Skip links

قصة: الوحش وذات القزحتين الجزء 2 ( عشق جبابرة) ج 51

 39,969 عدد مشاهداات

■□تتمة الجزء .463■□

جمانة :؟ وااماغانقنطش غااا ديني مال وسيم كايدي معاه سماح يوميا وعاد خلاها جبارو تدرب لبعالك مالي أناااا وااا تانا بغيت (ميلات فمها وعينيها عمرو دموع) أميرة كظل مخشيا فلكتوب ولات كيجنية لقراية …وساندرا مع خالتها وجبار فتدريباتها… وسميحة كاتبقا عاطياها غالنعاس ومرخية تنجلس حداها تاتجيبلي الكآبة … وزليخة كظل مع عصمان فشركتو… وهاندا فخدمتها….ونتا كتخرج مع صباح بكري مكترجع تالزك ليل علاش انا نبقا غير فالقصر بوحدي علاش …

 

فارس : مكاتبقايش بوحدك كاتبقاي مع ماماك ولواليدة وعماتنا …

 

جمانة :؟ وااابغيت نمشي معااك …

 

فارس وقف وهز ساكادو نتاعو ) جمانة راني كاندرب غير الرجاال مئة متحول بنفس قوتي يعني غير الضخم لخوه ..وبغيتيني نديك بيدي لعندهم باش يشوفوليا فيك باش نصدق قاتلهم كولهم وداخل عليك لسجن المتحولين اللهم جلسي هنا حتى نرجع ونخرجك ( ويالاه استدار حتى مشات كاتجري وقفات قدامو )

 

جمانة :أشكوون غايتجرأ يشوف فيا من المتحولين أفرفووسي راني خت جبار الله يهديك غير من ولائهم ليه مغايهزوش فيا الراس (شدات يدو) واقول مابغيتيش تديني باش مانتلفكش ياك وماتخليش التدريب وتبقا مقابلني أغير ديني والله مندير لبسالة (وبدات ترمش فعويناتها )

 

فارس ساهي فعينيها وسرط ريقو ) ماشي حيت غاتلفيني بل مابغيت تاواحد يشوف فهاذ العيون الخلابة من غيري …

 

جمانة : ندير نظارات شمسية كحلين …

 

فارس حبس الضحكة وتحنى باسها ففمها ) كنواعدك ماغاديش نتعطل و..

 

جمانة قاطعاتو ) واااديني معاك حسن ليك راه غاتندم لماديتينيش …

 

فارس خرج فيها عينيه ) علاش ؟

 

جمانة : لماديتينيش معاك مكاينة حلوة ولمدة سيمانة كوولها يااالاه وبربي تنبقا نعس حداك عريانة ومانخليكش تحط يدك عليا غاتبقا تبات فايق تحت الدوش..وعاد غير غاتخرج من هاذ الباب غانخرج أنا عند جبارو حبيبي نطلبو لكان غادي لمحكمة المتحولين اليوم يديني معاه ..وحيت عاد تصالحنا وهو داير جهدو باش يفرحني راك شفتي غير من كاضواتو لبوكوص دختو لحبيب ديالي راه غايقولي واااخا وغانمشيي معاه ياالاه (ربعات يديها مبتاسمة ) ودابا غاتديني ولا لا ؟

 

فارس خنزر فيها ومسح على وجهو ) سيري لبسي وعنداك يقولك راسك تلبسي شورط أو تتعراي …

 

جمانة :أح على فرفوسي كربوجي لمكربج ههه (ونقزات عليه باستو بالجهد من فمو عاد اختارقات جسدو دخلات للدريسينغ كاتهضر ..وهو ابتاسم وتكا عالباب كايتفرج فيها كتلبس )

 

جمانة :أصلا غانعااونك فتدريبهم راني مدربة من داكشي حسااان من سماح …

 

فارس : لا أحبيبتي ماتخلينيش نتعصب عليك ماغاتتدخليش فالتدريب وماغاتهضري مع تاواحد منهم …

 

جمانة : وااراني مدربة بالفطرة الله يهدييك ..

 

فارس : بصح ؟ على حد علمي قوتك ومزال ماقدرتي تتحكمي بها كليا ..وكاتقدري تختارقي الأشياء والأشخاص غير بوحدك ومازال لدابا ماكاتقدريش تخلي الشخص لي تشدي بيدك قابل للإختراق بحالك ..وعيات عمتي تارا لي عندها نفس قوتك تدربك …؟

 

(جمانة وقفات عاطياه بالظهر مخرجة عينيها ..طلعات سروال الجينز ونطقات )

 

جمانة : هااه باش عرفتي هذشي ونت ماكنتيش فالقصر ففترة تدريبي …

 

فارس : راني كنموت فيك من الصغر من نهار تولدتي وواخا دوزت مراهقتي برات المغرب كنت متبع كل أخبارك …

 

(جمانة استدارت شافت فيه وهي كاتلبس بودي أبيض ميني بوط )

 

جمانة :وراه غييير كدبو علييك وزايدون أنا مادربني حد تحكمت باختراقي بوحديتي (وجلسات على كرسيها أمام طاولات او ليكوافوز لي عاامرين مكياج بالأنواع وليمارك مشطات شعرها طلقاتو ولسقات فعينيها عدساتها الطبية الشفافة وهزات كتقاد وجهها )

 

فارس : بانليا غاندربك حتى نتي و … ( سكت مخنزر فاش شافها هزات عكر أحمر) بلاش داكشي يا جمانة …

 

جمانة شافت فيه مخنزرة ) تانتا بلاش كاع دوك دوك العضلات لي هاز ياالاه …(وهي تضربها بتعكيرة)

 

فارس هز فيها حاجبو ) أش جاب العضلات للهضرة ؟

 

جمانة : وراه المكياج أفرفوسي هو عضلات البنت حيد عضلاتك نحيد مكياجي (ووقفات وهزات عطرها كاترش منو )…🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 464🕯

جمانة : وراه المكياج أفرفوسي هو عضلات البنت حيد عضلاتك نحيد مكياجي (ووقفات وهزات عطرها كاترش منو )…

 

فارس حك راسو ) آه هاذي معلومة جديدة عليا …

 

جمانة: مزال مشفتي والو أكربوجي محدك معايا غاتشبع معلومات جداد (ووقات قدامو ) أنا واجدة …

 

(فارس حول نظرو لبطنها العاري حيت لبسات غير بودي ميني و نص كم بلا الجينز لي كولو تقاطع ..تنهد وتحرك لجهة ثيابها هز جاكيط طويلة وسخونة ولبسهاليها)

 

فارس : راه برد الجو فا الجاكيط مغاتحيديهاش وفالليل قبل منعسو غانهضرو مزيان على لبسك …

 

جمانة شافت فشعرو ) تقولي نبدل ستيل لبسي غانقوليك صلع شعرك …

 

فارس شد يدها وتحركو خارجين من الجناح ) علاش أكما غاتقولي تاني أن ستيل لبسك هو كستل شعري نقرع شعري تبدلي ستيل لبسك …

 

جمانة خرجات فيه عينيها ) يااه باش عرفتيني غانقولهااا …إوا قرع شعرك ونولي لبسليك الجلابة

 

(فارس مسح على وجهو وبدأ يضحك بالفقصة )

🍀🍀🍀🍀

 

وفنفس الوقت وفجناح ساندرا هاذ الأخيرة لي فدريسينغ ديالها كاتحرك بالحس ..لبسات كولمونطي سخون فالأبيض مع جينز أزرق وميني بوت بكعب عالي بزاف فالباج … سرحات شعرها البوكلي وخلاتو مطلوق على طولتو مع مكياج خفيف …ويالاه وقفات حتى ضارت بيها الدنيا ..جاتها دوخة مجهدة خلاتها رجعات جلسات مكانها شادة راسها حتى تفوتها ..وهي كاتتسائل فنفسها عن سبب هاذ الدوخة لي ولات كاتشدها يوميا تقريبا وفكل صباح طول هاذ الاسبوع لي فات …تنهدات وهي كاترجح سبب الدوخة للتدريب المكثف لي كاتدربو على تقوية سحرها …تنفسات بعمق ووقفات تمشات حتى لجهة ثياب جبار هزات عطرو تاني وجلسات كاترش منو وتعاود وهي كاتستنشقو بإدمان وفرحاانة ..حطاتو مكانو وتمشات حتى لباب الدريسينغ حلاتو بشويية وخرجات راسها طلات بانليها مزال على السرير ناااااعس على كرشو وهو معنق وسادتها …خرجات كاتمشى بالحس شافت فالقرد الجالس على الفوطوي وهي تحرك ليه راسها بمعنى تبعني ودارت اصبعها على فمها بمعنى ^بسكاات …وتمشات بالحس حلات باب الجناح وعينيها غير على جبار …خرجات بشوييية والقرد تابعها ..وسدات الباب بشويية وهي تعطي رجليها للريح كتجري والقرد تابعها ركبات المصعد وهبطات للطابق التاني ومشات بخطوات سريعة وقفات قدام باب أحد أجنحة الظيوف كاتلهث وهي تدق فالباب ..ثواني حتى تفتح ليها وبانت ماريانا ب بينوار دالدوش ….)

 

ماريانا كاتشووف فيها ) عالصباح ..؟

 

ساندرا :أشمن صباح راه تمنية هاذي خاسنا نتدربو …

 

ماريانا : على أساس فاش كنقوليك أن التدريب صباح بكري كاتجيني فالوقت ودابا لي قلت ليك التدريب غايكون مع جوج دلعشيا جاياني مع تمنية دصباح …■□تتمة الجزء 464■□

ماريانا : على أساس فاش كنقوليك أن التدريب صباح بكري كاتجيني فالوقت ودابا لي قلت ليك التدريب غايكون مع جوج دلعشيا جاياني مع تمنية دصباح …

 

ساندرا : ياك غانتدربو على عنصر الشمس فاراه واهوااا شرقات يالاه نفطرو علمايفيق جبار باش نتدربو ….

 

ماريانا تنهدات واستدارت داخلة ) دخلي وسدي لباب موراك …

 

(ساندرا دخلات غير راسها كاتطل …حتى نطقات ماريانا )

 

ماريانا : عمك مكاينش كايفيق كل صباح مع لخمسة كايخرج يجري فالغابة ومكايجي تالتسعود غير دخلي….

 

(ساندرا دخلات هي وقردها وجلسات على سرير ماريانا هاذ الأخيرة لي جالسة على فوطوي قدامها كاتدهن فكريم)

 

ساندرا : سام من نهار جا عمرو هضر معايا و…

 

ماريانا قاطعاتها ) ومانظنش غايهضر معاك (هزات راسها شافت فيها ) راه منلي كانت عندو 12 سنة ماهضر مع شيحد حتى قالو أنه فقد النطق بسبب لي وقع ليه ..(ابتاسمات وهي سااهية ) حتى للنهار لي هضر معايا فيه ومن هذاك اليوم كايهضر غير معايا بوحدي فهاذ العالم …

 

ساندرا : علاش أشنو وقع معاه بالضبط ؟

 

ماريانا : راه قلت ليك سحرة آل جوفر هجمو على معشر آل مكال ملي عرفو ماماك حاملة بيك باش ياخدوك نتي ولكتاب …وباباك هابيك هرب ماماك وجداتك ميبهار وباش يهربو واجه هو وكل أعمامك الخمس آل جوفر (وقفات ولاحت لبينوار بقات عارية كليا أمام ساندرا عاطياها بالظهر وبدات تلبس وهي كاتعاود ) لابغيتي تسمعي القصة بالتفصيل …المهم حسب ماعاوداتليا ماما كلاوديا معشر آل مكال بقيادة باباك هابيك كان أقوى المعاشر الثمان للسحر الخير …أقوى حتى من معشر السحرة المبتكرين للسر معشرنا آل بيثروفا …لدرجة منلي تزوجات ماماك وباباك …معشر باباك ليكان مسير أمور المعاشر الثمان ماشي معشر آل بيثروفا …. باباك هابيك كان معروف بذكاؤو وبطاقتو السحرية العالية حيت كان كايتدرب على سحرو تدريب مغاير عن كل السحرة وهو نفسو التدريب لي كايتدربو سام دابا …

 

ساندرا : اشمن تدريب ؟

 

ماريانا : ماعرفتش سولي عمك مابغاش يقول ليا قالي هو تدريب خاص بآل مكال.. تاواحد من السحرة دباقي المعاشر ماعارفو….

 

ساندرا : واخا كملي القصة اشنو وقع عم.. مع أحم سام

 

ماريانا لي عاطياها بالظهر وكاتلبس ) المهم بعد ما حملات ماماك وتأكد حملها بالمختارة آل جوفر سخرو كل قواهم يعرفو بلاصة معشر آل مكال …كان هذاك اليوم من أبرد أيام السنة ..بالصدفة وبقوة باباك حس بيهم قراب جايين أي عرفو مكان المعشر ..حيت فهذاك الوقت المعاشر الثمان و باش يظللو آل جوفر تفرقو أي مكانوش المعاشر الثمان عايشين فمكان واحد بحال دابا لا بل كل عائلة كل معشر عايش فمكان ….. فا ملي قربو سحرة السحر الأسود معشر آل مكال كولو تأهب للمعركة فهاذيك اللحظة باباك بسرعة ركَّب ماماك وميبهار فباطو هربهم وميبهار تكلفات بالباقي بتعويذة إخفاء موقعها هي وأنجلا ماماك ….

وباباك وأعمامك الست إيلا حسبنا سام …وباقي عائلة باباك بقاو فمقر المعشر حتى هجمو عليهم ..سحرة السحر الأسود لي و بالإضافة لقوتهم كانو كتااار باباك هابيك واخا بكل قوتو وتشاد معاهم فمعركة طاحنة ولكن ماقدرش يتصدى ليهم كلهم… قتلو فالاول أعمامك الرجال بخمسة كلهم ونسائهم وحتى أطفالهم ..وبعدها قتلو جداتك ماين باباك وجوج عماتك أخوات سام لكبارات وأصغر من باباك ..عاد الصغيرة منهن هي لي كانت مخبية هي وسام ليكان صغير ديك الساعة هو أصغر طفل فالمعشر عندو 12 سنة وكل هذا وقع أمام عينو حيت ختو ^كايت^ لي كانت كبر منو غير بتلاث سنوات كانت ساحرة إخفاء قوية أي أقوى تعاويذها هي تعويذة الإخفاء ..تعويذة لي مستحيل يطبقها غير ساحر الإخفاء لي هم سحرة منقرضين حيت آخر ساحرة إخفاء تولدات كانت هي كايت نيت وهاذ التعويذة كاتخلي جسد الساحر غير مرئي وطاقتو غير محسوسة …^كَايْتْ^ طبقات تعويذتها بكل قوتها على خوها الصغير سام ..لي كان واقف وسط المنزل ..تاواحد مايقدر يشوفو ولا يحس بطاقتو فالوقت لي هو بعينيه شاف وسمع كل شيء وقع …شاف مجزرة فكل عائلتو خوتو الخمس ونسائهن وولادهم والبشاعة باش تقتلو …جداه وعماتو بجوج أيضا …وشاف حتى خوه لكبير .. لي هو باباك هابيك وهو كايتعذب لساعتان كاملتان غير باش يكر ليهم عن الوجهة لي مشات فيها أنجلا وميبهار فهروبهم ..لدرجة قطعوليه يديه ورجليه باش يكر ليهم بدون نتيجة ماخرج حتى كلمة وحدة فا فلأخير قتلوه طيروليه راسو ..وعاد (سكتات شوية سرطات ريقها وكملات ) شاف ختو كايت لي هي الأخرى شبعو فيها ضرب و مانطقات بوالو مابغاتش توريهم الوجهة ليخداتها أنجلا وميبهار فهروبهم ..فا اغتاصبوها حتى الموت…🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 465🕯

^كَايْتْ^ طبقات تعويذتها بكل قوتها على خوها الصغير سام ..لي كان واقف وسط المنزل ..تاواحد مايقدر يشوفو ولا يحس بطاقتو فالوقت لي هو بعينيه شاف وسمع كل شيء وقع …شاف مجزرة فكل عائلتو خوتو الخمس ونسائهن وولادهم والبشاعة باش تقتلو …جداه وعماتو بجوج أيضا …وشاف حتى خوه لكبير .. لي هو باباك هابيك وهو كايتعذب لساعتان كاملتان غير باش يكر ليهم عن الوجهة لي مشات فيها أنجلا وميبهار فهروبهم ..لدرجة قطعوليه يديه ورجليه باش يكر ليهم بدون نتيجة ماخرج حتى كلمة وحدة فا فلأخير قتلوه طيروليه راسو ..وعاد (سكتات شوية سرطات ريقها وكملات ) شاف ختو كايت لي هي الأخرى شبعو فيها ضرب و مانطقات بوالو مابغاتش توريهم الوجهة ليخداتها أنجلا وميبهار فهروبهم ..فا اغتاصبوها حتى الموت… كلهم كل السحرة دالسحر الأسود لي كانو تما دازو عليها واحد مور واحد اغتصاب جماعي بشع لقاصر حتى ماتت ..وكل هذا كل هاذ المجزرة دازت قدام عينيه قدام عيون طفل 12 سنة …سام لي كان غير واقف كايتفرج ..وختو وهي كاتغتاصب كاتشوف فيه حيت بوحدها ساحرة الإخفاء لي تقدر تشوفو …وكاترجاه بعينيها مايتحركش مايدير حتى صوت…حيت اه مايقدروش يحسو بوجودو او يشوفوه ولكن إذا أصدر صوت غايسمعوه ..فظلاتو على راسها كان ممكن تخفي نفسها وطاقتها وتهرب هي ولكنها نقذاتو ….وعلى ماقالت ليا ماما منبعد مامشاو سحرة السحر الأسود وهم كايظنو أنهم قتلو كل أفراد معشر هابيك معشر آل مكال … وسام بقا ليومان كاملان وسط جثث وبقايا أفراد عائلتو وتخيلي معايا لو كنتي بلاصتو ..قدام عينيك يتقتلو كل عائلتك وتغتاصب ختك لي عندها غير 15 سنة أبشع اغتصاب … (تنهدات بحسرة ) يومان كاملان عاد معشر آل بيثروفا لقاو سام وسط دارهم وسط جثث عائلتو لقاوه معنق جثة ختو … وماما لي جابتو ظماتو لمعشرنا آل بيثروفا ديك الساعة كانت عندي أنا 11 سنة فاش شفتو أول مرة وتربا معايا ومع باقي آل بيثروفا ..كان باااااارد الطبع ونظراتو مرعبة و مكايهضرش نهائيا ومكاينعسش فالليل عانى من الأرق لأكتر من خمس سنوات كاينفذ كل لي كايتقال ليه كالروبوت فقط بدون زيادة أو نقصان كأنه عايش جسد بلا روح كأنه مات ديك الليلة مع عائلتو عياو فيه عائلتي وماما غير يهضر …لدرجة قلنا أنه فقد النطق ..وفمراهقتو تدرب بوحدو بدون مساعدة حتى واحد من كبار السحرة .. ياك شفتي حجم عظلاتو..؟ حيت بالإضافة للسحر هو فسن صغير كان كايرهق نفسو بالتدريب على عدت فنون قتالية …وطول 13 سنة ماهضرش ماقال حتى كلمة وحدة أو ضحك أو تعصب أو تشكى ..ومعشر آل مكال تمحى كأنه عمرو مكان … من 8 ثمان معاشر ولينا فقط سبعة ..والمجزرة لي وقعات لعائلتو رعباتنا لدرجة تخبينا فكهوف ومغارات وسخرنا قوة سحرنا فقط على تعويذتان أساسيتان تعويذة الحجب وإخفاء الموقع وهكذا قدرنا نعيشو من تهديد المتحولين من جهة ومن جهة آل جوفر …وعرفتي يا ساندرا كيفاش سام انفاتح وأخيرا وبعد 13 سنة هضر ومعايا بوحدي ..(سهات وعينيها دمعو ) كيما قلت ليك تخبينا ومن نهار المجزرة دآل مكال مابقينا سمعنا والو عن ختي آنجلا ماماك والا عن ميبهار ولكن فواحد نهار وحدة من أقوى ساحرات المعشر الكوري (جدات جمانة الساحرة من الجزء الأول) ولي كانت صديقة مقربة لجداك ميبهار …وتاريخهم فالسحر مشترك في حماية الهجينة أم راجلك …الساحرة العجوز الكورية قدرات وأخيرا وبعد 13 سنة تحدد موقعك نتي وميبهار ولكن تاحد من سحرة الخير ماتجرأ يخرج من المخبأ ويجي عندكم ..(ابتاسمات) من غيري أكييد الهبيلة الطايشة دماريانا .. كانت عندي ديك ساعة 24 سنة وبلا منفكر هزيت صاكي وزدت تابعة موقعك نتي وميبهار …ملي ماما وخالاتي وكل آل بيثروفا مالقاونيش فالمعشر عرفو أني مشيت نقلب عليك …خرجت من محيط تعويذة اخفاء موقع وحجب موقع المعاشر السبع أي وبكلاخي رديت من نفسي طعم سهل لآل جوفر وفعلا ..تعرضولي فطريقي أربع سحرة من السحر الأسود دوروني وبتعويذة النار قدرت نشوط واحد فيهم ولكن التلاث الآخرين كانو أقوى مني وعندهم أوامر يشدوني حية باش يستجوبوني نكر ليهم بموقع المعاشر السبع وموقعك نتي وميبهار … قاومت وقامت (ضحكات باستهزاء ) ههه آل جوفر غير الوحوش والكلاب حاولو دوك تلاثة يغتاصبوني فهاذيك الغابة قبل مايديوني لمعشرهم للإستجواب ..قلبي كان غايوقف بالخلعة عييت نقمش ونعض ونضرب تعاويذي تلفو عليا فديك اللحظة وفعلا كانو غاينجحو فاغتصابي حتى كنشوف ريوسهم طارو واحد بعد الآخر ..هزيت راسي تكلقا سام واقف عليا..أكيد غاتكون ماما سيفطاتو مورايا ومع قلت ليك كاينفد الأوامر بدون مايتردد يتلاح للموت لاقالوهاليه ..أكيد تبعني ..قتل هاذوك التلاثة بطريقة وحشية وبدون سحر بل بفن من الفنون القتالية السريعة لي تعلم ماخلاش ليهم الفرصة حتى لي يلقيو فيها تعاويذهم عمرني شفتو متوحش هكاك طول 13 سنة عمرني شفتو حتى خنزر ..لدرجة تصدمت ..والصدمة الكبرى هي منلي سالا منهم وجا كايجري عندي وتحنا كايقلب فيا والدموع فيعين ولأول مرة غانسمع صوتو كيداير عيط ليا ب ^كايت^ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 466🕯

عيط ليا ب ^كايت^ عيط ليا باسم ختو (ابتاسمات ) من تما ولا كايهضر غير معايا وأنا حيت عارفة كل ماوقع معاه و مع الوقت حاولت نسيه داكشي لي عاش واستعملت فهذا العلم لي انا مهووسة بيه ولي قريت كل كتبو ..طب النفس… وفعلا خليتو كايهضر واخا غير معايا وعاونتو حتى ولا كايقدر بعدا غير ينعس ولو غير لأربع ساعات …وعلاقتنا تطورات بسرعة حيت هو كان محتااج بزاااف لحظن حيت فداخلو مزال هذاك الطفل الصغير لي تقتلات روحو بقتل عائلتو قدامو وعمرو غايكبر …صعييب بزاف حتى لمستحيل ينسى..لدرجة وبصفتي دابا عائلتو حيت تزوجنا ولا حااضيني وحاميني حيت فداخلو كاينظن أني غانتقتل كيما تقتلات ختو …وأنا لدابا مزالة دايرة جهدي معاه ينسى وينفاتح مع باقي العالم وكنت كانفكر أنه نهار نلقاوك حيت نتي آخر فرد بقاليه من عائلتو فا قلت غايهضر معاك او يتقرب منك ولكن حتى لو بغا ياختي هذاك شيطان الشياطين النرجسي ديالك ماي..(وسكتات حيت استدارت وشافت فساندرا ..وهي تخرررج فيها عينيها …لقاتها حالة عينيها مكاترمشش ودموعها كايطيحو بغزارة ونيفها حمرر ..طول الحديث وهي كاتبكي بالحس …ماريانا مشات كاتجري تحنات عندها )

 

ماريانا : مسحي دموعك بزربة سام يقدر يدخل فأي لحظة وهو راه ماعااارفنيش عارفة قصتو وقصة كايت بالتفصيل ..هو كايظن أني عارفة غير أن عائلتو كلها ماتت وصافي أما تفاصيل كيفاش وشنو وقع مع ختو لا ..هو كايظني ماعارفاش فا مسحي دموعك لاشافك هكا غايشك و…(سكتات مخرجة عينيها فاش دفعاتها ساندرا لي حطات يدها على فمها وناضت كاتجري دخلات للحمام وتحنات على الطواليط كاترد وتعاود ..وماريانا واقفة عليها ولونها مخطووف)

 

ماريانا : نااري نااري قفرتها مع داك الشيطان ديالك ويشوفك كاتقياي بسبابي ناري هاذ المرة يقتلني مافيهاش …

 

(ساندرا كملات وبزز تكعدات دايخة وهي غاتموت بالبكاء وكاتشهق بالجهد )

 

ماريانا عينيها دمعو ) وصاافي ناري كون عرفت هكا مانعاودليك والو واسكتي عافاك راه والله تايقتلني راجلك وسام ماعرفتش ردت فعلو لاعرفني عارفة بقصتو بالتفصيل ( وشدات ساندرا من دراعها حناتليها راسها على لافابو كاتغسل ليها وجهها ) صافي سكتي سكتي عافاك…

 

ساندرا بزز حبسات بكاء وبزز نطقات ) انا شفت اللحظة لي تقتلات فيها ماما ..شفتها فحلم يقضة فوسط لبحر ..وبتعويذة وعن طريك هذاك الكلب د دريكور شفت كيفاش قتليا جدة والطريقة باش ماتت (حركات راسها بلا ) وماصبرتش لدابا مزال كنحلم بيهم ولكن ماشي بحال نشوف هاذشي وقع قدامي فعليا وعائلتي كولها و و..

 

ماريانا عنقاتها ) وصافي نساي وسكتي راه ..(وسكتات مخرجة عينيها ملي سمعو الباب تحل ونطقات بهمس ) سام ناري سام جا مسحي دموعك مسحس وعندااك تقوليلو شيحاجة …

 

(ساندرا حركات ليها راسها بواخا وهي كاتمسح دموعها ..وخرجو بجوجات من الحمام بانليهم سام واقف عاطيهم بالظهر وكولو عرقان وحيد لفيسد دسيرفيت بقا غير بسوفيطمة سبور …)

 

سام : ماريانا (واستدار بانتليه هي وساندرا هاذ الأخيرة لي وتراتو بنظراتها وسكت وحنا راسو وهز لفيست لي حيد عاود لبسها )

 

(ماريانا كاتسرط فريقها وهي كاتغمز فساندرا لي دموعها بداو يطيحو تاني وكاتشهق )

 

ماريانا : س سام جيتي احم ساندرا جات تسولني على موعد تدريب اليوم و ععععععععع….

 

( شهقات ملي شافت ساندرا لي تحركات من جنبها بسرعة ومشات كاتجري طارت على سام بتعنيقة لدرجة تعلقات فيه ودورات يديها حول عنقو مزيييرة علييه وهي كاتبكي بصراخ ….سام خرج عينيه وهو جامد أما ماريانا طلقات نص البولة فسليبها …وتحركات كاتجري وقفات جنبهم )

 

ماريانا : طلقي وااطلقي ألمسخووطة طلقي واش بغيتي ترزيني فراجلي وناااري يا سام الله يرحمك ازغبي ونااري واطلقييي منوووو …

 

(سام مافاهم والو فقط جامد..وهو كايحس بيها كيفاش كاترجف وكاتشهق وتبكي فحظنو … مابادلهاش العناق فقط كايسرط فريقو بتوتر …حتى بعدات بوحدها منو وهي عاظة على شفايفها وكاتشووف فيه ودموعها كايطيحو وبزز نطقات …)

 

ساندرا : و واش نتا بيخير ؟؟؟

 

(سام هز فيها حاجبو وحول نظرو لماريانا لي كاتندب وتعاود ..وشداتها من يديها دوراتها وبدات تمسح ليها فدموعها )

 

ماريانا : وا بيييخير يسول فيك الخيير ودابا سكتي ناااري كيرديتي عينيك بلبكاء ناري ليووم نتدفن حية و عععععععع …

 

( وسكتات مخرررجة عينيها ولونها ماشي صفار بياض ..ملي شافت جبار ظهر أمامها مباشرة وخلف ساندرا ومخنننزر باينة فيه عاد فايق حيت مشعكك وعاري الصدر …..)🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 467🕯

( وسكتات مخرررجة عينيها ولونها ماشي صفار بياض ..ملي شافت جبار ظهر أمامها مباشرة وخلف ساندرا ومخنننزر باينة فيه عاد فايق حيت مشعكك وعاري الصدر …..)

 

ماريانا نطقات بهمس وهي مخررجة عينيها فجبار ) :ماشي أنا والله مدرت والو …

 

(جبار لي كايشوف فيهم باستغراب هز فيها حاجبو وشد ساندرا من يدها غير دورها شاف فيها وخرج عينيه …ورجع شاف فماريانا مخننزر )

 

ماريانا : غاهدا نشرح ليك …

 

جبار غوووت ) آش واااقع هنااا (شاف فساندرا وشد وجهها بين يديه ) علاش كاتبكي شكون بكاك (شاف فماريانا ) آش درتي ليها تاني ..(ويالاه تحرك ناحيتها ..هربات تخبات مور سام وساندرا شدات يد جبار كاتهضر وهي كاتشهق )

 

ساندرا : واالو مادارت ليا واالو يا جبار غير انا لي تفكرت حلم اليقضة لي كنت شفت عن موت ماما وماصبرتش وماريانا كانت كاتعاودلي على ماما كيكانت فطفولتها هاذشي لي بكاني …

 

(جبار شاف فماريانا مخنزر ويالاه غايضور وجهو لساندرا حتى استقرو عينيه على سام لي كان واقف جامد ولكنو موسع عينيه فساندرا كايشووف فيها …الشيء لي خلا جبار يستغرب حيت طول هاذ الوقت لي جلسو فالقصر وحتى فالتداريب كان سام كايتجنب يشوف فساندرا كليا أي احترم رغبت جبار ملي قاليه متشوفش فيها …..)

 

جبار خننزر فسام وشد ساندرا من يدها واختفى بها …)

 

(سام سرط ريقو واستدار عند ماريانا لي جلسات فاشلة على الأرض )

 

سام :مالها ؟

 

ماريانا : راك سمعتيها قالت لراجلها مالها …

 

سام كايشوف فيها ببرود ) ماتكدبيش إذا كانت فعلا فهاذيك الحالة وكاتبكي على قبل مها علاش عنقاتني انا بتلك الطريقة ؟

 

ماريانا : أ أ أشمن طريقة ؟

 

سام سرط ريقو ) مالها ؟ أشنو عاودتي ليها بالضبط ؟

 

ماريانا تنفسات بعمق ) واالو غير دكشي لي عارفة أنا …أن كل عائلة باها ماتو وصاف ….(وقفات )كيخلعني داك لمفرعن ماع بلت فحوايجي غانمشي نعاود الدوش قبل ماترجع ساندرا ندربها ..(ومشات دخلات للحمام)

 

سام جلس على السرير ساااهي وكاتعاود قدامو غير الطريقة باش عنقاتو ساندرا ..وابتاسم )

🍀🍀🍀

 

عند جبار لي ظهر بساندرا وسط جناحهم مخخنزر وغوت )

 

جبار : أولا فااايق تااني مالقيتكش حدايا على علم ألف مرة كنقوووليك ماتحركيش من حدايا تانفييق …او فييقيني ..وتاانيااا مالقييتكش فالجناااح بحيت وأنا كانعيط ليييك ونضت كنقلب كيلهبييل فالقصر باش نلقااك فجناح هاذيك الجنية دخالتك لا وزوينة هي شاابعة بكاء …

 

(ساندرا لي واقفة أمامو حانية راسها وساااهية ..حتى مالت دايخة وهو بسرعة شدها جلسها على السرير )

 

جبار : أشنووو واقع معاك تاني ؟

 

ساندرا :والو غير فيا جوع …

 

جبار حط يدو على خدها ) قولي ليا كل شيء أشنو عاوداتليك خلاك شبعتي بكاء وهذاك عمك علاش كان كايشوف فيك بتلك الطريقة ؟

 

ساندرا خرجات فيه عينيها ) أش أشمن طريقة وراه مامالي والو وداكشي لي كاين قلتو هي عاوداتلي على ماما صافي

 

جبار غوت ) سااااندراااا…

 

ساندرا باستو جنب فمو ) فيا جوع بزاف والله بغيت اومليط ..

 

جبار تنهد ) غانعلمهم يجيبولينا فطور لهنا …

 

ساندرا: لا طيبهاليا نتا …

 

جبار شاف فيها هاز حاحبو )

 

سانظرا ابتاسمات ) بغيت بحال الفطور لي كنتي كاتقادلي كل صباح فالجزيرة الخضراء منلي كنتي خاطفني …

 

جبار : ماتخلينيش نفكرك أني طلقتك تمشي فحالك وسط الغابة واختفيت ونتيييي لي بقيتي كاتعيطي ليا كيلهبيلة وملي بنت قدامك صرفقتيني فا ماتقوليش كنت خاطفك (حط يدو على بطنها ) تخسري ليا السمعة ديالي قدام ولدي … ♡■تتمة الجزء 467■♡

جبار : ماتخلينيش نفكرك أني طلقتك تمشي فحالك وسط الغابة واختفيت ونتيييي لي بقيتي كاتعيطي ليا كيلهبيلة وملي بنت قدامك صرفقتيني فا ماتقوليش كنت خاطفك (حط يدو على بطنها ) تخسري ليا السمعة ديالي قدام ولدي …

 

ساندرا لي كانت مبتاسمة حتى تحولو ملامحها للإستغراب ) اشمن ولد … واش حيت طلبتك طيبلي نتا غاتقولي تاني وحم (خنزرات فيه ) وارااني ماحااملاش …

 

جبار مبتاسم ) وباش كاتفسري الدوخة ليكاتجيك فهاذ الأسبوع عاد أكلك وليتي كتاكلي بزاف بلا لي بارفان ديالي لي خويتيهم وأكتر شيء مرضنيي فكل هذا هو وليتي غير كاتشوفي جاسم كاتسمقلي بحالا ضربك الضوء كاتبقاي غير حالة فيه عينيك جاب الله راه لواليد هذاك أما كون توحمتيلي على خليل تانتي كون صفيتهاليه وهنيت العالم وسليم من جمالو …

 

ساندرا سرطات ريقها مخنزرة ) قلت ليك انا ماحاملاش …

 

جبار تنهد ) واخا أشنو بانليك نديك للمستشفى نشوفو أو غاناخدليك اختبارات حمل جربيهم غير هنا …

 

ساندرا نترات يدها منو ووقفات وكاتهضر بعصبية لدرجة كاتغوت عليه ) كنااكل بزاف حيت ولييت كانتدرب وكانبدل مجهود كبيير ..الدوخة و العياء غيير بسبب التدريب صاااااااافي ..وليبارفان ديالك قلت ليك ألف مرة غير حت كايعجبووني وباباك كنشوف فعينيه حيت قلت ليك لونهم عجبني بحال لون البحر ونتا فكل مرة تقولي حاملة حاملة حاملة …

 

جبار زير على يديه كاتم غضبو حيت كاتغوت فوجهو ونطق بهدوء ) واخا تهدني كانعتاذر …

 

ساندرا مخنزرة وغوتاات )واااااا مابقاش تقوليا حاملة أنا ماحاملاش …

 

جبار : وعلاش نتي متأكدة لهاذ الدرجة ؟

 

ساندرا : هاكاك وحيت كون كنت حاملة كون حسيت بيها انا لولا …

 

جبار : جلسي غانمشي نوجدليك الفطور لي بغيتي و..

 

ساندرا قاطعاتو بعصبية ) ماابقيتش باغيااه وتا روايحك مغانعاودش نهزهمليك كون هاني (واستدارت دخلات لحمام الجناح وخبطاات الباب موراها …خلاتو واقف مكانو كايشوف باستغراب زفر بعصبية وهز بوديه لبسو واختفى من مكانو ….)

🍀🍀

داخل الحمام ساندرا محنية على لافابو كاتغسل فوجهها وتعاود …)

 

ساندرا : اوف علاش وليت كنتعصب عمرني كنت هكا (شدات راسها ) وغوت عليه عمرني غوت عليه …(تنفسات بعمق … وتحركات لطواليط العصرية تبول ..يالاه هبطات سليب وهي تلقا فيه بعض النقط من الدم …)

 

ساندرا حانية راسها كتشوف فسليبها باستغراب ) أوووف خاسني نسول هاندا على هاذشي الدورة ولات كتجيني فشكل نقيطات د الدم وتمشي يوماين تاني ويطيحو مني نقيطات خرين ويوماين ولا تلث يام تاني عاد يطيحو نقيطات هاذشي ماعاديش (جلسات على طواليط ) أها وقالك حااملة منعرف منين جاتني كاينة شيحاملة كتجيها الدورة أوف (قضات حاجتها ..وبسرعة هزات سليب نقي ويالاه هزات باكية أولويز ديالها تهز منها حتى شافة علبة كينات منع الحمل لي مزال مخبياها تما وتنهدات )

 

ساندرا : كنسا منلوحهم بفف علاش يبقاو عندي وانا مكنستعملهمش (حطات العلبة جنب لافابو بإهمال… باش فاش تكون خارجة من الجناح تخرجهم معاها تتخلص منهم …..لدرجة مارداتش لبال أنها طاحت ليها جنب الشبكة دالثياب المتسخة …..لسقات أولويز فسليب جديد ولبساتو …وخرجات للدريسينغ هزات سروال جينز آخر نقي لبساتو ورجعات للحمام هزات ثيابها المتسخة مع ثياب جبار دارتهم فالسلة باش ياخدوهم الخدم للتصبين منلي يدخلو ينظفو الجناح …حتى سمعاتو كايعيط وخرجات بسرعة من الحمام تاركتا خلفها العلبة دلبيلول طايحة على الأرض ….) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 468🕯

ساندرا خرجات من الحمام لقات بلاطو فيه فطور لذيذ كولو هو لي وجدوليها بيديه من صحن الأومليط الكبير حتى للقهوة والعصير …ريوكها سالو فصحن الأومليط وبلا وعي مشات كاتجري جلسات وبدات تاكل ….وجبار واقف خلفها مربع يديه وهو مبتاسم )

 

ساندرا هزات راسها شافتو وشافت ابتسامتو وهي تتنهد )

 

ساندرا : راه غير فيا الجوع …

 

جبار (هز يديه) : ماقلت والو ..(قرب منها جلس جنبها هز العصير كايشربها ) ولكن واخا هكاك غاديري لي تيست يا ساندرا وبدون ماتناقشيني ….(وهز ساشية صغيرة كان حاطها على لكوافوز حطها جنبها )

 

(ساندرا لي كاتاكل بسرعة وفمها عااامر ..طلات اش فديك ساشية بانوليها دي تيست دالحمل وهي تتنهد ..سرطات وشافت فيه)

 

ساندرا : ماغانديرهمش (ورجعات كتاكل)

 

جبار : ساندرا ماتخلينيش نغوت عليك ونتي حاملة حيت فعلا وأنا متأكد من أنك حامل …

 

(ساندرا لي كملات صحن الأومليط هزات موشوار مسحات فمها ووقفات هزات ديك الساشية لي فيها اختبارات الحمل دالصيدلية …لاحتهم فسلة الزبل وهو كايشووف فيها …استدارت شافت فيه ونطقات )

 

ساندرا : راه قلت ليك أنا محاملاش أجبار ماحاملاش حيت عاد دبا شوي جاتني الدورة ويلا متيقتيش نوريك راني دايرة أولويز ….

 

جبار هز فيها حاجبو ووقف ) طبيا يا ساندرا تقدر الحامل تجيها الدورة لعدت أسبااب مختلفة يقدر مثلا يكون عندك نزيف الزرع لي هو نزيف كايجي للحامل ملي كايقرب موعد دورتها ولا يقدر يكون عندك نزيف ما بعد العلاقة الحميمية (وغمزها ) وهو اشهر نزيف عند الحوامل .. بلا عشرات الأسباب الأخرى لي بعضها خطير… فا أزويينة ديالي إييلا مابغيتيش ديري هاذوك الاختبارات إذن غاتمشي معايا دابا لمستشفى لستاركس نديرليك التحاليل …

 

ساندرا تنهدات بملل ) بغيتي غيير تعطلني على تدريبي (هزات ساشية الاختبارات لي لاحت ) وااخا هاهوما غير تفوتني الدورة ونديرهم تشوف بعيينيك أني ماحااملاش وأنا متأكدة أني ماحاملالاش …

 

جبار خنززر فيها و غوت ) ساااندراا

 

ساندرا قفزات ): ص ص صافي راه قلت واخا غانديرهم (وحلات مجر حطاتهم وسداتو ) ودابا غانمشي عند ماريانا اليوم هي غاتدربني على عنصر الشمس وأنا متشوقة بزاااف قالت ليا التدريب غايكون سهل وغير فحديقة القصر ….

 

جبار : هذاك عمك غايكون حاضر للتدريب ؟

 

ساندرا :مانعرف …

 

جبار :عندي شي خدمة غانقضيها هنا و غير من الهاتف والحاسوب نكمل ونجي لعندك للحديقة …

 

ساندرا ابتاسمات ) واخا… (قربات منو وباستو فخدو وهو رد ليها البوسة ففمها وهزات قردها وخرجات بخطوات سريعة …وجبار بقا واقف مكانو لثواني مخنزر … ودخل للحمام يدوش …..) ■□تتمة الجزء 468■□

 

ونمشيو ل جنب محكمة المتحولين كاينة غابة واسعة.. وفوسط من الغابة واقفين اكثر من خمسين متحول بقوة الجسد الفولاذي.. كل جوج كايتدربو واحد مواجه الاخر.. وفارس كايدوز عليهم كايوريهم كيفاش يحافظو على جسدهم الفولاذي طول مدت القتال.. وكيفاش يتحكمو بتفعيل وإبطال اجسادهم الفولاذية بسرعة وبسلاسة.. ….

 

فارس وهو كايدوز عليهم تاوصل لجوج مكايتدربوش بل ساهيين كايشوفو بعيد….و شاف فين كايشوفو لقاهم كايشوف ف جمانة لي من بداية التدريب جلسات فكرسي من الكراسي المخصصة للاستراحة …. كتاكل تشيبس وهي كاتفرج فيهم كايبانوليها عمالقة قدامها كل واحد أضخم من الثاني حالة فمها فيهم وكل شويا فاش كايطيح شيواحد منهم خصمو كاتزلع بالضحك ….

 

جمانة كاضحك وهي كاتقلب على فارس بعينيها تابان ليها كايشوف فيها وهو جوج متحولين.. ضح

وشيرات ليه بيدها.. فارس خنزر فيها وشاف فدوك جوج مخنزر وغووووت..)

 

فارس: وااااش جايين تتدربووو ولا تتفرجوليا فمراااتي …

 

المتحولان قفزو ) كانعتاذرو لورد فارس..

 

فارس: حسن ليكم تركزوو فتدريبكم..مرة أخرى عينيكم يطيرو …

 

(المتحولان بداو كايتدربوو …وفارس بعد عليهم مخنزر كايتغدد منلي بداو التدريب وهو ملاحظ نظرات بعض المتحولين ل جمانة الشيء لي خلاه ندم لي جابها.. مشا كايشوف المتحولين الآخرين فين وصلو تابان ليه متحول اخر كايشوف جهة جمانة والمتحول لي معاه وجه ليه لكمة قوية طيحو للأرض.. مد ليه يدو يعاون يوقف ونطق..

 

المتحول اللول: كانعتاذر ضربتك بديك القوة ولكن راك نتا لي غفلتي فين كانو عينيك..

المتحول الثاني يلاه جا ينطق تاقاطعو فارس لي نطق بالغوات)

 

فارس : اهم شيء فالتدريييب هي تركز على قوتك وعلى خصمك تغفل لحظة وحدة تموووت…. (وبسرعة وجه لكمة قوية للمتحول لي كان كايشوف ف جمانة حتى طاح تاني على الأرض وزاد غوت اكثر باش يسمعوه الخرين) نتوما هناااا لغرض واااااحد هو التدرييييب تركزووو على جسدكم الفولاذي وعينكم تكوون على خصمكم مااشي فبلاصة اخرى..

 

(المتحول فهم راسو وفهم اش بغا يوصل ليه فارس كغيره من المتحولين لي حصلهم كايشوف ف جمانة حناو راسهم ورجعو للتدريب.. اما فارس لي مابقاش قادر يصبر كل مرة يشوف فيها شي حد فاللخر غير غايقتل شي حد فيهم فنطق بصوت مرتفع)

فارس : كملو تدريبكم طبقو لي قلتوليكم اجسااادكم الفولاذية تحكموو فيها وحافظو عليها طول النزال تبقى مفعلة مغانتعطلش..

 

المتحولين نطقو كلهم) أمرك لورد..

(ورجعو يتدربو فارس لي مشاا مخنزر تاوقف على جمانة..

 

جمانة بتاسمات ليه) كربوجي جيتي..

(رجعات كتاكل فالتشيبس اما فارس باقي مخنزر تحنا عندها تاهزها بخفة بين يديه وتمشا بها في اتجاه المحكمة..

 

جمانةوهي بين يديه طرطقات فيه عينيها) فين دايني رااه ترجعني للقصر اتبقا تحلم بالحلوة وماتذوقش..

 

فارس وقف شويا وشاف فيها ورجع كمل طريقو وهو ساكت ومخنزر.. ورجعات جمانة نطقات)

 

جمانة : وااافرفوسي رااه بربي تا غانبقا ندير ليك اشهاار للحلوة تاتشهاها ومغاذووقش…

 

(فارس كمل طريقو مجاوبهاش الشيء لي خلا جمانة كاتفركل بين يديه)

 

جمانة : واالمكربج المصندد واا العملاق ياا تحطني نرجعو للتدريب يا تتحرم على الحلوة واخا على حساب بزيزلاتي ااااحطني..

 

فارس لي غايفكر كي كانو كيشوفو ليه فيها وهوما حالين فمهم كايزيد يخنزر وتفركيل جمانة عصبو فغوت عليها)

 

فارس : زكاااااي..

 

(جمانة رصات وعينيها غرغرو حيت قليل فاش كايغوت عليها ..ورجعات تهز من تشيبس وهي مغددة كاتلوح تشيبس ففمها وتدير اصوات زعما معصبة.. وهو دخل بيها للمحكمة و توجه لقاعة حلها ولقا فيها وسيم وسماح كايدربو فعشرين طفل من أقوى اطفال المتحولين.. دخل عليهم توجه تال كرسي حط عليه جمانة وتحنا قدامها شد يدها باسها ونطق)

 

فارس : كانعتاذر اني غوت عليك قبيلة..

 

جمانة خنزرات وبعدات عليه نظرها ورجع فارس نطق بجدية) جمانة قلتيلي نجيبك معايا وجبتك ولكن باش يبقاو يشوفو فيك كل شويا راه هنا غاننسا شي تدريب ونبقا حاضيك نتي ولي شاف فيك نوض نفرشخو..

جمانة شافت فيه) اكنتي تقوليهم مايشوفوش فيا..

فارس خنزر) من بداية التدريب وانا كانقولهاا ولكن كل شويا كانلقاا واحد منهم ساهي فيك..

 

جمانة: ولكن انا بغيت نتفرج فيك ونتا كادربهم..

فارس: جمانتي تفرجتي فيا ل ساعة وتفرجو فيك حتى هوما ساعة ومغانزيدهمش حتى دقيقة من جمالك … تانرجعو للقصر ونفرجك فيا بطريقتي..

(وغمزها وهي لي ضورات عينيها ونطقات)

 

جمانة : ايااه اياه داك تفراج ديالك زوين ..(نطقات بهمس ) صدري غادي وتايكبر …الشيء لي كايدل على نجاح مشروعي ■□التتمة 2 للجزء 468■□

فارس مافهمش عليها ونطق) مشروعك ؟

جمانة: ايااه واانسيتي مشروع تكبير البزازل..

(فارس طرطق فيها عينيه ودور راسو شاف ف وسيم وسماح اكما كايسمعوهم لقاهم ملهيين مع الاطفال والتدريب.. عاد رجع شاف فيها ومسح على وجهو ونطق) جمانة شتي دوك العمالقة لي برا كايتسناوني ندربهم فيا حبيبتي لازدت تعطلت عليهم غايتكاسلو ليا تانسالي ونجي عندك..

 

جمانة: صافي سيير انا نجلس غااهنا..

فارس شافها كاضور عينيها خافها تخرج ولا دير شي حاجة ونطق) جمانة غاتجلسي معاهم تانجي وممنووع سمعتي ممنووع تخرجي..

جمانة: وصااااافي فهمت انبقا نتفرج هنا نيت..

فارس شد يدها وباسها) غي نسالي نجي عندك..

جمانة: صاف

فارس وقف وغوت ) وسييم …

 

وسيم شاف فيه )

 

فارس أشار لجمانة ) ممنوع تخرج من هاذ القاعة حتى نرجع ليها فا حضيهاليا معاك ونتا حاضي هاذ لوليدات …

 

وسيم : كون هاني أخاي

 

 

(فارس مشا خرج.. و بقات جمانة كاتفرج ف وسيم وسماح وهوما كايدربو فالاطفال كل واحد وكي كايدربوه على حساب قوتو.. مدة وهي هكاك تا كاتفوه جاها الملل ودورات راسها كاتشوف فانحاء القاعة تا بان ليها وسيم غادي خارج …وهي توقف من بلاصتها مشات تاوقفات على سماح ونطقات)

 

جمانة : اش كاديري ؟

 

سماح شاف فيها رفعات حاجب وهبطات الاخر زعما من نيتك ونطقات) مكاتشوفيش !! كاندرب !!

جمانة هزات يدها كاتحك بها عنقها) ااه شفت …

 

سماح: مالكي؟

 

جمانة شافت فيها) مليييت …

 

سماح شيرات ليها للاطفال) اجي دربي معايا هادو راه عندهم بحال قوتك ..

 

جمانة: تحكمت أنا باختراقي كليا بقا غير ندربهم وااا راه أصلا تدريبهم ممل كنت نتفرج فعمالقة فرفوسي مستمتعة عرفتي ملي كايطيح واحد لاخر كاتسمع زداااااف بحالا طاحت قنبولة لعجاج تينوض هربوني بالضحك … ودبا مليت مع هاد الاقزام نتاعك ..

 

سماح مافهماتش عليها) اقزاام عمالقة !! اش كاتخربقي نتي؟

 

جمانة: الاقزام هادو لي قدامك وعمالقة السلاكط لي برا لي كانو كيشوفو فيا مالكي تكلختي

 

سماح: هادو اطفاااال درااري صغاار مااشي اقزااام ودبا جلسي خليني ندرب …

 

جمانة: وراه داكشي راهم أطفال خسهم يلعبو ماشي يتدربو

 

سماح: وامتى بغيتيهم يتحكمو فقواهم ؟ تايشرفو ويوليو عمالقة عاد يعجبو سيادتك ويوليو يتدربوو…

 

جمانة: وماااشي هكاك.. (حبساات شويا بحالا تفكرات شيء وهي تنطق) ااه يلعبوو

 

سماح: جمانة هذا وقت تدريب ماشي العب…

 

جمانة: ولكن هوما عياو من تدريب خاصهم يرتاحوو (شافت جمانة فالاطفال ونطقات بالانجليزية حيت كل طفل من عشيرة =دولة ) عييتو ياااكو بغيتو تلعبوو ؟

 

جمانة كادور راسها بيناتهم متلهفة يقولو ليها اه ولكن تاواحد مجاوبها )

 

سماح خنزرات فيها) جمانة جلسي بلاصتك وتفرجي خلينا فتدريبنا …

 

جمانة دارت راسها بحالا ماسمعاتهاش وشاف فالاطفال) احبيبااتي راه اللعب زوين حسن من التدرييب أأ ممم اش بان ليكم نلعبوو حابة ؟

 

نطق طفل ) اشناهيا حابة ؟

جمانة: هاء وشكون مايعرفهاش (هزات راسها بان ليها اغلب الاطفال هازين يديهم بمعنى انهم ماعرفوهاش من سمية لي نطقات وهوما ماشي مغاربة.. وهي كاتشوف فيهم فرحاانة )

 

جمانة : دبا حابة هي واحد منا يجري عليناا كاملين ولي شد يعاونو يشد لي بقاو وهكاك تانتشدو كاملين وتجي نوبة واحد اخر يجري علينا.. والقاعة كبيرة ارااا مانجريو اش قلتو ؟ ولكن بدون استعنال قوانا

 

الاطفال شافو فبعضهم ورجعو شافو فيها وحركو راسهم بااه.. بداو اللعب ولا واحد يجري موراهم وهوما كايهربو.. سماح لي كانت كاتشوف فيهم مخنزرة تنهدات وناضت تاهي

على سبة كاتجارا معاهم حيت تاهي اصلا كانت ملات.. وبقاو هكااك جري عليا نجري عليك وردو قاعة التدريب تيران اللعب.

اترك تعليقا