Skip links

قصة : الوحش وذات القزحتين الجزء 2 ( عشق جبابرة ) ج 36

 41,560 عدد مشاهداات

■♤تتمة الحزء 365 ■♤
فارس: كيفاش !! انا عارف لومبلوا نتاعك نتي اليوما كايكون عندك حصص من جوج تال ربعة صافي !!

جمانة سرطات ريقها و شافت فيه مبتاسمة ) لا هو يعني انا آآه ديما كاتكون عندي اليوم حصة تال ربعة ولكني هاذ لعشية غانزيد واحد ساعتين

فارس: علاش غاتزيدهم ؟

جمانة: دبا كيشتي افرفوسي هاد ليامات ماكنتش كانمشي مع تحضيرات العرس وحيت جبار كان مانع علينا نمشيو ل لافاك شي يامات وهكا ضيعت بزااف د الحصص فقلت نزيد ساعتين نعوض شويا

فارس: يعني بوحدك لي غاتبقاي تال ستة؟؟

جمانة: انا والبنات كاملين غانزيدو ساعتين حيت كلنا هملنا قرايتنا ولافاك هاد ليامات يعني كاملين مخارجين تال ستة…

فارس: صافي واخا.. واشنو بان ليك من بعد شي يوماين نمشيو لشهر العسل؟

جمانة غاطير بالفرحة) بصااح ل فين ؟

فارس: نتي لي تختاري فين أي مكان أي دولة بغيتيها غير آمري …

جمانة: ههه صافي واخا نفكر فين ونقولهاليك و ( سكتات ساهية تفكرات شيء مهم ) أحم واش نتا لي غاتوصلني لافاك اليوما ؟

فارس: اكيد كيديما انا ليغادي نوصلك وانا ليغادي نجي من موراك مع ستة…

جمانة: اهااه (قربات منو وشدات يدو مبتاسمة ) وبغيتك توصلني اليوم بطونوبيلة الجديدة ديالي لي هداتني ماما..

فارس استغرب) قصدك سيارة عمتي شيماء المطلية بالالماس..

جمانة حركات ليه راسها بااه) وراه ولات نتاااعي

فارس : عمتي شيماء عمرها خرجاتها من القصر يا جمانة هي أغلى سيارة فسيارات لستارك وكنظن فالعالم …و من أول ماصنعها عمي جاسم لماماك خصيصا وهي محطوطة فالقصر وساقها بعمتي شيماء مرات قليلة فقط …

جمانة: هانتا قلتيها محطوطة غيير محطوطة ورااها ديااالي أفارس ولات ديالي…

فارس: ولكن احبيبتي سيارة بحال هاديك مكايمشيوش فيها الناس ل لافاك

جمانة تعصبات وهي تخنزر ) وانا بغيت نمشي بييها للافاك ياك هي ديالي بغيت نسوقها انا ونمشي بيها فينما بغيت

فارس ابتاسم ): تهدني جمانتي وكنواعدك مرة اخرى ناخذك ضربي بها دورة ونرجعك حيت مايمكنش تمشي بها ل لافاك…

جمانة: وانا من غير طونوبيلتي مانمشيش ل لافاك بغيتها هي بغيتها وياك عندها مود ماط …فا فاغانخليهاش فشكلها ولونها الوردي اللامع ماغاتبانش مغطية ألماس غانخدم الوضع الماط …

فارس: جمانة نتي راك..

حنانة قاطعاتو ) وعفااااك غير هاد المرة صافي بغيييتها انا هي لي بغيت (كاترمش فعويناتها لملونين ) عافاك حبيبو نتاعي …

(فارس مسح على وجهو وجمانة كملات هضرتها) عفاك افرفوسي يااك انا حبيبتك وقلتي ليا كل شيء طلبتو غايكون ..ودابا بغيتي تخسر ليا خاطري…

فارس: ههه علاش انا نقدر (قرصها ف خذها بشوية) لي بغاتها قزحيتي نديرها …

جمانة ابتاسمات ) : يعني تديني بها وهاء ماترجعهاش تخليها ليا تماك

فارس: نخليها تماك ؟

جمانة سرطات ريقها وهي محافظة على ابتسامتها لي خافية بها توترها ) : ااه حدا لافاك بغيت غانوريها لصحاباتي (وحطات يدها على صدرو وهي مقربة منو وكاترمش فعيونها) واش واخا أحبيبي….

فارس: صافي واخا نديك بها ونخليها تما تانجي موراك مع ستة …

جمانة كاتشوف فيه كاترمش بعينيها وهي كاتلمس فصدرو بأطراف أصابعها ) وانا لي نسوق ياك…

فارس ساهي فعيونها وكايسرط ريقو من لمساتها) : ااه نتي لي تسوقي…

جمانة ضحكات وهي طير عليه بتعنيقة ) هاءح عليك افرفوسي نتا احسن واحد من بعد بابا اكيد

فارس: ههه واخا يلاه نهبطو راه يكونو كايتسناونا للفطور

جمانة: يلاه

(فارس شد يدها وخرجو من الجناح باش يهبطو )

🍀🍀🍀🍀

نمشيو لجناح هاندا هاد الاخيرة لي لبسات حوايجها وقدات راسها ويلاه بغات تخرج باش تهبط تفطر مع العائلة حتى دخلات عليها ساندرا هي وقردها …بعدما دقات مرة وحدة …دخلات و بسرعة سدات الباب موراها وكاتلهث …

هاندا واقفة كاتشوف فيها مستغربة) ساندرا صباح الخير

ساندرا متوثرة) ء صباح النور

هاندا: مالكي و ماهبطيش للفطور مع اللورد جبار ؟

ساندرا باين عليها متوثرة و ماعرفاتش كيفاش تجبد ليها الموضوع) أحم هاندا عفاك بغيت منك شيء

هاندا : أكيد أي شيء (ابتاسمات ) يا ليدي ساندرا

ساندرا ابتاسمات ) بغيتك تجيبي ليا كينات منع الحمل…🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء366🌞

ساندرا ابتاسمات ) بغيتك تجيبي ليا كينات منع الحمل….

هاندا خرجات فيها عينيها ) : ك ك كينات منع الحمل!! علاش ؟ أحم

ساندرا تزنكات ) : محتاجاهم ضروري…

هاندا سكتات كاتشوف فيها بتشكيك حتى نطقات وبسرعة ) بلاتي هادشي مافخبارش اللورد جبار ياكي ؟(شافت فساندرا لي حنات راسها وهي تخرج فيها عينيها) اللورد راه عندو دكتوراه فالطب لو كانت ف خبارو هو بنفسو كان يعطيك مانع الحمل ماكنتيش تجي طلبيهم مني..

ساندرا لي كاتنفس بسرعة ) هاندا غاتجيبه ليا ولا لا ؟

هاندرا : ولكن أحم نقدر نعرف علاش مابغيتش تولدي ؟

ساندرا باينة فيها خايفة ومتوثرة وكاتفكر أشنو تجاوبها وهي تنطق ) حيت دبا مباغياش الولاد انا باقا صغيرة على الولاد اهاندا عليها مابغيتش نحمل دابا ..

هاندا: هادشي تقوليه لراجلك راه مايبززش عليك الحمل وهو براسو يجيبهم ليك…

ساندرا وهي كاتفرك يديها بخوف) نتي دبا غير جيبيهم ليا و أنا من بعد نقولها لجبار….

هاندا: ساندرا يمكن حيت نتي ساحرة مفاهماش واحد الحاجة وأنا غادي نوضحها ليك…. جبار دبا ولا هو رئيس العشيرة ورئيس كل العشائر مابقاش مجرد شخص عادي.. وأنا من ولائي له مانقدرش ندير هاذشي بلا إذنووو ….ونتي يعني هادشي لي ناوية نتي ديريه بدون أخذ اذنو هو راه معاديش نهائيا و هذا بحد ذاتو ظلم فحقو بصفتو راجلك حيت تولدي أو لا هو قراركم بجووج …

ساندرا طارت على يد هاندا شاداها) هاندا ياك حنا صحابات وحتى أنا كانتعتابر رئيسة العشيرة مقامي من مقامو …اذن خلي هادشي بيناتنا نتي غاجيبيلي الكينات وخليك بعيدة حتى لا ساق جبار الخبار ماندخلكش فهادشي كوني هانية غير جيبيهم ليا ضروري…

هاندا: ..كصديقتك … وحيت مصلحتك كاتهمني فا لا وكنعتاذر ولكن ماغانجيبهمش ليك وكانصحك تهضري مع راجلك فهاذشي وقررو بجوج …

ساندرا زيرات على يديها وشافت فيها بحدة ) وكالليدي الأولى ورئيسة عشيرة آل ستارك ؟

هاندا تحنات على ركبتها ونطقات وهي حانية راسها ) فالليل يكونو عندك…

ساندرا شداتها من كتفيها وقفاتها وحطات يدها على خد هاندا ) : كنواعدك ماغاندخلك فحتى مشكل فا عافاك عندااك تنسايهم وهادشي بغيتو يبقى بيناتنا

هاندا: أمرك كوني هانية

ساندرا فرحات) كانشكرك بزااف (وعنقاتها )

هاندا ابتاسمات ): مابيناتناش ماي ليدي كانتمنى غير ماتوقعيش فشي مشكل مع اللورد بسبب هاذشي

ساندرا تنهدات ) هو غايفهمني ..(شافت فيها ) قولي غير ساندرا ماتحرجينيش ب الليدي يا هاندا ..

هاندا: ههه اوامرك مطاعة

ساندرا تزنكات وهي تنطق) وصااافي

هاندا: ههه يلاه نفطرو تعطلنا

ساندرا: يلاه

(خرجو من الجناح بجوجات والقرد تالثهما و هبطو باش يفطرو….)

🍀🍀🍀🍀

وهاذ المرة فجناح سليم وسميحة….

فالدريسينغ سميحة لبسات حوايجها وجلسات فوق الفوطوي تلبس حذاءها وسليم ماخلهااش…تحنى على ركبتو أمامها خذا منها الحذاء لبسوليها وباسها فركبتيها ..وهي فرحانة وقفات أمام فيترينات مجوهراتها خذات عقد وهو جا من موراها…لبسوليها وخشى وجهو فعنقها كايبوسها فيها وهي كاتهر وكاضحك هزات حلق تلبسو ومخلاهاش٨ ببوساتو)

سميحة :ههههه سليم برااكة هههه ..

سليم باسها فوق كتفها) براكة مناش

سميحة: خليني غانكمل نركب حلقاتي…

سليم: ركبيهم مامنعتكش (باسها بجهد ف عنقها)

سميحة: أححح هههههه وكاتهرني عفااك حبس

سليم بتاسم ليها ووقف جنبها وربع يديه ) هانا يلاه ركبيهم…

سميحة ركباتهم وقادات شعرها ويالاه غاتمشي فاتجاه كوافوزات المكياج وهو يشدها سليم جلستها ف حجرو وخذا يدها دورهم حول عنقو وبدأ كايلحس فعنقها … أما سميحة مخرجة فيه عينيها)

سميحة : سلييم واش مغانهبطوش نفطرو حشومة نتعطلو عمو جاسم حاضر …

سليم باسها جنب فمها وشاف مباشرة فعيونها ونطق ) انا عارف ماخرجتك وماسفرتك … وهاد الأيام ديتها غير فالخدمة ولكن كانواعدك غايدوزو هاد ليامات غانديك لاحسن بلاصة بغيتيها…

سميحة غاطير بالفرحة) بصاح غاتديني فينما بغيت…

سليم بتاسم) ااه كانواعدك

سميحة: انا بغيت نمشي لديزني لاند…

سليم: مرحبا أزوينة ديالي

سميحة: وكوريا كنت مشيتليها مع بابا وماما وسماح هاذي عاماين ماااسخيتش بييها أحسن دولة و بغييت تديني ونحضر لشي حفل موسيقي نتااع فرقتي المفظلة bts …

سليم غاطس راسو فعنقها) أوامرك مولاتي ومقعدك فالصفووف الأولى دالحفل … و وقتي كولو ليك (باسها)

سميحة: وندير الشوبيينغ …■●تتمة الجزء 366■●

سميحة: وندير الشوبيينغ …

سليم تكعد من عنقها وشاف فيها) نمشيو ل تماك ولي بغيتيها تحط بين يديك ولي قلتيها نديرهاليك…

(سميحة بدات تنقز فحظنو وهي تعنقو بجهد وجهها فعنقو وهو دور يديه على ظهرها وبدأ كايبوس فكتفها حتى هزات راسها وشافت فيه….)

سميحة:خاس نهبطو نفطرو

(سليم باسها بخفة ففمها وقف هازها تاخرجو من دريسينغ وحطها شد يدها خرجو من الجناح قاصدين الطابق الارضي….
🍀🍀🍀

فنفس الوقت و فجناح وسيم.. سماح واقفة قدام المراية كاتقاد فشعرها تاوقف عليها وسيم كايشوف فيها وهو كايفكر …هو عارف خطة خوه سليم لي ناوي يسفر سميحة لشي بلاصة كشهر عسل …وكذلك فارس حيت بجوجهم طلبو إذن جبار يغيبو لشي أيام …وهو ينطق)

وسيم : سماحتي

سماح هزات أحمر شفاه كاتشوف فالمراية ) نعام (وبدات تعكر)

وسيم: شوفي خويا سليم غايدي سميحة لشهر العسل اشنو بان ليك نهضر معاه ونديوكم نتي وختك بجوجات لنفس المكان و منها نيت ترجعي تتقربي من ختك ودوزي عطلة معاها وحنا معاكم اكيد… اشنو قلتي ؟

سماح حطات العكر وشافت و عينيها مدمعين) انا وسميحة واخا كانهضرو ولكن علاقتنا مزالها باردة وسميحة مابقاتش كاتعاودلي اسرارها بالعكس قليل فين كانهضرو وقليل فين كاضحك معايا تبدلات عليا بزااف (وهي تبدا تبكي)

وسيم مد يدو مسح ليها دموعها) جرتي تعتاذري منها وتعنقيها ؟

سميحة حركاتليه راسها بلا)

وسيم : انا كانواعدك غانتافق مع خويا سليم نديوكم لشهر العسل لشي بلاصة زوينة وكانواعدك اني غانخليك طول الوقت تبقاي مع ختك وهكا تقربي منها غاترجعو حسن من الأول ..

(سماح شافت فيه لمدة وعينيها كايطيحو بدموع …ثواني وهي طير عليه بتعنيقة لي صدماتو حيت اول مرة تعنقو من نهار رفضها وجرحها قبل زواجهم …. وسيم ضحك غايطير بالفرحة وحضنها عندو زيييير عليها عاد عاقت براسها وهي تبعد من حضنو..

سماح تزنكات وهي كاتجنب تشوف ليه فعينيه) احم يلاه نهبطو غايكونو تجمعو فالفطور

(وسيم بتاسم ليها ومد يدو باصبعو مسح ليها لعكر وهي خنزرات فيه )

وسيم : مجهد

سماح :عاجبني

(وسيم خنزر فيها وهي نطقات بعصبية )

سماح : واخاا صاف غايالاه

وسيم شد يدها ) زيدي

(خرجو من جناحهم وهبطو..)
🍀🍀🍀

ونمشيو تاني لجناح مالك هاد الاخير لي لبس حوايجو وواقف قدام المراية كايقاد الكرافاط حتى تحل عليه الباب و دخلات اميرة مبتاسمة)

أميرة : صباح الخير (وتمشات تاوقفات عليه وباستو فخدو )

مالك كايشوف فيها مبتاسم ) صباح النور والعيون الزرقاء البلورية

(أميرة وسعات ابتسامتها وهو عينيه غير عليها وكاع خربق لكرافاط )ماهبطيش للفطور

اميرة: قلت ندوز عليك نهبطو بجوج

مالك رجع نظرو للمراية ) واخا تسنايني شويا

(أميرة هزات بارفانو رشات منو فيدها عجبها ورشات منو عليها …وهو ضحك ونطق)

مالك : امتى بغيتي نديرو العرس وفين باغية نديروه ؟

اميرة: مابغيتش انا عرس كبير بغيت حفلة صغيرة نديروها هنا فالقصر يجيو كاع افراد عشيرتك وعشيرة ال ستارك صافي بوحدنا بلا مانعرضو على بزاف د المتحولين..

مالك شاف فيها) واخا لي بغيتيها نديروها..

اميرة بتاسمات) صافي

مالك : والوقت ..امتى ؟

أميرة : لي بغيتي هضر مع بابا وعمو جاسم وقررو ماعنديش مشكل …

مالك : أشنو بانليك بعد أسبوعين

أميرة : بعد أسبوعين غاتفتاتح فرع شركتك هنا فكازا !

مالك حرك ليها راسو بآه ) الإفتتاح فصباح (شاف فيها ) وحفل زواجنا فالليل …

أميرة ابتاسمات ) موافقة

(مالك كمل لكرافاط قادها وخذا عطرو رش منو وشاف فيها وشد يدها باسها بحب)إذن يلاه نهبطو نفطرو ونقولوها ليهم…

أميرة ضحكات وخرجو من الجناح مشاو للمصعد وهبطو……🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء367🌞

🍀🍀🍀

فالاسفل ..جاسم مترأس الطاولة من جهة وجبار لي مقابل معاه ومترأس الطاولة من الجهة الأخرى … وعينيه على المصعد مخنزر كايتسنا ساندرا لي تعطلات …يالاه غاينوض يشوفها حتى بان ليه المصعد تحل وهي تخرج منو ساندرا هي وهاندا والقرد ….وقف من بلاصتو تمشا تاوقف عليهم هاندا حنات راسها وزادت جلسات فبلاصتها…. جبار لي شاف ف ساندرا مخنزر)

جبار : أشنوو قلت أنا علاش تعطلتي كونما الواليدة لي قالتلي نخليك تاتجي كون لقيتيني فوق راسك

ساندرا مطرطقة فيه عينيها) غا لبست تلاقيت هاندا وجينا …

جبار لي مركز فعينيها حتى وترها ) أشنو واقع معاك مالكي ؟

ساندرا : والو …

(جبار شد يدها تحنا باسها ف خذها ورجع باسها جنب فمها وهي مزنكة وكاتشوف اكما كايشوفو فيهم وجبار ابتاسم لحشمتها ونطق)

جبار : حتى واحد مكايشوف الحب واصلا مراتي ماسوق حد فينا

ساندرا شافت فيه) ل لا ح حشومة

(جبار ضحك وجرها معاه ..وجر ليها الكرسي لي جنبو وهي صبحات عليهم و جلسات عاد جلس هو فبلاصتو.. عاد وصلو لي كوبل الشباب فارس سليم وسيم ومالك كل واحد جلس حبيبتو وجلس حداها…. وبداو كايفطرو فجو هادئ وقاليهم مالك وأميرة عن أنهم حددو موعد الزفاف بعد أسبوعين فيوم افتتاحو لشركتو ..وكلهم وافقو ولبنات طلبو من أميرة أمام الكل دير هي عرس مغربي .. ماشي غربي كعرسهن ..وهي وافقات … وكملو فطورهم فجو هادئ….

جبار غير هز عينو لقا زليخة كاتشوف فيه مخنزرة وهو يخنزر فيها تاتنهدات وحنات عينيها …أما ساندرا لي مجلسة القرد فحظنها ..كاتاكل وتعطيه ..حتى هزات راسها وهي تشوف ديما لقاتها مخنننزرة فيها ..وهي تزنك مافهماتش علاش ..وحنات راسها لثواني وهزاتو لقاتها باقا مخنزرة فيها …الشيء لي لاحظاتو شيماء..لاحظات تخنزيرات ديما لساندرا وكيفاش كاتشوف فيها باحتقار …. وكسرات هدوء الكل و نطقات )

شيماء مخننزرة فديما ) سيدة ديما …

(كلهم شافو فيها وديما توترات من تخنزيرات شيماء …هاذ الأخيرة لي هزات كأس عصير حطاتو أمامها )

شيماء : خوديليك عصير الحامض راه باااااااارد وغايعاونك تسرطيها خلاص(وهزات قطعة سكر كبيرة لاحتها ليها فالكأس ) وتايلا جاك لعصير مسووس وماتسرطاتش ليك ها السكر عطاه الله …والحامض راه زوين للراس حيت بانليا راسك سخن عليك…

(ساندرا وزليخة حبسو الضحكة وهاندا صفارت وهي كاتشوف فأمها مرة وفساندرا مرة …أما ديما لي تزنكااات كاضور عينيها والباقين شافو فبعض بدون فهم …أما جبار ديق عينيه فمو وديما وساندرا بشك)

جوكار (زوج ديما وبجوجهم آباء عصمان وهاندا…شاف فمراتو باستغراب ) مافهمتش علاش واش فيك سخانة يا ديما ؟

ديما لي كلها عراقت ابتاسمات وبسرعة نطقات ) غير شويا كنحس براسي عيانة وصاف (هزات هذاك العاصير شربات منو وشافت فشيماء ) شكرا ليدي شيماء …

شيماء(لي مخننزرة وقربات طير عليها ) : عفواً لاخسك نزيدك ! عطا الله لعاصيير ..
(سكتات فاش حسات بيه شد يدها من تحت الطاولة وشافت فيه ..وجاسم زير على يدها و سد عينيه وحلهم بمعنى تهدني وأشار ليها بعينيه لجبار ..وهي دورات راسها شافت جبار لي باين فيه فهم كل معاني كلام أمو وأنها قصدات ساندرا ملي قالت لديما ^ تسرطيها خلاص^ ومن ملامحو باين فيه مععصب و قرب يقلب عليهم الطبلة ..عاد تهدنات وسكتات….)

جوكار لي كالباقين مافهمش وكايشوف باستغراب ..) ونتي دابا بيخير يا ديما ؟

ديما لي بدات ترجف من نظرات جبار وشيماء لها ) أ آه ب بيخير..

جوكار شاف فجاسم وجبار ) بما أنه حولت منصبي كأحذ العظماء الأبع لولدي عصمان فا أنا كانطلب إذنكم لورد غانرجع لتركيا أنا ومراتي …

ديما خرجااات عينيها وبسرعة شافت فيه ) لا حتى تكمل هاندا تدريبها ونمشيو …

خليل نطق ببرود وهو كايشرب فقهوتو وكايقرأ فمقال عليه فجلة مشهورة ) وهاندا مالها أخالتي حتى تديها ماعليها حكام ؟ راها خطيبتي نتاعي غاتبقا هنا من غير لاقلت ليها أنا تمشي ..🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء368🌞

ديما وهاندا شافو فيه مخرجين عينيهم …وجوكار ضحك كايعجبو طبع خليل ..أما عصمان هز فيه حاجبو بمعنى من نيتك…وهو ماتسوقش ليهم كايشرب قهوتو ببرود )

جوكار : خود راحتك أولدي غير هو ماطولوش فالخطبة ….

خليل شاف فيه ببرود ورجع عينو للمجلة ونطق ) واخا أعمي تانبغي أنا ….

(هاندا مززنكة وهي حالة فمها فخليل ومافاهمة والو ..أما ديما كلها متوترة وكاتفكر فشيء يخليها تعتق الموقف حتى ابتاسمات ونطقات )

ديما: جوكار أحم خلينا شويا مزال عالأقل واحد الأسبوع أو أسبوعين عقلتي كنت قلت ليك بغيت نشارك حتى أنا فالجمعية ديال الليدي شيماء وسيدات آل ستارك للأيتام …

جوكار ابتاسم ) واخا بعد عرس مالك وبنتي أميرة نمشيو…

(ديما تنهدات براحة …وهزات راسها لقات شيماء مخننزرة فيها وهي تبعد نظرها عنها…أما جبار مزالو مخنزر فيها حتى حول نظرو لمو وهي تغمزو وابتاسم ليها و سيفطليها بوسة فالهواء …وشاف فجاسم لقاه مخننزر فيه وابتاسم وحركليه حجبانو كايفقصو…وجاسم ابتاسم ابتسامة استهزاء منو وأشار ليه بعينيه لساندرا..لي مباشرة شاف فيها جبار لقاها دورات القرد عندها هاذ الأخير لي نااااعععس برااحة وهو حاط راسو على صدرها وحاط تايدو الصغيرة عليه …وهي ماهيااش هنا … كادوز يدها على راسو وكاتشرب فالعصير …جبار خرج عينيه ورجع شاف فجاسم لي بانليه حابس الضحكة بزز…..وهو يوقف صااعر ..خلاهم كلهم شافو فيه ..وهو مد يدو شد القرد من زنطيطو وهزو وهو فاق مخرج عينيه كايفركل ….

جبار مخننزر فالقرد ) غير كملو فطوركم (شاف فساندرا لي حالة فمها ) قردك لحمار نعس غانلوحو قصدي غانديه للجناح ونرجع….

(واختفى من مكانو ..ظهر فالحديقة الخلفية للقصر …وبالضبط جنب قفص ليون الأسد لي وقف كايزأر ملي شاف جبار …. أما القرد لونا مخرج عينيه فالأسد )

جبار مخنننزر فالقرد ): داابا غانحطك تتعرف على ليون ياك وغانآمرو مياكلكش ولكن راه بقاتلييك وحدة فقط وححححححدة وغاتودع (وحل القفص دليون ولاح فيه القرد لي غير شاف الأسد تحرك ناحيتو ..وهو يسخف …وجبار تحكم بدماغ ليون مايقربش للقرد فقط يخلعو …واختفى من مكانو ظهر جنب كرسيو ورجع جلس يكمل فطورو )

ساندرا مخرجة فيه عينيها ) واش نعس ؟

جبار : آه ونعس فرحان (وهز راسو شاف فجاسم لقاه مبتاسم باستهزاء وهو مربع يديه ..وجبار مارضاش وهو يخنزر و كملو كلهم فطورهم فصمت حتى سالاو

….جاسم والاعمام كلا واحد مشا لخدمتو……جبار وخوتو الشباب خرجو تاهوما بعدما ودعو البنات …وقفو كل واحد قدام سيارتو يمشيو لخدمتهم .. جبار يلاه حل طونوبيلتو يركب حتى سمع سميتو..

(زليخة لي من مورا مافطرو كاتسنا جبار يقوليها ان عقابها سالا ولكن غير شافتو خرج مامسوقش مشات موراه كاتجري عيطات بسميتو)

زليخة : جباااار

(جبار لي سد سيارتو وشاف فيها وهي جات تال عندو وقفات قدامو ونطقات بغوات معصبة)

زليخة : حتى لامتا غانبقاا انا فالقصر من نهار امرتي اني مانخرجش هاذي تلث ياام ماخرجتش واصلا تعاااقبت بما فيه الكفاااية وانا ماكنتش قاصدة داكشي لي درت ل مارال واعتاذرت منها..■●تتمة الجزء 368■●

(بسبب حدت صوتها المرتفعة والطريقة المعصبة باش كاتهضر …جبار خنننزر فيها وهي عاد تداركات راسها ونطقات بهدوء )

زليخة : انا بغيت نخرج ومارال اعتاذرت منها وراك شفتيها كي ولات بخير وكاتهضر معايا عادي وهي رجعات لفرقة العدالة خداامة يعني مكاين حتى مشكل .

(جبار غوووت حتى قفزات راجعة خطوة للخلف وهي حانية راسها ) المشكيييييل انك استعملتي قوتك ضد وااحد مناا…. وحنا لي مكانستعملوش قوانا ضد بعض إلا فالتدريب… ونتي هجمتيي عليها وبكل قوتك وبنية تآذيها هذاا رااه فحد ذاتو جرم ومخاالفة للقانون يا زليخة…..واااااااخا تكوني معصبة منها تقدري ضربيها وضربك دااابزو وتنتفيها دفعيها ولا أي شيء ولكن مااااااااتهاجميهاش بقوتك…..

(زليخة وهو كايغوت وهي كاترجف منو تاشافها بدات تبكي فصمت عاد سكت من غواتو وهي بزز نطقات )

زليخة :كون كون كنتي بلاصتي أشنو غادير لشخص بحال مارال قرب ليك من ساندرا (شافت فيه بعينيها حمرين ) الغيرة يعني على ساندرا غاتخليك ت..

جبار قاطعها بأنو ابتاسم باستهزاء وقرب منها ونطق ببرود قاتل ) تحطييت بلاصتك يا زليخة ونتيي بنفسك لي حطيتيني فنفس هاذ الموقف تقريبا ومع خوووية ملفوووق … وبعينيك شفتي كيفااش ضربتوو بسبب كلامو عن سااندرا حيت كان سكران وبعينيك شفتي العصبية لي وصلت ليها فهذاك اليوم بسبب كلامو اللاواعي ورغم كل شيء ضربتو بقوة جسدي العاادية ما استعملت ضددو حتى قوة من قواي …خلي هجومك بقوتك على الغرييب فقط يا زليخة وعلى مجرمي صنفك لاغير … ونتي أذكى من أن لعبة عصماان دوز عليك أغلب أفرااد العشيرة عاارفين مارال ختو بالرضااعة لو سولتي غيير هاندا كانت تقووليك ….

زليخة حانية راسها مزييرة على يديها بزز نطقات ) كانعتاذر ماغاتعاودش …

جبار : لابغيتي تخرجي خرجي ولكن يا زليخة اخر مرة سمعتيني اخر مرة ..حيث مرة اخرى عقابي ليك غايكون حسب القانون العشائري …

(زليخة شافت فيه مبتاسمة ) وتسخا بصديقتك ؟

جبار خنزر فيها ) ختي حيت أنا عندي صديقة وحدة وهي مرااااتي …

(زليخة ضحكات وهي كاتحركلو راسها بواخا وكاتمسح دموعها وماحساتش على راسها حتى طارت عليه بتعنيقة….)

أما عصمان كباقي الشباب لي كانو غايركبو سيارتهم حتى سمعو زليخة نادات باسم جبار….وشافوها وقفات امامو حتى بدأ يغوت فوجهها وهي كاتبكي …عصمان فقط واقف
كايشوف فيهم وسمع كل كلامهم حتى للحظة فاش عنقات زليخة جبار….هاذ الأخير لي مباشرة شاف فعصمان لي كان كاينهج وباين فيه غاايطرطق بالغيرة الشيء لي خلا جبار دفعها بشويا بعدها عليه ونطق بهدوء)

جبار : ديري عقلك ازليخة..وإلا فعلا غاتخسري كتر مانتي خاسرة دابا …(زليخة خرجات عينيها حيت فهمات لكلامو وبسرعة دورات راسها شافت خلفها فعصمان لي مارداتلوش البال …هاذ الأخير لي خننزر فيها ودخل ركب سيارتو خبط الباب وكسيرا …وهي تنهدات وشافت فجبار لي يالاه غايركب طونوبيلتو ….

زليخة : بلاتي واش نمشي معاكم للمحكمة بغيت نخدم معاكم

جبار: مامحتاجينك هاد ساعة…. (وسد سيارتو وكسييرة ..وتبعوه كل الشباب من غير عصمان لي سابقهم )

زليخة تنهدات ) اذن انا نمشي ندير شوبينغ شحال هادي ماخرجتش ليه 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء369🌞
🍀🍀🍀
(عند البنات بعدما فطرو.. جلسو ف صالة فالقصر مجمعات ساكتات ومرة مرة كايشوفو فبعض ….. جمانة لي دايرة ف بالها انها غاتمشي مابقاتش مسوقة للبنات او تبقى تحزر فيهم يمشيو ….والبنات كايتسناوها واش غاتجبد ليهم موضوع الحفل وماعارفينش اش كايضور فراسها واش مزالها مصرة تمشي ….ولكنها ماهضراتش عليه …فابقاو غامجمعات بيناتهم..حتى جلسو جنبهن أمهاتهن كل وحدة عنقات أمها وبقاو كايهضرو ويضحكو ….وشيماء قالت لساندرا أنها هي وسيدات لستارك معروضات هاذ المساء لشي حفل عرس مغربي فخم ففندق راقي فكازا…وقالت ليها بلا متبقا بوحدها فالقصر تاخد اذن جبار وتمشي معاها …وساندرا فرحات

وصلات وقيتة الغذا والشباب فقط لي رجعو للقصر يتغذاو معهن ….

تجمعو على طبلة الغذا كايتغذاو حتى نطق سليم موجه هضرتو لمراتو ..)

سليم: سميحة منلي نجي موراك اليوما مع الربعة غاانديك نتعشاو برا..

نقزات جمانة ونطقات) لا

(شاف فيها سليم مستغرب وهي كملات هضرتها)

جمانة : حنا مخارجينش مع ربعة حنا مخارجين تال ستة..

(سليم وسيم ومالك وجبار شافو فيها حيت حافظين ليهم استعمال الزمن لي تقريبا موحد أي عندهم الحصص فنفس الوقت رغم اختلاف الشعب … وعارفينهم اليوما كايخرجو مع الربعة….)

وسيم : ولكن اليوم كاتخرجو فالربعة يا جمانة …

(جمانة مبتاااسمة وخبات يديها لي كايرجفو تحت الطبلة وشافت فجبار حيت هو لي يقدر يعيق بيها كاتكدب …و حاولت ماتوثرش حيت إيلا غير ترعدات فلبلاصة غاايعرفها كاتكدب فا بدات كاتهضر بكل ثقة )

جمانة : لا راه غيبنا بزااف هاد الأيام وفوتنا بزاف د الدروس واليوما كاينين حصص اضافية….
(سكتات شويا و شافت فالبنات وهي تنطق) انا بعدا مقررة نزير هاذ السوميستر وغانزيد ساعتين تعويضيتين وأي ساعة تعويضية زادها شي بروف غانستاغلها والبنات مازال ماعرفتش..واش فيهم لي يزيد يقرأ …

(البنات لي كايشافو فيها بصدمة حيت حطاتهم امام الامر الواقع وهكا عرفوها انها هي ناااوية فعلا تمشي لعيد الميلاد فا مابقا عندكم حتى شي خيار اخر من غير وافقوها الرأي وقالو ااه يزيدو ساعتين باش يعوضو لي فاتهم حتى هن من غير أميرة لي الصدمة مع الخلعة بقات ساكتة جامدة ….. أما ساندرا لي كانو قالولها عيد الميلاد ولكن ماقالوش ليها موعدو …هاذشي علاش ما دات ما جابت من هضرتهم….وهي ككل الشباب والسيدات تيقاتهن …

شيماء لي مبتاسمة ) مزياان أخييرا بغيتو تقراو

أليشا : أنا بنتي مجتهدة (شافت فأميرة ) واخا هكاك زيدي معاهم سوايع استغلي أي فرصة …

أميرة : أ أ آه و واخ واخا ….

سليم : صافي اذن مع ستة نجي موراك نتعشاو براا

سميحة بتاسمات ليه) صافي واخا..

وسيم شافت ف سماح تاهو وقال) تاحنا نخرجو مع ستة ؟

سماح: واخا

(جمانة شافت ف فارس كاترمش فعينيها كاتسناه يقوليها نخرجو وهو لي ضحكوه حركاتها وخدا يدها باسها ونطق)
فارس : ههه انا نجي موراك ونخرجو فينما بغيتي

جمانة بتاسمات) واخا افرفوسي

مالك شافت فاميرة) اش بان ليك تاحنا نخرجو

اميرة بتاسمات ليه) واخا

(جبار لي ماشكش فكلام البنات شاف فساندرا لي شافت فيه بتوتر ونطق بينو وبينها )

جبار : نكمل شي شغل ونجي نخرجك (قرب منها وهمس فأذنها ) أشنو بانليك نباتو فاليخت (وباسها فأذنها )

(ساندرا لي كاتنفس بسرعة وكاتفكر ..هاندا عندها مداومة هاذ المساء وماغاتجي تااليل أي ماغاتلحقهاش تعطيها الكينات ..وجبار فأي لخظة قرب فيها من ساندرا بسهولة غايعرفها مابقاتش غيكلي …شافت فيه مبتاسمة ))

ساندرا : ل لا تالمرة أخرى اليوم بغيت نتدرب على شي تعاويذ

جبار : واخا

((و تغذاو وسالاو والبنات ناضو كل وحدة ل جناحها تمشي تبدل باش يمشيو لافاك…..

جمانة مشات لدريسينغ لبسات تريكو ميني بوط فالبيض مكتوب عليه بالكحل و سروال فيه تقاطع فالأحمر وواخا اللبسة سبور عمدا منها لبسات معاهم الحذاء لي هداها فارس فالصباح وشعرها خلاتو على راحتو.. وهزات صاكادو الكبير نتاعها خدات بعض الفساتين طواتهم و خشاتهم فيه ودارت فيه البارفان وشي ماكياج جمعات هادشي كامل ف صاكادو نتاعها ودارتو على ظهرها وخرجات….. برات القصر لقات الشباب والبنات كايتسناوها … حتى شافو فارس مخرج طونوبيلتها الجديدة لي ماعمرها خرجات من القصر …والبنات عرفوها ناوية تديها للحفلة….

سميحة وسماح كل وحدة ركبات حدا راجلها وجمانة ركبات فرحانة جنب فارس …. واميرة ركبات جنب خطيبها مالك.. وكسيرااو متاجهين لافاك… اما هاندا لي ركبات جنب خليل يوصلها لخدمتها …

((….أما جبار لي كان واقف جنب سيارتو وساندرا أمامو وكاتشوف فيه باستغراب ..حيت عينيه كانو على البنات حتى ركبو مع ازواجهن ومشاو ))

ساندرا : جبار

جبار شاف فيها ..وهي ابتاسمات ونطقات ) ■□تتمة الجزء 369■□
ساندرا : جبار…

جبار شاف فيها ..وهي ابتاسمات ونطقات )

ساندرا : الخالة شيماء قالت ليا معروضة هي واللورد جاسم وكل العمات والأعمام مع سبعة لحفل زفاف بنت شي شخصية مرموقة فالمغرب ..وقالت ليا العرس غايكون بطابع تقليدي وقالت ليا تديني معاها ون..

جبار قاطعها مخننزر ) لا …

ساندرا :ان..

حبار غووووت ) لاّ…..

(ساندرا قفزات وحنات راسها حابسة لبكية وهو نطق بعصبية )

جبار : لوااليدة غاديا مع راااجلهااا لي هو الوااالييد وعمااتي كل وحدة غاتمشي مع راااجلها وأنا مامسااليش يا ساندرا نديك ومن لخر ماعندييش مع الحفلات دالبشر كايمرضولي مخي غير بلهضرة على المشاريع بغيتي تخرجي قلت نديك لليخت أو نمشيو لشي فندق فخم غييير أنا ونتي ماااعندي ماندير بزديح وردييح …

ساندرا سرطات ريقها ) ب بغيت غير نشوف العرس التقليدي ون..

جبار غوت ) قلت لاّ ومااتخلينيش نعاااودها للمرة الرااابعة واش غير تزوقي وتلبسي القفطان التقليدي لي غايجيك مع طايتك ومزير بارز خصرك وتمشي لحفل مختلط وأنا مامعاكش (قرب منها ) مستحيييل واخا تسخفي… ودابا دخلي للقصر ممنوع تخرجي حتى نرجع ونخرجك…

ساندرا شافت فيه بعينين دامعين ) مابغيتش نخرج معاك…

جبار :إذن لجناحك …

(ساندرا زيرات على فمها حابسة لبكية ويالاه استدارت غاتمشي حتى شد يدها دورها حتى تساطحات مع صدرو ودور يدو على خصرها وعينيه فعينيها )

جبار : مدابزين ؟

(ساندرا ميلات فمها وعينيها عامرين دموع)

جبار : مانحصكش تبكي حيت نقدر ممكن نسبة 0.99 فالمئة نضربك ….

(ساندرا خرجات فيه عينيها وهو ابتاسم وباسها ففمها بحب )

جبار : غير نجي نصالحك بطريقتي ..وبالنسبة للعرس المغربي التقليدي غاتحضري ليه فعرس أميرة وكنواعدك بأحسن قفطان وأكسيسواراتو …

ساندرا حركاتليه راسها بواخا وهو باس يدياتها ) دخلي ونصوني تجاوبيني فلبلاصة وممنوع تخرجي نهائيا

ساندرا : واخا ( ودخلات …وهو ركب سيارتو وكسييرا )
🍀🍀🍀🍀
عند البنات لي مسافة الطريق وصلو و بلاصاو الشباب سياراتهم قدام لافاك وكل واحد نزل حبيبتو.. وفارس يلاه غايبلاصي السيارة فالبارك فين كايتبلاصاو ولي جا قدام باب لافاك وهي تنطق جمانة وبسرعة ومخرجة عينيها )

جمانة : لا ماتوقفهاش ليا قدام لافاك

فارس: كيفاش وعلاش ؟ را هنا فين كايتبلاصاو الطونوبيلات

جمانة نطقات بتوتر) : هادشي لي مابغيتش .. طونوبيلتي انا مابغيتهاش تخشا بين الخرين عنداك يخبشوها ليا
حيت كايكون زحاام

فارس: ههه ماتخافيش عليها مغايوقع ليها والو

جمانة: لا أفاارس مااابغيتش انا لي عارفة كي كايكون هنا غايخبشوهالي وانا يلاه خرجتها

فارس: وفين نبلاصيها ؟

(جمانة كاتشير ليه لاخر صف بعيد على باب د لافاك) لهييييه

فارس: ولكن تما را بعيد بزااف على الباب

جمانة وهي كاتشوف فالكاميرات لي فالباب) وهادشي لي بغيت

فارس: كيفاش ؟

جمانة: زعما الباب فيه زحام زحام عرفتيه هو زحام.. وعفااك مابغيتهاش تبلاصا هنا..

فارس : واخا غير تهدني انا نبلاصيها فآخر الصف….

جمانة: صافي وااخا وياك انا لي غانسوق فالرجعة وا خلي عندي الكونطاك تاترجع ليه مع ستة

فارس: واخاا

(نزلات جمانة وفارس مشا بلاصا ليها طونوبيلة فين قالت ليه ورجع عطاها الكونطاك مشات دخلات لورشتها دالرسم ماتسناتش البنات فا كل وحدة منهن مشات لقسمها.. وفارس ركب مع سليم ورجعو الشباب لخدمتهم……))
🍀🍀🍀
مر الوقت و وصلات ربعة د العشية الطلبة كايخرجو للاستراحة ..🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء370🌞

🍀🍀🍀
مر الوقت و وصلات ربعة د العشية الطلبة كايخرجو للاستراحة …جمانة خرجات وهي ضربها بجرية لطواليطات د الاستاذات…ماتسناتش البنات أو قلبات عليهم …حيت ديجا علماتهم بالخطة …. بقات واقفة جنب ليطواليط حتى تأكدت من أنهم خاويين ….عاد دخلات وحطات صاكها يلاه حلاتو وجبدات تبدل تاتحل عليها الباب ودخلو البنات وهن كايشوفو موراهم اكما شافهم شي حد السموحات كايترعدو بالخلعة واميرة لونها صفر و مخطووف دخلو وسدو الباب وجمانة جات كتجري طرقاتو من الداخل …..اميرة غوتات )

أميرة : لااا وااش نتي من نييتك كنتي ناوية تمشي بوحدك ؟

سماح مخنزرة فيها) وااش كنتي غادية بلا بنا علاش ماتسنيتيناش ؟

جمانة: حلفت منعاودها ليكم واانتوما لي مابغيتوش تمشيو معايا

اميرة:أياااه هاذشي علاش حطيتينا بوجهنا فالغذاء قدام الشباب واللورد جبار وماواتنا هههه قااتلك ساعات اضافية وودابا جاية تاتجري لهنا بوحدك ياختي باز لوجهك وكيقدرتي تكدبي بكل برودت دم …وزعمتي نيت ناوية تمشي بوحدك و نتي عارفة اننا مستحيل كنا نخليوك تمشي بوحدك..

جمانة: مهم انا يلاه كنت غانلبس…

سميحة: انا غانمشي هكا راه ماقديتش نهز شي حاجة سليم كان حاضي معايا لوكان هزيت شي كسوة كان اكيد غايشك مندوزهاش عليه

أميرة : أنا بالخلعة نسيت …

سماح : تانا

جمانة ضحكات) ههه اصلا عرااااافتكم مغاتخليونيش نمشي بوحدي داكشي علاش جبت لكن معايا سوكور (وهي تحل صاكادو ديالها وجبدات منو ربعة د الكساوي وحطاتهم) راه مزال جداد من المجموعة الجديدة ليخداليا فارس يلاااه اختاارو….

سميحة: ناري ياختي مكاتفلتي والو افكااار عندك ماعرتش منين كايجيوك….

جمانة: دبا طلقونا واختاروو….

((البنات كل وحدة هزات كسوة جمانة خذات هي وحدة بالأصفر إيفازي لاسقة مع جسدها و معرية من الكتاف وواصلة حد الركبة ولبسات معها الحذاء لي نيت كانت لابسة لي خداليها فارس ومعاهم دارت كوليي من الماس فعنقها وبراسلي فيدها … وشعرها جمعاتو ودارتو على شكل ظفائر كرينات مخلية شويا منو نازل ليها حدا عينيها فالجنب..وهزات كاتماكي

السموحات خذاو ليهم جوج كساوي متشابهين بجوجهم معريين من الكتاف وفيهم فتحة طالعة تال الفخذ.. …مختالفين فاللون فقط …سميحة فالكرونا وسماح فالكحل …..وسرحو شعرهم.. وهزو كايماكيو

اما اميرة لبسات كسوة فالباج لامع مخطط بالاسود واصلة حد الركبة وشعرها خلاتو بوكلي شويا وطلقاتو ..

جمانةكاتماكي وشافت فيهن ) قادو مكياج متقون براحتكن …

سميحة: أنا باراكا عليا

جمانة شافت فيها) عكري مزيان لاغير سليييم راه ماغايشوفكش حيت حنا غير نص ساعة غانرجعو للافاك وفالطريق نديماكييو ونبدلو حوايجنا …

((كاع البنات حركو راسهم بواخا و صايبو ماكياج مصرووع وكثرو منو ركزو على العينين اكثر ودارو العكر باااين ومعيق.. رشو البارفاان ورجعو الحوايج لي حيدو وداكشي الاخر كامل جمعوه ف صاكادو نتاع جمانة لي دارتو ف ظهرها..وهي تحل الشرجم ….

جمانة : غانقز لولا وتبعوني
( ونقزات حتى تأكدت أنه مكاين حد فالشارع عاد علماتهن تبعوها نقزو الشرجم و خرجو نيشان موور لافاك …وضربوها بجرية مع طوول الشارع تاوصلو لواحد طونوبيلة مركونة … تخباو البنات موراها كايطلو على الجهة الأمامية دلافاك وجنب الباب يتأكدو اكما شي واحد من الشباب مزال كاين تما …..حيت بوحدهم لي كايديوهن ويجيبوهم… فا حتى من ليكارد ليكان وظف جاسم يتكلفو بالبنات… جبار حيدهم حيت الشباب كل واحد قال يتكلف بمراتو لهذا مابقا حد من ليكارد كايوقف أمام لافاك من أجل مراقبة وحماية البنات من غير أزواجهم.. البنات تأكدو أنه مكاين حد من الشباب لي فعلا تيقو مسرحية خروجهم مع ستة …..
فقط طونوبيلة جمانة لي تفلات على فارس نيت تاخلاها ليها ….فا مشاو كايتختلو وهوما محنيين وحااضيين جنابهن تاوصلو لطونوبيلة حلاتها دغيا بلكونطاكط وطلعو ركبو كايلهثو جمانة جهة السائق وجنبها أميرة والتوأم لور …… جمانة لاحت صاكادوها فاللور وهي تكا على الكرسي كاتنفس بسرعة ….

اميرة لي كلهاااا كاترجف ) س س سوووقي دغياا

جمانة : ابلاااتي

البنات شافو فيها كلهم ونطقاات سماح) مالكي

جمانة: كل وحدة منكم غاتصيفط ميساج لراجلها وتقوليه أنها عندها فرض فجائي وغايخسها تطفي تيلي تال ستة وتشعلو

اميرة شافت فيها) وعلاش ؟

جمانة: حيت تيلي فيها جي بي اس ألمكلخة وحنا كوولنا هواتفنا مراقبة ولابقا تيلي شاعل جي بي اس غايحدد مكاننا وممكن غاا بالصدفة شي حد منهم يدخل ليه ويعرفنا ومكاينينش ف لافاك عليها خاص تيلياتنا يتطفاو..

(هي كاتشرح ليهم وهن مطرطقين فيها عينيهم ونطقات سميحة)

سميحة : افكارك هادو بداو كايخلعوني

اميرة: عندها الحق منين تعلمتي هادشي..وبلاتي قلتي ليا أنا مكلخة ..قلتيها ياك ؟

جمانة: واااااديرو لي قلت طلقوونا تعطلناا ..

(البنات كلهم صيفطو الميساج للشباب..نفس الميساج داروليه بربعة بيهن كوبي وسيفطوه لكل من سليم وسيم مالك وفارس …. وتسناو تاجاوبوهم الشباب كل واحد قال لمراتو “واخا تال ستة وشعليه و غاتلقايني كنتسناك ” وطفاو الهواتف ..

جمانة: صافي

البنات كلهن ) صافي

جمانة ابتاسمات بحماس ) ودابا سيييييير …
(دارت الكونطاك وكسيراااااات غادا فالطريق خارجة من كازا…..) ■■تتمة الجزء 370■■
🍀🍀🍀🍀🍀

نمشيو لشركة فلاي ستارك ..شركة سليم وعصمان وفارس وجبار ….لصناعية الطائرات ومحركاتها والأقمار الصناعية والصواريخ …

جبار لي جالسة على مكتبو وأمامو عدت أوراق كايخدم..وأمامو حاسوب لابتوب محلولة عليه كاميرة جناحو حاضي ساندرا لي جالسة على أرضية الجناح فوضعية اليوكا وحالة أمامها كتابها دالسحر كاتتمرن …وهو عين عليها عين على خدمتو …حتى تدق عليه الباب وبعدما أعطى الإذن دخل عصمان…

عصمان حطليه أمامو ملف ) المشروع كمل والمحركات غانسيفطوهم لألمانيا هاذ الأسبوع خاسك توقع أوراق التسليم …

(جبار حل الملف وهز ستيلو وقع على الأوراق وسدو مدو لعصمان …هاذ الأخير لي شدو بدون مايزيد يهضر استدار يخرج فحالو حتى وقفو جبار )

جبار : عصمان

عصمان استدار شاف فيه)

(جبار رجع لور متكي على كرسيو ومديق عينيه فعصمان وبدون مقدمات نطق )

جبار : نتا كاتعرفني مزيااان أعصمان فا هاذ الحساسية والرسميات لي ولاو بيناتنا بلاش منهم…..

عصمان ابتاسم ) مابقيتيش غير خوية وصاحبي وليتي اللورد الأول لعشائر المتحولين فا ضروري أني ن..

جبار قاطعو ) ونتا وليتي أحد العظماء الأربع أي مقامك من مقامي …ومن كل هذا أنا مكانهضرش على موضوع الحكم وأني وليت الرئيس … (وشابك يديه مخنزر فعصمان)

عصمان سرط ريقو ) قصدك زليخة !

جبار : غانعاودها ليك لآخر مرة يا عصمان أنا فكل نساء الأرض عندي تلاثة فقط … : لواليدة روحي وجمانة قلبي… وساندرا كُلِّي… فا تحسسك مني ونظراتك ليا كلما شفتيني كانهضر مع زليخة ماعندهم معنى نهاائيا …

عصمان مسح على وجهو وهو كولو متوتر وكايعراق ) ماشي لخااطري أخوية هاذيك لبنت غاتحمقني ركبات فيا الأعصاب أنا مافهمتش واش هي كادير ليا هاذشي بلعاني وضدد فيا أو..

جبار قاطعو ) غاالط يا عصمان ( وقف من كرسيو وتقدم تاوقف أمامو وجلس على حافة المكتب ) واش كاتسنى من زليخة تقطع علاقتها معايا أو مع سليم أو مع وسيم ومالك وخليل (ابتاسم باستهزاء ) من نيتك …هي من نهار حلات عينيها وهي وسطنا.. قالت اسمي واسمك قبل ماتقول اسم باها ومها…أول نهار ليها فالمدرسة داها فارس ..وفالتدريب رفضات يدربها لواليد ولسقات فيا وفيك وفمالك ..وعقلتي نهار عيا فيها خالي إيفان تكمل قرايتها فالمغرب باش تبقا حداه ومابغااتش خلاتو وتبعات وسيم لأمريكا تقرأ معاه… فا ياعصمان من نيتك كاتسناها تولي تتعامل معانا بحدود وكالغرباء ..أو من نيتك كاتغار عليها مني يا عصماان ومن سليم لي عينيه غير على مراتو ولا وسيم حتى هو ولا من فاارس ياعصمان ..

عصمان حنا راسو كاسيرط فريقو ) لو كنتي بلاصتي ماتغيرش ؟

جبار غوت) مستحيييل نكون بلاصتك حيت أنا من الأول مستحييل نبغي أنثى متحررة تحرر زليخة وعندها أصدقاء بزاف واخا يكونو فمقام خوتها ..من الأول مانبغيهاش يا عصماان ومن الأول مانتعلقش بهااااا …ونتا من صغرك عايش معاها و وسطنا وعاارفها كييدايرا وعاارف تعلقها بنا بسبعة ..وواخا هاذشي بغيتيها كييما هي وكنتي فرحان ونتا غير تابعها كااع هاذ الوقت حتى فاش كانت كاترفضك وتصدك كنتي فرحان ..فا آشنو تغير داابا ؟

عصمان لي لعرق كايهبط مع جبينو ) والو ماتغير والو غير البنت لي كانبغي طول هاذ السنين بيناتلي فالأخير اني مكانسوا عندها والو …

(جبار تنهد ووقف من مكانو رجع جلس فكرسي مكتبو حنا راسو على الأوراق )

جبار : بلا محاولاتها طول هاذ الأيام ليدازو باش تعتاذر منك وتسمح ليها …زوزو كانت غاتقتل بنت بريئة بسببك وبسبب لعبتك …فا إذا كايبانليك فعلا أنك مكاتسوى عندها واالو (شاف فيه ) خاسك تفحص عينيك وفأقرب وقت (ورجع حنى راسو على الأوراق)

عصمان : بغيت ن أحم

جبار بدون مايشوف فيه ) غير هضر براحتك …

عصمان لي سكت شوية عاد نطق ) بغيت رأيك كأخ بغيت نعرف موقفك ..يعني لو كنتي بلاصتي أحم لو الليدي ساندرا دارت نفس الشيء لي دارتو أحم معاك زليخة (البوسة) واش كنتي تسمح ليها ؟

جبار هز حاجبو …وشاف فعصمان وهو مخنزر كل ملامحو تسيفو ولكنو نطق ببرود قاتل ) لا مستحيل نغفرها ليها تاضحك(خفظ نبرة صوتو ) ولكن فنفس الوقت مستحييييل نخليها لغيري أي هي غاتبقا دياالي ومعايااا ولكن عقابي ليها غايكون مدى الحياة …غاتعيش الباقي من حياتها مع الشيطان بدل جبار …

( عصمان مخرج فيه عينيه ..من ردو وملامحو…. ندم كليا علاش سولو )

اترك تعليقا