Skip links

قصة الوحش وذات القزحتين الجزء 2 ( عشق جبابرة )ج 48

 36,612 عدد مشاهداات

■□ 448تتمة ■□

(ساندرا حولات نظرها من ماريانا وشافت فسام لي هو الآخر كايشووف فيها وهي تخرج عينيها فيه ونطقات )

ساندرا : آل مكال ماعقلتش بالضبط ك كنت صغيرة فاش ج جدة عاوداتلي قصة عن ساحر لي باش يهرَّب مراتو الحامل من السحرة دالشر لي بغاو يشدوها مات حيت تصداليهم باش يربحليها الوقت فين تهرب ومات فيها… كانت قاتلي لقبو آل مكال ….

ماريانا ابتاسمات ) وميبهار ماقالتش ليك أشنو هو اسم باباك ؟

(ساندرا زادت وسعات عينيها فسام ..ككل لستاركس…. أما جبار مخننننزر فيها عصبووه نظراتها لسام وبزز صابر وساكت )

ساندرا : قالت ليا سميتو ه ه ^هابيك^

ماريانا حركاتليها راسها بآه ) باباك كان اسمو ^هابيك آل مكال ^ وهو الساحر لي هرب مراتو آنجلا من سحرة آل جوفر هاذي 19 سنة منلي عرفوها حامل بالمختارة حيت آنجلا هي الساحرة الوحيدة لي حملات بعد عقم 20 سنة وحملات فنفس الوقت (شافت فشيماء ) لي حملات فيه الهجينة زوجة وحش المتحولين ..وهاذو هم شروط ولادة المختارة ..وفعلا باباك بوحدو ماقدرش يتصدى لآل جوفر فا قتلوه وقتلو باقي أفراد عائلة او معشر سحرة آل مكال من غير سام لي كان صغير فهذاك الوقت فعمر 12 سنة وبمعجزة قدر يهرب منهم … وهم لي قتلو حتى آنجلا ماماك حيت نهار ولداتك فالغابة دالجزيرة لي كانو مخبيات فيها هي وميبهار …كانت حية وميبهار هزاتك وهربات وخلاتها حية …وحيت فاللحظة لي تولدتي فيها حس بولادتك كل السحرة فالعالم فا مكاملة حتى عشر دقائق وقفو سحرة السحر الاسود على ماماك وكملو عليها (آخر أحداث الجزء الأول لي بغات تتذكر ولادت ساندرا ترجع له ) …

(ساندرا لي دموعها كايطيحو وهي كاتشوف فيهم وبدون ماتحس غرسات ظفرانها فيد جبار لي غير مخنزر ..وماريانا حطات يدها على صدر سام لي نظراتو غير على ساندرا بجمود )

ماريانا : فا كانقدم ليك سام آل مكال عمك الوحيد …وآخر واحد من معشر آل مكال …آخر واحد من عائلة باباك يا ساندرا…

(زليخة لي واقفة وسط لبنات وكاتشوووف فسام لي زعر..وابيض البشرة وعيونو خضر وواضح عليه فأوائل التلاثينات …)

زليخة : بشاااخ أليدام على بوكوص …

أميرة حالة فمها فيه) : ياااااه …

سماح هي الأخرى حالة فيه فمها ) تباارك الله ورقولي على عينيه خضرين ألبنات ويلا كان هاذ لخير كولو عم ساندرا وااااا علم الله كيكان باها ..

هاندا : باينة غايكون كان ملك جمال السحرة …ياوا إذن أم وأب ساندرا كانو بحالها هي وجبار هي سمراء وجبار أزعر …

سميحة كاتشووف فسام وفيديها لوح شوكولا كتاكل منو )ماابيهش خليلوووو بوكوص عليه …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 449🕯

(جمانة مزززنكة وهي مخرجة عينيها فخوتها سليم ووسيم ..وأيضا عصمان وخليل ومالك لي مخنننزرين فلبنات لي كايظنو أنهن كايتهامسو بيناتهم فالوقت لي كلشي سمعوهم …وفارس مخننزر فجمانة كايتسنا كومونتيرها حتى هي عن سام … )

جمانة : ازبلات سكتو راه كتهضرو بالجهد …

(لبنات كلهم دورو راسهم شافو فتخنزيرات الشباب لهن وخرجوو عينيهم… وقاطعاتهم ساندرا لي مسحات دموعها ونطقات )

ساندرا : أنا كنرحب بيكم وبأي فرد آخر من أحد المعاشر السبع …

ماريانا : خاسك تجي معانا ماعندناش وقت كتير لي نضيعو حيت ثيون آل جوفر كل نهار كايزيد قوة على نهار لي قبلو و …(شافت فجبار وابتاسمات)و حسب ماسمعت هو مكاتهمو لا تعويذة خلوذ لا كتاب هو فقط مهووس بيك نتي وكل هذفو ياخدك نتي…

(جبار مخننزر فيها وكايضور فكو السفلي بغيض ونطق )

جبار :وفنظرك يا جنية هاذ ثيون نتاعك ولا غيرو غايقدر عليا …؟أو نقوولو إييلا كنت أنا بهاااذ الضععف وهاذ الغبااء گاااع …هو غايقدر على وحوش الاستنساخ التلاث/هو وسليم ووسيم/ بلا ماندكر أقوى صنديد عند المتحولين (فارس ) وأسرع فتى تنقل (عصمان) …وفرقة عدالة لي كاتضم حاليا أقوى مئة متحول فكل العشائر التلاثمئة والقائمة طويييییيلة وعااامرة بالمتحولين لي بأمر وإشارة وحدة مني غاينهيو ماشي غير ثيون ديالك بل كل معشرو …(وابتاسم بشر)

ماريانا ابتاسمات) ثيون آل جوفر مايحتاااجش يشن عليك وعلى عشائرك حرب طاحنة باش ياخدها ليك ويلا ماتيقتينيش …( وشافت فسام وربعات يديها )

ماريانا : وريهم …

(سام ابتاسم وتخطاها و وقف امامها ..ومباشرة أمام جبار لي جنبو ساندا …. سام تمتم بكلمات تعويذة لي خرجاات ساندرا عينيها ملي سمعاتها …حتى بدات تتنفس بسرعة وغوتات وحنات عينيها للأرض كاتشوف فرجليها لي الأعشاب كاينوضو من الأرض تحتها بسرعة وكايطلعو مع رجليها ..وجبار والباقون كذلك حناو راسهم كايشوف اش داكشي…

جبار شدها من خصرها وغووت ) آش هاااذ لق..وي…

(ساندرا بسرعة شافت فيها ونطقات)

ساندرا : تعويذة ن…(وقبل ماتكملها اختفت من بين يديه و من أمامهم كليا تبخرت من أمامهم …وجبار ولا كااينهج شاف فسام مخررج عينو وغوت )

جبار: فيييينهاااا…

(ماريانا جات بسرعة وقفات قدام سام ..ويالاه غاتهضر حتى جبار شعل يديه بجوج بالنار وسليم يديه تجمدو بالجليد ووسيم بالكهرباء أيضا تقدم فارس وخليل وعصمان وكل لستاركس حتى جاسم مخنزريين فيهما …وماريانا خرجات فيهم عينيها وحسات بالرعب وغوتات)

ماريانا : أبلالاتي راه راه هااذي لي طبق سام على ساندرا هي تعويذة نقل …كاتسمح للسحار إيلا طبقها ينقل أي شخص بغا لأي مكان بغا فهاذ العاااااالم ..حتى لأبعد الأماكن لي مزال حتى ماوصلها الإنسان…وهاذ التعويذة بالضبط مستحيل يطبقها ساحر عادي خاسو يكون قوي وبزااااااف حيت كاتبغي خبرة وتمرس فالسحر … وفي كل معاشر سحر الخير سام بووووحدو لي يقدر يطبقها ..وحسب معرفتي في سحرة السحر الأسود حتى الكونت الأول آلبرت آل جوفر يقدر ….وأنا متأكدة أن ثيون حاليا بكل الطاقات لي استنزف ولا يقدر يطبقها هو الآخر ….فاااا خاسو غير يوقف قدام ساندرا وغاياخدهاليك من بين يديك و فرمشة عين كيما دار سام دابا … ولمكان الجن لزرق ماعمرو وصل ليه وماعمرك غاتعاود تشوفها لا نتا لا حنا ….

جبار غوت )ماااغنعاااودش سؤااالي للمرة الثااانية فيييينهااا؟

(ماريانا سرطات ريقها وشافت فسام لي حرك ليها راسو بواخا وتمتم مرة أخرى بكلمات نفس تعويذة النَّقل”” وتحل جدع الشجرة لي امامهم وخرجات منها ساندرا كاتتنفس بسرعة …وجبار بسرعة اختفى من مكانو ظهر جنبها شدها من خصرها واختفى ظهر وسط عشيرتو وعطاها لمو و خلاها وسطهم واختفى فثانية ظهر مباشرة أمام سام وبسرعة وجه ليه لكمة جد قوية بيدو الفولاذية لي بسبب قوتها تهز سام وتدفع بقوة حتى تخبط مع نفس الشجرة لي خرجات منها ساندرا …حتى طاح لاهو لا الشجرة …وجبار بسرعة وقف مباشرة امام ماريانا لي صفاارت مخرجة عينيها وهو قرب وجهو من وجهها ونطق بصوت هااااذئ هدوء مرعب وبهمس )

جبار : غير لبارح خرقت واحد من أهم المبادئ لي تربيت عليهم ..وهو لا للعنف ضد الجنس اللطييف ..وسلخت وحدة فعمر لواليدة وكوولو غير على قبل ساندرا ديالي …فا حاولي تلعبي معايا هاذ اللعب مرة اخرى نتي كمارتك غاتعواج وصحيبك هاذ لمرة غايودع وهو مفرتت …. ■□تتمة الجزء 449■□

جبار : غير لبارح خرقت واحد من أهم المبادئ لي تربيت عليهم ..وهو لا للعنف ضد الجنس اللطييف ..وسلخت وحدة فعمر لواليدة وكوولو غير على قبل ساندرا ديالي …فا حاولي تلعبي معايا هاذ اللعب مرة اخرى نتي كمارتك غاتعواج وصحيبك هاذ لمرة غايودع وهو مفرتت …..

(ساندرا لي تنترات من شيماء وجات كاتجري بعداتو عن ماريانا )

ساندرا : أنا بيخير راه كنت كانسمع كل شيء وكنت غير داخل جذع هاذيك الشجرة فا تهدن …

جبار غوت فوجهها ) ماااامهدنش …

(ماريانا تحنات بسرعة وقفات سام لي نيفو تهرس وغير كاينزف ..تخلعات من كم الدم وشافت فجبار كلها كاترعد بالأعصاب وغوتات بأعلى صوتها )

ماريانا : وااش مازال مابغيتي تفهم واراه حنى هنا باش نعاونوها واااا رااه حنا عاائلتهااا ومستحيل نآذييوها وساام…سااام راه عمهااا راها بنت خوووه والوحييدة ليبقاتليه فعائلتوووو و..

(سكتات ملي غووت جبار فوجهها صاااعر)

جبار : غااالطة هي ديااالي انااا هي كااتنتاامي ليااا أنااااا و عاائلتهااا (أشار للستاركس ) وهم عاائلتهااا (شاف فسام وخنزززر فيه) تكوون عمها بااها جدها خووها شغغلك هذاااك ماتشووفش فيها مااتهضرش معااها ومااتطبقش علييها تعااويذك هااذ لمرة داازت …مرة أخرى مغاااانرحمكش تكون شكوون مااابغيييتيييي

شيماء جات بسرعة شدات يدو ) تهدن تهدن …

إيفان نغز جاسم ونطق بهمس ) باش فكرك جبيبير فهاذ اللقطة …عقلتي شحال من مرة سلختيني على قبل إيفلينتي ختي ديالي …

جاسم شاف فيه مخنزر ) إيفلينتك ؟ وديالك ؟

إيفان : إيفلينتنا زعما ديالنا …

(جاسم ربع يديه مخننزر فيه)

إيفان : إيفلينتك غاهنينا …

(إيفلين هو اسم شيماء الحقيقي)

(عند سام لي وقفاتو ماريانا ونظراتو باردة ..وجات هاندا كاتجري هازة كلينيكس عطاتوليه وحطات يدها على راسو هزاتليه الراس..وماريانا خنزرات فيها ودفعاتليها يديها عنو وهاندا بعدات )

ساندرا غوتات ) : ماريانا خليها راها طبيبة …خليها تشوفو …

(ماريانا مخنننزرة فجبار وسام جلس على الأرض وتحنات عندو هاندا كاتشوف نيفو ..قاتليه يتسنى ومشات كاتجري دخلات للقصر جابت معاها علبة إسعافات أولية وجلسات أمامو كاتعاين نيفو …أما ماريانا لييي صااعرة بغات تهضر مع ساندرا بلغة السحرة وماقدراتش خافت من جبار …فا نطقات بالانجليزية )

ماريانا : حنا مستحيييل نبقاو هنا (شافت فجبار) تقدر تكون اللورد الأول ولكن فرق كبيير بينك وبين اللورد جاسم …

جبار : هااذي عندك لوااليد غير وحش أنا راه الشيطان ودابا هزي عليا صحيبك وقودو من وجهي و…..

ساندرا قاطعاتو بأنها وقفات أمامو مخنزرة ونطقات بحدة ) ماغايمشيوش يا جبار غايبقااو وهوما لي غايدربوني (شافت تخنزيراتو ونطقات ) أحم قصدي ماريانا لي غاتدربي…

(جبار يالاه غايهضر حتى وقف جنبو جاسم لي نطق بهدوء )

جاسم : تهدن …..

ماريانا : حنا ماغانبقاوش يا ساندرا بغيتينا يالاه معانا وساليناا لهضرة ….

ساندرا شاف فيها مخنزرة) ماعندي فين نمشي بلاصتي هنا حدا راجلي ونتوما غاتبقاو هنا معايا ياك هاذي مهمتكم أو لا ؟

(ماريانا يالاه غاترفض ..حتى شد سام لي وقف يدها …شافت فيه ونطق بلغة السحرة وببروود )

سام : نتي من الأول عارفة أنه مستحيل يخليها تجي معانا فا علاش شادة معاه الضدد وكاتستافزيه ؟

ماريانا جاوباتو بلغة السحرة ) ماحاملاش نبقااا هناااا معاه فمكان وااحد وعاد طاااقتهم مستفزة عصباااتني بلا هذاك الرومانووف كنشوفو كنبغي نقتلو…

(ايفان لي كالكل مافاهمين والو من اللغة يالاه فهم لقبو شاف فيها ونطق بصراخ) كاااتعايري ولا وااديك جنية خلاها جبيبير …

ماريانا شافت فيه مخنزرة ورجعات نظرها لسام ونطقات بلغة السحرة )

ماريانا : ماغانبقاش أنا هنا بغيتي تبقا بقا ودير فبالك راه هذاك مغايخليكش حتى تقرب منها خطوة وحدة بقا غير تشد يدها وتدربها هه يعني بقائك هنا راه بلا فائدة…… (وتحركات غاديا في اتجاه الأشجار ..وسام شاف فساندرا وحنى راسو واستدار تبع ماريانا..للأشجار لي غايتنقلو منهم يمشيو حيت هما بجوج ساحري عنصر الأعشاب )…

ساندرا سرطات ريقها وهي كاتشوفهم غاديين …حسات بإحساس غريب وعينيها دمعو الشيء لي لاحظو جبار ..تنهد بغيض ويالاه غايهضر يوقفهم …حتى سمعها كاتمتم بكلمات تعويذة ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 450🕯

ساندرا سرطات ريقها وهي كاتشوفهم غاديين …حسات بإحساس غريب وعينيها دمعو الشيء لي لاحظو جبار ..تنهد بغيض ويالاه غايهضر يوقفهم …حتى سمعها كاتمتم بكلمات تعويذة )

ساندرا : فاكسيموس لاهارفيست فاكسيموس بلارافيست …/تعويذة تكسير الأشياء/وبعد نطقها لهاذ الكلمات ركزات على الأشجار التلاث لي متوجهة ليهم ماريانا وسام وفلبلاصة تكسرو كل شجرة تقصمات على جوج وطاحو ….ماريانا وسام استدارو شافو فيها وهي مخنزرة بعيونها الدامعين ونطقات بصراخ)

ساندرا : كبنت ختك كانطلبك تبقاااي وغانتدرب على يديك أخالتي…. وإييلا رفظتي مرة أخرى غانضطر نأمرك بصفتي الكونتيسة الأولى لمعاشر سحر الخير تبقااااو إذن غااتبقاااو ….

ماريانا ابتاسمات ) باش يتعتابر أمرك آمر وملزم بالنسبة لا ليا لا لسام خاس المعاشر السبع يتحناو ليك ديك الساعة أوامرك على راسي …

ساندرا غوتات ) إذن سيييري فحاالك وكاااانبهك ماتسيفطيليا حتى سحرة آخرين بغرض يدربووني سمعتي حييت أنا هنا لي كااانختاار وأنا ماشي مونيكة عندكم و ماغانتقبل تاواحد آخر يدربني …وبصفتي المختارة أنا كانتبرأ كليا منك ومن كل المعاااشر السبع لسحر الخير ..سمعتي مااابغييت مساعدة حتى واااحد منكم الكتاب الملعون وغاااندمرو بوووووحدي بييكم ولا بلا بيكم ..وخلي تااريخ السحرة يكتب كيفاش المعاشر السبع للسحر الخير تخلاو عن مختارتهم …. وشيء آخر قولي لمعااشرك السبع يدبرو لراسهم مع تهديد آل جوفر ليكم …نهار يدوزوليكم فكوها معاهم …. وماتسناايش مني أو من عشااااائري (وضغطات عالحروف) المسااعدة أو التدخل وقانون المتحولين الجديد غايتختم بدون إضافة أي بنووود كاتتعلق بسحرة الخير ومصالحهم أي قانوونا (المتحولين)غايتختم وهو ماشاااملكمش فاا رجعو تخبااااو (وابتاسمات وهي تحنا على ركبتيها فالأرض وحطات يديها بجوج على العشب غمظات عينيها ونطقات )

ساندرا : نايتور ثري فيسلاثري هارفانايتو نايتور ثري فيسلاثري هارفانايتو …

( وغير سكتات فلبلاصة وبسرررعة طلعات شجرة كبييرة لي خرجات من تحت الأرض وبقااات تنمو تنمو تنمو حتى تعلات كأكبر شجرة من أشجار القصر عاد حبساتها ساندرا عن النمو …والشجرة نبتات أمام ماريانا وسام لي مخرجييين عينيهم … حييت مازال ما استوعبو كلامها الصاااادم وكيفاش تبرأت منهم كليا ونسباات نفسها للمتحولين وبصريح العبارة أكداتليهم أن المتحولين عمرهم غايتدخلو لمساعدتهم نهائيا فيحالة هجمو عليهم آل جوفر ..وأيضا قانون المتحولين الجديد دجبار لي #مزاااااال ما ختمو حيت مازال ماحط بنودو الجديدة لي غاتكون كاتنظم العلاقة بين السحرة دالخير والمتحولين وحدود التعاون بينهم …غااااايختموو ويتسد نهائيا بدون مايتذكرو فيه السحرة …أي عمر غايكون شي قانون عند المتحولين فصالح السحرة …..ماريانا وسام ماجاو يسرطو هاذي حتى زادتهم بتعويذة #الإنبات وحدة من أهم تعاويذ سحرة عنصر التراب لي طبقاتها بسررعة وبقوة …)

(ساندرا كاتتنفس بسرعة حلات عينيها ووقفات وهي تميل دايخة حتى شدها جبار لي خلفها..دور يديه حول بطنها لسق ظهرها مع صدرو ….. جبار ولي مبتاااااسم بافتخار وعينيه على ماريانا وسام…ماشي أقل من جاسم شيماء وكل واحد من لستارك لي مبتاسمين من رد ساندرا )

ساندرا أشارت للشجرة بيدها ) هاهيا بدل لي خربت بتعويذة التكسير فا تقدرو تستعملوها فتنقلكم وماتنساوش توصلو رسالتي لباقي سحرة المعاشر السبع ….

(ماريانا وسام شافو فبعض ورجعو شافو فيها )

ماريانا : ساندرا راكي ساحرة ماشي متحولة واش مستوعبة آش كاتقولي ؟

ساندرا مخننزرة وابتاسمات باستهزاء ) : ساحرة لي ركعو لها المتحولين لي ماااشي من صنفهاااا وأعلى مكانة منها وركعوليها بدوون تردد …..ساحرة لي المتحوليين عطاوها ولائهم الخااالص وتعهدو لها بالحماية والمسااعدة … فالوقت لي سحرتها.. عااائلتها ..دمهاااا كيما قالو… وبني صنفهااا …عطااوها بالظهر وزااادو وعاااد ماعاطيينها قييمة ومامحتارميينهاش باعتبارها الكونتييسة علييهم والمختارة …أنا فكل مرة كاانزيد نتأكد من وصايا جدة ليا ومن هضرتها نهار قاتلي لجئي للمتحوليين على علم كان بإمكانها تسيفطني لييكم نتووما لي كنت فخطر كبيير ونتووما مخبيين …..ولكنها سيفطاتني لهنااا وقاتلي اختاري لي غايردك أميرة على صنفو (وحطات يدها على يد جبار لي محطوطة على بطنها ) ماشي ليي يردني عبدة وكاييعاملني بتصغير واحتقار وسااااهل عندو يعطيني بالظهر ويزييد ….

ماريانا سرطات ريقها وحنات راسها ) موافقة غاندربك وغانبقا هنا غانعلمك كل مكانعرف وغانعاونك فكل خطوة غاتخطيها باش تدمري هذاك الكتاب وغانحميك بكل جهدي …وباعتبارك الكونتيسة الأولى غانعطيك ولائي وغانفذ أوامرك أنا وباقي أفراد المعاشر السبع ..ولكن (هزات راسها شافت فجبار )ولائي لييك بوحدك نتي فقط …. ماغانفذ اوامر حتى متحول …■□تتمة الجزء .450■□

ماريانا سرطات ريقها وحنات راسها ) موافقة غاندربك وغانبقا هنا غانعلمك كل مكانعرف وغانعاونك فكل خطوة غاتخطيها باش تدمري هذاك الكتاب وغانحميك بكل جهدي …وباعتبارك الكونتيسة الأولى غانعطيك ولائي وغانفذ أوامرك أنا وباقي أفراد المعاشر السبع ..ولكن (هزات راسها شافت فجبار )ولائي لييك بوحدك نتي فقط …. ماغانفذ اوامر حتى متحول …

جبار لي مبتاسم نطق ) نتي هنا فقصري وسبق وقلت غاتبقاي هنا تحت شروطي أنا …و واخا ولائك زااايد ناقص عندي غاتعطيه ليا وبخاااطرك نتي وكل واحد من سحرة المعاشر السبع ….وغاتعيشو منهنا للفوق تحت قااانوني لي بنودو المتعلقة بصنفك غانحطهم أنا والكونتيسة الأولى للسحرة والليدي الاولى على المتحولين ساندرا ديالي … غانحطو قانون عادل كاينضم العلاقة والتعايش والتعاون بين الصنفين…فاااا عجبك مرحبا …ماعجبكش سيري فحالك ونصيحتي ليك تخباي وخافي مني أكتر من خوفك من آل جوفر …وشيء آخر ساندرا مامحتاجاااش حمايتك غير غبري لابغيتي تعيشي ….

((ماريانا زييرات على يديها بغييض واستدارت عطاتهم بالظهر وضربات رجليها مع الارض مفقووصة وشافت فسام ونطقات بصوت هاامس معصب وبلغة السحرة)

ماريانا : واااا هاذ زبال شحااال حاس برااسو أأععع بزااف عالغروور والنرجسيية …

(جبار مخننزر حط لحيتو على كتف ساندرا باسها فيه ونطق )

جبار : عايراتني بلغتكم ياك يا سمرائي ؟

ساندرا : هضرات غير بشويا ماسمعتش كل شيء يالاه سمعتها قالت عليك نرجسي …

جبار تنهد ) نقتلها ؟

ساندرا : لا …

(قاطعاتهم ماريانا لي استدارت بزز مهدنة نفسها ….شافت فسام لي شاف فيها …مداتليه يدها شدها وتحركو غاديين في اتجاه جبار وساندرا …حتى وقفو مباشرة أمامهم …وماريانا مخنننزرة وكاتتجنب تشوف فجبار ..خشات يدها فجيبها وجبدات قلادة ومداتها لساندرا لي كاتشووف فيها…)

ماريانا : هاذي قلادة الكونتيسة الأولى ..بمجرد ماديريها فعنقك كل سحرة المعاشر السبع غايحسو بك وأنك كمختارة وليتي رسميا هي الكونتيسة الأولى علينا وهكذا رسميا غايعطيوك ولائهم واخا عن بعد …

(ساندرا مدات يدها خداتها كاتشووف فيها ..وكذلك جبار …كانت قلادة باين فيها قديييمة …على شكل مفتاح تتوسطه عين قرمزية ..ونازل منو تنين …)

ماريانا : هاذ القلادة راه قديمة بزاف يقال أنها تصنعات هي الأخرى من طرف ألكساندرا وتصنعات مع الكتاب فنفس اللحظة ..تلك العين لي عليها هي عين تنين والتنين هو رمز السحرة … فا هاذ العين لي كاتتوسط مفتاحها يقال أنها عين تنين حقيقي…..

ساندرا كاتشوف باستغراب فالقلادة ) هاذ ساروت ديالاش ؟ أشنو الهدف منو وأشنو كايحل ؟

ماريانا : تاحد ماعارف أنا وقبل مني جداتي وجدات جداتي …كوولنا بحثنا بكل الطرق الممكنة عن السر مور هاذ المفتاح وديالاش وأشنو الغرض من صنعو ..ولكن ماتوصلنا لوالو …

ساندرا : حتى الكتاب السحري ماهاضرش بمرة عنو !

ماريانا : خاسك ديريه فعنقك ضروري…

(ساندرا حلات السنسلة ويالاه غاديرها حتى طيرهاليها جبار كايتفحصها)

جبار : شهاذ الحديدة لمصدية القبيحة الشكل (شاف فساندرا ) ماغاديريهاش عليك…

ساندرا : وراه خاس نديرها…

(مايرانا شافت فسام كتجنب منها تشوف فجبار وهي مفقووصة ) إيلا مداارتهاش باش غايعرفوها السحرة الآخرييين ولات كونتيسة عليهم…

جبار كايضور فتلك القلادة بصبعو وهو محنزر فماريانا) hello راك فالقرن 21 وكاين واحد الجهاز زويين ومتطور سميتو تيليفون هاتف سمارت فون ….غاتعيطي بيه لسحرتك تعلميهم فالهاتف وتقولي : ألو راه ساندرا هي الكونتيسة الحالية وراه رديت ليها منصبها لي سرقتليها …

(ماريانا الدخاان قرب يخرجليها من الراس بالأعصاب وكونما خايفة على حياتها كون طارت عليه ..بزز ابتاسمات وشافت فسام تاني )

ماريانا : هضر عافاك غير هاذ المرة هضر ..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 451🕯

ماريانا : هضر عافاك غير هاذ المرة هضر …

(سام شاف فيها بدون رد …وهي تنهدات وشافت فساندرا )

ماريانا : قولي ليه أني ماسرقتش ليك منصبك ….المعاشر السبع كان خاس ضروري بيثروفا يقودهم فغيابك وغياب ميبهار … وكل أفراد عائلتنا البيثروفا الآخرين سحرة كبار فالسن أنا بوحدي لي صغيرة ون…

قاطعها جبار ) صغيرة (ابتاسم باستهزاء ) هه كانظن عندك عالأقل31 ولا 29 أخالتي… هاذشي إيييييلا قلّلت ليك وأنا مكنغلطش فتقدير الأعمار …

(ماريانا جاتها لبكية بلفقصة وشافت فساندرا بترجي تتدخل…هاذ الأخيرة لي ضورات وجهها وشافت فجبار)

ساندرا : جبار …

جبار شاف فيها ومزالو كايلعب بالقلادة فيدو ) نعام ألحب ؟

ساندرا نطقات لهمس ) وباراكا خليها تهضر …

جبار : مالي ساد ليها فمها (شاف فماريانا ) هضري أجنية …

(ماريانا عضات شفايفها بفقصة …أما خوت جبار والبنات كايضحو بسكات وبدموع)

ماريانا : خاسك ضروري ديري القلادة فعنقك …

ساندرا : واخا (وشافت فجبار لي تنهد بملل ..وحل السلسلة دالقلادة …وركبها ليها …وغير تحطات حول عنقها وتسدات ..حسات بإحساس غريب بشكل جميل خلاها تبتسم …..وماريانا وسام مباشرة تحناو أمامها هي لي خلفها واقف جبار …)

ماريانا : دابا كاتعتابري الكونتيسة الاولى والاحساس لي حسيتي بيه ملي درتي القلادة حسيت بيه انا وسام وكل ساحر صغير وكبير من سحرة الخير …

ساندرا ابتاسمات) كيما سبق وذكرت الولاء ماغايكونش غير ليا بوحدي يا ماريانا و يا عم… احم قصدي سام ( سام لي حاني راسو ابتاسم …وساندرا حيدات يد جبار من على بطنها وبعدات من قدامو ..فا ولات ماريانا وسام محنيين أمام جبار ) بغيت ولائكم الخالص والصادق حتى للورد جبار الرئيس الاول لطل رؤساء عشائر المتحولين … فا واش موافقين …

(ماريانا هزات راسها شافت فجبار لي دار ابتسامة وحرك ليها حاجبو بطريقة مستفزة ..زيراات على يديها ورجعات حنات راسها ونطقات بزز )

ماريانا : راك مراتو مدام عطيناك الولاء فا حتى هوا ولكن (شافت فساندرا) إيلا شينهار تفارقتي معاه فرابطة ولائنا له غاتتكسر غانبقاو تابعين لك بوحدك…

جبار : تتفارق معايا ! فأحلامك أخالتي الجنية …

(ماريانا غمظاات عينيها بالجههد كاتمة عصبيتهاو وقفات ووقف حتى سام ..وهي بزز ابتاسمات ليه)

ماريانا: سميتي ماريانا لورد ستارك…

جبار : عاوديها ليهم …ومتنسايش نتي هنا باش تدربي ليا سمرائي لاغير حيت أنا ماكانتيقش وماغانتيقش لا فيك لا فصحيبك (شاف فسام وخنزر ) ونتا طوول فترة بقائك هنا غاتنزل عينيك وغاتبقى بعييد حييت راه فاللحظة لي غاتقرب ليا من ساندرا ديااالي راسك غايطير ….

(ماريانا مسحات على وجهها بعصبية وشافت فساندرا بترجي .

.. هاذ الأخيرة يالاه غاتهضر معاه حتى تدخلت شيماء )

شيماء : احم آنسة ماريانا وسيد سام مرحبا بكم فقصر آل ستارك ..عائلة ساندرا التانية هي عائلتنا وغاتبقاو طول المدة لي بغيتو فضيافتنا فمرحبا بيكم مرة اخرى….(شافت فزليخة والبنات ) ديو ماريانا وسام وريوهم القصر وجناحهم …

زليخة ابتاسمات ووقفات قدام ماريانا وسام وهي مخنزرة ) هااي …

(مايريانا شافت فيها تاهي مخنزرة وتذكرت كلامها هي والبنات على سام فماجاوباتهاش )

زليخة : يالاه أماري وسامو نوريكم جناحكم…

ماريانا : ماريانا …

زليخة : نعام؟

ماريانا :وااسميتي ماريانا …وهذا سام وهو راااجلي …

زليخة : واابالزعط أماري …(أشارت ليها لعصمان والشباب لي مخننزرين فلبنات وأيضا لجاسم وللأعمام ونطقات بهمس ) شفتي دوك سبعة رجال شباب وست أعمام …كووووولهم تيتيز كاينطح خوه وكوولهم رجالاتنا منشووفش خالتي هازة راسها فشيواحد فيهم …فهمتي مزيان مافهمتيش غاتجيبيها فعضامك

(ماريانا شافت فساندرا مفقووصة ليخلاه جبار كملاتو ليها زليخة بكلامها)

جمانة : واا ماري واخالت ساندرا واجي نوريك جناحك …

ساندرا ابتاسمات وقربات منها ) غير سيرو معهن وتقدري تيقي فيهن أماريانا …..■□تتمة الجزء 451■□

ساندرا ابتاسمات وقربات منها ) غير سيرو معهن وتقدري تيقي فيهن أماريانا ….

(ماريانا مخننزرة حركات ليها راسها بواخا وزادت تبعات هي وسام ..زليخة وأميرة وجمانة لي سبقوهم ….أما سميحة شنق عليها سليم مخننزر بعدها عليهم وهز صبعو امام وجهها ونطق بصوت معصب هامس)

سليم : سمعييي نقووليك توحمتي على خلييل ومزاالك كتوحمي عليه ماااسرطتهاااش ومستحيل نسرطها …. ولكن راااه غاتوحمي على هاذ خونا الساااحر تخرجيلي ولدي كايشبهلو كنقسملييك يا سميحة حتى دييك الساااعة غانهزك نحطك فشي جزيرة نائية خااوية حتى تولدي عاد نردك فهمتي ؟

سميحة : يخ كيداااير وااا غيير هني مخك لاهوا لانتااا كولكم زوووعر زووومر مكاينش بحال خليلووو بلحيتو السوداء وبيض كااايشعل تشوف فيه يعميك الضوء …

سليم خبط وجهو بيديه مزيير على عيننيه ونطق ) سيري سيري غبري من حدايا حسن ليك ونستااهل انا لي حو..تك تاحملتي …

سميحة : وسير دوش ليك لخانز لاخر ..(ومشات كاتجري فاش حل عينيه مخنزر فيها ….)

🍀🍀

نرجعو لعند جبار وخوتو و ساندرا …وجاسم وشيماء وباقي الأعمام لي بقاو واقفين فالحديقة بعدما مشاو السيدات والبنات دخلو ماريانا وسام للقصر )

جاسم شاف فساندرا ) تلك تعويذة النقل واش فعلا هي بالخطورة لي وصفاتها تلك الآنسة …ومجالها شامل كل بقاع العالم ..؟

ساندرا حركات راسها بآه ) هي من أخطر التعاويذ القوية وقوتها كاتكمن فمجالها..هي ماشي كقوة تنقل المتحول مثلا محيطها محدود بزااااااف مقارنة مع تعويذة النقل عند الساحر…وكاينة أيضا تعويذة تنقل الساحر لي كاتتشابه كليا مع قوة التنقل عند المتحول حتى هي محدودة كيما المتحول بقوة التنقل مايقدرش يتجاوز محيطو حتى الساحر بتعويذة التنقل يقدر ينقل نفسو بعنصرو ومايقدرش يتجاوز محيط معين …أما تعويذة #النقل يقدر بيها الساحر ينقل أي شيء وأي شخص آخر غير نفسو لأي مكان فهاذ العالم حتى الأماكن لي مزاال الانسان ماوصلها ..وهي تعويذة قوية بزاف ماشي أي ساحر يقدر يطبقها أنا مانقدرش ولاحظت حتى ماريانا بطاقتها ماتقدرش …ولكن أحم سام قدر ومن حيت الطاقات السحرية طاقت سام تتجاوز طاقة ماريانا مرتين … وهاذشي واضح حيت بسهولة طبقها ونقلني لداخل جدع الشجرة كان ممكن يقلني فرمشة عين لأبعد نقطة فهاذ العالم ويرجع يردني فنفس اللحظة لهنا ….

جبار شاف فجاسم) مكاتهمنييش هاذ التعويذة أو أي تعويذة أخرى أقوى منها ألواليد… لي قرب لساندرا لي قرب للقصر غايموت …

شيماء : جبار تعويذة نقل كهذه خطيرة والانسة ماريانا قالت انه حاليا حتى هذاك ثيون يقدر يطبقها فا راه خاسنا ناخدو هاذشي بعين الاعتبار وناخدو كل احتياطاتنا حيت منقدروش نعرفو امتى يقدر يبان قدامنا ويخطفها …

(جبار لي زيير على يديه لي كايرجفو بالأعصاب كولما تجبدات سيرة ثيون )

إيفان(أب زليخة) : مانظنش هو غبي وساخي بروحو لدرجة يبان قدامنا …

دياب(أب فارس) : وحتى أنا يعني هاهوا بان ونقل ساندرا بتعويذته لشي مكان خاسو يعاود تعويذة تنقل باش يتنقل حتى هو حيت مايقدرش ينقلها ويتنقل معاها فنفس اللحظة …. ومايجي فين يعاودها حتى يكون بين يدينا ….

غسان (أب خليل): وعلاش حنا غانغامرو (شاف فجبار ) خاسك تصيدو قبل مايصيدك …خاسك تلقاه أولاً

خليل : راه كانقلبو عليه ألواليد هو وجزيرة معشرو مالقينا والو فهذاك الموقع وسط البحر …

فيليكس (أب أميرة ): عييت نفهم ومافهمت والووو الهاتف لي لقيتو فالحفل دإجتماع كل العشائر محدد أن الرقم لي ترسلات منو الرسالة والصور من طرف السيرفور البشري …الرقم كاين فهذاك الموقع وسط البحر الهادئ ولكن تما مكاين واالو غير الماء ….

عدنان(أب التوأم سموحات) : يقدر يكون الهاتف تلاح تما فهذاك الموقع فالبحر كتظليل…

إيفان : ولا يقدر جزيرتهم كاينة تحت الماء شكون شاف راه دوك سحارة بحال جنون …

فارس : مستحيل أخالي …

مالك : آه مستحيل حيت الجزيرة كاينة تما وحنا متأكدين من هاذشي …

عصمان : آه ولكن فيين المتحولين لي سيفطنا لهذاك الموقع مالقاو والو …

ساندرا : بلاتي (شافت فجبار باستغراب ) واش لقيتي موقع الجزيرة لي مخبيين فيها آل جوفر ؟

جبار : تقريبا ..ولكن الموقع فيه غير البحر مافيهش اليابسة…

ساندرا سهات ) راه السحرة أسياد التخفي والاختباء …حتى لو كانت شي جزيرة تما مستحييل بشري عادي أو متحول يشوفها حيت لو كانت جزيرتهم مرئية وواضحة بالعين المجردة ماكنتوش تعيشو كل هاذ السنوات والسنوات ونتوما كاتظنو صنف السحرة صنف منقرض (شافت فجبار ) ديني لهذاك الموقع لي لقيتي أنا نقدر نحس بيهم وغانعرف واش كاينة جزيرتهم تما أو لا ونقدر نحاول نحيد عليها الحجاب باش خافيينها ون…

شيماء قاطعاتها بأنها شدات يدها ) لا ماشي وقتو يا ساندرا نتي دابا خاسك تركزي فتدريبك ملي تكمليه ملي تولي فأوج قوتك ديك ساعة سيري… وغانكونو كوووولنا معاك وحاميين ظهرك ….

وسيم : ولكن إيلا هاذ ثيون بان وحاول يخطفها قبل ؟

سليم شاف فجبار )غانعاود نقوليك كون قتلتييه هذاك نهار فتلك الجزير الخضراء كون راه حنا مهنيين منو …

جبار شاف فيه مخننزر ) وأنا غانعااود نقوووليك دابا نقتلووو وبنفسي وبدوون مانستعمل حتى قوة من قوااي … 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 452🕯

جبار شاف فيه مخننزر ) وأنا غانعااود نقوووليك دابا نقتلووو وبنفسي وبدوون مانستعمل حتى قوة من قوااي …

ساندرا : تهدنو (كلهم شافو فيها وهي شافت فجبار ..وواضح عليها الارهاق لونها صفر ) هو مايقدرش …مستحيل يبان قدامي هكا فجأة بدون مانحس بيه من قبل …مستحيل يجي غير هكاك ويبان قدامنا ..أي أن عنصر المفاجأة باش يفاجئنا ويهجم ماغايكونش عندو حيت غير يقرب للقصر او غير يحط رجلو فالمدينة كولها غانحس بيه ….

جاسم تنهد وحط يدو على كتفها ) ماعندك من آش تخافي بمرة أبنتي وركزي فقط غير فتدريبك وحمايتك مهمتنا …

(ساندرا هزات راسها شافت فيه وهي تتزك و سهاااات فعينيه حتى نسات راسها ولي ضايرين بيها وماحساش فقط كاتشووف فيه بلا ماترمش …حتى جرها جبار مخنننزر فيها عاد فاقت وهو ونطق )

جبار :كاتباني عيانة ودوخاتك الشمس نيييت غانديك ترتاحي (وبلا مايزيد يهضر هزها واختفى من وسطهم ….ظهر مباشرة فدريسينغ نتاعو وحطها على السرير وهي مزال ساااهية ومبتاااسمة)

جبار هز فيها حاجبو ) اش كاين ؟

ساندرا شافت فيه ) عرفتي باباك عينيه كايحمقو لونهم أزرق صااافي صفاء فشكاال (قربات من وجهو كاتحقق فعينيه)لون عينيك غامق على لون عينيه شويا …هو عينيه صافيين بزااف بحال شي قطرتين من ماء البحر …..

جبار مد يدو حطها على جبهتها) كيما قلت ليك ضرباتك الشمس فا مغانديش على هضرتك دابا وغير حيت تغزلتي بالواليد …(ومد يدو حيد ليها قلادة مفتاح التنين حل اول مجر فلكوافوز لي جنبو لاحها فيه )

ساندرا: خليها ليا زوينة …

جبار : ماحيدتهاش ليك هي ديالك حتى نكتاشفو الغرض منها ولكن شكلها قبيح وعاد معدنها رخييص فماديريهاش عليك (مد يدو كايدوز أصابعو على رقبتها ) هاذ البشرة الناعمة خاس يتحط عليها ألماس ودياموند وأضعف الإيمان ذهب خالص …

(ساندرا ابتاسمات ويالاه غايبوسها وقفات)

ساندرا : أحم غانمشي نشوف ماريانا وسام أكما خاساهم شيخاجة ونشوف سام كيبقاليه نيفو ون…(سكتات ملي جرها حتى طاحت فوقو صدرو وهو تكا على السرير ودور يدو حول خصرها)

جبار : ويلا خساتهم شيحاجة ومن بعد …..ماشي سوقك ونتي ماشي خادمة عند هاذيك الجنية وصحيبها …غاتكون لواليدة تكلفات بيهم وبراحتهم …

ساندرا سرطات ريقها ) حشومة وحاول تعيط ليهم بسمياتهم ومابقاش تستافزها و…

(جبار قاطعها بأنو تقلب وردها تحتو وعينو فعينيها مخنننزر ونطق)

جبار : سمعي حيت هاذشي مغاديييش نعاود نقووولو لمرة تانية …ممنووع منعا كليا تقربي من هذاك أو تهضري معاه أو تضحكي معاه …

ساندرا مخرجة فيه عينيها ) : أويلي كيفاش وراه عمي أجبار أكيد غانهضر معاه ونعرفو اكتر و و…(سكتات ملي شافتو خننزر وزيير على أسنانو وكايتنفس بسرعة )

جبار: عمك لي فأول التلاثينات من عمرو ماشي حتى شيواحد شارف لي نقدر نسرطووو …عمك لي عاد عرفتيه عمك هاذي غير نص ساعة شكوون هوااا كيدااير وفاش كاايفكر هااا …فااا مستحيييييل يتسرط ليا أو نتقبلو كعمك ….و راه غانشووفك قربتي منو أو واقفة كاتهضري معاه غانقتلو يا ساندرا وقدامك ومكايهمني والو…. وهاذ الهضرة مغانعاااودش نقوولها بل غانطبقها وكنظن وليتي عارفااني ……تدريبك غايكون مع هاذيك خالتك لا غير…..أما هو ممنووع علييك نهائيا كغييرو من الرجال فهاذ العالم …..وبغيتيه يموت ..قربي ليه …

(ساندرا كاتتنفس بسرعة وهي مخرجة فيه عينيها الرعب حسات بيه مع كل كلمة كاينطق بيها بكل جدية وتأكيد)

ساندرا : وكل هذا علاش ؟…

جبار : حيت نتي دياالي بوووحدي أنا وكانبغييك وبغيتك تعتابريني اناااا عمك خالك باك خوك جدك صديقك عشيقك راجلك ولدك …كوووولهم أناااا بووحدي تضحكي ليا بوحدي تهضري معايا أنا بوحدي وماااتحتااجي لحتى رجل آخر فهاذ الحياااة وتعولي عليا أنا بوحدي فكل شيء وفأي شيء ..فكري فيا كحمق أو مهووس أو مريض نتي حرة فأفكارك ولكني ماكانضحكش يا ساندرا وكنصحك ماتختابريش كلامي وماتتجاهليش تهديداتي حيت غاتجيبيها غير فهذاك لي سميتو عمك ….■□تتمة الجزء 452■□

ساندرا سرطات ريقها بدون رد

وجبار ابتاسم وتحنى باسها ففمها..بدون ماتتجاوب معاه حيت خايفة منو … وهو فصل القبلة وخشا وجهو فعنقها ونطق بهمس )

جبار : هاذ صباح بينتي على ذكاء وقوة مبهرين (زير عليها فحظنو ) أنا فعلا فخور بيك ومتأكد أنه قريبا كل قوتك غاتظهر …فا مابغيتش هاذ تعويذة النقل تخلعك حدني معاك ماعندك مناش تخافي حيت نموت ومانخليش شعرة وحدة منك تتقاص ….انا معاك فا ماتخافيش …

(ساندرا ابتاسمات من كلامو كل خوفها منو اختفى ودورات يديها حول عنقو عنقاتو …وهو غمظ عينيه )

🍀🍀🍀🍀

ونمشيو عند سام وماريانا لي حلات ليهم زليخة باب واحد من أفخم الأجنحة الخاصة بالظيوف ..ودخلات هي ولبنات معاهم )

زليخة وقفات امام ماريانا لي كاضور راسها فكل أركان الجناح حاااالة فمها كولشي جديد وكل شيء نقي )

زليخة : هذاك الزر لي على لكوافوز جنب سريركم إيلا ضغطتي عليه غايجيو الخدم حتى لعندكم تقدري طلبيهم لي بغيتي وشيء مهم ماتنساوهش كل خدم ولي كارد لي فالقصر بشريين ممنوع تهضرو أمامهم عن المتحولين أوالسحرة او تبينو قواكم أمامهم …

ماريانا شافت فيها مخنزرة) هاذشي عاارفاه …

زليخة هزات فيها حاجبها وابتاسمات) هذاك الباب لي لهيه باب دريسينغ روم أي غرفة الملابس راه فيها ثياب جديدة وأي شيء آخر احتاجيتوه كلفو الخدم غايجيبوهليكم ..والباب الآخر لي لهيه باب الحمام تبغيني نوريك كيديري تخدميه حيت إلكتروني …

ماريانا : واش نتي يحسابليك كنت عايشة فشي كوخ ؟

زليخة : لا حيت من ثيابك وشعرك وريحة التراب لي فيك بانلي كنتي عايشة فشي كهف ….

(ماريانا مسحات على وجهها ويالاه دورات راسها لسام حتى لقات لبنات مدورينو وهي تخرج عينيها)

جمانة هازة راسها بسبب فرق الطول وكاتشوووف فعينيه ) لبنات عينيه خضرين بحال وحدة من عويناتي …(وهي تصفق بيديها فرحانة)

أميرة هي الأخرى هازة فيه راسها وحالة فمها ) وا لبناات واش كاتحسو بكم طاقتو السحرة عرفتو طاقتو مستفزة عصباتني …

هاندا حالة فمها فيه) وراه طبيعي راه حنا أعداء بالفطرة (شافت فجمانة ) ياختي وشحال كيوت هاذ السام …

سماح مدات أصبعها ضغطات على عظلات يدو لقاتهم قاسحين ) واش كاع السحرة متيتزين بحالك أسي سام ولا فيكم حتى نتوما لكمامر ؟؟

سميحة : وا خليلو زوين عليه …(تعلات على أصابعها مخرجة عينيها فوجهو ) وا لبنات مالو مبلوكي مكايهضرش وحتى تعابير وجهو جامدة …

جمانة دوزات يديها أمام وجهو ) هييهو واا سي سام واش نتا هنا حوِّل …إذا كنت تسمعني أجب حوِّل ….

سماح هزات فيه حاجبها ) تا مالك مبلوكي وااا عم ساندي واغير جاوبنا مغاناكلووكش غير نسمعو صوتك ….

ماريانا حلات فمها فيهم ..وهو وسطهم واقف مربع يديه جامد )

أميرة شافت فجمانة ) جوجو قرصيه أكما يقول ينطق ويقول أح 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 453🕯

أميرة شافت فجمانة ) جوجو قرصيه أكما يقول ينطق ويقول أح

هاندا : وا لبنات ابعدو منو راه سيد كايحشم …

(ماريانا نتفات راسها بالفقصة ومشات كتجري خرجاتو من وسطهن رداتو موراها وحطات يديها على جنابها وكاتهضر معصبة)

ماريانا :سااام مكااايهضرش مع شي حد آخر فهاذ العاالم من غيييري بووحدي فا غير بلا ماتحاولو تهضروووه ونزيدكم كايدير غيير لي كنقوليه …

(لبنات كلهن شافو فبعض ورجعو شافو فيها )

سميحة : لعاار كيدرتي ليها …

سماح : واش درتيليه سحور ازغبية وكلتيه مخ ضبع ؟

زليخة قربات منو كاتشوف فيه) أكما روبو ومبرمجاه ؟

أميرة : ولا يكون مسرفق مسكين …

هاندا نطقات بهمس فأذن جمانة ) غاتكون كاتحكم فيه بشي تيليكوموند زعما …

جمانة : والا راه موكلاه مسكين توكال هذا …

هاندا شافت فماريانا ) عطيني شويش من داكشي لي وكلتيه ندوق خليل…

(ماريانا مخرجة عينها فيهن دورات راسها شافت فسام لقاتو مزنك وغوتات )

ماريانا : لوااه موكلاه لخرا…(شدات راسها ونطقات بهمس ) ياربي شهاد سبيطار (غوتات فوجههن ) ساام هكاا داير هااذي هي شخصيتو منعزل كلياااا بزز تفتح غير معايا وبزز هضر غير معايا … هكااا دااير (هزات أصبعها أمامهن ) فاا بعدو منووو

سماح شافت فلبنات ونطقات بداريجة ) بغات تقول معقد …

أميرة خنزرات فيها وجاوباتها بداريجة ) سكتو باراكا خليوهم بيناتهم ماسوقناش قالت منعزل امكن بسبب ليعاشو فطفولتو سمعتوها قبيلة ملي كانت كاتعاود لساندرا قالت ليها كل عائلتو تقتلات وهو بوحدو لي قدر يهرب فا علم الله اش عاش وهو طفل خلاه هكا …فا خليوه براحتو

(لبنات شافو كلهن فسام بحزن ..وماريانا ليمافهمات تاكلمة من الداريجة مخنزرة فيهن)

ماريانا : تقدرو تخرجو ؟ بغيت نبقا بووحدي …

زليخة تنهدات ) يالاه ألبنات خليوهم ( وخرجات وتبعاتها هاندا وسميحة وسماح ..وبعدهن أميرة ..بقات فقط جمانة واقفة أمامهم )

ماريانا غوتاات فوحها بعصبية ) أشنووو بغييتيييي ؟

جمانة (مبتااسمة) : إيلا احتاجيتي شيحاجة عيطي ليا (خرجات هاتف جديد من جيبها عطاتو ليها ) مسجل فيه كل أرقامنا حنا لبنات حتى ساندرا …لاحتاجيتيه …

ماريانا شداتو ) شكرا …

(جمانة ابتاسمات ليها وداىت باي باي لسام وخرجات …غير سدات الباب سام تنهد وتوجه للسرير تكا عليه شاد نيفو )

ماريانا : كايضرك؟

سام : راسي كولو كايضرني بسبب ضربتو حسيت بمخي تزعزع من مكانو …

ماريانا : النرجسي لاخر يخ آش عجبها فيه بااازليها والله عمرهاااا غاتكون عندها شخصية قدام شخصيتو …

سام ابتاسم ) أنا بانليا العكس ..عاطي قيمة كبييييرة لكلامها وهضرتها …وبانليا حتى أنها كاتتحكم فعصبيتو ….

ماريانا : بقا بعيد عليها يا سام راك سمعتي تهديداتو النرجسي لاخر …

سام ابتاسم وهو سااهي كايتذكر وجه ساندرا ) أنا بعييد يا ماريانا وماطامعش أصلا فأنها تعاملني فعلا كعمها او عائلتها…هي أصلا عندها عائلة …

ماريانا : أوااخا تبغييي هذااك لمفرعن مايخليهاش …(وقاطعهم طرق على الباب …سام تكعد وماريانا توجهات ليه وغير حلاتو دخلو أربع خادمات جارين طاولة كبيرة عليها عدت أطباق راقية ومختلفة وذهية ومشروبات وحلويات بالأنواع …ودخلات شيماء مبتاسمة )

شيماء : هذا الغذاء فيه أطباق مغربية تقليدية كانتمنى يعجبكم وفالعشاء غاتعشاو مع كل العشيرة فوليمة خاصة على قبلكم كترحيب فا مرحبا بكم (شافت فسام ) واحد الساعة غايجي عدنان هو طبيب يشوف نيفك ويعطيك شي مهدئ …وفعلا كانعتاذر عن تصرف جبار فأنو ضربك ..راه بتلك تعويذة النقل وملي اختفت ساندرا من قدامنا كلنا ترعبنا عليها جبار غايكون حس بماا اكتر وتصرف هكاك حيت هو متعلق بها بجنون فا كنتمنى تقدرو هاذشي وكانعتاذر مرة أخرى

اترك تعليقا