Skip links

قصة : الوحش وذات القزحتين الجزء 2 ( عشق جبابرة) ج71

 37,403 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 684🕯

ساندرا قفزات وخنزرات فيها ) ماغاندير والو أجمانة منين جبتي هاذ لهضرة أنا مغاندير والو غانتسنى جبار ون…

جمانة قاطعاتها بلغوات ) ماتكدبيش عليااا أنا كنعرفك مزيان أساندراا فا ماتكدبيش عليا …

ساندرا سرطات ريقها ورجعات شداتلها يدها ) سمعي أنا مغايوقعلي والو وماغاندير والو حيت ماغانسمحش ولادي يتآذاو و…

جمانة قاطعاتها وهي كاتهضر وسط دموعها بزربة و بنبرة صوت مقهورة )ساندرااا ماديريهاش عافااك ماضحيش نتي حتى هاذ المرة ماديرييهاش راك غاتقتلي معاك جبار والله تاتقتليه وهو حي أساندرا ماغايصبرش عافاك واش بغيتي تقتليلو ولادو ها ( مسحات دموعها ) وكاظني هو غايسمح ليك ويلا وقعاتلك شيحاجة هو غايزيد دقيقة فهاذ الدنيا بلا بيك (شهقات ) وماما ماما ماغاتصبرش عليه وبابا (بدات تبكي بلغوات ) ماديريهاش ماضحيش نتي هاذ المرة لا ماديريهاش تراجعي وخلي لي بغا يوقع يوقع خليهم يتصرفو هوما هاذ المرة خليهم يهزو المسؤولية شويا وفكري بأنانية فكري فراسك ولو لمرة فحياتك ماديريهاش ..

(ساندرا غير كاتسرط فريقها بتوتر وبزز كابحة دموعها وهي كاتسمع لترجي جمانة لي ماسكتاتش من لهضرة حتى غوتات ساندرا فوجهها )

ساندرا وهي مخنزرة ) جماااانة …

جمانة سرطات لهضرة وسكتات )

ساندرا : بااراكا صافي سكتي …

جمانة قابلاتها بتخنزيرة وحركات راسها بلا ) ماشي هاذ المرة ماغاتسكتينيش …

(ساندرا مسحات على وجهها وشدات جمانة بالجهد من كتفيهها مخضاتها بعنف ونطقات بحدة )

ساندرا :ماعرفتش منين جبتي هاذ لهضرة ولكن راك غالطة سمعتي غاااااااالطة حيت أنا مغاندير واالو جبار قاليا تسناااي وهااني كانتسنى …

جمانة كاتشووف ليها فعينيها ) ماغاتقدريش تخدعيني ولا تلعبيلي بدماغي فا بلا ماتحاولي ….

ساندرا كاتهضر بلغوات ) ماكانخدعك مكااانلعب بدماااغك هضرة وحدة وقلتها نتي غااالطة أنا ماغانضحي ماغانغامر براسي ولا بولادي أنا غان (سكتات شويا ونطقات ) غانتسنى جبار أش غايقرر ولي قالو هو لي غانديرو فا نساااي هااذشي وماتعاوديش تجبديه لا ليا لا لشيحد آخر من أفراد العشيرة …

جمانة ميلات فمها وحركات راسها بلا ) أنا ماغانخليكش تنتاحري تاهاذ المرة أنا غانمشي داابا نقولها لجبار (ونترات يدها من يد ساندرا وتحركات يالاه غاتحل لباب تخرج حتى وقفاتها ساندرا )

ساندرا :جماانة ( وتحركات بزربة وقفات بينها وبين الباب وقابلات وجهها لمخنزر مع وجه جمانة الباكي) من نهار حطيت رجلي فهاذ البلاد وفهاذ القصر كنتي نتي اول وحدة ضحكاتلي فوجهي ..وأول وحدة حسساتني بالإنتماء وبالإهتمام وأول وحدة فكل البنات اعتابراتني ماشي صديقة بل أخت وأكتر وهاذشي بينليا شحال قلبك صافي وملائكي تقبلتيني بسرعة وبلا ماتسوليني والو ونهار فك الربط شفت وحسيت بخوفك عليا ماكنتيش باغيا تعويذة فك الربط تتم واخا هي كانت خطر على حياتك غير باش أنا مانتآذااش …تما استوعبت شحال أنا عزيزة عندك وفمقابل كل هذا يا جمانة أنا درتك فعيني ومعزتك عندي مكاتوصفش حاطاك فمكانة خاصة …

جمانة لي دموعها دايزين يالاه غاتهضر حتى غوتات ساندرا )

ساندرا : خلييني نكمل هضرتي (جمانة سكتات وحنات راسها ) أنا ماعرفتش منين جبتي هاذ الهضرة لي مااشي صحيحة دأني غانضحي أو ننتاحر او منعرف آش… ولكن غانقولك شيء واحد وهو ^إيلا مشيتي حتى قلتي هاذ الخزعبلات لجبار أو غير لمحتيلو بهاذشي كنقسم ليك يا جمانة كنقسم ليييك مغانعاود لنهضر معااك أو نشوف فوجهك أو نهضر معاك طول حياتي …غانقطع كل علاقتي معاك لدرجة غانخوي القصر أنا وجبار … ونتي تعرفي …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 685🕯

ساندرا : ونتي تعرفي …

(واستدارت حلات الباب وخرجات راسمة على وجهها الإبتسامة الكادبة التي تلتقطها كاميرات المراقبة دجبار …مخلية موراها جمانة حالة فمها ومخرجة عينيها …لثواني عاد سدات فمها ونطقات بهمس )

جمانة : غير بقاي لابسة هاذ الماسك ديالك الجديد يا ساندرا ماغاديريهاش بيا..(حنات راسها) واخا مغانقول والو لجبار أساندرا ولكن مستحيل نخليك تطبقي داكشي لي فبالك …(وتنهدات وخرجات حتى هي من قاعة الرياضة ككل وباين فيها الحزن )
🍀🍀🍀🍀🍀
ونمشيو عند ماريانا لي جالسة فجناحها على سريرها وأمامها عشرات الكتب القديمة دالسحر …كاتقلب صفحاتهم بملل حتى تحل عليها الباب ودخلات ساندرا بعدما دوشات لبسات فستان أخضر شاحب بلكمام وطالع مع لعنق وهابط حتى للركبة إيفازي لاسق مع جسدها ناسقاتو مع سبرديلة سوداء ..مخلية شعرها لبوكلي مطلوق وحاطة مجوهرات خفيفة من الذهب المرصع بالألماس ومكياج خفيف …ابتاسمات منلي شافت فخالتها )

ساندرا : صباح النور (وتمشات حتى جلسات جنبها وهي مبتاسمة هزات كتاب من تلك الكتب كاتقلب فصفحاتو …أما ماريانا فاكاتشوف فيها باستغراااب كيفاش متأنقة ومبتاسمة بشكل غريب …على علم أنه فهاذ الوضع وحسب معرفتها لشخصية بنت أختها توقعاتها تكون مرعوبة ومتوترة وتالفة ومنغالقة على نفسها وعاطياها غير للدموع كعادتها…الشيء لي خلا ماريانا نطقات باستغراب )

ماريانا : س ساندرا !

ساندرا شافت فيها ولاحت هذاك الكتاب لي فيدها ) كيبقيتي وراك مزال ماقلتيلي علاش لبارح سخفتي ؟

• ماريانا هزات فيها حاجبها ) خلينا مني دابا(شدات ليها يدها ) نتي واش لاباس ؟ راه ماتخيليش الرعب لي حسيت بيه فاش سمعت بوضع جنين سميحة وقوتو وبلي خرق النبوءة الأسطورية دالسحرة عرفتي تلفت مابقيت فاهمة والو الوضع صعيب بل مُعَجِّزْ والتلفة دبصح حسيت بيها ملي قالينا راجلك نلقاو ثغرة فالنبوءة …(ضحكات بسخرية ) ههه ثغرة في نبوءة ساحرة خلاها مولاها ^^سأل الممكن المستحيل : أين تقيم فأجاب المستحيل : أقيم في أحلام المتأمل (غوتات ) وااا راه مستحييل تكون ثغرة فنبوءة ساحر ولا ساحرة قلتهالو وبغيت نعاود نقولها ولكن منعني عمك وبصراحة راجلك عندو واحد العزيمة والإصرار ماعمرني شفت بحالهم لدرجة قنع كبار السحرة وحتى سام أنه النبوءة فيها ثغرة وهااانتي تشوفي ياختي وخلانا كولنا كنترجمولو الكتب دالسحر …

• ساندرا مبتاسمة وهي كاتسمع ليها قوليلي مالك سخفتي لبارح واش نتي لاباس ؟ (وشافت فالكتب ) وعلاش مامشيتيش معاهم للمحكمة وتما تترجميلو الكتب ؟

ماريانا عاد مازاد استغرابها ) م م ما مافهمتش منين جبتي هاذ برودة الدم كووولها
♥️♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 686🕯
ماريانا عاد مازاد استغرابها ) م م ما مافهمتش منين جبتي هاذ برودة الدم كووولها أساندرا ! وفالوقت لي خاسك تكوني أكتر وحدة فينا مخلوعة بل مرعوبة وهازة الهم ؟
ساندرا على نفس ابتسامتها وهي كاتشوف بطرف عينيها فكاميرات جناح خالتها ) تانا غانجاوبك بمقولة أخالتي ^ لا تقل عن شئ أنه مستحيل لعجزك أنت عن فعله أو عن الوصول إليه والمستحيل دائما يبدو مستحيلا حتى يُفعَل ^ ….وجبار أخالتي مستحيل يقتانع بالمستحيل إلا إذا فهم علاش الأمر أصلا مستحيل ….ونزيدك كلمة مستحيل بالنسبالو كاينة غير فقاموس الضعفاء ….فا علاش غانترعب أو نتخلع أو نهز الهم وأنا عندي جباري؟ هو طلب مني نصبر ونتسنا وأنا كانتيق فيه وكاندير هاذشي …
(ماريانا حالة فيها فمها وداخت وهي تحسب شحال من مرة ساندرا قالت مستحيل فا تنهدات )
ماريانا : صعب بزاف نترجمو كل هاذ الكتب للوردات آل ستارك فوقت قصير خاسنا عالأقل شهر وشوووف تشوف واش غانلقاو شيحاجة حيت النبوءة قديمة بزاااف ونتي وأنا عارفين أن النبوءة لا ثغرة لها فا بلا مانغطيو الشمس بلغربال …
ساندرا حنات راسها بحزن و نطقات بصوت خافت لكن ماريانا سمعاتها ) :كل شيء ممكن أخالتي ، حتى المستحيل ممكن ولكن الفرق هنا هو أن المستحيل يأخذ وقتا أطول ليصبح ممكن (تنهدات وهي مبتاسمة بحزن ) والوقت أكبر عدو ليا حاليا …
ماريانا حطات يدها على كتف ساندرا ): ساندرا
ساندرا تداركت نفسها وابتاسمات وهزات راسها ونطقات بصوت مسموع ) آه عندك الصح أخالتي ولكن حنا كسحرة كولنا كنا عارفين أن نبوءة ساحرة لا تخطئ ياك ؟ وهاهوا جنين سميحة جاء و كذب أقوى وأقدم نبوءة سحرية فتاريخ السحرة …! نبوءة على قدها كذبها جنين مزال حتى ماكملش أربع أشهر فرحم أمو فا علاش لا ماتكونش النبوءة فيها ثغرة ؟
ماريانا حالة فمها ) لاهيلا بصح ..لاهيلا وليتي كاتشبهي لراجلك كاتعرفي تقنعي (حنات راسها على لكتاب ) أكيد غاتكون الثغرة وغانلقااوها أنا نفلي هاذ لكتب كاملين حرف بحرف …
ساندرا تنهدات ) وا قوليلي مالكي سخفتي …
(ماريانا هزات راسها وهي توسسسع ابتسامتها ولاحت لكتاب وشدات يدي ساندرا )
ماريانا ) علاش ماقلتش ليييك…
ساندرا حركات راسها بلا )
ماريانا نطقات بحماس ) وماشي صدقت حااااملة …
ساندرا وسعات ابتسامتها ) اشنو …؟
ماريانا حركاات راسها بآه والدموع فعينيها ) عرفتي تلاث سنوات وأنا كانتسنى نحمل حتى فقدت الأمل فراسي كان عندي اضطراب فالإباضة وشحال سرطت فالأدوية بلا فايدة فا ماتخيليش دابا على إحساس أخيييرا غانجيب وريث لمعشر آل مكال لي بقا فأفرادو غير عمك…. أخيييرا المعشر غايرجع وغايكبر أخييرا غانفرح عمك بقطعة منو ونعطيه العائلة لي خسر ..♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 687🕯

(ساندرا عنقاتها وماريانا بداو دموعها كايطيحو )

ساندرا : عمي يستاهل بداية جديدة ويستاهل يتعوض فعائلتو لي خسر فرحت ليكم بزاف

ماريانا ) تانا فرحت فرحة عمرني حسيت بيها من قبل فكل حياتي أنا داخلة فالشهر الرابع والفرحة الكبيرة هي أن الطبيبة قالت ليا عندي ولد …

ساندرا وسعات ابتسامتها ) هي غايتزاد عندي ولد خالتي ويكون أخ لولادي …

ماريانا حركات راسها بآه ) وغايكون ساحر قوي بحال باه …

ساندرا تكعدات من حظنها ) إذن خاسك ترتاحي (شافت فالكتب دالسحر ) بلا ماتصدعي راسك بترجمة هادشي (نطقات بهمس ماسمعاتش ماريانا) أصلا ماعندو فايدة غير تضياع وقت …

ماريانا حركات راسها بلا ) مرتاحة هكا وعمك ماخلانيش أصلا نخرج نمشي للمحكمة او نتحرك رغم أن الطبيب قالينا صحتي وصحت جنيني مزيانة فا منقدرش نجلس وماندير والو بغيت نعاونهم ولو بالقليل …

ساندرا وهي مبتاسمة ) إذن نترجمهم معاك ( وهزات كتاب سحري ودفتر وستيلو )….
🍀🍀🍀🍀
ونمشيو لمحكمة المتحولين …وبالضبط فقاعة المحاكمة لي عاامرة بكل شباب لستاركس كلهم جالسين مع أكتر من تلاثين ساحر وساحرة عجائز لي كل واحد منهم حاطط قدامو عشرات الكتب السحرية ..كل هاذ الكتب مذكورة فيها النبوءة لي كاتقول أن جبار هو أقوى كيان خارق في صنفو وأن ساندرا هي مختارة السحرة وأنه هو وهي بجوج غايدمرو كتاب التعاويذ السحرية باعتبارو أقوى وعاء سحري ومع تدمير الكتاب غاتتدمر أقوى تعويذة سحرية كاتخص السحرة فقط… وهي تعويذة الخلود /السحرة العجائز كايقراو هاذ الكتب السحرية ويأعيدو كتابتها فكتب خاوية الأوراق بحيث كايترجموها من لغة السحرة للغة الإنجليزية وكايكتبو ملاحظاتهم ..ودور شباب آل ستارك هو يقراو ما يترجمه السحرة وملاحظاتهم ويحاولو يلقاو شي خلل أو اعوجاج أو ثغرة للنبوءة ….

الصمت كاسح هاذ القاعة الكبيييييرة كولشي مركز كل شخص فالقاعة حاني عينو على الكتب …من غير جبار لي واقف فرأس الطاولة مربع يديه وكايشوف فيهم وجنبو حاسوبو ….ساهي فيه بعيونو ولكن دماغو خدااام ماحبسش من التفكير بمرة وأمامو أيضا ورقة كبيرة كاتب فيها النبوءة وشارح كل مفرداتها ….ومرة مرة كيضور عليهم ويقرأ ملاحظات السحرة العجائز ويقارنها ببعض ويلخصها ويقارنها مع النبوءة لي كاتب فورقتو …
ولحظات حتى كسر هاذ الصمت طرقات خفيفة فالباب العملاق دالقاعة لي بعدهم بثواني تفتح ودخل سام حياهم براسو بلا ماينطق حتى حرف وبعدها توجه لأحد الكراسي الفارغة أخد بعض الكتب السحرية وجلس يالاه حل الكتاب يبدأ يترجمو حتى حس به غير من طاقتو الكبيرة ..واقف عليه الشيء لي خلاه هز راسو لقاه مخننزر فيه ….)

جبار حط يدو على كتف سام وتحنى شويا ونطق بهمس وهو مخننزر فيه ) تبغي نهضرو هنا ويتفرجو فيك..؟ ولا نديك لمكان آخر باش ناخدو راحتنا فلهضرة أعم مرااااتي …♥️♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 688🕯
(سام للحظة حس بالتهديد من طرف جبار ويالاه بغا يهضر حتى اختفى به جبار بقوة التنقل اختفاو بجوج من كل القاعة وظهر بيه جبار وسط مكتبو الفخم المتواجد فنفس البناية لي هي محكمة المتحولين نيت ….)

جبار حيد يدو من على كتف سام وتمشى خطوات وقف أمام لبيرو ديالو وربع يديه وهو مخننزر فسام ونطق )

جبار : كانسمعك ..

سام دوز يدو على عنقو من الخلف بتوتر وبدون ماينطق بحتى حرف الشيء لي خلا جبار زير على أسنانو بغيض ونطق تاني )

جبار :لا أسي عم مراتي مانصحكش تبقا فمود سيلونس ديالك قدامي فهاذ اللحظة عرفتي علاش ؟

(سام غير كايشوف فيه ..وجبار فثانية اختفى من مكانو بقوة التنقل السريع وظهر مباشرة خلفو ونطق ليه حدى أذنو بهمس )

جبار : حيت ببساطة دمي كايغلي لدرجة نقدر نطير راسك بدون مانرمش أو نتسوق لشكون نتا وماعنديش الوقت لي نضيعو معاك فا لآخر مرة غانقولها …هضر …!(ورجع اختفى من خلف سام ظهر قدامو متكي على المكتب ومربع يديه )

سام غير كايسرط فريقو شاف فيه ونطق ) أشنو بغيتي نقول لورد آمر …

جبار ابتاسم ) ماتخلينيش نسولك يا سام حيت راك عارف أش بغيت نسمع منك ….

سام حك راسو ) أحم غير بغيت نجري وملي دخلت لقاعة الرياضة فالقصر لقيت الليدي تما وهضرنا شويا …

(جبار مخننزر فيه الشيء لي خلا سام حنا عينو ونطق )

سام :حوارنا ضار غير على ماريانا ووضعها الصحي…

جبار ابتاسم وتحرك ناحيتو بخطوات بطيئة ) أمم بغيتي تقنعني أنك نتا وساندرا ديااالي هضرتو طول حواركم الطويل غير على ماريانا ديالك (وقف جنبو وحط يدو على كتف سام وسكت شويا ونطق ) ولكن لي مادخليش لمخي هو ديك الموسيقى لمجهدة علاش ؟ وعلاش ساندرا ديالي كان باين فيها كاتهضر معاك وهي معصبة منك ؟

سام كايسرط فريقو ولكنو متبت ) ماعرفتش دخلت لقاعة الرياضة لقيت الليدي سابقاني لتما وهي طالقة الموسيقى و أحم مكانتش معصبة …

جبار حرك راسو بآه وزير بنوع من القوة على كتف سام ) واخا هادي دازت …ودابا حاول تقنعني علاش نتا وساندرا ديالي هضرتو على ماريانا ديالك بلغة لي أناااا (وغووت ) مستحيييل نفهمهااا (لغة السحرة )…. وعلالاش ساندرا ديااالي قربات منك تاقربتو تتلاسقووو ونتااااا أسي عمها كان عاااجبك لحااال ؟
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 689🕯

(سام خرج عينيه و سرط ريقو بدون مايبان على ملامح وجهو أو حركات جسدو أي تأثُّر بالألم لي كايحس بيه حيت جبار إذا زاد ضغط غير شويا غايهرس ليه عضمة كتفو …. فقط واقف كايفكر أنه الصح هو يقول لجبار كل شيء كاتخططلو ساندرا وهكذا هو غايحمي بنت خوه من جهنم لي بغات تمشي ليها برجليها … فا نطق بكل ثبات وجدية )

سام :الليدي ساندرا هي لي بدأت الحوار بلغة السحرة وأنا جاوبتها وهاذشي علاش بقينا كنهضرو بلغتنا ….وأحم ماقربتش منها أنا…

(جبار زاد ضغط على كتف سام حتى تقوس هاذ الأخير مخسر ملامح وجهو ونطق بصراخ عروق جبهتو خرجو )

جبار : مااااااقربتييش هااا إذن علاش مابعدتيش منلي هي قربااات تاتلاسقتوووو وهي مخنزرااالك فعينيك الخضر هاااا (وزاد ضغط على كتف سام ) واش نتا باها هااا جاوب بااااها ؟

سام حرك راسو بلا )

جبار غوت ): خوووهااا ؟؟

سام حرك راسو بلا )

جبار : إوااا راه باااااها وخوووووها كون كانو عندها وماااعندهمش الحق فيييها و مااااايقربووليش منهااااا خطوة وحدة فماااا بالك بعمهاااااا ..

سام سرط فريقو) مادرت حتى غلط لورد ….

جبار نطق بعصبية وبغيض الشر خارج من عينيه ) : تيقتك أعم مراااتي تيقتك فا كنصيحة مني (وزاد ضغط ليه على الكتف حتى طاح سام على ركبة وحدة كايتوجع) خليني نبقا متيقك وخليني نتيق فولائك ونتيق فأنك مكاتلعبش مور ظهري … ماحدني حي خليني متيق هاذشي حيت نهار غانكتاشف أنك كدبتي عليا اليوم …مغانترددش فأني نفصل راسك عن جسدك (وطلقو بأنو دفعو ونطق تاني بتهديد ) وشيء آخر غانصحك به هو أنه ماتبقااااش تبااان قدامها حدها حامل حيت وبربي ويطلع واحد فولادي عندو عيون خضر أو كايشبه ليك غير شويا تانمحيك من على وجه هاذ الأرض وننفيك للقمر …. ( واختفى من أمامو بقوة التنقل راجع لقاعة المحاكمة )

(سام جلس على الارض كولو عرقان كايلهث ومزنك حط يدو على كتفو بألم وهو كايتنفس بسرعة …هز راسو شاف فسقف المكتب ونطق بهمس وبلغة السحرة )

سام :كانعناذر يا لورد المتحولين ماقدرتش نقول الحقيقة حيت ولائي الأول باعتباري ساحر هو لكونتيسة معاشر السحر الخيِّر حتى لو كانت غالطة غانوقف معاها لآخر نفس… (وسكت كايتفكر منلي قالت ليه ساندرا … غير يعاونها وحتى لاعرف جبار بهاذشي من بعد ماغايدير ليه والو حيت كايحتارمو …الشيء لي خلا سام ضحك وهو حاط يدو على رقبتو كايتخيل راسو طار وكايتخيل كيفاش غاتكون حياتو فالقمر …)
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 690🕯

🍀🍀🍀🍀
عند جبار لي ظهر فقاعة المحاكمة صااعر وتوجه مباشرة لكرسيو جلس وهز هاتفو رسل رسالة آمرة بسرعة ..وماهي إلا ثواني حتى وصلو الرد منها بالموافقة على الأمر وبأنها غاتنفدو فالحال …حط الهاتف ووقف توجه عند أحد السحرة العجائز كايقرأ أش كايترجم )
🍀🍀🍀🍀
ونرجعو للقصر عند ماريانا وساندرا لي جابو لهما الخادمات الغذاء حتى لجناح ماريانا ..كلاو وجلسو تاني كايترجمو فالكتب )

ساندرا وهي حانية راسها على كتاب كاتقراه ) الجنين الساحر حتى كايتولد عاد كاتبان طاقتو السحرية وعاد يقدرو السحرة المحيطين بيه يعرفو عنصر سحرو أو من أي عنصر كايستامد طاقتو السحرية واش هواء نار تراب قمر شمس حيوانات ماء أو رعد …

ماريانا حركات راسها بآه ) بحال الجنين الساحر بحال الجنين المتحول الكامل لي حتى هو حتى كايتولد عاد كاتبان طاقتو ويقدرو المتحولين يعرفو نوع قوتو…… الجنين الهجين هو الوحيد لي كاتبان طاقتو وقوتو وهو فكرش مو من الاسابيع الاولى دالحمل والأم كاتحس بطاقة وقوة جنينها الهجين طول فترة الحمل …

(ساندرا حطات يدها على بطنها ساااهيا وهي كاتحسس طاقة توأم متحولي الاستنساخ داخلها وسهات فأفكارعا بحزن حتى تحل عليهم الباب و بدون إذن مسبق …دخلات كاتتمشى بطريقة مثيرة بكعبها الأسود العالي …وبنظرة عيونها الزرق القوية المعهودة…حتى وقفاات عليهم وجلسات جنب ساندرا ودارت رجل على رجل فوق فوطوي تما )

ساندرا وماريانا كايشوووفو فيها وهي عينيها غير على ساندرا )

ماريانا هزات فيها حاجبها ) وااا لعامالة أفين داخلة مدرمة عليا هنا بلا احم بلا دستور واش عندي كوري أنا ؟

زليخة نطقات بلا ماتشوف فيها ) راه قصري هذا امكن وندخل ونخرج فينما بغيت ووقتما بغيت جناحين لي محرمين عليا هما جناح خالي جاسم وولد خالي اللورد جبار …

ماريانا شافت فساندرا ) هاذي مالها هاذي (شافت فزليخة ) واش نتي ماعندكش فقاموسك شيحاجة سميتها إكرام الضيف واحترامه ؟

زليخة شافت فيها ) هانتي قلتيها ضيف نتي هنا غير ضيفة فا علاش كل كلامك و نضراتك للناس لي مستاضفينك مستفزة ؟

ماريانا ابتاسمات ) لا لا ماتجمعيش… كون تشوووفي كيكانشوف وكيكانهضر وكيكانتعاااامل مع الليدي شيماء واللورد جاسم وحتى ماماك الليدي باربرة وباقي سيدات وأسياد لستارك وحتى لبناات والشباب الله يعمرهااا دااااار (دارت فمها على شكل قبلة ) موووح ناس سكر سكر سكر الرقي والفخامة والتوااااضع كوكانو بنادم ولكن شيبعضييييببن (خنزرات فزليخة ) تقول ماشي من نسل هاذ العشيرة …

زليخة بادلاتها بتخنزيرة ونطقاات باستهزاء ) واااايلي …

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 691🕯

زليخة بادلاتها بتخنزيرة ونطقاات باستهزاء ) واااايلي …

ماريانا جاوبات استهزائها باستهزاء ) آآآآيييييييه أختي واسيري ضربي لفگد فيراسك راه غامتبنيينك امكن وشوفي لأي عشيرة تنتمين حيت لستارك ديتي منهم غير لعيون الزرق تامن لكنية راك غاخاوناها ليهم نتي وباك ولا نسيتي راك أصلك تابعة لبابااااك من العشيرة الألمانية الرومانوف …..

زليخة مبتاسمة ) من نيتك كاتحاولي تعصبيني وتسمميني بهاذ الهضرة (ضحكات باستهزاء )ههههه زعما غاتعقدييني وتخبشي ليا المشاعر هههه هاذشي ديريه مع شيوحدة ضعيفة الشخصية بحالك أما أنا بزااااااااف دلبزااف عليك وماكايهمنيش رأيك وماغانتسناش منك اعتراف أو إقرار بأنني #ستارك باش نحس براسي راني #ستااااارك يكفييني أن خالي نهار كان هو اللورد الأول برء بابا من كنية الرومانوف ومن عشيرة آل رومانوف ونسبو لآل ستارك وولا بابا هو اللورد إيييييفان آل ستارك وماما باربرة آل ستارك أخت جاسم بالرضاعة فا شكون تكوني نتي باش تحكمي على نسبي ولأي عشيرة أنا كاننتامي ؟

ماريانا : أنا ماريانا آل بيثروفا ونسلي ونسبي وعرقي كساحرة أقدم بمئات السنين من عرق صنف المتحولين كولو ..

زليخة ضحكات باستهزاء )صنف السحرة أقدم من صنف المتحولين.. إوا ومن بعد ؟ طفرتوه يا معشر السحرة ؟جينا غير من موراكم وحصدنا ليكم الأخضر واليابس وعبر أجيال اكتاسبنا المال والقوة والعدد وأهم شيء الولاء والتضحية لبعض والرقي وحاكمنا قانون منظم وعادل درنا داكشي لي نتوما ولدابا مزال مادرتو حتى نصووووو عرفتي علاش ؟ حيت حناااا ماشي بحالكم همج ومتخلفين ونرجسيين وكنطعنو فالظهر….

(ماريانا تزنكات بالاعصاب ويالاه غاتجاوب حتى نطقات ساندرا )

ساندرا : لبنات !

(زليخة وماريانا شافو فيها وهي وقفات )

ساندرا : غانمشي ناكل ليا جاني الجوع تاني ..ونتوما كملو كملو تضياعكم للوقت فلهضرة لخاوية (شافت فزليخة ) جمعي شراراتك الكهربائية وضربي غابفمك ماتنسايش راها حاملة (وتحركات قاصدة الباب …

ماريانا رجعات نظرها لزليخة ) أش قلتي همج ومتخلفين ياك المتحضرة ياك (أشارت لظفران زليخة ) كاينة شيوحدة متحضرة ولا بعقلها أصلا ملصقة ظفران نسر !

زليخة لي وتابعة ساندرا بعينينا ) تاني ضرتي للظفراني تاااني مابانوليك غير هوما وا غابقاي حاضياهوملي واش عاجبينك لهاذ اادرجة ؟ غاتسناي عليا غدا نديك للسونطر بيوتي فين كنقادهم يقادوليك بحااالهم حيت عارفة مستحيل تتحملي تكلفتهم …

ماريانا خرجات عينيها ) وحلفي ؟

زليخة وقفات ) يتبع …تالمرة أخرى ونكملو كلاشاتنا وقصفنا لبعض … عندي مهمة خاس نقضيها… (ومشات كاتجري تابعة ساندرا )

ماريانا غوتات ) أماتنسااايش السونطر بيوتي والظفران لي قلتيلي ….

زليخة :الله يستر …

اترك تعليقا

  1. كان اختي كاعما تحطي ولد سليم هو لي عندو الاستنساخ الامحدود كان عليك ديريه ولد جبار هو لي عندو الاستنساخ لالمحدود حيث درتي جبار فالقصة هو القوي ماشي سليم