Skip links

قصة : الوحش وذات القزحتين الجزء 2 ( عشق جبابرة) ج73

 33,792 عدد مشاهداات

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 704🕯

(ساندرا بزز حابسة البكية ولبولة …وداخلها ماقادراش تزيد تماطل ذكائه أكتر …وكيفاش غاتكذب عليه فوجهو ويتيقها ..وحتى إذا تيقها هي …إيلا مشا تاسول جمانة غابلخلعة منو تقدر تقوليه كل شيء …الشيء لي خلاها تتدخل بسرعة محاولة تقلب عليه القفة …هزات راسها شافت فيه مخنزرة وغوتات )

ساندرا : باااراكا (دفعاتو ) وااا باراكا من هاذ الإتهامات والشك لخاوي ديالك أشنووو زعما قصدتي بكنغرق رااسي زعما كنحااول ننتاحر (دفعاتو تاني وكاتهضر وهي كاتغوت بأعلى صوتها ) واااش من نيتك مشااات ديك ساندرا الضعيفة لي أول حل كيبانليها هو الإنتحار..وأشنو قصدتي بهضرنا أنا وعمي بلغة السحرة عمدا هااا صافي غير لاهضرت أنا وخالتي ولا أنا وعمي بلغة السحرة راه حنا كنخططو لشيحاجة ياك هكااا كاتفكر فيااا وهاذشي لي كايحسابلييك داكشي علاش حطيتي زليخة حاضياني نهار كوولو بحال ظلي ياك لهاذ الدرجة مكاتيقش فيا ؟

جبار كايشووف فيها ونطق ببرود ) آه …

ساندرا ابتاسمات ) مزيااان إوا عرفتي أش دير…. زيد هاندا وأميرة تاهوما يحضيوني ولا سد عليا نتا كاع فشي بيت ولا قفص وتهنا وحضيييني مزياان حيت راه مافيا تيقة نيت (وزادت تحركات تخرج شد دراعها لكنها تنترات منو وغوتات ) ماااتقيصش فيا اش عندك مدير بوحدة مافيها ثقة (وزادت خارجة كولها كاترجف ماشي بالعصبية ولكن بالخلعة منو وهي كادعي يكون الفيلم داز عليه …خرجات للجناح مابانتش ليها زليخة عرفات غايكون قالها تمشي مدام هو جا …توجهات للدريسينغ وغير دخلاتليه جرات لباب خاابطاه بقوة عمدا وغير استدارت لقاتو موراها مربع يديه ومخنزر الشيء لي خلاها قفزات )

جبار : ساليتي مسلسل الصرخة ديالك ؟

ساندرا مخننزة فيه سرطات ريقها ونخلاتو تحركات لجهة ثيابها كاتجبد ماتلبس )

جبار قرب وقف جنبها شافها هزات دوبياس كحلين وحطاتهم فوق فوطوي جنبها هزهم ردهم بلاصتهم وجبد ليها وحدين حمرين فراشة من الظهر ومشبكين…ونطق بهدوء )

جبار : بلا ماتحاولي يا ساندرا حيت كانعرفك كتر من راسك …

ساندرا لي كانت هازة شوميز فيدها خبطاتو مع الأرض بعصبية واستظارت شافت فيه مخنزرة )

ساندرا : علاش علاش صعيبة عليكم تيقو أنني فعلا مكاندير واالو …

جبار: شكون حنا ؟ ♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 705🕯

جبار: شكون حنا ؟

ساندرا غوتات ) نتا وجماااانة…

جبار هز فيها حاجبو وهي كملات كلامها )

ساندرا :آآه جمااانة فراسها كووولشي عن طبيعة قوة جنين سميحة وخطورة لكتاب على حياتو ..وكيفاش عرفاات مااااااانعرف ولكنها صباح جات كتقولي مخاسنييش نضحي ونخليكم تتصرفو ومن هاذ لهضرة وأنا قلت ليها أنني كنتيق فيك ونتا قلتيلي غاتلقا حل … ولكن هي بحالا ماتيقاتنيش (غوتات) علاش واش بنتليكم كنحاااول ندمر فلكتاب ولا شنو أنا مكاندير واالو كيما طلبتي مني قلتي صبري وهاااني صاابرة عمي صباح هضرت معاه غير على خالتي وحملها وعلى معشر بابا لي غايعاود يتعمر ويتحيا بجنين ماريانا هاذشي لي كاااين فا يا جبار بغيتي تيق فيا تيق مابغيتيش خلي زليخة تبقا تابعاني على الخطوة أو اتاخد أي إجراء يريحك مكايهمنيش (واستدارت كتلبس الدوبياس لي جبد ليها )

جبار : أمم إذن جمانة فراسها كل شيء …

ساندرا لي يديها كايرجفو من كمية الأكاذيب لي قالت ليه كتهز الشوميز ويطيحلها وتعاود تهزو ) : اه غاتكون صدفة سمعات اللورد جاسم أو فارس كايهضرو…

جبار تفكر منلي قال ليهم فارس أن جمانة مكاتجاوبوش ) واش هضرات فهاذشي مع باقي لبنات..

ساندرا غير كاتسرط فريقها وهي كاتلبس وعاطياه بالظهر عمدا باش متشوفش فيه وهي كاتكدب) منعتها ونبهتها لهضرة توصل لباقي لبنات وسميحة ….

(جبار قرب منها شدلها يدها وضورها عندو حط يديه بجوج على كتفيها وهو مركز فعينيها )

جبار : إذن نتي مكاديري والو مور ظهري ؟

(ساندرا يالاه غاتجاوبو حتى قفزات مغممممممظة عينيها منلي غووت )

جبار : شووووفي فعيييني وجاااوبي !

(ساندرا حلات عينيها لي عمرو دموع وشافت مباشرة فعينيه نطقات بصوت مرعود هي مزنكة وكاتتنفس بسرعة )

ساندرا : م مكاندير والو طلبتيني نتيق فيك وأنا تايقة فيك وف أنك غاتلقا حل…

جبار بقا كايشوف فعينيها لأكتر من دقيقة وهو ساكت كايتسمع فقط صوت تنفسها السريع …حتى طلق كتفيها واستدار غادي ) غاندوش بسرعة طلبي عشاء ….

ساندرا نطقات قبل مايختافي ) واش تيقتيني ياك ؟

جبار وقف مكانو ونطق بلا مايضور عندها ) ديري فبالك أن زليخة غاتبقا حاضياك فكل ثانية فغيابي فا مابغيتش اعتراض على هاذشي (واختفى )

ساندرا طاحت جالسة فاشلة على فوطوي تما وهي شادة قلبها ) إذن ماتقتيش فيا(نطقات بينها وبين نفسها ) واخا أجبار حضيني تاتعيا وحط عليا حتى ألف عين (ابتاسمات بحزن )و أنا غاندير لي كايبان ليا مناسب وصحيح وحتى عين من عيونك ماغاتبصر أشنو درت ولا أش ناوية ندير…♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 706🕯

🍀🍀🍀🍀

نخليوهم ونمشيو عند جمانة فجناحها … طافية أغلب الأضوية وجالسة على فوطوي ظامة رجليها عندها وحاطة ذقنها على ركبيتها وساااهيا فحوض الأسماك المضيء لي فجناحها تابعة حركة الأسماك.. وكايتعاود فبالها تهديد ساندرا لها وأفكار كاتمشي وتجي فراسها لدرجة ماحساتش بيه منلي حل الباب ودخل ووقف كايشووف فيها… عاد تحرك وجلس قدامها ومع كانت ساهيا قفزات )

جمانة : خ خلعيتي وادير غالحس مالك داخل كاتختل …

(فارس مخننزر فيها هز الهاتف ديالها لي محطوط فوق الطبلة جنبها شعلو ودورو ليها )

فارس : شوفي هنا ..!

جمانة شافت أكتر من تلاثين اتصال منو هي مامجاوبا على حتا واحد منهم فا تنهدات بحزن وحنات راسها مميلة فمها)

فارس شد خدودها بين يديه هز ليها راسها) مال أميرتي الصغيرة ..

جمانة :والو …

فارس هز فيها حاجبو ) واش مقلقة مني حيت غبرت نهار كولو …

جمانة : لا أصلا عاذراكم مع كل هاذ المشاكل طبيعي …

فارس خنزر فيها ) أشمن مشاكل ؟

(جمانة هزات راسها شافت فيه وفلبلاصة بداو عينيها كايطيحو بدموع وهي تبدأ تبكي بصراخ ولخناين وكتهضر وسط الدموع بزز كايفهم عليها)

جمانة : وااع أنا عارفة كولشي نتوما ولخدمة لي عندكم دابا مضاعفة والجهد لي كاديروه باش تلقاو الثغرة وسليم مسكين بقا فيا و سميحة مخاس توقعلها والو وإلا سليمو غايحماق وساندرا غوتات عليا صباح خلعاتني وجبار (غوتاات ) جباااري وااا جباري مسكين واش حيلتو دابا لساندرا ولا سميحة وسليم وولادو وولد سميحة وداك لكتاب لملعون (غوتااات ) واااينعل زاااا**ل بووووه ولد لعاهرة خاوي لوراق لاخور …

فارس خرج فيها عينيه من لكلام لخاسر لي قالت وغوت) جماااانة …

جمانة قفزات ) أعتاديير (وبدات تمسح خناينها ..)

فارس مخنزر فيها ) منين عرفتي ؟

جمانة كاتنطق وهي كاتشهق بدموع ) من ساندرا سمعتها جات اعتاذرات من سميحة وهي ناعسة وكنت أنا متكيا حداها..وساندرا يحسابلها راني ناعسة وقالت …(وسكتات)

فارس :أشنو قالت ؟

(جمانة بدات تفرك يديها مع بعض بتوتر وتهديد ساندرا كايتعاود فبالها …أما فارس شافها سكتات وساهيا فا نطق بحدة )

فارس : جماااانة أشنو سمعتي الليدي ساندرا قالت ؟

جمانة نطقات بسرعة قصوى ) :هي اعتاذرات من سميحة حيت غوتات وخلعاتها فاليخت واعتاذرات منها تاني حيت الكتاب لملعون ولد لعاهيرة غايكون سبب فموت جنين سميحة وقالت انها وجبار ماغايسمحوش بهاذشي وغايلقاو الثغرة …(وسكتات كاتلهث )

فارس : زيدي

جمانة : صافي (وحنات راسها كاتبكي )

فارس : قلتي هاذشي لشيوحدة من لبنات

(جمانة حركات راسها بلا )♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 707🕯

🍀🍀🍀🍀

(جمانة حركات راسها بلا )

فارس : سمعي (ومد يديه كيمسح ليها دموعها) ماتخافيش وماتفكريش فهاذشي بمرة حنا كانديرو فوق جهدنا وغانلقاو حل وسط…جبار مآمن ومتأكد أنه كاينة شي ثغرة وخلل فالنبوءة ونتي عارفاه هو يقدر يخلي المستحيل ممكن وحنا كولنا معاه فا نساي هاذشي (باس يدياتها ) نتي ديها غير فصحتك وفولدي ….وحاجة أخرى ماتقولي تاحاجة للبنات جبار منع علينا أصلا نهضرو فهاذشي باش ماتوصلش لهضرة لسميحة

جمانة سرطات ريقها وحركات راسها بلا ) حتى أنا غانعاونكم …

فارس خنزر فيها ) كيفاش…

جمانة : غانوقف مع ساندرا وماغانخليهاش هاذ لمرة دير بحال ديك لمرة …

فارس حك راسو ) شنو مافهمتش ؟ اشنو غادير وأشنو دارت ديك لمرة وإينا مرة فلمرات ؟

جمانة : والو غير غانوقف معاها ونساندها وصافي …

فارس : مزيان وماتخليهاش هي محتاجة ليك

جمانة : غانبقا لاسقاها كون هاني

فارس حرك راسو بواخا ) المهم ردي بالك ماخاسش لهضرة توصل لسميحة ولا سماح ولا أميرة ولا هاندا نتي وساندرا وزليخة لي عارفين …

جمانة حركاتلو راسها بواخا وهو ابتاسم و باسها ففمها ) تعشيتي ؟

(جمانة حركات راسها بآه وأشارت له لبزاف دطباسل محطوطين على الأرض جنب وسادات قدام التلفاز اكتر من عشرين طبسيل )

فارس مبتاسم : كليتي بزاف تاني أشنو كليتي ؟

جمانة : الزميتة بتراب غيران النمل مخلط بلعسل ولكركاع مطحون ولي باط بلكريم فريش ولكفتة دردرت فوقهم تراب لمحابق دجدي زيدان وجوج طباسل دلقيمرون مقلي وعرفتي غمستو فتراب فازگ دليفاز دلورد لي برا فلبالكون جا بنين ماتشبعش منو وقلت للطباخة تصايبلي تشيز كيك وبلاصت طبقة دلبيسكوي ديرلي تراب مطحون وتجمعو بالشطلاك وصايبوليا تلاثة كليتهم وراه طلبت الرابعة وكنتسناهم مزال مجابوهاش…

فارس حال فمو ومخرج عينيه ) أ أ

جمانة شافت فيه ) ومزال مشهية واحد الريدبول …

فارس مسح على وجهو وهزها فحظنو غادي بيها للسرير ) باراكا راه تلقاي معدتك بنات الضالة… دابا وقت النعاس …(وحطها على السرير )

جمانة :غاتبات …

فارس غطاها وحرك راسو بلا ) خاس نرجع للمحكمة فا كنعتاذر إذا غبت او قصرت فحقك هاذ الفترة عذريني…

جمانة ابتاسمات وعينيها كايتسدو ) ماتخليهش بوحدو …

فارس ابتاسم ) ماغاديش نخليه كوني هانيا (حط حداها تلفونها ) هاذ المرة نصوني جاوبي ..وماتنسايش اش وصيتك …

جمانة حركات راسها بواخا وغمضات عينيها…وهو بقا حداها حتى تأكد أنها نعسات عاد ناض بدل حوايجو وخرج )♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 708🕯

🍀🍀🍀

نرجعو لجناح جبار …هاذ الأخير لي خرج من الدوش لاوي عليه فوطة بانتليه متكية على السرير عاطياه بالظهر ومغطية …وعلى طاولة الجلسة لي فالجناح محطوطين أطباق مختلفة من عشاء راقي …تنهد وتوجه لسريرها بلا مايهضر حيد عليها لغطا وهزها وهي كاتنتر )

ساندرا: اشنووو…

جبار : هذاك العشاء قلت ليك تطلبيه ليك ماشي ليا …

ساندرا قالبة وجهها عليه ) :مافياش جووع…

جبار : أمم ماشي ولاد جبار لي ينعسو بلا عشاء …(وحطها على لفوطوي وجلس جنبها ) كولي …

(ساندرا دورات وجها عليه وهو تنهد وهز ملعقة من لبايلا ودور ليها وججها بيدو الأخرى وخشاليها ملعقة مور الأخرى وهي كتاكل بالسكات…حتى هو ساكت فقط كايوكلها وقليل فاش كايلوح شيحاجة لفمو وهو ساهي حتى نطقات )

ساندرا وهي كاتشوووف فيه بحزن ) ماترهقش راسك …

جبار شاف فيها ) شربتي مثبتات وفيتامينات حملك ..

(ساندرا ماجاوباتوش وهو تنهد واختفى من مكانو ظهر جنب كوافوز هز ادويتها ورجع اختفى ظهر جالس مكانو جنبها … و عطاها الأدوية ورجع هز سالاد فخوي بغا يوكلها ودورات وجهها مخسرة ملامحها وسادة نيفها )

ساندرا :الفواكه لا …

جبار : مشهيا شيحاجة أخرى؟

ساندرا حركات راسها بلا ) مكانتشهى تاحاجا فلماكلة …غاريحت الديسير كاتروعني

جبار : إذن مشهيا شيحاجة أخرى فشيء غير الأكل !

ساندرا سكتات مزيرة على فمها لثواني عاد ابتاسمات وهي تنطق ) غانوريك ولكن غاتعصب او تغوت أو تخنزر فيا…راه بتعويذة وحدة غانجمدك ونهرب …

جبار جاتو الضحكة دلفقصة حط يدو على فمو وحرك ليها راسو بواخا ) وري وري …

(ناضت مبتاسمة كاتجري بشوميز دوبياس شورط قصير مبين نص مؤخرتها وميني ديالو فلغوز بيبي نازلين بلخيوط …كاتجري وهي حفيانة وجبار حاضي ليها مؤخرتها حتى غووت قفزها كانت غاطيح )

جبار :ماااتجريييش…

ساندرا نقصات من خطواتها توجهات لكوافوزة لي جنب سريرها خدات تلفونها ورجعات بخطوات عادية حتى جلسات جنبو …حلات تيليفونها بالبصمة ودخلات لتصاور وحلات أول صورة ودوراتليه تلفون وهي مبتااسمة )

جبار حنا راسو مخرج عينيه فتلفون كيشوف دكشي بانت ليه عين زرقة مضببة ) أش هذا ؟

ساندرا دورات ليها التلفون ) هاء كنت دايرة الزوم (حيدات الزوم للصورة ورجعات عادية وعاودات ضوراتليه تيليفون )

جبار هز حاجبو مخنزر ) لواليد !

♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 709🕯
جبار هز حاجبو مخنزر ) لواليد !
ساندرا حركات راسها بآه فرحاانة ) عينيه شيمرات كنبات نحلم بيهم (زومات على عيون جاسم وهي كاتشوف فالصورة ساااهية بعيون كايبريو ) أحححح عرفتي مع كنحشم ومكنقدرش نشوف فيه وفعينيه بالضبط مباشرة فا بقيت شحال كنقلب على صورو فالأنترنيت..و هزيت هاذي من واحد المقال شفتي شحال زوين ماعمرني شفت شي عيون صافيين بحال عينيه و… (هزات راسها وهي تختفي ابتسامتها منلي لقاتو مخنننزر فيها ومزنك بالأعصاب )
ساندرا سرطات ريقها ) م م م م م مالك ؟
(جبار بلا مايهضر طيرلها تلفون وغير مسح صورة باه طلعاتليه التانية مسحها طلعاتليه التالثة مسحها طلعاتليه الرابعة …غوت بعصبية حتى نقزها منلي لقا عشرات وعشرات الصور تقريبا كل الصور لي فهاتفها دجاسم ماتهنا تافورماطاه ليها ولاحو جنب شد ليها وجهها بين يديه وجرها بالجهد حتى تقابلو عينيه بعينيها وتقريبا مافاصلهم والو )
ساندرا كتحس بحناكها مبعوجيييين غايطرطقو بين يديه وكتشوف فيه مخررجة عينيها بزز نطقات )ياك ياك قلتي مغاتعصبش وماغاتغوتش وماغاتخنزرش …
جبار غووت ) هااااا عيييني زوورق هاااه شوووفي فيييهم …
ساندرا سرطات ريقها كاتشوف فعينيه وبزز نطقات ) لا لا عينيك أزرق غامق أما عيون اللورد ازرق فاتح وأنا بغيت الازرق الفاتح و..(قبل ماتكمل كلامها هو وقف بخفة وتحنا هزها بيد وحدة لاحها فوق كتفو وتحرك جيهت السرير كاينكر بعصبية وكايغوت صاعر …)
جبار : سكتي صافي سكتي فهمنا وحمدي الله راك حامة …وهذاك اللورد ديالك غا جاني لواليد وكاتبغيه لواليدة أما نن… ونزيدك داك عمك لي كان صباح مافاصل بينك وبينو والو تاااهوا غانصفيها ليه (وسكت مخنزر حطها على السرير وتكاها وهز أصبع تهديد فوجها ) راه بربي ويتولد واحد فتوأمي عينيه أزرق فاتح أو أخضر خنوني تانحطك نتي وياهم فالتلث الخالي فهمتي …
(ساندرا مخررجة فيه عينيها وساكتة )
جبار غووت ) فهههمتي !؟
(ساندرا قفزات وحركاتلو راسها بزربة بآه )
جبار : مزيان ودابا خليني نغمظ عيوني لثواني ونتي نعسي مشا لحال (وحط راسو على صدرها وهو حاظنها )
(ساندرا شهقات حيت حاط ثقل جسدو عليها ولكن ما اتعارضاتش او بعداتو بالعكس حظناتو عندها أكتر وهي مبتاسمة ويالاه غاتغمظ عيونها حتى نطق )
(جبار وهو ساد عينيه كايتحسس طاقتي المتحول دتوأمو المختلف..نطق بهمس ونبرتو كلها تهديد )
جبار : ماتخذليش ثقتي فيك… وماتلعبيش مور ظهري …واصحك تفكري مجرد التفكير فأنك تحطي نفسك أو ولادي فالخطر …
ساندرا سرطات ريقها وولات صفرة ..يالاه غاتهضر تجاوبو حتى عاود نطق )
جبار : ششششت مابغيت نسمع والو …
(سرطات ريقها ساكتة كيما طلب وبقات ساهيا فالسقف لثواني سارحة بتفكيرها لي كايضور بيها فدواااامة كضور وضور وضور وترجع ليها لنفس الفكرة ..لي هي الفكرة الوحيدة لي غاترضي ضميرها …غمظات عيونها مستسلمة للنوم لدرجة محساتش بيه منلي ناض لبس عليه بسرعة ورجع عندها كيبوسها لدقائق حتى شبع فيها قُبل …عاد اختفى من مكانو ….)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 710🕯

🍀🍀🍀🍀
فجر اليوم الموالي الساعة 5 صباحا وبالضبط على شاطئ جزيرة سحرة السحر الأسود ..الجزيرة المنسية ومقر معشر سحرة آل جوفر وباقي سحرة معاشر السحر الأسود لي بقاو ..أو لي خلا ثيون حيين باش يخدمو مصالحو …كايتمشى هاذ الأخير على الشاطئ غادي جاي بلاصتو وباين عليه التوتر وكل شويا يشوف فالبحر …)

ثيون : الشمس كاتشرق فا فين هاذ لق**حبة تفوووو غالي يعول على وحدة مشرگة من كاع تقا*بيها …(رجع شاف فالبحر وبانلو زورق كبير من النوع السريع…من بعييد جاي ناحيتو…ابتاسم ووسع ابتسامتو ..الزورق كايقرب وثيون كايضحك بهستيريا بحال إيلا ربح الحرب …ماهي إلا نصف ساعة حتى رسا الزورق على الشاطئ جنبو …هبطات منو جوليا وهي كاتسرط فريقها وباين فيها الخلعة …تبعوها ساحرية هبطو ووقفو خلفها )

ثيون مبتااسم وكايشوف فيهم ) إوا فين الشحنة والغنيمة لي طلبت ؟!

جوليا شافت بنص عين فالساحرين لي موراها ونطقات بتردد ) ن نزلو الشحنة …

الساحرين امتاثلو واحد رجع طلع للزورق كايمد للآخر ..والآخر كايشد ويحط قدام ثيون )

(ثيون مبتااسم وغير كايضحك وهو كايشوف فالساحر كايحط أمامو عدت أسلحة نارية خفيفة كالمسدسات والبندقيات وأخرى ثقيلة بحال الرشاشات والقناصات والقنابل اليدوية ومسدسات آلية وأخرى كاتمة للصوت ….الساحرين كملو ورجعو وقفو خلف جوليا )

ثيون مبتاااسم كايشوف داكشي وملي شافهم حبسو …اختفت ابتسامتو وهز راسو شاف فجوليا مخننزر وهي بسرعة نطقات كاترعد )

جوليا : هاذشي لي قدرت نجيب أثيوون ..روسيا مطوقة بمتحولي عشيرة ^أسكانيا^ ونتا عارف ديك العشيرة شحال كتار أفرادها وأقوياء وكوريا خلاص ماقدرتش حتى نقرب لحدودها كل متحولي العشيرة الكورية عندهم قوة الجري السريع راهم البحر وكايجريو فوقو بسرعة الضوء ..التايوان الفلبين نيوزيلندا ماقدرناش كااع نقربو لحدودهم راه المتحولين فكل مكان بزز دخلت حدود أستراليا وبتعويذة الخضوع سيطرت على بشري تاجر سلاح وهاذشي لي قدر يجمعلي فضرف يومان وبزز تاني خرجنا من تما بدون مانلفتو الانتباه …

ثيون بدأ يفرقع أصابع يدو ) أنا لفين سيفطتك !

جوليا سرطات ريقها ) ل ل لروسيا

ثيون :أهاه ونتي لفين طيراتك الدودة لي فط*ونك …

جوليا : ل ل لل أ أستراليا …

ثيون : آه (شاف فالأسلحة ) وشحال من سلاح هنا ؟

جوليا : ثيون راه هاذشي علاياش قدرنا راه (سكتات قافزة منلي قاطعها بصراخ )

ثيون : شحاااال من سلاح هنااااا…

جوليا : قرابت خم خم خمسين مسدس من أنواع مختلفة وعشر قنابل حربية يدوية…

ثيون : أمم وأنا شحال قلت ليك تجيبي …

جوليا بدات ترجع بخطوات للخلف ) م م م مئة مسدس و و ومئة ق قنبلة ..

ثيون ابتاسم وفرمشة عين اختفى من مكانو وهي غمظات عينيها بقوة كاترعد حتى سمعات أنين استمر ثانية وصوت ارتطام او شيء تخبط مع الأض ..حلات عينيها واستدارت لقاتو موراها وهو شاد بيديه لي كايقطرو بالدم رأسي الساحرين من شعرهم …فحين جسديهما مليوحين على الأرض كايتحرقو ….جوليا بعدات منو كاترع …وهو نطق ببرود )

ثيون واقف عاطيها بالظهر شاد الرأسين لي قطع وعينيه على الأسلحة )

ثيون : تتت ماتهربيش ألحب ماغاديش نقتلك (ابتاسم ) ماشي دابا مزال محتاجك (لاح الرأسين وتحنى هز مسدس ثقيل من نوع رشاش ) بوم بوم بوم (وبدأ يضحك باستمتاع ) متشوق نشوف وجه المتحولين منلي نفاجئهم برصاصاتي (غوت باستمتاع ) أووووووووووه أكيد غايتصدمو وهم متوقعين هجوم سحري حتى ينزل عليهم القرطاس كيشتاااا أععع يا جبااار آخرتك غاتشوف عائلتك ومتحولي عشائرك مقرطسين قدامك وأنا كنواعدك بعدما نقتلك غانتقب كل جسد برصاصاتي..(وبدأ يضحك بهستيريا تاني حتى قاطعاتو )

جوليا : ث ث ثيون ؟!

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 711🕯

جوليا : ث ث ثيون ؟!

(ثيون سكت من الضحك واستدار شاف فيها )

جوليا : واش قريب غانهجمو عليهم !؟

ثيون : تت ساندرا سمرائي المثيرة لي قريب غاتجي عندي برجيلاتها …

جوليا غير سمعات اسم سانظرا خنزرات فيه ) ثيوون ياك قلتي ليا غاتقتلها وبلي كاتبغيني أنا …

ثيون خنزر فيها وقاطعها بصراخ) غاتزيدي تغوتي فوجهي غانغير رأيي فتأجيل قتلك ودابا …(لاح عليها مسدس الرشاش الثقيل لي كان هاز بقوة حتى تدفعات وطاحت على مؤخرتها) قو**دي من قدامي دي الأسلحة لباقي السحرة بغيتهم يتعلمو التصويب والقنص فأقرب وقت ممكن سمعتي يتدربو بليييل وبنهار …(وتحرك بخطوة وحدة نقز تنقيزة عالية حتى جا واقف فوق الزورق )

جوليا غوتات ) فين غادي …

ثيون : نكمل لخدمة الناقصة ديالك ونجيب أسلحة اكتر ألق**بة (ودخل لمقصورة القيادة حرك اليخت بسرعة …خلا جوليا واقفة تابعاه بعينيها وساهيا )

جوليا : بلا ماتحلم أثيون بربي مانخليليك هاذيك المختارة تفرح بيها (ابتاسمات بشر ) يحسابليك غاتقولبني تستاغلني حتى تخليها تطبق عليك تعويذة الخلود من بعد تصفيها ليا باش تبقاليك الساحة خاويا نتا ومختارتك (ضربات الرمل برجليها بعصبية ) هاحنا غانشوفو هاذيك السمراء القبيحة علامن غاتطبق تعويذة الخلود واش أنا ولا نتاااا وصبر عليا غير نولي خالدة غانبدا بيك نتا لول ونتبعها ليك ….

🍀🍀🍀🍀

مر الوقت ووصلات الساعة 11 صباحا من نفس اليوم …وفجناح سميحة هاذ الأخيرة لي بزز فاقت ليهم وبزز وكلوها خدات ادويتها ورجعات نعسات …الطبيبة جنب سريرها كاتقاد ليها صيروم مقوي فحين مها تارا جالسة جنبها ساهية بحزن فبنتها لي كل نهار كاتذبل على نهار لي قبلو ….أما سليم فا واقف جنب الطبيبة مخنزر )

الطبيبة : بصراحة وضعها حيرني وبزاف حيت غادي وكايتراجع نبضها مامستقرش بمرة لا هي لا الجنين مرة طالع ومرة هابط زيادة على هاذشي بنيتها الجسدية غاديا وكاتضعاف دابا حالتها مستقرة نوعا ما (سكتات شويا ونطقات ) ولكن لي نقدر نأكد ليكم أنه إيلا بقا وضعها هكا وزاد طول ماغاديش تقدر تزيد تتحمل الحمل اكتر (سرطات ريقها )ومستحيل حتى توصل لشهرها السادس حية لاهي لا الجنين …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 712🕯

سليم خنزر فيها وغوت صااعر) مامحتااجش نسمع منك هاذ لهضرة كل نهااار (غوووت ) راااه حفظتها فا باااااراكا من نفس الديسك ديالك حفظتووو كتر من كمارتك فا مااتعاودييش تقووليلي أنها غاااتموت…

تارا :ولدي تهدن (شافت فالطبيبة لي مكمشة ومغطية وجهها بملف سمسحة الطبي ) تقدري تمشي أمدام وكنعتاذرو منك

( الطبيبة خرجات كاتجري وسليم تنهد بعصبية وتحرك خارج)

تارا : فين غادي

سليم وقف واستدار شاف فيها ) للمحكمة أعمتي مابقيتش قادر نشوفها هكا ماقدرتش خاس غانلقااا هاذ الثغرة …

تارا ابتاسمات ليه ) وأنا تايقة فيكم أولدي ولكن تهدن باش تفكر صح…

سليم حرك راسو بواخا )عافاك ماتخليهاش و منلي تفيق سيفطيلي مساج …

(تارا حركات راسها بواخا وهو اختفى بقوة التنقل …تنهدات بحزن وهزات مشط كاتمشط شعر سميحة القصير وهي مبتاسمة بحزن )

تارا : ماتخافيش جبار واعدني ماغايوقع ليك والو هو واعدني وهو بحال خويا جاسم قد كلمتو فا نعسي براحة يا ملاكي وماتخافيش (طاحو دموعها ) نتي بريئة ومادرتي والو تستاهلي عليه هاذ العداب فا غير نعسي براحة (سكتات ومدات يديها كاتمسح دموعها منلي تحل عليها الباب ودخلات سماح باين فيها عاد فايقة من نعاس …مشعككة ومخنزرة توجهات لنفس الفوطوي لي جالسة عليه مها تارا وبلا ماتهضر جلسات جنبها وتلاحت فحظنها )

تارا عنقاتها ) مال ملاكي التاني …

سماح ميلات فمها ) ماما بغيت واحد لحاجة …وقلت نسولك نتي قبل مانهضر مع بابا

تارا : آمري ..

سماح شافت فيها ) بغيت نطلق من وسيم …

تارا كاتشووف فيها وفعز حزنها ضحكات ) نوضي ابنتي غسلي وجهك نوضي …

سماح خنزرات فيها ) وا ماما كانهضر بصااح …

تارا : أشنو حلمتي (حطات يدها على جبين بنتها ) ومافيكش سخانة …

سماح تنهدات : ماما كانهضر بصح آه عاارفة فقانوننا مكاينش الطلاق ولكن خويا جبار مزال ماختم قانونو وإيلا نتي وبابا وعمو جاسم وقفتو معايا غاتقنعوه يحلل قانون الطلاق بين المتحولين وأنا نكون اول متحولة كاملة كادير الخلع لهجين حول …

تارا طلعاتها معاها بقرصة حااارة فلفخض حتى قفزات سماح ووقفات شادة فخضها كاتنقز )

تارا : لحول هو جدك وولدي وسيم بزااف عليك ألمغوبشة ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 713🕯

تارا : لحول هو جدك وولدي وسيم بزااف عليك ألمغوبشة …

سماح كاتحك القرصة ) هاااح أماما راه أنا هي بنتك وااا بنتك هيا أنا …

تارا : شوفي خرجي عليا راه مراشقاليش لتخربيق ديالك..

سماح رجعات جلسات جنبها حابساها لبكية ) ماما غاسمعيني راكي مافاهمة واالو أصلا زواجي بيه كان خدعة هو راه ابتازني وهددني نسيني عقد زواج ولا يشوهني معاكم يعني أنا سنيت على العقد تحت التهديد وهاذ زواج أصلا مادايزش (بدات تبكي بصراخ ) ودابا خدعني للمرة التااانيا ولد لحراام(وغوتات تاني بسبب قرصة حارة كتر من الاولى …)

تارا :نتي هي بنت لحرام بزاف عليك ولدي زوين عليك…

تارا كاتمسح دموعها بكم لبودي ) وا ماما واش كاتسمعيني اش كنقول ولا كنعاود خبيرتي للحيط واراه أنا هي بنتك وسيم غاربيتيه …

تارا :واش تمشي ولا نعيط ليك لجبار وقوليلو بنفسك يحلل الطلاق بين المتحولين وهو نيت يطلقك من خوه لي هو ولدي (وابتاسمات )…

تارا خنزرات فيها وغوتات ) : وااااا غاطلقوني منو ولا نهرب ليكم…

تارا : منلي تهربي قوليها لراجلك قبل راه عيب وحرام وماشي مزيان المرأة تخرج بدون علم راجلها …

تارا ميلات فمها ) ستندمون عقلي عليها نتي وولدك …

تارا رجعات كاتمشط شعر سميحة ) عنداك تقولي هاذ التخربيق لباك ولا لعمك جاسم هاني نبهتك وماتصدعيليش راس ولدي وسيم بلفشوش ديالك هاذ ساعة فيه لي كافيهم .. سدي موراك لباب …

(سماح مخنزرة فيها خرجات بخطوات سريعة كاتشهق سدات لباب بخبطة وجبدات تلفونها دوزات لخط وغير تشدلها نطقات بصوت باكي )

سماح :لاحداك داك لخراي دراجلي ماتبينلوش راني انا لي كنهضر معاك ….

🍀🍀🍀🍀

وفمحكمة المتحولين ..جبار وكل الشباب مجتامعين لليوم الثاني مع عجائز وكبار سحرة المعاشر الست على طاولة قاعة المحاكمة كايقومو بمهمتهم المستحيلة …كل واحد مركز فعملو حتى بدأ كايفيبري ليه تلفون فجيبو …جبدو شاف اسم المتصل وحول نظرو لوسيم هز حاجبو وشد الخط ونطق بصوت خافت )

خليل :ألو نعام …

سماح :لاحداك داك لخراي دراجلي ماتبينلوش راني انا لي كنهضر معاك ….

(خليل دور راسو شاف فوسيم لي مركز مع الاوراق لي فيديه واستغرب من صوتها الباكي لكنو نطق ببرود )

خليل : أوك

سماح : فينك !؟

خليل حك راسو ونطق بهمس وببرود ) وسوقك…

سماح غوتات ) وااابغييتك…

خليل خرج عينيه ودور راسو تاني شاف فوسيم ونطق بهمس بزز سمعاتو ) انعلي شيطان راجلك حدايا…. وراني بحال خوك..

سماح كاتهضر وهي كاتبكي ) واالا ماشي داكشي ألحمار …

خليل هز حاجبو ) حمار !

سماح : دابا سكت وسمعني (مسحات دموعها ) محتاجة وجهك بغيت نشوفو رشقاتلي جاني فبالي ماعرفتش والمجلة لي عندي كاع صورك فيها بنظارات شمسية فا خود سيلفي دابا وسيفطولي …

خليل : علاش فاياش محتاجة جمالي ؟

سماح : واسوقك سيفطلي سيلفي وصافي

خليل : أهاه هي لولا …

سماح قطعات عليه ومسحات دموعها ) والله تانهرب ليكم (وتحركات صاعرة لجناحها )
🍀🍀🍀
اما خليل فا جلس يتسيلفا سيلفي مور سيلفي ويسيفط ليها تاشاف جبار مخنزر فيه عاد تبت …….ورجع لعملو بتركيز ككل الشباب حتى فجأ ة تحل عليهم لباب ودخل جاسم دياب فيليكس عدنان غسان إيفان وجوكار متابعين وملامحهم مكاتبشرش بالخير …

جاسم وقف أمام جبار مخنزرين فبعض )

جاسم : وقع مشكل كبير خاسنا نهضرو (شاف فعحائز السحرة ) وغير صنف المتحولين على انفراد….يتبع
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 714🕯

(تتمة لأحداث الجزء السابق )
الساعة 12 صباحا وفي محكمة المتحولين وبالضبط قاعة المحكمة …..عجائز السحرة دمعاشر الخير مع سام خدامين كايترجمو الكتب السحرية…من لغة السحرة إلى الانجليزية أو الفرنسية …هاذ الكتب لي كايترجموها لشباب لستارك لي كايقراو الترجمة وكايقارنوها بالنبوءة محاولين يجبدو ولو تناقض او ثغرة بسيطة تعطيهم رأس الخيط دحل تالث لحالة ساندرا وجنين سميحة ..وفقط للإشارة كتاب واحد من هاذوك الكتب كايظم حتى ل 3 ألاف ورقة ….// كلهم خدامين بتركيز ..وجبار جنبو سام هاذ الأخير كايترجم ليه الكتاب المهم الرث ممحي الكلمات لي لقا فالأمس ولي كايهضر على حياة الساحرة صاحبة نبوءة ساحرة الجبار ……وجبار بدكائه غير كايعطيه سام أول أو آخر أو وسط كلمة وهو كايكملها …حتى قربو يكملو ترجمة هذاك الكتاب الضخم ….
فجأة تحل عليهم لباب ودخل جاسم ..دياب.. فيليكس ..عدنان.. غسان …إيفان …وجوكار …: متابعين وملامحهم مكاتبشرش بالخير …

جاسم وقف أمام جبار مخنزرين فبعض )

جاسم : وقع مشكل كبير خاسنا نهضرو (شاف فعجائز السحرة وكمل كلامو ) وغير صنف المتحولين على انفراد….

جبار حس بجدية الوضع وشاف فكبير عجائز السحرة ) تقدرو تلتاحقو بأجنحتكم تغذاو وارتاحو ساعة غانكملو شغلنا …

(ناضو السحرة متابعين كايخرجو من غير كبيرهم لي وقف أمام جبار …كان رجل فالتسعينات نحيف وطويل الجسد وبشعر ولحية أملسين وطويلين …شاف فجبار ونطق )

الساحر : واش واقع شي مشكل في مقر المعاشر السبع…

جاسم شاف فيه ) لا الموضوع ماعندوش علاقة بالسحرة …

الساحر حرك راسو بواخا ) إذا احتاجيتو للمساعدة حنا فالخدمة لورد ( وتحرك خارج …بقا فالقاعة غير آل ستارك وسام )

إيفان هز حاجبو فسام وشاف فجبار ) واش غايبقا !

جبار شاف فخالو ) آه ماتنساش أخالي أنه ومع الأسف عم مراتي …إذن ومع كامل الأسف هو واحد من لستارك…

(جاسم توجه للكرسي المقابل لكرسي جبار وجلس معصب …وبعدها كلهم جلسو حتى جبار )

جبار : أشنو واقع ؟

جاسم : تمرد فسجن المتحولين

جبار هز فيه حاجبو ) أمم هربو (ابتاسم )مازاال كايقلبو عليا .. من محاولة تمرد لهرب مزيااااان …

سليم نطق بعصبية ) هاذشي لي كان خاسنا نييت ….

دياب/أب فارس / آه هربو واكتر من نصف السجناء تقريبا …

فارس :مستحييل يهربو بنظام سجني متطور بحال لي فسجن المتحولين ..

دياب شاف فيه مخنزر ) إوا هذاك النظام السجني المتطور تعرض للإختراق وآه هربوووو…

عدنان /أب التوأم سموحات / ) آه(شاف فسليم وجبار ) ماتنساوش انكم وزليخة ماشي الهجائن النوابغ الوحيدين فصنفنا وواخا تعياو تطورو فالنظام الأمني للسجن غايبقا معرض للإختراق من طرف هجائن نوابغ بحالكم…

سليم مخنزر وغوت ) عمي مستحييييل هذاك النظااام يتختارق خارجيا أنا وجبار لي طورناه وأنا متأكد من كلامي …

جاسم : أشنو بغيتي تقول يا سليم ..؟

جبار نطق وبكل برود ) لي بغا يقوليك ألواليد أن هذا أو هاذي لي اختارقو النظام الأمني دالسجن ….وحلو الأبواب دأقفاص سفاحي المتحولين السجناء هربوهم ……اختارقوه من دااااخل السجن (وقف وهو هاز هاتفو رسل رسالتان ) أي احتامل واحد من احتمالين لي صحيح : 1اولا : يا المخترق هو أحد السجناء ..وهذا احتمال بعيد بزاااف حيت وكيما كلكم عارفين فقانوننا أي متحول كامل ارتكب جريمة بشعة وتحكم عليه من طرف اللورد الاول بالسجن …مكايدخل لسجن المتحولين حتى كايتحقن بدم هجين وبزز منو كاتمشيلو كل قوتو أي أن السجن جامع غير المجرمين الخطيرين لي تحرمو من قواهم وولاو بشر عاديين …
و 2 تاني احتمال هو أن المخترق هو واحد من المتحولين أو الهجائن المكلفين بحراسة السجن (وشاف فباه ) وهذا هو اقرب احتمال …وداكشي علاش (وشاف فخالو ) نبغي كل حراس السجن وخصوصا الهجائن منهم يشرفوني هنا لمقر محكمة المتحولين غانستجوبهم وبنفسي (وابتاسم) ♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 715🕯
جوكار/أب عصمان / حرك راسو بآه ) متافق معاك (شاف فجاسم) كولنا تفرجنا فكاميرات السجن وكيفاش تمت عملية الهرب السجناء كانو فغرفهم حتى أوطوماتيكيا تفتح عليهم الباب وناضو كايتجاراو هربو فحالة من الفوضى …وهاذشي كايعني أن لي هربهم كان داخل السجن …
عصمان : واش كانو خسائر فالارواح ؟
غسان /أب خليل/ : آه حسب آخر معلومات وصلاتنا تقتلو أربع متحولين من حراس السجن ..ومازال كانتسناو يوصلونا معلومات …
جبار شاف فالباب مفعلا قوة الرؤية خلف الجدار وقبل حتى مايتطرق عليهم الباب نطق بصراخ ) دخلو …
(تفتح عليهم الباب ودخلات مارال وخطيبها ماريو وقفو أمام جبار وتحناو على ركبهم عاد وقفو تاني )
مارال بتعابير وجه مخنزرة ) لورد الأخبار مكاتبشرش بالخير …
جبار حرك ليهم يدو بمعنى يجلسو …وهم تقدمو للكراسي الخاوية وجلسو )
ماريو : السجن كان هاز خمسين سجين كلهم مجرمين من الدرجة الأولى هربو منهم أربعين والمتحولين لي حارسين السجن قدرو يردو عشرة منهم فقط …ولي هربو كلهم خواو الجزيرة فقوارب هاذي ساعتين دابا
مارال : السجناء لي هربو قتلو اربع متحولين ملي اعتارضو طريقهم …لي تقتلو كانو جوج بقوة التحكم بعنصر الماء والتالث بقوة النار والرابع بقوة التجميد وهو تقتل غذر حسب ماشفت فالكاميرات….
جبار : شحال من متحول كان حارس السجن ؟
ماريو : عشرين متحولين كاملين وأربع هجناء …
جبار شاف فجاسم مخنزر ونطق بكل برود ) أربعة وعشرون ضدد خمسين (وقف) وحراااس سجن المتحولين (ديق عينيه فباه ) وبقوة المااء الواليد قوة المااااء …
جاسم خنزر فيه وغوت ) أشنو بغييتي تقول …
جبار بزز كتم عصبيتو ) : واالو ألواليد غير هو شوف سياستك التساهلية فأي موقف حطاتنا …
جاسم وقف وخبط فالطبلة مخنزر ) راااهم بشر أجباار بشر و فأصلهنا كوولنا بشر مايمكنش نتعامل معاهم كبهايم غير حيت ارتاكبو جرائم …
جبار مسح على وجهو وبزززززز كابت عصبيتو وكايهضر مع باه بصوت منخفظ وباحترام ) مااقلتش تعاملهم كبهايم ألواليد ونتا فاهم أن قصدي هو تتشدد معااهم وبلاصت عشرين حارس تحط عليهم مئة وماشي بقوى ضعيفة بل بقوى قوية ورادعة صعب على بشري يتجاوزها …ماشي بقوة المااااء ألواليد
إيفان وقف ) أتهدنو… (خنزرو فيه بجوج ورجع جلس مكمش )
جاسم رجع جلس مخنزر فجبار ) حتى تكتب قانونك
وبدل لي كايبانليك…غير هو عندااك تظلم …
جبار تاهوا رجع جلس ): غانبدل ألواليد غااانبدل …
خليل : واش المتحولين العشرين من حراس السجن ماتبعوش السجناء ؟
فيليكس /أب أميرة / : لا حيت كل القوارب لي كانو فجزيرة كارولاين ^/الجزيرة لي مبني فيها سجن المتحولين وهي أبعد جزيرة متوحشة عن كل القارات وفملك جاسم / سرقوها السجناء باش هربو …
مارال : والحراس المتحولين بزز ضبطو العشرة سجناء لي رجعو للسجن
مالك : مشكل كبير هذا (شاف فجبار ) نتا عارف أن هذاك السجن مكايدخليه غير حثالة المتحولين وأخطرهم غير السفاح لخوه ولي زاد سخطهم منلي تحيدولهم قواهم بزز منهم وولاو دابا مجرد بشر راه خطر بزاف يتطلقو للعالم ….
(جبار لارد مغمظ عينيه ومربع يديه كايفكر )
وسيم وقف ) ماغانتسناوهمش يوصلو للعالم باش يديرو مابغاو أمالك (شاف فيهم ) ماتنساوش أن جزيرة كارولاين هي أبعد جزيرة عن كل القارات وخاسهم عالأقل يومان دالتحرك فالبحر باش يوصلو لأول قارة (شاف فجبار ) إيلا تحركنا دابا وتوزعنا فالبحر غانصيدوهم واحد بواحد قبل حتى مايحطو رجليهم على اليابسة …(عصمان وفارس وقفو كايشوفو فجبار )
عصمان : واش نجهز لي هيليكوبتر ..
سام وقف ) أنا بارع فتعاويذ التتبع وتقفي الأثر نقدر نعاونكم …
سليم : غانشدوهم فأقل من نهار إيلا تحركنا دابا حاصرناهم…..
(كلهم كايشوفو فجبار لي مغمظ عينيه بدون ردت فعل )
فارس : جبار …
(جبار حل عينيه ووقف يالاه غايهضر حتى قاطعو جاسم بصراخ)
جاسم : ماعندكم فين تمشيو (ووقف وتبعوه كل خوتو دياب وعدنان وغسان فيليكس وخو مرتو إيفان وصاحبو جوكار وقفو وجاسم عينيه غير على جبار ) كانظن عندكم مهمة أهم ديروها أو لا…
جبار : لا ألواليد هاذوك السجناء ديالك كايقلبو عليا وبالريق الناشف باغيين يجبدوني وأنا كنت ميك عليهم ولكن دابا غايلقاوني و غايشوفو وجهي الحقيقي و لآخر مرة فحياتهم وغايشوفوه ومزيااان …وأنا مغانخسر عليهم حتى نصف نهار كامل … وغانصيدهم كلهم
جاسم غوت ) جباااار واش عندك الوقت لي تضيع عليهم ونتا كل دقيقة كاضيعها زايدة فحياة مرات خوك وولدو (شاف فسليم ) ونتااا بعقلك غاتخلي مراتك لي كاتموت كل نهار وتبع ليا مجموعة قتلة …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 716🕯

جاسم غوت ) جباااار واش عندك الوقت لي تضيع عليهم ونتا كل دقيقة كاضيعها زايدة فحياة مرات خوك وولدو (شاف فسليم ) ونتااا بعقلك غاتخلي مراتك لي كاتموت كل نهار وتبع ليا مجموعة قتلة …

(جبار وسليم سكتو وهو كمل كلامو وهو كايشوف فولادو )

جاسم : أنا وأعمامكم الخمسة وخالكم غانتكلفو بهاذ المهمة وغانتبعوهم وغانشدوهم وغانردوهم لسجن المتحولين …وماغانرجعو حتى نردو السجن للنظام لي كان عليه من قبل …

إيفان قرب من جاسم ونطق بهمس مسموع ) وانسيتي حاجة مهمة أنسيبي لعزيز نسيتي إيفلين ديالنا …

(جاسم شاف فيه مخنزر )

إيفان : ق ق قصدي ديالك ديالك غاخودها أصلا راك واخدها ..

جاسم رجع نظرو لجبار )وآه … ماماك غاتمشي معايا …

جبار خرج فيه عينيه وغوت ) : شنو لا..

جاسم قاطعو بصراخ ) هي لي بغات وهاذ ^ لا^ قولها ليها نتا إيلا قدرتي عليها …

دياب كيضور فعينيه ): أحم حتى جاكلين غاديا …

فارس شاف فيه مخرج عينيه) : وا لواليد واش يحسابليك دايها للمالديف ولا..

دياب قاطعو) قولهاا لييها هيا لي لسقات فيا ..

إيفان : باربرة ماخليتهاش حيت مابقاتش عندها قوتها (أحداث الجزء الاول )..فا احتياطا هي غاتبقا فالقصر …

غسان : أيار جبرتها تبقى مع تارا فالقصر مايقدروش يخليو سميحة فوضعها الحرج …(وشاف فتوأمو عدنان لي ابتاسم ليه )

فيليكس : أليشا لسقات فالليدي شيماء فاغاتمشي حتى هي …

جبار كايشووف فيهم واحد بواحد وغوت ) واااش غاديين بيهن تفووجو …راه الوضع خطير..مايمكنش تديوهن …

جاسم : قلت لي عندي وإذا كان عندك اعتراض بخصوص ماماك تفظل وقولو ليها بنفسك …(وخنزر فيه بغيض ) ومن لخر مراتي قاد بحمايتها..آه كانو زماان خداوها ليا من بين يدي ولكن لقييتها ..و طول ما انا حي ماغايآذيها تاواحد وحتى حاجة مرة أخرى … ونتا ديها غير فمراتك وباش تحميها هي وتوأمك خاسك تركز كليا على هاذ الامتحان لي تحطيتي فيه ولقا هاذ الثغرة لي كاتقلب عليها ولقا حل لهاذ الوضع فأقرب وقت قبل ماتخسرها وتخسر معاها نفسك و كل شيء ….(شاف فسليم ) نفس لهضرة ليك حتى نتا حيت المسؤولية ماشي كلها على جبار خدمو عقلكم يا نوابغ …. (وشاف فعصمان ) قولهم يوجدو لي هيليكوبتر غانتحركو بعد ساعة (واختفى من مكانو بقوة التنقل )……

فيليكس شاف فجبار ) عمتك أليشا لاسقة فماماك اولدي فا إذا قدرتي تقنع ماماك تجلس غاتجلس حتى هي …كنستأذن لورد (واختفى بقوة تنقلو )

اترك تعليقا