Skip links

قصة : الوحش وذات القزحتين الجزء 2 ( عشق جبابرة) ج74

 36,667 عدد مشاهداات

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 717🕯

دياب : وجاكلين كذلك لورد جبار…( وتحركو خارجين الأعمام متابعين بدون إيفان … سدو موراهم الباب و خلاو جبار كايسب ويعاير فخاطرو …شاف فخالو ونطق بغيض )

جبار : خااااالي ..

إيفان ابتااسم بشر ) عااارفك كاتفكر فشيء أشيطان دخالو آتيني ماعندك …

جبار ابتاسم بشر ونطق )

: أولا …بغيت كل حراس السجن يشرفوووني هنا للمغرب غانجبد منهم راس الحربة لي اختارق نظام السجن الأمني وهرب السجناء وتانيا : بغيت كل واحد تشد من السجناء الفارين يموت وفلبلاصة وقبل مايموت وصلوليه سلامي …

(كلهم شافو فيه مخرجين عينيهم)

إيفان : و و ولكن باك هو قائد المهمة وهو قاليك مايموتوش و…

جبار غوت ) أناااا هو اللورد الأول أخااالي…وإييييمتا أنا قلت أن لواليد هو قائد المهمة هااا !!!

(كلهم سكتو كايشوفو فيه وهو
شاف فمارال وحيد خاتم الملك من يدو …وهو خاتم فضي كبير وثقيل منقوش على وجهو أسد زائر وأيضا منقوش على جوانبو وداخلو حروف صغيييرة ..وهي أولى حروف أسماء كل قياد أو كل لوردات المتحولين السابقين لي دازو على عرش المتحولين عبر التاريخ … ومنهم حرف N لنيكولاي (الجزء الاول ) وحرف J لجاسم وآخر حرف حاليا هو حرف J آخر…. لجبار ….وهاذ الخاتم هو متوارث عبر التاريخ من لورد أول للذي يعين بعده…ووجه الأسد لي عليه هو ختم منلي كايحطو اللورد على وثيقة أو أمر مكتوب مثلا كايعني أن هاذ الوثيقة آمرة وغير قابلة للنقاش..وهو نفس الختم الذي يختم به كل لورد متربع على عرش المتحولين قانونه ليصبح القانون العشائري ديالو منتهي وغير قابل للتعديل أو للنقاش أو للزيادة أو للنقصان….فا جبار حيد الخاتم الملكي الذي عليه الختم من أصبعو وحطو قدام مارال )

جبار: نتي هي قائدة المهمة نبغي كل مجرم شديتوه منهم… يمووت …وفلبلاصة وقبل ماتخرج روحو تقوليلو سلم عليك شيطان المتحولين …

(مارال هزات راسها شافت فيه كولها صفرا وفمها كايرجف ولهضرة وحلات ليها ..لكنو فهم سبب هاذ ردت فعلها وتحنا عندها ونطق بتهديد)

جبار : أي واحد اعتارض طريقك فقتلك للسجناء الفارين … سواء كان لواليد أو لواليدة… أو أحد عمامي او شكون مابغا يكون ..قولي لهم أوامر اللورد الأول ووريهم ختمي وغايرجعو لور …وبعدها ماتسوقي لتاواحد ونفذي المهمة (وحول نظرو لراجلها ماريو الجالس جنبها ) حاولو تقتلوهم بسرعة ولكن ببشاعة …

ماريو : أمرك لورد …

إيفان مخرج عينيه فجبار وغير كايسرط فريقو ) و ولكن أجبيبير ..

جبار استدار بسرعة شاف فيه مخنزر ونطق بغيض ) ماعنديييي ماندييير بمتمرديين وخونة فصنفي أخاااالي سياسة التهاون والرحمة دلواليد ليكانت مضسراهم … سالا عهدها …هذا عهدي أناااا وفعهدي لي دار الذنب ماشي يستاهل العقوبة بل يستاهل الموت …وهاذو غايكوونو عبرة للعشرة الباقين لي فالسجن ولأي سجين آخر غايتزاد عليهم …

إيفان حرك راسو بواخا ) امرك لورد …

جبار : مابغيتش نخرج منك السفاح ليكان فعهدك ملي كنتي رئيس النخبة المكلفة باصطياد مخالفي القانون العشائري أخالي(الجزء الأول) ومابغيتش بعد هاذ الوقت كولو ترجع توسخ يديك بالدم فا نتا تكلف غير بحراسة لواليدة وعماماتي وخلي القتل على مارال وماريو والفرقة لي غانسيفط معاهم …

(إيفان حرك راسو بواخا )

جبار شاف فماريو ومارال ) غانرسل معاكم عشرين متحول بقوى قاتلة عن بعد ….عشرة بقوة ^الألم^ وعشرة بقوة ^التفجير^ وبأمر مباشر مني ليهم حتى هم بقتل كل الفارين لي غايشد لواليد وعمامي …وبغيت كل ساعة تقرير …

ماريو ومارال وقفو ونطقو فوقت واحد ) أمرك لورد (مارال هزات ختم جبار وخرجات بخطوات سريعة هي وماريو وإيفان يلحقو على جاسم والباقين ….وجبار رجع جلس مكانو ساهي حتى نطق سليم)

سليم : نتا عارف أن لواليد ماغاتسرطش ليه ويقدر فعلا هاذ المرة يتقلق …

جبار نطق وهو ساهي ) غاايتقلق يا سليم غايتقلق ..ولكن منلي يفكر بطريقتي ويفهم أن غرضي من قتل أربعين سجين هو تهديد وتهذيب وتنبيه آلاف المتحولين غايعذرني …حيت عهد تمرد صنف المتحولين على بعضهم وعلى رئيسهم سااالا مع تربع جاسم آل ستارك على العرش…أما فعهدي أنا وبكل ببساطة ^^لي ماعجبوش قانوني راسو يطير ويهنيني^^ (هز راسو شاف فيهم ) رجعو لعملكم وبغيت كل تركيزكم …

فارس خليل عصمان سليم وسيم مالك وسام …ماعاودوش معاه الهضرة …كلا رجع لعملو وبتركيز )♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 718🕯

🍀🍀🍀

ونمشيو للقصر وبالضبط جناح أميرة …هاذ الأخيرة لي كاتمشي وتجي مكانها…لابسة فستان طويل أسود مطرز بورود ملونة …وصندالة سوداء بكعب عالي …كاتمشي وتجي على طول الجناح وهي كاتبكي بلا دموع…..وفيديها هاتفها وكولها كترجف من التوتر وغير كاتسرط فريقها…حتى قفزات منلي رن هاتفها وبزربة شدات الخط ونطقات )

سميحة : نعام أشنو درتي …

السكرتيرة : والو أمادام درت كل اتصالاتي وكل جهدي فأني نرجع ولو نسبة 20 فالمئة من رأسمال الشركة ولكن الشركة لي ربحات قوية بزاف وأكبر من شركتنا فا بدون نتيجة مع الأسف خسرناها وخسرنا كل شيء..

أميرة طاح الهاتف من يدها وطارو دموع من عينيها وبدات تخبط ففخاضها ) ناري قفرتها ناري أشنو درت ناري خرجت عليا وعليه وهاذي لخرة ليك يا أميرة ناري أشنو غاندير دابا(سكتات كاتمسح دموعها منلي تفكرات لبنات وخرجات كاتجري قاصداهن …سولات عليهن الخدم لي لقات فطريقها وقالو ليها أن لبنات مجتمعات فقاعة لبيسين المغطى دالقصر … )
🍀🍀🍀🍀
ونمشيو لقاعة البيسين المغطى دالقصر ….

جالسة ساندرا على طابي دسبور فالأرض وجالسة فوضعية اليوغى ثانية عندها رجليها ومغمممظة عينيها…..ساندرا لي غير فاقت لقات زليخة واقفة أمامها ….تنهدات بحزن ملي مالقاتوش عرفات انه مانعسش حداها حيت مانعسش أصلا غير هي نعسات هو انساحب يكمل عملو … فا ناضت دوشات بالخف ..وفطرات بسرعة مع زليخة لي تابعاها فكل خطوة حتى فالدريسينغ تبعاتها تالبسات شورط موف بارد مع ميني بوط سبور وسبرديلة بيضاء ….كل هذا وساندرا مامسوقاش ليها حيت عاارفة أنها كدير هكا تبعا لأوامر جبار وهو لي لسق زليخة معاها …فابعدما لبسات خرجات بخطوات سريعة دازت لجناح اميرة خدات منها قردها لونا …وبعدها دازت لجناح سميحة لي كانت فايقة …جلسات معاها هي وزليخة ولونا لدقائق تيضحكوها وساندرا مبتااسمة فوجهها و بزز كابتة دموعها وهي كاتشوف كيفاش سميحة صحتها كاتتراجع كل نهار أكتر من لي قبلو وهاذشي واضح لدرجة اليوم ماقداتش توقف ليهم دوشات غير بمساعدت الخادمات والطبيبة ديالها لي هزوها …..
فا بعدما دوزو بعض الوقت مع سميحة ناضت ساندرا هازة قردها…و توجهات لقاعة لبيسين المغطى وأكيد زليخة تابعاها …رسلات رسالة فكروب واتساب لي جامعة فيه كل البنات يلتاحقو بيها …وفرشات طابي سبرو على الأرض وجلسات فوضعية اليوغا دقائق حتى دخلو لبنات متابعات هاندا حانية راسها وتحت عينيها كحل بالهالات باين عليها مكتنعسش جلسلت جنب زليخة …أما سماح فا دخلات هازة طاسة مامعروفش آش فيها وملعقة جلسات فالطرف بعيدة عليهن وبدات غير كتاكل وبااين عليها معصبة …أما جمانة فا جلسات وسطهن وهي كتشوف فساندرا مخنزرة

هاذ الأخيرة لي مامسوقاش لأعين البنات لي عليها و لي كايحسابلهم راها كادير اليوغا …ولكن هي وفالحقيقة هاذي أكتر من ساعتان وهي تتدرب على عنصر الهواء..ووسطهن بلا حتى ماتشك فيها تاوحدة منهن….حيت هي مالقات تاحل آخر باش تتدرب على راحتها وبلا ماثير شك جبار أو زليخة من غير أنها تستغل جهل كل البنات بالسحر…وتتستر باليوغا وبهن…حيت تاوحدة من البنات لي واخا كايحسو بطاقتها السحرية مايقدروش يميزو او يعرفو إذا هي حاليا كاتستعمل السحر أو لا حيت هن متحولات …لو كانت معهن ماريانا مثلا كانت بسهووولة غاتحس أن ساندرا مكاديييرش اليوغا بل كاتحبس نفسها وهي مبطلة لكل العناصر السحرية لي متحكمة فيهم بغرض تجر عنصر الهواء باش تتحكم فيه أي أنها كاتحبس نفسها بغرض سحري وهاكا ماريانا مثلا كانت غاتفهم انها كاتتدرب على عنصر الهواء …

فا ساندرا اختارت وسيلة ذكية للتدرب ..وهي أنها تتدرب وسط كل البنات باش تبين لجبار عبر الكاميرات أن كل وقتها كدوزو مع لبنات ومايمكنش دير شيحاجة وسطهن ….وهي وسيلة أيضا لي خلات زليخة تغفل عليها ولو لثواني مني كتكون كاتهضر مع البنات …)

هاندا وهي كاتهضر مع زليخة )

هاندا : يالاه ودعني بابا ومشاو ..

زليخة : عرفت حتى بابا (تنهدات وهي كاتشوف فساندرا)كونما المهمة لي كلفني بها جبار كون مشييت معاهم بربي مانفلت هاذوك السجناء او نخلي شيواحد منهم حي …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 719🕯

زليخة : عرفت حتى بابا (تنهدات وهي كاتشوف فساندرا)كونما المهمة لي كلفني بها جبار كون مشييت معاهم بربي مانفلت هاذوك السجناء او نخلي شيواحد منهم حي …

هاندا ميلات فمها بزز حابسة دموعها )، منلي غايرجعو غانمشي مع بابا نرجع لتركيا راني جمعت كل حوايجي …

زليخة شافت فيها هازة حاجبها ) شنو كيفاش ؟ أشنو واقع واش دابزتي مع خليل ؟

هاندا حركات راسها بآه) الواضح أنني أنا وهو عمر تكون بيناتنا شيحاجة ..

زليخة خنزرات فيها ) وأنا نقول مالك يوماين ونتي سادة عليك وشوفي تحت عينيك كيف ولا …

هاندا سرطات ريقها ) هو قالي وبصريح العبارة أنه غايهضر مع بابا وغايفسخ الخطبة (حنات راسها ) أنا تما استوعبت أن هاذ الخطبة كانت غلط من الأول ومكانش خاسني نقبل بيها حتى لو كان الهدف منها أنه يحميني من ماما أو عالأقل مكانش خاسني نتيقها

سماح ضربات معلقة كبيرة من داكشي لي كتاكل سرطاتها بلا مديغ زغوتات بعصبية ) أصلا عيق فييه واااه زمر لاخر دخليل يمشي يقو…د كاااع نتي أهاندا زوينة من الداخل ومن برا وغايجيبليك الله واحد حساااان منووو غاخلي زمر لمو أجي نقولك ؟

هاندا شافت فيها وهي كاتمسح دموعها ) آش …

سماح : لاتبغيش وسيم زعما والله وتبغييع تانعطيه ليك فااابور …

(هاندا وزليخة خنزرو فيها ..)

سماح تنهدات وهي تهز معلقة من داكشي لي كتاكل خشاتها فمها ونطقات بزز وهي كاتاكل ) كاع لا تاخديه خليه نيت معلق ماهو مزوج ماهو مطلق …

جمانة شافت فهاندا ) زعما هو غا جا منو لراسو وقالك غايفسخ الخطبة بدون سبب ؟ وقولي لي بعدا اشمن دليل عطيتيه ؟…

(هاندا تزنكااات وهي تسرط ريقها )

زليخة خنزرات فيها ) آه نسيت موضوع هاذ الدليل ونتي ماقلتيش لينا اشنو درتي فيه ؟

هاندا ماكرهاتش الارض تتشق وتبلعها بدات غير كاتفرك فيديها وهي مزنننكة وكلها متوترة وهي كاتشوف كيفاش كلهم من غير ساندرا أكيد …كايشوفو فيها كايتسناو ردها فا بالحشمة حبساتها بولة وبزز مزيرة راسها ماطلقهاش )

زليخة نطقات بحدة ) أهضرييي مالك كاترعدي غابوحدك..

هاندا :أ أ نا أ أنا دب دبا كيشفتو ه هو هوا ب بغا د د دليل ياكو و أنا أنا ..

جمانة كاتحرك معاها راسها بآه ) آه آه نتي مالكي ؟

هاندا : أ أنا أنا…

زليخة مخننزرة فيها ) هاااندا ..

هاندا : أ أ أنا ف فيا بوولة (وناضت كتجري متاجهة لحمام لي فنفس القاعة ..قاعة لبيسين المغطى )

جمانة تنهدات وشافت فسماح ) غايكونو ركبو لي هيليكوبتر ياك..

سماح حركات راسها بآه ) غايكونو فالسماء دابا ..

جمانة : شحال باش بعيدة جزيرة كارولاين ؟

سماح : ماعرفتش لكنها أبعد جزيرة عن كل القارات…

جمانة تنهدات ) القصر خوا كون غير مامشاتش ماما …

سماح : خالتي شيماء مستحيل تعرف عمي جاسم غادي للخطر وتخليه يمشي بوحدو واخا هو مستنسخ درعها وقادر يحمي نفسو إلا أنها كاتعتابر نفسها درعو .. (ابتاسمات ) علاقتهم مكاينش بحالها (خنزرات وهي ضرب معلقة من داكشي لي كتاكل ونطقات بعصبية ) ياااريت كون كان داك لحول دخوك فيه غير نص خصال عمي جاسم …لقوالبي لاخر …

جمانة : اش دارليك وسيمي …

سماح شافت فيها غوتات ) وااالو غاحو..ني ..تاتقنبلت…♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 720🕯

سماح شافت فيها غوتات ) وااالو غاحو..ني ..تاتقنبلت…

(زليخة وجمانة وحتى من ساندرا حلات عينيها وبتلاثة بهن شافو فيها مخرجات عينيهم )…

جمانة : ها !

زليخة : اولا راه راجلك يعني طبيعي يي ..أحم فا اشنو لي معصبك فانه احم نعس معاك .. تانيا ماتخسريش لهضرة …من امتا بنات لستارك كايقولو هضرة خاسرة …

سماح شافت فيها مخنزرة وقلزات ليها ) بقالي غا مواعيضك دابا (غوتات ) أبعدووو مني خلييوني نفكر فحل لحريرتي تاوحدة منكم ماتهضر معايا …

(زليخة كانت غاتنوض ليها تاشافت هاندا جاية ناحيتهم ورجعات جلسات مكانها )….

زليخة : أييه كنسمعوك أهاندا ؟

هاندا بدات تحمار وتصفار تاني ويالاه حلات فمها تعاود لهن حتى تحل عليهن باب القاعة ودخلات أميرة كاتجري ودموعها شلال وقفات عليهن كاتولول وتخبط ففخاضها )

أميرة : قودتها ألبنات قودتها ليوم لخرة ليا ألبنات ليوم يتسيف عليا مالك ومايعقلش عليا ليوووم ماغايبقاش معايا هذاك الجانتل مان بربي تايتشرمل عليا ويشرشمني ليووما واخا يحو..ني من لووور وماتبردش لييه …

(لبنات كلهن وحتى ساندرا لي حلات تاني عينيها عالجهد مخرجاهم فأميرة …وزليخة وقفات كتغوت )

زليخة : اويييلي أماالكم ليوم (شافت فسماح ) واش تسطييتو (رجعات نظرها لأميرة ) أودي عالضريفة سكوتيا تانتي كتعرفي لح..من لور …

أميرة لي ولات تشطح بلخلعة والتوتر ) أسووكتي وكون تعرفي اش درت تعذريني وتجي تشطحي معاايا هناااا …ليوووما يطلعني فلعماريا ليووم ليووم يعلقني ويسلخني قدام كل العشائر كيلحولي ليوووم ألبنات تاكلو عليا كسكس اليوووم تشطحو عليا العلوة ..

(لبنات غير كايشوفو فيها كيكاترعد وصفرا وهن مافاهمين والو )

زليخة : أشنو درتييي وهضري بلا ترعاد ولا غانضربك تاتغيبي (شافت فهاندا ) ونوبتك موراهااا…

أميرة : مك مك مك الشركة ديال تصميم الأحدية ديال مالك صاافي بااح مشااااات قودتها ألبنااات أش داااني وعلاش مشيييت ..اش داااني وعلاش مشيت.. هربووني ديوني خبيوني جليوني عطيوني غبروني حويو..ني … نااري اش درت وحتى بابا ولا عمامي لي يفكووني مكاينينش نااااري الشركة مشاات مشااات …باااح…

سماح : كيفاش مشات و باح !؟

(أميرة مسحات دموعها وعينيها ونيفها حومر وكولها كاترعد تامن صوتها كايتقطع)#عِڜْڦُ_ٱڷﭳٻَٱٻِږهﮧ♡

❤تتمة الجزء 720❤
سماح : كيفاش مشات و باح !؟

(أميرة مسحات دموعها وعينيها ونيفها حومر وكولها كاترعد تامن صوتها كايتقطع)

أميرة : دابا من آخر بلان وقع ديال التصاميم لي ضاعو بسبابي .. وكيفاش ضيعتلهم تصاميم موسم كامل وناض مالك كايعاودهم هو ومصممي الشركة وواخا عاونتو بداكشي لي قدرت عليه ونقدو الموقف ..وماضاعش ليهم موسم الشتاء .. هو منعني من أني نعاود نتدخل فأمور الشركة …وقالي نجلس غير فالقصر تايكمل هو شغالو ويرجع لإدارة الشركة وغانبقا نمشي معاه كمساعدة ليه (زيرات على فمها حابسة لبكيا لثواني وكملات ) وهاذ ليام تشغل بزاف لدرجة مابقاش بمرة كايمشي ليها او يمشي للمعمل دتصنيع الاحدية ويسول على لخدمة فين وصلات …وماعرفتش كيفاش تا نسا مالغانيش من منصبي كرئيسة مجلس إدارة الشركة … فا بقات عندي الصفة حتى فلوراق داكشي باش كانت السكرتيرة كاتتواصل معايا ديما أنا فأمور الشركة وكاع لوراق كاتسيفطهم ليا أنا نوقعهم وهي كاتقولي أنه مالك مكايجاوبهاش فتلفون بمرة واي اتصال عمل هو مكايجاوبش عليه ماعرفتش علاش بالضبط واشنو لي شاغلو لهاذ الدرجة حتى لقصر كيجي غير يبدل ح ايجو ويمشي ..(ساندرا جمانة وزليخة ليعارفين الوضع شافو فبعض ) ..وأنا شحال من مرة قلتليه يطل على الشركة تايقولي مامساليش وبلي مجلس الادارة ومساعديه والسكرتيرة مكلفين وهو نااااسي أنني باااقا رئيسة مجلس ادارة الشركة (سرطات ريقها) ودابا أنا شفتو كيمشغول قلت صافي نكمل خدمتي ولو عن بعد تايسالي هو شغالو ..(وسكتات)

زليخة : أهاه وأشنو درتي ألمسخووطة…

أميرة مزيرة على فمها حابسة شهقاتها وغير دموع لي كايطيحو ) وهاذي يوماين رسلاتلي السكريرة بزاف دلوراق فيهم عروض شراكات جاو للشركة وعروض مناقصات وبزاف دالعروض المغرية ..و…(سكتات منلي غوتات زليخة )

زليخة : أويييلي أكمااااا دخلتي شي شركة أخرى فشراكة مع شركة مالك !؟

أميرة حركات راسها بلا ودموعها غير كايطيحو ) لا انا عارفة مالك مستحيل يقبل يتشارك فمشاريعو مع شيحد …وحتى كاع لو طاح فأزمة اقتصادية غايطلب شراكة واحد من لستاركس ماشي شيحد براني …

زليخة : اوا على سلامة لي فاهمة هاذشي (وماجات تتنهد براحة حتى خرجاات عينيها منلي كملات أميرة كلامها )

أميرة غوتات ) وااراني درت ماااكفس من هاااذشي ..فلوراق لي رسلاتلي السكرتيرة كانو عروض مغرية دمناقصات …و أنا دخلت مشاركة فأكبرهم و بسيولة ضخمة كتساوي كل رأسمال الشركة وأكتر بلا ماندرس الوضع اقتصاديا مزياان ..قلت لاربحنا المناقصة غانعوض مالك فكل الخسائر لي تعرضاتليهم الشركة ديالو بسبابي ..ونغطي مصاريف التصاميم لي تعاودو تصاوبو فالمعمل حيت مالك خلصهم من جيبو…شفت فلوراق ان كاع الشركات لي مشاركين فالمناقصة ضعاف بزاف وصغار ورأسمالهم بسيط مقارنة بشركة مالك وكلهم جنسيتهم مغربية ( وبدات تبكي بصراخ ) ومااااااضطالعتش على واش كاينة شي شركة اجنبية داخلة حتى هي فالمنااقصة ولا لالالالالا..

(هاندا خرجات عينيها عالجهد أما زليخة صفارت)

جمانة قربات من سماح ونطقات بهمس ) مافهمتش من قبيلة وهي تاتهضر ومافهمت تاوزة مالها ؟

سماح نطقات ببرود ) شركة مالك لتصميم الأحدية ..بااااح…..حيت بنت عمك المصونة محات لدينمها الأثر بمرة ..شفتي حتى لكراسي لي فيها هوما لخرين مابقاش مالك كايتسال فيهم تاكرسي واحد …

جمانة شافت فأميرة وغوتات) : آآآه بنت لحرام باعت ليه كراسي الشركة وليني مكتحشميش(شافت فسماح ) وعلاياش غايجلس مالك وموظفيه دابا ؟

سماح : عالضس …
//♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 721🕯
///
نرجعو لزليخة لي واقفة مخرجة عينيها فأميرة وغوتاات ) ماتقولييييهاااش…
أميرة حركات راسها بآه ) شركتنا خسرات المناقصة لصالح شركة أجنبية …و و و (نطقات بحسرة )وغدا غايجيو مالين السيزي ياخدو كل ماهو قيم فالشركة …
زليخة طارت عليها شداتها من شعرها كاتدي فيها وتجيب وهي كااتغوت ) ياااااك ألبغلة هاذي هي ثقتو فييك أأ أ أ … هااذي هي قراايتك وااش كاين شيوااحد بعقلو كايدخل لمناقصة بنسبة مئوية كاملة… هاااا…. خرجتي عليييه أشنوو بقااليه داابا غير لحيووط أأ…أشنوووو بقاالييه
أميرة حاطة يديها على يدين زليخة باش شادة ليها شعرها وغير كاتبكي ) والله ماقصدت راه كنت باغيا غير نعااونو ..
زليخة طلقاتها وجلسات شادة راسها ) اش غاتعااوني اااش ..
هاندا : تهدني..
زليخة غوتات ) مااامهدناااش (ووقفات تاني كاتمشي وتجي مكانها كاتفكر لثواني وكلهن ساكتات كايشووفو فيها …أما ساندرا فا اه كاتسمع لهن ولكن مااامسوقاش …مغمظة عينيها وكاتحبس فتنفسها وهي كاتدرب على عنصر الهواء بلا مايجيبليها شيحد لخبار ….)
زليخة شافت فأميرة مخنزرة ) سمعي غاتسدي فمك ومااغاتقووليلو تااحاااجا..
أميرة لي غير كاتبكي ) وعلاش …
(زليخة غوتاات بحر جهدها مزنكة بالأعصاب حتى تطايرو شرارات كهربائية قوية من كل جسدها وعينيها الزورق ) زليخة : عالمشماااااش ..
(أميرة قفزات كاتبكي مبعدة عليها خوفا من شراراتها الكهربائية ..وجمانة تخشات فسماح تعانقو مخرجين عينيهم فزليخة ..أما هاندا صفارت )
زليخة كاتهضر بصراخ والكهرباء كايضرب من جسدها ) نتييي ماعاارفاش أشنووو درتييي ومزال زاايدة كاتقاابحي هاذيك الشركة راه خدم ودمر حتى طلعها من الصفر وبعرق كتااافو بلا ماياخد تااريال من باه أو من عشييرتو وطلعها بشهووتو وكان مفتااخر بييها وبمجاال عملو لي كايبدع فيه….وجيتي نتيي بغبااائك محييتي لجدبوها الأثر……وزاايداها بلفهاماااات….(غوتاات) راه بربي ويسيق لخبار حتى يتسدلو شي عرق فالراس ….. ولالالالالاهوااا لاشيواحد فالرجال دااابا ماناااقص هم على هموومهم ..فاغاتسدي فمك لانتي لانتوما كاااملات غير يدوزو شي أيام غانهضر مع جبار نلقااو حل قبل مايعرف ماالك واش فهمتي …..
أميرة حركات راسها بسرعة بآه وهي غاتسخف بالبكاء ) م م ما ماغانقول والو ..
زليخة : وعلمي ديك السكرتيرة تسد فمهااا سمعتييي…
أميرة حركات راسها بآه وخرجات كاتجري وهي كاتشهق ….زليخة استدارت بسرعة شافت فهاندا وغوتات )
زليخة : وبرربي وتكوني تانتي درتي شي زبلة لخليل تاهاذي لخرة لكن معايا …
هاندا مخرررجة عينيها ووقفات كاترعد وكاتهضر وهي راجعة بلور فاتجاه الباب ) ت تهدني ما ما مادرتليه والو (ومشات كاتجري هاربة )
(زليخة ساطت بسخط وهي كاتغلي بالأعصاب وكاتفكر فحل لحريرة أميرة …يالاه غاتجلس حتى بانت ليها ساندرا وقفات وهزات قردها )
ساندرا شافت فزليخة ونطقات وهي كاتلهث حيت كانت حابسة نفسها ) تهدني ماشي وقت هاذشي دابا فا ماتقولي والو لجبار لي فيهم كافيهم …
زليخة : عرفت …
جمانة هازة فيها حاجبها ) مالكي كاتلهثي ….
ساندرا صدرها كايطلع ويهبط وهي كاتتنفس بسرعة )حيت فيا السخفة دجوع غانمشي لجناحي ندوش ومن بعد غانمشي لجناح خالتي نتغذا معاها.. (وتحركات خارجة من قاعة لبيسين وهي مبتااااسمة حيت بعد تلاث ساعات تدريب …قدرات تحقق تقدم ملحوظ مع عنصر الهواء ….وتفكرات كلام سام فاش قاليها أن تحكمها بباقي العناصر غايعاونها على عنصر الهواء وأنها على خلاف باقي السحرة ..سحرها كايتطور بسرعة وهي كاتتعلم دغيا …فا وهي خارجة نطقات بهمس وبلغة السحرة )
ساندرا : مابقا والو يا سميحة مابقا والو…(القرد لي فحظنها هز راسو شاف فيها كأنه فهم كلامها ..وبدأ يصدر أصوات …وهي شافت فيه مبتاسمة وجاوباتو حيت فهمات اشنو قال ليها لأن أحد عناصرها السحرية السبع هو الحيوانات …قا جاوباتو ونطقات بلغة السحرة …)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 722🕯

ساندرا :غانكون بيخير ألونا المهم هو سميحة (وسكتات ملي حسات بحركة خلفها ..دورات راسها بانت ليها زليخة خارجة من قاعة لبيسين وجاية ناحيتها تابعاها ..قلبات عينيها بملل وماتسوقاتش وزادت …)

🍀🍀🍀

نرجعو لداخل قاعة لبيسين المغطى …بعد خروج زليخة لي تبعات ساندرا …جمانة بقات بوحدها هي وسماح …فا تنهدات ساهية فزرقة لبيسين ودورات راسها شافت فسماح )

جمانة : مسكين مالك بقا فيا …تا أميرة عيقات بكلاخها وهاذشي كوولو وهي مزااال كيحسابلها راسها ذكية ومطورة راكبها جنون البقر من ساسها لراسها ..

سماح غير كتاكل من ديك الطاسة ) جنون العظمة ماشي جنون البقر ..

جمانة : بحال بحال (شافت فيها ) نوضي نعومو ..

سماح سرطات دكشي وهي تسوط كاتنفس بزربة ) غاسيري انا مابغيتش…

جمانة حلات فيها فمها وهي كتشوف شفتيها كيفاش حمرين ومنفوخين شويا ) مالو فمك وأشنو كتاكلي..

سماح نطقات بفمها عامر ) سووقك …

جمانة : لا ورييني اشنو من قبيلة ونتي كتاكلي اشنو فلابواط ..

سماح حركات راسها بلا وسرطات اللقمة )

جمانة قربات تبكي وهي كاتشوفها كيفاش كتاكل وكاتبنن ) واحرام عليك وأنا حاملة شهيتيني واش تبغيني نحكها …

سماح تنهدات ) حلي فمك وسدي عينيك وندوقك …

(جمانة ضحكات بحماس مسحات دموعها بكمام لبودي ..وهي تقاد فالجلسة غمظات عينيها وحلات فمها …وسماح عمرات معلقة مزيااااان من ديك الطاسة و هي تخشيها كولها لجمانة فالفم ..هاذ الأخيرة لي سرطاتها بلا مديغ وهي تبلوكا مخرررجة عينيها )

سماح تنهدات براحة ) غابقيتي فيا ودوقتك …

(جمانة تزنكاااات والدموع طاحوليها وناضت وقفات كاتلهث لحروف ماقدرلت تخرجهم وودنيها كايصفرو ولعرق بدأ يهبط مع جبهتها …بدات كاتنقز بلاصتها وهي كاتنش بيديها على لسانها )

جمانة : شش شش ششش شش

سماح كاتشوف فيها وهي غير كتاكل من طاستها ) اتي مالك ؟

جمانة جاتها السخفة وهي كاتحس بلسانها وكل فمها وحلقها شاعلة فيهم لعااافيا ) ش ش شششش ششششهاااادشيييي…

سماح خشات لمعلقة لخرة من ديك الطاسة ففمها ووقفات ) لهريييسة …أحح شحال بنينة غانمشي نزيد وغانجيبليك معايا طاستك باش ماتاكليليش ديالي تاني (وتحركات خرجات كاتلحس شفايفها ..)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 723🕯

سماح خشات لمعلقة لخرة من ديك الطاسة ففمها ووقفات ) لهريييسة …أحح شحال بنينة غانمشي نزيد وغانجيبليك معايا طاستك باش ماتاكليليش ديالي تاني (وتحركات خرجات كاتلحس شفايفها ..)

جمانة ودنيها كيصفرو وفمها لي تشوط من الداخل كولو و تنفخ من برا ..عينيها تقلبو وطاحت مغيبة على لفوطوي )
🍀🍀🍀🍀

بعد مرور تلاثة أيام كاملة ….

//تلاث أيام لي ماشافتش فيهم ساندرا جبار بمرة … حيت كايجي غير فليل يبدل ثيابو يدوش ويجلس جنبها لثواني يشبعو منها غير عيونو ..ويرجع يختفي لمقر محكمة المتحولين …ولاهو لا باقي الشباب مكاينعسوش ..لارتاحو كايرتاحو ساعة فالنهار … 24 ساعة على 24 ساعة وهم غير جالسين كايحللو ويشرحو ويترجمو الكتب حتى قربو تقريبا يكملو كل تلك الكتب لي كان عددها بالمئات ….ومازالهم للآن مااالقاو واااااالو ….وهاذشي خلا جبار على أعصاابو ومابقا كايعقل على تاواحد طوول الوقت معصب …أما سليم لي حاس نفسو مكبل اليدين وهو كايشوف فسميحة وضعها كايتراجع نهار على نهار ومافيديه مايدير …فا ولا غير ساكت وقليل فاش كايهضر خصوصا فاش كايشوف جبار غير محيح وغير كايسب ويغوت ….هو كايسكت…
أما بالنسبة لمالك فا هو للآن مزال ماعارف أنه خسر كل شركتو وكل عملو حيت هو الاخر مكايخويش المحكمة وكباقي الشباب داير جهدو وكتر لمساعدة جبار …
فارس خليل عصمان سام وسيم ….كلهم ولا ذهابهم للقصر قلييل كايتواصلو مع البنات غير بالهاتف فقط ..وحاضيينهم بكاميرات مراقبة القصر لاغير …)

(أما فالقصر فا فهاذ التلاث أيام ..
هاندا وأميرة غير سادين على نفسهن …وكل وحدة كاتخمم فحريرتها …زليخة وجمانة غير حاضيين ساندرا ومتأكدين أنه واخا ماباين عليها والو هي كاتخطط لشيء ما …
ماريانا وسماح غير مع وحمهم …وماريانا هي الاخرى كاتعاون جبار فترجمة الكتب والمخطوطات السحرية القديمة واخا من جناحها ولكنها كاتتواصل مع سام وهو كايخبر جبار بكل ماهي كاتوصل ليه …أما سماح فا غاجالسة وتاكل فلهريسة وهي كاتخطط لشي طريقة باش تهرب من القصر ومن وسيم لي مزال للآن ماعاق بيها راها حاملة لا هو لاشيحد اخر من لستارك ..وهو غير كيدخل عليها للجناح كدير راسها ناعسة وهي كارهة حتى تشوف فوجهو…..

أما ساندرا ..طول هاذ التلاث أيام وهي عاطياها غير لليووووكا أو للتدريب تحت ستار اليوكا …فا منلي كاتفيق فالصباح وهي كاتدرب حتى كتبغي تنعس فليل …كاتحبس فقط غير باش تاكل ….وكل البنات خصوصا زليخة استغربو من هاذ اليوكا المفرطة لي ولات كتزاولها بدون انقطاع لدرجة جبار وشك ومنلي سولها فالهاتف قالت له ^^أن بالها مشغول بما هو قادم لدرجة كايجيوها كوابيس فالليل فا باش تتفاداهم وتريح نفسيتها نصحاتها طبيبتها باليوغا دالحوامل لي هي لقات عليها راحتها ^^ وفعلا ساندرا نجحات فأنها تقنعو لا هو لا زليخة بهاذ الفكرة….وهكذا استمر تدريبها لمدة تلاث أيام …ولكنها كاتحس نفسها مزال ما أحرزت حتى شي تقدم مفرح …فا من أربعة دقائق هي ولات تقدر تحبس نفسها بزز فقط لمدة ست دقائق حتى كاتخنق وكاتجيها الدوخة وقلبها كايبغي يسكت… وكلما حاولات تزيد فمدة حبس نفسها عن اكتر من ست دقائق مكاتقدرش ومع ذلك ما استسلماتش وماملاتش او نفرات بالعكس كاتحاول كل جهدها وأكتر على أنها تقطع نفسها وتوصل لمرحلة أن نفسها يكون مقطوع ولأكتر من عشر دقائق ولكن هي مكاتخنقش بل بالعكس …هنا وحسب ماشرح ليها عمها سام …غاتكون نجحت فالتحكم بعنصر الهواء…. ..///

الساعة 10 صباحا …وفي مقر محكمة المتحولين ….♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 724🕯

الساعة 10 صباحا …وفي مقر محكمة المتحولين ….

جالسين الشباب ككل يوم ضايرين على الطاولة الكبييييرة لي عليها بعض الكتب …الإرهاق وقلت النعاس واضحين على وجه كل واحد منهم… وكلهم كايشوفو أمامهم على الطاولات الأخرى المنتشرة فالقاعة وبالضبط في مئات الكتب السحرية المتراصة فوقها… كتاب فوق كتاب..كتب كوولها ترجموها ..وكولها قراوها صفحة بصفحة بدون نتيجة …..بقاو فقط بعض الكتب القليلة المحطوطة أمامهم …

وسيم تنهد ودور راسو شاف فجبار ) أشنو دابا ؟

(كلهم شافو فجبار لي جالس فالكرسي مترأس الطاولة حاني راسو وساااهي فأفكارو لدرجة ماعرفوش واش سمع سؤال وسيم أو لا ….فارس تنهد ومد يدو خدا كتاب منلي باقين ماقراوهومش )

فارس :دابا غانكملو خاس نقراو حتى هاذ الكتب لي مزال ماقريناش…

خليل : هاذ العشرين ولا التلاثين كتاب لي بقاو قال سام انهم كتب عادية وماشي مهمة أغلبها كاتهضر غير على أنواع تعاويذ السحرة ومامذكوراش فيهم النبوءة فا علاش غانضيعو نهار تاني على قرايتهم ؟ …

سليم مخننزر ونطق بعصبية ) عندك شي حل آخر اقتاارحو علينا وباراكا من لهضرة لخاوية …

(خليل شاف فيه ببرود ويالاه غايجاوبو حتى تدخل فارس حيت عرفهم غاينوضوها )

فارس : حنا ماخاسرين واالو غانقراوهم ربما يكون فيهم شيء مهم …

مالك تنهد ) أنا كانقتارح نعاودو نقراو الكتب المهمة لي قرينا ولي مذكورة فيهم النبوءة ربما نكونو غفلنا شيحاجة …

عصمان : غير غانضيعو وقت أكتر حيت كل الكتب لي قريناها حنا مرة وحدة جبار قراهم تلاثة دالمرات او اكتر حتى أنني شاك أنه حفظهم كاع وحتى سليم فا خاس نفكرو فشيء آخر …

سليم زيير على يديه حتى خرجو عروقها ونطق بحسرة ) خاااسنا نلقاو غيير راس الخيط غييير شيييحاااجة مايمكنش هاااذ التلاث أيام نكونو ضيعناها فوالو …

(وسيم حط يدو على كتف خوه وابتاسم )

وسيم : غانلقاو حل أكيد غانلقاو شيحاجة …

سليم شاف فيه وابتاسم والدموع معمرين عينيه ) سميحة أوسيم سميحة مستحيل تتحمل تلاث أيام أخرى لا هي لا الجنين …

(وسيم حنا راسو ككل الشباب وهم حاسين بالعجز ….رغم قوتهم الغير طبيعية لي كاتفوق قوة أي بشري عادي بدرجات ….رغم بنياتهم الجسدية الضخمة وذكائهم ودهائهم ….حاسين بالعجز ..والإحساس بالعجز يساوي الإحساس بالضعف وقلة الحيلة…وهي أحاسيس لي اكتاسحات باطن كل واحد منهم من غيرو ….جبار لي مزالو ساهي بملامح وجه صعبة التفسير ماهز راسو حتى تفتح عليهم الباب ودخل سام ..شاف فيه جبار ونطق )

جبار : أشنو …

سام : مابغاوش يمشيو (تنهد ) السحرة العجائز قررو يبقاو لربما تحتاجهم مابغاوش يخليوك لورد ..و احم (سرط ريقو ) بغاو زعما يشوفو الكونتيسة ..

جبار قاطعو بكل برود ) لا ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 725🕯

جبار قاطعو بكل برود ) لا ..

سام : احم أصلا عرفتك غاتقولها وراه قلت ليهم لا …

جبار : نهار نحط أنا وساندرا القانون الموحد للمتحولين والسحرة …ديك ساعة غانختموه وبحضور كل المتحولين وكل السحرة وتما غايشوفوها….ومن بعيد …

(سام حرك راسو بواخا وغير جلس بدأ هاتف جبار كايفيبري ….شد الخط ودار مكبر الصوت haute parleur ونطق )

جبار : كانسمعك ……

🍀🍀🍀
فنفس الوقت
ولكن فمكان اخر و بالضبط على شاطئ جزيرة كارولاين …واقفة مارال وشادة هاتفها حاطاه على أذنها وهي كاتلهث نطقات…

مارال : لورد …

جبار : كانسمعك …

مارال : أنا وماريو والفرقة لي رسلتي معانا شدينا دابا خمسة آخرين لقيناهم فعرض البحر قراب من قارة امريكا الجنوبية …

جبار نطق بحدة) : تقرير مفصل يا مرال …

مارال سرطات ريقها وصوت تنفسها وهي كاتلهث واصل عبر الهاتف لعند الشباب ) اليوم التالث من المهمة لورد قدرنا نشدو خمسة آخرين من السجناء الفارين وراه عاد دابا طبقنا عليهم أمركم فالإعدام المباشر بعدما وصلنا ليهم سلامكم لورد ..والصور رسلتهم فلابتوبك…..فا فمجموع كل السجناء الفارين أنا وماريو والفرقة ديالنا شدينا عشرين سجين وكلهم تقتلو بأمركم لورد …وفالجهة الأخرى من البحر اللورد جاسم وباقي لوردات آل ستارك شدو 15 سجين واللورد جاسم أمر بإرجاعهم حالا لسجن المتحولين وحراستهم … واللورد دياب والآغا جوكار واللورد فيليكس طبقو الأمر وراه حولو الخمسة عشر سجين لزنزاناتهم فالسجن وهم بنفسهم حارسينهم (سرطات ريقها ) وكل من اللورد جاسم واللوردات عدنان وغسان تبعو الخمس سجناء لي باقيين وكانظن غايكون اللورد جاسم شدهم حاليا …(سرطات ريقها ) وراه فرقتي تلاقات مع فرقة اللورد جاسم وقلت ليهم أني شديت عشرين سجين وقالي اللورد جاسم نرجعهم للسجن وماعطانيش فرصة نهضر و مشاو مور الخمسة الباقيين …

جبار : وخالي ..؟

مارال : النبيل إيفان جمع كل المتحولين حراس السجن العشرين كيما أمرتيه لورد وغايجيبهم ليك بنفسو..كيما أمرتيه …

جبار : لواليدة وعماتي ؟

مارال : الليدي شيماء مكاتفارقش اللورد جاسم أما السيدات جاكلين وأليشا فا كلفهم اللورد جاسم بإعادة تنظيم السجن …

جبار نطق بكل برود ) لواليد قاليك تردي السجناء لي شديتي ولي أصلا راك قتلتي للسجن وهو أمر عمتي جاكلين وعمتي أليشا بإعادة تنظيم السجن وعاد كلف عمامي بحراسة السجناء لي شد وهو تبع الخمس الباقيين … ( سكت شويا وهم كايسمعو غير صوت تنفس مارال المرتفع لي باينة فيها خايفة ….حتى وقف جبار خابط فالطبلة غووت حتى تردد صدى صوتو فكل القاعة ) …

جبار : واااااش كاااااضحكييييي علييااااا …شكووون رئيس المهمة هاااااا شكووون هاز ختمي بيييين يديه هاااا وأشنوووو كااانت أوااامري لييييك من الأول هااااااا (وخبط الكرسي علاياش كان جالس تاقسمو على جوج )…..

مارال بغواتو قفزات تاطاح ليها الهاتف من يدها لي كاترجف وبزربة هزاتو وحطاتو على أذنها ونطقات بصرامة )

(الصورة لسجن المتحولين في جزيرة كارولاين)
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 726🕯

مارال : كانعتاذر لورد ماقدرتش نهضر بصرامة مع اللورد جاسم ونقوليه أني انا هي رئيسة المهمة ماشي هو او حتى نهز فيه عيني ولكن أوامرك غاتتنفد وبالحرف وحالا غانتوجه أنا ونصف اعضاء فرقتي لسجن المتحولين نقتلو ال15 سجين لي تما وغانرسل نصف الأعضاء الباقيين يتبعو اللورد جاسم وإذا شدو الخمس سجناء قبل منو يجيبوهم ليا ..وإذا هو شدهم اولا أنا شخصيا غانتسناه غير يجيبهم وغانفد أمرك بإعدامهم وأنا هازة ختمكم أمام أي واحد اعتارض طريقي لورد ستارك ….

(جبار ماجاوبهاش… قطع الخط ..وهز راسو لقا كل خوتو وسام كايشووفو فيه …فا نطق وهو مخنننزر )

جبار : خرجو وكلكم يبقاو فقط سليم عصمان وسام …

(وسيم خليل فارس ومالك شافو فبعض ونطق فارس )

فارس : واش عندك شي خطة ولا..

جبار قاطعو ونطق بهدوء ولكن بنبرة تهديد ) آخر مرة يتجرأ شيواحد منكم يناقش أوامري …. (وخنزر ففارس …هاذ الأخير لي مباشرة وقف وخرج منفد للأمر …وبدون نقاش تبعوه وسيم وخليل ومالك …وسدو خلفهم الباب …وجبار أول شيء دارو هو أنه فعل قوة الدرع باش يتفادا أي تنصت خارجي من طرف وسيم ….من بعد شاف فيهم وخصوصا فسام وبقا غير ساااكت وكايشووف فسام …)

/قوة الدرع …قوة تتلاشا أمامها كل قوى المتحولين مهما كانت نوعها او حدتها //
🍀🍀🍀🍀🍀

ونمشيو لعند الشباب لي خرجو من كل محكمة المتحولين التي كما سبق وذكرت بنايتها جات فلخرجة دكازا ووسط الغابة..وقبل كانت هاذ المحكمة عبارة عن متحف روماني قديم وحيوطه رثة ومهمش من طرف الدولة …نهار تربع جاسم على العرش وحول مقر المحكمة من ألمانيا برلين ..للمغرب كازا أو الدار البيضاء…شرا هاذ المتحف ورممه بإتقان وزاد وسعو حتى رد منو وحدة من أجمل البنايات لي فالمدينة واتخده مقر لمحكمة متحولي كل عشائر العالم //

فارس خليل مالك ووسيم …وقفو جنب الأشجار خليل كايتكسل بتعب …ومالك جلس تحت شجرة و فارس وقف جنبهم مخنزر وهو مربع يديه …أما وسيم فا بقا واقف جنب باب البناية …ثواني حتى خبط العشب برجلو ونطق بغضب )

وسيم : درع جباار مستحيل ننجح فقوة تنصتي ضددو …وعلاش زعما فعل الدرع …

فارس : وعلاش أصلا كاتحاول تتنصت عليه …

وسيم :زعما نتا مابغيتيش تعرف اشنو بغا يقوليهم وعلاش غير سليم وعصمان وسام ؟ وحنا لا ؟

فارس : لا حيت أنا كانتيق فيه وفكل قراراتو …

وسيم هز فيه حاجبو ) أه زعما مابقاش فيك لحال استثنانا حنا بالضبط وخلاهم هم بالضبط ؟

فارس نطق بعصبية ) لا …

وسيم : إوا باين عليك العكس سير شوف غير راسك فلمراية قداش ولاو عظلاتك وعروقك كيفاش غايطرطقو جيتي كي هيلك لوحش لخضر غاهوا وجهك مزنك بالأعصاب نلوح عليك شرارة نار من ناري تنفاجر…وتدي معاك كل كازا .

اترك تعليقا