Skip links

قصة : الوحش وذات القزحتين الجزء 2 ( عشق جبابرة) ج 67

 33,149 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 638🕯

(سميحة ضحكات حتى تسدو عينيها… وبزربة حلات العلبة الكبيرة وجبدات منها فستان أميرات رااااقي فلونها المفظل لبينك ..من لفوق مغطي غير الصدر كستيانات…وتوبو بدانتيل الحريري مطرز بخيوط الفظة ومرشوشين بالألماس..و نازل بخيوط مشبكة حتى للخصر …سميحة حلات فمها فيه وشافت فسليم بعيون كايبريو ونطقات بفرحة وحماس )

سميحة ) وااااو على تصميم مامتيقاااش جبتيهلي نلبسو فعيد ميلاد زوزو واش غانحتافلو بيه بقاتلو غير يومان …

سليم لي كان مبتاسم ..حتى سمع كلامها وخنزر) لا أزوينة جبتوليك تلبسيه لياااا وقدامي فجناحنا حيت هاذ الفستان ماغاتفوتيش بيه جنااحك …

(سميحة تحولات ابتسامتها لنظرة كتقول ليه عن طريقها ^ من نيك)

سليم مخنزر فيها ) حلي الأخرى وهنيني…

(سميحة تفوهات وهي كتحك فعينيها ) : فستان بحال هكا وباين فيه غالي بزاف اسليم ونلبسو فجناحي مالو بيجامة ؟

سليم حيدوليها ردو فعلبتو بعصبية وعطاها العلبة الأخرى ) حلي حلي هاذي ….

(سميحة لي ولات غير كاتتفوه وعينيها كايتلاصقو ..خدات العلبة حلاتها وابتاسمات بفرح وهي كاتشوف فعقد خفيف من الألماس مرصع بأحجار من الزمرد القرمزي ..وبتصميم راقي)

سليم لي كايشوفها ولات بزز حالة عينيها) عجبك ؟

سميحة حركات راسها بآه ) زوين بزاف …

سليم خداه من علبتو ولبسوليها وباسها ففمها ) تكاي ترتاحي …

سميحة لي ولات بزز كتهضر والدنيا كضور بيها ) ع علاش ف فيا ن نعاس و د دو دوخة ه هكا ما مابغيتش ن ننعس ت تاني ب بغيت نب نبقا ف فايقة م معاك …

سليم تكاها وغطاها ) هانا معاك غير نعسي شوية …

(سميحة غمظات عينيها ماعاوداتش حلاتهم ..غطت فنوم عميق بسبب المخدر لي أمر سليم الطبيبة تعطيه ليها وسط أدويتها …باسها فيدياتها و وقف غطاها مزيان بعدها نطق بصوت مسموع ) ….

سليم : تقدرو دخلو ….

(وغير كمل كلامو ظهر وسط الغرفة جبار ليكان مفعل قوة التنصت وسمع اذن سليم باش يدخلو ..وجنبو ظهر باه جاسم ..وبعدهم ظهر عصمان و وسيم ..وتحل الباب دخل فارس وخليل ومالك والخال إيفان …ومعاهم عدنان أب سميحة ..وكلهم وقفو وسط الجناح أمام سريرها وهم كايشوفو فيها نااعسة….)

(سليم تنهد وشاف فجبار وحرك ليه راسو بآه …ومباشرة جبار جبد هاتفو أرسل رسالة …وبعدها بخمس دقائق بالضبط…تحركات ريح شبه قوية على شكل إعصار 🌪 صغير من أوراق الأشجار الصفراء الذابلة واللامعة بسبب قطرات الندى…تحرك هاذ الإعصار أمام جبار وخلف رياح قوية فكل الجناح… وثواني ظهرات من وسط الإعصار العشبي كل من ماريانا آل بيثروفا ..وسام آل ماكال…ظهرو وهما راكعين على ركبة وحدة وحانيين راسهو قدام جبار …وما إن هدئ الإعصار حتى نطقات ماريانا )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 639🕯

ماريانا: هانا جيت لورد أوامرك ….

جبار : وفقو …

(ماريانا وسام وقفو شافو فجبار وبعدها شافو في كل شباب ورجال لستاركس لي خلفو )

ماريانا : مازال مالقينا الجزيرة المنسية دسحرة آل جوفر لورد ولكن قريبا غانكسرو تعويذة الحجب لي خافياها وغانلقاو بلاصتها …

جبار : ماشي هاذشي علاش استدعيتك …

ماريانا سرطات ريقها وهي حاضية تعابير جبار ونطقات بتردد) واش شيواحد من المتحولين لي سيفطتي لينا لحراستنا تشكاليك من شي ساحر مننا ؟ (حكات ذقنها ساهيا ) لا لا لا مايمكنش يتشكاو مننا حيت كنعاملوهم بكل ود وتعايش .. وأصلا انساجمو مع سحرة المعاشر الست…. أو اكما الكونتيسة ساندرا وقعات ليها شيحاجة و…

(جبار قاطعها بتخنزيرة دارها فيها حتى سكتات ..وأشار بيدو لسرير سميحة )

جبار : ها علاش استدعيتكم …

(ماريانا وسام استدارو شافو فسميحة الجميلة النائمة باستغراب )
ماريانا : هاذي الآنسة سماح ؟

سليم : سميحة ماشي سماح …

(ماريانا رجعات شافت فجبار بدون فهم …وهو تنهد ونطق )

جبار : ركزو فسميحة شوفو فيها مزيان وخصوصا بطنها وبغيت تشوفوها ماشي بنظرة أعينكم بل بطاقتكم السحرية …

ماريانا رجعات نظرها لسميحة وهي مزال مافهمات والو ) امرك لورد ولكن خاس نقرب منها …

(جبار عطاها الإذن …وقربات من السرير هي وسام حتى وقفو مباشرة أمامو …)

جبار : سليم …

(سليم مد يدو حيد ليزار على بطن سميحة …وماريانا وسام ركزو نظرهم فيها …لثواني حتى بدأت ملامح وجههم كاتبدل للإستغراب الشديد ولونهم صفار …يدين ماريانا بداو كيترعدو …أما سام ولا تنفسو السريع مسموع فكل الجناح …وكل لستاركس مراقبين ردات فعلهم )

جاسم :أشنو شفتو ؟

(ماريانا وسام لا رد ولا ردت فعل ..فقط مخرجين عينيهم فبطن سميحة )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 640🕯
جاسم :أشنو شفتو ؟

(ماريانا وسام لا رد ولا ردت فعل ..فقط مخرجين عينيهم فبطن سميحة )

جبار نطق بحدة وهو مخنزر ) طلقونا أشنو شفتو ؟؟

(ماريانا مانطقاتش فقط ساااهية فبطن سميحة …ولكن سام زاد قرب منها لدرجة وقفلو سليم فطريقو )

جبار غوت ): سليم خليه يدوز …

(سليم حنى راسو و بعد من جنبها ..وبلاصاه سام لي وقق مباشرة جنبها وهو ساااهي فبطنها …ومد يدو ماقاصهاش ولكن حطها سطحيا على جهة الرحم …ومباشرة خررررج عينيه وبزززربة خطف يديه كايلهث …وشاف فماريانا …)

سليم نطق بتوتر وصراخ ) أشنوو واااااقع ….

(جبار لي حتى هو تعصب حيت عاارف سام ماغايهضرش معاهم ..فا قرب من ماريانا وشد دراعها دورها حتى شافت فيه وهي بتعابيرها المصدوومة …ونطق بحدة )

جبار : أشنو واااقع أشنوو شفتو …

ماريانا : والو …

جبار لي من دراعها حس بالرجفة فجسدها كولها كترعد فا طلقها وبعد خطوة ) : كيفاش والو …

ماريانا سرطات ريقها ) م ماشفت والو ولكن حسيت …

سليم لي صعر مسح على وجهو وغوت ) اشنو وااقع بااياش حسييتي هضروو ؟

ماريانا دورات وجهها شاف فيه وهي مخرجة عينيها ) ب ب ب بالرعب …

(لستاركس شافو فبعض وسليم خبط يدو بلكمة خشاها فالحيط وقرب منها ونطق بعصبية )

سليم : الرعب كيفاش الرعب ؟ مال مراتي حامل بوحش ولا جن ولا بغوول ولا شنو ؟

(ماريانا شدات راسها لي حساتو كايحرقها بزاف ..وخرجات من بين جبار وسليم ووقفات جنب راجلها وشدات يدو وهي كاترعد )

ماريانا : فهمتي شيحاجة شفتي شيحاجة يا سام راسي راسي كانحسو غاينفاجر …

سام نطق وهو ساهي فسميحة ) نفس الإحساس… خوف بل رعب ماشي عادي وهاذشي كايدل على أن هاذ الجنين هو خَرْقْ …

ماريانا حركات راسها بآه ) نفس الشيء لي حسيت بيه (وشافت فجبار ونطقات بتوتر ) هاذ الجنين ماشي وحش ولكنه كسر شي قاعدة أو شي قانون أو شيء ما لي ماعرفناهش بالضبط ….ولكن هو بقواه أو امتيازاتو كسر شي قاعدة لي مهمة بزاف وغير قابلة للكسر أو الخرق..فا أشنو هي هاذ القاعدة أو القانون وأشنو هي امتيازات او قوة هاذ الجنين ؟ ماعرفتش مابانلينا والو (وأشارت لبطن سميحة ) الشيء الوحيد لي شفتو وحسيت به ناحيتو هو الخوف الرعب وأيضا الخَرق لقانون أو لشيء ما …

(جبار لي مركز فكلامهم وردات فعلهم و مديق عينيه فيهم ..اختفى من مكانو وظهر جنب سميحة وحط يدو على بطنها وهو كايشوف فماريانا ) هاذ الخوف وردت الفعل ديالكم علاش أنا وباقي المتحولين مكانحسوش بيها علاش هاذ الجنين كايرعب غير السحرة أشنووو علاقة جنين متحولة وهجين بالسحرة ؟

سليم : واش ولدي عندو طاقة سحرية ولا شنو ؟

ماريانا حركات راسها بلا ) ماحسيتش بحتى طاقة سحرية ناحيتو بمرة …فا ماتسولونيش حيت مافهمتش وماعرفتش أنا قلت اش شفت وباش حسيت ناحيتو …غير بالخوف بل الرعب وحسيت أن هاذ الجنين هو خرق لشيء ما ..غير هاذشي …

جبار تنهد وهو مخنزر ) هذاك آلبرت شاف وقال أكتر من هكا …

(ماريانا وسام خرجو عينيهم )

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 641🕯
(ماريانا وسام خرجو عينيهم )

ماريانا : أ أ آلبرت آل جوفر ؟

جبار : آه هو بعدما شاف فبطن سميحة ترعب وولاو تعابيرو هكا بحالكم الدم هرب من وجهو لدرجة ركع بالخوف و قال أن هاذ الجنين خلا الطبيعة عاطيانا الولاء..وأنه بهاذ الجنين غانتكتبو فالتاريخ كأعظم عشيرة (زير على يديه وكمل كلامو ) وقال أيضا أن ساندرا هي لي غاتمنع كل هاذشي وهي لي غاتتسبب فموت الجنين وسميحة ….

(ماريانا وسام شافو فبعض باستغراب )

ماريانا :وآش جاب ساندرا لهاذشي ؟

جبار خنزر فيها وغوت تاقفزها ) إوا أنا جايبك لهنا باش نتي تجاوبي على هاذ السؤال يا ساحرة ….

(سام شد يد ماريانا …وهي شافت فيه )

ماريانا : بغيتي تقول شيء …

(سام حرك ليها راسو بآه )

ماريانا : هضر يا سام غير هضر …

سام شاف فجبار) ماتتجاهلش كلامو يا لورد ستارك حيت آلبرت هو الكونت الأول للسحر الأسود … وشيء مهم لي خاسكم تعرفوه …… حنا قصدي أنا وماريانا ولا أي ساحر آخر عادي سواء فسحرة الخير أو فسحرة السحر الأسود … ماعندناش قدرة الرؤية والاحساس والادراك السحري الواسع لي كاتكون عند أي كونت معترف به من طرف كل معاشر سحرتو كرئيسهم وقائدهم …. يعني الرئيس عندنا ماكايكونش متميز غير بالقوة بل كايكون أكتر قدرة وإحاطة وتكمن من السحر مقارنة بأي ساحر آخر … وهاذشي من الامتيازات لي كاتتمنح للساحر مع منصبو باعتبارو كونت أول ….فا داكشي لي شافو الكونت آلبرت فجنين سميحة…لا أنا ولا ماريانا ولا أي ساحر آخر ماشي كونت… غايبان لينا غير ربع داكشي لي بان لآلبرت …حيت هو الكونت والرئيس دمعاشرو .. ….

سليم شاف فجبار ) جبار ساندرا هي كونتيسة …

سام حرك راسو بآه ) الكونتيسة والليدي ساندرا باعتبارها حتى هي كونتيسة وقائدة معترف بها من طرف معاشرها الست دالسحر الخير غاتكون عندها القدرة دأنها تشوف كل ماشافو آللبرت فهاذ الجنين…وممكن وباعتبارها مختارة كل العناصر السحرية انها تشوف أكتر بكتير من آلبرت خاسها غير تركز كل طاقتها السحرية على هاذشي وتلمس بطن الآنسة سميحة …

(كلهم شافو فجبار لي ساهي …حتى قرب منو سليم وحط يدو على كتفو وابتاسم )

سليم : سميحة فهاذ التلاث أيام تحسن وضعها بزاف وحتى مؤشراتها الحيوية ومؤشرات الجنين تحسنو كيما قلتيلي فا خلي حتى تتحسن الليدي ساندرا وتتجاوز نوبات الهلع لي كلما فاقت كايشدوها …وترجع صحتها وديك الساعة تشوف سميحة …

(جبار يالاه غايهضر حتى قاطعاتو ماريانا)

ماريانا :ساااندرا مالها وكيفاش نوبات الهلع ؟ اشنو وقع ليها …

إيفان : والو والو هي غاتكون بخير خاسها غير ترتاح …

(//ماريانا شافت فيه مخنزرة حيت هو المتحول الوحيد لي عمر السحرة يتقبلوه ..وهاذشي راجع لماضيه منلي كان رئيس النخبة وكان كيشد الهجائن يقدمهم لجدو ليكان كايقتلهم ..الشيء لي ساهم فتأخير تحقق النبوءة السحرية المتعلقة بولادة الجبار )//

إيفان هز فيها حاجبو من تخنزيراتها فيه لاهي لا سام ..وقرب من جاسم وهمس ليه فأذنو )

إيفان : دابا هاذو حتى لإيمتا غايبقاو مكايحملونيش أنسيبي لعزيز ..وليت كانتخيل غير راسي تحطيت وسط شي معشر من معاشر بنتي ساندرا ..راهم غاياكلوني حي أنسيبي لعزيز…

جاسم نطق بلا ميشوف فيه ) تخيلت بزاف دسيناريوات موتك على يدي (شاف فيه ) ولكن هذا أحسن واحد …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 642🕯
جاسم نطق بلا ميشوف فيه ) تخيلت بزاف دسيناريوات موتك على يدي (شاف فيه ) ولكن هذا أحسن واحد …

إيفان خررج عينيه وغوت ) وتسخى بياااا (وشاف فجبار ) جبيبير شهد شهد أشيطان ديالي باك بغا يقدمني للسحرة فطبسيل دلميكة …(وشاف فجاسم) فين إيفلين هيا لي كتعرف ليك ( مارضاش وخرج كيجري قاصد شيماء )

جبار شاف فماريانا وسام بحدة حتى حناو راسهم )

ماريانا ) لورد ممكن نشوف الكونتيسة …

جبار حرك راسو بآه ) :ولكن ممنوع تقولي ليها شيحاجة عن وضع سميحة وحاليا بقاو فالقصر …

ماريانا وسام تحناو ليه وبعدها وقفو وخرجو متتابعين )

عصمان : جبار اشنو نديرو للساحرين لي مزالين فالأسر عندنا …

جبار تنهد ): خليوهم حيين بدون تعديب…وتكلف بشركتنا الستارك كار هاذ الأيام أعصمان نتا ووسيم …(شاف في فارس ) الحراسة على الحدود ترتافع للأقصى وأي ساحر رصدتوه يتشد سواء حي أو ميت ( وشاف فمالك ) سيفط بلاغ رسمي مختوم لكل قياد العشائر دباقي الدول يكونو على استعداد تام فأي لحظة غانستدعيهم ويحضيو حدودهم وأي ساحر رصدوه يتشد سواء حي أو ميت ( وشاف فخليل ) بالنسبة لفرقة العدالة وقف تدريبهم ووزعهم على فوجين كل فوج يتقسم على فرقتين النساء بقيادة مارال وزليخة والرجال بقيادة ماريو وفارس ويكتافيو حاليا بحراسة الحدود دالمغرب والقصر ولكن يكونو فتأهب …(كلهم حناو راسهم كموافقة على الأوامر …وجاسم حط يدو على كتف ولدو )

جاسم : خاسك تبدأ تفكر فبنود قانونك الجديد لي غاتحط يا جبار حيت القانون العشائري مزالو مجمد وكانتحركو غير بقانوني ليكنت حطيت منلي كنت اللورد الاول …. ودابا نتا هو اللورد خاسك تصيغ بنودك وبنود القانون المتعلق بعلاقة السحرة دالخير والمتحولين ..ومصير المجرمين من السحرة …

جبار : البنود حطيتهم ألواليد ومن نهار عطيتيني كرسي العرش كتبتهم…وقانونك ماعدلتش فيه بزاف فقط زدت فبعض عقوبات الجرائم الممكن ارتكابها من طرف المتحولين والهجائن المجرمين لي كنتي نتا متساهل فيهم ..والزيادة فالعقوبات لي حطيت راه علمت بيها كل قياد العشائر فبيان رسمي مختوم بختمي ….فا بقالي فقط رأي ومصادقة ساندرا على القوانين والعقوبات لي حطيت على مجرمي معاشرها الست دالسحرة …ولكن ماشي دابا حتى تدمر هذاك الكتاب ….

(جاسم حرك راسو بواخا واختفى ..وتبعوه الباقين كل واحد مشا لشغالاتو والشباب تجمعو فحديقة القصر بقاو فالجناح غير جبار وسليم كايشوفو فسميحة )

سليم : فنظرك أشنو هو هاذ الامتياز أو القوة لي عند ولدي ؟

جبار دار نصف ابتاسمة ) قوة لي مكاينش بحالها وامتياز لي عمرو تعطى لشي متحول …

سليم شاف فيه ) نسيتي امكن أنك أقوى متحول كان او غايكون فالتاريخ فا اشمن قوة هاذي لي عند ولدي وغاتفوت طاقتها طاقة قواك المئة …ومتنساش توأمك ب 99 قوة لكل واحد يا جبار غايكونو بجوج تابعينك فدرجة القوة عاد تابعكم لواليك بقواه الخمسة والخمسين عاد أنا بخمسين قوة وعاد وسيم بعشرين قوة (شاف فبطن سميحة ) ومانظنش ولدي حتى هو عندو الاستنساخ وإلا كان غايكون امره عادي و بلا كل هاذ التعقيدات كانت غاتبانلينا طاقتو …

جبار قرب وحط يدو على بطن سميحة ) هاحنا غانشوفو أشنو غايخرج من هاذ الصغير يا سليم …لي علينا حاليا هو نصبرو حتى تبان طاقتو باش نعرفو نوع قوتو ..أو حتى ساندرا تشوف هاذ القوة وهي تشرح لينا …

سليم ابتاسم ) ولدي وولادك ….ولادنا غايكونو أقوى جيل متحولين اخوية أقوى حتى من جيلنا وجيل لواليد …

((جبار ابتاسم …وبقاو بجوج واقفين جنب سميحة وكايتناقشو لدقائق …عاد اختفاو بتنقلهم ظهرو فحديقة القصر لي كانو مجمعين فيها باقي الشباب …. مالك جالسة جنبو مراتو أميرة ..وسماح جالسة جنب وسيم …وزليخة مقابلة مع عصمان مخنزرين فبعض ..وفارس جنب جمانة … وجنبها خليل ….الشباب كل واحد خدام بحاسوبو ولبنات كياكلو مكسرات ويهضرو إلا أميرة كاتقرأ روايتها و زليخة كاتبرد أظافرها مامسوقاش لحديث لبنات …حتى ظهرو جبار وسليم وجلسو جنبهم )

جمانة فحوارها مع البنات ): أنا بعدا دومونديت بيت نعاس لحيدر نتاعي من دابا …

سماح : فأشمن لون ؟

جمانة : لخضر …

سماح ميقات فيها ) خضرة وباغيا تردي ولدك خضر …

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 643🕯
جمانة : وسوقك ندوموندي عليه تافلخزي …

(فارس شاف فيها مخنزر وهي سكتات كاضور عينيها )

أميرة نطقات وهي حانية راسها على روايتها ) : غارقةٌ أنتِ في خيبتِكِ وغارقٌ أنا في معصِيتيِ، لكنَّني أحبكِ يا جُمانة فاغْفِري …

(جمانة وسماح شافو فيها )

جمانة : بسمله علك غاتبقاي هكا تايضربك جن لقراية …وليتي تهتري بسميتي امسكينة …

سماح :وراه ضربها تسكنات بالجن القارئ …

فارس هز راسو من حاسوبو شاف فأميرة ) أجمل مقتطف من رواية ^ أحببتك أكثر مما ينبغي ^ ؟

أميرة ابتاسمات وحركاتليه راسها بآه بلا ماتهز عينيها من على الكتاب جاوبات لبنات …)هزو تقراو شويا الروايات والكتب يالبنات باش تطورو تفكيركم شويا …

سماح شافت فجمانة وبجوجهم تجاهلو اميرة ) وري وري بيت نعاس لي اختاريتي للكتكوت نشوف دوقك لخضر …

جمانة هزات طابليط ) اجي اجي حدايا تشوفي خضوريتي …

مالك هز راسو من على الحاسوب شاف فجبار ) : راه رسلت البلاغ الرسمي لكل قياد العشائر كيما امرتي لورد…

خليل :وأنا أمرت كل أعضاء فرقة العدالة يتجمعو غدا فصباح غانقسمهم لورد …

زليخة شافت فيه ) وانوض جيب هاندا خطيبتك راه غاتكون سالات دوامها فالمستشفى …

خليل نطق ببرود وعينيه على حاسوبو ) غايجيبها لواليد …

(زليخة تنهدات وناضت من مكانها تحت نظرات عصمان جلسات جنب جبار لي كايخربق فهاتفو كايسيفط رسائل )

زليخة : جبار …

جبار بلا مايشوف فيها ) أمم…

زليخة : عيد ميلادي بعد يومان وبغيت نحتافل بيه فيختك …

خليل خنزر فيها ) no way يختو محجوز من طرفي حيت منهنا ليومان عندي تصوير اشهاري مع هاندا لي شهر ومتخصصي شركتي كايوجدوليه ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 644🕯
خليل خنزر فيها ) no way يختو محجوز من طرفي حيت منهنا ليومان عندي تصوير اشهاري مع هاندا لي شهر ومتخصصي شركتي كايوجدوليه ….

زليخة :مالك مسمووم بغيت نحتافل فاليخت تقدر تصور إشهارك فيختك…أنا بغيت نحتافل…

خليل : إذن احتافلي فيخت باك أو العم جاسم أو يخت فارس راه تاهوا كبير …

زليخة غوتات ) لا هيا لا غانحتافل وفيخت جباار ..

جمانة :زوزو متغوتيش على تيتيز لعائلة غاتخسريلو جمالو …

(زليخة وخليل خنزرو فيها )

جمانة ضورات عينيها ) هاهيا ساكتة كملو كملو …

زليخة :وعلاش بالضبط غاتصور إشهارك فيخت جبار …

خليل :حيت هو أكبر وأحدث يخت عندنا وبنيت عليه خلفية الاشهار والصور والإضائة وكل شيء خدمو عليه طاقم شركتي هاذي شهر إذا بدلت اليخت فآخر لحظة غايخسني نبدل خطة وفكرة الاشهار لي كلها غاضيع ……

(زليخة شافت فجبار لي مامسوقش ليهم حاني عينيه على تلفونو كايتفرج فساندرا لي غير كاتبكي ومعاها ماريانا فجناحو )

زليخة :جباار هضر معاه ممكن يأجل إشهارو غير لنهار أنا مايمكنش نأجل نهار ميلادي حيت هو نهار ميلادي (وشافت فخليل وباقي الشباب ) وفين عمرو داز بلا ماتحتافلو بيا نتوما بسبعة …

عصمان مخنزر فيها ومحااملش جلوسها جنب جبار ) : إشهار خليل أهم وأولى حيت شهر وهو خدام عليه ماشي باش تجي ضيعيليه خدمتو أما نتي تقدري تحتافلي غير هنا فالقصر وأصلا الظروف وحالة الليدي ساندرا وسميحة الصحية ماشي دالإحتفال …(وابتاسم)

زليخة تزنكات بالأعصاب وغوتات ) نتا مالك ها نتا مااالك اش حرك شطاطتك أصلا شكوون سولك ولا طلب رأيك …

عصمان : حيت نتي مستبدة وباغيا كوولشي لراسك كايبانليك غير رااسك بزاف عالتكبر تواضعي وتنازلي شويا ..

زليخة : عاوتاني هاذ لكاسيطة دابا كاتهضر على اليخت ولا على شيحاجة أخرى(غمزاتو ) مالك وليتي كادخل الشكلي فالعكلي …

(عصمان يالاه غايجاوبها حتى خبط جبار يدو مع الطبلة سكتهم كاملين شافو فيه )

جبار وقف ) :من هنا ليومان غايتقام عيد ميلاد زليخة فيختي(زليخة نقزات بفرح ) بحفل بسيط غانحضروه غير حنا ومارال وماريو مع الساحرين سام وماريانا وأكيد ساندرا وسميحة …والحفل غايبدأ بعد انتهاء طاقم خليل من تصوير الاشهار (شاف فخليل ) كنظن تصويرك مغاياخدش لينا أكتر من تلاث ساعات وبعدها عندنا الليل كولو للإحتفال بعيد ميلاد زليخة ….هذا أمر مابغيتش فيه نقاش تاني ( واختفى من مكانو بقوة التنقل قاصد جناحو )

زليخة :لعززز أعشيري (وشافت فخليل وعصمان وهي مبتااااسمة وردات شعرها للخلف بحركة مثيرة ودارت رجل على رجل ويالاه غاتهضر حتى قاطعاتها جمانة لي ضحكات بطريقة خلاتهم كلهم شافو فيها وهي بزز سكتات وشافت فزليخة )

جمانة : يحسابليك جبارو دارليك لخاطر وقبل نحتافلو فهاذ الظروف حيت نتي طلبتيها منو هههه وراه غااابغا الحفلة باش ساندي وسوسو ينشطو ويفوجو وينساو الهم لاتمشيش بعيد بأفكارك السوداء …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 645🕯
(عصمان وخليل حبسو الضحكة ..وزليخة خنزرات فيها )

زليخة :ولات عندك شي قوة دقرائة الافكار ولا طاح عليك الذكاء من السماء ولا كاتقلبي عليا ولا شنو بالضبط … ونزيدك السبب ماشي مهم المهم عيد ميلادي غايتقام وفيخت جبار والسلام …( ووقفات صاعرة ومخننزرة فجمانة… و خلاتهم ودخلات )

فارس قرب وهمس لجمانة ) بغيتك غير مرة وحدة مررررة وحدة دخلي سوق راسك …

جمانة شافت فيه ) :أييه واخا افرفوسي هي لي ماتعاودش…

🍀🍀🍀
ونمشو قبل دقائق ولعند ساندرا فجناحها لي ناعسة وخيط الصيروم فيدها ..فا فهاذ التلاث أيام لي مرو … جبد معاها جبار موضوع الكتاب وتدميرو واللعنة وكلام آلبرت مرة وحدة وشدوها تاني أعراض نوبة الهلع فاابدأت ترجف وتتنفس بسرعة حتى اضطر يعطيها مهدئ تنعس… الشيء لي خلاه ماعاودش جبد معاها الموضوع بمرة أو حكر عليها أو سولها …بل العكس بزز عليها تلازم سريرها وترتاح وداير جهدو فأنه ينسيها مصيرها ولو للحظات ويريح نفسيتها لا هو لا أمو شيماء ولا باه جاسم لي كانو كل شويا كايطلو عليها وماخلاوهاش ….

….ساندرا سادة عويناتها كترتاح حتى حسات بيد تحطات على جبهتها …وهي تستغرب حيت استنشقات بارفان نسائي …حلات عينيها وهي تشهق )

ساندرا :خااالتي ( وتكعدات وهي طير عليها ماريانا بتعنيقة )

ماريانا : كيبقيتي …

ساندرا بعدات من حظنها وحنات راسها بعيون دامعين ) شويا …

ماريانا : أشنو هاذ نوبات الهلع لي ولاو كايجيوك يا ساندرا ها أشنو هااذ الضعف لي وليتي فييه ؟ ياك تجاوزنا مرحلة الخوف والصدمات ياك تقبلتي نفسك وحقيقتك كساحرة ياك تحكمتي فسحرك و فكل العناصر السحرية الطبيعية من غير الهواء ..ياك تقبلتي مهمتك دتدمير لكتاب فااا اشنو تبدل دابا اساندرا ؟

ساندرا مزالها حانية راسها وعينيها غير كينزلو بدموع نطقات بصوت باكي ) لي تبدل أخالتي هو هذا ( وشدات يد ماريانا وحطاتها على بطنها ) ولادي راه بيدي غانقتل ولادي اخالتي وحتى لو ماقتلتهمش غايتلعنو ليا وهاذشي ماشي غير خالعني بل مرعبني وممرضني …كنت متوقعة أسوء سيناريو غايطراليا بعد تدميري للكتاب هو اني نمووت معاه وسرطتها ..ولكن عمرني تخيلت أني غانحمل وبتوأم لي صدقت أنا هي أكبر خطر كايهدد حياتهم ..بيدي أخالتي غانقتلهم …أو نلعنهم …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 646🕯
ماريانا خرجات عينيها ونطقات بهمس ) ششت ماتهضريش على اللعنة بصوت مسموع ..الكاميرات …

ساندرا حركات راسها بلا وهي كاتشهق ) فرااسو أخالتي جبار فرااسو و فراسهم كلهم أني لادمرت لكتاب غانتلعن هذاك آلبرت فضح كل شيء …

ماريانا مخرجة عينيها ) و و واشنو قال اللورد فهاذشي …أكما منعك عن مهمتك اكما ماخلاكش تدميري لكتاب ها؟

ساندرا : مزال ماهضرنا ….

ماريانا تنهدات ) ششت سكتي من لبكا راه غايجي يقتلني يحسابلو غير بسبابي كاتبكي … وتهدني مكاين علاش ديري فراسك هاذ الحالة حيت انا متأكدة اللورد مغايحطكش نتي والأجنة فالخطر وكانظن غايلتازم بخطتو لي هي حتى تولدي بخير عاد تدمري الكتاب وهكا اللعنة غاتصيبك بوحدك ماشي ولادك أوخلفك حيت غاتكوني ولدتيهم …أما اللعنة لي غاتصيبك فا مامعروفاش ولكن بقوتو وبدعمو ليك غاتتجاوزيها او تصبري عليها ..هذا هو قدرك يا ساندرا آل بيثروفا فا تقبليه…

ساندرا غير كاتبكي ) : عندي إحساس خاايب على لي جاي وخايب بزااف أخالتي ماغانصبرش ماغانتحملش فكرة شيواحد يتآذى بسبابي …أو ولادي يموتو بسباابي …

ماريانا :تاواحد ماغايموت بسبابك بالعكس ألحمقة لامادمرتيش الكتاب راه العالم كولو غاولي كالجحيم دآل جوفر الخالدين..ديك الساعة آلاف غايموتو بسببك وأولهم عشائر المتحولين ومعاشرنا أساندرا …والبشر غايوليو كالأغنام يضحى بيهم من طرف سحرة آل جوفر …هذاكشي باش الكتاب خاسو يتدمر شنو مكانت التضحية لي غايتطلبها تدميرو …فا فكري بمنطق ياساندرا مصيرنا كولنا بين يديك ….

(ساندرا حطات يديها على وجهها وغير كاتبكي )

ماريانا : شششت تهدني راه غير الحمل لي زاد مأتر عليك تهدني وماتبقايش هكا ودائما فكري انه عندك اللورد احم ( وقربات وهمسات ليها فأذنها ) راه معندكش مناش تخافي هذاك الشيطان يحرق الدنيا على قبلك فما بالك بولادو راك دايرة هاذ لحالة فراسك غير على والو …

ساندرا ابتاسمات ومسحات دموعها وحركات راسها بواخا ) ماقلتيش ليا علاش جيتي واش جبار استدعاء ..؟

ماريانا :أ أحم لا لا جيت راسي باش نشوفك…و جيت انا وعمك راه برا مقدرش يدخل لجناح اللورد …

ساندرا : واش الموضوع متعلق بآلبرت أو سميحة هاذشي علاش عيط ليك جبار ؟

ماريانا :احم راه قلت ليك لا… جيت غير نشوفك وغانبقاو فالقصر انا وعمك شي أيام حسب أوامر راجلك …

ساندرا : علاش ؟

ماريانا :أختي سوليه انا كيقولي جي كنجي كيقولي سيري كنمشي… معاه وليت بحال ابن بطوطة غير غاديا جايا كيلمسرفق وياريت كون كنت ابن بطوطة وراه وليت كيلمونيكة أييه شكون قال ماريانا آل بيثروفا لي كانت حتى جداتها وكبار معاشرها مكايتحكموش فيها ومكايقدروش عليها كندير لييي بغيت وتاحد مكايأمرني… غايولي صعصع نتاعك الشيطان بلا كرون(وبدات تعاير فجبار بعصبية وبلغوات وبزربة وساندرا كتغمز فيها تسكت ) الغول دبصح آه راااجلك غووول وغير مخنزر أصلا تلقايه خرج من كرش مو مخنزر لمخنفر لمفشش كايتحكم فيا و…( سكتات مخررجة عينيها فاش حسات بطاقتو موراها… )

ساندرا ميلات راسها طلات عليه بانليها واقف مخنززر فماريانا ليعاطياه بالظهر ) جبار ج ج جيتي ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 647🕯
ساندرا ميلات راسها طلات عليه بانليها واقف مخنززر فماريانا ليعاطياه بالظهر ) جبار ج ج جيتي ….

ماريانا سرطات ريقها ونطقات بهمس وبلغة السحرة ) مخنزر فيا ياكي (وشدات يد ساندرا مزيرة عليها وعينيها عمرو دموع ) س سمعني اش قلت عليه ياكي غ غايقتلني ياكي …م م ماتخليهش ر راني خ خا خالتك زعما…

جبار غوت ) ساحرة جنية ماريانا …

ماريانا وقفات طافجة واستدارت شافت فيه وبعدها حنات راسها وبدات كترعد ودخل وتخرج فلهضرة ) غ غ غير كنت كنعاود كنعاود لساندرا على سام والله مانتا علامن كنت كنهضر راه غير على سام لي كايتحكم فيا ه ه هواااا لي مخنزر ومخنفر ومصعصع وابن بطوطة انا هوا و…

جبار قاطعها ) خرجي عليا قبل مانغير رأيي فيك وقراري بعدم قتلك أخالة مراتي …

ماريانا : ها ؟

جبار : طلقي راه يدي كياكلوني بغاو يخنقووك …

(ماريانا فشلو ليها ركابي وبداو يترعدو ودورات راسها شافت فساندرا )

ماريانا : ن ن نوضي ن نوضي دفعيني راه جمدت ن نوضي خ خالتك انا …ل لبولة لبولة كنطلقها …..

جبار غمظ عينيه كاتم غضبو ونطق بغيض ) : واااااحد….جوووج….تلا…

(ماريانا خرجات كتجري شادة قلبها ..وغير حلات باب جناحو لقات سام ليسمع كل شيء واقف كايتسناها ويالاه غايهضر معاها ويغوت عليها حتى سخفات ليه بلخلعة …تنهد وهزها وتمشى ناحية جناح الظيوف )

ساندرا شافت فيه ) حرام عليك غاتسكت ليها القلب …

جبار قرب منها وجلس جنبها ) تستاهل شي مرة غانصفيها ليها …

ساندرا : جباار…

جبار تنهد ومد يدو كايمسح بقايا دموعها ) عاوتاني الدموع …

ساندرا حنات راسها ) علاش استدعيتيها (شافت فيه) بغيتيها تشوف داكشي لي شافو آلبرت فسميحة ياك ؟

جبار : آخر مرة قلت ليك نساي هاذشي دابا …

ساندرا شدات يدو ) واش شافت شيحاجة هي وعمي ؟ اشنو قالو ليك مال جنين سميحة واش دخلني أنا فيه وفعيشو او موتو ؟ ( وبدات كاترعد وتعراق = أعراض نوبة الهلع ) ك ك ك كيفاش أنا غانكون السبب فموتو وموت سميحة اشنو غاندير انا ليهم أنا مابغيت نكون سبب فموت تاواحد أنا و…

جبار سكتها ببوسة …شد وجهها بين يديه كيبوسها بشويا حتى حسها تهدنات عاد بعد ونطق بهمس ) : تبغي تمشي معايا لمكان غايعجبك ….

ساندرا :جباار جاوبني ..

(جبار تنهد ونزل عينيه شاف الشوميز لي هي لابسة واختفى من مكانو لثواني عاد ظهر هاز فستان طويل بليدين ومونطو من دريسينغ نتاعها لبسهوم ليها فوق الشوميز )

ساندرا : فين غانمشيو ياك ماكاتخلينيش نوقف …

جبار : شكون قال غاتوقفي… (وتحنى هزها فحظنو وهي حافية واختفى بها ظهر مباشرة وسط غابة لستاركس لي خلف القصر …)

ساندرا كاتشوف حواليها غير الاشجار ) فين غاديين الشمس قربات تغرب غايظلام لحال …

جبار ابتاسم ) الليلة غانبقاو بوحدنا وسط الطبيعة (واختفى تاني وظهر فمكان أعمق فالغابة وبالضبط أمام خيمة كبيرة منصوبة فمكان خاوي وسط الأشجار وقدامها مشعولة نار ضاريرين بيها وسادات جنبهم طاولة كبيرة بها اطباق مختلفة … وأيضا ضايرين بالخيمة أعواد كبيرة معلقين فيهم شعلات نارية مضويين المكان كولو )

ساندرا وسعات ابتسامتها ) :واو إمتا وجدتي هاذشي …

(جبار تقدم كايتمشى وهو هازها حتى دخل بها للخيمة لي كايتوسطها سرير كبير عليه علب وضايرين بيه الشموع والورد الأبيض والأحمر منثورين بثلاتهم فكل مكان …حطها فوق السرير وجلس جنبها )

جبار : كنتمنى تنساي كل شيء ولو لهاذ الليلة وتستمتعي بالجو والطبيعة…(وهز علبة من العلب حلها جبد منها عقد مرصع بحبات الألماس على شكل دمعة ..كاتتوسطهم بلورة كبيرة خضراء من ياقوت حر حتى هي على شكل دمعهة …عقد كولو كايلمع ركبوليها فعنقها ..وبعدها هز العلبة الثانية جبد منها حذاء كعب باج لامع وسمطة ديالو من ألماس …خذا رجلها اليمنى كيلبسها)♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 648🕯
ساندرا ساهية فيه وكاتحسس بيدها العقذ لي فعنقها) جبار …

(جبار لبسها الفردة الأولى باس رجلها وهز الفردة دالرجل الاخرى كيلبسها ) نعام ..!

ساندرا : مامقلقش مني ؟ أحم قصدي على موضوع اللعنة ؟

جبار شاف فيها ) باين فيا مقلق ؟

(ساندرا سرطات ريقها وحركات راسها بلا )

(جبار سد سمطة الحداء وقرب منها حتى تقابل وجهو مع وجهها ونطق بهمس )

جبار : إذن مامقلقش…

(ساندرا سهات فبريق عيونو الزرق …وهو دار نصف ابتسامة ودور يدو حول خصرها وهزها بين يديه خرجها من الخيمة وجلسو هو وهي فحظنو على الوسادات امام النار كايتأملو السماء والغروب )

ساندرا : جبار…

جبار : ششت ماتسولي والو وماتهضري فوالو… عيشي اللحظة معايا …..

ساندرا : ولكن..

جبار قاطعها ) ماشي عيب تخافي ولكن عالأقل خلي خوفك للحظة لي خاسك تخافي فيها …وكنواعدك أنه فهاذ اللحظة غانكون معاك وماغانخليكش تخافي …فا ماتخليش خوفك وتفكيرك فالمستقبل يلعبو بك وبحياتك ونفسيتك …عيشي اللحظة بلحظتها يا ساندرا ..ولكل حاجة وقتها …وأنا دائما معاك غانكون درعك ومحاربك وحاميك وقوتك فكل لحظة وخطوة وفكل وقت …) ( دور يديه حول بطنها ) ودابا خلينا فقط نعيشو هاذ اللحظة بدون أسئلة أو مشاكل …

ساندرا دورات راسها شافت فيه ) شكون حنا ؟

جبار :أنا ونتي وتوأمنا (وباسها ففمها ويديه على بطنها كايتحسس طاقات توأمو وهي ابتاسمات وخشات راسها فعنقو وتنهدات براحة )
🍀🍀🍀🍀

وفنفس هاذ اللحظة نرجعو للقصر وهاذ المرة فجناو وسيم …سماح واقفة كاتمشي وتجي وواضح عليها التوتر حتى ظهر أمامها وسيم )

وسيم : سماحتي لبسي نخرجو نتعشاو برا …

سماح :لا …

وسيم : مالكي ؟

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 649🕯
وسيم : مالكي ؟

سماح : أووف وسيم ديني لعند شي طبيبة او عيط على طبيبة سميحة …

وسيم شد يدها ) علاش اش واقع اش كايضرك ؟

سماح : واالو لبيريود دورتي تعطلات عليا بأربع أيام عمرها تعطلات تابنهار منهار بديت لبيلول ولات كاتجيني منتظمة ومزيان هاذي هي لمرة لولا …

وسيم خررج عينيه وغووووت وهو ينققز ) ويييي …

سماح قفزات ) أناري مالك ؟

وسيم وقف متدارك لنفسو ) :أحم والو ..

سماح : كيفاش والو مالك فرحان وقلتي وييي بحالا مركيتي شي بيت …

وسيم :وراه مركيييتو ودخل فلكوول نيشان ..

سماح :أووف ماشي وقت ألغازك دابا واعيط ليا للطبيبة ولا ديني لشي جينيكولوغ …

وسيم : اشمن طبيبة راه لعشيا هاذي أجي احبيبتي تجلسي ( وشدها من يدها جرها للسرير جلسها)

سماح :إذن عيط ليا لطبيبة سميحة راها غير فالقصر ولا عرفتي شنو حيد نمشيليها بوحدي (وجات تنوض ولكنو جلسها)

وسيم : لا هاذيك طبيبة دسمييحة ماشي دسماح..

سماح خنزرات فيه ) وسييم واش كاتسطى عليا أحيد خليني نشوف عنداك يكون عندي خلل فالهرمونات ولا هاذ لبيلول ليكانشرب دارتلي شيحاجة…(ويالاه غاتنوض تاغوت وسيم)

وسيم : سمااااح اشنو هي لا عندك ها قلت لا هي لا ممنوع تقيصك شي طبيبة …

سماح هزات فيه حاجبها ) وعلاش ؟

وسيم كيضور فعينيه) حيت كنغار عليك …

سماح دفعاتو ووقفات ) من نيتك تغار عليا من طبيبة امرأة بحالي بحالها ..هاذي جبار ومادارهاش …

وسيم : واصافي بغيتي غا دم تجيك دابا تجيك غاتهناي …(وقرب منها يالاه غايبوسها وهي تبعدو)

سماح : حيد عليا راه تقاداتلي لكينة …

وسيم : لهاذ الدرجة مابغياش تولدي مني…

سماح :ماشي ماباغياش نولد منك بل ماباغياش نولد دابا وراه هضرنا فهاذشي ألاف المرات …

وسيم : أوك ودابا لبسي نديك تعشاي برا …

سماح تنهدات وهزات مونكو لاحتو عليها ) زيد ..

وسيم شد يدها وخرجو من الجناح ) مشهية شيحاجة …

سماح : غاليكان …

وسيم :زعما مامشهيا والو مايمكنش…

سماح : وعلاش غانتشهى أصلا مافياش جوع غابغيت نبدل الجو ..

وسيم : وراه خاسك تشهاي هانتي غانبقا نقول سميات الاطباق لي كايعجبوك على الله تشهاي شيواحد ونديك تاكلي منو بزاف بخااطرك…

سماح شافت فيه ) امكن راني دايرة ريجيم…

وسيم(حل ليها السيارة ) : لا ممنوع الريجيم خاسك تاكلي ومن ليوم ممنوع تنقاز ولكومبا ليكاتلعبي معايا بغيتك غاتجلسي وتاكلي …

سماح شداتو من عبقو قاجاه ومزييرة عليه ) دابا لاش بغيتي توصل ها يحسابليك راسك مطور ولا شنو وااااراني عااايقا بيك أشلاهبي كادير معايا خصايل جدو زيدان حسابليك غاتوكلني مخ ضبع أبربي تارعف خويا واترجل معايا …

وسيم لي كايتخنق وهو كيحاول يفكليها يديها ) هداي هداي نشرح ليك هداي …

سماح طلقاتو ) يالاه شرح شهاد لخصايل ….

وسيم كايحك عنقو ) وصلنا للقجان ولكن عبرت فيك دكشي لي درت ليك باش تعرفي راه هضرتي مكاتعاودش …وبغيتي ولا كرهتي قراراتي انا هومااا لي غايكونو

سماح غوتات ) أتا نوووض واراني مزال فيا غير 49 كيلو هاك (قلزات ليه ) يحسابليك واعر غاضل تعلف فيا تانطباز وراني عااايقا بيك باغي تغلضنييي وريجيمي مغانحيدووش بغيتيها طبووزة سير قلب عليها أنا الأنوثة والرشاقة يالاه …

وسيم كايحط ذقنو ) دابا فهمتي من هضرتي أني باغيك تغلاضي ؟

سماح : اه علاش اش كاين اخر ؟

وسيم نطق بهمس ) وكايقولو على جوجو ديالي غبية (رجع حل ليها السيارة ) ركبي ركبي نديك تاكلي شاورما ولا باستيشيو ولا ليلازان …

سماح غوتات ) غناااكل صلاد فروي والله لاغلاضيت ليك…(وركبات)

وسيم : هاحنا غنشوفو (وركب وكسيرا ) ….
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 650🕯
🍀🍀🍀🍀🍀🍀

●○ نحتاج لمن يفهم أنَّ عصبيّتنا ليست بطبع …وحزننا ليس بنكد…
وعتابنا ليس إفتعالاً للمشاكل…
فسلاماً على الذين إن خاننا التعبير
لم يخُنهُم الفهم ، و إذا أفسدنا مفرداتنا هم
أصلحوا نواياهُم.
●○JS●○
بعد مرور يومان ….
وصباح يوم حفل عيد ميلاد زليخة ….
الساعة 9 صباحا …فجناح جبار ….
ساندرا خرجات من الدوش لاوية عليها فوطة وأخرى على شعرها …كاتمشى حانية راسها وغير هزاتو وقفات مكانها كاتشوف أمامها ووسط الجناح محطوطة مانكان عليها طقم ملكي راااقي اونسومبل من الحرير فالأبيض الشاحب ب بوليرو ديالو مرصع بالعقيق الأبيض واللؤلؤ والجوهر الحر الأزرق …ومحطوطة جنبو على لفوطوي علبة فوقها حذاء كعب أبيض بصاكو …. ساندرا وسعات ابتسامتها وهي كاتتأمل الفستان لي كالعادة كولو مستور ومن اختيارو بذوقو الراقي …يالاه غاتتحرك ناحيتو حتى عنقها من الخلف وحط ذقنو على كتفها العاري ….

جبار : عجبك ؟

ساندرا وعيونها على الفستان ) كايحمق كايبان ملكي …

جبار : حيت لي غاتلبسو ملكة الصنفين وملكة قلب الجبار …

ساندرا ضحكات حتى تسدو عويناتها ..وهو باسها من كتفها العاري وهزها فحظنو بخفة)

جبار : ودابا نلبسو باش نلتاحقو بالباقين فاليخت …

ساندرا : اول مرة غانحضر لتصوير إشهار ولأشهر وأجمل مودل خليل وهاندا تاهيا زوينة بزاف جات معاه…

جبار قاطعها بأنو خنزر فيها ) سكتي أحسن قبل ما نخسرليه جمالو وإشهارو بسبابك …(وزاد كايتمشى مخنننزر ومعصب …. وساندرا مبتاسمة وهي كاتتأمل حروف وجهو لمخنزر ….جبار لي فعلا نجح فهاذ الخمس أيام لي مرو ينسيها كل همومها ويخرجها من الحالة النفسية المتأزمة لي كانت فيها ..والأهم نجح يرجع ليها ثقتها فنفسها لي تزعزعات من نهار عرفات راسها حاملة … وهاذشي خلاها ترجع صحتها وماعاوداتش جاتها نوبة الهلع أو أعراضها …. وطبقات كل ماقالوليها نهار خيمو فالغابة هاذي يومان …..((^ عيشي اللحظة معايا ..ماشي عيب تخافي ولكن عالأقل خلي خوفك للحظة لي خاسك تخافي فيها …وكنواعدك أنه فهاذ اللحظة غانكون معاك وماغانخليكش تخافي …فا ماتخليهش خوفك وتفكيرك فالمستقبل يلعبو بك وبحياتك ونفسيتك …عيشي اللحظة بلحظتها يا ساندرا ..ولكل حاجة وقتها …وأنا دائما معاك وغانكون درعك ومحاربك وحاميك وقوتك فكل لحظة وخطوة وفكل وقت …)…فا ساندرا مابقاتش هازة هم اش غايوقع او أش مصيرها …ولات كاتستاغل كل لحظة ليها مع جبار وكل لحظة كاتحس فيها بطاقة المتحول دأجنتها داخلها وهي مبتاسمة ….//فا نخليوهم يلبسو ونمشيو ل …..
🍀🍀🍀🍀
ونمشيو لجناح هاندا هاذ الأخيرة لي جالسة قدام مراية كوافوزها وزليخة واقفة جنبها..ومرال جالسة فلفوطوي كاتشوف فيهم ….)

زليخة مربعة يديها ومخنزرة فهاندا ) دابا غير قولي ليا كيفاش غاتصوري هاذ الاشهار ونتي كولك صفرة وكترعدي غير بوحدك هاذشي ودرتي اكتر من خمس بروفات تمثيل ياحصرا …

هاندا غير كاتسرط فريقها وهي كاتشوف فانعكاسها على المراية ) خفت لا مايصدقش ونحشم بخليل ..

زليخة : وعلاش بسلامتك ماغايصدقش ؟

هاندا دورات راسها شافت فيها ) خفت زعما لمانجيش مع خليل …

زليخة هضرات بعصبية ) شفتي خليل داائما غايبقا هاز خنافرو معاك لسما عرفتي علاش ؟

هاندرا :ع ع علاش ؟

زليخة : حيت نتيييي حاكرة راااسك سواء من ناحية جمالك والا جمال شخصيتك وقانعة راسك أنه خليل زوييين علييك وطوب عليك فكولشي…فا إيلا نتي منقصة من نفسك ومصغراها قدامو كاتوقعي هو غايعطيك شي قيمة شينهار ؟
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 651🕯

زليخة : حيت نتيييي حاكرة راااسك سواء من ناحية جمالك والا جمال شخصيتك وقانعة راسك أنه خليل زوييين علييك وطوب عليك فكولشي…فا إيلا نتي منقصة من نفسك ومصغراها قدامو كاتوقعي هو غايعطيك شي قيمة شينهار ؟

هاندا حركات راسها بلا ) أنا مامنقصاش من راسي أنا فقط كنبغيه وبزاااف كتر من رااسي يا زلخية وبغيتو يتيق هاذشي …أما من ناحية الجمال راه هاذي هي الحقيقة هو زوين عليا …

(زليخة يالاه غاتغوت عليها حتى تداركت نفسها وأن معاهم مارال فالجناح ..تنهدات وهي كاتشوف فمارال لي أصلا مامسوقاش ليهم حانيا راسها على هاتفها كاتهضر بالشاط مع خطيبها …)

(زليخة ردات نظرها لهاندا وهي تشد ليها وجهها بين يديها وهي ضور ليها راسهة بالجهد ناحية المرايا حتى تأوهت هاندا )

هاندا :أيييي…

زليخة : إيلا كاظني فعلا أن خليل زوين عليك فا كانصحك تبقاي محنززة لنهار عالأقل فوجهك وفورمتك فالمراية عالله تشوفي شحال نتي زوينة وشيء آخر عمرك تقارني جمال رجل بجمال امرأة …

هاندا تنهدات ) كاظني غاننجح …

زليخة :غاتنجحي وكانظمن ليك غاتكوني أحسن وأجمل مودل صورات مع خليل طول مسيرتو… وهاذشي غايكون بشهادت خليل نفسه وحتى جمهورو ودابا نوضي خاس نمشيو …

مارال وقفات وتمشات حتى قربات منهم ) يخت اللورد واجد وطاقم التصوير وصلو وكايوجدو الخلفية فا حاشنا نمشيو ….

هاندا : واش خليل لي غايوصلني …؟

مارال :لا خليل راه مع طاقم شركتو فاليخت غايولصلنا خويا عصمان… (مرال وعصمان اخوة بالرضاعة اذن هاندا تعتبر أخت مارال)…

زليخة : قصدك غايوصلك خوك عصمان (وشدات هاندا من يدها جراتها) أنا غانركب فسيارتي ومعايا هاندا ( وجراتها وخرجو ..مارال قلبات عينيها وتنهدات وتبعاتهم وهي كاتهضر بهمس )….

مارال : نتي وهو خاس لي يسد عليكم فشي بيت تحت الأرض السابعة ويخليكم تما شي عام عاد يحل عليكم… فا يا غايلقاكم تزاد عندكم ولد وعايشين الحب يا غايلقا واحد منكم قتل الاخر …

🍀🍀🍀🍀
ونرجعو لجناح جبار هاذ الأخير لي بكل أناقتو ..ببودي أحمر نص كم وجينز ازرق وسبرديلة كري مع نظارات شمسية ..واقف أمام لبالكون دجناحو كايطل على الحديقة وهو ساهي حتى بدأ هاتفه كايفيبري فجيبو ..جبدو بلا مايشوف شكون شد الخط …)

جبار : نعام ؟

سليم : معاياش غاتجيو

جبار :دابا شويا …

سليم تنهد ) واش متأكد ؟

جبار : آه …

سليم : آه فعلا سميحة تحسنات حالتها ولكن الليدي ساندرا مانعرف واش غات…

جبار قاطعو ) ساندرا أقوى ببزااف من لي كايبان عليها يا سليم ..راه غير الحمل مأتر على نفسيتها …فاهذا هو الوقت المناسب باش نلاقيوهم …مابقيت غانأجل حتى حاجة ….

سليم : واخا …..

جبار قطع ..رد هاتفو فجيبو وشاف فساعة يدو ونطق بصراخ )

جبار : ساااندرااا….

اترك تعليقا