Skip links

قصة : الوحش وذات القزحتين الجزء 2 ( عشق جبابرة ) ج 35

 40,572 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء360🌞

جمانة ابتاسمات ووقفات عنقاتها ) توأم الرووح

ساندرا ضحكات وعنقاتها وجلسات وسطهن ….)

سميحة : فين بتو فين خداك ؟

ساندرا : لليخت ديالو

سميحة : عندو يخت زوين ولكن أنا كايعجبني ديال خوية فارس شفتيه راه هو لي مركون حدا نتاع جبار …وهو اليخت الوحيد لي بالأسود داير بحال الغواصة واعر

ساندرا : شفتو وراه كانو بزاف تما ..

سميحة : كلهم نتاعنا كل واحد من الشباب بيختو وديك الجهة من المينائ نتاع عمي دياب

ساندرا : زويين والجو فالبحر كان وااعر(شافت فجمانة ) أحم كيدازت ليلتكم

البنات ..سميحة وسماح قالو ليها مزيان ..وكلهم شافو ف جمانة هاذ الأخيرة لي سااااهية)

ساندرا : جمانة مالكي ؟

جمانة تنهدات وهي تشد يد ساندرا وزعمات وقالت على بلان الحفلة كووولو وأنهن غايمشيو )

ساندرا مخرجة عينيها ) كيفاش غاتمشيو و بدون إذن حتى واحد من ازواجكم ؟

جمانة: وراه غا شويا مغاديش نباتو تماك شي نص ساعة وهاحنا راجعين

ساندرا: واخا سيرو آه من حقكن تهحضرو لحفلات عيد ميلاد صحاباتكن ولكن قبل خوذو الاذن …

أميرة : هي ماشي صاحبتنا يا ساندرا ..حنا بربعة منلي كنا صغارات عمرنا درنا صديقة بشرية نهاائياااا حنى صحابات وخواتات مامحتاجينش لصحابات أخريات ..راه جمانة غير بغات ماتخسرش الرهان وصاف هاذشي علاش غانمشيو اما راه ماصاحبتنا ما ستحمص

ساندرا : واخا ولكن قبل خودو اذن جبار …

جمانة: ورا هذا هو المشكيل جبار واخا نبقا نحزر فيه تال غذا مغاديش يبغي ومايخليناش نمشيو

ساندرا: خليني انا نهضر ليكم معاه و نحزرو وغايبغي

جمانة خرجات عينيها ): لالالالاااا جبار وكانعرفو مايخلينااش واخا ديري لي درتيه

ساندرا : هو كايسمع ليا كنواعدكم غانقنعو ..

جمانة غوتات )؟ وااا لا ياه والله مغايبغييي

ساندرا خنزرات فيها وشدات بطنها حيت بدأت تحس بلوجع تاني ) كيفاش لا واش فعلا نااوية تمشي بلا خبارو (حركات راسها بلا ) راه لامشيتو غادي نقولها لييه …

(لبنات خرجووو فيها عينيهم ..وساندرا يالاه وقفات
غاتمشي حتى شدات ليها جمانة يدها)

جمانة : ابلاش ماتقولي ليه والو حنا مابقيناش غاديين لفين

ساندرا شافت فيها بتشكيك) كيفاش ؟ ياك يلاه عاد شويا كنتي مصرة تمشي دغيا بدلتي رأيك ؟

جمانة بقات كاضحك) هههه وغاااضحكنا شويا مااغانمشيوش كوني هانية بلا ماتقولي ل جبار والو غي ايصعر على والو هههه اش غانديرو حنا بشي حفلة ههه لابغيت حفلة غانقولها ليه يديرلينا أكبر حفلة …

ساندرا:ماتقلقوش مني ألبنات أنا غير مابغيتش تتعرضو لشي خطر أو تحطو راسكم فموقف خايب مع أزواجكم المهم انا نمشي دبا فيا وجع الدورة

(مشات ساندرا خرجات وهي ضور جمانة عند البنات) حنا غانمشيو لهاد الحفلة

(البنات شافو فيها مابقاو فاهمين فيها والو )

سميحة : اعااد دبا قلتي ل ساندرا مابقيناش غانمشيو !!

جمانة: شوفو انا بعدا غانمشي ولي بغات فيكم تمشي را عارفة امتى غاتكون الحفلة الوقت و نهاروحتى لبلان منين غانخرجوو قلتووليكم …. فا دبرووو راسكم مابغيتووش تمشيو معايا جلسو أنا غاااااااانمشي
(رمات عليهم هاد جوج كلمات وخرجات خلاتهم كايشوفو فبعضياتهم……) ♤■تتمة الجزء 360■□
🍀🍀🍀🍀
نمشيو لمستشفى ستاركس.. عند هاندا لي خرجات من احدى غرف المرضى هازة ملف فيدها كاتقرأ فيه تاتعرض ليها مراد..

مراد: سلام هاندا

هاندا بتاسمات ليه) اهلا

مراد: اش قلتي فموضوعنا شنو قررتي ؟

هاندا شافت فيه باستغراب) أشمن موضوع و بخصوص اش ؟

مراد: مشروعنا علياش هضرت ليك ديك الخطرة

(هاندا يلاه تفكرات الملف لي كان عطاها مابقاتش راجعاتو وتفكراات ايضا انها خلاتو فسيارة خليل) ااه نسييت الامر كليا مهم غانعاود نقلب على الملف حيت مبقاش عندي ونقراه نشوفو و نرد عليك

(مراد توثر وخاف يكون الملف ضيعاتو ويطيح ف ايادي شي حد يفضحو بحكم أن كل الأوراق لي فيه مزورين لا تصميم البناية لا الأوراق المتعلقين بمراد ومعلوماتو الخاصة واالا ميزانية المشروع كذلك كلشيء مزور الشي لي خلاه شاف فيها بتوتر ونطق)

مراد : كييفاش مابقاش عندك فين درتي الملف انا عطيتوليك نتي باش تقرايه زعما و تدرسي المشروع باش تجاوبيني فين خليتيه ضاع داه شي حد ؟

هاندا كاتشوف فيه باستغراب ) : لا ماتخافش الملف عندي غا انا نرجع ونشوفو

مراد ارتاح نسبيا) ااه واخا (مد ليها شي وراق) مهم هادو كايخصوك نتي خاصكي توقعي ليا عليهم

(هاندا شداتهم وهي تحل كاتقرا فيهم وهي تشوف فيه) هادو اوراق مالية كايخصو المشروع.. وخاصني نوقع ونخلص خمسين مليون درهم نصيبي فميزانية المستشفى وكتسبيق نعطيك دابا جوج دالمليون باش نكون شريكة معاك ؟

مراد: تمااماا

هاندا: انا اصلا مزاال موافقت نكون شريكة معاك كيفاش بغيتي نوقع على هادشي ؟

مراد: حيت عارفك غاتوافقي مشروع كهذا كاتستاهلو وحدة بحالك نتي.. طبيبة طموحة وخداامة بنيتها اكيد هاد المشروع مغاينجحش فيه غيرك يا هاندا

(هاندا فكرات فهضرتو وقالت مع راسها تجرب مخاسرة والو) واخا انا غانوقعهم ولكن ماشي دبا حيت حساباتي البنكية مجمدين كلهم حاليا

(مراد شك فداكشي لي فبالو يكون صحيح وهو يسولها) كيفاش مجمدين شكون جمدهم ليك ؟

هاندا:راه خليل هو لي سدهم..

(مراد تاكد من داكشي فاش فكر عرف ان خليل عايق به ومابغاش يخلي دوك الاوراق ل هاندا) صافي منلي حساباتك مسدودين وماعندك باش تصرفي اذن هاد الاوراق..

(قاطعاتو هاندا) لا را عندي كارط بونكير ديال راجلي وهي باش كانتحرك و بها كانصرف…

مراد: اهااه إوا صافي جيبي ليا الفلوس كااش

(هاندا من نيتها وهي عند بالها غاتصرفهم على المشروع) واخا صافي غانجيب ليك جوج دالمليون لي فالعقد كتسبيق المهم واحد شويا نيت فالاستراحة نخرج للبونك نخرجهم ليك

مراد ابتاسم ) : اوك صافي

(مشات هاندا لمكتبها حيدات طابلية وهزات صاكها كانت وصلات وقيتة المساء فاش كايستارحو وخرجات وقصدات اقرب مصرف بنك بجانب المستشفى وسحبات الفلوس من كونط خليل هاد الاخير لي كان فمحكمة المتحولين حتى وصلو ايمايل ان مبلغ مليونين درهم تسحب من كونطو وعرف انها هي هاندا لي سحباتهم وعرف ايضا الغرض وعلاش سحباتهم …..
🍀🍀
نرجعو عند هاندا لي خرجات من البنك هازة لفلوس فصاكها و راجعة للصبيطار وكانت حانية راسها ملاهية مع الساك فاش دايرة الفلوس تاوقف عليها خليل وهي دخل فيه تاكانت غاطيح وشدها من خصرها ..

خليل شاف فيها ببرود) جوج د المليوون 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء361🌞

خليل شاف فيها ببرود) جوج د المليوون

هاندا خرجات فيه عينيها وظناتو مابغاهاش تاخذ فلوسو) شوف لاكان عندك شي مشكل و مباغينيش نسحب فلوسك وغاتبدأ تتحاسب معايا على الدرهم… رد ليا فلوسي وعلاش اصلا ساد ليا حساباتي…..

خليل : ماعنديش مشكل ياهاندا سحبي تا عشر ملايين ولكن بغيت نعرف أشنو بغيتي ديري بهاذ لفلوس؟

هاندا : مكايهمكش (لاحت ليه صاكها ) هافلوسك ودابا عيط ليهم يحلولي كونطاتي …

خليل ببرود ) : لا …

هاندا حيداتليه صاكها ) إذن ماتحاسبش معايا… (وزادت تتخطاه حتى شد دراعها ووقفها ونطق ببرود )

خليل ببرودة) مراد غيير نصاب وغيير مستغلك وباغي منك غيير الفلوس…ماكاين لا مشرووع لا والو كل الأوراق لي عطاك فالملف مزوريين موقع الأرض لي غايتبنا فيها المستشفى ماكاينش أصلا على أرض الواقع …ولبلان أو التصميم ليعطاك على أساس تصميم هندسي لبناية المستشفى هو فالأصل تصميم لمستشفى فاسبانيا سارق تصميمو .. أي كل شيء مزززور …وماشي اول مرة ليه عندو سواابق فالنصب و الاحتيال والتزوير.. وهاد المشروع علياش كايهضر ليك مشروع وهمي هو حتى من معلوماتو الشخصية مزورهم …وكايتسنا غير الفرصة ياخذ فيها الفلوس منك ويغبر بيييهم كيما دار لعشرات النساء الثريات قبلك .. لهذا السبب جمدت حساباتك باش مانخليش ليه فرصة فين يديرها……

(خليل وهو كايعاود ليها وهي غير ماكاتصدم والصدمة خرساتها لدرجة جاتها الدوخة ومالت حتى شدها خليل وشاف فيها ونطق بكل برودة دم)

خليل: تهدني و المهم نتي عطيه الفلوس…

(هاندا مخررجة عينيها )ك ك كيفاش ؟

خليل: هو بغا غير الفلوس عطيه.. شحال طلبليك دبا جوج د الملايين نيت ؟

هاندا: ااه

خليل: نتي دبا عطيه غير مليون وقوليليه غاتزيديه مليون اخر نهار توجديها وتعلميه وقتاش ياخذها…

(هاندا لي معصبة من فكرة أن مراد غير نصاب ومفاهماش خليل) مافهمتش انا علاش نعطيه ياك هو غا نصاب ؟

خليل مهدن وبارد كيما العادة) نتي غيير ديري لي قلت ليك عليه وانا عارف اش كاندير…

هاندا: واخا…

خليل: مهم دبا تعطيه نص الفلوس لي فتسبيق العقد ونص الاخر من بعد.. وقوليليه انك موافقة على المشروع كليا وسوليه شحال خاصك نتي تعطي فنصيبك كمساهمتك فالميزانية الكلية لهاذ المشروع…

هاندا: ق ق قاليا خمسين مليون

خليل ابتاسم باستهزاء ) : صافي سيري والأهم فكل هذا ماتخليهش يحس أنك عقتي بيه….

(هاندا حركاتليه راسها بواخا ومشات رجعات للمستشفى وخليل بقا واقف تاشافها دخلات عاد مشا ركب سيارتو رجع فحالو للمحكمة .. وهاندا دخلات ولقات مراد كايتسناها قدام مكتبها ..هاذ الأخير لي غير شافها جاية وهو يبتاسم ونطق بحماس )

مراد: إوا جبتي الفلوس؟؟

(هاندا غير كاتشوف فيه ساهية شحال خدمات معاه …وكانت كاتيق فيه لدرجة واحد المدة بين ليها اهتمامو وحبو تسحابليها هو فعلا معجب بها وأنه شخص نية ومعقول و فاللخر صدق غيير نصااب ومحتاال.. مراد لي مجاوباتوش وهو يعاود يسولها..)

مراد: مالكي ؟ وفين لفلوس ؟

هاندا عاد فاقت من سهوها ) أ احم والو …

مراد مديق فيها عينيه): قلت ليك واش جبتي الفلوس■□تتمة الجزء 361■□
(هاندا تفكرات اش قاليها خليل..وهي تبتاسم باش ماتخليهش يشك )

هاندا : فلوس ااه الفلوس جبتهم زعما جبت غير النص دابا (حلات ساكها وجبدات منو نص المبلغ وهي تمدو ليه) هانتا هذا مليون ومليون اخر غانعطيه ليك نهار نسحبو حيت دابا كنت زربانة وعطلووني فالبنك …فا انا غانعلمك امتا غانسحبو …

(مراد غير كايشوف فالفلوس وهو يمد يدو خذاهم) ااه واخا هذا عندي هنا حتى تسحبي المليون الاخر وعطيهليا باش نوقعو على العقد….

هاندا: صافي واخا حيت انا فكرت ولقيت عندك الحق ووافقت على المشروع…

مراد: شتي اش قلت ليك نتي لي تليقي به…

هاندا:ااه داكشي.. مهم ماقلتيش ليا بشحال ايتقام علينا المشروع كليا .. بما انني شريكة فيه غايخصني نعرف كل المعلومات واش غير خمسين مليون لي غايخسني نخلص صاف؟

مراد: المهم المشروع غايتقام علينا مم لاخذينا بعين الاعتبار البقعة ومواد البناء والعمال والتجهيزات وحجم المشروع حيت غايكون واحد من أكبر ليكلينيك لي فالبلد فاغايوصل ديك 100 مليون درهم تقريبا..أو يفوتها بشويا و خمسين فالمئة نخلصها انا وخمسين تخلصيها نتي..هاذشي غير أولي حيت مزال غايخسنا المعدات والأجهزة الطبية لي غانجيبو من برات المغرب وميزانتيهم بوحدها غانحسبها من بعد …نتي دابا غير وجديلي مليون فأقرب وقت وخمسين مليون بداي توجديها فحدود شهر خاسها تكون عندي ….

هاندا: ااه واخا صافي مشات غاهو عطيني الوقت فين نسحب هاد الفلوس

مراد: خوذي راحتك غير ماتقوتيش شهر

هاندا: واخا

مراد: متافقين اذن

هاندا غير كاتشوف) عندك شك ؟

مراد: اكيد لا.. اذن غانقوليك ليك مبروك عليك المشروووع انسة هاندا

هاندا: احم مداااام… ومبروك عليك حتى نتا.. (مراد جايعنقها وهي تحل باب مكتبها ) مهم نخليك دبا غانلبس طابليتي تابعاني خدمة
مراد: واخا تانا نمشي

هاندا: بسلامة
(ودخلات وسدات عليها باب مكتبها …ومراد بقا تادخلات وهو يضحك غايطير من الفرحة …)

مراد: صفقة أخرى مربحة ليك مراد ياااس ههههه مكلخة هادي بحال كاع نسا لي سبقوها بف كلكن ناقصات عقل ودين ههههخ بربي تانخليك عالضس هههه اوا اسي خليل هانتا كاتشوف الفلوس و بديت كناخذهم (وهو يشوف غالمليون لي فيدو) واول دفعة من حسابك الشخصي خليل ال ستارك ههههه

(ومشا خارج وهو كايصفر..)
🍀🍀🍀
في محكمة المتحولين …وبالضبط في قاعة المحاكة ///نفسها القاعة ليحولو شباب لستارك لقاعة حفلات …رجعوها لسابق عهدها ///وعلى الطاولة الذهبية الكبيرة لي عليها 204 كرسي …وكل كرسي منقوش عليه اسم رئيس عشيرة ….جالسين بستة بيهم و كلهم غير ساكتين وكايشوفو فيه ….عصمان ومالك وفارس وسليم ووسيم …وأخيرا جبار لي مخنننزر وهو حاني راسو على الحاسوب كايتفرج فكل تسجيلات حفلتهم دالأمس حتى للحظة لي دخلو فيها لي سيرفور الرجال البشريين ..وواحد منهم بغفلة عن الجميع كان هاز هاتف وصور سااندرا …وهاذ اللقطة بالضبط عاودها جبار لعشرات المرات ويديه كايترعدو وتنفسو مسموع فكل القاعة …وكل خوتو ساكتين تاواحد ماقدر يهضر ….حتى تحل عليهم الباب ودخل خليل كليلهث دليل على أنو كان جاي كايجري …جلس جنبهم فكرسيو ونطق ببرود ). 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء362🌞

خليل : كانعتاذر على التأخر كنت مع هاندا فأمر مهم…

عصمان خنزر ) مالها ختي ؟

خليل شاف فيه) والو هي بخير غير عطيتها شي أوراق خلاتهم عندي …(شاف فيهم ) فين وصلتو شفتو التسجيلات ?

(كلهم ساكتين ماجاوبو حد)

خليل : مالكم ؟؟

(كلهم أشاروليه بعينيهم لجبار ..وخليل شاف فيه ونطق بلا مبالاة)

خليل : واش شفتي التسجيل شفتي ولد لحرام صورليك ساندراتك ..

(جبار هز عينيه من على الحاسوب شاف فخليل شوفة دلقتييلة شوفة سكتاتو ..ومد يديه سد هذاك الحاسوب ..وهزو قسمو على جوج كأنه كايقسم لوح شوكولا ..ودوك جوج نصوصة زداهم مع بعض وعاود قسمهم على جوج …ولاحهم ليهم وسط الطاولة ..)

(خليل كايشوف فطريفات لبيسي ونطق ببرود )

خليل : حاسوبي …

جبار مخنننزر ومزير على سنانو ) أشنو لقييتووو….

مالك :واالو لي سيرفور استجوبناهم أكتر من عشر مرات ماعاقلينش حتى على كيفاش وصلو لهنا ليلة الأمس ..هم خدامين فشركة لتجهيز الأعراس…عاقلين حد كانو فسيارتهم دالتريتور غاديين لشي عرس حتى صدقو هنا بلاصت لي سيرفور الأصليين لي حنا طلبنا من شركة أخرى ..ولي لداابا مفقودين !

سليم : أكيد شي ساحر تعرض ليهم وتحكم فيهم بتعويذة الخضووع

خليل : وهاذشي علاش السبعين متحول من فرقة العدالة نشيطين فكل كازا والنواحي حاليا ومازال مالقاو حتى ساحر …

وسيم : أكيد بعدما سيطرو عليهم بتعويذة الخضوع وعطاهم اش يديرو…و هربو من كازا وبحال والو يكون خواو المغرب …

جبار : فيين هم لي سيرفوور وفين الهااتف باش خداو الصورة لساندرااا أكيد بنفس الهاتف وصلو أخبار الحفل لآل جوفر…

فارس: مالقينا عندهم والو يا جبار لا هاتف لا حواسيب لا أجهزة أخرى ولكن..

عصمان قاطعو ) : مور بناية المحكمة لقينا هواتف ولكن كلهم مهرسيين …

جبار خبط فالطبلة ووقف صااعر ) جييبو ليا بقايا الهواتف دابا…

(خليل ومالك وقفو وخرجو ينفذو وسليم نطق)…

سليم :غاتحاول تصايب شيهاتف منهم ياك ..راه بعيني شفتهم الهواتف كلهم مفرتتين..صعب حتى لمستحيل يتجمعو ويتصايبو وحتى لو صايبتي شيواحد منهم الضرر غايكون واصل لنظامو وصعيب يتشعل حتى …

(جبار خنزر فيه وهو سكت …ثواني حتى دخل مالك هاز حقيبة صغيرة بيها معدات …وخليل هاز ساشية خواها ليهم فوق الطبلة …)

خليل : هاهوا تفرتيت أكتر من أربع هواتف …

(جبار حيد الفيست ديالو حطها على كرسي جنبو وحل لعقادي الأولى دالقاميجة..و طرطق عنقو وأخذ حقيبة المعدات من مالك …وجلس كايهز فالقطع دالهواتف كايشوفها ويحطها أمامو والشباب ساكتين كايشوفو فيه وهو كايصاوب الهواتف وكايهضر وهم حاضينين غير السرعة باش كايركب القطع ….)

جبار : حدود المغرب تتسد وتتشدد عليها الحراسة سواء البرية أو البحرية أو الجوية … وسليم بصفتك أحد العظماء غاتعطي أمر مباشر لأعضاء فرقة العدالة يتوزعو فكل المغرب يتأكدو من خلوو من السحرة وفي حاالة لقاو شي ساحر او ساحرة مايتسرعوش ويقتلوهم ….

سليم : حيت ممكن يلقاو سحرة آل بيثروفا لي كايبلنو غير لليدي ساندرا …

جبار : تماماً …و مالك نتا وفارس غاتتكلفو باختيار وبتجنيد سبعين أعضاء جدد من المتحولين ينظمو للسبعين الآخرين لي ففرقة العدالة وبغيت تختارو أقوى المتحولين البالغين لي متحكمين بقواهم كليا ..يتجندو فظرف شهر …(شاف ففارس ) التجنيد يكون على يديك وركز ليا على متحولي قوى الإختراق… التنقل السريع.. النار … والجسد الفولاذي …الدخان التمويهي ..والدخان السام …

فارس : أمرك لورد ■□تتمة الجزء362■□
جبار كايخدم بسرعة وهو كايهضر ) وخليل غاتصدر أمر لمتحولي الجزر النائية يقلبو جزرهم والجزر المجاورة ليهم وأي ساحر شدوه يتغمظوليه عينيه ويتسدليه فمو ويترسل ليا

خليل : أمرك لورد

وسيم :وأنا ؟ أشنو ندير ؟

جبار شاف فيه ورجع حنا عينيه على التفراتيت دالهواتف ) ديرليا بحث عن كل الجزء لي فالعالم وبالضبك الجزر المتوحشة لي مافيهاش حياة بشرية…أو الجزر لي مزال ما اكتاشفوها البشر …

وسيم حك راسو ) جزر مزال ما اكتاشفوها البشر وكيغاندير نلقاها أنا …

(جبار وهو مرككز مع قطعة صغيرة عبارة عن زر ….شادها بملقط صغير بحال النتاف دالحاجبين…حطها مكانها ونطق )

جبار : غانعطيك الموقع غانجبدوليك من هنا (وأشار ليهم للهاتف لي محطوط على الطاولة و لي ركب ليه جبار كل أجزاؤو ..ولي كان سامسونغ أزرق…وبالضبط نفس السامسونغ لي كان باين فالتسجيل تصورات بيه ساندرا ) ونتا بحث عليه ….

(الشباب مخرجيين عينيهم فالهاتف ليكوولو غير مركب غير يسوطو عليه يرجع يتزلع كولو… يالاه الباتري لي صحيح حيت دارليه جبار باتري جديد )

خليل نطق ببرود ) ويخدم زعما ؟

(جبار ابتاسم ومد يديه للهاتف بشوييية ضغط على الزر منين كايتشعل …وثواني حتى تشعل ليهم والشباب حلو فامهم …وجبار بسرعة جبد حاسوبو وبسرعة برونشا الهاتف او الشبه هاتف … بشويية مع الحاسوب بكابل..وبقا كايحرك أصابعو مع كلافيي الحاسوب بسرعة وعينيه على الهاتف لي فأي لحضة ممكن يسكت …وسليم بسرعة وقف خلفو كايشوف … وناضو كذلك كل الشباب وقفو خلف جبار كايشوفو فالمعلومات لي جبد … أربع رسائل لي فيهم نفس المضمون ولي ترسلو من هذاك الهاتف مكتوب فيهم أن ^^^ العروس السمراء لي بفستان أبيض فرحانة فالحفل الفخم …وأن كل الحضور مبتاسمين وهم كايشوفو فيها …وأن العريس (جبار) جالس على الكرسي الذهبي لي يديه عليهم تمثالين لأسد من الذهب^^^ ….رسالة بشري للسحرة لي مفهومها أن :فرحة الحضور بساندرا ..كاتوضح أنهم عطاوها ولائهم…وجلوس جبار على الكرسي الذهبي كايوضح أنه أخد الرئاسة وجالس على كرسي العرش … عاد طلعوليهم الصور التي ألتقطت كلها لساندرا وهي مبتاسمة بفستان زفافها ..ووحدة من الصور كانت واقفة هي وجبار … )

سليم حال فمو وهو كايشوف فالمعلومات ) هاهوا الرقم لي ترسلو ليه الصور والرسائل …

/جبار بسرعة دخل هذاك الرقم فتطبيق ذكي هو لي مبرمجو خاص بتحديد المواقع ..وثواني حتى عطاهم التطبيق إحداثيات لموقع مجهول الهوية فآخر الكرة الأرضية وفمكان فيه غيير البحر ….)

(الشباب كلهم حالين فامهم)

وسيم : التلث الخالي هذا ؟

((جبار مديق عينيه فالخريطة لي أمامو ولي تحددليهم فيها موقع صاحب الرقم ) أنا متأكد جزيرة سحرة آل جوفر كاينة فهاذ المنطقة …

سليم لي كايبقشش فهاتفو نطق ) أنا قلبت فالأنترنيت هاذ المكان لي طلع لينا يا جبار مافيهش الجزر فيه غير البحر ؟

جبار خنزر فيه ) : وبغيتي جزيرة السحرة …دالسحر الأسود لي مخبيين فيها هاذي ألالاف السنين حتى نجحو في إقنااع كل المتحولين أنهم كصنف انقرضووو …. تطلعليك فكوكل يا سليم ؟

(سليم جمع هاتفو ردو لجيبو وهز يديه باستسلام ) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء363🌞

(سليم جمع هاتفو ردو لجيبو وهز يديه باستسلام )

وسيم كايضور فعينيه) : وبغيتيني أنا نلقاهاليك أجبار !

جبار : أكييد هم بطريقة ماااا خافيين جزيرتهم حتى ماتحطاتش على خريطة العاالم ولكن لي حنا متأحدين منووو أنها كاينة فشي مكان هناااا ( وهز ستيلو فيلتر أسود رسم دائرة على شاشة الحاسوب وبالضبط على الموقع لي لقاو أن صاحب الرقم كاين فيه ولي فالخريطة مبين ليهم غيير البحر )

مالك : إذن أشنو الخطة دابا لورد …

جبار :غانسيفط فرقة استطلاع تكتاشف المكان ..

فارس : خليني نمشي أنا …

عصمان :حتى أنا …

جبار شاف فيهم) لا وتاواحد منكم ماغايمشي ولا نسيتو المهام ليعاد عطيتكم (شاف فمالك ) اختار أربع متحولين بقوة عنصر الماء سيفطهم لهاذ المكان (أشار للدائرة لي رسم على الخريطة ) ويمشيو فغواصات…وفقط للإستطلاع …

مالك حرك ليه راسو بواخا …ورجعو جلسو فمقاعدهم كايهضرو …أما خليل قرب للهاتف لي ركب جبار …ومد صبعو بشوووووووووية غير قاصو هو يتفرتت الهاتف …خليل خرج عينيه وهز راسو لقاهم كلهم سكتو كايشوفو فيه …وهو هز كتافو ونطق ببرود )

خليل : غير قصتو …

(جبار مسح على وجهو ورجع كايشرحليهم مهامهم ويعطيهم فالاوامر …وبقاو مجتمعين هكاك حتى لمنتصف الليل عاد ناضو كل واحد ركب سيارتو فاتجاه القصر …ومشاو فالطريق جبار سايق فالمقدمة بسرعة قصوى وهم موراه كايتسابقو …حتى وصلو للقصر فدقة ..جبار غير خرج من السيارة مباشرة دخل..وتبعو عصمان وفارس وسليم ووسيم…أما مالك يالاه سد سيارتو غايدخل للقصر حتى سمع اسمو واستدار لقا خليل خلفو ….

خليل : محتاجك فموضوع …

مالك تنهد ) لا ( وجايدخل حتى مد خليل يدو حطها على كتف مالك وجمدو … بحيث مالك شل كليا عن الحركة ووقف خليل أمامو ونطق ببرود )

خليل : كاتسنى مني نعتاذر ياك ؟ بلا ماتسنى حيت عمرني نعتااذر حيت مادرت تاحاجة غلط منغير بغيت بنت عمي لي اختارتك نتا وهانا بعدت كون هاني (واستدار يمشي بحالو ..حتى تفمر اش نسا ..وقف وتنهد ورجع استدار شاف فمالك الجامد لي مخررج عينيه ..ورجع خليل قرب منو ونطق ببرود )

خليل : وغااتعاوني فواحد لبريكول بغيتي ولا كرهتي غااتعاوني (وحط يدو على كتف مالك فك ليه التجميد …)

مالك تحنا كايتنفس بسرعة ونطق بعصبية ) شفتي نتااا راك حمق وبربي مغانعاونك فشيحاجة وغاتعاود تجمدني غانفقدك الذاكرة …

خليل : اوا عقل عليها…

(مالك ماجاوبوش … وضرب فيه وزاد داخل للقصر كايعاير …وتبعو خليل ….
كل واحد من الشباب توجه لجناحو عند حبيبتو ..سليم لقا سميحة سهرانة كاتفرج فمسلسل وكتسناه ..دوش بالخف وتلاح فحظنها ..وفارس لقا جمانة فجناحو وناااعسة …حيد كل ثيابو بسرعة بقا بلبوكسور وتخشا جنبها وهي مع نعاسها خفيف فاقت عنقاتو ورجعات نعسات ….أما وسيم لقا سماح فجناحها كاتعزف على الكمان ..وبلا مايهضر هزها وبقوة التنقل ظهر بها فجناحو بدأ كايبوسها عيات تصد فيه ولكن بسرعة تجاوبات معاه تاني …أما جبار لقا ساندرا ناااعسة وجنبها القرد وتاني هزو من زنطيطو لاحو فلبالكون ودوش بالخف ونعس فوقها كدائما………..
~~~
بعد مرور تلاث أيام ….وصباح يوم الإثنين …..يتبع 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء364🌞
●○●
الثقة كالأنسان الحي تحتاج سنوات لتكبر ولحظات لتموت…
ونصف الحب ثقة ..ويقين أن نصفك الثاني لن يفعل ما يخذلك من وراء قلبك …..فكل شيئ يكون له فرصة ثانية . . . إلا الثقة…
ويبقى الخذلان كالمرض الذي ليس له دوا…
●○●

بعد مرور ثلاثة أيام.. وفهاد الايام لي دازو…. #فارس في كل مرة كان كايحاول يتقرب من جمانة هي كانت كاتصدو… مامخلياهش حتى يبوسها كاتقوليه حتى نولف ….. وحيت هو من النوع لي مستحيييل يبزز عليها شي حاجة خاصة هادشي.. فهو ماهزش فخاطرو بل متفهمها وبقا معاها ضاحك وناشط وديما مغرقها هدايا فخمة وكايعاملها برقي أي حاجة بغاتها كايديرها وكايقوليها أنه وفرحان معاها ومستعد يتسناها حتى على حساب نفسو ورغباتو كرجل ….. أما جمانة لي سولاتها أمها شيماء ..وحتى أم راجلها جاكلين عن ليلتهم الأولى ..وهي تكدب عليهم وقالت أنها دازت مزيان ونفس الشيء قالتو حتى للبنات وهماتهن أن فارس دخل بيها …

أما #سليم فامابقاش مزير سميحة بزااف..بل ولى عاطيها حريتها حيت سميحة مابقاتش كادير لي يخليه يصعر عليها بل العكس ولا عاجبها الحال معاه بطريقة تعاملو الراقية معاها محسسها كأنها أميرة وهاذشي خلا سميحة ولفااات على طبعو المتشدد وولات كاتعرف ليه وبطريقتها كاتخليه يديرليها لي بغات ولقات راحتها فيه وعاجبها.. ….

أما #سماح لي فهاد الثلاثة ايام بدات كاترطب مع وسيم ومابقاتش طول الوقت غير مخنزرة فيه بل ولات كاضحك معاه وكايخلقو جو مرح بيناتهم …أي بدات كاتوااالف معاه..وشوي بشوية كاتعتابرو كزوج …. ووسيم لي واخذ كل حريتو معاها…وهو الآخر مكايخلي مايجيب ليها وغير ضاحك عمرو غوت عليها أو قلقها .. وفكل مرة كايبغي يتقرب منها واخا هي كاتعارضو فالأول ولكن غييير يبدا يبوس فيها كاترخا ليه كليا وكاتجاوب معاه وهي عاجبها الحال الشيء لي كايخلي وسيم فرحان حيت واخا تعيا تنكر أمامو أنها كاتبغيو نظراتها له وتجاوبها معاه كايفضحوها …

أما #ساندرا لي غيكلي طول هاد ثلاثة الايام الشيء لي خلا جبار ماقاسهاش….فقط كايبقا يبوس ويتلمس فيها تاكايجعر وينوض صاعر… يبرد بالدوش ويجي يتكا حداها تاني يبدأ يبوس يبوس تاايسخن نيت وينوض كايعاير ويبرد جنونو فالقرد لي جوج مرات كان غايلوحو من البالكون غير ساندرا لي كاتفكو …. غير ذلك #جبار كان طول هاد الايام مشغول…. كغيره من الشباب لي كلهم مسالاوش هاد الايام عطاوها غير للخدمة باش يرصيو نظام العشائر حيت جبار يلاه خذا الحكم ويلاه ترأس محكمة المتحولين فاعاود دراسة قانون جاسم كولو ..قانون باه ليماغير فيه والو فقط زاد فالعقوبات المتعلقة ببعض الجرائم ليكان جاسم مخفف عقوباتها ..جبار شددها …. وأيضا درس كل مكايخص العشائر من أوراق وتصنيفات وأفراد وقوى وفئات عمرية …..وحط قوانين أولية متعلقة بعلاقة صنفو مع صنف السحرة ..ودرسها هو وباه جاسم وخالو إيفان …. وهادشي كامل خلاه هو الشباب غرقو فالخدمة مكايجيو للقصر تال وقت متأخر من الليل كل واحد كاينعس فحظن حبيبتو ….. 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء365🌞

وساندرا كاتبقا مع البنات فالقصر مكايخرجوش وخااصة زليخة لي بقات معاقبة من ديك ليلة فاش هجمات على مارال جبار امرها ماتخرجش من القصر وماخرجاتش نهائيا … ومرة مرة هي وساندرا وفي غياب جبار كايتدربو فحديقة القصر باش ساندرا تقوي طاقتها و سحرها الشيء لي خلا زليخة تدربها تدريب قاااسي نوعا ما … لدرجة كاتخلي ساندرا تستنزف كاع سحرها حيت زليخة كاتدربها كيما دربات البنات أي تدريب خاص بالمتحولين … وهكا ساندرا فغياب جبار بقات معظم وقتها مع زليخة…..

والبنات بيناتهم ماعاودوش جبدو موضوع حفلة عيد الميلاد من آخر مرة تناقشو فيها على هادشي وقالت جمانة انها غاتمشي ولي بغات تمشي معاها… لي مبغاتش تجلس … من تما مابقاوش هضرو عليه..

أما #خليل لي ولا حاضي مع هاندا مابقاش كايخليها تمشي مع باه غسان وعمو عدنان للمستشفى بل ولا هو بنفسو لي كايديها مع صباح ويرجعها فالعشية…..وأحيانا كايوصلها ويبقا حاااضيها من بعيد وهي كاتخدم لساعات …. والسبب أنه عاااارف أن مراد ماشي غير نصاب كايحتال على النساء كايدي لهم فلوسهم بل ايضاا كايتفلا عليهم كايقضي فيهم حاجتو ويزيد …عاد عندو سوابق في التحرش الجنسي ومتهم مرتين بالإغتصاب …واخا ماكايتثبت عليه والو ….الشيء لي خلا خليل توسوس وهو خايف على هاندا منو … لدرجة هي كاتخرج احيانا قبل ماتسالي خدمتها وكاتلقا خليل واقف عليها وكايتسناها قبل الوقت.. وغي يلقاها مع مراد كايخنزر فيه … ونبه هاندا ماتبقاش تختلى بيه وتبقا معاه بوحدها…وكولو من خوفو عليها…. وقاليها تحضي راسها معاه وماتشككوش فيها وتبقا مبينة ليه انها موافقة على المشروع ….
وتشدد خليل الأخير مع هاندا خلاها تستغرب منو وحيت هي متأكدة أنه مكايبغيهاش فا رجعات الامر الى أن خليل خايف مراد ياخذ ليه فلوسو أو بغا يحصلو بالجرم المشهود لا أكثر …مدايراش فبالها انه خاايف عليها … ماشي على الفلوس انما عليها هي ……

أما بالنسبة لأميرة العاقلة …فعلاقتها مع مالك كلمالهاكاتقوى نهار بعد نهار …وهو رغم كل المهام ليتزادت عليه كأحد العظماء الأربع …داير ليها وقت وكل مساء كايجلس معاها هي كاترسم فتصاميمها وهو كايصححهم ليها ..وداها وراها البناية لي اشترى فسونطر كازا ولي غايردها فرع من فروع شركتو لتصميم الأحدية لي فالباكستان …وغايحول كل تصاميمو وخدمتو للمغرب باش يبقا معاها كما واعدها ومايبعدهاش عن عشيرتها أي أنه كايوفي بكل وعودو وكل شروطها …. وواعدها بمكتب فخم فشركتو لي غايديرليها فيها فرع وورشة لتصميم الأزياء …أي غايعاونها فتحقيق أحلامها …كل هذا مخليها كل نهار كاتزيد تبغيه أكتر

وهكا دازو هاد ثلاثة ايام على ابطالنا……
🍀🍀🍀

صباح يوم الاثنين وفجناح جبار……

عند ساندرا لي يلاه دوشات وخارجة من دوش لاوية عليها فوطة وأخرى على شعرها …. خارجة كاتسلت و خايفة يشوفها دوشات ويسولها واش سالات لبيريود ومشات منها الدم….. يلاه خرجات وهي تسمع حسو …. جبار لي كان خارج من دريسينغ ….وهي تخررج عينيها و رجعات كتجري دخلات للحمام وسدات عليها الباب…..
أما جبار لي عند بالو كاتقضي روتينها الصباحي ماشي كادوش…ولكنو استغرب من تأخرها فا مشا دق عليها باب الحمام…

جبار وهو كايدق) ساندي نتاعي اشكاديري أشكلاطتي مالكي تعطلتي ؟

(ساندرا سااكتة وهي متوثرة وخايفة تخرج حيت غيير غايشوفها دوشات غايشدها تما نيت وهو فهاد ثلاثة ايام بززززز صابر عليها….وفكل مرة كايسولها عشر مرات فنهار امتا غاتمشي منك …) ■♡تتمة الجزء 365 ♡■
(ساندرا سااكتة وهي متوثرة وخايفة تخرج حيت غيير غايشوفها دوشات غايشدها تما نيت وهو فهاد ثلاثة ايام بززززز صابر عليها….وفكل مرة كايسولها عشر مرات فنهار امتا غاتمشي منك …)

جبار لي مجاوباتوش وهو يعاود يدق عليها) ساندرا غاندخل !!..

ساندرا خرجات عينيها وهي تجاوبو بسرعة ) ا نعام ألا ماتدخلش ..هاني غانخرج …

جبار: تعطلتي !! خاس نزلو نفطرو مع العائلة …

ساندرا : اغاسير نتا انا شويا نتبعك….!!

جبار خنزر ) كيفاش هاذي تاني ….فين عمرنا هبطنا كل واحد بوحدو كانهبطو بجوج يدك فيدي الحب وداكشي لي غايكون حتى دبا وغدا ومنهنا لخمسين عام يالاه خرجي ولا ندخل …

ساندرا كلها كاترعد مابغاتش تخرج) وغاسبقني دبا والله مانتعطل..

جبار نطق بحدة وبكل تأكيد) قلت لا … انا هنا كانتسناك…واش ندخل ؟

ساندرا : ألا أنا أحم كنبدل فالفوطة الصحية غير سير سبقني …

جبار تكا على الباب مربع يديه ) كانتسناك أحبيبتي …

(ساندرا عرفاتو ماغايمشيش لها وهي تنطق مزنكة وبزز كايخرجو لها الحروف)

ساندرا : ج ج جباري

جبار غاسمع ديك الكلمة وللمرة الثانية كايسمعها منها وهو يبتاسم جاوبها) ساندي نتاعي

ساندرا باقا مزنكة بحالا هو قدامها و كايشوف فيها) غا قلت العائلة كاملة كايتسناو فيك مجاتش تعطل عليهم غاسير شويا نتبعك أنا مزال تمالبست ….

جبار مابغاش يمشي ويخليها) قلت ليك..

(ماكملش كلامو حيت ساندرا قاطعاتو و نطقات) عفااك غاسير أج ج جباري…

جبار وهو مخنزر) واخا ولكن اساندرا أول و آخر مرة كل واحد مننا يهبط بوحدو لتجمعات العائلة ….سمعتي غانبقاو ديما نهبطو بجوج دييييما يدك ف يدي

ساندرا فرحات حيت غايمشي ومغايعرفهاش دوشات) واخا صافي…

جبار: راه غاتطلي كثر من خمسة دقايق قبل ماتبدا الدقيقة السادسة غاتلقايني قدامك واقف عليك

(ساندرا مطرطقة عينيها مورا باب الحمام تخايلاتو يديرها) واش دابا غاتشد ليا حساب دقايق ولا كيفاش

جبار نطق بحدة ): آه عندك شيي مشكل ألحب ؟

ساندرا حركات راسها بسرعة بلا وهي بغات غير تفاك معاه) لا لا فهمتك واخا غاسير دبا ماتعطلش كثر من هكا

جبار: واخا لبسي وأجي دغيا وعندااك تعراي …

(ساندرا تنهدات براحة يلاه جات تحل الباب تخرج حتى سمعاتو نطق)

جبار : حوايجك لي تلبسي حطيتهم ليك فوق الفوطوي لي ف دريسينغ (نطق وهو ضاغط على الحروف) داكشي لي حطيت يتلبس ….

(ساندرا عرفات انها لالبسات شيء غير لي ختارهم غايرجعها تاتبدلهم وهي تنطق)واخا هوما لي غانلبس كون هاني

جبار: ووجهك مانبغيش نشوفك مكثرة فيه زواق…

ساندرا: عارفة غاسير

جبار: كانتسناك ماتعطليش

ساندرا: صافي

(ساندرا تسنات شويا حتى مابقاتش سمعات صوتو عرفاتو مشا وهي طل حتى تأكدات انه مكايناش وهي تخرج كا تجري بوجهها لي صفر دخلات للدريسينغ روم وبسرعة لبسات داكشي لي حط ليها ولي كان عبارة عن بودي سامبل فالأسود بليدين معاه جينز فالأزرق ولبسات معاهم سبادري كحلة ..وبسرعة نشفات وسرحات شعرها وكتافات غا بعكر دارت منو شويا ماكثرتاش وكريم مرطب لوجهها وريسيل … ورشات بارفانها د الخزامة لي كادير منو دائما ومشات كاتجري حلات الباب دالبالكون قالت للقرد يتبعها وهزات هاتفها وخرجات كاااتجري قاصدة جناح هاندا……🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء365🌞

🍀🍀🍀🍀

فنفس هاذ الوقت وفجناح فارس..

جمانة يلاه دوشات و لبسات حوايجها وخرجات من دريسينغ حتى كا يبانو ليها ثلاثة علب فوق السرير …ضحكات بحماس ومشات كاتجري وقفات عليهم كاتشوف حتى دور يديه على بطنها وحط راسو على كتفها كايشوف معاها….

جمانة كاتشوف فالعلب) فرفوسي عاد لبارح جبتيليا هذايا (وحطات يديها على السلسلة لي فعنقها ولي هذاها فارس من الذهب ومكتوبة عليها اسمها )…

فارس باسها فعنقها ) وكل يوم غانجيبليك هذايا ….

جمانة حالة عينيها فالعلب) ذوقك فالهدايا كايحمق فيا ترى أشنو جبتيليا اليوم …

فارس: ههه حليهم

(جمانة جلسات فوق السرير وجلس فارس جنبها.. خذات العلبة الاولى لي كانت على شكل قلب حلاتها وهي تلقا فيها كريات شكولا فاخرة وهي تبتاسمات خذات وحدة ذاقتها وهي ضحك وطارت على فارس بتعنيقة )

جمانة : احح الشكلاطة لي كاتعجبني

(فارس ابتاسم وبصبعو مسح ليها جنب فمها من الشكلاط ولحسو ) ممم بنين واش عجبك ؟

جمانة حركات ليه راسها بااه وهي كتاكل ) أصلا من ديما نتا لي كاتعرف نوع الشوكولا لي كايعجبني وكاتجيب ليا منها تاملي كنت صغيرة …

فارس ضحك ليها وهو ينطق) كل أذواقك واختياراتك حبيبتي كاتهمني وخاصني ناخذهم بعين الاعتبار فأي شيء بغيت ناخدوليك

جمانة شافت فيه بابتسامة غبية) وعلاش افرفوسي

فارس ضحكاتو وهو ينطق) حيت كانبغيك اكلوختي

جمانة: أماشي مكلخة انا غيير ذكائي تافه و خارق عن الذكاء العادي فهمتيني ياك دابا كيشفتي ذكائي أنا فاق الذكاء ذكائاً …وحيت الذكاء العادي هو لي أخذ لقب الذكاء….. عليها ذكائي الذكي لي مخلط مع التفاهة أنا مايمكنش يتسمى ذكاء وردوه كلاخ أما هو ذكاء تافه أذكى من الذكاء بعينه…..فهمتيني ياك ذكائي أنا مامنووش جووج ذكائي تااافه … وولاد لحرام سماوه كلاخ…

(جمانة هي كاتشرح وكتاكل كاع فمها وأصابعها عامرين شكلاط … وفارس حال فمو فيها عيا يشد ومافهم منها والو و هي تشوف فيه ولحسات فمها من الشوكولا )

جمانة : مافهمتيش ياك واش نشرحليك بلفرونسي ؟

(فارس مصدوم منها و كايحاول يفكر في اش قالت باش يستوعب منو غا شويا) أحم لا فهمت قلتي ذكائك كايتسمى ذكاء والذكاء ولد لحرام !!! وقلتي نتي..

قاطعاتو جمانة و نطقات) هانتا مافهمتيش شفتي قلت ليك ذكائي خارق اوا شفتييي فهمت انا ونتا لا ..بلاتي نمسح يدي ونشرحليك بلفرونسي…

(فارس غير كايشوف فيها وهي جات تنوض تغسل يدها ..حتى شدها جلسها وأخذ يدياتهاا الصغيورين الرقاق والبويض … وبقا كايلحس كل الشوكولا لي عليهم باستمتاع …أما هي طلعات معاها السخوونية وتزنكات وغير كاتسرط فريقها حتى بدأ كايطلع مع يديها وهو كايبوس …وهي تجرهم بسرعة و نطقات بتوتر )

جمانة : ن ن نحل العلبة الثانية…!

(فارس مسح على وجهو وهو كاينهج …هدن نفسو وابتاسم ليها ..)

فارس : حلي أحبيبتي …

(خذات جمانة العلبة الثانية حلاتها وهي تلقا فيها حذاء كعب عالي فخم فاللون الاحمر كعبو على شكل اوراق نبتة مصنوع من الذهب الخالص …خذاتو لبساتو جاها هو هذاك وهي دور عند فارس والفرحة باينة من عيونها)

جمانة : كي جااني (وهي توقف كاتجي وتمشي قدامو برشاقة ) قولي جا معايا ياك (وشافت فيه كاترمش بعينيها)..

(فارس فرحان لفرحتها وهو كايشوف فرجيلاتها ومرة فمؤخرتها … وقف من بلاصتو تمشا لعندها وحط يدو على خذها) أي شيء لبستيه كايجي معاك صغيرة وبريئة وعفوية ومثييييرة كاتحمقي يا ذات القزحيتين ….

جمانة فرحات وعنقاتو هو حضنها عندو وهي تبان ليها علبة ثالثة فوق السرير) هااء بقات علبة…

فارس: ههه يلاه تشوفيها…

(مشات جمانة للعلبة حلاتها ولقات فيها طقم عقد من الالماس بحلقاتو ومعاه تاج هو كذلك مرصع بالالماس وهي تحل فيه عينيها)

جمانة : وااو

فارس: عجبووك !!

جمانة قاست بديها العقد) زويين

فارس: نتمنى تكون هداياي المتواضعة راقت لذات القزحيتين خاصتي

جمانة شافت فيه) عرفتي بهذاياك وحتى بكلامك وملي كاتقول ليا ذات القزحيتين (دورات يديها حول عنقو وباستو جنب فمو ) كاتفكرني غييير فبابا

(فارس ابتاسم وهو يتحنى بغا يبوسها ففمها حتى نطقات وهي كاتشوف فالعقذ ) لبسو ليا..

فارس ابتاسم و هز العقد) بكل سرور

(جمانة عطاتو بالظهر وهزات شعرها تالبسها العقد وباسها فعنقها … ولبسها الحلقات لي معاه والتاج قالت ليه جمانة تخليه حتى لمرة اخرى وتلبسو..)

فارس: معياش داخلة فالعشية ؟

(جمانة كاتشوف فالعقد نتاعها كاتقيس فيه وهي كاتهضر ) اليوما داخلة مع جوج وخارجة مع ستة..

فارس: كيفاش !! انا عارف لومبلوا نتاعك نتي اليوما كايكون عندك حصص من جوج تال ربعة صافي !

اترك تعليقا