Skip links

قصة : الوحش وذات القزحتين الجزء 2 ( عشق جبابرة) ج 72

 33,120 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 692🕯

زليخة :الله يستر …(وخرجات من الجناح كاتجري شافت المصعد تسد بساندرا وتبعاتها فالمصعد التاني هبطات حتى لأسفل القصر مالقاتهاش حتى سولات الخدم نعتولها فين مشات عاد تبعاتها كاتجري للمطبخ )

■للإشارة : تاوحدة فالبنات حاليا ماعارفة بأمر قوة جنين سميحة وأنه كسر نبوءة ساحرة وأنه باش يتولد خاس ساندرا تدمر الكتاب فأقرب وقت ممكن حيت كل ساعة كاتمر.. إلا وفيها تهديد لوجودو كجنين بقوة الاستنساخ اللامحدود / من غير زليخة أكيد لي تاحاجا مكاتخباعليها حيت عندها ذكاء ونضج وحكمة أي رجل من رجال لستارك …وجمانة لي عرفات بالخطئ وتاواحد ماعارفها عارفة ■■
🍀🍀🍀🍀
الليل والساعة 11 ليلا ..وفجناح هاندا لي جالسة على سريرعا وهي غير بفوطة قصيرة ملويا على جسدها وأخرى على شعرها …وسااااهية كاتفكر فشيء واحد فقط وهو المهلة ديومان لي عطاها خليل باش تبينلو عن حبها بدليل أو غايعيط لباها فتركيا باش يفسخ خطبتهم ..هاذ المهلة التي كاتنتاهي اليوم فهاذ الليلة …وكل مكايجول فبالها أنها إذا مادارت والو حالا غاتخسر خليل للأبد ومباشرة بعد فسخ خطوبتهم غاتضطر ترجع لتركيا وترجع تاني تعيش فمعاناتها مع تسلط مها ^ديما ^ هاذشي لاماجابتش ليها شي متحول من شي عشيرة قوية ومعروفة تاني تبغي تلوحها عليه باش يتزوج بيها وهاكا عمرها غاتعاود تشوف خليل أو تحلم بيه ….أفكار كادخلها فأفكار وكل هاذ الأفكار خلاو فكرة شيطانية تتسلل لعقلها …فكرة بالنسبالها هي الحل وهي الدليل لي خليل باغي ..ولكن بالنسبالها فكرة صعبة ومهينة وكاتحتاج جرأة كبيرة الشيء لي خلا دموعها كايطيحو بحرقة وهي تالفة ومتخوفة من آش نوات دير ..فا نطقات بهمس )

هاندا : ماعنديش حل تاني (حطات يديها على وجهها كاتبكي ) خاسكي ديريها أهااندا ياك هو بغا دليل إذن عطييه الدليل (مسحات دموعها بيدها ) مانقدرش مانقدرش أنا ماشي هكا ماشي هكا رباني بابا جوكار ومانقدرش نطيح بخويا عصمان وعشيرتي مانقدرش نهينهم هاكا… (وقفات وحيدات الفوطة لي فراسها وطاح شعرها الفازك الطويل وبقات كاتمشي وتجي بلاصتها )ولكن إيلا مادرتهاش خليل غايخليني فمرة غايضييع من بين يدي و إيلا فسخ خطوبتو بيا مستحيل نعاود نتخطب ليه حيت مستحيل بابا وعصمان يعاودو يقبلو ومستحييل نرجع لتركيا مستحيل نصبر لاستبداد ماما تاني أو نقبل تزوجني لشي متحول مكانعرفووش (جلسات على ركابيها فاشلة وغير كاتبكي ) ومن كل هاذشي مستحيل نصبر أني نبعد من خليل باراكا عليا واخا نبقا حياتي كولها غير حداه واخا مايتزوجنيش …(و بقات غير كاتبكي بصمت حتى تدق عليها الباب وبعدما عطات الاذن دخلات خادمة حانية راسها )♥️♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 693🕯
الخادمة :آنسة هاندا قلتيلي نعلمك ملي يدخل اللورد خليل للقصر راه عاد وصل وشفتو توجه لجناحو …
هاندا (سرطات ريقها وهي كاتحس بنفسها غاتحماق بالتفكير ) و و واخا شكرا ليك تقدري تمشي
الخادمة حنات راسها وخرجات أما هاندا وقفات كلها صفرة وكاترجف )
هاندا : خاسني نديرها ماعنديش حل تاني غانديرها باسم الحب…آه حيت أنا فعلا كانبغيه وهو اليوم غايشوف هاذشي ويتيقني أني فعلا كانبغيه ….(سرطات ريقها وتحركات كاتجري للدريسينغ تلبس عليها ..غير وقفات قدام المراية شافت نفسها بديك الفوطة لي بزز مغطية مؤخرتها …زيرات على قبضة يديها وتحركات كاتجري وهي حافية خرجات هكاك من جناحها كاتختل مخافة يشوفها شيحد وهي بلفوطة… قاصدة جناحو
🍀🍀🍀🍀
ونمشيو لعند خليل لي غير دخل لجناحو حيد لكرافاط وحل لعقاد لولين دلفيست وتكا فوق سريرو بتعب و إعياء وغمظ عينيه حتى بدأ هاتفو يرن هزو وجاوب بدون مايشوف شكون …

خليل : نعام

وسيم : فينك ؟

خليل : جيت للقصر غاندوش ونبدل عليا غير ساعة ونرجع نكمل معاكم …

وسيم :لا غير بقا ارتاح حتى يصبح لحال أصلا جبار سيفط عجائز السحرة للغرف لي خصص ليهم فالفندق وقالينا نمشيو كولنا للقصر نرتاحو ولكن مشا غير سليم حيت خاسو يطل على مراتو كيبقات وفارس قال أن جمانة مكاتجاوبوش و مشا يشوف مالها وحنا باقيين هنا مع جبار هو مقصح رراسو وحالف مايتحرك من مقر المحكمة حتى يلقا هاذ الثغرة وحنا ماغانخليوهش …

خليل تنهد : حتى أنا مغانخليهش (وتكعد ) غاندوش بسرعة ونرجع نعاونكم (وقطع عليه …ويالاه وقف يتوجه للدوش ديالو حتى تفتح عليه الباب بدون اذن مسبق ودخلات وبزربة سدات موراها لباب وبقات واقفة مكانها بجمود وكولها كاترجف مقاداش تشوف فيه )
خليل هز فيها حاجبو وهو كايشوف فحالتها ) هاندا !
هاندا غير كاضور فعينيها ماقدراتش تشوف فوجهو بمرة) ن ن نعام…

خليل كايتسارا بعيونو على كل جسدها الشبه عاري وشعرها لي مزال كايقطر ) كيفاش نعام ؟ ياك لاباس مالكي ؟

(هاندا سرطات ريقها وهي مزييرة على يديها على شكل بونية لدرجة غرسات ظفرانها فراحة يدها …تقدماات بخطوات مترددة ناحيتو وهي كاتتجنب تشوف فيه حتى وقفات مباشرة أمامو مافتصلهم والو…)

هاندا : م م ما ماليش أ أنا بيخير …
خليل كايشوف فيها ونطق ببرود ) إذن علاش جيتي عندي فهاذ الوقت ؟وبهاذ الحالة خارجة من دوش نيشان لعندي !! لبسي غاسليبك ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 694🕯

هاندا تزنكااات وزادت زيرات على قبضة يديها ونطقاات بصوت مرعود ) ك ك كان ولابد ن نجي ح حيت اليوم غ غ غايسالي الأجل ل لي عطيتيني …

خليل : أممم قولي هذا هو سبب مجيئك (مسح وجهو بيديه وتنهد بإعياء ) مع كل هاذ المشاكل كنت ناسي الموضوع (شاف فيها) واخا ألالة (ربع يديه ) أشنو هو دليل حبك الكبير لي كاتداعيه ليا ؟ مادامك جيتي إلا وجبتيه معاك !

(هاندا غير كاتسرط فريقها شجعات راسها وشافت فيه وهو لاحظ وجهها لحمر وعينيها المنفوخين بالدموع والدامعين …و يالاه غايسولها واش كانت كاتبكي وعلاش حتى حل فمو وماعاودش سدو …منلي هي مدات يديها لجهت صدرها فكات الفوطة الملوية على جسدها حتى طاحت هاذ الفوطة على الأرض …وهاندا رجعات خطوة للخلف وطلقات يديها بدون ماتغطي أي إنش من جسدها مخلياه شافها كولها …وهي واقفة قدامو كيما ولداتها مها عارية كليا …ونطقات بصوت مرعود وهي حانية راسها )

هاندا : م م ماعنديش دليل آخر من غير هذا (سرطات ريقها وبزز كابحة دموعها) نتا عارف أنه فقانوننا العشائري مكاينش الطلاق بين الزوجين…. وأي متحولة أو هجينة أرملة أو هاجرها زوجها ممنوع عليها تتزوج مرة تانية حيت كاتبقا منسوبة لعشيرة زوجها طول حياتها هاذشي علاش المتحولة أو الهجينة كاتفكر ألف مرة قبل ماتختار شريك حياتها لي غايلتازم بها طول حياتو والعشيرة لي غاتنتامي ليها …(هزات راسها شافت فيه ودموعها طاحو ) أنا عارفة أني مازال ماوليت مراتك ولكن هانا كنقدم ليك نفسي كدليل عن حبي ليك ونتا وأنا عارفين أنه من بعد هاذ الليلة حتى إذا ماتزوجتينيش نتا صعيب حتى لمستحيل أنه يقبل بيا شي متحول آخر وأنا ماشي عذراء … وقربات منو وهي كاتشهق بدموع وحطات يدها على المكان العاري من صدرو ونزلات بأطراف أصابعها للعقاد لي باقيين مسدودين من لفيست ديالو كاتحلهم وهو جامد كليا مدار حتى حركة أو تعبير حتى وصلات لآخر عقدة أو صدفة حلاتها وحطات يديها بجوج كاتلمس فصدرو هزات راسها شافت فيه…سرطات ريقها وتعلات على أصابع قدميها يالاه غاتحط فمها على فمو تبوسو حتى فاجئها بأنو ضور وجهو وحط يدو على كتفها بعدها عليه بنوع من القوة حتى رجعات خطوتين للخلف وتحنا وهو مضور وجهو عليها هز فوطتها من على الأرض وقرب لواها عليها و عاد شاف فيها ويالاه غايهضر حتى زفر بعصبية وتحرك تاني و بكل برود لناموسيتو حيد ليزار لي فوقها هزو ورجع لعند هاندا زاد لواها فيه تابقا باين فيها غير راسها وهي غير كاتشوف فيه )

خليل بعد عليها خطوة وربع يديه ونطق بكل برودة دم ) توقعت أي شيء وكل شيء إلا أنك تبيعي راسك بالرخيص …

هاندا خرجات فيه عينيها وحركات راسها بلا ) م ماشي هكا أنا…(وسكتات قافزة منلي غووت)

خليل : سكتيييي…

(هاندا مخرجة عينيها وولات كاتتنفس بزربة حيت أول مرة غاتشوفو كايغوت بهاذ الطريقة من ياامات كان كايتقاتل مع مالك على أميرة )

خليل شدها من كتافها مزيير وهو مخننزر فيها ونطق بغيض ) أشنو كايحسابلييك راسك إذا تعريتي قدامي ولحتي راسك عليا غانتيق أنك كاتبغيني ! من إييمتا كان الجنس تعبير عن الحب ! إذا كان بصح هي كل الق….حبات لي صادفت فحياتي ولاحو راسهم عليا كايبغيييوني …

هاندا حنات راسها وبدات تبكي بصوت مسموع وهو غوت )

خليل : هذا هو مقامك ! هاذي هي مكانتك عند راسك ؟ هكا تربيتي ؟ وهاذشي لي متوقع منك باك وخوك ؟

هاندا غير كاتبكي حركات راسها بلا ونطقات بسرعة ) ماعمرني فكرت ندير هكا مع أي مخلوق حتى زمان منلي كانت ماما كادير كل جهدها باش تلوحني لجبار عمرني عمرني عمرني فكرت ولو لثانية نبيعلو راسي بالرخيص لا هو لا غيرو (هزات راسها شافت فيه ) ولكن نتا لا نتا لا أخليل فكرت فيها لمرة ولجوج ولعشرة حيت فعلا كانبغييك ومكانشوفش راسي مع غيرك كنشوف راسي مراتك

خليل ابتاسم باستهزاء وحيد يدو من على كتافها ..حنا راسو حتى تقابل وجهو مع وجهها ونطق بكل برود )

خليل : أنا هاذي لي غاتكون مراتي غاتكون صعبة المنال صعبة حتى عليا ومستحيل نقبل بوحدة لايحة راسها عليا بهاذ الطريقة الرخيصة ..وتكون نفسها حااارة على راسها وجسدها وآخر تفكيرها الجنس ماشي (وابتاسم ) وحدة سهلة و ق…حبة ….♥️♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 695🕯
هاندا خرجات فيه عينيها وهو خنزر فيها واستدار عطاها بظهرو )
خليل : خرجي …
(هاندا لسانها تسرط وبقات واقفة جامدة بلاصتها حتى استدار شدها من دراعها وتحرك بيها للباب وهو كايهضر )
خليل : حمدي الله جيتيني فوقت راسي مقسوووم بالمشاكل وماعنديش الدقيقة لي نضيع أما كون دابا عيطت لباك وفسخت هاذ الخطبة باش يجي يديك من قصري (وصل للباب حلو وشاف فيها ) ولكن غير صبري عليا شي أيام نسالي أنا وولاد أعمامي وخوك شي مشاكل وديك ساعة أول شيء غانديرو هو فسخ خطبتي بيك (وخرجها من جناحو وسد الباب فوجهها …هي بقات واقفة جامدة مكانها لثواني حتى تضببات ليها الرؤية عاد مسحات دموعها وتحركات بخطوات سريعة لجناحها ….أما خليل غير سد عليه بابو حنا راسو شاف ببرود فحجرو كيمنفوخ )
خليل : مكلخة ورطبة وضعيفة بزاف يا هاندا وخاسك تفيقي على راسك وإلا الدنيا غاتنهشك بنيابها (دار نصف ابتسامة ) كاتحمقي ولكن مع الأسف ماعنديش مع النساء الضعيفات الشخصية… (وتحرك لحمام جناحو )
🍀🍀🍀🍀
فنفس هاذ الوقت
وفجناح سماح هاذ الأخيرة لي متكية على سريرها ومعرية كرشها وهي كاتشوف بتوتر فالطبيبة لي واقفة عليها كاتفحصها…..
سماح : ساليتي ؟
الطبيبة : مازال أمادام تسناي شويا …(وهزات جهاز قياس نبض أو دقات القلب )
سماح : وراه عيطت ليك نسولك علاش الدورة تأخرات ليا ونتي من قبيلة جالسة تقلبيلي فكرشي ودابا باغيا تشوفي دقات فلبي مالي فيا سكار ؟
الطبيبة ابتاسمات ) لا مافيكش السكر والدورة تأخرات عليك واحتماال 98 فالمئة ماغاتجيكش لمدة تسع أشهر ….
سماح قفزات جالسة مخرجة عينيها) اويلي علاش أكما فيا فقر الدم ولا بوصفير ولا بوحمرون ناري صافي بومزوي هذا ولا هذاك لي قايقولولو بو بو بو بوجلوون ولا بوصعرون …
الطبيبة حالة فمها فيها ) ل لا لا أمادام ماشي هاذو
سماح : صافي غايكون شي مرض بوشيحاجة مزال مابان (تنهدات بحزن) واش حالتي صعيبة
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 696🕯

سماح : صافي غايكون شي مرض بوشيحاجة مزال مابان (تنهدات بحزن) واش حالتي صعيبة

الطبيبة تعصبات ) وا لا أمادام نتي مامريضااش نتي غير حاملة ….

سماح شافت فيها ببرود ) نعام !

الطبيبة زفرات ) أمادام راه خاسني نرجع عند تويميتك خليتها بوحدها رغم أن اللورد سليم نبه عليا منفرقهاش …وراه مشا لحاال

سماح هزات فيها حاجبها ) وااتي راه سميحة نااعسة وزايدون غاقوليلي مااالي اشنو عندي بالضبط وسيري فيحالاتك …

الطبيبة :واخا هانتي غانقولهاليك بالعربية الفصحى أنت يا سيدة سماح حامل وحملك مؤكد ….

سماح ضحكات بدموع ) هههه من نيتك حاملة ههه قالت حاملة هههه غاشوفي لايكون شي مرض مثلا بوحاملة على وزن حاملة ههه (سكتات من الضحك مخنزرة فيها ) أباراكا من الطنز لعكري أدكتورة (وناضت من بلاصتها تمشات للكوافوزة ديالها حلات لمجر وجبدات قرعة صغيرة دالدواء وعطاتها للطبيبة ) كييفاش غانحمل وأنا كناااخد هاذ مانع الحمل يوميا وفوقت منظم (أشارت للباب ) خرجي خرجي عليا كلاك حاملة طبيبة دجوج دريال …

(الطبببة لي حلات لقرعة جبدات منها حبة تفحصاتها بيدها وفرتاتها بين أصبعين وشماتها وتذوقاتها وهي تشوف فسماح )

الطبيبة : أمادام أنا طبيبة نسائية عندي خبرة أكتر من 20 سنة وماغاتخفاش عليا امرأة حاملة وهاذ الدواء (وحطات لقرعة فيد سماح ) ماااشي بيلول مانع حمل بل هاذ الحبااات هوما مقويات هرمونات المرأة لتعزيز فرصة للحمل وإيييلا كنتي كاتشربيهم يوميااا راه بسييف ماتحملي حيت مجهديين ومن النوع الغالي بزاف (نطقات حابسة الضحكة ) وبسببهم بحال والو تكوني هزيتي تال ربعة دتوام كاع ….

سماح الدم هرب من وجهها والدنيا ضارت بيها …والطبيبة شافتها تصدمات وهي تجمع الضحكة )

الطبيبة : احم غير كانتمازح معاك أمدام …

سماح بزربة شافت فيها ) هي أنا ماحاملاش ؟

الطبيبة مسحات على وجهها ونطقات بملل ) واا حاملة والله تااحاملة ضحكت معااك غير فموضوع التوأم حيت منقدروش نعرفو دابا راك مزالة فأول مرحلة الحمل وشيء مهم قطعي هاذ المقويات وماتشربي حتى دواء كيفما بغا يكون حتى تتشاوري معايا او مع شي طبيبة أخرى ودابا كانستأذن منك ( ويالاه استدارت تمشي حتى غوتات سماح)

سماح :أبلاتيي (ومشات كاتجري هزات صاكها جبدات لفلوس وعمرات للطبيبة يدها ) شوفي ممنوع كليا تقولي لشيواحد آخر على هاذشي سمعتي تاااواحد …

الطبيبة :واخا أمادام …

سماح : راه نعرفك قلتيها لشيحد بربي تانتابعك قانونيا تايطيروليك الدوكتوراه ديالك وعاد غانقول لبابا يجري عليك من مستشفى لستارك

الطبيبة مخرجة عينيها ) ماغانقول واالو ….

سماح : واخا خرجي …

(الطبيبة خرجات ..وسماح جلسات على سريرها فاشلة ركابيها كايترعدو عليها نطقات وهي ساااهية بجمود )…

سماح : تزوجتيني بخدعة أوسيم خدعة لي بزز سرطتها ومزال حتى مانسيتها حملتيني بخدعة أكبر (شدات راسها بين يديها ودموعها طاحو )حرام عليك أنا ماشي مونيكة أوسيم علاش كاديرلي هكا علاش رأيي وقراراتي وشخصيتي ماعندهم قيمة معاك ولي بغيتيه كتاخدو واخا تعرف تلعب عليا وتكدب وتخدع واش هاذشي لي كانسوا عندك أ وسيم ( وقفات كاتمسح دموعها ) ولكن تالهنا وحبس أوسيم غانسالي معاك كولشي (وتوجهات لحمامها وهي كاتبكي )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 697🕯
(تتمة أحداث نفس اليوم في الجزء السابق )

نخليو سماح ونمشي لجناح ساندرا …لي جالسة على سريرها وحانية راسها على كتاب التعاويذ السحري ديالها كاتقرأ فيه بتركيز ومرة مرة تتمتم بكلمات شي تعويذة وتحرك يدها فالهواء وتتسنى ثواني حتى مكايوقع والو ويتحولو تعابير وجهها للعصبية وترجع تاني تحني راسها على الكتاب كاتقرأ….. وأمامها جالسة فلفوطويات لي مقابلين مع سريرها وشادة مجلة على أساس كاتشوف آخر صيحات الموضة والأزياء ولكن فالواقع عيونها على ساندرا والسكوت مخيم على كل الجناح حتى كسراتو ساندرا ملي نطقات بلا ماتهز راسها من على كتابها السحري )

ساندرا : ماعييتيش مامليتيش ؟

زليخة جاوباتها بلا ماتهز هي الأخرى عيونها من على المجلة ) من آش ؟

ساندرا وعيونها مزالين على كتابها السحري ) من هاذ المهمة المملة لي كلفك بها جبار و لي أصلا ماعندها داعي حيت راه الكاميرات لي ضايرين بيا قاضيين الغرض …

زليخة هزات راسها شافت فيها مخرجة عينيها ونطقات بتوتر ) م مهمة أحم أشمن مهمة …

ساندرا هزات راسها شافت فيها ) بلا ماتحاولي تخدعيني وتقنعيني أنك من صباح تابعاني فكل خطوة وحاضياني وماخليتينيش بوحدي حتى ثانية ودابا هاذي كتر من أربع ساعات ونتي جالسة فجناحي لي هو أصلا ممنوع عليك وواخا هكاك هانتي قدامي وباينة امكن راك ناويا تباتي حدايا إيلا مجاش جبار ……زعما كل هاذشي حبا فعيوني السود !؟

زليخة ابتاسمات ورجعات حنات راسها على المجلة ) أييه هانتي عرفتيها عينيك زوينين أصلا فعشيرتنا نتي وجدو زيدان بوحدكم لي عندكم عيون سود الباقين غازرق ولخضر ولعسلي ولقهوي وصفر ألوان فاقعة …

ساندرا حطات كتابها جنب وابتاسمات ) كان على جبار يكلفك بمهمة حسن من هاذي عالأقل كون مشيتي لمحكمة المتحولين تعاونيهم على تلك الكتب لي كتيرة بزاف وكاتضم ألاف الصفحات أما جلوسك هنا كالبيبي سيتر baby sitter ليا… ماعندو قيمة وغاتضياع وقت ومنقص حتى من إمكانياتك كنابغة وكأقوى متحولة كاملة بعنصر الكهرباء …( زليخة سرطات ريقها وساندرا ابتاسمات وكملات كلامها )

ساندرا : آه أنا عارفة ومتأكدة من أنك ،وعلى خلاف كل البنات، فخبارك سبب صراخي فاليخت نهار عيد ميلادك ،ونوع قوة جنين سميحة ، والخطر لي ضاير بيها هي والجنين بسبب كتابي السحري …وخطة جبار باش يحاول يلقى ثغرة فالنبوءة وكل شيء آخر حيت مستحيل الشباب يخبيو عليك أمر خطير بحال هذا …

زليخة تنهدات ولاحت المجلة بملل ) آه فخباري كل شيء وآآآه أنا هنا مكلفة باش نحرسك ونحميك(ابتاسمات) عندك شي مانع ماي ليدي !

ساندرا هزات فيها حاجبها ) تحميني ! من آش بالضبط ؟

زليخة خنزرات فيها ) من نفسك …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 697🕯
(تتمة أحداث نفس اليوم في الجزء السابق )

نخليو سماح ونمشي لجناح ساندرا …لي جالسة على سريرها وحانية راسها على كتاب التعاويذ السحري ديالها كاتقرأ فيه بتركيز ومرة مرة تتمتم بكلمات شي تعويذة وتحرك يدها فالهواء وتتسنى ثواني حتى مكايوقع والو ويتحولو تعابير وجهها للعصبية وترجع تاني تحني راسها على الكتاب كاتقرأ….. وأمامها جالسة فلفوطويات لي مقابلين مع سريرها وشادة مجلة على أساس كاتشوف آخر صيحات الموضة والأزياء ولكن فالواقع عيونها على ساندرا والسكوت مخيم على كل الجناح حتى كسراتو ساندرا ملي نطقات بلا ماتهز راسها من على كتابها السحري )

ساندرا : ماعييتيش مامليتيش ؟

زليخة جاوباتها بلا ماتهز هي الأخرى عيونها من على المجلة ) من آش ؟

ساندرا وعيونها مزالين على كتابها السحري ) من هاذ المهمة المملة لي كلفك بها جبار و لي أصلا ماعندها داعي حيت راه الكاميرات لي ضايرين بيا قاضيين الغرض …

زليخة هزات راسها شافت فيها مخرجة عينيها ونطقات بتوتر ) م مهمة أحم أشمن مهمة …

ساندرا هزات راسها شافت فيها ) بلا ماتحاولي تخدعيني وتقنعيني أنك من صباح تابعاني فكل خطوة وحاضياني وماخليتينيش بوحدي حتى ثانية ودابا هاذي كتر من أربع ساعات ونتي جالسة فجناحي لي هو أصلا ممنوع عليك وواخا هكاك هانتي قدامي وباينة امكن راك ناويا تباتي حدايا إيلا مجاش جبار ……زعما كل هاذشي حبا فعيوني السود !؟

زليخة ابتاسمات ورجعات حنات راسها على المجلة ) أييه هانتي عرفتيها عينيك زوينين أصلا فعشيرتنا نتي وجدو زيدان بوحدكم لي عندكم عيون سود الباقين غازرق ولخضر ولعسلي ولقهوي وصفر ألوان فاقعة …

ساندرا حطات كتابها جنب وابتاسمات ) كان على جبار يكلفك بمهمة حسن من هاذي عالأقل كون مشيتي لمحكمة المتحولين تعاونيهم على تلك الكتب لي كتيرة بزاف وكاتضم ألاف الصفحات أما جلوسك هنا كالبيبي سيتر baby sitter ليا… ماعندو قيمة وغاتضياع وقت ومنقص حتى من إمكانياتك كنابغة وكأقوى متحولة كاملة بعنصر الكهرباء …( زليخة سرطات ريقها وساندرا ابتاسمات وكملات كلامها )

ساندرا : آه أنا عارفة ومتأكدة من أنك ،وعلى خلاف كل البنات، فخبارك سبب صراخي فاليخت نهار عيد ميلادك ،ونوع قوة جنين سميحة ، والخطر لي ضاير بيها هي والجنين بسبب كتابي السحري …وخطة جبار باش يحاول يلقى ثغرة فالنبوءة وكل شيء آخر حيت مستحيل الشباب يخبيو عليك أمر خطير بحال هذا …

زليخة تنهدات ولاحت المجلة بملل ) آه فخباري كل شيء وآآآه أنا هنا مكلفة باش نحرسك ونحميك(ابتاسمات) عندك شي مانع ماي ليدي !

ساندرا هزات فيها حاجبها ) تحميني ! من آش بالضبط ؟

زليخة خنزرات فيها ) من نفسك …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 698🕯

(ساندرا سرطات ريقها وهنا سهات وهي كاتفكر فأنه مادام جبار حط زليخة تحضيها فاراه تمثيلها مادازش عليه وأنه شاكك فيها وفأنها ماغاتجلسش بدون مادير والو )

زليخة شافتها ساهيا ونطقات ) نتي مامطلوبش منك تكوني ملاك يا ساندرا فا مابقايش فكل مرة تتصرفي على هاذ الأساس وتحاولي تنقدي گاع الناس لي ضايرين بيك على حساب راسك … نتي مطلوب منك فقط تكوني إنسانة طبيعية و راه حتى أطيب إنسان فهاذ الدنيا بطبعو أناني ملي كايتعلق الأمر بحماية حياتو… عساك ولادو يا ساندرا

ساندرا ابتاسمات بعيون دامعة ونطقات بلغة السحرة وبهمس ) إذا ماضحيتش إذا مادرتهاش ودمرتو فأقرب وقت وبقيت جالسة كانتفرج فيها كيفاش فكل ثانية كاتموت قدامي هي وجنين لي ماعندو حتى ذنب هنا غانكون شيطانة وغاندم طوول حياتي ومستحييل نتعايش مع ضميري ومستحيل نسمح لنفسي نكون أم على حساب أم أخرى غيري …

زليخة خنزرات فيها) ماسمعتش أشنو !

ساندرا تداركت نفسها وخنزرات فيها ونطقات بعصبية ) مافهمتش علاش كلكم كايحسابليكم راني كندير شيحاجة فوقت لي أنا غييير جالسة وقداامكم وكانطبق داكشي لي قالي راجلي حيت تايقة فيه … فصباح جمانة ودابا نتيا (غوتات ) أكما بنتليكم حاطة الكتاب السحري قدامي وشادة مقص وكنحاول نقطع صفحاتو أو ندمرو !

زليخة : ببساطة حيت ساندرا لي كانعرفو كوووووولنا لبكاية لخوافة لي كاترعد من خيالها ولي غير كاتشوف الخطر كتمشيلو وهي كاتجري ..فبحال هاذ الوضع هي مستحيل تجلس بلا مادير والو وتخلي وحدة من خواتاتها تمووت…

ساندرا وقفات ) نتي غالطة حيت نتوما مكاتعرفونيش مزيان مشاااااا زمان البكاء والخوف …ولي قدامك دابا هي الليدي الأولى للمتحولين و مختارة السحرة الكونتيسة والساحرة الوحيدة لي كاتتحكم بكل العناصر السحرية… آه بصح أنا ماشي أقوى ساحرة حيت كانبقا ساحرة سحر خير وسحري مامدعمش بطاقة دم البشر ولكن غير تقبُّلي لمصيري وهويتي كساحرة وتحكمي بكل العناصر السحرية..خلاو قوة سحري تتضاعف عشرات المرات …..وشخصيتي تتسقل وتتقوى …هاذشي كولو بلا أنه عندي أقوى وأذكى سند ممكن لأمرأة تحصل عليه فكل حياتها ولي غير بالشوفة فعينيه كانحسو كايعيطيني القوة والهبة لي تخليني عمرني نخاف او نحني الراس وأنا كانتيق فيه وبزاف وماغانضحيييش بولادي (غوتات) ودابا خرجي حيت بغيت ننعس ….

زليخة سرطات ريقها ) ماغاتسنايش جبار ؟ (شافت فالساعة 11 دليل ونصف ) ومزال ماتعشيتي ؟

ساندرا : جبار ماعرفتش واش غايجي ومافياش جوع غاندوش ونعس …

زليخة ابتاسمات ودارت رجل على رجل ) سيري دوشي أنا غانعس حداك لاماجاش جبار …(وابتاسمات)

ساندرا ساطت بعصبية ) : زليخة قلت لييك..

زليخة قاطعاتها ) بلا ماتحاولي ماخارجاش (وتكات مفطحة فوق لفوطوي) …

(ساندرا تنهدات بملل وتحركات قاصدة حمامها ..دخلات وسدات الباب عليها من الداخل وبسرعة طلقات روبيني دلافابو وروبينيات الجاكوزي وطلقات رشاش الدوش … عاد تتنهدات براحة ونطقات بهمس )

ساندرا : جبار ماتاقش فيا (مسحات على وجهها ) أصلا مستحيل يتيق فيا وأنا تغابيت منلي ظنيت غانقدر نضحك عليه بتمثيلي اللامبالاة …(سكتات لثواني كاتفكر )واخا هكاك مانقدرش مستحييل نتراااجع (وهزات راسها شافت فمراية الحمام وتوجهات ليها حتى وقفات أمامها حلات أول مجر به فوطات مطويين وجبدات من تحتهم ميكة حلاتها جبدات منها أوراق الأشجار وقرعة صغيرة فيها تراب رسمات بيه دائرة صغيرة وخدات بعض الشموع العطرية لي شعلاتهم وستفاتهم قدامها مضوراهم على دائرة التراب فوق لافابو
وخدات نفس عمييق وهي كاتشوف فانعكاس وجهها على المراية وبدأت تتمتم بكلمات تعويذة خاصة بعنصرين أعشاب ونار …وهي نفس التعويذة لي طبقاتها من قبل باش تشوف سام …تعويذة كاتسمح ليها برؤية شخص محدد لثواني معدودة…)

ساندرا : فالا لاميرا فيسبا لاميرا
فالا لاميرا فيسبا لاميرا(وهزات يدها حطاتها على المراية قدامها ونطقات بلغة السحرة ) بغيت نشوف الساحر سام آل مكال …(وغير كملات كلامها تحولت المراية وأصبحت كشاشة تلفاز كايبانليها فيها سام ….هاذ الأخير لي شافتو جالس مع كل شباب لستارك فقط فقاعة محكمة المتحولين خدامين فترجمة الكتب السحرية…أما السحرة العجائز سيفطهم جبار يرتاحو ….ساندرا مشا نظرها لجبار لي واقف مخنزر مربع يديه مترأس الطاولة …سهات فيه لثواني حتى انتهت التعويذة باختفاء الصورة من على المراية … )

ساندرا :أوف أعمي نوض من وسطهم (سرطات ريقها كاتفكر ) خاسني نسيفطلو إشارة (تنهدات وغمظات عيونها وهي كاتمتم بكلمات تعويذة …هزات شويا دالتراب فيديها وقرباتو لفمها وساطت عليه حتى تطاير كل هذاك التراب من يدها واختفى عاد حلات عينيها …)♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 699🕯

🍀🍀🍀🍀

وفنفس هاذ الوقت وعند سام لي وككل الشباب مابغاوش يخليو جبار بوحدو وهو لي حلف مايرتاح تايلقا هاذ الثغرة …وهم مساندينو حتى لي خرج منهم كيمشي للقصر يدوش ويبدل ثيابو ويرجع فلبلاصة ….سام كان حاني راسو كايقرأ بتركيز فواحد من الكتب القديمة ذات الأوراق الصفراء المهترئة وحتى الكتابة فيه نصفها ممحية..وفنفس الوقت راد بالو مع حديث سليم وجبار لي كايتناقشو على محتوى أحد الكتب لي مذكورة فيه النبوءة …..سام تنهد بعصبية حيت مافهمش نصف الكتاب بسبب معظم الكلمات الممحية ولي ماواضحات ليه ولي زاد عصبو أن الكتاب محتواه مهم بزاف ويالاه هز راسو شاف فجبار يقولهاليه حتى غمظ عينيه قافز بسبب الريح المغبرة العامرة بالتراب لي ضربات فوجهو فجأة بحالا شيواحد ساط ليه التراب على وجهو …سام غمظ عينيه كايكحب ويعاود وحتى حك عينيه عاد قدر يحلهم شاف قدامو لقا كل لستارك كايشوفو فيه وجبار مخنزر فيه )

جبار : أش تم !

(سام توتر وعينيه مزال كيحرقوه بالتراب سرط ريقو ومابغاش يبين توترو ليهم ونطق )

سام : أحم والو غير (ووقف هز هذاك الكتاب وضار مع الطاولة تاوصل لجبار وحط الكتاب قدامو هو وسليم ) هاذ الكتاب مهم بزاف حيت هو عبارة عن سيرة ذاتية للساحرة لي كانت عايشة قبل ألف سنة وهي نفس الساحرة لي شافت النبوءة ديال زواج وحش المتحولين بالهجينة القزحية وولادة جبار المئة قوة واتحاده هو ومختارة السحرة لتوحيد الصنفين وتدمير الكتاب السحري.. تقريبا الكتاب كايشرح غير النبوءة المتعلقة بتدمير الكتاب ولكن (حل الكتاب لجبار ) كتر من نصف الصفحات مامفهومينش حيت لكتاب قديم بزاف لدرجة وراقو تكالو وكلماتو ممحيين …

(جبار حاني راسو كايشوف فالكتاب لي أكيد كل كلماته بلغة السحرة لي مافهم فيها تاحرف ولكن واضح أمامه أن الكلمات ماشي كلها ممحية …بعض الكلمات ممحيين حروفها لولين فقط وكلمات أخرى حروفها اللخرين لي ممسوحين وكلمات أخرى الحروف الوسطانية فيها ماواضحاش …جبار هز راسو شاف فسام )

جبار : جلس ترجم ليا الكتاب كيما هو وأنا غانستنتج تتمة الكلمات…

سام سرط ريقو ) أمرك لورد أحم كانستأذن غير لخمس دقائق خاس نمشي للحمام ….

(جبار حرك ليه راسو بواخا وسام تحرك بخطوات سريعة خارج من قاعة المحاكمة تحت أنظار جبار لي شك ويالاه وقف باش يتبعو حتى نطق وسيم )

وسيم : مسكين ….

كلهم شافو فيه وخليل نطق ) شكون ؟

وسيم : سام …

مالك :، علاش مالو تا مسكين ؟

وسيم تنهد ) حيت مبلي مسكين …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 700🕯

مالك :، علاش مالو تا مسكين ؟

وسيم تنهد ) حيت مبلي مسكين …

(مالك وخليل شافو فبعض ووسيم كمل كلامو )

وسيم : واش ماشفتوش كيكان كايكحب (وخفظ من صوتو ) وعينيه كيحمارو بحالا سطتي عليه بيبايگو زيد عليها كيتحجج بلي محتاج لطواليط وخرج كايجري عرفتو علاش؟

فارس نطق بتركييز ) علاش !؟

وسيم : حيت تقطع آآآه أساط كاديييييرها القطعة أكييد مشا يضرب شي سطير ولا جوج (تنهد ) بقات فيا غير ديك لمعشككة خالت الليدي ساندرا باينة مافراسهاش بلي راجلها كايشم وداكشي….

عصمان : ذكائك بهرني

خليل :أمم وأنا نقول منين جاوه كل هاذوك العظلات وهو غير ساحر ماعندوش حتى قوة الجسد الفولاذي …

مالك : وراه قاليك كايشم لكوكايين ماشي كايضرب مقويات يا ذكي

خليل شاف فيه ) ونتا مالك تابعني بستيلو حمر…

جبار خبط فالطبلة تاسكتهم ونطق معصب ) نوووضو شطحوولي لقرووودة نتوما نيت (غوت )أدخلوو سوق راسكم و دييييوها فخدمتكم ولي مابغاش يعاوني يق**ود عليا مامبزز على حد …

(حناو راسهم على الكتب لي فيديهم بسكات ….فحين جبار جلس مكانو وهو ساهي كايفكر …حتى نطق سليم )

سليم : جبار …

جبار شاف فيه ) سير عند مراتك مشا لحال …

سليم حرك راسو بواخا )ونتا …أحم كانقصد ماتخليش الليدي ساندرا بوحدها وت…(سكت منلي شاف جبار خنزر فيه )

جبار : شويا وغانمشي للقصر أصلا خاس ندوش ..

سليم : أووك هاني غادي (واختفى من مكانو ) ….

فارس : جبار حتى أنا غانمشي نشوف جمانة غير لساعة ونرجع …

جبار شاف فيه )مالها …

فارس مسح على وجهو ) ماعرفتش من صباح كنصوني مكاتجاوبنيش بمرة مشيت لعشيا نشوفها لقيتها ناعسة ورجعت …

(جبار تفكر أنه شافها فلقطة فيديو مسجل من كاميرات صالة السبور وهي كاتغوت على ساندرا حتى جراتها هاذ الأخيرة لحمامات الصالة دسبور ليمافيهمش كاميرات …فا تنهد وهو ساهي فأفكارو ونطق )

جبار : سير دابا شويا غانتبعك …

(فارس حرك راسو بواخا وناض وجبار تنهد وغمظ عينيه مفعلا قوة التنصت ….)

🍀🍀🍀🍀

ونمشيو لعند سام لي دخل بسرعة لليطواليط وتحنا على لافابو كايغسل عينيه لي كياكلوه حتى تحولت المراية أمامو لبحال شاشة بانت فيها ساندرا ….)

ساندرا : عمي …

(سام هز راسو شاف فيها وهي شافت فعينيه لي حمرين ونطقات بأسف )

ساندرا : كانعتاذر كترت كمية التراب فالتعويذة ولكن كان خاصني نتير انتباهك باش تنوض من وسطهم أعمي من قبيلة وأنا نتسناك واش نسيتي اتفاقنا و…

(سام قاطعها بأنو حط اصبعو على فمو بمعنى سكتي ويالاه غايبدأ بإلقاء تعويذة حتى هي ابتاسمات ونطقات )

ساندرا : ماتحتاجش أعمي راني عززت تعويذة التواصل لي كانهضر معاك بيها دابا …بحاجز طاقة غايمنع جبار من أنه يشوفنا بقوة رؤية ماخلف الجدار أو يتصنت علينا بقوة التنصت أو أي قوة أخرى تخليه يتجسس عليك فا خود راحتك

سام دار نصف ابتسامة ) كل نهار كاتزيدي قوة …

ساندرا شافت خلفها ) كنظن ماعندكش وقت بزاف خاسك ترجع وإلا غايشكو وحتى أنا زليخة برا حاضياني وأنا وهمتها اني كندوش وماخاسنيش نتعطل …(شافت فيه ) دابا شرح ليا بعجالة أساسيات التدريب على التحكم بعنصر الهواء …♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 701🕯
ساندرا شافت خلفها ) كنظن ماعندكش وقت بزاف خاسك ترجع وإلا غايشكو وحتى أنا زليخة برا حاضياني وأنا وهمتها اني كندوش وماخاسنيش نتعطل …(شافت فيه ) دابا شرح ليا بعجالة أساسيات التدريب على التحكم بعنصر الهواء …
سام تنهد ) غانشرح ليك الطريقة لي كان كايتبعها خويا فالتدريب …
ساندرا حركات راسها بواخا ) خالتي قالت ليا أن بابا كان أقوى ساحر عنصر هواء أقوى حتى من سحرة السحر الأسود لي عندهم نفس عنصره فا أكيد بغيت نتحكم بعنصر الهواء ولكن بغيت نتحكم بيه بنفس القوة لي كان بابا متحكم به …
سام حرك راسو بواخا ) قبل مانبدأ الشرح بغيت منك وعد بأنك وبعدما تتحكمي بعنصر الهواء ماغاديري تاحاجة بدون علمي وموافقتي…
(ساندرا خنزرات فيه ويالاه غاتهضر حتى قاطعها ونطق بصرامة )
سام : بغييتي نعاونك ومور ظهر راجلك وقلت واخا رغم أن هاذي كاتعتابر خيانة له كلورد وكرااجلك ..وقبلت حيت كاتبقاي الكونتيسة الأولى عليا ..ولكن كعمك راني ماموافقش نعاونك فهاذشي ديالك ومستحيل نقبل تحطي نفسك فالخطر وداابا إيلا بغيتي نعاونك فعلا غاتواعديني أنك ماغاديري حتى خطوة بدون ماترجعي ليا …
ساندرا سرطات ريقها ) واخا …
سام ابتاسم ) مكاتعرفيش تكدبي (خنزر فيها ) واش كاظني أني غانوافق تمشي كاتجري تدمري الكتاب بوحدك ؟ …
ساندرا تنهدات ) إذن !
سام : إذن وشرطي الوحيد باش ندربك هو أنك ماغاديري والو بلا ماترجعي ليا وإذا كنتي ناويا تمشي تدمري الكتاب بدون علم المتحولين… غانمشي معاك أنا باش نحميك…. أنا وكل أقوياء سحرة معاشرك الست مستحيل نقبل تمشي بوحدك …
ساندرا ابتاسمات ) واخا …
سام : واعديني …
ساندرا سرطات ريقها) كانواعدك غانعلمك بالخطوة لي غاندير قبل مانخطيها …
سام تنهد براحة ملي حس بالصدق فوعدها وكلمتها ربع يديه ونطق ) تدريبك على عنصر الهواء غايبدأ بالتنفس …
ساندرا :التنفس !
سام : معدل التنفس المعتاد عند الشخص البالغ كايتراوح من 12 إلى 16 نفسًا في الدقيقة أثناء الراحة ..فا تدريبك غاتبدايه بشحال دالوقت تقدري تحبسي فيه نفسك …
ساندرا سرطات ريقها ) شحال خاسني دالوقت باش نتمكن من عنصر الهواء …
سام :”هابيك” (أب ساندرا وأخ سام ) كان يقدر يحبس نفسو لأكتر من 10 دقائق بدون حتى مايجيه إغماء او يوقعلو شي ضرر ولو بسيط…
ساندرا خرجاات فيه عينيها ونطقات بعدم تصديق ) م م مستحيل هاذشي راه حتى أمهر سباح او غطاس مايقدرش يفوت خمس دقائق بدون مايتنفس ولي عارفة أنا أنه وطبيا إذا الشخص الطبيعي بقا بدون تنفس لأكتر من خمس دقائق كاتبدا خلايا الدماغ ديالو بالموت بعد دقيقة واحدة زايدة بدون أكسجين، ومن المحتمل يوقع ليه تلف خطير في الدماغ في غضون 3 دقائق زايدة دون تنفس، وبعد 10 دقائق كايموت عدد كبير من خلايا الدماغ لي مستحيل الشخص الطبيعي يتعافى منها مرة أخرى، و بعد انقضاء 15 دقيقة كايولي التعافي مستحيل….وكايدخل الشخص فسكتة دماغية بعدها كايموتو باقي أعضاء الجسم …
سام :هانتي قلتيها بنفسك ^الشخص الطبيعي…وهنا لا هابيك كان شخص طبيعي لا نتي دابا شخص طبيعي (قرب من المراية حتى تقابل مع ساندرا الظاهرة عليها ) هابيك كان ساحر عنصر هواء وكان كايتحكم بعنصره بكل سلاسة الشيء لي عطاه قوة مضاعفة حتى عن سحرة السحر الأسود وطريقة تدريبو هاذي هي من ابتكارو هو وحتى ساحر ماقدر عليها او يدير بحالها ..فا إذا بغيتي تتحكمي بآخر وأقوى عنصر سحري وتتحكمي به بقوة وسلاسة تبعي طريقة باك فالتدريب …
ساندرا سرطات ريقها وحطات يدها على بطنها ساهية الشيء لي لاحظو سام ونطق )
سام : كنت عارف (واستدار يمشي ) مستحيل تزيدي للقدام ونتي خايفة ومستحيل تتحملي تدريب هابيك ونتي حاملة فا تراجعي حد مزال عندك فرصة ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 702🕯
سام : كنت عارف (واستدار يمشي ) مستحيل تزيدي للقدام ونتي خايفة ومستحيل تتحملي تدريب هابيك ونتي حاملة فا تراجعي حد مزال عندك فرصة …

ساندرا خنزرات وغوتات ) لا ماغاديش نتراجع (سام استدار شاف فيها ) اشنو آخر من غير قدرة حبس نفسي …

سام :خاسك مكان هادئ وتجلسي فوضعية اليوكا غمظي عينيك وتحسسي نسمات الهواء حولك من بعد تحبسي نفسك ولكن ماخاسكش تفكري بمرة فأن نفسك مقطوع أو أنك كاتتخنقي هذا هو سر التدريب أن نفسك مقطوع ولكن مكاتخنقيش… الأوكسجين مكايدوزش لداتك ولكنك مامخنوقاش بالعكس…حيت عنصر الهواء هو واحد من أهم وأقوى عناصرك باعتبارك ساحرة كل العناصر ..وحدك مزال ماتحكمتي به غاتفشلي فالتدريب مرة وجوج وغاتخنقي غايجيك دوار ويمكن تفقدي وعيك ولكن حدك غاتحبسي نفسك ولمايقارب 10 دقائق ولكنك كاتحسي أنك كاتتنفسي وأنك مامخنوقاش هنا كوني متأكدة أنك تحكمتي فيه وبنجاح …

ساندرا سهات كاتفكر فخطورة قطع الاوكسجين عن ذاتها وهي حامل ونطقات بتردد ) و و و واش بابا كان كايتدرب غير هاكا …

سام حرك راسو بلا ) شفتو مرة كان واقف على قمة جبل شاهق وقفز منو بعلو كبير بزاااف وقبل مايرتاطم جسدو مع الأرض بإنشات بسيطة اختفى فالهواء بتعويذة تنقلو وكون مكانش متحكم بعنصره بسلاسة كون تزلع جسدو لأشلاء فالأرض وكرر العملية لعشرات وعشرات المرات بغرض تسريع تعويذة تنقلو فالهواء وتدريبو التالي تعويذتو ديال توليد الأعاصير بدأ بإعصار خفيف ومع التدريب قدر يتحكم بعنصره أكتر ويولد أعاصير ممكن لها تدمر مدن…

ساندرا حركات راسها بلا ) نتا عارف مستحيل نتدرب بهاذ الطريقتين بدون مايحصلني جبار

سام : عارف وأصلا باش تطبقي هاذ الطريقتين فالتدريب خاسك عالأقل تكوني بديتي تتحكمي بالعنصر فا بداي بالطريقة الأولى والرابعة …

ساندرا : الرابعة ؟

سام : الطريقة الرابعة فالتدريب متعلقة بامتصاص الطاقة السحرية …فحالة مانجحتيش فالطريقة الأولى دحبس التنفس فا حاولي تلغي بتقي العناصر السحرية وتحاولي تمتصي طاقتك السحرية غير من عنصر واحد وهو الهواء… نتي عارفة أن الهواء عنصر متجدد وغير منتهي هاذشي علاش هو أقوى عنصر سحري وإذا نجحتي تتحكمي فيه وكساحرة عنصر هواء عمر طاقتك السحرية تستنزف فا التدريب على امتصاص الطاقة السحرية ضروري وبزاف حتى لو نجحتي فالتدريب الأول دحبس النفس طبقي هاذ التدريب دامتصاص الطاقة …

ساندرا حركات راسها بواخا )

سام :خاس نرجع عند اللوردات …

ساندرا : بلاتي

سام شاف فيها )

ساندرا : واش ماعندكش ليا شي نصيحة أخرى؟

سام : نصيحتي الوحيدة هي إذا ماقدرتيش على التدريب الأول تراجعي وحبسي قبل ماتصدقي قاتلة راسك واكتفي بالتدريب العادي والتقليدي وهو تطبقي تعاويذ عنصر الهواء حتى لفينما صدقوليك….

ساندرا : هادشي ليكنت كانحاول ندير غير دابا شويا وقدام زليخة لي وكون كانت ساحرة كون عاااااقت بيا وقالتها لجبار طبقت أكتر من عشرين تعويذة عنصر هواء وماصدقاتلي حتى وحدة منهم …

سام : علاش فنظرك السحرة كايبداو تدرببهم على عناصرهم من وهم أطفال..حيت التحكم بالعنصر السحري كاياخد وقت طويل وماشي سهل…نتي بوحدك الساحرة الوحيدة لي شفت تحكمتي بكل عناصرك بسرعة وفغضون أسابيع شيء لي عمر شي ساحر دارو وغير حيت نتي المختارة فا بقاليك غير عنصر الهواء وأنا متأكد ماغاتلقايش معاه الصعوبة لي باباك وباقي السحرة دنفس العنصر لقاوها حيت عناصر الطبيعة السحرية خاضعة لك يا مختارة والطبيعة واقفة فصفك ضدد الكتاب السحري ….♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 703🕯
ساندرا سرطات ريقها وسام حل الباب ونطق )تقدري ديريها يا ساندرا وكيما قلت ماتنسايش أنك تحكمتي بباقي العناصر هاذشي بحد ذاتو غايعاونك على العنصر الأخير ولكن إذا حسيتي بنفسك وصلتي لنقطة ماتقدريش تتحملي أكتر كنصحك تحبسي …نتلاقاو غدا فنفس هاذ الوقت …

ساندرا : بلاتي قلت أننا غانبقاو نتلاقاو تلاث مرات فاليوم و..

سام قاطعها ) ماعندي باش نزيد ننفعك من غير نشوف تطور تدريبك..حيت كل الأساسيات عطيتهم ليك فاماكاين لاش نتلاقاو تلاث مرات فاليوم غير غانخليو راجلك يحصلنا فا مرة وحدة فاليوم كافية ( وخرج )

🍀🍀🍀🍀
فالقصر
ساندرا تنهدات وبطلات التعويذة الشيء لي خلا المرابة أمامها ترجع عاذية …جمعات كاع ديك روينة لي دارت …وحيدات كل ثيابها وتوجهات للجاكوزي لي عمر بماد دافي تخشات فيه حتى بقا باين فيها غير راسها وهي سااهيا كاتفكر فالتدريب لي شرح ليها عمها …ثواني وهي ساهية ..اتاخدات وضعية اليوغا أسفل الماء بحيث ثنات رجليها بجوج وحطات يديها بجوج على صدرها وغمظات عيونها وخدات نفس عميق لمرة ولجوج والتالثة عاد غطسات تحت الماء وهي كاتحسب فنفسها الثواني شحال غاتقدر تبقا حابسة نفسها دالوقت تحت الماء باش تقارنو مع حبس نفسها خارج الماء ….وبحكم أن هوايتها هي ركوب الأمواج وعشقها هو البحر منذ نعومة أظافرها فا موالفة الغطس وحدها تلاث دقائق بدون تنفس وهو أعلى درجة تحملها ولكنها حاولات تزيد لأربع دقائق وماقدرااتش بدأت كاتخنق فا بزربة دفعات بنفسها خارجة من الماء كاتتنفس بجهد وغير حلات عينيها قفزات شاهقة منلي لقاتو واقف عليها مخنزر ومربع يديه ….)

جبار كايشووف فيها ) كملي كملي أشنو كنتي كاديري !

(ساندرا سرطات ريقها وبيدها لي كاترجف تماطات للفوطة خداتها ووقفات كاتلويها على جسدها وهي كاتشوف فتخنزيراتو وتحاول تبان متبتة ولكن داخلها كاترجف )

جبار غوت ) ساااندرا

ساندرا شاف فيه وخرجات من الجاكوزي كاتعقد لفوطة حولهة وقربات منو ) نعام …

جبار شدها من دراعها ) أشنو هاذشي ها ؟

ساندرا : أشنو ؟

جبار ابتاسم ) كنصحك ماتحاوليش تستغبيني…

ساندرا : مافهمتش أشنو كاتقصد ؟

(جبار لي شادها من دراعها…. دفعها عمدا حتى مالت وكانت غاتلاح فالجاكوزي
لكنو جرها قبل ماتلاح وجات فحظنو وهي كاتتنفس بسرعة من الخوف ….تحنا حتى تقابلو عيونهم ونطق بهمس )

جبار :كملي أشنو كنتي كاديري…

ساندرا : أ أ أش ك كنت كندير …

جبار : نتي تقولي ليا …

ساندرا سرطات ريقها وتبتات نفسها ونطقات) ك كنت كندوش …

جبار : أهاه وصباح أشنو درتي ؟

ساندرا سرطات ريقهة تاتي ) و وا والو ع عادي فقت و و وفطرت مع ماماك وجات الطبيبة فحصاتني وسولتها و واش ن ن نقدر نلعب سبور قاتلي اه ومشيت لصال سبور لعبتو

جبار : أهاه زيدي..

ساندرا : و وصافي تغذيت مع خالتي و ومن بعد بقيت غاجالسة مع زليخة …

جبار : أمم (طلق دراعها وبدأ كايلعب بخصلات شعرها المبلولين لي نازلين على وجهها ) يعني كنتي كادوشي ماشي كاتغرقي راسك ؟ وصباح كنتي كاتلعبي سبور ماشي درتيه حجة باش تلاقاي مع عمك هذاك اللقاء الغامض لي هضرتو فيه بلغتكم (وضغط على الحروف ) عمدا (ابتاسم ) ..ومالكي مع جمانة ؟ (هز حاجبو منلي شاف ساندرا تزنكات وبدات ترجف ) أو عرفتي شنو جاوبي غير على السؤالين لولين وخلي التالث جوجو تجاوبني عليه (وسع ابتسامتو ) وأنا متأكد أنها غاااتجااوبني وبصرااحة ….

اترك تعليقا