Skip links

قصة : الوحش وذات القزحتين الجزء 2 ( عشق جبابرة ) ج 44

 40,543 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 421🌞
ساندرا شافت فيه مخرجة عينيها ) لا بغيتو مطلوق وياك مغانخرجش انا غير فالقصر فا علاش نجمعو ( وشافت فالقرد كتهرب من الموضوع ومدات ليه يديها ) لونا ديالي اجي احبيبي نفطرك…

((القرد فرح ويالاه نقز يالاه غايتلاه فحظنها حتى تعرض ليه جبار شدو بيد وحدة ولاحو بالجد جا مخبوط كايتبومبا فوق السرير…وشاف فساندرا مخننزر وحط يدو على صدرها قرصها فراسو حتى تهزات)))

جبار مخخنزر وكايغوت ) حبييبك يااااااااك فييين عمرك قلتييها لياااا أناااا ها حتى من جباري شحال مابقيتي قلتييها لياااا وتفطرييييه يااااااك فييين عمرك أنااا شربتيني حتى جغمة دالمااااء ودابا داك لقرد لحماار لمزغب لي مافيه مايتشاااف كاااتقووولي ليه حبييبك وقداااامي…

ساندرا شادة يدو كتحاول تفكها من صدرها ) أححح غ غير طلق غانبقا نقولها ليك نتا ونفطرك دييما نبقاااا أنا نوكلك أييي جبار كضرني والله ..

جبار غووت ) أمااااكانضحكش وااش دابا هذااااك القرد لحماار حسن منييي أناااا وااابربيييي تااندبحووليك (وطلق صدرها كاينهج بالأعصاب وشدها من خصرها ينوضها من حجرو باش ينوض وعينيه على القرد …اما ساندرا صفارت حيت عرفاتو فعلا نايض للقرد وهاذي لخرة ليه فا بسرعة شدات ليه وجهو بيديها بجوج دوراس ليه راسو لعندها وحطات فمها على فمو كاتبوس فيه بحنية وبهدووء وهي مغمظة عيونها …وهو تبلوكا …ثواني وهي كاتبوس فيه حتى حساتو تهدن..عاد بعدات )

ساندرا : تهدنتي أحبيبي..

جبار وسع ابتسامتو ) هاذ المرة غاندوزها …ونخليه عايش (وأشار للقرد) بشرط هاذ حبيبي تبقاي تقوليها ليا دائما وفكل صباح تفطريني بيديك ..

ساندرا سرطات ريقها ) واخا

جبار خشا راسو فعنقها واخذ نفس عمييق ) دهني ليا عسل حر على توست وعصير ليمون طبيعي …(وبدأ كايبوس فعنقها أما يديه كايتساراو فجسدها بحرية …وهي دهناتليه التوست وهزاتو …كاتوكلو وهو كياكل من يديها وكايبوس فيها … وحتى هي كتاكل حتى شبعو وناضو…

جبار هز بعض الملفات وحاسوبو وشابك يدها مع يدو والقرد لاسق ليها فرجلها … ويالاه حل الباب لقاو زليخة متكية على باب جناحها لي مقابل مع جناحهم )

زليخة مخنزرة ) نص ساعة وانا كنتسنى …

جبار خنزر فيها تاسكتات …وساندرا كاتشوف فيهم بعدم فهم)

ساندرا : صباح الخير زليخة مالكي ؟

جبار :والو (شاف فساندرا وحط يدو على خدها ) ها زليخة دوزي معاها الوقت باش ماتقنطيش على مانجي فالليل …

ساندرا : واخا …

جبار : قفطانك أنا لي اختاريتو غايوصلك للجناح مع كل اكسيسواراتو قبل الحفل بساعتان (وتحنى باسها ففمها وهي تزنكاات حيت قدام زليخة …وهو شاف فزليخة بنظرات فهماتهم وحركاتلو راسها بواخا وهو زاد مشا )

(ساندرا تابعاه بعينيها حتى وصل لنص الكولوار واختفى بقوة التنقل…وهي شافت فزليخة مخنزرة )

زليخة :مالكي

ساندرا : ماغاتقوليش ليا اش واقع ؟

زليخة : واش فطرتي ولا نهبطو نفطرو

ساندرا : زلييخة …

زليخة تنهدات ) نعاام…

ساندرا ربعات يديها ) طوول هاذ الاسبوع ونتي معايا فينما خرجت من جناحي كلقاك كاتسنايني وفينما تحركت فالقصر كاتكوني معايا ولدرجة انك ماخرجتيش تقريبا طول هاذ الاسبوع ودابا تاني جبار منعني من لخروج من الجناح على علم شحاال مابقا منعني بالعكس كايقوليا تحركي في القصر بحرية ولكن اليوم قالي لا وملي حزرتو شفتو هز تيليفونو حتى سيفط شيحاجة عاد قاليا واخا وعاااد نظراتكم لبعض فا قوولي ليا اش كاين وواشنو واقع واش كاتحميني من شيحاجة ..؟

زليخة مربعة يديها وهازة فيها حاجبها ) وامالك درتيلي فيها المحقق كونان من آش غانحميك ونتي وسط القصر (لاحت يديها على كتف ساندرا ) زيدي زيدي نمشيو نشوفو جمانة … ■□ تتمة الجزء 421■□
ساندرا تنترات منها ) كان كايحسابليا ولينا صحابات ونتي كاتخبي عليا…

زليخة : مكاين والو يا ساندرا أنا غير ولفت ندوز وقتي معاك واش عندك شي مشكل فهاذشي …

ساندرا كاتشووف فيها ..وهي تشد دراعها ) يالاه نمشيو نشوفو أميرة بغيت نهضر معاها

زليخة : زيدي …
🍀🌹🍀
الرابعة مسائا …
و داخل جناح واحد من أرقى فنادق الدار البيضاء …واقفة غير بدوبياس أمام النافذة وفيدها كأس عصير كاترشف منو وهي ساااهية فالمدينة …حتى عنقها من الخلف بيديه المعظلتين ..وباسها فكتفها ونطق ببرود )

سام : كاتفكري فيها كيما دائما ياك ؟

ماريانا :واشنو عندي آخر من غيرها يا سام نفكر فيه حاليا (وتنفسات بعمق )؟

سام : أنا حاس بخوفك وهاذ الخوف غير منطقي أحبيبتي هي وحدة مننا كانت ومزالها وحدة مننا …

ماريانا شافت فيه ) ماشي نتا لي هضرتي معاها بالتخاطر يا سام راه انا وأنا لي شفت كيفاش خرجات فيا عينيها وهي كادافع بقوة على المتحولين ولستااركس وقالت ليا انها ماطامعاش تولي الكونتيسة دالمعاشر السبع (ضحكات باستهزاء ) كأنه عندها الاختيار وبخاطرها …

سام : طبيعي تدافع عليها ماتنسايش هم لي وقفو معاها وحماوها من آل حوفر فالوقت لي حنا كنا مخبيين …

ماريانا غوتات) مااااكنااش مخبيين يا سااام 19 سنة وأنا كنقلب علييها كأي فرد من آل بيثرووفا وهدفنا الاول هو حمايتهااا ولكن ميبهاار جداتها لي كانت مخبياها حتى علينا حناااا ونتا عارف شحال كانت ميبهار ساحرة قوية مختصة في إخفاء الموقع…. حنا مااتخليناش علييها راها طرف مني يا سام مستحيل نخليها وكون قدرت نوصل لييها قبل ماتلجأ للمتحولين كون رااها وسط معاشرها دابا ماشي وسط المتحولين …

سام كايشوف فيها ببرود ) ماتنسايش النبوءة يا ماري راه مقدر ليها تتلاقا بجبار ومقدر ليها تكون جنبو ومعاه حنا مانقدروش نمنعو هاذشي…

ماريانا : آه ولكن هاذشي ماكايعنيش تتزوج بيه ماكايعنيش تكمل معااه حياتها راه جامعاهم مهمة مؤقتة لا غير وهي يدمرو المتاب ويوحدو الصنفين وبعدها كل واحد منهما خاس يعيش مع صنفو ..تحت قانون واحد لكلا الصنفين …

سام دار نصف ابتسامة ) مانظنش هي غاتخليه حتى لو بغات هو مايخليهاش …

ماريانا : هاحنا غانشوفو يا سام…

سام : اللقاء هاذ الليلة ياك …

ماريانا : لا عندهم شي عرس الليلة فا غانأجلو حتى للغذ …

سام حط يدو على خدها ) ماعندك منآش تخافي أنا دائما فظهرك وأي شيء قررتيه غانديرو إيلا ركعتي للمتحولين غانركع إذا قررتي العكس أنا معاك …

(ماريانا ابتاسمات وحيدات ليه البودي وتعلات حطات فمها على فمو كاتبوسو … وهو هزها دور ليها رجليها حول خصرو وتوجه بيها للسرير …يالاه حطها وتكا فوقها حتى سمعو دقان فالباب …

سام فصل القبلة …وماريانا تكعدات وهزات بينوار خفيف لبساتو )

ماريانا : أنا غانحل (ووقفات تمشات حتى لأمام الباب ) نعاام !!!

جاها صوت رجالي من الخارج نطق بالانجليزية ): room service…خدمة الغرف …

ماريانا استغربات وسام وقف مخنزر )

ماريانا : ماطلبت والو …

جاها نفس الصوت من الخارج) :الطلبية مأكدة لهاذ الجناح مدام …

(سام قرب ورد ماريانا خلفو وحل الباب …بانليهم رجل بشري كبير فالعمر بلباس دعمال الفندق …وأمامو طاولة عليها مشروب فاخر وغاالي وعدت حلويات مغريبية تقليدية …)

الرجل مبتاسم ) موسيو مدام ممكن تحيدولي من الطريق ندخل الطاولة …

(سام ماهضرش ..بل نطقات ماريانا )

ماريانا : راه قلت ليك يا سيد أننا ماطلبنا والو ؟

الرجل مبتاسم وهو كايشوف فماريانا الشبه عارية ) : هاذ المشروب والمقبلات هذية ترحيب لكم مدام هذية خاصة من اللورد جبار أسد آل ستارك ….🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 422🌞
الرجل مبتاسم وهو كايشوف فماريانا الشبه عارية ) : هاذ المشروب والمقبلات هذية ترحيب لكم مدام هذية خاصة من اللورد جبار أسد آل ستارك ….

(ماريانا خرجااات عينيها وسام خنننزر ويالاه غايتحرك في اتجاه الرجل حتى شدات يدو ونطقات بلغة السحرة )

ماريانا : حيد من الباب خليه يدخل يا سام …

(سام حرك ليها راسو بواخا وبعدو من الباب والرجل دخل جار الطاولة حتى لوسط الجناح ..وهز تيغبوشون Tire bouchon أو مفتاح النبيذ ..وخدا قرعة الويسكي الفاخر حلها وكب ليهم كأسين ونطق )

الرجل :اللورد جبار أسد آل ستارك اتصل شخصيا بصاحب الفندق وصاه عليكم… ودفع كل تكاليف اقامتكم وطلباتكم من الروم سيرفيس وهو شخصيا كايرحب بيكم وقال أنه ينتظر زيارتكم فقصرو فأسرع وقت …

ماريانا سرطات ريقها ) غير هاذشي لي قال ؟

الرجل حرك راسو بلا ) قال أيضا …باراكا ماضيعو فالوقت حيت الليدي ساندرا ديالو محتاجة لتدريب …فا من الأحسن تزوروه فقصرو بنفسكم قبل ماينفذ صبرو وغايزوركم هو بنفسو …(وابتاسم )

ماريانا مخررجة عينيها ) : خرج …

(الرجل حنا راسو وخرج …وماريانا غوتاات )

ماريانا : اشنووو كايحساابليه رااسو هذااا ؟؟؟و و وكيييفاش عرف أننا هنا باش ندربوو ساااندرا … وبااش عرف أصلا الفندق لي حناا فييه ؟؟…

(سام قرب من الطاولة هز كأس النبيذ كايشرب ونطق ببرود مجاوبا عن أسئلتها )

سام :هو شيطان المتحولين ورئيسهم ..بنفوذو ماشي صعب عليه يعرف فين حنا حيت راه حنا فدولتو…(شاف فيها ) وصدق كيما سمعت عليه نابغة بسهولة استنتج علاش حنا هنا …

ماريانا شدات راسها ) مافهمتش كيفاش ساندرا قادرة تتعايش مع مغرور بحالو …مكايفلت تا زبلة…

سام كياكل من الحلويات ببرود ) تهدني مايحتاجش تتعصبي حنا تابعين للكونتيسة ساندرا ماشي ليه…فا ماسوقناش فيه او في متحوليه مشكلتهم مع سحرة آل جوفر ماشي معانا …

ماريانا : هاهيا مهدنة (وقربات لتلك الطاولة هزات الكأس دالنبيذ شرباتو فدقة وهي مخنزرة …وسام كايشوف فيها ببرود )

سام : نعيط لباقي أفراد المعشر ؟

ماريانا ساااهية كافكر ) لا خلي غير حنا حاليا حتى نشوف الوضع فهذاك القصر (وقربات منو حيداتليه الكأس من يديه ) فين خليناها …(وغمزاتو …وهو دار نصف ابتسامة وهزها للسرير …)
🍀🌹🍀
فنفس الوقت الرابعة مسائا وفجناح أميرة لي مبتااسمة وحنيكاتها مزنكين يالاه خرجات من الدوش غير ب بينوار وفوطة على شعرها … وضايرين بيها عاملات كايقادوليها ظفران يديها ورجليها ….وزليخة مجبدة على سرير اميرة كاتقرأ كتاب …أما ساندرا واقفة كاتهز فالقفاطن وتحط وهي فرحااانة حيت اول مرة غاتشوف اللباس المغربي التقليدي ..

والنكافة واقفة امام أميرة كاتوريها عدت تكاشط للعروس تختار منهم لي غاتلبس …

أميرة : غير تلاثة باراكا …

النكافة : ماماك قالت ليا سبعة يا آنسة ؟

أميرة : لواه مئة أغير تلاثة باراكا ..

ساندرا نطقات بلهفة بداريجة معكلة ) نلبس انا السبعة كولهوم زينين عاجبوني ..

(اميرة وزليخة شافو فيها وتزلعو بالضحك …والنكافة ابتاسمات ونطقات )

النكافة : العروس فقط لي كاتغير لباسها أكتر من مرة أبنتي …■● تتمة الجزء 422■●
(اميرة وزليخة شافو فيها وتزلعو بالضحك …والنكافة ابتاسمات ونطقات )

النكافة : العروس فقط لي كاتغير لباسها أكتر من مرة أبنتي …

(ساندرا تحولو تعابيرها للحزن وهي كاتشوف فكل هاذ العشراات دالقفاطن لي معلقين فعلاقة طويلة أمامها وماكرهاتش تلبسهم كلهم )

زليخة : ساندرا بغيتي عرس تقليدي طلبيها من جبار غايديروليك من غدا …

ساندرا وسعات ابتسامتها ونطقات بداريجة معكلة ) لا ولكنني أريد قفاطن بزاف

أميرة : اختاري بعدة لي غاتلبسي منهم الليلة والآخرين ليعجبك هزيه …

(ساندرا وسعات ابتسامتها وطارت على واحد أحمر إيفازي بثوب الساري فيه فتحة من الأمام وكولو منبت بالعقيق اللامع وحطاتو عليها وهي كاضحك )

ساندرا : هذا اريد هذا …

زليخة تكعدات مربعة رجليها ) احلمي يا عزيزتي …

ساندرا شافت فيها وزليخة نطقات بالانجليزية ) واش هبلتي نسيتي جبار قالك قفطانك غايكون من اختيارو هوا ونتي هازاليا هذاك الأحمر و شفتي بعدا من معرفتي بجبار بلا ماتحلمي تلبسي اللون الأحمر ….

ساندرا : علاش مكايعجبوش هاذ اللون ؟

زليخة : بل كايعجبو وبزاف وغاتجي فيه مثيرة هاذشي علاش بلا ماتحلمي ويلا متيقتينيش ها القفطان صوريه سيفطيه ليه وشوفي اش يقوليك …

(وداكشي لي دارت ساندرا دخلات للدريسينغ داميرة قيساتو وهي فرحااانة جاها مزيير حيت بتصميم حورية بحر …ووقفات أمام مراية كبيرة وطويلة وصورات نفسها عدت صور …وسيفطاتهم ليه حيدات الفقفطان ورجعات لبسات ثيابها ..وغير خرجات من دريسينغ وهو يصوني ليها ..وشدات الخط …

جبار : شداكشي ؟

ساندرا جاوبات بالعربية ): إنه كفطان…

جبار غووت حتى صوتو وصل لزليخة واميرة لي حبسو الضحكة )

جبار :: قفطااااااان هذااك هااا… أمنين جاااتو قفطاان وهو مزير علييك ومفتووح تالفخاااض أحيديي عليا زبل..

ساندرا سرطات ريقها ) تهدن…

جبار : وأحمر يااا ساندرااا مااالقييتييي حتى لوون اخر أجيي فيينك نتي ماشي فالجناااح مكاتبانيش ليااا فالكميراات…

ساندرا مزننكة قدام لبنات ) أنا فجناح أميرة و..(سكتات وبعداات الهاتف على أذنها حيت غووت تاغايصمكها)

جبار : وقيستييييه قدااامهم ولا؟ تعريييتيييي قدااام لبنااات …

ساندرا :لا لا بوحدي فدريسينغ …

جبار : بلا ماتصعري دييلمييي لوحي زبل قفطاااانك ليغاتلبسي ساعة وغالقايه فجناحك واللون الأحمر بلا مااتحلمي تلبسيه فتاااااحاجة نهااائيا من غير ليااا بوحدي و فجناااحنا (وقطع )

(ساندرا حيدات الهاتف من على وجدنها مخررجة عينيها شافت فزليخة لي حبسات الضحكة )

زليخة : i told you 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 423🌞
زليخة : i told you

(ساندرا تنهدات ولاحت هذاك القفطان على السرير وجلسات جنب أميرة ويالاه غاتهضر حتى تدق عليهم الباب ودخلو التوأم سميحة سماح …سلمو على البنات لي ردو كلهن السلام إلا أميرة …وجلسو حتى هن كايختارو من مجموعة القفاطن اش غايلبسو …)

ساندرا كاتشوف فالبنات) ماجاتش معكن جمانة ؟

سميحة وسماح شافو فبعض ورجعو شافو فأميرة لي حانية راسها )

سماح : أحم دزت عندها لجناحها قلتها ليها تجي معانا لهنا باش تختار ماتلبس ..قالت ليا عندها قفاطنها !

ساندرا ابتاسمات وشافت فأميرة ) حتى لإيمتا غاتبقاو معصبات منها ؟

سماح هزات كتفيها ) أنا ماعندي معاها حتى مشكل بالعكس بقات فيا حيت مكنظنش جبار غايعاود يهضر معاها وحتى سليم …ومانقدرش نحملها اللوم على لي وقع..

ساندرا لي عينيها غير على اميرة ) وعلاش يا سماح ؟

سماح : حيت هي قالت لينا لي بغات تمشي تمشي ومشات بووحدها لي طواليط حنا احم انا شخصيا تبعتها برجلي ومشيت باختياري فا علاش غانلسق فيها فعلتي لا ونوض نلومها ملفوق …

سميحة تنهدات وجلسات على السرير بعينين ظامعين ) حتى أنا مالمتهاش اصلا ماقلت ليها والو او عاتبتها وماغانلومهاش حيت واخا بصراحة مشيت على قبلها لهذاك الحفل ولكني بحال سماح مشيت باختياري وبرغبتي ماجراتنيش بزز ..فاحاليا كنخمم غير فحريرتي مع سليم لي كل نهار غير ما كايزيد يتعصب عليا نهار يسمح ليا غندير العرس …وبغيت الشكلاط ألبنات جيبو ليا شكلاط

(ساندرا شافت فأميرة لي بزز حابسة لبكية وهي تشد يدها )

ساندرا : واش جمانة بززات عليك تمشي ؟ هدداتك غوتات عليك قالت أنه بزز خاسك تمشي لهذاك الحفل ؟

(أميرة دموعها طاحو وحركات ليها راسها بلا …)

ساندرا : إذن علاش لسقتي فيها كل شيء علاش قلتي ليها هذاك الكلام الجارح نهار عيط لكن جبار على قبل العقاب ..وعلاش طول هاذ الاسبوع كاتهربي منها ومكاتهضريش معاها ؟ نتي ذكية وواعية مشيتي لهذاك الحفل باختيارك ..ماتوقعتش منك تلسقي فيها كل شيء

أميرة مسحات دموعها ) ماقصدتش هضرتي ملي سمعت اللورد منعنا كليا من لافاك فقدت كل أعصابي وبردتهم فيها ومزالني لدابا مقدراش نتيق انني مابقييتش طالبة فكل صباح كنوض مع 7 دماغي تبرمج على هاذ الساعة وكنوض دايخة كندخل ندوش ونمشي نلبس حيت داخلة ف 8 حتى كانتفكر راه صاافي مابقييتش طالبة …

زليخة وقفات كاتكسل ): ولكن الغلط ماشي كولو دجمانة (شافت فيها مخنزرة ) هي مولات فكرة تمشيو اه وكونما هي ماكنتوش تمشيو آه ولكنها ماحطات الموس على عنق تاوحدة منكن وجراتها بزز فا جمعي خناينك يا أميرة عهدي بيك ذكية ماشي غبية وغاتهربي من غلطك وتلسقيه فجمانة

اميرة : أنا …

زليخة قاطعاتها ) نتي كان ممكن ببساطة ماتمشيش وهكا غاتهني مخك فمدام مشيتي اذن هذا اختيارك فا كوني قدو وتحملي نتائجو ونزيدك جبار خرجكم من ديك لافاك ماقاليكمش ماتقراوش نهائيا وإلا مكانش يجيب ليك بنفسو وحدة من أشهر مصممي إيطاليا ..وأصلا غير دوك عرام المصممين ليجابليك راجلك وباك يقريوك تاتخراي لقراية كاعمة كاينين فديك لافاك لي جالسة تدمعي عليها…

ساندرا وأميرة وقفو مخرجات عينيهم )

أميرة : المصممة بينالوبي كارسيا الإيطالية جبار لي جابها ليا ؟

زليخة : فاك نسيت قالي مانقولها لحد … ■□ تتمة الجزء 423■□
زليخة : فاك نسيت قالي مانقولها لحد …

أميرة سرطات ريقها وساندرا ابتاسمات ونطقات بهمس)

ساندرا : كنت عارفة ممكن هو قاسي ولكن ماشي ظالم …

سماح وقفات وشدات يد أميرة ) : أميرة واش غاتسمحي لجمانة عافاك باراكا حنا من صغرنا مجموعات ومكانتخاصموش واش سخيتي بيها …

أميرة شافت فيهن بعينين دامعين ) وامااشي انااا وااهياا لييبب واش غاتسمح ليا عالهضرة لي قلت ليها وعااد دفعتها (جلسات كتبكي ) وراه حاولت نهضر معاها جوج مرات فهاذ الاسبوع ونعتاذر منها ومااقدرتش ماعنديش لوجه …

زليخة شدات راسها ) نااري شحال كتفقصو (شافت فساندرا ) غانمشي لجناحي نجيب لابتوبي بقاي هنا (وخرجات)

ساندرا تحنات عند أميرة مبتاسمة ) اذن نتي مامقلقاش منها كظني هي لي مقلقة منك ..

أميرة :آه …

سماح ضحكات ) غانمشي نعيط ليها إذن (وخرجات كتجري… وساندرا تفكرات القرد لي بقا فالجناح )

ساندرا :غانمشي نعطي للونا ياكل ونرجع ..( وخرجات كاتمشا فالكولوار في اتجاه جناحها حتى سمعات اسمها ..استدارت ولقات ديما خلفها )

ديما كاتشووف فيها ) ليدي ساندرا ؟

ساندرا : نعم ؟

(ديما يالاه غاتهضر حتى شافت سليم جاي ناحيتهم مخننزر ..زيرات على يديها كاتمة عصبيتها وسكتات حتى وقف سليم جنب ساندرا مخنزر فديما )

سليم : ليدي ساندرا فين زليخة ؟

ساندرا شافت فيه ) مشات لجناحها تجيب شيحاجة ..

سليم : ونتي فين غاديا ؟

ساندرا : نوكل قردي علاش !

سليم شاف فديما ) والو أحم يالاه نوصلك لجناحك ونيت بغيت نهضر معاك فشيء مهم …

ساندرا :؟ واخا بلاتي (شافت فديما ) واش بغيتيني اخالتي ؟

ديما :أ احم آه بغيت نسولك على هاندا فينها ؟

ساندرا : مزال ماجات من المستشفى كانظن خليل لي غايوصلها للقصر ..

ديما : شكرا (ومشات)

سليم شاف فساندرا ) واش نتي بيخير؟

ساندرا كاتشوف فيه باستغراب ) آه بيخير علاش ؟

سليم : احم غير سولت (وزادو مع لكولوار في اتجاه جناح جبار )

ساندرا شافت فيه ) واخا نطلبك شيء ؟

سليم :آمري ..

ساندرا :إذا فعلا عطيتك امر مباشر كيفما كان غاتطبقو …

سليم :أكيد وبدون تردد ..

(وصلو أمام الجناح ووقفو وساندرا شافت فيه وهو كذلك )

ساندرا : سميحة باراكا عليها ؟

سليم ابتاسم ) واش هذا أمر مباشر ؟

(ساندرا ابتاسمات وحركات راسها بلا )

(سليم وسع ابتسامتو وحرك ليها راسو بواخا وحط يدو على كتفها )

سليم : دخلي عطي لقردك ياكل و ..(سكت ملي سمع رنت تليفونو وصلو مساج جبد هاتفو حلو لقاه من

(جبار : قسما بالله وماتحيد يديك من عليها تانطيرهالك يا سليم )

سليم خرج عينيه وبسرعة حيد يدو ورد الهاتف لجيبو وهز راسو شاف فالكاميرات دالباب )

ساندرا كاتشوف فيه وهزات راسها تاهي كاتشوف فالكاميرا باستغراب )

ساندرا : مالك ؟

سليم :احم والو دخلي …

ساندرا : واخا شكرا (ودخلات ..لقات القرد كاينقز بجوع..حلات ثلاجة صغيرة تما جبدات منها صحن فواكه عطاتو ليه ..وتمشات للباب تخرج ترجع عند البنات وغير حلاتو لقات سليم مزال تما ووقفات كتشوف فيه ..)

سليم : أحم كنت بغيت غير نسولك واش عطيتيه ياكل ؟

ساندرا كاتشوف فيه باستغراب ) آه …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 424🌞
سليم : أحم كنت بغيت غير نسولك واش عطيتيه ياكل ؟

ساندرا كاتشوف فيه باستغراب ) آه …

سليم : احم مزيان( دوز يدو على شعرو بتوتر ) أ زويييين عندك داك القرد لمزغب…

(ساندرا هزات فيه حاجبها حتى بانت ليها زليخة جاية كاتجري وقفات جنبهم كاتلهث وشداتها من يدها )

زليخة : أنااري ياك قلت ليك بقاي فالجناح وا علاش كتشدي لعكس ناري سخفت …

(ساندرا كاتشوف فيها وفسليم ..هاذ الأخير لي خنزر فزليخة )

زليخة شافت تخنزيراتو ) : أ كووووولني وراه مشيت غانجيب لابتوبي غا خمس دقائق …

سليم حرك ليها عينيه فاتجاه جناح البنات …و شاف فساندرا لي كاتشوف فيه ) كانستأذن ماي ليدي ..(واختفى بقوة التنقل )

ساندرا ربعات يديها وشافت فزليخة مخنزرة )OK, Seriously What’s Happening
(اش واقع)

زليخة : واالو بلا ماتبداي بتحليلات المحقق كونان تاني (جراتها ) يالاه ختاري معايا قفطاني..

ساندرا : لبسي هذاك لحمر لي مابغاليش جبار غايجيك واعر تحمقي عصمان…

زليخة : لا بغيتو كحل نكحلها عليه…

ساندرا : وا لا راه خاسك تجي زوينة باش تخليه منباهر بيك ….

زليخة : وأنا واخا نلبس خيشة كنجي زوينة وكنخليه منبااهر بيا غير زيدي …

(وفآخر الكولوار واقفة ديما مخبية مور فاز كبيير ومربعة يديها وكااتشوف فيهم مفقووصة )

ديما : عاجلا او آجلا غاتبقاي بوحدك يا ساحرة ديك ساعة غاناخد روحك …
🍀🍀🍀
عند ساندرا وزليخة لي دخلو لجناح اميرة لي لقاوها معانقة هي وجمانة وكايبكيو بصراخ وكل وحدة كاتعتاذر من الأخرى وتعنق وتبوس واميرة غاتسخف بالبكاء …وسميحة تاهيا جالسة قدامهم وكاتبكي وهي كتاكل فالشكلاط بجهالة ..وسماح واقفة مع النكافة وعاملاتها كياكلو زريعة وكايتفرجو فيهم …

نوضاتهم زليخة كاتعاير فيهم يجمعو خناينهم ..وناضو غسلو وجههم وهزو قفاطنهم كل وحدة والقفطان لي اختارت وجلسو يقادوليهم لكوافورات المكياج والشعر ….

مر الوقت ووصلات الساعة 6 مسائا بقا فقط اقل من ساعتان باش يبدأ حفل الزفاف …لبنات كلهن لبسو ووجدو كل وحدة أجمل من الثانية …
اميرة بقفطان أخضر دالحنة كولو منبت وكايلمع بمضمة من الذهب ..وعقيق دالجوهر الحر مع أكسيسواراتو وتاج كبير من الذهب وتسريحة العروس بمكياج فخم…

زليخة في قفطانها الأسود لي اختارت بتصمبم راقي منبت بعقيق ذهبي ومضمة من الذهب وجاها مع طايتها ..وجمعات شعرها بتسريحة راقية ….■□ تتمة الجزء 424■□
.أما جمانة فااختارت قفطان أخضر غامق موبرا حر كولو مطرز بالشيبي والغوز بيبي مع مظمة كبيرة وثقيلة من الذهب وتصميم القفطان حورية بحر أي مزير جاها على طايتها وبرز حجم مأخرتها ..دارت بنفسها مكياجها وركزات على ظلال العين وخلات شعرها مطلوق …

.اما سميحة اختارت قفطان باللون الترابي مطرز بالذهبي ومستور كولو تجنبا من انها تزيد تقلق سليم ..مع مضمة رقيقة من الذهب وشعرها جمعاتو كوتشوفال مع مكياج خفيف بعكر غامق فنفس لون القفطان ….
أما سماح لي اختارت قفطان باج بارد مطرز بالذهبي ومنبت بحجيرات فالموف والأحمر ..تصميم حورية بحر وبسلهام خفيف ..وشعرها بوكلاتو وخلاتو مطلوق مع مكياج خفيف ..
وأخيرا ساندرا لي وصلها قفطانها لي اختار لها جبار أكيد ..كان قفطان خفيف وبسييط من الحرير باللون الأخضر الشاحب بطرز خفيف بالفضي..وفيه بعض الحبات من الألماس مزينينو من جهة الصدر و يديه واخا مشبكين ولكن مطرزين .. وكولو مستور ومافيه حتى فتحة…وبمضمة فضية …جاها مثالي مع طايتها..دارت شعرها بوكلي خفيف ومكياج خفيف ..وزعمات وهي دير عكر أحمر ….

(ساندرا جالسة مميلة فمها ودايرة يديها على خدها وكاتشوف بحزن فالبنات وحدة وحدة …)

زليخة جلسات جنبها ) أمالكي عاقدة 360 وراه والله تاجيتي زوينة …

ساندرا : فقطاني زوين آه ولكني بغيت واحد ملون وعااامر طرز كايبري بحال دجمانة ولا أميرة مابغيتوش سامبل …

جمانة : بالعكس جاك زوين بزاف ولابغيتي نتبادلو اجي ولا اختاري اي واحد آخر..

زليخة غوتات ) واش حماقتي نتي بغيتي خوك يفرشخها (شافت فساندرا ) تيعندااك هذا جاك طووب وأصلا جبار كايكره القفاطن التقليدي وهاذشي وكترت لوان وزوااق راه اختارليك بذوقو واخا قفطان ولكنو راقي وخفيف وجاك زوين…

(ساندرا تنهدات ويالاه غاتهضر تاسمعو زديح والموسيقا مجهدة …ناضت كاتجري طلات من البالكون هي وزليخة وجمانة والتوأم )

ساندرا حالة عينيها كاتشوف رجال بنفس اللباس جلالب بيضاء بسلهام وطرابش حمراء ..وهازين آلات موسيقية تقليدية وطبول )

ساندرا نطقات بالعربية ): وااو ما هذا ؟

سماح :ههه هاذو الجوووق …

(سميحة كاتشوف فالحديقة ليكوولها مديكورية بطريقة راقية وأغلب الديكورات والطاولات باللون الأزرق )

سميحة : العرس الأزرق ههه مالك دار كل شيء كيما أميرة كاتبغي …

(ساندرا بدات تشطح بلاصتها متبعة الريتم دزدحة الطبول وتبعوها لبنات حتى من زليخة وبدات سميحة تجدب ليهم بلكوتشوفال حتى جاتها الدوخة وفشلات ليهم تما وهزوها دخلوها للجناح …ودقائق حتى دخلات عندهن شيماء وباقي سيدات لستارك لي حتى هن بقفاطن تقليدية …

شيماء : النقاشات جاو يالاه أميرة غاتجلسي فالبرزة باش ينقشوليك وحتى نتوما ألبنات…

أميرة : واش مالك وصل ؟

أليشا :آه احبيبتي راه فجناحو كايلبس …

ساندرا: وجبار ؟

شيماء : مزال احبيبتي ومزال حتى باقي الشباب ماجاو كاين غير لعريس …

ديما : حتى هاندا تعطلات ؟

أيار : راه عاد عيطت لخليل ولدي راه غايجيبها فطريقو …

باربرة : يالاه نهبطو . 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 425🌞
باربرة : يالاه نهبطو …
(نزلو السيدات والبنات ..والنكافة ولي معاها منزلين أميرة بزغاريت..حتى لحديقة القصر ..جلسوها فالبرزة وضارو بيها تلاث نقاشات جوج لليدين ووحدة للرجلين …والبنات كذلك جلسو على كراسي جنب البرزة كل وحدة بنقاشتها …..ودخلو بعض اللعابات كايضربو لبنادر ويغنيو ويشطحو منشطين الجو …
🍀🍀🍀
ونمشيو لجناح مالك هاذ الأخير لي لبس كوستيمو الراقي واقف فدريسينغ ديالو مبتااسم كايقاد شعرو …حتى تحل عليه الباب بدون اذن ..ودخل خليل كايلهث دليل على أنو كان جاي كايجري …

مالك خنزر فيه ) أشنو بغيتي …

خليل : عقلتي عالبريكول لي قلت ليك اني محتاجك فيك …

مالك (هز بارفانو رش منو ) :آه وعقلت تاني اني قلت ليك لا يالاه تلاح وسد موراك الباب …

خليل تنهد ببرود ) وخليك كاتسمع الهضرة وزيد قدامي قبل مانستعمل العنف ..

مالك استدار مخنزر وغوت ) أفييين نزييد قدامك راه عرسي بدأ ونص ساعة خاسني نكون فالبرزة واسير بحالك أصاحبي خرج…

خليل نطق ببرود ) أصلا كنت عارفها ..

مالك : أشنو هيا ؟

خليل قرب منو وببرود حط يدو على كتف مالك جمدو ونطق ) أنك مغاتعاونيش بخاطرك وبهذا غانضطر نخطفك أسي لعريس (طرطق عضام رقبتو وتحنا هز مالك من رجليه لاحو على كتفو ..ومع خليل بلق ولا حمرررر وهو معصصر ونطق ببرود)

خليل : تقييل….(خرج من الجناح وهو غادي فالكولوار وكايميل بسبب وزن مالك بحالا سكران …ومالك المجمد لي مهزوز مخررج عينيه…خليل هبط فالمصعد …وخرج كايتختل ويتسلت داز فالمراح كايجري باش مايشوفوهش الخدم زعما ولكن كوولهم شافوه هاز مالك وهارب …دخل للمطبخ حتى خرج فالطباخات لي بقاو غامبربقين فيه عينيهم ..وهو مع التقل دمالك ..مززززنك ومخسر ملامح وجهو معصور …ماداهاش فالطباخات حل الباب دالمطبخ لي كايخرج فالحديقة ..ومشا كايجري وهو كايسمع فأغاني اللعابات وزغاريت …وداز على بعض ليكارد لي حتى هوما مافهمو والو ..وخرج من باب الخدم لي راكن جنبو سيارتو …حلها بسرعة ولاح مالك فالكراسي الخلفية ومع لاحو بالجهد خبط ليه راسو مع باب السيارة وتسمعات زدف )

خليل كاينهج حنا راسو شاف فمالك ونطق ببرود )

خليل : اوبس سوري أصاحبي غانرد البال مرة أخرى (وبسرعة هز هاتفو ودوز الخط)

خليل : هاندا …

هاندا لي كاتهضر بهمس وبتوتر) فيينك أخلييل راه عييت نماطلو ونهرب منو وغانموت بالخلعة …

خليل : ماعندك منآش تخافي ديري داكشي لي قلت ليك بالتفصيل هزي الحقيبة لي عطيتك وطلعي لسطح المستشفى وعيطي ليه وخلي الباقي عليا …

هاندا : ماتعطلش عليا يا خليل راه راه…

خليل : راه آش ؟

هاندا : خفت منو ..

خليل ديق عينيه بشك ..وحول نظرو لمالك ) ماغاديش نتعطل عليك نفذي ودابا (وقطع وركب سيارتو وكسيييرا ) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 426🌞
🍀🍀🍀🍀

نرجعو للحديقة وعند البنات …لي كل وحدة منهن جالسة وجنبها نقاشة كاتنقش ليها إلا ساندرا لي شادة كاتالوگ النقش ومزال ما قررات النقشة لي تدير …وعاد كتشوف فنقش البنات وفالحنة باستغراب ….

وماشي بعيد عليهن واقفة شيماء وكل سيدات لستارك وكايهضرو بهمس وعينيهم عليها )

باربرة : كحالت اشوشو…

أيار : شوفو مسكينة كيكاتشوف فالحنة باينة بغاتها …

شيماء :مصيبة كحلة هاذي كان كايحسابلي انه نبهها ماتنقشش…

اليشا :وا شيماء واسيري منعيها واش بغيتي ولدك يجي يقلبليا عرس بنتي لجنازة اليوم…

تارا شدات كرشها كاضحك بدموع ) ههه عقلتو فاش كان صغيير ههههخ…

باربرة :هههه هو كااايكره الحنة ولونها وريحتها وباه كايحماق عليها وشيماء بقات تالفة وسطهم …

جاكلين مبتاسمة ) عقلتو فاش دار سبع سنين نهار عيد ميلاد زليخة فاش نقشنا كولنا حتى شيماء وجاسم كايضحك ويبوس فيديها عاجبو النقش وجبار غيير شاف الحنة فيديها ناض كايبكي ويغوت ويهرس هههه طيح لفيترينة كولها لجدة رجاء ..

باربرة جلسات فاشلة بالضحك ) ههه وفلييل خلاهم تانعسو وهز بانيو عمرو بجافيل ودخل لجناحكم أشيماء وخشا ليك يديك فجافيل…

تارا : أمي كرشي ههه صباح لقات يديها مرقديين فجافيل وكاع الحنة مشات وخوية جاسم تفقص…

أليشا : وبقا موراها شهر وهو مخنزر ومقلق منك أشيماء هههخ

شيماء مخنزرة فيهن وهن كايموتو بالضحك ) وااراكم كاضحكو على اللورد الأول أزمرات …

أيار :هه اللورد الأول لي كانت عندو سبع ماشي لي عندو 27 دابا

(شيماء يالاه غاتهضر حتى شافت ساندرا هزات إبرة النقش لي عاامرة بالحنة )

شيماء :ناري ؟

تارا : قفاارت أش غانديرو دابا؟

أليشا : صاف عرس بنتي مشا ولقصر مشا وساندرا مشات …

جاكلين : صبرو امكن يكون خلاها جبار (كلهن شافو فيها )هو مكايفلت والو اكيد غايكون قاليها نقشي وإلا هي مستحيل تعصاه وتجلس وسط البنات وتبغي تنقش ؟

شيماء : موحال هو أصلا مكايحملش هاذشي بمرة ومستحيل يجي شي نهار يبغي فيه الحنة …غايكون نسا مانبههاش على النقش (ومسحات على وجهها )

باربرة : إذن منعيها ؟

شيماء : مانقدرش إيلا هي بغاتها نقوليها أنا لا !

(عند ساندرا لي شادة الإبرة فيدها كاتشووف فيها )

النقاشة : واش ختاريتي النقشة لي بغيتي ابنتي ؟

ساندرا شافت فيها وحولات نظرها للبنات لي كلهن كاينقشو ..سرطات ريقها وشافت فالنقاشة ومدات ليها يدها ).

ساندرا : غاديري ليا لي بغيتي …

(النقاشة ابتاسمات وشدات يدها وخدات منها الإبرة …وشيماء والسيدات مخررجين فيها عينيهم حتى حسو بطاقة المتحول دجبار والشباب ..وكلهن استدرن بانليهم جاي ومعاه وسيم وفارس وسليم وعصمان …ومشاو كلهن كايجريو وقفو أمامهم )

جبار صفر ) تيتيزات ..

شيماء : حبيبي واش أحم واش خليتي ساندرا تنقش ؟

(جبار كان مبتااسم غير سمع النقش ..لي خرج ليه كليااا من بالو ..وهو يخرج عينيه وحول نظرو لجهة البرزة بانتليه عاطية يدها للنقاشة …وغوووت )

جبار : ساااااندرا. 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 427🌞
جبار : ساااااندرا

ساندرا وكل البنات والنقاشات شافو فيه..وهو مشا كايجري بسرعة وقف عليها وشد يدها حيدها للنقاشة ووقفها وهو كاينهج وكايقلب ليها فيديها بهستيريا وكايغوت)

جبار : شهااذ زمر وااش قاصتك الحنة هاا وسخااتك؟؟

(ساندرا مخررجة فيه عينيها وحتى لبنات والسيدات أما النقاشة هربات … و الشباب حابسين الضحكة )

ساندرا تزنكاات قدامهم ونطقات بهمس ) لا مازال مانقشت واتهدن…

جبار : آش غااانتهدن آش وااا مكاايعجبنييش هاذشي ورييحتو ولونو (شاف فزليخة مخنزر وغووت عليها ) واااش ماقاليكش لبرهووش دراسك تقوولي لييها ماتنقشش ؟

زليخة مخرجة فيه عينيها) :وا راه حتى أنا تعجبت ملي شفتها عاطية يدها للنقاشة كايحسابلي خدات اذنك …

(جبار زفر بعصبية وجرها حتى بعدها عليهم ووقف وهو مزالو كايقلب فيديها… )

جبار : ماكاااتعجبنييش نهااائيا (شاف فيها ) وماغانخلييكش ديريها لا دابا لا وقت آخر ..نهااائيا …

ساندرا ابتاسمات ) بصراحة حتى أنا محملتهااش خضرة جارية هكاك وحتى ريحتها فشكل راه مابغييتش نديرها غير كايحسابلي نتا لي قلتي ليهم يديروهاليا دكشي علاش وافقت …

جبار تنهد براحة وابتاسم وعنقها ) ظنيتك باغاها وغاتقلقي حيت منعتك ( باسها فخدها ودورها من يدها وهو كايتأملها بالقفطان ) كاتحمقي…

(ساندرا كاضحك فرحانة وهو كايضورها وغير حقق فوجها خنزر)

جبار : شيء واحد لي ماهواش ..

ساندرا : شنو هو ؟

(جبار شدها من خصرها وحط فمو على فمها كايبوس مامسووقش لا لفين هو لا لشكون حداه ..كايبوسها بقوة وهي مزننكة ماطلقها حتى لحس كل شفتيها ونطق )

جبار : وها لعكر لحمر مشا (وغمزها وجرها جلسو فطاولة بوحدهم)

…جمانة واقفة مع فارس كاتوريه النقش وهو ماحيدش عينيه من عليها حمقاتو بالقفطان …)

..و وسيم كايصور فسميحة لي مبتاسمة بهاتفو وهي كاتبوزا …)

وسليم واقف جنب سميحة لي عينيها حوالو فالحلويان دالبيفي ويديها منقوشين مقدراتش تهز تاكل ..شاف تاعيا وتحرك عمر ليها طبسيل وجا حداها كايوكلها بيديه وهو ساكت وهي بدورها كتاكل وقالبة عليه المهم تاكل …)

أما زليخة لي واقفة هي وعصمان فقنت كايهضرو بوحدهم …
و دقائق حتى دخل جاسم وجوكار أب عصمان وأمير أب مالك ليمعاه مراتو سلمى …وبداو الأعمام كايدخلو واحد بواحد ….أما أميرة لي جالسة فالبرزة بقفطانعا الأخضر وعينيها على الدخلة دالحديقة كاتسنى مالك ….
🍀🍀🍀
نمشيو للمستشفى…وعند هاندا لي خرجات من مكتبها وهي هازة حقيبة حديثة و كبيرة على شكل سامسونيط ..كتمشى بخطوات سريعة ولونها مخطوف …دازت من جنب قسم أمراض الأطفال ..وبانليها مراد واقف مع عدت دكاترة آخرين وحركاتليه راسها بمعنى تبعني …وتحركات غادية بخطوات سريعة ركبات فالمصعد لي طلعها حتى للسطح دالمستشفى ….وبقات واقفة تما وهي كاتنفس بسرعة وعينيها على الساعة لي فيدها تعطلات على العرس ..قفزات ملي تحل باب السطح …وخرج مراد لي مبتااسم وعينيه غير على الحقيبة لي هازة )

مراد : هاندا وأخيرا جبتي ليا فلوسي …(ووقق أمامها وحول نظرو من الحقيبة لصدرها )

هاندا رجعات خطوة للخلف ولونها صفر ) :أ آه جب جبتهم…

مراد قرب منها خطوة ) : مزيااان..

(وبدون سابق إنذار مد يدو طيرليها الحقيبة وهي خرجات عينيها حيت عارفة الحقيبة مافيها والووو ويلا حلها غاتتفرش وتقدر تكون ردت فعلو عنيفة معاها وخليل مزال ماوصل )

مراد شاد الحقيبة كايتقاتل معاها تتحل ولقاهاها بلكود …شاف فهانذا مخنزر )

مراد : قولي لكود…

هاندا سرطات ريقها ) ب بلاتي…

مراد مد يدو حطها على خدها ): كيفاش بلاتي ازوينة ؟

هاندا كاترعد وحيداتلو يدو ) : ب بلاتي نهضرو أحم شرح ليا اكتر عن المشروع وتاريخ مباشرة الأعمال فيه وبداية بنائه …

(مراد تنهد وبدأ يشرح لدقائق وهو كايخربق عليها ويدخل ويخرج فالهضرة لي كولها كدوب …أما هي حاضية غير باب السطح وكاتسنى فخليل )

مراد : يعني شهر بالضبط نبداو فالبناء وبتوفير كل المواد اللازمة واحد الست أشهر يكون واجد ودابا قولي ليا لكود…

هاندا : ب بلاتي ن..

مراد قاطعها ملي غوت ) هااندا الكووود …

(جاه صوت خليل من الخلف )

خليل :الكود ديالك عندي … □●تتمة الجزء 427□●
خليل :الكود ديالك عندي …

(مراد وهاندا استدارو وشافو فيه ..كان مزننك وكولو عرقاان وهو هاز مالك …وقرب حتى لجنبهم وتحنى حط مالك على الأرض وجلس جنبو كايلهث جاتو السخفة )

(هاندا مخرررجة فيه عينيها هو ومالك ..ومراد كتر منها )

مراد غوت ) آش هاااذشي (شد هاندا بقوة من دراعها حتى شهقات وغوت ) واااش كاااتفلاي عليااا ؟؟

خليل : صبر بلاتي (مراد شاف فيه وهو وقف …نقر سروالو مزياان ومد يدو لجيبو جبد كلينيكس مسح العرق من وجهو … وقاد لفيست نتاعو وقاد شعرو بيديه …عاد شاف فيهم ..و قرب من مراد ببرود ودفعو حتى طلق هاندا ونطق )

خليل :آه أسيهم مراد النصاااب لعبنا عليك وهاذيك الحقيبة فيها غير لحجر ..

(مراد مخننزر فهاندا ..ويالاه غايقرب منها حتى غفلو خليل وعطاه بونية قوية حتى ضار وجهو ..ويالاه تكعد غايضرب حتى هو خليل .. حتى بسرعة خواليه وفعل قوة التجميد وعطاه تصرفيقة قوية حتى طاح مراد على الأرض جامد …)

هاندا غير كاتفرج مخرجة عينيها وبسرعة تحنات عند مالك لي حال عينيه كايتفرج كاتقلب فيه وفهمات انه مجمد بسبب قوة خليل …هزات عينيها بانليها جمد حتى مراد ..وواقف هاز هاتفو حالو على كاميرة السيلفي وكايشوف فوجهو وهي تغوت )

هاندا : خلييل اشنوو كاديير علاش مالك مجمد ..وعلاش هو هنا أصلا ؟

خليل شاف فيها ) فاك نسييتو (ومشا كايجري تحنا عند مالك وشد وجهو بين يديه ونطق )

خليل : سمع أصاحبي غاترجل معايا غانفك ليك التجميد ياك وغاتقضي ليا الغاراض فهذاك خونا (وأشار براسو لمراد ) ومن بعد غانردك منين جبتك إيلا كنتي موافق على هاذ الصفقة رمش عينك …
//كما سبق وشرحت قوة التجميد قوة كاتخلي الشخص جامد كالصنم كل جسدو مشلول يالاه كايتنفس وكايرمش عينيه ومستحيل يحرك جسدو إذا القوة ماتبطلاتش //

(مالك بسرعة رمش وغير فك عليه خليل التجميد ناض طار عليه ببونية حتى تنشر خليل على الأرض )

مالك وقف كاينهج وهو شاد راسو لي كايوزوز حيت خبطو ليه خليل مع باب السيارة …وكايغووت وهو صاااعر لدرجة فقد أعصابو وبدأ يخسر لهضرة )

مالك : اشهااذ لق..وي واااش بعقلك ازا..ل وااااش عاارف أش درتييي و… (سكت ملي شاف خليل وقف الشيء لي خلاه هجم عليه تاني وبسرعة حتى وقفات هاندا بيناتهم وهي كاترجف )

هاندا : خوية مالك غير تهدن عافاك خ خليه يشرح لينا…

خليل مخسر وجهو وغوت ) وااا زا..ل واا دائما كنقوليك فوت لوجه وضرب …

(مالك يالاه غايطير عليه تاني وهي توقفهم هاندا كاتحزرهم )

هاندا : عاافاكم مادابزووش …

مالك : حييدي ياااا هاندا غاانقتلوو ..

خليل نطق ببرود ):واا لمجلج واش باغينا نباتو هنا ؟ نسيتي راك عريس ونتا مخلي مراتك بارزة بوحدها وواقف هنا باغي تقتلني ؟

مالك مخرج عينيه بفقصة وطار عليه قجو وكايغوت ) أنااا لي خلييتها هااا أنااااا ولا نتااااا لي خطفتيينيييي نهاار عرسسييي ؟؟

خليل كايشوف فيه هاز حاجبو ) لي سمعك يقول خطفتك على جمالك ونتا كولك قبيح وأنا خطفتك غير تقضي ليا الغرض فهذاك النصاب ..

هاندا تعصبات وغوتات ) واا باراكا (وبزز فكات خليل من يدين مالك ..وشاف فيه مخنزرة )

هاندا : خليييل هضر خلاص علاش جبتي مالك لهنا ؟

خليل : باش يقضي ليا الغرض …

(مالك طار عليه تاني قاجو ..وخليل كايفركل …هاندا زفراات بعصبية …وهي تجلس على الأرض مربعة رجليها وبقات كاتفرج فيهم )

اترك تعليقا