Skip links

قصة : الوحش وذات القزحتين الجزء 2 ( عشق جبابرة) ج66

 33,615 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 627🕯
🍀🍀🍀
ونمشيو عند سليم لي بعدما اختفى ..ظهر فجناحو .. لقا مو جالسة جنب سميحة لي مزال كيما هيا ووضعها استاقر ..قرب منهم وجلس جنب شيماء….وبجوجهم كايشوفو فسميحة

شيماء شدات يدو )هي غاتكون بخير أحبيبي …

(سليم حرك ليها راسو بآه..وهي شافت فيه ..شافت فعينيه نظرة ملخصة للقهر و الحيرة والألم والتعب والضياع ..نظرة عيون ولدها المحطمة خلات قلبها يرجف …. فا قاومات دموعها وبدالهم ابتاسمات فوجهو .. وجراتو لحظنها لي كان محتاجو وعنقاتو مزيرة عليه وهضرات بكل ثقة )

شيماء : كل شيء غايولي مزيان أسليم وسميحة غاترجع صحتها وغاتولي أحسن من كيكانت ونتا وياها بجوج تابعاكم حياة طوييلة غاتربيو ولدكم وتكبروه وتفتاخرو بيه ..فا لي كانطلب منك أحبيبي هو تيق فجبار يا سليم …يوقع لي وقع تيق فخوك ودير اش كايقوليك بعينيك مغمضين …تيق فيه كليا ووقف معاه وفصفو فكل قراراتو …حيت جبار مستحيل يدير شيحاجة تقدر تآذيك يا سليم واخا يعرف يضحي براسو ومايآذيكش …

(سليم لي مغمظ عينيه براحة فحظنها وكل حرف كاتنطق بيه كايختارق كيانو …لدرجة حس بذنب كبير منلي تفكر النبرة والاسلوب باش كان كايهضر مع جبار….

شيماء بقات جالسة معاه مدة طويلة حتى فات منتصف الليل … وحتى حساتو تهدن عاد ناضت ودعاتو وخرجات ..وهو قرب من سميحة
وبقا كايتأملها لدقائق مطولة كايسترجع كل لحظاتو معاها..ابتسامتها لي مكانتش كاتفارقها ونشاطها وحيويتها حديثها الطفولي الأنثوي معاه لي توحشو بشدة حيت ولات أغلب وقتها غير ناعسة …وموافقتها على كل طلباتو وأوامرو وكلمة واخا لي مكاتفارقهاش.. أوقات تعصابها عليه وبكائها بسبب الخنقة لي كايدير ليها من غيرتو .. .. زبايلها وبكائها من بعد .. …. فلحظة استرجع كلها وأدق تفاصيلها لي توحشهم بشدة …..الشيء لي خلاه حط يدو على بطنها وحنا راسو وبداو دموعو كايطيحو بزز منو وهو كايحس انه كايخسرها كل نهار أكتر من نهار لي قبلو … وهاذ الإحساس كايضغط عليه لدرجة ولا كايحس أنه كايخسر نفسو معاها …. زيير على عينيه ووقف كايتنفس بعمق بعدما مسح وجهو بيديه..بقا واقفبلاصتو لثواني حتى حس نفشو تهدن ..وبعدها اختفى من مكانو)
🍀🍀🍀🍀

داخل جناح جبار …هاذ الأخير لي جالس على فوطوي قدام سريرو ..كايتأمل فساندرا لي ناعسة ..وكايلعب فيديه بمفتاح عين التنين لي عطاتها خالتها …ودماغو خداااام كايفكر ….حتى حس بطاقتو …. وبقا كايتسناه يدق الباب لخمسة عشر دقيقة ….
جبار تنهد وحط المفتاح جنب..و وقف لبس بودي نص كم كان محطوط جنبو وتحرك ناحية باب جناحو لي غير حلو بانليه سليم واقف بتوتر …)

جبار : ربع ساعة ومادقيتيش !

سليم سرط ريقو وهو ماقادرش يشوف فيه) ماقدرتش …

جبار واقف بثبات كايشوف فخوه لي واضح عليه الارهاق لا النفسي والا الجسدي ..ولاحظ حتى عينيه الحمرين ) : علاش جيتي يا سليم …

(سليم هز عينيه شاف فخوه ..وللحظة مشاو عينيه لمور جبار داخل الجناح ..بانتليه من بعيد ساندرا ناعسة وخيط الصيروم معلق فيدها…فا حنا راسو وسكت)

جبار تنهد ) : غير تفيق يا سليم غانسولها فا …

سليم قاطعو ) ماشي هاذشي علاش جيت ..أنا جيت باش نعتاذر …هضرت معاك فالإجتماع بأنانية ولكن بدون قصد مني ماكنتش واعي لا لآش كانقول وا لا لنبرة صوتي معاك و..

جبار قاطعو بأنه حط يدو على كتف خوه ) نتا معذور يا سليم فا مابغيتكش تعتاذر مني بغيتك تيق فيا ..

سليم ابتاسم ) وأنا تايق فيك (ورجع شاف فساندرا ) كانظن أنا ونتا عندنا نفس القدر يا جبار… ولي هو أننا نتفرجو فعشقنا كايذبل وحنا حتى مافاهمينش السبب و عاجزين …

جبار : نتا غالط يا سليم … أنا ونتا ^كجبابرة عندنا نفس التحدي فأننا نحاربو أي شيء وكل شيء حتى قانون الطبيعة …فسبيل عشقنا^…فا مابغيتش نشوفك ضعيف يا سليم يوقع لي وقع وشحال ماخديتي من ضربة خاسك تنوض وتكمل معايا الحرب مهما كانت النتائج ….

سليم ابتاسم وعنقو ) وأنا معاك أصاحبي وغانكملو هاذشي حتى للأخير وحنا لي غانربحو …

جبار : عارف ومتأكد من أننا غانربحو يا سليم

سليم : أنا كانتراجع عن طلبي..فا خلي الليدي ساندرا حتى ترتاح وتوقف على رجليها ديك الساعة نشوفو كاملين واش غاتقدر تفك لينا لغز كلام هذاك الساحر ….

جبار ابتاسم وحرك راسو بواخا ..وبعدها ودعو سليم واختفى …..)♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 628🕯
بعد مرور تلاث أيام ….ووسط المحيط الهادي …لي كسر هدوئه يخت آلبرت السريع …هاذ الاخير لي قضى هاذ التلاث أيام كلها فالإبحار باش يرجع لجزيرتو ..جزيرة معاشر السحر الأسود دآل جوفر الجزيرة المنسية …… مشغل السائق الآلي وواقف فمقدمة يختو ..وكايشوف فجزيرتو لي مابقاليه والو ويوصل ليابستها ….

آلبرت لي طول هاذ التلاث أيام مانعسش … ماشي حيت خسر عشرة من أقوى وأعظم سحرته لي أصلا ماتسوقش ليهم ……بل مااانعسش وكيفاش غاينعس بعدما شاف هذاك الجنين المعجزة ..لي بالنسبة له جنين إيلا تولد غايكسر *نبوءة ساحرة* وهاذشي لي عمرو وقع من قبل …و ولادة هاذ الجنين غاتعني دمار كتاب التعاويذ السحرية لي هاز داخلو #الشيء الوحيد لي ممكن يظمن للسحرة القوة والغلبة والسيطرة على العالم كولو ماشي غير على صنف المتحولين وصنف الهجائن ..وهاذ #الشيء هو تعويذة الخلود ….أما إيلا مات فبطن أمو …فهذا غايكون أكبر نصر للسحرة عبر التاريخ …حيت موتو كايعني أن كتاب التعاويذ ماتدمرش ..وأن المتحولين خسرو جنين معجزة لي بالنسبة ليهم ..هو نقطة تفوق الربح و القوة… بل نقطة فخامة وفخر وعظمة غاترفع صنفهم ..صنف المتحولين..و للمرة الألف من الصنف الأكتر قوة إلى الصنف العظيم الراقي الذي مستحيل يتقارن ….

وعلى كل هاذشي آلبرت كايتسنى غير امتا يوصل لقصر الزجاج ديالو باش يعقد اجتماع مستعجل ويقول لكل قادة وكبار معاشر السحر الأسود ..عن الجنين الأول للجيل التالث دآل ستارك …وبعدها آلبرت يأمر بحشد كل ساحر وساحرة ..كبير كان أو صغير او عجوز ..من أجل المعركة …حيت آلبرت عزم الآن وقبل أي وقت آخر على الهجوم على المتحولين وبالضبط على قصر آل ستارك …حيت هو عارف أن ساندرا تقدر فأي لحظة تكتاشف داكشي لي هو اكتاشف ….

وآلبرت خايف أنها بعدما تكتشف أمر جنين سميحة تنوض تدمر الكتاب باش تحميه ..الشيء لي هو مستحيييل يسمح به فا بالنسبالو هذا هو الوقت المناسب للهجوم وأخد ساندرا والكتاب مهما كانت العواقب… واخا يعرف يضحي بكل ساحر وساحرة فمعشرو ويبقا غير هوا بووحدو خالد …وواخا يعرف يحرق الأخضر واليابس باش ياخد المختارة وكتابها السحري …حتى أنه فهاذ التلاث أيام بنى خطة محكمة وذكية نوعا ما لهاذشي …..♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 629🕯

خطة آلبرت المحبوكة والذكية ولي كاتشمل أسااسا استغلال البشر بتعويذة الخضوع ..يخليهم خاضعين ليه كليا كدمى زومبي ويضيفهم لجيشو من السحرة باش يزيد عدد محاربيه …حيت هو عاارف مدى تقدير المتحولين للبشر وأن أسمى قوانين المتحولين هي ممنوع أذية البشر..و ان أي متحول كايآذي بشري بدون وجه حق يعدم …وأن وحدة من أولويات المتحولين هي حماية البشر وإبعادهم كليا عن كل ماهو خارق للطبيعة وإخفاء قواهم عنهم….

خطتو ودرسها مزيان ..وطاقتو السحرية وشحنها كليا …فا بقالو غير يوصل ويعلن هاذشي قدام كل معاشرو ويجمع جيشو ويتوجهو للمغرب …للحرب لي بالنسبالو …مربووحة حيت غايستخدم فيها المكر …..

آلبرت لي واقف فمقدمة يختو السريع ابتاسم بعدما قرب يختو لليابسة ..فا حبسو واختفى من مكانو بتعويذة تنقلو ظهر وسط الغابة دأكبر جبل فالجزيرة لي كايتواجد قصر معشرو فالقمة ديالو (الجبل) ..والمسمى بقصر الزجاج ..وهو افخم بناية فكل الجزيرة حيت مبني كولو من الكريستال .. ..وبعدها اختفى آلبرت تاني من الغابة وهاذ المرة ظهر مباشرة فوسط جناحو الفخم فقصرو … ويالاه غايتوجه لحمامو يدوش ..حتى وقف مكانو باستغراب منلي حس بشيء غريب ….وهو انعدام أي طاقات سحرية فقصرو ..الشيء لي ثار استغرابو حيت فقصرو كايعيشو اعضاء معشرو او عائلتو لي أغلبهم كبار فالسن من جدو أعمامو وخوالو وولادهم لي كبار ونسائهم ولي كلهم عبارة عن مستشاريه ..إلى جانب السحرة من حرس قصرو والآخرين خدم قصرو..كلهم سحرة ….أي الطبيعي هو انه يحس بكل طاقاتهم …لكنو يتحسس اللاشيء ….

آلبرت تحرك بخطوات سريعة وخرج من جناحو وبقا غادي فكولوارو حتى وقف مكانو منلي حس بطاقة سحرية ..جاية من احد الأجنحة …تحرك كايجري ناحيتها وتفاجأ انها صادرة من جناح خوه التوأم لي نفاه وأمرو يبعد عن كل مكايتعلق بالمعاشر والجزيرة ككل …آلبرت لي غير حل الباب بانتليه واقفة شبه عارية لابسة غير فيست رجالية فالأبيض فايتة مؤخرتها بشويا ….بقا واقف مكانو كايشوف فيا وهو مافاهم والو ….حتى استدارت شفت فيه )

آلبرت : جوليا !

جوليا : جيتي ….

آلبرت : أ آش كاديري هنا (شاف السرير مخربق ) واش نعستي هنا ؟♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 630🕯

آلبرت : جوليا !

جوليا : جيتي ….

آلبرت : أ آش كاديري هنا (شاف السرير مخربق ) واش نعستي هنا ؟

جوليا سرطات ريقها ونطقات بتوتر )أ أ … آه أحبيبي أحم ياك هاذ الجناح بقا خاوي فا خديتو حيت هو أقرب جناح لجناحك …

آلبرت تنهد)كان ممكن تبقاي فجناحي راك غاتولي مراتي ..(وقرب منها عنقها وبغا يبوسها ولكنها بعدات وجهها عليه )

جوليا : خاس ندوش ونبدل حوايجي …

آلبرت : فين الخدم والحرس وعمامي وخوالي وعلاش كانحس غير بطاقتك السحرية بحالا بوحدك فهاذ القصر ..؟

جوليا سرطات ريقها ) حيت كاينة غير أنا فالقصر كولو …(وحنات راسها شافت فيدو لي ملوية عليها فاصمة ) أحم فين السحرة الأقوياء العشر لي ديتي معاك ؟ واش رجعو وفينهم

آلبرت : لا كلهم ماتو من غير ماثيو وديان لي شدوهم المتحولين …وبلاتي مافهمتش كيفاش بوحدك فالقصر فين الباقين ؟

جوليا تنفسات براحة منلي سمعات منو أن السحرة العشر كلهم ماتو أي أنه رجع بوووحدوووو ..شافت فيه وابتاسمات ) هم فقاعة المجلس أسفل القصر …

آلبرت خنزر فيها ) كيفاش هم فالقصر وعاد قلتي نتي بوحدك ..وإذا كانو فالقصر علاش مكانحسش بيهم ها ؟(شد دراعها بعنف ) أشنو وااقع يا جوليا …

(جوليا لي كاتشووف فيه وهي ساهيا كاتتفكر نهار مشات عند ثيون لكوخو الخشبي لي كان مخبي فيه من خوه ..وهو نفسو اليوم لي بين ليها ثيون نيتو وآش ناوي يدير فخوه ..وهي قالت له بالحرف …)

#فلاش_باك…

ثيون غووت ) إذن كييييفاش غاتستنزف لقل..وي أنااا…

جوليا لي كاتماصي عنقها بيدها) الحل لي عندك لابغيتي تستنزف أكتر… هو تهجم على الجزيرة المنسية ملي مايكونش آلبرث فيها هو وهاذوك العشرة دالسحرة الأقوياء لي تايكونو ديما ضايرين بيه …

ثيون شاف فيها مديق عينيه وهي وقفات وقربات منو شدات يدو ) نتا عارف انه واخا تستنزف حتى ألف قوة ..استنزافك كايتلاشا أمام توأمك ..أي نتا تقدر تواجه أي ساحر ومتحول بكل الطاقات لي استنزفتي وتطحنهم …ولكن غير غاتوقف قدام آلبرت مغاتقدرش تواجهو .. منغير بطاقتك ديالك الأصلية فقط ……كل الطاقات الأخرى لي مستنزف تتلاشا أمام توأمك وهكذا كايكونو توأم السحرة …كايقدرو يستنزفو آه ولكن مستحيل يآذيو بعض بالطاقات لي استنزفوها …..ونتا وانا عارفين أنه لاتحطيتي نتا وآلبرت فنزال شكون غايغلب ..
. هو غايغلبك وبسهولة أثيون يعني واخا تستنزف تاتعيا غايبقا هو أقوى منك …فا خلي حتى يخرج من الجزيرة المنسية وهجم عليهم واستنزف كمل المئة طاقة …

ثيون مبتااسم : آه قوة طاقاتي لي استنزفت فعلا كاتتلاشا قداام آلبرت ….وطاقتو السحرية أقوى مني ولكن أزوينة هاذشي مكايعنيش مغانقدرش نغلبو …

#نهاية_لفلاش_باك (رجعو قراو الجزء 461 ديال ثيون وجوليا حيت هو جزء مهم بزاف وكلام او افتراضات ثيون فيه على الكتاب وألكساندرا ومكان تدمير الكتاب …غايبداو يوضاحو واش صحاح او غلط )

آلبرت شافها سهات وغووت ) جووولياااا …

(جوليا سرطات ريقها وهي كاتشوف فآلبرت ومحاملاش يديه لي شادها بيها وانه قايصها ..و خايفة على حبيبها من خوه ولكن خاسها تكمل وتطبق كل ماهي مأمورة به بالحرف … فا نطقات بثقة )

جوليا : بغيتي تعرف أشنو واقع يا آلبرت فا هبط للتحت لقاعة المجلس …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 631🕯

آلبرت شافها سهات وغووت ) جووولياااا …

(جوليا سرطات ريقها وهي كاتشوف فآلبرت ومحاملاش يديه لي شادها بيها وانه قايصها ..و خايفة على حبيبها من خوه ولكن خاسها تكمل وتطبق كل ماهي مأمورة به بالحرف … فا نطقات بثقة )

جوليا : بغيتي تعرف أشنو واقع يا آلبرت فا هبط للتحت لقاعة المجلس …

آلبرت : هاذيك القاعة خاصة بالاجتماعات لي أنااااا كانأمر بانعقادها فا كييييفاش يتجرؤو يجتامعو بلا بيا وبلا اذني…

جوليا بعدات منو ) سير سولهم (ونطقات بهمس ) هاذشي لاجاوبوك ….

(آلبرت جا يشدها عندو ولكنها بعدات منو الشيء لي زاد فاستغرابو )…

آلبرت : مالكي واش مقلقة مني حيت غبرت هاذ الأيام ..كانعتاذر ..(وجا يعنقها لكنها تحركات في اتجاه دريسينغ ونطقات وهي غاديا )

جوليا : االا مامقلقاش احم أنا غانلبس ونلحق عليك سبقني للقاعة …

(آلبرت تنهد وبكل ثقة فيها وفكلامها واختفى من مكانو بتعويذة تنقلو قاصد قاعة المجلس…لي غير ظهر وسطها …جمد مكانو بالصدمة ….وبزز سرط ريقو وهو مخرج عينيه ومامستوعبش اش كايشوف لدرجة حك عينيه وهو كايتمنى مايكونش هاذشي بصح ويكون غير التعب دالإبحار لي لعب عليه وخلاه يشوف هاد الوهم الكارثي …ولكن لا ..هاذشي لي قدامو حقيقي وأكتر من حقيقي …هو فعلا واقف وسط أكواااام من جثث السحرة لي كلها مستنزفة السحر .. جثث دأعمامو خوالو وولادهم حتى الأطفال منهم والرضع..وزوجاتهم و جدو وعاد جثث حرس القصر وحتى الخدم وبعض من قياد المعاشر ….كلهم كانو سحرة ولاو جثث متكدسة مستنزفة السحر مليوحين بعشوائية شي فوق شي …جثث لي بداو كايطلقو رائحة كريهة …وضحات لآلبرت أنه ماشي عاد تقتلو ..بل على أقل تقدير نهار هو خرج من الجزيرة ومشا للمغرب هو نفس النهار فاش تقتلو …..

آلبرت شرد فهالجثث بصدمة …ومافاق من شرودو حتى سمع موراه التصفيق …وغير استدار بانليه ..آه هو …خوه …ثيووون …توأمووو لي أصغر منو بدقائق …خوه لي عمرو اعتابرو أخ بل كان من دييما معتابرو ابن…ابن لي من نهار تولد وهو كايدير غير فالمشاكل والزبايل لي كان باهم وكبار معشرهم فهذذاك الوقت ماغايرحموهش لولا آلبرت وحمايتو له ….خوه لي دابا صفاها لكل عائلتهم وكل السحرة لي فالقصر وربما فالجزيرة كولها …خوه لي دابا جالس قداامو وبكل وقاحة جالس ليه فكرسي دالرئيس ..وكايشوف فيه بنظرة كلها غطرسة وتكبر…

ثيون نطق مبتااااسم) surprise bro

آلبرت : ن ن نتا آ آشنو د درتي …

ثيون : والو غير شطبت ليك القصر … (ووقف وحل يديه ) مرحبا بيك فقصري الجديد كيجاااك (وسد نيفو ) يعني بلا هاد ريحة الجيفة ….

آلبرت لي يدأ كايتنفس بسرعة وغووت ) وااااش حمااااقيتييي هااا كييفاااش تتجرأ…٤

ثيون لي كايهضر بكل برود ) شششت غييير بشويااا عليك الأعصاب خايبين ليك …

آلبرت : لا لا نتا أكييد حمااقيتي…

ثيون :دابا حيت بغيت نولي أنا هو أقوى كيان خارق و أقوى من هذاك جبار لي سرق مني حبيبتي… وليت حمق …(ضحك بهيستيريا حتى دمعو عينيه وبزز سكت من الضحك ونطق بلغواات ) شوووووف فياااااا ياااا آلبرت ياااك نهار اقتارحت علييك نبداو أنا وياك استنزاف طاقات سحرتنا باش نزيدو قوة منعتيييني و كنتي قلتي لياااا أن جسدي ماغايتحملش نستنزف هاااا وحيدتي ليا كل صلاحياااتي و نفييتي حتى أنك سيفطتي مورايا كلابك يشدوني باش تلوحني فالسجن الأرضي … فا شوووف فياااا دابا شووووووف أنا استنزفت كل طااقاتهم ( وأشار للجثث) وكل طاقات سحرة معشر الكاناما ومعشرين آخرين فاااا حزر فزر شحاال من طاقة ولا عنديييي دااابا bro …

(آلبرت غيير كايشوف فيه … خووه لي تبدل عليه و بزاف كل عروق جسدو كلهم منفوخين وبارزين ..وعينيه حمرييين ودخلو ومحاطين بهاالات سوداء داكنة …وعظلاتو مضوبل حجمها بطريقة مخيفة …عاد لون بشرتو لي سمار ..أي أنه ولا كالوحش …)

ثيون كايشوووف فيه كيفاش ساهي فيه الشيء لي خلاه ابتاسم من حالت خوه وفرمشة عين اختفى من مكانو لي كان جالس فيه وهو كرسي آلبرت دالرئيش …وظهر مباشرة أمام خوه …

ثيون : مئة وتسعة وأربعون طاقة سحرية لي عندي ومزال غانزيد طاقة باش نكمل 150 …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 632🕯

ثيون : مئة وتسعة وأربعون طاقة سحرية لي عندي ومزال غانزيد طاقة باش نكمل 150 …

آلبرت : علاش …

ثيون هز فيه حاجبو )

آلبرت : ياك منهار بديتي تتدرب على سحرك ولا هوسك هو جبار ..ديما حاضيه ديما متبع اخبارو وأخبار قواه واستنساخو وتداريبو ..ديما كاتقول وتعاود انك بغيتي تفوتو فالقوة فا براافو هانتا فتيه فا علاش غاتزيد استنزاف ها واش مكاتشوفش راسك فالمراية أنك وليتي كالوحش وجسدك قرب ينفاجر بسبب حجم الطاقة لي هاز..باراكا راه غاتقتل راسك …

ثيون مبتاسم وحط يدو على كتف خوه ) :ماعمرك تتبدل واخا كاتشوف فيا دابا وكاتحس بعظمة طاقتي مزال كاتشفق عليا وتبين ليا أنك خايف على خوك الصغير …. ماتخااافش bro غانزيد غير طاقة وحدة فا ماتخاافش على خوك عااارف اش كاندير …وبعدها غانقتل جبار غااااتنقتلووو وأنا كنشوف فعينيه غانطيرلو رااسو وغانتبع ليه كل لستاااركس وغاناااخد ساندرا دياالي وبعدما هي تطبق تعويذة الخلود عليا غاندمها مزياااااااان حيت اختارتو عليا …وملي نولي كيان خالد ومتميز بكل هاذ القوة والطاقة السحرية لي عندي غاندوز على كل العشائر دالمتحولين كنواعد ماغانخلي حتى متحول او هجين حي …(وحيد يدو على كتفي خوه ) المهم هاذشي لي غايوقع وهاني قلتوليك فا ماتحتاجش تحضر ليه …..

آلبرت ديق فيه عينيه …وثيون ابتاسم بشر ويالاه غايحط يدو على دراع خوه حتى تمتم آلبرت بتعويذة الإعصار ..تعويذة لي خلات رياح قوية عاصفية تخرج من يديه وتضرب ثيون لي تههز بقوة وتدفع لمسافة عاد تخبط مع الحيط وطاح كايتوجع)

آلبرت غوت صاااااعر حيت عاد فهم نوايا ثيون تجاهو ) : من نيتك باغي تواجهني وتستنزف طاقتي هاااا..؟؟ نسيتي أننا توأم وواخا تستنزف حتى ألف طاقة غانبقا أقوى منك .. حيت كل طاقاتك لي استنزفتي كايتلاشاو قدامي وماتقدرش تواجهني غير بطاقتك الأصلية لي أصلا أضعف بزاف من طاقتي ..

(ثيون لي بزز وقف شاد كتفو فاش كلا الدقة ..وضحك باستمتاع)

آلبرت تحرك قاصدو وهو صاعر ) كنت غااالط بزاااف ملي فكرت أنه قلبك فيه ولو درة أخوة تجاهي ولكن أنا داابا غاندددمك غااانوريييك كيفاش تقتل بني ضنفك وعائلتك غاااندمك عن كل ساحر استنزفتي طاقتو غااااندمك ..

(ثيون غير كايضحك بدموع الشيء لي عصصب آلبرت)

آلبرت :علالاش كاااضحك…

ثيون : ههه حيييت الشيء الممتع فكل هذا أنه لدابا مازال كايحسابلييك أنك أذكى مني .. هههههه آه نسيت ههههههه
نتا داااائما هو القوي الذكي نتا لي كان باانا كايهزك ويفتاخر بيك قدام باقي المعاشر ويقووليهم أنك نتا هو خلفو ونتااا ليغاتجيب ليهم تعويذة الخلوود …نتااا لي غاتخلي من السحرة صنف لا يقهر ..نتاااااا لي عطاك هذاك الشارف دبانا وقدام كل المعاشر كرسي الرئاسة باش تشد بلاصتو بعدما يمووت ..نتاااا هو الآمر والناهي دالسحرة ..نتا هو أساس معاشر السحر الأسود نتا هو الكووونت الأول وأناا (غووت بحررقة ودموعو كايطيحو ) وأناااا هاااا وأناااااااا أنا شنووو أناا شنووووو …أنا ظلك ياااك أنا التوأم المنبووذ .. والطفل لي كايعرف غير يدير المشاااكل يااك والمراهق الطاايش يااك … أنا الساحر الضعيييف لي طاقتي ماهي إلا نصف طااقتك يااك ….أنا الناقص ونتا الكاامل أنا المعيووب ونتا المثااالي أنا لي كاناخد النقد والنهر والاحتقار ونتا الثناء والتصفيق والشكر ..(غوت بطريقة هستيرية ) علالاش هاااا جاااوبني علالاش يااااك بحاالي بحاالك ياااك تولدنا فنفس الوقت يااك عنصرنا السحري واحد وهو أقوى العناصر (الهواء ) حتى فالشكل كانشبه ليك وبزااااا فااا علاش تكوون حسن منيييي هااا علالاش هاذ كومة الجثث ليكاتقول عليهم عائلة كاااانو كايبغييوك نتااااا علاش هذااك الشااارف دبانا حطك نتاااا الكونت الأول وأنا الثاااني هاااا علاش يكووون كايبغييك نتا كتر منيييي أنااااا …علالاش ….

آلبرت لي وقف مكانو فقط كايسمع لخوه سرط ريقو ونطق ) ماشي بصح لواليد عمرو فضل بيني وبينك وأنا عمرني نقصت منك بالعكس كنت دائما كنقي موراك زبايلك ونتستر عليك قدام باقي القياد ونصلح أغلاطك و..

ثيون قاطعو وهو كايغوت بأعلى صوتو لي كايتردد صداه فكل هذاك القصر لكريستالي ) هذااا بحد ذااتو تنقييص منك ليااااااا …ولكن دير فباالك ممكن تكون فعلا قائد أحسن مني وفعلا أقوى مني ومحبوب من طرف السحرة أكتر مني ولكنك عمرررك عمرررك يا آلبرت كنتي أذكى مني …

آلبرت تنهد وخنزر فيه ) قول لي بغيتي هاذ المرة يا ثيون ماغانغطيش عليك ونتستر على جرائمك (واشار للجثث ) غاتتحاسب على هاذشي …

ثيون : ههه اشنو زعما غاتقتلني …

(آلبرت نطق بتعويذة النار ويديه شعلو بالنار )
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 633🕯

(آلبرت نطق بتعويذة النار ويديه شعلو بالنار )

آلبرت : آه حيت تستااهل وغانستنزف منك طاقتك وكل الطاقات الاخرى لي استنزفتي باش تحس حتى نتا بكل هاذو لي استنزفتي اخر ذرة من طاقاتهم حتى مااتو…

ثيون : دابا غير رصي يا bro ..واش بغيتي تقتلني باش تعاقبني ..ولا طامع فطاقتي مع الطاقات لي استنزفت …

آلبرت غوت ) أنا ماااشي بحاالك فا ماتقارننيش بييك…

ثيون : اه نتا غبي عليا عرفتي علاش( وابتاااسم باستمتاع ) حييت كايحسااب ليك أن السحر والتعاويذ والطاقة هم الوسيلة الوحيدة للقتل ولكن كاين بزااف دالوسائل ومنهم ( وغوت ) جوووووولي….

( وفلبلاصة ظهرات جوليا مور آلبرت بفستان أحمر قصير عاري ولامع …وبزربة خشاتليه إبرة فعنقو فرغاتها فعروقو …حتى خرج عينيه وبزربة استدار شاف فيها وهي بعدات منو …
وقبل مايحرقها بنارو ..اختفات من مكانها تاني..و ظهرات جنب ثيون لي كايضحك….أما آلبرت اختل توازنو وطاح على ركابيه شاد رقبتو وهو كايشوف فيهم بجوج..بصدمة وبزز نطق )

آلبرت : ج ج ج جو ل ي ا …

(جوليا عنقات ثيون هاذ الأخير لي حط يدو على مؤخرتها كايبعج فيها وخشا راسو فعنقها كايبوس وهي عجبها الأمر ونطقات وهي كاتشوف فآلبرت )

جوليا : سوووري ولكن نتا لي غبي مافهمتش كيفاش تيقتي طول هاذ السنين أنني كانبغيك وأنا عمرني أصلا ديتها فيك انا كانبغي غيير ثيوون وهو لي طلب مني نغويك ونرتابط بيك باش نبقا نزودو بكل معلوماتك وأخبارك وخططك لي كنتي مكاتبغيش تشاركو فيهم حيت كنتي كاتشوف انه شخص غير كفئ …

(آلبرت لي تكا على الأرض حيت كل جسدو شل عن الحركة ..حتى فمو مابقاش قادر يحركو ..فقط كايشوف فيهم ويسمع فكلامها لي طاغي عليه التأوه حيت ثيون غير كايبوس فيها )

جوليا : كانبغيك اجوليا كنموت فيك أجووليا غاتكوني نتي هي الكونتيسة إلى جانبي يا جوليا غانردك خالدة يا جوليا وتحكمي معايا العالم يا جوليا (عوجات فمها )وبلا بلا بلا بلا ناري بزز كنت كانتحملك ونتا والا بغيتي تفهم راسك أما فاش كنتي كاتقيصني ( وسكتات كاتأوه منلي بدأ ثيون كايلمس فصدرها..نطقات وهي كاتتأوه) كنت كانتخيلك ثيوون و كنقول غير امتا تطلق مني باش نمشي نترما فأحظان خوك ونشبعووو وننسيه فهاذيك المختارة ….

(ثيون لي غير سمع كلامها الأخير وتفكر ساندرا …دفعها عليه مخنزر فيها ..وتحرك حتى وقف على خوه المصدوم والمشلول …وتحنى ققازي قدامو )

ثيون : شفتي الحالة لي وصلتي ليها راسك ياك قلت ليك أني أذكى منك …آه فعلا كون دابا تواجهنا بالسحر كنتي غاتغلبني وبسهولة ولكن لقيت طريقة أسهل لقتلك وبلا مانخسر عليك حتى درة طاقة ..(وهز الحقنة لي لاحت جوليا على الارض وراها لآلبرت ) حقنة كان فيها سم العنكبوت الأرملة السوداء …سم كايتسبب فشلل فوري ولكن الموت كايكون بعد ساعة… أكيد أخوية منقدرش نقتلك مباشرة حيت خاسني وقت لإستنزاف سحرك قبل ماتموت وتديه معاك …( وجلس على الأرض جنبو وشد يدو ..وبدأ كايستنزف سحر خوه ..هاذ الأخير لي خرررج عينيه)

ثيون شاف فجوليا ) خليني بوحدي مع خويا فلحظاتو الأخيرة مسكين…♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 634🕯

ثيون شاف فجوليا ) خليني بوحدي مع خويا فلحظاتو الأخيرة مسكين…

(جوليا ابتاسمات ليه وقرباات منو تحت أنظار آلبرت تحنات باستو)

جوليا : غانتسناك مع الباقين فالساحة وبعدها اش بانليك نمشيو لأقرب دولة نسهرو ونحتافلو (وغمزاتو عاد اختفات ..وثيون شاف فآلبرت وبدأ كايهضر معاه وهو كايمتص أو يستنزف سحرو فنفس الوقت )

آثيون : كنتي كاتبغيها ياك لا وناوي تتزوج بيها بفف كنتي مكلخ فراسك كنت حتى كتنشبع فيها ح..ا عاد كانسيفطهاليك تشبع تانتا ح.. وهي لقح../بة عاجبها لحال بيناتنا و كاتقوليا نتا حسن من خوك فلح..ا … (وحنا راسو شاف فوجه خوه لي مخرج عينيه ) شتتت ماتبكيش مايبقاش فيك لحال حيت أصلا كلهن قح..ب/ات..و مكايناش بحال ساندرا ديالي (وسهى مبتااسم ) كانت بريئة ونقية وحشوومية وغير كل لبنات لي صادفت فحياتي هي كانت غير كانقرب منها كاتزنك وتتوتر وتبعد …كانت رقيقة وطاهرة لدرجة مكاتخلينيش حتى نشد يدها … بزز كانت تركب معايا على دراجتي النارية..وبزز كاتبقى معايا فالبحر حتى يظلام لحال …(وسع ابتسامتو وهو سااهي كأنها جالسة قظامو ) شعرها المموج ..وابتسامتها الخجولة وحشمتها وكلامها القليل وخوفها …كل شيء فيها كان كايبهر… نتا سيفطتيني نحضيها ونخطفها ملي تعطيها الشارفة دجداتها لكتاب ولكن صدقات هي لي خطفات عقلي وبغيتها وتمنيتها وعمرني فكرت نقتلها كنت عارف راسي نقدر نقنعها تجي معايا لهنا وتبطق تعويذة الخلود علينا وتكمل معايا حيااتها ..ولكن نتا حرمتيني منها وبينتيني ليها كالوحش نهار سيفطتي ليا كلابك ناتاشا ودريكور … حتى فالمهمات لي كنتي كاتكلفني بيهم كنتي مكاتيقش فيا وتسيفط مورايا سحرتك ..بسباااابك هي هربات مني لعند المتحولين (وزييير على يد آلبرت لي كايستنزف منها وغووت وهو كايبكي ) نتااااا لي حيدتييها لياااا ولحتيها فحضن جبار نتااا لي عطيتيه حبييبتي على طبق من ذهب نتاااا وحيت كنتي عااارفني بااغيها حيدتييها ليااا كعاادتك تاملي كنا صغاار أي لعبة أنا كانبغيها كاتاخدهااالي (وسكت من لبكاء ابتاسم ونطق بهدوووء )شفتي بحالها يا آلبرت ليخاسك تبغي ألغبي بحالها نقية وطاهرة ونتا لاسق ليا فالقح..ب/ة دجوليا لي شابعة زب..و/با .. وباغي تزوج بيها ولكن مايبقاش فيك لحال حيت قريبا غانقتلها و نتبعها ليك (وضحك بهستييريا ) أصلا خليتها حية هي و شي مئة والصرف سحرة آخرين…و لي غير خويتي الجزيرة ودخلت ليها أنا بعدما صفيتها لهاذ الحمير دعمامنا وخوالنا والقياد دبعض المعاشر تاهوما حيت عارضوني … أما السحرة الاخرين دالمعاشر ..والقياد لي ماوقفوش فطريقي بالخوف تحناو ليا فا فكرت أني نخليهم حيين غير باش نهار تبغي ساندرا ديالي تطبق تعويذة الخلود عليا تلقا باش تضحي حيت خاسها مئة كيان خارق …

(آلبرت لي بدأ لونو يشحب وتنفسو كايديق ..بدا يتخنق وجسدو كايرجف بقوة )

ثييون شاف فيه وبدأ كايدوز يدو الأخرى على شعر خوه) شششت مابقاش بزاف دلوقت ونكمل اتسنزاف ونتا هووب غاتنقز منهنا ديريكت لجاهنام ..

(آلبرت بزز بدأ يحرك شفايفو وبزز كاينطق الحرف بصوت هاامس وضعيف)

آلبرت : ج جب ج..

ثيون : شنو واش عندك شي أمنية أخيرة قبل ماتودع (وتحنى حط أذنو امام فم خوه باش يفهم ويسمع اش كيقول )

آلبرت : جب جب ار غ غ ي قتل ك ب أب بأ ب شع طر طري طر يقة ك ك ت ت خيل ل ه ا وي ويلا ه هو ما ما قد ق قدرش ع ل عل عليك ف ف فا غي غاي ق ق تلك ه هذ هذاك ا ل ل الجن.. يين ….
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 635🕯

ثيون هز راسو شاف فخوه ) جبار يقتلني وجنين ..أم صافي بديتي تقطع الورقة للجحيم أخوية…وزربان ععلى عمرك أنا نزرب عليك (وغمظ عينيه وهو كايسرع فوتيرة استنزافو وكايحس بكل درة طاقة سحرية دآلبرت كاتتزرع فجسدو وغووت ) غييير سسيير تحرق فالجحيم بووحدك أنا تابعاني حياة أبدية نعيشها وصنف على قدو دالمتحولين نمحي لجد بوهم الأثر ..وعشائر سحر خير نستمتع بتعذيبهم … ومختارة نشبع فيها اغتصاب ..
وكرة أرضية نحكمها ..ومعيز نضحي بيهم…. /قصدو بشر /(وبدأ كايضحك بهستيييريا فحين آلبرت لي مخررج عينيه بدأ تنفسو كايقل شويا بشويا حتى تقطع فمرة ومع انقطاعو …طلق ثيون من يديه وحنا راسو شاف فجثة خوه الذابلة )

ثيون : بالنسبة ليا الفوز فالمعركة بيناتنا كان للأذكى اخويا ( ووقف وهو كايحس داخلو بكل طاقة من طاقاتو ال 150 السحرية ) بقيتي ليا نتاااا ياااا لورد ستااارك والفوز فالحرب بيناتنا غايكووون للأقوى ….(وابتاسم بشر..وتحنا شد جثة آلبرت من رجلو ..واختفى من مكانو ظهر فوسط ساحة كبيرة فالقرية دالجزيرة المنسية نيت …وبالضبط أسفل الجبل لي عليه قصر الزجاج ….الساحة لي كانت عامرة بالسحرة دكل المعاشر لي بقاو ومنهم اقوى مئة ساحر كان خلاهم آلبرت حارسين الجزيرة … ولي خلاهم ثيون حيين حيت بالخوف منو ما اعتارضوش طريقو ولي أغلبهم رجال ..وداكشي لي زايد عن مئة بعض الأطفال والنساء …ومعاهم جوليا …..

ثيون لي غيير ظهر قدامهم وهو هاز جثة خوه …مباشرة لاحها ليهم وسط الساحة وغوت )

ثيون :من اليووووم أنااااا هو الكووونت الأول ديااالكم سمعتوووو…وهناااا كلمتي أنااااا لي غاتمشى وأوامري أنااااا غير قااابلة للنقااااش …كيااني هاز 150 طاقة سحرية لي بيها وبيكم قريبا غانقدرو ناخدو المختااارة وتعويذة الخلووود ….

(وبداو السحرة كايغوتو ويهللو بفرح ويصفقو ….حتى قاطعهم ثيون )

ثيون : حاليا ممنوع تتحركو خارج هاذ الجزيرة أو تتصرفو بدون أوامري ..حتى نعطيكم الأوامر بخصوص خطوتنا القادمة …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 636🕯

ثيون : حاليا ممنوع تتحركو خارج هاذ الحزيرة أو تتصرفو بدون أوامري ..حتى نعطيكم الأوامر …

(وبداو السحرة كايغوتو تاني بفرح ويصفقو ويصفرو ويتعانقو حيت كل واحد فيهم حتى أصغر طفل كايحس بطاقة ثيون المرعبة فا ولا بالنسية ليهم الساحر الذي لا يقهر والشخص لي غايخليهم خالدين …حيت وكما سبق وذكرت الساحر دالسحر الأسود كيما كان سواء عجوز امرأة رجل طفل طفلة أو شابة أو شاب كايبقى عندو هدف واحد ووحيد طوول حياتو… هو يسعى خلف تعويذة الخلود شنو ماكانت النتائج والتضحيات ….السحرة يهللون وحتى أن بعضهم بدا يشطح …وثيون واقف كايشووف فيهم ويالاه غايهضر حتى حس بنخصة قوية شداتو ..لدرجة شد صدرو جهة قلبو بألم وهو مخرج عينيه وكان غايطيح لولا جوليا لي شافتو وبسرعة عنقاتو باش مايردوش ليه لبال باقي السحرة ونطقات بهمس )

جوليا : ماالك ؟

ثيون بزز نطق وهو كايعرااق ) م م ماعرفتش د ديني من ه هنا س سربي …

جوليا :واخا ألقي بتعويذة تنقلك غاندعمك بسحري ونلقي تعويذة تنقلي تانا …(( ثيون بزز نطق بتعويذة التنقل هو وجوليا فنفس الوقت… // هي ماتقدرش تتنقل بيه الساحر يقدر ينقل فقط راسو وماشي يتنقل بغيرو ..لابغا ينقل غيرو خاسو تعويذة أخرى لي هي النقل وليس التنقل ..كمل سبق وشرحت وطبقها سام ) جوليا وآلبرت بتعويذتي تنقل كل واحد منهما واختفاو ظهرو فقصر الزجاج تاني وهاذ المرة فجناح ثيون لي مباشرة تكا على سريرو كاينهج لونو صفر وكولو عرقان ومزال شاد قلبو )

جوليا :كنظن هذا هو حد استنزافك يا ثيون لازدتي استنزفتي ولو طاقة وحدة غاتموت ….

(ثيون لي كان ناوي وطامع يزيييد يستنزف ولو طاقة السحرة الأطفال لي بقاو فالجزيرة …تعصصصب من حقيقة أنه وصل لحد استنزافو ..وزاد عصبو الألم لي كايحس بيه داخل جسدو ..شاف فيها مخنزر )

ثيون : ق…ودي من قدامي بغيت نرتاح …

جوليا بدات دوز يديها على صدرو وبالأخرى كاتهبط سميطات الكسوة حتى بان كل صدرها ) نريحك أحبيبي …

(ثيون لي بالأعصاب لي فيه والألم باش كايحس مد يدو شدها من بزولة وجرها بقوووة وهو ضااغط عليها حتى غوتااات بألم )

ثيون : قلت ق…وديي…

جوليا لي قرب يطيرها ليها بزربة تمتمت بكلمات تعويذة التنقل واختفات هاربة )
🍀🍀🍀
وفنفس هاذ الوقت ولكن هاذ المرة فالمغرب وبالضبط فجناح سميحة …هاذ الأخيرة لي جالسة على سريرها وأمامها طاولة عامرة بأشهى الأطباق كتاكل والطبيبة والممرضة ديالها جنبها…

سميحة خدات زيف مسحات فمها وشافت فالممرضة ) صافي شبعت غاهزي الطبلة من قدامي …

الطبيبة : ماكليتي والو أمدام ..

سميحة ابتاسمات ليها ) كليت علاش قديت غاخليني ماديريش ليا بحال سليم كايبقى يبزز عليا ناكل ناكل تكنحسني غانفاجر وغانرد كولشي ..

(الطبيبة ابتاسمات ليها وحطات ليها فيدها تلاث حبات دواء ومدات ليها كأس ماء )

الطبيبة : دابا دوائك دبعد الغذاء…

سميحة تنهدات وشافت فيها ) حتى لإيمتا غانبقا نشرب هاذشي مابغيتوش…

الطبيب : مثبتات حملك وفيتاميناتك ضروريين تشربيهم بانتضام طول فترة حملك أمدام …

(سميحة تنهدات وحطات يدها الأخرى على بطنها وهي ساهية فالادوية …حتى تحل عليهم الباب ودخل سليم مبتاسم وهو هاز علب دالهذايا)

سليم شاف فالطبيبة بنظرة فهماتو وحركاتلو راسها بآه وبعدها هو ابتاسم ونطق ) غير خرجي غانعطيها دواها بنفسي …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 637🕯

سليم شاف فالطبيبة بنظرة فهماتو وحركاتلو راسها بآه وبعدها هو ابتاسم ونطق ) غير خرجي غانعطيها دواها بنفسي …

(الطبيبة خرجات ..وسليم جلس قدامها شاف فعيونها الدامعين وابتاسم )

سليم : مال باربي المبتسمة ديالي حزينة…

سميحة شافت فيه ووراتو حبات الدواء لي فيديها ) مابغيتش نشربو عييت منو ريحتهم خايبة وكايخليولي لمرورة ففمي مابغيتهمش … بغيت نوقف و نخرج ونتمشى أسليم قنطت وعييت ومليت من نعاس ….

سليم لي على ابتسامتو ..حط يدو على بطنها ) غير صبري بقا ليك على الولادة أقل من ست أشهر وتتهنااي من كل هاذ الوضع ومن الأدوية ..

سميحة ميلات فمها وعينيها بداو يطيحو بدموع ) مايحسابليش الحمل صعيب هكا أنا مابغيتش نعاود نحمل أسليم …

سليم خدا يدها باسها وبدأ يمسحلها دموعها وهو محافظ على ابتسامتو بزز قدامها أما داخلو كيبكي الدم) وأنا كنواعدك عمرني نعاود نحطك فهاذ الوضع مرة أخرى أو نجازف بيك (وتحنى باس بطنها ) حنا باراكا علينا غير هاذ الصغير ولا الصغيرة ماغانزيدوش غير تهناي …

سميحة بزز نطقات بفمها كيرجف ) : ويلا ماكمليش الحمل ومات الجنين ولا أنا وقعاتلي شيحاجة وم…

سليم قاطعها بصراخ ) سمييحة صافي سكتي أو بدلي هاذ الموضوع …

سميحة ابتاسمات ومسحات دموعها وشدات يدو ) واخا اشنو بانليك تخرجني اليوم للمول عافاك …

سليم تنهد ) سميحة ممنوع عليك توقفي كليا …

سميحة : وراه وليت بيخير والله وياك الطبيبة ديالي قالتهاليك قدام بابا وماما وعمو جاسم وعمتو شيماء …..هي قالت أن وضعي تحسن فهاذ التلاث أيام بشكل ملحوض وحتى من جنيننا رجعو انتاضمو دقات قلبو وهاذشي اكدوليك حتى اللورد جبار …

سليم :آه ونسيتي أنهم هو والطبيبة قالو أن أي ضغط ولول بسيط خطير عليك وخاسك الراحة التامة …

سميحة تنهدات ) واخليني نمشي غاعند ساندرا نشوفها حيت تاهيا طول هاذ التلاث أيام مريضة وغير فجناحها ماشفتهاش كاع كايجيو عندي غير لبنات …

سليم : حتى الليدي ساندرا خاسها الراحة وحتى هي جبار مانع عليها تنوض من السرير يعني وضعها تقريبا بحالك ودابا باراكا من لهضر و شربي دواك ..

(سميحة تنهدات ويالاه غاتلوح لكينات ففمها حتى شافت فسليم باستغراب )

سميحة : بلاتي هنا تلاثة دلحبات وأنا مور لغذا كنشرب غاجوج تالليل عاد كنشرب تلاثة فا ديالاش هاذ الحبة التالثة ؟

سليم : ونتي غاتعرفي حسن من الطبيبة ؟ عطاتك تلاثة فاشربي تلاثة يالاه ( وشدلها كأس الماء قربو لفمها حتى شرباتهم ) مزيان ودابا ندوزو لآش جبتليك (وهز علبتين وحدة كبيرة ووحدة صغيرة دمجوهرات…حطهم قظامها )

سميحة وسعات ابتسامتها ) عاوتاني لي كاضووو ياك جبتيلي لبارح وولبارح وولبارحين و..

سليم قاطعها ) وغدا وبعدو ومنهنا لعشر سنين ونزيدك عليهم عشرين سنة آخرين ولا تلاثين حتى ماتبقا فجيبي حتى درهم ..

اترك تعليقا