Skip links

قصة : الوحش وذات القزحتين الجزء 2 ( عشق جبابرة) ج70

 34,017 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 674🕯

🍀🍀
خارج جناح سميحة وقفات ساندرا وسليم لي بعدما سد الباب ..وقف قدامها وعيونو غير على وجهها وهي حانية راسها..يالاه غايهضر حتى هزات راسها وشافت مباشرة فعينيه ونطقات )

ساندرا : كانعتاذر على الحالة لي درت فاليخت (ابتاسمات بحزن ) ماشي لخاطري وعارفة أني خلعتكم ورعبت سميحة (حولات نظرها لباب الجناح ) وهاذشي علاش جيت باش نعتاذر منها ولكن لقيتها ناعسة …

سليم كايشووف فيها ..قرب منها أكتر وحط يدو على كتفها ) واش نتي بخير …

ساندرا حركات راسها بآه وهي كاتشوف فعينيه ) بيخير وكل شيء غايكون بخير أخوية (ابتاسمات ) كنواعدك مستحيل نسمح سميحة توقعلها شيحاجة (شافت تعابيرة تحولو للإستغراب وتذاركات نفسها ونطقات بسرعة ) أحم قصدي جبار هو قاليا غايلقى حل تالث وأنا متأكدة من هاذشي وأنا وهو غانحميو ولد خونا الهجين المعجزة …

(سليم مزالو كايشوف فيها باستغراب ..كأنها وحدة أخرى لي واقفة أمامو ..ماشي ساندرا لي متعود عليها هاذيك البنت لخوافة لي فبحال هاذ الوضع خاسها تكون غير كتبكي وحانية راسها وتالفة ومتوترة ..بل هاذ ساندرا لي قدامو كاتهضر بيقين وهي كاتشوفلو مباشرة فعينيه وعيونها ناشفين من الدموع وجامدين …)

ساندرا شافتو ساهي كايشوف فيها ..وهي عارفة أن ذكائه لا يستهان به وماخاس تاواحد يشك فيها وإلا كل شيء غايضيع ليها فا نطقات وهي مبتاسمة )

ساندرا : ماتستغربش مني يا سليم حيت أنا فهمت أنه هذا هو قدري لي مستحيل نهرب منو وأيضا عارفة أنه جبار معايا وغايلقى حل… فا علاش غانبقا غير مكتئبة وكنبكي ونترعد من الخوف ..هكا غير غانزيد على راسي وعليه فا فهاذ الظروف خاسني نكون قوية ماشي العكس ياك …

(سليم تحولت نظراته المشككة والمستغربة لابتسامة وبعدها تحنى أمامها على ركبة وحدة وهو حاطط يديه بجوج على الأرض وحاني راسو )

سليم :ماشي غير جبار لي معاك بل كولنا معاك ليدي ساندرا …

ساندرا ابتاسمات بحزن ) وقف يا سليم حيت (وسرطات ريقها ) مكاين لاش تتحنى ليا …

سليم وقف مبتاسم ) نتحنى أمامك و ألف مرة ماي ليدي….( ابتاسم وهو كايشوف فيها وللحظة تذكر كلام جبار لي كان دائما كايقولو أن ساندرا أقوى بزاف من آش كايبان عليها …فا زاد قرب منها ونطق )

سليم : ماكرهتش نعنقك ولكن (أشار ليها براسو للكاميرة لي معلقة فوقهم) مافيا لي يموت صغير و…(وسكت ملي فاجآتو ساندرا بأنها عنقاتو وهي واقفة على أصابع رجليها دورات يديها على عنقو ونطقات بينما هو حط يدو على ظهرها …)

ساندرا مبتاسمة بعيون دامعة وهي فحظنو ونطقات بصوت مرعود ) من ديما كنتي اليد اليمنى لجبار ولي بغيت منك غير شيء واحد و هو تبقى ديما هكا ماتخليهش يا سليم ماتخليهمش …(وبزربة مسحات دموعها وبعدات من حظنو وهي مبتاسمة ) وماصعيبش عليك تتلاعب بالكاميرات ياك … ♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 675🕯

سليم رجع كايشوف فيها بعدم فهم ) ماعرفتش سبب طلبك الغريب ولكن أنا وجبار ومن صغرنا كنصفين لواحد ومستحيل نخليه أو..

ساندرا قاطعاتو وهي كاضحك ) ماتديش عليا يا سليم (حطات يدها على بطنها ) هرمونات الحمل كايلعبو بيا كيبغاو …

سليم ابتاسم ونزل نظرو لبطنها ) حتى نتي راه خاسك الراحة ….

ساندرا حركاتلو راسها بآه ) غانمشي ننعس تالصباح ونجي عند سميحة …

سليم : مافراسها والو لا هي لا البنات من غير زليخة …

ساندرا : مزيان أحسن ماخاسهن يعرفو بوالو وأحسن يبقاو بعاد عن كل هاذشي …أحم فينو عمي سام ؟

سليم : كلفو جبار بمهمة ماغايرجع حتى للخمسة دصباح …

(ساندرا حركات راسها بواخا وهي ساهية وسليم ديق فيها عينيه)

سليم : علاش بغيتيه محتاجة لشيء غير آمري …

ساندرا سرطات ريقها وحركات راسها بسرعة بلا ) لا غير بغيت نشوفو هو وخالتي ونشوف كيبقات ولكن حتى للصباح …احم المهم تصبح بخير ( وابتاسمات ليه)

سليم بادلها الابتسامة ) تصبحي بخير ….

)ساندرا مع استدارت مع اختفت ابتسامتها المزيفة وتمشات غاديا فاتجاه جناحها..وسليم واقف مكانو كايشوف فيها حتى قربات لجناحها عاد هز راسو شاف فالكاميرة ..وتحرك بخطوات سريعة دخل لجناحو وخدا حاسوبو دخل للنظام الأمني دالقصر يحدف تسجيلاتو هو وياها )
🍀🍀🍀
قبل دقائق::
…وفصالة السبور جبار كايضرب فكيس البوكس الثقيييل والقاصح بلا قوة المتحول يعني بطاقة جسدو العادية وبدون مايلبس قفازات البوكس يعني بيديه عاريتين …اكتر من ساعة وهو كايضرب فهذاك الكيس بقوة وبدون انقطاع …ودماغو خدام كايفكر ….حتى دور راسو شاف فالساعة عاد حبس وهو كايلهث وكولو عرقات ..شاف فيديه بجوج مسلوخين مخدوشين وحمرين …تنهد وفعل قوة الشفاء ليديه بجوج اختفاو منهم كل الخدوش وإلتئمات كل الجروح لي عليهم …هز فوطة كايمسح العرق الهابط من جبهتو وعنقو حتى لصدرو المعظل العاري …واختفى من مكانو ظهر مباشرة فجناحه وبقا واقف كايشوف فسريرو لي عليه غير ماماه شيماء نااعسة ولا أثر لساندرا ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 676🕯

جبار ضور عينو فكل الجناح وهو مخننزر وكايتنفس بسرعة لاح ديك الفوطة بعنف على الأرض وتوجه للسرير جلس جنبها ومد يدو بشويا وبصوت هامس فيقها حتى حلات عيونها الملونة شافت فيه وتكعدات )

شيماء :حبيبي…

جبار أخذ يدها باسها ونطق بهدووء عكس ملامحو تماما ) فين ساندرا ؟…

شيماء سرطات ريقها وشافت جنبها بلاصت ساندرا ) م م ماعرفتش عاد كانت غاحدايا وداتني عيني (وشافت فيه ) اويلي فين غاتكون مشات فهاذ لوقت ….

(جبار وقف ويالاه بدأ يتحسس الطاقات لي فالقصر باش يعرف موقعها بالضبط حتى تفتح عليهم الباب غابشويا …الشيء لي خلاهم بجوج دورو راسهم ناحية الباب حتى شافوها دخلات غير راسها من شق الباب باش طل وغير شافتهم وهي تخرج عينيها وبزربة دخلات مزنكة وكاتسرط فريقها…سدات الباب وتمشات بخطوات سريعة حتى وقفات أمام جبار لي كايتنفس بسرعة ومخننزر ..وهي نطقات بتوتر )

ساندرا :ك ك ك كنت غا هنا ..زع زعما لهيه كنت لهييه فجناح سميحة م مشيت غا غانشوفها ونعتادر منها ون..(وشهقات منلي جرها جبار بقوة خشاها فحظنو معنقها بقوووة وخاشي راسو فعنقها)

(شيماء لي مزالها جالسة على سريرهم ..ابتاسمات ووقفات منسحبة بهدوء خرجات وسدات عليهم الباب …أما ساندرا تقطع فيها النفس وبزز نطقات )

ساندرا : ج جباار تخنقت …

(جبار هزها بين يديه وحطها على السرير ..حيد ليها البودي ديالو لي لبساتو فوق الفستان ..وتبعلو الفستان ..وكل هذا وهي غاكاتشوف فيه خلاها غير بدو بياس وتكاها على السرير وتكا فوقها مكالي يديو مع السرير باش مايلوحش عليها كل وزنو … وخشا راسو فعنقها وتنفس بعمق وهو مغمظ عينيه نطق بهمس )

جبار : بغيت ننعس ولو لساعة ….

ساندرا لي كاتشوف فسقف الجناح ..ابتاسمات ودموعها بداو كايطيحو …حظناتو بقوة بيد والأخرى حطاتها على راسو كاتلاعب بأطراف أصابعها خصلات شعرو ودموعها غير كايطيحو بسكات باش مايحسش بها …وهي كاتفكر فمستقبلها إذا بقات حية المستقبل لي ولا واااضح أمااامها بسبب اللعنة لي غاتصيبها…دموعها الساكتين ماحبسوش حتى داتها عينها وغفااات ……
🍀🍀🍀🍀

صباح اليوم الموالي الساعة 6 صباحا ….داخل بسيارتو لي حبسها أمام باب القصر ….خرج منها هو وسام وشاف فيه )

عصمان : تقدر ترتاح نعس شويا وبقا مع مراتك حتى لعشية عاد إلتاحق بنا لمقر المحكمة …

سام حرك راسو بواخا بلا مايهضر ودخل للقصر …أما عصمان جبد هاتفو ودوز الخط لوسيم لي جاوبو فلبلاصة )

وسيم :yes bro…

عصمان : واش كلكم تما …

وسيم :آه…

عصمان :حتى جبار …

وسيم : آه هو لي استقبل السحرة لي جاب فارس راه عاد دخلهم لقاعة الاجتماعات وبعد الاجتماع غانبظاو ندرسو الكتب السحرية غايترجموهالينا السحرة واش نتا ماغاتحضرش للإجتماع …

عصمان مسح على وجهو ويالاه هز راسو غايجاوبو حتى شافها من بعيد جالسة فوسط الحديقة على كرسي تحت شجرة وهي حانية راسها ..سها فيها لدرجة نسا وسيم على الخط …وسيم لي عيا يعيط ليه بدون رد وهو كيشوف الخط دايز حتى غوت )

وسيم : واااا عصمان…

عصمان عاد فاق ) أحم نعام قصدي غانحضر غير غانتعطل حيت خاس ندوز بعدا للشركة غير ندوش ….

وسيم :تلاح ونتا تبلوكيتي بحالا داروليك بوز (وقطع عليه)♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 677🕯

عصمان دار هاتفو فجيبو وتمشا بخطوات سريعة ناحية الحديقة حتى وقف عليها )

عصمان : زليخة ؟

(زليخة هزات راسها وغير شافتو وقفات …وعصمان كايشوف فوججها باين عليها التعب وعاد الهالات تحت عيونها دليل على أنها مانعساتش …)

عصمان :أشنو كاديري هنا فهاذ الوقت ؟

زليخة :ماقدرتش ننعس و كانتسنى جبار نمشي معاه نحضر للإجتماع ديالكم مع السحرة العجائز (شافت فالساعة لي فيدها ) دازت كتر من تلاث ساعات وغايكون الساحر سام وفارس رجعو ومعاهم السحرة والكتب و..

عصمان قاطعها ) رجعو راهم فمقر المحكمة وحتى جبار تما .. واش كنتي متوقعة أنه غايضيع ساعة فالسيارة باش يمشي لمحكمة المتحولين فوقت لي يقدر يتنقل ليها من جناحو فثانية ؟

زليخة شدات راسها بيدها وحناتو ) ظنيتو غايمشي فالسيارة ساعة وأنا كنتسناه مابان لا هو لا وسيم لا سليم …

عصمان : ماعندك باش تنفعيه وراه كلهم معاه حتى مالك وخليل وفارس وماريو فا غير رجعي لجناحك خاسك تنعسي …

(زليخة ماجاوباتوش بل هزات راسها شافت فيه بعيون دامعة للحظات …حتى تفاجئ بدموعها بداو غير كايطيحو ونطقات بصوت مرعود)

زليخة : مانقدرش ننعس كلما كنحط راسي على لوسادة كانفكر فهاد الوضع لي حنا فيه كلما كانشوف فوجه جبار وسليم وكلما كانتخيل أن جبار لمالقاش شي حل فأسرع وقت وإذا تضهورات صحة سميحة غير شويا هو غايضطر وبزز منو يختار يا ساندرا وولادو …يا …سميحة وولدها …هاذشي كولو كايخليني نحس بقلبي شاعلة فيه العافية يا عصمان(مسحات دموعها ) خاسني نعاونو هو وسليم بشيحاجة مانقدرش نبقا غير واقفة وكانتفرج فيهم منقدرش نشوف فوجه جبار منقدرش نشوفو ضعيف حيت هاذشي بزااف عليه يهزو بوحدو أعصمان حمل ثقيل بزاف و…(سكتات منلي جرها عصمان عنقها مزيير عليها ونطق بهدوء )

عصمان : هو ماشي بوحدو يا زليخة حنا كوولنا معاه وغانهزو عليه الضربة واخا تكون قاضية ماغانخليوهش يواجهها بوحدو جبار عندو أكتر من درع يا زليخة …كلنا دروع له …

(زليخة حتى هي بادلاتو الحظن ..وهو غير حسها تهدنات اختفى بها من الحديقة ظهرو فجناحها عاد بعدها عليه)

عصمان : نعسي شويا …

زليخة : لا غان..

عصمان قاطعها ) كاتباني عياانة يا زليخة وإذا كنتي عيانة ومامركزاش فا ماعندك باش تنفعي جبار أو سليم فا نعسي شويا حتى ترتاحي وديك الساعة تبعينا للمحكمة ….

(زليخة سرطات ريقها وهو ماتسناش ردها شد يدها وجرها لسريرها تكاها ومد يدو حيد ليها سبرديلة وغطاها …ويالاه جا يوقف حتى شدات يدو دارتها تحت خدها ونطقات وعينيها كايتسدو )

زليخة : بقا غير شويا …(وغمضات عيونها ومشاات…. )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 678🕯
(عصمان تنهد وبقا جالس جنبها ساااهي فوجهها وهو كايفكر فالحالة لي هي فيها ..وللحظة غيرة تمنى لو كانت حالتها هكا على قبلو هو وعلى قبل علاقتهم ووضعهم … ماشي على قبل جبار وسليم ووضعهم ..ابتاسم وهو كايلعن فنفسو وفأفكارو ..وضحك حيت فكل مرة زليخة غير كاتزيد تبين ليه مدى عشقها لخوتها لدرجة مكايهمها لا نفسها لا صحتها ….وفلحظة الخطر أو المشاكل كايبقاو يبانوليها غير هوما …كأنها وفكل مرة كاتبرهن ليه و كاتقوليه : ^ بغيتيني خاسك تتقبل وجود ست رجال آخرين فحياتي وكنسبقهم ونفظلهم عل حياتي وانتهى^^ ….هاذ الشيء لي صعب حتى لمستحيل على عصمان يسرطو …….تنهد وهو كايدوز يدو على شعرها وتحنى بشويييية باسها جنب فمها وبشوية جر يدو الأخرى من تحت خدها واختفى ….))….
🍀🍀🍀🍀

الساعة 9 صباحا من نفس اليوم …وفجناح ساندرا لي بدات تحل عويناتها بثقل دورات راسها لجنبها مالقاتوش ….الشيء لي خلاها تكعدات كاتشوف حواليها بانت ليها جنب السرير طاولة كبيرة عليها فطور شهي وباقة ورد أحمر محطوطة جنب وسادتها … وجنبها أيضا جالس بتباث القرد لونا …أكيد بتحكم دماغي من جبار بقوة التحكم بعقول الحيوانات أولا كون نوض لحيحة و رون كل تلك الأطباق ….)

ساندرا سرطات ريقها وبدون ماتهضر مدات يدها للقرد لي تلاح فحظنها عنقاتو وهي ساااهية بنظرة حادة فعيونها كاااتفكر لدقائق …عاد هزات راسها شافت فالكاميرة لي قدامها …وبسرعة حنات راسها للقرد وابتاسمات حطاتو جنب ومدات يدها لبينوار طويل لبساتو وتوجهات للبالكون وهي كاتشوف بطرف عينيها فالكاميرات ..حلات باب البالكون وخرجات كاتكسل وقفات فقنت البالكون وبالضبط جنب فاز كبير مغروسة فيه شجرة صغيرة دالورد الأبيض …واقفة وهي عاطية بالظهر للكاميرة دلبالكون وعينيها على بيسين الحديقة ..مدات يدها بالخف قطعات بعض أوراق شجرة الورد خباتهم بزربة فجيب البينوار …وبعدما رسمات ابتسامة على وجهها استدارت رجعات دخلات للجناح كاتتمشى بخطوات سريعة حتى دخلات للدوش ..المكان الوحيد فكل الجناح لي مافيه كاميرات ..وغير سدات عليها الباب بزربة جبدات هاذوك الأوراق لي قطفات …حطاتهم على لافابو..وجبدات من لمجر سبعة شموع عطرية شعلاتهم وستفاتهم حتى هوما فوق لافابو قدامها …وخدات نفس عمييق وهي كاتشوف فانعكاس وجهها على المراية وبدأت تتمتم بكلمات تعويذة خاصة بعنصرين أعشاب ونار…تعويذة غاتسمح ليها برؤية شخص محدد لثواني …) ♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 679🕯

ساندرا وخدات نفس عمييق وهي كاتشوف فانعكاس وجهها على المراية وبدأت تتمتم بكلمات تعويذة خاصة بعنصرين أعشاب ونار…تعويذة غاتسمح ليها برؤية شخص محدد لثواني …)

ساندرا : فالا لاميرا فيسبا لاميرا
فالا لاميرا فيسبا لاميرا(وهزات يدها حطاتها على المراية قدامها ونطقات بلغة السحرة ) بغيت نشوف الساحر سام آل مكال …(وغير كملات كلامها تحولت المراية وأصبحت كشاشة تلفاز كايبانليها فيها سام وهو كايجري بسرعة قصوى فغابة لستاركس لي خلف القصر ..كايجري وهو عرقاان وكايتخطى الأشجار ….وثواني حتى رجعات المراية لشكلها …وساندرا هزات ورقة من أوراق شجرة الورد حرقاتها بنار الشمعة العطرية حتى ولا لون الورقة أسود عاد هزاتها فزكاتها بالماء وبدأت تكتب برمادها المبلل شيء على المراية حتى كملات كل رسالتها وبعدات خطوة على المراية كاتقرأ آش كتبات بلغة السحرة ومدات يدها أمام المراية ونطقات بكلمات تعويذة التواصل )

ساندرا : ميسا ميسا لافري بليزيا ..(وسكتات وهي كاتشوف الكلمات لي كتبات كاتسرطهم المراية كأنهم كايغرقو فيها حتى اختفاو من عليها كليا….ساندرا ابتاسمات ونطقات )

ساندرا : أول خطوة تمت بنجاح (ولاحت لبينوار وتمشات للبانيو وهي كاتحيد فالدوبياس تدوش…)
🍀🍀🍀

ونمشيو للغابة دلستاركس لي خلف القصر ..وعند سام لي كايجري بأقصى سرعتو وهو كايراوغ الأشجار ..هذا هو سبورو الصباحي اليومي لي كايعاونو يكبت ويكبح الوحش الغاضب لي داخلو….الوحش لي تحول ليه بسبب آل جوفر نهار قتلو قدامو كل عائلتو واغتاصبو ختو حتى الموت وهو شهد عن كل هذا وهو طفل …الوحش الصامت لي كايديعي يوميا أنه يتلاقا بسحرة السحر الأسود ولو لدقيقة يبرد فيهم غيضو وألمو وينتاقم منهم ولو شويا لمعشرو أو عائلتو لي تمحاو …هاذ الوحش لي ساكنو …. سام كايخرجو عن طريق الجري السريييع ..يوميا كل صباح كايبقى غير يجري يجري بدون توقف لساعات حتى كايغلبو التعب عاد كايحبس …هكا كايفرغ طاقتو السلبية المكبوتة داخلو وهكا كايصبر نفسو المتوحشة ويكبحها للوقت المناسب …..

سام حبس من الجري كايلهث شاف الساعة فيدو ساعتاين وهو كايجري وخاسو يلتاحق بجبار والباقين فمحكمة المتحولين…استدار يرجع فحالو للقصر عن طريق الجري ويالا زاد خطوة حتى وقف مكانو منلي التربة بدات كاتتحرك دائريا تحت أقدامو …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 680🕯

سام حبس من الجري كايلهث شاف الساعة فيدو ساعتاين وهو كايجري وخاسو يلتاحق بجبار والباقين فمحكمة المتحولين…استدار يرجع فحالو للقصر عن طريق الجري ويالا زاد خطوة حتى وقف مكانو منلي التربة بدات كاتتحرك دائريا تحت أقدامو ….وهو حاني راسو كايشوف فيها ..سام ساحر أعشاب وتعويذة التواصل ماشي غريبة عليه ..فا بقا واقف مكانو كايتسنى الرسالة لي جاياه تبان …وماهي إلا دقيقة والتربة كاتتحرك دائريا تحت أقدامو حتى استقرات عن الدوران ومحفورة عليها عبارة …
^^ تسناني فصالة سبور لي فالقصر من هنا لنصف ساعة بدون ماتعلم حتى واحد بهاذشي ..هذا أمر مباشر من الكونتيسة ^^..وبعد عشر ثواني تمسحات العبارة تلقائيا من على التربة …سام هز راسو كايشوف أمامو مخنزر وهو كايفكر فسبب استدعاء ساندرا له ..لثواني عاد لبس بوديه وانطلق بسرعة كالبرق كايجري ناحية القصر …
🍀🍀🍀🍀

ونرجعو للقصر وبالضبط عند جمانة لي كاتتمشى فلكولوار بخطوات سريعة قاصدة جناح جبار ….جمانة لي غير فاقت بعينين منفوخين حيت مانعسات حتى شبعات بكاء بسبب كل الحقيقة لي سمعاتها خلسة من بين شفاه ساندرا ليلة الأمس ….كل كلمة نطقات بها ساندرا الغافلة عن أن جمانة فايقة وكاتسمعها …ترسخااات فذهن هاذ الأخيرة لي ماقالت واالو لحتى وحدة من لبنات ….غير فاقت بلا حتى ماتغسل وجهها توجهات لجناح جبار …لي غير وصلات ليه لقات بابو مفتوح دخلات لقات مها شيماء واقفة على الخادمات كايجمعو طبلة الفطور وكاينقيو الجناح …)

جمانة وقفات قدام مها ) فين ساندرا …

شيماء شافت فيها ) صباح النور أنا بخير احبيبتي ونتي …

(جمانة لارد غير كاضور عينيها فالجناح …وشيماء هزات فيها حاجب وهي كاتشوف عينيها كيمنفوخين )

شيماء :جمانة مالكي ؟

جمانة سرطات ريقها ) والو غابغيت ساندرا ؟

شيماء أشارت لطاولة الفطور ) يالاه فطرت أنا وياها ومشات لصالة السبور قالت ليا بغات تلعب على الطابي غولون شوي…

جمانة : كفاش من إيمتا ساندرا كتلعب السبور أماما ؟

شيماء : ماخليتها حتى سولت طبيبتها و استأذنت جبار وبجوجهم وافقو وبالعكس سبور زوين ليها خليها تلف شويا وراه معاها طبيبتها هي غاتحدد ليها السرعة باش تخدم الطابي غولون…

جمانة نطقات وهي ساهية ) واخا (ويالاه استدارت تمشي حتى شدات شيماء يدها )

شيماء : ماغاتقوليش حبيبتي مالها ؟

جمانة : والو ..

شيماء هزات فيها جابها ) والو ونتي قربتي تبكي..! قولي ليا دابزتي مع فارس ؟

جمانة حركات راسها بلا وهي ساهية )

شيماء : واش حيت ماباتش فالقصر ؟ سمعي أحبيبتي غير صبري هاذ المدة لا فارس لا كل الشباب غايكون لا وقتهم لا دماغهم مشغول بال..(وسكتات متداركة لنفسها )ب بل…

جمانة شافت فيها مخنزرة ) بآش أماما ؟

شيماء ابتاسمات ) بالكتاب أحبيبتي الكتاب السحري دساندرا ياك هي غاتدمرو بعدما تولد فا خاسنا نكتاشفو كيفاش يتدمر بلا مايآذيها ..(ودوزات يدها على راس جمانة ).. نتي غير صبري شويا حتى لو تعطل عليك أو ماشفتيهش نهار كولو ماضغطيش عليه أجمانة نتي والبنات خاسكم تصبرو هاذ الفترة (تنهدات بحزن ونطقات بهمس ) هاذ المحنة غاتفوت …

جمانة غير كاتشوف فيها ابتاسمات وحركات راسها بواخا ) غانمشي نشوف ساندرا …

شيماء : وردي لبال معاها مافوتش ساعة دسبور عنداك تقصح راسها مع الطبيبة …

جمانة حركات راسها بواخا وخرجات بخطوات سريعة قاصدة صالة سبور …)

🍀🍀🍀
قبل دقائق
وفي قاعة السبور لي فالقصر لي طلقات فيها ساندرا الموسيقى وجهدات شويا الصوت عاد طلعات على آلة الطابي غولون والطبيبة جنبها حدداتليها السرعة دالآلة وبدات ساندرا كاتتمشى فوق الآلة وهي لابسة أونسومبل كولون سبور وميني بوط نتاعو فلكري موف… وملفوق فيست سبور فايتة الخصر وواسعة مع سبرديلة بيضاء وشعرها الطويل جمعاتو كوتشوفال على شكل ظفيرة ….كاتتمشى بنوع من السرعة فوق الآلة وهي دور راسها جنب شافت فالطبيبة )

ساندرا : تقدري تمشي ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 681🕯

ساندرا : تقدري تمشي …

الطبيبة كاتهضر بلغوات باش تسمعها حيت الموسيقى مجهدة ) : المدام شيماء قالت ليا نبقا معااااك …

ساندرا ابتاسمات ليها ) غير سيري قولهم يوجدولي الغذاء حيت غير نكمل بغيت نتغدا …

الطبيبة شافت فالآلة وساندرا فهماتها ونطقات )

ساندرا : ماتخافيش عليا مغانزيدش فالسرعة (حطات يدها على بطنها ) راك ماغاتخافيش على ولادي اكتر مني غير كوني هانيا وسيري طلي على سميحة …

(الطبيبة حركات راسها بواخا ومشات …أما ساندرا شافت بطرف عينيها فالكاميرات لي فالقاعة كاتحسبهم أربع كاميرات على السقف ووحدة منهم أمامها و فموقع خلاهم شادين كل القاعة …فا تنهدات وهي كاتتمشى على الطابي وكاتحرك راسها مع الأغنية …وبدأت تتمتم بكلمات تعويذة لي غير كملاتها …شافت فالكاميرة لي قرييبة ليها قدامها ولي بدأت أعشاب كاتخرج من الحيط وكاتتلوا عليها حتى تغلفات الكاميرة كلها بالأعشاب …ساندرا تنفسات بعمق وفهاذ اللحظة تحل باب القاعة ودخل سام كايلهث …وهي بلا ماتعيق أشارت ليه بعينيها لالطابي غولون لي جنبها ونطقات بصراخ وهي مبتاسمة )

ساندرا : عمي جيتي دير سبروك الصباحي… (وأشارت له مرة تانية بعينيها للطابي لي حداها …وسام لي واقف مكانو شاف فالطابي لي كاتشير ليها ..سد باب القاعة ودخل طلع على الطابي و خدمها على السرعة القصوة وبدأ كايجري بصمت فحين هي كاتتمشى وهي كاتشوف قدامها ونطقات بلغة السحرة )

ساندرا : فين جبار ؟

سام شاف فيها بلا مايجاوبها ورجع كايشوف قدامو …وهي تنهدات ونطقات بلا ماتشوف فيه وبلغة السحرة )

ساندرا : صوت الموسيقى طاغي على أصواتنا فا ماغايسمعناش وماتخافش جبار يقرأ لغة الشفاه حيت كنهضر معاك بلغة السحرة لي مستحيل يفهمها وأصلا غطيت الكاميرة لي قدامنا بالأعشاب بقاو تلاثة كلهم خلفنا شادينا غير من الظهر …ودابا غاتجاوبني أعمي وبلا ماتشوف فيا هضر ونتا كاتشوف قدامك فين جبار وباياش كلفك ؟ ؟

سام استغرب من أسلوب كلامها جاوبها بلغة السحرة ) كل لستاركس فمقر محكمة المتحولين …

ساندرا : أشنو كايديرو بالضبط باش كلفلك جبار …

سام تنهد ) أمرني جبتليه كل كبار السحرة د المعاشر الست وكل الكتب السحرية القديمة وهو ولستاركس حاليا مجتامعين مع السحرة وغايدرسو كل الكتب السحرية بمساعدة السحرة غايترجموها وأنا شويا غانلتاحق بيهم على أمل نلقاو ثغرة فالنبوءة …

ساندرا سهات وعينيها عمرو دموع ) قولي أعمي واش عمرك شفتي شي نبوءة فيها شي ثغرة ؟

سام سرط ريقو ) راجلك عندو إصرار كبير و يقين أنه غايلقا شيء يا ساندرا غير صبري و…

ساندرا شافت فيه مخننزرة حتى سكت ونطقات وعيونها دامعة ) شحال خاس دالوقت باش يتدرسو كل الكتب السحرية يا سام شحال خاس دالوقت باش تتفك شيفرات كل التعاويذ وكل هاذشي باش يتلقى حل لي أصلا مكااينش أعمي …

(سام ماجاوبهاش وهي رجعات كاتشوف قدامها ونطقات بدون تردد وكل حوارهم بلغة السحرة ووهي كاتممشى على الطابي فحين هو كايجري )

ساندرا : بغيت نتحكم بآخر عنصر سحري بقاليا باش يبينلي لكتاب طريقة تدميرو … بغيت نتحكم بعنصر الهواء يا سام …

(سام دور راسو شاف فيها مخرج عينيه ويالاه غايهضر حتى قاطعاتو )

ساندرا : بابا وباقي أعمامي كانو أقوى سحرة المعاشر السبع وكانت قالت ليا خالتي أن بابا كانت عندو طريقة خاصة فالتدريب طريقة مختلفة عن غير كل سحرة عنصر الهواء طريقة خلاتو يتحكم بعنصره بقوة وبسرعة (وشافت فيه ) وباعتبارك خوه الصغير أكيد غاتكون عارف هاذ الطريقة فا بغيتك توريهالي وتعاوني نتحكم بعنصر الهواء خلال يوماان وبسرية تامة وهذا أمر مباااشر مني يا سام آل مكال…يتبع ♥️♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 682🕯
(تتمة الجزء السابق )

ساندرا : بابا وباقي أعمامي كانو أقوى سحرة المعاشر السبع وكانت قالت ليا خالتي أن بابا كانت عندو طريقة خاصة فالتدريب طريقة مختلفة عن غير كل سحرة عنصر الهواء طريقة خلاتو يتحكم بعنصره بقوة وبسرعة (وشافت فيه ) وباعتبارك خوه الصغير أكيد غاتكون عارف هاذ الطريقة فا بغيتك توريهالي وتعاوني نتحكم بعنصر الهواء خلال يوماان وبسرية تامة وهذا أمر مباااشر مني يا سام آل مكال…

سام سرط ريقو ونطق وهو مزالو كايجري فوق آلة الجري ) بسرية قصدك بدون علم اللورد جبار أسد ؟

ساندرا ابتاسمات ) ماشي غير جبار بل تااحد حتى ماريانا أعمي ..

(سام ماجاوبهاش ..وقف الآلة وهو كايلهث وهز فوطة لاحها فوق كتافو كايمسح العرق …وساندرا شافتو كأنه ماتسوقش لكلامها الشيء لي خلاها خنزرات فيه ونطقات بحدة )

ساندرا : عارفة أن جبار ولا هو اللورد عليك بحالك بحال باقي السحرة أعمي سام ومن ولائك ليه صعب دير هاذشي مور ظهرو ولكن ….(ومدات يدها وقفات آلة المشي نتاعها …هبطات منها بشويا عليها ووقفات قدامو مباشرة مبتااسمة وهي مخنزرة فيه ونطقات بنبرة تهديد وكل حوارهم بلغة السحرة ) أنا هي الكونتيسة الأولى يا سام أنااااااا وباعتبارك ساااحر ولائك أولا وآخرا خاسو يكون ليا أنااااا… عاد لجباار حيت هو ترأس معاشر السحرة الست غيير حيت راااجلي كييما أنااا خديت لقب الليدي على المتحولين غييير حيت وليت مرااتو ولكن رغم أنني الليدي عليهم كل عشااائر المتحوليين أكييد غايسبقو رأي وأوامر لوردهم الأول جبار على أوامر كونتيسة السحرة فااا ماتقووليش أعمي نتا باعتبارك ساحر غاتسبق لورد المتحولين عن كونتيسة السحرة ..(وزادت قربات منو مابقا فاصلهم والو وهي هازة راسها بسبب فرق الطول كتشوف فيه عينيها السود فعينيه الخضر ساهية فيهم وهي مخنزرة فيه)
وحتى إيييلا كنتي غاااديرها وااش يعطيك خاطرك تخلي بنت خوك أعمي ؟

سام غير كايشوف فيها فعيونها …مسح على وجهو ونطق ) أشنو هي خطة التدريب واش أنا نيت ندربك بنفسي و واش تدريب حي ؟

ساندرا ابتاسمات بانتصار وبعدات منو خطوة ) لا حيت بالتدريب الحي أكيد غايعيق بينا جبار حيت حاليا مانقدرش نخرج برات القصر للتدريب فا بغيت غير نفهم كيفية هاذ التدريب أي نتا غير وجهني عن بعد وعطيني أساسيات التدريب ….

سام : الطريقة قاصحة يا ساندرا وصعبة التحمل و خاسها الصبر و شرح مفصل …

ساندرا حركات راسها بواخا ) غانصبر وغانتحمل لي مهم عندي هو الوقت أعمي خاس نتحكم فعنصر الهواء فحدود تلاث أياام على الأكتر فا غانبقاو نتواصلو هاذ اليومان تلاث مرات فاليوم صباح ولعشية والليل وبتعويذة التواصل بعنصر التراب نتا غاتسيفط ليا شرحك وتوجيهك بتعويذة التواصل على مراية حمام جناحي …وأنا غاندير نفس الشيء ملي نبغي نجاوبك على شيء مافهمتوش ….وتدريبنا غايبدأ ليلة …

(سام حرك راسو بواخا )

ساندرا : عنداااك خالتي تعرف بهاذشي حيت هي آه ماعندهاش مع جبار ولكن خوفها منو خلا ولائها له خااالص ومستحيل تغدرو حيت عارفاه غايصفيهاليها …فاراها غاتبيع بينا …

(سام هز فيها حاجبو وهي ابتاسمات )

ساندرا : ونتا أعمي أنا عارفة حتى حاجة فهاذ الدنيا مكاتخلعك وجبار كايحتارمك حتى لو عرف من بعد أنك عاونتيني ماغايدير ليك والو …
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 683🕯

ساندرا : ونتا أعمي أنا عارفة حتى حاجة فهاذ الدنيا مكاتخلعك وجبار كايحتارمك حتى لو عرف من بعد أنك عاونتيني ماغايدير ليك والو …

(سام يالاه غايجاوبها حتى تحبسات الموسيقى المجهدة ليكانت مطلوقة مغطية على أصواتهم …وسام وساندرا ضورو راسهم بجوج حتى بانت ليهم جمانة واقفة جنب آلة الموسيقى ومخنزرة فيهم )

جمانة :أكما قاطعت شي اجتماع سري مهم ؟

(سام شاف فساندرا لي حركاتليه راسها بمعنى يخرج ..وهو خرج أما هي فا ابتاسمات وتمشات حتى وقفات أمام جمانة )

ساندرا : أشمن اجتماع أحم أنا كنت كنجري شويا حتى دخل عمي يتريني وبقينا كنهضرو على وضع خالتي ماريانا الصحي أنا نيت غاديا دابا نشوفها كيبقات (ويالاه استدارت تمشي حتى جمانة شداتلها يديها …حتى دورات ساندرا راسها شافت فيها لقات وجها حممممر وعينيها كيطيحو بدموع وبزز نطقات بصوت غالب عليه البكاء )

جمانة : غاديريها تاني ياك …

ساندرا سرطات ريقها ) أش أش غاندير ؟

جمانة شهقات وسط دموعها ونطقات تاني بصوت مخنوق بدموع ) غات غات غاتضحي تاني براسك غات(وسكتات مخرجة عينيها ملي بزربة جراتها ساندرا وتحركات بخطوات سرييعة اتجاه لفيسيير أو ليطواليط دقاعة الرياضة وعينيها غير على الكاميراات لي فالقاعة …دخلات جاراا جمانة وسدات موراهم لباب عاد تنهدات براحة )

ساندرا : دابا سكتي من البكاء وشرحيلي مزيان مالك …

جمانة نترات يدها من يد ساندرا بعنف وغوتات ) ماغاديش نخليييك ماشي هاذ لمرة تااااني …

ساندرا سرطات ريقها ) دابا مغاتشرحيليش علاياش كاتهضري …

جمانة مسحات دموعها بيديها ) ماغاديش نخليك تضحي براسك على قبل شيحد تاني ماغانخليكش ديري داكشي لي درتيه نهار فكيتي تعويذة ربط حياتي بحياتك ماغانخلييكش تنتاحري وااخا على قبل خويااا وولدو ومرااتو ماغانخليكش تمشي للموت برجليك نتي وتوأمك ….

(ساندرا توتراات وكاتفكر كيفاش جمانة عرفات ..حيت مستحيل تكون سمعات كلامها قبل قليل مع سام وحتى لو سمعات مستحيل كانت تفهم لغة السحرة ….جمانة شافتها سكتات وهي تغوت)

جمانة : ساااندرا بلا ماتحاولي حيت ماغانخلييكش ديريها هاذ لمرة …

ساندرا قفزات وخنزرات فيها )

اترك تعليقا