Skip links

قصة : نور الياسين جزء 62

 25,831 عدد مشاهداات

🦋نور_الياسين(1136)#فرصة_ثانيةsana mina🐺🦋
بقفطان جوهرة الحرة فلون المسك الكريمي مخيطة براندة فالصم ذهبي خفيف والبريد (نوع من راندة) ومعمرة بالعقيق جايا طويلة تالتحن ومسانترية بلا حزام على فورمتها باقا كريشتها شوي خارجة حتى تبرا وتدير رياضة باش ترجعها وترجع تاكتيفا من جد وجديد فحياتها …صايبات ليها رميساء شعرها بالبلاك ولتحت دارت ليه بابيليز ….
عاد جات هاجر دارت ليها ميكاب خفيف اكتفات ليها بايلاينر ماسكارا وايشادو مابين ذهبي وخوخي خفاااف بالكاد كيبانو ومع بياضها ناعم كتبان كيوت …عاد فوندايشن ليكيد (سائل) غير طبقة فقط وعكر غوز خفيف فوقو كلوص لامع …وفغاجو خوخي…
هاجر : ماتكحليش ؟
نوار : معرفتش …
رميساء : تاتهبطي وكحلي من صينية الي مصايبة ماما والي فيها سواك …
هاجر : ياك غايديرو تحناك ولا شنو قلتي ليا ؟
نوار : لا مغاديش يهبطو البنات غاطلع ميمة نجود تكحل ليهم وتنزل مابغاش ياسين نهبطهم وانا نيت منهبطهمش …
هاجر : مزيان بنادم عينو خايبة …
مينة “دخلات تاهي لابسة قفيطين صومو سامبل وهازا رضاعة ولدها” : يلاه ناس بداو يجيو …
نوار : مزيان ياك مادخل حد لدار ؟
مينة : غير عايلة خالتي سارة ونجوى صافي شي لاخور كلشي مشا لبنية الي برا حسن من داروها دراري ….”شافت فالبنيات ملبساهم كل وحدة قفيطين فيه خمسة سنتيم ههههه ديال جوهرة يالالة فحال مهم غير هما جوهرة فالغوز نعماس وراندة ودايرين سنيسلاتهم وكرامطهم فيهم سمياتهم يالاااالة وهزيهم وهربي وخطفيهم لباهم ومهم …” ونانا على خالتي ونانا على رابعة ديال لحم …”تحنات باستهم كانو فايقات نيت كملو عشر ايام من عمرهم حلو عويناتهم وباقي ديك تلوليبة ديال عينين هي النضرة الي ولفوها فالكرش ” الله …
مشاو البنات وبقات مينة مع نوار تا تدق الباب كان ياسين الي دق وخا بيتو خاف لاتكون شي وحدة كتبدل عند نوار واستاذن .تا قالت ليه غير يدخل ودخل …ابتاسمات ليه مينة سلمات عليه ومشات خلاتهم مع مشافهمش من الي فاق لفجر حتى لدابا مع جوج ديال نهار عاد دخل وشاف نوار والبنيات الي خذاو ليه العقل …
ياسين”باس جبهتها وجلس حداها تا تكا على ضهرو وساط بتعب” : الله …
نوار : عييتي ؟
ياسين”حرك راسو” : كنت فمراكش …
نوار : ساليتي داكشي علاش مشيتي ؟
ياسين”حط ايدو ورا ضهرها كيمسح عليه” : ساليت معايا الوليد منوحلوش …مهم الغرض تقدا …
نوار : غايفرح مسكين ههههه
ياسين : يستاهل لو لقيت كتر منفرطش…”صغر عينيه كيشوف فوجهها مبدل ” شنو فوجهك ؟
نوار”حطات ايدها على حنكها ونطقات بعفوية وكياتة ” : غيييير شوي المكياج غانهبط نسلم عليهم ومبغيتش نبان بوجهي صفر بالعيا …”قوسات فيه حجبانها”
ياسين”حك شنايفو بسنانو واحد لحضة تا قالت غايقوليها نوضي غسليه هههه ” : ماعليش “قبط ايدها باسها وتكعد ضار يشوف بناتو الي حالات عويناتهم وساااكتات مهدنات مسبقات الهدوء فصغرهم مامحنينهاش كيفيقو غير يرضعو ولا الى تقلقو من ليكوش وينعسو صافي ” بابا …
نوار : سااكتاات ههههه
ياسين : ربي حفضهم …”باس ايدياتهم بزوجات جمعهم وخشا وجهو فكفوفهم صغيورين الغوز وبقا يبوس …تا ناض على وقفتو ” انا ندوش ونجي نتكا حداهم عيان بينما نيت ساليتو هاد العجب الي دايرين …
نوار : واخا …
مشا يدوش وخرج لبس غير بوكسر وشورط وتلاح فناموسية متكي كيقلب فالتيليفون تا دقات يامنة الباب الي كانت لابسة قفطان فالبيج وجامعة شعرها لايحة شال باهمال …شدات فيها وتمو خارجين …نزلات ببليغة ديال صم مطروز فيها ورجيلاتها منقوشين ناهيك على ايديها تاهما نقش خفيف ودايرة كوليي ديال ذهب طوانگ وسنسلة مبرومة ووسط منها قلب وگورميط خذاهم ليها كادو ديال الولادة هو الي قاليهت حلي المجر غاتلقاي شي حاجة فيه كان هو الكادو …وخاتم مارياج الي عندها ديجا …توجهات لجيهة البنية لقات ماماها تاهي بقفطان ومعاها البنات وسارة ونجوى اما نجود دخلات لداخل مع العيالات مقادين طوابل على حقهم وطريقهم تنضيم راقي وخا فالدوار كلشي متول تريتور جا من مراكش …مع دخلة كتسمع صوت طارة كتعاود وتزكا يعني كيوجدو باش يبداو غير ساعتين تلاتة سوايع ويعطيوهم ياكلو ويضحكو حيث طلبة غايكونو بالليل وغايجيو رجالة كاين الي غايجي باش يهني بسلامة ياسين كلو من الموت …مع بانت ليهم وهي تنوض وحدة من العيالات …
صلااااة وسلااااام على رسول الله …تا كملات وطلقوها بزغاريت خلاوها مزنگة وحشمانة خطاويها تفاوتو ههههه حيث كانو الاعين كاملة عليها هالي تتشوفها من ساسها راسها هااي حسداتها حيث مزوجة بالفحم ديال دوار واحد من اسيادو …هالي كانت حاطة عليه العين داتو ليها نوار هههه …هالي عجباتها وصلات عالنبي وها وها ….
واااااااااااا عندو زين عندو الحمام دايرو في دارو وعندو زين عندو الحمااااااااااماااا….
علي”سبق رجل وايد مدها ودور راسو فور ماسمع ببداية الغنية حيث ضارو لور باش يكونو قراب” : هااديييييييييييييك اختي سمية هاديك هااا
اشرف”قاد لكول ديال تيشرت ولز تريمتو بزربة ودور راسو كي طرينبوية ” : هااحااااح …
اسامة : اللهم العمش ولا العمى “زعما اللهم يزهاو لور على هادو ولا كون دوزوها غا صدقات” سييير سيري يانوار لهلا يهرس فيك شي عضم ..
علي : هضرات ووفات اما كنا ندوزوها غا مد طاس لعربي لخماس الي كلا وحك سنانو بصبعو …
#يتبع…🦋نور_الياسين(1137)#فرصة_ثانيةsana mina🐺🦋
بداو اللعابات كيغنيو وناضت وحدة كتشطح ودور على العيالات يعلقو ليها جات عند مينة وعكوزتها وهزات البوط وقالت وهي كتهز فيه شافت فمينة الي شبه رمسيس واضح عليها …
سمية : نتي خت الفحم …
مينة : ههههه بنت عمو اش تغني عليه وتخلي راجلي ؟
سمية : اش سماه الله ؟
مينة : رياض”هزات من بزاطمها ميتين درهم علقاتها ليها اييييييييوى شداتها اغنية وحدة مكاين غا رياض يعطيك صحة رياض محنت عشرة هاك بلاك مسالات تا تشقلبات وجات رجلها ممدودة عريانة وزيف شبكة طاح على شعرها الكحل “
سمية : جات عليك ابا رياض …
نوار : هههههههههه صورتي فيديو يشوفو …
ماجدة : صورتو انا ههههه لهلا يخطيك الاللا سمية …”عاودات علقات ليها تاهي “
جات نوبة كل وحدة عطات على راجلها وتشجعات سارة وهي تعطي تاهي ميتين درهم ونطقات سمية الي كتعرفها …
سمية : سي المحامي صهيب نسيب دوار الله ودي ..”ضارت عندهم وطلقات حلقها المبحوح فحال راجل وقالت ” وهادي فخاطر شهيب لهيب با صهيب المحامي …
علي”كان منغامس تا فرانا ” : اويلي الوليد ؟! صبر صبر نعيط ليه …”صونا ليه فالبلاصة جاوب” والوليد واسمع سمع عطيني وذنك …
صهيب : اش تما امسخوط ؟
قرب تيليفون وقربو نيييت ورا البنية وخلاه يسمع الغنا عليه …حتى نطقات وحدة من لعابات وقالت …
سمية : واااش كلشي زعر ولا غير شعر يااا سارة …
علي”تزنگ” : ععععن …
اشرف”حبس ضحكة” : هخخكم …
اسامة “عض شنايفو وصدرو بدا يطلع ويهبط حابس ضحكة” : نههههه
صهيب : المسخ المسخ …
سارة “غوتات والمصيبة تيليفون ولدها حداها مع البنية ماشافتوش را كاين تا قربات ليها سمية الميكرو ” : واااملط ملط هههه
علي”صرفق حناكو اما اشرف تنشر ليه فلارض كيتمرمغ بالضحك “
اسامة : ههههههههههههههههههههههههههههه
صهيب”خرج عينيه” : اويلي على بتلكلب …واهضر مع مك تسكت يسكت ليها ريح اولدلهم عاجبك الحال …
علي : احم ها صبر تسنا …
سمية”حيدات الميكرو خلات غير بيناتهم ولكن را كلشي كيتسمع لعلي وصهيب فتليفون ” : ياااا واش الموطور نحيلة ولا نهيلة ….
علي : صافي الوليد سير …
صهيب”غوت تا قفز علي” : صبااااااار نشوف مغميتك “مك” اش تقول …
اشرف”تكا عالخزانة سخفان” : واااامي على سرسورة …
سارة : الموطور شغلي بيني وبين زماني صهيب “صهيب تكرشخ عالكرسي بافتخااار نعماس هز فنجان قهوتو كيشرب فيه “: متمتتت احح بيضة العينين ديالي …
سارة : ايوى ايام شباب راني درت بيه ولادي ودابا راني نعاني …
صهيب”خرج عينيه وكاع ديك القهوة رشرشها على الوراق تا خرجت ليه من منخرو”
علي : ويلي ويلي …”قطع عليه فالبلاصة ” قاودتيها ميمتي …
اسامة “كيكحب ويضحك تا سخف اما اشرف راه مات هذاك …” : هااااحاااح اميمتي …
اييييوى ندوزو لالة يسرى الي علقات تاهي ونطقات اسم يوسف …فالبلاصة عيط ليه اسامة يسمع تاهو …
اسامة : صبر وعطي وذنك وسمع العميم …
يوسف “خاشي وجهو فشي وراق ويستف فيهم” : اشاوا نسمع امسخوط ؟
سمية : هااااادي فخاطر سي يوسف رمسيس …
يوسف”سمعها وهو يفرنس” : ههخخخ شكون هادي اياو ؟ ايحفضاااك …
اسامة : طلق ودنيك غايغنيو عليك وتغرم عليك يسرى …
يوسف : احبها ديك يسرى احبهااااااا …
سمية : واااا سيدي يوسف هاه
يوسف”كيرد عليها من تيليفون” : هاااه …
سمية : واااا زين شيبة وهاااه …
يوسف : هاااه …
سمية : وااا يسرى مولات دارو هاااه والهازة همو وزينها زين يحنت عشرة هاااه وعمرو مايخيب هاااااااهاااه …
يوسف : هاادييييك هااااهاه …يسرى جوتييييم (شكون سمعك هههه ) …زيدش اش خور …
سمية : يوسف مهلي فيك شي ولا غير الفرشي …
يسرى : مهليييي تا فات القياس الحبيب ديالي …
يوسف : كنبغي موك ينعلديلموك …”حك على صدرو” تاتجيني تاتجيني وناكلك فحبيز …
سمية “ضارت عندهم” : وااااكاين الشي وراه قضا على الفرشي سيدي يوسف لمعمر عيني لالة يسرى هااااااها “ردو عليها ورد عليها تا يوسف” …
يوسف : هاااهاه …”خبط فوق البيرو”
سمية : شحال والدين ؟
يسرى”شيرات ليها لمينة ولنوار” : هاادو …
سمية : يااا شواية فوق جمر شوايا فوق جمر يااا وصوصيط فوق الجمر صوصيط فوق جمر وراه يوسف سيدهم …وركانيه عند يسرى تعلم مطالعة بيه وعارفة اش تم ياااهااااه …
يوسف”خرج عينيه تا ضار خشا وجهو سطل ديال زبل دالوراق كيقلب على ورقة اشنو هي الله واعلم ” : هاه ويلي هاااه ستغفور الله اداك هاااه قطع داك شقف هاااه …اويلي نططع انا …
اشرف مسكين بكترة ضحك ناض دار بالناقص هو كاع غادي مسكين كي زومبي المعوق هو وعلي واسامة من كترة ضحك غادي بايدو الي فيها تيليفون ممدودة على نفس الوضعية باش قرب بيها يسمع يوسف هههع…
#يتبع…🦋نور_الياسين(1138)#فرصة_ثانيةsana mina🐺🦋
ماكلمو ضحك تا صافي كاملين تعوقو حتى جا سليمان وعاودو ليه شنو طرا تاهو ماسكتش من ضحك كلشي على سارة الي حطات راجلها بوجهو هي هبيلة وهو هبيل وكملو الباهية …كمل السبوع الي داز على حقو وطريقو تا من الاكل كان زوين دجاج محمر ومعمر ومزوق من فوق بشحال من حاجة خلاتو يكون دجاج بريستيج وتبعوه بسطيلة الحوت وعاد لحم بالبرقوق وشريحة تركية والمشماش عاد ديسير فيه بزاف انواع الي تشهى النفس …والمونادا عاد حلاوي مشكلين تقريبا عشرين نوع الشي الي خلا ناس تهضر وتشكر …
فالعشية من بعد ما فات المغرب واذان العشاء قرب دنيا خوات من العيالات وبداو رجال كيعمرو البنية الي غايجيو فيها الطلبة …الفوق فالبيت من بعد ما رضعاتهم كانت يامنة الي كتبدل ليهم ليكوش …
يامنة “هزات زينة تا لبساتها سريويل قطني فالبيض من بعد ليكوش ودارت ليها باندة فشعرها هزاتو ليها من على عويناتها” : يالالة ويا حنينة ميمتها “باستها” سيري بنتي تگمطك ميمة “مداتها لمجود الي كانت موجدة الگماط ومسرحة ليزار بيض فاش تكمطها عاد هزات شامة بدلات ليها ليكوش تاهي ” اجي نتي الخوينزة اجي ههههه الله ياربي على رويحة الله …
نوار : مكيفيقوش بالليل ههههه
يامنة : من الخير يخليوك نيت ترتاحي …هانتي غير تسمعيهم بداو يبكيو حاولي تنوضي يلاه يلاه ترضعيهم باش معييوكش …
نوار”بحزن” : كتقولي هاكا صافي غاديين علاش كتفكريني …
يامنة”حطات البنية حدا نجود وهزات لاخرا حطاتها بلاصتها وجات حداها طبطبات عليها” : الله يجعل شي بركة جايا لعام وانا معاك نمشي لداري لهيه عمك باغي يطلع لموسكو وانا غانمشي معاه نشوف ديك دار لهيه تاهي …ونجيبو شي وراق لحبيب من تما …وعاد بعد غذا جايين الخطاب فرميساء نوقفو معاها تاهي منخليوهمش بوحدهم وماماك غاترجع لخدمتها …دابا نتي وليني بيخير كلشي رجع لبلاصتو وهادي هي دنيا هههههه راني مساخياش بهاد العسيلات فينما طلقتني لوقت نجي مجلس معاكم تاتملو مني …وعاد هاجر تاهي تبغي نكون معاها تاهي كنخليها وحدها را تاهي مرت ولدي هههه
نوار”تبسمات بحزن “: هههه تعقلي فاش كنتي كتقولي ليا مكرهتك تكوني مرت ولدي …
يامنة : مكنتش عارفة غانخليك تمرضي وتعلقي بيه والله ماكان فنيتي غير الخير بصح ماكرهتكش تكوني مرت ولدي ساعاك ربي مخيبنيش “عنقتها عندها كتدوز على شعرها” بنتي ومرت ولدي …
نجود : مرة جايا لجمي فمك ههههه هادي صدقت كون ما صدقاتش فين بغينا نوليو لقيتي ولدك بعقلو وكان …
على اثر هضرتهم تا دق ودخل نيييت عمرو طويل لقا نجود وقفات بغات تمشي باس راسها وايدها ومشات خرجت وناضت يامنة تاهي باسها ومشات تا توخر هو ونوار الي قبل شفايفها وتوجه بدل عليه ولبس قميجة بيضة وسروال فصالة كحل خارج من البيت كيعقد فسمطة سروال تا وقفات كتمشى بشوي لعندو وبدات تقاد ليه صدايف القميجة …
نوار : مابقيتيش سولتي فخالتي الحاجة ام سفيان ؟
ياسين : ديما فبالي هضرت معاها ليوم”هز راسو باش تقاد ليه” تنمشي معاهم لازرو وندوز نشوفها فاش نكون راجع …
قادات ليه العقاد وبقا تا خذاو راحتهم فالقبل مدة على شوي يزدحها مع الحايط غا حضر عقلو حيث مزال مريضة ونافسة من الفوق ماطلق منها تا ولاو ينهجو بجوج …
ياسين : هذا الله …تت ..”مشات جلسات كضحك حدا البنيات وتكات ترتاح كتشوف فيه تقابل مع المري مشط شعرو رجعو لور ودوز على لحيتو عاد هز ساعتو دارها ولبس تقاشرو كحلين …شاف فالروايح وشاف فيها من المري …
ياسين : ايناهي ؟
نوار”طلات على روايح كتفكر ومشا اختيارها لريحة كالفن كلاين ” : calvin klein…
ياسين”حرك راسو ورشها من بعيد ودوز على لحيتو قاد حالتو مزيان حل صدايف فوقيين زوج تا بان زغب صدرو عاد مشا جلس لبس صباطو ” : لاخصاتك شي حاجة هضري معايا …
نوار : كنحس بالزديح فالفتحة …
ياسين”رفع حاجبو” : بالسيف بالسيييف نتي جلستي لارض ؟ تركني لارض رتاحي الى ضراتك الخالة يسرى تشوفها ليك …
وقف ونزل لتحت توجه نيشان عند باه فين واقف هو والحبيب وايساف وايلاف ومصطفى ورياض الي جا تاهو فبلاصة يوسف…اما دراري را فالبنية لداخل كيعاونو وشي طالع لفوق يلبس كل فين مدهي تا جا اركان لحق عليه كان جا صباح هو والام ديالو ومرتو وبقا ….
اركان”سالا المكالمة مدهشر…شاف فياسين ” : ياسين شنو هادشي ؟
ياسين : شنو ؟
اركان”شاف ففؤاد وفياسين” : دار الي واخذ بالكريدي على حسب صالير عطاوني عشرين عام عاد نكمل ضربت فيها ثلاث سنين ودابا من بغيت ندوز الصباح عيطات ليا البنكة بالي تخلص الكريدي كامل وطلبت صاحبي يعرف شكون خلص عاد دابا عطاني الاسم …
ياسين : شكون ؟
اركان : كدوخ عليا هههه “عينيه غرغرو” علاش خلصتيه اياسين بزاااف اصاحبي والله …
ياسين “قرب وجرو من كتافو شاف فباه الي غمزو” : صاحبي الي تعذب وتقهر على قبلي صاحبي الي شاف الويل فمرضي وطيحتي صاحبي الي مرض بسبابي ماشي صاحبي هذا خويا هادشي الي درت قليل ا هشام قليل بزاف فحقك هذا جهدي علاش قدرت …بصحتك دار وبحتي انا بصاحبي وعشيري …
اركان”بغا يهضر خنقوه دموعو ماعرفش اش يدير حيث دار الي خلصها ليه ياسين كانت الحلم ديالو ومسكين حيث استاذا خدا كريدي ودوزها نيشان خلا البنك الي تكلف وعطاوه عشرين عام جا ياسين خلص ليه كلشي ” : وااا مممم “مسح دموعو بطرف كمايمو” وسكار ماشي خسارة فيك هههههه تفوو حيد عليا …
#يتبع…🦋نور_الياسين(1139)#فرصة_ثانيةsana mina🐺🦋
الصحبة ديالهم ماشي اي صحبة صحبة ياسين واركان اي هشام صحبة طويييييييييلة هما كانو اربع صحاب ياسين اركان عبد الغني وعيسى …شاءت الاقدار وتفرقو عيسى قضا عليه الطمع وتبع انه يكون فحال فؤاد رمسيس عاش بهوس هاد الحلم تا خشا راسو وسط المافيا الي فؤاد براسو ماقدرش يخرج منها …حتى دخل ليها وعمرو مايخرج من بعد ما طلق فؤاد سراحو حيث مكانش ليه دخل بالي طرا لياسين من تما وهو مبعد وعائلتو بعدها ختو غزلان مشات لفرنسا تعرفات على واحد وعاشت معاه الحب بصح وتزوجات ومشاو يعيشو تما …
عبد الغني واعد ياسين انه يجي فشهر ديسمبر حيث غايخطب واحد البنت شافتها ليه مو ورشموها يعني خلاو الكلمة بيدما يجي هو باش يديرو العقد والعرس الي غايوقف عليه ياسين معاه بنفسو ..
#بعد_مرور_عاااام …
حال الكوف ديال السيارة كيحط فالفاليز لابس تيشرت خضرة مزيرة عليه حيث رجع لرياضة من جديد ورجع لعملو فالبنك …هاد النهار قربو يكملو البنيات عام على ولادتهم الي قرر غايديروه فازرو بحكم كاين عقد قران رميساء بموسى وقرر فؤاد الي يديرو ليهم تما …هز راسو بانت ليه جايا جارا فاليز اخرا وغوبش …
ياسين : عندنا غير ربعيام نوار لاش هادشي كلو ؟؟؟
نوار : هادو كادويات الي تقديت لرميساء من سمارين انا وخالتو يامنة فيهم تفصيلات تكاشط وقفاطن وشي حوايج وبلاغي ديال مراكش داكشي هماوي اياسين …
ياسين : هماوي !! تت فاس تاهي فيها …
نوار”حطات راسها على كتفو بنفاد صبر” : وااا ياسييين هادو كادويات قلت ليك مني لرميساء ونااري …
ياسين : واااخا يالالة واخا…فين زينة وشامة …
فؤاد”خرج هازهم وحدة فدراع وتانية فدراع شادين غزل البنات ينتشر فيه “
ياسين : منين جاهم داكشي ؟
مصطفى : انا جبتو ليهم من سوق ههههه
ياسين : وااا با باقين صغار عليه يهديك الله …
مصطفى : ماسوقك شاااي مايضرهم مال جداهم مضرها كنت نجيبو ليها عندها تمن شهور …
يامنة”خارجة هازا رضاعتهم” : وهاني ولدتك نتا وخوتك …”شافت فنوار” هزيتي داك لكوفيتير الي بغات هاجر راها توحم وبغاتو من ايديك يالالة …صافي مابقا والو ؟
نوار : صافي …”شافت فشامة الي وسخات كسوتها شيبية فحالها فحال ختها وبدات تقلب فايديها وتشوف كانها مشمئزة من داكشي هادي عادتها من الي بدات تعرف كتقيصها شي حاجة كتخسر سيفتها …بانت ليها مادة فمها مبوزة وضحكات نغزاتو يشوف ” ههههه راها خسرت سيفتها …”مشات عندها ” اجي ماما نمسح ليك ههههه
فؤاد”باسها فحنكها” : شنو ريحانة جدها توسختي “كيقوليهم ريحانة جدها”
نوار”جبدات لانجيت من صاكهم وبدات تمسح ليها ” : خهههههه مكتحملش توسخ …
شامة”مدات ايدها مغوبشة وتبرغم” : انعغمم بغم بغم ايييي شخ شخ “وسخ” بابا زدو ..اهى
ياسين”كيشوف فيها هو ويامنة الي كضحك ويشوف زينة تاهي مدات ايدها تمسح ليها مها” : مكاين لا هادي ثقيلة ولاخرا خفيفة بجوج اميمتي شابهين لبعضياتهم …
يامنة : خههههه بسلامتهم …
ياسين : الوليد يلاه دخلهم …
فؤاد”مشا دخلهم لطوموبيلتو ” : هاهما معايا تيسر نتا ومرتك والحاج “مصطفى” معايا و هاهما يمشيو معانا …
ياسين”دخل طموبيلتو وتبعاتو نوار ممنوع يهضر ” : في امان الله …”ركب وجات حداه نوار “
نوار : امتا نمشيو لاكادير ؟
ياسين : سيمانة جايا نشد كونجي ونتحركو ليه ..”ضار عندها” توحشتي البحر …
نوار”عنقات كتفو” : توحشت نسافر انا وياك هههه
ياسين”باس راسها” : متوحشتينيش ؟ شحال هادي ماجيت جيهتك …
نوار”ضرباتو بخفة” : ههههه اويلي غير البارح اياسين “تزنگت”
ياسين : مااكرهنا صباح وعشية ليل ونهار …”بقج ليها شنايفها “
اما عند فؤاد حطهم فكراساهم دارهم على قبلهم تا مشا تقداهم ولينما يجي يهزهم ويخرجهم تالمراكش يدورهم وخا غير فطوموبيل ويرجعهم ليه ناعسات يشخرو …مدات ليه زينة المبطبطة النسخة من يامنة ايديها شافت تيليفونو “
زينة : اوون اونننن ان…
فؤاد : شنو ؟
يامنة : بغات تيليفونك ..”جلسات حداهم ومصطفى القدام ” لا بنتي هاكي سكاتك ….
زينة”مدات ليه فمها زعما بوسني وهي را حركة كديرها هي وشامة لا بغاو حاجتهم حيث كيضعفو قدام حركاتهم وعاقو بالقالب ولاو يديروها ” : اننن دوو …”جدو”
فؤاد”ماشي غير ضعاف را بغا ياكلهم اويلي على نسر موسكو اش دارو فيه …جبد تيليفونو ومدو ليها” : هاهو بنتي”باس جبهتها”
يامنة : هههه اويلي را ديال الخدمة دابا تخصرو بريوگها …
فؤاد : فشرد ريحانات لهلا يقلب …”سد الباب وضار ركب خلاها كضحك وضارت عند زينة شدات تيليفون خشاتو ففمها ولهلا يقلب”
خرج ياسين من الفيرما وتبعو هو باش يشدو طريق اختارو العشية باش يشدهم الليل حيث فصل الصيف والحرارة على البنات يمشيو فالبرودة وخا الكليما فسيارة …حتى وقف كان كاميو ديال دار لحليب ديالو وديال نوار ….
يامنة : ميخليوهش يرتاح ههههه
مصطفى : رزقو يا بنتي رزقو هذا اش يدير كلشي يوقف عليه بايدو ابنتي لما كان را كحل راس خايب راك شتي اش طرا ديك المرة …
فؤاد : هادي هي الامانة اغزالي …
يامنة “باستفهام” : شمن امانة “كطبطب على شامة الي بغات تنعس”
فؤاد”رجعات بيه الذاكرة لحلم الي جاه على ياسين الي وقف عليه “
ياسين : ربعة الامانات ديالي …جيت نديهم …
فؤاد”رجع من التفكير ونطق” : الامانة لولة نوار ثانية وثالثة زينة البنات وشامتهم(زينة وشامة) رزقو يامنة رزقو الي خلاه ليا ديك الوقت …رزقو هو الامانة رابعة نهار فاق وتوگض هاهو جا داهم وداها …
#تصبحن_على_خيييييير….

اترك تعليقا