Skip links

قصة : الوحش وذات القزحتين الجزء 2 ( عشق جبابرة ) ج 32

 42,600 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء344🌞

( ديما آل توركانوس ابتاسمات بشر …وإيفان سرط ريقو …وخوت جاسم شافو فبعض …..وجبار تنهد وشاف فساندرا لي عينيها دمعو وشافت فيه …ابتاسم لها وزيير على يدها شاف فيهم ونطق …

جبار : السادة الرؤساء العظام لأعظم عشائر المتحولين فكل العالم : …الواضح أن الأغلبية دالقياد معارضين أني نكون ولي العهد …و..

(قاطعو أحد الرؤساء ) لورد جباار أنت أقوى متحول فصنفنا والإبن البكر للورد جاسم فا مستحيل أننا نعارضوك كشخص (شاف فساندرا ) حنا معارضين أن الساحرة تكون هي الليدي عليينا …فا حنا كانطالبوك تخليها..وتلغي هاذ الزواااج ..فهاذ الحالة كلنا غانركعوليك ملي يوصل الوقت ليتاخد فيه الحكم بدل الأب ديالك ….

جبار ابتاسم وشاف فيه ونطق بتأكيد ) أنا مستحييييل نخلييييها …

نفس الرئيس ) ولكن هاذشي كايبقا مخالف لقانوونا….حنا ماعندنا حتى نص قانوني كايسمح لك كولي عهد عرش المتحولين تتزوج بغير المتحولة أو الهجينة….. وماكاين حتى نص كايسمح لأي متحول أو هجين بالزواج من السحرة …(شاف فجاسم ) وفي هاذ الحالة لووورد.. حنا كانطالبو الولاية تتنقل من اللورد جبار للورد سليم…….
سليم قاطعو بنوع من الصراخ ) أنا مستحييييل نجلس فكرسي الرئاسة بدل جبار يا سيد …

جبار تدخل وغوت ) كييف قلت أنااااا مستحيل نخلي سااااندرا على قبل منصب او قوة (تنهد ونطق بصرااخ ) فااااا أنااا جبار أسد آل ستارك كانعلن أنني….(ويالاه غايتنازل وبصريح العبارة ورسميا عن ولايتو للعرش لصالح أخوه الأصغر وسيم… ..حتى قاطعو جاسم ملي وقف من مكانو وقفة خلات كل المتحولين ركعو …حتى جبار وساندرا كلهم راكعين له …..ووقفات حتى شيماء جنبو )

جاسم مخننزر وغوت ) فنفس هاذ المكاااان وفنفس تااريخ هاذ اليوم وقبل 26 سنة كلكم ركعتو ليا كرئيس جديد على صنفنا …وفنفس هاذ اليوم قبل 26 سنة كلكم ركعتو لشيماااء الهجييينة …. وأنا بصفتي الرئيس الجديد هذاك الوقت غيرت كل قانون نيكولاي القاضي بقتل الهجناء …شرعت الزواج بالهجناء وحرمت قتلهم وأنشأت سجن المتحولين وغريت بزاااف دالأمووور لي كلكم بدوووون استثناء وافقتو عليها بدون تردد ….فا علاش دابا رافضين قرارات رئيسكم الجديد …؟

(شيماء ابتاسمات وشافت فجبار لي خررج عينيه فجاسم ووقف من الصدمة ماشي أقل من باقي الحضور كلهم وقفو مخرجين عينيهم …حتى لستارك من غير العظماء الأربع لي ابتاسمو ..)

جاسم(غوت ) : آه (شاف فجبار وابتاسم) القانون العشائري ديالي لي شرعت بييدي مجمد أي واقف وغير ساري وقفتو قبل أيام …على مايوصل اليوم باش تحط قانونك يا جبار …. (وجبد من جيبو ختمه الذهبي الختم الخاص برئيس رؤساء العشائر وهزو ونطق بصراخ وصوتو كايتردد فكل القاعة ) باسمي أنا جااااسم آل ستارك رئيس عشيرة أل ستارك والرئيس الاول لكل العشائر والقائد الأول لكل قياد عشائر المتحولين …كانعلن رسميا أن ولدي حبار أسد ال ستارك هو الرئيس الحالي لعشيرة ال ستارك …والرئيس الأول لي كل عشائر المتحولين …والقائد الأول لكل قياد العشائر …(وتمشى هو وشيماء حتى وقفو أمام جبار الجامد ..ولي جنبو ساندرا هي الاخرى مخرجة عينها…وجاسم ابتاسم ومد يدو خدا يد جبار حطليه فيها الختم ….)

جاسم : أنا غيرتالقانون على قبل الهجينة فادورك غيرو على قبل الساحرة …حط قانونك لورد جبار ….
( وتحنى له هو وشيماء ….ومباشرة تحناو العظماء الأربع وهزو يديهم كموافقة على الرئيس الجديد…بعدها تحناو كل لستاركس وهزو يديهم..وبعدها السبعين متحولمن فرقة العدالة ..وبدأ الرؤساء كايتحناو واحد بواحد ….حتى بقا فقط جبار وساندرا لي واقفين …..يتبع 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء345🌞

وَ لــَيَ آنسآن من شدّت ولاءِ حبهِ لي آن سآلتهُ : مَنْ آنـآ ؟
ابتَسمَ ليَ وآشآر إلى قلبهَ وقـآل :
[ آنتي قلبـي J♡S]..

(تتمة الجزء السابق)

بعدما قال لي عندو ..وبصريح العبارة ورسميا نقل منصبو كرئيس عشيرتو وأيضا كرئيس كل العشائر ..لولدو الكبير جبار …جاسم تحنى هو وشيماء كإعلان ولائهم لرئيس صنفهم الجديد…..وبعدهم تحناو كل المتحولين وكلهم بدون استثناء هزو يديهم كرمز على موافقتهم على قرار #جاسم ………………●

جبار بقا واقف مكانو …نزل عينيه لختم الرئيس لي حطليه جاسم فيديه…وبعدها هز راسو شاف حواليه …#كلهم محنيين له ولها ……حتى الرؤساء لي عاد هاذي دقائق كانو كايغوتو وراافضين نهائيا تترأسهم ساحرة…هاهم الآن محنيين عاطينها ولائهم ….جبار ابتاسم حيت فهم كل شيء …. فهم أن جااسم كان متأكد كليا أنهم مااغايقبلووش بساندرا ماحد قانونهم مافارضهاش عليهم ….أي إيلا ماتبززاتش عليهم مستحيل يركعو لها …وجبار واخا يعيا يهضر واخا يعيا يحاول يقنعهم ماغايتحناوش ليها …اه هو نجح في اقناععهم بضرورة حمايتها ومساعدتها تدمر الكتاب وهو وساندرا بينو ليهم أن الخطر لي عليهم ماشي هو ساندرا ومعاشرها السبع …بل الكتاب وسحرة آل جوفر …ولكن مستحيل يقنعهم بها كرئيسة عليهم ….حيت هو مجرد ولي عهد ماعندوش سلطة آمرة عليهم.. وماكاين فقانون جاسم حتى نص قانوني واحد كايهضر أصلا على السحرة ….وجاسم كان طول الوقت ساكت وكايشوف فمحاولات جبار وهو عااارف أنها مجرد محاولات فاااشلة ….

المتحولين هم جماعة أساسها الولاء وهم صنف كايتبع قانون محدد وآمر وموحد لهم ….وماحد القانون ماتبدلش وشرع الزواج من سحرة الخير ….فاهم ماغايتقبلوووش ساندرا…وجاسم نهار حط قانونو هاذي 26 سنة ختمو…. أي كأنه نهاه وخلاه قانون عشائري إجباري آمر غير قابل #للنقاش أو #الزيادة أو #التعديييل … حتى من طرفو هو #كرئيس….لهذا هو ماغايقدرش دابا يجي ويعدل القانون ويفرض عليهم ساندرا بزز حيت قانونو #مختووم #منتهيييي….ولكنه يقدر يتخلى على المنصب لصالح ولدو …وفقانونهم أي رئيس جديد كايشد المنصب #كايحط #قانونو #الخااااص…فا الحل الوحيد باش المتحولين يعطيو ولائهم لساندرا كان هو تحويل جاسم الرئاسة لولدو ….وجبار يحط قانونو المتعلق بالسحرة …..//

جبار واقف مبتاسم و ساهي فالختم وكايفكر فهاذ الخطوة لي دار جاسم ….حتى حس بها شدات يدو …شاف فيها لقاها مبتااسمة ودموعها دايزين …أشارت ليه بعينيها لجاسم وشيماء لي مزال محنيين أمامو …عاد فاق من سهوو وخرج عينيه وبسرعة شد جاسم من كتفيه وقفو ..وساندرا وقفات شيماء…

جبار وعينيه فعينين جاسم ) عممرك تعاود تركع ليا أصاحبي عممرك

جاسم ابتاسم ) أمرك يا رئيس كل العشائر… ♡تتمة الجزء 345♡

جاسم ابتاسم ) أمرك يا رئيس كل العشائر…

جبار حرك راسو بلا ) : غاتبقا بالنسبالي أنت هو الرئيس الأول والقدوة …

جاسم طبطب على كتفو ) : حط قانونك يا جبار …

(جبار مبتاسم شاف فباقي المتحولين الراكعين …وحرك ليهم يدو كإشارة وكلهم وقفو…وهو شد يد ساندرا ونطق بنوع من الصراخ …)

جبار : يا رؤسااااء العشائر ….قبل ماغانهضر على القانون الجديد …بغيت لي مزال عندو شي اعتراض على ساندرا كالليدي الأولى أو أي شك ولو صغير …يتقدم ويهضر ….

(الرؤساء شافو فبعض..وحولو نظرهم لساندرا لي تزنكات ….وتقدمو خمس رؤساء فقط وتحناو أمام جبار وبعدها وقفو )

رئيس العشيرة الصينية ) حنا لورد ماعندنا حتى شك فقوتك ..وحكمتك..ونزاهتك ..وعلك (شاف فجاسم) ومستحيل نخالفو قرارات واختيارات اللورد جاسم… (شاف فساندرا ) فا أنا شخصيا كانرحب بك ليدي ساندرا…. ولكن لورد جبار قلتي لنا أن الليدي ساندرا هي أميرة سبع معاشر سحر خيير فا فينهم سحرتها ؟

رئيس العشسرة الكندية ) : حنا كلنا ولائنا لك خالص لورد جبار تماما كولائنا للورد جاسم وتايقين فاختياراتك ولكن بغينا نعرفو فين هو شعب الليدي ساندرا ….

رئيس آخر ) ياك هم سحرة السحر الخير أي من ناحيتنا ماغانآذيوهمش وماعليهم حتى خطر فا علاش ماحاضرينش لإجتماعنا ..

رئيس آخر : علاش الليدي ساندرا جات بوحدها ؟؟ فين سحرتها ؟؟

رئيس آخر : أحم لورد جبار لي بغاو يوصلوليك الرؤساء هو كيما حنا عطينا ولائنا لليدي ساندرا خاس نشوفو سحرتها ويعطيو ولائهم للورد الأول دعشائرنا ….

جبار : وهاذشي لي غايكون … ولكن حاليا سحرة الخير مزال ما قررو يبانو …فاغايجي الوقت لي يبانو فيه سحرة آل بيثروفا وأكيد غايعطيو ولائهم لرئيسهم ولرئيستهم

(ساندرا شافت فيه وسرطات ريقها وهي كاتفكر …واش أصلا غايقبلوها هي المعاشر السبع ..وواش غايقبلو يتحناو لجبار )

جبار: شكون عندو ما يضيف؟؟

( ديما لي واقفة جنب جوكار ومخنننزرة شافت فبعض زوجات الرؤساء لي كاتعرف وحركات لهن حاجبيها بمعنى يتدخلو …وهن غير شافو فساندرا لي جنبها شيماء لقاو هاذ الأخيرة مخنزرة فيهن وهن يحنيو الراس …وشيماء شافت فساندرا )

شيماء :ليدي ساندرا عندك شيء بغيتي تقوليه ؟

((كلهم شافو فيها وهي من نظراتهم جاتها تاني نوبة الهلع ..بدات تتنفس بسرعة و مززنكة وسرطات ريقها حتى حسات بجبار زير على يديها لي كاترجف …شافت فيه لقاتو مبتاسم ليها وهي تنسى كل توترها ابتاسمات وتنفسات بعمق…وشافت فكل المتحولين ونطقات وهي مزننكة ))

ساندرا: السحرة دالخير ..والمتحولين.. عمرهم كانو أعداء …وتاريخنا المشترك مامأرخش حروب او معارك أو كره او توحش بيناتنا بالعكس ذاكر تعاون واتحاد … هدفنا واحد وهو نحافظو على توازن العالم نخفيو حقيقة أصنافنا عن البشر و نمنعو أي طغيان وتجبر ونحميو البشر من الشر دبعض العناصر في كلا الصنفين …. هذا هدف أي ساحر خير حيت سحرنا مصدره هو عناصر الطبيعة وهو مسخر لخدمة البشر ..والأرض … وقانون المتحولين كان ومزالو غايكون قائم على منع قتل البشر أو استعبادهم ..(ابتاسمات) فبالنسبالي ماكاينش فرق بين ساحر خير ومتحول وهجين ….كلنا غانتعاونو على تدمير هاذ الكتاب وكذلك وأي خطر آخر كايهدد الصنفين …وباتحادنا آل جوفر ماعندهم حتى فرصة ولو صغيرة قدامنا ..وأنا كنواعدكم نهار يبانو معاشري السبع (شافت فجبار ) غايعطيو ولائهم لقائدهم الجديد…وغايتبعو قانونو (شافت فيهم) قانون لي غايكون ساري على المتحولين والسحرة بدون تمييز …..

(المتحولين والمتحولات كلهم ابتاسمو لها …وهزو يديهم للأعلى كموافقة….. )

أحد الرؤساء وهو مبتاسم لها وكايشووف فيها ) : مرحبا بك ليدي ساندرا وسطنا….

رئيس آخر ابتاسم ) : وشخصيا كانرحب بيك الليدي الخجولة ساندرا…

( جبار خنزر ويالاه غايضور فيه حتى زير ليه جاسم على كتفو …. وكل الرؤساء بداو كايرحبو بيها واحد بواحد..وهي كاتجاوبهم ومبتاسمة …)

جاسم نطق بهمس ) تهدن …

جبار جاوبو بهمس وبداريجة ) شوووف لكلاب كيولاو كايشوفو فيها وكايفرنسو….بلاتي هذاك قاليها خجولة ياك ؟ ؟ 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء346🌞

جبار جاوبو بهمس وبداريجة ) شوووف لكلاب كيولاو كايشوفو فيها وكايفرنسو….بلاتي هذاك قاليها خجولة ياك ؟؟

جاسم : غير صبر غير فهاذ الإجتماع …

جبار : مالي حماقيت نعاود نخليها تحضر لشي اجتماع آخر يبقاو غير يشوفوليا فيها …

(احد الرؤساء الشباب دإحدى العشائر نطق وهو مبتاسم ) مرحبا بك ليدي ساندرا وسط المتحولين وعندي فظول نعرف من أي دولة نتي ؟

( ساندرا جاوباتو وهي موسعة ابتسامتها..ونفس الرئيس عاود سولها عن سنها ….وجاوباتو …وسولها رئيس آخر عن نوع سحرها ..وهي ولات كاتجاوبهم بطلاقة وكاتشرحليهم وهي مبتاسمة …..و جبار شاف فجاسم مغدد )

جاسم (شافو قرب يتفرقع عليهم ونطق بالداريجة وبهمس): غير صبر …

حبار(بهمس) : تقدر تقوليا كيدرتي حتى صبرتي نتا هاذي 26 سنة ؟؟؟

جاسم خنزر فيه ) ماصبرتش أصلا ماعطيتهمش فرصة يسولوهاليا هكا حيت نهار خديت الحكم صفيتها لنيكولاي ورباعتو وسط هاذ القاعة وكل هاذ المتحولين كانو كايترعدو مني فتلك اللحظة بقاليهم غايسولوهاليا شحال فعمرها ….

جبار طرطق عظام رقبتو ) أصلا تانا جاني ناقص هاذ الإجتماع بلا دم أصاحبي

جاسم خنزر فيه ) : جباار

أحد الرؤساء ) ليدي ساندرا عندي فظول نعرف زواج المتحول أو الهجين من ساحرة أشنو غاينتج عنو من أطفال ؟ واش كاين هجين من نوع آخر أي متحول وساحر فنفس الوقت أي غايكون صنف خامس …

ساندرا مبتااسمة وفرحانة وهي كاتجاوب عن أسئلتهم ) لا كاين فقط الأصناف الأربع …بشر..متحولين…سحرة …..وهجائن (متحولين وبشر )…….مكاينش شي صنف خامس ..وزواج المتحولين أو الهجائن بالسحرة غاينتج عنو طفل يا إما غايكون متحول يا إما غايكون ساحر …حيت مايمكنش المتحول يكون فنفس الوقت ساحر يقرأ لغة السحر ويطبق التعاويذ …والساحر كذلك مستحيل يتولد بقوة وطاقة المتحول …

رئيس آخر مبتاسم وهو كايشوف فالوشم دالتنين فجبهتها ) ليدي ساندرا ممكن تطبقي شي تعويذة أخرى أمامنا من غير لي بينتي بيها ذلك الوشم الجميل …

ساندرا ابتاسمات وشافت فنفس الرئيس ) قوتك يا سيد هي النار فا هجم عليا بالنار وغانطبق تعويذة رد الهجوم غايرجع عليك هجومك….

(الرؤساء خرجو عينيهم )

نفس الرئيس ) باش عرفتي نوع قوتي ؟

ساندرا : السحرة كايحسو بطاقات المتحولين وبالطاقة كانعرفو نوع قوة كل متحول أو هجين…. ماشي كإحساس المتحولين بطاقات بعضكم فقط بدون قدرتكم على تحديد نوع القوة …

(الرؤساء شافو فبعض بانبهار ورجعو شافو فيها …)

نفس الرئيس ) مانقدرش نهجم عليك ماي ليدي تقدري تصدي هجومي أو تعكسيه آه ولكن مع ذلك مستحيل نهجم عليك (ابتاسم)

(ساندرا ابتاسمات ليه وهي مزنكة ويالاه غاتجاوبو حتى نطق رئيس آخر ليكان شاب فجيل شباب لستارك )

رئيس آخر )ليدي ساندرا واش عندك أخوات ؟ 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء347🌞
رئيس آخر )ليدي ساندرا واش عندك أخوات ؟

(خوت جبار حبسو الضحكة وشافو فيه …وهو لي عيا يخنزر فالرؤساء ولكن مشافوهش أصلا عينيهم غير على ساندرا..عض شفايفو مفقوووص…وشاف فساندرا لي يالاه حلات فمها كاضحك باش تجاوب الرئيس حتى ضربات فتخنزيرة جبار وهي تجمع الضحكة وصقلات وجبار شدها من يدها وردها خلفو ….و شاف فالرؤساء مخنننننزر نطق بنوع من الصراخ )

جبار : الساااادة الكرام!!!!

(كلهم سكتو …كايشوفو فيه ونطق )

جبار :خاااسنا نهضرو فقانووونا امكن ؟؟؟؟

(الرؤساء ساكتين كايشوفو فبعض وهو مخنننزر فيهم )

جبار : فاااا بالنسبة للعظماء الأربع نواب الرئيس (شاف فيهم ) أنا ماغاديش نغيرهم من غير إذ هم بغاو يرشحو غيرهم لمنصبهم فلهم الحرية…..

جوكار لي مبتاسم قرب من جبار ونطق ) لورد جبار شخصيا بغيت نحول منصبي لولدي الآغا عصمان إذا كنتي موافق ؟

إيفان هز ختمو وعطاه لسليم وهو مبتاسم) وأنا كذلك بغيت اللورد سليم يشد مكاني بعد موافقتك لورد جبار

آرجون / رئيس العشيرة الباكستانية وأحد العظماء/ وأنا لورد جبار بما أنني غير مؤخرا حولت رئاسة عشيرتي لولدي سيف فا غانخلي منصبي كأحد العظماء الأربع لولد خوية أمير ..لمالك إذ هو وافق ؟ وإذا سمحتو لورد

( ووقف آخر عضو من العظماء الأربع هارون رئيس العشيرة الهندية وخال أم خليل )

هارون : وأنا لورد بغيت نخلي منصبي لولد بنت ختي لخليل آل ستارك إذ هو وافق … وإذا قبلتو لورد …

(عصمان سليم مالك وخليل شافو فبعض … وجبار نطق )

جبار : إذا كانت هذه رغبتكم فأنا موافق …كيما كاتعرفو فقانون جاسم …الرئيس مامنحقوش يعين أفراد العظماء الأربع من نفس العشيرة … أو من نفس عشيرة الرئيس….أي أفراد العظماء الأربع خاس يكونو كل واحد من عشيرة مختلفة….. #إلا في حالة ترشيح العظماء الأربع السابقين للأفراد الجدد بدالهم…أي في حالة اختيار العظماء بنفسهم لبدائلهم…..
و أنا ماغاديش نلغي قانون اللورد جاسم..بل قفط غانزيد عليه بعض البنود الأساسية المتعلقة بالسحرة وأيضا بالمتحولين والهجائن …
هاذ التغيير لي غانهضرو عليه في اجتماع رسمي خاص غانحدد ليكم موعدو من بعد…. (شاف فخوتو ) فا يا عظماء واش قابلين بمناصبكم ؟

(سليم مبتاسم تقدم وفيديه ختم إيفان وتحنى أمام جبار على ركبة وحدة وحاطط يدو لي شاد بها الختم على صدرو جهة قلبه )

سليم : أكيد لورد أنا معاك دائما أخوية

عصمان هو الآخر أخذ الختم دباه وقرب تحنى أمام جبار كسليم) قابل وشرف ليا لورد…

مالك أخد ختم عمو ودار نفس الشيء ) أكيد لورد موافق وشرف ليا …

(كلهم شافو فخليل لي نظراتو باردة ..وأيار أمو كتغمز فيه يتحرك وغسان باه حابس الضحكة ….. خليل تنهد وتقدم أخد ختم خال ماماه ووقف أمام جبار )

خليل ببرود ) أكيد أنا معاك لورد (وتحنى )

جبار ابتاسم ) إذن بصفتي الرئيس الجديد ….لعرش المتحولين …كانعلن رسميا أن أعضاء العظماء الأربع الجدد ونوابي هم ..سليم آل ستار ..مالك آل ناميكخ …عصمان آل توركانوس ..وخليل آل ستارك …. وفي اجتماعنا القادم …غانعطيكم وثيقة القانون المعدلة والتقسيم الجديد لفرقة العدالة … أما الآن …بغيتكم كلكم تستمتعو معانا بهاذ الحفل ….
(الرؤساء كلهم هزو أيديهم بالموافقة …وجبار أشار لهم بيديه يجلسو فطاولاتهم …وزليخة لي مبتاسمة مشات بسرعة لجهاز الموسيقى علات صوت الموسيقى لي كانت هاااادئة …..

شيماء عنقات جبار ) مبروك أحبيبي

جبار باس يدها ) أول وآخر مرة تركعي ليا…(ويالاه غايبوس يدها تاني حتى طيرهاليه جاسم)

جاسم : لبس عليك واش غاتبقا بصدرك عريان نهار عرسك (وجر شيماء جلسو على طاولتهم ) ♡تتمة الجزء 347♡

جاسم : لبس عليك واش غاتبقا بصدرك عريان نهار عرسك (وجر شيماء جلسو على طاولتهم )

(جبار شاف فساندرا لي ضايرين بها البنات فرحانات كايعنقو فيها وحتى هي غير كاضحك ….حتى وقفو عليه خوتو)

سليم : ها باب وسديناه ….

فارس : دبا هاحنا مسااليين لآل جوفر….

جبار : وللكتاب

وسيم : جبار خاسك تلبس أجي معايا عندي ثياب فسيارتي …

(جبار شاف فساندرا …وفارس نطق )

فارس : غير سير حنا هنا …

(جبار حرك راسو بواخا ومشا هو ووسيم خرجو من القاعة …والشباب التاحقو بالبنات وقفو معاهم …..وفي طاولة خاصة واقفين بعض السيدات من زوجات الرؤساء …حتى وقفات عليهم ديما مزنكة بالأعصاب ونطقات بهمس )

ديما : ياك واااعدتوني ماغاتقبلووش بيها وااعدتوني غاديرو لي فجهدكن باش تقنعو ازواجكم بعدم إعطائها ولائهم !!!

زوجة أحد الرؤساء ) فعلا وهاذشي فرئاسة اللورد جاسم ولكنو حول الرئاسة للورد جبار فا هو الرئيس الآن وهو لي كايقرر …

زوجة أخرى لأحد الرؤساء ) والقانون الجديد غايكون اكيد مشرِّع لزواج صنفنا من السحرة فا اشنو الداعي من رفضنا لها !!

زوجة اخرى لأحد الرؤساء ) عذى عن كل هذا الليدي ساندرا واضح عليها متواضعة وخجولة كنظن هي مناسبة للمنصب…

(هن كايهضرو وديما كاتغدد …خنزرات فيهم واستدارت شافت فساندرا لي كاضحك مع البنات ونطقات بهمس )

ديما : ضحكي وفرحييي فلحظاتك الأخير يا سااحرة …..
🍀🍀🍀
/عند زليخة لي واقفة جنب باها وعينيها على عصمان لي فرحان وهو كايشوف فختمو دمنصبو الجديد …استأذنات من إيفان وتمشات بخطواتها المثيرة حتى وقفات جنبو /

زليخة : مبرووك

عصمان شاف فيها ببرود ) شكرا

زليخة : جا معاك المنصب

(عصمان شاف فيها بدون رد ويالاه استدار يمشي حتى شدات يدو وقربات منو كاتشوف فيه بطريقة مثيرة)

زليخة : يا ترى واش يقبل الآغا عصمان برقصة مع شقراء لستارك ؟

عصمان حيد يدها من على يدو ونطق ) طلبيها من جبار (ويالاه استدار يمشي تاني حتى شدات يدو )

زليخة مخنزرة) أشنو كاتقصد واش مزال شاد فهذاك الموضوع ؟

عصمان زيير على يديه وبزز صابر مايغوتش وكولو كاينهج ) : ماقصدت واالو ياك تصاالحتي معااه وكعاادتك استاغليتي هاذشي ورجعتي تاني لحركااتك باش تخليه مهتم غييييييير بيك ….وبراافو نجحتييي ولكن غير بقاي تتقربي منووو بحركاتك المعهودة حتى غاتجبديلو شي مشكل مع مراتو باش يضرب عليك هاذ المرة نهاائيا..اما أنا عطيني غير التيساع …

زليخة مخننزرة وعينيها عامرين دموع ) كااتغلط يا عصمان والله حتى كاتغلط وهاذشي كولو لي قلتيه ماصحيحش

عصمان زييير ليها على يدها باش شادة يدو حتى خرجات عينيها من الألم ونطق وهو كاينهج وكايتنفس كأنه مخنوق ) ماااكاتهمينيش سمعتي مكااتهمينييش سيري عندو ضحكي معاه غير هوا وهضري معاه وركبي معاه فسيارتو وحتى خرجي معاه (نطق بنوع من الصراخ) مكااتهمينيييش ولكن بربي وتجبديلي معاه مشكل آخر حتى غاندمك بطريقة أخرى…

(وطلق يدها بانو دفعها وزاد صاااعر بانتليه مرال واقفة مع أعضاء كتيبتها دفرقة العدالة ..وبلا مايهضر جرها من يدها من وسطهم حتى لوسط القاعة وشدها من خصرها كايرقص معاها …. أما زليخة فا بقات واقفة مكانها جامدة كاتفرج فيهم ..طاحت لها دمعة ولكن بسرعة مسحاتها وتحركات وقفات حنب البنات والشباب ….

جمانة لي معنقها فارس من الخلف ) : فواحد اللحظة قلت صااف هاذ العرس غايتحول لحلبة تمرد خفت بزاف …

سميحة لي شادة دراع سليم ) حتى أنا …

مالك لي شاد يد أميرة ) ماعندكن من آش تخافو وكل شيء كان مدروس

اميرة شافت فيه ) لو ماتدخلش عمي جاسم وقال أنه أصلا جمد القانون العشائري ديالو وأن خوية جبار هو الرئيس الجديد يحط قانونو ..أشنو كان غايقول جبار ؟ واش فعلا كان غايتنازل عن الولاية ؟

سميحة شافت فسليم ) ولمن ؟ ياك نتا رافضها…؟

( الشباب شافو فبعض ..وكل البنات وساندرا كايتسناو الجواب)

سليم : كنظن خطة جبار البديلة كانت هي وسيم …حيت هو مستحيل كان يسمح العرش يتنقل لعشيرة أخرى غير لستارك ..أو لمتحول ماشي بقوة الإستنساخ (شاف فساندرا لي مخرجة عينيها ) فكما قالت الساحرة الأولى ألكساندرا متحولي الإستنساخ هم الأنسب للتسيير أي قياد بالفطرة … وعرش المتحولين لاتحط فيد متحول آخر ماغايقدرش عليه ويقدر يطغى فا جبار كاين غايتخلى عن المنصب لوسيم…🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء348🌞
سماح طلقاتها بضحكة حتى شافو فيها كاضحك بدموع ) ههههه ماتديوش عليا هههه غير تخيلت وسيم جالس على كرسي الحكم بعويناتو هههه وهو كايضحك ههه ماعندو حتى ديك تخنزيرة الحرشة لي تبينو جدي هههه غايبقا يقتل الرؤساء غا بالضحك هههه(وتحنات كاضحك بدموع وهي كاتخبط ففخاضها )

سليم شدها من أذنها ) كاضحكيلي على خوووية يا سمااح وراه رااجلك زعما…

سماح : أححح طلق طلق واغير ضحااكت …

(سميحة لي مخنزرة فختها شداتلو يدو حتى طلق سماح وشافت فيه كاترمش عويناتها بإثارة ) نرقصو أحبيبي….

سليم ابتاسم وجرها لحلبة الرقص …وجمانة يالاه شافت ففارس حتى ابتاسم وهزها من خصرها بيد وحدة وهي دورات يدها حول عنقو كاضحك وتبع سليم ..وتبعوهم أميرة ومالك …../

سماح تنهدات وجلسات فطاولة لستارك جنب هاندا وزليخة…)

أما ساندرا ….واقفة جااامدة بصدمة ….وآخر شيء سمعاتو هو كلام سليم عن خطة جبار البديلة ….وتذكرات نهار سولاتو إذا ماقبلوش بيها الرؤساء وخيروه بين الحكم وقواه ..وبينها هي واش غايخليها …وقاليها يخلي منصبو وعشيرتو وقواه على قبلها…لكنها حسات بيه بالغ وماقدراتش تستوعب أنه فعلا غايديرها ….سرطات ريقها واستدارت شافت فكل القاعة كاتقلب عليه مبانش ليها …شافت فباب القاعة وهزات فستانها وتحركات بخطوات سريعة حتى قربات للباب تخرج و قطع طريقها …

خليل كايشوف فيها باستغراب ) فين غاديا ؟

ساندرا : عند جبار هو مكاينش هنا ؟

خليل : خرج مع وسيم غايلبس عليه ويرجع أجي معايا حتى يرجع ممنوع تخرجي بوحدك…

(ساندرا حركاتليه راسها بواخا وتمشات معاه حتى وصلها لطاولة لستارك وجلسات جنب شيماء وجاسم..وهي عينيها غير على الباب دالقاعة )

شيماء شدات يدها ) أنا كنت متأكدة منك نتي اليوم بينتي لكل لستارك وكل المتحولين أنه ماشي شخصيتك ضعيفة بالعكس شخصيتك قوية وبزاف نتي فقط خجولة والخجل ماعمرو كان ضعف بالعكس جمالك فخجلك فا بقاي دائما هكذا

(ساندرا تزنكات وشيماء ضحكات وعنقاتها )
🍀🍀🍀🍀
أمام باب أحد الأجنحة لي جنب القاعة دالحفل …واقف وسيم مخنزر…حتى تحل الباب وخرج جبار مبدل عليه وختم الرئاسة معلق على صدرو …شااف فوسيم وهز حاجبو …)

جبار : أش تم

وسيم مخنزر وقف قدامو ) من نيتك كنتي غاتنقل ليا الولاية ؟

جبار تنهد ووسيم كمل كلامو )

وسيم : شفتك كنتي كاتشوف فيا ونتا كاتهضر على شويا وكون ماتدخلش الواليد كون نقلتيها ليا ياك ؟ وفنظرك أنا غانقبل ؟ ♡تتمة الجزء 348♡
وسيم : شفتك كنتي كاتشوف فيا ونتا كاتهضر على شويا وكون ماتدخلش الواليد كون نقلتيها ليا ياك ؟ وفنظرك أنا غانقبل ؟

جبار : آه حيت كون نقلتهاليك ورفضتي غايكون لواليد مضطر ديك الساعة يعلن عن فتح الترشح لولاية عرش المتحولين أمام باقي العشائر وأغلبهم غايترشحو بهذا غاتحول الرئاسة لعشيرة أخرى

وسيم مخننزر حرك راسو بآه ) إذن كنتي غاتحطني أمام الأمر الواقع ياك بزز مني نقبل… سليم مستحيل يجلس بلاصتك وأنا بزز نجلس ياك ؟

جبار حط يدو على كتفو )وسييم نتا هو أنا ..وسليم هو نتا …حنا بتلاثة وااااااحد فا مكااايهمش شكون فيينا جلس على هذاك الكرسي حيت لو جلستي نتا …فا راه لا أنا لا سلييم مغانخليوش كل المسؤولية علييك ولو كان سليم لي أخذ الحكم كذلك مغانخليوهش بوحدو… حنا واحد اصاحبي الأولوية هنا ماشي شكون يجلس على كرسي الحكم بل الأولوية هي الحكم يبقا فيد لستاركس وبالضبط واحد من حوش الاستنساخ التلاث ….

وسيم تنهد ) فاش شفتك كاتشوف فيا قلبي كان غايسكت نتا عارف أنا ماشي دهكذا منصب …

جبار ابتاسم ) ماكنتش غانخليك بوحدك وعمرني نحط عليك شي مسؤولية كبيرة ونخليك تهز ثقلها بوحدك

وسيم : وحتى ولو ….أنا راه نوقف قدام داك العدد دالرؤساء نبق غانضحك مشااات الهبة دالرئيس

(جبار ضحك ولاح عليه يدو وجرو غاديين في اتجاه القاعة )

🍀🍀🍀🍀

داخل القاعة …جاسم وخوتو مجمعين مع بعض الرؤساء …فحين شيماء وسيدات لستارك مجمعات مع بعض زوجات الرؤساء …ولي كوبل فارس جمانة …مالك اميرة …سليم وسميحة وعصمان ومرال كايرقصو وسط القاعة مع بعض الثنائيات الأخرى من المتحولين والهجائن….

/ساندرا جالسة جنب هاندا وسماح وزليخة …وساكتة ساااهية فالباب دالقاعة كاتسناه …وزليخة عينيها غير على عصمان ومارال وباين فوجهها الحزن ..أما هاندا عينيها على خليل لي دايرات عليه بعض السيدات والبنات المتحولات النوبة كايتصورو معاه وهو فرحاان …قلبات عينيها وشافت فزليخة …

هاندا : زوزو

(زليخة شافت فيها )

هاندا : مالكي وأشنو المشكل لي بينك وبين عصمان علاش ماكاتهاضروش كاع ..؟

زليخة : مافيا لي يهضر يا هاندا

سماح شافت فساندرا) تعطلو جبار ووسيم يالاه نمشيو نشوفوهم …

(ساندرا سااهية وماسمعاتهاش )

سماح : هييهو ساندي وافين سارحة…

(ساندرا ماسمعاتهاش تاني حاضية الباب ..وغير بانليها داخل هو ووسيم …وقفات من مكانها …وجبار غير شافها ابتاسم واختفى من مكانو ظهر واقف جنبها …)

جبار : كنعتاذر تعطلت عليك …

(ساندرا كاتشووف فييييه بنظرة زعزعاتو …. مجاوباتوش وعينيها دمعو …وهو استغرب وخنزر )

جبار : مالك شكون قاليك شيحاجة ؟

(ساندرا ابتاسمات وتعلات على أصابعها و تلاحت عليه بتعنيقة قوية خشات راسها فعنقو ومزييرة عليه…وهو ابتاسم ودور يديه عليها خاضنها استنشق عطرها ونطق )

جبار : عرفتي شحال كنت كانتسنا هاذ التعنيقة …

ساندرا شافت فيه وهي مزالا بين يديه ) غانبقا نعطيهاليك دائما ….

جبار : عقلي علا كلامك (وهزها بين يديه وهي كاضحك ضار بيها بها حول نفسو وتوجه لحلبة الرقص…خواوليهم ليكوبل الوسط وحطها وبدأ كايرقصو معاها ….6🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء349🌞
(سماح زليخة وهاندا دايرين يد على حنك وكايتفرجو فيهم )

هاندا : زويينين

زليخة : آه

(سماح تنهدات حتى همس ليها وسيم لي واقف خلفها فأذنها )

وسيم :وأنا

(سماح استدارت شافتو ووقفات ) ونتا آش

وسيم : بغيت تعنيقة

(سماح قلبات عينيها ويالاه جات تجلس حتى شدها من يدها جرها لحلبة الرقص كايرقصو …. وزليخة وهاندا وقف عليهم خليل )

خليل : زوينات شكون تبغي ترقص؟

زليخة شافت فهاندا لي ساكتة ) رقص مع خطيبتك (ووقفات) غانمشي عند حبيبي نطلبليه رقصة (وخلاتهم ومشات عند باها ….وخليل مد يدو لهاندا وهي تنهدات ووقفات معاه توجهو للحلبة ….
🍀🍀🍀
عند جبار لي يد شاد بيها يد ساندرا والأخرى حاطها على خصرها كايلمسها بحرية بأطراف أصابعو صعودا حتى لرقبتها وكاينزل مع طووول شعرها حتى لخصرها …وهو خاشي راسو فعنقها..وكل شوية كايطبع عليه قبلة ….وهي كلما باسها فعنقها كاتعظ شفتيها …. كايرقصو رقص هادئ وهي كاتحرك باحترافية مع الرقصة وماغلطات فحتى حركة الشيء لي خلاه كعد راسو وشاف فيها مخنزر )

جبار : شكون علمك الرقص بهاذ الاحترافية؟؟

ساندرا ابتاسمات ) ملي كنت صغيرة كنت كانقرأ وكانخدم فنفس الوقت ووحدة من لخدامي لي خدمتهم أني كنت كاندير لميناج لمدرسة دالرقص فاسبانيا وكنت كانظف وفنفس الوقت كانبقا حاضيا المنخرطات في المدرسة وشافتني مدربة الرقص لي كانت سيدة طيبة وكانت كاتقوليا غير كملي خدمتك دغيا واجي تتعلمي …فا كنت كنسربي خدمتي وكندخل معاهم تعلمت منها بزااف دالأنواع دالرقص

(جبار ابتاسم ابتاسمة شيطانية وقرب حتى قاص أنفو أنفها )

جبار : والرقص الشرقي

ساندرا مزننكة بزز نطقات ) ح ح حتى هو …

جبار : إذن هاذ الليلة نشوف مهاراتك فالرقص الشرقي

(ساندرا مزنكة وهو ضحك وخشا راسو فعنقها ….وجنبهم كايرقص عصمان لي عينيه على زليخة لي كاترقص مع باها إيفان وهي كاضحك )

مارال كاتشوف فيه وتنهدات ) عصمان حتى لإييمتا غاتبقا هكا ؟؟

عصمان شاف فيها وباين فيه معصب ) اشنو قصدك ؟

مارال : قصدي زليخة هي مابقاتش كاتعصب بمرة ملي كاتشوفك معايا بل بالعكس نتا لي غير كاتشوفها قريبة من جبار كاتبغي طرطق فا علاش مزال مقصح راسك …

عصمان : ماتدخليش…

مارال : كيفاش مانتدخلش فالأول قلتليك اشنو بغيتي قلتي ليا بغيتي تبغيني وتبين أنك باغيني (حطات يدها على خدو ) وافقت نلعب معاك هاذ اللعبة احبيبي ودابا كاتقوليا ماتدخليش وبغيتيني نخليك كاتعدب فروحك بحال هكا؟ نتا كاتبغيها بزاف غير مجروح والشخص الوحيد لي غايعاونك تتجاوز هاذ الجرح هي زليخة بووحدها خاسك غير تعتارف بهاذشي لراسك….

(عصمان تنهد بدون رد ….وماشي بعيد عليهم كاترقص زليخة مع باها لي كايخليها بكلامو غير كاضحك…حتى جات عينيها عليهم وشافت فمارال كيفاش حاطة يدها على خدو ومقربة وجهها منو …الشيء لي خلا كل ضحكتها تبخرت وعينيها عمرو دموع)

إيفان كايشوف فيها باستغراب ) زوزيتي مالكي يا ذهبيتي

زليخة شافت فيه ) عييت أبابا عييت والله حتى عييت

إيفان خنزر مافاهم والو ) وملي عيتي قوليها ليا نوقفو رقص أجي تجلسي أحبيبتي (وجرها خرجها من حلبة الرقص وهي عينيها غير عليهم وبزز حابسة دموعها )
🍀🍀🍀

عند وسيم لي مستغل كل الفرص ..خاشي راسو فعنقها …ويدو على خصرها كل شيوية يطلعها يلمس ظهرها العاري)

سماح : أهاداك هاه هدااا حسن ليك

وسيم نطق بهمس فأذنها ) مرااتي يا سمااح…

سماح : ماتنسااش راك خليتيني نقبل هاذ الزواج غير بالتهديد

وسيم : كاتبقاي مراتي…

سماح : غير بلا ماتشحف راسك راه ماغاتقيصنيش…

وسيم غمظ عينيه وباسها فعنقها حتى قفزات ونطق ) هاحنا غانشوفو ….

(وماشي بعيد عليهم هاندا بين يدين خليل لي كايشوف فيها باستغراب)

خليل : مالك اليوم ؟

هاندا شافت فيه ) علاش جمدتي كل حساباتي البنكية وبدون إذني او بدون حتى ماتقولها ؟ واش أنا مونيكة عندك ماعندي رأي ولا شنو ؟

خليل ابتاسم ) حيت بغيت

هاندا : ماشي بزاف عالغرور هاذشي

اترك تعليقا