Skip links

قصة : نور الياسين جزء 59

 31,119 عدد مشاهداات

🦋نور_الياسين(1126)#فرصة_ثانيةsana mina🐺🦋
الولادة كيف مكانت راه ماشي ساهلة سوا طبيعية او غير طبيعية كتبقى ولادة بالعذاب ومراحلها مراحل …وفالاخير كنقولو الله يسمح لينا من الواليدين …
ال رمسيس داز عليهم وداز البداية كانت حب من طرف واحد حب الطفولة …تعارف تبادل الاعجاب …زواج تعارف ما وراء الزواج سالا بالطلاق حتى تعارفو من جديد وكان ساس متين دازو من الصعاب …كتاب
عليهم المكتاب وربي لدعوات استجاب وبان #نور_ياسين المعنى ديالو من اول ما بدات القصة لحد الساعة …وها ياسين رزقو الله بزوج نويويرات زادو نورو حياتو تحت جناحو …وها ياسين اصبح اب وهاهو غايعرف معنى الكبدة بحق وحقيق …والحياة كتستمر بحلوها ومرها …
يسرى : غير صبري بنتي صبري دابا يحبس عليك…
ياسين : عطيها شي كالم ؟
يسرى”كتفكر من بعد حركات راسها” : نعطيها نعطيها…”خرجات مشات تجيب ليها الكالم من تحت عند طبيبة الي بغات تخرج من مناوبتها تما…باش تبرد عليها صداع الفتحة لانها ماشي غير من سيزاغيان حتى من لتحت الغراز الي دايرين ليها …حيث مزال مشرباتش دوا ديال صرع الي غايخفف عليها وخاصها تكون مكالمية ومتضغطش باش متجيهاش لكريز …علمات طبيب لفرملية باش تجي تعطيها الكالم بعدا يهدن عليها صداع لان صداع ما بعد الفتحة فاش كيطير البنج را ربي الي عالم بيه صعيب شي حد يتحملو بل مستحيل وهادشي من ضمن الميزات الي فالمرأة وخاص تقدر لكونها كتصبر لهاد نوع من انواع الالم والعذاب ….
فرملية”قادات ليها المهدئ فالسيروم الي دايرين ليها ” : بالشفاء مدام “بابتسامة “
نوار”مغمضة عينيها مقادراش تتهضر كتحس بالصداع وباش يتكالما عليها كيرجع يتجاهد بزااااف واحد العشرة دقايق عاد يدير مفعولو ” : ممممممممممممممممممم اهى اهى مممممم
ياسين”تحنى باس جبهتها” : بمغفرة الذنوب …
نوار”عاضة فايدها ” : اعنننننععنننممممم اهى …
يوسف “كيشوف فيها كتالم وضرو خاطرو حيث تا مينة حضر ليها فاش بدات تبكي وتلالي بالالم ديال مابعد البنج …” : بالشفاء بنتي بالشفاء…
مزال كيتفكر فمينة حتى تدق الباب وطلات براسها مبتاسمة كتشوف فيهم مجموعين حدا نوار …
مينة : هاا انا جييييت هههه “دخلات هي ورياض وعگوزتها تاوصلات سلمات عليهم ومشات عند نوار الي سترها ياسين بايزار مزيان وقاد ليها شعرها وهي كاع ما هنا بالصداع الي بدا كيهمد بفعل المهدئ الي عطاوه ليها …” نوار حبيبة ديالي ..”تحنات باستها” على سلامتك …
نوار”غمضات عينيها وحلاتهم “
مينة : شوية ؟ “شافت وجهها مزنگ” مالك ؟
يسرى : صداع اماما صداع راك عارفة …
مينة”كمشات سيفتها” : اووو الله يشافيك ياربي..”ضارت تشوف بانو ليها كونات البنيات” وينووو على خالتو انااا…
رياض : تباارك الله تبارك الله…على سلامتك ختي نوار”شاف فياسين وتعانق معاه ” على سلامة بابا هههه
ياسين : الله يسلمك الله يسلمك …يجيكم الخير …”قرب لام رياض باس راسها وايذها” يجيك الخير اميمتي …
ماجدة : الله اودي ياولدي …على سلامتك يترباو فعزكم ياربي …”قربات لكوناتهم وهزات بنية الي بقات ولاخرا كانت هازاها مينة …باستها فرويسها وايديتها وهي تحط ليها بواطة حمرة فكونتها وبواظة حمرة فكونة لاخرا ..” ماشاء الله يترباو فعزكم …
يامنة : عذبتي راسك الالة ماجدة يجيك الخير ورباح نتوما مالين الخير ..
مينة”باستها وحطاتها وباست لاخرا تاهي الي هزتها وعاودت حطاتها …جبدات من صاكها تاهي زوج بواطات كحلات حطات لكل وحدة بواطتها” : هاهي بحال بحال لا تمشيو تقلقو هههه
ضحكو كاملين حيث عارفين توام يقدرو يكونو مفاهمين يثدرو ميكونوش مفاهمين ولكن را توام دييييما لا مكانوش مفاهمين را فالفعايل بات مات مفاهمين ..بقاو معاها شوي واستاذنو مشاو كاملين بقات غير يسرى ويامنة …حيث عشية غاتجي نجود والبقية يشوفوها مبغاوش تبثى دار خاوية ناس بداو يجيو يهنيو بسلامة نوار ويوجدو لنافسة الي غاتخرج بعد ايام …
تدق الباب وحنحن ياسين باش يدخل …تا دخل بهيبتو الوقارية ديالو وجهو باينة فيه الفرحة الي مفرحهاش بحالها فولادة ولادو طبعا هادي الكبدة المعاودة فرحتها مدوبلة …وجايا موراه هاجر الي مشا جابها من المطار …
فؤاد”قرب لنوار وباس راسها” : بنتي على سلامتك …
نوار”قبطات ايدو باستها وتبسمات بتعب فيها نعاااس” : الله يسلمك عمي …
هاجر”سلمات عليها بابتسامة” : على سلامتك اماما ههههه
نوار”ضحكات بشوي وتعصر فعينيها” : ههه الله يسلمك …
فؤاد “ضار شاف فيامنة الي جايا هازا ليه وحدة من بنيات كتضحك وشحال فرحة يامنة متعطيها لحد ياربييي …مدتها ليه” : بسم الله الله اكبر …”تحنى باش جبهتها وطول فالبوسة جاتو لحيمة رطيبة وصوت انفاسها مادة شنيفاتها وفكها سفلي كيترعد..وجابت ليه تا لاخرا تاهي باسها بقا شحال هازها ورجع حطها قرب ليه ياسين وعنقو بجنب “
ياسين”مد صبعو شير ليه على الي بانت غمازتها فاش تبسمات غير مع ملايكتها …” : هادي الكبيرة …”وراه سمطة الي فيها ساعة فاش تزادت” وهادي “وراه ثانية الي رافعة حاجب وناعسة مادة شنايفها ” الصغيرة …
فؤاد”بشويييي نطق” : ماشاء الرحمن …
ياسين”شاف فنوار الي كتشوف معسلة عينيها بالعيا” : الكبيرة ؟
نوار”شافت فيسرى باش تحنى عندها وقالت ليها فوذنيها”
يسرى”شافت فيهم وضحكات” : اسيدي قالت ليك الكبيرة زينة والصغيرة شامة هههه
فؤاد : جعلكم الله من الذرية الصالحة
#يتبع…🦋نور_الياسين(1127)#فرصة_ثانيةsana mina🐺🦋
دازت مدة هكاك رتاحت فيها نوار نعسات شوي وخا صداع رجع تاني كيعطيها جهد ديالو عاودت ليها تاني المهدئ باش يكالميها تاني حيث متقدرش تحملو بينما رجعات تشرب الدوا ديال صرع الي متبعة …
يسرى”تحنات عندها” : ماما خاصك تهزيهم ..
نوار”حركات راسها” : عطيهم ليا نشوفهم ههه
يامنة : عاونيها نتي انا نجيب ليها لولة بعدا “هزات الكبيرة الي دارو ليها گريميط فيه سميتها الي عرفات بيها مينة ووجداتو ليها عند الذهايبي وهذا كان الكادو ديالها…” ها لالة زينة “باستها فحنيكها” امااح على لمنيات ماااح …
نوار”هزات ليها يسرى ناموسية تا تگعدات جات جالسة شوي …عاااد حطات ليها يامنة البنية بين دراعها وسط احضانها حسات بقلبها كينغش ههه ” : حبييييبة ديالييييي هههه “عينيها غرغرو” مااما …
زينة”كتمد فمها وتخشي ايدها تاني تمصمصها”
نوار”شافت فماماها” : ياكما ترضع ؟
يسرى : ماعليك غير تصبري تاليل بينما حيد منك الكالمون الي درنا ليك اماما ونيت تكمل ربعة وعشرين ساعة …
نوار : وشنو يرضعو ؟
يسرى : مصيرينهم بشوي اللويزة هههه …
نوار “حطات راسها بعياء بدا صذاع كينوض فيها” : مممم …
يامنة : نحيد عليك البنية ؟
نوار”بدا صداع يجذب ” : عطيني لاخرا تاهي …
يسرى “هزات البنية ويامنة جابت ليها صغيرة شامة تاهي حطاتها ليها بين دراعها ” : هااا بنتك هاهي تاهي …
نوار”حدرات راسها كتشوف فيها ” : ماما حبيبة …”باستها” ديها ماما “عصرات عينيها مممممم فففف
تحل الباب ودخل ياسين من بعد ما جا من الفيرما جاو معاه البقية نجود سارة ونجوى ورميساء سلمو عليها ورجعو مع صهيب والياس …بقا يوسف شوية جات مينة تاهي عاودت امانت عليها ومشات بقا غير ياسين ويسرى ويامنة …
ياسين”تحنى عندها” : شوية دابا ؟
نوار : غييير شوية ياسين غييير شوية عذبني الصداع اهى…
ياسين”تنهد بقات فيه تكرفصت ومزال مكرفصها صداع” : ماعليش صبري ..الخالة ماتعاوديش ديري ليها لكالمون ؟
يسرى : لا درتو صباح صافي بينما رتاحت خاصها ترضع البنيات ..
ياسين : مزال ؟
بسرى”قربات عندها” : تنوض دابا تمشى شوي …عالله تقيا وتنفس …
ياسين : نعاونك …
شد رجليها ودورهم بشويييي ويسرى شاداها وهي تلالي بصداع …تا قادهم فلارض …عطاها دراعو شدات فيه وعاونها تا وقفات بزز حسات بالدوخة على شوي كانت غاطيح كون ما زير عليها …بزز باش وقفات مسندة عليه كانت غاتعاونها تا يسرى ولكن طلب منها تبقى هي ويامنة اما البنيات كانو داوهم لبلايصهم فالغرفة ديال رضع …بقات كتمشى وراسها كيدور حاسا بلعية …
ياسين”غادي معاها دقة بدقة ” : شوية ؟
نوار”حاسة بالردة”: ماقدرتش اياسين ماقدرتش ففف…
ياسين : غير بركي فالنفس …
نوار”ضرتها الفتحة مقدراتش بغات تسخف تا كانت غاتطيح كون ما شدها” : لا لا مقدرتش عافاك رجعني …اووعععع
ياسين : شش مالك ؟
نوار : بغيت نرجع اوووع”دارت ايدها على فمها ماحيلتها لترجاع ولا لمشية الي مقدراتش تزيد يلاه غايخرجو مزالين عند الباب”
يسرى : بغيتي ترجعي ؟ “مشات كتزرب جابت ليها بانيو تما ومداتو ليها جلسها فوق فوطوي تما بشوي حيث مبقاتش قدرت توقف بغات تطيح ضرتها الفتحة والغراز والتقيا وصدزع را الي صبر را ها بونجور ديالو …غير عطاه ليها وهي تبدا ترجع فالمياهي ويسرى كتجمع ليها فشعرها …عاد تكات راسها تتنفس “
يامنة : خاصها زيف تحزم بيه شعرها ميضربهاش البرد …
يسرى”مشات جابت ليها زيف حياتي من صاكها وعطاتو ليامنة ” : هاهو …بنتي حزمي راسك باش ميضربكش البرد …
يامنة “دارت ليها زيف جمعات ليها شعرها وحزماتو مزيان مع لابسة بيجامة فالبيض قطنية وبانطوفة وتقاشر فرجليها يلاه يااه وخا صيف شوي لكن بما انها نافسة كتكون معرضة لنزلات البرد دغيا يضربها ويقضي عليها كيف كنقولو كتكون محلولة …”
عاونها ياسين حتى وقفات وداها بشوي لسريرها تكاها وغطاها وباس جبهتها حيث حبس عليها صذاع شوي وجاها نعاس …
ياسين”كانت يامنة ويسرى خرجو من شومبر …باسها فشنايفها وعاود” : كاندي ديالي شوية ؟
نوار”حركات راسها” : فيا نعاس …
ياسين : نعسي …
نوار : نرضعهم لا ؟
ياسين : شكون ؟
نوار”مافيها الي يضحك” : وياسييييين هههه
ياسين “بنفس نبرتها” : ونوااارته …شكون الي ليه الحق وتزادو الحق تاهو على حقي يرضع ؟
نوار”ماسخ وخا تكون وسط الموت ” : هههه حرام عليك ميبقاوش فيك ؟
ياسين : واخا لالة …نشوفو شنو ديري …
…داز وقت شوي …
نوار : ففف بغيت ندخل لطواليط …
ياسين : حيدو ليك داكشي ؟(تيو ديال البول)
نوار “حركات راسها” : حيدووه …
ياسين : تبدلي ؟
نوار”تزنگت”
ياسين : تت …وكنسول تانا نيت …اجي كاندي اجي ..”تحنى تا شلقمها شوي ماحدهم راس فراس …عاونها تا وقفت بشويييي عليها وبالخااااطر براحتها باش متعگرش مسندة عليه يلاه غايتحركو دخلات يامنة شافتو غادي بيها غمزها وحركات راسها جايبة ليها لويزة تشربها فقظ هي باش تعدي بينما تنفسات وتولي تشرب عادي وتاكل لكن بدون اكل فيه الغاز…
#يتبع…🦋نور_الياسين(1128)#فرصة_ثانيةsana mina🐺🦋
دخلها لطواليط بشوي عليها تا عاونها ماقدراتش تهضر حدها مزنگة ومزيرة كتشوف فيه تحنى حيد ليها سروال بيجامة الي سمطة ديالو فوق كرشها باش ميعگرهاش فالفتحة …ماقدرتش تهضر حيث عارفاه ميتزعزعزش الى ما قضا معاها…عاونها تا جلسات فلاشاص ومشا يجيب ليها لمعقم باش تغسل والمطهر …
نوار”الصمت”
ياسين “كمش عينيه فهم انها مقدراتش تغسل ” : عطيني كاندي عطيني “شد من عندها المطهر وجاب سطيلة من تما دار فيها شوي المطهر ووقفها تسنادت عليه وغسل ليها بشوييي عارف كايني الغراز وغسل ليها بالقاعدة غييير بشوييي باش متعگرش ونشف ليها مزياان وعاود جاب بيطادين خواه عليهم وخرج جاب صاكها …
يسرى : شنو بغيتي منو ولدي ؟
ياسين”مبغاش يقول فوطة صحية باش ميتحرجوش ومتحرجش نوار ” : باش تمسح وجهها …”حركات ليه راسها ودخل عطاها صاك وراتو شنو يهز شافها مزنگة ” وايلي نوار فحالي فحالك …
نوار : احم …”جبدات ليه كيلوط جديذ وقادات القوطة صحية الي كتكون خاصك بالنافسات ماشي العادية الي كنعرفو …وعطاتو ليه حيدات لاخرا غلفاتها ورماتها حداها فالزبل (حاشاكم) ولبسها كيلوط وسروال ووقفها تا غسلات وجهها وباسها وعادي خرجها لبلاصتها …مع خرجو دخلو السلاگط وجاه لفت رباعي ….
اشرف”سلم على نوار” : ياااه وليتي ماما ههههخخ..
علي : على سلامة …فين بناتك ؟
اسامة : حبايب عمو ؟
ياسين “شاف باه وشير ليه خرج لعندو وخرجو هبطو لتحت يكميو ويشربو قهيوة ” …
يامنة : وليتو عمام جوج بنيات ههه وخوال فنفس الوقت
سليمان : كي بقيتي شوية ؟ فينهما ؟
نوار”بتعب” : شوي ويدخلوهم …ففف ..
بقاو معاها يضحكو مجمعين تا جات جدات نوار اي ام يسرى وخالها سلمو عليها بقاو معاها شحال تا دخل ياسين سلمو عليه ومشاو لفيرما يرتاحو حيث غاتبقا غير جداها اما خال يسرى ومرتو غايمشيو …دخلو البنيات عليهم يبكيو مساكتييينش تا ضار ياسين عاقد حجبانو …
ياسين : مالهم …
لفرملية : خاصهم يرضعو موسيو …
يسرى : صافي بنتي انا نعطيهم ليها شكرا …”حركات راسها بابتسامة ومشات خرجات جاو دراري باسوهم وكل عطى هدية ديالو كل واش تقدا ليهم فرحانين بيهم بجهد …تا خرجاتهم يامنة وبقات غير يسرى ونوار وياسين والبنيات …هزات وحدة عطاتها ليها وحطتها فحضنها كتبوس فيها …” يلاه جبدي باش ترضعيها …
نوار”بفرحة معارفاش اش كيتسناها مسكينة ” : واخاا …”شد عليها ياسين البنت تا جبدات صدرها وحطاتو ليها في فمها كتجر فالخوا وتجر تا تجر ليها لحم وبالتالي جرات من صدرها حسات بجرة فالفتحة والغراز …مزال مجرباتش جرة فاش كيطيبو الحلمات تاهي عذابها وحدو ” اعععععععععع”مصات فمها تا حوالو ليها عينيها” اممممممممممممم فففففف فففففف…
ياسين”بخوف” : شنو شنو …
نوار : اععععع اهى اهى …
زينة “كاتمص مجايبة خبار”
يسرى : غير صبري ماما صبري تكمل …
نوار : اهى اهى وباقي لاخرا ماما اعععععع واااااو …اممممممممممممم….
بقات ترضعها والبنية خرج داك اللبا(اول قطرات الحليب ) ديال صدر امها بقات تمص تا طلقات صدرها وهزاتها ييرى دارتها على كتفها وتسناتها تا تگرعات ونيت تشوف نوار وباسين باش يتعلمو…عاد عطاتها ثانية وارا ليك لعذاب من جديد ما كملات رضاعة تا ولات تنخصص وسخفت عاد حطاتهم …
نوار”كتسمح دموعها وتنخصص”خئ خئ …فففف…انننننن اهى …
يسرى : غير صبري غير ايام وترجعي طبيعيية بنتي هادشي ضروري منو …”حطات البنيات الي استسلمو لنعاس من بعد ما رضعو اولى حليب امهم …
هاكا داز الليل وكل رجع فحالو الي دخل سلم وعطا هدية ديالو المعارف القراااب جاو … غاتنفس …
ياسين”كيشوف فنجود كتگمط فالبنيات كيحس بقلبو الي كيتگمط” : بشوي ميمتي …
نجود : هنينا …
ياسين : منزيرش؟
يامنة : ههههههه بشوي ميمة راك كتزيري ليه على بناتو “بطنز”
نجود : ايوى بزعط ..
ياسين : تت “هز ايديه وحطهم بمعنى ويالاه اسي هههه”
نوار”حاطة حنكها على ايديها بزوج كتشوف فيهم بتعب حاسا بزديح تحت وففتحة ولا اله الا الله …ضحكات بتعب وراسها محزوم بزيف” : هههه متخافش عليهم …
ياسين : واخا لالة وااخا …
في هاد الاثناء كان جاي صهيب ويوسف والياس الي شدو يومين يبقاو تتخرج نوار باش يرجعو فين يجي الحبيب وايساف الي بقات عليهم الخدمة فالشركة ….
صهيب : احم الو …
موسى : سي صهيب هذا ؟
صهيب : اييه هو هذا شكون معايا ؟
موسى : معاك دكتور موسى العلوي الى بقيتي عاقل عليا…
صهيب : اييييه الله اودي مالي منعقل عليك خيرك سابق …كي طرا تفكرتينا هههه
صهيب : ديما فالبال اسي صهيب “حنحن” مهم انا ففاس دابا الى مساليين بغيت نجي عندكم انا والوليدة لازرو واحد زيارة …بغيت حتى سي الحاج فؤاد يكون …
صهيب : ايييه مرحبا تشرفو …هضرتي مع خويا الكبير حيث حنا فمراكش باش نكونو حاضرين نعرفو امتا يجي راك عارف هو كلشي …
موسى : اييه حتى تكونو تما وعلمني محتاج نيت تكونو كاملين وبالاخص نتا حيث نتا مول شي …
صهي : اههههخخخ اخجلتني اولدي وايلي هههه …ياك بعدا شي باس مكاين ؟
موسى “جاب ليه ضحك” : ههههه بغينا نديو من عندك بنتك المصون على سنة الله ورسوله ماتهضرش دابا تنجيو وديك ساعة لينا هضرة وكلام…
صهيب”ماشي صدمو را شعشطو ضو ضربو تا خرج عينيه ” : اويلي حي ؟ بنتي ؟ رميساء ؟ لا لا لا بنتي معاقة مسكينة من ذوي الاحتياجات الخاصة …انننن تا واش تتهضر بصح ؟
#تصبحن_على_خير….

اترك تعليقا