Skip links

قصة : الوحش وذات القزحتين الجزء 2 ( عشق جبابرة) ج68

 33,885 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 652🕯

جبار : ساااندرااا….

ساندرا خرجات من دريسينغ وهي مبتاااسمة كاتمشى حافية بفستانها الملكي وهي هازة حذائها الأبيض بين يديها ….حتى وقفات قدامو ….وهو يالاه شاف فوجهها المبتسم وخنزر )

جبار : شهادشي طالية لوجهك …

ساندرا مبتاسمة ) شفتي ولييت كانعرف نماكي بوحدي (ودارتليه فمها على شكل بوسة )

جبار عاد مزاد خنزر فيها …كانت حاطة آي شادو بتدرجات الموف مع آي لاينر أسود رسماتو بإتقان و هايلايت عاطيها إضائة فالأنف وشويا منو مع فراجو خفيف فحنيكاتها…أما فمها فا حطات عليك كلوص لامع فلون خفيف …أما شعرها فاقاداتو كالعادة بوكلي ولكن بوكلي خفيف…. جبار كتم غضبو ..مد يدي هزها لاحها على كتفو …وهي مخرجة عينيها …اختفى من مكانو وظهر فالدريسينغ روم …حطها جالسة على كرسي قدام كوافوز نتاعها ..ويالاه هز قطن ومزيل مكياج أو ميك آب روموفر ….حتى بزربة وقفات وشداتلو يدو )

ساندرا : بلاتي خليه ليا عفاك راه غير حيت كاين حفل زليخة وقويت شويا مكياج و…

جبار قاطعها و غووووت ) ساااندرا …

ساندرا قفزات مع لغوتة …وحنات راسها بعيون دامعة ومدات يدها )

ساندرا :أرا غانمسحو راسي ….

جبار شافها قربات تبكي وزير على يديه وبدأ كيعاير بداريجة وبهمس وهو معصب …لاح داكشي لي فيديه )

جبار : غير هاذ لمرة يا ساندرا غانخلييك وغير هاذ المرة فا اعتابريها اخر مرة تتزوقي لهاذ الدرجة ونتي خارجة …

(ساندرا ابتاسمات وبالفرحة طارت عليه بتعنيقة وببوسة قوية لخدو حتى تطراسا كل لكلوس عليه …لدرجة تمسح من فمها …جبار ابتااسم بشر وهي خرجات عينيها ويالاه تحركات بزربة مدات يدها لفوق لكوافوز تاخد لكلوص تعاود تعكر …حتى شد ليها يدها وحرك راسو بلا وهو مبتاااسم )

ساندرا مخرجة عينها فيه وفخدو لي عليك بصمة شفايفها )

ساندرا : خليني نعاودو …

جبار مبتااسم ) لا ….

ساندرا : جباار راه تمسح …

جبار على نفس ابتسامتو ) وداكشي لي بغيت ..ماشي أنا لي قلت ليك بوسيني

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 653🕯

جبار على نفس ابتسامتو ) وداكشي لي بغيت ..ماشي أنا لي قلت ليك بوسيني ( ورجع هزها لاحها على كتفو وهي مخرجة عينيها فلكلوص فوق لكوافوز وكاااتمد ليه يديها يااالاه غاتشدو حتى اختفى بها من دريسينغ رجع ظهر وسط لجناح حطها على فوطوي واخد حدائها وتحنى كايلبسو ليها )

ساندرا : جبار غانديرو ماط خفيف مغانديرش لكلوص اللامع ….

(جبار عينيه على رجيلاتها كايلبسها …بدون رد منو ..وهي يالاه غاتهضر حتى وقف وهزها ..وشاف فيها )

جبار : غانظهر مباشرة داخل سيارتي ….

ساندرا خرجاات عينيها ) أ أ أويلي وا مسح غالبوسة لي فحنكك بعدا و…

جبار قاطعها ) خلييها عاااجباني (واختفى بها )

🍀🍀🍀🍀
على سطح يخت جبار ،لي كما سبق الذكر .. هو عبارة عن يخت كبيييير الحجم وحديث وفخم …بحيث أنه مجهز كليا بكل الاجهزة الحديثة والأنظمة المتطورة ..ومحركه هو آخر مكاين فالسوق العالمية …يخت كبييير لي غير بالشوفة فيه كاتشوف مذا غنى وثراء وبذخ صاحبه ….وهو أفخم وأغلى يخت يرسو فهاذ المينائ ككل ….

…على اليخت وفجلسة راقية بفوطويات جالسين أبطالنا …..:
#سليم وجنبو سميحة لي مبتسمة وفرحانة حيت أخيرا ناضت من السرير وخرجات تفوج …سميحة لي تحسنات صحتها اكتر فهاذ اليومان وولات عالأقل تقدر توقف وتتمشى كما كانت …جالسة جنب سليم لي رجعات فيه الروح منلي شافها تحسنت رجع ابتسامتو ونشاطو …فرحان لدرجة كبح غيرتو ودارليها خاطرها بأنه خلاها تختار براحتها الفستان لي لابسة حاليا على قبل حفل عيد ميلاد زليخة ..فستان أسود مستور نوعا ما …فيه فتحة حتى للفخض ..مقادة شعرها القصير بطريقة كيوت ولابسة حذاء كعب عالي أسود لسقات عليه وخلاها تلبسو بشرط ما تتمشاش هو يهزها ….وجنبهم جالس #وسيم المبتسم و سماحو لمخنزرة لي حتى هي بفستان أنيق فالأحمر الدموي على شكل قلب من الصدر ونازل حتى لتحت المؤخرة بشوي ولكن عليه ثوب شبكة نازلة من الخصر وغادي واااسع حتى للأسفل …فستان لي راقي رغم أنه عاري على ديال سميحة..فأكيد سماح كاتلبس براحتها حيت وسيم ماشي هو سليم أو جبار … سماح شادة يد ختها وغير كايوشوشو ويتعاودو سميحة كل شويا ضحك وسماح باين عليها العصبية ….

وجنب وسيم جالس #مالك وجنبو أميرتو بفستانها الأزرق ..فستان حتى هو قصير ولكنو كيوت صيفي وراقي مطرز بورود بيضاء ..أميرة كالعادة عايشة فعالمها الخاص شادة رواية فيدها كاتقراها باستمتاع مرة تبتاسم ملي تقرأ شيء مضحك ومرة تسرح ومرة يتحولو تعابيرها للحزن حسب أحداث روايتها …و جنبها جالسة مارال بفستان صيفي قصير مورد كيوت بخليط ألوان من ازرق أبيض وأخضر جالسة جنب خطيبها #ماريو وكايهضرو مع #عصمان ليجالس جنبهم ولكن عقلو وعينيه معاها غير هي..

زليخة لي واقفة بعيد عليهم مقابلة منظمي الحفلات لي كايزوقو اليخت بذوقها …لابسة غير شوميز وشورط أبيض…..
هي بوحدها من البنات لي مزال مالبسات ووجدات نفسها لحفل عيد ميلادها … واقف جنبها المسؤول عن العمال لي كايزينو اليخت كاتعطيه أرائها وأشنو بغات فالديكور والبوفي لي كاينزلوه كاتتذوق الأكل والاطباق والحلويات وتقوليه اش ينقص واش يزيد ……زليخة ورئيس العمال بجوج بيهم مراقبين العمال …..أما عصمان لي مامركزش بمرة فحديث ماريو …كايشوف غير فهذاك رئيس العمال البشري لي جنب زليخة ولي نظراتو غير عليها غياكلها بعينيه كايهضر معاها وهو حااال فمو فيها وكل مرة كايقولها شيء هي كاضحك وهو كايواعدها بديكور غايرضي ذوقها وفكلامو نوع من الغزل ليها ولذوقها واختياراتها …..عصمان كل شويا يسوط وباين فيه معصب مكرهش ينوض يهز رئيس العمال يلوحو من اليخت بزز صابر و مكتفي فقط بالتخنزير …..♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 654🕯

وجنبهم جالسة جمانة بفستان مخطط بالباج والأبيض إيفازي على جسدها وحد الصدر ولكنو هابط راسم كل معالم جسدها حتى لرجليها المزينين بحداء صيفي كعب راقي فالباج .. جمانة لي مامسوقااااااش ليهم بل مخشعة مع طبسيل عامر بالتمر معمر غير كتاكل حبة مور الأخرى وكاتشرب فالكولا تخوي كاس وتعمر الاخر …. و#فارس جنبها كايحاول غير بالسياية يحيد ليها الطبسيل مخافة يضرها التمر لاكترات منو ….

البنات والشباب كلهم كايتفرجو فالعمال لي نصهم من شركة خليل كايوجدو الخلفية دالتصوير فمقدمة اليخت ..والباقين هم عمال مصمم الديكور دالحفلات لي مع زليخة كايجهزو باقي مساحة سطح اليخت بالديكور الخاص بحفل عيد ميلادها ….قاسمين اليخت على جوج …

في حين هاندا فغرفة أسفل اليخت كايوجدوها مختصات الشعر والمكياج على قبل الاشهار ..وخليل كايوجد نفسو فالغرفة لي جنبها….
🍀🍀🍀🍀

ونمشيو لعند جبار لي دخل بسيارتو لي زاجها فيمي للمينائ وحبسها أمام المدرج وشاف فساندرا لي مزنننكة وهي غير حاضيالو حنكو المزينة بقبلتها …وحيد حزام الأمان ….)

جبار : تسناي غانرجع بسرعة و …

ساندرا قاطعاتو بصراخ ) أبلاتي ( وخدات كلينيكس زربات عليه مسحاتلو حنكو عاد تنهدات براحة حيت كانت حشماااانة باقي شباب لستاركس يشوفو حنكو … والطريق كلها وهي كاتخمم كيدير تمسحهالو أما هو ماااامسوووقش كان فرحااان بأثر تلك القبلة على خدو لدرجة كان كايسوق وهو حال الزااج …) صافي دابا …

جبار مخنززززر فيها وغوت ) معاااامن تشاورتي هااا …

ساندرا كاترمش فيه عويناتها ) أ أ غ غير حشومة و…

جبار قاطعها ) باااش حشوومة بااش سووق شيحد فياااا بوووستك فخدي وكانت عاااجباني وباااغيها فااا علاش تمسحيها (عطاها حنكو ) عاودي الاخرى عااودي وداابة ….

ساندرا غير كاترمش فعويناتها ) أ أ م م مغاطراساش راه م مابقاش فيا ل لعكر و…

جبار قاطعها ) قلت عاودي الأخرى…

ساندرا سرطات ريقها وزربات عليه ببوسة أخرى فنفس المكان دالأولى …عاد اختفت التخنزيرة من على محياه …شاف فيها ونطق )

جبار :آخر مرة تمسحي ليا بوساتك هاني علمتك …( واختفى من مكانو بقوة التنقل ) ….

(ساندرا بقات لدقائق غير كاترمش فعويناتها ) ويلي على هبيل ( وبزربة سدات فمها بيديها بجوج وهي كاضور فعينيها داخل السيارة وكادعي ماتكون شداتها حتى كاميرة ….حتى بدأ هاتفها كايفيبري وهي غير شافت شكون ابتاسمات وشدات الخط ) .♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 655🕯

ساندرا : خالتي …

ماريانا : فينكم ؟

ساندرا : فالميناء شويا غانطلعو لليخت …

ماريانا : امتا غايتحرك اليخت لوسط البحر …

ساندرا : ماعرفتش امكن غير نطلعو انا وجبار يتحرك حيت كل الباقين وصلو ..بلاتي واش نتي وعمي ماجيتوش ؟

ماريانا سرطات ريقها ) أحم لا أنا فالمستشفى …

ساندرا خرجات عينيها ) اشنوو مالكي اش واقع…

ماريانا : تهدني ماوقع والو غير صباح ملي فقت سخفت فالدوش لقاتني غير الليدي شيماء حيت سام كان فالغابة كايجري سبورو الصباحي ..إوا وجابتني هي واللورد جاسم لمستشفى لستاركس حتى لحق علينا سام …

ساندرا : اش عندك علاش سخفتي واش نجي ؟ انا نجي ( واستدارت كاتحاول تحل باب السيارة)

ماريانا : ماعندي واالو وماعندكش علاش تجي راه معايا عمك وشويا غايردوني للقصر غير استمتعي بوقتك حتى ترجعي ونهضرو…

ساندرا تنهدات ) متأكدة ؟

ماريانا : آآآه …

ساندرا : واخا غانحاول مانتعطلش غير نحضر شويا مع زليخة فحفلها ونقول لجبار يردني للقصر …

ماريانا:واخا

(ماريانا قطعات …وساندرا شافت فالهاتف وبعدها حطاتو جنب …دارت يدها على بطنها كاتحسس طاقات جنينيها وهي ساااهية فالإحساس الخايب لي اجتاحها لدرجة تخنقات ويالاه غاتحل باب السيارة حتى ظهر جبار مرة أخرى مكانو جالس فكرسي السائق ..وهو هاز القرد لونا من رجلو …وغير ضهر لاحو ليها فحظنها )

جبار : ها أمانتك …

(القرد تلاح بتعنيقة على ساندرا لي مخررجة عينيها وحتى هي خشاتو فحظنها كاضحك )

ساندرا : لوووناااا لووونتي لووونا زويين ديالي…

جبار مخنزر فيها وغوت تاقفزهم بجوج) ماتندمينيش يا ساندرا …

ساندرا والقرد شافو فيه ) و واخا أحم كيبقا ؟

جبار نطق بعصبية ) سولييه …

ساندرا :جباار نتا لي عندك قوتي التحكم والتكلم مع الحيوانات ماشي أنا …

جبار : ونتي ساحرة كل العناصر وأحد عناصر هو الحيوانات فا استعملي سحرك وعرفي بنفسك كيبقا …

(ساندرا تنهدات وحطات يدها على خد القرد وهي ساااهيا فعيونو وكل هذا تحت أنظار جبار حتى ابتاسمات )

ساندرا : كان عندو تسمم ودابا ولا بخير …

جبار : تسمم غذائي قردك منعرف اشنو كلا كان غايموت وطول هاذ الأيام وهو كايتعالج عند البيطري …

ساندرا ابتاسمات بحزن ) كنعتاذر يا لونا غانولي نردليك البال أكتر كانواعدك…

(القرد ابتاسم وعنقها حتى خنزر فيه جبار عاد بعد منها …)

جبار : خاس نهبطو (وحل باب سيارتو خرج واستدار حل بابها وتحنا هزها فحظنو ..سد سيارتو وبعدها تحرك غادي فالمدرج اتجاه يختو والقرد كايتمشى جنبهم وهو كاينقز )

ساندرا : ماريانا ماغاديش تجي هي فالمستشفى سخفات و..

جبار قاطعها ) عرفت …

ساندرا : واش فراسك؟ و اشنو عندها علاش سخفات ؟

جبار شاف فيها ) تانرجعو وهي تقولك …

ساندرا خرجات فيه عينيها ) اكما خلعتيها تاني تاجاتها هاذ المرة شي كريز ؟

جبار وقف وشاف فيها مخنزر ) فكرة مابيهاش…
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 656🕯

جبار وقف وشاف فيها مخنزر ) فكرة مابيهاش… ( وتحرك طلع لليخت ومباشرة لسطحو فين جالسين الشباب …سلمو عليهم وحط ساندرا على فوطوي فحظنها القرو ضارو بيها وبيه لبنات كايضحكو معاه ….أما جبار جلس جنب الشباب ….جمانة عطات طبسيل التمر لساندرا لي شداتو كتاكل وتوكل القرد )

جمانة : لونسومبل لي لابسة كيحمق …

(ساندرا ابتاسمات وشافت فسميحة …هاذ الأخيرة حتى هي كاتشوف فيها ومدات يدها شدات يد ساندرا )

سميحة :كيبقيتي ؟

ساندرا :دابا مزيان ونتي (حنات راسها ) كانعتاذر كنت بغيت نجي نشوفك ولكن (وشافت فجبار ونطقات بهمس ) مكايخلينيش حتى نوقف …

سميحة حتى هي نطقات بهمس ) بحالي بحالك حتى سليم داير ليا حجر وحصار طبي …

(ساندرا ابتاسمات وهي تزير على يد سميحة ويالاه نزلات نظرها لبطن سميحة وديقات فيه عينيها وهي شادة لها يدها حتى قاطعها وقاطع تركيزها صوت الموسيقى لي تطلقات مجهدة … ..لبنات والشباب شافو كلهم فمصدرها بانتليهم زليخة واقفة جنب طاولة الديدجي الكاصك حول عنقها وكاتحكم فالموسيقى وهي كاتشطح …لبنات ضحكو وناضت مارال وسماح وأميرة وجمانة بي هازة القرد وهن تايجريو وقفو جنبها وبداو كايتمايلو ويرقصو ويضحكو فرحانات ….أما ساندرا وسميحة ضحكو وشافو فبعض )

سميحة : بلا مانحلمو ياك …

ساندرا ضحكات ) واخا مانكونوش حاملات بلا مانحلمو نرقصو هكا فالعراء ..أكيد مع أسياد الغيرة لي عندنا أنا ولفت فا عادي …

سميحة مبتاسمة ) حتى أنا ولا يجيني عادي (ورجعات نظرها للبنات وبدات تسفق ليهم بيدياتها وهي كاضحك …أما ساندرا جمعات ابتسامتها وشافت تاني فبط سميحة وسرطات ريقها وهي مركزة ….وكل هذا تحت أعين جبار وسليم وباقي الشباب لي كلهم مدعيين انه جامعهم حديث وحوار جدي ولكن فالواقع كل بالهم مع ساندرا وسميحة وكلهم لاحظو ان ساندرا عينيها كايمشيو غير لبطن سميحة ….ساندرا بقات كاتشووف لثواني فبطن سميحة حتى حسات بشيء غربب ومدات يدها لا إراديا …أي هي ساهيااا فبطن سميحة وبدون تحكم أو وعي منها يدها تحركات بشويااا ناحية بطن سميحة ..هاذ الأخيرة لي بالها وعيونها مع رقص البنات والقرد ….ساندرا ياالاه غاتحط يدها على بطن سميحة حتى قفزات بسبب صراخ خليل لي طلع لسطح اليخت لقا طاقمو واقفين كايشوفو فزليخة لي كاسرة الدنيا بأغانيها لي طلقات كايتسناوها تحبس باش يكملو عملهم في تجربب لحن وموسيقى الإشهار ….فا عرف زليخة دايراها بلعاني وغوت )

خليل : سكتييي عليا داكشي …

(ومع صراخو ساندرا قفزات ..وجرات يدها بتوتر …خليل توجه بخطوات سريعة حتى وقف جنب زليخة وببرود نتر ليها الكابلي دآلة الديدجي حتى حبسها… )

خليل : ماكفاكش خسرتي ديكور الاشهار بديكور حفلتك ودابا كاتشوشي لحن موسيقى الاشهار بموسيقاك ؟

زليخة دورات عينيها بملل ) وا غير بغيت نجرب آلة الديدجي واش خدامة…

خليل نطق برود ): زوزو كوين ممكن تتفظلي تجلسي وتصبري غير لتلاث ساعات نكمل تصويري وديك الساعة ديري لي بغيتي…(واخد يدها باسها)

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 657🕯

زليخة ابتاسمات ) شفتي شحال كاتزيد تزيان ونتا كاطلبني بكل هدوء وجنتلمانية (ومدات يدها قرصاتلو حنكو تحت أنظار عصمان لي وصل غيضو منها للطوب …)

خليل شاف فالبنات ) جلسو حيت التصوير غايبدأ بعد عشر دقائق ….

زليخة والبنات كلهن والقرد توجهو للجلسة ..جمانة جلسات جنب ساندرا …ولوسط بينها وبين سميحة وبهذا سميحة كحزات وبعدات عن ساندرا الشيء لي قلق ساندرا حيت كانت بلا خاطرها ملهوووفة تقيص كرشها ….أما باقي لبنات جلسو جنبهم إلا زليخة لي توجهات للفوطوي لي مقابل مع لبنات فين جالسين الشباب وجلسات وسطهم …..وثواني حتى طلعات هاندا مع مساعدتها ..وهي لابسة فستان باج لاسق عليها وبتسريحة شعر مسرح من لفوق وبوكلي من الأسفل مع مكياج خفيف ….شافت فالبنات والشباب وابتاسمات ولبنات بقاو كايسفقوليها حتى تزنكات …تمشات تالمقدمة اليخت المجهزة للإشهار ووقفات جنب خليل المتأنق في كوستيم أسود وأمامهم واقفة مخرجة الاشهار كاتشرح ليهم تاني اش يديرو ….وبعدها بخمس دقائق بداو تصوير المشهد الأول من إشهار الشامبو مشهد لقاء خليل وهاندا )
🍀
عند لبنات لي عيونهم غير على خليل وهاندا )

جمانة : وااو جاو زوينين…

(سميحة وهي كاتشوف فهاندا لي واقفة فمقدمة اليخت لي ولا كايتحرك بسرعة شاق البحر …وهي عاطياهم بالظهر والريح كايطير شعرها …واقفة على حديدات اليخت لي شادة فيهم باش ماطيحش ولكاميرا مان كايصوروها)

سميحة : قادوليها شعرها بطريقة زوينة وكايبان قوي ولالامع …

زليخة : زادولي اكستانشنز على قبل التصوير دالشامبو …

سماح : شوفو شوفو خليل (لبنات كلهن دورو راسها لخليل لي غادي ناحيتها بخطوات عارض الأزياء يديه فجيابو والكاميرامان تابعو كايصور حيت هو جزء من المشهد …حتى قرب خليل منها وقف خلفها وحط يدو على كتفها …هاندا استدارت عندو وهي مبتاسمة ومع الاستدارة شعرها الطويل تحرك مع الرياح بطريقة مثيرة …خليل ابتاسم ليها ونطق بكلمات حوار الاشهار …وهي ابتاسمات ليه و يالاه غاتهبط حتى تعكل كعبها مع لحديداا …وكله جزء من المشهد …كانت غاطيح لولا خليل لي شدها فحظنو هازها وهي حطات يدها على شعرو لمست نعومتو وابتاسمات وهي وهو كايشوفو فبعض ونطقات بكلمات حوارها دالاشهار وهي كاتمدح جمال ونعومة شعرو ..وبعدها تحرك وهو هازها والكاميرة تابعاهم ..حتى وقفو جنب طاولة صغيرة محطوط عليها الشامبو …خليل حطها وهز قنينة الشامبو عطاها ليها ..بعدها هي ابتاسمات و شافو بجوج فشاشة الكاميرا…..كنهاية للمشهد الأول ….

ومع صراخ المخرجة بكات …لبنات بداو يصفقو وهاندا كاضحك حيت استمتعت بالتصوير وصورات المشاهد الاولى أحسن من اش كانت متوقعة … مشات هبطات مع مساعدتها لغرفتها تغير ثيابها للمشهد الأخير….)

جبار لي طول الوقت و عيونو غير على ساندرا ..لي واخا كاتتفرج فالتصوري ولكن عينيها كايهربو لبطن سميحة …نفس الشيء لي لاحظو حتى سليم فا قرب من خوه ونطق بهمس )

سليم : كانظن غلطنا منلي فكرنا نجمعو بين الليدي ساندرا وسميحة فحضور باقي البنات حيت لاحظت أن الليدي مالقاتش بمرة الفرصة حتى باش تركز نظرها فبطن سميحة …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 658🕯

سليم : كانظن غلطنا منلي فكرنا نجمعو بين الليدي ساندرا وسميحة فحضور باقي البنات حيت لاحظت أن الليدي مالقاتش بمرة الفرصة حتى باش تركز نظرها فبطن سميحة …

جبار وهو ساهي فساندرا ) كل شيء بوقتو زوين يا سليم… فا صبر …

(سليم سرط ريقو وحول نظرو لسميحة لي غير مبتاسمة و كاضحك …الشيء لي خلاه ابتاسم وهو داخلو كايدعي تقدر ساندرا تفك ليهم اللغز اليوم ….)

🍀🍀🍀

ونمشيو أسفل اليخت وفالغرفة المخصصة لهاندا …هاذ الأخيرة لي لبسات مايو فالأبيض مع بوليلو طويل مشبك …غيرو ليها المكياج كولو و واقف عليها كوافور كايقاد ليها فشعرها ..وواقف جنبها جمال أو جولي (عقلتو عليه ) الرجل المخنت مصمم الأزياء دخليل والمكلف بأزياء الاشهارات دالشركة وأيضا ولا صديق لهاندا ….جولي لي لابس جينز مزييير عليه وبودي حد لبوط مع حداء نسائي كعب عالي …داير مكياج قوي لوجهو مع أكسيسوارات كثيرة …. خنزر فلكوافور ونطق بطريقة مخنتة وهو كايحرك فيديه بأظافرو طوال لمصبوغين بالأحمر )

جولي: قلتلييك تقادليها تسريحة ملكية تجمع ليها شعرها …

لكوافور :هاذشي لي كندير اسيدي أحم ألالة …

جولي : إوا طلقنا بقات أقل من ربع ساعة على المشهد الأخير(شاف فهاندا وغمزها ) جيتي توووتا ياختشي …

هاندرا ابتاسمات) علاش ماطلعتيش تتفرج فالتصوير يا جولي….

جمال خررج فيها عينيه وغوت ) علالاش نطلع باش نموووت(وخفظ صوتو )راه مكااايحملنييش وبيييييوديناتي سمعتوووو …اااه هواااا اللورد جبار سمعتووو كايهدد السيد خليل أنه لاشافني قدامو غايصفيها ليا أنا وياه ( شد حناكو بيديه ونطق وهو ساهي) أححح وتشوفي شحال كان زوين وهو مخنزر وكايهدد بقتلي أححح

هاندا ضحكات وشافت فيه ) غير طلع وتخبا منو وتفرج فالتصوير من بعيد باش تقولي رأيك…

جولي : مانقدرش اختشي غاندوخ ونجي طايحة قدامو غايفرشخنييي أححح ماحيلتي لزينو والا لزين خوتو (شد راسو ) واحد كاينسينيك فالاخر وأنا مشكينة قلبي على قد لحاااال غايفرقعوه ليا لستاركس بيلحووب (شاف لكوافور كيشوف فيه بنظرات كلها صدمة وتعجب وغووت ) اديير خدمتك سربينا ونتا حال فمك فيا (ابتاسم) واش عجبتك (وغمزو ) ….الكوافور تفافا وتخلع وظور راسو لهاندا كايكمليها التسريحة بسرعة وهي بقات كاضحك حتى تدق عليهم الباب وتحل دخل خليل حتى هو مبدل ثيابو لفيست وجينز شاف فيهم ونطق ببرود )

خليل : خليونا بوحدنا خرجو ….

(لكوافور كان طالب عليها نيت خرج بخطوات سريعة وجولي يالاه تحرك حتى شدات هاندا دراعو وهمسات ليه)

هاندا : بقا معايا …

جولي همس ليها ) علاش ألهبيلة (شاف فخليل وتنهد ) أححح كوغاكنت بلاصتك …

خليل شاف فيه مخنزر ) خرج أجمال …

جولي شاف فهاندا ) أنا غابرا منقدرش أصلا نطلع للفوق حيت غانمووووت لادرتها ( وحيد يد هاندا من دراعو وخرج …وخليل سد موراه الباب …وشاف فهاندا عينيه كايتساراو فجسدها بحرية ….ربع يديه ونطق ببرود )

خليل : مزال معطلة ؟
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 659🕯

خليل : مزال معطلة ؟

(هاندا لي كلها متوترة وكاتحاول تستر جسدها بلبوليرو )

هاندا :أ أحم ل لا أنا وااجدة واش واش أحم وصل وقت التصوير ….

(خليل ابتاسم ..وقرب منها بخطوات ثقيلة وهي جات ترجع بلور حتى حاصراتها لكوافوز خلفها..فا بقات كاتسرط فريقها حانية راسها حتى حسات به وقف أمامها مباشرة عاد هزات راسها شافت فيه )

خليل : ماشي هاذشي لي قصدت بسؤالي …

هاندا لي سهات فيه ) ها …

خليل مد يدو شد خصلة من شعرها كايلويها فأصبعو ) قلت ليك واش مزالك معطلة قصدي معطلة على أنك تعطيني الدليل لي طلبت ؟

(هاندا فاقت من سهوتها فيه وحاولات دوز من جنب باش تهرب منو لكنو حاصرها بين يديه بجوج وحنا راسو حتى قربو شفايفو يلامسو شفايفها ونطق ببرود قاتل )

خليل : عندك يومان إذا ماعطيتيني فيهم حتى دليل على حبك ليا غانفسخ الخطبة بيني وبينك قدام كل افراد عشيرتي وخوك وعشيرتك..
يوماااين يا هاندا آل توركانوس … ( اكتفى بهاذ الكلمات واستدار خرج خلاها واقفة جامدة …حتى طاحت على ركبتيها كاتشوف فنقطة وحدة وفكرة أنه بقاليها فقط يومان بصفتها خطيبتو وانها لامتدخلاتش وعطاتو هاذ الدليل غاتخسرو نهائيا … أفكار خلاو الدموع يطيحو من عيونها …حتى دخل جولي أو جمال وغير شافها شهق ومشا كيجري وقف عليها شاد قلبو )

جولي : اناري مالكي اختشي (تحنى قفازي قدامها ) واش ضربك ؟

(هاندا تمالكات نفسها …سرطات ريقها ووقفات كاتمسح دموعها )

هاندا : م مام ماماليش غ غير خايفة من المشهد الجاي ….

جولي ميق فيها ) وا علاش غاتخافي مالك غاتصوريه مع اللورد جبار (جرها من يدها ) جلسي جلسي نعاودليك مكياج عيونك ضيعتيه بالدموع سرباااااي اختشي راه عيطولك للتصوير ….

(هاندا جلسات وبدأ جولي كايمسح ويعاوظلها مكياج جديد وهي غير ساااهية وسؤال واحد كايضور ويتعاود فبالها وهو ^ أشمن دليل نعطيه …؟^

🍀🍀🍀
على سطح اليخت العمال مشغولين كايبدلو الديكور دخلفية الاشهار للمشهد الأخير …وأبطالنا حطوليهم الطباخة لغذاء كايتغداو …..
جبار لي جلسات جنبو ساندرا ..غير كايهز ويحطلها فصحنها كتاكل .. فحين هي عينيها غير على سميحة لي جالسة قدامها وكايوكلها سليم بزز ….)

جبار نطق بهمس ) سمرائي …

(ساندرا دورات راسها شافت فيه )

جبار غمزها ) مالكي ؟ ( وباس يدها)

ساندرا سرطات اللقمة لي فقمها وقربات من أذنو وهمسات ) كانحس بشيء غريب أنا ما مرتاحاش يا جبار ديني للقصر …

جبار خنزر وجاوبها بهمس وعينيه على سميحة ) صبري غير شويا قرب تصوير خليل يكمل نبقاو مع زليخة غير لساعة ونمشيو ….

(ساندرا سرطات ريقها وحركات راسها بواخا وهي كاتشوف فسميحة لي كلما شافت فبطنها كايبدأ راسها يحرقها بشكل ماشي طبيعي ….)
🍀
وعند سميحة لي غير كايوكل فيها سليم )

سميحة : باراكا عليا غانفاجر…

سليم : خاسك تردي الوزن لي خسرتي كولي ….(ومد ليها الفورشيط فيها قطعة دجاج لفمها )

سميحة : راه غانرد عليك …

سليم جر يدو ) إذن خلي واحد الساعة تاتهضمي ونعاود نطلب ليك طبق دالخضر …
🍀
(عند وسيم وسماح …هاذ الأخيرة لي قدامها طبسيل صغير فيه بعض الخضر كتاكل بشويا …ووسيم داير يدو على حنكو وكايشوف فيها ويتنهد ويسوط تاقفزاتو )

سماح : امالك كاتسوط عليا كيلحنش بوسكا …

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 660🕯

(عند وسيم وسماح …هاذ الأخيرة لي قدامها طبسيل صغير فيه بعض الخضر كتاكل بشويا …ووسيم داير يدو على حنكو وكايشوف فيها ويتنهد ويسوط تاقفزاتو )

سماح : امالك كاتسوط عليا كيلحنش بوسكا …

وسيم اشار ليها للطبلة ) شوفي شحال من طبق محطوط قدامك ونتي كاتاكلي فلخضرة مسلوقة ومسوسة ( قرب منها وهمس ) دابا واش فعلا مكاتشهاي والو حيت راه ماايمكنش ؟

سماح مخنزرة فيه ) دبا غاقوليا أشنو هو مفهوم الريجيم عندك …

وسيم نطق بينو وبين راسو ) مكاتوحمش على الأكل إذن غاتكون كاتوحم عليا (وسسسسع ابتسامتو وقرب منها وهمس ليها ) قداش كاتبغيني أحبيبتي ؟

سماح دورات راسها مخنزرة فيه ) هاذ الساعة مكنحملكش ….

وسيم زاد وسع ابتسامتو ) لاهيلا عليا …..
🍀
وعند أميرة لي كتاكل من يد مالك وعينيها فروايتها )

مالك : أميرة ؟

اميرة شافت فيه )

مالك: امتا غاتكملي هاذ الرواية خلاص ؟

أميرة : بقالي عشرين صفحة ونكملها ومتشوقة نبدأ رواية علاش؟

مالك خنزر ) وواااالو غير وليت كنتسناك غيرامتا تكمليها باش تديها فيا شويا ونتي وليتي عايشة وسط رواية …

أميرة شافتو تعصب فا ابتاسمات دورات راسها جنب بانليها القرد وهي تسد تلك الرواية وعطاتهالو )

أميرة : هاك الونا ( ودورات راسها عند مالك وقرباات منو وهزات فورشيط كاتوكلو ) كنعتاذر …

مالك ابتاسم وكلا من يدها …فحين لونا دور راسو لقا كولشي مشغول وتخشا ليهم تحت الطبلة وبدأ ياكل فأوراق تلك الرواية )
🍀
وندوزو عند جمانة لي غير كتاكل منلي طلعات لليخت وهي غير كتاكل …جالسة بين زليخة وفارس …دورات راسها طلعات وهبطات فزليخة ونطقات بفمها عااامر )

جمانة : نتي غاتبقاي هكا بهاد شورط لقبيح مغاتبدليش حوايجك ..(ورجعات كاتمضغ وهزات كاس كولا نزلات عليه)

(زليخة غمضات عينيها بغيض حيت جمانة دوشاتليها بتفاراتيت الاكل وريوك …مدات يدها خدات موشوار مسحات وجهها عاد نطقات بين سنانها بغيض)

زليخة :هااهيا نايضة قبل ماترتكب شي جريمة …

(جمانة يالاه حلات فمها كاتهضر حتى بسرعة هزات زليخة صحن فارغ دارتو قدام وجهها )

جمانة : شكون هي وفيمن غاترتاكب هاذ الجريمة ؟

زليخة : أنا غانرتاكبها شينهار فيك وعقليييي عل هضرتي مغنمشي شينهار تاننقجك تايخرجو عينيك…( ووقفاات نزلات لغرفة فالأسفل تبدل ثيابها وتوجد نفسها لحفلها )

جمانة هزات كتفيها يدون اكتراث ونطقات بهمس ) غاجي وقتل والله تايجلس عليك فرفوسي جلسة وحدة تصدقي مدفونة فمركز الأرض ( وشافت ففارس وأشارت ليه على طبسيل عامر دجاج كينتاكي)

جمانة : فرفوس أرالي هذاك …

فارس قرب منها ونطق بهمس ) جمانة كليتي بزاف ومزال نهار طويل …

جمانة : وراه ماشي أنا لي كناكل راه ولدك واش من دابا بغيتي تخليه بجوع اودي يا ودي على اب المستقبل ماصدقتيش ..(وشافت فجبار وغوتات ) جباااري …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 661🕯

(جبار ضور راسو شاف فيها وهي غير كاتشير على الطبسيل )

جمانة : عطيني عطي لختك توكل ولد ختك …

(جبار شاف ف فارس لي قرب ينتف راسو ..فا ابتاسم ومد يدو خدا الصحن حطو قدامها وهي هزات فخض دجاجة فيد والتاني فالاخرى وبدات غير كتاكل ….
وفهاذ الاثناء طلع خليل وبعدو بخمس دقائق طلعات هاندا وبداو تصوير المشهد الأخير …ولي كان واااضح فيه أن هاندا بزز كاتبتاسم …وهي فداخلها بزز حابسة لبكية …عكس خليل لي وجهو كاسيه الجمود والبرود كعادتو صعيب تعرف باش كايحس من وجهو ….
المشهد لي كان عبارة على صور لخليل وهاندا وبعض الحركات الاشهارية وحوار قليل فيه فقط اسم الشامبو والماركة ديالو …وكولشي كان هو هذاك حتى نطقت المخرجة ….

المخرجة : آنسة هاندا ممكن تحيدي لبوليرو للقطة الأخيرة…

(هاندا بدون تردد حيداتو مداتو للمساعدة نتاعها حيت دييجا حيدات الحشمة فلبروفات ….المساعدة خدات لبوليرو وانساحبات …وخليل دور يدو على خصرها فوضعية للتصوير ….اما عصمان لي كان بييخير كايشرب فعصيرو غير شافها بقات غير بالمايو وهو يتقج حتى خرجليه العصير من النيف …ناض قاصدها وهو صاااعر حتى وقفوه فارس ومالك بزز كالماوه حتى كمل تصوير المشهد الأخير عاد تنتر منهم ومشا كيجري طير لبوليرو من يد المساعدة لبسوليها بعنف وغوت فوجهها)

عصمان بالتركية ) أشنووو هاذشي هااااا من إيمتا وليتي تلبسي هكا ؟

(هاندا لي أصلا على سبة فا بسهولة حنات راسها وبدات تبكي ونطقات بصوت غالبين عليه الدموع )

هاندا : ل ل لباس خ خاص بالبحر غ غير على قبل التصوير لبستو و…

عصمان قاطعها وغوت ) أشمن لباس هااا راه بنتي كلك عارية كاتسمي هذا لباس و…(سكت منلي حس بيد تحطات على كتفو استدار لقاه خليل )

خليل : ممكن تتهدن كنظن راها خطيبتي فا لو كان لباسها ماشي مناسب كنت أنا لي غانهضر …

عصمان دفعو ) ختي سمعتي ختييي وماغاتجيش نتا تقولي كيفاش نهضر معاها …

خليل نطق كالعادة ببرود ) ختك قريبا غاتولي مراتي (وشاف فهاندا ) هاذشي طبعا إيلا هي بغات (رجع نظرو لعصمان ) فا حقوقك فأنك تهضر معاها او تعاملها بعنف وتهز صوتك عليها كلهم تحولو ليا فا كانصحك تبرررررد ….

(عصمان جنون ركبوه تعصب لدرجة جمع يدو بلكمة يالاه غاجمعها مع خليل حتى قاطعهم بصوتو منلي غوت )

جبار : باراكا ….

(عصمان خليل وهاندا لي غير كاتبكي كلهم شافو فيه …هو لي مزال جالس مكانو فالجلسة )

جبار : كانظن ماجيناش لهنا باش نتقاتلو فا أنا كانصحكم بجووج بيكم تبردووو (وخنزر فعصمان) وترجعو تجلسو مكانكم (شاف فخليل مخنزر ) تصويرك وكمل فا أأمر طاقمك حالا يخويو اليخت مع طاقم الطباخين وعمال منظم الحفلات دزليخة كل البشر كلهم يركبو فالقارب السريع يرجعو للشاطئ بغيت اليخت مايبقا فيه حتى بشري …

ساندرا شافت فيه ) علاش ؟

جبار شاف فيها ) باش ناخدو راحتنا فالاحتفال يا جميلتي ….

عصمان شاف فختو )هاذي دازت فا آخر مرة يا هاندا وممنوع تصوري شي إعلان مرة أخرى …

هاندا تلاحت فحظنو كاتبكي ) كنواعدك منعاودش…

عصمان تنهد وعنقها ) إذن هبطي لبسي فستانك ….كانتسناك…

(هاندا حركات راسها بواخا وهو باسها فخدها خلا بسمتها تترسم فوجهها …عاد مشات بدون حتى ماتشوف فخليل لي واقف مراقبهم )

عصمان شاف فيه ودار نصف إبتسامة ونطق بهمس ) شفتي ختي واخا تكون كاتموت عليك هي غاتسمع كلمتي أنا حيت أنا لي مربيها وعندنا غير بعض …فا كانبهك يا خليل آخر مرة تحط ختي كدمية عرض وتلبسها بحال هاذوك الثياب …..(وزاد خلاه واقف …خليل لي منلي شافها كيفاش تخشات فحظن خوها كاتبكي وملي هدنها بكلماتو وببوسة فخدها خلاها تبتاسم ….حس كأن شيء ثقيل تحط على صدرو …إحساس لي ماعرفش يوصفو او يعطيه ماهية ….فا بقا واقف مكانو حاير فهاذ الحرقة لي كايحس بها داخلو )
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 662🕯

خليل نطق بهمس وببرود وهو كايحك جهة قلبو ) أكيد غايكون غير الجوع حيت مزال ماتغديت ( وزاد تحرك ناحية طاولة الاكل وصورة هاندا فحظن خوها وقبلتو ليها لي هدناتها كليا …مابغاوش يتحيد من بالو … إلتاحق بباقي الشباب والبنات على طاولة الأكل …جلس وبدأ يهز ويحط فصحنو …

وبعد دقائق إلتاحقات بيهم هاندا بعدما غيرات ملابسها البحرية لفستان أبيض لاسق عليها وطويل حتى للركبة ….وهي جاية ناحيتهم كانت نظرات خليل عليها ..ودور راسو ببرود شاف لبلاصة ليحداه خاوية دار نصف ابتسامة وبقا حااضيها تاوصلات عندهم ألقت التحية عليهم تحت مدح البنات لها ولتمثيلها فمشاهد الإشهار … ومن بعد جلسات جنب خوها …عصمان لي ابتاسم ودور يدو عليها وهو كايتغزل فيها ….أما خليل هز حاجب وحط الآخر ..شاف فلبلاصة ليحداه لي خلات خاوية …ورجع شاف فيها جالسة حظا خوها …ودفا مند يديه كايحك جهة قلبو من الحرقة لي كايحس بها فصدرو ونطق بهمس وببرود )

خليل : امكن خاسني ندير شي فحص لقلبي …( وحنا راسو شاف فصحنو لي عمر ومزال ماكلا منو ..يالاه هزو ومدو غايحطو قدام هاندا …حتى سبقو صحن آخر تحط قدامها ..وهو صحن كان موجدوليها عصمان ..فا خليل بقا واقف عليهم فالطبلة جامد وهو هاز الصحن وكل الأعين ولات عليه ..كلهم كايشوفو فيه حتى بسرعة تدارك نفسو وحط هذاك الصحن قدام جمانة لي حلات فمها …أما فارس خرج عينيه)

خليل : أحم كولي كولي ونتي ضعيفة هكاك وراك حامل …

جمانة :أححح لعززز أتيتيزنا نتا لي كاتفهمني …( وهزات فورشيط وبدات تاكل تاني …أما فارس لي بزز حبساتليه من الأكل تاجا خليل خسرليه كل شيء …فاضرب فيه واااحد تخنزيرة خلاتو كيضور فعينيه)

خليل نطق بهمس بينو وبين نفسو ) بناقص من شي أكل (ورجع كايدلك جهة قلبو )
🍀🍀
عصمان لي عينيه غير على اختو ) كنعتادر حيت رفعت صوتي عليك …

هاندا حركات راسها بلا وهي كتاكل ) أنا لي كانعتادر كنت متشوقة أحم نصور هاذ الاشهار ومافكرتش أنني غانلبس مايو …فهذا غلط مغايتكررش ….

(عصمان ابتاسم ويالاه غايهضر حتى جات عيونو عليها فا تبلووووكا وهو حال فمو ..لدرجة هاندا كاتهضر معاه وهو مكاينش هنا )

هاندا : كل طاقم التصوير ومنظمي العيد ميلاد مشاو فيخت صغير رجعهم لليابسة حتى من الكابتن لي كايسوق بينا اليخت مشا معاهم بقينا غير حنا أوما كنت بغيتك تتعرف على صديقي أحم قصدي صديقتي الجديدة سميتها جمال أحم قصدي جولي حنينة وضريفة و ….(سكتات ملي هزات راسها شافت خوها مبلوكي ) عصماني هيهو…. ( دوزات يدها أمام وجهو بدون فائدة …حتى استدارت منلي سمعات صوت الموسيقى تطلق …كباقي لستاركس دورو راسهم ناحيتها حتى بانت ليهم واقفة بفخامة أمام آلة الديدجي بفستان أميرات فالشيبي …عاكس زرقة عيونها وخصلات شعرها الذهبي لي كايتطاير مع رياح البحر …جات بإطلالتها الرقيقة كقطرة الندى الهاربة من أمواج البحر…..مع ابتسامتها الساحرة لي خلات كل الشباب والبنات يبتاسمو وغوتات بفرح وعي كاتشير ليهم )

زليخة : let’s start my partty woow…. ( ومباشرة جهداات الموسيقى وبدات ترقص بحركات مثيرة قدام البوفي ديالها …بوفي لي كان عامر بالحلويات والاطباق وحتى من الكيك الخاص بها أسود وأبيض ….كل هاذشي اختارتو هي خليط من لونين أسود وأبيض عطاو منظر راااقي وقوي كأنها تعبر عن شخصيتها ….إلتاحقو بيها كل من سماح أميرة هاندا ومارال وجمانة وقفو جنبها كايرقصو ..والشباب كايتفرجو فيهم…..

سميحة شافت فسليم لي فهمها وحرك ليها راسو بلا ….)

سميحة : عافاك عافاك ….

سليم :نتي عارفة ان الوقوف ممنوع عليك وأنا ماقلت رجعتي صحتك شويا …فا جلسي بهدوء …

(سميحة حنات راسها بعينيها دامعين …أما ساندرا لي مامسوقاش بمرة لا للحفل لا للأكل لا للموسيقى …من لحظة وصولها وطلوعها لليخت وجلوسها جنب سميحة ….وهي غير متوترة كاتسرط فريقها وعينيها غير على بطن سميحة لدرجة راسها غير كايزيد يحرقها ….دورات راسها شافت فجبار لي مشغول فحديث باين فيه جدي مع ماريو وفارس ومالك ….فحين عصمان حال فمو فزليخة ..وخليل فهاندا ..ووسيم شاد تيليفونو كيصور فسماح فيديو… وسليم واخا جنب سميحة ولكنو مركز فحديث جبار وحوارو مع الشباب ….ساندرا سرطات ريقها وققفات من مكانها جنب جبار وتحركات خطوتين للفوطوي لي مقابل معاها جلسات جنب سميحة ونطقات بهمس )

ساندرا : س سم سميحة أحم ممكن تجي معايا للبوفي دالحلويات …
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 663🕯

ساندرا : س سم سميحة أحم ممكن تجي معايا للبوفي دالحلويات …

سميحة شافت فيها بعيون دامعة ونطقات بصوت باكي ) ماخلانيش سليم نوقف …

(ساندرا شافت بتوتر فجبار وسليم لي ماداوهاش فيهم بل مستمرين فحديثهم )

ساندرا : غ غير أجي ل لبوفي قريب مننا ….(وحنات عينيها لبطن سميحة وهي غير كاتسرط فريقها وكاتعراق )

سميحة مدات يديها مسحات دموعها وحركات راسها بلا )غايغوت عليا غاسيري بوحدك وجيبيلي معاك ماكارون …

(ساندرا شدات راسها ليكاتحسو قرب ينفاجر ونطقات بترجي وهي كاتشوف فبطن سميحة )

ساندرا : غ غير أ أجي عافاك…

(سميحة حركات راسها بلا وهي كاتبكي …وساندرا عرفات أنه مابقاش عندها شي حل آخر خاسها ترضي طاقتها السحرية لي كووولها كاتتجر لبطن سميحة …الشيء لي خلا كل إنش من جسدها كايتجر لبطن سميحة أي للجنين لي ولا بالنسبة لساندرا كالميغناطيس خاسها تقيصو وتكتاشفو وإلا راسها غاينفاجر ….فا لا إراديا منها وللمرة التانية وتحت إنشغال الكل ….مدات يدها ياااالاه غاتحطها على بطن سميحة حتى جراتها بزربة منلي استدار سليم لي سمع تنخصيص مراتو …)

سليم شاف فيها وفساندرا وخنزر ) سميحة ماتعصبينيش …

(سميحة شافت فيه مميلة فمها )

سليم تنهد ومسح على وجهو …ووقف هزها ) بغيتي غاتشطحي زييدي الله يصبرني (وتحرك بها ناحية البنات …خلاو موراهم ساندرا حانية راسها وكولها كاترجف الدموع طاحو من عينيها ….ماحسات براسها حتى تهزات هي الأخرى )

جبار كايشوف فعيونها الدامعة ) كان خاسك غير تآمري يا ملكتي بلا ماتحتاجي تبكي غير قولي ليا بغيت نرقص …

((ساندرا بغات تهضر وتقوليه لا ماشي هاذشي …ولكن لسانها تربط ..تحرك بها جبار تاقرب للبقية ودور ليها يديها على عنقو وهو هازها من خصرها بدون مايلامسو قدميها الأرض وبدأ يتحرك بها بشوية …وهي عينيها غير على سميحية لي كااضحك وسليم كايرقص بها وهو معصب …ناضو تبعوهم باقي الشباب فارس شد جمانة كايرقص معاها ماريو مع مارال ووسيم مع سماح …ومالك مع أميرة ….أما هاندا فاشافت فعصمان كايشوف فيها ابتاسمات ويالاه تحركات عندو ترقص معاه حتى قاطع خليل طريقها )

خليل : لفين ؟

(هاندا سرطات ريقها ويالاه غاتعيط لعصمان حتى درو خليل يدو على خصرها وبالأخرى شد يدها وبدأ كايرقص معاها وهو مبتاسم فوجع عصمان كأنه كايقوليه ديتهاليك …..اما عصمان تنهد وهو مخنزر فخليل …بقا واقف بوووحدو وسط ليكوبل… كل واحد كايرقص مع شريكة حياتو كل واحد معنق حبيبتو …كل واحد من هاذ الجبابرة شاد فيد عشقو …إلا هو الشيء لي خلا إحساس الوحدة القاتلة يتغلغل فقلبه …فا دور راسو جنب شاف فيها …هي لي فنظرو مامسوقاش..واقفة أمام آلة الديدجي كاتلعب بدرجات الموسيقى وهي كاترقص بلاصتها …فا بلا مايحس رجليه تحركو ناحيتها ..بدون إرادة منو لقا نفسو للمرة المليون واقف جنبها كالجماد …كالفارس الخاضع لملكته …وكالعاشق المسير من طرف ذات الشعر الذهبي …
زليخة حسات بخيال واقف جنبها وهزات راسها شافت فيه )

زليخة : عصمان !

(عصمان لي ما جا يفيق بسبب حروف إسمه بنبرة صوتها ..حتى رجع تخدر ببريق عيونها الزرق لي كايشوفو فيه )

زليخة ابتاسمات وحطات الكاصك ) بغيتي ترقص معايا ؟

(عصمان لارد سااهي فيها لدرجة الجنون …وهي وسعات ابتسامتها وشداتو من يدو وجراتو لحلبة الرقص وسط باقي لي كوبل …دوراتلو يدو على خصرها وهي دورات يديها على عنقو وبدات تحرك خصرها ذهابا وإيابا بطريقة مثيرة ….ماشي غير زادت خذراتو بل ترفع )

زليخة كاترقص وهي ساهية فعينيه نطقات بهمس ) مالك على كل هاذ الكبرياء يا عصمان ونتا حبك ليا كبير لدرجة كل جزء فجسدك كايعيط باسمي وعيونك كايترجاوني …

اترك تعليقا