية ونقطة دالدم مافيها بحاليلا الروح طالعة منها

رعد: تاتشربي شي دوا
كيريس وي

عطاتو سميتو عيط على الكارد ايجيبو فالبلاصة

تاناضت عاود تاتجري ترد تبعها شادلها راسها وشعرها تاسالات غسليها وجهها بالما وعاود هزها للناموسية جابلو الكارد الدوا شربوليها وغطاها تنعس

(طاح فيها 😹😹)

مشا للمكتب لي عندو تما فالسويت سد الباب وعيط على وولف

رعد: وولف بيتك تعرفلي كاع الناس لي كان تيتعامل معاهم الواليد، اي واحد كيفما بغا ويكون
وولف: اوكي، ياك لباس؟
رعد: تانتاكد وتعرف، ماحسو بوالو؟
وولف: لا، ميري مادات ماجابت
رعد: وخوتها؟
وولف: راهم عاديين بانلي مافراسهوم والو، شنو ادير مع كيريس
رعد: القضية كبيييرة كتر ماتانتصور، تانتلاقاو ونهضرو
وولف: اك، تكايس عليها بانلي واخا قتالة عندها جانب زوين ماتنساش تاحنا ماشي ملائكة
رعد: تلاح.

قطع عليه ومشا طل عليها لقا حرارتها طلعات وعرقانة

عيط على واحد من رجالو

رعد: جيب مخفض الحرارة ويكون فبرا وجيب معاك حوايج نسائية، اه وتكون كولها فالكحل طاي XL
الكارد: امرك مستر

عيط على روم سيرفيس قالهم اجيبو وعاء فيه ماء والحامض وفوطة دغيا جابوهم ليه

بدا افزغ الفوطة ويحطهاليها فجبهتها ويمسح ليها عنقها

تادق الباب مشا حل لقاه الكارد جابلو الحوايج خداهم مشا صايب الابرة دكهالها فيدها

وكررلها عملية الفوطة تا نخافضات حرارتها جمع داكشي

ومشا تسطح حداها على كرشو ونعس.

اترك تعليقا