Skip links

قصة : الوحش وذات القزحتين الجزء 2 ( عشق جبابرة ) ج 39

 36,841 عدد مشاهداات

■□تتمة الجزء 383■□
(جبار حرك له راسو بواخا وجاسم خنزر فيه)

جاسم : قلتي أنه مكانش وماغايكونش رئيس عشائر بحالي ..وأنا كانقول أنك غاتكون حسن مني …

جبار مبتاسم ) مانظنش ألواليد حيت حكمك كان رحيم وعادل …وحكمي غايكون قاسي وعادل …

جاسم : وأنا عمرني قلت ليك حكم بحالي..أو تعامل بحالي ! …حكم وتعامل بطريقتك حتى لو كانت قاسية أنا متأكد غاتكون عادل …وأنا معاك فكل قراراتك

(جبار عنقو وجاسم ابتاسم …)

جاسم : جمانة فاقت …

جبار خنزر وتسيف كليا ) ماشي دابا تانسالي لهن …

جاسم حرك لو راسو بواخا ..وجبار استأذن منو ومشا …..
🍀🍀🍀
نرجعو لجناح جمانة …هاذ الأخيرة لي غير كاتبكي ومزيرة عليها مها فحظنها …)

جمانة : فارس أماما…

شيماء : فين كان عقلك يا جمانة فين (شدات وجها بين يديها ) واش مستوعبة الخطر لي حطيتي فيه راسك ولبنات ولا لا ..علاش ماجيتيش هضرتي معايا ياك كانقولو لبعض كل شيء لو جيتي قلتي ليا عن هاذ العيد ميلاد كنت غاندير لي فجهدي باش نخلي باباك وخوك يخليوكم تمشيو وغاتمشييو وراجلك وخوك بنفسهم يديوكم ويبقاو معكن …وأنا متأكدة هذاك الكلب دسفيان ملي كان غايشوف فارس معاك كان غايهرب من هذاك الحفل..)

جمانة لي عينيها حمرين ومنفوخين وغير كايسيلو بدموع ) : غلطت أماما والله منعاود ..

شيماء : غلطك هذا خلا سليم مكايشوفش حتى فسميحة وطول هاذ التلاث أيام وغير أمها وباها لي مقابلينها هو مبانش كاع تاللبارح … ووسيم لي ديما ضاحك غير معصب لي هضر معاك كايشعل وفينما طل على سماح كايزيد يتعصب ..وأميرة هي لي فاقت ووعات قبل منكن حيت ماخداتش كمية مخدر كبيرة وجهها كولو متضرر بسبب الضرب القوي لي تلقات و راه دخلات فصدمة تلاث أيام ماهضرات مع تاواحد وأليشا غاتحماق عليها وباها غير معصب أما مالك غير ساكت ..وبلا جبار لي حاساه غايتفرقع فأي لحظة …وكل هذا كوم وفارس كوم ثاني …

(جمانة حالة فمها وغير كاتبكي وكوولها كاترعد بقوة لدرجة صوت احتكاك اسنانها كايتسمع ) ف ف فارس ف فارس فينو فينو اماما…

شيماء: تهدني عطيه وقت يا جمانة و..

جمانة تنترات منها وغوتات ) كييفاش عطيه وقت واش صاف خلاني (شافت حواليها ) ردني لجنااحي مابقاش باغيني ياك (وقفات بزز دايخة وشيماء كاتحاول تشدها ولكن يديها كايختارقو جسد جمانة )

شيماء غوتات ) جماانة بااراكا تهدني وجلسي راك داايخة غاطيحي …

جمانة : بغيت فاارس فييناهوا فيينو حيدي أماما خليني نمشي لجناح راجلي …

[شيماء فعلات درعها باش تقدر تشدها (قوة الدرع كاتخلي المتحول منيع كليا ضدد قوى المتحولين ..أي كل القوى تتلاشا امام الدرع …) وبمجرد مافعلات درعها شدات بنتها وحاولات تجلسها ]

شيماء : حبيبتي جلسي هنا أنا غانمشي نعيط لفارس…

جمانة كاتحرك راسها بلا وهي كاترجف )ك كاتكدبي علياا هو مشا آه صاف لاحني اصلا أش غايدير بوحدة بحالي هو مشا قولي ليا مشا(وبدات تدخل وتخرج فالهضرة و تنترات من شيماء لي زيرات عليها وهي كاتغوت وتعيط لجاسم ..حتى تحل الباب ودخلات هاندا كاتجري …جبدات إبرة عمراتها …ولكن شيماء مابقاتش قادرة تشد جمانة لي دفعاتها ومشات كاتجري …وتعرضات ليها هاندا ولكن جمانة اختارقات جسدها وزادت كاتجري حتى اخترقت الحيط …)

(شيماء وهاندا كايلهثو وشافو فبعض ..وناضو كايجريو في اتجاه جناح فارس ….) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 384🌞
🍀🍀🍀🍀

نمشيو لجناح جبار … ساندرا ناعسة وسط السرير كلها عارية …فقط إيزار خفيف ساتر مفاتنها …بدات تحل عينيها ..وشافت جنبها مالقاتوش ونطقات بصوت ناعس…

ساندرا : جبار ..!

(تكعدات شادة ليزار من جيهت صدرها ..وشافت على لكوافوز باقت ورد عليها كرط ..وجنبها علبة متوسطة الحجم …ابتاسمات وهزات الورد شماتو وحلات الكرط ..لقاتو كاتب ليها بخط يدو ….

■جبار : صباح مفعم بالحب الجميل …والأنوثة المثيرة …والقلب الخجول.. والسحر الأسمر ….صباااحُ جبَّارٍ مفعمِ بكِ أنتِ…أنتِ الأنثى التي أفقدتني عقلي ..
وسرقت قلبي .. وعلمتني الهذيان حباً .. والجنون عشقاً ..
أنتِ من هزت كياني .. و أشعلت نيران العشق في قلبي..
أنت من سكنت روحي عقلي وكُلِي.. أنت أكبر أحلامي …أنتِ وأنتِ وأنتِ فقط أنتِ..وستبقين داائما أنتِ….■

(ساندرا عاضة شفايفها ومززنكة وهي كاتقرأ رسالتو وتعاود مبتاسمة …شافت فالعلبة وهزاتها حلاتها لقات فيها قطع من strawberries chocolate فخم…أو الفراولة بالشوكولا الفخمة ..وهي ضحك بفرح ويالاه هزات حبة كلاتها حتى وصلاتها رسالة منو فهاتفها ..علمها فيها أنه اضطر يخرج بكري وغايتعطل ..ووصاها تلبس المستور عاد تخرج من الجناح ….
ساندرا حطات العلبة وناضت لاوية عليها ليزار …دخلات للدوش لقاتو واجد ..وجد ليها البانيو عامر ومزوقو بالورد ولجيل دوش والزيوت …ابتاسمات ..وتوجهات لافابو حلات بلاكار تما خدات بانضة وبدات تجمع شعرها اسفنجة وهي كاتشوف فانعكاسها على المراية ..عنقها وصدرها عامرين بآثار مصاتو…ابتاسمات ..ويالاه غاتسد لبلاكار ..حتى بانوليها باكيات نتاع الفوط الصحية ديالها ..هزات لي محلولة منهم وهي تسرط ريقها ..خشات يدها فالباكية وهي تجبد لكينات دمنع الحمل ..ليجابت ليها هاندا مخبياهم تما ….

(ساندرا جلسات على فوطوي تما وهي سااهية فلباكية دلكينات لي باين مزال ماتحلو …وكاتذكر يوميا فهاد التلاث أيام كاتمارس معاه كل ليلة….وفكل مرة كاتهزهم بتخبية باش تشربهم…وحتى كاتبغي تحل الباكية و كاتتراجع ..ماقدراتش وكولو من خوفا منو ….)

ساندرا : ماغانقدرش (سهات كاتتذكر كلامو ليها ملي كانو فالكوخ فتلك الليلة المشؤومة ..ملي قال ليها بصوت مجروح ودموع فعينيه ..^^ إلا نتيي ياا ساااندرا إلا نتيييي مااااتخذلينييش نتيي لا لا و خلييك معااايا زويينة مااااتجبدييش الشيطان لي فيااا علييك إلا نتييييي يااا سااندرااا ماتخلينييش نوصل لدرجة نحمااق ونآذييك^^…ساندرا زيرات على علبة الدواء مخنزرة وبسرعة وقفات أمام لافابو …حلات روبيني خلات الماء مطلوق مجهد وبيديها كايترعدو حلات علبة الدواء وبدات تخرج كينة بكينة كتلوحهم حتى لاحت النص مشا مع لافابو وتعصبات وهي تخبط العلبة مع الأرض …ولاحت ليزار وتخشات فالبانيو …وبدات تبكي بسكات وهي ساهية فأفكارها ..وفمخاوفها …وفالمستقبل المجهول لي كايتسناها ولي هي متأكدة أنه ماغايكونش ساهل او آمن بالنسبة لها عساك لطفل صغير ….بقات مدة مرخية فالبانيو …حتى سمعات هاتفها كايصوني …ناضت لوات عليها فوطة بسرعة ويالاه غاتخرج …حتى بانت ليها العلبة لي مليوحة على الأرض ..هزاتها رداتها وسط لباكية دالفوط الصحية….سدات لبلاكار وخرجات كاتجري هزات هاتفها لقاتو جبار ابتاسمات وشدات الخط ….■♡تتمة الجزء 384■♡
🍀🍀🍀
نرجعو عند جمانة لي بعدما دفعات شيماء واخترقت هاندا ..مشات كاتجري اخترقت حيط جناحها صدقات فجناح التوأم ومشات كاتجري اختارقات حيطو ..وبقات غير غاديا كاتجري كاتختارق جناح بجناح بدون وعي ..لدرجة صدقات فجناح زليخة هاذ الأخيرة ليكانت عاد فاقت كتكسل فوق سريرها …حتى خرجاتليها جمانة من الحيط ..ودازت كاتجري دخلات فالحيط ….زليخة بقات مكوانسية وهي مخررجة عينيها حتى حيدات ليزار وناضت لبسات بينوار خفيف وبانطوفة دالريش وهزات هاتفها وتحركات كتجري حلات الباب تابعاها …وجمانة خرجات فجناح هاندا هو الأخير فجناح البنات … واختارقات بابو صدقات فالكولوار ومشات كاتجري غير وصلات أمام باب جناحها هي وفارس واختارقاتو …وهي توقف مكانها أمام الباب كااتلهث وبزز كاتنفس …وهي مخرررجة عينيها كاتشوف فالجناح لي كوولو مخرب …تاحاجة فيه ما صحيحة …حتى من جزاز النوافد والبالكون كولو مهرس ..حتى من باب الحمام محيد من مكانة ومقسوم على جوج …. جمانة بداو دموعها كايطيحو وشافت ناحية الدريسينغ … لي هو الآخر بابو مهرس ..تمشات بخطوات ثقيلة حتى دخلات ليه وشهقات فاش شافتو كولو مدمر ..كل ثيابها مكياجاتها عطورها كل شيء كايخصها حتى من لي طابلو لي كاترسم كل شيء مهرس ومرون …حنات راسها كاتبكي بصوت مسموع حتى سمعات صوت الباب تحل بكارط ..بسرعة استدارت وهو يبانليها دخل وسد موراه الباب …لابس ثياب سبور وكولو عرقان …لاح حقيبة كان هازها على الأرض واستدار غادي ناحية الحمام ..حتى حس بطاقتها ..وبقا واقف مكانو جامد …عاطيها بالظهر …وهي خرجات من دريسينغ كاتمشى بخطوات ثقيلة حتى وقفات خلفو ….

جمانة بزز نطقات بهمس ) فارس ….

(فارس غمظ عينيه وزير على يديه …وهي تحركات بتردد حتى وقفات أمامو وبقات ثواني ساهية فوجهو ..باين فيه التعب بل الإرهاق …تحت عينيه كحل ..وعروقو منفوخين ووجهو شاحب … فقط كاتشوف فيه أما هو ساهي أمامو ماشافش فيها نهائيا كايسمع غير فبكائها ….

جمانة نطقات بصوت باكي ) فارس …

(فارس استدار وهز حقيبتو من على الأرض ويالاه غايحل الباب يخرج حتى بسرعة شدات يدو بيديها بجوج وكاتهضر بسرعة وصراخ وهي كاتبكي ..)

جمانة : والله منعاود والله منعاود غير بقا والله منعاود غاندير لي بغيتيه والله منعاود نكدب عليك والله منعاود نخدعك أو نصدك أو نجرحك غير بقى كنعتاذر والله منعاود إيلا بغيتي عمرني كاع نعاود نخرج غير بقا ماتخلينيش أفارس…

(فارس واقف جامد ماشافش فيها نهائيا ….فقط كايسمع لكلامها بتعابيرو الباردة..وهي غاتحماق بالبكاء …حتى سمعو الدقان مجهد وصوت شيماء فالخارج …الشيء لي خلى فارس حيدليها يديها من بين يديه بدون مايهضر وزاد حل الباب لقا شيماء وهاندا أمامو وبانتليه زليخة جاية كاتجري ..وجاسم واقف فآخر الكولوار مربع يديه ومخننزر ..ضرب فيهم وزاد بخطوات سريعة بدون اكتراث لشيماء لي كاتعيط ليه …أما جمانة لي بقات جامدة كاتشوف فيه غادي حتى قرب للمصعد عاد فاقت وهي تغوت باسمو ..وجات كاتجري تلحق عليه حتى شدها جاسم وعنقها وهي عيات تنتر منو وتتبع فارس وتغوت باسمو عدت مرات حتى غيبات ليه فيديه …أما زليخة واقفة كااتنهج وهي كاتشوف فجمانة جاتها البكية من وضعها ..وهي تخنزر وتحركات تابعة فارس كاتجري …هبطات مع الدرج …حتى بانليها خرج من القصر بخطوات سريعة ..زادت فسرعتها حتى لحقات عليه وقفاتو قبل مايركب سيارتو السوداء ..شدات دراعو وتحنات كاتلهث وهو خنززر فيها وغووت… )

فارس : حييدي

زليخة شافت فيه مخنزرة وغوتات ) لالالا

(فارس تنتر منها بالجهد تكانت غاطيح …وركب سيارتو وهي بسررعة قبل مايكسيري حلات الباب وركبات جنبو …ووكسييرا بسرعة…وهي ربطات حزام الأمان وشافت فيه مخنزرة)

زليخة : أعلسلالامة لي قررتي طل عليينا .. من نهار جبتي جمانة للقصر حطيتيها فجناحها ودزتي لجناحك بردتي فيه جنونك خربتييه وغبرتي …يوماين وحنا ماعارفين عليك واالو تامن عمتي جاكلين.. مك أفارس مكاتجاوبهاش فتيليفون !!

فارس لا رد أصلا ماسمعهاااش عينيه على الطريق كايسوق بسررعة وفبالو كايتعاود فقط كلام جمانة..وكيفاش كانت كاتعيطليه …زليخة شافتو ماجاوبهاش وهي تغووت )

زليخة : وااااا بناادم 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 385🌞
زليخة : وااااا بناادم

(فارس شاف فيها مخنننزر يالاه أصلا ردليها البار راه ركبات حداه …ضرب فران مجهد حتى تهزات مخرجة عينيها …وقف السيارة فوسط الشارع لي خاوي وغووت )

فارس : خرجيييي

زليخة شافت فيه وغوتات حتى هي ) ياااك أسي ورااه فتتي لقصر بشحااال بغيتيني نرجع على رجلي كل هاذ المسافة ولا ….

((فارس مسح على وجهو وحل باب سيارتو صاااعر…وهي ربعات يديها وابتاسمات حيت عرفاتو اش بغا يدير …وهو واستدار صااعر حل باب السيارة من جهتها ويالاه حط يديه يشد دراعها يخرجها حتى تصعق بالكهرباء صعقة قوية خلات كل جسدو تهز ..وطاح على الأرض كايتأوه ..وزليخة مبتاسمة حلات حزام الأمان ببروود ..وخرجات من السيارة كاااااتكسل وهي كاتشوف فيه طايح …)

زليخة : لمابردتيش نزيدك وحدة وغاتبرد …

(فارس مخننزر فيها وبسرعة وقف وخبط بقوة فسيارتو ختى بعج مقدمتها ..وغوت )

فارس : زليييخة قووودي من قدااامي ولا برربي تاانغلط فيك لق..وي قوودي…

(زليخة خرجات فيه عينيها حيت هاذي اول مرة فحياتها كاتسمعو قال كلمة خاسرة …و يالاه استدار غايركب سيارتو ..حتى بسرعة تخشات فيها وحيدات الكونطاكط وخشاتو بين صدرها ..وبعدات مربعة يديها ومخننزرة … وهو زيير على يديه وتحرك ناحيتها مخننزر ناوي على خزيت حتى غوتات )

زليخة : غااتحط يدك علياا غاتصعق يا فاارس كل جسدي مكهرب وهاذ المرة تقدر تفقد وعيك هاني علمتك …

فارس وقف أمامها مخخنزر ومد يدو ) لكونطاكط ..

زليخة : حتى نهضرووو …

فارس تزنننك بالأعصاب ) زووووليييخااااا

زليخة غوتاات ) أماااالك على هاااذشي كووولو مااالنا أش وقع كااااع كذباات علييك واخا قووليا شي بناادم فهااذ الدنيا مكااايكدبش ..استحمرااتك لعباات بيك تفلات علييك دوخااتك ولا منعرف آش ..وااااخا فهمنااا أفاارس ولكن واااش صاف غاتخليها من أول خطأ لييها دورتي وجهك ..

فارس كاينهج ونطق بصوت مقهور ) نتيي ماعارفة والو …

زليخة ابتاسمات ) أنا عارفة كوولشي أفارس…

(فارس يالاه استدار غادي مع الشارع يرجع للقصر على رجليه حتى وقف جامد بسبب كلامها )

زليخة : أناا عارفة أنه ماوقع بيناتكم واالو أفارس (قربات حتى وقفات أمامو ) سمعت جمانة فاش قالت للبنات أنه ماوقع بينك وبينها والو وتحججت بلي هي كانت عيانة ليلة عرسكم ونتا خليتيها على خاطرها ..وأنا متأكدة أنها كدبات فالسبب بل هي خايفة من الدخلة غير من توترها فكل مرة تجبد الموضوع كاتصفار .. وأنا متأكدة أيضا أنه لدابا ماوقع بيناتكم والو ..

فارس : وعلاش نتي متأكدة لهاذ الدرجة …

زليخة ابتاسمات ) حيت ببساطة أولد الخال عمرني شفتها كاتعرج أو غادة مفركة ..♡■تتمة الجزء 385■♡
زليخة ابتاسمات ) حيت ببساطة أولد الخال عمرني شفتها كاتعرج أو غادة مفركة ..

(فارس تنهد بدون اكتراث لكلامها ويالاه زاد تاني تاوقف مخرج عينيه بسبب كلامها )

زليخة : ونهاار الحادث فهذاك الديبو ملي كنتي هازها مخرجها راه واخا لويتيها فليزار أنا شفت الدم …

(فارس بسرعة استدار شاف فيها وشد دراعها مزير عليها وكايتنفس بسررعة)

فارس : أشنوو ك كييفاش نتي غاالطة مكان حتى دم هي ماوقعليها والو ..

زليخة هازة فيه حاجبها وغوتاات ) واااراه ماااوقع لييها والووو نييت وهاااذشي قولو لراااسك أضبع…

فارس :شنووو؟

زليخة نترات يدها منو وكاتهضر معصبة ) كييما سمعععتي جماانة ماتعرضاااتش للإغتصاااب ألمكلللخ وااش من نييتك جالس كاتعذب وتقتل فراسك طول هاذ التلاث أيام بفكرة لي أصلا مااصحييحااش انا هضرت مع هااندا قالت ليا حااولات تقوولهاليك في فيلة الجببل ديك الليلة ونتااا ماخليتيها وخافت منك وقالت صبااح غاتقولهاليك ونتااا أسي السيد أش درتي نضتي علفجر هزيتي جمانة وزدتي حطيتيها فقصر لستارك وغبرتييي …

فارس مسح على وجهو ) لاكاضحكي عليا ازليخة بربي تان..

زليخة قاطعاتو ) وااانبگ واش هاذشي فيه الضحك وااحل غير تيليفوونك غايوصلوك ميساجاتي شارحاليك فيييهم كوووووول شيء وييلا ماتيقتينيش كااع راه قبل مانحرقو داك الديبو خليل جمع تسجيلات دوك الكاميرات لي تمااا راه سيفطتهووم ليك وااحل غاتيليفونك كنتي تشوف بعينييك…وبعدااا واش جمانة عندها الإخترااق فنظرك غايقدرو يقيصوها راااه ماوقع والو أفاارس لا لييها هي لا للبنات …

فارس ساهي فنقطة وحدة ) و والدم.. وهي ق قالت قالت ليا قالت ضرها ضرها..

زليخة مسحات على وجهها وقاطعاتو) داكشي ليقالت فاش شافتك قصدات بييه الجرح لي ففخضها راه طاحت جالسة على الزااج والجرح هو سبب الدم.. وااسير طل غير على فخضها …

(فارس جامد وساهي وزليخة تنهدات وشدات يدو )

زليخة : فارس سمعني جمانة آه غلطات وبزااف ولكنها مزالة صغيرة أفارس 19 عاام وعقلها صغير وعفوي ونية دغيا كااتيق ..واش هي كون كانت عارفة هذااك الحفل فخ كانت غاتمشيليه برجليها ..واااا أمييرة لي بعقلها فيهن وتخدعات أفارس …الغلط ديالهن آه وماشي ديالهن فنفس الوقت ولكن مايستاهلوش عقاب قاسي لهاذ الدرجة ..سليم عييت نهضر معااه ووالو ووريتو زعما التسجيلات وأنه مااوقع واالو لسميحة باش يبرد وغير شاف لحمار لي عضها وناض صاعر قالي تقاصت و عاد مزايد فييه سميحة غاتموت غابلبكاء …وسماح لدابا مخلوعة ووسيم تاهو صدق بخبيزتو واخا وريتو تاهوا التسجيلات وأن سماح هي الوحيدة فيهن لي ماقربليها تاحد وواخا هكاك الزمر مابقاش بغا يضحك كاع …. وماالك لي مااالقاش الفرصة أصلا باش يتعصب مسكين حيت حالة أميرة النفسية صعييبة وهو الوحييد منكم لي وااقف جنب مرااتو واخا كل شيء حتى تصح ويعااقبها ديك الساعة ….ونتا أفارس لي هزيتي فمخك فكرة غالطة وزدتي …واش فعلا ناوي تخلي جمانة مستحيييل نتيق أنك دييرها أفاارس …

فارس شاف فيها بعينين دامعين ونطق بعصبية ) كاتبقا استحمراتني كااتبقى لعباات عليا واستغلت كل ذرة حب واحترام وتقدير فقلبي لييها …

زليخة طلقات يدو بعصبية وغوتات ) هاذا جهدي عليكم يا ستاااركس (جبدات مفتاح سيارتو من بين صدرها وحطاتو ليه فيديه ) هااااك يالاه سييير غبر وااااا سييير من أول خطأ ..الخطأ لي قبيلة هي جالسة كتعتااذر منك عليه وتعاود وتحلف أنه ماغاديش يتكرر ونتااا حتى مشفتيش فيها فااا سيير فطريقك وخلييها ولكن مااتجيش من بعد تقوول كاتبغييها وباااغيها ومنعرف أش سيير وبربييي تاتندم ….

فارس زير على لكونطاكط فيدو وغوت فوجهها ) ماااشي لخاااطري هاااذشي أزليخة واش عمرك حسيتي بالإستحمااار ومن طرف الشخص الوحيد فهاذ العالم لي كاتبغيه لدرجة تعطيه رووحك ألف مرة واخا يطلبهاليك هو غير مرة هي استغلاتني واستهانت بحبي ليها ولعبات بيااا كيما بغاااات فالوقت لي أنا حلفت مستحيل نرفض ليها شيطلب أو نآذيها واخا على حساب نفسي وأني نسخر كل ثانية فحياتي غيير باش هي تكون فرحااانة ولكن أشنو داارت هيا أ أ أ أشنووو داااارت من غيير أنها ماقدرااتش هاذشي بمررة و…

زليخة قاطعاتو بصراخ ) ووقعااات ففخ أفااارس فخ …واش هي لخاطرها ودااابا وااااش من هااذشي كووولو بغيتي تقوليا أنه صافي ساليتو واامضحكنيش أفاارس مااتقولش شيحاجة مقااادرش عليها ..

فارس نطق بتردد وكولو كايرجف بالأعصاب ) : غايخسني نقدر …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 386🌞
زليخة (من عصبيتها دفعاتو من
صدرو واخا ماتزعزعش عليها وغوتات وهي مزننكة بالأعصاب ) و أصلا كوولكوووووم بحاال بحااال مكااتغفرووش الأغلاط دياالنا..من أول غلط كاتسيفوووو … ونهاار نتووما تغلطو معانا خاسنا حنا نسمحو ونضحكو ونحنيو ليكم الرااس ياااك …

فارس شاف فيها ) كاتهضري عليا ولا على عصمان ؟

زليخة : قلت كوووولكوم كل رجاال لستارك ولي غانقووليك دابا هو …
Never say goodbye when
you still want to try Never give up when you can still take it. Never say you don’t love her when you can’t let go or even breathe without her ….

(فارس سرط ريقو وتحرك صاعر فاتجاه سيارتو وزليخة تابعاه بعينيها وغوتات )

زليخة : واافاش تشعل تيليفونك باش تشوف التسجيلات …كنصحك تكون بوحدك وفبلاصة مافيهاش بشر وإلا غاتفضح نفسك كمتحول ..حيت جمانة مااتعرضاتش لإغتصاب آه ولكنهااااا تعرضت لمحاولة اغتصاب و لعنف قوي ..

(فارس وقف مكانو ..جنب سيارتو كاينهج ..ثواني حتى حلها ركب وكسييرا ….زليخة تنهدات بعصبية )

زليخة : وياالاه مع هاذ طاسيلة الماصاعير تفو …غانمشي على رجلي يخ ( وزادت مع الشارع معصبة وكتعاير حتى وقفات عليها سيارة وخرج منها حال فمو وهو كايشوفها ب بينوار خفيف دنعاس وشفاف كايبان من تحتو ستيانات وسليب باش كانت ناعسة وبانطوفة من الريش فرجليها ..وشعرها مشعكك ..وهي هزات فيه حاجبها مخخنزرة )

زليخة : ماالنا أشنو باغي تانتا ؟

عصمان : فين كنتي (قرب منها صااعر و شد دراعها وغووت ) واااش خاارجة بحواايج نعااس ولالا …بلاتي وخرجتي هكاا قداام ليكارد كوور (غووت) واااش جهلتي …و بلاتي تاني (خرج عينيه) فااارس دازت سيارتو بسرعة من جنب سيارتي وكانت مبعجة من الأمام ..واش كنتي معاااه هنا خرجتيي معاه هكااااا…وعلالالاش فاياش هضرتو واش جمانة ؟

زليخة أصلا معععصبة وغوتاات ) وااا سي وااااااا بنادم أماالك كاااااتغوت علياااا عالصبااح مااالنااا منخافووش واااش جهلتو جملة ولا شنوو أنتااا سوقك نخرج تاا بستريينغ يااك مبقيتش كنهمك إخ منوو وعيني فييه ولا شنووو مرة تجري علياا مامسوقش مرة تدييها فيا أحدد موقف واااحد أزمر لاهييلا غالي ربااا فيكم ستة دليزابدو كايجي يدير فيها صاااعر أها خااالي جاسم عندو ثمنية ومهدن وكااايهضر بلعقل…و نتووما دمكم سخوون عالنغزة تاتكعاااااو … أبربي ونووض أنا ولبنات تاااانوريوكم الكعيااان على أصوولو…(وزادت مع الطريق كتعاير فيهم كاملين ..خلات عصمان حال فمو ..تبعها كايجري شد يدها )

عصمان : ركبي…

زليخة تنترات منو ) أسيير بعد مني ونتا منعرف فيين بايت سيير رجع فين كنتي ( وزادت تاني تاشدها هاذ المرة بعنف من يدها وجرها موراه)

عصمان : فيين غانباات ازليخة فيين وااغير فالشركة خدااام وقلت زيدي ركبي هي زيدي

(زليخة تنهدات وفعلات الكهرباء فيدها حتى صعقاتو صعقة خفيفة تاطلقها مخنزر )

زليخة : طلبها بأدب وبصوت منخفظ ديك الساع نشوف واااش نزيد معاك أو لا ..

عصمان تنهد وبزز ابتاسم ) واخا ركبي يا زوزو المسافة طويلة حتى للقصر وحوايجك معريين فا ركبي …

زليخة ربعات يديها ) تت ماعجباتنيش عاود بطريقة أكتر لباقة وبلا ديك زوزو (قربات منو حتى تقابلو عيونهم ) قوليا زليخة كويين كيما كنتي كاتعيطلي شحال هذا …

عصمان ساهي فعيونها وسرط ريقو ) علاش واش باقيا شيحاجة كيما كانت بحال شحال هذا ؟

زليخة : باااقية أعصماان أنا هي أنا لبنت لي عرفتي طول حياتك ماتبدلتش وماغانتبدلش…

عصمان ابتاسم ) أنا تبدلت (وحل ليها باب السيارة ) ركبي إيلا غاتركبي…

زليخة : حلفت حتى كبريائك غاينزل على ركابيه راكع قدامي ودابا تشوف …

عصمان على نفس ابتسامتو ) لو كان الكبرياء يركع لما سمي كبرياء …

(زليخة قربات وشدات باب السيارة بيدها تركب ونطقات بثقة )

زليخة : هاحنا غانشوفو يا عصمان فالأخير غاتركع قدامي وغانكون بين يديك ونتا كاترجاني وعقل علييها (وركبات …خلاتو واقف ساهي لثواني …عاد استدار ركب فمقعد السائق وكسيرا ..■□تتمة الجزء386■□
🍀🍀🍀

نمشيو لقصر لستارك …
واقف أمام باب جناحها وهو ساهي حتى تحل الباب وخرج باها وأمها ووقفو أمامو …)

مالِك : كيصبحات اليوم …

فيليكس باها نطق بعصبية ) بحال لباارح اليوم الرابع بلا ماتنطق بحرف واالو غير حالة عينيها وكاتشوف عييت فيها غير تهضر بدووون نتييجة …

(أليشا أمها المتحولة الهندية من عشيرة آل روجو …نطقات وهي غير كاتبكي ) فيليكس خاسها طبيب نفسي أو يالاه نديوها للهند عند عشيرتي تبدل شويا الجو..

مالِك تدخل ) لا هي مامحتاجاش تبدل الجو أو لطبيب نفسي (ابتاسم) أنا غانخليها تهضر وترجع لطبيعتها ونشاطها…

أليشا : كيغادير ؟

مالِك ابتاسم ليها ) خليها عليا أخالتي …

فيليكس لي غير مخنزر ) سمع يا مالِك أنا عارف أن بنتي غلطات فحقك باعتبارك خطيبها مكانش خاسها تمشي بلا إذنك فا أنا غانتفهمك إذا بغيتي تفسخ هاذ الخطبة أو تتراجع أو..

مالِك قاطعو ) عمي أميرة آه غلطات ولكن ماشي لهاذ الدرجة أعمي وكانظن مكاينش شي سبب فهاذ الدنيا يخليني نتراجع أو نشك ولو شويا فقراري واختياري لها …

أليشا شدات يدو ) هي محظوظة بيك دخل شوفها ويلا قدرتي تخرجها من القوقعة لي سدات فيها على نفسها وترجعها لطبيعتها عمرني نساليك خيرك اولدي …

(مالك شد يدها يبوسها تاطيرهاليه فيليكس مخننزر فيه )

فيليكس : دخل شوف مرتك

مالك : أحم واخا أعمي (وحل الباب دخل)

فيليكس شاف فأليشا مخنزر) تحركي قدامي…

أليشا كاتمسح دموعها ) واراه غير راجل بنتك اويلي

فيليكس : واتحركي قدامي ..
🍀🍀🍀
مالِك لي دخل ..وبقا واقف كايشوف فيها متكية على ظهرها فوق السرير ..وحالة عيونها الزرق مدورة راسها سااهية فالنافذة بهدوء…كل وجهها عليه آثار الضرب لي بفظل العناية بداو كايختافيو ….قرب منها وجلس جنبها وشد يدها )

مالِك : أميرة ؟

أميرة لارد )

مالك تنهد ) أشنو بانليك نخرجو شويا ولو غير لحديقة القصر …

(أميرة ماجاوباتوش وهو ناض من مكانو وجلس أمامها قابل وجهو مع وجهها ونطق )

مالك : اليوم أنا واعدت ماماك أني نخليك تهضري واش غاتحشميني معاها وتخليني نخالف بوعدي ؟

(أميرة كتشوف فيه بدون رد ..فقط عينيها دمعو وهو تنهد )

مالك : عارف أنك ساكتة حيت ماعندك ماتقولي ليا وماعندك باش تبرري …ساكتة حيت عرفتي أنك غلطتي وكاظني أنك واخا تهضري وتعتاذري غاتبقاي غلطتي

(أميرة دموعها طاحو وهي ساهية مكاتهضرش …وهو خدا يدها حطها على قلبو ونطق) …

مالِك : واش فعلا كاظني أنك غلطتي غلطة تخلي أي شيء قلتيه ليا ماغايبررهاش ويخليني نسمح ..غير هضري يا أميرة وجربي برري وشوفي واش نسمحليك او لا …

أميرة لارد وهو قرب منها حتى قربو شفايفو يقيصو شفايفها ونطق بهمس ) أنا شفت التسجيلات دكل ماوقع ..شفت كيفاش تصرفتي بشجاعة وبذكاء وقاتلتي وحميتي خواتاتك (ابتاسم) أنا مفتاخر بيك …

(أميرة أخيرا دارت ردت فعل وشافت فيه وبدات تتنفس بسرعة ..وهو باسها فخدها ونطق )

مالك : آه تعصبت حيت كدبتي عليا واستغبيتيني ولكن يا أميرة غير شفت وضعك وكيفاش لقيتك سخفانة كنتي بين يدي مكاتحركيش كان قلبي غايسكت بالخلعة هاذشي كولو نساني فغلطك وبقيت كنقول ياربي غير تفيقي بخير وتاحجة أخرى مكاتهمني …

أميرة لي غير كاتبكي وبزز نطقات ) ي يعني ما مامقلقش ما ماغاتفسخش ل لخطبة…

مالك وسع ابتسامتو وعنقها ) أخيرا هضرتي ..كنت عارف أنك ساكتة حيت كاظني أنك واخا تهضري ماغانسمحش ليك ولكن لا يا أميرة (شد وجهها بين يديه ) مافسختهاش ويوقع لي وقع ماغانفسخهاش..أنا ماقلت قبلتي عليا عاد نوض نخليك مستحيل…

(أميرة عنقاتو مزيرة عليه وكاتبكي وبزز كاتهضر بصوت خافت بزز كايخرج ليها )

أميرة : ماغاديش نعاود ماغانعاودش نتبع جمانة او غيرها ماغاديش نعاود نديها فلبنات ولا نتجر فمصايبهم..من اليوم مغاديش نعاود…

مالك : ششت تهدني المهم هو كلكن بيخير …غانمشي نعيط لماماك ونقوليها راك هضرتي حيت راها خايفة عليك بزاف ….(اميرة حركاتليه راسها بواخا وهو ابتاسم ووقف خرج ) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 387🌞
🍀🍀🍀🍀
نمشيو عند ساندرا لي بعدما هضرات لوقت طويل فالهاتف مع جبار …دخلات للدريسينغ لبسات عليها فستان موف بارد لاسق معاها مع كاب فالأبيض واسع من لفوق وسبرديلة بيضاء ..دارت شويا دالميك أب وخلات شعرها بوكلي ..وخرجات من الجناح وهي هازة هاتفها ..وقرردها موراها …توجهات أولا لجناح سليم ويالاه غاتدق حتى تحل الباب بالجهد فوجهها ..وهي خرجات عينيها فسليم لي باين فيه معصصب …وكاتسمع فصوت بكاء سميحة لي مجهد …

سليم تنهد وابتاسم ليها ) ليدي ساندرا …

ساندرا : س سلام أحم بغيت غير نشوف سميحة كيبقات …

سليم : راها بييخير ولات بيخير تفظلي دخلي عندها …(ويالاه زاد يمشي حتى نطقات ساندرا )

ساندرا :بلاتي أحم س سليم..

سليم : أمرك محتاجة لشيء ؟

ساندرا : بغيت غير نطلب منك ماتكونش قاصح معاها وت..

سليم قاطعها مخننزر وغوت) عافاك بلا ماتدخلي فالأمر ماي ليدي…

ساندرا : واخا واخا غير تهدن غانقول غير واحد لحاجة صاف…

سليم مسح على وجهو ) قولي لي بغيتي وكنعتاذر حيت غوت ماقصدتش …

ساندرا : ماشي مشكل (قربات منو ) سليم سمع مني عافاك جبار معصب منهن بزااف ولدابا ساكت ولكنني متأكدة أنه غايعاقبهن وعقاب مساهلش فا نتا وهو على سميحة راه بزاف..عالأقل نتا سمحليها ونسى ….

سليم ابتاسم ) عاارف ان جبار ماغايدوزهاش بالساهل ومستحيل نتدخل فقراراتو وعقابو لهن….

ساندرا :أنا ماقلتش ليك تدخل أنا ..

سليم : عارف أش قلتي يا ساندرا عرفت على العموم شكرا وكنعتاذر حيت عليت صوتي عليك (واستدار غادي فحالو ..وساندرا تنهدات ودخلات لقات سميحة جالسة على السرير وغير كتبكي وهي تعنقها )

ساندرا : صبري وصاف دابا ينسى

سميحة شافت فيها بعينين حمرين ) من لبارح ملي فقت من التخدر وأنا كنعتاذر منو من لبارح أساندرا وأنا كانبكي عليه…

ساندرا سرطات ريقها ) دابا يحن قلبو وأصلا غير مسألة وقت وكل شيء غايرجع كيما كان…

سميحة حركات راسها بلا وهي غاتسخف بالبكاء ) حتى كايبغي يحن يا ساندرا غير كايشوف الطبايع لي فدراعي والعضة لي مزال مطراسية كايصعر لبارح فليل ملي وعيت ونضت مزال تماهضرت خبط عليا الفاز مع الحيط بلا وعي منو كان غايجيبو ليا فراسي …وخرج صاعر .. عيا بابا يعيط ليه ..وليل كولو وأنا فايقة كنتسناه عاد دابا شويا باش دخل وأنا غير كنحزر فيه وهو مكايجاوبنيش ومابغاش يهضر معايا…

ساندرا عينيها دمعو ) : قاصح كلهم قاصحين..ولكن غير صبري …نوضي يالاه معايا نشوفو جمانة وسماح وأميرة …

سميحة حركات راسها بلا ) شفت سماح راه معاها وسيم واخا باين معصب لكنو عالأقل ماخلاهاش بوحدها ..وأميرة حتى هي معاها مالك وأصلا مابغاتش تهضر معايا .. وجمانة مابغييتش نشووفها مابغيت نشوف تاواحد بغيت نبقا بوحدي (شدات يديها ) جبار غايعاقبني ياك واش قرر عقابو غايحبسنا فالقصر مدى الحياة ياك

ساندرا خرجات عينيها ) : ل لا …

سميحة : ماتخليهش يعاقبنا عافاك

ساندرا : واخا غير تهدني ..

(وقاطعهم الباب لي تحل ودخلات تارا أم سميحة جايبة صينية فطور …جلسات كتوكل بنتها ..وساندرا ناضت طلات على سماح لي معاها وسيم ..ومن بعد دازت عند أميرة لقات معاها أمها ومالك …وعاد مشات شافت جمانة لي بعدما غيبات عطاتها هاندا مهدئ قوي معاوداتش فاقت ..وجالس جنبها جاسم لي باين فيه معصب …وساندرا جلسات جنبو …

(ساندرا فقط جالسة كاتسرط فريقها وحانية راسها …حتى شاف فيها جاسم ونطق ) 🖤 تتمة الجزء 387 🖤

(ساندرا فقط جالسة كاتسرط فريقها وحانية راسها …حتى شاف فيها جاسم ونطق )

جاسم : يوم الحادث عيطاتليك أميرة بالغلط من هاتف سميحة …

ساندرا :أ آه و..

جاسم قاطعها ) وبلا ماتعرفي لا نوع الخطر لا حدتو مشيتي كاتجري ..

ساندرا : ك كانت معايا زليخة ..

جاسم : الخطر عليك من كل الجهات يا ساندرا وخارج أسوار القصر وبدون حماية جبار ولا حمايتي نتي غير محصنة ..سحرك ضعيف وزليخة بوحدها ماغاتقدرش تحميك من بني صنفك فا مرة أخرى وفي أي موقف ماتتسرعيش فالتصرف وفكري فحلك الأول والوحيد لي هو جبار ..عيطيليه فينما كان غاتلقايه عندك ..ماتعاودييش تتسرعي وتحطي نفسك فالخطر …

ساندرا : واخا لورد…

جاسم : تقدري تعيطيلي عمي

(ساندرا ابتاسمات وهو حول نظرو لبنتو ساهي فوجهها المتعب …وساندرا حتى هي …ومتووترة كاتبغي تهضر وكاتسكت الشيء لي لاحظو جاسم ونطق )

جاسم : هضري براحتك…

ساندرا شافت فيه ) : جبار هو هو راه ناوي يعاقبها هي ولبنات ماقاليش نوع العقاب ولكنو معصب بزاف منهن لدرجة أنا خايفة عليهن منو …

جاسم : جبار هو اللورد الأول و أنا ماغاديش نقدر نتدخل فقراراتو وماغانتدخلش …

ساندرا : ولكن لورد … احم عمي راه..

(وقاطعهم صوتها ملي نطقات )

شيماء : ولكن نتي تقدري يا ساندرا

(ساندرا استدارت بانتليها شيماء داخلة هازة بلاطو فيه أكل …حطاتو على كوافوز وجلسات جنب ساندرا وشدات يديها )

شيماء : جبار مستحييل يدوزها لهم عالأقل ماشي بالساهل..ولكنك تقدري تخلي عقابو يكون أخف …

ساندرا مخرجة عينيها ) أنا …

شيماء ابتاسمات ) آه ..حيت أنا لي مو وقبيلة حاولت نهضر معاه غير جبدت الموضوع تسيف وزاد خلاني واقفة ….وحاليا لا جمانة لا أميرة البنات نفسيتهن ماتستحملش المزيد من العقاب باراكا الخلعة لي عاشو وتصرفات فارس وسليم ووسيم معاهن فا نتي خاسك تقنعي جبار عالأقل يخفف من عقابو ..

ساندرا مخرجة عينيها ) ك كيندير …!!

شيماء شافت فجاسم لي عينيه غير على بنتو ..وغمزات ساندرا ) لقاي شي طريقة حاولي تخليه بيها يواعدك مايعاقبهنش شي عقاب قاسي …

(ساندرا يالاه غاتهضر وتسولها كيفاش هاذ الطريقة تاغمزاتها شيماء تاني )

شيماء : لاماسمعش مني ممكن يسمع منك غير جربي ..

ساندرا سااهية حتى تذكرت شيء وهي تنطق بحماس وبعفوية ) لقييتها الرقص الشرقي واللبسة لي جابلي ول…(وحطات يديها على فمها مخررجة عينيها ومززززنكة وبسرعة شافت فجاسم لي مزال على نفس وضعو )

شيماء حابسة الضحكة ) أحم نوضي هبطي تفطري …

(ساندرا ناضت كتجري بأقصى سرعتها هاربة وهي كاتنش على وجهها )

جاسم شاف فشيماء ) وأنا عمرك رقصتي ليا الرقص الشرقي..! 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 388🌞
جاسم شاف فشيماء ) وأنا عمرك رقصتي ليا الرقص الشرقي..!

شيماء مبتاسمة ) مكانعرفش ليه كنعرف نغني وندابز كومبا لي بغيتي فيهم مرحبا …

جاسم : إذن فهاذي غلبني جبار (ورجع شاف فجمانة ..وشيماء شدات يدو )

شيماء : فارس شفتو قبيلة كانت حالتو خايبة…

جاسم : من حقو …

شيماء : ولكن راه جمانة كايحسابليها خلاها …

جاسم ابتاسم ) واخا يقولها بنفسو مايقدرش …واخا يعيا يهرب منها فالليل غاتلقايه جاي عندها …

شيماء :آه سبحان الله فكرني غير فشي ناس نهار كانو كايتنفخو كايغبرو …ويبانو غير فالليل بحال الخفاش…

جاسم شاف فيها وباسها جنب فمها ) آه ولكن مستحيل ننعس بعيد منك …

شيماء تنهدات ) خاس فارس يرجع قبل ماتفيق وإلا راه غادير لينا حالة تاني ….

جاسم : بصراحة كنت كنقول هو متعلق بيها بزاف ولكن ماتصورتش تكون حتى هي متعلقة بيه لهاذ الدرجة ..

شيماء : أمم هو نسخة منك وبغيتيها ماتتعلقش بيه..

جاسم ابتاسم ليها …وبقاو بجوج بيهم جنبها …

🍀🍀🍀🍀
نرجعو عند ساندرا لي بعدما خرجات كتجري توجهات نيشان لجناحها دخلات وسدات عليها الباب وجلسات على الأرض كاتنش على وجهها وهي مخرجة عينيها )

ساندرا : ويلي ويلي ويلي الشيطان ويلي ويلي وكيندير دابا نشوف مرة أخرى فاللورد اويلي على حشمة (وناضت كاتجري غسلات وجهها وواخا هكاك حنوكها غايطرطقو بلحمورية …توجهات للدريسينغ روم ديالها ..وجبدات علبة فيها فستان الرقص الشرقي الأحمر …لي أهذاها جبار … خرجاتو من علبتو ..وحطاتو على فوطوي وهي تصورو ..وسيفطاتو لجبار فالواتساب مع مساج فيه ^الليلة^ …وفلبلاصة صونا عليها جبار وشدات الخط)

جبار :هاناا جاي…

ساندرا خرجات عينيها )اويلي لفين ق قصدي الليلة ماشي دابا راه يالاه 12 دصباح…

جبار : واش كاديري ليا التشويق…

ساندرا ابتاسمات ) حتى تجي فالليل غاتلقاني كانتسناك …

جبار : إمتا يوصل الليل …

ساندرا ابتاسمات ..حتى قفزها ملي غوت)

جبار : ماالكي فحناكك علاش حمرين بحال هكاك ؟

ساندرا شافت فالكاميرات ) ها حم حمرين …

جبار : آه ماالكي على ديك تزنييكة كلها شحاال مابقيتي تزنكتي ليا لهاذ الدرجة …واش غير من الليلة ولا كاينة شيحاجة أخرى…

ساندرا : ل لا مكاين والو ..أحم أنا غانهبط نفطر…

جبار : فالليل غاترقصي ليا تاانشبع وغانااااكلك يااا ساندرا…♡■تتمة الجزء 388■♡
جبار : فالليل غاترقصي ليا تاانشبع وغانااااكلك يااا ساندرا…

ساندرا مخرجة عينيها وساارحة كاتفكر ..ونطقات بدون تردد )

ساندرا : غانرقص ليك رقص عمرك تنساه ….كنواعدك

جبار ضحك بصوت مرتفع ) كاتحمقيني بخجلك ..وكاتجننيني بجرأتك…

ساندرا : معاياش غاتجي …

جبار : 9 تلقايني أمامك …

ساندرا سرطات ريقها ) واخا غانتسناك ….(كملات حديثها معاه وجمعات الفستان ..وخرجات غاديا فلكولوار وهي كاتفكر وتخطط لليلة وهي حالفة ومصممة ماتخليهش يعاقب لبنات …وصلات للمصعد لقاتو عامر …وتحركات تهبط مع الدرج …يالاه لاحت رجلها تنزل فأول درجة ..حتى رن هاتفها معلنا عن وصول رسالة …وقفات مكانها فأعلى الدرج وهي حانية راسها على هاتفها كاتقرأ الرسالة لي كانت من راجلها ..جبار لي علمها أنه غايتعطل على 9 …….واقفة كاتكتبلو الرد …وخلفها بمسافة …جاية ديما كاتتختل بالحس وبدون ماتصدر حتى صوت وهي كاتشوف فجنابها …حتى وقفات مباشرة خلفها …وهزات يديها تدفعها ….حتى قفزات من صراخ صادر من خلفها ….

زليخة لي مخررجة عينيها خلفهم غوتات ) سااااااندرا ….

(ساندرا استدارت باستغراب لقات ديما خلفها مباشرة …وزليخة لي جات كااتجري دفعات ديما وهي كاتنهج…)

ساندرا كاتشوف فيهم باستغراب ) ن نعام يا زليخة مالك …

زليخة شافت فيها ) كنا غانتدربو صباح بكري شويا ياك… وتعطلتي أحم هبطي فطري وتسنايني لتحت غانلحق عليك نتدربو ماي ليدي …

ساندرا : لا ماشي اليوم حيت بعد كل تدريب كانحس براسي عيانة بزاف وفاشلة ومرهقة وأحم اليوم ماخسنيش نكون عيانة …

زليخة لي كاترعد بالأعصاب ومخننزرة فديما ) واخا واخا احم غير هبطي عافاك تفطري غانلحق عليك …

ساندرا مافهمات والو ) واخا (وهبطات ..وزليخة تابعاها بعينيها تاغبرات وهي تغووت فوجه ديما )

زليخة : وااااش حماقيتي نتيي…

ديما :أييه لزميي حدك وخفضي صووتك احتارميني راني قد مك…🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء389🌞
زليخة : وااااش حماقيتي نتيي…

ديما :أييه لزميي حدك وخفضي صووتك احتارميني راني قد مك….

زليخة : واااش بغيتي تخرجي على راسك وعلى عشييرتك …

ديما :علاش مااالي اش درت…

زليخة : وااالو مادرتي واالو غيير كونما لحقتهااش كوون دفعتييها من دروووج …

ديما صفارت وواخا هكاك محافظة على برودها ) واش كاتحلمي ولا مالك أنا كنت غير دايزة نهبط رديتيني بغيت ندفعها ..

زليخة خنزرات فيها ) هاااذ تبوحيط ديالك ماديريهش علياااا وبلاتي نعيط لجبار نقولهالو وديك الساع نشوفوك اش غاديري ( وجبدات هاتفها وبسرعة طيراتو ليها ديما خبطاتو مع الحيط وشافت فيها مخنزرة)

ديما : قووليهالييه وأنااا غاننكر وواخا هكاك هو يقدر يقتلني ودييك الساااعة شووفي ولدي عصمان واش غايعاود يشووفيك …او غااايبقا صدييق للورد أو للستااركس لا هو لا هاندا ..

زليخة حلات فمها ) آش هااذ الوقاحة …

ديما : إييلا كنتي تجرئي قووليها لييه بربي حتى نقول لعصماان بلي غير كاتبلاي عليااا وأنا مظلوومة وعلاش غاندفعهااا ههه باش تخوي ليا لبلاصة لبنتي هاندا ..! ويااك هاندا خطبها خليل فاااا أشمن سبب يخليني نآذي سااندرا …. وفنظرك ملي نقول لعصمان هاذشي هو غايتيقك نتييي ولا يتيق مووو …

زليخة كتشوف فيها بصدمة ) نتي راك مرييضة …

ديما ابتاسمات ونطقات باستهزاء ) سيري كملي تحزارك وطليبك فولدي عالله يصدق عليك شي شووفة ..وبعدي من طريقي …

(ويالاه جات تنزل حتى شداتها زليخة بعنف من دراعها وجراتها حتى تقابلو وجوههم )

زليخة : خساااارة والله عصمان وهااندا ماايستاهلوش أم بحاالك ..فا عيني عليك بررربي ونعاود نشوفك مقربة من ساندرا ولو خطوة حتى نفضح أمرك لكل العشيرة ..ونتي وأنا عااارفين مزيااااان عقوووبة محاولة اغتيال الليدي الأولى أو اللورد الأول لي كاتعتابر خيانة عظمى للعشائر كلها كولو …بررربي حتى يقطعك جباار طراف ونتي حالة عينيك…يا خائنة …

(ديما مخخنزرة فيها ونترات منها يدها …وهبطات بخطوات سريعة …أما زليخة شدات راسها بيديها بجوج وكاتتنفس بسرعة …وهي كاتخمم …وبسرعة هزات هاتفها من على الأرض دوزات الخط ..فالأول قطع عليها …وعاودات صونات وغير جاوبها نطقات بنوع من الصراخ….

زليخة : فيييييينك

(…..وجاها الرد …ونطقات وهي هابطة كتجري مع الدرج … )

زليخة : هااانا جااااية خاسني نهضر معاك فشيء ضروووري وبوووحدك …..يتبع

اترك تعليقا